صعيب تشووف شخص عزيز ومهم في حياتك غارق فدماياتو وكيضيع بين يديك ...غالبا ما العقل كيغيب في ديك اللحظة وكتغلب علينا العاطفة لي كتخلينا ممركزينش ومعارفين لا نقدمو ولا نأخرو ، هذا كان حال كل من حسنية لي راكعة على رجليها وشادة ليها بيدها وكتبكي زوح دموع من العيين وتعدد وحال رناا لي ملقات غا ياسر تخشى فيه وتناجي ، اما عصمااان على قد مكان في لداخل ديالو باغي يريب دنيااا ويقتل سعاد ، على قد مصبر راسو وحضر عقلو حيت مبغاش يضيعها من بين يديه .
كان جالس على ركابيه وراسها فوقهم ، نصل تيشورط لي كان لابس وصدرو كيطلع وينزل معصب ودايخة بيه الارض .. حطو ليها على بلاصة الضربة باش متنزفش بزااف وبقى ضاغط عليهااا ....
عصمان ..." كيهضر مع مو لي كانت شبه مغيبة و غير عاطياها البكى " .. الوليدة شوووفي فياا شووفيييييي وحضري عقلك البكا معندو باش يفيد داابا ، مغاديي يطراا ليها وااالو غا تهنياي
"طار ياسر من حدا رنا نازل كيجري جاب طوموبيل ، هزها عصمان بين يديه وهي تتحل عينيها بتقالة و تعاود تسدهم ركب هو وياها اللور جارها عندو معنقهاا .. و العرق كيتصبب منو
عصمان ...
" خاشي ليها وجها في عنقوو " .......دلييييييييييلة رااه ميمكنش نسمح ليك تخليني و لا نخليك، راه قلت ليك حيااتك جاايا معايا ماشي بعيدة عليااا
" طل عليها لقا عينيها بداو كيتغمضو " .. ششش دليلة حلي عينيك و خليك معايا ، معندك فين تمشي راه تابعيناا لولاد
دليلة ..." عقدت حجبانهاا ، وحلات فيه عينيها بصعووبة ".....راا ه قلت ليييك متامرش عليييا ، ولبس قدم يواتيك
عصمان ..." باغي يشد معاها الهضرة باش تبقى حالا عينيها " .....واش كتعرفي غااا تخنزري ، مكتعرفيش ضحكي
" باس ليها يديها "
دليلة......"في عز الوجع وتقطاع لي حاسة بيه كتكلم "......عصمااااان " صرطات ريق كتلهت "...شفتك معنقنيي وكتبووس فيااا زعمتي ؟؟
" كان حاط ذقنو على جبهتها ".....غا مكاليك لطيحي ممعنقكش ومكنبوسش فيك غا كنمسح على يديك
بقى معاها كل مرة تقوليه حاجة فشكل وتغيب حتى وصلو لمستشفى خااص هبط هازها بين يديه و مدخلهااا و ياسر كيدير ليه طريق .. حطها في واحد الباياص كان حدا الباب ودخلها بيديه حتى لداخل وكيغووت وينادي بي
" فيناااااهواااااااا طبييييييب "
وحيت بنادم كيعرف غا لفلوس ومبقينا نفرقو بين طبا وبين لگزاارة ، قالو ليه لخلاص هو اللول وحياة المريض كيتجي من بعد....
عصمان....." بدا يخبط في كونطوار ".... واش أولاد القحاااب هي كتموت ونتوما كتسولو ليا على لفلوس
- انا معليا والو اسيدي اجراءات هما هادو
-عصمان ...." نقز داخل عليها تال تم "....مكنعرف اجراءات ولا *** لي كنعرفو توقع ليها شي حاحة دابا ، تا حد مغيشيط فيكم ..
مدير لكلينيك حضر بنفسو من ورا لبلبلة لي دار ليهم ، وحضرو ليه احسن طبيب كاين تماا بنادم كيمشي بالعين الحمرةة
عصمان ...." بنبرات تهديد ".. مرتيييييي تعتق اليووووم ، بسبابكم زادت نزفات كثر ، منشووفش وجهك قداامي حتى ترجعها لياااااا ولا نرزيك في صحتك ..
-" كيحاول يفك يديه من عنقو " .. وغير حيد بعدا يديك الشريف باش ندير خدمتي .
" ما طلق منو حتى جرو صاحبو يااسر كيهدن فييه
كانت جايا ومعولة الا لقاتهم تزوجو تصفيها ليهاا ، متردداتش ولا حتى فكرات زوج مرات ، وقالت هاديك بنتي ومن لحمي ودمي واش غيقولو ناس ، لا ابداا لي كيهمها راسها ثم عصمان ثم الله يلعن بو العلام....ضربة وحدة خلات بنت كيف الوردة طايحة الارض ، للحظة تسللها الخوف وخسات بذاتها بردات عليها ، وماشي حيت بقات فيها ، ابدا حيت عرفات هادي تالية ليهاا.
لاحت المووس و ضارت غادة هربانها عند بالها ككل مرة غتنفد بجلدهاا ..ما حسات غير بجوج يدين طارو ليها على شعرهااا و جروها .. كانو عيالات الدرب لي باغيينها في سعاد .. كاين لي فرحت و قالت الله ربي غينتاقم ليا منك .. وكاين لي قلبو ضرو على دليلة و الحالة لي كانت فيها من بعد معرفو بلي مها وضربتها بلاما تحن فيهاا ...
رابطينها شعرها طالع اسما وكانت شبه غايبة على الوجود بسباب الشراب....
دقائق قليلة حتى كانو البوليس وصلوو .. هي غير شاافتهم طاحت سخفانة على ركابيها تتبكي .. كيف حطو يديهم عليها و هي تبدا تغوت و تنتر
سعاد ..." تدفع في البوليس وتريش في راسها " .. و طلقووو منييي طلقووو و الله ما درت ليها شي حاجة اشااف ..
" لاحوها في الواشمة " صطافيط " وطلعو طريق كلها و هي تغوت وتبكي و تحلف ، مرة تقزل مضربتش مرة مقدتش .. كيف وصلوها الكوميسارية مهبطينها مينطة دوزوها نيشان عند شاف ديالهم غير حطوها قدامو بدات تبكي و تحير ليه ثاني " ... انا مزاوگة الشاف الا الحبس منقدرش منقدرش
-جلسي الارض مزال مدويتش باش نشوفو الحبس تركني لديلمك ولا نوريك القحب** ..
قرب اولدي داك البيسي و عمر ليا المحضر .."تكلم مع البوليسي لي كان معاه ... داكشي لي كان دوز معاها الأسئلة الروتينية و تكلم بجدية " .. كاين شي إنسان كيحاول يقتل ولدو
سعاد ..." بدات تغوت " ... هي لي تحداتني وبفعلتعا قتلاتتي ودمراتني
-صوتك نزليه وتحملي مسؤولية سخونية راسك .
." عيط للولد عند لباب " .. اجي اولدي هبط السيدة اليوم راها في ضيافتنااا تهلاو فيها . " شافيها " ..
ورمي عليها معام شي سطل تاع الما بانت ليا سكرانة .. "بدات تنتر ليهم ثاني و تحيح وهو يغوت " .. خرج عليا الزمر ضراتني في راااسي ، ياا لاطييييييف
غادين بيها سنانها كيترااقصو من خوف ، عنظ بالها ضرب وقتل وهرب وكأن شيء لم يكن نسات بلي هادي غير دار الباطل ولي عندوو شي وسخ كيصبنوو
ناعسة على كرشها نصها گاع متتحس بيه و ما حاساش اش ضاير بيهااا و غير تتفكر وتتخبط في دوامةة الماضي بالضبط لصغرها لكن لي صورو ليها عقلهاا وخيالها شيء منافي لواقعها شيئ كانت كتمناه تعيشوو بحال بنياات في نفس سنهاا و لكن لسوء حضهااا كانو عندها واليدين كيعرفو غير راسي ا راسي ..
تخيلات راسها تتجري في الجردة وهي بنت خمس سنوات كتلعب وتنقز حتى طاحت و تجرحات في رجليها وبدات تتبكي .." بابا هء هء باباااا ..."
سترجعات عقلها للحاضر وعرفات بلي ما هي الا لقيطة ليلة حمرااء ...طاحت دمعة من عينيها وبدات تنين " ... هممممم ......
"دموعها غير مكيكترو على خدهااا ملي كتفكر شكون سبابها حتى وصلات هنا ...بقات على داك الحال تا داتها عينيها نعسات ..
في هاد الوقت كان الطبيب خرج عند عصمان لي كان واقف هكاك عريان بوشامو و الفرمليات كيشووفو فيه .. اما هو غير شاف الطبيب طار عندو مستناهش يجي "
عصمان .......نفهم من وقفتك قدامي بلي ولات مزياان
الطبيب ..." حرك ليه راسو شافيه بعنيه مريحو" .. الحمد الله بنت بحالها قوية معذباتناش .. العملية دازت في أفضل الأجواء و براڤو علييك انك جبتيها في الوقت المناسب ... لقينا عندها الغشا ديال الكلية مقيوس و كانت بقات فقط خمس سنتيمتر وتجي دقة فيها .. وغنوليو في ما لا يحمد عقباه
" طبطب على كتف زريقة " ... الحمد الله على سلامتها حالتها مستقرة حاليا .. الله يجيب شيفا
الطبيب ... ها هي غتحول لغرفة عادية و تقدر دخل عندها .. و بالنسبة اللباس غتجي عندك الفرملية باش تشرح ليك كيفاش خاصها تعامل مع الضربة ..
" شكر الطبيب و ضرب كفو بكف صاحبو لي كان واقف معااه ، يا الله غيتحرك حتى بانت ليه موو جاية تتجري و هازة صاشية في يديها
حسنية.......متقوليش ليا ماتت بنيتي اعصمان فرح ميمتك انا مزاوگة راه صورتها ممشات من عيني
عصمان...." عنق مو وخشاها في حضنوو مزير عليها وكيتنهد براحة "....الحمد لله ، معندك مناش تخافي الواليدة نقزااتهاا
حسنية....."هزات كفوفها لسمى "...حمدتك ياربي وشكرتك لي خليتيها لينا
عصمان......" باس على راسها " ...امين اميمتي
ياسر ....نخليك دابا نمشي نشووف اش وقع لهيه ونرجع
عصمان...."حرك ليه راسو بمعنى سير وتم غادي بمو "...جبتي ليها شي حوايج الواليدة خاصها متلبس ،
حسنية....."وراتو بلاستيكا " هاهها
عصمان.....يالله زيدي نطلعو نلبسها قبل متفيق وتدير لينا لعصى في رويضة ، وتريب علينااا سبيطاار
" طلعو الغرفة لي نقلووها ليها مع الحلة مع خرج عينييه من لي قداموو
طلعو الغرفة لي نقلووها ليها ... كيف غيحل الباب تحلوو معاه عينيه على وسعتهم .. اما الحسنية شدت ليه في جنبو ووركت باش تهدنووو .. ولكن اش غتهدن....كان بركان و غيحرق گاع لي مجموع في ديك الغرفة .....
عصمان ..." حيد لموو يديها من جنبووو وكحزها اللور وتم متقدم عندها " ... ياك المرضيييية ؟؟
الحسنية ..." شدات ليه في يديه قريبة تبوسها ليه " .. انا مزاوگة راها مريضة وااا عمصان
عصمان ..."كيحيد لمو في يديها " .. وا مي حيدي و غير حيدي يديك ..
" مشا شد دليلة من دراعها ضربها في صدرو تا تأوهااات و شدات ليه في عنقو ....."
دليلة......" كتدوي وتعگر "...وا لبشااار ، راني رجعت من لمووت
عصماان....." عض على قنانفو بغييض "....كيبان ليا غنرجعك ليهااا......
"جلسها في الباياص و رجع لسيد ....دفعو لخيط حتة كالا وشنق عليه هازو....كان خفيف كيف ريشة خلا رجليه كيلعبو في الهوا "
دليلة ......"غمضات عينيها وسدتها وغتبدا تسب غا نعلت شيطان "......وااخالتي شديه شديه ....." صاطت منفخة "... عصمان وطلق من السيد اش دار لييك ،
عصمان ..." باقي قاج الراجل كيخرج الصوت من حلقو غا بزز " .. انا مرتي تشد فيها أولد القحبة مرتييييي متشدش تتسمع متشدش ، بقى ليك غا تبووسها
دليلة .." ناضت تتعافر و معگورة توصلات حداه و شدت ليه في دراعووو كدفع فيه "....والله ايلا عيقتي ، راك جاي تزور مريضة ماشي تمرضهاا
عصمان...." طلق الراجل تا طاح في الارض " .. خرج تقود فحالك سير قبل منخسر ليك وجهك
"وقف على رجليه كيقاد في حوايجو ، وكيرجع نفس لي تحبس ليه ...كان فرملي لي دخل عندها ضرب ليها برا الحريق .. حتى طلباتو يعونها تمشي لحمام ،كان شادها من جنبها و مقربها لييه .وهادي هي لي خلات زريقة يشعل و ما يطفى ،
قاد هندامو وزغبو الله وهضر مراضيش "..... داير ليا فيها راجل و فحل لقيتيني في مكان خدمتي .. بالحق القانون بناتنااا غنخليك تتخناز في الحباسات ..
" يا الله بغات تمشي طلبو الحسنية هزات عينيها في ولدها لي ضربها لي بتخزيرة كيقوليها بيهم ديريها منعقل على حد هنا .. تكمشت ومشات تركنت في لقنت وبقات تشووف بعويناتها ،
بغى يمشي يكمل ليه تجنديخ لاكن مخلاتوش " .. الى مضرقتيش كمارتك غنضرك خرج تقود من قدامي .. قبل من منخمج لجد مك وجهك قالك الحبس راه نفنيك و نمشي نقدم راسي .....
دليلة......." بترجي "...صافي اخويا مسحها فيا الله يعطيك ستر وبدل ساعة بخراا ..."خلاتو تا خرج وضارت ليه "..عصمان علاش هادشي كولو مالك جهلتي .. السيد كان معاوني غادة مقاداش نتمشى ونتا قجيتيه بحال دجاجة
" حسات بوخز فجنبهاا حتى شداتوو موعتة ،لاحظ گريماص وجها لي تبدل وهو يدوي "
عصمان....ماالك ؟؟ ضراتك شي حاجة
دليلة...." بغات تمشي بلاصتها "....حيد عليا الله يعطيك الستر...
"مخلهاش تجاوبو حل لباب وخرج ، اما هي تعاافرت حتى طلعات حوايجها وقضاات حاجتها وبقات واقفة شحال متكية على لباب وكتفكر
بنت فحال دليلتنا صبارة و قاصحة .. تعافر مع زمان و زمان يتعافر معاها و طلع هي الرابحة واخا تكون كلاتها في داتها ... مقصحة و معندها جهد تتنفس وتقضي حاجة .. ياما ليالي مرضت و ياما طاحت و لكن عمرها شدت الفراش و لا قالت اي هادي ضراتني .. ربي كبيير و كيوقف مع المظلوم و لي معندو حد .. لهما يتيم و لا عندك الواليدين و راميينك .. عمرهاا حسات بشي حد حن فيها و لا هز ليها الراس .. تا جات عند زريقة و حمى ليها الجناح .
عارفة و مقدرة داكشي لي كيدير عليها و وقفتو جنبها و الكتف لي عاطيها تحط عليه راسها و ترتاح .. ولكن مقصحة قلبهااا و ممبيناش مشاعرهاا مخبياهم عندها .. ملي فاقت من العملية و دورات عينيها وشافت راسها تتعامل احسن معاملة عرفات راسها دارت العملية في لكلينيك وتأكدت بلي متخلاش عليها و حاط عليها فلوس صحيحة .. شاد فيها بيديه وسنانو وهادشي هي فهماتو و قراتو .. زاد كبر في عينيها و خلاهم يبريو حست بفرح ولكن مخلية مشاعرها مخزونين وسادة عليهم بساروت .. تايحن الخالق و تشوف واش تعطيهم ليه
حلات لباب لقاتو لبس تيشيرط. تاعو جابتو معاها مو ، بغى يهزها وتعمسات ليه تم ضلعة عوجة تموت على ظد ،مشات بلاصتها تكات وحسنية شادة ليها في يديها ووكتسول فيها ،حتى دق لباب ودخل طبيب وفيديه شي ورااق
عصمان....."تقاد في الحلسة وتكلم بقلق "....شنو كاين اسي طبيب ؟
- درنا شي تحاليل للمدام ، وخرج ليناا بلي ......
..
شي يضحك على شي والدنيا ضاحكة على كلشي ، كيف ضحكتها وقسوتها على دليلة ، الطفلة اليتيمة لأب حي ميت ، ولأم لطريگ السو واللهو اختارت فساد الدنيا ووسخها ، وتگلع من گلبها المحبة والحنان اللي رزقها الوهاب المنان فطرة ونعمة في گلب كل انثى ، للأسف الا أم دليلة الطفيلة المظلومة،
لقبها بين الناس منت لحرام .
دليلة طفيلة لم تتباهى بزين الحال ولا زين الحالة ولا ضحكت شماتة في حد ، هي اللي نشمتت ونضحك فيها وعليهاا ، مزالت في الدنيا تعاني ولهمهاا وغمها رافدة وصابرة،تحانيك يا لموت تجيها وتگول يا ربي احسن لعگوبة
..
المؤمن المصاب وربي الا بغى شي عبد من عبادو كيبتاليه ويشووفو واش صباار .
دليلة واخا الصبر ضبرهاا مكملة فيه وحمد ربي وشاكراه عليه
كيجيو اوقات كثيرة وكتضعاف وكيجي وقت وكتقوول علاش انا بالضبط لكن كتستغفر مولاها من بعد وكتسكت ،
شراب هدفات فيه والگارو عندهاا بحال صباح لخيير ،والقبلة مكتعرفش فين جات ورغم ذلك كتامن بالله وفين مكتحط راسها على مخدمة كترجاه ،يعفو عليها من البلية وكلام ناس ويبعد عليها كحل الراس ، ويلاقيها بمحسن منهاا وربي ستجااب .
جاب في طريقها عصمان الرجل الشهم ، لي ديريه فجنبك وتمشي مغمضة عينيك ، عارفاه مكيخاف غير ملي خلقو وبلي فلوس الضسارة عندو في شكاارة ومكيسكتش على الحق ولا كيدوز شي حد كيحس بيه محتاجوو.....دليلة شافيها ختووو ومو وشافها مرا وواقفة في وجه زمان ، كبرت في عينيه ملي عرف قصتهاا وعرف بلي عمرها ختارت الطريق الساهلة ...داكشي علاش واعد نفسو بلي غيكوون خيالها وفينما طيح يتلقى ليها ويهز الضربة بداالهااا ، بغاها حلالو وعرضو تكون بنت من بغات تكون كتهمو هي فقط ،
دخل عليهم الطبيب لقاها مجمعة مع الحسنية وهو جالس مرتاح فوق الكرسي حتى نكراه بالوجه لي دخل عليهم بيه
عصمان......."تقاد في الجلسة وتكلم بقلق "....شنو كاين اسي الطبيب ؟؟
-درنا شي تحاليل للمدام ،وخرج لينا بلي كتعااني من فقر الدم لحااد الشيء لي غيستدعينا نزيدوه ليها دابا الدم ، من غير نسبة النيكوتين العالية في ذات ديالهاا ولي رئة بسبابو بدات كتضرر يعني كيخصهااا تبعد على الگارو نهااائيااااا لنوليو في سرطان الرئة
-عصمان....."شافيها مخنزر بمعني حلي وذنيك مزيان ، دوا مورك على كلاموو وكيشووف في عينيها بتحذير قاصد ، دخلي هضرتي لدماغك ولا ميعجبك حاال".......كوون هاني مغاديش يبقى يجي في فمها ، ولا تعرفو كيف داير مزال " دار لعندو "...وفقر دم شنو معمول معااه ، كاين شي دوا
- نطقات حسنية وهي مشمرة على ذراعهاا "...كون هااني اسي دكتوور ، الا كان غير على فقر دم عندي دواه نتا متاكلش لهم ،
-"بتاسم ليها "....مزيااان ، مهم غتبقاي معانا شي ايام علاما تعافاي تماما
دليلة......مكاين لاش نبقى هنا ، كنحس براسي مزيان
عصمان......" بصوت عالي ".....مكاناخدوش رأييك هنا الالة
- "بغى يلطف الجو ".....غير حتى نتطمنو على صحتك وديك ساع نكتب ليك على الخروج ." حط يديه على كتف زريقة معنقو وغادين قاصدين الباب ".....مهم كيخصك تكمل اجراءات ديالك ليوم
عصمان......"ضحك برجولية "....مغادينش نهربو متخافش ، لي كيهمتي هي تصح
- حاشا حاشا اموسيو مقصدت لي في بالك ، على العموم الله يجيب الشيفا...
" رجع لغرفة وقف حدا شرجم كيمسح على شعرو بايد ولوخرا هاز بيها تليفون ودايرو على وذنو " ......
عصمان....وي ياسر ، قضيتي ليا المسائل ،مزياان مهم دوز ليا داكشي هنا فليل ،وي غنبات يالله نتشاوفو اخوياا ...
" رجع لبلاصتو ، شافها حاضيااه ومارادا لبال گاع لحسنية لي كتخبر عليها ، لاح يديه على كتاف مو وغمزها "..... اش تمااا ماالك ؟؟ قولي شعندك ؟
ظليلة...." تنهدااات وجوباتو "....حملي وديني ثقال عليك اعصمان ، مكانش عليك تجيبني هناا ، علم الله شحال غيكلف هادشي
" لوقت لي نطقات وقالت انا حاسة براسي مزيانة غير نخرج ، ماشي زكارة ولا عناد ولا بصح كتحس انها صحات وقادا تجري ، ابدااا هي كانت عارفة بلي هادشي غيتقام عليه بغسيل الفندق وغيحط فيه بريكات ، وهي دينها اللول مزال مسدداتو، وزادتو بثاني
حشمات من راسها وغرقات بيها الارض ، ومرضااااااتش تكون عالة علييييييييه ويخصر فلوسو عليها
" قالها ببحة ورجولية خلا مو حداه تفرنس عاجبهااا الحال ، اما هي بقات غير حاضيااه تالف ليها لكلام "
خرج هو ومو بما تاصل بيه ياسر وجاب ليه الامانة ، هاد الاخير دا معاه حسنية ومشى اما عصمان دخل خلص گاع لي عليه وهنى...اما بطلتنا في داك الوقت كان وصلها لعشى لي كلاتو صخة وبزز والممرضة لي موصيها فوق راسها متفاكت معاها حتى كملات
دخل عندها لشامبر لقاها كتشووف في الباب وحاضيااه غير بان ليها دخل وهي تحرك من بلاصتها وتقادات مستعدة للمواجهةة حيت خلاها تبلع كلامها
عصمان....."مكانش من العاگزين جمع الوقفة وتم غادي عندها "....ايااه هي اللولة مطلبتي غا الموجود كنت طالب عليها ،جلس حداها ولاح يديه على ذراعها خاشيها فيه ".....شمي ريحتي انااا !!
القليل من العطر مع قليل من النيكوتين والكثير من الرجوولة والفحوولة ،خلاوهاااا خرجات عينيهاا وتبلوكات ، وداخت معرفاتو من تاثيرو لي بدا يقضي معاها ولا من البنج لي يكون باقي ماثر عليها ، ورغم ذلك مبغاتش تبين ليه دافعة كبير"........شميت غا ريحة الگارو وراه لي كيشمو كثر من لي كيكميه
" ضحك على كلامها وبعد وجها قابلو معاه كيشووف في عينيهاا " ....يااك الالة ، غير جيني نيشان وقولي حيد يدك عليا بلا هاد دووران تاع والو ،مالك خفتي نعس حداك ونشاركك ناموسية، كوني هانية نهار غنوي غتكوني يا فوقي يا تحتي ..."تگعد من حداها خلاها قربات تبخ الدم "
-واخا مبلي وخدام في لحرام ولي شافو في طريق وشاف شكلو وجسمو لي كلو وشام يرجع ربعة خطوات اللور ولا يبدل الطريق ورغم ذلك عزييييز عليه يدير لخييييييير وكيتعاامل
عمرها صادفت بحالو ياما تلاقات بناس وخدمات مع ناس لكن عصماان كان في نظرهاا هارب علييهم وبزاااف ....
" حركات راسها باغا تخوييييه ومتخليهش يتعلق فييييه "
لعنااية لي فتاقدات في صغرها وفي مرضها لقاتها في عصمان وعائلتو لي متخلاوش عليها ، حسنية كل نهار تجي حاملة و محلة تشوفها وتطمن عليها وتقرقب معاها ناب حتى تقربو من بعضياتهم ،
رنا قلبل فين جات لعندهااا بحكم باها مكتبغيش تخليه بوحدو ، اما عصمان سكن تم مكيفارقهااش سمح في خدمتو وقابلهااا هي واخا وزينها غا شد ليا نقطع عليك لكن عاجبو الحاال
...
كانت ناعسة و مريحة بالها ومحساش العينين لي كلاوهاا بقوة ما حاضيينها ما مل ما عيا ولا هو حس بالوقت شحال داز .. بقا على داك الحال تا بدات تحل عينيها جاو نيشان في عينيه ... سهات فيه و بقات تشوف تا غمزها و هي تسد عينيها ثاني ودورات وجهااا
عصمان ... في نعاس ملاك و في فياقك هلاك عينيك بووحدهم يقدرو يخربقو ليا نهاري .. مدام عصمان
عصمان ..." تگعد لعندها خوا ليها كاس ديال الما و بقى واقف عند راسهااا " .. بالصحة و الراحة ، لحريق شوية
دليلة ... لا ما بقاش كيحرقني بزاف غير الى قصتها ..
" شدات ليه في يديه هاد الحركة لي خلاتو يصغر عينيه فيها " .. احم عصمان بغيت نهضر معاك في واحد الموضوع ..
" دار ليها حركة بيديه في وذنو بمعنى كنسمع " .. صراحة الموضوع كيخص السعدية انا بغيت نتنازل ليها على الدعوى راها كتبقى أمي طول هاد ليام وانا كنفكر راسي مزگاش ، راه الغلط راكبها من ساسها لراسها ولكن بغيت نكون حسن منهاا
عصمان ..." خطف يديه منهاا بنترة ورجع عقد ديك الحضاش " ... شناهوااا واش تتهضري ولا تتخراي .. أول حاجة واخة تنازلي نتي البوليس مغيسمحوش .. ثاني شي تسمحي نتي و البوليس انا لا كيف غتخرج غتموت " بدا يغوووووت "....و بربيييي تنقتلها بيدي فإذا ختاري
يا تجلس في الحبس و لا تمشي هي الروضة و انا نجلس في بلاصتها ..
"و قف و تم عاطيها بالضهر " .. كتعرفيني انا مكنهددش و إنما كنطبق بغيتي تجربي مرحبااا .." خرج و ردخ الباب قبل متجوبو تمات نايضة تابعاه تا دخلات الحسنية لقاتها تعاقر
دليلة ..." رجعات جلسات و حطات راسها على المخدة " ... باغا نووض لداك صعصع فين ما ندوي معاه يولي يأمر و لا كيزيدها بالغوات
الحسنية ..." مشات هزات داكشي لي جابت كانت دايرا ليها ماكلة ستيك ديال الدجاج والكبدة مع صوص و فريت وشوية العدس " .. الله يهديكم اويلي تترضعو صبعكم كون كنتو غير باقين تحت اليد و تاع العصى غا لا ما ملختك نتي وياه راه واليديا والدين فيا الخلا .. زيدي قدامي تاااكلي راه الطبيب وصا على الماكلة مزيان تتخرجي وندير لبنتي الشهيوات
دليلة ..." ضحكات على كلامها تا بانت واحد الغمازة في حنكها و هزات ليها يديها و باستها ، حيت فعلا لي شافتو من عند هاد المراا بزاف عمرها تنساااه " ... ربي ميحرمنيش منك راكي دوا و يعالج ليا جراحي اخالتي جراااحييي
الحسنية .."مسحت ليها على شعرها بحنية " .. مزينك بضحيكة ما شاء الله ربي يحفظك من كل شر و ينقي طريقك من الشووك ..خودي تااكلي بعدا ومن بعد نعرفو مالك نتي ويااه...
هزات داكشي لي جابت ليها و كلات حتى شبعات .. عجباتها صوص بزااف و ما ناضت من حداها الحسنية تا كملات كل شي و شرباتها الما .. عوناتها تمشي الطواليط قضات حاجتها و بقات معوناها حتى غسلات وبدلات عاد رجعاتها لبلاصتها قداتها فيها و جلست قدامها تستفسر على المشكيل لي طرا بينها و بين ولدها
الحسنية ... ايوا ابنيتي اشنو لي خلا داك المصعور خارج هكاك قبيلة
دليلة ..." لي عودات ليها كل شي بحكم الحسنية ولات بالنسبة ليها صدر أمان و حب و راحة و قررات انها لي ضراتها تخوي عليها قلبها بيها ".. وهذا هو الموضوع ، راه حشومة في حقي نخلي مي في الحبس مجاتنييش
الحسنية .."شدات ليها في يديها " .. سمعي مزيان كلامي و تمعنيه .. كيقوليك ابنيتي وريه وريه ولا عمى سيرررر وخليه ...وديك سيدة الله يهديها على نفسها عيينا نهدييو فيهااا ولا هي بغات تهد .... مكفاهاش دخلت عليك حتروف كان بغى ... استغفر الله عليها كلمة .. وجات كانت بغات ترزينا من هاد العيون .. هذا قضاء ابنتي ديال الخالق لي بغاها تكون في ديك البلاصة .. باش تربى و تحس بأش داير بيها و الى خرجت ابنيتي راه ولدي مغيبقى عصمان راه غيولي زريقة و هذا هو الجنب لي نضل نصلي و ندعي ربي ميبقاش فيه حيت يدو سريعة ودقتو مكتنوضش
دلييلة......."مبقات عرفاات مدير ، شافت تا عياات وسكتات تا تخرج من هناااا وتحلهااا بطريقتهاااا ".......
داخل بهيبتووو سميتو و سمعتو سابقاه ،عينو تقابة و وجهو كيبان ملاك بريئ .. ضحكتو الى بينها تبقاي ساهية فيها و تقولي يا ريت ميجمعهااا .. عينيه بوحدهم حكاية .. خدمتو زينة ومعارفو من لعيار ثقيل ماشي بزااااف باش نتاقل لكازا وبالصبط من ورا موت الاب ديالو .....غرضو واضح وطريقو راسمها وعارف علاش جاي ، دخل لادارة السجون لداخل كلشي يخيط ويبيط ...تقدم عند المسؤول في المكتب ديالو جلس داير رجل على رجل وكثر الكلام ما قل ودل
دارت ذنبهاا ولقات راسها بين ربعة الحيووط و لكن هاد ربعة الحيوووط من نوع ثااني خااص .. ملي دخلات و هي شادهااا اكتئاب و مريضة وجهها متشوفش فيه ورغم ذلك ممبيناش خوفها واها مريضة بشي حاجة سميتها .. دائما تلقب نفسها بالفراشة الحرة .. لكن الله يمهل و لا يهمل
..نهار حطات رجليها في عكاشة بغاو يتكرفسو عليها جسديا و نفسيا وهذا هو الحبس في المغرب سوا ديال العيالات او الرجال داكشي لي كيوقع ليه كيوقع في الضفة الثانية و لكم ان تتخيلو الوضع ..
جالسة في فراشها دايرة يديها ورا راسهاا وكتخمم غير فيهم وشنو غيكونو كيديرو ، عرفات من الجلسات بلي دليلة مزال عايشة ومزال قريبة منو وهادشي كينرفزها وكيخليها تندم على فعلتهااا حيت حسات براسها خوات ليهاا سااحةةة وقدماتو ليها على طبق من ذهب ..
تخل ااباب ودخلات حارسة السجن كتعيط
- السعدية الرحموني
-دارت راسها صمكة ومكتسمعش " هازة عصى و تتحرك فيها " ... هاديك اه تگعدي الرئيس بغاااك
وصلو لمكتب دقات الحارسة و سمح ليها بدخوول .. تمت مدخلاها وهي كتشوف في الغرفة وكدور عينيهااا ، طاحت عينيها عليه ووبقات مركزة فيه وشبهاااات عليييه
مشات جلساات قدامو ، ستأذن الرىيس وخلاهم بزوج
سعااد..........واش فايتين مشاااوفيييين
ادم......." شابك ايديه كان مزال محافظ على نفس الجلسة رجل فوق رجل ".....اناااااا
عمر الشيخة تنسى هزة لكتاف والثوب واخا لحجرة ذووب ،هاد المثل مكينطبقش على شيخات بوحدهم لا حتى على الشفارة وامثال سعاد وماجاورهما
سعاد مبغاتش تسرط ليها بنتهاا وعصمان بزوج ومع بعضياتهم ، تخشات في الحبس بمسبتهم ورغم ذلك ممردوعاش باغا وقتاش تخرج و دير ما كثر منهاا وتوريهم .....اول منزلت عند رئيس السجن وشافت الشخص اللي قدامها ولي ملامحووو مغراابش عليهاا وقراب منهااا ,لبسات قناع البراءة وبدات تغني في اغنية ظلمووني وتمثل عليييه كانت كتفكر و كتقول كاينة غي انا ومن بعدي الطوووفااااان
سعاد.....واش فايتين مشاوفين
ادم....."شابك ايديه كان مزال محافظ على نفس الجلسة ، رجل فوق الرجل ".....اناا ونتي لا متلاقيناش وانماا كتجمعنا شي حاجة
سعاد....." تكات على الكرسي مصغرة عينيها"......شنوو غيكون كيجمعنا مثلاا ؟؟
ادم.........جامعنا الدم والاسم
سعاد....."حسات بالضو ضربها ، غمضات عينيه وحلاتهم وحمرات فيه "....بلاما تدور عليا شكوون نتااا ؟؟
ادم........معاك ادم الرحموني ، ولد خوووك رشيد الرحموني
" حسات بدوامة الماضي صطدمات بجحيم الحاضر خلاوهاا دايخة وكتشووف ولاول مرة يتلجم ليها اللسان
ادم......" حنحن وهضر ملي شافها سكتات " ......با الله يرحموو قبل ميموت وصااني علييك
سعاد ....مقدراتش تبقى سااكتة كثر ، غير كمل جملتو وهي ترد بقسوة ".......يشووفني ويسول عليا وهو حي ، ماشي تا يبغي يموت عاد يوصي علياااا ، يقلب ويشووفني فين كاينة ملي كان بصحتو ماشي تا بغى يمشي يتحاسب وقال اجي نبرأ ذكتي...فين كان بااك ملي جرا عليا بااااا وخلاني خرجت لزنقة
ادم .........على مقال ليا قلب عليك ، وفينما يقرب بشي خيط يوصلو ليك كيلقى راسو بعد
سعاد ....."باستهزاء".....عضرة ممنهاش هادي
ادم......مغاديش نغسطو في بحر غارق منطلعوش منو ونبقاو ندورو غا فبلايصنا فيه ، سول فيك ولا لا هاداك موضووع طويل وماشي وقتو ولا بلاصتوو هنااا ،الاهم داابا ،
اول متلانصات سميتك وعرفتك دخلتي لهنا جيت برجلي حتاال عندك باش ندير بكلام المرحوووم ونسول فيك
ادم ....قريت في ضووسيك بلي بغيتي تقتلي بنتك هادشي بصح
سعاد......" دارت فيها بريئة ، وعطاتها لكذووب ".......مكاينش هادشي اناااا كنت باغا نحمي بنتي ماشي نقتلها.....
العلم الله بيها مسكين واش كيدوز علييهاا
ادم....."هز حاجبو بتساؤل ".....اتيني بكلشي ؟؟
سعاد ....."حدرات راسها الارض وبدات تلحن ليه لكلام بموسيقى حزينة "....كنت خايفة على بنتي من ذياب لي دايرين بيا ليفرسووها داكشي علاش كانت عايشة مع باها ملي كانت صغيرة ولكن كنشووفها .....كبرات البنت وواحد نهار جرا عليها وجات لعندي وتم غتبدا معاناتها تاع بصح ، فدربنا كاين سيد طاغي وكلشي كيخاف منووو لبنت لي شافها يديرها في كرشي ومخاصهاش تقوول لا ،اول مشاف دليلة حط عليها العين وولا يهددها في الطلعة والنزلة ، تزوجها صحة عليها وخداها بزز مني والوقت لي كنت باغا نصفيها ليه باش نهنيها منو معرفت كيفاش كانت هي لي قدامي حتى جات فيها....."بدات تبكي وتعطي لقلبها ".....انا كنت باغا نفك بنتي ودابا العلم الله بيهااا هء هء ،واش كاين شي ام تقتل بنتهااا ؟؟
ادم...." هو كيسمع لكلامهااا و دوك العينين عنقووو كيبانو عروقهم كيتنفخووو و بغاو يطرطقو بالدموع بالأعصاب ... مزير على يديه و ميكدد في شلقوومتووو" ... اش سماه الله هاد باتمان
سعاد ... عصمان عصمان العثماني راه كيعيطو ليه زريقة
صبح عليهم الصباح هي ناعسة وهو فوق الكرسي مغمض عينيه ، في ليام لي دوزو كانو دايرين كي لمش والفار ،مكاين غا واحد يقول شا لاخور راا ، شد ليا نقطع ليك ،وعاجيهم الحال
حل عينيه على صوت طرقات في الباب ، طرطق عنقو وناض حل
-صباح الخير عليكم مدام دليلة مزالها ناعسة
عصمان ..." خدا تريكوه كيلبس فيه و مشا متقدم ليها لقاها تتنفس من فمها و هو يعقد حواجبو " ... ياكما ضربها البرد
-"دار السمعات في وذيه وقرب ليها " ... سمح ليا نفحص عليها نشوف واش تنفسها عادي
" فحص عليها الطبيب و عبر ليها الطونسيو وهادشي كلو وهي ناغسة بحكم الدوا لي كتشرب كيرخيها ، اما عصمان مربع يديه و مصغر عينيه ومراقب گاع لي كيدير الطبيب .. سالا و ضار عندو "... لا الحمد الله دابا راها مزيانة و حتى الجرحة بدات تنشف ... اذا اليوم تخرج .." ربط ليه على كتفو "..على سلامتها
" ابتسم ليه زريقة وهو على وجهو راحة تامة بعد ما سمع بخروجها .. خلاها ناعسة و خرج هبط الكافي خدا ليه قهوى كحلة و كما گاروه وخدا ليها فطورها و تم طالع عندها .. دخل لقاها باقة على نفس الشكل حط البلاطو حداها .. و جلس كيفيق
عصمان ..." كيمسح ليها على شعرها " .. دليلة فيقي باش تفطري غتخرجي ليوم .
." حلفات لا فاقت ليه تا بدا يشعل و يهضر بداك الصوت لي عندو كيخليك تصح كي العسكر معاه ... "
دليلة ..." غير سمعاتو و هي تحل عينيها ترعتهم " ... تعت ربي ما تقيل عليك لا صحيح لا مريض اخويا غا خليني ناعسة سير لكنتي زربان تالليل ونجي راسي
عصمان ..." ضربها ليها بتخنزيرة وقرب حدا وجهااا " غتنوووضي و لا غنعرف نوضك بطريقتي
دليلة ...." تا هي ماشي من الساهلين ولا تحذر الراس " ... قيااااس الخير و صباااح النور ..حيد خليني نمشي نغسل ..
" بقا كيشووف ليها في عينيها تا تنهد اما هي بقات مبرقة فيه عينيهااا محسات بيه تا حط فموو حداا فمها وهمس بصوت بوورشهااا ".....عجبتكك ؟؟
"ضارت لبلاطو بان ليها موس و هزاتو في وجهو " ... تعاودها ازريقة نلبس عليك البيض ..
" ناضت تتعافر وتنتر غا بوحدها وهو قريب يتفرگع عليها بالضحك ، قدات حاجتها و رجعات لفراشها فطرات و شبعات كرشها .. و ناضت تتقلب على الصاك باش تلبس حوايجها تا لقات شيخ الشباب جابد ليها قبية و سروال .. بقات غا تتشوف فيه " ... خبار الخير المرضي اش تم ولاش ديك الشوفة لي داير خرج خليني نبدل
عصمان ..."بدا تيقرب ليها و شدها من جنبها " لاواه اعيون راجلها راك وليتي حلالي .. وكلو مشرعو الله الا بعض الأشياء تنكون انا وياك و نقولهم لييك
دليلة ..." دفعاتووو و تتغوت عليه " ... عصمان لزم حدك معايا زدتيفيه ماشي لقيتي مريضة غتبدا دير ما بغيتي رااني قلتهااا ليييك .. بربي تنعطيك نهار من نحيط و الغد نحط راسي نعس ....
عصمان ..." بقا شحال وهو كيشوف فيها و تا هي نفس الشيء و تتسناه يعطي وجهو الباب باش تبدل .. نعل الشيطان و خرج خلاها على راحتها اما هي هزات داكشي نيت لي كان حاط ليها لبساتوو و دارت قبهااا و خرجات عندو ملقاتوش .. رجعات هزات داك الصاك تتعافر معاه و جلست في الكراسا تتسناه .. ما هي الا دقائق حتى تم جاي بديك المشية الخاترة وتقيلة وعاقد الحداش شافها من بعيد جالسة و تتشوف فيه .. اما هي حاضية گاع تفاصيل مشيتو تتشوف فيه و ما حساش توصل حداهااا ..
هز ليها الصاك وشد ليها في يديها منوضها غير بشوية و هي مزيرة ليه على يدو .. ما هضر معاها ما تكلم حدو قاليها جوج كلمات .."
عصمان.... ديك ساع بقاي في بلاصتك متهزيش هادشي راسك .."تم جارها و هي موراه كي فلوس الما .. حادرة راسها و تتمشى غير بشوية تا فقصاتو و مبينش ليها ... خرجو مع الباب لقاو ياسر كيتسنى فيهم غير شافهم جا كيجري خدا من عندو الصاك .."
" باقا كتجاوب سيد حسات بيد على خصرها ولوهرا اسفل رجليها هزها بين يديه غير بشوية و حطها اللور في الطموبيل وهي غير حاضياه كتصرط في الريق " عصمان احم
عصمان ..." بلا ميشوف فيها " مرتاحة هكا .؟؟.
" مجاوباتوش سد الباب وركب حدا ياسر و كسيرا نيشان الدار .
نص ساعة بالحساب كانو في الدرب .. البلاصة لي شهدات على بزاف الحوايج طراو معاها و منهم زواجهاا بهاد الكتلة لي قدامها ديال الحنان و العصاب .. لقاو الحسنية محيحة بالتزغريت و ناس درب كيسلمو عليها و يقولو ليها على سلامتك .. تمت داخلة هي و ياه الدار ما جات فين تخطي الخطوى تا طارت عليها رنا ... كانت غتقجها و عگرتها في جنبها بلا متحس .. حتى توأهات
عصمان .. ابگر علال راه خارجة من سبيطار و دايرا عملية ماشي جاية من الحمام لي درتي عليها ديك التنقيزة
رنا ..." شدات ليها في يديها " .. سمحي ليا عفاك مرضيتش البال غير توحشتك وكنت مخلوعة عليك بزاف .. وًمكنتش نقدر نخلي با بوحدو ونجي عندك بزااف
دليلة .." غمضات عينيها ليها " ..ما عليش عارفة لي كاين .. غير عاونيني نمشي لبيتك
عصمان .. " دفع ختو بيديه " .. سيري نتي وجدي ليها شي حاجة تاكلهاا .. ونتي زيدي معايا قالاك بيت .. واقيلة الالة راه عندك راجلك و بيتو هو بيتك
دليلة ... عصمان عفاك راه الجهد باش نبقى انا وياك شد ليا نقطع ليييك معنديييييييش ... وبلا منفكرك كيفاش تا وليت مرتك و انت راجلي .. يلا مغطيو الشمش بالغربال ..
عصمان .." كان موجد لبيت وما مخلي مداير فيه و تا من الفراش مبدلووو ودابا كاقووليهم هاظ لكلام ، بالحق قرر يضربو في عرض الحائط ويظير لي فدماغو تاا تلين .. هزهااا بلا ميتكلم معاها ولا يبرد ليها خاطرها دها لبيتو لي غتلقى فيه راحة اكتر بيدما برا جرحهااا مزيان .. رغم غواتها مسمعش ليها حدو كيخنزر فيها كتعاود ترجع ليه تخنزيرتو .. ما تحشم ما ترمش و لا تقول نخاااف ..دخل ودفعو برجليه تا تسد ، حطها فوق النموسية و بقا مكاليها بيديه . كان قريب ليها بزاااف تم مهبط راسو لعندها يتكلم ومنها يشوف ردة فعلها ...لقاها كتنفس بصعووبة وموضرة فيه ... شواهااا ولد العبد خلاها سايحة و هو تيضحك .. هبط لوذهاا " .. تتموتي عليااا
دليلة ..." الهضرة هربت ليها و مرضاتش ودفعاتو" .. سير حيد عليااا وأنت ضسرتي من البسالة ..تعاود تحاول تقرب ليا نشرب من دمك ا عصمان ...
" بقا على نفس البورسيون و حيد تيشورط ديالو وهو فوق منهاا "
دليلة ..." خرجات عينيها و حست بالصهدة طلعات معاها " .. اش ساير دير شووف ازريقة بربي و تقيسني الى باقي شفتيني ..
" كمل نصيل حوايجو حتى بقى غير بالبوكسورر .. زاد كلاهااا بيديه و تقابل مع عينيها لي شاف فيهم التوتر والخوف على غير عادتهم ... بدات تدفع فييه و تغوت تا شد ليها يديها الفوق و هي تتنتر نسات راسها بلي راها مضروبة حتى غوت بأعلى صووتو عليها " ... ريحيييييييي الارض شووفي ليا في عينيا شووفي .. شتي انا ماشي حيوان باش ندير شي حاجة نتي مباغاهاش ... و نهار تبغي يكمل زواجنا انا معاك و من هنا لداك الوقت راك تحت جناحي ..ميقيصك برد ما يأثر فيك صهد ..
"باسها في راسها و ناض فوق منها " .. غير رتاحي انااا باغي داكشي يكون بالخااطر
" قصد ماريوو يجبد خوايجو باش يدخل يدوشيحيد عليه لعيااحتى سمع صوت دقان في لبيت كانت حسنية "
عصمان......اش تما امي
حسنية .....واحد الراجل كيسول على دليلة
عصمان....."حنحن بجهد حتى ليبرا سمعووهاا ،وبتسم جنب عاض على فمو "....دلييييلة گااااع
لي دار فيها الخير تكتبو على جبهتها وتحطو بين عينيها وجامي تنساه ولا تعض الايد لي تمدات ليها .. طيح في الحزة تلقاها حزامك و ظهرك وخيالك.. متفوتكش واخا تعرف تموت معاك و تلوح راسها على ودك العافية .....واخا كيقولو عليها بنت الحرام وقليلة الاصل ولايني كيبقاو غير القاب ومكيوصفووهاش ..حيت هي من نوع المتين لي دير معاه شوية يردو ليك بالكثير
" لبس سروال سيرفيط ولاح فوق قبية مخليها محلولة ، خدا كلاكيط خشاها في رجلييه هادشي كلو دايرو بشوية علييه وبالخاطر مخلي سيد منشوور برا وكيستناه اما دليلة باغا تاكل جناابها حداه وراسها ضرها باغا تعرف شكوون جا يسول عليها، بغات تخرج عندو برجليها ولكن شكون خلاك خسر عليها زوج كلمات وتركنااات من وراهم
"الى زاغو عليك رجليك عتبيييهااا "
قاد اش لابس وحل الباب غادي خارج يشووف شكون هاد القرد لي تجرأ يجي برجليه تال عندوو والأهم من هادشي كامل ولي نكراه وعصبو انو جاي يسول في مرتو .. أكيد داعيا فييه موو و حفر قبرو بيديه .. شافتو لحسنية خارج ناوي على الشر غير من ربطة حجبانو وشوفااتو الحارة سبقاتو غادة الباب عارفاه ناوي على خزيييت
-الحسنية ... " عارفة ولدها اش كيسوا مكيعرفش يدوي بفمو عندو غير مع تسيال الدم " .. لواه اكبيدتي نمشي معاك حتى الباب رجل برجليك .....وغا تهدن اولدي غيكون شي حد كيعرفها ولا من عائلتها گاع
"خنزر فيهاا على كلامهاا حيت مدخلت ليه لا كيعرفها ولا عائلتها لراس ،ملي شافتو جاعر ضربات يديها في كرشها " .. راك ولد كرشي تتسمع؟ ولد عجينة هاد اليدين .." هازة يديها قدام وجهو " .. وشوفتك ما مبشراني بالخير
-عصمان ... عجنتي و وربيتي وكبرتي الوليدة سمعتي في الدرب ولد الناس و تربية البلا، اميمتي دمي حامي وسخون و غيرتي غير على سميتي تشعل فيا النار فما بالك الميمة على هادا لي جاي تال رحبة فليو وبغى يعطس .. في هاد الحالة ما بقا كلام و لا فهامة
-الحسنية ... عرفاك كبرتي وربيتي ريش و طرتي من تحت جناح ميمتك .. كنبقى أم و الكبدة عندها تشوي مهما كبرو ولادي يبقاو ديما في عيني صغار تيدي مول أمانة امانتوو .. و يااا خوفي من داك النهر. متحضر ليا في غسيل ما تحضر ليا في دفين تبقى حرقتي في رقبتك ليوم الدين .."شدات ليه فيديه "....ها لعار اولدي نبغيك تفكر بالعقل قبل القلب راك كبير و رزين و كييف قلتي تربية البلا راه زمان قراك ووراك ..
الحسنية...."بلعات ريقها حيت حسات كاينة ان ملي حلات الباب وشافت شكون....عرفاتو شي حد جاي مناويش على الخير ومن كلامو وتسوالو على دلييلة شي حاجة تمااا "....واخا اوليدي
نحى مو على الجنب و خرج حل الباب لقاه واااقف وعاطيه بالظهر و كيف دار عندووو عوج فيه راسو و صغر عينيه وعبرو مزيان ، من لبسو لمقاد عرفو نقي وولد لفشووش ..اما وقفتو كتقوول بلي نافخ ريشو ومكيتقشرش ...
اما ادم كيف شاف فورمتو و الوشام قال هذا خطاااف وشمكار وقاطع يديه من رحمة سيدي ربي وبلي كلام سعاد صحيح و لازم عليه يعتق بنتها من يديه .."
عصمان .."ربع يديه و هز راسو و حطو " .. نعاام الشريف اش تم ؟؟
-ادم ..." حيد نظاظرو و طلعو وهبطو ودوا بعجرفة زايدة خلاتوو لاح الماء على الزيت " .. ميصحابش ليا دليلة هكا دايرا
-عصمان ..."عض على شلقموتوو و خنزر فيه ".. لعبتي بنارك و حفرتي قبرك عاد جيتي ودقيتي بابي ، ومن لفوق داير فيها قاافز ...." خبطو لكتافو بدقات متتالية ".....شكووووون نتا اولد لق***
اددم ..."قرب حدااه ما كانش ساهل ليه ، تاهو كان طول بعرض و ثقة في النفس نقدرو نقولو قريب لعصمان في كل شي غير واحد كيفكر بالعقل و الآخر معندو عقل " .. بلا مندخل انا وياك في جدال بحال العيالات انا جيت بصفتي ادم الرحموني ولد خال دليلة
عصمان ..." هز يدو و حطها على الباب خرج عندو الزنقة وردخو موراه ".. سميتك كذا ولد كذا وولد خال مرتي .. 🤨 خليقتك عمرها بانت قدام عيني وهاد الهضرة لي قلتي عمرها دازت على وذني ....ونصغر راسي معاك ونقول هادشي بصح و من بعد جاي ندير ليك الحالة المدنية ولا نصايب ليك الخلووق .. "
"دفعوو تا زعزعو من حدا الباب ".....وااا جيني نيشاان ولا دور تقود راه مغيعجبك حال معايا
ادام ..." ضحك باستهزاء ورجع لعندو جاي بخطوات ثقال وكيغوت بجهد " .. عصمان العثماني الملقب بزريقة .... صعصع ديال الدرب قاطعها في الكبير و في الصغير ، مركب ليا الرعب في بناادم تاواحد ميقد يتجرأ عليك ولا ينزل من قيمتك ,عايق وفاايق وتاخاجة متخفى عليك ما عادا حاجة وحدة ..." وقف مقاد رجليه وخاط يديه على خيرو ".. معارفش لي قدامك شكوون ويديه فين واصلة، " حط على ذقنو وغمزو "...داكشي علاش كنفضل ندويو بالعقل بدون منوريك وجهي تاني
-عصمان .." بدات البولة الخضرا تشعل ليه و بدا يدماري و يديه كلاوه خاصهم يبردو ، كلامو وتهديداتو مهزوش فيه نص شعرة خلاه ينبح وغير كمل معطلوش " ..... نتا هوو لي صانع لينااا دوا العطسة .."قرب ليه حدا وجهوو وشاف فيه محتاقرروو " .. راااك غاااا ميخييي وباغي دير فيها مفرعن ضرتي في الدرب و شكروني ليك ومعرفتيش بلي غا ناويينها فيك خلاوك تجي قدامي وتقول ليا هاد الكلام ،ولكن انا غنعرفك براسي مزياان داكشي حي " هز يديه و شنق عليه تا جابو لعندو و نزل عليه بروسية جابتو طايح ودم نازل من نيفو مع فموو " .....نزيد نعرفك ولا مزال.
تطوقات الدنيا وگاع لي سمع الزگا نزل يتفرج....الحسنية غير شافت ولدهاا خدم العسرية وهي تحميها لغوات، بنتها رنا طيحت الطبسيل وخرجات تجري تشووف اش كاين....
اما دليلة عضات على شفايفها على اثر الغوات وبدات تسب وتعاير في خاطرها عرفاات شي حاجة ماهيااش غتوقع كانت باينة من ملامح عصمان الشاعلة فاش خرج ...
دليلة.........."غادا وتنگر "...تموت على صدااع وشد ليا نقطع لييك..
ناضت بزز حاطة يديها على جنبها مرة مرة توجع ،شدات في الحيط تا وصلت الباب و شافت المنظر لي مستغرباتش منوو كانت متوقعاااااه وبجهد
عصمان ..." كان قاج ادم من عنقووو و مزيرو مزيان عكسو هو لي كان مدافع على راسو ولكن بدون جهد حيت الخنقة مفشلاه.. " ... وتكون أولد القحبة شكون ما تكووون ما توصلش بابي و تسول على مرتي راه ندفنك و مانخلي اثر عليك
ادم ... " صعر وهز راسو وضرب عصمان لنيفو تا طلق منو " .... دابا غنهضر معاك بصيغة اخرى،لي مولف عليها نتاااا ، حيت خود لكلام وارا بزاف عليك ....." عمرات دنيا بووليس لي كانو حايين مع ادم..
جااو ورا عصمان وبجنبو طوقووه من گاع لقنات بلاما يقربو منو ".....نتاااا خطفتي بنت العمة وتزوجتيها صحةة والعلم الله شنو داير ليهااا ، تقاويتي عليهااا قلتي معندها عائلةة ولكن صافي ساليناا ، انا حيت وغنفكها منك ومنخليكش مزال تقرب منها
عصمان ..." طلقها بضحكة ساخرة " .. عند راسك أولد الق** زريتيني وخلعتيني بهاد فيلم اكسيون لي درتي ليا وغنخاف من وراه ..."ضحك بالعالي وقال ".......قاليييك خطفتها و غيديها معااه، ايوااا بين ليا الى سمتيك راجل دوز حط يديك فمرتي لما كان ليك اخر نهار فعمرك ......
كان معصب وحس براسو سخن عليه وتزير وغيصيفط شي حد الروضة....بدا يهلل ويتنتر ممديهاش في غوات موو ولا بكا ختوو و لا راعا لباه لي الداخل كيسمع ومقدرش يقدم ولا يوخر كتفى غير يتحصر ....و ياسر وصلاتو لخبار وجا بجرااا هادشي كلو كان غيوقع ومتوقع ولكن حاجة وحدة لي ممتوقعاش هي حالة دليلة لي كانت راجعة اللور ومصدومة من شنو كتسمع ، يا الله غتهبط على العتبة تا قشعها عصمان "
دليلة ..." مسمعاتوووش ومبغاش تصنط ليه عينيها كانو فيديه لي مقيدينهم ليه ،هبطات غادة قصداه شدات فيه مزيرة وتمردات على لبووليس ....
دليلة.....اش كدديييييرو ؟؟ وباشمن حق باغين ديوه
ادم ... "نتابه ليهاا وحقق فيها شووفة ،كان باين على وجهها العيا ومقاداش توقف ، ادم ترجمها على ميفو بلي معذبة ومكرفصة ودايز عليها لويل الشيء لي خلاه يصمم يدير لي فراسوو ويقول لي عندو " .... عندي امر بإلقاء القبض عليك اازريقة بتهمة اختطاف و ابتزاز مدام دليلة الغزواني و الزواج منها بالغصب
دليلة .." خرجت من تحت زريقة لي كان عاض على فكو من لدااخل و مشات قدامو تتعرج ورافعة حواجبهااا وكتخنزر
واخا تكون مكتبغيهش و مزوجاه بزز عليها ولكن هادشي مكيعنيش انها تكرهو وتخلي تهم يتحطو عليه بلاماا دير حتى حاجة.......طلع ليها دم ونفاجرات في وجه ادم مهامهاش كلامو لي قال وانو كيجيها ولد خالها ولا كتجيه بنت عمتوو ...لي كيهمها سيد لي قدامها لي فينماا تكون في مشكل كتلقاه غا هو وعائلتو معاها ، داكشي علاش غتحارب على ودو وتخرج نياابها علييه واخا ممخليش من حقو "....
دليلة....."كارزة على سنانها وكتهضر "....زيد مزال كاين شي سطر ناسيه عجبني هاد ديسك عندك ..واش نتا لاباس و لا مضروب بالرش منين جبتي هاد الخراااا .. وشكون نتا لي تجي و تتاهم في راااااااجلييييي ها هي سمعتيها راااااااااجليييي
دليلة...."كارزة على سنانها وكتهضر "....زيد مزال كاين شي سطر ناسيه ..عجبني هاد ديسك عندك، واش نتا لاباس ولا مضرووب بالرش منين جبتي هاد الخرااا، وشكون نتا لي تجي وتتاهم في راااجلي هاهي سمعتيهااا راااجلي...
ادم....."بغى يحط ايدو على كتفها يطمنهاا بلي تقول اش عندها ومتخاافش ،حتى تبلوكا ليه لكلام في خلقو وزعزعو صوتو من بلاصتوو " ...
عصمان......"مكرهش ينقز عليه يوضر ظيلمو على لقبلة ولايني دااروها ليه هادو لي شادينو ومحاصرينو ملقى غاا فموو يكشكش "........حيدددد يدك علييها اشمااتة الا سميت الق"""" دمك رااااجل قووليهم يطلقوني وتعالا قدامي...نشدك نقتل زا***
"باغي ينقز عليه بالجهد لي عطاه الله وهما غادين بيه جاارينو ختى طلعووه لسطاافيت بدا يغوت من تمااا "
معامن كيهضر من المستحيل تجلس مربعة يديها وتفرج.....واخا حاسة بحالتعا ماهياش وبصداع ليها في الضربة لكن صداع لي كان في مخها كان طاغي عليه ركبات صحة هي وحسنية في طوموبيل مع ياسر ،غادا مو و تعدد و تخبط في صدرها و في فخاضها وتبكي ....
كرهات راسها دليلة وحسات انوو من نهار حطت رجليها عندهم و هي الحسنية كتبكي بسبابها. دائما المشاكل كيجيو غير من جيهتهااا .. شدت في راسها بصباعها بجوج وعينيها بحال القرطاس شعلات شعلة ديال بصح و حاسة براسها تقطعات و مكرهاتش تشعل شي گارو و تبدا تبخ ..
الحسنية ..." راكبة حدا ياسر و ووجها حمر غير بالخبيط " .. ا يااك أولد ميمتك اش هاد الحرگة باغي دير ليااا .. ياك اوليدي طلبتك وكنت قريبة نبوس ليك يديك ولا نتا سمعتي .."ضارت لعند ياسر " .. زيد كسيري اوليدي زيد راه النار شعلات ليا في القلب ...
" تفكرت دليلة لي جالسة اللور ... امرأة واخا يكون عندها لي يكووون متنسى تاحد خاصها طمن على كل شي " .. بنتي اش جابك معانا و نتي عاد خرجتي من السبيطار .. كون بقيتي غا ترتاحي
دليلة ..."هزات تليفون كدوز الخط " .. ما عندي لا راحة ولا نعاس تنشوف عصمان قدامي وغادي في جنبي ..."سكتات ونطقات " .....بربي منفووتك ..
"حسات بألم في صدرها وبتهنيدة طالعة من لقلب لي كبحتهاااا حيت ماشي وقت ضعفهاا دابا ، دارت تليفون في وذنيها ومحضرة عقلها وعارفة معامن تدوي ". ... سي العدلاني معاك مدام دليلة العثماني
-"كان جالس تا صح واقف " .. مدام دليلة اش خبارك كل شي مزيان ؟؟
دليلة ... "صاطت باعلى صوت "...تا حاجة ممزيانة هاد الساعة نبغي لقاك في الكوميسارية ديالناا و معاك عقد زواجي من عصمان وكنتمنى يكون موثق
-اييه موثق ا مدام دابا نكون عندكم ..."قطعات دليلة عليه و رجعات حطات راسها اللور .. و الحسنية تغوت و تقول ما غوت ..اي أم بحالها و في بلاصتها راه تقدر تخرج في دليلة و متعقلش عليها لكن الحسنية امرأة رزينة و بعقلها .. اما ياسر فكان عاقد الحداش و دمو فاير على خوه و صاحبو .. و باغي غير وقتاش يشوفو قدامو ..
لحضات وكأنو قدام الكوميسارية هبطات الحسنية هي وياسر تيجريو .. تا وصلت الباب و تفكرت دليلة مضروبة ورجعت عندها ..
الحسنية ..."لقاتها تتسد في الباب وشادة في جنبها " .. الله على بنيتي و اش هاد المكتاب غا سمحليا ميمتك عقلها عند كبدتهااا لي تشوات .. تكاي عليا ابنيتي ..
" داكشي لي دارت تسندات عليها تا دخلو الداخل و جلستها في الكرسي شوية وتبعهم المحامي وجا نيشان قاصدها
- مدام دليلة سولت لقيت سي عصمان مع الكوميسير حاليا وكيخصك تجي معايا ياخد أقوالك
دليلة ..." ناضت منرڤزة و تتعرج"....يالله ااستاذ بلاما نضيعو الوقت
وصلات الباب و حلو ليها ، دخلات لقاتو جالس داير رجل على ختها تقزل كيشرب قهوة في راس الدرب مع عشيرو دور وجهو جات عينو نيشان في عينيها و هو يشعل "
عصمان ..." ضار شاف في الكوميسير " ... الشريف هادي لاش جبتوهااا .. " ضار عندها " .. نتي كيفاش تنوضي من فراشك بهاد الحالة
-" خبط البيرو بيديه " . يكما يصحابلك جالس في قهوى كتقمر .. الى نسيتي لاش جيتي عندي نفكرك .. راك متهم بخطف والزواج بالغصب وتحت التهديد من سيدة دليلة
عصمان ..." حمر فيييه " ..مدام دليلة عصمان العثماني .. الاسم الكامل و المكمول و الصحيح عندك معلومات غالطة ا الشاف " دار ضحكت استهزاء " يا الله غيجاوبو تا دخل. ببناتهم المحامي "
-" حضرت الكوميسير معايا هنااا " مد ليه عقد الزواج لي موثق من المحكمة " .. وثيقة زواج كل من السيد عمصان العثماني و دليلة الغزواني على سنة لله و رسوله و موثقة من طرف المحكمة
-" شد الورقة كيقراها وشاف في دليلة .." تفضلي عندي ا بنتي .. واش في راسك هاد السيد " شير بيديه لعصمان " .. عندنا عليه تهمة بخطفك والزواج بيك بالغصب شنو تقدري تقولي ليا على هادشي
دليلة ... قدامك ا الشاف و ثيقة زواجي منوو و
" ضارت قدامو " وهاد الحالة بانت ليك ديال شي وحدة مخطوفة زعما المخزن اذكياء و كيعرفو من الصحيح من البهتان .. انا راجلي سميتو عصمان العثماني تزوجت بيه بكامل قوايا العقلية وسينيتي على العقد بخاطري
- واخا تسنااي معايا .. "عيط لبوليسي لي في الباب و دخل عندو " ... ولدي عيط ليا لسي ادم الرحموني
عصمان ..."ضحك باستهزاء و سمع ليهم الكلام " .. السي ههه ولاهيلا سي
- راه شاف دائرة هدا لي قدامك احتارم راسك !!
عصمان ..." هز فيه راسوو " ... كلا شاااف على كبالتو و هاني احتارمتك ومقلتش ليك شاف علاياش ... و الى ساليتي ليا مع المدام خليها تمشي لدار .. "جمع الوقفة " وعيط ليا لولدك يهبطني راه راسي ضارني يا الله نحطو يرجع
دليلة ..."شافت فيه باش يسكت " .. عصماااان ..
" شافيها مخنزر مكرهش يوريها اما المحامي عرق و نشف عشرين مرة فاش كيشوف عصمان كيهضر وكيقلب على صداع ..
وقت قليل و تم داخل صاحب دعوتهم .. مشا نيشان سلم على الكوميسير و عنقو. "
- تسكت اولدي لااا راه لدابا صابر ليك على هباالك و طيشك
عصمان ... لا لا راك غالط اسي الشاف حنا نميلو و منطيحوش رجال ولاد الرجال .. ماشي بكايات ..."نعت في ادم لي كيشوف في عصمان بعينين عامرين تهديد كيقوليه غنمرمدك في هاد القنت ، لمح ضحكة مستفزة من عصمان وبغى يرد ليها الصاع ..مشا قرب لدليلة ومد يديه بغا يسلم عليها .. اما عصمان صغر عينيه كيشوف فيها اش غظير "
دليلة ..."خلاتو بلاكة تسعين ودوات مع الكوميسير " .. هدا هو لي جاي كيحط علينا التهم .."عوجات فمها فيه " .. شوية الشريف لاباس ما مريضش صحتك مزيانة شارب دوااك ؟؟
ادام ... " بغا يشد ليها في يديها و هي تهز يديها فيه و عصمان غير كيشوف عارف اش عندو مرأة بألف رجل " ..سمعيني اناا معاك و غنعتقك ،والى هاد الشمكار مهددك انا كنهنيك منوو متخافيش !!
دليلة ... "ضربات على صدرو "...لا مخايفاش و إنما خايفة علييك منوو .. شكون انت لي تجي تلوح راسك في حياتي بلا دقان .. هدا لي تتقول عليه هاد الهضرة نهار طحت هو لي لقيت و نهار الدنيااا رماتني هوو لي خشاتي تحت جناحوو .. حياتي كلها عذاب في عذاب حتى جات عيني فيه
و جاي نتا تقوليا خطف .. "غوتاااات " ....ا سيديييييي راه حنا مزوجين بحال ايها الناس .. نتا بنتي ليا غير مهني في حياتك و مالقيتي باش تلهى غير بينا .. وزايدون تكون ولد خالي و لا خويا فين تنعرفك و لا شفتك .. تنعرف غير راجلي يخرج قدامي و يدي في يديه وداااابااااااا
مكتحير فحد ولا كتسوق لبلاصة فين ولا قدام شكون كتهضر ...الحق كتقوولو وتاحاجة مكتخلعها باش تسمع اتهامات خاوية في انسان مشافت منو غير لخير واخا منفخة عليه هنا مغاداش تسكت غتخرج عينيها ونيابهاا وتكوون دااك شفيق لي باغي الوقت والزماااان
- دليلة....."غوتااااات تا حسات بحلقهاا تجرح "...... اسيدي راه حنا مزوجين بحال ايها النااس ، نتا بنتي ليا غير مهني في حيااتك ومالقيتي فاش تلهى غير بينا ....وزايدون تكون ولد خالي ولا خويا فين تنعرفك ولا شفتك ...تنعرف غير راجلي يخرج قدامي ويدي في يديه وداابااااا
بكلامها خلات الكوميسير يديه مربوطين و ادم بغا يبخ الدم .. اما زين الشباب و شيخهم جالس و داير رجل على ختهاا و لايح دراعو على الكرسي وكيبتاسم عاجبو الحال ومفتاخر بيها كيفاش مخرجة نياايهااا عليه ... خلاها و عطاها فرصة تقول ما بغات ومقطعاش ،عارفها قادة عليهم و تفوتهم لهيه .. تقدم عندها ولد خالها كيف كيقول ووجهوو حمر وعرقان حاس بصهد طالعو
ادم... دليلة الى مهددك راني قلت ليك غنفكك منووو و نسيفطووو فين يتربى متخااافيييش
عصمان...."ضرب الطبلة ليكانت قدامو برجلو تا تلاحت ووقف غادي ليه يجندخو حيت صبرو لقليل سالا، وقف وسطهم غير الكوميسير لي عيط على لبوليس يشدووه من يديه ممخلينووش يتزعزع "......متنطقش سمييييتهااا القوااااد كتسمع ، علاش كتقلب عدو ربك في هاد النهار دويي؟؟
دليلة...."حاطا يديها على وجهاا وكتنفخ بغيض عصبها لكيدار لي تسلط عليهم ، حاساه غا مشكيل وبغى يلصق فيها ويغرق عصمان تقوول بيناتهم حساب،
بدات تنتر عليه تما وتسمعو صوتها تحت نظراتو المصدومة معرف باش تبلا " .... فوت عليك سميتي مباقيش تنطق بيهاا ولا نوريك وجهي الثاني لدابا تنهضر بأدب و عقل .. شوية غيطير العقل و نسد على الآداب في شي قرعة ....بغيت غير نفهم اش هاد الهضرة الخااوية ، ياك انا لمعنية بالامر وكذبت لخرا لي كتقوول كلووو لاش مطولين وقفتناا هناااا
"شافت في الشاف" ... الى مبقى عندك والو علينا نزيدو فحالنا و لا باقي ميدار وباغين صحة تلفقو تهم مافينا
..."شاف حتى عيااا و هز يديه باستسلام " ... مبقى عندكم ما يدار يمكن ليكم تمشيو و سمحو لينا على الازعاج ،" امر الشرطيين "....طلقووووووه !!
دليلة......طلق اعصماان واش بعقلك اش كديير، خلي لخراااا ولا قسما بالله حتى نمشي بحالي ومتعرف ليا طريق جرة ...
"كملات كلامها وهو يلووحوو الارض معصب وكيحرك عنقو شمال ويمين ، لوات ليه ذراعو بيهاا وهادشي لي ينفع معااه ، "
- "نطق الكوميسير لي وقف من كرسيه "....تا نتا باش تحذر راسك وتمشي بحالك مكمش حامد الله وشاكروو كتقلب على المشاكيل ، تعلم تسكت !! "كان كلامو موجه لعصمان "
عصمان......"ضحك باستهزاء مخنزر فيه ، مشا بخطوات ثقاال تال لبيرو وخبط عليه تا تهز شنو عليه ، "..... سكت هي موووووت اشااااف ....وحااشا باش نحذر راسي و نتذل لأي مخلوق كيف مابغا يكوون ديلمو يكون ما تزاديت بيها و لا تكتبت ليا في الحالة المدنية .. صرفي صعيب و تقيل و على هاد الفيلم
لي درتو و مرتي لي جايبين من الدار وهي مريضة .. فغنرفع عليكن دعوة بإقلاق راحتي و تجيبونا تالهنا مسخسخين ....
"ضار شاف في المحامي " دير خدمتك ..
"حرك ليه سي العدلاني راسو بالايجاب و خرج يدير لي قاليه "....ضار شاف في ادم شي شوفات ديال القتيلة "
عصمان.....قريب نتشاوفو امييخيي وعقل على هاد نهار مزياان
ادم ... " شاف في الكوميسير وهضر ".....متييقش بيهااا وتخليه يمشي انا متأكد بلي مهددها بشي حاجة داكشي علاش مغطية عليه ، شووف البنت حالتها كيف دايرة ..
..." كان وجها صفر وعرقانة بسباب الضربة لي حسات بيها تحلات بغوااتهاا ، طلع ليها الدم منوو ومن دورانو في نفس البلاصة " .. سمع نقووليك نتااا تجاوزتي حدودك وخريتي على الوقت ...
" مشات حدا عصمان و شابكت يديها في يديه مزيرة عليه طلقات نفس سخونة ... اما هو لقاها من الجنة والناس وجرها اكثر لييه محتويها ومن عينيه كتقرا بلي كيموت عليها "
دليلة....... ياكما بغيتي شي دليل مزال كثر من هذاا ولاااا
" شافت فيه بحدة وتمات غادة جارة عصمان من تم حيت حسات بداتو سخونة و عروق يديه منفوخين .. خافت يضرب شي واحد فيهم و يزيدو يغرق في داك القنت ..."
عصمان.........."غادي كيشوف وراه وكيخنزر فيه "....قرييييب نشطحك ونجلس مك على لق** ونوريييك شكون هوووو زريييقة
مسمحاتش لراسها تخليه تم ولا حتى تفكر انو يبقى في ديك البلاصة ، عصمان دار معاها بزااف خرجها من الحبس ....عتقها من الاغتصاب ....وخسر عليهاا فلووس منجيها من الموت ...الشيء لي خلاها تدافع عليه وتدير معاه واخا غير لقليل .. خرجو الكولوار غادا جاراه ساهية تا حسات بيه وقفها وجبدها عندو بشوية تا حطات يديها على صدرووو وشافت فيه "
همس في وذنيها بصوت شجي ورجوولي قح "....عمري نفرط فيك وياا وييل هادا لي يجي جهتك ويفكر يفرقني عليك
دليلة......"تاوهات مغمضة عينيها كان مزير عليها حتى توعتات في الضرب ".....بعد عليا اعصمان
عصمان ..." عقد حواجبو نواها في شكل بعدها عليه مخنزر وهو يشوفها عينيها دابلين وحاطة يديه على جنبها كتألم ....
رجع اللور كيشووف وهو يتصعق و ضربوو الضو ..
كانت شادة على جنبها وكتألم وممبيناش صبارة تافات الحد ، قفز لعندها حاط يدو فوق يديها حاس بحلقو ناشف " .......باااااش كتحسيي ، شفتي قلت ليك متجييش ومتبعينيش على قبل هاكدا زاا* الله يحرق اصل موو
دليلة ..." زيرات ليه على تريكوه عاضة على شفايفها من حر الالم "...ديني غير لداار اعصمان عفاك ..
"حط يد على خصرها والايد لوخرا على رجليها رفعها هازها بين يديه وهي حاكة ايديها عليه ....غادي كيزرب و تم خارج ، شافتو مو و ياس كانو جالسين فوق كراسا كيتسناو وهو يقصدوه كيتجاراو ، مكانش عندو الوقت فين يشرح حدو نطق بالغوااات
"حطها اللور وطلع حداها متكيها عليييه وهي مقادا دفعو مقادا تنطق بكلمة ...اما حسنية ركبات حظا ياسر وعينيها فيها مخلووعة نسات ولدها لي خرج " ..
حسنية ....اويلي وحدي بنتي وااا بنتي دليلة مالك باش تتحسي اش جرا ليك
دليلة .. " بالكاد تتهضر، الحريق مجهد فيهاا و هي تتقاوم " .. هاني لاباس اميمتي ..
"هاد الكلمة لي اي واحد فينا كينطق بيها لأي مرا فعمر الام ديالو من باب الاحترام والكبرانية ....ولكن دليلة ما نطقاتها تا حسااتهاا فعلا بحال الام لي بغات ، تشوف الخوف في عينيها عليها ...وديرها منها وفيهااا ، مكرهاتش تكون سعاد بحال حسنية غير تبغيهاا ومتعكيها والو ...
تنهداات مغمضة عينيهااا ، حس بيها عصمان و زاد ديرها عندووو وبدا كيدوز ايديه الحرشين على شعرهااا
عصمان......غير صبري مغادي يبقى فيك وااالووو
......
كان جالس هو الكوميسير كيهز في رجليه باغي يموت وكيحاول يستوعب الهضرة لي سمع ويهضم التصرفات لي شاف
- حيت فعلا مداير والووو واش عندك شي دليل على هضرتك ، سمعني انا درت ليك خاطرك و جبتووو تاهنااا حيت نتا صاحبي ومصالحنا كثار بزوج ولكن راك شفتي مرتووو شادة فييه و باغاه و كلامك كولو طلع فالصووو سير تأكد من معلوماتك مزيااان عاد يمكن لي نظير شيي حاجة اما دابا معندك ما دير ليه و الى رفع عليك دعوى راه يربحك ..."
ادام ..."جلس دار يديه على فموو مرجع راسووو اللور ..و كيتكلم بينو و بين نفسو " .....خاصني نشووف مزاال عمتي وندوي معاها شي حاجة مااهياااش
"رفع صوتو وقال ".....واش شهادة ديال ناس لي شهدو في سعاد متكونش زور، ميكونش شاريهم
- كيف قريتي في المحضر هي كانت قاصدة تضرب بنتهااا ماشي غلطت ، غتكوون مخلية شي حاجة علييه بخث لصحبب وتاكد ممولفاش ليك تدفگ
ادم.....غاظي نمشي مزال لعندها ، ولكن هو درتو انا في دماغي و يا بيا و لا بيه ..
"للحضة جات صورة دليلة قدام عينيه وسهىىى
جالسة هي وياه فوق ناموسية هي متكية وهو حداها مهبط راسو الارض و شاد في قرفادتوو كيماصي عنقووو
دليلة ..." طبطات ليه على دراعو ، شافتو عيا وتمحن وخرج ليه عقلو معاها وهي في لكلينيك" .. نوض ترتاح راك عياان دوش و نعس
عصمان ..."هز راسو فيها بقى شحال كيشوف وختمها بتنهيدة كتدل على عدم صبرو " .. علاش ا دليلة درتي هادشي علاش تبعتيني و نتي بهاد الحالة .. واش عرفتي اش طرا فياا باش شفت داك الدم ،واش عرفتي ملي قاليا طبيب الفتحة تحلات راه مكرهتش نرجع نحرق مها ديك الكوميسارية ...الا نتي مكتخافيش على راسك ....انا كنخاااااااف علييييييييك
دليلة ..." هزات حواجبها بتعب " .....موقع والو صافي عادي ها انا قدامك وباش دير في بالك حاجة ،لو اقتضى الحال وتعاود الفيلم من جديد نتبعك تاني حيت ميمكنش نخليك تمااا و انت مداير والو كيفاش راسي غيرتاح هناا و انت لهيه
عصمان ..."دار ابتسامة جانبية ملي سمع كلامها ونطق باغي يشد فيهاا " راه ولد خالك يا الله بان كان خاصك توقفي و تعرفي اش بغا .. مدام جا اذا راه بغى يحامي عليك من واحد الناحية مزيانة و من ناحية تانية حفر قبرو
دليلة ..." صغرات عينيها فيه على اثر اخر كلمة قال " ...بلا هضرة خاوية اعصمان و حتى و يكون ولد خالي و لا خويا و لا حتى بااا مغنسمحش بشي حد يتبلى علييك . حيت متتساهلش
عصمان ..." زعزعاتو بكلامها خلاتو شدها من جنبها مقرب منها وهي مخرجة عينيها كتشووف فيه " ..غير خرجي دوك العيون لي على قبلهم نحرق الخضر و اليابس غير باش تكوني بخير ...
عصماان......"قرب منهاا مبقى كيفصل بينهم والو "......ايوا ونتييييي؟
"بدات دور عينيها شمال ويمين ، شافت في عينيه بان ليها مرفووع وكيشووفيها فشكل خربقها وبغات تسلت من حداه لكن كان ليه كلام تاني "
عصمان..... مااشي وقت هرووبك داابااا
" مجات فين تجاوبو حتى شد ايدها بين يديه ليسرة وايدو لوخرا دارها ورا ظهرها جارها من خصرها.....تخلطو عليها المواقف وحسات باحساس غريب مزال كتستوعب الصدمة والقرب تا زااد بنجهاا بشفايفو لي تحطووو باردين على فمهاا ورفعهاا برنين انفاسو الرجولية لي كضرب فيهااا
تعنيقة من هنا ، شدة في الايد على غفلة ، ولا بوسة على لخفيف معندهااش مع هادشي ومكتعرفش ليه، سنين كاملة لي دوزتها مع حسن كانت قاطعة عليه الما والضو ، قبل ميفكر يقرب منها كتوقفو عند حدوو حتى كيتجمع ،
كان كيسميها بارة القلب والاحسااس ، معقدة ومعندهاش مع رومانتيكية وديما جاوبها.....
اللهم نكون معقدة ولا نكون داخل فيا و الخارج كيوجد راسو ليا
؟ ونهار نكون على سميتك عندك الحق فيا وبزياادة وتاحد ميقوليك حتى اش كدير ولا جمع يديك .
تصرف عصمان صدمها ومكانتش متوقعاه حيت مزالها كتحاول تصد شي احاسيس تالفة وجايين قاصدينها من عندو ومبغاش تقبلها ولا تحل ليهم باب قلبها ....اخر حاجة كانت توقعها منو هو يبووسها....
قلبهاا بدا كيضرب ، نفسها حساتها غتقطع.....شعور فشكل عاشتو ومعرفاتش اشمن قنت تصنفو واشنو تسميه بحكم كانت اول مرة شي حد يتجرأ ويقرب منهااا لهاد الحد ويقبلهاا
كتحل عينيها وتسدهم كتستوعب اشنو واقع ...رائحة وصوت انفاسو لي كانت ممزوجة بين ريحة الگارو وريحة النخوة والشهامة والرجوولة لي كانت كضرب فيهاا وفي عنقهاا خلاتها تميل عنقهاا وتهدن لوقت قليل قبل متحط يديها فوق حوايجو اما هو بقا هكاك بلا ميحرك فموو فقط داق طعم شفايفهاا وبقى مفيكسي كيتسنى رد الفعل ديالها .. حس بيهااا بدات تشنج و تعصب وتزير عليه و هو يفصل البوسة وبعد وجهو وعينيه معسليييين كيشووف فيها لقاهاا عاقدة حواجبها وعينيها كانو محلولين وعايمين بالحمر ..
دليلة....."طلعات النفس ونزلتها بالزربة ونطقات متصلبةة "......عصمااااااان وااش ؟؟
عصمان ..." حط ليها يديه على فمهااا سكتهاا " .. غير سكتي حيت لحليتي داك الفم وقلي شي كلمة ماهياش غنرجعك تنعسي في الكلينيك و مافيا لي يجلس معاك فيه نعستو ضراتني في ضهري ..
دليلة......" جمعات ايدها بزوج على شكل بوونية وبدات تعطيه وهو عاحبو الحاال ومحمقاه وهي هاكداا " .....لا نتا زعمتي زعامة خايبة
"كاضرب وتعاود ومن نيتهاا "...يكما وقفت معاك وجيت منك ونتا تشوف في لمرايا وخليتيها تكذب عليك وتنويك فشي حاجة مكايناش ...
..."خلاها تا عيات وسالا جهدها وهو يشد ليها ايدها بزوج بايد وحدة ...هزهم لفوق وجاا فوق منهاا مكالي بالايد لوخرا باش ميخنقهاش وهي كتركل "
عصمان....."قهقه برجولية على ديك زريقة صافي عرفها غتشرمل عليه ، قرب فمو حدا وذنها ودوا بصوت ثقيل وببحة جابت ليها تمام "... تعصبي طيري تنزلي باغييك شوفي من حاالي ......" غتبدى تغوت وهو يطلق ايدها ونطق "
مهم انا خارج دابا تنرجع بدلي حوايجك ونعسي رتاحي ...
" طبع قبلة في حنكهاا طوييلة عاد خرج وخلاها باغا تاكل جنابها..
خارج راشقة ليه وبالمزياان وتا حد مبحالو داز هو لول لبيت عند باه جلس حداه شوية طمن عليه وقرقب معاه الناب عاد قصد لباب يمشي يشووف الخدمة والا كاين شي بريكول يقضييه ...في طريقو داز على حسنيه لي قشعاتو وردات ليه البال كيفاش مبسم ومعقدهاش على غير عوايدو
الحسنية ..." هزات حواجبها ضاحكة " .. الله على وليدي ضاحك ههه "حطات ايدها على قلبها "....حمدتك ياربي وشكرتك
"هزات لحسوة لي وجداتها لدليلة ودقات ودخلات عندها لقات ووجها حمر و طالع ليها الدم وعلى نقشة " ..
حسنية......اناري ابنيتي غا هو ضاحك و نتي مبوزة اش دار ليك هاد الصگع ؟؟
الحسنية ..." جلسات حداهاا و شدات ليها في يديها عايقة بيهم اكيد مرا بحالها عارفة بزااااف ، ومل واحد تعرف اش مخبي لسانو غير من عينيه قبل لينطق " ... راه راجلك ابنتي كوني ليه و خليه يكون ليك .. واش في راسك من نهار دخلتي لهاد الدار عاد ولا كيدخل بكري و يبات معاتا كيف ناس ..
قبل ابنيتي كان كل نهار يخليني حاطة يدي على خدي مرعودة منرتاح تنشوفو قدامي .. "طبطبات عليها "....راه طيب و قلبو حليب بحالك ابنتي، راه ربي لاقا ليكم الريوس اذا هذا راه مكتاب من عند الله ليك
دليلة ..." خدات ايديها لعندهاا " ... ربي يدير لي فيها الخير
الحسنية ... " ضحكات تا بانت ضرسة لخرة في فمهاا " ... شغنقوليك راه تتشابهي نتي وياه واها دايرين كي لمش كع الفار ولايني راكم متفوتوش بعضياتكم زهادشي باين غير من ليووم مهانش عليك تخليك ليا في حباسات
دليلة ... " قطعاتها "...كون كان يستاهل كون خليتو تمم
الحسنية ..." وقفات " .. الله يخليكم مرتاحين في حياتكم يا ربي و يبعد عليكم ولاد الحرام .. "حطات ليها زلافة قدامها "...شربي ابنتي تلقايها بردات
اما عند عصمان كان جالس في المحل ديالو و حاط گاروه في فمو كينتر فيه وحداه ياسر لي ملي جلس حداه عصمان هو شاد داك البيسي يشوف السلعة و يعاود يحسبها من جديد .. عقلوو مرفووع و عندو كلام واحل ليه في الحلق و باغي يقولو .. شاف تا عيا سد البيسي و دار عند زريقة عازم يفرگع الرمانة و فين ما بغات تخرج تخرج
ياسر ..." دوا بكل ثقة في نفسووو باغي البنت و حالف تتكون ليه و ماشي لغيرو " ... خويا عصمان عندي ليك شي كلام باغي نقولو و طوال زمان و لا قصار غادي نقولو اللهما نسبقوووه واخا تعطل
عصمان ..." طفى اخر بينتة من الگارو و صغر فيه عينيه " .. مكاين لاش يبقى عندك گولو نسمعك
ياسر ... "دخل ليه في الموضوع بحال الثران لا هادي طابت ولا هادي تحرگت " ......ناوي نكمل ديني اصحبي ومنلقاش حسن من ختك رنااا ،
عصمان .." لي كان شاد بريكة في طاحت تا خلات صووت موراها " ... دابا نتااا عند بالك عند ديلمي الگروون انااا مغنعرفكش حاط عينيك في ختي .."شنق عليه من الكووول ".. واش باغيني نرزي راااسي فييييك ا ياااسر هااااه
ياسر .." خلاه على خااطرو يدير فيه ما بغى هاديك ختو ومن حقووو " ... هاني اخويا قدامك دير مااا بغيتي و لكن راه ختك رناا ناويهااا حلالي و عيني فييها ديما نقية ماشي مسخة .. ولي بغيتيها هي لي تكون
عصمان......"هزو معاه شانق عليه "....غينك فيها نقية ولا مسخة بحال بحال مهم فكرتي فيها ، هييي عارفة شيي حاجة
يااااسر....."حاني راسو وكيدوي ". ...اش غتكون عارفة اصحبي وانا عمري دويت معاها خارج الحدود ....انا مفكرت في ختك الا وعارفعا بنت الناس وباغي نصوونها راني مربيها على يدي ونتا خويا ومك مي ...ونتوما هما عائلتي
"لي عطى الله عطاه ، وزريقة شعل اش جا ما طفاه بمجرد كيفكر بلي ياسر كان ميشوف في رنا مرا باغي يتزوج بيهاا كيشعللل
هز يدو وضربو بكرووشي لوجه خلا نيفو دايز دموو سخوون ويديه ديما موجدهم ميعرق لا يتفاهم و لا يقول تعالى ندويو بالعقل عندو غا دير العسرية راها تخدم ... خلاه هكاك شاااد في نيفووو بلا ميقوليه حتى كلمة .. مشا هز تليفونو و بريكتووو وزاد خلفة كي الإعصار .. لي يدوز من حداه يشهد
طريق كلها هووو يلعن ويسب في العروووق ما خلا حد ما جبدو .. صدرو تيطلع و يهبط و نيفو كيسوط دخل الدار جاااعر و معصب .. كيف حط رجلو فيها غوت غوتة فيق كل شي .. ديك الوقت كل شي ناعس و مرتاح و كاين لي عاد حطو راسو يرتاح و لكن شكووون خلاااك
عصمان ..."غوت تاا ردات عليه الدار " ... رنااااااااااااااا فيييييييينك
الحسنية ..."كانت مسخسخة يا الله حطات راسها تنعس تا فيقاتها الغوتة" ... بسم الله الله واكبر اشنووو هادشي الله يسمعنا خبار الخير
رنا ..." لي ماعرفاش تا علاش عيط ليها ولكن من التعييطة باين شي موصيبة قبل ما تمشي عندو عندو شدتها لقفقافة بالخلعة ... مشات تتنقز عندو لقات مهااا معاه تتستفسر منو و دليلة خارجة تتعرج من البيت " .. هاني هاني اخويااا مالك
دليلة ... "وقفتت حداها "...بغيت غير نعرف لي معاك في هاد الدار ميرتاحوش مينعسوووش كل مرة مقفزهم بصوووتك
عصمان....." قصد ختوو جرهاا لعندو وهي وجهها صفر "....واااش بينك وبين يااسر شي حاجة
دليلة الجزء الرابع
محتوى القصة
التنقل بين الأجزاء