- ااه حمد لله لي جاتني فالويكاند باش ميشدنيش الوجع فالافاااك ولاهيلا كن وليت شرويطة وتشوهت تاهي شووهة
جبدات الفرماج الحمر من التلاجة و2 مطيشاات وغااع لي تحتاجو باش تصاوب سباكيتي بولونييز مشات لبلاكار دالماكلة جبدات باكي دصباكيتي دارت الما يغلى تا غلى وطيبات لاصوووص قادات كلشي حطاتها ف بلا ديال الفران ودارت صوص بيشاميل والفرماج خشاتها فالفراان ومشاات للبلاكار هزاات باكي دتشييبس كبيرة مشاات للصالوون شعلات التلفاازة وجلساات تتفرج بينمااا
دااز الوقت جا الليل زكرياء ويحيى سدو الحانووت وكلا تاجه لدارو
أما زكريا فرجع مهدووود وضهروو مقسووم علييه النهار كامل وهو محني على الخدمة بصح طرف دالخبز صعييب تجيبو لوهلة عيااا وتفقص بقرايتو وبكلشي ودماااغ وبلادو معطااتو والو خدام كيقاد لناس التيليفونات خدمة كيديرها من والا
تنهد كيستغفر مولااه ربي كبيير جبد تيليفونو كيدور ليها اا خاصها شي حاجة قبل ميمشي لداار بقاا شحال تيصووني عاد جاوباات بصوتها المعهووود
سميرة : وي ولديييي
زكرياء بعد نهار طويل دالخدمة صوتها هو الوحيد لي كيريحو : سلاام عليكم الوليدة راني راجع لدار ياكما خاصكم شي حاجة محدني برا
سميرة : لا أوليدي راني درت العشا هير جي ولكن متنسااش تجيب معاك لحليب لختك راه متتفطرش بلا بيه وغدا قارية
زكرياء : ان شاء الله
سميرة : بسلامة
حطات التيليفوون ودارت عندهم
رؤى : جاااي يااك
التايكة : شحال بقا باش يوصل عنداك هير يكون قرب
سميرة لا باقي هيدووز للسوبير يجيب لحليب من دابا لديك الساعة هنكونو وجدنا كلشي 😉
التايكة هي ورؤى ضربو يديهم مع بعض بانتصار دغيا رجعو التايكة بحالهم 😂😂
رؤى : ياااس
سميرة جراتها تجلس : شششش الجيران وصلاتهم الخبار
رؤى : اخخ متحمسة نفااجؤووه بعيد ميلادو واخا ماشي ليوم تال بعد غدا ولكن علااش اماما هنديرووه ليوم مجاوبتينيش
سميرة : بلوة بلوة ابنتي لصقيني تا نقولييك
التايكة : تي ها بشوية على البنت لااواااه
سميرة كرمات : واا بنيتي حيت ليوما الوحيد لي جالسين كلنا هتبدا السيمانة هتبدا الخدمة والقرايا تاحد فينا مهيسالي
التايكة : لا واه خاصني نمشي مخلية السويرتات ها عند جارتي تورد ليا البهايم وتسقي الغريساات
رؤى : زربانة اجدة
سميرة : اوا منين هاكا جلسي معانا هير سيمانة مازال باقي تا زكرياء ماشافك مزيان
التايكة : وا نشوفو
فجهة أخرى
فاقت دارها راسها تتمسد فيه دارت بجنابها لقات راسها ناعسة فالغرفة بحدها والسقييل داير بيها سرعان متفكرات دوك الاحدات لي توالات فداماغها واحدة تلو الاخرى حطات يديها على حنكها عغرها لقاتو تورم ليها عرفات راسها كلاتها فيه
غرغرو عينيها متوقعاتهاش منو هي فلحظة غضب حكرات عليه مكانش عليها دير معاه هاكاك حيت باينة لعما بلي مناويش فيها الخايب والا ميخليهاش يوماين فدارهم ومعاه فغرفتو بلاما يقيسها ولا يحاديها بلييل تاهو كيبقا راجل والغرييييزة تتشعل الا مكنتيش متحكم فيها عاد ميولو الرهيب للعلاقات هي عارفااه دوراتها فمخها ميمكنش كن كان باغي يتفلا عليها ميقيسهاش واخا هير مرة وحدة ويكبح شبقو ليها هاد المدة كاملة منين جابها من سبيطار لليوم
تنهداات تلفانة وحيراانة هير بحدها وناضت تتقلب على المراية تشوف وجهها فور ما بانت ليها
مشات لحداها بخطا متتاقلة تا بلغاتها وقفات تتشوف وجهها كي تورم والضربة حمارت
سلمى : اووف ا إيااد اوووف فين هيكون دابااا
مكملاتهاش تا كان داخل لسوييت سمعات صوت تقرقيبو عرفاتو جا رجعات لبلاصتها دايرة بحالما ناعسة
دخل لعندها يشوفها كيف بقات لقاها ناعسة كانت سادة عيونها مشا تال عندها وجلس حداها فوق النموسية كيشووف فحنكها ويقيص فييك
رجع خطوات للور باغي يسمع من عندها لحد الان ممتيقش داكشي لي قرااه فالملف عليها
باغي يسمع من فمها قصتها مع اسرتها لي ماتت مع الناس لي باعوها مع الحغرة لي تحغراة والقسوة لي قصاو عليها مع الوشام مع كلشي كلشي
رجع لحداها وجلس جنب السرير وهي تقادات فجلستها حانية راسها
بجموود تتشوف لبعيييد كل حرف تتنطقو تيتغرس سهم فقلبها
سلمى : دارنا تحرقاات فواحد الليلة من اللياالي كان البرد واللياالي السميقلي برا كنت جالسة تنراجع فكتوبتي ما بيا معليا حتا كنسمع صوت العافية كتاكل الداار صوتها عمرووو يتنسالي مكنتش حااسة بتا حاااجة تا كنسمع الصوت تجهد وبداا السقف كيطييح والغواات تعالى فالدار والديااا وخوتي الصغاار كانو فبييت التلفازة وانا كنت فبييت بحدييي هوما ماتو طاح عليهم السقف وتحرقووو خرجوهم رمااد وانا تخبييت تحت البيرو
معقلت على والو من ورا متخبيت ... فقت فالصباح كنلقا راسي فغرفة من غرف المشتسفى العام غرفة عامرة بالناس فيها بزاف دالبايااساات شي محرووق شي سخفان شي محيديين ليه رجلو كلا وعلاش جااي يتعالج وطبعا هادا هو حال الشعب فالمستشفيات العموومية (بصوت مخنوق بزز تاتلف راسها لكن مع كل جملة تتزيد تعمق فالقصة وفألمهااا الجرح تيتفتح من جدييد لا راهو مفتووح على مر الزمن وداائما ما كتحس بيه تينهش كياانها تياكل منو طرف بطرف يوم ورا يووم) فاش فقت تندوور بجنااابي نقلب على عاائلتي الحس مكااينش والوو نضت من بلاصتي بالحفاا كندوور كي الحمقة ونغوت عليهم والو ملقيت لا مي لا با تا واحد منهم ماكان حتا كيتبعوني الممرضاات وتيديوني لنفس الغرفة هاد المرة جلسوني فوق كرسي حيت بالطبع السرير لي كنت فيه عمر هه ... نااس منشورة ها فالارض ما لاقيا فين تجلس ولا حتا تستلقي تصنت لألااامها ومرضهااا
كانو كيهدنو فيا كلهم وتيسكتو فيا ما كاين لا ابرة مهدئة لا والو هه ميمكنش يخسرووها على حالة بحاالي ديجاا الوقت لي دوزتو راه طولت وشديت ليهم بلاصة ليلة كاملة حتى كاتجي خالتي خخخخ خت ماما
ك كيفاش كان هادا ردي متسوقاتلييش حتا تفهمني ولا تواسيني ولا تشوف حالتي جراتني وراها كي اللقيطة كي شي وحدة مقطوووعة من شجرة وااه نسييت راني دااك النهار تكتب عليا نعييش مقطوووعة من شجرة 😔
جراتني وراها غادا بيا جبدا على رجليا والصحة خواات بيا ومرحماتنيش تقول لبنت عاد خارجة من سبيطار نركبها فطاكسي لا كانت قااصية لواحد الدرجة كبيرة كيقولو الخالة تتعوض الأم أنا خاالتي هي لي كانت كل نهاار تتفكرني فمي وتفكرني بلي راني يتييمة ومعندي حد فهاد الدنيا كانت هي الضد ديال حناان الأمومة كانت هي الألم وهي المشقة لي كنت تندووز منها هي سباابي فعذاابي هي وراجلها وولادها كلهم تعدااو عليا وخرجووني من داار باا وخداوها هوما كتبوها بسميتهم غصبااا 💔 صفييت بحدي لاحنيين لا رحييم قبل ميخرجوني من الداار بعام
قبل ميخرجوني من الداار بعام كانت عندي 14 عام عاد بلغت بحالي بحال جمييع البنات هاد المرحلة تتكون حساسة يبزااف تنبغيو لي يفهمنا ويوقف جنبنا ويوعينا هه انا لا أنا لقيت جنبي ربي فقط ... هير بديت نكبر وبداو يبانو فيا علامات الأنوثة وليت يوميا تنتعرض للتحرش من طرف ولد خاالتي لي كان مشرمل بزنااس كولو مخطط وكلوو وشاماات بالنسبة ليا كان كيخلعني ولكن هو كان تيشوف فالجسد ديالي بشهوة وفيما يبغي يتقرب مني كطرا شي حاجة لي تتبعدو تنحمد ربي من موراها ايام واياام تال واحد النهاار قدر يوصل لهدفو ويغتاصبني ولك ان تتصور حالتي كي ولات (الدموع تحقنو فعينيها وبصووت ولا منغنغ كملات هضرتها) رجعت شروييطة باقي حتاما فرحت بسن المراهقة لي كندووز منو كيقولو ديك السن تتكون البنت كي الوردة المتفتحة انا لا وليت وردة مشوكة سامة مخلاش ليا حياتي كي كانت دمرني وليييت كنكره راسي ومحاملانيش المراية مبقيتش تنشووف فيها أبدا حيت تنحس بلي راني جرثومة تتمشا على الأرض متتصلاح لوالو الأمر ولا كيتعاود مرات عديدة كل نها كان تيعاود نفس الشي وانا لا حول ليا ولا قوة وتا حد مواقف جنبي كان تيمأاارس عليا بعنف وكنت تنحاول نقولها لخالتي وراجلها تيهددني بلي هيزييد يعذب فيا لا بل هيخلي صحابو تاهما يديرو فيا مبغااو وانا معندي تا طاقة لهادشي واحد النهار داني لواحد الحي مسخ وفيه هير العاهرات والبزناسة وحس بنادم نقي مكاينش دخلنا مع الدريبات غصبا عني داني ودخلنا لواحد الدار من بعد هنكتاشف بلي ديك الدار ماهي الا داار دعاارة وفيها تيرسمو لوشاامات للناس لي باغيين يوشمو هو داني باش يوشم ليا هاد الوشاام لي فعنقي ولي تنشمأز منو وذكرااه باقا راسخة فبالي فالاول دخلوني يقادو ليا الوشاام وداك لي كيطراسييه بقا كيتحرش بيا وكيحاول يتقرب مني كنت هير انا وياه فالغرفة وفاش تنبغي ندفعو تيقولي زغاي ولا هنضرك بهاد الآلة (لي كيوشمو بيها) أنا كنت صغيرة ديك السااع اي تهديد تنخااف منو بقيت تنقاومو بصمت وهو نفس الشي محبس تا خدا مني لي بغا وزاد دنسني كثر وكثر عاد رسملي هاد الرسمة لي فعنقي وخرجت انا لعند ولد خالتي رجعنا لداار دااز عاام وجرااو عليا من الدار فاش خاالتي حصلات راجلها تيتحرش بيا حااولت نشرح ليها متيقااتنيش ونعتااتني بكلام خاايب عمروو يتنساا ليا ردوني عااهرة بلاما نبغييي كملت 15 عام خرجت لبرا الداار ملقيت لا مأوا ولا عريين من غير الارض دالزنقة والبرد يغطيني
بتت يوماين فالزنقة تعرضت للتحرش أكثر من لي فاات مرة ثلاقييت مع واحد المرة كبيرة فالعمر وباينة لاباس عليها داتني لدارها وكلاتني وشرباتني ولبساتني تهلات فيا وعطاتني 4000 درهم قالتلي سيري ابنتي كري دار فين تجلسي وقلبي على خدمة الوقت خيابت داكشي لي كان تشكرتها وحمدت ربي بلي اخيرا شفت شي حاجة بيضة فهاد الحيااة كرييت بيت فحي شعبي وخديييت مناكل وما نفرش ومع الآسف الفلوس دغيا كيتقاداو بعدما حااولت نخدم فشحالمن خدمة وانا فديك السن عييت منقلب وفينما نخدم يوماين كنتلقى نفس التعامل التحرش الجنسي ... ومحاولات اغتصااب ملييت وعييت وفالأخيير قررت فاش شفت بلي حيااتي هدووز هاكا سوا خدمت خدمة شريفة سوا لا ... قررت نقدم راسي قربان للذعارة بدوون تفكيير وداكشي لي كان بديييت تنخدم من لقليل وبشوية بشوية وليت تنتطور تا ولييت كنضرب الناس لي فووق لي ... النخبة الغنية فقط
دازو الأعوام وتوالااات السنيين وذكرى واليديا وخوتي عمري نسيتها وكنت بين الفينة والأخرى ديما تنمشي نطل فالحوومة باللييل هيير باش نتفكرهم ونشم رييحتهم حيت شبح إشتياقي ليهم ديما كان تيزوورني وأنا عمري لقييت لي يحن فيا بحاالهم وعمرني هنلقا 💔 عشت يتيمة وهنموت يتيييمة وربي هادا لي كتب لي
نفااجرااات بالبكااء تتبكي وتقوول ما بكييت 😭😭
جرها لييها بكل قوتو كان جالس حدااها ضمها ليه بين ضلوووعو تيحااول يسكت فيها ويبعت فيها الأماان والسلم الداخلي يخلييها تحس بدااك الدفئ لي فتااقرات ليه هادي أعوااام ثأثر بزااف من قصتها نهار قرا على حياتها فداك الملف بقات فييه ودابا وهي تتعاودها قداامو مخنوقة ومظلوومة زاادت عزاات علييه كثر كن لقا يرجع بزمن لوور ويكون معاها هو يساعدها ميخليهاش توصل لهادشي لي هي فيه أبدا .... كيحس برجفاتها وشهقاتها حالتهااا ولات حاالة هاكدا كيطرا فاش الواحد تيعاود على موضووع حساس بالنسبة ليه تيبقا كاتمو داخل منو كينتاهش جسمو تا لنهار تيخرجو تيتخنق كثر من قبل
إيااد : شششش صافي صافي متبكيش أنا معاك
شافها عاد مزايدة وبداااات تتبكي بهستيرتية لدرجة ولات تتخنق جىها معاه مباغاش طلقو تال الطابلة لي فوق منها قرعات الما كب ليها فكاس بعدها عليه بزز وعطاها تشرب خدات من عندو الكاس تتشرب سالات ورداتو ليه بلا تا كلمة بدات تتكالما لاكن تتحس براسها باقا مخنوقة وفمها محبووس عليها مسدوود متتقدرش تحلو
بعد وجهها من صدروو هي واقفة حداه قصر منو هبط راسو لعندها وجامع وجهها بين يديه تيمسح ليها دمووعها
إياد جرها ليه عاود منقها مشا بيها للفراش تكا وتكاها حداه خاصشها فيه تيطبطب على ضهرها باش ترتااح جر عليهم الغطى وبقا حااضييها تا ستسلمات للنوم وهو بقا فوق راسها حاضييها تيفكر لبعييد ولعلاقتو بيها من هنا للقدام كيف هتولي
دخل لداار من بعد يووم حاافل وعامر بجري جريي حيد صباطو حدا الباب ولبس بانطوفتو بعدها قال السلام عليكم ودخل تيبان ليه الحس مقطووع والضوو مقطووع تاحد مبااين
زكرياء بتعجب : ميمكنش يكونو نعسو زعما العجب
كيقلب على الضو بيدييه تا لقااااه وشعلووو
مع شعلو مع تفااجئ بداااك الزوااق لي مزوقين الدار والأصوات لي تعالات
سميرة ورؤى تيغنييو والتايكة كتصفق : سنة حيييلوووى يا جمييييل سنةةة حلوة يا زاكي سنة حلوة سنة حلوة سنةة حلوة يا زاكي 🎉🎉🎉
هو تبهض حط السخرة من يدو وبقا كيشوف بجموود
سميرة قربات لحداه وجراتو من يدو للداخل : العقبة ل 100 عاام الله يخلييك لينا دخل اولدي
رؤى دات السخرة للكوزينة ولحقاتهم هي وتايكة
رؤى جات بصداااعها مشات تلاحت عليه تتبوس وتعنق : Happy birthday brother ❤ (عيد ميلاد سعيد أخيي)
ربي يخلييك لينا تاج فووق راسنا والله لا يحرمنا منك
التااايكة : ربي يدومها محبة اوليدي
زاكي هير تيشووف تا نطق : فااجأتوني والله مكنتشداير بالحسااب راني شرفت وعااد باقي عليه 4 أياام
التايكة :لاوااه باقي صغيير ولكن مسييكيين هاز هموم كبر منوو
باس على يد مو وراس جداه وعنق ختوو
زكرياء : الله يخليكم ليا
الكل : اميييين
بداو فاحتفالهم كانو دايرين كاطوو وحلاوي وشي تويشيياات مهم احتفال مفااجئ وجابو لييه هدية رمزية لي هي صورة عائلية بالكادر ديالها علقوها فالصالة دوزو وقت زويين من بعد كل واحد مشا لبيتو
دخل لبيتو ينعس تا كيوصلو مساج من عندها بعد يوم كامل حلف لا دوا معاها تا جات هي
أميمة 📲 شكرا مرة أخرى على وقوفك جنبي
شاف فالمسااج تا عياا وحط التيليفون ينعس مفيه لي يعصب قلبو على لييل مسولات فيه ماوالو من مدار معاها الخير مدويش معاه كي البراني 😐 ستسلم للنعااس تال غدا ويحن الله
أما هي شافتو مجاوبهاش غرغرو عينيها كيفاش هو ميجااوبهاش ميمكنش
أميمة ضربات بالمخدة لي فوق رجليها : لاش ميجااوبنييش لااش 🥺🥺
سميرة صبحاات خدامة رؤى و زكرياء خرجو قبل منها زاكي مشا للجامعة يطل ومنها نييت يشوف فرااث
عند سميرة لي وصلات للفيلا وتلاقات مع السيارة د الحاج ابراهيم مع الدخلة مصفوفة فيها الساائق علا مبان ليها خارج للشركة وهو عاد جاي شافتو بغات تميك سااعة معامن رد ليها البال وجرها من مرفقها
الحاج ابراهييم حرك راسو بتساؤل : صباح الخير (زعما فين هاربة)
سميرة : ابراهيم رخف من يدي بلا من هاد التصرفات الصبيانية دابا يجي اياد يشوفك
إبراهيم : ويلا شافني مالي شكندير شاد فيك مالها عييب ولدي وانا عارفو كيدير لعجب معندووش الحق يدخل فيا ولو بأي طريقة 😑
سميرة باغا تفك وا علا حصلة : براهيم صافي تا ندويو فبلاصة اخرى الوقفة هنا وبهاد الطريقة مشبووهة
إبراهيم وخر منها وتقاد فوقفتو تيقاد ف مونطووه : زكرياء ا سميرة بغيت ندوي معاك علييه هاديك راه ماشي حالة دري بحالو يخدم فالبيراان
سميرة حلات فمها على وسعو : البيراان 😯😯
إبراهيم : هالي قلت لييك نهار لول قلت ليك الدري قنعيه يخدم مع إيااد ولكن نتي لي فدماغك فدماغك باغاه يدير لي بغا هاهو دار لي بغا لاش يتعذب ويعذب راسو مدام عندو حلول قدامو
فجهة أخرى فالجامعة دخل مع العشرة مع الباب دالجامعة كانو الطلبة فاسترااحة هو مشا نيشان لقسم فراث مقلب لا على أميمة مدوا معاها ماوالو من ديك الوقيتة لي خرج عندها من دار فاش كان فيها الوجع حااس براسو خااصو يرتب افكاارو ويعاود ضواسااه ومعندها تا فاائدة يدوي معاها دابا
توجه للومفي لي كيقري فيه صاحبو لقاه عاد خارج مع الباب ديالو ضرب عليه من بعيد صونا عليه فالتيليفون
فراث شاف صونيت عرفو هيكون ها حداه هادا مودباس بيناتهم رفع راسو تيقلب تا بان ليه ضرب ليه السلام من بعيد غادي لعندو
فراث : صباح الخير عشيري
زكريااء : صباح الخير لباس
فراث : يالاه نمشيو لبيفيط نضربو شي قهيوة وندويو بينما
زكرياء : معلووم
مشاو فطرييق البيفيط وبنادم تيشوف فيهم اكثرية البنات هياكلوهم بعينيهم وكاين منهم لي تيتسائل ااش تيدير استااذ فراات مع زكريااء شوقي لي ها طاالب ماستر متيبان مرة فشحال
دخلو شدو طبلة تيدويو
زكرياء : اوا ديك النهار قلتيلي جي هانا جيت كاين شي عراسية ولا نرجع
فرااث : هي لا ضبرتي لينا فشي بنت الناس راني كرمت بحدي
زكرياء : خخخخ لقيتي من يضبر ليك
فراث : تتعرف بزااف اصاحبيي بزااف
زكرياء : هما لي تيعرفوني انا داخل سوق راسي عرفتي شيجيك مليح هنحط تصويرتك ونمرتك فالويب وندير ديك للعيبة دجاااد للزوااج خخخخ
فراث : ياااه المرضيي هههههه اوا الله ينعل جدي انا لي داير فيك لعقل
زكرياء : ههه ها ضاحكن اصلا المكتوب ربي يآتي بيه
فرااث : دااكشي لي مصبرنا اوا اسي ونتا شدرتي مع القاصرة ديالك
زكرياء : وا علااين 20 عاام اصاحبييي
يالاه هيدوي لاخر تا تتوقف عليهم هي وصاحبتها
موجهة كلامها لزكرياء بلا حشما بلا حيا استاذها قدامها مرداتش ليه البال تتقلب هير على حس زاكي لي تقطع عليها هادي نهار / لييلة مقدرااتش بلاما تشوف اهتمامو وتحس بيه
أميمة : فيين كنتي لاش متتجاوبش
زكرياء : ايه ابنتي شنو مازال
صاحبتها ردات البال لفراث تتجر فيها ملقات متجر هي فبالها هي لاش متيجاوبهاش متتشوف حد من غيرو فهاد الوقت
أميمة مغزفة والغروور قاتلها باغا تقول لي فقلبها وبلي فاش مدوااتش معاه هير ليلة وحدة ومجاوبهاش تخنقات وتخلعات لكن غروورها كبح رغبتها فالإعترااف : احمم لاش متتجاوبش
هنا دوا فراث : وا باسلة مع راسك مغلطتش داك النهار فاش بغيت نخرجك من القسم
أميمة بحزم : سكتيييناااا درتي ليا الطياارة هوووف (رجعات جلسات فواحد الدرجة تتحرك رجليها بثوثر) لا لا لا ميمكنش نبقا هاكا خاص نصالحو قبل من عيد ميلادو ... هووووو٥ ميمكنش اربييي اوووف (معصبة واعدى حاجة عندها هي تحزر شي حد)
تفارق مع صااحبو مشا فراث عندو كووغ دابا مع واحد القسم ديال TD
أما زكريااء فخرج من لافااك غادي لخدمتو تيفكر فالقرايا هادا شحاال مشد شي كتااب مع هاد المشاكل لي فووق راسو ركب فسياارتو خاصو ليوما لرجع لدار يسهر على البحث يكملو معندو لاش يبقى يأجل فيه تا يوحل
جبد تيليفونو كيصوني ل يحيى يشوف واش كاين فالحانوت حلو ولا بااقي
بعد عدة محاولات علق معاه الخط
يحيى : االو السااط صباح الخير
زكرياء عين فالطريق سايق وعين فالتيلي : ها منين قلتي صباح الخير نستنتج بلي باقي فالدار ياك .
يحيى : داني النعااس عاد فقت مع العشرة نتا فيين
زكرياء : عاد خرجت من لافااك جاي نفتح الحانووت
يحيى : اووك عفيني انا تال لعشية ونجي تكلف تا نجي ونتا خىج بكري ليووم
زكرياء : فخبارك نيت محتااج وقت نوجد فيه لبحث ولعجب دالقريا دير خيير
يحيى : ااه وا نتا راه يحسن عوانك قاسم راسك على شحال مهم انا نجي مور لغدا ياكما نجيب ليك معايا شي حااجة
زكرياء : لا صافي تانمشي لدار ونتغدا
يحيى : اوك
قطع عليه وبلاصة السيارة قدام الحانوت هبط وجبد سوارت الحانوت فتح الباب بسمل ودخل
كيفكر بلي هاد الخدمة بحدها مقاضية ليه واالو هير سيارة راه مصاريفها كثيرة مشاكييل صافي تنهد بعمق وسكت معندو ميدير خاص يضبر على خدمة عاود
واخا مكيبغيش يخلي يحيى وبا عزيز حيت ولفهم ولكن لابد شي نهاار هيخدم ولا فاش هيشد الماستر هتجيه خدمة ... نفض هاد الأفكار من بالو تال تما ربي تمااا
وصلو للشركة حلهم السائق الباب خرج اياد وسميرة من موراه مد ليها يديه
عاد هيجاوبها دخلات السيكرتيرة تتعوج وجايبة بلاطو فيديها حطات ليهم فنجاني قهوة و الما معاها
ونصارفات بلا هضرة
إيااد : بغيت نتزوج
سميرة تصدمات : هااا نووااي كيفااش 😯
عارفاه زهواني يقولها ليها زكريا تيقو ولكن إيااد ميمكنش خصوصا هاد الوقت
إيااد : خخخخ تخلعتي
سميرة : ميمكنش انا مك وعارفااك فهاد الوقت متفكرش فالزوااج الا الاكانت شي عاصفة هادي لي زعزعاتك
إيااد تيجغم من كاس القهوة بجانثلمانية : خخخ بحال داكشي
هزات تاهي كااسها تتجغم منو بين الفينة والأخرى وحركات حجبانها تتشوف فيه
إياد : شنوو
سميرة : هير خوي المزيودة بلا تهديد هههه
إيااد : ههه عارفاني مهم الالة
عاود لييها كلشي على أميمة بالتفصيل الممل من الأول للأخير وحتا فاش كان معاها مهم كلشي متيخبي عليها والو وتاهي متفهمة داكشي لاش تيعجبو تفهمها ومتيترددش باش يشارك معاها كلشي عليه
سميرة فاتحة فمها من هول الصدمة شهقاات : هاادشي كاامل
إيااد : امم وي
سميرة : واش نتا هير شفقتي عليها ولا شنو
إيااد : معرفتش مهم لي تنعرفو هو فيها شي حاجة مغايرة على غاع البنات لي دوزت قبل
سميرة : اييه ونتا هير سيمانة باش عرفتييها وهادشي كامل خلاك دغيا تطور العلاقة لدرجة الزوااج
إيااد : بغيت نسترها
سميرة : وعارف بلي الا تزوجتيها تقدر تلاقا بزااف من المجتمع لي عارفين ماضييها هتعيش حياتك هاكا
إيااد : ممهمش المهم أنو قلبها بيض باينة
سميرة : خاصك تعرفني عليها
إيااد : أوكااي تانديرو شي وقت ونتلاقاو انا وياك وهي
زكريااء : ولاهيلا فنظري تتبقاا صغيير ها ضاحكن اصاحبي الدار داارك كوول شرب دير لي عجبك
يحيى : معلووم راني عارف 😌
زكرياء : 😒 شو اوا الله يعطيني وجهك
يحيى : راه هتبرد اصاحبي دوز دوز
زكرياء : شكون لي هتبرد 😂😂
يحيى : الرفيسة عقلك مسخ 😂😂😂😂
زكرياء : وا سمي اصاحبي
يحيى : دووز تاكول عنداااك توحلييك
زكريااء : الا حضيتيني هااتوحل
يحيى : علييك لاماان
حطوو الطبسييل الدااخل دالمحل فوق واحد الطبلة وجلسو تياكلو الكلياان متيكونش هاد الوقييتة
زكريااء نقب شوية وناض
زكرياء : الله يخلف اصاحبي خااصني نشووف الداار
يحيى : سير الله يسر
زاكي : اميين
خرج زربااان ركب فالسياارة نحو دارهم تا كيصوني تيليفوونوو
جاوب كانت نمرة مجهوولة :
- آلو .... كيفاااششش
زكريااء :آلو شكون معايااا
المتصل بصوت رجوولي : زكريااء شوقي
زكرياء : هو هداااا
المتصل : تااصلت بيك من منطقة *** أجي رااه لقييناا الصديقة دياالك فحالة سيئة تعدااو عليها ولاحووها هنا ... كتنزف ميمكنش ليا نهزها تا يجي شي حد تيعرفها والاسعاف متتجاوبش
زكريااء بصدمة مصبر راسو بزز : ا أميمة يااك
المتصل : أيا كاانت مهم اجي سربي راه الا تعطلتي هتمووت
زكريااء قطع ولاح داك التيليفون من يدو لا هوااه مرفوووع
كسيرااا بالسياارة جهدوو كامل متاجه للمناااء البلاصة فين قالولو راه كاينة
متيشووفش قداامو هدفو الوحيد ومراادو هو يوصل ليها دغيا مبااغييش يخصرها واخا معصب منهاا ولكن حبو لييها تيخلييه عمااا لأبعد الحدوود
ساايق وعقلوو غاايب وااحد اللحظة فقد تركييزووو مكتباان لييه هير وااحد السياارة قداااموو علااين يتزاادا معاااها عوااض ميخرج فييها دور الديريكسيووون للجهة لااخرة بزز تيحااول يسيطر على السياارة لي ولات طاايرة خفيفة الرواايض تحكو فالأرض وهو مدااابز معاهاا زااد بيها لجهيها لاخرة وهوووباااا
كيحااول يبعد من السياارة سرعة خياالية مدااابز مع الديريكسيوون بزز وهووبااا وأخيررا قدر يتجاااوزها بمشقة انفس تنفس الصعداااء لولا ربي لي حماااه كااان هيجي فالحييط الموووت بانت ليه فعينيه لوهلة كان تيشهد بينو وبين نفسوو ... فسبيلها يقدر يلوووح رااسو للهاوية حييت ربي بوووحدو لي عاارف حبو ليها فيين وصل تعدا الحدوود كيعشقها ميقدرش يشووفها طارية ليها شي حااجة ولا تمووت لا قدر الله ممهيكملش حياتو عادي يا يحمااق يا يبقا حي وميت معندو تا أمل فالحيااة بلاما يوقف السيااارة بقا غادي بلا عقل مهيهدى ولا يكن حتى يشووفها قداامو ويعرف ماالهاااا
بسرعة وبعد مدة طرييق وصل للمينااء
كانت واقفة تا حساات بيه جاا وقف حداها تنهداات تترجع شعرها لوور متوثرة
هي : اوووف دويتي معاه جااي
هو : ااه راهو جااي كنضن ما بقا ليه والو يوصل هير نخلييك دابا يااك
هي : لاا ستناا باقي قداامك خدمة أخيرة ضبرتي ليا باطو وكلشي مهم بقات حاااجة وحدة هتوقف برا ومنين يجي تصرف كأنك خاايف متوثر كأنو بصح واقع هادشي والا قاليك فينها جيبو لعندي دخلو وسد الباب من برا بالساارووت الثاني لول راه عندي
هو : اووك مشااات
هي : فلووسك هيوصلووك فالكوونط بعدما تسد الباب مبااشرة
هو : اووك
خرج فرحااان ومشا تيتسناا حدا البااب وقتاش يجي زكريااء
فجهة لخرى زكريااء واقف فالمينااء معارف باش يبدى ومنين يدووز تيقلب فالفوون تا ديك النمرة صونات عليه بلانكوني ميمكنش يعاود يصوني عليها
ها تا كيوصلو مسااج من واحد النمرة
" نسيت معطيتك المكان بالضبط االباطو البيض لي مقاابل مع الراافعة راه فييه العلم المغربيي متعطلش راه الامر خارج على السيطرة "
زكرياء ضرب على راسو نساا ميعلم البولييس ولا إسعااف
ضرب على راسو مفيه لي يتسنى حد خااصو يطمأن عليها كيفااش هيديير
مسح على رااسو وتنفس بعمق :
- هووووف خااصك تمشي ازكريااء سربي شدها جرية تيقلب بين الباطوواات تا بانت ليه الراافعة قرييبة نيش علييها وبقا شااد لعباار تا كتبان ليه
غادي بزربة ورجلييه مهازيينوش خصوصا فااش شاف الباطو وتيقن بلي راه هو زااد حقق الشوفة وبانلو هاداك لي واقف قدامو تيبان عليه التوثر والخوف تاقن الدوور تا
زكرياء : فتح ااااسييي فتح شهااد القوااادة واا هيااا اععععع فتح زدح الباب برجلييه بجهد تسمعاات بووووووت بجهد كان باب ديال لحديد
رجع للور كيمسح على رااسو بعصبة
زكريااء : ينعل z**اامل بوووك اععععععع
ورجع خبط الباب
تا كيسمع صوتها من ورااه :
- مهيتحلش ليك
زكريااء داار لورااه يشووف شكوون
داار وهو يوقف مصدووم هاهي قدامو بشحمها ولحمها ومطاري ليها والو صحتها عال العال فين هو النزيف وسخفاانة وغاااع ديييك الدراما لي سمع فالتيليفووون للحظة بان لو رااسوو حماار هادشي كاامل لي دار علا قبلها
كان هيموووت ويدير حادثة سير خطيرة على قبلها فالاخير راها لاباس ومطااري ليها والو هير تفلاات علييه وصاافي
تعصب لأقصى الدرجااات الهضرة مبقااتش بغاات تخرج من فموو مشات بيه رجلييه لأقرب كرسي جلس فوقو كيستارااااح لوهلة قوااه خرت وغاااع داااك العذاااب لي تعذبو باش يوصل ليها تبخر تلاشا فلمح البصر .
تنهد بقلة حيلة مهبط راسو لتحت تيحاول يسترجع قوااه
تا نطقاات
أميمة معفرة باغا تصالحو ملقات هير هاد الطريقة باش تجيبو حيت عارفة مهيدويش معاها خصوصا بعد الشي لي طرا فلافااك : جبتك باش ندويو
زكريااء تنهد من أعماقو مبااغييش يتزاايد معاها فللهضرة هيصدق قااتلها عصاا يدوو سلييطة الا ضربها هيقتلها ماشي هيدوخها وخصوصا بنت مهتستحملش ضربو تيولي همجي حد ميقد علييه من موور دااك البروود كاامل كااين وااحد الشخص لي يقدر يقتل فااش يتعصب متيحسش برااسوو
زوبعة ومكيطفييه واالو
كمش يدييه بجهد تيشووف للأرض باش يتكالما ولو شوية
وهي جلساات تتشوف فيه من بعييد عرفاات بلي دارتها بييه ولكن دافعة سنطيييحة
خاصو يدوي معاها وربي كبير مهم ميخرج تا يدوييها
زكريااء بالثقال : واش عارفة راسك ااش درتي ولا لا
أميمة : لا رد
زكريااء تنفس الصعداااء وسكت تيخمم شحاال
أميمة بقات جالسة مكمشة هي بحدها لي عارفاه فاش تيتعصب ااش تيدير ياما سلخ دراري بسبتها ولكن متتحشمش تتقلب علييه وعارفاه ميقيصهاش حقااش تيبغيها
ضرب يدوو مع الأرض بالجهد تا خرج منها الدم
وهزها كتقطر جامعها كلكمة
هي تخلعات علييه لكن مقاالت والو خايفة على جلدها
تكمشاات بلاصتها خاايفة وااحد ربع سااعة والسقييل هو لي داير مع الهوااء دالغرفة
هي تتفكر مع رااسها أشنو الحل
جابتو لهنا ودارت هاد الحركة كلها ها باش ميبقاش معصب منها تتشوف فيه من بعيد وهي فتردد كبير واش دوي معاه وتعفط على كرامتها ولا تخلييه بحال ديماا ولكن هيهاات غروورها فوق كلشي 😌 حتى التفكير فالحزاارة تتعصبها منرفزة ها بحدها باغا تصالحو بلاما دوي علاش ميفهمش رااسو ويجي هو كيما ديما 😐 بقات كتدور فراسها بنرفزة قتلها هاد السكااات بغاات تكسر حاج الصمت لي محيط بالغرفة حمحمات بتهكم
أميمة : احم احم
دار لعندها كيشوف فيها بنظرات جامدة ورجع بشوفتو لفين كان كيشوف قبل فدااك السرجم الصغيير لي مضوي الغرفة
أميمة (غمضات عينيها تتبزز على راسها) : اش كدير ؟؟
زكرياء : وشنو هدفك الى عرفتي
هبطات راسها الدمووع تحقنو فعويناتها شهاد الجموود كولوو لي ولا كيكنو جيهتها 🥺
حاضيها بنص عيين باغي يدويها ولكن زاادت فيه بغرورها
ناضت من بلاصتها لعندو تتمسح فعيوونها مستسلمة كليا جرااتو من يدوو
أميمة : مباغيش دوي معاياا عرفت من حقك مهم نوض نحل ليك الباب بانلي مباغيش تشوف تا وجهي بلاش منبقا عاصرة عليك عندك ميدار
زكريااء مع كل كلمة منو تيزيد يقرب لشفاايفها : ولااش جبتيني لهنا وجلستي تخيطي وتفصلي ها بحدك همم وحابساني زعما باش ندويو فالاخير مقديتي والو 😈
أميمة : 🥺 نتا وليتي تتكرهني
زكريااء قبل مكتكمل هضرتها دمج شفايفو مع شفايفها بطريقة همجية كيتخلص فيها من غاع دااك العصااب لي ركباتو فيه ودووك التقلييقاات وهي مخليااه على رااحتو تيبووس ويعض فشفاايفهااا مغززهم بيين سنااانو بقوة مرة مرة كيتقلب مع القبلة للجيهة لاخرة متحكم فيها كلياا هي تتحس بفمهاا كيتلقا هجماات مترددة
بدات كت ام امم وسط فموو لعلوو يتفكر بلي رااها على قيد الحيااة لابل كتحس بكل حركة كيديرهااا هو طلق من يديها لي كان جامعهم لفووق وكالا بيديه على الحيط باش متلقا منين تهرب
أميمة : امم زاكي اممم
زكرياء ممسوقش ليها عاد مزايد فيه شي لي خلاها بدوورها تمرد على شفاايفوو وتباادلو همجيتو بداايتة بقبلاات همجية مرورا بعضاات خفااف حتا زعمات وقلبااتو هو لي ولا ضهرو مزادي مع الحيط
مشاات بيديها من خصرو طالعة بيها مع عضلات كرشو مرووراا ببيدييه مخلاتش فيه
أما هو فكتافا يحط يدوو على خصرها ويزييد يقربها ليه كثر تا كتحس بإنتصاب رجوولتو عند كرشها نظرا لأنها قصيرة علييه
زكرياء طلق منها بعيوون منيميين بزز مزنغ وهي بدورها
تجمعاات لازمة حدووودها
تيدورو فعينيهم منين جا الصوت
تا كاات بان لييهم واحد الفاااز كبيير فووق واحد الطبلة طااح تشخشخ تعجبوو كيفااش طااح بووحدو
مشا زكريا يشوف ها تا كتخرج ليه واحد الطوبة قدها قدااش تتجري هي لي دفعاتو مجا فين يضربها تا مشاات جهة أميمة لي عوااجت ليه تما تتخااف منهم نساات حاالتها وكي ولات بدات هير تتنقز
صمتا يا مغرورة الجزء الثالث
محتوى القصة
التنقل بين الأجزاء