صهيب: ماالي مااالي مروة مروة اشنو... ااااه ولاا بقا فيك الحال حيت عرفتييهم كيعطيو راسهم فابور وكيطيحو الباطل على بنادم تصدمتي فيها ولا شنوو
قبل متزيد شي كلمة شداتها من شعرها ضاربة راسها مع الزاااج ديال الطوموبيل مهرسة الزاج على وجهها ولاحتها للأرض غايبة عن الوعي وهزات عينيها في صهيب بحالا كتحدااه
سيلين: سيروو دعييوني
هاد الأخير اللي مزاد حتى كلمة بقا كيشوف فيها مبرد كأنو كان غيطرا لمروة كتر من هكااا على يديه ولكن تدخل سيلين كان كاافي يخليه يتراجع اللور مبهور من اللي دارتو
طلعات في الطوموبيل او كسيرات بحر جهدها مخلية لعجاجة من وراها مبردة عصبيتها في السرعة اللي غادا بيها اللي شاف فيها ميقولش هادي اللي كانت كتبكي غا دبا شوية كانت بااردة من جيهت كلشي لكن لداخل ديالها ناار شاعلة فييه باغا طفييها وملقااتش ليها حل
طلعات في الطوموبيل او كسيرات بحر جهدها مخلية لعجاجة
من وراها مبردة عصبيتها في السرعة اللي غادا بيها اللي شاف فيها ميقولش هادي اللي كانت كتبكي غا دبا شوية كانت بااردة من جيهت كلشي لكن لداخل ديالها ناار شاعلة فييه باغا طفييها وملقااتش ليها حل..
طبيب:(بحزن) كنتأسف للحالة اللي وصلات ليها ختك متخاافيش انا غادي نتبع حاالتها وغادي نعيط علي طبيب النفساني باش يشوفها
سيلين:شكرا..
خلاها ودخل لقسم المستعجلات اما هيا فطاحت جالسة في الأرض كتحس برجليها فاشلين عليها وجسمها كامل كيترعد عليها مهدودة ومقاداش حتى تحرك من بلاصتها.... قاطع همومها وشرودها صوت التلفون اللي كان طاغي في المكان كان سهيل عرفات راسها إلى مجوباتوش غيقلب الدنيا عليها.. دغيا دوزات الخط حاطة التلفون على ودنيها وهي باقا فنفس الوضعية
قطعات عليه وطاحت يديها للأرض فاشلة متكية على الحييط ساهية في الفراغ اللي قدامها اللي داز من حداها كيشفق على الحالة ديالها َ.... دازت مدة وهيا على ديك الحالة بدون حركة... فيقها من شرودها طبيب اللي خرج جاي جيهتها خلاها توقف بلهلا يطريه ليها غادا كتجري عندو
د. ك: سيلين كيف كتعرفي الحالة اللي دازت منها ختك مكانت عاادية بالنسبة ليها وهيا فهاد السن. خلال فحصنا ليها كمخلاتناش نفحصوها ولا حتى نقيسوها.. كانت خاايفة وكضرب فينا وكتبكي
سيلين: ولكن علاااش دااارت هكااا
د. ك: الحاالة اللي وصلات ليها ختك فعمر صغير مكانش ساهل عليها.. ختك راه تعرضاات عنيف وشنيع لدرجة كبيرة الشيء اللي خلا تركب فيها فوبيا
سيلين: ككفااااش فوبيا اش كتخربق مفهمتش
دك:فوبيا (الرهاب - Phobia) هو خوف غير عقلاني في شدة دياالو كيرتبط هذا الخوف بجسم، فعالية أو حالة معينة؛ وكيسبب التعرض لمسبب الخوف القلق الدعر من أي حاجة. كيعترفو بيها المراهقون والبالغون في العادة، بحقيقة بلي الخوف اللي صابهم مفرط وماشي عقلاني، بينما مكيعترفوش الأطفال بهذه الحقيقة دائمًا.
كيحاول الشخص عادة، انو يتجنب التعرض لعامل الخوف،و لكن في بعض الأحيان كيحاول مواجهتو. يمكن اعتبار الرُّهَاب اضطراب نفسي فقط ملي كيكون الخوف، القلق، ولا تجنب التعرض لعامل الخوف،كيسبب تشويش كبير في سير الحياة اليومية، في الأداء الوظيفي ولا الاجتماعي، وكيسبب شعورَ توتر ذاتي كبير عن المريض..
سيلين:(بصدمة) بغيتي تقول بلي ختي ولا عندها رهاب نفسي يااااك
دك: للأسف هاد شي اللي واقع اسيلين... ختك تعرضات لمرض اسمو متلازمة صدمة الأغتصاب هو صدمة نفسية كينتج عنها اضطراب سلوكي و عطفي و كيصيب هذا المرض الأشخاص الللي تعرضوا للاغتصاب سواء كان الضحية ذكر ولا أنثى و كيمر من خلالها الضحية بثلاثة المراحل و هما المرحلة الحادة ومرحلة التكيف مع الوضع الخارجي، والمرحلة النسبة ، و كيمر من خلالها الشخص بمشاكل نفسية مصحوبة ببعض المشاكل الصحية... أولاً المرحلة الحادة هادي هي المرحلة الأولى و تقدر توقع للضحية بعد تعرضوا للجريمة بأيام قليلة كيوقع ليه عدة مشاكل منها نوبات بكاء و قلق و صعوبة في التركيز و كاين أيضاً بعض الأشخاص اللي كتوقع لهم حالة إنكار أي أنهم لا مكيدكروش الحادثة بصفة نهائية الأعراض التي كتوقع في هاد المرحلة كتيرة منها ارتعاش واضح الهستيريا والارتباك والبكاء . قيء غثيان عدم القدرة على الحركة حساسية حادة لردة فعل الآخرين تبلد في العواطف مشاكل في الذاكرة وسواس اتجاه النظافة كتلقايهم كينظفو و كيغسلو أنفسهم بشكل مبالغ فيه الأرق و عدم القدرة على النوم
وكاينة المرحلة التانية وهي مرحلة التكيف مع الوضع الخارجي في هذه المرحلة كيبدا المريض بالمحاولة في العيش بطريقة طبيعية و لكنهم كيضلو يعانيو من الكثير من الاضطرابات النفسية الداخلية الأعراض التي تظهر في المرحلة الشعور بالأكتئاب و العجز العزلة و عدم الدخول في أي علاقات جديدة
لكنهم كيضلو يعانيو من الكثير من الاضطرابات النفسية الداخلية الأعراض التي تظهر في المرحلة الشعور بالأكتئاب و العجز العزلة و عدم الدخول في أي علاقات جديدة
و أيضاً من المحتمل أنو يخسر بعض العلاقات السابقة .
كيمر المريض بحالة مزاجية متقلبة حيث أنو كيظهر فيه بعض الأوقات سعيد جداً و تقدر تتقلب حالته المزاجية إلى العكس بطريقة سريعة جدا غادي يصبح المريض حاد الطبع و أكثر عدائية نحو الآخرين أضطرابات في النوم شديدة و الشعور باليقظة الشعور بالفزع مع رؤية كوابيس مستمر
-كيعاني المريض من استجابة عامة من العصبية المعروفة
باسم “استجابة اجفال فقدان الشعور بالأمان و الأطمائنان الذعر عند لمس أي شخص لهم تجنب الدخول في علاقات عاطفية.
-الهروب و السفر إلى بلد أو دولة أخرى .
سيلين: يمكن ليها تفاداااه مع الوقت وتخرج من هاد الرهاب اللي عايش لدااخل دياالها ياااك
د. ك:الضحايا اللي كيتعرضو للغتصاب انهم واجهو حادثة بشعة كتسبب بشعورهم بهزات نفسية شديدة حيت أن كرامتهم طاحت للأرض وإنسانيتهم مبقاتش ليها معنى وتسلبات منهم حقوقهم في العيش ولأمااان بالإضاافة لما كيخلفو من أضراار خراا.... منقدزس نقولك بلي العلاج الفيزيائي ولا طخيطمون اللي غنخرجو ليها غادي يخليها ترجع كيف كامت من قبل إنما الحالة الاجتماعية اللي غادي تعيش غادي تخليها تخرج من القوقعة اللي عايشة فيها حاليا حاولو تخليوها تخرج من العزلة اللي دايرا بيها... خاصها تبعد على سطريس والضغوط كيف مكان نوعها
سيلين: شكرا ادكتور
د. ك: حاليا غادي تبات عدنا هاد الليلة ترتاح شوية خرجت ليهاا طريطمون غتبعو شهر على الأقل ومن بعد يمكن ليها تقطعو
سيلين:وواخ كنشكرك..
شكراتو وخرجات من عندو شادا في الحيط خاارجة حتى كتلمح شروق او منصف او سهيل جالسين في الكولوار حالتهم كتر من حاالتهاا... توجهات جيهتهم او دموع محجرين فعينيها تحنات على رجلين شروق ونضراتها جامعين حزن ووقلة الحيلة... حطات راسها على رجليها مغمضة عينيها كاتمة دموعها
حطات يديها على راسها مدوزة يديها على شعرهاا محاولة تهدنها كاتمة دموعها مقوية راسها باش مضعفش وطيح خاصها تكون قوية باش تخلي بنتها تستمد القوة منها
شروق: شششش معمرك تعاودي تقولي هاد الهضرة قضاء الله معندنا منديرو تكتابت على بنتي مسكينة ربي غادي يحاسب كل واحد على قد نيتو مزاال ربي غادي يجيب ليه اللي يطيح بييه للأرض وياخد حقنا منو
شروق: شوووفي فياااااا عمري نسمع منك هاد الهضرة ألماس مخاصش تشوفك ضعيفة هكا نتي قوتها فهاد الحياة متخليهاش ضعف كتر من هكا...
ابتاسمات ليها ابتسامة باهتة خالية من المشاعر او خلاتهم جالسين بوحدهم وناضت خارجة براا كتحس براسها مخنوقة مقادراش تنفس...... خلات سهيل معاهم وخرجات برا كنينيك هازا راسها لسما مستنشقة نسيم الليل محاولة تهدن راسها
بقات براا حتى صبح الحاال عاد دخلات من بعد معرفات بلي طبيب كيسول فيهم........ .... سمح ليهم باش يخررجوها بحكم فاقت من المهدئ اللي خدات البارح.... لقات شروق كتلبس ليها كاتمة دموعها باش متخليها ضعف.. بقات حاضيااهم من قدام الباب ونضراتها ممفهومينش....... .. واش نضرات كره ولا حسرة ولا ضعف ولاحقد......
خلاتهم يكملو ومشات عمرات وراق لخروج ووزادت خارجة راكبة في الطوموبيل كتسناهم..... حتى خرجو عندها شادين في ألماس مركبينها عاد ركبو هوما.... اما سهيل مشا لدارو في صباح بكري من بعد مطمن على ألماس بلي بيخير
شداتها عفطة وحدة بدون متنطق بشي كلمة ولا حتى تهضر حتال الداار ديبلاصات الطوموبيل في الباركينغ او تسناتهم يهبطو بلا متنزل من بلاصتها...
شروق: سيلين مغتهيطيش ابنتي
منصف: سيلين رااه ماماك كتسولك ابنتي جاوبيها مالك ساكتة
سيلين: لااا ااانا مببقييتش غندخل لداك الداار
شروق: الله يا بنتي شكتقولي
سيلين: دييك الدار فيها بزااف فيها ضحكت ختي اللي سمعتها قبل منخرجو منها... فيها مقالب ختي اللي مكيتقاداوش ديك الدار شادا ختي ألماس هاد البنت ماشي ألماس اماما شوفي فييها شوووفي هاادي جتة هاامدة ختي ألماس مكانتش كلمتنا كتمشي عليها ختي ألماس كانت فهاد الوقت قالبة الدنيا عليينا هاادي ماشي ختي اماما ماشي ختي انا غادي نمشي نرجع ختي اماما انا مستحيل نرجع بلا منرجعها معايا
شروق:(كتبكي) الله يرضي عليك ابنتي مديريش ليا هكا راه قلبي كيتقطع عليكم بجوج
منصف: الى بغيتي نبدلو هاااد الدار ونمشيو للدار اللي عدنا في جبل المهم متمشيش عفااك ابنتي ختك محتاجة ليك كتر من أي وقت كاان
سيلين: اناا عمري غادي نخليها بوحدها عمري ولكن مستحييل نخطي شي خطوة بلا بيهاا ابابا
قالت هاد جوج كلمات او كسيرات بحر جهدها مخلية شروق معنقة ألماس كتبكي على كبدتها اللي تحرقاات
السرعة اللي كانت غادية بيها كانت كافية تخلي كلشي متبع ليها العين موقفات حتال داار سهيل... بحكم عندها الدوبل ديال سوارت حلات الباب ودخلات لقاتو متكي فوق فوتوي في الصالون شاد راسو..... مشات جيهتو حاطا راسها على سدرو مخلياه معنقها مدوز يدو على ضهرها..... كأنو كيعطيها القوة بااش تقدر توقف على رجليها من جديد..... بقا على ديك الحالة بلا ميهضر معاها ولا حتى يقول حتى كلمة حتى حس بيها ترخات عرفها عيات طل عليها لقاها بصح فسابع نومة ليها.. هزها وحطها فبيتها اللي كتنعس فيه فاش كتبات عندو هبط الريدوات مضلم الدنيا عليها او خرج شاد طريق للإذااعة مخليها ناعسة....
في قصر المزراوي كان الأرق حاكم عليهم كاملين حتى حد منعس ولا شافو من بعد الشوهة اللي طرات مخليين كاع الجراائد يكتبو علييهم
رجاء: مبقاش قاد يشوف فينا من بعد الشوهة اللي دارو لولدي مسكين
رحمة: مديرش متخافش ابنتي
في عز هضرتهم ومناقشتهم مع بعض كان جالس معاهم وعقلو ماشي معاه جسدو في القصر وعقلو وقلبو مشاو عندها ساهيين في الأحداث دالبارح أفكار كتديه وأفكار كتجيبو حس براسو مخنوق وهو بعيد على البحر اللي كيريح أعصابو بلا ميفكر ولا حتى يزيد شي كلمة معاهم ناض من وسطهم غادي بحالو مخلي أنضار الكل علييه
سيف الدين: فين غاادي اولديي
هز بيديه بحالا كيقوليه مافيا مايهضر وزاد مكمل طريقو خارج
هزل: هدا ماالو
غفران: انا غادي نمشي نشوفو قبل ميمشي نخليكم دبااا
خلاتهم او مشات خرجات تابعاه كتقلب عليه... لقاتو جيهت الباركينغ بغا يكرب في طوموبيلتو
غفران: صبببر ااووولديي
دار عندها وتكا على طوموبيلتو متسنييها
غفراان: (حطاات يديها على حنكو) لهااد الدرجة باغيها
صهيب: اش كتقولي الوااليدة انا غاا بقا فيا الحاال على ختها ديك الحالة متبغييها لعدووك
غفران: حتى انا بقا فيا الحاال بزاف اولدي للحالة اللي وصلات ليها البنت مسكينة باقا صغيرة ومتستاهلش....مع ذاالك مقدراش نتيق في عمراان نت عاارفو شحال من مرة زبلها كتر من هكا
صهيب: بحاالي بحااالك ولكن كندور ندور ونقول مستحيل يحلف على لكدوب.... يقدر يكدب على كلشي الا عليااا انا الواليدة..... كاينين شي حوايج دارهم غير انا اللي كنعرفهم عمران راه ماشي غير ولد عميي.... مع ذالك كنقول البنت بنت دارهم ومأصلة مبيناش عليها بنت زناقي اللي يخليها دير هكااا.... راسي غيطرطق الواليدة مافيهاش
غفران: رخف على راسك احبيبي وااخ كلشي ليه الحل ان شاء الله غادي يبان الحق من الباطل ويرجع كلشي لمجاريه
صهيب: ولكن شرف البنت اللي ضاع كعما غيرجع الواليدة بلا متقولي كلشي غيرجع
غفران: شنو باغي دير اصهيب.. عنداك تغلط مع ولد عمك اولدي مبغيينا صدااع باك لصاق لخبار ايقلب علينا الدنيا
صهيب: هاد ساعة اللي غنديرو مغنقولو لحد...
قال هاد الهضرة وزاد راكب فطوموبيلتو شاد طريق للمكان اللي كيخفف عليه وكيحسسو بالأمان اللي هيا دارو...
عند سيلين االي جبداتها بنعسة حتال لعشية... ضرباتها الفيقة على صوت التلفون اللي قالب الدنيا بصونيطو.. حلات عيميها مرمشاهم هازا التلفون من لطابل دونوي لقاتو سهيل اللي كيصوني
سهيل: مزالة ناعسة
سيلين: معرفتش مفاش داتني عيني
سهيل: راك مناعساش الليل كامل مع هاد شي اللي طرا حتى حد فينا مشاف نعاس
سيلين: شحال ساعة دبا
سهيل: هادي 6 ديال لعشية
سيلين: صاف قطع من بعد ونهضرو عندي مايدار
سهيل: شنو بغيتي ديري
سيلين: من بعد ونهضرو اسهيل ماشي دباا
سهيل: سيليييين بلا متصرعي وديري شي حاجة اللي غتندمي عليها
سيلين: عمرني مدرت شي حاجة فحياتي وندمت عليها غير تهنا
قطعات عليه وناضت من سرير متوجهة للحمام مجردة نفسها من تيابها مخلية الما نازل على جسمها وأحداث البارح دايزين قدامها بحالا داك شي وقع غير دبااا.... غسلات حالتها وخرجات ملوية في بينوار سهيل... خرجات من الحماام متوجهة لدريسينك جابدة منو ديباردو بنواغ مع سروال تجينز بنفس اللون دايرا ليه سميطة دكوتشي .. نشفات شعرها جامعاه من القدام مخلية اللور مطلوق لبسات فرجليها كاط بنواغ عالي.. ضربات مونطوها بالباج هوا والشال... دارت نضاضرها وخرجات هازا سوارت طوموبيلتها وتلفونها معاها... رمبات في طوموبيلتها ودوزات الخط لطارق اللي متعطلش باش يجاوبها..
طارق: حياتي أنا كي بقيتي
سيلين: انا لباس اطارق بغييت منك واحد الخدمة
طارق: طلبي عيني نعطيهم ليك
سيلين: بغييت النمرة ديال المزراوي
طارق: ااه صهيب المزراوي والله مخبيتها عليك
سيلين:(وركات على هضرتها) طططاااارررق بلا الطنز ديال واالو نتتت عاااارفننني علاااامن كنننهضر
سيلين:هاد ساعة مزال مدرت وااالو... لحد ساعة مهدنة ومبردة لأقصى درجة
طارق: رااه هااد شي اللي خالعني غير هاد برودية الدم اللي كتعاملي بيها دبا حيت عااارف شنو غادي يجي من وراها العاصفة قرباات تضرب غير الله يحضر السلامة
سيلين: سمعني مزياان اطارق تخرج هاد الهضرة بلي عطيتي نمرت عمران لشي حد غير نسااني اطاارق وعاارفني انا الى قلت شي حاجة راه نقد بيها
طااارق: صاااف كووني هااانية والله هاد الهضرة لخرجاات من هناا
سيلين: شكككرا بزااف اطارق..
قطعات معااه وتكات راسها على الكيدون مغمضة عينيها مسترخية نوعا ما حتى سمعات المساج جاها فتلفونها... عاد هزات راسها كان وجهها خالي من اي تعبير واخا تعيا تشوف فيه متقدرش تقرا أفكارها ولا حتى تعابيرها...
بدون متفكر دوزات الخط للنمرة اللي صيفط ليها طارق...
كاان جالس فبيتو غادي جااي والتوتو والقلق طاغي علييه حتى كيسمع تلفونو كيصوني طل على تلفونو وهوا مستغرب من النمرة اللي كتصوني عليه بحكم مداخلاش عندو
سيلين: من دبا سااعة نلقااك حدا المرصة في الجهة ديال الصياادة
عمران: اوووووه بهاد السرعة
سيلين: انا ماشي بحال ختي مكنبغيش نضيع الفرصة الى تعطلتي غاادي ضيع فرصتك بين يديك
عمران: دباا نكون عندك..
قطع معاها وتلاح على الفوطوي او الضحكة ماليا شفايفو..
عمران: كنت خايف من صداع اللي غتجبد ليا بسباب ختها صدقاات طالبة علييها.. مسماار وطرقنااه...
جبد حوايجو مبدل علييه لابس لكلاص رش ريحتو اللي كتشم على بعد أميالا و خرج هاز سوارت طوموبيلتو وتلفونو من بيتو هابط فدروج لقاهم مزال جالسين كل واحد فين شاد راسو
سيف الدين: فيين غادي نت
عمران: احم عندي شي غراض اعمي خاصي نقضيه فين صهيب
غفران: صهيب مشا لدارو قال بلي مبقاش عندو لوجه فيه يجلس فهاد الدار(كتعجبني فيه والله هههه)
مروة: مرت عمي بصح كنحتارمك او كنقدرك ولكن حتال هنا وصطوب براكة من حشيان الهضرة خويا راااه مداار والو واش مبغيتوش تفهمو بلي ديك البنت هيااللي رمات راسها عليه وملي ملقاتش اللي بغات طيحات عليه البااطل
عمران: غيير خلييها خودي راحتك اخالتي غفران طال زمان ولا قصاار غادي تعرفي الحقيقة وغتعرفي بلي انا عمري وصلت ديك البنت ولا قربت جيهتها فما بالك نغتاصبها رؤيتي ليها كانت البارح ولأول مرة كفااش انقدر نغتاصب وحدة يالله شفتها
رجاء:ولدي عندو الحق غادي تركبو فيه العصاب بهاد تأنيب الضميير شوفي فيا اغفران إلى نتي معندكش الكبدة وسمحتي فولدك طاج من الداار انا راه منقدرش نسمح فولدي ونخليه يبعد عليا كتسمعيي..
غفراان: الى نتي محتارمتيش الناس اللي جالسين معاك هنا انا غادي نحتارمك ومغاديش نقلل معاك الأدب ولا حتى نخرج العيب من فمي حيت كل واحد كيبين المستووى اللي كان عايش فييه..
رجاء: لاا واااش سمعتوها اش قاالت ولا انا غير جاب ليا الله
رحمة: رجااااء برااكة.... غفران راه مخصراتش معااك العييب نتي اللي من قبيلا كتحشي ليها الهضرة فاش وصلك صهيب حتى تهضري فيه ياك عمرو خرج معاك العيب
مروة: جدة عندها الحق اماما اش دار ليك صهيب حتى تقللي منو
رجاء: دبا ولات غفران او ولدها اللي عندها الحق او انا اللي غالطة
عمران: انا غنخرج إلى زدت دقيقة معاكم غنتسطا مافيهاش
خرج غادي بحالو مخليهم مناكرين مع بعضهم راكب فطوموبيلتو شاد طريق للمرصة فين دارت معاه سيلين مسافة طريق او حط رحالو فجيهة الصيادة كانت الدنيا خاوية بحكم الشمس غربات او الصيادة كل واحد كيرجع بحالو لدارو.. َ هبط من الطوموبيل او تكا عليها مقابل لبحر ونضارات الشر مالية عينيه
عمران: دبا عاد عرفت لاش ختاريتي هاد لبلاصة بغيتي نديروها هنا هه احح البرد(شاف فساعتو) مال هادي تعطلات هكاا.. ولا يمكن انا اللي زربان
دقائق قليلة على وقوفو حتى ديبلاصات طوموبيلتها حدااه او هبطات منها بكل اناقة وتقة في نفسها راسمة على شفايفها ابتسامة باردة خاالية من المشااعر
عمران: اوووه شفتك تعطلتي
سيلين: طريق عرفاتني جاية عندك وهيا تعمر معرفتش علاش
عمران: يمكن خاافت علييك مني
سيلين: ولا تقدر تكون خايفة عليك نت أكتر
قرب جيهتها واقف قريب ليها وصوت أنفاسو كضرب في وجهها شاد شعرها كيلعب ببه فيديه.. لواه فيدو وجرو ليها بحر جهدوو
عمران: ااششش كيسسحاااب ليييك اناااا هاااا... مكتووووبة فجبهتي حمااااار ولاااا مكللللخ مكنفهممممش.. ااااه ولا قلتي هدااا ساهل تدار بيه انقوليه جوج كلمات وغنطيحو في الشبكة باش نتاقم لختي
سيلين:(كرزات على سنانها بحر الألم) غنننقوولها لييك جووج ديال المرررات.. طللللق منن شعرررييي
سيلين: عاارف بلي تلفوني كيتمثل ضمن سمارت فون يعني يمكن ليه يصور اي واحد هزو ليا بدون علمي ويمكن ليه كذالك يسجل المكالمات الدايرة بيني وبين أي وااحد كيفما كان
عمران:(بسخرية) كتهدديني
سيلين: تو تو تو تو حشوومة تقول هاد الهضرة وجهك ماشي ديال التهديد
مسح الدم اللي فنيفو بكفو وناض واقف مقابل معاها
عمران: وعارفة بلي الحداثة اللي وصلنا ليها حاليا يمكن لأي حاجة تزور بحال صوتي وحتى نمرتي للأسف مكاينش اللي يتيقك
سيلين: ههههه يمكن معرفتكش برااسي انا سيليين... عاودها فدمااغك سيلييين قلت ليك سبق بلي الخطأ الكبير اللي درتي انك ختاريتي ختي ومختاريتينيش
بقا غادي جاي تماك والغضب ماالي عينيه معمر بنت لمراا قدراات تلعب ليه على اعصابو لا حتى تردو خاتم فيديها جات وحدة ما بين ليلة وضحاها قلبات ليه مجاري حيااتو
عمراان: انااا غااااادددبييي ندددمكك غيييير بلااااتي لمنوريييييك الموت فعز نهاااار راه مسميتيش عمراااان
جبد تلفونو من جيبو ودوز الخط والشر مااالي عينيييه
.... شنو بغييتي
عمران: فييينك بغيتك ضروووري
.... قتل ولا خطف ولا سرقة.
عمران: بغييتك تقتتل واحد الشخص
..... ممساليش دبا
عمران: غنعطييييك ضعف المبلغ اللي غتشد
..... بغيت لفلوس او التصويرة من هنا لساعة يتصيفطو ليااا
دع الأيام تفعـل مـا تشاء وطب نفساً إذا حكم القضاء ولا تـجزع لحادثـه الليالـي فما لحوادث الدنيا بقـاء وكن رجلاً على الأهـوال جلدا وشيمتك السماحـة والوفـاء وإن كثرت عيوبك في البرايـا وسرك أن يكـون لهـا غطـاء تستر بالسخـاء فكـل عيـب يغطيه كمـا قيـل السخـاء ولا ترى للأعـادي قـط ذلاً فإن شماتـة الأعـداء بـلاء...
كان جالس فوق الفوتوي مقابل مع البحر والسكون طاغي على المكان كان ضوء خفيف في دار كاملة بحكم عطا روبو للخدامة.... جالس بكل هدوء حاط قدامو البيسي ميهدم عليه بحكم مخدمش اليوم وعقلو ماشي معاااه فقط جسدو اللي حاضر هنا... سرح فى افكارو متكي راسو هازو لسما صورتها فقط اللي قدام عينيه مزال الهضرة اللي قالت كتعاود فودنيه مقادرش يمحيها من بالو.. هز تلفونو ودوز لخط لمو اللي كانت مزال منعسات غير شافتو كيصوني ناضت من حدا سيف الدين او دخلات لطيراس جالسة في الكرسي عاد جاوباتو
غفران:أاالو اولدي
صهيب: يكما فيقتك الواليدة
غفران: لا اولدي مزال منعست مزال كنفكر فهاد شي اللي وقع
عـذبـيـنـي بـكـل شـيء ســـــــــــــوى الـصـدّ فمـا ذقـت كالـصـدود عـذابـــــــــــا و قد قـادت فؤادي في هـواهــــــــــا و طـاع لـهـا الفؤاد و مـا عـصـاهــــــــــــــــــا خـضـعت لـهـا في الحب من بعد عزتي و كـل محب لـلأحـبـة خـاضــــــــــــــــع لو كـان قلبي معي ما اخترت غيركم ولا رضـيت سـواكـم في الهوى بـــــــــدلاً جسّ الطبيب يدي جهلاً فـقـلـت لــه إن المحـبـة في قـلـبي فـخـلـي يــــــــدي زار الخـيـال نـحيـلاً مـثـل مرسـلــــــه فمـا شفانـي منـه الـضـم و التـقبـيــــــل
على أشعة الشمس اللي تخللات جسمو عاميااه ممخليا رؤيتو واضحة...... حل عينيه مرمشهم..... مجبد فبلاصتو بكل رجولة اللي كانت طاغية على المكاان عاطياه ابتسامتو لخفيفة اللي كتبان كل مافاق من نعاس عاطياه جمالية ورونق ... ناض جالس فبلاصتو متكي على وسادتو شار في أفكارو........... مزال هضرتو بينو وبين غفران كتعااود فمسامعو لحد الآاان...
صهيب: رااه ميمكنش الواليدة نبغي شي وحدة ما بين ليلة ونهار هاد شي راه مداخلش ليا لدماغي واخ تبقاي حتال صبااح محاولة تقنعيني بيييه
غفران: بغيييت غييير نعرف لمن خرجتي فهاااد قصوحية الراااس
صهيب: غير لييك نسيتي راسك اش دوزتي على الوااليد
غفران: ما خلا لمن قالها ضربتو بيا الطرر
صهيب: اعتارفتي غيير بوحدك
غفران: خليك مني انا... هاانت دبا إلى سمعتيها تزوجات بشي واحد ولا غترتابط بشي حد غادي تقبلها عاادي
صهيب: (حس بقلبو تزير علييه كارز على قبضة يدو و الغضب طاغي عليه) اللي يشوف فيها ولو غير الشوفة نمحيه من الدنياااااا الااا هيااا خططط أحمممر
غفران:(ابتاسمات والفرحة مالياه) حنا عطيينااك غييير افتراض وشوف حالتك كيف ولات فما بالك الى وقع هاد شي بصح... سمعني اولدي حبنا لأي شخص راه ماشي حنا اللي كنتحكمو فييه راه قلبنا اللي كيختار اللي بغاه ورتاح ليه.. شوف انا متلا انا بغيت باباك من أول نهار شفتو فييه... نت دباا مباغيش تقنع راسك بلي كتبغييها قلبك عاشقها وعقلك مباغيش يتقبلها.... تبع قلبك اولدي حيت لبقيتي هكااا غادي تخسرهاا
صهيب: الوااليدة غادي نعس دبا
غفران: هررب عوتاني من هضرتي بحال كل مرة
نفض الأفكار البايخة اللي تراكمات عليه في محادثتو مع غفران وناض داخل للحمام مدوش علييه....... خرج لاوي عليه فوطة من الخسر ديالو متوجه لدريسينك جابد منها سورفيط بنواغ مع سبرديلة بيضة نشف شعرو وخلاه على رااحتو.... هز سوارت طوموبيلتو او زاد خارج من بيتو لقا الخدم موجدين لفطور حاطينو فوق الطبلة.... جلس في بلاصتو وباشر في فطورو ككل عادة ليه ضروري التلفون فيديه كيتصفح آخر الأخبار المنشورة
جلس في بلاصتو وباشر في فطورو ككل عادة ليه ضروري التلفون فيديه كيتصفح آخر الأخبار المنشورة..
حتى صونا ليه التلفوون.... ترسماات على شفاايفو ابتسامة تلقائيا خلات وجهو بشوش.. بدون ميفكر جااوب
صهيب:(بتكبر) احمم عااد طفات عليك الشمعة
زهير: بلا ديك نفاخة ديالك هادي هيا السلام فين غبرتي وفين غطستي
صهيب: شغنقولك وجهك صحيييح كعما كتقشر علاه شكون اللي من نهار سافر مبقاا باان
زهير: والله اما كنسالي حتى نحك رااسي فين واحد خالتي وعمي سيف الدين
صهيب: خاالتك لبااس علييها لا هيا لعمك غير توحشااتك
زهير: هيا لجيتي ديتيني من المطاار دبااا
صهيب:(كان كيشرب العاصير حتى وحل ليه على إثر هضرتو) كضضحك معاياا
زهير: وجهي وجه الضحك واللهيلا كنهضر بصح.. ا
صهيب: فيينك نت دبااا نجيي عندك
زهير: غنبقاا غير نعاود الهضرة اصهيب قلنا ليك اصحبي في المطاار
قطع معاه او خرج من دارو راكب في طوموبيلتو عفطة وحدة مخلي لعجاجة وراه شاد طريق للمطاار.....
دقائق قليلة وحط رحالو قدام هاد الأخير عاد جبد تلفونو معيط ليه باش يخرج عندو... او جلس متكي على سيارتو موجه أنضارو الباب الخروج حتى كيشوفو خاارج داير نضاراتو جار لفاليز ديالو والابتسامة مالية شفاايفو....
توجه جيهتو معانقين سلام رجاال محيدين وحشتهم من بعضهم عاد دخلو لفاليز الكوفر وزادو غاديين بحاالهم..
صهيب: على سلاامة اسي زهير
زهير: الله يسلمك.... ااااه شخاال توحشت رييحت لبلاد وماليها مكاينش بحال بلادك والله الغربة صعييبة
صهيب: نت اللي بغيتي اصحبي
زهير: الله يسمح للواليد وخلاص معرفتش اش عجبو فأمرييكا.. الخدمة كتجرك لفين ما بغاات واخ يكون الموزنبيق
صهيب: واش جابك دباا
زهير: شهااد صوااب فك اصحبي كتجري عليا ولا شنوو هههه
صهيب: هههه ديما فهامتك عوجة زعما واش فاكونص ولا شنو
زهير: مكتعرف حتى تهضر حسن لعوان مع مرتك...
صهيب: غا خلي داك جمل راكد
زهير: هيا شي بلاان طوييل هداا
صهيب: ويييه خليك دبا رتاح حتال من بعد ونهضرو فييه
زهير: ماشي موشكيل فوقت ما بغييتي عندي الوقت كاامل
صهيب: هيا شي كووونجي طويل هداا
زهير: مدى الحيااة إلى كتاااب
صهيب:وااااايليي
زهير: واللهيلا كنهضر بصح فتحنا فرع جديد فالمغرب وجاتني من الجنة والناس نتكلف بيه بصح الحاج كان رافض ومعجبوش الحاال ولكن راك عارفني لا درت شي حاجة فراسي واخ طير معزة
صهيب: ميتخاافش علييك هه
زهير: خارج لييك غا سكت ههه غنجلس دبا فلوطيل حتى نشوف شي دار ناخدها
صهيب: غا كتخربق
زهير: عارفني مغنجلسش فقصر المزراوي واخ نبقا غير انا وياهم
صهيب: وشكون قالك اتجلس فيه كون كنتي كتاصل كون عرفتي بلي خوك طجج
زهير: ههههه متقولهااااااااش
صهيب: واللهيلا درتهااا 4 سنيين هاادي باش خوييت خديت بقعة خارج المدينة وبنيت فيها داري بدوقي او قدام لبحر من الفوق
زهير: ولايني راك حرايمي كي درتي ليها
صهيب:الله يكتر خيرك وصااف هه
زهير: لا والله تا معاك بصح كنعرف زعما ديك العائلة مستحيل يخرج شي حد من داك القصر واخ يتزوج من غير لبنات بالطبع... جيتي نت قلتي ليهم مكتعرف والو
زهير: ميتساالكش.. الى جينا نشوفَك حسن لة تستقل بوحدك مع كامل احتراماتي لعائلتك ولكن جدك غا كيخور...
صهيب: معليناش دبا غنمشيو نتغداو براا حيت مخليتنيش نفطر فخاطري وغنوصلك لدار دوش ورتاح ليك انا عندي المحكمة مع الربعة
زهير: حتى هدا نضر مقلتي عييب نمشيو اسيدي.... راه من بارح مكليت شي حاجة جوج طيارات بزاف عليا...
صهيب: ومالك مجيتي فطيارتك الخاصة
زهير: بغيت نحس براسي بحال الشعب شوية هههه
عند سيلين اللي دازت ليلتها كحلة زحلة مشافتش نعاس الليل كامل... كانت جالسة في مكتبها محنية على لابطوب ديالها كتكتب فواحد المقالة ملي جاات مهزاات رااسها حتى كملاتها عااد ناضت هازا راسها مطرطقة عنقها... تكاات على كرسيها وهزات تلفون الخدمة مدوزة الخط لسكريتيرة
_ وي مدموزيل سييلين
سيلين: بغيت قوهة كحلة عفاااك
.. _ واخ اختتي دباا تكون عندك
سيلين:ششكرا.. وصيفطي لياا نعاك طارق دباا يكون عندي
_واخ مدموزيل سيلين شي حاجة خرا
سيلين: لا صاف غير هاد شي
قطعات معاها وجلسات كتقرا في التقرير من جديد مصححة أخطائها زايدة عليه شي تعديلات... حتى دخل عليها طارق بخال لعجاحة جالس حداها
طارق: اش كاين ياك لباس
سيلين: والو بغيتك هاد التقرير من هنا لصبااح يكون فجميع الجرائد فكاع الاسواق
طارق: ارااي نشوفو هاد المقالة
سيلين: (جبداتو من لامبريمونت وعطاتو ليه) هاك اسيدي
خداه مم عندها مدوز عينيه عليه بالخف كيقرااه وفمو كيتفتح من هوال الصدمة لداك شي اللي كااتبة
طارق: بلا مطلعوليا القردة حتى نت قلت ليييك دبا تكوون عندي صاااف جييي براكة من العضرة
أمير: أتبقا تهز عليا انخبط مك هاني جااي دباا
قطع معااه او جلس مقابل مع سيليين اللي كانت جالسة في بلاصتها مبردة دايرة رجل على رجل عكس طارق اللي غيتفركع في بلاصتو... حتى دخل عليهم أمير جار معاه سهيل اللي لقاه فطريق وجابو معاه جالسين حدا طارق..
سهيل:مالك نت شواقع
أمير: طلقنا دغياا
طارق: هاااك قراا هاد المقال تعرف مااالي
هز من عندو الورقة كيقراها هوا وسهيل.... كانت ردت فعلهم باردة عكس طارق
أمير:(جلس على الكرسي مهدود شاد فراسو والحزن طاغي عليه باقي ليه شوية او يبكي) عاااارف عااارفها مكتبغينيش عاارفها عمرها مغتبغيني... ماشي بييدي اسهيل ماشي بيدييي شنو ذنبيي الى كنت كنبغيها غير قوول ليا شنو ذنبي الى كان قلبي هوا اللي ختارها. حاااولت نساهاااا حاولت نحيدهاا من بااالي حااولت نبعد منها ونتفادااها ولكن فكل مرة كنلقا رااسي قريب منهااا...
هضرت أمير خلات سهيل يسكت كونو ملقا باش يجاوبو حيت حاالتو كانت صعيبة حس بلي واخ يهضر ميقدر يعاونو فواالو
ولولا الهوى ما ذل في الأرض عاشق ولكن عزيز العاشقين ذليل إذا شئت أن تلقى المحاسن كلها ففي وجه من تهوى جميع المحاسن لا تحارب بناظريك فؤادي فضعيفان يغلبان قويا إذا ما رأت عيني جمالك مقبلا وحقك يا روحي سكرت بلا شرب كتب الدمع بخدي عهده للهوى والشوق يملي ما كتب رأيت بها بدرا على الأرض ماشيا ولم أر بدرا قط يمشي على الأرض أحبك كالبدر الذي فاض نوره على فيح جنات وخضر تلال
كانت خارجة من المجلة كاتمة حزنها ودموعها اللي مبقا ليهم والو وينزلو كتشوف راسها ضايعة ملاقية علامن تحط الراس...... كانت شتاا خيط من سمااا مخلية كلشي هربان مخبي منها كاين اللي داخل لدارو وكاين اللي داخل لخدمتو.... كان واقف قداامها بكل رجولة لييه مخلي خيوط الشتا مفزكااه راد شعرو اللور اللي غطا رؤيتو بسباب الماا... موجه نضراتو ليهاا اللي كانت واقفة مسمرة بلاصتها هازا عينيها لمدمعين فيه.. حاسة بقلبها كيضرها كيضرب بجهد بحالا بغا يخرج من بلاصتو..... محساات برااسها إلا وهيا كتجري رامية راسها فأحضااانو طاالقة العناان لدمووعهااا كتنخسس... نفسها المتقاطعة ودموعها.. خلااتو يبادلها العنااق خاشيها في جسمو الضخم مغطيها من شتااا.. معرفش واش يفرح حيت عنقاااتو وتخشات فحضنو فيي وقت ضيقها وحزنها ولا يغضب على حالتهاا اللي وصلات ليها واللي عندو يد فييها...
سيلين:(كتبكي بحر جهدها النفس كتطلعها وتهبطها بصعوبة) علااااااش كييططراااا ليااااا هككااااااا علااااااااش انااااا بالذاااااات علاااش خاااصي نتعدددددب هكااااااااا واااااش ماااشي من حقييي نفرح فححياااااتي واااااش مااااشييي من حقييي نعييش حياااااتييي كيف مااااا اناااا بغييييت علااااش اسييدي ربييي كيطرااااا لياااااا هكااااااااا اشنوو الذنب الليييي دددرررت فحياااتي حتى نتعدب ههكاااااا
هضرتهااا كاانت سم تخللات جسموو حس بقلبو كياقطع مع كل كلمة كتنطقهاااا باااغي يجاااوبها وملااقي ميقوول باغي يقولها بلي كلشي غادي يتحل او بلي هااد شي كاامل كدوووب ولكن ملاااقيش الكلمات اللي غينطقهم.... حس بلي كيكدب على راااااااسو الى قال هاد لكلام باغي يواسيها وملاااقي جهد شوفة ضعفها قداامو كيخليييه ضعييف أكتر منهاااا...
هزاات فيه عينيها لمدمعين مخلية ضوء القمر يبين رموشها لملاصقين بدموع...
سيلين: علااش اصهيب علااش درتو لينا هكااا فااش وصلاااتكم ختي غير قوولي ليااا فاااش وصلااتكم ولا حتى حلات فمها علييكم.. ختي رااه من أعضم خلق الله عمرها مآذات حتى نملة ولا حتى طيحااات البااطل على شي حد كنتي كتقول بلي عمرك وقفتي مع الباطل.... وبلي نت ديما مع الحق.. (كتهضر وتنخصص) متيقتكش ولكن فاش درت معاك المقابلة وهضرت معاك حسسيت بواحد البصيص ديال الأمل معررفتش علااش قلبي ضرب فديييك اللحضة معرفتش علاش احتاااافضت بتصويييرتك ونت ضاحك عندي معرفتش حتى علاااااش كنهضر معاااك دباا
صهيب: سيليين
سيلين: سيلين ياااك.... شفتي هاااد سيلين قتلتوها... كنت كنتسنااك توقف معا ختي حيت مغالطاش وااش مشيتي تشوفها كيف داايرة حاالتها سييير طلل عليييها سييير شوف ولد عممك كيف رد ليااا ختيييي خووك دمر لختي حياااتهااااا فناهااا مابين ربعة الحيووط(ضربااات ليه فصدرو) علاااااااش اصهييييب علااااااااش😢😢
الخطايا العشر الجزء الثالث
محتوى القصة
التنقل بين الأجزاء