زهرة العمر الجزء 17

من تأليف لبنى السرابي
2020

محتوى القصة

رواية زهرة العمر

نزلات فاطمة كتقاد ففشاالهاا وقالت:غواتك تسمع من لفووق
زبيدة:اححح طحت على مساسطيي ياربيي دكدكو ليااا 
عادل؛ادم اجي هناااا اددم 
جا ادم جار لمخدة فالضس شاافتوو فاطمة ومشاات لييه غير شااافها وهوا يهرب تخبا عند عادل وقالت كتعرعر:كانت مك كتصبن فيييهم الحمااار ويلي ويليي مسح بيهاا لكوزينة سير الله الكيها ليييك اصفريطيي 
ادم(هز راسو كيهزلبها حجباانوو وكيتخبا عند عادل لي داير ليه لخاطر باش مينفروش منوو داباا) نتي هيا الصفريطاا
زبيدة:بقا شوي ويهز علينا لعصاا دقة ليك دقة لياا 
عادل:يكبر ويعرف 
دخلات لكوزينة لقات لقشور تاع لبنان مزلعين فلارض ساااطت ومشات كتجمع وتغرق وتحط مشات لتلاجة بغات تجبد لحليب لولدهاا لقات لكرطونة خاوية وخرجات شاداهت فايدهاا وقالت :نتا لي شربتي لحليب
عادل؛ياك قلتي صباح مبقااش
فاطمة:كانت باقة جغيمة لنزاار خليتها ليه 
ادم؛جاني جوع وشربتوو 
فاطمة:يااااربي اش هاد لموصيبة تسلطات علي 
غادية معصبة تكانت غطييح بلعقيق ديال التسبييح وضحك ادم وشافو فيها شادة فلحيط ضربوو عادل لفموو وقال:حشووومة 
ادم؛تاهيا كضربنيي ...
اما عند زهور كانو تغدااو وتكااو بقات هيا كتفرج فالصالة لتحت والتيليفوون حداهاا كل مرة تنهد مقادرة دير والو تالمحال معندها خاطر تخلو تمدراستها مبقا خاطر تمشي ليهاا وهياا فهمها دخل مجييد كيقلب عليهاا لقاهاا فالصالون بووحدها دخل وسد لباب تاع لعوود كوليس حيت صالون مقابل مع صالون شي مرات كيكونو ترجال وكيسدوو تبسمات ليه وتقادات فلكلسة 
كانت جاية كوتر وشافتو دخل وحطات ودنهاا عند لباب كتسمع اش كيقولوو
مجيد(كلس وراها وجرها عندو)كيبقيتيي اكبيدة
زهور:شوية 
مجيد(باسهاا فحنكهاا ودور ليها رااسهاا باسها فمها وبغا يعاود او ضورات رااسها كتنهد 
زهور:مجييد عفااك معنديش لخااطر
مجيد؛معندكش لخااطر تالبووسة هه
زهور(تنهدات)مكنضحكش 
مجيد:زهوور وا شبغيتي توقفيي حياتك كااملة تيرجع ولدك ولا شنوو انااا معنديي بلاصة عندك ولا زايد نااقص
زهور:مجيييد فهمني شوياا ...حاسة براسي مخنووقة بزااف
مجيد:الى مخنووقة نووضي نخرجك شويية...بغيتي تمشيي لبحر ....نخرجك فلبحر بحال داك نهاار يضربك لجو ديال لما اتفييقيي !!
زهور:مقادراااش ...خليني غير فالدار مرتااحة
مجيد(بنفاد صبر )ولكن انا مامرتااحش ....واش صافي غير ولدك مكااينش تموتي وتسدي عليييك وتبعدي عليك كاع لي كيبغييوك....كيجي راسي بغا يتفركع بلخدمة باش نضحكك ونخليك مرتااحة ونتي ساادة على رااسك ازهوور ...كضري راسك وكضرينيي 
زهور:قلت لييك خليني فداارنا بلا منرجع
مجيد(بعصبية)مبغاش تشوفي خليقتيي وصاافي نتي مابييك لا عياا لا زمر (ناض معصب خبط الطبلة وهز سواارت وغادي جيهت لباب تعنقاتوو ودوراتو عندهاا بقاا سااكت ...دور عليهاا ايدوو وتمخشات فصدرو كتحك نيفهاا مع صدرو وريحتو الفطرية تغلغلات مع نيفها بحال شي مهدئ فوريي زيرات عليه وتنهداات بعمق حس بييهاا وزايد زيرها عندوو
زهور(هزات راسهاا عندو وبوت مرعد خافت)مجيد 
مجيد(شد وجها بين اييدو تعصر حنااكها وباسهاا ف عينيها بجوج وقال)مساامحك ....مقدرك ....فاااهمك ولكن مضربيش كلشي فالزيروو (حركات راسهاا باه ومسح دمعة هبطاات)ونقصي شوي من هاد لبكا راه ما كيحي مييت ما كيروي عطشاان ....
زهور:وخة 
رجع كلس وجرها عندو كلسها فوق رجلوو وحطات راسها على صدرو كتلعب بلحيتو وقالت بتردد:مقدرتش نحبس راسيي ...او هدرت معااه...كنت بغيت نهدر مع ادم نشوفوو غير واش لبااس علييه هء مبغااش ...كيشويني فكبدتي امجييد 
مجيد(عض على فمو تكان غيجرح قنوفتو وغمض عينيه مزير على قيضة ايدوو مباغيش يتعصب عليهاا وهيا فهاد لوضع براكة غير لي فيهاا ...صبر راسو برااسو وقال: ولدك غيرجع....مبقاش تصوني ليه حيت داكشي لي بغاا....نمشي نبدل حوايجي ونجيي 
وقفهاا وناض مشات كوترر كتجري تخرج وبقات كطل عليه باعجااب مباالغ كتنهد تنهيدة مكسورة من قلبهاا شنو نااقصني وشنو عند زهور ر او معنديش حيدات درتهاا وسرحات شعرهاا الاشقر بصبااغة رطب ويمكن عندها مؤهلاات كتر من زهوور 
دخلات لبيت صغير من لكوزينة جنب بيت تورية صغيير وفيه سدادر وماريو ديال لحييط كيحطو فيه ليي مبقاوش كيستعملوو لبسات بيجامة صدرها وااسع نعل بوو لبرد فسبيل حبهاا ضرباتها بتعكيرة وتكحييلة خفيفة وشدات شعرها بمقبط اللور طلعاات فدرووج كتسلت لتشوفها تورية لي كانت فبيتها كتقرا فلقرأن غادية وكتخندش فتيليفونهاا تبلوكاتوو تلقاات مع مجيد لابس سورفيت وهابط يالله بغا يسد باب الدار بانت ليه تبسماات لييه فايدها التيليفوون وبقا وااقف من بعد مطلعهاا وهبطهاا 
كوتر(بغنج)مجيد ...كتفهم فالتيليفونات شوي خسر ليااا 
مجيد (شد تيليفونها بايدوو وغمزهاا) نصايبووه لالة كوتر (عوج راسو بابتساامة ) وخلاصي
كوتر(تزنكوو حنااكها وبدات كدور فراسها وضحكات متكية على لحيط قدامو وقالت بجرأة ياك رجال بحال بحال ومجيد نسونجي من الدرجة لاولى تزعم محد عندهاا لفرصة ولجو مكهرب بينو وبين زهور لفجوة جاات وتاعينيه كيقولووهااا )عيينيااا لبغيتيهم نعطيهم لييك ....

مجيد:خلاص غالي هداا 
كوتر(ضحكات)علاه ننا رخييص 
مجيد(ضحك)سعداتيي 
كوتر:خاصك هي تحل عينيك شوية وتشوف راسك شحال غاليي ...وتشوف راحت بالك فين كااينة 
بقا سااكت شحااا كيمص ف فموو وكيشوف فيهاا طالقة زينها يسرح ومكلاها بهدرتهاا 
يالله بغا يهدر سمعات تورية كتعيط من لتحت وقالت: خاصاك شي حاجة نصايبها لييك 
مجيد: لاا
هبطات ولفرحة دارت ليها لفرشات فلمعدة مسحات لعكر بايدهاا وجمعات عنق لبيجاامة سداتهتا ونزلات 
تورية:فين كنتي عيت نعيط ليك
كوتر:كنت فسطح بغيت نزل لحوايج لقيتهم مزال منشفوو 
تورية:اوا دوزيي بعداا نديرو كاسكرووط ويحن الله 
دخلو ل كوزينة ..حلات زهور لبابب وغادية لكوزينة عندهم تصفر مجيد او دارت وقفات تبسمات ليه بعيوون داابلة من كترت لبكاا وصفراا ...مبقاتش نهائيا كتحط شي حاجة فوجهاا 
مجيد:صافاا؟؟
زهور:مم بخيير ونتاا 
مجيد:لكنتي بخيير ..غداا مخداامش تبغي نخرجوو 
زهور:كون غير خليتيها من بعد مفياش والله
مجيد(تنهد)لي بغيتيي (باسها فجبهتهاا او دخل لصالون فين مغطية جداه بمانطة كلس حداهاا ولاح راسو على حجرها كتحك ليه فشعروو 
الحاجة(بالشلحة) وليتي تعاند معايات فالشيب ...كون هي طليتيه بلحنة 
مجيد(حل عينيه وشافيها كضحك) حكي ليا هنااا وخلي عليك شيباتيي فااتيقار 
الحاجة:وراه بغيت نشوف وليداتك قبل مممووت اهياويين ...جدك راه اميلقا حاجة ايوقف عليا كي قباض روااح فمنامي لهلا طيحها لبه فودن جحمومي لاخر
مجيد(ضحك مغمض عينيه )ومال جحموم كيجااك ...كاعما كتشد فيه الشمش هوا مشمش خلوق 
الحاجة:اوا ولد شي جحمومة
مجبد:بزااف عليييك لاش انا مزوج بيها بيضة تولدهم لياا كحليين نرجعهم منين جاو كنلعبو حناا ... (شد ايدها باسها وحطها فشعروو) حكيي ونتي كترات فيه لهدرة كلشي شرف فيك تالساانك 
ضحكات وبدات كتغني لييه بالشلحة بصوتها رقيق وتحك ليه على رااسوو مشااا مع صوتهاا وترخا تحس بلغطا تحط عليه تبسم وحل عينيه ولقاا كوتر لي غطاتو ورجع جمع الضحكة وغمض عينيه على صوت جداه تحبسات وقالت :شفتي كوتر مسيكيينة حنينة (تنهدات)مسعفتينيش اولديي او ديتيهاا كون راك مهني مع رااسك 
هز حااجبوو ونعس مجاوبهاش باقيي...
اما زهور كانت كتلهي رااسها فلكوزينة مع توريية وكتقاد فكيكة دخلاتها لفراان وكلساات تجات حداهاا تورية وقالت:واا زهيروو تي واش حااازنة ...كحلي غير دوك لعوينات امزينهم ملي كيتكحلوو وطلقي شعرك ومشطييه ...رجال راه مكيبغيوش لكرا منكداها على رااسهاا وحاازنة طلقييي لبشرة وخليها تسرح راه ربيي كااين خليها فيدوو 
زهور(تنهدات)ونعم بالله اخالتي 
تورية:شوفيي غدا فصبااح نشاء الله نمشيو انا وبنتي لحماام رخي عضيمااتك وكمديهم 
زهور:يالله دوشت
تورية:ديري ليا خاطري ويالله غدا لحمام ...(دخلات كوتر )تمشي معانا لحمام غداا؟
كوتر:اا لا بلااش يالله مشيت لييه داك لحد ومفيااش 
تورية:اوا صافي نمشيو انا وزهوور ...صافيي تافقناا
زهور:وخة (تبسماات)لخلا يخطيك علياا اخالتي
تورية:اخليك بلخلاا ققوليي ماما باغة نسمعهاا منك الى مقالها راجلك قوليها نتي
ضحكات وقالت:ههه وخة صافي ههه 
هزات زهور لكيك قطعاتوو وحطاتوو فالصالون بان ليهاا نااعس وقربات ليه كتفيق فيه تقفز وحل ععيينه حمريين شد ابدها وقال:خلعتيني (تاوب)فف لعياا محسيت امتاا غيبت
زهور:نوض كول شي حااجة ورجع تكاا
مجيد:تت انمشي لصاال ونتي وجدي راسك لمدرسة
حطو اكووتي كلاو وماضت زهور بدلات حواايجهاا وخرجو مشاات لداار جمعات ليه الصاك تاع لوننريكا وهزات مسائلهاا وصلها لمدرسة ...دوزات فيه وقتها وتلفاات همهاا شوية وتنساات 
نزلات ولقاتو واقف تبسمات ومشاات عندوو باستو وقال:طلعي نديك لواحد لقنت ايعجبك 
زهور:وخة
كان خرج لمدينة وغادي طالع تبسمات ملي شافتو فين غاادي موقف تالفووق اكادير اوفلاا لقا سقيييل غير بعض السياح لي كاينين شدها من ضهرهاا وطلعو دريجات تاع ترااب شادة فيه لطيح تطلعوو لفووق كتبان ليهم اكاادير كلها ضواو كان محرك لبرد شوي زير ضهرها مع صدروو وحيد ليها الزيف حسنات بقبلة فعنقهاا ببورشات جسمهاا كامل وتعوجاات كضحك زيرها عندوو وقال.وهوا كيحك نيفوو مع حنكهاا ويبوس بوسات خفاف :حبي
زهور:انا ولا هاد لبلااصة 
مجيد(ضحك وهوا مزال على وضعيتو هزات ايدها حطاتها على لحيتوو) نتي العمر نتي 
كلس على لحافة وجرها وسط رجليه ضارب فيها الضو والريح محرك ...تغزل بيهاا شويي ونفارد بشفايفهاا بقبلاات كتعبر على اشتيااقو ليهاا ولحميميتهاا وصوتهاا بركان الرغبة قرب ينفااجر فعز لبرد اجسامهم كانت داافية ...بعدات شوي تلتاقط انفااسهاا وكلسات عندو كينهج .بقاو قراابة السااعة فداك لقنت كيضرب فيهم لبرد كتستنشقو وكخرجو تنهيدة 
زهور:نمشييو فيا نعاااس 
مجيد:وخة يالله 
زاد قدامهاا وقال:اجي اجي 
زهور:هه درتي فيا خير 
شد ايدها من فوق كتاافو ونقزات تطلعات على ضهروو ودورات عليه ايدهاا وزيرات عليه نازل بييهاا وهياا كضحك شوية بدا كيجريي بيهاا تالطموبييل وتحنا سخفاان وقال:ففف سخفت ههه غلاضيتي الموصيبة 
زهور:وقول نتا لي مبقا فيييك ميهز هههه
مجيد::عقلي على هدرتك انفكرك فيهاا (حطهاا وضربها لمؤخرتها )خير مولاناا 
تبسمات وركباات فالطموبييل تضار لبلاصتوو ديماراا ونزلوو وقال:فين نباتوو ؟.

زهور: لي بغيتي ...خالتي طلباتني نمشي معاها لحمام غداا فصبااح 
مجبد: ايييه سيريي ...ولكن تيمشي لحمام هي لي دار علااش 
عوجات رااسها وضحكات وسكتات من بعد تعشااو براا وكملو لداارهم دخلات كتاوب وعينيهاا كيتلصقوو بنعااس مشات تبدل حوايجها وهوا فالصاالة كيقلب على شي فييلم يتفرجو فيه بدلاات وطلقات شعرهاا ومشات تكات وتغطات بمانطة حدااه لاح لمخااد وجا حداهاا لاح نصها ليه باش تكفاهم لبلااصة هوا كيتفرج وهيا عيينيها كيتسدوو وتحلهم بزز مليي يهضر معااهاا..كمل لفيلم وناضت لبييت طاحت فلفرااش وتغطاات خلاتو فالدووش ...طفا ضو وجا حداها قرصهاا فصدرهاا وكيهدر فودنها وهيا عاطياه بضهر :ناعسة بلبيجامة لحسك باغة تخمليي شي حلمة همم 
بداا كيبوس فيهاا وايديه كتحرك فوق جسمهاا
زهرورر(بصوت نااعس تقيل)خليها لبرد
مجيد:انا نحييد منك لبرد (عضها فودنهاا) وا فريخة شتاا 
زهور:عفاك عفااك ماشي ليوم ...فيا نعااس ...كنموت بنعااس والله 
بعد محاولاات ومداعباات توجت بلفشل ....سااط وطفا الضو معاجبو حاال ...
صبح صبااح ...صبحات فحضنوو مخشووشة ...ضرباتو لفيقة هووا ونااض ولف يفيق بكري وخة مخداامش لبس عليه وخرج لبالكوون كؤيهلك فريتو على صبااح مع قهوة كحلة ...تفكر تيليفونها ومشاا جابوو وسد لبالكون عليه مشا لابليكاسيون لقااها هدرات معااه خدم لفوكاال كيكميي وكيسمع تلاخيير او مسحوو وخشاه فجيبوو تسيفطات لييه تورية ميساجب باش يفطروو عندهاا 
خرج مشا لبييت كيفيق فيهاا وكيحيد عليها لغطاا بزز مبغاش تنوض 
مجيد:زهووور ونوضي راه لعشرة هادي وتورية كتسنااك 
زهور(حلات عينيها بزز وناضت بتتاقل قداموو تفقدات توازنها وشد فيهاا )
مجيد؛بشوية عليك نضتي بجهد...
زهور: صافي مشاات 
طلق منهااا ومشات لدووش توضاات وخرجات صلات وجمعات صاك فيه حوايجها وماعنهاا جمعات لبييت وخرجوو فاتجاه تورية لي لقاوها حاطة لفطور كتسناهم
تورية:ياويليي هادي هيا سربي راني حاطة لفطور 
مجيد:دوي مع خميرة لخبز مكتفيق تاتحماض ببولتهاا 
زهومر:ويلييي مجيييد حشومة علييك كون مسهرتش مع لفيلم كون وفقت 
مجيد (كلس)تي نووضيي 
تورية:هههه كلسيي تفطرييي يالله نلقاو لحمام خااوي بعداا 
مجيد: اتمشيو متقلين بلوسخ ترجعو متقلين بلحم لعيالات باز ليكم ... وباتوو تمااا 
تورية:اه ياربي ايخرجها مناا تانيي تا مالك كلس حدا جداااك ضفرو الشيب تنجييو
زهور:جبتيها لييه ههه 
ضحكو جمييع وكل مرة يهز عينوو يلقاا كوتر كتشوفييه وتهبطهم دغياا ...
ناض وصلهم لحمام كبيير وسط لمدينة دخلوو وكاع لي خدامة فلحمام كتسول ف توريية وتضحك معاهاا ويسولوها على زهوور غير لكلسة دارو فيها نص سااعة 
تورية(شافت ف زهور)دغيا دغيا لتبعت لهدرة منساليش مرة مرة نغزيني نوكض 
زهور:ههه وخة 
حمات زهور تحط حوايجها قدام توريية وتزنكاات اما تورية والله مامسوقة حطات وبقات بكيلوط كدور لحمها بييض او لحنة مزال فرجليهاا وعندها لكرش شوية حطات زهور حوايجهاا ودخلوو هازين سطولتهم وكراساا ولي غيحتااجوو ...لقات تورية بلاصتها واجدة مخلينها ليهاا طياباات وسطولة تلماا عاامريية 
زهور؛كلشي عارفك هناا هههه
تورية(ولات كتنهج بسخونة حيت كلسو فيه)ففف لواحد هوا لي يدير فين يكلس ...راه لبناااادم لكبشوورر ابنتيي كيبغيوه النااس ...اش غيستاافد لواحد الى قندش وكان مسمووم منين مدزتي يسخطو علييك (خوات عليها لماا )الله ندفييي عضيمااتيي ...معندي لي يدفييهم لياا (ضحكات كتشووف فزهور لي زنكاات بسخوونة كضحك من قلبهاا) 
ترخات زهور بلحماام او هدىت تورية نساتها شوية ضحكوو مع لكسالا لي جات حداهم كتهدر مع تورية وكدوز ليها لحنة بلعشووب شماتها زهوورر وحمقاتها ريحتهم فيها لخزااامة ولياازيير اوو لورد لبلدي كتدهن وتشم كي لهبييلة 
تورية:زهور نشد لييك كسالة تحك لييك 
زهور:لااا بلاش دغياا غندوز 
شداتها تورية ليهاا وزهور كتحك وتنهج ولات حمرة ...
اماا مجييد فكان رجع لداار وكلس فالصالون كيتفرج بوحدوو شافتو كوتر وبدات كتغزل وتقاد فوجهاا وتزنك لحنااك عمرات ليه لقهووة وحلات باب الصالون هز عينوو فيها وقالت: (الحوار بالامازيغية)عارفاك كتعجبك قهيوة هاد لوقت
مجيدىصدقتي عارفة كلشي علياا وانا مفراسييش 
تحناات على الطبلة تحط لكااس وصدرها باين عمداا هز حاجبو وحك لحيتوو 
كوتر:تبغي شي حااجة 
مجيد:كلسيي 
كوتر(قلبها رفرفر وكلساات حدااه كترمش ) شنوو
مجيد(جغم من قهوتو)شنو نتي 
كوتر(ضحكات)ههههه والوو من عندك 
مجيد:نتي ديال هدشي اكوتر ؟؟
كوتر:شنو 
مجيد؛شنو بغيتي ندير معااك(شافيها وتوتراات وعينيها كيلعبوو )اوا جااوبيي وكوني بحال لبااارح 
كوتر(سرطات ريقهاا )مجيد كنبغييك ...من شحال هادي ماشي داباا 
مجيد:او لمعموول ...لاش تالدابا عاد كلتيهات فين كنتي اعوام هادي 
كوتر: ونتا لي معمرك شفتي فيااا كنتي ديما ختي ختي انا ماشي ختك
مجيد(حك لحيتو وتنهد ) كنت غاالط صرااحة ...

مجيد:كنت غالط حيت ختييي كون كانت عندي مغاديرش هاد فعايل لق** لي درتي داباا....شنوو كلتي فراااسك نطيح معااه ولاا يطلق ويتزوجنيي ...شوفي اكوتر داك لخبير لي كضل الحاجة تعمر ليه بمخك رااه مكاااينش وعمر ديلموو غيكوون.....ماشي ديالك هدشيي اكوتر بنت صغيرة بحالك متلووحش رااسها بحال لكلباات على رجال مزوجيين .....وزايداها طالعة عندي لباارح هكاك بتقزاب ولحاالة وجياة ليا دابا بصدر معري باش طيحيينيي ....هدشي لي كلتي فراااسك ياااك ....كان بامكاني نجمعها معاك بجوج تصرفيقات يرجعو ليك مخك لبلاصتوو ولكن مكنحط شايدي على لعيالااات ....
كوتر(تحجرودموع فعينيها وشافت فيه كيهدر ببروود داير رجل فوق رجل ومرج ضهرو على لمقااد ومربع ايدوو )حرام عليك ...ششنو ناقصني اناا
مجيد: ناقصك عقل كيفكر ... اييه حرام هلياا كون تبعتك فهباالك رااه ساااهلة راه ماصعيباااش علياا ندير تاعشرة وخة مزوج ولكن نتي اخر وحدة نفكر فيهاا وكون ندير معاك شي حاجة كون درتها قبل زوااج ...حيت باااك ابنت النااس تااق فيااا وخلاك هنااا ماشي مكبووت باش ندير فيك شغلي ....ودوك الافكاار حيديهم من باالك ....خليك بنت الناااس اكوتر ومتعري لا صدر لا ايخااان لي بغاك ايبغييك نتيي اما داكشيي عطاه الله ...حيدينيي من باللك منصلاحش لييك ....اخر مرة يتعاود هادشي قداامي 
ناضت كتشهق لكوزينة سداتها وكلساات كتبكيي ...اما مجيد خرج لبراا كلس فلقهوة تيعيطوو ليه يجي يديهم من لحمام ....صونا تيليفونوو وجاوب كينطر من لكاروو بتقالة وقال:وي مهدي ...لقيتيها لياا....ممم فهمت فهمت....شوف بغيت المعقول تعيش مخيرة...صاافي غدااا مزياان نهدر مع مالين داار ليوم باش غدا تجي ان شاء الله ...
قطع مع صااحبو ورجع اكلستو وحدوو 
في حيين ادم كان كيلعب قداام الدار بواحد لبوط صغير فلكري شراه لبه عادل كينقز فوق لماا تكيطير عليه لغيس كيعجببو يلعب فلما تاع شتاا مع زهور داباا غير بووحدوو كلس فلقنيية كيتغبن تخرجات زبيدة لقاتو هكاك وقالت:تماالك تااني
ادم(بعصبي؛)مشغلكش . .هءهء انا بغييت مااماا داابااا دابااا(خبط رجليه فلمرجة تطار عليها لغيس
زبيد؛نععععل والدييك الكلب(عطاتو لرااسو وهوا ينووض معصب بغايضربها وضهىرها محزماه من الطيحة تاع لبارح ضرباتو ودخل لدار بلبووط ورجليه مطبعيين فلرض شافتوو فاطمة وغوتات
فاطمة:وقااااااف اويلي يالله جففت وقف الخانز
شافها جايااه وطالع فدرووج كيبكييي وكيجرييي..موقف تالبييت بااه طلع قوقق الناموسية ونقز لجيهة لخراا لزربيية كيبكي وخاايف 
شافت فاطمة لفرااش وضربات فخاضها وشدات رااسهااا دخلات وسدات لباب 
فاطمة:واش تهنات من مك بغيتي تركب فياا العصااب اجيي لجد بوووك اجي 
شدااتوو من شعروو وهوا كيغوت وكيركل فيهاا دقتو بدقتهاا وكيغوت بابااا باباا خرجات فيه خدايدها بالتاني ولمتنيي خلات لييه لحموو حمر ونتفاتو نتييف من شعروو الدق ليي عمر زهور عطاتو ليه ليوم فاطمة دارتو بالضووبل ...
ادم:ب بغ بغييت ...ما ماا. ...ما .ماااا هء هء ....ن. ....ن...نمشييي....هءههءهءهء(كحب من حر لبكااا وتقياا ليهاا فووق الزربييية شداات حنااكها وكلسااات كتغرق لزهوور او عادل او تريكتوو
فاطمة(جمعاتها معاه بطرشة تاتقطع فيه لحس وحيدات لييه حواايجوو مسحات بييهم التقيية لحمو حمر بلعصا وصباعها مصوريين ف حنكوو دخل عادل وشااف فلفرااش وشاف فادم كيتنخصص عريان من لفووق 
فاطمة:شووووف نكووليك والله عاد لبرهوش لبقا فهاد الدار والله تنقتلووو 
عادل؛اش دااار
فاطمة:شوووف اش دااار مامربيييييش قبيييح خرج ليا عقلييي يالله بدلت ليييه مرمد كلشييي (كتنهج وتشالي بايدها)واش مني مك مني نزار منيي دااار زدتيني بموصيبة كحلة (كتنهج)راه غنطيح الرووح اعادل فهاد لقبيييلة ربيي ولدك ولا ديه لشي خلااا متجيبووش لياا هناااا....نعل جد بو هادي لي تدي رااجل بولاااادوو ربحت معاك هي لهم ولغم ولمصاايب لكحلة 
عادل:تداباااا زيدييي راه طريق كتعرفيها نعل لي سول فييك
فاطمة:والله لكاااااانت ليييييك ولاحلمتي بيهاا باش دخل لخاااانزة ولدهاا ياااك هههه والله غير لمجيريتيني لقبر ياعويديل 
هوما كيتغاوتو وادم مكمش كيترعد وزرااق بلبرد وخنونتو نزلاات 
سد لبااب وجرهاا جمعها معاها بتصرفيقة وعاوداااتوو جعر عليهاا وخرج فيهاا سموو وادم كيبكيي تخلع ونزلات لييه لبولة مع السروال 
فاطمة:كتحكر عليا حيت مرا اما رجاال دكدكووك عصااا ااااه وطلق الحمار 
عادل(لاحها فوق الزربية كيطرش فيهاا)انوري لجد مك عويديييل زعمتي ها ...اجي 
ادم:هءهءهءهءه باباااا لااا هءهء ماماااا

وقف كينهج خلاهاا مرميية كتبكيي وتجمع فشعرهاا جر اد بنتير كينهج وادم كيبكيي وخاايف مرعوود داه لدووش وقفوو ورجع لفاطمة كيتغاوت معاها 
عادل؛اتنوضي درووك دوشيي ليه ولا بربي تنلوح لجدمك حوايجك فالزنقة ...تكعديي 
حرهاا بنترة تنااضت ومشات كتمسح فعينييهاا وتنخصص ولات كتشوف فادم غير ضلام وخة هواا مدار لبيديه لبرجلييه دخلات معاه لدووش وهوا خاايف تخشا فلقنت وكيبكي
ادم:عفااك عفاك هءهء م...مضربينيش هءهء 
فاطمة(بحقد )حط حواايج دغياا 
حط سليب وشروال لي بقاا لابس كيترعد بلبرد محنااتش فيييه عمرات سطل باارد وكباتوو عليييه وكتبكيي 
فاطمة:سكككت سكت
ادم:هءهءهء ب بببارد ففف باارد هءهءهء 
فاطمة(خرجات فيه عينيهااا وهزات ايدها باشاارة ضربوو وتكمش كيترعد عصرات ليه الشمبوان على شعرو وقالت:حكو على شعرك وتشلل 
هز ايدياتت كيترعد ويبكيي حك شعرو ورغوة طاحت ليه على عينيه وبدا كيبكيي كبات عليه لماا تانيي بااارد تقفز وخرجااتووو عطاتو فووطة لواها عليه صغييرة وخرج سنانوو كيتقرقبووو وعينيه حمرييين ولحمو كيقرص فيه ...فينهياا لايد لحنينة لي تعوموو ولما سخون يدفييه دخلاتو لبييت وجبدات ليه حوايجوو وقالت لبس شرااوطك وتركن فشي قنت دازت من ورااه وضرباتو لضهرووو:ولد لحرااام شكون غيصبن ليا هدشيي
خلاتو مضارب مع سليب يلبسوو وهياا كتمع فلفرااش وجابت سطل او شيفوون حكات الزربية وهزااتها طلعااتهاا ...لبس تريكوو مقلووب والسروال قلبو ورجع حطو وقلبوو ولبس لقبيية ...وبدا تيقلب فصاكوو على تقيشرااتوو لقاهم ولبسهم مسخيين مامغسوليينش لمهيم يدفى...بقا كالس جامع رجليه عندوو كيترعد وكيبكييي ...توحش زهوور وفمو ولات هي ماماا ....
نزل كيجريي كيبكيي مشا لصالة لقا عادل كيتفرج وشاد نزاار مشا عندوو ادم زرق بلبرد كيجر فيييه وكيبكيي
ادم:هءههءهءهء دينييي نوووض دينييي عد مامااا بغييييت زهوور هءءههءهءهء بغيييتش هناااا 
عادل:واش غتكلس وتركن ولا لااا
ادم:(بدا كينقز بلعصااب وجاتو لحاالة مم جديد هز قرعة تاع لمااا هرسهاا وبدا كيغوت يالله بغا ينوض لييه عادل يكمل عليييه جا صاالح وخباه ورااه وقال:السخط لي اناا ساخط عليييك اعادل ميغفرو لاربي لعبدووو دي لولد لمووو تقا فييييه وجه الله واش مكتشوووفش مرتك كي تدير ليه بلعصاااا ومك 
زبيدة:ماال مووو اش دااارت هوا لي لايحني مهرسني من ضهرييي
صالح ؛بغيتو يهرس ليك دلقوووشك ....واش نتيي بااقة ديال هدشي واش مغتوبييش
صالح:بااااا خليني مني لولديي واش نخليه يكبر مع لبراااانيي هااا 
صالح:راه تمرتك برانية علييييه ....ولدك باغييي مووو ديتي سخط موو واتديييي دنوب هاد دريي...عمرك طفرووو(هز ادم كيتنخصص بغا يسخف بلبكاا)صافي اولدييي اجيي اجيي...
عادل:واا والله وخة يطيح يتركل ميرجع عندهااا ...مزييان تبارك الله ولدي يكبروو راجل خر 
مشا ثالح هاز ادم ليي كيترعد وسنانو كيتقرقببو تكا فبلااصتوو وخشاه معاه تحت لماانطة باش يسسخنو 
ادم:اتدينيي عند ماماا
صالح(تنهد)تكا اولديي راه لبررد اجيي 
تكاه علييه وحاضيي عادل كيلعب مع ولدوو فحجروو تنعس من كترت لبكاا. ....
عند زهور كانت باقة فلحمام تحبسات وشدات صدرهاا وغمضات عينيها نتابهات ليهاا زبيدة وقربات عندها وقالت:بنتي ياك لبااس يكما سخفتيي 
زهور(حىكات راسها باه)اااه مقدراش نتنفس فف
هزات تورية وشية لماا باارد شللات ليها بيه وجهااا وقالت:يااامنة جيبيي دووك لبينواراات ...بلاتي نشللك وخرجيي دغياا نتي مامولفة حمام 
هزات لما كتكب عليها ولرض كدوور بزهوور لبساااتها ولبساات وخرجو لكلسة شداهاا عطاوها لما تشرب والليموون خرجات مزنكة ولعينين حمرييين 
تورية:نتي فعار الله ازهور عاد كنتي بخيير هاكي كولي الليمون تحيد منك السخفة عاد لبسي حوايجك 
دارت ليها لفووطة على شعرهاا وبدات ياكنة كتنش عليهاا وقالت:عروستك زيييينة تبارك الله هاديك هي لعين ههه كاع لي فلحمام حضاوهاا 
تورية: خمسة وخمامس عينيهم ف قبابهم الله اجعل لعين لي متصلي على نبيي 
يامنة:امييين ...او طبيب مزال متزوجيييه منتنااسبووش اتوريية 
تورية:ولادي كيخطبو لرااسهم انا تنمشي هي نباارك هههه ..جيبي ليا صيكان اياامنة نلبسوو 
مشاات ودار عند زهور وقالت:بتاكلك بعينيها تاكل جناابهاا نوضيي نوضي 
لبسات زهور بلقاعيدة عليهاا وتورية تلبس ومجمعة مع مولات لحمام بضحك واتااي لبسات زهور بلا عقل وقلبها مزيييير وخاطرها مرون عليها بلاا طيارة لي شداها لبسات تقاشر ولرض كتمشي بيهاا ...تكلفات تورية وجمعات لحوايج والصيكان وصونات لمجيد لي كان واقف كيتسنااهم كل وحدة هازة صاكها وسطولتهم ضرب فيها لبرد شوي عاد تنفساات
وصلو لطموبيل ونزل باس تورية وجر زهور بااسها وشدها من ضهرها بايد وشد الصيكان: لحنيكات حمرين يلالة بصحتك الزين 
زهور:الله اعطيك صحة 
تورية:ملي دخلنااا ششكون هاد لببنت شكون هااديي كلشي نتا بغا يتزوج كلشي بغا يخطب حمدتك ياربي وشكرتك جربت نكوون ام لبنت ميبقاش فيا حال
مجيد:(شاف فيهاا)هدشي لاش ديتيها لحمام باش تباني على لعيالات وبااز ليييك مقراجك من قاع لخابيية 
حل لتورية لباب حداه كضحك وتنش بلفووطة وركبات زهور اللور وسد لباب ومشا لبلاصتو كيضحك وشاف فزهور:اختيي انا رااه ديت زيين خارجة بيضة كي شيي بية مسلووقة بحاالك نتي كيي دخلتي كي خرجتيي

ضرب مجيد ايدو مع بعضيااتهم ونفاجر باللضحك وتا زهور ضحكاات شادة رااسهاا 
مجيد:هههههه فين غادي فين اوا غاااديي ههه واش هاد دمالج شريتهم ليك هي لعام لفااايت ياااك وزدتي غلاضيتي تمبقاو بيخرجوو ههههه الستار الله معااااك اختيي انا شبت معااك شبت
تورية:نااااكل تنمووت نشبع فكرشي ومولاهت ربيي 
وقفو قدام الداار طريق كلها شاد فتوريية وكيحاول يضحك تازهور كل مرة يدور عندهاا ويشد ايدهاا ..
حلات زهور لباب مع وقفات لرض مشاات بيهاا كان مجيد كيحل فلكووفر تشاافهاا وحط الصاك وشدهاا :زهوورر باش كتحسيي 
زهور:والوو غيرر سخفة ديال لحماام 
مجيد:متخلينيش ندم حيت خليتك تمشيي (ضرب حنااكهاا)زهور يكما نديك لطبيب 
زهور:لا لاا غير نعس نولي بخيير 
مجيد؛وخة شدي فياا لطيحي هز الصيكان بايد وشد زهور فايدوو حط الصيكان وقال:طلعي لبييتك 
زهور(بدلع)هزنيي 
مجيد:نهز لكبييدة دياليي ...شحال عندي هزها من خصرها تضورات عليه رجليهاا وطلع بيهاا درووج بسهوولة موقف تلاحها على لفراش وهوا فوقهاا قاد ليها السورفيت على كرشهاا وباسها فمهاا وقال:نمشي نهدر مع توريية ونجيي 
زهور:فاش!!
مجيد:بغيت نتزوج التانية شغلك (ضرباتو بلخاطر فنكو وضحك وباسها)هاني جااي
تكات وهوا خرج ضارت على جنبهاا وتفكراات وااحد الطرف تااع الشكلاط شافتو فالتلااجة سالو ريووكهاا وناضت لبسات بانطوفتها وزادت بينوار عليهاا ونزلاات شافت تورية ومجيد دخلو لدار لوسطاانيية وكلاها فضوولهاا وبغات تدخل 
مجيد(جبد فلوس ومدهم لتورية)هادوو عطيهم لكوتر تمشي لدارهم مبقااش دوور فجنااب هاد الدار فمرة ...غدا اتجي مرا بعقلها بوليداتهاا باغة تخدم هادي مبقا شتجي
تورية:علاش اش داارت
مجيد(عاود ليها لبلااان تاع لباارح وليووم بلاا حشمة وقال) واش هادي لي تعريي عليا فصدرها وتعوج تخليها فداارك ليوم اناا غداا نعماان اللهم تمشي لدارهم نعيش هانيي فمخيي مباغي صدااع 
زهور سمعاات هدشيي وشعلات فيها لعاافيية وصهداات ضربات الدورة وناازلة فدروووج بزربة كتقلب على كوتر تلقاتها فلبييت لي كتنعس فييه مع داارت كوتر مع جاتهاا تصرفييقة من زهوور طارت الدووخة وطار الشكلااط صاحت فوجهاا وقالت بلغوات:بقيتي لياااا هي نتييي فلحساااب... مباان ليييك غير رااااجلييي معرية عليه صدرك كي لكلبة

كوتر(شادة حنكها بصدمة متوقعاتهااش وغفلاتها)واش نتي حمقة لاش طرشتينيي
زهور(ندافعاات عليهاا تجرااتهااا ولاو فيها عشر)اجي نورييك لاش طرشتك يااا الكلبببة الق** تيعجبوكم رجال مزوجة 
كوتر :بعديييي منيييي الخرااا بعديييي اااااه لالة توريييية اااااه 
مجيد:اش هاد لغوات ...
نزل كيجري ومو وراااه الصوت جاي من بييت كوتر دخل كيجرييي لقاا زهوور كالسة كتشتف عليهااا وكشاكشهاا خارجيين
مجيد(خرج عينوو)زهووور
كوتر :طلقييي منيييي 
حكمااتها زهور من شعرهاا ولخرى كضرب ف رجل زهور وايدهاا السعاتيي حنا لبنات ضعفنا هوا شعر الى مشا شي حد تحكمك منوو كتوليي مشلولة وباغة هي لفكاكة ههه
هكتك كوترر مرمدااتهااا زهورر بلبيااان تورية دخلات وضربات حناكها وشافت فمجيد لي كيتفرج وضرباتو :اويليي غتقتلهاا فكهاا
فااق من الفرااجة ومشاا دش زهور كتغوت وتنهد تفك لبينوار وسروال طااح ولعقاد تحلو وبان صدرهاا ودرة طااحت تجرتلاات بجرااان ضحكااتو كيجر ضرباتو لصدروو حكمهاا تنتفات كوتر وجرات شعر فايدهاا زعر وقال: فقل الداار الخانزة حاطة عينيهك على رااااااجلييي عمري بيها فمك ياالخامجة الكنيشة (كتنهج)الخااانزة طلقني على جد مهاااات طلق 
كوتر رجعات اللور شادة شعرهاا 
مجيد:صافي صافي تكاالمااي موقع والوو صافيي ششش(زيرها عندوو وزدا ضهررها مع صدروو كتنهج دخل نعمان ولحااجة وهز مجيد ايدو ستر ليهااا صدرها لي باان حمر بلحمام 
نعماان:اش وااقع غواتكم من لباب
تورية(بصدمة)دخت حق الله 
زهور(بلغوات)خرجهاا ولااا خرجنييي (كتنهج)بعدوهاا عليااااا وااااااع واش انا مغنرتاااحش فحياااتييي 
مجيد (شافها غتبدا تغو وهزها كتركل دخلهاا لبيت توريية كتغوت لاحها فوق سرير وجا فووقهاا شاد ليها ايدها وهيا حمرة كتقطر بلعرق 
زهور:طلقني نبرد فيها غداااايدي طلقنيي
مجيد(غوت )صاااافيييي نعل طاسيييلت مك اطيحيي بلاعصااب ازببببل صاافي ...(غوت)نعمااااان شي كاااس تلماا
قلباااتهااا بكاا وهزات رجلهاا عطاتو لبييت رجلوو بلا متحس تلاح وجهوو على صدرهااا وعضهاا تغوتاات اوناض حمر وقل:شدي رجليييك البغلة 
نعمان(دخل نعماان شااد لقرعة مدها ليه وخرج حيت كانت زهور حوايجها طالعبن على كرشهاا وصدر مكيطلع ويهبط خواا عليهاا لماا تشهقااات وقال: الله اعطي لمك لغراااق كلسيي اترزينيي فصحتيي 
زهور(بردات وبدات كتبكي)هءهء ديني لدااري هءهءه 
مجيد:صافييي راه غتمشي فحالها اكبييدة صاافي اتمرضيي الله ارحم بااك
كلسهاا وجرها عندوو كتنهج وبدا كيمسح ليهاا فوجهااا ...وبرا كان غواات توريية وااصل 
تورية:تصرعيييت منك ولالا هاااا زاش جيتييي تالرحبة فلييو وبغيتي تعطسييي واش تقداااو رجال بان ليك وااحد مزووج
نعمان:بففف صافي الواليدة فكو علينا هاد جرة صافيي
توريية: هاكي ابنتيي هاارززقك او بزااايد غير سيرييي الله اعطيييك ستر خلينيي. مزياانة مع ولادييي دوزت ليك اللولة وكملتيي بهااديي من هادي يلقااك فلفرااش
كوتر:الشيطان اخالتيهءهءهءه
نعمان:كديروها يغرق فيها جمل وتقوولو الشيطاان فكري بعقلك شويي....سير اختي الله اسهل عليييك (خرج )تفوو طيحتو منا النص يلاطيف 
الحااجة:اش داااك ليييه نتيي اش ....صافيي لي عطا الله عطاااه واش تلوحي عليه رااسك بزز 
جمعات كوتر حوايجهاا وهوما عند رااسها كانت تورية كتغوت على كوتر تضاارت لحااجة وقال؛كلشي بشببببابك كلشييي مبغيتيي تشدي لرض وتحشميييي مبغيتي تخلي عليك لبنت فالتيقااار
الحاجة:اناااا مالي اش درت 
تورييية:كالسة تعمر ليها فراااسهااا تحطاتو فراااسهااا هاااا عارت الله الحااجة هادووووك ولاااادييي يجيبوو لي بغااااو وماااشغلكش وااايجيبوهاا تعمييية ومااااشغلكش وااش نتي لي غتنعسيها حدااااك ....جخلتييينييي دعيتك الله 
الحاجة:سير الله اعطيك تكركييبة وليتي دعي عليااا البكرة هااا وبلااتييي 
خرجات غضبانة جارة عكاازها وغادية خارجة غضباانة تشدهاا نعماان ف فم لبابب كتجبد بغات ولاادهاا 
الحاجة:لي مبغانيي منبغيييه حيد عليااا نمشي عند ولاااادييي 
نعمان:صافيي اينااا هادو راه ولاادك اجي اجي برديي هناا 
جرها بزز لكرسي فالجردة كلسها ولاحت لعكااز وكلس حداها نعماان كيراضي خاطرها تخرجاات كوتر كتمسح فوجها هازة صااكهاا وزربانةة لابسة جلابتهاا حلات لباب وسداتو بجهد تاتزعزع لباب الدخلاني وقال نعمااان:وهرسيييييه راه مصاايبوو باااك

كلسات زهور شاادة رااسها ومجيد حداها كيحك فعينييه تسمع الدنيا سقلاات قاو كالسيين تدخلات تورية كتنهج 
مجيد:مشااات ...عطيتيها فلووسهاا 
تورية:الله اعااونهاا صافيي مشات وحدة تجي وحدة ...نوضيي نوضي غسلي وجهك وديري درتك ايضربك لبرد....هدا هوا لغدا لي معرضين لينااا
مجيد:لي ضاربك ضاربك على كرشك مكفاك كاع هاد لمشوي لي حنا فيييه 
كلسات فلوطووي كتنهج وتنش على رااسهاا شافت فزهور وغلبااتها الضحكة تهز مجيد عينو فيها لقاها كضحك وتبسم بلا هواه وحرك راسوو بلا حول الله 
تورية:كنتي اتسيفطيها قرعة ههههه اويلي استغفر الله كترت الهم كضحك 
زهور:كون ما فكيتونيش وتشوفوو اش ندير فييهااا والله تن(شافت فمجيد لقاتو كيبرق فيها عينيه وسكتاات
مجيد:لا لا وععاريتيي ابنت بني عميير مبقاتش فيك السخفة ولعياا 
زهور:محسييتش (شافت فيه مغوبشة ) 
ضحك ورجع ليها زغيبات ورا ودنيها تبعدات حشماانة من تورييية وخرجات فيه عينيها وقال
تورية:نوضو نووضو نشوفوو لغداا 
تسناها تخرجاات ومد ايدو لصرهاا وضحك وقال:طبعت مك 
زهور(هبطات راسها وضرباتو لايدوو) قسحتيني
مجيد:نوضي من تبوحيييط...بنتي على حقيقتك وعرفت مجينينة منين جاايب ههه(شافها تخطفاات وقرصها فحنكهاا) هييي
زهور:توحشتووو 
مجيد(باس ايدهاا)بقات يومااين وغتشووفيه وغترجعييه معاااك ونعسيه حداك تاتشبعييي (مسح على ايدها)غير ضحكي لياا انا مزاااوك لبزيزيلة لي رضعت
نترات ليه ايدوو وقالت:مجيييد عيقتيي
مجيد:هههه ماليي كدبت 
زهور:مبقيتيش طبع ليا لحميي وااه قبيلة فلحمام حشممت قدام خالتيي 
مجيد:هههه داكشي ولا جاري بيه لعمل متحشميش ههه داباا اش نديرو لغدا(تنهد)مسكينة كوتر كانت كد(جمعاتها معاه بطرشة تشدات فمها )واش لحمارر ببوووك عندك علاش تحشمي ولالا
زهور:والله تغي زلقاات
جمعها معاهاا لجنبهاا تنااضت هاربة وقال تيتحلف :عقليي ...(شد حنكوو)والله تصمكاتنيي 
خرجات عند تورية كتقاد فلبينواار عمرو اتااي او مجيد مشا تقداا لغداا واجد من براا دجاج محمر بلمرافقات ديالوو...هنا زهور طاحت فيييه معقلاتش عليهم ناضت لكوزينة من بعد منعس كلشي كتغسل فلماعن تدارو عليهاا ايديه وباسها فعنقهت زقال:خلي داكشي من بعد 
زهور:غير نلاهي فيهم لوقققت وصاافي
مجيد(خاشي راسو فعنقها وكيهضر)لمااشيين كااينة لاهي لوقت معاياا 
زهور:صافي سالييت ...شوي ونجي
بقا لاصقهاا تعياا وكلس حداهاا كيشعل فلكاروو ومقابل معاهاا مدات ليه الطفااية ومشات كملات شغلهاا ومشاات لتلااجة جبدات الشكلاط كتااكل فييه وكلسات فوق الطبلة حدااه
ساكت كينطر من لكاروو وكيلعب فايدها ويقرصها ....
اماا عند ادم شداتوو السخاانة وناعس كيترعد وخنونتو داايزة وعينيه ناايميين ملي تغداا ونعس مفااقش غطاه جدو بمانطة ملي دخل ولقااه مكمش فبلااصتوو وخلاه نااعس وخرج اما عادل مكيعمرش الدار. كيدخل غير لبغا ياكل وينعس يضل فلقهوة وصحااب والدووراان ...تعشاات لعشيية وادم كيفيق شوية وينعس شويية تاحد مطل علييه من غير صاالح شافو طول فنعااس ومشا عندو قلب ليه جبهتوو لقاها طاايبة
صالح:زبيييدة زبييدة....لولد فيه سخاانة 
زبيدة::خلييييه صدع ليا مخييي

صالح:نعلي الشيطان جيبي لييه شي حاجة يديرهاا راه طااايب ...ديك اللفعة كاليا عوماتو بلماا بارد
زبيدة:سروو اش غنجيب ليه اناا فارماسيين ...ندير ليه تقااشرو فلخل وادووزو مشات جابت لخل من التلااجة راتهم على تقيشراتوو سخااان او مشااات كتنصب لعشا هيا وفاطمة تعشااو وخلاو حق عادل فطبسيل وغطااوه ...مدخل عادل تالعشرة تليل لقا الضو شاعل فالصاالة توجه ليهاا ولقا بااه كيقرا فلقراان وادم ناعس وعاطيخ بضهر يالله بغا يرجع وقفوو صالح وقا:عادل ديي لولد لمو راه مك ومرتك تكرفصو عليه
عادل:مالووو شكون هدا لي مكلا ش لعصااا فصغروو داباا يكبر ويوليي رااجل وديك نتا غترجع على كلااميي 
صالح:دريي سخانة كتااكل فيييه مدوشة ليييه بلباارد 
عادل(قرب لولدوو وقاس جبهتوو وقال بعدم اهتمام)واهليي ماسخون والوو صباح يصبح بخيير 
مشا لكوزينة كيتعشاا وصالح كيطلب الله يدير تاويل تاع لخير لهاد لولد حدااه. لي ملي طاح بالسخانة وفموو فسه غير ماما ماماا ماماا ....
اما عند زهور دخلو لداارهم وشعل الضز فلبييت بدل حوايجوو ومشا ينعس ...مشات لكوزينة كلات دانون وغسلات سنانهاا بدلات حوايجهاا ونعساات حدااه بقاو كيهدروو تلقاها طفااات تعجب ليهاا ولات دغيا كتمشيي طفا الضو ونعس ...فاق هسس علىى ايدين كيلعبو فلحيتوو حلي عيينيه قاافز لقاا زهوور ضايرة جيهتو وحاطة ايد على حنكهاا وايد كتلعب بلحييتو 
مجيد(بصوت باح بنعااس )سحت الليل شحال داباا 
زهور :معرفتش ...مجانيش نعااس(حطات ايدهاا على شفاروو )عطيني عيينيك
مجيد:حبي طفي الضو راه صابح خداام 
زهور:عفااك بقا فاايق معاياا غير شوية ونعس 
ضار جيهتها كيموت بنعااس مرة تلعب ليه فشعروو مرة فشواربوو وتمنضر فعينيه دارت ليه لوسوااس 
مجيد:شوفي هزي تصويرتيي وتمنضري تالصبااح رانيي خدام صباح الله ارحم بااك (جرها عندوو )نعسيي نعسي 
(تجبد فوق منها طفا الضو مزيرها عندوو عضات على فمهاا كترمش فضلاام ...اش تقوولييه افلااان نووض دير شغلك ولا تقولييه طالبين ضيف الله كيتيقوليهاا ....لمورال طاايح ولعقل بااغيييه بدات كتلعب فزغيبات فصدروو حس بتنفسها سخوون فعنقوو ...هز ايدوو شعل الضو وغمضات عينيها قلبها على ضهرها وشاف حناكها مزنكييين وقال؛مالك كتبربصي علياا اش بغيتيي
زهور:و والوو غير نعس 
مجيد(بعد شعر على عينيها)داباا فقت ...مبقا نعااس....فيك جوع بغيتي نطيب ليك تاني ولاا؟(حركات رااسهاا بلاا وتزنيكة طلعاتهاا)هدريي 
زهور(بتلعتم)صافي نعس امجييد 
مجيد:لي بغيتيي 
طفاا الضوو من جديد عايق بييهااا ويكتسناها اش بغات تصنع حس بشفايف سخاان على فموو محسات بيه تحل فمو وعضهاا حتى قالت ااه ...
مجيد(بهمس)طالبة عليهاا الفارة ممم
مجاوباتش شعل لفيووز ودورات وجهاا ودوك لعيني معسليين بنعاس والرغبة حط ايدو على جبينها وهوا ناازل تغمض عيينييه مبغاش يحششمهاا كتر وعطاها رااحتهاا وغمس فالشهدة فنص الليل ....
صبح نااشط وعلى غير عادتوو ليلة رجعات ليه مورااال والنشااط واقف قدام لماريةة كيسد فلقاميجة وعينيه عليهاا بابتساامة كانت فاسابع نومة وحوايجها مزلعين فلارض فراش مغطين بيه والنص فلارض لحرب ناضت فلبييت توجه لجيهتها بريحتو لقويية لي كدخل لنيوفك بزز منك وتعشقهاا خشا ايدو تحت لغطا حشها على كرشها الداافئة تقفزات من برووديت ايدوو وحلات عينيها علييه
مجيد(غمزها)لحلاااوة فقتي
زهور:صباح لخيير (شافت فييه وتفكرات لباارح وضحكات بصوت تقيل وصوت نااعس)حيد ايديك بارديين 
مجيد:(باسها فجبهتهاا)نوضيي حيدي عليك لعكز ودوشي
زهور:ممم شوية ونووض ..ندير ليك لفطوور
مجيد(ضحك )عندك علاش توقفي( ضرباتو لصدرو وضحك) هي خليييك منعستيش بكريي اصلا خديييت لي كان خاصني تزوهرات عندي ....هانا مشيت الى قنطي سيري عند تورية وكلسي حتى نجي عندك مع ربعة ؤك كبيدة
زهور(جرات عليها لغطا وعينيها تقاال بنعااس غمضاتهم)وخة ...حسات بقبلتوو فحنكهاا وناض خلاها رجعات نعساات...
كانت ناعسة تحساات بحركااات فوق منها حلات عينيها وبان ليها عادل وجهو كحل غوتااات بجهد تفااقت من نعااس كتنهج ودموع فعينييهاا كتنعل الشيطان وايدها وفمها كيترعد شدهاا حرييق فكرشهاا وكمشات ملامح وجهاا بالم ناضت لبسات بينواارهاا وشدات فلحيط من الدووخة ...مشات كتجري لحمام استفرغاات شادة معدتها ...محيلتها لحلمة وجهو كحل كيخلع فوق منهاا دفلات محاملاش تفكر بلي شي نهار كانت معااه ولا تفكر لهاد لحالة لي ولات فيهاا واش غير الاعصاب فلمعدة ولااا بصح حااملة..

ليلة لي قبل منعسات زهور مشافتو بالها كولو مع ولدها..ضرباتها الفيفة فنص ليل وناضت من حدا مجيد توضات وقصدات القبلة متوجهة لخالقها..بمجرد مابدات تتلو السور دموعها نزلو على خدودها..خافت تحرم من ولدها ديك ساعا دنيا انكحال فعينيها
صلات بزااف تالوقت فظلام مكاين تا ضو من غير ضو زنقة ..دعات بزاف وترجات الله وشكات ليه فالاخير زولات الفوقاني تالسادل باش كتصلي وحطاتو بعفوية فطرف الناموسية وكانت قاصدا تخرج لطواليط تا شداتها يدو..هو لي ملي سمع شهقاتها ضرباتو الفيقو وبقا جالس حاط.يدو على فكو تيشوف فيها..شاف فيها زهور الام لي ممكن تدمر لتفرقات على كبدتها
جرها تا جلسها على حجرو وقال بصوت منخافض:الله يهديك
مسحات على حنوكها وقالت بصوت باكي:نمووت الى مشا ليا..ايتكرفصو ليا عليه(غلباتها البكية)ايكونو دابا تكرفصو عليه
مجيد:(خشا ليها وجهها فعنقو وقال)كنقسم ليك بالله ولدك ايرجع معاك غدا اقسم لك بالله
زهور:يااربي مابقيت بغيت والو من دنيا هي ولدي يؤجع ليا
مجيد:(محسر)ان شاء الله ايرجع
جرها للفراش حاضنها تيمسح على شعرها تانعساات بكثرة تعب التفكير 
**
يوم المحكمة كانت لابسا واجدة دايرة درتها رطبة كل مرة كتلق من شعرهاا ووجهها فيه تعب ..مجيد هو الوحيد لي غيرافقها منع اي واحد امشي معاها
كانت مغبونة وقلبها تيضرب على جهد..طلعو لسبارة ساكتين وضلاام تاوصلو للمحكمة لي كان قدامها بزاف تالناس..شد فيديها قبل ماينزلو وبتاسم ةقال:مجنينية ليوم اباات ناحسني تاني ههه
زهور:ياااربيي
نزلو وشدو فيد بعضهم ودخلو..بنسبة لمجيد عادي لانه ماشي اول مرة يدخل محكمة بحكم خدمتو..لكن هي شداتها رهبة واخا فايتا طلقات فيها
زير ليها مجيد على يدها وهزات فيه عينيها باستفسار لكن وجهو كان مفيكسي فشخص اخر لي هو عادل لي واقف صحيح فصيح خاشي يديه فجيب سروالو واقف بدون مبالاة ممسوقش..حدو شافهم وشاف يديهم مشادين وهو يدير بتسامة ستهزاء..وقفو بعيد وعطاتو زهور بظهر محاملاش تشوف فيه..اما مجيد مكرهش يشدو ادير ليه مدار بوتفوناست لدا حماد
عادل: يكما القااضي غيعكس 
المحامي:كوون هاااني القضية مربووحة ان شاء الله ..(غمزو)القاضي معرفة قدييمة)
***
امين:جبتي الضوسي لي قلت ليك ا زهور
زهور (جبدات ورااق طبيب او تصويرة الاشعة ديال ايدو) هاهوماا 
مجيد: امييين معول عليك اصااحبي
امين:يكون خيرر 

لحظات تناداو اسمائهم وتم داخل هو وعاد هوما..نطق مجيد فوذنها بشوي:عاودي كلشي متخلي تاحاجة باش تغرقيه ..
حركات راسها لانه لسانها تسرط..دخلو وجلسات هي وعادل مقابلين محيدش عينو عليها ااشيء لي خلى مجيد هي تيزعزع فرجليه..كانو جوج محاميين..بدا القاضي الجلسة وترافع محامي دعادل ودعاه القاضي يهضر..حمحم عادل ونطق :انا اسيدي كنت مزوج بهاد سيدة وعطانا الله ولد لكن مكتابش نكملو وتفارقنا..وبقات الحضانة معاها وبقيت تنصرف على ولدي وتنشوفو تا كتاشفت انها تزوجات ومعيشة ليا ولدي مع راجل اخر لي تيتكرفس ليا عليه وتيضربو وتيدير ليه عقووبة
القاضي:عندك شي دليل على هاد الهضرة؟؟
عادل:الولد مبفاش بغا مو لانو راجل مو تيتعدا عليه...تيبكي وتيقوليا مبغيتش نعيش معاا مااما ....ونزيدك اسعادة القااضي كيضربووه تهرب لييهيهم بليل بغا يجيي عنديي 
زهور:(مصدوومة) كدااااب 
القاضي:شوية سكااات وتسنااي نوبتك 
القاضي:هنا عندي دعوة بانك خطفتي دري لمو وخديتيه بلا موافقتها زائد فايت ليك دخلتي لحبس على ود النفقة مكتعطيهااش 
عادل:خديتو اسيدي حيت مبغيتش ولدي ازيد دقيقة فداؤ داك سيد لي تيتكرفس ليا عليه والنفقة داك لعام بوحدو لي معطيتو شحيت كنت درت كسييدة او مبقيتش خدااان 
القاضي:(تيشوف فملفو)معندي هنا تا شس شهادة طبية كثبث بلي للولد مكرفس
عادل:حن هي مدرتهاش
القاضي:ونتا لقيتها سايبة وديتي لولد لمو..وهذا تيتعتابر ختطااف
عادل:ولدي مخطفتوش مشا معايا بخاطرس
القاضي:الولد عندو خمس سنين معندكش الخق تاخدو والقانون باين مجراه(شاف فعادل)عندك ماضيف؟؟
عادل:اه اسيد القاضي..عاد سيدة اسيدي مزاكياش فطريق الله وعارفخا كتقدرش تربي ولدي حيت عاشت حياتها ونسات دري ...هرباتو عليااا ومكتخليهش يهدر معاياا باش ميكولش ليا اش كديرر ....سعادة القاااضي ولدي الى بقا مع هااد السيدة غنترزا فييه ولديي غيضييع
القاضي:(حرك راسو)واخا(شاف فللمحامي)عندك ماضيف؟
المحامي:لا اسيدي
رجع عادل لبلاصتو مخلي كواري زهور طايحيين غرق ليها لبابر كي تنقولو ...خلاها تتبكي وتعاود اما مجيد تيعض على شفايفو بعصبية مكرهش انوض ليه...
ناض محامي زهور تيقدم شنو كاين ونادى القاضي ليها..ناضت تترعد وقفات قدامو وقال القاضي:هضري ابنتي
زهور:(بدموع)انا كنت مزوجة بهاد الراجل ملي كنت صغيرة وطلقت منو بولد بعدما شفت منو الويل هزيت ولدي وزدت وهو عندو شهراين ومعمؤو سول فيه تا دار دري عامااين عاد باان هو وقاليك بغا يشوف ولدو ومكانش تيصرف عليه بتاتا لمدة عامين مشفتوش باقي..ملي يغا يشوفووكنت تنعطيه ليه اشوفو فالويكاند وقلت نخلي الامر بيناتنا بلا محاكم..مؤخرا تزوجت وولدي بفا معايا فاش عؤف هو جا قاليا بغيت نشوف ولدي وعطيتو ليه ولاكن(تتبكي)داه ليا جوج سيمانات ورجعو لياا مهرس هء هء مراتو تعداات علييه ومع داالك خليتو يشوفوو وداااه وانا معارفاش الولد فينوو..دا ليا ولدي وخلانيي مشوي
القاضي:وعلاش معمركي دعيتيه فاش مكانش تيعطي النفقة؟؟....درتي غلط ابنتي..

زهور:مكنتش عارفا وكنت غشيمة وجيت لاكادير وخدمت على ولدي تا كبرتو ومعمرو سول فيه كان تيقوليااا ولدك نهار يكبر غيعرف باااه صرفي علييه تاتشبعي وملي يكبر غيجيي غنديي بااارد 
نقز عادل بدون شعور:لا اسيدي عطيتها نفقة مامرة ماجوج
القاضي:(خزر فيه)جلس الارض محكمة هادي
حلس عادل نعصب ضرباتها ليه بنكرة ونطقات زهور مكملة:دا ليا ولدي وخلاني مشوية عليه..اقسم بالله كون كان راجلي تيعامل ولدي خايب منصبر ولكن تيعاملو بحال ولدو..بغيت هي ولدي ميعطيني والو
القاضي:درني غلط كان عليك تدعيه على نفقة فاش متيعطيهاش 
بتاسم عادل بخبث واضاف القاضي:القرار بعد المداولة
رجعات زهور لبلاصتها تتمسح فدموعها ومجيد خاضيها معصب فحين عادل حالس ببرود والمحامي كيطمنو انه ياخدو الحضانة وهو كان باغي هي الفلوس..
رجع القاضي والرؤساء ونطق :استنادا الى القوانين المنصوصة عليها في مدونة الاسرة..حكمت المحكمة حضوريا على المدعو عادل ا*** بغرامة مالية قدرها**** درهم نتيجة لاختطافه لابنه ..واسقاط نفقة المحضر على المدكور اعلاه مع بقاء نفقة الصير..واستنادا الى المعلومات المنصوص عليها في القانون **** فان حضانة الولد المدعو ايمن**** عائدة الى امه وعلى الاب اعادة الطفل الى امه ودفع غرامة مالية 
تقزات زهوور فرحانة بدون شعوى تا خزر فيها القاضي وستأنف كلامو:ومن حق الاب رؤية ابنه في نهاية الاسبوع..رفعت الجلسة
عادل (ناض قاافز معصب كيغوت)لاااا هدشي ميمكنش ولدييي منخليييه شليهاااا سياادة القاااضييي ولدي كتعدبووو واش تبغي ولادك يعيشوو مع رااجل مهم هدشي ماشي معقووول 
القااضي:احتااارم رااااسك اشرييييف حنااا ماشي فسوووق رااه محكمة هادي ...كون بغيتي ولدك متفرطش فيييه نهار اللول ...طالعنا على الملف ديالك ميمكنش لييك تديييه وهدا هوا القاانون نهار يدير لولد سبع سنين ديك السااع نااخدو رايو اما داباا فالوصااية للام ....تزيد كلمة وحدة ندييك فين تربااا 
ناض القاضي مغادر مع الرؤساء وزهوؤ رجعات فرحانة نقزات على مجيد عنقااتوو فرحاانة فحين عادل نزل راسو وخرج معصب وجهو حمر ضرب فكتف مجيييد بجهد و..تبعو مجيد بعينهس حالف عليه باسها فراسها وقال:شتس ههه عرفتو ايرجع
زهور:احححح الله ولدي ههههه امتتا نشدوو
خرجو من القاعة لقاو عادل مع المحامي تيدوي بخيبة امل وعصبيية :قلتي ليااا انديوهاااا 
المحامي: المحامي ديالهم كانو عندو وتاائق بلي نتاا مهاااجر وعاد زيد عليها الحبس لي دوزتي على النفقة اشنو بغيتي ندير لييك والقااضيي لي كنت معول عليه صدق ماشي هواا...سي عادل درت جهدي
عادل:شنووو داباااا؟...نخلي ولديي لشمااايت 
هاد لكلمة طااحت فودن مجيييد وزير راسوو بزز 
ا هي شافهم تقدم عندهم وقال:زهور اجيي ندوي معاك
خزرات فيه زهور وهو ينطق مجيد لي سنانو عليه قد خيزو :ا زهور كاتب عليها الحاااج جمع كرك شويي وضور فحالك جيب لولد
عادل(شافييه وشافيها باستخزااء )هدا هوا لي بغيتيه يربييي ولدييي يااااك اش غيعلمو تسلكيط ولهدرة لخاااسرة هااا 
فلمح لبصر مجيد شدووو من لقميجة من عنقوو وسط لمحكمة والنااس كتفرج وزهور شدات ليه ايدوو وامييين يهدن فيه 
اميين:مجييييد اش كدير حضر عقلك انصدقوو كابيين لما فرملاا
عادل (هي سمع هكاك )خليييه اش كيعرف غير يضرب ويخسر لهدرة شمااااتة هادي هيا الرجلة عندك
مجيد:انا شماااتة
عادل(بتحدي)شماااااتة ونص 
جرو بجهد ودخل فيه برااس وسط لمحكمة تجمعاات جوقة ولغوااات كلس كيدخل ليه نااسي فييين هوااا وتعادل مخلاش حقوو اما زهوور عيات تغوت وشداهتت مراا لتدخل بيناتهم يرفسوهاا بحاات تدخلوو لبووليس جرووو مجيد لي كان كيدخل فلبونياات حكمو ليه اييدييه وجرووه كي شي تور جااهل كينهج خرجووه ...هز عينو فزهور وشاف فاميين ..ديييهااا ديها تجيب ولدها مشغلكش فياا ديهااا
زهور(بلبكاااا)مجييييييد اش درتييي اششش هءهءههء مجييييد ...اويلي فين غاديين بييييه ....

بغات تبعووو وشدها امييين خرجهااا بغات طيييح تمخرجيين حتى عادل وجهو كامل دم 
عادل؛والله تنغرفووو او ولدي غندييييه برب
امين:الى رفعتي عليه شي دعوة عرف جوج دعوات ايترفعو علييييك النفقة والخطف وشوف شكون ايغرق 
زهور:وكلت فيييك الله الحمااار 
عادل :هاحنا غنشوووفووو شكون ايربح 
مشا لطموبيلتو بيديكلاريي بمجييد ....صونات زهور لختها حكات ليها اش وقع وجات عندها هي وسعيييد 
سعيد:عنداك يشدووه 
امين:معاارفوو صحاح من هاد النحية يا خوفي داك خينا يشدها ضدد القضية وميبغيش يعطينا لولد 
سعيد:مشاكيييل وشنو داباا اش نديروو 
امين:خصاني واحد لورقة باش نمشيو نجيبوو ادم ...والى معطااوهش لينا غنديو ليهم لبولييس 
سعيد:او مجييد 
امين:نجيبو ادم ونمشي عندوو ....يالله 
مشات حسناا وزهوور مزال مكملت فرحتها ب ولدها خدات ضربة خراا ركبوو فسيارة سعييد ومشااو فاتجااه دار عادل او ورااهم سيارة ديال الدرك نزل اميين هوا وزهور وبقا سعيد او حسنا فالطموبيل
سعيد:هاد زهور باز ليها تباقة واقفة على رجليهاا....منهار حطت رجليها فديك الدار عمر نهار لبيض حلمات بيه 
حسناا: كنس كحل يلاطييف (بغات تخرج وحبسهاا
سعيد:كلسي اللرض ونني خاصك هي فين تناتفيي 
حمر فيهاا وكلساات 
امين كان هاز فيدوو لورقة او وراه الدرك بالبسة او جنبو زهور دق فلباب جوج مرات دقان تاع لبولييس ناضت فاطمة كتجري يالله بغات تبدا شافت لبوليس و ضربات الطم 
امين: جيبيي لياا ادم 
فاطمة:لااا احويا راجلي مكاااينش 
امين:عندي ورقة من لمحكمة الالة جيبي ليا ادم متخليناش نديرو شرع ايدييينااا 
زبيدة(طلات)ياك لباااس هاجمين علينا وحنا غير وليااات اسيدي منعطيك متعطينيي تيجي بوووه 
زهور(بلغوات)ااااادم ....اددددم خرووووج عندي
دفعااات زبييدة بجهدها ودخلات لداار كتجريي لقات ادم عينيه داابليين بسخاانة وشاد فلحيط كيبكيي ملي سمعهاا والصوت بااح كيقول ماما ....طارت عليييه تكلسات على ركااابيها كتبكييي معنقااه كتقلب فيييه فسيمانة ضعاااف وصفااار 
زهور:مالك اولدييي هءهءههءء ادم
ادم:هءهءهء دينييي امامااا كح كحكحكح 
زهور(مخلوعة هزاتو)صافيي شوو اندييك صافي 
خرجاات معنقااه ومخلية امين شاد تورية لي بغات تحيدوو ليهاا تادخلو جونداارم ورجعو اللور وتبعهاا اميين وقال:ها ولدك الزغبيية نمشيو نفكو داك هيرقل ....مبرووك ههه 
زهور:تطرفصو عليييه مريييض هءهء ولدي مريييض ...
ركبات اللور فالطموبييل مع ختها كتقلب فولدها وتفليييه لقات جنبوو زرق وقالت:شكون ضربك شكوون 
ادم(بصوت تعب)هءهء ديك لمراا فاطمة كضربنييي امامااا 
اميين:غنمشيو داباا نديرو سرتفيكاا عند طبيب واتحطيها مع لملف 
وفعلاا مشاوو لسبيطاار قلبووه وفحصوه وصورو لييه ضهروو ولقريييص فدرااع والرجليين ....

اما مجيد فراه كالس بتقالة فلبيرو داير رجل على رجل كيربت فصبعوو وكيدور فعينيه فلبيروو تدخل لكوميسير وقال:السيد زربان بغا يرفع عليك دعواا لقا رااسو اصلا خاثو لحبس وتناازل ...
مجيد(تقاد)خاصو لي يقادو هدااك...صافي هي نمشي!!
_وايليي كلس شوية مرحبا بيك ف فقيه بن صالح يكما خاصك شي زييت ههه 
مجيد:يعطينني هي التقار داك كحل الراس مخاصني زييت 
ضحك لكوميسير بتقاالة وقال :شوطوو وهني لوقت ...اسيدي فرصة سعييدة
مجيد(جبد لكارط ديالوو)الى جيتي لاكادير مرحبااا
_ ههههه الله اودي غير متكون عليها شي ضريبة 
مجيد(ضحك وغمزو )لوقت لي حصلتي هيي عيط ولاعلييك 
وقف باحتراام وسلم على مجييد وخرج ناافخ صدروو بان لييه عادل ف باب لكوميسارية كيمشي ويجيي ...داز من جيهتو كيلعب بالتيليفوون 
عادل: الرشوة ياااااك 
مجبد(شافيه وقرب جيهتو)الرشوة ننا لي كتعرف ليهااا امااا انا (خبط على كتافووو)كتاافي عاامريين هادي وحدة التاانية لكرة جااية تجبد زهووور على فمك لخاااانز غن(عض فموو) لقيتيينيي ناااشط مااشط شوفف خير منيي ابابااا انخليك مراااااا مرة تهدر مع ولدك سمعتي مرااااا مراااا ....واا دييك سبانيا لي مصدع لينا ك*** بيهااا غنخشيها لمك فق** ههههه ترجل اصااحبيي ترجل 
عادل(حرك راسو بشمتة) تحلو ليك لعينين ملي خرجتييي دابااا وموقع والو ياااك ....مزال ليااام تلاقينااا وزهور والله لبقات لييك 
مجيد:سير عند مك تراري بييك ولا وصلتي ودنك (قرب ليه)تقبهااا 
خلاه وراه كيبخ الدم ومشا شد طاكسيي ومشاا هز طموبيلتو وكمل عند زهور لي كانت وسط لكلينييك هي شااافتو داخل ضااحك محساات تطااارت عنقاااتو معقلات لاعلى ختها وراجلها ولا مهااا لي دورات رراسها كتولول
زهور:هءهءهء مجيييد 
مجيد: بقا هي لحبس ندخلو ليه معاك ههههه
زهور(بحرج )هءهءه سمح لياا لمصايب كيطيحو علييك معاياا هءهء 
مجيد:شو لحمارة مهاا على هضرة ...ازمر داك خينا حساب لييه مطوور السعاتي هرستهم لييه ....خلينا منوو ....فين ادم اش وقع لييه 
زهور(مسحات عينيهاا)دكو ليه برا ديال السخاامة هءهء واحد شوية وندخل 
بقاو كيتسنااو تدخلات زهور لقاتو مسطح وحنيكاتو حمرييين وعينيه نايميين قربات ليه وحل عينو تدخل مجيد مدار تردة فعل ومشاا عندوو مببتااسم كيف عادتو وقال:مجينينة شوية كشرك شي حاجة
ادم(حرك راسو بااه وحط ايدو على حلقوو)
هز مجيد ايدو بحنيية ولمس لييه حلاقموو وقال:هناا اباباا كيضرك مكتقدرش تسرط (حرك ادم راسو باه)هي تشرب دوا تولي بخيير 
ادم(شاف فزهوور )مامما نمشييو مبغيتش نبققا هناا غضربنيي هاديك هءهء كح كح
زهور:صافييي غنمشيو توحشتيني 
ادم:مممم 
هزو مجيد والاخير معتارضش مريض مهلوك لاح راسو على كتف مجيد بعيااء راخي ايديه وزهور كتبسم ليه خرجوو من سبيطار وتوجهو لدار عند رحمة....
اما عند عادل وصل داير فااصمة على جبهتووو ةمضروب ضربة خايبة جيهت نيفوو دخل هاايج كيقلب علىى ادم 
عادل:فاااطمة جمعي لياا حوايج اددم نديييه ....برب ميشدوووه ولديي ميشدوووهش 
زبيدة:هاا عادل اجي اولديي غير برررد الله ارضي عليييك 
عادل(بلغوات)ودغياااا 
فاطمة:و ولدك داتووو مووو جابو جدارميية وداااوه دخلو تالدار 
تكب سطل تاع لماا بارد على عادل حييح ومخلا مدار صوتوو بح ومخلا مهرس هز مووس كبيير وركب طمووبيلتوو يالله بغا يدور بانت ليه طموبيلت مجييد دايزة فطرييق وتبعها بعينيه تضارت لجيهت دار زهوور ...ترجل من تلطموبييل كينهج وغادي جيهتهم هوما لي نزلو ضاحكين من الطمووبيل جبد لمووس وغادي لي عاطيه بضهرو كيهضر بتيليفونوو 
هزات زهور عينيها شافتو جاي كيجري ولمووس فايديه فاتجااه مجيد لغوتة مخرجات ليها غير بزز 
زهور:مجيييييييييييد

هز مجيد عينووو فيها ودغياا داار خوا بعادل فااخر دقيقة وطاح اللرض 
بدا لغوااات وادم تصدم وطلقها فحوايجوو على مووو وكيبكيي 
سعيد:دخلووو دراري لداار دخلوو 
جروو زهور او ولدهاا بزز وخلاو روينة ناايضة 
عادل؛والله لديتيييه الكلب(هز لمووس بغاا يعطيه تشدوو سعييد من ايدوو من اللور ولواهت ليه تغوت ولاح لمووس وقف مجيد كيسوس فسروالوو وشدوو محمد ومصطفى جاو جيران كيجروو فعاادل لي كيتوعد لمجيييد بلي غياخد لولد 
مجيد:واش هدا كيفكر 
سعيد(كينهج)ياربيي تحد لباس هاد السيد راه كيقلب على لحبس 
مصطفى:دخل اولديي دخل طيرها منا خلعة
مجيد:مكااين فين ندخل عيطو على زهور او ادم مغييزيدووش دقيقة وحدة وهاد خيناا هنااا 
سعيد؛معندوو ميديير صاافي خليهم غير يرتااحوو
مجيد:غيرتاحو فمراااكش (بامتنااع)هنااا لااا 
دخلووو لدااخل لقا زهور كتسكت فادم لي تخلع وكتبدل ليه حوايجو بحوايج ولد حسناا 
مجيد:زهور نوضي يالله 
زهور:وخة وخة
هز ادم عندو كيبكيي مشات بدلات عليهاا توادعات معاهم وخرج شاادهاا مخنزر حل ليها لباب ركباات سدو وركب ادم اللور ودار لييه السمطة. وغطاه بملاية زرقة صغييرة من لبرد وخرج ضار لبلاصتوو وحك رواايض وضاار مخلي لغبرةة وراااه لكاع لي واقف كيتفرج ....
مهضر متكلم تاشد طريق مراكش وهوا غادي بسرعة تحبساتو زهور
زهور:بشوية امجيييد عفاااك 
مجيد (نقص بالسرعة وقال بصوت هادئ)محسيتش 
زهور(تنهداات وشافت فادم لقاتوو نعس وضارت لبلااصتهاا ساكتة كتنهد تحط ايدو على ايدها وهزها باسهاا) ولدك رجع صاافيي تهدني ورتااحيي لسميتو راجل يجي يقلب عليه تانيي 
زهور: مشفتيهش كيف كيتحلف
مجيد:خلعك!! تداك ولد مووو يخلعنيي صافي غير هاز مووس راه ولا وااعر ...كون كانت فمو لفاايدة يجي عندي نوريه رجال اش كيسواو ولاكن شمااتة مافيدوووش ....داباا نسااي عليا هاد لحزاااق 
ركات راسهاا باه برااحو فطرييق شداتهم شتاا مجهدة بجهد وطرييق عامرة دخل لوطيل لي جابها ليه اول مرة وتبسمات شافيها وقال: جبتك للمصدر هههه باش ندير داكشي لي مدرتوش ديك الليلة ههه
زهور:هههه 
نزلاات وحلات لباب على ولدها هزاتوو ودخلو لوطيل خدا شوومبر كبييرة وتوجهوو ليهاا دخلو وهوا وراها حطات ادم فسرير وغطاتوو ويحدات لمونطو حيت شومبر داافية تلااح مجيد فوق لفوطووي مهدووود
مجيد(لاح راسو وغمض عينيه)كيبان ليا نمشيي نغسل عضيماتي فلحج (حل عينيه وشااف فزهور كضحك وربت على رجلو وجات عندو تلاحت علييه وعنقاتوو)
زهور:معرفتش شنو كنت اندير بلا بيييك...نعطيك عيني ومنفولش احح
مجيد:ديك احح هيا لي بغيييت ابنت النااس ههه دابا من اللخر توحشت شي تدويشة من ايديك
ضحكات وقالت :هيا لي متعااود ههه 
وقفات من علييه ومشا دخل لدوش كلسات حدا ادم شوية كتبوس فايديه او وجهو هوا نااعس تنهدات برااحة وناضت دخلات لدوش لقاتو كيعمر بلبيينوار ولبخار طاالع وكان الضو خفيف فلحمام حيدات حوايجها مع ضارت تحط تحلو السوتياناات تضحكات وحيداتهم...دخل ودخلها وسط رجلوو حز رجلييه فلقنت وبدات كتسرح فزغب كحل فرجلو وقال؛ كون هي ضفرتيه يجي امزيناتوو
زهور؛هههه مكدبتييش (لاخت راسها على صدرو براحة كتلعب فلما مستمتعة بلجو الداافئ لي فتاقدااتوو

يوم جديد شدو طريقهم لاكاادير فجو ديال شتاا ولبرد لقاو تورية كتسنااهم كي دخلو زغرتات وهزات ادم كضحك وتبوس فييه وقالت:مال لحبيب دياليي ...ضربك لبررد هااه
ادم(بعيون نائمة)ممم 
زهور:بسييف ميضريو لبرد كون شفتي لحالة فاش لقيتوو 
مجيد:صافييي نسااي هاولدك حدااك دخلو راه لكز 
دخلو لدااخل لقاو الطبلة عاامرة والسييدة لي جابو بلاصت كوتر مزوجة بوليداتها وداخلة سوق رااسهاا 
نزهة:على سلاامتوو الله اخليه لييك
زهور:امييين ويخلي ليك وليداتك ياربيي 
مجيد:يكما قاهراك هاد السيدة ...دعيهاا
نزهة:اوهوو مقاهراني والو هههه الله اكنر من متاالههاا ياربيي 
تورية:اوى زيديو تفطرو اتكونو جيتو بلا فطوور 
زهور: فقنا بكريي وشديينا طرييق ...ادم اجي اماما نفطرك
ناض عندها خاافز كلس فوق ركبتهاا دارت ليه بتيباان والشكلااط او كاس نلحلييب برداتو لييه ومداتو ليه وكل مرة تعنقوو وتزيرووو تيتزنك
مجيد:ابااركة نتي وطايرة بكر لي واالديين ...شوكي زنكتييه
زهور:توحشتووو ياربيي توحشتوو
ادم:تانا توحشتك اماماا بزااف .
تبسماات ورجعات كتفطر وتجمع وضحك دخل نعماان ومشا عندو ادم سلم علييه ...
بدات تورية كتقول ل نزهة اش دير لغدا تنقزات زهور وقال: ندير كسكسوو اخالتيي 
تورية: ايييه ابنتيي نديروه مدرناهش نهار الجمعة 
الحاجة:لا تكتوش لملحاا راه اتقتلوني قبل لوقت
مجيد شاافيهاا حيت كالس حدا رجليها وقال:علاه نتي هاد لوقت كعما بيفووت راك داخلة فالاشواط 
الحاجة :هاا اشناهوما هادو 
نعماان: كتحااسبي مع عزرااين ا ايناا 
الحاجة:ايقطعكم 
ضحكو وناضت زهوور بكل نشاط لقات تورية شعرية ليها بيجامة جديدة ببينوارها او بنطووفة عنقاتها زقالت:زوينين الله اعطيك لخير
تورية:داببااا غيير بيناتنااا ازهوور هاد كل مرة مشهية حاجة مدخلاتش فييك الشك
زهور:راهب بغيت غدا نمشي لطبيب
تورية:هاويلي حنا بقا لينا ميمشي تالغداا...نتي ديري لغدا ونا نمشي نشري ليك التيست وديرييه وغيبان كلشي 
زهور:وخة ههه صافي 
لبسات زهور لبيجاامة ودخلات لكوزينة وادم فالصالون شدو مجيد كلسو على ركبتووو كيتحاور معااه وكيسولوو 
مجيد:ياك حافض نمرت ماماك ونمرتي ..علاش ملي وقع هدشي مصونيتيش
ادم:مكيعطيونيش تيليفوون وتنقول لبابا بغيت ماما تيقولياا لااا كاين انا داباا او كالياا لي سولك كولييه مجيد كيضربك 
مجيد؛او كلتيهاا
ادم(حرك راسو بلاا )مكضربنييش 
مجيد(داعب ليه شعرو زقال)يالله مضربو ضويرة انا ويااك محد ماماك مخشية فلكوزينة ...نعمانيالله معاياا 
نعمان:لا هي سيير غادي لخدمتي داباا
ناض مجيد كلس ادم ولبس لييه سبرديلتو او تجاكيط لقاو زهور فلكوزينة علموها وخرجوو لقاو تورية غادية خارجة 
مجيد:فين شاداهاا
تورية(كتقاد فلماحف على شعرها)غيرر هنااا دغيا نرجع 
مجيد:خصاك شي حاجة
تورية:لاا لا مخاص والوو 
ركب فطموبيلتو وخلاها هيا مشات لصيدليية ورجعاات وعطاتو لزهور دارتو فصاكهاا وكملتت معاها كسكسوو فجو نااشط وبخير ...
فيحين مجيد وادم دخلو لداار هاز فايدوو كرااطن طواال وطابيي دخلو لكوزينة فلبالكون لي كان كبيير مشروك مع لبييت ديال ادم حط داكشيي وجاب شانطة ديال لفيسات وسرح لورقة وبدا كيركب وادم معاونو فرحاان كيعطييه وينقز حدااه 
ادم:مغيضربووش لبررد لصبات شتااا؟
مجيد: لااا هاديي سخونة ديال لعوود ومغلفة من لفوق باش مدخلش ليه شتاا ...دخل نتا شووف واش ايجيك لبرد
ضحك ادم وبدا كيحبوو تدخل فلبييت لي بناو لكلب متلت من لفووق بلحمر وجدرانو باللون لصفر وبدا ادم كينبح وكيطل من لباب 
مجيد:ههه تعمقتيي بزااف خرج خرج ههه
خرج ادم وكلس فدريجة ومجيد كيقاد فلخشب بهتمام وشاد لمطرقة كيضرب فلمسماار حتى قاادو ودارو فبلاصة مكتوصلهاش شتاا بقاو تما تصونات ليهم تورية باش يجيو يتغداو ...قدارو كلشي ومشاو لقاو زهور حاطة قصرية تاع كسكوو بلخضاري ولحمص او لحم حطات لادم فطبسيل وبرداات لييه ومجيد كب لببن ولموناضة لي بغاهاا ...شربات زهور لبن وكملاتها بلموناضة وكسكسو تاخرج ليها من نيفها...
دوزو نهار تما ومشاا لداار وادم كاليها على لبيت لي بناو مشات شاافتوو وضحكات وهوا كيدخل فيه ويخرج ...اول حاجة داارت دهلات ادم لدووش فركاتوو تولات كتنهج وخرجاتو لبساتو حوايج داافييين شرباتوو دواه وغطاتو خلاتو كيتفرج فااصالة شدها لحرييق تحت كرشها وكلساات كتسووط شافها مجيد وجا حداهاا وقال:لحرييق تانيي 
زهور:شوية
مجيد(بهمس)واش انا لي وليت كنفورصي عليك ولا نني لي كتر فيك تبووحييط
زهور:عاد وليتييي!! باااز 
مجيد:هههه هدشي لي عطا الله قبلي علي داكشي تاع بشوية ايسمعونا مخدام شمعاياا
ضحكات وناضت بغات تدخل لدووش وتفكراات التيست وهزاتوو عاضة على فمها عمرها استعملاتو ولا عرفات لييه ...دخلات لدووش مبقا فيها لي صبر تالصبااح يالله دارتو وايديها كيترعدوو سمعات مجيد كيعيط ليهاا
زهور:بلااااتي امجيد
مجيد:نعسي تما تيضربك شي جن 
ضحكات عاضة على فمها كتسنا النتيجة مغمضة عينييهاا والرعدة شداهااا حلات عينيهاا ببطئ

حلات عينيهاا ببطئ لقاات جوج شرطااات واااضحين وضوح الشمس ..كتفكر اش كالت ليها تورية واش حاملة شرطة ولا جوج شرطاات تلفات حطااتوو فطرف لفابوو ومشات جيهت الشبكة هزات لميكة كتقرا مفهمات فا كلشي بالفرونسيي تاتحل لباب 
مجيد:اش كتصنعي فالدوووش ؟؟ (دخل حل لفاابو غسل ايديه يالله بينشف بان لييه اما هيا تسمراات حدااه هزوو بين ايديه وقالت باسف :محاملاش يااك!!
مجيد (هز عينو فيها بصدمو ) حاااملة افريخة شتااا ههه 
🥀🥀
توسعاات ضحكت زهوور محسات تلقات رااسها مجرورة عندوو وهزها وخرج بيها من الدوووش فرحااان ومقادااه فرحة حطهاا وغمض عينوو وقال:واش بصح حاااملة هااه حاااملة
زهور:معرفتش ههه والله
مجيد:واش هدشي فيه معرفتش باغة ديري لياا راو داوو ...وكضي معايا حاملة ياااك 
زهور:معرفتش قرا هادي 
شدها من عندهاا ولاحهاا وهزهااا كيبوووس ويعنق تلاحها على الناموسية مامفاااكش كيبوس ويجر شفايفهااا بقوة كينهج تخلطات عليه الفرحة مع الصدمة 
مجيد(شافيها كينهج وبدا كيضح)ياربي نكون فااايق ...الزهواني ايوليي بابااا ههه
زهور(طرشاتو بشوي)اتشد طريق كلاك زهواني 
مجيد(باسهاا بلغدايد وضحك)تبت تبت (دار ايدو تحت حوايجها تقفزات بلبرد )هداااي ازمر نسلموو على هاد لبيجواا فدقيقة تسعين 
زهور:كيفاش دقيقة تسعين ههههه
مجيد:كون مطحتش فيك كون راني مزااال باااير ههههه مزال منفرح بهاد (سكت شوي وقال)واحد لوقت ازهور مكنت نهااائيا كنفكر بلي غنكون اب كان عندي مجد فعيني نكبروو وبراكة علي ....تشفتك(تبسم وباس نيفهاا)وليت تنفكر فشي عشيشة انا ويااك او شي براهش كيقولو ليا بابااا (تنهد بحب) احساس زوين والله بالدنيااا ومافيهاا....شكراا 
مخلا ليها تكلمة متقولها داعبات لحيتوو وايديه كتلمس اسفل بطنهاا بحب نزل بكل حنان كيزرع امتنانو بقبلات دافئة على شفايفهاا وعنقهاا بادلاتو بضعف وانجارفوو تهزات راسها وقالت بهمس:ادم
مجيد:نعس 
حركات راسهاا بااه وانغامسوو فعالاقتهم وهاد لمرة حاول عليهاا دار بحساب الزاايد طول لعلاقة وهوا كيعبر على لفرحة والحب تخلاها سااكتة متوقعاتش تكون لفرحة بهاد القدر لي بين ليهاا ....
جر عليهاا لغطاا بعد مدة وطاح فوقها كينهج على عنقها ترتااح وهز راسو فيها عينيه معسلات لابعد حد 
مجيد:اتقوليهاا لتورية طيح تركل هههه
زهور:اصلا هيا لي جابت ليا تيست
مجيد:وايلي هههه مطورة هادي (مد ايدوو لتيليفوون هزو وقال)نفرحوهاا اتكون دارة لباال 
زهور(غطات وجها كضحك)هههه حششمت
جيد: حشمتي(بطنز)نوضي اختي نوضي راك ماحملتي تا شبعتي كواا 

زهور(ضحكات وقرصاتو فصدروو حناكها تزنكوو 
دوز تيليفون لموو جاوبات على لقرص وقال:على لقرص
تورية:جاوبناك وحلة مجاوبناكش عشرة ...اش بغيتيي 
مجيد:هي توحشتك كلت نصونيي نونسك
تورية:تاسييير من لهباال راك شرفتي علييه 
مجيد(ضحك)تشرفيني وانا مزال مدرت ولادي
تورية:بحال ليوم الحبيب دياليي ....اا فين زهيروو 
مجيد:مكمشة حشمانة كالت لييك
ضرباتو لصدرو مخرجة عينيها ورجع كيضحك 
تورية:وعلاش حشمانة هههه دارتها الزغبيية ياااك هههههه 
مجيد:افرحييي امنت الحسان جايك لحفيد 
تورية(سكتات شوية وقالت) خلينااا من طنز ديالك امجيييد اولدي او كولياا واش بصح
مجيد:والله تمعاك بصح اميمتيي اتولي جداا
تورية:بزاف علييك ايقوليااا مااامييي كلاك
مجيد:سمعنييي على مامي روزاليندا ومكلتهاتش 
تورية:وتادوي وا شبصح غير نزغرت هااا نزغرت 
بعد تيليي عليهم حيت داير لهوت باغلوغ وقال لعتووكة بتفيق الناس تانيي 
زهور(عينيها دمعو بالضحك )اويلي حشم شوية هههههه 
تورية: يكبر ويتربااا فعزكم اولدييي الله افرحكم ويفرح بنات او ولاد لمسلميين يااربيي (صوتها ترعد بلبكاا)فرحتوني الله افرحكم بالدرية الصاالحة ياربيي 
مجيد:وخاصك هي علا شتبكيي يلاطييف هه
تورية:مشغلكش هءهء لكانو دموع لفرحة انا باغاهم فيين زهوور دوز ليا لكبيييدة دوز 
مجيد:هاديك راه لكبيدة دياليي قلبي لييك على شي حاجة خرا 
هنا زهور معرفات كي تدوي حشمااات ولات حمرةوقالت بصوت مرتجف)الوو 
تورية:ا يويوويو مبروك علييك الكبييدة الله يتربا فعزكم ويعطيك وقفة ساااهلة 
زهور:امين ياربييي 
تورية؛وتقليد الله تشهاي ليي بغيتيي نحضرها لبنتييي عيتيي عيطي عليااا انا هيي ولديي لياا لغالي ولد لغاليي هاديك هيا الدنيا ومافيهاا 
زهور:ان شاء الله ياربيي 
مجيد:يالله تلاحي تالغدا ونجيوو ...وسيرييي ديري بووق 
تورية:اناااا ياوليدي كاع مفياا لهدرة شادة تيقارييي حق مولاناا 
مجيد:ههههه وتي نوضي معامن نتي 
قطع عليها وحط التيليفون وضار عند زهور كيهر فيهاا تشدات ليه ايديه وباسهاا وقال: ادم بلاتي ميسيق لخباار 
زهور:علاش 
مجيد:عاود لياا على بااه كان كيشد خوه ويخلييه هوا كالس ...خليه تيولف شوي وينسا لي وقع ومنها نيت نتقاربو انا ويااه وديك الساع نقولووها
زهور:وخة 
مجيد:نعسيي دابااا وصباح نمشيو لشي جينيكوو يشوف ليا كريشة الكبيدة اش فيها يكما هي شي حزقة واحلة تمااا وصافي 
زهور:هههه اويلي الله يستر
ناضت لبسات حوايجهاا ومشات شافت ادم لقانو فبيتو حولو مجيد غطاتو وتكات حداه كتلعب ليه فشعرو وتبوس فايدييه رجعات لبلااصتهاا ونعساات فحضنو بقا كيلعب ليها فشعرها تنعسوو ...فاق مجيد على صوت لبكاا وقف لبس علييه وخرج صوت جاي من بيت ادم كيبكيي وكيقول ماما ....شعل الضو مجيد وسدد ادم عينييه كيتنخصص
مجيد؛ادم مالك اولديي
ادم(كيشوفيه ومزير على لفراش بايدو وخاايف قرب منو مجيد وقال:كوليا مالك تخلعتيي؟(حرك ادم راسو بلاا وتزنك ) ماالك
ادم:بغيتي ماما هءهءهء 
مجيد:ماماك عيااانة نااعسة كوليا اش بغيتيي انا نعطيك (شافو مزير على لغطا )فيك بيبي هااا 
ادم(بخوف)هءخهء درت بيبيي فلفرااش هءهءهءه 
مجيد:علاش منضتيش لطوالبط؟
ادم:محسيتش هءهءه
مجيد:صافي شووو برااكة من لبكا وننا مرييض...نوض اجي(شدو ومرضااش ينوض) كلشي على نفيخياات نوض ههه نوضو بزز حشماان ونزلوو لرض داه لدووش طلق لما سخوون وحيد ليه حوايجوو وقاا:كب عليك لما تنجيب ليك بينوارك 
شد رشارة كيكب فلماا سخون علييه تدخل مجيد وهز لبان دوش ديال زهور دارو فلحافة ديال الصابون رطبة ودوز عليه دغياا بلا ميقيس شعروو شللو ولواه فبينوار وهزوو وقال:لاش كتبكيي اثااحبي ترجل (حطو قدام لماريو لبس ليه سلييب او سرووال او تيشور)يالله اجي حدا مامااك تالصباح وتجمع هدشي 
داه معاه لبيت طلع فوق سرير طفا ضو وغطاه ونعس حدااه وقال:عندااك نباتو كنعوموو ههه زير اشريف زير هههه
ضحك ادم وتكمش لوسط ولاح ايدو على زهور لي ميتااا هادييك مجايبة خبار ونعس

صباح جديد.فاق مجيد هوا الاول غير الرااحة من بعد مخدا اسبووع يرتااح فيه حيت حاس براسو استهلك طااقتوو ...دوش ولبس سوورفييت وسبرديلة وخرج جرا شوية جنب لبحر تولات جبهتو كتقطر وطلع طرك لمخباازة خداا اش بغاا ومشاا لجنب مدراست مجد تسنا طرونسبور تجا ونزل مجد شاف خووه ومشا عندو كيطيير ركب وسلم علييه 
مجيد: الناس ديال الشماال بخير
مجد:عرفتي واحد الرحلة وااعرة
مجيد:اييه عاود لييا 
طريق كلها كيعاود لييه زباايل والاحدات لي وقعوو ...وصلو لدار وعطاه لميكات وقال:كول لمك توجد لفطوور باركة من نعاس شوية ونجييو 
مجد:واخة ههه 
توجه الاخير لداارو كيدندن مع لموسيقى لي مخدم فالطموبييل نااشط فوق السلك مامشاش بايدو خاويين خدا الشكلااط هبط فالاقامة وهوا غادي قطع وريدة بيضة من حدا شجر وضحك ملي شافو لحساس وقال؛دعينيي ههه
_هه كلشي ديالك 
طلع لدارو جبد الساارووت حل ودخل وكيف توقع الاميرة النائمة باقة فسبااتهاا دخل لبييت وحط الشكلاط جيهت راسهاا وكلس حداهاا كيعنكش فيهاا ويدغدغ فكرشهاا عاد بدات كتحرك مهلووكة بنعااس ولعياا شافت فيه مكمشة عينيهاا وتجبداات 
زهور:صباح لخييير ممم ادم نتا ليي جبتيه
مجيد:ممم اناا ...كيصباح زينت داريي 
زهور:هه بخير 
مجيد؛اوا نووضيي ...تورية كتسناك لقطوور 
تبسمات وناض من حداهاا ضارت عند ولدهاا كتبووس فييه وتعنق وتحك ليه تفااق 
زهور:شكون جابك هاا محسيتش بييك
ادم:جابني مجييد ....درت بيبي فلفراش
زهور:حشوومة قوليه عميي ...درتي بيبي فلفرااش ويلييي وعلاش منضتيش لطوالييط 
ادم؛كنت ناااعس 
ناضت كتااوب لبسات بينوارها على حوايجهاا وحلات شراجم يتهوا لبيييت ومشات لبييت تاع ادم هزات فرااشو كامل وحلات الشرجم دخل شميشة هزات لماطلة ديالو جراتها خرجاتها لبالكون مقابلة مع شمش ورجعاات هزات داكشي دارتوو فلماكينة ودوراتوو ومشاات لبيت جمعاتوو ...ودخلات دوشاات في حين مجييد كالس فلبالكوون وسادوو كيكميي بخااطروو لبسات زهور ولبساات ولدها صلاة وخرجات عند مجيد هي شافهاا وطفا لكاروو وجغم من قهوتوو وقال:ساليتيي 
زهور:علاش مفيقتينيش لباارح 
مجيد (دخل وجرها باسهاا فحنكها) بحاال بحال شنو لفرق (دار ايدوو فوق كرشهاا ) كيصبحات لكريشة ...لحريق باقيي 
زهور:داباا لاا
مجيد؛مم غير نفطروو ونمشيوو لطبيب شديت رونديفو ليك هاد صبااح 
زهور:وخة يالله 
خرجو من الداار ومشاو عند تورية لي مخلات محطات او وجداات فالطبلة ..
نعمان:وا شهدشي هي حيت جاا مجد من الرحلة
مجد: جيت من لحبس ههه
تورية(سيفطات عليه بانطووفتهاا تاتخبا ورا نعمان)بقيتي هانتاا اخرة لمصرانة 
نعمان؛لمصرانة الزاايدة 
ضحك كيحك فايدوو تسمع مجيد كيحل فلباب ديال جردة ومشاا عندوو سلم علييه وهز ادم وسلم على زهور وقال:جيتي امجينينة
ادم:اه هه غنشري كلب
مجيد:نتا وهاد لكلب تالمووت هه
دخلات زهور حشمانة هي شافتهاا تورية ومشاات عنقااتهاا كترضي وتعااود اما مجيد دخل سلم على خوه وكلس حدا الطبلة 
نعمان:مال هاديي يكما بتزوج ...طاح عليها لحنان ولحداكة دقة وحدة 
مجيد:هاديك هي لكبدة لمعاودة بتبداهاا 
نعمان:وهيااا شي مومو فطريق م(حرك ليه مجيد رراسو باه وهوا كيحط.زيتونة ف فموو ضربوو نعماان لكتفزز بصدمة تطاحت الزيتونة فلرض)حلف بالله 
مجيد:لجد مك بشوي 
نعمان:صافي جبتو ولي العهد تسمعها لحاجة تسخف 
مجيد:ديتيها لبارح عند خالد 
نعمان:ديتهاا 
تورية:زيييد تغطري ايكون فيك جووع
زهور(سلمات على نعمان حشمانة ) 
حطات نزهة طبق ديال لمسمن لوسط وقالت:مبرووك ازهوور
زهور:الله ايبارك فيك اختيي 
اما ادم مفاهمش كاع علاش كيباركو لبهااا كالس حداها ومرة مرة يلعب مع مجد فتيليفونوو بداو فطوورهم ضااحكيين وكلشي مكاين هي هاك ازهور زيدك ازهوور حشمووهاا ...مرة مرة كيشدها لحرييق ويمشيي ستادنات منهم ومشات لطواليط هبطات حوايجهاا لقات طبيعة حمرا تحتها هزات وجهاا كترعد حلات لباب وعيطات لمجيد بصوت مرعد جاي عندهاا كيقاد فسروال شافها صفرة وعينيها مدمعييين وقالت:فيا لحرييق او نزل منيي الدم امجيييد احح

مجيد:منين جاك هاد لحرييق تااني ففف صبري صبري نديك لطبيب داباا 
دخل لصالون علمهم دغياا وخرجات تورية كطمن على زهوور 
تورية:نمشي معاكم
مجيد:لا لا هي خلييك ردو لبال غير لادم تنجيو متكولو ليه واالو 
خرجوو فاتجاه طبيبة مستريسيي وعلامة الخوف بانو على وجهوو كل مرة يشوفها كيبقات توصلوو وقف قدام عماارة وسط لمديينة كبييرة طلعو فالسانسور تالطبقة فين كاينة طبيبة ودخلوو ماشي بزااف تدخلو عند طبيبة شرحات ليها زهور ا شعندها ودخلاتها فحصاتها ومجيد وااقف كيمشي ويجيي وايديه فجيابو تسمع طبيبة عيطات ليه ودخل لقا زهور مسطحة فوق سري فجنبها طبيبة كدوز اباراي على كرشهاا قرب لزهوور ولمس ايدهاا وسول بعينيه شمو كااين هزات ليه كتفهاا 
مجيد:امضراا كلشي بخيير لبيبي موقع ليه والوو
_ان شاء الله كلشي غيكون بخيير (سكتات شوي)هالبيبي ديالكم بغا غير يتفشش عليكم شوية 
مجيد(كمش عينوو)فيناهواا ...متيبانش ..متاكدة بيبي لي كاين تماا 
_هههه قداش بغيتيه يكوون يالله عندوو شهر ونص ميبان مزيان حتى لتلت شهور عاد يبان لبيبي واش بنت ولا ولد وديك الساع اتسمعو تالقلب ديالوو ...لبسي عليك وتبعوني لبيروو 
مشات طبيبة عاونها تمسحات ولبساات وخرجو عندها لقاوهاا كتعمر فلورقة وقالت:الوغ هاد النزيف عمرو جاك فلحمل اللول 
زهور:اه فتلت شهور اللولة وقع لياا شي جوج مراات 
_انعطيك شي تحاليل ضروري الديريهم او تاخدي دواا او اهم حااجة الرااحة بعدي على اي حااجة تقييلة اي حااجة عارفاها اتعصبك ...اي حاجة فيها لوقيف بزااف ولمجهود بزاف تفدايها فهاد تلت شهور باش ميوقع لبيبي ديالك واالو وميجيكش شي نزيف خاايف لي لقدر الله تجهضي فييه
مجيد:او بالنسبة لغولاصييون ...حيت هاد لحرييق ولا كيشدهاا ديما من وراهاا 
شافت فيه زهوور مخرجة عينها ...معندو شعلاش يحشم 
_حتى لغولاصين ...الى كانت مجهدة راه ممكن تسبب ليها اجهاض كبف قلت هاد تلت شهور مافيها بااس ترتااح وتعطي لرااسها الراحة التتامة واكتر لاوقاات بقاي متكيية ولحسيتي بشي حرييق او نزيف جي او كل شهر عندك كونتروول حتى يستاقر لحمل ديالك ويدك الساع من شهراين لشهرين حتى تفكي على خير ان شاء الله 
مجيد(وقف وشد لورقة وشكرهاا وطلب نمرتها على اي تسائل خداها وخرج خلص لي عليهم وركبو فالسانسوور وقال:سمعتيهاا الراااحة تم الارحة وخلي داك لبرهووش يكبر بخااطروو 
زهور:هههه وخة ...واش نتا مكتحشمش اش داكشي سولتيهاا
مجيد:اوى شنوو اناا لعبيي خاايب نبقا نخبط تيطل علينا اللهم الاحتيااط واجب ...هانتي تهنيتي مني واحد لياماات ههه
حل ليها الطموبيل وركبات ومشا لبلاصتو وقال بفرحة:شنو تشهات لكبيدة دياليي نجيبو لييهاا 
زهور:مممم نتا هههه
مجيد:احح سعداتيي هه....سييير الزين شنو تشهيتيي 
زهور:بدلع )بغيييت الكبدة مشووية شميتهاا لباارح عند جيران
مجيد؛وعلاش مقلتيهاااش نجيبها لباارح 
زهور:مشااا لحال 
مجيد:وخة نعرف مدق على لكزار فداك الليل هي نخلعو بشي ضريبة ينوض يدبح شي عجل عينيه معمشين بنعاس 
ضحكات على هدرتوو وتوجه بيها لداار طمن تورية 
توررية: ان شاء الله ميبقااا واالوو عططي لراسك هي الرااحة ونقصي شوي من لعصاااب وطلقيها تسرح 
مجيد:وجدي اتورية هي الشوااية شوية ونجيي 
مشاا تقداا شوااا كلشيي ومشاا جاب جدااه
كانت شميششة فجردة خرجو الباربي كيوو كبييرة ديال اليمنييوم برونشاها فالضو حيد تجاكيط وبقاا هي بتيشوورت صوفيي خفيف هز ليه لكمايم وعطا لزهور السااعة وبدا كيستف فالششواية وتورية حداه كتعمر فلقطباان بلحم وادم هاز لبيكالة كيلعب ونعمان تهوا معااونهم 
نعمان:لمرة جاية توحمي على شي جمل محمر ههه
مجيد(شافيها كيضحك وعينيه حمريين مدمعيين) مغاليش على تاجديكت 
ضحكات حشماانة وهزات تيليفونهاا والشمشش ضاربة فيهاا علمات مهاا وحسناا لي فرحو ليها
حسنا:والله تعرفتهاا غير من نعااسك عرفت لكريشة عامرة 
زهور:كنت شاااكة ههه 
حسنا:دابا مساااي داك تسقريم تاع داك لقووم تفششي على زماانك رااه حدااك ولي تشهيتيهاا قوليهاا ليييه 
زهور:ان شاء الله ههه 
قطعات معااهاا وجا ادم كلس حدا زهور وحط راسو على صدرها كالس حطاات نزهة صينيية كبييرة تاع اتاي ولبرااد مدخب ولكيسان كيبرييو طبيسلات لكامون ولملحة ولحلوة فجيهة لي بغاهاا حطو طبسيل كبير تاع لقطباان منوعيين وطبسيل تاع لكفتة لحااجة او عاد لكبدة مشوية معطرة على حقها وطرييقها الصوصيط او ستيك كلشي تشوا على خاطرووو كلشي فرحان كلشي كيباارك مكاين غير كولي ازهور هاك ازهور ...حسات باحساس عمرها جرباتو وخة حملات من قبل متوحماات مافرحاات بحملهاا كيف داباا ..

.كلات حتى شبعاات وهزات نزهة المااعن وجاابت طبسييل تاع اللحم بالبرقوق والمشمااش معسليين واللوز 
عاد الديسيير بشكااال ونواعوو كيقطع ويحط ليها بحال شي بنت صغير وتورية تعطيها من جيه ....
بعد كلشيي ناضو غسلو ايديهم جمعو شوية ودخل مجيد لكوزينة لقاا نزهة كتغسل فلمااعن وجبد لفلوس من بزطاموو وقال(بالامازيغية):عدباناك ليوماا ا نزهة 
نزهة(مبغاتش تشد)اوهواا اسي مجييد خيركم ساابق 
مجيد:وصاافي شديي هادوو ديهم لوليداات ولخصاتك شي حااجة مرحباا
نزهة:الله اقويي خيرك اسي مجييد ويفك زهور على خير وتفرح بوليداك
مجيد:امييين ياربيي شكراا 
هز قهوة كحلة من التيرمووس ودخل لصالون ...تدخلات زهور وردات لباب موراهاا ربت على فخضوو بابتساامة وقال:اشكيييد اشكيد اتمغارت اينوو (اجي امرااتي )
قربات عندوو وكلسها فوق فخضوو وحط لكااس وقال:شبعتيي الكبدة هه 
زهور:شببعت ههه
مجيد(تلمس كرشهاا)اواى هيا لتبت بلاصتو وخلانا ندوزو معاه هاد تسع شهور في سلام تاام ههه اجييي ندوق لكببدة تاانا اجي 
ضحكات وحنات رااسهاا عندوو دور عليهاا ايدوو وخدا فمها بقبلاات متتاليية كييتسمع هي صوتهم تسمعات لباب كيتحل وبعدات وجهاا
دخل نعمان مهبط راسو عينيه فالتيلي وقال بالشلحة: شوف لبيسي لي بنااخد
بغات تنوض زهور وزير عليها تقرب نعماان ومد تيليي لمجيد وقال:مزييان تيبان زويين وديالك 
نعمان:انعطيه ل مجد ديالو كاع خرششو 
مجيد:هاد لمارك زوينة هيا لي عندي انا نيت فلبييرو مكيتبلووكاش 
خرج وسد وراه لباب اما زهور مطيششة وكالسة على الشووك 
زهور:علاش مخليتينيش النوض حشوومة قدام نعماان
مجيد:ااا عباد الله راك مرااتييي ...داباا فين خلينااهاا مم دغيا قبل مدخل حتى تورية 
ضحكات كتبع فييه تشدهاا حكمهاا بلقبلات تاتروعاات خاطرهاا وناضت خرجاات بزربة لطواليط رداات كاع ليكلاات تجاي ادم كيجيريي وقال :مال مامااا مالهااا
مجيد:والو اباببا هي كلات بزااف 
مشا مجيد شدها لطيح غسلات وجها وحط ايدو على قلبها لقااه كيضرب تاففات وقال:كلشي غيفوت هي صبري شويية احبيبة اجيي رتااحي 
داهت لبييت توريية غطاهت سخفاانة وكلس حداها كترش فريحة فايدها وكتشمهاا عايفة كلشيي دخلات ليهااا توريو كاس تاع لويزة بالسكر شرباتوو عاد نعساات
رجعو لدار بليل كان ادم نعس وهازو مجييد فرشات ليه زعور فالصالون حتى تقاد ليه لبييت نشرات لفرا شديالوو عاد دخلات بدلات حوايجهاا صلااة وشربات دواها وتكات تجا مجيد حداهاا وقال:هضرت مع رضوان قبيل على وديت الدرووس 
زهور:وشنو كالييك 
مجيد: غيجيبهم لياا(تاوب) غيجيب ليا الدروس ديال هاد شهر بعدا بينما وليتي بخيير ديك الساع تبداي تمشي ماشي مشكييل ...او لخدمة نساايهاا حاليااا عطي الراحة لراسك ولهادشي لي فكرشك فقط 
زهور:راه غنقنط لمدرت والوو
مجيد: وغير هاد تلت شهور مال ملتك راسك حجرة وعزيز عليك لعدااب ...كلمة وقلتهاا لخدمة هاد شخورة مبقااتش ولاجات علي انا صاافي سديي هاد لموضوع تاتولديي وخدمي ولا ديري لي بغييتيي 
زهور:واخة انشووف 
مجيد؛مكانش اتشوفيي...سمعتي طبيبة اش قاالت ضنك كوني تسمعي الله ارضي علييك 
جرها فوق ايدو كيلعب فضهرهاا تنعساات بقا وراها شحااال تشدو نعااس حتى هوا ونعس...

ليوم التااني خرج هوا وادم خلاوهاا نااعسة قاد لبيت هوا ويااه وخرجو تقدااو وجاب ليه لكلب لي بغاا كان باقيي صغييير بزااف فلبيض ولكحل وعينيه زرقين من نوع لهاوسكي ...نوع غالي وقليل ...اما ادم بغا ييطير بلفرحة وكينقز اول مرة كتخرج ليه الضحكة من خاطر خااطروو ركب اللور وشادوو فلقفصص لمخصص ليهم نااعس صغييور وخداو ليه رضااعة صغيير ولحليب داوه لدار ودخلو لباالكوون حل لقفص وخاف يخرجو
مجيد:ياودي يالرجلة وخرجوو
ادم:ولا عضنيي 
مجيد:ههههه مخفتيش يالله تزاد معندووش سنينات بحالك عنداك هي نتا لي تعضوو
تحناا وخرجوو من وشدو كالس على ركابييه حطوو على حجرو بدا كينبح فصوت رقيق ..سمعاتو زهور وحلات عينيهاا داايخة دخلات لدووش رداات بدا لوحم كيتزااد عليهاا وراسها مبقاتش كتقدر تهزوو رجعات لفرااش مقادراش تهز راسهاا ولاا كلشي كيجيب ليها ريحة خاايبة تامن حوايجهاا عافتهم وخنقوهاا بقات هي بالسوتيان وشورط وتغطات...
عمر مجيد لادم رضاعة صغيرودة بلحليب وعطاها ليه خلااه كيرضعوو ودخل غسل ايدوو بالصابوون ودخل كيغني ويدندن لبييت لقاهاا ناعسة ولايحة حوايجها قرب جيهتهاا زقال:العمر نوضي تشوفي الضيف لي جاب ولدك هه
زهور(بعياء )كلب...سمعتوو مقديتش نووض 
مجيد(قرب عندها باهتكام)نوضيي باش ديري التحاليل ديالك عاد فطري
زهور:مقاادراش والله دااايخة 
مجيد:واميمكنش تاني عفاا الزيين هي ديري تحاليل ورجعي نعسيي دغياا 
بقا عليهاا تنوضهاا بزز وجها صفر عاونها تلبسهاا حوايجهاا ....خرجوو دغيا مشا دار ليخا التحاليل ورجعها لدار دخلات نيشاان لبييت نعسات وادم كيوريها تصاور الكلب فالطابليت وهيا عينيها مقلووبيين مقادراش تركز ...
دخل مجيد لكوزيينة مشمر على ايديه وعيط لادم لي ناض قافز حط الطابليت وخرج عندوو 
مجيد:انا نعطيك وحول لصالوون صافي
ادم:او مامااا 
مجيد:ماماك مرييضة شوية اباباا هااك دي لفرمااج 
فيض لحليب وطيب لبييض على الطريقة لي كتبغيي زهور ...تصونا لباب مشا ادم حل ولقا قدامو تورية وتبسم وعنقهاا دخلات هازة سليلة تاع لبيكنيك مغطية تطل عليهاا مجيد من لكوزينة وقال؛تورييية واش اتندمينيي حييت سكنت حدااك 
تورية ضحكات تاتحبد ف لملحاف وبقات ب بيجامة سخونة بسروالهاا) اوا كون راك سكنتي ف تلت لخاليي باش تهنا مني ضحك طيقلب فلبييض تدخلات تحنا سلم عليها وقالت:زهور نااعسة
مجيد:ديتها دارت التحاليل ورجعات نعسات صبحات مرييضة 
تورية ؛وحمها صعيييب كيقالت 
مشات فيقاتهاا وماضت زهور بزز زادت عليها بينوا رر قصير فوق سورفييت مشطات شعرهاا وخرجات عندهم لصالون عينيها دابليين لقات تورية جابت ليها لحريرة سخوونة وتمر والشبااكية ولحرشة منسمة 
تجمعو على الطبلة وتورية حاطة ادم حداهاا كتوكل فييه 
تورية:نتا مزال متخدم
مجيد:لاا واحد يومااين ونرجع 
وقفات زهور دغياا ومشاات بزربة تسمعوها فطواليط كترد ساط مجييد او وقف تبعهاا بقا معاها تداها لبييت جاب ليها دواها شرباتوو وتكاات كتسووط ومحاملة حتى حااجة...
خرج مجييد كلس مع تورية شوية وناضت غسلات لمااعن وعاونها بتحواال ..نصبات لغداا وصايبات لزهور حسوة بشعير تقويها شوي وسخونة دخلاتها ليها لبيت وبقات عليها تشربااتها ليهاا بزز 
تورية:ساعة لوحم داباا تفووت هي صبري ليه
زهور(بعيااء )كيهلكني بزاااف اووف 
تورية:انا نييييت كيدار لياا فوحم مجد اما تالخرين دازو عادين مجد راه مكنتش كنهز راسي كان لمرحوم كسكين هوا لي هاازنيي هوا ومجيييد ههه كان يغسل لمااعن اييه هاد لحترووف لي بغا يدير لولااد كان كيطلع السورفيت تالركاابيي ويسييق ليا الدار من لفووق تالتحت 
زهور:ههه كان معاونك 
تورية:عااااوني وهز خوتو والدار الله ارضي علييه ويعطيكم شي درية صالحة ياربي

زهور:امييين ياربيي
دخل. مجيد عليهم كبمسح فايدوو وكلس جنبها وقال بابتسامة:خاصاك شي حاجة
زهور:لااا مخاثني والوو ..شكرا
داعب حنكهاا بضهر ايدوو وقال:محد معاك تورية غنخرج شوية نشوف نعماان اش بغا
تورية:ايييه فكرتيني مالو حامية فيه لبيضة هاد ليامات
مجيد (عاطيهم بضهر كيدير فساعتوو وكبضحك) ملي لفرخ كيبدا يشطح اش تيبغي ...يتزوج اوا هكاك تولدك بغا يسخن جناابوو ههه
تورية:اوى يصبر شوية يالله بدا لخدمة كيغاييدير
مجيد:بغا غير يخطب توكاان يجمع شوية ويقد برااسوو بعدا عاد يجيب بنت النااس احساب ليه زواج سطااج 
تورية:اوا منعرف ليه 
مجيد؛ايديرالله خير هاني خاارج ...ادم يالله معاياا نديك تلعب مع مجد...جيب قبيتك وتبعني
ادم:ندي معايا اليكس
زهور:شكون الييكس!
تورية:اويلي جرو سميتوه اليكس
مجيد:جرووو وهي حشمت نبح هناا ههههه داك جروو الكبيدة يعرس لولدك ويجيب ليه الراايس 
زهورر: ههههه 
تورية:اوا عنداك يهرب ليه
لبس لمونطو ديالوو وقال:لهرب ليه يعض فلحيط ديك السااع ...يالله هاني خارج 
هز ادم لكلب ديالو فلقفز ديالوو او خرجو مشاو عند نعمان لداار كالس هوا ونعمان فالجردة قدامو كاس دييال لقهوة وطفاية فيها كاروو مطفي ولاخر ف فموو كينتر فيه وقال:شنو حريرتك نتاا
نعمان:وداكشي اصااحبي ليي كلنا ليك 
مجيد:مم واخة عطيني نمرة بااهاا ونشووفو شي وقيت 
نعمان:عندي هي نمرة مها
مجيد(شافيهاا)لاا صفاات نهدرو مع لعيالاات حسن 
نعمان:وااخة نكوليها تعطيني نمرة باهاا ...(سكت شوية ومجيد سرح ايدوو كيتااوب حداه)نمشيوو ليومااا!
مجيد(هبط ايديه)ففف ومشطبااا كحلة معاك اصااحبيي زهور مرييضة صبر شوي
نعمان:نمشي غير انا وياك نهدرو مع باهااا ابخي نديرو ديك السااع خطبة بينما رتااحت زهور شوف نجيك من اللخر مرضاتني بكل مرة امتا امتااا وانا مبغيتش نطلع معاها ولد لحرام كل مرة تنقوليها صبري علياا نخدم صبريي ندوزو صدقة صبري مرت خويا مريضة اتسحابني هي طالقها عليها وصافي 
جغم مجيد من قهوتوو مكمش عبنيه من الشمش لي ضرباتو فعينوو وبانو صفرااات لونهم شفاف وقال: وخة نوض حيب نمرت باها نقوليه انجيو فلعشية ويكون خير ...
ناض عتمان بلفرحة هضر معاها عطاتو نمرة باها وعطاها لمجيد لاخير هضر مع باها بادب وتقاالة وشكون هدا لي ميبغيش يتنااسب مع واحد فمكانت مجيد دغيا قبل وعطاوهم موعد فلعشية ...ناضوو مشا لداار مخلي ادم كيلعب مع مجد علمهم وتغداا معااهم وبقا كالس مع زهور فلبييت في خين تورية مشاات
تحنا كيبوس كرشها بلطف دار فيها تبوريشة بلحيتوو حتى تعوجات وهز راسو وقال:رصاي نبوس هاد لكريشة 
زهور:هه ايديك باردين امجيد بعد(شافتو هبط شسروال شوي ودوز ايدو على لفتحة وعوجات راسها باسها فوقها وقالت بخوف:عنداك يوقع لياا بحال اللول(تنهدات وهبطات راسها) مخلوعة والله 
مجيد(طلع جنبهاا وباسها بحب )انا معااك معندك مناش تخاافي اكبيدة كلشي غيدوز بخير وطبيبة راك غتبعي معاها تيتزاد على خير ....انا معاك
حطات ايدها على صدرو وتنهدات هز ليها راسهاا وخدا شفايفهاا كيلعب بيهم وسط فموو بحب وايديه كتحرك فوق جسمها ويتنهد ف فمهاا استحلاتهاا تسمع الدقان فلباب وهز راسوو عينيه معسلاات ولقاميجة محلولة ...سدات لبينواار ومسحات جناب فمهاا وقال:نوضي شوفيي شكون ...متحليش تنجي 
زهور:وخة 
مشات لباب طلات بان ليها نعمان ورجعات لبيت لقاتو كيقاد السروال وقالت:نعماان ..نحل عليه
مجيد:خليه منشور تماا ...نحل عليه هكاا(اشار لحجرو لي منفوخ)باغة ضحكي فيا عباد الله ازهيرو 
ضحكاات وعنكش شعرها ومشا لدوش وخرج حل على خووه قلبوهاا سلحة فالصاالون وزهور كتلبس عليهاا وجمعات لبيت ...خرجو داها عند تورية كلسات معاهم بليل ومشا هوا وخووه 
تورية:زهيروو نقش لبنتي
زهور:اويلي داباا ههه لااا الليل ولبرد 
تورية:درووووك نيت مزال لحال ويلي تزوجتي وملقينا لوقت ليها وداباا حملتي هدا فال زوين ابنتي لوااه 
ناضت وزعور ملقات متقول باقيي عيطات تورية على نقااشة لي مولفة تنق شليها ماشي بزااف حتى دخلات دايرة ملحاف فلصفر وهازة صااكهاا وهدرات بلحساانية مع تورية وسلمات على زهور كضحك
طلع ادم ومجد لفوق في خين تورية دارت لكليمة فالصالون دفاا عطات لزهوور قفطان جوهرة فلبييج عرييض وشدات شعرها بمقبط دخلات لصالون لقاات لمرا مربعة فوق مخدة كتقاد فلحنة فصينية وحداها طبيلة فيها اتااي وطبسيل كبير ديال لفااكية والحاجة كتسبح ونزهة كالسة .. كلسات ززهور لوسط حيدات خاتمها ولكورميط عطاتهم لتورية دارتهم فجيبهاا 
تورية: ديري ليها شي نقش زويييين راه خطوبة نعمان هاد سيماانة 
_كوني هااانية(شدات ايد زهوورر )ايديها هي تاع لحنااانيي تباارك الله 
زهور:ههه شكراا 
نقشات ليهاا ايديها بنقش صحراوي خفيف ونقشات ليها رجليهاا ودوراتها بخلخال تاع لحنة وعريشات تال صبعانهاا ومن لتحت دارت ليهاا سكوطش على شكل وريدات وتورية منشطة لجو كتشطح مع لحااجة لي م8لات معيبات 
الحاجة:ا شعاجبكم فداك زوااق

تورية: اوى نتي طليها ملي مباغاش زوااق 
الحاجة:اوهوو لبرد هدا مفيا لي يحني هي بالصحة
تورية:ههه اوى من اللول 
دخل ادم وكلس عند تورية وكمش ملامح وجهو فزهور وقال:يعع لحنة اماماا 
زهورة:زوييينة اجي ششم
تورية:نتا راك مجينينة مكتحملش لحنة ...ترسم لييك بخوشة فايدك
ادم:لا ايضحكو عليا دراريي فليكول 
تورية:اوى بلاش ...معرت اش دارو يكونو جراو عليهم 
زهور:هههه ويليي 
هوما كيضحكو تدخل مجيد كيلعب بالسارووت ناض ادم سلم عليه وسلم على نعمان لي وراه 
مجيد:اش هدشي لحنة 
تورية:لحنة خارجة من جنة 
قرب لزهور وهز ايدها وقلبهاا وقال:مزياانة بصحتك 
كلس حداخا وكلس نعمان كيلعب مع ادم ومجيد كيهز فاللوز كيمضغ فيه ودار حبة ف فم زهور 
تورية:اش درتو مع الناس
مجيد(كيمضغ)الى فيك ميوجد وجدي لخطبة نهار الحد 
تورية:ويلييي بعد غدااا ومالكم فهاد زربا خفاا 
مجيد:السيمانة جاية انبدا لخدمة اللهم لحد حسن (جر لقفطان على سيكانهاا غطاهم وتبسم فوجهاا 
نعمان:خير لبر عاجله 
تورية:منزيدك غير الله اكمل بلخير 
زهور:خالتي راه نشفات نحيدهاا باركة 
مجيد:يكما درتي داك الديليو لتكحال 
زهور:لا مدرتووش خليتها عادية كيحرقني 
تورية(قربات حيدات ليها لحنة من رجليها وساستهم ورشاتهم ليها بالريحة هوما وايديها خرجات حمرة ولبسات تقيشرات قصاار وتقادات فبلاصتهاا حدا مجيد لي غير حااضيها تكلسات وقال من بعد مدوز ايدو من اللور ولمس خصرهاا: احح اش كاين تحت لقفطان 
زهور:ههه اش كاين
مجيد:كاين الرطووبة نعاماس
ضحكات وقلبوها جمووع من بعد متعشاو وناضت لبسات حوايجها ومشاو لدار...دخل هاز ادم ناعس حطوو فبلاصتو فبيتوو وددخل لبيت كيعاود ليهاا لكلسة متكيي فوق سرير وهيا فالدوش كتبدل ومشطات شعرهاا 
زهور:حتى رميساا ء زويينة 
مجيد:معرت شكون تعدا عليها بهاد سمية ههه 
زهور:بلعكس زويينة ههه
خرجات لابسة بينوار قصيير فلغوز ورجليها عريانين طالقة شعرهاا هزات كينة شرباتهاا ودهنات ايدهاا ومشات حدداه وقالت:وشنوو تسمي نتا بنتك ولا ولدك...غير هوا انا لي نسميي بنتي هههه لتمشي تسميها على شي صحيبتك قديمة 
شااف فيها وحط تيليي وتقلب جيهتها كيضحك وقال: لاا قنعتيني صراااحة ههههه تهادا نضر 
ضحكات وقرصاتو من لحيتوو كلسات حيدات لبينوار وبقات بشوميز منو ل لحمهاا قصير ودخلات معاه فلفرااش ورواايح كتعطي هز ايدها بااسها من لوسط 
زهورر: كان كيسحاب لياا غتقوليا لااش درتيها
مجيد؛ههه واش انا مكبراني صحراوية وباغاني نكره لحنة وهيا ديما فايدهاا ...عادي حاتك زوينة انا مكتعجبنيش هي لحنة كحلة اما هاكا جاتك زوينة بصحتك فرحي براسك 
زهور(بحب )الله اعطيك صحة احبيبيي (شافتو بغا يطفي الضو )خليه مزال لحال (كتلعب فلحيتوو)متنقصش لحيتك جاتك زويينة هاكاا 
لاح راسو على لمخدة وهيا مكالية راسهاا بايدهاا ولايحة رجليها عليه كتلعب فوجهوو وقال:كنت باغي نقص منها غداا...ملي عجباتك صافي 
زهور(عضات على فمهاا)حمقوني عينيك امجييد ...مكرهتش نحيدهم لييك
مجيد(شدو الضحك)نتي لواحد ميبقاش حدااك 
زهور(كدوز ايدها على حجبانو وشفاروو )معاك بصح هه كيحمقووني او سنانك او نيفك او شفارك ههه مكنضحكش لاش كضحك علياا
مجيد:هه مكنضحكش والله خوديهم بصحتك ههه 
سكتات كتبسم وفين ما غمض عينيه طرشو بلخاطر تيحلهم لاحت ايدها على صدروو كتلعب فزغب او فعنقوو وقال:كتقلبي علياي وشاد راسي عليك هي بزز
زهور(بدلع)وشكون كاليك شد راسك 
مجيد(ضضحك)داكشي لي فكرشك حرمها علينا قبل ميتزااد فكريني نبدا نقيد ليه فليام 
زهور:طبيبة مقالت لاا قالت غير بشوية وصافي 
مجيد؛تما فين بقات مكنعرفش لديك بشويية ديالك نعسي احبيي لنصدق مسيفط داكشي كابر فلمعدة....جاك لوحم على لكوا هههههه وطرنيي 
زهور(طرشاتو بشوية وقالت مقلقة)باقي تجي عندي (عطاتو بضهر وتغطات وهوا كيضحك عليها وهيا واصلة بيها لعضم وكتلعن فهاد لوحم وتعض فلمخدة باغة تبكي 
مجيد(تقلب جيهتهاا كيضحك)هههه هادشي لي فكرشك مووورق طالع لزهو نيشان هههه غير دوك زغيبات لي باقين كحلين ايشيبهم لياا (قرصها من مؤخرتها وبعدات ايدو)فين هازة هاد الاهرممات انا كنعرف ليي تقلق كيهز خناافرو ماشي ترمتو ههه يهديك الله

خشا ايدو تحت الشوميز وجرها من فخضها نزلها عندوو تزداها معاه وهيا كتعوج وتبعدو بدلع وتنفخ وطلع ايدوو على كرشها داتها سخوونة ورطبة عضها من ودنها وقال: فيتيه الزغبية 
ضحكات غاطسة راسها فلمخدة تدورها عندو ونزل عليهاا بلقبل من راسها تالصبعان رجليها ومتالك جسدها كان متحكم فراسو وصاابر بزز منو غير كيسووط كل مرة يسولهاا يكما مقسحة او لحريق حتى ولات كتنهج تكاا فوقها بلا مييلووح تقلوو وباسهاا فعنقها بوسة ديال لغدايد خلاهاا مططبعة وغمض عينيه كينهج هز راسو لقاها مغمضة عينيها ضربها بصبعانوو لحناكها تحلات عيينيهاا فييه
مجيد: احسابليا هيي مشيتيي وليتي كتخلعيني وكضي امدام وكضي 
زهور؛والو هي عييت وشدني نعااس 
وقف من عليهاا وجرات عليهاا لغطا عينيها معسلات بنعااس كيهضر معاها وهياا تقييلة كتحاوب غير ب امم ..دخل لدوش مجا فين يخرج تنعساات عيا يعيط عليها مجاوباتش تخرج لقاها شعرها مخبل وضهر عريان غطاهاا وتخشا حداها طفا ااضو كيعنكش ليها فنيفهاا وهيا كتنين وقال:اموضي راه مشبعتش
زهور:نن براكة عييت
مجيد:طزز هدشي لاش منوضة فينا النعرة باش تنعسي نتي الله اعطييك حالتي 
حكات وخشات راسها فعنقو ونعسات بلا متجاوب نعس تهوا بعد حين وكيحلم برااسو جا عندو بااه ومد ليه القران حلو ولقااه خااوي مفيه تحرف تخلع وتخنق فاق قاافز

مجيد:اعود بالله من الشيطان الرجيم فف 
زهور(شعلات لفيوز حداها وحطات ايدها على كتفوو مخلوعة؛ماالك مجييد 
بقا سااكت شااد راسوو كيرجع النفس وضار جيهتها عاود ليها لحلمة وقالت: واش ديما كتحلم بيه 
مجيد:ماشي اول مرة ولكن هاد لمرة فشكل ففف اعودبالله اعود بالله (حط ايدو على ايدهاا )نعسيي نتيي نمشي نشرب ونجي 
زهور:هي خليك نمشي نجيبو ليك
مجيد:لا لا نخرج لبالكون يضربني لبرد ...رجعي نعسي 
وقف لبس عليه شورط وخرج لكوزينة شرب لماا وحل لباالكون ضرب فيه لبرد ورجع سدو طل على ادم غطااه ورجع لبييت رجع تكا حداهاا داعبات وجهو وقالت:شوية
مجيد:شوية اكبيدة هي نعسيي مديريش فبالك 
بقات فايقة كداعب لحيتو تنعسات اما هواا نعاس طار من عينوو معمر شي حلمة خلعاتو وفاق مخلوع تالهاادي دازت سااعة وكتر تسمع لفجر كييادن بقا كيسمع ليه شحااال او وقف مخليها نااعسة دخل لدووش دوش وتوضى وخرج لاوي عليه فوطة لبس ملابس داخلية ولبس كندورة فلكري وفرش الصلااية وبدا فصلاة الفجر وبدا كيصلي الصبح حلات زهور عينيهاا على صوت التكبير وضارت لجيهة لخرى لقاتوو سااجد رقات حاضياه ومتبعاه بعيينيهاا وهوا كيتحيي سلم وقرا الدعاء وبقا كالس تسمع صوتها وهز عينو :الله اقبل 
مجيد:اميين 
تبسمات بحب فوجهوو وناض كلس حداها وباسها وقالت:مبقيتيش تقطعها عفاك 
مجيد:ان شاء الله ...نوضي دوشيي باش تصبحي مرتااحة ...ندوش ليك 
زهور؛لا هي خليك اصلا طار عليا نعاس 
هزات بينوارها لبساتو ودخلات لدوش في حين هوا كلس فوق لفوطوي وهز القرأن قلبو مقبووط ..حلو وبدا كيقراا وتخرجات لبسات حوايجها وصلاات ورجعات لبلاصتهاا كتنشف فشعرها سد لكتاب وحيد لفوقية ودخل حداها فلفرااش...نعاس طاار عاد جاتهم لهدرة 
مجيد:غير تدوز هاد تلت شهور نسافروو لباسبور ديالك طلع بغيت نخرج شوية نبدل لجو 
زهور:وخة صافي...
دازت لخطبة تاع نعمان وقف عليها مجيد وتورية وتقداو ليهكاع لي يخصوو اما زهور لوحم سالة معاها ولات هي نعااس ولماكلة ...كالسة قدام التلفازة وقدامعا الليمون كتققشر فيه صونا لباب وناضت طلات لقاتها تورية ورميساا شافت فلمراية قدات تيشوورت وشعرها وحلات 
زهور:خالتي هه دخلو مرحباا 
رميساا: كيبقيتييي كالياا نعمان كنتي مرييضة 
تورية:ميسالي هاد لوحم تيساليك معااه ..حيدي حيديي
خوات ليها طريق وسلمات الاخيرة على رميسا ودخلاتها لصالون حطات تورية اش جاابت وسالو ريوك زهور وقال؛ناري لبسطيييلة فف 
تورية:هاهياا كولي وقيسيي 
زهور:هههه 
رميساا:شحال دابا عندك 
زهور:شهراين وشي حاجة 
تورية: ادم مزال مجااش ااربعة هادي 
زهور(فمها عامر)هادي وقتوو 
كلات وتورية كتحط ليهاا وتزيد ونزلات جابت ادم من طرونسبوور ودخلاتوو لقا زهور دخلات فلبسطيلة غسل ايدو وقطعات ليه تورية فطبسيل تياكل ويتفرج 
رميسا:غتولدي فالصيف احسن حاجة 
تورية:فينما جاب الله تفك هي بخير 
رميسا:مزال متعرفي شنو عندك
زهور:مزاال تنكمل تلت شهور هكاك 
هوما كيهدرو وادم كيسمع ليهوم وكياكل ناض غسل ايديه وكلس حدا زهور شافيها وقال:غتولدي اماماا 
توريو:مبغيتيش خوك ولا ختك يونسك
ادم(كيلعب فسيوور لقبية)معرفت 
زهور:مبغيتيش يبقا تابعك خوياا خوياا 
ادم:نزاار مكانتش كتخليني نهزوو وكضربني لبغيت نلعب معااه 
سكتوو وزهور كتنهد شداتو تورية وجابتو عندها وبدا تيبكيي 
رميسا:ادم حبيبة دياليي ملي ايتزاد اتولي تلعب معاااه وتخرج معااه تاحد مغيحيدو لييك
ادم:هءهءهء مبغيتووش 
تورية:ويلي استغفر الله ههه لبكا كااع 
على اتر هضرتهم تخل لباب ودخل ميجد طل عليهم وسمع بكا ادم حط سوارت وسباطو ودخل سلم عليهم وكلس حدا زهور وقال:مالوو ...اجي عنديي اجي 
ناض مشا عندوو كيبكي كلسو على رجلو وقال:ياك لباس 
زهور(بحزن)كاليك مبغيتوش 
مجيد:شنو لي مبغاش
تورية:سمعنا كنهضروو على حمل زهور وكاليك مبغيتوش 
مجيد:وعلااش ههه مبغيتيش يكونو عندك خوتك اباباا هاا ...اش قلنا داك نهاار مم(مسح ليه عينيه كيتنخصص) ننا دابااا هوا لي غتحضي خووتك ومماماك 
ادم:مغتخلينيش نلعب معاه هءهء 
مجيد:لي مخلاكش غنضرب حسوو ...يا براكة رجال متيبكييوش

ادم(مسح عينيه )و...واخة 
تنهدات زهور بدييق كتشوف فادم ...استأدنات رميساا مشاات وبقات تورية معاهم كيرطبو لخااطر ويفششو فييه باش يتفش وينسا شوية خرجو مجيد معااه تالجامع صلا ورجع معاه ساكت كيف عادتوو داه لاصاال لفو كونطاكت وبقا شحال كيتفرج فييه جا عندو لمدرب وقال:سي مجييد بخير
مجيد:بخير الحمد لله كوليا شوية 
_ههه لا لا بدا كيتهدن مبقاش معصب كيفماكان ..غير هوا سكوتيي بزاااف كيهدر غير لضروري يهضر
مجيد:من ناحية لهدرة هداك طبعوو حدودي بزااف..لمهيم هي رد لبال وصافي شكراا 
خرج من لصال وطلع لصال ديالو تريناا تهواا ودوش عاد نزل لادم دااه لقا تورية كطيب فلعشاا وزهور فالصالون كتكتب فالدروس لي فاتووهاا ...كلس حداها وقال:لفريخة براكة عليك 
زهور:صافي ساليت 
مجيد؛تورية كاين ميتكال ولا نوض نجيب لمرا التانية 
زهور(خنزرات)تجيك فالرااس
مجيد:هههه مال مك كبرت عليهاا 
زهور:خااالتي 
تورية(دخلات لما )وديها فيييه يعصبك 
مجيد(نحنح)معاكم بصح بغيت نتزوج واحد بنت الناس دروويشة وتنبغي نقولها وتنسكت كنتي مريضة كلت تاتبراي دابا ملي بريتيي نمشي نخطبها
زهور(تزنكات)مجيييد مكنحملش هاد الضحك
مجيد:اشمن ضحك ازهور شرع عطااا ربعة ونا باغيي التانية اش فيهاا واش حراام 
زهور:عطاك لخراا ...بعد.مني 
مجيد:تسيفتي ازهور 15 ليوم مدقنا النعمة اختي باغي حقي واش نمووت انا نمووت 
زهور(بقات كتشووفيه وملامح وجهو مباينش فيها الضحك لاحت ستيلو وبغات تنووض تشدهاا من ايدها كلسهاا وعينيها عمرو دموع )بعد مني امجيد سير تزوج تاعشرة هءهءهء
مجيد(تفرشخ بالضحك)هههههه واش منيتك دوك دموع ولاو على سبة هههه
دخلات تورية بطاجين لقات زهور كتبكيي ومجيد كيضحك ويهر فيها وقالت:واش مكتعياش من داك الضحك واش هيا مريضة وزايدها لوحم وزايدها نتا بهاد لهضرة ...وديها فيه معندك شغل 
مجيد(جرها عندوو كيهر فيها وهيا كتنتر منو) ههه اشكيد اشكيد اتيوالين اينوو (شاف فادم كالس كيتفرج فيهم وكيضحك)هاد مك بحال دراري صغار كلمة جوج طلق زواكتها
زهور(مسحات عينيها)بزاف علييك ..ملي قلتيهاا راك باغي ديرها
مجيد:ههههه غي كنبغي نشد فيك ازمر اشمن نديرهاا ...واش اجي وتزوج معندي شغل (خلا مو تمشاات وقال بهمس. لزهور)عندي هي وااحد غير قابل للقسمة 
ضحكات وضرباتوو كيضحك وقال:اتبقااي تاتقتليه بهاد دق ديالك عرفي فين كضربيي البكرة 
زهور:تركلك 
مجيد(كب لعصير )عارفة راسك كتركلي بعدااا...وتورية سريي راسك خاسك كار مابين لكوزينة والصالون 
تعشاوو شادين فزهورر ومرة فتورية مرة فاادم مخلا فين من شد كيضحك ..وقف وصل مو لدار وشاف خوتو ورجع لداروو ..
وهكا غادية الاياام دازت السنوية ديال اب مجييد لي وخروها لكنرة المشاكيل ومرض زهورر والاياام كدووز..
كان ادم كيلعب قدام الدار مع لكلب ديالوو وزهور كالسة فجردة مع مجيد او تورية 
سمع ادم سميتوو وهز عينو بان ليه عادل وااقف خجرجو عينوو ودخل كيجري لداار تخرج فمجيد 
ادم:هءهءهءه مبغييتش نمشيي معااه عفاااك عفااك
مجيد(هزو)مالك تاني شكون
ادم:هءهء باياا حداا لباب 
زهور(طاح ليها لكااس وناضت قافزة)اش جابوو تااانيي 
مجيد:كلسوو متخليهاش تخرج نشوف اش بغاا تاينييي 
خرج مجييد مخنزر شافو واقف مكالمي مكالي بكموبيلتو زير ادم على مجيد محس بيه توقف عندوو وقال: اش جاابك تانيي 
عادل(تنهد)مجايش باش نداابز جيت نشوف ولدي وبغيت نهدر معااك
مجيد:معندي تموضزع نهدر معاك فييه ولدك طفجتيه منك مباغي حتى يشوفك
عادل:صافيي بقا ليه هي ولدي تهوا تديه 
مجيد:ادم سير اولدي عند ماماك نهدر معاه 
ادم(زير عليه )لااا مبغيتش ايدينيي مبغيييتش 
مجيد:سمعتيه بودنك ولا ندير ليك لبااق وجقلة هنا افلان ولدك مبقاش بغااك ...هاد لقنت دير عليه كروا حمرا 
عادل: انجيك من اللخر تنازل ليا على الدعوة ديال لي صاانة وعمرها باقي تدكرهاا وبغات ولدها تشدوو حيت نهار ايكبرر ايعرفني اناا 
مجيد:هدا لمضمون فيييك ....باغي ولدك باااز انا بعدا كتبقا فياا ...دوك لفلوس زيدهم فيييك مغتسناكش تاترسل لييه جوج دريال فشهر ...كبراتوو بلا بييك وصرفات عليييه بلا تسانتيم من ايدك هي دور فحالك خلينا مزيانين

عادل(بكره)ولدي غشنشوفو لوقت لي بغييت 
مجيد(باستفزاز)مدبرها حكيم 
عادل(شافيه بغل وتنهد )ادم اجي بوس باباا
حرك ادم كتافو بلا بلا ميشووفيه مدور ايديه على مجيد ومزير ليه على تيشوورت 
مجيد:حسب خطواتك 
عادل:ليام بيناتناا
مجيد(بتسامة ساخرة)جرييي طوالك 
خلاه واقف او عطاه بضهر غادي لدار هز ادم عينو فبااه لقاه كيشوفيه وقلب وجهو لجيهة لخرى ..
دخلو لدار وحطوو وقال:طلع عند مجد اولدي يالله 
ادم:مغيدينيش 
مجيد:لاا ...يالله سير 
مشا بجري طلع فدرووج دخل هوا لدار لقا زهور كترعد وتورية حداهاا قرب ليها مخنزر وقال:مالك كترعدي اش كاييين تاني
زهور:فين ادم فييين ولديي
مجيد:ولدك طلع لدار لفووق ...تهدنيي ازمر شويي راه مشا فحالو جا باش يقولييك تنازلي ليا على دعوة ليصاانة او شدي لولد
زهور:غير يمشي فحالوو مبغيت منو والوو
تورية:كون هوا عارف متحتاااجش تدعيه يصرف عليه بلاا مخزن 
مجيد:الالة دوك جوج فرانك يمشي يزيدهم فييه ...
زهور:ففف ياربيي يبعدو علينا ياربيي 
مجييد:نوضي يالله لدار نوضيي 
زهور:كلسو تاتعشاو 
مجيد:لاا غدا عندها كونترول مع طبيبة 
تورية:اييه اوى دوزو تغداو ..ادم غدا مقاريش دوزوه ليا بلا متديوه 
مجيد:ايكون خير يالله نوضيي 
جمعات لوقفة ودارت زيفها سلمات على لحاجة وتورية وخرجات ركبات. هيا وادم 
مجيد:نقصي شوية من ديك رياكسيون لمجهدة ديالك (خنزر فيها)مالو اش بيكون فملك الله تيخلعك 
زهور: خفتو يدير شي موصيبة تاني
مجيد:اش جهدو ميدير يضرب ك*** مع لحييط بغا يخلعني
زهور(شافت فيه )مجيد ..ادم معاناا 
مجيد(عض فمو بعصبية وديماراا ساكت مخنزر مكيحملش هاد لخوف لي فيها من جيهتوو ...حال الى مواقف معاها حد 
وصلو لدار وطلعو ساكتيين مشا ادم كيجري لبالكون كيلعب مع لكلب ديالو دخلات زهور لبيت بدلات بكسيوة قصييرة وطلقات شعرهاا مع الدار داافية مشات لكوزينة كتوجد فلعشاا وكتسمع فادم كيلعب مع لكلب وكطل عليه مرة مرة ...دازو ايديه فوق كرشهاا وقال وريحة لكارو فيه عرفاتو كماا ..ملي حملات مبقاش كيكمي حداهاا ؛شنوو عندك هناا
زهور:معرفتش شنو قلتي ايكونن
مجيد:معرفتش (باسها فعنقهاا)توحشتك 
زهور(شافت فيه وباستوو...ودارت كتكمل شغلها وهوا لاصق فيهاا ...حطو لعضا تعشااو نعسات ادم ودخلات لبيتها كتحك فشعرهاا بدلات عليها وتخشات حدااه كتلعب فلحيتوو ويتشاركو لحدييت حتى لوقت متأخر ونعسوو ...
كانت لعشرة تصباح شادين النوبة عند طبيبة وهوا شاد فيهاا :تخيلي يكونو عندك ربعة ولا تلاتاا هههه عرفتي كرشك كي غتولي 
زهور:مجيد حرام علييك متنحملش هاد الضحك عنديي صحتهم
مجيد:يااااء واش هدشي مكااينش ولي حملات بربعة ولا تلاتا ماشي مرا ...يالله الالة يكونو هي جوج نهههه.
زهور:ففف عصبتيني امجيد والله مبقيتيش تجي معاياا 
مجيد(حط ايدو على كرشها)بدات كتبان لييك لكريشة شحال داباا عندك ربع شهر بلااا شك عندك توام هههه
يالله بغات تجاوبوو سمعات سميتها وناضت هز ليها الصااك وشدها من ضهرها مزيدها قداموو توجهو لطبيبة وكلسوو 
د:لكريشة بدات تبان يكما باقي لحريق 
زهور:لاا ماشي بزااف هاد شهر لاا
د:نن داباا مغيبقاش حيت دخلتي فالراابع ..اجي معاياا 
مشات معاها فحصاتها كيف لعادة عاد عيطات لمجيد بداو كيسمعو فدقاات لقلب وتبسمو بعفوية وشد ايدها وقال: شنو عندهاا 
د(سكتات ل دقائق كتفحصهاا وهوما كيترقبو وعينيهم فيهاا تاتبسمات وقالت ) خنيفيسة جاية فطرييق...

مجيد(بضحكة عرييضة )لالات لبنات كلاك خنيفيسة هه
زهور(بفرحة وهمس)عندي بنت 
مجيد: اش بان لييك هههه 
د:اوى مبروووك علييكم الله اتمم بخيير 
مجيد:اه بغيت نسولك داباا تقدر تساافر براا ماكاينش اشكال
د:لاا ماشي مشكيل غير مديرش مجهود كتير وصافيي الحمد لله لبيبيي بخيير ...ونقصي شوي من لحلوياات راك زدتي فلوزن شوي 
زهور؛واخة 
خرجات طبيبة وكلسات كتمسح تنزل عليها ب بوسة تاع لغدايد تىجعات اللور طير ليها فيها شفايفها بمصة خلا لونهم يمشي فعاتو مخرجة عبنبهاا وقالت؛واش هبلتي راه دايرة لكااميرة
ضحك وهوا كيشوف فمها بشهوة وقال:مالها هيا مكتبااس ...سمعتيها اش قالت همم كاالت ليك بنتنا بخير ..ارا برع لكوا
بعداتو كضحك وناضت كتقاد فسروالهاا خرج هوا كيهضر مع طبيبة تخرجاات سلمو عليها وخرجوو فاتجاه دارهم شاد ايدهاا وكل مرة يبوسها فرحاان ومقاداه فرحة بجنس لبيبي لي جاايهم
مجيد:عرفتيي تعرفها تورية اطير بلفرحة 
زهور:لبنات زوينين تيكونو حناانات هههه
مجيد:يادلي بتكون حنينة (باس ايدهاا) مغميتها حنينة 
زهور(ضرباتو )ههه حشومة علييك ....ادم عند خالتي لاش غادين لدار
مجيد: شغل مك اختي 
ضحكات ونزلوو جرها عندوو مدرعها بكتفوو كيهر فيهاا فالسانسوور تدخلوو لداار سد لباب وهزها تشهقات وقالت:واشش تسطييتييي خلعتينيي اش كادير
مجيد:لواحد هوا لي يستااغل لفرص ..وانا راه كنت كنتسنا هي طبيبة تعطينيي الضو لخضر باش ندير فمك شغليي 
زهور:هههه وحرام عليك خالتي كتسنانا لغداا
متسوقش ليهاا دخل بيها لبييت وحطها فوق سرير بشوية وشد ليها ايدها لي كيدفعووه كانت كتجبد من تحتو وتضحك وتغوت تنساجمات معااه بشوق وشعلت اجسادهم بحرارة .....
حيدات لغطا عليهم وبعداتو عليها كتنهج وتيليفونو وراه كيصونيي ضار عرقان هزوو كينهج وقال:هاك جاوبيي تورية كوليها حنا جابين
زهور:صصافي قطع عليها بلاتي غير نشرب لما شحفت ضارت شرباات لاح راسو على لمخدمة وجرها عندوو ضحكات فحضنو وشدات تيلي وقالت:ويلي داباا جوووووج 
مجيد:كوليها عاد وصلاتنا النووبة ههه
زهور هضرات مع تورية حشماانة وقطعاات تسندات على صدرو كترجع النفس عياات وعينيها كيتسدو سمعاتو حل لمجر حداه وهزات راسهاا لقاتو جبد جوج ديال التيكيت فرزات منهم هي طياارة لي مرسومة فالجنب وقالت ؛شنو هادوو 
مجيد:بيي ديال طيارة لتركياا ...سيماانة 
زهور(تهزات مغططية صدرها بصدمة وقالت:غنمشييي لتركيااا 
مجيد:ههه ومال تركيا جات تحت لرض ندي حوبي لتركياا ونفوتوها لهيه غير مع لحمل مغتقدريش اما كون ديتك لكندا كيعجبني ندوز فيها البرد
زهور (شدات لبيي بفرحة وطارت عنقاتوو كتبوس فييه )اححح كتعجبنييي بزاااف (تلغات باتسامتهاا) او ادم!!
مجيد:ادم احبيبة ميقدرش يسافر معاناا حيت ضروري لموافقة ديال بااه باشش يخرج براا وداك خينا مغيعطيهااش ...هدرت مع تورية تهيا بغات تسافر لعيوون وبغات تديه معاهاا حيت مغيمشيوش معاها دراري هي بوحدها 
زهور:ولكن مغاديش يبغي
مجيد:خليه علياا واصلا راك شفتيه عزيزة عليه لواليدة بزااف حيت كدير ليه لخاطر مغيقولش لا لكالتها لييه (قرصها)يصافي ضحكيي ...سيمانة دغيا بدووز نبدلو هي لجو بهاد لمشااكيل لي وقعات ولخدمة وستريس او ملي يشد لعطلة نمشيو مجموعين لشمال ولا افران لي بغيتوو 
زهور:وخة
مجيد(تحنا باسها فكرشهاا من تحت لغطاا وعضها تاتعوجات وقال:احح كيباتخرج هاد لبنت
زهور:هههه مالها كيجاتك
مجيييد:حلوة بحال مهاا(جرها من رجلها تزلقات تحتو فلفرااش ونزل عليها بلهران ولعضاان )اوى فين خلينااهاا....
خرجوو مدوشيين ومشاو لدار عند توريية لقاتها موجدة طبسيل كبسر تاع ترسد بدجاج محمر طاحت فيه زهور عمية مهزاتش راسهاا 
تورية:اتي بشوية علييك عرفيها منين كدووز غتوحليها ليه فكرشك
مجيد:خليهاا راه بتولي حلووفة 
نعماان: خلوهااا تاكل غتوحلوها ليهاا 
زهور:تناكل هي بشوي ههه
مجبد:بصحتك الزين هي كولي 
تورية:كالت ليك طبيبة شنو عندك 
زهور(بفرحة)ااه ...بنت
مع قالتهاا غوت مجد وضرب فكف نعماان فرحانين وقال:والله تعرفتهاا يسسسس عينا بكحل الراس اوه بغينا التوت فالداارر
نعمان:عندو الصح بغينا نلقاو بانضة مليووحة نضرب طاسيلتهاا لتعطلات فالزنقة نلقاها كدير فلحكر ونمسحو لمها فكماارتها عيناا منلابقو لحنك على لحنك كيضربنا غير الضو باللحية 
مجيد:والله لمك وتحط عليها ايديك تنعصرك ...سير ولدهم
تورية(بفرحة)الحمد لله طلبت يكون عندك بنت
زهور:هههه ادم غتكون عندك ختك 
ادم(تبسم بلطف ) تا انا غنضربها لتعطلاات 
مجيد(بهدووء كيضحك لايح ايدو ورا زهور لي محنية على الطبلة كتاكل )ههه ونعم الرجاال اباببا

يتبع...
الجزء الأخير

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.