تورية:شششت مغدوزيهاش عليااا بجوج دميعاات شوفيي ابنتي نجيك.من اللخر هزي حوايجاتك وسيري الله اعرضك السلاامة باش تانتي تبقاا بخيير
كوتر(قفزاات باست ايدك تورية كتبكي))عفاااك اخالتي والله منعاود هئ هئ كلشي من لحاااجة بقات عليا ديري فعلييي تالشيطاان عماااني هئ هئ والله مفنيتيي شي حاااجة اخالتيي الله اخلي ليك وليداتك سمحي لياا
تورية: راه مكيدخل بين لمرا والراجل غير الشيطااان ...على وجه مك لي مشفت منها غير لخييير غتبقاايي ولكن رااه نحصل عليييك قد هاكااا متبقااايش هنااا ...مباغييين مشاكل خلينا هانين اكوتر كنتي عزيزة بقاي عزيزة نتيي تبارك الله زييينة ودروييشة غيجيب ليك الله لي يعزك ويديرك فداارو واش امجيدد لي كاااين لااا مجيد خدا لي قسم ليه الله وهاد لفعايل معندها مدييير ليييك
كوتر:وخة(مسحات عينيها)سمحيلياا
تورية:هادي داازت اكوتر
دخل مجييد وكمش عينو وقال:مالكم
تورية:والووو...كيبقات رجلها شوية
مجيد:شويية ...ربي دار لخير اما تهرس تشد لرض (شاف فكوتر
هز لي بغا من للكوزينة وطلع لداار لفووق وقال:ادم يالله معاياا
زهور(حطات تيليفون)فيين (دلات شنايفهاا)وانااا
مجيد:نتي شدي لرض ...غنخرج مجد انا ونعماان ونديو تا ادم خرجة بين رجال نتي اش غديري وسطناا تغني!!
مجيد(شاف فيه وشاف فلكاميراا ) طارت من بااليي والله صونا لعساس ل مكاانش تماا مع شتاا ...وقفوو جنب لقااعة وكاين لي بداا كيمشيي مع تعطل لحاال وقف لعساس ودااهم لدااخل فين كانت لكاميرا بدا مجييد كيرجع فيهاا وغالي ورااه هوا ونعماان تشافوو ادم خرج كيشووف فجييه ويشوف فجييه وضربها بجريية على اترها خبط مجيد ايدوو مع الطبلة
غالي:علمو ابووليس ....الليل هداا الله احفضوو
مجيد:هرب !!! واش هداا مكيفكرش ولا مالووو
نعمان:نااري عليه لعرفاتها مو بات تسطااا
خرجو من تماا ومجيد بدا كيصووني لصحابو فلبووليس ركب على طموبييلتوو ومشاا لبووليس في حين نعماان ركب مع غاليي وكيورييه منين يدووز والوو مكاااين الاتر ...
بلمعرفة خرجو لبوليس ديك السااع من بينهم مجيد لي رجع كيقلب وفينما يبانليه شي ولد صغيير يسني فيه الضو
روينة نااضت وزهور دموعهااا شقو طرييقهم
راضية:غيكون غير تلف دابا يلقاااوه هي صبريي. ابنتيي
تورية:يااربي على زهر ياربيي
زهور:هئ هئ لملقيتوش نقتل راسييي هئ هئ
سلمى:اعود بالله من الشيطان الرجييم ...غيلقاااوه هي صبريي
حط ميجيد الطموبيل ولا دااخل بين زنااقيي كيقلب وو لي شافوو كيمشي يسولوو او يوصفو او يوريه تصويرتو فالتيليفون بدوون جدوا كل مرة يصوني لنعمان ولا لصحاابو مكااين والوو ....كيفاش غيشوف فوجهاا الا ملقااهش ....
غالي:كاينين جرادي هنا يقدر يكون دااخل هنااا
نعمان:جردة بها الليل مكنضنش ...
غالي:اودي راه دراري صغار يتخباو فشي بلايص ميطيحوش ليك على لبال
نعمان:فايتا واقعة ليك مع بناتك
غالي(تبسم)اودي انا واقعة ليا مع مهم ملي كانت صغيرة تهياا تلفاات وانا لي ديتها لداارهم ...(تنهد)ولكن لولد هررب ماشي تلف مشاكيل صافي
نعمان: مو لي غتشوكا فيها وصاافيي ...وقف وقف هنا نشووف
(شدهم)هوا الدنيا ولات عااامرة دراري صغاار ولكن داز واحد لبعلووك بووحدو كيبكيي يمكن تاالف
حرك راسو مجييد وزااد ودراري هربو عرف راسو دارت بييه وتبعهم وقال:ولاد ل تفوو على نهاار
وقف كيمسح لحيتو من لماا غير ضو تاع الزنقة لي مضوي ...كمل طريقو ومرة مرة يصوني لنعمان يصوني لصحابو تاحد معطاه خبار تفرح ...جوج تليل وصلات ومزال تحاجة مكااينة ...
غالي:نتمناو هي يكون بخييير...لوقت خياابت بزااف على لي كبار حسب الله صغار ...الله الطف...
اما مجيد فراه الارض دارت بييه فقد الامل يلقااه وتيفكر كيفاش ايرجع ويشووف فزهور ويقوليها ولدك ملقيتووش ولدك تلف صافيي ...دخل فزنقة مضلمة ديقة وريحت لقووادس عطاا دفل فلقنت لاقي حجباانو معصب لاقصى درجة قابل للانفجار فاي لحضة
اما ادم كان كالس فدرجة تاع واحد الداار مخبي من شتا تيبكيي مرة ينعس مرة يفييق فيقوو صوت كلب وقفز من بلااصتو كانو اصوات لكلاب بزااف تكمش فبلااصتوو كيبكي كل مرة يطل كيبانو جنب طريق ضايرين بلبركاصة وقف كيتمشا بشوي وغادي شاد فلحيط كيبكيي وكيقول :هئ هئ مامااا انننن هئ هئ
اما لفوق عند رجال شربو اتاااي وتعرفوو مجيد وغاليي وداو وجابو فلهضرة تولا نعمان كيتاوب جمعو لوقفة وهبطو ..عيطات ليه سلمى هز جواهر وهيا نواار وخرج سلمات عليهم وتبعاتو
سلمى:نتلقاو فساعة حسن
زهور:ان شاء الله
سلمى:جي عنديي مرحبا بييكم لا نتي لا خالتي تورية
توربة:ترحب بيك جنة بنتي
سلمات عليهم ومشات عند راجلهاا هزات زهور ادم وطلعات لبيتيتهاا فااشلة بدلات ليه دايخ بنعاس وتكاتو فوق سرير ومشات بدلات حوايجها ب بينوار وسروالو ...كلساات فوق لفوطوي كتشوف فشتاا خفيفة كطيح على لوريدات لي فلبالكون حتى تحل لباب منتابهااتش كانت غاايبة نهائياا على وعيهاا ...سد لباب وتوجع لجيهت ادم دخل ليه رجليه تحت لغطاا وكلسوراهاا لاح راسو على لمخدة كيتنهد شاف جيهتهاا وتعوج تباسهاا من كتفهاا وداعب ايدها وقال:دوزي تنعسيي اكبيدة
زهور(تنهدات)فينهوا نعااس امجيد فين
مجيد:ولدك حدااك شنو بغيتيي ...لي وقع وقع وددااز معندك لاش تشغلي بالك داباا
زهور: حرت امجيييد والله
مجيد؛فاش حرتيي...هيي ضوري عنديي وهضري
زهور تقاداات جيهتو تانية رجل ومسرحة رجل مسحات وجهاا وقالت:قلبيي مقبوووط امجييد مقبوووط علياا بزااف ...الى وقعات شي حاجة لادم غنمشي فيييهاا والله ...ره حياتيي هواا على ودوو خدمت نهار كامل على ودوو كسيتو هوا وبقيت بلااش باش نكبرو كي بغييت وفاللخر يمشي لياا غنحمااق
طلقاات ضحكة على اترها قال:احح ايمانو على ضحيكة كتنوض سواكن
زهور:صافي سير سير برااكة ههههخ
قطعات معاه كضحك وكلساات كترسم مع ادم بحكم مع شتا قليل فاش كيجي بناادم لمحل وحتى راضية مجاتش ...وصلات الربعة وقفات طموبيلتو جنب لمحل هزات عينيها وترعات فمها بتمسييمة من القلب خرج من الطموبيل وشافها ضحكات وحط ايدو على قلبو عاض على فمو جاب ليهاا الضحك توجه جيهتهاا داعب شعر ادم وقال:افين ابوبي ههه
زهور(ناضت باستو فحنكو) توحشتك مليي مشفتكش صبااح
مجيد(عوج فيها راسو)سعدااتي ب تمغارت اينو (مراتي) نمشي نبدل نرتاح شوية ونخرجو واخة
زهور:وخة نسد لمحل ونجي
تسناها تسداات وعاونها فلباب سدو ومد ليها سوارت وتوجهو لداار طلع هوا لبييت من بعد مسلم على دارهم وهياا دخلات لكووزينة كتعاون ف كوتر على كاسكرووط لاخييرة لي دخلات سوق رااسها من ورا هضرت تورية حطوو كاسكروط ف الصاالة نزل ممجيد كيصفر كلس جنب خوه مجد كيعنكش فييه ويلعب معاه وادم كيشووف ويرمش فييهم شافو مجيد وقال:اجي عنديي
ادم(وقف ادم كيلعب بايدو ومشاا عندوو وقف قداامو فتح مجيد رجلوو وقربو ليه
ادم(حرك كتافو ب معرفت وجرو مجيد كلسو على ركبتو وجبد مجد تيليغونو تيوريه فلانواع تاع لكلااب لي كاينن ناض من فوق رجل مجيد فلوقت لي كيهدر مع تورية وكلس حدا مجد حطات زهور كاسكروط وكلسو مجمووعيين وقت وجيز توقف مجيد :انووض نلبس عليا دغيا ونزل وكلي ولدك دغيا باش متعطلييش ..
مجيد(هز عينو فيها وبقاا ساكت ورجع وقف هز صاكو وقال:لاا ملقيتهوومش يمكن فالطموبيل كنتسناك لتحت متعطلييش
خرج ومشات لبساات حوايجها في حين هوا جبد لفنيد وكتب سميتو فالروشييرش جبد لبكية لقاها شربات منها جوج بحكم عاد فاتها لي غيكل وفيها جوج خراين مزال مبداتهوم يعني ماشي اول بكيية تاخد يعني هادي ست شهور كتشرب لفنيد بلا خبارو باش متحملش...شافها جاية وخشا لكرطونة ف لبواطة تاع الطموبيل وحط التيليفوون طلعاات وتحرك بالطموبيل من بعدما جبد كااروو شعلو وخرج ايدو من الزاج كيكميي وجامع حجبانو سااكت
زهور:ماالك
مجيد(بدون ميهز عينو فيها) منكمييش!!!
زهور:غير شفتك ساكت قلت ماالك
مجيد:ما مااليش غير ضارني راسي شوية
يالله بغات تهدر صونا تيليفونها كانت ختها حسناا شدات معاهاا جمووع كضحك وعاودات ليها على لباارح توصلات لمدرسة وقطعات باستو من حنكوو ومشات لمدراستها بقا متبع ليهاا لعيين وبقا واقف مدة عاد تحرك ...
دخلات لكلااس وكلساات وصلها ميسااج من سلمى وجاوباتها شدات جماعة معاها تدخل رضواان وتبعات معااه ...دازو السعات كيجرييو خرجات وكانت شتا كتنقط شوي بدات كتصوني لمجييد الاخير مكيجااوش وتعاود تصووني مكيجااوبش سمعات لكلاكصون وداارت بانت ليها طموبيلت نعماان تبسمات ومشاات عندوو لقات جنبوو رميساء نزلات سلمات علييهاا وتحنات عند نعماان
ضرب فلكوافووز تقفزاات وبداا كيغوت محيح:اش غتشرحيي ليااا اش عند طاسيلت مك ميتشرح ... بلا خباري كتشربي فداك السم ست شهور دايراني كي لحمااار فينما نقولييك لولاد تقولي قريب ان شاء الله ...هادو هوما فعاايلك هادي هيا التقة لي مصدعة ليا كري بيهااا
زهور(خنقاتها ريحت شرااب وخاافت يجمعها معاها بشي ضربة تنسيها سميتها معرفات باش تبرر ولا اش تقول ليه تبردو)مجيد غير فهمني عفاااك ...انا كنت بغيت تنسالي قرايتيي وديك السااع نحمل مبغيش يوقع ليا كيف وقع فاللول
مجيد(بلغواات كشاكشو خاارجة )عينييي ازهور كون طلبتيهم نعطييهم ليييك ولكن نتييي نتي سر مك هي لعصاا ويحبسك لوااحد فشي بييت يبقا يعطيييك تاتقااديي مال مك هكا دااايرة مااالك ...مال نيتك غااارققة ...عزيز عليك لكدووب وتخبييية ...حطيت ليك وراااقي كلهم بييين ايديييك ...درتك وحدة منييي وعطيتك بلاصة عمر شي بنت لمراا وصلات ليهااا ...باش تبقا التقة بيناتناا بعت داااريي لي شحفت بااش شريتهاا غير بااش منخسرش هاد زواااج تنوضيي نتي من اللخر ...اش ندير نشرب لكينة تنديير مستقباليي ...ولا مصدقش نخرج بجوج ولاااد ٧دشي لي ضاار فدااك لخرا لي عندك حشاا وااش عقلل
زهور(بلغوات)اااه اااه كنبغيييك وبزاااف ولكن منقدرش من لول نولد منقدرش ندير نفس الغلط امجيييد حاول تفهمنيي واش كتشووفيني واحلة مع ادم مزال مولف كيغاندير لهاد لولد التاااني شكون ضمن لياا مغتصبرش على اددم ... واش من شهر اللول نحمل واش حماقيتيي كنت تنقول هي نمشيي لدااري وغنلووحهاا كنقسم ليك بالله امجييد غير فهمنيي والله منويت شي حاجة خاايبة
مجيد:نتييي كتبغي رااسك كتبغيي ولدك انااا هي زااايد حيت لمرااا لي كتبغي رااجلها كتصااارحو فهمتي امداام كتصااارحو بغيتي تشربييهاا شربيي تاا عشر سنين ولكن تكون فخباااري ماشي ورا ضهرييي كي لحمااار ....نتي لواحد ماشي هي يسكر علييك يمشي على ديلمك لحبس بقلب بااارد
زهور(بدموع)حشومة عليك امجييد
مجيد:حشوومة عليك.هيا نتييي انااا كامل تفليتي علياا نتي كتبغي هي رااسك مكتسوقيي لحد (طلق منها ورجع اللور)ها الديبلووم بخريي بيييه ملي تشدييه....ديوي لي عجبك.ورااه نعل جدوو هدا لي بااقي يتسوق لييك
زهور(شداتو من ايدوو )عفااك امجييد سمحلياا حاول هي تفهمنيي
مجيد:شفتي ديك التقة لي بنيتها اناا هدمتييها نتيي ضبري لرااسك دااباا ...لهاد الدرجة ازهوور مزال متاايقااش فيااا لهاد الدرجة مبغاش تحملي منيي ...هازك على كفوف الراااحة ولي خسر خاطرك نخسر خااطرو باش فاللخر نتي تخسريي خااطريي ...ملي نتيي فيك هاد الشك كاامل وهاد زمر كامل داييرااه...لاش تزوجتي بيييا ...لااااش(بلغوات)كون هي خليتيني زوفريي ديال رااسيي باش فاللخر ضحك علياا برهوووشة
دفعهاا تطاحت فقنت سرير مشا هز مخدة وردخ لباب تاقفزاات ...كلسات كتبكي وتلعن فرااسهاا ولتحيماريت ديالها لي خلاتها تسكت وتبعات هدرت مهاا باش متحملش من اللول وتصدق لا قراية لا خدمة وادم ماشي شي ولد سااهل ...مشا لصاالة لقا ادم فايق ومكمش فلرض من صدااع شافيه مجيد وقال:سير عند مامااك
مزادش معاك لكلمة ذار من حدا رجليه كي لفاار ودخل عند زهور كيجري لقاها مكمشة كتبكيي
ادم:ضربك !!!
مجاوباتووش هي كتبكي على زين زهرهاا هاد لمر غرقات فيها من ساسها لراسهاا الغلط راكبهاا ومعتارفة بييه كانت كتقوول غتشربها وتحيدها بلا ميعرف تكوون دارت بلااصتها او ولدها ولف باش متلقاش مشاكيل وتسماا هملااتوو انانية فتفكيرها لابعد حد فكرات فراسها فقط مفكراتش فالطرف التااني فالقصة لي هوا مجيد لانساان لي عطاها معطااتوو كيعطي وكيتسنا منها غير الدفئ كل ليلة ...
اما مجيد لاح لمخاد بالزعفة حجبانو مكرونين معصب وداتو كتفور بشراب حبس راسو هي بزز اما كاان غيعطيهاا لي عمرها دااقتوو حيت حس بقيمتو زايدة نااقصة كلمتو معندهاش وزن عند زهوور وخاطرو لهلا يقلب لييه ...كلس على لكاروو يسالي واحد ويبدا واحد تاتسالات لبكية لي عاد حلها بلا ميحس رما كلشي تقييل وعينيه نقطة من الدم لبيض ولا حمر بشراب والدخان ولعصااب معسلاات ونفسو تقالت ...لاح تقلو على السداري غاطس راسو فلمخدة
نعسات ادم بزز ولبسات حوايجها من لبرد وخرجات لقات الضو شاعل فالصاالون طلات بان ليها نااعس بسبااطو رجعات ادراجها جابت ماانطة من لبييت سخونة حطاتهاا حيدات لييه السبااط ودمووعها كيقطرو عرفاتو جاب لكاو بشراب ولكارو هزات ليه رجلو فوق السدااري وسرحات مانطة داعبات لحيتو لبييضة هزات عينيها فايده ليي على عينيه عروقها باارزيين من كترت لعصااب تنهدات بديق حاطة ايدها على قلبهاا بقات شحال كالسة حدااه ونعااس طاار طفات الضو ومشاات لبييت جمعات لي تهرس ومشات نعسات حدا ولدهاا تصبح صبااح ...فاقت على الصوت الريفيي راسها مشقق حلات عينيها لقات الضو شااعل ولماا فالدووش عرفاتو كيدوش ...خرج من الدووش لاوي عليه فووطة وصدرو كيفور بلما سخوون داير فوطة على راسوو كينشف فشعرو ...مشا نيشان لماريو جرو كيجبد ميلبس وزهور متبعة ليه لعين قالت باحراج؛صباح لخييير
مجيد(هز عينو فلمرااية ورجع هبطهوم بلا كلمة بلا جوج لبس حوايجوو او واقف كيسد فكمام لقمييجة ...ناضت جيهتو وعنقاتو من اللور وقالت:سمحلياا اخر مرة امجيد عفااك(هزات راسها جيهتوو ملقات حتئ نضرة)مجييد عفااك
زهور(مسحات على وجهاا باسف )لقاني كنشرب لفنيد بلا خباارو ...تعصب ومخلا مقاال لياا ولكن من حقوو كل مرة كنخبي عليه شي حااجة
سلمى(تنهدات) واش نتي حمقة واش كاين لي كتخبي على راجلها بحال هاد لموضوع ازهور سمحيليا يدير فيك لي بغا مغنجيش من جيهتك ابداا...هاد لموضوع بالضبط ازهور كيخص جوج انااس ماشي غير بووحدك
زهور:مفكرتش فهادشي كلو غيوقع كنت تنقول هي نسالي الديفيلي او نحيدهاا راه حتى انا بغيت نحمل منوو مكرهتش ولكن انا ضروفي معقدة الديبلوم من جيه ادم لي كنحارب معااه حتئ نعاس بوحدو بزز كينعس غير بلبكاا ونزيد نحمل غنهلك راسي ونهلكو معاياا
سلمى:مقلتش ليك لعكس...ولكن هدشي كان عليك تقوليه فاللول ماشي حتى عرفك.كتااخدييه .(مسحات على ايدهاا)حاوليي معاه تاتصاالحو وتكون اخر مرة تخبي عليه موضوع كيخصكم ديما هوا لي تكون فراصو ..هوا غيفهمك غير خليه تيبرد وتناساا شوية
دازت تلت اياام على نفس لحاال مكيهدرهااش تا من تورية لاحضاتها كيكلس معاهم شاد التيليفون وينووض بلا تا كلمة فارقق معاها لفراش هوا فالصالون وهيا فلبييت كتعيا تهدروو وتبكيي ومنخلهاا كيوصلها لمدرسة سااكت ويرجعها سااكت مصورات منو لا حق ولا بااطل عياات معااه
دخلات عياانة لداار سدات لمحل بكري ودخلات لداار دخلات لكوزية تلهي راسها شوي بينما دخل مجيد وادم وفعلا وجدات كاسكرووط تدخلوو سلم مجيد على تورية وكلس حداهاا
تورية(غمزاتو)داخلت عليك بالله مالكم
مجيد(حك عينيه)شكوون
تورية:نتا وزهوور
مجيد:والو(دار رجل علب رجل كيمسح بايدو على السروال)برا شي برد خاايب
تورية:براكة من تدوار لهدرة وكولياا ماالكم
مجيد:واالو اتوورية سيري سوليها اشش داارت
تورية:مبغاتش تقوول
مجيد:علاه داكشي فيه ميتقاال بعداا خليهاا تشوا مزياان نيييت
نعمان:شوف انا متاافق معاها على عاميين خطبة هكاك بينما جمعت رااسيي او فرشت وقاديت ...هاد الساعة مكنفكرش نسكن بعيد على هناا ...قلت الفوق ايبقا خاوي نستغلوو ونيت كيف قلتي متبقاش الدار خاوية من ورا متمشي نتاا
مجيد:انا ماشي ضد زواجك انعمان خفتك هي تزرب وتصدق مضيع لبنت معااك نتا يالله خدمتيي مزاال عاد بديتيي
نعمان :هدشي كللو عارفوو ومزربانش على زوااج مجرد خطبة وصافي
مجيد(شافيه)مصاحبيين فلحلال وصاافي يااك .
نعمان:هههه كيما بيتي تفهمها اباا مجيد هي قول داباا شنو
مجيد:وخة امتا بتخطبهاا
نعمان:شنو بان ليك وراا السنوية ديال لواليد الله ارحمو
حل فمووودارت ليه لمعلقة سرطو عاد برداات لكحبة شوي ورجع تكا فبلااصتوو قدات عليه لمانطة وجابت مانطة من لبيت ونعساات ورااه مغمض عينيه وحاس بخذواتها تطفات الضو وحس بيها ورااه اللهم تنعس حدااه ولا كل واحد فقنت ...منعسش هوا باقي لكحبة ديرونجاتو ...كل مرة تفيق معااه ولا تعطييه لماا ....
صبح صباح حلات عينيهاا لقات الضو داخل من الشرجم لقات بلاصتو خاوية ونااضت تسمعات الريفي من تيليفونها كيصوني عرفاتو مشاا وبدات كتفيق فولدهاا لبساتو وفطراتو وسيفطاتو لمدرسة ..هزات تيليفونها صونات لمجيد الاخير جاوبها بصوت شبه مسموع بااح
زهور:كيصبحتيي
مجيد:شوية ...مشا ادم
زهور:ااه مشاا عاد داباا ...شربتي شي دوا
مجيد:خديتو هاد صباح ....من بعد ونصوني لييك ازهور عندي لخدمة
تورية:جبتيها فراسك تاني الزغبيي ....هلكتي داك صدر بلكارو تولا مخرشش
مجيد:ففف خاصك هي امتا تبددااي
زهور:عندها الصح غتهلك ريتك بلكارو امجيد
مجيد(مجاوبهومش غمض عينيه لي فراسو فراسوو خرجات تورية نزلتت قربات زخور لجيهتو مسحات ليه على جبهتو ولحيتو بحب طلعات جيهتو وتكات حداه خز راسوو وحيد لقب وحطو على صدرها تبسمات تلقاائياا ودورات عليها ايدهاا بقات كتحك ليه فشعرو ولحيتوو تحسات بييه نعس ...بقات هكاك تاترخاو عينيها بنعااس وبدات كتنعس تحل لباب ودخلات تورية بغات تقاد زهور ملقات كيفااش كان لايح عليها ايدو ...شافت فيها مزنكة الاخبرة مدات مجابت وقالت:لنعس نوضي تغدااي بتبقاي بجووعك
زهور:و وخة اخالتي شوية ونزل
تورية:يكما باقي سخون
زهور(فهاد اللحضة هيا لي داتها سخناات وتزنكاتت)لاا
خرجات تورية وتكات زهور عاضة على فمهاا من لحشمة رجعات كيف كاانت كداعب وجهوو ...توحشاتو جنبها ونفسو حدا نفسها حتى مسخاتش باقي تنووض سمحات فكرشها على هاد لوحش لتوحشاتوو وحسات ب بلاصتو خاوية ...تحرك شوية لبلااصتو على ضهرو وقال:نوضي تغدايي
خبطات تورية جناابها وقالت:اويلييي (حطات ايدها على صدرها وكلسات فااشلة )ان لله وان اليه راجعوون ياربيي تصبرها كي صبرتينيي يااربيي تعوضها فوليداتها كي عوضتينيي ...احح على تاج الراس ملي كيمشي يا بنيتيي احح على لكية لي متبراا يا بنتيي
طاحو دموع زهوور من هدرت تورية لي دموعها تلقاو ناضت بزربة لبساات عليهاا عباايتهاا وشالهاا كتبكيي وخرجوو لقاو مجيد نازل بشوي باينة فيه لمرض واقف هي بزز
خرج الطموبييل وركبات زهور اللور سااكتييين تدخلو لهدى بلاصت لفيلاات لقااو واحد الشارع عامر طموبيلاات قدام الدار غير شافت زهور هكاك ودارو دموعها فرر مبغاو شيحبسو مزااال
نزلات هي وتورية او نجيد مشا عند ولاد رااضية لي كيعرفهم من شحال هداا سلم هليهم باسف وصبرهم واحد وااحد ...تفكر فقدانو لبااه فوقت حاجتو لييه ...
تورية: وربيي لي بغااا صعييبة فايتينك هي بصبر ...الله ارحمهمم ويصبرنا
مشااو لمقبرة دفنووه ورجعوو ومجيد كيحس بدووخة ومع داالك صاابر او وااقف معاهم دغييا تبنات لخزاانة مع النااس كتييرة بزااف وتفرشاات وتقداات وتريتور ولا كي لعزوو كي لفرح ...
مجيد: هد السيمانة غنمشييو لدار ان شاء الله....بخاطرك؟
تورية: الله اعاونك اولدي ويرضي علييك فوت عليك هي لبلية
مجيد:هههه لا نتوما متافقيين عليي
تورية: كلشي فيك زين تال شراب
مجيد: الله ايجيب لعفوو ههه
ناض من بعدما كلس معاها مدة تضحكاات ونسات شوي عرفهاا اتكون واصلة ليها لعضم من جيهت بااه ولمووت ...بقل معاهاا تبغات تنعس وناض طلع لبيتو لقا زهور نعساات حيت تعطل حيد لقبية وتخشا حداهاا جرها جيهتو كيلعب فشعرهاا ونعاس طار من عينيه بالتفكيير ...خرج لبالكوون كيشعل فكااروو ونتر منوو وخرج الدخاان وتحناا علب لحديد كيتفرج فشجر لي كيديه الرييح
يوم جديد مشات تورية وزهور طلو على راضية ورجعو ادرراجهم لداار طلعات لبييتهاا ملقاتش مجييد وجبدات لبالز كتجمع فحوايجها وحوايجوو تطلعات تورية كتعاونها ومجمعيين كل مرة تعاود ليها على زبايل مجييد فصغر ويضحكو عليهم تدخل مجييد
مجيد: اش تجمعتو هناا كديرو
زهور: ههه والو كنجمعو وصافي
باس زهور فحنكها ومشا كلس حدا موو كيعنكش فيهاا ...
مجيد: الى جمعتي حوايجك كامليين فوليها باش نعيط عليهم يهزوو هدشيي وخة هنا مشيت نجيب مجد ...
فضرف نهاار جمعات زهور كلشيي فرحانة لداارها جديد بووحدهاا فعلا مشافت من تورية غير لخيير ولكن لواحد كيلقا راحتو فدارو بووحدوو ...بقات كتجمع فداكشي لي بقاا ومشاات هيا وتوريية تقدااو لمااعن لي خااصيين شراو كلشي من اول وجديد وعطاوهم لعنوان حيت كتيير ...
مشاو لدار كيستفوو فلي شرااو ومجييد معاون هوا وخووه كيقاد فبيت نعااس كيركب فييه من جديد كانت مصبوغة الدار بلكري بااارد وكوزينة بلاكارات فلبييض ضايرة كااملة وعاد جوج بيوت واحد خااوي والتاني مصبوغ ف لزرق وحرووف بلوان فلحيط
مجيد: بغيتي تورتي معاها ولاا ههه كيفاش وانااا السيدة بغات تبييع لمحل ديالها وتمشي عند ولادها لبراا شغلها هداااك ملكهاا....قلت ليهااا تكرييه لزهوور وتعطيك كراااه بما انه درتي كليان فيه يبقاو عارفينك قالت لييك بغات باش تعاون بيه مرت ولدهاا وتخدم معاهاا ....ونتي احبيبة اترتااحب. من لخدمة هاد شهوراا تشدي ديبلووم ديالك وخدمي بيه مخييرة
زهور:نرجع تاني نقلب عندمن نخدم فف
زهور:انضرب حسك ...مغتبقاااي تخدمي عند حد معيتييش! اتكملي ديبلووم واناخدو شي محل على قيااسك وتخدمي فيييه غير هدشي مغتخدمي عند حد صاافيي ولا داك لبييت لي خااوي فالاار ديري فيه اتولي دياالك وسالينااا ....دابا اتديها فجزج حواايج قراايتك او دارك لا غيير. ورتااحي شوية من لخدمة شبعي هي نعاااس ...ياك كنتي كتقوليي بغيت هي نصبح نااعسة شبعي محد عندك لفرصة ونتيي ي كطيحي كاو تقولي كيحرتو عليك
زهرة العمر الجزء 15
محتوى القصة
التنقل بين الأجزاء