قصة عائلة مالك

من تأليف هناء المنصوري
2020قصة كاملة سفالة متوسطة

محتوى القصة

رواية عائلة مالك

🔮المكتوب ما منو هروب🔮

كولنا كانعرفو هاد الجملة، كولنا كانعرفو معناها، كولنا راضيين بمكتابنا و قدرنا خيره و شره، كيفاش غانكون عااايشة ما بيا ما عليا حتى يتسلط عليا المكتوب من حيث لا أحتسب؟ حاجة صعيبة نتقبلو فاللول ولكن هادشي كايبقى قدر مكتبولنا الله سبحانه و تعالى .. حياتنا بالكامل مكتوبة بالخط و القلم .. بدايتنا و نهايتنا .. حياتنا كيف نعيشوها و معامن غانعيشوها .. كولشي من عند الله تعالى

اليوم مع الجملة اللي تكتبات فلأول بغيت نعرفكم على مكتوب عدة اشخاص، عائلة وااحد منفصلة من زماان يا رحمان، العداوة بيناتهم كبييرة، ولكن المكتووب مكتووب و فعلا ما منو هرووب

كاتجمع بين كااع داكشي اللي كاتحبوه، جميع التفاصيل من ضمنهم

العداااوة 🔥 الكرره ✨ الغييييرة ⛔ المشاااعر الحللللوة ❤️⁩ الحببب و العششق الجميييل 🤩 التفرشييييييييخ و الدق 👊👊 التشنشيييط و العاافية و التشويييق .. الانتقاااام .. الاغتصاااااب⛔🔞🔞 و حبييييبتكم السفاااالةةةةةة 🔞🔞🔞🔥🔥 قصتي من وحي الخيال و لكن ممزوجة بنكهة واقعية،

العنوان: 👑عائلة مالك👑
بقلمي:  هناء المنصوري (نونة) ✍🏻

💜تقديم من الماضي💜

كان يا مكان في قديم الزمان، كانت واحد العاائلة صغيرة متكونة من أب، ابن أكبر و ابن أصغر .. كانت كاتلقب ب "عائلة مالك"، كانت ديك العائلة متعاونة بيناتها .. متحابة .. الأب عندو أراضي زراعية كثيرة و كايتاجر بأنواع من الخشب الي كايتقطع من أشجار فدوك الأراضي، جا واحد النهار مرض الأب العجوز .. عطا لولادو الووكالة باش يديرو بالهم ويعتانيو بالأراضي و التجارة بأعمال العائلة .. كل من الابناء سارع و هرول باش يديرو اش قالهم الأب ديالهم .. ساهمو بتكثيف الاراضي و ازدهار التجاارة و المال تزاااد و الربح رجع وفيير جا من أعمال الابن الأصغر اللي جال فالبلدان و مشا و جا كايتاجر بالأخشاب وأنواع من الألبسة و الأثواب .. و حتى النسيج، بهكا خذا الأصغر الرضى و الفخر و المدح من الأب ديالو .. بقاو الأبناء كايتنافسو باش ياخذو الرضى دباهم .. واخا حتى الولد الكبير كان كايخدم بكد و كايزارع طوال اليوم .. و ضخم الأراضي الزراعية و كثفها كثر من قبل إلا أن الأب كان كايشوف غي أعمال الأصغر

مشات أيام و جات أيام .. مات الأب .. حزن الأبناء و دارو لباهم جنازة كبييرة و صدقة .. جا محامي خاص بباه خبرهم بأن الأب خلالهم وصية، فاش فتحوها لقاو أن النسبة الأكبر من الأملاك و الأراضي الزراعية و الأعمال التجارية بقات للإبن الأصغر ..

الكبير تصدم ماعجبوش اش طرا.. عارض الوصية و بقوةةةة .. بغاو يعيدو النظر هو و خوه فقرار باهم الله يرحمو باش تكون عاادلة بيناتهم .. لكن الصغير عجبو شنو طرا، غرو الطمع و خرجو عينيه فالورث و احتج لخوه بأن وصية باه خاص تتنفذ بالحرف بلا تحريف ولا تغيير .. الأكبر تعصب ماعاجبو حال خرج من الدار مراااضييش بديك الوصية الظالمة فحقو .. خذا أرض مقابلة لدار عائلتو خلاها ليه باه فورثو .. فاللول بنا براكة فيها و من بعد كمل كايبني دار ليه .. من ذاك اليوم بداتت عدااوة كبييرة بين الخووت .. الكبير من كرهو للصغير دار مؤامراات ضد خوه حرق ليه أراضيه الخاصة بيه و سلعتو اللي كايتاجر بيها .. فاش ساق الصغير فعلة الكبير حتى هو بدا كايحاربو و يحرقلو دارو و خدمتو .. استمرت سنوات كبييرة فالقطيعة و الكره بيناتهم .. تزوجو وكل فرد دار وليدلاتو دوك الولاد زرعو فيهم بذرة الكره لبعضياتهم .. عائلة ماالك تشتتات و الخوت استمروا فالصراعات و النزااعات و الحروب هوما و الولاد .. واخا ازداهرو أعمالهم و رجعو متساويين لا الكبير ولا الصغير ولاو فحال بعضهم فالخدمة و الخير .. بقاو أعداء .. مباركوش لبعضهم فالمناسبات ولا فجنازات بالعكس كايتشفاو فبعضهم و الكره كان عاميهم ورثوه بوصاايا لولادهم

دازو الأسابيع .. الشهوور .. الأعواام .. مرت عدة سنوات .. ماتو دوك الخوت .. ماتو ولادهم و ولاد ولادهم .. أجياال دازت بيهم على نفس العدااوة .. مقابلين مع بعضهم في ديورهم .. سميااتهم تشهرات و أعمالهم حتى هي، دابا و في القرن الحادي و العشرين فحاضرنا .. فداك الدوار اللي جامع ديك العائلة .. باقا العداوة كاينة، و الحرب بينهم مستمرة رغم مرور السنواات الكثيرة .. دابا هنا غانعاودلكم قصة لهاد العائلة ..



عطيتكم لمحة صغيرة عن الماضي ديالتهم فالمقدمة .. و دابا فالحاضر غانشوفو لا قدرنا نفكو العداوة بيناتهم ..

المكان .. بادية فنواحي تارودانت
الساعة .. العاشرة ليلا فما فوق

سيارة مارسيدس عادية غادية فطريق مصاوبة و مقادة من طرف فرد من أفراد عائلة مالك اللي داخل فالسياسة، بأضوية فجنب الطريق و الرصيف مقاد باش يدوزو السيارات مبايناش أنها طريق فبادية من الباديات .. اصلا هاد البادية فيها شوية تطورات و كولشي فيها مجهز، بسباب تنافس عائلتا مالك الكارهة لبعضها .. غادة المرسيدس بسرعة متوسطة كايتسمع من فوسطها التصفار و التطبال و التصفااق و الغنى دأسماء المنور مرافق بأصوات أخرى

جواهر (كاتصفق و تغني لابسة جليليبة بثوب ساتان خياطة خفييفة مبيناها كاتهبل متبعة مع الراديو):و عندو الزييين عندو الحماام دايرو في دااارو👏🏻👏🏻

ياقوت (جنبها كاتحير بشعرها الطويل المصايب و تصفق جلايل تكشيطتها كايديرو الصوت معاها):وانا الحووب وانا الغراااام جابني حتال دااارووو💃🏻💃🏻

سايقة بنت محجبة لاابسة حتى هي قفطان زوين فاللون الأسود و شد فنفس اللون فراسها و مكياج خفيف فوجهها كاضحك و تقلب بعويناتها عندها فيهم لون زوييييون مميز .. بين الأخضر و العسلي و الزيتي:دابا فين خاص نصفيو باش نوصلو لهاد العرس .. تلفاتلي الطريق ألبنات

جواهر (كاتشوف فجناب الطريق .. كاينين ديووور بعااااد و مفارقين شوية):شوفي لهييها كاين الضواو دشي عرس أهناء

هناء (كاتشوف فديك الجهة):بفففف عيني ضروني بهاد العدسات .. ياقوت نتي السباب باش تعطلنا واش كاينة شي وحدة تدوز النهار كولو فالصالون .. الحمد لله اللي بابا و محمد مسافرين اليوم

ياقوت (كاتفكر):دابا تخايلي أهناء تفيق ماما ولا جدي ومايلقاوناش

هناء (كاتعوج فمها):هادوك ماعنديش معاهم موشكيل .. واجوااهر فين عرس هاد الخرية دصاحبتك؟

جواهر:سيري لديك القاعة راها تم .. قلتهالك

هناء (كاتفكر):والصاحيبة هادي أحسن قاعة فهاد الدوار داروها دوك الجيران اللي مكايتسمااوش

جواهر:اللي مكايتسماوش علاش كاتكرهو بعضياتكم أهناء؟ نتوما كانضن من نفس العائلة عندكم نفس النسب

هناء (معلية كتوفها):ماعرفتش من زمااان والعداوة بيناتنا .. و هوما ديما جابديينا غا داك النهار حرقو لخويا محصول ماطيشة و الدلاح اللي زرعو و تعذب عليه

ياقوت (كاضحك):ولكن ردهاليهم و صيفط اللي سرقلهم البازار دالحوايج و داك الشركة دتصدير الخشب اللي عندهم فالمدينة حرقوهالهم حتى هي

جواهر:هههه بانتلي هاد العداوة غاتبقى بيناتكم حتى لآخر الزمان .. راه بزاااف هادشي .. نتوما عائلة وحدة مخاصش يكون الكره بيناتكم

هناء (ركنات الطموبيل قريبة لقاعة العرس و دارت شافت فجواهر اللي فالكراسة اللورانيين):هوما اللي كايبداو و حنا كانكملو و يستاهلو كاع اللي كايطرالهم أختي .. حد ماضربهم على يدهم و بزز عليييهم يحرقووولنا غلتنا، و شكون اللي هرب الكسيبة من فيرمتنا غااا هوما اللي رشاو الريس اللي كان حاضيهم و قالك نسى الباب مفتوحة .. ضيعونا فنص الكسيبة

جواهر (حلات باب الطموبيل نازلة):بيناتكم أعائلة مالك ههههه .. نزلو بعدا باينة شاااخذة عندهم لداااخل .. اححححح اليوم نبرد غدايدي فالشطيح و الرديييح

ياقوت خرجات كاتجري كاتقاد شعرها و تكشيطتها .. و البنات كذلك .. قادو راسهم و مشاو داخلين للقاعة هازين الكادويات اللي كانو فالكوفر فيديهم


دخلو لداخل كانت الدنيا مخلطة رجال ونسى و لكن فارقين بيناتهم كل جنس جالس فجييه و كل واحد كايشطح فجيه غا هو مكاينش شي حاجة اللي مدرقة بين النسى و الرجال

هناء (كادور فعينيها و تعلا بالطالون اللي لابسة):بانلي حنا معطلين و هادشي مخلط أصاحبتي .. واش منى قاتليك العرس مخلط

جواهر:ماعرفتش ماسولتهاش .. حطي دوك الكادويات فوق ديك الطبلة نمشيو نقلبو على مامات منى

ياقوت (كاتمدح بيديها و ضحك)؛يااااااه هنا التيتيييز شوفو داك البوكوص كايشطح

هناء (لوات معاها بقرصة كاتماصي شفايفها بالعكر):سكتييي و جمعي عينييك .. كوني تحشمي قالاك تياتز و باكص

ياقوت (كاتحك فيديها مغوبشة):ضريتيني أزمر تفو على معقدة

هناء (علات يدها كاتهد عليها):غانمرمقها مع مك راني ختك الكبيرة حتارمينييي

ياقوت (كاتجابه معاها):ايوا لا كانت مزغرتة عليك ماما, ضربي

جواهر (شداتهم مخنزرة):واش مكاتقاضاوش نتوما .. زيدو وسكتونا و نتوما هاد الخصومة جاريالكم فالدم تريكة وحدة

هناء و ياقوت (شافو فيها دقة وحدة و قالو بصوت واحد):عائلة مالك هادي و أجرك على الله

جواهر (ضحكات):وابااااز هههه زيدو يلاه

زادو البنات غاديات مع بعضهم كايقلبو على مامات العروسة .. حتى بانتلهم كاتسلم على الناس فالمگالس .. قادو وقفتهم كايتسناوها حتى كملات و جات عندهم كاضحك

-مرحبااا بالعرايسات الزوينات .. مرحبا ابنياتي

جواهر (نقزات كاتسلم عليها):مبروك أخالتي الله يكملها بالخير

-امييين ابنيتي .. سيرو جلسو لهيه راه المگلس جامع صحاباتها

هناء (قربات كاتسلم عليها)؛شكرا أخالتي لهلا يخطيك

-الله ياودي يا هنوءة الزوينة .. نتي و بنتي ياقوت الله يزوجكم عن قريب و نفرح بيكم و حتى جواهر معاكم هههه

ياقوت (كاضحك):امين اخالتي اميين

-يالله جلسو أبنياتي .. غانمشي نشوف عائلة العريس قالولي جاو

هناء:واخا أخالتي نخليوك

جرات ختها معاها و جواهر اللي كاضحك و تفرنس و تشطح بكتافها مع الأغاني دالشعبي غا الحك جر

جواهر:بغيت نشطح هههه

هناء (جلسات كاتقاد قفطانها):حتى تسخني بلاصتك بعدا

ياقوت (معوجة فمها):تديها على هاد المعقدة .. أجي نشطحو و خليها هي تبرز كاع

هناء خنزرات فيهم و دورات عينيها كاتشوف فأجواء العرس الشعبي المغربي حتى لقطو وذنيها شي كليمات من بنات جالسين فنفس المجلس

-فخباااركم العريس سابقلو مزوج و خدا هادي الثانية

-واصاحبتي راهم كانو كايتحابو .. نسيتي فاش بغات تنتاحر منى حيت زوجاتو مو ببنت صاحبتها

-أه بصح هادشي اللي كان فخباري

-ههههه وا ها هو خدا جوج عيالات شكون بحالو

-يقد يزيد الثالثة زعما .. تم منى تموووت هههه

-وماعرفتي راه الشرع محلل ربعة و هو زهوااااني .. كنت ديما كانشوفو داخل لدار الزهوانية واخا مزوج

-ويلي ويلي تخايلي دابا يخلي جوج نسى و يمشي لدار الزهوانية ثاني هههههه

-مالقاش فمراتو شنو بغا

هناء خسرات سيفتها لسيرة هاد العريس و دورات راسها كاتشوف فالأرجاء كاتقلب على ختها مبانتلهاش كاتشطح مع حورية .. ناضت بالزربة غادا عند حورية تسولها عليها .. عااارفة ختها فرييييفرة و مكاتجلسش بلا مادير شي موصيبة...


هناء (جرات عندها جواهر من فوسط بلاصة الشطيح كاتدويلها فوذنها على حسب الصداع):فين ياقووت

جواهر (كاتشطح و ضحك شداتلها يديها كاتشطحها):راها مشات غي للطوالييط .. تحسرات دابا و هي جات .. اجي شطحي اجي

هناء (كاتشوف جيهت الرجال مخنزرة):لا اختي هادشي مخلط مابقات حشمة .. تقول حنا فالمدينة

جواهر (كاتشطحها بالزز منها و تضحك):واصاحبتي راك عارفة منى كانت فالمدينة ههههه .. ها هي بدات أغنيتك اللي كاتعجبك شطحي شطحي ماعرفتي تدبري شي عريسس

هناء تبسمات كاتشطح شطحة ثقيييلة مع الموسيقى د أغنية سلمى رشيد .. "أش جا يدير" كاتعجبها و كل شوية كادور عينيها تقلب على ختها اللي غبرات

💎عند ياقوتة💎
خارجة من الحمام بعدما قضات حاجتها و تقابلات مع واحد المراية كاتقاد وجهها و شعرها الخمري اللون مبتاسمة ابتسامة وااسعة .. عويناتها فالأصل كووحل ولطن حاليا دايرة ليلونتي فالگري و زايدة مكحلاهم و مجبداهم بالماسكارا و ملصقة الشفار و مكياج فوق العينين و الآيلاينر كايبانولها كبار .. الحجبان مامقاداهمش عندها قلال و البشرة حنطية مع عكر ففمها .. بحكم انها قرات الثانوية ديالها فالمدينة مع بنات خالتها فهي عندها مع اللباس و الماكياج كاتحماق عليهم و على الموضة و الماكياج كاتتصرعو عكس ختها فكولشي، هاد القاعة اللي حضرولها مجهزة فحال شي قاعة مدينية و كايديرو فيها العرس غي الناس اللي عندهم شوية فليسات كايبغيو يبانو بيها، واللي بناها و قادها هوما عائلة مالك .. زعمااء القرية هوما هاد العائلات بزوج اللي بفضل تنافسهم كل شوية كايزيدو بالقرية و كايخليوها من أحسن القرى فنواحي تارودانت .. أعداء عائلة البنات يعني الابن الأكبر اللي حكرو باه فالقديم هوما مالين القاعة اللي جاو حضرو فيها البنات حفاد الابن الأصغر، خرجات من الحمام بعدما تأكدات من منضرها نازلة للقاعة لتحت حيت الطواليط جا فالطبقة الفوقية، تزامن نزولها مع طلوع شخص كايجري مشافهاش حتى خرجات قدامو على غفلة تزدح معاها بكتفو و بسباب الطالون العالي اللي لابساه طاحت على قزيبتها طالقة غووتة كاتصممك

ياقوت (كاتحك فقزييبتها مغمضة عينيها):آاااي واااش مكاتشووفش قدااامك ألعوووور (وقفات مخنزرة كاتشوف فيه بحدة و هو بادلها بنظرة لا مبالاة)

-نتي اللي خارجة قدامي على غفلة

ياقوت (باستهزاء):على اساس انا اللي طالعة كانجري كي الكيييدار .. بقا تفراني شوية و نتا بقالك غا شوية و تزاوطني من هاد الدروج

-قرب عندها معلي حاجبو:تي مالك طالعة فالسما مقندشة و حاسة بمخك

ياقوت (مخرجة فيه عينيها):قولي سمحيلي على الضربة اللي عطيتيني

-ههه سمحيليي؟ بنتيلي راك معارفانييش شكوون!

ياقوت (مربعة يديها كاطلعو و تنزلو بعينيها .. الصراحة تقال دري زوين متيول بجابادور فالبلومارين و سروالو القندريسي و تحسينة و ريحة و لحية خفيفة مطراسية باينة فيه ساكن فالمدينة حيت عمرها قشعات هاد الزين فحياتها تمتمات باستهزاء):اااااه عاااد عرفتك قولي هذااا نتااااا (علا فيها حاجبو مستغرب من نبرتها حتى كملات) كاتشبه لداك الطلاب اللي كايجي من السوق للسوق يطلب فباب الجامع، كانضن نتا هو هداك ياااك

طول فيها الشوفة مخنزر ماحسات بيه غي دافعها و مكمل طريقو:ناقص برهوشة د 2000 أنا

ياقوت كاتغوت:99 قالا ألفاايييين .. بزاااف عليك و لهلا يحييك حتى نكون انا برهووشة يالطلااب يالسعااي يالمكجترر .. سحابلك غا لا لبستي داك الجابادور غاتبان زوييين هه .. رااااك معروووف أصاااط .. و عقققل على الطيحة اللي طحتهاااا هااااا هي لا بقااات فيييها (لحسات سبابتها و دوزاتو على الحيط قدامها) باقي نجي عندك للسوق و تعتاذر بالزز منك (دارت كاتقاد جلايل تكشيطتها و شعرها نازلة لتحت .. و تبركم و تنكر كاتماصي مؤخرتها اللي حساتها عاطياها الحريق)

هناء خرجات من فوسط النساء اللي كايشطحو .. بالها تشغل على ختها اللي غبرات، مشات كاتقلب و دور فراسها حتى بانتلها نازلة كاتعييوج مخنزرة كاتبركم

هناء (مشات عندها مخنزرة):سكنتي فالطواليط .. شمن موصيبة درتي ثاني؟؟

ياقوت (معوجة فمها):والو غا تضاربت مع داك الطلاب الحمار لاخر

هناء (باستغراب):طلاب؟

ياقوت (جراتها):أجي أجي نجلسو .. عييت قزيييبتي ضرااتنييي☹☹


هناء علات فيها حواجيها بجوج و ياقوت جاراها .. جلسو فالمكلس ديالهم حاضيين النسا كايشطحو .. اما واحد جواهر فهادييك حيحات بالشطييح و تقوول واش جلسات خصووصا مع الدنيا مخلطة .. باغا تدبر شي عريس

داز الوقت و تبدلات الموسيقى باش يدخلو العرسان .. كاع اللي كايشطحو مشاو لمكالسهم، و الكاميرا كاتصور و الحضور كايشوفو فالعرسان و العروسة الي الضحكة مبينالها حتى الضرسة دالعقل من فرحتها .. اما العريس داخل بوجه جامد مكايشوف فحد

سمعات هناء ثاني وشوشات من جنابها
-شوفي مرتو اللولة جالسة مع عائلة العرييس ناري حضرات

-ويلي ويلي بلا نفس

-أيمااا و شوفي العريس كي هاز شوكتو فالسما

-ايوا ياختي راه بوكوص و مزوج للمرة الثاانية و العرس محيح و كولشي هو هداك شكون فحالو .. لا ماهزهاش هو شكون يهزها، عمر الشمكار ولا حميدة الجزار ولا شكون؟

-هههههه واللهيلا هو اللي جات معاه .. سميتو يعقوب ياك؟

-اااه ياختي غي السمية تجيب الهيبة .. سعدااتها منى هي اللي تزوجات .. شوفي كي كاضحك ياختي .. شوفي شوفي التكشيطة اللي لابسة و الماكياج .. قالك جابت شي وحدة من طاااانجة زيانة مشهوووورة تصايبلها

-ايوا سعداااتهااااا .. كايتعطى الفول غي للي ماعندو ضراس .. دابا سكتي خلينا نحضرو على خاطرنا .. يدبرو راسهم

-واييه شوفي راه خو العريس اححححح هداك عزري كايسكن فالمدينة .. عرفتي سمعت كايزرعو الحشيش و يبيعوه فالمدينة

-اوييلي على الحشيش .. سكتي سكتي لا تقولي شي دراما سكتي

-هانا ساكتة هانا🤐

هناء بقات كاتشوف فيهم معوجة فمها .. معجبة لهاد العائلة و لمرات العريس اللولة و لكولشي .. غا جلسو العرسان مشاو الحضور كايتصورو معاهم .. شوية جلسو و دخلو الغيطة بالهدية والدفوع للعرووسة و الاغاني محيحين .. ناضو الناس ثاني كايشطحو و يبرگگو شنو جابو للعروسة .. عياو العرسان جالسين ناضو خارجين بالصلاة و السلام دالنكافات، غا خرجو ناضت ياقوت مع جواهر كاتشطح و بقاات ثاني هناء كادور فعينيها .. و حاضية مع الساعة باش توصل الطناش يمشيو بحالهم

شافت فجنابها و هي تبانلها واحد المرى حاضياها و غي شافت فيها تبسماتلها .. هناء بادلاتها الابتسامة و ناضت غادة تشطح .. حسات بالقنطة غي جالسة بوحدها ...


غي ناضت ديك المرى اللي كانت حاضياها تبعاتلها العين كاتعبر فيها .. ناضت موراها تابعاها هناء بقات غي كاتمايل مع البنات و المرى وقفات موراها نغزاتها فكتفها

هناء دارت شافت فيها تبسمات:نعام أخالتي؟

المرى:نقدو ندويو شوية ابنتي؟

هناء بابتسامة:واخا اجي (مشات معاها للمكلس ديالها و جللسات معاها) شنو بغيتي اخالتي؟

المرى بابتسامة:تبارك الله ابنيتي بنتيلي مرزنة و مثبتة .. قوليلي واش مزوجة؟

هناء حركاتلها راسها بلا:لا حاليا غي خدامة

المرى:و فين خدامة ابنتي؟

هناء بابتسامة:انا طبيبة بيطرية .. راني گاع الحيوانات دالدوار تقريبا دازو على يدي

المرى تبسمات:تبارك الله عليك أبنتي .. ايوا أنا بغيت ندوي مع واليديك .. بعدا شحال فعمرك؟

هناء:عندي دابا 26 عام قريبة نقفل 27

المرى:تبارك الله .. حتى انا عندي ولدي فعمرو 30 عام و بلا زواج

هناء تحنحنات بهدوء عاد فهماتها شكاتقصد:أاااه ايوا الله يكملو بالخير اخالتي

المرى:مكاتفكريش تتزوجي أبنتي؟ انا ولدي خدام فكندا و بغاني ندبرلو عروسة .. غايجي عن قريب و نتي عجبتيني أبنيتي قارية و مربية و زوينة .. تبارك الله عليك

هناء:ولكن انا مباغاش نخرج من الدوار أخالتي وولدك ماشي هنا

المرى:ماشي موشكيل نلقاو حل لهادشي .. نتي غا وافقي و عطيني النمرة دواليديك ندوي معاهم .. و يكون خير انشاء الله

هناء عضات شفتها شوية كاتفكر و دورها فذماغها .. بانلها انها وصلات لسن الزواج ومن زمان و هي كاتأجل هاد المسألة تبسمات و جبدات تليفونها:عندك تليفون نعطيك نمرة ماما؟

المرى جبدات تليفونها حتى هي:اه ابنتي عندي .. أري النمرة

هناء ملات عليها النمرة مبتاسمة، سلاتهالها كاتحنحن و تقاد فشدها

المرى كاضحك:أنوريك ولدي .. شوفي ها هو (طلات على تليفونها كاتشوفو بانلها زوين عندو موسطاش و ملامحو مابيهمش .. تبسمات)

هناء:الله يخليهلك أخالتي

المرى؛اميين ابنتي .. انا الزوهرى سميتي

هناء مبتاسمة:متشرفين أنا هناء هههه ماقلتهالكش

المرى بابتسامة:تبارك الله سميتك زوينة .. قوليلي شكون هوما واليديك نقدر نكون كانعرفهم؟
هناء:اه واليديا حنا من عائلة مالك

الزوهرى تبسمات:أاااه كاتجي لعائلة العريس؟

هناء قرنات حواجبها باستغراب:كيفاش؟

الزوهرى:عائلة مالك .. هادي عائلة العريس

هناء وقفات كادور فراسها مخنزرة:متأكدةة؟؟

الزوهرى باستغراب:اه ابنتي .. مالك ياك لاباس؟

هناء حركات راسها بالنفي:لااا وااالوبااس .. سمحيلي اخالتي خاص نمشي طولت هنا (دارت بالزربة غادة عند ختها .. جراتها من بين اللي كايشطحو بلا مادوي خارجين لبرا و هي كاتعض شفايفها مخنزرة)

ياقوت كاتنتر منها و تغوت:هنااء ماالك .. واااهناااء والزمررر واماالك

هناء وصلات لبرا القاعة بختها كاتنهج منيرفية:الزمر تفوو علاش ماتأكدنااش .. واش ماعرفتيش شكون العرييس و عائلتوووو؟؟

ياقوت باستغراب:لا شكون؟؟

هناء كاتزفر بقوة:هوما عاائلة ماالك .. الأعداااء دياالناااا

ياقوت خرجات فيها عينيها:اويييليييي

هناء جراتها ثاني جيهت الطموبيل:كيفما سمعتي .. عرفتي و يعرف بابا هادشي رااه يكسحلنا الرجلين مع اليديين

ياقوت غادة معاها كاتزرب:و جواهررر؟؟

هناء حلات باب الطموبيل مخنزرة:تضبر راسهاا ..عارفاها مغاتبغيش تمشي دابا و انا مغانبقااش ولو دقيقة فديك القااعة .. راني دخلتلها بالزز عاااااد نجلس نشطحلهم و ناكل ماكلتهم

ياقوت دخلات للطموبيل حتى هي:تفو تفو اصلاا العرس حاامض و خااايب .. ييييع حتى ناسو و اما العرييس و عائلتووو مكايتهضمووش .. حتى الموسيقى مكاتشطحش

هناء ديمارات كاتبسم باستهزاء:و حنا جيرااان و ماعرفتهمش واخا كنت مقابلة معاهم، اوووف

كملات طريقها طالعالها القردة بلا والو هوما مكايتحاملوش مع عائلة مالك الثانية و كيفااش حضرات عرس ولدهم .. لاساقولهم الخباار فدارهم يقتلوهم....


☀أصبحنا و أصبح الملك لله☀
حلات عينيها معنكشة مع بروز أول خيوط من خيوط الشميسة الذهبية .. على دقات باب بيتها ناضت واقفة كاتحك فشعرها اللي واصل حتى لنص ضهرها، هزات واحد الشد و لواتو على راسها عشوائيا حالة الباب بعينيها المعمشين

الخادمة كادوي بالزربة و تشيرلها جيهت الدروج:ختي هنااااء .. راه هااينة غاتولد عتقي عتقي

هناء حلات عينيها و النعاس طار:اوييليي غاتولد اليووم .. انا جايا دابا (سدات عليها الباب و دخلات كاتجري للحمام غسلات وجهها و سنيناتها .. جمعات شعرها على شكل كعكة و دارت الشد عند راسها مقادااه، لبسات عباية فالازرق باليديين مشدودين شافت جيهت واحد الساعة معلقة عندها فالبيت كانت الستة دالصباح .. خرجات من بيتها مزرووبة .. هابطة لتحت، دارهم كبيييرة بعدة طواابق تقريبا فيها 150 ميترو .. وصلات للطابق الاخير و حلات باب الدار خارجة كاتشوف يمين و شمال .. مشات مبااشرة لواحد الفيرمة قريبة لدارهم لاصقة معاهم كاتسمع غوااات عاالي من هاااينةة .. دخلات بالزربة للزريبة اللي جامعين فيها الكسيبة كاتجري جيهت الصف دالبقر و هي تبانلها بقرة تبارك الله عليها كبيرة و عريضة واقفة و كاتغووت *موووووووووو* مشات كاتجري كاتفحصها و تقلب البلاصة منين كاتولد بانولها الرجلين خارجين و داكشي واحلها باقي ماخرجش .. شافت فواحد الراجل كان واقف شادها و البقرة كادوور و تغوووت مقصحة)

هناء بصوت عالي:شد معايا أبا خالد عفاك خاص نعاونها باش نخرجو المولود الصغير .. (ضرباتلها على ضهرها بشوية كاتمتملها بهمس) هاينة تعاوني معانا أصاحيبة (دارت كاتقلب و هي تبانلها واحد القنبة كبييرة مشات هزاتها كاتعقدها و ربطاتهم مع رجلين التربية الصغيرة دالبقيرة .. و بداات كاتجررر معاها معاونااها و البقرة كادووور و تغووت بصووت عالي *موووووووووو* .. جاو مجموعة من الخادمات كايطلو عليهم و ياقوت حتى هي كادور فعينيها و جبدات تليفونها كاتصور ولادة ديك البقرة، هناااء كاتجرر فالقننبة و الرجللين كامليييين خرررجو كاتغوووت للبقرة)

-هااااينة تعاااوني معايا أصاحبتيييي عيقتييي حادگة غي فالغوااات اففففففففف (كاتجببببببببببدددد حتى خرج منها النص بقا النص لاااخر و هاينة كل شوية كادور بيها لجييه و با خالد شادهاا بكل قوتو كايتعنتت معاها و هنااء كاتجبببد فالمولووود حتى خرجج كااامل .. مع خرج مع هناء تنهدات بقوووة و طبطبات على البقرة هاينة) على سلامتك اهاينة، اخيرا تفكيتي على خير .. (نزلات للمولود الصغير كاتدوز يدها عليه كان صغيييور فنيون) هههه ويييينو تبارك الله .. جبتي بنيتة أهاينة ههههه شنو نسميوها

هاينة تجمعات جالسة فاللرض بقوة ماعيات كاتخرج *موووووو*

هناء شافت فبا خالد:اش باتلك نسميوها؟

با خالد كايضحك و يشوف فيها:ايوا مها هاينة و بنتها هنية

هناء وقفات:صافي مشاات، عفاك عاونها ترضع من مها الحليب ولا ديرولها فبيبرون خاصة بيها

با خالد:واخا ابنيتي كوني هانية (وقفات هناء و دارت شافت فالخادمات كايتفرجو و يتوشوشو و ختها كاتصور و تدوي فوسط الفيديو)

ياقوت:و هاا قد انتهت طبيبتنا البيطرية الرااائعة هناااء مااالك بنت عبد الله مااالك من ولادةةة هااينة بالصحة و السلامة هههههه

هناء تبسمات و مشات ضرباتها لراسها بشوية كاضحك:واخا على مك ههههه .. واجي عاونيني نطلو على البقية و نشوفوهم

ياقوت كاتكسل:يلاه اخيتي زيديي

هتاء كاطلع و تهبط فيها:باقا مامسحتي المكياج دالعرس بغيتي تشوهيناا؟؟

ياقوت حطات يدها على وجههها:لاا والله غسلت وجهي ووالو باقيي مابغاش يزوول كامل

هناء كادور فراسها و تمتم:احياااني عليك راني حافضاك أبنت با و مي

ياقوت بضحيكة خفيفة:واهااء ندير المكياج هنا مرة فالعاام و نمسحو دغيا، راه تايحمقني و نتي عارفاني هوسي المكيااج

هناء مشات لصف المعيز كاتشوف فيهم و دور فعينيها:ولا شافك باك ولا خوك وايااك يزلقلك فمك و تفضحينا يذبحنا من القرفادة ههه .. خصووصا لا عرفنا لمن حضرنا

ياقوت يدها على فمها:صم بكم عمي أختي🙈🙉🙊

هناء نزلات عند واحد المعيزة صغيورة كاترضع من عند ماماها بويوضة .. دوزات اناملها على زغبها:كبراات عويشة

ياقوت كاضحك:هاااربيي و حجر العافية علاش مسمياهم سميت حنا

هناء عوجات فمها فيها:نتي شكاتعرفي سكتينا (وقفات و توجهو لخارج الغريسة متوجهين لدارهم)

ياقوت:هناء علاش مانجيوش نسكنو فالفيرمة حسن من الدار فيها بزاف دالطوابق كانعياااا باش نوصل لبيتي فالطبقة الثااالثة😰

هناء بهدووء:سكتينا و نتي عندك الركابي دالجرانة دغيا كايلواو (وصلو لدارهم حلوها و دخلو مباشرة للسفلي فين كايتجمعو كااامل العاائلة .. كانو ثلاثة دالصالونات كباااار مفتوحين على بعضهم كولهم مفرشين فراش تقليدي بالسدادر و الزراابي و التلامط مخدومين على حقهم و الكوزييينة فقنت على الشماال حتى هي واااسعة بزاااف)


هناء مشات جيهت جدها شاد التسبيح كايسبح و يستغفر الله فصالون من الصالونات:جدي صباح الخيير (باستلو يدو)

الجد مبتاسم:صباح الخير يا حفيدتي الغاالية .. قوليلي ولدتيلنا هاينة

هناء جلسات جنبو مبتاسمة:اه أجدي

ياقوت قربات عندو كاضحك و توريه تليفونها:صورتها أجدو تشوفها؟

الجد حرك يدو و راسو بلا؛عيني على قد الحال أبنتي مابغيتشااي، الضو دداك العجب كايضرني (شاف فهناء) و نتي فين نضاضرك

هناء وقفات:عاد فكرتيني فيهم ههههه بالدعقة مللي فيقاتني صفية نزلت كانجري نشوف هاينة .. هانا نمشي نلبسهم

الجد تبسم:الله يرضي عليك أبنتي (مشات طالعة فالدروج للطبقة الثالثة اللي جامعة بيتها و بيت خوها وباها و مها و ختها .. دخلات لبيتها كاتقلب على نضاضرها هزاتهم و دارتهم .. نظاضر دالقرب على حسب عندها ناقص شوية، شافت فالمراية نص وجهها مغطي بالنظاظر)

سمعات الدقان فباب بيتها .. مشات حلات الباب مبتاسمة:ماما صباح الخير

رحيمو (الام) بابتسامة:صباح النور ألوريدة دالدار زيدي تفطري راحنا وجدناه

هناء سدات باب البيت:واخا اماما كنت نازلة راني طلعت غي مور نظاظري

رحيمو شدات فهناء كاتوشوشلها:كي داز العرس البارح

هناء بهمس:مزيان مابقيناش بزاف و جينا قنطنا

رحيمو:اه والحمد لله .. انا تشوشت عليكم ماحسيتش فوقاش تغمضولي عيني

هناء بتاسمات:ماتخافيش راحنا كبرنا ههه

رحيمو كاضحك:ايوا ماضبرتيش شي عريس تما

هناء تفكرات الزوهرى و شنو قاتلها .. حمحمات حاسة بحنيكاتها سخاان حتى سمعات ضحكة ماماها

رحيمو:قولي قولي ماتحشمييش ههههه

هناء تبسمات:صراحة شفت واحد المرى و دوات معايا عطيتها نمرتك .. ولدها فكندا قالها تدبرلو عروسة هههه

رحيمو تبسمات:ايوا نتسناوها تصوني هههه .. بعدا نتي باغا ياكي؟

هناء علات كتوفها:يعني راني قربت سبعة و عشرين عام .. قريت و تخرجت و خدمت و سافرت بوحدي و اي حاجة بغيتها درتوهالي كانضن جا الوقت نستقر و حتانا ندير وليداتي وداري

رحيمو بتاسمات:نشاااء الله أحبيبتي (وصلو لتحت) دابا حتى تصوني و نشوفو (جلسو فالطبلة دالفطور) با شربتي دواك؟

الجد شاف فيها:أااء .. لا نسيتو

هناء وقفات غادة تجيبولو:لا اجدي كانعيا نقولك نسى كولشي إلا الدوا باقي باغيينك معانا

الجد مبسم:وا اللي بغاها الله هي اللي غاتكون أبنيتي .. باك و خوك باقي ماجاو؟

ياقوت كاتضرب فالبيض و تدوي:باقي أجدو .. دابا و هوما دخلو

الجد تبسم:الله يجيبهم على خيير

هناء قربات عندو بپلاطو فيه الدوا و الما:هاك أجدو .. شرب حبة من هذا دابا و لاخر حتى تسالي فطورك

الجد شد من عندها الدوا و شربو:الله يرضي عليك ألفراشة ديالنا

ياقوت معوجة فمها:نتا تقولها الفراشة و ماما الوردة وانا عمركم حزرتوني حتى بذباانة .. بانلي راكم غا لاقييني فباب شي جامع

هناء ضرباتها لراسها بخفة كاضحك:نتي راك النوااارة و الياقوتة ديالتنا .. براكة غا سميتك

ياقوت هزات كاس د اتاي كاتزكف منو و قالت بغرور كاتقلب فعويناتها القهويين:طبعا غانكون الياقووتة ماشفتييش الجمااال و الرقة ديااليي

رحيمو كاضحك؛سيري الله يعطيك العقل

ياقوت غمزاتها:امييييين ههههه

كملو فطورهم فجو التقشاب و الجدية .. مشاغبة ياقوت و جدية هناء و الضحك من عند الجد و الام .. سالاو الفطور و ناضو كايجمعو الطبلة معاونين مع الخدم اللي فالكوزينة .. عندهم جوج خادمات، كايتعاونو معاهم .. سالاو و نتاشرو كل واحد فين شدها .. هناء خرجات عندها جولة فالفيرمة و كادور على الكسيبة دناس الدوار كاامليين و تطمن عليهم .. عندها حقيبة طبية فيدها اما ياقوت فحاليا شادة عطلة الصيف، يعني غي الدار و الگلاس .. عندها سنة ثانية جامعة .. كاتعاون مع البنات شوية فالجميع و تدوز نهارها مكونيكطية، كملات هناء جولتها الصباحية و رجعات لدارهم .. تزامن رجوعها مع الغيطة و التطبال فدار مالك الثانية المقابلة معاهم .. عندهم الصباح دالعرسان دالبارح .. عوجات فمها مخنزرة و دخلات لدارهم شاعطة الباب وراها .. لحد الآن ماتصرطاتلهاش أنها حضرات لعرس ولدهم .. عندهم غريزة فطرية من الصغر شي مكايحمل شي بين هاد العائلة المفككة .. مشات لبيتها مباشرة توضات و صلات الظهر اللي فاتها .. غي سلات مشات ناوية تخرج من بيتها و هي تدخل عندها ماماها مبتاسمة ابتسااامة وااسعة

هناء باستغراب:ماما؟؟

رحيمو مبتاسمة و التليفون نوكيا بيل فيديها:بنتي صونات عليا السيدة اللي قلتيلي الصباح؟

هناء:ايوا؟

رحيمو:ايوى و غايجيو هاد اليوماين باش يشوفوك و يحددو نهار الخطبة عن قريب .. ولدها غايجي غدا من كندا

هناء تبسمات بهدوء:واخا ا
أماما انشاء الله

رحيمو عنقاتها كاضحك:نشاااء الله ياربي .. امنيتي نطمن عليكم نتي و ختي فديوركم بوليداتكم هانيات

هناء:و أمنيتك انشاء الله غاتحقق (تبسمات مبادلاها العنااق كاتنهد و تفكر واش هي فعلا مستعدة لخطوة الزواج حاليا)


يوماين دازو روتينية على العائلة .. مكاينش شي حدث هام من غير الأب و الأخ دهناء و ياقوت جاو من سفرهم فالمدينة .. بدورهم عندهم شركة عادية للزراعة و المواد الغذائية .. كايزرعو فأراضيهم مجموعة من الفواكه و الخضر كايعلبوهم و يبيعهم لعملاء كثار كايتعاملو مع بعضهم و عندهم كذلك مجزرة كبييرة و معرووفة فتارودانت .. مجموعة من المحلات بإسم واحد *مجزرة مالك" وبالنسبة للشركة فبسمية "مجموعة مالك Malik groupe" .. اليوم و كيف كل يوم تجمعات العائلة كاملة على الطبلة دالفطور مترأسهم الجد ديالهم .. هرم العائلة .. عندو ابن و بنت، السي عبد الله مالك أب البنات و سناء مالك .. عمة البنات .. مزوجة بإبن خالتها .. و ساكنة على برا هي وولادها .. فالطبلة كذلك الابن البكر للسي عبد الله .. محمد مالك فعمرو 34 عام.. حاليا كايتولى بعض من أعمال باه متكلف بشركة الزراعة .. و مرة مرة كايسافرو للمدينة يطمأنو على الأمور

رحيمو كاتشوف فهناء مبتاسمة:سيدي عبد الله ماتعطلوش فالعشية نتا و محمد راه الناس جايين ليوم

عبد الله تبسم بملامح مستبشرة:وااخا مايكون غي خاطركم ..

محمد قرص لهناء خذها كايضحك:قوليلي غاتزوجي أسليعفانة الصغيورة هههه

هناء تبسمات مزنكة كاتشوف فيهم:ههه كانتسناو عرسك حتى نتا

ياقوت كاتشوف فيهم بنص عين:وانا مانتزوجش زعما؟

هناء عطاتها ضريبة خفيفة لراسها:نتي باقا صغييورة حتى تشرفي هههه

ياقوت كاتعوج ففمها:20 عااام أختييي وصلت لسن الرشد و فتتو

عبد الله شاف فيها بجدية:واخا وصلتي لسن الرشد راك باقا صغيرة و خاصك تقرااي فحال ختك و تخدمي حتى نتي .. ياك باغيا تولي محامية و تدافعي على الناس...

هناء بابتسامة:ضروري أبابا اصلا هادي قرايتها ماتتفكش منها واخا تبغيي نعطييها شي طريحة و ناخذها بالزز منها

ياقوت كتاكل و تضحك:شتك ولفتي تعطييني، واخا على مك

رحيمو:كولو و سكتو دابا، هناء موجدة شنو تلبسي؟

هناء بهدوء:علاش نوجد و نكلف راسي.. ياك غي جايين يتعارفو .. ايوا غانلبس غي عبايتي الكحلة ديك اللي شريتها مؤخرا

ياقوت:واالااا الكححل من أولها .. لبسي ديك الكسوة الحمرة زوييونة و خياطتها فنة

هناء بعدم اهتمام:كاتعجبني الكحلة

الجد بابتسامة:لبسي الحمرة ابنيتي .. كتجي فيها فحال شي وريدة


هناء بابتسامة:كاتحاماو عليا دابا ولا كيفاش؟
محمد:ههههه فهادي انا متافق معاهم الكحلة مكاتجيكش صراحتا

هناء وقفات كاتنفض فيديها من فتات الخبز:ايوا دابا غانمشي نطل على دار الغزواني .. قرب موسم الخيل وقالي الخيولة اللي عندو مرضو على غفلة نمشي نجيب دويرة عندهم

ياقوت:وااهااء نتي خاصك توجدي راسك للعشية

هناء كاتشوف فساعة يديها:دابا 8 دالصباح و العشييية باااقي عليها الوقت وانا خدمتي هادي مغانبقاش جالسة نوجد فراسي باش نعجب السي العريس (قادات النظاظر فعينيها) غانمشي دابا

الجد مبتاسم:سيري الله يرضي عليك أبنيتي

ياقوت وقفات:غانمشي معاك توحشت الخيولة

عبد الله بتنبيه:ماتبقايش تشاغبي بزااف

ياقوت:هااء صدمتيني فيك أبابا .. واش انا كانشاغب😱

محمد لاح عليها واحد الزويتينة:سيري سيري هانا نجي نعوجك من شي قنت

هناء تبسمات و جرات معاها ياقوت خارجين بحالهم .. غا خرجو تبعوهم محمد و عبد الله للخدمة .. و ناضت رحيمو مع البنات كايوجدو للعشا و الكاسكروط باش يستقبلو الضيوف فالعشية، أما الجد فبحال عاادتو شاد تسبيحو و جالس عند واحد المطربة جنب الشرجم كايستغفر و يدعي مع ولادو و حفايدو

فواحد الإسطبل متوسط الحجم، هناء بوزرة بيضا لابساها و ليكات بويض فيديها .. و مانيطتها المعتادة باش تفحص الخيول اللي جاو يطلو عليهم .. ياقوت بقات على برا كاتدور فمجموعة من الأراضي و تبسم حنات لقطات ماطيشة من واحد الغرس مسحاتها و بدات كتاكل فيها و كادور فالأرجاء .. غاادة بلا فرانات حتى خرجات من حدود اراضي عائلة الغزواني و دخلات لحدوود أرض اخرى قريبة لديك الارض كاتسارى فيها .. شافت مرج كبيير دالرمان و التفاح تبسمات ابتسامة وااسعة و جلسات فوسطو هازة رمانة كاتحلها و تاكل فحبااتها 

هناء وقفات كاتشوف فالخيول معلية حاجبها و شافت فالسي الغزواني مول الخيول بجدية نطقات: الخيول أسي الغزواني صابهم فيرووس .. غانزيد نتأكد من نوعو و نشوفلو الدوا ديالو .. غدا نكون عندك هنا انشاء الله، و باقي الحيوانات غانديرلهم تلقيح من دابا لا يتصابو بالعدوة .. عندي هنا مضاد لجميع أنواع الفيروسات

السي الغزواني:واخا ابنتي ديري اللي تشوفيه مناسب .. عفاك بغيتهم يتشافاو قبل الموسم .. عارفاني ديما كايعجبني نشارك فيه

هناء تبسماتلو:واخا أعمي (حنات لمانيطتها هازة إبرة كبيرة فحجمها و مصل أزرق اللون حقناتو فالإبرة ومشات جيهت الكسيبة تديرلهم تلقيح باش ماينتاقلهمش الفيروس)

سلات على خاااطرها حتى داز وقت طوييل .. ووقفات كاتقلع ليكاتها و الوزرة البيضا .. مع قلعاتهم مع سمعات صووت غواات عاالي من بعييد، ستغرباات خرجات كاتجري كادور فعينييها و تقلب فالأرجاء على مصدر الغوات حتى خرجات عينيها كاتشوف فختها كاتجري و تغووت و ثلاااثة دياال الكلاب كبااار و كووحل تابعيينها .. مشات كاتجري جييهتها .. هي غي خرجات من حدووود الأرض اللي دخلاتلها عن غير قصد الكلاب وقفو كاينبحو من بعيد و ياقوت كاتجريي لعند ختها و تنهج

ياقوت قلبها بغا يسكت شادة عليه وكاضحك: ههههههه ناري ناري بغاو يسكتولي القلب، اووووف ماعرفتش مالهم راني غا شديت رمانة كناكلها

هناء شداتلها وذنها كاتجبدهالها مخنزرة:واخا على مككك .. أش درتيي هاا، خارجة من هاد الارض لديك الارض بالزز مايجريو وراك كون كانو شدووك كانو يفرسو مك

ياقوت شادة وذينتها كاتنقز وتغوت:آيي اييي ختييي اححح راه والله مارديتش البال انني دخلت فأرض وحدة اخرى

هناء جراتها معاها:زيدي معايا انا ساليت خدمتي هنا

ياقوت دارت جيهت الكلاب كاتخرجلهم لسانها:نننننننن😝😝😝😝

الكلاب كاينبحو بالجهد صااعرين .. هوما ماشي مقادينش يعبرو الارض ولكن عندهم سلاسل مربوطين بيهم غي حد ديك الارض مقادينش يفوتوها .. مشات مع هناء كاتجري داخلين للإسطبل، هزات هناء مانيطتها و دارت نظرة اخيرة للخيول .. بعدما خدات منهم عينة تشوف نوعية الفيروس اللي صابهم .. خرجو من تما راجعين لدارهم

ياقوت بتسائل: غاتحيدي النظاظر ولالا؟

هناء كاتقادهم فعينيها:علاش أنحيدهم .. كايجيوني خايبين؟

ياقوت حركات راسها بلا:لاا كاتجي زوينة فكاع حالااتك، ولكن كانضن من الاحسن تديري العدسات .. كايجيو معاك

هناء كاتعلي كتوفها:غي كايضروني فعيني مللي كانديرهم

ياقوت شدات فيها:غاديريهم غي شي جوج سويعات و صافي يعني مغاطوليش بيهم فعينيك

هناء تبسمات:صافي واخا

ياقوت:و لبسي الكسوة الحمرا

هناء ومآتلها براسها:واااخا الالة .. غانلبس الحمرا و ندير اللي بغيتي .. بقيتي على خاطرك؟

ياقوت تنهدات كاتشوف فدارهم اللي عاد كي وصلولها:بقييت على خاطريي ههههه، آااااي (شدات راسها بقووة حااساااه تخلخل و الكحولية بدات كاتبانلها قبالت عينيها و كورة طاحت كاتنطط قدامهم تلاحت من الدار المقابلة ليهم .. هناء شداتها بالزربة مكالياها بجسمها و علات راسها فالباب اللي تحلات قبالت عينيها مخنننزرة فيها بحددة و ختها بين يديها شادة راسها بألم الدوخة تمكنات منها)


هناء عاقدة حواجبها بشدة .. خنزرات تخنزيييييرة دياال المعقول .. جرات ياقوت چلساتها فدروج دارهم .. و المسيكينة شادة راسها جاتها الشقيقة كاتحس فحال الضو كايضربها فيه بقوة الخبطة اللي خبطاتها الكرة، وقفات هناء كاتكفض يدين العباية اللي لابسة و قربات عند بنت طويلة شعرها مطلوق أسوود مسبسب دايرالو واحد الجميعة من القصيصة و لابسة دجين زريرق مع تيشرت نص كم .. هزات ديك الكرة من الارض و قالت مخرجة فيها عينيها

هناء:نتيي اللي لاوحتي الكرة؟؟؟؟؟

البنت قربات عندها كاتشوف فياقوت و تعض شفايفها:واش توعتات .. انا ماسحابليش غاتجي فيها

هناء ضحكات باستهزاء كاتشوف فياقوت شادة راسها و مهبطاه للأرض:نتي قربتي تشقييلها رااسها و كاتقولي ماسحاااابلكش، باااينة درتيييها بلعااني اصلا عاائلتكم هادشي اللي فالحيييين فييه

البنت خنزرات فيها:أزوييينة .. دويت معاك بالأاااااداب و نتي بنتيلي باغا طييري و تتبلاي عليا .. قتلك مارديتش البال و الكورة اصلا تلاحت بالغلط كنت ناوية نلوحها غي للبالكون .. دابا عطيني كورتي

هناء جبدات فيها عينيها:شو شووو الوقاااحة .. واليديك ماعرفووش يربييوك فعووض ماتقولي للبنت سمحييلييي جالسة كاتزايدي فالهضرة .. وهاد الكورة اللي فرحانة بيها هاااااه (حيدات الفنيتة من الشد اللي دايرة.. خشاتها فوسط البليصة اللي كاتنفخ منها الكورة حتى بدات كاتفش شوية بشوية، علات عينيها مخنزرة فالبنت اللي حلات فمها و عينيها فييها بصدمة)

البنت:نتييي نتي أش أش ه هاااادشي درررتييي .. حمااارة واش عارفة هاد الكورة منييين جاااياااا ه هاادييي كااااادوو و من اسباانياا و و فيها توقيييع خااااص، وااااش نتي مسطيةةة

هناء لاحت الكورة وراها و قربات عند البنت:هاانا نوريي ختي حمااارة و مسطية و قلة الأدااب بشحاال كاتسواا (جرااتها من السالف ديالها و لواتو على قبضة يدها) دابا نتي فيك جوج شبورة يلااه كي خلقتي الباارح بيناتنا عشر سنييين دالفرق تسبيينيييي اناااا .. المووسخة لووخرى (عطاتها طرشة حتى حمرااتلها حنكها و البنت كادفع فييها و تغوووت و هناء تغددات علييهااا .. عصباتها نييت خصوصا مللي بدات كاتزايد فالهضرة معاهااا .. وقفات طموبيلة ميرسيدس قدامهم نزل منها محمد كايجري كايفارق ختو مع بنت جيرانهم)


محمد كايجرها:هنااء وااهناء نعلي الشييطان .. وااااهنااااء (جرها بالزز كاتنهج مخرجة عينيها فالبنت اللي كاتبكي تشعككات و كاتشوف فهناء مجبدة عينيييها مخرجاهم فيها حنكها حمر) 

محمد:ماالك واااش جهلتي

هناء كاتنهج و دارت جيهت ياقوت:نتا ماشفتيهاش اش دارت .. رااس ختك قرباات تطييرو بكورتها وجايا كاتقولي حمارة و مسطية و تقلل الأدااب .. زيادةة كاتخرج فعينييها و مقالتلهاش حتى سمحييلي هي اللخرى آااااااي (غوتاات حااسة بشعرها مجبووود وتدفعاتت بقوة لدرجة النظاظر طاحولها للأرض تهرسو .. خرجات فيهم عينيها بتفااجئ و دارت تشوف فاللي دفعاتها و هي تهبطلها وجهها بخبشة بضفارها حتى دمالها وجهها)

البنت بصوت عالي:باااش نورييك سماااارة ماالك شكاتسواا يالق***بة

هناء شدات وجهها كاتشوف فيها بتفاااجى و المدعوة بسمارة كاتشوف فيها بتفشي حتى دارلها وجهها من طرشة عطاهالها محمد

شافت فيه شادة حنكها الثاني اللي حمار فحال اللول:متوحشيييين واللهتاا نجيبلكم اللي يربيييكم يالحيوااناات

بغات تمشي و هو يجرها محمد ثااني ناوي يربيها و هي تجرو هناء كادوي بعتاب:خويا حشوومة .. انا وياها بنات نضاربو ولكن نتا لا ماتمدش يدك عليها واخا مامربيااش .. طلق منها

محمد طلق منها مخنزر فيها و هز صبعو كايحذرها:حسنلك مانعاودش نشوف كماارتك أللل.. (دور راسو كايستغفر الله و مشا جيهت ياقوت يطمن عليها)

سمارة كاتنهج و تشوف فيهم عينيها مدمعين حركات راسها بالايجاب و تمتمات مغددة كاتوعدلتهم:بربيي حتى تندموو كاامليين غانقولهااا لخووتي يحرقو مكم من الجذر للجذذر .. جدودناا عندهم الحقق .. نتوووما فحالكم فحال الكلاااب تفووووووووو (مشات لدارهم شعطات الباب على هناء خلاتها كاتشوف جيهتها باغا تتلاح عليها من شنو قاالت .. حنات هزات نظاظرها من اللرض مغددة و قاصت وجهها قارنة حواجبها بسخط .. قربات عند ياقوت اللي حاني عندها محمد و تمتمات بتسائل)

هناء:باقي ضارك راسك؟

ياقووت شافت ق
فيها كاتحرك راسها بلا:دابا بخيير ولكن نتوما بجوج مكانش خاصكم تصرفو هكااك

هناء بعصبية:هي اللي بدااات ولكن غا بلااتي .. بيا ولا بييها .. الحمااارة لوخرى (حلات باب الدار و دخلات معصبة شااعلة .. طلعات مباشرة للطبقة الثالثة داخلة لبيتها كاتشوف فوجهها اللي ضرها شوية .. جبدات بومادة كاتماصيها لحنكها و تمتم)
-مامربياااش .. اصلاا هادشي معروف على ديك العائلة العووجة .. تفووو على زمرر، احححح خسراتلي وجهي الكلبة 


🎀 داز النهار على هناء كولو و هي معصبة، جات العشية .. جالسة فبيتها .. معاها ياقوت و جواهر اللي عاد كي دخلات عندهم عابسة بوجهها

جواهر بتأنيب:واخا عليكم .. دابا علاش درتولي داك البلان داك النهار و مشيتو و خليتوني كانقلب عليكم فحال شي حمقة، مالقيتش شكون ياخذني فحالي

هناء كاتكحل عينيها و تمتم:و نتي ماشي واخا عليك .. خديتينا نحضرو عرس اللي مكايتسماااوش ماثبت ماما غي بالزز و هي قادات البلان مع بابا

جواهر باستغراب:شكون هادو؟

ياقوت كاتقيص الحوالق فوذنيها .. الشعر صايباتو و الماكياج خفيف لابسة كسيوة دالبازارات:هادوك اللي مقابلين معانا ولاد ال****

جواهر بعدم اهتمام:ولكن حنا مشينا لعرس صاحبتنا منى

هناء دارت شافت فيها حتى هي بلبسة حجابية وااعرة كسوة طوييلة بخيااطة وااعرة و ثووب حرير طااايح فالحمر و سبنية حريرية فالبيض و ميكاب خفييف مغطية الخبشة اللي فوجهها بالفوندوتان .. ودارت عدسات فعينيها بلاصة النظاظر اللي تهرسو:هاديك صاحبتك اختي براكة غي الاشاعات اللي سمعت فالعرس .. تزوجاتو مزووج

جواهر تبسمات و جلسات دايرة رجل على رجل:فخباري هادي و عرفتي هذا هو داك اللي كانت طايحة معاه فأيامات لافاك و قتلك راه ثقبها .. كان واعدها انه غايسترها و فاش ساقتلو الخبار تزوج بغاات تمووت و نتاحرات ولكن عتقوها و ها هي دابا خداتو واخا تزوج طلع معاها راجل و سترها

ياقوت مقوصة شفايفها:طلع رااجل؟؟ لاكان راجل مكانش يدير معاها اللي دارو .. مكانش يخسرها قبل الزواج

جواهر:وانا سمعت أنها هي اللي كانت كاتلاوح عليه راسها .. راني صاحبتها و عارفة .. كانت كاتقوولي لاماخديتوش نحماق واخا نعرف راسي نحمل منوو و ياخذني بالزز

ياقوت باستهزاء:قولي هي اللي ق**بة هههه (شافت فجواهر لابسة جلابة عادية و جامعة شعرها عادي) نتي غاتبقاي معانا؟ نعطيك ماتلبسي؟؟

جواهر وقفات:لا لا اختي نتوما غي العائلة انا اش دخلني! .. جيت غي باش نقيلكم وذنكم حيت سمحتو فيا ولكن بانلي راكم هربتو غا من عائلتكم الثانية ههههه

هناء بصوت عاالي:لوااه البعااابع .. هادوك مكايجيونا حتى زفتة .. تفووو على هجييج مامربيينش لا بكبيرهم ولا بصغييرهم .. ديك البرهوشة ماكرهتش نشدها و نشتف علييها

ياقوت شادة راسها:عرفتي على ضربة ناري مانتمناهاش لعدويا حسيت براسي تقسم على زوج

هناء بشماتة:ولكن عطيت لمها وااحد مولاتي النتفة و الطرشة عمرها تنساهم .. حتى محمد صقلها

جواهر سمعات محمد قادات جلستها كاتحنحن:علامن داويات .. احممم زوينة هادي الي صقلها؟؟

هناء وقفات كاتشوف فراسها و تضحك:هههههه كانقولك صقلها و نتي كاتقولي واش زوينة .. اكيد مللي ضربها مغاتعجبووش .. زاايدوون هي بنت عائلة الكلاب اللي قبالتنا

جواهر:اااه ايوا الحمد لله .. دابا غانمشي فحالي، دعيو معايا نلقى الزيين ديالي (غمزاتهم و هوما يطلقو ضحكة خفيفة عليها)

خرجات جواهر من عندهم من البيت غادية باغا تنزل لتحت و هي تدوز من قدام بيت محمد .. دورات عينيها فيه مع كان مردود شوية .. قشعاتو متكي فوق الفراش .. تبسمات بخجل كاتشوف فيه بإعجاب .. حتى قفزات مجبدة فيه عويناتها مللي حل عينيه فيها على غفلة، صرطات ريقها و دارت باغا تنزل فحالها و هو يوقفها بصوتو

محمد:تسنااي

جواهر وقفات كاتعض شنايفها و ترعد عاطياه بالضهر، هو قرب لعندها مربع يديه مبتاسم .. وقف بعيد عليها شوية و تمتم بصوت شبه خافت
-باقا مابغيتي تديري الحجاب اللي قلتلك ديك الخطرة؟؟

جواهر دارت شافت فيه مثوثرة:أ ان احمم و و علاش؟

محمد تبسم و غمزها:باغي نخطب محجبة😉

جواهر تلبكات الحنيكات مزنكين، دارت نازلة كاتجري فالدرووج .. محمد تبسم عاض على فمو و دخل لبيتو ثاني كايتفكر ملامحها و ابتسامتها الخجولة اللي كايحمقوه


دازت ساعة تقريبا⏳
العائلة كااملة واجدة و جالسين فالصالون كايتسناو فالضيوف يجيو .. من غير هناء و ياقوت اللي باقيين فالبيت واجدات .. حتى سمعو صوت الدقان .. هناء تنهدات حاسة بالثوثر خصوصا هذا اول عريس يجي يدق بابهم و تكون موجدة راسها باش تشوفو و موافقة عليه .. رغم انها عمرها شافتو و معارفاش عليه بزاف دالحاجاات و شايفة غي صورتو .. يعني ضروري خاص تتوثر .. دازت تقريبا ربع ساعة ماطلع عندهم حد حتى شافت فيها ياقوت

-غاننزل نشوف شنو كاين ههه

هناء كاتزفر بقوة:افففففف توثرت

ياقوت تبسمات و دارت للباا ناوية تحلها و هي تتحل عليهم و دخلات صفية، خادمة عندهم مبتاسمة

صفية:ختي هناء جيتي زوينة تباركالله عليك

هناء بتاسمات:لهلا يخطيك اصفية عويناتك احبيبة

صفية:خالتي عيطاتلك باش تنزلي .. العريس بغا يشوفك هو و مو و باه و ختو جاو ههههه عرفتي زويين تبارك الله وعندو هييبة بالموسطاش اللي مربيه

هناء عضات على شفتها التحتية كاتبسم:احم دابا زيد نزلو

شدات فيها ياقوت كاتبسم:ياااي اخييرا شفتك حشمانة و مزنكة و مثوثرة لهاد الدرجة هههه

هناء تبسمات بلا ماتجاوبها .. نزلو لتحت مشاو البنات مباشرة للكوزينة هناء هزات صينية د اتاي و ياقوت طبسيل دالحلوة مشكلة و خرجو بجوجات .. دخلو للصالون اللي مجموعين فيه الضيوف هناء حادرة عينيها و يديها كايترعدو .. تبسمات كاتسمع لصوت الزوهرى

الزوهرى بصوت عالي:تبارك الله تبارك الله .. مشاء الله

هناء حنات عندها بالصينية ضايفاتها باتاي خداتو من عندها الزوهرى مبتاسمالها و مشات ضايفات راجل جنبها عاد دازت لبنت أخرى عاااد العريس .. عطاتو اتاي حانية عينيها ماطلعاتهمش فيه بالمرة .. أما هو فمبتاسم كايشوف فيها بإعجاب باينة فيه من الابتسامة اللي راسمها عند فمو


جلسات هناء جنب ختها بعدما ضايفات العريس و عائلتو .. مثبتة و مرزنة مكاتعليش راسها

عبد الله مبتاسم:ايوا أسي مبارك .. هادي هي بنتي الكبيرة هناء .. هي عمارت الدار

الجد أيدو فهضرتو كايدوي برزانة و جدية:ايييه هي عمارت الدار و النوارة دالدار .. عمر معانا ماخصها خيير .. قريناها و كبرناها و خدمات و دارت كااع أش باغا فحدود الاحترام و على حسب تربيتنا ليها

مبارك (أب العريس): تبارك الله شفت هاد الشي .. مخلقة و حشومية و بنت الزمان

رحيمو بابتسامة:هي اللي كانعول عليها فوليداتي تبارك الله عليه .. كتتعرف تحل المشاكيل

الزوهرى:ايوا لا تفاهمو العيال بيناتهم مانقولولهم غا الصلاة على النبي و مبروك زيادة، ياك أبنتي هناء

هناء بصوت خافت مبتاسمة:ان شاء الله أخالتي

الزوهرى:انشاء الله .. احم ايوا شبانلكم يجلسو يدويو شوية يتعارفو على بعضياتهم

الجد حرك راسو بالايماء:تفضلو لداك الصالون لهيها دويو على خااطركم

وقف العريس كايشوف فهناء اللي حتى هي وقفات و توجهو لداك الصالون .. جلس فقنت مباينش للي جالسين فالصالون لاخر و مشات هناء جلسات فالسداري اللي قدامو بعيدة عليه شوية

شاف فيها بنظرة إعجاب و تمتم:أنا أيوب

هناء بصوت خافت علات فيه عينيها شووية:هناء

أيوب تبسم:متشرفين أهناء .. احم شوفي فيا!

هناء كاتشوف فيه و تحني عينيها و تبسم:احمم

أيوب بتسائل:نتي موافقة على انك تكملي حياتك معايا اهناء؟

هناء ومأتلو:احم نتعارفو شوية

ايوب ومألها:اه ضروري فترة الخطوبة كاملة عندنا دالتعارف .. ماكرهتش لا رتاحيتيلي كيفما رتاحيتليك وعجبتك كيفما عجبتيني .. نلبسو اليوم الخواتم .. باش حتى لا طلاقينا نكونو مرتاحين و جامعانا شي حاجة شبه رسمية ..

هناء شافت فيه كاتحنحن و تفكر و هو تبسم كايشووف فعينيها:اممم و واخا

ايوب كايأكد عليها:متأكدة ياكي؟؟

هناء:اه ولكن خاص ندويو فواحد الموضوع قبل .. ماماك قاتلي راك ساكن فكندا وانا الصراحة مباغاش نخرج من البلاد .. المغرب مامخططاش نخرج منو فهمتيني

ايوب ومالها:وي فهمتك و عندك الصح .. حتى انا هاد المجية اللي جيتها باش نستقر هنا و دابا ناوي نبدا فواحد المشروع دكراء السيارات .. كانوجد الوريقات و صافي، ولكن كاينة واحد الحاجة ماعرفتش واش تبغيها!

هناء شافت فيه باستغراب:؟؟؟

ايوب:السكنة مغانسكنوش هنايا غاتكون فتارودانت و أنا حاليا دفعت فواحد الشقة غانسكنو فيها انا وياك

هناء ومأتلو:ماشي موشكيل حتى انا كنت ناوية ندير عيادة خاصة بيا فالمدينة

ايوب بتسائل:شمن تخصص عندك؟

هناء:عندي طب بيطري .. كايعجبوني الحيوانات من صغري

أيوب ومالها:واخا و نتعاون معاك

هناء نفاتلو براسها:لا لا راني عندي باش نقاد العيادة و كولشي كانتسنى غي الوقت المناسب

ايوب ومألها:و انشاء الله الوقت المناسب مللي نتزوجو

هناء تبسماتلو بحشمة، كايتبادلو نظرات الاعجاب .. عجبها مباشرة ماشي فحال الصورة حتى شخصيتو و عقليتو .. مافرضش عليها تجلس فالدار و عاد عرض عليها يعاونها .. يعني راجل تقدر تعول عليه و حتى فالتعامل بانلها ظريف، ناضو على صوت عبد الله عيطلهم .. مشاو عندهم مبتاسمين و جلسو كل واحد فبلاصتو اللولة


الزوهرى بتسائل:اذن تفاهمتو؟

ايوب بابتسامة:تفاهمنا و بغينا اليوم نلبسو الخواتم، يعني الخطوبة نديروها اليوم

رحيمو:ولكن اولدي ماعرضناش العائلة ولا شي حاجة

عبد الله قاطعها:لا كنتو تافقتو مانزيدوكم غي مبروك .. بنتي نتي متافقة معاه؟

هناء ومأتلو براسها:اه من الاحسن باش نكونو مرتاحين لادوينا .. تكون كاينة علاقة رسمية

الجد:واخا .. اذن مرحبا بيكم

الزوهرى جبدات جوج بواطات كانو عندها فصاكها:ها هوما الخويتمات .. ولدي دغري كايعجبو ديما يبدا بالمعقول

هناء تبسمات كاتشوف فيه من تحت لتحت .. وقفو قدام بعضهم و هزو الخواتم ركبوهم لبعضياتهم .. كايتبادلو ابتسامات خفاف و نظرات خاطفة لبعضهم

ياقوت بابتسامة:ما شااء الله جيتو زويينيين مع بعضكم .. ياك أمحمد

محمد شاف فيها و بتاسم:اه تبارك الله

رحيمو:أجيو جلسو هنا، (وراتلهم مطربة صغيورة دجوج دالناس يجلسو فيها) دويو مع بعضياتكم و تافقو مزيان

هناء جلسات كاتحمحم .. همسلها أيوب؛بغيت نمرتك باش نتافقو كثر

هناء:اه عطيني تليفونك نكتبهالك

جبد تليفونو و عطاهلها بعدما دارلو الكود .. هي دخلات كتباتلو نمرتها و عطاتو التليفون،

الزوهرى:اذن الخطوبة الرسمية باش نعلنو انهم تخطبو تكون من هنا خمسطاشر يوم؟؟

عبد الله شاف فالجد:انشاء الله مناسب التاريخ

الجد شاف فهناء:اش بانلك ابنتي؟

هناء:اللي بانلكم اجدي

الجد:ايوا مزيان .. دوي نتي و خطيبك و تافقو مزياان وخبرونا .. شوفو التفاصيل كاملة مع بعضكم باش تكونو متفاهمين .. حيت فالاخير هادي حياتكم بزوج بيكم

ايوب ومألو: عندك الحق اجدي

رحيمو مبتاسمة:و نوضو نتعشاو دابا .. راه وجد

ناضو كاملين مع بعضهم متفاهمين و تاجهو لجيهت الطبلة اللي كانت واجدة .. صفية حطات ووجدات و تولات .. تعشاو مجموعين كايتعارفو العائلات على بعضهم .. داز الوقت زوين بيناتهم .. سلاوهم بالوداع و مشاو ايوب و عائلتو .. غي مشاو هناء طلعات كاتجري لبيتها مبتاسمة و مرتااحة لأيوب اللي دغيا دخل لخاطرها، سدات عليها باب بيتها و جلسات فوق الفراش كاتلمس فحنيكاتها اللي حاساهم سخاان بقوة مابقات غي مزنكة طوول الجلسة .. ناضت كاتبدل عليها و تمسح وجهها من الماكياج .. حيدات عدساتها و مشات تكات على الفراش لابسة كسوة طويلة باردة و شعرها طلقاتو على حسب الحرارة كااينة .. شافت فجنبها كانت 9:00 دالليل .. تنهدات و جبدات من تحت راسها دفتر الظاهر أنه دمذكراتها باشرات بالكتابة عليه كاتبسم

"عمرني ماكنت نتخايل أنني نرتاح لشي حد غي من لقاء أول، و ماكنتش متوقعة أن خطوبتي تجي بهاد الطريقة .. واحد أول خطرة شفتو .. ماكنتش كانتخايلها فخطرة أن مجرد نظرة شرعية تتحول لخواتم لبسناهم بزوجنا .. هادشي كايدل على أنه هو اللي مكتبلي فالسما .. سنين و انا كانرفض أي خطيب تقدملي باش نتزوج بهاد الطريقة .. حسيتها زوينة واخا كنت رافضة الزواج التقليدي فاللول، فعلا حسيت انه رجل شهم و نقدر نعول عليه فحياتي.."

حطات آخر نقطة كتباتها و ردات الدفتر لتحت مخدتها .. بغات تنوض تقاد جلستها و هيي تسمع صووت التهراااس و الغواات و الدقااان فالبااب دالدار .. ناضت بالزربة باش تطل و هي ترجع باللور من حجرة كبيييرة تضربات مع شرجمهااا حتى تهرس الزاااج و أصواات كثيييرة كايغوتو

-تريييكة الشمااااااايت.. 

-كاتقااواااو على بننت .. نزلووو عندناا لهناااا 

-نزلوووو يا ترييكة الحميييييمر وااالقواااود


ياقوت فبيتها بعدما بدلات عليها و لبسات بيجامة دلولو كاتي .. شادة تليفونها مكونيكطية و شاعلة الموسيقى من التليفون محيحة نييت .. ولكن غا سمعات أصوات التهرااس و الغوات ناضت بالزربة مخلووعة .. مشات حلات شرجمها كاطل .. غي خرجات راسسها جات فيها حجرة ضخخمة لعينييها مباشرة حتى بداات كاتغوووت بأعلللى صوتها شادة قعيينها وتبكييي حاسة بيييها كااضرهاا

ياقووت بصووت عاللي:آاااي .. عيييينيييي .. هئهئهئهئنننن .. ماااامااا عيييييينيييييييي (مشات جيهت باب البيت كاتبكي عينييها عاطياها الحرييق .. و حسات بالدم كايسييلها .. مع حلات الباب مع خرجو محمد و هناء و عبد الله و رحيمو كايشوفو فبعضهم مستغربين)

هناء شهقات كاتشوف فياقوت:اوييلييي ياقووت

ياقوت كاتبكي:عييني عيني محاساش بيهاا

محمد خرج فيها عينييه معصب:غانزلل نقتل دينمهم واححد بوااحد (رجع دخل لبييتو جااهل .. هز واحد المكحلة كبييرة و خرج نازل فالدروج .. عبد الله تبعو بالزربة هو ورحيمو كايعيطو علييه مخلووعين لايتهور و هناء شداات فياقوت كاتشوف فوجهها)

هناء مخلوعة:وريني نشوف وريي

ياقوت كاتشهق و تبكي:هئهئهئننن😭 عيينيي ضارااني بزاااف

هناء بخوف:واش شنو دخلك فعينيك؟؟

ياقوت كاتحرك راسها بلا:لا مادخليش لعينيي ضربني فييها .. حجرةةةة جاتني فيهاااا .. ش شووفيي (حيدات يدها و هي تشهق هنااء .. بانتلها عينييها مغمضةة و منفووخة حمراا كاتسييل بالدم)

هناء عينيها دمعوو:ولاد الكلااب و نتيي علاش تطليي اوووف .. حتانا كانت غاتجي فياا واحد الحجرة .. خاصص نمشيو للسبيطاار أجي اجييي

نزلات بيها بلا عقل هابطيين لتحت و شادااها لا طييح .. ياقوت غي شادة عينها و تغوت و تنخصص.. ففمها غي عيني عيني، وصلو لتحت و هوما يشهقو البنات من دوك اللي داخلين حتى لقلب الداار و محمد هاز عليهم المكحلة و الاب و الام و الجد وراه مخلوعين

محمد بصوت عالي:ليووم نفركع لشي حد فيكم عينو يا ولاد ال****

واحد منهم بملامح متجهمة و عينين خاارجين .. دافع صدروو و كايشوووف فييه بجديةة فيدو مسدس حتى هو موجهو لمحمد نيشان:ختييييي علااش طرشتييها .. طرشتيها نتا و ختتك .. اليوم بيا ولا بييكم


دوا واحد آخر معاهم (نقولولو رقم جوج) هذا فيدو وااااحد مولاتي الشفرة .. ديال الگزااارة نيت، طوييييلة و كاتلمع:اليوم نصفيييوكم نتهنااو من وسخ عائلتكمم

هناء بصوت عاللي غوتاات مخنزرة بعصبية:و نتوووما الهجيييج ماشفتووش أش درتو فالبنت عمييتوووهاااا

شاف فيها داك اللول اللي هاز الفردي:فعاائلتكم, الق*** كاتخليولهم حق يدوييو .. (رجع شاف فمحمد باستفزاز) دويو ألمخنثيين

عبد الله بصوت عالي:حاااادك تمااا ألبرهووش .. عااائلتي حسن من طااسيلت بوووك الكلب

محمد ضرب بالمكحلة فالسقووف:اليوووم نطييح شي روووح فييكم

ياقوت كاتبكي مخشية فهنااء؛هئهئهئنننن عيينييي محاساااش بيييهاااا أيمااا على موصيبة

رقم جوج:هاحنا غانشوفو شكوون الغاالبب (شاف جيهت هناء و ياقوت كايزير بيدو على الشفرة اللي فيدو كايخطط كي يووصل عندهم) حنا كانردو الصااع صاااعين و كيفما آااذيييتو ختناا هااادوووك الجوجاات غانآذييوهممم

رحيمو غوتاات بالشههقة يدها ففمها:بنااتي لاا .. عبد الله دير شي حااجة .. با عفاك تصرف (الجد)

محمد وجه للصغير المكحلة:وااجرب و تشوف لامافركعتش لمك داك الرااس

اللوول بصوت عالي:أنا غااننننن..

وقفووهم جووج أصواات عاليين نطقو دقة وحدة:براااااكةةةةةةة

هناء و محمد و عبد الله و رحيمو و ياقوت شافو جيهت جدهم .. أما لوخرين فشافو وراهم .. بدورهم بانلهم راجل كبير فالعمر شاد عكاااز مخنزر و ملامحو مكمشيين شاييخين .. 

الشباب نطقو بصوت واحد :جديي!!!!

نطقو الجدين بصوت واحد:لإيييمتى غاتبقااو هاااكاا هااا مكاتحشموووش!!!

اللول بعصبية:جديي ماشفتييش سماارة اللي حمروولهاا حنااكها

جدهم بعصبية:يعقوووب .. ماشي هاكا كانتصرفووو

هناء بعصبية:جديي ماشفتييش اش طرا .. البنت مامربياااش و ضربات ياقوت بالكرة ماقالتش حتى سمحيلي و بقاات كاتسب فيينا .. زيد علييها دوك الحميير مكايعرفوش يتصرفو جايين كايهرسو فالزيجاان .. ها عييين البنت مشااتلهاا .. غايردوهاالهاااا؟؟؟

المدعو بيعقوب شاف فيها كاينهج ملاامحو مشتدة:فااش كايكووونو كايدوييو الرجاال .. النسااا كايسدو فامهم و يحنييو الرااس

هناء مخنزرة فيه:هاادشيي فعااائلتكم المهمشة أماا عائلتنا بزاااف عليييكم .. النسااا فحاالهم فحال الرجااال و حسن منكك انا كاااع يالكلووشار

يعقووب بعصبية:غاتسكتي ولا نقرطس مووك


جدو بصوت عالي:يعقووووب .. سليماان .. خرجوو نتوما برااا أنا عندي هضرة مع السي منتصر (جد البنات)

السي منتصر قاد وقفتو يديه ورا ضهرو وومألو:تفضل معايا للمكتب ديالي لفوق

سليمان باعتراض:لا اجدي مانخليوكش مع هاد العاائلة ماتعرف شنو يديرو فييك

الجد شاف فيه بجدية:سليمااان خرررج نتا و خوووك

الخوت ومأولو براسهم و مشاو خارجين كايرمقو محمد والبنات بعصبية .. جد الدراري شاف فجد البنات

-يلاه تفضلو ندويو (شاف فعبد الله حتى هو) خاص نلقاو حل بيناتنا

هناء شافت فيهم مخنزرة:غناخذ ياقوت للسبيطار

محمد شد فياقوت:سيري رتاحي غناخذها انا

هناء باعتراض:لاا غانمشي حتى أنا

محمد شارلها لشعرها كان معري:نسيتي شالك

هناء شافت فيها كاتقيص شعرها:اوووف تفووو .. وقفت قدامهم شعري عريان، نسييت راسي

ياقوت كاتنخصص:عفاك أختي سربيي

هناء:واخا واخا .. ستناني أخويا

رحيمو قربات كاتشوف فياقوت:بلاتي نشوف أبنتيي (حيدات ياقوت عينيها و هي تبدا تدمع) الله على بنيتي الله .. بغاو يرزيوها فعويناتها

ياقوت كاترعد الخوف و هضرة ماماها زادتها:ماما غانتعمى من عيينيي ياااك😭😭

رحيمو كاتحرك راسها بلا:يتعماو هووما ولاد الحراام مساخيط الواليديين

نزلات هناء كاتجري كاتسد الفيليل فشالها و تهبط العبايا الكحلة اللي لبساتها بالزربة:هانا واجدة يلاهو سربيو .. مخاصش نتعطلو

محمد هز ياقوت بين يديه:يلاه سربيي

هناء هزات سوارت الطموبيل كاينزلوهم فواحد الطبيسل فوق واحد الكوافوزة جنب الباب و خرجو كايجرييو .. بانولهم دوك الجوج كايمشيو و يجييو قدام بابهم .. خنزرات فيهم هناء و محمد تجاهلهم غادي جيهت طموبيلتو اللي مصطفة جنب الدار، شافت ثاني فمجموعة دالرجال مجمعين فواحد القنت شادين الطوب و الحجر .. خنزرات فيهم كاتمتم بصوت عاالللي

-تفوووووو على شماااايت

ركبات فالطموبيل و زدحات الباب مخلياهم كايغلييو حاضيينها و ديماراا محمد بسرعة غاديين لاقرب سبيطار ليهم فتارودانت، الدوااار كيفما ذكرت فاللول قريب لتارودانت فالخرجة ديالو و السبيطار اللي كاين فالدوار .. بعييد شوية على داك اللي غايمشيولو من الطريق السريع و هداك مجهز حسن

♟فغرفة مكتب الجد♟
الجدين كايشوفو فبعضياتهم بجدية و عبد الله بيناتهم مخنزر

عبد الله:لا لا هادشي مستحييل ألواليد مايمكنش

الجد شاف فيه بجدية:غاندويو فهادشي انا وياك كثر

الجد الثاني وقف كايحرك بعكازو:زيدو فكروو مزياان و جاوبوني .. هذا أحسن حل بالنسبة لينا

عبد الله قلب وجهو محاملش الحل اللي قتارحو

السي منتصر:من زمان وانا كانفكر فهادشي، كون هاني أسي مختار غانزيد ندوي مع ولدي فهادشي غايدوز كولشي بخير ان شاء الله

السي مختار تبسم برزانة:وا عليه .. نخليكم دابا حفايدي كايتسناوني (مشا خرج من عندهم كايعرج برجلييه و يعكز بعكازو .. غي غبر شاف عبد الله فباه)

-هادشي غي نساه ألوالييد

منتصر بجدية:جلس و سمعنيي

عبد الله:ولكن

منتصر:مكاين بو ولكن .. هذا أحسن حل لينا و حد مغايتضرر

عبد الله تأفأف:ايوا حل المشاكيل اللي غايجيو من بعد .. انا غانبعد من هادشي

مشا خارج فحالو مخنزر و كايستغفر الله (أستغفر الله العلي العظيم و أتوب إليه، استغفرو حتى نتوما) طلع للطبقة الثالثة و دخل لغرفتو عقلو مشوش و مداخلوش لعقلو الحل اللي قتارحو عليهم السي مختار و أيدو فيه السي منتصر


🌻يوم جديد🌻
عند عائلة مالك الثانية
وقت الظهر تقريبا .. واقفة المدعوة بسمارة حانية راسها باحترام قبالت جدها السي مختار .. شاد واحد المطربة جالس عليها بشموخ وعكازو فيديه كايضرب بيه فالأرض مخنزر فيها

-مللي مات ولدي أحمد اللي هو بااك .. خبرتك نتي وخوتك .. لاوقعاتلك شي مشكلة مع الناس د مالك الثانيين تجيو و تقولوهالي أنا اللول و غانحل المشكلة، كاينة ولا مكايناش؟

سمارة بصوت خافت:كاينة أجدي

السي مختار بعتاب:ولكن نتوما من ديما أي مشكلة كاطرا كاتمشيو تتحاماو بيناتكم و تزندو العافية بيناتنا و تهيجو البحر علينا، علاش هادشي هذا؟؟

سمارة مغوبشة:هوما أجدي اللي ضربوني .. بنتهم الكبيرة نتفاتني و طرشاتني و فاش بغيت ندافع على راسي طرشني حتى خوها، و خوتي نفسهم حارة فاش شافو حنوكي حومر ماصبروش

السي مختار ضرب بالعكاز فالارض بقوة حتى قفزات سماارة:عندك 20 عااام و بااقاا ذماغك دبنت 6 سنيين، وااش سحابلك راني شرفت و هرفت و مابقيت كانسمع ولا نشوف شطااري فداااري؟؟

سمارة بصوت خافت:جدي أناا...

قاطعها السي مختار بحدة:سممعتكك كاتحرشي خوووتك و كاتزيدي على هضرة البنت اللي قالتها

سمارة شافت فيه مغوبشة؛واش غاتسمعلها هي وانا اللي حفيدتك لا؟؟

السي مختار بصوت عالي:حفييدتيي كذااابة .. علااش دابا قلتيلي الحقييقة و خووتك زدتييلهم الشياط دالهضررة .. نتفااتك و ضربااتك و سلخااتك و تحاماو عليك هي و خوها كايضربو فيك بجووووج!! ماحشمتيييش أبنت ولدييي؟؟

سمارة:مانعاودش أجدي

السي مختار وقف كايطلعها و ينزلها بحدة .. شاف قبالتو مباشرة .. بانولو سليمان و يعقوب داخلين عندهم مستغربين من صوت جدهم العالي و موراهم مرى كبيرة شوية فالعمر

-وجدي راسك غاتمشي تعتاذري للبنت اللي ضربتيها، و حتى نتوما .. بغيتو تعمييوها .. التصرفاات الطايشة مكايناش فعائلتي، تشمتو فينا العدياان .. غاتعتاذرو من الناس و دويت مع جدهم حتى هوما غايدوي مع حفايدو يعتاذرو منكم .. و منها نخبروكم بقراار مهم كايخص عائلتنا عااائلة ماالك ككل

يعقوب بتسائل بصوتو الغليض و ملامحو المتجهمة:شمن قرار و شمن إعتذاار! هادشي عمرو يكوون

سليمان مأيدو فهضرتو:سمحلي اجدي ولكن هاد الخطرة مغانفذوش شنو كاتقول

السي مختار خرج فيهم عيننيييه و نطق بصوووت عاالي و انفعاال:غاتنفذوووو و إلا مانتوما حفااايدي مانااا جدكمممم

المرى اللي داخلة معاهم أم العيال (رقية) :الحاج واش عاغف أشكاتئوول

السي مختار شاف فيها بصرامة:مغاتجادلوونيش .. اليوم حنا معروضين عند جيراننا و غانمشييو كامليين بلا استثنااء و اللي غايبغي يعتارض .. عمرووو يعاود يعتب عندي فداري (خرج من قدامهم مخنزر .. خلا الحفايد و الأم كايشوفو جيهتو و يشوفو فبعضهم حايرين معارفين كيفاش يتصرفو)

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.