الزاهية خداتو كان مبلغ فيه 2500 درهم:محضوضة الام لي عندها ولدها بحال ولدي
سارة :بصاح قلال لولاد بحالو
دازو ساعات
كان جالس فالمكتب ديالو الحال بدا كيضلام وااموضافة مشاو بحالهم .طافي ضواو كاملين وجلس على فوطاي مرجع راسو اللور ولكاس فيديه ولسيجار فاليد لوخرا شرب حتى حس بيديه فشلو عليه الاعصاب لي فيه كيبردهم بالويسكي ماغايهنة حتى يلقاها سمع لباب تحلات سمع شي خطوات جاين فتيجاهو عرفو شكون حس بيه جلس حداه سمعو وهو كيتنهد:شنو واقع
علا راسو وشاف فيه :والو الوليد
ناصر شاف فيه بمعنى ماشي عليا انا
يوسف تقاد فالجلسة ونزل على الكاس فدقة
ناصر خدا منو الكاس وحطو فوق الطبلة:اش واقع مالك وليتي هكا
يوسف:مالي كي وليت
ناصر:راك عارف كي وليتي وليتي كل ليلة داخل سكران معطل يحساب ليك هدشي ماكانردش ليه لبال ولا شنو وعصابيتك لي زادت على حدها غوتي على البنت حدانا وهي مادايرا والو من حقها تسولك فين غادي وفين جاي واخة هكاك مزال تابعاك
يوسف تنهد وناض هز لكاس ومشا زاد عمرو هضر بهدوء:كنضن داكشي بيني وبينها
ناصر ناصر وقف وقرب لعندو:بغيتي تقول مادخلش فحياتي
يوسف تنهد ماكايعجبوش لحال يتزايد مع باه فالهضرة:لا الوليد ماشي هكا
ناصر:شوف هاد الحالة لي نت فيها دزت منها قبل منك وعارفها مزيان وعايشها .ولكن كنت ديال راسي ماتابعانيش مراتي ومات ولدي لي غيتزاد فكر مزيان وعرف راسك شكا دير نت لي بغيتي تزوج ونت لي ختاريتي لبنت لي غتزوجها كلشي بارادتك ادن البنت ماتستاهلش الخيانة
يوسف:شمن خيانة
ناصر:غير تحدير في حالة لا عقلك غدر بيك ونويتي وايلا كانت شي حاجة فبالك من الاحسن تحيدها حيت نرجس ماتستاهلش
يوسف شاف فيه وهو خارج تاشد موراه الباب ..كمل لكاس ديالو وزدحو مع الارض ولا فراتت:كلشي غتخلصيك كنقسم ليك
مشا حل لمجر جبد سوارت طموبيلتو لوخرا ماكايحملش يمشي مع شيفور اولا شي حد يسوك بيه خرج من المكتب ونزل ركب فلوطو وكسيرا بالجهد تا وصل لدار دخل شافهم مجمعين فصالة ما دوة مع تاشي حد طلع للجناح ديالو دخل نيشان للحمام طلق عليه لما بارد ووقف تحتو باغي يبرد ماحدو مازال مالقاهاش والعافية شاعلا فيه ماعندها لا حس لا اتار رجال ديالو لحد الان مازال كيقلبو او والو قطعات تواصلها مع دينيس براسها ماعارفاش فين هي والزاهية ماكتعطي لتاشي حد راس لخيط والشك ديال انها حاملة ولا ماحاملاش كيزيد.يكمل عليه تنهد وضرب يديه مع الحيط :فييين غتكوني
بقة كيلهت خرج من الحمام لبس شورط وخلا صدرو عريان وقف فلباب دلبالكون كيشوف لبعيد نزل عنيه للبالكون ديال دينيس تفكر نهار كان واقف كيكمي وهي مراقباه كتشوف فيه سها وهو كيفكر حتى كيحس بشي يدين على ضهرو كانت نرجس
نرجس :يوسف
ضار لجيهتها بقة كيشوف فيها ماعندها تاشي دنب
نرجس حطات يديها على وجهو حاسة بيه ماشي هو هداك حواجبو عاقدهم بكترة الاعصاب ماكاتحملش تشوفو هكا :مالك أيوسف
قربات لعندو كتر :حاسة بيك معصب بزاف لدرجة ماتكرهش تقلب هاد الدنيا ماكرهتش نعرف مالك واخة انا عارفة انه شي سباب غيجرحني ولكن المهم نعرف راجلي مالو
سكتات شحال وهي تنطق:مابقيتش معرة ليك العين ياك طلعت ليك فراسك اولا شي حد خدا بلاصتي لقيتي فيه داكشي لي مالقيتيهش فيا
نزلو دموعها:غير قولي راه ماكنعسش فليل وانا كنفكر ايوسف ريحني الله يخليك
قرب وطبع قبلة على جبهتها ورجع شاف فيها حط يديه مور عنقها وجرها لعندو كتر تاتخالطات انفاسهم نرجس غير بلمسة منو كتنسة كلشي حطات يديداتها على صدرو وهي متبعة شوفاتو .شاف فشفايفها وقرب ليها ختاصرات عليه الاامر وقربات كتر تانساجمو شفايفهم دورات يديها على عنقو توحشاتو بزاف ماحسو براسهم تاكانو فوق النموسية كانت مغمضة عنيها ومستمتعة بقبلاتو على عنقها ويديه كتسارا على جسمها كانت فهاد اللحضة بحاليلا مهزوزة فسما وهي بين يديه حاسة بسخونية جسمو كتزيد تشعلها ..يوسف كان غارق وسط جسمها ماخلا تاشي بلاصة مادازش منها تهز شوية وشاف فيها بعويناتو اامعسلين بقة كيشوف فيها شحال مشا بالو لعندها تاهي كانت بين يديه ولكن الاحساس لي حسو معاها فشكل مع هاد الاحساس لي كيحسو مع نرجس فاش كان معاها كان حاس بقلبو كيضرب بالجهد فلحضة بانت ليه هي لي تحت منو وهي لي مدورة يديها على عنقو زاد قرب لوجها وهمس بصوت فيه بحة زوينة:عائشة
نرجس بحاليلا تكب عليها ما بارد بحاليلا كانت لفوق وتزدحات مع الارض خرجات عنيها فيه وبعداتو عليها.يوسف حس على راسو تنهد وشاف فيها كيف لوات عليها ليزار وعطاتو بالضهر مسح على راسو مالقة مايقول ليها ناض دخل لحمام كب عليه لما بالخف وخرج لبس عليه شاف فيها لقاها كتبكي بصوت مرتافع هز سوارت الطموبيل وطليفونو وخرج خلاها ربي لي عالم بيها هو طعنها طعنة خايبة معاه وبين يديه وكيدكر سمية وحدا خرا جرحها فقلبها..يوسف ركب فطوموبيلتو وكسيرا بالجهد ماعارفش فين غادي بقة غا سايك كون صاب يطير هو طوموبيل ماعارفش علاش وصل لهاد الحالة فاش كانت حداه ماكانش كيوقع هدشي وفاش بعدات تقلب كلشي مافهم والو واش غير محيت حقد عليها وباغي يلقاها ويمرمدها ولا شي حاجة خرا وهاد الحاجة هي لي ماباغيش وعمرها تكون ضرب يديه مع دريكسون:غبري تاتشبعي ولكن غنجيبك يابنت القحبة
كان كيغلي دار حتى عيا وقلب الدورة مشا للفلة ديالو دخل طلع نيشان للبيت تلاح فوق النموسية غمض عنيه ونعس
فالفيرمة
كانت جالسة فصالة دايرة قناة سبايستون وكتفرج مندامجة مع الرسوم وحاطة حداها تشيبسات كتاكل فيهم ..وفصالة لي قبالتها كانت حنان وراجلها جالسين كيتسناو ولدهم ماقالو والو ويدخل شوية سمعو صوت لكلاكسون ناضو بالزربة باش يستقبلوه حلات الخدامو الباب ودخل هو وخطيبتو حنان عنقاتو:مرحبااا بولدي على سلامتك
مجد بتاسم:الله يسلمك الوليدة
حنان:كي بقيتي اولدي
مجد: ااحمد الله
سلم على باه ورحبو بخطيبتو ومشاووجلسو فالصالة كيهضرو
علا عنيه وهو يشوفها فصالة لوخرا دايرة يديها على حنيكاتها وكتفرج ومرة مرة كتاكل من تشيبس بتاسم:شكون داك الصغيورة
حنان شافت فيها وبتاسمات:عائشة ماعقلتيش عليها
مجد علا راسو بلا:لا
حنان:بنت خالتك الزاهية كنا كنمشيو عندهم شحال هدا
مجمد:اه عقلت عليها
رجع شاف فيها
حنان رفعات صوتها:بنتي عائشة أجي سلمي على خوك مجد
عائشة شافت فيهم حطات داكشي من يديها مشات لعندهم لصالة بتاسمات وشافت فيه مدات ليه يديها:على سلامة خويا مجد
حنان بالفرنسية باش تفهم حتى كولين:هادي بنتي عائشة فعمرها 16لعام غتجلس معانا علامن تولد
مجد تصدم:كيفاش علاه هي حاملة
حنان:اه راجلها جاتو شي خدمة على برا ايتعطل باش يرجع ايوا وجات تجلس وترتاح هنا حتى تولد ان شاء الله
كولين كتشوف فيها وهي متعجبة:باقة صغيرة على زواج والحمالة
عائشة كتافات بابتسامة
مجمد:الله يفكك على خير
حنات راسها:شكرا
كولين:شحال عندك دابة
عائشة:تقريبا شهراين
بقاو كيهضرو وناضو من بعد يتعشاو وكل واحد طلع لبيتو ينعس
عائشة خرجات من لحمام من بعد ماردات وغسلات وجها تلاحت فوق النموسية وهي كتحس بالدوخة حطات يديها على كرشها وهي كتشوف فالسقف كتفكر فهدشي فوقاش ايسالي مدات يديها للكوافوز حلاتو وجبدات تيشيرت عنقاتو وهي كتستنشق ريحتو حتى داتها عينيها ونعسات
جا نهار جديد
سلات الحصة ديال رياضة ديالها بقات ليها ااسباحة ماكان فيها لي يمشي خلات غير فاتي .دخلات هي لقاعة ديال لحديد كيعجبوها كتشوف خوتها كيف كيقدرو يهزوهم بكل سهولة .تحنات بغات تهز واحد الوحدة تقيلة ضحكات على راسها فاش ماقداتش تا تحركها من بلاصتها ..كان ناسي سوارت المطور ديالو فالقاعة رجع باش يجيبهم دخل وهو يشوفها مقاتلة معاهم تقال عليها بزاف بتاسم وقرب لعندها:كتعلقي فين تفلقي
دينيز علات راسها وشافت فيه:كنجرب وتقول كلشي تقيل
عصام:راه ماشي غير اجي وهزهم راه رجال وحارو فيهم.كان خاص تبداي بالتدريبات وحدة بوحدة حتى كتوصلي لتقيلة
دينيز؛اممم صافي نحاول
عصام مشة خدا واحد جوج مناسبين ليها كبداية:خاص تبداي تدريب بهادي بطريقة صحيحة اجي نوريك
وقفات ووقفو اونفاص مع المراية جا موراها ومد ليها كل وحدة فيد شداتهم مزيان زاد قرب ليها ضهرها جا لاسق مع صدرو وهو كيشرح ليها ويديه على يديها :شديهم مزيان وبداي تهزي يديك لفوق بحال هكا بوشية
هز ليها يديها بجوج لفوق وهو مركز معاها
دينيز علات راسها فلمراية وهي كتشوف شكلهم عجبها الحال ضحكات على راسها من تفكيرها سهات وهي كتشوف فيه كيف واقف موراها وكيشرح ليها جسمو عريض وطويل عليها كتبان حداه بحال شي نميلة
عصام حس براسو كيشرح لريح شاف فيها لقاها كتشوف فلمراية بتاسم:واش معايا ولا مع لمرايا
دينيز:هههه معاك معاك
بعد وجا ازنفاص معاها:خاص نجي قدامك باش ماتشوفيش فلمراية صراحة خاص يحيدو لمرايات
دينيس مزال كتحرك يديها كيف قالها:ايوا لمراية هي كلشي
عصام:نتوما كتزيدو فيه
دينيز:هههه ايوا شغا دير تابعين زيناا
عصام:كتعتارفي بعدة
بقة واقف وكيشوف فيها وهي كتحرك يديها والابتسامة على وجها مافارقتهاش كتجيه هاد البنت عفوية بزاف ومزيونة ومبشارة
دينيز شافت فيه لقاتو كيشوف فيها:واش انبقة هكا راه عييت
عصام:ايوا دربتي بكري
خداهم منها ورجعهم لبلاصتهم
دينيز جلسات فالارض:عييت
عصام هز قرعة دلما ولاحها ليها:نتي ماشي درياضة
دينيز:يلاه بديت خاص نزيد نولفها اتعاوني ياك انبدا نجي كل نهار
عصام مرحبا علاش لا .يلاه نخليك نمشي انا
دينيز:بسلامة
بتاسم ليها ومشة
هي تكات على لارض زولات لفوقاني ديال سورفيط بقات غير بديباردور طالع على كرشها ومبين صدرها ترخات فالارض وغمضات عنيها
تاقرب يخرج وهو يوقف:مشيت مور سوارت خليتهم وجيت عاود
رجع للقاعة حل لباب ودخل شافها طايحة فالارض قرب بشوية كانت مغمضة عنيها شكلها كيبان مثير شافها ماكاتحركش تحنا على ركابيه وحط يديه على وجها:دبنيس
حلات حنيها وقفزات ناضت جالسة خلعها
عصام:هههه غا انا
دينيز:ماحسيتش براسي تاداتني عيني
عصام ناض فاش حس براسو طول الشوفة فصدرها اي واحد فبلاصتو غيمشيو عنيه لتماك.دينيز حسات على راسها خدات لفوقاني ولبساتو.عصام هز سوارتو:نتشاوفو
دينيز:نتشاوفو
ناضت وهي كتقاد فحوايجها
عصام خرج وركب فسكوتور ديالو بتاسم وهو كيتفكرها كسيرا ومشا
نمشيو للفيرمة
كانت هي وكولين جالسين على برة وسط ربيع دوزات هي وياها النهار كامل تساراو فدوار وكولين غير هازة الكاميرا وكتصور
كولين :وقفي نصورك نتي ولكريشة سوفونير ديال شهراين
عائشة:غابلاش
كولين: وغا وقفي
دارت ليها خاطرها ووقفات وسط الربيع صوراتها ومشاو دخلو للدار
عائشة جلسات حيت عيات
حنان بالفرنسية:كيف جاك الدوار
كولين:كيحمق كلشي فيه زوين حتى ناس ديال الدوار
مجد جلس حداهم ودور يديه على ضهر كولين:مراتي وتاها جو ديال الدوار
كولين:ياك بعدة
مجد بتاسم ليها:اه
كولين:شوف مسكينة بباقة صغيرة الوحم قدا عليها كتبقة فيا
مجد:ايوا الصبر دابة يدوز هادشي
كولين:انا اختصاصي طبيبة ولادة لا بغيتي انا لي نتكلف بيك
كولين:هو ضاروري من الحريق ولكن خاص غير تكوني قوية وتولدي دغية وكلشي غيدوز بيخير
عائشة هزات راسها باه :داكشي
مجد:عاد ونتي صغيرة كتلعبي فزنقة سبحان الله دغيا كبرتي وتزوجتي ودرتي لولاد
عائشة:كاشي بالمكتاب
مجد:داكشي لي كاين
كملو حديتهم عائشة نساجمات بزاف مع كولين ومجد رتاحت ليهم
جا نهار جديد
كانت واقفة على برة وشانطة فيديها اتمشي لفرانسا على ود الماركة ديالها حلات تماك فرع جديد بسمية ماماها لارا بغات تمشي تخدم عليه وتضمن مستقبالها وأملاكها داك الساع تقدر تنفد داكشي لي فراسها بعدة تكون ضامنة راسها
طاهرة عنقاتها:اتخلي دار علينا خاوية ابنتي
اكرام:ضاروري تبداو تجيو تزوروني راه غير7شهور وهنا معاكم بغيت نتهنة من جيهت هاد المشروع باش نرتاح من بعد
طاهرة:الله يوفقك ابنتي
اكرام عنقات ناصر:غنتوحشك بزاف ابابي
بتاسم ليها:تا حنا
اكرام اتوصلني للمطار ياك
هز راسو باه:ضاروري
سلمات على خوتها وركبات مع ناصر داها نيشان للمطار نزل معاها ووصلها تا للطيارة الخاصة
عماد:بغيت غير نهضر لك على اابطولة وصلاتنا المذكرة وحددو التوقيت وطبعا تسجلنا فيها عيتقامو ماتشات من دابة ربع شهور غيحددو لاعابة لي غيتأهلو للبطولة داك ساع بغيتك غير تعطي وقت كتر لمهدي فهاد المدة لي باقة ضاروري ندخلو للبطولة بحضور قوي
عصام:ان شاء الله ماغايكون غير الخير
عماد شاف فمهدي :ان شاء الله مهدي خاص تدير كتر من جهدك ضاروري البطولة تكون ديالنا
مهدي:ان شاء الله كوون هاني من هاد الناحية
عماد:كنتيق فيكم
بقاو جالسين شحال من بعد مشاو بحالهم
عند أمونة
كان يلاه داخل لدار يلاه ايجلس وهو يشوفها داخلة من الجردة كانت فلابيسين لابسة غير دوبياس والفوطة على كتافها شافت فيه وخنزرات بادلها التخنزيرة طلعات لبيتها حسات بالخنقة وصدرها درها بغات تستنشق من التنفس الاسطناعي ديال ااديقة باش تسترجع قوتها العومان سخفها حلات لمجورة مالقاتوش قلبات فلبلاكارات المهم البيت كامل :ويلي فين حطيتو هو لي بقالي
حطات يديها على صدرها بدا كيضرها وبدات كتكح رجعات قلبات او والو لوات عليها بينوار ونزلات لتحت كتقلب فصالة عيطات للخدامة:شوفي معايا عفاك التنفس ديالي.
كتهضر وهي كتنفس بصعوبة كتكح الخدامة بدات كتقلب معاها
كان جالس وكيشوفها كيف كتقلب وكلها كترجف عنيها دمعو بقوة الكحة..
الخدامة:نمشي نشوف فالكوزينة
مشات وامونة مزال كتقلب فصالة حسات براسها اطيح جلسات فوق الفطوي وهي كتكح كتحاول تنفس شافت فيه وهضرات بصوت مقطع:ماشفتيهش
هز راسو بلا:لا
رجعات راسها اللور مابقاتش قادرة تنفس ترخات وهي كتحس بصدرها تزمت بحال شي حد حابس ليها التنفس جات ااخدامة عندها تخلعات عليها؛واش نعيط لطبيب
امونة هزات راسها باه:اه دغية مابقيتش قادرة نتنفس
الخدامة مشات كطير كتقلب ..امونة نزلو دموعها ماكاتقدرش تستحمل ملي كتجيها هاد الحالة ولي زاد كمل عليها هو انه جالس وكيتفرج فيها ماقدرش ينوض يدير شي حاجة يعاونها..
محمد ناض وجلس حداها:تخنقتي
شافت فيه وهي كتكح
محمد جبد من حيبو التنفس :هاهو
بغات تاخدو وهو يبعد:باش المرة الجاية تعرفي راسك معامن
امونة كتشوف فيديه التنفس باغاه بقات كتبكي عاد مدو ليها خداتو دارتو فمها وهي كتستنشق منو بقات هكاك حتى رجعات فيها الروح
وخرج وسد لباب خلاها كتبكي التصرف ديالو جرحها بزاف خصوصا من واحد.كتبغيه حسات بيه شيطان معاها ناضت وطلعات للبيت تكات وهي مزال كتسترجع انفاسها ودموع فعنيها مصدومة منو بزاف
فدار الزعيم
يلاه رجع لدار من لبارح دخل جلس فصالة لقاهم مجمعين بقة غير ساكت
الطاهرة:ولدي تغديتي
هز رايو باه دور عنيه على صالة ماشافهاش؛فين هي نرجس
طاهرة:نهار كامل وهي شادة عليها فلبيت ماعرفتش مالها
هز راسو باه تنهد وطلع للجناح ديالو شافها فوق النموسية جالسة جامعة رجليها عندها وحانية راسها تنهد عارف انها غتكون معصبة مجروحة حيت راه هانها وهي بين يديه ولكن ماعندوش الدماغ لي يجلس ويهضر معاها
هزات راسها وشافت فيه بعينيها الدامعين مازال مابغات تبرد ليها غير كتفكرها كتحس بقلبها غيسكت قلل منها وهانها
يوسف حل لباب كاين فالجناح ودخل وشد عليه هادا هو المتنفس ديالو الهواية لي ورتها من عند باه الرسم ملي كان صغير وهو كيشوف ناصر كيرسم كيبقة جالس حداه وكيتبع حركاتو بالقلم والالوان تا لقا راسو تاهو هاز القلم وكيرسم شوية بشوية حتى ولا محترف فالرسم .حيد تيشيرط وخلط الالوان هز القلم بدا كيخطط فوق الورقة البيضة حتى سالا وهز الالوان كيقاد ويوضح الرسمة .كانت رسمو قليل لي يفهمها مخربقة وفيها بزاف دلالوان داز الوقت حتى كيلقة راسو سلاها نساجم معاها وقدر يرتب افكارو وهو كيرسم حط الالوان ورجع دخل لبيت دوش ولبس عليه شاف فيها:وجدي راسك انخرجو
علات راسها وشافت فيه بعويناتها الدابلين :مابغيتش
قرب لعندها جرها من دراعها ونزلها من فوق النموسية دخلها الحمام :وجدي راسك كي قلت صافي
خرج للبالكو شعل كارو وهي دوشات وخرجات نشفات شعرها ولبسات عليها حتى كتشوفو خارج عندها:ساليتي
هزات راسها باه
شدها من يديها وخرجو من دار ركبو فلوطو وحرك لواحد المطعم على لبحر قادو ليهم طبلة على الرملة ودواوات ضايرين بيهم معزولة على البشرية خلاو الماكلة على ذوق الشاف
كانت غير ساكتة وجامعة يديها عندها
يوسف بهدوء:اتبقاي ساكتة
شافت فيه وعنيها دامعين:لا غنهضر .كان خاص قبل يصبح الصباح نمشي بحالي من داك الدار وندير فيا النفس ولكن ماقدرتش انا ضعيفة قدامك لدرجة زطمت على كرامتي وبقيت جالسة وكنبكي كنصبر راسي براسي .بغيت غير نعرف انا شنو درت ليك باش دير فيا هكا وشكون هادي لي دارت فيك هاد الحالة خلاتك تجبد سميتها ونت معايا فالفراش
يوسف بقة ساكت شحال خاطص ينهي هاد الموضوع:نرجس ليلة دلبارح نسايها من بالك حيت ماغاتجي تاشي وحدة فبلاصتك صافي كنت مشوش فدماغي وصفي ادن ليلة دلبارح دازت فكري فلي جاي وفالولد لي فكرشك ونساي علينا داكشي لي داز
نرجس:ولكن
قاطعها :شش صافي نساي ليلة دلبارح عتابريها مادازتش وهني راسك
نرجس :وشكون هاد عائشة
يوسف:ماكايهمش المهم ماغاتبقاش كاينة غير نتي وصافي
بقات كتشوف فيه ماعرفاتش علاش كلامو ريحها اصلا هي ماتقدرش تفرق معاه هو راه ولا كيمشي ليها فالدم:واعدني عمرك تخلا عليا ايوسف عمر شي وحدة تاخد بلاصتي فحياتك
كانت متكية فبيتها وحاطو يديها على كرشها لي كبرات دابة دخلات لشهرها يقدر فاي لحضة تولد شادة كليفون بليد لوخرا ديال حنان وكتهضر مع الزاهية:ماعرفتش قالتلي كولين ملي كيدخل الشهر التاسع يقدر نولد فأي لحضة ماما شاداني الخلعة والله
الزاهية:ماعندك مناش تخافي ابنتي كلشي غيدوز على خير كلشي كيولد وكيولي بيخير هدشي ماكايخلعش بالعكس خاص تفرحي اتشدي ولدك بين يديك
عائشة:هدشي لي بقة نفىح بيه لاش بالسلامة خليني ساكتة اماما حسن
الزاهية تنهدات:دابة تربي عليه لكبدة غير كتهضري دابة
حنان مشات لشغالها وعائشة بقات فدار .عيات بلطلاس ناضت دخلات دوشات تخفف عليها وقفات حدا المراية بجسمها لعاري وهي كتشوف كرشها قداش ولات كبرات بزاف حطات يديها على كرشها فتش حسات بيه كيتحرك شوية شدها شي حريق ملتحت هضات على شفايفها تكوانسات بحاليلا ضو ضربها شوية بشوية مشا لحريق تنهدات ولبسات عليها وخرجات للجردة بقات كتمشة وهي كتفكر فحياتها كيف غتولي باغة غير فوقاش تولد وترتتح وترجع لدارهم وسط عائلتها مابقات باغة والو من غير هدشي
بقات شحال كتمشة فالحديقة حتى حسات براسها عيات دخلات لدار يلاه اطلع فالدروج وهو يشدها نفس الحريق تحنات وجلسات فالدروج هاد المرة كان كتر من اللول حسات بحال شي جنوي تغرس فكرشها شهقات فاش زاد جهاد وحسات بشي حاجة دافية هبطات ملتحت مابقاتش قادرة تصبر وهي تغوت ربي لخلقها
عيات دخلات لدار يلاه اطلع فالدروج وهو يشدها نفس الحريق تحنات وجلسات فالدروج هاد المرة كان كتر من اللول حسات بحال شي جنوي تغرس فكرشها شهقات فاش زاد جهاد وحسات بشي حاجة دافية هبطات ملتحت مابقاتش قادرة تصبر وهي تغوت ربي لخلقها شدات فلحديدات ديال الدروج وهي كتبكي بقوة لحريق غادي وكيجهاد ناضت بصعوبةةوهي كتغوت وتعيط:خااالتي حنااااااااان..عتقيني كنمووت خالتييي
جات الخدامة كتجري شهقات:بنتي عائشة
عائشة شافت فيها:عتقييني كنمووووت
الخدامة:ناري غتولدي نمشي نعيط لالة حنان الله ياربي تا طليفونها نساتو
خرجات كتجري وخلات عائشة كتلوة فبلاصتها حطات يديها على حيط وهي كتمشة بصعوبة حاسة بلتحت ديال كرشها شاعلة فيه العافية ولات كلها عرقانة رجليها فشلو عليها جلسات فالارض عمرها تصورات لحريق لولادة داير بحال هكا قاصح بزاف حطات يديها على فمها وعضاتها بالجهد كتبرد فيها الحرارة متقدراتش تزيد تصبر وهي ترجع تغوت وهي كتعيط ماما تمناتها تكون معاها فهاد اللحضة بقات كتبكي وكلمة ماما فمها
عائشة شدات ليها فيديها وزيرات:كنحس براسي غنموت عتقيني الله يخليك
جات الخدامة كتجري وفيديها طليفون :هاهو الالة
حنان:هنا ابنتي نعيط ليهم يجيو دابة
دوزات نمرة دكولين طافي..رجعات دوزات نمرة دمجد والو ماجازجاوبش حماقت وهي كتحاول تاصل بيهم او والو
حنان شافت فعائشة جالسة فالارض وكتغوت وتبكي من الحريق ماعرفاتش شغا دير ولحال بعيد من لهنا لمدينة باش تديها لطبيب صعيبة بزاف شافت فالخدامة:سيري ابنتي عيطي لمي هنية تجي الله يرضي عليك
مي هنية:ها راس خرج زيدي ابنتي زييدي الله يرسي عليك
مي هنية كتخشي يديها وتوسع باش تعاونها وعائشة غير كتغوت ربي لخلقها كتهز من بلاصتها ورتجع تنزل مي هنية كتغوت معاها وتشجعها باش تزيد تزحم حتى كيتسمع صوت لبي بي كيبكي خطفاتو وخرجاتو وهي شاداه من رجيلاتو وصوت بكاه كاسر الدنيا
مي هنية بتاسمات:الحمد الله على سلامتك ولد تبارك الله
حنان كتمسح دموعها:الحمد الله يارب الحمد الله على سلامتك ابنتي ومبرووك عليك لوليد يتربى فعزك
وصلو للدار نزلو كيطيرو .ملي خرجو من دار زعيم شافو الاتصالات ديال مو نساه فطوموبيل وكولين طفت ليها طليفون من لاسارش عرفو راه كاينة شي حاجة .حلات ليهم الخدامو لباب قالت ليهم اش واقع
طلعو نيشان لعندها لبيت
حنان:على سلامتكم من صباح وانا كنعيط فين غابرين
مجد شرح ليها اش كاين وكولين مشات كدير لعائشة فحص لقاتوانهت خاصها شوية دلغراز من لتحت باش تجمع نزلات وجابت داكشي لاتحتاج وخيطات ليها ملتحت ونطهراتها شوية وبدلو ليها حوايجها وبدلو لعطا دناموشية ضربات ليها واحد الشوكة
باسو على راسو ومدو ليها طلعاتو للبيت ردعاتو وحطاتو ففراشو باش ينعس بقات واقفة حداه وهي كتشوف فيه والابتسامة على وجها ولا جزء منوحياتها خباتو قبل يتولد وزادت حباتو دتبة فاش تزاد يكفي انه خلاها تشوف الفرحة فعنين يوسف فاش شاف ولدو بيني يديه هو لي غيزيد يقربهم .حسات بيه وقف حداها وهو كيشوف فولدو:شتي ولدنا شحال مهدن
يوسف:اه
بقاو شحال واقفين :يلاه نعسو خليه يرتاح
فهاد اللحضة كلشي كان ناعس منزبعد نهار طويل ومتعب بالنسبة ليهم
جا نهار جديد
حلات عنيها بشوية وهي كتحس بداتها كلها كدرها بغات تحرك وهو ينغزها شي وجع ملتحت رجعات تكات وهي حاطة يديها على كرشها مابقاتش منفوخة كيف كانت تفكرات لبارح كيف داز عليها شافت لباب تحلات كانت حنان وفيديها لبي بي
مداتو ليها هزاتو بين يديها كان ناعس وكيتنفس بهدوء صغيور وملشي فيه صغير بقات كتشوف فيه كتخاول تحس بشي حاجة من جيهتو ولكن والو قلبها برد .شوية بدا كيتحرك حتى فاق وبدا يبكي قبخات وجها كيغوت بزاف مداتو لحنان:سكتيه اخالتي
حنان خداتوةفيه جوع خاص تردعيه ابنتي ولكن تاتاكلي وتشربي دواك بعدة
دخلات الخدامة والصنية فيديها دلماكلة حطاتها حداها
حنان:كولي ابنتي
عائشة كان فيها جوع من لباح ماداقت النعمة
كلات داكشي لي قدات عليه ورجعات اللور حنان قربات وحطاتو ليها بين يديها:ردعيخ ابنتي راه فيه الجوع
دارت داكشي لي قالت ليها فلول ماعرفش مسكين كيف يشد البزولة ولكن من بعد وبدا كيرضع كان فيه جوع بقات حاضياه كيغ كيرضع..نعس وهو بين يديها بعدات البزولة؛صافي نعس
الزاهية:رتاحيتي بعدة شوية راه خاص تنعسي مزيان وتاكلي مزيان وتهلاي فلبي بي تاهو
عائشة شافت غالولد ناعس:ان شاء الله
دوزات ليها سارة:وينو غويشتي جابت لينا بي بي مروك الالة وعلى سلامتك
عائشة:الله يسلمك
سارة:اتعمرو علينا دار بصوت لبكة وريحة دليكوش وضحيكات وتهرنين الله من دابة انا حبيتوو
عائشة غير ساكتة
سارة:رتاحي وماديريش فبالك
عائشة:بغيت غير فوقاش نرجع بغيت هادشي لي زاد عليا وهاد البعد لي بعدتو على عائلتو وهوما هانيين نردو ليهم بغيت نفركت ليهم العش كيفما فركتو ليا حياتي وبعدوني على عائلتي أسارة بغيت غير فوقاش نرجع ونرمي عليهم هاد الولد يعرفو راه ماشي غير ولد نرجس لي كاين نكد عليهم فرحتهم كيف رزاوني فضحكتي
سارة تنهدات:صافي نتي غير رتاحي ولي دارها الله هي لي غتكون
سلاو الهضرة وقطعو بقات كتشوف لبعيد وهي كتفكى فدتكشي لي داز فهاد المدة لي بقات بعيدة حقدات وكرهات وندمات توضحو ليها بزاف دلحوايج عرفات ان بنادم ماكايرحمش بنادم غير صاحب حتجتو لا لفة الفرصة ياكلك ويشرب من دمك تأكدات انهماكابناش بلاصة للمحنة والنية خاص تكون أناني لا بغيتي تعيش وهي هكا غدير اتولي انانية.فيقها من تفكيرها صوت لبي بي كيبكي دغية فاق شافت فحنان:عفاك هزيه اخالتي الله يخليك
حنان هزاتو :رتاحي ابنتي هاهو معايا
خرجات وموراها مباشرة دخلات كولين :صباح النور كي صبحيتي
عائشة:الحمد الله
كولين:ندير ليك فحص بعدة نشوف كيف بقيتي
فحصاتها لقات كلشي هو هداك:كللسي مزيان
بقات جالسة معاها شحال كانت خارجة باش تخليها ترتاح وهة تنطق عائشة كولين
كولين:نعام
عائشة:دابة انا صافي ولدت بغيت ندير شي حاجة فحياتي نكمل قرايتي
فهاد اللحضة دخل مجد سمع هضرتها:ايه ماحدك باقة صغيرة ديري شي حاجة فحياتك خصوصا وااضروف لي نتي فيها
عائشة شافت فيه:كيفاش
مجد:سمعت هضرتك نتي والوليدة شحال هدا وعارف اش واقع
حنات راسها
مجد قرب لعندها وهز ليها راسها لفوق:عمري تحني راسك ديماةخليه لفوق هدشي لي وقع ليك وقع لبزاف ماشي نتي أول ولا أخر وحدة .صافي نساي وقوي راسك وقراي
هزات راسها باه
مجد رجع اللور:شنو باغة تقراي
عائشة بقات ساكتة شحال عاد نطقات:بغيت نولي سيدة أعمال حتى انا نولي بزنس ومن
مجد:مزيانة خصوصا وعندك النقطة دلباك 18 دخلك لاحسن المدارس
كولين:اه بصاخ ولابغات تقرا على برة مزيانة
عائشة:لا لا مابقيتش باغة نزيد نبعد على عائلتي بغيت نقرا غا هنا قريبة لماما
مجد:صافي نتي رتاحي ليك هاد السيمانة وانا غنتكلف بهادشي عندي المعاريف انشوف ليك شي كلية لي تكون مزيانة
عائشة:شكرا بزاااف والله
مجد:عزيزة وغالية اصغيورة
بتاسمات
نمشيو للنادي
كان هو وياه فلاصال التدريبات من بعد ما ربح وتأهل للبطولة فرحو بزاف وزادو فتداريب باش ياخدو البطولة وتكون من نصيبهم مابغاوش يحشمو بعماد على التيقة لي عطاهم..فهاد المدة تبدلو شي حوايج تزاد مصروف الدخل ديلهم شهري عماد تهلا فيهم دار ليهم ابارطومو وطوموبيل لواحد طبعا بفضل مجهودهم وخدمتهم
كانتوجالسة فصالة غير ذافتو دخل حطات طليقون وناضت لعندو :بديتي تجمع وراق طلاق ولا مازال
خنزر فيها باينة فيه معصب:واش انا مسالي ليك كيحساب ليك انموت نبقة معاك راه كنتسنى نهاى لي عنسني على ااورقة ديال كلاق بفارغ الصبر باغس نتهنة منك ومن صداعك لي ماكايساليش
تنهد وطلع فالدروج هضرات بصوت مرتافع باش يسمعها:ايوا هي لا زربتي على هاد الطلاق حيت مابقيتش قادرة نستحمل نزيد نهار هنا معاك
دخل لبيت حيد القاميجة ورماها فالارض مو وباع فاش ساقولو لخبار باغي يطلق امونة باش يتزوج بالبنت لي سمحات فيه وغدراتو مابغاوش قالولو ها السخط ها رضة ونت طلق امونة على قبلها ماعرفش اش يدي حار دابة كيفكر اش يدير هو ضاروري ختص يطلقها وفأقرب وقت ممكن
ساراتها على دا كاملة تا دخلاتها للبيت:وهدا بيتك نتي ولفنيكيش وجدنة فيه كلشي
عائشة كتشوف فلبيت كلو فلغوز لون لي كيعجبها وحدا الناموسية ااكوشة ديال لبي بي فلازرق عجبها بزاف:زويييين كيحمق
سارة:عصام مسكين ما مخلينا محتاجين والو الزاهية جلسات من الخدمة كل شهر كيصيفط التقدية حتى لدار والمصروف حتى هو واخة ماكايجيش لهنا كاع غير مرات كيجي يطلب طليلة
عائشة حطات يديها على كرشها:شوية غير ملي كتحرك بزاف كرشي كدرني
الزاهية:ايوا راه يلاه سيمانة باش ولدتي خاص مزال ترتاحي
سارة:كي بقة لبجيغيط ديالنا
عائشة:عتكيها غا لبكاوات ماكايسكتش اربي سلامة خاصو كل شوية يرضع
الزاهية:ايوا راه باقي صغير هويلي
سارة:دابة غنشوفو تا لعشية ماشي مشكل نصبرو.درنا هكا غير باش مانطيحوش قشب مشكل مع داك زعزع ديالك حيت شي مرات كنكون هارجة كيبانلي داك لحتراف ديااو دايز بطوموبيل مابغيناش يشوفوك ونتي داخلة مع البي بي
عائشة:وهو كتشوفيه
سارة:شكون
عائشة:يوسف
سارة:لا من غير صحافة وداكشي عمري شتو مباشرة من داك نهار لي صيفط مورايا
عائشة:اه ايوا مزيان
الزاهية:ووهو مسالي لهادشي مقابل مشاريعو ومراتو وولدو لي تزاد
عائشة هزات كتشرب من ااعصير:واخة تنشوفو هدشي
دازو ساعات
كان طالع فدروج للجناح ديالو ونرجس معاه كانو فزيارة عند عائلتها يشوفو حفيدهم صونا ليه طليفون جاوب :اش كاين
بقة ساكت وهو كيسمع للهضرة هضر ببرود:صافي مزيان
قطع ورجع طليفون لجيبو
نرجس شافتو غي ساهي:مالك
وصلو للجناح وقف فلباب:والو
قلب الدورة وخرج تنهدات وحطات وليد فوق النموسية
فجيهة لوخرا
نزلو تا لباب دار يستقبلو حنان لي جات هي ولبي بي سلمو عليها الزاهية خدات لبي بي وهي كتبوسو على جبهتو:تبارك الله ربي يحفضك ويسترك
عائشة اقفة بعيد عليهم:وا خليونا نطلعو مانبقاوش فلباب وجدو كاسكروط والضيافة وجلسو مجمعين على لبي بي فرحانين بيه
مريم:دابة ايعيطلي خالتي ياك
عائشة:اه حتى يتعلم بعدة يهضر
مريم:كيحمق
سارة هزاتو:وينوو لحبيب دخالتو
باستو وشافت فيهم:اجي واش ماغانسميوهش ولا شنو
الزاهية شافت فعائشة:اش باغة تسميه
عائشة كتشوف فالتلفازة بادي واحد الرسوم كيعجبها:مانعرف
الزاهية:هويلي تي شوفي فينا راه هاد اولد ولدك لي هنا
عائشة شافت فيه:وصافي تكلفو لي عجبكم سميوه
حنان غير كتشوف فيها من نهار ولدات وهي ماداياهاش فالولد نافرة منو
الولد بدا كيبكي اازاهية:احي ردعي الولد راه فيه جوع
عتئشة ناضت وهي كتأفف:هدا ولبكة ماكتيساليوش اري نشوف
هزاتو بالجهد
الزاهية غوتات عليه:بشووية عليه واش حنقة واش باغة تفرعيه
عائشة جلسات وقداتو بينويديها وبدات كتردعو:هاهو
بقاو غا كيشوفو فيها
حنان دوزات معاهم العشية وجا الوقت باش تمشي
حنان
حنان عنقات عائشة نزلو دموعها ولفاتها بزاف عمرات عليها الدار:بنتي تهلاي فراسك وفولدك ماتساينيس مرة مرة تفكريني
عائشة:ان شاء الله اخالتي راه نتي ماما تانية عمري نسة خيرك
حنان:اي حاجة حتاجيتيها اجي مرحبا ومجد راه كيقاد ليك لوراق ديال قرايتك لقة ليك مدراسة خاصة بادارة الاعمال دابة يعيط لماما ويهضر معاك على هدشي
عائشة:لهلا يخطيكم عليا اخالتي
سلمو عليها وشكروها على خيرها لي عمرهم ينساوه ومشات بحالها
سارة دخلات عندهم شافت دري كيبكي خداتو من عند الزاهية وبدات كتحاول تسكتو
الزاهية قربات لعند عائشة بغات تهز يديها ضربها ولكن حبسات :كون كنتي نتي كتسمعي للهضرة كون ماوصلناش لهدشي قوليهالراسك هاد الولد جا بسباب أخطائك نتي بوحدك وحنا ماشي حرايمين باش نقتلو ولد صغير روح عند الله عزيزة سمعتيني ماتخليناش نحيو المتضي وحنا عاد باغين نقادو داكشي لي ضاع فيقي معايا وتبتي شوية راك مازال ماعارفاش راسك شكا ديري مزال دماغك طايش ومازال ماحاساش براسك فين وصلتي بالخفة لي فيك
عائشة حنات راسها وتنهدات نزلو دموعها رجعات شافت فماماها:ماما اناراه تبدلت مابقيتش كيف كنت انا راه عارفة راسي شكا ندير الماضي راه مزال كيحفر ليا فقلبي مزال كنتفكر الهضرة دخويا كنحس بتأنيب الضمير .عارفة الغلاط غلطي والولد ولدي ولكن راه مازال الحد الان مامستوعبة انني ام عندي ولد .ولد جبتو من لحرام وباه ماحاملنيش وماعارفش حتى واش عندو شي ولد .ولدت ولدي بالتخبية بعيدة عليكم وعلى باه ما ولدتش بحال نرجس لي كلشي عارف بولدها ودايرين بيها عائلتها وراجلها فرحان بولدها كي بغيتيني نتقبلو غير قوليلي .انا حملت راسي مسؤولية انا ماشي قدها ضعيت راسي بيديا .ماما هاد المدة لي غبرت فيها كرهتو بزافف وزدت كرهت راسي على نهار لي حطيت فيه عيني على راجل مزوج بعيد عليا كل البعد.ماما صبرو عليا راه قلبي تقال عليا ماتعاتبينيش اماما الله يخليك
سكتات وهي كتبكي
الزاهية قربات لعندها وعنقاتها :صافي هنا معاك ابنتي صافي
عائشة بعدات وشافت فمها:أماما ماتديش عليا عفاك
زاهية باستها على راسها:صافي ماديريش فبالك
سارة واقفة ولولد على صدرها سكتاتو وكتشوف فيهم هي حاسة بعائشة باقة صغيرة على هادشي وعارفة انه مستحيل تخلا على ولدها مع الوقت أتعرف بقيمتو
عائشة مسحات دموعها وشافت فسارة:عطيني نرضعو
مداتو ليها رضعاتو حتى نعس وخداتو منها الزاهية حطاتو فبلاصتو
الزاهية:نوضي باش تفطري
عائشة هزات راسها باه خرجو وخلاوها جالسة فوق النموسية بقات شحال كتفكر من بعد ناضت غسلات وجها وخرجات لقاتهم جالسين جلسات حداهم شربات لعاصير وشافت فمها:ماما انا دابة صافي ولدت شنو غنديرو
سارة:بصاح الولد دابة تزاد مايمكنش يبقة هكا مخبي وهو عندو باه وعائلتو.تا داك زعزع راه غالط وخاص يتحمل المسؤولية دولدو
عائشة:ماما انا ماغانطلبو لا يتزوج بيا لا والو حيت خاطري هرب منو مابقيتش حاملاه خليه مع مراتو لي كيضل يعايرني بيها .ماعندي لاش ندخل بيناتهم مابقاش كيهمني بغيتو غير يتصدم ويعاني كيف عانيت انا ..ندمو على نهار لي ستحقرني وقلل مني ويتحمل مسؤولية ولدو كيف متحمل مسؤولية ولدو لاخور
الزاهية:هدشي لي غيكون ولكن علاش لي مايتزوجش بيك نتي تبقاي ضايعة هكا
مجد:الله يهديك شمن خلاص صافي راه تكلفت بكلشي ومول هاد المدراسة كنعرفو المهم نتي غير قراي مزيان هدا هو الخلاص وتهلاي فلولد براكة
عائشة:ولا حشومة عليك غير قوليا ماجاتش كلشي على حسابكم يكفي جلست معاكم الفترة دلحمالة ونزيدكم بهم لقراية حشومة كاع
مجد:نتي المدة لي جلستي معانا راك وليتي وحدة من العائلة ماشي برانية نساي دابة هدشي وجدي راسك كاينة واحد المناسبة بغيتك تحضري ليها
عائشة:شمن مناسبة
مجد:دابة نتي باغة دخلي لعالم البزنس والتجارة تولي سيدة أعمال .من دابة شي يامات غيتم افتاح اكبر شركة فعالم البورصة غيجيو ليها غير اغنا رجال اعمال وغير شخصيات المهمة ومول هاد الشريكة صاحبي من يامات دراسة عرض عليا باش نخحر لهاد الافتتاح وبغيتك تكوني معايا باش تكتاشفي هاد العلام وتعرفي كيف داير تاخدي فيكرة عليه
تكة فوق الفطوي حاطو على صدرو ولبيسي قدامو كيخنتش فيه شي حاجة دلخدمة .شد لبي سي وهز ولدو بين يديه كيبجعط بتاسم وباسو على راسو بقة كيشوف فيه من بعد رجعو على صدرو وهز طليفون دوز نمرة صونا من دقة لولا جاوبو:كاين شي حاجة
الراجل:لا اسيدي نهار كامل ماخرجاتش كاع
يوسف :مزيان
وقطع ورجع كيلعب مع ودلو وهو مبتاسم .وليد الوحيد لي كيكون معاه على طبيعتو كيعطيه وقتو كلو واخة باقي صغير ومزال ماشاد فراسو خف من ريشة المهم كيحس بيه طرف منو
بتاسمات وهي كتشوفهم بجوج من لبعيد منضرهم زوين بزاف حمدات الله ومشات جلسات حداه
شاف فيها وبتاسم
نرجس:شحال زوين تكون اب
هز راسو باه وهو مبتاسم لولدو
نرجس تكات حداه فوق الفطوي و حطات راسها على كتافو وشدات بيديها يديدات وليد
مدات ليها طليفون عجبوها:زوينين بزاففف تا تصيفطيهم لي
دينيس:200 درهم للتصويرة
نرجس:تستاهليها
دينيس:ها بدر جااي يجي يتفقص تاهو
كان جاي من جيهة لوخرا بانت ليه غير دينيس حتى قرب وهو يشوفهم متكيين بتلاتة فوق الفطوي بغة يرجع ولكن ماجاتش وصل تا لعندهم
وقف:كتشمشو
نرجس حتراما ليه تقادات فالجلسة
يوسف:مابقيناش كنشوفوك
بدر جلس اونفاص معاهم:نت مشغول مع الشريكة جديدة ايوا خاص نديوها شوية فالخدمة
يوسف:ايوا مزيان
بدر نزل عنيه على وليد وبتاسم
يوسف:شتي الزعيم صغير
بدر قرب وهزو بين يديه:شتو البطال ديالنا
باسو على راسو ورجعو لباه:الله يحفضو
يوسف:أمين
بدر علا عنيه شاف ففنرجس كيف مبتاسمة وكتشوف فيوسف و وليد :نخليكم عندي مانقضي
ومشا طلع لبيتو يبدل عليه باش يولي يخرج عطا وعد لراسو يخرجها من حياتو وداكشي لي كيدير كيصبر راسو وكيزطم على قلبو بدل عليه وخرج
نمشيو لجيهة لوخرا
دخل لدار شد الباب بساروت شافها جالسة كتفرج بتاسم ليها ناضت باستو على وجهو :توحشتك
زاد قربها ليه وعكس راسو فعنقها:تا انا
دورات يديها على عنقو وهي كتحلون عليه :بغيتي شي مساج ياك
هز راسو بلا وهضر بهمس:بغيت حاجة خرا
عضات على شفايفها:شنو بغيتي
بقة كيشوف فيها جرها ودخلها لبيتولاحها فوق النموسية وحا فوقها
بدات كتحل ليه صدافات القميجة:ما قلتيليش اش باغي
بقة كيشوف فيها خشا صبعانو وسط شعرهتا وهو مبتاسم فلحضة زير ليها على شعرها حتى شهقات:بغيت نقتلك ونخرج روحك بيديا
قلبها ولا كيضرب فلمية:جعفر مالك شنو درت ليك
جعفر:يحساب ليك ناعس على راسي كتخونيني ابنت القحبة
بلعات ريقها:كيفاش مايمكنش انا
قاطعها بصقلة لوجها:سكتييي انا جعفر حتى حاجة ماكاتفوتني كنعرف كلشي وكنشوف كلشي .شنو قلت ليك نهار لول اتكوني معايا ومعايا بوحدي نهار نلوحك سيري معامن ما بغيتي وديري لي بغيتي عارفك طماعة وباغة لفلوس عطيتك كاع داكشي لي باغة ولكن القحبة كتبقة قحبة .وكتعرفي العقاب ديال لي كيلعب مور ضهري شنو هو
هزات راسها بلا وهي أتموت بلخلعة شوفاتو خلعوها
جعفر:الموت خاص تموتي باش انا نرتاح.
بغات ترجع للور وهي كتبكي وترغبو دور وجهو هز خدية بغات تنوض وهو يتحنة لعندها حكمها وحط لخدية فوق راسها وزير عليها بدات كتفركل كتحاول تبعدو ولكن هو قوة منها كيزيد يزير خنقها مزيان مارحمهاش حتى ترخات بقة هكاك شحال تا حس بروحها خرجات كانت ميتة ناض ورمة لخدية وجلس فوق الفطوي وهو كيشوف فيها .بتاسم وشعل كارو :مانسيتكش اعويشة رجعتي للموت بيديك .ماشي جعفر لي ضحكي عليه خاص تخلصي وتبعي لي سبقوك
بقة جالس شحال تا سلا لكارو ديالو وناص خل لباب وعيط لرجالو يهزو الجتة بحال ديما .جعفر على قد ماكايعشق حواء كيكرها كيتلدد فاش كيقتلهم بيديه نص لبنات لي دازو فحياتو ماتو على يديه بدم بارد قليل لي نجات منو
جات لعشية
فالنادي
كانت واقفة كطلب جيدوغونج من بعد ماسالات الحصة ديالها وقف موراها باش يخلعها حرك يديه بشوية على ضهرها تا قفزات وهي كتغوت كانت ساهية
ضارت لجيهتو:عصاااااام واش حمق خلعتيني
عصام بقة كيضحك:ونتي على سبة شوهتينا كلشي كيشوف فينا
دينيس:اووف قلبي كان أيوقف
مد ليها سيرفور لعاصير
خداه عصام وشرب منو:هدشي زوين
بغات تاخدو وهو يبعد يديه:اووف طلب اخور عطيني ديالي
رجع شرب منو ومدو لها:هاكي شربيه ترجع فيك الروح
بتاسمات وبدات كتشرب من العصير:ساليتي ااحصص ديالك
هز راسو باه:ساليت
دينيز:تا انا
عصام:مزيان وداك فاتي فين هي
دينيز:جابتني معاها ومشات بكري دابة خاص نتسنة شيفور
عصام:وانا شكا ندير هنا
دينيز:توصلني زعمة
هز راسو باه
دينيز ضحكات:اهاااه يلاه
حطات لعصير بلا ماتكملو:زيد يلاه
عصام:والعصير
دينيز:بلاش
عصام:تسناي
هز لكاس هبط عليه فدقة:دابة زيدي
بقات كضحك خرجو ركبو فلوطو ديالو .كسيرا بااجهد وهي فرحانة حيت هو لي غيوصلها
عصام كي لعادة خدم الاغاني لي كيعجبوه الواي واي (راها لاسقة كيلا ليكسطا راها عليا معولة كل ليوم ديرلي الفوضة..باستي بشواربها والخالة طبعتها نبعت لها مرسول ياو مانكعدش ندور خخخخ س.منين تخسر تحلا تولي تنقز كي نحلا طاطواج في ضهرها ياخليوني نضربها راها فيا عاشقة كل يوم لاسقة )
دينيس كتشوف فيه منساجم مع هاد النوع دلاغاني وكيغني معاهم
عصام شاف فيها وبتاسم:مالكي
دينيس:اول مرة انتصنت لبحال هاد الاغاني فشكل ديال شماكريا
عصام:هي انا شمكار
دينيس:لا لا ماشي هكا ماشي اي واحد كيتصنت ليهم راه شمكار غير قلت وصافي عنداك يبقة فيك لحال
عصام:مرحبا فوقاش ما بغيتي ضربي شي دورة بالواي واي هنا فالخدمة
دينيز:صافي مشات يلاه نتشاوفو
عصام:نتشاوفو
دينيز:فكرتيني عندنا واحد الافتتاح من دابة شي يامات مرحبا بيك نت ومهدي نسيت ماقلتهالوش
عصام:اه ديال خوك
دينيز:اه
عصام:ان شاء الله
دينيز:يلاه بسلامة
عصام:تهلاي
نزلات وهي فرحانة غطير دخلات لدار وهو كسيرا مشا بحالو
دازو الايام وجا نهار الافتتاح
نرجس كانت واقفة بكامل أناقتها قدام لمراية ماشي راه مرات يوسف الزعيم غتكون واقفة حداه بصيفتها مراتو اامساندة ديالو خاص تكون بأبهة حلة رشات من العطر ديالها ودورات وجها شافت فالخدامة هازة لبي بي:كي جيت
خدا منها الكاب وفتحو بين يديه باش تلبسو بتاسمات ولبساتو:شكرا
خشات يديها فدراعو وخرجو ركبو فلوطو نيشان للشريكة فين يتقام للايفتتاح وصلو كانت الصحافة على برة غير نزلو تجمعو عليهم كيصورو ويطرحو الاسئلة جاو سيكيرطي خواو ليهم طريق باش يدوزو وصحافة مازال تابعاهم حتى دخلو لداخل .ستقبلاتهم وحدة من الموضيفات خدات لكاب من نرجس وكملو طريقهم لقاعة الافتتاح فين كاينين أشهر المجالات والصحافة ديال بصاخ خداو ليهم صور دون اي أسئلة عارفين غيجي وقت طرح الاسئلة كلشي كان منضم كل واحد شاد بلاصتو وكيشوفو بعينيهم وكل واحد وشنو هاز فقلبو .نرجس غطير بالفرحة ويديها فيديه والانضار عليهم وقفو حدا العائلة ديالهم عائلة الزعيم.ناصر كيشرب من كاسو وهو مفتاخر بولدو زاد هز ليه سميتو وزاد وسعها عالميا
أسقطته في شباكها فعذبها حتى أذاب فؤادها الجزء السادس
محتوى القصة
دازو ساعات
يتبع...
التنقل بين الأجزاء