عماد كيسوق بيد وليد لوخرا مدها وجرها من شعرها تا لصقات فيه وهو مزير على شعرها كانت قريبة ليه بزاف وشفايفها قراب لحناكو كان كيشوف فالطريق وكيدوي :بلا تخصار لهدرة ازوينة
ليلى وعتها:وصافي رخي قصحتيني
شاف فيها وبتاسم طبع بوسة على وجها ورخا منها:وا ديري عقلك ازين
تقادات فبلاصاها وهي كتقاد فشعرها:اصلا ماتمدش يديك عليا وماتبقاش تبوسني سمعتيني...وشعري فوتو عليك اويلي من صباح وانا نقاد فيه
شاف فيها وبتاسم وهو كيغني ما دايهاش فيها
ليلى:ايمشي عليا لحال دينا ناكلو خلااص
عماد وهو كيطفي لموسيقى حيت قربو يوصلو:شوية ونوصلو
ليلى دلات يديها من الشرجم وبدات تاخد سلفيات علي شافها دلا راسو تاهو ودار بوز
عماد سلم عليه:غي فدنيا ابا دريس..نت بعد لاباس هو هداك
با دريس:الحمد الله كلشي مزيان بفضلك اولدي
عماد:با دريس واش فوقما نجي نعندك تقولي بفضلك وصافي راه بحال ولدك الله يهديك
با دريس:الله يرضي عليك عمري نسا خيرك تكلفتي بلقرايا دبنتي دابة راها توضفات الحمد الله ودرتي ليا هاد المشروع الله يكتر خيرك
عماد باس ليه راسو:راه نت هو لبراكة بلعكس رضاك هو كلشي..نسيتي شحال وقفتي معايا فاش كنت محتاج
ليلى كتسنت وكتشوف فيه زاد.كبر فعنيها عرفاتو دري قلبو بيض ولفلوس ما اتراتش عليه كانسان عادي بحال كي كنشوفو دابة بنادم كيدير جوج ريالات كيحساب ليه شد سما بيديه ..بتاسمات بلا ما تحس
عماد:با دريس عتقنا فينا جوع ولبنت داخلة دابة تقرا
با دريس:هي لولا ...بعدة شكون هاد البنت وهاد.الدري
عماد:اودي شغا نقولك هدي واحد لبرهوشة سميتها ليلى خاص لي يدير ليها عقلها ولكن ماتخافش انا غنربييها...ايوا وهدا علي
ليلى خنزرات:لبرهوش هو نت
با دريس:هههه باقي نت هو نت ..ماتديش عليه ابنتي هو ديما هكا...نمشي نجيب ليكم لفطور
عماد جلس وهو كيضحك مد.يديه وخربق ليها شعرها:تقلقتي المشة
عماد.دخل ليه علي لخاطرو فكرو فاش كان صغير نفس الحلم نفس الحركات ديالو ...بتاسم:علي امم شنو بان ليك تجي تبدا ضرب عندي فنادي ديالي انا غنتكلف بكلشي ماتخممش باش تولي تانت بوكسور مشهور
علي غيطير بالفرحة تلاح عليه وعنقو: واااش بصااح كتدوي
عماد:ااه اصاحبي
علي كيهز راسو بااه:موااافق شكرااا بزاااف نت هو لبطال ديالي وصاحبي وعشيري وكلشي
عماد عجبو لحال فاش شافو فرحان هادشي لي بغة حيت تاهو فواحد الوقت كان محتاج لشي حد يوقف معاه وما لقاش تنهد:عندك طليفون
سلم عليه وركب فطوموبيلتو وكسيرا ومشا وهو كيفكر فعلي قرر باش يعاونو تا يوصل لداكشي لي بغا ..ايتكلف بماصاريفو كلها..تفكر ليلى وبتاسم هاد لبنت دخلات لدماغو بزاف عجبو لكراكطير ديالها ...مشا لنادي ديالو المشهور ماشي اي واحد كيجي ليه ويدرب فيه
حنان:مالو غيحوييك راه غير انركبو معاه فلوطو يضرب بينا دورة ويدور معانا هو هدشي لي خاصو زيدون انا لي غنركب لقدااام ونتي غتركبي اللور مالك دايرة هاد لحالة كلها
ليلى سبقاتها:سيري تقودي
حنان تبعاتها كتجري وشداتها من يديها:وا صاحبتي نجيبو غا مصيريف مالك كطيري
ليلى ماكتجاوبهاش
حنان طارت عليها بتعنيقة:عفاااك عفاااااك ماغيوقع واالو ساعتاين مانفوتوهاش شوفي طريق كاملة وانا كنرغبك
ليلى ساكتة
حنان:شنو قلتي
ليلى:بربييي ويدير شي حركة ماشي تا لتم ويبدا يتعنب عليا يتا لسق ليه راسو مع شي حيط
حنان عنقاتها وهي كضحك:لا ماتخافيش كوني هانية
ليلى:فوقاش بعدة
حنان هاد لعشية:اممم سلتي من 4ل 6
ليلى كنفكر واش عندها شي متيحان:صافي واخة
وكملو طريقهم لدار
عند طاهرة
كانت كتشوف فيه وهو عاطيها بالضهر بتاسمات وهي كتقرب ليه تا حطات يديها على كتافو:اميين
هو شاف فيها بشوفاتو لحادين وشدها من دراعها وقربها ليه وبدون سابق اندار تلاح عليها كيبوس فشفايفها هي فلحضة تجاوبات معاه كانت مستمتعة بقبولاتو نسات راسها حتى كتحس بالوجع فشفايفها عضها بكل وحشية وداك المتعة تحولات لوجع حيت دفعها تا لصقات مع لحيط وجمع معاها بصقلة تا طاحت لارض يلااه اتعلي فييه عنيهااا وهي تسمع صوت ليلى ......جلات عنيها وهي تلقاها حداها وكتمسح ليها على شعرها كان قلبها كيضرب فالمية وكلها عرقانة وكترجف خوفاانة
ليلى شادة ليها فيديها:مالك شي حلم خايب ياكي
طاهرة كتهز راسها باه وهي شادة فقلبها :اه
ليلى ناضت وجابت ليها لما وشرباتو ليها بقاو شحال جالسين وساكتين وطاهرة تفكيرها كلو فديك لحلمة مافهماتهاش واش جاب ناصر لحلمها وبديك الطريقة لحد لان كتحس بالوجع فشفايفها بلعات ريقها وشافت فليلى: تم نقل القصة من 9esa.com.. فيك الجوع
ليلى ناضت:انا غنوجد لغدا غير رتاحي
طاهرة:ونتي بعدة كتعرفي طيبي
ليلى:هههه غير داكشي خفيف وصافي
طاهرة رجعات تكات وهي كتفكر فالحلمة
داز الوقت ليلى وجدات لكفتة بالبيض جا مالح شوية خخخ تغداو وناضت ليلى جمعات الكوزينة وضربات جوج مشات تقرا من 2 ل4 ومن 4ل6 اتسلت....
طاهرة كانت متكية حتى كتسمع طليفونها كيصوني غير شافت سميتو بتاسمات وجاوبات:سي امين
بتاسم:كي بقيتي
طاهرة:الحمد الله ونت
امين:لوطيل مقناط بلا بيك
طاهرة:بغيتيني نجي
امين:لا غير خليك ترتاحي
بقاو ساكتن
امين كسر الصمت:توحشتك
طاهرة ضربها الضو ما لقات ماتقول مزال ما تعودات على هدشي خاصها تجاوبو:يتوحشك لخير والربح
امين بقا صابر وهو يضحك:هههههههه صافي هدشي لي قديتي عليه
وقطعات بقى كيضحك وهي شادة طليفون عاضة على شفايفها ومبتاسمة
بعد.مرور ساعتان
خرجات وهي تلقاها حدا باب لمدراسة كتسناها مشات لعندها وكملات هي وياها طريق
ليلى:اجي من لهنا ندير شوية دلعكار ونقاد شعري
دخلو فواحد الدرب ووقفو حدا واحد العمار لباب ديالها من زاج مرااية ...وقادو راسهم وضربوها بتعكيرة ومشاو
حنان:تسناي نصوني عليه
صونات وقطعات وفلبلاصة ولا عيط جاوباتو بصوت محلون مع سيد شرف وخرف تحلوين كيجيه شي حاجة يعطي عليه زبابل دلفلوس:وي شوشو ..فيينك....اوكي بي بي..تلقاني تماك كنتسنى...ماتعطلش...اموااااح
وقطعات وطلقاتها بضحكة هي وليلى
ليلى:ولد لكلبة تلقاي عندو لحفايد داير عليهم لفقيه دجامع وفزنقة كيولي عنيبة من الدراجة اللولا زيدي نعطيو لمو لعاصير
حنان:ناري ولد لكلبة لفلوس كتكون عندو مشتتة ههه راه من صحاب وجع التراب...ضربها بورتة فلبلاد وجاي كيقلب فين يخسر فلوسو الحمد الله جينا معاه نيشان
بقاو غاديين وقفو فلبلاصة فين ايجي يهزهم ماهي غير دقايق وهو يوقف بطوموبيلتو لكاط كااط ...خخخ اول حاجة كيديرو صحاب وجع التراب ملي كيديرو لاباس هي لكاط كاط كيحسو براسهم لاباس عليهم نيت خخخ
ليلى:ههه حاشة ولكن دار عارفينا خارجين ف6...غدا نبقاو معاك تا لصباح لا بغيتي
شعيب :هي لولا ازين يلاه تا لغدا
وضرب الدورة باش يرجعهم
ليلى حلات الشرجم وبدات تاني بااسلفيات حتى كيوقفو فالصطوب
هو كان واقف فالصطوب وكيدوي فالطليفون دور وجهو وهي تبان ليه كتصور وضارت كضحك مع لي كيسوق بطريقة محلونة وكضرب ليه على كتافو ولمشكلة راجل شارف وشاف فهديك لي راكبة لقدام عرفها هي لي كانت كتبيع لكوكايين لبنات فلي سي ماعرفش علاش ضرو خاطرو وركبووو جن لكحل فديك اللحضة الصورة باااينة راكبين مع الزلال قد باهم
ليلى ضورات وجها وهو يبان ليها كحلات بلعمى تحنات لتحت يحساب ليها ما شافهاش :واااا قلع دغيااا خويا خويا
شعيب غي سمع خويا قلبو ضرب فل100 كانت غتجيه سكتة قلبية كسيرا بالجهد وتم غادي
حنان:اويلي شمن خوووك انم
ليلى:من بعد ونعاود ليك دابة غي سيرو طموبيل لي مورانا فوتها تلف ليها ولا شوف شغا دير
شعيب ولا كيطير فالسوقان بدا يدخل فالدروبة وطوموبيل مزال تابعاهم دازت مدة وهي ليلى دور راسها مالقاتش طوموبيلتو:صااافي تلفنا ليه شوف ماتمشيش على الطريق لعادية سير على لخلا صافي
مسكين داكشي لي دار بقا غادي على لخلا ولقيفار حتى كتخرج فيهم طوموبيل وتحبس عليهم الطريق شعيب كوما فراناش كو دارو كسيدة خايبة
كلشي غوت وشهق
ليلى علات راسها كتشوفو نازل وباينة فيه معصب حل لباب دشعيب وجرو من الكول شنق عليه ولصقو مع الطوموبيل شعيب شوية ويبول فسروالو:شووف اولدي ..
قاطعو:ولدك يا ولد لقحبة يااك..وهادوك ماشي قد بناتك ومركبهم معاك
شعيب بلع ريقو هو كيبكي:اولدي راه عندي لقلب وماقاد على مشاكيل خود.ختك والله ماتولي تشوفني معاها صافي اخر مرة غي خليني نمشي بحالي
ليلى بقات غي جالسة خافت تنزل ويشركها معاه تاهي
حنان نزلات كتجري:رخي منو اتقتل الراجل
شاف فيها وخنزر دفع شعيب تا كان ايطيح:بربي ونلقاك مع هديك لي اللور نطير ليك راسك وما هادي غا مسخة ماسوقيش فيها سمعتيني
شعيب كيهز راسو باه
وضار شاف فحنان بقا كيقرب وهي كتبعد تا شدها من شعرها وزير مزيان شوية ويتقطع ليه فيديه:ونتي يابنت لقحبة نعاود نشوفك معاها نخلا دار عشتك نتي وياها سمعتيني هاد لمرة غا دويت لمرة الجايا ما انهضرش انهضر بيدي
ودفعها تا طاحت لارض
ومشى نيشان لطوموبيل حل لباب وهضر ببرودة عكس شوفاتو لقرطاس:نزلي
بقات كتشوف فيه وكتلعتم فلهضرة:عما..د شوف
قاطعها:قلت نزلي
نزلات وهي خايفة لا تجيها شي ضربة بقات غادة وهو موراها حل ليها باب طوموبيل وشدها من دراعها ودفعها تركب ومشى ركب تاهو وكسيرا خلا غا لعجاجة موراه
كانت غادة وساكتة ماعرفاتش علاش جاتها اللقوة وخافت بزاف بقات كتاكل فدفارها حتى كيوقفو فواحد.لبلاصة خاوية نزل ومشى نزلها وهو جارها :هضريي شنو داكشي لي شفت
هي غي ساكتة حيت بصاح منضر خايب
عمااد :قدوو قد باااااك ولا جدك تاهو جاك فلبلان وكتمشيلي مع لمسخات ..باغة تولي تانتي مسخة يااك..علاش هدشي كامل دوي
هي غي ساكتة
عماد:على ود لفلووس ياك ..قلتو شارف اجيو لعبو عليه
خدا ليها الساك وحلو لقا فيه لفلوس هزهم ورماهم عليها :طلعتي رخييسة
ليلى غمضات عنيها مارضاااتش يقول عليها هكاك خصوصا منو هو ما لقات ماتقول بقات غي ساكتة
عماد شدها من دقنها تا كان ايهرس ليها فمها:دوي ماالك سااكتة
ليلى عيات صابرة وهي تنتر منووو:بعد مني ماشي سووقك سمعتيني ندير لي بغيت ونمشي معامن ما بغيت ديها فراسك نضبر لكري شغلي هداك سيير تقود عليااا شكون نت اصلااا ماكنعرفكش اسيدي اويلي على بشار
عصباتو وهو يشدها من شعرها ورها لعندو كانو قراب بزاف:عرفتي شنووو من اليووووم ايولي شغلي الالة من ليوم ديري بحسابك انا لي غنربيك البرهوشة ونرجعك لطريق لمستقيم وسمعي قسما بالله ونولي نشوفك مع داك خيتي رجلك نطيرهم ليك نتي وياها سيري وعلميها تاهي
ليلى قصحها:رخي مني قصحتيني
هو مازاد غا برك:وحاجة حدا خرا نولي نشوفك مع شي زلال هديك حاجة وحدا خرا شهدي على روحك نتي ويااه سمعتيني لا باك ماعرفش يربيك انا لي غنربيك ولا خوك ماعرفش يحضيك انا لي غنحضيك
ليلى تنترات منووو:بعععد منييييي واش لي جا يمد عليا يديه شنو بنت ليكم اناااا شوف انا بنت ساايبة ماعندي لا اب لا اخ لي يحضيوني لا ام لي تخاف عليااا سمعتيني ما مربيااش وهدشي شغلي انااااا
بقى كيشوف فيها كي كتهضر وهي معصبة كتزيد تزيان وعنيها كيحمارو ومتقوص حجبانها بطريقة زوينة عاااد ركز فهضرتها شدها وجرها لعندو وبدا كيمسح ليها على شعرها وليد لوخرا شاد بيها وجها وكيحرك صبعو غير بشوية:مالك باسلة بزاف واش ماباغاش ديري عقلك
بقات كتشوف فيه عاد كان معصب دغيا ولا حنين ورطب وغير بجوج كلمات قدر يكالميها ويرخيها
عماد ضربها بشوية على وجها :تبتي وتا شيحد.ما غيبقا يمد عليك يديه ..ديري غا عقلك ولي قاسك نمحي مو من هاد الدنيا سمعتيني
داخت هضرتو حركات احاسيسها اول مرة شي واحد من بعد ختها يقولها بحال هاد الهضرة خصوصا من عند شي راجل بلا ماتحس هزات راسها باه
عماد ضربها فكتافها:وديريلي اه وخليني نشوفك تاني مع شي حد
ليلى كتهز راسها بلا
عماد ضحك:هههه مالك تزيزنتي
ليلى بلا ماتحس بتاسمات:وصافي
عماد كيلعب فشعرها وكيودز يديه على وجها :نتي زوينة وباقة صغيرة ماشي ديال داكشي ..داكشي غي ديال لمسخات لي ماعند مهم ما يدار ونتي لا ماكنتش عندك باك ومك وخوك...راه عندك ختك كتخدم على ودك على مابان ليا...و خاصك تكوني سبع فالزنقة ماتقلليش من قيمتك وتحاشيه لمنوالة وترخصيي راسك ديما شوفي بعيييد سمعتيني بعييييييييد بعيييييييد فين كاين انا بالضبط ههههه فين واقف انا نيشان ههههه
وغمزها وهي بدات كتضحك وضرباتو على صدرو:وعتيني فشعري كنتي اتقطعو
عماد شدها من شعرها وزير:فيين هنا
ليلى:ااااي قصحتيني
عماد بقا كيضحك:صاافي الله يسامح
ليلى بقات ساكتة
عماد:قلنا الله يسامح مالكي
ليلى:المسامحة صافي
عماد:برهوشة
شاف فالساعة:هدي راه 6 معاياش خاصك تكوني فالدار
شهقاات:ويلي مع 6
عماد:وزيدي نوصلك
ركبو ومسيرا دغيا وصلها كانت 6 وقسماين:شكرااا اووف
عماد:قلنا بلاش شكرا
ليلى بتاسمات زاد.دخل ليها لخاطرها:نخليك دابة
عماد:وسيري وديري عقلك
مدات يديها تسلم وهو جرها وباسها:قلت ليكزهكا كنسلم
ضحكااات :مسطي
وسلمات عليه ونزلات..وهز بقا حاضيها تا دخلات لدربهم وكسيرا
طاهرة كانت فغرفة الموضفين حيدات الكاب كي لعادة وخرجات تكمل خدمتها هي فرحانة امين جا بنفسو موراها وجابها لخدمة كان بالها كلو معاه ولات كتحس براسها قربات ليه بزاف وتحركو بزاف دلحوايج فداخل ديالها تجاهو
ليلى
عندها عشية خاوية كانت جالسة فالدار وفيديها طليفونها كتخنتش فيه ...كانت كتشوف فتصاورو واخبارو وهي مبتاسمة كلشي كيهضر عليه مزيان وكيهضرو على روحو المرحة والضحكة لي ماكتفارقش وجهو والنجاحات لي حققها فحياتو والمباريات لي ربحها وتفوق فيها
هاد ليام كانو كيهضرو بزاف مساجات وابيل عمر عليها وقتها كل شوية كيعيط ويسول فيها وهي هدشي عجبها
شافت راسها ما بقاتش كتدخل تشوف اخبار ناصر الزعيم مشات داك اللهفة لي كانت فلداخل ديالها عليه..حيت كانت غي وحدة من المعجابات ديالو كأي بنت تنهدات وهي كتشوفو كيعيط جاوبات دغية:مالك تعطلتي اصاحبي كنت غنعس
عماد:ونعسي باش نفيقك اجي قلتي غتحفضي حفضتي
ليلى:ننم لي حف...
وسكتات وهي عاضة على شفايفها:نسيييت
عماد:شتي كون كنتي حدايا نطير لمك لسانك ماكتوبيش
ليلى:وصافي قلنا ليك نسيت ..ساليتي لونطريما
عماد:اه راني عاد.خارج انمشي لدار نعس شوية
ليلى:اااه
عماد:ولكن غنوصل علي للحومة احم خرجي
ليلى بلا ماتحس ناضت جالسة:اه نخرج
عماد:ههه علا سبة
ليلى ضربات راسها:لا غير انخرج نتسخر جات هي هديك
عماد: القصة نُسِخت من 9esa.com.. اه اه تيقتك يلاه تلاحي نوصل نصوني عليك
عماد.كيشوف فيه وكي كيهضر بحال شي دري كبير هاد الدري كيزيد يعزاز عندو نهار على خوه :ونت شنو بان ليك كنتفلى عليها؟
علي:ماعرفتش انا مابغيتكش تفلا عليها هي عزيزة عليا وماعندهاش خوها وانا هو خوها
عماد وصل للحومة وقف الطموبيل وحيد السمطة وضار لجيهتو وبدا بديمسح ليه على شعرو الرطيطب:تانا ماغنتفلاش على ليلى اصاحبي كون هاني
علي بتاسم:عارفك ماديرهاش هي واخة فيها لعياقة راها ضريفة
عماد بتاسم:عاارف داكشي لاش غنبقا معاها ..احم نصوني عليها دابة
عماد صونا عليها وجاوبات دغيا:هنا فدورة ديال راس الضرب...واخة...ماتعطليش
وقطع
هي ناضت دغيا هزات السوارت وخرجات كي لعادة معدبة داك الجلابة معاها بقات غادة تا وصلات حدا طوموبيل كانت الزاجة لي من جيهة علي محلولة دلات راسها:لبوقوس نزل نزل ماشي بلاصتك هدي
علي:هاهو غادي بحالو قوليها غا زوينة
حلات ليه لباب :واهي دابة
علي نزل وهز شكارتو لي محملها فيها داكشي ديال تدريبات ووقف حداها وقرب ليها:ما بقا والو ونوصل ليييك فالطول داك سعات انوريك شكون هو علي
دفعاتو:سير البرهوش نهار طوال اجي لعندي
علي:واخة هكاك كنبغيك اليلى..ايلوفيوووووو
ومشى وهو كيضحك
ليلى ركبات وهزات داك الجلابة تا لفوق فخادها وطلعات رجل فوق الكوسان ورجل مهبطاها ورجعات راسها اللورعاد شافت فيه لقاتو كيشوف فيها وهو مبتاسم بتاسمات ليه تاهي:لاباس عليك
عماد:لاباس شتك فهاد تلتيام زيانيتي شكا ديري
ليلى نزلات لمراية كتشوف فراسها:لي زين زين
عماد كيشوف فيها وهي كتماصي شفايفها قدام لمراية وختماتها ببوسة لراسها
عماد.:ههههههه من نيتك
ليلى كضحك:ههه مالي مانبوسش راسي
عماد :نبوسك انا بعدة اجي قربي
ليلى : نو احبيبة بلاش
عماد:لا بغيت نبوسك راه غنبوسك
ليلى:ايوا ماتيقش فراسك بزاف...حيد من الحومة ها لعار
عماد:امم بغيت نعرفك على شي حد
ليلى:شكون
عماد كسيرا بالجهد:نمشيو وتشوفي
ليلى:شوف انا شنو لابسة لا حشومة تا نلبس شي حاجة مقادة حرام عليك
عماد:واغا زيدي ماشي مشكل
بقاو غاديين وكي لعادة طالق الموسيقى كانو ساكتين
شاف فليلى لقاها ساهية مد يديه وجرها من شعرها
شافت فيه:اااااي وا شعري هدا راك كتقصحني
عماد:مالك ساكتة
ليلى:والو ساكتة وصافي
عماد بتاسم:اجي قربي
ليلى:علاش
عماد مد يديه وغا قربي قربات
عماد:زيدي
ليلى:اويلي راني قربت بغيتيني نجي نجلس فوقك
عماد :اه اجي..ياك قلتي باغة تعلمي تسوقي اجي دابة
ليلى بتاسمات:حلف
عماد:مالي كنكدب ..واجي
قربات كتر وهو خفف السرعة وجلسها قدامو ورجع الكوسان اللور باش تكبر لبلاصة كانت جالسة وسط رجليه
ليلى:شغا ندير دابة
حطل ليها يديها فوق الفولون وحط يديه فوقها وبدا يحركهم غي بشوية:طلقي يديك بعدة فلفولون ومن بعد ندوزو لشي لاخر
ليلى فرحانة:اه واخة
مشاو من بلاصة خاوية على حساب طوموبيلات بدا كيعلمها كي ظير تحرك لفولون وكي دير تحكم فيه بلا ماتخاف او دهشر منو وهي مركزة معاه وزعيمة ماخافتش كادير داكشي لي كيقول ليها بالتفصيل مع راسها خفيف دغيا كتعلم
كانت حاطة يديها فلفولون ويديه على يديها شافها غادة هي هديك وهو يحيد يديه غي بشوية بلا ماتحس وهي كدورو بطريقة صحيحة
هو هبط يديه وبلا ما يقصد حطها على فخادها لعريانين حتى كيحس بداتها باردة شاف فيها ما حاساش حيت مركزة مع سوقان وكتشوف فالطريق بدا كيحرك يديه على فخادها غي بشوية داتها رطيطبة بحال شي بي بي نسى راسو وهو كيحرك يديه قرب راسو ليها وخشا راسو وسط عنقها وهو كيستنشق الريحة دشعرها غمض عنيه وهو عايش اللحضة
ليلى كانت مركزة حتى كتحس بانفاسو لحارين على عنقها وحاط راسو على كتافها ضربها ضووو ملي حسات بيديه كتحرك فوق فخادها بلعات ريقها وحسات بالتبوريشة طالعة معاها ونطقات بصوت مقطع:ع..ما.د
عماد مزال خاشي راسو وسط عنقها طبع بوسة خفيفة لي خلاتها تقفز :مالك
ليلى توترات :شد لفولون راه غنرخيه
قبل تكمل هضرتها رخاتو ماقدراتش تحكم فراسها
طوموبيل بقات غادة وكتلعب بيهم دغيا عماد شد فلفولون وقاد الاتجاه وفرانة وقف وهي غي ساكتة وكتسنا شغا يوقع واش ايدخلو فشي شجرة حتى كتشوف الطوموبيل وقفات عاد رجعات فيها الروح
عماد ماهماتوش طوموبيل كان كيشوف راسو كيف ولا دغيا نسى راسو وهو حداها حس بلحرارة وهي جالسة وسطو خصوصا وانها قريبة لمعلم وكتزيد تكمل فاش كتحرك
ليلى وترها هاد الصمت ماعرفاتش شنو دير بغات دور باش ترجع لبلاصتها:انرجع لبلاصتي
يلاه اتوقف وهو يشدها ويضورها لجيهتو تا طاحت من فوقو شدات ليه فتيشيرط وهي خايفة حلات عنيها وشافت فيه قريب منها بزاف بغات تنوض وهو يضور يديه على خصرها وليد لوخرا بقا كيطلعها مع ضهرها غي بشوية وهو كيحس بالرجفة فجسمها بين يديه حتى وصل لشعرها دخل يديه وسطو تا وصل لعنقها وبدا كي لتامس رقبها غي بشوية وعنيه على شفايفها ..بالشوية قربها ليه حتى لتامسو شفايفهم بقاو شحال هكا هو مادار تا حراكة وهي مادارت تا ردة فعل من غير انفاسهم لحارة لي تخلطات وصوت تنهيداتهم ..عماد زاد قربها لعندو وبدا يبوسها غي بشوية بطريقة زوينة لي خلات ليلى تنسا راسها وتنساجم معاه
هو غي حس بيها تجاوبات معاه زاد كيصيغط على شفايفها
ليلى دورات يديها على عنقو وليد لوخرا كتعلب فصدرو
عماد وصل للقارعة طلع يديه بجوج لشعرها وجمعو كامل بين يديه حيت ديرونجاه وغطس راسو فعنقها كيبوسها بوسات مقطعين فكل جيهة وهي عاضة على شفايفها ومغمضة عنيها بوساتو حنان وشفايفو دافين على عنقها ..زيرات على شعرو فاش عضهاةعضة خفيفة فعنقها حتى تسمع صوتها
عماد بعدها شوية وشد راسها بين يديه وهو كيتأمل وجها وهي مغمضة عنيها قربها وباسها فشفايفها اول مرة ايحس بهاد المتعة مع شي وحدة
ليلى قفزات فاش حسات بيديه قريبة لصدرها ..اول مرة شي حد.ايقيصها فصدرها بعدات عليه وقلبها طبووول كيزدح:عماد صافي ويلي ..انا شنو درت
عماد كان فعالامزاخور حتى فيقاتو شاف فيها:مالك
ليلى كتحاول تنوض وهو كيرجعها :عفاك اعماد صافي براكة
كتقولها وهي كتلهت وتبلع فريقها بحاليلا كانو كيجريو عليها
عماد بتاسم من طريقة بوستها وحركاتها وردة فعلها فاش قرب لصدرها عرف اول مرة..سيد عندو خبرة فهادشي استاد فلعلاقات الحميمية خخخ
عماد جرها من شعرها وطبع بوووسة مجنونة على شفايفها وبعد عليها:مالك خفتي
ليلى:خليني دابة نرجع لبلاصتي
رخى منها وهي دغيا ناضت لبلاصتها وجلسات:رجعني لدارنا عفاك
عماد.كسيرا وهو كيقاد حوايجو:تا نعرفك على شي حد
ليلى كتهبط جلابتها على فخادها وشعرها لي تخبل بسبابو:لا تا لمنبعد
عماد:لا دابة
ليلى مزال قلبها كيضرب سكتات وهي كتسترجع انفاسها
بقاو غاديين وعماد.طريق كاملة وهو مبتاسم عاجبو لحال معاها واخة ماداروش شي حاجة شي حاااجة😉...حس باحساس زوين لدرجة بغا يزيد.كتر
وقف وشاف فيها:نزلي
ليلى كتشوف هوما فين:واخة
نزلات وهي كتشوف حومة شعبية 100 في ل100 بحال حومتها تماما ماعرفاتش لاش جايبها لهنا
عماد غير وقف الطوموبيل ونزل ضارو بيه ولاد لحومة سلم عليهم كاملين ودراري الصغار كيتعلقو فيه بحاليلا الملك زايرهم
واحد من الدراري:خاي عماد يتووب عليك..عرفتي فاش درتي لينا داك تيران دلكورة فالحومة صرعتيها ولينا عاطينها غالماتشات
بتاسم ليه:بصحتكم
قرب ليلى وشدها من يديها :هدي حومتي هنا فين تربيت
خرجات عنيها:بصاااح
عماد:ااه ماتولدش ملعق
وغمزها😉
بقا غادي بيها تا قربو لواحد دار :هادي دارنا هنا عشت
طلعات راسها كتشوف دار عادية ومع جيران واخة مهلي فيها وصابغها
علي:زيدي باش نعرفك على الشخص لي قلت ليك
دخلات وهو يلا ايدخل وهو يسمع :عماااد
كيعرف هاد الصووت مزيان عمرو ينساه ضار بلا ما يحس وهو يشوفها واقفة حدا لباب فلحضة حساب ليه كتعيط عليه
وقف حدا لباب وتكا على الحيط وهو كيشوفها كتهز ولدها لي كان كيلعب فالزنقة كان يقدر يكون ولدو هو ويكون هو باباه ..سماتو عماد على سميتو
شاف فيها فاش هزات راسها وشافت فيه وولدها بين يديها هازاه لمح دمعة فعنيها ودخلات وشدات لباب هو تنهد وفيقو صوت ليلى
ليلى:عماد يلا
ضار لعندها وبتاسم:زيدي
طلعو فالدروج وجبد.الساروت وحل لباب ودخلو
عماد شد لباب:هنا جييت
شافها خارجة من لبيت وفيديها لكارو كتكميه :جيتي الكيداار عاد.تفكرتيني
ضحك وهو كيقرب ويطبع بوصة فجبهتها:كنت مشغول راكي فبالي
هي :ااصحافة والحفلات مامشغولش عليهم يحرق طاسيلتك كتجي فوقاش ما رشقات ليك يااك
عماد باس يد يها:وصافي هنا معاك دابة انبقا نجي نشوفك ديما غا حيدي هاد تغوبيشة اياامنة للحمقة
يامنة:تا ومك هوما لحمقين دوز تجلس
يامنة عاد شافت ليلى ورجعات شافت فيه:شكون هاد خيتي لي جايب معاك
ليلى كتشوف فيها مرا كبيرة يكون عندها داك 80 عام شارفة وكتكمي فلكارو
عماد جبد باكية دلماربورو فتحها خدا واحد ومد ليها لباكية:لعفووو
يامنة خداتها:يعفو عليك نت وما انا ماوبقا قد ما فات ونمشي بحالي
وشعلات لكارو وبدات تكمي..عماد خدا منها لبريكة وشعل تاهو
ليلى كتشوف شهاد العائلة فشكل
عماد نتر نترة:هدي جدا مات لواليد هي لي رباتني تقريبا هي كتر من لواليدة فالمعزة ..واخة تشوفيها هاكة راه لقلب لحنين ماكاينش بحالها ...ديفو واحد.دارت لي هي نهار درت لاباس مابغاتش تمشي تعيش معايا بغات تبقا هنا
يامنة:انا ابنتي ولفت الحومة وصداع ولحيحة والزلط واخة هاد لكيدار مامخليني مخصوصة من والو..ماعنديش مع لفيلات وداكشي دلالييباا هههه
عماد:ايوا الله يهديك
يامنة:ومنين كتعرف هاد لبنت
عماد ماكيخبي والو على جداه عاود ليها كلشي
يامنة تفركعات بالضحك:هههههههه دارتها بيك اوليدي هاد لبنت هي لي تصلاح ليك اولدي واخة عارفة مك ماغتبغيهاش
عماد:ماشي وقت هاد الهضرة
يامنة: تابع المزيد من القصص على موقع قصص مدرب.. شوفي ابنتي عندو واحد مو حاسة براسها من نهار دار لاباس وهي عاطاها لمسافرات تا ولدي بعداتو عليا والكن ماتخافيش عليا شديتها واحد نهار قتلتها عصة عمرها تولي دور بساحتي
ليلى:هههههههه
عماد:كضحكي
يامنة:خليها ضحك مك لفعة يلاه
عماد:وصافي ايامنة بدلي الموضوع
بقلو جالسين وكيعاودو ليها على العائلة من بعد ونتعرفو عليهم
عماد ناض وحل الشرجم ووقف كيشوف
يامنة:دوز تجلس راها مرات الراجل بعد منها
عماد ما دايهاش فيها كيشوف فااشرجم لي كانت ديما كطل منو فاش كان هو وياها وكيبغيو بعضهم ...
ليلى:شكون هدي
عماد:نوضي نمشيو
يامنة:خليها تعرف
عماد:ليلى نوضي نمشيو
ليلى:لا قوليلي اجدة شكون هدي
يامنة:هديك لبنت كان كيبغيها ملي كانو صغار تاهي كانت كتبغيه وتافقو فاش يكبرو يتزوجو
ليلى:ايوا
يامنة:ايوا كبرو ولبنت زيانت وعطات لعين ناضو خوتها زوجوها بالسيف لواحد خونا لاباس عليه بزناز خدام فلحشيش ..صراحة دالله بكااات وتعدبات تاهي ولكن خوتها ولاد لحرام.طماعين ...هاهي دابة كتمرمد راجل كل شوية مزرق ليها لعين وكيتكرفس عليها ديما جاية غضبانة لدارهم ..وهو دابة راه مشدود ..وسمات ولدها عماد
ليلى كتشوف فعماد:وعماد
يامنة:عماد دازو عليه يامات كوحل تعدب تاهو ولكن هدا هو لمكتاب هي ماشي ديالو
سلم عليها وخرجو مع لحلة دلباب كيشوفها خارجة وفيديها ولدها
وقف وهو كيشوف فيها وتاهي كتشوف فيه
ليلى خرجات عرفاتها هي بلا ماتحس خشات يديها فدراعو وقربات ليه بزاف:نمشيو
عماد شد ليها فيديها وحل ليها باب طوموبيل ركبات وركب تاهو وكسيرا بالجهد ..خلاها موراه كتبكي ربي لي عالم بيها
كانو غاديين وساكتين حتى نطقات ليلى:مزال كتبغيها
عماد:لا
بقاو ساكتين
عماد:مابقيتش كنبغيها ولكن باقي مانسيتها راه ملي حليت عيني فداك الحومة وانا كنشوفها هي شي حاجة زوينة دازت فحياتي ماكتنساش طفولتي ومراهقتي كلها دوزتها معاها ...بقا فيا لحال للحالة لي وصلات ليها هي واخة هكاك بنت ناس ماتستاهلش
ليلى:وايلا طلقات متلا ترجع معاها
عماد بقى ساكت عاد جاوب:لا مانرجعش معاها
ليلى:علاش
عماد:حيت قلت ليك مابقيتش كنبغيها داكشي مشى نهار تزوجات وشغتها معاه..مات داكشي لي كنت كنحسو من جيهتها
ليلى شافت فيه كيدوي بصراحة بتاسمات هدشي لي بغات تسمع مدات يديها وشدات ليه فيديه وزيرات:دابة تنساها
هو هز يديها وباسها بلا مايقول والو
وصلها للحومة قربات وباستو فوجهو:بسلامة
قربها وباسها فراسها:بسلامة
نزلات وهي فرحانة
بقا شحال حاضيها تا ختافات من حداه عاد كسيرا ومشا وبالو كلو معاها عشية دازت زوينة معاها
نمشيو لبلاصة بعيدة عليهم
كان فالمكتب ديالو مشغول فشي وراق حتى كيدخل عندو واحد من الرجال ديالو كان كيتسناه حط داك لوراق من يديه :شنو
اراجل مد ليه لغلاف لكبير:هنا كلشي اسيدي
حلو وهو كيشوف الصور درو خاطرو عمرها التبدل
الراجل:سيدي لبارح شدوها لبوليس وخرجناها كي قلتي لينا
تنهد :شمن تهمة
راجل بقا ساكت حشم من داكشي لي غيقول:الدعارة اسيدي
كان كيشوف فتصويرتها كمشها بلا مايحس :خلي عنيك عليها سير دابة
خرج وشد لباب ..ناصر الزعيم قلب لكرسي لجيهة لوخرا وهو كيقطع صورتها فيديه بالاعصاب قطعهاولكراف صغار وميشوف لبعيد كيكرها لدرجة باغي يشدها ويدبحها ولكن كتبقااا (الام )ديالو ...رجع راسو اللور وغمض عنيه وهو كيسترجع لماضي ديالو لاليم نيشان مشى دماغو لاسوأ دكرى دازت عليه.......ولد صغير يلاه حطو لكار راجع من المدراسة داخلية نزل من لكار كيشوف يمين وشمال ماجاتش موراه واخة عارفة ليوم السبت ..ليوم لي كيدوزو معاها من بعد اسبوع طويل فلمدراسة داخلية..تنهد عارف الطريق كانت شتا وريح بارد خشا يديداتو الصغار فجيابو وتم غادي حتى وصل لدار لقا لباب لبرانية محلول دفعها بيديداتو وهو فرحان ايشوف ماماه توحشها حل جيب شكارتو وجبد الساروت باغي يدير ليها مفاجأة حل لباب ودخل بشوية بغا يخلعها مشا لكوزينة مالقاهاش صالون كذالك اتكون فبيت نعاس محدو كيقرب وهو كيسمع صوت ..آهات..حط يديه على البواني وحل باب بيت نعاس دار جوج خطوات لقدام وهو يتصدم من المنضر بقا مبلوكي فبلاصتو ...شاف مو عريانة تماما ..وجالسة على ركابيها اونفاص مع واحد الشخص جالس فوق ناموسية وهي خاشية راسها بين رجليه وكتمص بكل شهوة ...منضر بالنسبة لطفل صغير...منضر حقييير ..عقدة بالنسبة ليه ...
بقا كيشوف وهو كيفلي من لداخل ...الشخص علا راسو وهو يشوفو ودفعها برجليه:شكون هذا
ضارت وهي تشهق حطات يديها على فمها:نااصر ولدي
ناصر مزال واقف
الشخص ناض دغيا لبس عليه حل بزطامو ولاح عليها لفلوس:تامايكونش ولدك ونجي نكملو ازين .
وصيفط ليها بوسة فلهوة وقرب لناصر ومسح ليه على شعرو:لبطال هدي هي ماماك شتيها هههههههه .هدي هي طاهرة المسخة اولدي ههههه
وخرج وخلاهم
ناضت وهي كترحف لوات ليزار عليها وضارت شافت فيه عنيه دامعين ومصدوم قربات ليه:سناني فصالون نلبس عليا ونيجي
هو شاف فيها وبتاسم ليها وبتاسمات ليه تاهي هز داك الزلافة وخواها عليها كاملة كانت صخووونة بزاف غوتات ربي لي خلقها تشوطات
بعد عليها وهو كيشوفها كتغوت وكتبكي
مشات كتجري لحمام خوات عليها لما بارد وخرجات مشات لعندو جمعات معاه بصقلة وزادتو تانية تالتة الرابعة وهو واقف ماتحركش اصلا ماحاسش بداك صقلات داكشي لي فلداخل ديالو كيوجع كتر من الضرب لي على وجهو
دفعاتو تا طاح فالارض وشافت فيه ملاميحو حادين وجامدين واخة ضرباتو مابكاش ومادار تا ردة فعل
طاهرة:خرج علياااااا
ناض بهدو دار القبية ظيالو وخرج من الدار كانت شتا مزالة كتصب علاراسو لسما وغمض عنيه وشتا كتصب ليه على وجهو كما على الله تبرد عليه حل عنيه فاش حس بشي يد جراتو كانت هي طاهرة مو تحنات لعندو وعنقاتو وهي كتبكي مادار تا ردة فعل :سمحلي اولدي عفاك
جراتو من يديه ودخلاتو لدار
فيقو من تفكيرو صوت الطليفون جاوب:صافي هنا جاي...وجدي غرفة الاجتماعات
ناض قاد لكرافاط وتنهد وخشا يديه فجيبو وخرج وهو كيتمشى بخطوات واتقة ونضرات حادة بحاليلا ماوقع والو
عند امين
كان فالمكتب حتى كيشوف لارا داخلة عندو بتاسم ليها وناض ستقبلها سلمات عليه بالووجه
وجلسو فالفوطوي
لارا:باقي مقلق مني
امين:غي ماتعاوديهاش وصافي
لارا:صافي ماغتعاودش
امين بتاسم:ايوا ياباربي شنو سر هاد الزيارة
لارا ناضت كبات كاس ليه وليها ومداتو ليه وجلسات
امين:كديري غا لي فراسك
لارا:بابا خاصو يفهم ان المشروب عاادي..المهيم سمعني
امين:شنو
لارا:اام عيد.ميلادي قرب من دابة تلتيام
امين:ههه عارف او منبعد
لارا:غنحتافل بيه فدار لي على لبحر بغيت طاهرة توجدها لي دوقها زوين عجبني داك نهار ...ماغنعرض تاشي حد غي نت وامين وبابي وحبيبي ناصر وصافي مليت من الدجة شنو قلتي
امين بقا كيفكر:تا نسولها هي لا بغات
لارا:راه غنخلصها ماشي فابور
امين:لارا عاد.دوينا
لارا:صافي سمح لي ماقصدت فيها والو ...عيط ليها دابة عفاك
بقى كيشوف من بعد جر كرسي وجلس كان اونفاص مع طاهرة خدا لكاس وبدا يشرب بهدوء جبد سيجار قلب فجيابو مالقاش لبريكة دار اشارة لسيرفور لي فهمو جا عندو وشعل ليه سيجار ومشا
طاهرة جات فبالها لحلمة باقي مانساتها بقات كتشوف فيه تا سهات فيه كان كيهضر هو وامين وكيسوط دخان بطريقة زوينة وعاقد حواجبو
دور وجهو لقاها كتشوف فيه وواخة شاف فيها مانزلاتش عنيها طلعها وهبطا وهي تفهم راسها نزلات عنيها وهي كتلوم راسها دارتها معيقة :سمحولي نمشي لحمام
ناضت وهو حاضيها بعنيه كي كتمشى شاف كلشي كيشوف فيها ..تا مشيتها كتخلي لي مايشوف يشوف
امين:مادويتيش مع لارا
ناصر شاف فيه من بعد ما شافها دخلات لحمام :لاش اندوي معاها هديك مسالية حساب ليها تانا مسااي
امين:ههههه حسن عوانها معاك..لموهيم باش ماتنساش عيد ميلادها من دابة تلتيام..اديرو فدار لي علا لبحر
ناصر:او من بعد
امين:فرحها بشي كادو لبنت كتبغيك دير معاها زوين شوية
ناصر بقى ساكت وماجاوبوش
امين:داك عماد كيغبر فمرا
ناصر:على ماسمعت عندو موبارا بعد غدا راه كيوجد ليها
امين:اه خاص نعيطو نسولو فيه
خشا يديه فجيابو مالقاش طليفون وحتة لبزطام لي فيه لي كاغط بونكير باش يخلص:انا جاي
ناض وخلاه جالس
طاهرة غسلات يديها وقدات عكارها وخررجات رجعات لطبلة ماشافتش امين دورات عنيها مالقاتوش قربات وبقات واقفة:فين هو سي امين
شاف فيها وجاوبها ببرودة:هاهو جاي
جلسات وعلات راسها فيه كان كيشوف فيها رجعات نزلات راسها حتى كتسمع صوتو
ناضو كاملين مشاو خلصو وخرجو لعلى برا امين حل لطاهرة باب طوموبيل طلعات وهو وقف كيدوي مع ناصر شوية وركب تاهو دور ساروت طوموبيل مابغاتش تديمارا حاول كتر من مرا او والو
طاهرة:شواقع
امين شاف فيها وبتاسم:طوموبيل ماسخاتش بيك
طاهرة:ههه لهاد دراجة
امين:كتر مما كتصوري
ناصر كان غادي وهو يوقف طموبيل حل الشرجم:شي مشكل
امين:طوموبيل دارت اومبان
ناصر:خليها وعيط لشيفور تاتشوف شغا دير
اامين:داكشي هنا نشوف شغا ندير
وشاف فطاهرة:غتعطلي ياك
طاهرة:ماشي مشكل ناخد تاكسي
امين شاف فناصر:واخة توصلها فطريقك
طاهرة ضربها ضو بغات تقول لا ولكن سمعات ناصر كيدوي:واخة
امين قرب ليها:هاهو ايوصلك صافي باش ماتبقاي منشورة معايا هنا
طاهرة هزات راسها بواخة سلمات عليه ونزلات وكلها كترجف حلات باب طوموبيل رونج روفر كحلة وركبات دارت السمطة وهو كسيرا
فالطموبيل
كان الصمت سيد المكان كان كيسوق بيد وليد لوخرا مدليها من الشرجم وعنيه فالطريق ...طاهرة كل شوية كتخطف نضرة ليه حتى كتشوفو وقف يدير لمازوت ..تنهدات باغة فوقاش توصل لدار
هو نزل ودخل لسوبير مارشي لي كيكون فلبومبا ..وخلاها فطوموبيل
دخل شرا ريدبول يلاه ايخرج وهو يوصلو ميساج فتحو كان شوية ويهرس طليفون فيديه بقوة لي زير عليه ..صورة لي صيفطو ليه خلاتو يغلي من لداخل
نيشان رجع دوز النمرة وكيهضر بصوت فيه حدة:فرقو عليا الجقلة فرشخ دين مهم كاملين جمعها تاهي معاهم ..سميتي ماتجبدوهاش
وقطع ....وهو كيغلي شحال من مرة حاول يبعد عليها وينسى عندو ام بحالها ولكن ما كيقدرش كيلقا راسو كيقلب على اخبارها.مابغاتش التوب واخة كبرات فالعمر مزال تابعة الزهو هدي اعوام ما تلاقا هو وياها وجها لوجه ديما خبارها كيجيبوها ليه اصلا اخر حاجة يقدر يدير هو يمشي يشوفها...حيت يقدر يتهور ويقتلها
مسح الصورة ورجع الطليفون لجيبو وخرج من السوبر مارشي
طاهرة قنطات وهي جالسة كتسناه جاها لمالال بقات كتشوغ فالسيارة كي منضمة نقية من لداخل تا زاج كيلمع بالنقاوة وريحة لبارفان ديالو مخلطة بريحة سيجار عاطية فطوموبيل كانت ريحة زوينة ورجالية ..شافت سديات هزاتهم وبدات كتشوفهم ...كلهم ديال موسيقى كلاسيكية ر مانسية هادئة ..شي دلبيانو..وشي بجيتار ..بحال هاد المسيقى غير اصحاب الادواق الراقية هوما لي كيتصنتو ليهم عجبها دوقو حطاتهم على رجليها وحلات لكوفر دطوموبيل وهي تلقا تماك صندوق بالدهبي لفت انتباها خداتو شكلو كان زوين من برا حلاتو وهي تلقاه فردي ديال الدهب بتاسمات وهي كتقول مع راسها هذا كون تبيعو تشري بيه دار معتبارة...هزاتو بين يديها بطريقة بحاليلا غتطلق رصاص على شي حد بقات كضحك على راسها وهي كتخايل راسها بوليسة وكتمتل بحركاتهم ..حتى كتحس بلباب تحلات قفزات وهي كتشوفو ركب وشد لباب بقات غي كتفتف تلفات
هو شاف فيها بعنيه لي حمارو بالاعصاب نزل عنيه ليديها لقاها هازة لفردي وعاد من فوق رجليها سديات شعلات فيه لعافية كتر من لي شاعلة كان باغي غير فين يبرد فقصتو
هي غير شافت داك الشوفات وقف ليها لما فركابي ضربها الضو
غمضات عنيها فاش حسات بيديه على دراعها مورك ليها حتى حسات بالوجع جرها لعندو تا ضربات فيه سمعات صوتو لي باين فيه معصب وفيه بحة مرجلة زادتو هيبة اول مرة يدوي معاها شي حد بديك الطريقة او تسمع شي صوت بحال هكاك
ناصر وهو عاض على سنانو:اخر مرة تولي تقيسي شي حاجة ماشي ديالك..يديك تقطعهم ليك ووليتي درتيها..سمعتيني
هي حلات عنيها دامعين وشافت فيه كان قريب ليها بزاف هزات راسها باه:وااخة..
هو غير شاف عنيها رماديين دامعين تااه فيهم بحال شي بحر قدامو تجمع فعنيها سها فيها وهو كيحقق غملامحها من عنبها تا لشفايفها لي عاضة عليهم وكيرحفو...وكل شوفة كيزيد يزير على يديها وفاش كيتفكر سمتها طاهرة كزيد يبرك كتر بحاليلا باغي يهرس ليها يديها
طاهرة مابقاتش قادة تحمل دموعها ولاو شلال قوصات حجبانها بلحريق:عفاك وعتيني
هو عاد حس على راسو رخا منها وهي جلسات فبلاصتها وشادة فدراعها ومتبكي شافت فيها لقات علامات صبعانو مطراسين حمرا بزاف بقات كتبكي بهدوء وهي مضورة راسها للشرجم..هو مد يديه وهز سديات وولفردي ورجعهم لبلاصتهم ودور ساروت باش يكسيري..يلاه شد.طريق وهو يسمع صوتها
طاهرة وهي كتبكي:نزلني هنا
هو بلا تا كلمة حبس طوموبيل بمعنى نزلي
شافت فيه ماحسابليهاش قلبو قاصح تا لهاد الدراجة عل لاقل يرفض شافت دنيا مضلامة غير لخلا بلعات ريقها ندمات علاش قالتها كاع تنهدات وحلات الطموبيل ونزلات ووقفات كتشوف مع جنابها ماكاين حد وطريق خاوية وعاد صوت لكلاب من كل جهة حسات بلخوف شافت فيهه كيديماري وكسيرا بالجهد ومشا وخلاها
طاهرة بلعات ريقها قلبها كيشطح بالخلعة المشكلة مابانت تاشي طوموبيل ماعرفاتش لاش داز من هاد الطريق بحاليلا كان موجد لهدشي وناوي يخليها هنا خخخخ
ربعات يديها وتمات غادة جاية كما على الله دوز شي طوموبيل ولا شي طاكسي ...بغات تعيط لامين وولات تراجعات شغا تقولو اصلا مابغاتش دخلو لهدشي ...جبدات طليفونها تعيط لطاكسي لي كان موالف كيديها ويجبها زادت تعصبات فاش لقاتو طافي:تفووووو على قوادا ديما زهري مكوز
زاد لخزف فقلبها :ليوم يجيو لمي شماكرية يغتاصبو طسيلتي ..هدشي علياش كنقلب كوون صبرت تا قربت نوصل عاد نقول ليه نزلني نستاهل تانا هدشي لي واقع لي...الله ياربي ماعاوني نرجع لدارنا سالمة
ناصر كان سايق فلحضة مشات من بالو وبدا يفكر فحاجة اخرا حتى كيسمع طليفونو كيصوني شاف المتصل وتنهد كان امين عرفو غيسولو عليها ماجاوبوش بقى يصوني تا قطع رجع تاني كيصوني كتر من مرة فتالي صيفط ميساج
ناصر هز طليفون وفتح لميساج لقاه كاتب(ناصر طاهرة طليفونها طافي تشوشت عليها كي وصلات مزيان..مالك ماكتجاوبش)
ناصر تنهد وقلب الدورة وكسيرا بالجهد شغا يقولو لا وقعات ليها شي حاجة هديك. المزيد من القصص على قصة بالداجة.. كتبقى امانة دصاحبو
مسافة دطريق وهو يوصل لبلاصة قلل السرعة وهو كيقلب عليها بعنيه مع ضلام صعيبة الرؤية
طاهرة كانت غادة كتجر فرجليها خايفة لا يتلقا ليها شي حد ولا يخرج ليها شي كلب حتى كتسمع صوت شي طوموبيل ضارت ماقدراتش تشوف حيت ضو طوموبيل ضارب ليها فعينيها بقات واقفة كتسنا شغا يوقع
حتى كيوقف حداها وهبط زاج وماقال والو ماشافش تافيها فهمات انهو كيقول ليها ركبي جاتها اهانة بغاتو يدوي يقول شي حاجة هي ماشي كلبة عندو
تاهي بقات واقفة ماداتهاش فيه كتعاند معاه هو شافها طولات وشاف فيها ونطق كلمة وحدة ببرودة كون صاب كلمة قصر منها مايكرهش:طلعي
طاهرة علات حاجبها::لا غي سير
شاف فيها وهو مطلع عاجبو بحاليلا كيقول ليها من نيتك:من لاخر اطلعي ولا ما اطلعيش
طاهرة:بعد مني ماغنطلعش وعتيني فيدي شوف كي ولات
كتهضر بحاليلا كتقولو عتاذر مني وهي هدشي لي بغات
طلع وهبط فيها ونزل من الكونوبيل هي غي شافتو كيقرب رجعات اللور:شنو بغيتي
بقات كترجع اللور وهو تابعها بكل هدوء بحاليلا عارف راسو غيشدها
طاهرة بلعات ريقها وهي راجعة اللور خافت منو ومن داك الشوفات ديالو مهما كان غيهرس ليها يدديها ادن يقدر يفرشخها ويدفنها هنا
يلاه بغات تجري وهو يشدها من يديها وبدات هي كتغوت:رخي مني مابغيتش نمشي معااااك
صدعاتو فراسو وهو يجرها لعندو تاضربات فصدرو:غتسكتي ولا نضرب مك ...ماجيتش موراك حيت بقيتي فيا ..جيت على ود صاحبي ...اما لا جات عليا موتي هنا نتي كاع ماكيهمنيش...وا سكتي وزيدي طلعي تقودي نوصلك لداركم قبل ماغنمد يدي عليك
بلعات ريقها وسكات ماقداتش كاع تولي تنطق شي كلمة
جرها وركبها فبلاصتها ومشى تاهو ركب وكسيرا
شوية وهو ينطق:سربي اري عنوان داركم
قالت ليه لعنوان وهي كترجف
مدة وكانو فالحومة خافت تقول ليه حطني بعيد ويغوت عليها بقا عليها تا حطها فدربهم هزات ساكها وشافت فيه ماكرهاتش تقولو سير تقود ..ولكن خافت عارفاه شنو يقدر يدير شدات باب طومزبيل وتمات غادة وهو مزال واقف
ناصر ضور وجهو فاش سمع شي دراري كيهضرو
واحد منهم:اصاحبي كل نهار كتحطها طوموبيل فشكل غا لحديد لواعر لا هي لا داك ختها ..لقاضية عندهم زاهية ههه
ناصر كسيرا وهو كيقول:كلهم بحال بحال
طاهرة غير دخلات لدار رمات الساك وحيدات السباط:زامل لاخر كنكرهووو
وشافت فيديها مزال مطراسين يديه مشات خلات تلاجة ودارت تلج ليديها وهي كتدعي فيه فخاطرها
فتالي بدلات عليها وتخشات حدا ختها وحاولات تنعس
عند ناصر كتب ميساج لامين:راها مزيان وصلتها..تاتدوي معاها...
ودخل لدار نيشان طلع لبيتو دوش وخرج لابس سروال دلكيطة دخل للمكتبة ديالو وقف حدا واحد لبيطرينا عامرة كتوبة بقا كيدوز صبعو عليهم واحد بواحد تا وقف عند كتاب هزو بين يديه كان كتاب ديال الشعر والقصائد فالعصر الجاهلي ...قاصائد بنو العتاهية ...صاحب المقولة الشهيرة الا ليت الشباب يعود يوما....ومقولة...ولي فؤاد ادا طال لعداب به هما شتياقا للقيا معذبه..(انا شخصيا كيحمقني هاد الشاعر كتاباتو كلها زوينة)
جلس فوق الكرسي وفتح اخر صفحة بقا فيها وبدا يكمل لقرايا....هدا سر من اسرارو كيعشق الشعر والقصائد....
ليلى:الااا انا ما انبقاش هنا مع محجوب يلاااه .ديني امين ماكيقول والو حرام عليك
طاهرة:اول اهاد لحفلة ماشي دامين..ديال لمعبكة دلارا مافيا ما تبقى تحل عليا فمها اندير خدمتي ونرجع بحالي
ليلى:وانا مايمكنش نبقا تلتيام فدار بلا بيك لااااااا
طاهرة كضحك:هههه جربي بلاصتي وما تعرفي شي نهار نمشي ونخليك ولا نموت كاااع خاص تعتامدي على راسك
ليلى ماحملاتش هاد الهضرة هي ماتقدش تعيش بلا ختها طارت عليها وعنقاتها:ماتبقايش تقولي هاد الهضرة ..انا راه مانقدش نعيش بلا بيك ..لا متي انموت معاك و ايلا مشيتي انمشي معاك
طاهرة عنقاتها وهي كتبوس ليها راسها:غي كنضحك .اصلا عمري نمشي ونخليك ..حيت نتي لحاجة الزوينة لي عندي فهاد الدنيا
طاهرة شافت امين كيعيط :وي سي امين ..صافي اتلقاني تماك
ليلى طلات بشوية ما لقاتهاش وهي تخرج
منى:اختي دخلتيني فهادشي ديالك كون غا بقيتي معايا
ليلى:لا احبيبة نمشي نفوج على راسي شكرا زين
باستها من وجها :بسلامة
ومشات من بعد ما صيفطات مساج لعماد
طاهرة لقاتو كيتسناها حلات لباب وركبات قربات وباستو من وجهو وهي مبتاسمة هو غير كيشوف فيها نهار على خوه كيزيد يتعلق بيها :توحشتك
طاهرة بتاسمات ليه وجاوباتو هاد لمرة:تانا
مد يديه وشد فيديها وباسها وكسيرا وهو مزال شاد فيديها
امين:نعطي هاد لوراق لاحمد ونمشيو صافي
طاهرة:واخة
طريق كاملة وهو شاد ليها فيديها تا وصلو لشريكة ..هاد الشركة ديالهم ب5 ..احمد وناصر وعماد وامين...خاصة بصناعة المجوهرات والالماس ...اول مشروع كيشاركو فيه كاملين..من غير داكشي دلمافيا دوز النمرة ديالو:احمد ها لوراق صيفط لي يجي موراهم...لا مايمكليش خاص نوصل طاهرة ...صافي واخة..
شاف فطاهرة:اجي نزلي معايا
نزلات وشد ليها فيديها تاني ودخل هو وياها للشريكة كان كلشي كيشوف فيهم اول مرة امين ايدخل مع شي وحدة وهو شاد ليها فيديها ركبو فالمصعد وطلعو للطابق الفوقاني ..فين كاين المكتب ستقبلاتهم السكرتيرة لي هي بدورها متفاجأة من المنضر:تفضل سي امين
حلات ليهم لباب ودخلو
طاهرة كانت مبتاسمة غير شافتو ختافات بتسامتها وهي كتشوفو جالس فوق الفطوي وداير رجل على رجل وواقفة حداه لارا وفيديها لكلب ديالها تفكرات فاش وعتها فيديها لي مزال كدرها وفيها لاطراس واحمد جالس فالمكتب وفيديه السيجار
أمين مزال شاد ليها فيديها ماناويش يرخي قرب وحط لملف فوق المكتب:هاهو
احمد كيشوف فالطاهرة:انسة طاهرة انا لي طلبتو باش تجي معاه للمكتب
طاهرة شافت فامين ما فاهمة والو
احمد وقف وقرب ليها:بغيت نعتادر منك على داك النهار غير فقد اعصابي
وشاف فامين:اي شخص عزيز على امين عزيز علينا تا حنا ..مرحبا بيك معانا
امين بتاسم وزير ليها على يديها...طاهرة مامرتاحاش لهاد الوضع :شكرا
شافت فناصر لي بدورو كيشوف فيها نزل عنيه ليديها لي فيد امين تلفوها شوفاتو وبلا ما تحس رخات يديها من يد امين وجمعاتها عندها
ناصر شرب من كاسو وهو داير بتسامة جانبية
طاهرة كرهات راسها غير بشوفة قدر يأتر عليها لدرجة رخات من امين ..كل هدا خوف منو
لارا ماخافينش عليها شوفات ناصر كتغلي غي بوحدها
بقات كطلع وتهبط فيها وفشكلها وفلباسها لي واخة عادي مواتيها ومبين مفاتينها ..بقات كتشوف فشعرها فعنيها ففورمتها كلشي فيها زوين وجداب ...بالسيف لواحد يشوف فيها ...ولكن الا نااصر هدي لي زادت عصباتها علاش كيشوف فيها
أمين شاف فطاهرة:نمشيو
طاهرة:اه
قبل تمشي شافت فناصر وفنفس الوقت خشات يديها فدراع امين وعلات حاجبها
ناصر طلعها هبطها وولا شاف فطليفونو ماهاموش اصلا غير كيعجبو يستافز بنادم خصوصا لا كان من الجنس اللطيف
خرجو وركبو فطوموبيل وكسرا نيشان للدار لي على لبحر قصة مأخوذة من قصة دوت كوم..
عند ليلى
كانت معاه فطوموبيل
ليلى:دابة فين انمشيو
عماد شاف فيها وبتاسم:انمشيو لعندي لدار نبدل عليا ونمشيو لبحر كي قلتي
ليلى بتاسمات فرحانة:اااااه
مسافة الطريق وكانو فدار حلو ليهم لحراس لباب ونزل ودخلو لدار
ليلى عاد كتحقق فالدار داك نهار ما نتابهاتش ليها عجباتها بزاف كلها مفرشة بطريقة عصرية بحال شي فلة اوروبية ...كتكون من جوج طوابق وعاد لاكاب
ستقبلاتهم مي فاطمة وهي خارجة من الكوزينة:ولدي جيتي
ومن لفوق تيشرط بيض جاي فوق لكريشة ومفتوح من جهة دصدر طبعا لبسات دوبياس قبل..وفرجليها كلاكيطا ..وهزات لحوايج لي غتحتاج فلبحر وخرجات
لقاتو واقف حدا لمراية وكيقاد لكاسكيط اللور وقفات حداه ودفعاتو باش توقف هي:حيد نشوف راسي انا
بعد وهو كيطلع ويهبط بيها كتبان كيووووت وزوينة شافها حلات لعكار وكتقادو فشفايفها وكتماصيهم :صافي نمشيو
عماد مزال كيشوف فيها:ولاش لعكار
ليلى اوووف بغييت صافي خليني على خاطري ليوم
بقا كيقرب ليها تا لصقات مع لمراية دور يديه على خصرها ولسقها معاه :راني لحد الان صابر عليك
ليلى حطات يديها على صدرو وهي كترمش بعويناتها:غنتعطلو على لبحر
بعد عليها:زيدي قبل ندير بناقص
بقات كضحك وهزات ساكها وشدات ليه فيديه:يلاه نمشيو
شافت فيه وفلباسو:لابسين بحال بحال
عماد:لقلب عند لقلب ازين.
تمو هابطين فدروج:غيضربونا بلعين
عماد:ادن صافي نبقاو فلبيت حسن😉
ليلى:لا غا خليهم
عماد طل علا مي فاطمة:ها حنا مشينا
مي فاطمة:بسلامة اولدي رد بالك لبحر راه غدار
عماد:هههه بنادم هو لغدار امي فاطمة
وخرجو هي مشات نيشان لطوموبيل
عماد:ما غنمشيوش فطوموبيل
ليلى:ماتقوليش على رجلينا
عماد:تسناي هنا
وشاف فواحد من رجالو:وصل هاد سيكان للكبانو لي تماك
ودخل لواحد لكراج بقا شحال وهي تشوفو خارج وراكب فوق واحد سكوتور كبير
بقات كتصفق بديها وهي فرحانة 👏.:نت معلم
مشات كتجري وركبات موراه وعنقاتو من اللور هو خرج من على الدار وكسيرا بالجهد وهي كتغوت فرحانة كان مرة مرة كيتهز هو وسكوتور لفوق ويولي ينزل ويلعب بيه فطريق وهي فرحانة وشعرها طاير فلهوا كتغوت
دازت ساعة ونص
طاهرة يلاه وصلو لدار لي على لبحر نزلات وهي حالا فمها ...منضرها زوين من برة وعاد الموقع لي هي فيه واعر جاية بعيدة على لمدينة شوية ومعزولة فواحد الجنب فلبحر حداها فلات اخرين ولكن قلال...ستقبلهم لحاريس وشي خدامات خداو شانطة دطاهرة دخلولها لداخل
امين شد ليها فيديها:هاد الدار ملي كنبغيو نتجمعو كاملين كنجيو ليها
طاهرة:زوينة بزاف
امين:اجي نساريك فيها
دخلها لدار لداخل كتكون بجوج طوابق تقريبا طابق لتحتاني لحيوط ديالو كلهم تقريبا من الزاج باش يبان ليهم لبحر كان اللون لبيض ودهبي فكل بلاصة ومفرشة بطريقة زوينة ربعة دصالات كل وحدة محلولا على لوخرا وكلشي فوطويات ...واللوحات معلقين شي مرسوم فيه حرية لبحر شي مرسوم فيه لبحر المهم اجواء ديال لبحر نيت
طلعو لفوق كاينين 5 دلبيوتة وعاد صالة كبيرة فيها طبلة ديال لبيلياردو وحداها مدفأة ديال لخشب وكوزينة مفتوحة على صالة وعاد لحيط لي كلو زاج كيطل على لبحر
عجباتها بزاف هبطو خرجو لجردة فيها لابسين كبيير داير بيه ربيع والورد وشي جليسات ولي روليكس ..وعاد اونفاص معاهم لبحر خطوات قلال وتكون حداه
قربها لعندو كتر وخشا يديه وسط شعرها لي كيحركو لهوة وبعد خصلات كانو على وجها دخلهم مور ودنيها :احسن حاجة هو نهار دخلتي لحياتي
باس جبينها:كنواعدك عمري نأديك
وعنقها وعنقاتو تاهي كتحس بلامان معاه كتنسى كلشي لقات فيه داكشي لي محتاجة...لحنان ولحب والعطف والخوف عليها والاهتمام..كلشي تحرمات منو لقاتو فيه ...
علات راسها وشافت فيه:تانا عمري ندير شي حاجة تقلقك
بتاسم وهو كيشوف فعويناتها لي كيبربو ومع ضو شمس زاد بان لونهم قرب وباس عنيها وهز راسو وولا باس لعين تانية وهي غير مبتاسمة حتى كتحس بيه كيبوس خدودها ويديه على ضهرها كيزيد يقربها ليه غمضات عنيها فاش حسات بشفايفو فوق شفايفها كيتحركو بشوية قلبها بدا يضرب ..كيبوسها بطريقة دوباتها خلاتها بلا ماتشعر تجاوب معاه حطات يديها على صدرو تعلات على ريوص دصبعانها ومشات معاه فالخط وهي كتحسس صدرو بشوية بضفارها شي لي خلاه يزيد يجرها لعندو
هي كانت عايشة اللحضة حتى كتحس بيه دخل يديه تحت تيشرط ديالها وبدا كيتحسس فجسمها كانو يديه بااردين كي تلج بالنسبة للحمها لي سخوون بكل حركة كتبورش
امين حس براسو ماقادش يتحكم فراسو بعد عليها قبل يزيد يفقد السيطرة شد وجها بين يديه ماباغيش يدير ليها شي حاجة هي ماشي دهادشي باس ليها راسها :نتي ديالي
شافت فيه وهي مزال كتنفس بصعوبة تاهي نسات راسها فقدات الشعور هزات راسها باه حيت بصاح حسات براسها ديالو هو ديالها رجع باسها بوسة خفيفة فشفايفها
حتى كيسمعو لخدامة من موراهم كدوي:سي امين لغدا واجد
شدها من يديها ودخلو لداخل جلسو كيتغداو وكي لعادة عنيه مانزلاتش من عنيها ...سلاو وهو ناض باش يمشي عندو شغال
امين:نخليك دابة تابعني بزاف دشغالات ..لخدامات معاك والحراس برا ماعندك مناش تخافي لا وقعات شي حاجة عيطيلي
طاهرة مابغاهش يمشي :صافي واخة
باسها من وجها ومشى
هي
هزات طابليط دلخدمة ورجعات ضربات دورة فدار كتختار لمكان لي ادير فيه لحفلة خرجات للبحر لقاتو هو لمكان لمناسب ختارت لبلاصة وقيدات داكشي لي غيتحتاج كامل حتى لماكلة والمشروبات المهيم كلشي
ومشات دخلات لداخل عيطات للمصمم ديكور تابع للاوطيل كيخدم معاهم باش غدا يجي باش يشوف لبلاصة ...عاد طباخة لي غتكلف بلماكلة عيات وهي تسول لخدامة على لغرفة لي اتولي تنعس فيها وراتها ليها دخلات لقات حوايجها مستفين فلبلاكار اول حاجة دخلات خدات دوش خرجات لبسات شور كحل لايق عليها وقصير ومن لفوق ديباردو بي سيميطات فوق اللحم وخرجات تلاحت فوق النموسية ونعسات
نمشيو عند عماد وليلى
كانو فعلام تاني
كانت كتجري وهو تابعها كيرشها بلما بحال شي دراري صغاار حتى شدها هزها ودخلها لبحر وبدا يغرق فيها وهي كتفركل وتغوت...هزها بين يديه وخرج بيها حطها فوق الرملة جلس حداها كيسوط:اوووف سخفتيني البرهووشة ناري شحال كطيري
ليلى كترجع سعرها اللور :وراك نت لي كنتي اتقتلني
عماد رجع خربق ليها شعرها:بااش تعلمي
ليلى ناضت ودفعاتو تا رجع اللور ومشات كتجري وهي كضحك
عماد وقف هو كينفض يديه من الرملة وغوت:مزاالة باغة تلعبي
وقفات هي كتنقز فبلاصتها وكتضحك:اااااه اجي شدني لا سميتك رااجل
عماد :وايلا شديييتك
ليلى:داك سعات امممم نعطيك بوسة
عماد:وااخة باش نوريك نيت الرجولة شنا هي
ضارت ومشات كتجري هو عارف راسو غيشدها بقا شحال واقف عاد.تبعها كيجري هي ضارت تشوف فين وصل شافتو كيجري بدات كتغوت وتجري
حتى كتحس براسها فالسما شدها
ليلى:صااافي مابقيتش لاعبة نزلني
عماد :هههههه لا لاعبيين احبيبة دابة شديتك..امم قلتي بوسة ياك...
ليلى دورات يديها على عنقو وهو غادي بيها باستو من وجهو:هانت يلاه نزلني
عماد:ههه كضحكي عليا دابة هادي بوسة
ليلى كتلف الموضوع:اجي حملني ..هزني فوق ضهرك
عماد عارفها كتلفووو لكن معامن:واخة الالة
حطها ونزل على ركابيه وهي طلعات فوق ضهرو ووقف بيها بقات كضحك وتلعب بشعرها وهو مسايرها كينقز بيها ومرات كيجري تا طاحو بجوج فوق الرملة
بقات متكية وهي كضحك من قلبها باينة فعنيها لفرحة هو كان كيضحك وشاف فيها وهو يسكت بقى غير مبتاسم وهو كيشوفها كضحك فرحانة عجبو لحال باغيها تبقى ديما هكا
شافت فيه وحبسات الضحك وناضت جالسة:احسن نهار داز والله ضحكت بزاف عنداك غي نهجرو
عماد دوز يديه على وجها:لا ان شاء الله ما غيوقع والو
بتاسمات ليه وشافت مع جنابها:مزيان ملي جبتينا لهنا ماكاينينش ناس خدينا راحتنا من لبشار ولحضية
عماد بتاسم:على قبلك نخوي لمدينة كلها ماشي غير لبحر
ليلى ضحكات وقربات وباستو من وجهو وهي مزال كضحك :شكراااااااا
عماد حط يديه على حناكو وهو مبتاسم فرحان حيت فرحانة
هي قربات وحطات يديها على دراعو لي فيهم لوشام :ماكرهتش تانا نوشم
عماد:وشمي مالك
ليلى:كنخاف وعزيز عليا لحمي
رجعات يديها اللور وكلاتهم فوق الرملة شي لي خلا صدرها يزيد يخرج لقدام وهي مبتاسمة
عماد زاد قرب ليها وهو كيشوف فعويناتها وفجسمها وفكل شي فيها بيكيني جا معاها وشعرها لفازك طويل زاد عطاها جادبية كتر
ماحس براسو حتة حط يديه على كرشها وهو كيتحسسها وقرب ليها كتر وهو كيشوف فشفايفهها هي اول ماحط يديه على كرشها طلعات معاها السخونية وغمضات عنيها وهي كتحس بصبعانو كيتحركو فوق كرشها حتى هبطهم لفخادها وبدا كيتحسس فيهم وعنيه كيتساراو على جسمها رجع طلع يديه لكرشها وهاد لمرا قرب لشفايفها طبع بوسة خفيفة ورجع بعد كيشوف ردة فعلها هي حلات عنيها وشافت فيه بغاتو يكمل هو فهمها وقرب تاني وهاد لمرا باسها وهو كيمص فيهم وكيتلدد بيهم وهي متجاوبة معاه مستلمة كليا حسات بيديه طالعة مع كرشها تا حطها على صدرها وحبس بقا شحال عاد بدا شوية بشوية كيعصر فيهم وفنفس الوقت كيجر فشفايفها ..هي بدا صدرها كيطلع ويهبط باغاه بزاف وحركاتو كتيرها بزاف عاشت معاه حتى كتحس بيه بعد على شفايفها ونزل للعنقها كيبوس فيه وحط يديه على دراعها وتكاها تا تسرحات فوق رملة وهو كيبوس فعنقها ويمص مصات خفاف كطلع وتنزل معاهم فلحضة ستوعبات هي فين وشكا دير دفعاتو من صدرو ناضت واقفة كترجف وكتشوف فيه
شافها ماجاوباتش شاف فيها لقاها ناعسة بتاسم باسها عل خدها وهزها وطلعها لبيت خشاها فلفراش وغطاها وهو خرج لبالكو شعل كارو وبقة شحال جالس كيفكر فيها فهادشي لي كيوقع ليه ولات حاجة مهمة فحياتو مايكرهش تبقا ديما معاه ...معاها كيضحك من قلبو وكيكون على طبيعتو...مل من حياتو كل مرة مع بنت.وعمرو ماحس مع شي وحدة فيهم بنفس لحساس ملي كيبوسها هي ..واخة مادارش معاها شي حاجة...وحتى لا وقعات عمرو يسمح فيها..طفا لكارو ودخل لبيت حيد تي شيرط وتخشا حداها جرها عندو هي حلات عنيها وتخشات فصدرو وكملات نعاس...نعسو بجوج كانو عيانين
لا تستفزي رجولتي كي لا أبعثر أنوثتك الجزء الثالث
محتوى القصة
التنقل بين الأجزاء