زهرة العمر الجزء التاسع

من تأليف لبنى السرابي
2020

محتوى القصة

رواية زهرة العمر

هزات فيه راسها بعفويو وقالت:انا؟؟
حؤك راسو بالايجاب وقال تيحقق فيهت:ممم فايت شايفك واقلة ولا معرت نشابهتي ليا
مجيد:(تدخل)اتكون هي تغالطات ليك..نتا تضل فدمايات فين تشوفها
زهور:(تزنكاات وقلبها كيضرب) اه واقلة
صلاح:قولي ليا نتي منين
زهور:الفقيه بنصالح
صلاح:تما فين خدنت واحد المدة ههه 
زهور:الله وعلم انا عمري دخلت لسبيطار (دارت ضحكة كتفرك فايدها)
صلاح:(بتاسم تا بانو القلوبة فعينيه)لهلا يوصلك ليه
شاف فبه مجيد عاض على شفايفو بشوفة باردة مطمر تيتسناه اجمع عينيه..فحين اسية عاقت وهي توقف وقالت:زهور نشقيك معايا اجي عاونيني نجيب العشاا
زهور؛اهاه اختي
ناضت بشوي من بلاصتها وردات شعرها ورا وذنها ومشات معاها حشمانة متتبرقش فالدار فحين صلاح خو امين تبع ليها نظرو هي بشوي ومغيشوفو هي مجيد..كي ضور عندو راسو لقاه لابس وجه الجدية وتيشوف فيه بنظرة من نيتك..
صلاح:اوا اسي مجيد لباس عليك؟؟
مجيد:(مطمر)حمد لله
صلاخ:زوينة هاد لبنية ..باقي صغيرة اصاحبي
هزر فيه مجيد وقال:واش مشا ليك؟؟(قرب ليه اتاي)شرب شرب ليك كاس تاتاي حسن ليك
ضحك امين وقال:فوتو علييك ههه
قلبو لهضرة لمنحى اخر ومجيد طلعات عليه بدوك شوفات لي كان تيشوف فيها..مي حاول اطمر..حتا شافها جايا هازا بلاطو كبير فيه طبيسلات تالشلايض..جايا بشوي عليها متولة تا فمشيتها خلاتو ادير بتسامة خفيفة بلهلا اطريه ليه..وموراها اسية هازا طبسيل طاوس فيه دجاج محمى على حقوو..حطات بلاطو وبدات تتحط فطبيسلات وعينيها لارض فحين مجيد كيفرنس ليها..مع هزات فيه عينيها بتاسمات ليه بخحل وغمزها..
حطات اسية الطبسيل وقالت:اوا نرحباا بييك اسي مجيد ههه
مجيد:حداكيتي هههه
اسية:راه من ديما حادكة هي نتا لي كنتي حاكرني ههه
جلسو كلهم على طبلة وزهور لاصقة حدا مجيد..باشرو الاكل ومجمعين من هنا ومن لهيه كلهم الا زهور لي هي تتسمع تتتاكل بشوي..تيجيها الدجاج سخون واقطع ليها شوي بشوي واقرب ليها كلشي..وكلشي حاضي البلان
اسية:زهور مسمعناش صوتك ههه
مجيد:من صباح ونتوما تتنابحو ههه مخليتو ليها فين تهضر
امين:سلامة هههه
صلاح:اسمعينا هي صوتك الكتكوتة ههه ربي قولي ليا شحال فعمرك
هزات فيه عينيها بعفوبة وقالت:20 لعام
صلاح:(خرج عينيه فمجيد لي محاملش البلان)شنوووو؟؟واه اخا مجيد تتقلب على بروصي هههه(لاحها بضحك)
هنا مجيد عض على شفايفو عرف راسو ايتعصب وانوض اهرس ليه وجهو..هز سربيتة مسح يديه من لماكلة ولاحعا بعصبية ووقف شد فزهور نوضها وهز صاكها وقال:الله يعاونكم
وقف امين مفاهم والو وتا زهور واسية اما صلاح كثر منهم..
امين:مالك؟؟
مجيد:(شاف فيه مخنزر)المرة جايا ملي تبغي تعرض علي لتجيبش شي حد..
صلاح:واش تقلقتي اصاحبي هي انضحك
رجع شافيه مغوبش وقال:داك ضحك خليه عندك..هادي لي من صباح ونتا تتبرق فيها راه معاياا ..(جر زهور وتم غادي جيهة لباب)خرااا
تم غادي بيها مفاهما والو ومعرفاتوش لاش تعصب فحين امين خزر فخوه وقال:اش هاد الفعايل
تابعو هو ومراتو تا وقفو وقال:وتلله يهديك راك عارفوو كيدااير
لسية:مجيد حشومة تخوياا
مجيد:(رفع صوتو)الى كان زلال ومولف بالقحاب ميجيش انا ابقا ابرق ليا فيها..(بنرفزة)
زهور:(بصوت هادي)مجيد حشوومة 
خزر فيها تاهيا وقال:امين الله يعاونك اخويا مافياش لي يتصادع مع شي ولد المراا
جا صلاح لعندو وقال بهدوء'مجيد اخويا اه هي انضحك..راك عارف موالف انا وياك هادشي..تنضلو نضحكو هاكا وكثر
طلق من زهور ومشا جيهتو وقال بعصبية:اسيدي كنا تنضحكو هاكا ملي كنا فليبواااط ماشي بنات نااس..منين دخلتي ونتا تتحنزز فيها..تتقلب علي نعمي ليك عينيك
جراتو زهور بشوي تتسرط ريقها وجراتووقالت بخوف:مجيد ياله نمشييو براكاا
متسوفش ليها ونطق:محشمتي مرمشتي هاكا عيني عينك تتحنزز فيها بحالا عمر دنمك شتي العيالات 
صلاح:اودي راه هي شفنا فيها وصافب
مجيد:(بالغوات)اسيدي لتشوفش فيها..هادي خط حمر ...تدوزو نعفس على رية مك
صلاح:(غوبش)زدتي فيه لا من صباح وانا تنسرح ليك ونتا تتبوطا علي
مجيد:زيد قاود ماع نتا لباقيش تجي تعرفني ..تسحابني جالس مع الرجال ساعا هي شماايت..حمد الله جيتي خو امين اما نتفاهم معاك
بقا امين هي كيشوف لهوا ل اسية دخلهم سوق جواهم ملي حمر عينيييه 

جر زهور وخرج من لباب صااعر ومعصب مخلاش ليه فين اجاوب..حل لوطو طلعها وضار لبلصتو معصب وسايق..مقدراتش تهضر بتاتا خافتو اضور فيها وهي تسقل..تاهو مهضرش مقال والو تا وصلو ونزلو عطاها كارطا تبيتها وزاد لببتو مخليها هي تتشوف تزاد خووفها من جبهتوو 
.وشحال خايبة عصبيتو ...

طلعوو وكل واحد مشا لبيتوو كلساات زهور من بعد مبدلات ب بيجامتهاا تيشوورت نص كوم او سروالها لاارج كلساات كتفكر فهاد صلاح معقلاتش علييه ايديها عرااقو بالتوتر مرة وحدة لي دخلات لسبيطاار نهار بتولد ادم وعمرها رجعات لييه مزاايل..بعني لولد تما فين شاافهاا بدات كترمش ساطت باغة تبكب و هزات بوليرو مشبك من لي شراات لبسااتو عليهاا ولبساات صندالتها تصبع قلبها كيضرب على جهد وكلها كترعد ...كتبغي تحل لباب وكترجع خدات نفس وقالت لي ليها لبهاا اللهم داباا ولاا يفوت لفووت حلات لباب وسداتوو وتمشاات لشومبر تاع مجيد قلبها كيضرب ...باش غتبدا وباش غتسااليي كتبغي الدق وترجع اللور فمها نشف غمضات عينيها ودقاات لباب تحل لباب وبان مجيد صدروو عرياان غير بشورط هبطاات وجهاا دغيا وقال
مجيد:زهورر 
زهور(بتوتر) والوو صافيي تالغداا ونهدروو مشا لحاال داباا 
يالله بغات تهرب من حدااه شدها من ايدهاا جرها جيهتوو وقال: اجيي دخلي نلبس ونهدررو ...دخلي ازهور راه مغنااكلكش 
حركات راسها وهياا مبعدة عينيها عليه عطاها بضهر ومشا كيقلب هلى تيشورت ديالو ساكت مزال طالع لبه زعااف وريحت لبيت كتقلب بلكاروو هزات عينيها فييه كترمش متبعة كتافو لعرااض وصدروو عامر مزغب شوي رجعات هبطاات رااسهاا كتفرك فايدها وكترتب لهدرة لي بغات تقول فدماغهاا 
مجيد(لبس ديباردوو لي لقاا قداموو وجا جيهتها حفياان وشدها من دراعها تقفزها:مالك اكبيدة شنوو خاصك 
زهور(هزات عينها فييه وريقها نااشف لقات متسرط شفايفها كيترعدوو وهوا كيتسناها تهدر )باقيي مقلق منيي 
مجيد(حك عينو)لاش انتقلق علييك 
زهور:على قبييلة 
مجيد(تنهد مدوز لسانو على فمو) نسااي موقع والوو 
زهور(حركات راسها بااه كترعد )مجيد 
مجيد(حرك راسو)اييه هوا اناا اش حب لخااطر....دوي ازهور بديتي كتشوشيني 
زهور(خاافت تخسروو وعقلها وقف غمضات عينيها وقالت)والوو غير مجانيش نعااس ...
مجيد(هز واحد لحاجب وقندش)زهور بلا متصعريني راه طالعة علي ...غير كملي شنو 
زهور:( سرطات ريقها)او خفت 
مجيد:مناش خفتيي 
زهور:صافيي تصبح على خير 
بغات تمشي وشدها من خصرها وقال :اجي هناا ...دوزي تكلسيي 
زهور:لا لا هي خلينيي نمشي
مجيد:دويت معاك ازهوور ...كلسيي 
شدها من ايدهاا داها لفوطووي وكلسهاا وكلس حداهاا شافيها وتبسمات لييه ..هز ايدهاا باسهاا وقال: شربتي دوااك 
زهور:اه شربتوو 
مجيد(قرب ليها شوي وحيد ليها شفارة طايحة على حنااكهاا) يكما خلعتك قبيلة هه 
زهور(هزات عينيها فييه )وشوف نتاا اش درتيي
مجيد:باقي مدرت والوو هي حشمت على وجه خوه اما نطيح ليه عينيه وا نتي كالسة حداياا وهوا كيبلق عينو فيييك باغيي يعرفك بزز ..عمرك شفتييه ولا عرفتيه
زهور(هزات عينيها فيها بزربة)لا لاا 
مجيد::تت معليناا سمحيليا لا تعصبت علييك راه نقشتي دغياا كطلع 
زهور:ماشي مشكيل 
مجيد(دوز ايدو بلخلف على حنكهاا بضهر ايدو كيتلمس رطوبيتهم) اششنو درتي فييا ازهور همم(قرصها فحنكهاا) خليتيني بلا عقل كنت اندخل فييه هيي حيت شافييك ...

خليتيني بلا عقل كنت اندخل فييه هيي حيت شافييك ...
زهور(تبسمات حشماانة وهزات عينهاا فييه كترمش )ههه 
مجيد(عوج راسوو وتكاا على رجليهاا هز ايدها باسها وحطها على لحيتو وقال:زهوور ...نتيي صغيرة فداركم 
زهور:اه كاينة ختي كبر منب مزوجة وجو خوتي حتى هوما مزوجيين 
مجيد:بقيتي هي نتي على هد لحسااب ممم (شد ايديهاا ليسريية كيلعب بصبااعهاا وكيطنز عليها)هاد لايديين هي تاع لبوساان ماشي ديال لخدمة وشقاا 
زهور:ههه 
ناض من عليهاا وتقااد فلكلسة حداهاا مزال شاد ليها فايدها لاح ايدو التاانية وراا كتفهاا تزنكاات وهبطات راسهاا هز ايدو هز ليها وجهاا عندوو كيشوف فيهاا بحب 
زهور:م ماالك 
قرب منها وعينيه ف فمهاا متعطش لقبلة ترويه وتبردوو حطات ايدهاا على صدرو فمها كيترعد وقالت بهمس :مجييد لاا 
مجيد(بهمس داعب نيفو نع حنكهاا ودور ليهاا وجها عندوو وهيا لي خباتو فكتفوو ) شش 
حلات فمها بتهدر تكاان خدا شفايفهاا باغتهاا تغمضات عينيهاا من الاحساس المفاجئ لي جاهاا
داتو شعلات فور محس بملمس فمهاا بعد شوي كيشوفيهم ورجع دخل ايدوو وسط شعرهاا متكيها على ايدو بشوي ولايد التانية مشابكها مع ايدهاا باش ميتهورش ...
انفااسوو تشاركاات معاها هيا لي قطعات النفس احساس بنجهاا ومبقاتش قادرة تحرك فقط نفسو لي كتسمع وصوت لقبلة ملي كيجر شفايفهاا ويرجع ياخدهم تااني لقا راسوو غيطير ليهاا شفايفهاا ..بعد على فمها باش تنفس شوي ونزل مع دقنهاا بفموو تالمركز النبض لقااه كيضرب وداتهاا سخوونة استنشق عطرها لفطري بنيفوو باسها بوسة خفيفة ورجع مص بلاصت النبض تقفزات وصدرات صوت متالمة عاد هز راسوو فيهاا عروقوو تزيروو علييه وعينيه تغمضو داعب حنكها بايدو كينهج وكيشوف فمهاا لي كيبدي حمر حلات عينيها نصف حلة فييه خلات قلبوو يضرب قرب باسها فوق عينيها ونزل بفمو حتى كانو تشاركو نفسهم واجسادهم سخناات نسااجمو فلقبلة بلا ميحسوو وطلقو لعنان لرغبتهم لبعض 
بعد فمو على فمهاا مشاركين ريق بعضهم لي كيبري على فمهم بجوج عينيه تعسلوو او واخة هكاك عارف امتا يوقف (حط نيفو على نيفها كيرد النفس وقال)زهور ...تزوجي بياا

كلمة خلات قلبها يضرب بجهد واش بصح طلب منها زواااج ...شنو غتجاوبوو ..شنو فتقولييه ...دوبهاا بلعسل تنسات رااسها بين شفايفوو وفيقهااا على حلم مكرهاتش تفيق تلقا راسهاا مزاال بنت .. معندها ماضي مع حد من غيروو...من غير هد الشخص لي خلاها تبغيييه وتبغي راسهاوطموحهاا 
كانت خشات راسهاا فصدروو مخلياه كيداعب كتفها بايدوو وهيا كترمش معارفاش اش غتقول 
مجيد:يكما كليت لسانك بلا منحس
زهور(بصوت خافت ) لا باقي هه
مجيد:وشنوو قلتي همم نمشي نهدر مع بااك 
زهور: خلي تيجي خوياا 
مجيد:امتا غيجيي
زهور:يمكن ورا رمضاان 
مجيد:ماشي مشكيل نخطبك توكان يجي خوك 
زهور(هزات راسها من على كتفوو كتشوف فايدديهاا بتوتر)لاا..لا الا مشيتي عند با دااباا مغيخلينيش نرجع لخدمتيي كيف دار ليا فاللول
مجيد(هز حاجب)شمن لول 
زهور(هزات عينيها فيه كترمش من لحشمة ولخلعة كلشي تخلط)بغيت نقول زعمة ملي خرجني لمرة اللولة 
مجيد(جر زغيبة من ورا ودنيها مبسم)فين هوا جهد لي يصبر تالورا رمضاان اهيا راه باغين لحلال معااك (تنهد)لحلال حلوو ونفس لوقت صعيييب 
زهور(حشمات)ههه اوى متزوجش ههه 
مجيد(جرهاا عندوو) غنصبر على ودك حيت باغيك ازهوور ...باغيك فلحلال ...نتي مباغانيش(هز حاجبوو
هزات عينيها فيه بالزربة وفالت:بغاااك 
مجيد(تبسم ليها) طيرتي علي نعاس والرااحة اش بغيتي عندي ههه 
هبطات زهور راسهاا كضحك وبغات تنوض:انمشي نعس ...تصبح على خير 
يالله بغات تنوض زيرهاا من كتفهاا وقال:ريحيي 
زهور(شافت فيه)نمشي 
مجيد(باسها من حنكها )بقاي هناا حداياا 
زهور(خرجو عينيها)ها لا لا نمشي
مجيد:(حمر فيها بعينيه)اتبتي اللرض لاا ...اه كون بغيت ندير ليك شي حاجة منجيبكش من قزيبت الدنياا ازمر راه باغينك لحلاال دخليها لداك ابعة تلعقل لي عندك تم 
زهور(تزنكات وكتقول فراسها)اويل واش هدا مكيعرفش يحشم شوي ...شافتو كيشوف فيهاا وهبطات عينيهاا 
مجيد: واا شوفي فيا مزيااان 
طلق منها وتحنا جر باكي تلكاروو خدا واحد وشعل بلبريكي تحناا بضهرو على لكنابي وهيا مقابلة معااه فرق رجلييه ومع الشورط مزير بان ليهاا لمستور قدااش خرجوو عينيهاا تهز مخدة رطبة حطها على حجرو عاد ضار جيهتها وقال: غتبقاي ساكتة 
زهور(حكات ودنها بإحراج كدور فعينيهاا )معندي منقول هه عاود ليا نتاا 
ضحك وطفا لكاارو وضار جيهتهاا وقال:ههه نعاود لحبي لي حباات 
تقابلات معااه حاطة ايدها على لفوطووي ومكالية راسها بيها مقابلة معااه ٧وا لي بداا كيعاود ليهاا على ضساارة صغر ولقباحات لي كانت فييه وكضحك من نيتهاا وكتعض على فمها ملي كيعاود ليها على شي زبلة مرة يهز ايدوو يلعب بشعرها وهوا كيعااود مرة بثيقرصها فحنكهاا ....
داز وقت جهد سااعة او اكتر وهوماا مونسيت بعض بحاديت الطفوولة 
زهور:زوينة تركية 
مجيد:عادي هي الداات الشنعة مؤخرا وصاافيي 
زهور: بغييت نمشي ليهاا 
مجيد:لبلاصة لي بغيتيها احبي ندييك ليهاا ...اصلا فهاد لموضوع متحتاجيش طلبيني فييه حيت اناا مكيعجبنيش نككلس فبلاد وحدة هاد لمغريب اه شاديني هيي لواليدة وخوتي اما فلكونجي دياليي متلقاينيش هناا (غنزها)من بعد اتولي معايا فينما مشييت 
زهور(تبسمات وعينيها معااه وعقلهاا خداام كيفكر كي غاتوصل ليه بلي عندهاا ولد تنهداات وقالت:مجييد كدبت علييك فشيي حاجة 
كمش عينو فيهاا وقال ممازح:عارف حبي متكدبش علياا...ولكن لداارتهاا انحيد لمك عينيك...

ز٧ور (بقاات ساكتة شحاال وقالت)مالك سابق لعيب
مجيد:اعدا حاجة عندي هيا لكدووب ازهوور (ضربها بمزااح فكتفهاا )نحصل مك كادبة علياا نحر مك 
زهور:ايي حشومة علييك قسحتيني (تكات راسها على لفوطوي كتشوفييه وهوا كيداعب حنكهاا ) غنمشيوو غداا 
مجيد:بليل ...لخدمة اكبيدة نعاودوها مدة خرى (تحنا بااسهاا فكتفهاا تغمضات عينيهاا ملي جا راسهاا فعنقوو ريحتو لمنساجمع مع لكاروو كتعطيه رائحة خااصة مميزة هزات راسهاا وحطاتوو على كتفوووتخشاات فييه مكان منو هي يبادلها لعنااق بحب كيفك فضفيرت شعرهاا تفكوو وداعبو بصبعو من جدوروو بقو هكاك ساكتيين كان عقلها فيه جملة وحدة 'امتااا اتصارحيه لقات احسن حل تايرجعوو وتسرسب ليه كلشي فميسااج خاافت من ردة فعلو وهيا معاه ممكن يضربها وممكن يخليها فمدينة معارفا فيها حد ' تنهداات بدييق وهوا كيحك ليها ف شعرها...حس بتنفسها هادئ متحركاتش بااقي حرك ايدو على ضهرها بلطف وناادا بسميتها السعاتي مجاوباتووش
خشا ايدو تحت رجليهاا وهزهاا خفيفة بين ايدو كي الرييشة حطهاا على سرير مكالي بركبتوو تقاداات فالنعسة حلات فيه عينيها شوي لقاتو كيقاد عليها لغطا وقالت بصوت نااعس :تصبح على خيير 
تحناا عندهاا وحدا شفايفها بقبلة تقييلة وقال:نتي هيا خيريي وقف وطفا لفيووز لي حدا رااسهاا وتقلبات لجيهة لخرى مبتااسمة حاطة صبااعها على فمها كتحسس بييه حسات بملمس فشكل وريحتو عالقة فايديها حسات بيه هز مخدة من حداهاا وتوجه لفوطووي تكا مقابل معاهاا معدب فالنعسة نصو ناعس فلفوطوي نقوو خارج هز رجل حطها فوق راس لفوطوي والتنية حاطها فلارض طفا الضو 
هيا لبووسة طيرات عليها نعااس دير دورة وتحسس عنقهاا او فمها بحب بوستها عندها طعم خاص ...وبدات كتخيط وتفصل هي وحدهاا ياك هوا كان مولف كل نهار مع بنت زعمة صافي ولا باقي مع لبناات ضارت لجيهة لخرى وتقابلات معااه كان ساني فوجهو ضو التيلي لي شااد بقاات كتشوفييه 
واش منحقها تحااسبو وهيا دايرة اكبر غلط مخبية علييه حاجة لي خاصها تكون اول حاجة كيعرف تنهدات فور متفكرات ادم تاني 
اما مجييد كان كيهدر مع امين على لبلان لي وقع لييوم وبليي دار بوجهو اما كون نوضها مع صلااح واميين كيعتاادر وذلبو يتغداو مجموعيين ف اوكايمدن غير هوما بربعة ...حس بيها كل مرة كتحرك عرفها مناعسااش ضحك وطفا التيلي او نااض حفياان كانت عاطياه بضهر كترمش فلبالكوون تحسات بايد تحطاات على خصرهاا غوتاات وقفزاات بغات تنووض تزيرهاا جنبوو كيضحك علييهاا من نيتوو وهياا قلبها بغا يخرج
زهور(بخوف)خلعتيني حرام عليك
مجيد:مالك اختي هي كتبربصيي كي لحنش طيرتي علي نعااس 
زهور:والو هي طار عليا نعااس 
مجيد: مال كبيدة شنو شاغل بالهاا 
دارت عندوو وباقي حاط ايدوو على خصرها فضلاام نصو حداها ورجليه فلارض وقالت :نسولك وتكبش عليا 
مجيد:سولي افريخت شتاا 
زهور: ولكن والله منكدب علييك 
مجيد:والله معمري قست شي وحدة من نهار عرفتك (ضرب جبهتها)بردتيي 
زهور: ولكن باقي كتسهر
مجيد:تانتزوج بيك ونسهر معاك ههه دابا خليني نسهر مع زوافرية بحالي ههه (بجدية)زهوور اخر مرة انقولها لييك نهار شفتك بغيتك لحلاال ومبقات كتحلا تبنت فعيني وفهمي ازمر راني صمت صمت ههه وسربي قولي لداك خوك يجيي 
زهور:ههه ونوض تنعس 
مجيد:كتجري عليا بلعلاليي درووك ههه(قرصها فحنكها)واا نعسيي افريميجة وغداا انفطرو براا ونتغداو مع امين واسية لصقوونيي باش نتغدااو ف اوكايمدن ولعشية بتبقا ديالي انا ويااك باش بليل نشدو طرييق لعند مي 
زهور:هههه وخة ...تصبح على خير 
شافتوو هابط عندها وخشات راسها تحت لغطا كضحك ضربها لشعرهاا وناض وقال:وخاا وخاا عند لفورة يباان لحسااب ....
يوم جديد طل عليهم من جديد فمدينة مرااكش شعاا كاان ضارب فملامحهاا الهادئة وهيا نااعسة مكمشة ففراشها كتبان طفلة متقولش مراا بلغات او تزوجات او ولداات ومقاتلة مع لحيااة من جديد 
ناض مجيد كيتفووه ويحل عينيه بزز مديرونجي بنعاس لي مجااهش الليل كلو كيتقلب فبلاصتوو وعنقوو عوااج ناض كيقاد فسمطة تاع الشوورط وساد واخد لعين من شعاا شافيهاا كيف نااعسة وتبسم وسط تغوبييشتوو مشاا رد الريدوو شوي باش ميفيقهااش ومشا خداا لفوططة ديالو وتوجه لدووش كيحاول ميفيقهااش 
اما زهور استحلات النعسة الروتين قهرها كلل نهار كتجارا مع لوقت كيف السااعة داباا نعساات تطابوو جناابهاا وفااقت عينيها مجبديين بنعااس ضارت على ضهرهاا كتااوب ودورات وجها جيهت مجيد ملقاتووش سمعات صوت لما من الدووش وكلساات كتقاد فحوايجهاا بغات تنووض تاتحل لباب هزات عينيها بعغووية لقاتوو خارج لابس حواايجوو وكيمسح شعرو لي طاايح على عبنيه فاازك سهاات فمنضرو الرجوليي وكيفااش ديما مبسم الابتساامة مكتخطااش وجهو غير لكانت واصلة ليه لعضم تفكراات لباارح وهبطات عينيهاا كتقلب على صندالتها وشعرها طايح على عينيهاا تكلس تقل حداهاا عوجها جيتوو وبصوت مبحوح رجوولي قال:فريمجة صبااح لخيير 
زهور:صباح النور
رجع ليها شعرها اللور :نعسات كبيدة مزياان 
زهور:ممم ونتاا
نجيد:منعست مشفتوو ههه بوستك كتر من لقهوة لكحلة لي خويتيي علياا غير هاديك صلقااتني وهادي سهراتنيي 
زهور(ضحكااات بخجل وخدودها توردوو) هههه

ضحكاات وقلبات وجهة لجيهة لخرى كضحك تحركو وطول طريق كتشوفيي ويغمزها ويضحك توصلو عند امين واسيية ف اوكايمدن سلمو عليهم وكلسوو بربعة على الطبلة لايح مجيد ايدو ورا زهور لي كول مرة تغطي بايدها بلااصة لبووسة حشماانة وكتهدر بلقيااس معاهم 
اسية: داك دجاج طيبتو بلعشق وخليتوه لياا
مجيد(بجدية)مشفتي كون خشيت ليه وجهو وسط دجاج هي جانيي خوك
امين:ههه راك عارفو اصااحبيي معندش مو لفراناات ...زهور سمحيلينا على لبارح 
زهور:ماشي مشكيل اخويااا 
اسية:كولي لياا ا زهور كتقرااي 
زهور:خداامة او عاد غنبدا نقرا التصميم 
اسية:بصح على هد لحسااب انبداا تخيط عندك ههه
زهور:مرحباا 
اسية :مصورة شي حاجة عندك هه
مجيد(هز قهوتو كيشرب)وبااز فينما مشيتو ناشرين حوايجكم 
ضحكات زهور وجبدات تيليفوونهاا وتحناا على الطبلة كتوريهاا فلموديلات لي كترسم وحتى لي خيطات لسلمى او شلا موديلات فلمحل 
اسية:وااو يختي هدشي عندك غزااال والله ...امييين انا لقييت لي غتعرف لدووقي 
امين:هههه لعفو الله (شاف فزهور)وياااك تخدمي مع هادييي الصدفة هيا اللخرة تكولييك صوريها لياا لخيااطة لي فصلات عندها مؤخراا مع عطااتهاا جلابتهاا جات لدار لقاتها بلوكاتهاا تفوو ديما مشوهانيي 
اسية:اوى هيا لي مخلية لياا لقب بلا شاشية 
مجيد:واش جايبيني هنا باش تقلبووها تواب وخيااطة(شاف فزهور)جمعي نتي داكشي 
زهور(ضحكات وحطات تيلي فصااكهاا وربعات ايدهاا فوق الطبلة مجمعييين وشادين فيها حيت هيا لي عربيية بيناتهم كل مرة يشدو فيها على شي كلمة حتى كتزنك وتخزن وجهاا بايدهاا 
حطو طوااجن كيبربروو ولخبز ولمونااضة قسم مجيد لخبز لزهوور وشافيهاا وقال:ندير لحبي دغيماات ههه 
زهور:ههه كانعرف ناكل 
امين:بصحتكم كولوو متحشموش ولا خاصكم نزيدوو مجيد لي بيخلص ههه 
ضحكو مجمووعين كب ليها كاس تلمونااضة ولايح ايد وراهاا وكيااكل كل مرة يقرصها فكتفها باش نزيد تااكل 
سلااو وشدو اتااي دوزو ببه لوقت تا تعشاات لعشية وناضوو كيتمشااو تماا مجيد مع امين واسية وزهور قداامهم فرحلة تعارف 
اسية: فراسك اول مرة مجيد يعرفنا على شي بنت 
زهور:واش بصح ياك كان كيعرف لبنات بزااف 
اسية:ههه شكون هدا ازهور لي عمرو عرف لبناات ولكن كاين فرق هادوك مكان كااع كيعمر معاهم بزااف مي نتيي شي حاجة فشكل هه قال لامين كنبغيهاا 
زهور(حشماات وبدات كضحك )تانا كنبغيه هههه 
اسية:هههه كلشي واااضح متحتاجي كاع تقوليهاا هه والله مالقااي حسن منوو وخة كيكميي وكيشرب ولكن قلبوو بيض وضريف ..راه قرينا مجمووعين ديما كتلقاايه كيضحك مع كلشيي ولكن لطلعات ليه النقشة كيدور فكلشي 
زهور:بحال لبارح خلعني ههه 
اسيةة:ههه احح محضرتييش ليهم فاياام العشريناات لمضااربة والسهير ولبناااات يختي لهوا لداك ولد لحرام تاع راجلي زلااايليية ههه ويني اه كنحبوو هعع 
ضحكوو مجنووعين في حينن مجيد وامين كلسوو كيتسنااوهم كيكميو تاتمو جايين هز مجيد عينو فزهور لي كانت كتضحك تبسم بقا متبع ليها بلعين تكلساات حدااه وشافت فييه 
مجيد:مزينك بضحيكة ...
هكا دازت عشيتهم ضحكو تعيااو وكلسو على التقشااب او ناض مجيد وزهور تسيفطو معاهم وتبادلات اسية نمرة ما زهور خلااوهم كالسين وشدها من ايدهاا باش يالله يدوزو لعشية باش يشدو طريق وداكشي لي كاان ركبو فطموبييل وبدا تيليفون زهور كيصونيي جبداتوو وقطعات فلبلاصة ملي شافت نمرتوو مدايراش فيها سميتوو رجعاتو لصااك ورجع صوناا قطعاات تاني وحيدات ليه الصووت ورجعاتو لصاك فوق ركبتهاا
مجيد(شاافيهاا داير نضاضرو ورجع شاف فطريق )علاشش مكتجاوبيش
زهور(برجفة)غير ميي تنمشي ونهدر معاهاا
مجيد(هز ايدهاا بااسهاا وحطها فوق فخضوو)فريخت شتا ديالي 
تبسمات لييه ورجعها ليهاا وكملو ريقهم نزلوو فلمدينة تطابوو بلمشية وعيااو والشمش بدات كتغرب مشاو لوطيل جمعو حوايجهم وزهور مسخااتش مزال بغات تكلس عاد بدات كترجع طاقتها شوي جمعات حوايجهاا وخرجو هز مجيد صاكها ونزلو ركبوو ومشاو تعشااوو وشدو طرييق ل اكاديير خدمات عاقل فلاشين تاع الطنوبييل 
مجيد:السيد مااات ونتي كالسة تشوي فييه 
زهور:هههه كيعجبونيي اغانييه زوينين 
مجيد:سيي زوينين ونقيين ميي انا هي كيمووت شي حد مكتبقاش نسمع لييه ادكرو امواتكم بلخيير ماشيي نغرق ليه ضواساا مع ربيي ههه 
زهور(ضحكات بجهد )ههههه ولكن امكيعجبني
مجيد(هز حاجبو فيهاا)نعام اختي
زهور:واغانيييه كيعجبوني ههه سمع هادي زووينة والله ههه غي هادي ونحيدوو 
مجيد:ديري لي حبات خاطرك اكبيددة غير متكون ششي حاجة كتجيب نعااس لنمشييو نتحااسبو مع عاقل تما نيت (شافيها كضحك وقرصها فحنكهاا) 
زادت الصووت سوية وتسمعاات اغنية عاقل خلاص نويت نقعد معاك

تكمشات فبلاصتها كتصنط وكدندن بفمها مع الاغنية عكس مجيد لي سكت مركز مع طريق مرة كيشد ايدهاا لي حاط على فخضوو مرة كييككميي دور وجهو جيتها لقاهاا نعساات وعنقهاا عوج رخف السرعة شوي او قاد ليها راسهاا وهبط لكرسيي ...تلمس حنوكها لقاهم داافيين وهز الزاج باش متبردش عاد رجع بلاصتو مكمل طريقو فسكاات تدخلو لاكاادير وشد طريقو فاتجاه داروو وقف قدام لموبل وضار عندها بدا كيفيق فيهاا ويتلمس فبشرتها رطبة تحلات عينيها ناعساات او دايخة بدوا لي متقلهاا 
زهور:مم 
مجيد:نوضي ا كبيدة وصلناا 
زهور(هزات راسهاا في حين مجيد خرج وجاي جيهتهاا حل لباب وشدها من ايدها تنزلات كتحك فعينها وقالت)فين حناا 
مجيد:لحضاش تليل هاديي مبغيتش نديك فهاد الليل لدوك زناقي ..هادي داري تالغداا وسيري لخدمتك نيشاان
مجاوبااتش عقلها نصو بااقي نااعس تكاها على كتفوو ودخلو لسانسسوور مدرعهاا بايدوو لطيح خرجو لدار وحل ليها لباب وشعل الضو وداها لبيتو نيشاان حلو ليهاا وشعل فيوز خفيغ وقال:سيري كملي نعاسك تالصبااح 
حركات راسها باه كتااوب حطات سباطها فوق الزربيية مزغبة فلكري وتكمشات فوق لفراش في حين هوا رد لباب عليها ونزل جاب حوايجهم ودخل لدوش تاع الدار دوش بلخف وبدل حوايجو من لعياا ومشا لصالوون بدا كيحيد فلمخااد فرش ملاية رطبة ومشا لبييت حلو ودخل بلحس هز مخدة من جنبهاا قاد ليها راسها على لمخدة وجر عليها لغاا تحنا بااسها فحنكهاا وطفا الضو وخرج لصالوون حط مخدتوو وتكا ينعس بدورو كان ميت بنعااس مدازش وقت شويل تنعس ...
🌺متى ياتي فجرناا كي تكون قبلتك بديل قهوتي الصبااحية 🌺
واقف فلكوزينة قدام لعصاارة تاع لقهوة مولف كيفييق بكريي وخة مينعسش اليل كاامل مقدي لفطوور وكاب ليها لعصيير فلكااس او حاط الاطاس حدااه كيتسنا لقهوة تبخ ...
اما زهور حلات عينيهاا فبلاصة حديدة وبييت جديد عاد بدات كتستوعب فيين كاين شافت صورة مجد ونعماان معانقين ودايرهم فكاادر مربع فوق لكوافوز حدا راس الناموسيية ضارت على ضهرها كتشوف فسقف لي ضااير ب بولات صغاار او لوسط ترية مربعة بحال الزااجة لاصقة فلحيط لفراش ريحتو زوبنة ونقيي والزربية رطبة كي لحرير حطات عليها رجليها وكتشوف فلماريو لي كبير وكل مرياات عجبهاا وحمقهاا مشات حلات لباب لاخر لقات فيه لافاابو كبيير من رخام او كوليسس تاع الزااج فاصلهم مع لحمام غسلات وجهاا ومشطات شعرهاا وخرجات كتقاد فالتيشوورت قدات فراشهاا ولبسات سباطهاا وخرجات كتشم فريحت لقهوة ...معرفات فين تمشي كاع لبيبان مشاابهين والداار كبيييرة ومضوية بزاف بكترت شراجم سمعات لحس وتبعات الصوت تدخلات لكوزينة لي كانت اخر مكااين مجهزة وعصرية وطبلة لوسط من لعود والزاج شافتو عاطيها بضهر كيحرك فكاس تلقهوة وتكات على لباب كتشوفييه وتعبر فسه باعجاب كبييير باين فعينيهاا تنهدااات وهيا كتقول فراسها واش فعلا شي نهار نتزوجو 
دار بغا يحط كاسوو تشافها واقفة تبسم ليها وقرب جيهتهاا بابتساامة عشقاتها فيه بمعنى لكلمة بحال الا كيقوليها ..ضحكيي انا معااك. 
شدها من خصرها وبااسها فجبهتها وقال:صباح لخيير الالة زهيرو 
زهور:صباح لخيير اسي مجيد ههه واش نتا سميتتك مجيد ولا عبد لمجيد 
مجيد:عبد لمجيد ولكن كلشي تيقول مجيد غير لفااميلة لي بعيدة كتقول عبد لمجيد 
زهور:اااه هه 
مجيد:كلسي تفطري باش نخرجوو 
كلسات جنبوو ومد ليها كاس لعصيير ولبتي بباان ومد ليها فرمااجة حلهاا وداق منها كيضحك:هي نتي فلمدااق هههه
زهور:هههه فراسك مكناكلووش
مجيد:اتااكليه ولا نطلسوو لمك كوولي ....

حل ليها فمها بزز بضحك ومتفاك معاهاا تكلاتها بزز عليهاا 
فططرو فجوو ناشط مسخااتش كاع تنووض دغيا وصلاات تمنية وقال:انوض نبدل حوايجي باش نخرجو 
حركات راسها بااه ونااض نداعب حنكهاا ناضت بلاا عكز هزات لماعن لي كانو قلال دغيا غسلااتهم ودارت لعصير فالتلااجة ومسحات الطبلة خرج عندها كيسد لعقاد تاع لقميجة لبيضة شافها نضاات كلشي وكتهبط فكم تيشوورت:هاي هاي لحداكة
زهور:غسلت لماعن تهوما حداااكة ههه 
تبسم وقرب ليهاا وحاصرهاا مع لبوطاجي وقال:حدااكة ونص الالة داعب نيفهاا بنيفوو ) ولفتك حداياا ازمر هههشوفي لينا حل مع داك باك نجي خلاص 
زهور(سرطاات ريقهاا بتوتر وتبسماات بلا متهز عينيها فييه )و وخة 
مجيدقرب ليهاا وعينيه فشافيفهاا هز عينو لقاهاا مغمضااهم مفكرش جوج مرات جرهاا تشدها من خصرهاا وهزها بخفة حطها على لبوطااجي باش ياخد رااحتو مع قصييرة عليه شدها بايديه دافيين من عنقهاا وقبلها بلطف تقفزات وزييرات على عينيهاا كيتحسس رطوبيتهم بشفايفو بحب وكيدوز لسانوو عليهم تعمق فيهاا تولات مزنكة وايديها حرااقوو جامعاهم فوق صدرو حيت مزيرها عندها حاسة بداتو سخوونة وقلبو كيضرب بحال الا كيجريي ايدوو استقراات فشعرهاا وعنقها لا غير محااسش بليي ناتفها من شعرها ماشي هي شاادهاا غيب تصونا تيليفونوو عدات فمهاا كطلع النفس بصعووبة خنقهاا بعد عليها كينهج وكيحل فالصدفة تاع لقميجة جبد تيليي وقطع ورجوو لجيبوو في حين هيا تزنكاات ومسحات جناب فمها لي كتحس بيهم طاايبيين مقدرات تحط ايدها عليهم هز عينوو فيها وهبطاتهم هياا دغياا تقرب ليها كيضحك 
مجيد: هههه انا فبلاصتك نخاف مني خهه هربيي ابنتي هربي 
شدها من خصرها هبطهاا وقال:مشيناا ازين لعرب 
زهور:حم وخة 
خرجوو من الدار خلات حوايجها تبجيبهوم ليهاا وصلها لشارع باش تمشي لمحل وهوا كمل طريقو لخدمتو حيت تعطل طريق كلها الضحكة فالتة ليها وفمها باقي كيوزوز كل مكتفكر وستو كتحس بداتها تبوورشاات جامعة شعرها ديل ومدوراه جيهتها باش يغطي ليهاا لبوسة لي مبغاتش تمشي وعاد مزادت زرااقت وصلات لمحل وجبدات السارووت حلاات تبانت ليهاا تورية خارجة بملحااف زويين كيف عادتهاا وشعر قهوي من تحت لملحف مزينينو بعض الشيباات وبشرتها بيضة ولحنة كيف ديما فلايد بنقش صحراو يتبسماات ليهاا حشماانة كيف لا وهيا عاد كان بوش ابووش مع ولدها لمصووون زلاايلي سي مجييد ...

تورية:افين غبرتي علينا ازهيروو ههه 
زهور(هبطات دروج سلمات علبهاا مبتاسمة)غير كنت عيانة شوية اخالتي 
توربة:ايييه والله اشاافييك ابنتيي 
رجعات لمخاال ودخلات كتشعل فالضو وبدات روتينها كيف لعادة شطباتو وقدااتو تدخلات رااضية سولاتها كي بقاات او كملوو خدمتهم ومع كانت عندهم لخدمة كتيرة فراه تغداو فلمحال بجوج وبقااو تماا 
في حيين مجييد كانت وصلات الربعة وجا لداارهم مشافش زهور عيا يشوف فلمحال السعاتي مبانتش لييه ركب نعمان معاه او تورية ومشاا 
تورية:اتا فين غادي بينااا يكما بتزوج 
مجيد(مركز مع طريق كيضحك)قريب نديرها ليك على قد فمك 
تورية(بطنز)همم تايسلمو ليهوود 
نعمان(ضحك)نخاف هي يخنتك فهاادي الواليدة
تورية(ضرباتو لكتبفوو تبعد مع كان كالس لقدام)يقطع واليدتك الدحش قووول ماماا ..لي بقا على هاد لكيدار كملو نتاا 
مجيد(شاف فخوه) كول ماما الحمااريي 
نعمان:هههه وصاافيي ناري على دقات عندك اه اه 
خلاهم منااكريين وكمل طريق توصل لقداام عمارة وسط لمديينة او هبطوو وسابقهم هواا ونعمان معنق موو كيعنكش فيها طلعو فدروج توقفات ليهم تورية كتنهج
تورية:سخفت سخفت فين جايبنييي فييين اوووف 
مجيد:(قاسها فكرشهاا )ولاش جاايبة معاك هادي لاااش تافوناست صافي 
نعمان:نخاف هي نهزك ويهزوني كومة 
تورية(كتحلف علييه وشدات فدراع مجيد مطلعها دروج كيضحكو عليهاا)والله يابووك وكعدت تشدبتك 
مجيد:ازيدي زيديي غتريبي درووج وزايداها بصندالة عالية لعفو الله معااك 
سبقهم وحل باب تاع لعوود تاع داار وحل طريق لمو او نعماان لي معارفين فين جاوو دخلوو وكانت الداار خااوبة مصبغة فلبييض بدات تورية كتشووف ونعمان كدالك
نعمان:متقولش ليا بتشريهاا بتتقلبهاا سمساار ههه 
مجيد:شووف وسكت دابا نعطي لمك (لتورية)عجباتك الالة تورية
ورية:زويييينة وجات فالشااريع ويني داارك كبيرة على هادي 
مجيد(حك دقنو بالساارووت كيشوف فسقف)هادي الالة شريتها لسيدي نعماان كادو ديال التخرج 
مع قالها شد نعمان راسوو بفرحة محس تطاار على خوه عنقوو وقال:ابشوي الدحش راه مبقيتيش صغيير 
نعمان(طلق منو فرحان)حلفف حلفف هاديي ديالي لكابينيي!!(شد وجهوو ومشا لموو لي كتشووف فيهم بفرحة عنقهاا ومشاا كيحل فلبيباان خلاهم واقفين
مجيد:شووف لحمااري ت شكراا مقاالهاا 
تورية:الله ارضي عليييك احبيبيي ويخليك لييهم هدشي لي كدير مع خوتك قليل لي كيديرو
شد ايدها بااسهاا وقال:اش عنديي من غير دوك لبرااهش ونتيي (غمض واحد لعين)او لمدام ملي تجي نشاء الله ههه
تورية(كمشات عينيها فيه)صافي زدتيهااا تهياا وهياا جاي فطريق شي عرس
مجيد(تبسم)اوى دعي معاياا غير يكمل ولدك قرايتوو وندير ليك شي عرس طيحي فيه لكيلواات ههه
تورية:هدااك هوا نهار لكبيير 
عنقهاا بحب وقال:اجي ياتا نشوفوة هدا يكما كيبوس فلحيووط 
دخلو لقاو نعماان كيكتااشف بفرحة فلبيوت وبداا عليهم هنا ندير لبييرو هنا نديير لي ماشين هنا هناا تدوخ ليهم الراس وبلخصوص تورية لي مفهماات والوو فداكشي مقابلة ليهم هي الله يسخر 
مجيد:اوى جمع راسك وكون كبابل انخرج ليك كريدي بسميتيي ولكن نتا لي غترجعوو لمرجعتيهش نبيعك نتاا 
نعمان:هههه كون هاني تربيتك اناا ففف على فرحة ناريي ههه خاصنا نجيبو مجد يشوفهاا
مجيد(جبد سوارت من جيبو ولاحهم لبه تشدهم بفرحة باينة فوجهو لبشوش)جيب ليها تالقرودة هااك 
تورية:الله ايدخلها عليك برزق ونشوفك تانتااا شي طبيب وااصل باش نقاد عندك سناني 
مجيد(داير ايدو فجييب مقابل معاهم مفرق رجلييه )حفيهم ليها باش تفوت عليها لماكلة شوي ...يالله الاخوان مشيناا 
سبق مجيد مدرع تورية كيضحكو وكيقاد ليهاا فلملحاف على شعرهاا وشاد فيها على الشيب فشعرها تهبطو وتسناو نعمان تجاا كيلعب بسوارت فرحاان داهم لداار وباانت ليه زهور كتسد لمحل تبعهاا مجيد بعنيه تضحك نعمان لي راكب حداه
مجيد:دابا نعميهم لمك نزل 
نعمان:احح اوكاان 
نزلوو وتسناهم تدخلوو ودور الطموبيييل دغيا باش يلحق زهور لي وقفات كتسناه فالدورة مبتااسمة هي شاافتوو وبرقو عينيها ومشاات لطموبييل بابتساامة جرها سلم عليها من حنكها وقال:فريحخة شتاا غبرتي تاتوحشتك

زهور:ههه مساليتش نهدروو كانت لخدمة كتيرة
مجيد(شد ايدها)ماشي مشكييل الحب (شافيها)صافاا بعداا مرتاحة 
زهور:بزااف والله رتاحييت 
مجيد(شابك ايدو مع ايدها وتحدك بالطنووبيل )داكشي لي بغيت...الووغ داباا غنوصلك لداار ونمشي نقضي شي غرااض ونرجع نوصلك ل مدرسة 
زهور:كنعدبك والله 
مجيد:انضرب ملتك ازهور هاد الديسك نساايه انا بغيت حبيبتي توصل فين بغاات (شافيهاا) كيعجبنيي بنادم لي طموحاتو كبار ماشي لاصق فلارض بغيتيي توصليي هانا كنعاون فييك باش توصليي شي حاجة خرا افريخة شتاا !!
زهور:ههه لاا صافيي وخة 
وصلها لجنب الدار وهبطات صااكهاا وخرجاات طلعات لدار دغياا بدلاات حوايجهاا او كلات لقات الدار مرونة مجمعاتهاش حيت متشوقة هي امتاا تخرج لبساات تيشوورت بييض وايديه مشبكيين مبينين لحمهاا شوي وسروال دجين وسبادري كتباان كيووت وحروفها لكحليين مزينين وجها بلا مكيااج هبطات بجري ملي صونا لبها الااخيير هي قشعهاا كيفااش نازلة ولبيض كي وتاهاا زكا فيها الشووفة وهيا كتقرب بااش تركب يالله حلات لباب قال:زهوور بدليي هاد التيشوورت 
زهور(شافت فراسها)مالو مزوينش
مجيد(شافيها وهضر بلخاطر)ديري ليا خاطري اكبيدة وبدلييه ...عفااك 
زهور(بعفوية)وخة 
يالله بغات دوور نداها وقال:لبسي شي حاجة طويلة شويي 
حركات راسها بالايجاب وهيي عطاتو بضهر تبسماات حيت فعلا تيشورت لي لابسة مبيين تفاصل جسمها من صدرها لوااقفف على قياسهاا وكرشها لي دااخلة وفورمتها لمعتدلة ما غليضة ما رقيقة كلشي عندها فقيااسهاا 
مشات بدلاات بشوميز كروونة لارج شوية وطويلة من اللور ركبات معاه وقال:وداباا نخلييك وانا هاني شوي ههو
تبسماات ليه ودارت السمطة وقف فطريق شرا ليها بككية تاع الشكلااط وعصيير صغيير عارفها مع سقااطة وصلهاا لمدرسة 
مجيد(حك لحيتو بصبعو وهوا كيطل فباب لمدرسة)يكما نهبط معااك 
زهور:صافي هي خلييك انمشيي 
مجيد:الى ضسر عليك شي حد قوليها لياا 
زهور:وخة 
مجيد:يالله بون كوغاج ما بييل فلوغ 
باسها فايدهاا وقال: اتلقايني مع لعشرة كنتسنااك هناا 
زهور:صافيي وخة
هبطاات هازة صاكهاا فييه دفتار مكون من اوراق بيضة او اقلام طلعات قلبها كيرجف لقات بناات او بعض دراري لي كانو قلال لقات رضوان وااقف فلكلاص هي شاافها واشاار ليها بايدوو باش تمشي عندو تمشات حشمانة ومزنكة واشاار ليها تكلس فلكلااص حدااه حط نص مانكااه قداامهاا وقال: اول درس اتااخدي هوا تعرفي قيااس لمانكااه من وراهاا اتعرفي ترسمي لماانكااه بااش يكون تصميم عندك باااين او وااضح ...مفااهميين يااك 
زهور(حركات راسها بااه بفرحة وبداات رحلتها منتاابهة وكيحاول يبسط ليها ما امكن بااش تفهم 
دازت تلاتا تسواايع دغيا محساتش كاع بيهاا رسمات وعرفات لقوااعد وصلات لعشرة او جمعات كلشي وهبطاات بجريي تلقااتو فالطموبيل كيتسناهاا حلات الطنوبيل وركبات ضربات فيها ريحتوو وريحت الشومبووان شعرو كان فاازك لابس قبية وشوورط باينة كان فلاصاال 
مجيد:المصممة ديالي كيجاتك لقراية
زهور:هههه زوينة عجباتني 
مجيد:تانا عجبتينيي (غمزها)كيفااش متصاحبيش معاياا ههه
زهور(حشمهاا وضحكات)ههههه وا مجييد ههه 
مجيد:وااا نعااام ازهووور ههه هبييلة وقالو ليها زغرتي ههه داباا فيين الزين
زهور:ديني لداار عيييت ههه
مجيد:متعشايش
زهور:لا لا بلااش والله فيا نعاس وعيييت 
مجيد:واخة الحب 
وقف تحت لعماارة تاعهم سلم عليهاا من حنكهاا ودور ليها راسها بخفة خدا قبلة من فمها حشمهاا ودورات رااسهاا مزنكة وقالت:تصبح على خير
مجيد:تصبحي على خير اكبيدة انبقا هنا تادخلي لداار 
حركات راسها وهبطاات وطلعات دغيا لداار قلبها كيشطح بلفرحة حلات لباب ولقات ضو شااعل سيفطات ليه ميساج بلي دخلاات عاد هوا مشا لدااروو وهيا دخلات كتحط فسبرديلتهاا توقفات رباب فباب بيتها عي بكسوة قصييرة وشادة كارو فايدهاا
رباب:على سلاامة 
زهور:رباب ماخدمااش ليووم 
رباب(ببرود)لاا ونتيي فين كنتي 
زهور:كنت فلمدرااسة عاد جييت 
رباب(نفخات فلكارو وشافت فيه)مممم مزياان لمدرسة سميتها مجيييد وعندو كاط كااط بيضة مم 

تصمرات زهور وبداات كترعد من شوفاات رباب ليهاا تزنكاات فلبلااصة وعطاتها بضهر كتدير تيليفونها فالشارج 
زهور: مجييد!
رباب:اه مجييد شنو كديري معاه فنص الليل وجايبك تالدااركم 
زهور:لاا انا كنت فلمدرسة او كنت بغيت نركب فطاكسيي وشاافني ..وقاليا نوصلك
رباب:ونتي هي لي قاليك نوصلك تركبيي لبيه نسيتي مرااد 
زهور:مجيد باش بحال..واصلاا راه ساكن حداا راضية عندمن خداامة 
رباب:زهوور يكما مصااحبة معااه جيني كوود 
زهور(ضارت عندها كتفتف)هاا لا لا اويليي علا نتصااحب معااه منيتك لاا 
رباب: تانا داكشي لي قلت ...نتي ماشي من النوع لي كيبغيي ...هداك راه هاز زناافرو لفووق ومكيشرفش لي تحت منوو عاد يشوفيك نتي لا قرااية لا طوولة 
زهور(هزات حاجبها فيها)علاه مالي اختي كي جييتك بالسلاامة 
رباب:زويينة ولكن ماشي ديالك هدااك ...ردي بالك هداك راه عندو لبنات كي لقووامج(هزاات حاجبها وقالت) الا لاحضتيها راه قاميجة مكيعاوش يلبسها مرة خرا ...اوا راه هكاك لبنات عندوو (تنهدات)سولينيي اناا 
زهور(سرطات ريقها)مالك نتي ...واش كنتي معااه
رباب(ضحكات)هههههه انا نكون معاااه ويخليني ويمشيي ..مزااال متزاد هداا لي يدييرها (شافت فيهاا)ولكن القلب بغااه وشي نهاار غيعرف غير نتي بعديي علييه ...يكماااا ضربك علئ شعا بطولة وسمورية وعجبك همم 
زهور:ها لا لا 
رباب:اوى هكاك اصلاا ميليقكش ليك ومتليفيش لييه (ضحكات)صعيب عليك ابنتيي هداا ههه خليك فعادل على قيااسك 
ز٧ور(تنهدات) ولنفرض كاع كنت مصااحبة معااه اش غديري 
رباب(طلقاتهاا بضحكة عالية )مجييد ...يتصاحب معااك نتي ههههه والله تضحكتينيي واش احساب ليك هداك شي عرووبيي ولا عيينيه كيشوفو فلرض ...هههه سيري احبيبتي تنعسيي 
زهور: وملي نتي عااارفة هدشي لاش طحتي فيييه زعمة غيشووف فييك!!! 
رباب:اوا لكنتي بنت لحراام عضي ليد لي تمداات لييك 
تصبحي على خير 
زهور:الله اكتر خيررك....تصبحي على خير
رباب:وعنداااك 
دازت فيها ورباب كطلع وتهبط فداكشي لي لابسة زهوور والتغير لي ولا فيهاا بقات كتلعب فشفاايفهاا مقندشة غير مع راسهاا
اما زهور دخلات لبيت بدلات حوايجها وبقات وتكاات كتااكل فضفرهاا معصبة وهضرت رباب كتاكل فيهاا...
اما مجيد مشاا لداارهم دخل كلس معاهم شوية وطلع لبيتوو ونا ليهاا وهوا كيقااد فلمخدة باش يتلاح ينعس تجاوباات بصوت مقلق لي لاحضة مع اول كلمة وقال:مالك تاني داايرة بحال جو اكاديير كل سااعة مبدلة 
زهور:هاا لاا والوو هي عياانة 
مجيد:منعرف ليك التانييي 
زهور:هه والو والله دخلتي لداار
مجيد:لاا كاين فلبوااط 
زهور:بصح!!!
مجيد:ولكانت بصح اش غديري 
زهور:انتقلق منك 
مجيد(تااوب وجبد ايدو لفيوز طفا٧ وبقا فضلام هي لبالكون لي مضوي ليه)وتقلقي على حبيبك الخاايبة 
زهور(ضحكات فخجل بدورها وسط ضلام كتلعب فشعرهاا وقالت بصوت خجول)لدار علاش نتقلق غنتقلق 
مجيد:صوتك كيسكر الموصيبة ..بغاني نشد طريقك فهاد الليل 
زهور:ههه شنو غدير 
مجيد:لكانت شي بلاصة زايدة حدااك خشيني فيها
زهور(ضحكاات بجهد ) نتا قدك قدااش تغطيني تا انا ههههه
مجيد(بصوت تقيل كيضحك) يادليي نتي قدك قد لبخووشة نبغي هي نعنقك تموتي لياا 
زهور:ههه (سكتات شوي وقالت)مجيد انا زويينة 
مجيد:احح على انا زوينة ههه واش ديلمك نهار كاملو مبان لييه هي الليل تسولي فييه 
زهور:هههه زعمة نتاا طوييل وانا قصييرة تنبان صغيورة حدااك 
مجيد: مخفتيش كلشي كيتقااد هههه اهياا سيري تنعسي لنصدقوو فشي حاجة نتي بااقة قااصر عليهاا وفيها لحبس مزاال 
زهور(ضحكااات من نيتها وقالت)ههه تصبح على خير 
مجيد:ههه تصبحي على خير افريخة شتا تاعي 
زهور(عظات على فمها وقالت)كنبغييك والله 
مجيد(كان بغا يتااوبب تسمعهاا وحبس كيتبسم سااكت وقال: هد لكلمة احوبينو كنصرفها افعاال ويني باش تبقاي على خاطرك اكبييدة تنبغي ملتك تانا و كي رجعتييني برهووش على خر ياميي شكوا الله معااك ههه سيري تنعسي سيريي
قطع معاهاا وكلهم ف فمهم تبسميية رااحة حط تيليي كيحك فلحيتوو وكيضحك وقال:على شيبااتك اسي مجيد طيحاتك بنت لالفين عمرها كانت على لبال ..
اما فجيها لخرى عنقات تيليي ودايرة اغنية كاضم السااهر لي كتفكرها ملي قاليها كنبغيك اول خطرة غمضات عينيها برااحة وحب غامرهاا ناسية لي تنغصص على قلبها فرحتهاا .....
صبح لحاال تمنية ضرباات فاقت زهور على صوت تيليفوونها لي كيقوني ويعااود ناضت داايخة تشاافت نمرت مهاا ضرب قلبها بسرعة وقالت :ياربي السلاامة (جابوات وقلبها كيضرب حيت ماموالفاش ليها تصوني فهاد لوقت)الو ميي 
رحمة: زهور بنتي لبااس 
زهور(كمشات عينيها وكتسمعها كتوشوش مع شي حد)مالك امي ياك هانية
رحمة:زهوور هانا ابنتي غنقول ومتخلعيييش ادم ...ادم جابو بااه لهناا
زهور(وقفات مع غوتها)اشنوووووو كيفاااش اويليي على ولد لحرام
رحمة:ومبقااتش فهاديي ..ولدك طااح تهرس من ايدوو

خبطاات جناابهاا وعاوداات خبطاتهم كتغوت وشعرها طاايح على وجهاا:اويليي ولديييي اميييي هئ هئ 
رحمة:ولاش كتبكيي لي عطا الله عطااه اجيي جيبيه راه ديك لحرامية تاع زبيدة مخلاتنيش نشوفوو وهوا كيبكيي بغا يجي عنديي راه امل لي عاد كالتها ليا هد صبااح معندها لوجه باش تدوي معااك ...ركبي درووكا وجيي ابنتي 
زهور:وخة وخة 

ناضت كتبكيي وكتندب لبساات جلابتهاا بحال الا غادية تسخر ودموع فلعيين ودعاوي كيتشاايرو على عادل لي كتصوني وتعاود ليه 
مبغاش يجااوبهاا ناضت كي لهبييلة لبساات سبااطهاا ودارت شال رطب حيت مامشطاش شعرهاا هزات صاكها وتيليفونها وخرجات بجري من الداار كتبكيي.....
باغة تغوت شيرات لطااكسي وركبات نيشان لمحطة كلها كترعد ...دخلات بجريي قطعات فاول كار خاارج لقاتو عاد بغا يسكد طلعات كتنهج ركباات وتيليفوونها كيصوني ويعاود لعادل وكدور لامل لي جاوباتها فلاخير 
وقالت:زهور 
زهور:ولدي ا امل ولديي اش درتو ليه هئ هئ اش درتو ليييييه 
امل:ولدك اختي جابوو بااه لداار عييت معااه كلت ليه متدييهش مفراسيش كااع واش داه لداار يسحابليا خرجوو غير يلعب تعيط ليا كالياا راه طاح فدرووج وتهرس معندوش لوجه لي يدويي معاااك ازهوور انا براصي مفقووصة 

زهور(بهستيرية)كيداار طااح تقسح ياااك واش بكاا بكا هئ هئ كيداار طااح ا امااال هئ هئ بغاو يشويوني فييييه ياااك يااك هئ هئ 
امل: معرفتش اختي كيدار طااح راه كاين فدار عند ميي ولدك راه بخيير جبرو ليه ايدوو لباارح

زهور:هئ هئ اححح بااقي صغيييير هئ هئ واش سيفطو معاكم لسعيدية ديتووه لزبييييدة ييااك ا امل ياااك اختيي هئ هئ هانا جااااية كوليه يجبب ليا ولدييي ولا غندير ليه شي فضييحة لااش مكيجااااوبش قوليه يجاااوبنييي الله اعطيه موصيييبة 

قطعات علييه لقات راسهاا عرقااانة ولعرق هاابط مع ضهرهاا ملابسة هي كلوون او ضونيي وجلابة غوز بب وشاال بيض ستا تسواايع بدووز عليها كي لجحييم ...
تيليفونها كيفيبري بغا يطفاا وهيا كتصووني لعادل لي كون كان حدااهاا فهاد لوقت كانت ادوز عليه بموس حافيي جهلات وعينيها حمرين كينقطو بدمووع ولات بحال شي مشة قستيها فولادهاا يالله جاوبها وقال:الوو
زهور(بغات تبداا تغوت)سير الله اعطييك كسيدة اولد لحرااام فين ولدييي فيييين وجاااوب فين ولديي(شافت فتيليفونها لقاتو يكت وخبطات جنابها مفقووسة كتنهج )
تحرك لكاار وهياا قلبها بغا يخرج عينيها تنفخو بلبكااا شدات راسهاا لي كيمشي ويجي مع لكاار كتقطرهم سخاااان على ركابيهاا ...

في حين مجييد كان واقف قدام لمرااية كيدير فسااعتوو وكيسد فكمام لقميجة هز تيليفونو وشانطة تلبيسيي ونازل فدرووج كيصونيي ليهاا لقا تيليفوونها طاافيي هز حاجب وسااط وقال:صباح الله تانيي 
دارو فجيبوو ومشاا كلس مع دارهم كيفطرو فجو ظاحك كي عادتهم
مجد: خوياا نمشوو السيمانة جاااية ل ملعب لاعبة لعسنيية كالو ابكون مااتش وااعر 
مجيد(عيينيه فالتيلي وشاد تيليفونو كيكتب ميسااج لزهور) سير نتا ونعمااان
نعمان:انا عندي هي مع القص لكورة معنديش معاهااا
مجيد(جغم من قهوتوو وشاف ف مجد)ايدير الله خير(خنزر فييه)جمع رااسك من الطيراان شوي كنغفل عليك يوماابن كتفرعن 
تورية:هادوك هوما دراري وااه
مجيد:اختي انا مبغيتوش كي دراااري يجمع راسوو وهوا من داباا تابع ليا لبنات جنب الليسيي ياك لبااس ...خايفهم ينقارضوو ت ربعطاش لعاام معندوو 
نعمان(ضرب مجد لكتفو الاخير سقل)ههههه من اين دااك الغصن (غنزو وعوج راسو لجيهت مجيد)من شجرتنااا 
مجد:والله اخوياا ماا
مجيد:شششت راني ماشي طايح على مخيي وكض شويي 
توربة:نزيدك قهوة الفقية 
مجيد:خلبنب بعقلي شوي اتورية الله اعطيك لخيير راه لمصلاحتو كندويي (جبد بزطااموو وجبد لفلوس منهم ومدهم لنعمان)خوود ليه تيكيت وسير معااه 
نعمان:حاجة فابور مزياان ههه نتفرجو تافلمنااتفة هانية لوقت ههه 
توربة:يااا سعدي على طمامييييع
جمع لوقفة وشاف فنعماان :وصل مجد معااك ياك 
حرك ليه خوه راسوو بااه وزاد خرج وهز تيليفونوو واقف قدام طموبييل كيكميي كارو عاد يزييد بينما سخنات الطموبيل صونا عليها مرة خرى تيليفونها طاافي كمل داك لكارو وعاسف عليه كيخرج ما تبقا من الدخان من فموو مكمش عينيه بدات كطلع ليه على صبااح معاهاا ركب طموبيلتوو وزاد كيستناها فلبلاصة فين كحطها الطااكسي وكل مرة يشوف سااعتوو 
جبد تيليفونو وصونا لجمال مول الطااكسي لي بدورو مص ناتش ليه هاد صباح باش يجيبها يالله بغا يشد طرييق عندهاا صوناو ليه من لخدمة ضروري يسنيي ورجع فاتجاه خدمتوو معصب ...
اما زهور كانت فطرييق تيليفونها سااكت عاد طاح ليها مجيد فلبال بحال الا ضربها الضو باينة ايكون معصب حيت مكتجاوبووش تشغل بالهاا بجهد وراسها بدا كيضرها وهيا معارفة ولدها اش بييه وسوايع عندها كيدوزو بحال لاعواام محاملاش تشوف فوجه شي حد منهم ويني كبدتها مشوية على ولدها ...
سسواايع كدووز ومجيد معصب ونفس لوقت تشوش عليهاا صونا لنعمان ياش يشوف واش جات لمحال وعلمو بلاا وبقا كالس على اعصاابو فلبيروو ديالوو خداام بايدو وعقلوو مبرزط بجهد ضرباات ربعة وخرج مجييد بلا هضرة بلا جوج ركب طموبييلتوو وشدهاا لعند زهوور موقف تالقداام باب لعماارة خرج طالعة لبه لقردة وكيصوني من جديد او والوو يالله غادي بغاا يطلع سمع سميتو من اللور وضاار كيقطع فتيليفونوو 
مجيد:رباب 
رباب(بقات كتشوفيه شحال هازة سطولت لحمام ولابسة عبااية ومقادة شعرهاا) عاش من شاافك ههه يكما كتقلب علياا ونا مفراسيش
مجيد: علاش انقلب علييك اش بيني وبينك!!
رباب: اوا منعرف ...هانبا لوقت ..شفتك غبرتي هاد لويكاند مجيتيش لباار
مجيد(طلع عينو فلعمارة معندو خاطر لهدرة وقال معصب) نبقا نتشااور معاااك مليي نجيي وملي نمشيي ...(زاد وخلاهاا)
رباب:كتقلب على شي حد
مجيدنتي سااكنة هنا مفرااسيش ...(دار بغا يزيد لعمارة متسووقش ليها توقفااتو تاني 
رباب:يكما زهوور 
مع قالت هاد لكلمة تقلب جيهتها ودار ايديه فجياابو مكمش عينوو وتيقول هاد لمااركة اشنو عرفها فزهوور وقال:ونتي ....منين كتعرفي زهوور!!!
رباب:بنت خااليي (تبسمات لييه بتسامة صفرا) 
مجيد(تحلوو عينوو وحافض على شوفتو فييها وقال)مم كلمي لياا الالة هاد بنت خاالك 
رباب:شنو بينك وبينهاا!!! 
مجيد(حك لحيتو طلعات ليه لقردة )داباا وا شغنبقا ندي ونجيب معاك فلهدررة ...
رباب(عضات فمها من لدااخل معصبة وقالت)زهور مشاات عند راجلها او ولدها مكااينااش
🌺🌺 وكان بيني وبنك حبل من عقود...
والان بدأت العقد بالانقطااع ...
هل سيصمد حبلنااا ام سيتلاشاا حبناا 
وتدبل تلك الزهرة اللتي كانت على وشك الخلوود...🌺🌺

دقيقة صمت فعقل مجيد كلشي حبس فعقلوو بداا كيرمش ولهدرة مباتش تخرج من فموو من ورااها جاا اعصاار من العصبية تشكلات فقبضة ايدوو لي زدحاات رباب مع لحيط وقال ك.؛اش كتخراي نتيي اشمن مزوجة او واالدة !
رباب:(خرجو عينييهاا وكتشوف هنا ولهيه لتشوف شي حد حماارت وشدات فايدوو)ححح والله مكدبت عليك امجييد طلق عفااك طلق 
طبق منهااا تشدات عنقاا كتحك فييه وبدات كتكحب وكترعد...
مجيد(حك جبهتوو )شنو قلتي داباا
رباب:كلت ليك ز٧ور مشاات لدارها عند راجلها او ولدها ...علاه مفراسكش مزوجة (ضحكات)يكما تانتا كدبات علييك 
مجيد:كيفاش تانتاا!!! ...متاكدة زهور مزوجة اش كتخربقييي نتييي عليي اشش 
رباب:لاش كتغوت علياا كيفاش متاكدة وانا حاضرة لعرسهم الا متيقتيش سول مول لحانوت قوليه زهور مامات ادم وشوف اش يقوليك 
تعقد ليه لساانوو داز غادي ودفع رباب من حداه تا طاحو ليها سطوولة ومشا ركب فطموبيلتو مامتييقش ومبغاش يتيق بداا عقلو كيسول ويجاوب هي بووحدوو كي لحمق 
اناا مجييد ديرها بييا بنت صغييرة ...لا لا ميمكنش ...انا لي عمر شي بنت لمرا طيحااتنيي تجي هيا ترونب وفاللخر مزوجة 
مزوجة وعندها ولد مزوجة.... مزوجة ...
كلمة بقات كتردد فبالوو بلا عدد جبهتوو عرقاات وتشكلو قطرات فجبهتوو وعنقو كيبان كيلمع بلعرق غادي فطريق ومعارف فيين كل مرة يشد رااسو تحبس وسط طرييق مبقاش قادر يزييد والناس كتكلاكصوني علييه من اللور وهوا مابقاش مسووق 
خبط فلفولوون بزربة وبلا عدد وهوا كيغوت:زهووووووووور 
وقف واحد من لي داايزيين كيغووت خرج لبه مجبد عينيه حمريين بغاا يتكا علييه بجهلة لي فييه تفرقووهم النااس السباان ولمعيوور فوسط طريق وكلشي وااقف كيتفرج ...مشا مجيد لطموبييلتو عرقاان كيقطر ولقميجة لصقات عليه من ضهروو جبد كارو وشعلو بالزربة وتحرك بالطموبيل من بعد مضرو راسو بلكلاكصون ....
في حين زهور حطها لكاار وخرجات بجري من لمحطة شداات طااكسيي كبييرة هيا لي كدخل لفيلاج تااعهم تسنات تعمرات لبلااصة ومشاات مزاحمة مع النااس بحكم السووق ريحت لعرق كنشمك من بعييد دااخت لا فطوور لا غداا وربعة تلعشية هادي وصلاات لجنب داارهم ونزلاات كتقااد فشالهاا ومشاات نيشاان لداار عادل قلبها كيضرب لي عيط ليها مكتجاوبش عينيها عمااو وقفاات قداام لباب تاع داارهم ودقاات بجهد دقات تضرووها ايدها وتحل لباب على جهدوو حلات عليهاا فاطمة 
فاطمة:ماالنا فهاد الدقااان اختييي 
زهور:عااادا(بلغوات)خرج ليااا ولديييي اولد لحرااااام عادل 
زبيدة(جاية كتجري هي شاافت زهور كحلات بلعما ولخرى كتر)مااالك تغوتي ياااك لباااس كالسة تحرمي فولديي الله تحراام علليك 
مفكراتش جوج خطراات دخلاات عليهاا بغاات طيير على زبييدة تفكااتها امل 
زهور:بغيتك ازبييدة تموتيي يمدودة بيتولدييي(بلغوات)وطلقووووني بغيييت ولدييييي اددددددم هئ هئ ادددم 
نزل عادل هاز ادم لي سمع مو وعطاها لبكا وايديه مجبرة ومعلقهااا 
عادل(بلغوات)اش هاد لغواات نتييي السيبة هادي 
زبيدة:ياك كلت ليك متجيبش ليااا لبرهوووش خليييه عند هاد لكلبة لي داايعة 
امل(بلغوات)وااامييي 
زهور:اااه كلببة حيت عطيتو لولدك كلت راااجل السعاتي طلع حمار بجوج ودنين 
عادل(حط اددم بغا يمشي ليهاا تدخلات رحمة كتجريي وصلو ليها لخباار بليي بنتها جااات دخلات وقالت:والله وسميتك راجل تحط عليها يدييك تنطيح علييك روح هناا
زبييدة:دييي خنزك وسيري ربييي ديك لبرهوووشة علم الله فين دااايعة
زهور(كانت بغات طير على زبيدة هي شاافت ادم محساات تنزلاات عنقاااتوو كتبكييي وتندب بغات تجبد حنااكهاا بلفقصة وهوا كيبكيي بلخلعة وبايدو لي راابط )شكون طيحك اولديي شكوون هئ هئ دويي 
ادم:هئ هئ هاديييك امامااا(اشاار ليها لفاطمة لاخيرة لي كانت لابدة عند لباب وكرشها بااينة شوية )...

كاع شافوو فيهاا عادل وزهوور وهياا خرجات عينيها
فاطمة:اناااا ...زايدهاا بلكدووب فين قستك 
عادل(ضرب فختو ودااز ليهاا جمعها معااها بطرشة وشدهاا من شعرها كتغوت )علاش قستييييه علااااش اش وصل لكلبة تمك لييه
فااطمة:وراه غير قستوو كان تيلعب فدروووج وانا بغيت نجفف وقستوو 
محساات بايديين زهور تجرووها من شعرهاا بكاع قوتها لي تكسااب عينيها تعماو فهاد اللحضة 
زهور:اش داارليك ابنت لحراااام فين كيعرفكم 
فاطمة(دفعااتهاا لخرى وعطااتها بضربة لوجهاا )حيدي ايدييك الخااانزة عليااا 
نااضت لمناتفة تانيي ولغوات وجيران كيتسنطوو وغوات فاطمة واصل فيين او عادل كيفك فييهم تطااحت فاطمة سخفاانة كتركل 
جرات رحمة زهور ليي تحل ليهاشعرهاا كتنهج وعنقهاا مقمووش 
زبيدة:بغيتي تقتلي لياا ولد ولديي يالكلببة هااا الله اعطيك موصيبة
زهور:ديك لموصيبة بغيتها ليييك اوجه جهنم ...الى مسمحت ليك ازبييدة معندهم فيين يغسلوووك تفووو تفووو على نهار عرفتك الشيبة العااصية
عادل(هز ايدوو بايعطيهاا)زهووور قطعي حسك شوهتيني فهاد لقنت
زهور:اش بيني وبيينك تنشوهك هااا واش عطيااك ولدي صحيح لترضوش لياا معطوووب مكنتيش كتمحن عليييه ماشي جيتي هي لبااارح دير لياا فيهاا راااجل (بلغوات)مشاااات يامك اعاادل مشااااات ...نهار تدق بابييي عمر ولدك تحلم تشوفوو تشفت الله (شافت فموو وفيه)زهور لي كنتو دايرينها تحت السباااط مااااااتتت هاديي تاكلكم بسنانها لقستوهاا فولدهاا 
مشات هزات ادم لي كيتنخصص بلبكا لقا علامن يشكي شاف مو كتاكل لعصا ومقدرش يمشيي يعاونها تهواا كي هزاتوو خشا راسوو فعنقهاا كيبكي مزير عليها باييد وحدة والتانية معطوبة لييه 
زهور:يالله اميي 
عادل:حطي لولد راه مرييض
رحمة:لولد ديتوه صحيح رجعتوه مهرس فين كنتي ملي كانت هاد لحماارة كطيح فيه من دروووج هاا سييير اولدي ترجل ليييك سيير 
خرجات زهور من تماا كتنهج وكلشي كيطاال مدااتها تفوااحد تابعاها رحمة لي بقات كتسااب مع زبيدة فراس لباب تجاو لعيالات كيبعدوو فرحمة لي غادية ورا زهور وكدعيي لابسة هي بيجاامة وعاكفة راسها ودايرة فواطة حمرة وايدها محنيااهم حنة عادية ولابسة صابو فرجلهاا 
اما زهور يالله وصلات لداارهم بانت ليهاا حسناا جاية جيهتهاا وراجلها عاد وقف فالطموبييل 
حسنا(جااهلة)السييبة فلبلاااد هااا دوز معايا خمسطاش ليووم عمرو تقااس تجا لهاد لقررينة لااش مسيفطاااه نعل جد بووهم 
زهور:ديني منهناا احسنااا يالله نمشيو لداارك مبغيتش نبقاا هناا 
رحمة:دوزي لداارك
زهور(بلغوات)لي لقيتو تما انلقاه هنا امييي بغيت نمشي فحاليي راه غطيح شي رووح هناا ولا نقتل ليكم راسيي 
سعيد:علوو الشيطاان ز٧وور ركبيي ابنتي نتي ولدك يالله لالة رحمة خليهاا مكتشوفيش كي تاترعد خليتو ليها فين تكلس 
رحمة(تنهدات)وصبر نجيب جلاابتي نمشي معااكم 
خرج مصطفى وهبطاات راسها زهور ومشات سلمات علييه وقدات زيفها على شعرها 
مصطفى:هانتي عاد جيتيي فين غادية 
حسنا:غاديا معاياا اباا مكاين فين تكلس 
مصطفى:قندش كيفاش مكاين فين تكلس الدار يجيريو فيهاا لخيل وملقات فين تكلس
زهور:بغيت ندي ادم لطبيب اباا 
خرجات رحمة دايرة جلابتها على كتفها مبدلة هي الزيف وركبو فالطموبييل بلا متشوف خوها ولا مراتو لي كطل من لفووق وتميق فيهاا مع ركبوو بدا ادم كيتكاا بجنبوو 
ادم:ضارني هنا امامااا 
هزات ليه زهور تريكو على كرشو لقات فوق ضلوعوو طبعة زرقة مقادرش يتنفس بييهاا 
زهور(بدات كتبكيي)اش دانيي نخليك ليييك اش داني اربيي هئ هئ 
سعيد:وصافففيي دابا لاش كتبكيي اندييوه داباا نديرو ليه الراديو الله ايجعلو يكون مهرس تا من ضلوعوو لما ندييوها فين ترباا مكايناش السيبة فلبلااد 
عنقاتو كدمع وتشهق ومها كتسكت فيهاا تقالت:حسنا اراي ليا تيليفونك نعلم لمرا لي خدامة عندها طفا ليا تيليفوني 
نعستوو!!

حسنا مدات ليها تيليفوون دوزات زهور النمرة شحفانة والدووخة بحال الا صاايمة وهيا النعمة محطااتها فكرشها بدات رحمة كتخدر مع نسيبها على لي وقع مغاوتين فالطموبييل وزهور كتسكت فييهم حتى تحل لخط 
زهور:الو لالة راضية معاك زهور 
راضية:الله يابنتيي ومالك عليهااا ...عيت نعيط ليك تيليفونك طاافيي ولكليان كيتسنا قدام لباب وغير علمي
زهور(بصوت مرعد)فين هوا لعقل اخالتي فييين مع حليت عيني وصلاتني خبار ادم تهرس محسيت براسي تكنت فلكاار
راضية:الله الله ...الله ياربيي وكي وقع لييه 
زهور:كان عند بااه عند بالي راهم فسعيدية صدق جابو عند مرتو او موو كان تيلعب فدروج ودفعاتو تطااح وتهرس او داباا كيغوت ليا بجنبوو غندييه ندير تصويرة على ضلوعو ليكون مهرس منهم 
راضية:اوكوك اربيي وييني هد ولد لحراام مصدقش وفينك نتي درووك
زهور:انا فقيه بن صالح وصلت قبييلة وتيليفوني سكت فلكار ملقيت منين نصوني ليك توصلت(سكتات شوي)سمحيلياا الالة راضية والله مالخااطريي راك مجربة لكبدة وعارفة بحقهم هئ هئ بغاو يشويوني فيييه ويحمقووني
راضية:سيري ابنتيي راه ربي تيشووف والضالم ميهناا ميكون باس عند ادم 
زهور:ربي اخلييك ...نقدر منجيش تغداا توكان نشوف حريرت هادشي
راضية:ماشي مشكييل الله ايدير ليك تاويل تلخيير بسلامة ابنتيي 
قطعات معاها وحذات تيليفوونها وتنهدات وقالت:هاد الزغبية معندها زهر (هزات عينيها فتورية لي كالسة حداها فلمحال) من نهارها غارقة تالودنيها
تورية:يااك لبااس ماالهاا 
راضية:ولدهاا عطاتو لبااه وطيحاتو مرتو من درووج تهرس من ايدوو ومقسح كاتلييك
تورية:اتي علامن كدويي 
راضية:ا زهوور علامن بغيت ندوي ركزي شوي
تورية(بصدمة)زهووور ...على زهور والدة ومزوجة 
راضية:طلقاااات وعمدهاا ولد عندو ربع سنين 
تورية(شدات فحنكها مصدوومة)ويلي والطفلة كاع مباينا عليهاا امتا ولدات هادي وامتا طلقاات(سااطت)مبقا مبعجب فهاد الدنياا اراضية ختيي ...اويليي يا وحديي 
راضية:اوى هدشي لي كاااين ..هوا راه بغا يرضها وهيا مبغاتووش وداير ليها لعصا فرويضة مع ولدها تطيحها السيمانة لفاايتة بلعصااب داكشي لاش مجاتش 
تورية:سكتييي سكتي باركة علي هادشي كيطيب لگلب باقة صغييرة وهازة هم كبر منهاا يربي تلطف 
وهوما فحواارهم وقفات طموبيلت مجييد وخرج منها حاني رااسوو مهزوش كااع جيهت لمحاال بقات تورية متبعة ليه لعين تدخل وقالت:وهداا ماالوو 
راضية: السعاتو لله
دخل مجييد لدار بلا سلام بلا كلاام نيشاان لبيتو ردخ عليه لباب تسمعاتو كوتر فالطبقة اللولة وقفزات كتشوف فسقف 
اما هوا شاد راسوو كيمشي ويجيي وعرووق عنقوو مزيريين عليييه هز وااحد لكرسيي قدااموو وعطااها لزااج تاع لماريو تاتقسم على جوج وكلس كيشتت ويقلب فكاع لي جاات قدااموو سمعات تورية تهرااس وناضت قاافزة تعلى الله متعكل بلملحف وتجي على راسهاا حلات لباب لقاات لحاجة بغات طلع درووج داازت فييهم كتنهج تالطبقة التاالتة لقاتو مسورت عليه الداار كاملة 
تورية(شادة قلبها)ياربيي هداا مالوو (دقاات فلباب )مجيييد واا مجييد 
لا مجييب كالس فقنت سرير شااد راسوو وجبد كارو ايديه كيترعدوو كيكميي وكيماصي جبهتوو لي عرقاانة 
بقات تورية مشوشة حدا لباب ومتقدرش تحلوو ليضور فيهاا عارفة تقليقتو اش كدير ...نزلات كتخبط اخماس فاسداداس ونزلات لدار لتحت وكلساات قدام لباب فجريدة مع لحاجة 
الحاجة:مالووو
تورية:بحالي بحالك مسورت عليه باب الداار
بقاو كالسيين مرة مرة تورية تهز عيينيهاا لفووق ليبان ليها تيكمي فلبالكون سمعات خطوات فدرووج عرفاتو هواا قات كتسناه يباان تباان غير لي عرفاتوو طالع ليه الدم وجهو تيبان كيخلع بلعصااب 
مجيد:غنتعطل بلا متسناونيي 
تورية:مجيييد وا مجييد
خلاهاا وسد وراه باب الدار وركب فمطموبييلتو موقف تالقدام لبوااط دخل سخوون باغيرغير فين يبرد خدا كااس من النوع القااسح نزل عليه فدقة وطلب بحالوو تانيي ..ملقا فين يبرد هي فلكارو وشرااب ودماغوو بغا يتسطاا كيفاش كان كيتمعشق بمرا مزوجة طاح فلحرام تعياا ولكن عمرو فكر يطيح فهادشيي ..
شافتو وحدة كتسربيي وجبدات تيليفونها دوزات نمرة وقالت:الوو صوفيياا خلي لي فايديك واجيي مجيد كاين فبواط** 

174في حين زهوور دخلات لداار عند ختها هازة ولدها من بعد مدارت ليه الراديو لجنبوو ولقاتو هي مقسح كلسات كدهن ليه فبوماضة لجنبو وهوا كيبعدها كيبكيي تسالات لييه وجابت حسناا بوماضة فايدها وكلسات حدا زهوور وقال:دووري نمسح ليك دوك لقمشات لييبقاا عنقك مطبع بنت لحرااام الله اعطيها لهرس
زهور:تانا عطيتها خقهاا
حسنا:عند جد مها زهرر اما كون جييت نشتف على دين مهاا (دورات ليها عنقهاا يالله بتحط ايدهاابانت ليها طبعة قدها قدااش ومن طياارة بااينة بووسة رجعات لبووماضة وهزات واحد لحااجب )تبعيني لبييت
زهور:شنوو
حسنا:اتبعينيي ولا نكمل على ديل مك نوضيي تكعدي بقا لجدك هي لبووساان فلعنق
تزنطكات زهور وغطات عنقهاا وتبعات ختهاا تدخلو لبيت نعا ديالهاا قرصاتها من درااعها جراها تدخلاتها وطلقااتها وسدات لباب
زهور:اااي وبشييوية
حسنا:كيقاااش بشوية اش هدشي فعنقك ازبنت لبناات هاا بقا لمك غير لوساان فلعنق ..شكون هدااا شكوون
زهور:وبشوية غيسمعووك ...ولاش كتغووتي احسنااا
حسنا:دويي خلاص راه غنكمل على جدك دوييي
زهور:والله مكاين داكشي لي فباالك احسناا راه غير غير ب ..بوسة
حسنا:بوووسة(قرصااتهاا من فخضهااا تطيحاتهاا فووق النامووسية)بوسة الكلبة اوى من هاديي لبين الرجلييين ...هادشي لاش باغة تمشيي لتمااا
زهور:احح والله اختي مداكشي لي فبااالك غير سمعيني وسكتي شويية هئ هئ
حسنا:هانا سااكتة دويي بقا لجدك هي لحراام بسيييف ونتي عايشة مع كبييرتهم
زهور:اه انا تصااحبت مع واحد ..(شافتها بغات ضربهاا وحبساتها)ولكن راه بغا يتزوج بيا عمروو قااسنيي احسنا اقسم الله اول مرة بااسني واخر مرة وانا معااك شي ست شهوور داباا عمروو مد علياا ايدوو هي سمعينيي
حسنا:ملي باغيك لزواج اش كيتسنا نجيو نخطبووه حناا
زهور:معارفش بلي انا مطلقة وعندي ولد احسنا هئ هئ كنت خااايفة لي يكون باغي يتفلاا عليااا تلقيت راسيي كنبغيييه (شافت فيها كتبكي)عمري بغيت شي حد بحال هكااا احسنااا ومقدرتش نقولها ليه ديما كتكون فطرف لساني ومكنقدرش
حسنا(كلساات)اويليييي داباا هوا باغي يجي لدااركم ومعاارفش راك والدة
زهور(حركات راسها بلاا كتمسح فعينيهاا)خفت خفت احسنااا والله هئ هئ
حسنا(تنهداات كتاكل ف فمهاا )امتا ناوية تقوليها ليه بالسلاامة 
زهور:معرفتش وراه خخفت خفت ماشي لخااطري 
حسناا شدات حنكهاا وكالسة حداهاا لاخيرة لي شادة راسها كدمع تدخلات رحمة عليهم لقاتهم هكاك 
رحمة:ماالكم شادين حناككم كي ليتاامى اش كاين باركة نتي من لبكا واش معيتيش
زهور:كنبكيي على زهر لي منكسابووش تنبكي على يامي لي حلفات ولا تقاااد ...بغيت انعرف اشمن دنب درت وتصرف فيااا هك هئ هئ بغيت غير نفرح بحالي بحاال النااس وملقيييتش اميي هئ هئ الله ياربيي كون هي متت ولا هاد لعدااب 
رحة:وصاافي وصافي بااركة من نواح تشاارفاات نوضي جمعي رااسك غتقتلي غير راسك بهاد لبكااا نوضي تاكليي ونتي محال دايقة النعمة 
خرجاات رحمة وزهور شدات حنكها كتخمم تاتفكرات مجييد وقالت:حسناا عطيني شارجور ديالك 
حسنا(ناضت مداتو ليها)زهوور راه لكدووب حبلوو قصيير شوفي حل مع هد ولد الناااس وخة رااه صعيييب فهاد لوقت لي يتقبلك بولدك 
زهور:هئ هئ عااارفة اختي عااارفة مبغاش نضلم ادم معايااا اه كنبغيييه وبزاااف ولكن كنشوف فادم وكنبررد وا باااه ومحنش فيه يحن فييه لبراااني 

حسنا(باسف )لي بغاها الله اتكوون اختيي نوضيي بدلي لييك ها حوايجيي هنا وجي تااكلي شي حااجة 
مشات وسدات لباب وراهاا خلات زهور كتركب فشارج مع حلاتوو سداات لبااف بايدها من كترت لميساجااات لي جاااو حيدات ليه الصووت عاد حلاتوو طلعات ليهاا ككتر من عشرين ابييل تاع مجيد وعادل وحسنا ورااضية واصلة لشي خمسيين ابييل مهتماتش بيهم قدما اهتماات بلميساجات تاع مجييد لي كل نص سااعة كان كيصوني ويسيفط لميساجاات حلات لكونيكسييون وبداو لواسااب حتى هواا دخلات لقات سلمى تهيا مسولة فيهاا ومجيد مسيفط ليهاا جوج اوديوات ولميسااجات عينيها مغرغررين وضحكات ملي قراات ميساجو تنقزات دمعة من عينيهاا
مجيد:بربي لبقااات فييك ازهور على هاد لبلانات لمهرست ليك دااك لمشقووف دفلي عليي 
عضات على فمها عرفات قفراتها معااه عرفاتو ايكوون كااغي وخافت تصوني لييه او يغرق ليهاا معندوش علاش يحشم يالله بغات تصوني لييه دخلات رحمة 
رحمة:واش مكتيمعيييش دوزي تاكليي شو كيصفاريتي 
زهور(حطات تيلي)وخة 
بدلات حوايجها ب بيجامة ديال ختها وخرجات ...
اما عند مجيد كالس وفايدوو لكاس الراابع ومزال مكر فيييه تيباان مكاالمي من براا وهادئ ولدااخل ناار شااعلة ...عينيه ولاو حمريين بكترت مشرب وكماا دخلات صوفيا هازة فايدها تيليفون كتقلب عليه بعينيها تبان ليهاا وطفات تيليي ودارتو فصااكهاا وقرباات شافت فصاحبتها واشاارت ليها علييه قربات صوفييا كتقرقب بالطالون حطات ايدهاا على كتفوو تهز عينيه فييهاا قارن حجباانو محاملش يهدر غير شافها وهبط رااسو لكاسوو لي خواا واشاار لولد بااش يعمر ليه 
-مجيد لكاس لخاامس نخلطوو لييك
مجيد: اندخل انخلط مك كب لياا لخرااا كيفما هواا 
صوفيا:غير كبب لييه 
هز ايدوو التاانية وحيد بيهاا ايد صووفياا وهبط رااسوو سااخط
صوفيا:مجييد ماالك مامولفش ليك كتكلس هناا 
مجيد(شافيهاا بتقاالة )تق** لاا كيتانبان ليييكم برهوووش هارب لبااه وبغا يسكر 
صوفياا:لاا ماشي هكاك غيير م
مجيد(بلغوات)قودي علييا بلا شي خراا نصدق ضارب مك وناادم سيريي لخدمتك وضربيي علياا 
بدا كيعااير فيهاا وكيخسر فلهدرة هي من السمطة لتحت اما حتى هيا ولفاات ولكن جاتها غ ريبة منوو عمرو وصل لهاكاا جرات كرسيي وحطات ايدها على فخضو من بعد مهز لكااس ضرب نصوو فجغمة وهيا عاضيااه تكمش ملامح وجهوو 
بقات معاه جهد سااعة وهوا كاس وراا كاس مرة مرة يعض على فموو معصب باغي فين يبررد شروو وصوفيا ملقات مدير هي تبقا سااكتة حيت لهدرات ايخلطهاا مع لكراسة 
مجيد(جبد تيليفونوو ملي وصلو ميسااج بلي حلات تيليفونها ضحك وهوا كيخبط تيليفونو مع لكونطوار جنبب كاسوو)حلااات ههه ايكون داباا خرج داكشي لااش حلاات ..(هز لكاس شرب ما تبقا )احح شحال كنت حماااار طحت فلحرااام (شد راسووو بعصبيية كيتفكر قبلتهم الاولا وضرب داك لكااس مع لارض تكلشي ظار جيهتوو غمض عينييه وعروق ايديه بارزيينن بلعصبيية وعرقاان بحال الا كيجري 
سرطاات صوفيا ريقهاا وبدات كتقول اش دااني ولاش جييت 
وقف ورما لفلوس لبارمان وهز تيليفونو كيتمشاا عاديي متقل كيحك فعنقوو تخرج ظرب فيه برد الليل ومشا لطموبيذلتو تكا ايدييه على لباب وتحنا مغمض عينيه داايخ كيحلهم تقاال ولارض ضاارت بييه ...
هز ايدييه تقاال خل صداايف تاع التيشوورت تبان صدروو عرقاان تقاد فلوقفة كيقلب فجياابو على لكونطااك تاع الطموبييل ملقااهش بدا كيدور براسوو ملقااش تجابتوو ليه صوفيا وقالت:متمشيش بووحدك بهاد لحاالة صبر نمشي معااك 
مجيد(طير ليها لكونطاك من ايدهاا وقال)صوفيااا قلبي عليااا راه واصلة ليا لعضم انقييسك انصدق قااتلك سيري تكمشي عند مك 
خلاها واففة ومشا ركبب وسد الطموبلي باش متركبش وتحرك خلاها وااقفة جبد تيليفون من جببوو ودوز لزهووور صونا وتقطع ورجع صوناا تاني عاد جاوبات بصوت منخاافض قالت :الوو مجييد 
مجيد(عض على فموو مكالمي راسو بزز )جاوبتي 
زهور::سمحلياا عارفة راسي اش درت
مجيد(تنهد وبقوت تقيلل باين فيه شرااب)معاارفاش ت ت معارفاااش 
زهور:واش ..واش شارب 
مجيد:كون لقييت السم نشربوو ولكن عرفت راسي مقفرها مقفرها مع ربيي نصبر شوي باش نقطع نيشاان انا ويااك لجهنم 
زهور(حكات عنقها وخلعهاا صوتو وهدرتوو )مجييد واش تقلقتيي مميي والله مالخااطري (تنهداات)تنجيي ونعاود ليك اش وقع 
مجيد:ششش دارهاا لبعد ازهوور اما ليووووم... ليووووم ازهووور تباااتي فقبرك ....صغرتينييي هااا غير ديري فباالك عمرك ايمشي على ايديي 

ضرب قلبهاا بجهد ومع هدرتووو ركب فيها الررعب ضرباات الطم وصفاارت ترجع هدر وقاال: سكتيي هههه سكتييي نهيي طمريييي وخلي اصل ميي انا كنتشوااا كي بغيتيي ...كنت هاني فكريي اش دخلك لحياااتي اااش 
زهور(عضات على فمهاا من تخسار لهدرة ) علاش شربتيي 
مجيد:انشرب دمك هي بلاااتييي انقطع لكلبة تمك طراااف طراااف ...باش نورييك تبرهشينيي 
شاف ليوليي سقداامو كيشيرو ليه بااش يوقف غمض عينوو كيسب وقال:تعت مك هيا لي متعاود معاياا الالة زهوور 
قطع معاهاا خلاها كترعد وبدات كتقول فراسها واش هكا تيكون ملي كيسكر ...علاش كيتحلف علياا 
رجعات الامر كلو ل غبرة لي غبرات نهار كااملوو كلساات ساهية حدا ولدهاا كتنهد ومكرهاتش طيير او توقف عندوو 
اما هواا وقفووه على ود تيليفوون او السمطة خلاهم يقيدو لي بغااو معندوش لكانة لهدرة خلص فلبلاصة وكمل طريقوو لداروو مع دخل وقف قدام لكواريوم تاع لحووت بدا كيتفرج فلحووت ولما لي كيدير لفقاعاات مشاا لقالون وكلس شاد تيليفونوو وكتب ليها ميسااج الاخيرة قراتوو فلبلاصة على القرص
مجيد:غداا اتكونيي هنااا 
زهور:منقدرش اميجيد 
مجيد:اتجيي ولا نجيي غنديير ليك الشوووهة 
زهور(تنهداات)معرفتش والله 
مجيد:داك الزابور عاوديه لشي شماااتة اما انا ازهوور متنعاوش هدرتي جوج مرااات ...جيتي غدااا مرحبا مجيتييش بربي ازهور تنحرك 
زهور(بقات كتعاود فلميسااج كتر من مرة خلعها بلمعقوول هادشي فيه لحلووف بدا قلبها كيضرب ووتاتاكد واشهوا معامن كتهدر تسدات شهيتهاا وحطات تيليي بلا متجاوب ترجع سيفط ليهاا
مجيد:اه معااك كندوي باش نعرف راااسي واشنشد عليك طريق دروك نيت ولاا نصبر تاتجي 
زهور:وخة صافي غداا انجي ...متبقاش تهدر معايا هاكا امجيد ..كتخلعني والله 
مجيد(قرا لميسااج معصب كيحك فنيفوو )غداا مع يحطك لكاار اتجي عندي لداار لمجيتيشهي قودي من هاد اكاادر حيت اندير فيك شرع ايديي 
طفا التيلي وشعل كااروو كيكميي ويعض بصبعوو منيرفي بريكة ويشعل ...من ديما كيتحكم فاعصابو ولحد الساعة مزال كيبان ليه راه شاد فرااسو كان بامكاانو يصوني ليهاا يسبهااا ويغرق ليهاا ويقولي افلانتا ضربي عليي ولكن مزال مامتيق مزال كيقول هي السكرة لي رجعاتني كنخرف 
بغا يحماااق بكترت التفكيير امتا يوصل غداا يا يقتلهاا يا يقتلهاا مفيهاش جوج 
ناض كي شي مجهوول باغي غير فاش يضرب هرس الطبلة تزااج ولفيزاان وكيمشي فوق الزااج كينهج 
كلس كيكالمي فرااسوو مغمض عينييه ووايديه كيرجفو بلعصاب مشا يشرب باش ينساا ويتهدن مدار ليه والو 
كلس على لباكي تلكارو تسالااهاا وناض جبد لخرى حتى ولا صدرو مخرشش بلكارو وعطاها لكحبة تضرو صدروو 

اما زهور منعست مشافتوو الليل كلو كتقلب من جيهة لجيهة خلعهاا مجيد بهدرتوو وكتسنا هي صباح يطلع باش تمشي وتعاود ليه بلحرف اشش كااين بلا متبقا تخباا علييه وتلوحو من جيهوة لجييهة ...
كي صبح صبااح حلات عينيها لي عاد نعسوو وناضت سمعات مها كتصليي وكلساات كتجمع فشعرها تسلمات مها حداهاا 
رحمة:اجي تيي مبقيتيش كتصليي 
زهور(حكات عنقها وحركات راسها بلاا)كنجي عياانة ياربي تسمح لياا كنبداها ونقطعهاا 
رحمة: اويلي ويليي خرجتي يديي ازهور
زهور:ففف ميي غنمشيي ليوماا (شافت فادم) 
رحمة:كلسي تبتي حداا ولدك فين بغيتي تمشييي 
زهور:ها لا لا ضروري نمشيي بغيتيي راضية تجري علياا من لخدمة 
رحمة:كلسيي اللرض ازهوور بلاك عليا من شي خدمة ولا زمر راه هدرت مع خووك يدييك عندوو اللهم معااه تما ولاا فبلاد خراا 
زهور:اش قلتي لييه
رحمة:كلت ليه يضبر ليك فشي كونطاا يدييك عندو وكاليا راه كيقلب لييك 
زهور(بدا قلبها كيضرب) اوى تيلقااهاديك السااع ونرجع تما دابا امي راه منكلسش هناا خليت حوايجي كلشي تماا وزايدون راه كنقراا ناخد ديبلوم ديالي ونمشي ديك الساع نخدم 
رحمة(كمشات عينيها)تي كيدرتي ليها هاد لخدمة بسلامة شمحال كتخلصيي هاا ها ادم هالمصروف مع عمتك هاا لمركووب وزايداها بلمدرسة
زه ر(تزنكات)لا لمدرسة مولات لمحل لي دخلاتني ليهاا ف فاابوور ...وداباا خلينا منهادشيي نوض نفطر باش نشدو طريق
رحمة:خلي ادم معايا وسيري
زهور:لااا امي ولديي معاياا تديه تفوت فيه ديك مرت ولدك شي دقة تهياا مالو شاايط علياا اندييه وخة نعرف نبقا مركبااه وخداامة تيصح راه كاليا طبيب لباارح شهرااين وحيدي ليه لكبص اتولي ايدو مزياانة 
فطراات زهور بزربة او وصلهاا سعيد هيا وادم لمحطة ركبوو ودايرة فبالهاا اتقوول لمجيد كولشي باش ترتااح 

ضربات مجيد لفيقة على صوت التيليفوون حل عينيه بزز وراسووو مقادرش يهزوو ناعس عوج فوق لفوطووي راسو بيتشقق علييه سكت التيليفوون وشد راسو بين ايدييه كيزدح علييه ...كيماصي جبهتوو ورجع معاه سيناريو لباارح حل عينيه فالزااج لمهرس فلارض وهوا نعس بسبااطو صونا تيلي من جديد وطلعات ليه نمرت نعماان سرط ريقوو لي نااشف ونحنح باش يتسرح صوتو وجاوب بصوت خشن مدعدع بنعااس وباينة فيه محاملش يدوي كاع
مجيد:وي نعماان 
نعمان: مانيغ تليت هانياا لوقت مال صوتك 
مجيد:قلب علياا الله ارحم بااك على نبووري 
نعمان: وا هي قلت نسول فييك اوكان لواليدة كالت ليا لباارح كنتي معصب 
مجيد(مسح جبهتوو هز لباكي تلكارو ملقا توااحد ولاحها كيسب)ق** 
نعمان:ابارررود اباروود هدشي فيه سباان ايكي عاون ربيي 
قطع علييه حيد تيليي وشاف فالسااعة وناض نيشان لكوزينة تدكرها بيين ايدو وسرط ريقوو وهوا حاط ايدوو على لبووطاجي فيين كان مكلسهاا عض على فموو وصورتها بيان عينيه ...حس بلي اول مرة كتبااس من تصرفااتهاا وكيفاش رجفاات بين ايدوو كيفااش نساجمات معااه وداتها سخوونة ضرب لكااس معصب باغي يبعد صورتهاا ورجفتها بين ايدوو ضحك مفقووس مغيدد 
مجيد:الزيغ الاخت مولفة اخخخ ازهوور اخخ(تنهد وعمر طاس تلقهوة وراسوو باغي ينفااجر ومقطووع مبغاش يدوز ليه داك لكاس بلا ميكميي ..دخل لدووش كب عليها لماا باارد حال عينوو وسط لماا مرة مرة يحرك رااسو ويضحك مغيدد ويزفر بقووة كاره لوضعيية...
بعد برهة خرج من الدار مخليها مرونة لابس شوميز خزية وسروال كحل ومرجع شعرو لي مزال فازك اللور ركب فطموبيلتو او وقف خدا لكاروو يحل ليه دمااغو لي تزير علييه وخة معطل شعلوو باش يتكاالمة مع نطر رجع راسوو اللور مغمض عينوو كيخرج الدخان بشويي علييه تاتكاالمة وحل عينييه كيرمش قداموو ..ديمارا من جديد ومشا لخدمتوو دخل ساكت بلا ضحك بلاا هضرة كيحك فلحيتوو ولي قاليه السلاام كيجاوبو بعينيه ولا بايدييه بلا ميهدر دخل لبييرو وشعل تيليفونوو وكلس فلبيرو صونات ليه توورية بزاف تلمررات تنهد ودخل كتب ليها ميسااج باش متعاودش تصووني وعلمها بلي فلخدمة وسيفط ميساج لزهور فيه:فيينك 
الاخيرة لي كانت جاية فطرييق وكتسنا ميسااج من عندوو تفيبراا وهزاتوو ولقاتو كاتب كلمة وحدة دخلها لعجب ضنات بلي لباارح غير طالع لبه الدم وشاارب علاش هشر هكاك ولا يمكن تقلق على التيليفوون 
زهور:صباح لخيير ...انا فطرريق داباا منوصل تالعشية 
قراه وحطو مجاوبهاش اش ناوي فرااسو الله واعلم حدوو كيفكر يشنق عليهاا يسالي معاها ويدوز نص حياتو لي بقاات بين لحبااسة بسباب مراا ...لمراا لي مزال معرفش كيفاش تدخلات لحيااتو وبغااهاا اه بغااهاا ومتسرطاتش لييه تكون تاع واحد اخوور ...بنت قد صبعوو صغيير خلاتوو يعيش حب المرااهقة على كبروو ويمسح جنس النساا من عينيه ...هوا لي كاان كييبدل لبنت كيف تيبل حوايجو داارت بيييه ...مبات تسرط ليييه 
فينما تزير رااسو يكميي تيطلع لبه الدخان لدمااغوو لبيرو ولاا مضرووب بريحت لكاروو ...مخلا معامن تعصب وعلامن غوت بسبب او بدوون لمهيم يفرغ ما امكن من لعصبيية تاتوصل نوبت لالة زهوور 

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.