دخلها لبيت ولاحها في الارض ، وبدا يحيد بقية حوايجو بياسة بياسة وهو كيشووفيها قدامو فاشلة وغير كتحرك راسها وتنين،، صوتها بالكاد كيسمعو...مقدرش يميزها شنو كتقوول عقلو كان مشغول بحاجة وحدة وهو يستمتع بالجسم لي قداامو ويطيح زنافرها الارض ويكسر كبرياائهاا ويخشي راسها في تراب....جلس على ركابيه وقرب منها غادي بفمو عند فمهاا باغي يبووسها ،
- شووفي فيا وبوسيني ،
دليلة....." حطات ايدها على فمها مغطيااه , كتحاول تبعد عليه وتملص منو ولكن مقاداش "....هييييه بعد لهييه " ضرباتو بصباعها لوجهوو
- "حط ايدو على سروالها كيحل فيه ويزرب "....معندي فين نبعد صاافي ، غيسالي كلشي
دليلة ....." هبطات ايدها وشدات على سروالها ممخليااش يقرب ليه "......متقربش لياا ، ااااه ...حاايد ايدك اش كدير
هز يديه تااا لفووق او نزل عليها الحنك خلاها صباعو مصورين ، خارت قواها و طلقات يديها .. مستسلمة ومعند هاش جهد مزال
اما هووو حل ليهااا صداف ديال سروالها وريوگووو نازلين عليها .. خشا راسو في صدرها كيشم و كيتحكك عليها من التحت ..
- اليوم نفدي فيك الغالي و الرخيص حلفت عليك و حلفتي مطيح الارض .. أول بصمة ليييك غتكون من عند حبيب قلبك ياك كتبغيني وبغيتي تزوجيني ، انا غنوريك الحياة زوجية شنوو فيها.....
نتي تهزي في وجهي لمضى؟؟ نتي تبغي تصفيها ليا ، لاعبة فيها واعرة ومطورة ..." ضربها لفخضهاا حتى غوتات " .....يالله غوتي ، زيديي نبغي نسمع صووتك ..."خشى يدو وسط شعرهااا وزير عليه ، توعتات وحلات عينيهااا تتنين ... امممم شنووو درت ليك بعد منيييي الحيوان
- مكيسمعش صوووتها فقط عقلووو في حاجة وحدة وهي يكمل على اش ناااوي .. تلاح ليها على فمها كيبووس و هي تتبعد فييه وتدور فيه شمال ويمين.. تا خنقها تحت منو وهز ليها يديها لفووق حااكمهاا
جاه صووتها في وذنييه كتنيين وتستنجد ..زير على قبظة يدييو وعض على فموو بعصبية ..وتبع مصدر الصوت ، دخل لبيت وصعقو المنظر لي قداموو حس بدمو كيفوور وعرووقو وجهو ويدو تنفخوو وبرزوو .....تلاح على حسن شدووو من قرفاادتووو تا لاحو الحيط الثاااني .....نزل عينيه بانت ليه مهيااش وصدرها كيطلع وينزل ومعاقلاش.....غمض عينييه ورجع حلهم مغدد على اللخر وناوي على الشر
عصمان......ياااا ولد الق*** كتعدااااا على لعيالات
نزل هزو من الارض ودخل فيه بروسية تا سيل دمو وزادو تاانيةة.....
- حسن....." كان واقف غا بزز داخ ونجوم بانو ليه قدام عينيه، كلشي حسب حسابو حتى لهادي لا "...شكووون نتا ؟؟
عصمان ..." جمع يدييه على شكل بووتية وعطاها ليه لنييف " .. انا قباض روووحك أولد القحبة
"جمعو بنص طيحو الارض ونزل عليه بثقلوو قااجو بمرفقو وايد لوخرا كيدخل ليه بيهااا ،عينيه كانو بحال جغمة الدم ، كان واعي براسو اش كيدير وعارف بلي اخرتها زوج لحوايج....الروضة لحسن والحبس ليه ورغم ذلك مترااجعش..حس براسو ختو ولا مو ولا مرتو لي تقاست ،دليلة من نعار شافها وقرر يسااعدها حسبها عليه ومنو وتخت مسؤوليتوو ...فينما كيضور وجهو جهتها وكيشووفها عرياانة ومواعيااش كيتجنن وكيزيد يفقد السيطرة على راسوو وكيولي زريقة لي كيخاف منو لكبير وصغير وكيدير ليه كلشي اعتبار ...زريقة لغادي بمبدأ فلوس ضسارة فشكاارة ولي دوا ياكل دواا....زريقة لمكيهموو حظ ومكيدير بحساب بحد ومكيخااافششش
زريقة ..."جبدو لعندو ورجع خبطو مع الأرض ".....اشنو درتي ليها اشماتة دوي...؟؟
حسن ..." دايخ وكلو دم باغي يگعد راسو مقادرش , بزز نطق "...ماشي اناا مهااا سبااب هي لي جات لعندي باش نجي هنا " يالله بغى يشووف في دليلة وهو يغيبو
هز رااسو وهي تباان ليه سعااد تتجري داخلة كيف حطات رجلها الاولى في لبيت وشافت داك المنظر وهي تشهق ...مخلااش دوات ولا طولات شووفة ،بانت ليه قرعة ديال الزاج هزهااا شير عليها بيهااا تا جاتها الراس خلاتهااا منشوورة وراسها دايز دماياات ..
معرفات باش تبلايت كانت حايا فرحانة وباغا تشفى في بنتهاا وتحس بالانتصاار ....لكن السحر تقلب علييها ومحساتش بالانتصار حسات بدوخة وبدمايات نازلة عند راسهاا
بان ليهاا جاي قاصدهاا وهي توقف راجعة باللور وحاطة ايدها على فمعا كتطلب وتزاوك ...
سعاد.....نعل شيطان ازريقةة ، والله مدرت ليها حاجة ،هي هي سباب...
زريقة...." كيحرك في عنقو شمال ويمين غادي ليهاا يختم بيهاا وتاا الا مشى لحبس يكون مهني لكن وقفو صووت لي منوض على مولاتو روينةة ،يرجع عندها لبيت ، الشيء لي خلاها سعاد تهرب خايفة على راسها منو
" غادي لعندها منزلة راسو الارض مكيشووفش فيها ...بان ليه صااكها تم وفوقو مخدة ومانطة....هز هاد الاخيرة لاحها عليهاا ، ومشى لكوزينة هز كاس لما عاونها تا شرباتو ، حل ليها عينيها بان ليه لمومو دورة ديالو صغيرة و جنابهم بيضين بزااف .. عرفهااا اش شااربة حيت هادشي مخافيش عليه ياما دوزو
عصمان ..." عض على لساانو تا سيل الدم " ... ليكسطااا ليكسطااا أولاد القحاب
جمع الوقفة نيشان لشرجم ، لقا الدنيا مطرقة بعيباد الله و مكاينش لي يقد يتجرأ و يطلع يشوف اش كاين .. كيف يسمعو حس زريقة مولاه كيرجعو باللور .. وهذا كان حال صاحبو ياسر و رنا و الأم ديالووو .. لي غير طل من شركم جات عينو فيها
عصمان ..." مشربن و كشاكشو خارجة " ... الولييييييدة
الحسنية " شافت فيه و ضربتها بجرية لعندو " ... يا ربي تحفظ يااا ربي تشوف من حالنا ...مجا فين يتلفت تا وقفت موراه وشافت داك المنظر لي خلا قلبها يتهز و يتحط " ... الله و اكبر الله واكبر .. برد اوليدي وااا عوينتي برد !!
عصمان ..." كيشووف قدامو و مباغيش يضور يشوف في دليلة و هي في داك الوضع حيت غيزيد يتعصب " ... الوليدة لبسيها حوايجها دغيا .." كيف لاحت عينيها عليها وحيدات المانطة قلبها طاااح ضورات وجها بان ليها حسن مليووح فهمات اش واقع بلاما تسول كلشي كان باين "
الحسنية ..." مشات لعندها وهي تتندب " ... الله على بنيتي و شنو مكتوبك .." هزات ليها سروالها و سداتووو و طارت على تريكو تا هو دغيا لبساتو ليهااا .." ... هاني اوليدي لبستها " بلا ميجاوبها ولا يقوليها كلمة مشى تحنى عليها هزها وتم غادي هابط بيهااا ... نزل لتخت بانو ليه عباد الله عينيهم غيوصلو لعندو وهو يغوت تا كلشي غبر من قدامي
" شاف في يااسر "....حيد علياا داك زامل من لفووق ، تا نسالي ليه
ليل كامل وهي ناعسة في البيت ديالو وفوق سريرو ،مغطية ومكاينااش هنا ولا عارفة انو القياامة ناضت على ودهاا ....ليل كامل وهو حاضيها و دم طالع ليه لراس ،تيمشي في داك البيت و يجي ... كيحس براسو باغي يهرس و باغي يغوت، صعيب تعامل معاه في هاد الحالة .. يقدر يصفيها ليك و ميندم ...
جالس في كرسي وحاط يدو على جبهتو كيماصي فيهاا.....مناعسش ومشافووش..جفونو متلاقوش ....التعمة مذايقعاش، مكتفي غير بالقهوة كحلة وگارو...رجع ليه منظر ديالها وهي عريانة وهو فوووق منهااا ... طلق صرخة و ناض خبط داك الكورسي و كيتوعد لسعاد بالعذاب الأليم ... على اثر هاد الصرخة بدات تتململ وتحل عويناتها ..
دليلة ... " شادة في راسها و تتحس بالدوخة وداكشي باقي شاد فيها " ... امممم راسي يا ربي راسي
عصمان ..." قرب حداها ووقف و بقى كيشوف فيها تا عيط لمو " ... الوااااالييييدة معاااك قهوى كحلة تكون مقطرة صيييييك ...
" خرج وزدح الباب ، خلاها تنين موراه مفاهمة والو كانت مزال دايخةة .اما هو مزال مشى جلس فوق سداري كيهز في رجليه وداير يديه بزوج ورا عنقو ... تمت جايا حسنية وهازة في يديها بلاطو فيه طاس القهوى .. دار ليه حركة بعينيه باش دخلو ليها .. وداكشي لي كان دخلات عندها متحسرة على حالتها ، عزات عليها وبقات فيهااا ... قربات حداهاا و گعداتها وجلست قدامها تتشرب ليها ديك القهيىوة .. تاكملتها ورجعات تكات عاد خرجات مخليااها تستعقل ... بقات ما يقارب نص ساعة و هي غير متكية وتتشوف في السقف .. شوية بشوية بدات ترجع لعقلها و هي ضور لقات راسها في بيت غالب عليه الكحل وفيه ريحة رجالية مجهدة .. ناضت قافزة لقات راسها بحوايجها
دليلة ... "طلعات فيه و نزلات " ......واش عيرتيني ولا جااب ليا الله ، يااكما كتامر على ختك ولا خدامة عندك افيييق وعيييق وقوليا كيفاش جبتيني هناا
.." خاطرو كانت مضيقة ومافيه ماا يرطب ولا يبرد ...ناض ليها جرهاا و دفعها تا ضهرها حسات بيه تقسم " ... بربي المعبوووود تاااا ندفن دين مك هناااا في قلب الدار .. الى ممشيتيش حطي ترمتك يااا تندير فيييك يدي لحد دابا تندوي معاك بفمي و نهار ندوي معاك بيدي مغيلقاو ميجمعو فيك ، انا منزل كوارية معاك ونتي مطلعاهم قلنا ليك جلسي عندي ليك شي هضرة " غوت بجهد "....هيييي جلسيييي
دليلة ..." ما تحشم ما ترمش و كلامها متبغيهش يبات عندها " ... هاد الهضرة سير قولها لراسك .... وكلامك مشيه علي شي وحدة لي تترعدها هاد الهضرة اما دليلة راه صعيب تهز منها شعرة حيد من قدامي حييييييد .. مبقيتش باغا نعرف لاش انا هناا
عصمان ..." هز يدو يا الله غينزل عليها الحنك لقاها مربعة يديها و مخرجة فيه عينيها .." اعععععع.. 😡😡
" جمع قبضتو و خبطها مع الحيط " ... فين بغيتي ترجعي ااااه فيييين بغيتي ترجعي عند سعااااد تزيد دخل عليك الرجالة و تقرقبك دوييي عجبك الحال ...لبارح في اخر لحظة وكون مجيتش كان زامل تاع لخلا غيتكرفص عليك ونتي مغيبة
" هو كيهضر و هي تتخرج في عينيها و الدم كيطلع ليها الراس معارفاعش علاش كيدوي من اصلو حيت معقلاتش " ... جوج كلمات نقولهم ليييك من الييووووم هنا فين غتجلسي و نحس بيك فايتة باب العتبة غنوريك واحد الوجه اخور..
" تا دخلت مووو و رنا لي جاو كيجريو من ورا مسمعو غواتو "
الحسنية ..." دخلت و سطهم وتتهدن في ولدها " ... ا رسووول الله اوليدي ذكر الله و سير بدل ساعة بخرا .. انا غندوي معاها ، باك باغيك اعصمان سير عندو وانا معاها
دليلة ... " جلسات فوق سداري مزالة كتستوعب كلامو وهي تحس بيه حداا وجهاا كيهدد
حتى دار مخطاوها مشاكيل لي معندو لكثير عندو لقليل...حتى واحد في هاد دنيا مكيحط راسو على المخدة ومكيفكرش ....كلها واش عندوو واشمن هم صايبو ...الا كنتي نتي واليديك طريقهم عوجة وكيكرفصو فيك....كاين لي مكرفصااه دنيا، وكاين لي مكرفص راسو ، يعني حتى حد مهاني...ها انا قداامك تزوجت صغيرة براجل فلوسو على قدو نهار نباتو معشين ونهار لا...قاصيت معاه وبغيت نكبر ولادي باش معطى الله ، وملي شد الارض ومرض تقال عليا لحمل وخرجت عصمان من لقرايا وبيديا خليتو مشى لحرام ،كنت مكنعس ولا كنشووفو ملي تشد في الحبس ، عيني طابو ودموعي نشفو ولكن متغيرت تاا حاجة ، كيبقى هادشي مكتوب علينا ولازم ميتصرف فيناا
كان هادا كلام حسنية ليها باش تخفف عليها الحر من ورا معودات ليها اش جراا
دليلة ..." شادا بحوايجهاا بصبعانها كتلوي فيهم مع كل كلمة كتخرجهاا حسنية....كان حزن رهييب ممزوج بانكسار باين في عينيهاا، بقات ساكتة حتى ساد الصمت كانو كيشوفو فيهاا بأسى ، كسرات سكاتها وقالت " .......تكرفص عليااا ؟؟
حسنية ..." عزات عليها وشافت فيها بنتهاا لي متبغيش ليها هادشي ..هزات ايدهاا وطبطبات عليه مطمناها بعينيهاا وكلامهاا " .. ملي طاحت عيني فيك وانا كنلبسك و على حساب عرفي ، مكاين باين عليك دم ، يمكن وليدي جا فوقتو
دليلة..........معودش ليكم شنوو وقع ، شكون هادا وشنو وصلني لهاد الحالة وكيفاش معقلتش ...
-حسنية ..." حركات راسها بلا "...حدو هزك نزلك من تم دخلك لبيتو و مدوا ما تكلم بقى مقابلك ليل كامل عاد شفتو دابا بحالي بحالي.....
دليلة....." كانت كتسترجع احداث البارح وشنو دارت ، شافت في رنا ودوات"...لبارح من ورا مطلعت من عندك ،شربت قهوة ومن وراها معقلتش شنو طرا بحالا عقلي تمسح " شدات يدها حطاتها على راسهاا "
رناا.....يمكن وسمحي ليا عليها كلمة سعاد مولاتها، حيت حنا من ورا مسمعنا صداع شفتها نازلة تقاطر بدمهاا هربات
دليلة ...." حكات يدها على قلبها لي حسات لعافية شاعلة فيه ".....شكون هادا لي دخلات عليا شكون وفيناهو
حسنية.......عصمان لي عارف ، انا طلعت لقيتو غارق بدمو حداك مخلا فيه حتى عضم صحيح
دليلة .." وقفات حاسة براسها فاشلة من ورا مسمعات " ... بغيت نهضر معاه فين هو دابا ؟؟
حسنية .." شيرت ليها البيت " ... سيري ابنتي لداك البيت غتلقايه
جالس مع الاب ديالو فووق ناموسيةة ....كيقشر فتفاح ويوكلو ليه بيدو ...من نهار مرض وشد لفراش ولا سند بااه وظهرو ....يديه فين بغاا ويخرجو وقت لي حب، مكانش كيعاملو معاملة ابن لأب ديالو...لا كان كيعاملو بحال ولدو ، ممخصصو من حتى حاجة والا طلب عينيه يعطيهم ليه ، كيعومو بيدو ويبدل ليه براسو ، مصطفى نهار تشد عصمان حس بغياابو وبان عندو لفرق واخا حسنية كانت دايرة معاه كيف لما لقليل ولكن ماشي بحال زريقة ولدو وحبيبو وصااحبو ورجليه ويدييه وصحتو لي خانتو
عصماان " مكيخبي عليه والو من ليل ليل كيجلس حظاه ولا كيخرجو ويتشاركو حدييثهم ، مقربو منو لدرجة كبيرة ، مكيتصور نهارو بلاما يدوي معاه فيه، واها خدمتو والهم لكحل لي عندو ولكن ، تاهو كيلقى ليه لوقت حيت ولا حساس من وراا مرضو ".....هي هادي .." مشى لوذنو ونطق بهمس " ...كي جااتك ؟
مصطفى....." هز حواجبو بسرعة راضي عليه وعاجبو لحال ".....متخلي هاش تسنى سيير. !
ناض زاد قدامهاا بعد محرك ليها راسو باش تبعوو ،مشا نيشان لبيت نعاس ديالووو تقابل مع الشرجم تا سمع الباب تسد و هو يضور عندها عينيه و حوايجبو مزال معقودين و مبغاو يتفكو" .. عصمان....هاني الآلة اش عندك ، متقوولي ليا " يالله بغات تدوي وهو يوقفها "....حاجة وحدة .. نقوووليك كلامي هو لي غيمشي ، يعني خروج من هنا مكاينش غا نساي وبلاما تعيي راسك
دليلة .." مشات قدامو وتقابلات معاه "...خليني من هاد الهضرة دابا وقوليا شنو وقع ، شكون هادا لي بغى يتكرفص عليا ، " جلسات فوق ناموسية " عود ليا اش طرا لبارح
عصمان ..." مكيبغيش يرجع سينتا اللور حيت كيحس براسو على نقشة ، صاط بعصااب وجوبها بكثر "....معندك متعرفي صافي نساي ، الاهم وصلت في الوقت
دليلة......" تنهدات ووقفات كارزة على سنانها وكتدوي مزيرة "...سمعني نقوووليك ، من خقي نعرف كتسمع.....شكون هاداك وشنو دار ليااا ، وكيفااش تا عتقتيني نتا بذاات....وفينها سعااااد ، واش هادا شي كليان كتعرفو دخلاتو عليا ...راني معمري طلبت ولد لمرا وهانا كنترجاك...." شدات في ايديه ".....وحياة باك وغلاوتو قول ليا شنو وقع ...
عصمان....." حس براسو بدا يسخن عليه وضروري من گارو باش يجبد ليها هاد الاسطوانة ...جبد واحد من جيبو لاحو ففمو وشعلو ، بعد عليها لجهة شرجم وجوبها على گاع تساؤلاتهاا ".....سيد لي كنتي كتبغيه هو لي لقيتو لفووق، وفووق منك
" دار لعندها كيهز في ايدو ودخان كيتطاير معاه ".....وكون موصلتش في الوقت كان غيتكرفص عليك كتسمعي
دليلة ...." طاحت جالسة فوق ناموسية ...كتحسس عنقهاا وتدوز عليه بيدهاا ، عايفة راسها وحياتها وناس وگاع لي دايرين بيها "....سعااد لي باعتني يااك ...!؟
عصمان ....." تقزز من لكلمة وضرو كلامها ، طفى سيجارتو وصاط دخانو بجهد وجلس حداها " ....هادشي لي قال هو ، وكيبان ليا بصح حيت لقح** هربات ولكن بربي " خبط على صدرو ".. الا دوزتها ليها راني ماشي راجل
دليلة...." جمعات لوقفة "....فين هو دابا ، قالت ليا مك لقاتو مليوح يعني مهربش، " باستفهام " فين مشى ولا فين درتيه ...
عصمان...." جاوبها ببرود " ...ماشي شغلك
دليلة....."غوتااات معصبة ".......شغليييييييي قاااالاك ، فين هو زاامل لي كان غيخرج ليااا علىىى حياااااااتي
عصماان ....." جرها من يدها مزير عليهاا "......قبل ميخرج ليك على حيااتك ، خرجت عليه ...ودابا سمعيني غتمشيي تركنيي وترتااااحي وخوي راااسك ، خليني اناااااااا نتكلف بهاد لحزااق كامل....
دليلة......" تعاقرات معاه حتى حيدات يدها من قبضتو ومشات لجهة لباب ".......معندي جلووس هناااااا ، خاصني نطلع نحيد وسخ شماتة من على لحمي ، خليني عفااك
" جرها حتى جات مزدوحة مع صدرو لي كان كيطلع و ينزل كيحس براسوو غينفاجر ما حيلتوو لحسن و سعاد لي عذابهم غيكون عسييير و لا ليها لي راسها قصح من لحجرة و غير بوحدها مرضاتو .. هزات عينيها فيه اما هو هبط راسو ليها و نيفو كينفخ " ... بغيتي دوشي هااا دوووش اما تعتبي الباب غير نساي ، كلامي انا كيتقال مرة وحدة داكشي علاه تركني ، وخلينا هانيين وخليني نكون معاك مزيان
لاح تهديداتو وخرج زادح الباب تا كان غيديه معاه مشا قاصد ياسر يشوفو اش دار مع حسن ويعرف لمستجداات ....
اما دليلتنا بقات حاضية شرجم تا مشى و حلات لباب خرجات.. ....كدير غير لي فراسهااا وتا حد مكيمشي كلامو عليهاااا ، لقات حسنية برا عاسة عليها ،صدراتها بحجة تجيب ليهاا متلبس غير دخلات منها خرجات هي و طلعات نيشان لدار لي كانت بحال ساحة المعركة بان ليها لباب مفصل وزاج مليوح في الارض وقطرات دم في كل مكان...دخلات لبيت لقاتو كثر وجدر ..تمعنات النظر وبدات تشكل ليها الصوورة وصورات المشهد في دمااغهااا كرزات على يدهااا محاملاش راسها ومقابلاهش . خدات من صاك حوايج متلبس ودخلات لحمام بعد مطرقاتو مزياان ....شافت راسها في انعكاس المرايا لي قدامها واخا مضببة ونصها مهرس...بان ليها اثر صباع على وجهااا حطات يدها على الضربة وعاضة على شفايفهاا.....
هزات ايدها قطعات تريكوو لي لابسة كأنها كتنتاقم منو ولا كتعاتبو علاش يتنصل من فووقها ...تبعاتو سروال زولاتو برجلها وهادشي كلو وهي كتشوف في وجهااا لي قسى عليه الزمان ...بقى فيها راسها ونفسهاا.....دوزات شريط حيااتها من قداام عينييها مرحلة بمرحلة ملقاااتش حتى حاجة فيه تخليها تضحك ، الطعن ، الغدر ، الخيانة ، التشرد ، الحگرة ، الدل ، وكانت غيتزادها حتى اغتصااب ،
كاع هادشي تذوقااتووو ومن لي ليها ولي من المفرووض يخافو عليها....طلقااات تنهيييدة طويييلة ، لي رافقووها دمووع كبحاتهم لسنواات وخلاتهم مكيفوتوش جفوونهاا جا لوقت لي تطلق ليهم العنان
بكات على راسهااا حيت تولداات وترمااات ، عاد بكات على راسهااا حيت في صغرهاا تقمعات وتحرمات.....بكات وهي كتفكر باها كيعير فيها....وحسن كذب عليها.....بكات حيت تلاحت لشارع وبيديها جات لعند سعاد لي بغات ترزيها فأغلى ماليهاا ....
بكات حيت مبقى عندها فين تمشي ولا شكون غيهز بيهااا ...بكات على نفسها ومعاناتها والمها واخيراااا بكاات خيت حسااات براسها يتيمةة ومقطووعة من شجرة
دموع لي كانت خازنة شحال خلاتهم هوادين شلال ، مرافقينهم شهقاات طالعة من قلب موجع لاخر حد.....
ضعافت بينها وبين راسها ، شكات ليه وبكات عليه حتى تفشات عاد ناضت خوات عليها لما بارد في عز البرد ومحساتش داتها كانت سخوونةة ونار كانت قايدة جواتهاا
رجع لدار على طريقو وغير ملقاهاش حس بجنون كيشطحو قدامو ..
عصمان ..."كيمشي ويجي ويحك على لحيتو لخفيفة "... كيفاش تخليها تخرج الوليدة و هي في ديك الحالة
الحسنية .." مشات شدات ليه في دراعو كتهدن فيه " .. وا وليدي ما شفتهاش تا ايمتى مشات راه من قبيلة و حاطة يدي على خدي و نخمم ، قالت ليا جيبي ليا منلبس دخلت عند ختك تعطيني خرجت لقيت يدي وريح
عصمان ... "باس لمو راسووو، حيت عرف فين ممكن تكون ".. .. انا غنعرف ليها طريق نتي غير رتاحي ..
" خدا رضاة موو و خرج كيجري طالع لدار سعاد .. هو قبيح و خدمتو عوجة و لكن ولد الناس و تربية البلا و كنقصد بيها الزنقة لي علماتو بزاف الحوايج ..لكن مكين ما حن من قلبو كيبقى فيه المسكين والضعيف ...ومكيتقبلش الحگرةة والضعف
دخل مع لباب وهو يسمع شهقاتها لي ازمووه وخلاوه جمع قبضة يديه ويجلس في سداري حادر راسو ، بقات فييه وعزات عليه كل تنهيدة منها كانت بحال سهم كيختارقو ويفور دمووو مبقاش قاد يصبر ، كره ديلمها لحياة وميجي بنها حتى مرمدات بنت بحااالهاااا ، بقى جالس على اعصاابو حاط يدو على ذقنوو و كيتسناهاا تا سالات و تفشات و خرجات من الدوش لابسة حوايجهاا هزات راسها لمحاتو ، مستغرباتش من وجودو ، تظااهرات بالقوةة من جديد عاد جلسات حداه
دليلة.....شنو باغي مني ؟؟
عصمان......"نطق بثبات وثقة "....باغيك نتي !!
دليلة ...عصمان....." قالتها وبتاسمات جنب "... اش غتبغي فيا انا غير مرض و هم و غم .. فين ما مشيت كيكون النحس عمرك غتحس براسك مزيان و انت حدايا .. خليك مني ا عصمان و عيش حياتك متربطش راسك بيا .. انا من ديما بوحدي وعايشة بوحدي ... خرجت خدمت من صغري في الليل و نهار حبيت قلت صافي ربي غيعفوو عليا ولكن كان غير كتفلى ومدوز وقتو بيا باش يدير مبغى فيا .... كون ما انت انا كنت غنخسر أغلى حاجة كنملك .. ولي كنخرج نيابي غير عليها
" غير سمع كلامها هز يدها لعندو وزير عليها تا غضمت عينيها " ..وهادشي انا عمري ننساه ليك ولكن انا وياك مغادينش نتلاقاه نتاا طريقك مقادة ومسرخة وانا مباينش ليا طريق جرة، خليك مني ا زريقة و شوف حياتك ،
عصمان ..." شد ليها يديها بجوج " .. انا باغيك نتي تكوني حياتي و تحت حمايتي بغيتك تكووني مرتييييي و أم ولااادي ، وغنعوضك على كاع لي فات و لي يحاول يقيصك غنحي دين مووو .. ولي حاول يجبدك غير بلسانو نطيرو لعدو ربو
دليلة ... زريقة نتا ولد الناس و انا غير بنت راسي منصلاح أم و لا زوجة و لا تا حاجة , انا حيااتي ظلام في ظلام ، دنيا هرسااتني من گاع لقنات مبقى ميتقاد فياا، ونتا تستااهل حسن مني ، وولادك يستااهلو ام حياتها حسن من خياتي ..داكشي علاش خليني في حالي نشووف تاني ونعيش اش مخبيا ليا ليام
عصمان...." قاطع كلامها "...لي مخبةي ليك هو انا ، ولو كنتي كتعرفيني غير شوية مغتعانديش كلامي حيت غير كضيعي لوقت....من ليووم ابنت ناس غتجلسي معززة مكرمة في داري بحال ختي لعيب عليا الا هزيت فيك لعين بينما وليتي على ذمتي ومرااتي عاندي رفضي غوتي ....حسبيها بزز بالغصب ، مهم كلامي هو لي غيمشي ، وقف ومد ليها ايدو " ....تعالي
دليلة....."شافت فيه مقصحة شووفةةة ".......لكلام لي عندي قلتوو
الحياة بقوة الاحزان اللي عيشاتنا وبكثرة ما دبراتنا، خلاتنا نولفوها حتى ولات جزء لا يتجزأ من دمنا وجسمنا
وهدا حال دليلة... عمرها عرفات يوم حلو ،من نهار فتحات عينيها في دنيتها القاتمة وهيا عينيها عمرهم عرفو معنى الالوان.. من الصغر وهيا شايفة لون واحد الأسود.. وتعودات عليه لدرجة انها لو شافت الوان تانية مغتعرفهاش ومغتعرفش حتى اسمها ،رغم انو اللون الاسود ملك الالوان وكيعشقو القلب قبل العين ،لكن البيض وصفاوتو ومابحالها تنين.....
شدي خيوط شمسك بايديك.. وخطفي نصيبك من الدنيا وحاربي عليه بتهراس الحجر وبخطيف الجمر... وخليك من الاستسلام والراس المحدور وكلشي يقول عليك مسيكينة ومضليمة وديري فبالك طرف من النفخة يعيش
........
كلام زريقة ليها وكلمة على دمتي ومراتي جاوها ثقاال ومدخلوش ليها لعقل ، زرب عليها زربة خايبة لي متقبلاتهاش ...اخر حاجة تبغي هي شي حد يشفق عليها ،
ولا يشووف فيها بنظرة بقيتي فيا وعزيتي عليا حيت نفسها حارة ومكترضاش
مع قال كلامو مع وقفت قدامو بكل قوتها وجبروت لي يشووفها ميقوولش هادي لي كانت كطيح فيهم كيف لحجر
دليلة........"عضات على شفايفها ، مخلياه ماد يديه " ..... ..هاد لكلام لي عامر شفقة من جهتك ليا مغاداش نقبل بيه ...ولا نرضى نكون انانية باش نخليك تزوج بيااا من ورا مجراا لياا حيت شلا مغيولي يتقال فياا....
" دار يديه في جيابو مخليها تقول معندهاا واخا لي فراسو فراسو ".....
الا كنت لمدة جايا خمسة وعشرين عام قديت نتقاتل مع زمان وبوحدي ، فمغاديش يغلبني لي جااي ، ايه نقدر نضعف ونطيح مرة وزوج وتا عشرة ولكن راه كنرجع نوض والضربة لي مكتقتلني كتقويني يعني اولد ناس الا كان مشغول بالك من جهتي اش غيصرا فيا، فغير ريح باالح وهنيه انا قادة نضبر رووحي
عصمان.........صعيصعة نتيا افيقي اماما.. " ضربها ضربات خفاف على وجهاا حتى تنرفزت ".....دنيا راه غابة وكيف طحتي في زوبيا لبارح ...غطيحي مرة اخراا الا بقيتي على هاد الري وشوار ....داكشي علاش لبديهاا و متعانديش وتشربنيني راه خاطري مواسعااش ، يالله جمعي تخربيقك وزيدي قدامي ...
دليلة...." دارت يديها ورا عنقها كتحك فيه وتعوج في فمها "...غادا نجمع شراوطي اه ولكن مجاياش معاك ، ارض الله واسعة وعطا الله فين نمشي ...ومتندمنيش حيت دخلت لهاد درب ولا جيت ليه ...راه داكشي لي فعقلك مغيكونش مغاداش نخليك تجبر انك تزوجني غير حيت مي وباا لاحوني ، نتا اش ذنبك ؟؟
عصمان ...." غوت في وجها حتى قفزت " ...الالة مباغيش نتزوج بيك حيت مجبور كي كتقوولي ، " بدا كيهلل حتى جيران بداو يطلو "....باغي نتزوج بيك حيت باغيك " ضرب على راسها " فهمتييييي باااغييييييك
ملي حسن دار فيها مبغى وطيحها في حفاريه مرة وزوج وزاد تالثة لعنات البغو وميجي منوو ، يعني كلمة باغيك ولا عجبتيني وكتحمقيني مبقاتش كتقدي فيهااا ولا كتدخل ليها لراس
-دليلة ......باغيني ؟؟ اش غتبغي فيا الجاه ولا لمال ولا لقرايا ، " حطات يدها على حنكها وقوسات عينيها " ، لا بلاتي واقلة كنيتي يااك ...نديروك بغيتيني اسيدي واخا مقودة عليا ، ايوا وانا اسيدي راه مكنبغيكش ، ترضى تزوج بوحدة مباغاكش ومبقاتش باغا تبغي شي ولد لمرا كيف ماكان نوعو،" قصدات تجرحو ".... وحتى الا زغبني الله وبغيت مثلا " غمزاتو وقالت كليمات لي خلاوه شوية ويهرسها " مغنبغيكش نتا ، حيت بحالك بحال با وسعاد كتجريو في طريق لحرام وانا خطيني طريق لعوجة ، اللهم طالب معاشو نتقاتل انا وياه على زمان ولا واحد حباس وداير رعب فعباد الله
دليلة...." دوات معاه بالخاطر مفهمش فقررات تقلبها صباط وفين ما بغات تخرج "......لااااااااااا اسيدي سمع كتفهم سمع .....انا ممزوجاش بيك الا كنتي نتا ولد ناس وباغي تسترني انا واخا بنت لحرام ولكن مغنديرش باصلي ونخليك تزوج بوحدة ، تندم حياتك كلها حيت خديتيها....الا كان قلبك بيض فناس غيكحلوه بهضرتهم عليا ، ونتا مغتقبلهاااش سمعتي
-عصمان...." هز يدو وبدا يخبط في دفة على جهدو ضربات متوالية تحت نظراتها صارمة كانت دايرة يديها على خصرهاا ويا جبل ميهزك ريح "....مكاينش شي ولد لمراا هناايا لي يقد يدوي فييك وانا عايش
دليلة...." هزات صاكها ولاحتو في الارض ".....غيدويو اسي والا مدواوش قدامك غيدويو في ظهرك ، غيحشيوها بحال ضحك لمك ، نقد انا عادي هانية عندي مبقيتش كنتسوق ...نتا داير فيهم رعب ومغيواجهوكش بيها ،..ولكن مفكرتيش فمك ؟؟ باش غتحس
عصمان......مي غتحس براحة ولهنى الا كان ولدها مرتاح
دليلة......" دورات وجها وضحكات "....غير هضرة دايزة هادي ، حيت اي وحدة كتحلم وتمنى تزوج ولدها لالة لبنات وبنت عائلة ، والا مبينتهاش ليك غتكمدها في قلبهااا ...
" بضيق نفس بزز باش سمعها "....خليني عليك عفاك ،
" هزات صاكها من الارض وبدات تجمع في حواايجهاا تحت نظراتو لقاتلة ، مكرهش يخلي عشتهااا ولكن مكتفين ليه لدين عليها ...تكى على لباب وخلاها تصرفات على برجها حتى جمعات وسالات ، حطات صاك تلبس في رجليها خلاها حتى كملات وهو يهزو وتمشى قدامها "
دليلة....." تنهدات بجهد وساطت زاعفة مبغاش هاد تعاطية تاع والو ، هابط في دروج وهي وراه كتنگر " ...
دليلة.......واااا شرييييف ، معندكش الحق ومعليك كلام علياااا
عصمان......" وصل عند لباب لقا شي كيطل شي حدا بابو من بينهم موو وختو لي كانو كتسمعو تحت دروج ومقدوش يطلعو ، لاح لرناا صاك " .......هاااادااااا دخليييه
دليلة......" تخطات باش تاخدو ليها من يدها وهو يجرها من خصرو لعندو مثبتها واراك لفراجة ".............سمعووووووو اصحاااب درب ، لحااضر يدير كلامي حلقة في وذنيه ولي غايب بلغوووه ليه
هاد سيدةة من ليووم غتولي عرضي وشرفي ولي قاسها بنص كلمةةة ، غيقيسني انا وغيعاديني وعداوتي خايبة وكلشي عارفها كيتطارو فيها ريوس ونمشي على عدو ربكم لحبس وميهمنييش
" بغات تحيد يدو من على خصرها وهو يزيد يزيرها مورك عليهاا حتى توعتت " ....
ونهار تكون دايزة من طريق كلشي يحدر الراس وياويلو شي واحد يسخن عليه كر** ولا يوزو دماغوو ويبغي يدير فيها واعر باش نوريه لوعورية تاع بصح
" ضور راسو بان ليه سيموووو متكي على لحيط وكيشووفيها وهو يطلق منها ومشى ليه طاير خلاه معارف باش تبلى ، شنق عليه وكالاه مع الحيط "
" مبتاسم بجنب وهو كيسمع في المباركاات من عند النااس ،تم غادي قاصدها كانت متكية على لباب ومربعة يديها ومتبعة ليه المسرحية من الاول اللخر ، غير قرب لعندها هزات يديها وبدات تصفق "
..." ظارت ليها خاطرها وخداتو من عندها "....سمعي الله يرضي عليك ، انا عصمان غا عوينة وحدة وهو لي عندي ، منبغيش نشووفو مقلق ولا زعفان ، وهو من عينيه وشووفاتو ليك باين فيه شاريك ....واما فديك سااع لي نزوجو ونشووف وليداتوو
دليلة ...." قاطعتها حاطة لكاس على طبلة بنفخة " .......ندوي معاك اخالتي بصراحة وجوبيني ، نهار لي تلاقيت بيك وعرفتيني بنت شكون شنو كانت ردة فعلك
حسنية...." حركات رويسها "....وغير حيت مك الله يهديها مدايراهش قليل فهاد درب
دليلة.....ودابا شنو تبدل ها ؟؟ حتى حاجة مي باقا هي هي ، وخدمتها معروفة وبا قاليها متعرفي والو ، اش غير رأيك
حسنية...." شدات يديها من عندها "......ولدي ، على قبل ولدي كلشي نتقبلو ، وحتى نتي ماشي كيف تخيلتك ، طلعتي مرا وفحلة وقليل بنات بحالك ...داكشي علاش غنشد فيك بيدي وسناني ، ما عندك فين تمشي وومصلاحتك هي هنا معانا .. الزنقة عامرة دياب لما نهبوك اليوم ينهبوك غداا .. جلسي نديرك بنتي كيفك كيف رنا و عصمان راه وجهك ما ديال زناقي و ما ديال تكرفيص
دليلة....." كتخوي لما فرملة ".....ولكن انا مبغاش نتزوج بولدك !!
حسنية......نتي جلسي دابا عندي وعتابري هاد الدار دارك ، راه حنا ابنتي غا مسيرين لبعضياتنا في هاد الارض وهاد الدار غا دار الشرفة لي معندو فين يبات نحلوها في وجهو....وتانتيا لبلاصة لمخيرة جلسي فيها ولا مقداتك الارض نهزوك برموش عينينا ، انا نيت دايرة غدا صدقة على ود خروج ولدي من الحبس ، دوزيها معانا ويحلها من بعد الف حلان
دليلة....." جمعات الوقفة "...اش كتقولي اخالتي ،
حسنية...." هزات حوايجها ورمات عليها لعار وسيلات زوج دمعات "......ديريني فمقام مك وشووفي من حالي راه انا لي عارفاه اش كيسوا ، ها لعار ابنتي غير على قبل داك قليل صحة لي جالس لداخل
جالسة في بيت طول في عرض ..من نوع لي كيعجبها وكتحماق عليه ، غير ديال لهاي كلاس ... كانت متكية في النموسية و مدورة على راسها فاصمة عامرة دواااا وكتفكرر....
من ديما تمنى زريقة في حياتها وكتحلم فشي نهار هي ويااه ولكن الحلم متعة الحازقين ، كان قامعها وصادها ومكيشووفش جهتها واخا زينة وعاطية لعين..شخصيتو وقصووحيتو معاها هي لي خلاوها طايحة على زنافرها فيه ولي قالها ليه تقوول اه.....كان كيتعصب عليها ، الا دعات ضرورة يجرها من يديها ، لكن باش يخلي فيها امارة متوقعتهاش ... ...
حطات يديها على راسها وتگعدات كانت مخشية في مانطة وتقول واش لابسة عليهااا حاجة مخلية كل شي على البراري يتهوى ..
هزات گارو و كاس الويسكي تكمي وتقطع بجغمة ... قلبت وجها شافتووو مليووح مرابع و كل رجل لايحها في قنت .. دفلت عليه و رجعت تتشوف قدامها وسرحات من جديد ،ما حسات غييير بيد طالعة ليها مع فخضهاا ما تحركت ما تبورشت ... ميت ليها الشعور بقااا طالع حتى وصل لعنقهااا و هبط فمو بغا يبوسهااا تا صداتو بلساانها مخرجاااه .. رجع راسو كيشوف فيهااا
- " هز ليها يديها و حطها فوق قلبو " ... وا عمري يا سعاد كون ما الخدمة منفووتش هاد القنت وهاد الدار حسبيها دارك و لي تقالت عليك خفافت علياا .. غير نتي خليني نطيير كل ليلة انا وياك في سما
سعاد ..." نترت يديها منو بزعافة " ... ايوا الوقت لي خلاتني نتلاح عندك اما راه متشووفش وجهي .. و سير كحز ليييه ريحتك باقا لاسقة فيا من تحتي لفوقي .. متزيدش تطلق عليا ريوگك
-" باسها في صدرها" ... لي تبغيه اعمري هو لي يكون ..
" شاف في مگانتوو " ... غنمشي الخدمة ورجع ليييك بزربة " غمزها و نااض " ... لقاك موجدة ليا راسك راه مكيتشبع منك
سعاد ..." طفات بقايا الگارو في الطفاية و حطات الكاس فوق الكوافوز " ... مشية بلا رجعة قواد لاخور ..
" رجع عقلها كيفكر و بالضبط لدرب فين كانت عايشة و رجعت تفكر في زريقة شنو كيدير و في بنتها لي حفرت ليها الحفرة اشنوو غيكون طرا من بعد ما هربااات .. قررات تهز تليفونها و تعيط المدني مول الحانوت لي غير كيسمع صوتها كيدوب بلهلا يطريه ليييه .. وهي غتلعب على هاد النقطة و تسمع اش بغات من عندو .. كيف صونات عليها جاوبها ديك الساع
المدني ..." كيعض في شلقموتو و حالتو حالة " ... زينت الدرب العيالات و زينة المشية و الريحة فين غبرتي عليا
سعاد .." ضحكات ليه ضحكة مقحبنة تا خلاتو قال احححح " ايوا المدني اش خبار الدرب بلا بياااا
المدني ... ضلمة حق ربي الو ضلمة بلا بيك
سعاد ... يخليك ليلي ايوا كاين شي جديد طرا من مورايا
المدني .... شلااا ما طرااا علاه ماشي زريقة غيتزوج بديك زرقة لعينين لي كانت ساكنة عندك .... راه خرجهااا لدرب كيغوت وقال لبنادم بلي ...
" لحاصول عود ليها من طقطق حتال السلام عليكم ... بقا يعاود تا سمع غير طيط في وذنيه خلاتو بلاكة حدا الكورنيش"
سعاد ... " النار شعلت فيها و راسها و لا يخبط اما عينيها غير قرطاس و بغاو يتيريو هزات داك الكاس لي كان حداها تا سيفطاتو قدام المرايا لي قبالتها خلات زاج مشتت " ... اعععععع برب ا زريييييقة الى كنتي لغيري بربيييي تا نقتل و نحيا علييييك ..
"طارت لبسات حوايجها و هنا قررات انها غترجع الدرب ولي ليها ليها "
حلات عينيهاا على ريحة اتاي ومسمن عاطية ، وصوت لغادي وجاي في دار، اجواء ودفئ عائلي رهيب جامي حساات بيهم ولا عاشتهم....بقات شحال في بلاصتها قبل متجمع الوقفة وتنوض ، نسبيا نعسات مرتاحة ومبقاتش كل مرة تشووف في جنابهاا خايفة ، لبسات في رجليها وحلات لباب وخرجات
جات عينيها في عين حسنية لي غير شافتها تبسمات ليها بعيون ضاوية
دليلة.......داكشي مكيخصكش ...."عطاتو بظهرها وتمات غادا , شدات فيه مو وغمزتو بمعنى ساعف ، اشار ليها باش تدخل وتبع مكتوبو شادها في لباب ".......
عصمان........واش داك راس عندك فيه عقل ولا خرية حيت بان ليا مكتستوعبيش كلامي ،
دليلة......." خنزرت فيه وطلعتو وهبطتو باشمئزاز كتقلب غلى خلا دارها ". ....نتا لي فهمك ثقيل يمكن ، راه قلت ليك غادا لحانوت ناخد شي حاجة مكتخصكش
عصمان......" لوجه لي يحشم عليه معندوش".......ياكما خاصك داك لعجب لي كديروه من شهر شهر ، غا ريحي انا نجيبو ليك
دليلة ..." ضحكت ليه بستهزاء " ... ميصحابش ليا تا شغل العيالات تدخل فيهم بديتي دخل ليااا الشك فيك 😉
عصمان.......بغيتي نحيد ليك شك انا موجود من دابا
دليلة...." عضات على فمها مخنزرة فيه وشادا فراسها لي ضرها "...... حيد من قدامي خليني ندوز نخرج ناخد داكشي لي كيخصني راك بديتي طلع ليا الخرا الراس ثاني
عصمان ..." شربن عليها ديال بصح حيت عارف غرضها من لول " ... داكشي لي عندك في داك الحمار تاع راسك غا مسحيه بليگة و سيري قبل ما نتبلى فيك .. راني مقطوووع وبان ليا غنطفي فيك القطعة ..
" خلاهااا غا تتبرقق في عينيها و وغتاكل جنابها .."....
دليلة......كيف نتا مقطوع تا انا مقطوعة وراسي غيتشق ورول خليني نتوگض ولا عرفتي شنو...
" قربات منو وهي كتشوفيه وهي تخشي يدهاا في جيبووو وخدات لكية الگارو تحت انظارو جبدات منهاا واحد خشاتو في فمها ورجعاتها لبلاصتهاا
عصمان.....اري نشعلو ليه " عطاتو لي وهو يلوحو ففمي وحمر فيها "....سهلتيها عليا نيت ، يالله دخلي فحالك وهاد زبل غتقطعيه وتنسايه عليه ، صحة بخاطرك مهم غتنسايه
" مخلاهاش تجاوب ردخ الباب في وجها وسورتو من برا و خرج "
دخل المحلو نافر من خوه و عشيرو .. هاز في قلبو منو و حيت هو خووه شاد يديه علييه اما يخلي ليه وجهو ميعرفوووه باش صورو الله ..
قرر ياسر يكسر هاد الصمت و يتكلم معاه ... ميقدرش يخليه غاضب عليه و هو يبقى جالس عااادي
ياسر ..." حط يديه على كتفوو حتى خنزر ليه فيها" .. خويااا و عشيري غير سمح لييااا وسمع ... راه حيت نتاااا خوووويااا كيخصني فاش تغلط انا نصلح ماشي نزيد غلط في غلط .. السيد كان كاااو تيكنيك مقدرتش نخليه هكاك مخبيه ليك و تمشي الحبس .. داكشي علاش بلا منفكر هزيتو لسبيطار وقلت ليهم لقيتو غاا مليووح .. ومخرجت من عندو تما تا قرصت ليه وذنيه حيت قضية فيها اغتصاب يجمع فمو باش تا حاجة متقيصو
عصمان ... " مربع يديه و دوك العضلات عندو غا مكيزيدو يتنفخو فاش كيتفكر داك المنظر " ... كووونت بااغي نصفيها لديلمو شكون قاليك كنفكر في قل...ة
ياسر ... وهااا انت قتلتيه وهاديك لي قتلتي و تقاتلتي على قبلها ..و خربتي الدنيا على قبلها شنو ملي تشد غتخليها في الزنقة ايوا شي ما درتييه ...
عصمان......" داير رجل على ختها ومجوبوش "
ياسر......انا مدرت هاكداك حتى عرفتي مني وفيا وحيت انا حافظك وعارفك فكرت ليه وفكر في البنت لي نتا ناوي معاها الحلال زعما
" بقا كيهضر هو وياه و متفرق معاه تا قنعوو وخلاه يتراجع على ديك الفكرة لي تدور ليه في دماغو وحيت عارفو اش كيسوى فك ليه حجبانو وخلاهم يطلقو ..
و في عز كلامهم جااا اتصال لعصمان ، هز تليفون ولقاه المحامي لي نسااه من بالو "
عصمان ..." حط درعانو على البيرو لي قدامو وجاوب بصوت غليظ مبحوح ومرجل " ..لمعلم اش تماا ؟؟
-.. السي عصمان غير عيطت ليك نقوليك بلي السيدة دليلة الغزواني ....خاصني نعطيها تسني شي وراق باش تبرأ من تهمتها ومنها نعطيها لبطاقة ديالها بقات عندي
عصمان ..." دار ابتسامة جانبية مخلي ياسر غا كيشوف فيه " .. اممممم السي العدلاني عندي معاك قهيوة خاصني نجلس معاك باغيك فشي شغل
-اييه مرحبا في اي وقت انا رهن اشارتك
عصمان ... وا علييه دابا نيت ، نتلاقاو في بلاصتناا
" قطع عليه و نااض واقف و باقا على وجهو نفس الابتسامة ، سلم على ياسر من بعيد غير بصباعو ومشى
جالسة طالع ليها الخز ومقطوعة بالمزيان ، عمر شي حد تسوق ليها ولا حيد ليها گارو ونصحها وقال ،،
هادا غيسووسك ابنتي، وغيرجعك كيف الوردة الذابلة ،
ابدا من نهار حطات يديها عليه تعودات ومشى ليها مع دم ، حتال ليوم لي تجرأ عصمان وگلعو ليها وهادشي هي محملاتوش وصنفاتوو انو بغى يديرها تحت الرجلين ويرجعها عبدةة عندو وكيسيرها كيف بغى
كانت جالسة حدا الحسنية ورنا معاهم .. هزات كويس برزتو لي كباتو ليها موو منها نيت ترجع بيه مجاج دماغها ، الكاس مرة مرة ففمها والعينين مع حسنية لي شادة ورقة وستيلو قدامهاا تكتب و تحسب بصباعهاا تا تلفت وتعطي لبنتهاا تقيد ليهاا من جديد
رنا .." حطات كاسها و خدات من عندها الورقة و ستيلو وبقات تقلب وتقوليها ولوخرا تملي عليها حتى تقهرت " .اويلي أمي صباعي شدتهم غيبوبة اش هادشي كولو ..
الحسنية ..." هزات الورقة و خشاتها في بزطامها" .. ايوا ابنيتي راه هادي هي لامة في الدار وراك عارفة الصداقة تبغي الصرف و التقدية ... اللهم يشيط ولا يخص ونولي في الفام ..." ناضت تلبس جلابتها " .. نوضي ا رنا زيدي معايا عونيني
رنا ... غير سيري أمي راك عارفة منقدرش نخلي با بوحدو في الدار ، وزيدون قوليها لخويا
الحسنية.....خليه فشغلو اش نقووليه ابنتي ، انا نمشي رااسي نهز ونتعاقر لي قديت عليها نجيبها ولي مقدرتش تا نرجع ليها ، منها نيت نتي الا جات طيابةة بقاي معاها
دليلة ..." بقات غير تتشوف فيهم أم مع بنتهاا وكيفاش كيتحاورو ، تمنات حتى هي تعاون مها و تشقى ليها وتحن فيها ،شافت حتى عيات و قررات تعاون متبقاش غا جالسة متحني متدنب كي حليب لحمارة " .. انا نمشي معاك اخالتي نعاونك منها منبقاش جالسة
الحسنية ..." بقات ساكتة معرفت تقوليها يا الله و لا تقوليها غير جلسي نمشي راسي ....تفكيرها كلو راح لولدها لي للقاها خارجة يريب عليهم الدار و تجيه قليلة ،
دارتها في يد الله ويا ببحة يا ذبحة " .. اييه زيدي ابنيتي الله يرضي عليك...
"لبسو وخرجو وحدة في جنب لوخرا....حسنية ضحك وسنانها يتطالو بالفرحة لي مسيعاها ، غادا وتسلم غادا وترد التهاني.... اما دليلة غير عاقدة الحداش و طالعين ليها عيساوى لراس .. فاتو الدرب وهو يبان ليها صاحب دعوتها متكية على طوموبيل وتليفون في يديه شافهم وقصدهم عاقدهم ميصبح ميمسي .. اما هي بان ليها وهي تعوج وشافت فيه بمعنى محاملاك مقابلاك خلاتو واقف حداها كارز على يدديهاا
عصمان ..." خنزر فيهاا و هبط لوذنها " .. عمرتي سربيسك بززاف و ما بقى فين تزيدي ..
" شاف فيها و عض على شفتو بغيض .. ودار شاف مو لي كانت تتدعي في خاطرها غا ميديرش شي فضيحة ثاني في الدرب" ... عصمان.....آ لاين غاديين الوليدة، معامن مشاورين
حسنية....."زربات على حسنية شدات ليها في يديهاا ..."....واها اوليدي الله يرضي عليك
" بقى واقف حتى تحركوو، عاد مشى يشوف صوالح لي عندو " ..
گاع لي في الورقةة خداه وداه حتال لداار ، لقى الشباب كينصبو في الحفلة لي غيكونو فيها الرجال اما دار لدااخل فيها جاراات ، قلب عليها بعينيه بانت ليه غا حاطا ايدها على خدها ومعجباها حنى حاجة مخنزرة ومعندهاش مع جمووع وكثرة لكلام ، ضحك على منظرها وخرج من ورا مجاه الاتصال
كان جالس في القهوى وناشر بادرو لي واقفين على الصح .. شاد گارو في يديه وقهيوه نواغ سيييك باش كيقطع و تركيزو غير مع المحامي .. لي كان جالس قداموو و كيجبد في الوراق لي جاب معاه من الكوميسارية وحطهك قدامو
- هما هادو اسي عصمان ديهم تسيني ليا عليهم باش نسدو الملف بخطرة
عصمان....." كحزهم بيديه وطفا الگارو في الطفاية " .. خلينا من هادشي انا جاي عندك على حاجة خرااا بعيدة على هاد الحبس
- "حرك ليه راسو بمعنى لي طلبتي وامرتي هو لي غيكون "
" شاف في مگانتو وخبط ليه على كتفو " .. تحرك يا الله تسربي و مرحبا بيك في العشية دوز تعشى .. ..
دارت لي في راسها وضغطات على حسنية باش تخرج مع رناا ، يتسخرو....غادين هاديك لابسة جلابة وجامعة شعرها لفوق ، اما دليلة غير سيرفيت وسبادري قاضين لغراض مكتعرفش شناهو طويل وسترة ،طالقة شعرهاا ودايرة عكر مغلووق وغادين.....رنا خاشية يديها فيها ومقاداها فرحة ، تعاود ليها على راسها وعلى ليام لي دوزات بزينها وخايبة وهي كانت طالقة معاها وذنيها ومكتفية بالصمت ...
دليلة...." خاشية يديها في جيابها وكتشووف قدامها ، ضاحكة جنب على اثر كلامهاا".....نتي وخوك بلاصة لعقل عندكم نص ، هاداك غاا خليه كاذبة عليه لمرايا ونتي تيقيييييييه
-رنا....." شهقت ووقفت ملي بان ليها عينيه كانو غيخرجو من زاجة "....ناري واش خوويا هادا ....
-دليلة.....ومالو خويا انااا
" شافت طوموبيل دارت دوميتور ، حسات بالخلعة وزادت كملات ملي فرانا عند رجليهم بجهد تا خلا كلشي يشووف "
دليلة....." علات حاجب ونزلات لاخور "...يخخخخ دير كي صفارة الكوكوط غااا يدوور
عصمان ..." حل الباب بنترة و تم جاي عندهم " ......واش انااا ندير عليكم عسااس ولا نركب ليكم جي بي اس ، واش هضرتي ممفهوماش قلت تا وحدة متعتب الدار
رنا....."بدات تدخل وتخرج في الهضرة ".....راه تعطلتي وخاصني ندوموندي على الخبز ونطلع لسوبر مارشي نجيب موناداا
دليلة......"نغزتها مأفأفة" ....ونتي لاش كتشرحي ليه ، سركم دايرين هادشي على ودو تقول كان في المنفى وجا وزايدهاا بحكامة وقلة لقاامة ...
عصمان ..." قرب ليها و هبط راسو حدا وجها مفاصل بينهم والو .. اما هي متحركتش هكاك خرجت فيه عينيها بحالا تتقوليها حربش ديرها واحد فينا يخص " .......كنموت على شووهة وتعرعير في زنقةة داكشي علاش سدي خنشوشك ولا نرعفك ؟؟...." عطاهم بظهرو ". زيدو قدامي طلعو نجيبو هاد السووخراا
دليلة ..." رجعت اللور و خلات رنا طلع ما جا فين يركب تا حس بيها مكايناش .. وتم راجع ليها وناوي على خزيت"
عصمان ..." شدهااا من دراعها مزير عليها " .......خليني معاك زوين وزيدي تقودي طلعي
ركبات اللور بلا متجادل معاه اصلا راسها كيضرهاا و قريبة طيح على وقفتها بيه خلاتو تركب وديمارا و قربات ليه من اللور و دوات ليه وذنوو " ... ربي غيفكني منكم كلكم واحد واحد وغنتهنى بمررة كتسمع
عصمان ..." اخر كلمة حس بقلبو تعصر و تكلم مع نفسووو " .. ماشي حتى لقيتك باش نضيعك وراحتك معايا ..
" ديمارا الطموبيل و الوجهة كان سوبر مارشي باش يتقداو و يشوف اش خاص .. رنا كانت غطير بالفرحة بخرجتها معاه و ناوية تخليها عليه حيت عارفاه سخي ويدو متقووبة ..
.. غادين في طريق كلها شاد وااد ، رنا كتفكر اش تاخد وشنو خاصها اما هوو عقلو كيفكر كيفاش تكون لييه و دخلو لعقلها وقلبها ، كانت اول بنت تعدبووو و تكرفسو عليها بجهد ،گاع لي دوز ميعات و يلوحو رأسهم عليه ، اما هي لقى داكشي لي بغا فيها ،تكون معاه أنثى و مور ضهرو رجل ....... اما بطلتنا كل مرة عقلها فين كان كيمشي بيها مكانش تابث.
وصلوو لوجهة ديالهم .. بلاصة الطموبيل في المكان المخصص للسيارات و دخلو .. رنا غير حطات رجليها فيه اول حاجة مشات لجهة لي فيها الشكلاط .. جرات شاريو تتعزل و تحط وفرحانة وهو مخليها على خاطرها .. لي هزات منها هي وحدة يزيد هو وحدة خرا .. بقات غادة توقفت حدا مستلزمات النساء و بقات تشوف حشمات من خوها تمشي تهز منها فوطات صحية ،عرفهاا اش بيها و مشا هز منهم جوج و حطهم في السلة
عصمان ..." مشا حدا دليلة لي تتحس براسها غير زايدة معاهم اخ و ختو هي اش دخلها وسطهم .." .. شفيق شفتك ساهي ياك بعدا تانتي بحال البنات من شهر لشهر تتمرضي ... " غمزها" ..الواحد هو لي يسول على وليداتو واش يكونو
دليلة .." شافت فيه مصغرة عينيها " .... انا غير متحولة جنسيا غير فوتني عليك وخليني " تمشات قدامو مخلياه كيضحك برجولية وخشونة ولبنات لي تم حاضينو ، كان لابس سروال بارا ولفووق تريكو بالخزي لايح عليه كويرة وگاط في رجليي " ....
مشى حداهم لاح يدو على ختو وليد لوخرا على دليلة زكارة باغي يعصبهاا ...خبطت يديها مع بعضياتهم وبعدات عليهم صايطة بقلة حيلة مخلياهم ، لاحت عينيها على عكر في البوردوو هزات شافت فيه ، كانت من عشااق الالوان الغامقة كتميل ليهم بزااف ..هز راسو فيها لقاها كتجرب فيه
عصمان ..." جا من ورا ضهرها متعمد ميخليهاش راسها باش تزلف على وجودو ، حط يدو على خصرهاا وهمس " ......وداابا عجبتيني ادلييلة
دليلة...."لاحتو ليه فيديه وقبل متبعد عليه ".....شفييييق اسيدي شفيييق
كانو راجعين لدار رنا مخدمة الشعبي ومحيحة في طريق مخليها على خاطرها وتجيب هبالها عليه كيف بغات ، اما دليلة سارحة وكتشوف في زاج ماهياش هناا ....
نقص من الموسيقى على لحد، من ورا مسمع صوت تليفوونو كيصوني ,
هز لقا نمرة غرييبة قطع المرة الاول حيت مكيجاوبش من والا، لكن رجع عيطات زوج وثلاتة وربعو الشيء لي خلاه يديرت لكيت في وذنيه ويدوز اتصال لتكون شي حاجة مهمة
عصمان .....الووووو "نطقها ببحة رجوولية لي شعلات في قلب سعاد لمجامر "...
سعاد......شحال من عام وانا كنضور بيك وميتة عليك ومخليت مدرت على قبلك وعمرك هزيتي عينيك ولا ديتيها فيااا ، ودابا باغي تزوج بيهاا ، ايوا تجرا وديرها وكيف قرقبتها وخليت لي ميتسمى يتعدى عليهااا ، غادي نصفيها ليهااا ونرزيك غا نتا اما عندي انا بحال الضحك ، الكرة عندك دابا فكر مزيان
" قطعات عليه خلات مخلية دليلة كضحك بطريقة غريبة وهو حاضيها من مرايا، وهو تهديداتها مهزاتش فيه شعرة حيت عارف الفم ماضي والدراع والو ...وطول مدليلة تحت جناحو مكاينش لي يقرب ليها زلا يحاديها
وصلو لدرب ولقاو الخزاين تنصبوو وعمروو رجال كلها سد كرسيه ولعيالات داخلين لدار خارجين .....
مشى دوش ولبس وتقاد هز تليفونو من حوايجو وطاح يديه على شنو خدا هزو دارو تاهو مع تليفون في جيبو وخرج يقلب عليها بانت ليه رنا جالسة في كرسي مع شي بنات عيط وسولها
عصمان......شفتها مكايناش معاك
رنا......في البيت نعاس يمكن متكية مبغاتش تخرج خليتها على خاطرها...
" حرك ليها راسو ومشى لعندها دق وحل بانت ليه هازة فيديها گارو وكتمكي مدارت حتى رد فعل ملي دخل عندها بالعكس سفات على خاكرها مخلياه يشوف ويخنزر ولحيط لقريب يخبط راسو فيه
عصمان.....كديري لي فراسك ؟؟
دليلة......." ببرود ".......اه
عصمان....." حيدو بنثرة من يدها وطفاه ،جلس مقابل معاها، كانت مدورة وجهة لشرجم كأنو مكينش ".......هاديك غا داوية على لخاوي ، خوي دماغك
دليله ......"قوسات عينيها وعودات ليه لكلمة بتقالة "....دماغي خاوي وانا مفايقاش لا لهضرتك لا ليها ...
عصمان....."جمع الوقفة حيت لي في راسو فراسو "......شغلك هاداك مهم الا خرجتي حدك دار ، برا عامرة دنيا رجاال ...
" تحنى عندها وحل ايدها حط فيها لعكر لي عجبها وشراه ليها...."......
عصمان.......نسيتي عندي هادا " غنزعا وخرج اما هي لاحتو فوق ناموسية ممهتماش حيت واخا يدير لي دار عقلها تبلوكاا وقلبها تجبد وتا موقف مبقى كيگر معااه
قسوة الدنيا خلاتها كتقسى على راسهاا...وخيوبية بعض بنادم خيبات كلشي في عينيهاا....
خرجات برا ودارت عمس لي قاليها ، بان ليها واقف داير يدو وراه وبجنبو ياسر
عصمان....."كيسلم براسو وكيدوي تحت من سنانو "....لقحبة تاع سعاد معرفتيش فينها
يااسر.......غاطسة اصحبي
عصماان.......نبينها نبينها غا تصبر عليا ونوريها تهديد بشحال كيتقام ....مهم بغيتك دابا تعيط ليا لخونا شوفو فين وصل مع لوراق ، وقووليه غدا في صباح نبغي نحل عيني نلقاه هنا وهما فيدييه
ياسر ....." عينيه كانو مع رنا لي كتسهر وطالقا ضحكتها ".....كون هاني ، " بقى ساكت شحال وهو يدوي'...عصمان باغي ندوي معاك فشي حاجة اصحبي ولكن ماشي دابا وقتها
عصمان......وقت ما بغيتي ، يالله نجلسو مع لواليد ....
" كيف بغات حسنية الوليمة دوز دازت كلشي كلا وشرب ودا معاه وهادي عي الدار لكبيرة.....تفرتكات الجوقة في ساعات متاخرة من الليل ...رجال غا تعشاو وهربو اما لعيالات بقاو معاها لي مجمع مجمع وشي لاخور كرم الدنياا وخلاها مضوية وهادا هو حال احياء شعبية....يفرحو جميع ويحزنوو جميع ..."
فاقت على صوت لباب شي حد كيدق ....خرجات راسها من ورا لغطى بانت ليها رناا مكيناش هنا مرفووعة وفسابع نومة ومغتفيقش نااضت عينيها مقلووبين وكتفوه مشات حلاتو لقاات عصمان قبالتوو
.."طلعها ونزلها من لتحت لفوق ،كانت لابسة كسوة سميطات مفضفضة حد الركبة ....شافتو قبالتها وكيشووف مخنزر وهي تزرب عليه قبل ميزرب عليهااا"
دليلة.....مالك بغيتي دير ترويض لعينيك وجاي تمنظرهم فياا......
عصمان....."خبطها بخفة لكتفها "...دخلي لبسي وخرجي برا لمحامي جاااب ليك شي وراق من كوميسارية على ود السرقة خاصك تسينيهم ..
هزات الضوسي قدامهاا وحلاتو شافت لقات فيه شلا وراق . شي معرب شي مفرنس دوزات وحدة بوحدة كتشووفيها وتسني وتحط ....واخا متسووكلاتش مزياان ومقراتش فحال گرااناتها ولكن كتعرف الزاء والواو تجيم وتقدر تفرق بين ورقة عادية وبين عقد زواج .....دارت فيها غشيمة ومقلوب عليها الگفة وأمية وسنات على كلشي ومرة مرة تشووف بنص عين في عصمان وموو ، حتى كملات وحطات ستيلوو ..
وقف المحامي ومد ليها يديه قبل متسلم حنحن عصمان الشيء لي خلاه يجمعهاا
- مهم مبروك علييك البراءة اانسة دليلة
دليلة...." خنزرات فيه ودوات بالغوات " ....مدام دليلة عفاك ، راك بنفسك شاهد على زواجي غير دابا شنو دغياا نسييتي
" جمع وراقو مصدووم ملقى ميقوول ،تسلت خرج هو وحسنية مخلين وجها في وجه عصمان...."
راه فايت قلت ليك انا ماشي جايا من ورا جبال باش تديرها بيا وماشيبحال گاع لي عرفتب الا كنت سنيت دابا على زواجي المزور منك هانية عرفتي علاش، " قالتها بالعرض البطيء "....
حيييت نتا هو الطعم والسلاح لي غنقتل بيه سعاد وبزواجي بيك غننتاقم منهاا ونرد ليها الصااع صاعين ،
راه فايت قلت ليك انا ماشي جايا من وراا جبال باش تديرها بياا ...وماشي بحال گاع لي عرفتي ، الا كنت سنيت دابا على زواجي المزور منك هانية عرفتي علاش
"قالتها بالعرض البطيء "....حييييت نتا هو الطعم والسلاح لي غنقتل بيه سعاد وبزواجي بيك غنتاقم منها ونرد ليك الصاع صاعين
دليلة...."قاطعاتو ومشات حتال وجهو وجوباتو "....في نظري انا مزور ومزيف وغير زواق ، حيت انا مكنتغصبش على شي حاجة كتسمع عند بالك غتلوي ليا ذراعي بيه ، غنخليط تندم لي فكرتي فيه من اصلوو ، وغنشربك مراارتوو غا تسنى عليا
عصمان......." شدها من كتافها بزوج بيديه وتعصب عليها "......كلما تقبلتي القضية دغيا حسن ليا وليك ....يالله الحاجة بيتنا كيتسنانا انا سبقتك
" عطاها بظهرو وخرج من لبيت مخليه كارزة على يديه، بكلمة منو عرف كيفاش يعصبهااا
تبعاتو لبيتو صدرها كيطلع وينزل نفسها ممنتاظماش ،حلات لباب ودخلات عليه لقاتو خاشي راسو في الماريو كيجبد فحوايجو ، هزات ديكور صغير كان تم ضربات بيه لمرايا كانت لاصقة في لحيط خلاتها مشتتة كل زاجة فجييه ...
دليلة.......كلااامي وضحتو ومزوقتووش ليك ، اذن الفاهم يفهم والا مكنتيش قاري تهجااه ...بمعنى اخور ، كيف بغيتي تضحك عليا تا انا غنستعملك باش نرض بيك دقتي لسعاد ،وداكشي لي كيدور فراسك حيدو بيتنا ولا دارناااا وداك تخربيق ،غير غسل وجهك مزياان وفيق من لقلبة ،ماشي كلشي كيمشي كيف بغيتي نتاا ....متنساش كايما حتى انااا
" كان متكي على لباب وكيسمع ليها خلاها حتى سالات ، وبدا يبدل في حوايجوو...هنا بصمات بالعشرة بلي لقدامها معندوش مع شفوي و تهديد و إنما كيطبق واخاا تقتليه بتخراج لعينين "......
- عصمان....." كان محني كيحيد في تقاشرو ، مبرد حيت لي كان كيسعى ليه وصلوو ، غير تسطح راسها دابا مع لحيط "....عودي شنو كنتي كتقولي مسمعتش ...؟؟
" مسمعس ردهاا هز راسو لقا وجهها مفيكسي فيه ممسوقاش ولا دايرة فيها حشمانة وحگا كيبدل نضورر وجهي لديك جيه....نوو كانت قدامو امرأة بجبروتها بقوتها متتحنيش الراس واخااا تعفس عليها الدنيا مليون مرة ..والا كان غير على الضد هي مو وباه" ......
دليلة....." تاهي كثر منو ولسانها مبري منها وكيقلب ليه على خلاها "....قلت ليك مكنحملكش ومعمرك تكون ليا رااجل حيت ماشي نتا لي باغااا ولا غنبغيي
قد مكان مبرد معاها شعلاتو وخلاتو يهز ايديه عليها ويجمعها معاها بتصرفيقة خلاتها طايحة الارض ، كلشي الا تقيسيه فرجولتو وتقللي من قيمتوو وتهينيه وهادشي لي دارت، واخا يكون كيموت عليها مغيعقلش ، سكت وصبر ليها بظاف وقال منكونش انا وزمان عليها...دار معاها الخاطر على جهد وهي عاد مزادت فرعنت عليه ولكن جمع ليها حب وتبن
كانت حاطة يديها على حنكها وعاضة على شفايفها وكتشووفيه قدامها كيهلل ويحيح ويتوعد ليها بما كثر
عصمان.......كنقسسسسسم برب المعبووووود وباقي نسمع زام*** تخوري في الهضرة ، حتى نولي عساس عليك في سبيطارات ، باراما من لقنفاحة تاع والو وعفطي الارض، متنسايش لعين تعلى حتى تعيا ومتفووتش لحاجب كتسمعيييييي
دليلة........" وقفات ايدها ووجها گاع عامرين دم ، ملي طاحت حطات ايدها على زاجة حتى تجرحاات ".......ماتقاواش وترجل علييييياااااا
"بغات تدفعو وهو يشد ليها فيديها مغمض على عينيه مباغيش يزيد يعوج لحنك لاخور " .....بعد مني لهيييييه متقيسنييش
" شاف في جرحة وجرها وهي كتدفع وتركل تم بدون جدوى جبد تيشرت ديالو قطعو نص بدا يمسح ليها بيه ونص لاخور حزم ليها يدهاا
عصمان.......عندك زهر هاد المرةةة جات قد هاددا كتسمعي
"لاحها على نموسية ولبس سروال وهز شي لاخور في يديه وخرج ، لقى مو واقفة ورا لباب وجهها صفر "
عصمان.....دخلي ديري ليها عقلها ولا هاد المرة نمشي لحبس آ مي على ودهااا
كيقوليك لي فاتك بليلة فاتك بحيلة .. وهنا كنتكلمو على الحسنية لي تتحاول تنصح و تهضر مع دليلة .. تخلي راسها يرطاب بالكلام الموزون و هضرت العقل .....
دخلات لقاتهاا ، كتشووف في يديهااا وتخنزر ، رمات عينيها على جرحة عرفات ولدهاا خدم يدووو ... بقات معاها بالحيلة كتحاول تنهي فيها حتى بدات ترطااب وتفك غوباشتها شوية
حسنية.... سمعي ابنتي كيقوليك لي ما جا بمحبة ما يجي بحزارة .. نشكر ليك ولدي و ما يكفيني عليه كلام راجل بدراعو و يجيب الدرهم من فم السبع .. .. شدي فيه و خليه يشد فيك الدنيا ما دايمة وديري فبالك لي باعك بعيه و لي خلاك لا سماحة ليه .
دليلة .." تتشوف غير قدامها وتتسمع ليها " .. زمان معرفتو هرسني ولا قواني نكدب لي يقول فيا الكلمة الزينة و نيتق لي يقولها فيا خايبة ...جربت الحب و عذابو لقيت موراه غير التكرفيس والهموم ..
جربت نحن في الواليدين على الله يحنو فيا لقيت طعنة في الضهر و اخرتها هاني نذووق عذاب تاني ونثقل عليك تانتي
الحسنية ... نهزك فوق كتافي و لا عياو نحطك فوق راسي .. مرت ولدي وبنتي اش بغيت من الدنيا غير نشوف حفادي
دليلة ... صعيب اخالتي صعييييييب ولدك تحداني و بغاني فوق خاطري فكرت ليه من كلام الناس ..وهو هرس كلامي، نصحتو يعيش حياتو و يخليني راني ما يصلاح ليا لا حاااكم و لا محبوب وهو شنو دار لعب ورا ضهري وبغى يقيدني بيه صحة وملي ندوي على حقي يدير ليا فيهاا غير انا لي كااين وراه ماشي عليااا اناا هادشي
الحسنية ... سير ابنتي غير فين ما مشاك الله ومكتاب الله ما منو هروب .. خودي مني نصيحة راني بحال ميمتك توضاي و صلي و خلي الوقت داوي .....
"حدرات راسهااا احتارمااا ليه ولكلامها لي كولو معنى بينها و بين نفسهااا عارفة كلام الحسنية معقول .. ولكن الثقة تهرست فيهااا ومبقاتش باغا تييق فحتى مخلوق
•••••••••••••••
عند عصمان لي كان جالس حدا الدار هو ياسر و كيكمي وزاعف من راسو و منهاا ومن كل شي مكرهش يهزها و يبعدها من تم و تبقى هي وياه الراس في الراس حتى يهرسز ليها ويقادو .. و يرجع يقوليه تاني واحد الراس متضغطش عليها و خليها على راحتها .. كمل گاروه و لاحو تحت رجليه و تم داخل يشوووفهاا بحتى وقفو صووت مغريبش عليه صووت سنوات وهو كيسمعو .. صووت لي كان كيتسنى غير وقتاش يبان باش يغنيها لمولاه
سعاد..." لابسة سورڤيط في الكحل و باينة عليها سكرانة كاو " ... زريييييقة
عصمان ..."وقف عاطيها بالظهر و تلفت عندها بالعرض للبطيئ تا ستقرر عينيه عليها .. ما حس براسو تااا طار عليها بقجة
سعاد .." عرفت راسها تعطلت ودليلة ولات تحت جناحو ولي عطا الله عطاه ، عرفات بنتها ربحات الحرب لكبيرة وجات فرمشة عين وطيراتو ليها...كلام بنتهاا ودفاعها عليها مهزش فيها الشعرة ولا حرك احساسهااا وقاسها قد مااا وجعاتها انو تزوج بيها " .. ...تزوجتييي بيييه علاش وافقتي عليه راه غير كيتفلى علييك وأنت بحال الضبعة
نهار يشبع منك غيلووحك
دليلة....." دارت لعندها وهمسات في وذنها بلاما يسمعهم حد ".....متشووفينيش دافعت عليك تبغي تركبي عليا ، حيت هادشي كيبقى واجب عليا ومبغاش نتحاسب في الاخيرة عليك داكشي علاش صفيت ذمتي منك هنا ولهيه
سعاد.......واش بصح تزوجتو
دليلة........" بتاسمت ليها بانتصار "...اه وضد فيك ، راني سبق وقلتليك عدابك في دنيااااا هي اناااا وغنخليك تندمي حيت ولدتيني وتوبتك على يدي اسعدية ....
" عطاتها بظهرهااا ومشات جهة زريقة وقالت "
دليلة..... منقدرش نشووف ونتفرج غير خليييهاااا تمشي فحالها
هز ايديه لفوق باستسلام محتارم رغبتها واها بزز منووو تم داخل وهي وراه حتى خرجااات عينييهااا وشهقاات ضاربها الضووو معرفات باش تبلات
دليييلة.......ااااااااااه
الدنيا و الزمان فانيين لا وقت غيبقى ولا انسان غيعيش .. الموت ديما معاناا وحدانااا كتشووف فيك سبعالاف مرة في النهار و تقووولك هادا ماشي نهارك أفلان .. فرش لأخرتك اما دنيتك لا مكان ليها .. كاين لي ينعس و ميفيق و كان لي يضحك حتى تجمع فيه الضحكة .. و كاين لي يكون يتمشى تيطيح وميعاود ينووض .. لا تبكي حبيب و لا قريب و لا تغبن صديق .. خلي ياامك زينة باش تلاقي موولاانا .. خلي معدنك ذهب و لا تخليه نحاااس اوو و سعداتك أفاعل الخير ..
دليلة ..." دليلة ..."ولات تتشوف غير ضبابة في عينيها مبقى كيبان ليها تا حد من غير البيوضة .. حسات بهلع و بخوف لكن صرعات ما تلاشى داك الاحساس وجا في بلاصتو .. الراحة الهناء وأخيرا السعادة .. فكرت وأخيرا تهنيت وأخيرا رتاحيت و اخيييرا غنحط راسي في راحة أبدية .. حسات بالبرودة وذاتها جمدت .. مرأة بمية راجل واقفة فوجه الزمان هو يضرب وهي ضرب .. واليوم ها هي جاتها طعنة و ماشي اي طعنة .. كانت مغايرة على الطعنات .. ضربة ليها بزاف المعاني جاتها من اقوي شخص ليها و لي المفروض يحميها و ماحماها .. جاتها من عند المرأة لي هزاتها تسع شهوور و مااا حنت فيهاا .. جاتها من عند غطا الراس لي عراتو ليها و هي لحيمة بسرتها .. واش يعقل انو الأم تطعن بنتها على قبل محبووبها .. اجل دليلة خدات طعنة في الضهر ومن عند أمها لي المفروض تكون كساتها في الدنيا و هي عراتهاا ... اما عصمان خرج عينيه و طار عندهاا قبل ما تجي مخبوطة في الارض شدها .. غمضات عينيها مألمة ورجعات حلتهم هزاهم السما " ... ااااااه يااا ربي وأخيرا غنرتاح بمرة
."سمعت صوت بكاء حداها و في يد دافية شادة فيها ..ضورات وجهها لقات الحسنية "
دليلة الجزء الثالث
محتوى القصة
التنقل بين الأجزاء