مشات فتجاه لابسين وقفات مابان ليها تاواحد يلاه اترجع وهي تسمع صوت طليفون شافتو محطوط على الحافة لابسين وحداه فوطة.. قربات بقات كتشوف تحنات باش تهزو وهي تقفز فاش شي حد خرج من لما بالجهد تا جات طايحة اللور هزات رأسها شافتو خارج من لما بصدرو لعاري فازك وكيبري مع شمس وشعرو راجع اللور وكينقط بلما شاف فيها وتحنة هز طليفون وجاوب كانت شي مكلامة مهمة كيتسناها هي ناضت ونفضات يديها وبقات واقفة كتشوف فيه وشعرها كيديه ويجيبو ريح وهو عاطيها بالضهر ومركز مع المكلامة.. بدأت كدقق فعضلاتو لمطراسية وجسمو الضخم كتحس بقلبها كيدردك تفكرات الفكرة لي جات فبالها لبارح ماعرفاتش واش تقدر ديره ولا لا. زعمة تقدر طيحوو،بلا ماضيع راسها وتاخد منو لفلوس لي باغة؟تنهدات هدشي صعيب بزاف خصوصا هي مزال مراهقة وماعارفة والو فهاد الدنيا .نفضات هاد الافكار شيطانية من راسها وحنات راسها بغات تمشي هدشي لي كدير خايب.يلاه ادور وتمشي بحالها وهو يقطع ويشوف فيها :مزالة هنا
عائشة ماجاوباتوش تمات غادة وهي توقف رجعات عندو كان كيخنتش فطليفون وقفات اونفاص معاه :بان ليا كلشي كتفهمو نت غالط ماشي حيت لقيتيني فبيتك المرة لولة وتانية هدا كيعني اني كنقلب عليك ولا شي حاجة وماشي حيت كنشوف فيه هدا كيعني طايحة فيك ولا مانعرف غير كنسهة وصافي.انا باقة صغيرة وطايشة فاش كتعجبني شي حاجة كتبقة فبالي سوميج لبستها حيت جدباتني.والعطر ديالك غير محيت عجباتني ريحتو.ماتبقاش دير فيا ديك الشوفات وتعاملني بحال هكا هاد الدار كنجي ليها على ود صاحبتي ماشي علة قبلك نت ماكاتهمنيش اصلا ماشي من النوع لي كيعجبني نت شارف عليا وانا باقة صغيرة لا بغيت شي حد يعجبني خاص يكون من السن ديالي وخاص يكون ضريف وماحاسش براسو ومايديرليش فيها هو الملك ولا ااسلطان سليمان وزايدون اخويا نت مزوج اش جابني ليييك.
يوسف ملي بدات تهضر ماشافش حتة لجيهتها عنيه على طليفونو كيخربق فيه هز راسو وشاف فيها بكل برودة:صدعتيلي راسي
عائشة:بغيت غير نفهم علاش داير راسك فياا
يوسف تنهد ودوز يديه على راسو ورجع شاف فيها ولكن هاد المرة بحدة:من الاحسن ماماتبقايش تباني قدامي وملي نكون انا فشي بلاصة نتي خويها سمعتيني
يلاه اتهضر وهو يشدها من دراعها وزير تا توجعات:كنضن هضرتي مفهومة
عائشة بغات تنتر منو ولكن قوة منها ومابغاتش تبين راه مقصحها:دابة رخي مني
يوسف رخة منها وخنزر فيها بمعنى تحركي وقلب الدورة وتلاح فلابيسين يكمل العومان ديالو
نرجس شدات ليها فيديها وبتاسمات:اتولي بيخير ان شاء الله ماديريش فبالك
عائشة بادلاتها الابتسامة:ان شااء الله شكرا
بقاو جالسين شحال حتى كتنوض نرجس:سمحولي نمشي نشوف يوسف ونرجع
ناضت والابتسامة على وجها وعائشة حاضياها قرات فعنيها الحب باينة شحال كتبغي يوسف.دورات وجها مابغاتش تفكر فهدشي
نرجس دخلات لدار بغات تطلع فالدروج كانت حانية راسها وكتفكر حتى كتدخل فشي حد علات راسها غير شافتو بتاسمات:سمحلي ماشتكش
بدر رجع اللور وحنا راسو:ماشي مشكل
وكمل طريقو
نرجس وقفات وشافت فيه تبدل عليها:بدر
وقف وشاف فيها:نعام
نرجس:تبدلتي عليا
بدر:لا نتي دابة مزوجة ماغانبقاوش كي كنا
نرجس هبطات لعندو:ولكن ماشي لهاد الدراجة كتعاملني بحال شي وحدة غريبة عليك.راك نت هو خووياا لي كنرتاح معاه ياك ماعندك شي مشكل وماباغيش تقولولي
بدر:ماكاين حتى شي مشكل ماديريش فبالك المهم قولي ليوسف هنا كنتسناه فطوموبيل
وكمل طريقو نرجس طلعات لفوق دخلات لجناح شافتو كيرش من العطر ديالو وقفات كتشوف فيه حتى سلا هز سوارت طوموبيل ونضادرو وطليفونو وشاف فيها:محتاجة شي حاجة
بتاسمات وهزات راسها بلا:لا لي محتاجاه معايا
بتاسم وقرب باسها على راسها:هنا مشيت
نرجس:بدر كيتسناك فطوموبيل
تم خارج وهي خارجة معاه:واخة
نرجس خشات يديها فدراعو وهبطو فالدروج :بدر ولا فشكل مابقاش كي كان
يوسف وهو كيشوف لبعيد:كيفاش
نرجس:ماعرفتش كونا قراب انا وياه كنت كنعتابرو هو خويا دابة بعد بزاف وزيد عليها ولا غير ساكت وقليل فين كنشوفوه
يوسف ساكت وكيتصنت لهضرتها تاهو ملاحض هدشي شاف فيها:المهم بسلامة
وخرج من دار شافو راكب فلوطو ركب حداه
بدر شاف فيه وبتاسم:انا لي غنسوك هاد المرة
يوسف:مرحبا
بدر:ودير السمطة
يوسف بتاسم ودتر السمطة بدر ديمارا نيشان للشريكة نزلو من بعد ما حلو ليهم الحراسة لباب ودخلو للشريكة..كيتمشاو بكل اناقة ووسامة.لي يشوفهم من لبعيد ما يقولش توام ماكايتشابهو فوالو لا فالشخصية ولا فالشكل .الموضفين كلهم كيشوفو فيهم كيبقاو حاضينهم حتى كيغبرو من قدامهم
دخلو لقاعة الاجتماعات لقاو كلشي مجموع طبعا ناصر مترأس طاولة الاجتماع.جلس كل واحد فيهم حدا باه وكل واحد من جيهة
ناصر بتاسم لولادو ورجع شاف فأعضاء الاجتماع:نقدرو نبداو الاجتماع ديالنا
داز الوقت داز الاجتماع على خير خرجو مشاو المكتب
يوسف نيشان مشا هز قرعة دلويسكي وجوج كيسان عمرهم مد لباه واحد وخلا ليه واحد
يوسف شاف فخوه :كي جاك الاجتماع
بدر بتاسم:زوين ماخليتو ليهم مايقولو
ناصر:دابة اسم الزعيم اتزيد توسع
يوسف كتافة بابتسامة وهو كيجغم من لكاس
ناصر:عيد ميلادكم قرب
يوسف:اه
بدر:عارفك كي العادة ماغاتكملش معانا
يوسف:راك عارف ماعنديش مع داكشي امونة لي راسها قاصح
بدر بتاسم:توحشناها
ناصر:غتجي بعد غدا
وكملو هضرتهم
دازو ساعات
اكرام شافت فعائشة:عجباتني هاد البنت
دينيز:هادي راه الفنون
اكرام:كتدخل الخاطر شحال فعمرك
يلاه اتنطق وهي تسبقها دينيز:عندها 19لعام
اكرام:قدكم
عائشة بقات غيى كتشوف مافاهمة والو
اكرام:اتجي لعيد ميلاد ياك
عائشة:ماكانضنش راكم عارفين لي كاين
اكرام:جداك ربي يشافيها ولكن خاص تجي مافيها باس هكا كديري بحاليلا ماتت ولا غتكوت تفائلو بالخير
عائشة:ان شاء الله
اكرام:لبنات لباسكم كلو على حسابي نتوما غا لبسو وقادوو حيت اتجي لعيد ميلاد.مجلة وبغيتهم يشوفو تصاميمي عليكم واياخدو ليكم تصيورات خاص تكونو واااااو غير تسالا الحفلة ردو ليا كساوية راكم اتلبسوو اول دفعة
دينيز:اااااح كنحماق على تصاميمك شوفي كوني هانية انحمرولك الوجه ها لبيضة ها سمرة ها طويلة ها لقصيرة داكشي ديال القلب
اكرام بقات كضحك خدات طابليط ديالها :اجي نشوفو من دابة
بدات كتوريهم التصاميم والبنات كيختارو كل وحدة وشنو ختارت
اكرام شافت فعائشة:ونتي
عائشة:لا غير بلا مايحتاجش اصلا مزال ماعرفت واش انجي ولا لا
عائشة بقات كتشو عجباتها تاهي كانت عبارة عن شورط قصير كيجي لاصق طاي هوط كحل من نوع كلاس ومن لفوق ديباردور كلو ورادي ومشبك كحل نص كم كتجي لكريشة شوية باينة
كان هو نهدي يلاه سلاو التدريبات جالسين فكافي كيهضرو على الكومبة مع واحد خدام فداك الديبو كيتافقو معاه شوية صونا ليه طليفون كانت حياة ناض وجاوب :وي حياة
حياة:عصام فينك
عصام:فالقهوة مع دراري لبارح صونيتيلي ماكنت حدا طليفون وهاد صباح طفا بيا وصلوني ليزابيل ديال
حياة:اه بغيت نقولك شي حاجة واخة نتشاوفو دابة
عصام:دابة مشغول خلي تا لغدة
حياة:عصاااام راه ضاروري خاص نهضرو
عصام عيط ليه مهدي:نخلييك دابة من بعد وهضري اوكي عمري
الدري:هو يلاه بدا راك عارف صعيب يصوت عليه شيحد ولبوكسورة لي معانا قدام فهاد الحرفة مدربين مزيان وكيعرفو مزيال لهاد النوع دلكومبات حيت بلا قوانين وبلا حكام الخسارة لهداك لي ايطيح كاو فهمتي
عصام:عارفين هدشي ومهدي مدرب على هدشي فلول الرهان انا لي غنديرو
الدري:وايلا خسرتي منين غتجيب لفلوس
عصام بتاسم:مهدي ماشي ديال الخسارة كنتيق فيه بوكسور صحيح
مهدي غيى كيشوف فيهم
الدري شاف فمهدي:صراحة باينة فيه نتمناو يجيب الربحة المهم انا غنسجلكم وغير يتسالا التسجيل ايبداو الكومبات داك ساع نعيط ليك مابقاش بزاف سيمانة هي لكتيرة
عصام:صافي الله يحفضك
الدري:يلاه نخلييك عندي مايدار
سلم عليهم وناض مشا
عصام:دابة ضمنا لبلاصة
لجيهة لوخرا
علي:صافي تسجلناا
عماد:دابة مزيااان نشوفو هادشي كي داير
علي:انا متأكد انلقاو شي واحد لي نعولو عليه للبطولة
عماد:كنتمناااو
نبدلو الاتجااه نمشيو عند الزاهية
كانت واقفة معاه وماراضياش براسها ولكن ماكاين تاشي حل من غير هدا
حكيم وهو مبتاسم:كاينة خدمة هاد الليلة بتمان زوين
الزاهية:صافي واخة معاياش بالضبط
حكيم:8ونص خاص تكوني عندي بحرا نوصلو
الزاهية:واخة يلاه هنا مشيت.
ومشات وخلاتو مبتاسم دخلات للرياض وطلعات لبيتها وتكات ماحاملاش راسها دير هكا عصام بلا والو ماحاملش خدمتها كشخة واخة غير قدام لعيالات عاد دابة قدام رجال راه موصيبة بدات كتطلب من ربي مايوصلو والو
دازو ساعات
حكيم:مالك كترجفي غا بوحدك زيدي الناس كيتسناو
خنزرات فيه ودخلات لداخل كانو دايرين خزانة كبييرة مقادة ملداخل مزيان جالسين رجال وعيالات .كلشي كيشوف فيها شوفاتها مشاو نيشان للرجال لي حالين فمهم تنهدات ..كانت لابسة قفطان عطاوه ليها تلبسو وصيبو ليها شعرها وقادو ليها وجها ..سمعات صوت تطبال عرفات راسها خاص تبدا تغني تشجعات حاولات تخيل انها كتغني كيف لعادة وسط لعيالات .بدات كتغني وهي كتسمع الناس ناشطة وكيصفقو ويغنيو معاها الاغنية كانت كتغني اغنية (وا العلي كي دايرة لميمة ومي يامي و العلي قالو فسبيطاار وا العلي قالو فالخاطر وامريضة بزاف وشادة لفراش واباغة نشوفها....) كانت كتغني ودموع مغرغرين فعنيها ..سلات الاغنية وجا والوقت لي خاص تشطح فيه غمضات عنيها وتنهدات بالجهد دابة لي عطا الله عطاه خدات لحزام وحزمات وبدات كتشطح على انغام الاغنية شعبية بشطحة مغربية لي خلات رجالة ينوضو يغرمو عليها بلهلا يطريه ليهم لفلوس كتلاح عليها وبنادم نااشط
سلمات عليهم وركباات ومشات بحالها لدار ..وصلها تا لحدا لباب نزلات ودخلات للرياض بغات تطلع تشوف مها هي لولا قبل تحل باب سمعات صوتها وهي كتبكي:عرفتي اسارة ماحملتش راسي كان قلبي كيضرب فالمية انا كنشوف لي يسوة ولي ماكيسواش كيشوف فيا وانا كنشطح جا بين عنيا عصام وعائشة بقة فيا الحال بزاف
سارة عنقاتها:صافي ماتبكيش كلشي دابة يدوز
الزاهية كتغلي غا بوحدها:كوكان المرحوم عايش كاع مايوقع لينا هدشي كاامل كان هاز عليا الحمل كنت جالسة فداري بحالي بحال كاع لعيالات مقابلا ولادي وراجلي ..دابة تلات بيا ليام اسارة شوفي كي وليت ولا حنين لا رحيم يحن فيك ماكاين غا لي كيكمل عليك
عائشة غير ساكتة وكتبكي .الزاهية خلاتها على راحتها حتى سكتات عاد هزات ليها راسها:مالك ابنتي قوليلي
عائشة بصوت باكي:سمحيلي اما ماقدرتش نعاونك جالسة غير كنتفرج ويدي مربوطين ولكن والله حتى قلبي كيتقطع مانافعاكم بوالو
الزاهية بتاسمات ورجعات عنقاتها:انا ابنتي قادة بهادشي عندي ربح نشوفكم هانيين وماخاصكم والو هدشي باش تعاونيني وماتهزو اادبيلة لوالو وكلشي ايتحل ان شاء الله
عائشة بقاا غير ساكتة
الزاهية:نوضي بدلي عليك ونعسي رتاحي صافي ابنتي
عائشة هزات راسها باه الزاهية ناضت خرجات مشات لبيتها وهي ناضت بدلات عليها وتخشات فبلاصتها خدات طليفونها وصونات ليه بقة كيصوني حتى جاوب:عويشة دويبة ديالي
بتاسمات:توحشتك
بتاسم:كون تشوفي خووك لاباس عليك
عائشة:الحمد الله ونت
عصام بيخير
عائشة:ماغاتجيش لدار
عصام:باقي شوية لا ساليت بكري دابة ندوز
عائشة:علاش شكا دير
عصام:راني كنبريكولي فواحد الخدمة سيرفور فواحد العرس نجمعو مصيريف
عائشة تنهدات:الله يعاونك اخويا
عصام:يلاه تصبحي على خير نعسي بحالك
عائشة:واخة تصبح على خير
وقطعات..تنهدات وهي كتفكر باغة دير شي حاجة تعاونهم ولكن ماعارفاش شنو هي دورات وجها بان ليها تيشيرط تفكراتو ناضت هزاتو وتخشات فبلاصتها وهي معنقاه تفكرات اش قالت ليه فصباح ماداهاش تا فيها بحاليلا هضرتها كاع ماسمعها تنهدات وغمضات عنيها كتحاول تنعس بلا تفكير
نمشيو لجيهة لوخرا
دخل لدار معطل كلشي ناعس طلع للجناح ديالو دخل لقاها ناعسة .دخل نيشان لحمام دوش بما بارد لبس شورط خفيف كيحس براسو مسهوت نهار غير ديال الاجتماعات والخدمة.جلس فوق النموسية وحط يديه على عنقو وبدا كيدير فالمساج .ماعرفش كيفاش حتى جات فبالو هضرتها مزال فودنو كتسمع وكتردد(نت شارف عليا وانا باقة صغيرة لا بغيت شي حد يعجبني خاص يكون من السن ديالي وخاص يكون ضريف وماحاسش براسو ومايديرليش فيها هو الملك ولا ااسلطان سليمان وزايدون اخويا نت مزوج اش جابني ليييك.) تنهد وهو كينفض هاد الافكار لي جاو فبالو حس بيها عنقاتو من ضهرو وباستو على عنقو حياتي جيتي مالك تعطلتي
يوسف دار لجيهتها وجرها لعندو كتر وهو كيشوف صدرها كيف بارز من ديباردور لغوز لي لابسة وفخاضها عريانين مع شورط قصير لي لابسة:كنت فالخدمة
نرجس كتحرك يديها بوشية على صدرو وعضلاتو قربات تا لشفايفو:توحشتك
زاد جرها ليه ودخل معاها فقبلة عميقة ويديه كتسارا على جسمها ماحس براسو تا تكاها على نموسية وجا فوقها وهي مستمتعة معاه بحركاتو على جسمها وقبولاتو (توحشتو سفالة يا لمساخط خخخخ باقي باقي الحال)
دازت ليلة وجا نهار جديد
كان جالس هو وياها فالكافي وكيهضرو
عصام:شنو كنتي باغة تقوليلي
حياة بقات ساكتة شحال عاد نطقات:خلي بلاتي شوية ونهضر نت بيخير
كلشي شاف فيوسف تعابير دوجهو عادية ما دار تاشي ردة فعل
اكرام:قلت شي حاجة ماشي هي هديك
حمزة:لا اباربي نتي ديما كتقولي داكشي هو هداك هههه
اكرام:وعلاش كضحك هويلي
حمزة:غير كنشوفك كنفرح
يوسف شاف فيه بمعنة جمع راسك
حمزة سكت
يوسف وقف:انا غنمشي
بدر:باقيلي شي ملفات نساليهم ونجي
اكرام:ديني معاك
وناضت
حمزة:تانا نمشي بحالي
وخرجو كل واحد شد طريقو
دازو ليام كيطيرو بالضبط فدار الزعيم
كان كلشي هو هداك الجردة مقادة تكلفو بتزيينها مصميمين كبار الخدم بزي موحد منتاشرين فالجردة وكل واحد شاد بلاصتو وناس شي داخل شي خارج وموسيقى هادئة خدامة..
نزلات من طاكسي دخلات تلاقاتها دينيز فكامل اناقتها وتاتها الكسوة الكحلة مع شعرها لزعر ومكياج خفيف
عائشة:وااااو جيتي كتحمقيييييي
دينيز كدور فبلاصتها:بصااااح
عاىشة:وايااه فنة فنة
دينيز:شكرااا مالك مالبستييش اصاحبتي
عائشة:واش حمقة تخرج من الحومة بالمعري قلت ختى نجي لهنا جبتهم معايا
دينيز:صافي طلعي البيت لبسيي لا حتاجيتي شي حاجة عيطيلي ابل اوكي
عائشة:واخة
عائشة مشاات باش تركب فالمصعد وهي تلقاها واقفة وعاطياها بالضهر شعرها كحل غامق لنص ضهرها ولابسة كسوة حمرة طويلة لاسقة عليها جاية مع فورمتها عائشة بغات تعرف شكون هادي عجباتها فورمتها وقفات حداها وهي تشوفها عرفاتها هادي أمونة
امونة شافت فيها كانو عنيها دامعين باينة كانت كتبكي
امونة بتاسمات ليها:نتي هي صاحبت دينيز ياك.
عائشة بادلاتها الابتسامة:اه
امونة:لاباس عليك
عائشة:الحمد الله ونتي
تحل المصعد ودخلو بجوج
امونة:تانا بيخير اينا ايطاج اطلعي
عائشة:بيت دينيز
امونة:نفس الايطاج
ضغطات على الزر وطلعو تحل المصعد وخرجو
امونة:نخليك ازين ومرحبا بيك
يلاه اتمشي وهي توقفها عائشة:سمحيلي نسييت عيد ميلاد سعيد نشاء الله بطول العمر ياربي
وقربات وسلمات عليها
امونة:شكرا حبيبة ربي يخليك
عائشة جبدات من ساكها واحد لبواطة كانت فيها واحد السنيسلة فيها حرف a مكتوب بطريقة زوينة
عائشة:ان شاء الله يعجبك
أمونة:واو كيحمق شكراااا بزااف اول كادو اناخدو هاد النهار
وعنقاها وباستها:عجبني بزاف شكرا مرة خرا
عائشة كتشوف فيها عجباتها بزاف بعويناتها رماديين ووجها لمزيون وتاها الماكياج كتزيد تزيان ملي كتهضر كتشبه لماماها بزاف:تستاهلي كل خير نخليك تقدي شغالك
امونة:اوكي الزين نتشاوفو لتحت
عائشة دخلات البيت حلات لمجورة جبدات المكياج كلو ديال دينيز بقات كتشوف فوجها ماباغاش دير بزاف دلمكياج اصلا ماكاتعرفش تكتر من المكياج خدات داكشي لاتحتاج وقداتهم فوق لكوافوزة قدات شعرها هو لول ضارتو سامبل على طولتو وبوكلات ليه لتحتاني جاها زوين واصل تا لخصرها.وقدات مكياج خفيف كتفات رموشها مع شريطة خفيفة عكار غوز بارد عجبها راسها عاد لبسات عليها داكشي لي عطاتها اكرام تحنات لبسات صندالة ورجعات قدات شعرها ووقفات قدام لمراية وهي هازة ساك فيديها عجبها راسها بزااف
رشات لعطر وخرجات من لبيت وهي كتكسول فالمشية كتمتل دور عارضة ازياء ومرة مرة كضحك على راسها ركبات فالمصعد ونزلات لتحت وهي كتشوف راسها فاي مراية جات قدامها .وقفات فالصالة ماعرفاتش فين اتلقة لبنات جبدات طليفون عيطات لدينيز:وا فينكم..فين بالضبط
بدات كتمشة وفنفس الوقت كتهضر فطليفون
عائشة:صافي عرفت قطعيي
ماكانتش مركزة يلاه ادور وهي تدخل فشي حد كانت اطيح :الله ياربي
تنترات منو وهي كتشوف فاللبسة مزالة هي هديك:ناري عنداك تكون تقطعات اوووف لاباس الحمد الله
علات راسها وهي كتشوف فهداك لي قدامها ماعرفاتوش هاد الوجه غريب عليها ولكن بوكوووس واقف وعنيه مفيكسين عليها.عائشة شافتو طول الشوفة:سمحلي كنت ملهية مع طليفون ماشتكش
كتهضر وتعبر بيديها وشعرها طويل غادي جاي معاها وهو غيى كيشوف بتاسم:ماشي مشكل صدفة زوينة
عائشة كتقاد الشورط من جيهة لخصر:شكرا
باقي مبتاسم:راكي هي هديك
شافت فيه وبتاسمات:شكرا نخلييك دابة
يلاه اتمشي وهو يوقفها صوتو:انا جعفر متوكل
دارت لجيهتو:وانا عائشة
وكملات طريقها وخرجات للجردة هو بقة واقف ومبتاسم:عائشة
عائشة غادة وكدور عنيها على الجردة عاجبها الجو ولي عجبها كتر هوما شوفات الاعجاب لي فعنين ناس تيجاها .شافت لبنات من لبعيد مشات عندهم:هنا جيت
كلهم شافو فيها
دينيز:واااااو جيتي كتحمقييي
اكرام قربات لعندها:احح هدشي غزال غزال مانيفييك بب
امونة:فنيونة احبيبة
عائشة:شكرااااا البنات
اكرام:دابة ها التشكيلة ديالي مجموعة بقات نرجس وفاتي باقي ماجاو
بقاو واقفين وكيهضروو مستمتعين بالوقت
جعفر خرج للجردة ووقف حتة كيسمع صوت حمزة:مرحبا بجعفر متوكل
جعفر سلم عليه:شكرا
حمزة:تفضل
تبعو لكبلة فين مجموعين
جعفر:سي ناصر الزعيم
وسلم عليه وسلم على بدر كان واقف معاهم
جعفر:فين هو يوسف باش نبارك ليكم عيد ميلاد مجموعين
بدر:دابة يجي
ناصر:حمزة شوف لضيفنا شي حاجة يشربها
حمزة:مرحبا
وعيط لسيرفور جا بصنية المشروبات خدا الويسكي :شكرا
جغم شوية :متبقة والو لافتتاح شركة يوسف
بدر:يامات معدودة ان شاء الله
جعفر:اه نتمناولو الووفيق
بدر:امين
جعفر:واخة توام مختالفين باقي عاقل يامات الجامعة ماكانوش كيتيقو راكم توام كل واحد وشخصيتو
بدر كتافة بابتسامة
جعفر سكت فاش شاف يوسف داخل والصحافة كتصور كيتمشة بخطوات تابتين وسيكار فيديه وكلشي تابعو بعنيه وهو كيش ف لبعيد بنضرات حادة واتق من نفسو مامخليش فرصة لصحافة فين يوقفوه ويسولوه.. وقف حداهم
جعفر:يوسف الزعيم مدة طويلة ماتشاوفنا
يوسف بنفس التقة تصافح هو وياه:ها حنا تشاوفنا دابة
جعفر كتافة بابتسامة وهو كيجغم من كاسو بارك ليهم عيد ميلادهم ودور وجهو بانت ليه أمونة وحداها عائشة بتاسم:نمشي نبارك للتوأم التالت
يوسف :تفضل
ومشا وقف حدا امونة:مدام امينة
دا ت لجيهتو:جعفر متوكل
مدات يديها ليه صافحها وختمها بقبلة على يديها:كل عام ونتي بيخير ان شاء الله
امونة بلباقة:شكرا
شافت فخوتها:سمحلي
ومشات عندهم
دور وجهو وشاف فعائشة مشغولة فطليفونها قرب لحداها:اتبقاي واقفة بوحدك
دورات جها لقات راسها غا بوحدها:فين مشاو هادو
قلبات عليهم بعنيها لقات كل وحدة وفين دينيز كتشطح محيحة وفاتي واقفة مع شي بنات واكرام وامونة مع الزعيم.عاد نتابهات ان يوسف جا سهات وهي كتشوف فيه قميجة كحلة جات معاه بينات عضلاتو وسيكار لي فيديه مرة مرة كينتر منو زادو رجولة كيهضر بطريقة تابتة ..حسات بقلبها كيضرب بالجهد ستغربات نرجس ماكايناش فيقها صوت جعفر:كتسهاي بزاف
مشات جابت واحد لحاف فرشاتو فالارض :عائشة جلسي عفاك هنا
عائشة جلسات واكرام قدات ليها الجلسة كي غتجلس
اكرام بتاسمات:خلييك هكاا جيتي زوينة
ناضت باش تخلي المصور يصورها.عائشة عاجبها الحال وغير كتبتاسم ودير فالبوزات وتلعب بشعرها مرة ديرو يمين ومرة ديرو شمال وضحك على راسها واكرام والمصور كيضحكو على هبالها.هو سمع شي صوت علا راسو وهو يشوفها اونفاص معاه وص ت ضحكاتها مسموع ماشافوهش حيت كان جالس فالضلام.بقة حاضيها وهو كيجغم من الكاس
عائشة عاجبها الحال وغير كتبتاسم ودير فالبوزات وتلعب بشعرها مرة ديرو يمين ومرة ديرو شمال وضحك على راسها واكرام والمصور كيضحكو على هبالها.هو سمع شي صوت علا راسو وهو يشوفها اونفاص معاه وصوت ضحكاتها مسموع ماشافوهش حيت كان جالس فالضلام.بقة حاضيها وهو كيجغم من الكاس
المصور:اكرام وقفو ناخد ليكم صورة نتي وياها
اكرام:وي ضاروري
وقفات هي وياها وخداو صورة
عائشة:شوف اخويا صيفطلي هاد التصاور صافي
المصور بتاسم:واخة
اكرام:يلاه نرجعو للحفلة
عائشة:سبقيني هنتوجاية ناخد شي سيلفي بطليفوني نجي
اكرام:واخة
مشاو وعائشة جبدات طليفوها ووقفات كتصور ومع كل تصويرة كتميل جسمها ودير حركات بكامل جسمها كان عاجبها راسها بزاف
عائشة وقفات كتشوف التصاور:وينووو كنحمق جيت
وباست شاشة ديال طليفوها كتبوس راسها زعمة بقات كضحط على راسها.هو كان مزال حاضيها ومركز مع كل حركة كدير بحاليلا كيتفرج فشي تلفازة..حتى كيشوفها خشات طليفونها فالساك ورجعات للحفلة..تنهد وجبد كارو وشعلو بقة شحال حتى كيشوفو جاي لجيهتو دخل وجلس حداه عارفو فين ايكون :ضلام عاود
يوسف:الكالم ماشي ضلام
بدر بتاسم:خويا العزيز
يوسف بتاسم:خويا لعزيز
بدر وقف:عيد ميلادنا سعيد أخويا ان شاء الله يدخل علينا بالخير وكل عام وحنا مجموعين
يوسف حط لكارو وناض وهو مبتاسم عنق خوه:كل عام وحنا مجموعين
سمعو صوتها من موراهم:وانا
ومشات كتجري عنقاتهم بجوج:كنحماق عليكم نشاء الله نحتافلو بعيد ميلادنا اعوااام واعوام الله يخليكم ليا
يوسف وبدر:أمين
بعدات وحلات ساكها كانو جوج بواطات مدات لكل واحد وحدة:هدية بسيطة ان شاء الله تعجبكم
حلوها جابت ليوسف ساعو فاخرة من النوع لي كيعجبو ولبدر صدافات ديال لكرافاط كلاس عارفاه كيعجبو هادشي
بدر جبد الهدية ديالو لخوتو عطاها ليهم ويوسف نفس شي .واخة بعاد فالعقلية والشخصية قراب بزاف بقلوبهم لبعضهم كيحسو ببعضياتهم يكفي تكونو فدقة وحدة فرحيم ماماهم ودوزو شهور طويلة فكرش ماماهم وعاشو حياتهم قراب من بعضهم راه توام عندهم قلب واحد
جلسو كيهضرو امونة ناضت شعلات ضو:انبقاو فضلام
جلسات وصت خوتها
يوسف شاف فيها:محمد مالو ماحضرش وماجاش
امونة بلعات ريقها:عندو شي خدمة ضارورية
يوسف شاف فيها:لكدوب فعنيك
امونة:يوسف راه ماكاين والو راك عارف محمد كي داير مع الخدمة باغي يعوض داكشي لي فاتو فاش كونا مسافرين
يوسف هز راسو باه:ايوا مزيان
امونة شافت فبدر:ونت
بدر:مالي انا
امونة:مالك ماشي هو هداك
بدر:غا كيجيب ليك الله
يوسف:تبدلتي
بدر شاف فيه:قلت ليكم ماكاين والو
امونة بغات تهضر وهو يقاطعها يوسف:خليه على راحتو نهار يبغي يهضر راه غيهضر
امونة سكتات:وانوضو نرجعو للحفلة خليناهم بوحدهم وماخديناش صورة مجموعين
ناضت وشدات لكل واحد فيديه ونوضاتهم وهي كضحك ورجعو للحفلة وهي خاشية يديها فدراعهم وقفو يتصورو مجموعين ويحتافلو بسن 26 سنة
يوسف دور وجهو جات عنيه فعنيها باينة مقلقة منو كان دايز من حداه سيرفور وقفو هضر ليخ فودنو بقة واقف حتى كتسمع اغنية هادئة مشا لعندها وهو مبتاسم مد ليها يديه:تقبلي بهاد الرقصة
نرجس بتاسمات نسات كلشي:اااه
شدات ليه فيديه ومشاو للوسط وبداو كيشطحو زكلشي كيشوف فيهم ولبنات حاسدين نرجس على هاد اللحضة
كانت واقفة بعيد وكتشوف فيهم حطات يديها على المنديل لي فوق الطبلة وجمعاتو بين يديها وزيرات عليه حاولات دير براسها ماهمهاش الامر ولكن ماقدراتش الشوفة فيهم هكا نغزاتها فقلبها بقات كتشوف فنرجس كيف كتعرف تشطح كتحرك بكل احترافية شافت الفرق لي بناتهم نرجس قارية وكبيرة فعقلها كتعرف تلبس كتعرف تهضر لاباس عليها وفوق هادشي زوينة وضريفة لا علاقة هي وايها شافت راسها انها مزال برهوشة وماكاتعرف دير والو من غير قرايتها لي مزال فالبداية ديالها وفقيرة واخة زوينة ولكن الجمال مافادها بوالو دورات وجها مابغاتش تشوف فيهم هضرات مع دينيز:هاد الاغنية لمملة طولات ماغاتساليش
دينيز وهي مبتاسمة كتشوف فخوها ومراتو شحال جاو زوينين:هادي رومانسية ماشي مملة ربي لما شوفي شحال جاو زوينين شوفي ناس كي حالين فيهم فمهم كيحمقووو
عائشة :ماشي تا لديك الدراجة
دينيز شافت فيها:فكرتيني من بعد ونهضرو على شطحة مع سي جعفر
ناصر واقف وشاد فيد.طاهرة واكرام واقفة حداه وخاشية يديها فدراعو مرة مرة كتشوف فيدين طاهرة لي فيد ناصر قنطاتها تنهدات بقات كتشوف وهي تجبد.طليفونها:بابي اجي تشوف تصاور ديال تصاميمي كيف جاو
وجراتو لعندها حتى كترتاح فاش شافت يديه طلقات من يد طاهرة بدات كتوريه فتصاور وهو كيقولها غير زوين
اكرام:غير كديرلي خاطري
ناصر دور وجهو وشاف فطاهرة رجع شد ليها فيديها:طاهرة لي كتفهم فهدشي
الطاهرة:انشوف
اكرام خبات طليفون:صافي خلي منبعد نكونو جالسين
جعفر:نخليكم انا ليلة دازت زوينة
سلم عليهم حتى وصل لعند عائشة بقة شاد ليها فيديها:أمسية سعيدة
بتاسمات ليه:أمسية سعيدة
جعفر:نتمنة نرجع نشوفك
عائشة:علاش
بتاسم عرفها على نيتها:هكاك وصافي
عائشة:خليها للصدفة
ورجعات يديها لعندها بقة كيشوف فيها:بسلامة
ومشى
دورات وجها لقاتو كيشوف فيها شوفات فشكل حادين ولكاس فيديه كيجغم منو حنات راسها ماباغاش تشوف فيه باغا تحيدو من دماغها وتخرجو من حياتها شافت فالساعة كان 1دليل تعطلات:دينيز خاص نمشي
شوية بشوية تا مشا كلشي بحالو لي جاه النعاس طلع ينعس بقاو غير لبنات فصالة..ودراري فجردة
دينيز:ددابة عاودي لينا كي درتي شطحتي مع سي جعفر
عائشة كانت واقفة بتاسمات:صراحة عجبني الحال جعفر ضريف بزاااف عرف يتعامل معايا ويعلمني شي خطيوات فلول مابغيتش ولكن هو حكر عليااا.
كان داخل وجا مع هضرتها قد قد
عائشة كتمتل ليهم:فلول ماعرفتش نشطح حيت اول مرة كنت انطيح ولكن هو كان شادني من لهنا مزيان (حاطة يديها على خسرها)هههه ناري كون طحت الشوهة من بعد تعلمت شوية .عرفتيو اش قاليا
دينيز كضحك على هبالها:شنو دوي
عائشة:قاليا نتمنة نرجع نشوفك ههههه
دينيز شهقات:واااايلي شاف الزين وهو يتلف ياختي تاهو بوقووس
نرجس:بان ليا ضريف وجانتلمااان
اكرام:وي بصاح ونتي عجبك
عائشة كتفكر كيف تعامل معاها نيشان مشى بالها ليه فرق كبير فتعامول لاخور عاملها مزيان وستحمل السداجة ديالها وهضرتها واخة فوقت قصير ولاخور من اول يوم مرمدها ولكن واخة هكاكا مزال كتفضلو هو يلاه اتجاوب دورات وجها وهي تشوفو واقف ويديه فجيابو بلعات ريقها
يوسف بقة كيشوف فيها شحال عاد دوى:نرجس جيبيلي سوارت طوموبيل اولا شوفي لخدامة تجيبهم
كلهم عاد نتابهو ليه
نرجس:واخة
ناضت طلعات لبيت تجيبهم
عائشة جلسات وشافت فيه لقاتو عطاهم بضهر واقف وكيشوف لبعيد نزلات عنيها فلول خافت يكون سمعها ولكن من بعد ماهمهاش اش دخلو تلقاه ماداهاش تا فهضرتها ماتسوقش ليها
خنزر فيها وهي تسكت..يلاه ايمشي وهي توقفو دينيز:يوسف عفاك اخويا لاكنتي اتخرج وصل فطريقك عائشة مشة عليها الحال
عائشة خرجات فيها عنيها ماعلماتهاش
يوسف شاف فدينيز ورجع شاف فيها:هنا برة
وخرج..
عائشة:واش حمقة ايقولك انا لي بغيتو يوصلني
دينيز:عادي بحال خوك راه ليل هدا
نرجس:وي عادي بعدة تمشي مأمنة حسن من تاكسيات ولا شيفور
دينيز:وجري طلعي بدلي عليك ماكايحملش لي يتعطل عليه
عائشة :كطيري ادينيز
نرجس:ودابة سيري
عائشة:واخة
طلعات لفوق حيدات داكشي لي كانت لابسة ولبسات لحوايج لي جات بيهم مسحات المكياج وقدات الحوايج لي عطاتها اكرام فوق النموسية وهزات ساكها وخرجات وهي كتفكر انها غتشد طريق غير هي ويوسف راس فالراس ماعرفاتش واش تفرح ولا شنو دير وصلات لتحت سلمات على لبنات
خرجات لعلى برى شافت تلاتة دطوموبيلات ماعرفاتش اينا وحدة
مشات كتقلب فيهم حتة كيبان ليها راكب فالفراري ديالو حمرة ومرجع راسو اللور ومغمض عنيه حلات لباب وركبات شافت فيه مزال على وضعيتو بقات شحال كتشوف فيه وهو مغمض عنيه ماكايبانش بحال كي كيكون وهو حال عنيه هكا كيبان ضريف .تقادات فالجلسة مابغاتوش يحل عنيه ويلقاها كتشوف فيه
يوسف حل عنيه وماشافش حتى لجيهتها دور ساروت وديمارا طوموبيل كانو غير ساكتين .كيسوك بشوية وغير بالمهل .عائشة مرة مرة كتشوف فيه وترجع تشوف فالطريق رجعات راسها اللور وهي كتستنشق ريحة دعطرو لي مالية طوموبيل بتاسمات .شوية نطق وعنيه على طريق:جعفر مايصلاحش ليك
شافت فيه علات حاجبها:كيفاش
يوسف ببرودة وهو كيشعل لكارو :مايصلاحش ليك وصافي حاولي تبعدي من طريقو
عائشة بقات كضحك:زوينة هدي وعلاش بالسلامة اصلا نت ماشي سوقك هاويلي على بعدي منو دخول الصحة هدا
سكتات ورجعات كملات هضرتها:وعلاش اصلا قولتي هكااا
يوسف صدعاتو فراسو فرانة بالجهد تا وقف فجنب الطريق شدها من دراعها وجرها لعندو وهضر وهو عاض على سنانو:هضرة وحدة تقالت اولا
زاد زير كيهضر وعنيه فعنيها:نتي طايشة بزاف مبرهشة لدرجة ماكاتميزيش معامن تلعبي ومعامن كتعاملي كتحطي رجليك فشي بلايص فيهم العافية وهاد ااطبران ديالك ايجيب ليك الربحة.جعفر داير كي شي صياد ولا دارك فراسو غيخرج عليك اياخد حاجتو منك ومن بعد يرميك لزبل ونتي باقة صغيرة على هدشي مايغريكش بجوج كلمات زوينين من الاحسن بعدي منو
عائشة ضربات فيها الريحة ديال الشراب عرفاتو شارب بقات كتشوف فيه كيف كيدوي هي اصلا ما على بالهاش بجعفر مافكراتش فيه اصلا علات حاجبها:شفتيه عاملني مزيان وتفاهم معايا ما عجبكش الحال كيعجبك غير فوقما تشوفني تخنزر فيا وتسبني باغي كلشي يكون بحالك ولا شنو ااسيد مادار والو باش انبعد منو نت لي بعد من طريقي سمعتيني وانا قادة براسي وماشي الريح لي جا يديني اسي يوسف الزعيم صغيرة فلاج ولكن دماغي كبير كنطيرها وهي فالسمة كنطير ولكن ماكانطيحش هدشي ديرو فبالك وماتسهلنيش😉
يوسف سهة فيها هضرتها خلاتو يرخف على يديها ويتبع حركات شفايفها كان مركز معاها مزيان حتى سكتات قربها ليه كتر تا تخالطات انفاسهم وهمس ليها:كملي مالك سكتي
عائشة بلعات ريقها وهي كتحس بيه قريب ليها بزاف:شغا نقولها
بغات تبعد ولك كان حاكمها
يوسف زاد.جرها لعندو رمى لكارو لي كان فليد لوخرا وحط يديه مور عنقها وقربليها:قولي شي حاجة
عائشة عرفات غير تأتير السكرة لي دايرلو هكا حيت عارفاع مايمكنش يدير هكا وهو صاحي:يوسف راك ماشي هو هداك رخي مني
يوسف :هدشي لي باغة نتي عنيك كنقراهم بلا ماتنطقيها شوفاتك كنفهمهم
عائشة كتحس بقلبها غيخرج من بلاصتو كتحس بانفاسو سخونة على وجها نطقات وهي كتشوف فيه:غير كتخربق
علا حاجبو وهو كيبعد شعرها على وجها:نتي خف من ريشة
كيهضر وكيزيد يقرب فلحضة نسات راسها وهي متبعة حركاتو وعنيها فعنيه جدبوها كيشوف فيها بطريقة فشكل خلاوها دوب غمضات عنيها فاش حط شفايفو على شفايفها وبدا كيبوسها احساس فشكل اول مرة اتجربو ترخات وهي كتحس بشفايفو كيتحركو فوق شفايفها بشوية ويديه مور عنقها كيزيد يجرها لعندو هو فهاد اللحضة كان فعالم اخور ماحاسش براسو حاجة وحدة لي عارفها انه مرتاح هكا..عائشة حسات على راسها وهي تقفز دفعاتو عليها ورجعات اللور :نت شكاااا دييير بعد منييي واش حماقيييتي
يوسف غير كيشوف فيها ماعرفش كيف وقع هدشي هو براسو مصدوم
يوسف دور الساروت وديمارا الطموبيل مانطق تاشي كلمة كيسوك وكيسمع صوت بكاها ماهتمش كيفكر هو كيفاش تجرأ وتقرب منها تنهد بصوت مرتافع وزاد فالسرعة حتى وصل قدام دارهم ماشافش تا لجيهتها
عائشة مسحات دموعها:ماحسابليش نت هكاا اخر مرة تعاود ديرها ولا تقرب ليا سمعتيني
يوسف شاف فيها وهضر وهو عاض على سنانو:نزليييي
خنزرات فيه ونزلات وزدحات باب طموبيل حتى كان ايتهرس هو ديمارا وكسيراا بالجهد مشا بحالو
عائشة بقات واقفة كتحاول تستوعب هدشي لي وقع مسحات دموعها وجبدات ساروت حلات لباب ودخلات بشوية طلعات لبيتها يلاه اتدخل وهي تسمع صوت مها:على سلامة
عائشة شافت فيها:الله يسلمك
الزاهية شافت فالساعة:شهاد التعطيلة
عائشة:غير مع الحفلة راكي عارفة
الزاهية:خليتك تمشي باش تجي دغية وقلت ليك ماتعطليش ودرتي غيرغير لي فراسك ماشي راني مدهية مع جداك هدا كيعني اني غافلة عليك جمعي شوية راسك وجلسي فداركم شوية
عائشة تنهدات:واخة اماما
الزاهية:دخلي دابة تنعسي
عائشة:تصبحي على خير
ودخلات لبيتها شافت ختها ناعسة بدلات عليها وتخشات فبلاصتها تفكيرها تشوش خربق ليها الميموار ديال عقلها قلبها مزال كيضرب بلجهد حطات يديها فوقو حاسة بداتها كترجف عليها غمضات عنيها وهي كتسترجع ديك اللحضة بحاليلا مازالة عايشاها .اول مرة شي واحد ايدوق طعم شفايفها اول مرة شي حد تيقرب ليها عمرها عطات الفرصة لشي حد يكون قريب ليها هكا .تفكرات احساسها فديك اللحضة كانت بحاليلا طايرة فالهوة فديك اللحضة تمنات الوقت يوقف وتبقة مرتاحة هكاك بتاسمات بلا ماتحس بتاسمات اول قبلة ليها منو هو ترخات وهي مزال كتحس بيهم فشفايفها ولكن فلحضة تفكرات هو شكون وانه مزوج جات فبالها نرجس حلات عنيها:ياربي تسمح لييي ياربي والله متقصدت ماعرفتش كيف وقع اصلا هو لي تقرب مني اووووووووف كان غير شارب وصافي غدا غينسة كلشي شهادشي تقول ناقصة انا عاد كنقول انساه
ناضت جالسة :صافب ماوقع والو نساي ماوقع والو
بغات شي حاجة تنسيها كاينة حاجة وحدة هزات لبسي ودملات لليوتوب دارت روسوم دروبي كما على الله تنسى ..بدا الرسوم وتكات وحطات لبي سي فوقها كتفرج وكتحاول تنسى
عند الزعيم
مزال سايك وكيفكر فداكشي لي دار ماكانش خاص يدير هكاا هو كبر من هاد لفعايل هو مزوج تنهد كون بغة هدشي كون بقة بلا زواج بعدة ولكن داك الاحساس وهو كيبوسها مزال كيحس بيه احساس براحة فشكل بحاليلا اولمرة غيبوس نفض هاد الافكار من راسو ومشا لدار طلع نيشان لبيت دخل دوش كما على الله يفيق من هاد السكرة ويرجع لوعيوو .خرج شاف فيها لقاها ناعسة تنهد وخشا حداها بثة كيشوف فيها حتى نعس
جا نهار جديد
فاقت على صوت الهضرة بالجهد ناضت وهي كتكسل لبسات صندالتها ونزلات تشوف اش كاين شافت الجيران درياض كلهم مجمعين ومعصبين
عائشة:اش واقع
سارة شافت فيها كانت فيديها واحد الورقة:الامر باخلاء الرياض الالة وعلى صباح صبحنا على الله
عائشة خداتها وبدات كتقرا
سارة:مول رياض مات هدي سيمانة الله يرحمو يلاه عرفنا وولادو يلالة قالك أيبيعو رياض خاص نخويو ليهم ونفرقو الجقلة
الزاهية:حتى عصاام ماكايجاوبش كيغبر فالوقت لي كنحتاجوه..خاص ضاروري نلقاو شي حل راه غنترماو للزنقة..الله ياربي كلشي جا فدقة موصيبة هادي ياااربي ما عاونا يااربي راه لي فينا كاافيناا يااربيييي
سارة:دابة البكة ونديب ماعندو باش يعاونااا فكرو شغا ندييرو
وحدة من جيران:انا راه ماعندي فين نمشي انتشرد انا وولادي فزنقة
الجار لاخور:لكرى فبلاصة خرا غالي علينا ااسيد الله يرحمو داير معانا تمان مناسب والشهر لي ماكايكونش عندنا كيصبر علينا الله يرحمو والله ياخد الحق فولادوو
الجيران كلهم حاسين ببعضياتهم فعلا ماعندهم فين يمشيو صعيب الحال عليهم بزاف..والوقت غلااات وهوما على قدهم بحرا مقاتلين مع الزمان .كل وا.كيفكر فهمووو شغا يدير فيه
فالجيهة لوخرا
كان فالمكتب ديالو دخل عندو واحد من رجالو:بغيتيني اسيدي
جعفر:اه
جبد طليفونو خنتش فيه ووراه التصويرة:بغيتك تجيبلي معلومات على هادي بغيت نعرف عليها كلشي سميتها عائشة كتقرا مع خت الزعيم الصغيرة
الراجل بقة كيشوف فيها مزيان باش يعقل عليها:صافي اسيدي كون هاني
جعفر:تقدر تمشي
جعفر بتاسم:عائشة يا عائشة دخلتي لدماغي ضاروري نجيبك نجيبك بحالك بحال غيرك
الزاهية لاش انزبد نشطنو وهو لي فيه كافيه اصلا ماعندو مايدير نطلبو من ربي يكون خير.
الجارة:ان شاء الله خير
عائشة نزلات بلباسها من بعد ماقادات راسها باش تمشي لمدراسة والشكارة ف:هنا مشيت
الزاهية:كليتي
عائشة:مافيا لي ياكل
وخرجات من دار شافت فالساعة باقي لحال شوية تمشات شحال تا وصلات لمحطة ديال الطاكسيات وقفات كتسنة دوز شي وحدة .شيرات لوحدة دايزة وقفات ليها ركبات ومشات نيشان للمدراسة ..وصلات كان باقي الحال خلصات طاكسي ونزلات شافت فساعة باقي الحال مابغاتش تدخل لداخل جلسات فواحد الكرسي كان تماك تسنة لبنات حتى يجيو .جبدات طليفونها بدات كتخنتش بيه حتى كتحس بسي حد وقف حداها علات راسها شافتها مخنزرة فيها:ياك لاباس
ياسمين زادت شعلات فيها العافية:نتي شيطانة بقيتي عليهم تابعدو عليااا خديتي بلاصتي حتى ولاو يعرضوك كنت انا لي كيعرضوني دابة مابقاوش حاملين يشوفو حتى فوجهي علاياش كتقلبي غير قوليلي
عائشة معصبة بلا والو خشات طليفون فساكها وشافت فيها:نتي لي علاياش كتقلبي انا ماسوقيش لا قلبو عليك هوما اوكي وماكايهمنيش رأيك نتي ومن الاحسن تبعدي مني ولا ماغايعجبك حال
ياسمين:طامعة فيهم ياك باينة كيعطيوك لفلوس كيوكلوك فابور يلبسوك يساريوك لاعباها عليهم اتريكة طماعين كنعرفكم مزيان سعاية كتعطيوها دقة
ياسمين بغات تولي ضربها وهي تشد ليها يديها لواتها لها تا غوتات :كنقسم ليك بالله وما تحركتي من قدامي تشطب بيك هاد الارض
دفعاتها تاكانت اطيح
ياسمين:غندمك دابة تشووفي والله لابقات فيك يالمسخة بنت الشيخة
عائشة ماستحملاتهاش طارت عليها وجراتها من شعرها هبطاتها التحت وبدات كتنتف وضرب فيها كلشي كيتفرج تاواحد ما.جا يفك لبنات خايفين على راسهم ..ياسمين كتغوت ربي لي خلقها وعائشة كتخلي داربوها:ياك قلت لممك شي نهار انشدك اشتف عليييييك ديما كنقولك وزني هضرتك ايوا دابة هانتي وقفتي على هضرتي
عائشة مابغاتش ترخيها خرجات فيها كاع جنونها
كان دايز بطوموبيلتو قدام اامدراسة متعمد باغي يشوفها من بعد ما جابو ليه جميع المعلومات عليها فنص نهار شافها شادة شي بنت وكتسلخ فيها بتاسم ووقف الطموبيل نزل وهو كيشوف تاشي حد.ما قرب يفك.مشا فتجاها وشدها من يدها كانت عطاه بالضهر
عائشة تمجنات عليها حتى كتحس بشي حد شدها بدات كتغوت:رخييييي منييي خليني نكمل عليها رخييي
جرها بالجهد تا بعدات عليها ياسمين ناضت من الارض وهي كتبكي وتشهق شرمطاتها..عائشة مزال باغة تنتفها كتنتر منو:رخيييي منييي
ياسمين كتبكي:والله لا بقات فيييك والله حتى نفكرك فهاد النهاااار
عائشة كتقاد حوايجها وشعرها:كون غا خليتيني نشتف عليها
جهفر بقة كيضحك:هههههه ماكاتفاكيش اش دارت ليك
عائشة:هاديك ياحسرة بنت عمي ولكن من اليوووم ماكاين لا عمي لا والو فوقما تحل عليا فمها نعطيها لعصة حتى يتقادولها لعضام وتربى شوية انا لها بالمرصاد يلاه شووف المرة جاية ماتعاودش تفكها لا شتيني كنضربها وقف وتفرج عرفتي ماكرهتش نشدها نكمل عليها تصور سبات ليا ماما وكتقول شي هضور لا علاقة اوااه انا لي ضصرتها سيادهت وماليها كلاو لعصة بقات غا هي .ها هي كلاتها دابة اوووووف هضرت بزاف جاني لعطش
جعفر غير كيشوف فيها من صباح وهي تهضر ماسكتاتش بتاسم:لما عندي فطوموبيل
عائشة:دير فيا خير لا جبتلي نشرب هنا جالسة فهاد الكرسي الله يحفضك
بتاسم ومشا للطوموبيل يجيب ليها تشرب هي جلسات فوق لكرسي كتسناه حتى جا مد ليها تشرب شربات شافت فيه:شكرا
بتاسم ليها:صعيبة مع راسك
عائشة:غير مع لي كيجبدني
بقة كيشوف فيها كيحاول يعرفها ويعرف عقليتها
عائشة شافت فيه:مالك
جعفر:والو مكتاب لينا نعاودو نتلاقاو
عائشة:سبحان الله
جعفر جبد طليفونو:واخة تسجليلي رقمك هنا
عائشة:علاش بالسلامة
جعفر:نسول فيك وصافي
عائشة لا مايمكنش
جعفر:نديروها غا معرفة
عائشة:قلت ليك لاا خليها للمكتاب كيف قلتي
جعفر رجع طليفونو لجيبو وهو مبتاسم:لي بغيتي
نخليك دابة
سلم عليها ومشى ركب فطوموبيلتو كسيرا بالجهد
عائشة:هادشي لي بقالي
وقفات فاش شافت لبنات جاو ومشات عندهم
كان سايك وهو مبتاسم:ماشي ساهلة كيف توقعتها ولكن شوية بشوية تاحاجة ماصعيبة الالة عائشة غنلقالك شي حل
وصل للشركة ديالو نزل وطلع نيشان للمكتب ديالو جلس وجبد الملف ديالها لي فيه المعلومات رجع كيقرا داكشي ديالها:نتي راك محتاجة ليا كتر مما كتصوري
دازو ساعات
كانو خارجين من ليسي
فاتي:هدشي كاامل وقع ناري كوغا حضرت كتعجبني المناتفة
دينيز:وانا كنقول مالها ماجت هي قولي مشات تبرد القتلة دلعصة ههههه عبرتي عليها كان ضاروري تنتف باش تبت شوية
عائشة:اودي غا تبعد مني
دينيز:وكلشي على جعفر ياختي
عائشة:كيجيني فشكل
دينيز:وي راه طايح الكبيدة
عائشة يطيح على حجرة ان شاء الله
دينيز:مالك اه زوين وضريف وفوق هادشي لاباس عليه راه عندو شركة خاصة بيه ومحتاج للحنان مو وباه ماتو هدا شحال بقة غا هو يبغي لي تونسووو ازغبية
عائشة:من نيتك زيدي زيدي
فاتي:بعدي من البنت شوفي ماعندك ماديري بشي بوركابي غا فريع راس خليك هكا عايشة حياتك حسن
دينيز:نتي باغاها تولي بحالك دمك بارد ماكايعجبك حد لا اعائشة الحب زوين خاص غا معامن زعمة لي يستاهل لا جاتك شي فرصة ماضيعيهاش
فاتي:شو في ماديش عليها
عائشة قاطعاتهم:اوووف صدعتوني هنا مشيت
سلمات عليهم وشدات طاكسي كانت واقفة مشات بحالها
فاتي:يلاه معايا لدار هاد النهار
دينيز :ااام زيدي يلاه
عائشة وصلات لدار
تكات فصالون مافيها لي يطع فالدروج حطات راسها على الخدية وتنهدات عايشة صراع داخلي بوحدها لي متحملاه .كلشي تخلط عليها فدقة عائلتها ورياض لي خاص يخرجو منو وعاد راسها هي وقلبها باغة تعاون عائلتها باغة تحيدو هو من بالها من لبارح وهو فعقلها وداك اللقطة مابغاتش تحيد من تفكيرها كتسهى وكتولي تعيش نفس الاحساس ديال ديك اللحضة ناضت جالسة حاسة بهادشي بزاف عليها هو فين وهي فين عندو لالاتها فدار اش جابو ليها هي حتى ايلا ماكانتش ديك الفعلة بسباب الشراب اكيد غتكون غير نزوة وايرجع لمراتو وينساها ..قالت مع راسها زعمة تاهو يكون حس بنفس الشعورى لي حسيتو عاش نفس اللحضة يكون كيفكر بحالي ضحكات على راسها وهي كتقول فيقي من ااكلبة تلقايه نسة تا شنو وقع لبارح .دوزات يديها على وجها .حسات بشي حد.جلس حداها كانت بنت جارتهم عندها 24عام
سعيدة:مالكي
عائشة:ماماليش
سعيدة:ماشي هي هديك حاسة بيك عندكم اامشاكيل وعاد مرض جداك لي خاصو مصاريف وزيدي عليها الرياض
عائشة تنهدات:وانا غير كنتفرج ماكانعاون بوالو هادي ماشي الفقصة
سعيدة:ايوا ديري شي حاجة
عائشة:بحالاش ماعندي لا خدمة لا ردمة كي ناس باش انعاونهم
سعيدة :ماشي بضاروري تخدمي
عائشة:وشنو
سعيدة:ضبري على كرك ماتبقايش غا جالسة عطا الله لحمير عندهم لفلوس خاص غا لي تنصب عليهم ونتي زوينة تبارك الله الف واحد يتمناك بضحكة منك تاخدي لفلوس لي بغيتي
عائشة بقات كتشوف فيها وهي تنطق:من نيتك
سعيدة:انا غير قلت ليك شكون دابة لي هاز مي وخوتي راع اناا كنخرج نجيبها من فم السبع ونجيب ليهم ما يرهجو ومايصرفو معيشاهم احسن عيشة ودابة غنشري ليهم دار بفلوس واحد السعودي راه لما تحاربتيش اتبقاي هكا غير جالسة وكتفرجي ونتي كتشوفي عائلتك كضيع
عائشة شدات لباب وتلاحت فوق النموسية كتفكر فهضرة سعيدة
عائشة شدات لباب وتلاحت فوق النموسية كتفكر فهضرة سعيدة عندها الحق ماعندها باش تفيدهم وهي غير كتفرج عائلتها محتاجة ليها مايمكنش تخليهم يتقاتلو بوحدهم..خوها ضحة بحياتو غيشارك فكومبات عشوائية يقدر يدخل الحبس سنين طويلة..ومها ضحات بصمعتها ونزلات براسها ومشات شطحات قدام رجال وغنات .وسارة لي سارة ماكاتجيهم ماوالو وكتقاتل وتعاونهم .وهي لي بنتهم كتفرج علاش لي تاهي ماضحيش كيف ضحاو هوما ودير شي حاجة تعاونهم بيها .ناضت جالسة من بعد ماخدات قرار انها صاافي ادير المستحيل وتعاونهم ضحي باش ماكان المهم تعاونهم ..جاو فبالها افكار وأفكار خاص تفكر مزيان
جا الليل وطاحت الضلمة
كانت متكية فوق النموسية حتى كيصوني ليها جاوبات:وي محمد
محمد:فينك
أمونة:مزالة عند بابا
محمد:راني جيت واش ماغاتجيش لدار
أمونة:لا باغة نبقة مزال معاهم
محمد:صافي لي بغيتي
وقطع..حطات طليفون ويدات كتبكي تفكرات ليلة دزواجهم كانو فالاوطيل..لابسة كسوتها لبيضة جاياها كتحمق وجالسة فوق النموسية وهي فرحانة واخيرا ولات ديالو حسات بلباب تحل كان هو بتاسمات ورجعات نزلات راسها
محمد شاف فيها شوفات ماعجبوهاش:ماغاتبدليش عليك
امونة وقفات شافتو ماشي هو هداك ولكن سكتات قالت بغاني نلبس ليه سوميج دونوي.دخلات الحمام فسخات المشطة وقدات شعرها ودا رت ماكياج خفيف ولبسات سوميج فالبوردو معرية كتر مامغطية جات كيوووت خرجات من الحمام وهي حشمانة شافتو واقف حدا البالكون كيشوف لبعيد قربات لعندو وهي مبتاسمة باغة دوز معاه ليلة زوينة دابة ولا حلالها:محمد
دار لجيهتها طلعها هبطها مزيان
امونة:كي جيتك
محمد :امينة بلاش هاد التخربيق
امونة:كيفاش
محمد:هاد الزواج كامل غلطة وصافي تصرعت بزااف
امونة غير مصدومة حسات بخنجر تغرس فقلبها:شكا تخربق كيفاش
محمد:كي سمعتي
جلس وجلسها حداه:شوفي نجيك للصراحة انا كنبغي وحدة خرا وهي سمحات فيا وقع بينا مشكل ومشات تخطبات ماتصوريش باش حسيت فداك الوقت صبرت راسي بالسيف باش مانمشيش ونقتلها .قلت باش تطفة العافية لي فقلبي هي نتزوج تانا طلبت من الواليدة تشوف لي شي وحدة وهي تختارك نتي حيت بنت صاحبتها وانا كنت حاس بيك كتميلي ليا عليها وافقت ولكن دابة حسيت اني غير كنضلمك معايا ونتي ماتستاهليش هدشي درتو فلحضة غضب وهنا دابة فقت من الكلبة تافات الفوت سمحيلي عفااك
أمونة تغرغو عنيها بالدموع حاسة براسها غير كتحلم ولا فشي كابوس عاد وهي فرحانة دابة كلشي تقلب بلعات ريقها وناضت حاسة براسها مخنوقة وغتنفاجر فأي لحضة مازال ماستوعبات هادشي وقفات حدا البالكو باغة يضرب فيها الريح باارد .محمد مسح على وجهو وناض تبعها:امينة
هزات يديها بمعنة سكت ماقدرات تنطق واالو .تنهدات بالجهد وهي حاطة يديها على صدرها كتحاول التنفس شوية تخنقات طاحت على ركابيها وبدات كتشهق التنفس مشا ليها نزلو دموعها حارين حاسة براسها غتموت هي كتبغيه بزاف جاتها صعيبة.محمد تحنة لعندها وشدها من دراعها:امييينة مالك
تنترات منو وهي كتكح ماباغاهش يقيصها..محمد ناض كيجري حل واحد شانطة جبد منها واحد البخاخ.وقربو ليها لفمها خداتو منو وبدات كتستنشق منو غندها مرض الربو ..محمد وقف وهو كيشوف فيها كتسترجع انفاسها بقات جالسة فالارض وشعرها مغطي وجها تكات على الحيط وبدات كتبكي بصوت مرتافع حسات بالاهانة وقلبها كيتقطع بقات كتبكي وتشهق وهو غير واقف وكيشوف فيها حس بتأنيب الضمير ولكن كان خاص يصارحها بقات فيه ماتستاهلش ولكن الله غالب قلبو مع وحدا خرا
امونة شافت فيه وناضت قربات لعندو وهزات يديها حتى لسما وجمعات معاه بصقلة وبدات كضربو على صدرو وتغووت:علااااااااش علاش درتي فيااا هكاا علاش ختاريتوني انا ضحكوو عليااا علاش تزوجتي بيااا علاااش ..عطيتيني امال كنت قاطعاه كنت بديت نحيدك من بالي كنت بديت نساااك كنت بديت نتأقلم انك ماشي دياااالي ودابة جاي كتقول ليا سمحيلي بهاد السهوولة نت جرحتيييني طعنتيني فقلبي الله يااخد فيك الحق
محمد شافها ماغاتحبس شدهلها يديها:امووونة صاااافي
بقات كتنتر منوو وتغوت جرها لعندو وعنقها وهي مزال كتغوت فتالي ترخات وستسلمات لدموعها وهي كتقول:علاااش حرام عليك
بقات هكا فتاالي بعدات عليه ودخلات لحمام وشدات عليها شافت فالكسوة معلقة تماك شافت سوميج لي لابسة غمضات عنيها بالجهد وهي كتحاول تحبس دموعها مابغاتش التسرط ليها .تحنات غسلات وجها مرة وجوج وتلاتة وهي كدور هضرتو فدماغها شغا دير بواحد هانها فليلة عرسها تزطم على قلبها وماتبقاش معاه .خرجات لقاتو واقف :انا غنرجع بحالي
محمد:امينة فكري فراسك وفالهضرة دناس شغا يقوولو فيك وفعائلتك انا ماعنديش مشكل من غدا نطلقو ولكن مابغيتش نزيد نكمل عليك ونخرج على مستقبالك الناس ماكاترحمش ايقولك رجعها فليلتها فكري شوية
سكتات وهي كتشوف انه عندو الصح :خرج مابغيتش نشوفك هنااا خررررج
داكشي لي دار خرج للبيت لاخور كان عندهم جناح تكا فوق الفطوي وهو كيفكر انه ضلمها بزاف وانه اناني فكر فراسو ومافكرش فيها هي
امونة تلاحت فوق النموسية وهي كتبكيي جرحهاا بزاااف
مسحات دمعة حارة من عنيها مزال كاتعاني من داك الليلة .دار معاها 6 شهور ويطلقوو عايشين فدار بحال الخوت هو كيقيل برة وكيجي ينعس فالبيت لاخو وهي كتبقة فدار ولا كتخرج تمشى هكا داز لهم شهر العسل ونهار عيد ميلادها هو سافر ماحضرش ودابة عاد.كيعيط ماقالعاش تاعيد ميلاد سعيد علاقل كصديق تنهدات:كلشي غيدوووز اه
جا نهار جديد
كانت راجعة من المدراسة مالقاتش طاكسي وبغات تمشى حتى تلقاها.سهات وهي كتفكر حتة كتحس بشي طوموبيل وقفات حداها علات راسها كان هو ..بتاسم ونزل الزاج:ها المكتاب دار خدمتو عاود
عائشة:ونت غا كتقلب على هاد المكتاب ماكاتعياش
جعفر :لا كان هاد المكتاب فيه نتي نقلب علاش لا .طلعي بعدة نوصلك ماتبقايش واقفة فهاد الشمس
عائشة بقات كتشوف فيه تفكرات شي حاجة فيقها صوتو:شنو قلتي
عائشة:واخة
ركبات ودارت السمطة وهو كسيرا
جعفر:نهار زوين هدا ملي بغيتي تركبي معايا
عائشة شافت فيه وهي كدور الافكار فراسها:بصاح
جعفر :اه
عائشة تفكرات الهضرة ديوسف فهمات انه بوبنات وعاد حسات بيه منجادب ليها ودايرها فلاليسط ديالو غيكون الامر ساهل عليها
عائشة:ماتديش عليا غير مع القراية كنولي مرفوعة
جعفر:ماشي مشكل المهم تكوني مرتاحة كي غادة مع القراية
عائشة:الحمد الله
جعفر:نجلسو فشي كافي
عائشة:واخة
جهفر شاف فيها ماكانش متوقع هدشي منها كان كيقول صعيبة بتاسم وهو كيقول طحتي قريب نجيبك للملعب ديالي
عائشة هي التانية كتفكر كي غادير معاه وكي غادير تبروفيطي فيه
وصلو للكافي سبقها ونزل حل ليها لباب :تفضلي نزلات ودخلو للداخل كان مكان راقي وكلشي كيرحب بيه وجدو ليهم طبلة ووقف عليهم سيرفور:سيدي شنو حب الخاطر
جعفر شاف فيها:شنو بغيتي
عائشة:جي دوغونج عفاك
جعفر:انا شي قهوة عفاك
السيرفور:مرحبا اسيدي
عائشة:زوينة هاد الكافي
جعفر:ولكن ماشي حسن منك
بتاسمات ليه :شكرا
جعفر كيشوف فيها ماينكرش انه عجباتو بزااف نقية وطبيعية عكس هادوك لي كيمشيو معاه نص فيهم بوطوكس وسيليكون وماكياجات ولكن كلهم بحال بحال بالنسبة ليه بتاسم وهو كيقول صافي مابقة والو
جعفر: عاوديلي عليك شفتك مهمومة
عائشة عجبها سؤالو تنهدات:عادي غير المشاكيل ديال الدار وصافي
جعفر عارف كلشي ولكن خاص يسمع منها :عاوديلي لاماكنش عند المشكل
عائشة:لا متشي مشكل نيت محتاجة نخوي قلبي
عاودات ليه المشاكيل لي عندهم طابعا ماتعمقاتش ماقالتلوش ان مها شيخة وكدا..وصلاتلو الفكرة انهم محتاجين لفلوس
جعفر:هدشي بزاف عليكم صراحة وحدة بحالك ماتستاهلش بحال هاد العيشة
عائشة:ايوا هدا ماكان
جاب ليهم ااسيرفور المشروبات ..بقاو كيهضرو عائشة كتحاول تزيد طيحو وتوصلو داكشي لي باغة غا بالفن وهو تايحاول يطيحها ويبين ليها انه قادر يساعدها باش يقدر يوصل لداكشي لي باغي..وفالاصل هو عارفها محتاجة ليه وهي عارفاه باغي غير حاجتو منها
سلاو وناض باش يوصلها ركبو فلوطو ووصلها فلباب دالحومة.مدات يديها باش تسلم عليه وهو يجرها وسلم عليها بالبيز تزنكات ماحملاتوش يقيسها بعدات عليه:شكرا
مد ليهت طليفونو:هاد المرة اناخد نمرتك ياك
بتاسمات:ضاروري
قيدات ليه نمرتها صونا عليها باش تطلع ليها نمرتو
جعفر:كاين واحد الاجتماع على شكل حفلة من دابة سيمانة عارفك من النوع لي كيعجبهم الحفلات لابغيتي كوني حاضرة معانا
ونزلات ومشات لدارهم بقة حاضيها حتى غبرات من قدامو:سيمانة بالضبط وتكوني ففرااشي
عائشة غادة فطريق وهي كتفكر:فهاد السيمانة خاص نكون خديت منو لي غاناخد ..دخلات لدار شافت سعيدة جالسة فالصالة مشات جلسات حداها:سعيدة مسالية نهضرو شوية
سعيدة:اهاه
عائشة:اجي معايا لبيتي حسن من لهنا
ناضو طلعو لبيت شدات الباب وجلسو فوق النموسية
عائشة:بغيت نقولك شي حاجة ماتقوليهاش لسارة راني عارفاك كتقيلي مجمعة معاها وحتى ماما مايعرفوش هدشي
سعيدة:ودابة دوي خلاص
عائشة:فكرت فهضرتك وبغيت تانا ندير شي حاجة باش نعاون عائلتي .وصراحة واحد لحيوان جا فطريقي على ما قالول ليا كيدوز وقتو بالبنات راكي عارفة زهواني .هو لاباس عليه بزاف ولاسقني سيد طايح وباينة باغي يزيدني على هادوك لي قبل مني يضحك عليا ويصيفطني ولكن تنا ما بغيتش هدشي بغيت ناخد منو لي بغيت وندردبو .بغيتك تعاونيني نتي عارفة هادشي كتر مني
سعيدة :وا طلعتي ماسويهلاش اعويشتي هههه.مهمت فكرتي هكا راه ماعندي فاش نعاونك راكي قادة يلالة..المهم الىاحل كلما طمعتيه وبينتي ليه انه كلشي ساهل كيزيد يلسق وينزل الارض ايبغي يعطي كتر ويبينلك تاهو شنو عندو يطمعك حتى يطيحك..ونتي عيشيه فهادشي انك واحدة ساهلة مسالي قبك ختصك غا معامن ولي قالك قوليلو اه وفنفس الوقت حاضية راسك خليه متلهف ليك .وبيني ديما راكي محتاجة وباغة وغير هو لي عندك وقادر يعاونك فهمتي ايوا وعلامن تقدي غراضك كي قلتي دردبي مو خليه يتقلا ويحكو مع الحيط هههه
عائشة:اصلا مستحيل نخليه يوصل لداكشي لي باغي هو .
سمعو لباب كتحل سكتو كانت سارة جاتها عجيبة فاش شافت سعيدة:نتي شكا ديري هنا
عائشة شافت فيها وهي كتفكر داك اللحضة لي مازالتش من بالها
سارة :وا دوي
عائشة عاودات ليها كلشي اصلا محتاجة تعاود لشي حد
سارة شهقات:ياااااا لاهوي على المسخوووط لاخووور يحرق طاصيلتو كاملة هدشي ياحصرة مزوج ومزال ماداز على زواجو تا عاام
عائشة غير ساكتة وكتشوف فيها كيف كتسب
سارة:ونتي اش درتي
عائشة:قلت ليه يبعد مني ومايعاودهاش
سارة:ومالكي كتقوليها هكت ياك ما عجبك الحال الموصيبة
عائشة هزات راسها باه:اااه
سارة:الله يمسخك هدا ما غانقولك
عائشة:والله ما لخاطري ماعرفتش شنو هدشي واقعلي ولكن راه اول واحد ايدخل لدماغي لهاد الدراجة جدبني بزاف واول قبلة فحياتي من عندو هو هدشي خلاني نزيد نفكر فيه ومايمشيش من بالي وعرفتي راه ملداخل ديالي مامرتاحاش لهادشي لي واقع حيت هو بعيد عليا كل البعد
عائشة حشمات منها ماكاتجيهم والو وكتعاونهم ما كاتحاسبش معاهم فلفلوس مرات كتشري دوة تمشي نيشان للطبيب تعطيه للكلثوم
سارة:وا تي شدي راني بحال ختكم
عائشة ناضت وعنقاتها:شكرا بزاف
سارة بتاسمات:نتوما وليتو هوما عائلتي لي ماعنديش هدشي عادي اولا
عائشة بتاسمات:اه بصاح لهلا يخطيك علينا
سارة:يلاه هنا مشيت وديري عقاك
خرجات وخلات عائشة غارقة فتفكيرها
نمشيو لجيهة خرا
كانت راكبة فلوطو ديالها راجعة من الخدمة هي لي ستالمات الشركة دباها الله يرحمو ومتكلفة برئاسة شركة جدها أحمد بحكم انه عيا قليل فين ولا كيمشي للشريكة وزيد عليها الازياء ديالها وديال مها لي خلات ليها قدرات تكون داتها وتكون انتى بمعنى الكلمة وسيدة اعمال ناجحة فسن صغير ..سمعات شي كلاكسون موراها شافت فلمراية:هدا نت عاود
حمزة كيتاسم خرج يديه من الشرجم ودار لها لاي باي وداىدر ليها اشارةزعمة وقفي
بتاسمات وخرجات يديها من شرجم ودارت ليه اشارة ديال لا...زاد فالسرعة باش يجي مقابل معاها ولكن هي ماعطاتوش الفرصة كسيرات بالجهد وسبقاتو
حمزة ضحك :واخة وراك وراك والزمن طويل اباربي
وزاد تاهو فالسرعة وتبعها
اكرام شافتو تابعها قرب يوصلها زادت فالسرعة كتر وكسيرات وهي كتلعب فالطريق وكتكابري ولكن معامن مع حمزة لي ماكايتفاكش كلما بعدات هو كيزيد يقرب
اكرام:انشوفو دابة شغادير
كسيرات بالجهد وضارت مع واحد الدورة حتى تسمع صوت الطموبيل ومشاات
حمزة بحكم كان غادي بسرعة كبيرة مابقالوش الوقت فين يدور يتبعها كمل طريقو وهو كيضحك :حسابليك هربتي مني
حمزة:ههههه تي راه كلشي عارفني شحال كنبغييييك شنو الجديد لي اتقوليلهم كلهم عارفين ان حمزة كيبغي اكرام وحمزة ماغايكون لتاوحدة من غير اكرام.واكرام ما غاتكون لتاواحد من غير حمزة.وقريب تانتي اتفهمي هادشي
اكرام قربات تا لوجهو حتى تخالطات انفاسهم وهمسات ليه:خسارة هدشي عمرو ايتحقق عمرك اتعيش هاد النهار اتموت ونت كتبغيني
حطات يديها على قلبو وزيرات عليه:قلبك ايبقة كيتعدب حياتو كاملة على ود اكرام حتى يحبس وما يبقاش يدق سمعتيني انا عمري نكون ليك
بتاسم عكس نار لي شاعلة فيه من هضرتها شد يديها لي على قلبو وباسها وقرب خطف بوسة من شفايفها حتى قفزات:لا مت وانا كنبغيك هديك هي دنيا وما فيها وتيقي بيا عمرك تلقاي شي حد لي يبغيك بحالي واخة طيري .وعرفتي هدا لي غيجي ويبغي يتقرب منك كنقسم ليك موتو على يدي وقدام عنيك
بعدات وهي مخنزرة فيه مسحات شفايفها:تولي تعاودها انا لي غنقتلك
ناصر تنهد شاف فحمزة ورجع شاف فيوسف مخنزر هدنو بشوفاتو عارفو ماكايحملش لي يأدي اكرام
ناصر:حمزة اجي معايا
حمزة تبعو ودخلو للمكتب
ناصر بقة كيشوف فيه عارفو شحال كيبغيها ملي كانو صغار حتى كبرو عارفو شحال كيتعدب ملي كترفضو فكل مرة كيجي يخطبها
ناصر:الحب ماكايجيش بالسيف
حمزة تنهد:وانا مايمكليش نساها بالسيف ماشي لخاطري اكرام راه هي كلشي بالنسبة ليا
وقف وقرب عند ناصر وحنا راسو:سمحلي لا كنت كنصدعتكم أعمي ولكن لقلب ماكايشاورش ونيتي ماشي خايبة كون عليا نتزوجها ليوم قبل من غدة ولكن كلشي علة عنيك.نخليك دابة غنمشي وسمحلي مرة خرا
وخرج.ناصر تنهد فالداخل ديالو كيقول عمرها تلقة بحال حمزة يبغيها ويموت عليها ولكن مايمكنش يبزز عليها شي حاجة هي ماباغاهاش
حمزة ركب فطوموبيلتو ومشا نيشان لدار دخل لقة جنات جالسة فالصالة طلع نيشان الفوق.جنات حسات بشي حاجة ماشي هي هديك ولدها وكتعرفو فالعادة كيجي يسلم عليها.تبعاتو ودخلات عندو لبيت لقاتو جالس فوق النموسية ووشاد راسو بين يديه قلبها تخطف مشات جلسات حداه حطات يديها على دراعو:ولدي مالك
علا راسو وشاف فيها ونطق بصوت عيان:كنبغيها شنو ندير
حمزة بعد عليها:ماقدرتش عيت وانا كنحاول نسة او والو كنلقة راسي كنزيد نبغيها.قلبي بغة وحدة قلبها حجر ماكاتحملنيش لهاد الدرجة انا خايب ماكانسواش
جنات كتهز راسها بلا:لا لا ماتقولش هكا نت الف وحدة تمناك
حمزة:وانا تمنيتها هي
جنات:لا كانت مكتابة تكون ليك راه واخة تهرب حتى تهرب وغتولي لك ولاكانت مامكتاباش ليك..
قاطعها:مستحيل تكون لشي حد من غيري
جنات سكتات وهي كتشوف فولدها باغة تعاونو ولكن ماعارفاش باش
حمزة ناض هز فوطة ودخل لحمام يدوش جنات بقات جالسة وخرجات من لبيت ونزلات لتحت جلسات وهي كتفكر فولدها
داز هاد النهار وجا نهار جديد
عائشة:انا غنمشي عييت
دينيس:سيري احبيبة حنا عاد كنتسناو يوسف ايجي هو ونرجس مورايا
عائشة بمجرد ماسمعات سميتو قلبها زدح:يلاه بسلامة
مشات ومرة مرة كتعلي راسها تشوف شي طاكسي حتى كيصوني ليها طليفون خنزرات عاد جاوبت:وي جعفر
جعفر:لاباس عليك
عائشة:الحمد الله ونت
جعفر:بيخير انا غير حدا لي سي مانتشاوفوش
تنهدات:صافي واخة
نعتات ليه هي فين ووقفات كتسناه وهي كتقول فوقاش يسالي هدشي شافت طوموبيلتو جاية فتجاها وقف حداها حلات لباب وركبات..فهاد اللحضة كان غادي فتجاه الليسي حتى كتجي عنيه عليها وهي كتركب
نرجس:اووه هديك عائشة
يوسف بقة غير كيشوف شاف الطموبيل تحركات ومشات
نرجس بتاسمات:من نهار الحفلة كلشي لاحض التقارب ديالهم ماحيدش عنيه من عليها زعمة يكونو مكتابين لبعضياتهم
يوسف شاف فالطريق وهضر ببرودة:وحنا سوقنا
وقف باش تركب دينيس وكسيرا نيشان للدار
نرجس شافت فيه ماشي هو هداك.
وقفهم حدا دار ونطق:نزلو
نرجس:ماغااتنزلش نت
يوسف:عندي شي شغال
نزلو وهو كسيرا بالجهد
دينيس:مالو
نرجس:عاد وهو هداك حتى كيتقلب كيف الزمان
دينيس:هدا هو الزعيم زيدي زيدي ندخلو كوراه تفكر شي وراق ولا شي حاجة
نرجس:ممكن
يوسف دوز واحد النمرة:بغيتك دابة تكون عندي
وقف الطموبيل فالجنب حتى كيجي واحد من رجالو:نعام اسيدي
يوسف:جعفر متوكل بغيتك تراقبلي كل تحركاتو اتكون معاه شي بنت سميتها عائشة
الراجل فهم المطلوب بلا مايشرح ليه:واخة اسيدي
يوسف:يمكن ليك تمشي
يوسف دور الساروت وكسيرا نطق بحدة:برهوشة
فالجيهة لوخرا
كانو جالسين حدا البحر هي لبغات تجي ليه شافت فيه لقاتو كيشوف فيها بتاسمات:ياك ما ماعجبكش لحال هنا
جعفر :لا اي بلاصة نتي فيها مزيانة
بتاسمات ليه ورجعات شافت فالبحر
جعفر:بتسامتك زوينة
عائشة شافت فيه وهي مبتاسمة:بصاح
هز راسو باه وهو كيبعد.خصلة من شعرها على وجها:كتر من ما كاتصوري
بقة كيشوف فيها حتى بدا كيقرب ليها شوية بشوية يلاه ايبوسها وهي تبعد :احم تعطلت خاص نمشي
بتاسم:يلاه
رجعو للطموبيل حل ليها لباب وركبات وكسيرا
جعفر:فين وصلات جداك
تنهدات:مزالة كيف ما هي ماغاترتاح تادير العملية وزيد.دوايات
جعفر:الله يشافيها
عائشة:أمين
وصلو فين غيحطها سلمات عليه:نخليك دابة
جعفر:تسناي
حل لكوفر لي قدامو وجبد واحد الغلاف:هدي مساعدة لجداتك
جمعات شانطة ديالها هزات طليفون فكرات تصوني تقول ليه هنا جاية ولكن مابغاتش تحشيه ليه ..عطات لخدامة دارت ليها شانطة فطوموبيل سلمات على خوتها و واليديها خرجات ركبات فطوموبيلتها ومشات لدار لي لمفروض تكون دارها ..كانت عبارة عن فلة صغيرة تصميمها روعة .جبدات السوارت خلات لباب ستقبلاتها الخدامة خدات من الشانطة
امونة ماسمعاتش حسو فدار:فين هو محمد
الخدامة:باقي ماجا الالة
امونة:واخة
طلعات لبيت اول حاجة دوشات علعليا خرجات نشفات شعرها ولبسات عليها ونزلات لتحت جلسات فصالة وهي كتقرا فالمجلة ..بقات شحال حتى كتسمع للاب تحلات كان هو شاف فيها :على سلامة
امونة حطات المجلة من يديها وشافت فيه:ا لا ماجيتش لهنا على قبلك تانيا جيت حيت بداو كيسولو فين محمد واش مدابزين عليها راني هنا دابة اما كون عليا انا كي راني فدارنا من شحال هدا
محمد:ماقصدتش شي حاجة غير باش ماتقنطيش وصافي
امونة ناضت:ماشكيتش عليك
وطلعات لبيتها حلات لباب ودخلات تلاحت فوق النموسية نزلات دمعة حارة من عنيها:كون غير تبقة ساكت حسن
نمشيو لجيهة لوخرا
كانت جالس هو وياه كيرتاحو من التدريب
عصام:اصاحبي ماكاتعياااش انا فبلاصتك وعييت
مهدي ضحك:هههه شرفتي اصاحبي
عصام:اجهد لي ماكاينش الله يهديك راه مزال ندك وندردك
مهدي:هي لانضتي نديرو شي طريح
عصام:مشات
ناضو بجوج دارو ليكون فيديهم وتقابلو مع بعضهم وبداو كيلعبو..مهدي زرب عليه عطاه بكروشي لجنبو
كان فالمكتب ديالو جالس فيديه شي وراق.سمع دقان شوية تحلات لباب .دخل ووقف اونفاص مع المكتب:سي الزعيم داكشي لي طلبتي هاهو واجد.لبنت لي قلتي راها معاه دابة خليت واحد من دراري مزال مراقبهم وو..
قاطعو وعنيه مزال على لوراق لي قدامو هضر ببرودة:صافي يمكن ليك تمشي.وكمل
خرج وشد لباب موراه..يوسف بقة حتى كمل لوراق تنهد وشاف فالملف هزو وبدا كيشوف داكشي لي فيه بزاف تصاور وهي معاه بقة كيشوف فواحد التصويرة وهي كضحك هز الصورة لوخرا كان جعفر كيمد ليها فيها لفلوس دار بتسامة جانبية بحاليلا كيستهزأ وجمع داكشي ورماه فسلة المهملات لي حداه وشاف لبعيد وهو مخنزر تفكر داك ليلة فاش كانت قريبة ليه وزاد عقد حواجبو جمع يديه على شكل بوكس وناض وخرج من المكتب
فالجيهة لوخرا
كانت فالطوموبيل وهو نزل دخل لفرماسيان حتى كيرجع وساشيات ديال الدوة كلو لي كتحتاج جداها فيديه وكلو غالي ركب ومدو ليها:لا كانت ناقسة شي حاجة قوليهالي
خداتو وهي مبتاسمة:شكرا بزاف صافي الدوة كولو هنا
ديمارا وشد ليها فيديها وباسها:نتي غير كوني على راحتك
قلب دورة ووصلها للطبيب طلعات هضرات مع الممرضة باش تخلي هدشي بيناتهم وفاش تسول مها وعصام على دوة تقولها مامحتتجينش دوة تنقص عليهم مصاريف دوا شوية
رجعات لعندو ركبات
بتاسم:فين نمشيو دابة
عائشة:فين ما بغيتي
شاف فيها:بعد غدا الحفلة بغيتك تكوني زوينة بزااف
عائشة شافت فيه:ان شاء الله
بقاو غاديين حتى كيوقفو حدا واحد لبوتيك ديال لحوايج ماركة عالمية بقات غير كتشوف:شكا نديرو هنا
جعفر:نزلي
نزلات وشد ليها فيديها ودخلو بقات غير حالة فمها لبوتيك فيه لحوايج لي كتمنة اي بنت وبجميع الانواع سهات وهي كتشوف حتة كيفيقها صوتو:اي حاجة عجباتك خوديها
عائشة:لا مايتحتاجش..
قاطعها:هنا جالس هنا
دار اشارة لوحدة من الموضفين باش تختار معاها وتعاونها.مشات كدور هي وياها وكتاخد لي عجبها ولكن مابغاتش تعيق اصلا ماعندهتش فين ديرهم الزاهية تخلا دار بوها..رجعات لعندو:صافي
جعفر ناض وهو مبتاسم:اجي معايا
مشات معاه لواحد الجيهة خاصة بلي سوميج دونوي شافت فيه باغة تأكد..ختار وحدة حمرة :هدي بغيتك تلبسيها من مور مانساليو حفلة الاجتماع بغيت ندوزو وقيت زوين ياك
بلعات ريقها هزات راسها باه:اه واخة
جعفر:غتجي معاك زوينة عجباتك
عائشة:اه زوينة وخلينا نمشيو
مشا خلص وصلات ليهم الموضفة الساشية للطوموبيل ركبو ووصلها لبلاصتها
شاف فيها ومد ليها واحد المبلغ:هادي ليك.وبالنسبة لعملية جداك نهار الاجتماع نتفاهمو عليها
عائشة:كيفاش
جعفر:انا غنتكلف بالعملية دجداك 16 لمليون اتكون عندك بعد غدا
عائشة حسات بواحد الفرحة فشكل:واش بصاح
هز راسو باه قربات عنقاتو وهي كضحك:شكرا
جعفر:تستاهلي.
عائشة مزال مبتاسمة:نهضرو فطليفون نخليك دابة يلاه اتنزل وهو ينطق:ولكن ماتنسايش بغيت ندوزو وقت زوين
دينيس:واخة وغدا ملي ترجعي من الحفلة عاوديلي كيف دازت
عائشة:واخة
باستها وخرجات كانت نازلة فالدروج وكتقلب عليه بعنيها مابانش ليها تنهدات حسات براسها توحشاتو وباغة تشوفو واخة غا من لبعيد .حلات لباب وخرجات وقفات فاش شافتو نازل من طوموبيلتو حنات راسها وكملات طريقها حتى كيوقفها صوتو:من الاحسن مانبقاش نشوفك فهاد الدار
وقفات وشافت فيه:علاش بالسلامة
يوسف:مايشرفنيش تكون وحدة بحالك صاحبت ختي
ضحكات كتستهزأ بهضرتو:من نيتك
يوسف قرب لعندها ستفزاتو بديك الضحكة شدها من دراعها وزير تا توجعات :ملي كنقول شي حاجة راه كنعنيها وهاد الحركات لي كديري ديريها فبلاصة خرا حيت انا من النوع لي ماكايصبرش يقدر ندير شي حاجة لي تخليك نتي تندمي على نهار لي وقفتي فيه حدايا
عائشة غير كتشوف فيه ووما.فهماش مالو معاها شافت فعنيه حقد عليها كون صاب يقتلها بلعات ريقها وسترجعات قوتها:رخي مني قلت ليك ماتعاودش تقيصنييييي
بتاسم باستهزاء:لي كيدفع كتر هو لي كيقيصك نسيت
زاد زير:كان كيحسابلي بنت فشكل حدرتك بعدي منو ولكن نتي من النوع ديالو
عائشة عاد فهمات هضرات وهي كتألم من يديها:كيفاش
يوسف وهو عاض على سنانو:راكي عارفة
دفعها تاكانت اطيح وعطاها بالضهر:بلاصتك مع المسخات ماشي هناا
عائشة بقات غير واقفة هضرتو كانت بحال لقرطاس بالنسبة ليها فهمات انه عرف انها كتلاقة بجعفر ومشا بالو لبعيد..ماكرهاتش تبعو وتشدو من يديه وتغوت ليه فوجهو و تقولوو انا راه ماكانخليهش يقيصني وتشرح ليه السبب لي مخليها تكون معاه..ماحملاتوش يفهمها غلاط..بركات على راسها فاش حسات بدموعها غينزلو :علااش غنبكي اصلا ماشي سوقو وماشي من حقوش يدخل فحياتي يديها فمراتو..
وقلبات الدورة وخرجات كتقلب على طاكسي
وهي كتهضر:دينيز صاحبتي مايقدرش يفرقني عليها.وماكايهمنيش يفهم غلاط ولا صحيح لي كيهمني هو راسي يمشي يقود عارفة راسي شكا نسوة ..ولكن كنقسم برب لي خلقني غادي نوريه شكا نسوة غير يدوز هادشي ويعرف اش كاين داك ساع غنسبو فوجهوو ونقولو انا حسن من عشرة منك غا تسنة ندير لمك شوهة.مع كراتك ونوريك لعياقة دوالوو..كانت مغصبة بزاف لدرجة كاعارفاش شكا تقول
شيرات لطاكسي كانت دايزة ركبات فيها ومشات للرياض
دخلات لقات الزاهية جالسة جلسات حداها:ماما مالكي
الزاهية:والو ابنتي غير كونا مجمعين ولاد مول رياض غيجيو باش نهضرو فهدشي ونلقاو شي حل
عائشة:فوقاش غيجيو
الزاهية:واقلة من دابة تلتيام ولا فه ليوماين
عائشة:ايوا على الله
الزاهية:ومالك نتي
عائشة:ماماليش غا عيانة نطلع لبيت نرتاح
مشات وهي تجي سارة
سارة:بصاح داكشي لي سمعت يلاه قالهالي عصام
الزاهية:ايه من دابة يوماين العملية تزاد عليها الحال بزاف
سارة:لا حول ولا قووة الا بالله ايوا
الزاهية:حرت لفلوس ماكاملاش وزيدي ليلة وحدة فداك سبيطار بمية الف ريال بحاليلا جالسة فاوطيل سانك اطوال ماكايرحموش بنادم.دابة هدشي ماشي مشكل المهم تولي بيخير
سارة:نتعاونو وصافي
الزاهية:صونيت على حكيم غدا ايشوف ليا خدمة
سلرة تنهدات:انا دابة نشوف
الزاهية:كنعدبوك معانا
سارة:وصافي عيقتو تا انا منكم
الزاهية بتاسمات ليها
عائشة كملات طريقها من بعد.ماسمعات هضرتهم دخلات لبيت وهي كتقول انا لي غنعاونهم غنفدي ليهم كلشي
داز هاد نهار وجا النهار الموعود
كانت فكامل اناقتها لبسات وقادات عند واحد صاحبتها وقالت ليهم فدار عندها الحفاضة اتبات مع دينيز تافقات هي وياها ..وقفات قدام لمراية وهي كتشوف فراسها ماتنكرش خوفها ولكن فاش كتفكر الضروف ديالهم كتشجع تفكرات اش قالت ليها سعيدة دير
أسقطته في شباكها فعذبها حتى أذاب فؤادها الجزء الثالث
محتوى القصة
يتبع...
التنقل بين الأجزاء