كحلة العيون الجزء الرابع

🌸 بقات شحال كتشوف فعينيه تنهدات وهبطات راسها تاشوية كيمد يدو جر يديها وحطها بين يدو تاعاودات طلعات عينيها بسرعة فيه مخرجاهوم وهو بقا حاط يديها بين يدو وكيدور عليهوم صبعانو ..

سيف الدين : سمعي أنا عارف راسي غلطت ( كهضر وكيشوف فيديها وكيحاول يسخنهوم حيت كانو باردين ) عارف راسي مادرت فيها مايتصلح والنتيجة هو هاد الولد لي جاي فالطريق ( طلع عينو فعينيها كانو مدمعين ) ولكن تيقني أنا ماشي غير باغي نصحح الغلط ديالي ولكن باغي نحميك لا نتي ولا ولدي لي عاد جاي ( تنهد ) والى ماكنتيش تحت جناحي مغانقدرش نحميك ...

شهد : ( نزلات دمعة من عينيها ) مناش غاتحميني مافهمتش

سيف الدين : من الحوايج لي غاوقعوليك انفوا غايعرفو بلي حاملة بولدي ..

شهد : ( خطفات يديها زادو نزلو دموعها ) سيف انا مابقيت فاهمة والو صافي عافاك والله مابقيت قادرة عييت من كولشي عطيوني غير الراحة مابغيت والو نتا غامض وعائلتك هاكاك وانا مامستاعداش باش نكون منهوم ودابا هضرتك ... عافاك ..

عاود جبد يديها، تابقات كتشوف فيهوم ..

سيف الدين : شهد ماتقصحيش راسك خليني نتاكا مع الذنب لي درتليك ماتخلينيش نتحمل شي حاجة ما كتر ..

شهد : ماباغاش نعيش معاهوم ا سيف فهمني ماقادراش تانتا نشوف فوجهك ..

سيف الدين : ماغاتعيشيش معاهوم عندك دارك بوحدك وحتا انا ماغاتشوفينيش ...

شهد : ( خطفات يديها وغمضات عينيها خدات نفس معمق وعاودات شافت فيه ) فوقاش غادي نعقدو ..

دار ابتسامة خفيفة : شنو موافقة ؟ 

شهد : كون اكيد بلي هادشي كامل فقط وبس على قبل ولدي لا غير ..

سيف : غدا فالصباح كوني واجدة ..

شهد : ماشي زربتي ..

سيف الدين : كلما زربنا كلما حسن ( بقا كيشوف فجسمها ) طلعي دابا البرد عليك ..

ماعاوداتش شافت فيه دارت غادا وهو بقا متبعها من اللور تادخلات طلع يدو مسح على وجهو ودار مشا لطوموبيل بقا شحال كالس ومتكي يدو على الڤولون عاد حركها ومشا

🌸 طلعات لدار دخلات وهي تلقا مها واقفة جيهت الشرجم دارت بسرعة جايا لعندها ..

نادية : واش هو هادا ؟ 

حركاتليها شهد راسها ..

نادية : ( تنهدات ) شنو قاليك ..

شهد : غانتزوجو غدا ( كلسات فالكنابي ) ..

نادية : ( ابتاسمات ) غدا فالصباح ؟ ..

حركاتليها راسها باه : ماما الصراحة ماعرفتش واش هادشي لي كنديرو صحيح ولا لا ..

كلسات نادية جنبها ودارت يديها على فخاضها : شهد سمعي ابنتي أنا عارفاك دابا باش كتحسي ولي داز عليك ماشي ساهل ( طلعاتليها وجها بيديها كتشوف فعويناتها المدمعين ) أنا ماماك ومن كرشي ولدتك وبهاد اليدين ربيتك ونتي قلبك بيض وانا عارفاه ماعمرو حقد على شي حد لدرجة خالد وانا عارفاك ماحاقداش عليه من الداخل وديما راسك كيدير مبررات لاي واحد دارليك شي حاجة، حيت نتي هاكا وهاكا تزاديتي كاتسامحي وعندك قلبك بيض، هاد الراجل لي قلتيلي عليه واخا تعياي تقولي تاهو كيحس بشي حاجة ليك والا مايجيش عندك تالفرانسا ويرجع يعاود يجي دابا واخا رفضتيه مامرة ما جوج وواخا يمكن كيقمعك ولكن كوني اكيدة بلي تاحد ماغاتلقايه كيفما بغيتيه فهاد الدنيا واي واحد فيه سلبيات الا وفيه اجابيات ونتي دابا ماعارفاش يمكن تلقاي فهاد الراجل لي ماكاينش فخالد ولي عمرك غاتلقايه فشي حد نتي ماعارفاش شنو مخبياليك الدنيا وتقدري تكوني ناوية غير تاتولدي وتبعدي عليه ولكن ربي يكون مكتبليك حاجة أخرى ( ضربات ليها على فخضها ) توقعي خير ابنتي وانا متأكدة ربي مايخيبكش وتلقاي مع هادا كل ماكاتمناي ...

ناضت مشات وبقات هي شحال كتشوف قدامها

🌸 دخل لدار كانت الدنيا ساقلة .. مشا طالع فالدروج وتاجه نيشان للغرفة ديال ختو دخل لقاها ناعسة .. مشا وكلس حداها فالناموسية .. مد يدو ودوزها على شعرها تانزل وباسها فجبهتها .. رجع غطاها وناض من حداها مشا خرج مشا دايز تارجع ودخل لبيت ديال خوه شعل الضوء .. لقا بيتو خاوية دخل لداخل كانت كاملة مرونة وكاينين الوراق مزلعين دالقرايا حنا هزهوم فيدو وردهوم فوق البيرو سد البيسي ودور عينو مزيان على البيت لقا واحد القرعة ديال الشراب طايحة مزلعة تنهد ومشا خرج من تم مشا للبيت ديال مو ودخل لقاها تاهية ناعسة بقا كيشوف ولدها منعرف فين دالع وهي قدرات تنعس هاكا ولكن ماعندو مايدير كاتبقا مو .. رجع سد عليها الباب ومشا رجع هبط لتحت هو خارج وكيعيط ..

سيف الدين : نبيل معاك ؟ .. واخا سمحليا اخويا ..

دخل فالطوموبيل ورجع عاود كيعيط ومشا مكسيري تاوقف حدا واحد الديسكوتيك ونزل كيسول والو مالقاهش ورجع عاوتاني ركب ومشا لديسكوتيك بقا من واحد لواحد والو ولي عيطلو كيقولو ماشافوهش .. تاشوية كيعطولو البوليس ولحس الحظ انه عندهوم .. مشا توجه لكوميسيرية .. دخل غير شافو البوليسي ناض بسرعة كيسلم عليه طبعا مالقبطان الكبير ديالهوم غايولي نسيبو .. سولو عليه ومشا يالاه غايدخل لعندو تاكاتجي عينيه على بوليسي من الضباط لي تم كسرفقو .. توجهاو سيف بجوج خطوات عطاه قصح من التصرفيقة لي عطا لخوه تاطيحو للأرض ..

سيف الدين : هادي باش المرة جايا تحط يدك على سيادك

جر نبيل لي كانت باينة فيه مدروكي ودايخ ماكيشوف والو اصلا سنا على شي وراق وسلم على داك كبيرهوم ومشا جارو بين يديه تاوصل لطوموبيل ركبو كيعاير ويسب ومشا رجع ركب فبلاصتو وقلع مكسيري بجهد غادي من طريق الكورنيش فالرباط .. تاوقف الطوموبيل وهبطو مشا تالحاشية ديال الجرف وهبطو من قرفادتو ..

سيف الدين : بغيتي تموووت يالاه مووت هانا غانعاوننك بااش على الاقل ماتمشيش منتااحر .. ( كيدفعلو راسو ) يالاه موووت .. جرو وعاود جبدو من الكول ) هانا حدااك يالاه شنو مووشكيلتك معاياا مم مالك على هاد الحااالة ممم كنخلص عليك كل عام باش نتا تلوح ليا قرايتك وتجي تدرووكا لياا ااا ( صرفقو تاطاح للأرض ) يالاه وريني الرجلة اا فيناهي مم ..

ناض نبيل كيغوت باغي يدفو وهو يرجع عطاه كورشي اخر تاطاح فالارض مكومع هبط عندو سيف عاود جرو بيد وحامع ضربة باليد الاخرى وهو يشوفو عاكاك ومو خارج منو الدم وهو يعاود يرميه ..

سيف الدين : معامن كنهضر انا معامن ..

🌸 بقا كيشوف فيه شحال تابدا نبيل كيضحك ودمايات ففمو : بااقي كااتبي بين زعاامتك 

سيف بقا غير كيشوف فيه ..

نبيل : ( كيهضر كيشوف فالسما والكلمات كيخرجو معطلين وتقال ) نتا الكبير ونتا الوصي لول ههه نتا اليد ليمنية ديالو ونتا لمن كيسمع الهضرة .. ديما الحاجة نتا لي كاتديها ... وديما كلمتك لي مسموعة ( شاف فيه ) علاش ؟؟ علاش نتا نتا نتا كولشي كيخاف منك وكولشي دايرليك اعتبار ممم ... علاش ؟؟ 

بقا سيف غير كيشوف ويسمع حاجب بصهرو ضوء القمر على عينين نبيل ماعمرو كان كيضن خوه الصغير لي حاول فحياتو كاملة باش اوفرلو اهم الامكانيات اكون كيفكر عليه هاكا .. خوه اي من نهار مات باه او هو واخد حملو قراه ىرباه وكبرو وسيفطو لاحسن الجامعات فالخاريج باش اوصلو للمنصب ديالو بعيد على خدمتو والخدمة لي خداتلو اكثر سند فحياتو ... وفالاخير تسمع منو هاد الكلام ...

ماقال ولا نطق بشي حرف هبط عندو هزو كيتميل دار يدو على كتفو وداه ركبو فالطموبيل ركبلو السمطة ومشا ركب بلاصتو وديمارا .. الطريق كاملة مشا فواحد الهدوء مريب عينو حمرة دار شاف فيه لقاه نعس .. تاوصل لدار بلاصة الطوموبيل وحط يدو جيهت جبهتو مغمض عينو، كيفكر كيفكر فكولشي ورجعات بيه ذاكرتو اللول داك الليلة داك الكابوس وبالضبط داك الحادث ..

〽️ السيارة غادا بسرعة وسيارة من اللول تابعاها ولد صغير كالس القدام جنب لي سايك كان كيبكي مخلوع وماعارفش لاش غادين بداك السرعة ولاش هادوك تابعينو من اللور :: با شنو واقع ابا علاش تابعينا ..

كان كيشوف من المرايا عينو مزاگلين دار شاف فالولد : ماتخافش ماغايوقع والو ( كيشوف من الزاجة ) الكلاب الحمداوي ضربتي يديك ماغاتبقاش فيك ...

زادت السيارة لي من موراهوم فالسرعة تاجات قدامهوم وحاصراتهىم .. ضرب فران سيك تاتسمعات فداك الخلاء غير الجبال تاكيشوف جوج رجال من المنطقة بقا كيشوف فيهوم يالاه مد يدو غايفتح البواط لي جيهت الوليد .. تاكيفتحو عليه الباب وهوما يجروه غوت الدري وشدو من يدو تاتفتح عليه الباب تاهو وجرو الراجل لاخور وخرجو كيتجار معاه وكيبكي .. تاكيشوف باه رافع يدو موجه ليه السلاح ..

: ( هضر معاه بريفية ) شكون نتوما ...

الرجل : ( ريگل السلاح ) سي الحمداوي كيسلم عليك وقاليك عادي عبرة تالولدك باش يعلمك ماتطاولش معاه ( سالا هضرتو وتيرا ثلاثة ديال القرطاسات فكرشو ) ..

طلق الراجل الثاني من الدري ومشاو بجوج لطوموبيل ركبو بالزربة وقلعو ..

مشا سيف الدين كيجري تحنا لعند باه ودموعو نازلين : با با فيق ابا ( هبط عينو لكرشو ) با ماوقعليك والو ياك ابا ..

كيفتح عينو بزز طلع يدو كترعد : ولدي نتا الكبير تهلا فخوك تهلا فيه بزاف وفمك هوما لي بقاوليك ..

سيف الدين : ابا علاش كتقولي هاكا ابا ..

ضربلو على كتفو غمض عينيه ..

السند الوحيد لي عندو فارقو فارقو على سن ماكيتجاوزش 13 سنة 

〽️ طلع راسو كانت دمعة قاصحة نازلة مع حنكو دمعة وحدا كافية باش توصف قمة الالم لي مكتاسح قلبو

خليو دموعي راگدة حتا نكون فقبري وعلى خذي تهبط باردة .... القلب قصاح والكبدة جامدة .. نتوما سبابي ايدا وليت هاكدة

🌸 وصل الصباح هز ريحتو هي لي بقات رش جوج رشات ودوز على المعصم ديالو عاد هز الكونطاكط وتيليفونو ومشا هابط كيعيط للعدول وصل لطوموبيلتو ركب ومشا لموبل ديالها سطاسيونا وبدا يعيط ليها ماجاوباتش سيفطات ميساج بالفرنسية '' غانجي مور 5 دقايق '' تنهد حط التيليفون وبقا كيضرب بصبعو فوق الڤولون ... تاكيتفتح الباب قدامو دور عينيه كيشوفها هي ركبات سدات الباب ودارت السمطة عاد دارت شافت فيه ..

شهد : ( حيدات النضاضر دالشمس ) مشينا ! .. 

طلع حاجب ونزل لاخول وهبط عينو معا التضاريس ديال لحمها كانت لابسة مونطو فالاسود كلاس وغادي افازي عليها مع ليبا داللحم وبوط طويل فالاسود تالفخاض .. وطالقة شعرها بوكلاتو ودارت عكر فالاحمر الغامق ماكياج ثقيل .. 

سيف الدين : فوقاش فقتي ؟ 

شهد : ( علات حجبانها وهبطات شافت فساعتها وعاودات شافت فيه ) depuis 30 min علاش ؟ 

سيف الدين : ( ضحك ) لا باينة .. 

علات عينيها للفوق رجعات النضاضر وهو زاد ديمارا مهضروش الطريق كاملة تاوصلو لباب ديال العدول وعاد دار شاف فيها ..

سيف الدين : علاش ماجاوش واليديك ؟ 

شهد : ( بلا ماتشوف فيه ) ماغانبقاش انا فكل زواج مجيبهوم وزايدون ماشي زواج حقيقي لي غايستاهل احضرو على ودو .. 

تشوكا واحد اللحضة صغر عينيه فيها ..

سيف الدين : شهد باش نقولك واحد الحاجة مين غانتزوجو غانگلسو فالدار على الاقل واحد شهر عاد غانتاقلو للدار ..

شهد : ايوا شنو بغيتي توصلني من هاد الهضرة ..

سيف الدين : ( جبد تيليفونو ودار عندها ) يعني غانمتلو بلي مزوجين بصح وعلى أساس كنبغيك وكتبغيني ..

شهد : شنو زعما انا وياك غانمثلو قدامهوم الزوجين السعيدين لي كيحماقو على بعضياتهوم ولكن فالاصل ( قربات منو وشافت فوسط عينيه ) حنا مزوجين حيت راجل ماقدرش يحبس الشهوة ديالو واستاغلني ! 

(زير على يدو وغمض عينيه ماباغيش انطق شي كلمة لي ماغاديش تعجبها ) 

سيف الدين : هبطي ..

شهد : غانهبط اصلا حيت عندي واحد المقابلة ..

يالاه اايفهم اش قالت حتا اسطاسيونات طوموبيل حداهوم نزلات هي ومشات نزلات من داك الطوموبيل واحد البنت طلاقات معاها عطاتها واحد الملف وبقات كتهضر معاها عاد مشاو متقدمين تبعها هو من اللولر كيشوف هاد التغير لي طاح منها هاد الصباح مافهمش مين جاها وكيفاش جاها وشكون هاد البنت .. وصلو لداخل وهي توقف شهد وشافت فيه ..

شهد : قبل مادخل بغيتك فواحد الحاجة..

سيف الدين : شنو شي حاجة مزالة باغا توريهالينا هاد الصباح ولا كيفاش ..

شهد : يمكن ( مداتلو الملف واشارت بيديها لواحد المكلس تما ) تفضل بعدا وشوف هاد الوراق ..

شد من عندها الوراق وطلع فيها نصف عينو فتحهوم كيلقا عقد يعني اتفاقية ..

مشات كلسات وشافت فيه بقا جاي بخطوات هادئة وتقيلة وهو كيقرا بعينو تاكلس وحط الملف على الطبلة وشاف فيها .. 

سيف الدين : شنو هادشي مم 

شهد : شوف اسيف ماتفكرش انني تزوجتك حيت باغاك ولا حيت باغا نكون مراتك تزوجت على ود ولدي فقط وهادشي كامل وهاد الصداع فقط على ودو او كيفما انا باغا مصلحة من هاد الزواج تانتا باغي مصلحة ( سكتات شوية كتشوفو كيشووف فيها وهي تهضر ) وتانتا ماباغيش تزوج البنت لي ختارليك جدك وداكشي لاش درتيني انا طريق اولالا اسي تاجدين .. كون غير قلتلي هاد الهضرة حسن من انك تختارعليا ستوري انك باغي تحميني مادام مكاتبغينيش وراضي بهاد الزواج الا وانك باغي مصالح ومدام زواجنا على الوراق فخاسك تقبل بهاد العقل لي غادي يضمن ليا الامان فهاد العلاقة ..

سيف الدين : هضرتي بزاف كيبانليا

شهد : تانتا هضرتي البارح بزاف ودابا جات نوبتي كيفما راك عارف مرأءة مطلقة ماتسناش منها شي حاجة .. فكيف ما كان الحالة الزواج كان تجربة فاشلة بالنسبة ليا ومابغاش نعاودها داكشي لاش غانعتابرو زواج على الوراق يعني عمرو غايكون زواج نيت ومن الاحسن انك من مور الالطلاق تفكر تحيدليا الولد هادي عمرها تكون وثالثا أن الثلث ديال الاملاك ديالك غايتحولو بسميتي هادي 3 ديال الشروط ماشي شي حاجة كثيرة وانا موافقة على الطلب دقبيلة وغانمثل معاك اننا تزوجنا عن حب لا قدام واليديك ولا قدام واليديا ..

طلع عينو كيحاول اشوف الداخل ديال عينيها واش هادو هوما اول عيون شافهوم فاول لقاء لا مايضنش حيت داك العيون كانت مليئة بالحب والامل ولكن دابا كاملة عامرة حقد ماضنش نهائيا انه تعطيه هاد الشروط لي كتستحقر من رجولتو ومن المنصب ديالو هي ضناتو كأنه تابع الشهوة ديالو وكأنه دون قلب غايحيدليها ولدها وبحالي ماعندوش وجه لي ماغايعطيهاش النفقة ضربات حسابها وكانها كاتعاقد مع رجل غريب ودارت قدية بزنيز از بزنيز وعطيني نعطيك .. ضرب الملف بقوة وناض من الطبلة اكيد ماغايرضاش رغم انه نوا كاول حاجة انه يحميها ويحمي ولدو عاد فالزواج كحالة ثانية ونوا انه يأسس حياتو مي لقا العكس فيها وكانها ماشي المرا لي بغاتو مشا خارج وهو كيفكر واش لهاد الدراجة غلط معاها لي درجة ماقدرش يكفر على الذنب ديالو ..

مع الخرجة كاتوصلو ابيل جاوب بلا مايشوف ..

حسن : فينك عائلة حاتم وصلات والعدول كاين كنتسناوك غير نتا

قطع او وقف الوسط مابين نارين ياغايرجع ويسني ياغادي اخليها ويمشي ..

🌸 حاتم : فيناهو الولد اسي تاجدين 

حسن : ( ضحك بشوية وهضر بالثقالة مهدن ) راك عارف شغالو كتيرة فهاد اليام وعيطتلو قاليك راه ضارب حسابو ودابا شوية تلقاه حداك ..

حاتم : ايوا لاباس عليه

حسن : بعدا احسن حل درناه هو هداك نجمعو شملنا ونكترو من مصلحة وللادنا ..

حاتم : ايوا المكتاب مامنو هروب ودراري من صغرهوم كتابو لبعضهوم ..

حسن : ( ضحك ) كتابو كتابو اسس حاتم وانشاء الله نعيشو تانشوفو ولادهوم ..

حاتم : ( حركلو راسو ) انشاء الله 

🌸 بقات كدور بقفطانها وكضحك : كيجيت اماما كيجيت 

حياة : مشاء الله زين زين ..

مرام : ( شافت فاحلام ) ختي غانعجبو ياك ..

احلام : اكيد اروح ختها جيتي كتحمقي ..

مرام : ففف متوترة فوقاش غايجي ..

احلام : عيطيلو !! 

مرام : لا لا خليه يمكن تاهو م متوتر بحا بحالي م منصدعوش ..

احلام : ( حطات يديها على كتافها ) واش لدابا مزال ماموالفة معاه ..

مرام : ( كتمشي وتجي وطل من الشرجم ) لا يعني م ماكيخسناش ندخلو فكولشي يعني كتجيني حشومة نبقا معيبة عليه هاكا ..

احلام : ااه يلختي العزيزة وقلبك كيف داير ..

مرام : ( مشات وكلسات حداها وشافت فيها ) ختي بغيت نقولك واحد الحاجة .. ( سكتات شوية ورجعات شافت فيها ) انا غلطت غلطة كبيرة وكبيرة بزاف لي درجة بقات نذبة فقلبي وحسيتها حرقات نفسي من لداخل وحرقات كاع داك الاخلاق لي تعلمتهوم من وانا صغيرة ..

احلام : شكاتقولي ..

مرام : ختي انا درت لديك الطبيبة واحد الحاجة .. خايبة .. ( شدات راسها ) م ماااعرفتش شنو وقعليك فداك الساعة ولكن داكشي كامل لي درت غير على ود سيف وعلى ود باش منخسروش ..

احلام : شمن طبيبة ا مرام مافهمتش وشنو درتيليها يعني مافهمتش علاياش كتهضري دابا نتي

امرام : اففف يااا .. دابا ماعقلتيش انا باش كنت جيت عندك وقتليك ان خالتي نعيمة جابت واحد الطبيبة ..

احلام : ااا اه عقلت مالها ..

مرام : هاديك اختي عاديك لاحضت بحالي كتقرب من سيف و وانا ماقدرتش نحبس راسي وحاولت نديرليها اي طريقة باش تخرجش من دار حتا مشات وخربتليها علاقاتها ولكن والله وبالله حتا غير على ودو يعني ( تغرغرو عينيها ) حسيت براسي بحال شي شيطانة والله كلما كنتفكر كيفاش كنت هاكاك كنقول بحال شي دور شرير فشي قصة يعني ا انا باغا نحلم ونكون مراتو يعني ويبغيني بغيتو من صغرو اختي ( شافت فيها عينيها مدمعين ) يعني واش منستاحقش تاشوية من الحب لي عطيتو ..

احلام : توتو الله يا ختي الصغيرة ( ضماتها من كتفها وتكاتها على سدرها ) واش تستاهلي هاد الدموع نهار عقد قرانك .. يعني والله ماتستاهليش اختي انا حاسة بيك وي حاسة يعني نتي كتبغيه وخطيبتو يعني اكيد مين غاتخرج شي وحدة هاكا وقدامك فجأة طبيعي غاتعصبي ختي الغزالة هادو نابعين من نهنا ( حطات يديها على قلبها ) وانا متأكدة أن سيف غايجي نهار لي غادي ايشوف فيك هاد الحب

يالاه غاتهضر مرام تاكاتسمع صوت الطوموبيل وقفات ناضت بزربة كطل من الفوق تابانت ليها الطوموبيل ديال سيف ضحكات متبسمة كتشوفو فتح ونازل ..

مرام : اميري جا حبيبي جا ههههه ..

جات لاحقة احلام كتشوف باقا ماكملاتش مرام ضحكتها تاكاتشوف الباب لي حدا الطوموبيل تفتح بقات ابتسامتها كتدبل شوية بشوية حتا ختافات مصدومة كتشوف ..

🌸 شدات فختها : خ ختي قو قوليلي ك كذبلي عيني لي كنشوفو ماشي صحيح ي ياك ياك !! 

احلام : يا ربي السلام كارثة كارثة ..

🌸 شافت فعينيه وابتاسمات وخشات يديها فيدو .. 

شهد : مشينا ؟ 

ماجاوبهاش جرها ومشا داخل مع الدخلة بدات الفام كتفتح وكولشي كيوقف كيتفرج مصدوم لا الخدامات غفران ولا لوخرين داز من حدا واحد بنت عمو بقات كتشوف مصدومة وشهد معليا راسها وكأنها مكتشوفهومش أصلا طالع مع الدروج تاكيطلاقا مع عمتو ومو وحياة كالسين فصالون مقابل مع الدروج فالطبقة الثانية ..

بشرى كانت كضحك غير شافتهوم طاحليها كاس دالعصير من يديها خلات خديجة وحياة يدورو يشوفو فين كتشوف وهوما يتصدمو بجوج وتاسيف ماداهاش فيهوم بالمرة وشهد فقط ابتاسمات وزادت مع الطريق ..

حياة بسرعة دارت عند بشرى : اشهاادشييي كنشوووف واااش لعبتو عليينااا ..

باقا ماكملاتش دخلات عندهوم مرام دموعها واصلين لعنقها جات كتجري عندهوم هازا القفطان وموراها احلام ...

مرام : م م ماما اهئ اهئ كيبغيها اماما اهئ

خديجة : ( دارت شافت فبشرى ) فضيحة فضيحة ..

بشرى : ( كتهضر بالثقالة وعينيها كيتقلبو ) م مايديرهاش ولد لدي ( كملاتها وسخفات ) ..

بسرعة ناضت عندها خديجة كضرب فحناكها تادخلات عليهوم نيسرين شافتها هاكاك جات تاهية كطير مشات احلام كتعيط لخداما يجيبو الريحة ...

طلعو للطابق الثالث ووصلو لحدا البيرو وهو يضور يشوف فيها ..

سيف الدين : نتي مابغيتكش تهضري ولا تقولي حتا كلمة كولشي غانتكلف بيه انا ..

شهد : ( حطات يديها على سدرو ) اكيد راجلي العزيز كلامك فوق راسي ..

حيد ليها يديها من سدرو : ماتزيديش فيه بزاف ..

مد يدو لبواني وفتح الباب

وكأن داك الباب كيتفتح بالعرض البطيئ تقدم هو كأول خطوة تاشافو جدو وابتاسم ليه ..

حسن : ها هاهوا جا حفيدي سي سيف تا ج د ( قبل مايكملو كاتبانلو شهد داخلة بابتسامة وطبعا مع الطالون ديالها كيتسمع ..

حاتم تاهو كان كيبتاسم حتا بدا كيعقد غوباشتو شوية بشوية ..

حسن غمض عينو وزير على القبظة ديال يدو ..

سيف الدين : ( وقفو حداهوم بجوج ) سيادنا سمحولينا على التأخير تعطلنا عليكوم شوية ..

حاتم وقف بزربة : هادشي علاش تافقنا اسي تاجدين همم هادشي لاش بغيتي توصل طيح بوجهي الارض وتخليني ضحكة فوسط دارك ..

حسن : ( بلا مايتحرك كيهضر تحت لسانو ) سي حاتم ماتسرعش اكيد عندو شي حاجة غايقولها استغفر الله كيفاش نقدر ندير معاك هاكاك اسي حاتم

حاتم : اشنو غايشرحلي مثلا اشنو هاا ..

سيف الدين : شوف اسي حاتم اول شيئ عرف راسك معامن كتهضر ماتخلينيش نجبدليك القديم وجديد ( كلس فوق الكنابي وكلسات فجنبو شهد ) ثانيا متصرفش بحالي حنا المستفيدين الوحيدين من هاد الزواج ( دار ابتسامة جانبية ) ماتنساش بلي الى فسختي العقد نتا الخاسر الاكبر والوحيد ودوك عشرة فالميا دالاسهم لي عند بنتك غاتنساهوم .. وحتا المصالح ( غمزو ) المعمل الجديد والاراضي والممتلكات .. شنو بغيتي تقولي ! غاتحميني .. لا نأكدليك انك لا درتي راسك معايا غاتخسر ودابا غاترجع تگلس وبشوية غليك لاكنا غانتفاهمو .. 

حاتم شاف فحسن لي معطاه تاشي تعبير ورجع كلس كيسوط الهوا

سيف : ( شد فيد شهد وطلعها قدامهوم ) هاد السيدة لي كتشوفو مراتي ومن شحال هادي وام وادي لي عاد غايجي من شحال وانا كنعرفها قبل منعرف بنتك ونتا كتعرفني انا مكنبغيش ندخل المسائل الشخصية ديالي فلأمور ديال الخدمة، وبما انك اكدتي على هادشي قلنا نشوفو هاد السيد فين بغا يمشي وانا لي قلت لسي تاجدين باش ابقا غادي معاك فالخط تايوصل الوقت المناسب باش اصارحك، طبعا ماكنتيش غادي تقبل بهادشي شحال عادي داكشي لاش حطيتكًامام امر الواقع، تاحاجة ماغاتبدل وكولشي غايبقا هو هو نتا ضمن الامن ديالنا وحنا غانوفروليك داكشي لي فعينك واكن الزواج ماغايكونش ، انا مانقدرش ندخل على مرتي وحدة اخرى ( شاف فعينيها ) انا كنبغيها وكانحتارمها ( باسليها يديها قدامهوم ورجع شاف فيهوم وهضر بجهد، لي عندي قلتو ونتا شوف لي بانليك، بنتك خدمتها ماغايجري عليها حد منها والبوسط ديالها محطوط فالشركة عندي يعني ماعندك لاش تخاف، اش بانليك ..

حسن سكت اصلا سلكو سلمو وهو دابا ساكت كيجمع ايه اما حاتم بقا كيشوف شحال ورجع شاف فحسن : اري داك الوراق

🌸 دارت شهد كتشوف فيه على الهضرة لي قالها وهبطات عينيها ليديهوم لي مشبكين مزيان .. قلبها بقا كيضرب وحبسات دموعها بمشقة الانفس، ورجعات شافت فحاتم كيسني على وراق المبادلات وسنا عليها حسن عاد ناض سيف تاهو سنا ومد يديه لحاتم شاف فيه حاتم مزيان فعينيه وهو يوقف ومدليه يديه تاهو عاد سلم على حسن تاهو ..

حاتم : ماعمري غانسا فعلتكم لبنتي ( زير على يد حسن ) اسي تاجدين .. 

سيف الدين بقا مطول فيه الشوفة ومرجع يديه مور ظهرو تارجع شاف فيه حاتم ومشا غادي خرج بحالو .. 

حسن : ( هضر بلى مايشوف فيه ) قول لمرتك تخرج عندي عضرة معاك ..

سيف دار شاف فيها وهي تنوض كطلع النفس وتهبطو مغددة كتشوف فحسن وفسيف ومشات خارجة ..

حاتم غير سد الباب ضغط على سنانو مزيرهوم ..

يالاه طلع عينو تاكيشوف مرام جايا كتجر فقفطانها دموعها عامرين كحول والمشطة طاحتليها، مشا لعندها بسرعة جرها من كوعها ..

حاتم : فييين غاداا وشنووو هااد الحااالة زيدي مع طريق ...

مرام : ( كتشهق بالبكا ) بابا لا عافاك اعئ اهئ ( كتبوسلو يدو ) الله اخلي ليك ماعز عليك لا ..

حاتم : ( غوت عليها ) زييدييي قداامي مابقا عندنا شغل هنايا ..

كيجرها تاطاحت للأرض خرجات مرام باقا واقفة وهي تشوف داك المنظر تشوكات بقات غير كتشوف ..

مرام : بابا مادييرش فيااا هاكااا اهئ اهئ كنبغييييه اباااااااا كنبغيييييييه ..( جرها من شعرها وعطاها تصرفيقة تاطاح وجها للأرض ) ..

حاتم : ( رفع صبعو ) نعاود نسمع هاد الكلام يدي لي كتربطني بيك نقطعها ودابا زيدييي بحااالك

عاود هزها فمها خرج منو شوية ديال الدم من حر داك الضربة بقا جارها مصدومة وعينيها كيدمعو وهي خطواتها كيتعكلو مع القفطان مهبطها من داك الدروج كتجرجر ..

شهد غمضات عينيها وخدات نفس وحلاتهوم وعلات راسها ..

شهد : مزال ماشفتو والو هادي فقط البداية غاندمكوم على النهار لي فكرتو تستحقرو مني غاندمر كل واحد اداني فهاد الدار .. 

مشات دخلات لتواليت وتكات على لاڤابو عاد طلعات عينيها فالمرايا ..

شهد : ماخلاو تاحاجة زوينة فحياتي كولشي دمروه هوما لي قطرو لون قلبي تاخلاو غير السواد، ولكن ماغايبقا والو غانحرق قلوبهوم كيفما حرقوني .. ( حركات راسها بالايجاب ) غانحرقهوم ..

🌸 خرجات من المرحاض شافت يمين وشمال ورجعات مشات لجيهت الباب ديال البيرو كتسمع الهضرة بجهد ديال سيف وحسن ..

حسن : فراسك بهادشي لي درتي غاتحرقنا كاملين وماغاتخلي فينا والو داكشي لي هرمت وانا كتبنيه بهاد الفعايل غااااددييي دمروووو ..

سيف : البنت ولات مراتي وحاملة بولدي تاهضرة عليها مانبغي نسمعها فهاد الدار ( ضرب فالبيرو ) وكنحلف بيميني ونسمع شي حاجة ديك ساعة عاد غادي تعرف كيفاش غاندمر هاد الدار كاملة ونهرسها على ريوسكوم .. ماغانتزوجش انا بنت واحد طماع ماقادر حتا يجمع راسو ومعول عليا اسي تاجدين ..

حسن : ( ناض وقف من بلاصتو وضرب بالعكاز ) ماتجادلنيششش وماتنساش بلي هاد القوة لي عندك جات من عندي ومن غدا غانرجعك والو لابغيت سمعتي ( قرب وضربلو على كتفو ) بغيتي ماتزوجش شغلك ولكن داك البنت غاتولد وغاتمشي من دارنا سمعتي انا منقبلش بوحدة مطلقة تكون هازا سميتنا ولدها لي غايهز سميتنا زايد وبزاف كاع ..

سيف زير على القبضة ديال يدو حابس راسو بزز

حسن : مك خوتك ..جداتك .. وباك لي مات ..( شاف فعينو نيشان ) اولى مراتك ..

مشا زاد غير سمعاتو مشات بسرعة تخبات فطواليط وبقات كطل بشوية تاداز مشا فتحات ورجعات طلات من الشقة دالباب دالبيرو لي مفتوح شوية وبقات كتشوف عينيها مايلينين كتاخد نفس بزز ماباغاش قلبها يحن ماباغاش خدات نفس ومشات دخلات بجهد تاوصلات لعندو ..

شهد : ايوا اسي سيف ماغاتعرفنيش على العائلة ديالك ..

سيف : شهد خرجي من نهنا ..

شهد : شنو كيفاش غانخرج من نهنا فين غانمشييي مم ..

ناض معصب عينو نقطة حمرة مشا زدح الباب دالبيرو ورجع جرها من كوعها تاتقصحات وهو يزدحها مع الحيط ..

سيف : كنقسمليك بالرب لي فوق مني الى موقفتيهاش هاد الفعايل ديال الق*** حتا نقتليك بيدي ..

شهد : ( شافت عينو لي كانو كيخلعو حاولت تجاوز الخلعة لي راكباها ) هه قتل شنو ياكما غاتقتل ولدك مم ..

سيف : ( رفع يدو تاسدات عينيها كاتسنا تحط على حنكها وهو يجمعها قبضة ) حرجي بحالك ماتوزينيش وجهك ..

دفعها تارجعات موراه .. بلعات ريقها ومشات بلى ماتزيد كلمة خرجات وسدات موراها الباب ومشات لكنابي لي كاين فالطبقة وكلسات 

🌸 نسرين : عافاااكووم سكتووو والله راسي كنحس بيه غايطرطق ..

بشرى : ( غادا جايا ) واااششش نتيي وااعيية خووك شنو داار ولا كتهضري خووك حرقنااا كااملييننن ..

نسرين : ( ناضت وقفات معصبة ) شنو داار هااا شنو دااار بلعكس انا كنأيو على الاقل دار شي حاجة ماقدرتوش نتوما ديروها ووقف ضد هادا لي داير عليكوم عنتر ..

ناضت خديجة لعندها وجراتها من حناكها بيديها تاخرجليها الفم ..

خديجة : هاداك لي كتهضري علييك سميتو جدك سمعتييي ولي كون ماكانش كنتي غاتكوني مليوحة فشوارع ( رماتها تاطاحت ) 

بشرى : ( جرات خديجة ) شنووو كااديري واش حمقتيي ..

خديجة : لا نتوماا لي ضسرتو ونسيتو شكون لي داير فيكوم الخير وكون ماكانش هاد السيد لي كاتعايروه كون راه كليتو دود .. وبلاصة ولدك مايشكرو على هادشي شوفي شنو دار نزل بوجهنا للأرض وجايب مرا مطلقة وعلم الله شنو دايرة رجعها وحدة منها وعاطيها سميتنا وادك حرقنا واااش ماكاتفهمييشش بلييي حرقناااا

نسرين شافت فيها عينيها مدمعين ناضت بسرعة ومشات كتجري لبيتها تاتبعاتها بشرى وكلسات خديجة فوق ليفوطوي كتنفخ ..

بقات شهد كالسة تما تاشافت سيف خرج من تم ومشا هبط مع الدروج خلاها كالسة تم ناضت بغات تبعو صدق وقفات كتنهد دورات عينيها بانتليها بيتو وهي تمشي فتحات الباب ودخلات غير سدات الباب تفكرات لي وقع فهاد الغرفة كامل مشات كتمشى ودور عينيها كتشوف الكوافوز محطوطين عليه روايحو والحوايج لي كيستعمل وبقات مكملة بخطواتها للمرحاض كان كامل طابع عليه لمسة رجولية خرجات ومشات كلسات فوق الناموسية وتكات تابقات كتوف فالسقف ودارت يديها على كرشها ..

شهد : ولدي .. كانتعامل مع باباك خايب ياك .. شوف هاحنا فالفراش ديال باباك دابا .. باباك لي بغيتو من اول نضرة

باباك لي حسيت بقلبي تفتح مين جديد على هواه ... عارفة بلي كتقول ماما مامزياناش .. ( نزلات دمعة من عينيها ) ولكن هوما السباب المرة اللولة ماكانوش باغين يعطيوني فرصة باش نحس بيك والنهار لي تاحتلي الفرصة باباك ضلمني وهرسلي قلبي جرح ماقدرتش ننساه اولدي ماقدرتش .. واش عارف بلي انا كنتنفس بسبابك .. وغير على ودك .. درت هادشي كامل .. سمحلي حيت كنعذب باباك ولكن ماعنديش خيار وحداخور مانقدرش كلما كنشوف فعينيه كنتفكر كلامو وجرحو ليا .. 

هزات يديها ومسحات دموع لي نازلين من عينيها ودارت على جنبها جرات من الغطا كتشم رائحة العطر ديالو لي مشتتة فداك السرير وعينيها لي فلون القهوى كيلمعو وكيفضحو روح الحب لي مخبعالو فقلبها .. وشهاد الحب لي جا فهاد الظروف المستحيلة واش نقدرو نسميوه حب !؟ 

من جهة اخرى وقف فجرف على البحر وتكا راسو على 

الكوسان

تهد وعيا .. وهو عاد بدا غمض عينيه باش كتجي عينيها اول مرة شافهوم .. كيفاش كانو كيشوفو فيه .. تفكر ملمس لحمها .. تفكر الشفاه ديالو وهي كتطبع على سدرو مايكذبش على انه عاش احسن ليلة فحياتو .. معاها هي هي فقط .. مايكذبش ان الكلام لي قالوليها فداك الصباح ماخرجش من قلبو وتقصح بزاف عليه .. علاش واخا عاشر شحال من وحدة وغير موراها بزاف باش ينساها وماقدرش .. دخلات وماعرفش كيفاش دخلات هاكا ودغيا فحياتو وتربعات على عرش قلبو .. غمض عينيه مدوز يدو على اللحية ديالو وهو يضرب بيدو على الڤولون ..

سيف الدين : علاااش دارت هاكاك علاااش ..

وصل ليل وهي باقا فالبيت ماعرفاش واش تخرج ولا تكلس تعصبات وحتا التيليفون ماكيجاوبش عليه وهي درها الجوع، قبيلة وصلاتليها الخدامة الحوايج .. ومشات ماعوداتش رجعات ولا سولتها شنو كاين وحتا من نعيمة ماكايناش مسافرة على الاقل كانت غاتهضر معاها .. طلات من الشرجم كان كيطل على داك البيسين .. كانو الضواو شاعلين وليل .. قالت لي ليها ليها خدات نفس ومشات خرجات هابطة تاوصلات لتحت شافتهوم فالصالون كاملين كالسين على الطابلة كيتعشاو دخلات عليهوم هاكاك طلع حسن هو اللول عينو شاف فيها وعاد بشرى وبداو كاملين واحد مورا واحد كيعلي عينو وهي بلى مادير اعتبار لأي واحد مشات وجرات كرسي كان صادف انه حدا نسرين وكلسات ..

خديجة : قالتها بشوية : كي كيفاش عاد الق***

زير على يديها راجلها : خديجة ماخسنا صداع دخلي سوق راسك ..

بشرى حطات الفورشيت وشافت فيها : ايي نتيا ..

شهد : ( طلعات فيها عينيها ) معايا ؟ 

بشرى : شكون نتي حتا تجي وتكلسي هنا ( دارت خديجة ابتسامة جانبية ) نوضي سيري لبيتك ولابغيتي شي حاجة الخدامة غادي يجيبوهاليك نتي ماعندك بلاصة هنا سمعتي .. 

نسرين بقات كترمش بزربة الماكلة وقفات ليها ماحاملاش المنضر وعيات من هاد الصداع .. 

بشرى : بلا حشمة بلا حيا جايا لا وشكون عطاك هاد الجرأة انك توقفي قدامنا حتا سيف ماكاينش .. ( غوتات ) ماماينش راااجلكككك ماتجيش ..

خديجة ابتاسمات عجباتها هضرة بشررى وحسن ماقال حتا كلمة مكمل ماكلتو عادي والكل غير كيشوف شهد رجعات حمرة ومع ذلك حطات الفورشيت بشوية ودارت ابتسامة يالاه غاتهضر وهو يدخل سيف ..

سيف : أنا لي عطيتها الحق الواليدة شنو عندك شي موشكيل ؟ ( شاف فيهوم كاملين ) من اليوم مراتي غاتاكل فنفس هاد الطبلة سمعتو ولي كيقلل من احترامها غايقلل من احترامي حتا انا ) كلس حداها وباسليها يديها ) كيبقيتي مزيان ..

شهد : ( كتشوف فيه مصدومة دارت ابتسامة ) لاباس احياتي ونتا كيداير مزيان ( رققات صوتها ) من الصباح وانا كنتسناك

ناضت بشرى وقفات : تصبحو على خير مساكوم مبروك ..

ومشات تحركات سيف بقا كيشوف فيها طلق من يد شهد وبدا كياكل نسرين شافت فيه وابتاسمات ..

سالا وهو ينوض سيف وجر شهد من يديها : تصبحو على خير .. 

مشاو خرجو طالعين مع الدروج غير دخلو لبيتو وهي تجبد يديها تادار شاف فيها ..

شهد : مخليني المهار كامل وانا فهاد البيت بحالي انا كلبة ديالك !! 

سيف : ياك عندك الجرأة باش تسني عقد معايا وماعندكش الجرأة باش تهبطي عندهوم ولا شنو ؟ 

شهد : ( ابتاسمات ) ههه لا عندي الجرأة باش نقلعهوم كاملين من دار ..

سيف : ماتفوتيش حدودك حيت لي كيفوتها نهايتو كترجع عليه خايبة .. 

شهد : ( زادت قربات تابدات تسرط فوجهو ) لا ياكما غاترجع كتعامني الاداب ( بركات عليها ) اسييي تاااجدييين .. 

دور يدو من على خسرها وجبدها لعندو حتا تزدحات بسدرو

سيف : الاداب ديالي زوين لدرجة خليتك ترجعي عندي بلا ارادتك ..

علات يديها ودرباتو لسدرو وشافت فعينيه عينيها مغرغرين وهو دار ليها ابتسامة جانبية هي بغات تلعب عليها تاهو غايلعب وعلى الوتر ديالها الحساس عاد .. 

شهد : خرج بحالك منهنا ..

سيف : كيفاش غانخرج مافهمتش ..

شهد : شنو نسيتي علاياش تافقنا زوااجنا على الموراق سمعتي نتا ماشي راجلي وعمرك تكون راجلي وماتحلمش نشرك معاك الفراش ودابا خارج بحالك سير شوف فين تنعس ..

سيف : فالاتفاقية ماكاينش شي حاجة سميتها نعاس على الفراش مشروك ممنوع هادي داري وبيتي ولي مابغيتيش تنعسي نعيطو للخداما تجودليك شي بيت .. حيت مانرضاش نعس معاك كون بغيت ( غمزها ) كنخليهوم هوما يجيو عندي ..

شهد حبسات راسها بزز مزيرة على يديها : هاحنا غانشوفو ( فنفسها : غانخليك تجي راكع لرجليا ) .. 

بدا كيحيد فحواجو قدامها تم نيت دارت مغمضة عينيها ومشات هزات بيجامتها مشات اميرحاض وسدات الباب ..

شهد : انا غانوريك اسيف

خرجات من الدوش لقاتو ناعس فوق الناموسية سدرو عريان من الفوق، عضات على شفايفها ..

شهد: يغطي غير راسو بعدا راه البرد، لا بلعاني هو دارها بلعاني ..

مشات لواحد الكنابي هزات كاع لوسايد لي فيه ورجعات لناموسية ستفاتهوم بينها وبينو وجابت من المريو غطا وحداخور باش افرقو الغطا .. وفرشات لراسها وتخشات فالمانطا مكحزة للحاشية ..

شهد : شوفي غير يدو قداش شادا الناموسية كاملة ولكن والله او توصلني وتشوف غابلاتي .. 

دورات راسها بقات كتشوف شوية مدات يديها كتحركهوم على عينيه ..

شهد : ويلي واللهيلا بصح نعس .. 

جمعات يديها وخشاتهوم تحت المانطا كتشوف فيه ..

شهد : دابا أنا علاش كندير هاكاك وقلبي ماباغيش علاش .. علاش باقا كنحس بلي بصح نادم وبلي قلبي سمحلو .. 

بقات كتشوف فيه شوية كحزات وبدات تقرب بشوية تاوصلات ليدو لي مطلوقة ومدات نيفها كتشم ريحتو الرجولية ماحساتش كيفاش مدات يديها وشداتهالو وتكات راسها على لوسايد لي مفارقينهوم ..

صبح صباح عند نسرين فالبيت كاتقاد الماكياج ديالها بعد مالبسات سروال دجين ازرق غامق مع تريكو فالابيض دالصوف مهشكر بالكول طالع تالودنيهاوبوط قصير ديال الطالون فالاسود رولات شعرها ورشات ريحتها وهزات تيليفونها خرجات من البيت طلاقات مع بنت عنها زينب ..

زينب : صباح الخير ( سلمات عليها بلابيز ) 

نسرين : صباح النور باقي ماهبطتيش ..

زينب : باقي عاد يالاه ..

نسرين : ( مشار غادين ) غاتمشي لايكول اليوم ..

زينب : نو كاينين غير التصحيح دليزيكزام وزايدون غانشدو العطلة دراس العام دومان ..

نسرين : اا بون ..

زينب : غاتمشي للشركة ..

نسرين : نو غانخرج انا وليلى اليوم ..

زينب : اوو هي نمشي معاكوم تانا ..

نسرين : ( خرجات عينيها ورجعات حمرة ) اا لا لا ابغيت نقولك يعني ماعارفاش فين غاتمشي حيت ليلى لي استدعاتني تقدر تكون عندها شي حاجة خاصة ههه ..

زينب : ( مصغرة عينيها فنفسها ) حاجة خاصة مم هاحنا غانشوفو الالة نسرين ..

حل عينيه هو اللول كيحس بالثقل ناعس عليه وكيحس بشعرها حدا وجهو هبط راسو شوية حتا شافها كيفاش حاطا راسها على سدرو ورجليها خاشياهوم بين رجليه ومدورة عليه يديها بحالي خايفاه يهرب طلع يديه بشوية وبقا كيشوف تادار ابتاسمة ورجع كيضحك .. شوية غمض عينيه واستنشق عبير رائحة الشعر ديالها مد يديه لجيهت عينيها وحيدليها بعض الخصلات .. وزاد مهبط يديه مع كتافها تاوصل ليديها وشبكهوم مع يديه وطلعهوم لجيهت فمو وطبع عليهوم قبلة ورجع حطهوم ميل راسو شوية باش يقدر يشوفها وهي ناعسة بداك الطريقة الطفولية ..

سيف : ( رجع كيدوز يدو على حنيكاتها ) مايمكنش يكون هاد الملاك خارج منو هادشي كامل مايمكنش، أنا عارف هادشي كامل كاديريه باش تخرجي داك الجرح لي جرحتك بيه ولكن تأكدي بلي حتا الهضرة لي قلتهاليك ماخرجاتش من قلبي اشهد ماخرجاتش من قلبي .. 

بقا هاكاك تاحس بيها كتحرك باش تنوض بسرعة رجع غمض عينيه ورخا راصو باش ابين بلي ناعس وهي بدات تحل عين بعين بشوية وجبدات يديها لعندها كتحيد شعرها رجعاتو مور ودنيها ورجعات حطاتهوم حداها وغمضات عينيها تاكاتحس برطوبة ( اللحم هه ) وهي تحل عينيها على جهدهوم موسعاهوم وناضت بسرعة كتشوف راسها فين ناعسة دورات عينيها لقات بلاصتها فيها الريح هي كحزات عندو ..

شهد : ويلي ولي ويلي على شوهتي تقول غانموت عليه ويلي ويلي .. ( ناضت بسرعة من حداه واقفة على ركبتها ) لاباس لاباس فقت انا قبل منو لاباس اويلي كون راه شد فيا النهار كامل ..

رجعات تحركات بشوية عاضة على شفايفها لادير شي حركة اما سيف حبس الضحكة بزز من مور داكشي لي قالت حيت الكلخ هضرات بالجهد ، مشات دغيا هزات الفوطة والحوايج لي غاتلبس ومشات تاني قاطعة لدوش على ريوس رجليها وهي ضايرة كتشوف فيه لايفيق تاضربات فالمرايا لي واقفة فالبيت وهي طيح تسمعات شراااااخخ .. 

وقفات بسرعة مغمضة عينيها عاضة على شفايفها شهد : تفو عليا تفووو تفوو .. وهو ينوض بسرعة بلى مايحس دغيا من بلاصتو مشا لعندها وهو يجرها ضارت عندو ..

سيف : شنو وقع وقعاتلك شي حاجة ( دار يدو على وجها كيشوف حركة لا اراضية ) 

حلات عينيها مبلقاهوم فيه وترخاو شفايفها من فمها مصدومة من هاد ردة الفعل ديالو بقات غير كترمش فيه ..

شهد : ( حركات لا براسها باقا مصدومة ) ل لا ما ماوقع والو ..

سيف حس براسو وبدا كيتراجع شوية بشوية : ( توتر ) كيفاش ماشفتيش المرايا حداك هااا كيفااش ولكن شكانتسنا من وحدة بحالك صبحنا لله ( كيشوف فالزاج مشتت ) حيدي دابا منهنا ماناقصني نمشي لشي سبيطار على الصباح حيديي ..

عقدات حجبانها بصدمة بحال شي امل تحطم حتا قالت خاف عليها ولكن غير تخايلات ماقدات تقول حتا كلمة حسات بلتحت ديال رجليها كيضرها ولكن ماشي قد قلبها .. 

هو بقا كيشوف فيها تاشوية شتت النضر ديالو وفتح الباب خرج هاكاك لدروج كيعيط بجهد لغفران باش طلع تجمع داكشي .. ودخل مشا نيشان للدوش، هي بقات واقفة شوية بعدات رجليها مخسرة سيفتها حيت تقسحات مشات كتعرج لجهت لكانابي وطلعات رجليها شافتها كاملة تفتحات ..

شهد : ( شداتها البكية وماقادراش طلقهوم ) تفو هادشي لي كان ناقص بقات كدور عينيها حتا دوا كاين فالطواليط تادخلات غفران ومعاها خدامة وحدا اخرى غير شافتها غفران وقفات خايفة ومتوترة من ردة الفعل ديالها، طلعات شهد عينيها شافتها ورجعات قلباتهوم مابغاتش تديها فيها كاع، بقات غير كتشوف فرجليها.. غفران تقدمات بشوية لداك االزاج هي وداك الخدامة تارجعات غفران طلعات عينيها ..

شهد : ختي .. ( دارو بجوج شافو فيها ) معاك نتي ( البنت الاخرى ) الى كان ممكن تجيبي ليا اسعافات اولية لاكانو ..

الخادمة : مدام ياك لاباس ..

شهد : لا لا ماشي شي حاجة كغاف ..

الخادمة : واخا الالة ..

مشات بسرعة هبطات وبقات غير غفران وشهد فالغرفة والدوش كيتسمع الرشاش .. حنات غفران كتجمع وشهد كتشوف فيها ببرودة ..

شهد : شحال عطاتك ؟ مم ..

غفران يديها كيترعدو ماقراتش تهضر ..

شهد : شحال عطاتك باش ديري بحال هاكا هضري ؟ ولكن هاهيا خسرات شفتي ! وختا نتي غادي تخسري واول حاجة هي غاتمشي بحالك من هاد الدار ..

ناضت كتعكز على رجليها تاوصلات لقدامها شافتها غفران وهي تنوض وفيديها الزاج ..

غفران : كيفااش ؟؟ شوفي نتي فاهمة كولشي غالاط هي هدداتني وو ( قبل ماتكمل هضرتها هضرات شهد ) ..

شهد : انا غانوريك كيفاش ( شافت غفران فيها متسائلة ثواني وهي تغوت شهد لربها لي خلقها وبدات تزيد تغوت ) ااااااا بعدييي مننسيي عتقوووونيي ااااااااا .. 

غفران : شكاااديري نتييي وااااشش حمااااقييتييي ..

شهد : عتقوووونيييي بااغااا تقتتتلنييييي ( طاحت فالارض ) اااااا ..

بسرعة تفتح الباب ديال الطواليط خارج سيف كيجري ملوي الفوطة على نصو لتحتاني ودخل الجد تاهو لي سمع غواتها كان يالاه خارج وموراه داك الخدامة لي سخراتها

والدار لتحت كولشي سمع غواتها .. زينب : اويلي شنو واااقع ..

نسرين : هادا صووت شهد ( مشات دغيا كاطثر طالعة تبعاتها زينب ) ..

سيف الدين : شنووو واااقع ياااك لاباس ..

شافو شهد طاحة فالارض ودمايات خارجة من رجليها وكتبكي وغفران واقفة بالجاجة هازاها فيديها، سيف الدين مشا بسرعة حنا عند شهد وهي دخل نسرين وزينب وبشرى نسرين شافت داك المنضر مشات دغيا عند غفران دفعاتها تاطاحت الزاجة من يديها ..

نسرين : شباااغااااا ديريييييي نتيييي هضري ...

غفران : ( دموع تغرغروليها ) واللله مادرت شي حاااجة االة والله ..

شهد شدات فسيف من كتافو ويد دارتها على كرشها : كااانت باغا تقتل ليااا ولديييي اهئ اسييف كااانت باااغااا تقتل ولدددككك اااااه اااييي كرشييي ... 

هزها بسرعة سيف من تم ومشا حطها فوق الناموسية وهي كتشهق بالبكا ..

نسرين : ( جراتها من كتافها ) خرجيي براا يالااااه ( مشات جاراها خرجاتها من البيت ..

بشرى ودينب بقاو غير كيشوفو ..بشرى : كوثر ( الخدامة الاخرى ) جمعي هاد الروينة لي كاينة، يالاه ازينب ..

خرجو بجوج وبقا حسن كيشوف فسيف وكيفاش شاد اليدين لشهد لي كتبكي بقا كيبخ فالدم ..

حسن : صبحنا لله .. ومشا داير خرج من تم .. 

سيف حط يدو على حناكها : ششش ماوقع واالو ششش ..

شدليها فيديها وبقا مزير عليهوم تاشوية جرهوم وباسهوم وهي من فوسط تمثيلها بقات كتشووف فيه تاطلع عينو ولقاها كتشوف فيه داك الشوفات ..

سيف : ( بصوت حنين ) تمشي لطبيبة ( حط يدو الاخرى على كرشها ) كضرك كرشك بزاف .. 

شهد : ( شافت فكرثر حمارو خذوذها ) لا لا مزيانة ..

هبط لعند رجليها وهزها عامرة بدم لتحت حطها على فخاضو فوق الفوطة : كوثر جيبي الاسعافات الاولية ..

كوثر : هاهوما اسيدي ديجا جبتهوم ..

مداتهوملو شدهوم من عندها وفتح داك البواط جبد منها لانكول بدا كيمسحليها داك الدم غير قاسها وهي تقفز ..

شهد : اححح ..

سيف : شش صبري شوية باش تبراي ..

سهات فيه وهو كيصايبليها بحالي داك الالم احتفى ماحساتش بالابتسامة كيفاش تسللات لوجها وهي كتشوف الما كيفاش باقي كيقطر من شعرو ومن على سدرو وكتهبط داك القطرة على ليزابدو وكأنها راسة خطها على الهضاب، ماحملاتش كوثر لي كتجمع ودور شوية شوية تشوف فسيف ماحساتش تاهضرات ..

شهد : نوض لبس حوايجك ...

طلع عينو بسرعة مطلع حاجب ومنزل لاخور عاد عاقت بشنو قالت ..

شهد : اا ز زعما ( جرات رجليها وكلسات مقادة ) ا انا غانكمل بوحدي ( جرات لعندها العلبة دالاسعافات ) 

ناض معصب مشا جبد حوايجو من الماريو ودخل لواحد البلاصة عندهوم تما فين كيبدلو .. 

شهد : ( فنفسها : وشوفي دابا فالحيط يالاه دوري دوري لعندي انا ) 

كملات كادوي رجليها راسها ودارت الفاصمة ورجعات لوات البيضة على رجليها وسدات العلبة ..

كوثر : لالة ساليت تبغي شي حاجة ؟ ..

شهد : لا شكرا .. 

مشات خرجات وناضت شهد كتعرج غاتمشي للماريو تاشوية كاطلع عينيها مين كتشوفو خارج من الڤيستيار ومعاه حلات عينيها وفمها والقطعة دالملابس لي كانت فيديها قربات طيح .. 

كيف العادة اناقتو كتهبلها لابس شوميز فالاسود وگرافاط فالاسود مع سروال كلاص فالاسود ولابس من فوقهوم مونطو فالبوردو ونحماق انا على البوردو .. وقف حدا المرايا ودار شوية من جيل طلع بيه شهرو وهز ريحتو ( Sauvage ) دارها وركب الساعة ودار شاف فيها ولا وباش زاد عليها غمزها بحالي كيسولها ..

سيف : مالكي .. 

شهد : ( حمارو خذوذها وحاولات ترجع وعيها ) ل لاباس .. 

سيف : ههه قتليك مالكي ماشي كيدايرة !!؟ ( قرب ليها تاوقف حداها وطن ضربات ريحتو فنيفها تاترتشات قربات تسخف ومد يدو لجبهتها ) ضرباتك السخانة .. 

شهد : هااا .. 

بحكم طويل عليه حنا شوية ورجع مقابل معاها فوجها : (رجع غمزها تاني ) شنو ؟ .. 

شهد : ( كتنطق والو بحال شي زيزونة الصوت مشا غالفم لي كيتحرك ) ..

طلع يدو وجرليها الشفاه ديالها لتحتانية تاغمضات عينيها ورجعات فتحاتهوم بشوية ..

سيف : كيبانلي غاتخلاي على داك العقد قل حتا من الوقت لي عطيتوليك ..

بحالي سرفقها وباش كملها عاود غمزها للمرك الثالثة ودار غادي فتح الباب غير سدو طلعات يديها كيترعدو حطاتهوم على الطرف التحتاني ديال فمها واحد شوية وهي تزيد طلعهوم وضربات راسها بتصرفيقة ..

شهد : الى قال عليا حمارة نستاهل ..

نسرين 😞 مين هبطو لتجت الدروج كاملين وهي مجرجراها ) دابا غادي تجمعي حوايجك وغادي تمشي .. ( مشات خرجات لبرا كيتسمع صباطها فكاع الدار كتعيط لسيكريتي لي شادليهوم الحساب دالما والضوء وشكون كيخرج ويجي والخدامات ... جا كيجري لعندها دخلاتو ) داابااا تعطي حساب هاد خيتي وتمشي مانعاودش نشوفها .. 

زينب : ( دارت عند مها مربعة يديها وكتحرك فرجليها ) شوفي كيفاش كتصرف بحالي الدار ديالها .. 

عائشة : غير خليها كاتساليهومليها عمتك مين كتجي .. 

نسرين : يالااااه داابا ...

حسن 😞 غوت تادار كولشي محلوع شاف فيه ) نسرييين علااااش كدخليي بشمن حق هااا ..... 

بشرى بسرعة لحقاتو من اللور : نسريين !! ..

زينب دارت ابتسامة جانبية كتشوف : ودابا غادي تحلى الفراجة ..

عائشة : يا ربي استرنا هاد النهار انا غانمشي نفيق ختك باش تمشي لمدرسة ( مشات طلعات ) ..

نسرين : ( مصدومة كتشوف فيه ) كي كيفاااش !!! 

حسن : تاحححدد مابقاااا كيحتااارم فهاااد الدااار وكوولها ولا كيدييييير لييي عجبوو هااا ( ضرب بالعكاز ديالو فالارض ) خوووك مزووووج بلى خبااار العاىلة لا ومرتو حاملة عااد وخوك كيتلااوح فالبييرااان ونتييي باغا تفرعنييي هناايااا ... 

بشرى : ( هضراتو دخلات كيالسم لقلبها ) عمي شكاتقول هاد الهضرة .. 

حسن : ( دار عندها بجهد ) اشنووو بااغاا تقووليي هاااا نتييي السباااب مات رااجلك وطلقتي ليهوووم اللعبة شوفي ولاد لوسك كيداايريين شفتييهوم ولا لا .. 

بشرى : عمييي حرااام هااد الهضرررة لييي كااتقووول هادوو رااه حفاااادك من دمك ولحمك وامااانة من ولدددكك ... 

حسن : سالات الهضرة وهاد الخدامة ماغاتمشيش منهنا ولي طعن فهضرتي حسابو معايا .. 

قال هاد الهضرة ومشا كيتحرك بهدوء بعكازو .. 

بشرى طلعات عينيها مدمعين فنسرين لي مشات بسرعة شدات فكتافها .. زينب تحركات من حداهوم كضحك فنفسها ومشات ..

نسرين : ماما غانقووولهاااا لخووياااا صااافي .. 

شداااتها دغيااا من يديها : لا لا ابنتي ماتهرسيش لي بنييتووو لا .. 

نسرين : شنوو اماما وااش ماكاتسمعييش شكييقوول ولا لا ( غعينيها دمعو ) كون كان بابا ماغايكووونن والو من هاادشييي ..

بشرى : نيسرين لا خوك الى سمع هادشي كوني اكيدة بلي غاتنوض حرب فهاد الدار وديك ديك الساعة ولاد عمك غايتشفاو فيكوم ماخسوووش يسسمععع .. 

سيف : ( من موراهوم عاقد حجبانو ) الوااليدة .. 

بشرى طار قلبها من بلاصتو ونسرين حلات عينيها على جهدهوم مرعودة .. 

دارت عندو بشرى : و ولدي .. 

سيف : فيناهي داااك الخداامة مم ؟؟؟ .. 

نسرين غمضات عينيها متنفسة الصعداء وبشرى بحالي عاد خدات نفس : ولدي جدك مابغاش يحيديها .. 

سيف : كيفاااااش مابغاااش يحيديهاا ممم هاحنا غانشوفو ( مشا غادي وهي تشدو من يدو دار تاكيشوف دموعها رجع بسرعة شد فحناكها ) الوااليدة مااالكي .. 

بشرى : سيف ماخسنا صداع عييت اولديي والله تاااعييت صافي خليها نتا خليها بعيدة على شهد وصافي راك عارف جدك مضاد معاك هاد الايام بلى ماتزيد اولدي الله ارضي عليك .. 

سيف : الواالييدة واااش كاتخاافي منووو ولا شنوو الى زاد فيه نخرجوو بحاالنا حناا كااع .. 

بشرى : لااااا لا اولديي مانقدرش نهروجج لا فكر فبااك لي كيشووفنا من الفوق لا اولدي .. 

سيف : ( تنفس الصعداء ) الواليدة كوني اكيدة انني لاكنت كنتحمل شي حاجة فراهي على ودكوووم فقط سمعتووو .. 

بشرى : وانا اولدي صابرة على ودكوم وربي يشهد عليا .. 

سيف غمض عينيه مضرور على وضع مو شاف فختو لقا عينيها عامزين دموع هز اليد ديال مو بااسها وشم ريحتها مزيااان وعنقها : ماغايكون غاخاطرك .. 

نسرين ابتاسماتلو.. 

سيف : ( رجع شاف فيها ) ولكن الواليدة غانطلب منكوم حاجة وحدة شهد ماتقصاوش عليهااا هي ماليها دخل لا فجدي ولا فعائلتي وماتنساوش هي حاملة بحفيدك وراكوم عارفين المرأة الحامل كيفاش كيكون الوضع ديالها ( بشرى تنهدات مدورة وجها ونسرين ابتاسمات ) ..

نسرين : صافي اخويا مايكون غاخااطرك .. 

سيف شاف فمو لي ماجاوباتش تنهد ومشا خرج .. 

نسرين : ماما سيف عندو الحق هي ماعندها حتا ذنب وزايدون ياك من شحال ونتي كتقوليلي بغيتي ربي يطولك فعمرك حتا تشوفي حفايدك وهاهو ربي استاجب لدعاوتك ... 

بشرى : ( بدلات الموضوع ) فيناهو خوك ؟ .. 

نسرين : ( عقدات حجبانها ) ماعرفتش اماما وماتسولينيش عليه ( مشات طالعة ) ..

يالاه خارج سيف من الفيلا غادي لطوموبيلتو تاكاتوقف طوموبيل دار شاف وهو يلقا نبيل لي نزل من طوموبيلتو كيشوف فيه وبدا كيبتاسم ..

نبيل : اووو خويا الكبيير هنااا .. 

سيف : ( عاود شعط الباب ديال طوموبيلتو ورجع شاف فيه ) صباح الخير .. 

نبيل : صبااح النوور والفل والياسمين والشراقة وراك منور ولا قولي ( غمزو ) نوراتك مراتك العزيزة .. 

سيف : ( زير يديه على السوارت ديال الطوموبيل ) كيبانلي داك الوجه عندك يالاه برا .. 

نبيل : اوفف نسيت اخويا الكبير بلي كليت العصا من عندك ( قربلو ) حيت ماربيتينيش مزيان فالصغر ياك وحيت نتا لي كتربيني .. 

سيف : ههه كيبانليا قلبك عامر كتر من القياس .. 

نبيل : ( قربلو مغدد وحط صبعو على عينو لي باقا زرقة ) شتي هادي عمري غانساهاليك اخويا القائد وهاد العصمة لي عندك قريب غاتحيد .. 

سيف : وايلي باش غاتحيد بالشراب والبيران ديالك ؟ ولا بالاتفاق مع ولد عميمك مم .. 

نبيل : ( جبدو من القميجة علا يدو لكمة بغا يوجهالو وهو يوقف .. 

سيف : شنو كاتسنا مم ضرب ولا نقولك هادشي لي ناقصك فالح فالهضرة والتطبيق ( غمزو ) والو ( لهاه وهو يجبدلو يدو ورجع لوهالو مور يدو وزمتو ) قبل ماترجل عليا ترجل على جدك لابغيتي تاخد بلاصتي البرهوش ( زاد قرب وهمس فودنيه ) وعمرك تنسا بلي انا لي ربيتك .. طلقو دفعو وفتح الباب ديال الطوموبيل وطلع ديمارا وكسيرا القدام تاقرب يضربو وهو يرجع نبيل اللور بزربة تادارلو سيف من فوسط الطوموبيل ابتسامة جانبية ورجع اللور دار دوميتور وخرج .. 

بسرعة رجعات مور طوموبيل دايرة يديها على فمها ..

زينب : ( مصدومة من شنو سمعات ) يعني نايض الحرب بين الخوت وهادشي مافراس تاواحد وعلاياش على السلطة ( حركات راسها بلا ) هاد المرة غانشعلوها مزيااان غير هو خسنا شي حاجة باش نحركو اللعبة مزيان ( دارت ابتسامة ) هه واكيد هاد اللعبة ماغاتكون غير نيسرين .. هاد المرة طحتي بين يدي ابنت عمي ..

سالات حوايجها وبقات كادير فالماكياج تاسمعات دقات .. 

شهد : ( حطات الكخايون من يديها ) شكون ؟ .. 

نيسرين : ( فتحات الباب شوية ) ممكن ندخل ؟ .. 

شهد جات جرات الباب : نيسرين ! وي دخلي ..

نيسرين : دخلات وسدات موراها شهد الباب ) كيبقيتي مزيان ؟ 

شهد : مشات كلسات فوق الناموسية ودارت يديها حداها زعما اجي : الحمد لله شوية .. 

مشات كلسات ودارت عندها بابتسامة حطات يديها على كرش شهد : وكيبقا حبيب عميتو ؟ 

شهد : ( ضحكات بخجل ) الحمد لله تاهو غير مرة مرة كيدير البسالة .. 

نيسرين : خليه الالة يتفش مع راسو راه ولد سي سيف الدين هاداك ياك اعميتو .. 

شهد : ( حناكها حميمرين ) اييه هه .. 

نسرين : ( حطات يديها على يد شهد ) انشاء الله مامقلقاش من الوضع ديال عائلتنا .. 

شهد : ( تنهدات ) ماعندنا مانديرو يعني ضروري مغايكون بحال هاكا بحكم تزوجنا بلى مانقولوها ليكوم ..

نيسرين : ( تنهدات ) داكشي وهادا هو الموشكيل حيت جيتونا على غفلة وخصوصا يعني راك عارفة جدي كان باغي يزوجو لمرام وفاحر لحضة وهاكا جا بيك نتي وقاليهوم بلي حاملة يعني حطهوم حدا امر الواقع وماخلا ليهوم فين يزيدو يهضرو، وجدي ماشي بشخص لي غادي تقنعيه بسهولة ( شاف بعيد بحزن ) وخصوصا ان بوجودو ماغاتقدري تقرري تاحاجة فحياتك بلى ماتقوليهالو .. 

شهد : واش كولكوم هاكاك ؟ علاش علاش كيدير معاكوم هاكا .. 

نيسرين : ( حركات كتافها ) خاكا الاعراف وهاكا التقاليد من جد جدي كبيرنا هو مصيرنا هو لي كيحدد فين نمشيو وفين نجيو حيت هو لي ربانا وهو لي كيصرف علينا، ( شافت فيها ) انا بيدي ضد هادشي وضد هاد التفكير انا بيدي ماكرهتش نعيش شوية متحررة من هاد السجن .. 

شهد : صراحة ماعرفتش شنو نقوليك والله ولكن كنضن الى تجمعتو ماملين ومشيتو غايقدر جدك يبدل هاد الاعراف لي مافهمتش كيفاش جبتوهوم .. 

ننيسرين : ههه منيتك شكون غايبغي يفرط قولي العكس كولشي كيتستبق باش ياخد الرضا ديالو باش ياخد ماكانة فالشركة .. 

شهد : واش هادشي كامل على ود الفلوس .. 

نيسرين : هاكا كيفكرو شكون لي ماغايكرهش ياخد برسط اربح موراه الملايين بلا مايتعب راسو بلا والو .. 

شهد : يعني بحالي تقولي هادا هو المركز دالقوة دجدك وهادشي باش بغا يشدكوم .. 

نيسرين : كيف كاتشوفي وحتا لابغيتي تبعدي لي غاتمشي عندو غايبقا يتشفا فيك وغايقوليكً ماشي نتي من عائلة فلان فرتلان علاش ماخدمتيش عندهوم فهمتي يعني غاتلقاي موشكيل غاتلقاي موشكيل .. 

شهد : واش لهاد الدرجة ؟ .. 

نيسرين : ههه واش باقا ماعارفاش شحال دالشركات عندنا ؟ .. ( حركاتليها راسها لا ) اففف عليك اسيف .. سمعي عندنا شركة هنا فالمغرب الرئيسية والملحقة ديالها فهولاندا وفاسبانيا وفرنسا ووحدة باقين كيتفاوضو باش ابنيوها فروسيا طبعا لي فالمغرب ديالنا ولي برا مشاركين مع مقاولين من تم .. 

شهد : وديالاش هاد الشركات ؟ ..

نيسرين : كانصايبو لي بياس يعني الطائرات الطوموبيلات الحديد بصفة عام داكشي باش كيتكب حنا كنصايبوه المرة اللولة بطبعا ماكانش ديالنا ولكن دخلنا غير شركة مع مقاول فرنسي ونهار فلس شرا من عندو جدي كولشي وتما باش تحولنا لهنا مي الشركة بجنسية فرانسوية فهمتي .. 

شهد : واو يعني جدك فعلا خدم مطور .. 

نيسرين : بحالي تقولي نسبيا هاكاك لعبلو الجوكر وشرا الاسهم كاملين .. 

شهد : ولكن مين جاب مرا اللولة هادوك الفلوس ؟ ..

نيسرين : ( توترات وماعرفات ماتقول ) ام م ماعرفتش صراحة كيقولو من جدودي كنا لاباس علينا .. 

شهد : ااه داكشي .. 

نيسرين : ( تيليفونها صوناليها هزاتو بسرعة شافت فشهد ) احم ممكن يعني غانجاوب على التيليفون .. 

شهد : ( شافتها هاكاك كيفاش ولات حمرة ) اكيد خودي راحتك .. 

نيسرين : ( ناضت بابتسامة ) شكرا .. ( مشات خرجات وجاوبات .. 

شهد بقات كتفكر فالكلام ديال نيسرين .. : بفف اعراف قاليك تقول عندنا تركيا هنا وسي حسن هو الاغا مافهمتش واش باقين فهاد الوقت ناس عندهوم بحال هاد التفكير .. ( تيليفونها بدا كيصوني ) .. 

شهد : آلو ماما .. يونس ؟؟ .. حلفي هههه فرحتيني والله واخا دابا شوية غانجي عندكوم .. اكيد اماماتي .. يالاه نخليك فالخير 

دخلات نيسرين شافو فبعضياتهوم نطقو بجوج فدقا : سمحيلي غانمشي .. ( رجعو شافو وبداو كيضحكو ) .

شهد : فين غاتمشي ها هههه ؟ .. 

نيسرين : بصراحة كنت دايرة مع صاحبتي غانحرج معاها ونتي ؟ 

شهد : غانمشي عند ماما وصافي هههه ..

نيسرين : اوك اذن نطلاقاو فليل ..

شهد : اكيد ( سلمات عليها بلابيز ) وشكرااا بزااف على هاد الجلسة ريحاتني والله 

نيسرين : نتي دابا راك بحال ختي واخيرا ولات عندي مرات خويا .. 

شهد : شكرا حبيبتي .. 

مشات نيسرين هبطات خرجات كضحك مع تيليفونها ركبات فالطوموبيل ديال مها ومشات تم نيت خرجات زينب وتبعاتها ..

زينب : هاحنا غانشوفو الالة نيسرين فين غادا بالسلامة ..

هبطات شهد بعد ماهزات ساكها وتيليفونها ومشات خارجة كاطلاقا مع خديجة شافو فبعضهوم شوفات تارية ودازت شهد بلى ماتعبرها غادا خارجة وبقات خديجة متبعاها من اللور ..

خديجة : الشريفة خارجة وعكوزتها الكبيرة جايا يا حصرة غير كانت كتكبر بيها ايوا هاحنا غانشوفو اسي سيف لي مخليها تخرج شنو غادير مع جدك ..

دخل سيف للشركة بداو كيسلمو عليه الموضفين لي كيطلاقاوه وهو كيرد عليهوم غير براسو .. مشا برك على الاسانسور يالاه غايتسد وهو يعاود اتفتح طلع سيف عينو تاكيشوف واحد البنت طاية حوتة ولباسها واعر بالطالون وعلى لباس واااعر داخلة بالساك .. دخلات وبركات على نفس الطابق .. خشا سيف يديه فجيبو ووشاف قدامو وهو كيتفكر فين شاف هاد خيتي .. بقات هي غير كطلع فيه بنصف عين وكاتبتاسم تاجبدات من ساكها الصغير عكر ودارت كاديرو مع المرايا ديال الاسانسور، بقا سيف كيتنهد بشوية، تاتفتح الاسانسور وهو يخرج من تم وهي دور تاهية خرجات وبقات كتشوف فيه غادي عاطيها بضهرو عضات على شفايفها ومشات دارت غادا لمكانها هو غير وصل للحيط ديال الدورة دار عليه ورجع كيطل كيشوفها فين غادا صغر عينيه ورجع جبد التيليفون ... 

سيف : آلو جيبلي تسجيل الكاميرات ديال الطبقة 5 دابا ..

قطع ومشا دخل للبيرو ديالو تم نيت تبعاتو السكريتيرة باش تخبرو بالمستندات الجديدة، كلس على الكرسي تاكيوصلو الميساج ديالها ..

شهد : أنا غانمشي لدارنا خويا غايجي تانتا أجي ماما وبابا غايسولو فيك ..

شاف الميساج ديالها ودار ضحكة سخرية على نفسو ( داخل ديالو : بحالي رجعت خاتم فصبعها مين وقعت على المسخرة لي دارتها ) ..

سيف : ماغانجيش مزوش بيك ماشي بعائلتك فليل تكوني فالدار .. 

هبطات من الطاكسي حدا الموبل ديال الدار دواليديها .. مشات طلعات فالاسانسور ودقات فالباب فتحاتليها مها تم نيت عنقاتها ..

نادية : توحشتك ابنتي توحشتك توحشتك ..

شهد : تانا اماماتي تانا ( شافت فيها ورجعات عنقاتها ) .. 

ادريس : شهد !! ..

بعدات شوية من مها وشافت فباها تغرغروًعينيها كيفاش يالاه يوماين وتوحشاتهوم مشات طارت عنقاتو كيفاش هموم حياتها نساوها فيهوم عارفة راسها غالطة معاهوم عارفة راسها مادارتش مزية معاهوم، وحتا العقد ديالها ماحضراتهومش ليه، طاحت دمعة خفيفة من عينيها وهي حاطة راسها على سدر باباها ..

شهد : توجشتك ابابا يا احسن بابا ..

بعدها وشاف فوجها ..

ادريس : تانا اوردتي ابنتي الوحيدة ( حط يدو على حنيكاتها ) كيدايرة مزيان كيغادا مع راجلك مزيان علاش مجاش معاك .. 

بلعات الخصة فقلبها وتفكرات ((( كانت فالبيت من بعد ماسيفطاتلو الميساج رشات من ريحتها تاكيوصلها الميساج ديالو : ماغانجيش مزوج بيك ماشي بعائلتك فليل تكوني فالدار.. عمارو عينيها فالدموع ماشي على ود راسها ولكن بقا فيها الحال على ود باباها وكاماها لي ماذنبهوم والو غير اشوفوها سعيدة فحياتها )))) رجعات شافت فعينين باها لي كينتاضر جوابها وابتاسمات ابتسامة محات كل ملامح الحزن والانكسار لي فقلبها ..

شهد : ع عندو اجتماع مهم ابابا ولكن اكيد غايجي مين غايكون عندو وقت ..

ادريس : ( بهيئة مزح ) ايااايياي الخدمة الخدمة هههه فكرتيني فهاديك ..

نادية : ( من بعيد كضحكلو ) طبعا باباك كان كيدير الحجج بالعمليات ..

ادريس : ياك انادية دابا ترجعي ليا هههه .. ايوا ابنتي كانو رواح الناس فيدي ومك تعيطلي تقولي عشاء عائلتي طاعت الله اشنو ندير .. ( مشا لعندها بحكم الكويزين جات مفتوحة على المجلس بطريقة موديرن عنقها من الجنب ) ولكن راه هادي هي الحياة ..

نادية : ( حشمات ) اوووش هههه ..

ضحكات شهد من فوسط دموعها وشوية مالو عينيها بحزن كانت ديما كتمنى تكون عندها حياة بحال ديال وليديها تنهدات ورجعات سولات ماماها ..

شهد : فيناهو خويا ومراتو ..

نادية : قاليك غايخرجو امير واحد الشوية لبرا شوية وتلقايهوم هنا ..

شهد : ااه ( مشات لعندها ) اري نعاونة امامي شنو كاديري للغدا ..

نادية : درت لي سالاد راهوما وطبعا ولدي كتعجبو البسطيلة داكشي لاش دومونديت عند ربيعة depuis 2jours باش ديرهالينا ..

شهد : ااه بون ماماتي كتفكر لولدها كيف العادة ..

ادريس : ايوا شفتي ابنتي وانا حرام ..

نادية : يوووه هاحنا بدينا ثاني ..

نيسرين دخلات للكافي تاشوية كتشوفو واقف فالطيراسا ديال برا عاطيها بضهروخاشي يديه فجيبو ابتاسمات لا بل ملئات عينيها دموع الفرحة ومشات كاااااطييييرررر وهي تعلق عللىى ضهروووو ...

نيسرين : حياااااااااااتييي ..

دار عندها كيضحك على الحمقة ديالو وطلع ليها راسها لي فيه عينيها كيبكيو شاف فعويناتها اخخخ شحاااال كيعشق هاد العينين ..

يونس : رووحييي عمرييي نمووت فالزعرة ديالي اناا ( جبدهاا لعندو هاكاك قدام الناس وكولشي عنقهااا ودور يديه عليهااا كيحااول يشبع من العناق ديالها ) ..

سمع الدقان فالباب .. 

سيف : دخول ..

دخل السيكريتي هاز فيدي واحد السيدي وصل ومدولو ..

السيكيريتي : هاهو التسجيل لي طلبتيه اموسيو ..

سيف : ( شدو من عندو كيشوف ) شحال فيه دالوقت ..

السيكيريتي : عطيتك فيه شهر .. ( شافو كيشوف فيه ) كاين شي موشكيل اموسيو ..

سيف : لا شكرا يمكن ليك تفضل .. 

مشا خرج خلاه كيدخل السيدي فالبيسي وبدا من اللول كيقلب وبالضبط فالكلوارات تاشافها تاني، وقف الفيديو وشاف التاريخ قبل هادي جوج سيمانات يعني الوقت لي مامانش هو فالمغرب، برك تاني بقا متبعها بين الكاميرات فين غادا تاشافها دخلات للبيرو ديال هيثم، طلع حاجب ونزل لاخور وكمل التسجيلات كانت جوج مرات لي جات فالوقت لي كان هو فيه مسافر، ومن البعد ماعاودات رجعات تاليوم وديما كادخل غير للبيرو دخيثم وكتمشي .. رجع سيف اللور متكي بضهرو على لكرسي وداير يدو على اللحية ديالو عاقد حجبانو بحالي كيفكر ..

سيف : زعمتي وبديتي دخلهوم تالعندنا اسي هيثم مزيان هاد الخطوة لي درتي هاحنا غانشوفو كيفاش غاتسالي .. 

هز تيليفونو ودوز واحد الرقم ..

سيف : آلو .. عندي ليك واحد الخدمة ..

شافت فعينيه عينيها كيبريو وهو شاد فيديها ومرة مرة كيطلعهوم يبوسهوم ..

نيسرين : توحشتك توحشتك توحشتك ..

يونس : تانا توحشت نشرف هاد العينين وهاد اليدين ( هزهوم باسهوم ) فكل لحضة كنتفكرك فيها ماكاينش ليلة دازت بلى مانحلم بيك .. 

ضحكة بخجل مهبطة راسها ورجعات طلعاتهوم : قول تخليتي على احتفال راس العام تما وجيتي على ودي ..

يونس : واش نتي حمقة غاتكوني حسن من راس العام، انا بغيت ندوزو معاك هنا ..

ابتاسمات وزيرات على يدو وهبطات راسها بحزن : ماكرهتش والله ولكن عارف بلي داك الليلة تاحد ماكيخيرجش الدراري بيدهوم وجدي مايمكنش يخليني نخرج حيت عارف داكشي لي كيكون فراس العام .. 

يونس : ( تنهد ورجع شاف فعويناتها ) ماعندك لاش تحزني دابا صافي كانواعدك هادشي كامل غانعوضك عليه ..

نيسرين : ( رجعات طلعات عينيها مغرغرين ) خايفة من المستقبل ايونس خايفة من انهم يفرقونا كون اكيد بلي مانقدرش مزال نصبر عييت وعييت ..

يونس : مستحيل نخليك تما واخا نعرف راسي نخطفك ومانخليكش تما انا هادا اخر عام ليا، وراك عارفة غير غانسالي الماستر خدمتي محطوطة ديك الساعة غانجي نحطبك ..

نيسرين : عارفني غانتسناك تالاخير عمري ولاماكانش غانهرب معاك ماكيهمنيش اخيرتها تاخويا تزوج بلى خبار تاواحد ..

يونس : ( ضحك مهبط راسو ) انا عجباتني هاد القضية لي دار ولاهيلا هو لي عبر عليهوم وتاهادي لي تزوجها كيبانليا زعمات معاه .

نيسرين : لا اصلا كانت هي الطبيبة ديال جدة ..

يونس : اييه يعني بحالي تقول تما باش تعارفو ..

نيسرين : يمكن، صراحة ظريفة بزاف وهوما كيبغيو بعضياتهوم كون تشوف هاد الصباح مين تجرحات فرجليها خويا كيهزها وخاف عليها، دار حلقة لجدي وحصوصا انها حاملة يعني ماغايقدرش يقيصها بالتالي الولد لي فكرشها كيبقا من دمو ..

يونس : صراحة شفت تاشفت ومافهمتش واش باقين ناس عندهوم هاد العقلية ..

نيسرين : جدي طبعا ..

يونس : غاماتشبهيش ليه ( ضحك ) ..

نيسرين : ياااك ههههه ..

تصورات ليهوم تصويرة فداك اللحضة شاد فيديها كيضحك وهي كذلك ..

زينب : اياااي على بنت عمي هههه ( شافت فالتصاور واش كيبانو مزيان ) توتوتو هادشي كامل خرج من نيسرين الملاك ديال الدار .. هاحنا غانشوفو اجدي العزيز دابا مين غاتعرف شكادير حفيدتك مور ضهرك ( ناضت وقفات دارت النضاضر فعينيها ومشات خارجة من الكافي ) ولكن طبعا ماغانعطيهلوش على طبق من ذهب خاس شوية ديال الاثارة هههههههه ..

ركبات فالطوموبيل وكسيرات ...

صايبات الصلاد مع مها عاد مشات كلسات شعلات التلفازة وبقات متكية على يديها كتفرج تاجات عائشة كلسات حداها .. 

عائشة : عيد ميلادك شتك ماغاديرهش هاد العام موالفين كنوجدولو قبل بشهر ..

شهد : ( بلى ماتشوف فيها كتفرج فالتلفازة ) ماما عافاك ماكاتشوفيش حالتي دابا ماعنديش الكانة والله ..

عائشة : اخخخ كنبغيو غير نفرحوليك .. 

شهد : لا ما ( شوية تفكرات وهي تبلوكا ساكتا ورجعات نطقات ) غانديرو ..

عائشة : كيفاش ..

شهد : غانديرو اماما وبحال ديما غير هو هاد المرة باغا ندير شي حاجة شبابية ونرجع للأياماات ديال شحال هادي يعني انا وخوتي وحليمة ( ابتاسمات جنب ) وغايكون احسن عيد ميلاد درتو هههه ..

عائشة : اخخ واخيرا تحمستي ..

شهد : طبعا باقالو طخوا جوغ غانوجدلو منو عيد ميلاد ومنو احسن احتفال لراس العام .. 

عائشة : ههه حمقة انا غانوض نشوف داك البسطيلة ..

شهد : ( سهات ) هاحنا غانشوفو اسي سيف شنو غادير دابا .. 

سمعو صونيط ناضت حلات كان كريم ومراتو وولدو ..

كريم : واي واي على العروسة عندنا فالدار وانا مافخباريش ..

شهد : هههههه بديتي تاني ..

تلاحت عليه تعانقو وسلمات على مرات خويا وهزات عصام فيديها ..

شهد : عمييتوو الحبيب توحشتك الخانز .. 

عصام : نتي مابقيتيش كتجي ..

شهد : اييه الخانز .. 

كريم : وفيناهو سي العريس قولو غايجي يسلم ولا حشمان .. 

شهد : كرييييم ..

عائشة : شش كريم بعد من ختك ..

كريم : بدينا ثاني وبلاتي يجي يونس ونوريك .. 

عائشة : ها ها ها ها ..

كريم : الواليدة فين الواليد ..

عائشة : مشا يتسخر هاهو جاي ..

دينا : خالتي اري نعاونك .. 

عائشة : مابقا والو سالينا سالينا ..

دينا : مم هادشي لديذ ..

شهد : يديداتي ..

كريم : بلاتي بلاتي واااايلي واش شهد لي وجدات هادشي ..

شهد : ( ضرباتو فسدرو ) باراكة من الطنز العكري راه طالعالي نشدك على والو ..

كريم : ناري ناري الوحم بعدي مني اختي حمدت الله وشكرتو مين نسيت الوحم ديال هادي ..

دينا : مزال غانزيدو ابيبي ..

كريم : لا اختي مانزيدش لابغيتي نتي زيدي زيدي ..

شهد : مم مالها غاتجيبو من برا ..

عائشة : ششش سكتونا الله يعطيكوم ماتاكلو .. 

ادريس : هاي هاي تجمعتو ..

شهد : فيناهو يونس انعيطلو شفتو تعطل هادشي كامل المطار ..

كريم : المطار ولا شي حاجة اخرى مثلا ( غمزها ) ..

شهد : ( فهمات كضحك رجعاتلو الغمزة ) هاي هاي كتفهمني نتايا ( تراشقو ) ..

عائشة : بعدو على خوكوم دابا شوية تلقاوه حداكوم .. 

ادريس : المحامي الرئيسي بدا .. 

ناضو كولهوم كيضحكو الا عائشة كانت غاضربو بالمغرفة تاشوية سمعو صونيط شاف كريم فشهد ومشاو كيطيرو غايتسابقو بجوج شكون غايفتح لقاو يونس واقف بالڤاليز ديالو سبقات شهد تلاحت عليه معنقاه طبعا ماشافتوش من شهر 2 حيت كيقرا فتركيا مسيفطاه الاخوين كل عام كيدوزو فدولة .. تعانقو وتسالمو كيضحكو دخل تاني باس الراس لمو وباس اليدين لباه سلم على دينا وهز عصام مركبو كيضحك معاه تصافو كاملين كالسين مرة كريم وشهد يقشبو عليه ومرة العكس .. عاد بدات تحط ليهوم عائشة فالغدا لي صالاد والبسطيلة مع العواصر دلي فخوي .. كياكلو وهوما كيجمعو ويسولوه على كيجاتو الدنيا تما .. شوية شافتهوم عائشة فواحد اللحظة كاملين كيضحكو وحتا شهد لي من امتا ماشافت الابتسامة ديالها عرفات رغم زواجها لي ماشي بضروف زوينة الا وانها مابقاتش كيف كانت كاملين عارفينها دايرة هاد الزواج بسباب غلطة ولي هو الحمل ديالها داكشي لاش تاواحد ماكيبغي اكمل عليها وعتابرو زواجها هادي حيت هوما لي عاشو على الم الحرمان لي دازت منو وعلى نوبات الجنون لي كانو كيجيوها كل ليلة وعلى المشاكيل لي دمروها داكشي لاش مابغاوش اكملو عليها .. ابتاسمات وهي كتشوف عويناتها كيف مغمضين كيضحكو تاشوية ضارت شهد لعندها شافتها ودارتها بعينيها شنو زعما وهي كضحك وتاهية ردات عليها بحركات ا والو كولي .. غمضات عينيها كتدعي فخاطرها باش الاسرة ديالها تبقا بهاد الضحكة وبهاد السعادة مابغاش شي حاجة كتر من هاكة .. 

وصل ليل دخل بطوموبيلتو سطاطسيونا وهبط دخل لدار كيسمع الهضرة من الصالون مشا نيشان لتم لقا كولشي كالس بحكم نعيمة جات لي غير دخل ابتاسماتلو ..

سيف الدين : السلام عليكم ..

بشرى : اهلا ولدي ..

مشا نيشان لعنند جداه حنا هزليها اليد باسهاليها : على سلامتك الميمة ..

طبطباتلو على يدو وجراتو : الله اسلمك يا احسن حفيدي ( طبطبات على ضهرو ) مبروك اولدي تستاهل احسن مادرتي .. 

ناض وقف وابتاسم ليها شاف فجدو وداز باش اسلم عليه يالاه غايحني يهز يدو وهو يجبدها حسن كولشي بقا غير كيشوف طلع سيف عينو شاف فيه ..

حسن : كبيرة الدار هنا ومراتك باقا فالزنقا عارف شحال فالساعة ولالا دخلتيها لدارنا غاتحتارم قوانين هاد الدار ولا الباب لي دخلها يخرجها .. 

زير على يديه يالاه غايهضر وهي توقف بشرى سبقات : اا عمي البنت مريضة ومشات تشوف مها راك عارف حاملة ماخسناش نضغطو عليها ..

سيف : ( هضر بصوت لي غايمعو غير هو وحسن ) مابقا والو، الجرعة دالصبر لي شادهاليك قريب تسالا .. 

طلع حسن عينو فيه معصب من هادشي لي قال حسبها بحالي كهددو ..

نزلات من الطاكسي خلصاتو ... ومشات داخلة حليها السيكيريتي .. يالاه غاتعتب على الدرجة ومع الطالون لي لابسة زلقات طاحت ..

شهد : اييييي افففف ... 

جا بالزربة السيكريتي لعندها : لالة واش مزيانة ( عاونها وقفات ..) ..

شهد : لاباس لاباس شكرا .. ( زادت شوية دارت يديها على لتحت دكرشها ) ايي فف سمحلي اولدي تانا مكنحشمش لابسة هاد الطالون سمحلي سمحلي .. 

بقات غادا زايدة بشوية وكتحس بالالم حيت طاحت طيحة خايبة شوية .. دخلات بشوية كتعرج شافت الضو ديال الصالون مشعول مشات غادا ليه ..

حسن 😞 هضر غوت بجهد قدام كولشي ) ديييك المطلقة ماغاندوزهاااش بجغمة دالمااا سمعتيتيييي ماااكااتشرفنااااش ومااتشرفشش سمييتنا لي عطيتييهااا .. والمطلقة غاتبقاا ديمااا معيوووبة وكان فيهاا الخييرر مايخليوهاااش اللواالة ... ولا يسمحو واليديها يزوجوها بحالي كيبيعوهاااا سمعتييي ...

شدات فراسها قبل ماطيح متكية على الحيط دموعها نزلو بسرعة البرق مع تضاريس حنكها شفتيفها كيترعدو وقلبها كتر.. بدات يديها كاملة كترعد طاحلها البوشيط من يديها وبقات غادا باللور ..

مع داك السكات تسمع البوشيط لي طاح دار سيف تاكاتبانلو هاكا راجعة باللور كترعد مشا بزربة دغيا فديك اللحضة فقدات التحكم فراسها وبداو عينيها كيتغمضو شوية بشوية قبل ماتوصل للأرض طاحت فيدو ..

سيف : ششششهددد ( كيضرب فحناااكها ) شششهددد ... 

ناضو كاملين تبعوه تاشوية وقفات نيسرين مغوتة شافو فيها وهي تشير بيديها .. 

نيسرين : الددددددمممم ..

هبط سيف راسو لقا سروالها البلونكاسي بدا كيعمر بالدم بين فخاضها قلبو جمد ....

وقف متكي راسو على الحيط وبشرى كالسة دايرة يديها عند فمها ونيسرين شادا فالكتفين ديالها ..

بشرى طلعات عينيها فولدها وبقا فيها .. تحرك من حدا الحيط وبقا غادي جاي كيدوز يدو على اللحية ديالو معصب ..

سيف الدين : شحاااا كيبقاااو عاادوو لداااخل شحااال ؟؟؟؟؟ ..

نيسرين : ششش سيف راه كيعالجووها تهدن ماغايوققع وااالو .. 

سيف الدين : ( شاف فمو وفنيسرين عينيه حمرين ) لا غير اوقع لما نحرق عليهوم داك الدار كاملة مايكون ربا فيا الواليد الخلا .. 

بشرى : ( ناضت واقفة مخلوعة ) طاعت الله اولدي طاعت الله كالمي روحك راني فقدت باك لامشيتي نتا غانمشي نموت راه ماقاداا على .. قبل مايكملووها تسمع صوتت نبييل ..

نبيل : شنووو درتليييهااا هااا عاديي هييي غاتحميييهاااا من سي حسن ااا ماتستااااهلللكش ماااااتستااهلااااكش ..

سيف : نيسرين قوولووو يمشي بحالو ولا غانفرع مووو .. 

نيسرين وقفات بزربة كدفع فيه : نبييل سير بحالك دخل سووووق رااااسك .. 

نبيل : هادي هي الرجلة هااا وتجي تفهم عليااا انا وفرجنا يالاه .. 

سيف : بقا يمشي وهي تجرو مو كتوقف حداه شاف فيهاا عينيه نقطة ددم بحالي مدروكي ) حييديييي الوااالييدة حيديييي .. 

بشرى : والله ماتفووتني على جنااازتيييي نعل االشييطااان ( كدور عند نبيل ) سيير اولد الحرااام ولا نسخط عليك منهنا ليوم القيااااااامة سييير فحااااالك ... 

نيسرين : ( تعصباات ) والحمااار سيير منهناااا وسييير ازبببلل .. 

نبيل : هاااانااا غااادي بحالي الرجلة هاحنا غانشوفو لما رجعيتها رماد ...

رجع سيف دار عطا لمو بالضهر تارحات كتشوف فيه وهو يضرب دوميتور غفلها تخطاها ونيسرين جبدو لعندو عطاه ضربة وحدة كعدو الارض وهو ينزل عليه بدا كيعطيه بلى مايحبس تاجات تيسرين كتجر فيه كتبكي وبشرى من الجهة الاخرى ..

سيف : شفتيي الرجلللةةةة الشمااااتة دبصصصححح السكاااايرييي .. توريني انا فالرجللةة هااااا ..

جاو كيجريو لي سيكريتي هوما لي قدرو ينوضوه وبداو يجروه وهو باغي يتفك منهوم .. نبيل طحطح مارا ماقدرش تايهز راس تابدا كيكحب الدم ..

نيسرين : عبر عليك الحمااار عبر علييك تستااهل ..

بشرى : سكتتييييييي .. عيطيليهوم يجيو يهزو معايا ..

جاو الممرضين كيتجاراو باش يهزوه وليسيكريتي هبطو سيف ضاروري غايديوه للكوميسيرية .. وهو باقي شاااعل .. 

خرجات الطبيبة لي عند شهد طلاقاتليها نيسرين ..

الطبيبة : فيناهو راجلها ؟ ..

نيسرين : ( باقين الدموع فعينيها مسحاتهوم ورجعات شعرها مور ودنيها ) عندو شي شغل طارئ عافاك انا حتها قوليلي شنو واقع .. ( جات تابشرى وقفات ) ..

الطبيبة : قدرنا نوقفو النزيف والجنين الحمد لله مارقعلو والو ولكن حادث الحادثة عرضاتو للخطر منهنا للفوق .. يعني اي حاجة صغيرة تقدر تجهضو عافاكوم بعدوها على التوتر والمشي بزاف ماصالحش ليها حيت الوالدة هبطات ليها من الاحسن ماتحركش من فراشها منهنا واحد السيمانة غاتبقا دابا واحد 3 ايام هنا علاما تأكدنا من الوضع ديالها ويمكن ليكوم تخرجونا ..

نيسرين : شكرا اختي باراكة الله فين واش نقدرو نشوفها ..

الطبيبة : غانقلوها دابا لغرفة عادية وديك الساعة دخلو عندها الحمد لله على السلامة ..

بشرى : شكرا ابنتي شكرا ..

نيسرين : افففف الحمد لله الحمدد لله ..

بشرى : حمدتك يا ربي وشكرتك ..

نيسرين : ( دمعو عينيها ) شهاد المشاكل اماما والله تاحرام باللله انا مابقيتش صابرة تهدووليا .. انا غانمشي للمرحاض بقاي نتي هنا تايخرجوها باش تعرفي شمن غرفة غايديوها ..

بشرى : سيري ابنتي علاما جيتي باش نمشي نطل على نبيل ..

نيسرين : هاداك ماذكرييهش لياا سمعتتييي ومنً عنديي يستااهل ومانمشيش نطل عليه .. 

مشات لطواليط دخلات كتغسل وجها وشافت فالمرايا عينيها حومر ومهدودة الحيل زادو طاحو الدموع فعينيها وشوية بشوية تارجعات كتخرج النخصة بجهد وطلقات العنان لدموعها ..

نيسرين : كووون كان بابااا مايوقععشش هاادشييي كووون بااا اهئ اهئ مايوقعششش هاادشيييي باااابااااا علااش خليتيينااا علااااش اهئ علاش مشيتيي وخليتي كولشي علينا .. 

هزات تيليفرنها كترعد ودوزات نمرتو الشخص الوحيد لي متقدر تشكيلو قلبها ..

جاوباتو صوتها كيترعد : اهئ يوونس اهئ ..

يونس ناض مفزوع من بلاااصتو : نيسريين ماااالكي شنوووو وااقع .. 

نيسرين : يووونس اهئ خووويا دااوه لكووميسيرية ..

يونس : كيفااااش علااااش فين نتي دابا بعدا ..

نيسرين . اهئ اهئ اهئ فالسبييطاار انا ..

يوونس : شكاااادييريي نيييسرييين اللهم طووولك ياا رووح سمعي سمعي تهدني بعدا تهدني هو اللولة تنفسي مزيييان وشرحيلي شنووو وقع واخا ..

نيسرين : ( بلعات ريقها وبدات تنفس مزيان ) هأ م م رات خريا كان غ غايوقعليها اجهاض و وباش جبتاها لسبيطار نبييل ج جا كيعااير فسيفف وسيف ضربوو اهئ والبووولييس جاو داااوه ..

يوونس : سمعي بقاااي تما انا داباا غاانجي عنددك ..

نييسرين : لا لا وااايااااك تجي لاا اهئ كايننة ماما هنا لا ماتجييش وغايقدر اجي جدي اهئ ..

يونس : ففففف نيسرين تهدني احبيبتي تهدني خسك تكوني قوية وااخاا كيبقات مرات خوك بعدا...

نيسرين : ماوقع ليها والو والولد حفظو ربي ..

خرجو شهد داوها للغرفة ديالها دخلات بشرى معاهوم بقاو كيقادوليها السيروم والنبضات ديال القلب وخلاوها ناعسة وخرجو بقات غير بشرى كلسات وبقات كتشوف فيها .. غمضات عينيها متنهدة وناضت وقفات كطل من الشرجم كيبانوليها الضواو دالمدينة كاملة بقات مربعة يديها تاعيطاتليها نيسرين قاتليها رقم الغرفة شوية وجا عندها دخلات مشات نيشان لعند شهد دوزات يديها على شعرها تادارت بشرى شافت فيها ..

بشرى : ( ببرودة مهدودة الحيل ) بقاي هنا غانمشي نشوف خوك ..

مشات بشرى دخلات عندو لقات الممرضة كاداويه .. 

بشرى : صافي هادشي لي بغيتي ..

نبيل : ماغادوزلوش سالمة بربي تانرفع عليه دعوة ..

بشرى : ( جات عندو معصبة ) لا نتا واقيلة شربتي شي حاجة ماشي تالتم همم حمقتيي ولا ماالك باغي تفرج فينا عمك وولادو هاا سمع هادشي لي وقع هنا ماغايخرجش فهمتي والى وصلات شي حاجة لجدك ماغاتلوم غاراسك .. 

نبيل : غاتوصل الواليدة غاتوصل سمعتي حيت ولدك تغاضا بزاف وعند بالو فرعون ..

بشرى : راكوم خوووت واش بغيتو تحمقوني هاادااك خووك سمعتيي خووك .. 

نبيل : الواليدة الى ساليتي هضرتك تقدري تمشي وماديريش راسك دابا خايفة عليا سيري عند ولدك واه غايحتاجك كتر مني ..

بشرى : شهاد الهضرة كتقول ( مدات يديها تقيسو فوجهو وهو يدورو ) ..

نبيل : ( ببرودة ) الواليدة لاساليتي تقدري تخرجي ..

مشات خارجة وهو يهز التيليفون : آلو سفيان وجدلي واحد القضية غانرفعها .. وي ضد سيف الدين تاجدين ... 

سيف بقا گالس حدا الكوميسير وهو كيشوف فيه ..

الكوميسير : اش وصلك لهاد الحال اسيف ..

سيف : ( رجع راسو بلور غمض عينيه ) دير الاجرائات الالزمة خسني نرجع نشوف مرتي ..

الكوميسير : ( تنهد كيشوف فيه ) سمع اسيف دابا غاتقدر تخرج بغرامة لسبيطار بسباب الضجة لي درتيليهوم ولكن فحالة رفع عليه نبيل دعوة ديك الساعة غاتحاسب .. 

سيف : صافي دير الامر لازم فالغرامة باش نمشي .. 

الكوميسير : عبد الرحييييم ( دخل عندو البوليسي ) دير اجرائات الغرامة وخليه يمشي .. 

عبد الرحيم : حاضر مونكوميسير، تفضل اسي تاجدين ..

بشرى دخلات عند نيسرين : جدك عيط قاليك نرجعو بحالنا ..

نيسرين : لا ماشي تالهاد الدرجة ..

بشرى : شوفي نيسرين راسي ماكرهتش نشتتو ماناقصني صداع زيدي نمشيو بحالنا وبحال والو يكون جدك عرف بالموشكيل ديال سيف زيدي نمشيو ..

نيسرين : ماما واش كتقوليلي نخليوها بوحدها دابا ولا شنو ..

بشرى : ماغاتبقااش بوحدهااا سيف عيطلي راه جاي ..

نيسرين : ( فرحات ) طلقووه ..

بشرى : ( ماغادكرش ليها امر الدعوة ) مم يالاه زيدي ..

نيسرين : وكون نتسناو حتا يجي ..

بشرى : نيييسرييييييين .. 

مشات بلى ماتزيد الهضرة تابعاها وخرجو من تم .. 

تفتح الباب ديال الغرفة ديالها، ودخل مهدود الحيل شافها مستلقات على السرير تمشى بخطوات هادئين موجه ليها تاوصل لعندها .. حط يدو على راسها وحنا لعندها باسها من راسها وعاود باسها من عينيها وداز لثانية وهبط لحناكها تاوصل لشفايفها وهو يحط عليهوم شفايفو بارديين مع دياولها سخانين وبقا شحال حاط فمو على فمها مغمض عينيه، وهو يرجع يفتحهوم وهبط ثاني حط راسو على كرشها وابتاسم بخفوة اكيد مايقدرش يتخلا عليهوم، هوما رجعو جزء من حياتو فمدة قصيرة، ومابقاش قادر يتخيل حياتو بلا بيهوم .. رجع طلع عينو ليها وهز يديها باسهوم بعمق وغطس نيفو فيهوم .. عاد ناض مشا گلس فالكنابي لي مقابل معاها وبقا شحال حاضيها وكيفكر ومليون تفكير فبالو ..

حلات عيويناتها كتحلهوم بشوية وكتحس بالشيع كيعميها بدات كطلع يديها بحالي غاتحاول تغطي على وجها من الشيع تاكيضلل عليها الحال شافت شكون لقاتو هو وقف مع الشمس مقابل مع شرجم مين شاف الحركة لي دارت شافت فيه وهو يبتاسم ليها ..

سيف : صباح الخير .. 

شهد بقات كتشوف كتأكد واش سيف لي مبتاسم ليها ..

جا كلس جنبها فوق الباياص وحط يدو على كرشها .. 

سيف : كيكتحسي راسك مزيان ؟ ( كتافات تحرك غير راسها مصدومة ) ولدي مزيان حبيب باباه مزيان ممم ..

شهد : س سيف ...

سيف : ششش شهد مابغيتك تفكري فوالو واخا فكري هاد الساعة غير فولدنا لي غايجي واخا ..

شهد : ( حطات يديها على كرشها وعينيها دمعو ) ياك ولدي ماوقع ليه والو .. 

سيف : ( جر يديها ودارهوم بين يديه ) ولدنا .. ولدنا ناوقع ليه والو مزيياان ..

وقف وتحنا باسها فجبهتها : الحمد لله على سلامتك احبيبة .. 

خرجات عينيها ورجعات حمرة حمرة ..

شاف فيها وشحال كتعجبو من كتخجل ابتاسمليها : خسك تفطري دابا ( شاف فساعتو ) انا غانشوف الدكتور .. تبغي شي حاجة مشهية شي حاجة .. 

هنات راسها محركاه بلا غابشوية عليها راه مابقات فاهمة والو ..

سيف : مهيم انا منهنا شوية غانعيط لواليديك مابغيتش نبرزطهوم لبارح بليل ..

حركات راسها بواخا شاف فيها تنهد ورجع كلس حداها ومد يدو طلع ليها راسها من فمها .. 

سيف :: شهد ماتفكري فوالو الطبيب قال خسك تبقاي هنا 3 ايام باش يتأكدو من صحة البيبي وخسك تريحي نفسك ..

شهد : ان ..

حط صبعو على فمها : شنو تافقنا منهضروش ( غمزها ) الحساب حليه طلقييها شوية واخا .. 

حركات راسها باه ( بغات تنوض تتكلس ..

سيف : ببلاتي بلاتي نعاونك .. 

ناض وقف خشا يدو تحت ضهرها نوضها بشوية هي حاطة يديها اسفل كرشها باقي شادها الالم دارليها لوسادة باش تقدر تكا مزيان عاد طلعليها البياص بالمتحكم .. 

سيف : مزيان دابا ؟ .. 

حركات راسها باه .. دخلات عندهوم الطبيبة ..

الطبيبة : ( بابتسامة ) صباح الخير مدام تاجدين كيصبحتي مزيان .. 

شهد : اه مزيان .. 

الطبيبة : ( شافت فسيف ) موسيو تقدر تبقا برا غانفحصو للمدام وتقدر دخل .. 

سيف : طبعا تفضلي ( شاف فشهد ) انا برا صافي ( غمزها ومشا خرج ) ..

خرجات عينيها وشافت فالطبيبة لاتكون شافتو لقاتها كتعبر فااطونسيو .. 

الطبيبة : محضوضة بهاد الراجل لي تعطاليك مم ..

شهد : هااا .. 

الطبيبة : هههه حافضي عليه ماغاتلقايش بحالو ..

شهد : اه ههه مم ( فنفسها : يا ربي قوليا واش دازت شي ميات عام عاد فقت انا ولا شنو )

يتبع...