حينما يفقد الحب معنى الطهارة والصفاء .. ليصبح سلعة رخيصة متداولة تتقاذفها الألسن بدوافع دنيويه وغرائز شهوانيه .
( بمعنى حينما يقيم الحب بالجسد) .. !!
حينما تشعر بالوحدة .. على الرغم من كثرة المحيطين حولك .
حينما تعطي وتمنح وتضحي وتحب .. وفي النهاية .. تقابل بالإساءة والخيانة .
حينما تريد الصراخ والبكاء .. ولكن محاجر عينيك قد جفت .. ولسانك قد شل .
حينما تتلعثم في الكلام .. ويقف قلبك عن الخفقان .. وينشل فكرك لتدرك بأنه .. وقت الرحيل الحتمي .
حينما يخنق القدر كل أمل لديك .. ويكسر كل مجاديف النجاة .. لتغرق في بحر من الضياع .
حينما يوأد الشرف في المهد .. ويهتك العرض باسم الحب .
حينما تتراقص الذكريات الجميلة أمامك .. لكن ليس لرجوعها من سبيل .
حينما تنحدر الدموع من عينيك .. دموع الألم والظلم .. ودموع البراءة والطهر ليس لشيء سوى قسوة الزمن .
حينما تشعر بغربة المشاعر التي هي أقسى وأشد من غربة الوطن .
حينما تدرك بأن هذه الحياة ليست سوى( ألعوبة ) .. وأنت أحد المشتركين فيها فأما خسارة وإما ربح .
ولكن .....
أتدري ما هو الأقسى والأمر من هذا وذاك ؟؟؟؟؟؟؟؟!!!!!
عندما تجري وتلهث وراء هذه الدنيا وتنسى سبب خلقك ووجودك في هذه الحياة
💘هدوء ماقبل العاصفة💘
كانت ناعسة وخاشية راسعا تحت لمخدة ومعصبة مامخلينهاش تنعس بغواتهم ناضت كتجري طلات من الشرجم لي كيطل على زنقى دلات راسها من شجرم وهي كتغوت:صبحنا على الله تحركي قودي نتي وياها من حدا لباب ماجاكم دباز غير متحت الشرجم ديالي
شافو فيها دوك لعيالات:شمن صباح راه 12 ونص هادي
خنزرات فيها شوية وتلاح عليها من شرجم:شوفي نتي يا داك لقح.. راني كنجمع ليك راه نهار انشدك ماغنخلي فيك غا لبقات هضرتك كتوصلني
لمرة كضرب فصدرها:الله يا بنيتي وتيقتيهم عارفاني انهضر فيك اطااهرة
طاهرة:دابة تحركو بعدو من لباب ولا انزل نفرع شي وحدة فيكم
مشاو كيطيرو عارفينها علاياش قادة وايلا قالتها راه ديرها
يلاه اتشد الشرجم وهي تشوف ختها جايا كتكسول هي وصاحبته اطلات عليها:عاااد.جايا اسوبيسة ليوم كتخرجي مع ل11
ليلى من لتحت:ضربت دوورة انا ولبنت شنو فيها
طاهرة شافت فصاحبتها:نتي نعاود نشوفك معاها نخلا دار عشتك سمعتيني
لبنت:مال ختك معايا
ليلى:ماديش عليها
طاهرة:مزال واقفة تحركي سيري بحالك كتجمعو غا على تقحبين
مشات وهي كتعفط فجلايلها
طاهرة:طلعي نتي نتفاهمو
ليلى دفعات لباب برجليها لي في من لقزدير دغيى كيتحل هدشي لا ماطاحش طلعات ودخلات لدار وهي كتمسح فعكار
محجوب وهو كيشوف ف100 درهم وكتبان ليه غا قرعة دروج:لي مصبرني عليكم هي هاد 100 درهم
طاهرة:ماغتمشيش داك لخدمة لي ضبرت ليك عليها
نحجوب ناض باش يخرج:دابا نمشي تا لعسة مزيانة
وخرج
ليلى:اوووف على عيشة كرينا فشي بلاصة غير انا وياك
طاهرة:سهلتي لكرة حساب ليك كنتخلص بلملاين راه يلاه كنجيب لمصروف
ليلى:خرااا دابة مزال مارسموك مزالة سطاج
طاهرة:ااه ماغيرسموني تنحماق تاداك لبوتيك لي مقابلة غيشد خاص نضبر على خدمة
ليلى كتلعب فطيليفون وفنفس لوقت كتهضر مع ختها:ايوا الله يعطينا شي راجل بحال هذا زوين وشخصية ولابااس عليه
طاهرة:شمن راجل
ليلى قلبات طليفون لوجهاا:نااصر الزعيم ومن لا يعرفووه
طاهرة بقات كتشوف فيه بصاح زوين وكيبان شخصية وعنده هيبة على وجهو ماعرفاتش لاش جاها واحد الاحساس غريب دغيى نفضات راسها :ايوا بحال هادو كيشوفو غا مع جنابهم نتي قابلي قرايتك وديها فراسك
ليلى وهي كتشوف فيه:اااااح قلبي كيحمقني راه خطب وقريب ايدير حفلة دلخطوبة
طاهرة:خسارة ماغيعردوكش
ليلى:دمك بارد داي وحدة صفريطة زعرة من نفس الطبقة ديالو باها لاباس عليه
طاهرة:ايوا قوليها راسك لاش معمرة راسك بيه
ليلى:راه كلشي كيهضر عليه لبنات غيتسطاو عليه واش كتعرفي شنو معنة انكي تزوجي بناصر الزعيم راه بحاليلا دخلتي لجنة برجليك راه ملياردير ماكيمشيش على رجليه كل مرة طموبيل فشكل كتحزززق وعاد لخاريج عنده بحال من لهنا لراس ضرب وعاد بوقووووس كيحمق
طاهرة:نوضي نجمعو دار وخوي راسك من هدشي
ليلى:راه اندخل مع جوج ماغيقدنيش لوقت
طاهرة:نوضي بعدة جمعي غا طبلة
ليلى:واخة
بلسان طاهرة:هدي هي العشة لي عايشة انا وختي دزفت لغقر صعيب فهاد الزمان خاص تكون كابابل باش تقدر تعيش وسط دياب ولحمير حشاكم انا الحمد الله كنخدم ونجيبها على دراعي واخة جاوني عروض باش نجيبها ساهلة زعمة نفسد ونولي عاهرة هدشي باش كيخرجو على بنادم كيبينولو ان الفساد هو لحل المناسيب وساهل باش دخل لعاقة ولكن انا ماشي دمدومة تا لهاذ دراجة باش يلعبو علياا مخدمة دماغي ومستحيل تمشي فداك الطريق واخة نعرف نسعى فزنقة قريت فالفنداقة وشديت ديبلوم وانا دابة كنسطاجي فواحد الاوطيل سانك ايطوال مولاه لابااس عليه كنت كنشوفو غير فالجرائد ودابة كتابلي نخدم فيه ولاد لكلاب هدي شهراين وانا نسطاجي مزال مابغاو يرسموني واخة عارفة راسي مزيانة فهاد الدومين ولكن نصبر ماشي مشكيل المهيم فاالي غيرسموني عارفاهم مايقدوش يصدروني
دابة كنخدم فواحد البوتيك بيه جايبة شوية دلمصروف لدار ولكن غيشدوه تفو على زهر ...انا زوينة كلشي كاين لفورمو ولوجه وجميع لمتطلبات الانتوية فيا هدشي جابدلي مشكيل فزنقة وفالخدمة ضاروري مانسب فنهار شي زامل وسميتي طااهرة لواليدة الله يهديها سماتني على سمية جدة لعمر ديالي 21 سنة ..انا من نوع لي طبعي صعيب عنيدة لواحد.دراجة كبيرة ماكنخافش واخة نشوف لموت بعيني شغا ندير لوقت بغاتني نكون هكا خصوصا واني عايشة انا وختي مع راجل ماما الله يرحمها ماتت هدي 3 سنين وخلاتنا مع هاد لحنطور زلايلي وعنيه زايغة ديما كيبغي يتقرب مني ولكن ماتخافوش كنعطيه علاياش يقلب المشكلة هاذ الخربة مكتوبة بسميتو وخاص نصبرو علامن يرسموني ونتلاح انا ومصيبتي نكرييو ..نخليكم تابعني شغال ومع دابة وليت نخدم بالليل فلوطيل ...
ليلى وهي خارجة كتسلت مابغاتهاش تشوفها ساعة معامن مع طاهرة
مشات كتجري لشرجم وفيديها صنالة دميكة بقات منها غا فردة وحدة كدور فدار مرة مرة كتحتاجها مع ليلى دلات راسها من شرجم وهي تشوفها خارجة شيرات عليها بداك صندالة جاتها فراس:تحركيي تقودي دابة
ليلى كتشوف فيها:فااااك يووووووو حماارة
ومشات كتجري بالي تلوح عليها شي حاجة اخرى
رجعت دخلت راسي وبديت نجمع فداك الخربة لي فيها بيت وصالون وكوزينة وحمام انا وختي كنعسو فلبيت وداك لحنطورر كيتلاح فصالون هدشي لا بات فدار عاطيها غا لسكرة وتيرسي المهيم ساليت بالجميع طيبت لغدا كان واحد لفخد.ددجاج بافي درتو مع روز وجلست نلعب فطيليفون حتى داتني عيني ونعست ماعرفتش شحال داز دلوقت ولكن فقت على صوت مصيبتي كتعيط من برى اوووف دارت الشوهة لعالام عرفها جات من المدراسة نضت شفت فساعة كانت 6ونص طليت عليها :ماالك اشووووهة
ليلى:لوحي 10 دراهم ندير لكونكس
طاهرة :يعطيك دقة الخريااا طلعي ماعنديش
ليلى:لا حشومة عليك باش انتكونكطا ونشوف حبيب قلبي ناصر الزعيم
كان جالس فالمكتب لي اونفاس مع طبلة طويلة فيها كتر من 20 كرسي كانو جالسين كلهم
شاف فيهم:احم كلشي حاضر
مديرة الفندق:مزالة وحدة
شاف فيها:شكون
مديرة:طاهرة علامي
تنهد وعلا حاجبه بحاليلا كيقول واش انبقاو كنتسنواو
المديرة:هاني نمشي نشوفها
يلاه اتوقف وهوما يشوفوها داخلة وكتشد لباب
طاهرة قلبها كيزدح كان الهدوء وكلشي كيشوف فيها وقفات وعلات راسها من بعد ما قوات نفسها :احم سمحولي على التأخير
وتوجهات لبلاصتها كانت كتمشى وصوت طالون كيتسمع مع الصدى لدرجة كلشي بقى يشوف فيها وهي كتمشى مع عندها مشية سبيسيال بحال شي عارضة ازياء فوق الخشبة وعاد لفخيدات عريانين مع لبسة فورمتها كتبان زوينة كلشي مفروز وباين لدرجة الاتارة والتشويق
جلسات وشافت فيهم كان كلشي كيشوف فيها واولهم صاحب الاوطيل لي كان شاد ستيلو فيديه وكيلعب بيه وعنيه عليها
مديرة الفندق:سي أمين كلشي حاضر دابة
حس على راسه:احم مزيان المهيم جمعتكم على ود الحفل لي غيدار بعد غدا بغيت كلشي يكون هو هذاك ناصر الزعيم كتر من صاحبي ايحتافل بالخطوبة ديالو عندنا فالفندق وماشي غير هدشي غيجيو ناس مهمين ولاول مرة للاوطيل ديالنا باش يحضرو للحفلة بغيتكم ديرو كتر من جهدكم باش يكون الحفل فخم اتكون الصحافة من خلال هاد.الحفل غيزيد الفندق يتشهر خصوصا وانه عاد جديد ماكاملش عام باش درنا ليه لافتتاح بغيته يكون فلمرتبة لولا بين لففناديق بحال لمجموعة ديالنا لوخرا
كلشي كان كيشوف فيه ومركز الا طاهرة سهات كتفكر فين سمعات بسمية ناصر الزعيم ضرها راسها بقات تفكر بالسيف
أمين والموضافين دخلو فحوار حول التجهيزات وكي غتكون
طاهرة علات راسها كتشوف فيه وهو كيهضر حطات يديها على حناكها وسهات
بلسان طاهرة:ااااح قلبي ناري كيحمق غير شوفة فيه كتدوخ ااااااه بحال هادو غير لخيبات هو ما لي كيديوه ومالي نديه انا عارفة دين مي ماعندي زهر وباش كنعجبك زيداها بالنفخة فتالي غنخشي صبع ونجلس بايرة ولكن هذا هذااااا بالضبط تمنيتو ليا مالي زوينة وكنحمق كاردشيان مغربية فين غيلقا بحالي وبحال زيني لي كيخلي طايح كتر من نايض نااري انا تسطييييت صاافي شكا نخربق ويلي كلشي مركز مع سيد وانا خدامة كنحلم تفوو
ماجات فين تنفض راسها من هاذ الافكار حتى كتشوفو كيهضر معاها شافت فيه وهي ماعارفاهش علاياش داوي
ولا حتى شنو قال بلعات ريقها وهي كترمش بعويناتها بطريقة زوينة وبصوت بحاليلا فيه ترجي:احم ممكن تعاود شنو قلتي عفاك
امين داخ من طريقة هدرتها نسى راسه وجاوبها بنفس طريقة هضرتها بصوت خافت ومايل للحنان:قلت ليك واش نتي هي مديرة الاستقبالات والتجهيزات الجديدة
طاهرة صافي مشات فيها صغرات عويناتها ودارت بتسامة خفيفة على وجهها ودوزات يديها على شعرها:اه ولكن مزال سطاج شهراين هدي
الموضفين كلهم كانو غي كيشوفو فيهم بحال شي مسلسل حداهم سكتو وقطعو لحس بقاو حاضينهم غير هوما
امين:شهراين هدي ومزالة سطاج
هزات راسها باه
امين وفيديه الملف ديالها وكيشوف فيه :كلشي هو هذاك امدام سعاد.لاش مزالة سطاج
امين شد الملف :مدموزيل طاهرة(وغلباته الضحكة على هاد السمية)من غدا اتبداي الخدمة بحالك بحال كاع الموضفين لي هنا
طاهرة بالفرحة وقفات وولات جلسات تمالكات نفسها:شكرا سي امين
بتاسمات ليه وشافت فسعاد لي اتموت بالفقصة
امين:تسلا الاجتماع بامكانكم تفضلو
كلهم ناضو وخرجو
امين رجع بلكرسي اللور وهو كيفكر فيها وهو مبتاسم فاش قالت ليه سعاد انه مزال موضفة وحدة سميتها طاهرة حساب ليه شي مرا كبيرة ماتوقعهاش تكون هي تفكر حركاتها العفوية وصوتها الحنين وشحال زوينة عحدجباته بزاف دابة نقدرو نقولو دخلات ليه لدماغه
امين:طااااهرة هههه واسمية هدي ولكن ماشي مشكل نشوفو معاها
طاهرة اطير بالفرحة بقات غادة
وكتفكر فالخلصة شغا دير بيها سهات وهي كتقسمها وكتفكر
بلسان طاهرة:دابة هاد ميات الف ريال خاص نعرف نقادها اممم مصيبتي باغة تشري لحوايج وتدخل لنادي سباحة شحال كاع هاد النادي 300 درهم واقلة امم صافي ندخلها اه دااار خاص نقلب على شي دار لكرا ولكن ماشي دابة تا لتالي دشهر نكون شديت لفلوس سير ياسي امين بغيت ديما تبقى لفووق لفوق
غادة وكتفكر حتى كتسمع صوت سعاد
سعاد:اجي لهنا من صباح وانا نعيط
طاهرة ضارت شافت فيها:معايا امدام
سعاد:لا مع لحيط سيري طلعي لكازينو وديري خدمتك
طاهرة :واخة
قلبات الدورة وتمات غادة:تفوو مغيارة لوخرا تلقاها اتموت الفقصة هههه عجبني فيها
بقات كتقلد صوته:مدام سعاد شهر هادي ومزال ما ترسمات ههههههه حمقة انا
يلاه اتضغط على زر باش تركب فالمصعد وهي تسبقها شي يد ضارت لقاته هو ناااري سمعني بقات غير كدور فعنيها:سي أمين اطلع
كانت واقفة وكتلعب بصبعانها وهي كتحس بيه كيشوف فيها هزات عنيها لقاته اياكلها بعنيه بتاسمات ليه ورجعات هبطات راسها
هو داخ فاش بتاسمات ليه :شحال فعمرك
هزات راسها فيه:21 عام
امين:مزالة صغيرة
طاهرة بلا ماتحس:ونت شحال فعمر...هاء سمحلي ماقصدتش
امين بتاسم:28 عام
طاهرة بقات كتشوف فيه واخة لاباس عليه وزوين مامكبرش حتى تعابير دوجهو كيحسسوك بالراحة طبعا فالشوفة لولا اتحكم بالعكس حيت كيبان شوية مكبر هدشي كامل كان كيضور فدماغها وفنفس الوقت مبتاسمة
امين بدوره كان كيشوف فيها جدباته
تحل باب المصعد وهو يفيقو :تفضلي
خرجات وهو بقى يطلع ويهبط فيها فورمتها زوينة بتاسم على تفكيره وخرج
ضارت لعنده وبتاسمات ليه:سمحلي نمشي نضرب دورة
الكازينو كان كبير وفيه جميع العاب لقمر وماكيلعبو فيه غير ناس شكون وشكون لي عندهم لعاقة وعندهم مايخصرو كيلعبو غير بلمليون لفوق
كانت كدور وكتشوف سرباية واش دايرين خدمتهم واش كل حاجة فبلاصتها وماناقصة والو طبالي لكراسة المشروبات المهيم كلشي واي حاجة ناقصة كتقيدها فطابليط لي ديما معاها ديال لخدمة
طاهرة كتهضر مع سيرفور:ركز على ديك الطبلة فيها ناس موهيمين قلهم يتهلاو فيهم ضاروري يبقاو كليان هنا
السيرفور:واخة
وقفات حدا البارمان وهي كتشوف فامين لي كان واقف وفيديه كاس دلويسكي وكيشوف فيها بتاسمات ليه وبتاسم ليها تاهو شوية وهي تشوف وحدة ناضت وسلمات عليه بالوجه وداته جلس حداها ماكانتش غي بحدها كانو معاها شي بنات وشي رجال باينة لاباس عليهم من صحاب البزنس
بقات حاضياه شافته تقيل فتعامله معاهم واخة كيضحك ويبتاسم ولكن من الشوفة كتحس بيه شاد تيقارو بحاليلا غير داير معاهم الصواب طاهرة عندها قدرة تقرا شخصية بنادم غير من شوفة تقدر تعرف طبعه
البارمان:ختي طاهرة
شافت فيه:نعم
البارمان:بقى صندوق واحد دلويسكي خاص يزيدو
طاهرة كتهضر فلكيت بلوتوت لي فودنيها :مدام سعاد خاص نزيدو من مشروب الويسكي بقات كرطونة وحدة
وشافت فالبارمان:صافي غير هدشي
البارمان:اه
ولات بغات تشوف فامين مالقاتوش بقات كتقلب بعنيها او والو حتى كتحس بشي حد حداها قريب ليها ضارت لقاته هو زادت خطوة اللور حيت كان قريب ليها بزاف :كنتي كتقلبي عليا
طاهرة هزات راسها حيت طويل عليها:لا
بتاسم وهو كيشرب من لكاس لي فيديه وغمزها:حسابلي
طاهرة بجرأة ماعرفاتش منين جاتها:ياك ما كنتي حاضيني
امين وهو كيمد لكاس للبارمان باش يزيده:اه انا بعدة كنعتارف
طاهرة بلا ماتحس بتاسمات بتسامة عريضة وعضات على شفايفها هدي عادتها ديما كتختم ابتسامتها بعضة على شفايفها
امين بقى كيشوف فيها وفشفايفها خاف يتهور وهو يرجع اللور
طاهرة:سمحلي نشوف شنو ناقص لهيه
اشار بيديه لي فيها لكاس بمعنى تفضلي جلس فوق لكرسي من لكراسة لي كيكونو حدا لكونطوار دلبارمان بقى حاضيها كي كتحرك وكي كتهضر مع لكليان وكي كتخليهم غير يشوفو فيها يبتاسمو شاف كي كيشوفو فيها كلها نضرة اعجاب بقى كيفكر بان هاد لبلاصة ماشي بلاصتها ماتستاهلش تخدم وتعدب راسها بحالها كيجلسو فدار ولي بغاتها كتجي تا لعندها بحال شي اميرات دوز يديه على راسه وهو ماعارفش شنو وقع ليه ماكاملاش ساعتاين دلمكانة باش شافها وولا كيفكر فيها نفض هاد الافكار من راسه وولا شاف فيها ما لقاهاش بدا تاهو كيقلب بعنيه حتى كيسمع صوتها من موراه:هنا بلا ماتقلب
ضار شاف فيها وهو كيضحك:وباش عرفتيني كنقلب عليك ماشي على وحدة اخرى
طاهرة وهي كترجع شعرها مور ودنيها :باينة من عنيك
امين ضور لكرسي لجيهتها :ادن نتي كتقراي لعنين
طاهرة:ههه لا غير حدس بحالك نت قبيلة
امين:ادن كنتي كتقلبي عليا قبيلة
طاهرة صغرات عويناتها وحطات صبعها على فمها وعضات عليه وبتاسمات:لا
امين:ههه تيقتك
طاهرة يلاه اتجاوب وهي تسمعهم كيقولو راه وصلو لكراطن دلويسكي طبعا فلكيت لي فودنيها:سمحلي عفاك
وخرجات لقاتهم واقفين:اجيو من لباب لوراني
تبعوها وحطو لكراطن ومشاو عيطات لوحدين يجيو يستفوهم فتلاجة قبل يبردو وخرجات للكوزينة وقفات حدا لبارمان اونفاي مع فالجيهة لي فيها امين مانتابهش ليها شافت فيديه كان لكاس خاوي هزات قرعة:بس بس
ضار شاف فيها:نتي هنا
طاهرة وهي كتاخد لكاس من يديه:شتي ماتقدش تحضيني
عمرات ليه لكاس :التلج
امين:ضاروري
دارت ليه تلج ومداتو ليه فاش جا يشدو يديه جات على يديها حط صبعانه على صبعانها وبداويحركهم بشوية هي حسات بيه وداتها تبورشات بتاسم فاش حس بيديها كترجف خدا لكاس وشرب منه وهو كيشوف فيها وهو مبتاسم
بتاسمات ليه وخرجات من الكونطوار ومشات ضرب تاني دورة
دازو ساعات كانت 3 ونص دصباح جا وقت يشدو لكازينو بدات كتخوى دنيا شوية بشوية حتى ما بقى تاشي حد
هي عيات رتاحت ملي مابقى تاشي حد
البارمان:ختي طاهرة انا غنمشي بغيتي نوصلك فطريقي
طاهرة:اه ايلا بغيتي
البارمان:يلاه
طاهرة:تسنى نلبس عليا
بارمان:تلقايني لتحت كنتسناك
ومشى هي ضارت كتقلب على طابليط وطليفونها نسات فين حطاتهم شوية وهي تلمحهم فوق واحد الطبلة ومشات وهزاتهم يلاه ادور وهي تدخل فيه :سي امين
امين كيشوف فيها:صافي غتمشي
طاهرة بغات ترجع اللور ولكن ماقداتش كانت موراها طبلة وهو قريب ليها بزاف :اه غنمشي
حط يديه على طبلة وكانت هي فالوسط بين يديه:مزال لحال
طاهرة بلعات ريقها وفنفسها:ياك ما زمل عليه ضميره :سي امين مشى لحال قريبة 4 دصباح
امين كيقرب وجهو لوجها:انا غنوصلك بلا مايوصلك لبارمان
طاهرة كتحس بانفاسه كضرب على وجها ولات باغة غير تفك منه هزات راسها بواخة:صافي واخة احم واخة تبعد شوية باش نهبط لتحت نلبس عليا
امين ماحدها كتهضر وهي كتزيد تجدبه قرب حتى قرب لشفايفها وهمس ليها:واخة اتلقايني على برى
وبعد وخلاها تدوز هي مشات كطير ركبات فالمصعد حتى تشد لباب عاد رتاحت بقى قلبها كيضرب بالجهد اول مرة اطيح فهاد الموقف ومعامن مع مول اكبر مجموعة الفنادق مشهورة عالميا فكل دولة تقريبا عنده فندق مشهور وزوين ولاباس عليه ميات وحدة تمناه حطات يديها على قلبها وهي كتفكر فاش كان قريب منها مزال كتحس بانفاسه لي ضربات على وجهها حسات بالحرارة طالعة معاها وريقها نشف تحل لباب وخرجات مشات دخلات لغرفة الموضفين جبدات الكاب ديالها ولبساته مابغاتش تخليه كيتسنى راه هو مول شي ماخاصش تغلط معاه
خرجات من بعد ما دازت سنات بانها حضرات شافت البارمان واقف بالسكوطور من نوع اروان كبير ممشات عنده:شكرا اخويا لقيت لي غيوصلني مرة اخرى
البارمان وهو كيدير لكاسك:ماشي مشكيل ختي فوقاش ما حتاجيتيني هنا معاك
وركب وكسيرا بالجهد
مشات باش تركب مع امين فطوموبيل حل ليها شيفور لباب وركبات حداه اللور كان جالس وفيديه كاس دلويسكي عرفات راه مبلي ومن نوع لي كيشرب بزاف ولكن ماشي لحد لادمان غير رشوق وصافي
امين شاف فيها :مرحبا بلانيسة طاهرة ياك انسة بعدة
طاهرة بتاسمات:اه
امين:ااحمد الله عطي لعنوان لشيفور
عطاته لعنوان وهو قيدو ف ج ب س باش يطلع ليه:صافي لقيتيه
الشيفور:اه
وكسيرا فاتجاه لعنوان هي قدات جلستها وشافت فيه لقاته كيشوف فيها وعنيه حومر علامة كدل انه بدات دخله سكرة
بلا مايحس حط يديه على شعرها وبدا يلعب بخصلة من شعرها وفنفس الوقت كيشرب من الكاس وعنيه عليها
هي مانكراتش عجبها وعجبها بزاف كيعجبوها شخصيات لي بحاله قوية وفنفس الوقت هادي ورومانسي كي كيقولو ليها المريكانيين جنتل مان
بقات كتشوف فيه وكتحس بيديه لي كانت كتلعب فشعرها هبطات على وجها بقى كيدوز صبعانه غير بشوية حتى وصل لشفايفها حط صبعو عليهم ودوزو غير بشوية بحاليلا كيقولها تشهيتهم فهاد اللحضة كيسمعو صوت الشيفور :سيدي وصلنا
امين مزال على نفس حراكة وعنيه عليها:نزل تسنى برى
داكشي لي دار نزل وخلاهم بجوج طاهرة بلعات ريقها كتحس براسها مخدرة عرف يسيطر عليها
وباسها فوجهها هي هزات راسها وشافت فيه وكترمش فعويناتها وخدودها حومرة تزنكات كان وجها اونفاص مع وجهو وانفاسهم تخلطات هبط عنيه لشفايفها وقرب يلاه ايبوسها وهي ترجع اللور حتى لصقات فباب طموبيل:سي امين تعطلت
رجع اللور وبتاسم:نتشاوفو غدا
قرب وهز يديها وباسها:امسية سعيدة
جمعات يديها عندها ما متيقاش هدشي لي واقع مدات يديها وحلاات الطموبيل:تصبح على خير
نزلات كانت حدا لباب شافت طموبيلتو هو كي دايرة تشري حمتها كلها شافته حل الشرجم:ودخلي لدار شكا تسناي
طاهرة:واخة
بغات تدفع لباب ساعة لقاته مبلج بالساروت:نااري لباب ديما مترعة تا لهاد نهار تفووو
بقى كيشوف فيها هي هزات راسها وبدات تعيط:ليلى...ليلللللى...واا ليلى
هو تكى على الطموبيل وكاتم ضحكته
طاهرة شافت فيه:سي امين سير راه مشى لحال
امين ربع يديه:لا تا تحل لباب ولا يلاه تباتي فلاوطيل
طاهرة:وي لي لاا ها هي غتحل ليللللى ...ليلى
بقات كتعيط كتر من مرة
عند ليلى كانت فسابع نومة خامرة بقات كتحرك حتى حلات عنيها على صوت ختها غوبشات وناضت طافجة دلات راسها من الشرجم:يعطييك موصيبة ماتخل حد ينعس الخريااا مالك شنو بغيتي
طاهرة عاد تفكرات لخصلة لي دارت ليها قدامو شداتها من شعرها:دوي القحبة كتسبيني حداه شوهتيني يعطيك موصيبة
ليلى كتوجع:رخي قصحتيني عاد كنتي كضحكي
طاهرة طلعات معاها بقريدسة مع فخادها وهي كتغوت:باش تعلمي تحتارميني
ورخات منها:نوضي تهزي قودي تنعسي
ليلى كتحك فبلاصة لقرصة:كتقلبي كي زمان
طاهرة:تهزي تنعسي ولا نوض نكمل عليك
ليلى ناضت:هاهي غادة
طاهرة وقفات تاهي دخلو لبيت ليلى تلاحت فوق النموسية وكملات نعاسها وطاهرة بدلات عليها وتخشات حداها بدات كتفكر فداكشي لي وقع قطع عليها نفكيرها صوت المحجوب داخل وهو سكران كان كيغني
جلسو كيفطرو من بعد ناضو يكملو شغالهم حيت مابقى والو للجوج باش كل وحدة تمشي لشغالها
كانت طاهرة فلكوزينة كتوجد لغدا وليلى كتجفف من بعد ماسيقات دار
طاهرة تخلعات فاش سمعات ختها كتغوت خرجات كتجري:اويلي مالك
ليلى جات كتجري عندها وهي كتغوت:شووووفي امين صدق صاحب ناصر الزعيم هوما تلاتة ديال صحاب
طاهرة خدات طليفون :وهي تشوفهم مجموعين تلاتة فواحد للتصويرة عنيها مشات نيشان لامين وبتاسمات وولات شافت فددوك ل يحداه:شكون فيهم ناصر لي فارعالي راسي بيه
ليلى وراتو ليها:واش نسيتيه ديما كنوريه ليك
طاهرة:وانا مسالية نبقى عاقلة عليه
بقات كتشوف فيه كلهم مبتاسمين بتسامة عريضة الا هو بحرى مبتاسم ولكن جاية معاه سهات وهي كاشوف فيه باينة عليه صعيب غير من طريقة وقفته وكي شاد لكاس دلويسكي فيديه وكي معلي حاجبه من لبسه باينة من النوع لي كيهتم بالمضهر دياله بزاف وعنده شوية دلغرور
وشافت فدري تلاتة هداك ضاحك ماشي مبتاسم ضروسه باينين باينة عليه من شخصيات المرحة ولكن فنفس الوقة واتقة من راسها وعارفة شكا دير طريقة لبسه مختالفة على جوج لوخرين ستايله مبدل عليهم
وولات شافت فامين وبتاسمات(ديجا هضرنا عليه)
ليلى خدات ليها طليفون من يديها:وصافي شوية اترسميهم
طاهرة عاد تفكرات لهدرة دامين وصاحبه ناصر الزعيم لي ايدير حفلة دلخطوبة دياله فلوطيل:اه عاد تفكرت غدا ايحتافل بالخطوبة دياله عندنا فلوطيل
ليلى غوتات:انمشييييي ياك اتديني معاك عفاااك اختي
طاهرة دارت كتكمل طياب:سيري بعدي مني هادشي لي بقى راه خدمة ماشي معروضة
ليلى عنقاتها من لوور وهي كترغبها:هاااا لعاار الله يعطيك ما تمنيتي ديني معاك والله ماندير شي مشكل راه اتوقع لي شي حاجة عفااك
وقطعات بقات كتسناه شوية وهو يجي ركبات موراه وكسيرا بالجهد للاوطيل وربع ساعة وكانو فلباب دلوطيل
طاهرة وهي نازلة وكتهبط فلمنية لي طلعات فوق فخادها:والله ماسخيت كتعرف تسوق المسخوط كطير
توفيق بتاسم ليهاص:فوقاش ما بغيتي نخرجو نضربو دورة
طاهرة :ههه ان شاء الله علاش لا
توفيق:يلا نمشي نسكطلي سكوتر
طاهرة:سير اخويا شكرا
ومشى هي يلاه ادخل وهي تشوفهم كيحلو ليه باب طموبيل وقفات كتسناه يخرج بغات تشوفه شوية وهو ينزل بكامل اناقته كي لعادة بتاسمات ملي شاف فيها وبتاسم
كملات طريقها ودخلات مشات سجلات دخول ودخلات لغرفة الموضفين مالقات تاشي حد حيت هوما بداو لخدمة فصباح غير محيت هي خدمات بليل وصعيب تفيق بكري
حيدات لكاب وشافت فالمراية باش تقاد راسها حتى كتشوفه واقف حدا لباب ومتكي على لحيط وكيشوف فيها ضارت لعنده
امين:راكي زوينة بلاش لمراية
طاهرة بتاسمات:عارفة راسي
امين قريب ليها وهو خاشي يده فجيابه وحط يديه على شعرها وبدا يقاده:خاص غير شعرك يتقاد فاش كنتي راكبة فسكوتر ريح خصرو ليك
شافت فيه وهو كيدوز يديه على شعرها:ونت شفتيني
امين:كنتو قدامي كان عاجبك لحال
هبط صبعانه على عنقها بشوية
هي لحمها تبورش:وصلني وصافي
امين هبط يديه ودورها مور خصرها وقربها ليه:مالقيتي غير هو يوصلك
طاهرة وعنيها فعنيه بلعات ريقها :انا غير...
قاطعها فاش حط صبعه على شفايفها:ششش
غمضات عنيها فاش زاد قريها ليه بدا يدوز صبعه غير بشوية هاد لحراكة كطلع ليها لحرارة خصوصا وان يديه كتلعب فضهرها حسات بلحرارة على عنقها بعد شعرها رجعو لجيهة لوخرا وطبع بوسة على عنقها وبعد وشاف فيها حلات عنيها وشافت فيه بغى يقرب يبوسها من شفايفها وهي تبعد:احم خاص نبدى لخدمة تعطلت
بتاسم وهو كيدوز يديه على شعره:ديما مزروبة
بقات كتقاد فشعرها :سمحلي اسي امين ندوز
خوى ليها طريق وهي دازت دار كيشوف فيها من للور وهبط عنيه شاف فالمأخرة ديالها ضحك على راسه على هاد الافكار لي كتجيه خرج وطلع للمكتب وهي خدات الطبليط ودطلعات كدور على البيوتة لي مكلفة بسهم تشوف شنو ناقص وشنو زايد عندها ليوم لخدمة بزاف مكلفة ب125 شومبر وعاد المطعم بدات خدمتها من بيت لبيت وهي ماعارفاش امين لي حاضيها من الكامرات
دازت ساعات عيات جلسات ترتاح حتى كتجي عندها سعاد
سعاد:شوفي نتي راه سي امين كلفك باش نتي لي تهتامي بالحفل غدا وبالتجهيزات مانبغيش تا شي غلط
طاهرة فرحات:لا ماتخافيش
سعاد خنزرات فيها:ونقصي من التحلوين راه ريحتك عطات
طاهرة شافت فيها:ونتي حاضياني ولا شنو
سعاد:كتردي عليا الهضرة
طاهرة صافي دابة ترسمات وولات موضفة هنا وخصوصا وانها تحت حماية امين مول لوطيل:شوفي اسعاد
طاهرة:هههه تزيرت والله داك لحنطور هاد نهار خدا لي 100 درهم هي لي كانت عندي وخلاني على دص تا فلوس
تاكسي مالقيتش باش نجي جابني توفيق غي خليها على الله وصافي
غيتة:دابة ربي يفاجيها غير صبري ودابة راكي ترسمتي ما ايبقاش هادشي
طاهرة بتاسمات:ويااه هدشي لي مصبرني خاص ندير بزاف دلحوايج وموصيبتي ناقصينها شلا حوايج
غيتة:ايوا صافي صبري
طاهرة:يلاه نخليك نمشي نكمل خدمتي
ومشات وماحساتش بامين لي كان دايز وسمع كلشي بقات فيه ما حسابليهش تا لهاد الدراجة حياتها صعيبة طلع للمكتب وجلس عيط لسعاد:صيفطي لي دابة طاهرة علامي
وقطع كيتسناها
طاهرة كانت كدور فالمطعم لي كيطل على البحر حتى كتسمع سعاد كتهضر فلكيت بلوتوت:سيري دابة للمكتب دسي امين راه كيتسناك
طاهرة:واخة
طاهرة:علاش بغاني نمشي نشوف شنو واقع
دخلات للداخل وطلعات للبيرو دقات وملي سمعات صوته عطاها الادن باش تدخل دخلات ووقفات:سي امين بغيتيني
امين:قربي جلسي
جلسات اونفاص معاه وهي كتشوف فيه بغات تعرف لاش بغاها
امين:مرتاحة معانا
هزات راسها باه:اه مرتاحة
امين ناض وتكى على البيرو اونفاص معاها فيديه واحد الغلاف:طبعا شرف لينا تخدمي معانا خصوصا وانكي جدية فخدمتك وهذا هو المطلوب
هي كتشوف فيه وباغاه يكمل
امين مد ليها الغلاف:هذا تعويض على شهراين لي خدمتي معانا وماتخلصتيش
طاهرة:ولكن انا كنت غير سطاج
امين:ضاروري تخلصي
طاهرة عارفة انه سطاج ماكتخلصش عليه يلاه اتهضر وهو يقاطعها:اتخليني ماد يدي
مدات يديها وخدات الغلاف:شكرا سي امين
امين كيشوف فيها شاف الفرحة فعنيها وهدشي لي بغى عجباته داك اللمعة لي فعنيها الرماديين
طاهرة بقات كتشوف فيه وهي مبتاسمة فرحانة بزاف
امين:راه خصصت ليك شيفور يبدا يديك ويجيبك بلا ماتعدبي
طاهرة خرجات عنيها شهاد الاهتمام كله:سي امين ما يحتاجش هادشي كله راه كاينة تاكسي
امين وهو كيدوز يديه على شعرها لي كيعجبه:صافي دابة هضرت
طاهرة بتاسمات ليه :شكرا بزاف
امين:غير ماتبقايش تركبي مع البارمان
عضات على شفايفها وهي مبتاسمة وهزات راسها باه:واخة
وقفات:سي امين نخليك دابة
يلاه بغات تمشي وهو يجرها من يديها ويعنقها هو براسه ماعرفش علاش دار هكا لي كيعرفه هو انه كتييرو وكتجدبه بزاف ماكيقدش يصبر عنقها دفن راسها فصدره ودخل راسه فعنقها وهو كيشم شعرها ويديه مخشية فشعرها
طاهرة بقات مصدومة وغير كترمش فعينيها مافاهمة والو علات راسها وشافت فيه مالقات ماتقول كتافات بالصمت
هو غراق وسط عنيها الرماديين لي عمرو شاف بحالهم وهبط عنيه لشفايفها لي غير كيشوفهم كيتشهاهم خاف يتهور :تقدري تمشي تكملي خدمتك
هي بقات كتسترجع الاغنية مع راسها وبدات تغنيها بصوتها لحنين ودافي وزويين :يامن هواه اعزه وادلي كيف السبيل الى وصالك دلني .....
طاهرة غير شكلها لي زوين عندها صوت واعر كتعرف تغني
سلات الاغنية
وغيتة وليلى بداو يصفقو ليها:برااافو عليك
ليلى:كون كان عندي هاد الصوت والله تانمشي لستار اكاديمي ولا لارب ايدول ساعة نتي راسك قاصح كي راك مشيتي هذا شحال
طاهرة:ايوا صافي هدشي لي بقى غير نغني
بقاو مجمعين ومرة مرة طاهرة كتغني ليهم شي اغنية دارت ل11 ونص دليل غيتة خصها تمشي
غيتة وقفات:لبنات ماسخيتش بيكم ولكن تعطلت خاص نمشي
ليلى:كوغا بتي معانا
غيتة:حمدو الله الواليد خلاني نجي نجلس معاكم
طاهرة ناضت باش توصل معاها لتاكسي:نوضي نوصل معاك
ناضو وخرجو مشاو للمحطة طاكسيات كانت قريبة للحومة لقاو تاكسيات واقفين شدو وحدة
طاهرة مدات ليها فلوس طاكسي:هاكي
غيتة بعدات يديها:والله مانشدها راكي خصرتي كتر من نص دلفلوس سيري جمعي راسك وفلوسك عندك راه عطى الله ماديري بيها
طاهرة عنقاتها:قليل ناس بحالك اصاحبتي
غيتة:هههه غير منين تدي سي امين ماتنساينيش
طاهرة:ههههه واحلمووو سيري تاكسي كيتسنى تصبحي على خير
غيتة وهي كتركب:صبحي على خير
قلعات تاكسي ومشات طاهرة قلبات دورة ورجعات لدار كانو واحد طباقة دواحد سوبيسات جالسين دازت من حداهم وهي تسمعهم كيهضرو :ناس ضربو ضربة صحيحة تا ولا زلال كيجيبهم تا لباب دار
ش3:وقبيلة جايبهم شيفور هههه وجايبين تقدية شي فقيه صحيح هذا
طاهرة ماقداتش تصبر وهي تقلب الدورة وتوقف حداهم:وسيرو وصلو غا لنص لي وصلت ليه انا عاد هدرو يا بنات لق.. شتوني كنعطيه وانا مافخباريش بزاف على دين مكم الحمد الله دافعة كبيرة وعارفة علاياش كيتكم نتوما لي كتعطيوه ب100 درهم وتجيو تحلو فامكم عليا هنيا الموسخات
وحدة منهم:ونتي شكون هضرك سمعتي سميتك سميناك ولا لي فيه لفز كيقفز
طاهرة:شتي نتي راه كتقلبي عليا راه عاد تبريت من مك هادشي ماحاضين غي دو دو دو فعيباد الله وما شتوش راسكم شكا ديرو راجل كيخرج من لهنا ونتوما كدخلو زلال من لهنا شنو نكمل ولا نسكت
كلهم ضربو طم وسكتو
وحدة منهم:صافي اختي طاهرة سمحي لينا ماتعاوديش تسمعي شي وحدة فينا كتهضر عليك
دخلو حكو سنيناتهم ودخلو نعسو فوق النموسية كي لعادة ليلى كتخشى فختها وينعسو معانقين
صبح الصباح ولكن هاد المرة انبدلو لبلاصة انمشيو لحي راقي وماساكن فيه غير ناس هاي كلاس صحاب الحبة الصحيحة
فاقت بكري بالفرحة ماشي راه اليوم خطوبتها من راجل لي كتبغي وماشي اي راجل راجل لاباس عليه معروف ومشهور عالميا عنده شركة ولفروع ديالها منتاشرين عالميا شركة السيارات الفخمة بحال لفيراري والبورش الرونج ولائحة طويلة
ناضت دخلات لحمام دوشات وخرجات من بعد ما لقات لخدامة لخاصة بيها موجدة ليها حوايجها لي غتلبس جلسات فوق النموسية وجات لخدامة كتنشف ليها فشعرها وتسرحو ليها :بامكانك تخرجي
احمد:لارا بنتي لعزيزة سمعيني شغا نقول نقصي شوية بهاد الاهتمام كله لي دايرة لناصر راه كتقنطيها بيه على راس ساعة كتعيطي ليه وتسولي وايلا ماجاوبش كتبداي تبكي وديري فضيحة سيد راه عنده خدمته مامساليش لفشوش ديالك
احمد شاف فيها بتاسم عارف بنته شحال كتحماق على ناصر الزعيم وشافها شحال تعدبات باش خطبها تفكر كيدار قنع ناصر باش يتزوج بنته بقى عليه تاقنعه طبعا هدشي بالمقابل منبعد ونعرفوه
لارا ناضت:بابي انا انمشي ندير لمساج وسوان لوجهي وشي تحضيرات على قبل ليلة
احمد:سيري ابنتي
مشات وهو دوز نمرة دناصر الزعيم بعد رنات جاوب بصوته الرجولي فيه بحة مميزة:الو
احمد:صباح الخير
ناصر:صباح الخير
وبقى ساكت بمعنى هضر
احمد:بغيت نسولك على ديك العملية كي دازت
ناصر:زعمة ماوصلولكش راها نجحات بحال ديما سلاح اتلقاه فديبو مع دراري والتحف حتى هوما
احمد:وصلولي ولكن ماعرفتش شنو درتي مع البوليس
ناصر:راك عارف تا حاجة ما صعيبة لقرطاس سالا كلشي
احمد:قتلتيهم بغيتي تقول
ناصر:اه
احمد:نت هكا راه كتزيد دير شبوهات
ناصر:احمد راه عارف شك
ا ندير
احمد:المهيم ماتنساش الخطوبة ليلة
ناصر:فبالي
احمد:صافي بان ليا فيقتك من نعاس رجع كمل نعاسك
ناصر:بحال داكشي
وقطع رجع نعس
أحمد عيط لامين لقاه فايق كي لعادة:صباح الخير
امين:صباح الخير
احمد:كلشي هو هذاك
امين:اه كون هاني
احمد:شنو درتي فداك شي
امين:صافي روسيين وافقو كي لعادة ايصيفطو لينا سلاح
احمد:هنا فاش بقات كي غيصيفطوه
امين:ماتخافش راني خططت قبل لهادشي عندي معاريف من البوليس ايدوزو الطيارة لخاصة لي غتجيب السلاح
احمد:وهاذ البوليس تيقة
امين:اه من دوك لقدام قربو يشدو تقاعود مابقا ليهم مايخسرو خاصهم غا لفلوس المهيم انا ما غنبانش وماعرفوش شكون مور هدشي لي كيهمهم غير لفلوس
قطع وهو كيضحك هادو هوما تلاتة دولادو لي ماشي من صلبه تقدر تقول ترباو على يديه وهو لي وصلهم فين واصلين دابة كونو راسهم وولاو رجال مشهورين كلشي كيضرب ليهم الف حساب ولاو رجال اعمال ناجحين وفنفس الوقت رجال مافيا من الدرجة اللولة لي قدرو يحمقو الشرطة بانواعها لكن فهاد ليام الاخيرة عماد نساحب من المافيا طبعا من بعد صعوبة حيت احمد مابغاش فلول ولكن فتالي وافق وهدشي مو راه سر من بعد ونعرفوه
نمشيو دابة عند البطالة ديالنا
هبطات هي وختها من بعد ماجا موراها الشيفور وصلات ليلى لمدارسة وهي مشات لاوطيل مسافة طريق وكانو تماك دخلات لقات دنيا مقلوبة كيوجد للخطوبة ايديروها على البحر دخلات لغرفة الموضفين حيدات لكاب وجمعات شعرها اليوم اتكون لخدمة بزاف هزات الطابليط وركبات لزيات بلوتوت فودنيها وخرجات مشات لبلاصة لي ايديرو فيها الخطوبة كانو تماك واقفين تجمعو عليها كاملين وهي بدات تقوليهم كي غيستفو طبالي وكي غيوزععوهم والورد لي غيجيبو وفين ايتحط ونوع الورد والالوان لي غيستعملو ختارت لبيض ولحمر فلورد وفلمنادل دطبالي وحتى فلكيسان وطباسل وحتى فلبس لي غيلبسو سيرفورا جوج دلالوان غيكونو لحمر ولبيض وصافي باش يكون تناسق وحتى فشوفة يكون المنضر زوين ورومانسي وهادئ ماتفاهمات معاهم حتى شحفات وعيات بدلات لبلاصة ومشات لامطبخ جمعات لي شاف كلهم وبدات تقوليهم على الاطباق لي غيوجدو طبعا ماكلة خفيفة المملاحات والمشويات والحلويات وداكشي خرجات من المطبخ وهبطات لديبو لتحت تشوف المشروبات قالت ليهم المشروبات لي غيتحتاجو
حسات براسها عيات طلعات لفوق وجلسات حدى غيتة
طاهرة:عييت اختي والله ومزال نهار طويل
غيتة:ايوا صبري ماعندك ماديري تغديتي ولا مزال
طاهرة:مزال علاه شحال فالساعة
غيتة:3 ونص احبيبة ونتي ناسية راسك سيري كلي شي حاجة
طاهرة:واخة
داكشي لي دارت هبطات لمطعم طلبات بيتزا وخداتها معاها دخلات لغرفة الموضفين وجلسات تاكلها حتى كيصوني ليها طليفونها ماعرفاتش النمرة وعاد 0661 لبونمو جاوبات :الو
سمعات صوت رجالي ماخافيش عليها عرفاته:فين غابرة
بتاسمات:لخدمة وصافي نت لي مابنتيش
امين:كانو عندي شي اجتماعات لاش توحشتيني
طاهرة:هههه منين جبتي نمرتي
امين:زعمة راكي خدامة عندي المعلومات ديالك كلها عندي
طاهرة:ااااه فهمت
امين:ماجاوبتنيش
طاهرة:علاياش
امين:واش توحشتيني
طاهرة ضحكات:هههه لا
امين:ااه شوف تشوف
طاهرة:مالي انكذب اصلا شنو بيني وبينك
امين:اياااه
طاهرة:ايوا باش تعرف وصافي
امين:يقدر فالمستقبال تكون شي حاجة
طاهرة كتلعب فشعرها:بحالاش هاد لحاجة
امين:ماعرفتش المهيم شي حاجة زوينة
طاهرة صخانة طلعات عليها:ايوا نتمناو
امين:مانتشاوفوش دابة
طاهرة:عندي لخدمة بزاف ما يمكنش
امين:5دقايق وسيري
طاهرة:لا اسي امين ماينكنش 5دقايق زايدة فيا
امين:اندم حيت كلفتك نتي بهاد الحفلة
طاهرة:هههه ايوا لخدمة هدي سي امين نخليك دابة
امين:بسلامة
وقطعات وناضت وهي كتفكر فهضرته وهي مبتاسمة خرجات بدات كدور على الخدامة وفين وصلو دخلات للمطعم وبدات دوق الماكلة وتزيد لي ناقص واضطرات تعاونهم بيديها شوية ماحساتش بالوقت حتى كتسمع سعاد فلكيت:سيري شوفي راه ناقساهم شي حاجة
حطات داكشي من يديها وغسلاتهم ومشات كتجري لبلاصة دلحفلة يلاه وصلات للدخلة دلباب لي كتدي لبحر وهي تعكل ليها رجليها كانت غطيح وهي تشدها شي يد من خصرها علات راسها وبتاسمات:سي امين
امين وهو مزال شادها:ردي لبال راه مزال محتاجينك
علات حاجبها:لاش محتاجني
بتاسم:تانكونو بحدنا ونقولك
طاهرة:وارخي مني
رخى منها وبعد:كلشي هو هذاك تبارك الله عليك
طاهرة:عجبك
امين:اه
طاهرة:سمحلي نمشي نشوف شنو ناقص
امين خوى ليها طريق وهي مشات
طاهرة كتهضر مع العامل:شنو ناقصاكم شي حاجة
العامل:ناقصين 5 طبالي وبولات ملونين
طاهرة كتشوف داكشي كي جا عجبها :واخة
ربطات لاتصال مع واحد الموضاف مكلف بهدشي وقالت ليه شنو ناقص
دازو ساعات كان كلشي واجد وكلشي هو هذاك وناس بداو يجيو
طاهرة كانت فغرفة الموضفين جالسة كترتاح دوزات نمرة دختها"فينك وجدتي راسك راه سيفطت شيفور
ليلى:اه واجدة
طاهرة:لبستي شي حاجة مسكدة ياك
ليلى:وصافي دابة تشوفيني هههه غنصدمك جيت مقوودة
طاهرة:نتي اصلا زوينة وماتكتريش غير المكياج
ليلى:وصافي
قطعات وجلسات ترتاح
نمشيو عند لارا لي كانت محيحة بلبكى
لارا:شتي ابابي ماغيجيش تاطليفون ماكيجاوبش فيه
احمد:لارا سكتي راه غيجي واش نتي ديما كتسبقي لاحدات
لارا:ومالو ماكايجاوبش خاصو يجاوبني
احمد كيضرب يد مع يد:لا حول ولا قوة الا بالله يهديك الله ابنتي نوضي زيدي نمشيو لاوطيل هو دابة يلحق علينا
لارا:وايلا ماجاش راه نحماق
احمد:زيدي انا مأكد غيجي
لارا ناضت كتحلطم دخلات لحمام قدات مكياجها وخرجات:بابي يلاه وشوف راه ايلا ماجاش ماتلومو غا راسكم هنا فين قلتها
احمد كيشوف فبنته المعكسة وكره نهار لي ولات تبغي فيه ناصر الزعيم كيقول مع راسه مالقات شكون تبغي غير هذاك كون غير بغات عماد ولا امين تنهد وخرجو ركبو فطوموبيل لي موزين كحلة من بعد ما حل ليهم شيفور لباب ومشاو لاوطيل لارا طريق كاملة وهي كتصوني وماكايجاوبش
وصلو حطهم الشيفور فلباب اللوراني دلوطيل نزلو وكان فاستقبالهم امين بكامل اناقته كي لعادة
لارا غير شافاته تلاحت عليه عنقاته:شتي ناصر شكا يدير فيا ماكايجاوبنيش
امين كيمسح على شعرها وهو كيشوف فأحمد :صافي راه غيجي ماعندو فين يمشي
لارا:شوف قلب عليه خليه يجي دابة
شدها من يديها وتم مدخلها لداخل واحمد تابعهم :واش ماكتيقيش فيا
شافت فيه:كنتيق فيك
امين:ادن صافي قلت ليك ايجي هي ايجي
هزات راسها بواخة وركبو فالمصعد
امين كيشوف فيها:شهادشي
شافت فيه:شنو
امين بتاسم:جيتي زوينة كتحمقي
بتاسمات:شكرا
امين:باربي
لارا:هههه انا حسن من باريي
امين:اه نتي باربي ديال بصاح
تحل لباب المصعد وخرجو دخلو للمكتب وجلسو
أحمد:جيب شي كاس
امين مشى جاب قرعة وربعة دلكيسان
احمد:لاش ربعة
امين بتاسم:عماد وناصر
احمد :كلشي كتحسب حسابه
امين وهو كيمد ليه لكاس:ضاروري
احمد:مصاب كون كانو داك الجوج بحالك ناصر طبعه صعيب بزاف ولاخر متهور بلا قياس
امين:زعمة انا ملاك راه تانا فيا لي كافيني
احمد بقى كيشوف فيه وهو مبتاسم
لارا كانت كطل من الشرجم لي جاي على قد الحيط وكيطل على البحر وعلى جيهة لي ايديرو فيها الخطوبة :امين واااو زوينة كتبان لبلاصة من الفوق
امين:خاصك تهبطي وتشوفي من لتحت حسن
لارا:تايجي ناصر بعدة
امين :دابة يجي
نمشيو لبلاصة وحدا اخرى عند ناصر الزعيم
كان جالس فدارو وفيديه كاس دلويسكي ومخدم اغنية هادئة مع موسقى تقيلة مريكانية وكيفكر فهدشي هو اخر حاجة يفكر فيها هي الزواج ودابة غيتزوج تفكر الاسباب لي خلاه يوافق على هاد زواج وهو يتنهد ماندمانش واخة هكاك
شاف فطيليفونو كتر من 100 ابل نص فيهم من عند لارا وتاباقي أمين وأحمد هز طليفونو وخشاه فجيبه وناض باش يمشي للحفل خرج ركب فطوموبيلتو الهامر كحلة وقبل يكسيري شعل كارو حل الشرجم نتر نترة طويلة وهو مصغر عنيه بطريقة رجولية ودلى يديه طفى طفية وشاف فالحرس وهو كيسوط دخان:غنمشي بوحدي بلا ماتبعوني
هزو راسهم بواخة وهو كسيرا بالجهد وصل للاوطيل تنهد فاش شاف الصحافة نسى مادخلش من لباب اللوراني جاو لحراس حلو ليه لباب نزل وهوما يوقفو عليه صحافة كيسولو ماداهاش فيهم خواو ليه لحراس لباب ودخل لداخل وخلاهم كيشوفو فيه توجه للمصعد
هي كانت جاية وكتهضر فليكيت ومركزة :صافي واقيلة خسرو ليه لكيت انا غنطلع عنده للكازينو ونشوف شكون ياخد بلاصته
ماجات فين تكمل هضرتها حتى دخلات فشي حاجة كوما شداتش راسها كون طاحت هزات راسها تا لفوق حيت كان طويل عليها بقات كتشوف فيه وبلعات ريقها عرفاته نفس شوفات الحادين قلبها بدى يضرب ماعرفاتش علاش هو طلعها وهبطها وكمل طريقه بلا حتى شي كلمة ضارت شافته غادي يركب فالمصعد بقات حاضياه حتى ركب ومشى
طاهرة:ناصر الزعيم هو هذا ناري غي شوفة فيه كتخلي لقلب يرجف
قدات شعرها ومشات ضغطات على زر باش تطلع لكازينو بغاو لبارمان يهبط يقبل لكونطوار لي لتحت فالحفلة تحل لباب وركبات طلعات لفوق نيشان للكازينو دخلات
عند ناصر الزعيم
غير دخل للمكتب جات كتجري عنقاته :واخيرا جيتي احياتي
تنهد ماعندوش مع تبحليس وايلا جيتو تشوفو لارا ماشي من النوع ديالو المهيم خلاهاوبعدات عليه ومشة جلس فوق الفطوي
ناصر شاف فيها:هي عارفاني لاقلت غنجي يعني غنجي بلا ماتبقى تكبر المواضيع
لارا جات وجلسات حداه:ماشي مشكيل دابة اهم حاجة جيتي
ناصر شاف فيها طلع وهبط:باربي
بتاسمات:ديالك
شرب من كاسه وهو كيشوف فيها
احمد:عماد ماعرفتوش فوقاش غيجي
امين:راه جاي غير مع زحام فطريق
عند.عماد
كان يلاه وصل لاوطيل نزل وهو كيمسح صباطه يلاه ايعلي راسه وهو يلقى صحافة واقفين كيسولو تقاد فالوقفة :احم وراه انا براسي خاص نسولكم واش جا ناصر ولا هههههه
صحافية كضحك:لا راه جا ودخل
عماد:ايوا هانتي عارفة كلشي لاش موقفيني
الصحافة:شكا تقول فزواج ناصر الزعيم ببنت سي احمد شنو رأيك
عماد خدا منها المكرفون:المهيم من هاد المنبر كنبلغ سلامي لواليدة وكنتمنى لناصر زعيم صاحبي حياة سعيدة وصافي اه ودعيو معايا بشي بنت زوينة بحالي
مد ليها المكرافون وتم غادي وهوما تابعينو كيضحكو
عماد :وصافي حد.هنا
دخل لداخل وهوما الحراس وقفهم ماخلاوهمش يدخلو
عند طاهرة
طاهرة:توفيق غيحتاجوك لتحت ضاروي هبط دخل لغرفة
الموضفين اتلقى لبسة لي غتلبس صافي
توفيق:واخة اختي
طاهرة:شوف هداك ياخد بلاصتك
توفيق هز رايدسه بواخة
خرجات باش تهبط لتحت دازت من حدا المكتب من قبيلة ماشافتو كملات طريقها ركبات فالمصعد هبطات مشات ضربات طلة فبلاصة دلحفلة ورجعات وقفات حدا غيتة كيهضرو
نمشيو عند.ليلى غير سمعات صوت طموبيل طلات كان الشيفور قدات راسها وهبطات شافت بنات الحمة كيشوفو نفخات صدرها وتمات غدا كتمختر وتلعب فشعرها عاجبها راسها ونيت باش تفقصهم وطرطق لمهم لمرارة حل ليها شيفور لباب وهي ركبات اللور ركب تاهو كسيرا خلاو لبنات ودراري كيفصلو ويخيطو بحدهم
وصلات لاوطيل نزلات علات راسها كتشوف فلوطيل عجبها جبدات طليفونها وعيطات لختها:هنا وصلت ...واخة
دخلات لداخل وهي تشوفها واقفة فالاستقبالات مع غيتة مشات عندهم
طاهرة:هاي هاي على زين جيتي كتحمقي العفريتة لكسوة واعرة
غيتة:ايااااه ناس دلغوب حمرة جيتي توووتة
ليلى:ايوا باش تعرفو راسكم معامن كتعاملو اساطات المهيم قولو خمسة مافيا لي يتعين
طاهرة:شوف ليك البرهوشة
ليلى:ههههه اجي بعدة جا الزعيم
طاهرة:جاا وجات تا لمدام راهم لفوق
ليلى:يعطيها موصيبة لاش هي وماشي انا
طاهرة:هههه حيت هي ابنتي لاباس عليها دابة سيري للحفلة راه شوية وايهبطو
ليلى:واخة
طاهرة نعتات ليها فين ومشات
عماد طلع لفوق نيشان المكتب حل الباب ودخل:ها واحد السلام عليكم مجمعين بلا بيا
سلم عليهم وجلس من بعد ماهز كاسه:حاسبين حسابي
احمد:شحال فعمرك اسي عماد
عماد غمض عين وحل عين كيحسب:نقولك 20 نقولك 26 ماعرفتش بالضبط هههه
احمد:هههه كنضن 20 حيت موحال واحد بحالك فعمره 26
عماد:سي احمد بدينا تاني
شاف فلارا:يخلي لي باربي شهاد زين
لارا بتاسمات كيعجبها لحال ملي كيمدحو جمالها:شكرا بي بي
عماد شاف فناصر لي داير رجل على رجل وكيكمي:الزعيم لا ماعيطتش انا ماتعيطش نت
ناصر ماجاوبوش مافيه لي يهضر
امين:خاص نهبطو كلشي جا
ناصر وقف هو اللول :يلاه باش نساليو هادشي دغيا
لارا وقفات ودخلات يديها فدراعه:يلاه احياتي
عماد وقف:لابس الكلاس وتاشي حد ماعبرني وقالي بصحة
امين:هههه بوقوس
لارا:ديما بوقوس اصلا
عماد كيقاد التشاوك:اودي لي زين زين يلاه زيدو نهبطو نشوفو واش كاين شي تي تيز
احمد كيضربو على كتافو غير بشوية:فوقاش دير عقلك
عماد:الله يسامحك
خرجو وهبطو لتحت كلشي جا وكيتسناوهم كانو حتى المجلات جاو خصيصا باش يكتبو مقال على الحفل الخطوبة
كلشي كان كيشوف فيهم وشي جبد طليفونو وبدا يصور
لارا بتسامة عريضة على وجهها اطير بالفرحة ناصر مامسوقش كيفكر غير فوقاش يساليو ويمشي بحاله اصلا ماكانش باغي هاد الحفلة والتخربيق ولكن احمد كان باغي يعلن الخطوبة ديالهم ويعرف كلشي بيها
وقفو واحد الشوية يديرو ليقاء مع المجلات طرحو عليهم بزاف دالاسئلة معضمهم جاوبت عليهم لارا وباها سلاو اللقاء ومشاو لطابلة الخاصة بيهم وكل شوية كيجي شي حد يبارك ليهم
نمشيو عند ليلى
ليلى ملي دخلو وهي دايخة وحلا فمها فيهم فالواقع حسن من الجرائد كتشوف الناس فين واصلين وهي فين فلحضة تمنات تكون فبلاصة لارا وتكون هي خطيبة ناصر الزعيم وباها هو احمد ودايرين بيها امين وعماد وتكون عايشة فنفس الرفهية والغنا ولي طلباتها تحضر حطات يديها على الطبلة وكلات وجها بين يديها وهي كتشوف فيهم وكتخايل راسها هي لي تماك وهي لي شادة فناصر لي ماعلا بالوش بالعلام شافت فالحضور كلهم اياكلهم بعنيهم وتاهي منهم تنهدات وهي كتخضر عويناتها
نمشيو عند امين كان كيقلب عليها بعنيه خاصها تكون هنا حيت هي لي مشرفة على الحفل شاف فالبارمان مشى عنده:احم الانسة طاهرة فين هي
شوية كتوقف عليه وحدة كيعرفها مزيان شحال من ليلة دوزها معاها بتاسم ليها:مروى
مروى قربات وباسته من وجهو وهمسات ليه حدا ودنيه:توحشتك
شاف فيها وهو مبتاسم:راكي فبالي
حطات يديها على صدرو:غبرتي عليا
امين:الخدمة وصافي
مروى وهي كتغمزو:ولكن ضاروري نديرو جليسة نشطو شوية
امين:ضاروري
عماد ضار لجيهتهم:مروى نتي هنا
خنزرات ماكتحملوش ديما كيقمعها:اه
عماد:ومالنا على تغوبيش خاصك تبقاي مبتاسمة يلاه كتباني زوينة ههههه ناري تغوبشة ماكتجيش معاك غير حيديها
مروى بقات غير ساكتة ومخنزرة
عماد:هههه مايبقاش فيك الحال ماشي مشكيل لاكنتي مازويناش بزاف
مروة شافت فامين بمعنة قولو يسكت
أمين:عماد سير جيب شي كاس
عماد:قولها تجيبو ليك هي شكا دير
امين شدها من يديها وداها معاه:ماتديش عليه
شدات فدراعه وهوما كيتمشاو حتى وقفو حدا البارمان خداو كاس كاس وبقاو واقفين حداه متكيين على الكنطوار وكيشوفو فالبحر لي كيلمع وريح خفيف بارد كانوالجو زوين بزاف
عندالزعيم كان خاشي يديه فجيبه واقف وكي لعادة سيكار فيديه لارا كتشوف فيه بكل حب تشوفها من لبعيد تعرفها كتبغيه ملي تلاقاو والابتسامة على وجها هي ماشي غير كتبغيه هي كتحماق عليه شاف فيها لقاها مبتاسمة ليه مابغاهاش تبغيه حيت هو ماسح شي حاجة من حياته سميتها الحب اصلا عندو قاعدة فحياته الجنس اللطيف فقط للتسلية ماشي للحب ماشي بنت وماشي جوج لي دازو فحياتو بلا حساب لدرجة انه كيتلاقاهم ماكيعقلش عليهم
شحال من وحدة ماتحكماتش فقلبها وكان المصير ديالها انها تبغيه وطيح على زنافرها ولكن للاسف ختارت الشخص الغلط لي مستحيل يبادلها بنفس الاحساس حيت هو بكل بساطة كيعتبرها وسيلة لتلبية رغباتو لا اكتر
تقدرو تقولو أن ناصر الزعيم حاقد على الجنس اللطيف مع الاحدات انعرفو بزاف دلحوايج
نمشيو عند طاهرة يلاه كانت جاية من ديبو وهي تلاقة سعاد (مديرة لوطيل:اجي نتي فين غادا
طاهرة:غادة نشوف شنو ناقص فالحفلة
سعاد كطلع وتهبط فيها:وبهاد الحالة
طاهرة كتشوف فحوايجها لي ولاو كلهم غبرة وحالتهم حالة وشعرها لي شد ردار لفوق وعاد عراقت بلمشي ولمجي :وي وشغا ندير هدشي لي كاين
طاهرة غير كتشوف فيها حيت اصلا عندها الحق هي كتعتابر وجه الحفل حيت هي المشرفة عليه وخاصها تكون فكامل اناقتها :واخة
دخلات لغرفة الموضفين وبالضبط لحمام الانات دوشات وخرجات حلات الخزانة لخاصة بيها لي كاينة تماك بالساروت ديالها كل موضف فلوطيل عنده هاد الخزانة طبعا ماشي الوضافين لعاديين المهيم جبدات لملابس داخلية لي دايرة تماك احتياط لبساتهم وحلات واحد البلاستيكة كانت محطوطة تماك لقات فيها كسوة كحلة سامبل توبها واقف كلاس هزاتها بين يديها وهي كتشوفها كيف دايرة عجباتها ماكانتش طويلة بزاف تحت الركبة وبلكمام وكتجي لاصقة على الجسم بطريقة زوينة وفيها واحد الفتحة فجنب ديال الكرش عجباتها وبلاستيكة وحدة اخرا فيها صندالة طالون جاية طالعة شوية على الرجل
بتاسمات ملي حسات بيه وقف حداها بلا متشوف فيه عرفاته ضارت لجيهته وهي مبتاسمة:سي أمين
هو ماكانش هنا كان ساهي فيها سيد داخ كان شوية وياكلها بعنيه عجباته بزاف وعاد.حركاتها كتزيد تخلي لواحد يتزعط
طاهرة عحبها لحال عرفاته داخ:سي أمين مالك
أمين وعنيه كيبريو بتاسم بتسامة عريضة :جيتي زوينة
طاهرة:شكرا سي أمين
زاد قرب وتكا حداها وعنيه مازال مافارقوها:ماتبقايش ضحكي مع البارمان
طاهرة عضات على شفايفها :عادي زميلي فالخدمة
أمين بسيف باش شاد راسه اي حركة كدير كتيرو وعويناتها رماديين كبار كيرمشو بطريقة زوينة وكتحركم بتقالة فلحضة تمنى كن هو لي كيعض على شفايفها ماشي هي:المهيم أنا قلت ماتبقايش تبتاسمي لشيحد
ليلى تعصبات مارضاتش قدام ناصر :بنت ليك اخويا برهوشة
عماد:مالك تقلقتي ازين
ليلى:لا لاش انتقلق
عماد كيشوف فيها صغيرة وزوينة وحركاتها عفويين دغيا كيبان عليها ايلا تقلقات
طاهرة جاها تيصال فلكيت:سمحولي نمشي نشوف شنو ناقص
مشات وأمين حاضيها بعنيه قرب ليه عماد:طحتي اصاحبي
أمين شاف فيه:شنو قلتي
عماد:هههه قلت ليك تزعطتي صافي
أمين بتاسم:بحال داكشي
عماد:ايوا دير لحل
أمين:بحالاش
عماد:كول حليوة ههههه
أمين:لا هي ماشي دهادشي
عماد كيغمزو:ياكما القضية كبيرة داخل فيها الحب
أمين:ماعرفتش
عماد:حالتك صعيبة
جات واحد صاحبة مجلة معروفة:سي ناصر الزعيم تسمحلي ناخد ليكم صورة نت ولانسة لارا
لارا شدات فيه:اه بطبيعت الحال
ناصر كان غيرفض ولكن فاش شاف احمد.كيطلبو بعنيه
لارا شداته من يديه وتمات غادة بيه وقفو حدا البحر وشدات فيه وبتاسمات شافت فيه:ناصر بتاسم عفاك
شاف فيها عندو عزيزة واخة هكاك عاقل عليها ملي كانت صغيرة كان كيعاملها بحال ختو وعمرو فكر يتزوجها ولا يتزوج غيرها
لارا كطلبو:عفاك بتاسم
ناصر بتاسم وشافو فالكميرة وتصورو
لارا طارت عليه عنقاته:كنبغييييييك
وهزات راسها كتشوف فيك:اسعد يوم فحياتي هو نهار نتزوجو
شدها من يديها:وزيدي نرجعو
عجبها لحال فاش شدها من يديها مشاو ووقفو حداهم
ليلى غتموت بالفقصة بحاليلا راجلها وداتو ليها كتشوف فيهم
وكتمنى تعيش هاد اللحضة
عماد شاف فيها:ايهو فين سهيتي
ليلى شافت فيه:غير هنا اجي ناخدو سيلفي
عماد:باش توريها لصحاباتك
ليلى:هههه بحال داكشي
جبدات طليفون ومداتو ليها هو جرها وعنقها:هكا حسن
بتاسمات:اه واخة
بتاسمو وتصورو خداو كتر من تصويرة
ليلى:خود وحدا خرا شد فيها كلشي تا ناصر الزعيم
عمادحخساب ليك مصور ديالك ولا شنو
ليلى:عفاااك اخر تصويرة
عماد :اخر تصويرة
هز يديه وصور ومد ليها طليفون:شدي مشقوفك
خداتو و هي فرحانة دخلات الانسقرام والفايسبوك ولاحت تصاور
ليلى:نااري لبنات شحال ايتسطاو
عماد شاف فيها وبتاسم عفوية بزاف
طاهرة كي لعادة ضربات دورة على المكان وقدات داكشي لي ناقص والانضار كلها عليها لي دازت من حداه كيتبعها بعنيه حاضينها وكلشي باغي غير الفرصة باش يتقرب منها
هي كل شوية كتخنزر فواحد باش ينزل عنيه عصبوها
بدلو المسيقى طلقو وحدة هادئة ورومانسية وقفات مع الجنب وهي كتشوف لي كوبل كيقرصو بتاسمات أكيد فرحانين ومن حقهم يرقصو وهوما ماناقصهم والو لاباس عليهم ماضاربين لحسبة لوالو
نمشيو لجيهة لوخرا
لارا كتشوف فناصر :حياتي خلينا نرقسو تا حنا
ناصر ببرودة:لا
لارا يلاه اتجاوبو وهي تسمع صوت باباها:بنتي لعزيزة تسمحيلي بهاد الرقصة
بتاسمات واخة كانت باغة ناصر هو لي تشطح معاه:أكيد أبابي
مد يديه وهي شدات فيه وباس ليها يديها و مشاو الوسط وبداو يرقصو
عماد بقى كيشوف مع جنابو وهو يشوف ليلى مزال كتصور مشى عندها:احم الانسة ممكن تشرفيني بهاذ الرقصة
ليلى اطير بالفرحة:اه اه
شد ليها فيديها وتم غادي بيها للوسط قربها لعندو بخفة تا تضربات فيه دور يديه على الخصر ديالها وزاد.جبدها لعندو شد فيديها وطلعها بشوية تاحطها على كتافو وشد ليها فاليد لوخرا وزير عليها هدشي كلو وعنيه فعنيها هي كانت غير كتشوف فيه ومبلوكية وكتحس بيديه على الخصر ديالها بدى كيتحرك وهي كتحرك معاه قرب وجهو لوجها:مالك
ليلى كتهز راسها بلا:ماماليش
بتاسم ودورها لجهة لوخرا تاكانت اطيح غير هو كان شادها مزيان:ماتخافيش ماغطيحيش
ليلى:ايوا غي بشوية عليا
عماد كيشوف فيها.... فيها البراءة واخة كطير حتى ملامح دوجها بريئة بقى كيشوف فعنيها وجهها شفايفها نيفها كلشي زوين فيها ومقاد هو هداك صغيورة ويلاه راسها كيضرب لصدرو بتاسم وهو كيشو فها كترمش بعنيها وكتشوف فيه:عنيك زوينين
ليلى:انا اصلا كلي زوينة
ضحك:ههه منين جاك
ليلى:مايحتاجش تقولي نت عارفة راسي زوينة
عماد:متواضعة تبارك الله
ليلى:اه متواضعة شي مانيع
عماد وهو مبتاسم:لا
ليلى بقات كتشوف فيه زوين بزاف والعضلات وشخصيته مرحة وستايلو مبدل من داك النوع لي كيعجبها وعاد بوكسور ولاباس عليه عندو شركة ديال الالات الرياضية وعاد بوتيكات كبار ديال لباس صبور اديداس نايك بيما وعاد نادي ديال الرياضة بأنواعها
ليلى:عماد
شاف فيها:نعام
ليلى:باش كتحس ونت لاباس عليك وعندك لفلوس ولمشاريع
عماد:عادي
ليلى:لا اتكونو فرحانين ومانقصكن والو
عماد بقى يشوف فيها عرفها من لبنات طموحات لي باغين يوصلو ويعيشو فرفاهية
عماد:تانتي دابة ديري لاباس
ليلى ميلات شفايفها:فوقاش تا نشرف
عماد كيضخك على عفويتها:هههههه لا مزالة صغيرة ومزال فين ديري لاباس
ليلى:ان شاء الله
سلات الاغنية ورجعو لبلاصتهم
ليلى كتقلب بعينيها على ختها وهي تشو فها واقفة هي وأمين وكيهضرو ضورات راسها شافت الزعيم واقف وفيديه كاس وكيهضر مع أحمد وفوجهو الجدية ومركز ونضراتو حادين كيهضر برزانة وحتى حركات ديديه تقال بقات شحال كتشوف فيه هو زوين بزاف طويل وكتافو عراض وصدرو مطراسي كيبان من الكوستيم شعرو رطب مهزوز لفوق بطريقة زوينة ورجالية مارو مفتوح وفالشمس كيبري لحية مطراسية ومقادة دايرة على لفيم زادتو وسامة عنيه مجبدين نايمين وشوفاتو حادين ماتعرفيه لاواش معصب ولا واش مكالمي حروفو كوحل شخصيته قوية وكتميز بلخشونة من النوع لي مهتم بالمضهر ديالو ديما مقاد ومن الشخصيات لي كيتصنتو كتر ملي كيهضرو كلامهم قليل عكس لكلام والضجيج لي كيدور فدماغهم ولكن نهار يهضرو كلشي كيسكت ويتصنت ليهم بتركيز
باستها وضارت شافت فعماد لي كان كيهضر مع أمين وناصر واحمد بقات كتسلت باش مايشوفها هربات خلاتهو واقف
عماد:يلاه انا مشيت
دخل يديه فجيبو مالقاش طليفون قلب فجياب لوخرين والو حتى لبزطام لي فيه لفلوس ولي كارط بونكيغ ماكاينش
عماد حمار وصفار وجميع الالوان تلونهم كيفاش هو يتسرق شكون هذا لي تجرأ وسرقو شاف فدراري:سرقولي طليفوني و بزطامي
امين ماقدش يصبر:هههههههههه أوايلي
عماد تعصب:لاش كضحك
أمين:ههههه كنتي كطير هاهوما داروها بيك
ناصر بتاسم وهو كيشرب من لكاس ويشوف فيه
أحمد:ههههههه تانت كطير
عماد مارضاش بقى يفكر شكون يقدر يكون سرقوو وشكون هذا لي تجرأ كيتفكر فين كان وشكون وقف حداه وشكون هضر معاه هادوك كاملين مايقدوش يديروها خرج عنيها فاش تفكر ليلى اااه هي عاد طلعات معاه لاش كانت كتحلون عليه عرفها كانتو غي كتريطو وهو كي لحمار دغيى تريط ليها ضرب يديه مع الطبلة وضار كيشوفها فين هي شاف طاهرة واقفة غا بحدها عرفها اتكون هربات مشى كيجري وخلا امين كيعيط عليه
يلاه ضارت باش اتمشي وهو يشدها من يديها وجرها معاه بقى غادي بيها وهي كتغوت مشاو لباركينغ حل باب طموبيل ركبها وركب تاهو وديمارا بالجهد:هنا غنوريك البرهوووشة
ليلى كتغوت:نزلنيييييييييييي والله تاندير ليك الشهة
عماد:الشهة أنا لي انديرها ليك غنغتاصب مك باش ماتبقايش تلعبي مع لي كبر منك
هي زادت فلغوات وتسرسير وهو مادايهاش فيها مكسيري بجهد
قصة لا تستفزي رجولتي كي لا أبعثر أنوثتك
محتوى القصة
التنقل بين الأجزاء