العايلة مولاتي الجزء السادس

كيف نطقات علات وسناء حجبانها معليا راسها .. مقابلا مع الأخرى لي كانت عينيها ماسلماتش أنها تهبطهوم .. قلبات وسناء عينيها متجاهلها وهي تنطق .. 

وسناء ~ شيمااء فااين اختيتو رااك مزياان ..

مشات زايدا ودازت على عبير بحالي ماشافتهاش أصلا .

شيماء ~ " باقا غير كتشوف " الحمد لله ونتي لاباس عليك على سلامتك .. 

وسناء ~ " ݣلسات دايرا رجل على رجل وحاطا يديها لي فيها الخاتم فوق ركبتها " الله يسلماااك ازااين .. 

ياقوت ~ " مدات يديها لصينية " تبغي تشربي شي كاس دأتاي .. 

وسناء ~ " وهي كتشوف بنص عين لعبير لي مشات غادا عاطياها بالظهر " كووبلي .. 

خديجة ~ عبير أجي أحبيبة تشربي اتاي بعدا .. 

دارت بشوية .. حاطا ريوس صباعها على جبهتها .. 

عبير ~ نو حبيبة ميغسي ولكن كنحس براسي كيضرني شوية خسني نرتاح .. 

الباتول ~ سيري أبنتي ترتااحي سيري راه غاتكوني عيااااانة ...

حركاتليها عبير راسها ودارت غادا هازا شوية عبايتها وكتمشى بخطوات ثقيلة .. بقات وسناء متبعاها بنص عين كاترسم فورماتها ومزيرا على الكاس ديال ٱتاي .. هي كاتبان زوينة اه ولكن كيبان زينها متصنع .. ومعاملة الباتول كضور ليها فمخها شنو زعما باغين إيديرو عليها حابة .. وحتا ديك خديجة لي كانت كتقول سكووتياا طلعات بخبيزتها عمرها هضراتها بيناتهوم السلام وشوف دابا هادي باينة طالقا معاها .. كولشي دوراتو فمخها وتقشع معاملة هادا باش تعرف ميمن خاس تحضي راسها .. وهي تقلب عند شيماء .. 

وسناء ~ زااين جيبتلييك كاادوو .. 

دارت عندها تاهية وخديجة مشات ݣلسات حدا مها .. كتشرب أتاي ديالها وكل جوج مجمعين فمضوع مختالف يامنة والباتول ... وخديجة وياقوت وشيماء مع وسناء ..

شيماء ~ " ضحكات" حلفي ههه أش جبتي ؟ .. 

وسناء ~ اييواا تاتشبروو فيدك وتشووفو .. جباارتيني غير نسييت اما نهابطو ستناا غير نساالي هاد الكاس ونطلااع نجيبوولك ..

شيماء ~ شكراا أحبيبة " حطات يديها على فخاضها " إكتر خيرك المهيم هو الجيست .. 

وسناء ~ مابيناتنشيي ازااين .. قوولي بااعدا ماشوفتيشي عثمان ؟ ..

شيماء ~ شغادي نݣوليك أنا هبطت لقيت هاد الجماعة تادخلات ديك الأخت .. 

طلعات النفس وهبطات وشربات جغمة من فمها .. 

شيماء ~ ههه عارفا بلي ماحاملاش بعدا قولي كيجاتك .. 

وسناء ~ " خيبات سيفتها " شلا قوول غاموونيكا محطوطا .. شوفت خااك ختارني قولت عاينو زينة صدااق مين شوفت هاادي عراافت بلي خاك غاخدااني زهار .. 

طلقات شيماء وااحد الضحكة تادار كولشي كيشوف .. 

الباتول ~ صغيرتي شماشي تضحك تما ضحكينا معاك ..

شيماء ~ هههههههههه ففف ههف لا ههه لا والو ايماا هههه .. 

ياثوت ~ " عضات على شفايفها كتشوف فشيماء باش تسكت " شيماااء ...

شيماء ~ هاياانا هاايانا ههه ففف .. 

خديجة ~ وسماء لاباس عليك أختي .. 

وسناء ~ " رمشات بشوية وشافت فيها ببرودة " لاباس الحمد الله ونتينا ؟ .. 

خديجة ~ بيخير بفضل الله .. 

الباتول ~ يااقوت شحاال فسااعة فين سيدي محمد يوسف تعطل اليوم .. 

ياقوت ~ راه قاليك العواشر هادو والسلعة داخلة بالكثرة وعندهوم الخدمة زايدا .. 

وسناء ~ " دارت عند شيماء محلية لوخرين كيهضرو ثاني فمضوعهوم وهي همسات ليها بشوية " اواااعدي فضااحتينا .. 

شيماء ~ ناري يااختي نتي مسخوطة واللهيلا مايتخاافش عليك .. 

وسناء ~ هههه كاتشااكريني فرااسي كاطالاعلي الماعناويات .. 

شيماء ~ شوفي ماديش عليها كيفما قتليك أصلا اليوم شفتها ماشي تالتم باينة مدابزا مع عثمان .. 

وسناء ~ ويجعاالها يقتلها ݣاع مااشي شووغلي .. انا لا جبدااتني غااتلقااني .. 

شيماء ~ " دفعاتها بشوية تضاربو بالكتاف " هااي هاااي ههه كتعدغيري على خويا .. 

وسناء ~ " دارت عندها مطلعا حاجب ومنزلة الأخر " إيوااا يااختي لامااغيرتشي على رااجلي علامن نغيير بلحااق لابغا يمشي عاانداا مشيا بلا رجعا .. 

شيماء ~ اويلي منيتك .. 

وسناء ~ وشني يخااليني يانا ويمشي عااندا .. 

يالاه غاتهضر قاطعاتها ياقوت .. 

ياقوت ~ ياك اشيماء .. 

شيماء ~ شنو قلتي ماسعمتش كنت كانهضر مع وسناء ..

ياقوت ~ بنت الباهية تزوجات .. 

شيماء ~ شكون شروق ! ..

خديجة ~ أنا قلت اه حيت داك النهار حضرات لسبوع ديال بنت لوستي غادا جايا تشالي بيديها وتوري الخاتم .. 

شيماء ~ والله مانعرف ختها لي فخباري يالاه مؤخرا ولدات ..

الباتول ~ اييه عرفتها عݣوتها وااحد المسموووما منها مابحالها أطران يأطر بالكحل .. 

وسناء ~ " فنفسها دايرا ضحكة إستهزاء وهي هازا تيليفون كتشوف فالأنسطا " قول نتينا غازييت اللوز كاتقااطار .. 

يامنة ~ يااكماا زهرة ليزية ..

الباتول ~ هيييه قااليك مدوزة على عروستها الحرب .. 

خديجة~ ماعرفتش انا كانت كتجيني ظريفة .. 

ياقوت ~ وراه كيكونو ظريفات وكيتقلبو .. 

طلعات وسناء فيها عينيها وصغرات عينيها تاتلفتات لشيماء ... 

شيماء ~ عطيني الأنسطا ديالك !! .. 

وسناء ~ اه واخا كتبي .. حنات عند تيليفون شيماء كتوريها من سليفونها تاكيتسمع صوت الرجال داخلين مع الباب ...

محمد يوسف ~ السلااام عليكم .. 

الباتول ~ وعليكم السلام .. 

ياقوت ~ السعديية يالااه شعلي على العشا .. 

ناضت خديجة وشيماء تقدمو لعند باهوم باسولو يدو وسلمو على خوهوم محمد الكبير عاد إدريس .. 

محمد ~ " القى التحية على وسناء غير براسو " السلام عليكم اختي .. 

وسناء ~ وعليكم السلام .. 

وسلم على ياقوت باسليها راسها رضات عليه واخا ماشي مو الحقيقية ولاكن الإحترام داير بيناتهوم وهي فمرتبة مو وعزيزة عليه .. عاد داز لباتول باسليها يديها ووسناء غير كتشوف بنص عين تاسلم عليها إدريس بنفس الطريقة وداز لعند مو ثاني سلم عليها ثم الباتول ثم يامنة عاد ݣلس حدا محمد .. 

هي بقات كتسناه يدخل صدق مادخلش معاهوم تارجعات شيماء ݣلسات حداها وخديجة ناضت تشوف العشا فين وصل، وفنفس الوقت تعيط لراجلها حيت غادي يجي تاهو يتعشا معاهوم .. 

كتسمعهوم غير مجمعين هي هزات تيليفونها ودخلات لميساجات وبدات تكتب .. 

Wasnae : faynek .. 22:37 ✓✓ ..

شافت تاعيات كاتسنا يجاوب والو .. تادخل عليهوم راجل تاهوا يكون تاقادا ديال محمد كان راجل خديجة تم نيت شيماء لاحت الزيف على راسها .. وسلم عليهوم غير براسو ومشا ݣلس مع الرجال .. وسناء جاتها الݣلسة فشكل .. ماموالفاش .. وباقا كتحس براسها جديدة .. شافت شيماء منغامسة مجمعا مع عمتها اما تاياقوت ناضت كتشوف العشا مع خديجة .. تاكدور عينيها كتلقا الباتول حاضياها طلعات النفس وهبطاتو وقلبات عينيها لجهة الأخرى .. رجعات شاافت الميساج لقاتو باقي ماجاوب عاودات كتبات واحد ٱخر .. 

Wasnae : 3aayaa9ti .. 22:48 ✓✓ ..

دخلات خديجة هازا فييديها طبسيل كبيير ديال الشلاضة .. متنوعة مغربية بالخضرة مسلوقة حطاتها .. وموراها كانت ياقوت هازا بلاطو فيه طبسيل ديال الفراشط .. وكيسان دالما مع القرعة ديالهوم .. 

ياقوت ~ " هوما كانو كيتقادو وهي ضور عند وسناء " أجي أبنتي تاكلي .. " دارت عند راجلها " سيدي يوسف فين عثمان ؟ ..

محمد يوسف ~ راه دخل معانا وائييلا طلع الفوأ .. 

وسناء تم نيت طاحت عليها فكرة وحدا أكيد غايكون داز عند عبير هي اللولة .. 

ياقوت ~ دوزي أبنتي تاكلي هانتي دابا شوية وتشوفيه جا .. 

ناضت ساخطة ݣلسات على الكرسي باش يكملو الدورة ديال الطبلة وحداها شيماء وبقات بلاصة حدا شيخها ديال عثمان .. تمدو الفراشط .. وبداو ياكلو .. وتاهي كتاكل بشوية عليها ومرة مرة تضور شيماء تهضر معاها اما الرجال كانو كيهضرو فمواضيع البيعة والشريا ديالهوم تاشوية دارت وسناء بشوية لعند شيماء .. 

وسناء ~ شيماء ماشوفتشي عيالات خووتك وتامنال فااينووما ؟! .. 

شيماء ~ " بلعات الدغمة ورجعات دارت عندها بشوية كتهضر " قبل العيد كولهوم كيمشيو لعند دارهوم كيشوفوهوم ماكيجيو تاكيبقا للعيد شي 3 يام ولكن كيديروها مرة وحدا فالعام .. 

وسناء ~ هاهههه هادشي عاندكوم بالقوانين .. 

شيماء ~ هههه لا غير هاكا كادير يما باش مايفوتوش حدودهوم وبزاف دالحوايج من غير هادشي تالديك الساعة ونقولهوم ليك كاملين ... ولكن كيجيو راه قتليك قبل 3 ايام باش اوجدو ثاني للعيد .. 

وسناء ~ انا مزال ماعارفا تاشحال من واحيد كينا فهاد الدار .. 

شيماء ~ ههه نهار العيد غادي تشوفيهوم كاملين .. 

وسناء ~ دابا خاك موحاماد عيالاتو بجوج مشاو .. 

شيماء ~ هههه وي ومايقدرش إݣول لوحدة فيهوم رجعي قبل الأخرى واخا صحابات ولكن غايبدا إيدير بيناتهوم الفرزيات .. 

وسناء ~ كادور الهضرة فمخها وكاتاكل ) هاايدااك .. 

شيماء ~ اييه أختي .. 

بقاو مرا مرا كيضورو الهضرا تاسلاو وتهز داك الطبسيل .. عاد ناضت وسناء .. 

شيماء ~ فين غادا راه عاد غايتحط العشا .. 

وسناء ~ لا والو الحبيبة عييت كيخسني نرتااح .. 

شيماء ~ واخا من الصباح ونتي ناعسا ههه !!؟ .. 

وسناء ~ وماكانشبااعشي غاولفني هاايدا ههه .. 

شيماء ~ سيري اختي تصبحي على خير .. 

وسناء ~ وانتي من اهلو قولا لمماك .. 

شيماء ~ كوني هانيا ماما عندها دنيا هانية .. 

يالاه غاضور تاسمعات صوت باه .. 

محمد يوسف ~ بنتي أجي تاتكملي لعشا ؟! ...

وسناء ~ لا اعاامي تشوووكرا بلحااق عييت اليوماا مدبالساافاار بصااحاا .. 

محمد يوسف ~ الله يجيب التسير ابنتي ..

حركاتلو راسها ومشات خارجا .. بحكم ياقوت كانت فالكوزينة ماشافتهاش .. ومشات طالعا مع الدروج تاوصلات الفوق .. كادور عينيها على الغرف .. تانفخات بجهد ومشات لبيتها وزدحات الباب .. 

دخل لصالون كيدور عينو .. 

عثمان ~ السلام عليكوم .. 

محمد يوسف ~ وعليكم السلام .. 

دخلات من موراه عبير حانية راسها .. وشال محطوط فوق راسها فالباج مغلوق وعبايا محلولة على قفطان فالذهبي .. 

عبير ~ السلام .. 

خديجة ~ عبير اجي أختي ݣلسي تاكلي " شافت فيها شيماء بنص عين " ...

ديكشي لي دارت مشات ݣلسات حداها ورجع عثمان ݣلس حدا خوتو .. حتا دخلات ياقوت هازا فيديها طبسيل ديال اللحم بالبرقوق .. 

ياقوت ~ سيدي عثمان على سلامتك اوليدي .. 

عثمان ~ لهلا يخطيك الواليدة .. 

دورات عينيها باش تشوف عبير تم نيت طاحت فبالها وسناء .. 

ياقوت ~ شيماء فين وسناء ؟ ..

شيماء ~ " عثمان طلع عينو نيت كان غايسول عليها " راه طلعات تنعس قاتليك عيات ..

عبير ~ "وبشوية فودن خديجة " بغيت نهضر معاك .. 

خديجة ~ " دارت عندها " مالكي ياك ماكاين باس .. 

عبي ~ لا خبار الخير أحبيبة ..

حيدات داك الفراشة بشوية عليها مبردة الأعصاب ديالها .. ومشات دخلات لحمام مسحات وجها من الميكاب ودهنات كريم ليلي عاد غسلات سنانها ومشاط شعرها جمعاتو كعكة وخرجات لبسات شوميز دونوي كسوة فالبلو سيال ولبسات عليها الپينوار ديالها واصل للفخض فلبلو سيال .. ومشات ݣلسات فالكوافوز حيدات الذهب ديالها مخلية غي الخاتم وهزات الكريم ديال اللحم كاتذهن لحمها .. تاكتسمع بلي وصلها ميساج هزاتو قراتو ..

Othman : ana lete7t pardon macheftch lmessage deyalek, chnu wach 3eyana bezaf ? ...23:07 

دارت ضحكة دالسخرية وخرجات من تم دوزات الأبيل لمها وحطات تيليفون فوق الكوافوز دايرالو هوت باغلوغ .. 

حبيبة ~ هااالو .. 

وسناء ~ ٱلو ممّا ..

حبيبة ~ ٱلو كيدايرا لااباس ؟ .. 

وسناء ~ بيخير ونتيينا ! كيف عامل بابا وخااي مصطاافاا وحمزة كوولشي مزياان ؟ .. 

حبيبة ~ كوولشي مزيان أبنتي كيسلمو عليك، كيدار عثمان لالة ياقوت لاباس عليهوم .. 

وسناء ~ لاابااس ..

حبيبة ~ إيوا رتاحيتي شيوية من التساافيرة ! .. 

وسناء ~ شوية وصااافي بااقي فياا العيااا جباارتيني ماشا نعااس .. 

حبيبة ~ ايوا راه بلاد بعيدة هاديك اكبدتي حنا وكان تانسافرو غير هنا وكانعايو .. 

وسناء ~ دييكشي لي كيينا .. إيواا كيف نتيينا مزياانا .. 

حبيبة ~ هااحنا ابنتي كيف خليتينا .. ݣولي ماغاتجيش ضربي شي طلة قبل العيد .. 

وسناء ~ نقداار .. حاقاش عياالات خوتو دعثماان كوولووم مشاو لعاند دارووم إلى قووتلو يانا نمشي مايقولي واالو .. 

حبيبة ~ إيوا مرحبا أجي نشوفوك قبل العواشر .. " خفضات الصوت ديالها شوية " أمضرا ضرتك بانت ؟ ..

وسناء ~ بحالي تقوول كانت كااتستنااني كيف جيت جباارتاا فكماارتي .. 

حبيبة ~ كيداايرا ؟ ..

وسناء ~ كيف عااملا كيالخرااا حااشاا الساامعين اوااعدي ياممّا كون تشووفا قسما بالله غاهايفا مااحطوطا منافخة ديك الشفايف وديك التاارما وديك السداار وااماحملتاااااشي تقوول جاايبيناالو من المااصنع .. 

حبيبة ~ وهاديك هي لي كيبغييوها الرجال صحابلك بحالك دايرا كيف عود السبسي سيري سيري كولي عمريليك شوية ديك الكرش .. 

وينا ء~ شنيي هواااا بزاااف عليها توصلنيي ياانا ..شني بااغا تكوون عااندي الشااحمة لاا يااختي هاايداا حسااان فوورمتي كوولشي كيتمنااها ومايلقااهاشي عاندي كوولشي بالقيااص ديك نهياارااتي قالالي عثماان بفوومو بلا ماايحس .. 

حبيبة ~ اييه ياا كبدتي وتوريني انا فالرجال راه اليوم معاك غدا معاها .. 

وسناء ~ " هزات الريحة كترش وهي كتهضر " تشوووف شووفتي لامشااا عاندااا من عااندي يربااح بييهاا .. ماكيهامنيشي، ياااك الحواايج عاندي الفلووس عااندي لابغيت نمشي فاينما بغيت نمشي، ايوا شغانقي بييه .. يمشي هو يجيو عاشراا .. كيخسني غير نفااكار كيف نقي يعملي شي مشرووع هااايدا بااش نضماان رااسي ...

حبيبة ~ وااش لمووك انا ربييتك هااكاا وااش بااغا تسطيني بلااصة ماتفكريي كيفااش تشدي الراجل عندك نتي كاتفكري كيفاش ديري ضمني راسك وتخليه !!!! ..

وسناء ~ حيت عاارفا بهااد الفكر باااش غاانضمنو انا لابقييت نفااكااار فييه ليييل ونهاار ونݣلس نتخاابااط وندمع رااه والله لاجاا .. الرجال كيخسووم لي يمرمردوو يماااهووم وليي شبرو عليهووم بالسناااسل باش يبقااو مااشي العايلا لي تبكي وترغااب فيهووم ..هاديك كاتكوون كييف الحماااراا.. ويااناا ماااشي حمااارا اممّاا الحبيبة سمااعتي ! 

حبيبة ~ شتي كون كنت قدام ملتك كون صبعتليك، تشي نوضي جيبي الراجل يبات حداااك هاد الليلة وماتتخليه لدييها تادقييقا، يالاه يبغي يتنفس غمقي على بوه .. 

وسناء ~ مالو جيببر كريبس يمشي يخراا ..

حبيبة ~ هاااويييليي على غدااادي واخييرتها غاطرطقييلي المرااارة .. 

وسناء ~ فففف ممّا كانعايطلك كاتعاصبني وصاافي مشي دنعااس شووغلي وياانا عاارفااك ونحلف ليك بحلووفي تالفلااخر ليلي غايكوون ..يالاه مشي دنعااس ..

قطعات عليها وهبطات كتشوف ليزابيل ديالو وحطات تيليفون مبردة عاد ناضت طفات الضوء ديال البيت ومشات بالضوء ديال التيليفون يالاه غاتشعل الضوء ديال الفيوز تاكاترجع تشوف فالشرجم ربعات يديها وتكات راسها عليه .. كان منضر زوين والݣمرة لي يالاه كاتكتامل، والنجوم دايرين بيها ... 

بعد ماسالاو العشا بقاو ݣالسين جماعين الصالة عامرا وكل واحد مع لاخور جماع وكلشي مشارك فالحديث .. وعثمان كل شوية يطل على تيليفونو وعبير ݣالسا مقابلة معاه وحاضياه واخا مشاركا مع حوار خديجة وياقوت تاكاتهز تيليفونها وكتسيفطليه ميساج .. 

Abir : 7eyati malek ? ..23:46 

دخل قرا الميساج وهو يطلع عينو شاف فيها ورجع طفا التيليفون قدامها وسدو ورجع مربع يديه مكمل الحوار مع باه .. 

دوزات لسانها على شفايفها ورجعات عضاتهوم ونزلات تيليفون كتنهد .. 

خديجة ~ واش مابغاش إقولها ؟ ..

عبير ~ ماعرفتش شنو غايدير أخديجة .. 

خديجة عوجات فمها كاتفكر وهي طلع عينيها كاتبتاسم لعثمان .. 

خديجة ~ " بنبرة عالية الشيء لي خلا كولشي يدور يشوف فيها " عثمان إيوا مبرووك أخوويا .. الله يجيبو على خير ..

كولشي شاف فبعضياتو بنبرة إستفهام ..تاواحد مافهم ..

ياقوت ~ شنو لي مبروك أبنتي خديجة ؟ ..

خديجة ~ هههه وٱخيرا غايجيك حفيد أمّي .. 

كولشي دار مصدوم كيشوف فعثمان لي موجه نضرات باردين لعبير تاشوية ضحك محمد يوسف وهو يضرب على كتف عثمان .. 

محمد يوسف ~ أش هادشي أسي عثمان وليتي تخبي علينا هههههه نهاار كبير هادا ...

تم نيت ناضت يامنة كتزغرت .. 

يامتة ~ يوويويوويوويوويوييييي ... 

عثمان ~ لا الواليد راه تانا يالاه عرفت وعاد كنت ناوي نقولها ولكن ماشي موشكيل .. 

إدريس ~ مبروووك أخويا .. 

ياقوت ~ " باقا مصدومة مامصدقاش " فوقاش هادشي أبنتي ؟ ..

عبير ~ " مهبطة راسها حشمانة والرجال كيباركو لعثمان " ماشي بزاف أخالتي يالاه عرفت .. 

شيماء ماحساتش براسها تاناضت خارجا من الصالون معصبة بلى ماينتابه ليها تاواحد ..

الباتول كضحك فرحاانة ~ مبروووك أحفييدي ياا سيد الرجاال وهاهو ربي رزأك أويلييدي الله يتيم حملها على خيير ..

عثمان ~ " حرك ليها راسها كيتنهد " أمين أيما ٱمين ... 

ياقوت ~ شغانقوليك أبنتي الله يكمل بالخير والله يجيبو على خير ...

عبير ~ " بإبتسامة حركات راسها وهي كتشوف فعثمان " أمين أخالتي .. 

محمد يوسف ~ إيوا شي زردة هااادي أسي عثمان .. 

محمد ~ " كيضحك فرحان " ضاروري وعلى حسااابنا ݣاع .. 

دخلات للبيت وسدات الباب ..

شيماء ~ " شادا على راسها غادا جايا " نااري ناااااري ناااري .. تفووو تفوووو اشش هاااد الزبل اشش هاااد الموووصييبااا .. 

هزات تيليفونها ونيشان عيطات لختهاا ..

شيماء ~ الوو فاطمة الزهرااء .. 

فاطمة الزهراء ~ ٱلو شيماء صاڤا كيدايرا ! لاباس عليكوم ..

شيماء ~ " طلقاتها بزربة " عبير حاملة ... 

فاطمة ~ " تصدمات مافهمات والو " ااااااااه ..

شيماء ~ ديييك ازبل بنت الحرااام حااااملة ..

فاطمة ~ اويييليييي !!!! .وااش كتدويي منييتك .. 

شيماء ~ واش حالتي حالة وحدة كاضحك عليك هاد الساعة .. 

فاطمة ~ اوييليي وحدي وحدي وهيااا نااري كيداارت ليها .. 

شيماء ~ بحاالي بحاالك شنوو هااد التبرهييش شنوو هااد الزببل ...

فاطنة ~ فوووقاااش هاادشيي فووقاااش ..علاش مافخبااريش ؟؟ ..

شيماء ~ " كتهضر بالزربة " اوييليي دابااا عااد يااختي كناا ݣااالسيين تاناضت خدييجة قالت لعثمان إيوا مبروك علييك اخووياا .. زعماا ديك ختتك اقسم بالله تاابرهووشا والله غادي تجي تهضر معاياا غاانقلب فمهاا ..

فاطمة~ شيماااء ..شييماااء شووفي غيي بشويي باااش نففهم دااباا عبيير حااملة ياااك .. وخديجة فخباارها ومااقاالتهااش ؟؟!!! ...

شيماء ~ اييه الاالة شووفي ونععم الأختت ماافهمتش انا هااديك وااش ختتيي ولاا عدووتيي .. 

فاطمة ~ ناري ميمتيي على مووصييباا ووسناء كانت تما ؟ ..

شيماء ~ هاالمشكييل السيدة مسكينة طلعات ترتاااح ولااابااااس اماا كون رااها سمعاات هاد المووصييباا تفوو يااختي على باااشاار الݣنس الكحل .. 

فاطمة ~ سمعيي اشمياااء كيبقاا هاداك خويا لي غادي يولد والولد ماذنبو والو بقات فمراتو فهاد التحرمياات لي كادير 3 سنين ماولداتش تااشاافتو تزوج وهي تنوض تحمل اش هااد المرض يخخ زاادت كرهااتني فييهاا الحمارة لخراا .. 

شيماء ~ وااييه وللد خوويا ولكنن داااك خوووك ليي معااه خسسك تفهميي .. نتااا مداابز مع مرااتك اش قرربك لييهاا تاتحممل .. ومين بااغين تولدوو لاااش جاايبيين الدرية اويييلييي لاااش مزووجهااااا .. انا عرفتي تصدمت حيت مرا اللولة كنت كنقول واقيلة ماكاتولدش داكشي لاااش تزوج وحدا أخرى بااش مايعييقش .. 

فاطمة ~ فففف ماما لي علم الله حالتها كيغااتكون أكيد مابغاتش .. 

شيماء ~ اويييليي وجهااا واااصفاااار عرفتي شنااهي صفاااار بقاات غير كاتمتم ماالقاات مااتقوول وووجها غايطييح لاارض اختيي بشمن كماارة تمشي توول لصااحبتها للي عاطيااها البنت تخيلي دابا انا كون وقع معاايا هاد البلان اش غاديري تفوو تفوو تفو ...

فاطمة ~ " تنهدات " سمعيي دابا سمعيي حنا ماعندنا مانديرو لاهضرنا غانتسمااو خاايباات، وسناء بقاات فيا بصح ولكن ماعندنا مانديرو تاهيا قبلات على السيد مزوج مرا اللولة تقوول لا، ياعني راه خاسها توقع أي حااجة، سمعيي انا دابا غانقطع نهى كتبكي " بنتها " نسكتها ونشوف عبد العالي اش بغا ويبقا بيناتنا الواتساب، قوليلي بعدا اش دار عثماان فرحاان ؟ ..

شيماء ~ شغاانݣوليك جاانيي فششكل وباايناا فيه مابااغييش خوويا وكنعرفوو بااينا تااهوا طلعات معاه القالب ومكاانش نااوي بنت الحرااام واااحد بنت الحرااام نااري يااختي كااتبقاا قاارما قاارما وكتضربهووم حسي مسيي بنت اللدينا ديين دمهااا .. 

فاطمة ~ ششش صافي أشيماء راه عاد غاتوريني فييهاا ولكن مزياان خااس عثمان يحس بالذنب لاكان عندو شي قلب إيوا غير لاكاان مااغايتصوقش ݣااع ..المهيم دابا تصبحي على خير غدا غير نفيق غادي نجي ...

طلع لفوق دخل لعندها، حتا كيشوفها ناعسا فوق الناموسية، قرب لحداها تاݣلس قدام جنبها ومد يدو كيتحسس الحنك ديالها تاشوية حنا لعند راسها وقبلها قبلة حنينة نطق بلى مايحس بينو وبين خاطرو .. 

عثمان ~ سمحيلي ..

خرج من عندها، يالاه غادي يدخل لواحد الغرفة تاكيسمع ..

عبير ~ " بصوت صقيل ومنخفض " عثمان ماتنساش رونديڤو غدا ! ..

حنا راسو مغمض عينيه ومزير على القبضة ديال يدو ..حتا كيدور شاف فيها ومشا زايد فاتها لاح ليها جوج كلمات " تبعيني لبيتك " ومشا فتح باب بيتها وخلاه مردود .. نفخات محركة فكها السفلي بالغدايد ودارت لحقات عليه تادخلات .. وسدات الباب ..

عثمان ~ كيبانلي مانااويااش تنعسي هاد الليلة حتا نوضوها بشي مدابزا مم !! ...

عبير ~ مالك وليتي تالهاد الدراجة مااغاتمشييش تشووف ولدكك ؟؟ ماانااويش تشووفو !!.. 

علا يدو ودار معصب تاكيرجع وهوا يشوف فيها بعينين حوومر ..

عثمان ~ قد هااكا لي باقيليك أعبير " كيوريها بصباعو " قد هاكا .. وديك الساعة كلامي معاك ماغايعجبكش .. 

جات تهضر قاطعها ..

عثمان ~ " بصوت جدي صارم " لي تهرس عمرو يرجع الشريفة .. والولد ماغاديش إخلينا نرجعو كيف كنا ولاكنتي تعمدتي ديري هاد البلان بااش تربطي ليا يدي " مشا زايد وهو كيقرب ليها وهي كترجع باللور " من غدا نربط ليك يدك ورجليك وفمك .." وصلات لحيط وهي بنفس الملامح جامدين وهو يدور يديه محاصرها " ماتخلينيش نوريك وجهي الثاني وخليني متاقي فيك داك شوية دالعشرة لي دوزناها .. .

حيد يدو ومشا داير حتا هضرات ..

عبير ~ بينتيلي مزياان شحال فرحان بهاد الولد ..

عثمان ~ " بلا مايدور عندها " نتي عارفا وأنا عارف والكلام إلى طول كيبسال، حتارمي راسك غادي نحتارمك .. غدا تجيبيلي التحاليل، ونمرة دالطبيبة لي غادي تبعي معاها، وليكوݣغافي .. خليت ليك الخير هاد الساعة ...

فتح الباب خرج وسدو وتاجه للغرفة ديال وسناء باش إنعس ...

فاقت فالصباح دورات عينيها فالبيت لقات الشمس طالعا، وݣاع مزلعة بشيع ديالها .. حطات يديها بلاصتو .. لقاتها خاوية .. ولكن باين بلي شي حد ناعس كان ناعس تم .. عرفاتو بات معاها .. دارت إبتسامة جانبية .. وناضت متاجها لمرحاض ..لقات ليغيݣل بدات تخفاف عليها .. دوشات وخرجات ملوية عليها پينوار .. عاد هزات الساعة لقاتها الحداش .. طلقات شعرها كتنشفو بالشيشوار .. وهزات قفطان جوهرة ديالها فالباج .. لبساتو وجمعات شعرها كعكة ودارت ذهبها وتمكيجات رشات الريحة، يالاه جات خارجا تاكاتسمع تيليفونها كيصوني هزاتو لقات عثمان، يالاه بغات تقطع وهي تنفخ بالجهد ورجعات جاوبات .. 

وسناء ~ " فوق القلب " ٱلو .. 

عثمان ~ صباح الخير كيصبحتي ؟ .. 

وسناء ~ " وهي كتسد الباب دالبيت " عاادي مزياان .. 

عثمان ~ هبطتي تفطري ؟ ..

وسناء ~ " هابطا فالدروج " جبارتيني شالاه مااشا .. 

عثمان ~ الهضرة لي غادي تسمعيها تبتي وخلي تانجي ونهضر معاك .. 

وسناء ~ مافهاامتشي .. 

عثمان ~ مين غانجي غادي نفهمك ..

وسناء ~ فاينك نتينا ؟ ..

عثمان ~ فالخدمة ..

وسناء ~ صافي تاتجي واخا مافهامتكشي ديكشي لي كاتقولي بلحاق هانا غانشوف .. 

عثمان ~ يالاه أحبيبة وبصحة ..

وسناء ~ الليعطيك صاحا .. 

قطعات وكملات الخطوات ديالها تادخلات عليهوم مع الدخلة طلاقات عينيها مع عينين عبير ݣالسا جماعا مع ياقوت ومعاهوم الباتول .. 

ياقوت ~ " علات عينيها " صباح الخير أبنتي كيصبحتي .. 

وسناء ~ " إبتاسمات لياقوت معلية راسها بشموخ " الحمد لله أخالتي ونتينا ؟ ..

ياقوت ~ الحمد لله ݣلسي ݣلسي تجيبليك السعدية فطورك .. 

وسناء ~ " باقا واقفة " لا غير خاالي غانمشيي نتشووفو رااسي رابي يخاليك .. 

مشات راجعا عاطياهوم بالضهر وهي تنفت الباتول ..

الباتو ~ اييتفوو يخلييهااا تااربييا عند يمااها إييتفوو .. كوولي ابنيتي كوولي رااه حفيدي هاداك ولد سيييدي عثماان .. 

هبطات عبير راسها كضحك وياقوت كتنهد ودايرا إبتسامة فوق الخاطر ...

دخلات للكوزينة كاتشالي بالقفطان، لقات السعدية كاتغسل فالماعن ..

وسناء ~ السووعدية جبدلي الملاوي، والعسل وعملي شي باراد دٱتاي بالزعيترة ..

السعدية ~ صافي الالة غير سيري انا نجيبوليك ..

وسناء ~ لا عملي لي قوتلك هايانا كانستناك هنايا ماباغاشي ناكوول تمايا ..

مشات جبدات الكورسي دالطبلة دالحديد لي مزخرفة الحرفة والصنعة الفاسية الحرة .. ݣلسات ودارت رجل على رجل وطلعات عينيها كتشوف فيها ..

السعدية ~ " ماعندها ماتقول " واخا الالة ...

بقات كتحرك فرجليها ومتبعا مع الشقا دالسعدية وشويا شوية تطل فالأنسطا ديالها .. تاتحطليها الفطور .. مدات يديها كتلقم غير بشوية وتقطع المسمن بجوج صبعين بشوية وتغمس فالعسل وتاكل وعينيها فتيليفونها .. تاكاتسمع الزغاريت دنسا وهوما كيصليو على النبي .. قطبات حجبانها وعلات عينيها مدليا راسها كاطل .. كاتبانليها سر شي مرا داخلا وياقوت كاتسلم عليها .. عوجات فمها .. ورجعات كاتاكل مامسوقاش تاكاتسمع المباركة .. وهي دخل السعدية ..

وسناء ~ السووعدية شني كينا شني هاد الصدااع لي كاانسمااع ..

السعدية ~ لا والو هادي غير لالة عبير جات مها كاتبارك مع لالة ياقوت ولالة الباتول ..

وسناء ~ كيفاش وشني علاش ؟! ..

السعدية ~ ويلي علاه مافخبارك شاي ؟! ..

وسناء ~ " حركات كتفها " مافهامتشي شني غايكون فخباري ..

السعدية ~ إيوا لالة عبير حاملة بولد سيدي عثمان الله يحجبو مول الخير ..

شافت لمدة فيها معلية حجبانها .. 

وسناء ~ مافهامتشي شكوون حاامل ؟ عااود !! ..

السعدية ~ لالة عبير ..

بقا كانشووووف فيها تاطلقات ليها الضحكة فوجها بقات السعدية غي كاتشوف .. 

وسناء ~ ههههههه اوااعدي منييتاا هاادي هههه ... مااسكيينة خااافت لانساارقوولاا اوااااعدي ههههه .. 

دورات راسها كضحك وهي كاتاكل، أما السعدية زادت بحالها كتحرك راسها بلا حول ولا قوة إلا بالله، وسناء بقات كضحك شوية شوية تابدات كطلع معاها لي سمعات وهوما يبداو ملامح وجها يتغيرو تاناضت نافرا داك الفطور جارا جلايلها وخرجات من الكوزينة ... 

دازت كطل عليهوم كانو فالصالون، ماشافت تاشكون مشات مطلعة راسها مشيتها المتجبرة تاطلعات لبيتها وهي رضخ الباب تاتسمع فالرياض كولو .. 

وسناء ~ باغاا زااعماا تقوولي رااه غانشدوو هههه مسكيينااا ماالك مزرووباا بلحااق مزياان دابا عراافتراشي كانتعاام معع الحناااطر، حييت الرااجل الحبييبة دقاالبي مااكيتشدشي بالولاد المزيونة .. هههه كيضهاارلي مزاال كيخسااك تعاالم ترقااص على وااحدة ونووص ياا الزاين ..

كاتهضر وكتجبد باليزتها من الماريو تاحطاتها وبدات تجنع فحوايجها وهي كدوز لاپيل لمها ..

وسناء ~ ٱلو ممّا !؟ ..

حبيبة ~ الو وسناء لاباس عليك ..

وسناء ~ لابااس رااني مجّا ..

حبيبة ~ فووقااش ؟؟ دااباا ؟؟

وسناء ~ اه ..

حبيبة ~ معاك عثمان ؟! ..

وسناء ~ لاااء بوحديتي ..

حبيبة ~ مالكيي تاتجي بووحدك رااجلك ماعندووش الوقت هااا خلييه يا دݣنة هو يجيبك ..

وسناء ~ ممّاااااا بسلااما قووتلك يانا غانطي صاافي يانا غانجي ونسنا دخوول سووق راسك ..

قطعات عليها، وكملات الجميع دحوايجها تاكاتسمع الدقان .. علات عينيها كاتبانليها ياقوت داخلة .. 

ياقوت ~ بنتي فطرتي ؟ ..

وسناء ~ " وهي كاتطوي " فطااارت ..

ياقوت ~ اش هادشي واش عاد كاتحيدي حوايجك من السيكان ؟ ..

وسناء ~ ههه لا كانجمعووم ..

ساقوت ~ ياك لاباس غادا لشي بلاصة ؟ ..

وسناء ~ مشا لعاند ممّا ..

ياقوت ~ ااان إيوا مزيان سيري أبنتي قضي عندهوم شي يامات بينما وصل العيد ..

وسناء ~ ديكشي لي قولت .. 

ياقوت ~ غاوصلك عثمان ؟ ..

وسناء ~ لاء غانمشي فطاكسي ..

ياقوت ~ ايوا مزيان قالهاليك عثمان .. 

وسناء ~ ممم ...

ياقوت ~ الله يوصلك على خير .. وسلمي على مماك 

وسناء ~ ٱمين بلاغ الله سلاامك ..

مشات ياقوت خرجات وهي ضور وسناء معوجة فمها كتكمل الجميع ديال الحوايج تاسالات وقفات الباليزا وهزات كتلبس سروال دجين فالأزرق مغموق واصل حد العضم مع تيشورت فالأبيض سانبل ومن فوق منو جاكيت دجين طلقات الشعر ناشف وجمعات القصيصة بفيليل عاد رشات ريحتها ولبسات سبادري فالأبيض ..وهزات التيليفون كتعيط لعثمان ... 

عثمان ~ ٱلو ! ..

وسناء ~ " بصوت هادئ " ٱلو عثمان كيف نتينا ! ..

عثمان ~ صاڤا .. بغيتي شي حاجة ؟ ..

وسناء ~ وي محتاجاك نتيينا ! كيخسني نهضار معاك واخا تجي ! 

عثمان ~ شي حاجة إيغجونس ؟ ..

وسناء ~ اه ..

عثمان ~ واخا هانا جاي .. 

قطعات عليه ولاحت تيليفون وناضت كتشوف راسها فالمرايا واش ناقصاها شي حاجة .. 

ماشي بزاف كاتسمع الباب كيتفتح بلا مادور بقات على الهيئة ديالها كتبرد دفرانها تاكيتسد الباب .. 

عثمان ~ " كيشوف فالباليزا وفيها مبدلة ولابسا حوايجها " وسناء !! غادا لشي بلاصة ؟ ..

وسناء ~ " حطات المبرد بهدوء وناضت من الكرسي كتهز فساكها داليد " اه مااشاا لعاند ممّا ..

عثمان ~ دابا ! ..

وسناء ~ " دارت وشافت فعينيه نيشان وحركاتلو راسها " اه تواحااشتا وتايانا كيخسني نشوفها قبل العيد .. 

دازت من حداه باش غادوز لباليزتها تاكشدها من كوعها وكيرجعها مقابلة معاه .. 

عثمان ~ مالكي ؟ ..

طلعات عينيها وشافت فيه ..

وسناء ~ " طلعات حجبانهايحركة بسيطة كتسوو بيها مع غميزة " مالي !!! ..

عثمان ~ عرفتي !! ..

وسناء ~ إيوا مادام نتينا عرافتيني عرافت " هزات يديها وحطاتهوم على يديه وحيداتهوم بهدووووء من كوعها " راك عارف كيف غانكون .. 

يالا غايهضر حطات يديها على سدرو كادوزهوم بشوية ..

وسناء ~ " بصوت جججد خافت " ودايا نخااليك خوود رااحتك تاتتحااس رااسك غااتحتااجني " طلعات عينيها وغمزااتو " ودييك السااعتي عاتجي عاندي تجيبني .. 

بعدات عليها متوجها لباليزاتها غاتجرها .. 

عثمان ~ وسناء ت..

وسناء ~ " قاطعاتو " علمت ممّا وقوتلا رااني مجاا وغيييييير بوحدييتييي " بركات عليها " ودابا شباارلي طااكسي كوورصاا يدييني للطنجة ...

عثمان ~ " قرب ليها تاوقف مقابل معاها " أنا غادي نعيطلو " تنهد " الله يديك على خير .. حنا عندها وقبلها قبلة حنينة على جبهتها وهي غير مبردة .. 

ديكشي لي دار تم نيت عيطلو وهي على عاصبها مربعة يديها كاتساين وكاتبانلو مبرداااا .. تاقاليها تهبطي راه وصل جات تهز البالبزا هزها بسرعة وسبقها هابط .. بقات كتشوف فيه وهي ترجع للماريو وهي تهز الشال الأبيض لي كان عطاه ليها أول مرة نهار العقد .. لواتو على عنقها عشوائي عاد تمات تابعاه هي بشوية عليها من اللور .. تاوصلات لبرا وهي تشوفو كيهضر مع مول الطاكسي .. وقفات حداهوم طلع مول الطاكسي وهي دور عندو كان واقف وداير يديه فجيبو وباااين فيه ماعااجبااهااش نهائيا المشية ديالها .. 

عثمان ~ مين توصلي غادي نصوني عليك جاوبيني ..

وسناء ~ " حركاتلو راسها " واخا .. 

دارت حلات الباب ديال الطاكسي وكقبل ماطلع حيدات الشال من عنقها وهي دور وحطاتو على عنقو وهو غير كيشوف تارجعات وركبات فالطاكسي وسدات الباب خرج يديو من الجيب وجبد عندو الشال لبين يدو وهو كيشوف الطاكسي ديمارا غادي ..

دورات عينيها كيجيو فعينو نيشان شاد الشال فيديه وكيشوف فيه دارت إبتسامة جانبية ورجعات ݣلسات بلاصتنا ..

وسناء ~ غانتشووفو دااباا ياا المزييوناا شكوون كيشباار الراااجل واااش الولااااد ولاااا المرااااا ...

وصلات جوايه أصيلة قربات لطنجة تاكاتشوف الأپيل ديالو، دارت سيلونص وخلاتو كيصوني تاقطع ورجعات كاتموسق ..

مع الثمنية دليل وقف بيها الطاكسي حدا باب دارهوم ... فتحات الباب ونزلات كتكسل ومول الطاكسي كيجبدليها الباليزا ديالها، تابدات دق .. وهي تفتحليها مها .. وهي طير عليها معنقاها وكيتسالمو حطليها مول الطاكسي الباليزا وسدات باب دارهوم عاد مشا .. دخلات مع مها كاتجمع تاطلاقاها خوها الصغير تاهوا كيزعرط وهزاتو عندها كتبوس فيه، تادخلو لصالون ݣلسات مݣلساه على حجرها ومها قدامها ..

حبيبة ~ إيوااا كيداايرا لاباااس عليييك توحشتتك اكبدتيي توحشتك ..

وسناء ~ كون تشوف يانا الحبيبة دقاالبي فااين مصطاافاا ؟؟ بابا ؟؟ ..

حبيبة ~ مصطفى فشغلو وبّاك مشا يصلي المغرب دابا وهوا جا، إيييه يابنيتي وخواات علييا الدار هاد البزقوول هو لي بقاالي ..

حمزة ~ ختييي شنيي جييبتييلناا ..

وسناء ~ هننه جييبتلكووم بزاااف دالحواايج .. 

حمزة ~ حلااااف فااينووماا ؟؟ ..

وسناء ~ مشي جاار ديك الباليزا جيبا لعاندي .. 

حمزة ~ وااااخاا " مشا كيطير " 

وسناء ~ ههه پوبري .. 

حبيبة ~ جيبتيلو بعدا ولا غاطمعتيه بااطل ..

وسناء ~ هههه لا جييبتلو حييبتلو احااا والله تاتواااحااشتكووم اممّاا .. تفوو دييك الريااض فييه القاانط وعااد شيي كماراات منقوولكشيي .. اللفعا لختااهاا ..

حبيبة ~ ورااني كتهااليك وشفتهووم النهاار اللول قتهااليك، من غير خواتاتو سبحان الله غير لالة ياقوت ..

وسناء ~ اوااعدي على ماقولتاالكشيي ديك خدييجة دييك السكووتيية لي كوونا نقولو ماتحاارااكشي الباايضاا من مووطعااا ايماا وصدقاات بخبييزتتاا الحرااايمييا لوخراا قولتت العايلا هايدا تشووفاا درييوييشاا زداااقت ياانا لي پوبرياا كنتشووف فييهااا ..

حبيبة ~ هااويليي علاه ماالها ..

وسناء ~ الباريح ميين تجاات ديك الفااصعووناا دمراااات راااجلي الحبييب، ونووض نتيينا قوولا 

مرااحباا واجي يالحبيبا تااكوول وماانعرااف شنيي اوااعدي صدمااتني قاايلت نباالاق فيها عايني لباريح ..تقول غاعطااتني طاارشاا ... 

حبيبة ~ شفلييك بنت الحراام ايييه شتي هاد.الزمان ماديري التيقة فتا بنت الحرام ..

وسناء ~ وهاانتيينا كتشوووف .. اه ونزييدك غاهواا مااتحوولشي فوومك حااقااش رااسي كاانحااس بييه غاطرباااخ ..

حبيبة ~ اش مااين يااكماا درتيي شي كاارثة رااه نذݣ مك ..

وسناء ~ وفييير سكووت شعاانقيي ... دييك البعيير لي كاانييتي علييها نييت حاااملةة.. 

حبيبة ~ " بصدمة " هااااااه شكوووون !!!! ...

وسناء ~ والمرااا الثاانيية اممّا ..

حبيبة ~ " علات يديها تاعلات وهبطاتهوم على فخاضها " هااااويييلييي " ناضت واقفة " هااوييلي على حااملةة ... صااافي صتاافي " كتقرب وجها منها " ياااااك ݣتهاالييك المسخووطة ݣتلييك زربيي على رزقك لاايطييروهليك الخويينزااات .. وشدي لمووك " ضرباتليها اليد مع اليد وعطاتها الصبع " هاالمووك لاطفررتييه خلييي بووك خليييك واااشتييي والييي ماااكييسمعع كلاام مووو عمرروووو لااطفرووو ..

وسناء ~ " ناضت طافجة " وهااليي قللنااا وممّاا وااش نتييناا حاامقاا ياانا يالااه مزووجااا بسييماانا نووض نعمل الولااد كااحماااقتيي لابغاات تولدلو تااعشراا وتعملو الفاااريق دالكوورااا تعممل يااناا مااشيي شووغليي وياانااا غايجيي عندييي ولامااخلييتووشيي يدوور وييعاايط بسمييس مانتسمااشي ياانا وسنااء .. 

ناضت حبيبة كااتغوت كيف العدوا وهي دير يديها على ودنيها ومشات زايدا طلاقات خوها لي مقاتل مع ديك الباليزا كيجر فيها هزاتها من عندو وجراتو معاها تاوصلات لبيتها دخلاتو وسدات الباب على خبيبة كاتنݣر ..

جبدات شي شكلاط لحمزة عاد باش تفك ومشا خرج وبقات بوحدها فالبيت لبسات بيجاما منزلية .. تاوصل وقيت العشا وخرجات مشات سلمات على باها وجا مصطفى ثاني تسالمو عاد باش حطات مها المرقة بالبطاطا والفليفلة واللوبيا الخضرا .. ݣلسو مجمعين عليها ..وفنفس الوقت جابدين الهضرا على الحوالا والعيد وبشحال ساوين ومدام طاحت الشتا قليلة هاد العام والغلة قليلة إذن تالخرفان غايكونو طالعين فالثمن وسوق غايزها بالمعقول ..ماهوا العيد باقيلو خمسيام .. مشات تنعس بعدما تفرق كولشي ..غسلات سنانها ووجها وبدات تدهن فالكرايم ديالها .. تامشات تكات فبلاصتها عاد هزات تيليفونها كتشوفو معيط ليها شحال من مرا ..طفات تيليفون ودارتو تحت وسادتها وغمضات عينيها ..

صبحات لغدليه ناضت تفطر بالضحك مع حبيبة لب عاد نسات شوية واخا مرة مرة ترميليها الهضرة، عاد جات عندهوم رودينة وݣلسات تعاودليها على الرياض ولي وقع كامل تاوقفات ليها فعبير حاملة، تالأخرى ناضت تقوليها بحال الهضرة ديال حبيبة وثاني تحاماو عليها، وهي مبردا حيت عارفا راسها شنو دايرا ..

وسناء ~ شووغتي عراافتي لمااخااليتووش يجييي تالهناا ويرااجااعني وقبااال العييييد مانتسمااشي ياانا وسنااء .. 

رودينة ~ هااحنا غانشووفو عشااك ياا سدرااا ..

داك اليوماين ماجاوباتوش كيف كاتحل تيليفونها كيطلعليها ليزابيل ديالو وكترجع طفيه .. اليوم فاقت حضرات على باها كيدخل فحاولي من الموكور ومصطفى كيعاونو .. صردي ومهبر .. طلعوه للسطح وهي دخلات لكوزينة باش تبدا الحلوا حيت قالت لمها تصايب ليها شي شكيل .. تادخلات عندها مها ..

حبيبة ~ واش نتي نااوية تعيدي هنا العيد باقالو يوماين .. 

وسناء ~ "عقدات حجبانها " كااشوفتك كااتجري عليااا ..

حبيبة ~ وااشكوون جرااا علييك ونتي خاااس بووك غالسببااا 

وسناء ~ إيوا قولا نراسك ..

حبيبة ~ بلااصة ماتمشي تحضي الراجل وتقردي حداه جايا لعندي تيتي نيني هنايا وخلييووك تايديوهليك وديك الساعة بقاي تدمعي عليا ..

وسناء ~ انا ندمممع وعلاااامن هههه ضحااكااتني انا لمكااانتشيي شيي حاااجة بزاااااف مانبكييشي ..

حبيبة ~ ياا ربيي صبرنييي نتيي كنهضر معااك عقلي كيخرج ..

وسناء ~ " وهي كتخرج الطاولون من الفران " إيوا ماادوييش حسااان .. 

كملات الحلوا لي دارت بالكاراميل ' نيسلي ' والشكلاط والكوك ....

تغدات مع مالين دار بجو مليئ بالضحك والتقشاب لي توحشات هاد الجو لي كاتكون طالقا فيه بكل حريتها بلا تصنع ..

مشات تكات بلاصتها مافاقت تالمغرب ناضت كدلقات مها كتفرج فسامحيني وحمزة قدامها مبلق تاهوا عينو ..حركات راسها بلا حول ... ومشات راجعا للبيت تاكاتسمع الكلاكصون .. ماداتهاش فيه أبدا تادي اي طوموبيل .. هزات تيليفون كيف شعلات كادخل أپيل .. شافتو هو عوجات فمها كاتفكر واش تجاوب ولا اه لا .. تاقالت نجاوب ولي ليها ليها ..

وسناء ~ " بصوت محلون مرققاه " إلو ..

عثمان ~ هبطي غادي تلقايني فالباب ..

غير سمعات داك الجملة بسرعة حيدات التييليفون من ودنيها ومشات كتجري تاطلات من الشرجم دبيتها، وكيبانليها مولاي السلطان واقف متكي على الݣوبو ديال الطوموبيل ديالو لابس سروال دجين مع تيشورت فالأبيض وفوق منو جاكيت جلد دالكحل حاط التيليفون على ودنو ... تاكيطلع عينو وهي تحيد بسرعة وتكات على الحيط ضامة تيليفون لقلبها دايرا الإبتسامة ديال الجنون ههه .. عضات على شفايفها وهي طلع النفس وهبطاتو ولاحت التليفون فوق الناموسية ... وجرات پينوار خفيف دالقطن فالقهوي باارد لبساتو فوق الپيجامة ودارت القب ديالو بعد مافرقات شعرها رجعاتو لقدام لبسات صباعية ورشات ريحتها ودارت شوية دالبودرة مخلية وجها طبيعي ... بانت كيووووت .. عاد خرجات من بيتها غادا على الصالون تاكتسمع حبيبة ..

حبيبة ~ اااافييين غاادااا ادييك شنييولة !! .. 

وسناء ~ " وهي هابطا مع الدروج " واااا الغزاااال دنسيييبك اممّاااا نسييييبك جااا يباااارك لك العييييد .. 

حبيبة ~ " كتغوتليها " اشكووون !!! ...

خلاتها هاكاك وصلات لحدا الباب دارت إبتسامة جانبية وفتحات الباب كاطل بشوية تاكاتشوفو حط عليها عينيه .. وهي تخرج وخلات الباب مردود ومشات قطعات لعندو .. 

وسناء ~ " طلعات على ريوص صباعها كاتعلا مداتلو حنكها كتسلم " سلام ..

دور يدو على خصرها وكمل معاها السلام ..

عثمان ~ لباس عليك ! بيخير ..

حيدات ووقفات مقابلا كتشوف فيه وكاتبتاسم بحالي ماواقع والو ..

وسناء ~ الحمد لله ونتيينا ؟ ..

عثمان ~ هه شنو بانليك ..

وسناء ~ " بعدات شوية وطلعات فيه عينيها من صبع رجلو الصغير تالأخر زغبا طالعا بجيل فراسو " مزياان سوپر دسپااپر ..

عثمان ~ " بجدية" وسنااء !! ..

وسناء ~ شني !! .. يالاه تدخوول ممّا را قووتلا عووثمان جاا عااندك ..

عثمان ~ ههه شكون ݣالهاليك ؟ جيت على وحدة وهي لي واقفا دابا قبالتي .. 

وسناء ~ " ضحكات ورجعات مشات دايرا " سربيي يالااه ماتبقااشي فزاانقاا بابا ماايبغييشي نسييبو يبقاا هاايدا حشومة " وصلو حداباب الدار ودارت عندو " اولا لا !! ..

كيف سدات الباب جرها تاتضربات بسدرو وهي طلع عينيها بسرعة فعينو ..

عثمان ~ شهاد البلان دابا مم !! باغا تهربي زعما ؟ ..

وسناء ~ ااناا منااش غانهراااب ؟ ..

زاد قربها كيزير على الخصر ديالها تاضورات عينيها بسرعة ..

وسناء ~ ع عثماان ممّاا اوااعدي كييناا هنايا ..

عثمان ~ " زاد كيقرب وجهو تاوصل لعنقها وهمس فودنها " توحشتك ...

كتهرب عنقها كتهر ..

وسناء ~ " كطولها وتعوج فيدو " عثماااااان .. 

عثمان ~ " كيزيد إهمس فودنيها بصوت خاافت واللحية ديالو على عنقها وصباعو تسللو للور ديال عنقها كيدخلو فشعرها " علاش !! " بصوت خااافت رجوولي " ممم ؟؟ ماشي حشومة عليك !! ..

حبيبة ~ " من فوق الپاسامانو " وااااسنااااااءء اشكوووون ..

نقزاات من بلاصتها وجاوباتها ..

وسناء ~ هاايااناا عثمااان لي جّاا ..

دارت خنزرات فيه وعوجات فمها ومشات تقدمات وهو موراها جمع يدو خشاهوم وهبط راسو كيضحك ..

حبيبة ~ اااااه ايوااا مرحباااا مرحبااا زييد زييد اولديي زييد ..

طلعو للفوق طلاقاتو حبيبة تقدم لعندها وجرليها راسها باسوليها ورضات عليه عاد تقدم حيد السبادري ديالو على تقاشر بووويض مطبوعا فيهوم اديداس بالكحل فالجنب .. ودور عينو كيشوف فيها هي لي متكية على ررخامة ومربعة يديها كتخنزر نافخا ريشها وحبيبة كتسول فيه على مالين دار ..وكيجاوبها بالقياص .. كيف ݣلس ضارت حبيبة عند وسناء ..

حبيبة ~ " بأدب ملطفة صوتها " بنتي سيري للكوزينة وجدي شي براد دأتاي دابا شوية تشوفي باك جا .. سيري يالاه السيد أول مرة غايجي عندنا مرحبا بيك أولدي ..

عثمان ~ بارك الله فيك الالة حبيبة ..

وسناء ~ رااه كيشااربو بلاا سكااار ..

عثمان ~ ماشي موشكيل اوسناء ..

حبيبة ~ " كضحك مبتاسمة " لاااوااه ااصاايبيلو برااد بووحدو اييواا دغييااا .. 

عوجات فمها كاتشوف هاد التصنع من مها وضربات يديها مع الرخامة كتنفخ عاد مشات كتعنكر فالمشيا تالكوزينة، جبدات الباكية ديال ٱتاي سلطان .. وسخنات المقراش جبدات الصينية ورتبات فيها الكيسان والبراد .. عاد هزات خوات فيه الما طايب وٱتاي وجوج طوبات دالسكار .. ودارتو فوق البوطا تاكتسمع صوت باها كيسلم على عثمان .. وهي مربعة يديها ساهية .. حتا حطات عينيها على البزار .. ودارت إبتسامة خفيفة ..

وسناء ~ حشوومة الراجل اواال مراا يجي عااندنا وماانضيفووهشي احبييبة حشوووومة .. 

هزات براد ٱخر صغير على هاداك وعمراتو بلا سكاار تاسلات وتجمر مزيان وهي تهز معلقة ديال البزاار كباتو فيه حطات ورجعات صغرات عينيها ..وثاني هزات معلقة أخرى ولاحتها .. 

وسناء ~ " بإبتسامة " دابا مزيان ارااجلي العزيز مرااحباا بييك عااندي وليي عملااتو العاامشاا يااكلوو رااجلهاا اححح .. 

قادات كولشي فالصينية ورتبات طبسيل ٱخر فيه شكيلات دالكلوة لي صايبات وطبسيل ٱخر فيه اللوز والݣرݣاع وكاوكاو المالح .. ومشات غادا بداكشي .. دخلات عليهوم لصالون لقات عثمان ݣالس مقابل مع باها ومها قدامو مجمعين .. حطات الصينية فطبلة وطلعات عينيها جات مع عينيه وهو يغمزها بلى مايعيق ..تاهي دارتليه إبتساامة جميييييلة ومدات يديها كتكب ٱتااي ..

كباتلو كاسو من داك البراد والكيسان ديال مها وباها من البراد لاخور .. تاشوية نطق باها ..

أحمد ~ أوسناااء كااغاير دكووبلي ياانا نن ديك المسووس ماانقييوشي تاااحنايا دييك الحيييمية سمااعت داك اليوم الحليمي يهضاار عليها ايي وييقول ماخااسشي نتشاربو اتاي بسووكاار ...

خرجات عينيها وهضرات بزربة ..

وسناء ~ لا لا أبا ماغايعجبكشيي شراابليك لي بسووكاار ..

عثمان ~ " صغر فيها عينو " بلعكس خاسو يحافظ على صحتو وكلما نقص من الحلاوا كونما راه مزيان .. ياك الحاج ! ..

أحمد ~ اييه واالله ديك نهاار قالا الحلييمة كووب كوب العايلا من دالمااسووس .. 

وسناء ~ " صافي بدات غير كتكفتف " اي وااخا بلاتي بااعدا نمشي نجييب االطبااسل لي بقااو ..

حبيبة ~ " ناضت واقفا " غاسيري انا نكب ..

وسناء ~ لا لا لا صافي مشي نتينا واانا نكب .. 

عثمان ~ " عاق بيها " وسناء كيبانلي غاندير اليوم شونطاح مع الحاج انا نشرب الحلو وهو المسوس ههه ..

دار أحمد كيضحك معاه ..

أحمد ~ اييه يالاه كووب العايلا لرااجّل دياالك يحاالي بااش اواالي .. 

وسناء ~ " اي غاايحليي ابّااا اشش غاايحلييي اييماااا الحبييبة وشغاانعمل " ااباا الليهديك رااماغايعجبكشيي .. 

حبيبة جابت الطباسل الأخرين وهي تشوفها باقا واقفا ..

حبيبة~ " حطات الطباسل وقعداتها من تم " حيدي ابنتي حييدي سيري تݣوعدي انا نكب سيري .. 

وسماء ~ غاا خااليي يي..

حبيبة ~ وتشي سيري غاسيري .. 

مشات كتعض فذقرانها صافي تشوهات ݣلسات فالسداري لي مابين باها وعثمان .. 

أحمد ~ وااحبيبة كووبي للرّااجل من الحلوو وياانا نشرااب المااسووس ..

حبيبة ~ اهااه تاهادا نضار حلي اولدي باش تولي " كباتلو الكاس ومداتولو " وهانتا بسم الله .. 

عثمان ~ " شدو من عندها " ونعم بالله شكرا .. 

شرب منو جغمة طلع عينو شاف فيها وغمزها .. 

عثمان ~ تبارك الله عليك ..

كتشوف فيه كون كانو عينيها قرطاس كون تيراو فيه وتاهوا مبتاسم مبرد وكيجغم من الكاس تاطيراتها حبيبة مين قاتليها وتي اش بغيتي ..

وسناء ~ " عينيها مع باها غادي بالكاس لفمو " لل لمسووس اا لحلو .. 

حبيبة ~ تشي مال.. يالاه غاتكملها تاكاتسمع طااااف الكااس تزدح مع الطبلة من عند أحمد تاضارت وسناء قافزة كتصرط فالريق ديالها ..

أحمد ~ وااااششهاادشي ياللمااالعوووقةةة ...

خرجات عينيها كترعد وعثمان دور راسو كيضحك بشوية وللاهيلا هزها وحطها من الدقة اللولة .. 

وسناء ~ تتتت ت م م كتترتت اا اااتااي ب بزااف اه اه بزااف كترتو ..

حبيبة ~ " عقدات حجبانها " اري لهنا نشوف "هي داقت الجغمة وهي تخسر سيفتتا " هاواوو الله ياا بنتي وااش عمررك درتيي اتاااييي حاار حااااااار ..

أحمد ~ ݣووبلي ݣووبلي احبيببة من دااك الحلووو " دار شاف فعثمان " فييهاا خير أبنيي مادقتييهش، " باغي زعما يبرد " اييواا ماعندااك ماتعماال مع هاد العايلة " دار شاف فوسناء وضرب فيها التخنزير " ..

سرطات الريق ديالها رجعاات صففرة صفرةة .. 

دوزو داك الكاسكرووط غاابهضرة وهي قاااااطعا الحس قرماات وصقلاات غاكادور فدوك العنين وكتسمع .. 

أحمد ~ اييوا ياابني غاتباات هنايا .. 

طلع الساعة كيشوف فيها ..

عثمان ~ مشا الحال غادي نباتو هنا ولكن فالدار لهيه عندي .. 

حبيبة ~ لا والو اولدي ݣلستي ݣلستي باتليك هنا كيف هنا كيف لهيه مكاين فرق ..

عثمان ~ هانتي ݣلتيها كيف هنا كيف لهيه .. غدا فايقين بكري .. الله يجعل البراكة الله إرحم من زار وخفف .. " ناض واقف " نخلي ليك الخير اسي حمد .. " دار شاف فوسناء " يالاه أوسناء جيبي غير حوايجك بلا ماتبدلي غادين نيشان لدار .. 

حبيبة ~ الله يديكوم على خير أولدي، ومبروك عواشرك ..

أحمد ~ " ناض واقف " يالاه أبني تمشي تشووف العيد ..

عثمان ~ اييه مرحبا .. 

مشا غي معاه ووسناء عاد ناضت واقفا شاداها البكيا ماااحملااااااااتش المنننضر لي وقعلييها .. 

حبيبة ~ اجيي لواالديك اشش داااك الكاارثة لمممك دايراا فداااك اتااي ݣوول اسيدةة عمرهاا حطاات يديها فالكوزينة ..

وسناء ~ " مشات لبيتها كتخبط " وزهاتتقلي زهااااقليي واااه ..

دخلات لبيت جبدات باليزتها كتلوح فالحواايج ماحملاتش يكوون عاق بيها وهو لي داارها بييهاا هااد المراااا .. 

تاشوية كيدخل عليها ..

عثمان ~ يالاه ساليتي ؟ ..

وسناء ~ الصمت .. 

دخل وسد موراه الباب تادارت عندو ..

وسناء ~ مااباغاشي نمشيي معااك غانݣلس مع ممّا ..

عثمان ~ وسناء إلى ساليتي حوايجك أري نهبطهوم .. دوزتي 3 ايام الله إجعل الباركة العيد باقيلو يوماين ماغاتمشيش لدارك ؟ ..

وسناء ~ لاااء ماابغييتشي مااكنحملشيي دييك الداار ..

عثمان ~ " تنهد " هبطي دابا ويحن الله .. 

وسناء ~ لااء ..

قرب ليها وشدها من كتفها تاطلعات عينيها ..

عثمان ~ ماتوحشتيش راجلك ؟! ..

وسناء ~ هااد الرااجل عااندو من غيري .. 

عثمان ~ شكون ݣالهاليك .. " قرب وطبع قبلة على خذها " يالاه أحبيبة راه بلاصتك حدايا بقات خاوية ..

بدات تخفض صوتها شوية ولمساتو كيوصلو معاها لإحساس عمرو جرباتو من قبل .. بعد شوية وشاف فالباليزا .. هزها بين يدو .. 

عثمان ~ يالاه .. 

وسناء ~ " هزات تكها داليد " وااماغانلبسشي حوايجي بصح !! .. 

عثمان ~ غادين لدار غير زيدي .. " مدليها يديو شافت فيها " يالاه .. 

شافت فيدو بقات شحال تاتقدم هو راسو شدليها يديها ومشا خارج سلمات على مها وباها وقالت باش إبلغو سالامها لمصطفى .. عاد مشات تبعاتو لقاتو حط الباليزا فاللور وركب بلاصتو مشات تاطلعات قدامو عاد ديمارا وزاد ..

ركبات السمطة وطلعات وجها كتشوف فالطريق تاسمعاتو كيضحك .. 

وسناء ~ مااالك نتيينا عااود ؟؟! ..

عثماان ~ ماكاتحشميش مم باغا ديريها براجلك .. 

وسناء ~ " حركاتلو كتفها " تستااهل .. 

عثمان ~ إيييه ونعم الزوجة .. 

وسناء ~ كوون تشووف نتينا على زوج .. 

عثمان ~ " ضرب بشوية لراسها " رحمي شوية هاد العبد ..

وسناء ~ راااحماااك اخااي غير مااتجبدنييشيي .. 

عثمان ~ ويلينا فر وقط على هاد الحساب .. 

وسناء ~الصمت ..

دور عينو للطريق كيتنهد ..

عثمان ~ واخا الالة ندوزوها من عندك ..

عوجات فكها وبقات متكية على الشرجم ديال الطوموبيل كاتشوف فالضواو ديال الشاريع .. تاكاتحس بيديها لس من جيهتو تهزات وتحطات عليها شي حاجة سخونة دورات عينيها كانو شفايفو .. باسليها يديها ورجع حطهوم على فخضو وحطا عليهوم يدو ليمنية ..وشاد الڤولون بليسرية .. بقات كاتشووف فيه مدة .. تارجعات ميلات عندو وتكات براسها على كتفو .. 

عثمان ~ ماتنعيسيش !! ..

وسناء ~ علاااش ؟ ..

عثمان ~ مزال تابعانا الخدمة .. 

وسناء ~ " كبعات راسها كتشوف فيه " شمن خدمة !! 

عثمان ~ الخلاص ديال السبعيام .. 

جمعات راسها بسرعة رجعات حممررةة وتكات من الجهة الأخرى على الجهة .. 

عثمان ~ " دار شاف فيها " بالله عليك هههه .. واش هادي الحشمة لي كانشوف ولا شي حاجة خرا " غمزها " .. 

زادت غرقها فحوايجها .. تاضرباتو لكتفو .. 

وسناء ~ " خدودها حووومر تورات تاطلقاتها " مااالك ماالك هاااكاا ياااه على بناادم كييف عاامل .. 

مات عليها بالضحك .. 

وثف بيها حدا واحد الموبل فصونطخ ديال طنجة .. بلاصا الطوموبيل .. وسكت طوموبيل عاد دار شاف فيها .. 

عثمان ~ نزلي معاك غير الحوايج لي غاتلبسي غدا .. 

وسناء ~ لا غانحتااجا كااملةة.. 

عثمان ~ صافي نزلي غادي نزلها .. 

فتحات السمطة ونزلات عاد فتح تاهو ونو معاه الباليزا تازاد قدامها عاد تبعاتو وحشماانةبداك الپيجامة .. تاوصل لعند سيكريس حنالو غيرراسو وكمل تادخل لداخل وشد السانسور طالع ..

وسناء ~ من فوويااخ عانداك هاد لاباغطومون .. 

عثمان ~ ماشي بزاف تكون شي عام دابا بحال هاكاك ..

وسناء ~ وعلاش شريتيها زااعما هناايا !! ..

عثمان ~ " درب ليها نيفها " حيت واحد العقل عاقليا واحد العايلة هنا غادي تسرقلينا القلب .. قلت أري نقرب ليها .. 

وسناء ~ ههههههههههه قووولتيي العااايلة .. 

عثمان ~ هه إيوا غير لامابغيناش نتعلمو .. " تفتحي الباب " يالاه العايلة زيدي .. 

خرجو كيضحكو تاوصوقفو على لاباغطومون، جبد السوارت فتح الباب ودخل شعل الضو، مخليها تادخلات عاد سد موراها الباب .. كانت أباغطومون .. كبييرة كلاص زوينة مفرشة مقادا ..متولة ونقية .. تقول غاساكنين فيها .. بقا كاتشوف فيها وتشوف فتريات والصالون لي فالدخلة .. شافتو مشا من واحد الكولوار .. تبعاتو تاكخل لواحد البيت .. مفرش تاهوا وكان كام بالأبيض والكحل زوين بقات كاتشوف فيها ... تادار لعندها .. 

عثمان ~ أنا غاندخل لدوش لي بغيتيها ديريها سيري شوفي لي شونبر لي باقين .. 

حيد الجاكيت وهو كيشوف فيها باقا كتشوف فالبيت .. عاد حيد التيشورت وهبط يدو كيفتح السمطة ديال السروال وهي توقف مشات خارجا من البيت .. دخلات للكوزينة كاتشوف فيها .. تاهي زوينة وموديغن .. باينة دار جديدة .. وباقي ريحت الجديد فيها .. تاشوية كاطيح فبالها .. اه بصح .. تاكاتنسا وتقول غاتعيش ..وكاتفكر بلي جوج عيالات كاينين قبل منها .. ماشي هي اول وحدة غادخل لهاد الدار .. وبحال والو ديك الناموسية نعس فيها مع عبير وناوي ينعس معاها تاهيا سدات على عينيها مبرداا وكتحاول تبرد فراسها ماعندها لاش تعصب .. تارجعات لببيت كتسمع الرشاش ديال الدوش .. جبدات باليزتها هزات لاطخوس ديال الكريمات دياولها ومشات حطاتو على الكوافوز وجبدات النيطواياج كاتمسح وجها .. تاكيخرج لاوي عليه الفوطة .. طلات عليه من المرايا ورجعات لشغلها .. شافيها وقربليها تاضورها عندو شادها من يديها .. 

عثمان ~ كيجاتك دار .. 

حيدات يديها من يدو بشوية وطلعات عينيها فيه ببرودة .. 

وسناء ~ الحاجة لي دايزيين علييهاا مااكااتعامارلييشي العاين ..

طلع حجبانو كيشوف فيها ورجع هضر ببردة مترقب عينيها .. 

عثمان ~ هاد العكس لي فيك هو لي ماغاديش خليك تزيدي القدام .. 

وسناء ~ شماان عكاااس ماالي كذاابت .. 

عثمان ~ " بهدوء " الدار نتي أول وحدة غاتحطي فيها رجليك من مور مالين الدار مين كانو جاو لهنا باش نخطبوك .. لي على بالك وبالي .. عمرهوم حطو رجليهوم هنا .. داك الفم عندك كيزرب شوية خسك تبقاي تحاولي عليه ..

وسناء ~ " طلعات حجبانها بغرور " وتانا ماالقت والو وماكوونتشي عارفا وعادي نقوول هااد الهااضراا كيف عراافتي الحااجة ماشيي ديالي بووحدي راها مشرووكةة .. 

تنهد ودار مشا لماريو كيلبس عليه بلا مايجاوبها وتاهيا ماتسناتش الجواب دارت كتكمل على شغلها .. هو لبس عليه سروال دالكيط فالݣري ..مع تيشورت فالأبيض .. ومشا للصالون طلق السجادة كيصلي .. وهي بقات تاسالات حيدات داك الپينوار وداك الپيجامة لبسات بلاصتها شريط وتيشورت ديالو على شكل كيطمة توبهوم حريري فالخزي .. جمعات شعرها ديل وجبدات شوييية دزغيبات من القدام .. وخلات وجها طبيعي رشات من ريحتها ..عاد خرجات لابسا سنيديلة ديالها دالريش فالغوز بيبي .. مشات للكوزينة فيها الجوع خسها تعشا .. وأصلا الكوزينة خاوية مافيها والو .. رجعات للصالون كان باقي كيصلي .. بانتليها التلفازة هزات تيايكوموند شعلاتها ناقصا ليها الصوت .. وبحكم هو عاطيها بالضهر .. وبقات كتقلب فالإداعات تاسمعاتو كيسلم ناض جمع السجادة ودار عندها .. 

عثمان ~ شنو غاتاكلي ؟ .. 

وسناء ~ " ناضت من الكاناپي دارت مقابلة معاه " شني ناوي تعمل ! .

عثمان ~ نضوموندي على العشا من برا .. 

وسناء ~ بغيت پانيني ميكست مع صلاد ماغوكان وصلاد دفخوي مع كريم فخيش وكانيط دكوكا .. 

عثمان ~ صافي ! ..

وسناء ~ صافي .. 

حط تيليفونو على وذزو كلب داكشي عاد سد تيليفون حطو وناض لجيهت نيميريك كيقادد فيه .. 

وسناء ~ شكااتقي ؟؟ ..

عثمان ~ " مافهمش " كيفاش !! ..

وسنء ~ يااعني شكااتعمل !؟ .. 

عثمان ~ كنكونيكطي التلفازة مع التيليفون نتفرجو فشي فلم .. 

وسناء ~ يااااي ااااي عرفتي شغاتعمل .. قي passenger .. مزيييون والله كونت بدييتو واحد النهاايرااتي ومااكملتوشي .. 

عثمان ~ عرفتو ولكن ماشي شي حاجة جديدة نو !؟ ..

وسناء ~ اه بلحااق مزييون فيه تلأكشن والرووماانسية والخيااال اححححاااي دييكشيي مزوييين .. 

عثمان ~ ههههههه وخلسنا تانكملو الفيلم واع ماتوصفي فيه .. 

عاقت براسها وهي تخنزر فيه كالعا معاها الحمورية وتاهو كيعجبو يمرݣها تاكاتبغي تاكل حوسجها دار كيكمل شغلو تاسالا وكلع ليهوم الفيلم .. سمع الصونيط هز الفلوس ومشا شد من عندو الدوموند خلصو وتم راجع ناضت تاهية جرات الطبلة ومشات للكوزينة كاتقلب على طباشل تاهزاتهوم ورجعات عندو لقاتو كيفرش الكراطن .. 

وسناء ~ لاااا غاادي نااكلو فالطبااسل .. 

عثمان ~ زيدي لهنا شمن طباسل بلاش .. 

وسناء ~ ولا مااكيعجبنييشي نااكل هاايداااك

حطات الطباسل غضبانة زعما تاجرها من يديها وجمعهوم بجوج بين يدو وباسهوم ..

عثمان ~ هاد اليدين دياولي ماصالحيينش لشقا .. " عاود رجع باسهوم " تافقنا .. 

بلا إراضتها خلاها تحرك راسها وهو يجرها ݣلسها حداه الفيلم باقي يالاه فبدايتو كيتفرجو وهوما كياكلو ومرة مرة يجمعو على الفيلم .. تاتسالا بقاو تاكملوه .. وهي تنوض وسناء كاتجمع الطبلة .. دات كولشي للكوزينة لي شاط طرفاتو والكراطن وداك التخربيق لاحتو عاد تماتراجعا عندو لقاتو كيغسل يدو فالحمام ظالبيت دخلات تاهية جابدا الشيتة دالسنان ديالها خلاتو تاخوا من لاڤابو عاد تقدمات هي .. رجع شوية باللور كيطلع معاها عينو من الݣدم درجليها وهو طالع لدوك الفخيضات البييضين لشريط لي حاجب غي نصها معزولة لكتافها لي نازل عليهوم الشعر مازادهوم غير جاذبية .. تبسم جانبيا وخرج مخليها تاتكمل على خاطرها .. غسلات سنانها ووجها بالجيل ديال النيطواياج .. ذهنات الكريم عاوتاني ديال الوجه وتمات خارجة .. حطات داكشي فوق الكوافوز وجات دايرا باش تمشي للماريو وهو يدخل للبيت حط تيليفونو وݣلس فاتح رجلو شوية ومتكي بكوعو على فخاضو كيشوف فيها ..

عثمان ~ غدا نمشيو بكري ولا تانتغداو ؟ .. 

وسماء ~ " دارت تكات على الماريو مربعة يديها " اناا مااكرااهتشيي نمشييو لمكنااس نااكلوو تمااياا مااعومري شووفتاا .. 

عثمان ~ اممم تاهادا نضار ..

وسناء ~ " بفرحة " حلااف يااعني عاانمشييو ...

عثمان ~ إنشاء الله .. 

وسناء ~ يييي " غمزاتو " ثااانكييوووو ... 

ودارت تاكيعيط ليها .. 

عثمان ~ وسناء !! ..

وسناء ~ شنيي ؟! ..

عثمان ~ دوري أجي .. 

دارت متقدمة عندو بخطوة محركالو كتفها زعما شنو .. 

عثمان ~ زييدي قربي .. 

تاهيا منيتها زادت جوج خطوات ووقفات .. 

وسناء ~ وااا شني .. 

تحرك ناض بسرعة خطفها من يديها ورجع ݣالس تاجات ݣالسا على حجرو مصدوومة زرب عليها زربة خايبة ودور يدو على نصها ..

عثمان ~ علاش مين كانقوليك الهضرة ماكاتسمعيش ممم !! " سولها بغميزة " شنو ندير فيك دابا .. 

ماعرفات ماتقول كاتحس بيديه كيتسللو تحت القميص ديالها الحرير وكيطلتو مع السنسول ديال الظهر ديالها، ومعاها كاطلع الروح ديالها الخفية والكابحة المتجبرة، طلع راسو خشاه فالرقبة ديالها كيدوز غي ادشفايفو ببطئ الشيء لي خلاها تغمض عينيها وتعض على شفايفها بشوية .. وكتحس بحملات السد ديالها كيتفتحو .. تاكمد يديه الأخرى وكيقاد رجليها مدورهوم على الخصر ديالو مقابلة معاه .. باش إطلع راسو ويعتانق قبلات الشفتين الكرزيتين ديالها .. 

كتسمع الصوت ديال الرشاش الشيء لي خلاها تحل عويناتها مستلقية الأشعية الجميلة الذهبية لس داخلة بالخيوط ديالها الصفراء للغرفة .. علات يديها كتكسل وهي تزيد تجر عليها الݣوڤرلي تاكيتفتح الباب ديال الدوش وكيخرج سسدي عثمان لابس پينوار كيمسح شعرو .. دور عينو ليها كسلقاها فسابع نومة مستحلية النعسة تبسم وتوجه لعندها ݣلس ومد يدو كيدوزها على جبهتها .. 

عثمان ~ وسناااء .. حبيبة .. يالاه فيقي يالاه دوشي يالاه تلبسي الحوايح باش لاكنا غاندوزو لمكنااس .. 

هضرات وهي باقا سادا عينيها دون وعي ..

وسناء ~ عياااناا ..

عثمان ~ هههههه هادشي غسر مافورصيناش عليك !! .. 

حلات عينيها على جهدهوم كتشوف فيه كيضحك، دورات وجها عاوتااني مرݣااات .. 

عثمان ~ اودي ههه نوضي نوضي ااصبر معاك وصافي .. 

مشا عاطيها بالظهر كيبدل عليها، خلاها كدور عينيها كتقلب على خويجهاياش تنوض، بانليها التيشرت مدات رجليها جبداتو من بين صباعها تالعندها لبساتو وعاود قلبات على الشورط لقاتو كايح من الجهة لهيه، بانليها غير السليب مشبك فالأبيض جراتو ولبساتو، عاد ناضت هاكاك عادا لحمتم باش دوش .. 

خرجات لقاتو لابس سروال فالأسود .. مع شوميز تاهيا فالأسود مشيك كيف العادة صباد فالأسود وساعتو فاليد بسميطة دالجلد وشعرو مطلعو والروايح .. مشات لبسات تاهيا حوايجها نيشان لي غاتسافر بيهوم .. كسوة حد الركابي .. والبيدين فالشويبي فاتح .. دارت معاها لييا داللحم .. وسباط پلا تاهوا فالشيبي .. عاد دارت لشعرها بابيليز قاداتو بالخف ..مع ميكاب خفيييف وبارد .. ترحيات وهزات ساك فالقهوي .. صغيير .. عاد جمعات حوايجها لي بدلات فالباليزا .. وتمات خارجة لقاتو كيساين .. 

عثمان ~ يالاه صافي منسيتي والو ..

وسناء ~ لا جييبت موولشي .. 

رجع هو كيڤيريفي الدار .. قطع الضوء وسورت الدار عاد تمو هابطين هزو الطوموبسل ومشاو .. ماوقفو غير قدام كافي فطنجة زويينة فطرو فيها .. وماضو شادين الكريق طلقات الموسيقى كتصور وتسناپا .. تازصلو لمكناس پااركا فالسونطخ ونزل ..وهي كذلك .. إيوا تشادو فاليدين ومشاو غادي كيتساراو .. تاجاها الجوع .. وداها لماݣدو .. ݣلسو كيتغداو تما .. ثم ناضو كملو المسيرة ديالهوم فمكناس .. فالعشية قلعو لفاس وصلو مع المغرب نيييشان لدروب .. حلات الباب وتاهوا أيضا ونزل منزل ااباليزا ديالها وهي من موراه كتخبط حبييت ماحملاش ترجع لهاد الكفن .. 

دقو فااباب حلات ليهوم السعدية .. دخل هوت اللول مشا كالع نيشان ادلبيتها .. وتاهي دحلات لوسط الرياض كاتسمع الهضرة كثييرة ديال العيالات والضحك والحنوع من الصالون .. دارت عين ميكة ومشات طلعات لغرفتها قبل مادخل تلاقات بعثمان يالاه حط الباليزا خارج ..وهو يشدها من الخصر ديالها .. 

عثمان ~ رتاحي دابا شي شوية تاليل ونوضي تعشاي .. 

وسناء ~ أوكي " تااشوياا كااديير كنن وعبيير خارجا من بييييتها الطلعا لي غاااطللعع راااسهاا وهي تزرب بسرعة عنقات عثنان لي كان عاطي للأخرا بالظهر " شكرا بزاف على هاد الخرجة عجباتني ... 

دور يدو على ظهرها ..

عثمان ~ هادا واجبي عليك أحبيبة .. " وهوا كيطبطب على ظهرها " ..

عثمان ~ " هبط راسو كيشوف فيها هي مدورة يديها على ظهرو وخاشيا راسها فسدرو " عيانة !؟ ..

وسناء ~ " إستحلات التعنيقة وعاارفا الأخرى بااقا حاطا عليهوم العين " مم رااك عارف الداوخاا دالطرييق وصاافي .. 

عثمان ~ " رجع ليها شعرها مور ودنيها بصباعو " دخلي ترتاحي فبيتك .. 

وسناء ~ " بعدات وشافت فعينيه بإبتسامة " واخا ونتينا فاين ماشي دابا .. 

عثمان ~ غانمشي نطل على الواليد لاحتاجيتي شي حاجة عيطلي .. 

وسناء ~ واخا " شافت بنص عين فعبير " .. 

خلاها ومشا هابط بلى مايدور ماشفش أصلا الأخرى، أما وسناء بدلات إبتسامتها البريئة بجانبية وطلعاتراسهايتكبر ومشات داخلة للغرفة مخلية الأخرى مزيرة على القبضة ديال يديها .. 

غير سدات الباب وهي كلقها بوااااحد اضحكة .. 

وسناء ~ ااححححح عللليييك ياا العاايلة دحااابيبة وشنيي عملتي فييهااا داابااا، مزااال نرااااجااع فيماااك غااديكشيي لي وقااعلي فطنجة .. والله لبباباك ياااتنخاااليك بلا بييه .. 

جرات باليزتها كتبدل حوايجها .. ورجعات لبسات قنيديرة خفيفة فالباج .. وجمعات شعرها ديل هابط .. قادات الميكاب وتريحات .. عاد تمات خارجة مع الهبطة كاطلاقا شيماء .. 

شيماء ~ هاااي هاااي هااي عااش من شاافك ..

وسناء ~ ههههه كيف نتينا !! ..

شيماء ~ الحمد لله وفينك اصاحبتنا غبرتي ؟ ..

وسناء ~ إيوا مشيينا نتشووفو ممّا عاود قبال العييد ..

شيماء ~ مزيان أختي مزيان تفوجي على راسك .. 

وسناء ~ سمااعت الهااضرا بزايف قبايلاتي مين كوونت شالاه جيت شكون كينا .. 

شيماء ~ ههه كاين كوولشي راه مجمعين على الحلوة دالعيد .. 

وسناء ~ كوولشي .. 

شيماء ~ كوولشي عيالات خوتي كاملين كاينين وتمنال وعبير مهيم كولشي كاين لتحت، انا لقيتيني طالعا نجيب شارجوري، تيليفوني ديشارجا، ونرجع نكمل معاهوم .. 

وسناء ~ شمن شكيلات عملتو ؟ .. 

شيماء ~ كعب الغزال والملوزة والمقروطة، ودابا راه كيصايبو الحلوة دالكوك والزبدة .. 

وسناء ~ هاايدااك ومشي مشي يانا هاوادا .. 

هودات مكملة خطواتها تاوصلات لصالون كيبانليها من الشرجم لي كيطل على الطيراسا بلي صالة عامرة وجوج طوابل عامرين بالعجينة وكولشي داير يدو .. خذات نفس وقدمات رجليها .. كدخل عليهوم .. تاكيطلعو عينيهوم كاملين كيشوفو فيها .. 

وسناء ~ السلااام .. 

ياقوت ~ ادوااعلييكم السلااام مرحباا ابنتي عاد وصلتو .. 

وسناء ~ مم دابا عاد .. 

فاطمة الزهراء ~ وسناء زيدي أختي على سلامتك .. 

تمشات هازا شوية القنيديرة .. سلمات على ياقوت لي كانت مطرفة وموراها شافت رحمة بتاسمات ليها وهي تحني عندها سلمات عليها ..

رحمة ~ ( مرات محمد اللولة لي ماكاتولدش " مرحبا بيك أختي ..

وسناء ~ رابي يخااليك ازاين .. 

طلعات من عندها وهي تسلم عليها ياسمين ثاني خواتليهاؤحمة شوية طريق عاطياها مين دوز وصلات لعندها وتسالمو ثاني بنفس الطريقة .. ودازت لعند يامنة بحكم كانت حداها مايمكنش ماتسلمش عليها .. ووصلات لفاطمة الزهراء .. عاد الباتول لي سلمات عليها من الحنك بقا كولشي غي كيشوف حيت موالفين كيبوسوليها اليد .. موراها سهام لي كانت دايرا ضحكة صفرة .. ومنال .. ثم خديجة .. تاكاتوقف على عبير .. وفهاد اللحضة بالضبط كولشي دار إشوف اش غايوقع .. طلعات فيها عينيها .. بتاسمات ليها وسناء ودازت بحالي ماشافتهاش أصلا .. هاد الپارتي خلا كولشي مدهوش وعرف بلي صافي تعلنات العداوة بيناتهوم وبسيف ماهية عبير اللولة غزالة وحاملة عاد من ولدهوم .. وحتى وسناء غزاااااالة وهي الجديدة وعروسة الدار .. فاطمة دارت كتكمل الحديث مع الباتو باش تلف الوقت .. ورحمة وياسمين كذلك ..ومنال وخديجة .. محلين وسناء رجعات ݣالسا حدا ياقوت دايرا رجل على رجل وكاتشوف وطلع وتهبك فعبير لي تاهيا ݣالسا ݣلسة الملوك .. 

دخلات شيماء عليهوم ورجعات ݣلسات حدا وسناء فوق الكورسي كتكمل الحلوة .. 

وسناء ~ " بين ياقوت وشيماء حيت الأخرين كلها وفين مجمع " خالتو بغيت نعمل شكل رااسي .. 

ياوت ~ اهاه ابنتي الدار راه دارك ومن حقك ديري لي عجبك را الكوزينة دخلي ديري فيها لي بغيتي .. 

شيماء ~ شمن شكل ؟ .. 

وسناء ~ واحد الشكل كانعملو دايما فالعيد .. 

شيماء ~ إيوا غدا نوضو بجوج ونصابوه ..

وسناء ~ خالتو شراو الحوالا .. 

ياقوت ~ شراو أبنتي غير هو سيد محمد يوسف ماكيجيبهوم تاليلة باش إصبح العيد بلا مايدير التكرفيص هنايا .. 

وسناء ~ ماشووفتوهومشي ..

شيماء ~ راه تاحنا ماكانشوفوهومش تالغدليه فالليل غير الرجال لي كيتكلفو .. 

ياقوت ~ " ضرباتها من الكتف كتقشب معاها " ماتخاافي شاااي سي عثمان كيجيبو مليييح ههههه .. 

شيماء ~ ههههه

وسناء ~ " حشمات " لا لا مااشي هايداك غي حااقاش زاعما حنايا كنشووفوه وصافي غاسولت .. 

شيماء ~ اويلي عليك الحمقة راه غير كنضحكو معاك .. 

وسناء ~ " متبعة مع شيماء " اري نوريك كيفاش تعمل لهاديك بلى ماتلويها هايداك .. 

ياقوت ~ " غمزات شيماء " كنشم ريحت الحداݣة داخلا لدار ...

وسناء ~ هههه ماتقولي والو تادووق الحاالوة ديدي .. 

دخل عثمان لحانوت عند باه كان هو غير ݣالس مع راجل قدو فالسن كيبان والمعلمية حداه مكلفين بالناس .. 

عثمان ~ السلاام عليكم ...

لي تما كاملين جاوبوه بصوت واحد ~ وعليكم السلااام .. 

ناضت داك الراجل هو قصير شزية تاعلا باه وغليض لابس الجلابة فالأبيض والقميجة فالبيض تاهيا باين الكول ديالها تحت الجلابة اللحية كثير شايبة والطاݣية مشبكة فالابيض فوق راسو .. 

عبد الباقي ~ اهلا اهلا سي عثمان زاارتنا البركة ..

عثمان ~ وفين العم مابقيناش كنشوفوك ..

عبد الباقي ~ انعل الشيطااان الله ياودي فين عمرك جيتي وماتلقانيش ؟ ..

عثمان ~ " وهو كيحني عند باه كيبوسلو الراس " غير داك النهار ..

محمد يوسف ~ الله إرضي عليك .. 

عبد الباقي ~ أش ماشي تأول نتا هي انا مابأيت نعأل شاي .. 

عثمان ~ " ضحك ضحكة رجولية خفيفة " ههه اودي كنقشبو معاك العميم ݣلس ݣلس راك هوا هاداك .. 

ݣلسو بثلاثة فالكراسا .. 

عبد الباقي ~ إيوا لا تأولي ماشوفتكش وأنا نأيل هنا مانتزاألش .. 

محمد يوسف ~ أسي عبد الباأي .. لا تعصب شاي زعما ماكتعرفش سي عثمان كيداير .. 

عثمان ~ " كيضحك " ههه ماتقلقش أعمي، كيعجبني نشد فيك .. 

عبد الباقي ~ إيييه تأدوولك الكتااف ولأتيني شرفت ماتنسا شاي يامات عود الطوب .. 

عثمان ~ ههه وايلي على أنا نسا .. 

محمد يوسف ~ كتي تسلخهوم أعبد الباأي وانا لي كنت تنأولك هادراري بامانتك ..

عبد الباقي ~ يا خاايي صلابين يطيرو من الشبيك .. ايييه ياليام ..واحد النهاار .. دريس كلا العصا من عند الفأيه .. إيوا جا يبكي .. أوتلو شعملتي .. ألك أسيدي .. ماحفضش البأرة .. أوتلو ونتا ماحفضيتشي إليتي العصا باش تحفض المرا جايا .. ألي وناا عزيييييز غليك دااك الفإييه .. أوتلو ياخاايي باك خالاك عاندي فالمأونة .. مانعمل بيك شااي .. داز داك الصباح العشية نجبار هادي جاي عاندي .. أوتلو ياك لاباس اعثمان .. ألي وااالو يااعاامي راني فالاقت الفإييه .. إييه ليمااه مارعفت كيدارليها .. 

ضحك عثمان وباه على عوايد عمو عبد الباقي .. وهوما كيتفكرو ذكرايات الصغر تاشوية قلبوها كيهضرو على التجار والتواب والبيعة والشرية .. تاناض عبد الباقي مشا بقا غير يوسف وعثمان .. كان واحد السيد كيشري من عند باه .. وكيتشاطر معاه على وديت المبلغ لي قالو .. بحكم سي يوسف كيبيع بالجملة .. يعني كيبيع لمالين الحوانت ديال التواب .. تاسلا معاه ورجع دار كيهضر معاه .. 

محمد يوسف ~ كيأولك نأصلي ماش ماشي نأصلو وهو عاندو الكريدي دالمرا الفايتة .. 

عثمان ~ الواليد ماتبقاش تخلي الكليان دايرين عليك الكريدي .. راه كاين لي كيمشي ماكيرجعش .. وكاتبقا نتا لي خاسر ..بلاصت ماتربح الضوبل راك غاتخصر ..

محمد يوسف ~ ولاماعملناش هاكا راه ماغايشري حد ماشي بحال دابا كيأولو سي يوسف منو بدمابحالو .. 

عثمان ~ الواليد الله يهديك واش نتا تدي على كلام الناس .. أنا جيت عندك غانشري هاد الپياسة ب ثلاثين الف فالأصل هي دايرا ب خمسة وعشرين ٱلف نتا غاتربح فيها خمسة ٱلف تنوض نتا تبيعها ب عشرين .. غانصدق نولي انا لي رابح ..ونقدر نمشي نبيعها بالدوبل وتصدقلي مخيرة .. ونتا الواليد ماكنتيش هاكا .. وأناوتارف هادو البلانات ديال عمي ..

محمد يوسف ~ شماشي تقول اسي عثمان .. 

عثمان ~ غير الحق الواليد عمي غايتو فرضاة الناس لي كيتلقا بيهوم ويكبرو بيه .. البيعة وشرية لامشات هاكاك راه كيف والو .. البيزنيس از بيزنيس الواليد هادي مافيهاش نقاش يا إيما بيع يا إيما خلي .. 

محمد يوسف ~ عبد الباقي راه كدتايحضي الحاموت كتر مني . 

عثمان ~ اللهم إني قد بلغت الواليد هادا خيرك وعطيه لمن مابغيتي .. المهيم انا ماجايش على ود هادشي جيت بغيت ندوي معاك ..

محمد يوسف ~ الله إسمعنا خبار الخير .. 

عثمان ~ كيف شفتي خويا خالد دابا راه ربع سنين باش توفا وخدا بلاصتو فقبرو الله يرحمو وبوليته رحمة الله .. ݣلتيليا نهار اللول خود اولدي حرمت خوك باش ماضيعش واخا تسميها مرتك غالفوراق .. منها يبقا ٱدم على عنقي وتاهيا ماتكرفصش .. درت بكلامك وحطيتها فسميتي .. وماخليتها مخصوصة من تاحاجة وحتارمتها وحطيت خويا فعيني فينما كنشوفها .. دابا الله إجعل البراكة .. ٱدم طالع فخمسنين .. والسيدة راه مايمكنش تبقا هاكا ماهي مزوجة ماهي مطلقة .. وكيف شفتي انا تزادو عليا مسؤوليات .. ويالاه كنجي نتفك حتا كنصدق فشي بلان خارجلي من الجنب .. 

محمد يوسف ~ أش بغيتي تأول .. واش بغيتي ولد خوك يمشي بين يدين راجل خر يدير فيه مابغا همم ..

عثمان ~ " ݣالس فاتح رجليه متكي يديه على فخاضو كيدور السوارت دالطوموبيل فيدو وكيهضر " الواليد الله يهديك واش حنا نتحكمو فالحياة دالناس السيدة راه باقا صغيرة ومزال عندها الحال فين دير تاهية حياتها وولديات خرين ..نوضو حنا نقكعو عليها الرزق ديالها .. 

محمد يوسف ~ وماالك ماديرها مرتك نيت ياك شحال من مرة هضرتليك على هاد الموضوع ...

عثمان ~ " عقد حجبانو " الوااليد .. الله يهديك .. وااش بغتي تبزز عليا المرا .. هاديك لحد الأن كنشوف فيها مرت خالد .. وتاهي حتا من الهضرة ماكاتقدرش تزيدها معايا .. الله يهديك .. نتا كبيرنا اييه ولكن باش تربطينا يدينا لا .. هادي لي مانبغيش .. غادي نهضر مع منال فهاد الموضوع إلى كانت هي مرتاحة وكتشوف بلي مأمنة على راسها وولدها وهي معايا .. ماغانقول ليها والو .. وإلى كانت هي باغا تعيش حياتها وغي أنا لي شادها راه غادي نطلقها .. يكفي شديتها واحد ربع سنين الله يجعل البركة راه ولدها بدا يكبر ويعرف .. وراها راشدة ومسؤولة على راسها وعلى ولدها والمرحوم راه خلاه ليها ٱمانة هي غاتعرف كيفاش تعامل معاه .. وبطبيعة الحال نهار غاتبغي تزوج غادي نوقف معاها وتانشوف شكون هاد السيد .. هادشي إلى فكرات تزوج ...

محمد يوسف ~ " حط يدو على فخاضو كيخممم " خلي تانشووف، ٱدم لاخرج من داري ماعانبأاوش عارفين فين مشا وجا .. وهاداك راه هو لي بألي من عند المرحوم تانشم فيه ريحتو .. 

عثمان ~ " تنهد وناض واقف " انا هضرت وماخرجت هاد الهضرة تافكرت فيها ودورتها فعقلي .. هي لي غاتحكم ولي بغات انا معاها .. خليت ليك الخير هاد الساعة .. 

دار مشا خارج ركب طوموبيلتو ومشا مع الطريق .. 

ناضت فاطمة الزهراء وياسمين ومنال ..داو الحلوة للفران .. فطوموبيل ديال راجل فاطمة الزهراء لي كيخليها ليها .. وبقاو الأخرين كيجمعو داكشي تاسالاو كانت يامنة وياقوت كيوجدو فالعشا والباقية ݣالسين فالصالون .. سهام ورحمة مجمعين مع الباتول .. وخديجة وعبير مع بعضهوم .. وشيماء ووسناء كذلك ..

شيماء ~ واللّه يا ختي مافخباري راه فخبارك .. 

وسناء ~ إيوا تانتينا .. خاليها ترباح بيه ..

شيماء ~ راه باينة دارت هاكاك غير باش مايطلقهاش .. 

وسناء ~ شووف ازاين مدام كان غايطاالقاا إذن رااه بساالت العااشتا باايناتوم .. 

شيماء ~ "كتشوف فعبير مغزفة " تفو شووفي كيداايرا يخخخ أنا بعدا ماندوزهااش بجغمة دالما ..

وسناء ~ تانتينا براااصااا تمشيي تمووت، را عارفاا راسا عاملة كييف المونييكة .. 

شيماء ~ هههه غير مونيكة وسكتي .. 

إدريس ~ " دخل للصالة " السلااام عليكم .. 

ردو عليه كاملين ~ وعليكم السلام ...

ناضت شيماء باستلو يدو وخديجة كذلك .. ومشا سلم على مرتو والباتول وݣلس حداها .. تاشوية وهو يدخل ثاني محمد .. وسناء متبعا مع الباب ومين غايدخل شنو غايديرو وخصوصا أنه كاينة عبير وهي فنفس البلاصة وتاوحدا مقالت تنوض كلها شادا بلاصتها وتقول الأخرى إلى سميتك مرا بقاي .. 

دخل عاود محمد يوسف وموراه فاطمة الزهراء وياسمين .. وسناء شاداها الدودة ناضت وقفات كطلع بنص عين فعبير ومشات خرجات من الصالون تيليفون فيديها كتقلب تلى نمرتو ... يلاه غاتعلي عينيها كتشوف عثمان مسبق منال قدامو داخلين لواحد الغرفة وهي تحل فمها على جهدو .. 

كيف دخلات مشات ݣلسات فالكناپي لي حدا الناموسية وهو سد الباب وتبعها ݣلس حداها ..

منال ~ شنو أعثمان ؟ ..

عثمان ~ " كيشوف فيها ومشبك يدو فوق حجرو " كيدايرا بعدا لاباس عليك ..

منال ~ " هبطات راسها حشمانة ماكاتقدرش تبقا مقابلة عينيها مع عينيو " الحمد لله شكرا .. 

عثمان ~ منال كتحسي براسك مرتاحة فهاد الوضعية .. 

منال ~ " علات عنيها بشوية كتشوف فيه متسائلة " كيفاش ! ..

عثمان ~ دابا ربع سنين وحنا مزوجين زواج الوراق، ونتي عارفة نتي بالنسبة ليا بحال ختي، ومزال كانعتابرك مرت المرحوم، ولدو بحال ولدي وداكشي لاش درتك فسميتي باش تبقاي فالمنصب لي خلاك فيه خالد .. " سكت شوية كيشوف فيها هبطات راسها رجع دوا " اليوم هضرت مع الواليد، كيشفتي ٱدم بدا كيكبر وتانتي باقا صغيرة ومن حقك تعيشي تانتي حياتك ماشي تبقاي مرتابطة ومقيدة حياتك على وديت الأسرة ديالنا .. " رجع سكت واحد السوية وكيتسمع الصمت .. غي كلامو الهادئ الرجووولي والثقييييل كتحسو كيبورش النفس .. " .. داكشي لاش فكرت الطلاق غايكون الحل الأنسب .. دابا كبرنا والواليد ماعندوش الحق إختار بيناتنا وأي إختيار قلتيه غادي نقبل بيه، أنا ݣلت هاكا حيتاش كنشوفك مانتي مزوجة مانتي مطلقة .. " شاف فيها مدة " أش ݣلتي ؟ 

منال ~ " سرطات ريق ديالها يديها كيرجفو حسات بعينيها غايدمعو " لي ب بانليك أسيدي عثمان، كيضهرلي ثقلث عليكوم ..

عثمان ~ شهاد الهضرة أمنال " صغر عينو " شنو واش مابغيتيش نطلقك ! ..

منال ~ " بصعوبة باش كتنطق من كترت ماتخنق صوتها " لا بلعكس نتا دابا مصاب تكافا مع عيالاتك الأرين وع "صافي دموعها خرجو " اد المسؤولية كاتزاد عندك .. 

عثمان ~ " دار عندها كيشوف طلعيها راسها " متال واش صاڤا ؟ واش ڤغي كتبكي ؟ ..

منال ~ " طلعات يديها مغطية وجها " أنا عييت اهئ اهئ عيييت أنا .. 

مد يدو لكتفها وجرها لسدرو معنقها وتاهيا زادت من النبرة دالبكاء ..

طلعات من لتحت نيشان دخلات لبيتها وزدحات الباب .. 

وسناء ~ داابا شنيي غايكوون كييعمل عاانداا شنيي غايكوون غير قولي .. ويااناا ماالي ينعاااس نعااعاا ݣاع ههه زااعماا غاتحراافلو .. " غادا جايا ورمات تيليفون بشعطة للناموسية " الهاااضراا مااشيي دااباا اسيي العوييثلييم الهااضراا مااشيي دابااا غابلاتي .. 

تاشوية كاتبان ليها من الشرجم عبير كتمشى ( راكوم عارفين الرياض الشراجم دالبيوت كيكونو كيطلو على الكلوار ) مشات بسرعة حلات الباب دالبيت كطل عليها غير من الشلة باش تشوفها غادا فإتجاه غرفة منال صغرات عينيها متبعها وكتشوف الأخرى وقفات حدا الشرجم دبيت منال وكتشووف .. 

وسناء ~ هااي هاااي هااي شووفليك المسيخطة وهانتي طلااعتي بااارݣاااݣة كتاار حتا مني .. 

تاشوية كتشوفها دارت لجيهت الباب لي تفتح، ماتقلعاتش من بلاصتها بلعكس بقات تم وكتشوف عثمان خارج من عند منال تاضار شاف عبير .. 

عثمان ~ " طلع حجبانو " شكاديري هنا .. 

عبير ~ والو دايزا وبالصدفة كنشوف شي حوايج مابغاوش إدخلولي للعقل .. 

عثمان ~ " عقد حجبانو بأمر " سيري لي بيتك وقابلي صحتك وصحت ولدك لي جاي فالطريق .. بقاي مقابلاني ..

يالاه غايدو وهي تهضر .. 

عبير ~ حتالاياش امم ؟؟ حتاالااااايااااش .. 

وسناء باقا متبعاااهووم حاالة ودنييها ومركزة مزياان ..

عثمان ~ " دار كيشوف فيها " حتالاياش شنو ؟ ..

عبير ~ غاتبقا هاكا ؟ ..

عثمان ~ على كيداير انا دابا ؟ ياك هاكا كان خسك ؟ حيت المعاملة اللولة ماصالحاش معااك ..

عبير ~ " علات صوتها " عثماااااان ..

عثمان ~ " هضر بعصبييييية مقرببيها " هبطي صووووووتك، عرفي معامن كتهضري لاجيت نعلي صوتي عليك غانريب هاد الرياض كامل فوق راسك، يالااه بييييتك ومااتهضريش معايا مزاال .. مابااغي نسمع منك واالو تاتحرامي نفسك . ..

دار مخليها هاكاك واقفا غادي ..وسناء غير شافتو سالا مشات بسرعة ݣلسات فوق النانوسية دايت راسها متكية كتلعب فتيلي، تاشافتو مادخلش ݣاع عندها مشا نيشان هبط وهي تعقد حجبانها ..

وسناء ~ شيي حاااااجة كيينااا مااشيي هي هاااديك وااخاا تعيااا تقوولي ..

ناضت مع الخرجة دالباب تاكاتشوف عبير داخلة لعند منال، علات حجبانها كتشوووف تاتسد الباب .. بقات مترددة وااش تمشي تسمع شكايقولو ولا تهبط .. تافكرات بلس عثمان بوحدو لتحت وهادو بجوج الفوق إذن تهبط تستاغل الفرصة وتكون فجنبو وتبان قدام العائلة كاملة راه حداه وتاهيا راه دو قيمة فهاد الرياض ... 

ديكشي لي دارت تقدمات بخطواتها لتحت تاوصلات لصالون كان كولشي كيتسنا فالعشا يتحط .. طلع عثمان حط عينو عليها داخلة تاوصلات لعندو ݣلسات حداه وسلم عليها بالوجه ..

عثمان ~ " بينو وبينها " صاڤا عليك ..

وسناء ~ " حطات يديها على ديو " الحمد لله ونتينا ؟ ..

عثمان ~ " تاهوا دور يدو الثانية على ضهرها " الحمد لله فين كنتي ؟ ..

وسناء ~ فالكوزينة كانشراب من البااعد طلااعت لبيتي ورجاعت جيت لهناياا ..

عثمان ~ مم مزيان ..

دورات عينيها كتقلب على شيماء .. 

وسناء ~ فاينيا شيماء ؟ ..

عثمان ~ هه وبنتليك كنت هنا انا لي خسني نسولك ..

عوجات فمها قالبا عينيها ..تانغزها فكتفها باليد لي دايرا عليها وهي تلتفت ليه ..

عثمان ~ شي نهار تعواري بداك القليب لي كاديري لعينيك " غمزها " ..

وسناء ~ ههه لاماتخاافيشي كاانقوولبووم بالقياااص .. " رجعاتلو الغمزة " ..

عثمان ~ عرفتي لامشيت حتا شديتك ..

دورات عينيها كضحك لجهة الأخرى وتاهوا مبتاسم معاها بحالي ماكاين معاهوم حد ..

تاتمات ياقوت مدخلة العشا دارو كاملين على الطبلة كيتعشاو من غي منال وعبير وشيماء لي مكانوش حاضرين .. تاسالاو وناضو العرايس كيجمعو الطبلة .. من غير وسماء لي بقات ݣالسا جنب عثمان .. وسهام ماحملاتهاش لا هي لا خديجة علاااااش تااهيا ماتنووضش .. لاء ودايرا رجل فوق رجل ومامسوقاش ليهوم أصلا .. تاشوية بدا كيتسمع الغوات والصداع الفوق وصوت شيماء كيتعالا ناض عثمان تم نيت من بلاصتو ..

خرج عثمان تم نيت تبعوه لي كانو فالصالة كاملين بقا غير يوسف ومحمد والباتول ... صوت كان مجهد ومعروف ديال شيماء والصوت الثاني ديال عبير .. مشا طالع عثمان فالدروج تاوصل لكلوار شاف شيماء كاتغاوت مع عبير ومنال كتسكت فيها ..

شيماء ~ بزاااااف عليييك شفتيي رااااسك ياا الشييطااانة ..

عبير ~ حتااارمي راااسك ... 

شيماء ~ تاتحتااارمييه نتييي اللولة .. 

عثمان ~ " بالغوات " شيماااااااااء .. 

تم نيت كولشي وقف قارم وقفات قدامهوم ياقوت وفاطمة الزهراء ..

ياقوت ~ أش كاين اش واقع ..

قرمو بجوج كيشوفو كيترقبو بعضياتهوم بنضرات حارقة .. 

إدريس ~ شنو وااقع اش هاد الغوات فنصاص الليل واش مابقا حد يحشم فهاد الرياض ...

فاطمة الزهراء ~ اويلي يا البنات واش ماشي حشومة دابزو شهادشي ...

عثمان ~ لا مزيان زيدي زيدي ضربيها " شاف فعبير " ونتي شنو ماحتارمتي داك الولد لي فكرشك ماحتارنتي دار راجلك ممم .. شنو باغين .. نفرتكو هاد الشمل وكلها يمشي يدير داو ولا نشو ؟! .. 

وسناء ماحسات غي ركبات إبتسامة جانبية بردليها غدايدها فعبير وغير هاد القمعة لي دارليها كافية .. 

كولشي سكت واحد الصمت رهيب غير صوت عثمان لي كيتردد فودنيهوم .. 

ياقوت ~ زعما حنا عائلة وحدا وعايشسن فدار وحدا وتنوضو نتوما تغاوتو تخليو كولشي يتفرج عليكوم ماشي حشومة .. " عبير مابقاتش صابرا كطلع النفس وتهبطو بالزربة ومشات قالبا الدورة غادا بحاالها .. 

ومشات فاطمة وخديجة كتوشوش لعند شيماء ومنال لي واقفة حداها ..

عثمان ~ " دار عند عثمان هضر معاها وعينو على عبير داخلة لبيتها " سيري لبيتك هانا جاي .. شالاه غاتهضر مشا بخطواتو الرجولية تادخل لبيت عبير وسد موراها الباب .. علات حاجب ونزلات الأخر ومشات دخلات لبيتها وزدحات الباب ..

هبطو الباقية راجعين بحالهوم لصالون كيتعودو من الشيطان فهاد الليلة .. وشيماء دخلوها خواتاتها مع منال لبيت وسدو الغرفة ݣلسو معاها .. 

فاطمة الزهراء ~ دابا غاقوليلي واش سخن عليكوم راسكوم ولا مالكوم اويلي على فضحديحتي شهاد الشوهة شنو هادشي اشيماء .. 

شيماء ~ " معصبة وباغا طير عليها " وااللله يااكهااا لابقاات فيهااا غابلاااتي .. 

سداتليها خديجة فمها ..

خديجة ~ ششششش اويييليي وااش تسطييتي .. 

شيماء ~ " دارت مخنزرة فخديجة " نتيييييي يااعدووتي مااشي يختتيي خرجيييي علياااااسالااه خرجييي سيري سييريي عندهاا قووليليهاا رااهاا بااغا تنتفك ..

فاطمة الزهراء ~ شيماااااء 

خديجة ~ " ناضت واقفة " لابلااتي شهااد الهضرة ماافهمتشش واش حمااقيتي .. 

شيماء ~ حمااقييت وااييه حمااقيت .. 

منال ~ لا حول ولا قوة إلا بالله لا حول ولا قوة إلا بالله .. 

فاطمة الزهراء ~ خديجة سيري أختي شووفي ماما شنو بغات .. 

نفرات خديجة بجهد باقا كتبادل النضرات مع شيماء ناارية ومشات خارجة سدات عليهوم الباب .. 

فاطمة الزهراء ~ منال شنو وقع أختي نتي لي غاتشرحيلي .. 

منال ~ ماابقييت فااهمة واالو .. 

شيماء ~ لا قوولييليها ولييلسها بليي ماخلاااتش ليييك ..

منال ~ المراااا حااملة اشيماااء وااش نوووض نتبااهر معاها ولكاان شدها الوحم عليياااا ..

شيماء ~ منيييتك وتخيلييها كااتعااير فيييك ؟ .. واااكااتعاااير فييك اعبااااد الله ...

فاطمة الزهراء ~ " دارت فشيماء " ونتيي ماالكي شغللك يااك كاانقووليك بقااي تسكتيي شويةة .. 

شيماء ~ إلى نسي هاكا كنتي اختيي اناا ماانتسسحملش نشووف وحدا كااتعاير قداامي ونسكت ليها .. 

فاطمة الزهراء ~ دابا شنو قاتليك امنال مافهمتش .. 

منال ~ شووفي افاطمة السيدة منرڤيا من عند الله وأصلا باينة فيها الةحم معصبها دخلات عندي حامية .. صافي شغانديرليها انا راه جربت الوحم عند ٱدم والله يحسن العوان .. غي نتي اشيماء زربتي براسها كنت غانخليها تاتسكت وتمشي بحالها .. حيت هي قاتليك علاش عثمان يدخل عندي .. وانا عثمان راه بحال خويا البنات .. واليوم راه قرر يطلقني .. 

تصدمو بقاو غير كيشوفو ..

شيماء ~ " بحزن " حلفي ..

فاطمة الزهراء ~ وٱخيرا إيوا هانتي غاتهناي أختي سيري عيشي حياتك هانتي غاتحرري .. 

منال ~ واييه تانا ديكشي لي قلت ومن يما كنت باغا نكلبو ولكن مانكذبش عليكوم مين جبدليا المرحوم " تنهدات بحزن وتخنق صوتها" ضرني قلبي .. ماحسيتش تابديت كنبكي .. عثمان لقيت فيه داك السدر لي عاوني مالقيتو فحتاواحد وحتا نتوما .. مانسخاش نبعد عليكوم .. " طاحت دمعة من عينيها " ولكن قدر الله ومشاء فعل ربي بغاه ... وربي داه مني .. " بتاسمات فعز دموعها " كون كان دابا كون راه فرحااان بٱدم وشحال كان متمني الولاد قبل حتا مانتزوجو .. 

البنات طاحو دموعهوم بلا هواهوم مين تفكرو خوهوم تاجرات فاطمة الزهراء منال كتبكي فوق كتفها ..

شيماء ~ " دموعها طايحين " الله إرحمو كنت عزييزة علييه .. كنت عزييزة عليه بزااف فينما يشووفني إقنقني ويقولي إلى قريتي مزيان نيدسيفطك برا على حسابي اهئ .. 

فاطمة الزهراء ~ " عينيها مدمعين " صافي اختي الله إرضي عليك صافي " مسحاتليها دموعها " ربي بغاه ربي داه .. 

منال ~ " هبطات راسها عينيها مدمعين " أنا عييت ..

فاطمة الزهراء ~ " مدات يديها فوق راسها كترطب عليها " هادشي لي عطا الله اختي .. هادشي لي عطا الله ...

قادات حالتها ورجعات لبسات دوني فالأبيض بلى سوتيامات مع سترينغ فالككل .. هزات الما شربات الكينة .. ومشات تلاحت فالناموسية .. 

وسناء ~ ياان ناض صدااع وياانا ماكونتشي فييه .. ههههه ياناا فخوورة بنفسييي .. ( قوقلو الله استر وسكتو ) .. ولاهيلا عبااار عليها ماكره‍تاتشي كون شيماء ضرباتلا شي نتفة تحيد داك نص زييف لي عاملا على شااعراا يا الحبيبة لاش عاملااه غاحاايدو .. " كتعيبها " اوو خاايفاا من سيدك عووثمااان ... مسكيينة خااليتو لييك مصااب غايجي عااندك .. 

كاتطونيكطا وكتهض لي شافها يقول حامقا بقات هاكاك تاطاحليها التيليفون من يديها وغفااات فالنوم ...

ݣالس فوق الناموسية ومشبك يدو متكي بيهوم على فخاضو .. وهي كتشوووووف فالأرض وساكتة .. واحد الصمت رهييب متملك الغرفة .. 

عثمان ~ " بصوت رجولي مبحوح " شغاندير معاك اعبير ممم .. عطيني حل " طلع عينو شاف فيها " شنو بغيتي ؟ .. مم !! .. 

عبير ~ عثمان " تعمرو عينيها بالدموع " أنا .. " غير كطلع عينيها كتشوف فعينو وكاتعاود تهبط " انا مارعافاش راسي مالي .. كنحس بقلبي كيضرني .. ومعصبة .. " خسرات الملامح دوجها " ومريضة غابوحدي .. ونتا " شافت فيه " نتا زدتي على مابيا .. " كتقرب ليه تاوصلات لعندو " .. ماكاتحسش بيا .. 

عثمان ~ " بنفس التعابير " شغانحس بيك أعبير شغانحس كتكلخي عليا ولا شنو .. حنا وصلنا لطلاااق أعبير .. وكون ماهاد الولد لي فكرشك .. ووجه باك كون راكي فداركوم .. 

طاحت على ركابيها حداه وتكات على ركبتو .., 

عبير ~ ياك كنتي تقول عمرني نشوف فغيرك أعبير .. ياك كنت الوحيدة لي خلات قلبك يدق .. 

عثمان ~ " مد يدو بشوية وهز ليها راسها " وشنو ذنب ولادي لي ماتو على يديك أعبير .. علاش مين كنت حداك كنتي كتفكري غير فراسك عاجبك راسك .. ونهار لي طيحي فيه الولد تقوليلي لا غايخصرليا الفورمة .. واش كتفلاي عليا أعبير ولا شنو مم !! واش بغيتيني نقولك اهاه مرحبا .. درتيها المرة اللولة وسمحت ليك .. والمرة الثانية .. وهادشي غير حيت غلطتي بالحسابات دياااولك .. واااش .. " شد راسو لأخر لحضة جامع يدو عندو " نوضي بعدي مني .. ماباغيش ندير فيك يدي تقايت وجه الولد فيك .. ماطلقتكش .. هذا ماكيعنيش غانرجع كيف كنت .. يا إيما غاتكمشي وتحضي صحتك وصحت ولدك تايتزاد يا إيما شدي طريقك وأنا ماغادي نݣوليك والو .. 

ناض عاطيها بالضهر وهي توقفو .. 

عبير ~ " كتمسح دموعها " هادا ٱخر كلام عندك .. 

عثمان ~ ݣولي عادي ٱخر مرة غادي نهضر حيت هاد الموضوع مابقيتش باغي نجبدو .. 

عبير ~ " طلقات دموعها " على الأقل تفهمني بلي انا كنوز دابا من واحد المرحلة لي سميتها الوحم .. وانا محتاجك نتا بالضبط كت من أي واحد .. وهادشي ماشي على قبلي على قبل ولدك ..

عثمان ~ " دار شاف فيها وتنهد " مين تبغي شي حتجة أجي عندي غادي تلقايني .. ولكن مالين دار خليهوم عليك بالتيقار .. ماتجبديش معاهوم المشاكيل حيت ماغانجيش عليك .. 

عبير ~ " بصوت مخنوق هبطات راسها " فهمت .. 

بقا كيشوف فيها مدة وهو عاض على حنكو من الداخل .. تاخرج كيستدعي الله فخاطرو .. كان دايز تاكيشوف منال خارجة من عند البيت دشيماء وقفها بصوتو الرجولي الهادئ .. 

عثمان ~ منال صاڤا دابا ؟! ..

منال ~ الحمد لله أخويا بارك الله فيك .. 

عثمان ~ ياكما وقعليك شي مشكيل ݣبيلا ؟ ..

منال ~ لا لا راني بيخير انا عارفا عبير دابا عندها الوجم هاكاك غير سايس معاها أخويا راه هاكاك كيكونو الحاملات .. 

عثمان ~ يكون خير، غدا إنشاء الله غادي نهضرو مع الواليد .. 

منال ~ صافي لي درتيها انا معاك والله يسر .. 

عثمان ~ ٱمين ٱدم باقي ناعس، ياكما فاق من الصداع دقبيلا ؟ ..

منال ~ لا لا مافاقش .. 

عثمان ~ تصبحي على خير ..

منال ~ وإنت من أهلو .. 

كشا وهو باقي فبالو الهضرة ديال عبير .. يالاه غايدمل للغرفة ديال وسناء رجع قلب الدورة ومشا متوجه لغرفة ديالو بوحدو لي كاينة فالطبقة الثانية .. 

بثلاثة .. كل وحدة شادة غرفتها .. وحدة كتشوف فولدها لي خارج نسخة طبق الأصلي على باه .. ودمعة سايلة من عينيها .. بالتصويرة لي حداه ديال خالد وفنفس الوقت فرحانة حيت غادي طلق .. ووحدة دموعها كينزلو بسلاسة من عينيها .. وهي كتشوف التصاور ديالهوم .. مين كانو فعز فرحتهوم .. هي ضيعاتو .. هي شتتات شمل عائلتها .. هي وصلاتو لطوب باش إدخل عليها وحدة أخرى .. باقا صغيرة وزوينة لي غاتقدر تعيش معاه كيفما باغي .. واش هو غايبقا يتسناها تاترشق ليها تشوفو هوا واش كاين .. واش كلا ؟ ..واش دخل ؟ .. ولادو لي كانت كاطيح باش كتعرف راسها حاملة .. وهي عارفا انها كون ماقطعاتش موانع الحمل فاخر نهار نعس معاها .. فأخر نهار حصل عندها موانع الحمل .. ولكن ربي نزل ليها الرحمة .. ومن زهرها طلعات حاملة .. ورجعها .. بعد ماطلقها بالقول ... ووحدة وحدة ناعسة .. كأنها ماراهاش فالدنيا .. لي بغا يموت يموت .. ولي بغا يعيش يعيش .. هي هاد الساعة كتشوف غير راسها .. ويتك رجعات عايشة زوين ومرتاحة .. إيوا اللينعل بو العالم .. غير هوا لي قاصها غادي تخرجليه .. 

الرياض اليوم ناض بكري، كولشي كيوجد العيد، وأيضا كيوجدو للترحيب ديال سيدهوم تيسير لي جاي من تركيا، باش غادوز معاهوم العيد، ناضت العايلة مولاتي كتفوه بشوية عليها، دملاتلدوش دوشات ولبسات فراشة ديالها الزرقة مشطات شعرها ودارت بانضا فالأسود وخلاتو مطلوق، قادات الميكاب ورشات ريحتها وهزات تيليفونها طلات عليه مالقات والو من عندو .. وباينة مانعسش حداها .. لهلا ليه ولاهلا يجيلو .. زعما هي تعيطلو لا مايمكنش .. حركات كتفها بلامبالاة ماشي شغلها لابغاها راه غايجي عندها .. عاد تمات هابطة من الدروج وفنفس الوقت مطلعة راسها بكل تقة .. التقة فاذات موجودة .. الجمال كاين .. التاويل كاين .. السوالف مطلوقين .. النفخة محطوطة .. الخطوات مقادين .. غاتقولولي شكون غانقوليكوم .. الشمايلية نعام أسيدي .. وصلا لنحت وهزات قفطانها شوية غير أيبانراس الشربيل باش تمشا مقاد .. كانو ݣالسين فالطراسا .. كلها وشنو كيدير .. هالي كتطرز .. هالي باقا كتلوي فالشكيل دالحلوة .. هالي مجمعة .. الفطور تجمع وتطوا .. ولالتنا عاد فايقة كيف العادة العكس هي مولاتو النابر وان .. سلمات على حبابها وعداينها عطاتهوم الشوفات الناقصين .. ورجعات تمشات لكوزينة .. فطورها يدار بيديها .. وعقلها فراسها وحاضيا مع جنابها لايديروها بيها .. مها قراتها وعلماتها فعايل وكيد النسا .. ورجعات تقلعهزم من الشوفة .. فطرات قدام يامنة لي كانت فالكوزينة .. 

يامنة ~ مين تسالي نوضي جمعي داكشي راه السعدية ماكايناش .. 

كترعد فرجليها دايرا وحدة فوق وحدة .. وكتشرب بشوية عليها القهوة ... تاناضت هزات تيليفونها وخرجات من تم .. دارت يامنة وهي تعوج فمها مغددة تادخلات عليها سهام كانت تساطحات مع وسناء ماردو حتى السلام .. وهي تشير ليها للطبلة ..

يامنة ~ شوفليك بنت الحرام ..

سهام ~ " عوجات فمها " تانتي خليها ربي يخرج فيها ..

يامنة ~ واحد اللفعة .. منها مابحالها .. 

سهام ~ وعلاه ماقلتهاش ليكوم النهار اللول راه باين سمها غي من مها تعطيك الخبار .. 

يامنة ~ تفو تاديك عݣوزتك شلا مالقات ماتدي البنات هاكا على مزيناتهوم غير من ختك كون خديناها ليه كون راه بيخير .. 

سهام ~ " نافخة ريشها " تانتي لقاوها بهلة وركبو عليها .. 

يامنة ~ سكتي هاهي جايا .. 

مشات تقدمات تاݣلسات حدا شيماء لي كاتصايب الحلوة ومجمعة مع ياسمين ورحمة .. غير شافوها رحبو بيهابيناتهوم ..

ياسمين ~ " غي من وجها تبانليك مسرارة " وهانتي على الزين صابح منور .. 

وسناء ~ واااه " حطات تيليفونها فحجرها ورجعات شعرها بيد وحدة مورا ظهرها " يا ختي ماعانديشيي مع الحووزن ومااكيناا لااش نضاايع رااسي على ودوو .. 

شيماء ~ اجي اختي نتعلم منك غير البرود ددمك هه .. 

ياسمين ~ " كتلوي وضحك وتهضر " الوصفة السرية هه .. 

رحمة ~ " بحشمة وباين عليها ماشي نوع لي طالق هضرتها قليلة " الله يزيد ففرحك اختي .. 

وسناء ~ اميين ازااين تانتييناا .. 

ياسمين ~ " غمزات لشيماء " وصل مول الفال ولا باقي .. 

شيماء ~ تفووو ناااري مااتفكريينيش .. 

وسناء ~ ماالك ؟؟! ..

ياسمين ~ علاه مافخباركش ؟! سيدي تيسير ؟! عرفتيه ؟! ..

شيماء ~ راه طلاقاتو فتركيا .. 

وسناء ~ " دارت شافت فشيماء " خوكوم الصغير .. 

شيماء ~ ڤوالا راه جاي .. 

وسناء ~ ايوا شني فيها ..

ياسمين ~ ههه لي فيها هو أن هادي وسيدي تيسير دايرين كيالقط مع الفار .. 

شيماء ~ ورااه تافقصني البناايتي لاخور .. 

وسناء ~ بلعكس كيباان ظرااااايف ديك النهاايراتي كان سلاام علياا الزاين يااختي .. كيفاش بنايتي ؟؟

شيماء ~ ههه مسكينة ظريف غابلاتي يجي لامافقصك غير بالتقشاب مانتماش انا شيكاء عبير وكيجبدها ..

وسناء ~ لا مافهامتشي كيفااش بنايتي ؟ ..

ياسيمين ~ وتي شرحي للبنت ونتي خليتيها فالنص .. بنايتي السيد اه من بنت لبنت .. 

وسناء ~ " طلقات ضحكة مكركبة من الدروج " هاااااااهههههه ايواااا كيقوولووو " كطووول الكلمة فالأخر " مااااانن شبه اخاااااااه فما ضلم .. 

ياسمين وشيماء قرمو كيشوفو من موراها وهي باقا كضحك تاكتسمع بصوت رجولي قوي كيهضر .. 

عثمان ~ اباه ماشي اخاه .. 

خرجات عينيها دارت بسرعة مشالية بشعرها تاكاتشوفو واقف بطولتو وتيسير من موراه كيضحك .. بلعات ريقها مالقات مايدار وهي دير .. 

وسناء ~ هههه عثمان .. 

كمل كولشي كيضحك، تاهو ضحك بشوية وحط يدو على راسها، عاد ناضو كيشلمو على تيسير وتاهية مدليها يدو سلمات عليه عاد سلم على الباتول وݣلس حداها .. وعثمان ݣاس حدا وسناء دوز اليد مور ضهرها .. تاحنا همس فودنيها .. 

عثمان ~ ونعم الزوجة الحسنة عندي .. 

وسناء ~ " يالاه غادور هو كان قريييب بزااف من عنقها على شوية كانو شفايفو غايلصقو من شفايفها وهي تبعد " ماكتحشمشي .. 

عثمان ~ ههه نتي درتي عندي قاليك شي حد دوري شوفي فيا .. 

وسناء ~ " هو كيضحك وهي كتخنزر فيه " انا اصلا ماكانهضاارشي معاك، تقول عاندي اوطيل فوياخ مارشقاتليك تجي عاندي .. " خطفات يديها " زول مني .. " ناضت من حداه ومشات ... هو بقا متبعليها من اللور وداك شعر غادي تيو تيو مع نصها نيشان .. ماحس براسو غير ناض تابعها .. يالاه غاتسد باب بيتها تاكيتدفع وكيدخل .. حلات عينيها على وسعهوم يالاه غاتهضر بسرعة سد الباب وسورتو وجرها لعندو من خصرها تاتزدحات بسدرو .. 

عثمان ~ مالنا دابا ممم .! .. اش كاين " طلع حجبانو كيسولها " ..

بقات غير مصدومة ديما كيزرب عليها فهاد المواقف .. تاكاتحس بيديه كيدوزو مابين عنقها اللور وشعرها وكتجر لعندو باش إطلاقاو شفايفهوم .. 

خرجات عبير من بيتها غادا باش تهبط تاكاطلاقا مع منال قلبات عينيها ودارتراسها ماشفتهاش أصلا تاكاتهضر منال .. 

منال ~ مكاين لاش هاد العداوة لي باغا ديري من والو، سيدي عثمان بحال خويا وباش نهنيك قريبا غادي نطلقو وعمرو نوا فيا ولا نويت فيه، وهاد الهضرة قلتهاليك او مرة تزوجتي بيه، وباقا عاقلة على الهضرة لي قلتيلي .. " ختي أصلا هو كيبغيني وعمرو يبدلني وانا عارفا لي بيناتكوم " شنو وقع دابا مم نتي بيديك ضيعتيه .. 

عبير دارت عندها وشتفت فيها بإبتسامة جانبية .. 

عبير ~ كنت بغيت نقوليك داك النهار راه عمرو يشوف فيك ولكن حيت بقيتي فيا قتليك داك الهضرة .. 

منال ~ لا حول ولا قوة إلا بالله واش باغا ترجعيني كنبغيه ولا طامعة فيه صحا ولا شنو ؟! .. 

عبير ~ بعدي منو ماكاتعىفيش هادي .. 

منال ~ ماغاديش نهضر معاك عرفتي علاش اول شيء كبيرة عليك ماغانديرش عقلي معاك ثانيا نتي حاملة وماغانديش عليك عارفة الهرمنات دايرينهاييك .. ولي نبغي نقوليك هي سيري قابلي غير شملك لي مشتت .. لدجرة انا مستغربة شنو دايرا لسيد تانفرك هاكا لا وشنووو تزوووج من الفووق عااد .. ياعني السيد مابقااش بااغيك اصلا . اما انا ههه انا راه مرت خوه وقريبا ماغايجمعني معاه غير الخير والإحسان ..وبقاي تغيري عليه مني .. 

ماخلاتهاش تهضر ومشات دخلات لغرفتها .. 

جمعات راسها وحاولات تكالمي نفسها " كالم طوا عبير مكاين لاش .. نعصب نفسي على وديت وحدة بحال هادي .. 

هبطات لتحت رمقات تيسير ݣالس تما عوجات فمها ونيشان للكوزينة .. 

متكية عليه كيف العادة وكتلعب فالزغيبات ديال سدرو الخفااااف مغطين بليزار خفيييف فالبلوسيال .. وهو مدور عليها يدو لكتافها العريانين .. 

وسناء ~ " بصوت خافت رقيييق ومحلون " دابا نتيينا علاش تزوااجتيني ؟ ..

عثمان ~ حيت عجبتيني هههه .. 

وسناء ~ يأ .. وهاديك بز منك قولي علاش يااعني يااك كونتي مع عبير ؟ .. 

عثمان ~ كنا طلقنا .. 

وسناء ~ " ناضت ݣالسا مغطية ليزار غير بيديها مصدومة " كييفاااش طللقتوو وفووويااخ .. 

عثمان ~ " ضور يدو تحت راسو " طلقتها بالقول ورجعتها .. 

وسناء ~ وعلاش رجاااعتييها ؟؟ .. 

عثمان ~ حيت حاملة .. 

وسناء ~ اييه دابا حيت حاملة غاترااجعاا .. هاايداا ماخااداامشي .. 

عثمان ~ ههه اييه الالة وشنو ندير .. 

وسناء ~ طاالقاا اوو " كتفكر زعما " طاالق منال .. " بتاسماتلو " وخااليني ياانا بوااحدييتي .. 

عثمان ~ شبانليك نطلق كولشي ونݣلس بوحدي ونتهنا فقبي .. 

دارت فيه داك الشوفات ديال لابقات فيك تبقا فيا .. ونيت جايا دور وهو يشدها عرفها غاديرها .. تم نيت جرها تارجعات تحتو وهو فوقها مقابلة مع وجهو .. 

وسناء ~ لا طلااق مني ... ياالا ... شنيي قوولتي !! .. اااه !! نبقا بوااحديتي ... ومشي مشي بقاا بووحدااتك هاايدا كتشووف فالحايط بغييت يسكنك جننن ماايخرووشي منك تبقا دور دور وتقولووم جيبوولي واااسناااء .. 

عثمان ~ " قابط عليها زامتها بين رجلو " على دعوة عندك " صفر ورجع شاف فيها " ..مانبقاش فيك زعما ؟! ..

وسناء ~ " ومربوووطة ومزموتة ومع ذلك لسانها تقطعو مايرصاش كتحرك غير فراسها " هااااهااااي يااناا هيههي هادشي لماعونتشي ديك الجاان .. 

عثمان ~ وسناااء .. 

وسناء ~ " عيبات صونو مغلضة صوتو " وسنااااء " كتشوف فيه وتعلي فعنيهيا وتعوج " ومشيييي مشي تشووف را زوجااتك الأخرين مشي عاندوم .. 

عثمان ~ " حرك راسو " تأ هنا باقي حداك ..

وسناء ~ " قنطات " ودااباا رخي منيي .. 

عثمان ~ لا ..

وسناء ~ هااء وااش حمااقتي .. 

عثمان ~ اييه حماقيت وتسوطالي العقل يالاه .. شي حاجة مزال ؟ .. 

وسناء ~ " بقات غير كتشوف " الله استر .. 

عثمان ~ " غمزها " وفيناهوما دعاوديك اش ضهرليك نبقا قابضك النهار كامل هاكا مم !! " وهو ينزل خشا وجهو فعنقها كتحس بملمس الشفايف ديالو الدافئة على عنقها بورشاتها هراتها تابدات كضحك .. 

وسناء ~ ههههههه اه ااي ههههه ورخييي رصااا .. 

زاد مطلع يدو مع خصرها كيهرها .. 

وسناء ~ اي تو " كتخرج عينيها وىجع ضحك كتموووووت بالضحك " هههه واااع ورصاااا .. 

دوزو داك العشية العيالات كولشي كيقاد فالسطح للعيد .. قادو البانيو دالما والماس وتيو .. وعاد هبكو تجمعو غي النسا بوحدهوم مجمعين .. تاجاو الرجال تعشاو وكلها مشا نعس فبيتو يالاه إفيقو بكري .. 

بدات تراتيل صبح المساجد تروى .. ناضت من بلاصتها بكري اليوم على التكبيرات لي كيتسمعو فالمدينة كاملة .. سمعات الرشاش عرفاتو كيدوش .. هي كانت البارح دوشات ناضت نيشان جبدات الفراشة لي كانت معلقاها .. فالنحاسي .. وهزات كاتقاد فالميكاب .. تاكيخرج لابس البينوار .. دور يدو على الخصر ديالها .. 

عثمان ~ مبروك عيدك أحبيبة " باسها جنب ودنيها " .. 

وسناء ~ " بتاسماتلو من المرايا " الله يباااارك فييك .. 

عثمان ~ " دورها لعندو " هادا أول عيد ليك معايا الله إجعلنا نعيدو هاد العام والعام الجاي .. 

وسناء ~ أمين ..

باسها من جبهتها تاسدات عينيها وبتاسم ليها ومشا لبس سروال دالجابادور فالباج مع شوميز فالأبيض .. ومشا طلق السجادة صلا جوج ركعات .. تاسلم عاد رجع لبس جلابة فالأصفر بااارد .. مشط شعرو قدامها فالمرايا وهي كتصايب بوكلي وكيضحك معاها .. تاكمل لبس ساعتو ورش ريحتو .. ودار شاف فيها .. 

عثمان ~ حرقتي داك الشعر باركة عليه .. 

وسناء ~ واامشي مشي لاكونتي غاتصلي .. 

عثمتن ~ يالاه نخلي ليك الخير .. 

بتاسماتلو ومشا خرج خلاها تاكملات البوكلي .. وعجبها راسها جات فنيونا والشعر واصليها للخصر مرولي كيحمق .. هزات شال فالأسود على حسات ادلون سفيفة لواتو عليها غير من الفوق ورشات ريحتها وذهبها كملاتو فيديها .. ومشات خرجات من البيت .. كتشم ريحت البخور والعود مطلوق فالرياض طلات كتسمع الطرب الأندلسي مشعول .. تاكاطلاقا مع منال بقفطان تاهية وشال محطوط على راسها .. 

منال ~ " إبتاسمات ليها " مبروك عيدك احبيبة .. 

وسناء ~ رجعاتليها الإبتسامة " الله إبارك فيك علينا وعليك .. 

منال ~ ربي يخليك .. 

ٱدم ~ ماااامااا .. 

دارت وسناء كتشوف ولد صغيور لابس تاهو حوايج العيد بتاسماتلو .. 

وسنذ ~ مشاااء الله الله يخاالييه لييك ازااين .. " اشارت لٱدم " اهلاا ازاااين كيف عاام مزياان .. 

ٱدم بقا غير كيشوف فيها وتخبع فموو.. 

منال ~ ههه شكرا احبيبة راه مامعودش يطلق مع بنادم دغيا .. 

وسناء ~ " فنفسها : الدار مطبلا بالناس ومامولفش " إبتسامة صفرا .. هههه غااخااليه بااقي صغير .. 

مشاو هاطين مجمعين تاوصلو لتحت .. لقاو العرايس كولهوم بالقفاطن وكولها وشنو كيدير .. هالي كاتستف الحلوة فالطباسل باش طلع .. هالي كتوجد الشواية والفاخر .. مشاو تسالمو على كولشي .. زعما العيد كيجمع كولشي .. عاد تمو طالعين لسطح فين غادبحو .. كانو الحوالة ديجا تما مشدودين .. كلها بديالو .. 

وسناء ~ " مع شيماء " دابا غاقولي فاينوا ديالي .. 

شيماء ~ انا ݣلت هاداك " كتشير لواحد " ...

وسناء ~ " شوية وهي طلع معاها " اجي بااعدا داباا شحاال شرا عثماان من وااحد .. 

شيماء ~ هو كيشري جوج اللول على حساب خويا خالد كيخرجها بحال صدقة على ولدو .. والثاني لي ديالو على حسابو هو وعبير .. وتاهاد المرة شرا واحد ..

وسناء ~ " بصدمة " اوااااعدي وااش داباا يااناا غانعاايد مع ديك البعييير اواااعدي ..

شيماء ~ واااهياا ناااري هههه البعير ..

سرطات الصدمة بقات غير كتشووف .. تادارت كتشوفها نيت مشرفة طالعا غير بشوية عليها .. عوجات فمها .. ودارت رجعات ݣلسات حدا شيماء فالكناپي كيتسناو الرجال يجيو من المصلى .. 

كيف دخلو عليهوم .. ناض كولشي ثاني كيتسالم من الكبير لصغير .. بدلو الداري تيسير وعثمان عليهوم لبسو كيطمات باش غايدبحو .. أما محمد وإدريس حيدو عليهوم غير الفوقاني .. ناض سي محمد يوسف هو لي كيذبح .. والدراري كيسلخو وعاد كيجيبو الݣزار من حيت كيدبحو 5 دالحوالا .. شافتو جر كيشد مع الدراري متبعة معاه بعينيها وفداخلها واكد الإحساس غريب .. ديما كانت كتخيل كيفاش غايتكون أو عيد فدار راجلها .. ومين غاتشوف راجلها تاهو كيذبح وكيسلخ .. وتنوض تشد من عندو الكبدى وطيبها باش إدوق منها ويفتح صيامو ديال ديك الصباح .. وشحاال تخيلات وكان كيعجبنا الحال .. ولكن خسارة كولشي تدمر .. مين كطلع عينيها وكتشوف قبالتها عبير دايرا رجل على رجل وحاطا يديها على كرسها بإبتسامة مجمعة مع سهام .. قلبات عينيها وتنهدات .. ورجعات نزلات عينيها لتيليفونها .. شيماء كتهضر معاها وهي ماشي فهاد العالم ... سالاو الذبيحة تالشي وقت ودابا جا وقت العيالات باش إنوضو هوما يوجدو .. الرجال هبطو يدوشو .. وهوما كولها خسها تكلف بالحاولي ديالها .. سهام ومنال معاونين فقنت .. ويامنة وياقوت راه معاونين على ديالهوم .. وشيماء معاهوم .. ورحمة وياسمين خلاص راه متافقين .. إيييييييوا بقاات فدوك الجوج .. لي وحدة كتشوف فالأخرى .. ايوا شووف فيا نشووف فيك اطااجين الحوت .. 

يتبع...