الا خدمتي بالحلال وجبتيها بعرق كتافك يحگروووك ويديروك تحت السباط، اما الا كنتي خارج لطريق وتابع فلوس الحرام كلشي يحتارمك ويدير ليك اعتبار ....وعادي هادا هو حال دنيا كلشي غادي فيها بالمقلووب....
دليلة مغلبهاش تختار طريق مها ، تفطر مع كحل اللون وتغدى مع البيض ....دير واحد في جيبها وواحد في قلبها وواحد ديرو رويضة سوكور...تنتف من فلان وفلان وتبروفيتي فيهم وكلشي يكون داير ليها شاان ...بالحق ختارت طريق صعيبة ولعامرة حفرات كيف كتخرج رجل كتغرق لووخرا ...ورغم انو كانو الناس والزمان محامين عليها عمرها حنات راس ولا هزات شي حاجة ماشي ديالهاا وطمعات فلي عند غيرها ...كانت قانعة وشابعة وحاجة وحدة لي كتمناها وتحلم بيها هي الاستقرار ...
واقفة دايرة يدها وراها وهازة راسها الفووق وكتدور وجها وكتشووف نظرات ناس فيهاا كلشي كان كيتشفى ويتغامز عليها.. متمزكااتش ليهم حيت بينها وبين رااسها عارفة راسها اش كتسوى ومكيهمهاش البشاار ومخلي مو يقول ما بغى يقوول
- " كيضرب ايد فايد وكشاكشو خارجين "....درنا فيك خير وخدمناك ، وفي اللخر جايا تشوهيني ...هاا شكون مصيفطك ليا ولا هادا هو سهمك شفارة ...
دليلة...."لمحاتو بنظرات قاتلة ..مكرهاتش تنقز عليه وتقجو تا يخرجو عينيه..زيرات على ايديها ودوات بكل ثقة وهي كتشوف فيه " كون كنت كنشفر متلقانيش حداك هنا ، كوراني ضربت بنكة ودخلت دوزت خمس سنين غلاضيت فيها ورجعت تمتعت ولعبت بالفلوس ....ولكن هذا ملعووب ولخبار فراسك اسي الباطروون ودابا ضرب ليا لخمسة " يعني لمينوك " وسد عليا فمك...
- ومزال كتجبهي وتخرجي في عينيك ، قالت ليك ملعوب 😡 الالة ذهب تلقى عندك وكلشي لي هنا شاهد تا تجبد من صااكك ..ولبووليس راهم في طريق تمشي فين ترباي باش تكوني عبرة لاي واحد باغي يشوه بيا ولا يدي تاع غيرو ...
" عيط لسيكيريتي جاو شدوها حتى يوصلو لبوليس , معندتهمش ولا شدات زكير مشات معاهم بملامح باردة من برا ولكن من لدااخل يعلم بيه غاا الله حاسة براسها فبير غارق ومغطلعش منو....كتقول مع راسها مشات على عيني ضبابة ومكاينش حتى لي غيسول فيا ويتفكرني ويقول هادي فين غبرات ..
فرمشة عين حضرات صطافيت هزوها نيشان لدار لحمرة تقول دايرة جنااية...دنيا كانت مطوقة تما وحاجة طبيعية حيت وراا صامدي صوااغ كاين ديمانش نوااغ ....
لي ضرب ليه كاس ولا ليكسطا بنج لعقل دار فيها واعر وهز لمضى وعرعر...وملي رجع ليه عقلو لقى راسو مونطينو وقاتل وهادي هي سخونية الراس كترجع ببروديتها ..
كان عالم بيها غا الله وهي جالسة كتسنى دوز فتحقيق تجمع عليها لعيا ولحگرة والخنقة عقلها مرفووع وغايب لدرجة سميتها مسمعتعااش حتى حساات بيد جبدتهاا
- مكتسمعيش الالة
-دليلة...."جاها على غفلة تا قفزها مدواتش معاه كتافات تمشي معاه ويبداو فسين والجيم
-" شاف فيها مقوس عينيه ومخنزر وهادي حاجة باينة ..حيت لقدامو متهمة بشفرة خاصو يخرج عينوو ويفرض هيبتو . " .. اش جابك عندي ؟؟
دليلة ..." دارت صباعها بين بعضهم ودوات " ... المكتااااب الشاف لي وصلني عندك
-" هز التليفون المكتب و عيط لدري لي جابها " ... ولدي جيب ليا ديك لاكارط ناسيونال ديال الحاجة لي قدامي ..
" جابو ليه لاكارط ديالها و كيف طابا سيري خرجو جميع المعلومات عليها من لي تزادت حتى لديك اللحظة لي قدامو ... كيف قرا اسم مها هز راسو فيهااا متسائل " .. الام ديالك هي سعاد الرحموني
دليلة ... مكرهتش نقوليك انا بنت راسي ولكن للأسف انا بنتها
-" كحز البيسي من قدامو و مخاطبها " .. سمعي نقوليك المحظر مغنحط يدي فيه تتقولي ليا نتي اشنو كاين .. لأنو أي كلمة خرجت و تكتبت غتحسب عليك و تلونصا .. فسهلي امرك وأمري و قولي ليا اش كاين بالحرف
دليلة ... اشنو غنقوليك أشاف من غير حظي وقف ضدي انا متهمة بسرقة ذهب عروسة كنت خدامة سرباية فعرسها و هادشي أكيد في راسك .. وحيت انا منحوسة كنت الوحيدة لي داخلة خارجة من داك البيت وبيت تبدال مغتكونش فيه كاميراا
-" ضحك باستهزاء "...وعلااه نتي الا بغيتي تشفري غتمشي لبلاصة فيها كاميرات...راك درتي حتياطك وحفضت سواريك واش عند بالك غنتيق هاد الهضرة لي كتقوولي ولا غتبقاي فيا
دليلة.......معندي علاش نبقى فيك نتا سولتيني اشاف وانا جوبتك.....ذهب مشفتوش ومهزيتوش بيدي كيفاش تلقى فصاكي معرفتش والا كنت غنتعاقب على حيت تلقى عندي ما بيدي مندير ...
-" رجع اللور في الكورسي و عينيه مهبطوش عليها .. من طبيعة المخزن قراءة الجسد و العينين .. من خلال هاد الجوج يقدرو يعرفو اشنو فيها ... وهو لقى قدامو بنت عينيها في عينيه و تتهضر بكل ثقة وجرئة وواثقة من كلامها " .. اخر عضرة ليك زعمة بلاما تصعبيها على راسك وعليناا
دليلة...." هزات حواجبها لفووق بمعنى "...لي عندي قلتو ليك وهادي اخر هضرتي ..
" حسات بقلبها تزير بقى ليها غا الحبس ها هي غتبات اول ليلة ليها فيه وتجربو تاهو حيت گاع المصائب دازو عليها " ....
الشاف ...تبغي تعيطي لشي حد من عائلتك ...
دليلة .." هزات حواجها بنفي " ...ما عندي حد اشاف من غير الله وراسي
تتقادفنا خيبات الأمل ...
كأننا لعب بيد الزمن البائس ...
أحدهم يلفق التهم ...
والآخر شاهد على جريمة لم تقترف ...عبث
لم تشهدو جريمة ولادتي ...
جريمة خدلاني ...و نحطاطي ...
أو حتى جريمة اغتصاب الحياة لأحلامي ...
وجريمة والدي البائس و امي العاهرة
لكنكم اليوم هنا تصطفون ...
الكل يشهد أن دليلة مجرمة ...
ملحمة جرائم لا تغتفر فأنا من أرادت العيش بريئة وسط الذئاب ...تبا لهوان أمركم ...ليس بينكم رجال ..
خاطرة بقلم عابرة سبيل
ليل كامل وهو راض لبال مسمعش ليها صووت ولا حس ..لقى راسو بالو مشغول عليهاا يمكن بقات فيه وحس انها مظلومة فشنو كيجرا ليهاا ...صبر ديك اليلة بزز وغير بان ليه الضو برا شرب قهوة تفيقو وخرج برا شعل گارو وبقى مقابل مع الشرجم على الله تطل.....مع اخر جرة صاط دخانو بسخط ولاح طفية من ايدو وطلع يدق على سعااد لي ناضت قاافزة معرفات باش تبلات عرفاتو هو من دقاتو المتتالية شوية وينصل ليها دفة ويخليها على الله ...
سعاد ..." حلات الباب لقاتو في وجهها متكي عليه وكيشوف قدامو ...دفعو بيدو ودخل بلا احم ولا دستور ..دار شرع ايدو وقلب دار كاملة حتى لحمام شافو ".....
-فيين بنتك ؟؟
سعاد......" الفقصة كانت كتاكل فيها وكتدعي في خاطرها عليها "....منعرف لييهااا كووراااه دايعة كيف عوايدهاا
عصمان ....." باسلوب فزعي ولي معرووف بيه ومغريبش عليه ".....كيفااش منعرف واش انا كنسولك على بنت جارة ولا شنو....واش بنتك الالة من لبارح في صباح خرجات ودابا صباح تاني ومعرفاها فين مشاات...." خنزر فيها ". ..اجي ولا ياكما جات وجريتي عليها ودايرة عليا تبهلة..
سعاد...." ستغلات الفرصة حتى شدات ليه بيدو وداتو لبيت لي فيه حوايجها وصاكها "....شراوطها باقين منضنش مشات بحالها حيت متخليش حاجتها...
" نتر منها وخلاها وتم غادي جاي في دار اما عي هزات گارو وجلساات مقابلة معاه كتنفخ وتفرج فيه "....
عصمان .....غنخرج نقضي واحد الغرض ...نبغي نرجع لقاك هنااا نمشيو لتم الا ملقيتهاش رجعات ...
" لاح عليها كلامو وهبط دمو كيفوور مشى نيشان هوا عليه ما بارد وبدل... لبس جينز مع سبادري و تريكو نص كم ...ايديه كانو كاع مغطين بلوشام جهة فيها لكوبرات وجهة لوخرا كان الورد ...دفتر الوساخ محطوط كان كلو خطوط ....ركب على موطورو ديالو ومشى لمحل قضى شي حوايج فوق من خاطرو بالو تشغل وبجهد....باغي يعرف فين مشاات بأي شكل وربي كريم ...رجع لعند سعاد لقاها لابسة ومقادة وعلى سينگة عشرين ....فرحانة في الداخل ديالها بمشوارهم هي وياه فقط حيت غتكون معاه وقريبة ليه....
وحاطة ايديها ومعنقة خصرو ساعة لي قراتو هي كان هوو في سماا قلعو ، غير ركب وركبات وراه بغات تشد في خصرو وهو يصدمها
مجوبهاش حيت طيح ولا تموت مهاموش ...كسيراا وظارت كيف بغى معنداتش ..ومسافة طريق وكان قدام الكاريان...غادي داخل ويلوح في السلام حيت بحالو سميتهم كتكون شانعة في جميع الأحياء ... بقا غادي تا وقفو قدام دار المختار خلاها تدق وهو تكلف يحيد ساعتو يخشيها في جيبوو
خشى ساعتو دارها في جيبو وقف بثبات وحط ايدو بزوج على خصرو ...عقد حجبانو حتى تشكلو ليه خطوط متوازية فجبهتو ...كان كيستنى غير امتى يتحل داك البال مكرهش يلووحو ويهني راسو ...هز ايدو هاد المرة بسخط وخبط خبطات لي من وراهم خرجو گاع عباد الله يطالو عرفوو القضية عند المختار حامضة....شي تشفى فيه وكاين لي باغيها فيه واخا معارفينش اش غيطرا ولكن فهمو كاينة إن في الموضوع من ورا سيفت زريقة...سمعو صوت خطاوي جايا ، تحل لباب ووقفت قدامهم
الغالية....."حطات ايدها على جنبها وبدات تفيبري تقول مركبين فيها الضو "....هاي هاي هاي على السعدية وتعكيرة واللبس هادي نتي ولا كذبت ...
سعاد....."خنزرات فيها حيت عرفاتها راه مدوزاتش لقليل تم .." شيااطة كتاخد غاا شيااطة ارخيصة اما سميت لغالية بزااف على طواسلك 🤨" صبرو كان قليل ومعندوش لوقت لبسالة لعيالات ..مخلاهمش يترادو كيف طعارج...لاح الغالية ودخل كيقلب ..لقى المختار حال فموو وناشر كل رجل في قنت...عرفو بلي هو باها مشاليه نيشان هزو من تريكو لي كان لابس تا جابو واقف معارف باش تبلى "
عصمان....." بالغوات " ....نتااااا هو المختار
المختار...." عند بالو صحاب الحال بدا يتفتف والهضرة كتخرج مقطعة يقول حرف ويوقف بحال سيدي لمشرط "......والله ..ماا..داير...حاجة اشاف ..
-عصمان......فيناااااهياااااا بنتك
المختار.....والله مكنعرف عليها حاجة اشاف اش دارت بنت لحراام ..
" حس براسو تقرجط ونفس تقطع ليه...كان شاادو بيد وحدة ومزير عليه ..تدخلات سعاد كتجري مشات ليديه كتحيد فيهم "....
سعاد......"تخلعات لتصدق غادا من وراه لعكاشة ".....اش كدير اعصمان طلق منو يمكن مكينااااش عندو ....
" لاحو بنثرة تا طاح الأرض وبدا يكحكح وحداه الغالية كتخبط على كتافو تقول واحلة ليه ..."...
مختار...." دوا بزز ..يديه ورجليه كيترعدو فيه غاا اللسان وتخراج العينين "....سعدية شكون هادا كحكح وعلاش كيسول على دليلة ...
سعاد...." شافت فيه ودوات بملامح جامدة "....بنتك مباتتش في الدار وكنقلبو عليها....
المختار........" طرطق عليها بحال لگلية "...بنتك نتي الالة مكنعرفهلش انا...كيجيني من وراها غا لبلا ...منك ليها من هنا لقدام باراكا عليا درت فيك وفيها خير وهزيتها وهي صغييرة ملي كبرات دابا تكوڤري على راسها بغيت لهنااا وراحة لبال ...
" هز رجليه وتم غادي ليه بيها لوجه عندو زهر بعد وجهو وجات في الخوااا ".....
عصمان ..." نفس تطلع فيه و تهبط تقولو كيهز في الحديد و عقلو تالف و خاصو يعرف دليلة فين باتت .. هو متأكد طارية ليها شي حاجة حيت قراها وعرفهاا انها ماشي من بنات ورا ثمنية .. رجع شنق على المختار وبدا يخبط على كتافو " ... نتااا واش رااجل نتاااا واااش لعدو ربك اب اااه تا سير تخبى و دفن راسك حييي سير شووفي ليك شي قبر فشي مزبال و تخشى فيه ... اش ذنب ديك البنت تا باش يكونو باها كيدار فحالك ...
"بدا يضرب يد مع ختها "... الأم عااااهرة و الأب ذيلمووو بزناااااس .." يا الاه بغات تهضر سعاد ووقفها بيديه " ... بربي و تهضري تا نخلطك معاااه
غير نلقاها وديك سااع عندي تصرف اخوور الله يعطي لديلمكم الحبس بزوج بيكم
" خرج من تم وسعاد وراه تجري وعباد الله حاضينهم.......خطوتو كانت كتعادل خمسة خطوات من رجليها وقف فين حاط موطورو ولي متقاسش ولا تخبش حيت تنقنيقة وصلات وتعرف بلي ديالو ....ركب وديمارا عند بالها كيستناها غا وصلات حدااه كسيرا وخلاها منشوورة بحال الهيضورة
مر يوم ومزال الحال كيفما هو زريقة عقلو خرج وحبس من تفكير كل مرة يسول سعاد الا عرفات شي خبار...اما هاد الاخيرة مكانتش مسوقة ولا هزات لهم حتى بواحد فلمية حيت وجودها زي عدمو في حيااتها بسيف ممربياش عليها الكبدة كيفاش غتشطن عليها كن ما عصمان لي كل مرة يسول فيها تنسى بلي غابرة من اصلوو ..
كان جالس في المحل ديالو داير رجل على رجل وفيدو كاس القهوة كحلة معصرة ...في جنبو ليمن كان ياسر لي فراسو لبلان من اولو الاخروو
عصمان....."كيحرك فرجليه معصب ".....وبنت يا حصرة وماشي اي بنت " بدا يدوي معايقش براسو "...اي واحد في زنقة الا شافها غيطمع فيهاا ...."حط الكاس الارض وقف "....عقلي كيبغي يخرج من بلاصتوو ملي كنتفكر بلي باقا مبانت ....كون متبعت داك زامل عطبت مو كوراني عرفتها فينها...فرمشة غبر ليها الاثر
ياسر......واصحبي انا نكون منها نطج ونبدل لكنية لا واليدين يحمر لوجه لا حياة مقادة اش غتبقى دير هنا
"داير يديه وراه وجاه في بالو كلام باها ومها عليها وهو يتعصب هز تليفونو من فوق الطبلة وخرج زااعف "....انا نمشي لدار سد نتا وسير
" محكرش عليه عرفو غادي من جديد لعند سعاد يسولها وهادا حالو خيطي بيطي لتما لي شافو اش داير ولا سمعو اش كيقول عليها....يعتاقد انو كيعرفها معرفة قديمة ولا كيبغيها ويموت عليهاا.....ولكن زريقة صحيح البنت ثارتو ولايني ملي عرف قصتها بقات فيه وعزات عليه وخاف تكون طايحة فشي خفرة وملاقياش لي يخرجها داكشي علاش باغي يدير گاع لي فجهدو ويلقاها ....
قرب لدارهم وهي تبان ليه سعااد كتسالم مع شي حد كان عاطيه بظهر...عقد حواجبو وتم غادي مكمل على طريقو في اتجاهم حيت كانو حدا دارو وهو يشوفو وعرفو ... كان من صحاب لبرگاگة وذن هناا ودغيا وصلات لبيعة لهيه ...وحيت اي سربيس فيه هاد نوع فحتى صحاب الحال كانو عندهم فكل كوميسارية واحد خارج من جنب و كيديع لخبار وكيعلم شي حد الا قانين عليه لحناش ...زريقة كاانو حبابو وصحابو كثار ولي واكلين معاه الخبز عارفينو كريم ومكاين غا خشي يديك فجيبك وكمش وعطي.. داكشي علاش صغيرة ولكبيرة كتكون عندو ....وقبل مكديماري صطافيك وتقصدو كانت لهبار كتكون فراسو ... مرة وحدة لدارت بيه وصلاتو تنقنيقة معطلة وملقى ميخبي هي فاش تشد فيها وضيع شوية سنين من حياتو
- كاينة فدار الحمرا اصاحبي سيدة من نهار سبت في ليل وهي تما شافرة شي حاجة يمكن بصدفة شفت لاكارط ديالهاا وبانت ليا سميت سعاد وكنيتها ودايز دايز من هنا قلت نسول ...
" مكثرش معاه ...تم راجع على طريقو وهي تابعاه لي شافها يقول خايفة على بنتها وبقات فيها... رجع لمحل لقى ياسر راكب في طوموبيلتوو طالع يتغدى ركب حداه وسعاد اللور تحت نظرات صاحبو لي معرف باش تبلى. ..
" لتاحق كل من ياسر وسعاد هاظ الاخيرة لي كانت واقفة مايلة ،هازة صاك ديالها بيدها ومتشوف لفووق وتلوي في المسكةة "
- مدموزيل دليلة على ما مكتوب في المحضر لبارح كانت خداامة كتسربي فشي عرس ...ايوا وتشفر ذهب لعرووسة وملي قلبو صيكان لقاو عندهاا ...
عصمان....." جاوبو كأنو كان معاها ومتأكد من جوابو ".....ملي مشدوهاش وهي كتشفرو دونك باينة حطو ليها شي حد تمااا ، شنو قالت هي
- " هز حواجبو ".... قالت بلي مشفراتوش بيدها ولكن لقاوه فصاكها ومزادتش على هادشي والو
عصمان......"رجع شعرو اللور "..دابا من هادشي كامل انا بغيت نشووفها دابا خارجة قدامي...." غا قالها وهي تشووفيه سعاد مخنزرة وقلبها كيتعصر "...عطيني الحل
- الحل باين وواضح محدها مزال هنا ومن زهرها غدوز عند وكييل مسهل فغاديين " غنزو ولاخور فهمو ..جرو بعيد وتحاورو بزووج بلغة لفلوس وعطيني نمد ليه من تحت الطبلة وما جاورهما ...دخل المحامي مستعجل اما زريقة مشى لطوموبيل شعل كارو وتكى عليها وبجنبو ياسر لي كان واقف تم تا تمات جايا لعندهم سعاد "
سعاد.....اش قاليك ،وشنو باقين كنديرو هنا مزاال
عصمان...." دار بحساب بلي واقف قدام الكوميسارية ، حدو خنزر فيها وبعد عليهااا خلاها بوحدها كي ضرسة المسوسة ...بقى غادي جاي هيط مزيان فديك القنت....ساعتين وشوية دقايق وهي تخرج وبجنبها المحامي....هازة شعرها الفوق ودايرة يديها في جيبها وملامح وجهها كانت نوعا ما مرهقة .. وقفتها من براا كانت توحي بأنها قوية صامدة وتابتة لكن من داخلها كانت مرهقة وتتكئ على عكااز معاونة بيه باش تواجه زمان من جديد
نهار وليلة دازو علييهاا كحليين بقات حالة فيهم عينيها الزرقاا في الظلمة ....متكية على الحيط وحاطة ايديها على رجليها مقابلة مع القضبان الحديدية كتسنى عاقبتهااا وكتفكر بشحال غتعاقب من ورا جرم مدارتوش...من اول متلقى الذهب فصااكها عرفاات القضية مضرووسة وحسن مولاهااا ....
كل نجار كيعرف نجار .وكل مغني كيعرف مغني وبطبيعة الحال كل منظم الحفلات غيعرف منافس ديالو في السووق ....حسن بغى يرد ليها الصرف بأي شكل من الاشكال...ماقبلش بلي مرااا على حسب قوولتو تهددو في قلب دارو وتفلت من يدو....كان متاكد وعارف بلي مهرس ليها جناح ومغديش تقدر تطير بزااف غتخرج تقلب على خدمة وغتقصد نفس الدومين لي كانت فيه داكشي علاش وصى وتحرى ولحسن حضو وسوء حضها هية قصدات شخص مكيخافش الله ..هادا قاليه فاش بغيتك ولاخور بلفرحات عليه يخدمو مفكرش ولا حتى تردد انو ممكن يكون سبب في تدمير انسانة كتطالبة فقط بعيشة مزيانة
بان من خلف القضبان الشخص لي كتسنى فيه باش يديها تعاود التحقيق ...غادا معاه يائسة ومعندهاش بصيص أمل انها تخرج بينها وبين راسها كانت كتقول اللهم الحبس ولا برا وهاديك غير خضرة فوق طعام حيت حتى واحد مكيبغي يتقيد بين ربعة لحيوط لي شافو ليوم يشوفو غدا نعاس والخروج والماكلة كلشي بالوقت ..لقات في انتظرها الشخص لي تصدمات بوجودو
محامي شان وهمة لي من المستحيل تديرو
- كان محامي عفريت والكل تما كيعرفو ومعروف عليه كيخرجاي واحد بحال زغبة من لعجينة....تقدم لعندهاا بصرامة " ... انسة دليلة الغزواني
دليلة ..." شافت فيه بعويناتها لي كانو بحال جغمة الدم من قوة الارهاق " ... اييه انا هي و شكون سيادتكم
- انا المحامي سعد الدين العدلاني لمكلف بقضيتك ...خاصني نتافق انا وياك على شي حوايج حيت غيتعاود المحضر
دليلة ... " صغرات عينيها فيه ودارت ليها حركة بيديها " ... شكووون دارك ليا محامي
- " ميك على سؤالها "...انسة دليلة معندك مناش تخافي، ليوم غتنعسي في فراشك ان شاء الله حاجة وحدة تبعي الهضرة لي كنقول ليك
دليلة .." بحدة " ...جوبني على سؤالي !!
-هادشي غتعرفيه فاش نساليو وتخرجي على خير .. لذلك تعاوني معايا الله يخليك انا قريت محضر ديالك ولكن بغيت نسمع منك نتي بالضبط
دليلة ..."سلمات امرها لله وجوباتو "....انا المحضر ديال البارح قلت فيه لي كاين انا ذهب مسرقتوش ولا قربت ليه شي حد لعبت لعبة وطيحني في شبكتو
-مزيان بغيتك تبقاي شادة في كلامك ما تزيدي ما تنقسي وغيكون كل خيير
كان قد فمو قد دراعو تعاود تحقيق وتضمسات القضية لفلوس ومدير غادا خارجة دايرة ايدها في جيبهاا حاسة بهم ونزاح من ورا كتافهاا ومية سؤال وسؤال كيدور في دماغها...شكون كلف محامي وكيفاش خرجات وتهمة كانت لاصقة فيها ،كيف فاتت الباب لقات جواب لگاع اسئلتعا بان ليها وااقف بتخنزيراتو المعهودة ونظراتو القاتلة لشافتهم اول مرة.....
بان ليها واقف بتخنزيراتو المعهودة ونظراتو القاتلة لشافتهم اول مرة
لي يشووفو من برا بملامحو الحادة وشخصيتو لي كتفرض راسهاا يقوول هذا شخص صعيب ومكيتناقش وعصبي ....لكن ومن الداخل ؟؟؟
على نفس الوقفة والملامح تقدمات لعندوو هو بالضبط....غادا كتشوفيه بنظرة غريبة وبعداتش نظرها عليه وقفات لوجه في لوجه لعين في العين ونطقاات ليه
- دليلة......نتا لي خرجتيني باينة يااك ؟؟ " خنزرات "....ايوا واشمن مقابل كتسنى... " رفعات فيه حاجبها كتسنى جوابو ...
عصمان...." صدماتو ردة فعلها وعجباتو، شخصيتها القاصحةة والمتمردة جاياه على گانتوو ..غمزهاا وقال زكارة فيها " ....ماشي على لوااقف كيتناقش هادشي خاصو جلسة ودكة ليا وعصير ليك ايمتا بان ليك
دليلة....." تمالك نفسها بزز منها عقلها كيحاول يستوعب هاد المسطي لي بان فحياتها..." ....الحلم متعة للي بحالك ديرها فبالك
عصمان......"حرك راسو".....واخا مقلتي عيب ...جرها جرة وحدة من يديها تا تخبطت عليه وشعرها لامس لحموو ..شد فيها صحة من يدهاا مزير وجرهاا ورااه "....نتي كتفهمي ببزز يمكن
عصمان..."حرك راسو" ..واخا مقلتي عيب...جرها جرة وحدة من يديها تا تخبطت عليه وشعرها لامس لحمو...شد فيها صحة من يدها وجرها وراه "....نتي كتفهمي بزز يمكن...
" هو يجر وهي تعكس ولكن حكمهاا وغلبهاا حل لباب ولصقات ليه تم مخلات مقالت
بعد مني , طلق مني ، شكون نتا لي تجرني ،وابنادم رانيمعاك كنهضر....
وبلا فائدة كتفى يلقي عليها كليمات يزيدو يشعلوها
- انا لي كنسير بنادم ماشي لعكس ....
" خشاها وامر ياسر يسد لباب ..رجع شعرو اللور قاد حواايجو مزيان عاد ركب في بلاصتوو "
دليلة...." كانت وراه هزات راسها ومشات تال وذنيه "....واش من نيتك هادشي لي درتي لا واش بصح انا تجريت وخشيتيني في طوموبيل ..
عصمان....." كان وجهو قريب منها قرصها فحناكها تا خلاها ليها حمرة وبابتسامة جانبية نطق "....تيقتي دابا يالاه جلسي بلاصتك ابنتي راه غنتحركو تصدقي خارجة ليا من زاج ....
دليلة....." زيرات على سنااانها مغددة وجلسات بلاصتها دايرة يديها على حنكها اما سعاد فكانت ساكتة على خزيت وباغا ترد صرفها بأي طريقة كانت "...
سعاد.....فينااهو مول رانج ايفووك شفتو موقفش معاك فهاد المحنة يا كيبغيك وغتزوجو ولاا صافي قضى اش بغى وغبر
دليلة...." دارت جنب شايفة فيها وحاطة ايدها على حنكها مشمئزة منها وكارهاها حيت لدابا مزال مبغاش تعرف شنو باغا عندها ولا علاش كتقلب "...يااكما انا هي نتي اسعااد تا يضحك عليا مسخ تاع لخلا كيف ضحكو علييك هااا ....؟؟نقتل ديلمو ومنحنش فيه راك مزال معارفانيش
سعاد....."مرضاتش قدام عصمان".....ضحك عليك وغشمك فيه مثل عليك الحب ونتي كي ضبعة تيقتيه ودرتيه غيتزوجك وهو نهار عرفنني مك اصلك حتاقرو علاش كتنكري دابا ياك تبعتيه اش طرا فينو ؟؟
عصمان..." دار مخنزر في سعاد " واش معندك دار تصبري تا توصلي وتهضري فيها مع بنتك
اه بغيتو وكنت كنحلم نتزوج بيه ولكن عرفتي علاش ....نقوليك علاش...."بدات تغوت "....حيت باااا ملقيتوش في كتافي ...ونتي غيابك حسن من وجودك في حيااتي ...كنت طماعة ولكن ماشي بفلووسوو لاا يلعن بوهم كنت طامعة غير بالهنااا ولكن تأكد بلي انا كنخلص ذنوب لي نتوما كديرو داكشي علاش عمري نطفرو محدي بنتكم....
" زعزعات ياسر من بلاصتوو "....حل ليا لباب نقو** فحالي
عصمان...." كان حاط ايدو على جبهتو وكيماصي فيهاا باغي يبرد راسو لقتلها بيدو ....زاد كره سعاد على كلامها لي عند بالها هي غتخيب بيه صورتها قدامو وتكرهو فيها لكن داكشي لي كضرب ليه حساب كيرجع عليها هي ..." معندك فين تنزلي الا كانت شي وحدة خاصها تنزل فهيا مك
- هبطي فحاالك
دليلة..."بدات كتخبط في بواني وصلات لافان ديالهاا ولملاغا مغتجيبش معاها لحل "..كنقسم فمي بالله يا اما تحل ليا هاد زبل ولا نهرس مو هاد زاج واش كتسمعنييي ..حل لباب ....
" دار رمق سعاد بنظرات مفادهم قلبتي عليها ونزل بكل هدوء حل عليها
نزلات مرسوومة فوجها شاعلة ، ضربات فيه بلا متشوف ناحيتو قطعات شانطي....اما هو شير راسو لياسر باش يتحرك وتبعهااا
نزلات مرسومة فوجها شاعلة، ضربات فيه بلا متشوف ناحيتو قطعات الشانطي...اما هو شير لياسر باش يتحرك وتبعهاا....
غادا في الطريق كتغلي وكتحس بنفسها غتقطع ....مدات ايدها لشعرهاا فكاتو ولاحت المقبط الارض وبدات تماصي عنقها وتحرك فيه محسات غير بيد جرتهاااا عرفات مولاها بلاما تشوفيه
عصمان ... شوري الالة و نتي غير بوطة و غادة تفرگع ..
دليلة ..."تنثرت منوو شدت راسها بيديها و غمضت عينيها بغيض " .. فوت ساااحتي اخويا الله يرحم بيها لواليدين
عصمان...." جلس قفازي وعينيه كيتفحصووها بانت ليه شادة ركبتها بيدهاا وتتعگر وهو يحط ايدو عليها لقى سروال تقطع وجرحةة واضحة "......واش مكتشوفيش ولا ماالك ؟
دليلة.......كون كنت كنشوف غنطيح..."بغات تنوض وهو يمد ليها يدو عونها صحة توقف واها بغات ظير فيها واعرة ودفعو لكن مخلاهاش ..دور راسو بانو ليه شي وحدين كيتفرجو فيهم وعجبهم المنظر وهادشي ميخفاش على لمغاربة ...بدا يصفق فيديه وهضر بصوت غليض".......كااين منقضيييو اشرفة ولااا ؟؟
تصفيرة وحدة وصوت قوي ..زعزع ليا لبشار وخلا كلها يكمل طريقو ،رجع شافيها لقاها كتسوس في سروالها لي توسخ من جهة رجليه ...تكى مسح معاها وجرها جلسها فكرسي كان تم ..."
عصمان ... واش عقلك تيفكر ولا كيخرا " ضربها بيدو ضربات متتالية لراسها " ... انا الالة مكنشفقش عليك .. حيت بحالي بحالك و تا حد في هاد الدنيا ما لقاها كيف بغاها .. اي واحد عندو جبل هاز فوق كتافو و يتسنى غا وقتاش يريب ... شكون هذا لي كره يحط راسو على المخدة بلا ما عقلو يضور و يخطط و يرسم اش غيكون غدااا .. ما تجيش و تهضري راه كلا وهموو ...
دليلة ..." بقات تتسنط ليه وهو كيهضر اول مرة تسمع لييه و توزن هضرتو " ... عطيني گارو
عصمان ..." عظ على فمو وحرك راسو كيستغفر مولاه ،صدماتو بطلبهاا ومكانش جايه على لبال ".....واش جالس مع شفيق اناا حداا صاكاا؟؟ ياكما بغيتي شي دكة معاه ولا قهوة قاصحةة باش تجغمي🤨
دليلة....." مدات ليه يدها " .....مكرهتش فيه غير ارا
"جبد باكية بزز من جيبو لاح واحد ففمو شعلو وعطاه ليها "
-عصمان... هاد الهم خاصك تقطعيه واقيلة راك بنت و صحتك على قد الحال ومغتقديش عليه اللهم فوتيه معندو باش نافعك ...
" لاح واحد اخور ففمو "
دليلة ... " نترات نتارات متتالية و تتشير لراسها " ... هذااا غيتشق وغيتلاح قدامك مهم خليك من هاد المواعظ دابا حيت تبليت ولي عطى الله عطاه...كان خاصني لي يقوولهم ليا نهار تحطات يدي عليه اول مرة ومكرهتش گاع كون قطعهم ليا ولكن ملقيتش ودابا لي عطى الله عطاه
-عصمان.....تا دابا باقي الحال والا درتيها فراسك غتحيديه ونهار نلقاه فمك نهرسو ليك ...
"بغى يحيدو من فمها ومخلاتوش حيت بصح كتحس براسها ثقيل وخاصو مزاج عالي يالله يتقاد "......
دليلة......." سفاتو كامل ولاحت لي بقى الارض ودارت لعندو جنب مقادة معاه....".... سمعني نقوليك باش لي نطولوه نقصروه هادشي لي درتي معايا اليوم منساهش ليك و انا ماشي نكارة الخير باش نسى المعروف ديتلك عتابرو دين عليا وغنخلصو ..ولكن هادشي ميعنيش انك تدخل ليا بين لعظام ولا نشوفك قدام كمارتي ليل ونهار ،
عصمان ... "متسوقش لكلامها بقا غير كيشووف ليها في دوك العينين لي مكيحس براسو تا كيسرح فيهم ويديع واش جا مرجعو لبلاصتو .. شاف تعب وهموووم وباغين غير وقتاش يتسدو لاح گاروه تحت رجليه ومشى فاتجاه شانطي موقف طاكسي صغير ورجع لعندها " ......مهم ديك العضرة تاعك كوليها حيت انا كندير غير لي فراسي ، يا الله تگعدي نتحركو بحالهااا ..
دليلة....." فعلا حسات براسها خاصها غا بيت ولي يسد عليها فيه يومين حتى تخفف كتافهاا ،كانت تتحس بداتها هاااطلة و باغا غير دوش و طيح تنعس ماتفيييق .. ما بقاش عندها الجهد لا تجابد ولا حتى تغوت جمعات الوقفة وتمات غادا حفيانة لجهة طاكسي محسات بيه غير موقفهاا وناصل سبرديلتو حاطهاا قدامها
عصمان......" بالغوات"....واتي طلقينااااا وزيدي قدامي بلا قوة الفهامة....قريب ونوريك الوردة وكنبغيك عندي كيف داايرة ..
"حل ليها لباب لور ووقف كيستناها حتى لبسات وركبات عاد ركب حداها وتيسرو "
وصلهم طاكسي تال سيكتوور من لفووق ، هابطة حداه لابسة سبرديلتو وجامعة ايديها عندها اما هو فكان حفيان والله يلعن بو العالم ممسوق لحتى وااحد ومعلبالوش بالبشار زيادة انه مكاينش لي يقد يطول فيه تا شوفة دخل لدرب كلشي يتجارا باش يعطيه يلبس هاك من هنا خود من لهيه لكن رفض وفضل يبقى هاكداك تا وصلو
دليلة..." وقفات تحت باب دار سعاد، و دوات بتعجب من لي شافتهم دايرين عليه ".....هذا كلو خوف منك زعمة ؟؟
دليلة.....اممم واضح الاحترام والحب المجهد ودليل نهار لي صبحت فيه هنا . ملقيين ليك بالطعارج و الحليب و التمر بقات غا العمارية يهزوك فيها
عصمان ..." طلعها و هبطها بغمزة " .....عاد كنت خارج من الحبس ديك ساع
دليلة....."خرجات عينيها " ...واش بصح ؟؟
عصمان.......واش كنتفلاو هنا
دليلة ..." ضحكات بسخرية " .. لي شاف ديك الهيلالة لي دارو كاملة يحلفو عليك تا كنتي غايب كتصنع لينا دوا الكونسير
عصمان ..." دفعها بيديه لجهة الباب وضربها ليها بتخنزيرة " ... سيري سيري طلعي بعضامك صحاح و لا نرجع بسبتك لييه راه مخلي فراشي وحوايجي مزال في البلاصة " بدا يصفق 👏 "....يالله طلعي !!
ضرباتو بشعرها وتمات طالعة وهو واقف كيتهند في بلاصتو وممحركش تا سمع صوت بابهم تحل وتسد عرفها دخلات ... لقات موصيبة حياتها فشكل مها واقفة و مشمرة ليهاا و تتسناها غا وقتاش تطل وتبان
سعاد ..." مشات وقفات قدامها و عينيها كلهم كره و غل عليها " ... هاي هاي هاي انا مدخلة عليا لفعة و ما فراسيش .. تقحبنت تا عييت و عمر الحبس حطيت فيه رجلي باش تعرفي راسك غا الفم و الذراع الگاضي
دليلة ... " حيدات شنو لابسة في رجليها بلا متجاوبها وعطاتها بالظهر قاصدة البيت "
سعاد ... " جراتها من دراعها غارسة فيها ظفرانها كانت مكشكشة عليها " ...حذرتك من اول مرة حطيتي رجلك فيها عندي و قلت ليك زريقة نقتل عليه واخا تكوني بنتي وبان ليا بغيتي تبداي معايا الحرب الباردة ... آخرتك تحت سعودي في نموسية ابنت لحرام وهااهيا " وشمت في لحيتها " ... هاني وشمتها ليك و عقلي عليها فوتي حاجتي ولا نخرج عليك.
دليلة ..." حيدات ليها ايدها وخنزرت فيها " ... السعدية بان ليا تجهدات فيك المراهقة المتأخرة و هاد الساعة غا نتي لي تحت هاد السعودي و تا السيد بوحدك لي ريوگك سايلين عليه كي الكلب ... و هو مفايقش ليك من نعاس .. معلوم تيشوف وحدة قد مو و هترت
" هزات يديها كدعي باش تغيضها " ...الله يهديها تا يديها ياربي
سعاد ..." نفسها بدات طلع و تهبط بالزربة حيت حست بأنو ناقوس الخطر بدا يدق و حركات زريقة كيبنو ليها و يزيدو يأكدو ليها داكشي لي في راسها .. هزات صبعها قدام وجها بتحذير " ... سمعي نقوليك أبنت الكلب زريقة غتبعديييي منووو تتسمعي غتبعدي و لا غتهزي عليااا شراوطك وخرجي تقودي من داري هادي اخر مرة غنحذرك اخر مرة
دليلة ..." قربات ليها تا هي و هبطات ليها صبعهااا و طلعاتها من رجليها تالراسها و ضحكااات " ... شوفي نقوووليك انا جالسة بت هنا نبت وضد فيييييك و مغااتخدي مني تا ريال باش تعلمي تهزي رجليك وتولديني .. بغيتي تكرهيني في حياااتي راك غااالطة و معرفاش شكون دليييلة ... انا هي لي غتكرهك في حياااااتك ولي غتوووبي علىى يدهااا انااا هي لي غتنذمك تا تخليني عليهاااا ... تسووخري اللور و تفرجي فيااا اش غندير فيك .."." خلاتها تتآكل في جنابها و هزت الفوطة ودخلت الدوش ".
فاق معطل بعد ليلة شابعةة تخطيط وتفكير فيها ، باغي يعونها فأي طريقة وربي كبير ،بينو وبين راسو كيقول غدير فيها عزة نفسي وطرف من نفخة يعيش ،ولكن تاهو مساهلش والا بغى الحاجة كتقاتل ويموت عليها .
جالس في صالون دارو و لايح درعانو على المخااد .. حاط قدامو طفاية وبراد اتاي وبكية لگارو ،كان مدور بييه صاحبو و خووه و دراعو ليمن ياسر ... وختوو رناا لي ملي جلست و هي مطلعة الحداش في جبهتها وهو حاضيهااا .. و كيتسناها تهضر و لا ينوض يخمج ليها كمارتها .. عدووه لي يجلس حداه وهو عاقدهم يا تقول اش عندك ولا طلع سيفتك .. بقات دايرا يدها على خدهاا و مخنزرة و تتشوف في الأرض ما حسات غير بضربة في يديها
عصمان ..." خبطها ليدها تا وجها جا في المخدمة و هزات راسها فيه مصدومة " ... يا تخرجي داكشي لي واحل في حلقك و لا مغيعجبك حااال
رنااا ... " ولات تضرب أخماس في أسداس و ندمت علاش گاع حطت يدها على حنكها واش داها تسهى ولا تخمم وهي حداه "... احم خويا غير سهيت وصافي
رنااا ....."قررات تخوي لمزيودة وهي وزهرعا يا تبات في دارهم يا سبيطار ".... هننن وا خويا راني قنطت و منخرج مندرج و الزنقة نوقف فيها بلحساب.. تا الصحابات ما عندي لي نتلف معاهم الوقت .. راه تنحس هك " حطات يديها على رقبتها " ... الدار قاجاني وباغا نطج
عصمان ..." بقا كيشوف فيها و هي تتهضر بيديها و تحير بشعرها " ... هاكي قربي زيدي صرفقيني ... هبطي صووتك و يديك يااك لباس ؟؟
رنااا ... و حاشا اخوياااا ولكن حس بياااا راه عيييت ،قلت غتخرج من لحبس ونفوجو غلى قلبناا ونتا گاع مديتيها فينا
عصمان ..." تگعد من بلاصتو " .. يدك تهبطيهااا و لااا ندفن حبك هنااا تقلعي غبري غليا زلافتك
رنا ..." هزات عينيها في ياسر و دموع في عينيها ... ناضت تتجري لبيتهااا مراضياش
ياسر ... " كيكدد في شلقوومتوو و عروقو تنفخو " ... احم وا صحبي لبنت عندها صح شحال من عام ونتا غايب كانت نقابلة باك ومك ودافنة راسهاا وملي جات بغات تفشش عليك شوية قمعتيها
عصمان....."شعل كارو كيكمي فيه ويشوف في ياسر كيفاش كيداافع عليها، جرا معاه لبلان وعطاه كليمات من لتحت لتحت باش يفيقو لتلف ".......متنساش ختي هي ختك ...ومي هي مك وبا هو باك ، داكشي علاش مخاصكش تقوول هاد الهضرة ،انا عارف مصلحتها بغات تخرج راه مها تخرج معاها اما بوحدها مكاين لاش ،وداك لفشوش الخاوي معنديش معاه ،خصتها شي حاجة نقطع من لحمي ونعكيها ولغيب عليا الا فرطت فيها ،اما داك تصلگيط مكاين لاش ، زنقة دايرة كي لكسيدة منين مدزتي تعطبك
ياسر...."لي فراسو فراسو واها كارت معزة"...عصمان خليهااا تقرب من دليلة منها يتوانسو ومنها تعرف اخبارها وتريح داك الدماغ لي قرب يتسوطا
عصمان ... " رجع تكى كيف كان و حط يدو على فمو" ... من تم لتم يحن الخالق قوليا السلعة وصلات
ياسر ... وصلات و كل شي هو هذاك غير رتاح اخويا .. " شاف في مگانتو " .. العشير انا غنعوج عندي ما يتقدا ...
" هز يديه بمعنى الله يعاون ورجع كيكمل في گاروه ... اما ياسر كيف خرج ضرب رجلو مع الحيط
شعر طالقاه وصدر موقفااه ولبوط معريااه وحتى من لوجه مقاداه ..لي شافها يميعطيهاش سنها وهادشي لي مخليها معنية براسها وكتشوف في السقف وحلمها ماشي على قدها......لاحت مسكة بطعم النعناع في فمها وتمات غادا لعندها كطرطق في المسكة ..
حلات لباب بانت ليها ظليلة خاشية راسها تحت المخدة ومكايناش هنا قربات حداها وبدات تحرك فيها ووالو مكانتش هنااا ....لعيا لعب عليها وخلاها مغيبة ومتحسش بمعا لي خدات تليفون من تحت راسها
سعاد....."خرجات برا ودخلات نيشان لمساجات وكيف توقعات لقات غا مساجاتو واتصالات هو لي عندها ، قيدات نمرة بلاما دير الحس وحطاتو منين هزاتو وهي تخرج وعلى وجهها ضحكة انتصار ".....انا غنوريك ابنت كرشي اللعب كيدااير ...مداروها معايا تاا لوالة بقيتي غا نتي ...انا غنتهنى منك فخطرة وحدة
"خدات صاكهاا وخبطات الباب من وراها وخرجات ناوية على خزيت ....
دليلة....." وراتها سبرديلة "...كنسول على زريقة ،ممكن تعطيه هادي تسلفتها من عندو لبارح وشكريه عفااك
عصمان....." كان مجبد كيتفرج حتى سمع صوتها وبالخف كان حداها لابس غا سروال سيرفيت ولفوق كلو عريان ...لاح ايدو على كتاف ختو ونطق".....شكون هاد زين ارنااا ومنين كتعرفيه...
رنا...." كتشوف في دليلة حاضية صدرو وكتافو وكرشو ودايرة نظرة فشكل...وهي تدور لخوها"....هادي باغاك نتاا اعصمان
دليلة...."حركات راسها بنفي "...لا اختي واقلة غلطت في العنوان انا كنت باغا عصمان صدقت خرجت في مارشي دنوار
" حطات شنو في يديه في الارض وتمات غادا عاطياهم بالظهر ، محساتو غير وهو جارها ومدخلها وساد الباب "
عصمان......فبلادكم هادي هي شكراااا "جرها من شعرها بشوية
جرها وغفلها محسات براسها حتى كان ساد لباب
-عصمان....فبلادكم هادي هي شكراا....."جرها من شعرها بشوية "
دليلة ......" خاصها غا سبة باش تخنزر فين لفين حتى كتضحك ولا كتبين على سنانها "....وها لي مبغيناش، شنو زعمة غدير ليا فيها قضية سلم عليه زرب عليه ،ليوم جرة من شعر وغداا تديه كلوو ،"بغمزة" ....مالنا منخافووش؟؟
- عصمان....." ضار بانت ليه ختو مربعة ايديها وعنقها عواج كتشووف فيهم ..دوا معاها باش تخليهم وحط ايدو على خصرو وشافيها بحدة "......كيفاش مالنا منخافووش ، واش واقف معايا علال ولا شنوو تي فيناهيا الانوثة ابنتي فين ؟؟ زعمة لي شاف هاد زين ينتاظر منك شي حاجة اخراا ؟؟
- عصمان....." دخل ايدو تحت من ايديها حتى قفزت ، دارت عندو دورة عيساوية معولة على خزيت ، بغات تسبو وهو يخنزر فيها وزعزعهاا "....شووووووووت تهضري نضبر معااك ،" سد الباب وحيد ساروت ، تحت نظراتها لمتعجبة معرفات باش تبلات ولا فاش كيفكر لي مبردها ختو كاينةةة بقات مزيرة على ايدهااا مترخفات حتى بعد عليها وعطاها بالظهر كيغوت "....لواااالييييييدة جاو عندك ضيااف !!
" خرجات حسنية من كوزينة على صوت ولدها، كانت كتمسح في حوايجها وكتشوف قدامها تستعقل واش فايتة شايفاها فشي بلاصة وخانتها البصيرة ...
حسنية ...مرحبا وألف مرحبتين ومعاهم زيد القدام بضيف الله .." تقدمات لعندها وكتشوف فيعا بنظرات اعجااب " ... سبحان من صور هاد العيون ما شاء الله .." ملسات ليها على شعرها هنا دليلة قفزاات كانت لأول مرة تحط عليها يد حنينة ودافية حست بإحساس اول مرة تحسو ، اي واحد فهاد الدنيا فاش كيكون عندو نقص من شي حاجة و نهار كيحس بيه كيتأثر وقشعريرة كتسرى فذاتو من صبعو الصغير تالاخر زغبة في راسو .." ربي يحجبك ابنيتي اجي تجلسي ..
" تمشات معاها دليلة حتى البيت مقداتش ترفض ولا تعاند، ولا يمكن طمعات في المزيد من الدفئ..مشاو تا وصلو السداري و حبسو .. حسنية جلسات و جلستها حداها وحطات ايدها على فخضها كترحب بيها وتعاود. للحضة ضورات عينيها في عصمان لقاتو كيضحك وعاجبو ارتباكها .
عصمان ..." حاط مخدة قدامو و باقي على نفس الشكل لا هو حشم ومشى يتستر، خلا بادرو تيتحركو قدامهم " ... الوليدة كيف جاتك مرت ولدك ..
" ضارت خرجت عينيها فيه وهو يعض على فمو بمعنى سكتي وخنزر ،ردات عليه بختهاا وجوباتو "
دليلة .......نوض غسل وجهك بنتي ليا كتحلم فايق
حسنية .." بقات غتتشوف فيهم ،وهما قول كلمة ورد عليها " ... ايوا قولو ليا اش سماك الله و بنت من ومنين نتيا .. اما داكشي لآخر ديال ربي سبحانه و تعالى لي مزوجين في السما ما تفارقهم الارض ،
عصمان ... " نطق سميتها لي كفيلة تخليه سكراان بلا كاس " .. دلييييلة امي ،دليلة بنت سعااد
حسنية ..." خرجت عينيها فيها وجمعات الوقفة
مستغرباتش من ردة فعل دياالها، ولا بقى فيها الحال ،نو بالعكس مناعتها كانت قوية ضد هاد المواقف حيت ياما تعرضات ليهم فصغررر ، شحال من واحد هرب منها كأنها وباء وخايف يتعادى منو بمجرد مكيعرفهاا بنت سعااد.....وهادشي بالفطرة فينا كنحكمو على بنادم من منظر ديالو ولا بيئة فين عايش ولا معامن مرافق
حسنية...." خنزرت فيها وجمعات الوقفة ".....كيفاش بنت سعاد ، حنا طالبين سلاكة مع مها غتزيدني نتا ببنتهاا ؟؟
عصمان....."شاف في دليلة لي بقات على نفس الحركة والجلسة وملامح الوجه متهزاتش فيها الشعرة، حمر شووفة فموو وناض لعندها ".....جلسي الارض الواليدة كلامي مزال مكملتوو
دليلة.....خليها على راحتها من حقها وعاذراها الا كنت انا وكيجي وقت مكنحملش راسي حيت بنتها...كيف بغيتيها هي تتقبلني ...." وقفات مقابلة معاها " ...ايدك منك واخا مجدامةة ، وهادي حالتي مع سعدية لي مي غير بسمية ولكن بسيف ولا لخاطر غنعتاابرها مني واخا كبرت غير بنت باب الله... " بتاسمت ليهم "....ونزيدك ولدك بناتنا بزوج دار والتيقار ، وكون ما شي حاجة ديالو كانت عندي وجبتها ليه. عمرك تشوفي وجهي ولا نطل عليك ...يالله صباحكم مبروك ...
عصمان....."شدها من يدهاا متبثها توقف ".. اجي الالة وفي غادا ، لكلام ماسالاش هناا ، ومغاداش تعتبي داك الباب حتى ندوي انااا
- دليلة....." زولات ايدو من دراعهااا ودوات مغددة "...مزال متزاد لي يتحكم فيااا ،كلامك يمشي عليييك ماشي عليا .. نتمنى هاد المرة تكون حفضتيه و الى تتنسناه سير كتبو في ورقة وعلقو قبالت عينيك
-دليلة......حلي ليا معاك الباب ازين الله ينجيك من لفاام...." سمعات ليهم الهضرة ، رنا مقداتش تصرف من دماغها تا شافت زريقة هز ليها راسو بالايجاب
خرجات دليلة وخلات وراها بركان كيغلي وكيضرب في كف ايدوو ،ومو حداه كتكمل على مابيه "
حسنية.....لا اويلي لااا الا هادي منقبلها ولادوز ليا بجغيمة الما .. كيقوليك واحد المثل و سير علييه لا تخليه موراك ،معامن شتك معامن شبهتك ... وهادي اوليدي راها مهااا ماشي صاحبهااا ايوااا گلب الگدرة على فمها تطلع ليك البنت غا مهااا .. وريحت سعاد عاطية و تشالي من الشاريع الثاني منقد على فااام ومنقد على هضرة ونتا غا عوينة وحدة ونبغي ليك لالات لبنات
-عصمان....كبير وواعي وعارف قلوعي وصواري .. نعرف من الق ، اعودو بالله غيخرج العيب من لساني و نتي تاج راسي .. وكيف قلتليك نعرف الخارجة للطريق من جامعة رجليها .. و الامثال ما بقى يتضرب بيهم في هاد الزمان .. ومول النية يربح الحنانة و هاد الدرية رجاااها في الله و سعاد ما هي الا مرأة خرجتها لدنيا، وزريقة الوليدة الصعيب و الفحل لي يحل عليه فمو باقي مخلاق و لا تزاد لي يرفع صبعو في باب دارو اما لي ينطق بلسانو قبل مينوي يلقاه طار و يولي يشالي بصباعو
حسنية...."ملقات متقول قدام هضرة ولدها غلبها ودار ليها لجام لفمهاا سكتها بيه"...كلامك وزنتو و صنتو اوليدي راك تعرف صحيحة من لفالصو، كتافك يديرو مني ربعة وربي حافظك من العين .....وباينة لبنت دخلتلك لقلب وعششات فيه وانا واخا نقول لي قلت لي فراسك هو لي غتمشيه داكشي علاش الله يسهل عليك
عصمان ...." خدا ايدها باسها " ...حتى يزيد ويسميوه سعيد الواليدة
قالو ناس زمان الا بغيتي تعيش لاباس متديش على هضرة نااس اي بمعنى خليها براا وذنيك حيت غير هضرة خاوية مغترجع الجبال سهول ولا صحرا حقول ...وكيف كنتي خايب ولا زين فيك فيك ويتبعوك حتال قبرك ويهضرو فيك ، وهاد شي كانت عارفاه هي وفاهماه واول مفاتت عتبت دارهم نسات كلشي وخلاتو تم....
هازة نتاف ومرايا ومقابلة مع الضو كتقاد في حجباانها ، سمعات صوت لباب متحركاتش من بلاصتها كون كانت مها راه غتخل وتدخل....تجهد دقان وصدعها في راسها وقلق راحتها، لاحت شنو فيديها فوق سداري ومشات حلات لقات قدامها رنا هازة طاجين صغير وفوقو خبزة محمرة
رنا.........دابا انا لي جايا طالبة ضيف الله
دليلة.....الا كنتي كتقلبي على سعاد فراه مكيناش
رنا......"كتشطح في بلاصتها من ثقل" ...بغيتك نتي ازين ، واش منبقاش فيك تخليني بحال بلاكة تسعين هنا 😟
دليلة....."رجعات عليها لخبز ودوات بحدة " .....معندي صحابات.......وماباغا صحابات....مكتافية براسي ازين غير الله يخلف والله يعمر ..
رنا...."بخيبة أمل سدات على داكشي وجمعات الوقفة "....واخا صافي ، مهم هادا غا خليه هناا الا مكلتيهش نتي تاكلو سعاد مرة مرة كنصايب شهيوات ونجيب ليها ذووق يالله بسلامة عليك ومظيريهاش مني قلة صواب
لأول مرة في حياتها كتحس بندم على الهضرة لي خرج فمها ، قدما كانت بغات تبقى مرطبة معاها قدما حسات براسها جرحات لبنت لي مدايرة ليها والو ، يمكن هي ولفات تبقى بوحدها ومعزولة راسهاا ومكتافية بنفسهاا....قسوة الناس عليها خلات فمها يكون ماضي وكيضبر ...
عرات على داك طجين طلعات معاها ريحة ديال البنة ...كان خاتر وعاقد وبالحامض والزيتون كيف كتبغي....متردداتش تاكل منوو خيت كانت مشتاقة لكل ماهو بلدي،كلات حقها وميزيد عليه محسات براسها غير وهي شبعانة مليووحة حداه مرخية دايرة يديها على حنكهاا وكتشووف في سقف حتى داتها عينيها محلاتها غير على سعاد قداامها كتضحك وتنطق
سعاد .....اححح الله وهاادي خدمةة نقيةة ،وتبارك الله عليا
جري و جاري و دابز مع نهارك و لا تخليه يغلبك .. غتسع كلام يغبنك و كلام يضحك .. زماننا غدار و وقتو قتالة كون فيها سبع ولا يرجعوك ضبع ..ودير بالك ما تقطع الواد حتى تبان حجارو وما تمشي في الليل حتى يطلع نهارو وما تصاحب صديق حتى تعرف خبارو...ومتصدمش الا جاتك الدقة من لقريب حيت كيف كاين الخايب والزين والمر والحلو اكيد غتلقى أم خايبة ولا بوو ضلعة عوجة وداير كيف سوور الرايباا
قلبها بقى مغاير من جهة رنا لي عطاتها القاصح لوقت لي جات تطبطب عليها و حيت هي مجربة كسرة الخاطر ما مرة ما زوج قررات تنوض تهبط عندها وتراضيهاا .. لبسات كلاكيط في رجليها و غسلات طاجين وهزاتو بين يديها وتيسرات ،وقفها صوت مها عدوتهاا وخلاهاا توقف وتسمع اش كتقول
سعاد ..." تطلع فيها و تهبط " .. فين غادة تتلوزي الحاجة ، معرفتها دار ولا ط**ن لعودة غاداخلة خارجة
دليلة ..." جوابها على طرف لسانهاا خاص غا لي يجبدها " ... دخلي سوووق جوااك الحاجة .. راه لي مخليني محتارماك و شادني عليك هي ديك تسع شهور ديال الحمالة ..أما غنضرب فيها ومنعقل عليك قد من هنا لهيه
سعاد......متعقلي عليا منعقل عليك ولمخيل في خيلك سرجيه وقبل متفكري تعشاي بيا غنتغدى بيك
" بقات ترطى وتعاير بوحدها حيت دليلة غير كملات كلامها وهبطات مخلياها كتشوى .. كيف وصلات لباب دارهم دقات وسمعات لجواب...كانت رنا لبنت لي قلبها بيض كيف لحليب صافي... كتقلق دغيا وكترجع في لحين مكتاخد على خاطرها من حد ولا كتحقد عليه وكلمة وحدة قادرة تراضيهاا ..
كيف شافتها تبسمات ليها ونسات اش تقال كأنها گاع متقمعات ولا تعاملات بجفاء "
رنا ..."دخلاتو حطاتو في ضس وجوبتها " ....بصحتك ازين ، هاني قولي ليا اش حب لخاطر؟؟ دليلة....."شدات ليها في كتفها و دوات معاها بجدية " ...شووفي اختي باينة فيك نية وبنت الناس .. وتصرفي جا من الزمان لي علمني و الدنيا لي قراتني .. من ديما انا صاحبت راسي وعائلتو وناسو .. ما عمري تشاركت الطعام و لا خيطت الكلام تنعرف غا راسي ا راسي و والثقة صعيبة نديرها... ولكن قلبي و عقلي بقا يفكر فيك و هادشي علاش لقيتيني قدام بابك نهضر معاك و نشرح ليك
رنا ..." شدات ليها في يديها " .. نتي زوينة و حنينة و قلبك بيض .. وغير الزمان لي ردك هكاك و انا و الله ما هزيت في خاطري عليك بالعكس انا هي هاديك لي متتستسلمش ههه كون نبقى معاك تا نفك ليك هاد الحواجب و نخليهم يضحكو
دليلة ... " تنهدات من قلبها " .. الضحكة متنشوفها متتزورني مقلقة و هازة ريشها عليا ...لمهم اختي مديريهاش مني قلة صواب وسمحي ليا .. " تمات غادة راجعة الدار و هي دور عندها " .. ومرحبا بيك عندي في اي وقت ..
" كملات على طريقها وخلات موراها بنت غطير بالفرحة حيت وأخيرا ولات عندها صاحبتها تشكي عليها همها ... اما دليلة فطلعات الدار واها كارها تشوف كمارت سعاد و لا حتى تحاديها .. لاحت تليفونها فوق الطبلة و دخلات الكوزينة دارت ليها كاس ديال القهوى .. وحطاتو فوق طبلة و مشات لبيت هزات باكية ديال گارو .. وجات جلسات مخمخة على داك الگارو و ديك القهيوى .. كملات كاسها شوية بشوية حتى راسها بدا يمشي و يجي
كملات كاسها شوبة بشوية حتى راسهاا بدا يمشي ويجي ويثقال....تسرحات فوق سداري وشافت في سقف لي حساتو قريب ليها وباغا تقيسو بيديها ، تخلطو عليها في وذنيها الأصوات بين صوت لمختار وسعاد هاد اللخرة لي شافت حالتها ولبسات وتقادات وخرجات مخلية بنت من وراها طيح عليها ضيم وحاسة بقلبها كيضرب بجهد .وبجسمها ثقيل، ناضت تلاوح ودوخة والخنقة فيهاا حاجة ترميها لختها حتى وصلات لشرجم
طلات حاطة راسها عليه وكتشووف ،بان ليهاا واحد هاز في ايديه راديو غادي بيه وباه تابعو يجر فيه...
- وااتا والله ومعطيتيني لفلوس تا نبيعو، باش غا نكمي انا هاااا ، علاش تولدونا الا كنتو غتكرفصونا
- كلشي بعتيه ليا بقى ليك غا راديو كنتصنط ليه
" لاحو تا تلاح وتم غادي بيه وباه وراه كيسخط عليه "
- الله يلگيها ليك المسخووط ، دعيتك لله ،ما نتا ولدي ما نعرفك
-- وتااا لاكان سخطك دوا غا مرحبااا بيه ..
مكرهاتش تلاح عليه من شرجم وتمشي عندو وتنوضو وتعنقو.....وتقووليه نتا ولدك لاحك على راديو انا باا كون طلب عيني نعطيهم ليك وفي لخر لاحني على وحدة ومسولش فيا ..
تا حاجة مكاملة ...كل بنت خا وصها اب وكل اب خاصو ولاد.....حسات براسها توحشات لمختار رغم لي دار فيها كيبقى كبرات على يدوو وحلات عينيها فيه واقرب من مها ليها
بقات واقفة على نفس الحركة و تتشوف في الارض بانت ليها قريبة بزااف .. راس كيقوليها نقزي هزي داك الراجل و راس كيقوليها دخلي سوق جواك و شكون عقل عليك نتي ملي طحتي .. لكن قلبها حن ليه شافت فيه غا المختار باااهااا ووحشها زاد كتر كتر طاحت جالسة الارض ربعات رجليها و جلست تهضر غا بينها و بين راسها و كأن معاها وكيسمع ليها
ديليلة ... "حطات يديها على قلبها و تتهضر " ... هااااااه ا با هاااه قلبي عامر عليك و عندي شلا كلام نقولو ليك ، بغيت غير نعرف واش قلبك ما كلاك عليا ... واش عينيك كيغفاو و نتا ما عارفش اش بيا ... علاش ا بااا لحتيني و فضلتيها عليااا ما هي مرتك حلالك ما هي أم ولادك غير صاحبتك حرامك و على ودها كركبتيني ... و باا راه الكلاب يولدو و يبقاو هازين ولادهم بسنانهم علاش سمحتي فيا لذيااب و انا كنت قلبي و عينيا نفديك بيهم واخا مكنبينش ليك.....
" تضببو عينيها وقبل ميشقو دموع الطريق حبسااتهم ،حطات ايديها على الارض ووقفاات "....
- ميستاهلش يطيحوو عليك ،المختار غنديرك متي ونحط بلاصتك حجرة في مقبرة نصدق عليها ونزورهاا
"بقات غادا وجيب افو ويقوول كيقوولو نااس تسكر ولا تخدر وتنسى ودليلة تبوقاات وعاد مسحاات وعقلات وگاع لي فايض بيه قلبهاا نطقااتو
بقات غادا وجيب افم وقوول ، كيقولو ناس تسكر وتنسى ودليلة تبوقات ولكن عاد مسحات وگاع لي فايض بيه قلبها نطقات ...مشيتها تقاالت وولات كتخروع شدات ايدهاا حطاتها على راسهاااا
- هدا هدا هدا متفكرش فداكشي.....خخخ ماااالي ليووم
" سمعاات لباب تحل هزات راسها لي كانت منزلاه لتحت بان ليهاا واقف قدامهاا خاشي يد في جيبو ويد كيحك بيها فمو...عينيه كانو راضيين وبزايد وهو كيشووف فيها دنيا دايرة بيها وحتا كلمةة مقاادة مقادرة تخرجهااا
دلييلة......." مغمضة عينيها باش تقد تشووفو وتشكل ليها صوورتو ، عضات على فمها وغوبشات ملي عرفاتوو اكيد هادا هو الوجه الوحييد لي متنسااه
*** قبل ساعات ****
جالسة و مريحة ضهرها و شادة سيگار فيديها عشنا وشفنا سعدية كتكمي سيگار ... عينيها كانو صافين مافيهمش ولا ذرة ندم ولا تأنيب ضمير ملي غديرو ..كتكمي وتصوط في العالي وصووت ضحكتها منغمو مزيان....كتلحون وتمايل بشعرها ديه وتجيبو مخلياه. يتنشوى غير عليه....
سعاد ..." دايرا ابتسامة انتصار و كأنها دايرا شي انجاز عضيم " ... مجيتي عندك عارفها شناااهيااا ، راني شرحت ليك في تليفون ...مهم لي نطولوه نقصروه عارفاك اش باغي و انا داكشي لي انت باغي بغياه انا اكتر منك
حسن...." متكي على الكرسي و كيشوف فييهااا و يحك في ذقنو " ... باااغييييه و بزاااااااف ولكن مزال مباغيش نستوعب اش ضمن ليا يكون بلان ولاعبينو عليا ...زعمة كاينة شي وحدة دير فبنتها هاكدا
سعاد......الا بغيت نلعب عليك مغنجييش لعندك غيجيبوك ليا ، "هزات زوج صبعان "....تانيااا انا مكنعرف لا بنتي لا مي كنعرف راسي ومصلاحتي ولي ليا ، داكشي علاش عيطت ليه وجيت لعندك ،،من اول مشفتك قشعتك وعرفتك، نتا ماشي من نوع ديال نتزوجو ونجيبو دراري ، وهي طال زمان ولا قصار غتخرج ليا داكشي علاش بغيت نخليك تذووق طعم لبدية وتنول شرف اول وااحد دوز عليه ..ولكن ." دوات معاه بجدية " ... رشمني نرشمك وراني طالبة الغلا
.... " دار ابتسامة على محياه مفادها ولك ذلك جبد الشيك و سناه ليهاا كيف مدو لييهااا شافتو ودارت بتيسامة رضى "
سعاد ..." جمعت الوقفة و دارت شيك في صاكها " ... اليوم تكون تكون عندي في هاد العنوان .. كتبت ليه العنوان في ورقة و عطاتو ليه " .. يا لاه نخليك دابا .." مع غميزة "
" خرجات من عندو غطير بالفرحة على الفلوس لي شدت و على انهااا وأخيرا مبتغاها غتوصل لييه .. تعيش و تشوف تا تعيااا و تطلب لبنادم الهداية ..
سعاد كانت باغا ضرب عصفوورين بحجر واحد تخيب صورتها في وجه عصماان ..وتحل ليها طريق باش تستافد معاها ، كانو كيهم ها غير هو ولفلزس ومستعدة دير اي حاجة على ودهم
قرب منها وحط ايدو على شعرهاا كيلعب بيه، وكيقربو ليه ويشمشم
" شدها من خسرها تا قربها ليه وخشى يدو تحت تريكو غادي مطلعها مع ظهرها وفمو كيبوس في عنقها "......بووسينيي تا نتي ، توحشيتيني كيف توحشتك...
" حيد تيشرت لي لابس بجهالة ، كان داير بخال الصياد لي غينقض على فريستو وميخليهاش تفلت ليه ، اما هي كتحس براسها كدور مرة تطلع سما مرة تنزل الارض.....حسات بيدو حيدو ليها الضوني لي لابسة وهي دفعو وحطات ايدها على صدرهاا
صيفطاتو وتبسمات غادا وكتلوى ضحك مع هادي وتوقف مع لوخرا ..تخنزر فيها فيها مرا ..و يغمزها راجل بشلاغمو وتسيفط ليها بوسة بالهوااء ... وقفات عند مول الحانوت لي كانت جالسة حداه مرتو .. هاد الأخيرة غير شافتها و هي توقف حدا راجلها حاضياه
سعاد ..." طلعات فيها و هبطات و طلقت عليها ضحكة " ... المدااااني أرا ليااا واااحد ماكينة الحسااانة
المداني ..." لي قريب ريوگو ينزلووو " ... نتي تأمري و انا نلوح راسي في البحر .. لي بغات خاطرك ديها تا قلبي هاكي دييه ..." ما حس غير بتقرفيدة ديال مرتو نزلت عليها و تتغاوت هي وياااه "
سعاد ..." عجبها الحال وتتزيد تفقص فيها " ... ودودو تا عطيني المكينة خلاص
المداني ... ويلي ويلي
" دفع مرتو تا جات جالسة " .. اححح على دودو كي خارجة من فمك
" مشا شد خنشا و هز من كل فن طرب و مدها ليها " ... هاكي شدي اعيون دودو
المداني ... تي غير شدي بصحتك كل شي ديالك غا شوفي من حالي .." غمزاتو و زادت خلفة و خلات موراها بركان مفرگع ...
بقات هادا حالهاا تخيط في درووبة تا حساات بالنشبة لصقاات وهي تقلب دورة راجعة كتفكر كيفاش تكمل على مبداات.....باست يدها وفرحات ملي بان ليها زريقة جالس مع جماعة رجال مجمعين على كارطا وكيضحو ومقصرين..
باست يدها وفرحات ملي بان ليها زريقة جالس مع جماعة رجال مجمعين على كارطا وكيضحو ومقصرين.. وقفت عليهم كي قباض الرواح...كاين لي دفل و كاين لي حرك الروايض ما فيه ما يتغاوت و كاين لي قلب وجهو و بقا واقف ... الا واحد لي غير سمع صووتها عض شلقومتو كيتغدد و جامع ليها شلا حوايج وغير ناعل شيطان
سعاد ..." تتلوي و زغبتها " .. عووووصمااااان ها واحد سلام " وهي تتلحن فيها "
" دفل حدا رجليها وخلاها كيف لبوطو واقفاا، جرات وراه وشبعات عليه تعياط تا دار لعندهاا شاعل
عصمان.... الحبس هذا ماشي عصمان و هاد المرة يا تقادي سميتي في فمك ولا نهرسو لييك
- سعاد .....شفتك تا سلام ما باغي ترضها عليا يااك لاباس ولا هادشي كلو على قبل وحدة .. جات غير البارح وبغات تنسيك فيا انا لي كنت نخدم معاك و نجيب ليك الكليان .. واش يصحابك غتشووفيك،، وافيق راه بنتي وانا عارفاهاا عندها واحد معشش ليها في العقل و القلب وواخا معرت شنو تقول عليه تا حد ميحلى ليها غيروو وها دليل..." نعتات ليه طوموبيلتو لي واقفة في راس ".. مدخلاه لقلب داري ومترية عليا باش تحلى ليها لجلسة معاه، طلعتي نية اودي
عصمان ..." شدها من شعرها وزير عليها ، عض فكو من لداهل ختى حس بدم فمو وجرهااا لعندو كيدوي تحت سنانو " ...لزا** بووك واش كتعرفي اش كتقوولي ولا لا
سعاد....." شدات ليه فيدو باس يطلقها حسات بزغبة غطير من جدر بقوة ممزير عليهاا ".....مكنكذبش عليك سير وشووف بعينييك ...
"طلق منهاا تا طاحت جالس
عينيه ولاو كيف جمراات ..صدرو كيطلع وينزل غادي في طريق ولي لقاها قدامو يضربها برجليه.....وصل لباب ودروج دارهم بربعة الخطوات ولخامسة لاحوليها لباب بقوة ودخل، طاح فوذنيه صوتها وهي كتنين
دليلة الجزء الثاني
محتوى القصة
التنقل بين الأجزاء