جيتكم بأول قصة ليا بعد تردد كبير قررت نشارك حروف روايتي معاكم .. بأحذاث مغايرة على المعتاد .. فاستعدوا لرحلة و لا أروع .. معي أنا :
🎲 Rawaa El fillali 🎲
قصة كتشمل مجموعة من الاحاسيس .. فيها من كل فن طرب .. دراما .. تفرشيخ .. رومانسية .. مواضيع اجتماعية من صلب الواقع مرفوقة بلمسة من خياالي .. و القلييل من الكوميديا .
🔥 و انا النعيم شئت أم أبيت .. إن رحلت فالعزاء لك ليس لي 🔥
《 يا سيدتي
همس شفاهك خمرا .. يحتسيه كل منصتا .. أريد اطفاء لهيب الاشتياق .. خذيني و اصنعي مني ما شئتي .. دعيني أعشق فيكي الحياة .. دعيني أرى فيكي موطني .. لا تهجري و لا تفارقي أنتي لي كل معاني الحياة 》
كواليس...
أغلب الناس اللي كنعرفو عندهم كواليس حتى واحد مشايفها ولا عارف تفاصيلها من غيرهم.
. حنا كنشوفو غير القشرة اللي من الفوق او داك شي اللي سمحو لينا بنفسهم نشوفوه ونعرفوه.. على غرار هاد شي حتى واحد مغيعرف شي حاجة اللي كتملك نفس أي شخص.. كنتخدعو وكنوهمو نفوسنا عارفين كل حاجة واسبابها والغرض منها وكفاش وقعات.. Guess what!
حيت هاد شي ماشي حقيقي للأسف مجرد توهمات كنخلقوها فدماغنا باش نديرو بلاصتنا... باش تكون حياتك واقعية كتر باش متطمعش او تصدم حاول مترفعش سقف توقعاتك بواحد شكل مبالغ فيه أي حاجة ممكن توقع مع أي واحد تعلم كفاش تسامح كفاش تعتاذر حيت في اللخر نت مكتعاملش مع ملائكة.. كتعامل مع بشر... حاول تغاض وتغمض عينيك حيت التغاضي كيسهل الحياة.. غتعلم تسامح وتمشي من غير معافرة ولا خوف
غتحمد الله شي دعوة متحققش او مغتبقاش مركز مع دعوة وحدة وتدعي غير بالخير غادي تخرج اللي فيك مرة وحدة منبعدها غتخلي حزنك يمشي او ميبقاش يبان غادي تعلم طيح من سقف توقعاتك مع الناس اللي محاوطين بيك شحال مكانو قراب غتعلم تصبر على حلمك وتستحمل كتر.......
ضرب بديك المطرقة الصغيرة فيديه ثلاثة المرات معتاادل فجلستو جميييع الأنظار فالقاعة محولة جيهتو الرهبة تبعتااات فالنفووس ... السلطة لي كيملكها سمحات لكلشي يسكت فوجووودو بلا إعترااض منتاضرين الوقت اللي غادي يلقي فيه القرار النهااائي
مع ااخر خبطة حمحم برزاانة وقال بوصت خشن كيتنلكو جبرووت وقوة كبييرة
صهيب: بعد مشاورة وإطلااع على الدلائل وشهود العياان قررت المحكمة تنفيد الحكم في المتهم ... بعقووبة سجنية لمدة 10 سنين إستنادا على الدلائل مع إعفااائه من الرسوماات
الكل كان مبهووووض من الحكم اللي تعطا واللي كانو ممتوقعينوش
(رجع دق 3 الدقات) : رفعت المحكمة ناض خارج وتبعوه الهيئة دالمستشارين
الكل نااض بعد هاد الأمر القاعة بدات كتخوا المتهم مينطو ليه يديه وجروووه لزنزااانة ومو كتغوت ربي لي خلقها كبدتها هتسجن فريعااان شبابها بين أربع حيطااان صعيبة بزااف ولكن لي داار الذنب يستاهل لعقوووبة حاالتها تشفي العدوو
خرج بخطوات رزييينة من الكولوار دالمحكمة رااجع لدار من بعدها أنهى اااخر محااكمة ليوووم النهار داز طويييل عليييه من كثرة الجلساات والصداعات والخلافات واستخداام العقل فعلا مهنة صعيبة وبزاااف كطلب جهد دهنييي كبييير باش ميظلم حد وفنفس الوقت كطلب قلب قاصح لي يحكم بالعدل
القاضي صهيب المزرااوي إبن التاسع والعشريين خريفا (29 عام) شخصيتو رزيينة بزااف وجدي مكيعجبوش الدخول والخرووج والمفافية ... مسيرتو حااافلة بالقضايا الناجحة ومن ديما معروووف بصمعتو وذكااائو فحل القضايا رغم سنو لي صغيير فالمهنة بالمقارنة مع قضات 50 عاام خبرتو كبييرة
وقف حداا سياارتو مزالو لابس حواايج الخدمة دييك البدلة السوداااء لي فيها الخضر مع طويييل مكلضم تتبان عندوو الهيييبة بزااف سمع صوت تيناديه من الوراء لتاافت يشوف شكون كانت وحدة خداامة معاه....
منار : موسيو صهيب موسيو صهيب
صهيب: وي شنو كااين
وقف باعتدال ورسمية عيونو الرمادية عندهم بريق خااص تيجعلك تحتارمو فيهم هيييبة عجييبة ومع شعروو القليل وديك اللحية المطرااسية بانت عندو كاريزمة كبييرة
منار : كنت بغيت نفكرك بلي غدا كاين إجتمااع بين قضاااة المنطقة كامليين
هو قشعها هير جايا دوي معاه وصافي حقاش معرووف علييه إنساان ضابط مواعيدو وميحتاجش لي يفكرووو
صهيب : اوك
ركب فسيارتو كسيرااا خلا وراه ها العجاجة تضور ومنار مسمرة تتلعن حضها معاه وعلى القمعة اللي كتاكلها كل مرة
كانت الوجهة ديالو لدارو اللي جات خارج لمدينة بعيدة على ضجة لمدينة لأنو من النوع اللي عزيز عليه الهدنة ديبلاصة الطوموبيل في الباركينغ او دخل لدارو اللي كانت بسيطة او فنفس الوقت رااقية وجودك فيها كتخليك تلقائيا مبتاهج لكترةض1 ألوانها البااردة طلع البيتو داخل ديريكت للحمام يدوش محيد لعيا دنهاار كاامل او خرج لاوي عليه فوطة من الخسر ديالو حتى كيتفاجئ بولد عمو متكي فوق الناموسية...
صهيب: واش أنا فاطمك عليا ولا شنو
عمران: هههههه اش باان لك.... وشفناك غبرتي قلت نجي نشوفك وداار هيا عندك الجو دلبحر يخليك تشها تبقا هنا
صهيب:(كيجبد فحوايجو من دريسينك) متحلمش تبقا هناا
عمران: ممعولش غير تهنا اسي القاضي كلشي من دادا الله يسمح ليها وصاف
صهيب: ههههههه اش دارت ليك دادا عااود
عمران: حلفات عليا منرجع لدار حتى نجيبك تعشا معاناا ولا غنبات في الزنقة
صهيب: قول مغتباتش غير فداار اما الزنقة عارفك متباتش فيها اتمشي تعطيها ليبواط او تسلكيط عاود
عمران: مكتفلت واالو يا ربي سلامة
صهيب: عليا اناا
عمران: دبا خلينا في المهم غتجي يااك بلا متعلقني دادا راه ادير ليا أكبر شوهة
صهيب: هههههههه تستاهل... صاف غنجي كوون هااني
عمران:معرفتش علاش مقادرش نتيقك
صهيب: وصااف اعمران كلمة وحدة
عمران: فايت درتيها بيا غا هني راسك
صهيب: ههههههه وصاااف دااك نهااار كانت عندي الخدمة ملقيتش كفاش نجيي
هز سوارت طوموبيل او تلفونو او خرج تابع عمران اللي لصقو لصقة لعما في الضلمة ركب في طوموبيلتو او ديمارا تابع طوموبيل عمران متوجهين لقصر المزراوي....
دقائق قليلة او وصلو مديبلاصيين الطوموبيل قدام القصر مخليين الخدم يدخلوهم لباركينغ... مع حلة البااب لقاو كلشي واقف معرضين ليه قدام الباب مرحبين بييه كل واحد محيد وحشتو منو عاد جلسو في الصالة اللي كانت وسط القصر..كل واحد عاطي حديتو وأسئلتهم لصهيب اللي مكتسالاش
رحمة:(الجدة) زعما أنا لممشيتش عصرت هاد راس النخالة متجيش ولا شنو
عمران: الله يكتر خيرك ادادة هههه
صهيب:والله ادادة لغير الخدمة
سيف الدين:(الاب) لقضايا اولدي عمرهم يساليو ولينا كنشوفوك بحال الضيف حتى فاش كنجيو لدار مكنلقاوكش
غفران:(الام) والله اولدي كون ساعفتيني او رجعتي لداارك
صهيب: الله يهديك الواليدة على هااديك ماشي دااري ولا شنو
غفران: عرفناها داارك مي ماشي بحال وسط عائلتك احبيبي
صهيب:(باس ليها يديها) عمري نعاود ادادا على انا نقدر منهضرش ولا نشوف هاد ضحيكة
رحمة: اوا معرت تهضر ترعف
عمران: هانتوما على الشمكارة ديالي
مروة: أكد ليا على لحلوف بالذاات
رحمة: نوض تهز عليا يحرق غضامك نت وياها
صهيب: دبا جاي من الهدمة مدكدك مواكل والو من صباح او عطيتوها ليا الهضرة هنا واش كاين ميتقضا راه انموت بالجوع
عمران: اللي ضاربك ضاربك على كرشك النمس
صهيب:اللهما كرشي ولا.... 😉
عمران:عارت الله نوضو تعشاو راه مبغيتش نبات في الزنقة هاد نهار
جات الخدامة عالماهم بلي كلشي موجود فوق الطبلة لو ناضو مجموعين على مائدة العشاء في جو مخاليش من الضحك او النشاط فرحانين بشوفة صهيب
و فجأة انعدمت كلماااتي وباتت لغتي هادئة، أمواجها باهتة قد حل بها الضباااب ربما ،أو لعلها مشتقاة للهيب الرياح العاصفة التي تحملها من الغرب الى الشرق او من الجنوب نحو الشمال...
..عائمة،تطير في السماء لتعرض حركاااتها على انغااام الخوف و الارتعاش، ألحان تترأسها صرخات صغار ،و طرب يتشكل على حافية تذبذبات خفقات قلب مكسور يكاد يتمزق مما يحمله من آثار جعلته باليااا كالقميص الذي يتوارثه حفاائد اليتم أو بالاحرى ضحايااا الفقر الحقير حيث لا رحمة و لا شفقة و لا شفاااعة قد تنقدك من ذلك العذاب القاتم.أحزان قد عمت البوادي و النوادي و العالم ينادي يا من هم باغتيالي هل لك أن تعيرني فقط أحلامي،فقد جردتني،أين أجدك يا قاربي وسط بحاري،همومي و مشكلاتي ،آسفة إن جعلتك يا فؤادي تقاسي مما ارتكبته من أخطائي ،إني طننته حقا فارس أحلامي ، فلتدمعي يا عين و لتقهري يا نفس ولتضعف يا جسد و لتسهري يا وصااال....... فلسؤالك ليس هنالك مجييب!....
تخللت خيوط الشمس للغرفة ديالها الشيء اللي خلاها تخسر سيفتها بسباب التلفون اللي كيصوني حدا راسها سكتاتو او ناضت من بلاصتها داخلة للحمام مجردة نفسها من حوايجها مخلية جسمها المنحوت يضهر مفاتنو وقفات تحت الرشاشة مخلية الما ينزل على جسمها مغمضة عينيها الخوضر مخليا رموشها لكتاف يتلاسقو مع بعضهم..... غاسلة شعرها البني طويل لخصرها... شللات او خرجات ملوية في بينوارها نشفات شعرها مخلياه على راحتو... توجهات لدريسينك جابدة منو سروال تجينر بارد بوي فراند مع تيشرت قصير بالبيض فوقو جيلي مشبك بنواغ لبسات سبرديلة بيضة او خرجات هازة معاها سوارت طوموبيلتها او تلفونها متوجهة لبيت ختها اللي كان قبالت بيتها
ألماس:(حطات لوسادة فوق راسها باش متسمعهاش) مزاال الحاال اصاطة نزيد غا شوية
سيلين: محاضرتك اتبدا من هنا نص ساعة
ألماس:(ناضت طافجة من بلاصتها) لا غا كضحكي معايا مافيهاش
سيلين: راه تلفونك حدا راسك تأكدي
ألماس: واللهيلا تعلطلت... ناضت كتجري للحمام...
ضحكات على طيشها او خرجات من عندها ديريكت للكوزينة لقات باها جالس كيفطر باست خدو او جلسات قبالتو
سيلين: صباح الخيير حبيبو
صهيب: شفتك فايقة ناشطة هاد نهار
سيلين: كيف ديما ههه
صهيب:فين هيا ديك الخاامرة
ألماس: شكون كيسول عليا
ناضت محنية على العصير دقة وحدة
سيلين: غا بشوية عليك هناري
ألماس : الله يكتر خيرك كون فيقتيني بكري كون راه دبا جالسة كنفطر على خااطري فين ماما
منصف: فاقت بكري وجدات لفطور او مشات تسوق
ألماس: الإخوان تهلاو اليوم يجريو عليا مافيهاش
منصف: صبري أنا نوصلك جامعتك اصلا فطريقي
ألماس: على حساب الصوكان اللي كدير ابابا إلى ركبت معااك منوصل حتى تكمل الحصة(هزات عينيها فسيلين اللي كانت خاشية راسها فالماكلة مع ذالك حسات بنضراتها ليها)
سيلين: في أحلامك اختي لحبيبة
ألماس: آخر مرة اصاطة واللهيلا تعطلت حمولديك لبزيزيلة
سيلين:تصلاحي تكوني طلابة هههه
ألماس: بابا هضر معااهاا
منصف: على وجهي ابنتي وصلي هاد الكاريتة
سيلين: تحركي قدامي تفو على لصقة
ألماس: اححح هاهيا غاادا درووك
سيلين: بسلامة بابا
منصف: تهلاي فراسك ابنتي
سيلين:(باست خدو) كون هااني
خلاتو كيفطر او خارجات من دارهم هابطة من العمارة اللي كانت فحي شبه راقي كونهم كينتاميو لطبقة مابين متوصطة ما فوق.... أمهم شروق ربة بيت اما منصف فخدمتو كانت طبييب لكونو كيعشق هاد المهنة من صغرو عندو كابيني خاص بيه.... لقات ألماس في لباركينغ متكية على طوموبيلتها كتسناها...
ألماس: وتعطلتي اصحبتي هاد شي كامل غا باش تهبطي
سيلين: تزيدي كلمة نخلي مك تعششي هنا
ألماس: صاف هاني صم بكم حرام واش نهضر
سيلين: طلعي ركبي نشوفو هاد حرييرتك.
دارت سانتر من بغد مطلعات هيا او ختها
سيلين: شحال باقي باش تبدا محاضرتك
ألماس: تقريبا عشرة دقاايق....
بلا متعاود معاها الهضرة ديمارات الطوموبيل عفطة وحدة مخلية لعجااج وراهااا ديريكت للجامعة اللي كانت وسط المدينة... عشرة دقايق كانت كافية تحطها قدام الجامعة وتخليها طلق
رجليها للريح باش دخل في الوقت... عوجات روايدها هاد المرة جيهت مقر الجريدة فين خدامة
وقت قليل خلاها توصل قدام الشركة كونها قريبة لجامعة ألماس ديبلاصات الطوموبيل في الباركينغ او طلعات ديريكت لطاج اللي فيه البوسط ديالهاا.. دخلات لمكتبها لايحة ساكها على الكرسي اللي قدامها او تلاحت على كرسيها لايحة عليه تقلها مغمضة عينيها لمدة قليلة محيدة إرهاقها وخمولها عاد حلاتهم فاتحا لابتوب ديالها بادية في خدمتها اللي مكتساليش... حتى كيتفتح باب مكتبهاا بلا متهز عينيها عرفاتو شكون...
سيلين:(وهيا مكملة خدمتها) معلمووكش دق في الباب ولا شنو
طارق: قوييصحة مع رااسك
سيلين: الى عندك شي راس ديها فيه او داك الباب مديور باش يدقو فيه مزيانة هادي
سيلين: تعطيني غا التساع منوصلها متوصلني داك نهار جالسة تحشي ليا الهضرة بعدي من ولدنا الفقيرة غا حشمت اما نوريها الفقيرة اش كدير جاية من الكاريان عاد داقت النعمة صحابها كلشي بحالها الصلكوطة لخرا
سهيل: ولايني راك مساهلاش
سيلين: ها الضلم بداا
سهيل: الله يعطيك العداب ابنت دين الكلب تاعت اللي عمرو يطل عليك يخليك مفنية هاني تعطلت.... خرج كيجري من عندها ديريكت لغرفة الاجتماعات
سيلين: جري جري ههههههه
تبعاتو بعينيها حتى مبقاش كيبان ليها عاد نزلات راسها على لابطوبها تكمل المقال اللي فيديها.... مهزات راسها حتى كملاتو دارت ليه حفض عاد ناضت خارجة من مكتبها من بعد مسدات لابتوبها متوجهة لغرفة الاجتماعات.... لقاتهم كاملين مجموعين كيتسناوها جلسات في مكانها اللي كان جنب سهيل او فنفس الوقت قبالة طارق اللي حاضيها وهوا كينضغ المسكة ويطرطق فيها شاد ستيلو كيلعب فيديه.....
عصبها بشوفاتو الشيء اللي خلاها تهمس لسهيل فودنيه
سيلين: والله حتى غنوض نكوييه قدام الملأ عاد غيتهنى
سهيل: ههههههه صاف قلبي عليه وحكرتي عليه
سيلين: اييه وليت أنا اللي محكرة كتجي منو
سهيل: سكتينا الخطية هههه
أمير: احم بما أنكم مجموعين هنا كاملين نقدرو نبداو الاجتماع
سهيل: مرحباا... شنو سبب هاد الاجتماع المفاجئ
أمير: كيف كتعرفو المجلة اللي غتصدر هاد شهر خاص تكون كضمن جميع الموااضيع يعني شي حاجة سبيشل
سيلين: هاد شي عارفينو شنو الجديد اللي معارفينش
أمير: بالنسبة للموضوع السياسي والقضائي قدرت ناخد موعد من عند القاضي المعروف صهيب المزراوي
طارق: اححح يا قلبي ذلك التييتيز
سيلين: شكون هدا عااود
طارق: ويا عمري مكتعرفيش صهيب المزراوي
سيلين: لا يا لحبيب دقلبي مكنعرفوش😒😒
طارق: غا سيري تموتي
سيلين: دبا نوض نخلي
أمير: سيلين(غمزها باش تفاداه الشيء اللي خلاها ترجع بلاصتها من بعد مكانت نايضة ليه) صهيب المزراوي من أشهر القضاة عدنا ناهيك عن عائلتو المعروفة
سهيل: كنت ديجا تلاقيت مع سيف الدين المزراوي فواحد الحفل
أمير:صهيب كيكونو ولدو الوحيد... قدرنا نديرو مقابلات مع العائلة كاملة فيما كيخص خدمتهم في صنع المجوهرات ولكن صهيب بالذااات معمرو قبل يدير شي لقاء صحفي مع اي صحيفة كيف مكان نوعها
طارق: هاد شي كيعني باللي حنا اللولين
أمير: تماما ويلا جينا نشوفو هاد شي في الصالح ديالنا غادي تزيد طلع نسبة المشاهدة لجريدتنا
سهيل: عجباتني الفكرة
طارق: مي توو👏
سيلين: مابيهاش
طارق:نتي حتى حاجة مكتعجبك
سيلين: دبا عطيونا لمسكي اللخر شنو كاين
أمير:هههه عارفك مكتصبريش
سيلين: يااه مفخباريش شكرا على المعلومة...
نزل سهيل راسو حابس الضحكة حيت عارف العلاقة المتوترة اللي مابين أمير او سيلين حب من طرف واحد شيء معقد مخلي توتر مابين الطرفين هيا فبالها الخدمة والمتابرة فشي حاجة كتبغيها وكتحماق عليها عكس أمير اللي كيحاول يقربها منو كل مرة لكن محاولاتو كتفشل فكل مرة مع ذالك مكيستسلمش او فنفس الوقت مكيحكرش عليها لأنو عارف طبعها صعيب مباغيهاش تكرهو لعشقو ليها ويصدق خاسرها فخطرة
كان يعمل لنفسه أو من أجل شيء آخر ،لقد كانت السعادة
صدقه الوحيد في حياته و في علاقته مع الآخرين ،لكن لا أضنه سيتحقق في يوم من الأيام لأن الزمان لا يرحم ،
الماضي لا يعود يبقى فقط ذكرى،الحاضر لا يحتمل و المستقبل مجهول.....
سيلين: انا مقلتش بلي درتي ولا غلطتي في حقي بالعكس والدليل اني عمري لمتك ولكن مباغاش نعطيك وعود كاادبة فهمني أمير راه بحالك بحال طارق بحال سهيل متحاولش تخسر بلاصتك بغيتك تنسا شي حاجة تكون بيناتنا متبقاش توهم على لخااوي.... راه اي وحدة تمنااك
أمير: ولكن انا بااغيك نتي اسيليين
سيلين: ولكن انا مكنبغييكش أمير... إلى عاود تفتح هاد الموضوع قدامي غادي نقدم استقالتي بصفة نهائية ونت عارفني نديرها
أمير: لا لااا صاف صاف غير خليك كنواعدك مغنبقاش نفاتح معاك هاد الموضوع غير بقاي فخدمتك شوفتك قريبة ليا كافيااني...
سيلين: نخليك دبا نمشي نوجد راسي🙂
خرجات من عندو مخلياه على أعصابو ككل مرة كيهضر معاها فهاد الموضوع برودة دمها معاه كتخليه يغلي من لداخل الشيء اللي خلاه يقلب المكتب سفاه على علاه بلا ميتسوق للخدم اللي واقفين منباهرين باغين يعرفو شنو واقع... دخلات لمكتبها سادا عليها.... حتى كيتبعها سهيل جالس حداها..
سهيل: مال هداا منوض روينة لداخل
سلين: عييت اسهيل والله حتى عييت شنو دنبي انا لمكنتش كنبغيه واش نبغيه بزز ولا نكدب عليه ونوهمو باش هوا يبقا فرحان غا قوول ليااا....
سهيل: صاااف خوي بالك منو نتي عارفة أمير غيبقا حتى يبرد وغيخوي دمااغو منك دبا يلقا اللي تبغييه وتنسيه فيك غا مرحلة وقت وصااف
سيلين: والله مبغيت ليه هاد الحالة اسهيل ونت عارفني مزياان كيف دايرة معزتو عندي كبييرة بعد المرات كيقول ليا راسي عطيه فرصة تقدري تبغيه من بعد
سهيل: سيلين شوفي فيا واش كتحسي بشي حاجة من جيهتو واخ غير إعجاب
سيلين: لا
سهيل: إذن بلا متحاولي خليها هكا حتى نشوفو فين غتوصل براكة غير هاد الحالة اللي كيدير كل مرة كيهضر معاك فهاد الموضوع
سيلين: اش غندير جوابي على لساني
سهيل: ههههههه خطية صااف
سيلين: الله يكتر خيرك وخلاص
سهيل: بلا كترة الهضرة واش واجدة
سيلين: تقريبا ااه انهز غير مذكرتي و صاكي ونمشيو اجي بعدا شكون غيصور
سهيل: شكون من غيري غا دوزي قداامي
سيلين: اجي فين غيكون اللقاء
سهيل: فدارو حشاك
سيلين: لا لا هدا زاد فيه كااع بقا لينا غا نتبعوه فين ما مشا
سهيل: كون كان طارق بالفرحات عليه هههه يالله زيدي
هزات صاكها او مذكرتها او تبعاتو هابطين لباركينغ راكبين في سيارة سهيل شادين طريق لداار صهيب...
سيلين: شفتك خرجتي على لمدينة
سهيل: سيد عزيز عليه الكالم شاري بقعة ما بين الغابة او لبحر او باني فيها فيلا على قدها
سيلين: بغيتي تقول ليا عايش بوحدو في لخلا والقفار بحال شي غول هههههه
سهيل: كاين شي غوول قدك الكارتة سيد طبعو هادئ على مكنسمع عليه واخد اسباااص كبييير بملكو ما تبقى ديال الحكومة مطلعينو غاابة اما لبحر راه شاري نصو مدور ليه الحيط مدخلو مع دارو
سيلين: واللهيلا شحال هادي ممشيت ليه الخدمة مخلات ليا عقل هاد الترقية بان ليا ندير بناقص منها وصاف
سهيل: خودي ليك شي كونجي رتاحي فييه
سيليين: كنتسنا غير تشد ألماس العطلة او نسافرو انا وياها
سهيل: حتى هادي نضرية
في عز حديثهم وصلو لدار صهيب مديبلاصيين طوموبيل قدام دار... او دخلو من بعد مستقبلاتهم الخدامة عالماهم يتسناوه في الصالة شوية وغيهبط عندهم..
سيلين: مع ذالك عجبني دوقو
سهيل: لا لا عاودي اش قلتي
سيلين: اويلي مالك قلت ليك عجبني الديكور
سهيل: سبحان الله أول مرة تعجبك شي حاااجة
في عز حديثهم هبط بكامل أناقتو المعتادة بكومبلي بلوماغين جاه مع فورمتو......... ناهيك على ريحتو اللي كتشم على بعد أميال واللي خلات سيلين وسهيل يتلفتو ليه.......... كان منباهر فيه وفأناقتو كونو أول مرة كيشوفو عن قرب......... كان غير كيسمع بيه عكس سيلين اللي طالعات حاجب او هباطات لاخور مدوزة عليه سكانير حتى تقاشر مفلتاتش من شمن لون لابس
سيلين: مابيهش
صهيب: sorry
سيلين: nothing,
سهيل: سي المزراوي لي الشرف تستقبلنا فدارك وتعطينا فرصة لهاد اللقاء(مد يدو يسلم عليه)
صهيب:(بادلو السلام) مرحبا في أي وقت.. (هز عينو فسيلين اللي كانت ساهية فمذكرتها كتبدا في التقرير) نتي معندك متقولي؟
سيلين: إلى كملتو هضرتكم يمكن لينا نبداو... سهيل كنضن خاص ناخدو ليه تصاور هوما اللولين مبغيتش أسئلتي تأتر على نفسيتو او ميقدرش يضحك ليا فتصاور من بعد(لا واش قصفاتو ولا غير جاب ليا الله)
سهيل:(نغزها تسكت) سي صهيب كنعتادر نيابة على الزميلة ديالي
صهيب:(باستفزاز) ماشي موشكيل ولفت بهاد النمادج
سهيل: تفضل معايا للمكان اللي بغيتني نصورك فييه
جرو معاه حيت عارف لبقا العافية اللي حداه اتلوح ليصانص اللي فمها باش تشعلها كتر ما هيا شااعلة
سيلين: بلعوج لاخور قالك مولف بهاد النمادج والله كون مكانت الخدمة اللي جايباني هنا حتى نوريك هادوك اللي مولف بيهم اش كيصنعو
خلات سهيل كياخد صور خفاف لصهيب اللي غيستخدمو في المقالة اللي غيكتبو عليه او جلسات في الصالة كتسناهم حتى كملو.... او جا سهيل جالس جنبها مخليين صهيب قدامهم بجوج
سيلين: بما أنكم كملتو نقدرو نبدااو
صهيب: تفضلي لأنو معنديش الوقت بزااف تابعاني الخدمة
سيلين: أصلا مغناخدوش من وقتك بزاف تهدن
سهيل: سي صهيب أول سؤال ليك كلشي باغي يعرف علاش متبعتيش المهنة ديال عائلتك وقررتي تنفارد عليهم وتختار حياتك بعيد عليهم
صهيب: كتصحيح ليك فقط أنا عمري مكنت بعيد على عائلتي كتر ماوليت قريب ليهم كتر... اما بالنسبة لعملي فهوا كان حلم صغري أنني نولي نحكم بالعدل والمساواة بين الجميع كيف مكان نوعو كوني نعادمات عندي رؤية الحق في هاد البلاد بسبب أشخاص كيبيعو راسهم رخيص مي الحمد الله باقي ولاد الناس عايشيين باش يحاربو الفساد
سيلين: بغيتي تقول بلي نت مكتحسبش راسك ضمن الناس اللي كيخلقو الفساد في البلاد انما كتحاربو بعدلك بين الطرفين
صهيب: كنضن شرحي كان كافي يخليك تفهمي قصدي بلا متعاودي سؤال زميلك..
سيلين: صهيب المزراوي كونك قاضي معروف في لبلاد شنو ممكن تنصح شباب المستقبل اللي كيحلمو يكونو بحاالك
صهيب: بالمتابرة والعزيمة والصبر كلشي ممكن ديرو... حتى حاجة مصعيبة قد معطيتي قد مربحتي كتر وكتر
سهيل: سي صهيب حياتك العملية واش قدرات تأتر عليك كونك باقي شاب خلاتك منشاغل على عالمك الخارجي
صهيب: بالعكس كوني مزال شاب كيف قلتي خلاني نعرف نستدرج وقتي ونعطي لكل حاجة قيمتها او وقتها حتى لنفسي بالطبع حتى واحد ميمكن ليه يفني راسو فشي حاجة معينة واخ يكون كيبغيها لأنو مع الوقت غادي تملها
سيلين: بالنسبة لحياتك العاطفية الناس كاملين باغيين يعرفو ايمتا غادي تحطم أحلام جميع الفتياة
صهيب: مفهمتش السؤال ديالك
سيلين: باغدون نسيت بلي الناس بحالكم مكيفهموش المصطلحات الشعبية
صهيب: المصطلح اللي ستعملتي رديء ماشي شعبي
سهيل بان ليه الطرح غادي وكيسخن دخل قبل متوقع شي كارتة اللي ماشي في الصالح ديالو
سهيل: سي صهيب هيا قصداات امتا غادي تفكر تكمل حياتك مع شخص معين... يعني كونك غادي تزوج لبنات اللي حاطين عليك العين غادي يتحطم أملهم فيك..
صهيب: هاد السؤال من عند الناس ولا منك نتي شخصيا😉
سيلين: والله اولد عمي مكنت كنعرف خليقتك ولا شكون نت ولا شكون طاسيلتك حتال اليوم غا خلي داك جمل راكد....
طريقة جوابها خلاتو يبتااسم ناسي استفزازها لييه الشيء اللي خلا سهيل يستاغل الفرصة وياخد ليه صورة بلا ميشوفو لأنو فشوتينغ اللي دار معاه حتى طوف مضحك فيها..
صهيب: كنفضل نخلي حياتي الشخصية بعيدة كل البعد على الإعلام ويلا كنت غنتزوج مغاديش نعلنها ونخلي زوجتي المستقبلية تكون رمز إعلان لشهرتي
سيلين: ايلايكيت🖤
صهيب:what
سييلين:واالو.... أسئلتنا سالات كنضن مخديناش من وقتك بزاااف
سهيل: شكرا بزاف على الاستضافة دياالك لينا مرة
خرا
صهيب: مرحبا فأي وقت كوني من المعجبين بالمجلة ديالكم... احم مدام سيلين(مد يدو يسلم عليها) هانتي عرفتيتي شكون انا
سيلين: متشرفين او فرصة سعيدة اصهيب المزراوي..
صهيب: مرحباا
خرجو من دارو من بعد مودعوه متمنيين ليه الافضل في مسيرتو القضائية... حتى كيجيو عينين سيلين على لبحر الصافي اللي قدامها هزات عينيها فسهيل بحالا كترجاه عينيها لمرمشين لخوضر كيخليو اي واحد يطيع ليهم..
سهيل:في أحلامك دوزي قداامي
سيلين: غا شوية اسهيل والله منتعطل
سهيل: غداا ندييك لييه المجعورة يالله فحالنا دبا
سيلين: لا انا بغيت هدا شوف ماه كيف صااف او رملة اللي كتبري بحالا كيعيط عليا كالي هبطي عندي توحشتك كيفما توحشتيني😢🥺
سهيل: واش بغيتي الراجل يجري علينا ونتشوهو معاه راه المنطقة بملكو
سيلين: تلقااه خرج قبل منا اصلا ميشوفنيش مغندورش حدا شراجمو عفاااك
سهيل: لا للااا هيا لاا
سيلين: سهيل🥺🥺🥺
سهيل: هوووف اسيليين هووووف سيري هبطي عندك نصف ساعة لمجيتيش انعفط عفطة وحدة ونخليك هنا
سيلين:(باستو فخدو مغندجاه) الله يخلييك لياا وخلااص
خلاتو او هبطات كتجي لبحر محيدة سبرديلتها مخلياها جنبها.. حلات يديها مغمضة عينيها مخلية شميسة تسطع فوجهها المشرق مستنشقة نسيم البحر اللي مكاينش اللي مكيبغيهش بقات مدة هكااك راخية أعصابها مسترجعة دكراياتها الطفولية وحياتها اللي مكتخلاش من الروتين معرفاتش علاش نزلات دمعة من عينيها من دون سبب يمكن دمعة فرحة لرؤيتها شي حاجة كتبغيها خلات عينيها يدمعو بالفرحة... طوات سرواالها او دخلات لبحر كتلعب بالما برجليها وكل مجات الموجة جيهتها تهرب منها بحال شي مصطية او صوت ضحكتها مالي المكان مسموع صداها كونها بوحدها تمااك..... هاد شي كامل كان دايز تحت أنضارو اللي ملي خرجات تبعها بعينيه حتى لقاها هابطة لبحر كون كان شخص آخر كون منعو لكون هاد لبحر محسوب من أملاكو ولكن شي حاجة جدباتو خلاتو يبغي يبقا حاضيها مكرهش تزييد تلعب وضحك ويسمع صوتها وعينيها اللي كيتسدو مع كل مرة كتجيها شميسة فعينيها معرفش شنو جدبو ليها واخ اول مرة كيشوفها واش عفوتها ولا لسانها سليط ولا جمالها اللي عمرو مشاف بحاالو شحال مقد يحاول يلعن راسو على هاد شي اللي كيدير ويمشي لخدمتو كيلقا راسو مزال مسمر فبلاصتو بحالا شي حد كيدفعو ميتحركش من تمااك....... كان حلم بالنسبة ليه ولكن هاد الحلم اختفى تلقائيا ملي شافها غادا جيهت طوموبيل سهيل حتى اختافات من على أنضارو عاد فاق من سهوتو لاعن راسو على هاد التصرف الصبياني اللي دار واللي خلاه يتصدم فرااسو كونو عمرو طااح فهاد الموقف ولا طرا ليه هكااا.....
الطيبون لا يلتقون صدفة....
بل تجمعهم نواياهم
لا تفرقهم ظروفهم الصعبة...
بل يجمعهم ثبات الحب في قلوبهم
لا يخشون الغياب وطول المسافات....
بل يزهر الإكتفاء دروب الأمان بينهم رغم جفاف اللقاء
الطيبون فقط...
وحدهم فقط يخلقون أسباب البقاء،،، ❤️.....
اختفاءها عن أنضارو كان مافي يخليه يتحرك من بلاصتو لابس تجاكيطتو خارج من دار مع حلة الباب كيتفاجئ بآخر شخص كان متوقع يجي عندو لدارو او فهاد الوقت...
مروة: لهاد الدرجة صدمك مجيئي
صهيب: هاا لا ماشي هكااك غير متوقعتكش تجي عندي فهاد الوقت كتكوني خدامة
مروة: ماشي ضروري نكون خدامة ديما
صهيب: ممكن
مروة: معليناش مغتقوليش دخلي ولا غنبقاو نهضرو غير قدام الباب زعما راه أول مرة كنجي عندك او لا
صهيب:(طلعهت وهبطها من صبعها صغير أش لابسة.. كانت بحلة راقية او فاتنة الشيء اللي خلاه يتعجب فيها) معروضة لشي عرس ولا شنو
مروة: بتااتا علااش
صهيب: واالو دخلي...
سد الباب من وراه من بعد مدخلات مروة او وصا الخدم يصايبو ليهم قهوة خفيفة او توجهو جالسين في الصالون جالسين فيه مخليها قبالتو
صهيب: اش كاين تمااك يكما الواليدة اللي صيفطاتك
مروة:(بغنج) هه لا لا غير كنت دايزة من حداك وقلت ندوز نشوفك زعما ضروري تكون شي حاجة باش نجي نشوفك
صهيب:شنو اللي غيدوزك من هنااا الغابة مثلا ولا لبحر ولا شادا طريق خارجة على لمدينة تمشي تجلشي في لخلا... 😑😉
مروة: هاا لا غير كنت
صهيب: مروة واش مكتوب فوجهي حمار
مروة: لا حااشة
صهيب: اوا متبقايش تستهبلي عليا وديريني مكلخ ولا معرت شنو هاد الهضرة راه ماشي علياا
مروة: غير شفتك غبرتي وقلت نجي نشوفك وصاف اش فيها😢
صهيب: يااك عاد الباارح تعشيينا مجموعين في داار دغياا وليت غبرت ولا شنو
صهيب:(ببرود) لاش غنجري علييك مكاين حتى سبب يخليني نديرها عاادي
مروة: انا غنمشي بحاالي حسن ندمت حتى جييت كون عرفت هكاا والله منجي نشوووفك ولا نوصل حتال داارك
صهيب: اللي بان لك نيت لقيتيني عندي شي خدمة
مروة: كنتي طالب عليها اصهيب كنتي باغيني غا فوقاش نمشي
صهيب: انا مقلت ليك والو نتي اللي قلتي
مروة: هاهيا غادا فرح بداارك
صهيب: ااه المرة جااية فاش تكوني جاية كاين واحد الحاجة اختارعوها سميتها التلفون كيعلمو فيها الناس ميجيوش على غفلة او متعاوديش تجي عندي بهاد جوج شرريطات ولي تلبسي محتارمة بحال لبنات المصونات
مروة: (بعصبية) دبا انا بنت ليك خارجة طرييق ولاا شنو
صهيب: حاشة شكون قال هاد الهضرة نتي اللي قلتي
جاات غادا بحاله كتغلي من هضرة صهيب اللي قصفها قصفة تلاتية الأبعاد بقا ليها شوية وتبكي مع حلة الباب مع الصدمة اللي تلاقاتها كان عمران عاد ناوي يدق حتى كتجي عينيه فعينيها مطلعها مهبطها...
عمران: واش صهيب دار شي حفلة او انا مفخباريش(مد راسو كيتأكد من لداخل)
مروة:(دفعاتو) حيد من طريقي الله يرحم باااك
زادت فطريقها مغصبة مخلسة عمران معجب من تصرفها او دخل عند صهيب اللي كان مزال جالس بلاصتو
عمران:(جلس قبالتو) مال هادي كتهرنط
صهيب: بحالي بحالك ختك هادي نت عارفها كتر مني
عمران: او مالها على داك لباس حتى الاجتماع اللي كان هادي ساعة محضراتش ليه مخلية سيكريتيرة تعطي الرابور بلاصتها
صهيب: حركها فدمااغك شوية
عمران: هههههههه ماايمكنش مروة كتبغيك نت لا صاف كماالت
صهيب: بلا داك الطنز ديالك اعمراان
عمران: وفي صغرها كانت كتقول غنكبر ونتزوج بصهيب انا قلت غير كضحك وصااف
صهيب: بحالي بحالك مبغييتش المشاكل في العائلة او فنفس الوقت مباغييش مروة تحطني فبالها وتبني أمال خاوية عليا اناا
عمران: انا غنهضر معاها على الله تفهم شوية مضنيتهاش اصحبي صدماتني هههههه
صهيب: او كضحك من الفوق بااز وجهك صحيح
عمران:صاف مديرش فبالك مروة وكنعرفها غدوز مدة وتلقاها كتبغي حد خور
صهيب: مكيباليش
عمران: كفاش زعما
صهيب: مالك مكلخ اعمران
عمران: وهاد شي اللي عطا الله اصحبي مولفتش نحل قضايا الناس بحالك
صهيب: ختك ضحك صغر مزال لاسق ليها فدماغها مزال شادة فكرة فاش كنت كنقول لعمي نكبر وزوجني مروة
عمران: هانت قلتيها كنتي صغيير
صهيب: سير قول هاد الهضرة لختك اللي عايشة على ديك الفكرة
شروق: دوزي تحطي لعشا البكرة لخرا دايريني خدامة هنا
شروق: حرام عليك اماما انا نحط لعشا ونجمع الطبلة ونغسل لماعن وهيا تجلس تحتت ليا ودير رجل على رجل
شروق: حتى تكوني كضربي الكورفي اللي كضرب ختك وكتنقزي من بلاصة لبلاصة نتي نهار كامل حاطة طرمتك على الكرسي وترجعي وتبغي تحطيه عاود
ألماس: الله يكتر خيرك الحكارة
شروق: شوف لك البكرة لخرا تهزي
ألماس هاهيا مهزوزة...
بقات ألماس كتحط مع شروق لعشا أما سيلين تخشات هيا وباها فصالة ناعسة فحضنو اللي كل مرة كترجع ليه بعد تعب طويل في الخدمة...
منصف: بنتي ليا صفرا يكما مريضة ابنتي
سيلين: غير لعيا دالخدمة وصاف دبا قول ليا
منصف: يمكن انا أكتر واحد كنعرف عائلة المزراوي
سيلين: كفاش كتعرفهم ابابا
منصف: حيت أنا طبيب العائلة
سيلين: بصح ابابا عمرك قلتيها ليا
منصف: مكنتش عارف عاطية اهمية للموضوع هكا هههه
سيلين؛ اييه زيد كمل ليا
منصف: هوما أقوى وأكبر شركة في افريقيا لصنع المجوهراات تقريبا العائلة كاملة خدامة فديك الشركة من غير ولدهم صهيب المزراوي اللي تلاقيتي بيه اليوم في اللقاء الوحيد اللي اختار مسار ااخر خارج على عملهم الله يعمرها دار شحال من مرة تلاقيت معااه
سيلين: منين جاتو الله يعمرها دار بلمتكبر لاخور بقا ليه شوية او يتفركع
منصف: نتي راه حتى حااجة مكتعجبك غا سكتي
سيلين: متزيدش فيه ابابا عجباتني دارو ديكورها راقي وبسيط كتحس براسك داخل لشي مهرجان
ألماس: بنتك بغات طج من الدار قالت ليك عياات من صداعك او غواتك اللي مكيتقاداش او مكتخليهاش على خاطرها
سيلين: عارفاني اماما نقولها ها بابا سوليه
منصف: مقالت والو كدابة
ألماس: شوف لك حزب التجمع الوطني للأحرار دغيا دوروها ليا والله اماما حتى قالت باغا تسكن بوحدها
سيلين: كتكدب فوجهي البعلوكة لخراا
ألماس: البعلوكة هيا مك
شروق: (عطاتها للراس) حناااك هادي.... دوزو تعشاااو سيلين عارفة واخ تنقز حتى تعيا مخارجة من دار باها غا عرووسة
سيلين: ومباغاش نتزوج اماما حرام علييك
شروق: اوا ها دار باك ابنتي
سيلين: بابا🥺🥺
منصف: معندي مندير ابنتي منقدرش نخسر خاطر مرتي وأصلا لاش غتمشي دار كبيرة ويجري فيها الخيل
شروق: ساخية بمها تمشي وتخليها
سيلين:(عنقاتها من اللور) علاش انا نقدر يا حبقلبي
شروق: عنقاتها..... متعاوديش تفكري تخوي دارك
سيلين: واخ اشروق غير هني ليا دماغك الزين ديال
تجمعو على مائدة العشاء اللي مخلااتش من طنز سيلين ككل مرة على ألماس..... كملو عشاهم او جمعات سيلين الطبلة غاسلة ماعنها مخلية ألماس ترتااح او دازت لبيت ختهاا مجمعين ككل لييلة قبل مينعسو حتى قاطع حديثهم صوت تلفون سيلين اللي كان كيصوني بلمح البصر جاوبات...
سيلين: وي سهيل كنتي كتحلم بيا ولا شنو...
ألماس غير سمعات سميتو تخشات فودنها كتصنط
سهيل: ملقيت باش نحلم غا بجنية الله يحفضني
ألماس: (بهمس) عبر عليك
سيلين: وجهك صحيح دبا قولي اش مخليك تعيط ليا مع الوحدة دالليل
سهيل: صبري على خبزتك معيطش ليك أمير
سيلين: لا علاش
سهيل: يالله قطعت مع زويزو
سيلين: اش بغا يكما بغاك تكويه😂😂
سهيل: باااز الله يعطيني الكمارة القاصحة اللي عندك
سيلين: ودبا قول ليا اش بغاك طارق فنص الليل
سهيل: جاتنا دعوة لخمس أشخاص لحفل لشركة المزراوي
سيلين: اشمن مناسبة بالسلامة
سهيل: دورتهم الخمسين... شركتهم غدا غتكمل خمسين عاام من إصدارها لاكبر مجوهرات في افريقا والعالم
سيلين: وانا مالي اسهيل واش معيط ليا تعاود ليا اش كيديرو شفت اللي دار يجلس يعاود ليا على المزراوي وتريكتو
سيلين: وختي ساليت حتى نحك طرمتي بقا ليا غنمشي لصال... راك كتشوفيني مكنجي حتال الليل كنقلب غا فين نعس حتى تخفاف الخدمة ونرجع لييه ولكن متخافيش المهارات راه باقيين اللي دوا يرعف😑😒
ألماس: هههه مناخفش علييك الخوادرية
سيلين: ونعسي الشمكارة ديالي دباا وبراكة من الهضرة الخااوية
ألماس: هاهية ناعسة مطفيش الضو خليه
سيلين: قلاوي لااا
ألماس: متخسريش الهضرة اتفسدي ليا اخلاقي
سيلين: سر زامل بويا اللي جالسة نعس حدااك
نااضت محيدة لغطاا غادا بحالها حتى جراتها ألماس
ألماس: والله حتى غا كنضحك
سيلين: والله وتزيدي كلمة حتى نمشي
ألماس: هههههههههه صاف والله منزيد
طفاات الضو او تخشاو فبغضيااتهم مستسلمين للنوم اللي ملا جفونهم......
يقال التعبير عن المشاعر كالعطر في زجاجه لا تسعد به الا عند انتشاره خلو مشاعركم تتكلم للأهل الأصحاب الأحباب وكل غالي على قلوبكم.. الدنيا قصيرة قل للأحبة في الأعماق ذكراكم يمضي الزمان ونبض القلب يهواكم. كل شيئ يرحل إلا الخير يظل مغروسا في النفوس الصافيه ،هنيئا لمن يزرع الخير بين الناس فنقاء القلب ليس غباء ،إنما فطره يميز الله بها من أحب.......
على صوت المنبه حلات عينيها لمرمشين....... سادة عين وحالا لخرا بسباب أشعة الشمس اللي تسللات خيوطها من الشرجم..... طفات تلفونها حيت دار ليها الشوشرة او هزات عينيها طالة على ألماس.... لقاتها مخشية فيها فسابع نومة ليها باستها فراسها وناضت دخلات لبيتها ديركت للحمام مدوشة بالخف بلا متغسل شعرها عكزات عليه او خرجات ملوية في بينوارها متوجهة لدريسينك جابدة منو كسوة ربيعية كونهم ففصل الربيع... ... بالصومو بارد بلكمام على شكل v من صدر حد الركبة جاتها مع طايتها بينات تفاصيل جسمها خلات شعرها مبلوكلي غير زادت نفخاتو او اما وجهها فكتافات بمكباج برونزي خفيف كونها من محبين الميكاب واخ جمالها طاغي من غير مكياج لبساب كعب عالي بالاسود مع صاك صغير في نفس اللون خاشية تلفونها او سوارت طوموبيلتها فقط او زادت خارجة لبيت ألماس ككل عاادة
سيلين: (بفزع) ألماااس جري جري مشا الحاااال وا بداات المحاضرة عتقي لمك اليوم تنشري قدام الجامعة
نااضت مفزوعة دايخة بنعاس كتجري بحال الحمقة كتقلب تحت الناموسية
سيلين: علاش كتقلبي
ألماس: على سروالي فين حوايجي شفت دريسينك خاوي
سيلين: هههههههههههههههههههههههه لاااا صااافي غنطييير راااه دريسينك ابنت دين الكلب اش وصلك لتحت الناموسية...... باقي الحال غا بشوية عليك..... لاصافي انا متت😂😂😂😂😂
باستها او خرجات خرجات كتجر شادة طريق للجريدة بحكم خاصها تكمل خدمتها بكري يالله يقدها الوقت توجد راسها
بكل تبات ورزانة كان جالس في المكتب ديالو كيحلل ويناقش القضايا اللي عندو مع نفسو مكيبغي يغلط فحتى واحد او كل واحد يعطيه حقو او ميضلم حد لأنو أدى القسم وباغي يكون قد المسؤولية اللي تعطات ليه حب الناس ليه وشغفهم ليه كان لحسن عملو وعدلو بين الحق والبااطل وهاد شي مخلييه كتر يكرس نفسو لخدمتو... حتى تحل عليه البااب بدون استئذان هاجم عليه.... كان وااحد من الأشخاص اللي مقبلش ياخد دعوتو على محمل الجد لقضية ولدو بحكم انو كان باين بلي غادي يتحبس بسبب القتل العمد....
صهيب: يااك لبااااس اش كااين
..... شحاااال بغيييتي
صهيب:(قوس حجبانو فيه) عااود اش قلتي
..... شحال بغيتي وتحكم بلبرائة لولدي
صهيب: ههههههه بصاااح
.... مكنضحكش معاااك طلب الثمن اللي بغيتي
صهيب: اتختار وحدا فجوج تخليني ندير خدمتي ونعطي لولدك داك شي اللي كيستاحق ولا نرفع عليك قضية تمشي تشمش حداااه
...... المزرااااوي احتاااارم رااااسك
صهيب: باااش نسهل عليك المأمورية ولدك رااه قاااتل رووح عمداا على الأقل عندو 30 سنة دالحبس هادا الى تساهلت معاهم... ودبااا خرج عليا بحاالك حسن منتعامل معااك بشي تعامل اللي ميليقش بسيادتكم
...... غادي تندم بزاااف اصهيب كنحلف ليك غتعيش حيااتك كاملة كحلة عقل مزياان على هاد لوجه
صهيب:(بعصبية) اتخرج تقود عليا قبل منهزك نخبطك فهااد ساعة...
... هاهوا خارج كاع داك شي اللي دوز ولدي في الحبس اتخلصو كل دقيقة من عمرك
صهيب: اللي فجهدك ديرو خرج بحااااااالك برااا
خرج من عندو مخليييه على أعصاابو مدوز لابيل للكاتبة عالمها تجي... نبرة صوتو خلاهاا تخلع وتجي كتجري...
خرجاات كتجري من مكتبو مخلياه تلاح على كرسيه كاتم عصبيتو مغمض عينيه مهدن راسو نوعا ما راخي أعصاابو فيقو من سهوتو صوت التلفون.... حل عيينه فالتلفون اللي كان فيديه لقا سيف الدين كيصوني بلا ميفكر جاوبو
سيف الدين: سلام اولدي
صهيب: وي بابا لباس علييك
سيف الدين: لباس اولدي الحمد الله شفتك غابر شكدير
صهيب: خدام اش غنكون كندير
سيف الدين: مغتجيش اليوم بالليل ولا شنو
صهيب: معرفتش الى ساليت بكري غنجي
سيف الدين: لا غا كضحك معايا خلي كاع داك شي اللي فيديك وأجي دبا للقصر
صهيب: الله يهديك الواليد راه الخدمة فوق راسي
سيف الدين: صاااف هضرت اصهيب كلمة وحدة
صهيب: وصاف الواليد نكمل ونجي
سيف الديين: كلمة وحدة اصهيب دبا تكون عندي
صهيب: هاهوا جااي اسيدي غا كون على خاطرك
سيف الدين: ديرها من اللول
قطع معاه لو لبس لافيست ديالو خارج من المكتب ديالو هابط لباركينغ شاد طريق للقصر مسلم أمرو لله فيه ميشد معاه العكس ولكن مكيبغيش يخسر الخاطر لعائلتو بحكم هوما أولى الناس عندو... مسافة طريق او حط رحالو قدام القصر مخلي طوموبيل للشيفور مديبلاصيها في باركينغ او دخل لقاهم كاملين مجموعين في الصالة او صَوت ضحكااتهم مالي المكااان
سيف الدين: الكلمة هيا الكلمة
صهيب:(جلس جنبو) اش كتعرف علياا هه
غفران: مرحباا بولدي
صهيب:باس راسها الله يحفضك الوااليدة
زين العابدين: انا اليوم فرحاان بزااف حيت عائلتي كاملة مجموعة معايا او فرحتي زادت كبرات حيت الخدمة اللي حطيت فيها دم جوفي وطلعتها وزادو طلعوها ولادي خلاوني مفتاخرة بيهم اليوم كملات 50 عام على صدورها اليو مقداني فرحة ان شاء الله تكمل 60 ونكون حاضر ونشوف حفاد حفادي كيف ما شفت حفادي
هزل:(باست يديه) الله ينجيك اجدي مزال باغيينك او مزال ان شاء الله تعيش حتى تشوف حفاد حفاد حفادك
عمران: اليوم إن شاء الله الطايح كتر من النايض
صهيب: معول عليها اوجه زبايل
رجاء:راه قالك زعما ايدخل سوق راسو
مروة: نهار يولي يدخل سوق راسو نطج من الداار
عمران: نتي بالذاات غير خليك سااكتة
رجاء: شفتكم هاد ليام غير كتردو الهضرة على بعضياتكم ياك لباس
قصة الخطايا العشر
محتوى القصة
التنقل بين الأجزاء