عثمان ~ " عاض على شفايفو بشوية وهو كيفكر وفنفس الوقت حط يديها على البواطا ڤيتاس مدوز بيها طروازيام " مم مزيانا شنو بانليك فكافي Cappuccino !! " دار شاف فيها " ..
وسناء ~ " احح داك الكافي ديما كتبغي تݣلس فيها ولكن شكون إخلص عليها " صافي ..
زينب غير مخشية فعضومها وكتشوفو بحالي ماكايناش أصلا ..
وسناء ~ " نفخات بشوية عاد جاوبات " لا غير عايانة من لباارييح وصافي ..
عثمان ~ " طلق يدو من يديها وهز تيليفونو " تبغي تسمعي شي حاجة ..
وسناء ~ اه طلق حاتم عامور - بلى عنوان ..
عثمان ~ اييه ..
طلقها فالطوموبيل وهي دير إبتسامة هزات تيليفونها وحطات يديها لي فيها الخاتم بلى ماتعيق حدا الفرانامان وهو حاط يديو على فخضو ..وصوراتها وحطاتها فستوري دالأنسطا وكتبات عليها " mi amor " .. ودارت إبتسامة وحطاتها .. دار هو كيشوفها مبلقة عينها ودايرا إبتسامة واصلة لودينها وهي كتقلب فالأنسطا ..
تم نيت شافتها زينب حلات فمها على جهدو وجاوباتها ..
زينب ~ " تعصبات " قودي " نزلات وردخات عليها الباب ..
وسناء ~ تشووفلييك الحماارة واخا ليمااك ..
حيدات السمطة بنفرة وحلات الباب نزلات .. لقاتو وصل حداها ..
عثمان ~ يالاه .. مشينا ..
حركاتلو غير راسها وهو يجرها من يديها شبكها مع يدو بقات غير كتشوف ومشاو زايدين وزينب من جنب وسناء .. تادخلو للكافي وهو يحيد النضاضر من عينيه وحطهوم فوق راسو على الطربوش ومشا بيها داخلين تاخدا واحد الكرسي ديال واحد الطبلة وݣلس وجر الكرسي لوسناء ݣلسات حداه عاد رخى من يديها .. وزينب ݣلسات جنب وسناء ..
عثمان ~ شنو تبغيو تاخدو ؟ ..
وسناء ~ " دايرا فيها البريستيج " كافي نواغ ..
زينب ~ " دارت شافت فيها معلية حجبانها عاد جاوباتو " أنا جي دوغونج ..
تم نيت رجع وݣلس معاهوم وحط الكونطاكط وتيليفون فوق الطبلة عاد رجع كيشوف فيها هي غير فالتيلفون وزينب كتشوف فيها حرام واش بغات تحشم تاناضت واقفة ..
زينب ~ كنعتاذر واحد الدقيقة ..
طلعات وسناء عينيها فيها وهي دير راسها غادا لطواليط باش تخليهوم بوحدهوم .. دورات وسناء عينيها ليه لقاتو كيشوف فيها سرطات الريق ديالها عرفات دابا عاد غايحصلها ..
عثمان ~ " شاف فوسناء " شحال دابا من موديل باقيليك للإجازة ..
سرطات ريقها وهي كتحرك السكار فالقهوة أما زينب دورات وجها كضحك فالجهة الأخرى ..
وسناء ~ " شاف فيه لقاتو كيتسنا الجواب " داابا هو .. ( هاهي غاتبدا تختارع ) دابا شني العام لولي كوونت عملت القاانون .. وماكانشي عجبني .. ورجاعت قلابت فالعام الثااني إكونومي ومرضت فنووص دلعام صداقت عملت شهادة طبية .. وهايدا يالاه بديت هاد العام وطلااعت فيه 4 دلي موديل " الله إمسخك " ..
زينب دورات وجها كتسمع وتحرك فراسها وكتسمع لهاد القصة الخيالية لي كتألفها ..
عثمان ~ مزيان كتوقع .. غير متيأسيش .. بغيتي تكملي قرايتك ففاس ماعنديش مشكيل ! ..
وسناء ~ " دارتلو ضحكة صفرة هي أصلا كان خسها فوقاش تهنا منها وتخدم باش منعرف " أه إنشاء الله تانفاكار، بلحاق مكراهتشي نعمل هايدا بحال زينب ..
زينب ~ لا منيتك داكشي فيه غير الصداع ..
عثمان ~ خدامة ! .
زينب ~ وي أستاذة فمدرسة بريڥي ولكن راه مقاتلة غير مع المدير ديك النهار مرضت بغيت نمشيوا لقيت السيد مادفعليش فلاسينيس تميت طالعة تالعندهوم لقيتاسي عام دابا باش خدمت عندهوم مدخلنيش أصلا تعصبت ومرضت مين مشيت عندو قاليك أ حقا ما حقا كنمشيو على حساب ترتيب الأقمية ..
عثمان ~ ولكن أش دخل لاسينيسيس فالأقدمية ! ..
زينب ~ وديكشي لاش غير كيخربق قلتهالو قاليك حنا هادا سيستام باش خدامين ومنعرف شنو ..
عثمان ~ نوغمالمون من حقك ديري دعوة ويدفعليك حقك ديال العام كامل ..
وينب ~ ديكشي لي كنت كنفكر ولكن لقيت راسي غايمشيو غير فلوسي باطل اللهم نكمل معاهوم العام من حيت سانية معاهوم كونطرا نكمل العام ديالي عاد غانقلب على شي مدرسة أخرى ..
عثمان ~ لا كيكونو مشاكيل فبحال هاد الدومين .. من الأحسن الواحد إيدير المشاريع ديالو راسو ..
زينب ~ ديكشي لي كنقول لوسناء غير حريق الراس باطل على الأقل لاديتي غير الإجازة فليكونومي القليلة تكري فشي سونطخ وديري السوايع لناس دليسي وهانتي بيخير ..
عثمان ~ نو علاش تكمل قرايتها وتفتح مشروع راسها أي حاجة ممكن يحققها الواحد غير خاس شوية دالإجتهاد ..
وسناء غير كتسمع وتبلق فعينيها اييه معامن كتهضرو نتوما .. دوزو تما ساعة مجمعين تاناضو غادين عاد نطقات ..
وسناء ~ أنا مشا لطواليط ..
عثمان ~ واخا هاحنا هنايا فلاكيس ...
مشات هي لطواليط بزربة دخلات شافت راسها فالمرايا جبدات ݣلوس من الساك عاوداتو ودارت شوية دالبودر حمرة وباست راسها من المرايا عاجبها راسها عاد جبدات تيلفون كتصور راسها .. رجعات رشات شوية دريحة كانت سرقاتها لزينب بلى ماتشوفها ..
عاد تمات خارجة يالاه فاتت باب طواليط بجوج خطوات كتسمع سميتها الشيء لي خلاها دور تاكتحل عينيها على وسعهوم وزيرات على الساك ديالها ..
طلعات لطوموبيل حداه ودارت السمطة وكذلك زينب لور عاد قلع .. تاوصل لحدا الدار وهو يوقف .. نزلات زينب هي اللولة بعد ماسلمات عليه غير بالفم عمر داود مايعاود .. وبقاو غير بجوج تاجات تنزل وهو يهضر ..
عثمان ~ " شاف فيها إبتسامة ذوبها وهز يديها لي فيها الخاتم وباسها وتعمق فالبوسة عاد رجع شاف فيها أما هي عضات على شفايفها غي كتشوف كيف شاف فيها جمعاتها " غير مين قلتيهالي حسبيني تغديت .. ( مد يدو لجيبو وجبد منها كارط ݣيشي ومدها ليها ) هادي خليها عندك عارف مزال غاتشري الحوايج ولا لي غاتحتاجيه مهيم صرفي منها ..
وسناء ~ " سرطات ريق ديالها وهي كتشوفو مادها ليها رجعات حمرة " لا لا شووكرا بلحااق مانقدارشي نشبراا ..
عثمان ~ جرليها يديها وفتحهوم وحطهوم فيها " وسناء مابقا والو وترجعي مراتي مايحتاش يبقاو بيناتنا هاد الرسميات أي حاجة بغتيها طلبيها مني حيت دابا راجع لفاس وغانقدر نرجع تالنهار العقد .. ومنهنا لتم ختاري ليبغيتي نعطيهليك فصداقك وقوليهلي باش نجيبوليك ..
حبيبة ~ سير أوليدي الله إوصلك على خير " كتعيط ليها باش تسمعها " وسناااااء ديتي الفلووس باااش تشري ..
ردات عليها غير بإشارة بلي داتهوم ..
حبيبة ~ إيواا هاكااك ..الله إوصلكوم على خير .. سلم على عمك .. سلمتي على باك ؟ ..
مصطفى ~ سلاامت عليه ايما سلاامت ..
ركب مصطفى ووسناء كتشير ليها من الطوموبيل وإلهام اللور راكبة ومشاو شدو الطريق لجيهت شفشاون وجهتهوم الجبل بني عروس باش ٱجيبو جداتهوم الكبيرة مت باهوم تحضر لعرس حفيدتها .. شد مصطفى لوتوروت من طنجة لتطوان باش إدوز على المديق حيت لالة وسناء ݣاليك محتاجة من تم شي حويجات لداكشي لاش قلعو مع العشية وناوين يباتو فالجبل فدار جدهوم ..
وصلو لمديق لي كيسميوه ناس الشمال برينكون دنيا عامرة مع العشية وناس يالاه كيخرجو من البحر .. فتحات وسناء الشرجم كتستمتع بنسيم دالبحر لي كيدرب فوجها ومصطفى طالق الموسيقى .. tiiw tiiw - lmeryoula .. هزات تيليفونها كاتصناپا مرة دايرا نضاضر دالشمس مرة لا ..شافت لي عجبها وطبعا ختارتها بعناية عاد حطاتها مع لوكاسيون .. تاوقف بيهوم مصطفى حدا السوق فين غايتقداو .. نزلات هي اللولة عاد إلهام .. ومصطفى بعد مالقا البلاصة فين إسطاسيوني بزز دنيا عااامرة وناس كولشي مصيف .. وكاتلقا ناس الداخيل كةلشي مكب فالشمال إضافة أن تالملك كيخيم تما .. دنيا كتكون عااااامرة بالمعقول ..
مصطفى ~ عاندكوم سااعة خافيو شغولكوم باش نمشيو دااغي ..
وسناء ~ اوااعدي على ساعة ماغاتكفينيشي ..
مصطفى ~ وسناااء راتابعنا الطريق لجبل ماباغيشي نسوݣ بليل ..
وسناء ~ صافي صاي انا غانشوف كيف غانعملا ..
مصطفى ~ شني خاصك شي حاجة ..
وسناء ~ " بقات تبلط فعينيها واخا عطاتها حبيبة الفلوس ولكن بالقد ومحسوبين خرجاتهوم بيديها من الكارت ݣيشي اللهم علاش لا الزيادة راها من الشياطة والشياطة من الخير " وااحييد ميتين درهااام لاكاانت عاندااك ..
جبد من جيبو الفلوس كانو عندو مستفين بحكم كيصرف منهوم هاد الأيامات للعرس وجبد منها 200 درهم عطاهاليها ..
مشا هو قطع الشاريع لرينكون وهوما مشاو داخلين فديك القايصرية باش إتقداو .. تما سلعة غزالة وداخلة من سبة كاين المديق والفنيدق ..
صراحة أن الفنيدق هو باب سبتة .. ولكن المديق لي كان جا فطريقهوم .. لهذا قالت اللهم العمش ولا العما .. خدات من تم جوج ديال لي شوميز دونوي صادفاتهوم فالطريق غزالين ختارتهوم معاها إلهام .. واحد فالأسود وواحد فالشويبي بارد مشبك .. خدات تاني بينوار دالحمام عجبها .. بالريش من برا من جيهت السدر ديكور ديالو زوين فالغوز بيبي .. وخدات معاه البانطوفا ديالو وزادت جوج من داك الشكل .. تاشوية بدا تيليفونها يصوني جبدات لقاتو عثمان .. دات إبتسامة وجاوبات ..
وسناء ~ ٱلوو ...
عثمان ~ " سمعاتو بحالي كيدوي مع شي وحدة عاد رجعوا معاها " ٱلو .. اه .. ااا وي ٱلو وسناء ..
وسناء ~ كيضهارلي مشغوول ..
عثمان ~ لا هانا معاك راك صاڤا ..
وسناء ~ صااڤا ونتيينا ..
عثمان ~ بخير هاد الساعة الحمد لله ..راك خارجة ؟ ..
وسناء ~ وي باش عرافتييها ..
عثمان ~ غي سولتك أغلبية كاتكوني خارجة ! .
وسناء ~ أنا فالمديق ..
عثمان ~ اوااه اش وصلك لتم ! ..
وسناء ~ لا مصطاافى غايمشيي يجيب عزييزة الكبيرة من الجّبل وقوولت نمشي معااه حااقاش كيحااماقني جبل وماعرافتشي لاتزوااجت فوياخ غانقداار نمشيلو ..
عثمان ~ لا ماشي موشكيل شي نهار نديرو شي خرجة لتم ..
وسناء ~ حلاااف ..
عثمان ~ علاش لا ! بلعكس مزيان نشوف المناطق دالجبل ديما كنسمع عليهوم وعمرني مشيت ..
قطعات ومشات كتخبط فرجليها نووورمااالمون الكارط خااس تكون فيديها كون راه دابا تشري لي عجبها شحال من حاجة كتشوفها وكاتراجع حيت ماعندهاش فلوسها ..
كملو واحد نصف ساعة لي بقات فالقيسارية كيدورو وخرجو محملين بالميكات وشرات حتاإلهام معاها وماخلاتهاش بلاش ..
صونات على مصطفى ومشاو طلاقاوه حدا الطوموبيل .. وكيتفرجو فناس لي كيخرجو من البحر واخا المغرب دنيا بدات تشعل بالدواو ومروجة كتحمق .. جا مصطفى جايبليهزم فيدو لي ݣلاص وطلعو فطوموبيل .. وشدو طريق لتطوان .. تاطلق ليها مصطفى حبيبي برشلوني .. وهزات تيليفونها دخلات تصناپات كتحرك شفايفها مع الأغنية .. وحطاتها بعد ماكتبات عليها حبيبي برشلوني 😍 .. دقائق حتا كيطلعليها ميساج ..
سدات تيليفون ورماتو معصبة فساك وتكات على الشرجم كتشوف فضواوات تطوان كيبعدو عليهوم من حيت دخلو فطريق الشاون باش إقطعو لبني عروس ..
ماحسات براسها تاداتها عينيها ..
وصلو لبني عروس فيقها مصطفى.. حلات عينيها على الضلام وليل وغي صوت الكلام لي كيتسمعو كينبحو .. ناضت مدوخة خارجة من تم شعلات تيليفونها لقاتها 23:00 دليل .. كتشوف عمها كيسلم على مصطفى وإلهام .. وولدو الكبير تاهو .. وبنتو .. مشات دخلات سلم عليها وكيبارك ليها .. كانت عندهوم دار فالجبل .. مبنية زوينة .. مي فالعروبية .. وحتا الضوء ماواصلش لتما كيخسك ضاروري الپيل باش ضوي .. مزال الدار راه واصل ليها الضوء ..
سلمات على جداتها الكبيرة لي باقا بدوك التقاليد ديال جبالة ديك الشدة ديالهوم المعتادة بالزيف الأبيض المشلشل والفواطة دجبالة محرزة على الخصر ديالها .. بدات تعنق فيها وتبوس وتسول على الأحوال ديالها وفرحانها بحفيذتها لي غادي تزوج ..
دوزو ديك الليلة تما والغدليه فاقو بكري باش إشدو الطريق لطنجة جايبين معاهوم الجدة الكبيرة .. وسناء كان طالعليها الدم والمورال زيرو السيد ماعيطش بالمرا وهي لي كان ناويا تخليه معلق صدق هو لي خلاها معلقة .. أول مرة غايديرها حلات الواتس باش تشوف لقاتاك الميساج وصل وماشافوش صافي ديك الساعة طنطون دمخها بدا يحمي فالمجامر ويعيط لسي إبليس يجمع معاه .. ݣاع الأفكار الخايبة طاحو عليها .. ماشي على أنه وقعات ليه شي حاجة نو .. أكيد هو راه مع مراتو الثانية ولا لولة ولا منعرف لجذر طاسيلت بوهوم .. علاش مايتفكرهاش وهو لي كل ساعة كيسيفط ميساج ويسول .. هاد المرا ليل كامل ودابا الصباح ومزال ماجاوب .. حلفات ماتعاود تفكر فيه وبراسو .. وصلو لطنجة مع الوقيتة دالغدا .. دخلات هي نيشان لبيتها وخلات الباقي كيتسالم حيدات الحوايج من الساك وجبدات الحوايج لي شرات ومشات لباليزات دياولها لي كانت شراتهوم ليها حبيبة فين بدات كتجمع فيهوم حوايجها وستفات داكشي .. تادخلات عليها حبيبة ووراتها داكشي لي شرات وشحال خسرات ماتفاكش معاها ..
حبيبة ~ سمعي هاد البيت خسك تبداي تسدي عليها ..
وسناء ~ علاش أواعدي راه البنات كينعسو معايا هنايا ..
حبيبة ~ "جراتها وݣلساتها " لا .. تبقا تنعس معاك غير زينب داكشي لاخور لا .. ماتعرفي إمتي وأش ايديروليك راه شوارك هادا ولامشا تاتقاس راه زواجك كامل إمشي فالبير هاااودني .. هاد البيت تسد بالساروت وتاحد مايدخلو راه بنادم خايب أبنتي والزمان هادا والحسد عطاه الله فبنادم ماتيقي شاي حوايجك مايخرجوش من بلاصتهوم النعالة لالبستيها دخليها معاك فين كنتي واايااك تخلي شي حاجة وتقولي نمشي تانرجعليها راه ماتعرفي الدقة مين جاتك ..
حبيبة ~ علاه شحال عندي من وسناء أنا كون كان عندي كون نشللك ذهوبات ونسيفطك معمرة من راسك لرجلين تانخليهوم حالين فامهم ..
وسناء ~ ههههه لاهلا يخااطيك عليااا اممّا ..
جمعات معاها الحوايج ومشات خرجات خلاتها تكمل ما تبقى .. دخلات لدوش دوشات عليها باش ترتاح عاد خرجات لبسات قندورة باردة بلا يدين فالباج بسفيفة مذهبة وجمعات شعرها ديل ..ومشات خرجات هازا تيليفونها دايت راسها مامسوقاش أو بالأحرى مابغاش تسوق لداك الراجل لي باقي لحد الأن ماعيط يشوفها فين وصلات ..
تغداو مجموعين فجوج رباعات بحكم العائلة كاينة، فالعشيا خرجات هي وحبيبة لي شادا فيديها حمزة ووسناء ورودينة وسي أحمد فرحان ببنتو لي غاتزوج وبعائلة شان وهمة ... وحبيبة تاهي حداه مشاو لعند ذهايبي وساومو لي موديل لي عندو .. وخداتليها واحد سنسلة طويلة ديال الذهب بعلاقة تقيلة ووازنة حطو فيها مليون ونص بالمشاطرة عاد تمو خارجين تفارق معاهوم وطملو شدو طاكسي هوما لسيتي مول باش تقدا الباقي لي ناقصها ..
أول حاجة مشات لبوتيك دالماكياج دات كل ماغاتحتاج وݣاع شهوتها للماكياج خرجاتها .. ورودينة وحبيبة كيضحكو عليها ومخلينها على خاطرها حيت عارفينها كانت محرومة .. رجعو دخلو لحانوت دالحوايج وشرات ربعة داللبسات دالعصري داكشي كلاص وزوين .. عاد مشات لحانوت خاص بروايح خداتليك جوج قراعي من جادوغ حيت هي الوحيدة لي مولعة بيها وهي الريحة لي كتحمقها .. ( نصيحة البنات من الأحسن تكوني كتستعملي ريحة وحدة وتكوني متميزة بيها وبالنسبة للمزوجات خليها ميزة فيك باش حتا لاكنتي مسافرة ولامدابزة معاه كيف إشم ريحة بحال ديالك كيتفكرك تم نيت .. كوني متميزة واخا غير بريحتك ) .. كملاتها شرات جوج سوايع زوينين وحدة بسميطة دالجلد ووحدة منبتة .. عاد خرجات من تما معمرة بالبلاستيكات وداتهوم لواحد الكافي كلساتهوم تما تقهواو وعاد مشاو لدار حيتياقي تابعهوم الشغل وخلاو غير زينب ومليكة لي مقابلين تما الشغل ..
كيف دخلو لدار مع دخلة دوسناء لصالون لقاو ودبنات خالتهوم الأخرى جاو وناضو يزغرتو ويصليو على النبي ..وهي غير كضحك وتسلم عليهوم عاد مشات لبيتها بدلات حوايجها وستفات داكشي لي شرات الحاجة لي شراتها كترتبها بلاصتها هي و رودينة باش مايترونوش حوايجها ولي شراتها كتقيدها عندها فميمو باش تشوف لي ناقصها ولي باقي .. عاد خرجات عندهوم لصالون كانو ݣالسين كيصايبو فليدراجي ديال الحنة ومها كتقيد فناس لي غاتعرض مشات ݣلسات حداها باش تقوليها على الناس .. وبدات تجبد فصحاباتها وحدة مور وحدة ..
حبيبة ~ هاوااااواواوو تي عرضيي طنجة كااملة وهني السووق ..
وسناء ~ اممّا رااه بااغا نفقااااص العديااان ..
حبيبة ~ فقصي لمووك العدياان ومووك تخرجها من الحزقة ..
وسناء ~ وممّاااا ..
حبيبة ~ سمعي 10 ماتفووتيش بزااف واااه ..
قلبات عينيها معصبة ..
وسناء ~ وااايااناا بااغاا نعروووض هووودااا بنت مول شيلان لي قراات معاياا فلييسي كييخسنيي نفاااقسااا ..
حبيبة ~ مييمتي علىى غدايدي ..
وسناء ~ هااداا عووورسيي مااشي عوورسكووم ..
حبيبة ~ ومالكي تي لي غاتخلصييه ..
وسنااء ~ عطاااني الكاشي ماقاالك حد صراااف عليياااا ...
عاد ݣلسات كاتقاد فراسها وفشعرها فرحانة وكتملي عليها لاينساو شي واحد ..
رودينة وزينب ݣلسو يضحكو عليهوم وهوما كيقادو فليدراجي لي كان الشكل ديالهوم زوين على شكل شربيل دالحنة وغاتخشاو فوسطو داروهوم حليوات دائرين ثلاثة فالأبيض ووحدة ذهبية دائرية ووحدة ذهبية على شكل قلب ..
سهرو عليهوم ديك الليلة ومجمعين وكولها فين كيضحك وعلامن كيقشب .. وسناء كاتسنا ديك الليلة لاپيل ديال عثمان تاصونا نيت ولكن هي خلاتو كيصوني دارت سيلونص ورماتو تحت المخدة ديالها ونعسات عااد حساات براسها غاتنعس مرتااحة ومنتاصرة ..
دازت ثلاثة أيام فالتحضيرات والجراوات ختارات البيفي لي غسكون نهار الحنة والݣلسة والعيوع .. وهضرات مع زيانة ياسمين حيت أنوشكا غاتكلف غير بالعرس من حيت غالية ( زيانة أنشوكا كاتخدم ليلة ب 7 -8 دالمليون ) .. هاد الأيام كاملة عثمان حماق بالتعياط وحرام واش جاوباتو اييه احنيني دوزتيها عليها فليلة غاتخليك تندم عليه فعشرين ليلة ..
فاقت هاد الصباح على ريحة المسمن والبغرير والقهوى مطعطعة فالدار ناضت لالة العروسة واليوم الحنا ديالها .. لبسات قندورة فالأبيض باليدين وجمعات شعرها كعكة عاد خرجات ..
وهااد الليلة من جملها لييلة وهاااد اليلة من عضمها الليلة تلمو الحبباب من كل جييهة وتلموو الخوااات من كل مديينة ..
خرجوها بالزغااريت وكولشي كينتاضر يشوف العروسة البلارة ولكن هي كانت مغطاة بليزار كل وحدة مين شاداه .. ومغطينيها الوسط .. كانت بلقة بحكم البارح مشات لصپا وقادات حالتها وضربات لاسير لكوولشي ماسالات المناطق الحساسة تابغات تبكي .. لبسات دوبياش فالأبيض وديباردور وشورط ديالو فالأبيض عاد الجوهرة فالأبيض من فوقهوم حرزات بزيف حياتي، عاد دارت الشال من الفوق فالأبيض حريري ..
حيدو عليها ليزور وكملو هوما تشلال عاد خرجوها بصلاة على النبي وكل واحد شد طاكسي كولهوم مشاو لدار حبيبة من غيرها هي ورودينة وزينب مشاو لعند دار عمها لي كانت كاتسناهوم تما مرات عمهوم طنجوية ستاقبلاتها بالثمر والحليب والزغاريت .. دخلات بعدا وسناء ردات النفس فدار عمها كاترتاح ..
زينب ~ هاهوما ماجين راه بقاو تاغدااو الرجاال وكانو تما الطبلة كيقرااو القرٱن دابا عاد خورجو عاد غايجيو بنات عمك والباقي دعائلتنا ..
وسناء ~ ففف غير قولوم يسربيو را باقي تابااعني المشطة ...
ماهية نصف ساعة تالحقو عائلتها ودخلو مع باب الدار كيزغرتو ويغنيو .. تسناو تاجاو الغياطا والمصور عاد ناضت وسناء صايبات زيف وحطاتليها مرات عمها السلهام فوق الجوهرة طوييل فالذهبي عطاتوليها كادو من عندها وسلمات عليها وغطاتليها راسها عاد دخلوها فداك العمارية وركبوها فوق البغل .. وبداو الغياطا وبنات خالها وعمها من موراهوم كل وحدة وتكشيطها غادين وكيغنيو ويمدحو والمصور كيصور ..
( تقاليد الشمالين أن العروسة نهار الحنة كتمشي فالقادوس كيفما سميتو مين كنت صغيرة وشفت ودواحد العروسة هاكاك .. قلت كتمشي من دار خالتها لدارهوم ويلى ماكانتش خالتها كيكون عمها .. الشمالين غا.ي إعرفو علاياش كنهضر )
كيف وصلو لدارهوم بالزغاريت، والكاميرة كاتصور تم نيت تمات خارجة رودينة بليزار فالأبيض شداتو معاها زينب وإلهام وليلى .. تادخلات العروسة من الباب نيشان طالعة فالدروج مخبعة من الأنضار .. تاوصلات لبيت خوها دخلات لقات الزيانة كاتسناها ومفرشة الماطريال ..
خرجات تازيانة رودينة كيضحكو وسدو عليها الباب وهي بقات غادا جايا تاشوية هبطات عليها داك الرداء لي من فوق راسها وكطلع ميتين دقة فالثانية وقفات شداتها البولة تاكتسمع الباب تفتح .. شوية رجع تسد وكتسمع فالخطوات ديالو كيلعبو على أوثار القلب ديالها لي كيتسمع على بعد كيلومتر كيفاش كيضرب وهو كيقرببيها وريحتو لي بدات كتشم ليها تاوقف قبالها غير ضلو داير منها جوج ..
دقات قلبها مرتافعين وهو واقف حداها كتشوف غير الضل ديالو من بين الشبكة ديال الغطاء لي مغطي وجها، حتا كتحس بيدو كتقرب لداك الرداء الأحمر وكيرفعو على وجها بشوية، تاتحط من فوق راسها، ماعرفاتش فداك اللحضة ماقدراتش تعلي عينيها وتشوف فيه، بقات مهبطاهوم وهو كيشوف فيها تامد يديه لجيهت عنقها وقرب تاحط شفايفو على جبهتها على إثرها غمضات عينيها وهي كتحس بالقبلة ديالو الحنينة وهو بدورو مغمض عينيه ويدو دايرين على عنقها، تابعد وشاف فيها ونطق بصوت حنين وهادئ فيه بحة روجولية ..
عثمان ~ مشاء الله، الله إجعل أيامنا منهنا الفوق كاملين مجموعين ..
بقات هي غير ساكتة وحلات عينيها وطلعاتهوم بشوية تاطلاقاو مع عينو، عرفات أن هاد الشخص لي واقفة حداه دابا هو الراجل لي من صغرها كانت كتقول شكون هاذا لي غادي نكون معاه، عرفات بلي هادا هو الراجل لي غادي تنتاقل لدارو، غادي تكون رفيقة ذربو، غادي تكون أم ولادو، عرفات بلي هادا هو الراجل لي كتبليها الله نهار جات لهاد الدنيا وكان مقدر أنها غايجي واحد النهار وغادي طلاقاه بأي شكل من الأشكال .. طاحت دمعة من عينيها بلا ماتحس تا هز يدو متحسس الخد ديالها ..
عثمان ~ ششش " رجع حنا وباسها فجبهتها ورجع شاف فيها " كنواعدك أنني غاندير لي فجهدي باش مانخليش هاد العوينات يبكيو ..
حركات راسها بإجاب ..
عثمان ~ يالاه ضحكي نشوف " وهو كيتلمس حنيكاتها " c'est le jour j ..
ضحكات غير كمل الجملة ديالو وطلقات إبتسامتها معلية عينيها المعسلين كتشوف فيه ..
حط يدو على راسها بإبتسامة وشاف فيها ..
عثمان ~ أقسم بالله أن تكوني زوجتي في السراء والذراء، أن أرعاك كحضن والديك، أن أكون زوجا وحبيبا وأبا وأخا، أقسم بالله أن أكون رجلا صالحا مؤمنا يخشى الله في أفعاله يتقي ربه في رعايتك، أقسم بالله أن أكون كريما محبا أخشى عليك من الضلم والفساد والحرمان .. " هز يديها بجوج ضمهوم بين يدو وباسهوم بقوة " الله ٱخليك ليا ..
هبطات عينيها ماقدراتش مازال طلعهوم فيه .. الإحساس ديالها وهو كينطق بالقسم، خلا دموعها يهبطو دميعات، إحساس لا يصوف ويدو من فوق راسها، إحساس روا القلب ديالها من نبع الصميم .. تارجع هضر معاها وهو باقي كيمسع فدموعها ..
كتافات تحرك راسها علاه هي قادرة مزال تهضر وهو شللها على الحركة، ماخلا ليها ماتقول، هي كانت كتضن غايصبنها على الإتصالات لي مكانتش كاتجاوبو فيهوم ولكن هو بالعكس كأنها عمرها قطعات عليه .. تناسى الأمر وهضر معاها عادي .. وتفهمها أن دابا ماشي وقتو ..
عثمان ~ ماتفكري دابا فوالو قراي فنفسك أية الكرسي والمعودتين عاد تهبطي ..
حركات ثاني راسها ورجع لثالث مرة باسها من جبهتها وفكل مرا كيحط شفايفو عليها كتغمض عينيها وكتحس بواحد الشعور يقشعر الأبدان ويديها كيجمدو عليها وكيبقاو يترعدو ..
عثمان ~ يالاه نخليك أحبيبة دابا تالغدا إنشاء الله ..
حنا كيشوف فوجها وضربها لنيفها بشوية بصبعو كيضحك معاها .. وتاهية بتاسمات بزز واخا عينيها نازلين فالأرض ... ورجع الغطاء المشبك ..ومشا خارج من البيت .. وماهي دقائق حتا كيتسمعو الزغاريت حدا باب بيتها تفتح عليها الباب كانت واقفة ويديها حدا بعضهوم بالغطاء الأحمر على راسها ..دخلو ݣاع البنات لي مامزوجينيش وكولهوم لابسين قفيطنات فالأخضر حد ركبة وطالقين شعرهوم ..هازين الشمع وشي هاز بحال بنادر صغار فالأمر .. الحاجة لي جات فيهوم زوينين أنهم كاملين علقو شريط فعنقهوم فالأحمر ومربوط على شكل لاصو .. تصافو فجنب وسناء لي مغطية تحت الرداء الأحمر وهي كتسمع الزغاريت تاتطلقات الأغنية التركية ( turkish hennah-Yüksek yüksek ) .. جات رودينة حداها هازا طيفور صغير فالأخضر وفيه زلافة ديال الحنة وقدامها جوج شمعات كبار وحدة مكتوب فيها وسناء ووحدة عثمان، جات المصورة ووقفات قبالت الباب كتصور وبدات وسناء فخطواتها الأولى وهي كتمشى بشوية ورجعو البنات من موراها كيضربو على البندير ولي هازين الشمع زادو قدامها وفأولهوم رودينة ..
هابطة فالدروج وهي كتقرب لصالون وناس لي حاضرين كولشي وقف كيشوف فهاد الدخلة لي دارو للعروسة داروها وااااااااااو .. حبيبة وقفات مع الدخلة ديال الصالون هازا الزهر ولابساليك قفطان موبرا فالݣرونة بسفيفة مذهبة وصمطة ديال الصم وشربيل كذلك .. .. وصلو البنات لي هازين شمع لدخلة ورجعو تفرقو على دخلة باش دخل العروسة بجنبها زينب وموراها البنات داخلين كيضربو مع الدقة ويشطحو معاها .. والمغنية مع الأغنية بدات تغني .. الحضور كولشي بدا يصفق وهوما غادين بيها تاݣلسوها فواحد الكرسي فوسط الصالون بعيد على الكرسي دالحنة الكبير ودارو وحدة شادا شمع ومن موراها لي هازا البندير وبقاو غادين فهاد الترتيب وهوما كيدورو عليها والأغنية خدامة وزينب كتقادليها القفطان مع الݣلسة ورودينة هازا تاهية داك الطيفور وكدور داخل المجموعة عليها .. كولشي إستغرب وماتوقعش دير التقاليد ديال التواركا فالحنة وجاهوم داكشي زوين ومشكل .. وعائلة العريس كاملين كيشوفو فهاد الترتيب المقاد والمتول .. الأغنية جات زويينة فهاد الأجواء ولكن الوحيدة لي كانت كتعرف شكاتعني هي وسناء حيت هي لي ختارتها وشافت الطرجمة ديالها عاد دارتها ..
~ متَشـابهه كِـل #الليَـالي أمّا ليلـتنا غِير ... من فَـرحنا #للحُـب نغني ... وإحساسنا #إحْـسَاس طـَير الليلـة .. من قدنا في فرحنا وحبنا الكل يدعي معانا الله يتمم بخير الليلة ليلتنا غير ~
هي حانية راسها وكتلوي يديها مع بعضهوم من التوتر والبنات كيضورو وغادين مع إقاع الأغنية .. تاشوية وقفو مصافين معاها سطر واحد وجات رودينة رشات عليها الزهر وحطات داك الطيفور حدا رجليها ووقفاتها وعاودت ݣلساتها 7 دالخطرات .. وكحزات جنب وجات زينب من الجنب الأخر وزادو بيها والبنات من موراها تابعينها تاوصلو بيها للكرسي لي كراو من عند النݣافة وطلعوها جوج درجات عاد ݣلسوها .. وبدات تبان لكولشي وراسها باقي مغطي .. وقبالتها فالحيط لي قدام الباب محطوط البيڤي ديال الحنة كيحمق بليدراجي ديال الحنا والشمع والحنة بالخنيشات وأيضا أشرطة كيتعلقو فاليدين مكتوب فيهوم زفاف وسناء .. والشمع أيضا مكتوب فيهوم نفس الشيء .. وطاولة محطوطة حدا الطرسي فيها معدات الحناء وقدامها النقاشة كتخلط فالحناء وكدخلها فالبرا .. وفالجهة الأخرى العداية شادا الميكرو فيديها وكتسنى تسالي الأغنية باش تبدا هي ..
وماهي دقائق باش مدات يديها تسالات الأغنية وهوما يبداو الزغاريت كاع دوك البنات ݣلسو بجنب الكرسي باقين شادين الشمع فيديهوم، وحبيبة جات وقفات حدا العداية كتشوف فبنتها كتحني، رجع سكااات وهي تعلي العداية الميكرو باش تبدا العيوع الطانجاوي ..
تبكي وتقول مابكات وغير تفكر بلي غادي تفارق الدار لي كبرات فيها .. الدار لي حلات عليها عينيها .. الدار لي ولفاتها ونعسات فيها وضحكات فيها .. الدار لي كانت كتشوف فيها كل نهار باها ومها .. الدار لي تصرفات فيها بكل حريتها .. دابا غادي تمشي .. وتخليها .. غادي تمشي وتخلي بلاصتها خاوية .. غي تمشي وتخلي بيتها وناموسيتها وحوايجها باش كانت عزبة .. اليوم غادي تبدا حياة جديدة .. فبلاصة أخرى .. مشات باش تبعد على واليديها وترجع تاهية أم وتولد البنت لي غادي تجي تاهية واحد النهار وتودعها .. هادي سنة الحياة .. وهاكا تخلقات بالنسبة للبنت .. كاتزاد فدار باها ومها باش تجي واحد النهار وتمشي بحالها .. فهاديك الدار ماشي دارها ديما وإنما غير فترة مؤقتة كتحتاضنها بكل حب وحنان تايجي النهار لي غاتمشي فيه .. هاد الشيء لي كتفكر فيه وسناء أنها غاتفارق حضن مها .. أنها غارجع دخل لدار وماغاتبقاش تعيط ممّا ..حيت ماغاتلقاهاش كيف ديما .. ماغاديش تفتح عينيها على صوت مها لي كيفيقها كل صباح .. ماغاديش تجي وتلقا حوايجها مجموعين ومطويين ومصبنين ومقادين كيف ديما .. كل ما كتفكر فهادشي كيزيد قلبها يتقبض ويهبطو بلاصتهوم دموع ماكيعرف بحرهوم غير لي غايكون ݣالس بلاصتها وعلى مقروبة #الوداع ..
مافارقاتهوم غير ياقوت لي ناضت عندهوم وتاهية دموعها على خذها .. حيداتها عليها وجبدات كلينيكس كتمسحليها دموعها ..
هي بقات مع وسناء رطب عليها وكبيبة ثاني جاو عندها العيالات لوخرين كيسكتوها ختها مليكة وتايشة أما جذاتهوم الكبيرة تاهية من بعيد تبكي شوية وتهز الموشوار ديالها تمسح .. تارطبو الأجواء وسالات العداية عاد ناضو البنات منهوم صحاباتها وبنات خوالها وعمها .. ووقفو كاملين دايرين بيها وتطلقات أغنية ( صفاء وهناء - ليلة الحناء )
ناض كولهوم كيشطحو س حاولو يضحكوها تاطلقات الإبتسامة ديالها وهي قربات تسالي اليد ثانية عاد دازتليها لرجليها وهوما كيشطحو ورجعو كيتصورو معاها وديرو سيلفي كاملين بيهوم وي عاودو يشطحو ماخلاو ماطلقو - سعد المجرد - دوزي - زوهير البهواي .. تاناضو تاعائلة العريس البنات ديالهوم إشطحو تاهوما تاسالاو ليها النقش ودارت النقاشة تبدا للبنات وحدة مور وحدة ورودينة هزات دوك الربطات داليد كتفرقهوم على البنات لي ممزوجينش باش إجيهوم الفال ويتزوجو وذكرى من الحنا دعروستنا وسناء .. كولهوم ربطوها على يدهوم وشي كيشطح شي كيتصور شي كيغني شي كينقش .. تاتجمعو واحد اللحضة كااملين حداها ودارو سيلفي جمااعي .. نوضوها من بلاصتها من بعد مانشفاتليها الحنا وركباتليها حبيبة شربيل ديال الصم وعطاتها السلة ديال ليدراجي دالحنة كاتفرقهوم بدات بعائلة العريس كتفرق وتقول مرحبا وتبتاسم عليهوم كاملين ورجعات دازت لعائلتها هي تاسالات .. عاد جمعو النسا كاملين ودارو ربعة ديال الربايع وݣلسات هاد المرا وسناء مع الرباعة ديال صحاباتها وبنات عائلتها .. كيتعشاو ومقشبين .. تاسلا وناضت عائلة العريس كاتسالم باش تمشي بحالها .. وبقاو فالأخير غير البنات فالصالون طلقو بيناتهوم الشعبي ورجعو كيحزمو وكل وحدة تقول للأخرى ماشفتي والو تاحزمات وسناء على القفطان بعد ماحيدات الصمطة باش كانت محزمة وجات الوسط وهي تبدا هاك بالاك .. فرجاتهوم كاملين نن شكون تسوق راها عروسة بداو يتضاربو بنصهوم .. ورجعو طلقو أغنية داني ديتو ووسناء كتغني وتسناپا مع البنات دارو ليلة حنا ومنها حفلة عزوبية مانعسو تالربعة دصباح .. وطاحو كاو كلها فين تلاح أما وسناء نعسات فبيت مها وباها حيت بيتها پلان وعامرا بحوايجها ومسدود عليه ....
جا الصباح باش إطل على ليلة العمر كيفما كيقولو .. دار العروسة كولشي نايض بكري .. شي كيتجارا يوجد الفطور لضياف .. شي كيجمع الدار ... طلها فين مشغول .. فاقت عروستنا على صوت مها ..
حبيبة ~ ونووضي لمووك راجلك دابا وهو جااا بااش تمشي نتي وبااك وباااه تضربو العقد ..
غير سمعات العقد بحالي عاد فطناات ...
وسناء ~ كيفاااش وااش دااباا ..
حبيبة ~ لاا تالغداا ونووووووضييي لموووك ..
عاد بدات كترجع الذاكرة وتفكر بلي قاليها راه شي حاجة غدا بغيت نشوفك بيها ناضت طايرا من بلاصتها مشعككة وغير بضوني وشورط فالأبيض .. الحنا حمرااا فيديها والخاتم دزواج فيديها ليسرية كيلمع دخلات لحمام ودخلات معاها تامها لواتليها الميكة على يديها ودخلاتها لدوش فركاتها وغسلات ليها شعرها عاد خرجاتها منورة وحنيكاتها موردين ..
وسناء ~ ممّا عطاااك عثماان شيي حااجة لبااارييح ..
حبيبة ~ " ضربات يديها على كف يديها الأخرى " ايييه حݣاا فكرتيينيي راه خلاليك واحد الهدية عاايني هاني نجيبهاليك ..
مشات وخلاتها حيدات الفوطة على شعرها كتنشفو وحيدات الميكات من يديها دات هاكاك باش ماتقاسش الحنا بالما وتبهات .. تاشوية تمات مدخلة ليها حويجها لي تلبس ومعاهوم كرطونة مستطيلة الحجم .. ومشات خرجات باقي تابعها الشغل .. بقات كتشوف فيها تامدات يديها حلاتها تاكيبانليها حداء فالأحمر عالي مع و فالأحمر هزاتو كتشم فيه وتشوف لاكارطلي فيه مكتوبة فيه " صباح الخير لأحلى عروس " بتاسمات معليا حجبانها بتكبر مدات يديها لتوب لي كان تحت من داكشي تاكتهز عباية فالأبيض رائعة هابطة بسفيفة فالأحمر وتحت منها قميص حريري فالنحاسي المتموج ..
ومعاهوم فولارا فالأبيض هزاتها بين يديها وبقات شحال كتشوف فيها .. لبسات داكشي ومشات حدا المرايا كتشوف راسها كيجات ..
نهااااار العقد ..
خلات راسها طبيعية كتافات ببودر حمرا وݣلوس خفيف ورشات ريحتها وجمعات شعرها وحطات الزيف فوق شعرها بعد ماخلاتو باين من القدام ولبسات الحذاء الأحمر وهزات بوشيط فالأحمر .. عاد هزات تيليفونها لي ماشافتو من البارح لقات الميساج ديالو سيفطو ليها البارح وماكانتش شافتو أصلا .. تنهدات ومشات خارجة عندهوم كيف شافوها طلقو الزغاريت وجات حبيبة سلمات عليها .. وأيضا البنات وكولشي كيبارك ليها تادخل باها وهو يبتاسم مين شافها ورجع جرها ودخلها لبيتها ودخلات تاحبيبة من موراهوم وسدات الباب .. وقف قبالتها وبقا شحال كيشوف فيها أما هي رجعات مهبطة عينيها .. تاهضر ..
قرب باها وعنقها وتاهية بادلاتو العناق كيفما دار وشنو مادار كيبقا باها .. وبزز منها طيع الأمر ديالو ولكن هادشي لي داروليها عمرها تنساه حيت واخا يقولو لي قالو عمممممممررر ماتسرطليها أنها غادي تزوج هي الثالثة ..
أحمد ~ " بعد وشاف فيها " إيوااا اللله إكممماال باللخيير .. يالاه نمشيو ..
دارت خنزرات فيها وشافت فيها شوفات كون كانو قرطاس كون تيراااو ..
ويناء ~ " معصبة "كااااشوووفتيينيي يااناا داابا غااهضراات .. هضاااااارت !!!! تفوووو .. مشات قبل ماترد حبيبة تابعا باها مخنزرة تاخرجات لبرا باش تشوف عثمان واقف بطوموبيلتو هو وحداه راجل كبير فالسن كانت ديجا شافتو أول مرة جا معاهوم باش إشوفوها ..ولور ݣالس باها دور راسو كيشوف فيها لابس نضاضر دالشمس .. وهي غير طلعات عينيها شافتو كيشوف فيها قلبات وجها ضحك ودور راسو بلا حول ولا قوة إلا بالله .. فتحات الباب وركبات .. وهو يدور داك الراجل عندها ..
~ مرحبا أبنتي ..
وسناء ~ " بحياء " شكر ًا ..
ديمارات الطوموبيل كيشوف فيها من الجاجة هي لي مطلعاتش ݣاع عينيها فيه وهو كيف خرجات عندو طلعها من صبع رجليها الصغير لراسها وداك الحجاب لي زاد زينها دار إبتسامة على محياه وهو موكي بيدو على الشرجم وحك ليحية ديالو بشوية وهو كيسمع الحوار لي بدا بين أحمد ومحمد يوسف باه ديال عثمان ..
كانت طول الطريق غير ساهية وغير صوتو لي كيشارك بهدوء فشي رأي مع باه وباها كيخلي لحمها يتبورش .. تابلاصا الطوموبيل ونزلو متاجهين للبيرو عند العدول .. خطواتها كانو ثقالين المقارنة معاهوم .. تادخلو لتما ..وقفو أحمد ويوسف كيهضرو مع بعض ودار عثمان عند وسناء ..
طلعات نفس ومشات فين قاليها ݣلسات ورجعات متبعة معاهوم العين كيتبادلو بيناتهوم فالوثائق وكيهضرو مع واحد الراجل ٱخر تامشاو دخلو باواتهوم وعثمان أشار لوسناء باش تجي عندو تسناها تاوصلات عاد سبقها دخلات هي اللولة عاد هو وسد موراه الباب ..
ناض العدول وقف بلاصتو كيسلم على يوسف وأحمد .. وهي كتشوف رجع عثمان جرها من الخصر ديالها شوية وأشار ليها لبلاصة لي حدا البيرو دالعدول وݣلسات عاد رجع هو ݣلس قبالتها ...دخلو جوج رجال من الباب وݣلسو فكراسا مع أحمد ويوسف .. كانت كتحس بالرجفة .. وشعور يقشعر له الأبدان وهي كتسمع العدول كيقرا فرسم الصداق أو مايمسى " بعقد النكاح " .. كانت كاطلع غير نص عينيها كتشوف فعثمان مشبك يديه وكيسمع ماعرفاتش علاش تغرارو عينيها .. هي أول مرة تجي لهنا أول مرة تحس بهادشي ولكن هو ماشي أول مرة .. هي دابا بحالي غير زايدا غايديها .. طلعات النفس بزز وحاولات تشد راسها باش تبع مع العدول .. باش كتسمع بلي عطاها 5 دالمليون فصداقها .. عوجات فمها وقلبات عينيها حركاتها المعتادة مين كتكون ساخطة على الوضعية .. واخا ديك الساعة تجيبيليها لي جبتي ماكاتشوفوش .. بعد ماسالا العدول القرايا شاف فعثمان ..
العدول ~ سي عثمان إبن الفهري بن محمد يوسف بن صفية الودكي واش قابل تزوج وسناء الحراق بنت أحمد بن فاطمة الزهراء العساف على سنة الله ورسوله شرعا وقانونيا ؟ ..
عثمان ~ " تم نيت " قابل اسي العدول ....
العدول ~ " رجع شاف فوسناء " وسناء الحراق واش قابلة تزوجي عثمان إبن الفهري على سنة الله ورسوله شرعا وقانونيا دون إكراه ولاتكريه ؟ ..
طلعات عينيها فيه ورجعات شافت فيه كيشوف فيها نضرات عادية وهادئة دوزات لسانها على شفايفها ونطقات ..
وسناء ~ اه قابلة ..
العدول ~ " مد الكتاب لعثمان " سني هنا ..
عطالو الستيلو كتشوفو كيتحرك فيديه ببراعة وبخط رقيق سنا بسميتو ورجع مدليها الكتاب وستيلو هزاتو بصبيعاتها المنقوشين ولافخونش باينة فيهوم شحال من مرا كانت كتفكر كيغادي تسني فكتابها وشمن خط غي دير .. هاهيا دابا وصلات لديك اللحضة .. حركات يديها كتسني بسميتها عاد تمد الكتاب لشاهدين سناو .. ووقف العدول كيتسالم مع عثمان ويوسف وأحمد وهي غير كاتشوف صافي دابا رجعات مراتو وبسميتو !! ..
كتشوف غير المباركات بين الرجال تاكيقرب ليها باها وكيسلم عليها وعنقها وبارك ليها زواج .. وأيضا محمد يوسف .. تاشوية كتشوف عثمان جاي فإتجاهها .. شتتات النظر باش ماتشوفش فيه احح وهاهي غير ريحتو كطير ليها الفيزبلات أما واحد الصوت كيفما هضر معاها دابا قاصح وروجولي ..
عثمان ~ مبروك عليك أمراتي الغزالة ..
طلعات عينيها وطلعات فيه حاجبها ..
ضحك على هاد الغوباشة لي دايراها ...
عثمان ~ شنو زعما ماتباركيش لراجلك ..
دورات وجها كضحك ضحكة صفرة ورجعات شافت فيه ..
وسناء ~ كنعراااف ناااس كيبااركو فلمراا اللوليية أما كترت المباااركة كااتطلااع فراااس أولى لاااا ..
خرج لسانو مدوز على شفايفو متنهد من هاد المخلوقة وعاد شاف فيها ..
عثمان ~ واخا الالة .." مد ليها يدو " تسمح لينا هاد الزين ندربو بيها دورة ..
وسناء ~ " هزات كتفها " واخا تدووز اخاااي ..
ومشات خلاتو واقف جمع يدو كيضحك مبرد ومشا تبعها خرجو من تم لقا باه وباها مشاو على رجليهوم وخلاوهوم نيت جات على الخاطر ..مشات حلات الباب لي حداه ودخلات وسدات الباب عاد كتركب الصمطة طلع تاهو وركب الصمطة عاد دار شاف فيها ..
عثمان ~ فين تبغي تمشي مراتي الزوينة ..
ديك مراتي كتخلي شعر يديها يوقف ومحملااتهااااش مين كتفكر هي مراتو اوس ثلاثة ...
وسناء ~ " مكلفاتش راسها دور تشوف فيه " نتيييناا قوولتيلي غاااتضراااب بييا پااسيوو ( دورة ) إيوا نتيينا مشيي فااينماا شووفتي ..
دار كيضحك هو كتهبلو غير بهدرتها وصوتها الرقيق وهضرتها المفشكلة ..
عثمان ~ هه سير عالله ..
طلق فالطوموبيل أغنية دارتها بيا ديك الجنية ديال تييو تييو .. وقلع تاشوية بدات كضحك حيت الاغنية حسات بيها غير عليها ..
هبطات المرايا كتشوف راسها فيها قادات شعرها وقاصتو لقاتو نشف وهي طلقو مسرح ليها .. هزات البوشيط وجبدات منو ݣلوس عاودات شوية منو ورجعات رشات الريحة عاد حطاتو وهزات تيليفونها كاتسناپا فالطوموبيل باش تعيق شوية وتفقص عينين العديان .. تادازت شي ربع ساعة تافتح الباب كانت دايرا شكل قبلة وكتسناپا .. دغيا هبطات تيليفونها درات راسها كتخدم فيه .. كيف طلع شاف وشاف داك الشعر لي طالقا مسرح تنهد ودار باش إدور الكونطاكط ..
دار النضاضر دالشمس ونزل وسد الباب هي بقات غير كتشوف فيه عوجات فمها قادات شعرها فالمرايا وخلاتو مطلوق وتمات نازلة خلاها تاسدات الباب وسورت طوموبيل من الكونطاكط .. مشات هي تبعاتو بخطواتها الصغيرة مفارنة مع ديالو كبار .. كانت كافي RR - ICE ..وقف حدا طاوبلة فهواء الطلق ݣلس .. وهو متبعليها العين جايا كاتمايل وداك الشعر كيتمايل معاها تاوصلات لعندو وݣلسات قبالتو بشوية ومخدمة البريستيج ديالها ..
عثمان ~ " إضار للسرباي جا عندهوم " خويا واحد كافي نواغ وكريب شوكولا .. وكابوتشينو شوكولا ..
السرباي ~ مرحبا خويا ..
مشا هوا وهي بقات كدور عينيها فالبشار أما هو هز تيليفونو كيشوف فيه .. بقات كدوز بنص عين عليه علاش زعما قلب عليها وجهو حيت قالت ديك الهضرا فالطوموبيا ويتقلق ݣاااع وهي ماالها .. شوية نفخات تاطلع نص عين فيها ...
عثمان ~ " راد بالو مع واحد خونا من الصباح وهو كيشوف فيها دار عند وسناء وهضر بجدية " وسناء أجي هنا " أشار ليها لبلاصة حداه " ...
ويناء ~ خرجااات عينييها ) علااش !! ..
عثمان ~ ههه غير أجي راه ماكانعضش ..
عوجات فمها وناضت تحركات تاوصلات حداه وهي باقي مازاعماش مين كتقربلو لحمها كيبقا يبورش تاݣلسات بعيدة عليه شوية حيت الكراسا عبارة عن فوطويات .. شاف فيها وضحك ..
عثمان ~ " جرها من يديها تاحلات عينيها ولصقها معاه " أجي لهنا مالكي خايفة ..
عثمان ~ " شاف الساعة لي فيدو " باقي يالاه 11:30 ..
وسناء ~ دييكشيي يالاه نجي معاا الوااقت ..
عثمان ~ لاكنتي ساليتي يالاه نمشيو ..
ناض هز سوارت وتيليفونو عاد ناضت تاهية هازا البوشيط وتابعاه كتكسول فمشيتها تاوصلو لطوموبيل طلعو عاد قلع ..
دورات عينيها كتشوف فيه هو لي سايݣ بيد وحدة واليد الأخرى حاطها على فخضو .. بقات مترددة واش تسولو ولا لا ..
وسناء ~ ا احم .. عثمان ! ..
عثمان ~ "جاوبها بهدوء " وي ..
وسناء ~ علاش تعاصابتي قبييلة واش حييت سواالتك على مرااواتك نتيينا عاارف ماعوومري سوولتك وتشووف نتيينا كيف تعاصاابتي عليااا ..
عثمان ~ " دور عينو شاف فيها كتنتضر الجواب " الطريقة باش هضرتي لي ماعجباتنيش ، كون جيتي وسولتي عادي غادي نجاوبك ماعندي تاموشكيل، وديجا كنت قتليك واش باغا تعرفي شي حاجة عليا قلتي لا دونك فين كاين الموشكيل ! ..
مد يدو لي كان على فخضو لشعرها كيتحسسو بيدو .. هي مافهمات والو ..
وسناء ~ أنا غانهااواد دابا ..
جمع يدو وشاف فيها بإبتسامة ..
عثمان ~ سيري مين نعيطليك جاوبي ..
هبطات من قدامو وسدات الباب كتشوف فيه ومشات تادخلات لدارهوم لي كان بابها محلول وشي داخل شي خارج .. دور هو عينو لجيهت الكوسان فين كانت ݣالسا ..وهو يشوف شال الأبيض لي كانت دايرا على راسها خلاتو تما هزو بين يدو كيضحك ورجع حطو فبواطاݣون وديمارا مشا ..
دخلات لدار لقاتها مشقلبة وكلها مين كيجري .. كيف وصلات لصالة، كتسمع الموسيقى غير دخلات عليهوم وهوما يدورو بيها كيغنيو ..
حبيبة ~ " شدات على راسها " ونااري على حنطورة جبتها من كرشي وميمتييي ..
زينب ~ الحمااارة رااه أي وحدة قبل ماتزوج كاادير شهاادة العزوبة مالكي عاوتاني محنطرة .. ارسال
مسحات دموعها كضحك ~ ههههه مايصحاابلييشي ..
بقاو هوما غير كيشوفو فيها ويتمتمو بالله إستر ..
دخلو عند طبيبة نعساتها فواحد الباياس بعدما حيدات الفوقاني ديال العاباية .. كانت شداها الرعدة وهي كتحس بيها كتقلبها فلحت ديالها تاجمعات الطبيبة يديها كتحيد فالبلاستيكات داليد وهضرات ..
طبيبة ~ صافي نوضي تبارك الله عليك ..
حيدات عليها الريدو وهي ناضت كتلبس فالفوقاني ديال العابايا ..والطبيبة خرجات عند زينب وحبيبة .. وݣلسات كتهضر معاهوم ...
الطبيبة ~ كولشي عندها مزيان والحمد لله طبيعي الله إجعل كولشي مبارك ومسعود ...كتبات ليها فواحد الورقة وعطاتها ليهوم ورجعات باركاتليها ووسناء دايرا إبتسامة صفرة .. عاد خرجو من عندها وشدو طاكسي لدار ..
كيف وصلو دخلات لداخل كان كولشي كيتسناها فالصالون .. مشات نيشان لبيتها كانو تقريبا حوايجها كاملين مجموعين، دخلات معاها زينب لي وقفات معاهوم وقفة دالرجال فهاد المناسبة، وأيضا رودينة لي كانت يالاه جات، وبداو إيدورو بيها لبسوها جوهرة فالأبيض وذهب لي شارليها باها مع شربيل فالأبيض فرجليها لي مزينين بالحناء طلقوليها شعرها وخلاوليها وجها طبيعي مافيهش نقطة دالماكياج .. وخرجوها لصالون فين كانت جداتها وبنات خوالها وعمامها وخوالاتها وعماتها ...بداو إصليو على النبي تاوقفوها فراس الصالة حانية راسها .. ورودينة حداها هازا بلاطو فيه شال طويل فالأبيض ... دخل مصطفى عليهوم فالصالون وهوما باقين كيباركو .. وتاحمزة .. الصغير ديالهوم لي كان كيلعب حداهوم .. مصطفى قرب من وسناء وبقا كيشوف فيها هي لي حانية راسها .. فهاد اللحضة ماقدراتش رودينة تحبس دموعها لي بداو إتصربو من عينيها .. تاجات جداتها وباستها من حناكها وعنقاتها كتبكي ..ووسناء دورات عليها يديها وعينيها مغرغرين .. تابعدات وجات ثاني زينب سلمات عليها وعنقاتها كذلك .. وهكاك مع بقية كبار العائلة تاوصلات لرودينة لي كانو ديجا دموعها خداو طريق فحناكها .. عنقاتها كيشهقو بالبكا بجوج بيهوم .. مابعداتهوم غير يد حبيبة ودوراتها عندها عنقاتها ...
وسناء ~ " ماحسات غير أنها نطقات كتبكي " هنننن بعتينيي اممّااا اهئ اهئ بعتيينييي ...
ماقدراتش حبيبة تجاوب وهي كتهمس بهاد الكلمات فودنيها وكتحس بالخناجر كيتغرسو فقلبها ..بعدهوم مصطفى لي كان الحزن مليئ فوجهو وهو كيودع ختو الصغيرة .. زاد عنقها وبقات كتبكي بشهقات متتالية فكتفو وهو كذلك نزلو دموعو بكاءا على صغيرتو ... عاد بعد ماقادرش إيشوف فيها وهز الشال من عند رودينة وقبل مايحطوليها على راسها قرب وباسها من جبهتها وهو مغمض عينيه عاد حط الشال على راسها مغطيليها وجها .. دورات زينب راسها كتبكي ..وجداتها تاهية .. أما مها بعدات شوية ماقدراتش تصبر .. ووسناء دموعها كانو كيتساقطو من تحت الغطاء لي مغطي وجها ... مد مصطفى يدو وحدة تحت من ضهرها ووحدة تحت من فخاضها ..وهزها بين يدو ودار غادي بيها والبنات من موراه كيرشو الزهر .. مشا هابط بيها من الدروج وتبعاتو زينب هازا السيكان ديالها لي غاتحتاج عند النݣافة تاوصلها لتحت وفتحوليه الباب خرجها لبرا، كانت هاديك ٱخر مرة غاتخرج من دارهوم عزبة حيت من تم نيشان للقاعة ومن القاعة لدار راجلها، حطها مدات يديها تحت شال كتمسح دموعها وهو أيضا كياخد نفس بعيد عليها ..
هزات قرعة دالما وشربات منها جغمة وهي كتبرد على روحها دورات عينيها لمصطفى لي كان عاطيها بضهرو تامسح دموعو وتوݣض عاد دار عندها ..
مصطفى ~ يالاه ...
مشا ركب فالطوموبيل وزينب أيضا حطات الباݣاج فالكوفر ومشات باش طلع حلات الباب، وهي تشوف فوسناء لي باقين عينيها على دار غمضاتهوم ونزلات دمعة سخونة هزات يديها لشال ورجعاتو على عنقها ومشات ركبات قدام مصطفى .. عاد طلعات زينب كتنهد ..
خلاو مالين دار كيبكيو ويبردو على بعضهوم، أمّا حبيبة طاحت ليهوم فالأرض تبكي وتقول مابكيت وتقول عطيت بنتي عطييتها .. عطييتها .. تابقاو إقولو نعلي الشيطان الله إهديك .. أما رودينة غاݣالسا فبيت ختها هي بعدا ماحساتش بحر الفراق كيفما غاتحسو ختها لي عطاوها لبلاد بعيدة وغاتخوا عليهوم دار وماغايبقاش صوتها كاسر دنيا كيف ديما ...
وصلها مصطفى لقدام لصالون ديال النݣافة هبطات زينب كاتجيب الباݣاج وهي يالاه جات تهبط وهو يوقفها مصطفى .. دارت شافت فيه جرليها يديها وحط فيهوم الجوا ..
وسناء ~ شني هاادا ..
مصطفى ~ هادا الكادو ديالك ..
وسناء ~ شني لا لا اخااي ماابغيتوش غيي خ..
قاطعها مزير يديها على الجوا ..
مصطفى ~ من فوياااخ أختي رجااعتي ترااجااع الهدية فوجهي " مد يدو كيتحسس فالخذ ديالها " نتي ختي الصغيرة وغاتبقا دايماا هايدا وليي بااكاك غاايلقااني فطرييقوو.. " حنا على يديها باسها " سمحاالنا أختي سمااحلناا على هااد التزوييجة .. " دلات شفايفها كطفل يستعد للبكاء وفعلا عينيها دغيا عمرو بالدموع " سمااحلنا أختيي ..
تلاحت على كتفو معنقاه وهو كيطب طب على شعرها ..
مصطفى ~ لاعملك أي خااجة قوولا لخاااك " كحزها عليه وشاف فيه كتنخصص " عووومرك تنساا بليي عااندااك خااك .. كيناا لي يحمييك وكييناا لي يوقف فطرييق ديالك واخا تكون غاالطا .. لاعملك اي حااجة اجيي قولاالي صاافي أختي ..
حركات راسها بأه رجع ضمها تاتفتح عليهوم الباب ..
زينب ~ " كضحك باش تلطف الجو " وصااافي قتلتوووناا تقوولي غاغادا لمووتك ااكي غادا تزووجي وشكوون بحاالك ..
مصطفى ~ هانتيينا نااس كييغيرو حيت ماعاندوومشي " ضحكات وسنااء كتشوف فزينب لي حشماات وندمات تاعلاش هضرات " ..
وسناء ~ هههه عباار علييك يالاااه شباااار .. ( متأكدين هادي لي عاد كانت كتبكي ) .. " دارت عند خوها " شووكراا اخااي نرجعاالك فسااعة الخيير ..
مصطفى ~ واامشي مشيي اش غاترجااع بعدا نتهانا منك ..
هبطات كضحك خدات نفس وفكرات بلي ليلتها وخسها تكون أحلى عروس ... مشات تابعا زينب طلعات لصالون .. ودخلات سلمات على أنوشكا .. والبنات لي كيخدمو معاها كولشي دار بيها .. حيدات داك الجوهرة ولبسات پينوار ... حريري مكتوب فيه من اللور " bride " وبداوليها بشعر دارتلو بوكلي ووحدة كاتقادليها فدفار يديها .. تاسالات ليها ودازت ليها للميكاب .. والأخرى كاتكمليها دفار يديها .. وفنفس الوقت مجمعين معاها .. وزينب كتاخدليها تصيورات بعد ماصيبات البروشينݣ لشعرها .. عاد دازتليها للبسة لي قررات تدخل بالشدة الشمالية .. بدات ليها بالزيف لي كيتحزم على الراس .. عاد لبسات ليها التكشيطة فالأحمر .. وختماتليها بالمجوهرات لي كيتقادو ومن بعد 5 دسوايع كانت عروستنا كيف الأمر ݣالسة فوق الكناپي وزينب كتصور فيها هي التالية لي كانت دارت كرلي لشعرها وربطات غير الجناب جات فنة مع تكشيطة فالأسود ومجوهرات فالنقري .. عيطاتليهوم رودينة كيعلموهوم بلي راه جايين .. فالطريق .. وسناء كتحس بداكشي تقيل ووجها عامر طبعا دارت ليها ميݣاب دالعرايس جات فنة فنة .. وبان عليها الزين الجبلي ..وطاح عليها السر ديال بصح .. بدات النݣافة كتجمع المعدات ديالها باش تمشي معاها للقاعة لي كانت حسب أقوال حبيبة عامرة .. وهي وياقوت واقفين حدا الباب كيستقبلو فالناس بٱناقتهوم المعتادة .. وطاولة دخمة فالدخلة بالكيسان دالحليب والتمر وأي واحد دخل كيقدم الدعوة دالعرس لبوديكار لي جابهوم عثمان واقفين حدا القاعة .. الطرب الأندلسي مطلوق فالقاعة والطاولات بداو يعمارو وكلها داخل وكيحط من يدو الكادو فوق واحد الطاولة مقابلة مع هاديك ديال التمر .. الجوق النسوي الشفشاوني كيتقادليهوم الماطريال فالبلاصة ديال الجوق وحداهوم مولات الديدجي .. من الجنب الأخر .. ديكور ديال القاعة كان كييحمق وتلعب عليه الذهبي والو الأبيض فوق من الطاولات المستطيلة الشكل .. وكل وحدة متكونة من عشرة دالكراسا .. الهبطة مين غاتهبط العروسة تجهزات بالورد وبودرات طوال .. وأيضا الكرسي لي جات عندو إطلاالة رائعة كرسي ملكي وااعر ... تريتور العلوي لعب ليهوم على ديكور كيسطي وكيشهي ..باش إطلع عرس معتبر ..
الكلاكسون بدا كيتسمع وطوموبيلات كيتصافو باش إنزلو منهوم البنات ورودينة فالمقدمة غادا مطلعة التكشيطة الذهبية لي كاتبري بالزقلي والشال على راسها غير محطوط وباين منو شعرها لي مصايب من لتحت ... دخلات عندها مدخلة معاها المصورة .. والبنات لي مع أنوشكا كيستاعدو للخرجة بتكاشط فنفس اللون ..
رودينة ~ " قربات كتشوف فختها لي طلعات حسن حتا منها فالعرس " مشااااء الله طلاااعتي كاااتحااماااق مزييونة مزيييونة هااايدا الزااااين ...
خرجو لبرا وهو إتضرب الضوء فوجها ديال المصورة لي بدات التصوار وبنات خلها وعمها كيصليو على النبي ويزغرتو دازو تصورو معاها وزينب بقات تاغاتجي مع الزيانة فطوموبيلتها مع الماطريال ..
طلعات عروستنا مع خوها لي كراليها داسيا داستر فهاد النهار الواعر وزوقها لأحلى عرووس وطلعات ليلى حداه وصفاء وٱلهام مع عروستنا اللور وقلعو وموراهوم الطوموبيلات ديال ولاد خالها وعمها ورودينة مع راجلها وهزات معاها تاشي صحابات وسناء لي كولشي جاي باش إجيب العروسة من الكوافورة ...
وصلو للقاعة كانو تما واقفين الدقايقية خرجو النݣافة هوما اللوالة كيصليو على النبي .. وهوما يبداو الدقايقية يطبلو والتطياط ديال الطوموبيلات خدام .. لداخل سمعو العروسة جات بتطياط والدقايقية لي بداو الدقة .. عائلة العريس كانو كاملين فجهة وحدة .. وكل وحدة تقوليه م أنا وأنا .. بالتكاشط لي لابسين ..
تفتح الباب على وسناء لي كانت كترعد ورجليها ماهازينهاش مين كتشوف كوولشي كيشووفها والحايحا نايضة ..جا مصطفى قدامها لعند رودينة كيشطح معاها على دقة المراكشية والمصورة كاتصور .. تاخلطو عليهوم ولاد عمامها وولاد خوالها نساحبات رودينة خلات غير البنات دالعائلة كيشطحو معاهوم ومشات وقفات كتصور فوسناء لي كتمشى بخطوات قليلة باش دخل للقاعة .. تطرطقو الفرقعات فالسما بالألوان .. وتشعلات الشعلات جنب الباب ديال القاعة مع ديك الألة لي كتطلق البخار ..الضيوف كولشي وقف باش كيشوفو وسناء داخلة مع القاعة .. بلبسة الشمالية .. وهي تطلق أغنية العروسة جات أيما لالة البنات ...
تاشوية هزات حبيبة الميكرو وهضرات ..
حبيبة ~ الله إجازيكوم تاواحد مايصور ..
كيف سمعو ربع هبط تيليفونو .. وهي داخلة والعمارية قبالاتها واقفسن قدامها النݣافات .. بقات غادا بخطوات والمسيقى خدامة والمصورة كاتصور فيها تصافو البنات كيشيرو ليها .. تاوصلات حدا العماريا والنݣافة كاتوريها كيدير فالبوزيسيون ومصورة وحدة أخرى هزات الكامرا باش تصور .. هاهيا متكية على العماريا هاهيا واقفة هازا يديها .. تاݣلسوها وتصورات عاود ووقفو ربعة يال العيالات صحاح من هادوك لي جابتهوم معاها أنوشكا لابسين نفس التكشيطة .. تحناو مع ديك الهزة حسات بقلبها تهز وتم نيت حطات يديها على الحاشيات ديال العماريا ..
رودينة حيدات الشال حاطاه على عنقها وطلقات الشعورات واصلين لنص فالضهر .. وطلعاتي يديها هي وزينب كتعطيها الورد وبنات خالتها تاهوما معاها وبنات عمها .. أما عائلة العريس غاݣالسين وكل وحدة دايراليك رجل على رجل وكينشو من غير ختو فاطنة الزهراء لي لابسا ليك الساري فالزرق الملكي ودايرا مشطة خفيفة ..وقدامها ختو الصغيرة شيماء بغوب كتحمق حريرية فالذهبي بسميطة خفيفة تحت السدر ..وياقوت واقفة جنب حبيبة كيرحبو بالضيوف وحاضيين ..
تطلق الشعبي مذمج مع الأغنية وهوما كيدورو بيها فالعمارية وهوما يبداو المات دعائلتها يغنييو مع الأغنية بجهد ..
وسناء ݣلسات فالكورسي وكتشوف فيهوم كيشطحو نصها كياكلها وباغا تحركو وشي نص ساعة والشعبي مطلقو تابداو إعرقو ..والكليمات مشعولين فالقاعة ... تاشوية وقفوه وهوما يطلقو .. جباالة .. إيوا تشووفلييك نعاام أسيدي جبليات وحدة مور وحدة بداو إنضوليك تاهوما كيتمايلو بالخصر ديالهوم مع مراوات عمامها ..
الله يههاانييك احووسييين ياااناايا مااشاا بحاالي ومانواالييشيي ..
الله ياااهدييك اغزااالي رفاااق وشووف منحااالي ولاتااامشيشيي ..
ناضت عايشة كتسطح فبلاصتها رغم أنها كبيرة فالعمر إلا أنها بدات دور فراسها تاشفتهوم جرولينا لالة العروسة هبطوها لعندهوم دارو دائرة عليها ووسناء كضحك ليهوم وتصفق تاجات عايشة دخلات عليهوم كادور فراسها وتشالي بيديها .. بدا كولشي يضحك ويصفقو ليها وهي كتشطح منيتها .. شي نص ساعة وهوما هاكا بالاك من أغنية لأغنية دجبالة .. عاد بداو إتفرقو لي پتيفور مع العصير .. وجاو النݣافات لعند وسناء إطلعوها باش تبدل اللبسة الثانية ..
كيف وصلات للبيت حيداتليها النݣافة ديك اللبسة عاد حسات بالراحة المووت الكحلة والشدة قهراتها وعاد هي تقييلة لبسات هاد المرا تكشيطة فالباج كاتحمق بالطرز من جيهت السدر ودارتليها الصمطة ديالها وجمعاتليها الشعر من جنب مشيطة وعاد المجوهرات التاج والتوب المشبط المعلق فيه من اللور كيجي هابط مع التكشيطة .. بدلات ليها الميكاب بشويية ديال التغيرات .. ودارتليها ليلونتي فالزرق .. طلعاات وااااااااااااو .. تمات عاود هابطة وهاد المرة على أغنية - #العايلة_مولاتي ...
كيف نزلات بدات الحضرة الشفشاونية مع الفرقة النسوية .. بأغنية أييه ياودي .. تفرقو لي ماكارون مع حليب وقهوة ..وهي ݣلسوها فالكرسي ديالها وبدات العائلة كاتجي تصور معاها وكل جوج كيجيو إتصورو معاها .. تاجات ياقوت وحبيبة تاني كيتصورو معاها كل وحدة من جنب وعاوتاني ختو فاطمة الزهراء ومعاها خديجة لي كانت لابسة قفطان فالأخضر بارد بساري ديالو تاهية من الفوق والذهوبات مشالية بيهوم .. تصورو معاها ..وبدات عائلة العريس كتجي تصور معاها .. تاشوية وقفات عليها وحدا علات وسناء عينيها كانت هي وشيماء لابسة قفطان فشويبي فاتح مطروق بسمطة فالنقري وطالقة شعرها كحل حد السدر ..
شيماء ~ حبيبتي وسناء أنا شمياء ختو ديال عثمان الصغيرة وهادي منال مرات خويا خالد الله إرحمو ودابا مرات عثمان ..
غير سمعات وسناء مرات عثمان طلعات فيها من رجليها لراسها والأخيرة بتاسمات ليها ..
منال ~ " بإبتسامة مسرارة " متشرفيين ..
كتافات وسناء تحرك ليها راسها .. تاشافتها ݣلسات جنبها وشيماء من الجهة الأخرى تصورو ..وهي تنوض ..
منال ~ " حطات يديها على كتفها " الله إكمل عليك أحبيبة بالخير ..
وسناء ~ " بضحكة صفرة حاضيا مع يديها " ٱمين ..
مشاو نازلين وبقات متبعااااهااا بعيينييهااا دااابااا هااااديي مراااتو الللولة هي ماابييهااش زيينهاا عاادي وتاافورمااتها عاادي وتصرفاات معاها بحاالي تقوول ختو ماشي مرتو .. درات وجها كضحك للضيوف باش ماتبينيش .. تانوضوها النݣافات باش غاتعشا فالطاولة دال العروسة .. كانت فيها ياقوت وحبيبة وزينب ورودينة وفاطمة الزهراء وخديجة ..وعايشة وجداتها هي الكبيرة عاد خالتو هو .. تجمعو على الطاولة .. كيضحكو ووسناء تاهية واخا كل تفكيرها هو أنه خسها تبان طوب باش تفقص العديان ..
تحطليهوم الشلايض فيهوم أنواع الحوت الواعر ...ثم البساطل دالحوت لي نزلو بواحد الطريقة تشكيلة مع السرباية البنات تطفا الضو فالقاعة وبدات تبان العافيا فوق دوك البساطل تاكيتحطو على الطوابل دارو ديكور زوين .. موراها اللحم بالبرقوق والأناناس .. عاد ديسير مشكل أنواع وأشكال ..وتهز وتحط ثاني الفلان بالفواكه الجافة والفواكه الأخرى بحال كيوي والمانغ الخ ...
كان الطرب الأندلسي مشكل مطلوق على مائدة العشاء وكل طبلة مشكلة وكولشي مخدم البريستيج .. " أنا كنكون فالعراسات المرة اللولة خداما بالبريستيج غي كيتحط المعقول ماكانبقاش عاقلة على راسي تاكيبانلي شي تيتز عاد كنرجع كيليميني 😂 " ...
غير تجمع العشا نوضوها بالصلاة على النبي مطلعينها للفوق باش تبدل ثاني ..
أما هوما مهي غير دقائق عاود تفرقو لي ݣلاص على شكل حليوات مشكلين ..
وسناء بدلوليها وهاد المرا لبسوليها تكشيطة على شكل كسوة طويييييلة من لتحت " ستايل 2019 دالعرايس " فالقهوي باهت .. ومنبت كييحمق ركباتليها النݣافة سمطة غليضة فالنقري مشللة بالذهب .. وجبداتليها شعرها شوية خلات بوكلي غير من لتحت وخففاتليها الميكاب شوية مع عكر هاد المرا قهوي باهت ماط .. عاد تكو هابطين بيها وهاد المرا هي سابقاهوم على أغنية - عروسة ( إسراء الأصيل ) ...
ناضو البنات كيطلاقاوها .. وهي هابطا بوحدها وأضواء القاعة تبدلو ورجع فيهوم الأحمر والأزرق والأخضر وكولشي كيشوف وهي دايزة تاوصلات للوسط وبدات كتشطح جاو حتا البنات ودايرين بيها كيصفقو ..وهي غا مع الريتم ديال الأغنية جات كيف شي أميرة بداك المشيطة والتكشيطة لي جاتها على شكل غوب وطويلة من اللور .. المصورة لعباتليها على التصوار باش إطلع الڤيديو زويين ..
وهي كتمشي تالقدام هازا التكشيطة وترجع .. تاسالات ديك الأغنية ورجع بدات أغنية ( شعراتو ولون ) وتطفا الضوء دالقاعة كاملة وهوما يفتحو بنات عائلتها الپيل ديال تيلفوناتهوم كيدورو عليها ويشاليو بيهوم جا المنضر هااائل وكيحمق وعاودو جابو ديك الألة ديال البخار كاتطلق الدخان الأبيض لحت عليهوم وهي فوسطهوم كضحك وكتشطح على الخاليجي .. هاد المرا ناضو تامن عائلتو كيطحو معاهوم ويشعلو تيليفوناتهوم .. رودينة وزينب تاهوما مع الدائرة كيغنيو مع الأغنية تاشوية شعل الضوء ورجعات تخلطات الدنيا ورودينة كتشطح مع وسناء ورجعو تشادو كاملين من كتافهوم كيديرو شطحة الدبݣة العراقية ..وهي فوسطهوم شادا فتكشيطها وكضحك ..
رجعو تفرقو على أغنية زهير البهاوي ( أسطا لويݣو ) وشعلات رودينة السيلفي ديالها بوحدو شاداهوم كاملين وهوما كيشطحو .. وصوتهوم كيتسمع كاملين بجهههد فالقاعة وهوما كيغنيو .. كولشي عجبو النظر ديال البنات وهوما كيغنيو مع بعضهوم ..
ضواوات دالقاعة كيتغيرو مع الموسيقى الشيء لي عطا حماس أكثر للحاضرين وكولشي ناض كيتمايل على هاد.الموسيقى الشبابية ...
رجعات تفرقات المحنشة فطباسل كبار كيتحطو فطبل وعاد كيبداو يتقطعو حداهوم وموراها تفرق أتااي معااهوم عاد تمو مطلعينها ثاني بصلاة وسلام لبيتها وفديك الأثناء وبسرعة تنضفات ديك الزربية الحمراء وبداو إقادو فالشمع فديك الهبطة والورد الحمر كيتشتت على السجادة الحمراء إستعدادا لنزول العروس مرة أخرى ...
حطاتليها ٱخر لمسة لي هي بوندو مشكل بزخارف فالأبيض بعد مادرجات ليها شعرها وفرقاتو نص .. كسوة راااائعة فالأبيض مشبكة من الضهر ومن اليديم لي مغطين بالكمام والسدر أيضا حتالعنق وإفازي عليها .. ميكاب هائل وراااقيي ... كيبرز ملامح وجها الجمالية ... أمييرة يااا بنت الأمراااء .. جات سانبل والخاتم ذذهب فيديها كاافي من المجوهرات مع حوالق فالنقري كيشعلو فودنيها .. ورد أبيض فيديها ..زاد كمل الطلة ديال عروستنا هاد ليلة ..
تطفا ضوء القاعة كامل وبقا ضوء خفيييييف فالأحمر باهت كلمس ضهور عروستنا على أغنية ( indila- love story ) هابطة فداك الشمع والورود الحمراء كأنها فراشة خلات الأفواه كلها مسكرة .. غادا بوحدها فداك السجادة الحمراء وجنابها كووولهوم شمع والضوء غادي معاها تاوصلات للاطاغط كبييرة مشكلة طبقات وحدة حدا وحدة ... حدا وحدة ... على شكل قلب وعالين على بعضيتهوم بشوية وكل قلب غادي وكيصغار تالقمة فين مكتوبة وسناء عروسة عثمان ..
الوجوه أدهشت بهاد الدخلة لي دارت، كانت بسيطة ولكن متميزة أه أي واحد يقدر إديرها ولكن ماشي أي واحد كيفكر فيها، وهادي وسناء كيعجبها تكون متميزة على غيرها فأبسط الأشياء وقفات حدا لاطاغط وعلات عينيها للضيوف مبتاسمة .. تاهضرات مولات ديدجي فالميكرو كاتعلمهوم لي عندو شي حجاب إديرو على راسو .. وماهي إلا دقائق حتا كيشرف مولاي السلطان ..اخخخخ وعلى طلة عندو ..مغاايراا وشي حااااجة زاااايدا ثااااني ..
طلعات عينيها جات فعينيه نيشان هابط مع دروج كيفتح الصدفة دالڤيست لي لابس فالأزرق غامق .. على شوميز فالأبيض محلولة جوج سديفات من الفوق وشعرو طالع كيف العادة وساعتو فيدو ..وسباط كلاص .. أناقتو المعتادة ...
الأغلب لي فعائلتها حلو فمهوم ديال بصح حيت أول مرة غايشوفوه .. وراجل بقوامو ... وهو غادي بخطواتو الروجولية كيقرب ليها .. ماقدراتش مزال موجهة نضراتها ليه وهبطاتهوم تاكاتحس بيه وقف قبالتها .. مد يدو تحت الذقن ديالها علاه تارجعات عينيها فعينو وقرب مغمض عينيه حط شفايفو على جبهتها .. تابداو الحضور إسفقو هاد اللقطة كانت أشبه بمسلسل أجنبي .. وماااتوقعاااتووش إيديرهارجعاات حمرةةة وبعض الحضوو أيضا والمغاربة وهضرتهوم القاتلة ومايديرو فيها .. رجع شاف فيها ونطق بصوت بورشها ..
عثمان ~ هانتي وليتي ديالي دابا ...
إبتاسم فوجها وشد فيديها تنحى جنبها تامداتليهوم رودينة الموس وهي تطلق أغنية ( ماجد المهندس - غيرك فلا 😍 ) وهو يحرك يدو على يديها حاملين الموس وحطوه على الطاغط لولة .. ثم الثانية .. ثم الثالثة وهوما غادين وكيعليو تاوصلو لفوقانيةلي ماقدراتش مزال تعلى يدو لخصر ديالها وبخفة هزها شوية باش توصل ليها تابدات كضحك وهو كذلك وتلتاقطات ليهوم صورة بديك الطريقة ..والكل رجع كيصفق .. قطعات ليهوم السربايا قطعة من لاطاغط .. ومداتها ليهوم فطبسيل .. هز الفورشيط ومدليها موغسو كيبتاسم كلاتو وهي كتشوف فيه ..وهي كذلك نفس الشيء .. تارجعو ثاني الحضور كيصفقو ..والأغلبية كان واقف باش إشوف بوضوح ..
جرها بشوية تالوسط داك الحلبة ودور يدو على الخصر ديالها هي عرفات بلي غايشطحو بجوج حطات راسها على سدرو ويديها بجوج فيديه ..
وبداو إرقصو على أصواات ماجد المهندس ..
تدري إني احبك و أني اموت فيك
وانك اغلى الحبايب والا غيرك فَلا
وان ما لك في روحي يا هواها شريك
انت كل المشاعر تنتمي لك ولاء
من جمالك وزينك غار قلبي عليك
لو بغى القلب يسلى عنك ما سلى
ولو بوصّف جمالك قصّر الوصف فيك
شفت طيب الوصايف منك تاخذ حلى
حبيبة بقات كاتقرا فأية الكرسي لايضربوهوم بالعين وياقوت كذلك من بلاصتها أما كولشي بقا حال فمو حيت بانو راائعين وكوپل ولا أحلى طولتو وجسمو العريض لي محتوي جسمها الصغير وهي مستحليا السدر ديالو وعاجبها الحال تبان قدام الناس ...
كيف سالات الأغنية بدات أغنية ( تعال يابني الحلال تعااااال ) ..
ناض ثاني لوبيونص وهي بعدات كضحك وهي كتشوف المات كيغمزو ويقووولوو تعااال ياابني الحال .. ضار كيضحك بشوية وغمز لمو حرك ليها راسو بإحترام ومشا خرج من القاعة.. أما واسناء تاضارت باش غادي ترمي الورد .. مي وقع العكس ودارت عندهوم وهي تمشي عن زينب ومداتوليها ..
ماقدرااتش زينب تحبس دموعها وهي تعنقها .. وبقات وسناء كتطب طب على ضهرها .. تاشوية بداو البنات إضحكو باش إخففو الجو وي ضحكو، بداو إصفقو وهوما كيلهيو الجو باش إحلا مع أنغام الموسيقى .. تارجعات وسناء كاضحك معاهوم وتمايل شدوها من يديها وحدة مور وحدة غادين خارجين قبل ماتخرج من باب القاعة ضارت كاتشير للحضور وهي هازا فيديها لاغوب وكضحك...
العايلة مولاتي الجزء الثالث
محتوى القصة
التنقل بين الأجزاء