ناصر شاف فيها ورجع شاف فالطريق:طاهرة اتبقة معايا علاش كتسول
امين:زعمة راك اتزوج
ناصر:ماشي وقت هاد الهضرة
ووقف الطموبيل فالجنب جبد من ااكوفر القناع ودارو على وجهو.امين تاهو تلتم .ناصر ديمارا الطموبيل كانو قراب لديبو مسافة الطريق ووصلو كانو الرجال ديالهم منتاشرين غكل بلاصة غير شافو طموبيل مشاو ظغية خلو ليهم لباب
ناصر:وصلو الامريكيين
الشخص:اه اسبدي راهم لداخل
ناصر دور عنيه على المكان:حلو عنيكم مزيان مانبغي تا غلاط
الشخص:واخة اسيدي
دخلو لديبو لقاوهم جالسين سلمو عليهم وحيدو لقناع ومباشرة بداو فالهضرة على ود الاسلحة
عند كمال
كمال بتاسم:مزيان دابة كلهم لداخل باينة هدي شي صفقة كبيرة
شاف فلبوليس:غير نقلكم تحركو بداو
عند روبي كانت جاية طايرة غير قربات تلتمات تاهي تا وصلات لديبو نزلات ووقفات كتشوف فرجال قربات عند واحد :فين هو الزعيم
كتهضر وهي كتشوف لبعيد
الشخص:راه لداخل
دورات عنيها على لبلاصة كلها اكيد غيكونو كيراقبوهم من شي بلاصة من لهنا وقفات بلا ماتعيق وهي كتحاول تعرف منين كيراقبهم حتى كتشوف شي حركة من لبعيد عرفات انهم لبوليس .تصرفات بهدوء دخلات لداخل لقاتهم حاطين الاسلحة
روبي شافت فناصر:نااصر نوضو نمشيو من لهنا لبوليس برة
كلشي وقف ملي سمعو كلمة البوليس
ناصر:كيفاش
روبي:دابة زيد ماشي وقت لهضرة
لمريكانيين فهمو غير لبوليس..واحد منهم:قلتو المكان امن
عند.كمال دار الاشارة للبوليس باش يقتاحمو ديبو
كل واحد فيهم هاز السلاح وعارف شغا يدير..كمال غاظي ومجموعة من لبوليس تابعينو كانو كيتمشاو بخطوات تقال وسط الشجر حتى وصلو لحراس..وهنا بدا طليق الرصاص
عند ناصر
ناصر غير سمع طليق رصاص شاف فأمين:شوف نت اخرج من لباب اللوراني وديهم معاك صافي
امين وقف وتلتم:واخة
وهضر بالانجلش:زيدو نمشيو
الامريكي:والاسلحة ولفلوس
ناصر خنزر فيه:دابة نتفاهمو دابة سيرو ماشي وقت هادشي
تبعو امين حل لباب اللوراني بشوية خرج هو لول شاف لبوليس محاصرين تا لباب اللوراني رجع باللور وشد لباب
امين:على زهر..لبوليس مخاصرين الديبو من كل بلايص
ناصر مسح على راسو بعصبية وهو كيسمع صوت رصاص غوت واف فروبي:شكوووون هدااا لي غيكون بلغ بينا
روبي بلعات ريقها:ماعرفتش
ناصر جبد سلاحو وتلتم وخرج للباب اللوراني ومعاه امين ماخاصش الامريكيين يتأداو تيراو فلبوليس لي جاو قدامهم
ناصر خرج وسلاح فيديه كيشوف شي طايح فالارض شي واقف كيتيري الدنيا مقلوبة بدا غير كيطلق فرصاص فين ما جات باغي يخوي طريق لطموبيل لي غيهربو منها السلاح..فعلا قدرو يخويو الطريق..خرجات روبي هي وشي رجال هازين لفلوس والاسلحة بالزربو دارهوم فطوموبيل ركبات لقدام هي لي غتسوق
ناصر دار ليها اشارة باش تديماري.دورات الساروت وديمارات بالجهد ولكن غوتات فاش تضربات قرطاسة فزاح لقدامي دطوموبيل تا تهرس فوجها غمضات عنيها وهي مزال سايقة وطموبيل كتلعب بيها علات راسها بشوية وهي تشوف كمال قدامها وكيضرب الطموبيل بالسلاح..قلبات الظورة وبدلات الاتجاه ومشات طايرة خلات غا لعجاجة موراها
كمال بقة كيغوت :تبعو الطموووبيل
مشاو جوج دلبوليس كيجريو تا طاحو فالارض ناصر تيرا فيهم..ماخلاهمش بتبعوها
كمال معصب خصوصا فاش عرف انها هي نفسها لبنت لي جات لدارو وخطفو طاهرة باقي عاقل على عنيها
ناصر مابقالو والو من غير يهرب هو ورجالو ..صافي المريكانيين والاسلحة هربهم
ناصر وهو كيتيري:خاص نمشيو من لهنااا
واحد من الرجال:كاينة طموبيل وحدة
ناصر:غير سيرو نتوما انا غنتملف براسي
الشخص:ولكن
ناصر غوت علي:غتزيدكلمة وحدة غنخويه فراسك.دير هادشي لي قلت ليك
ناصر الهدف ديالو انه مايبقا تاشي حد من رجالو موراه حيت يقدر يشدوهم ويعتارفو بكلشي هو قاد براسو يقدر يهرب...
كمال فهم الخطة لي غيديرو عارف انهم دابة خاصهم يهربو مهما هربو الاسلحة ..من الشوفة عرف شكون هو الرئيس ديالهم .عاقل على شكلو من النهار لي جاو لدارو.خاص يشدوو باي طريقة ..وجه سلاح نيشان ليه وتيرا ولكن كان سرع منو هرب منها ماجاتش فيه..ولاو بجوج كيطلقو الرصاص على بعضهم..
ناصر غير شاف الفرصة المناسبة دار لرجالو اشارة باش يركبو فطموبيل ويهربو داكشي لي دارو ركبو كاملين فطوموبيلات وكسيراو بالجهد ماخلاوش فرصة للبوليس فين يشدوهم
بقة غير ناصر تخبة مور واحد الشجرة وهو كيقاد السلاح فيديه لقة غير قرطاسة وحدة ..وماعندو تاشي سلاح من غيرو ولكن ماغايستسلمش بقا كيشوف مع جنابو يشوف شي حل ..
كمال دار للبوليس اشارة باش يحبسو من طليق رصاص ..بقة كيقرب لشجرة لي مخبي ناصر فيها وفيديه سلاح تأكد.انه ايشدو :ماعندك فين تهرب دابة صافي غتشد
قرب لشجرة ومالقا والو مستحيل ماعندو فين يهرب تصدم بقة كيقلب مع جنابوو او والو بغة يتسطاا حتى كيحس بشي حاجة تزدحات موراه يلاه ايدور وهو يحس بشي حاجة على راسو بلع رقو عرف انه سلاح.
ناصر كان فوق الشجرة فاش كمال مالقاهش تسنة الفرصة المناسبة ونقز بالخف وحط ليه سلاح على راسو :اي حركة ماشي هي هديك انقتلك ونيتم بنتك رمي سلاح
كمال غمض عنيه ورمة سلاح
ناصر:قلهم ينزلو سلاح
كمال دار للبوليس اشارة باش ينزلو السلاح
ناصر بقة دافعو باغي يوصل لطوموبيل دلبوليس ويركب فيها ويهرب..
كمال معصب كيغلي :نت هو نفس الشخص لي خطف طاهرة
ناصر قربو لطوموبيل:فكر فروحك دابة واش اتبقة عايش
كمال بلا مايحس ناصر خشا يديه فجيابو وجبد موص صغيرة
ناص حل باب الطموبيل وكمال زرب عليه دغية وضربو لكتافو بلموص ..ناصر توجع حس بلموص وصل للعضم ولكن تحكم فراسو خاص يهرب بعدة تيرا فيه ولكن جات فالخوة شي لي خلا كمال يطيح فالارض منين هرب من لقرطاسة..كمال ركب فطوموبيل وديمارا بالجهد
كمال ناض كيحري:غنتبعوووه
ركبو كاملين فطوموبيل وبقاو تابعينو
ناصر حافض هاد الطريق مزيان عارف كي يدير يدوخهم وعندو مع السوقان.. شاف من لمراية لقاهم مزال تابعينو .طفا ضواو لقدامين دطوموبيل باش يوقع الضلام...وزاد فالسرعة ..وضار مع واحد الطريق مضلامة بزاف لين الشجر وكسيرا بالجهد خلا غا لعجاجة موراه
كمال مابقة كيبان ليه والو زاد تعصب ..بقة كيضرب فدريكسون كيفاش فلت من يديهم حبس الطموبيل ونزل وبقى يضرب يديه معاها..نزلو لبوليس كاملين ووقفو حداه:سي الكوميسير هرب ماقدرناش نشدوه.
كمال ضار لجيهتهم وبة كيغوت:عرررررفت وشفت بعييني تحركو قودو من قدااامي
حناو راسهم وركبو فطوم بيلات ومشاو
كمال بقة شحال واقف وهو يركب فطموبيل وكسيرا نيشان للكوميسارية دخل سجل محضر بانه هربو وخرج مكره كااع من هدشي ..مشا نيشان لدارو ..دخل وهو كيغلي طلع نيشان لبيت بنتو لقة رنيا خارجة من لبيت
رنيا:مالك
كمال:نعسات
رنيا:نعسات بالسيف باش قدرت نأقلمها مع الوضع ولفات بداك خيتي لي جبتي ليها
كمال:ماشي وقت هاد الهضرة
رنيا:باينة فيك عيان
كمال:اندل نشوفها ونمشي نرتاح
دخل عند بنتو تحنا لعندها وباسها من جبهتها وبقة شحال كيشوف فيها ..شحال بكات فااش طاهرة تخطفات مابقاتش كانعس بليل وتاكل مزيان كل شوية كتسولو عليها واش اترجع.جاب ليها مربية ومابغاتهاش تنهد.واعدها باش يرجعها..كون ماخطفوهاش كانت اتكون دابة مراتو وعايشة معاه فدار علم الله كي غاتكون حالتها دابة ناض وخرج من لبيت هو كيفكر فيها وفليام لي دوزاتها معاهم فدار ..دخل لبيتو نيشان لدوش دوش يخفف عليه وخرج لبس عليه تلاح فوق النموسية ماغايرتاح تا يلقاها ويشد هاد العصابة هدا هو الهدف ديالو ..بقة كيفكر حتى داتو عنيه
عند ناصر
كان غادي بشوية ومرة مرة كيشوف من الزاج واش شي حد تابعو شوية وقف طموبيل ونزل ..دخل يديه لجيابو ودوز النمرة:اجي عندي هنا حدا الجسر
قطع بقا واقف شحال حتى كيشوف طموبيل وقفات حداه ركب اللور وهو شاد فكتافو لي كينزف دوز نمرتها:فينكي..انا لاباس..صافي هاني جاي
قطع وشاف فالشيفور:ديني عند روبي
شيفور ديمار وحرك نيشان للكازينو مدة طريق وكان تماك نزل ودخل نيشان لعندها لمكتب شاف لفلوس والاسلحة فوق الطبلة
روبي قربات لعندو وهي كتشوف فكتافو:نعيط ليك لطبيب
ناصر:لااا..قوليلي كي درتي عرفتي لبوليس كيراقبونا وشكون هدا لي تجرأ وبلغ علينا غنقتلو بيدياا
روبي :ماعرفتس كنت غير جاية وانا نشوف لبوليس من لبعيد
ناصر علا حاجبو:من نيتك..عليا انا.
روبي بجدية باغاه يتيقها:واش عارفني انخبي عليك لا كنت عارفة شكون..راه انا اول وحدة انقتلو ماغا نتسترش عليه.
ناصر جلس فوق الفطوي:عرفتي ونشدو كنقسم ليك بالله ندمو على حياتو نخليه يتمنة الموت ومايلقاهاش
روبي جابت علبة الاسعافات وجلسات حداه كتعرف تعامل مع هاد المواقيف جبدات مقص وقطعات ليه تيشيرط من لبلاصة ددضربة .شافت انها شوية غارقة خاصها لغراز..حلات علبة الاسعافات وجبدات خيط طبي مع يبرة طبية قداتهم وشافت فيه:صبر شوية غندير ليه هاد لالكول ولكن موحال يبنجك
دار ليها اشارة باش تبدا ..دارت فلقطن لالكون ودهناتو فوق الجرحة علاقل غير يخفف الالم فاش تكون كتخيط..خدات ليبرة ودخلاتها فاللحم وبدات تغرز ليه الجرحة ..ناصر كان كل شوية كيغمض عنيه بالوجع تا سلات ودارت ليه عليها لفاصمة ..
روبي:صافي
شاف فيها وناض :خلي عندك هاد الاسلحة تانشوف شغا ندير.
وخرج بلا تاشي كلمة..ركب اللور :ديني الاباغطومو
ودوز النمرة دأمين:شنو درتي
امين:صافي راهم بيخير ونت
ناصر:كلشي مزيان.
امين:شكون لي غيكون بلغ علينا
ناصر:ماعرفتش ولكن غنعرف شكون..
امين:عندي ليك خبار خايبة
ناصر:شنو هي
امين:المريكانيين مابقاوش بغا يتعاملو معانا من هدشي لي وقع بغاو ياخدو الاسلحة ديالهم
امين:اه راه اينوض مشكل كبير ايلا ماخديناش هاد الاسلحة
ناصر:دابة نشوف اش ندير
امين:ورد عليا بسلامة.
ناصر:بسلامة
وصل للاباغطومو نزل من طموبيل وطلع نيشان دخل لبيت تلاح فوق النموسية وغمض عنيه ونعس
نمشيو عند الطاهرة
كانت ناعسة فالصالة حتى كتحس بشي حد كيفيقها حلات عنيها بشوي
طاهرة الام:نوضي ابنتي نعسي فبيتك
طاهرة ناضت كالسة وهي كتشوف مع جنابها:ماجاش ناصر
طاهرة الام:لا ابنتي ماجاش
طاهرة وقفات :كيفاش
طاهرو الام:علاش كتسولي ياك ما واقعة شي حاجة
طاهرة بلعات ريقها:لا انا غنطلع لبيتي
طلعات ودخلات لبيت بقات غادة جاية كي شي حمقة وكتهضر غير بوحدها:هو تعطل ادن وقعات ليه شي حاجة..انا سباب..انا لي درت هدشي كامل
نزلو دموعها:ياربي مارجعو على خير ياربي ماي قع ليه والو
حلات الشرجم وبقات كطل كتسنة تشوف طموبيلتو جاية ونزل منها ويدخل لدار كي ديما ويطلع لبيت وينعس حداها حسات براسها غطرطق ماتكرهش طير وتمشي لعندو تشوف اش واقع ليه..كترجف غير بوحدها وتاكل فضفارها..داز الوقت وهي مزال جالسة فالشرجم عيات من الانتضار ..ناضت طلعات فوق النموسية وتكات باغة تنعس باش يدوز الوقت دغية..بغات تنعس وتفيق وتلقاه قدامها ناعس غمضات عنيها وهي كتبكي ودعي من ربي يرجعو على خير .تا داتها عنيها ونعسات
جا نهار جديد بأحدات مختالفة
كانت ناعسة حتى كتنوض طافجة وهي كتعيط بسميتو:نااااصر
شافت فبلاصتو مالقاتوش دورات عنيها على لبيت ماكاينش حسات باحساس خايب وهو ماكاينش حداها..شافت فساعة ل5 دصباح..نزلو دموعها حارين على خدها فين ايكون دابة خافت يكونو شدوه وداوه لحبس ولا تقتل ومات هنا زادت فالبكة خافت تكون بصاح وقعات ليه شي حاجة ومات..كتحس بقلبها كيتقطع فاش كتفكر انها هي السباب ..ناضت من فوق النموسية ودموع فعنيها نزلات لتحت وجلسات فالصالة وجمعات رجليها عندها وهي كتشوف فالباب كتسناه يدخل منها وهي كتبكي رجعات راسها اللور عيانة جسميا ونفسيا كتر ..باغة تنعس وتفيق تلقة راسها غير كتحلم وهو حداها ندمات بزاف حيت بلغات عليه داتها عنيها ونعسات وهي جالسة
دازو ساعات
كانت 7 دصبح
حل عنيه بشوية تقلب على ضهرو وهو كيشوف فالسقف تفكر احدات دلبارح تنهد باغي يعرف شكون هدا لي بلغ عليه عمر شي حد تجرأ ودارها..ناض ودخل لحمام غسل وجهو وخرج لبس حوايجو باغي يمشي لدار عاد يخرج يشوف شنو يدير..خرج من دار لقا طموبيل لتحت جابها ليه شيفور ركب وكسيرا نيشان لدار نزل من بعد.ما حلو ليه رجالو لباب حل لباب ودخل علا راسو هو يشوفها ستغرب علاش ناعسة فصالة وهب جالسة باينة معدبة..قرب لعندها وجلس حداها وهو كيتأمل وجها وهي ناعسة حط يديه على وجها ودوز صبعانو بشوية قرب لعندها وطبع بوسة على شفايفها وبعد شافها مقبحة وجها كتستاعد باش تفيق بقة حاضيها ايمتى تحل عنيها
طاهرة كانت ناعسة حتى كتحس بشي حاجة حلات عنيها بشوية ورجعات شداتهم مامتيقاش راه حداها..رجعات حلاتهم بقات كتشوف فيه باغة تأكد واش هو مادارت تاشي حركة ولا شي ردة فعل من غير دموعها لي بداو ينزلو وقلبها لي كيضرب بالجهد نطقات بصوت باكي:ناااصر
ناصر صوتها وهي كتبكي زعزعو بقة غير كيشوف
طاهرة هزات راسها وحطاتو على صدرو:نااصر علاش تعطلتي
ناصر مافاهم والو
طاهرة بنفس النبرة:خفت توقع ليك شي حاجة ..
هزات راسها وشافت فيه وحطات يديها على وجهو:ليل كامل وانا كنتسناك.كنت خايفة
سكتات ما قدراتش تكمل رجعات حطات راسها على صدرو وهي كتبي وترجف
ناصر طلع يديه وجرها لعندو وعنقها واخة مافاهم والو:صافي ماتبكيش..شنو وقع
طاهرة غير كتبكي
ناصر:شكون لي بكاك انا معاك
طاهرة ما كاتجاوبش ماعندها ماتقول
بعدها عليه وشد وجها بين ديه:مالكي
طاهرة ولات حميمرة بلبكة :واالو
ورجعات اللور
ناصر جرها لعندو:لا كاينة شي حاجة .علاش كتبكي ولاش خفتي عليا
طاهرة بلعات ريقها:والو
وناضت من حداه وهي كتمسح دموعها
ناصر ناض لعندها ودورها لجيهتو بالجهد تا تضربات فيه:كيفاش واالو بلا ماتعصبيني وقوليلي لاش كتبكي
طاهرة زادت فلبكة وهي كتشهق:قلت لييييك والو ما واقع وااالو انا وماعارفاش مالي ولا شنو هادشي واقع لي المفروض نكرهك وماتكونش كتهمني تموت ولا تعيش ماشي سووقي.واش فهمتي انا براسي ماعارفاااش مالي.انا واقلة بديت نحمااق انا تسطييت ..نت غتحمقني ..انا غنحماق بسبابك.مابقيتش فاهمة راسي .عفاك بعد منيييييييي .خليني عليييك خرج من حيااتي برااكة عليااااا
ناصر تا هز يديه باش يصقلها وهو يجمعها.بعدات عليه وهي كتبكي وتشهق رجعات اللور وطلعات كتحري لبيت دخلات وتلاحت فوق النموسية كتحس براسها بصاح اتحماق كلشي ضدها تا عقلها وقلبها ولاو ضدها مابقاتش فاهمة راسها ولا شنو باغة..حسات بيه دخل لبيت كتمات شهقاتها ..ناصر بقة كيشوف فيها باغي يعرف مالها ولكن لا دار راسو فيها غيضربها خصوصا لا بدات كتغوت هز شي وراق محتاجهم يلاه ايحل لباب باش يخرج وهو يسمع صوتها لباكي ضار لعندها لقاها جالسة فوق النموسية:فين غادي
ناصر :لاش كتسولي
مالقات باش تجاوبو حنات راسها حتى كتسمع صوتو:غندي هاد لوراق لعدول على قبل زواجي انا ولارا
وورك على سمية دلارا...علات راسها وشافت فيه جاوباتو ببرودة:مبروك
ناصر ماجاوبهاش خرج وشد لباب
وهي تلاحت فوق النموسية وهي كتبكي بالقهرة ماعارفاش علاش كتعدب دابة وعلاش قلبها كيضرها..خايفة بزااف من داكشي لي فبالها..شدات فقلبها كتحس بيه كيتقطع دفنات راسها فلخدية وهي كتبكي..ماتكرهش تموت وماتبقاش تحس بهاد الاحساس لي كيقطعها ماعارفاش علاش
نمشيو لبلاصة وحدا خرا..
كان جالس كيشرب قهوتو حتى كيسمع صوت لجرس مشات لخدامة حلات لباب شوية وهي توقف حداه:سي كمال هاد لبرية بسميتك
خداها من عندها وحط الطاس دلقهوة وحل لبرية جبد شي تصاور كانو تماك..شاف اول تصويرة ديال نهار كانو كيخطفو طاهرة حس بدمو كيغلي ..وهو كيشوفو جارها وهي كتبكي ولتام على وجهو.كانو بزاف دتصاور ماعارفش علاش..حتى كيوصل لواحد تصويرة صدماتو خلاتو يحل فمو من الصدمة .وهو كيشوف ناصر الزعيم معاها فواحد التصاور فاش حيد القناع نهار خطفها بقة كيدوز وحدة مور وحدة ..تا وصل لاخر تصويرة مكتوب عليها ناصر الزعيم ..وقف بقوة الصدمة وهو كيسترجع الاحدات فدماغو نهار قرى الميساج لي بين طاهرة وليلى مكتوب فيه ناصر ..نهار خطفوها ولبارح..ضرب يديه فوق الطبلة لي كيقلب عليه غير حداه وهو ماجايب لدنيا خباار.رجع دوز التصاور بين يديه ..صافي دابة عرف شكون وماغايفلتش من يديه..غيرجع الطاهرة ويدخلو يكمل حياتو وسط الحبس..بقة كيفكر شحال من توهمة عليه ايغرقو مزيان.عمر جات ليه على لبال انا ناصر الزعيم من المافيا.جمع دوك التصاور ودارهم فلبرية .خاص يفكر مزيان ويعرف شنو يدير حط تصاور فوق الطبلة وطلع لبيت يبدل عليه باش يمشي للكوميسارية يدرس هاد القضية مزيان يشوف شي رائيب واش عندو شي علاقة بيهم باغي يعمر ليه الضوصي مزيان....رنيا نزلات من البيت باش تفطر هاد ليام ولات جالسة معاهم فدار خصوصا وان نور مابقاتش بغات المربيات من مور طاهرة جلسات باش تفكر وهي تلمح برية هزاتها بملل باقي فيها النعاس ضوراتها فيديها وحلاتها وجبدات التصاور تاهي تصدمات بحال خوها كتر😱
دازو ساعات
خرجات من الدوش نشفات شعرها ولبسات لباس عادي كتحس بالخنقة مابغاتش تبقة شادة عليها فلبيت.حلات لباب ووقفات وهي مقبحة وجها شافت الخدامة كتجفف :باش كتجففي
الخدامة مافاهمة والو كان كيعجبها وكتوصيها تجفف بيه لبيت..طاهرة كملات طريقها وركبات فالمصعد وهبطات لتحت لقات الدنيا مقلوبة كيقادو الصالة وكيزينوها بالورد وديكورات ..بقات واقفة كتشوف ضرها خاطرها فاش تفكرات غيتزوجو..زعمة هوما يعيشو حياتهم ويتزوجو وهي لا ..علاش ديما كتجي فيها غير هي الدقة..هي مادارت تاشي حاجة خايبة فحياتها..دورات وجها فاش شافت لارا هابطة فالدروج وكتهضر فطليفون وقفات حداها و هي كتعوج فلهضرة:وي اليوم انولي ديالو وهو ديالي ..الحمد الله ايوا مرحبا بيك
قطعات وشافت فطاهرة:المحسادة
طاهرة خنزرات فيها :مك انا
لارا وهي كتلعب فشعرها:شتي علاش ختارني انا ..حيت نتي مسخة ما كاتعرفي ديري والو لا هضرة مقادة لا والو.جابك لهنا غير يدوز معاك الوقت ابب ..بقيتي فيا
طاهرة بقات غير كتشوف فيها وفلخاتم لي فيديها كان غيكون ديالها
لارا شافتها فين كتشوف بتاسمات:اووه هدا الخاتم دلالماس تصمم على ودي واخة جاني كبير شوية ماشي مشكل .عرفتي ماكاينش بحالو كاين واحد هو لي دايرة انا..التمن ديالو 500 مليون اماشيغي.ماغاتفهميش فهادشي حيت موالفة غا بلبلاكيو ولحديد مصدي.ااه فوقاش يخرجك من لهنا ويلوحك فالزنقة نتهنة منك..ناري خليت لكوافورة لفوق ضيعتيلي وقتي..يلاه تشااااااو المحسادة عنداك طرطقي ..بقيتي فيا هههه مواااح😘
وطلعات فالدروج كتضحك
طاهرة بقات حاضياها تا غبرات من قدامها تنهدات ببرودة ودخلات الكوزينة حلات التلاجة اي حاجة لقاتها حداها جبداتها حطاتها فوق الطبلة جلسات كتكل ..كتهز من كلشي وتاكل وهي كتفكر والخدامات واقفين كيشوفو فيها بقات فيهم باين من وجها الحزن والدموع لي محجرين ليها فعنيها
الخدامة:ياك لاباس الالة
طاهرة شافت فيها وغوتات ليها فوجها:كنااااااكل شغا يكوون ماالي
ودفعات داك الطبسيل تا طاح فالارض وناضت:تا حااجة ماواخدة فيها راحتي ..تا لماكلة بعدووو مني
دخلات الطاهرة الام ملي سمعات لغوات قربات عند الطاهرة لي شاعلة وكتغوت:مالك شنو واقع
طاهرة بقات كتبكي على صدرها:تاا لايمتا اماما .قولو يخليني نمشي بحالي من لهنا
سكتات وهي كتبكي تا بعدات :ولدك اناني ..غيتزوج ويتهنة وانا يضيعني .ولكن انا لي عارفة اش اندير كنقسم ليك بالله هاد الزواج ماغايكمل
ودفعات لكرسي تا طاح ومسحات دموعها وخرجات وخلاتهم مصدومين طلعات فالدروج نيشان للبيت وجلسات فوق النموسية كترجف مايمكنش هوما يفرحو وهي تحزن مسحات دموعها بالزربة فاش سمعات لباب كتحل ..شافتو داخل ماشافش حتى فيها..وقف حدا لمراية كيحيد مكانتو ويفتح صدايف دلقاميجة ..حيدها ورماها فالارض بقا بصدرو عريان .ناضت بخطوات تقال ووقفات موراه وهضرات بهدوء عكس داكشي لي كتحس بيه غيطرطقها:شكرا حيت خديتيلي برائتي
شاف فيها من لمراية وطول الشوفة
طاهرة كملات هضرتها:فرحت بزاف حيت طلعت بريئة.
وحطات يديها على ضهرو وبدات دوز صبعانها غير بشوية:كنت خايفة نبقا حياتي كلها متهمة.ماكنتش باغة نرجع ندخل لحبس ونعيش داكشي لي عشتو لحبس خايب بزاف.شكرا بزاف عمري نسالك هاد الخير ماتصورش شحال رتاحيت وضميري رتاح واخة مانادماش ولكن كتبقة الروح عزيزة عند الله
طلعات يديها تا وصلاتها لكتافو وحبسات بدات كتماصي ليه بشوية :دابة نت اتزوج واتعيش حياتك .طبعا انا ماغانبقاش معاك..ياك.علاش لي متخلينيش نمشي بحالي نمشي تا انا ونعيش حياتي ونسة هدشي كامل .نشوف تا انا شي ولد الناس لي نكمل معاه حياتي
ما جات فين تكمل هضرتها حتى كتحس بيه زدحها مع لحيط وشادها من شعرها:ما جبتش ليك حريتك باش تعيشي حياتك بعيد عليا..كنقولها ونعاودها بلاصتك هنا معايا.ومزال ماخلاقش هاد الزامل لي غا تكملي حياتك معاه من غيري انا سمعتيني حتى ايلا خلاق غنقتلو كوني هانية
طاهرة ببرودة واخة مقصحها من شعرها:علاش ماشي من حقي تا انا نتزوج ..
بتاسم وزاد برك على شعرها :نهار طلبت منك الزواج رفضتي.ودابة وليتي باغة تزوجي..بغيتي تفهميني اني اخر واحد تزوجي بيه ياك
طاهرة بقات غير ساكتة وكتشوف فيه
ناصر:انا غنتزوج بغيرك ماكايناش غير نتي فهاد الدنيا.وغنعيش حياتي.ونتي لي غتبقاي ضايعة .غتبقاي معايا تا تموتي سمعتيني.نساي شي حاجة سميتها الزواج
طاهرة:ها حنا غنشوفو
ناصر:كيفاش
طاهرة:ماشي وقتو
رخة منها ورجع اللور
طاهرة يلاه اتهضر وهي تشوف الجرحة لي فكتافو كتنزف قربات:شهادشي
ناصر كيحس بشوية دلوجع منها عطاها بالضهر بلا تاشي كلمة
ماجاوبهاش بقة غير ساكت..مشات وجابت علبة الاسعفات ووقفات حداه شافت فيه وحطات يديها على لفاصمة وبدات تحيدها غير بشوية خايفة تقصحو شوية نتراتها بالجهد وشافت فيه المفروض يتقصح ولكن لا مادار تاشي ردة فعل ..حلات علبة الاسعافات جبدات معقم وعقمات ليه الجرحة بلقطن غير بشوية ومن بعد دهنات ليه بوماضا وغطاتها ليه بلفاصمة وشافت فيه لقاتو ساهي فيها:ساليت
يلاه اتبعد وهو يجرها لعندو تا تضربات فيه ملي بدات تعقم ليه لجرح وهو حاضيها ومراقب حراكاتها كي كتحرك عنيها وكي كتشوف فيه خايفاه لا يتقصح سهى فيها لدرجة ماحسش بالوجع.طاهرة وتروها شوفاتو بغات تبعد وهو يزيد يقربها لعندو ويديه مدورها على خصرها تختلطات انفاسهم ..بقاو شي كيشوف فشي نساو راسهم.ناصر بقة كيتأملها شحال من بعد هبط عنيه لشفايفها وبدا كيقرب..طاهرة غير شافت شفايفو غيتحطو على شفايفها دورات وجها:رخي مني
ناصر تنهد وزاد قربها لعندو وهو كيحرك يديه على خصرها بشوبية قرب لودنيها وهمس ليها:شوفيلي شي حاجة نلبسها.تليق بهاد المناسبة.ليوم زواجي
وطبع بوسة تحت ودنيها .طاهرة طلعات معاها السخونية ولكن قواة راسها :علاش لا
رخة منها وهي نيشان دخلات لبيت تبدال وميات فكرة كدور فدماغها وقفات كتشوف فلي كوستيم وهي كدوز صبعها عليهم واحد بواحد حتى كتوقف عند واحد هزاتو وخرجات حطاتو فوق النموسية:هاهو
طاهرة كتعوج فلهضرة كي كانت كدير ليها:نااري مسكينة بقيتي فياا
لارا وهي كتبكي:واش عرفتي شحال وانا كنتسنة هاد النهار ملي كانت عندي 15 لعام وانا كنحلم بهاد النهار.ناصر راه روحي لي عايشة بيها.عمري شفت فشي واحد من غيرو عمري فكرت ولا جات تا لبالي نبغي شي حد من غيرو.غنموت ايلا ماديتوش غنحماق.عفاك ماتقوليلو والو
وتمات خارجة حتى كنحس بيها شادة ليها فيديها وكترغبها وتبكي بصوت مرتافع:عفاااااك ماتفرقينيش عليه انا كنبغيه ..الله يخليك ماتقوليلو والو
طاهرة شافت فيها ببرودة:بلا ماترغبيني
لارا طاحت على ركابيها وهي كترغبها وتبكي شوية تبوس ليها يديها:مانقدش نعيش بلا بيه
طاهرة تنترات منها:صافي راني هضرت
يلاه اتحل لباب وهي تسمعها كتهضر
لارا:انقولو راكي حاملة
طاهرة بقات واقفة شحال وضارت لعندها والابتسامة على وجها واخة خايفة من انه يعرف راها حاملة :ما كايهمنيش..ماكانضنش ايقتل ولدو غيزيد غير يتشبت بيا وبلدو لي فكرشي
وحلات لباب وخلاتها كتبكي وتشهق وهي جالسة فالارض
طاهرة بقات واقفة وهي كتسمع صوت بكاها..تفكرات شحال من مرة بكات تا عيات وما حن فيها تاشي حد علاش دابة غتحن تاهي بغات شي حد يبكي بسبابها .يحسو باش كتحس..شافت لكوافورات داخلين لعندها كملات طريقها هبطات لتحت
الكوافورات دخلو وشافوها كتبكي ماعرفوش شنو يديرو
لارا عيات بلبكة فكرة انها ماغاتزوجش بناصر كتخليها تبغي تحماق هزات طليفون ودوزات نمرتو بقة يصوني تا جاوبها غير سمعات صوتو بدات كتغوت:قالتليييي نحبس الزواج ولا اتعاود ليه داكشي ديال داك الليلة..شوف انا لما تزوجتش بيه انحماق
امين تنهد:صافي دابة نتصرف
لارا مسحات دموعها:ناصر غنتزوج بيه سمعتيني دير شي حاجة
جلسات فالكرسي وبداو يقادوها ..ولكن ماشي بحال اللول .كانت فرحانة ومبتاسمة ودابة معصبة ومغوبشة كل شوية كتغوت عليهم
عند امين
كان كيفكر شغا يدير فيقو من تفكيرو جنات وهي خارجة من لحمام
جنات توترات :شكا دير هنا
امين:كيفاش شكا ندير هنا
ناض ووقف اونفاص معاها وهو كيطلع ويهبط فيها شكلها بالفوطة جدبو وعاد شعرها فازك وكيقطر:مراتي ومن حقي نشوفك
حط يديه على كتافها وبدا يدوز اطراف صبعانو بشوية كيوصلهم تا لصدرها وييولي يطلعهم دور يديه على خسرها وجرها لعندو وهمس ليها فودنيها:طولتي باش تفكري..عطيتك وقت
جنات غمضات عنيها وهي كتحس بانفاسو على عنقها تبورشات همسات ليه:مابغيتش
همس ليها تاني وهو كيبوسها تحت ودنيها:وانا بغيت. ماتقاومينيش ونتي باغاني
جنات طلعات معاها ااسخونية :عفاك لا
أمين كيبوس فعنقها وكتافها بوسات خفاف وحنان تا وصل لشفايفها بغات تبعد وهو يحكمها دخل معاها فقبلة حنين بقة غادي بيها تا لصقها مع الحيط وشفايفهم ملاسقين بدا يضغط على شفايفها ويجر فيهم بسنانو.ويمصهم تا كيتسمع الصوت.طلع يديها ودورها على عنقو وبدا كيحرك يديه على ضهرها باش ترخة..جنات ترخات بزاف وهي كتحس بقبولاتو وكي كيمص فشفايفها..بدون شعور تجاوبات معاه وجراتو لعندها كتر وبدات تبوس فيه ..نساو راسهم فهاد اللحضة ..حتى كيوقفهم صوت طليفون ..امين بعد شفايفو على شفايفها وهو مبتاسم جاوب:وي أحمد..غنجي ضاروري نحضر..صافي واخة
قطع وشاف فيها وهو مبتاسم:شتي شحال كتولي زوينة فاش كديري عقلك
جنات حدرات راسها وهي كتبكي كيستاغل حبها ليه ..كتضعف فاش كتكون قدامو كيعرف يلعب بمشاعيرها.عارف شخصيتها هادئة وحساسة دغية كتأتر.بقات كتبكي على هاد الدل لي هي فيه.على هاد الحب لي كيزطم على كرامتها
امين قرب وهز راسها لعندو:لبكة ماعندو باش يفيدك..انا غنخرج دابة وملي نرجع بغت نلقاك عندي فلبيت من اليوم اتبداي تنعسي تماك.صافي
وباسها بوسة خفيفة على شفايفها ومسح دموعها وخرج وهو مبتاسم بهدوء..جنات غير خرج طاحت فالارض كتبكي على هاد الانسان لي قلبو من لحجر ماحاسش بيها وشحال كتبغيه .بقات كتشهق بصوت كيقطع فالقلب..صعيب تعيش حب من طرف واحد يكون باغيك كجسد باش من بعد يلوحك..اصعب حاجة..كرهات فهاد اللحضة حبها ليه .ولكن شغا دير لي عطا الله عطاه هي كتبغيه دابة
امين دخل بدل عليه وهو كيفكر فشغا يوقع هاد الليلة بتاسم ورش لعطر وخرج من دار ركب فطومويل نيشان لدار ناصر
عند ليلى وعماد
كانت جالسة فالصالة وهي كتشوفو هابط لابس ومقاد وميصفر
لارا ناضت كتبكي شدات ليه فيديه وباستها:انا كنبغيك..نت عارف هادشي..مانقدش نعيش بلا بيك ديك ليلة كنا سكرانين ماحسيناش براسنا سمحلي عفاك انا كنبغيك غير نت
بقات كتبوس ليه فيديه وهي كترغبو ..ناصر شاف فيها ببرودة..وهز يديه تا لسما وجمع معاها بصقلة تا دار وجها كانت اطيح وهو يدشدها من شعرها زادها صقلة وحدا خرا وزادها التالتة شبع فيها صقل تا ما بقاتش كتخس بحنكها وقجها من عنقها وزير وبدا كيهضر على سنانو:طلعتي قحبة كتلعبي من مور ضهري وبغاني نتزوج بيك يالمسخة شنو بنت ليك انا حمار
لارا كتحس بروحها غطلع بقات كضرب ليه فيديه باش يرخي منها
ناصر ولا كيغلي كيكره شي حاجة سميتها لخيانة كان شوية وغيقسم عنقها على جوج
طاهرة شافتو غيقتلها قربات وبدات كتحاول تفكها من بين يديه .ناصر دفعها تا طاحت:مااا تقربيش
طاهرة حسات بوجع خفيف فلتحت دكرشها غمضات عنيها وهي عاضة على شفايفها..امين قرب لعندها دغية وتحنى لمستواها وشدها من دراعها باش يوقفها:طاهرة
ناصر غير شافو قرب ليها رخة من لارا تا طاحت فلارض ومشا دفعو ماباغيهش يقيسها:تولي تحط يديك عليها نقطعها ليك
امين وقف وهو كيشوف فيهم
طاهرة بدا كيمشي لوجع..عاونها ناصر باش توقف
ناصر شاف فأمين :عرفتي شنو ..لي فيك كافيك.حاجة وحدة
جر طاهرة لعندو ودور يديه على خسرها:تقرب ليها شهد على روحك.هز هاد المسخة وخرج قبل ما غانزيد نتعصب
امين بتاسم:طاهرة باقي شي حاجة متقلتيهاش
طاهرة:شنو هي
امين وهو خاشي يديه فجيابو:امم ليلة لي طحتي فيها.من الدروج طاهرة كتشوف فيه باغة تعرف شنو كيقصد امين وهو كيشوف فكرشها:قلتي طاح لي الولد طاهرة بلعات ريقها بدات كتوضح ليها الامور:ماشي انا لي قلت الطبيبة لي قالت. امين:اااه الطبيبة. ناصر:لاياش باغي توصل امين:طاهرة قوليلو شنو وقع بالضبط لاش كتخبي عليه طاهرة قلبها بدا كيضرب فلمية شافت فناصر وهي كترجف مالقات ماتقول .شافت فلارا عرفاتها قالتها ليه بلعات ريقها جاوباتو بصوت متقطع:ما خبيت والو امين :لا غير تفكري طاهرة شافت فناصر:هذا راه حمق قولو يمشي بحالو بغات تمشي وهو يشدها ناصر:خليك.بغيت نعرف لاياش كيلمح امين كيشوف فطاهرة كي كترجف والدموع تحجرو ليها فعنيها:نقول ولا تقولي طاهرة كتحاول ماتبكيش وماضعفش:خرج من حياااتي واش ماكاتفهمش امين:لاش نفاعتلي دغية.قوليلو ناصر ماكايبغيش لي يخبي عليه.نتي عارفة وانا عارف ناصر خنزر فأمين ورجع شاف فطاهرة:شنو كيقصد هدا طاهرة شداتها الدوخة بلخلعة:ااه عاد عقلت.امين كيقصد ..فداك ليلة فاش طحت فالدروج.كنت جاية لعندك باش نقولك على هدشي.زعمة على لي وقع بين امين ولارا.ولكن لارا ماخلاتنيش بقينا كندابزو تا طحت من الدروج.هدشي لي وقع..انا كنت مخبية عليك هدشي وصافي كانت كتهضر بطريقة مخربقة ..كتهضر وتسكوت وترجع تكمل وعنيها على امين خايفاه لا يكدبها طاهرة:صافي هدشي لي بغة يقول امين امين بقة ساكت شحال عاد نطق:اه هدشي لي وقع..مهما عودتي كلشي كان عليك توضحي تا شنو وقع ديك ليلة ناصر مصبر راسو باش مايرتاكبش شي جريمة فهاد الليل لارا واخة ماكايبغيهاش وما كايحس بتجاها بوالو كتبقة شي حاجة كتخصو كانت غتكون مراتو .وخانتو مع صاحبو ناصر دور وجهو باش يشوف فلارا وهو يشوفها طايحة فالارض صخفانة طاهرة شافت فيها شهقات وهي كتشوفها مرمية فلارض صخفانة ودموع نازلين من عنيها قربات لعندها وتحنات كتحاول تفيقها وهي كضرب ليها على وجها بشوية حتى كتحس بشي يد جراتها كانت يد ناصر جرها وشاف فامين وهضر وهو عاض على سنانو:هزها عليا من لهنا لحد الان راني مبرد وتم خارج وهو يوقف وشاف فأمين وبتاسم بمكر:حنا متعادلين دابة باش ماتبقاش تقول عليا خنتك😉 وجر طاهرة وخرج من لبيت امين بقة واقف فبلاصتو دوز يديه على راسو :لا مامتعادلينش الفرق اني كنبغي طاهرة ومستحيل نتنازل عليها. شاف فلارا لي طايحة فلارض تحنى لعندها وهزها وحطها فوق النموسية وبقا واقف حداها كيتسناها تفيق شافها طولات عمر كاس دلما ورش ليها على وجها بشوية وضرب ليها على وجها تا حلات عنيها أمين:على سلامة لارا كتشوف مع جنابها تفكرات لي وقع وبدات تبكي بهستيرية:نااااااصر فين هو ناااصر امين ببرودة:فين غيكون راه مع طاهرة لارا ناضت وشداتو من لكول ديالو و هي كتبكي:نت حقييييييييير ضحكتي عليا قلتي راك اتصرف ومادرتي واالو..ستاغليتيني باش نجيب ليك المعلومات يااك ..علااش درتي فيا هكا علاش ماتصرفتيش قبل تقولو على لي وقع امين نتر يديها وبعدها عليه:فكرت مزيان ولقيت ان هدا هو لحل..شكون ضمن لينا ان ناصر فاش ايعرف راها حاملة ايتعصب ف..فكري شوية يقدر ملي يعرف يزيد يتشبت بيها وماغانربحو والو لارا وهي كتبكي:نت لي طلعتي راابح ماشي اناا..نت دمرتيلي حياتي كون خليتيني نقولها نهار عرفت كان غيقتلها ونتهنة منها..نت غداااااار ضحكتي عليا..تبعتي مصلاحتك ..انا غنوريك شغا ندير انمشي ونقولو كلشي تمات غادة وهو يجرها من شعرها ورماها فوق النموسية :جربي وديريها وشوفي شغا يوقع ليك راكي كتعرفيني مزيان الارا عارفة شنو مور هاد الوجه الضريف لحنين ولهادي ..ياك راه ماغانرحمكش من الاحس تبتي فبلاصتك..انا غناخد طاهرة وداك ساع ديري لي بغيتي انخليلك ناصر ضبري لكرك معاه لا كنتي دماغ راك اترجعيه بقيتي هكا غير كتبكي وتفششي بحال شي بنت صغيرة عمرك طفريه لارا بصوت باكب وسط شهقاتها:انا كنبغييييييه امين نت عارف هادشي عارفني شحال كنبغيه ومانقدش نعيش بلا بيه ..عاوني عفاك راه اندير شي حاجة فراسي امين قرب وجلس حداها جرها لعندو وعنقها:شششش صافي طاهرة ماغاتبقاش مع ناصر كوني هانية وداك ساع نشوفو كي نديرو نرجعوك ليه صافي لارا:واعدني بقة سامت عاد.جاوبها:كنواعدك لارا ناضت:شوف انمشي نطلبو يقدر يسمح ليا هو عارفني شحال كنبغيه.. تفكرات الناس لي كايين باش ايحضرو لعرس وصحاباتها ولعدول وشافت فلكسوة لي لابسة قربات للمراية .وجها ولا كلو كحول بلبكة:لا مايمكنش خاص نتزوجو هو غيسمحلي وغيتزوجني ..امييين قولي شي حاجة امين وقف مامساليش لبكاها :لارا راه هضرنا لارا:لا لا لا مايمكنش انا غنرغبو حتى يوافق تمات خارجة وامين تا بعها :واش حمقة تسناي كانت غادة طايرة تا دخلات لبيتو..كان واقف وطاهرة جلسة فوق النموسية شاف فيها ببرودة لارا بلعات ريقها وقربات لعندو شدات ليه فديه وهي كتبوسها:سمحلي عفااااك..ماتخلينيش شوف ندير لي بغيتي اي حاجة قلتيها نديرها غير ماتسمحش فيا...
ناصر كان كيشوف فيها ببرودة لارا كملات هضرتها وهي كتبكي:ناصر انا راه مانقدش نعيش بلا بيك..نت عارف هادشي يااك..انا بلا بيك نموت .عفاك ماتخلينيش دير لي بغيتي غير ماتفارقش معايا ناصر دموعها وبكاها ما أتروش فيه ماحركو فيه والو دفعها بلا رحمة تا طاحت فالارض وشدها من شعرها ووقفها لعندو:درت غير على وجه باك اما كون دفنتك فبلاصتك ورجع دفعها:نووضي تقودي خرجي علياا امين خافها لا تقول شي حاجة ماشي هي هديك وقفها وجرها معاه وخرجو من لبيت داها لبيتها:بدلي عليك وزيدي نمشيو..لارا غير واقفة وكتبكي كتحس بروحها اتخرج
عند ناصر كانت جالسة وكتشوف فيه عارفاه معصب ملي دخلها لبيت ماقال والو ناصر قرب لعندها وهو كيهضر على سنانو:علاااش ماقلتيليش هدشي علاش خبيتي علياا طاهرو بلعات ريقها:ااانا.. ناصر غوت فوجها تا قفزااات:دويي كنتو كضحكوو علياا..ياك .تا لدابة عاد قلتيها باش تفقصيني ياك طاهرة غير كتشوف فيه ناصر جرها من دراعها ووقفها:دويي ماتبقايش ساكتة طاهرة عيات صابرة وهي تنطق:ما قلتلكش من لول حيييت ماكانش كيهمني تزوج بيها ولا .واش فهمتي ماكنتيش كتهمنييي .ولكن دابة وسكتات وهي كترجف ناصر بقةةكيشوف فيها:وشنو تبدل دابة ..وليت كنهمك طاهرة بلعات ريقها ماعرفاتش كي دارت تا نطقاتها ناصر كيشوف فعنيها لي كيبريو وكيحس بجسمها لي كيرجف بين يديه دور يديه مور ضهرها وقربها لعندو تا تخالطات انفاسهم وهمس ليها :كملي مالك سكتي..شنو تبدل دابة طاهرة غمضات عنيها وهي كتحس بقلبها غيسكت مالقات ماتقول هي براسها مافاهماش راسها ماعارفاش اش باغة وشنو ماباغاش..وشنو واقع ليها.مابقاتش كتقدر تحكم فراسها ولا فكلامها ناصر بعد شوية وهز راسها باطراف صبعانو:هضري طاهرة بنفس الهمس:والو .غير. ناصر:غير شنو طاهرة قربات لودنيه وهمسات ليه:راني قلت ليك داك النهار كيف ما نت ماكاتبغيش تشوفني مع غيرك تا انا مانبغيش نشوفك مع غيري وبعدات وهي كتشوف فيه .بقاو هكا شي كيشوف فشي ماحسوش براسهم تا كانو كيقربو لبعضهم.طاهرة غمضات عنيها فاش حسات بشفايفو فوق شفايفها..ناصر يلاه ايبدا يبوسها وهو يسمع الدقان..رجع اللور وعنيه مزالين عليها:دخل كانت الخدامة:جيت باش ناخد حوايج الانسة طاهرو لبيت لاخور طاهرة بقات كتشوف فيه ناصر :بلاش حوايجها ايبقاو هنا. الخدامة:واخة اسيدي شدات لباب وخرجات طاهرة بقات كتشوف فيه ناصر:مالك طاهرة:قلتي غنرجع لبيتي ناصر وهو كيحل لباب باش يخرج:غيرت رأي وخرج وشد لباب هبط لتحت لقا عماد وروبي واحمد جالسين وشي ضياف قلال لي عرضو ناصر شاف فلخدامة لي مكلفة بالحفل:خوي عليا الدار ماكاين لاعرس لا واولو الخدامة:كيفاش ناصر غوت عليها:واااش ما كاتسمعيش قفزاات:واخة اسيدي ضياف بقاو كيشوفو فبعضهم مافاهكين والو..بقاو كيخرجو واحد مور واحد فهمو راسهم.. احمد قرب لعندو:علاش ناصر:سول بنتك علاش شوية وهو يشوفها هابطة وهي وكتبكي أحمد تعصب وهو كيشوف بنتو كتبكي واتار ديال الضرب على وجها وحالتها حالة:شنووو درتي فبنتي ناصر:حمد الله ما قتلتهاش لارا تلاحت على باها وعنقاتو:باااابي كلشي ضااع مني..ناصر مابقاش باغي يتزوجني احمد:فهموني اش واقع هنايا ناصر:عاوديلوو شنو واقع لارا غير كتبكي ناصر غوت عليها تا قغزااات:دوييي لارا خافت منو بلعات ريقها:بابي انا خنت ناصر مع امين ولكن ماشي لخاطري كنا شاربين ماحسيناش على ريوسنا أحمد تصدم بقة غير ساكت لارا شافت فناصر وهي كتبكي:غير اتبرد اترجع ليا يااك خنزر فيها وهي تسكت عماد كيهمس لروبي:جينا نحضرو لعرس صدقنا حاضرين لفراقهم روبي شافت فيه:ماشي وقت الضحك عماد:ما كنضحكش ..اجي كنتي عارفة روبي:وي عارفة عاوداتلي طاهرة عماد:وكي جاك هدشي روبي:كنت متوقعة غيوقع هدشي عماد:علااام بقاو غير كيتفرجو لارا:بابي قول شي حاجة احمد ببرودة:زيدي قدامي لارا:ولكن ابابي احمد هز يديه وجمع معاها بصقلة:زييييدي وسكتي شهقات وهي كتشوف فباها اول مرة غيضربها احمد جرها من يديها:زييييييدي فششتك تا ضسرتي بزاااف انا لي ضيعتك بقة غادي بيها يلاه ايخرجو وهو بوقفهم صوتو:تسناي ناصر قرب تا لعندها شد يديها وخدا ليها لخاتم :سيري دابة بقات كتشوف فيه وهي كتبكي.. خرجو من دار ركبو فطوموبيل اللور وشيفور ساق بيهم نيشان لدار طريق كاملة وهي كتبكي
نرجعو عندهم روبي:متأكد من هدشي لي درتي ناصر:هدا سؤاال..راكي كتعرفيني روبي تنهدات مالقات ماتقول عماد:كنت جاي عوال نحيح ساعة دوماج روبي شافت فيه زعمة من نيتك عماد:غير نتوما مخنزرين خاص كلشي يخنزر..ناصر انا عارف انك مامهولش ناصر:وفين عمري تهولت بقاو جالسين شي كيشوف فشي نطلعو لفوق كانت جالسة فلبيت كتسترجع فمخيلتها احدات هاد النهار حتى كتشوف لباب تحلات وهو داخل ناضت قافزة:شكا دير هنا امين شد لباب وهو مبتاسم:جيت نشوفك ونهضرو شوية طاهرة:اميييين خرج ناصر غيجي دابة ويلقاك هنا وينوض الصداع امين قرب لعندها :بأشمن صيفة كتنعسي معاه فلبيت طاهرة:ماشي سوقك خررج امين:شخبار الجنين طاهرة بلعات ريقها:شمن جنين
امين:راني عارف..لارا عاوداتلي..قبيلة مابغيتش نفرشك.حيت عارف ناصر لا ساق لخبار ايقتلو وشتك نتي متشبتة بالجنين مابغيتش نفضحك ونحرمك من ولدك طاهرة :ايوا امين:خلي تا لمنبعد ونقولك المقابل دسكات ديالي .دابة خاص نمشي وقرب وخطف بوسة على خدها دفعاتو وهي كتمسح خدها:مااات قيسنيش. بتاسم :مازال غنتشاوفو وحل لباب وخرج وخلاها كتغلي..هبط لتحت شافهم مجمعين..بفاو كيشوفو فيه امين:بلا ماديرو فيا هاد الشوفات راه ما كنتش فوعيي ماجاوبوهش امين:نخليكم تصبحو على خير وشاف فناصر:غدا خاص نهضرو على داكشي دلمريكانيين وخرج عماد:تا انا نمشي ..ونتي روبي كتكسل :واقلة غنبات هنا عماد:المهيم تصبحو على خير خرج وخلاهم ناصر شعل كارو وجلس حدا روبي روبي :باغي تموت ناصر:تانيي نفس الموضوع روبي:علاش مابغيتيناش نقولوها لطاهرة ناصر وهو كيسوط الدخان:ماخاصهاش تعرف سمعتيني روبي بقات غير كتشوف فيه:شغا دير معاها ناصر:ماعرفتش المهم غتبقة معايا بقاو جالسين شحال ناصر وقف:نطلع نعس روبي:تانا ناضو كل واحد دخل لبيت ناصر دخل بهدوء لبيت شافها فوق النموسية متكية ..دخل لبيت تبدال بدل عليه وخرج تكة حداها كانت عاطياه بالضهر شدها من خسرها وجرها لعندو كان ضهرها لاصق فصدرو مد يديه وحط لخاتم قدامها فوق الخدية بقات كتشوف فيه..طفا الضو وحط راسو على كتافها وغمض عنيه ونعس..كان ضو خافت داخل من لبالكو ديال ضو القمر وضارب فداك لخاتم لي كيبري مدات يديها بشوية وهزاتو بقات كتشوف فيه حشاتو تحتت لمخدة وغمضات عنيها ونعسات
عند لارا
كانت واقفة حدا لمراية وهي كتمسح لماكياج والدموع شلال من عنيها..جمعات شعرها سفنجة باهمال ولبسات بيجامة..كتحس براسها اطرطق..خرجات من لبيت وهبطات لتحت لقات باها جالس فصالة مشات وجلسات حداه وهي مزال كتبكي:بابي نت الوحيد فهاد الدنيا لي عارف شحال كنبغي ناصر انا داك ليلة كنت معصبة عقلتي على نهار عيد ميلادي شنو وقع ماعرفناش كي درنا وصلنا لديك لحالة.ولكن ماشي لخاطرنا ندمنا من بعد حطات راسها على صدرو:بابي ما تقلقش مني تا نت.راه غير نت لي كتفهمني عفاك ماتكملش عليا احمد عية صابر وهز يديه وبدا يمسح ليها على شعرها لارا هزات راسها وشافت فيه:انا مانقدش نعيش بلا بيه كنحس براسي غنموووت حطات يديها على صدرها:كنحس بلعافية شاعلة هنا فقلبي..عقلتي شحال كنت كنحلم بهاد النهار ..ولكن كلشي تسالة ..عمري جربت هاد الاحساس صعيب بزاف كنموت ابابي ..كنت كنسمعهم كيقولو اول حب كيجرح كيكون صعيب ولكن انا جاني بحال لموت ماشي غير صعيب ..الحب خايب بزااااف احمد كيشوف فبنتو الوحيدة كتعدب قدامو كيتقطع من لداخل عارف ان بنتو ضريفة واخة تصرفاتها صبيانية هو لي غلط ورباها بهاد الطريقة دللها بزاف جرها لعندو وحطات راسها على كتافو:سمعي ابنتي الحب ماشي خايب..ولكن الانسان بعد المرات كيغلط فاختيارو لشخص لي غيبغي..نتي ابنتي بغيتي ناصر من كل قلبك ماعطيتيش فرصة لراسك فين تشوفي فواحد غيرو وتحاولي تجربي حب اخور.نتي دفنتي قلبك معاه وخليتيه الرجل الوحيد بين عنيك..فالوقت لي كاين الف واحد يتمناك ويستاهل تبغيه..ماعرفتيش تختاري حبك..نصيحتي حاولي تنسايه وماتبقايش هكا كتفكري غير فيه ..كاين لي يستاهلك..الحب كيجي بوحدو ابنتي لا بقيتي كطلبيه عمرو غيجي ..خليه هو يجي عندك لارا:ولكن انا كنبغيه غير هو احمد:ماتغكريش فيه دابة.نوضي تنعسي تا لغدا ناضت وطلعات لبيتها تخشات فبلاصتها وطلقات العنان لدموعها هو راه سكن روحها ما تقدش تنساه بقات هكا تا داتها عنيها ونعسات...
دازت الليلة جا نهار جديد
بلاصة بعييدة على ابطالنا كاملين
كان جالس داير رجل على رجل حتى كيدخل واحد من رجالو:سيدي رشاد على برة. شاف فيه ودار ليه حركة بيديه باش يدخل رشاد دخل وهو مبتايم جلس اونفاص معاه:شنو درنا فداكشي جاوبو ببرودة:شنو بغيتي رشاد بتاسم:دابة مزيان..بغيت حاجة وحدة تعطيني عماد بغيت ندمر ليه حياتو ..وناصر اللعب معاه شوية وصافي..مابغيتش ندير هدشي من راسي كي شتي جيت وتشاورت معاك..باش مانخلقش عداوة بيناتنا جاوبو بنفس البرود:جاوبني بعدة كي درتي عرفتي انا شكون كي درتي وصلتي ليا رشاد:تا حاجة ما صعيبة نت كتاخد احتياط غير من ناس لي مجهدة وحاضي منهم ولكن غلطتي .هههه عمرك شكيتي ان رشاد دريويش ايصدق دكي تالهاد الدراجة .نتوما حكرتوني وكيقولك لعود لي تحكرو يعميك شاف فيه هضر :الزعيم صعيب عليك رشاد بسخرية:لا ماصعيبش ..شوف غير نت تا واحد ماكايعرفك شكون ناصر بنفسو ماعارفكش ..كيخدم معاك بلا مايعرفك وانا قدرت نوصل ليك بتاسم:ناصر كتهمو غير لخدمة ما كيهتمش لهدشي رشاد:ماعلينا شنو قلتي الشخص:عرفتي شنو نهار غطيح بين يدي راه ماغانرحمكش.عمر شي حد هددني رشاد:هههههه عليها خديت حتياطي قبل مانجي لعندك حيت عارفك غتقتلني..كي قلت ليك لا وقعات لي شي حاجة الادلة وتصاور غيمشيو نيشان للشرطة الدولية ..راني وريتك النسخ غتمشيو فيها كاملين..ما تخافش عندي الاصليين عند شخص مأمنو عليهم موصيه نهار توقع لي شي حاجة غيديهم للشرطة الدولية كي قلت .وماشي غير هدشي راه مفرق عدة نسخ على بزاف دناس 😉 باش ديرها فبالك الشخص:عماد يستاهل هدشي كامل حيت غلط غلطة كبيرة نهار منع ناصر باش يقتلك رشاد:مزيان دابة خلينا فالمهم..شنو قلتي اتخليني نتصرف مع عماد الشخص:راه لادارك فراسو الزعيم غيجيبك ويقتلك رشاد:نت غير خليني بيني وبينهم..وكندن لا عرف نت شكون غيقتلك نت اللول الشخص:واش كتعرف اني لا تعصبت بزاف ما كيبقة يهمني والو لا بوليس لا شرطة دولية لا والو رشاد:ماكانضنش اتغامر تا لهاد الدراجة انا مابغيتش نكونو اعداء بغيت غير ناخد حقي الشخص:جاااتك ولكن غير تنفد انتقامك اتغبر مانبغيش نشوفك كدور مع جنابي رشاد:كون هاني انا عندي هدف واحد ننتاقم لخويا لي تقتل ويتمو ليه ولادو وللبنت لي كنت كنبغي ..وداها ناصر خدا منها لي بغة ولاحها الشخص :ماكنضنش اتخرج من هاد اللعبة سالم.. رشاد:اجي نقولك بعدة الزعيم لا متلا عرفوه لبوليس شنو غدير معاه الشخص:يمووت رشاد بتاسم:مزيان يلاه نخليك دابة . خرج وهو مبتاسم وميات فكرة كدور فراسو دار الخطة مزيان وعارف انهم دابة ايكونو كيراقبو وحاضين معاه ولكن هو لا ماشي دابة غيبدا ايخليهم تا ينساو عاد يضرب ضربتو ..يكفي انه كيشوف جوج منهم بدات كتولد بينهم العداوة غيتفرج وغيبدا يشعل لعافية غير ملتحت لتحت تا يعطيهم الضربة لكبيرة ركب اللور :الدار الشيفور كسيرا ومشاو لدار لي منعازلة على الادامي عارف ايكونو فتشو جميع لبلايص لي كيكون فيهم..
نرجعو عند ابطالنا
بقات كتكسل كتستاعد باش تفيق حلات عنيها بشوية وهي تشوفو اونفاص معاها جالس فوق الكرسي وداير رجل فوق رجل بتاسم ليها:صباح لخير ناضت طافجة امين بنفس الابتسامة:تخلعتي مني جنات:لا غير امين:قلت ملي نرجع نلقاك فلبيت .ولكن جيت ومالقيتكش.شكا يعني هدشي جنات بعات ريقها:نسيت امين وقف:ماشي مشكل .الخدامة قدات ليك حوايجك فلبيت بقيتي غير نتي قرب وتحنة لعندها:صافي تا فقنا شافت فيه بعنين دامعين:حرام عليك امين طبع بوسة على خدها:طيبتي عنيك بلبكة جنات:علاش كدير فيا هكا امين جلس حداها:نتي لي معقدة الامور ماعارفاش قيمة دهادشي لي عندك.كن لقيت حدايا طاهرة ودير معايا هدشي لي كندير معاك واخة ماكاتبغينيش كنت انكون فرحان.. جنات نزلو دموعها:نت تسطيتي امين:الحب كيسطي ..راكي اتكوني حاسة بيا..بجوجنا كنبغيو ناس ماكايبغيوناش .داكشي لي كتحسي بيه تا انا كنحس بيه..غير نتي عندك الزهر اني مزوج بيك وعايش معاك ..وانا لا بعيدة عليا..ولكن ماغانفقدش الامل حتى نجيبها لعندي جنات بصوت باكي:وانا امين:نتي هانتي معايا تاتيالي 6 شهور داك ساع بغيتي تبقاي بقاي بغيتي تمشي بحالك سيري جنات غير كتشوف فيه وهي مصدومة مستحيل يكون هدا هو امين لي تربات معاه لي كتبغيه. امين وقف :نخليك دابة حل لباب وخرج
جنات رجعات تكات فوق النموسية وهي كتبكي المشكلة ما قادراش تكرهو هي فاتت شي حاجة سميتها الحب
امين خرج ركب فطوموبيلتو ودوز شي نمرة :الو.شنوو درتي..ههه مزيان ..اي حاجة وقعات علمني بيها قطع وكسيرا نيشان لدار دناصر
نمشيو عند عماد كان واقف فراس الدرب بطوموبيلتو كيتسنة علي حتى كيشوفو جاي بتاسم ليه علي ركب وسلم عليه عماد كسيرا:شنو جبتيلي التصويرة علي:اه جبتها علي حل شكارة وجبد التصويرة:هاهي عماد خداها من عندو بلا مايشوف فيها دارها فجيبو :صافي غنلقاوها ان شاء الله عرفتي دابة شنو انديرو علي:شنو عماد:اندوزو عند واحد صاحبي على ود شي شغال من بعد نمشيو لنادي علي:واخة
دازت مدة كانو كاملين مجمعين فصالة
أمين:عييت نقنع فيهم والو مابغاوش قالك بغاو الاسلحة ديالهم ويمشيو بحالهم ناصر تعصب:لا بقاو هكا غنرجعهم لديورهم مكفنين احمد:نااصر مابغيناش الصدع معاهم ناصر:هوما لي كيقلبو على الصدااع ماكايتفاهموش بلعقل خاص تانخدمو الضرب ولجرح عاد كيرجعو اللور هادو مازال ماكايعرفونيش مزيان احمد تنهد:بغيت غير نعرف شكون هدا لي بلغ بينا ونوض لينا هاد المشكل عمر شي حد تجرأ ودارها ناصر:غنلقاه وغندمو غير بلاتي امين:دابة فكرو شغا نديرو..الاسلحة خاص ضاروري تبقة عندنا الناس دفعو فلوس بزاف على ودها لا ما خديناهمش غينوضو الصداع انتسماو ماعندناش الكلمة ناصر وقف:السلاح غيبقة سير قولهم هاد الهضرة ولا غنجي نتفاهم معاهم بطريقتي عماد:ناري اصاحبي ما كاتفاهمش احمد:ناصر حنا مابغيناش الصداع ناصر بقة ساكت كيفكر ؛خليهم يديو الاسلحة انا غنشوف شغا ندير ولكن قلهم هدشي ماغايدوزش مزيان غندمهم على هدشي. احمد:شغا دير ناصر:خليهم دابة يمشيو قبل ما غانفقد صبري وغنمشي نقتلهم واحد بواحد امين:فين هي روبي هي لي عندها الاسلحة ولفلوس
ناصر:راها لفوق
شوية كيجي علي وهو هاز فيديه جبانة دلكلاس جلس حداهم:وا دخلت الكوزينة تلفت بقوة التلفة مشات لي الشهية..ناري واحد الخدامة عندكم قرطاسة تهلات فيا عماد كيضحك ناصر بتاسم:شكون هذا عماد :هدا علي البطل الجديد ان شاء الله كيتدرب عندي علي:الخليفة ديالو ناصر:وا قرا مزيان ماتهملش قرايتك علي:كون هاني راني كنقرا ..نت هو الزعيم مول الشريكة دطوموبيلات ناصر:هو انا علي:غير ندير لاباس نجي نشري من عندك شي فيراري كتخلع نبدا بيها هي لولا عاد نقلب على شي تيتزة نركبها حدايا بقاو كيضحكو احمد:ههههه النسخة الاصلية دعماد عماد وهوكيمسح ليه فوق شعرو:ههه هدا راه الخليفة ديالي الوريت ناصر بقة كيشوف فعلي وهو مبتاسم:شحال فعمرك علي:15 العام بقاو كيهضرو
نطلعو لفوق
روبي ناضت مشقلبة بالنعاس دخلات لحمام وغسلات وجها وشعلات كارو ترد بيه لمزاج وحلات لباب وخرجات وهي تشوف طاهرة خارجة من لبيت روبي وهي كتسوط الدخان:افين طاهرة بتاسمات ليها:نتي لي فين روبي مشات عندها:شتك ناشطة ليوم طاهرة:حيت نعست مزيان روبي:اها ولا حيت ناصر ماتزوجش طاهرة:ما تبدل والو باقي كلشي كيف هو روبي :لا كلشي بين يديك..شكون كان يقول ناصر غيطلب منك الزواج .عقلتي فاش قلت ليك لا كنتي دماغ راك اطيحيه .ناصر راه قلبو هشيش واخة هكاك طاهرة:هو قالي بفمو غير غلطة روبي:ونتي تيقتيه طاهرة:طفي بعدة هاد الكارو روعلي قلبي روبي وهي كطفيه:عااد شعلناه طاهرة يلاه اتجاوبها وهي تشوف طاهرة الام جاية بتاسمات ليها طاهرة الام:لقيتيني جاية نشوفك طاهرة:لبارح مالنتيش طاهرة الام وهي كتشوف فروبي:راكي عارفة ناصر ناس غيجيو مابغانيش نبان طاهرة:هدي روبي ضريفة وعار فة كلشي روبي:شمن ضريفة طاهرة الام بتاسمات:مرحبا بقاو شي كيشوف فشي طاهرة:عادي غير دويو لي عارفاه نتي عارفاه لوخرا..ماما بغيت نسولك طاهرة الام:سولي ابنتي طاهرة:دخلت ندوش هاد الصبح لاحضت ان لتحت دكرشي بدا كيبان.واخة مزال ما كملت تا شهراين مقادة طاهرة الام حطات ليها يديها على كرشها:عادي كل وحدة والحمل ديالها كيف كيكون خاص غير تهلاي فراسك وتاكلي مزيان ويكون خير طاهرة:ان شاء الله روبي:انا غنهبط لتحت تا نهضرو كملات طريقها وشعلات كارو وتمات عابطة فالدروج
لتحت
عماد:فكرتيني..علي كيقلب على ختو هادي اعوام باش غبرات ومابقاش شافها يقدر نعاونوه.. سميتها ملاك اصبار عندي تصويرتها خشا يديه لجيب وجبد التصويرة قلبها لجيهتو بقة كيشوف فبنت شعرها كحل وطويل ومبتاسمة وعنيها زورق بزاف..كتبان كي شي ملاك بصاح..عماد بلع ريقو وهو كيحقق فالتصويرة وميات فكرة كدور فبالو ناصر:مالك عماد شاف فيها بصدمة ورجع شاف فالتصويرة ومدها لناصر ناصر خداها وشاف فيها تاهو التصدم هي نفسها نفس الوجه نفس الملاميح غير هنا شعرها طويل وكتبان بريئة ومبتاسمة من قلبها.. علي:هدي ختي ملاك ناصر شاف فعلي من لول تشيه ليه لشي حد نفس الملاميح هو وختو:ماعارفش علاش غبرات علي:لا كنت صغير امين شافهم ماشي هوما هدوك خدا تاهو التصويرة وشافها نفس الشي تصدم واخة كتبان فهاد التصويرة مختالفة راه نفس الوجه باينة بزاف
روبي وصلات لاخر درجة :نتوما هنا روبي قربات لعندهم وجات عنيها على الولد لي عاطيها بالضهر ساطت الدخان:شكون هدا علي ضار يشوف شكون لي كتهضر...روبي غير شافتو حسات ان قلبها سكت دنيا ضارت بيها بحاليلا شي حد عطاها بصقلة مجهدة تا بقات كتسمع طييييط فودنيها..طلعات معاها السخونية لدرجة ما قدراتش تسوط الدخان لي مجموع ففمها ...علي كيشوف فيها طلعها من رجليها تا لراسها فلول ماعرفهاش ولكن من بعد عرفها شكون من غيرها هدي ملاك ختو ناض واقف وهو كيشوف لكارو فيديها وشعرها لي مقطعاه تا لعنقها..ولباسها ولوشام لي فيديها..
روبي مارضاتش يشوفها هكاك شافت فيهم وهي كتعاتبهم بعنيها طاح ليها لكارو من يديها وبدا كيخرج الدخان من نيفها..عطاتهم بالضهر وهي كترجف كتحس براسها مخنوقة علي :ملاك غمضات عنيها فاش سمعات سميتها من فمو رجعات سنين اللور فهاد اللحضة علي قرب لعندها:عرفتك نتي ختي ملاك روبي ماقدراتش تستحمل تمات غادة وهو يجي كيجري ويشدها من يديها:ملاك وقفي ضارت لعندو ودفعاتو تا كان ايطيح وغوتات ليه فوجهو:انا ماااشي ملااااك سمعتيني انا روبي ناضو كاملين فاش سمعوها كتغوت عماد:رووبي ماتغوتيش عليه روبي شافت فعلي:سمعتيه روبي ماشي ملاك علي بقة كيشوف فيها:ملاك ماشي روبي رجعات دفعاتو:قلت ليك رووبي سير من لهنا بقات كدفعو وهو غير كيشوف فيها عماد مشا يجرها وهي تشنق عليه وبدات كتغوت :علااااش جبتييييه عجبك لحااال دابة عجبك لحال شافني هكااا عماد تنتر منها:هدا رااه خووك بالسيف عليك ماليه تاشي دنب روبي شافت فعلي:سيير بحالك من لهنااااا انا ماخت حد انا ماعنديش خووتي بقات غير كتغوت فكروها فلماضي لي كتشمأز منو فكروها فليلة لي غتاصبها خوها بلا رحمة وقتلاتو ..فاش دخلات لحبس فاش عرفات راسها حاملة من خوها وطيحاتو فاش تشردات فالزنقة وولات عايشة مع شمكارة كتبيع لكارو بقاو كيشوفو فيها وهي كتغوت بوحدها بلا ماتنزل من عنيها تاشي دمعة ..فكروها فجروح دفناتهم فقلبها ..غير كتشوف فعلي كتفكر خوها لي غتاصبها ..كيشبه ليه عندو نفس الملاميح ديالو ماتقدرش تشوف فيه هو كيفكرها فيه روبي قربات عند عالي:سير من لهنا علي شد ليها فيديها وهو كيبكي:ماغانمشيش تا تمشي معايا وترجعي لدار انا خووك ماغا نخليكش تبقاي بعيدة عليا ضربيني لا بغيتي غير ما تقوليليش سير رولي حبسات يديها باش ما تمسحش ليه دموعو عطاتو بالضهر:قولو يمشي طاهرة هبطات فاش سمعات لغوات مافاهمة والو روبي شكا دير مع علي طاهرة:علي شكا دير هنا روبي شافت فيها:تانتي كتعرفيه طاهرة مشات لعندو هي كتشوفو كيبكي بقة فيها شدات ليه فيديه :مالك علي وهو كيمسح فدموعو:لقيت ختي طاهرة:كيفاش علي:راهي ختي طاهرة شافت فروبي وهي مصدومة:روبي ختك علي:ملاك ماشي روبي روبي كدوز ديها على راسها:انا ماااخت حد سمعتيني طاهرة عنقات علي وهي كتمسح ليه على راسو:صافي ماتديش عليها راها غير معصبة اجي معايا جراتو من يديه وتمات غادة بيه روبي:فبن غادة بيها علي تنتر من طاهرة ومشا وقف اونفاص مع روبي مسح دموعو وشاف فيها شوفات حادين:شحال هادا وانا باغي نشوف ختي.راه واخة ديري لي درتي ماغا نتفرقش عليك ماغانمشيش تا تمشي معايا عندك خوك خاص تكوني معاه لي هو انا بغيتي ولا كرهتي لبنات بلاصتهم حدا خوتهم ماشي يبقاو عايشين فزناقي .وسميتك ملاك ماشي روبي فهميها روبي بقات كتشوف فيه مالقات باش تجاوبو جات طاهرة وجراتو من يديه:زيد معايا بقة غادي معاها وهو كيشوف فروبي طاهرة داتو لواحد الصالة بعيدة عليهم:خليك هنا
علي:فهميها لهضرة لي قلت ليها طاهرة بتاسمات ليه:واخة رجعات لعندهم روبي:انا غنمشي بحالي يلاه اتمشي وهو يجرها ناصر:فين غادة روبي:غادة بحالي ماعندي ماندير هنا .بغيتو تحطوني امام الامر الواقع شكون قالكم نبشو فحياتي وجيبوه لهنا..عجبكم الحال يشوفني فهاد الحالة كتهضر وهي معصبة:شادة لكارو وكنكمي ودايرة كيشي زوفري ..هكا بغيتوه يشوفني.ماتزيدوش تكملو عليااا عماد :ماكناش عارفين عاد عرفنا دابة ..حوك كيدرب عندي وطلبني نقلب ليه على ختو هاد نهار عاد جابلي تصويرتك ..جبتو معايا لهنا نقضي شي شغال عاد نمشيو ..حتى كنجبد تصويرتك نشوفو واش نقدرو نعاونوه وتصدمنا بحالك ماجاتش فبالنا انك نتي ختو ..من بعد هبطتي ووقع لي وقع روبي بقات واقفة وغير ساكتة ماباغاش تبكي مابغاتش تضعف امين:صافي نسااي ماتبقاش عايشة مع لي فات لي وقع وقع فكري فخوك باقي صغير محتاج ليك راه نتي لي عندو طاهرة قربات لعندها:صافي راه خوك غير نتي لي عندو فهاد الدنيا..عرفتي راه كبر قدامنا فالحومة ..سبحان الله طالع راجل من صغرو كلشي كيبغيه اي واحد يتمنة يكون عندو اخ بحالو ماتسمحيش فيه وتحرميه منك روبي غير ساكتة ناصر قربها لعندو :وصافي عرفناك مجروحة وباقي مانسيتي ولكن راه خوك ماتحمليهش شي حاجة هو مادارهاش ماعندو تاشي دنب باقي صغير طاهرة شافت فيه ملي سمعات هضرتو ماكرهاتش تقولو هاد الهضرة طبقها على راسك طاهرة:ناصر عندو الحق هو ماعندو تاشي دنب باش تقسي عليه هو وتعدبيه معاك على شي حاجة عشتيها واداتك ماتكونيش انانية انا مجربة شنو معنة تعاقبي على شي حاجة مادرتيعاش ناصر بقة كيشوف فيها عارفها لاياش كتلمح روبي بعدات عليهم بجوج:ما مستاعداش نتقبلووو ماقادراش ماغانستحملش طاهرة:راه كيبقة خوك غتأقلمي مع الوضع عماد:عاد عرفت هاد علي منين جايب هاد الصلابة وزعامة . روبي خنزرات فيه عماد:عندك اخ بحال علي وسامحة فيه انا كنحس بيه ولد كبير ماشي ولد 15 لعام .. روبي جلسات فوق الفطوي متوترة عماد بتاسم وجبد كارو شعلو ومدو ليها:هاكي باش تفكري مزيان
روبي خداتو منو:ماكنضحكش عماد خربق ليها شعرها:روبي ياروبي بقات كتكمي وهوما كيشوفو فيها طاهرة:واشنو روبي كدور هضرتهم فدماغها هي خايفة ماتنساش ويفكرها فلماضي فاش تشوف فيه .راه ماشي ساهل يغتاصبك خوك وتحملي منو..كتكرهي كلشي تا داك الاخوة ..ولكن علي ماعندو تاشي دنب هي ختو وخاص تكون معاه يكبر بين يديها..ساطت الدخان فدقة وشافت فيهم:ماعرفتش حرت انا بوحدي وعايشة فكابوس دلماضي حراك لا بقيت كنشوفو قدامي طاهرة:لا بلعكس لا بقة معاك غيمشي داك الخوف غتحسي بالاخووة ونتي معاه.غيعمر داك النقص لي عندك فحياتك جربي روبي بقات ساكتة:شغا ندير زعمة نجيبو يعيش معايا ولا شنو عماد:اه تا هادي فكرة باش تقدري تأقلمي مع الوضع روبي:ماعرفتش عماد:هههه ماتختفيش ماغاياكلكش علي دمو خفيف بالسيف عليك اتولفي بيه روبي تنهدات وطفات لكارو:واخة نجرب طاهرة بتاسمات:ماغا تندميش شوية سمعو صوت الجرس مشات لخدامة حلات لباب..بقاو كاملين عنيهم على لباب جات الخدامة:سي الزعيم لبوليس باغيينك ماجات فينوتكمل هضرتها حتى كيشوفو كمال ومعاه لبوليس كمال واقف وهو مصدوم كيشوف فالطاهرة لي واقفة تلف مالقة مايقول عارف ايكون خاطفها ولكن دابة كيشوفها مجمعة معاهم :طااهرة طاهرة بقات غير كتشوف فيه ناصر شد فيد.طاهرة وجرها لعندو :اش بغيتي داخل تالقلب الدار كمال مزال كيشوف فطاهرة مامتيقش:طاهرة قاطعو ناصر:ماجاوبتينيش كمال تحكم فراسو:ناصر الزعيم غتفضل معانا الكوميسارية ووراه ورقة الاستدعاء من الوكيل العام الزعيم ببرودة:بأشمن تهمة بالسلامة كمال يلاه ايهضر وهو يشوف فروبي حقق فيها مزيان عرف شكون هي وفايت قاري الضوسي ديالها وهو يبتاسم:راكم مجمعين هنايا.. روبي وقفات وهي كتشوف فيه كمال :زيدو تا لكوميسارية وتعرفو اش واقع..الزعيم تسمحلي غنمينطك ناصر دار ابتسامة جانبية وهضر ببرودة:واش مكتوب تماك مينط الزعيم ولا شنو كمال:هدا حاجة ضاروري وشاف فطاهرة وهدر معاها بنبرة مختالفة:تانتي غتجي معانا لكوميسارية ناصر:هي ماعندها فين تمشي عماد قرب لعندو:مايمكنش يخرجو من الدار بلا مايعرفو علاش كمال:واخة..ناصر الزعيم متهم بببزاف دلجرائم تهريب اسلحة قتل ..خطف.وتكوين عصابة اجرامة فالكوميسارية غيتوضح كلشي عماد بلع ريقو:عندك شي دليل كمال:طبعا بالدليل..ماعندناش الوقت زيدو قدامي ناصر مبرد :واخة نمشيو نشوفو هاد العصابة الاجرامية ولكن طاهرة ماعندها فين امشي كمال:نت ماشي فموقف كيسمحلك تحدد شكون ايمشي وشكون ما ايمشيش..انا لي كنقرر.. شاف فروبي:تفضلي تانتي طاهرة شدات فناصر وزيرات..ناصر شاف فيها:ماتخافيش كمال قرب لعند روبي شدها من دراعها وهي تنتر منو:ماتقيصنيش كمال:غير زيدي مزال غنتفاهمو شد ليها يديهاوبالسيف عليها ودار ليها لمينوط وجرها ووقفها حدا ناصر وعلا حاجبو :الزعيم احمد بغة يهضر وهو يقاطعو ناصر:مرحبا مد يديه ومينطو تاهو طاهرة بقات شادة ليه فيديه:ناااصر كمال:زيدي تانتي كشاهدة ناصر شاف فيها طمنها بشوفاتو .. ناصر:زيد نمشيو نساليو هاد التخربيق كمال:الموضوع كبر مما كتصور ناصر وهو غادي ولبوليس موراه:ما كانضنش طاهرة الام كانت هابطة فالدروج وهي تشوف لبوليس:اويلي شنو واقع هنايا كمال شاف فيها:شكا ديري نتي هنا طاهرة الام كتشوف فناصر وفيديه لي مينطين:ناصر ولدي لاش دايينك كمال متعب:ولدك ناصر تعصب:واش ماغا نمشيوش انبقاو هنااا كمال وهو كيشوف فطاهرة الام مستغرب شحال من مرة شدوها بتهم:يلاه خرجو كاملين ركبات روبي وناصر اللور فالفاركونيط طاهرو بقات واقفة حتى كتسمع صوت كمال حل ليها باب الطموبيل:ركبي طاهرة بلعات ريقها :خليني نركب معاهم كمال:انبقاو هنا ولا شنو ركبات وهي كترجف مشة وركب حداها من الجيهة لوخرا وكسيرا..شدو طريق نيشان للكوميسارية
نرجعو لداخل
طاهرة الام كتبكي :الله ياربي شهاد الكاريتة واقعة عماد كان مشغول كيهضر مع المحامي وامين جالس ومرسومة على وجهو ابتسامة احمد قرب لعندها وحط يديه على كتافها:ماتخافيش ماغا يوقع ليهم والو طاهرة:عفاك خلينا نلحقو عليهم الله يخليك عماد قطع:المحامي غيخلط عليهم لتماك يلاه نمشيو شاف فامين:زييد امين وقف وهضر ببرودة:يلاه عماد شاف فالخدامة:ردي لبال لعلي ماتقوليلو والو الخدامة:واخة اسيدي خرجو كل واحد ركب فطموبيلتو طاهرة مشات مع عماد.. الكوميسارية كانو نازلين من الفاركونيط حتى كيهجمو عليهم الصحافة كيصورو وكيطرحو الاسئلة..ناصر تعصب:منين عرفو الخبار روبي:ماعرفتش بصعوبة لبوليس خواو الطريق باش يدخلوهم دخلوهم نيشان لمكتب تحقيق جلسو وهوما كيتسناو كمال روبي:شغا نديرو ناصر:دابة سكتي ماغا يوقع والو
عند كمال جر طاهرة من يديها دخلها لواحد المكتب:شنو هدشي واقع..مابقيت فاهم واولو طاهرة ماعارفاش شنو تقولو كمال:مجلسك معاه بالسيف ياك هو لي قلتي خطفك وتكرفس عليك..ومنو نتي حاملو دابة..انا راه عندي دليل على هدشي ماتخافيش ماغا يأديكش غير قوليلي شنو واقع طاهرة :كمال الله يخليك خليني نمشي من لهنا ما عندي مانقولك
كمال شد ليها فيديها وباسها:ماتخافيش واعدتك اناخد ليك حقك .انا معاك دابة جرات يديها عندها؛كماال انا .. كمال:اجي معايا اتشوفي كلشي على عنيك هو دابة مابقاش كيشكل خطار عليك غيدوز حياتو كلها فلحبس.. جرها من يديها وقفات وشافت فيه:كمال شاف فيها:مالك طاهرة:هو ماخطفنيش كمال:انا عارفك خايفة منو زيدي تشوفي على عنيك طاهرة:هو ماعارفنيش حاملة كمال:حيت خايفة منو وجرها من يديها ومشا بيها لمكتب تحقيق حل لباب ودخل طاهرة غير شافت ناصر جرات يديها عندها كمال مشى نيشان جلس فالمكتب ديالو وقع الصمت حتة كيدخل راجل شوية كبير يكون فالخمسينات لابس كوستيم انيق فشكلو..كمال غير شافو ناض وعطاه التحية كان الوكيل لعام ..كمال خوى ليه لبلاصة باش يجلس الوكيل لعام جلس وشاف فيهم واحد بواحد وبدا يقرة فاضوسي والمحضر شاف فناصر:نت متهم بتكوين عصابة اجرامية وعدة جرائم بحال لقتيلة والاختطاف والتجارة الغير قنونية فالاسلحة والاتحفة المهربة..هادو اعوام والشرطة الدولية كتقلب على هاد المجرم لي حرنا باش نعرفوه شكون ..وفهاد المحضر التهم كلها موجهة ليك ..وكاينين ادلة على هاد التهم شاف فكمال:كاينين صور ونت كتقوم بوحدة من العمليات الاجرامية الاختطاف وتهريب الاسلحة وصلات من شخص مجهول .. كمال وفيديه لبرية لي فيها تصاور:كلشي هنا ناصر غير ساكت وكيشوف فيه بهدوء وكيتصنت لكلامهم كمال مد لل وكيل لعام لبرية:هنا اسيدي اتلقة الصور لي كدل على هاد التهم كاملة الوكيل لعام خدا لبرية حلها هز التصاور بين يديه وبدا كيدوز وحدة بوحدة وكمال واقف وكيشوف فناصر بحاليلا كيقولو وجد راسك الوكيل لعام علا راسو وشاف فكمال:شنو هدشي كمال:تصاور الوكيل العام:هنا صور دشخص متلتم ماكاينة تاشي صورة بوجه مكشوف كمال :مايمكنش خدا التصاور وبقا يدوزهم وحدة بوحدة كلهم بلتام بغة يتسطة :لا مايمكنش انا راه شتهم بعيني كان بوجهو مكشوف اسيدي ناصر:جايبني من وسط داري على قبل والو الوكيل لعام وقف وهو مقلق:كمال حنا ماكانلعبوش هنا تاهمتي شخص بتهم خطيرة ونت ماعندكش الدليل كمال:كنحلف ليك اسيدي انه شي حد تدخل وخدا الصور لي كدتل على كلامي الوكيل لعام:ماعرفتش علاش ولاو كيخدمو ناس ماشي قد المسؤولية مخلي خدمتي وجاي لتحقيق خاوي مافيه تا شي دليل ..راك كوميسير زعمة كمال باقي مامتيقش:انا غنبحت وغنعرف هدا لي خدا الصور اسيدي راه شتهم بعيني الوكيل لعام:واش كاين شي كومسير كيسرقولو الدلائل شهاد الحالة بهدلتو بالشرطة كمال شاف فالطاهرة:طاهرة نتي عارفة كلشي قولي انه كان خاطفك ماتخافيش..ماتنسايش داكشي لي دار فيك طاهرة كتشوف فناصر كمال مشة لعندها:هضري انا معاك ماتخافيش طاهرة:انا ماعارفة والو وماشي هو لي خطفني هو غير كيعاوني وصافي الوكيل لعام :براكة شد هاد المحضر وعتادر منهم وتبعني للمكتب داابة خرج وهو معصب ناصر وقف وقرب لعندو:الكوميسير خاص تعتادر كمال كيغلي من لداخل :نموت ونعرف شكون هدا لي حيد التصاور ناصر:هداك شغلك ومد ليه يديه باش يحل ليه لمينوط كمال خرج الساروت مني جيبو وحلهم ليه:كنواعدك ماغا نرتاح تا تانكشفك على حقيقتك ناصر :صعيب علييك وقرب لعندو:ماتلعبش معايا حسن ليك.. روبي قربات لعند كمال وهضرات بطريقة كتستافزو بيها:سي الكوميسير لمينوط عفاك كمال وهو كيحل لمينوط:روبي ولا ملاك ماتنساينيش حيت مزال غنتشاوفو روبي:مرحبا فأي وقت ناصر جر طاهرة:المرة االجاية تأكد وعرف راسك معامن كمال :غتندم على هدشي كامل من اليوم غنبقة مقابلك غير نت ناصر كتافة بابتسامة سنافزاتو..وحل لباب باش يخرجو وهوما يسمعو صوت كمال :نتي غتبقاي خرجات برائتك وبقة لملف ديالك معلق بانك مخطوفة غنسجل اقوالك وسيري داك الساع ناصر بغة ينطق وهي تقاطعو طاهرة:واخة ..شوية ونجي ياخد اقوالي باش مانوليش نرجع لهنا ناصر:هنا برة كنتسنة خرجو بقات طاهرة وكمال ..طاهرة عارفاه شغا يقول :قول شنو عندك كمال :علاش هدشي لي بغيت نفهم علاش درتي فيا هكا..علاش وافقتي باش نتزوجي بيا من لول . طاهرة:كمال انا عمري نسى خيرك ولكن انا ما نصلاحش ليك..داك نهار وافقت حيت ماكان عندي تاشي خيار كنت خايفة بزاف كمال:وشنو تبدل دابة..شغا ديري مع واحد كيعدبك طاهرة:مايمكليش نشرح ليك..ولكن انا خاص نكون معاه بلاصتي حداه هدا هو مكتابي.سمحلي بزااااف والله نت شخص ضريف تستاهل وحدة حسن مني كمال قرب لعندها وشد ليها فيديها:ونتي ماتستاهليش تكوني معاه.نسيتي كي كانت حالتك وشنو دار فيك ..سمعي ما تشهدي ما والو ماتزوجيش بيا غير يلاه معايا نتي ماملزوماش تكوني معاه.. طاهرة بعدات يديها:مانقدش صافي اكمال نسة الله يخليك. كمال تنهد:واخة لي بغيتي ..لا غيرتي رأيك ولا وقعات شي حاجة وحتاجيتي المساعدة انا ديما معاك بتاسمات ليه:شكرا بزاف كمال:سيري انا غنتكلف بالملف. طاهرة بقة فيها مايستاهلش هادشي لي وقع ليه ماكرهاتش تعاونو ولكن ماشي لخاطرها حلات لباب:سلم لي على نور كمال:ماغاتجيش تشوفيها دابة راك وليتي حرة طاهرة:ان شاء الله تا لشي نهار
وخرجات وشدات لباب..شافتهم مجمعين مشات بخطوات تقال ووقفات حداهم ناصر جرها من يديها:تالدار ونهضرو خرج لقة الشيفور جاب الطموبيل وكيتسناه من لباب اللوراني على قبل الصحافة ركب هو وياها اللور وتحركات الطموبيل نيشان للدار ناصر شاف فالطاهرة:كانت فرصة باش تنتاقمي مني طاهرة شافت فيه:انا ماشي هي نت وسكتات وهي كتشوف فالطريق..حسات بيه شد فيديها علات عنيها فيه ..ناصر قرب يديها لفمو وباسها كتافة غير بهاد الحركة..طريق كاملة ويديه فيديها تا وصلو لدار..نزلو ودخلو لدار حتى كيسمعو صوت عماد وهو داخل ومورا امين ولبقية عماد:دابة خاص تعاود لينا اش وقع بالضبط طاهرة حسات بالعية نساحبات وطلعات لبيت ترتاح وهي كتفكر فهدشي بقة فيها كمال مابغاتش دير فيه هكا طاهرة الام طلعات تاهي لبيت ملي شافت ناصر كيخنزر فيهت لتحت
امين كيغلي من لداخل خططو كلها فشلات ماعرفش كيفاش شكون هدا لي تدخل وحيد التصاور هو صيغطهم لداررو ناصر جلس ودار رجل فوق رجل:ماشي وقتو تا لمنبعد وتعرفو كلشي عماد:على تقوليبة تقولب الكوميسير ناري كيشفي امين:كنتي عارف من لول ياك ناصر:جاتني لخبار قبل وكنت عارف انه فاي لحضة يقدر يجي باش يعتاقلني امين:ايكون شي حد قريب ليه حيت تهزو من قلب دارو ناصر:ونت باش عرفتي من قلب دارو امين بلع ريقو:غير قلت ناصر:اها.. امين ناض:هنا مشيت تا نهضرو من بعد عندي شي شغال خرج وركب فطموبيلتو ضرب بيديه فدريكسوون:شهااااد الزهر دزر الساروت وكسيرا وهو معصب طريق كاملة وهو كيسب ويتوعد فناصر
روبي:تا انا غنمشي عماد:وخوك يلاه اتجاوبو وهي تشوفو جاي علي:فين غادا عماد:بدينا بلحكام من دابة روبي شافت فعلي:سمعني مزيان لا بغيتي نبقاو مزيانين انا سميتي روبي هدا وحدة..تاني حاجة اتجي تعيش معايا فدار.وغتشد فمك بلا عياقة.ومادخلش فراسك فشي حاجة كبر منك علي:لعياقة هي لي فيك نتي..انا خوك وايلا شفت شي حاجة ما عجباتنيش غنهضر روبي:لا لا هدشي لي بقة عماد :صاغي صافي بلا دباز علي حتارم ختك كبر منك ونتي قادي هضرتك شوية روبي:المهيم انا هضرت علي يلاه ايهضر وهو يسكتو علي:صافي كوني هانية..غندوزو ليك غدا صافي روبي :واخة..هنا مشيت علي:فين غادة روبي:سووقك علي:سيري دابة من بعد ونتفاهمو روبي خنزرات فيه:بانليا ماغا نتفاهموش. عماد:دابة سيري هزات سوارت طموبيل وخرجات عماد:واش نت ماكاتسكتش علي:هادي خاص لي يربيها ماعمرتليهاش لعين واقلة عماد:نت كاتبان لي كتقلب على شي قتلة فخبارك ختك بوكسورة تشدك تفرعك علي:ايوا تجرب عماد:زيد نمشيو زييد..ناصر نخليك دابة من بعد ونهضرو خرج هو وعلي... احمد تم خارج بلا تاشي كلمة حتى كيوقفو ناصر:متقلتيلي والو على لي وقع لبارح احمد:صافي لي وقع وقع دابة وحل لباب وخرج...
ناصر تنهد..ناض وطلع لبيت حل لباب وهو يشوفها فلبالكو واقفة مشة ووقف حداها:بقة فيك شافت فيه:اه هو ما أدانيش بقاو ساكتين حتى نطقات الطاهرة:ماخفتيش نعاود ليهم كلشي ونبلغ عليك ناصر :عارفك ماديريهاش نتي اخر وحدة تبلغ عليا ولا تشهد ضدي طاهرة:علاش تايق تا لهاد الدراجة ناصر:هكاك وليت حافضك مزيان طاهرة:ولنفرض بلغت بيك شنو دير ناصر:ماعرفتش ولكن ماغانسمحش ليك غتعتقبي طاهرة سكتات:تقتلني متلا ناصر:يقدر على حساب شافت فيه وسكتات وهي كدورها فدماغها شافتو خارج وهي تنطق:واخة نخرج. ناصر:فين طاهرة:لاي بلاصة بوحدي نحس بانيوبصاح خديت برائتي وحريتي ناصر ببرودة:لا تنهدات وهي كتقول ماينكنش تبقة هكااا يدير فيها لي بغة ويتحكم فحياتها تاهي عندهاولحق دير لي بغات وداكشي لي غيوقع من اليوم هي حرة دراسها بغة ولا كره
داز هاد النهار وجا نهار جديد شافتو خارج :راه بغيت نخرج مايمكنش نبقة محبوسة شاف فيها: لا راني دويت وحل لباب وخرج وخلاها كتغلي طاهرة:هنا غنوريك لا ناضت دخلات لبيت تبدال ختارت شغا تلبس وخرجات قدات شعرها مع مكياج خفيف كتوجد راسها باش تخرج
عند ناصر ..خر من دار وركب فطوموبيلتو وكسيرا تا وقف قدام واحد لعمارة جاية فموقع كلاس نزل ودخل ركب فالمصعد وطلع لطابق المطلوب تحل باب المصعد مشا نيشان لاباغطومو دق .حتة كتحل لباب غير شافتو بتاسمات:تفضل دخل وشدات موراه لباب جلس وجلسات حداه شاف فيها وفلباسها لابسة سوميج دونوي كحلة قصيرة حد لفخاد ومعرية من صدرها وفوقها بينوار من نفس التوب رنيا مدات يديها من فوق الطبلة وهزات التصاور خداهم من عنددها :مزيان رنيا حطات يديها على صدرو:صافي هادشي لي غتقول ..ماغاتقولي لاشكرا لا والو ناصر :نتي لي بغيتي ديريه رنيا:ماشي مشكل على قبلك ندير اي حاجة ناصر:علاش هدشي كامل رنيا:كتعجبني وانا عمر شي حد عجبني ..وما كرهتش نكونو بجوج ماكايهمنيش باشمن صيفة.ياحبيبتك ولا عشيقتك مراتك..لي بغيتي كتهضر وهي كتحرك يديها على صدرو بشوية وتحل ليه صدافات لقميجة :مستاعدة ندير اي حاجة على قبلك راك شتي وقفت ضد خويا..
ناصر كيشوف فيها ببرودة:ايلا كانت شي حاجة بناتنا انكون غير كندوز بيك لوقت ترضايها لراسك
رنيا ناضت وجلسات فوق رجليه حيدات لبينوار ودورات يديها على عنقو:قابلة المهيم تكون معايا
قربات لشفايفو وهضرات:انا مستعدة لاي حاجة
وطبعات بوسة على شفايفو وبعدات:يكفي ان الزعيم يكون اول واحد ايقيسني
جراتو لعندها وبدات كتحسس فصدرو وتزير على عنقو وهي كتشوف فيه كتنتاضر ردة فعلو ماقدرات تقرة والو فعنيه مافهماتش باش كيحس بهاد اللحضة حطات شفايفها على شفايفو ودخلات معاه فقبلة وهي كتحيد ليه القميجة ..فلحضة حسات بشعرها غيطير من بلاصتو
رنيا:اااااي ..قصحتيني
جرها لعندو تا تخالطات انفاسو وهو مزير على شعرها:خاص تفهمي حاجة وحدة..ماغاتشدينيش حيت عاونتيني .انا ماكايهمنيش هدشي .وعمرني قربت لشي وحدة حيت هي باغة.تا كترشق لي عليها انا عاد كندوز معاها وقتي.وحاجة وحدا خرا..
بقا كيشرب شوية بشوية..بلا تاشي كلمة ورنيا غير كتشوف فيه ودايبة فيه اي حركة كيدير كتحس معاها بلحرارة كتشوف فيه كاامل الرجولة لي كتعجب اي بنت لا بحركاتو لا بشوفاتو الحادين..كلامو شكلو..كلشي فيه كيجدب تنهدات بصوت مسموع ماتكرهش يبقة ديما معاها
نمشيو عند الطاهرة..كانت جالسة وكتفكر كي غدير تخرج..وقفات كتشوف راسها فلمراية هزات ساكها.وحلات لباب وخرجات تلاقات طاهرة الام:فين غادة ابنتي
طاهرة:بغيت نخرج شوية ..
طاهرة الام:وقلتيها لناصر
طاهرة:صراحة لا حيت مابغاش..شوفي اماما انخرج ونجي قبل يجي..عفاك
طاهرو الام :نتي كتقلبي على صداع
طاهرو :لا ماغايوقع والو كوني هانية ايجي ايلقاني فدار..عفاك راه قنطت نمشي دغية ونجي نشم غير شوية دلهوة
حلات لباب ونزلات بقات كتفكر شافت مع جنابها طريق خاوية تمات راجع باللور مافيها ماتاكل الصقل من عندو بقات غادة كتجري..ناصر كان كيتسناها تركب شافها طولات شاف فالمراية لي اونفاص معاه وهو مايشوفهاش نزل طايرة وهو يشوفها غادة كتجري..تنهد وهو حاضيها ركب فطوموبيل وكسيرا بالجهد وتبعها تا وصل لحداها وقلل السرعة نزل الزاجة وشاف فيها:شحال قدك تجري
طاهرة شافت فيه وهي توقف فاش شافتو حبس الطموبيل بقة فيها غار السوفل لي خسرات فالجري على والو وهو غيشدها غايشدها حسات براسها غبية فهاد اللحضة.بقات كتسناه شغا يدير فيها..
ناصر نزل من الطموبيل وقرب لعندها ووقف حداها وهو خاشي يديه فجيابو طلعها وهبطها مزيان خرج يديه من الجياب وهي تقفز حسابليها غيدربها
ناصر:زعمة كتخافي
طاهرة:ماشي هكاك
شدها من دراعها وجرها لعندو:علاياش كتقلبي بالضبط.ماحدي مزال مامديت يدي عليك ونتي زايدة فيه .علاش خرجتي كديري بعناد ياك
طاهرة:نت ماخليتينيش نخرج
زير على دراعها تا غوتات:ونتي درتي غير لي فراسك
طاهرو بدات كدمع:نت ديما حاكر عليا تا انا من حقي نخرج راني بنادم ماشي حيوان لي غتحبسو فدار كتربيه..وليت كنحس براسي كلبة دايرها فدار حاضيها لا تهرب.
وسكتات وهي كتشهق بلبكة..بقة كيشوف فيها كيف منزلة راسها وكتبكي رخف على دراعها وهاد لمرة جرها لعندو بحنان طلع يديه تا لشعرها وهز راسها لعندو وهضر بهدوء:انا ماكانحملش لي كيعصي اوامري سمعتيني ..
طاهر:ولكن انا مليت من الدار نتوما كتخرجو ودخلو كيف بغيتو وانااا
ناصر كيشوف فعويناتها لي كيدمعو رماديين هز يديه ومسح ليها دموعها:الحاجة لي كتطلب بالطيب والاداب مايمكنش الترفض
كملات مسيح دموعها:وانا راه طلبتها بالاداب
ناصر وهو كيبعد شعرها على وجها:لا مزال خاصك تعلمي تعاملي معايا
طاهرة تنهدات:الله يصبرني عليك
ناصر شاف فلباسها ونزل يديه على كرشها لي باينة مع لبودي قصير :وشهاد لباس
هبطات بيديها:كنت كنجري وهو يطلع شوف راه نازل
بعدات وهي كتوريه بقة كيشوف فيها لبيض وتاها وجا معاها بقة كيشوف فيها شحال ميل راسو جنب:بديتي تزيدي فالوزن
بقات كتقول مع راسها ماكايفلت والو شوية وهي تلمح شي حاجة على كتافو قربات لعندو وهي كتشوف تا وقفات حداه مدات يديها وهزات زغبة طويلة فلمارو على كتافو هزاتها لفوق باينة مع لابس قميجة بيضة وهي كتمعن فيها:شنو هدي
ناصر:زغبة
طاهرة:اه عرفتها ولكن شكا دير هنا
بقات كتشوف كاينين زغبات اخرين حيداتهم عليه وجمعاتهم فيديها:لاهدشي لي بقة هدي ديال شي بنت
بقة كيشوف فيها:ومن بعد
طاهرة علات حاجبها:كيفاش ومن بعد..ااه فاش خرجتي قبيلة مشيتي عندها ياك
ناصر :اه..ونتي اش دخلك
طاهرة قربات لعندو وهي كتهضر بدون شعور:شكوون هدي لي صابح غادي عندها..ما قنعتكش انا مشيتي عند وحدة خرا.انا مخليني فدار محبوسة ونت كتمشي تزهو ودوز وقتك..كل شوية كتسبني.وتعطيني فالاوامير.طاااهرة ديري طااهرة فعلي..طاهرة ماديريش هدي..طاهرة ماتهضريش مع هدا.طاهرة .طاهرة..نت انااااني او بزاااااف..اصلا غير من شعرها باينة ماشي شي حاجة..شعرها كيطيح شوف كيف ردات ليك قميجتك..
ماجات فين تكمل هضرتها حتى حسات بشفايفو على شفايها كيبوسها ماتوقعاتهاش ماعرفات باش تبلات كانت مزال باغة تدوي ولكن قاطعها ببوسة ..كانت كتحس بيه كيبوسها بكل شراسة وكلما كتبغي تبعد كيزيد يجرها لعندو وهو شاد راسها بيديه بجوج لعندو..حطات يديها على يديه لي على وجها بغات تبعدو عليها حيت قطع فيها النفس..شوية بعد على خاطرو وهو مزال شاد راسها بقات كتنفس بصوت مرتافع وهي كتشوف فيه..وفنفس الوقت كيشوف فيها قرب وحط راسو على راسها:فيك الهضرة بزاف
طاهرة وهي كتلهت:كنتي اتخنقني
ناصر:صدعتيلي راسي بلهضرة
طاهرة تنترات منو ورجعات اللور:خلينا نمشيو
بقة كيشوف فيها ..مشات نيشان وركبات ركب تاهو وكسيرا طريق كاملة وهي جالسة على اعصابها حتى كتنطق:باينة هدي شي وحدة مهمة باش مشيتي عندها على صباح
وسكتات:شعرها باين طويل ومغلوق نت كيعجبك هدشي ياك
وسكتات وولاا نطقات:شنو درتي معاها..جاوبني
ناصر شاف فيها ورجع شاف فالطريق وبتاسم وهو كيهز راسو يمين وشمال
طاهرة اول مرة غيبتاسم ليها حسات بيها من قلبو :شنو لي قلت خلاك تبتاسم كتطنز عليا ياك
ناصر غير ساكت ماجاوبهاش زادت تعصبات شافت فالطريق وهي تشوف محل الايس كريم:حببببس
شاف فيها بمعنة مالك
طاهرة بنمبرة كدل انها غضبانة:بغيت الايس كريم ولا تا هدا لا
وقف الطموبيل:نزلي
سبقها ونزل ونزلات معاه ..:شوفي شنو بغيتي
وقفات وطلبات اش باغة خداتو
ناصر:زيدي
طاهرة ببرودة وهي كتاكل فلايس كريم:بغيت ناكلو هنا حدا الناس عييت من العزلة
تنهد مشا وتكا على واحد الحيط وهو حاضيها..جلسات فوحدة من طبيلات محطوطين على برة وبدات كتكل وهي كتلدد بيه عاجبها سلاتو وهي تشوف فناصر بمعنة واش نزيد هز راسو باه وناضت طلبات واحد اخور ورجعات جلسات وبدات كتاكل فيه فيه بحال شي بنية صغيرة وما حاساش بناصر لي مانزلش عنيه عليها وترسمات ابتسامة على وجهو وهو كيشوفها قدامو بحال بنت 15..ماقدراتش تكملو حطاتو وناضت ..:صافي كملت
مشا خلص ورجع لعندها :يلاه
طاهرة كتشوف فمحل كيبيع السوندويتشات(بوكاديوس)بلعات ريقها وشافت فيه:فيا الجوع راه وقت لغدة زعمة..
ناصر دوز يديه على راسو جبد لفلوس من جيبو:سيري وكنقسم ليك بالله وتعطلتي نتفاهم معاك داك الساع بطريقتي
طاهرة وهي غادة:لا ماغانتعطلش.
بقة حاضيها تا وقفات حدا المحال طلبات لي بغات وكلاتو تماك خلصات مول لمحال يلاه اترجع وهي تشوف مول لكروسة دصوفا(عرفتوها صوفا لملونة بلغوز خخخ) بتاسمات ومشات شرات وحدة ورجعات وهي كتاكلهايلاه نمشيو
بقة كيشوف فيها وهي غادة سابقاه وكتاكل فالصوفا وهي فرحانة لحق عليها:شنو واقع
شافت فيه:كيفاش
بقة كيشوف فيها:زيدي دابة
ركبو فطموبيل وكسيرا..طريق كاملة وهو ما ساكتين..وهي كتاكل فصوفة بشوية عليها تاسلاتها ورمات العود مع الشرجم ودمغها مع مولات الزغبة شكون شافت فالطريق وهضرات ببرودة :هادي طريق ددار دليلى وعماد ياك
وصلو لعند ليلى نزلات هي لولا مشات دقات لباب حتى كتحل ليهم مي فاطمة سلمو عليها ودخلو لقاو ليلى جالسة فصالة كتحفض غرقانة وسط لكتوب
غير شافت طاهرة ناضت كتجري عنقاتها:اهلااااان بختي
وضارت سلمات على ناصر:تفضلو جلسو
جلسو وطاهرة مخنزرة فناصر ماعطاهاش راس لخيط
ناصر:فين هو عماد
ليلى:هاهو غينزل يلاه جا من لخدمة
طاهرة:راكي كتحفضي مابقة والو للوطني غدوزيه فرمضان
ليلى:ويااه دعي معايا
طاهرة:الله يوفقك
شوية نزل عماد :ايااااه مرحبا مرحبا
قرب وسلم على ناصر.وعلى طاهرة بلوجه وجلس حدا ليلى:جابكم الله مي فاطمة وجدات لينا كسكسو
ليلى:ااه احسن حاجة ملي جيتو
طاهرة:كسكسووو شحال ماكليتو
ليلى:ملي كانت كدوقنا منو الجارة لي ساكنة فوقنا
طاهرة :وجد ولا مزال
ليلى:هنا النوض نشوف
ناضت ومشات لكوزينة
طاهرة:ايوا كي راكم
عماد:مزياان الحمد الله
طاهرة:الله يخليكم لبعضكم
عماد:امييين اختي
ليلى جات:راه واجد اجيو نتغداو..طاهرة ناضت هي لولا
عماد وهو كيضحك:هههه كان كيحسابلي انا اسرع واحد كيوصل لطبلة دلماكلة
طاهرة جلسات وبدات تاكل:كسكسوو هدا
ليلى:بصحتك وراحتك
جلسو ياكلو ناصر كيشوف فطاهرة كي كتاكل بحاليلا ما واكلة والو شافها فصباح فطرات وقبيلة شحال كلات ودابة كتاكل فكسكسو ووزنها لي بدا يزيد مافهمش شهادشي
عماد:كول اصاحبي ..طاهرة ماغاتهربش هههه
ناصر خنزر فيه
عماد:غا كنضحكو مالك
كملو ما كلتهم فصمت سلاو وناضو جلسو فصالة كيهضرو
ليلى:يجرب ويشوف فشي وحدة من غيري
عماد:اصلا ما نقدش تاوحدة ماتعمرلي عيني من غيرك ..
وباس يديها
طاهرة وهي كتشوف فناصر:مصاب كوكانو كاع رجال كيغكرو بحال.وحدة ماكاتكفيهمش وكيزيدوها بالنفخة
عماد:قوليها لختك..راه مامنيش جوج
ليلى:صافي دابة اجا ماسكتو ايبقة نهار كامل وهو يهضر فهادشي
عماد:ايوا باش تعرفي راسك معامن
ليلى:اوووووووه نت هو روميو
عماد:ونتي جولييت
ليلى:هههههه انا ليلى احبيبي
عماد:مشرفين وانا قيس
ليلى:ههههههه ماكتسالاس
عماد:الحب هدا
ليلى:احم
عماد:اااه طاهرة وناصر هنا نسيت
ناصر كان كيشوف فطاهرة عرفها كتقصدو بهضرتها تنهد:نوضي غنمشيو
ناضت:يلاه
سلمو على عماد وليلى وخرجو ركبو فطوموبيل وكسيرا طريق كاملة وهوما ساكتين تا وصلو لدار طلعو لبيت هي دخلات نيشان بدلات عليها وخرجات شافتو فلبالكون كيكمي جلسات فوق النموسية وهي كتحس بالردة والدوخة عيات صابرة وهي تنوص لحمام كتجري ردات داكشي لي كلات كامل شلات فمها وغسلات وجها وخرجات وهي حاسة بمصارنها كيقطعوها..علات عنيها لقاتو كيشوف فيها جلسات فوق النموسية وجا جلس حداها:شهادشي كيوقع ليك
طاهرة:عادي
علا حاجبو:كيفاش عادي..والدورة الشهرية مابقاتش جاتك ولا شنو
طاهرة بلعات ريقها:كيفاش
ناصر:شوفي نتي
طاهرة قلبها كيضرب فلمية:ملي كتقرب تجيني كيوقع لي هكا ردان والدوخة وكتحل لي الشهية..فهمتي دابة..راه ماشي داكشي لي فبالك
وتكات وعطاتو بالضهر وكملات هضرتها:مايمكنش نولي نحمل غير كون هاني..
ورجعات ناضت وهي جالسة: عرفتي شنو ماتبقاش تقيسني نت كاع باش ماشي كل مرة تشك اني حاملة ..سير عند هديك لي كنتي معاها وهني راسك..
ناصر كيشوف الدموع محجرين فعنيها ولكن حابساهم باش ماينزلوش
قربها لعندو وعنقها ماقاوماتوش دفنات راسها فصدرو حتى كتسمع صوتو:ماوقع والو بيني وبينها..من نهار عرفتك ماقست شي وحدة من غيرك
بلا ماتحس بتاسمات وعلات راسها فيه وهي مبتاسمة وعنيها دامعين:واش بصاح
هز راسو باه وهو كيدوز اطراف صبعانو على خدودها:اه بصاح
عضات على شفايفها ورجعات حطات راسها على صدرو
دازو ساعات
كان داخل لدار من بعد ما جابو الشيفور..دور عنيه على دار ماشافهاش ..بقة غادي لشوية على ريوس صبعانو فاش شافها فلبالكون واقفة وصل لعندها وهرها من جنابها:بوووووم
روبي قفزات من بلاصتها:اااانم
وحطات يديها على قلبها:شهاد اللعب دلمرض
علي:غا ضحكنا معاك
روبي:هدا ماضحك ماوالو
علي:سكتي ونتي على سبة..كاين شي حاجة ناكلوها ولا والو بحال لغدا لماكلة من الزنقة
روبي :ياك ما باغيني نطيب ليك ولا شنو
علي وهو كيحيد الشكارة من على كتافو:ومالك
روبي:لا هدشي لي بقة
ودخلات لداخل وهو تابعها:انا كتعجبني لماكلة ددار باش ديريها فبالك
هزات سوارت الطموبيل وخرجات وهي معصبة نزلات لتحت ..هي ساكنة فاباغطوموبو فحي راقي على قدها..ركبات فالطموبيل ومشات لاقرب ساكا نزلات شرات الماربورو.وطلعاتولطموبيل وكسيرات وشعلات واحد وهي كتكمي تا وقفات فواحد الحي شعبي ..شوية وقف عليها واحد:خني روبي مرحبا
روبي حلات الشرجم و مدات ليه لفلوس:كاينة شي حاجة زوينة
مشا وشوية وهو يرجع مد ليها تقدية وجوان :عماد شتو مابقاش يدوز
روبي وهي كتشعل الجوان:عماد راك عارف مرة مرة.يلاه تلاح
كسيرات نيشان للكازينو قرب رمضان مابقاش خدام كتشدو تا لمور رمضان ولكن لبنات كيبقاو تماك .قصاير عاديين مع لكليان فجلسات خاصة.وصلات ودخلات لداخل تلاقات سوسو
سوسو:جابك الله احبيبتي..واحد سيد الطولة وتجريدة وزين ولفورمة ااااح غير هو مخنزر ولد الكلبة راه فلمكتب
روبي هي كتسوط الدخان:شكونوهدا
سوسو:باينة من لبوليس هدشي لي بان لي المهيم راه فالمكتب
روبي:اها نمشي نشوف هاد خونا
مشات نيشان لمكتب دخلات وهي تصدم ملي شافتو بلعات ريقها ..:شكا دير هنا
روبي:شكا دير هنا
كمال :جيت نشوفك ..بغيت نفكرك اني ماناسيكش
روبي:اها ولاش معدب راسك مامحتاجش تفكرني
كمال قرب لعندها:باقي ماناسيش نهار تهجمتو على داري وبضبط فاش هددتيني ببنتي
روبي وهي كتسوط ليه الدخان فوجهو:اووه وباش عرفتيني انا
كمال:لحشييش حشايشية مع رايك
روبي:وي لحشيش ياك ماغا تديني لكوميسارية
كمال:لا ماغانديكش على هدشي خاص شي حاجة كبيرة باش ماتوليش تخرجي
كمال وهو كيطلع ويهبط فيها:لهاد الدراجة مزال متأترة.غتاصبك خوك مزال مزال مانسيتي هدشي أملاك
روبي بلعات ريقها ماكانحملش تهضر فهادشي:سير بحالك
كمال قرب لعندها وحط يديه على خسرها تا قفزات وهمس ليها:تعقدتي كتحاولي تبيني وانك قوية
روبي رجعات اللور :خرج عليااا
كمال وهو خارج:مزال غنتشاوفو عندي ليك مفاجأة تسنايني
وخرج وزدح موراه لمكتب روبي تعصبات:الزااامل لاخور
وجلسات فالمكتب هي كتفكر فهضرتو وشنو كان كيقصد وشمن مفاجأة
دازو ساعات طاحت الضلمة🌒
حلات عنييها بشوية .شافت فبلاصتو مالقاتوش حداها تقلبات على ضهرها وهي كتقاد ليزار فوق جسمها لعاري شافتو خارج من لحمام ملوي على خسرو فوطة بقات كتشوف فيه وهو كينشف شعرو شوية شافتو دخل لبيت تبدال لبس عليه شورط وخرج دخل نيشان للبالكون شعل كارو وبقة واقف وريح كيضرب فيه..تنهدات بغات تنوض تشرب لما ريقها ناشف ناضت وهي ملوية عليها ليزار شافت لقميجة ديالو هزاتها ولبساتها .جاتها واسعة حد لفخاض دخلات نيشان للكوزسنة لي عندو فلجناحولاتوالتلاجة وجبدات قرعة دلما هبطات عليها بحاليلا كانت كتحارب .وخرجات وهي كتلعب بلكمام دلقاميجة..جدبها لهوة لي خارج من لبالكو مشات ووقفات حداه وهب كتستنشق لهوة ..طفا لكارو وشاف فيها وفقميجتو لي لابساها جاياها كبيرة وكمامها طوال ..بقة شحال كيشوف فيها..وفشعرها لي مغطي وجها كيديه ويجيبو الريح..مد يدي وبعد شعرها من وجها شافت فيه وبتاسمات ..دور يديه على خسرها وقربها لعندو حطات راسها على كتافو..وبقاو ساكتين بلا تاشي كلمة من غير الافكار لي كيدورو فدماغهم ..طاهرة تفكرات قبل ساعات ماحساتش براسها تا تكاها فوق النموسية ستسلمات ليه وهي مستمتعة ..مارس معاها بطريقة زوينة خلاها تعيش اللحضة..بتاسمات وهي كتحس بصبعانو وسط شعرها كيتحركو..حسات بلبرد مع الليل كيبرد لحال علات رايسها وشافت فيه:خلينا ندخلو لبرد هنا
جرها معاه ودخلو لداخل..طاهرة نيشان طلعات فوق النموسية وتخشات فبلاصتها عيانة وفيها النعاس جرات عليها ليزار وحيدات القميجة وتغطات ماعندهاش الجهد تنوض الدوش غمضات عنيها وهي تحس بيه تخشا حداها دورها لجيهتو قربات لعندو وحطات رايها على صدرو وهو مدور يديه على خسرها وكيحرك يديه على ضهرها لعاري.طاهرة مغمضة عنيها وهي كتسمع صوت دقات قلبو ستحلات النعسة مدات يديها وشدات ليه فيدو وستسلمات لنعاس..
نمشيو عند روبي
دخلات لدار شدات لباب موراها وهي تشوفو متكي فوق الفطوي وطافي ضواو من غير ضو تلفازة كيتفرج فيها..
روبي كيزيد يلعب ليها على الاعصاب:كيفاش زعمة انا قنية.
علي:غدا داخل مع 8 مامساليش ليك
روبي كتحاول ماتمشيش وتقجو صبرات راسها بالسيف
دخل للبيت لي ولا ديالو ونعس..
فهاد اللحضة الابطال ديالنا كلهم كانو ناعسين
دازت هاد الليلة وجا نهار جديد باحدات غتغير مجرة القصة
عند واحد الشخص
كان جالس وهو كيفكر والجرائيد بين يديه لحد الان مزال كيهضرو على النهار لي عتاقلو فيه الزعيم..خاف ان هاد البوليسي يقدر يوصل لشي حاجة ويتفرش كللشي..ولكن لا قتلو غيزيد يأكد للبوليس شكوكهم ..حس بالخطر ان الزعيم يقدر يكون سباب ويتفرشو كاملين .وعاد بزاف دلعمليات كان اينفدها الزعيم تأجلو.القانون كيقول اي مصدر دالخطر ضاروري يتقتل شكون بغة يكون هادا قانون من قوانين دلمافيا..هز طليفونو وكي لعاد صونا برقم اير معروف جاوبو:الو احمد
ناضو كاملين مشاو لقاعة الاجتماعات.كل واحد شد بلاصتو..كان جتماع بخصوص الدفعة الاولة ديال المجوهرات ..دابة غيخرجو الموضيلا للأسواق..سلاو الاجتماع وخرجو
امين:يلاه هنا مشيت
عماد:تأنا
بقة غير ناصر دخل للمكتب وجلس يقاد شي حاجة حتى كيشوف لباب تحلات ..علا عنيه فيها وهو كيشوفها داخلة والابتسامة مرسومة على وجها قريات لعندو وباستو من خدو:كي بقيتي
ناصر ببرودة:بخير
لارا:فين هو بابي
ناصر:ماعرفتش
لارا:كنت بغيتو حيت متبقاش بزاف وندير عرض للازياء ديلي..غناخد المجوهرات من عندكم نهار العرض قالي نجي لشريكة باش نهضرو فهادشي
ناصر ماكايجاوبهاش
لارا تنهدات:صراحة جيت تاباش نشوفك بغيت نهضر معاك
ناصر:شنو بغيتي
لارا:مابغيتكش تبقة مقلق مني ..مابغيتش نخسرك اناصر.يكفي اني خسرت فرصة اني نكون مراتك ولكن مابغيتش نخسر صداقتنا عفاك سمحلي ونسة لي فات
ناصر عنيه على لوراق..لارا كملات هضرتها:الله يخليك سمحلي..خلينا نرجعو كي كنا شحال هدا بحال ختك لا بغيتي ..
نزلو دموعها:عفااااك ماتخلينيش هكا
بقات كتبكي بصوت مسموع شاف فيها..اصلا نسة داكشي وماهموش انها كانت مع امين ماتحرك فيه والو من غير غضب ..هو ماكانش رادي على هاد الزواج اصلا...فداك اللحضة ودابة صافي :صافي بلا بكة
بتاسمات:سمحتيلي..ياك
ناصر:صافي
طارت عليه وعنقاتو :شكراا بزاف
ناضت:نوض انا عارضة عليك لغدااا بهاد المناسبة
ناصر وقف وهز سوارتو:زيدي
بتاسمات ووهي فرحانة دخلات يديها وسط دراعو وخرجو من الشريكة ركبو فطوموبيل لواحد المطعم ..لارا بتاسمات بمكر وميات فكرة فراسها وصلو للمطعم دخلو وجلسو جا سيرفور طلبو شغا ياكلو
لارا:انا فرحانة بزاف شكراا
ناصر:نقسي غير من الطياران لي فيك
لارا:هههه واخة
جابو ليهم لماكلة بداو ياكلو فصمت لارا شافت ان هدي هي الفرصة المناسبة :احم ناصر بغيت نقولك شي حاجة
ناصر:هنا كنسمع
لارا:نت كتر من عزيز على قلبي عارف هدشي..وحاولت مانتدخلش ولكن ماقديتش ما نقدرش نخبي عليك
ناصر:اهاه ومن بعد
لارا:داك الطاهرة نيتها ماصافياش
ناصر غير سمع سميتعا بدا يغلي:طاهرة ماسوقكش فيها
لارا:خليني نكمل راك غتشكرني
ناصر:بلا ما تجبدي فلهضرة دوي
لارا:ليلة لي قالت طاح الولد فاش تكركبات من الدروج..
ناصر كيشوف فيها بمعنة كملي
لارا بقات كتفكر شحال..مايمكنش غير هي لي طلع خاسرة من هاد اللعبة بغات تولي تكسب ناصر لجيهتها وتبعدو على طاهرة..مابغاتش تبقة غير خاشية راسها فلبيت وكتبكي:سمعني داك الليلة كدبو علينا اناصر..روبي عاونات طاهرة ماعرفتش كيفاش ولكن راه الولد باقي عايش انا سمعتها بودني كانت كتعاودها لمك .ومرة كانت كتهضر هي وروبي.ناصر راها مزالة حاملة باغة تخليه ضد فيك باش تشدك وتحطك امام الامر الواقع انا عارفاها شنو بغات ..
ناصر غير كيشوف فيها بلا تاشي ردة فعل باقي مامتيق هادشي لي كيسمع..بدا كيغلي من لداخل تا ولا حمر جرها من دراعها لعندو وزير تا غوتات:شكا تخربقي واش متأكدة
لارا:اااه متأكدة هدشي كامل واقع ونت ماجايب خبار باغة تجيب ليك ولد من علاقة غير شرعية باش تفقصك
ناصر ركب فطوموبيل والجنون كيلعبو فدماغو باغي غير فوقاش يوصل لعندها..عروقو بانو باللعصب كيسوك وكل شوية كيضرب فدريكسون بالعصبية حرك الضو لحمر وغادي فاتجاه غالط ماهامو والو من لول كان شاك ولكن قدرات توهمو انه ماحاملاش غوت :كضحكيييي علياااا يا بنت لقحبة
عند طاهرة
كانت متكية فوق النموسية ويديها على كرشها كتحركها بشوية..وهي كتحس بكرشها بدات تنفخ..تنهدات وهي كتفكر شغا دير نهار تبان كرشها..غيلاحض وماغاتلقا ما تقولو.ناضت بشوية حيت كتحس بلحريق خفيف تحت كرشها.كتحس بالدنيا دايرة بيها الدوخة..بغات تهبط وتسول الطاهرة الام على هدشي..
عند ناصر
وصل لدار كيشي عجاجة نزل بالزربة حل لباب وهو يشوف مو قدامو مشا عندها نيشان وهو مخنزر كيغلي وقف حداها وبدا كيغوت:كنتيي عارفة ومخبية عليااا..
طاهرة الام قفزات ملي سمعات صوتو كتشوف فيه كي معصب وشاعل مافهماتش علاياش داوي:شنو خبيت عليك
نااصر مسح على راسو وهو كيتفكر انها حاملة منو رجع اللور هاد الفكرة مابغاتش تدخل لدماغو بلع ريقو
طاهرة الام غير كتشوف فيه قربات لعندو حطات يديها على كتفو:مالك اولدي علاش معصب تا لهاد الدراجة..وشنو خبيت عليك
بقة كيشوف فيها شوفات حااادين غوت تاني فوجها: كنتي عارفة راها حاااملة ياك..وتسترتي عليها كضحكو علياا
طاهرة كانت نازلة فدروج وهي تشهق فاش سمعات هضرتو ..بالصدمة جلسات فالدروج وهي عاضة على يديها كتبكي.غتموت بلخلعة صافي غيقتل ليها ولدها..
طاهرة الام هي التانية مصدومة:ك.كيفاش.
ناصر:الهضرة ماشي معاك نتي..الهضرة مع هاديك لي لفووق رداني كيدااار كتلعب من مور ضهري.
بغة يمشي وهي تشدو مو:الله يخليك اولدي عنداك دير شي حاجة وتندم عليها راه كيبقة ولدك
طاهرة ناضت بالزربة وطلعات دخلات لبيت وشدات عليها بالساروت ووقفات وهي كتبكي وشادة فكرشها خايفة بزاف..
ناصر كان.طالع فدروج ومو تابعاه كتطلب فيه باش مايأديهاش..ماداهاش فيها..وصل للبيت بغة يحل لباب لقاه مسورت دق بجهد تا قرب يفرع لباب..وفكل دقة طاهرة كتقغز معاها وغير كتبكي
ناصر غوت وهو كيضرب لباب برجليه:حليييييي لباب
طاهرة ماكاتجاوبوش اصلا فين هو لسان لي ينطق.
ناصر:هاد لباب غنهرس دلمو فوق راسك..حليييي
قربات للباب ووقفات هضرات بصوت باكي:عفاااك ما تأديليش ولدي
زاد تعصب ؛اما غتحليها ولا غنهرسهاا..
طاهرة وهي كتبكي:ناصر ماتحرمنيش من ولدي
ناصر:ماغاتحليش
طاهرة الام واقفة حداه وكتبكي:شوف مسكينة كيف كتطلب فيك شوف من حالها اولدي
ناصر جبد لفردي من مور ضهرو وتيرا فساقطة دلباب دفعها برجليه تا تحلات..طاهرة كانت سادة ودنيها بيديها وهي كتبكي بهستيرية وكترجف ماقدراتش حتى تشوف فيه بلخلعة هزات راسها فيه وهي تشوف سلاح حسات بقلبها غيسكت..بقات كتبكي بصوت مرتافع
طاهرة الام دخلات موراه يلاه اتهضر وهو يشدها من يديها ويخرجها من لبيت وهضر وهو عاض على سنانو:مزال انتفاهم انا وياك..
ورجع دخل وعنيه كيلهبو لهب..طاهرة مزالة على وضعها واقفة وكتبكي وكلها كترعد وصوت شهقاتها مسموع فأرجاء الغرفة .وعنيها على لفردي لي فيديه كتسناه فوقاش يتيري فيها.ناصر قرب لعندها وجمع معاها بصقلة تا دار وجها وشدها من دراعها وزير طاهرة زادت فلبكة وبدات كتطلب فيه:الله يخليييك ندير ليك لي بغيتي عمري نولي نستافزك غير ما تأديليش ولدي راه نموت معاه لا درتيها.هو لي مصبرني ..والحاجة الزوينة ولواحيدة لي وقعات فحياتي
حطات يديها على صدرو وهي كترغبو:عفاك متأديليش ولدي ..شوف خليني نمشي وعمرك تولي تشوفي وتاشي حد ما غيعرف عندك ولد مني..
كتهضر بصوت باكي وكترجف بالخلعة
ناصر كلمة ولدي زادت عصباتو ماحسش براسو تا جرها من شعرها وزير :نتي لي قلبتي على هادشي ادن تحملي العواقيب
طاهرة بقات كتبكي بصوت مرتافع.
ناصر كيهضر وهو كيحرك السلاح بيديه فتجاها..كيعبر بيه فكل كلمة كينطقها.بطريقة كتخوف كيهضر مع بحة ديال العصبية :شحال من مرة كنقولك تاحاجة ماكتخبة عليا ..
كان شعرها نازل على وجها رجعو اللور بسلاح لي فيديه وتبتو فوق راسها :دابة شغا ندير فيك ..
وغوت فوجها تا شهقات بالخلعة:دوييييي لاش خبيتي عليااااا
غوتات ربي لي خلقها فاش.حسات بشي حاجة هابطة منها..مع وجع نغزها بالجهد بحال شي خنجر حطات يديها على كرشها وتحنات وهي كتغوت:ااااي كرشي
ناصر مزال كيسمع فودنيه صوتها فاش غوتات بلع ريقو وهو كيشوفها كتغوت وتبكي وشادة فكرشها..رخة منها ورجع اللور وهو كيشوف فيها.. طاهرة طاحت فالارض وهي كتبكي وتوجع تعيط ليه بسميتو:نااااااااصر ولدي أناااصر ..نااصر
ناصر طاح ليه من يديه السلاح وكيشوف فيها وهو مصدوم ماعارفش شنو يدير
طاهرة متلوة فالارض بلحريق وكتشوف فيه باش يعاونها:نااااصر حراااام علييييك..مابغيتش ولدي يمووت ..عيط لماما
وغوتات بالجهد:مااااااااماااا
ناصر مبلوكي خصوصا فاش شاف الدم تحت منها ماقادرش يقرب ليها..مشى لبالو لبعيد.كيفكر حتى قفزو صوتها و هي كتغوت وتبكي..بحاليلا عاد فاق شاف فيها كتحاول توقف ولكن ماقدراتش رجعات طاحت الارض وهي شادة فكرشها وكتبكي بحرقة.عاد حس على راسو مشة دغيا عندها تحنا لعندها..طاهرة شدات ليه فلكول ديالو وهي كترغبو:ناااصر كرشي كتقطع..مابغيتوش يموت.ناصر دير شي حاجة راه كنمووت😢
كيشوف فيها كي ولات ..وجها حمر ودموع شلال من عنيها وعرقانة وكترجف..
ناصر ضربو الدو فاش شافها ماكاتحركش وعنيها مغمضين بدا كيضرب ليها على وجها:طااهرة فيقييي...حلي عنيييك
والوووو ولات جتة هامدة ماكاتحركش
ناصر وهو كيزعزعهاا حس بالدنيا ضارت بييه مزال صوت صراخها كيتسمع فودنيه:قلتلييك نوووووضي
مسح على راسوو وهو كيشوف مع جنابو تا طاحت عنه على الدم لي سال فالارض وحوايجها متختخين..ناض دغيا هزها بين يديه كيشي ريشة وتم خارج بيها من لبيت هبط بيها لتحت كانت طاهرة الام جالسة وكتبكي وكتدعي ربي باش ما يأديهاش غير شافتو هازها وحالتها حالة مشات عندو كتجري:اوييييلي شنو درتي فيها..قتلتييييه ياااك..ضربتيهاا
غوت عليها:حيدييييي من طريقيييي
كمل طريقو وهي تابعاه كتبكي ..غير شافوه خارج مشاو دغيا حلو ليه باب طموبيل ركبها اللور وطلعات حداها طاهرة الام..مشا ركب تاهو كسيرا بالجهد..بلا ماينطق تاشي كلمة..طريق كاملة وبالووو خداااام.غير معاها..حط يديه على صدرو فاش تزير عليه ..حل الشرجم باش يدخل ليه لهوة..وشاف فلمراية لي اونفاص معاه باش يشوف فيها..تنهد بصوت مرتافع وهو كيرخف لكرافاط..ماباغيش يضعاف وتأتر عليه الازمة ..
وصلو للمستشفى وقف ونزل دغية هزها بين يديه وتم داخل بيها لطبيب غير شافوه دغية جابو لباياص حطوها فيه.
ناصر وقف وهو كيشوفهم داينها تكا على الحيط وهو حاط يديه على صدروو..تقطع فيه النفس..غير الالم لي كيحس بيه فصدرو كان عايش فصراع داخلي..ماباغيش المرض يسيطر عليه عارف راسو قوة منوو.بقا كيكح شاف لحمام قريب ليه دخل وهو مزال كيكح علا راسو وشاف فلمراية..دم خارج من فمو ..كيحس بحاليلا رية ديالو مجروحة وكدرو..حل الروبيني وبدا يغسل فوجهو ملي حس انه بدا يولي لاباس ..شاف الدم فحوايجو ديال الطاهرة..حل لباب ومشا نيشان للغرفة لي دخلولها ليها..شاف الطبيب خارج مشا نيشان وشنق عليه قبل يقول شي حاجة كان كيهضر على سنانوو ومزير على عنقو :هااديك لي لداااخل غتبراا وتنوض لاباس سمعتيني
الطبيب كيهز راسو باه :ااه واخة اسي الزعيم
يلاه ايمشي وهو يرجع يشدوو:عرفتي شنو ادير..اتمشي تجيب طبيبة لي تكلف بيييها
الطبيب كيرجف :وااااخة
رخة منو وغوت ليه فوجهو:شكاااا تسناااا
الطبيب مشا طاير يجيب الطبيبة
ناصر ضرب يديه مع لحيط وهو معصب وكيمشي ويجي شاف الممرضة خارجة جرها من دراعها شوية ويهرسها:فييين غادا شنو واقع لداخل
الممرضة:غنمشي نجيب يبرة دلمهدئ خاصة بحالتها اسيدي
دفعها تا كانت اطيح..شاف الطبيب جاي ومعاه الطبيبة غوت عليهم تا كلشي قفز:واااتحركوووووو شكا تسناااو
الطبيب:هاهي الطبيبة
ناصر:سمعيني مزيان ياا ويلك وتوقه ليها شي حاجة غير حفري قبرك
طبيبة:ماتخافش اسيدي كلشي غيكون لاباس
ناصر خنزر فيها:انااا ماخاايفش انا كنحدرك سمعتني
طبيبة بلعات ريقها:واخة اسيدي
تمات داخلة لغرفة الطوارئ وهو يوقفها بصوتو:عتقييه
شافت فيه:شكون
بقا ساكت شحال وهو ينطق:ولدي ماتخليهش يموت
طبيبة بقات كتشوف فيها عرفات ان هاد العصبية غير بسباب الخوف بتاسمات ليه:يكون خير بادن الله
ودخلات..وهو بقا واقف ماعارفش شنو يدير
طاهرة الام قربات ليه:دابة عاد ولا ولدك..تا قتلتيه نت قتلتي ولدك حرمتيها مسكينة من الحاجة الزوينة لي كانت باغاها
شاف فيها وكلمة قتلتي ولدك كتردد فودنيه شدها من دراعها بالجهد وزير:انا ماقتلتش ولدي انا ماكنتش انقتلو..سمعتيني.هو ماغايموتش
طاهرة الام بقات غير كتشوف فيه رخة منها ورجع اللور جالس على اعصابو..طاهرة الام بقات كتشوف فيه وفحالتو كيف دايرة قربات لعندو حطات يديها على كتافو هضرات معاه بحنان:ماغا يوقع والو
شاف فيها وحيد يديها من على كتافو:حيت لا وقعات ليهم شي حاجة غنحرقكم كاملين سمعتيني
طاهرة كتافات بالصمت وهي كتشوف حالتو كيف دايرة..عرفاتو كيغلي من لداخل.واخة هماجي فأفعالو وقاصح فشخصيتو راه كيبقة انسان عندو قلب كيحس بيه كيبقة ولدو و هديك لبنت لي حاملة منو وبولدو ضاروري ايكون كيحس من جيهتها بشي حاجة..جلسات وهي كتقرا فخاطرها ايات من القرآن وكطلب من ربي مايوقع والو
دازو ساعتاين
ناصر بنفاد صبر:وااش انبقاو هنا
شاف الممرضة خارجة وزربانة شدها من يديها:شنو واقع
الممرضة:والو نجيب ليها الدم لي غتحتاج ..الفصيلة ددم ديالها متوفرة عندنا
ناصر رخة منها مشات كطير .مدة ورجعات وساشيات ددم فيديها دخلاتهم للغرفة ورجعات تشدات لباب..ناصر كيزيد غير يتعصب ملي كيتعطلو..
دازت ساعة
حتى كيشوف الطبيبة خارجة غير شافها مشا عندها:دوي شنو وقع
الطبيبة:تهدن بعدة الله يخليك
ناصر حس بشي حاجة ماشي هي هديك:راني على اعصابي ماتزيديش تجهلني نصدق داير شي حاجة ماشي هي هديك
الطبيبة:الحمل ديالها ماشي عادي اسيدي..كان خاصها ماتحركش بزاف وترتاح وتزور الطبيب كل مرة فالسيمانة .ولكن على مابان ليا ماكانتش عاطية راسها الراحة وكانت كتعرض لضغوطات نفسية ..احم وماكانش خاصها تمارس بزاف على حساب الحمل
ناصر :ومن بعد.كملي
الطبيبة:للاسف خسرنا جنين
بالصدمة غمض عنيها ورجع حلهم حس دنيا ضارت بيه تفكر فاش كانت كطلبو وترغبو باش ولدها مايوقع ليه والو وهي كتبكي..حس بحال شي جنوي تضرب فقلبو..حس باحساس خايب كان ايكون ولدو تاهو بلا مايحس شنق على الطبيبة شوية ويقتلها وبدا كيغوت:حدررررتكم علاااااش ماعتقتيهش
الطبيبة كتحااول تفك منو خنقها بدات كضربو فيديه وفدراعو او والو ..جات طاهرة الام وهي كتحاول تبعدو هي كتبكي:رخييي منها راك اتقتلها
بصعوبة باش قدرات تقنعو يبعد منها رجع اللور وهو كيلهت بحال شي عافية خاصو غير ما يحرق
الطبيبة كتكح وهي حاطة يديها على عنقها..خرجو الممرضات ومشاو عندها ..سترجعات انفاسها
ناصر ماكرهش يشدها يقطعها بين يديه فقد اعصابو ..الطبيبة وهي كتلهت:ماخليتينيش نكمل هضرتي
شاف فيها وقرب لعندها زادت شعلاتو:ياك ما وقعات ليها شي حاجا
الممرشة خافت يزيد يكمل عليها:لا لا ماشي هاكا هي دابة راه لاباس
ناصر:وشنو
طبيبة بتاسمات :سبحان الله مراتك كانت حاملة بربعة حالات نادرة ومعجزة من عند الله.سبحان الله.فقدات جنين واحد وبقاو تلاتة اسيدي ..بصعوبة باس قدرنا نخرجوه من الرحيم ديالها الشي لي خلاها تفقد الدم بزاف
ناصر ماتيقش شكا يسمع جاب ليه بالو غا كيحلم كيشوف فيها وكيتأكد..من هضرتها.مصدوم ومافاهمش باش كيحس شنو هدشي لي كيحس بيه.واش فرحة ولا دهشة ولا خوف تخطلو عليه الاحاسيس اول مرة يحس بهاد الشعور لمخربق..حط يديه على صدرو وهو كيحس بقلبو كيضرب بالجهد ولحرارة طلعات معاه..نطق بصوت شبه منخفض :كيفاش
الطبيبة:مبروك عليكم ربي عطاكم ربعة دلي بي بي..لاسف ماقدرناش نعتقو الرابع ربي عوضكم.ويكونو فال دلخير عليكم اسيدي
ناصر كيتخايل انه اب لربعة ددراري هكا جا فبالو كلهم دراري..بتاسم بلا مايحس وشاف فمو لي كتحمد ربي وتشكرو وهي مبتاسمة
الطبيبة:دابة راه ضربنا ليها شوكة دلمهدئ خاص ترتاح...غير تفيق بامكنك تشوفها.ساعتاين كاع وتفيق
ماداهاش تا فيها حل لباب ودخل يكفي انه تلاتة دسوايع وهو صابر باش مايدخلش ..كانت الممرضة واقفة كتقاد ليها سيروم
الممرضة:مزال ماغاتفيق
ناصر وعنيه على طاهرة:خرجي
حنات راسها وخرجات..بقا واقف شحال وهو كيشوف فيها وهي ناعسة فوق لباياس وملبسين ليها لباس زرق خاص بلمرضى شعرها مليوح فوق لمخدة وسيروم فيديها وجهاز ديال لقلب كيتسمع صوتو قرب لعندها وتحنا لعندها باسها من جبهتها وعلا راسو وشاف فيها حط يديه على كرشها هنا كاينين ولادو من صلبو وحاملين نفس الدم ديالو.شد ليها فيديها وباسها باغيها تفيق باغي يهضر معاها فبزاف دلحوايج.باغي يشرح ليها ..باغي يشكرها حيت حمات ولادهم منو كانت قوة منو وخلاتهم يعيشو ..مسح ليها على وجها بشوية .هي دابة ام لولادو بتلاتة زاد اصرارو باش عمرو يسمح فيها..تقاد فالوقفة وخرج
طاهرة الام:كيف بقات
ناصر:ماعرفتش تاتفيق
طاهرة الام:مبروك عليك ولادك بتلاتة
ناصر كيدورها فدماغو كلمة ولادك غريبة عليه عمرو كان داير فبالو انه ايولي اب شي نهار ويولي يقول تاهو ولدي احساس زوين كيحس بيه.احساس دالابوة لي كان ايحرم راسو منو باش يعيشو ويحس بيه..تفكر نهار قالها ماتحملش ايلا حملات ايقتلو فكرشها..تنهد ماباغيش يفكر فهادشي .اهم حاجة لي جاي
نمشيو عند احمد
كان فنفس لبلاصة لي ديما كيتجمع معاه فيها..غير وصلو طموبيلات..كانت وحدة من نوع الرونج وموراها جوج دلميرسيديس كوحل..نزلو الحراس هوما لولا مشاو عند احمد كي لعادة غطاو ليه وجهو ودارولو كاسك على ودنيه..عاد مشاو حلو لو لباب..نزل وهو كيستنشق لهوة شاف فاحمد وقرب لعندو وهضر ..لهضرة كتسمع فلكاسك بصوت مختالف .احمد ولف على هاد السيسطيم عمرو شاف وجهو ولا سمع صوتو لحقيقي.هادشي ماكايهموش لي كيهمو لخدمة وصافي
الشخص:احمد شتك مابقيتيش تحكم فدوك دراري الحب وهاد التخربيق خرج عليهم .وقت الخدمة خدمة .وشي لاخور بعيييد.
احمد بلع ريقو:راه تحل المشكيل
الشخص:ماحاضي والو .واش فخبارك ان امين هو لي صيفط تصاور للكوميسير شهاد الحالة وصلو ليها.
احمد مصدوم:كيفااش
الشخص:سمعني مزيان انا مانبغيش يمشي لي نا كلشي فزيرو على ود.طيشهم..راك عارف قانون اللعبة ملي البوليس كيوصلو لشي حد من المافيا كنقتلوه
احمد:بغيتي تقول اسيدي ناصر يتقتل
الشخص بقة ساكت شحال:لا هدا كيبقا الحل التاني
احمد:واخة اسيدي ..وشنو هو لحل الاول
الشخص:هاد كمال كيخبش بزاف.قدر يقنع الوكيل لعام باش يكمل فهاد القضية وتافق هو وياه باش يجيب ليه دليل على كلامو.باينة فيه دكي
احمد؛نقتلوه
الشخص:ماتكونش غبي لا قتلناه أنأكدو ليهم الشكوك ديالهم..غادي يتقتل ولكن ماشي دابة..وعاد عندنا بزاف دصفقات ماخاصش نضيعهم وكلهم ناصر لي يقدر يتكلف بيهم .وهو دابة تحت المراقبة مايمكنش ينفدهم
أحمد:وشغا نديرو
الشخص:سمعني مزييان..ناصر غيدخل لحبس لمدة عام كامل
احمد تصدم:كيفااش
الشخص:ملي نكون كنهضر ماتقاكطعنيش
احمد:سمحلي
الشخص:المهيم هنا غنشوف شمن تهمة..العمليات كاملين غينفدهم فالحبس..ويخرج من بعد..وفالمدة لي غيكون فيها هو فالحبس غنقتلو حنا الكوميسير ..ولا نشوفو شغا نديرو ليه..اهم حاجة انه فالحبس تاشي حد ماغايشك فيه انا غنقاد كلشي نت وصل ليه هاد الهضرة وقول ليه يوجد راسو فاي لحضة يقدر نعلمكم فوقاش غنفدو هدشي
أحمد:كاين غير هاد الحل
الشخص:كاين
احمد:شنو هو
الشخص:نقتلو ونقتلك معاه
أحمد كتافا بالصمت
ااشخص ركب فطوموبيل وجا واحد من رجال حيد لاحمد لغطا على وجهو ولكاسك..ومشاو بقا غير أحمد واقف كيفكر فهدشي
دازو ساعات
كان داخل لطبيب من بعد مامشا وبدل عليه ورجع نيشان مشا للغرفة ديالها لقا مو واقفة:فاقت
طاهرة الام:ماعرفتش الممرضة دخلات عندها
حل للاب ودخل لقاها مزال ناعسة:علاش مزال مافاقت
الممرضة:دابة تفيق اسيدي..
وخرجات
بقة واقف حداها كيتأملها كيتسناها تحل عنيها ..شوية بشوية شافها كتستاعد باش تفيق بقة حاضيها تا حلات عنيها بشوية شافت فيه هو لول وهي مافاهمة والو ماعارفاش فين هي .دورات عنيها على لغرفة بغات تحرك وهي تحس بلحريق فلتحت دكرشها عضات على شفايفها من لحريق ..عاد سرات معاها تفكرات داكشي لي وقع كلو..حطات يديها على كرشها وبداو ينزلو دموعها شوية بداو يتسمعو شهقاتها وهي كتبكي :ماات يااااك..ولدي مشا ما بقااش ياك اناصر
ناصر شد ليها فيديها وهي تنتر منو بقات كتغوت وتبكي:ااااه ماااات ..غير قولها .ولدي ماات
كتغوت وهي حاطة يديها على كرشها:كنت بغيييتو بسباااابك نت صافي تهنيتيييي
بغات تنوض وهو يشدها بقات كتنتر منو تا حكمها مزيان وعنقها وهي كضرب ليه فصدرو وتغوت .جاو الممرضات غوت عليهم:خرجووو تقودوو
خرجو كيطيرو
طاهرة مزال كضرب ليه فصدرو:بسباااااابك هدشي لي كنتي باااغي ..كنكرررررهك ..حرمتيني من ولدييييي..بعد مني
ناصر زير عليها مزيان وقرب لودنيها وهمس ليها:نتي باقة حاملة
طاهرة غير سمعات هضرتو حبسات وحطات راسها على صدرو كتحاول تستوعب علات راسها وشافت فيه بعويناتها دامعين وبصوت باكي:واش بصاح
طاهرة كترجاه بعنيها:عنداك تكون غير كضحك عليا..راه بيه انا عايشة
ناصر غير كيشوف فيها تكاها فوق النموسية:خاص ترتاحي
طاهرة حطات يديها على كرشها وهزات راسها باه و هي كتشوف فعنيه خايفة يكون غير كيضحك عليها باش يقتلو:ناصر وعدني ماغاتأديهش..شوف لا بغيتي نمشي بحالي نمشي باش..
قاطعها وهو حاط صبعو على شفايفها:كيفما هوما ولادك ولادي تأنا
طاهرة بلعات ريقها مامصدقاش انه عتارف انه ولدو مالقات ماتقول
ناصر:اخر مرة نولي نسمعك كتقولي بحال هاد الهضرة سمعتيني
طاهرة تصدمات حطات يديها فوق يديه لي على كرشها:كيفااش؟انا عندي هنا تلاتة دلي بي بي
هز راسو باه
طاهرة كتشوف فيه وهي مصدومة شوية ترسمات على وجها ابتسامة فاش تخايلات انها ام لتلاتة دلاطفال..جاتها غريبة كانت هدشي غير كتسمع بيه ..اولا كتشوفو فتلفازة ..شوية حطات يديها على فمها وبدات كضحك بصوت مرتافع من كل قلبها :ناااصر غيوليو عندنا تلاتة دلي بي بي..ههههه..ناصر انا فرحانة بزااااف
ناصر بتاسم كيحس بنفس الشعور دلفرحة وكتر يمكن ..سهى وهو كيشوفها مزال كضحك ماكرهش يبقة ديما يشوف هاد الضحكة على وجها..
طاهرة مزال كضحك وتشوف فيه ما كرهاتش تنوض وتبدا تنقز ..اول مرة فحياتها اتفرح لهاد الدراجة..وعلاش لي ماتفرحش وربي عاطيها وليدات توام فكرشها ..سكتات فاش جهاد لحريق فكرشها ماخاصش تنفاعل بزاف
ناصر:مالك واش نعيط لطبيبة
طاهرة بتاسمات:لا بلاش انا لاباس غير ضحكت بزاف
ناصر شد ليها فيديها وباسها
طاهرة بقات كتشوف فيه:شكرا
ناصر:علاش
طاهرة:حيت ماقتلتيليش ولدي.كنت خايفة بزاف انك..
قاطعها:شحال من مرة خاص نقولك راهم ولادي تأنا
طاهرة:ولكن
قاطعها تاني:ششش رتاحي دابة من بعد ونهضرة
بتاسمات:تلاتة دلي بي بي ههههه
بتاسم وقرب لعندها طبع بوسة فشفايفها وبعد..وشاف فيها لقاها مبتاسمة
طاهرة:خلينا نمشيو لدار ماكانحملش الطبيب
ناصر:واخة هنا نهضر مع طبيبة
ناض يلاه ايخرج وهي تعيط ليه:ناصر
شاف فيها:شنو
طاهرة:صافي والو
خرج وهي بقات متكية ويديها على كرشها ومبتاسمة فرحانة بزاف
ناصر خرج هضر مع الطبيبة باش تخليها تمشي دابة ووصاها ماتقولهاش على الجنين الرابع لي مات مابغاش يخسر ليها فرحتها ..وعيط لشيفور يجيب ليها شي حوايج..رجع للغرفة وهو يشوف طبيبة كتفحصها وقف هو كيشوف فيها كيف مبتاسمة وكتدوي مع الطبيبة لي كتعطيها نصائح كيف تعامل مع الحمل .كيشوف عنيها كيبريو بلفرحة ومتحمسة وكتهز راسها باه ويديها على كرشها
الطبيبة شافت فناصر:انا كتبت ليها شي فيطامينات خاصين بالحواميل خاص تبعهم طول فترة الحمل.وشي دوة علامن تبرة..تشربو غير هاد السيمانة وتقطعو..وكل 15 ليوم خاص تجي عندي للعيادة لخاصة ديالي باش نفحصها ونكونو مرتاحين على لي بي بي بتلاتة.اه الانتفاخ المبكر دلكرش عادي ماتخافيش منو..يقدر هاد الشهراين لي بقاو دلوحم يكونو صعاب عليك شوية خاص تصبري.خاصها الراحة النفسية والجسمية.تبقة بعيدة على اي ضغط.وحاليا تا لممراسة كتشكل خطر عليها علاقل دوز هاد السيمانة علامن تسترجع طاقتها.من بعد عادي غير ما تغورصيش عليها على حساب لي بي بي.وان شاء الله يكون خير..ويتزادو فكامل صحتهم ويترباو فعزكم ان شاء الله
طاهرة كانت مبتاسمة غير سمعات هضرتها وهي تنزل راسها حسات باحراج كتهضر بكل جرأة ..كون غير عطاتو الطريقة باش يمارس خخخ
ناصر:واخة..وشوفي شي ممرضة على يديك.لي تبقة معاها علامن تولد تعاونها
الطبيبة:اه تا هدا نضار .انا غنشوف ليك وحدة..سمحولي نمشي نشوف الممرضة باش توجد راسها
خرجات
طاهرة علات راسها وشافت فيه لقاتو كيشوف فيها بتاسمات ليه..قرب لعندها وهي مزال كتشوف فيه رجع ليها شعرها لفوق حتى كيشوفو لباب تحلات..كانت طاهرة الام:الشيفور جاب ليها لحوايج
عوناتها لبسات عليها وناضت بشوية عليها كتحرك غير بشوية ويديها على كرشها
طاهرة الام:نقولهم يجيبو ليك كرسي متحرك
طاهرة:لا بلاش غير شديلي فيدي
داكشي لي دارت شداتها من يديها وخرجو وهوما كيتمشاو بشوية
ناصر كان كيهضر فطليفون وهو جاي لعندهم:أحمد مامساليش دابة من بعد
احمد؛نااصر خاص ضروري نهضر معاك
ناصر قطع عليه ووقف حداهم:ماقاداش تمشي
طاهرة:شوية
قرب لعندها وهزها بين يديه وشاف فيها:ودابة
بتاسمات وهي كدور يديها على عنقو:مزيان
طاهرة الام مبتاسمة وهي كتشوفهم بجوج بقات كطلب من ربي باش يخليهم لبعضهم..كان غادي بيها وسط الطبيب وكلشي كيشوف فيهم كل واحد وشنو فبالو تا خرجو لعلى برا..كانت الممرضة واقفة كتسنى
شيفور مشا دغية حل ليه باب طموبيل ركبها حداه
ناصر يلاه ايبعد عليها وهي تشدو من يديه:حشومة ماما هي لي خاص تركب هنا
بقة كيشوف فيها شحال قرب وباسها على جبهتها وقاد ليها الصمطة:نتي بلاصتك حدايا فأي بلاصة خاص تفهميها
وشد لباب وشاف فمو:ماغا تركبيش
حلات لباب وركبات
شاف فالممرضة:غيجيبك شيفور معاه
هزات راسها باه وركبات مع الشيفور.
ناصر من بعد ماركب كسيرا نيشان لدار..شاف فيها لقاها مرجعة راسها اللور ومغمضة عنيها مد يديه وشد ليها فيديها ..طاهرة زيرات ليه على يديها ...طريق كاملة ويديه فيديها تا وصلو لدار .. نزل وحل ليها لباب ورجع هزها وهي عاجبها لحال الابتسامة مافارقتش وجها..طلعها لبيت..وحطها فوق النموسية .شدات ليه فيديه:جلس حداها
داكشي لي دار جلس حداها ودور يديه على خسرها وقربها لعندو حطات راسها على صدرو وهي كتسمع دقات قلبو..حسات بيه حط يديه على كرشها متحت تيشيرط..
احمد عاود ليه كلشي:تا انا كنضن ان هدا هو الحل المناسب شنو بان ليك
نتداصر بقا كيشوف فيه ببرودة:عرفتي شغا دير اترجع عندو واتقولو الزعيم كيقولك لا..انا خدام معاه حيت انا لي باغي ماشي حيت هو باغي..بيناتنا غير الخدمة..اما باش يبقة يجي ويتحكم فيا لا .انا دراسي وكنتحكم فراسي..وحاجة وحدا خرا..انا قاد بشغالي وخدمتي لا خاف على راسو مايتعاملش معايا
احمد:واش عارف راسك شكا تقول ومعان كتلعب
ناصر وقف:عارف مزياان .
احمد وقف تاهو:لا نت باغي تشري لعداوة معاه راه قادر يدير اي حاجة ..من الاحسن دير داكشي لي قال
ناصر:نت راك باقي ماكاتعرفنيش.انا كنخاف غير من ربي لي خلقني..اما بنادم بحالي بحالو ماكايهمنيش..بغة لعداوة مرحبا وصليه كلامي..والحبس ماغاندخلش ليه
ناصر وصل لدار ودخل طلع نيشان لبيتو حل لباب وهو يشوف لممرضة واقفة حدا الطاهرة..كانت ناعسة
ناصر:مالها
الممرضة:رتافعات شوية حرارتها..عطيتها دوة شرباتو ونعسات..حاجة طبيعية تطلع حرارتها
ناصر:صافي خرجي ملي نحتاجك دابة نعيط ليك
الممرضة واخة اسيدي
دخل نيشان لحمام دوش وخرج لبس عليه حوايج خفاف ومشا تخشا حداها حط يديه على راسها حرارتها شوية مرتافعة..حلات عنيها بشوية وشافت فيه:جيتي
هز راسو باه..ضارت لجيهتو وحطات يديها على صدرو ماقادراش تهضر عاد رجع عليها داكشي تاعنيها ماقادراش تحلهم..جرها لعندو وخشاها وسط صدرو ..عنقاتو تاهي ودفنات راسها فصدرو بقة كيلعب ليها فشعرها تا نعسات..هو ماجاهش النعاس كيفكر فالهضرة داحمد.هو عمرو خاف من شي حد..كيمشي على حساب مزاجو هو وميدير لي قال ليه راسو هو ..لحبس ماغايدخلوش .وفكر فالمرض ديالو..لحد الان ماترش عليه ماخايفش منو مايكرهش يخشي يديه فصدرو ويجبد هاد المرض ويرميه ويزطم عليه برجليه ..عية بالتفكير.غمض عنيه تاهو ونعس
نهار جديد
حلات عنيها على صوت تخرشيش قدامها ديرونجاها غير شافتو غوتات:خرررج من بيتي شكا دير هنا
علي:كنقلب على ليكيت نعسي وسكتينا
روبي فايقة مقطوعة هزات لخدية وضرباتو بيها:اتحط داك ليكيت من يديك وتحرك تخرج
علي:دوريجين هدشي..المهيم هنا مشيت
خرج وفيديه ليكيت..ناضت كطير تبعاتو:اجي لهنا اراهم
علي:تي مالك مسمومة
وجلس يفطر باش يمشي يقرا
دخلات بدلات عليها بالخف عندها الخدمة وخرجات
روبي:ارا دوك ليكيت
علي:من نيتك
ومشا طاير حل لباب بغة يهرب وهو يشوف شي حد قدامو وقف..روبي كانت كتجري وهي معصبة:والله لا ديتيهم يا لبرهووش
تصدمات فا شافتو قدامها بلعات ريقها:شكا دير هنا
كمال:جيت نزورك..هدا خوك
علي وقف قدامو:خوها ونت شكون
كمال:قوليلو شكون انا
روبي:سير نت لمدراستك 8 هادي
علي:لا تانعرف شكون هاد عموو لي جاي على صباح..شنو تما
كمال بتاسم:انا صديق وصافي
علي:شمن صاديق..جاي عندها تا لدار على صباح شهاد الصداقة العجيبة
علي:جمعي رااسك اشريفة..انا ماشي محلحل باش نمشي ونخليك مع هاد خونا..
كمال بتاسم حط يديه على كتافو:تبارك الله عليك..على وجهو غنمشي تا نولي نرجع
روبي:كون درتيها من لول
كمال:المهيم تا نهضرو
وهبط فدروج ومشا.
روبي كتشوف فعلي:شكا تسنة سير تمشي لقرايتك
علي هز شكارتو:لا ولا جا غير صوني وقطعي نجي نخلا دار عشتو
روبي:سير سير براكة من لهضرة لخاوية
علي:هنا قلت لييك
وهبط فدروج ومشا
شدات لباب ومشات بغات تشعل كارو عاد تخرج و هي تسمع الجرس تنهدات ورجعات حلات لباب عند بالها علي:لاش رجعتي
دفع لباب ودخل خلاها تابعاه كتغوت:خرج لي من داااري لاش جااي
كمال جلس فوق الفطوي:من الاحسن تسكتي
تحنات لعندو وهي كتهضر معصبة:من الاحسن نت لي تخرج من داري .وبعد من طريقي حسن ماغاتندم
كمال كيشوف فيها وفعويناتها بتاسم باش يستافزها:شنيفات عندك
بلعات ريقها بغات تبعد وهو يجرها لعندو تا طاحت فوقو همس ليها فودنيها:شنو يحساب ليك غنتفاك معاك بهادالسهولة ..لا..من دابة لفوق ولفي تشوفيني كل نهار أملااك..مزال عاقل كي جريتي بنتي وسلاح فيديك
بغات تبعد وهو يزير عليها:غندمك
زربات عليه ودفعاتو ورجعات اللور وهي كتلهت:غتنوض تقود تخرج عليا من داري تهديداتك حتافض بيهم لكررررك سمعتيني
كمال بقة كيشوف فيها ناض بالزربة وجرها من خسرها لعندو ولصقها مع لحيط تا تخالطات انفاسهم:شتك تيقتي انك دري .عشتي الدور ..راه واخة تلبسي لي لبستي كتبقاي بنت..
حط يديه على صدرها:هاازة 😉..
وحط يديه على مؤخرتها:فيك كلشي هو هداك
روبي حسات بحرارة طالعة معاها ماحساتش براسها تا جمعات معاه بصقلة ولات كترجف غير بحدها ماحملاتوش يقيسها:ااخر مرة تولي تقيصني سمعتيني..يديك نقطعها ليك
كمال حط يديه على حناكو وهو كيشوف فيها:تجرأتي ومديتي يديك عليا
قربات لعندو وشنقات عليه ولسقاتو مع الحيط زربات عليه:كيفما نت تجرأتي وقستيني راه ندير انا كتر
كمال بتاسم:صعيبة مع راسك
روبي مزال شانقة عليه:وكتر عااد
زرب عليها وشقلبها ولسقها هو مع لحيط وشدها من خسرها وزير تا غوتات:عرفتي هاد الصقلة غاتندمي عليها مزيان
روبي:ومزال نزيدك غيرها لا وليتي درتي بساحتي القواااااد
كمال علا حاجبو وبدون سابق انظار تلاح على شفايفها كيبوس فيهم وهي كتحاول تبعدو كضربو بالحجد او والو تا عضاتوو وحسات بطعم الدم ففمها بعد وهو مبتاسم:شفايغك شحال حلوين
روبي ولات كتغلي لعافية شعلات فيها مارضاااتش دفعااتو وهي كتغوت:خررررررج من داااااااري تحرك تقووووود
الدموع تحجرو فعنيها بكترو الاعصاب
كمال بتاسم:هنا مشيت من بعد ونوليو نهضرو خليك تبردي دابة..حيت كاين بزاف مايتقال
خرج وشد لباب موراه وهو كيضحك شي لي خلاها تزبد التعصب..بقات كتغوت غير بوحدها لي لقاتو حداها كتشخشخو..فتالي جلسات وهي كتلهت معصبة بزاف بقات كتمسح شفايفها تا قرب يسيل الدم .كترجف غا بوحدها شعلات كارو ودارتو ففمها كتنتر منو
بلاصة وحدا خرا
حلات عنيها بشوية وهي كتحس بشي يد محاوطاها شافتو قدامها ناعس ويديه على كرشها..بقات كتشوف فيه مدات يديها وحطاتها على وجهو بمجرد مابدات تحرك يديها وهو يحل عنيه بالزربة شاف فيها
طاهرة:صباح لخير
ناصر بصوت نعسان:صباح النور
شاف فالساعة 2 نعسو بزااف ماموالفاش ليه
طاهرة بغات تنوض وهو يحبسها:فين غادة
طاهرة:انمشي غير لحمام ندوش عليا
ناض وجرها لعندو وهزها:ماخاصش تحركي بزاف
طاهرة:ماشي تا لهاد الدراجة
ناصر دخلها لحمام وحطها:خاص تعطي راسك الراحة شوفي كي وليتي
طاهرة اول مرة اتحس بالاهتمام وهي كتشوف فعنيه هزات راسها باه:واخة
قربها لعندو وباسها من خدها:بشوية عليك الممرضة هنا باش تعاونك
طاهرة حاسة براسها كتحلم هدا ماشي ناصر لي قدامها..ناصر لي كان كيشبع فيها عصا وسبان.. بقات كتهز راسها غير باه
شافتو جرها لعندو وكيحيد ليها تيشيرط مادارت تاشي ردة فعل .بقات غير كتشوف فيه ..حل ليها سنسلة دسروال وهبطو ليها وهي مزال مصدومة..عوناتو تانصلات السروال بقات غير بدوبياس ..دور يديه على خسرها وجرها معاه بشوية وقفها تحت الدوش ودور يديه على ضهرها حل ليها سوتيان.وحيدهم ونزل صدرها قدامو عاري..فلول حسات باحراج خصوصا فاش حيد ليها سليب ولكن من بعد ترخات اصلا هو شايف كلشي ماشي شي حاجة جديدة..طلق رشاش بما دافي من فوقها ماخلاها دير تاشي حاجة هو لي تكلف بكلشي كيدوش ليها بحال شي بنيتة صغيرة..كيدير ليها شومبوان ويمشط ليها شعرها ويغسلو ..ورجعو لها اللور ..وهي غير كتشوف فيه..هز صابونة وبدا كيدوزها على داتها كلها صدرها..ضهرها .كرشها بين فخادها رجليها..كلشي😉😉..من بعد شلل ليها لحمها بلما .طاهرة كتحس براسها طايرة فلهوة.
ناصر شاف فيها:مالك
طاهرة بتاسمات وجراتو لعندها ودخلات معاه فقبلة طويلة من شدة الفرحة لي كتحس بيها فهاد اللحضة دورات يديها على عنقو وهي كتبوس فيه فلحضة تجاوب معاها دور يديه على خسرها وجرها لعندو كتر..كانو كيتبادلو القبل بكل حنان وغير بشوية ..طاهرة بعدات بشوية وشافت فيه وهي كتلهت:فزكتي
ناصر بتاسم وطبع بوسة خفيفة على شفايفها :ماشي مشكل
بعد عليها شوية وحيد تيشيرط بقا بصدرو عريان
طاهرة حطات يديها على صدرو:بغيت واحد من ولادي يطلع بحالك هكا
ناصر كيلعب فشعرها:ولولد لاخور
طاهرة:امم بحال ياسين .وياخد شوية من عماد
ناصر بتاسم:وتالت
طاهرة كتلعب فصدرو وتماصي ليه كتافو:امم لا هديك بغيتها تكون بنت ..تكون كتشبه لماماها.
ناصر:علاش لي مايكونوش كاملين دراري
طاهرة:هااء من حقي تكون عندي بنت تاانا
بتاسم:المهيم تكون كتشبه ليك
طاهرة:بغيتيها تكون كتشبه لي
هز راسو باه
طاهرة:انا نخرج نلبس عليا علامن نت دوش
هز راسو باه ..هزات فوطة وخرجات بشوية عليها.دخلات لبيت تبدال لبسات عليها وخرجات كتنشف فشعرها قدام لمراية شوية سمعات صوت طليفون..كان ديال ناصر مشات نيشان تشوف شكون..وهي تقرا سمية درن.هزات الطليفون وهي كتشوف فيها كتعيط وتعاود..حطاتو فاش سمعات صوت باب دلحمام رجعات لبلاصتها..ناصر خرج وهو ملوي عليه فوطة شاف فيها ودخل لبيت تبدال لبس عليه وقاد راسو وخرج..
طاهرة :طليفونك كيصوني
هزو وشاف المتصل خرج للبالكون وجاوب
ماكرهاتش تمشي تصنت عليه تعرف شكا يقول شوية شافتو خارج وملامح دوجهو مبدلين
طاهرة:شكون لي كان كيعيط
ناصر وهو كيهز سوارت الطموبيل:لخدمة
تم خارج وهي توقفو:ااه لخدمة سميتها رانيا
شاف فيها :كيفاش
طاهرة:والو..اتمشي دابة لخدمة
ناصر مستغرب:اه
وخل لباب وخرج وهو مزروب
جلسات فوق النموسة وهي كتاكل فدفارها وتهز فريلها بالزربة:قالك الخدمة
عند ناصر
كان غادي طاير فطوموبيل حتى وصل لحدا دارها نزل ودخل ركب فالمصعد تا وصل لايطاج المطلوب خرج نيشان لدارها لقا لباب مفتوح دخل وهو يشوفها جالسة وكتبكي ودار مرونة كلشي طايح فالارض وديكورات مهرسين ولباب مفروعة..وهي مضروبة جيهت شفايفها وكيسيل الدم غير شافتو ناضت كتجري عنقاتو وهي كتبكي:علاااش تعطلتي عليا كانو باغين يقتلوني..خفت بزاف
ناصر :ششش صافي ماتخافيش
كانت كتبكي وكتشهق بعدها عليه شوية:ماعرفتيش شكون.
رنيا كتهز راسها بلا:لا
شوية ترخات وطاحت صخفانة بين يديه قبل توصل الارض هزها.
لا تستفزي رجولتي كي لا أبعثر أنوثتك الجزء 16
محتوى القصة
امين وهو خاشي يديه فجيابو:امم ليلة لي طحتي فيها.من الدروج
طاهرة كتشوف فيه باغة تعرف شنو كيقصد
امين وهو كيشوف فكرشها:قلتي طاح لي الولد
طاهرة بلعات ريقها بدات كتوضح ليها الامور:ماشي انا لي قلت الطبيبة لي قالت.
امين:اااه الطبيبة.
ناصر:لاياش باغي توصل
امين:طاهرة قوليلو شنو وقع بالضبط لاش كتخبي عليه
طاهرة قلبها بدا كيضرب فلمية شافت فناصر وهي كترجف مالقات ماتقول .شافت فلارا عرفاتها قالتها ليه بلعات ريقها جاوباتو بصوت متقطع:ما خبيت والو
امين :لا غير تفكري
طاهرة شافت فناصر:هذا راه حمق قولو يمشي بحالو
بغات تمشي وهو يشدها ناصر:خليك.بغيت نعرف لاياش كيلمح
امين كيشوف فطاهرة كي كترجف والدموع تحجرو ليها فعنيها:نقول ولا تقولي
طاهرة كتحاول ماتبكيش وماضعفش:خرج من حياااتي واش ماكاتفهمش
امين:لاش نفاعتلي دغية.قوليلو ناصر ماكايبغيش لي يخبي عليه.نتي عارفة وانا عارف
ناصر خنزر فأمين ورجع شاف فطاهرة:شنو كيقصد هدا
طاهرة شداتها الدوخة بلخلعة:ااه عاد عقلت.امين كيقصد ..فداك ليلة فاش طحت فالدروج.كنت جاية لعندك باش نقولك على هدشي.زعمة على لي وقع بين امين ولارا.ولكن لارا ماخلاتنيش بقينا كندابزو تا طحت من الدروج.هدشي لي وقع..انا كنت مخبية عليك هدشي وصافي
كانت كتهضر بطريقة مخربقة ..كتهضر وتسكوت وترجع تكمل وعنيها على امين خايفاه لا يكدبها
طاهرة:صافي هدشي لي بغة يقول امين
امين بقة ساكت شحال عاد نطق:اه هدشي لي وقع..مهما عودتي كلشي كان عليك توضحي تا شنو وقع ديك ليلة
ناصر مصبر راسو باش مايرتاكبش شي جريمة فهاد الليل لارا واخة ماكايبغيهاش وما كايحس بتجاها بوالو كتبقة شي حاجة كتخصو كانت غتكون مراتو .وخانتو مع صاحبو
ناصر دور وجهو باش يشوف فلارا وهو يشوفها طايحة فالارض صخفانة
طاهرة شافت فيها شهقات وهي كتشوفها مرمية فلارض صخفانة ودموع نازلين من عنيها قربات لعندها وتحنات كتحاول تفيقها وهي كضرب ليها على وجها بشوية
حتى كتحس بشي يد جراتها كانت يد ناصر جرها وشاف فامين وهضر وهو عاض على سنانو:هزها عليا من لهنا لحد الان راني مبرد
وتم خارج وهو يوقف وشاف فأمين وبتاسم بمكر:حنا متعادلين دابة باش ماتبقاش تقول عليا خنتك😉
وجر طاهرة وخرج من لبيت
امين بقة واقف فبلاصتو دوز يديه على راسو :لا مامتعادلينش الفرق اني كنبغي طاهرة ومستحيل نتنازل عليها.
شاف فلارا لي طايحة فلارض تحنى لعندها وهزها وحطها فوق النموسية وبقا واقف حداها كيتسناها تفيق شافها طولات عمر كاس دلما ورش ليها على وجها بشوية وضرب ليها على وجها تا حلات عنيها
أمين:على سلامة
لارا كتشوف مع جنابها تفكرات لي وقع وبدات تبكي بهستيرية:نااااااصر فين هو ناااصر
امين ببرودة:فين غيكون راه مع طاهرة
لارا ناضت وشداتو من لكول ديالو و هي كتبكي:نت حقييييييييير ضحكتي عليا قلتي راك اتصرف ومادرتي واالو..ستاغليتيني باش نجيب ليك المعلومات يااك ..علااش درتي فيا هكا علاش ماتصرفتيش قبل تقولو على لي وقع
امين نتر يديها وبعدها عليه:فكرت مزيان ولقيت ان هدا هو لحل..شكون ضمن لينا ان ناصر فاش ايعرف راها حاملة ايتعصب ف..فكري شوية يقدر ملي يعرف يزيد يتشبت بيها وماغانربحو والو
لارا وهي كتبكي:نت لي طلعتي راابح ماشي اناا..نت دمرتيلي حياتي كون خليتيني نقولها نهار عرفت كان غيقتلها ونتهنة منها..نت غداااااار ضحكتي عليا..تبعتي مصلاحتك ..انا غنوريك شغا ندير انمشي ونقولو كلشي
تمات غادة وهو يجرها من شعرها ورماها فوق النموسية :جربي وديريها وشوفي شغا يوقع ليك راكي كتعرفيني مزيان الارا عارفة شنو مور هاد الوجه الضريف لحنين ولهادي ..ياك راه ماغانرحمكش من الاحس تبتي فبلاصتك..انا غناخد طاهرة وداك ساع ديري لي بغيتي انخليلك ناصر ضبري لكرك معاه لا كنتي دماغ راك اترجعيه بقيتي هكا غير كتبكي وتفششي بحال شي بنت صغيرة عمرك طفريه
لارا بصوت باكب وسط شهقاتها:انا كنبغييييييه امين نت عارف هادشي عارفني شحال كنبغيه ومانقدش نعيش بلا بيه ..عاوني عفاك راه اندير شي حاجة فراسي
امين قرب وجلس حداها جرها لعندو وعنقها:شششش صافي طاهرة ماغاتبقاش مع ناصر كوني هانية وداك ساع نشوفو كي نديرو نرجعوك ليه صافي
لارا:واعدني
بقة سامت عاد.جاوبها:كنواعدك
لارا ناضت:شوف انمشي نطلبو يقدر يسمح ليا هو عارفني شحال كنبغيه..
تفكرات الناس لي كايين باش ايحضرو لعرس وصحاباتها ولعدول وشافت فلكسوة لي لابسة قربات للمراية .وجها ولا كلو كحول بلبكة:لا مايمكنش خاص نتزوجو هو غيسمحلي وغيتزوجني ..امييين قولي شي حاجة
امين وقف مامساليش لبكاها :لارا راه هضرنا
لارا:لا لا لا مايمكنش انا غنرغبو حتى يوافق
تمات خارجة وامين تا بعها :واش حمقة تسناي
كانت غادة طايرة تا دخلات لبيتو..كان واقف وطاهرة جلسة فوق النموسية شاف فيها ببرودة
لارا بلعات ريقها وقربات لعندو شدات ليه فديه وهي كتبوسها:سمحلي عفااااك..ماتخلينيش شوف ندير لي بغيتي اي حاجة قلتيها نديرها غير ماتسمحش فيا...
ناصر كان كيشوف فيها ببرودة
لارا كملات هضرتها وهي كتبكي:ناصر انا راه مانقدش نعيش بلا بيك..نت عارف هادشي يااك..انا بلا بيك نموت .عفاك ماتخلينيش دير لي بغيتي غير ماتفارقش معايا
ناصر دموعها وبكاها ما أتروش فيه ماحركو فيه والو دفعها بلا رحمة تا طاحت فالارض وشدها من شعرها ووقفها لعندو:درت غير على وجه باك اما كون دفنتك فبلاصتك
ورجع دفعها:نووضي تقودي خرجي علياا
امين خافها لا تقول شي حاجة ماشي هي هديك وقفها وجرها معاه وخرجو من لبيت داها لبيتها:بدلي عليك وزيدي نمشيو..لارا غير واقفة وكتبكي كتحس بروحها اتخرج
عند ناصر
كانت جالسة وكتشوف فيه عارفاه معصب ملي دخلها لبيت ماقال والو
ناصر قرب لعندها وهو كيهضر على سنانو:علاااش ماقلتيليش هدشي علاش خبيتي علياا
طاهرو بلعات ريقها:ااانا..
ناصر غوت فوجها تا قفزااات:دويي كنتو كضحكوو علياا..ياك .تا لدابة عاد قلتيها باش تفقصيني ياك
طاهرة غير كتشوف فيه
ناصر جرها من دراعها ووقفها:دويي ماتبقايش ساكتة
طاهرة عيات صابرة وهي تنطق:ما قلتلكش من لول حيييت ماكانش كيهمني تزوج بيها ولا .واش فهمتي ماكنتيش كتهمنييي .ولكن دابة
وسكتات وهي كترجف
ناصر بقةةكيشوف فيها:وشنو تبدل دابة ..وليت كنهمك
طاهرة بلعات ريقها ماعرفاتش كي دارت تا نطقاتها
ناصر كيشوف فعنيها لي كيبريو وكيحس بجسمها لي كيرجف بين يديه دور يديه مور ضهرها وقربها لعندو تا تخالطات انفاسهم وهمس ليها :كملي مالك سكتي..شنو تبدل دابة
طاهرة غمضات عنيها وهي كتحس بقلبها غيسكت مالقات ماتقول هي براسها مافاهماش راسها ماعارفاش اش باغة وشنو ماباغاش..وشنو واقع ليها.مابقاتش كتقدر تحكم فراسها ولا فكلامها
ناصر بعد شوية وهز راسها باطراف صبعانو:هضري
طاهرة بنفس الهمس:والو .غير.
ناصر:غير شنو
طاهرة قربات لودنيه وهمسات ليه:راني قلت ليك داك النهار كيف ما نت ماكاتبغيش تشوفني مع غيرك تا انا مانبغيش نشوفك مع غيري
وبعدات وهي كتشوف فيه .بقاو هكا شي كيشوف فشي ماحسوش براسهم تا كانو كيقربو لبعضهم.طاهرة غمضات عنيها فاش حسات بشفايفو فوق شفايفها..ناصر يلاه ايبدا يبوسها وهو يسمع الدقان..رجع اللور وعنيه مزالين عليها:دخل
كانت الخدامة:جيت باش ناخد حوايج الانسة طاهرو لبيت لاخور
طاهرة بقات كتشوف فيه
ناصر :بلاش حوايجها ايبقاو هنا.
الخدامة:واخة اسيدي
شدات لباب وخرجات
طاهرة بقات كتشوف فيه
ناصر:مالك
طاهرة:قلتي غنرجع لبيتي
ناصر وهو كيحل لباب باش يخرج:غيرت رأي
وخرج وشد لباب
هبط لتحت لقا عماد وروبي واحمد جالسين وشي ضياف قلال لي عرضو
ناصر شاف فلخدامة لي مكلفة بالحفل:خوي عليا الدار ماكاين لاعرس لا واولو
الخدامة:كيفاش
ناصر غوت عليها:واااش ما كاتسمعيش
قفزاات:واخة اسيدي
ضياف بقاو كيشوفو فبعضهم مافاهكين والو..بقاو كيخرجو واحد مور واحد فهمو راسهم..
احمد قرب لعندو:علاش
ناصر:سول بنتك علاش
شوية وهو يشوفها هابطة وهي وكتبكي
أحمد تعصب وهو كيشوف بنتو كتبكي واتار ديال الضرب على وجها وحالتها حالة:شنووو درتي فبنتي
ناصر:حمد الله ما قتلتهاش
لارا تلاحت على باها وعنقاتو:باااابي كلشي ضااع مني..ناصر مابقاش باغي يتزوجني
احمد:فهموني اش واقع هنايا
ناصر:عاوديلوو شنو واقع
لارا غير كتبكي
ناصر غوت عليها تا قغزااات:دوييي
لارا خافت منو بلعات ريقها:بابي انا خنت ناصر مع امين ولكن ماشي لخاطري كنا شاربين ماحسيناش على ريوسنا
أحمد تصدم بقة غير ساكت
لارا شافت فناصر وهي كتبكي:غير اتبرد اترجع ليا يااك
خنزر فيها وهي تسكت
عماد كيهمس لروبي:جينا نحضرو لعرس صدقنا حاضرين لفراقهم
روبي شافت فيه:ماشي وقت الضحك
عماد:ما كنضحكش ..اجي كنتي عارفة
روبي:وي عارفة عاوداتلي طاهرة
عماد:وكي جاك هدشي
روبي:كنت متوقعة غيوقع هدشي
عماد:علااام
بقاو غير كيتفرجو
لارا:بابي قول شي حاجة
احمد ببرودة:زيدي قدامي
لارا:ولكن ابابي
احمد هز يديه وجمع معاها بصقلة:زييييدي وسكتي
شهقات وهي كتشوف فباها اول مرة غيضربها
احمد جرها من يديها:زييييييدي فششتك تا ضسرتي بزاااف انا لي ضيعتك
بقة غادي بيها يلاه ايخرجو وهو بوقفهم صوتو:تسناي
ناصر قرب تا لعندها شد يديها وخدا ليها لخاتم :سيري دابة بقات كتشوف فيه وهي كتبكي.. خرجو من دار ركبو فطوموبيل اللور وشيفور ساق بيهم نيشان لدار طريق كاملة وهي كتبكي
نرجعو عندهم
روبي:متأكد من هدشي لي درتي
ناصر:هدا سؤاال..راكي كتعرفيني
روبي تنهدات مالقات ماتقول
عماد:كنت جاي عوال نحيح ساعة دوماج
روبي شافت فيه زعمة من نيتك
عماد:غير نتوما مخنزرين خاص كلشي يخنزر..ناصر انا عارف انك مامهولش
ناصر:وفين عمري تهولت
بقاو جالسين شي كيشوف فشي
نطلعو لفوق كانت جالسة فلبيت كتسترجع فمخيلتها احدات هاد النهار حتى كتشوف لباب تحلات وهو داخل ناضت قافزة:شكا دير هنا
امين شد لباب وهو مبتاسم:جيت نشوفك ونهضرو شوية
طاهرة:اميييين خرج ناصر غيجي دابة ويلقاك هنا وينوض الصداع
امين قرب لعندها :بأشمن صيفة كتنعسي معاه فلبيت
طاهرة:ماشي سوقك خررج
امين:شخبار الجنين
طاهرة بلعات ريقها:شمن جنين
امين:راني عارف..لارا عاوداتلي..قبيلة مابغيتش نفرشك.حيت عارف ناصر لا ساق لخبار ايقتلو وشتك نتي متشبتة بالجنين مابغيتش نفضحك ونحرمك من ولدك
طاهرة :ايوا
امين:خلي تا لمنبعد ونقولك المقابل دسكات ديالي .دابة خاص نمشي
وقرب وخطف بوسة على خدها دفعاتو وهي كتمسح خدها:مااات قيسنيش.
بتاسم :مازال غنتشاوفو
وحل لباب وخرج وخلاها كتغلي..هبط لتحت شافهم مجمعين..بفاو كيشوفو فيه
امين:بلا ماديرو فيا هاد الشوفات راه ما كنتش فوعيي
ماجاوبوهش
امين:نخليكم تصبحو على خير
وشاف فناصر:غدا خاص نهضرو على داكشي دلمريكانيين
وخرج
عماد:تا انا نمشي ..ونتي
روبي كتكسل :واقلة غنبات هنا
عماد:المهيم تصبحو على خير
خرج وخلاهم
ناصر شعل كارو وجلس حدا روبي
روبي :باغي تموت
ناصر:تانيي نفس الموضوع
روبي:علاش مابغيتيناش نقولوها لطاهرة
ناصر وهو كيسوط الدخان:ماخاصهاش تعرف سمعتيني
روبي بقات غير كتشوف فيه:شغا دير معاها
ناصر:ماعرفتش المهم غتبقة معايا
بقاو جالسين شحال
ناصر وقف:نطلع نعس
روبي:تانا
ناضو كل واحد دخل لبيت
ناصر دخل بهدوء لبيت شافها فوق النموسية متكية ..دخل لبيت تبدال بدل عليه وخرج تكة حداها كانت عاطياه بالضهر شدها من خسرها وجرها لعندو كان ضهرها لاصق فصدرو مد يديه وحط لخاتم قدامها فوق الخدية بقات كتشوف فيه..طفا الضو وحط راسو على كتافها وغمض عنيه ونعس..كان ضو خافت داخل من لبالكو ديال ضو القمر وضارب فداك لخاتم لي كيبري مدات يديها بشوية وهزاتو بقات كتشوف فيه حشاتو تحتت لمخدة وغمضات عنيها ونعسات
عند لارا
كانت واقفة حدا لمراية وهي كتمسح لماكياج والدموع شلال من عنيها..جمعات شعرها سفنجة باهمال ولبسات بيجامة..كتحس براسها اطرطق..خرجات من لبيت وهبطات لتحت لقات باها جالس فصالة مشات وجلسات حداه وهي مزال كتبكي:بابي نت الوحيد فهاد الدنيا لي عارف شحال كنبغي ناصر انا داك ليلة كنت معصبة عقلتي على نهار عيد ميلادي شنو وقع ماعرفناش كي درنا وصلنا لديك لحالة.ولكن ماشي لخاطرنا ندمنا من بعد
حطات راسها على صدرو:بابي ما تقلقش مني تا نت.راه غير نت لي كتفهمني عفاك ماتكملش عليا
احمد عية صابر وهز يديه وبدا يمسح ليها على شعرها
لارا هزات راسها وشافت فيه:انا مانقدش نعيش بلا بيه كنحس براسي غنموووت
حطات يديها على صدرها:كنحس بلعافية شاعلة هنا فقلبي..عقلتي شحال كنت كنحلم بهاد النهار ..ولكن كلشي تسالة ..عمري جربت هاد الاحساس صعيب بزاف كنموت ابابي ..كنت كنسمعهم كيقولو اول حب كيجرح كيكون صعيب ولكن انا جاني بحال لموت ماشي غير صعيب ..الحب خايب بزااااف
احمد كيشوف فبنتو الوحيدة كتعدب قدامو كيتقطع من لداخل عارف ان بنتو ضريفة واخة تصرفاتها صبيانية هو لي غلط ورباها بهاد الطريقة دللها بزاف جرها لعندو وحطات راسها على كتافو:سمعي ابنتي الحب ماشي خايب..ولكن الانسان بعد المرات كيغلط فاختيارو لشخص لي غيبغي..نتي ابنتي بغيتي ناصر من كل قلبك ماعطيتيش فرصة لراسك فين تشوفي فواحد غيرو وتحاولي تجربي حب اخور.نتي دفنتي قلبك معاه وخليتيه الرجل الوحيد بين عنيك..فالوقت لي كاين الف واحد يتمناك ويستاهل تبغيه..ماعرفتيش تختاري حبك..نصيحتي حاولي تنسايه وماتبقايش هكا كتفكري غير فيه ..كاين لي يستاهلك..الحب كيجي بوحدو ابنتي لا بقيتي كطلبيه عمرو غيجي ..خليه هو يجي عندك
لارا:ولكن انا كنبغيه غير هو
احمد:ماتغكريش فيه دابة.نوضي تنعسي تا لغدا
ناضت وطلعات لبيتها تخشات فبلاصتها وطلقات العنان لدموعها هو راه سكن روحها ما تقدش تنساه بقات هكا تا داتها عنيها ونعسات...
دازت الليلة جا نهار جديد
بلاصة بعييدة على ابطالنا كاملين
كان جالس داير رجل على رجل حتى كيدخل واحد من رجالو:سيدي رشاد على برة.
شاف فيه ودار ليه حركة بيديه باش يدخل
رشاد دخل وهو مبتايم جلس اونفاص معاه:شنو درنا فداكشي
جاوبو ببرودة:شنو بغيتي
رشاد بتاسم:دابة مزيان..بغيت حاجة وحدة تعطيني عماد بغيت ندمر ليه حياتو ..وناصر اللعب معاه شوية وصافي..مابغيتش ندير هدشي من راسي كي شتي جيت وتشاورت معاك..باش مانخلقش عداوة بيناتنا
جاوبو بنفس البرود:جاوبني بعدة كي درتي عرفتي انا شكون كي درتي وصلتي ليا
رشاد:تا حاجة ما صعيبة نت كتاخد احتياط غير من ناس لي مجهدة وحاضي منهم ولكن غلطتي .هههه عمرك شكيتي ان رشاد دريويش ايصدق دكي تالهاد الدراجة .نتوما حكرتوني وكيقولك لعود لي تحكرو يعميك
شاف فيه هضر :الزعيم صعيب عليك
رشاد بسخرية:لا ماصعيبش ..شوف غير نت تا واحد ماكايعرفك شكون ناصر بنفسو ماعارفكش ..كيخدم معاك بلا مايعرفك وانا قدرت نوصل ليك
بتاسم:ناصر كتهمو غير لخدمة ما كيهتمش لهدشي
رشاد:ماعلينا شنو قلتي
الشخص:عرفتي شنو نهار غطيح بين يدي راه ماغانرحمكش.عمر شي حد هددني
رشاد:هههههه عليها خديت حتياطي قبل مانجي لعندك حيت عارفك غتقتلني..كي قلت ليك لا وقعات لي شي حاجة الادلة وتصاور غيمشيو نيشان للشرطة الدولية ..راني وريتك النسخ غتمشيو فيها كاملين..ما تخافش عندي الاصليين عند شخص مأمنو عليهم موصيه نهار توقع لي شي حاجة غيديهم للشرطة الدولية كي قلت .وماشي غير هدشي راه مفرق عدة نسخ على بزاف دناس 😉 باش ديرها فبالك
الشخص:عماد يستاهل هدشي كامل حيت غلط غلطة كبيرة نهار منع ناصر باش يقتلك
رشاد:مزيان دابة خلينا فالمهم..شنو قلتي اتخليني نتصرف مع عماد
الشخص:راه لادارك فراسو الزعيم غيجيبك ويقتلك
رشاد:نت غير خليني بيني وبينهم..وكندن لا عرف نت شكون غيقتلك نت اللول
الشخص:واش كتعرف اني لا تعصبت بزاف ما كيبقة يهمني والو لا بوليس لا شرطة دولية لا والو
رشاد:ماكانضنش اتغامر تا لهاد الدراجة انا مابغيتش نكونو اعداء بغيت غير ناخد حقي
الشخص:جاااتك ولكن غير تنفد انتقامك اتغبر مانبغيش نشوفك كدور مع جنابي
رشاد:كون هاني انا عندي هدف واحد ننتاقم لخويا لي تقتل ويتمو ليه ولادو وللبنت لي كنت كنبغي ..وداها ناصر خدا منها لي بغة ولاحها
الشخص :ماكنضنش اتخرج من هاد اللعبة سالم..
رشاد:اجي نقولك بعدة الزعيم لا متلا عرفوه لبوليس شنو غدير معاه
الشخص:يمووت
رشاد بتاسم:مزيان يلاه نخليك دابة .
خرج وهو مبتاسم وميات فكرة كدور فراسو دار الخطة مزيان وعارف انهم دابة ايكونو كيراقبو وحاضين معاه ولكن هو لا ماشي دابة غيبدا ايخليهم تا ينساو عاد يضرب ضربتو ..يكفي انه كيشوف جوج منهم بدات كتولد بينهم العداوة غيتفرج وغيبدا يشعل لعافية غير ملتحت لتحت تا يعطيهم الضربة لكبيرة
ركب اللور :الدار
الشيفور كسيرا ومشاو لدار لي منعازلة على الادامي عارف ايكونو فتشو جميع لبلايص لي كيكون فيهم..
نرجعو عند ابطالنا
بقات كتكسل كتستاعد باش تفيق حلات عنيها بشوية وهي تشوفو اونفاص معاها جالس فوق الكرسي وداير رجل فوق رجل بتاسم ليها:صباح لخير
ناضت طافجة
امين بنفس الابتسامة:تخلعتي مني
جنات:لا غير
امين:قلت ملي نرجع نلقاك فلبيت .ولكن جيت ومالقيتكش.شكا يعني هدشي
جنات بعات ريقها:نسيت
امين وقف:ماشي مشكل .الخدامة قدات ليك حوايجك فلبيت بقيتي غير نتي
قرب وتحنة لعندها:صافي تا فقنا
شافت فيه بعنين دامعين:حرام عليك
امين طبع بوسة على خدها:طيبتي عنيك بلبكة
جنات:علاش كدير فيا هكا
امين جلس حداها:نتي لي معقدة الامور ماعارفاش قيمة دهادشي لي عندك.كن لقيت حدايا طاهرة ودير معايا هدشي لي كندير معاك واخة ماكاتبغينيش كنت انكون فرحان..
جنات نزلو دموعها:نت تسطيتي
امين:الحب كيسطي ..راكي اتكوني حاسة بيا..بجوجنا كنبغيو ناس ماكايبغيوناش .داكشي لي كتحسي بيه تا انا كنحس بيه..غير نتي عندك الزهر اني مزوج بيك وعايش معاك ..وانا لا بعيدة عليا..ولكن ماغانفقدش الامل حتى نجيبها لعندي
جنات بصوت باكي:وانا
امين:نتي هانتي معايا تاتيالي 6 شهور داك ساع بغيتي تبقاي بقاي بغيتي تمشي بحالك سيري
جنات غير كتشوف فيه وهي مصدومة مستحيل يكون هدا هو امين لي تربات معاه لي كتبغيه.
امين وقف :نخليك دابة
حل لباب وخرج
جنات رجعات تكات فوق النموسية وهي كتبكي المشكلة ما قادراش تكرهو هي فاتت شي حاجة سميتها الحب
امين خرج ركب فطوموبيلتو ودوز شي نمرة :الو.شنوو درتي..ههه مزيان ..اي حاجة وقعات علمني بيها
قطع وكسيرا نيشان لدار دناصر
نمشيو عند عماد
كان واقف فراس الدرب بطوموبيلتو كيتسنة علي حتى كيشوفو جاي بتاسم ليه علي ركب وسلم عليه
عماد كسيرا:شنو جبتيلي التصويرة
علي:اه جبتها
علي حل شكارة وجبد التصويرة:هاهي
عماد خداها من عندو بلا مايشوف فيها دارها فجيبو :صافي غنلقاوها ان شاء الله عرفتي دابة شنو انديرو
علي:شنو
عماد:اندوزو عند واحد صاحبي على ود شي شغال من بعد نمشيو لنادي
علي:واخة
دازت مدة كانو كاملين مجمعين فصالة
أمين:عييت نقنع فيهم والو مابغاوش قالك بغاو الاسلحة ديالهم ويمشيو بحالهم
ناصر تعصب:لا بقاو هكا غنرجعهم لديورهم مكفنين
احمد:نااصر مابغيناش الصدع معاهم
ناصر:هوما لي كيقلبو على الصدااع ماكايتفاهموش بلعقل خاص تانخدمو الضرب ولجرح عاد كيرجعو اللور هادو مازال ماكايعرفونيش مزيان
احمد تنهد:بغيت غير نعرف شكون هدا لي بلغ بينا ونوض لينا هاد المشكل عمر شي حد تجرأ ودارها
ناصر:غنلقاه وغندمو غير بلاتي
امين:دابة فكرو شغا نديرو..الاسلحة خاص ضاروري تبقة عندنا الناس دفعو فلوس بزاف على ودها لا ما خديناهمش غينوضو الصداع انتسماو ماعندناش الكلمة
ناصر وقف:السلاح غيبقة سير قولهم هاد الهضرة ولا غنجي نتفاهم معاهم بطريقتي
عماد:ناري اصاحبي ما كاتفاهمش
احمد:ناصر حنا مابغيناش الصداع
ناصر بقة ساكت كيفكر ؛خليهم يديو الاسلحة انا غنشوف شغا ندير ولكن قلهم هدشي ماغايدوزش مزيان غندمهم على هدشي.
احمد:شغا دير
ناصر:خليهم دابة يمشيو قبل ما غانفقد صبري وغنمشي نقتلهم واحد بواحد
امين:فين هي روبي هي لي عندها الاسلحة ولفلوس
ناصر:راها لفوق
شوية كيجي علي وهو هاز فيديه جبانة دلكلاس جلس حداهم:وا دخلت الكوزينة تلفت بقوة التلفة مشات لي الشهية..ناري واحد الخدامة عندكم قرطاسة تهلات فيا
عماد كيضحك
ناصر بتاسم:شكون هذا
عماد :هدا علي البطل الجديد ان شاء الله كيتدرب عندي
علي:الخليفة ديالو
ناصر:وا قرا مزيان ماتهملش قرايتك
علي:كون هاني راني كنقرا ..نت هو الزعيم مول الشريكة دطوموبيلات
ناصر:هو انا
علي:غير ندير لاباس نجي نشري من عندك شي فيراري كتخلع نبدا بيها هي لولا عاد نقلب على شي تيتزة نركبها حدايا
بقاو كيضحكو
احمد:ههههه النسخة الاصلية دعماد
عماد وهوكيمسح ليه فوق شعرو:ههه هدا راه الخليفة ديالي الوريت
ناصر بقة كيشوف فعلي وهو مبتاسم:شحال فعمرك
علي:15 العام
بقاو كيهضرو
نطلعو لفوق
روبي ناضت مشقلبة بالنعاس دخلات لحمام وغسلات وجها وشعلات كارو ترد بيه لمزاج وحلات لباب وخرجات وهي تشوف طاهرة خارجة من لبيت
روبي وهي كتسوط الدخان:افين
طاهرة بتاسمات ليها:نتي لي فين
روبي مشات عندها:شتك ناشطة ليوم
طاهرة:حيت نعست مزيان
روبي:اها ولا حيت ناصر ماتزوجش
طاهرة:ما تبدل والو باقي كلشي كيف هو
روبي :لا كلشي بين يديك..شكون كان يقول ناصر غيطلب منك الزواج .عقلتي فاش قلت ليك لا كنتي دماغ راك اطيحيه .ناصر راه قلبو هشيش واخة هكاك
طاهرة:هو قالي بفمو غير غلطة
روبي:ونتي تيقتيه
طاهرة:طفي بعدة هاد الكارو روعلي قلبي
روبي وهي كطفيه:عااد شعلناه
طاهرة يلاه اتجاوبها وهي تشوف طاهرة الام جاية بتاسمات ليها
طاهرة الام:لقيتيني جاية نشوفك
طاهرة:لبارح مالنتيش
طاهرة الام وهي كتشوف فروبي:راكي عارفة ناصر ناس غيجيو مابغانيش نبان
طاهرة:هدي روبي ضريفة وعار فة كلشي
روبي:شمن ضريفة
طاهرة الام بتاسمات:مرحبا
بقاو شي كيشوف فشي
طاهرة:عادي غير دويو لي عارفاه نتي عارفاه لوخرا..ماما بغيت نسولك
طاهرة الام:سولي ابنتي
طاهرة:دخلت ندوش هاد الصبح لاحضت ان لتحت دكرشي بدا كيبان.واخة مزال ما كملت تا شهراين مقادة
طاهرة الام حطات ليها يديها على كرشها:عادي كل وحدة والحمل ديالها كيف كيكون خاص غير تهلاي فراسك وتاكلي مزيان ويكون خير
طاهرة:ان شاء الله
روبي:انا غنهبط لتحت تا نهضرو
كملات طريقها وشعلات كارو وتمات عابطة فالدروج
لتحت
عماد:فكرتيني..علي كيقلب على ختو هادي اعوام باش غبرات ومابقاش شافها يقدر نعاونوه.. سميتها ملاك اصبار عندي تصويرتها
خشا يديه لجيب وجبد التصويرة
قلبها لجيهتو بقة كيشوف فبنت شعرها كحل وطويل ومبتاسمة وعنيها زورق بزاف..كتبان كي شي ملاك بصاح..عماد بلع ريقو وهو كيحقق فالتصويرة وميات فكرة كدور فبالو
ناصر:مالك
عماد شاف فيها بصدمة ورجع شاف فالتصويرة ومدها لناصر
ناصر خداها وشاف فيها تاهو التصدم هي نفسها نفس الوجه نفس الملاميح غير هنا شعرها طويل وكتبان بريئة ومبتاسمة من قلبها..
علي:هدي ختي ملاك
ناصر شاف فعلي من لول تشيه ليه لشي حد نفس الملاميح هو وختو:ماعارفش علاش غبرات
علي:لا كنت صغير
امين شافهم ماشي هوما هدوك خدا تاهو التصويرة وشافها نفس الشي تصدم واخة كتبان فهاد التصويرة مختالفة راه نفس الوجه باينة بزاف
روبي وصلات لاخر درجة :نتوما هنا
روبي قربات لعندهم وجات عنيها على الولد لي عاطيها بالضهر ساطت الدخان:شكون هدا
علي ضار يشوف شكون لي كتهضر...روبي غير شافتو حسات ان قلبها سكت دنيا ضارت بيها بحاليلا شي حد عطاها بصقلة مجهدة تا بقات كتسمع طييييط فودنيها..طلعات معاها السخونية لدرجة ما قدراتش تسوط الدخان لي مجموع ففمها ...علي كيشوف فيها طلعها من رجليها تا لراسها فلول ماعرفهاش ولكن من بعد عرفها شكون من غيرها هدي ملاك ختو ناض واقف وهو كيشوف لكارو فيديها وشعرها لي مقطعاه تا لعنقها..ولباسها ولوشام لي فيديها..
روبي مارضاتش يشوفها هكاك شافت فيهم وهي كتعاتبهم بعنيها طاح ليها لكارو من يديها وبدا كيخرج الدخان من نيفها..عطاتهم بالضهر وهي كترجف كتحس براسها مخنوقة
علي :ملاك
غمضات عنيها فاش سمعات سميتها من فمو رجعات سنين اللور فهاد اللحضة
علي قرب لعندها:عرفتك نتي ختي ملاك
روبي ماقدراتش تستحمل تمات غادة وهو يجي كيجري ويشدها من يديها:ملاك وقفي
ضارت لعندو ودفعاتو تا كان ايطيح وغوتات ليه فوجهو:انا ماااشي ملااااك سمعتيني انا روبي
ناضو كاملين فاش سمعوها كتغوت
عماد:رووبي ماتغوتيش عليه
روبي شافت فعلي:سمعتيه روبي ماشي ملاك
علي بقة كيشوف فيها:ملاك ماشي روبي
رجعات دفعاتو:قلت ليك رووبي سير من لهنا
بقات كدفعو وهو غير كيشوف فيها
عماد مشا يجرها وهي تشنق عليه وبدات كتغوت :علااااش جبتييييه عجبك لحااال دابة عجبك لحال شافني هكااا
عماد تنتر منها:هدا رااه خووك بالسيف عليك ماليه تاشي دنب
روبي شافت فعلي:سيير بحالك من لهنااااا انا ماخت حد انا ماعنديش خووتي
بقات غير كتغوت فكروها فلماضي لي كتشمأز منو فكروها فليلة لي غتاصبها خوها بلا رحمة وقتلاتو ..فاش دخلات لحبس فاش عرفات راسها حاملة من خوها وطيحاتو فاش تشردات فالزنقة وولات عايشة مع شمكارة كتبيع لكارو
بقاو كيشوفو فيها وهي كتغوت بوحدها بلا ماتنزل من عنيها تاشي دمعة ..فكروها فجروح دفناتهم فقلبها ..غير كتشوف فعلي كتفكر خوها لي غتاصبها ..كيشبه ليه عندو نفس الملاميح ديالو ماتقدرش تشوف فيه هو كيفكرها فيه
روبي قربات عند عالي:سير من لهنا
علي شد ليها فيديها وهو كيبكي:ماغانمشيش تا تمشي معايا وترجعي لدار انا خووك ماغا نخليكش تبقاي بعيدة عليا ضربيني لا بغيتي غير ما تقوليليش سير
رولي حبسات يديها باش ما تمسحش ليه دموعو عطاتو بالضهر:قولو يمشي
طاهرة هبطات فاش سمعات لغوات مافاهمة والو روبي شكا دير مع علي
طاهرة:علي شكا دير هنا
روبي شافت فيها:تانتي كتعرفيه
طاهرة مشات لعندو هي كتشوفو كيبكي بقة فيها شدات ليه فيديه :مالك
علي وهو كيمسح فدموعو:لقيت ختي
طاهرة:كيفاش
علي:راهي ختي
طاهرة شافت فروبي وهي مصدومة:روبي ختك
علي:ملاك ماشي روبي
روبي كدوز ديها على راسها:انا ماااخت حد سمعتيني
طاهرة عنقات علي وهي كتمسح ليه على راسو:صافي ماتديش عليها راها غير معصبة اجي معايا
جراتو من يديه وتمات غادة بيه
روبي:فبن غادة بيها
علي تنتر من طاهرة ومشا وقف اونفاص مع روبي مسح دموعو وشاف فيها شوفات حادين:شحال هادا وانا باغي نشوف ختي.راه واخة ديري لي درتي ماغا نتفرقش عليك ماغانمشيش تا تمشي معايا عندك خوك خاص تكوني معاه لي هو انا بغيتي ولا كرهتي لبنات بلاصتهم حدا خوتهم ماشي يبقاو عايشين فزناقي .وسميتك ملاك ماشي روبي فهميها
روبي بقات كتشوف فيه مالقات باش تجاوبو
جات طاهرة وجراتو من يديه:زيد معايا
بقة غادي معاها وهو كيشوف فروبي
طاهرة داتو لواحد الصالة بعيدة عليهم:خليك هنا
علي:فهميها لهضرة لي قلت ليها
طاهرة بتاسمات ليه:واخة
رجعات لعندهم
روبي:انا غنمشي بحالي
يلاه اتمشي وهو يجرها ناصر:فين غادة
روبي:غادة بحالي ماعندي ماندير هنا .بغيتو تحطوني امام الامر الواقع شكون قالكم نبشو فحياتي وجيبوه لهنا..عجبكم الحال يشوفني فهاد الحالة
كتهضر وهي معصبة:شادة لكارو وكنكمي ودايرة كيشي زوفري ..هكا بغيتوه يشوفني.ماتزيدوش تكملو عليااا
عماد :ماكناش عارفين عاد عرفنا دابة ..حوك كيدرب عندي وطلبني نقلب ليه على ختو هاد نهار عاد جابلي تصويرتك ..جبتو معايا لهنا نقضي شي شغال عاد نمشيو ..حتى كنجبد تصويرتك نشوفو واش نقدرو نعاونوه وتصدمنا بحالك ماجاتش فبالنا انك نتي ختو ..من بعد هبطتي ووقع لي وقع
روبي بقات واقفة وغير ساكتة ماباغاش تبكي مابغاتش تضعف
امين:صافي نسااي ماتبقاش عايشة مع لي فات لي وقع وقع فكري فخوك باقي صغير محتاج ليك راه نتي لي عندو
طاهرة قربات لعندها:صافي راه خوك غير نتي لي عندو فهاد الدنيا..عرفتي راه كبر قدامنا فالحومة ..سبحان الله طالع راجل من صغرو كلشي كيبغيه اي واحد يتمنة يكون عندو اخ بحالو ماتسمحيش فيه وتحرميه منك
روبي غير ساكتة
ناصر قربها لعندو :وصافي عرفناك مجروحة وباقي مانسيتي ولكن راه خوك ماتحمليهش شي حاجة هو مادارهاش ماعندو تاشي دنب باقي صغير
طاهرة شافت فيه ملي سمعات هضرتو ماكرهاتش تقولو هاد الهضرة طبقها على راسك
طاهرة:ناصر عندو الحق هو ماعندو تاشي دنب باش تقسي عليه هو وتعدبيه معاك على شي حاجة عشتيها واداتك ماتكونيش انانية انا مجربة شنو معنة تعاقبي على شي حاجة مادرتيعاش
ناصر بقة كيشوف فيها عارفها لاياش كتلمح
روبي بعدات عليهم بجوج:ما مستاعداش نتقبلووو ماقادراش ماغانستحملش
طاهرة:راه كيبقة خوك غتأقلمي مع الوضع
عماد:عاد عرفت هاد علي منين جايب هاد الصلابة وزعامة .
روبي خنزرات فيه
عماد:عندك اخ بحال علي وسامحة فيه انا كنحس بيه ولد كبير ماشي ولد 15 لعام ..
روبي جلسات فوق الفطوي متوترة
عماد بتاسم وجبد كارو شعلو ومدو ليها:هاكي باش تفكري مزيان
روبي خداتو منو:ماكنضحكش
عماد خربق ليها شعرها:روبي ياروبي
بقات كتكمي وهوما كيشوفو فيها
طاهرة:واشنو
روبي كدور هضرتهم فدماغها هي خايفة ماتنساش ويفكرها فلماضي فاش تشوف فيه .راه ماشي ساهل يغتاصبك خوك وتحملي منو..كتكرهي كلشي تا داك الاخوة ..ولكن علي ماعندو تاشي دنب هي ختو وخاص تكون معاه يكبر بين يديها..ساطت الدخان فدقة وشافت فيهم:ماعرفتش حرت انا بوحدي وعايشة فكابوس دلماضي حراك لا بقيت كنشوفو قدامي
طاهرة:لا بلعكس لا بقة معاك غيمشي داك الخوف غتحسي بالاخووة ونتي معاه.غيعمر داك النقص لي عندك فحياتك جربي
روبي بقات ساكتة:شغا ندير زعمة نجيبو يعيش معايا ولا شنو
عماد:اه تا هادي فكرة باش تقدري تأقلمي مع الوضع
روبي:ماعرفتش
عماد:هههه ماتختفيش ماغاياكلكش علي دمو خفيف بالسيف عليك اتولفي بيه
روبي تنهدات وطفات لكارو:واخة نجرب
طاهرة بتاسمات:ماغا تندميش
شوية سمعو صوت الجرس مشات لخدامة حلات لباب..بقاو كاملين عنيهم على لباب
جات الخدامة:سي الزعيم لبوليس باغيينك
ماجات فينوتكمل هضرتها حتى كيشوفو كمال ومعاه لبوليس
كمال واقف وهو مصدوم كيشوف فالطاهرة لي واقفة تلف مالقة مايقول عارف ايكون خاطفها ولكن دابة كيشوفها مجمعة معاهم :طااهرة
طاهرة بقات غير كتشوف فيه
ناصر شد فيد.طاهرة وجرها لعندو :اش بغيتي داخل تالقلب الدار
كمال مزال كيشوف فطاهرة مامتيقش:طاهرة
قاطعو ناصر:ماجاوبتينيش
كمال تحكم فراسو:ناصر الزعيم غتفضل معانا الكوميسارية
ووراه ورقة الاستدعاء من الوكيل العام
الزعيم ببرودة:بأشمن تهمة بالسلامة
كمال يلاه ايهضر وهو يشوف فروبي حقق فيها مزيان عرف شكون هي وفايت قاري الضوسي ديالها وهو يبتاسم:راكم مجمعين هنايا..
روبي وقفات وهي كتشوف فيه
كمال :زيدو تا لكوميسارية وتعرفو اش واقع..الزعيم تسمحلي غنمينطك
ناصر دار ابتسامة جانبية وهضر ببرودة:واش مكتوب تماك مينط الزعيم ولا شنو
كمال:هدا حاجة ضاروري
وشاف فطاهرة وهدر معاها بنبرة مختالفة:تانتي غتجي معانا لكوميسارية
ناصر:هي ماعندها فين تمشي
عماد قرب لعندو:مايمكنش يخرجو من الدار بلا مايعرفو علاش
كمال:واخة..ناصر الزعيم متهم بببزاف دلجرائم تهريب اسلحة قتل ..خطف.وتكوين عصابة اجرامة فالكوميسارية غيتوضح كلشي
عماد بلع ريقو:عندك شي دليل
كمال:طبعا بالدليل..ماعندناش الوقت زيدو قدامي
ناصر مبرد :واخة نمشيو نشوفو هاد العصابة الاجرامية ولكن طاهرة ماعندها فين امشي
كمال:نت ماشي فموقف كيسمحلك تحدد شكون ايمشي وشكون ما ايمشيش..انا لي كنقرر..
شاف فروبي:تفضلي تانتي
طاهرة شدات فناصر وزيرات..ناصر شاف فيها:ماتخافيش
كمال قرب لعند روبي شدها من دراعها وهي تنتر منو:ماتقيصنيش
كمال:غير زيدي مزال غنتفاهمو
شد ليها يديهاوبالسيف عليها ودار ليها لمينوط وجرها ووقفها حدا ناصر وعلا حاجبو :الزعيم
احمد بغة يهضر وهو يقاطعو ناصر:مرحبا
مد يديه ومينطو تاهو
طاهرة بقات شادة ليه فيديه:ناااصر
كمال:زيدي تانتي كشاهدة
ناصر شاف فيها طمنها بشوفاتو ..
ناصر:زيد نمشيو نساليو هاد التخربيق
كمال:الموضوع كبر مما كتصور
ناصر وهو غادي ولبوليس موراه:ما كانضنش
طاهرة الام كانت هابطة فالدروج وهي تشوف لبوليس:اويلي شنو واقع هنايا
كمال شاف فيها:شكا ديري نتي هنا
طاهرة الام كتشوف فناصر وفيديه لي مينطين:ناصر ولدي لاش دايينك
كمال متعب:ولدك
ناصر تعصب:واش ماغا نمشيوش انبقاو هنااا
كمال وهو كيشوف فطاهرة الام مستغرب شحال من مرة شدوها بتهم:يلاه
خرجو كاملين ركبات روبي وناصر اللور فالفاركونيط طاهرو بقات واقفة حتى كتسمع صوت كمال حل ليها باب الطموبيل:ركبي
طاهرة بلعات ريقها :خليني نركب معاهم
كمال:انبقاو هنا ولا شنو
ركبات وهي كترجف مشة وركب حداها من الجيهة لوخرا وكسيرا..شدو طريق نيشان للكوميسارية
نرجعو لداخل
طاهرة الام كتبكي :الله ياربي شهاد الكاريتة واقعة
عماد كان مشغول كيهضر مع المحامي وامين جالس ومرسومة على وجهو ابتسامة
احمد قرب لعندها وحط يديه على كتافها:ماتخافيش ماغا يوقع ليهم والو
طاهرة:عفاك خلينا نلحقو عليهم الله يخليك
عماد قطع:المحامي غيخلط عليهم لتماك يلاه نمشيو
شاف فامين:زييد
امين وقف وهضر ببرودة:يلاه
عماد شاف فالخدامة:ردي لبال لعلي ماتقوليلو والو
الخدامة:واخة اسيدي
خرجو كل واحد ركب فطموبيلتو طاهرة مشات مع عماد..
الكوميسارية
كانو نازلين من الفاركونيط حتى كيهجمو عليهم الصحافة كيصورو وكيطرحو الاسئلة..ناصر تعصب:منين عرفو الخبار
روبي:ماعرفتش
بصعوبة لبوليس خواو الطريق باش يدخلوهم
دخلوهم نيشان لمكتب تحقيق جلسو وهوما كيتسناو كمال
روبي:شغا نديرو
ناصر:دابة سكتي ماغا يوقع والو
عند كمال
جر طاهرة من يديها دخلها لواحد المكتب:شنو هدشي واقع..مابقيت فاهم واولو
طاهرة ماعارفاش شنو تقولو
كمال:مجلسك معاه بالسيف ياك هو لي قلتي خطفك وتكرفس عليك..ومنو نتي حاملو دابة..انا راه عندي دليل على هدشي ماتخافيش ماغا يأديكش غير قوليلي شنو واقع
طاهرة :كمال الله يخليك خليني نمشي من لهنا ما عندي مانقولك
كمال شد ليها فيديها وباسها:ماتخافيش واعدتك اناخد ليك حقك .انا معاك دابة
جرات يديها عندها؛كماال انا ..
كمال:اجي معايا اتشوفي كلشي على عنيك هو دابة مابقاش كيشكل خطار عليك غيدوز حياتو كلها فلحبس..
جرها من يديها وقفات وشافت فيه:كمال
شاف فيها:مالك
طاهرة:هو ماخطفنيش
كمال:انا عارفك خايفة منو زيدي تشوفي على عنيك
طاهرة:هو ماعارفنيش حاملة
كمال:حيت خايفة منو
وجرها من يديها ومشا بيها لمكتب تحقيق حل لباب ودخل طاهرة غير شافت ناصر جرات يديها عندها
كمال مشى نيشان جلس فالمكتب ديالو وقع الصمت حتة كيدخل راجل شوية كبير يكون فالخمسينات لابس كوستيم انيق فشكلو..كمال غير شافو ناض وعطاه التحية كان الوكيل لعام ..كمال خوى ليه لبلاصة باش يجلس
الوكيل لعام جلس وشاف فيهم واحد بواحد وبدا يقرة فاضوسي والمحضر شاف فناصر:نت متهم بتكوين عصابة اجرامية وعدة جرائم بحال لقتيلة والاختطاف والتجارة الغير قنونية فالاسلحة والاتحفة المهربة..هادو اعوام والشرطة الدولية كتقلب على هاد المجرم لي حرنا باش نعرفوه شكون ..وفهاد المحضر التهم كلها موجهة ليك ..وكاينين ادلة على هاد التهم
شاف فكمال:كاينين صور ونت كتقوم بوحدة من العمليات الاجرامية الاختطاف وتهريب الاسلحة وصلات من شخص مجهول ..
كمال وفيديه لبرية لي فيها تصاور:كلشي هنا
ناصر غير ساكت وكيشوف فيه بهدوء وكيتصنت لكلامهم
كمال مد لل وكيل لعام لبرية:هنا اسيدي اتلقة الصور لي كدل على هاد التهم كاملة
الوكيل لعام خدا لبرية حلها هز التصاور بين يديه وبدا كيدوز وحدة بوحدة وكمال واقف وكيشوف فناصر بحاليلا كيقولو وجد راسك
الوكيل لعام علا راسو وشاف فكمال:شنو هدشي
كمال:تصاور
الوكيل العام:هنا صور دشخص متلتم ماكاينة تاشي صورة بوجه مكشوف
كمال :مايمكنش
خدا التصاور وبقا يدوزهم وحدة بوحدة كلهم بلتام بغة يتسطة :لا مايمكنش انا راه شتهم بعيني كان بوجهو مكشوف اسيدي
ناصر:جايبني من وسط داري على قبل والو
الوكيل لعام وقف وهو مقلق:كمال حنا ماكانلعبوش هنا تاهمتي شخص بتهم خطيرة ونت ماعندكش الدليل
كمال:كنحلف ليك اسيدي انه شي حد تدخل وخدا الصور لي كدتل على كلامي
الوكيل لعام:ماعرفتش علاش ولاو كيخدمو ناس ماشي قد المسؤولية مخلي خدمتي وجاي لتحقيق خاوي مافيه تا شي دليل ..راك كوميسير زعمة
كمال باقي مامتيقش:انا غنبحت وغنعرف هدا لي خدا الصور اسيدي راه شتهم بعيني
الوكيل لعام:واش كاين شي كومسير كيسرقولو الدلائل شهاد الحالة بهدلتو بالشرطة
كمال شاف فالطاهرة:طاهرة نتي عارفة كلشي قولي انه كان خاطفك ماتخافيش..ماتنسايش داكشي لي دار فيك
طاهرة كتشوف فناصر
كمال مشة لعندها:هضري انا معاك ماتخافيش
طاهرة:انا ماعارفة والو وماشي هو لي خطفني هو غير كيعاوني وصافي
الوكيل لعام :براكة شد هاد المحضر وعتادر منهم وتبعني للمكتب داابة
خرج وهو معصب
ناصر وقف وقرب لعندو:الكوميسير خاص تعتادر
كمال كيغلي من لداخل :نموت ونعرف شكون هدا لي حيد التصاور
ناصر:هداك شغلك
ومد ليه يديه باش يحل ليه لمينوط
كمال خرج الساروت مني جيبو وحلهم ليه:كنواعدك ماغا نرتاح تا تانكشفك على حقيقتك
ناصر :صعيب علييك
وقرب لعندو:ماتلعبش معايا حسن ليك..
روبي قربات لعند كمال وهضرات بطريقة كتستافزو بيها:سي الكوميسير لمينوط عفاك
كمال وهو كيحل لمينوط:روبي ولا ملاك ماتنساينيش حيت مزال غنتشاوفو
روبي:مرحبا فأي وقت
ناصر جر طاهرة:المرة االجاية تأكد وعرف راسك معامن
كمال :غتندم على هدشي كامل من اليوم غنبقة مقابلك غير نت
ناصر كتافة بابتسامة سنافزاتو..وحل لباب باش يخرجو وهوما يسمعو صوت كمال :نتي غتبقاي خرجات برائتك وبقة لملف ديالك معلق بانك مخطوفة غنسجل اقوالك وسيري داك الساع
ناصر بغة ينطق وهي تقاطعو طاهرة:واخة ..شوية ونجي ياخد اقوالي باش مانوليش نرجع لهنا
ناصر:هنا برة كنتسنة
خرجو بقات طاهرة وكمال ..طاهرة عارفاه شغا يقول :قول شنو عندك
كمال :علاش هدشي لي بغيت نفهم علاش درتي فيا هكا..علاش وافقتي باش نتزوجي بيا من لول .
طاهرة:كمال انا عمري نسى خيرك ولكن انا ما نصلاحش ليك..داك نهار وافقت حيت ماكان عندي تاشي خيار كنت خايفة بزاف
كمال:وشنو تبدل دابة..شغا ديري مع واحد كيعدبك
طاهرة:مايمكليش نشرح ليك..ولكن انا خاص نكون معاه بلاصتي حداه هدا هو مكتابي.سمحلي بزااااف والله نت شخص ضريف تستاهل وحدة حسن مني
كمال قرب لعندها وشد ليها فيديها:ونتي ماتستاهليش تكوني معاه.نسيتي كي كانت حالتك وشنو دار فيك ..سمعي ما تشهدي ما والو ماتزوجيش بيا غير يلاه معايا نتي ماملزوماش تكوني معاه..
طاهرة بعدات يديها:مانقدش صافي اكمال نسة الله يخليك.
كمال تنهد:واخة لي بغيتي ..لا غيرتي رأيك ولا وقعات شي حاجة وحتاجيتي المساعدة انا ديما معاك
بتاسمات ليه:شكرا بزاف
كمال:سيري انا غنتكلف بالملف.
طاهرة بقة فيها مايستاهلش هادشي لي وقع ليه ماكرهاتش تعاونو ولكن ماشي لخاطرها حلات لباب:سلم لي على نور
كمال:ماغاتجيش تشوفيها دابة راك وليتي حرة
طاهرة:ان شاء الله تا لشي نهار
وخرجات وشدات لباب..شافتهم مجمعين مشات بخطوات تقال ووقفات حداهم
ناصر جرها من يديها:تالدار ونهضرو
خرج لقة الشيفور جاب الطموبيل وكيتسناه من لباب اللوراني على قبل الصحافة ركب هو وياها اللور وتحركات الطموبيل نيشان للدار
ناصر شاف فالطاهرة:كانت فرصة باش تنتاقمي مني
طاهرة شافت فيه:انا ماشي هي نت
وسكتات وهي كتشوف فالطريق..حسات بيه شد فيديها علات عنيها فيه ..ناصر قرب يديها لفمو وباسها كتافة غير بهاد الحركة..طريق كاملة ويديه فيديها تا وصلو لدار..نزلو ودخلو لدار حتى كيسمعو صوت عماد وهو داخل ومورا امين ولبقية
عماد:دابة خاص تعاود لينا اش وقع بالضبط
طاهرة حسات بالعية نساحبات وطلعات لبيت ترتاح وهي كتفكر فهدشي بقة فيها كمال مابغاتش دير فيه هكا
طاهرة الام طلعات تاهي لبيت ملي شافت ناصر كيخنزر فيهت
لتحت
امين كيغلي من لداخل خططو كلها فشلات ماعرفش كيفاش شكون هدا لي تدخل وحيد التصاور هو صيغطهم لداررو
ناصر جلس ودار رجل فوق رجل:ماشي وقتو تا لمنبعد وتعرفو كلشي
عماد:على تقوليبة تقولب الكوميسير ناري كيشفي
امين:كنتي عارف من لول ياك
ناصر:جاتني لخبار قبل وكنت عارف انه فاي لحضة يقدر يجي باش يعتاقلني
امين:ايكون شي حد قريب ليه حيت تهزو من قلب دارو
ناصر:ونت باش عرفتي من قلب دارو
امين بلع ريقو:غير قلت
ناصر:اها..
امين ناض:هنا مشيت تا نهضرو من بعد عندي شي شغال
خرج وركب فطموبيلتو ضرب بيديه فدريكسوون:شهااااد الزهر
دزر الساروت وكسيرا وهو معصب طريق كاملة وهو كيسب ويتوعد فناصر
روبي:تا انا غنمشي
عماد:وخوك
يلاه اتجاوبو وهي تشوفو جاي
علي:فين غادا
عماد:بدينا بلحكام من دابة
روبي شافت فعلي:سمعني مزيان لا بغيتي نبقاو مزيانين انا سميتي روبي هدا وحدة..تاني حاجة اتجي تعيش معايا فدار.وغتشد فمك بلا عياقة.ومادخلش فراسك فشي حاجة كبر منك
علي:لعياقة هي لي فيك نتي..انا خوك وايلا شفت شي حاجة ما عجباتنيش غنهضر
روبي:لا لا هدشي لي بقة
عماد :صاغي صافي بلا دباز علي حتارم ختك كبر منك ونتي قادي هضرتك شوية
روبي:المهيم انا هضرت
علي يلاه ايهضر وهو يسكتو علي:صافي كوني هانية..غندوزو ليك غدا صافي
روبي :واخة..هنا مشيت
علي:فين غادة
روبي:سووقك
علي:سيري دابة من بعد ونتفاهمو
روبي خنزرات فيه:بانليا ماغا نتفاهموش.
عماد:دابة سيري
هزات سوارت طموبيل وخرجات
عماد:واش نت ماكاتسكتش
علي:هادي خاص لي يربيها ماعمرتليهاش لعين واقلة
عماد:نت كاتبان لي كتقلب على شي قتلة فخبارك ختك بوكسورة تشدك تفرعك
علي:ايوا تجرب
عماد:زيد نمشيو زييد..ناصر نخليك دابة من بعد ونهضرو
خرج هو وعلي...
احمد تم خارج بلا تاشي كلمة حتى كيوقفو ناصر:متقلتيلي والو على لي وقع لبارح
احمد:صافي لي وقع وقع دابة وحل لباب وخرج...
ناصر تنهد..ناض وطلع لبيت حل لباب وهو يشوفها فلبالكو واقفة مشة ووقف حداها:بقة فيك
شافت فيه:اه هو ما أدانيش
بقاو ساكتين حتى نطقات الطاهرة:ماخفتيش نعاود ليهم كلشي ونبلغ عليك
ناصر :عارفك ماديريهاش نتي اخر وحدة تبلغ عليا ولا تشهد ضدي
طاهرة:علاش تايق تا لهاد الدراجة
ناصر:هكاك وليت حافضك مزيان
طاهرة:ولنفرض بلغت بيك شنو دير
ناصر:ماعرفتش ولكن ماغانسمحش ليك غتعتقبي
طاهرة سكتات:تقتلني متلا
ناصر:يقدر على حساب
شافت فيه وسكتات وهي كدورها فدماغها
شافتو خارج وهي تنطق:واخة نخرج.
ناصر:فين
طاهرة:لاي بلاصة بوحدي نحس بانيوبصاح خديت برائتي وحريتي
ناصر ببرودة:لا
تنهدات وهي كتقول ماينكنش تبقة هكااا يدير فيها لي بغة ويتحكم فحياتها تاهي عندهاولحق دير لي بغات وداكشي لي غيوقع من اليوم هي حرة دراسها بغة ولا كره
داز هاد النهار وجا نهار جديد
شافتو خارج :راه بغيت نخرج مايمكنش نبقة محبوسة
شاف فيها: لا راني دويت
وحل لباب وخرج وخلاها كتغلي
طاهرة:هنا غنوريك لا
ناضت دخلات لبيت تبدال ختارت شغا تلبس وخرجات قدات شعرها مع مكياج خفيف كتوجد راسها باش تخرج
عند ناصر
..خر من دار وركب فطوموبيلتو وكسيرا تا وقف قدام واحد لعمارة جاية فموقع كلاس نزل ودخل ركب فالمصعد وطلع لطابق المطلوب تحل باب المصعد مشا نيشان لاباغطومو دق .حتة كتحل لباب غير شافتو بتاسمات:تفضل
دخل وشدات موراه لباب جلس وجلسات حداه شاف فيها وفلباسها لابسة سوميج دونوي كحلة قصيرة حد لفخاد ومعرية من صدرها وفوقها بينوار من نفس التوب
رنيا مدات يديها من فوق الطبلة وهزات التصاور خداهم من عنددها :مزيان
رنيا حطات يديها على صدرو:صافي هادشي لي غتقول ..ماغاتقولي لاشكرا لا والو
ناصر :نتي لي بغيتي ديريه
رنيا:ماشي مشكل على قبلك ندير اي حاجة
ناصر:علاش هدشي كامل
رنيا:كتعجبني وانا عمر شي حد عجبني ..وما كرهتش نكونو بجوج ماكايهمنيش باشمن صيفة.ياحبيبتك ولا عشيقتك مراتك..لي بغيتي
كتهضر وهي كتحرك يديها على صدرو بشوية وتحل ليه صدافات لقميجة :مستاعدة ندير اي حاجة على قبلك راك شتي وقفت ضد خويا..
التنقل بين الأجزاء