العايلة مولاتي الجزء السابع

وسناء ~ " مربعة يديها وكتشوف فيها " كاتستنااني نقولك بسم الله باش تبدا .. 

عبير ~ " طلعات عينيها فيها " ههههه منيتك كاتسنايني نبدا انا .. 

وسناء ~ " بتاسمات ليها " لا واقلاا يانا لي غانبدا " مشات هزات صينية وهزات فيها الكبدة " يالاه قادي ولا ݣلسي ازااين ..

يالاه دارتيجوج خطوات ..

عبير ~ اختيييي فييين غااادا بدييك الكبدة عاابووحدك لي كااينة فهاااد الداااار ولا شنوو .. 

وسناء ~ " دارت كتشوف فيها بإبتسامة " لا الحبيبة بلحاق رااااااااجلي قوتلو .. هاد العام الكبدة غاتكون من طياابي ... 

عبير ~ الكبدة احبيبة انا كندي النص ديالها لماما باش دوق من الحاولي ديالي .. 

وسناء ~ " دارت ضحكة مافيها مايتشاف " هههههههه مسكييينة لاايصحاابلك الحاولي دياالك بووحدو .. 

عبير ~ " فقصاتها داك الضحكة" سمعيي داك الضحك ديال البرااهش خليه عندك .. ياغادي تحطي الكبدة ياماغادي يعجبك حاال .. 

وسناء ~ " دارت طلعاتليها حاجبها " شووفس هااادي " طلعات صينية فوجها " يانااا لي غانطييبهاا ودااباا تشووف .. دارت غادا ..

عبير ~ " بعصبية " اجييي لهنااااا .. 

دارت ياقوت كتشوف هي ومنال .. 

عبير ~ " بالغوااات جعراااات " ݣتلييييييييك اجيييييييي .. " قلبات بعينيها كتشوف الموس صغير داك دحادة ماحساتش براسها طلعات غاتشير عليها " ..

وسناء ~ " يالاه دايرا " ماااتغاااو.." شافت الموس جاي لعندها بسرعة البرق غوتات وتنحات فالجنب " ااااااااااااااه .. " تضرب الموس مع الأرض وطاح .. قلبها بقا كيضرب وهي ضور كتشوف الأخرا تاهية كتنهج " وااااااااشش لييمااااااااك هاارارربااالوووم منن 36 وااااااش حماااااقتيييي .. 

ياقوت بالخلعة رخات داكشي من يديها هي ومنال وجاو كيجريو ..

عبير ~ " بغوااات " تفووووو عليييييك .. 

صافي الصهدة كتلطع معاها ماحسات تاخطات بسسسرعة الخطوة اللولة تحطات الصينية الثانية الثالثة نقزات نيشان على شعرها تاطاح للأخرى الشال .. 

وسناء ~ ااااه مااال يماااك باااغا تجعااار عليياا اجيي نباارااادك شويية " كتلهت وتجبد وتهضر " اااااجيي نباااارداك تاامن الوحمم نحااايدو ليماااك غاااجيي " جمعات على يديها الشعر وحكماااتو وهي تزيد تجبدها تاخرجو لعبير عينيها باغا غير طلع يديها باش تحكمها تاهية ولكن الأخرا لعبات عليها وجاتها من الفوق " .. 

ياقوت ~ " ضربات فحناكها " ااااااويلي ويلي ويلييي ولي ستتاااااغفرت اللللللله ...

كولشي لاح داكشي من يدو كيشلل دغيا ..ومشا كيجري يفك .. وسناء شادا على عبير من الفوق وتاعبير شاداليها شعار من لتحت .. 

وسناء ~ طلاااااق من شاااعري .. 

عبير ~ ماانطلق تااطلقيي نتي .. 

شيماء ~ " كتجر فوسناء " وااااوسناااء وااصافيي اوييلي وطلقيي منهاا وطلقيييي .. 

وسناء ~ والله يمااها ماانطلق لماا طلقاات .. 

الباتول ~ عيييطييي عييطيي لسييدي عثمااان ..

منال ~ وعبيير نعليي شيطاان وصاااافي .. 

عبير ~ " كاتغوت " وااااااطلقيييي .. 

الحيحة وغوات النسا تعلا فداك السطح تاكيتسمعو تسيفقات الشيء لي خلا كولشي يدور ووسناء وعبير بحالي داروليهوم بوز دايرين كيشوفو شكون وهوما باقين مشاديت ..

عثمان ~ لا زيدي زيدي " شاف فوسناء " زيدي عطيها " شاف فعبير " ونتي قتليه ثاني باش تهناي " شاف فيهوم بجوج " مزياان ولاو إوقعو عندي الكومبات فالدار وأنا مافخباريش .. 

دفعات عبير عليها وسناء تاطلقات منها وهي دور الأخيرة عندها بنضرات حارقة باغا تهضر وهو يغوت .. 

عثمان ~ هبطوووووووو ..." داير بصبعو لجيهت الخرجة دالسطح " يالاااااه .. 

عبير ~ انا مادرت والو .. 

عثمان ~ ݣتتتلييييك هبطييي" بأمر " الهضرة معاكوم لتحت .. 

زادت وسناء نافخة ريشها كضرب برجليها وعبير تابعاها كاتقاد شعرها لي تريش .. وهو متبعهوم معصب تاخرجو وتم تابعهوم .. 

وسناء ~ " داخلين لصالون صغير فالطبقة الثانية " والله ليماك ويقولي شي حاجة تانعااوجك غاابلاتي .. 

عبير ~ لاسمييت مك مرااا حطي عليا يديك .. 

عثمان ~ " زدح الباب دصالون تاتزعزعات بيهوم الأرض " مزيااااان فٱخر ياامي العياالات يتراايشو قداام خليقة عباد الله .. 

ݣلس فالسداري كيشوف فيهوم وحدا قالبة عينيها لجهة الأخرى .. 

عثمان ~ شنو وقع مم !! سخن علييكووم الحاال .. بااغيين ضاربو ... كااترااايشوو ..وااش انا مزوج عياالات ولا قطات .. 

عبير ~ هي السباب .. 

دارت عندها وسناء مخرجة عينيها ~ " دارت يديها على خصرها " ياناا السباااااااب !!!!؟ " خرجات عينيها " شكوون ليي رماا علياا بالموووس !!! .. 

عثمان ~ رااه غانووض نشرك لمكووم الراااس بجوووج .. " شاف فعبير " باغا تشمكري علياا .. اااه ؟؟؟ راامياا علييها بمووس !! موووووسس اعبييير ؟؟؟؟ .. زمل لديمنك الضمير ولا مالك ! " اول مرة غايخصر الهضرة قدام وسناء " .. ؟؟ ..

عبير ~ " طلعات عينيها مخرجاهوم باغا تشرح عامرين بالدموع " اا ان .." مالقات ماتقول " .. 

عثمان ~ مخرجة عينيك من الفوق " شيرليها بصبعانو " غانووض نحيدهوم لمك باش تقاظي معاياا حيت باانلياا نفخليك الريح فداك شوية دالمخ لي بقا ليك .." دار شاف فوسناء لقاها كتبتاسم جانبيا " ونتييي أعوييشة .. " دارت كتشوف عاقدة حجبانها " ياكما كنتي فالسطاج اللخر وعفا الله عم سلف .. كيااكلوك يديك .. 

وسناء ~ شنيييهوااااا واااش تخااصاارليي وجهيي ونسكووتلا .. 

عبير ~ " نقزات ليها "~ كذاااابة اصلاا كنت غاانجييبو فالحيييط .. 

عثمان ~ واااااسكتووووناااا " بالغوات " ... وسناء بيتك يلاااه .. 

وسناء ~ هاااأ ..

عثمان ~ " دار يدو على فمو " شششش .. بيييتك ݣلت... 

عضات على شفايفها مفقوصة وكادير فيه الشوفات ديال لابقات فيك تبقا فيا .. وخرجات من الصالون وهي تزدح عليهوم الباب .. تم نيت عبير بدات دمع يالاه غاتهضر وهو يهضر ..

غثمان ~ سكتيييي .. دموعك خليهووم عنندك .. بااغا تقتلي السيدة وتجي تقوليلي هي السباب !!!!! .. 

عبير ~ وااهي جبدااتني اللولة وعااد تاه ريشااتني .. 

عثمان ~ حمدي الله لي دارت فييك يديها نقول عطاتك علاش قلبتي ونتي جبدتيها وهي دافعات على راسها .. كون كنت تما كون عطيت لمك سلخة عمرك تنساي طول مانتي حية .. باش نعلمك تشيري بالماس .. لا تبارك الله عليك .. دوزي عليا تانا من الودن للودن .. 

عبير ~ " دموعها سايلين " دابا واش غاتجي من جيهتها اهئ .. 

عثمان ~ ما من جيهتك ما من جيهتها .. ولكن نتي غاالطة .. باغا تقتلي السيدة كون مشات تشكا ليك عند البوليس ؟! .. تدخلي للحبس !! .. بمحاولة القتل !! .. " ناض كيقربيليها " أقسم بالله ثم أقسم بالله ثم أقسم بالله وقسما بحلوف الثلاث ديال الرجال .. لاعودت شفتك فشي معماعة نعلق مك من حجبانك ونصيفطك بطلاقك لداركوم .. حيت زغتي بزاااف ... وماكرهتيش تاكلي من عندي شي طرحة دالعصا .. 

عبير ~ " علات يديها باغا تشرح " راا...

عثمان ~ " قاطعها " سيري بحالك غبري كمارتك من حدايا ماباغيش نشووفها هاد الساعة .. وااعيد هادا معاكوم .. 

خرج خلاها غادا لبيتها دخلات وسدات عليها .. وهو تنهد مطلع راسو للفوق مغمض عينيه ويديه فجيبو .. تاتقدم غادي لبيتها .. يالاه فتح الباب غايدخل وهو يشوفها طالعة فوق الناموسية وموجهة صبعها لعندو .. 

وسناء ~ حااااددددددكك تماااايا .. خااااطوة وحدااا نهوووز سييكاااني نمشييي بحاااالي ... 

طلع حجبانو .. زعما منيتك .. وتقدم سد الباب .. تاهودات من الناموسية كتخبط صافي غادا للماريو .. معا ديك القطعة جرها من كوعها تاتزدحات معاه .. 

عثمان ~ " كضحك وهي غاطرطق " واا عويشة الله يهدييك .. 

وسناء ~ اييييسمييي وااااااااااسناااااء حليي علييهاا فووومك ... وبااباااااا دبااااح علياااا جووووووج حواااالة ... صحاااابليييك بحااالك جاااااااايبلي حاااوليي مشرووووك مع ديييك الخاااانزة ..

وسناء ~ زوول حااايد يدااك مااتشبااارشيي فيااا .. 

عثمان ~ ههه هاد الروينة كاملة على وديت الحاولي نجيبوليك الالة تاعشرة غاسكتي .. 

وسناء ~ " باقا كتحيد يديها من يديو " عملااا قبااال ماااشيي تاكاانت غااتقتاالنيي " دورات يديها ماغوت " اواااعدي المااجعوورة كاانتت غاتقتاالني " دارت شافت فيه " وكااانت غتخااسارلي كماارتي .. 

عثمان ~ وهانتي مزيان دابا الحمد لله ربي حفض .. 

وسناء ~ " كتحيد يديها " اخاااايي ماااتقووليشيي هاايدااا كييخااساااك تغاااوت علييها .. 

عثمان ~ " جمع وجها بين يدو " واااا صافي واش غادي نخصرو العيد ؟؟؟ لي داز داز وحسابها كيبقا معايا .. وتانتي داكشي لي درتي مافيه مايتقدا قاااصتك أجيي عندييي .. مااشي ديري شرع يديك .. ونتي عارفا السيدة حاملة ؟؟! ...

وسنء ~ اهااا نضاااسرااا عليياا .. 

عثمان ~ وااسناااء هادا راه ماشي ليسي هادي رااه ضار بقدها بخلاها بناسها .. غااتبقااو داابزو هاكا شنو واش بغيتو نفرقكوم كل وحدة نحطها فدار .. 

وسناء ~ اخاااي يااناا غاااتبااعد منيي وغاانكوون مزياااانة .. 

عثمان ~ " تنهد " صافي كالم طوا دابا وطلعي باش تغداي ولا تهبطليك شيماء الغدا المهيم لي بغيتي .. 

وسناء ~ " رخا من يديها وهي ترجع صوتها حنين وظريف " أنااا كوونت بااغا نعملك زااعما طياااب يدي فأول عييد ليلي معااك .. بلحااق تشووف شني وقااعلي .. 

عض حنكو من الداخل كيشوووف فيها .. تنهد وجرها شادها من كتافها .. وهو يبوس جبهتها .. 

عثمان ~ تادابا باقي الحال يالاه نهبطو ؟ .. 

وسناء ~ وشغااتعمل فالكبدةة.. 

عثمان ~ الالة غااخليليها هااديك راه كنجيب ديال البݣري غير زيدي .. 

وسناء ~ " وزول صبار نمشي لطواليط .. 

عثمان ~ مهيم انا هابط سيري للكويزين تانلحق عليك .. 

وسناء ~ واخا .. 

خرج مع السدة دالباب كيسمع خوه كيضحك .. 

عثمان ~غاسير عالله ضحك مع راسك .. 

مشا غادي كيتمشا معاه .. 

تيسير ~ ومالك أصاحبي على حالتك أش داك لجوج .. 

عثمان ~ يا نفعني بشي هضرة يا سكت ... 

تيسير ~ وراه دويت بصح ياك كنتي طلقتي عبير اش جابها عاوتاني وحاملة من الفوق ...

عثمان ~ وحيت حاملة رجعتها اما والله لادخلات باب داري .. 

( طالعين فالدروج للطبقة الثانية ) .. 

تيسير ~ مافهمتش الموشكيل لي ناض بيناتكوم ؟ .. 

عثمان ~ " تنهد " اودي .. 

تيسير ~ شوف أخويا زهرك مع الزواج زيرو .. شكون قال غاتزوج بجوج وحدة اصاحبي وكنتي تقول محال .. " ضحك " وباانليا محن احنيني .. فتي سطاج اللخر .. 

عثمان ~ وبجووج بييهووم اصااحبي راسهوم قصح من الطبل .. 

تيسير ~ وغير ماتكونش تعز وحدة كتر من اللخرة .. 

عثمان ~ عاتعرف حسن من الله لي قال وَلَنْ تَسْتَطِيعُوا أَنْ تَعْدِلُوا بَيْنَ النِّسَاءِ وَلَوْ حَرَصْتُمْ صدق الله العضيم .. 

تيسير ~ اللهم قوي إمانك يا شيخ .. ايوا شبغتي تݣول .. شحال مابقا وحدة لي غاتبقا معاك ؟! .. 

داخلين لسطح .. 

عثمان ~ تالشي ݣلسة ونهضرو دابا سد عليا هاد الموضوع .. 

تكات فوق الناموسية .. ودموعها فزݣو المخدة كتفكر ..

""" شاد التحاليل وكيشوف .. 

عثمان ~ " بالغوات " علااااااش أعبيير علاااااش وااااش نتييي مريييييضةةة .. 

عبير ~ " كتضرب فتيليفونها " مااابغيييتش وااااه مااابغييتش واااش غاتبزز عليياااا شيي حااااجة مااباااااهااش .. 

عثمان ~ " غادا جاي والوراق فيدو كيضرب فيهوم " واااتشاااااوريييي معااايااااا واااش جبتيييه بوووحدككك وااااه ولدييي اعبيير راااه قطعة منييييي قتلتييييهاااا .. وجااايااا كتقووولي ماابااغاااش .. وشربيي المروةة لولاا الفااانييد لاااش تخلي راشك تاتحمليي بيييه لااااش ؟؟؟؟؟؟؟ ..

عبير ~ ماااصدقليييش الحساااب تخرربقتت .. 

ماحساات غير تشنقاات من زيف هازها تالفوق تااغوتات واليد الأخرى جامعها قبضة غايعطيها ببونية ولكن توقف وهو يرميها على الناموسية .. 

عثمان ~ تااقييييت فيك وجه الله .. 

عبير ~ " بصدمة " واااااش كنتييي نااويي ضربنييي .. 

عثماان ~ سديييي فمممك عليياااا ..""""""

زادت مزيرة على الوراق لي فيديها وعلى عينيها .. عاضا على شفايفها .. تارماتهوم بالجهد فالأرض وناضت كتنتف فالوسادة وضرب .. وتغوت .. تاكيتفتح عليها الباب وكدخل منال كتجري مخلوعة شداتها من يديها باقا كضرب .. وعبير كتشهق بالبكا وتغوت .. 

منال ~ واااااااش نتييي مرييييضة !!!!! ...

عبير ~ اه ويلى ماكانش ليا بوحدي مستعدا ندير كولشي ..

منال ~ عببيييييير صاااافي نتيي سباب فهادشي زدتيي فييه السيد عيااا صاابرلييك وااش اصحاابلييك مااعاارفااش وانا بيتي ملاصقة مع بيتكووم كنت نسمع الغوات كل ليلة .. زدتييي فيي شتي مين مطلقكش عرفي بلي ولد النااس اما بااش اكملل حيااتو معااك غير لا كان شماتة وااش مامنحقووش اعيش تاهو وااش مامنحقوووش إرتاااح .. بززني عليه بااااه وشاافك نتيي دار فيك التيقة ورجعك مرااتو فالأخير شووفي كيفاااش طلعتي انااانيةةةةةةة نجييك صريييحة والكذوووب على الله حرااام .. ومن عندي من حقوو يتزوج ومايتناش من وحدة ماكاتعطييهش تااحقوو .. شووفي رااسك فالمرايا ولاحضي بليي مين كيخرج من عندك طالع ليه الدم وهي كيخرج من عندها فرحاان علااش حييت مرتاااح معااهااا .. والراااجل دييماا تابع راااحتوو .. ديري هادي فبالك ..

قالت هاد الهضرا وناضت زدحات عليها الباب .. خلات الأحرى مدمرا لا نفسيا لا جسديا ..

دخلات للكوزينة تاكاطلاقا بياقوت ..

ياقوت ~ الله يا بنتي .. راك بيخير ؟؟؟ ..

وسناء ~ الحامد الله اخالتو خرجاات ساالمة .. 

ياقوت ~ لا حو ولا قوة إلا بالله .. ماديش عليها أحبيبة راه مريضة ومازادها داك الوحم غير المرض .. 

وسناء ~ برااصا .. راه تايانا ماخاليتشي من خاطي وعطيتا .. 

ياقوت ~ " تنهدات " كون غاخليتيليها ديك الكبدة تانتي راه أصلا عقمان تايجيب الكبدة ديال البݣري .. 

وسناء ~ لا اخالتو سماحلي علاش مايعملشي جوج حوالة!! . 

ياقوت ~ ورااه كيشري جوج واحد صدقة لخوه على وديت مراتو وولدو لي باقين فأمانو وواحد ليه .. وعاد راه ماكياكلوش وتاديك خيتي ماكاتاكلوش فيها غير الفم كيبقا تاكاناكلون جميع .. هو كيعجبو البݣري .. كيشري الحول يوكيمشي يجيب نص ديال الضروبة وبالكرشة ديالها عاد .. 

وسناء ~ " بقات كدور فراسها وهي تسكت " إوا ماقالالي تاشي وااحييد .. 

ياقوت ~ شوفي ابنتي راه الحاجة لي ضيع خايبة والناس راه نالقاوش هاد النعمة .. وحنا كنعطيو حوولي كاامل صدقة .. كيبقاو ربعة .. كنكلوهوم وكاين لي ماكياكلش .. 

وسناء ~ مهيم اخالتو قالي بلي غايجيب الكبدة واش جابا ؟! ..

ياقوت ~ " هازا فيديها الشواية " شوفي تم انا مشيت .. 

بقات كتقلب فثلاجة تاكاتبانليها .. هزاتها وحطاتها فالبوطاجين .. عاد هزات الفواطة .. ودوراتها على خصرها وبدات تحرك باش تقاد التشرمولة ... تاشوية كتشم ريحتو داخلة للكوزينة .. 

عثمان ~ الحادݣة ديالي شكاديري .. " عنقهاباسها من عنقها " مم !! .. 

وسناء ~ " كتحرك لاصوص وتهرب عنقها " وااحاايد اوااعدي عاايشووفنا شي وااحييد .. 

عثمان ~ ويشوفنا مالنا كنديرو الحرام ياك مراتي " زاد دور يدو على خصرها ودخل لحيتو فعنقها .. 

وسماء ~ " بغنج كتهر " عثماااااان .. 

عثمان ~ نعام .. 

وسناء ~ زول مني خالييني لاكونت غانقاادلك شي غداا .. 

عثمان ~ ههههه واخيرا غاندوقو من يدك امدام .. 

وسناء ~ وااغير حييت شالاه جييت وصاافي وعاد نتيينا مشغوول ونزييدك ماكاامرتااحشي فهاد الريااض نعمل لي بغييت وكاانقنط ماكانحملشي نبقا غي ݣالسة .. 

عثمان ~ " تكا على البوطاجين مربع يدو كيفكر تاهضر " ... بغيتي نديرلك دار بوحدك ؟؟!

دارت مخرجة عينيها فيهوم القلوبة .. 

وسناء ~ حلاااف ؟؟؟! .. 

عثمان ~ وي علاش غانحلف ههه .. مكاتيقيش فيا ؟! ..

وسناء ~ ااااء كنتييق فييك غير جاتني فشكاال .. 

عثمان ~ " جرها من يديها " وسناء اي حتجة بغيتيها طلبيها ماتبقاش تحشمي وديك التعة غانشوفو واش قد إستيطاعتي نجيبهاليك .. 

وسناء ~ وييلى ماكاانتش قااد إستييطااعتك ؟؟! .. 

عثمان ~ نجييوبها الالة هههه .. 

وسناء ~ صتفي انا بغيتك تعملي تاشي مشرووع نعمل فيه راسي وااش غانبقااا هاايدا حيااتي كااملة ولا مااكيعجبكشي نخرووج نخدم .. 

ضربنا بشوية فراسها ورجع تطا على البوطاجين .. 

عثمان ~ ديجا قتليك انا ماشي ضد البنت تخرج تخدم ولا تقرا .. مي عندي شرط لابغيتي مشروع جيبيلي لاليصونص .. يعني غاتكملي قرايتك فلافاك .. 

دارت دايرا يديها على خصرها زعفانة .. 

وسناء ~ هاااأ وهاايداا مااخااادامشيي ..

عثمان ~ مافيها باس باقيليك عام ماشي بزاف !! .. 

وسناء ~ " خرجات عينيها غاتشدها البكية " وداابااا بااغي تعملي السبة وصاافي يانا باغيااه دابا .. 

عثمان ~ ولكن هانتي غير ديري معاا عقلك واش انا نديرليك مشروع ونتي ماعندكش تاشهادة كدل على دراستك فداك المجاال ؟؟! .. 

وسناء ~ ياانا قارياا ماشي ماقرياااشي يااعني غاانقداار نعراافلو .. 

عثمان ~ انا قتليك نفتحليك مشروع على الراس والعين.. ولكن .. الإجزاة تشديها .. 

يالاه جات تهضر وهو يشدليها على فمها .. 

عثمان ~ " بأمر " .. صاافي هضرت .. 

قادات داكشي وصايباتو وحطاتو فطبسيل ومشات مطلعاه لفوق كانو مجموعين .. هو ديجا سبقها .. فالسطح كيشويو ومحمد يوسف كيصايب فبولفاف .. مع الباتول ومحمد .. وياقوت تمد ليهوم وتسخن فالفاخر .. وعثمان مجمع مع إدريس وتيسير .. والعيالات خلاص كاين لي كيغسل الكرشة ديالو كاين لي ݣالس .. والبزاوز كيلعبو قدامهوم .. دخلات عليهوم هازا بيد الفراشة واليد الأخرى الطبسيل .. تاحطاتو فوق الطبلة .. 

محمد يوسف ~ اههههم هادشي جدييد هادشي .. 

وسناء ~ ماارحبا أعمي دوق وقاييص .. 

قالت لشيماء تمدليها الطبق ديال الخبز وقطعات طرف طرف الواحد .. تقاد تا إدريس .. ومدو يديهوم لطبسيل .. بينما هي ݣلسات حدا الباتول .. 

إدريس ~ هادشي عمرنا دقناه .. 

تيسير ~ هادشي دجبالة اصاحبي ..

وسناء ~ " ضحكات بشوية وعينيها لامعين " كيجاكوم .. 

عثمان ~ " غمزها " تبارك الله عليك .. 

شيماء ~ " كتبنن " هشي كامل مخبياه علينا واخا عليك .. 

ياقوت ~ " جايا لعندهوم كاطل " شتكوم تجمعتو ..داكشي لي كنتي كطيبي " كتشوف فوسناء " .. 

كتافات تحركبيها راسها وقطعاتليها تاهية الخبز كادوق .. الباتول يقات غير معوجة فمها وكتشوف فيهزم بنص عين وتقطع فالشحمة .. اما يامنة وسهام باقين واحلين فالحاولي كينقيوه ... 

داز داك الغدا بأجواء الضحك مفوج .. شكون تسوق لعبير لي بقات حاشية راسهافالبيت .. تامنال طلعات مشاركة معاهوم الجماعة .. 

وصلات العشية وداك العشية ديال المللللللل .. كلها فين كيمشي .. كيبقا غير لي ماعندو فين يرد الراس .. يامنة والباتول مشاو لعند عبد الباقي .. والعرايس كلها مشات تبارك لمها .. تامن عبير ... بقات وسناء ضرباتها واحد النعسة فالبيت وشيماء ݣالسة فالمراح ناشرة رجليها كتخربق فالتيليفون .. تاكاتحس بضربة فراسها خبطاتها تاهبطات وطلعات .. علات عينيها بجهد باش تشوف تيسير جاي يݣلس .. 

شيماء ~ " مصدومة " علاش ضربتيني ؟!..

تيسير ~ والو جاني الملل وضربتك .. 

شيماء ~ وسير تشوفليك شي شغل ونتا حاضيني الرجال كاملين خرجو ونتا باقي هنا كادور كيشي ترينبو سير سير وبعد مني .. 

تيسير ~ نتي فينما نقيسك ݣولي حاضيني .. 

شيماء ~ وسيير شووفليك شي شغل ونتا ݣالس حدايا هنا .. ماكاتلقا مادير كتجي من داك تركيا ...

تيسير ~ ضدك أنايا كيعجبني نجي لهنايا .. 

شيماء ~ شوفليك على الراجل سير سير داير كيف العݣوزة كاتراد معايا .. 

تيسير ~ سكتي سكتي كاتقاارني راسك بيا أنايا .. 

شيماء ~ شهااد الهضرة هاديي دياال العيالات الشارفات الهارفات .. 

تيسير ~ " كيعيبها " اواواوا .. وااغير سكتي شوفي وجهك كيداير شو حجبانك قداش ..

شيماء ~ هاد النهيوا هادا ترجل معانا شوية ترجل .. 

تيسير ~ اييه ماراجلش ااييه .. 

شيماء ~ اييخ هاد عيفت الرجاال ..

تيسير ~ عيييفت الرجاال اييه .. ونتي طفرتيه يا البايرة .. 

شيماء ~ اشوووف شووف مااتشووفنييش سكتلييك على ضربة تزيد فيه .. 

تيسير ~ والله يامك تانطرطقليك المرارة غبالفقصة ..

فاتت سيمانة على العيد .. تاحاجة ماتبدلات .. من غير عبير لي من نهار مشات عند مها ماعاودات رجعات .. وسناء تهنات وواخدة راحتها كيف العادة .. ومخليا الباتول ويامنة كيتفقصو مااحااملنهااش وكل نهار غير تخرج يشدو فيها النمييمة .. وماكرهوش يقلعوها اليوم قبل غدا .. تيسير رجع بحالو بحكم كيقرا .. وشيماء كدوز العشية كاملة مع وسناء وياسمين .. وبعد المرات كاتزاد معاهوم تافاطمة الزهراء ولا رحمة .. وهاكا وسناء كتزيد تعرف على ناس الدار .. وكتعرف لي معاها مزيان .. ولي شادين معاها العكس بحال سهام .. 

عثمان زادت علاقتو مع وسناء كتوطد ونهار على نهار كيزيدو يتعرفو على بعضياتهوم واخا بعد المرات كتعصب .. الشيء لي كيخليه مزال متشبت بيها ..

فاقت اليوم لقات راسها غابوحدها فالناموسية .. ويلاصتو خاوية .. دخلات لدوش وخرجات متحممة .. لبسات قفطان فالزرق .. يالاه شراتو جديد مين خرجات مع شيماء فهاد الأيامات ... جاها فن مع وجها البيض .. طلقات شعرها سانبل مرعة القصيصة مور ودنيها .. قادات الميكاب وتريحات .. وهزات السطل لي جمعات فيه الحوايج لي كيخسهوم يتصبنو .. وخرجات هابطة نيشان لكوزينة وحطات السطل لسعدية .. 

وسناء ~ السووعدية طلاع معاك هادو للفوقي دوزلوم شوية ونشرووم .. 

مع سالات الجملة يالاه غاتهضر تاتمات داخلة سهام .. 

سهام ~ غادي طلع بعدا السطل ديالي هو اللول اتنشرو الحوايج ..حيت انا قبل منك ازين ...

وسناء ~ " دارت كتشوف فيها " اواال شاايء مااهضارتشي معااك ثااني شييء " دارت عند السعدية " السووعدية انا قووتلك غادوزلوم بااعدا عاد نشرووم ...

سهام شافت فالسعدية بصرامة 

سهام ~ حطي داك السطل وهزي ديالي ..

وسناء ~ السوووعدية طلااع السطل قباال مانتعااصااب ..

السعدية ~ الالياتي خليوني راه شغلي هادا .. لالة وسناء .. لالة سهام جات قبل منك نسالي ليها الشغل ونجي عندك ...

هزات السطل ديال سهام ومشات طالعة مخلياهوم بجوج فالكوزينة وسناء غير مصدومة ماااارضاااااااتش .. 

سهام ~ " ثرباتليها كطلع وتهبط بإبتسامة مستخفة " ماشي تشوفي راسك يالاه جيتي البارح باغا تسيطري على هاد الرياض غير بشوية عليك احبيبة جاو قبل منك وماداروهاش " غمزاتها " وراك شفتي حالتهوم كيولات .. 

ماخلاتش ليها مجال فين تزيد تهضر خرجات وسناء بقات كترطا فالكوووزييينة عرقاات وحمراات وخضاارت وصفاارت .. بقات كتغدد وتشتف برجليها .. تاشوية بدات كتوعد بعينيها .. ومشات رجعات مبردة للصالون لقاتهوم كيفطرو .. وٱخيرا فاقت بكري .. سلمات وݣلسات كتفطر .. وهي كتشوف بنص عين فسهام .. تاسالاو وناضو كاملين باش إجمعو الطبلة .. خلات تارجع كولشي ملهي .. ومشات للكوزينة .. كتقلب فأدوات التصبين .. تاهزات القرعة ديال الما القاطع .. 

وسناء ~ ايوا هاحناايا غانشووفو دابا شكوون غايربااح ازااين .. 

هزاتها لواتها فجوج ميكات .. ومشات طالعة بيها كاتبان بحالي هازا شي حاجة عادية شارياها جديدة .. وتاجهات للسطح ..

يالاه غاتقطع لطبقة الثانية تاكاتسمع صوت عبير كيغوت فالبيت .. عقدات حجبانها متسائلة .. 

وسناء ~ هادا ماااشي الصااوت ديال ديك المازلووطة !!؟ .. فوويااخ جاات هادي ؟؟ ..

رجعات جوج خطواات بشويييةة.. وتمات غادا على رؤوس أقدامها .. شادا ديك القرعة بيد واليد الأخرى هازا بيها القفطان تاوقفات فالشرجم ديال بيتها كتسمعها .. 

...عبير ~ مااانقدررش ماانقدررش شووفي معاايااا شيي حل !!! ..... زعمااا .... مااانضنش ابشرى ماانضنش ... وراااه تاانا كاانت ضدي ... وااخا هاانا غاانشوووف واااخاا .. قطعات .. ...

دارت بسرعة راجعة لدروج هابطة تاوصلات لبيتها دخلات وسدات عليها الباب حاطا داك القرعة .. 

وسماء ~ شيي حاااجة كاتخااطاط لييهاا واخا تعيااا تقوولي .. شنيي زااعماا .. تفووو ماجيتشي بكريي .. بااينة ختاهاا ولا صااحييبتاا .. شني نعمل داابااا .. " بقات ساكتة تاشوية طلعات راسها " وشني غانعل .. هه واالو غانستناا تانشووف شني هي غااتعمل .. وديك السااعتي غانكوون عايقة بݣاع لي عملاتو .. " شافت ديك القرعة فيديها " ففف جبارتيني ماعنديشي الوقت ليلك اما والله ليمااك ياحتا نشرݣليݣ دوك الحويجات .. بلحااق خااليك العاضرة غاتجي من البعد .. غاندمكوم واحد بواحد بݣاع هادووك لي عملولي كوولشي .. 

حطات داك القرعة فالطواليط وخرجات رجعات مشطات شعرها ورشات من ريحتها .. وتمات خارجة هازة قفطانها كاتشالي بيه هابطة من الدروج .. تاكاتصادف تامع عبير خارجة منييتها وكاطلاقاها مع الكروازما ديال الدروج .. شافت فيها بنص عين وزادت مكملة طريقها ماتصوقش ليها تاطلاقاتليها مقابلة معاها .. 

عبير ~ شالاه تكوني رتاحيتي فهاد السيمانة .. 

دارت وسناء وطلعات فيها من رجليها لراسها وأشارت لنفسها .. 

وسناء ~ كاتهضاار معايا يانا ولا !!؟ .. 

عبير ~ " دارتليها بتسامة دالغدايد " سمعي داك التبرهيش ديالك والفعايل ديال العروبية لي تعلمتيهوم من الجبل ولا مانعرف مين جاياليك .. ماديريهومش عليا انا .. وشحال مابقيتي غاتقلعي كيفما جيتي أسراقت الرجال .. 

وسناء ~ " دارتليها إبتسامة " شوف الزاين الواقت لي غانضيعو مع حمقة بحالك .. ماعانديشي .. ودابا غانهاواد بحالي .. وداك الراجل لي نتينا فارحانة بيه هوا كيجي عاندي رااسو مااجبدو حااد ألحبيبة دقالبي .. 

عبير ~ " هبطات يديها وحطاتها على كرشها " أنا بعدا عطيوتو ولد جايه فالطريق .. ونتي شنو عطيتيه ؟ 

ضحكات وسناء بجهد ورجعات شافت فيها .. 

وسناء ~ ههه ولاهيلا ضحااكتيني .. وحيت هايدا ازاين .. يانا ماكانعطيييه واالو وماعطييتو واالو وتاابعيني .. " غمزاتها دايرا بتسامة جانبية " بقات فالولاد هههه ..

كيصوني ليها التيليفون فيديها، بأغنية بلى عنوان حاتم عمور .. هزاتو وسناء ودير إبتسامة جانبية .. وطلعات عينيها فعبير وطلعات التيليفون فوجها وهي كتقول .. وأنا لي قوولت حبيبي عووومرو مااينسااني .. غمزاتها وتخطاتها هابطة بحالها .. ورادا بصوت مجهد .. 

وسناء ~ ٱلوووو عثماااان ... 

شدات على الكسوة لي لابسة مزيرة عليها بالقبطة ديال يديها .. 

عبير ~ اااععععععععع ...

بقات كتخبط فحوايجها وتعض فشفايفها شداتها البكية .. 

عثمان ~ ٱلو وسناء .. شنو واجدة .. 

وسناء ~ اواعدي بااقا غانمشيو دابا خاالي تايقرب الغدا .. 

عثمان ~ لا بحرا ندوز شوية عاد نتغداو !! لي بانليك ماعنديش موشكيل .. 

وسناء ~ " داخلة للكوزينة " ممم صاافي وااخا انا غانطلاع نلبس عليااا .. قطعات وهزات كاس دالما .. كانت الكوزينة خاوية .. تاشوية كاتبانليها فداك الطنجرة لي كاطيب باللحم .. وكتفكر بلي اليوم السعدية لي مطيبة الغدا ... عضات حناكها من لداخل كتفكر .. تحركات بشوية وحاضيا من موراها ليكون كيشوفها شي حد .. جبدات عندها الملحة .. وهزات معلقة كبيرة .. وعمراتها كاملة وخواتها فالطنجرة .. 

وسناء ~ " كتشوف فداك الملحة كتهبط فالمرقة " ممم واقلا شوية .. 

رجعات ثاني هزات معلقة أخرى ودكساتها ورماتها غسلات المعلقة ورجعاتها لبلاصتها وكملات الشربة ديالها وخرجات كتبتاسم بحالي ماواقع والو .. 

وسناء ~ باش المرا جايا نعاالمك تجبد الصدااع .. 

طلعات للبيتها بدلات عليها .. لبسات سروال دجين مزير زرق مفتووح وفيه تقاطع جيهت الركبة .. مع تريكو فالغوز بيبي فايت المأخرة شوية وواسع .. جمعات شعرها ديل .. وعاودات الميكاب ركبات خاتومتها ديال الذهب ودارت السنسلة الرقيقة ديال الذهب .. ساعتها وحوالقاها .. رشات ريحتها وهزات ساك كيجي طوييل وصغيير فالغوز بيبي تاهوا بالريش .. عاد كونڤيغس فالأسود .. وتمات هابطة كتصوني عليه هازا بتيليفونها لي شراليها .. خارجة من الباب ديال الرياض .. وغادا فالدرب تاخرجات لقاتو نيت واقف كيتسناها .. بالسبورتيف نعام اسيدي ..سروال تاهو ددجين فالأزرق .. وپيل أسود ديال شانيل .. مع كونڤيغس فالأبيض .. ساعتو فيدو وشعرو ممشوط لور .. وصلات لعندو سلم عليها بوجهو وفتحليها الباب ركبات عاد مشا ركب وزاد .. 

داها هاد المرة لسيدي حرازم .. وصلو لتم بلاصة .. 

عثمان ~ " دار عندها كيشوف " عندك شي قرعة دالما ؟ .. 

وسناء ~ حركاتلو كتفينها " لا .. 

عثمان ~ " نزل يدو كيقلب تحت الكوسان ديالو " صافي نتي غير نزلي ..

تمات نازلة مرجعة الساك شاد من كتفها الأخر .. وخشات تيليفونها فالساك .. ودارت المضاضر دالشمس .. تانزل هاز فيدو قرعة دالما خواها كاملة تابقات غير كتشوف .. 

وسناء ~ وعلاااش !! .. 

عثمان ~ " دار النضاضر دالشمس " غانعمرزها لنحت يالاه .. 

مدليها يدو شدات فيها ومشاو محركين .. تادخلو من واحد الباب كبيييير .. وعامر بالناس داخلين خارجين .. طلاقاو مع الدروج .. وبداو كيهبطو فيهم كانو كثااار .. تابقات وسماء كضحك .. وهو كيضحك معاها .. وصلو لتحت جارها من يديها .. كتبانليها ساقية مدورة .. وناس معمرين عليها كيݣيو الما .. 

وسناء ~ عثماان ماغاتلقااشي نووبتك .. 

عثمان ~ شش بقاي واقفة هنايا .. 

تحرك وهي متبعاه من اللور بإبتسامة تاوقف كيعمر وهي تجبد تيليفونها كتصورو .. 

وسناء ~ عثمااااان اييهوووو .. " دار وهي تصورو " .. ههههه وعاامر عااامر .. 

غمزها كيضحك ودار مكمل كيشرب .. وهي ضورات عينيها كاتبانليها مرأة كتبعيه الكيسان ديال الطين بلاتوخ .. 

وسناء ~ بشحاال كتبييع هاادو .. 

المرا ~ 10 الدراهم الالة .. 

وسناء ~ اه واخا ستنا عايجي راجلي ونخالصك...اريلي واحيد ..

جبدات المرأة كاس جات تلويه فالجورنال وهي تمنعها خداتو هاكاك تاوقف عليها .. 

عثمان ~ شهادشي ههه .. 

وسنء ~ تشوف كاس مزييون .. خالصا كيعمل عااشرة درااهييم .. 

جبد من جيبو ومدليها الصرف .. ودار عندها .. 

عثمان ~ يالاه هاكي شربي .. 

وسناء ~ كيف عامل مزييون .. 

عثمان ~ لا مالح ... واشربي الله اهديك راه الما ..ههه 

عوجات فمها كتشوف بنص عين بضحك .. وشدات من عندو هي داقتو وهي تلقاه سخوون بزقاتو تم نيت .. 

عثمان ~ الله إعفو عليك .. 

وسناء ~ " دفعات القرعة على سدرو " شبااار شبااار رااني حييمااارة لي متبعااك كاغير خاليتي ديك الما لي كاان فييه .. 

عثمان ~ زيدي زيدي الحمقة " دور يدو على عنقها وشدات عليه بيديها ومشاو زايدين مرة مرة كدور راسها تهضر معاه .. تاوصلو لواحد السويقة فديك البلاصة نيت .. لي كانو فيها مناضر زويينة .. دخلوليها كانت فيها الصناعة التقليدية .. تاوقفو على واحد مول العقايق كيبيع داكشي زوين .. 

عثمان ~ تاخدي شي حاجة !! .. 

وسناء ~ ممم .. " مدات يديها كتعزل لي باغا ومول الحاموت واقف كيشوف فيهوم تاقاتلو يجبد ليها واحد الخلخال كيتلبس فالرجل ... 

وسناء ~ تشوووف هادا مزييون ؟؟ .. 

عثمان ~ شنو كيتلبس فالرجل .. ؟! ..

وسناء ~ اه ستنا نوريك .. 

عثمان ~ بلاش تالدار " مدو لسيد " جمعلينا هادا خويا مع داكشي .. 

وسناء ~ يأ وخااليني نلبسو داباااا شني فيها .. 

عثمان ~ " طلع حاجبو " كتدوي منيتك .. " حنا عندها لودنيها " مبغيت تاواحد يسمع صوتو فرجلك واخا .. رجع شاف فعينيها لي غير مشوكيا " غمزها " تافقنا .. يالاه نمشيو لاساليتي ... 

تمو طالعين فواحد العقبة .. هي صافي سخفات وهو سابقها شوية تاتم راجع عندها كيضحك وهو يجرها معنقها .. 

وسناء ~ وصااافي رااه سخاافت .. 

عثمان ~ ههه صافي هادي هي ديالتك .. " " كيطلق ليها فيديها " رخي رخي .. شوية راسك .. 

وسناء ~ " كتجرب بحالي كيدير " هاكا .. 

ضحك وهو يجرها عندو باسها من جبهتها وعاود عنقها طالعين تاوصلو لفوق فين كاينين القهاوي الشعبيين .. ݣلسو تم ودومونداو على طاجين .. كياكلو وكيضحكو .. جبد تلفونو وضرب معاها سيلفي .. جات كضحك فيه .. مامسوقااش ونساات بلي خلات ناس الرياض كاملين بلا غدا اليوم .. والباتول حمرات فالسعدية مزياااان وسمعاتها خل ودنيها .. عاد تمو نايضين كيتجاراو ضوموندا محمد على الغدا من برا ..

وصلات العشية حلات الباب بشوية كتسمع السقييييل فالرياض، ياقوت .. شيماء .. ياسمين ومنال خرجو مجموعين، رحمة ناعسة فبيتها هي وسهام، الباتول لي ݣالسة فالصالون كيف عادتها شاعلة التلفازا قبالتها ..ويامنة كاتخيط شي حوايج فيديها .. هبطات غادا بشوية عليها فالكروج تادخلات عليهوم فالصالون .. 

عبير ~ السلام .. 

الباتول ~ وااعليكم السلام ابنيتي زيدي زيدي .. 

يامنة ~ ،" طلعات عينيها مهبطة شوية النضاضر لعند نيفها باش تشوفها " وافين غبرتي .. من نهار دنوه مازاروه .. 

عبير ~ " ݣلسات حدا الباتوا " إيوا اخالتي را عارفة مع الحمالة والوحم يالاه باش ساليتو ودابا راه غانطلع فالخامس .. قلت نبقا مع ماما حسن ليا مانبرزطكوم معايا .. 

الباتول ~ هييييه شووفليك الزغبية، هاذا راه حفييدنا الصغيور لي جاي على تاج راسنا وعينينا .. 

يامنة ~ ايوا كيدايراعدا ماماك !؟ .. 

عبير ~ الحمد لله كتسلم عليكوم، ربي إخليك ايمّا .. 

الباتول ~ " شداتليها يديها " ايوا يا بنيتي كيتهلا فيك شي شوية عثمان ولا والو ..

طلعات عينيها وعاودات هبطاتهوم تاشوية بدات دمع .. 

عبير ~ فييينااهوا عثمان اخاالتي فييين !! .. 

يامنة ~ داتوليك بنت الحرام اللفعة، بغتليها رفدة فهاد النهار، اييه يا بنتي خطافات الرجال ولاو مجودين .. 

الباتول ~ شماااشي نأولك ابنيتي صباار صباار .. هاديك دقتها وحدة دابا تشوفي .. 

يامنة ~ والله امي لاماعطيناها شي دقة علاش تقلب لاجكعات راسها .. 

عبير ~ ماعرفتش شنو دارت لعثمان ايما اهئ اهئ ولا كيجي فصفها وكينصرها ديما اهئ .. هجر فراشي وبيتي .. ولا ساكن عندنا تقول مامزوش ݣاع بيا اهئ ماعرفت شكون لي حاملة بولدو انا ولا هي .. 

يامنة ~ واامي هادي بااينة راع محركة المجامر .. 

الباتول ~ اييه تواريني فمها يانا غامن عينيها باينة جوادها خدمو على حفيدي .. 

عبير ~ " مخلوعة " اويلي ايما .. زعما تكون سحرات لسيدي عثمان اهئ .. 

يامنة ~ شتي هاديك من نهار شفتها فاول نهار شكيت فيها .. وعاد شهر دابا باش تزوجات مزال ماسمعنا منها ݣاع شي خبر يفرح القلب .. ايوا توليلي زااش كاين شي راجل يخلي مرتو بالولاد ويمشي يتزوج .." حطات داكشي من يديها " ميي .. هاادي رااه سااحرااا ومها خدماتليها العربون .. .

الباتول ~ ايوا اش بانلك نحركو تاحنا جوادنا .. 

عبير ~ " طلعات عينيها مدمعين كيشوفو فيها " زعما غايرجعلي من موراها عثمان ! .. 

يامنة ~ ونرجعوه يكوت على تراب رجليك ولما رجعناش لديك بنت الحرام راسها اللور .. مانتسما شاي يامنة بنت الباتول .. 

عبير ~ " كتسمع بإهتمام وصلات لداكشي لي كانت باغا " ايوا وعندمن كتعرفو شي وحدة ؟ .. 

يامنة ~ وحدة يا بنتي يديها غزااالين، شماش نأولك، دأة ببطلة وشغلك تأدا .. 

عبير ~ وفوقاش نمشيو عندها .. 

الباتول ~ " رجعات يديها فوق ركبتها كتسبح " منهنا واحد شهر .. العواشر يالاه خرجو .. صبري عليها هادا الشهر ..ونفارجك فيها ..

عبير ~ شكرا ايما " بفرحة " ماعمري نسا خيرك .. 

الباتول ~ نوضي ايوا نتي شوفلينا غير حفيدنا .. 

ناضت عبير فرحانة مشات طالعة لبيتها غير دخلات وهيي دير إبتسامة جانبية وهزات التيليفون كتعيط .. 

عبير ~ ٱلو بشرى هههه داكشي لي قلتي كامل درتو ناري مامتيقاش بلي قبلو ههه جهاالة .. 

بشرى~ شفتي قلتهاليك واش نتي حمقة كاينة شي مرأة فديك العمر وماتفكرش تسحر .. ومدام نتي فصفك راه غايكونو مع مت حفيدهوم ..

عبير ~ ففف مابقا والو وغانرتااح وأخيرا غايرجعلييا حيااتي .. 

بشرى ~ وااضيعييه ثاني بعقلك ...

عبير ~ لا نالي انا حمقة عمرني نعاااود " حطات يديها على كرشها " اخخ هاد الولد كيفاش جا زهر كون مكانش كون راني دابا ربي لي عالم بحالتي .. 

بشرى~ شش ماتقوليش هاكاك باش تعرفي من زهرك ربي باقي باغيك تكملي معاه حياتك .. 

عبير ~ بشرى انا ماعرفتش فين كان عقلي مين قلت داك العضرة لعثمان عرفتي ندمت عليها حياتي كلها .. 

بشرى~ دابا هادي ديرليك العقل والمرا جايا بقاي تفرفري بفمك .. واش كاين شي وحدة كاتقولو لاسميتراجل سير شوف فغيري .. واش نتي حمقة ولا مالكي واخا تكوني ملكة جمال الكون ماتقوليهاش .. 

عبير ~ انا كنت تايقة فيه ابشرى كنت عارفاه كيبغيييني انا .. 

بشرى ~الرجال ماافييهووم تيقة اليوم كيبغيك غدا وحدة اخرى واش منيتك اصاحبتنا وهاهو دارهاليك قد فمك .. وداك الولد حاافضي عليه ماشي تسرتبيه كيف خوتو .. 

عبير ~ ففف الولاد هوما سبابي فعذابي وهو لي نجاني دابا وفهمي تسطاي .. 

بشرى ~ وداكشي لاش كون كنتي من المرة اللولة حتافضتي بولدك كون راكي دابا هازاه معاك وهو داير بيكوم .. 

عبير ~ واش نتي حمقة احي تشوفي غير دابا حالتي كيف دايرا شي بلايص تكمشولي ولتحت فعنقي كااامل حبوب " شداتها البكية " وركابيا كنتحس بيهوم كيتنفخو .. وهي كنشوفها .. كتشعل ... وعاد بغيتيه يشوف فيا .. عسااك مين غانولد " طاحو دموعها كاترعد " اهئ اهئ صاافي والله تانا حماارة كون طلقت ومانخلييش هاد الولد فكرشي .. 

بشرى ~ " كتغوت من التيليفون " واش حمااقيتي اعبيير .. ورخي رااسك رخيي انا عارفاك من هادي شحال عندك فوبيا من الولاد ولكن اصاحبتنا راه نايمكنش واش مااكاتحلميش تكووني ام .. ديري ديسوان عمليات التجميل كون طلبتي تمشي دوزي عند جداتك فقطر وتما ارااك للمستشفيات ترجعي كااتحمقي .. مي ماشي ديري اجهااد .. 

عبير ~ شفتي تاهاد السطرييس والاغصاب هو لي دارهوم فيها .. قدو قد الكرة هازاه فكرشي ودايرلي هادشي كاامل .. 

بشرى~ " تنهدات " اعبير بلييز رولااكس .. يالات تخرجي اليوم كاينة سهرة مع ليزامي فواحد الكافي .. حاتم باباه عطاه منصب الرئيس فالشرجة ديالو .. 

عبير ~ " نفخات " مااافياا ليي يمشي انا لوزين ومابقيتش كانمشي ليه .. حالتي مابقا فيها مايتشااف شكون هادا لي غانشوف فيه ..

بشرى ~ عبير انا غير قتليك حاولي تبدلي الجو وعثمان انا متأكدة مين غايشوفك رجعتي ليزامي ديالك ولسهرات والخدمة والخروج .. غايحس بلي هاديك لي جايبها غير عروبية وغايرجع ليك .. 

عبير ~ نتي غير كتهضري معارفة والو .. 

بشرى ~ عبير هوا مرة اللولة ختارك هاكاك ماتقوليش ليا داكشي لي خلاه يبعد عليك .. جوكخوا بلي الرجال كاتعجبهوم المرأة لس عندها مكانة فالمجتمع ماشي بنت الظار دايرا كيفشي خدامة .. كوميم دابا غادي نخليك ماشيغي .. يالاه نمشي نوجد راسي .. 

عبير ~ داكوغ حبيبة انا غانشوف .. 

قطعات التيليفون وتلاحت فالناموسية .. بوحدها هي وذكريات الماضي .. كيخرجو كيف شي فلاشات فعقلها ....

"""" كتسمع الرشاش فالدوش هزات تليفونها كاتشوف فيه ... وكتكسل ففراشها ملوية عليها غطاء فالأبيض ساتر لحمها العاري .. تاوقف الرشاش وهي تنوض موجدة راسها باش دخل تاهي .. تفتح الباب وخرج لاوي عليه فوطة على نصو .. شافت فيه وبتاسمات .. 

عبير ~ بصحة احياتي .. 

عثان ~ الله يعطيك الصحة .. 

دازت من حظاه وتعلات باستو فخذو ... 

عبير ~ شنو بانليك إل مشينا سافرنا شوية قبل رمضان ؟! .. مم !! ..ميمتا ماسافرنا .. طولنا فصداعنا حتا مابقيتيش تاكاتشوف فيا " نزلات فمها مغوبشة " 

عثمان ~ " مد يدو لتحت الذقن ديالها وطلع ليها راسها تاتقابلو عينيه مع عينيها " ختاري فينما عجبك ونمشيو ماعنديش موشكيل، والصداع راك نتي لي طولتي فيه أحبيبة .. 

عبير ~ ايااي شحاال كانتسطا عليك " عنقاتو وعاد نطقات " ولكن نتا لي تبدلتي عليا أعثكان تما انا بلعكس ماكاندير والو .. 

عثمان ~ " بعدها كيشوف فيها " دخلي دابا حشن ماغانجبدو شي صداع ثاني .. 

تنهدات ودخلات لدوش .. طلقات عليها الرشاش فرحانة وٱخيرا .. هاد النهار تصلحات الأمور بيناتهوم .. تاسالات ولبسات عليها پينوارها .. وخلات شعرها مطلوق فازݣ .. وخرجات من الحمام .. كتشوفو عاطيها بالضهر لابس سروال كيط فالاسود وتيشورت فالأسود وشعرو باقي فازݣ .. 

يالاه غاتهضر وهو يدور عندها مطلع حجبانو .. وهي غادا وكتقرب وعينيها علة تيليفونها بين يدو .. يالاه غاتعلي عينيها فيه .. حتا كنحس بطرشة خبطاتها لحنكها حتا تلاحت فوق الناموسية .. مصدومة علات عينيها فيه ويديها دايراهوم على حنكها كيترعدو .. 

عثمان ~ " عينييه حمريييين وذاتو سخونة عليه موجه التيليفون فوجها " شنووووو هاادا !! ممم ! " بالغوات " شنووووو هاااادااا .. 

هي ماكاتشوفش نهائيا فتيليفون وانما فعينو .. 

عبير ~ كي كيفااااش قدرتييي ضرببنييي ؟!!! .. 

عثمان ~ باااقاااا كااتهضرييي .. 

عبير ~ " بدات كتغوت " مااااضىبنيييش سمعتييي ماااضربنيييش مااعندكشش احقق ضربنيييي .. 

ماحسات غير تجرات من كوعها تاوعدات وقفات مقابلة معاه ورجع عطاها باللور ديديه تارجعات تبونبات فوق الناموسية وهي تغوت كتبكي .. 

عبي ~ بعععد منييي الشماااتة بععد منييي .. 

عثمان ~ انااا شماااتة الحمااارة ممم .. شماااتة حيييت كننخليييك تخرجيي فنصاااص دليل وترجعيي ووق ماا بغيتي ... اييه .. 

عبير ~ " ماضت كتبكي وترطا وتعلي فيديها " ماااضربنيييش ماااضربنييش سمعتييي الشمااتة مااضربنيييش .. ماابااغاااش نوووولد واااش ماااكااتفهمششش الخرااا " ضرباتو دافعاه على سدرو كتشوف فيه عينيها حوومر وحناكها حوومر طباعي ديديها مصورين فحناكها " ماااباغاااش سمعتيي ولاابااغيي الولاااد سييير عند ليي توولدهووملييك انااا بعععد منيييي ...

صعرات وجايا باغا ضرب فيه تاكيجمعلييها شعرها وكيلويه على يدو وهي تغوت .. 

عثمان ~ لااااشش مزوووجةةة اااا لاااااش مزززوجةة .. مااابغييينيييهوومشش حييديي ديلمهااا الوااليييدة ماااشيي تقتليييهووم الكلببةة ..د

عبي ~ طللقق منييي مااتحطشش يدييك عليااا الحمااار طلللققق " دفعاتو تابعد منها " الىىى كنتييي راااااجل سسيير عنند لي تقد بييييك .. 

عاود ضربها تاطاحت فالأرض وهي كلها كترعد ..طلعات عينيها كيترعدو شافت فيه ... 

عثمان ~ جمعي حوايجك وسيري لداركوم ..نتي مطلقة ... 

عبير ~ " ناضت جمعات الوقفة معصبة كتشوف فيه " اهاااه باڤووو هاادااا ماافجججهدك ديير ياااك .. هاادااا ٱخخرر كلمةة عندك ..

ماشمعش ليها دار كابتيغ ديكغون وسيفطها لراسو ولاح تيليفزن فالأرض حتا تشخشخ كااامل تاسدات على ودنيها كتغوت ومشا خارج زدح مورااه الباب .. 

عبير ~ " كتغوت من موراه " حمااااااار ماااااشييي رااااجل " بداو دموعها كيطييحوو ونفسها كطلع وتهود وطلعات يديها نزلات بيه م على وجها " حماااااااااار اهئ اهئ ...

""""""

عبير ~ " دموعها طايحين من الجناب وباقا كتشوف فالسقف " كيفاش قدرتي ديريها ونتا كنتي كتقول بلي كتبغيني كيفاش بأبسط الأسباب تخليتي علياااااا اهئ حراام عليك اعثماان حرااام عليييك .. 

بعد ماطلعات من عندهوم يامنة دارت عند الباتول .. 

يامنة ~ واش غاديري مع سارة ؟! .. 

الباتول ~ علاه اصحابليك غانخلي تاهادي مراتو ماشماشي تحماق عليا ! .. بجوووج بيهوم .. غي هادي نتنااو تاتجيب الحفيد ونصفيوهاليها تاهيا .. ماعندناش خيرنا يديه غيرنا .. 

دارت كتشوف فيه .. 

وسناء ~ فف عييت .. 

عثمان ~ " شاف فيها شوية ورجع لطريق " ههه ومادرتي والو عاد !! .. 

وسناء ~ اااه دااكشي كامل لي طلااعنااه وهاادنااه مااعملت واالو .. كاغير بغقييت شوييكييكة كااراه تشوفتيني سخاافتلك .. 

عثمان ~ " دار غمزها كيضحك " بحال ديك السخفة لي كتقولبيني بيها كل ليلة ولا !!؟ .. 

رجعاات جمرة وقلبات وجها لجهة الأخرى .. تارجعات شعلات المسجلة باغا تلف .. 

ويسناء ~ مكاتخدمشي باللوثوث .. 

عثمان ~ كتخدم " جبد تيليفونو من الجيب " هاكي ديري لي بغيتي منهنا ديجا مكونيكطي معاها .. 

وسناء ~ " باقي حناكها حومر " واخا .. 

جبدات اليوتوب ودارت نجوى فاروق - موجوع قلبي ... ورجعات تكات على الجاجة .. كتشوف فالنجوم لي بارزين فالسما .. والضوء ديال الطوموبيلات لي كيضوبلهزم عثمان مرة مرة .. دام الصمت لوهلة بيناتهزم فقط صوت الأغنية لي مطلوق .. هو شاد على الڤولون وعينو على طريق وهي كذلك مدورة راسها .. حتالاياش غاتبقا هاكا .. كلما كتفكر انها خسها تضمن راسها وفلوسها ومستقبالها .. بحكم الحالة ديالها مامستقراش .. شكون ضمن ليها من غدا يرجع عند الأخرى ويخليها وهي ماعارفاش تاشنو وقع بيناتهوم بالضبط .. او بالأحرى ماباغاش تعرف وكرامتها ماكاتسمحش ليها باش تسولو .. باش ماتبانش مسوقا ليه .. وماباغا تعرف عليه والو .. داتها عينيها وغفات تاكاتفيق على يديه .. سطاسيونا فالدرب وفيقها .. كان الضلام وسقيل نص ليل .. تعشاو فمدينة فاس عاد كانو جاو .. نزلات مدوخة .. دخلو لرياض .. كيف ديما داك الهدوء شحال زوين .. عكس مين كيكون كولشي فايق .. فين كيبداو المشدات والهضرا لي ماطايقاش .. والسم والحقد وشد فيا نشد فيك .. طلعو لبيتهوم .. حيدات هي الحوايج وتكات .. كتشوف فيه هو كيحيد حوايجو تاسالا وهو يدور عندنا غير بشورط والفوق عريان .. بتاسمات ورجع ليها الإبتسامة .. وهو مقرب ليها تاوصل لعندها وتكا حداها وسعات من حداها تانتي ورجعات كحزات حطات راسها فوق سدرو .. يالاه غاتهضر وهو يحط صبعو فوق فمها .. 

عثمان ~ " بصوت رجولي خاافت وحنيين " ششش ... نهار واحد !! ..

بقات غير كتشوف ورموشها كيتقالو عليها .. حتا مشااات .. بقا غير هو كيشوف فيها شحال عاد نعس ..

خلاها باقا ناعسة .. وناض دخل دوش .. وخرج لبس سروال دجين فالأسود مع شوميز فالأبيض وفوقها ڤيست فالباج طلق السجادة صلا الصبح .. رش ريحتو ولبس ساعتو .. عاد خرج من بيتو .. تاكيتصادف مع عبير .. يالاه غاطلع راسها تاكاتشوفو .. بلعات ريقها وتصمرات فبلاصتها .. هبط راصو كيحك جبهتو تنهد ورجع طلع راسو متقدم بعندها .. هي جمدات وبقات غير مخرجة عينيها فيه .. تاوصل لعندها .. 

عثمان ~ كيبقيتي صاڤا شوية ؟! .. 

عبير ~ " حنات راسها " الحمد لله " شافت فيه " ونتا ؟! سمعت بلي اليوم غادي تطلقو نتا ومنال ؟ .. 

عثمان ~ امم .. جا الوقت باش نصحو غلط الواليدين .. 

طلعات عينيها مدمعين فعينيه .. 

عبير ~ " ضحكات فعز البكية ديالها " عرفتي شحال باش كنتسى هاد اللحضة !! ..

عثمان ~ " نفخ بشوية مدوز لسانو على شفايفو " عبير .. هبطي تفطري باش تشربي الدوا ديالك .. ديجا هضرات معايا الطبيبة .. نقصي شويا من التعصاب ديالك .. الله اعاون .. 

دار خلاها حالا فمها شوية .. ودموعها نازلين واخدين طريقهوم فحناكها .. دخلات بسرعة وسدات الباب وتكات عليه وهي تنزل على وقفتها شادا فكرشها كتحرك راسها يمين وشمال .. 

عبير ~ لا مايمكنش نخسرو " كتنخصص وطلع النفس وتنزلو بسرعة " اهئ اهئ لااااا هو راااجلي رااااجلي .. اهئ اهئ انا ندمت اربيي ندمممت اهئ اهئ ندمممممت اهئ اااااااا ..

ناضت بشوية كاتكسل .. وعينيها كيتلصقو .. دخلات للدوش هو اللول وخرجات لاوية عليها فوطة وكتنشف شعرها بفوطة أخرى تابدا تيليفونها كيصوني مشات بشوية عليها كتمختر هزاتو وݣلسات فوق الناموسية دايرا رجل على رجل جاوبات .. 

زينب ~ وفييييين اشعاايبية ياختي كتقطعي الحس فخطرة .. 

وسناء ~ ههه غير هنا الحبيبة دقاالبي فايين غانكون فنا داارك الملا ياختي ماكاين فااين جبارتيني شالاه مشا لصپا .. 

زينب ~ هاكاك ياختي نتي لي جات معاك كيتي .. 

وسناء ~ ههه وشني !! .. " كتقلب فدفارها " الواحد لماشباعتيشي بفلوسو شعاندك ماتعمل بيه !؟ .. قالك الحوب قاال خااليتو ليلكوم ازاين .. هههه

زينب ~ نااري نتي خاطااار، إيوا شديه عندك .. هي طاح فيك .. 

وسناء ~ يأ وبزاااف كون تشوفلك مراتو مسكيينة تفاااقسااات .. ياا ربي بغيتو يطلقا ونرتاح مناا اولى يعملي داري بووحدي .. 

زينب ~ واش بصح اليوم غايطلق منال قاتهاليها خالتي .. 

وسنذ ~ هاهوا كيطلق تما ...

زينب ~ هاي هاي وليتي تغيري .. 

وسناء ~ شنيي منيتك هههه اناا نغاار مستحيل انا باغا غير البعير نخوييها من الطرييق بااش نعالماا ياناا شكوون اماا هوا هه شلا يمشي يجي غيرو زلولى اصلا ماكاتهمنيشي على .. 

زينب ~ بففف مهيم مهيم فراسك نقوليك واحد الحاجة هيثم غادي يخطب الهام .. 

وسناء ~ " بدهشة " دااخلناا علييك حلف بالله .. 

زينب ~ ههه والله ياختي بقا تااداها .. 

وسناء ~ ياااه ههههه كان دايما كيقولالي فرااسك يااختي وهانتينا شكون بحاالا فويااخ هادشي .. 

زينب ~ من عرسك لي كانت هضرات مرات خالي مع عمتك إيوا دابا غايديرو الملاك .. 

وسناء ~ وتشووف ليك ݣاع ماغايعرووضني .. 

زينب ~ لا واقيلة راه قالتها لحبيبة ايوا نتي فين غاتجي اصاحبتنا تبتي شوية باقا يالاه تزوجتي .. تالعرس واجي راه غايروه فالجبل .. 

وسناء ~ اييوااا شحال ماحضاارت لشي عورس فالجبل ايوا صافي احسن حاجة ... اشمنراه يالاه تزوجت اصاحيبتنا هادي شهاار .. 

زينب ~ ايوا المهيييم بعدااا، اه حقا قاتليك رودينة ؟! .. 

وسناء ~ شني عاتقوولي اناراه ماهضارتشي معاها شي اربعيام دابا .. 

زينب ~ راه شاكة واقيلة حاملة .. 

وسناء ~ " بفرحة " حلااااف باللله ههههه ايواا ناغاتمشيشي لطبيب اولا !؟ 

زينب ~ لا ݣاتليك غدا غاتمشي دابا تعيط تقولهاليك .. 

وسناء ~ صتفي قطاع قطاع يانا غانعايطلا دابا نهضار معاها .. 

زينب ~ وتفااكرينا المووصيبة ياوويلي هادشي غاعندك لابونمو .. 

وسناء ~ وصافي صافي سكتنا دابا .. 

قطعات من عندها وعيطات لختها وهي نايضة كاتبدل ومجمعة معاها كضحك وكرر .. وعاد عيطات لشيناء باش تمشي معاها ..لبسات جليليبة فالݣرونة .. بسفيفة فالغوز بيبي وطرز خفيف هابط من جيهت السدر .. فرقات شعرها الوسط وجمعاتو كعكة أسفل الشعر .. وكتافات بعكر فالأحمر خفيف وماسكارا وخلات وجها طبيعي .. دارت النضاضر وهزات ساك طوييل وصغير .. دارت فيه بسطامها وتيليفونها لبسات سنيديلة عالية شوية فالݣرونة .. وخرجات من البيت مشات نيشان للغرفة دشيماء لقاتها باقا كاتبدل .. تاسالات ولبسات فولارتها عاد مشات هبطات معاها سلمو على ياقوت من بعيد وخرجو شدو طاكسي .. وقفو حدا واحد الكافي خرجو فطرو داكشي خفيف طريف .. وخلصات وسناء من الكاغط ݣيشي دعثمان عطاهاليها اول مرة كل مرة كيحط ليها فالكونط .. 

كيف سالاو نيشان لصپا غير دخلات تعارفات مع مولاتو هوما لي كانت ديجا جات عندهوم .. ضربات لاصير للحمها كامل .. وصايبات دفرانها.. دارت الصوان للوجه .. وقتدات دفار رجليها .. عاد خرجات جاو يصايبوليها شعرها وهي طلب منهوم يديروليها ليميش فالݣري لي خارج الامو فالأنسطا .. 

شيماء ~ فغي غادي ديريه ؟ ..

وسناء ~ وي كيخرااج مزييون .. 

شمياء ~ ماعرفتش الصراحة تخافي يخرجليك على الشعر نتي عمرك صبغتيه ؟ . 

وسناء ~ لا .. 

الكوافورة ~ بلعكس غايجيها زوين خصوصا ان شعرها فااشاتان " كتعلي ليها شعرها " فغيمون غايجيها فن وزيد عليها وجها بيض مشاء الله غزالة .. 

وسناء ~ رابيي يخااليك الحبيبة " كتشوف راسها فالمرايا " وتشوف قاطاعلي شوية .. رجعولي حد لهنايا " نعتاتليها جيهت اللخر ديال ضهرها " .. 

الكوافورة ~ نخليه ليك على طولتو ياختي ماتسخايش بهاد الشعر .. 

وسناء ~ نقصولي شوية رااه كثيير كيعاذبني فالغسيل وعملي ضيݣراضي من جناب ... 

الكوافورة ~ واخا .. 

بدات تقطع ليها فالشعر .. عاد صبغاتو ليميش فالݣري كيفما طلباتو .. وبقات مجمعية مع شيماء حتا وصل الوقت وحيدوليها داكشي وغسلات الشعر وصففاتو طلع كيحمق درجاتو ليها .. 

يالاه خارجين تاكيعيطليها عثمان .. قاليها باش تسنا تما غايدوز موراها .. بقاو فوسط الصالون كيتسناو تاعاود صونا عليها باش تهبط لقاتو واقف بطوموبيلتو .. ومنال ݣالسا حداه .. هي كتقرب وهي تهبط الأخرى من القدام وجعات ݣلسات اللور .. بقات غي كتشوف من هاد المنضر هي عارفاهوم طلقو !! .. ولكن جتها هاد البارتي فشكل .. مشات بخطواتها المحسوبين وطلعات سلمات على عثمان كن وجهو وهو كيشوووف فشعرها وعطات سلام غير بفمها لمنال لي اصلا ماطالقاش معاها بالمرة .. ديمارا .. وهي تقول شيماء .. 

شيماء ~ ماعرفتش واش نقول مبروك ولا نحزن ؟! .. 

منال ~ هههه علاه اشنو تبدل ! .. 

وسناء ~ " ببرودة وهي كادير النضاضر فعينيها " هو انك مابقيتيشي اللولة ورجعو دابا غير جوجات اولى لا !! .. 

دارو بثلاثة كيشوفو فيها يالاه غايهضر عثمان قطعاتو منال مبتاسمة باش ماتجبدش الصداع .. 

منال ~ هههه ولاهيلا عندك الصح هههه ...

تنهد عثمان بصوت مسموع ووسناء قالبة عينيها جيهت الشرجم .. اما شيماء كملات تاهية الضحك ديالها مع منال تبرد الموقف .. غير وقفات الطوموبيل نزلات وسناء هي اللولة بقا عثمان كيشوف من موراها .. نزلات شيماء ومنال .. مشاو تادخلو .. هبط و على الڤولون شزية نزل من الطوموبيل سدها وتبعهوم .. غير دخلات طلعات لبيتها بقات وسناء طلاقات مع ياقوت عنقاتها كيهضرو على الطااق ومشاو متوجهين لصالون فين كانت رشيدة وبناتها لي جاو هاد الصباح لتم .. تادخل عثمان مشا نيشان طالع لبيتها دخل عليها كانت كتبدل حوايجها قدام الماريو .. 

عثمان ~ " دخل كيسد فالباب وهو كيهضر معاها " شديك التصرف درتي قبيلة مع منال .. 

هضرات بلى ماضور ببرودة .. 

وسناء ~ شمن تصرف ؟! .. 

عثمان ~ ديك النهار عبير ودابا منال !! واش عزيز عليك الصداع .. 

دارت واحد الدورة بشي شوفات كون كانو قرطاس كون دخلو فيه .. 

وسناء ~ شووووفتك كااتلووومنيييي .. 

قرب عندها ..

عثمان ~ مين نكون كنهضر معاك " شير لعنيها " هادوك هبطيهوم .. ماشي غانتي لي كاتعرفي تخرجي عينك .. 

علات حاجب ونزلات الأخر صافي شعلات .. 

وسناء ~ وااااش عاامروووك علياااا اولىى باايناالييك فييا هاااد النهااايراااتي .. 

عثمان ~ " بحدة " واااااسنااااء ... هبطيي صووتك .. " جرها من كوعها تاقربها منو ..

عينيهوم بجوج فيهوم شعلة تضاد بيناتهوم .. 

وسماء ~ " بالغوات " قووووتلكك مااتغاااوتشيي عليااا سمااعتي .. 

عثمان ~ " زاد جرها عندو مزير على يدها ونطق بصوت منخفض على اللول " علاش قطعتي شعرك مم !! "زاد دور يدو الأخرى على خصرها وزيدرها معاه تاحسات براسها تزمتات " علاش بدلتي لونو مم !!! .. 

وسناء ~ " وترها وتشتت النضر ديالها خفضات صوتها بلى هواها " ط ططلق منني .. " بصوت خافت " ماتشبرشي فيا .. 

عثمان ~ " حنا لعند ودنيها " ماغاتغطيش هاد الشعر خلاص مم " ماحسات غير بعضيضة فشحيمة دودنيها مين معلقة حويلقاتها " يالاه دوي !! .. فيناهوا داك لسان ...

رجع شاف فيها مطلع حجبانو شالاه غاتحل فمها وهو يزمت فمو مع فمها مدخل لسانو جبد لسانها معاه هاد المرا حلات عينيها على جهدهوم ... ماقادراش تحرك .. زمتها بين يديه .. وكتحس بشفايفو كيلتهمو شفايفها بكل سلاسة .. شوية شوية كتغمض عينيها وكترخي يديها وهي راجعة باللور وهو معاه تاحاوطها مع الحيط .. وطلع يدو حاصرها بيهوم .. نساجمات معاه تاكاطلع يديها مع ضهرو وكاتحاوط عنقو بضفيراتها المصبغين بالأحمر ..وهو منتاقل من فمها لعنقها كيشم فيها ريحتها .. تارجع شاف فوجها انفاسهوم مختالطة وسخونة حلات عينها باقا مشبكة يديها على عنقو .. باش تشوف لمعان عيونو المعسلة .. 

وسناء ~ " بصوت حنين ورقيق كأنها كاتلتامس طيبة قلبو " ماتبقاشي تغوت عليا .. 

عثمان ~ ونتي ماتبقايش ديري الحوايج لي كيخرجوني على طوعي .. 

وسناء ~ انا مكاندير والو غير نتينا ماكاتحسشي بيا .. 

سكت مدة مطلع يدو كيمسح حنيكاتها بشوية .. 

عثمان ~ ماكاتعطينيش الوقت فين نزيد نقربك ليا ... علاش !

وسناء ~ " نتاقلات من عنقو لأزرار الشوميز ديالو " حيت خايفة .. 

عثمان ~ " بصوت هادئ رجولي خافت " مناش !؟ ..

وسناء ~ " طلعات عينيهت فعينو " نتعلق بيك " وعاودات هبطاتهوم لقميجتو " ونخسرك من البعد !! .. 

عثمان ~ " زاد قرب من وجها " مكاتيقيش فيا !! .. 

حركات راسها يمينا شمالا .. 

عثمان ~ وعلاش ! .. 

وسناء ~ " مدات صبعها ودفعاتو شوية من سدرو " حيت نتينا زااهوااني ...

طلع راسو كيضحك .. ورجع شاف فيها .. 

عثمان ~ نتي عارفة لي وقع .. " طلع يدو كيلعب فشعرها " علاش ماتايقاش فيا ! .. 

وسناء ~ تاوااحييد مااضامنلي تجيب شيي واحدة من ورايا !! .. 

عثمان ~ " رجع حنا لعندها لجيهت ودنيها ويدو كتسلل ليديها تاشدها بين يدو وطلعها لجيهت قلبو " إلى حافضتي على بلاصتك هنا، فراه تاشي بنت المرا ماغاجي بلاصتك .. 

طلعات عينيها كتشوووف فيه وتاهو بعد شوية ورجع باسها ففمها .. وغمزها .. ومشا خرج .. مافيقها من سهوتها غير الة دالباب .. حركات يديها لجيهت قلبها لي كانو الضربات ديالو متوالية .. وبتاسمات دون شعور .. عاد مشات كملات التبدال ديالها ولبسات قفطان فالبلو غوا .. وخلات شعرها مطلوق فرحانة بيه .. رشات من ريحتها ومشات هابطة لتحت .. دخلات لصالة كانو تالرجال مجموعين باش إتغداو .. شافتو .. تحمرو خذوذها بلى ماتحس وأشار ليها بيدو بلى مايعيق بغمزة من عينيه باش تجي لعندو .. قلبات عينيها متفاديا نضراتو ومشات بشوية تاݣلسات حداه ودور يدو على ظهرها .. عاد رجع كمل حديثو مع باه .. سارة مااحملااتش المنضر لي دار وهي لي كانت متبعة كولشي بغات تنقز من بلاصتها .. وبقات غير كتسمم مع ختها عليهوم .. تغداو وسالاو ولالتنا بقات ݣالسا دايرا رجل على رجل قول غير محنية .. تاماض كولشي تفرق طلعو هو وياه هو بدل عليه وهي نكات فوق ناموسيتها .. تاخرج وخلاها ناعسة .. 

ماضت فالمساء قادات حالتها وتمات هابطة كتسمع الهضرة فالمراح .. لقتتهوم مجمعين وݣالسين على برتد دٱتاي والحلوة .. غير دخلات عليهوم بداو غير كيخنزروتامن عبير لي ݣالسة حدا سهام ويامنة ... تاݣلسات حدا شيماء .. 

الباتول ~ وراه الثمنية هادي .. نهار كامل ونتي سادا عليك فداك البيت .. 

وسناء ~ ايوا شني باغا نعمل ههه نهاود لهنايا نݣلس !! .. 

سارة ~ وانوضي نشوفو غير حنة يديك واحد الحريرة من الصباح وهي تسنا فااكوزينة خاس لي يجيبها .. 

وسناء ~ ويانا مالي لي بغاها يمشي يجيباا .. 

يامنة ~ وكوني تحشمي شوية واش يجيبليك الله دايرا علينا اميرة هنايا .. راه ماشارينكش راك مزوجة بولدنا .. 

يالاه غاتهضر وسناء مكشرة وهي تنقز ياقوت .. 

ياقوت ~ نعلي الشيطااان اياامنة " دارت شافت فوسناء " على وجهي يابنيتي ديري يديك معانا .. 

ضربات سنانها مع بعضياتهوم وعلى وجه التقوت جمعات الوقفة ومشات كتمشى لكوزينة وهي كتحلف فسارة .. هزات البلاطو وهزات الطنجرة .. وخوات الزلايف كتملين وعزلات وحدة فالجنب .. هزات كميشة ديال الملحة ولاحتها فيها .. وعاودات هزات كمشة وحدة أخرى ديال البزار ولاحتها .. ومشات بداك البلاطو كتعوج تاوصلات لعندهوم وبدات تحط لكل واحد وزلافتو .. وعطات لسارة داك الزلافة المعلمة .. وحطات البلاطو وݣلسات من الجنب لاخور باش توجد راسها لأي هجوم .. 

يامنة ~ " طلعات حجبانها بغرور " ايوا هاكاك شوية دنفس نعرفو ولدنا واش مزوج عزري ولامرات الدار .. 

ماجات فين تهضر تالاحت سارة الزلافة فالأرض وطلعات عينيها حمريين كتشوف فيها .. 

سارة ~ " بالغوات " والللله لاااابقاااااات فديييينممممك .. 

ماجات فين تنوض تاقالت شيماء بزربة بنت عمها وعارفة علاش قادا وعاد هي زايدا فورمة على وسناء .. 

شيماء~وسناااااء بييينك ..

تم نيت هزات قفطانها وعطاتها بجرية وحدا والأخرا موراها تابعاها كتجريي .. وجري ياماتجري .. تاوصلات للغرفة ودخلات كتلهت وشدات فالباب ... يالاه غاتوصل دخل عندها ...او طااااااااااااف ... رجعات باللور مغوتااا لرببهاااااا لييي خلقهااا شادا نييفها ساايل بالدم ...

وسناء ~ " كتطل عليها من الشرجم " ومشي فحااالك ولاأحسن مااتواالييشيي ... 

يامنة ~ " وهي جايا كتشوف فسارة " ويلي وحديييي .. " بدات تغوت " خرجييي ياااا بمت الحرااام خرجييي والله ياا الزوم ايجييبو خبااارك ݣاااع الباايراات غاخرجيي .. 

مشات كضرب عليها فالبيت ورشيدة من موراها كتشوف فالنيف ديال سارة لي كامل تضرب ودمايات سايلة وعينيها كيدمعو .. تاشوية كاتطلق موسيقى مجهدة زعزعات الرياض كامل .. الحاجة الحمداوية - انا بعدا مقابلا البحر لايرحل .. 

مشات كتجري يامنة كطل عليها من الرياض وكتغوت وهي ماراهاش فهاد العالم دارت كتلوز ليها بتلنص من اللور وتغني .. 

ݣالوليا درتي وانا شي ماااادرتووو وحققؤبييي المعبوووود يااحبيبي لااافلتووو .. 

والله ماانخمم ولا نرد لقلبي خلييي الهمم يتصررف دابا يفرجج ربييي .. 

يامنة ~ يااا بنت الحرااااااام الدعوااا بييك للله دعوااا بيك لله .. 

عبير بقات فبلاصتها غير مصدومة هي وسهام .. وشيماء دموع خرجوليها بالضحك اما ياقوت كالعة باش تفك .. 

منال ~ خارجة من بيتها ) اش واقع اويلي اش هاد الموسيقى ... " كتشوف الدم فسارة ورشيدة جابدو المنديل كتوقفو " وييلي سااارة ماالكي !!!؟ .. 

مشات كتجري دارو بيها .. 

رشيدة ~ الدعوة بييهااا لله .. " كاطل على الباتو من الفوق " هاادي هي ضيااافتتك البااتول هرسوليا نيف بنتييي .. 

الباتول : " هزات العكاز كتنغز فعبير " نووضي نووضي ايوااا عيطي لداك رااجلك .. 

منال ~ خالتي راه خسنا تمشي لسبيكار واقيلة تهرسليها نيفها .. 

سارة ~ اهئ اهئ ماما .. 

رشيدة ~ اله الله ياكبدتي ياا الله " كدور تعاير " زالله لاابقااات فييك تبقااا فيااا يااا الصلݣوووووطة .. 

هبطوها كيتجاراو .. وسهام كتعيط لإدريس .. انا عبير مابغاتش تعيط لعثمان واخا قالتها ليها الباتول باش ماتماش شكامة .. كولشي مشا معاهايقات غعبير والباتول وشيماء .. اما الأخرين إدريس مشا كيطير بالطوموبيل لسبيطار .. 

الباتول ~ " شافت فشيماء لي كتمسح دموع الضحك من عينيها " نوض اللله يخصبك .... نووض أوول لديك لدااك الشيخة طفيي علينا داكشي .. 

شيماء ناضت تم نيت غادا كتسرسب فخطواتها طالعة تاكاتطفا الموسيقى .. عاد وصلات هي لبيتها كدق وهي باقا حابسة الضحكة .. 

شيماء ~ وسناااء حلي انا شيماء .. 

تحل ليها الباب غير دخلات وهي تنفاجر بالضحك .. 

شبماء ~ ههههههههههه لا هااااديي صااافييي .. رااك تكلااصيتييي مع ربااعة برشيييد .. 

وسناء ~ " كانشالي بشعرها قدام المرايا " اسوا خااليها صحاابلا غاتلعااب عليااا تايانا غاشوفتا تابعاني عملتلا هاد البلان باش تعرف رااسا معامن .. 

شيماء ~ هاديك راه انا لي كنعرفها دابا نشوفي والله لاخلاتك فخاطرك .. 

وسناء ~ هههههه غير لابااغت مازال توااراني كماارتاا وتشووف لما كملتلا ماشي غي على منااخرااا .. 

شيماء ~ " كضحك " وفرعتيييهووم ليها هههه .. 

وسناء ~ دابا اجيي تعااوني قباال مايجي خااك ويلااعبولو على عااقلو غاتجبرووم وصلوهالو .. 

شيماء ~ على شنو ناوية ديري .. 

وسناء ~ واجي نقوولك .. 

الباتول ~ صوونيتي على راااجلك !! .. 

عبير ~ " ماصوناتش " ماكيجاوبش أيما .. 

الباتول ~ وهااك مزياان تبارك اللّه فأخر يامنا نوليو ابزو مع البراهيش .. 

عبير غير ساكتة اصلا باقا غير مصدومة فلي وقع .. بقات ساكتة وقارمة تاتشوف اش غايدير سيدي مولاي مين غايجي .. وفنفس الوقت فرحانة حيت دابا غايدابز معاها وهادي نقطة فصالحها ... 

وعلى ذكرو كاطلع رموش عينيها باش تشوف هيبتو المعتادة .. 

الباتول ~ هاا هاهواا جاااا مول الخير اجيي احفييدي اجي .. 

تقدم كيشوف فالرياض والسكات .. 

عثمان ~ " باسليها يديها " شواقع ايما بصح داكشي لي ݣالي دريس ؟! .. 

الباتول ~ ايوا شماااشي نأوولك ابني .. كوولشي شااهد والشااهد الله .. المرا ديالك زااغت اولدي زااغت زااغت .. ماتبغي تهز الكاس من موطعو .. ولا تنوض دير مشغالة .. تفيألك تالنصاصات النهار .. وتفطر بوحدها تأول غاكارية .. واشهاادشي ابني ... كلام الحأ يتأل ...

عثمان ~ " كيشوف فعبير لي مشتتة النظر ديالها لبعيد مابغاش اصلا تشوف فيه " يما ماشي وقت هاد الهضرة دابا تانهضرو من البعد .. 

ناض مخليهوم بجوج بهيوم .. الباتول كتبخ الدم ... ومشا طالع مع الدروج تاكيصادف شيماء خارجة من الغرفة كضحك .. 

عثمان ~ شيماء ؟! .. 

شيماء ~ " ضارت بسرعة خلعها شادا على قلبها " الله ياخوا وغابشوية فف خلعتيني .. 

عثمان ~ " كيشوف فيها نضرات ديال منتك " وليت كنخلع دابا ؟! .. 

شيماء ~ها لا غ غير دابا شنو علاش عيطتلي .. 

عثمان ~ والو شتك خارجة من عند وسناء سولتك !! .. 

شيماء ~ " صغرات عينينا " متأكد .. 

عثمان ~ " عقد حجبانو " مكانلعبش معاك هنايا سيري لبيتك .. 

جمعات عينيها لعندها وهبطات راسها مشات بحالها لبيتها .. وهو تغاضا بعينيه ومشا داخل لبيت .. الضلام فيها سد الباب ومشا شعل الضو يالاه داك تايوقف فبلتصتو باش كيشوف الناموسية بكوڤرلي فالأحمر زوين والمخايد ديالو مستفين .. ووسناء ݣالسا فوقو لابسا شوميز دونوي فالأسود حريرية وداك الخلخال لي شراليها معلق فرجليها لي معلية ليه بيييضة ومافيها تاشعرة كاتشعل بحال لحم ليبيبي .. طلعات عينيها تامكحلين ..والخلخال لي معلق تافراسها .. علّا حجبانو بقا غير كيشوف .. 

وهي تضعط على تيليفونها طلقات أغنية العايلة مولاتي ديال فاطمة الزهراء بناصر ... وناضت بشوية عليها كاتشايل بداك الرجل لي فيها الخلخال .. باش تسمع تشك تشك تشك ... مع النغمات ديال الأغنية ... 

أنا العايلة مولاتي عيونك هلكو ذاتي يا لالة 

أمولاتي يا لالة أمولاتي 

أنا العايلة مولاتي القد واللباس إواتي يا لالة 

أمولاتي يا لالة أمولاتي 

أنا العايلة مولاتي الخلف الخذ إواتي يا لالة 

أمولاتي يا لالة أمولاتي 

مشات كتقرب ليه وكتعلي يديها كاتلويهوم على عينيها كيبانو منهوم غير الأيلاينر لي مرسوم بإحترافية .. 

أنا العايلة مولاتي عيونك هلكو ذاتي ....العيون لي حبوني مايبغيوش عليا يا العايلة 

تمات راجعة لعندو كدوز يديها على كتافو كتحيدليه الجاكيت وتاهو متبعها بعينيه مثقل ومخليها تايشوف اش غادير .. وصوت خلخالها مترنن فوذنيه .. بلا عيونها لي فتنوه .. 

نساو الخير عليكوم نعم الله مساكوم ألالة 

حاجة ماجابتني الغرام فوجه الحباب ألالة 

أنا العايلة مولاتي القد واللباس إواتي يا لالة

أنا العايلة مولاتي القد واللباس إواتي يا لالة

تلاعبات الخصر ديالها ..والهزة ديال كل جنب .. خلات رجولتو تنوض بلاهواها .. انوثها هزات كيانو ومسامعو الداخلية .. جات بشوية تاݣلسات على حجرو وحنات على سدرو تاقربات لودنيه وهمسات بصوت رقييق كيف اول مرة سمعو .. 

وسناء ~ هي لي عملات ..وهي لي بغات .. ويانا عملت .. غي داكشي لي شوفت .. احيااااتي ... 

بعدات كتعض على شفايفها وكضحك .. الشيء لي خلاه يدور يدو على ضهرها ويجرها لعندو تانغامس مع شفايفها ...

مين رجعو ناضت الروينة ولكن هوما بجوج لحياة لمن تنادي، وتاواحد مايتجرأ يدق على سي عثمان .. سارة بقات فسبيطار حيت تهرسليها عضم من النيف .. ورشيدة بقات معاها .. غير الأخرن لي رجعو ... 

ناضت مع نصاصات الليل كاطل عليه لقاتو ناعس تسلتات بشوية من قدامو ولبسات الپينوار دساتان الأسود .. مع سروال دالبيجامة تاهو فالأسود .. وهزات تيليفونها خرجات من البيت .. يالاه غاتوجه لدروج تاكاتقشع الضوء ديال البيت دعبير مشعول طلعات حاجب ونزلات الثاني .. ومشات بشوية تاوصلات لشرجم بيتها كان محلو شويية وطلقات ودنيها .. 

عبير ~ اختي الله يهديك .. راهوم هوما لي غايديرو كولشي وانا ماشي شغلي .. وهوما مساكن غاجهالة لقيتها فيهوم .. لا ديك الباتول ولات تيق فيا وهي قاتليا نعاونك فكوولشي ... ديكشي جمونفو هههه .. عرفتي لاسحرتليها يا فهرية .. غايرجعليا عثمان فرمشة عين .. 

حلات عينيها على جهدهوم .. مصدووودمة .. لا مايمكنش مااايمكنش تكون تالهاد الدرجة .. تاشوية كتسمعها كتسلم مشات بخطوات مزروبة وصلات لبيتها دخلات وسدات عليها كطلع النفس وتهبطو .. كيفاش يعني يسحرو ليها .. حطات يديها على فمها مصدومة .. طلعات عينيها كتشوفو ناعس .. 

وسناء ~ " عينيها لامعين " كيفاش قاادر تعييش مع بحاال هايدااا بااشاار كييفااااش .. !!!!

مشات نيشان دخلات لحمام .. وجبدات تيليفونها كانت الجوج دليل .. لمن اتعيط لمن .. جربات كتعيط لزينب والو ... رودينة تاهية والو ... مها ..تاهيا .. بقات كتأفأف .. شغادير داباا .. ماكصدقاش بلي غايشركو بالله باش إطيرو ليها عقلهاا .. تقولها لعثمان .. ولادابز معاهوم .. وهي مااالها .. لا لا ياقوت بريئة وتقدر تاهية تدخل معاهوم وغاتنوض الروينة ... وديك الساعة عاد غاتسما بنت الحرام مقطرة .. 

وسناء ~ سيييريي ياادييك الشاارفةة بغييتلك المووت كيفماا تنتينا بااغاا تخرووجلي على حيااتي .. 

خرجات من تم كتحيد عليها الپينوار بالعصبة .. وكتعاير فنفسها .. تاتكات ناعسة حداه .. مدورة وجها مخنزرة ... تاشوية رجعات دارت لعندو ..وكتشوف فيه .. واش بصح غاتقدر تكمل معاه حساتها لي بقات .. هي ماتقدرش .. ماتقدرش تبقا معاه وهو مع وحدة أخرى وكيتسنا مولود ٱخر .. شنو واش تاهية تجرب تولد !! .. مانعرف ربما باش تاهية يولي عندها سبب باش تبقا معاه .. وعلاش ؟! .. هي باقا صغيرة .. هي باقي عندها فرصة فين تعيش .. باقي عندها فرصة باش تعطي قلبها لشخص لي غادي ابغيها بوحدها .. ماشي انها تكون هي الزايدة .. مدات يديها كدوز بشوية على سدرو .. اه كون كانت ليه بوحدو غادي تفكر تعطي لراسها فرصة .. باش تبغيه .. وحتايبما كون مكانش كيتسنى ولد وبقا مطلق عبير .. كون راهي دابا وحدها معاه .. رجعات دورات عينيها لسقف .. شنو هادشي .. واش هادي هي الحياة لي كانت كتحام بيها ... اه .. الفلوس فيديها .. الرياض ولا في الأحلام .. راجلها تيتيز ولاباس عليه .. ولكن شنو !! .. مشاركاااااه .. لا هي اكيد خسها تبدا تقلب على راسها ... وخسها تهز رحالها من الرياض فأقرب وقت .. وتضمن راسها .. أفكار كانو كيدوها لأفكار ... رجعات دورات يديها عليه .. وغمضات عينيها .. 

... حلات عينيها كتسمع الصداع .. مافهمات والو .. ناضت بشوية عليها كتشوف الساعة 12:46 .. ماتسوقاتش وكملات المشي بشوية عليها .. دخلات لحمام وطلقات عليها الما كدوش .. تاخرجات بالفوطة .. كتشوف فالمرايا .. وباقا كتسمع الغوات والتنواح .. لا بصح هاد المرة قطبات عحجبانها متساألة .. هزات تيليفونها حلاتو .. باش كتر من عشرة ديال ليزاپيل .. من عند مها شيماء ياقوت تخلعات .. تاكاتسمع الدقان من موراها وجاوبات .. 

وسناء ~ شكووون !! .. 

كتسمع شيماء بصوت مخنوق .. ناضت شادا البينوار والفوطة باقا على شعرها ملوية .. تحل الباب وكدخل شيماء بجلابة فالأبيض ..والشال كذلك ملوي على راسها وعينيها منفوخين بالبكا والكلينيكس كتمسح نفها .. حاالة لا يرثى لها .. تخلعات وسناء مافهمات والو وقلبها لوهلة خفق ... وبسرعة مشات كتقرب ليها .. والباب مين تفتح عاد كيتسمع صوت القرٱن من لتحت .. 

وسناء ~ " كتدي وتجيب فيها " ماالك اواااعديي شني ووققعععع .. 

شيماء ~ " بزز باش كتنطق وصوتها مخنوق " اهئ اهئ اهئ الله إرحم..."

***** نهاية الفصل الأول ****

واااش ماااشي من حقي نرتاح فعشفي .. نفرااح برزقي كيفي كيف الناس 

حضي فالدنياا نرضا بالكيااا .... صاافي قلبي عياا مايقوول لباااس ...

واااش يادنيا وااش ديما نخاالص كااش لمااكملا هاكدا ماابقا مايتعااش .. 

الحب ولا غي كلام اسطورة وحلام .. داروه فالافلام .. لي ستاهل يجي بحالي 

الحب للناس الشييك مااشي ليا ولييك فهم الله يخلييك ياقلبي الغاالي ... 

اااه من نااس تخوون ... عندها ألف لون .. 

رحلة طويلة كتسنا أبطالنا .. منها لي غايخرج خاسر ..ومنها لي غايخرج رابح .. منها لي غايبكي دموووع الخسارة .. ومنها لي غايندم اشد ندامة .. ومنها لي غاودعنا .. الفصل الثاني غايكون أكثر تشويق وإثارة من الفصل الأول .. وغانزيد نقربكوم فيه من حياة الشخصية الحقيقة لي قتابست منها شخصية وسناء على الواقع ...

يتبع...