ناصر فكرة انها هربات مادخلاتليهش لعقل مابغاش يتقبلها..خشا يديه مور ضهرو وجبد لفردي ديالو علاه لسما وتيرا تلاتة طلقات وهو كيغوت:بربي وماتقولولي غين هي نتيري فديل مكم واحد بواحد ونتبعها تاهي بيكم..
عماد شاف فلبيسي حداه هزو ودورو لجيهتو:شوف بعينيك
ناصر نظل السلاح وقرب وهو كيشوف فلبسي..تسجيل ديال لكميرات..بقا كيشوف كي غادة وكتحرك بالزربة هاربة..بقا شحال كيشوف بلع ريقو وهو نادم حيت خلاها تخرج من دتر كون منعهم ياخدوها ماكانش غيوقع هادشي ..رجع اللور بلا تا كلمة يكفي لحوار لي بينو وبين نفسو من لداخل خشت لفردي مزر حوايجو وهو باقي كيفكر وكلشي كيشوف فيه ..عنيه كيتحركو بالزربة وكيتنهد بصوت مسموع..بحاليلا تالف ماعارفش اش يدير..
بغا يركب وهو يشدو ياسين من دراعو:طاهرة واقعة ليها شي حاجة
ناصر تخيل انه وقعات ليها شي حاجة زاد تعصب:هربات
وركب فالطموبيل ياسين مشا دغيا ركب حداه..وناصر نيشان كسيرى وهو رابط اتصال مع واحد من رجالو:طاهرة هرباات تحرك دااابة وصيهم يقلبو عليها ..بغيتكم تجبدوها من تحت الارض سمعتيني.وقطع وهو سايق بالجهد..وعنيه على الطريق كيقول يقدر يشوفها ولا شي حاجة ...كيفكر فين يقدر تكون..ميات فكرة جات فبالو..ماعندها فين تمشي..ااه تفكر كيعرف طريقة تفكيرها..هي ماعندها فين تمشي وهي عارفة لبوليس كيقلبو عليها..اكيد اتكون مشات تسلم راسها ضرب على دريكسون هو معصب..هز طليفونو دوز النمرة دهداك لبوليسي لي خدام معاه(عقلتو عليه) جاوبو دغيا:الو سي الزعيم
ناصر:فينك دابة
البوليسي:غادي لكوميسارية علاش
ناصر:اتمشي وأتأكد واش الطاهرة علامي سلمات راسها
البوليسي:علاش شنو واقع
ناصر غوت:ديير هدشي لي قلت
وقطع وهو كيسوط
ياسين:دابة باش ايفيدوك الاعصاب..من لول كان ختص تخسب حساب هادشي ماشي تا تكرفستي عليها مزيان كرهتيها فيك وفالعيشة معاك تا ولا لحبس أهون ليها
ناصر غير ساكت وكيسوق وكيتصنت لهضرتو ..كيضور من قنت لقنت عنيه على الطريق حتى كيشوف الطليفون كيصوني جاوب دغيا:شنو
البوليسي:لا ماجاتش اصلا لكوميسارية كون سلمات راسها كون راها فلبنيقة ..وكورا عرفت من الكوميسير..راه فلمكتب خدام عادي
ناصر بلا مايجاوب قطع فوجهو عرف داكشي لي باغي..ادن غتكون كدور غير فالزنقة ولا عندو أمل يلقاها..رجع دوز النمرة دواحد من رجالو:قلبوو مزيان ماعندها فين تمشي
تنهد وهو كيدور بالطموبيل وياسين معاه تاهو مراقب وحاضي
دازو ساعات طاحت الضلمة
فاقت من نعاس بقات فبلاصتها متكية كتفكر فهاد الجديد لي هي فيه كتقول مع راسها واش هدا الفرج والراحة ولا بداية لعداب جديد..حاجة وحدة عارفاها هي انها ماتقدش تستحمل شي جرح جديد يكفي داكشي لي عاشتو وباقي مأتر عليها..فكرات حتى فالكوميسير فهاد التصرف لي داير معاها لاش زعمة معاونها وما دخلهاش لحبس..وشنو الهدف ديالو..ضرها راسها بالتفكر ناضت بشوية عليها لجروح مزال كيضروها..وقفات على رجليها وهي كتشوف فبيت نعاس ..كلو برمادي ولكحل ولبيض..اتاتو زوين وفيه حس الرجولة..قالت مع راسها غيكون بيتو.شافت فجيهة دلحمام دخلات غسلات وجها تصح صح شوية وهي تشوف لخاتم لي فيديها نيشان مشا بالها ليه..شغا يكون كيدير دابة اكيد ايكون كيقلب عليها وايلا لقاها غيندمها..تنهدات وحطات يديها على لخاتم باش تحيدو ساعة والو مزير بقات كتجر فيه اول والو تعصباااات هزات صابون دارتة على لخاتم وبدات تجر او واالو تعصبات لدرجة نزلو دمعوها بقات كتبكي وهي كتحاول تحيدو:تحييييييد..مابغيييتش نشوووفك فيدي..كنكرهك نت ومولاك..داير بحالوووو ..تحيد
هزات يديها وضرباتها مع لفابو فاش مابغاش يحيد بقات كتبكي .وهي كتغكر هضرتو لي قالها اخر مرة فلحمام" باش فوقما تشوفيه تفكري راني كااين ماتنسايش" " لا حيدتيه من صبعك نقطعو ليك" .تحنات على ركابيها وهي كتبكي.كتكرهووو.بزاف مزال ماطفات النار لي فقلبها داكشي لي دار فيها ماشي قليل..واخة بعدات عليه وهي دابة بعيدة عليه.مامرتاحاش داخليا.رجعات غسلات وجها وخرجات من لحمام.النعاس طار ليها.وحسات بالجوع وجاتها ناقصة تهبط توجد.ليها شي حاجة.خافت لكوميسير مايعجبوش لحال ويتعصب عليها وهي ماناقصاش هادشي.جلسات فوق النموسية كتحاول ماتفكرش فلماكلة ولكن ماقدراتش كرشها كتزغرت..حطات يديها على كرشها تا ل بي بي فيه الجوع
تا ل بي بي فيه الجوع ماقدراتش تزيد تستحمل ناضت وبالها كلو مع الماكلة حلات لباب بالشوية طلات يمين وشمال مابان ليها تاشي حد..وخرجات بجسمها كامل كانت غادة بلحفة بشوية كتقلب بعنيها على الدروج حتى كيبانو ليها..عنيها كانت كتسارا على دار كانت غادة حتى كدخل فشي حاجة دورات وجها وهي تلقا بنيتة طايحة فلارض تحنات لعندها بصعوبة وهي عاضة على شفايفها لجروح كيوزوز ليها:سمحيلي احبيبة ماشفتكش
نور بتاسمات:اصلا ماتقصحتش
وووقفات :تانتي ماجاكش النعاس ألاميرة
طاهرة وقفات تاهي والابتسامة على وجها:اه جاني الجوع
نور:تأنا ..نهبطو نقادو لكونفلكس
طاهرة غير سمعات الكونفلكس قلبها قفز ولات بحال شي بنيتة صغيرة :اه اه
نور شدات ليها :نهبطو نصيبو
طاهرة:يلاه
هبطو ودخلو لكوزينة
نور كتشوف فلبلاكارات وحاطة صبعها على فمها كتفكر فاينا واحد كيكون لكونفلكس شوية وهي تبتاسم:ااه فهداك
طاهرة:فين
نور:هداك
طاهرة:واخة
حلاتو وجبداتو وعنيها كيغليو عليه باغة غير فوقاش تاكلو حلات التلاجة وهي تشوف لحليب سخناتو وكباتو فزلافات مع الكونفليكس حطاتهم فوق الطبلة وجلسو كياكلو
نور وهي كتاكل:انا وليت كنحبك صافي.ماتمشيش من عندنا عفاك
كمال نزل من الطموبيل..عاد سلا لخدمة اصلا هو لي طول فيها بغا يفكر فهادشي لي دار ولقا انه مايقدش يدخلها لحبس..حيد من بالو العواقيب دهادشي .دخل لدار بخطوات تقال يلاه ايطلع فدروج وهو يشوف فلكوزينة ضو مشعول رجع جوج خطوات اللور ومشا نيشان لكوزينة ووقف وهو كيشوفهم بجوج كيف كياكلو شاف فيها..بحال شي بنيتة صغيرة كتاكل لكونفليكس خصوصا وانها هازة الزلافة بين يديها وكتشرب منها ومخلية لمعلقة..
نور:أتبقاي تنعسي مع بابا فلبيت
طاهرة من بعد ما بردات جنونها من لكونفلكس:لا هداك بيت باباك بوحدو
نور خشات راسها فصدر طاهرة وغمضات عنيها ونعسات دغية ..طاهرة بقات تلعب ليها فشعرها شحال وهي كتفكر..مرات كتبغي تكون عندها بنيتة ومرات كتبغي يكون عندها ولد..كتبغي ولد حيت كتخاف تولد بنت وتكرفس معاها .مابغاتهاش تكبر وتوحل..لبنت تعيا تقوااا..كتبقا ضعيفة قدام الراجل..مابغاتش يتعاود نفس السيناريو مع بنتها..خصوصا فهاد الوضع لي هي فيه ماعارفاش فين ايسالي هادشي..لولد كيبقا ولد غيكبر غيقصااح مع الزمان بالسيف عليه..كلما تعدب وتمرمد كلما رجع راجل وقاد بالمسؤولية..
..تفكرات ناصر..عارفاه تعدب فاش كان صغيرة هاهو دابة راجل كلشي كيخاف منو..فلحضة تمنات ولدها يطلع بحالو ماكايخافش وتاحاجة ماتقدر تأديه..مابغاتش ولدها يطلع ضعيف حيت دنيا غتاكلو بسنانها...تفكرات ياسين واخلاقو ودينو والشهامة لي فيه بتاسمات ماتكرهش ولدها يطلع متخلق ومتدين بحالو..تفكرات أمين والحنان لي فيه ورومانسيتو وكي كيعامل لبنت..تفكرات تعاملو معاها كيكان..بغات تا ولدها يطلع كيحن فالمرأة وما يحكرهاش..تفكرات عماد بتاسمات على خفة دموو وقلبو شحال بيض .وشحال كيبغي ختها..تفكرات شوفاتو لختها كلهم حب وحنان..تنهدات وهي حاطة يديها على كرشها ماتكرهش ولدها ياخد من كل واحد منهم حاجة..من بعد طلبات غا الصورة مكمولة تفكرات فاش غتهزو بين يديها وهو بي بي صغير..ورجعات نفضات هاد الافكار كلها من راسها لا كان ولد ولا بنت كيبقاو طرف منها..غتقاتل وتربيهم تا يكبرو..دماغها عيى بالتفكير غمضات عنيها ونعسات
عند كمال بدل عليه وتخشا فبلاصتو شاف فبلاصتها فين كانت ناعسة حط يديه على خديتها وبدا كيتحسس فيها بيديه وهو كيتخايل حركاتها بتسامتها وهضرتها..ماعارفش شنو نهاية هادشي..غمض عنيه ونعس تاهو
نمشيو لبلاصة وحدا خرااا
كانجالس فالصالة وكيكمي وساكت وجهو ماعليه تاشي تعبير كيسوط الدخان بهدوء وكيشوف فبلاصة وحدة لي شافو من لبعيد يقول هدا مهدن ..ولكن لا لا جيتي طل على داخل ديالو يضرك راسك بالضجيج وكترة الافكار ..وتخمام
نهار كامل وهو كيقلب ما لقا ليها تاشي أتار بحاليلا الارض نشقات وبلعاتها ..شاف واحد من رجالو داخل شاف فيه بمعنى شنو
الراجل:سيدي والو لحد الان ما لقينا والو قلبنا على مول طاكسي لي سجلاتو لكاميرا..قالنا كانت باغة تمشي لكوميسارية من بعد وقفاتو قبل توصل ونزلات..من تماك مابان ليها الاتار قلبنا فكلشي..سبيطارات كلهم..تا محطات لكران سولنا وقلبنا الارشيفات ..والو اسيدي.ماعرفناش فين يقدر تكون
ناصر زاد تعصب وقف وتم جاي لجيهتو تا وقف اونفاص معاه الىاجل مسكين شداتو التقفقيفة من رجليه وهو كيشوف كي كيشوف فيه خلعوه شوفاتو اكيد تعصب لدرجة عنيه حمارو شهق مسكين فاش شنق عليه شوية ويخنقو هضر على سنانو :ماكايناش شي حاجة سميتها ماعرفناش فين اتكون..هي مزال كدور هناااا ماعندها فين تمشي..اقسم بالله وما تلقاوها وتجيبوها.نحرق دلمكم كاملين
ودفعو تا كان ايطيح:ماكاينش النعاس هاد الليلة ..خرجو زيدو قلبوو سولو ديرو لي بغيتوو..المهيم تحضروها وتجيبوها هنااا
كيقول هنا وهو كيزدح برجليه على الارض:هنااا سمعتيني
الراجل هزر راسو باه:واخة اسيدي
وخرج كيطير لا يتيري فيه
ناصر بقا واقف وهو معصب كيفاش مالقاوهاش..ماقدرش يتخايل انه عمرو ايلقاها..هو تاحاجة ماعندو مستحيلة.قال غيلقها ادن غيلقاها..جلس فوق الفطوي شعل كارو اخور بدا كيكمي ولكن هاد المرة بعصبية ..حس براسو ايطرطق مايقدرش يبقا جالس مايقدرش ينعس ويرتاح تا يلقاها..ناض هز سوارت طوموبيل وخرج...يلاه ايركب فطوموبيلتو وهو يشوف طموبيل دعماد ومعاه ياسين بقا واقف
ياسين:لقيتي شي حاجة
ناصر كان باغي يتأكد واش عندهم شي اخبار ولكن من سؤال دياسين عرف ماكاين والو ماجاوبوش ركب فالطموبيل وكسيرا بالجهد خاص يلقاها..بقا غادي فداك الليل كيضور فزناقي ..ما خلا تاشي قنت..فين يقدر تمشي ..تا بلاصة ..تخايلها ناعسة فالزنقة ولا تعرض ليها شي واحد.ولا مرمية فشي قنت هو ماعارفوش..ضرب زاد فالسرعة لقا راسو كيدور وسط جرادي وكيشوف فالناس لي ناعسين فالزنقة ماعرفش علاش مشا بالو لهنا..اي حاجة ممكنة..كان غادي بسرعة قليلة وكيشوف فيهم واحد بواحد..زاد فالسرعة فاش تأكد ماكايناش..غوت وهو كيضرب فالدريكسون:كنقسم لييييك ونلقاك نقتلك بين يدي غير صبري
ماخلا تاشي قنت..باغي يلقاها بالسيف ولا بلخاطر
دازت هاد الليلة وجا نهار جديد
حلات عنيها على صوت ريفير بقات كتكسل وصوت المنبه باقي ماحبس.شافت نور مخشية فيها وناعسة تفكرات راه وقت لمدراسة .خشات صبعانها وسط شعرها وبدات تلعب بشعرها بشوية:نور حبيبة فيقي وقت لمدراسة
نور قبحات وجها باقي فيها النعاس..طاهرة بتاسمات وهي كتبوسها من وجها :نوضي باش توجدي راسك وتفطري
نور حلات عنيها ورجعات شداتهم خشات راسها فصدر طاهرة وهي كتهضر بصوت نعسان:مابغيتش فيا نعاس بزاف
طاهرة بقات كتشوف فطبلة كتقلب على الكونفلكس ماشافتوش مابغات تاشي حاجة من غيرو بلعات ريقها وناضت لكوزينة عاقلة فين بلاصتو هزاتو ودارتو فزلافة مع لحليب وجلسات فوق الطبلة وبدات كتاكل
عند كمال
حل عنيه بشوية بقا شحال متكي وهو يتفكر لمدراسة دنور شاف فالساعة 7ونص ناض طاير دخل لحمام غسل وجهو يصحصح وخرج بلحفا ولابس غير سروال دلكيطمة وشعرو مخربق مشا كيجري لبيتها حلو بالجهد:نوووور لحال مشا
وقف فاش ماشافهاش تا طاهرة ماكايناش تنهد ونزل لتحت وهو يشوف بنتو لابسة ومقادة وكتفطر قرب لعندهم وهو مبتاسم وعنيه على طاهرة غاطسة وجها فزلافة :صباح لخير
طاهرة شافت فيه وحطات الزلافة من يديها:صباح النور
نور :بابا شوف الاميرة شنو لبساتي
وقفات وهي كتوريه:زوين ياك.
كمال وعنيه على طاهرة:زوين بزاف كاع
نور:وفيقاتني غير بشوية باستني هنا ..بحال ام وبنتها عفاك ابابا تزوج بيها عفاك باش تولي ماما
طاهرة تحرجات بقات كتشوف بعيد ..كمال عرفها حرجاتها:نور كملي فطورك
نور:شبعت
شوية سمعو الدقان حلات لخدامة لباب كان لعاس
لعساس:طرونسبور وصل
كمال قرب وباس نور:سيري وركزي فلقراية اوكي حبيبتي
نور وهي كتبوسو من وجهو:اوكي حبيبي
بتاسم وهو كيشوف فيها هدي هي حياتو كلها شدها من يديها وهز شكارتها وتم غادي بيها حتى كتوقف رخات منو ومشات كتجري عند طاهرة باستها:بسلامة
طاعرة بتاسمات ليها:بسلامة
ومشات مع باباها مد شكارة لعساس :يلاه سيري
بقات غادة وهي كدير ليه باي باي شد لباب ودخل..
شاف فيها جلس حداها كب قهوة كحلة بيها كيبدا الصباح بدا يشرب منها بشوية وعنيه عليها شاف فزلافة لدكونفلكس قال مع راسو كيعجبها.:فطري
طاهرة:لا صافي شبعت
بغات تنوض وهو يوقفها بصوتو:جلسي.نهضرو شوية
تاهي داكشي لي كانت باغة باش ماتبقاش كتغكر فهدشي جلسات وشافت فيه
كمال حط كاس دلقهوة من يديه وشاف فيها:بامكانك دابة تعاوديلي فين كنتي
طاعرة بقات ساكتة شحال ضاروري خاص تقولو شي حاجة بقات كتفكر وتختارع شغا تقول راه كوميسير ماشي اي واحد جمعات لافكار فراسها ورتباتهم وشافت فيه:احم مابغيتش نتفكر داكشي لي داز عليا تماك.ولكن خاص نعاود ليك..داك لعصابة وقفو لفاركونيط على حساب شي بنات كانو تما كانو كلهم ملتمين ماقدرت نشوف والو..بغيت نهرب وهوما يشدوني تعكست معهم ضربوني تا سخفت فقت لقيت راسي فبلاصة ماعارفاهاش من بعد عرفت انه ملهى ليلي كيجيبو ليه لبنات لدعارة..كيعدبو لبنات لا مادوروش داكشي لي بغاو..لدرجة كيغتاصبوهم وكل نهار الضرب والحكرة والدل وسبان ..كيسبوهم بشي حاجة هوما مادايرينهاش
كانت كتهضر وكتبكي وهي كتفكر ناصر وشنو دار فيها:كيرجعو حياتهم جحيم حتى كيوليو يتمناو لموت غير مايبقاوش تماك..انا كنت كنتعاند معاهم كليت لعصا مزيان من بعد شافوني انخرج ليهم على لخدمة..ضربني واحد فيهم راسي تا سخفت فقت لقيت راسي فالزنقة مرمية..بقيت كندور وجيت لعندكم وتاباقي راك عارفو
كمال كان كيغلي من لداخل شاف فيها وهضر بحدة :تكرفسو عليك
طاهرة كتفكر فالحمل وفليام لي جاية يقدر يعيق بيها شغا تقولو داك ساع الحل لواحيد هي تقول اه قالتها وهي كتبكي حيت بصاح تعرضات للاغتصاب ماشي كدوب:اه تكرفس عليا
كمال زير بيضيه على منديل الطبلة بلع ريقو:فين جا هاد الملهى عاقلة عليه
كمال:ماعاقلة على تاشي واحد فيهم شي سمية شي حاجة بحال هكا
طاهرة:ماكانوش كيهضرو بالسميات .ماتاقوش فيا ولكن لاشفتهم نعرفهم
كمال بقا كيفكر هاد العصابة اصلا كيقلب عليها كانو داك لبنات هوما لي غيجيبولو راس لخيط ساعة هربوهم ..دابة زاد اصر باش يلقاهم وماغايرحمهمش شاف فيها كانت كتبكي ماحسش براسو حتى حط يديه على يديها هي قفزات وبعدات يديها
كمال تنهد:صافي ماتخافيش نتي هنا فأمان ماغا يوقع ليك والو.وهادوك مصيرهم غيتشدو ويدوزو حياتهم فلحبس
طاهرة مسحات دموعها:وأنا
كمال:مالك نتي
طاهرة:تانا خاص نتشد فلحبس ..نت كوميسير ومتكلف بقضيتي خاصك تديني فين خاص نكون
تنهد مالقا باش يجاوبها:قلت ليك نتي هنا بأمان.تتحاجة ماغاتأديك.لا لبوليس ولا لعصابة ماتفكريش فهادشي.ديها غير فراسك
طاهرة:علاش كدير معايا هدشي
كمال:تقدري تقولي بقيتي فيا..وماتبقايش تسولي بزاف ونساي لي فات صافي
طاهرة هزات راسها باه علاش اتفكر
فلي جاي وتخاف صافي تغتانم الفرصة ياك هي دابة مع كو ميسير قادر يحميها من كلشي حتى من ناصر ..خاصها ترتاح شوية وتشوف هاد القصة الجديدة لي غتعيشها مع هاد الكوميسير شنو اخرتها
كمال مشات ليه الشهية وهو كيتفكر انهم غتاصبوها شاف فيها وضرابي لي مزال كيبانو تنهد ماغايرتاح حتى يشدهم كاملين..شاف فالساعة وقت لخدمة :انا غنمشي لخدمة ونتي خودي راحتك
طاهرة:واخة
تم غادي وهو يوقفو صوتها:شكرا
دار وشاف فيها كتافا بابتسامة وكمل طريقو طلع لبيت دخل نيشان يدوش باش يمشي ..خرج لبس عليه تأكد من لفردي لمينوط لكارط هز سوارت الطموبيل وخرج هبط لتحت لقاها كتجمع فالطبلة:علاش كتشقاي راه كاينة الخدامة
طاهرة:لا غير خليني.نت دابة كتعاوني وانا مالقيت باش نرجع ليك خيرك..بغيت انا لي نتكلف بالدار وبنور..علاقل نحس براسي دايرة شي حاجة ..تا لخدامة والمربية ماعندهم لاش يبقاو انا هنا دابة
بغا يهضر وهي تسكتو:عفااك ماتمنعش هدشي..راه ماغانبقاش جالسة براحتي معاكم الله يخليك خليني ندير هدشي لي قلت ليك
سكتاتو مالقا مايقول تنهد:ولكن نتي مريضة
طاهرة:ماشي مشكل غير جروح وصافي غدا ولا بعدو يبراو ماشي شي مرض خاطير لي غيمنعني ندير هدشي
كمال :لي بغيتي
طاهرة بتاسمات:صافي شكرا
كمال كتدوبو بتسامتها بتاسم ليها تا هو :ملي نرجع من لخدمة غنتحاسب مع لخدامة والمربية باش يمشيو
طاهرة وهي كتهز الطباسل:هكا حسن وان شاء الله نكون قد المسؤولية
كمال:يلاه هنا مشيت
خرج وهي كملات الجميع هكا حسن ليها
نمشيو عند ناصر
حل عنيه بشوية ديرونجاتو الشمس لي ضاربة ليه فوجهو
شاف مع جنابو وهو مغوبش ماناعسش مزيان عنقو ضرو ..كان ناعس فالطوموبيل تقاد فالجلسة وهو كيمسح على راسو لي كيضرو بزاف ..جبد الطليفون دوز النمرة:شنو لقيتو شي حاجة
الراجل وهو خايف من ردة فعلو:والو اسيدي ولكن غنزيدو نقلبو
قبل يكمل كلامو قطع ليه فوجهو حرك الطوموبيل بالجهد تا وقف حدا الدار حلو ليه لباب نزل وهو مخنزر فيهم كاملين.ماقدو يقولو والو حناو راسهم دخل لدار لقا لارا جلسة فالصالة غير شافتو ناضت بالزربة:تشوشت عليك ماجيتبش لبارح فين كنتي
ماداهاش فيها طلع نيشان لبيتو باغي يدوش باش يرتاح ..دخل لحمام وقف تحت الرشاش بارد كما على الله طفانار لي شاعلة فقلبو..كيهرب من فكرة انه ماغايلقاهاش حيت هدشي مايمكنش..بقا شحال من بعد خرج وهو لاوي عليه فوطة دخل لبيت تبدال لبس سروال دلكيطمة وخرج وهو يشوف لارا تنهد ماعندوش لكانة ليها تلاح فوق النموسية خاصو يرتاح باش يقدر يفكر ويكمل..نعس على كرشو وهو دافن راسو فلخدية هضر بصوت عيان:خرجي وشدي لباب
لارا بقات واقفة وكتشوف فيه عمرها شافتو فهاد لحالة قربات لعندو بشوية وطلعات فوق النموسية حطات يديها على ضهرو لعاري وبدات تماصي ليه بشوية ..ناصر ترخا محتاج للمصاج..لارا حسات بيه ترخا طلعات لكتافو وبدات تضغط بشوية وكتماصي..ناصر فلحضة حس بيها هي طاهرة لي كتماصي ليه ..حس باحساس غريب كينهش فيه من لداخل ..اول مرة غيجربو اول مرة غيحس بيه تنهد بصوت مرتافع ماحسش براسو تانطق سميتها:طاااهرة
لارا حبسات وهي كتأكد واش سمعات مزيان
ناصر بهمس فيه بحة زوينة:طاهرة كمليي
لارا تحجرو الدموع فعنيها كملات ليه لمصاج وهي كتبكي..ودموعها كيقطرو ليه فوق ضهرو..ناصر حتى داتو عنيه وهو يحس بنقاطي ديال الدموع على ضهرو ضار بجسمو كامل لجهتها شافها كتبكي تنهد:لارا غنعس دابة خرجي..وايلا بغيتي تمشي بحالك سيري
لارا نزلات من فوق النموسية وهي كتبكي:انا لارا ماشي طاهرة..طاهرة مشات وماغاتوليش انا بغيتها تموووت وماترجعش لهنااا سمعتيني بغيت نتهنا منها...
ناصر ماحسش براسو تاناض وشدها من شعرها وزير تا غوتات بلحريق ولسقها مع لحيط:نولي نسمع بحال هاد الهضرة نقطع ليك لسانك سمعتيني
لارا قصحها بزاف هزات راسها وهي كتبكي:واخة صافي
رخا منها:تحركي خرجي من لبيت
خرجات وهي كتبكي
ناصر طار ليه نعاس تعصب ..ماشي هو لي يبغي شي حاجة ومايلقاهااش ماشي الزعيم لي يقلب على شي حاجة وماتبانش..حس براسو غينفاجر..دار ولات كتجيب ليه الكأبة خاص يخرج ..يلاه ايدخل لبيت تبدال وهو يصوني ليه طليفونو جاوب:الو..صافي واخة..هاهوما ايجيو موراها
قطع ودوز نمرة اخرا:سير دابة لطبيب جيبها لدار
وقطع وهو كيتنهد مزالة مريضة تا تبرا وتمشي بحالها داك الساع..هز الفيكس خاص بالخدم:وجدي بيت دابة
وقطع شعل كارو هو اللوا رد بيه لمزاج على الريق ناشف ..زاد تاني ودخل لبيت تبدال لبس عليه وخرج هبط فالدروج وهو يتلاقا ياسين خارج تاهو
ياسين كيشوف فيه:مزيان
ناصر :مزيان..علاش مالي
ياسين تنهد:ماشي هو هداك
ناصر :غير كيجيب ليك بالك..راه غنجيبها ونرجعها لدار ونفدي فيها هدشي كامل دابة تشوف بعينك
ياسين:كتصبر راسك وصافي
ناصر تعصب:كيفاش ..علاه شكون هي كاااع هي تاحاجة .هي تحداتني وهربات وانا غنجيبها ونوريها لعناد كيف داير
ياسين حل لباب:يكون خير تا تلقاها بعدة
خرجو بجوج وبقاو واقفين
ناصر:دابة نأكد ليك هضرتي راك عارف ناصر لا قال شي حاجة كيديرها واخة يموت عليها
ياسين يلاه ايجاوبو وهي توقف حداهم طوموبيل نزل شيفور حل لباب اللوراني نزلات منها مرة لابسة عباية ودايرة الشال فوق راسها وشعرها كيبان من لتحت ونضادر فعنيها وكتحرك بشوية
ناصر بقا كيشوف فيها شحال وهي جاية لجيهتو شاف فياسين:هنا مشيت
يلاه ايركب فالطوموبيل وهو يوقفو صوتها:ماغاتقولش لمك على السلامة اولدي
طاهرة:فين هي واحد لبنت كانت هنا ااه سميتها الطاهرة
الخدامة:مابقاتش هنا الالة اجي نوريك لبيت
تبعاتها ركبو فالمصعد تا وصلو لايطاج لفوقاني وراتها لبيت ودخلات لقات لخدامة كتستف ليها لحوايج فلبلاكار ..سلات وخرجات..طاهرة حيدات الشال وحيدات العاباية وجلسات فوق النموسية وهي كتشوف ولدها فين عايش وكي ولا ..تنهدات وهي كتفكر شنو دارت فيه واخة هكاك كيعاونها دابة
قصة من موقع قصص مدرب.. عند ناصر حبس ونزل من الطموبيل حدا طوموبيل اخرا دواحد من رجالو
الراجل:قلبنا كلشي بقات لينا بلاصة وحدة
ناصر:شمن بلاصة
الراجل:دار لي كانت ساكنة فيها يقدر تكون مشات ليها
ناصر مامقتانعش واش تكون تماك ولكن يقطع الشك:زيد نمشيو
ركبو فطوموبيل وحدة ومشاو لحومتها تا وقفو حدا الدار نزل وهو كيشوف فادار من على برا.كانت لباب لبرانية محلولة دخلو
ناصر:اينا دار
الراجل:تانية
طلعو فالدروج تا وقفو حدا لباب .ناصر دفعها برجليه لقاها محلولة دخلو ..بشوية بجوج مابان ليهم والو دخلو لصالة وهو يشوف واحد تلاتة دشمكارة ناعسين تنهد ماكايناش ودار ولات بحال شي خربة مهجورة تا لفراش لي كان فيها تسرق باينة شمكارة كيجيو ينعسو فيها
فاق واحد من الشمكارة وهو كيتكسل شاف فيهم وهو يطلقها بغوتة وهو كيزعزع فصحابو:نوووضو لبوووليس لبوليس
ناضو طافجين شي كيدخل فشي خرجو كيتجاراو وناصر غير كيشوف فيهم .بقا كيدور فالدار ..دخل لبيت كيشوف الدم مزال فلارض بدا كيتخايل كي دارت قتلاتو بقا كيتسارا فلبيت علا عنيه فالشرجم وهز يشوف واحد لمرا كبيرة كطل بشوية وكتشوف فيه غير شافتو تخبات (عقلتووو عليها..خاص تعقلوووو عندها تاهي دور فالقصة).ناصر شاف فالارض واحد تصويرة مقلوبة تحنا وهزها قلبها بين يديه كانت تصويرتها بقا شحال كيشوف فيها ويتأمل ملاميحها ..كانت هي وليلى وبجوج دايرين تاج فوق راسهم بحاليلا كانو فشي عيد ميلاد.هز التصويرة ودارها فجيبو وخرج من لبيت:يلاه نمشيو
خرجو من دار يلاه ايركب وهو يوقفو شي صوت
لمرا:اولدي تسنا تسنا
ضار شاف شكون كانت داك لمرا لكبيرة :اجي قرب
قرب لعندها:نعام الحاجة
لمرا كبيرة فالسن بزاف يكون عندها داك 80 عام :باقي ماكتاب نحج اولدي ..قولي بعدة نت من لبوليس ياك
ناصر مالقا مايقول:اه
لمرا:كتعرف الطاهرة وختها لي كانو ساكنين هنا
ناصر:اه كنعرفهم مالهم
لمرا:بغيت نقولك شي حاجة عليهم اولدي .شي حاجة مهمة بزاف .خاص يعرفوها.مابغيتش نموت وناخد دنوبهم معايا..كي كتشوف وليت غير كميشة غدا ولا بعدو نمشي بحالي من هاد الدنيا
ناصر باغي يعرف:الله يطول فعمرك..غير قولي اش كاين
شافت مع جنابها وشدات ليه فيديه ناصر تحنا لعندها بقات كتعاود ليه بشوية وهو مصدوم شاف فيها:واش متأكدة
لمرا وهي كتبكي:متأكدة أولدي الله يخليك وصلهم هاد الهضرة وقولهم يسمحولي وعاونهم الله يخليك
بقاكيشوف فيها:واخة ان شاء الله
باس ليها راسها ومشا ركب فطوموبيل وهو كيفكر فهضرتها..خاص يلقاها بعدة ..حس بواحد راحة فشكل زاد اصرارو باش يلقاها
داز اسبوع
كان فطوموبيل جالس اللور وشيغور لقدام.. عياا بالدوران وسوقان مرجع راسو اللور ومغمض عنيه وكيفكر فين يقدر تكون حتى كيسمع دقان فزاج دطوموبيل حل عنيه وخبط الزاج:شنو لقيتي
الراجل مد ليه لغلاف: هنا اتلقا كلشي. على قادر لوافي لي قلتي .لاباس عليه داير بلاصتو فعالم البزنز .عندو جوج ولاد خدامين معاه ..عندو شريكة ولفروع ديالها ففرانسا وروسيا..احم من غير لبزنز هو من رجال لمافيا لي تعاملنا معاهم اسيدي
ناصر بقا كيتفكر واش بصااح عاد تفكرو:واش متأكد
الراجل:اه اسيدي
ناصر:سير دابة
وشاف فالشيفور :لشاريكة
وحل لميلف وهو كيقرا المعلومات لي عليه
تا وصلو نزل من بعد ما حل ليه شي فور لباب طلع نيشان للمكتب ديالو جلس شعل سيجار ..يومان ديال تقلاب ومالقاو والو ..اول مرة كيتعطل باش يوصل لشي حاجة..ولكن باقي ما فقد الامل غيلقاها..خشا يديه فجيب لفيست جبد تصويرتها مابقاتش كتفارقو بقا كيشوف فيها ..بلا مايحس بدا كيدوز صبعو على وجه تصويرة بحاليلا هي قدامو..رجعها لبلاصتها فاش سمع الدقان:دخل
دخلات وفيديها كارطون:سي الزعيم اول تصميم راه وجد
دار ليها اشارة بيديه باش تقرب..ضارت على لبيرو ووقفات حداه حطات لكارطون قدامو وحلاتو ..ناصر بقا كيشوف المجوهرات لي حداه..كان خاتم ديال الزواج كلو منبت بحجر الالماس شكلو زوين وكيبري ..قيمتو غالية بزاف ملايين..وعاد عقد الماس مصمم بطريقة زوينة خفيف فالشوفة وفنفس لوقت جداب..وعاد براسلي ..حوالق.خواتم خطوبة .من نفس الشي..كلهم الماس..عجبوه بزاف شكلهم زوين ..
رنيا كانت حانية لعندو وعنيها عليه وفشوفاتو الحادين وحركات حواجبو وكي كيتنفس بهدوء..وعاد ريحة دلعطر ديالو ريجالي..كدوخ..بلعات ريقها..كانت كتشوفو غير فلمجلات وعجبها..ودابة قريبة منو وكتشوفو مباشرة..زاد اعجابها ليه كتر ..ماتكرهش تبقا ديما تشوف فيه..ماتكرهش تكون ديالو.طلعات معاها السخونية غمضات عنيها وهي كتستنشق الريحة دلعطر ديالو ..ناصر من بعد ما عجبوه التصاميم.دور وجهو لجيهتها لقاها قريبة ليه بزاف ومغمضة عنيها ومبتاسمة بقا كيشوف فيها وهو مستغرب:ياك مانعستي ونتي واقفة
قفزات وحلات عنيها تقادات فلوقفة:لا ..انا
قاطعها فاهمها مزيان:ماشي وقت هادشي..المهيم هدشي زوين فعلا تصاميمك متميزة..بامكانك تقوليلهم يزيدو كتر منهم باش نخرجوهم للمعرض ديالنا ...ولكن قبل بغيتك دوزيهم للفوتوغرافي..يقاد ليهم كاطالوك..وينشرهم فصفحة الرسمية دشاريكة..يدير اشهار للدفعة لولا
رنيا هو كيهضر وهي حاضيا حركاتو ولحركات ديديه هزات راسها باه وهي مرفوعة :واخة سي الزعيم
ناصر:تقدري تمشي
شدات لكارطون يلاه اتمشي وهو يوقفها خدا منها لكارطون حلو وجبد لخاتم دزواج:هدا خليه..تقدري تصممي واحد اخور
رنيا:علاش..زعمة واش ماعجبكش
ناصر خشاه فجيبو:ديري هدشي لي قلت ليك
رانيا:واخة
وخرجات..بقا جالس وكيفكر دماغو عيا بالتفكير..ضاروري خاص يلقاها
نمشيو لبلاصة اخرا
كانت فلكوزينة كتوجد لغدا ..طفات عليه من بعد ماداقتو.كان هو هداك..هزات طباسل ستفاتهم فوق الطبلة مع لكيسان..المهيم قادات الطبلة شافت فالساعة .هدا وقتو باش كيجي لخدمة..وقفات حدا الدروج:نوووور..نوور
نور مشات غسلات يديها وجلسات فبلاصتها..حتى كيسمعو دقان.مشات طاهرة حلات لباب كان هو بتاسم ليها
طاهرة بتاسمات ليه تاهي:علا سلامة
دخل وشدات لباب موراه
مشا غسل يديه وجلسو فبلايصهم بداو كياكلو فصمت ومرا مرا كيشوف فيها وهي كتمد لنور باش تاكل..مقابلة دار مزيان كتفيق بكري تفيق نور وتوجد ليه قهوتو .وتقاد ليهم لفطور..وكيجيو كيلقاو دار مجموعة وكلشي هو هداك..الدار ولا عندها طعم اخور وهي معاهم..كيزيد يتعلق بيها.وكيحس براسو مانادمش حيت مادخلهاش لحبس..
طاهرة حنات راسها بصاح كتشوف فعنيه الاعجاب.كيدير فيها شوفات مامفهومينش وبعد لمرات كيسها فيها..ولكن عمرو دار معاها شي تصرف ماشي هو هداك..هدشي لي مريحها.
كملو غداهم ناض طلع هو لبيت يرتاح وهي وجدات نور باش تمشي لمدراسة..شوية وجا طرونسبور خرجاتها ودخلات وشدات لباب جمعات طبلة وغسلات لواني وطلعات لبيت ترتاح لي هو بيت نور..حلات لبلاكار جبدات لكاب ديالها خشات يديها فجيب وجبدات طليفون شعلاتو..وجلسات فوق النموسية وهي كتشوف لميساج لعاشر من عند ختها..خافت تجاوبها يكون فخ من ناصر تأكدات من جبس واش طافية
عند ليلى
كانت جالسة حتى كيوصلها مساج راه تشعل طليفون رجعات صيفطات ليها مساج (انا راه ليلى ماتخلينيش مشطونة عليك..را والله مانقولهم فين راك..راه قلت ليهم طليفوني طيحتو فزنقة..عفاك جاوبيني الله يخليك
طاهرة كتقرا فلمساج شوية شافتو كيصوني..بقا يصوني تا قطع..ورجع تاني صونا..ماقدراتش تقاوم وهي تجاوب بقات ساكتة تأكد من الصوت
طاهرة:خايفة يكونو كيتصنتو عليك ولا شي حاجة بحال هكا
ليلى:ماتخافيش.كيقيلو كيقلبو مامسالينش يتصنتو عليا
طاهرة:انا دابة عند لكوميسير فدار
ليلى شهقات:كيييفاش شكا ديري عندو
طاهرة:ماعرفتش الموهيم مرتاحة عندو
ليلى:عاد كان كيقلب عليك باش يشدك اش داه يجيبك لعندو لدار
طاهرة:ماكايهمش المهيم انا مرتاحة دابة..
ليلى باقي مادخل ليها هادشي لدماغ :بيزار هادشي..كي بقا لبي بي
طاهرة بتاسمات وهي حاطة يديها على كرشها:مزيان كيكبر
ليلى:ناصر غيحماق بتقلاب ماخلا تاشي بلاصة
طاهرة:بغيتو يموت ونتهنا ماشي غير يحماق
ليلى:وولدو
طاهرة تعصبات:هدا ولدي بووحدي سمعتيني هو ماشي سوقو فيه وماغايعرفش اصلا راه عندو ولد.مايستاهلوش..
ليلى:صافي صافي بردي
طاهرة:عنداك تمشيو تقولولو على الحمل
ليلى:ولا ماغانقولوش..شوفي نخليك شي حد جاي
قطعات وخبات طليفون
عماد دخل وجلس حداها وهو كيمسح على راسو شاف فيها:مالك
ليلى :ماماليش
وباستو من وجهو وهي مبتاسمة لفرحة باينة من عنيها
عماد:شنو سر هاد الابتسامة ياك ما لقيتي ختك
بلعات ريقها:فين غنلقاها نت لي خاصك تلقاها
عماد تنهد:ختك دماااغ ..عرفات تختار فين تخبع..ناصر لي ناصر وتلف ومالقاهاش
ليلى كتقول مع راسها عند لكوميسير المكلخين عمرها طيح فبالكم:عنداك غير تكون وقعات ليها شي حاجة
عماد:لا كون وقعات ليها شي حاجة غنعرفوو
ليلى:الله يحفضها
بقاو ساكتين
عماد:ليلى
شافت فيه:نعام
عماد:ماشي خاص نقولو لناصر راه طاهرة حاملة
ليلى شهقات:عنداااااك ديرها يا عماد والله تانبات مانصبح..صاحبك مافقلبو رحمة .لا عرفها يقتلها هي وياه..عماد واعدناها مانقولو والو داكشي بيناتهم ماشي سوقنا
عماد تنهد:راه كيبقى اب مايمكنش يقتل ولدو
ليلى:ايوا نسيتي اش دار فطاهرة.راه يديرها ويقد بيها
عماد:راه غيعرف غيعرف..
ليلى:علأقل بعدة تكون ولدات
عماد:هههه زوينة هدي..
ليلى:ههه الصدمة اتكون قوية داك ساع مايقدش يقتلو
عماد:ههه نتوما لبنات خطار
ليلى:نتوما كديرو علاش
عماد عنقها:المهيم حنا متفاهمين ياك
ليلى:اهم شي
دازو ساعات
نمشيو عند ناصر
دخل لدار بخطوات تقال طلع فدروج وهو يوقف مشا مع لكولوار تا وصل لبيتها دخل وهو كيتأملو بعنيه هنا كانت ..بقا كيدور فلبيت حس باحساس خايب وهي ماكايناش فيه ما قدرش يزيد يبقا فيه .خرج وشد لباب وهو كيقول غترجع ليه.طلع لبيتو دخل وهو كيحاول مايفكرش فيها ولكن ماكايقدرش..شاف فالنموسية وتفكر فاش كانت معاه وبين يديه..تفكر فاش غتاصبها اول مرة..شحال بكات وترجاتو وهو مارحمهاش..تفكر كل مرة ضربها وهانها فيها ..كل مرة بكاها وهو كيشوف فيها..لقا راسو جالس فوق النموسية.الدار كلها كتفكرو فيها..الدار ولات كتجيب ليه الكأبة.. تم نقل القصة من قصص مدرب.. مابقاش كيرتاح فيها وهي ماكايناش..المشكلة ماقدرش يلقاها ..هدشي لي كيزيد يكمل عليه..لدرجة حالف غير يلقاها يقتلها.سمع لباب كالتحل..دخلات وشدات لباب..وقربات لعندو بشوية تا جلسات حداه.بقات كتسناه يجري عليها بحال ديما ولكن هاد المرة ما دار حتى شي ردة فعل..بقات كتشوف فيه وفحالتو كيف دايرة.قليل فين كيدخل لدار ..نهار وليل كيقلب.ماكايحبسش..شحال من راجل ضربو حيت مالقاهاش..كيبرد غضبو فرجالو .. فأي واحد جا فطريقو حتى هي لابانت قدامو..عرفات شنو واقع من ياسين ولخدامات..تفكرات طاهرة باقة عاقلة عليها شحال كانت زوينة وباينة فيها ضريفة..شافت فولدها ونطقات بصوت حنين:دابة تلقاها
شاف فيها شحال ونطق:وايلا مالقيتهاش
طاهرة:عندي احساس غتلقاها
وحطات يديها على يدو :لبنت ملي كتولي تعاملها بحنان وتحسسها باونوثتها.وبقيمتها.قلبها كيرطاب اولدي.نت قسيتي عليها
ناصر تنهد:جات فطريقي
طاهرة :ماعندها تاشي دنب اولدي.ماضلمهاش بشي حاجة مادارتهاش.
ناصر:نتي سباب
طاهرة:عارفة
ناصر:كون ما دمرتيليش حياتي.ماكنتش انعاملها هكاك.ماكانش غتهرب مني.ماكانش غيوقع هدشي كامل
طاهرة:سمحلي عفاك
ناصر ماجاوبهاش لي فيه كافيه ماعندوش الجهد ينوض ويغوت فوجها ويقولها عمري نسمح ليك كتافا بالصمت
طاهرة:دابة ترجع.غير عاملها مزيان
ناصر:غترجع حيت خاصها ترجع.وبسيف عليها
طاهرة بقات غير كتشوف فيه :كتبغيها
ضربو الضو من هاد السؤال خلاه كيغلي شاف فيها وهو مخنزر:نووضي خرجي
طاهرة عرفات انها قاست ليه الوتر الحساس ناضت بهدوء يلاه أتخرج وهو يوقفها صوتو:ناصر كيبغي راسو.ديريها فراسك
شافت فيه:ولكن دابة تبدل كلشي سول غير راسك
وخرجات وشدات لباب
ناصر بقى كيلهت غا بوحدو ماباغيش يفكر فهادشي..هو دفن قلبو هدا شحال.مايمكنش يبغي شي وحدة ..مايمكنش يكون كيبغيها..هدا غير حب تملك..هي ديالو وخاص تبقا ديالو وصافي.قنع راسو بانه غير حب تملك
وناض دخل لحمام يدوش وهو هارب من كلمة كتبغيها..دوش بما دافي وخرج لبس عليه..تلاح فبلاصتو ونعس كان عيان بزاف..
عند.طاهرة
خرجات من الدوش وهي لاوية عليها فوطة ..ماعندها ماتلبس تفكرات حوايج مراتو عندو فلبيت شافت فالساعة 9ونص هو كيجي مع ل11 شافت فنور:كملي لحفاضة هاني جاية ونراجع معاك صافي
نور :واخة
طاهرة خرجات مشات لبيتو حلات لباب..مشات نيشان لبلاكار معزول بوحدو فيه حوايج مراتو الله يرحمها..حلاتو بانو ليها بزاف غطسات راسها فيه كتقلب شغا تلبس
نهبطو لتحت
دخل لدار ماشافهومش فالصالة طلع نيشان لعندهم حل لباب لقا غير نور غير شافتو ناضت عنقاتو وباستو
كمال:فين هي طاهرة
نور؛ماعرفتش
كمال:صافي رجعي كملي حفاضتك.
وخرج من لبيت كان عيان بغا يدوش عليه ويرتاح شوية..حل لباب ودخل وشدو موراه..دور وجهو وهو يشوفها عاطياه بالضهر وخاشية راسها فلبلاكار كتقلب..طلعها وهبطها مزيان ماحسش براسو حتى لقا راسو واقف موراها وعنيه مانزلاتش عليها
طاهرة هزات بيجاما وتنهدات براحة ضارت بكامل جسمها باش تمشي وهي تصدم ملي شافتو قريب ليها لدرجة لصقات مع لبلاكار وكيشوف فيها.تلفات ماعرفاتش اش دير..كمال كان كيحقق فملامحها جسمها لي لفوطة ماساتراهش كلو..صدرها بارز وشعرها نازل على كتافها كيقطر بلما..شكلها كان مغري هو بلا والو مكالي فيها.
طاهرة شافتو طول:مالقيت مانلبس
وهزات يديها كتوريه لبيجامة:خديتها نلبسها
كمال عنيه على شفايفها كيف كيتحركو
طاهرة بغات دوز وهو يشدها من دراعها وهمس ليها قدام ودنيها:باقي مافهمتي والو
شافت فيه وبلعات ريقها:شغا نفهم
كمال:بزاف دلحوايج.شوفاتي ماكايقولك والو
طاهرة:كمال رخي مني عفاك
كمال رخا منها بغات تمشي وهو ينطق:تزوجي بيا
طاهرة ضريها ضوو كملات طريقهاخرجات كطير مشات نيشان لبيت دخلات وشدات لباب وهي كتلهت..هادشي لي مابغاتش بقات كتفكر شغا دير فهاد لحريرة .تنهدات
لبسات لبيجامة وشافت فنور:نوضي احبيبة تعشاي باش تنعسي
عنيه ولاو جمرة بلاعصاب فقد الشعور تاحاجة ماطفات ليه نار لي شاعلة فيه.غتطفا نهار يشوفها قدامو ...كان كيفكر تا طفا ليه لكارو فيديه رماه وجبد اخور ..بغا يشعلو وهي طيح ليه لبريكة تنهد وهو معصب رخا من لفولون وتحنا يقلب عليها..تا لقاها رجع تقاد فالجلسة علا راسو وهو يلقا راسو داخل فحيط دور لفولون بالجهد وغير الاتجاه..طموبيل بقات كتلعب بيه وهو كيحاول يتحكم بيها مع كان مخدم اقصى سرعة .غلباتو..تضربات مع طوموبيل اخرا..شي لي خلاها تهز وتقلب بقات غادة كاحزة تا تضربات مع لحيط..كلشي تصدم من المنضر نزلو ناس من الطوموبيلات وتجمعو على طموبيل دناصر كل واحد وشكا يقول..عيطو لبوليس وقعات الروينة..فربع ساعة كانو لبوليس والاومبيلونس خرجوه من الطموبيلو وراسو كيسيل منو الدم. تحنا واحد من رجال كيفحص فيه وكيتأكد واش حي وكيشوف واش فيه شي هرس ولا شي حاجة .فلحضة جات تا صاحافة كتصور..لبوليس كيدفعوهم ..داروه فلباياص نيشان للاومبيلونص..ولبوليس كيستجوبو ناس
كانو مجموعين فالمشفى
لارا كتبكي وتندب وباها كيصبر فيها
لارا عقلها خارج بلبكا:بااابي لا وقعات ليه شي حاجة نموووت معاه..مابغيتوش يمووت أبابي الله يخليك دير شي حاجة.
أحمد معنقها:شكون جاب سيرة لموت ابنتي راه غينوض سالم منها ان شاء الله
الطبيب:الحمد الله ملي عرفناه قبل يمشي لحال.لمرض فلبداية ديالو بامكانا نقتلو هاد السرطان.غير بالادوية . نُشرت القصة على 9esa.com.. لمريض باينة من الاشخاص لي كيدخنو بزاف وهدشي نتج عليه هاد السرطان.خاصو اول حاجة يقطع لكارو.لا قطعو انكونو حققنا العلاج بنسبة 50% .وعاد خاص يتبع دوة لي غنعطيه.
كلشي باقي مصدوم غير كيسمعو وهوما ساكتين.مزال ما ستوعبو ان الزعيم مريض بالسرطان..
لارا هي كتبكي:ياك ماغايموتش بعدة ياك ادكتور
الطبيب:لا تبع هدشي لي قلت ان شاء الله ماغايوقع ليه والو .انا وليت صيفطت التحاليل لمختبر اخور عندهم خبرة فمرض السرطان.باش يقولونا شنو نديرو.
عماد:ان شاء الله..شوف ادكتور دير كتر من جهدك.
الطبيب:كون هاني خاص غير هو يتبع معانا وكلشي أيكون مزيان..سمحولي نخليكم دابة عندي مرضى كيتسناوني.
ناضو كلهم خرجو وهما كيفكرو فهاد المرض لي خرج ليم تاني..
دازو ساعات
كانت كتجمع لواني دلعشا من فوق الطبلة .كمال ونور كانو فصالة جالسين كيتفرجو..مسحات الطبلة وجلسات بعيدة عليهم وهي حاطة يديها على كرشها.وكتحر بديها بشوية من فوقها..فيقها من سهوتها صوت التلفازة علات راسها كتشوف فالتلفازة وفالمديعة لي كتهضر.بقات غير كتشوف ..الرجل الاعمال ناصر الزعيم تعرض لحادث خطير بسيارته هدا الصباح..هل سينجو من الحادت؟.لازنا في انتظار اخر الاخبار.. طاهرة كتشوف كي هزوه فوق البياص وركبوه فالامبيلونس..ناضت بهدوء هزات التليكوموند:لبنت باقة صغيرة باش تشوف بحال هادشي
وبدلات لقانة ورجعات لبلاصتها وجلسات ماحسات بوالو هاد الخبر ماحرك فيها والو.كي مات كي ماماتش.مابقاس كيهمها.لي كيهمها دابة هي حياتها وولدها لي جاي فطريق بقات شحال جالسة كتفرج معاهم فلفلم لي دايرين حتى سالة شافت فنور:نوضي احبيبة تنعسي راه ليوم قصرتي بزاف.حيت لويكاند
نور ناضت:واخة
شداتها من يديها وطلعو لبيت خشاتها فبلاصتها باستها من وجها :تصبحي على خير
نور:تصبحي على خير
طاهرة ناضت وهبطات للكوزينة تغسل لماعن دلعشا ماكاتحملش تخليهم تا لصباح (بحالي سبحان الله خخ) بدات كتغسل فلولني تا قربات تسالي وهي تشوفو داخل كملات شغالها..هو حل تلاجة جبد قرعة دلما كب ليه كاس شرب..ووقف وهو كيشوف فيها ونطق بهدوء:باقي ماجاوبتيني
طاهرة وهي كتمسح يديها من لما سلات لماعن:علاياش
كمال قرب لعندها:راكي عارفة
طاهرة سكتات ما لقات ماتقول
كمال:فكري وغدا ردي عليا صافي
شافت فيه:ان شاء الله.ولكن تحتارم الجواب ديالي كيف ما بغا يكون
كمال:غنحتارمو ولكن ديري حاجة وحدة فبالك انني باغيك.ومستاعد ندير اي حاجة على قبلك
طاهرة بقات كتشوف فيه :صافي غدا نرد عليك
وخرجات وخلاتو واقف كيتنهد خايف ترفدو وهو مستحيل يضغط عليها باش تزوج بيه باغيها توافق بارادتها
طاهرة طلعات لبيت تخشات حدا نور جراتها لعندها وعنقاتها وهي كتفكر ..هي دابة حاملة وباقي ماعارف.لا عرف يقدر يبدل رأيو..غمضات عنيها مافيها لي يفكر فشي حاجة دابة
اصبحنا وأصبح الملك لله
حل عنيه بشوية كيحس براسو كيضرو.بقا شحال كيستوعب عاد تفكر لي وقع ..شاف السيروم فيديه.وهو فوق النموسية.ريحة دصبيطار خنقاتو كيكرها.نتر سيروم تا سال الدم.ونزل من فوق النموسية وراسو غينفاجر بلحريق.نزل عنيه ليديه لي مقبصة وتنهد .شاف حوايجو معليقين ..لبس السوميج .وصباطو باغي يمشي من لهنا. ماشي هو لي يمرض وينعس فالطبيب.دخل لحمام غسل وجهو هو لول عاد خرج من الشومبر شاف قدامو عماد وأحمد
عماد:سير دابة رتاح من بعد ونهضرو راك ماعارفش راسك شكا دير
ناصر تنهد:مالقيتو والو عليها
عماد:انا فين ونت فين.
ناصر:كنسولك
عماد:لا ما لقينا والو .دابة فكر فراسك طاهرة دابة تبان
ناصر سكت وهو كيكمي ..يموت ويعرف فين هي ..وشكا دير وكي دايرة حالتها.ومعامن راها..شاف الطموبيل وقفات قدام الدار حلو ليه الحراس لباب:على سلامتك اسيدي
ناصر:الله يسلمك..اجي
قرب لعندو:نعام اسيدي
ناصر:مالقيتو والو
الحاريس:مزابدل كنقلبو لحد الان مالقينا والو
ناصر زاد تعصب:وشكا ديرو هنايا
الحاريس:كو..
ناصر قاطعو:ماجبتكومش لهنا باش تجلسوو.تحركو كملوو خدمتكم.راني قلت ما غا نرتاح تا نلقاوها ادن ماغاتخبسووس تا نلقاوها سمعتيني
الحاريس:واخة اسيدي هي لولا
عماد كان واقف وكيشوف فيه وكيتنهد من الحالة دصاحبو نزل عنيه ليديه شاف لكارو.خايف بهاد التهور ديالو يجيبها فحياتو عارف واخة يبقا يهضر معاه من لهنا تا لصباح ماغايديهاش فيه.
ناصر :غدخل
عماد:عندي شي شغال من بعد ونرجع
ناصر كمل طريقو ودخل لدار وهو يشوفها فصالة جالسة وكتقرا فلقرآن وشال فوق راسها بقا شحال كيشوف فيها.هي سلات وعلات راسها وشافتو بتاسمات لا اراديا وناضت بالزربة عنقاتو:على سلامتك اولدي
ناصر بعد عليها:دابة راك وليتي مزيان بامكانك تمشي
طاهرة:وتسخا بيا
كمل طريقو:اصلا ماكاتهمينيش
خلاها واقفة والدموع محجرين فعنيها..دخل اول حاجة دار حيد لجبص شرب دوة دحريق الراس ودار على دراعو بانضة عادية بدل عليه قاد راسو قدام لمراية حل لمجر وشاف فلخاتم ورجعو لبلاصتو وخرج وميات فكرة كدور فراسو داز من حداها وهي توقفو بصوتها:فين غادي راك عاد.خرجي خاص ترتاح
شا ففيها:ماشي سوقك..اه نجي مانلقاكش هنا سمعتيني
وخرج وزدح لباب تا قفزات ركب فالطوموبيل اللور وشيفور كيسوق تا وقف حدا واحد الشريكة نزل بخطوات تقال دخل للشريكة ركب فالمصعد تا وصل لايطاج المطلوب وقف حدا سكرتيرة
سكريتيرة غير شافتو وقفات كتعرفو:اش حب الخاطر اسيدي
ناصر:قادر الوافي كاين فالمكتب ديالو
السكريتيرة:اه اسيدي سمحلي الله يخليك نقولو راك.جيتي.تفضل جلس
دار ليها تشارة بلا وهو كيشوف فالشريكة كيف دايرة حتى كترجع عندو:تفضل اسيدي
دخل لقاه واقف باش يستقبلو
قادر:اهلان اهلان اخر حاجة توقعتها مرحبا بيك.
ناصر:شكرا
مشا وجلس.
قادر:الحمد الله على سلامتك بعدة
ناصر:الله يسلمك
قادر:تشرب شي حاجة
ناصر:لا .
قادر:امم شنو سبب هاد الزيارة
ناصر:واحد المشكل
قادر:شنو نو.دابة يتصلح
ناصر:هو من ناحية ايتصلح راه غيتصلح.ولكن قلت نجي نهضرو قبل
قادر:شوشتيني ياك لاباس
ناصر:ولادك
قادر:مالهم
ناصر :قتلو والمشكل هاد الجريمة تحملها شخص اخور.وهاد الشخص كيهمني.او بزاف.
قادر بلع ريقو:ولادي انا.
ناصر:ولادك نت الياس وشوقي.هادو هوما سمياتهم ياك
قادر بدا كيعراق غير بوحدو ماباغيش يكون غندو مشكل مع الزعيم حيت غيندمو ولكن راه هادوك ولادو:وشنو بغيتي
ناصر:ولادك يسلمو راسهم
قادر:راه ولادي
ناصر:انا ماكايهمنيش هادشي.لي كيهمني الشخص لي تحمل الجريمة فبلاصتو. تم النشر على 9esa.com.. شوف هنا دابة جيت برجلي تا لعندكو هضرت زوين .وعلمتكم قبل ندير شرع يدي.
وناض :لخبار فراسك دابة.شوف شنو دير.ونتمنى ماتعطلوش.ااه راه مراقبين بلا ماتحاول تهربهم ولا شي حاجة
وخرج من المكتب بكل هدوء (من بعد ونقولكم علاش وكيفاش).نزل لتحت وركب مع الشيفور:لشريكة
نمشيو عند طاهرة
كانت جالسة هي ونور فالصالة وكتضفر ليها شعرها ونور عاجبها لحال حتى كتشوفو داخل..جا وجلس حداهم وعنيه عليها:نور واخة طلعي لبيت انهضر انا وطاهرة شوية
نور :واخة ابابا
ناضت طلعات لبيتها
طاهرة عارفاه شنو باغي وتاهي عندها لجواب كانت كتسناه يجي باش ترد عليه ولكن خاص يعرف على الحمل واخة ما اتقولوش كلشي المهيم يعرف
كمال وقف :فكرتي
وقفات اونفتص معاه وهي متلعب بصبعانها:فكرت
كمال قلبو بدا يضرب فل100:وشنو قررتي
طاهرة :خاصك تعرف شي حاجة بعدة
كمال:شنو هي
طاهرة:أنا حاملة
كمال ضربو الضو تصدم من هضرتها..لسانو تربط نيشان مشات عنيه ليديها لي حاطاها على كرشها رجع شاف فيها
طاهرة كملات هضرتها:هداك لي غتاصبني انا دابة حاملة منو..ماقديتش نطيحو حيت هاد لبي بي جزء مني..طرف مني.واخة كنكره باه ولكن هو راه ولدي ماليه تاشي ذنب.
وسكتات وهي كتحازل ماتبكيش
كمال بقا كيشوف فيها باقي مصدوم
طاهرة:دابة أكيد غتبدل رأيك وما غانلومكش من حقك..نت خاصك شي بنت ناس.لي دماغها خاوي.ماتمحناتش.ماقاصاتش فحياتها.وقلبها صافي.ماقتلات.ماتبعها حبس.ماوالو.ماشي بحالي انا.دماغي عامر بزاف حفا بتخمام .هازة فقلبي هموم الدنيا كلها ..وقتالة من لفوق .وعاد.حاملة بطريقة غير شرعية.راه مانصلاحليكش فمرا.انا حياتي ضايعة.
وتمات غادا وهو كيشوف فيها يلا اطلع فالدروج وهو يوقفها:واش تزوجي بيا باقي ماجاوبتيني
وقفات وهي مصدومة دارت لجيهتو وشافن فيه تأكد من هضرتو.كمال قرب لعندها تا وقف اونفاص معاها:انا هادشي كامل ماكايهمنيش..باقي باغي نتزوج بيك.انا مقدر الضروف لي مريتي منها.دابة جاوبيني واش تزوجي بيا
طاهرة كتشوف فيه وافكار كتديها وافكار كتجيبها.اول شخص غيطلب منها الزواج.هاد الايام كاملة لي جلسات معاه فدار عمرو حاول يتقرب منها ولا يستاغلها.واخة بامكانو يديرها.حيت هي دابة تحت الرحمة ديالو.ولكن ما أداهاش.كان كيعاملها مزيان وحتارمها ومأمنها على دارو وبنتو.تفكرات أمين دوزات معاه مدة ديما كان كيتقرب منها وعمرو لمح ليها بالزواج وانو غياخدها..وتفكرات ناصر.لي كان سباب باش خسرات شرفها.ودمر ليها حياتها.واخة ماعندها تاشي دنب وما أداتو فوالو.ولكن ديما كيسبها ويتكرفس عليها.ونهار قالو ياسين يتزوجها رفض قال هي مسخة ماشي هو لي يتزوج بوحدة مسخة..دمعو عنيها وهي كتشوف فكمال كون عرفاتو قبل منهم كون تلاقاو فوقت غير هاد الوقت كي راها بغاتوو تنهدات بصوت مسموع ودموعها نازلين:واش متأكد
جاوبها وهو كيمسح ليها دموعها:متأكد
طاهرة وهي كتبكي بصوت مسموع وكتهز راسها باه:موافقة
كمال بقوة لفرحة جرها لعندو وعنقها طاهرة مادايرة حتى شي ردة فعل من غير لبكا.تاهي باغة تعيش حياتها هانية بحال كاع الناس.تزوج تاهي وتلقا لي بغيها ويحن فيها ومايغدرهاش.
كمال وهو كيمسح على شعرها:ششش صافي ماتبكيش.كلشي غيدوز ماتخافي من والو ونتي معايا سمعتيني
طاهرة غير كتبكي
كمال:شكرا حيت وافقتي
علات راسها وشافت فيه بعنيها الدامعين:نت لي شكرا تسترتي عليا ودخلتيني لدارك.ودابة باغي تزوج بيا.شكرا بزاف
كمال سارح فعويناتها وهو كيدمعو مسح ليها دموعها وهز يديها وباسها:نتي ماعارفاش قيمتك عندي .براكة من لبكا
بتاسمات وسط دموعها
كمال:ولدك هو ولدي يكفي نتي هي ماماه وحقك اناخدو ليك ان شاء الله
طاهرة كيزيد يكبر ليها فعنيها زعمة يقدر تعيش معاه هانية.وتكون نهاية لمشاكلها.
كمال::ماتبقايش تفكري بزاف
هزات راسها بواخة
يلاه ايهضر وهوما يسمعو صوت نور من موراهم
نور وهي هابكة ببيجامتها لغوز وشعرها مطلوق على كتافها:بابا ساليتو لهضرة بغيت نجلس معاكم شوية
كمال بتاسم ليها :اجي قربي
قربات لعندو وهزها بين يديه:انقولك شي حاجة اتعجبك
نور وهي مبتاسمة:عفاك قولي شن هي
كمال:انتزوج انا والاميرة ديالك كي كنتي باغة
نور فرحات وغوتات وهي كضحك:واااااااو كنبغيكم بزاااف..صافي هي اتولي ماما دابة
وعنقات باباهاا هي كضحك.وطاهرة واقفة ومبتاسمة جرها من يديها وقربها لعندو:اه اتولي ماماك
نور مدات يديها عند طاهرة وعنقاتها هي وباباها فدقة وحدة:انا فرحانة بزاف ابابا واخيرا اتولي عندي ماما
كمال مزال شاد فيد طاهرة: تأنا فرحان
طاهرة بعدات عليهم شوية مالقات ماتقول..اصلا ماعندها ماتقول هاد العائلة الصغيرة عندها عزاز متأكدة غتكون فرحانة معاهم .والحب كيجي مع الوقت خاص قلبها يداوة بعدة..
مشاو جلسو فالصالة.طاهرة :نوض نحط لعشا ياك
كمال:اتكوني عيانة خاص تديها فصحتك شوية
طاهرة وقفات:ماكانديرش شي حاجة صعيبة
وناضت دخلات لكوزينة كتسخن فلعشا وتوجد فالطباسل وهي كتفكر..فلحضة جا فبالها ناصر.حسات باحساس فشكل.ماعجبهاش لحال وهي تنفض راسها منو خاص تنساه.هو خسرها ماشي هي لي خسراتو.تفكرات شنو دار فيها اخر مرة ضربها بلا رحمة بحاليلا هي ماشي انسان ماكتحسش.ماعارفش انها انثى حساسة بزاف وداكشي بزاف عليها..داك نهار كرهاتو بزاف..شافت فصبعها وفلخاتم لي لحد الان ما بغاش يحيد ..شوية بدات كتشم الريحة دلحريق مشات كتجري لقات لماكلة تحرقات طفات عليها وهي كتسوط بصوت مرتافع.لماكلة نشفات ولسقات مابقاتش صالحة..
شربات لما فدقة ملي سمعات بيتزا:عفاك وتكون ديال الطون
كمال بقا كيضحك:واخة وشنو بغيتي اخور
طاهرة:المهيم بيتزا.اه ايس كريم.تاهو
جرها من يديها خرجو لصالة جلسو حدا نور:واخة هي لولا .تا حنا كتعجبنا بستزا طون
طاهرة بتاسمات
نور:اوووووه غناكلو بيتزا
كمال دوز نمرة ديال بيتزريا ووصا على داكشي لي بغاو وجلسو كيتسناو وهوما كيتفرجو فلفيلم..طاهرة كل شوية كتشوف فالساعة وتنهد بصوت مرتافع:مالهم تعطلو
كمال:غير صبري
شوية سمعو صوت الجرس دلباب
ناض يحل وطاهرة تابعاه خدا منهم الطلبية وخلصهم ودخل ..طاهرة خدات من عندو لكراطن دبيتزا حطاتهم فوق الطبلة وحلاتهم وبدات كتكل وهي متلدذة بيها .كمال كياكل وكيشوف فيها وهو مبتاسم عارف لوحم هو لي داير فيها هاد الحالة ..نور كتاكل وكتشوف فيهم بجوج فرحانة بزاف
طاهرة سلات بيتزا ديالها ولكن باقي ماشبعات..بقات كتشوف فبيتزا دكمال ودنور وترمش فعويناتها وتبلع فريقها
وبقات كتاكل وكمال غلباتو الضحكة بحال شي بنت صغيرة..فهاد اللحضة نور كتبان كبيرة قدامها..سلاو لماكلة.وبقاو جالسين
كمال:انا غدا انبدا نجمع لوراق على قبل الزواج صافي.انا غنتكلف بكلشي .حتى لوراق ديالك غنقادهم
طاهرة بلعات ريقها فلحضة حسات بلخوف من هاد الزواج ولكن دغيا قوات راسها:واخة لي بان ليك
كمال:ومن دابة يوماين نضربو لاكط شنو بان ليك
طاهرة:لي بغيتي
كمال:ادن صافي نتوكلو على الله.
طاهرة:ان شاء الله.نور حبيبة نوضي تنعسي مشا لحال
نزر ناضت اصلا جاها النعاس عويناتها تغمضو..بتاسمات تحنات باش تهزها حتى كتسمع صوت كمال
كمال:لا ما تهزيهاش انا غنهزها
بعدات وخلاتو هو هزها
كمال:ماخاصكش تهزي التقل
بتاسمات ليه وهي كتشوفو مطلع نور لبيت تبعاتهم ..دخلها وحطها فوق النموسية..طاهرة بقات واقفة هي كتحس بالدوخة وردة كلات بزاف..حاولات تحكم فراسها مت قدراتش دخلات كتجري لحمام ..ردات وهي كتحس بمصارنها كيتقطعو معاها ..غسلات وجها فمها خرجات لقاتو واقف كيتسناها
كمال:ياك لاباس نمشيو لطبيب
طاهرة وهي شادة فلحيط وكتمشى بشوية :لا بلاش هادشي عادي خاص غير نرتاح
كمال:صافي نعسي رتاحي شوية
هزات راسها باه وتخشات فبلاصتها غمضات عنييها كمال طقا عليهم الضو وشد لباب وخرج..دخل لبيتو دوش وتخشا فبلاصتو.فرحان حيت واخيرا غتولي ديالو.اتولي تنعس معاه فنفس لبيت ويتشارك هو وياها نفس لفراش.يقيسها كيف بغا ..بتاسم حيت متندمش نهار قرر يعاونها ومايدخلهاش لحبس ..وحيت واخة حاملة من نتيجة اغتصاب..هو هدشي كامل ما كيهموش كتهمو هي.غمض عنيه ونعس تاهو
نمشيو عند ناصر
دخل لدار وطلع لبيتو نيشان دوش..الشريكة ولا هاملها بزاف كينشي يضرب طلبلة ويخرج تاني يقلب.ويشوف لا كانت شي حاجة..خرج من الدوش لبس عليه..ودخل لبالكون شعل كارو وبدا كيكمي..وهو كيفكر فيها..تفكر نهار قالت ليه نهار انبغي نهرب راه غنهرب.وعمرك غتلقاني..ساط الدخان بالجهد وهو معصب..تفكر نهار قالت ليه الله ياخد فيك لحق.هاهو دابة كيخلص وقف ليها على هضرتها..مابقاش عايش هاني..تا نعاس ماكينعسوش عادي..كيفكر فيها تا وسط احلامو..مابقاتش تفارق مخيلتو.مابقا كيهمو والو من غير يلقاها ويرجعها لدار..براسو ماعارفش كي غيعاملها ولكن ماغاديش يسمح ليها على هادشي..عمر شي وحدة دارت فيه هكا..حس بشي حد وقف حداه..نتر نترة وشاف فيها ورجع شاف لبعيد
لارا سكتات عارفة غتزيد معاه كلمة وحدة غيجري عليها..حنات راسها ونزلو دموعها عارفة راسو شحال قاصح.خايفة يموت لا بقا هكا.وماتبقاش تشوفو..هي قابلة على كلشي قابلة تشوفو مع غيرها واخة هي خطيبتو..قابلة يخونها..يدير اي حاجة..خير كايتخلاش عليها ومايموتش ويهمل صحتو..هدشي لي ماتقبلوش..شدات ليه فيديه وباستها:عفاك ما تأديش راسك مابغيتكش تموت
شاف فيها ورما لكارو قربها لعندو وعنقها:عقلتي نهار تضربت بربعة درصاصات ..كلشي يحساب ليه انموت ولكن بقيت عايش..تا دابة ماغايوقع والو ..ان شاء الله
بقا كيشوف فيها ومشا بالو لطاهرة..عارفها شحال كتكرهو.ولاساقت لخبار غتشفا فيه ويعجبها لحال..حس بلارا كتعلى على ريوس صبعان درجليها وطبعات بوسة على شفايفو ورجعات اللور شوية كتنتاضر ردة فعلو بقاو شي كيشوف فشي ..
ورجعات تاني باستو وهاد لمرة طولات..ناصر تجاوب معاها ماشي حبا فيها او ..رغبة فيها..لا ..حيت جرب كلشي ومازال ماطفات النار لي شاعلة فقلبو من جيهة طاهرة..ضرب..غوت تعصب..سب..وتاحاجة ما برداتو.يقدر دابة تبرد فيه شي حاجة فلداخل.ديالو..واخة ينسى غير فهاد اللحضة..دور يديه على خسرها وقربها لعندو وهو كيبوس فيها ويمص فشفايفها..لارا ترخات بين يديه..وهي مدورة يديها على عنقو..نزلات يديها بشوية تا وصلات لصدرو بقات دافعاه..وشفايفهم مزال متلاقين دخلو لبيت تا وقفو حد النموسية مدات يديها وحيدات ليه تيشيرط...بعدات عليه شوية .وهبطات سنسلة دلكسوة لي لابسة تا طاحت فالارض بقات غير بدوبياس وشافت فيه بمعنة انا ديالك.رجعات لصقات فيه وهي كتشووف فيه..قربات وحطات يديها على كتافو وجلساتو فوق النموسية وتكاتو فوقها..وجات فوقو وعنيهم ماتفارقوش..تحنات كتبوس فشفايفو وتحرك يديها على صدرو..قالت مع راسها هادي هي اللحضة المناسبة..نزلات سماطي دسوتيان وحيداتهم..ورماتهم فالارض بغات تولي تبوسو حتى كتلقا راسها فوق النموسية ..ناض وشاف فيها:خرجي
ناصر كيتنهد بصوت مرتافع..وكيمسح على راسو معصب حتى كيسمع صوت شهقاتها شاف فيها لقاها كتبكي..زاد تعصب جرها من دراعها وخرجها وزدح لباب..بقا كيلهت..ماقدرش يديرها ماحس بتاشي حاجة معاها..كان بارد بزاف..بوساتها ولمساتها مأتروش عليه.ماحركوش ليه غريزتو ولو شوية..هي ماشي بحالها..معاها كيمون فعالام اخور كيكون مستمتع بزاف..دوز يديه على وجهو معصب ..مايكرهش تكون معاه دابة..دخل لحمام غسل وجهو كما على الله يبرد ما يبقاش معصب..خرج شعل تاني كارو..ودخل لورشة الرسم..يتلف الوقت يدير شي حاجة وصافي..وجد داكشي لي غيحتاج ووقف كيغكر شغا يرسم..حط لقلام من يديه وخرج حل لمجر وجبد تصويرتها بقا كيشوف فيها..كان مقطع الجيهة لي فيها ختها ليلى..مخليها غير هي..كيشوف فالتاج لي فوق راسها..جاية بحال شي أميرة ..دخل لورشة حط التصويرة قدامو وبدا كيرسمها..وهو مركز فالخطوط لي كيخطها..منساجم مع الرسمة..داز الوقت وهو يحط القلام .وعنيه على الرسمة..هي هديك.بقا شحال كيشوف فيها.فتالي هزها..وكادراها ..وعلقها وقف كيتأملها..هز التصويرة وخرج من لبيت..تخشا فبلاصتو وشوية بشوية داتو عنيه ونعس
جا نهار جديد
كانت كتهضر هي وختها فطليفون
طاهرة:شوفي بلا ماتهضريلي عليه حيت ماكايهمنيش.
ليلى:اه دابة ولا كيهمك الكوميسير.. القصة أُخذت من قصص مدرب.. كي غديرو لهاد الزواج
طاهرة:زعمة مامن حقيش نتزوج تا انا وندير داري.جاتك غريبة ياك..وحدة بحالي تزوج هادشي لي بغيتي تقولي
ليلى:لا لا ماشي هاكة والله..انا قصدت زعمة راه هداك كوميسير لي لمفروض يشدك
طاهرة:هدشي ماكايهمش.لي كيهم اننا غنتزوجو وصافي
ليلى:ايوا الله يكمل بلخيير اختي راه مادا بيا نشوفك فرحانة
طاهرة:انكون فرحانة معاه انا متأكدة
ليلى:ان شاء الله..خيتو غنخليك دابة تا بعني فرض خاص نمشي لمدراسة
طاهرة:واخة الله يعاونك
ليلى:أمين بسلامة
وقطعات..
طاهرة شافت فالساعة وقت لغدا. هبطات وحطاتو فوق الطبلة وعيطات لنور شوية وهو يدخل غسل يديه وتجمو فوق الطبلة
شاف فيها وهو مطلها ومهبطها.سها فيها:هاا لا ما تعطلتيش
باتاسمات ليه وشدات فيد نور:نمشيو
بتاسم ليها:نمشيو
خرجو ركبو فطوموبيل وكسيرا ..
كمال:فين نمشيو
نور:عفاك دينا لبااارك عفااك.لعب شوية
طاهرة:صافي نمشيو لبارك
نور:وعيط لعميتو تجي لعندنا تاهي
كمال:اتكون خدامة
نور:جرب
كمال:واخة تا نوصلو بعدة
مسافة الطريق ووصلو لبارك ..بلاصاو طموبيل ونزلو ودخلو ..كان كبيير فيه قهاوي ومطاعيم.وجريدات فين يجلسو ناس.وبلايص كيلعبو فيهم دراري صغار..
ختارو بلاصة وجلسو.نور ناضت كتلعب فالالعاب حداهم..
دازن ساعة تقريبا
عند ناصر
خرج من غرفة الاجتماعات
أحمد:هنا مشيت عندي ما يدار
ناصر:بسلامة
بغى قبل ما يمشي لشريكة لخاصة بيه يدوز يشوف شي ملفات..دخل لمكتب وجلس كيراجع فلملفات حتى كيسمع الدقان..
ناصر وعنيه على الملفات :دخل
دخلات وشدات لباب موراها وهي كتشوف فيه..:سي ناصر
هز عنيه وشاف فيها:شنو
رنيا ولات كتحماق على صوتو وشخصيتو واخة كان كيجي معصب لشاريكة كيغوت عليها وعلى الموضافين كاملين ولفات وستحلات عصابيتو:بغيت نهضر معاك فشي حاجة لا سمحتي
ناصر:قربي
رنيا قربات:احم..خويا غيتزوج من دابة يوماين..ماغانجيش لشاريكة لا سمحتي
ناصر علا حاجبو:كاين جتماع ساليه وسيري.
رنيا:ضاروي نحضر ليه
ناصر ببرودة:شوفي نتي..بعدة شنو درتي فلخاتم لي قلت ليك صمميه فبلاصت لاخور
رنيا:اه فكرتيني
جبدات طابليط وقربات لعندو حطات طابليط فوق لبيرو :هانت شوف صممت تلاتة شوف واحد فيهم
بقا كيشوف بتلاتة زوينين بقى كيدقق شكون لي حسن خشا يديه فجيبو يجبد بريكة يشعل كارو ومانتابهش لتصويرة لي طاحت فلارض فاش جبد لبريكة شعل لكارو ..وهي تحنات تهز داكشي لي طاح.وقفات وقلباتها بين يديها وهي تصدم شافت فيه ورجعات شافت فالتصويرة
ناصر شاف فيها: هدا حسن وحتافضي بهاد الجوج ..مالكي
رانيا قلبات التصويرة لوجهو باش يشوفها:منين جبتي هاد التصويرة
فكها ليها بالزربة من يديها :اري ها
دارها فجيبو
رنيا:سمحلية طاحت ليك من جيبك هزيتها نعطيها ليك.ولكن هاديك راه خطيبت خويا مافهمتش اش كادير عندك تصويرتها.
ناصر ضربو الضو :كيفاش اش كتخربقي.شمن خطيبت خوك
رنيا مشا بالها لبعيد:واش بينك وبينها شي حاجة..حيت من دابة يوماين اتزوج بخويا كمال
وسكتات وكملات هضرتها:ياك ما كضحك عليكم بجوج.ناري كنت غالطة فيها
ناصر وقف من قوة الصدمة جبد التصويرة ورجع وراها ليها:واش متأكدة
رنيا:ااه هادي راه طاهرة عايشة مع خويا فدار..هدي شي سيمانة وشي يامات.وتافقو غيتزوجو
ناصر كلو ولا كيرجف مانتيقش هدشي لي كيسمع كيفاش غتزوج
رنيا :الحمد الله ملي عرفناها على حقيقتها..شتي على صدفة
ناصر مادايهاش فهضرتها كيفكر غير فطاهرة
رنيا:انا غنتفاهم معاها مزيان.خويا مسكين كيبغيها ومدخلها لدارو وناوي لحلال معاها ونت علم الله باش لعبات ليك بدماغ
ناصر عصباتو بهضرتها ضرب فوق الطبلة وهو معصب:سكتيييي
وهز لملفات لي حداه وضربهم مع لحيط تا تشتو كاملين فالارض
رنيا تكشات فبلاصتها وسكتات وهي كترجف غير بحدها
ناصر جلس فوق الكرسي وهو كيفكر اش جابها لدار لكوميسير.ولاش هاد الزواج..تخايل بزاف دلحوايج فدماغو لي زادو عصبووه . فكرة انها اتزوج كتزيد تعصبو ولا كيغلي من لداخل شاف فرانيا لقاها خارجة وقفها بصوتو وهو عاض على سنانو:اجي فين غادة.
وقفات وشافت فيه:انا..
قاطعها:اجي لهنا.
قربات لعندو يلاه ايهضر وهو يصوني ليها الطليفون شافت فيه وهي خايفة:واخة نجاوب.خويا كيعيط لي
دار ليها ايشارة باش تجاوب
جاوبات:الو خويا..الحمد الله ونت...مزيان...خويا مايمكليش نجي لعندكم..خدامة..يلاه بسلامة
لا تستفزي رجولتي كي لا أبعثر أنوثتك الجزء 13
محتوى القصة
التنقل بين الأجزاء