العايلة مولاتي الجزء الرابع

شعلات العافية على شكل شعلات فالجناب دياولها والزواق كيطيح عليها من الفوق كان واحد المنضر هائل وهي كتشير لناس تاجات مداتليها رودينة شبكة فيها ليدراجي على شكل خنيشات .. تجمعو البنات أمامها وبدات ترمي ليهوم وهوما يتخاطفو ويضحكو .. وفينما بانتليها شي وحدة تشير ..تاسلات السلة وعلاتها كتقوليهوم راه مابقاش .. عاد دارت وتابعينها من اللور البنات كتخرج لباساج لي مابين الباب داخلي والخارجي .. تما كانت واقفة المصورة .. ومعاها مصطفى لي لابس الكلاص ومشيك ومقاد الحالة وحبيبة واقفة حداه .. قرباتليه وبقا كيشوف فيها تاجات زينب هازا فيديها صينية مذهبة محطوط فوقها شريط فالأحمر .. هزو مصطفى بين يديه والمصورة خدامة ڤيديو وحبيبة تاهية واقفة كتفرج وعينيها باغين إنزلو دموع .. دور داك 🎀 على لاغوب ديالها وحزمو ليها من القدام ... كيف سالا هز عينو وحط يديه على عنقها وهو يجرها لعندو ولعنقو وتاهي حاولات تماسك دموعها أما هو فطلقهوم على كتفها وكيهز نيفو إشم فعنقها ويعاود إعنق .. أغلب البنات تأثرو بالمنضر وزينب ورودينة أما حبيبة فدورات وجها ماقادراش تشوف .. تابداو نغمات الدپݣة رجال دقايقية وهوما كيضربو الدبݣة التونسية .. واقفين فالباب ديال القاعة على برا .. والجو بدا كيصبح حيت تقريبا 7 ديال الصباح الشمس يالاه كتشرق على قصر الأنوار، خشات يديها فيد خوها وزادو بخطواتهوم لبرا تاكيبانليها صف ديال الطوموبيلات غير الفريع وحدا تنسيك فالأخرى .. وكل وحدة واقف قدامها مولاها من ولاد عمها وخالها .. ضربات الدبݣة كاتعالا والرجال كيحنيو تالرجليها ويضربو فالطبل .. مصطفى دور يدو ورجع مقابل معاها وبدا يحركها كيشطحو بجوج ... وهوما يدورو البنات عليهوم وهي شادا الفستان ديالها الأبيض بيد واليد الأخرى فيد خوها كترقص .. تاتخلطو عليهوم ولاد العائلة كيشطحو معاهوم .. والتيتيز كاين فعائلتها غير ولاد عمها طنجاويين كيحمقو بزين .. 

بقاو لداخل كاتفرق الحلوا ولاطاغط للضيوف أما شيماء وشي بنات عائلتو ناضو دايرين الشيلان على ريوسهوم خارجين إشوفو داك الأجواء لي كيتسمعو تالعندهوم .. وموراهوم زينب ورودينة باش مايفلتوش داك المنضر ..

فداك السماء لي كتشرق بالشمس تطلق بخار فالسما فالأحمر ..مع فرقعات نارية فالأحمر.. زاد عطا جمالية للمنضر .. تاكتوصل عليهوم فيراري فالأبيض ماط كتشعل وقفات عليهوم البنات الأغلبية حل فمو ودار كيشوف .. أما وسناء العلى لي غاتعلي عينيها .. تصدمات عالأخر .. كتشوفو نازل منها كيشوف فيها .. وخطواتو الرجولية غادا وكتقرب ليها تادخل فوسط الجماعة ووقف مقابل مع مصطفى .. هي حنات راسها مين شافتهوم كيتسالمو وتعانقو عناق رجولي .. 

مصطفى ~ أماانتك الخااوا رااماامعقاالشي علييك ..

عثمان ~ " ضحك شوية " هه كون هاني .. 

هنا وسناء ماقدراتش تحبس دمعة غاطيح من عينيها مين كتحس بيد خوها هزات يديها وحطاتهوم فيد عثمان .. 

بداو البنات كيصليو على النبي وختماتها صفاء بتزغريتة .. 

ورجعات ثاني الدبݣة غادا معاهوم تاوصلها لحدا الفيراري ..غير عاودات شافتها حوالو عينيها اوييلي مامصدقاااش وااش غاتركااب فيها بسرعة طلعات عينيها ليه هو لي كان فاتحليها الباب طالع للفوق وكيتسناها تطلع تاشافت فيه ..

وسناء ~ " شافت فيه مصدومة وقالت بسرعة " أيماااا ومااتقوووليييشيي دياالك اواااااعديي يااناا ..

ضحك تابانو غميزات الزين عندو وحط يدو على الفك ديالو كيشوف فهاد خيتي ..

عثمان ~ ههه وطلعي الله إهديك !! ..

وسناء ~ وووليي قووولي يرحاام يماااك وااش دياالك ..

حط يدو على كتافها وهبطها لفوسط الطوموبيل وهي جمعات يديها غاطير بالفرحة وكضحك منيتها .. نزل عليها الباب فرحان ومشا لبلاصتو طلع قدامها وسد الباب .. 

وسناء ~ " ضرباتو لكتفو ديما كدير هاد العادة زعما كترشق عليه " واايياااياايااي ماايصحااابلييشيي نتيينا هاايداا ههههههه .. 

عثمان ~ " تغاضا على ديك الرشقة ودار شاف فيها وغمزها " وهانتيا عرفيتيني ههه .. 

برك على البوطون وهي يتحركو رواضيها ..غوتات كتمووت بالضحك ..

وسناء ~ هههههههه وااااااا هههه ايماااا قاالبيييي أجيي اممّاا تشووف واااااا .. 

دور راسو هاد المرا كيضحك منيتو هبلاتو مافيهاش الشك .. عاد دور يدو لڤولون وقلع منير تم نيت تبعوه الطوموبيلات من اللور ...

وسماء ~ واااش ديااااالك ديااالك !!!!! .. 

عثمان ~ " نو ماشي ديالي .. 

هبطات حجبانها بسرعة رهيبة بحال تقول ماشي هي لي كانت كضحك دابا عاد ..

وسناء ~ " طلعات حاجب ونزلات لاخور " وديااالمن مناااين جييبتييهاا !! .. 

عثمان ~ كريتها .. كيجاتك ! 

وسناء ~ " قالتها بخيبة " تتأأ اواااعدي ويانا يصحاابلي غاديااالك .. 

ضحك مدور راسو بلا حول ولا قوة إلا بالله 

وسناء ~ وبشحاال كريتيها كيكونو غااليين فالكرا .. كاغير جيبتي طوموبيلتك ..

عثمان ~ " هز يدو مدها لراسها " خليك من هادشي .. خلي غير الأميرة ديالنا هاد النهار تمتع واخا ! غي مين شفت ديك الضحكة راه لاباس .. 

علات عينيها عاجبها راسها ودوات يديها فرحانة بالطوموبيل ودوز يديها على الكوسان بلى ماتعيق مي هو حاضيها بنص عين تامد يدو وطلق ليها الموسيقى ...

دقائق كانو سبقوهوم وغادي للخرجة ديال طنجة تارجعات شافت فيه، 

وسناء ~ وااش غانشاابرو الطرييق لفاااس صاافي .. 

عثمان ~ " شاد الڤولون بيد واليد الأخرى على الشرجم " يالاه نوصلو بكري، نعسي رتاحي شوية كيبانلي عييتي !! 

شداتها البكية وبغات تبكي .. 

وسناء ~ ماتفاارقتشي تامعا ممّا مزياان !! 

عثمان ~ " دار شاف فيها ورجع شاف فالطريق " بغيتي نرجعو دابا ولا شنو ! .. 

وسناء ~ نتيينا ݣااع ماحاس بلحااق يانا لي غانتوحشووم .. 

عثمان ~ سمعت بلي دايرين شي بروݣرام غايجيو غدا، غايفطرو .. شي حاجة بحال هاكا .. 

وسناء ~ إسموووو الفطووووور .. 

عثمان ~ المهيم، دونك غايجيو !! .. 

وسناء ~ صااافي صااافي مابقيتشي بااغا " نفخات ودورات وجها لشرجم مربعة يديها " .. 

رجع شاف فيها تنهد وشاف فالطريق زاد مكسيري داخل لتوروت .. 

بالعيا لي داز عليها هاد الأيام، وليلة الحناء دالبارح لي ضلات فايقة تالشي وقت، ماحساتش براسها تاغفات، تادور راسو لقا راسها محطوط على زاجة، خلا طوموبيل اتوماتك غادا فالطريق بسرعة مبرمجها، ودار قادها تكا ليها الكرسي ونعسليها راسها عليه عاد هبط واحد ريدو صغير باش ماتقيسهاش الشمس وضرببيها نيفها مبتاسم عاد رجع سايݣ ... 

كتحل عينيها مين كتحس بالطوموبيل كضور .. كانت دخلة دلوتورت دفاس .. دور عينو شاف فيها وإبتاسم مكمل الصوݣان .. 

عثمان ~ صباح الخير,, رتاحيتي شوية ؟ . 

وسناء ~ " باقي مدوخة بالنعاس قتلها العيا كامل رجع عليها " من نم فااين وصاالنا .. 

عثمان ~ ههه الدخلة دفاس .. 

نيشان عبر من لوتورت بفضل خاصية جواز .. ومشا داخل فالمدينة .. حيدات عليها الريدو كتحل عينيها.. باش تشوف المدينة .. 

عثمان ~ مرحبا ييك أحبيبة .. 

هبطات المرايا باش تشوف راسها .. لقات عينيها تنفخو شوية وفمها حمييمر وحناكها زاادو تحمرو .. 

وسناء ~ ففف كااغير فيااقتيني قبااال .. 

عثمان ~ بلعكس بغيتك ترتاحي باش توݣضي شوية مين نوصلو .. 

حركات فمها كتشوف واش باقي الميكاب لقات شوية باقي عاطي العين .. عاد دورات عينيها باش تشوف ففاس .. وهوما غادين فديك الطوموبيل ولي كيدوزو من حداه كيبقا كيشوووف .. 

وسناء ~ دابا هادي هي فاااس !!! .. 

عثمان ~ مم .. 

وسناء ~ طنجة حساااان .. 

شاف فيها كيضحك ورجع دار مع واحد الدورة باش إمشي لمدينة القديمة ... 

عثمان ~ فاس كانت قديمة على طنجة .. 

وسناء ~ وااخااا هايداااك كتبقىى مزيييونة حنااياا كنشووفو دااباا أما القديم مشاا .. 

عثمان ~ ممكن !! " دايها على قد عقلها " كل واحد ووجهة نضرو . . 

وسناء ~ " شافت واحد الباب مزخرف كبير داخلين منو " بحااال هادا تاحنياا عااندنااا .. 

عثمان ~ هادا الباب ديال المدينة القديمة .. 

وسناء ~ " علات حجبانها " ونتوماايا كتسووكنوو فالمديينة القدييمةة !! .. 

عثمان ~ ممم .. 

عوجات فمها كتشوف وكاتخايل كيغاتكون دارهوم ..

حتا وقفاتها الطوموبيل فواحد الدخلة هي الماكسيمون حيت موراها كاين درب شوية مديق .. 

نزل هو اللول وهي كتشوف ماعرفات فيناهي هاد الدار .. تاجا لعندها فتح عليها الباب ... 

وسناء ~ " هي نازلة وكتهضر " ودااباا فوياااخ غاترجااع هاد اللوطو !!! .. 

عثمان ~ مين غانكونو غادين لتركيا .. " مدليها يدو " يالاه .. 

علات راسها وإبتاسمات بأنوثة حاطا أنامل صبيعاتها على يدو واليد الأخرى هازا بيها لاغوب تادخلو فداك الدرب .. وكلما خطواتهوم كيقربو كلما كتسمع البندير وصوت الزغاريت كيعلاو عرفات بلي كتقرب من الدار .. العجيب ولي عجبها فداك الحي أنه كانو عبارا على بيبان كباااار بعد ماكانت كاتعتاقد بلي غايكون بحال شي حومة شعبية كان العكس ..والسكات وأغلبية كيصادفو التوريست كيدورو وهي كدوز حدا بيبان كبار ديال الخشب منقوشين بزخارف جمييلة .. تابدا كيبانليها واحد الباب محلول وغالبا منو جاي هاد الصداع .. تاكيبانليها العيالات كيضربو بالبندير حدا الباب .. دارت شافت فيها بعينيه هو كان متقدم بخطواتو تارجع كولشي كيشوف فيهوم وكيزغرتو تقدمو المداحات كيشطحو بالبندير وهوما يبداو الصلاة على النبي .. ووسناء كتشوف داك المنضر ومبتاسمة أما عثمان داير إبتسامة خفييييفة وكيحني راسو بشوية إحتراما لعماتو لكانو واقفين تما .. الأغلبية ماكانش حضر لعرس طنجة .. وجاتهوم بعيدة .. 

كلما كيتقدمو كلما كتوضح ليها دخلة لرياض وكيتفتحو معاها عينيها بجنالية المكان .. تاكاطلاقا ليها ياقوت بقفطان جديد والشال على راسها كانت سبقاتهوم بشي جوج سوايع باش توجد هنايا التراحب دالعروسة .. هازا فيديها صينية دنحاس فيها جوج كيسان وطبسيل ديال التمر .. 

ياقوت ~ مرحبا بيك أبنتي فدارك ... 

مداتليها الكاس دالحليب .. هزاتو وسناء مبتاسمة ليها وشربات منو جغمة .. وتبعاتليها تمرة .. وهو كيشوف فيها تارجعات ياقوت شافت فيه .. 

ياقوت ~ إيوا أولدي مرحبا بيك فدارك مع مراتك الجديدة الله إجعلها نعمة الزوجات .. 

قرب وجر الراس لمو باسها من جبهتها ورجع هزليها يديها وباسها من يديها وحطها على راسو .. 

عثمان ~ لهلا يخطيك علينا الواليدة .. 

ياقوت ~ الله إرضي عليك أولدي .. هزات فيديها الكاس الثاني ومداتوليه .. 

والمداحات من موراهوم بالبندير كيغنيو ..

جااااااي علىى عودو كاايشااليي يالاالة جااااي على عوودوو كييشاالي يا لاالة .. 

شرب من الكاس، وياقوت مبتاسمة كتشوف فيه، أما وسناء غير كتخضر عويناتها بداك الرياض لي غير دخلة حمقاتها فمابالك بلداخل، كتشوف العيالات كولشي بزيوفا ولابسين القفاطن .. تاحسات بيد عثمان تحطات فيديها .. 

ياقوت ~ زيدي أبنتي مرحبا وٱلف مرحبا .. 

تقدمات ياقوت وعثمان شاف فوسناء مبتاسم غمزليها وجرها داخل بيها .. كلما زادت خطواتها كلما كيتوضح ليها هاد المناضر الجميلة الخصة دالما لي جات الوسط طالقا المنبع ديالها بالما، إضافة إلى تراتيل صوت وزغاريت المداحات كيتسمع الصداء ديالهوم فالرياض ..البيبان كبار لداخل وكل واحد لاياش كيدخل .. وأغلبية كيبانو منهوم صالونات كبار .. بلى الفراشات لي ضارين بالخصة داكشي غزال وأول مرة غادخل برجليها لشي رياض بهاد الروعة، وقفات عليهوم مرا لابسة قفطان فالأبيض سميمرة شوية وباينة حرشة وغليضة وزيفها على راسها فالأبيض وذهوبات السرتلة ديال سبعة فيديها والسنسلة واصلة السمطة دالصم لي محزمة بيها .. باسليها عثمان راسها وهي كترضي عليه عاد شافت فوسناء وهضرات ...

يامنة ~ ياومرحبا تبارك الله على الغزالة ديالنا ونتي في عار سيدي مولاي " علات يديها مغطية فمها وضربات بتزغريتة تبعوها العايالات كاملين " .. 

هي كانت غير كتشوف ودايرا إبتسامة صفرة .. وهاد الناس جاوها فشكل طبعا ماهي جايا من الشمال نيشان لعندهوم ..

غمز عثمان بشوية مو لي فهمات أش قصد .. عاد قربات لوسناء .. 

ياقوت ~ يالاه أبنتي طلعي لبيتك ترتاحي .. 

حركاتليها راسها ويديها باقا مشدودة مع عثمان و دارت شافت فيه .. 

عثمان ~ سيري مع الواليدة هانا شوية وجاي لعندك .. 

بغات غير تسولو على حوايجها ولا تيلفونها ماعرفات فيناهوا ݣاع داكشي العرس بنادم كيترون فيه وماكيبقا عارف راسو فين حط الحاجة، شافت الصداع وهو ديجا رخا من يديها نفخات ودارت تابعة ياقوت لي هازا القفطان فيديها ومتاجها لدروج المزخرفين بالفسيفساء الجليج المغربي الحر القديم .. كلما طالعة وهي كتطل على العيالات لي خلاتهوم كيمدحو بيناتهوم مع ديك المرا لي ماعرفاتهاش تاشكون بقات تابعة ياقوت تاوقفات حدا واحد الباب من الخشب القهوي وكامل منقوش مع جليج فالألوان الأحمر ..الأصفر

ياقوت ~ " بإبتسامة دارت عندها فاتحة ليها الباب " زيدي أبنتي دخلي الدار دارك .. قدمي رجليك ليمنية ..

نزلات راسها مقدما رجليها ليمنية كيفما قالتليها عݣوزتها تادخلات لبيت ديكورو واعر وحسات راسها بحالي كتفرج فشي فيلم من الأصول المغربية القديمة ..وهادشي راه من السلالة الإدريسية وهو كاين .. ڤغيمون رائع .. 

دخلات موراها ياقوت وسدات الباب باش إهضرو على خاطرهوم بعيدا على الصداع .. 

ياقوت ~ " شافت وسناء واقفة غي كتشوف " ݣلسي أبنتي .. 

ݣلسات فوق الناموسية لي كان مفرش فيها ليزار فالأبيض مطروز بالطرز البلدي فالأخضر فراش العروس .. والورد الأحمر فوق منو .. 

حسات بقلبها كيزدح تغربات عليها هنايا دنيا وحسات بالوحدة فيناهي ماماها فيناهي ختها تاواحد ماكاتعرفو شداتها البكية .. 

ياقوت ~ " ݣلسات حداها ودوزات يديها على ظهرها " سمعي أبنتي من اليوم هادا بيتك، هادي دارك، ودار راجلك، عارفاك أبنتي تزوجتي راجل عندو جوج عيالات، ولكن لادرتي عقلك فراسك راه غاتخليه حداك، مراتو اللولة أبنتي راه ماكتحرك البيضة من بلاصتها، راها ديرك بحال صاحبتها، هي بيدها ماكانتش باغا هاد الزواج كون مالحاج لي بزز عليهوم، وهي وعثمان بحال الخوت " حيدات يديها من ضهرها وجرات ليها يديها " والمرا الثانية، شبر التساع لي غادي ديري بينك وبينها خليه طويييييل، هي راه قويصحة، وماساهلاش، خلي وجهك مايطلاقاش بوجها باش تعيشي مزيان مع راجلك، وعثمان راه لالقاك نتي الواعية وكبيرة العقل وكاتفهميه راه غايميل ليك، غير هو ديري عقلك فراسك .. 

وسناء ~ " غير كتسمع وتشوف فيها ولكن ديك الهضرا نصها كيدخل ونصها الثاني لا ٱلى كانت مراتو الثانية قويحة راكي مزال ماكاتعرفيش وسناء أش كاتسوا، تنهدات ودارت ضحكة صفرا وشافت فيها وهضرات بصوت محلون ورقييق " كوون هاانية اخاالتو مايكوون غي خاااطرك .. 

ياقوت ~ الله إرضي عليك، هاكاك نبغيك ختاريت وعرفت أشنو نختار، نخليك ترتاحي دابا شوية، حيت هاد الليلة غانديرو واحد الحفلة صغيرة هنا ففاس، عماماتو ديال عثمان ماحضروش لعرسك وبغاو إفرحو بيك .. 

وسناء ~ " علات حجبانها " كيفااش شنيي واش غانعااود العوورس !! .. 

ياقوت ~ غي شي حاجة خفيفة ديري واحد جوج لبسات، وتروحي لبيتك، غدا عاد نديرو ليك الفطور .. 

وسناء ~ وممّا ماقاتلكشي فوياااخ ماجّا !!؟ ..

ياقوت ~ راها فالطريق دابا وهوما دخلو لفاس باش إحضرو معاك ..

وسناء ~ " عقدات حجبانها " مافرااسيشي يانا هادشي ماقالتاليشي ممّا .. 

ياقوت ~ لا تاحنا ماكناش عوالين ولكن لوستي الكبيرة لي سلمات عليك قبيلة وعݣوزتي هوما لي قاوليليك ماحضروش اللهم يديرو شي حاجة هنايا .. 

وسناء ~ " تعصبات حيتاش ماكانتش عوالة وأصلا هي دابا كتموت بالعيا " واخا مين تجي ممّا قولا تجي لعاندي حااقاش ماجييبت والو .. 

ياقوت ~ حيدي عليك شوية هاد الكسوة ترتاحي بعدا راه غاتلقاي تما شي حويجات فداك الماريو لبسي شي حاجة رتاحي فيها .. 

وسناء ~ واخا أخالتو تشوووكرا .. 

ياقوت ~ هاني هابطة دابا مين تحتاجي شي حاجة خرجي غير لطيراسا وعيطي غادي نجي لعندك .. 

وسناء ~ لهلا يخااطيك ..

ياقوت ~ مرحبا أبنتي .. 

كيف خرجات خلات وسناء كتشوف وتخضر عويناتها فهاد البيت، تاناضت كتحيد سيري دلاغوب من اللور وهي متاجها لجيهت الماريو حلاتو وتفكيرها ماشي معاها، واش دابا هادا بيتو، ولا بيتها، ولا عاد كاينة هو عندو بيتو وضرتها بيتها بوحدها، نفخات ساخطة على الوضعية، كون بقات مع أوسامة كانت غادي تزوج ويديرو بيتهوم بزوج على الأقل غايكون ليها بوحدها، قبلات عينيها كتنزل فالفستان تابقات بدوبياس فالأبيض كتقلب فداك الماريو تابانليها واحد القميص معلق فالأبيض، هزاتو مواجها لناموسية حطاتو وحيدات داك البوندو لي فشعرها، وهزت لبسات القميص منو للحمها أصلا فاس كتشوي بالصهد الحمد لله الرياض كيعطي شوية دالبرودة من ديك الخصة لي كاينة لتحت عاد الكليمات كاينين فالغرف، رجعات الفستان علقاتو تاترجعو لمولاتو ومشات تكات فوق الناموسية كاتحس براسها غايطرطق، مابقاتش قادرا حتا تفكر، وكتحس براسها كارها هاد الزواج وماحملاش، بصح دارت عرس ودولا فالأحلام ومعمرها كانت تضن غاديرو هاكاك، إضافة لطوموبيل فين جات ودابا هاد الرياض شوف كيف داير .. 

وسناء ~ " نطقات بلى ماتحس " ماحملااهشي وماحااملااشيي هاد الزواااج وماابغااشي نكوون هنايا كون رااني غاارجا مع ماارياما لمديينة نطلاقا أوساامة حساان مانكون هنايااا دابا تفووو .. 

دورات راسها حاطا يديها تحت وتجمعات بشكل جنين مغمضة عينيها على الأقل ترتاح غير شوية .. 

ساعة ونص كانو طوموبيلات كوقفو فداك الدرب باش كيبطو عائلة العروسة بالهدية والبنادر تاهوما كيشطحو .. تقدمات حبيبة هازا فيديها الورد وموراها زينب هازا فيديها طيفور فيه الحلوة داللوز مستفة .. عاد مليكة وسعاد كل واحد أش هاز فيدو .. والفطور ديال العروسة كامل تستف وكيهبط من الطوموبيلات .. بقات رودينة مع مصطفى كيهبطو الباليزات ديال ختها وحوايجها لي جابوليها النساب ومن لي شرات .. 

تعلات الدقة المراكشية حدا الباب وفاطمة الزهراء بلبسة وحدا أخرى هي وخديجة أما شيماء جات مع بنات العائلة .. حيحو قدام الباب ديال الرياض وحبيبة ماقاداها فرحة ببنتها لي عطات .. دخلويديك الهدية تالفوسط الرياض وتهز بالشطيح والزغاريت والصلاة على النبي .. 

ناضت على هاد الأصوات عرفات بلي مالين دارهوم جاو .. ناضت بشوية راسها دايخ عليها تاكتسمع الدقان وتفتح الباب .. 

فاطمة الزهراء ~ " كطل عليها " عروستنا هنايا .. 

وسناء ~ زيييد افاطمة انا فايقة .. 

دخلات فاطمة الزهراء مدخلة فيديها باليزا كبيرة ورودينة موراها تاهية مدخلة باليزا .. 

رودينة ~ " وقفات الباليزا سخفانة كتلهت بالثقل وديك العقبة لي دربات من راس الدرب عاد الدروج لعندها " حااماااقا فااين .. 

وسناء ~ فوياااخ جيتو !؟ ..

فاطنة الزهراء ~ عاد دابا نوضي نوضي تشوفي الفطو ديالك كيداير تبااارك الله داكشي غزاال " دارت كتغمز لرودينة " شغل زدينة متقون هههه ..

ودينة ~ " كتضحك معاها رجعو كيف صحابات " إيوا شنيي كنلعبو هنااياا شضهااارليك هههه .. 

وسناء ~ تشوف أريلي ديك الباليزا لي فيها قفاطني نلبااس قووفطااني البياااض دالفطوور .. 

فاطمة الزهراء ~ ولكن راه غدا عاد غانديرو الفطور ديالنا حيت دابا غادي نتغداو وغانوضو نوجدو للعرس لي غايكون هنايا .. 

رودينة ~ بصاااح فاطمة الزووهرااا عاندا الحااق لبس دابا شي حااجة خفيفة خاالي لمزييون تالغدا .. 

وسناء ~ داابا طلاااعلي سييكاان ديالي ونتشووف ديك سااعتي .. 

رودينة ~ راه مصطفى كيطلااع فيهوم مع ولد حبيبو أنا غانخرووج نجييبووم .. " مشات خرجات " ..

فاطمة ~ أري نعاونك دابا تشللي عليك شوية ترتاحي من ليلة البارح ونقادو معاك باش تهودي .. 

وسناء ~ واخا بلحاق كلملي بااعدا ممّا كيخسني ضاارووري نهضاار معاها ..

فاطنة الزهراء~ واخا أختي صبري ..

مشات خرجات خلات وسناء كترد نفس باش تنوض تادخلات رودينة وحطاتليها واحد الساك وباليزا أخرى ..

رودينة ~ ايماااا وتقووول مرااحلة طاانجاا كاملة ياانا ومشييت ب3 دالبااليزاات ونتيينا 5 ايماااا وااش 5 .. 

قلبات وسناء عينيها وهزات ساكها داليد كتقلب فيه ..

رودينة ~ را غااتلقا تماايا تيليفونك وديك التخاربيق دشارجور والرويينة الكااحلة .. 

وسناء ~ مشي جيبلي بااع شي دولييپران را كنحااس براشي غاايطاارطاق .. 

رودينة ~ اوااعدي مناين غانجيباالك ..

وسناء ~ من ( شوية تفاكرات ) بلااتي بلااتي شحااال قوولتي جييبتي دالباالييزات .. 

رودينة ~ " علاات حجبانها " خاامسا .. 

وسناء ~ " حلات عينيها ومدات يديها بغات تنذب " اواااعدي وفاااينيا الباالييزا ساااتسااا اوااااعدي .. 

رودينة ~ كيفااش كييف عااملاا هااد البااليزا .. 

وسناء ~ " مشات كاطير كاتقلب فالباليزات " مشيي طيير جييبلي البااليزات لي بااقين مشيي .. 

دخلات حبيبة وفاطمة الزهراء .. 

حبيبة ~ ماالكي !!؟ . .. 

فاطمة الزهراء ~ " صادفات رودينة خارجا كتجري " مالكوم ؟ ..

وسناء ~ اوااعدي امما نسيتولي البااليزا سااتسا بديااربي غير ماتكوونشي هاديك لي كاانفااكاار فييها .. 

حبيبة ~ كيفاش كيدايرا هاد الباليزا .. 

وسناء ~ " قطبات حجبانها وغابتدا تسيف عليهوم " بااااليزتي اانا لي كيخسني نسوولكووم حيت نتوماىي بقييتو تماياااا نتوما لي كيخسكووم تعاارفو .. 

فاطمة الزهراء ~ " بغات تهدأ الأجواء " صافي ماشي موشكيل كالم تادابا ماوقف والو واخا نسيفطو عيها تيجيلينا من طنجة .. 

تادخلات رودينة مدخلة فيديها باليزا وزينب باليزا .. 

رودينة ~ هالي كينا .. 

طارت وسناء كتقلب وزينب كتسول بعينيها شنو واقع تاشافو وسناء قبلات عينيها شادا على راسها ...

وسناء ~" بغات تبكي ' خاالييت كوولشيي صاافي المهيييم خااليتو ...

فاطمة الزهراء ~ أنا غانهبط نشوف واش جات معانا شي حاجة .. 

رودينة ~اوااعدي اه كوولشي جا معاانا انا ماشوفتشي هاد البااليزا .. " خنزرات فيها وسناء واحد التخنزيرة كون كانو قرطاش كون دخلو فيها " .. 

حبيبة~ كيداايرا داݣ البااليزا غاݣووليلي .. 

وسناء ~ هي الصغيرة فهاد الباليزات .. 

فاطمة الزهراء ~ يالاه أخالتي نشوفو راه واقيلة باقي شي حد فطنجة يجيبها معاه .. 

حبيبة ~ ݣووعدي هناا ماتبكي شااي صاافي رااه ماشي نهاية ديال الدنيا غانشووو فين كااينة هاد البالليزا .. 

خرجات هي وفاطمة الزهراء خلاو غير وسناء شادا على راسها ورودينة كتقلب فالباليزات وزينب واقفة كتشوف .. 

وسناء ~ " طلعات عنيها شافت فرودينة وهي طير فيها " شكاااثااالب دااباا شنييي كااتقاالب .. 

رودينة ~ " دارت غوتات فوجها " مااالك كااطيي دااباا شنيي وقااع ݣاااع بالييزا ونسيينااها فاااين كييناا المووشكييل .. 

وسناء ~ نتييينااا السباااااب " كتتغوت ودموعها فعينيها ونيفها حمررر جااعرا " نتيييناا السبااااب فكوولشيي الخرااااا . 

رودينة ~ " وقفاتيتد ماكانت حانية وقطبات على جنابها " اتشووووف بلىىى مااتبقااااا طيير عليااا خرااك جمعوو قبااال مااتجيي ... 

مشات زينب كاتشاد فرودينة وهي تنود وسناء جاعرا ديال بصح كاتعري على كوعها .. 

وسناء ~ يياااااك يياااك الكللبة أناااااا نضراااااب تاامااراا فعووورسك ونخدااك على كتاافي تااحاالتي مااشووفتا كييف عااملا فلااخري تعملي هاايداااا بلحاااق هااوجهييي " ضربات على ناموسية " هاااااهييا وعقااال عليييهااا .. 

زينب ~ " دات كتشوف فيها معصبة " صاااافي عيقوو أقسم بالله أوييلي وااش بااغين ديووليناا الشووهة هناايا نعلوو الشييطااان أويلي وحدي شنو كاان عندك فدااك الباليزا تاداايراا هاد الحاالة كااملة .. 

رودينة ~ خااالييهاا مااتهضاارشي معاااهاا هااديك راامرييضا نفسيااا .. 

غير سالات كلامها صافي الهوايش تجمعو فيها ماحسات غير بيديها هبطو على حناكها كتنذب تاخلعات البنات دارو كيشوفو فيها وبدات ضرب فسدرها وتغوت .. 

وسناء ~ اااناااااا الحمااااارة " كاتشهاااق مااشي بكاء بحرقة لاء ولطن بكاء دوحدة معصبة " انااااا الحمقااا اناااليي ماانسواااااش اناااااا ليي تزوجنيييي لرااااجل مزوووج اناااااا ليي ندخوووول ذاااارة لداااار راااجلي اناااا انااااا انااااا .. وااابعدووو منييييي اهئ بعدوووو منييييي .. 

قربات بجرا زينب كاتشدها ورودينة كذلك واخا هاكاك كاتبقا ختها شدوها من جوج يدين . 

زينب ~ صااافي اوييلي ماالكي على هاد الحالة .. 

تفتح الباب تادخلات منو حبيبة كاتهضر .. 

حبيبة ~ صافي را باك غايجيبها باقي مع عمك تما غايجيو هاد العشية .. " شافت فيهوم ساكتين ووسناء كتمسح فنيفها وحناكها حومر وجنبها رودينة ساكتا وزينب حاطا يديها على راسها علات حجبانها مشككة " أش كااين تم .. اش وقع هنايا ... 

زينب ~ والو رودينة ووسناء دابزو ..

حبيبة ~ هاويليييي والدريات عندي دارو فيااا ضحكاا وشفاايااا ... مااال واالدييك على هااد الحاالة اش فدييك الباليزاا ݣااع الذهب .. 

وسناء ~ ممّا " يالاه غاتصعر قاطعاتها حبيبة مغزفة " . 

حبيبة ~ سووووكتي صاافي نوووضي جمعي خنااينك وقاااادي حااالتك وهبطيي عند دار شييخك من نهاار لول تقلبي كمااارتك هااااو .. " شافت فرودينة وزينب " نوضو خرجو توما خليوني أناا معاها يالاه إيوا سيرو حضييو حواايج ختكووم راه خلييتهوم تماا بووحدهوم سيرو دغيا وحلو عينيكوم 

ناضو بجوج خرجو بقات غير وسناء ݣالسا تاجات حبيبة وݣلسات حداها ..

حبيبة ~ سمعي ندوي معاااك هااد الخناااين جمعييهوم ويا ويلك توريهوم لشي حد كوني مرا قادا .. حوايجك جمعييهوم وطرقي علييهوم ..بيتك غير تخرجي منها سديها وحضي مع رجليك فين تحطيهوم سمعتييي عندااك يا دݣنة تبقا غادا مدهشرة وديروها بيك الخانزات ديري عقلك وخدميهوم ولي ضربك ماتسمحيش فحقك عطيه بعشرة سمعتي ماتخلي حد يركب فوق ضهرك .. ووياااوييلك إزغبك ربك وتعطيهوم صبااحك ... غدا هاانا معااك سربي قديلينا الغراض نديو بياضك معانا مانخليهش ليك ..حمري بوجهنا نمشيو رافعينو .. " هنا حشمات وسناء وهبطات راسها، مستحييل " وهااودني التحرمياات لي تعلمتي خدمييهوم هنا كوني عايقا وديري بحال المرا اللحاحة راه السحارة ماتدي من عندك زهقة .. وكون تلقاي شدي مو بالولادزربي عليه باش ماعندو فين يتقعد ويلقاك قدامو وتخوي ديك خيتي من طريقو .. هانا قتليك وعارفاك قويفزة ماشي خبز ربي فطبݣو أما كون عرفتك بحالك بحال رودينة ݣاع مانسيفطك لهنا .. " هنا علات عينيها كتشوف فيها نفخات وقلباتهوم ودارت كتشوف حداها " يالاه إيوا نوضيي جمعيي راااسك وقادي حاالتك وهبطي فرݣعي لناس عينيهوم وهاد ليلة نشاء الله إتنور بيها طرييقك .. 

نوضاتها حبيبة دخلاتها لدوش جمعاتليها الشعر وغسلات ليها غير لحمها تحيد عليها العيا .. وخرجاتها بالفوطة بدات تفتح فالبالز وجبداتليها جوهرة خفيفة فالأبيض لي كانت لبسات نهار الحمام مع شربيل فالأبيض ..طلقات شعرها ..بغات دير الميكاب وهي تفكر هو لي بقا فالباليزا ݣلسات نافخة .. 

حبيبة ~ أماالكي ؟ ..

وسناء ~ عيااط لزاينب تجي لعاندي .. 

حبيبة ~ " تنهدات " وسربي وعيطي باش نهبطوك .. راه مابقا والو لغدا باش إتحط .. شوفي الذهب ديالك راه خليت ليك فالباليزا دساروت شدي " عطاتليها الساروت " خلي داك الباليزا ديما مسدودة على ذهبك هانا غادا ..

خرجات خلاتها كتشوف فالمرايا فوق الكوافوز ݣالسا فالكرسي ديالو وكتقاد فشعرها جبدات الذهب ديالها ولبسات سنسلة خفيفة كانت شراتها مع الحوالق ديالها ولبسات السرتلة والسنسلة لي شراليها باها تادخلات عليها زينب .. 

وسناء ~ جيبيلي الميكااب ديااالك .. 

زينب ~ علاااه فييناهوا ديااالك ؟؟ .. 

وسناء ~ " دارت عندها حاطا رجل على رجل " ايييواا يا الحبييبة دقاالبيي دييك البااليزا فييها الماكيااج دياالي كوووووولو .. 

زينب ~ اوييلي !! ..

وسناء ~ على سلاامتك المااكيااج وليي شووميز دوونوي والبروودوياات ددوش داك التخربيق كامل .. 

زينب ~ اوييليي والله مايصحااابلي ولكن الحمد لله باباك راه دابا وهو جاي وغايجيبليك داكشي بعدا غير قبل ليل .. 

وسناء ~ ففف اواعدي راااه خاايفااا .. 

وينب ~ وأنا وخاايفا بلااصتك شووفي غااتعااوديلي كوولشي بتفاااصيل .. 

وسناء ~ مشي مشي كااتحلااام .. 

زينب ~ نااري ياختي سيد بااينة عندو الضخامة غير من الوقفة والݣلسة ديالو هادشي غير البايان أراااك للمغطي كيغايكون .. 

وسناء ~ " رجعو حناااكهاا حوووومر " قووولنااالك جييبنااا الماااكيااااج مااشي تعااودنا علييه ..

زينب ~ " طبقات الضحكة" هههههههه نااااري زوييينة عندك هااد البااليزاا وزههههر هاااادا عندك هههه هانا غادا ...

عوجات وسناء فمها زعما عيقتي خلاتها زينب ومشات تجيبليها لي بغات ..

بعد ماقدات وتفركسات رشات من ريحتها جادوغ عاد طلعات رودينة وزينب مهبطينها بصلاة على النبي .. لتحت ودخولها لواحد الصالة كبييييييييرة تهز ربعة ديال الرباعات تما ݣالسين عائلتو وعائلتها دخلوها بالزغاريت وكولشي كيصلي على النبي وهي غير حانية راسها تاݣلوسها حدا واحد المرا كبيييرة لابسة تكشيطةفالأبيض ومحرزة بزيف فالأبيض فوق منو شال مطلوق غليضة ووافية بحالها بحال يامنة وباينة فيها قويسحة .. ماقدراتش تهز وسناء تشوف حدامن ݣلسات والعنين كاملين عليها بغات غير تعرف شكون ديك المرا لي ݣلسوها حداها .. كتسمع غير للمباركات وكترد بصوت خافت أولى بإبتسامة دارو على طبلة وتحط داك الغدا ماعرفاتو مين داز والأنضار عليها واخا مها فجبنها إلا أنها مارتاحتش .. تاسالا الغدا عاد ناضت خلات الجماعة فين كانت ݣالسا كولشي نايض باش غايوجدو لهاد ليلة .. طلعات بحالها لبيتها وطلعات معاها رودينة وزينب .. وحبيبة بقات مع ياوت فتوجاد .. بقاو هوما مجمعين بيناتهوم تادخلات عليهوم فاطنة الزهراء واحد النݣافة .. سلمات عليها عاد بدات باش تقادليها .. 

التحضريات قايمين فالرياض وأجوار العرس حضرو مع عائلة العريس .. مولات ديدجي جات كاتصايب سلوكا ديالها والكرسي تحط فوسط المراح .. وصلات الثمنية دليل وتطلق الطرب الأندلسس ..وناس بداو إدخلو داروليهوم طيلة ديال الحليب والتمر فدخلة ديال الرياض .. وياقوت واقفة كتسلم على ضيوفها وجاراتها وناسها لي كاتعرف هنايا .. 

عروستنا لي ماكانتش متوقعة هاد العرس الثاني خرجليها من الجنب وصدق عندها جوج عراسات ولا فالأحلام واحد فأحسن قاعة فطنجة وثاني فرياض كيحمق ففاس .. والحاجة لي دازت زينات هاد.اللحضة هي زينها على تقاليد فاسا فعلا أن النݣافة .. قاداتليها الشدة الفاسية ..لي قالت لشدة لشمالية ماكاتعرفي والو فثقل .. جاها داكشي عالي فوق راسها وثقيل والصهد كيقتل قاداتليها الميكاب جاها فن .. والبنات حداها كل دقيقة كيشوفو فيها جاهوم داكشي فشكل وتاهوما قادو وصايبو عندها فالبيت وجمعو بالزهوم كاملين عندها باش إبقا كولشي محافض .. 

طلعات فاطمة الزهراء هاد المرا عندها بتكشيطة جديدة وديما عندها الجديد بأفضل التوابات كتعلمها بلس ناس حاضرين .. طلعو المداحات تاهوما واقفين حدا الباب إستعدادا لخروج وسناء ..وتطلقات أغنية هاهيا جات حلو شراجمكوم .. 

كان كولشي كيترقب شكون هاد.الزوجة لي تعطا ليها الزهر تجي هي الثاااالثة عند سيدهوم عثمان .. لي ماتوقعوش منو التزويجة الثالثة .. منال كانت ݣالسا مابين البنات تاهيا حاضرا بقفطانها وحاضيا معاها ولدها لي كيلعب مع الدراري الصغار .. 

تاهبطات لالة العروسة بالشدة الفاسية والمصورة معاها غادا تهزو الزغاريت والمداحات من موراها واخا الأقاعات دالموسيقى خدامين .. وهي بداك اللبسة الثقيلة كتكس برشها دايخ ..عياااات باللمعقوول .. 

ركبوها فوق العمارية كيشاليو بيها وهي كتشير لحبابها، ولبناتوعائلتها لي ماخلاوش من جيهتهوم، تاهبطوها ومشاو ݣلسوها فالكرسي ديالها، كيتصورو معاها وكاين لي ناض كيشطح مع الشعبي .. وعاد بداو بنات عائلتو كينيضو إشطحو .. زعما ماناضوش غعرسها تالدابا عاد ناضو .. بقاو غير أغنية لأغنية محايحين غير مع بعضهوم .. وعائلة العروسة ݣلسو كيشوفو .. تانوضوها ثاني بالزغاريت مطلعينها الفوق وسناء ماحملاتش داك المنضر نهائيا فعرسها هي حرام واش ناض شي حد كولهوم دايرين رجل على رجل تالدابا عاد دارين فيها شيخات .. وعاد.عسات ومابقاتش قادرا تستحمل، كيف حيداتليها النݣافة داك اللبسة عاد.حسات بالراحة تادخلات عليها زينب .. 

زينب ~ شتي يااختيي .. 

غمزاتها وسناء باش ماتقول والو والنݣافة حداهوم لاتمشي توصلها ماعارفا عليها والو .. 

وسناء ~ شووووفت الحبيبة دقاالبي شووفت مودلي مودلي تيليفوني .. 

نفخات زينب حابساها ومشات جبداتليها تيليفونها عطاتوليها .. غير شداتو شافت فالنݣافة .. 

وسناء ~ عافااك خااليني ؤتاح شوية هااداك رااه الموت مااشي شداا سمااحلي اختي بلحااق رااه بزااف .. 

النݣافة ~ هادي شدة الفاسية أحبيبة وهي كادار الوسط ماشي فاللول غير حيت نتي غاديري حفلة خفيفة ولالة الباتول لي قاتليك بغاتها هي بدات دار .. 

وسناء ~ مم مزيان بغيت نهضاار مع رااجلي خااليني واحد دقيقة ورجاع وغانلبااس شي حاجة خفيفة حااقاش عييت ومابقيتشي قادا .. 

نفخات النݣافة ومشات خارجة غير سدات الباب وهي تعوج وسناء فمها ..

وسناء ~ نفاااخ عليا تمااياا الحماارة لووخرا بلحااق أناا غانوري ليمااكم شغوول بشحااال ساااوي .. 

زينب ~ شبااغا ديري صافي خليها براسها تموت ولا تحيا .. 

وسناء ~" وهي كتشوف فتيليفون " اييه مع الحمارات لي بحاالاا مااشي علياا يانا ..

حطات تيليفون على ودنيها كيصوني تاجاوب .. 

عثمان ~ ٱلو وسناء !! .. 

وسناء ~ فااينيا هضااارتك غانبقاا معااك وماانعرااف شنيي نهااااار كوووووولو ماافااكااارتيشي تقووول دييك المراا أري نتشووف شني عملات وااش كلاات واااش شاارباات !!!! ولا كيخسكووم تزووجوها وتخااليوها فدار هايداااك ؟؟؟ بااااين البرهاان من داابا ياانا رااااه رااسي كاانحاااس بييه غايطاارطااااق ... شكوون قاالكوم يانا باغا عورس هنااياا شكووون شكييت علييكوم ؟؟ ماجّا وضااربا قااتلة دطرييق لااخري نتمل ونزمااار من جدييد ماابقيتشي بااغا نزاال زولووم يسااليو ولا نوض نرجااع مناااين جييت .. " قطعات ولاحت تيليفون على الناموسية كتنهج نطقات داكشي بسرعة مسرسب عاد ضارت شافت فزينب " فاين كونا ! ... 

زينب ~ " بقات غير مصدومة سرسبات داكشي بزربة وبعصبية وبالغوات فالأخير قطعات عليه " اويييلييييييي وحدي ماتقووليش ليا هو لي هضرتي معاه هاكا .. 

وسناء ~ مااتزيدليشي تانتينا خاالي يمااه مخاالييني يانا هنايا نهاار كوولوو ماارااخااصشي على رااسو تايعاايطلي تقوول غاجايبني من زباال ولايحني يمشي يقود " صبعاتليها " هااالي غايدي مني شي خارية هاد الليلة أصلا ماحاملااشي هاد الزواج ماكراهتشي نرجااع بحاالي تفوو ناحاملااشي تاايقولوولي مزوجة يخخخ .. 

زينب ~ واااش حماااقييتييي .. وااااش تسطييتيي واااش تصحاااب لمووك كااتلعبي حاااابة رااااه الزوااااج هادا أوسناااء الزواااااج .... بيينك وبيينو دااباا عقددددد عقددد لابغا يقتل دينمك راه غايقتلك نتي دابا مابقيتيش على عنق باك وليتي فعنقو هو يدسمعتي أدهادشي تقووليه نهار لي مشيتي تسني ومنفخة مااشي تانوضنا الهاايلاالة غادي دييري غاشووهة فرااسك ... وغاادا تعاايري فالسيد.هو أش دارليك بلعكس مابغااش إعيطليك تلقاايه ݣال فراسو غاتكون مشغولة ولا مرتاحة ماكاين لاش نبرزطهاا .. اخخخ زعما بااز والله تاباااز .. 

وسناء ~ إلى ساليتي خرووج عاياط لديك خريوا تقادلي باش نسالي هاد الزباال طلااعلي فرااسي ...

سمعو الدقان دارت زينب كتعض ففمها باش تسكت هي لي كانت حامية .. تادخلات ياقوت خلات وسناء تجمد فبلاصتها وتبلع فريقها .. 

ياقوت ~ بنتي وسناء واش لاباس ؟ .. 

وسناء ~ لاباس اخالتو علاش كينا شي حاجة ؟؟ .. 

ياقوت ~ ياكنا عيتي أبنتي لاكنتي عيتي بزاف ومابقيتيش قادرة صافي نساليو هادشي دغيا وطلعي رتاحي .. 

وسناء ~ " زينب كتغمز فيها ولكن معامن هي السيدة جبهة " ايواا اخالتو كاشوفتي دابا تسعوود دليل ويانا عييت والباريح ماناعساشي وتاول الباريح وجرا وتمارة سيمانة دابا مابقييتشي قادرا وتاهادشي راه ماعرافتشي مناين خرووج " صافي زينب شفيفها تقطعو وعينيها حوالو بالغميز " مابغيتشي نقول والو مين قولتولو باغين تفارحو بولدكوم بلحاق لبسة واحدة باركة .. 

ياقوت ~ صافي أبنتي ماشي موشكيل الله ياودي راحتك هي كولشي أش غايزيدنا هادشي ݣاع تاعثمان عيطلي وݣاليا نسالي هادشي دغيا، صافي هاني غانعشي ناس باش يالاه إتفرقو لبسي دابا غير شي قفطان خفيف ونزلي ديري غير الصواب حدا عݣوزتي .. 

وسناء ~ " حلات فمها بدهشة " علاه كيناا تاعݣززتك .. 

ياقوت ~ اه لالة الباتول هي لي ݣلستي حداها قبيلة ..

ياقوت ~ اه لالة الباتول هي لي ݣلستي حداها قبيلة ..المهيم نخليك دابا غانمشي تاتهبطي .. 

مشات خرجات وخلاتها زينب غاتشعل فيها .. 

وسناء ~ بلى مااااتهضاار اناا قوولت غير الحااق وهضاارتك مااغاتزيد ماغاتنفااع غااخاالي عااندااك فوومك .. 

دخلات النݣافة ووسناء مخنزرة فيها .. دارتليها مشيطة خفيفة جمعاتليها غير نص ديال شعرها ولبسات قفطان فالأبيض توب ساتان حريري، ومطروز من لتحت بوريدات فالغوز والأخضر وعاد محزم بصمة رقييقة فالذهبي، دارت الذهب ديالها عاد هبطوها نيشان لطبلة دالعروسة وهي غير كتشوف فالباتول جاتها فشل جداتو باقا عايشا ومادام هي لي موصيا النݣافة وهي كولشي إذن باينة هي حكيمة وكبيرة هاد الدار والصغيرة والكبيرة كادوز على يديها وباينة شي وحدة لي واخدة عبارها وقاصحة غير من الكلمة، كيف تعشاو عاودات تطلقات الموسيقى وهاد المرا ناضت العروسة كاتشطح بشوية مع فاطمة الزهراء وشيماء لي كيحاولو يديرو الصواب معاها .. وطلقوليها أغنية العايلة مولاتي .. بدات كتبتاسم غير باش تفقص العديان وتسمى راه عادي ومزيانة .. تاتصدم كولشي مين شافو تامنال نايضة كتشطح معاهوم وتشاركهوم فرحتهوم دارو دائرية تزادو معاهوم تابنات خالها وعمها .. وخلاو بنات عائلتو كيتفقصو وي بخو الدم .. 

أنا العااايلة موولااتي يا لالة امولاتي 

العيوووون لي حاوووني مايبغدغسيوش عليا ياا العااايلة 

عينيها كانو كيضورو عليهوم شبر شبر وكاتبتاسم مطلعة وجها وبحالي كتعلم بقدومها وكتقوليهوم بصوتها هالعايلة مولاتي عاايلة الشمااال عاايلة طنجة عاايلة الجبل دبني عرووس جات ومن اليوم كولشي إجمع راسو حيت لالاكووم هادي لي غادي تشرف، وكولشي خاس يبدا يعرف راسو معامن .. 

تفرقات الحلوة وأناي على الحاضرين .. والبنات تجمعو كيهضرو مقشبين بيناتهوم وتاوسناء دايرا رجل على رجل والسندالة العالية ورجليها البووولق والروطب كيبانو كيزلقو وتاشعرة مافيهوم كيبانو من تكشيطة لي محلولة تالركبة وكل شوية تشالي بشعرها وضحك .. 

وهي كملات ليهوم تامقطع الأغنية القد واللبباس إوااتي ياالالة .. 

بداو بعض الضيوف إنساحبو تابدات غير العائلة ياقوت بدات تشرح لحبيبة كل واحد من عائلتها فين إنعسو والرياض كبييير تبارك الله ويهز الخير ويشيط البركة .. كان كولشي مسخسخ وعيان .. دخلو السربايات والخادمات ديال ياقوت ديال التريتو ديالها كيجمعو الدنيا .. والبنات باقين شادين مع عروستنا فجنب .. 

وسناء ~ يالاه البناات كيخسني نطلااع .. 

فاطنة الزهراء ~ " غمزاتها " مممم العفريتة زربانة ...

كولشي طلق ضحكتو وهي تعوج فكها كضحك .. 

وسناء ~ إيوا ياااختي الوااحيد هو يفرااح برزقوو " رجعاتليها الغمزة " .. 

تراشقو بيناتهزم وتعلات ضحكتهوم .. 

شيماء ~ شووفي مييمتك نتي لي بقيتيلي غادي تعاوديلي غدا راه مامنك هرووب .. 

هبطات عينيها مبتاسمة وحناكها حومر تاجات زينب طالعاا معاها لبيتها ودخلو .. 

وسناء ~ " نفسيالها كيطلع وي هود " اواعدي مامتيقاااشي صاافي اوااعدي نااري عافااك واللخ مااقاادرا .. ( هادي هي لي كانت كتقول لواحد هو يتمتع برزقو متأكدين 😂 تخافي ماتحشمي ) 

زينب ~ اوييلي رخي مني تسطيتي سيري سيري راه كيقولو داكشي زوين .. 

وسناء ~ فففف واخا " كتحس بداكشي كياكل فمعدتها خوف رهيب كيقشعر البدن ديالها " دابا قولي بااعدا شني نعمل .. 

زينب ~ عيطي لختك هي لي عندها تجربة أما أنا خبز ربي فطبݣو غابعدي عليا .. 

وسناء ~ مامهضاارشي مع هاديك خااليها هي بقاات قاالبا وجهاا عليااا ..

زينب ~ " صبعاتليها " وهاالمك شدي سيري بعدي مني ماتجيش تسوليني أنا " علات يديها " سيلييبيييخير زيرو فداكشي .. 

وسناء ~ لااياش عاااايشاا لايااش فف عايااطلا غااعاايطلا ..

زينب ~ هاا إيوا شتي دابا خدمتي عقلك هانا جايا .. 

ويناء ~ " يالاه غادور وهي تشدها " لالالالا مااتمشييشي لاءااا إلى مشاا تاجا ولقااني بووااحدي صاافي مشييت فيها غايقاااماتني تمااياااا " شيراتليها على ناموسية " .. 

زينب ~ وناااري وكيغانديير نمشيي نعيطليهاااا .. 

وسنذ ~ صافيي بلاش بقاا غي معيا فف مامستااعدااشي .. 

زينب ~ سمعي الخراا حيدي عليك لي صعيب راه حبيبة ماغاتمشي تاتكحل عنين العديان ديريها فبالك .. 

وسناء ~ " شداتها البكية " ورااه ماقاادرااشي ماقاادرااشي اوااعدي ماعاارفاشي ديكشي كيف كيكون .. 

سمعو دقان قلبها تخطف من بلاصتو تادخلات رودينة .. 

وسناء ~ تفوو عليك الحماارة " شدات علا قلبها " نااري طيااارتيني من بلااصتني .. 

رودينة ~ " كضحك " ههههه هاهو خااليتو داخل لرياض اوااعدي عليك واش باقي ماوجتيشييي ..

وسناء ~ صافي شداتها الرعدة ديال بصح ) مااعرافتشيي ..شني نعماال فف الخاارية شنيي نعمااال .. 

رودينة ~ تشووف تصارااف عاادي ورخيي ناافسك هو غايعمل كوولشي دييكشي عاادي دااغي كييدوز كتقصح شوية بلحااق من البااعد كاتجيك الحلااواة.. 

وسناء ~ اعع سكووت ماتقووليشي ديك الهااضراا كااتحااشمنيي ..

رودينة وزينب دارو شافو فيها بدقة زعما منيتك قلتيها قد راسك ~ ايمااا وشكوون كيحشم كوون سمععك سبااع يحزااق علييك ..

تفرشخو عليها بالضحك وهي صافي شداتها البكية فموقف لا يحسد عليه ..

وسناء ~ ضااحكو تمايا يانا كتشووفووني باغا نموت ونتومايا كااضااحكو الحاااق عليياااا ..

رودينة ذ~ هههه فف فف ههههه ..ناري قتالتيني بضااحك مهيم سمااع دخوول داغي دوش ياااك وجمااع حاالتك ونااقيها ماتخاالي فيك واالو باش تبانلو هاايدا مزييونة روش ريحتك وعماال باديلوشن ديك دريحة الواارد لي كونت قوتلك مزييون شرييه .. ومين تخرووج لبااس شوميز دونوي ديااالك ورتاااحي وتكاالمااي هو غايعمل كوولشي داخال معاك شوميز دونوي لدااخييل بااش تخرووج لابسااها ..

وسناء ~ لا لا ماانقداارشي نخرووج عااندوو هاايدااك عوريااناا نونونونوو..

رودينة ~ وعراافتي شنيي نوض اماماتي جمااع حواايجك ورجااع معااناا لدااار " عطاتها الصاع " والله ليماك وماداخلتيهشي عليك اليوم تاتقتتلك حبيبة هايانا فااين قوولتاالك .. 

وسناء ~ فف واخا عراافتي شني غاندخو نعمل داكشي لي قوولتووو ونتوماا ماتمشيوشيي تخااليوني بقااو هناايااااااا غاندخوول ندوش أااه بعداا نغشاال شااعري ولا لاءاا ..

رودينة ~ نتينا عاندااك الشعاار مزييون غووسلو مين كينشف كيرجااع مساارااح ..

زينب ~ بصح عندها الحق وتالشعر فازݣ كيجي موييون .. 

وسناء ~ فاينيا الباليزا لي جابلي بابا .. 

رودينة ~ رااافاينيا قباالاتي مسكين جابالك شووفتي .. 

عوجات عينيها اش دااار ݣاع وقلبات تافمها ومشات لجيهت الباليزا هزات ساكا ديال الدوش مطرطقة ومعاها ساكا دالماكياج وبدات تشوف فليشوميز دونوي تاحطات صبعها على وحدة فالأسود ببينوار حريري .. هزات كولشي فيديها عاد دارت عندهوم ..

رودينة ~ " قشعات شوميز دونوي فالأسود " شنيي منيييتك غااتلباااس الكحااال اوااااعدي حماااقتيي ..

وسناء ~ كيفاااش !؟ علااش شنيي فييها !!..

زينب ~ ماشي موشكيل ارودينة داكشي راه غير خرافات ..

رودينة ~ انمشيي قاالاا واش حمااقتي كينا شيي وااحييد كيلباااس الكحاال فعوورسوو باغا تزاافاات عليك زوااجك ..

ويناء ~ شني هااد العااقلية دالخراا مشي مشي ماكينااشي شي قاانون كيقوولي ماتلبسشي دابا الكحل بااعاد علياا ..

زدينة ~ واللللله ومااتحوووطووو يااتا نعايط لحبيبة وتايااقوت ونوورييهوم العاايلة لي شاابراا فييدا الكحااال وبااغا تلبسوو ..

وسناء ~ مااالك وااش مرييضة ..

زينب ~ رودينة راه تالناس الكباار غير كيزييدو فيه راه هاادشي غيير معتقدات خااوية ..

رويدنة ~ أنا قووتلك تعتااب بيه لكوواليط نقوولالوم ونتينا شووف ..

وسناء ~ " مشات كضرب برجليها لاحت داك الشوميز دونوي " تفووو على عااقليية كيف عااملا الزبااال مراااضيين فصااحتكووم والله ..

رجعات هزاات شومييز دونوي فالغوز بيبي تاهو نفس الشكل بپينوار حريري، ومشات زايدا لطواليط ..

وسناء ~ عندااكوم تمشييو خالييكوم هنايا ..

زينب ~ وغامشي هاحنايا هنايا ..

كيف دخلات جمعوليها هوما دوك الحوايج وخشاوليها شي باليزات هزهوم الماريو لداخل، تاسمعو الرشاش ديال الدوش وهوما يخرجو من البيت كيضحكو بعد ماكلاوها نقية وكتشعل ..

دخل سيدنا عثمان لرياض باش إلقا مو مجمعة مع الباتول ويامنة وشي بنات عمو كيف وقف عليهوم وهوما يسكتو ..جا باس الراس لمو والباتول ويامنة أما البنات حركليهوم غير راسو ..

عثمان ~ الواليدة راك مزيان تعطلتو !؟ ..

ياقوت ~ إيوا أولدي يالاه لحقنا نساليو وتفرقو النسا راه مراتك فبيتها ..

الباتول ~ إيوا أولدي شماشي نأولك العايلة غزااالة وتزيد تحلا فالعينين لاشفنا بياضها ...غمض على عينيه وشد القبضة ديال يدو ورجع شاف فيهوم معصب ..

عثمان ~ " بصوت حرش رجولي وبأكثر جدية وبهدوء ماكيبينش الأعصاب ديالو ولكن عينيه كافيين " داكشي شغلي بيني وبين مراتي ماكانبغي تاواحد إدخل، وداكشي لي وقع مع عبير ٱخر مرة مانبغيش إتعاود مع وسناء، إلى مشيت تاخرجت وشفت شي حد كيتصنت ماغاديش إعجبكوم الحال، " شاف فمو " الواليدة ديجا هضرت معاك كلامي مايتعاودش ..

ياقوت ~ " بتاسمات ليه " مايكون غاخاطرك أسيدي عثمان ..

دار غادي بلى مايرجع إشوف فيهوم غي طلع فالدروج وهي تهضر الباتول ..

الباتول ~ سيري أيامنة شوفليك واش الغراض تقدا أنا راه ألبي مامرتااحش شاي .. 

ياقوت ~ لالة الباتول راك سمعتيه بودنيك أش قال خلي هاد ليلة دوز بيخير ..

الباتول ~ شغلي هاداك آياقوت سيري نتي عند راجلك أاابليه ماتحشيشاي فشغلنا ..

ياقوت ~ أنا بارية الالة باتول بارية ..

مشات ياقوت معصبة من حداها فكل الأحوال الأحترام فهاد الدار دايم وعمر شي واحد إقلل على الأخر بأي شكل من الأشكال ويامنة مشات تابعاه معاها بنت عمو وبقات الأخرى .. تانطقات ..

سارة ~ يمّا أنا ماعجبااتنيش ديك البنت باااينة فيها مشحاارة ..

الباتول ~ " مربعة رجليها وݣالسا ليك ݣادلسة الملوك " إيوا تاتجليها ذرتها وتفرجي على ألبك أصغييرتي ...

سارة ~ ههه يصحابليها لقاتو واجد واغاتجي تطيرو شفتي أيما كاغير زواجتيني أنا لسيدي عثمان ..

الباتول ~ راني تانوجد أبنيتي علاه هو يلقا بحالك ..

طالع فالدروج كيتصادف مع رودينة وزينب هابطين كانو كيضحكو كيف شافوه قرمو غير شخصيتو كتخليك تخاف هيبتو بلا ماتحس ..

عثمان ~ " حنحن بشوية عاد هضر " وسنذ كاينة فبيتها ..

زينب ~ " جاوبات بصوت حنين عكس مين كتكون كتهض عادي " اه راه فبيتها ..

مشا مكمل طريقو وهوما بقاو شحال ساهين من موراه ..

دخل للغرفة سمع الرشاش عرفها فدوش سد موراه الباب ودور الساروت .. وطفا الضوء عاد مشا شعل فيوز عاطي إنارة خاااافتة فالغرفة، عاد مشا تكا فوق الناموسية ...

بعد ماحطات الرشاش لوات عليها الفوطة، وخرجات من الدوش كتشوف راسها فالمادرايا خدات نفس وقوات راسها ..

وسناء ~ صاافي مااكينا لااش بلعااكس كيخسااك تبينلو ماخاايفاااشي .. فف فف ..راا عاادي كوولشي كيدووز من هااد الماارحلة ..

باست راسها من المرايا وضربات يديها تشجعات وجبدات شيتة دسنان غسلات سنانها تبعاتها وجها بجيل، عاد مشات شعرها الفازك بالمشطة .. جبدات كريم بادي .. وبدات تدهن فلحمها بريحة الكوك مع الشكولاته ..خلات ريحة لحمها كتطعطع .. جبدات الميكاب ..وبدات تخدم فوجها وحاولات تبرز غير عينيها باش إيطيك عليها السر .. ودارت عكر غوز خفيف ..وبودر حمرات الخديدات ..عاد لبسات السوميز دونوي .. وكتشوف راسها فالمرايا مستحييل واش أنا غانخرج عندو هاكا نواااي ..هادي الهضرة لي كتقول دابا فراسها .. رخات داك الشعر وقاداتو بشكل عفوي وهزات ريحتها جادوغ .. رشات منها جيهت عنقها ومعصمها وسدرها عاد شوية شعرها .. وفكل لحظة كتطلع النفس وتهبطو وقلبها كيخبط .. سالات من مولشي وجمعاتو حكاتو فلبلاكار دالطواليط .. عاد جمعات يديها مخرجة فيهوم التوتر .. ومشات طلات حطات يديها على الپواني دالباب ماكتسمعش الهضرا دالبنات كانت متأكدة غايديروها بيها .. حلاتو بشوية كطل من الشقة تازادت حلات الباب .. باش ايبانليها متكي فوق الناموسية داير يد تحت راسو والأخرى فيها التيليفون كيخربق فيه .. بسرعة رجعات الباب هي ماتقدرش تخرج عندو غاتموت بالخلعة ..

وسناء ~ دابا شني نعممل اه اهئ تادوك الحمااراات الله يعطي ليمااهوم الحااكا فترمة فهااد الليل تفوووو .. غانخرووج ولي لييها لييها ..

زادت حلات الباب وتقدمات بخطواتها الأنثوية دايرا راسها بحالي زعما هو ماكاينش ݣاع وجسمها كيرجف .. تاوصلا حدا الماريو زعما كطل فيه .. وهو معلي غير نص عينو متبع خطواتها مين فتحات الباب أو مرة لدابا ..تانطق قفزها ..

عثمان ~ بصحة ..

قفزها عضات على شفايفها وبلى مادور جاوباتو ..

وسناء ~ اللليعطيك صاحا ..

عثمان ~ رتاحيتي دابا شوية !! ..

وسناء ~ " دوزات لسانها على شفايفها وهضرات " شوية .. 

عثمان ~ الحمد لله .. 

بقات ساكتة كاتسنا واش غايهضر صدق والو وهي عيات واقفة فداك الماريو تهز وتحط فالحوايج باطل وتاهو عايق بيها ومثثثقل مخلييها تايشوف فين غاتوصل .. 

طفح الكيل ودارت شادا على النفس ديالها متقدمة بشوية رجليها باردين عليها وهي مامرتاحاش بداك البينوار لي حد الفخاض ومبين فخاضها كاملين تاوصلات لحدا ناموسية هزات تيليفونها كانت دارتو كيتشارجا .. وبقات تاني كضيع الوقت واقفة حداه تاهضر ..

عثمان ~ ماغاتنعسيش !؟ ..

وسناء ~ " دارت شافت فعينيه لي كيشوفو فعينيه " احم م هانا دابا ..

حطات تيلفون وݣلسات فوق الناموسية كترعد تاحسات بيدو تحطات على كتفها قفزات بلى ماتحس تادورليها وجها شافت فيه ..

عثمان ~ " بصوت حنين ذوبها " مالكي !

وسناء ~ " متوترة " م لا غ ماعرفتش ..

قرب كتحس بنفس ديالو على عنقها وضهرها متكي على صدرو زاد دور يديه عليها ... تاهز يدو كيدوز على شعرها الطويل ردو ليها مور ودنيها تاكتحس براسها رجعات بين رجليه .. 

عثمان ~ مابغيتيش نوثقو زواجنا أحبيبة !! مم " طبع قبلة خفيفة على عقنها " ..

وسناء ~ الصصمممممتت ..

قلبها بقا كييضرب كيييضرب كتتتحس براسها صاافي نساات رااسها تابدات كتهرب عنقها من لحيتو لي بورشاتها وكاتحاول تبعد يديها .. حس بيها كتهرب وهو يجرها بشوية من يديها تكاها على الناموسية تارجعات على ضهرها مقابلة معاه وجهو فوجها ..

عثمان ~ " بصوت هادئ وببحة رجولية " مناش خايفة ؟ مني ؟ ..

غمضات عينيها شداتها لبكية عينيها دمعو ..

عثمان ~ شش علاش هاد الدموع ! كنخلع تالهاد الدرجة " شافها ساكتة " جاوبي مالكي ساكتة ! ..

حرك يدو على حنكها كيتحسسو ونزل باسها بوسة حنينة ...

أول مرة غاتحس بهاد الأحاسيس عمرها وقعات ليها بحال هاكا بلى ماتحس بدات تحك رجليها مع بعضهوم وهي كتحس بنيفو على نيفها ونفسو كيضرب فوجها ..

عثمان ~ " كيضحك بشوية " صافي مانتصالحوش دابا مم ..

هبلهاااا بصووتو الرجووولي الحنيييين والهاادئ هو أصلاا بكوولشي هبللها ..

عثمان ~ غاتبقاي ساكتة ! ماغانسمعش صوتك لي سمعت أول مرة بغيت نسمعو دابا ونتي بين يدي .. 

بقا كيقرب منها وهي كتحس بخلعة رهيبة وسدرها كيطلع ويهود ماعرفاتش هاد الكم دالأحاسيس لي تجمعو عليها ..تاتحط فمو على فمها وطبع قبلة عليه خلاها تسد عينيها بلى هواها وتهز يديها بشوية حطاتها على وجهو كتحسس هاد الرجل لي قدامها وهو بكل قوامو كتحسس ليحيو ووجهو وحنيييتو ...

بقات عايشا معاه فديك اللحضة لي عمرها جرباتها من قبل تاترخات وكاتحس بيديه كيتساراو على الجسم ديالها وصل حتالرجليها البويض لي هبلوه صغيورين وحميمرين وهي مرفوعة ماعرفاتش مين جاه هادشي خلاها فعالم ثاني وهي كتحل عينيها بداو كيتعسلو عليه ...

دخلو وسدو عليهوم الباب فالغرفة لي غادي إباتو فيها ..تم نيت دارت زينب عند رودينة .. 

زينب ~ شفتييي ياااختييي .. 

رودينة ~ شووفت شووفت اواااعدي تفوووو بقيييت غاكاانبتالااق عااايني ..

زينب ~ اويلي انا مافهمت والو ونااري بااقي ماقالت وسناء تابسم الله ..

رودينة ~ هاااديك راابااينة كاانت بااغا هي تزواااج بييه وماالقااتشيي فوويااخ ..

زينب ~ هادشي خسنا نقوولوه لحبيبة ..

رودينة ~ وهاانتيينا قوولتييهالا شغاتعملل ..

زينب ~ اوييلي أصااحبتناا هااديك الشارفة سبحان الله حسيت بيها ماحااملااش وسناء من الدخلة وهي مخنزرة ...

رودينة ~ وغاااخاالييها صحاابلا غاتلعاااب على وسناااء راابااقي مااعرفووهااشي والله يماااهوم نهاار تطلااعلا القاااردة غايكاااحلو بالعما ...

زينب ~ " غادا جايا ومشمرة على القفطان " شغانديرو دابا تخافي بنات الحرام يمشيو إسحروليها ...

رودينة ~ وسناء كيخساا تحضيي رااساا وماتخاالي تااشي وااحييد يدخووول عاانداا ..

زينب ~ تفو على ݣنووسا كيدايريين تفوو يااختي، .

دخلات عليهوم حبيبة تادارو شافو فيها كرمو ..

حبيبة ~ ماالكوم فين خليتوها ..

رودينة ~ ممّا سود ديك الباب واجي لهنااياا نقوولك ..

حبيبة ~ " سدات الباب وتحركات لعندهوم " أش كاين تما ياك لاباس !! ..

زينب ~ خالتي دابا حنايا هوادين خلينا عثمان طالع عند وسناء إوا حنايا وصلنا لمراح تاكانسمعو ديك جداتو كتهضر مع واحد البنت ..

رودينة ~ هادييك را باانت عاامو قالتالي قبااايلة فاااطمة زووهراا ..

حبيبة ~ إيوا أش سمعسيهزم تايݣوولوو ..

زينب ~ حنا جينا غير مع الهضرة لخراا قااتليها كون غيييير زوجتينيي يااانا سيدي عثمان " كتقلدها وتعيبها " وهي تجاوبها جدااتو غيير صبري راااني كنوجدلييك ..

حبيبة ~ " ضرب كف يد على يد وحطاتهوم على وجها " هاااااوييلي وحديي على انا كنوجدلييك مزياان تباااك اللله عندنا حريييم الراايس هنايا ..

ودينة ~ وتشووفتي ياممّا سبحااان الله انا عراافتاا مكتتحملاااشي ومين شاافتا مااحملاتااشي ..

حبيبة ~ بنت الحرااام الشاارفا الهارفة لووخرا يخليهاا سلعاا ... ولكن شتي عدغااسيدهووم عثماان يديهاا فييهوم ..

رودينة ~ سكوووت اممّاا سكووت هي وسناااء الثاالثة زعمااا تحراافلو فالرااابعة ..

زينب ~ اويييليي على الرااابعة لا ولااهيلا زااد فييه ..

حبيبة ~ سدي داااك الفم إلحسوووه كلاااب الدنيا والديين هااااااي هاااااااي على الراااابعة تااماتكوونش سمييتي حبيييبة بنت العاااطي والللله يالواالديه حربش وااش دخخل على بنتي ذرة شتيي دييك البعيير ولا منعرف أش سميت بووهاا ݣااع .. غاتصفييهاالييها بنت الهم هااهيا وعقلوو فيين ݣتهااليكووم .. 

زينب ~ وخاالتي رااه سمعنااها بودنيينا ويلي وحدي وعاد رااه هي كبيرة هاد الدارة وشاااادا والفااادا تخرج على يديها رااك شتي قبييلة كيفااش زامتااها تامن يااقوت تحني راسها وتقول اه ...

حبيبة ~ " صافي حبيبة غادي تبدا تصعر " تشي سمعيي نݣوولييك راه بالله وتفككر تحط يديها على بنتي الوالدة ديالها نعرݣها من بلااصتها ولاعندهاا شيي جوااد تحرك بيهوم المجاامر لامااخلييت ديلما تغمس وجها فطراب سيدي بويا عوووماااار ..

رودينة ماتت بالضحك وزينب شادا الضحكة غابزز أما حبيبة تكشرات والقفطان جمعات بوه تالفوق عرݣات ..

حبيبة ~ ناري كون نشد بووها يتانغزهاا ..

رودينة ~ ففف كانفااكار غاافدييك الزوووغبيية دوسنااء عاالم الله فااين وصلاات ..

زينب ~ فتحي داك الباب راه بيتها مقابل مع ديالنا شوفليك عنداك تكون شي خانزة تاطل عليهوم ..

غاسمعاتها حبيبة مشات كدردݣ حلات الباب وتبعاتها زينب كطل ورودينة كذلك وفعلا لقاو يامنة وواحد بنت عمو كيدورو حدا الباب ..

حبيبة ~ " عقداتهوم وهي طلع القفطان خشاتو فالسمطة " شوفليك بناات الحراام عاايني هانا جايا ماتجييي تااوحدة ..

زينب ~ ويلي ويلي اليووم تنووض فهااد الريااض ..

رودينة ~ اوااعدي وااش منييتهوم كيتصااانطو شنيي هااد التباارهييش .. 

بقات حبيبة غادا تاوقفات عليهوم منقور وهي تهضر ..

حبيبة ~ أشش كاااين تمااا أختشي يامنة ياك ماكاين بااس ..

قفزات البنت أما يامنة دات عندها نغزفة كطلع فحجبانها ..

يامنة ~ والو باس أنسيبتنا إوا جينا نشووفو واش شغول تقداا ..

حبيبة ~ غدا وتشوفووو بعينيكوم راني مكاانخبي شااي والبنت من دارهوم لعندكوم مامربياااش على الزنااقي ..

يامنة ~ الوقت والزماان هادا أخوييتي .. والعين مكاتشووف شااي كوولشي ..

حبيبة ~ العين لمكانت تشوف نتقبو بوها مكاين لاياش تصلاح وتربية بنتي وانا عارفاها تصنااط على البيابن مصاالح شااي ..

يامنة ~ أبشوية يا نسيبتنا باقين مادينا الصواب ..

حبيبة ~ الصوااب يجيي مع الفعاال أخويتشي ولاسبقها مول القيل والقال مايدي من عند مولاه غير خل ودنيه ...

وقفات عليهوم ياقوت غير شافت يامنة وبنت لوسها عرفات البلان ..

ياقوت ~ ختي حبيبة ياك لاباس ! ..

حبيبة ~ ماعرفت شاي أختي ياقوت واش عطيتك بنتي بتيقة والعنين مغمضين، ولا شاكين فيها ! ..

ياقوت ~ أعوذو بالله أش كاتقولي أختي حبيبة ..

حبيبة ~ حاشا وعليا العيب لاخرجتو، بنتي عطيتهاليكوم عارفاها أش كاتسوا ماشي نشوفكوم دابا كاتسنطو عليها فليلتها ...

يامنة ~ حنا ماكانتسنطو شاي هادي عادتنا وتاقاليدنا الحاجة، ومانعسو تانسمعو بودنينا ونشوفو بعينينا ..

ياقوت ~ " دات عند يامنة " ختي يامنة الليل هادا وناس كولشي ناعس، البنت راني كنعرفها تربية دارهوم وماعرفتها بنت الناس تاوجيت خطبتها لولدي وحبيبة راه عشرة قديمة وحتا من بنتها اللولة راه مزوجة فدارها، وعمرني سمعت منها كلمة دالعيب، حشومة نديرو بحال هاكا فهاد الفرح خليو عرسانا يدوزو ليلتهوم على خير وبيخير ..

نفخات يامنة ماعجبها حال ودارت غادا كتضرب برجليها بلى ماتجاوبها وتابعاها بنت خوها .. عاد رجعات ضاع ياقوت عند حبيبة ..

ياقوت ~ سمحيلي أحبيبة هانتي شتي غالوستي وعݣوزتي نهار إجيو لعندي راه المرض الكحل صبري معاهوم راهوم قاصحين ..

حبيبة ~ لا بحال هاد النوع راه خاسو غير الجبهة والسنطيحة لي تخرج فيهوم يوكيو لور، الله إحسن العوان غير نوا لكانو غايݣلسو ديما هنا راه غايموض الصداع ألالة ياقوت ..

ياقوت ~ غير هني راسك أحبيبة وحسبي بنتك تحطات فيد الخير أنا كاينة هنا وشيخها ولوستها وراجلها بيدو راه سيدي عثمان واخا تشوفيه مكالمي نهار كينوض ليهوم راه كيجمع كولشي وراه وصاهوم " تنهدات " غير الله يدير شي تاويل دالخير ..

حطات حبيبة يديها على كتفها ..

حبيبة ~ نخليك أحبيبتي راه تابعنا غدا الجرا ثاني بحرا نرتاحو شوية ..

ياقوت ~ تصبحي على خير والمسامحة ..

حبيبة ~ اييييه دوز فوجهك أختي ياقوت دووز ...

تفارقو مشات حبيبة عند البنات حيت غايباتو بثلاثة فبيت واحد تادخلات عليهوم لقاتهوم كيموتو بالضحك، على المنظر لي دارتليها ماداتها فيهوم حبيبة ݣاع مشات نيشان حيدات القفطان باش تمشي تنعس مزال تابعهوم الفطور على النبوري ...

دازت ساعة تاتسمعات صرخة قوية خلاتها تشد على ضهرو بضفارها ..وتم نيت نزلو جوج دمعات من عينيها من كثرة ماتقصحات ..وعاودات صرخات المرا الثانية مين حسات بحال الموس رجع تحيد منها .. 

وسناء ~ شنيي يهااادا اهئ اهئ شنيي عملتييلي واااش حماااقتييي .. 

حنا راسو بشوية باسها من جبهتها وهو كيشوف فيها شاد فوجها ..

عثمان ~ سمحيلي أحبيبة ..

وسناء ~ " دموع دايزين من عينيها وكتحس بالحريق فتحتها وكتبعدو منها " اهئ اهئ لا بااعاد منيي ماتشباارشي فيا اهئ اهئ بااعاااد ..

عثمان ~ شش كالم غاتفووت ضاروري من هادشي باش من البعد ترجع ساهلة ..

وسناء ~ وباااعاااد منييييييي اهئ اهئ حاااايدا من قوداامي ...

دورات وجها لجهة الأخرى كتنزل فدموعها أما هو تهز من فوقها وجر شوية ديال ليزار دناموسية مسحليها بقايا الدم، وهي حشات بيه بغات الأرض تنشق وتبلعها وزادت من وثيرة البكاء تشاف فيها وتنهد عاد ناض .. اسمعات الباب ددوش تسد جرات عليها الإيزار لي كان مطوي فتحت الناموسية، وهي كتحس بالحريق بزز باش كتقدر تلاقي فخاضها مع بعضهوم لواتو عليها تاوصل لراسها وهي كتحاول تبرد راسها، مازال مامتيقاش هادشي لي وقع دابا، ولي زاد حرقها وضرها فقلبها أنه ماشي ديالها بوحدها اليوم معاها وغدا غايكون مع وحدة أخرى ... 

سمعاتو مين خرج من الحمام وفتح الماريو لبس بوكسور خفيف وشورط بقا الفوق عريان وشعرو مزال فازݣ كيقطر،هز فوطة صغيرة كنشفو بيها وفنفس الوقت مدور وجهو كيشوف فيها مدورو وجها للجهة الأخرى ومغطياه بليزار .. 

تالاح ديك الفوطة وتحرك لجيهت الناموسية تكا فيها وهو كيطل عليها تابغا يجر ليزار لقاها قابطة عليه ..

عثمان ~ " بصوت روجولي هادئ وحنين " وسناء شنو واش مقصحة بزاف !! ..

وسناء ~ الصصمتت " تادموعها حبسو غير كتسمع وساكتة " ..

عثمان ~ دوري نشوف ..

يالاه غيدورها وهي تنطق ..

وسناء ~ " من تحت ليزار بلى ماتشوف فيه " طلااااق منييي مااتشبااارشيي فييا قوووتلللك خااليينيي مابااغا واالووو سماااعتي وااالو ..

تنهد بقلة حيلة ورجع تكا بلاصتو محليها على خاطرها حط يد تحت راسو كيشوف شحال فسقف الغرفة ...

شرق صباح على أهالي الرياض لي كاملين ناضو منيرين كيزجدو لفطور لالة العروسة، دخلات حبيبة بيديها الكوزينة هي ساقوت واقفين على الفطور دوسناء برجليهزم، البغرير، الرزيزة، الملاوي، والرغايف، أناي والقهوا، عاد العسل والزبدة والزيت والزيتون، إضافة إلى الحريرة وكبات فيها حبيبة البيض باش تزيد من البنة ديالها، تصايب فطور مغربي تقليدي وبدا يتحط لضيوف وحبيبة كاتسنا مولاي سلطان إهبط باش طلع تشوف بياض بنتها ..

حط يديو على جبتها كانت ناعسة بقا كيدوز صبعانو على شعرها وكيوصل مع الزغبة تالتحت ويرجع مع زغبة اخرى تاناض عليها، ودخل الحمام ..

بديك السدة ديال الباب حلات عينيها كتسترجع الذاكرة ديالها وكتشوف راسها فين، ناضت بشوية باقا قابضة على ليزار من سدرها دورات عينيها تلى بيت وشافت جنبها مالقاتوش تاشافتو خارج من الحمام هاكاك عريان من الفوق سرطات على الريق ديالها بهدوء بلى مادير تاردة فعل جامدة .. 

عثمان ~ " شاف فيها خارج كيمسح يدو فالفوطة " صباح الخير أحبيبة كيصبحتي صاڤا شوية .. 

قلبات عينيها لجهة الأخرى بلى ماتجاوبو .. 

عثمان ~ " جاي متاجه لعندها " شنو ! الزين باقي مقلق مني ! .. 

قلبات عينيها ونطقات بسرعة مين شافت خطواتو لعندها ..

وسناء ~ " ببرودة بلى ماتشوف فيه " مين تخروج سود معاك البّاب وعاياط لممّا ..

عثمان ~ نوضي بعدا دوشي .. باش ترتاحي ..

رجعات تكات دايرا على جيها قالبا وجها وتاهوا كمل خطواتو لعندها تاتحنا باسها من جبهتها ..

عثمان ~ كولشي غايكون مزيان إنشاء الله ..

رجع شاف فيها وحرك يديو على شعرها عاد ناض من حداها مشا وخرج .. هبط فالدروج نيشان للكوزينة دخل على حبيبة وياقوت ...

عثمان ~ " شاف فحبيبة وحنحن " احم وسناء بغاتك ..

كتافات تحركليه راسها بلى ماتبقا تحقق فيه حيت واخا هكاك عندها ليه إحترام غير من شخصيتو وهيبتو لي كتفرض الوجود ديالو تخطاتو هازا فيديها بلاطو دالفطور وهو رجع شاف فياقوت ..

عثمان ~ الواليدة بغيت نهضر معاك .. فيناهوا الواليد بعدا ..

ياقوت ~ راه كولشي ناض أولدي مشا راك عارف ماكيبغيوش إطلاقاو فوجهوم النسا ..

حرك ليها راسو ومشا زايد وهي تابعاه باش يهضرو فالكالم ..

جرات معاها زينب وخلات رودينة مع العائلة عاطياهوم الصواب .. ومشاو طالعين كيف دخلو للبيت ضرباتها زينب بتزغريتة .. 

زينب ~ " واقفة جيهت الباب وحبيبة مشات حطات البلاطو فواحد الطبيلة وكتصلي على النبي بصوت كيسمعوه غير هوما " صلااااااة وسلاااام عللىىى رسوول الله إلاااه جاه إلى جااا سييدنا محمد الله ومع جاااه العااالي يويويوويويويويويويويو ..

حبيبة ~ كيف دايرا يا الحبييبة دمها تبارك الله عليك أغزاالتي ..

قربات لوسناء لي حشمات قدامهوم لابسة غير الپينوار الحريري ديال البارح حطات يديها على يدها كتنوضها ..

حبيبة ~ يالان نوضي إيوا تغسلي حيدي عليك العيا ..

وسناء ~ " كيف حركاتها تقصحات " احح بشويييية رااا مااقدراااشي نزييد ..

طلقات زينب الضحكة تادارت وسناء خنزرات فيها وحبيبة كتغمز فيها ..

حبيبة ~ دووخلي أزينب مع ختتك يالااه إيوا .. اجي بعدا فين رااه صبااحك ..

وسناء ~ " ناضت شادا فزينب كتمشى دارت شيراتليها ليزار لي ملوي فالأرض " را فااينوااا ..

دخلات وسناء لحمام وخلاتها زينب ورجعات عند حبيبة لي حلات ليزار كيف شافت لي بغات وهي تزغرت هاد المرا بصوتها تسمع فالرياض كامل كانت أصلا ياقوت داخلة من الباب وتاهية شافتو ..

ياقوت ~ تباارك الله إيواا الله إجعل كوولشي مبرووك ...

حبيبة ~ أمييين أختيي يااقوت علينا وعلييك .. 

جمعات حبيبة طوات داك ليزار ماقادها فرحة تاكيتفتح الباب وكادخل يامنة وماعاها بنات عمو لي بقاو كيطلو غير شوية من الباب ..

يامنة ~ سمعت تزغريت إيوا مبروك أريلينا نشوفو ..

حبيبة ~ " كانت حطات ليزار فواحد الخنيشة مطروزة وسدات عليه بسري " الصبااح شافتو عݣوزتها هادشي ماكيتشاافش، يكفي تشوفو مها وعݣوزتها ..

يامنة ~ " دارت شافت فياقوت " أش هاد الهضرة الحاجة ..

ياقوت ~ لالة يامنة قالييك سيدي عثماان مابغا تاواحد يصبح على مراتو، ومها مابغات توري صباح بنتها لحد إوا صافي بلى مانوضو الصداع ومريضنا ماعندو باس ..

يامنة ~ الحاجة ماشي هادشي علاش تافقنا ..

حبيبة~ الالة يامنة هادشي ماشي كانتافقو عليه هادشي كلامي وكلام ياقوت ماخاس يدخل فيه حد ..

ياقوت ~ الحاجة بلى مانوضو الصداع حشومة البنت فالحمام خليها دوز صباحها على خير وبيخير ولدي راه مايعجبوش الحال ..

غمقو عليها بجوج بقات يامنة غاكاتشوف مااحملااتش رااسها وقطبات حجبانها كتقصف حبيبة بالنضرات ديالها وتاحبيبة ماسلماتش ضور ضور كاتشالي بالمليفة ديالها المذهبة لي لبسات وتعطيها فتخنزيرات مجبدة عينيها ... 

مشات خارجة من تم نيشان عند مها توصل ليها كولشي وياقوت وحبيبة تسالمو مع بعضهوم عاد مشات تاهية بقات غير زينب لي كانت متبعة الحوار وغي ساكتة وكتشوف ..

دخلات حبيبة لعند بنتها حكاتليها واخا نقيا .. هبطاتليها داك الشعر ودوزاتليها الصابون لضهرها وخرجات خلاتها تشلل بلي برودوي ديالها .. 

عاد لوات عليها الفوطة لي كانت شرات ومنبتة بالجوهر وفوطة صغيرة ديالها لواتها على شعرها .. عاد خرجات عندهوم .. لقات زينب متكية فناموسيتها وحبيبة كتجمع فالحوايج ..

زينب ~ بصحة الالة العروسة ..

وسناء ~ اممم غابلا ديك عرووسة تقول غاخدييت النووپل ..

حبيبة ~ أدييك شنييولة عنداك تبقااي طييري على راجلك راه قاتليا زينب اش درتيلو البارح فتيليفون ..

دارت وسناء بسرعة خنزرات فزينب ..

حبيبة ~ كوني تحشمي اديك اللفعة راني عارفا لساانك مجماار ويطير بالحرور .. بقاي تما كااترطاااي تاضيعي راجل وكوزي ديك الساعة يخشيوليك الصبع من اللور ..

تفرشخات زينب بالضحك نااري حبيبة والمعيور كتقتلهوم، عوجات وسناء عينيها لفوق معصبة وكتحلف فزينب ..

وسناء ~ وهووووو ليي كيقاالب علييا ..

حبيبة ~ تبتي ورزني حدااه وكوني كيف القطة ..وقداامهوم ديري عليهوم سبع ..مال مك ذݣنة تبقااي طيري حداه والهضرة ديك الساعة لي قالووهالو غادي يتيقها ..

زينب ~ بصح أوسناء خالتي عندها الحق، خسك تبااني قداامو قطة وقدامهوم لفعة باش إتنحى جنبك .. وديري مع عݣوزتك مزيان إلى مشييتي تااخصريتها غاعطي الصبع لراسك رااه عزيييزة علييه مو وكييدير ليها الخااطر يا ختي شفت البارح غي الطريقة باش كيهضر معاها ألا وأنها عندها مكاانة كبييرة فقلبو .. 

حبيبة ~ " كطوي فالحوايج وتهضر " غاااخليييها طيير تاتجييبها فراااسها صحاابلييها تغوت عليه ويسكووت رااه غير حييتاش باقا جديدة بلاتي لدينمك تفووت عليه سوايع دالباكور وديك ساعة تعلي صوتك يخبط مك ..

يالاه غاتهضر وهي تخرج حبيبة فيها عينيها ..

حبيبة ~ هاااااه واللله لواالدييك مكاانضحك شاااي جمعييي راااسك ..

وسناء ~ افف صاافي قتلتووني موودلي القفطاان دياالي نلبسووو بااش نفطر ... 

حبيبة ~ هازينب تعاونك غادي نهوض ونسيفطليك رودينة .. 

مشات حبيبة وخلات زينب كاتعاونها تلبس قفطان توب الجوهرة فالباج بالحزام فالذهبي ومنبت، دارت الذهب ديالها وساعة فالذهبي طلقات شعرها نشفاتوليها زينب بشيشوار دالريح، ودارت بوندو خفيف فالأبيض عاد ماكات ليها زينب ميكاب زوين وخفيف طلعات زوينة، ورشات من ريحتها وذهنات يديها بالكريمة ورجليها كذاك وزينب كتجمع البيت ورجعاتو كيشعل، بعدما قادات حالتها مشات رجعات ناعسة فوق ناموسيتها وحطات البلاطو فوق فخاضها كتفطر تادخلات عليهوم رودينة كتزغرت ..

رودينة ~ يوويويويوي ومبروووك عليييك لالة العووسة .. 

وسناء ~ الله يبارك فيك فطااارتو ؟؟ ..

رودينة ~ يانا فطاارت بلحااق زينب باقي ..

وسناء ~ زينب دوز تفطاار معاايا ..

زينب ~ غير كولي أختي بصحتك راه خديت شي ضغمات عاد نوضاتني خالتي .. 

رودينة ~ " ݣلسات فالناموسية " إيوا كييف دااز ديكشي ..

وسناء ~ كييف الخراا كييف غايدووز ..

زينب ~ اوييلي معامن كدوي نتي مع الشيخة ..

وسناء ~ بزااف على يمااك اوااعدي رااه كيخسااك تجااراب باش تهضاار ..

رودينة ~ أنا جااراابت ماتزيدشي فيه عاادي غاتقااصاح الماارااا للوولية بلحااق من البااعد غاايبقاا يجييك دييكشيي مزيييييون هاااايدا وغاتبقاا ترتاااح وترخا ..

وسناء ~ اختتي رااجلي هو راااجلك !!!؟ أنا رااه فراااعني لييماه ..

رودينة حلات فمها بصدمة أما زينب ماتت عليها بالضحك ...

زينب ~ ناااريي عطااتك أروودينة وىيييليي مانرضااهااش ..

رودينة ~ " باقا مصدومة كلاشاتها " وهاانتييينا كتتشووف الحمااارة يالاه تولداات البارييح ومجاا تعااودلي .. 

وسناء ~ " قلبات عليها فمها " باش المرا المجاا تقوولي مشيي اوسناااء تكلللم لممّا إيواا هااياانا الحبييبة دقاالبيي خدييتو سييد الرجااال ..

زينب ~ هااي هااي هاااي شووفلييك السيدة تحلات علينا ماابقاااش ولد الحرام رجع زوجيي قرة عييني ..

وسناء ~ شكوون قاالك أناا قوولت هاايداااك .. 

زينب ~ دابا قولي مانقوولك سمعييي مزياان أش غانݣووليك حضي راااسك باانلييا عائلتو مااسااهلااش ..

وسناء ~ اوااااعدي فكاارتووني شووفتي يااختي على ماانضاار عملوولي فالعوورس ماناض تااشيي وااحيييد يشطااح وهناايا عملوولك الشطحة ديال شيخة لي كااتكوون مع روييشة .. 

رودينة ~ وايييه تايانا شووفت بقيينا غامصدوومين ياانا وزينب .. 

زينب ~ غير سكتي الله إستر مع الله إحفض بانليا تاكمارة هنا ماحاملاك ..

وسناء ~ لهلا لييهووم صحاابلووم غاانبقا نبووس رجلووم بااش نرجااع زويينة ايااختيي يااانا قبييييييييحة وعاااجبنيي رااسييي هاايدا وليي عااندو الجووورأاا يقوولاالي لمااا صواارتلو الكمااارة ديالو مع الداااخلة دبّاااب ماانتسماااشي ياانا وسنااء .. 

رودينة ~ نتيينا من هااد النااحيا مانخاافشي علييك ..

زينب ~ اه حقا وسناءء أش قاتليك ديك النهار مراتو اللولة ..

روداينة ~ يااااختي شوووفتووها فششكل عااملة دااااخلة سوووق رااسا وكيضهااارلي بصصح ديكشي لي قاالت ممّاه ماباايينااتووم واالو ..

وسناء ~ تايانا ديكشي لي بانلي بلحااق مين غايزيغ رااسا علييها غاتلقااني فوجهاا ..

زينب ~ خووفي علييك أبنت اللدينة مع الثانية علم الله كيفاش غاتكوون !! ...

وسناء ~ تكوون كيفما بقات تكون ( ضحكة بإستهزاء ) مسااكن خاايفيننن علياا منهاا .. عنندكوووم غي ترااجعو تخاافو علييها هيي منيي ... 

طلقو الضحكة مقشبين .. عاد بداو إدخلو عليها بنات العائلة وي باركو ليها جات فاطمة الزهراء وشيماء وخديجة ..سلمو عليها وباركو ليها الصباح .. وماهي غير ساعات تاتمو مدخلين فالرياض ظروبة باش غايدبحوها طلعوها لسطح لي تاهو كان مفرش وغزااال وعندو منضر وااعر ..كانو فيه غير الرجال من طبعهوم ماكيبغيوش إتحاكو مع النسا وخصوصا البراني والرياض عامر عيالات هاد الساعة والأغلبية عائلتها .. 

بعد.ماتذبحات الظروبة حطو لرجال الغدا عاد.باش يحطو العيالات فديك الوقت كانت ݣالسا مع البنات لداخل تاسمعو دقان علو راسهوم كيبانليهوم مولاي السلطان داخل بجابادور فالأسود بسفيفة ذهبية كتحممق مع الشربيل فالأصفر ساعتو وخاتم زواجو فاليد وشعرو طالع وريحتو سابقاه ..

البنات حوالو عينيهوم وسرعان ماهبطوهوم وناضو وحدة مور وحدة كيخرجو حانين راسهوم أما هي رجعات حمراا ومزال ماطالقة معااه ماقادراش تشوف فيه ..

خرج كولشي عاد دخل هو وسد موراه الباب جاي كيقرب وكيشوف فيها .. 

عثمان ~ كيف بقيتي مزيان ؟! .. 

جاوباتو بشوية وبهدوء ..

وسناء ~ شوية دابا .. 

وصل لعندها وݣلس جنبها فوق الناموسية .. كيهضرو بصوت خافت وهادئ ..

عثمان ~ كليتي شي حاجة ولاباقي ! ..

وسناء ~ باقي ..حاقاش مزاال ماحوطو لنسا وقالولي باش نهاواد نݣلس معااهوم ..

عثمان ~ لاكنتي مقصحة بلاش إيطعوليك حقك تالعندك ..

حمارو خذوذها وكطلع عينيها غير شوية وتهبطهوم ..

وسناء ~ لا لا بلاش غااخالي حشوومة مايمكنشي غايقوولو ماكاتحشمشي أو .." قاطعها " ..

عثمان ~ شكون هادو لي غايݣولو ماعندهوم مايݣولو راحتك هي اللولة، بقاي فبلاصتك أنا غاندوي مع الواليدة .. 

يالاه غاتهضر تاني سكتها بغميزة زعما كيقوليها غي كالم طوا .. 

عثمان ~ ٱلو ..الواليدة .. حقها دوسناء طلعو شي وحدة من البنات بلى ماتهبط .. يالاه .. " قطع من التيليفون وشاف فيها " هاحنا سالينا فين كاين الموشكيل !! 

حركات راسها مهبطاه .. 

عثمان ~ " حط يدو على الذقن ديالها معليه " مالكي كيبانليا ماشي على ݣانتك ! ..

وسناء ~ " رمشات بثقال كضاهر بالألم " لا غيير هايدا رااسي كيحرااقني شوية .. 

عثمان ~ بغيتي نجيبليك شي حاجة تشربيها .. 

وسناء ~ لا بلاش شوية ويفوت عليا .. " شافت فعينو نيشان كيشوفو فيها " فويااخ قولتي غانمشيو لتوركيا .. 

عثمان ~ منهنا واحد 3 يام .. 

وسناء ~ باقا عاندااك ديك الفيراري ؟ ...

عثمان ~ " جابتلو الضحكة " ههه باقا !! شبانليك نضربو بيها شي ضورة هاد العشية ؟! .. 

وسناء ~ واخا بلحاق تاتمشي ممّا ..

عثمان ~ لي بغات الحبيبة ديالي .. 

قرب باسها فحنكها حتا تبورشات ورجع نازل وطبع قبلة على عنقها هاد المرة طلقات ضحكتها كتلوا بين يدو تابدا كيضحك فرحان حمقاتو ..

سمعو دقان ناض هو حل الباب لقا الخدامة ديالهوم شد من عندها البلاطو فيه الكبدة طريفات مع القلب والريا والطحال عاد شكانبا مصايبا بالمرقة وخبزة صغيرة وكاس دالعصير .. جابوليها حطو فوق واحد طبيلة وهزها جابها حداها .. 

عثمان ~ يالاه بغيتك تاكلي داكشي كامل .. 

وسناء ~ " شافت البلاطو " ايماا قاالبيي كااحماقتي بزااف غانااكوول ديكشي لي قااديت علييه .. 

ماحسات غير تخطفات وطبع قبلة على فمها شلطها خلاها غير كتشوف .. 

عثمان ~ شي نهار غاناكلك غير على وديت هاد الهضيرات .. 

وسناء ~ ماعراافتشي علااش كااتجيك هضاارتي مزييونة حااقااش كاتجيني بلعااكس عاادي .. 

عثمان ~ " كيبقا مركز مع هضرتها باش إفهمها أش كتقول إضافة أنه كتجذبو بديك التطوييلة لي كادير فأخر كل كلمة وتلحن فصوتها وترققو كتلعبلو على شهوة ديالو " حييتاش نتي من دون البنات كتجيني فشكل وكولشي فيك زوين ..

ضحكات مهبطة راسها زعما حشمانة .. 

عثمان ~ الغزالة ديالي كتحشم مم !! .. يالاه كولي كولشي باش نمشيو .. 

هزات بصبيعاتها بشوية كتقطع الخبز وتغمس غير بشوية ماباغاش تاكل بشي طريقة خايبة بلعكس حاديا مع خطاويها وتاهو حاضي معاها بإبتسام وفرحاان بيها .. أبسط حركات كاديرهوم كا ثتير الرجولة ديالو ..لا بصوتها ولا هضرتها ولا جسمها الأنثوي ..ولا شعرها .. عندها بزاف ديال الخاصيات لي غاتخلي أي رجداجل ينجاذب ليها .. إضافة لإهتمامها بنفسها وأناقتها المتألقة الدائمة .. 

نقبات شوية شوية وحطات جات نايضة تاوقفها .. 

عثمان ~ فين غادا صافي ساليتي ؟ ماكليتي والو ! ..

وسناء ~ لا بااركا شبااعت .. أصلا مامواالفااشي نااكول هاايدا الكبدة ..ممّاا كاتعملانا بطريقة مزييونة وكونت كنعملا كل عيد كاتجي مزيونة حسن من هايدا .. 

عثمان ~ مم قولي عندك مع الطياب .. 

وسناء ~ وأأه ..شصحابلك ديتي اللاعب ..

عثمان ~ هههه لا حاشة نكون قلتها أودي الواليدة ختارت وعرفات شنو تختار .. 

وسناء ~ " علات حجبانها متباهية بنفسها تانطقات بلى متحس " إيوا شوفتي يانا لي خديتك نتينا عاندك جوج مراوات .. 

عثمان ~ " شاف فيها شحال عاد ضحك " وا معاني عندك ! صحااح .. ..

ضحكات بخفة غادا لطواليط دخلات غسلات يديها عاد خرجات بانليها كخربق فتيليفون .. 

وسناء ~ عثمان كيخسني نهاواد ممّا والعائلة غايكونو كيوجدو باش إمشيو .. 

عثمان ~ " ناض جاي عندها " يالاه ...

مشاو خرجو بجوج هو متقدمها وهي من موراه تاهبطو لتحت نيت لقاوهوم كيجمعو باش إمشيو .. تفؤق هو معاها لتحت مشا عند الرجال وهي بقات مع النسا .. شافت النظرات دالباتول لي كون كانو قرطاس كون تيراو فيها وتاهية مامشاتش سلمات عليها وخلاتها هاكاك بلاكا كتشوف حيتاش عاوداتليها زينب وسرسباتليها كولشي ...

وسناء بدات تحس بالفراق وحبيبة صافي جمعو كولشي وبداو إتسالمو، مابقاتش قادرا تحبس دموعها, حيتاش ماشي غير ففاس راه صافي غاتمشي ترجع تالطنجة، وصلات حبيبة عند وسناء عنقاتها مزيان وجراتها جنب .. 

حبيبة ~ هانا غانخليك أبنتي ديري عقلك وجمعي راسك وحوايجك ترزني وديري عقلك مع راجلك، وإلى قاسك شي حد من هادو تجبدي لمو وعطيه علاياش كيقلب ماتسكتييش ليهوم هاودني راه إديروك لعبة بين يديهوم .. 

وسناء ~ " دموع فعينيها محجرين ماساخياش بمها " صافي اممّا كوون هاانيا

عنقاتها مين سالات من كلامها، تاجات رودينة ثاني وتسالمو، مشات زينب كاتعاون مصطفى وإلهام كيهزو السيكان إديوهوم لطوموبيلات وتالمعان الفطور لي كانو جابو والعائلة كولشي كتخرج من الباب، وكيسلمو على وسناء ويباركو ليها، ربعات يديها واقفة كتشوف فيهوم حسات بقلبها فيه الغمة هي عارفاهوم غايجيو نهار السبعيام ولكن غير هاد 3 يام لي غاتبقا بوحدها وفدار غريبة كتحسسها بالخنقة، صافي خرج كولشي ووقفات حبيبة عاودات السلام على بنتها ماساخياش تما طلقات وسناء دموعها ماقادراش تصبر تاتحطات يد على ضهرها ماعرفات تاشكون عقلها غير مع مها لي غاتمشي ..

حبيبة ~ وصافي أبنتي الله إرضي عليك ..

وسناء ~ غاانتواحشك اهئ اهئ غانتواااحشك اممّا ..

تجرات من الحضن ديال مها بشوية تادورات عينيها لقاتو عثمان لي كان وقف عليها ..

عثمان ~ شش دابا يرجعو ولا توحشتيهوم نديك عندهوم فوقاش مابغيتي ..

حبيبة ~ ولدي بنتي ٱمانة فرقبتك ..

كتسمع ديك أمانة كتزيد تغطي وجها بيديها وتبكي .. 

عثمان ~ راه مراتي دابا الحاجة وأمانة فعنقي ماشي غير قدامكم قدام حتى الله ..

حبيبة ~ الله إرضي عليك أولدي .. 

دارت غادا هي لي بقات اما كولشي ركب فالطوموبيلات .. 

كتشوف مها غادا صافي بغات تحماق بالبكا تاجرها عنقها ودورها عندو .. 

عثمان ~ شش صافي الحمقة هانا معاك .. 

بقا كيدوز يدو على شعرها تاقلعو عائلتها مشاو، وهي باقا متكية فالحضن ديالو تافزݣاتلو الجابادور بدموعها .. 

بعد راسها ودور يدو على عنقها كيشوف فيها ..

عثمان ~ يالاه نمشيو نخرجو شوية تفوجي ؟ ..

وسناء ~ " كتنخصص وكتهضر بزز باش كطلع ليها الهضرة " ما ...اهئ مابغييتشيي هننن بغيت نبقااا بووحدييتيي .. 

عثمان ~ واخا يالاه لبيتك وترتاحي .. 

جرها من يديها بشوية وتاهي دورات يديها الأخرى شادا فيه، كان الرياض تقريبا خوا وتامن عائلتو كيجمعو السيكان إمشيو، مشا طالع من المراح فالدروج هاكاك شادين فبعضيتهوم والباتول ݣالسا فالمراح معاها يامنة وبنتها الثانية ومرات ولدها كيخنزرو .. 

سارة ~ يما شفتي كيفاش دغيا شدات عليه .. 

يامنة ~ والو أميّ هادي راه باااااينة بنت الحراام وأشمنك يااا مشحااطة ..

رشيدة مرات عمهوم الأم ديال سارة ~ علااه ماخلاونا ݣاع تانشوفو صباحها غير من مها تعرفي تاهية طينتها مين جايا .. 

الباتول ~ " غامربعا رجليها كيف العادة ومخنزرة " ايييه غاخليها تبرااد على أللباا تاتجيليها الثااانية .. 

سارة ~ حݣا فينراها ماشفتاااش أيما ؟ ..

يامنة ~ ݣاليك مشات عند مها مابغاتش تحضر لهادشي تايسالي وترجع .. 

( دخلات عليهوم فاطمة الزهراء وݣلسات حداهوم ) ..

فاطمة الزهراء ~ ( كضحك ) يما أش كدويو علامن كتهضرو ..

سمية بنت رشيدة ~ على عبير فين غبرات ؟ ..

حركات فمها بمنعرف ~ قاتليا ماما مشات لدارهوم راك عارفا ماغاديش تحضر لذرتها ..

رشيدة ~ ومال منال حضرات ! .. 

فاطمة الزهراء ~ خالتي راك عارفا منال وعارفا عبير .. 

سارة ~ بلعكس أنا كيجيوني كيف كيف وتاسيدي عثمان داكشي لي كيدير ماشي معقول خسو تامنال يعطيها حقها .. 

ناضت فاطمة الزهراء ماعاجباهاش هاد الهضرا ~ سارة دخلي سوق راسك بينو وبينها ولاكانو مقتانعين هاكا ماخاس حد يدخل بيناتهوم وكتعرفي لاسمع سيدك عثمان هاد الهضرة بلى مانقول .. 

رشيدة ~ فاااطمة الزهراء سارة ماقالت والو تاتنهضي فيها هاكا .. 

يالاه جات تهضر فاطمة الزهراء وهي تهضر الباتول ..

الباتول ~ سكتووونا ماابقيتو شااي تحشمو أنا هنايا واتاواحد مامحتارمني تايجي سيدي محمد يوسف ونهضر على هاد قلة الترابي لي ولات فيكوم مابقا حد يحشم فهاد الزمان ..

تحركات فاطمة الزهراء من قدامهوم معصبة وطالع ليها دم مشات متاجها لعند مها ... 

دخلها لبيت وݣلسها فوق الناموسية كتنخصص ..

عثمان ~ " تحنا على ركابيه شاد فيديها " وسناء هادي هي سنة الحياة حتا كون ماكنتش أنا غايكون شي حد ولا بد ماغايجي واحد النهار وتمشي فيه لدارك .. 

وسناء ~ الصمت .. 

عثمان ~ " كيهضر ثقيل ورزين فهضرتو وهادئ " أنا ماشي غانمع عليك تمشي عند واليديك ولا غادي نخليك تشوفيهوم من الشهر لشهر .. بلعكس فوقاش ماتوحشتيهوم غانسيفطك عندهوم .. " مد يدو لوجها كيتحسس لحنك ديالها " وصافي شوفي هاد الدموع شحال غاليين، غدري بيهوم غير راسك .. 

علات عينيها كتشوف فيه .. اااه وشحال تمنات كون كانت عارفا بلي راجلها بوحدها بحنيتو، وصوتو، وشخصيتو وهيبتو .. شكون ماتمناش يكون عندها راجل بحالو، ولكن المشكيل لي كاين هو أنه ماشي ديالها بوحدها، ومفروض عليها تصبر حيت قبلات بيه هاكا، رجعات هبطات عينيها ومدات يديها فوق يدو حيداتها وناضت واقفا .. 

وسناء ~ عافاك بغيت نبقاااا بووحدييتي ..

وقف كيتنهد وكيشوف فيها عاطياه بضهرها، ومشا خارج من البيت خلاها كتحيد داك القفطان بقات غير بشورط ودوني فالأبيض وحيدات السنسلة ديال الذهب جمعات كولشي ونقات وجها من الميكاب ودارت كريم ترطيب خفيف مع ݣلوس ومشطات شعرها جمعاتو بقراسا عاد تكات فوق ناموسيتها وهزات تيليفونها شعلات الويفي لقات بلي كاين الويفي فالرياض، تم نيت سيفطات ميساج لشيماء .. 

Wasnae : chaimae 3tini lcod deyal lwifi deyalkoum .. 18:23 ✓✓ 

Chaimae : hahuwa ********** wach bou7edek ? ... 18:25 

Wasnae ~ ah bou7editi ..18:27 .. ✓✓ 

Chaimae ~ wakha nji 3endek rah 9enet .. 18:30 

Wasnae : ok aji ..

دخلات الكود ودخلات كتشوف الجديد، ميمتى مادخلات لسوشل ميديا ديالها، فتحات الفايس لي مكانتش حلاتو منهار وقعات داك الموصيبة، كان ماشي بسميتها وهاداك لي كانت كتهضر بيه مع الدراري وكتكونيكطا، لقات شحال من ميساج من صحاباتها ودراري لي كيعرفوها ووحدين خرين لي كان كتهضر معاهوم وأوسامة كذلك، بقات كتشوف وطلع .. ياه شحال كانت فرحانة وهانية بديك الحياة، كتجي من لافاك تكونيكطا ودابز مع مها على وديت الفلوس ورودينة على وديت الحوايج ودوز لعند خوها لابوراطوار تصور وتقابلو بعد المرات، وكانت هانية وعايشة مرتاحة، تفلا على هادا وضحك على هادا وتصاحب مع هادا، دابا كولشي مشا بحالي عمرو كان، لقات الأغلبية كيسولها ومريامة لي مكانتش حضرات لعرسها ومافخبارها والو حيت كانت سافرات لقات مسيفطاليها ميساج يالاه البارح كتسولها واش بصح تزوجتي، أكيد تاحد ماغايتيق وسناء لي كانت عدوة الزواج مزوجة وبيمن براجل عندو 2 عيالات، ضحكات بمجرد مارجع تفكيرها أنها فواحد الوقت إقولها شي حد هاد الهضرة ضحك عليه، شكون قال وشكون فكر، ماكاتعرفي غدا أشنو يصبح عليك، شدات ديزاكتيڤات داك الفايس مابقا عندها مادير بيه وبدات كتفتح فايس بسميتها الحقيقية Wasnae alharak ... تادخلات عليها شيماء .. 

شيماء ~ كوكو راك فايقة ههه .. " دخلات وسدات الباب " .. 

وسناء ~ فاايقة ماكينا مايداار .. 

شيماء ~ ففف غير سكتي جاني القنط وفاطمة الزهراء مشات مع منال خرجو وخديجة مشات لدارها بقيت أنا غير بوحدي " ݣلسات فوق الناموسية حاطا تيليفونها جنبها "..

وسناء ~ مكااتخرووشي مع صحاباتك .. 

شيماء ~ هه منيتك بغيتي خويا يقطعلي رجلي .. 

وسناء ~ شكون خوك بضبط ؟ ..

شيماء ~ بثلاثة ههه ..

وسناء ~ ههه ياختي شحاال كااتجي قبيحة انا غا خاي وااحد وكان مرضني .. 

شيماء ~ اودي غير سكتي وليت باغا دابا غير قوقاش نتزوج .. 

وسناء ~ علاش باقاا صغييرة شني باغا بالزواج .. 

شيماء ~ ههه باقا صغيرة راه فعمري 23 عام كبيرة عليك نتي لي 21 هانتي مزوجة .. 

وسناء ~ كااشووفتيني غامطاافرااه ههه .. 

شيماء ~ هههه إيوا مالكي غاتلقاي ماحسن من خوويا .. 

وسناء ~ لا هو ماكيناشي بحالو بلحااق مرضني مزوااج عيالات اوخريين .. 

شيماء ~ " تنهدات وشافت فيها " بلى ماديري بالك مع هادشي راه غير غايمرضك والله عرفتي غير ماما شحال عانات راه تابابا كان مزوج بجوج وخويا الكبير وخالد لي مات راه ولاد المرا اللولا ماشي ماما .. 

ناضت وسناء تقادات فبلاصتها مصدومة .. 

وسناء ~ حلفيي مافخبارييشيي .. 

شيماء ~ اوييلي ماقالهاليكش خويا !! ..

وسناء ~ " مصدومة " غير ماجاابتااشي الهااضرا قول داابا راجل مناال كان ولد المرا لولية ماشي خاللتي ياقوت .. 

شيماء ~ اااييه خويا محمد وخالد خوتي غير من بابا أما إدريس وعثمان وتيسير هوما لي خوتي من بابا وماما .. 

وسناء ~ اييي والله مافخبااري ومطااحتشي على باالي وعوومري شوفت حتا خووتك .. 

شيماء ~ خويا محمد راه كبير تكون فعمرو دابا شي 42 عام راه ماما كبيرة عليه غير ب 10 سنين .. 

وسناء ~ وهانتينا هي راه بصااح خاالتو يااقوت كااتباان باقاا صغييرة يااعني ماشي شيي مراا كبيرة وفااينيا دابا ممّاه ..

شيماء ~ ماتت شي 7 سنين دابا وموراها بعاماين مات خويا .. 

وسناء ~ وهانتينا والله مافخباري وماقالالي تاشي وااحييد ..

شيماء ~ غير ماجابتهاش الهضرا يمكن .. وتاخويا الكبير محمد راه مزوج جوج وحدا ديك لي شفتيها ݣالسا جنب منال ديك النهار رحمة وعاد كاينة الثانية مشات كدوز الكونجي مع مها .. 

وسناء كاتزيد تصدم ~ اوااااعدي يااختي وااش نتوما عااندكووم تعدد الزوجاات وراااثة ولا شنييي !!! .. 

ضحكات شيماء ~ ههههه خويا اللول تزوج ثانية حيت رحمة ماكاتولدش فهمتي وهي يتيمة مابغاش يضيعها ...

وسناء ~ ايمااا وصداامتيني قااسماا بالله .. كولشي مزوااج جووج وخااك إدريس يااكماا تاهوااياا ... 

شيماء ~ ههههه لا لا مزوج وحدة هي سهام .. 

وسماء ~ " كترجع الذاكرة نهار لي كانو جاو عندها فالملاك " ووحدة إسماا ياسمين كانت قاتلي ممّاك تاهيا مرات ولداا ..

شيماء ~ وهااديك هي المرات الثانية ديال محمد صراحة ظريفة مانكذبش عليك وهي ورحمة صحاااابات ولاهيلا واخا لوخرا والدة ولوخرا لا ولكن صحابات واخا ذرات .. 

وسناء ~ " غاكتسمع ودخل لودنها " وجدييدة هادي كيف عملولا !! .. 

شيماء ~ يا ختي ماشي كولشي بحال بحال كاينين بنات الحرام وكاينين بنات الناس شتي غير سهام ياك مرات إدريس بوحدها وتاهيا كادير شي فعايل غير الله إحفض مع الله إستر .. 

وسناء ~ اه شوفتا ديك نهايراتي ماكانتشي حملاتني ..

شيماء ~ " تنهدات " أودي .. راه لاجيتي تسكني فهاد الرياض راه خسك تكوني واخدة ديبلوم فعوايد النسا أولى غادي تشوفي لي ماعمرك شفتيه .. غي ماما شحال مرا تعدات عليها المرا اللولة ديال بابا تاكبرنا حنا البنات عاد بدات ترجع اللور مين ولات فاطمة الزهراء كاتخرج فيها نيشان هي وعثمان وإدريس .. 

وسناء ~ وزااعما عثماان عارف هاادشي وعارف شكييوقااع بين المرااوات والذراايرات ومزوج 3 ...

شيماء ~ شتي خويا عثمان نبصمليك عليها تاماتوقعناهش نهائيا يتزوجك نتي تصدمنا كيفاش بغا يتزوج على عبير .. 

وسناء ~ " علات حجبانها " وعلاش زااعما !! ..

شيماء ~ اوييلي يااختي كون تشووفي أياامهوم واجي تفرجي ياختي السمن على العسل وكناوكنقولو سيدي عثمان منها مايخلاق كيتسطا عليها، تاشويا شوية بداو إنوضو المشاكيل والصداعات تقولي غاساحرين ليهوم .. 

وسناء ~ شحال دابا وهوما مزوجيين !!؟ ..

شيماء ~ شي 3 سنين ! .. 

وسناء ~ " خرجات عنيها غير كتشوف " وبااقين مااولدوووشي .. 

شيماء ~ مااانعراف أختي شكون عرف فاش كيفكرو واخا ميا فالميا هادا هو السبب لي نايض عليه الموشكيل بلحااق ماكنضنش تكون مكاتولدش حيت دايما مين كاندخول لبيتها كنحصل عندها الباسطيات .. 

وسناء ~ فشكل هاادشي حيت مايمكنشي يجي ويتزوااج بيا لو كان كيبغيها .. 

شيماء ~ هوما المرة اللولة مكانوش ساكنين معانا كان خويا ففرانسا تالعام اللخر عاد جا فيه المغرب وبابا كان ݣالهالو من حيت منال كانت هنا واخا مزوجة خويا هو مع عبير لهيه وهي هنا عليها، وصافي كيف رجعو بشي سيماناادت رجعنا كنسمعو الصداع ديالهوم تالواحد نهار غواتهوم وصل تالفين وفين صافي ماما وبابا طالعين باش إفكو .. تاخرج عثمان عمري كنت شفتو بديك الأعصاب تالديك النهار .. كان ݣال لماما شوفبليا شي مرا فأقرب وقت .. عرفتي كولشي تصدم بقات ماما غير كتشوف .. مرا اللولة قالت يمكن غير معصب ولكن من البعد زاد أكد عليها تاجات شافتك .. 

وسماء ~ " شداتها غصة فقلبها " وديك ساعة كاان عوورس ختي وممّاك شافتني يانا " تخنقات فصوتها " وعلاش ماطلقااشي ! .. 

شيماء ~ " هضرات بشوية " سمعي نقوليك بيني وبينك ديك النهار كنت دايزا من حدا بيتها وسمعتها كتهضر مع ختها معصبة وكتبكي وكاتقوليها صافي راه قرر يطلقني ..وديك الساعة باش كانو جاو يخطبوك .. لغدليه كانت جمعات حوايجها والسيكان ديالها ومشات لعند مها لدابا زوال ماجات .. 

وسناء ~ " شداتها الفرحة ورجعات شافت فيها بإهتمام " شني زعما يكون طالقا !! .. 

شيماء ~ منعرف يقدر يكون طلقها بالقول ولكن بالقانون مكانضنش حيت ديك الساعة غاتكون فخبار ماما وهاد الهضرا راه مافخبار تاواحد كنت قلتها غير لفاطمة الزهراء ودابا نتيا ..

وسناء ~ فشكاال هادشي حااقااله يااعني شني عملاتلو تاقاارار يتزوج مرا أخرى .. 

شيماء ~ أنا ݣلت فراسي هي واقيلة ماباغاش الولاد وهو باغيهوم حيت خويا دابا راه فعمرو 35 خوتي كولهوم عندهوم الولاد حتا من خويا هادا لي مات خلا وليد يعني كانشوفو باغي يولد وشحال من مرا ماما هضرات مع عبير وتا يما كتقوليها واش باقين ماناوين تجيبو شي فريخ نفرحو بيه .. إيوا أختي هانتي كتشوفي أش واقع بيناتهوم ربي لي عالم وتاواحد ماعارف .. 

وسناء ~ " شدات على راسها " سسس يااختي رااسي بداا يحرااقني من هااد التخاااربييق ...

شيماء ~ سمعي أوسناء نتي دابا الحلقة بين يديك لابغيتي تكسبي خويا، عبير دابا لمشات تاجات وغادي تشوفيها أصلا كاملة مصنعة كاديرليك داك الماكياج ديال الخالجيات وداك الحجاب محطوط على نص راس وليلونتي، فشكل دايرا هي ماشي كادابز بالغوات ولا بحال شي عيشورية بلعكس، كتعطيك داكشي حسي مسي وغي من شوفات تطلع معاك القالب، " عوجات تعابير وجها " أصلا ما ماا صرااحة كتجيني ..عاايقا بزااف ومبجقا ولاهيلا دايرااليك وااحد النخووة تقوولي باغا تصنع الصوارخ .. 

وسناء ~ أنا ماشيي شووغلي فييهابلحااق غاتشووف فيا شيي شووفات ماشي تالتماايا غانجبدلا لبلالط دعااينا تشووفوم قوداااما .. 

شيماء ~ هههه هاي هاي على الشماالية ديالنا ياا ختي كنحماق على هضرتكوم أنوووثة بزااف ماشي بحال هضرتنا حنا .. 

وسناء ~ههههه نفس الهااضرا كيقوولالي خاااك اوااعدي شااكيتووني تاارجعاات نشووف رااسي فاااين غرييبة ... 

شيماء ~ هييه شوفي ياختي السبعا ونص دابا تلهينا فالهضرا غانلقاهوم لتحت مجمعين على شي براد دأتاي هبطي هبطي ديري معانا كاسكروط ومنها تفقصي لعنين لشي ناس راه ماكيحملووكش .. 

وسناء ~ واييه شووفت ديك بنت عاامك ماااحملااتنيييشي .. 

شيماء ~ " ناضت واقفة " هههه هااديك غابلا ماتدي عليها مسكيينة راه كتحلم بسيدي عثماان وهوا عمرو تاشاف فيها تامن عبير ماكاتحملهاش وواحد النهار دابزو هي وياها مسكينة غابايرا ماتديش عليها ..

وسماء ~ أجي ماالكوم توومايا كاتعيطو لعثمان سيدي عثماان اواااعدي هههه كااتقتلووني بالضااحك .. 

شيماء ~ ههه وايلي علاش شكاتعيطيلو نتيا ؟ ..

وسناء ~ عاادي عوووثماان هاايدا حااارفيا .. 

شيماء ~ هااي هااي هههه تباارك الله عليك العايلة نتي لي عبرتي ... تامن عبير وكاتعيطلو سيدي عثمان ماعرفتش ولكن هاكا عندنا هنا الرجال ديما كاتسبقي سيدي عاد كتهضري عليهوم عتابريها بحال إحترام فهاد الدار وصافي .. 

وسناء ~ هاايدااك آيوا يااختي ياانا مامواالفاااشي ...

شيماء ~ " كاتحاول تقلدها " إيوااا ماتعااياااطلووووشيي ههههه واخا نبغي نقلد مانعرفش كيكاديريليها .. يالاه نخليك لبسي دغيا وهبطي ... 

خرجات شيماء خلاتها يالاه نايضة باش غاتلبس تاكتسمع تيليفونها كيصوني، هزاتو باش تشوف عثمان لي كيصوني، عدلات صوتها عاد جاوبات .. 

وسناء ~ ٱلو !! . 

عثمان ~ كي بقيتي صاڤا .. شوية دابا ؟ ..

وسناء ~ الحمد لله ونتينا ؟ ..

عثمان ~ مزيان شنو مزال باغا تخرجي، يالاه فوجي شوية على راسك ! ..

وسناء ~ واخا فوويااخ ؟؟ ..

عثمان ~ لبسي عليك وتسناي مين نصوني عليك خرجي عندي .. 

وسناء ~ واخا .. 

حطات تيلفون فشارج وناضت كاطير بالفرحة، على الأقل تخرج تفوج على راسها، وحتا من طبيعتها كاتحماق على الخروج، وقفات حطا البالز لي نصهوم تستف فالماريو ونصهوم باقي، هزات واحد السروال دجين بلوسيال بوي فراند، مقطع شريطات صغار فالفخاض، ومعاه شوميز فالݣري قصيرة من القدام وطويلة شزية من اللور مغطية غير المأخرة، دارت الفونديشن والماسكارا مع عكر غوز خفيف ماط والبودر فالأحمر وطلقات شعرها وهزات غير القصة جمعاتها جنب بفونتي عاد سنيديلة پلا كانت شراتها من زارا كتحمق تاهي فليلو سيال، دارت مجوهرات فنقرا وهزات ساكها مستطيل الشكل فالأسود من اليد وتيليفونها رشات ريحتها، وزادت خرجات من الباب هابطا بخطوات أثوية يديها على الحديدة ددروج واليد الأخرى شادا الساك كاتمايل بشوية وبخطوات جد متقونة .. تاوصلات لتحت خرجات نيشان فيهوم كانو مجموعين ݣالسين فالمراح .. الباتول ويامنة ورشيدة وبناتها .. عاد ياقوت وشيماء .. كانو جماعين تاضارو كيشوفها مقربة ليهوم وݣلسات فوق الكنابي لي مفرش فالأحمر والخديات فالقهوي عاد الطبيلة الوسط فين محطوط أتاي واللوز والݣرݣاع الخ .. 

ياقوت ~ مرحباااا مرحبا بلالة العروسة ...

شيماء ~ " بإبتسامة " غاتخرجي شفتك لابسة !! 

يالاه غاتجاوب وسناء طارت سارة كتعوج ~ مااكيخسكش الحبيبة دألبي تخرجي العرووسة عندنا ماكاتخرج على سبعيام .. 

وسناء ~ " جاوباتها بهدوء " حناا مااعندناااشي الحبيبة بحاال هاادشي ورااجلي لي قاالي نمشيي معااه ماغاديشي نقوولو لااءااا بااش نݣلس فالداار .. 

عقدات الباتول ويامنة حجبانهوم كيشوفو فيها أما سارة سرطات ريقها ماحاملاش هاد الكلاش .. ياقوت جاوبات بسرعة مبتاسمة..

ياقوت ~ إيوا سيري فوجي على راسك أحبيبة بلعكس هانية مكااينش شي مشكيل ..

شيماء ~ بلعكس يا ختي سعداتك راه القنط ويلي ماعندك ماتݣلسي ديري .. 

وسناء ~ " دايرا رجل على رجل وتيليفون فيديها كدورو " يلا بغيتي تمشي معانا يالاه تفااوجي شوية .. 

شيماء ~ لا لا غير سيري ولاهيلا أنا أصلا مافيا لي يمشي .. 

بدا تيليفونها كيصوني جاوبات بصوت رقيق وكتحلون فتيليفون قدامهوم ~ ٱلوو . .. مم وااخاا هاانا مجّا .. 

قطعات وناضت ضايرا ورجعات شعرها مور ضهرها .. 

شيماء ~ خاالتو هاايانا مشااا راه عايطلي سيييديي عثماان " بركات عليها كتشوف فسارة ".. تانرجعو ..

ياقوت ~ سيري أبنتي الله إرضي عليك .. 

مشات دايرا وغادا كتكسول فمشيتها تاخرحات من حداهوم وهي تعوج الباتول فكها ودارت عاقدة حجبانها عند ياقوت ..

الباتول ~ هاادي ماش ماشي يشووفو عينيك !؟ خليتي لحفيدي بناات الأااصل والمفصل وجبتيلو زرييعة الكتان تعياي تحفي عينيك وتنأي وماتجبري شاي مايتنأأ ..

ياقوت ~ لالة الباتول أش هاد الهضرة .. 

يامنة ~ مألت غير المعأول البنات زاين مشااء الله كيتسرسب ونتي جبتيلينا هادي من راس الجبل .. 

شيماء ~ عمتي حشومة تقولو هاكا البنت بلعكس ظريفة خاسكوم غير تعاشروها وصافي .. 

الباتول ~ مايغروكش عينيك أصغيرتي هاكا كيكونو فاللول شوفي غير حرمة خاك كيكانت المرا اللولة نون واش البيضة تفاأس من بلاصتها، وشوفليك دابا ضرب وتأول مألت ...

شيماء ~ كل واحد وكيفاش !! ..

سارة ~ صافي دغيا رجعاتك فصفها تارجعتي تقليي علينا ..

ياقوت ~ أبنتي حنا ماشي كنديرو الأحزاب هنا مابغينا شاي الصداع البنت جبناها من بلاد بعيدة وواليديها مشاو وخلاوها ٱمانة ماشي نوضو نتعايبو معاها ..

الباتول ~ حنا مكانتعايبو شاي ألالة ياقوت حنا تاندويو على ماااعأول ويلى جبدات العايب راه حنا مالينو .. 

ناضت شيماء كتنفخ طلعات لبيتها خلات ياقوت كتنهد قدام هاد الناس ..

مشات مع الدرب تاخرجات لعندو لقاتو موكي على الكوپو دالطوموبيل طلعها من راسها لرجليها، تنهد علاما قرباتلو وحليها الباب ركبات وسد عليها الباب عاد مشا لبلاستو .. 

عثمان ~ " كيديماري ويهضر معاها " صاڤا !!..

وسناء ~ وي مزيانة ونتينا !..

عثمان ~ پا مال ..

دروات راسها كتشوف فيه وفكل دقيقة كتفكر فكلام شيماء .. 

وسناء ~ فاين غاتديني !! ..

عثمان ~ نساريك شي شوية تشوفي ففاس ونݣلسو من البعد فشي كافي .. .

وسناء ~ ممم هاايدااك .. 

عثمان ~ هههه عندك شي مخطط ! .. 

وسناء ~ لا غير مشي .. نتينا دابا الشيفور .. 

عثمان ~ اييه عندك الحق .. 

وسناء ~ هبطات عينيها كتشوف فتيليفونو حاطو فواحد لعيبة معلق مفتوح فيها اليوتوب ) واخا نعمل الموسيقى لي باغا ؟ ..

عثمان ~ عاد كتسولي الحمقة " حرك ديك اللعيبة دورليها تيليفون لعندها " ختاري لي عجبك ديريه .. 

بتاسماتلو وهبطات عينيعا كتقلب فالأيفون اكس ماكس فالكحل تاطلقات الأغنية ديال ( تعال يا بني الحلال تعال أشبعك حب ودلال ) ودورات زادت شوية جبدات فالصوت .. 

عاد دورات راسها كتمايل بالجسد ديالها .. وكتحرك شفايفها مع الموسيقى .. دور عينو شاف فيها وبقا كيضحك ..

عثمان ~ " بصوت ضاحك " فيناهو هاد الحب مم !! ..

دورات وجها وغمزاتو كتغني مع الأغنية ..

وسنذ ~ تعاال أشببعك حب خرااافي تعااال ..

طلع راسو كيموت عليها بالضحك ...

عثمان ~ هههه واش نتي ديما دايرا هاكا ولا كيفاش ! 

وسناء ~ أناا وݣاانتي ونتيينا وزااهرااك فشمن ݣاانة تجيي .. 

وقف اللوطو فسطوب وبسرعة قرب منها تاغفلها بقات غير كتشوف .. 

عثمان ~ ديري معايا شي حل حيت كتهبليني بصوتك .. 

وسناء ~ " كتشوف فيه مقربليها لواحد المسافة قرييبة " شني بغيتي نعمل " قبل ماتكمل خطف قبلة بسرعة شلطها من فمها خلاها غمضات عينيها تم نيت ..

عثمان ~ " بعد وشاف فيها " كملي .. 

حلات عينيها قلبها كيضرب كيضرب تاكتسمع الكلاكصون ..

وسناء ~ الضاا ض ضااو الحماار أعثماان .. 

ضحك ورجع لبلاصتو دوز طروازيام وزاد مع الطريق، خلاها مبلقة عينيها سدليها فمها .. 

عثمان ~ بدلي الأغنية غانبقاو نسمعو غير فهادي ! ..

فيقها من سهوتها ~ هاا اا ،،!! ..

عثمان ~ " كيشوف فالطريق وكيضحك '' هههه غير بشوية .. مالكي تلفتي ... 

السيدة تفاافات رجعات حمرا وبدات كتقلب فين تخشي راسها ودلات راسها على تيليفون كتقلب على أغنية أخرى تاتدل شعرها وهو مد يدو رجعو مورا ودنيها .. 

عثمان ~ مامعذبكش هاد الشعر كون جمعتيه حسن ..

وسناء ~ " دارت أغنية أخرى ورجعات لكوسان كاتقاد فشعرها " لا غاخااليه كيعجاابني هاايدا مواالفااه .. 

عثمان ~ لي عجبك .. " بإبتسامة " نوقفو هنا شبانليك ؟ ..

طلعات عينيها باتليها المدينة القديمة فين عامرة والدنيا كتنغل وداكشي زوين ..

وسناء ~ واخا ..

سطاسيونا ديك الطوموبيل لي كولشي كيشوف فيها وكاين لي كيصورها جاتهوم الفيراري شي حاجة زايدا .. وبداك البيبان لي كيطلعو ..وخرجات منهوم وسناء وعثمان من الجهة الأخرى .. سوݣر الطوموبيل ودار عندها .. 

عثمان ~ يالاه .. " مدليها يدو .. " ..

نقزات لفوق الطروطاور وشدات فيدو وزادو طالعين لداك السوق لي جا مايل وبالدريجات وداكشي بالفوانيس شاعلين بحكم الليل والمنظر زوين وكيجذب .. 

وسناء ~ شني هادا واش سوق ! .. 

عثمان ~ هادا السوق ديال الصنعة التقليدية .. 

وسناء ~ شني كيبيعو .. 

عثمان ~ داكشي الحوايج ديال النسا والرجال والتواب ديالهوم والأواني دالفضة والنحاس .. " أشار ليها لأول حانوت بدا يبانليهوم مخرج الصواني والفوانيس الماعن وداكشي كولشي ديال الفضة " بحال هاكا .. 

وسناء ~ ايي هادشي مزييون كيعجببني تاحناايا عاندا بحاال هاد الأسواق فطنجة بلحااق مااشي بحاال هاايدا ..

عثمان ~ مم " وقف علىيه " شحال أخويا داك الفانوس ..

مول الحانوت ~ عشرالاف ريال .. 

عثمان ~ شي حاجة مثقونة ياك ما نحاس هادا .. 

مول الحانوت ~ " هزو مدولو " لا والو صنعة البلاد أسيدي .. 

عثمان ~ " هز يدو كيشوف فيه وهي بقات مدورة يدها على كوعو " كتزيدو شوية فثمن لا !؟ .. 

مول الحانوت ~ لا والله أسيدي داكشي باش ساوي كنزيدو عليه غاشي حاجة قليلة هانتا " جبدلو واحد البطاقة " التوريست كيتباعليهوم ب ثلاثين ٱلف ريال .. 

عثمان ~ بزاف ٱواه ..

مول الحانوت ~ إيوا أسيدي هادشي لي تفرض علينا وحنا لقينا فيه الربح ..

عثمان ~ اودي الخير غير فينما ختاره الله ..

دار شاف فوسناء ) ... شنو ؟ عجبك ؟ ..

وسناء ~ مم مزييون وتاهاداك لي فنحااسي مزييون .. 

عثمان ~ عجبوك بجوج ؟ ..

حركاتلو راسها ورجع دار عند مول الحانوت .. 

عثمان ~ جمعليا هادا وأري نشوف داك النحاسي .. 

شد من عندو داك النقري ومدلو النحاسي قلبو بيدو وشاف لايكون مضروب ولا مخسر من شي حاجة عاد مدولو .. ومد يدو لجيبو جبد البورط كارط فين مخشين ݣاع البطاقات ديالو جبد منها ميتين درهم ومدهالو وعطالو الشاصية .. 

عثمان ~ الله ٱجيب التيسير ..

مول الحانوت ~ ٱمين .. 

دار غادي ومد لوسناء الساشي .. 

عثمان ~ هاسوڤونير ديال فاس ههه ..

وسناء ~ هه شووكراا .. كيغاليو على السياح سماعتي شحال كيقولولوم هومايا .. 

عثمان ~ " دار يديه فجيبو وهي بقات خاشيا يديها فيدو " خسك تشوفي مراكش كيكتبوها نيشان ...

وسناء ~ صراحة حشومة عليهوم يااعني تاهوما مااجين بااش يتسااراو .. 

عثمان ~ سياسة ددولة ، هي نورمالمون ماخسهومش يديرو هاكا ولكن كاتبقا العملة الصعبة .. ومنها الدولة كتكسب المداخيل ديالها .. 

وسناء ~ ياه شووف كيف عاملين لللعااطريية هههههه .. 

عثمان ~ هه واش أول مرا تشوفي بحال هاكا !؟ ..

وسناء ~ اه ههه مواالفة غير طنجة ولامشييت كنمشيي لشفشااون وتاهيا فيها بحال هادشي بلحااق هايدا العاطرية عوومري شووفتا مستفة هايدا .. 

ضحك زادو طالعين وكل خطرة توريه شي حاجة تاوصلو لواحد الحانوت كبيير ديال التواب والنسا والرجال عامرين دارين صف ديال التواب أنواع وأشكال ديال النسا ولي مقابل معاه الررجال ..

عثمان ~ " زاد داخل للحانوت " هالحانوت ديالنا .. 

وسماء ~ حللف وااش دياالكوم دياالكوم ..

عثمان ~ واه ديال الواليد .." هز يدو وحرك راسو لواحد الراجل تم نيت تم جاي لعندو " .. 

إدريس ~ أهلا أهلا مرحبا مرحبا .. " شاف فوسناء وحرك ليها راسو " السلام عليكوم .. 

عثمان ~ وعليكوم السلام وسناء هادا إدريس خويا الكبير .. 

وسناء ~ " حركاتلو تاهيا راسها " سلام أخااي ...

عثمان ~ بانليا محركة عندك القاديا ؟ .. 

إدريس ~ إيوا دابا راه غاتبدا تحرك راه العواشر داخلين وواقيلة العيد غايجي فواحد فالشهر .. 

عثمان ~ باقالو كانز جوغ ..

إدريس ~ واه بصح .. أيام الله دغيا فايتين يالاه دوزنا رمضان ..

عثمان ~ " وسناء غاساكتة وكتشوف فالتواب والمعلمية لي مع الناس كيمدوليهوم لي بغاو " كاين عندك شي جديد ..

إدريس ~ جبنا الجديد الواليد حرك على شي تواب يالاه وصلو هاد الصباح ..

عثمان ~ الحرير ولا !؟ ..

إدريس ~ واييه بغيتي شي حاجة .. 

عثمان ~ لا غير لاكانت وسناء باغا شي حاجة " دار شاف فيها " شضهرليك ؟ 

وسناء ~ " كانت ساهية فجهة أخرى عاد دارت مافاهمة والو " ااه !! ..

عثمان ~ واش تبغي تشوفي شي توب .. 

وسناء ~ " بحشمة " لا لا بلاش ..

إدريس ~ لا مايمكنش لالة وسناء تجي عندنا تالحانوت وماتاخد والو .." على يدو كيشير لواحد الخدام " محماااد أجي اجي حسب معاك داك الرولو ديال الحرير لي تما .. 

وسناء ~ لا واالله بلااش مااتعااذاابشي رااسك ..

إدريس ~ ماكاين لا عذاب لا والو الله يا ودي ..

عثمان ~ وهانتي شكون بحالك الالة غابقاي لينا على خاطرك ..

تحط قدامها جوج ديال الرولوات ديال الحرير واحد فالنحاسي وواحد فالݣري غادي للبيض، شي حاجة كاتباان واااعرة، هي عجبووها طبعا وشكون هادي لي مايعجبهاش الحرير .. مد عثمان يدو لتوب كيشوف فيه ..

عثمان ~ شحال كادير لهادا ..

إدريس ~ 36 ٱلف ريال تال 40 ٱلف ريال ..

وسناء حلات فمها مبهوطة ..

عثمان ~ مم مزيانة وتاالتوريست نفس الشيء لا !؟ ..

إدريس ~ لا كنزيدو واحد ربعالاف ريال ..

عثمان ~ هي هاديك باركة ماتزيدوش بزاف ..

إدريس ~ ديكشي لي كاين، " دار عند الخدام " ديرليها واحد 2 ميترو ونص من هادا وجوج ميترو ونص من لاخور .. عجبوك بعدا ولا نجيبليك اللوان الأخرين حيت هادو هوما اللوان زينين عندنا .. 

وسناء ~ لا لا أخااي والله رااه بزاااف 5 ميترو ... اريلي غير من هادا " اشارت للݣري " وصاافي ..

عثمان ~ " هضر مع الخدام " جيبليها الكحل نشوفو .. 

وسناء ~ " رجعاات حمممرة وجرات عثمان شوية من لور وهمسات " عثماان حشوومة اواعدي راه بزااف ..

عثمان ~ ششش كالم، السيد باغي إعطيك الكادو دالماغياج فين الموشكيل ! ..

سكتات وقرمات تاجاب ليها الكحل لي كان كيبري وكيحمق مع الضواو ..

عثمان ~ أريلي تامن هادا واحد 3 ميترو ولكن على حسابي ..

إدريس ~ أسييدي مرحبا الوقت لي بغيتي، ومرحبا بيك أختي معانا ..

وسناء ~ " هبطات راسها حشمانة " تشوووكرا أخااي رابي يخاليك ..

جمعليهوم الخدام دوك التواب وهي غير حشمانة وكتشوف تقامت عليها الخرجة بزبالة دالفلوس ...

عثمان ~ يالاه الحاج " رطب على كتف خوه " الحساب بيناتنا تاتجي لدار ..

إدريس ~ أسير سير بصحة والراحة ..

عثمان ~ " شد هاز تواب فيدو " يالاه خليت ليك الراحة ...

إدريس ~ أمين ..

مشاو خرجو من عندو وهي تشوف فيه ..

وسناء ~ حشوومة مسكين خرجناالو هاايدا بمليون اواااعدي ..

عثمان ~ هههه زيدي الحمقة، نهار لي تبغي شي توب ها إدريس إجيبوليك ..

وسناء ~ ماكيخسنيشي نهضار دابا يانا على التواب منهنايا شااهراايان ..

عثمان ~ وكااان !! ..

وسناء ~ " دارت ضحكة بريئة زعما " هههههه وشني ..

عثمان ~ " دار كيشوف فيها ويضحك " شي نهار ناكلك ..

جمعات حشمات وهبطات راسها مبتاسمة ..

عثمان ~ باقا باغا ضوري ولا نمشيو نتعشاو ؟ ..

وسناء ~ " بإستغراب " أنمشيو نتعشاو برا ؟؟ ..

عثمان ~ وي، مافيها والو، مراتي وبغيت نتعشاو بوحدنا عندك شي مانع ؟ ...

وسناء ~ لا مافهامتيشي ياعني مايكونوشي كيستنااونا فالرياااض ؟ ...

عثمان ~ لا غايشوفونا تعطلنا غايفهمو البلان " دار غمزها " ..

هبطات راسها كضحك لا هي ماكرهاتش تنقز احح وشحال كانت كاتمنا تخرج وتدي لي بغات وتمشي تعشا فشي غيسطوغون الفرق هو أنه كانت كاتحلم دير داكشي بوحدها بالمانضا ديالها بفلوسها أما دابا مع راجلها ..

وصلو لطوموبيل ركبو، ومشاو لواحد الغيسطوغون زوين فالمدينة دفاس ..ديال واحد الأوطيل .. هبط وفتحليها الباب هبطات عاد سد الطوموبيل ومشا زايد وهي موراه داخلين، شد واحد الطبلة فيها جوج كراسا ݣلسو .. وحط التيليفون والكونطاكط وهي الساك فوق الطبلة ..

تم نيت جاب ليهوم السيرڤور لmenu .. وهزاتو كتشوف فيه كحلات بالعما الأغلبية ماعرفاتوش واخا كانت إكونومي يا حسرة وكاتقرا بالفرنسية، هزات عينيها شافتو هو دغيا ختار وحط الكتاب جا يطلع عينو هبطاتهوم بسرعة هي فالكتاب ..

عثمان ~ شنو بغيتي تاخدي ؟ ..

وسناء ~ ماعراافتشي شني لي عاندووم هنايا مزييون، نتينا فايتلك دوقتي عاندوم قولي شني لي مزيونة هنايا ..

عثمان ~ تاخدي إمانسي دالفوا ؟ عندهوم شي حاجة نقية ..

وسناء ~ " فهمات إمانسي الباقي والو " اه صافي واخا ..

عثمان ~ " طلع عينو لسيرڤور " جوج إمانسي دالفوا " دار عندها " شنو تشربي معاه ؟ ..

وسناء ~ كوكا ..

عثمان ~ وواحد كوكا وشويبس سيطخون ..

السيرڤور ~ مرحبا ...

كيف مشا هزات تيليفون دخلات بالويفي دالقهوة تابدات تضرب تيليفون بصبعها وهو يطلع عينو كيشوف فيها ..

عثمان ~ مالكي !؟ ..

وسناء ~ " حطات تيليفون معصبة " والو غير هاد المشقووف مسكين ماعراافتشي بااعد المرات كيبقا يحمااق عليا ..

حط عينو على التيليفون ورجع شاف فيها ..

عثمان ~ صافي غير خليه تانشريليك وحداخر ..

وسماء ~ " طلعات عينيها فيهوم القلوبا " بصاااح وبحااال لي عااندااك !! ...

يتبع...