العايلة مولاتي الجزء 12 والأخير

عثمان : ( بقا كيشوف فيها كيحاول افهم شكاتقول ) واش كتهضري منيتك ولا شنو .. 

وسناء : ( طلعات عينيها مدمعين شافت فيه ) قووتلك ماانقدااارشي اعووثمااان فهاامني منقدااارشيي ... 

ماشافش فيها دار فتح الباب اللور دخل فجور سد عليها ودار عندها ..

عثمان : طلعي .. 

وسناء : ( شافت فيه ) ماغانولدووشي اعووثمااان مااغاانولدووشي .. 

قرب لعندها تابدات النفس ديالو ضرب فوجهها .. 

عثمان : وسناء طلعي ماتمرضينيش ...

هبطات راسها كتمسح دموعها وطلعات زدحات عليه الباب وهو يطلع تاهو تحرك نيشان لدار غير غجور لي كتهضر اما هوما ساكتين وسناء كتنخصص وهو كلما كيشوفها هاكاك كيزيد ايمرض ويكسيري تاوقف حداالموبل فين ساكنين ..قبل مايهبط هضر ..

عثمان : خليك هنا انا راجع .. 

نزل وهبط معاه فجور بقات هي گالسا فطموبيل جامعا عندها رجليها كتخمم وتنخصص تاعاود دخل لعندها ركب الصمطة ودار بقا كيشووف فيها تنهد وجبد كلينيكس من البورط دالطوموبيل مدوليها .. 

عثمان : مسحي مسحي حالتك ..

شداتو من عندو بلا ماتشوف فيه كتمسح دموعها وهو دار ديمارا تاوصل لواحد الكافي فمدينة فاس بلاصا وفتح السمطة ..

عثمان : هبطي ..

هببطو بجوج هو غادي قدامها وهي موراه دخلو لتم حيد النضاضر دارهوم فوق راصو ومشا لجيهت واحد الفطويات حداهوم طوابل گلس وجات قدامو گلسات هز يدو عيط لگارسون تاجا عندو ودار عندها هي صوتها باقي مدغدغ ..

عثمان : شنو تشربي ..

وسناء : والو ..

عثمان : اريلي واحد جوج جودوغونج ..

هزلو راسو ومشا وهو يوكي اللور وكيشوف فيها شبك يدو جيهت حجرو وبقا كيشووف فيها هي غير حانية راسها وكتمسح مرة مرة بكلينيكس ..

عثمان : مالكي دابا !! وشوفي غير بشوية هضري ..

شافت فيه ورجعات هبطات عينيها ..

وسناء : مابغيتوشي .. 

عثمان : علاش !!؟ ..

وسناء : هايداك ( بداو دموعها يطيحو ) نتينا ماعارفشي كيف دوزت ديك الرباعسنين غير بوحديتي وجوج بنات ماشي وااحدة وزيد عليها كانت مريضة ليالي ودابا حتا زيد ( شهقات ) وااش بغيتيني نحماااق والله تانحمااق .. 

عثمان : ( رجع قرب منها ) وانا معاك دابا واش نتي بوحدك واش انا غانخليك !! ( حط يدو على ضهرها كيدوز عليه راحتهوم ) ماعرفتي داك البيبي لي جاي يكون خير لينا وهانتي شفتي ماكنااش دايرين ليه الحساب گاع يعني نعمة من ربي ونتي دابا بكلامك راك ماشي غير قلقتيني وقلقتي حتا ربك لي كيشوف من اللفوق ( حط يدو على يديها ) شوفي احياتي لاماكنتشديش قادرة على المسؤولية ديال زيد انا ماشي غانبززو عليك من غدا نجيبلو مربية وهاحنا سالينا ..

حركاتلو راسها بلا ..

وسناء : انا مااعنديشي المووشكيل فزيد اعووثمااان فهااامننني فهااامني الله يخاالييك

عثمان : وسناء داكشي لي دوزتي نسايه كولشي غايتغير وهاني، شوية بشوية الامور كيتقادو غير ماخسناش نزربو فالقرارات ديالنا باش ماندموش من البعد ( هز يديها باسها ) بغيتك تكوني مرتاحة احبيبة وانا باغي هاد الولد لي غايجيني منك انا ماحضرتش معاك فالولادة ديال ليالي وفجور لي ماتخيليش شحال حلات عندي عقدة فقلبي ( شافت فيه بعويناتها حومر ) ماكاتحسيش بيا ! مم . .

بقات غير كتشوف ماقدراتش تجاوب ..

عثمان : خسك تلاحضي الفرق بلي شحال هادي ماكنتش ودابا غانكون وماعرفتي بلي يكون هاد الجنين السباب فالصلاح دواليديك ماتسرعيش احبيبة واخا ! ..

بقات ساكتة على الأقل سكتات من البكا .. حطليهوم الگارصون العصير ..هز الكاس مدوليها وهي تحرك راسها بلا ..

عثمان : كولي شوية شوفي كيف وليتي بقلة الماكلة ديالك ..

وسناء : مابغيتوشي ..

تنهد وناض واقف ..

عثمان : يالاه نوضي نمشيو ..

ناضت واقفة جرها شبك يدو مع يديها وخرجو ركبو فالطوموبيل قبل مايديماري دار شاف فيها ..

عثمان : متافقا معايا بعدا ..

دورات وجها لهيه ماجاوباتوش وهو يعاودها بجهد ..

عثمان : وااااش متاافقيين ماااسمعتش ..

هضرات بجهد ..

وسناء : متااافقيين متااافقين غير سكووووت ..

عثمان : ( ضحك ) وهاكاك شتي الزين مين كيسمع الهضرة كيفاش كيكون ...

ركب تيليفونو ودخل دار المييوووزييك فاليوتوب وهي قالبة وجها لشرجم وكتشوف فيه بنص عينيه تاكاتشوفو ماشادش طريق لدار .. غادي لجيهت طريق الخرجة وهي دور عندو ..

وسناء : فاااين ماااشي !؟ ..

دار عندها كيغني حط النضاضر فعينيه وخرج يديه من الشرجم ..

عثمان : ويالغرام وباش بليتيني ..شو كحل العيون وماداير فيااا ...

بقات وسناء حالة فمها ..

وسناء : ورا كنهضاار معاك البشار ..

عثمان : ( شاف فيها ) غادي نتسارا مع مراتي عندك شي مشكل العايلة ... 

وسناء : شيينيي اواعدي والعياال ..

عثمان : ( كيضرب صباعو مع الڤولون غادي مع الدقة ديال الموسيقى ) راه كاينة مك وختك دايرين خدمتهوم وكفاية ( دار شدها من نيفها ) عيتييني الالة عيتيييني ..

وسناء : والحوياااج ؟؟ ( الله يعطينا وجهك ) ..

عثمان : وكان غير الحوايج غير نوصلو نشريوهوم ..

وسناء : وانا خسني تيليفون بااعادا ( وراتلو يديها ) وبقيت بلا خاتيم لي شافني يقول باقا بنت ضارنا .. 

حيد نضاضر وشاف فيها ..

عثمان :اويا الله يمسخك والدة جوج بنات وغاتزيديهوم الثالث وباقا بنت ضارهوم ..

وسناء : وشني كيفف كانبالك هايدا اصلا من موراك خطبوني عشرة .. 

طلق واحد الضحكة من داكشي ورجع شاف فيها ..

عثمان : تانا الصراحة عرضو عليا عشرة دالبنات نكون معاهوم ولكن مابغيتش، كيشفتي باقي بوگوص مع راسي ..

عضات على شفايفها مخزفة وهي ضحكلو ضحكة صفرة ..

وسناء : امشييي يا الشاارف بقاليك غالتصااحيب نتينا كاع ماطليقلو انا راه تخطبت بيك وبقاو مزال تابعيني ( سدات فمها عاقت بشنو قالت معنات على نهار طلاقاها اوسامة فالقهوة ) ههه زاعما .. 

دار فيها واحد الشوفة ..

عثمان : صراحة احبيبة كنت شاك فيك ..

وسناء : شششش ش شكيفاش شاك فيا اييوا بزااف عليك ..

عثمان : ( ضحك ) سبحان الله كتقلبي اللهم ان هذا منكر ..

وسناء : دابا فاين ماشين ..

عثمان : أزرو ..

وسناء : كيف عاملة ..

عثمان : فيها شي كائنات كيشبهوك ..

وسناء : بصاح كيفاش ..

عثمان : ( داير النضاضر وكيموت عليها بالضحك ) مين نوصلو ونوريهوملك ..

الطريق كاملة وهوما يتقاشبو تاوصلو لأزرو ( كتعجبنيي ) مع الطريق ديالها وقفو باش يوريها القرود حسات بالبرد مع ديك المنطقة ديال الثلج جبد الجاكيط ديالو ودارهاليها على كتافها وضربو السيلفيات بتلفونو موراها مشاو لإفران تغداو تما كانو كيبانو بحال شي شباب يالاه تزوجو وكيعيشو حياتهوم دوزو وقت فن ساراها فإفران مزيان عاد طلعو لمكناس بليل وداها لواحد المول خدات لي بغات ورجع خداليها خاتم دالماغياج من أول وجديد سانبل وفن وسنيسلة مع حوالقها جاوها كيحمقو وداز خداليها التيليفون وباش زادت مكملاها مشات لبوتيكات ديال الحوايج بقات غير كتختار حسات براسها خرجات گاع داك الطاقة السلبية وتاهو دايرليها خاطرها باش تخرج من داك النفسية ومتبعها خداليها لي عجبها كشطاتو طبعا ..

وسناء : عافاك غير هااديك بلييز .. 

عثمان : زيدي ولا نضرب مك بهاد السوارت والو مابقالينا باش نخلصو لوتوروت تالكارط گيشي ماجبتهاش غير الفلوس لي كانو فالطوموبيل هوما لي خسرتهوم عليك ..

دلات شفايفها ..

عثمان : ( تنهد ) زيدي نمشيو نشوفو .. 

تبسمات ورجعات شادا فيديه جاراه تاخداليها واحد الساك بريش ديال الحضور ساوي 300 الدرهم عاد تمات خارجة فرحانة ..

تعشاو فريسطو تما عاد شدو الطريق لفاس بليل طبعا هي غير طلعات لطوموبيل نعسات وبقا هو شاد الطريق بليل شعل عليها الكليمة من البرد وكمل الطريق وصلو بليل فيقها وخرج هز معاه داكشي لي شرات وهي هازا تيليفونو والسوارت دخلو لدار بالحس حيت جاو معطلين طلو على الدراري لقاوهوم ناعسين وليالي نعساتها حبيبة حداها دخلات باستهوم وسناء عاد مشات لبيت حيدات السبادري والدجين والتيشورت وتلاحت هاكاك نعسات بدوبياس وتاهو حيد عليه كولشي ولبس شورط بقا عريان من الفوق عاد نعس حداها جرها عندو ونعسو .. 

حلات عينيها كتحس بثقل يدو فوق كتفها حاولات دور بشوية كتشوفو ابتاسمات طلعات يديها كتحرك انامل صبيعات يديها على وجهو دازت على جبهتو عينيه اللحية ديالو ودازت لفمو عضات على شفايفها مبتاسمة تاخلعها باش شدها بسنان وهي تهرب صبيعاتها كضحك ..

وسناء :اي هههه الوحش .. 

شاف فيها وجرها بيدو لي ناعسة عليها شم رائحة شعرها .. 

عثمان : ( صوتو الرجولي باقي مبحبح ) مالكي مصدعاني مم !! ..

وسناء عضات على شفايفها بطفولية وحركات راسها بلا ..

وسناء : ولدك لي مصدعني ماشي يانا .. 

ابتاسم وناض بشوية حرك يدو فوق كرشها .. 

عثمان : دابا هاد الكريشة غاتهزليا ولدي مم ..

وسناء : وهزات حتا بناتك راهوما حداك .. 

تحنا باسها من فمها ورجع شاف فيها عويناتها معسلين ..

عثمان : ماتخيليش شحال متشوق باش نكون معاك فهاد المرحلة .. 

وسناء : تايانا .. ( نقزات تخشات فيه حيت هرها ) رصاااا ههههههه ( ضربات فكتاافووو ) ااييي هههههه وااااا ... 

عثمان : ( كيهمس ليها فودنيها كيضحك ) غاتهبليني العايلة ديالي هههه ....عضها تحت ودنيها وهي كتموت بالضحك 

وانا معاك كل يوم نعيشو عيد 💓

مرتاحة وفرحانة وانتا حدايا 💓 

فهواك جنوني بيك ازيد 💓 

يا نموت يا نعيش وانتي معايا 💓 

دوشات وخرجات لبسات بيجامة ديال الدار نشفات شعرها ودارت فوطة بانو حنيكاتها حووومر مع الدوش خرجات لقاتهوم كيفطرو فالصالون مشات نيشان عند ليالي لي توحشاتها هزاتها كتبوس فيها ..

رودينة : ايوا على السلااامة كيخسنااا نزااغرتو مين فييقتي .. 

حبيبة : اخلييها راه بااقا قاالبة كماارتها ...

ماجاوباتهاش وسناء وكملات كتعنق فبنتها عاد كلساتها حداها وعيطات لزيد تاهو باستو وفجور تاهو ...

رودينة : دوزي تفطري راه هاد اللايام كاملة ماكونتي كاتاكول والو قوولي باعدا فاين كونتي الباريح غبارتي النهار كاميل .. 

وسناء : ( طلعات شافت فيهوم بابتسامة ) خارجني راجلي تواحشني وبغا يخروج معايا ( طلعات يديها ) وشاارلي خاتم جديد والتيليفون راهو فالبيت حياتي ماقدارشي يبقا يشوفني مقالقة .. 

رودينة : ( تنهدات عارفة كتحشي المعاني لمها ) ايوا مزيان اه حاقا شني قاتلك الطبيبة باعدا .. 

وسناء : حاملة ..

بجوج دقة وحدة : حاااااااملةةة ...

حركات راسها باجاب وهي كتكب اتاي .. 

حبيبة : هااوييلي الدرية ماقالت تكافا تكبر هاد الثلاثة ناضت زادت مالكي شايطة عليك الكرش .. 

وسناء : الالة راجلي بغاه اواعدي نتوما شغولكوم ديكشي لي بقا غير تداخلو بايني وباين راجلي .. 

رودينة : ( ناضت فرحانة ) اواعدي شكون قالك اجي يا الحمقة لهنايا ( عنقاتها والخرا كتاكل الحلوة فيديها) مبروووك ازاين ديالي عقبال نحوضرو لساباع ديالو ..

دارو بجوج كيشووفو فمهوم بنص عين وهي بقات ساكتة تاغايفقدو الامل وهي تنطق .. 

حبيبة : اش مشهية بنتي نوض نديروليها ....

ضحكو بجوجات وتلاحو عنقوها .. 

حبيبة : ابشوية اديك المسخوطة طيحي داك البجغوط ديك الساعة يصفيها لوالديك ....

دوزو داك السيمانة معاها وحلفات وسناء على مها باش تگلس معاها حيت مكاين لي غايربي ليها الولاد ويدير بالها عليها قد مها، اما ختها ودعاتهوم ومشات لعند راجلها خلاتو تقريبا 15 يوم دابا ونيت على حساب دخل بنتها للمدرسة .. 

عثمان دخل زيد وفجور للمدرسة وليالي شرحليهوم الحالة ديالها وخلص زايد باش اشد ليها مربية خاصة تقابلها بعدا تفوج بين الدراري ...

وسناء عاد رتاحت وكلما كتشوف فالمرايا كرشها باقا ماكبراتش كتقول كيفاش فكرت نقتل ولدي بيدي طاحت فبالها عبير لي كل مرة كانت كتقتل ولادها حسات بقلبها تقبض عليها تارجعات اللور وگلسات فوق الناموسية فكل مرة كتفكر داك اللقطات كيبقا فيها عثمان فكل مرة كيزيد اكبر ليها فعينيها وكتزيد تبغيه كتر وكتر قاطع شرودها هو لي دخل من الباب .. 

عثمان : ( لاحض تغير ملامح وجها ) مالكي ؟؟ 

وسناء : والو والو غير جاتني هايدا داوخة على عايني 

عثمان : ياكما نسيتي دواك دالصباح 

وسناء : لاء لاء ( ابتسامات ) شني بغيتي شي حاجة 

عثمان : كتعرفي شي وحدة سميتها نزيهة من العرايش ؟

وسناء : نزييهة ( كتفكر ) ااااه نزييهة بلاتي كيفاش عرافتيها نتينا ؟ 

عثمان : تيسير غايخطبها بعد غدا وجدي راسك باش نمشيو .

ناضت واااقفة ... كيفااااش !!!! 

عثمان : وي 

وسناء : ببلاتي بلاتي ك كيفاش شافا وشافتو مافهامتشي 

عثمان : ( كيجبد شي حاجة من وراقو فالماريو ) منعرف طلاقا بيها وعجباتو وعرفها صاحبتك يمكن عاودليها عليك والله منعرف منعرف مدوخيلياش راسي طلاقاي بيها وسوليها راسك 

وسناء : ياااااي غايتزوج نزيهة هههههه صراحة تيسيير عزيز عليا ظريف داك خوك 

عثمان : عارف من شبه اخاه فما ضلم 

وسناء : قولت خاك ماشي نتينا

عثمان : طاسيلة وحدا 

وسناء : ( ضارت غادا تهز تيليفونها ) ففففغ سكتنا انعيط لخالتي اكيد غاتبدا توجاد كيخسنا نشوفو شني نديو 

عثمان : خرجي نتي داك الشبوقات شغلك ديها غافولدك

وسناء : ششش شعارفك فشغوول العيالات

عثمان : شوفي بلا ماينفخ ليك الريح فداك الراس وتبداي تفكري دوك الخطط ديالك راه هاد المرة غانخرج فيك طول وعرض ( هز الفوطة داخل لدوش ) وهانا فين قلتها مانعاودش هضرتي 

دخل وهي تعيبو ..

وسناء : بشااار كيف عامل ( تشدليها الخط ) الوو خالتي كيف نتينا اه ههه عاد سيقت الخبار هايانا معاك ونقووليك شني تعمل من اللول تاللخر 

خرج لقاها دغيا بدلات عباية وشال من فوق راسها كتسناه شاف فيها بنص عين ..

وسناء : يالاه سربي ونتينا كتشوف فيا هايداك باحرا نقديو الشغول كاميل .. 

عثمان : فين بالسلامة ؟ ..

وسناء : غانمشي لعاند خالتي نرياض ..

عثمان : معامن تشاورتي ..

وسناء : هاااء وخالتي عيطاتلي .. 

عثمان : وسناء بلااا ماتبقاي تصظعيليا مخي وسيري تكمشي ..

وسناء : شنييي رااه غاانمشيي اوااعدي وااش نتينا باغي دابزني معاها الصحة .. 

عثمان : وراك حاملة البشار فين غاتمشي .. 

وسناء : مالي حاملاه فوق راسي راه مخبع فكرشي (دبلات عينيها ) احياتي يرحام يماك وصالني لعاندوم ( عاودات عقداتهوم ) مالك مالك هايدا .. 

عثمان : ( كيلبس ويهضر ) ماتحركييش غاتكلسي وتهنينا .. 

حركات راسها بزربة فرحانة يالا لبس جا يهز تيليفونو والسوارت لقاها سبقاتو هازالو داكشي وصات مها لي ماحاملاهاش تمشي ومشات هبطات وصلات لتحت جا يشد من عندها السوارت وهي تخطفهوم .. 

وسناء : انا نسوگ ..

عثمان : لا ..

وسناء : اناااا غانسووگ ..

عثمان : لا اوسناء او ماتزيديش عليا الهضرة راه ماغاتركبيش ..

طارت من حداه كتجري ركبات فالطوموبيل وسدات عليها وبقات كتشيرلو من جاجة زعما نسوگ ولا نخليك .. طلب الشرع مع هاد المرأة شي نهار غايقتلها مشا ليمينها تبسات وبدات تشطح بيديها حلاتلو ركب وسد دار السمطة .. 

عثمان : ديري السمطة .. 

وسناء : هاي هاي هاي مالك عاد اتوريني اولا ..سير سير راه انا لي كونت كانسافر ببناتك فالصايف ماتنساشي .. 

عثمان : والله مانسيت كون ماكنتيش كتعرفي تسوكي ماكناش نطلاقاو سبحان الله .. 

وسناء : 😒 هادي مجاملة ولا حشيان الهضرة .. 

عثمان : حسبيها كيف ما بغيتي ( شيرليها لطريق ) توكلي على الله .. 

قادات خرقتها وخشات السوارت وديمارات ..

وصلاتو تالرياض ونزلات عطاتو الططوموبيل وعيات معاه يدخل عند مو ماباغاش لدابا باقي ماكيهضرش معاها تنهدات ودخلات عندهوم لقاتهوم فوسط المراح كاملين فاطمة الزهراء وخديجة لي من هادي سنين ماشافتها وشيماء خلاص والعرايس لوخرين مشات دخلات عليهوم كولشي كيطلع ويهبط فيها وفزين لي تزاد فيها وحناكها لي منزكين ومنفوخين بحالي دابا عاد زينها الزواج سلمات على ياقوت ودازت عليهوم كاملين دارت الصواب على حقو وطريقو دون ماتنقص من حتا وحدة وگلسات حتا ياقوت كانو كيشوفو التواب جابليهوم ادريس العرام باش يديو لي عجبهوم .. 

ياقوت : قالي تيسيير البنت كتعرفك .. 

وسناء : ماشي شي مااعرفة بلحاق كونت كنعارفا وصافي .. 

شيماء : خوتي ماطاحو غالفشماليات هههه ..

فاطمودة الزهراء : ايوا حضي راسك تانتي تبعيهوم غغمزاتليهوم وكملو لخرين فالضحك .. 

جابت ليهوم السعدية ٱتاي والحلوة كيدوزو بيهوم وكل وحدة تختار توب حتا لراسها باش تخيطو ..

ياقوت : ( بشوية بينما الباقي مجمع ) كيداير ولدي لاباس عليه .. 

وسناء: (، دارت عندها بابتسامة وشداتليها على يديها عارفاها ام ومحروقة على ولدها ) بيخير اخالتي وشحال فراح مين حملت ..

ياقوت : تمنيت ابنتي يجي يقولهاليا بفمو ..

وسناء : دابا يجي اخالتو نتينا غير حالي يقينك بالله وغايجي ودابا تشوف وتقول وسناء قالت ...

ياقوت : ياكما غاتجيك التسافيرة صعيبة .. 

وسناء : شوية وصافي الصارحة الوحام فهادا جاني صعييب على البنات ماعرافتشي علاش بلحاق نتمناو خير عثمان ايمشي غير بشوية .. 

ياقوت : انشاء الله تجيبيلو شي وليد ..

وسناء : ( تبسمات) انشاء الله اخالتي، حقا عامي فاينوا مزال مارضا يعايط لعثمان .. 

ياقوت : اودي لاخور راسو قاصح ولاخور كتر منو كون تشوفي مين عرفك حاملة شحال فرح ولكن وتقول واش يعيطلو حالف عليه هو يجي لعندو ..

وسناء : فف غير يجي لعاندك وديك الساعة انا نهضار مع عامي ... 

ياقوت : انشاء الله .. 

كملو هضرتهوم بقات معاهوم تالعشية وقاتليهوم اتمشي على والدراري ايكونو جاو من المدرسة .. تحركات لدار داك العشية كاملة كاتفكر فكلام عكوزتها فليل طلاقاو كانت كالسا فالكوافوز ديالها كدهن شي كريمة وكتشوف فيه من المرايا ناعس وكيخدم فالبيسي ..

وسناء : عثمان .. 

عثمان : ( مركز مع البيسي ) مم ..

وسناء : يماك سولاتني عليك ..

طلع راسو شاف فيها، ورجع شاف فاللبيسي .. 

عثمان : كيدايرا هي لاباس ! ..

تبسمات وناضت غادا لجنبو ..

وسناء : لااباس وتوحشااتك بزااف .. 

صمت ..

وسناء : ( كلسات جنبو وحطات يديها على سدرو ) حياتي انا عارفاك قلبك ضارك على خالتي وعمي صافي صفي خاطرك ومشي نعادوم والله تاديما مساكن كيستناوك ..مم ؟؟ ..

شاف فيها سد البيسي حطو ودار نعس بقات كتشوف تاعيات وناضت تنعس تاهية ..

ناضو فالصباح مشات تم نيت للرياض هضرات ياقوت مع مها دنزيهة على الأساس المشية اللولة غاتكون غير معارفة وغاتمشي غير فاطمة الزهراء وخديجة وغاتظي وسناء الهام ماحملااتش البلان بحكم علاش اختارو وسناء من بين عيالات ولادها كاملين بقاتغير ساكتة فالعشية صوناليها التيليفون جاوبات لقات عثمان قاليها خرجي وهي ضور عندهوم ..

وسناء : خالتي انا غانوض نمشي عثمان جا صافي غدا نشوف مع عثمان واش نتشاوفو عاد نطولعو اولا نمشيو مفارقين ..

ياقوت :بلاتي بلاتي .. 

بقات كتسنة وسناء شغادير ناضت لبسات بلغتها ومشات خارجة سابقا وسناء حدخرجات عينيها وتبعاتها كتجري تاشافتها خرجات ومشات نيشان لكوموبيل دعثمان حلات الباب وطلعات ..

هو كان مهبط عينيه عدفالتيليفون سمع الباب تحل كيصحابلو وسناء طلععينو وهو يتصدم مين كلسات حداه وسدات الباب وشافت فيه ..

ياقوت : زيد زيدنمشيو عند باك راه طلقاه جاي من الصلاة دالعشا .. 

بقا عثمان غير كيشوف .. 

ياقوت : نتا في هار الله اوليدي زيد مالك كتشوففيا هاكا ..

عثمان : ال الواليدة شكاديري مافهمتش .. 

ياقوت : زيد نتعرضو لباككون تسمع الهضرة بغيتي نمشيو غدا عند الناس وحنا شي ماكيشوف شي غايقولو هادو ماتفاهمو تامع ريوصهوم بقا ليهوم غير يتفاهمو معانا ونديرو ضحكة وشفايا الله ياولدي ماراك قطعة من لحمك ربيتك وكبرتك تاوليت على من طول وتهز مني جوج ورجعتي تقطع عليا الهضرة .. تانهار تسيق خبار موتي وتعرف بحقي .. 

خطف يديها باسها ..

عثمان : الله احفظ اش هاد الكلام ..

ياقوت : ايوا شوف نتا ( حطات يديها على حناكو ) اولدي كيفما كنتي تغلط مين كنتي صغير ونكلس نقشرليك الليمونة تانساليها وطيحها وتمشي وتوسخ الحوايج كنت كنغوت عليك ونخاصمك ولكن عمري اوليدي مافكرت نقطع عليك محبتي وهضرتي ( عينيها دمعو ) طال الزمان اولدي وتقلبات الاية ورجعت انا لي نتعاقب وهاد العقوبة طولات ومابغات تسالي .. 

طلع راسو كيدوز يدو على اللحية ديالو وكيهضر ..

عثمان : الواليدة يالواليدة ( رجع شاف فيها ) نتي راك فوق راسي الواليدة وعمر شي حد ياخظليك هاد البلاصة ولكن كنت فينما نشوفك كترجعي تسممي بهضرتك تاكنبغي نمرض علاش شفتك فنا دارك كيغانولي وحنا كنت فينما نهضرو نجبدو الغوات .. 

ياقوت : اعثمان راه لي داز ماااشي ساهل وكيفما كيقولو خلي داك الجمل راگد ..

عثمان : ( جرها من راسها ) نتي راك عزيزة وانا عمرني نفرط فيك ( هز يديها باسها ) سمحيليا لاكنت قصيت عليك ( حط يدو على حنكها ) دموعك راه جمر فوق قلبي

وسناء : بفف باغا نسماع شني كيقولو بلحاق مصااب يتصالحو والله وتكمل الفارحة ديالنا ..

شيماء : (واقفة تاهية معاها كتشوف) انشاء الله ويتصالح تامع بابا كنتمنى ( شافت فيها)وتصالحي تانتي مع خوك ..

وسناء : ماتفكارنيشي دموعي كيبغيو ينزلو وحاي الكبير مقالق عليك لا وقطاع مارا تاعلاقتو بيا ...

شيماء :( رطبات ليها على كتافها ) يكون خير انا متأكدة ...

وسناء : اجي نتينا غاتگلس هنايا تبقالي مع مما نخالي معاكم العيال ..

شيماء : اويلي بثلاثة ..

وسناء : اختي ساميهوم غاجوج مسكينة ليالي ماكاتقي والو .. ياختي الطريق وبزاف عليهوم وانا اصلا مريضة ومما راك شوفتي مدابزة مع مماك ماعاندا فاين تمشي بايناتنا وحنا غانمشيو نيشان العرايش عاند الناس عاد غانطلعو لطنجة ديكشي لاش قاتلك تبقا هنايا مع العيال قوتلا ثلاثة بزاف عليك ..

شيماء :وياختي بالسيف ويلي وعاد هي مراة كبيرة مسكينة غير دابا مين كتدهومليك هاد السويعات راه باز غير زيد فيه عشرة وفجور تاهية ماسهلاش ..

وسناء : اودي غاسكوت وغانزيد عليهوم عاود هاد البرهوش ..

شيماء : تانتي تحراف ليك شدي مربية ولا هانتي المدرسة بعدا كتهنيك كتشدهومليك ديك السويعات ..

وسناء :لا راه ضاروري فديك الايام اللولية غانشبر شي بنت تجي تعاوني تقبدابل واخا غير ليالي راك ع

نتينا عارفة الدوا ديالا والماكلة ولانسولين خسها خدمة غابوحديتا .

شيماء : نااري ربعة الدراري غاتشيبي قبل الوقت ...

وسناء : اودي غي سكوت دابا قولي شني غاتعمال ...

شيماء : صافي انا نمشي نگلس معاها تاتجي تجي معايا تاياسمين عزيزة عندها مامتك ..

وسناء : رابي اخاليك ازاين ديالي ..

شيماء : منيتك هامية راه قتليك تاماماك كتعجبني الكلسة معاها كتقتل بالضحك ...

وسناء : ههه مما هايداك عاملة ( شافتهوم قلعو ) اواعدي هادو فاين ماشين وخلاوني هنايا ..

شيماء : هههههههه مسكينة دخلي دخلي البرد تحرك راه غايرجع ..

هزات تيليفونها قاليها دخل لرياض تسناه علاما جا ..

ظخلات كلسات كتكمل مع البنات الجموع وفاطمة الزخراء تفكرات اول مرة باش مشاو اخطبوها وهي كيفاش كانت حشمانة وتوسناء كتفكر داك اللحضات الاولى ظيالها وكيفاش ربي كتب عليها يشوفها بابها باش تزوج بعثمان والا كانت عمرها شافتو ولا عرفاتو .. بقات شحال گالسا معاه تاكاتشوف السي عثمان داخل كيضحك هو ومحمد يوسف باه وياقوت من اللور ناضت وسناء فرحانة مشات لعندهوم تم نيت هزات يدين شيخها وباستهوم ..

محمد يوسف : الله ارضي عليك ابنتي ..

وسناء : ( بابتسامة ) اميين ...

بارك ليهم المولود الجديد وهي تزغرت السعدية من موراهوم شداتهوم فاطمة يتعشااو معاهوم صحة .. ومشاو كولهوم غايتجمعو فالصالة علاما جا ادريس ومحمد ..

وسناء : ( جراتو قبل مايدخلو للصالون ) حياتي عطيني نمشي نجيب العيال باحرا يشوفوم باباك ..

عثمان : ههه شغانعطيك ..

وسناء : السوارت الطوموبيل .. 

بقا كيشوف فيها شحال ..

عثمان : نص ساعة ماتعطليش ودي معاك شيماء ..

وسناء : ( طارت نقزات عليه باستو من حنكو ) كنحماااق عليك .. 

عثمان : سيري سيري قبل ماندير فيك شي موصيبة قدام الملئ .. 

مشات ضايرة كضحك ورجعات غمزاتو عاد مشات كطير عند شيماء خرجو بجوج هزو BM ديال عثمان ومشات وسناء كطير فالطريق وشيماء كتبرونشي تيليفونها مع المسجلة باش طلق المسيقة طبعا لحضة لا تعوض .. 

وسرطحو مزيان المدينة دفاس مع الاباغطومون جات فسونطر ايوا عركوها دورة كبيرة غادين بالزديح والرديح فالطوموبيل عاد رجعو غادين لدار بلاصات الطوموبيل وهبطات هي وشيماء طلعو لعند حبيبة لقاوها كالسة كتفرج والدراري كيلعبو حظاها عاودتليها لي وقع وهزات الدراري تديهوم هناتها بحرا تسالي تفراجها وتمشي تنعس .. 

هبطات شيماء هازا ليالي ووسناء جارا زيد وفجور تاوصلو لطوموبيل ركبو عاوتاني ومشاو لرياض ..

دملو الحفايد كيتجاراو من غير ليالي لي تمشات بشوية مدغير لعند باباها اما فجور مشات عند ياقوت وفاطمة الزخراء كان تا ادريس تما ومحمد وكولشي مجموع وبقاو كيشوفو فالبنات شحال حماقو على الهضيرات ديال فجور گلسات وسناء حدا عثمان فوق السداري مدور عليها يدو مبتاسمين كيشوفو البنات كيسلمو على جدهوم وعلى عمامهوم واخيرا عطاهم ربي باش يطلقاو معاهوم

شي حاجة فالداخل ديالها كانت كتحسسها وكتقولها العايلة شوفي الفرق، واحد النهار فبحال هاد الوقت كانت گالسة ولكن كاينة مرأة لي عندها نفس الحقوق ديالها لرجل لي ولا مسمي ديالها .. لا وماشي وحدة ماشي جوج .. لمجرد داك الاحساس انك تكون عندك واحد الحاجة مشروكة .. كتخليك تحسي بالألم .. بالضعف .. بأنك ممكن تفقديها .. ولكن نسينا .. نسينا بلي البقاء للأقوى .. وبلي لي كيكافح ماكيخرجش باطل .. شافت فبنتها .. هاهي شوف كيفاش معذبة .. ماخرجاتش سالمة من هاد الخطوة لي دارت فحياتها .. كانت بنت بحالها بحال كاع البنات .. كل احلامها تخدم تاهية وتصاحب مع شي بوكوص وتكون فرحانة وتباهة حدا البنات .. ولكن الواقع بعييد بزااف .. شكون كان يقول غاتجي واحد النهار ويحصلها باها .. شكون كان يقول غايجي واحد النهار وتزوج راجل عندو جوج عيالات وهي الثالثة ... شكون كان يقول غايسحرو ليها وغاتولي مرأة مطلقة ... وعدها حوج بنات .. شكوون كان يقول غاتولد بنت مريضة لي ربما غاتبقى مريضة ليها طول ماهي عايشة ... شكون كان يقول غاتعاود طلاقا مع راجلها وبطريقة أنها ضرب ولدو .. شكون وشكون .. بعد المرات كنبداو نفكرو فبزاف دالحوايج واش نتي ديال دابا هي نتي ديال قبل عام ولا عامين ولا 3 سنين .. ولادرتي شي خطأ كتقولي واش انا كنت درت هاكاك اه نتي .. تضلمات بابشع الطريق وعاشت ايام تمنات فيهوم الموت .. ومين شافت راسها فالمرايا وسناء ديال 25 عام ماشي هي ديال 20 عام فلافاك ... الدنيا دارت بيها ... اه دنيا دارت بيها دورة خايبة ودوزاتها من المرار .. بكاتها دم .. ولكن تاحاجة ماكاتبقا لاكافحتي .. وصلات بيها تشرب دوايات باش تقدر تنعس .. مرضات فصحتها وفكولشي .. عمرها تنسا باش نعتوها بالمطلقة .. عمرها تنسا باش حابوها ضرة .. عمرها تنسا شنو دار باها .. باش يقيلها من تهمة أنها غاتشوهلو الصمعة ديالو .. دارت شافت فيه .. الرجل ... لي قاوم معاها .. لي عططاها نفس جديد باش تكمل .. لي فواحد النهار ماكانتش كتعرف قيمتو .. اه بصح كانت باقا صغيرة ..اه بصح الظروف جاتها فواحد اللحضة لي خلاها تكرهو .. ودابا شنو .. رجع هو الهوا لي كتنفسو .. ولي وقعاتلو شي حاجة تفكر تقتل راسها قبل ماتوصلو .. زادت جبدات يديهاوزيرات عليه تادار كان كيضحك مع باه وشاف فيها .. ابتسمات وعينيها لامحين اكاع الذكريات لي دوزاتهوم لي درجة استعمرو بماء مالح وكان هو الدموع الفرق انها كانت دموع الفرحة .. وتكات راسو على كتفو كتسمع الصوت لي كيهضر بيه كيتردد داخل صدى الجسد ديالو وكيدخل مع نبع الأذن ديالها .. لي سمعات بيها اول مرة " ٱلو " ضحكات مين تفكرات كيفاش كانت فداك النهار .. هاداك اول مرة .. وباش قاليها صوتك عجبني .. زاظت ضحكات ونزلات دمعة من عينيها مسحاتها بسرعة قبل مايشوفها شي حد وماضت من حداه غمزاتلو زعما هي غير هنا وخرجات من الصالون دايزة عل الخصة .. كل قنت من هاد.الرياض كيفكررها بذكرى معينة .. هانت كانت كتگلس الباتول وهي كتشوف فيها بالنضرات ديالها المكرهة ... وهنا كانت گلسات مع ياسمين وشيماء باش كانت كتهضر على عثمان وحصلها .. مشات حطات يديها على البصامون ديال الدروج باش طلع .. وكل درجة كتفكرها باش كانت كتهبط وهي كتهضر مع عثكان باش غاطلاقاه برا وتفكرات باش كانت طالعة عروسة منهنا .. وتفكررات باش كانت هابطة نهار العيد معصبة ..وتفكرات باش كانت طالعة كتجري مين هربات من بنت عمو تبسمات على اثر الذكرى .. وصلات لدرجة الاخييرة وغمضات عينيها لوهلةة تذكريااات الدفعة وزيرات بيديها خدات نفس وزادت تمشات ببخطوات .. تاوصلات لبيتها لي باقا كيف هي كتجمع وتخمل ويرجعو يسدوها .. فتحاتها ودخلات مع الفتحة تفكرات باش كان تككاها عثمان عليه تبسممات وسدات موراها الباب وتكات عليه .. دارت واحد الطللة ... واحد النضرة .. تتاخدها لعبيير ذكرياتها كأنها يالاه البارح ... هنا بكات .. وهنا ضحكات .. وهنا كانت كتتهضر فتيليفون .. مشات لجيهت الكوافوز وكدوز بيديها وعلى المارييو ورجعات دازت لناموسية وگلسسات مدوزة يديها على الفراش .. هنا كانت أول ليلة ليها .. وهنا عرفات راسها حاملة .. هاهية دابا گالسة فيها شنو لي تبدل زعما .. وهاهي دابا حاملة بولادتها الثانية .. حطات يديها على كرشها .. كأنها كتتقولو هانتا اولدي هافين بددات ماماك مسيرتها .. شوية سمعات الباب تفتحات ورجعات عاودات تسدات .. ششوية شمات ريحتو ودور يدو على كرشها .. وخشا نيفو فوسط عنقها .. 

عثمان : كانت ايام زوينة بالرغم من كولشي فخبارك ؟ ..

وسناء : ( حلات عينيها بشوية ودارت مبتاسمة لعندو كتشوف حطات يديها على عنقو ) علاش ..

عثمان : حيت بغيتك فيها

وسناء : تايانا ...

عثمان : ( ضحك بشوية ورجع ششاف فيها ممعنقها من ضهرها ) لا باينة نيت ..

وسناء : ( هضرات بهدوء هايمة فعينيه ) ماحاسيت بيها تاباعدت علييك .. تارجعات الدونيا ضلام فعايني ( عينيها غرغرو ) حتا مات بابا عاد عرافت قيمتك .. عرافت كيفاش كونتي حاميني .. كيفاش كونتي السند ديالي .. بلحاق كونت خسارتك وماعنديي كيف نرجعاك عاندي غير قكع منك وحدة كتعدب ووحظة كضحك وتفكرني بضحكتك ( طاحو دموعها ) عرافت بلي خسارت شي حاجة غالية ..

ضمها لسدرو شدات بيديها على سدرو ..

عثمان : ( كيهمس فودنيها ) شش انا معاك دابة ...

وسناء : بغيتك انا بغييتك ( دموعها نازلين ) وماكونتشي قادرة نراجعك ...

طلعليها راسها بشوية وباسها قبلة سخوونة على شفايفها تدوق بيهوم طعم شفايفها المالحين .. كانت قبلة كتعبر على الكثير من الأشياء .. كانت قبلة شوق وششغف ... وهاد الشغف دون سيطرة .. نغامسات مع شفايفو وهي دور عليه يديها متمكلاه بجوارحها .. وتاهو كذلك طلع بيديه تاوصل لأعلى ضهرها تكاها بشوية على الناموسية وبعد شاف فيها عينيه معسلين .. وطلع يدو دوز على زغيبات شعرها الطوال تاهبط بيهوم لتحت ورجع شاف فيها وهي عينيها ماحيداتهومش عليه ..

عثمان : نتي أحسن حاطة وقعات فحياتي ..

ورجع تحنا عليها مكمل القبلة ديالهوم ..

.......

حبيبة : سبحان الله شتي كون كنتي تسمعيلي كون وهلي فين وصلتي .. 

وسناء غير ساكتة وكتعض على شفايفها .. 

ياقوت : اش غاتسمع اش غاتسمع السيدة الطرطقات ليها السقية مع السبعة دالصباح شوفو انديوها علاما جا عثمان .. 

وسناء : ( كتغوت عرقانة ولابسة واحد البينوار )ولااااااااا والله او مااجا لادخووولت ...

فاطمة الزهراء : واصلا هوما ولاد الحرام راه تكون فيها الموت ومايقولوليهاش تولد طبيعي غير على ود الفلوس ديال العملية .. 

نزيهة : ناري يا ختي تفو الشعب مريض ...

كولهوم كالسين عندها فالاباغكمون طرطقات ليها السقية مع السبعة دالصباح ودابا الطناش وباقا كانو داوها لسبيطار مع العشرة وقالوليها تايتزير عليها الوجع مزيان وعثمان مسافر لرباط لشي شغل وطبعا زهر وسناء زين ماجاتها الولادة غير داك النهار .. 

وسناء : ( كتعصر ) نزيهة عاود عاود عايط عاود ممممممم ... 

نزيهة : ٱلو خويا ..

عثمان : ( سايك طاير باش اوصل ) دوزيهالي .. 

دوزاتهالو ) وسناء حياتي غير سمعي سيري نتي دابا غايديكوم تيسير لكلينيك الكبير ديال فاس غاتولدي طبيعي انا قريب نوصل عندك ..

وسناء : ولاااء ماغانتحركشييي تااتتتجي ولاا غاتوقع فياا شي موصييبة ( كتكبي ) وااواللله تاغاانمووت .. 

عثمان : ششش راه انا لي غانموت دابا لي يدسايك ب 180 انا مابقاالي والو والو احياتي وغانوصل عندك غير سيري يالاه احبيبة سمعي الهضرة واش بغيتي يوقع شي حاجة لزين الدين يالاه احبيبة هالواليدة هاماماك كولشي تما غايكونو واقفين جنبك يالاه .. 

قطعات عليه وناضت بشوية منوضينيها حاطة يديها عل الكرشة المتفتخة ونزيهة البنت البيوضة تاهية باقا صغيرة وزوينة لابسة كسوة طويلة مع حجاب تركي عيطات لتسير باش غاوصلهوم وحطو الشال لوسناء لي تاهية ولات كدير الحجاب هبطوها بشوية فالسانسور تاوصلات وهزها تايسيير داها لطوموبيل ومشات معاها نزيهة وياقوت وحبيبة لكلينيك غير دخلوها نقلوها تم نيت فالبياص طبعا عيطليهوم عثمان من البعيد ودخلوها تولد طبيعي .. بقات معاها القابلة وهي كتغوت لربي لي خلقها ..دخل عثمان للبلوك كيجري لقا تيسير واقف متكي راسو على اللحيط ونزيهة جنبة وياقوت وحبيبة واقفين كيسمع غواتها من تم كيتسمع بجهد ضرو قلبو ومشا تالجيهت البلوك كان مسدود وهو كيسمعها حناجرها غايخرجو .. 

عثمان : ( دار عند مو ) شكيديرولييها هاادو شكييدييروو .. 

ياقوت : ( كدور راسها ) اييه ياولدي وجع الولادة هاداك راه كتحس بالروح غاتخرج .. 

بقا كينفخ مدوز يدو على شعرو واللحية ديالو لابس شوميز فالزرق معا سروال كلاص فالكري مغموق وساعتو فاليد اناقتو المعهودة بحكم كان مسافر اصلا .. 

تاشوية سمعو غوات الدري الصغير كااملين ضحكو وتيسير غوت غوتة وحدة مع عثمان تهز بيها الكلينيك وبقاو كيتعانقو ورجع تسالم مع مو ..

ياقوت : على سلامتكوم اولظي على سلامتكوم يربا فعزكوم .. 

عثمان : ( فرحان ) الله ابارك فيك .. 

خرجات عندهوم الفرملية بلا مايتسناها اش غةتقول دخل عندها واخا الصراحة ماكانش كيدخل كانت باقا الحالة ددم تما وهوما يالاه كيخدغسلو فيديدهوم مشا عندها نيشان لقا شعرها فازك وهي حمرةةةةةة حالة غير نص عنها وكطلع وتنزل فالنفس .. شدليها فيديها ككيضحك شافتو تبسمات ابتسامة دابلة وعينيها مدمعين وهو يحني باسها من راسها تاغمضات عينيها .. وحط جبهتو على جبهتها ..

عثمان : على سلامتك احبيبة على سلامتك ..( شدات يديها على يديه سخفانة ومغمضة عينيها ) ..

جابتليهوم القابلة الولدد حطاتو على درها باقي ملوي وزرق ضحكات حطا صبعها على وجهو الصغيووور وتاعثمان كيشوف وكضحك عينيه دمعو شاف فوسناء لقا دموعها نزلات ضم راسها لسدرو وحط يد تحت يديها لي شادا بيها راسو دالبيبي ..

عثمان : أحسن حاجة وقعات فحياتي .. 

القابلة : خويا عطينا الوقت نوجدو فيه النفيسسة .. 

شاف فوسناء وتمعن فيها ..

عثمان : حبيبة غانقوليهوم اوجدو ليك شي بيت .. 

حركاتليه راسها وهز من عندها زين الدين عكاه للفرملية ومشا تابعها وهي كتشوف فيه من اللور مبتاسمة ...

صايبوليها البيت زوينة بالكليمة وواسعة ...

هي ناعسة فوق البياص سهتانة كتشوف فيه كيأذن لزين الدين وحبيبة وياقوت ونزيهة وتيسير كولشي كيشوف الاخرين عاد غايجيو .. 

عثمان : اللله أكبر الله أكبر أشهد أن لا إله إلا الله وأشهد أن محمد رسول الله حي على الصلاة حي على الصلاة حي على الفلاح حي على الفلاح الله أكبر الله أكبر أنت إسمك زين االدين أنت إسمك زين الدين أنت إسمك زين الدين .. 

عاود نفس الشيء بششوية وهو كيأذن بصوت زويين عجب لوسناء ودمعو عينيها وبقات فيها حرقة على بنيتاتها بصح كان باها أذن ليهوم ولكن ماشي بحال باهوم تنهدات وطلع راسو شاف فيها رجع ليها التبسيمة وجابو حطو بين يديها ونزل باسها فجبهتها وهي تزغرت حبيبة تزغريتة مطولة ماوقفاتش تالنهار لي خرجوها بالتكشيطة فالأبيض ليلة السابع على أنغام موسيقى أنا ديني دين الله أنا عليا حجاب الله ووانا عيني ميزاني ونتينا الحبيبة ديالي ويالالة .. 

طايح عليها السر كيف العادة بمشيطة وميكاب طلعها فنة من عند نزيهة لي كانت كوافورة بالأصل خلات ككاع العيون كانو غير كيشوفو ياقوت وحبيبة بقاو كيقراو عليها تامشاو كلسوها فالكرسي ..

وحظة من الجارات : هانتي وتشوفي داها شمالية ..

الثانية : وشماشي نأولك وهي مزييونة ...

الاولى : وقالك ببسسبابها طلأ عيالاتو كاملين غير هي لي بقات ..

الثانية : وهانتي شوفللك على الشمالية ...

الاولى : ايي لا تأول الشماليات ساهلات ولداتلو جوج بنات والولد اىعايلة كولها تعملا هاااكاا ..

الثانية : وباش معروفين بماشي بالتاويل والحداگة !!

ناضو عائلتها طلقوليك جيبلي شي مرا جبلية ودارو علييها لابسين تاازات والمناديل ديال جبالة وهي كضحك وختها واقفة جنبها هازين الشمع وبقاو غادين جايين كيتمايلو فالخصر وبنات عمها تاهوما ناضو كيتماييلو بالخصصر مع الشعورات الكوحل والبيوضية ..

جيبلي شي مرا جبلية بالمنديل والشاشية العار ايما الوااليدة وجبلي شي مرا جبلية ... وختار الزين ايما ...

حبالة ماعروفين بالصفا والدق والوفا .. اىعار ايما الوالدة جيبلي شي مرا جبلية ...

نزيهة ككحزات عند وسسناء كتشطح نوضاتها من بلاصتها وجراتها بيناتهوم دخلات حبيبة وياقوت كيضحكو ركبو ليها المنديل ودوروها البنات بيناتهوم كيشطحو .. وبناتها تاهوما ليالي وفجور مركبين ليهوم طارازات كيشطحو .. تاشوية طلعات عاوتاني لبيت طل على زين الدين دخلات لقات عثمان كيطل عليه وييصورو ابتسامات وجات من موراه تاضار عندها وشافها .. 

عثمان : ختي واحد مراتي ماششفتيهاش .. 

ضرباتو لكتفو ..

وسناء : هاهاها زيدتي فيه، كيف جيتك .. 

عثمان : زوينة ( جرها من خصرها ) كيف عادتك ههه ...

وسناء : ( كتغني مع الاغنية ) العار ايما الواليظة جيبلي شي مرا جبلية .. 

عثمان : والله ماكدبو الواليدة نيت لي ضبرات عليك .. 

وسناء : زاعما زاعما كون شوفتيني ماكونتشي نعاجبك .. 

عثمان : ايوا منعرف تانجرب ونشوف .. 

وسناء : شنييي ( قربات حطاتلو يديها على عنقو ) والله تاندبحك .. 

عثمان : الله يا ختي شبغيتي عندي تيتميلي ولادي .. 

ضحكات وشافت فزين الدين .. 

وسناء : امامي الخوينز ديال شوف مشاء الله الزاين ديالي ( حنات باستلو اليظيدة وطبطبات شوية على شعرو وهو مبتاسم ) شوفتي سبحان الله خروج كيشباه غالية ..

عثمان : لا علاقة غير سكتي .. 

وسناء : هاي هاي قول نتينا لي تعاذبتي عليه .. 

عثمان : ( غمزها ) انا هو اللاساس .. 

وسناء : ( دارت فيه داك الشوفة ديال منيتك ) ..

عثمان : اجي اجي لهنا ههه .. 

وسناء : حايد عليا لهيه قالك هو الاساس مزيونة هادي .. 

جرها من مور ضهرها .. 

عثمان : امال العايلة ديالي مقلقة .. 

هزات صبعها وضارت فوجهو .. 

وسناء :: العايلة مولاتي هادي ....

النهاية