زهور:لااا مكملتش ولكن وخة هكاك راه شادة لخياطة مزياان
-سمحيليا اختي مولات لمحال باغة شي وحدة تكون يجا خدماات جاو قبل منك بنات بغاو يتعلمو ومبغاتش كون هي عندك ديبلووم تقدر تخدم
زهور(باسف)بصااح ...عندك لحق
خرجات زهور من عندهم والندم تياكل فيها وعينيها مغرغرييين بدمووع علاش لي مكملاتش وتبعات لخوا لخاويي تلقات راسها بلا قراية وبلا ديبلووم طلعات لداار كتدمع والضيم طاح عليها بجهد كانت امنيتها دير محال تاع لخياااطة وتخيط لموديلات لي ضل ترسم فيهم تنهداات كاتمة تنخصيصتهاا ومشات جمعات لمااعن وصايبات لفطوور دخلات رباب شادة صندالة فايدهاا وجات لكوزينة شربات لماا وشافت فزهور
رباب:زهور مال عينيك مبوقلات معجباتكش لخدمة
زهور:لا لخدمة زوينة ...غير تفكرت كون كملت قرايتي ولا غير الديبلوم كانت حياتي اتكون حسن
رباب:اش فكرك فهادشي على نبوري تاني
زهور:والووو غير تفكرت
رباب:شوفي ازهوور راه مجات لبقراية لا بديبلومات جات بدمااغ ولا عندك جبهة غتجبهي مع بنادم معندكش والله مطفريه وخة يكون عندك ديبلوم تاع وزير ...كنشوف انا غير من دوك ليكيجيو لباار كتلقاا دماغ ديلمو خااااوي مهاز تا بعرة وتلقايه شاد منصب قدو قد السخط وتلقاي واحد قاري تحفا مخوو وتلقايه شاد بوسط كيحرتو عليه وميعطيوه ديك ستين الف غير بلكشاايف
زهور:ونتي علاشمكملتيش قرايتك
زهور:حيت مخي ماشي ديال لقرايية بقيت كنقرا توليت كنتصاحب مع الاساتدة عرفت راسي هي كنخرا وخرجت نقلب على خدمة حيت لمشريتش ليا مكاين لي يدق عليا لباب
شهوور دااازت بدات زهور كتحس بطعم لفلوس شوية مرة مرة تاخد كسيوة ليهاا وتكسي ادم وتبرعو حويجات باش ميكونش نااقص قدام دراري فلمدرسة شوية بشوية خدات ليه بيكالة وكتخرجوو يلعب بيهاا فجردة ولي قرب ليه يدابز معاه ويضربو وتصدق طالبة سسماحة من الام او ولدهاا ..خارج عندها صعب الطبااع ..عصبيي ومرون مشطوون ولي حكر عليه تيعطييه حقوو كل مرة ولد من لحضانة جايب مو تشكا من ادم كتحشم زهور ومكتغلي كيف كدير معاه فسن صغيرة عاشت دور الام والاب بجوج منها الزنقة ومنها تربي وتكبر وخة غلبهاا وهدها بشطونو متقدش تخلييه لششي حد اخور وخة محتاجة لراجل يسخن كتاافهاا ويهز عليها شوي .
لعيد لكبيير وصل ومشاات كيف عادتها تعيد مع دارهم وخة مبقاتش مفاهمة مع مرت خوها الهام حذيت كتحرش ولدها على ادم ..ملبساه سروال دجين او قميجة خزية مشطات ليه شعرو ومشا كيلعب فالصاالة مع ولد مريم لي كبر منوو
رحمة:فراسك زبيدة دابزات مع مرت عادل ونوضوها ومشات لدارهم غضبانة
زهور:كضرب فلقطبان ومامسوقاش:ممم هوا مكاينش
رحمة:يمكن غيجي فهاد ليااام هدشي لي كالت ليا مت لطيفة
مريم:مراتو مولداتش
رحمة:لااا لاكون مكتولدش داوها لطبيب يمكن انا بغيتو عمروو يفرح
كلس مصطفى او ولدوو معاهم ونحن وقال:زهور مغدفعيش النفقة على داك لكنس
زهور:مبغيت شنشوف وجهو تاني الله اجعلو يخسرهم على صحتوو اما ولدي هزاه
محمد(بنفخة)اجي نتي فاش خداامة بنت نعيمة
زهور:علاش كتسول اش بغيتيها
محمد:والو غير مزوقة كي الطعريجة تاع عاشورا وداك اللبس هكاك تاع لعلوكاات (بتحدير)شوفي ها شي نهار متحسي بيا تنوقف علييك نلقاك دايرة هاه ولا هاه رجليييك نخليهم لييك منشورين
زهور:تداباا اخوياا راه مزال باغة نمشي لبراا
هشام:ازهور الله اهديكاش غديري فهاد سبليوون اش غتخدمي فديوور ولا ف لفلاحة قاادة عليها نتيي
زهور:يااك بنت خالي خدامة غير ف الديسير تماا مالها اش عندهاا ايديها عامرين دهوباات
هشام:راه نتي لي متقديش على تماارة وزايدوون كلسي فداركم معززة مكرمة اش خاصك ولدك حنا نقريوه حنا نكسيووه اختي هد لخدمة انا راه معاجباانييش
محمد:فاش مزال خدمتي
زهور(بتوتر)عند واحد لخييااطة
محمد:ممم اوى هاحنا غنشوفوو
سكتات كتكمل فقطيبهاا جاو دراري كيجريو بتلاتا وكل واحد فيهم طاح عند بااه فوق ركبتو تيعطيه وادم وقف كيلعب برجلوو وكيشوف فييهم ويرمش تاحد مقدر يقوليه اجيي تامن جدو لي شافوو هزات زهور عينيها فييه واشارت ليه باش يجي وهز كتاافوو ضربب كاس تاع لما برجلوو ورا جدوو ترش عليه لما ومشا كيجري خلا جدوو كيعاير ويغرق ليه
وجه زهور متلقاش مع محمد نهار كاامل اما الهام دارت فيها موتا حمار وتكمشات فبيتها من بعد مسمعها محمد خل ودنيهاا دازت سيماانة ولهضرة مقطوعة بين محمد وزهور وكيتشاوفوو غير لجات قدفة ...دخلات زهور ادم لحمام تاع لعواد هيا ويااه كسلاتوو ومع بيض رجعاتوو حمر بلحكاان ...عمرات ليه سطل كيخوي عليه لما وعينيه عمشوو بلماا وهيا حكات على خاطرها وكل مرة طلع تنهيدة من اعماقها وتحبس لحكاان وتبقااا مقابلة ادم تسخفات بسخونة تشللو وخرجوو يكملو اخر نهار معاهم باش تمشي لخدمتها تانيي
بدات زهور كتجمع فحوايجها وحوايج ولدها مع مريم او ولادهم
زهور:مريم دوي مع هشاام يضبر ليا بشي كونطرا راه فلوس طلاقي خليتهن غير على ود داكشي
مريم:عييييت معاه قلت ليه جيبها هنااا وخة نطيبو هي لخبز ونبيعوه راه غيتمشا مبغااهش راك عارفا باك وخووك راه بزز مخلينك تمشي لاكاديير حيت زبيدة مخلات لمن قالت راه كتعرف شي حد
زهور:شي نهار غنديرها ليهم قد فمهم (تنهدات ) واش عارفة شنو هيا لمسؤولية تاع دري صغير منك كولشي يمرض مكاين لي يديه لطبيب من غيرك حتى لحلاق انا لي كنديه ليييه كلشي امريم انا لي كنديروو ليه وباااه هه فين هوا...عمرو فكر حتى يسول فيه
مريم:مديريش فبالك اختي دااباا تقاد من عندو او زبيزة او ولدها هناك الله منهم ...راه ديما لمشاكييل وصداعات كل مرة مرتو غضباانة ومدابزة مع موو وهوا راه ملي تزوج جا غي شي جوج مراات مبقا كاع كيجي بزاف ...راه مهانييييش اختييي شفتي الضالم عمرو يهنا ليه باال
زهور:الله ايزيدهم لي يستاهلووو
جمعات حوايجهاا ونعسو صباح صبحات فايقة لابسة جلابتها وملبسة ولدها فطرات مع دارهم وتسالمات معاهم وداها هشام لمحطة
هشام:مغدويش مع خووك ازهوور ...متزيديش فيه
زهور:كون بغا يدوي معاياا كان يجي يهدرني ا هشاام خوياا تبدل ملي تزووج ...مراتو كل مرة تلوح ليا كلمة ونسكت وندير عبن ميكة ...انا ولدي مشايطش عليا باش نلووحوو
هشام(تنهد)ولكن راك موالداهش بوحدك شنو كيدير داك خبناا لي مرح فحياتو ونتي هازاها منين تقاالت اشمن رجلة هادي لي معارف ولدو واش حي ولا مبت
زهور:هشااام لخير لي دير فيا راك عارفوو انا ولدي مبغاااهاش يحتاج فلوس باااه باغة نعيشوو الرااسييي ضبر ليا فشي كونطرا كي درتي لبنت خاليي عفااك
هشام:ففف وخة يدير الله خير
وقف قدام لمحطة وخرج ليخا صاكها هز ادم وتوجه لكار قطع ليهاا فلكار وبقا معاها كيتسناا
جا لكاار وتساالم معاها ودار ليهاا لفلوس فايدهاا وقال: شوفي ازهووور تيقتي فيك عمية الى شي نهار خنتيهااا نساي شي حاجة سميتها هشاام ولكونطرا غنضبر ليك فيها باش تجي عندي
زهور:راك عارف تربيتكم اخوياا (عنقاتو )شكراا
جرات ولدهاا وطلعات كتقلب على بلاصتهاا لي خلص ليها جوج حطات ادم جيهت الشرجم وكلسات حداه تبسمات لهشاام وتحرك لكار وحطات راسهاا على لكرسيي كتنهد تقونا تيليفوونهاا وجبداتوو من صاكها سيمانة كلها طافيااه على خوتهاا مع حلاتو طلعات نمرت مراد وساطت....
شدات لخط مطايقاش تهدر وقالت:الوو
مراد:على سلامة سييمانة ونتي طافيااه
زهور:لاا هي كان خااسر عاد صاوبتوو
مراد:ممم اوى مزيان كنت بغيت هي نبارك ليك لعيييد ههه السعاتي خليتينا مقطوووعين العفريتة
مراد:شوفي ضروري نهضرو بغيت ندوي معاك فشي حاجة ضرورية يااك
زهور:فاش
مراد:هههه تاتجي الزين ونهضرو وخة...احم(غلض صوتو من بعدماكان حلوة )واااخة غدا ان شاء الله وندويو فلخدمة مع السلااامة اسيدي
قطع عليها خلاها كتحول فعينيهاا مفاهمة والو يالله بغات ترجع تيلي لصاك سمعات ميسااج قلباتو لقاتو منوو مكتوب فيه '' ههه سمحيلياا عندي واحد لمراا غي حاطة ودنيها على لبيبان طلبي الله اعفوو علياا ..ملي توصلي قوليها نجي نديك ""
مجاوباتووش وحطات تيليي فالصااك كتغرق لييه وكتقاد فزيفهاا لي كل مرة زاالق ومدابزة مع ولدهاا لي عمر حوايجو بالشكلاط وطبع ليها جلابة ستا تسواايع دوزاتها غير كلس لرض شو كيدرتي بلاتي امك نوصلو لداار...
واخيرا وصلاات لاكادير خرجات من لمحطة مدابزة مع الصاك او ولدهاا لي هوا لي جارهاا ويفلت ليا وتبعوو بجرا على طريق تجهلهاا وهزاتو كتنهج
زهور:واش فيك دودة متنعس متشوفووو ففف صهدتيني فهاد الصهد اوووف ...)شافت فيه كيجر ليها فزيف قااجهاا كيضحك سااطت وزادت خارجة شدات طاكسيي ومشات لداار وجبدات الساروت حلاات ملقات حد حيت عمتها تهيا معيدة فلبلااد من غير رباب غير فات لعيد وجاات لقات الدار كتكلب بريحت لكاروو وباينة ريحت رجاال حطات ادم وطلات على بيت رباب بان ليها مقلوب سفاه على علاه ومكاينااش لاحت الزيف وجلابة وبقات هي بدوني او شورط لاصق حد الركبة وسنسلة تاع النقرة فعنقها لا غير جابتها ليها مريم
رباب:دروك ماما تهيا تجي مسابة مع خوتهااا تاني هههه الحمد لله انا بوحدي لا تابع لا متبووع
زهور(تنهدات)اودي سعداتك بقاي هانية فمخك
رباب:احح رجلي طاابو ففف
زهور:معرفت لمن نخلي ادم غداا
رباب:خليه عند لمعلمة ديالوو فدارها وملي تكون جاية ماما تجيبو معاها راه مبقا ليه والووو ويدخل يقراا يهنيك شوية
زهور:داكشي لي غنديير نوض نعس تصبحي على خير
نوضات ولدها تيبكي مزال بغا يتفرج خنزرات فيه جوج تخنزيرات ولبد فبلاصتوو كيهدر بوحدو تنعسات حدااه ونعس حتى هوا ...
صباح طلع مشمش شهر تسعود فاكادير عاد وصلو الصهد من حر لعرق ناضت زهور كبات عليها لما باارد خلات شعرها كيقطر ولبساات بيجامة بشوورط حد الركبة عريض ومشات كتقاد لفطور ليها او لولدها عيطات لعمتها لقاتها ركباات وجاية عاد تهنات شوية من جيهت ادم عارفاه بااسل وتاحد ميصبر لييه من غير عمتها لي كتخرج فيه عينيها ويتكمش حدا التلفاازة بلا صداعاات اما زهور جايب عليها الربحة وخة ضل تغوت مكيكلسش لارض ..
فطروو ودوشات ليه وخلاتو كيدور غير بلكيلوط وسط الداار دوزات معاه لعشية كالعادة ولصقها تخرجو بلبيكالة فدوك شموشات الصهد ولحرارة وهيا غادية وسط ديوور محنية على لكيدون شاداه بيه ليطييح ولعرق دايز من جبهتها تشحفهاا ندمهانهار شراتها ...الناس ناعسة وهياا كتجري فطرييق ملي كتشوف شي حد جاي جيهتوو
وصلاات لخمسة وطلعات وكلاتوو مزيان وبدلات ليه وبدلات حتى هياا بسروال وقميجة كيف لعادة طوييلة وعريضة وزيفهاا وخرجات دات ادم لمعلمة لي كدير لحضانة
فالصيف وكتشد درراري ومشات ركبات فطاكسيي حطها وشداتها جرية وحدة لكافي حيت تعطلاات وصلات كتنهج او وقفات كتقاد فزيفها عاد دخلاات بدلات بزربة يالله خرجات لكونطوار بغات تهز الصينية باش تبدا خدمتها وقف عليها موراد كي قباض لرواح
نعيمة:سييرري من لبهلان قابلي خدمتك كبرناك نتي عساك ولدك
ضحكات وقطعات مشات تكمل خدمتها وحاسة بمراد هي مقابلهاا وهيا مبغاش توقف حدااه باش مبهدرهااش كل مرة تهدر مع بنت معاها غير باش تبقا بعيدة علييه وصلات طناش تليل ومزال مخواتش عينيها تقلبو بنعاس ولحالة حاالة تعيات ورجليها تنبلو اما ضهر خلااص لوحدة ونص عاد بداو كيدخلو فطباليي ويمسحوو ويرجعو كل حاجة بلاصتهاا مشات زهور هزاات قميجتها لبساتها ودات معاها تيشورت تصبنو من لعرق
زهور:بسلامة عليكم تصبحو على خييير
ردو عليها وخرجات عاد تنفس لجو شوية رخفات زيف على عنقها يضربها لبرد وسكاات عيطات لرشيد مول الطاكسي لقات تيليفونو طافي او وقفاات فطريق كتسناا طاكسي لي حلف ميدووز وكتفكر تضربها رجل جاتها بعييدة بزاااف تمات غادية جنب طريق على الله دوز طاكسي توقف مراد وكلاكسونا عليهاا شافت فيه ودارت راسها معرفاتوش وزرباات وهوا غادي بشوية كيعيط ليهاا باش توقف وقفاات وشافت فيه بابتساامة صفرة وقالت:سمحليا معرفتكش
مراد:ماشي مشكيل طلعي نوصلك غتبقاي هنا تالفجر
مراد:وطلعيي نوصلك راه طريقي هادييك بلا مضيعي فلووسك على لخوا ...وطلعي ازهووور مالك معكااسة
وصلات لعشرة لقات عمتها مقادة لفطور كلات بزز وقلبها عااامر خرجات بحجة تشري شي خاجة ولبسات جلابتها كي لعاادة وخرجات كدخل من محال لمحال كتقلب على خدمة حسن ليها من خدمة الليل والو واش لقااات طابو رجليها بسير هنا ودور هناا ملقات تحااجة تنهداات وهيا دايزة من حدا مدرسة تاع لخيااطو ولي موديل ولبناا داخلين ووقفات كتقرا فلبلااكة وكملات طريقهاا ييااا أساات وحاسة بلخنقة ولقهرة رجعات لدار بلا خاطر وعطات لعمتها من فلوس الصير ومبقا فجيبها ترياال وصلات لخمسة ومشات بحال الا حاطين موس على عنقهاا وصلات قلبها كيضرب دخلات وبان ليهاا مرااد كالس فلقنت مربع ايدوو هي شافتو وتهزاات
مراد:اشمن غيييي ولا غوووو لمرة جاية مجيتيش فلوقت لباب عرض من كتافك
هبطات راسهاا وزادت مخلية كاع السرباية كيشوفو فالتغير لي دار مراد
دخلات لبسات تيشورت ودموع شااقين طريقهم تلبسات وغسلات وجهاا ومشاات تقابل شغلهاا ومراد حاضيها متسرطااتش ليه ترفضووو برهووشة قد صبعوو بقاا حاضيها وكل مرة ينهصرها على شي حاجة قدام لبنااات تكتحشم وترجع لخااطرهااا
دازت ايااام وديما نفس لمعااملة كيقمعها وينقصمنها وياويلها تهرس شي حاجة يسمعها خل ودنيها فهاد الايام مخلات زهور تقنت كتقلب وتفلي على خدمة لي تعيشها هيا او ولدهاا بخيير وخرج منهادي والووو ملقااات وصابرة على قميعوو تيسخر الله
تسمعات بشااااخ فلكوزينة تاع تاع لكافي دخل مراد لقا زهور مهرسة كاس بلعصير ديالو او كالسة كتجمع فيه
مراد:واش فيك بوتفتااااف ولا مالك ...هد لكيسان كيخلصهم باااك
زهور:معرفتش كيفاش طاح
مراد:رشقات ليييه وطاح سبحان الله (خرج عينو)هدشي لي درتييي غيتنقص ليك من لخلصةة واخر مرة ...لمرة جاية غتمشي فحالاتك مغنبقاش مقابلاك غير اناا
مسحات داك الزاااج وعينيها حمرييين مشات لدووش كتغسل تاتحل لباب وشهقات كان مرااد لي سد ليها فمها بايدو قبل متهدر
مراد:اما حسن داباا كي كنت ولا كيف وليت ممم ....مالكي مقسحوة راسك شنو فيها لدوزنا لوقت ...عاجبك تبقاي تسربي على الناس ...سربي غير عليااا
زهور(بدات كتصفاار وكتنين تحيد ايدوو على فمهاا وبدات كتبكي)عفاااك اموراد اهئ اهئ راه ماشي ديالي دااكشييي بعد مني عطا الله لبنااات انا عندي ولدييي اهئ اهي عفاااك ...عفاااك
زهور(هزات لكات من لارض وهزات الصينية)ووخة اخوياا اجي معايااا
تمشاا وراهاا مرة مرة ينسح على السروال تاع التوب فلكريي على فخضو طلع تابع زهوور تال لفاابوو وراتو ليه ومشات جابت ليه لبابي باش يمسح وهيا كدمع شد من عندها كلينيكس مكمشحجبانو فيهاا وقال بصوت هادئ :لاش كتبكيي صافي موقع والووو هدشي عادي
زهور:اه بخيير تقدر تجي تديني عفاااك (شافت جيهت طريق تاع مراد ملقاتووش)دغياا
رشيد:راني وااقف حدا نايااا كلوب تجي عنديي
زهور:شكوون نااياا معرفتهاش
رشيد:ههه شفتي الشاريع لي ورا فين خدامة نتي اتمي جااية نيشاان على ليمن ديالك
زهور:اه انا فيه دابااا
رشيد:كتبان ليك واحد الشاشة كبييرة فواحد لبواط على جنب طريق انا واقف تمااا
زهور(طلات براسها بانت ليهاا وقطعات مشات كتزرب وكل مرة دور موراهاا وصلات حداا بواط كبيير واقف قدامو فيدور قدو قداش تهضر ترعف ولبنات مكاين هي فوق لفخااض وصدر مدفك وغير لحلالف لي داخليين اما لي معندو صحة راه مكمش فلمانطة كلاكصونا عليها رشيد ومشات كطيير ركباات معااه كلها كترجف
رشيد:عاد وصلت رباب
زهور:واش هنا فين خداامة(هزات راسهاا فلبواط كبيييرة )باز ليهااا
رشيد:هههه ولفات وعاجبها لحال نتي لي بنتي ليا هد يوماين ماشي تالهيه مالك يكما ضسر عليك شي واحد
زهور:لا لاا بخيير غير معجباتنيش لخدمة وصافي (تنهدات وسكتات كتلعب بالسمطة تاع الصااك تببدات الاغنية لي كتعجبها يمكن كتعبر على حالتها بغا يقلب رشيد وحبساتو)عفاااك هي خليي هد الاداعة كتعجبنيي
حطاتوو وجمعات شعرهاا وتفكرات بليي زيفها طااح وجاية بلا بييه ساطت ومشات غسلات وجها لي دغيا كيتورم بلبكا ومشات لكوزينة بلحس فيضات ليه لحلييب او دار ليك الشكلاط فلخبز وكلساات كتوكل فييه وعينيها كيتلصقوو
ناضت بدلات حوايجهاا وفرشات فالصالون مع ولدهاا وطفات ضو وتكات كتنخصص بلا صوت وكل مرة طلع تنخيصة بلا هواهاا وهيا كلها كتغزل حط ادم ايدوو على عينيهاا فضلاام حيدات ايدو باسهاا ومسحات عينيهاا وضربات الطم ...
فاقت زهور مرونة وراسها كيضرها بلبكا ولات حالتهااا تحت عينيها بدا يكحال بقلة نعااس كلساات شادة حنكها وكتشوف فادم ملي مشبح بنعااس ..هالمدرسسة وصلاات وخاصو يدخل يتعلم شوي بحكم لعام اللخر ويدخل لمدرسة بدات كدو ي مع عقلها وتخمم هي بووحدهاا
...ياااه ليام كيغادا كتجرييي ...امتا تزوجت وامتا ولدت وامتا بديت نكبر ربع سنين دازت من حيااتهاا معرفاات اولها من اخرهااا مراهقتها دازت بين ربعة لحيووط بكا ودموع والم وخساارة ...
ززهور(جمعات النفس وطلقاتها بغات تعاود بغات تفش قلبهااا وتخويي لي عندهااا وقالت) اناا زهور لبنت لي تزوجاات على سطاش لعام بلولد لي كان كيعجبها بزااف كان كيمشي لبراا ...تزوجنا على اساس يدينيي ولكن من موراها بقيت مع مو وعشت فلعدااب وانا حااملة
بدلت زهور كتعاود وكل مرة تبدا تبكيي وترجع تهدر تانيي تشحفاات حطات كاع لي فقلبها من نهار تزوجات تالدابااا وختماتها كتبكيي وقالت:كيشوفووك مطلقة كيقولوو صافي هادي بنت الزنقة ومعرفت شنو هئ هئ ... تاحد مغيدير ليك قيييمة عندهم لي خدمات ومطلقة صافي راه مامزيانااش
سلمى(تسمعات تنهيدتها كدل على الاسسى من جبهت زهور)زهور حنى وسط مجتمع دكووري مكيرحمش الا من رحم ربييي ...نتي عارفة راسك شنو كتسواااي ...كلام الناس معندو باش يفييدك نهائيااا
زهور:عاارفة
سلمى:هد السيد هداا راه خاقو يتعااقب احسن حاجوة دعيييه وانا كنعرف نااس غيعاونووك حتى تاخدي حقك منوو حيت قلتي كيهدد فييك وفوق هدشي كلو التحرش
زهور:لا لا منقدرش ندعيييه ..الا صافو خوتي لخبار ميخليونيش هنا دقيقة وحدة ...وانا منقدرش نرجع لديك لبلاااصة انا او ولديي مكيحملووهش
سلمى: معرفتش شنو غنقوليك ااا زهور ....اصعب حاجة تكونيي ام فسن صغيير ولكن الاصعب هوا تكوني ام واب فنفس لووقت مسؤلية بضعف ....زهوور كتسمعينييي ...الووو ...للاسف نقاطع الاتصال
تقطع لخط لزهور ومشاو لفليساات لي كتصقرم عليهم تيسالي شهر بدات كتخبط فرجليها وكملاات بكاها بوحدهااا رجعات لراديوو او لقاات المديعة مزال كتهدر على حالتهاا وعلى زواج القااصراات او بزااف تلمعانات كتوقع والهجرة الخ
كملات زهور نشيرهاا كتنهد ونزلات ادراجها لبسات جلابتها كيف لعادة وخلات ولدها مع عمتها وخرجاات مخلات مخبزات مخلات سناكات مخلات بوتييكاات لي دخلات عندو تخلي ليه نمرتهاا وضايعة تالفة خافت ترجع لديك لخدمة وتلقا كتر من داكشي تخااف طييح فلي مبغاتش وتمشي فطريق لا رجعة فيهااا ..
راجعة رجليها طايبيين بلمسافات لي كضرب باش توفر لمصروف لي بقا فجيبهاا طلعات كتنهج عرقاانة وكلساات فالصالوون كتماصي رجليها لي ولاو حمرين بسبااط وطريق كلسات تسنط لعضاامهاا وعمتها خرجات لجاامع تصليي تصونا تيليفونها هزاتو ولقات نمرة معرفاتهاش وكطلب تكون من شي حد بغا يخدمهاا جاوبات فلحبن وقالت :الوو
رد عليها ققوت انتوي خااغت ولفات تسمعوو كل نهار على الراديوو وقال:الوو زهوور ...معاك سلمى...عرفتيني ...
زهور(تقادات فبلاقتها)اه عرفتك شكون ميعرفش صوتك
سلمى: ربي اخليك ... صافااا دابااا
زهور(تنهدات)الحمد لله اختي معندنا منديروو
سلمى:هادي نمرتيي خليها عندك يااك ..سمعيني ازهوور عارفة لمعانات ديالك مع ولد عندوو ربع سنين ديجا انا عندي جوج بنات فنفس لعمر وحااسة بيك ولكن نتي كتر حيت بووحدك ...ولكن متقنطييش شحال من واحد تعدب فاللول وفاللخر قدر يرتااح
زهور:عيييت منقلب على خدمة تعيييت كلشي كيتمشا بالديبلومات ولقرااية
سلمى: متقوليش هكاك علاش حناا هنا الى مكناش نعونو بعضياتناا
قطعات معاهاا وكتمنا يدير ليها الله تاويل لخيير باش تقدر تعيش هيا او ولدهاا فرااحة مينغصها عليها حد بداا مراد كل مدة يصوني وتقطع معرفات منين تبلووكيه تعشااو ونعساات مع ولدهاا كل مرة تقلب لجييه حلف نعاس لجاهاا تصبح لحاال عاد غمضاات مفاقت غير على صوت تيليفونها ناضت قاافزة ملي لقات نمرة سلمى لي طالعةطالعة
سلمى:اوى لحمد لله ...لبارح هضرت مع واحد صاحبتي من تمااا ...او سمعات قصتك ..عندها وحدة من فاميلتهاا عندها محال كبيير تاع لحوايج ولخيااطة وبغات لي تعاونهاا هضرت معاها شخقبا على ودك ومعندهاش مشكيل من ناحية الديبلووم غير تكونيي كبابل فلخيااطة وتحضي ليها لمحال مزياان
زهور(بفرحة) اه اختي كنعرف نخيط معنديش مشكيل فيهاا
سلمى:هدشي لي قلت ليهااا وان شاء الله تكوني خدمة مستاقرة لي تعيشك مزيان نتي او وليدك ..شنو سميتوو
زخور:ادم هه تانتي الله اخلي ليك بنياتك او ولدك خيرك عمري غنسااه فحياتي والله
سلمى:متقوليش هكاك حنى غير باش نعاونو بعضيااتنااا ...شوفي ازهور متقوليش انا بوحدي لي واقع ليا هكااا بزاف تناس عناااو حتى وصلو ومنهم رااجلي لي كان بديبلووماتوو يا حسرة وماوصل تاتحمن ديما حمدي الله وشكريه على اي حاجة
زهور:لهلا يخطييك اختي
سلمى:لمهيم قيدي لعنوان وسيري عندهاا يااك قوليها نتي من طرف سلمى ويكون خير
زهور:صافييي غنمشي عندها دابا نيت
سلمى:صبري نعطيك لعنوان ...نوار اراي ليا لاجونداا لي تماا
سلمى:اي حاجة حتاجيتيهاا اناا معااك ...وقت لي حتاجيتينيي صوني ليااا او الله ايسر لييك
زهور:امييين ياربي لهلا يخطيك
قطعات معاها ولفرحة لعبات فكرشها كيبغات ناضت بجرا غسلات وجها ومشطات شعرها لي ولا حالتوو يوماين متمشط ومشات فيقات ادم بلفرحة بدلات لييه وجمعات لفراش ومشات كطيب لفطوور فاقت عمتها وفطرو جميع من غير رباب لي مكتجي تالصباح كتصبح نااعسة تالضهر
زهور:عمتي تحضي لياا ادم
نعيمة:فين غادية
زهور:غير نقلب على خدمة نشوف تاني هلى الله
نعيمة:وخة سيريي غنديه معاياا نتقدا شي خضيرة من السووق ونجي
زهور:وخة
ناضت جمعات لمااعن وقدات الدار ومشات لبساات جلابتهاا فلكحل وزيف كرونة وسباط بلا كحل وهزات صاكها وبزطامها قلباتوو لقات فيه خمسين درهم لي عطاها السيد فلقهوة من زهرها هيا لي بقاات كي درهم لحلال فطريقهاا ....
ورجع ليها الصرف ودخلات لمصبنة كتسول على لمحاال نعتو ليها وخرجاات كانت مدرسة بريفي فجنب تبسمات وكتمنا الدخل تهيا ولدها لمدرسسة تاع لفلووس .. بان ليها مانكاات لابسين قفااطن وجلالب ولمحال كبير وصلات قدامو وطلعات دريجاات كان زليج نقي كيشعل والدخلة كلها مانكات بلبااس تقليدي وعصريي ولفيترينا تاع الزااج طلات بانت ليها مرا عاطياها بضهر جامعة شعرها لقصيير ودايرة نضارات والسانتيم على عنقها ومحنية على لكونتوار كتفص وكتاخد لعباار لكلياانة وكضحك معاهاا شافت فيها مولات لمحال وقال السلام وردات عليها زهور وبقات كتشوف فلقفاطن اخر مكااين ..شدها اكتئاب عمرها خيطات بحال هدشي بقات كتسنا تخرجات لكلياان وقربات زهور وقال:السلام اختي
-وعليكم السلام (حيدات نضاضر بابتساامة )شنو حب لخاطر ابنتي
زهور(بحشمة وتوتر)اناا حم هيا لي سيفطاتني عندك سلمى
زهور:لا فصراحة عمري خدمت ولكن عقلي خفيف دغيا نشدها
-ممم وااخة لمهيم ها لمحال كي تاتشوفييه لي بغيت منك هوا تحضييه وتحليه فصباح ولعشية او رتووش او لخيااطة اما لفصالة او لموديلات انا لي كنفصلهم وشوية بشوية حتى تعلمي
راضية:كلشيواضح ياك ازهور او عفاك ابنتيي لي نوصيك عليه ديما لمحال نقيي ولمونيكات ممسوحين وضحيكة باش بنادم يشري
زهور:كوني هانية
راضية -او دابا انعطيك واحد لبيااسة صغيرة نشوف خياطتك كي دايرة يااك
جبدات توب من الرفوف لي فجنب تهوما كتبيعهم او وراتها تمنهم فصلات فتواني كسيوة تاع لبنوتات صغاار وعطاتها لزهوور لي كلسات قدام لمكينة لي اعوام مشافتهاا وراتها كي تخدمها وتقادهاا او عطاتها تخيط وكتوريهاا باش متهربش على لخط تشدات لمكينة مزياان او راضية شادة معاها لخااطر
راضية:هانتي لخياطة ديالك مزيااانة خاصك هي طلقي ايدك فلماكينة او تولي مزياان
زهور:حيت شحال مخدمت فيهاا
راضيةة:شوية بشوية غنعلمك تالفصاالة ان شاء الله اه نسيتت هداا (تيليفون فيكس)خاص غير بلكليااان لي بغات النمرة تعطيها هدا وهادو لي كارط فيزيت دخلات لبيت فين كتفصل وخرجات هازة فلوس فايدها هادو افوونص
زهور:شكرا بزااف لهلا يخطييك
تبسمات ليهاا وخلاتها ومشاات دخلات لبيت فين كانت كتفصل وفيه ليكرون تاع لكاميرات مقسومة على ربعة ليدايرة فلمحل وفلباب ولكونطوار او لفصالة
بقات زهور فلمحل من بعد معلماات عيمة تحضي ليها ولدهاا فرحانة كتقلب فلقفااطن وتذوي تواب وتقاادهم ومسح لكونطوار وتقلد التيليفوون خرجات لقدام لباب قدات لمونيكة وكتشوف فديوور حمقووهاا سكات ولكاالم غير فراس الزنقة لي واقفين دراري ومتكين على لخيط شادين لكيطاار كيقشبوو اما لداخل سكات وكل واحد غارس قدام دارو شجيرات ونقاا
بداو لكليانات مرة مرة يدخلو او راضية كتهضر وزهور كتعلم منها كيفاش تعاامل مع كاع النااس ومع الصيف بزاف تالناس كيكريو عندها حيت عارفين لجودة عندها محالها دييما عامر
راضية:داكشي نيت كلشي بلمكتااب ..انا نيييت ولدت وليداتي وبقيت انا وباهم الراس فالراس كي موكاا كل عام نقولو نمشييو عندهم ومكنسخااوش
زهور:ومقنطيش
راضية:قنطت ابنتيي هدا الله ههه ويني مسخيتش بمحالي ولفتوو فيه درت صحاباات كنضل فيه نهار كااامل ونمشي لدويرتي عندي جوج وليدات وبنت جوج مزوجين او واحد باقييي هوا لي مزيرنا كل مرة اجي اجي ويني مزال مكتاب ...
...ودابا خليناا منيي وقولي ليا حكاايتك
عاودات ليها زهور محد تاحد مكااين وكلسو على لهدرة وراضية تعاطفات معاها ودعات فعادل ومو ومراد تعياات موقفهم من هدرتهم غير لكليان لي دخلوو وكلسوو كيهدروو صونا تيليفون زهوور وشافت مهاا وخرجات لقدام لباب تهدر
زهور:الو مييي لباااس
رحمة:ملي دفنوه مزاروهه
زهور:غير مع لخدمة وصافي ياك لبااس
رحمة:اش غنقوليك ازهوور ...عادل
زهور:مالو يكما جا تيسول وقلت لبه فين كاينة
رحمة:ولااا اووف وعادل ابنتيي دار كسييييدة وراه محن وباغي يشوفك نتي او ولدك
رحمة:عادل دار كسيدة وراه محن وبغا يشوفك ويشوف ولدوو
زهور(سكتات شوية كترمش وكتستوعب اش تقاال فلحضة داز عادل من قدام عينيهاا الى خافت تكدب صورتو بهاتت ومبقاا عاقلة على وجهو مزياان )كيفلش
رحمة:وتيي واش كتسمعييي ولا لا وعادددل ازهوور دار كسيدة وتقلبات بيه الطموبييل وتهرس من رجلوو وراسو مقسح فيييه ومحن باين ليا محال يعيييش وفمو غير ولدوو بغا يشوفوو
زهور(بعد سكات طويييل) الله اشاافيه
رحمة:وراه بغا يشوف ولدوو
زهور:ولدو عاد عرفو كاين فين كان ربع سنين هاديي هاد حلات ليييه يتفكر ولدوو ...
زهور:لااا راه اكادير مكايناش فالدورة تاع سوق السبت رااه ستا تسوايع لي غنشد وعلااامن على وصلني لهنا على لي فرط فيا او فولدو باش مو ترتاح هااا على لي تزوج ومعرف ولدو واش مكسي ولا عريان
رحمة:مالك ابنتي ولا قلبك قاااسك راه عدوك ومتبغي ليه لموت
زهور:الالة انا باغاها لييه وباغاها لمووو لي مرحماتنيش فوجعي ومرحماتنييي فنفااسيي (بدات كتبكيي)وهوا لي مرحمنيش وانا عاد والدة وفاااتحة وهلكني عصااا ...هاربييي كيعطيييه لي عطاني ..هاربي كيفرجني فيييه
رحمة(تنهدات)ولمبغاش تشوفييه جيبي غير ولدك ازهوور رااه يكبر ويعرف وتسماي نتي لي مامزياناش
زهور:علاه امتا كنت انا مزيااانة غير خلي ولدييي بعيييد كون بغااه كان يخلييه عندو وعرفتي لشفتيه كوليه ديك سماحة هيا لمتسمع منييي بسلامة امي راني خداامة
قطعات عليها ومسحات دموعهاا ودخلات شافت راضية واقفة
راضية:زهور مكنتش بغيت نسمع ولكن سمعت ...ولدك راه غيجي واحد نهار ويعرف بااه خليه يشوفووو ويهز معاك لحمل تانتيي
زهور:كون بغاه اخالتي كان يجيي ويشوفووو ويهز بييه ولكن هوا عاد حس بلحوف من الله لي مخلي كبدتوو معارفها فين كاينة واش واكلة واش شاربة عاد تفكروو ...عاد حس بضميرو فاق
راضية:فف الله اهدي مخلق ابنتيي ...نتي تعرفيي مصلاحت ولدك
سكتات نعيمة معرفات متقوول وهيا كتشوف فادم وحاطة ايدها على فمهاا معرفات مدير مع زهوور حيات رحمة تصونيي وتقول ليها جي شوفييه وجيبي ولدك وتقوول قلبهها قساح من جيهتووو
وصل الدخول لمدرسيي ومشات زهور كسات ادم من بعد متخلصاات وخدات ليه حويجات جداد ودفاتر وكتوبة خرجات عليها بنص لخلصة وعطات نصها ل رباب تقسم معاها باش متبقاش تشكا ليهاا بانا انا وهياا شدات غير شوية من فلووسهاا غير طرونسبوور وكتقول داباا نتوسع ونرتاح ونتكسا تا انااا
تقاداات مع خدمتهاا كتدي ولدها صبااح وتمشيي لخدمة وتجيبو نعيمة وتجي هياا مع جوج تغدييه وتقادو وتديييه وتقابل خدمتهاا دازت شهر وعرفات بلي عادل ولا شوية وخرجوه وحلفات لمشاات تشوفوو كفرات على داك لقنت ومدابزة هي مع خدمتهاا دازت شهرااين وهيا لخدمة لخدمة وراضية عجباتها حيت كتشوفها باغة تخدم وصافيي ولات عاطياها سوارت تحل وتسد وشي مرات كتخليها فلمحاال بوحدهاا متجيش ولات كتيق فيهااا حيت عرفاتها درويشة ومباغة حراام ..
..مرة مرة كانت سلمى كتسول فيها باش تعرف اخباارهاا وزهور كتعاود ليها كلشي وكتعاود تشكرها فكل خطرة
خرجو بجات ودخلوو فالدار لمقابلة مع لمحال بقات زهور كتشووف وقفات طموبييل قدام الر كاط كاط بيضة خرج منها راجل داير كاسكييط ولابس قبية وششوورط وهاز كارطاابل فضهرو كيعنكش فولد صغيير قرابتا 14 لعاام وهزو فوق كتاافو كيغوت سهات فيهم وتمنات كون ت ادم عندو باه لي يدير ليه هكاك فجأة سهات فالرراجل وخة عاطيها بضهرو كتعبر فيه لابس شورط حد الركبة مبين لي مولي لي عندوو عرااض يدير رجليها بجوج ضاربة فيه الشمش كيبان سمر استغفرات الله وهبطات عينيها كضحك وكلساات كتقااد فجلالب فلمونيكاات وكتمسح فلمراية حتى وقفو عليهاا جوج غير شافت فيهم ركباتها لخلعة حيت مباينش عليهم بغاو يشريو هاددو بغاو يشفروو..
زهور:(تلفات ليها الهضرة)اش حب الخاطر
نطق واحد فيهم عينيه كي نمس تيضورهم على لمحل :حبيناك نتي ههه
زهور:عفاك خرج(سرطات ريقها بخوف)هذا محل تاع العيالات معندك مادير هنا
دار ضحكة تسخرية وتلفت لصاحبو لي عينيه تيطلعو وانزلو فزهور وغمزو وقال:سد سد داك لباب
زهور:(رفعات صوتها تترعد قربات تحطها فسروالها)شنوو؟؟؟خرج خرجووو ولا نعيط البوووليييس
جبد واخد فيهم المضا من ورا ظهرو وحط صبعوو على فمو بمعنى تسكت وقال:غتسدي فمك عليناا ولا بربي تانشوه ليك داك الوجيه باش فرحانة..طلعييي اش عندك
نطق لاخر:يالله بزرربة(غوت عليها)طلقي راسك
حال زهور فهاد الحالة ميعلم بيها هي الله تترعد وشفايفها مرصاوش تقدر لقربتي ليهاج تسمع صوت سنانها ميقففو..معرفات مدير من غير تنزل دموغها لي اصلان خانوها بالخوف ملي شافت الموس..رجعات لور ملي شافتو تيقرب ليها وهي تنطق تترعد:خرج اش بغيتي عندي..معندييش الفلوس
غوبش فيها وقال:محل كبر من دارنا ومافيه فلوس(ضحك بشر)هههههه علامن تضحكي
زهور:(عينيها فالموس وبالها فولدها لمن ابقا لكرفصوها)عفااك انا هي خدامة معندي والو
غفلها وقرب منها تا شدها من شالها والموس قدام عينيها وقال بصوت منخافض:اتديري داكشي لي قلن ليك ولا قسما بالله تا نردك كباب هناا(بصوت مرتافع)نعتي ليه فين كاينين الفلوووس ياله
زهور:(تتبكي وتهضر)عفااك لا لا هءهءهءهء شوف راه كاينا كااميؤة فوق راسك الى جات مولات المحل اتقلبها وتديهم للبوليس واتشدوو هءهءهءهء عفاااك
شافو فيها بغضب وتقولبو حيت المحل كولو كاميرات صوت وصورة شادين كلشي..حسو براسهم تعصبوو وهوما يعطيوها بضهرهم ولاخر لي كان قاصد لاكيص ضرب مانكان تا طاحت بتكشيطتها وقفزاات زهور فيد لاخر ودموعها وصلو فين بلا شال لي زلق على راسها..
دفعها لاخر تا طاحت على مانكان وجات تلى وجهها تاغوتات ونطق واحد فيهم:تحؤك اصاحبي ليجمعووناا..ميرررد افير تاع "*****..هادو هوما بللنتك
جرو وخرجو تيتجاراو مخليين زهور تترعد وتبكي خايفة..جوج مانكات طايحين وهي رجليها مهازينهاش..ناضت بزربةقبل مايرجعو سدات عليها المحل تاترعد.بسوارت ومشات لفيكس تتركب نمرة راضية ومتبرك على رقم تاتكون قطرات دموعها مزيان..صونا مرات قليلة عاد.جا صوت راضية بهدوء:وي زهور
زهور:(تترعد)لالة راضية هءهءهءهء عتقينييي(نفاجرات بالبكا)دخلو علي الشفارة هءهءهءهء هالعاار اجي
راضية:(وقفات)اوييلييي هاني هاني جاايااا
قطعات معاها زهور وجلسات فكرسي شلدا راسها وتتبكي وعينيها برعب على الباب خافت اعاودو ادخلوووو
مدازت تا جوج دقايق كانت راضية قدام لباب تلزجاجي تتدق بساروت عليها ومعاها ثورية وراجل..شافتهم وناضت تتجمع اابكية تتحل عليهم وتبكس..هي حلات وهي طير على راضية معناقااها ونفاجرات بالبكا حيت تخلعات وخافت من الموس..للحظة شكات واش تموت وتخلي ولدها..
راضية:(بخوف)واش قاسوك؟؟اش وقع؟؟زهوور
زهور:(بعدات عليها تتبكي وتشهق وشال طاح بان الشعر)هءهءهءهء دخلو علي هءهءهء كانوبيشفروو هءهءهء
حقق فيها مجيد الشوفة ولوهلة سها ونطق بعدما حمحم:واخا صافي دابا هي بردي..شربي الما وبشوي عليك موقع والو..واش مقاسوكش
زهور:(تغرغرو عينيها)لا هءهءهء ولكن كانو بيضربوني هءهءهء وطيحو جوج مانكات
راضية:ابنتي السلعة ماشي مشكل كون ضربووك تما هي الفضيحة..
تورية:اجي ياك دايرين الكاميرة؟؟
راضية:اه اه
مجيد:(بقا محقق فزهور)بتكون شداتهم
زهور:هءهءهء داكشي لي قلت ليخم باش خرجو هءهءهء خافووو (زيرات على يد راضية)عندااك اعقلو علي واتعرضوو ليا هءهءهء
مجيد:مالها كاينا سييبة..لالة راضية اري ليا تسجيل الكاميرة وانا نتكلف
ناضت راضية تتستغفر الله وجلسات تورية تتبرد فزهور لي باقي مخلوعة فحين مجيد مشا اشد تسجيل لي جبدوه فلببت دخلاني وشافو كي وقه ليهم وسمعو كيفاش تطلب فيهم وكيفاش هددها ولاخر كي دفعها..مص مجيد شفايفو بعصبية وقال:ولاد الحراام..اري اري ليا تسجيل الى ماديتهم فين تربااو ادفلو علي..قربوو اقتلوها
راضية:لا حول ولا قوة الا بالله..
عطاتو تسجيل وقال:كوني هانيا انا نتكلف.
راضية:شكرا وسمح لينا برزطنلك
مجيد'الله اودي حنا حيران..
خرجو لعند زهور لقاوها باقة كترعد طول فيهاا مجييد الشووفة كيتدكر هد لوجه فيين شافو بنفس لحاالة نيت لبكا وتقفقيييق (حمحم)لبنت كون هي صيفتيها فحالها ..باقي مخلوعة
راضبة:اه اه انا بنديها درووك نيت
زهور:هي خلينييي مقدااش نووض (كتشرب فلما كترعد)كانو بيقتلونييي هئ هئ
تورية:برا ولبااس هادو غير شي برااهش غير سمعو لكاميرات هربوو
مجيد:ونتي بنتي ليااا بتموتي هي بلبكاا اما كون قاسووك كون كتحاسبيييو درروك
تورية:حشوومة عليك مكتشووفش لبنت كي مخلووعة
مجييد (ضحك وحط ايدو على راسها وهيا كتخصص كي بنت صغيرة ضنا منو بلي مفايتااش تا سبعطاش لعاام)ههه غير بغيت نضحك معاهاا صافي مخفتيييش هد لمرة عودي طرقي علييك بالساروت لكنتي ببوحدك
راضية:الحمد لله خرجات طريفة اووف كونما نتا لي قلتي ليا ديري لكاميراات كون شفرو لي بغاو
مجيد(حيد ايدو من فوق شعر زهوور وهز مع راضية لمانكان لي طاحوو) دابا غير رتاحي غنتكلف بدووك لبرااهش لكبير فيهم مفايتش سبعطااش
خرج مجيد شاب فأواخر التلاتيناات 37 عام وتوجه لكوميسارية ليي نصهم صحاابوو عطاهم لفيدييو ومامشاو تجابووهم كي لفراخ كيتركلوو ويدمعوو شبعووهم عصاا تمقدوو وزيدووهم يتكلصااو شوية باش يتخلعوو رجع ادرااجو وحط طموبيلتوو قدام باب دارهم وخرج كيلعب بسارووت وطلع دريجات لمحل بان ليه لباب تاع الزااج مسوورت ضرب بساروتوو فلباب وجات راضية حلاات
راضية:امضرااا ا مجيد شدوهم
مجيد:رااه شدووهم كي قلت ليك مفايتينش حتى تمنطااش غيشدوهم عندهم تيبرد عليهم الرااس وهاد لقنت عمرهم يوصلووه
راضية:ففف الحمد لله حمرها كانت شافوها صغييرة بغاو يحكرو عليهاا
مجيد:كيبقات هيا بعداا
راضية:لا لا بخير راه كالسة شوية ونسد لمحالل ونديهاا ...سمحلياا عدبناك معانا امجيد ونتا عاد جيتي من سفر
مجيد:وحنا جيران الالة راضية الله اهديك(هبط دروج)الله اهنيك
مشات راضيية طمنات على زهور لي عاد مشات منها لخلعة شوي اماا مجيد فدخل لداارو مع حل لباب وعطاه بضهروو تعلق فييه ولد صغير فضهرو مزحزح فيه والو
مجيد(تحنا وقلب لولد كيغوت جيهتوو)مال مك كطييير مالك
-هههه لا لا عفاااك بغيت نشوفك هي واش صحيح
مجيد(رجع هزوو فكتفوو قالب لييه رااسو اللور ورجليه لقدام كيف عادتوو وغادي بييه لاح سوارت فوق طبيلة جنب لباب ودخل كانت الداار مزلجة ومفرشة على حقها وطريقهاا وكبيييرة كانت قبالتو صالون كبيير مفرش بطلامط فلكري ومقابل معاه صالون اخر فوطوياات كانت مرا كبييرة فالسن كالسة فلقنت دايرة نضاضر ومخرجة عينيها فالتلفاازة داز نيشان لكوزينة قبل متشدو بلهدرة لقا تورية واقفة فلكوزينة ب بيجامة طويلة وجامعة شعرها ودايرة نضاضرهاا
مجيد:وكوليها كوليهاا راه واحد لحنك شفتو بحال الا ضعااف
نزلات عليه بضربة لكتفو وهوا كيضحك مولف يتمازح معاهااا فاي حاجة معندهمش مشكييل حيت ولدها لكبيير ومصااحبيين ومعتامدين على بعضيااتهم من بعد موت بااه ليخلاه يهز مسؤلية الدار كاملة على كتافو بجوج خوتوو واحد صغير ربعطاش لعام مجد ولموسط 24 سنة نعمان
زهور:غير توحشتو اعمتي نهار كامل غابرة علييه(قاست ليه شعرو لي طوال)خاصني ندييه لحلاق يقاد ليه شعروو شوية باش ندوش لييك....
فجهة خرى وبالضبط ف دار عادل ناعس فالصاالة ضعااف على لي كاان او وجهو شااحب داير فاصمة فجنب جبهتوو وداير بانضة على رجلو وحاطها على مخدة وحاط رجل لخرى فلارض كيهزز فيهاا بدييق مل من لكلسة شهراين باش دار لكسيدة مشات ليه خدمتوو ومقدرش يساافر براا وبقا غير فالداار وزايدينو بصدعاات نهار كامل مو ومراتوو كي لمش مع لفاار هز لعكاز ديالوو ولبس ببلغة فرجلوو وخرج لقدام الدار كيتمشى وكيتنهد وفينما شاف دري صغيير كيلعب كيتفكر ولدوو لي معاقلش على تكيفاش داير من تصااورو معاه قبل طلاق ...حس بتانيب الضمير والتقصييير بلا قيااس ت قرب لموت عاد فااق وحيات فيخ الابوة لي تعما عليهااا معرف مي يوصل لزهور لي اخبارها مقطووعة لي عارف هوا مشات عند عمتهاا لا غيير ومببغاش تشوففو دخل لدار مع صدااع او وقف فدرووج كيتسنط لمو ومراتو لي كيدابزوو
سااط وبقا كيسمع اش كيدور فلغواات
زبيدة:خرجتي من جنب ياللفعة من هار جبتك لدار وحنا اللور اللور قدامك قدام الزلط
فاطمة(زوجة عادل)واش نتي متلقاي مديري تبان ليك فياا شنو درت ليييك ياهاد لمرا غير هازة شوكتك كي لعكرب
زبيدة(بلغوات)انااا عكرب انا تقولي لياااا عكرب سرييي سري لي دخلتك لدااااارييي اما نلوووح بووك لزنقة كي درت لديك لي سبقاااتك يااعيفة لعيالات ياالعااااكرة تلت سنين وونتي تاكلي فرزق ولدييي ومولدتيش كي كرانااتك الهايشة
فاطمة:ياااك ولييتي تعايريينييي دابااا
هد لمرة تدخل عادل طالع ليه لخز حيت صافي فاق وعاااق وعرف من الضالم من لمضلوم شهراين كلسها معاهم عرف مووو حارة مكدوزش
عادل(بترجي)لطيفة عارفك اتكوني كدوي معاهااا ...راني باغي نرجع مراتي او ولديي ...الله اعطيك لخير عطيني وخة غير نمرتها
لطيفة:راه معاك بصح شحال مدويت معاهاا زهور مبقاتش كي كانت ضحوكية ونااشطة ....وقليل فين كنهدرو ...نمرتها راه هيا هيا مبدلاتهااش ولكن الله ارحم بااك مباغة مشاكيل مع شي حد
زبيدة(بغات تجبدو)تهنيتي كااع ملي ديتيها زايداك هي بلهم
عادل(تقاد فلكلسة)واش معيتيش اميي هااا ...نموت نعرف فاش ادااتك زهور تخرجتي عليا وعليها وعلى ولدهااا...يكما يحسابليك مكنتش عارف بلي نتي لي منك ديفوو ولكن قلت لاااا تمشي نرا وتجي مراا ولكن مي لامشات ميعوضها حد بلفقصة ولكره تبعتك وتزوجت بوحدها معارفش اصل مها منين ولحتيني فنفس الزوبية امييي واش انا نبقا حياتي كلها نطلق هادي ونزوج هاديييي
زبيدة:يااااك اعادل ...انا باغة هي مصلاااحتك ميستاهلووكش اولدي ...واش ليدايرة تيليفوون بلا خبار حد وتضل توشوش فيه علم الله اش كدير ملي كنخرجو ولخرى بغات تسحر ليك
قطعات معااه وناضت دوشات لولدها ولبسات ليه وعلمات عمتهاا الاخيرة بقات عليها لبسي وتقاادي متعرفي يرجعك وبلا بلا لي مسمعت منها والوو بصريح لعبارة لقلب برد
لبساات كسوة طويلة فيها لاستيك لوسط فلخزي ودارت شال كحل وسباط بلا كحل وهزات صااكهاا كتافات بكحل لعينيها لي قرن وزمااان مجا فعينيها غير باش متبانش صفرة وخرجاات جارة ادم لي فرحان مفركس ومحسن وعاجبو شعروو صونا عليهاا وعطاتو فين كاين وبقات كتسناا هيا او ولدها وقلبها متوتر لابعد حد وايديها عرااقو كي غيكون اللقاء من بعد اعوام وكاع داكشي لي داز كي غتصرف معااه وكي غايعااملهاا هدشي كلوو دااز قدام عينيهاا توقفات طموبيل جنبهاا تهز قلبها وادم كيلهب بلكسوة كيديها ويجيبها ويقول لحروف لي تعلم ويدور بزهور خرج عادل من الطموبيل لا يختل شعوره عينيه كتهرب من زهور لولدهاا لابس شوميز وسروال عادي وكيعرج شوية برجلييه تلفتات زهور وشافتوو وبدا قلبهااا كيضرب بجهد من التوتر ولخوف تبسمات بتوتر لي بان على ملامحها محدو كيقرب وايدها كيعراقو
زهرة العمر الجزء الخامس
محتوى القصة
التنقل بين الأجزاء