نااعس و لايح رجل ورجل الثانية تانيهااا مخلي بااادروو منشورين و نصهم عريااان ... وشاامو واضح وباين و لي شافو يقووول هذا قاطع يدو من الرحمان ... مرتااح و ماعلبالوش بأشنوو حدااه ... دليلة لي من بعد ليييلة حمراء من الطراز رفيع جمعت بين جميع الاحاسيس فاقت حواجبها مگروونين و تقول لغراب نزل و انا نشد بلاصتك ... طلت على راسها ولقات دم ماشي بحال لي كتسمع ضارت لعندو محركاه بيديها
دليلة ..." مقدرت تحرك رجليها و لا تسدهم حريق ضاعف و خافت تنوض وتولي في ما لا يحمد عقباه بدات تحرك فييه و دموعهااا دايزين " ..
عصمان ..." فاق مخلووع و ضار عندها مخرج عينيه " ... باش تتحسي
دليلة ..." جرات ليه يديه بغا غير تعضو و ما تخلي فيه عضم " ......كنحس بتحتي مبنج ....اويلي اش هاد الدم كلو ...گاع لي كيجري فيا خويتيه " بدات تضرب فيه "....نوضي ديني لسبيطار واقلة تشللت
عصمان ..." نزل بعينيه لتحت رجليها ورجع شافيها و حرك يديه في شعرها مبتااسم " ... غير بتزيرة لي تزيرتي "دار ايديه ورا راسو ".. ودقتك راه كانت قاصحةة مساهلاش ضروري متوعتي راه متخشاتش فيك براا راااه ..." غمزهاا وهبطوعينيه وتبعتها ليه فين حاطها .. "
دليلة .....حسدتتتتك فهاد اللحظة على نعمة لي عندك ..."بغات تخرك وهي تالم "... اوووف كنتقطع ...
عصمان ..." نااض قدامهاا عريان وجا لجهتها " قادا تمشاي ولا نهزك باش دوشي ترتاحي شوية
دليلة ..." هزات ايديها بزوج لفوق وهي ربنا خلقتنا..." ......هزز قالاك قادا تمشااي ، كيبان ليا خاصني كرووية باش نديباني
عصمان ..." رجع قرب ليهاا و هزها من خصرها مضورة يديها على عنقو وتأفأف عليه " ... ياك المرضية حذرتك ونتي بغيتيني وباركا عليا انا مرا وتتقبني مراا ايوا تحملي مسؤوليتك... " نزلها بعد موصلات لحمام ".... زيدي دوشي خاصنا نهبطو الدار
دليلة .... نهبط لدار 🤨 باش كل شي يعرفني اش درت البارح في الليل ... لاا تنبرا عاد نحط رجلي تمااا
" خلاتو غير تيشوف و زادت قداموو مفركة وعريانة ملبساش عليها الخط " ...
عصمان ..." هز راسو و طلق نفسووو " ... الصبر من عندك يا ربي
دخل تبعها الدووش و. عونهاا ومخلاهاش تحرك و لا تعب راسها ... حتى من شعرهاا هبطوو ليهاا و هي غير جيب يا فم و قوول ... كمل ليها و جاب ليها بينوارهاا هزهاا بين يديه وخرجهاا على براا حطها فوق الفوطوي و مشا حيد ليزار هو اللول لي كان عاامر بدم لي كون مشافتو يطيحوها لريللح ... تبسم وهو كيوريه ليها وهي حاجة حواجبها قدامو بمعنى شووف وعمرك عينيك بيك ... خشاه في صاكو و هز ليها حوايجهاا و رجع عاونها تلبس .. مشات تتعكز توصلت الفراش و حطات ضهرهاا مفرقة رجليها وتنين ... اما هوو دخل كمل تدواشو و خرج لبس حوايجوو .. عيط لروم سيرڤس يطلع ليها الفطور وخرج مع الباب قاصد الفرمسيان يجيب ليها دوا لي يريحها ... وداكشي لي كان متعطلش عليها و لا خلاها تمل و نفسها ديق ... عارفها كيف دايرا و حافض دماغها ... كيف دخل عندها البيت مد ليهااا
دليلة..." مكتحشم مترمش و لا دير فيها عروسة و ليلة صبحيتها تحمر حناكي شوية ...نلضت مشات لحمام وهلاتو محلول هبطت سروالها و سليبها وبدات تدهن وتطلق معاها أصوات وتغوت مخلياه يسمع " ... اححححح اميمتي شحال بارد تتحس بالراحة
عصمان ... " داير يدو على فمو و كيشوف فيها " ... الراحة حسي بيها غا نتي هاد سااعة وانا اش ندير...
دليلة...."طلات عليه ورا الباب "....شد لمخدة
... نسا راسو و العالم ديالو شغلاتو على خدمتو و على دقاتو الصحاح ... كيف بدا يروح الليل وهو يسمع تليفونووو ... فتح الخط مغووبش... ما قال لا سلام عليكم و لا شكون معايا ...خيت عارفها خدمة
تليفونو فيه زوج نوامر وحدة دايرها لخدمة لمكروهة ووحدة دايرها لحباب وصحاب ..وكل نمرة برنتها داكشي علاش غير سمعو وجاوب بلاما يكثر الهضرة
- من هنا لساعة نتلقاوفي المحل ...
قطع الخط و نااض من فراشوو كيطرطق في عنقوو قاصد سروالو يلبس ، كانت ايدو خدامة وتا فمو خدام
دليلة....."باستهزاء "....ناس كيدوزو شهر العسل....وانا دوزت سااعة وماشفت تا عسل
ناضت دعي وتقول لمول الدعوة الله ينجيه شافت الساعة لقات فات الحال و اسمن خدمة غتكون فهاد الليل ....لبسات شنو جات لابساه وفنفس الوقت حاضياه بقزيبة عينيهااكيدوي في تليفون ويكمي غير سالا وهو يطفي طفيتوو ودار لعندها كيدوي بجدية....
عصمان......"هز صاك بعد مجمعاتو ".....صافي مشيناااا
دليلة ..." حطت يديها على خدها و تتشوف فيه " ... قياس الخير مالك جاعر اش هاد تليفون لي رفعك
عصمان .....لخدمةةة داكشي علاش خاصنا نمشيو
دليلة ..."خنزرات "......كاينة شي خدمة فهاد الليل
عصمان ..." حط يدو على راسو كيماصي فيه " ... دليلة بلا حريق المخ وقوة الاسئلة ..." قرب ليهاا كيتفقدها " ...قادرة تخركي ولا ركبك
دليلة ..." عطاتو بظهرها معاجبها حال على هاد الزربة لي غادي بيها " ..قادة وبقدودي غا زيد ... .."تحركات شوية ورجعات ضارت عندو مصغرة عينيها " ...مناويش ربي يعفو عليك من هاد الوسخ ؟؟
عصمان ..." طلع فيها حاجب و منزل خووه " ... دليلة بدلي ساعة بخرى و الخدمة ضروري منهاا مناويش نربي ولادي في داك الدرب لي كبرت فيه و لا هادشي مضربتي ليه حسبة
كلامو فيقهاا وبالفعل فكرة لولاد مشات من بالها ومضرباات ليهاا حسبةة ، ضربت طم ونزلات وراه ركبو فسيارة قبل ميتحرك علماتو وقالت
دليلة......الا دزتي على شي صيدلية حالا وقف ننزل ناخد منها شي حاجةة
قتانع بكلامها روشيرشا على فاغماسي لقى واحد عندو حراسة قصدو ووقف عندو حيد سانتيغ وتم ناازل
عصمان.....انا نازل نجيب اش خاصك عطيني سميةة دواا
دليلة ..." مدت يديها فجيب تجاكيط ما حبسها و لا قال ليها اش كديري " ... بما انني مني وفيك و تكتبت مرتك من حقي ناخد لي بغيت منك ... " قبل متهبط شيرات ليه لصيدلية " ... كلشي عيالات فين غاادي امولااي
نهار الإنسان يلغي افكارو و تحدياتو عرف الوقت غلباتوو و نهار يحس الواحد بضعفو و يولي يفكر فقط في اللحضة لي هو فيهاا اذا تعماو ليه العينين و سعدات لي بقى بعقلو تا طاح طيحت گلة
وصلات دليلة هي وعصمان الدرب لي كان بحال ديما و بحال اي وقت ديما الحركة فيه و عمرو خوااا ... وصلو قدام باب الدار ويد عصمان على ضهرها معونها و مكالي عليها الحر شوية ... حل الباب و دخلو نيشان الصالون لي كانت الحسنية جالسة و حاطا قدامها كويس ديال اتاي مشحر و تتفرج في مسلسلها المفضل
عصمان ..." مشا قصدها و خدا رضاتهاا و بيه باش كيمشي و يتحرك وباش ربي عمرو يخيبو " ... الحسنية كيف بقاو الرجيلات شوية
الحسنية ..." حط يديها على راسو " ... شوية اوليدي العيا رجع ليا و صافي ..." هزت عينيها في دليلة لي كانت واقفة و مقدراش تجلس " ... بنت گلبي تعالي جلسي حدايا و نكب ليك كويس ... عمارتكم في الدار تسوا الدنيا
كبت ليها الحسنية اتاي و ضارت عند ولدها لي شافتو رجع لبس سبرديلتو وغادي قاصد الباب .." .. اوليدي فين غادي
عصمان ..." مكمل على طريقو و كيدوي " ... الخدمة الوليدة الخدمة
الحسنية ..." شدت في راسها حيت عارفة ولدها واشمن خدمة قاصد " ... الله يبعد عليك ولاد الحرام اكبيدتي .." قلبت عينيها لدليلة لي شافتها تتغمض عينيها وتحلهم وتتعض في فمها حست و عرفت اش بيهاا و عاقت على مرضها و اش عندها " ... بنتي دليلة زيدي كحزي حكزة عندي لهنا
دليلة ..." طرطقت عينيها و عرفت راسها تفضحت دورت راسها لجيهتها و غا بالمهل " ... هاني اخالتي حداك نيت غا خليني هنا ما شكيت عليك رجلي طحت عليها
الحسنية ..."صغرت عينيها فيها و بقات غا تشوف فيها " ... انا نكحز حداك ابنيتي ... غا هو هاد الطيحة جاتك مجهدة نيت
دليلة ... غا سكتي اخالتي ما شكيت عليك
الحسنية ... " ضحكت ضحكة جنب على كلامها " ... اييه ابنيتي رتاح خاطرك و شفتي حمورية وجهك
دليلة ..." تسرط الريق من فمها و مقدرت تجاوبها حذرت راسها و بدات تلعب بيديها " ... احم الحمد الله
الحسنية ...."طلقتها بتزغريتة مليت بيها الحيوط لي عاودوها ليها " .. يا سعدي و فرحتي كملت ببنتي الثانية ايوا هزي راسك و شوفي فييه و فيا و لي دوا تقبي لجدو عينيه ..." زيدي غا عنقيني
دليلة ..."عنقاتها ولكن داكشي لي ضارها وما عاجبها قررات تقولو الحسنية " ... خالتي هاد الخدمة عندو ما بقاتش عجباني و لا مريحاني ...رجل هنا ورجل لهيه واش غنبقاو غير واقفين في الباب و تتسناو و لا نحطو تليفونات تجينا خبارو
الحسنية ..." قاصت ليها جرحها و ضربتها قلبها واكلها من جيهت هاد القضية و كلام ولدها ولا كبر من كلامها " ... فمي طاب ابنتي و الحيوط حفضو كلامي معاه ولي عندو في راسو راه عندو نصلي وندعي ومول الدعوة يقبل ... الله يحفظو ليا و يعفو عليه تيبقى ليا
دليلة ..." شدت راسها مهبطاه التحت و تتفكر كيفاش تخليه يتراجع على هادشي وهو الحيط يرطاب اما راسو ميرطاب " ... قلبي و خاطري تيكلني فينما يخرج قاصد ديك الخدمة ..." شدت ليها في يديها " ... خالتي نتي معايا في اي حاجة نديرها باش يحيد من هاد خدمة الحرام
الحسنية ..." تكاتها فوق السداري و حطت ليها راسها على ركبتها " ... متخافي و لا تخلي الرعب يدخل ليك خاطر انا بنتي معاك في اي وقت و في اي حاجة حتى لنهار يدي مول الأمانة امانتو ..." على اخر كلمة حست بيد دليلة كمشت فيها .." ... غا هوو ابنيتي ملي بغاه قلبك و توالمتو خاصنا شي كميشة دير لينا الصداع في الدار
دليلة ..." سهات و مقدرت تقول تا حاجة من غير انها تنووض و تلبس عليها في رجليها " ... ان شاء الله اخالتي كل حاجة و في وقتها زينة ... انا غندخل ندوش و نعس راسي غيطرطق عليا
الحسنية ... اييه ابنيتي ماشي عيب سيري و متنعسيش تتعشاي معايا ... عصمان موحال يجي بكري ..." مشات دليلة مية و مية مطرقة تضرب ليها في الراس ... دخلات لبيتهم لي كانت فيه ريحتو عاطية قبل متحلي الباب ... غمضت عينيها تا دخلاتها في شرايين قلبها ... عاد بدات دور في عينيها وتشوف و تحلل في بيتو ... لون اسود طاغي على جميع الالوان ... ضحكت و مشات هزات بينوارها و بيجامة طويلة و خرجت قاصدة الدوش ... حيدت عليها العيا و رخات عضامها فيه بقات مدة حتى سالات على خاطرها ...خرجات لابسة بيجامتها لقات الحسنية تتحط في العشاء
الحسنية ... بنت گلبي اجي كولي شوية وراني درت ليك الباربة بالليمون .. على قبل فقر الدم
أومأت ليها دليلة براسها بلا متقول حتى كلمة .. جلست حداها مشاركاها الطعام وخا دغمة تتسرط دغية و دغمة تتبقى تمدغ فيها شحال عاد تهبط ليها ...دارت معاها صوابها و ناضت غسلت يديها و تخشات في بيتها تتسنى في مكتوبها وراجلها ... دازت ساعة و ساعتين و حس ما سمعت ليه ... قدات فراشها ضانة راسها غير فوق المخدة غيجي نعاسها ... بالها تشغل و على دفى فراشها تهول
اما عصمان لي كان غرق في الخدمة و السيد كان خاصو يقطع بحور البلاد قبل الفجر ... ما رتاح تا سيفط السيد وكان واخد فلوسو كاش ... رجع لدارو دخل نيشان يشوف مرتوو ... كيف حل الباب جات عينو فيها كانت ناعسة و ممغطياش و بيجامتها طالعة ليهااا ... و نص شعرها مغطي ليها وجهاا ضحك على نعستهاا و قرب ليها مقادها و مغطيها .. باسها في جبهتها و ناض نصل حوايجو و كيطرطق في عنقو راسو كيحرقو و مكرهش غير ايمتى يحط راسو ... داكشي لي دار بغا غا بالبوكسر و مشا تخشى حداهاا ... خاشي يديه تحت ضهرها و نيفو في عنقهاا ... بقا هكاك تا داتو عينو
•••••••••••••
طلع النهار و لا نقولو الضهر عاد بدا كيحل عينيه و شاد في راسو ... دور راسو في البيت ما لقى ليها حس و لا صوت ناض رافض عليه الغطى لبس عليه سروال وخرج هاز فوطة على كتفوو ... مشا الحمام قضى حاجتو و غسل وجهو و خرج جلس في البيت هكاك عريان و غير كينفخ ... الهزة لي غيهز راسو بانت ليه دليلة هازة صينية ديال اتاي هازة حاجب و منزلة خووه ... من وجها تعرفيها وصلات لكوكب زحل بالأعصاب .. حطت الصينية و تمت خارجة تا وقفها صوتو
عصمان ... صبحات الله مالك الالة هازة عليها خنافرك رخصي غرامتك شوية
دليلة ..." حست بداتها تترعد وقلبها كيغلي وگلع دوك التخبطات لي عندها الداخل بانو ليها في وجها حتى تفرگعت عليه " ... عصمان شبر شبر اولد مو و جلس عليييه كلامك خليه ليك و لا تنعتني بيييه غرامتي من نهار خلقت في هاد الدنيا وهي رخصية ... انا لي خليتها تسوا و ندير ليها قيمة و من الاخر صباحك بتوقيتك خليه يدوز عليك سمن وعسل
عصمان ..." دفع طبلة بنترة و ناضت زادحها مع الحيط و صدرو كيطلع و يهبط " ... نيفك نحكو ليك مع الارض و منعقل عليك من هنا لهيه داك الشبر شربيه نتي و قطعي خيط الشر ... الجنون كيشطحو قدامي و متخلينيش نصرعهم بيك ... وزيدون "رخف يديه و هاد كتافو كستفسار " ... مال عدو ربك فارعة ليا كرور كري على الصباح
دليلة ..." دفعاتو من صدرو و لا هو تزعزع ربع يديه و هي قدامو تترطى " ...نعرف ا عصمان و قتاش ناوي تاكل دغمة الجلال و جنابك يتنفضو من الحرام ... شحال قدك تزور و تعطي لعيباد الله و شحال قد مك تنعس مغبونة و على ولدها وتقول ياا ربي يعفو ليا على ولدي ... وقتاش نااااوي تحيد زرييييييييقة و تولي عصمان فيق ا عصمان راه عشت حياتي كلها تندمر و غير بالحلال نجي دابا نعيش بالحرام
عصمان ..." عينيه ولاو حمرين و عروق عنقو تنفخو لييه و نقدرو نقولو لي قدامها زريقة ما هو عصمان " ... عاودي امدام اش قلتي الحرام اييوا سمعي وكلامي حطيه حلقة في وذنيك هااادي تتسمى خدمتي ماشي حراااام مدام كنفهم فيها و تنتقنها ماشي حرام و ما غتجيش عندي نتي تااا يا و تبداي تقلوني عليا في الكلام سيري ا دليلة بدلي ساعة بخرا و لا وجهك يحيرو فيه الطبة
وسط غواتهم و القربالة لي منوضين دخلت وسطهم الحسنية تتفك و تزاوگ و ما عارفة علاش تطلب
الحسنية ..." واقفة وسط منهم وتتبوس ليه في دراعو " ... انا مزاوگة اوليدي مالكم رجع اللور دابا تغلط
دليلة ... لااا خلييييه يغلط اخالتي خليييه الى مسبب غير خليه يغلط و يفوت الغلط لهيه
الحسنية ..." ضارت تتغمز فيها باش تسكت و تبدل ساعة الشيطان و تصلي على النبي " ... صلي على الحبيب ابنيتي غا عوينة و ضربتكم خاصني نبخركم
عصمان ... خاصك تزويرها فمها ولا يخرج كلام كبر منهااا و حسن ليهاا تعود تفكر في هضرتها لبغات تخرجها ليااا .. تخليني معاها عصمان و زريقة يبقى في الزنقة و لا غيولي عايش معاها في الزنقة و في الدار و الاختيار ليييك .. ودابا ديهااا وحيدو من قدامي "جرت الحسنية دليلة بعيد عليه السيد عينيه حوالو و السكر طلع ليه ...خشاتها في بيتو و تتهدي في الوقت معرفت تبقى معاها و لا تخرج تبرد ولدها ... جلست في الفراش و جرت حداها دليلة لي دايرا بحال الجن المصعور و باغي يحرق الأخضر و اليابس "
الحسنية ..." مربعة يديها و حاطة يد على خدها " ... غا بغيت نعرف مالو ولا بديك الحالة ابنيتي ولدي فاش كيوصل لهاد الحالة عرفيه مغيعقل لا عليك و لا علينا
دليلة ... خالتي خرجي سووقي معاه كلامي لييه ضروو و غنبقى نقولو حتى نشوف فين غنوصل انا وياه .. عصمان الى بغى عائلة خاصو يفكر مية مرة عاد يشوف العائلة ..." يا الله غتجاوبها تا تزعزت الدار و شدت في قلبها "
الحسنية ... ميمتي مشا يقتل شي حد اليوم غا الله يحفظ انا غنمشي نشوف مصطفى كوراه بقى بالو مشغول ..." خرجت الحسنية قاصدة بيت مصطفى اما دليلة اول حاجة دارت بعد ما خرجت الحسنية مشات هزت كينتهااا وبقات شحال شداها في يديها و في الاخيرة حلة اول حبة و شربتها ... و مشات بدلت حوايجها وخرجت جلست في الصالون ... رجليها كيهزو و يديها كيترعدو ...
ساهية و بالها مرفوع و محاساش بلي الحسنية واقفة عليها وتتعلمها بلي مصطفى بغا يشوفها "
الحسنية ..." مشات حركتها تا ضارت عندها " ... سبحان الله ابنيتي نوضي عند عمك بغى يشوفك راه بالو بقى معاك ..." أومأت ليها براسها و ناضت دخلت عندو البيت .."
دليلة ..." جلست حداه باست ليه راسو و يديه " ... هاني اعمي مصطفى بغيتيني
مصطفى ..." كلامو تقيل ولكن مفهموم و معروف " ... بنتي دليلة كلامك لولدي سمعتو بغيت نقوليك عصمان عمرو كان يكون هكا و لا يفكر فيها ..." حدر راسو بحزن " ... انا لي مرضت و حيت خاف عليا خرج لهاد الطريق باش دار ليا العملية ... الله يبعد عليه هاد الطريق راني بالي عمرو يهنى و لا يرتاح
دليلة ..." شدت ليه في يديه وتتواسيه " ... عمي الله يطول ليك في العمر الحمد الله ربي نجاك و بقيتي فوق راس وليداتك و مخلي حسك في دارك ... عصمان انا عارفاه كيفاش و علاش دخل لهاد الطريق .. لي بغيت دابا يحيد منها و يحاول يعيش بالحلال وهادشي مغنتهنى حتى يطرا
مصطفى ..." تبسم ليها و رضى عليها " ... الله ينورك ابنتي رضي بالك لراسك ولدي صعيب ابنتي ولي شد معاه ضد كيكون عدو ديالو الله يوقف معاك ..." ضحكت ليه مطمناه وخرجت مخلياه كيحك في نفسو و كيرد اللومة لراسو بلي هو السباب
كيقولو ناس لقدام الزواج والموت هم ما يفوت ، يعني حبيبة وكبيدة ونموت عليك ونتسطى على عينيك كيكون مخضر اغلب الاحياان بالمشااكل وعطيني نعطيك ، ملي كيتلقاو زوج عقليات مختالفات كل واحد كيبغي يفرض راسو وافكارو على الثاني كلها كيبغي يسير سفينة كيف بغى كاين لي كيشد لميل وكاين لي كتغرق بيهم....فاغلب الاوقات كنلقاو النساا هازين الدق وصبر وساكتين على ما بيهم... ولكن بنتناا فمها عافية وكيخرج غا شرار منو ... معندهااش مع شي حاجة سميتهاا سلكي ابدااا
خدمة عصمان ضاراها في راس وشوشاتها حيت متمنية فهاد الدنيا معاه غير درهم الحلال وراحة لبال وغتبقى حتى توبوو وترجعو لطريق داكشي علاش فكرات وعارفة كيفاش تلعبهاا معاه
مشات لكوزينة لقات الحسنية كتنصب الغدااا واخا مكاين لي قاليها اجي لهنا ولايني هي من نوع لي كتعيق راسها مكتسناش لي ينغزهاا....نقات الخضرة وكملات على ما بدات عگوزتهاا وصل وقت الغدا ولا هو جا وقيتو وخاصو يدخل فيها حطو ليهم وتغدات هي ومو حتى شبعو ...الحسنية من نوع لي كيدير القيلولة دخلات حدا راجلها تنعس اما هي هزات الماعن غسلاتهم وتجبدات فوق سداري كتفرج ... حتى سمعات صوت الباب كيتحل وتحنحينو لي سابقو تقول شارگة ليه
بقات مقابلة تلفازة ومسلسل لي بادي فيها مخلياه واقف عند راسها وكيطلع و يهبط فيها و ناعل الشيطان وكارز على يديه محكم فيهم ليفلتو ليه...بانت ليه كرابا كثر منو ومكتنزلش زنافرها الارض ولا كتنازل حرك عنقو مشا ريح حدا رجليها و عينيه فيها...وهادا حالو يسخن عليه راسو تا يعياا وملي يبرد يرجع بحالا مداير والو نغزها تا دورات راسها لعندوو
عصمان......"باغي سبة ومالاقي ميقول "...درتو شي غدااا ولا نخرج نشريه من براا
دليلة....." جمعات الوقفة وجوباتها وهي قاصدة الكوزينة "....نسخنو ونجيبو ليك...
وداكشي لي دارت مجا فين يحيد تجاكيط ولي فرجليه حتى كان طبسيل بشلاضتو وموناضتو فوق طبلة حطاتو ليه ودخلات لبيتهااا بدلات بيجامتها حيت تكبت عليها شوية من مرقة ولبسات وحدة اخرة عطرات راسها ونعسات باغا تصنط لعضاامها ، مخلاش ليها الوقت فين تغمض عينيها ولا تسافر بيهاا محساات غير ببوساتو في عنقهاا وبيديه كيضورو فيها
عصمان......"يبوس ويعبر "......شنو غديري ليا فيها مقلقة ودفعي كبير ..." هز ليها الشعر من فوق عينيهاا لي كيشووفو فيه
دليلة.....معندي مندفع عليك ...بغيتي حقك انا بين يديك "غمزاتو "...فوق لفراش حنا سمن على عسل حيت ماافيا لي يتنعل " ...وملي نلبسو حوايجناا ندوقك لمرار والقطراان
كان واصل لطوب ديك الساع وباغي غا وقتاش يغمس الشهد ، الشيء لي خلاه ميعيرش لكلامها اهتمام ولا يدخلو لمخو ويعرف اش قصدات بيه ، عاش معاها وترفع هو وياها ممخلينش من جهدهم وممقصرينش على بعضهم كان مكايس عليها حيت جرحها مزال طري و هي ممخلياش من حقهاا فيه ... لي كيحسو معاها تتحسو هي معاه مضووبل فرغو شوق بعضياتهم و نفسو على حالهم و من بعد علاقة حميمية بجميع تعابيرهااا من الهمس واللمس والأح والدح داتو عينيه بقوة لعيااا ،
خلاتو على خاطرو و بقات حالة عينيها تتأمل فييه ، ساعة و ساعتين وهي خاضياه وكتشووف فيه راجل وسيدهم ..بهبتو وشخصيتو وكلامو وقفتو وتگلضيمتو وحيت تا زين مخطاتو اللولة عصمان لولاتو كانو كثار منهم البلية وطريق لحرام.....عارفة هي الظرووف لي دعاااتو وجبراتو يقصدها ولكن كنا وكنتو ودابا ولاو في زواج ومو لاصقاها على لولاد وهي مستحيل تجيب زلد وبنت يكبرو بدرهم ماشي بعرق كتاف باهم داكشي علاش غتحكر ليه على الضبرة وتخليه يهز معاها الراية البيضة
حل عينيه ولقاها كتشووف فيه باسها في فمها و ناض مبتاسم ليها ...
عصمان ..." وقف هكاك قدامها زبط ملابس والو و قصد جيب جاكيط ديالو هز منهم خير الله و حطو قدامها " ... صداقك امدام انا مع عرس لخوادرية نسيتو ونتي مرجعتيش فكرتيني فيه ، مهم هاهو خبيه وشي بركة في لماريو الا حتاجيتي شي حاجة خودي منها وهادا متقربيش ليك ليه
بدا كيلبس في البوكسر ديالو حتى وقفو كلامها على الحركة و خلا عروقو كيتنفخو شي نهار تسطيه وتصيفطو يزور سادات
دليلة ..." مزال متكية وبنفس حالتها لي كانت غيها ... هزت الفلوس قدام وجها حتى شافتهم بعينيهاا ورجعات حطتهم فوق الفراش مع كلامها لي زاد الطين بلا " ..الا كان هاد الصداق جبتيه من فلوس الحرام غير خليه عندك ما عندي ما ندير بيه حتى تعرق عليه و حلال عليا ديك الساع ... اما باش تجيب ليا فلوس التزوير يطليك بيهم و يبعدهم علينا
وحيت هو مقود فريو كثر منها ومكيفكرش ويخدم عقلو ونقشة دغيا كطلع... شد قرعة ديال الماا وخواها عليييهممم وهي حداه كتركل عند بالو باغاه ينعل شيطان اما هي همها كان هم تاني
دليلة.......دابا اش هاد الحالة درتي لهاد ناموسية اش جا منشفها ليا والشمس غابرة
عصمان......" زاد صعر ز دخل براسو في الحيط ورجع مشى تال لعندها قلبها هي والغطا لاحها في الارض ".....على اخر يامي معاك غنضرب لبولة حمرا باش نوضر ديلمو هاد العقل حيت قريب تهربيه ليا ....
تم غادي لباب بلا سروال وهي تلوحو عليه
دليلة......هاك بعدا لبس سروالك متشوهناش راه من صباح وانا خدامة سيلوونس مضربش ليا كلشي في زيرو
الا ضربها مغيقدي فيها والو وميغبردش ...معارفها دايراها بلعاني ولا كتبووهل عليه ، لبس حوايجو وخرج غبر خلقتوو مشى يقصص ويفتخ جوانات وناوي يتقدى لبيرات على وعسى يتكالماااااا
شهر ديال ليام داز و تقول دليلة واش عيات ولا تهدات ومحدها غير على درهم لحلاال صممات .... فاق بحال گاع صباحات وقبل ميخرج كدير ليه الطرب الاندلسي وكتغني ليه موالها المعتاد لي دا عليه
"سمع اعصمان اللهم قليل و مداوم ولا كتير و مقطوع و درهم الحرام عامر بالبلا إلا ما تحط في السبيطارات يتحط فشي كارتة حيت مصافيش و فهاد دنيا صفي تشرب و رزق الحلال ربي كيبارك فيه "
كان هادا هو كلاكها لي كلو سم وقطران بنسبة ليه بعد ليلة كيدوزها معاها سمن و عسل🍯 عصمان جاه الجهد فوق جهدو معامن غيتناحس مع مرتو و حبيبتو شحال قدو يضرب ولا يرعف ، شحال قدو يحيح ولا يهرس كلام مرتو هرس ليه الراس وخلاه يفكر يخلي الابليس لي طول معاه فلعشرة ردخ الباب وخرج لخدمتو اما هي ناضت قاصدة الدوش ومرة مرة تعطس والحسنية ترحم عليهااا ، خرجات لقات صينية فوق طبلة وكتسنى غير فيها جلسات هي وعگوزتها لي داو على جماعة وولفو بعضياتهم
الحسنية......."مدات ليها كاس لحليب فيه زنجبيل ".....هاكي شربيه وسيري نعسي شد فيك الرواح باينة فعينيك...
دليلة...."حطات الكاس في جنب وخدات اتاي ".....دابا يفووتني اخالتي ، راه كنشرب دوا
دليلة....." تعقدات ليها الدغمة في حلقها ملي جبدتها عليها "...تحكمات بست شهور تأديبية ،
الحسنية......وهي شحال دوزات فيها دابا يمكن فاتت نصهاا ، هي علاين تخرج
دليلة.......تخرج ولا تگعد نسايها اخالتي انا غا محامي لي قالها لعصمان اما انا راك عارفة ممشيتش...
"جمعات الوقفة وهزات كاس لحليب فيديها "
انا غنشربو ملي ندفى شوية نخرج حاسة براسي ماهياش
الحسنية.......سيري اكبيدتي الله يشافيك
دخلات لبيتها محججة بمرضها وهي غير هربانة من الاسئلة وباغا تناسا سعاد ومايجي منهااا ولكن هي الا نسااتهااا ف مْهَاا منساتش انتقامهاا ...
حي النساء لي سمعو يقول هذا درب أولا شارع أولا حومة و كلا و كيفاش ينطق كلامو و يعبر عليه ... حي النساء جناح من الاجنحة لي كتواجد في الحبس ولي كانت جالسة وسطو لالة و زينة العيالات بياضت وغلاضت وتقادات ... متكية على فراشها و حاطة راسها على الحيط و شادة گارو في يديها و تتكمي و تبخ و تعيط الشافي مولانا ... عينيها كيقولو كلام و شلا هضرة هي و الخالق بوحدهم لي عالمين اش كيعنيو ...
هزات ايدها تحطها على رايها وهي تشووف الامارة كيف بقات مصورة فيديها وتفكرات وهي بلعااني لراسها علماات نهار جا عندها ادم و قاليها كلامو ليا نزل عليهاا كي سم و بقات جملة في وذنيها تترد ليومنا هذا ومعمرها من لبال تمحات ...
" عصمان و دليلة دارو العرس وباينين فرحانين في حياتهم...مخاطفهاا ولا مبزز عليها زواج ، خلي بنتك عليك فتيقار وشووفي غيرو " ...
كيف دير تنساه وتشووف غيرو وهي وهبات قلبها لييه و كانت تقتل و تحرق الخضر و اليابس علىه ... ما كانتش ضانة بلي الدنيا خلاتها تولد لفعة من كرشها كيف كتسميها هي ... وبلي هاد اللفعة بيديها غتجيبها حتى تلوى عليهااا ....جمعات الوقفة بعدما طفات الگارو في الحيط وقصداات الباب كتخبط وتعاود تاا جااات المسؤوولة عليهم
- اش كاين اسعاد
سعاد....." حاطة يديها على خصرها وكتلعب بيه ".....قوولي لمديير بغيييتوووووووو وداابااا " عضات على فمها وغمزتها ولوخرا بالخف فهمتهااا "
وحدة محاسة بثانية لا هادي اش جاري ليها ولا لوخرا اش كتبخ ليهاا....سعاد سنانها لوبيا على بنتها مسرطاتش قضية لي دارت ليها بنتها الا وهي في عشو ونشوو كانت في الدار منوضة عليه القيامة ولي شافت فيه متبقاش دوز من سيكتور ياما ترايشات وتعايراات على ودو بالحق مكانش فايق ليها من نعاس ،صحيح عايق وفايق بيهاا ولكن ماشي ستيلو ومعندوشمع لكبر منووو داكشي علاش كان عاطيها مشي ومخليها تحلم بالكولوغ حتى نهار قطع عليها الضو وخلاها تبحلق ...
بعد ما علمت حارسة السجن بلي بغات تشوف المدير ... ما زادت كلمة ولا حرف هبطات راسها و سرعات في خطواتهااا و قصدات المكتب ديالو من بعد مجاها الاذن......غادا مسكسفة على الحالة تقدم رجل وتبعها خطوة زين ولاطاي كلشي عندهاا ،تنوض الراگد وتلف لي بعقلو.. دخلات عليه لقاتو يضحك من وذنيه عارف بمجيتهاا وواقف كي الحمار بوذنيه و كيهرنط ... دقائق قليلة و كانت قدامو لابسة و ملابساش عينيها في غراض و خاصو يتقدا يا بزز يا بالخاطر و خاطرو هوو حلاوتهاا ...
سعاد ..." جلساتو فوق الفوطوي وسرحات ليه رجليه بعد مطرقات الباب و تمت قاصداه توصلت قداموو ... هبطت يديها ليه وجات جالسة و سط منهم ... فمها قريب لفمو و يديها تتلعب في صدرو ودوات بصوت مقحبن خلاتو يهز علاموو ويگرضف" ... توحشتك ....
" شافت ليه في عينيه و عضات على شلقومتها "
-" معطلهاش و لا خذا من عندها إذن كان موحشها من ورا مقطعات عليه الما و الضو ها هي بغات حاجتها و جات حتى لعندو برجليها
ما حست تا قلبها على كرشها و نغامس معاها في بحر الشهوة علاقة غدوز بيناتهم بدون احاسيس و لا حب و لا عشق فقط الرغبة الجنسية من عندو و مصلحة شخصية من عندها ... خلاتو طاير في السما حاس براسو كأنو فوق السحاب ورجليه مبقاش قادر يحس بيهم ... لعبت ليه على نقط الضعف تا خلاتو بيها مهتهت و ماساخي ... خلاتو شرويطة ما فيه ما يتهز و لا يتلبق
عيا و تهد و لاح راسو على الكنابي و مخليها دايرا ليه غسيل الدماغ ... بعد ما كملات اش كانت كدير طلعت لجهة فموو وباستوو و لاعبة لعبتها تكات على صدرو
سعاد ..." جلسات حداه وشعلات گارو وصدرها كيطلع وينزل " ... بغيتك في موضوع و غندخل فيه نيشان معنديش مع التلوية
سعاد ...". عاقدة حواجبهاا ودوات بصووت باح " ... بغيت نمرة واحد السيد
" قالت ليه جميع لمعلومات علييه من طقطق حتال السلام وعليكم "
ومكرهتش زيارة منو ليااا اليوم قبل غدااا ...
- في لعشية قبل متنعسي تلقاي نمرتوو عندك علاه شحال عندي من سوسو
"حيدات الگارو من فمها وحطاتو ففمو بعد قبل شرسة منها" ... لهلا يخطيك عليا ، مهم انا مشيت نستناك العمر
ناضت بمياعة من حداه محنية تال الابض كتهز في لبسها لي تناثر في البيرو هي كتهز وهو قلبو كيتهز معاها مكرهش يكمل ولكن جهدوو مساالي كتسخفو وتقاديه وتخليه باتريه خاوي...لبسات عليها وقبل متخرج صيفطات ليه بووسة في الهوااا
درب زيرو كاط درب معروف بصحاب الألقاب و الصغير فيهم تلقاه هاز سبعة النقشات ... حومة كل نهار عندهم مسلسل ورواية و دايزة عليهم الدكاكة و الايام الكحلة حومة متتساليش من المشاكيل و كل دار و مالها وكلا و اش عاطياه الوقت ... في كل وقت و كل ساعة هذا مدابز مع هذا و هذا ضارب ختو حيت لقاها مع هذا .....اما صخاب القطعة والشفرة وتقسام الفلوس حدث ولا حرج
كانت وقيتة ديال الضهر وقيتة الغذا و الواحد يتسنط لعضامو ... الحسنية لي غاطسة في الكوزينة و تتوجد ليهم الماكلة ... وعصمان و مرتو و باه جالسين في البيت كيخيطو لغى لبعضياتهم وكاسرين ملل ولأول مرة بنتنا ممنكداهاش عليه دايرة بحساب المصطفى ... ما جات فين يحط الغدا تا تسمع صوت الغوات ليتكسر الدرب ... الناس في دقيقة تجمعت و كتر اللغى و اللغيط ......خرج عصمان بانت ليه الدار لي حداهم گادية بالعافية مرأة بوليداتها تكمشت في بيت و العدوة دايرة خدمتها وتتاكل في اتات الدار و ما زال ما شبعت ... كانت لاسقة على دار عصمان و ريحت الدخان بدات تدخل عندهم ...
عصمان......"دخل وسط الجووقة وبدا يهلل على الحضايا"....ديروو شي حاجة متفرجووش ....
_نتااا سبابها قهرتيها في عيشتهااا ومزرگها صباح وعشيةة .."كان هادا كلام الجارة لي ساكنة فووقهم "..
عصمان كيفو كيف ناس الحومة وولاد الشعب مكيتفرجش وانما كيعري على ذراعو ويشووف باش يعاون بانت ليه العافية حداه و من حباب قلبو قريبة وهو يرجع بالخف دخل عندهم ثاير هز باه بين يدو كيف الكمشة وهو كيغوت
عصمان.....خرجو قدامي كتبقاوش فدار غتخنقو
الحسنية متبتة ومتعودة على هادشي لبسات جلابتها وعطات لدليلة بينوار تلوا فيه هاد الاخرة لي غا تكحب زادها لبرد مع دخان وتخلطات عليها الدعوة ...تبعو عصمان لبرا حط باه بعيد على لگيرا ورجع لوسط الناس اما مو مشات وسط لعيالات
- غا سكتيياميالحسنية راه سدات على راسها وخوات عليها ليصانص هي ووليداااتهاا
دليلة حسات بالدوخة من ورا مسمعات كلام لمرااا.... واش لهاد الدرجة مبقات كبدة ومحنة ، لهاد الدرجة لواحد ساخين بيه ولادو ، اياه كلها والظرووف وعطا الله زواج القهرة ولكن الوحدة قبل متخطي خطوة تعرف فين غتحط رجليها حيت اللهم درهم ولا زواااااج الهمم ... شمكار وسكايري والقطاطعي ومعاهم عصمان وگاع صحاب خوتو هما لي كتلقاهم وقت الشدة وكتلقاهم رجالة بنادم كيضحي براسو وكيلووحها لعافية غير ميوقفش ويتفرج حيت الا عولو على الاطفاء يجييو تشعل العافية في الدرب كاامل
"ضرب فيها وزاد وكمل على مابداو صحاابو كيخويو في الماا ويديرو علاش قدروو حتى وصلو صحاب الوقت بعد ما لي عطا الله عطااه....تطفات العاافية وخرجو الأم ووليداتها بحال الفاخرة كاانت حاضنة عليهم ومعنقااهم....منظر وحالة متبغيهاش لعدو لكافر بالله مكاينش لي متاثرش ومبكاش عليهم وغاضتهم حالتها....تا وحدة ميسخى عليها راسها تقتل راسها هي وولادهاا والا مشات حتى دارتهاا ديك ساع كتكون فاتت لافان بدرجاات وهزات فقلبها حتى مقدات ....دليلة اثر فيها شنو شاافت وواخا قلبهاا قااصح ولكن حسات براسها نهارت وطاحت الارض ودخلات فحالة هستيرية
دليلة ..."جالسة على ركابيها و كتقيا و تخرج غير المرار من فمها " ... علاش ولداتهم ملي قتلاتهم علاااش ...
" عقلها صور ليها بزاف الحوايج الدوخة دارتها ليها و عقلها مبقاش كيستوعب شنو كتقوول
متبقايش تقوولي ليا اخالتي ولدي
عصمان مخرج عينيه و عقلو خارج عليها و الحسنية غا شادة في يديها و تتقرا عليها القرأن.... بقى فيها راسها و و بقات فيها المرأة وولادها ... هاجس الخوف ركب عليها بعد داك المنظر ديال الرعب لي شافت قدام عينيها ولا تقول هضرة و تسرط هضرة ... عاشت يتيمة الواليدين واخا حيين ... وشافت قدامهاا مرأة رغم الصعوبات شادة في ولادهااا و حرقات راسها وحرقتهم ... بالها صور ليها حياتها و الدنيا فيها غير هاد جوج حوايج ... يا ترمي كبدتها أولا تقتل راسها و تقتلو معاهااا...تخلطات عليها الدعوة وموعاتش بعصمان لي كيغوت باسمها محسات غير وهي غادا مزدوحة الارض مغيبة
اااااااه من الدنيا كلها واش دارت ليه كاين لي زواتو وكواتو وكاين لي عطاتو وفرحاتو....كاين لي ذوقاتوو الشهد وكاين لي ذوقاتو لمرار ....دنيا غدارة حيت كلها واشمن هم تعطيه وهمي على همك كيفرق.....تقدر هاديك تبات قرحانة على عراضة ممشاتش ليها ....اما لوخرا تقدر تبكي على لبسة شافتها وعجبتها وملي بغاتها مجاتهاش وتبكي وتقوول علاش انا معندي زهر....ولكن كاين كثر من هاد زوجات كاين لي همها هم كحل الا عوداتو ليك دموعها تبكيهم دم ....تلقايها تكرفصات وعانات.. زوجوها واليديها وقالو منها تهناو وهما بايديهم لاحووها غير للهلاك ..تا ولات جارة واحد وزوج وثلاتة والدقة ولات دقات والكية لي فقلبها ولاو كياات ولراسها هملات حتى يقتاضي بيها الحال قاتلة راسها وولادها ومن الدنيا تريحات ...
دليلة ياما دازو عليها سينتات بحال هاد الشكل و كانت كدوزهم بگارو تشعلو تتبخ بيه راسها و تقتل بيه ريتها غير باش تنسى ....اما دابا من بعد مقطعاتو الصوورة وضااحت في عينيها و قدرتها تلشاات ودغيا بالمنظر تاثراات حتى مبقات قدرات وعاات بالحق هادشي لي عطى الله ونرجو نقولو دوام الحال من المحال
عصمان معرف باش تبلى وملقاها من حتى جهة ....حدو هز مرتو بين يديه و تم غادي داخل بيها لدار جيراان حيت دارهم عمرات دخان ومافبه ميزيد شي على شي ... حطها فوق سداري والعيالات عند راسها لي تعطيها لما ولي دير ليها سوارت وتشكها لبصلة....تعصب وتجنن وفرتك جقلة وبقى غاهو وياها فراس مشى هز لما كيرش عليها وطبطب على حنكها... حتى تمات داخلة عليه الحسنية لي كانت جارة مصطفى بكروستو و على وجهم حزن وألم في القلب من عينيهم تحسي بيه ... المنظر لي شافوه متبغيهش العدو و القاطع يدو من الرحمان ... عاد زادت عليهم دليلة لي انهارت و معرفو دواها اش يكون واش تاع الطبة و لا الفقهى .. دخلت على عصمان لي كان كيفيق فيها و هي غير النفس تطلع و عينيها مسدودين
الحسنية ..." نقزت عليها شادة في يديها تتسخن فيهم و تبوس " ...وااا بنت گلبي راني تهولت عليك و ما عرفت مالك واتي حلي ليا عينيك خليني نشوفهم ونرتاح ..." شافت في ولدها و عينيها عامرين دموع " ... عصمان وليدي نووض جيب ليا غا البصلة نفشخهاا ليها تشمها
عصمان ..." وقف غادي وجاي وشاد في راسو كينهج وعرووقو خضاارو وتنفخوو " ... اش غنجيب ليك الوليدة الله يهديك ... انا غنديها الطبيب مغنبقاش تنتفرج
سمعو الباب الدار كيتخبط على جهدو تحل ودخلات رنا لي عرفاتهم فين كان شادها ياسر من كتافها منهارة و عاطياها البكى .. غير شافت مهاا تلاحت ليها على عنقها تتبكي و تعيط على لي يبكي معاها ... عنقتها الحسنية هي الثانية و دخلتهم الدار " ... بسم الله عليك ابنيتي طلعي نفسك غادة تجيفي واش باغا تانتي طيحي بين يدية وتكملي على لباهية
رنا ..." تتهضر و كلامها مقطع " ... هء هء هء ماما شفت لعافية جايا من جهتكم تخلعت وجيت تاا لقيت قدامي..." تفكرات المنظر وهي تكمش في مهاا وزادت عطاتها لبكى " ......قدرات دير في راسها وفيهم ديك الحالة
الحسنية ..." غمزت ياسر لي كان مربع يديه وواقف كيشوف فيهم " ...ربي لي كيعلم لقلوب...وهو لي عالم بحالها تا حد ميسخى بيه عمرو وكبدتو الله يغفر ليها...
"سمعو صوت عصمان كيدوي بالغوات مع ياسر ...كان جااهل وعلى اللخر "....سير جيب ليا طوموبيل اصحبي انا نتلقى ليك
رنا ... "عاد ستوعات وردات لبال "... دليلة مالها
الحسنية ..." رشات الريحة في كفها وبدات تحطها ليها على منخارها تا حست بيها بدات تفيق و تحل عينيها " ...ها هي اوليدي بدات تفيق رخف النفس فيك
دليلة ..." بدات توضح ليها الصورة شوية بشوية وتفكرات اش طراا ..تقادات في الجلسة وعصمان مسندها من ظهرها ومحوزها ليه ".....فين حناااا واش تلفات عليا الداار
عصمان....." تنهد كيمسح على راسو "....متلفينيش غا اناا
الحسنية......شوية ابنتي كي كتحسي
رنا......"مشات جابت ليها كاس لما وجات "....هاكي شربي لييك
"حركات ليها راسها بنفي وبعدات عليها الكاس حاسة براسها مخنوقة ومقاداش تدوي ، بغات تنوض عصمان مزير عليها....وزايد على مابيهاا"
دليلة......خليني عفاك نوقف غنطج مقاداش نستحمل باغا نحيد من هناا
عصمان....."خنزر فيها مافيه ميشد لخاطر حيت ليفيه مكفيه وموفيه ".....تي ريحييي الارض اشريفية مالك تاع رااسك...
دليلة......" خاصو غا يبداها "....ملي ماشي تاع راسي يالاه معايا منقدرش نبقى هنااا " كتدوي وحاطة يدها على وذنهاا ".....وااش بصح داكشي لي شفنا واش هدوك دراري لي محرووقين ولا شنووو
عصمان......" وقف حداها وشدها من يدها "....لواليدة متمشيوش دابا لدار حتى يحيد دخان...."دار شاف في ياسر "...عينيك عليهم سيغتو الواليد متغفلش عليه بقا معاهم انا نبدل ساعة بخرا ونجي
حسنية........صافي اوليدي غاا سيري...وهانتا تهلى تهلى..."كتقزول فيها وتعض على فمها وتغمز بعينيها عارفاه فمو مفاگع وبلاصة ميقول تمر كيقول زمر
جرها قدامي كيزرب خرجو لقاو جقة هي هي مخلاش ليها لفرصة فين ترجع تحقق الشوفة دردبو مع درب حدا المحل فين مبلاصي طوموبيل وركبو وداها معاه لابعد بلاصة
بين ربعة الحيووط وشوفيا نشووفيك لا سماا صافية تمتع بشووفتها لا ليل تحكل بيه عينيك كاين لي كيخرج تايب وعافي عليه الله من هاد القنت وكاين لي كيشد طريق خرا لي ترجعو ليه ... كانت سعاد جالسة هي و شي عيالات قولها و ضحك عليها هاا لي قاتلة و ها لي ناصبة مهم مجموعين غير صحاب ياما رحميني ... مريحة و ناشرة رجليها ومتلفة وقتها بالكارطة
سعاد ..." طالقة حلوقها و تضحك و لي سمعها يحلف عليها داخلة بتهمة اداب ماشي محاولة قتل " ... تي مدي الكارطة لهناا ونتي حليتي عليا ماعنك
..." مدات ليها كارطة قالبة عينيها ..جبدات گارو و بدات تنفخ فيه " ... غا جمعو القحاب جبتو ليا الترويعة
سعاد ..." يا الله غتهضر معاها تا وقفو عليها جوجات قاطعين كلامها " ... اش تم اختي منك لييها كاين شي منقديو
-" وحدة منهم كانت مرجلة و عينيها في جنسها و مودها ماشي على الجنس الخشن ...جرت سعاد من خصرها ملسقاها معاها " ... سعاد مديريش معايا الحل ..." حطت يديها على اللور ديالها بدات تدلك "
سعاد ...." كتلوى بين يديها الفساد عندها جاري في الدم ... و لكن عمر ميولها كان على لي فحالها " ... مكرهتش ليك احبي غير هو ختك تتبغي لي يسكت الراگد الا مكان بشلاغمو طول وعرش ومجدر منبردش..." ضحكت ليها ضحكة مقحبنة و مشات لفراشها تكات فيه .تسمع صووت الحارسة حلات لباب وكتعيط عليها
سعاد.....هاني جايا احبي توحشتيني ..."بغمزة "....اش تم ؟؟
_ "مدات ليها ورقة مطوية ومعاه تليفون "....هاكي لي وصيتي عليه
سعاد.....الرضى والحلوى مگرضة شدتها من عندها ودارتها وسط صدرهاا ومشات لبلاصة الطياب عمرت ليها براد ديال اتاي تقاد بيه دماغها ... هزاتو و تمت راجعة لفراشها تكات و شعلت ليها شعلة و بدات تخمم و تخطط و تفصل ..
خلات تا كل شي شد بلاصتو و تعاشات العشية ووصل المغرب وناضت الحمامات... جبدت التليفون دوزت الخط و حطاتو في وذنيها وسمعات صوتو لي خلاها دارت ابتسامة طويلة عريضة ... مبينة بيها على مكرها و خبتها و لشنو كتخطط ... وخطوتها الاولى باش غتقاد طريقها بيدما خرجات
سعاد ..." حاطة يديها على الحيط و تدوي " ... كبيدة ديالييييي توحشتك
...." كان جالس في بيروه تا ناض قافز و لايح الكرسي موراه " ... و اش بغيتي و لاش معيطة ليااا
سعاد ..." جبدت مسكة من صدرها و لاحتها في فمها " .... غير بشوية عليك ازين انا في الحبس وكنستنى منك زيارة ليا في القريب...متخممش غنسهل عليك طريق ودخل ديريكت
-" الدم طلع ليه الراس وبدا غير كيغوت " ... تي شكون القحبة لي تقولي ليا جي ومتجيش و زايدون اش غنمشي ندير عند وحدة فحالك
سعاد ..." خرجت عينيها محرشة صوتها انوثها خلاتها في توش " ... جوج كلمات غتسمعهم مني يا تجي يا نغرق زامل تاع بووك ..." قطعت عليه و خلاتو قريب ينطح راسو مع الحيط
اما هي فرجعت لبلاصتها تتشطح بكتافها و تغني وتلوز ... لاحت الصنارة و الحوتة تشدت وهاديك هي فرحت الصياد ... رجعت لبلاصتها تفكر وتخطط و تعرف لراسها مخرج منين تبداه و كيفاش غتساليه .. بقات على داك الحال هي و شيطانها وتقول واش لعناتو
ربي خلق كل واحد فينا مختلف على التاني....كاين لي ضعيف وتأثر فيه اي حاجة ...وكاين لي قووي ومتهدو حتى حاجة ....كل واحد وقدرة ديالو على التحمل وكلها وكيفاش كيتعايش مع لي هو فيه ...الجبل قد ما هو كيبان لينا صلب ومكيتزعزعش لكن مع قوة الضربات مرة بعد الاخرى ضروري ميجي نهار ويريب وهادا هو طبع بنادم خصووصا الا كانت مرااا ...شحال قدها تبين بلي هي جبل مكيهزها ريح شحال قدها تجمد قلبها ومشاعرهاا ودير فيها ممسوقاش ومتأثراتش
... ضروري مغتجي شي نقطة لي تفيض كااسها وتخليهاا معاقلاش تا على راسهاا وتفكرها فلي فاات وتحيي جرووحها وتكب عليهم الملحة ...
دليلة قلبها كان عااامر و ماحاس بيه حد طبعها صعيب ماشي من نوع لي تبكي وتشكي على الواحد وتقوول ها اش بيا كتبقى كاتمة فقلبها ومداارية على لي بيها ...توالات عليها الاحدات وكل خطرة كتقوول الضربة لي مكتقتل تقوي حتى جاات الفااجعة لي جابت ليها تمام شافت راسها في بلاصت الولاااد لي ما ليهم ذنب ماتو محروقييين ما لعبو مع صحاابهم ما قراااو كيف قراانهم من قلة صبر و قلة الايمااان هما الآن في أحضان الخليل النبي ابراهيم كفيل بيهم الى ان يرث الأرض و من عليها.....
اااااااااااااااااه😭 هاد الكلمة لي قدرت تخرج من فمها و هي كتحااول تنقص من الخنقة لي حاااسة بيها كتبكي على حالتها بلا دموع وهي كيتفكر ما داز عليها......عصمان عقلو غيخرج من بلاصتو عليهاا شافها مكلات كيف موالفة مقالت ليه اش بيها...
غربات الشمس وهما مزال جالسين في طبلة قبالة البحر هضرتها معاه كانت قليل موالفها غا تنگر وتعلق على اي حاجة خلاها على خاطرها ومبغاش يضغط عليها ....وقف بعيد رجع كمى ليه گارو اخوور كان عاطيها بظهر وخاشي يدو في جيب سروال وكيسووط حتى حس بيها حداه ضار شافيها وبالكاد سمع شنو قالت ..
دليلة......يالله نمشيو عييت ..
لاح طفيتو وجرها من يدها لاحها فحضنوو ملصقها عليه ومزير عليها مدفيها وايديه كيطبطبو على ظهرها باغين يخففو عليها
عصمان......" خاشي وجهو في عنقها كيدوي وانفاسو السخونة كيحرقوها "....صافي نساي شنو شفتي ، داكشي راه مكتب عليهم وصل اجلهم
دليلة....." ربعات يدها وبعدات عليه عاقدة حواجبها كتهضر بتعصب ".... علااااش اش ذنبهم باش يموتو بديك طريقة وعلى يد ماماهم يا حصرة ... غير قوول ليا ملي مقااادينش بينا لااااش ولدوونا وجابونا لهاد دنياا...ها لي يطعن فينا وهالي يرمينا لزنقة ودابا هادي حرقتهم وحرقت قلوبنا معاهم .....
عصمان....."شدها من كتافها كيدوي بصووت مهدن ".....العلم الله بيها تا حد مكتسخى عليه كبدتو
عصمان ..." رجع شاف في البحر و ماجو و خلا لسانو يهضر و يقلب على الحروف لي ينطق طالب من الله في خاطرو يبرد نارهاا و ينسيها في همها " ... خود ما عطاك الله كل واحد واش تكتب عليه في هاد الوقت...حلي عينيك و سرحي بخيالك غتلقاي لا الغني مرتاح و لا فقير شابع راحة ....نساي ديك ل " بغى يخصر الهضرة ورجع عض على لسانو وقلبهاا "......دييك بنااااادما.....راه ساخي بيها راسهااا كلو وعاد غتفكر ليك .... "شدها من حناكهاا "....هانتي مالك كبرتي بلا ديلمهااا اش ناقصك حسن من لالة البنات ومقودة على مهم ،متبقايش تمرضي راسك راه كنتمشكل ملي كنشووفك هاكدا
دليلة......"حسات براسها باغا تدوي وربي كبير ".......بالهضرة كتكون ساهلة ومحاس بالدقة غير لي هازها عرفتي شناهيا تحل عينيك في الدنيا تلقى راسك مليوح عند اب بحال المختار ... نهار و ليل مخليني لواحد المرأة كبيرة في العمر كل مرة غادا تطلب بيا ... ما لعبت بحال البنات و لا لبست بحالهم و النهار المخير ناكل فيه شياطة عباد الله.. تكرفست و تمرمدت و نعست في براكة گاع بيبانها محلولين و غير بووحدي ... بنت صغيرة كانت ما تحط راسها تتحط جنوية حداهااا باش الدافع على راسها ... " خبطات يديها على صدرها" .......راه بزز مني خترت نكون شفيييق تحطني مع البنات و نتخالط ليك متعرفني منهم و لا منكم ..... تهرست و طحت و نضت وتغدرت ... و تكاليت في حقي و اخر حاجة هز ليا المختار حوايجي و كركبني مع الباب باش يجدد شبابو ... عمري حسيت بحنان الأم و لا الأب حيت انا غير غلطة غير شرعية و تلاحت الدنيا ....."ضحكات باستهزاء".....عرفتي فاش كانو الناس كيسولوني بنت من ... جوابي كان هو بنت الله هو لي خالقني وهو لي وقف معايا وهو لي عطاني قوة حاربت بيها الزمان ..." طلعت النفس و هبطتها " ... الحاصول خلينا نمشيو حيث الهضرة كثيرة والسكات حسن
عصمان......" لاح يديه على كتافهاا وغادي معنقها"......راني قلت ليك انا باك ومك وغنرجع نربيك من جديد ...نمشط ليك شعرك ونساريك ونغطيك ...والا كنتي دليلة باغيك اما شفيق هاداك راه وليت كنهبل عليه غير هو نبغيه يغيب في ليل وتحضر مولات لعيون الزرقة
" غمزهاا وباسها في شعرهاا معنكشهاا كانت كتبان قدامو بحال بنتو هو ضخامة وهي على قد الحال جامعها بيد وحدة "
دليلة.......اش بغيتي دير بيها
عصمان....."عض على شفايفو ، لاعن الحظ لي حصلهم في الزنقة"......تسرج العود 🏇🏇🏇
في طريق العودة جالسة و مرجعة راسها على لكوسان حسات بيه ضرها ونفخها برد لبحر غمضت عينيها عالله يفوتها الحااال و عصمان واخا صايك مرة مرة يلووح عينيه عليها حتى نطق وخلاها تحل عينيها... عصمان.......اش بان ليك نرجعو لدرب و لا نديك لوطيل لي كنا فيه تلفي شوية
دليلة....... لا غير دينا لدار حسن نرتاحو تمااا نشووفوهم كيف بقاو ...
عصمان....." هز يدو وعضها عضة خفيفة "......وااا عليه امدااام ...
عصمان.....لقيتيني ابنتي كنفكر اول مرة جيتي لدربواااشوفة مشفتيها فياا كنتي طالعة لسماااا ...عمر بنت لمرا مدفعت عليا كبير تا ليك ولكن بقيت تا جبتك فشبكة ابنتي
دليلة......."تگعدات ليه وقادات لجلسة "......شناهو ؟؟ صيدتك قبل لتصيدني اولدي وانا لي طيحت ليك زنافرك الارض
عصمان.......مبقاتش فشكون طاح اللول ...
دليلة....."مكترضاش"....سكت سكت وشوف في طريف لنطيحو في الواد
بقاو مني منك ،شد ليا نقطع ليكعصمان نجح فانو يخرجها من لي كانت فيه وحتى هي حسات براسها رتاحت شوية والخرجة نفعتها كملو طريقهم ما وقف حتاال لدرب كان المغرب أذن مع هبطو تلقاو مع مو و ختو و ياسر دافع باه خارجين من عند جيراان راجعين لدار و ناس مزال مجمعين عند عتبة يناقشو و يفسرو كيف ولا الإنسان ساخي بيه عمرو و كيفما كان الحال ديما خاصو يقول الحمد لله....
دخلو لدار مجموعين دليلة دخلات تحط راسها حيت حساتو مزال عاطيها صدااع تبعتها الحسنية تشوفها و طمأن عليها كيف بقات عصمان دخل باه لبيتو يرتااح حتى هو .. بقات رنا و راجلها
ياسر........"شد ليها في يديها".... نمشيو و لا تبقاي...
رنا .....لا خلينا حتى نتعشاو و مشيو انا غنمشي نشوف اش كاين فلكوزينة نوجد لعشا راه ماما ملي كتخلع متقدر دير والو..
ياسر..... و شوفي شنو نااقص نمشي نجيبو ليك..
بابتسامة رضى دخلات رنا لكوزينة تشوف واش ناااقصة شي حاجة...وكيف گاع لبنات لي كيتزوجو توضرو عليها بلاكارات لكوزينة و تقول عمرها سكنات هنا ...لقات لحم و الخضرة و كلشي كاين.. عصمان راجل دار ممخصصهم من حتى حاجة ، نصبات طاجين و خلاتو يطيب على خاطرو و دخلات حتى هي لعند دليلة لقات مها كتنزل عليها الريدو هي ناعسة
رنا......"كتطل عليها بشوية ودوات بالهمس ".. كيف بقات؟ ؟؟...
الحسنية....شوية ابنيتي اجيو نخرجو نخليوها ترتاح
خرجو لقاو عصمان و ياسر جالسين و جلسو معاهم ...
رنا..... راني درت واحد طويجين لعشا كيف كيعجبكم..
الحسنية.... الله يرضي عليك ابنتي هادشي لي طرا ليوم مخلاش لي ليدين و بقاو نيت باتو معانا حتى لصبااح
يااسر تزير مقدر يقول اه مقدر يقول لا شاف راسو تحرمات عليه مرتو لي بقات غير كضور في عينيها عصمان عاق بيهم وبدا يضحك
عصمان....غير خليهم الحنانة يتعشاو و يتيسرو لداارهم
" وقف كيقاد في حوايجو "... تسناني اياسر نمشي نشوف دليلة ويالله معايا نقدي شي حاجة على ما طاب لعشا
الحسنية... راه ناعسة اولدي خليها ترتاح
عصمان .. مغنفيقهاش نشوفها و نخرج ..
دخل لعندها يشوفها بخطوات خفاف خايف يفيقها باس راسها و بقا جالس حداها و يتأملها و قررب حدا فمها خطف بوسة ثقيلة جا نايض و هي تشدو جراتو عنقاتو و هضرت فودنيه..
عصمان....." كان كيلعب في شعرها وهي مبوورشة عليه تما تقول صابة عليها شتا "....دابا نجيبها ليك ونعرفك عليهاا ..
" ضربات فيه شيشوفاتو خلاتو كيطلع فيها وينزل والخرارة طالعة معاه في عز الليالي "...تكايسي راني توحشت سمن مع لعسل و لكن ماشي وقتو دابا غنخرج و نرجع ليك نغمس
دليلة الجزء الثامن
محتوى القصة
التنقل بين الأجزاء