نتي ليا ونديك بالسيف الجزء 13

مجاوبهااش حيت اصلا دارلو سيلونص تلاها مع الهضرة و مجبدش التلفون ديالو نهائيا..

#سفيان 

بعد ما خدا ديك الصدمة من عند سمر مطلعش من بييتو.. لحد ساعة فداار باقي معرفيينش.. بلي صافي هي ويااه تفارقو مابقااوش ... لحد ساعة باقا هضرتها كدور فبالو.. كيفاش عطاتهم خاطرهم يكدبو عليه و هو لي كاان مخلي كلشي على ودهاا كون طلباات اي حاجة فساعة تحضر.. ساد لبااب علييه مكيخرجش من بيتو تا فداار شكو بلي كاين شي حاجة.. دخلات نور و القلق مبين فملامح وجهها جلسات حدااه بهدووء.. و هو مسمعهااش حيت اصلا بالو مشا بين بعييد.. يوسف و سمر هدشي لي كيفكر فييه.. مابغااتش تسرط ليه..

نور: ولدي حالك معجبنييش شنو طاري..

سفيان : والو والو..

نور : متخبيش عليا و قوليا شواقع .. واش دابزتو نتا و سمر .. انا ندوي معاه متشغلش بالك..

سفيان : انا وياها تفارقنا..

نور : كيفاش تفارقتو يلاه كنتو سمن على عسل 

سفيان : متفهمنااش و عفاك بلا قوة الاسئلة.. بغيت نرتااح ممكن..

نور : من امتا وليتي كتنعس مع العصر ؟

سفيان : ( بصوت مرتافع ) من دبا خليني نعس ..

خرجات و خلاتو هايم فتفكيرو عيطلو حمزة على بالو بلي مع يوسف .. و قاليه بلي دابزو ولكن مبينش سبب علمو بلي تاليا غتجي.. طفا تلفون و رجعو لبلاصتو..و قال مع نفسو ..

سفيان : هدشي لي كاان ناقص ..

دوك سليعفانات من بعد ما خرجو من ليسي يسرى بقات كطلب ف سمر بااش يمشيو للكورنيش مع كليكة دلقسم.. يسرى دغيا داخلات معاهم عكس سمر ..

يسرى : وازيدييي عفاااك يلاهي .

سمر : بلاش ماطلبيني را ماغاداش المورال والو والله..

يسرى : زدتي فيييه والله تبدلتي 1000 درجة .. شنو وااقعلييك واش حاسة على راسك..

سمر : دبا حنا واش غنبقااو هاكة ؟ را عاطينها غا لضخك و دنياا را ضاااحكة عليييناا و اصلا مابقالييش لخاطر لضحك ولعب و الدوران و نتي اكتر وحدة عارفة حالتي..بلاش منبدا نعاود لنفس الهضرة..

يسرى : علاش هازة لهم صافي اسمر يااك مخلييك.. انا فاش معطااكش قتلة دلعصا بحال لي دازو على ود بلان يوسف تما عرفت بلي صافي خواا طريقك..

سمر : مابغيتوش يمشي بغييتو غيير معاياا.. ندمت علاش معطيتوش فرصة..

يسرى : كنحس بييك .. من دوك لعروبيااات اصاحبتي لي دايرييين راجل هو الحياااة را كرهتينيييي اصاحبتي والله يقودو كلهم بقااي لراسك شخاسرة نتي كااع..

سمر : اودي خاسرة و بزااف..مهم نتي سيري بدلي جو انا والله مافياا لي يضحك غير غنكدها عليكم 

يسرى : و غترجعي بوحدك..

سمر : علاش شفيها.. صافي نتي سيري .. يلاه بااااي .. ( باستها فخدها و زادت بحالها )..

دايرة يديهاا فجيبااب السروال و شعرها كيتهز معاها .. و اي مرا شافتهاا كتبقاا تعجب فشعرها و طولتو مكيعرفوش يقولو تبارك الله.. بقات غادة ما مسوقة لحد.و دنيا شوية و غتضلام.. طريق كلهاا كتفكر فلي جااي و شنو مصيرها مكرهااتش كو كانت طريقة تعرف بيها مستقبلها.. وصلات لدرب دخلات و هي محملاش نااسو كرهاااتو .. مجات عينيها غير فيه هو..تلاقاتو هو و اميين حدا دارو

جات عينيهم فعينين بعض .. بقات كتشوف فييه مركزة و هو دغيا حدر عينوو تقلب عند اميين معطاهاش اهمية .. تنهدات و كملات طريقهاا.. و هو نفس شي بحالا تا واحد مكيعرف لاخوور .. بحالا مكيبغييوش بعضهم و هما كيحمااااقو على بعضياتهم.. اوا الزهر ماشي اي حاجة بغيناها كنلقاوها.. مكنوصلو لحاجة تا كنتعدبوووو و نتكرفصو ديال بصح.. و هدشي ف جمييع مناحي الحيااة عمرك تلقاها بسااهلة.. وصلات لدار حيدات صباطها و دخلات ... لبيتها ديركت ترمات فوق الناموسية بتعب و مرجعة شعرها لوور .. معدبها فحياتها.. و تلفونهاا متسوقاتش ليه نهار اصلا شكون يسول فييها تالاجاها مسااج غيير من عند يسرى ولا ماماها..يوسف مشا مع اميين لدار جلسو فصالون مجموعين هو و امين و مت اميين.. 

يوسف : كيف بقيتي اخالتي

فاطمة : اوا اولدي راحنا فدنياا ليوم كاينيين و غدا لا هادي هي دنيا..

يوسف : متقوليش باقاا صغييرة تشوفي ولدك و تربي حفادك..

فاطمة : الموت علينا حق ماعليها لاكبير لا صغير و انا تعدبت اولدي فحياتي ..

يوسف : اوا الله يطوليك فعمرك..

فاطمة : تهلاو فبعضياتكم راكم خوووت فدنيا .. واخا ماشي من نفس الكرش..

يوسف : الله يا ودي امين خووياا ( طبطب على ضهر امين )..

فاطمة : تهلا ف اميييين 

امين تزير بلمعقول جمع يدو على شكل قبضة و الدموع تحجرو فعينيه.. ناض خرج على برا.. و خرج نفس سخوونة بصعوبة حاس بغصة فحلقو ولكن مقادرش يبكي ... احسااس خاايب تشووف شي حد كيموت حداك و نتا ماقادر ديير والو احسااس خاايب تحس براسك ضعيييف وكل شي دااي عليك نضرة قوي و تا حاجة مكتزعزعك ولكن هضرة مو زعزعاتو... حس بيها كتودعو.. هي لي بقات ليه فحياتو... اصعب احسااس نهار تخسر مك... مكتوليييش عاايش موراهااا ... كتمووت معاهاا.. عايش ولكن دييييماا محروووق فقلبك ديماا مكوي من جهتهاا.. و مغيحسو بهدشي غي لي ماتت ليه ميمتو.. عياا ميكابر بااش مينزلش دموعو.. فلخر هودو حاريين على خدو.. زير على فكو بعصبية.. و لعن زهرو و حقد.. فهاد اللحضة بذات كان بغاا يعيشهاا شحال من حاجة يساريها.. يسافر هو و ياها.. تشوفو معرس و بولادو تلعب معاهم .. ولكن صحتها خانتها..يوسف خرج عندو غي لمحو دغياا مسح دموعو ولكن بقات عينيه حمرة..

يوسف طبطب على ضهرو كيواسيه..

يوسف : مالك اصاحبي معرفكش هاكة.. غتولي مزياااان و المووت را فيد الله ماشي لمرض لي كيقتل .. 

امين : مي كتعدب وانا ماقادر نديييييييير والو ايوووووووسف كتموووووت حداياااااا كل نهاار..

يوسف : و متلوومش رااسك راك درتيي كتر ما فجهدك...

امين مجاوبوش بقا ساكت جبد كارو يكمي باش يبرد على راسو و يوسف دار نفس شي .... بقاو مدة على برا تا سمعو فاطمة كتعيط عليهم دخلو .. لقاوها فلكوزينة جالسى على الكرسي و كطيب و الالم باين فيها..

امين : واميييييي قلنا ليك مطيبيييش .. صحتك..

فاطمة : ( قاطعاتو) و صاف اولدي يرضي عليك مافيها باس راني بيخير..

عاونها امييين حطات دكشي فوق الطبلة فصالون تعشااو فجو من الضحك.. و يوسف كيحاول يلهي راسو و يتأقلم مع حيااتو جدييدة لي قرر متكوونش فيها سمر.. سلاو العشااا و خرجو هو وياه على برا يكميييو.. 

امين : كنفكر نتزوج..

يوسف : تزوج و بشكون..

امين : بيسرى شكون من غيرها..

يوسف : منيتك راها صغييرة و زيد عليها را كتقراا ..

امين : بغييت نفرح مييمتي و نجيب لي تونسها انا را نهاار كلووو غابر كنباان من لييل ليييل .. والله يسمحلي منها 

يوسف : فهمتك ولكن يسرى .. ماشي البنت ليي غتهز المسؤولية..

امين : عارف عارف .. هادي يومين و هاد الموضوع شاغل بالي..

يوسف : خليها للوقت اعشيري و بلا متفكر..

جبد تلفونو يطل علييه .. لقاه غيطرطق بليزابيل من عند سعاد اكيد كاينة شي حاجة ممولفاش تصوني لييه و تبرزطو بليزابيييل.. ستأذن من اميين... و قاصد يمشي عندها وصل للباب دخل ديركت البااب كانت محلوولة لقاها جالسة فصالون كتفرج.. سمعات لحس عرفات بلي غيكون هو..

سعاد : ( جمعات الوقفة و خنزرات فيه ) بغيتي تشوهني فدرب على اخر ياماتي تا شرفت و جاااي ولدي لي بغييت يهز عليا الكتااااف و هو ناوي يطيحليييييي راسي ..

يوسف : طلقيني شنو كااين بلاش من هاد دخلة مافيا لي يتعصب..

سعاد : مالقيتييي فمن تزعط غيييير ف العااااهرة ديال درب.. المخييير دااز عليهااااا الكبير و صغييير..

يوسف: صافي صحاب الحسنات وصلوها ليك سخوونة..

سعاد : هي هدشي بصح..

يوسف : ( داار يديييه فجيابو و تسند مع الحيط و جاوبها بكل برود ) وي بصح..

سعاد : قحبة موووووسخة ديال درب ايوووووسف..

يوسف : راك كبيرة زعما و بعقلك وتانتي مراا ماشي حشوومة دوي فشرف بناات ناااس 

سعاد : شمن شرف كدوي علييييه و هاديييييك كلشي .. ( سكتاات مابغاتش تكمل ) يهديك الله اولدي را كلشي عارفها فدرب..

يوسف : الوالدة خليني محتارمك و مدخلينييش فهضرة ديال سووق نساا.. و شتييي دييييك البنت را مكاااينش شي بنت بحااالها حشووووومة تاااااقيييو الله.. راكم زعما بعقلكم..

سعاد : كدااااافع عليهااااا قدامي انا لي ساكنة و انا لي عارفة..

يوسف : شتيييي هاعلاش كنقولك كنكره ديييينموووو هاد درب..

سعاد : اشووووف ديك العقلية دلورووب سير طبقها لهيييه.. و ديك البنت متصلاحش ليييك غير كتشوه راسك معاها..

يوسف : وابغيت نتشوه انا.. سمعيني مزياااان و سمعي هاد الهضرة حييييت اخر مرة غنهضر فهاد الموضوع.. هادييييييك تا حد ماقاسهااا و ماشي عااهرة ستغفري مولاك را الضلم خااايب..راكي كبييرة و الكبيير هو الله حشوومة تقولي هاد الهضرة فحق بنت قد بنتك.. كلشي دوزنا المراهقة البنت صغييرة... كلشي غلط فصغرو متجييش دباااا تورينييي فين الصح و الغلط.. و اخر مرة نسمعك كدوي فيها بهاد طريقة .. ولا تمسعيني هاد الهضرة ديال الحمامات ..

مخلاش ليها فين تجااوب .. هز راسو و مشاا ركب فطوموبيلتو بعصبية.. كيفااش يزييد يدافع عليهاا.. كيفاش يقنع مو بليي تا حد ماقاسها.. حيت هو الوحيييد لي قرب ليها الوحيييد.. كسيرا لداارو.. و هي بغات تاكل جناابها .. محملاتش الطريقة لي دوا بيها معاهاا.. و قالت فبالها اكييد سحرات ليه... هدا هو المجتمع عندنا ... يوسف دخل لبيتو و تسطح على فرااشو كيفكر فيهاا شنو غتكون كديير.. و شنو دارت مع سفيان..

دخل لواتس كيبقشش فيه لقا تاليا مصيفطا ليه فيديوهاتها مع دانيال .. بقا كيضحك.. حماقو ديال بصح.. هي بنت ضحوووكية بزااف ... و كتغاامر .. فين ماا بغيتيها تلقاهاا مكتخااافش و مكتحشمش.. دكشي لي خلاها دغياا دير بلاصتها بين درااري .. صوناليها بقاو داويين ابيل عاودات ليه على الخطوبة .. و شنو وقع فغيباابو و شحال من واحد نصبات علييه.. ما قطع عليها تا لديك 4 دصبااح.. نااض كما واحد الكارو و نعس ديريكت..سمر.. ناضت. بكري دوشات قادات حالتها .. و شعرهاا و لبسات كسوة قصيرة كحلة حد الفخاذ مع ليبامبية لحمهاا.. وشعرها سرحاتو خلاتو مطلووق كلوو مموج.. دارت ايلاينر دلمشة .. و دارت غوجاليف خطيير.. داارت ميكااب صاروووخي.. و جات بنت 25 ماشي 17 بقات شحال كتشووف ف المرااية .. و تبتااسم.. و تفتاخر بجمالها.. هاد الحطة .. عطاتهاا ثقة فنفس زيادة عن اللوزوم.. دارت ابتسامة جانبية و نطقات .. قبا ما تخرج من بيتها..

سمر : غنشووف شنو غدييير اسي يووسف..

خرجات من دار كتسلت باش متحيحش عليها نادية على ديك الحالة لي دارت فوجهها... دازت على يسرى و تمشاو و هي كتعمد تمشي بشوية و متزربش باش تشوفو فلقهوة.. غادة و كلشي حااال فيها فمو .. خصووصا فورمتها زادت بانت.. كاين لي جاايبو فسرواالو.. غا المكبووت على خوه .... وصلات للقهوة و كلشي ضار كيشوف فيها و هي عاجبها لحال.. هما كانو داخل تفقصات حيت مشافهاش..

سمر : صوني لامييين يخرج بليز..

يسرى : كتقلبي على صداع اسمر زيدي خلينا نمشيييو و بلا شوهة..

سمر : عفااااك عفاااك عفااك..

يسرى : تييييي اش غنقولو بفف..

سمر : قوليلييييه بغيييت نشوووفك وانااري 

يسرى : ( جبدات تلفونها كتصوني عليه جاوبها فلبلاص )..

امين : حبييينو..

يسرى : فيينك..

امين : فلقهوة فين غنكون.. يلاه فاايق من نعاس..

يسرى : بوحدك ؟..

امين : معاياا يوسف علاش كتسولي ..

يسرى : والو كنت بغييت نشوفك و صافي..

امين : نتي فينك ؟.

يسرى : حدا القهوة..

مجاوبهااش ناض طل من سرجم.. حيت اصلا كان جالس فطبلتو المعتادة مقابلة مع سرجم.. لمح سمر بديييك اللبسة و عينيها لي باينييين من بعييد.. اول مرة تبرز عينيييها بديك الطريقة..

امين : نووض شوف قوقتك. شتي دباا الى قتلتيهاا والله منقوليك علاش حيت تستاهل..

دار الكاسكيطة دياالو و خرج في اتجاهم اما يوسف ناض طل تا هو و هي تبان ليه بدييك الحالة.. عض على شنايفو بغضب.. و خرج تبع امييين وقف حداها و هي حاااطة عينيها ف عينيه و الابتساامة مفرقااتش وجهها .. و هو كيغلي فداخل دياالو و عااايق بكاع النااس بلي حاليين فمهم فيها.. سرط رييقو.. و حيد عينيييه مدوااش..

امين : ( كيهضر مع يسرى) توحشيتيني..

يسرى : اه و قلت نشووفك..

امين : معاياش خارجة..

يسرى : 6:30..

امين : مزياان.. (شاف ف سمر و نطق ).. ونتي غادة للعرس..

سمر : لا غادة نقراا..

امين : ( شاف فيوسف بمعنى دوي ) غتخليهاا تمشي بهاد الحالة..

يوسف : ( ببرود ) علاش سوقي فيها؟ حياتها هاديك تمشي تا عرياانة..

هاد الجوااب كان بنسبة لسمر بحال تصرفييقة لا لا بونية.. بقات ساكتة .. و كتشوووف فلرض..و لواات شنايفها بغضب..و شافت فيه و نطقات ..

سمر : معلوووم مسوقكش دبا .. لقيتي الجديييد لقيتي ضحية جديييدة 

يوسف : ( مجاوبهاش ) امييين انا فلقهوة ..

زاد بحالو و خلاها بلاكة مفهمات والو.. عطاها احسن قمعة .. زادت بحالها تاهي قبل ما يخونوها دموعهاا.. مرضاااتش تمناات كون غيير دخلات فلرض.. يسرى تبعااتها .. و جراتها من دراعها حيت كانت كتمشا بزربة..

سمر : شتيييييه كااااع متسوق هو بصح صااافي مسحني من حيااتو..

يسرى : داار خيير شنوو لي باغاااه كتر..

سمر : بغيييتو غير هووو صافي عييت..

يسرى : انا والله مابقيييييت فاهماك برب.. واش بغيتيييييه يشدك يحوييييييييك واش هدشي لي بغيتي يفرشخك..

سمر : واااااااا زمر واااااش مكتفهمييييييش علاش مكتفهموووووش علاش علاش.. بغييييييت يدييييييير اي ردة فعل كما كانت يجيييي يسب يضرب يدييير اي حاجة مهم ميتجاهلنييييش بهاد طريقة... بغيييتو يرجع كيف قبل بغيييييتو يهتم بيا كييييييف قبل بغييييييتو يغييير عليا كيف لحمق بحال هادي شحاال.. مكيهمنيييش شنو يوقع من بعد ولكن را بصح بغيييتو يدييير غير شي خطوة غييييير خطوة..وحدة وانا غنكمل..

يسرى : ناري اصاحبتي طحتي فيه طيييييحة مقوودة محاساش حيييت باقي مجربت نبغي شي حد لهاد درجة ولكن الا غترتاحي سيري هضري معاه ونسااو لي فااات .. مابغيتش نشووفك معدبة هاكة سيري رجعي و خويليه قلبك .. هدشي لي سايرة تقوليه لياا سيري قولييييها لو .. والله تا غترتاحي..

سمر : مغيدويييش .. انا عارفااه خليتو يكرهني رديتو كيف لكلب.. دبا حسيت بقيمتو و ندمت تا علاش معطيتوش فرصة.. 

سكتات بعد مدة .. بقاو عينيييها كيدمعو و دمووع كيطيحو قطرة مورا قطرة تا بقات كتشهق.... فعلا الحب خايب و خصووصاا لمكاانش عندك تجاارب سمر.. اول مرة طييح فلحب طااحت فيووسف يسرى بقاات كتأسف لحالتها.. اول مرة تشوفها ضعيفة لهاد درجة... عنقاتهاا و كطبطب على ضهرها بمواساة حيت اصلا مافيدها ما دير..

يوسف بعد ما دخل لقهوة جبد كارو يكمي بااش بكالمي راسو امين.. جلس مقابل لييه مجبد يديه..

امين: زعما صافي نسيتيها

يوسف : امين بدل عليا هاد لقلاوي..

امين : مخليهاا بديك لحالة مدويتييش..

يوسف : اناااا مكندويييييش. انا غنشدهااااا غنحويهااااااا غنكرفسهاااااا ونتا عارف جد بوياااااا حمق.. شوف بنت لقحبة كييييييف خاااارجة عيييييييت معاها بلهضرة..

امين : الله يصبرك..

يوسف: تمشييييي تقاااااااود را مغتهناا تا ندخل على زامل بوها الحبس و نخلط لقحبة يماها الملامح هدشي لي كتقلب عليييييه ...

دازو اياام ورا داك نهاار .. يوسف مابقاش كيتجمع فدرب بزااف غير باش مايشوفهااش.. و يصدق راجع لنقطة لولة معاها متجنب يتخالط معاها حيت هاد المرة مغيضبطش اعصابو.... و تا اميين وصاه بااش ميقوليها والو عليه.. خلاها غتحمااق بتفكيير عليه كل نهاار كتعييشو عل امل تشوفو واخا غير من بعييد تا بدات تييق بلي صافي رجع للخاريج..

كان واقف مسند على طوموبيلتو داير نضااضر و شااد الكارو بيدو و مرة مرة كيشوف فسااعتو.. و يأفأف.. و يدوور يميين و شمال... تالمحها جااية كتجري.. كانت لابسة سروال ديال دجيين اسود مزير عليهاا و صوفيطمة حمرة لاصقة عليها و صدرها مبندر و باين نص فيه مع جاكييطة دجلد كحلة و شعرها مطلوق اسود لالمع عنقااتو مزيرة عليه و كتضحك بصوتها العالي..

يوسف : جيتيييي تهبليني ..

تاليا : تحملنييي ابب..

يوسف : ضرووري.. يلاه تفضلييي امدااام وليتي مدام دبا. 

تاليا : وليتي مأدب من امتاا..

يوسف : الله ينعل جدبو لي يكون معك مأدب نتي و طلعي خلاص و هنييينا..

طلعات لقداام و الضحكة مفرقاتش وجهها.. حط ليها فاليزتها فلكوفر و كسيراا بجهد و هي طالقة لديسك بجهد كتغني و تماايل معاه و هو مراقب تصرفتها و خاري عليها بضحك.. 

يوسف : باغا تباني كيووت بزز..

تاليا : هاهاهاهاها ضحكتينييييي وانا مافيا لييي يضحك..

يوسف : حمقة ..

وصلو لدارو نزلات كتسيلفا بلي هي فالمغرب و تصور.. دخل الفاليزة لبيتو ديركت و هي تابعااه.. ترمات فوق الناموسية بتعب.. و كتلعب فخصلات شعرها بتثاقل..

تاليا : بحالك بحال بيتك وباز فييييه الموووووت دلقنط..

يوسف : بيتيييي الله يجعلو تا مقبرة فيين المشكييل..

تاليا : و فين غنعس انا..

يوسف : شووفي شحال دلبيووت لي عجبك ..

ناضت .. و كتقلب فلبيوتة..

حطات فاليزتها فواحد البييت و جبدات شي ورااق و لفلووس.. حطاتهم فوق الطبلة مستفيين..

تاليا : يوووووسف يوسف..

يوسف : ( سمعها و جاا عنظها ) غا بشوية را كنسمع..

تاليا : فلووس حمزة ... 

يوسف : ( خداهم و حطهم فلماريو ديالو )..

خلاها تستف حوايجها على خاطرها و هو بقا فلبالكون كيكمي

جات وقفات حداه .. تا كانت غطيحو .. ضربات فيدو بكل قوتها..

يوسف : ورصاااي اتاليا والله معندي الخاطر..

تاليا : يلاه gررر شواقع..

يوسف : كضحكني هضرتك ازبي هضري الداريجة نيشان..

تاليا : بلا متقلب الموضووع معاك بصح ايوسف مالك.. 

يوسف : والو والله.. ( سمع تلفونو كيصوني جاوب )..

سعاد : يهدييك الله .. متجييش تشوفني..

يوسف : ميي قلت ليييك غيير نرتاااح .... نرتااااااح و صاافي و غنجي..

سعاد: هدشي غيير سمعتيني دوييت عليهاا و مابقيتيش تجي تشوفني.. صافي حكمااتك اودي اوليدي..

يوسف : شتييييي هاد الهضرة لي كتخلييييني نصصصعر.. ( سكت بعد ما كان غيقول شي هضرة تا لهييه ).. ماشي عليها وابغيييييت نرتااااح واش مكتفهمووووش ولا شنو !! بنااادم را كيبغيي يرتااح.. و را غنجي..

تاليا : (حيدات لو تلفون من يدو و هضرات ) صافاااا خالتيييي..

يوسف : واراااي بغيتيها تفرعليا كري تاني بشكون هادي..

تاليا : ( بضحكة عالية ) اناا عرووستك انشااء الله..

حيد ليها تلفون و قطع سعاد مافهمات والو..

يوسف : عمرك تبدلي..

تاليا : مااشي بحالك انا مكنتبدلش .. ( دفعاتو بطرماحتها ب دلع )..

يوسف : (دار ابتساامة جانبية ) تانا متبدلش غيير مبرزط مع راسي اتاليا..

تاليا : شنو لي مبرزطك اممممم سااارة ياك..

يوسف : سارة عارفة بلانها فاريناها شحال هادي..

تاليا : و مااااالك هوووف هضر خلاص ..

يوسف : خليني دبا قوليلي نتي بلانك مع دانيال..

تاليا : كناا صحااب .. موراها نعسناا و بغيييينا بعضياتنا.. ( طلقاتهاا بضحكة )..

يوسف : هو مووول الفعلة هو لي داها..

تاليا : كااانت احححححسن لييييلة .. خوناا 7وااااي ..

يوسف : مصيييبة.. الله يكمليكم بلخيير.. و باك كيف بقاا..

تاليا : اميين ابب .. اوا كييف ديما لا جديييييد نفس الحالة كنعيشها ديما.. غي هو كنعيش مع دانياال..

يوسف : و الخدمة ؟..

تاليا : ديماا مدابزييين عليها.. بغاني نحبس.. وانا منقدرش ولفت دك لجوو و زييد عليها ماباغاش نخلي حمييزو فنص بعد ما هو عاوني.. ونتا عارفني ماشي نكارة الخيير..

يوسف : عندو لحق بعدي نتي بنت زوينة ماشي ديال دكشي..

تاليا : صافي نساا جاني جوووع.. 

يوسف : زيدي نديييك تاكلي.. غادي تغلاضيي المغرب هدا..

تاليا : اصلا بغييت نغلاض.. ( غمزاتو )..

لبس عليه جاكيطة حيت برد لحال و هي سبقاتو لطوموبيل جالسى لقدام و كتشيرلو بمعنى انا لي غنصووg خلاها على راحتها ركب حداها و هي تكسيري.. غادا طايرة و هو كينبه فيها بلي هادا المغرب ماشي

طاليان ..

بقا كيوريها طريق منيين دوز و منيين تخرج بلاصاات طوموبيل حدا واحد الريسطو شعبييي.. و ماشي هاي ديال ولاد شعب معرووف بطاجيين.. نزلات بكل نشااط.. و هو تابعها جلسو و طلبو طاجيين ديال دجااج.. و هي جالسة .. كتسناا على نارها ماتلقاايش بحال ماكلة بلادك و بنتها.. حطو ليهم نزلات فييه عوورة غي كتخشي ففمها و يوسف كيشوف فيها و عينيييه دمعو بقوة ما ضحك.. و كلشي حاضيها و كيضحكو عليها .. و هو خلاص.. كتبان بحاالا كانت محبوسة 100 عام و يلاه جاها الافراج.. كملات ناضت تغسل حالتها و هو مكلاش كان غير مراقبها.. بعد ما خلص طلع فطوموبيل و مرة مرة تشدو ضحكة.. و هي حاطة يدها على كرشها ..

تاليا : ناري حاسة براسي متقلة..

يوسف : بزااف واش عمرك كليتي..

تاليا : اه اسيدي فينو المكشيل.. دينيييي عند سفيان توحشتوو..

يوسف : مابقيناش .. كندويييو و بلا متسوليني..

تاليا : اكااااي غنعرف من عندو ..

يوسف : سوقك هداك..

تاليا : و اهنتا غتشووف دينيي للبحر والله تا توحشتو.. منييين كانت عندي 8 سنيين .. اول مرة نجيي والله تا توحشت هاد البلاد واخا مكااين فدينمها مايتشااف..

يوسف : اودي بلادك كتبقا هي بلادك..

بقاو داويين على المغرب و شنو كيوقع فيها و المشاكل لي فلبلاد تا نساو راسهم.. وصلو لبحر بلاصا طوموبيل و بقاو فيها و هي كتشوف من سرجم و عينيها كيبريييو.. 

تاليا : بغييت نعووم..

يوسف : فهاد لبرد.. و زييد عليها ماشي وقتو..

تاليا : ( شافت فيه بتحدي ) امم كيفاش ماشي وقتو... بغييت نعووم معاك بصح ايوسف..

يوسف : و متسطاايش..

حلات بااب طوموبييل بلا مبالاة لهضرتو.. و حيدات صباطها.. هازهم فيدها.. كتجري فرملة بحال شي هبيلة... و لييل طايح.. غير شماكرية و العزارا لي تما.. يوسف تابعهاا .. و هي كتجري تا وصلات للبحر رمات صباطها و بقات كتحيد فحوايجها و يوسف حاضيها و عارف لي فراسها فراسها.. بقات بدوبياس .. و شعب عندنا حااال فموو .. مكبوووتييين حاضينها و ريوكهم سايليين.. و يوسف ربع يديييع بمعنى درتي لي فراسك.. بتاسمات فوجهو قبل ما تغطس.. و تعاود تطلع و كتغوت باعلى صوتها حيت لما كان بارد..

تاليا : اجيي تانتا..

يوسف : هدشي لييي خاصني زيدي يلاه..

مجاوباتوش بقات كتعووم.. كتباان سيكسي.. بشرتها كتلمع و صوتها غيير مكيزييد يخلي لواحد يجعر... دوك شماكرية حاضييينها مكرهووش يمزقوها بسنانهم و يوسسف حااضيهم كيفاش كيشوفو بحال لكلاب.. شاف لقاضية بدات تحماض..

يوسف : غتزيدي ولا نمشي بحالي..

تاليا : غا شوية عفاك..

يوسف : وا متمرضينيييش غنعاااود نجييبك غي يلاه قبل ما نرتاكب فشي قوااد شي جريمة..

شافتو بدا يعصب و ملامحو تبدلو خرجات من لما و هي كتقطر .. و كتقفقف كلها كترجف لبسات حوايجهاا.. و يوسف عطاها الجاكيطة ديالو.. كانت كلها كتقفقف الما كانت باردة.. رجعو لطوموبيل.. شعل السخونية و هيي حطاات راسها على كتفو و هو صايg بشوية و كيكمي.. شافها نعسات مابغاش يفيقها.. وصل لدارو.. هزهاا فيدييه بشوية و هي تفييق .. جااتهاا الردة.. مشات بعييد بزربة بقات كترد ... و شادة فكرشها...

شادليها شعرهاا و هي كترد .. و مزيرة على كرشها .. و عينيها معسليين.. 

يوسف : هدشي علاش كنتي كتقلبيي.. هانتي دبا مرضتي شحال فييييك ديال المضاادة..

تاليا : رااسي كيحرقني حااسة بيييه غيطرطق.. 

يوسف : وابسييييف انم بسييييف..

عطاها كلينيكس مسحات فمها و شد فيها كيمشيها بشوية و هي حاطة راسها على صدرو... دخلها لبييتو... كيبقشش فلكوافوزة على كنيينة دحريق راس .. جابلها لما و عطاها تشربها.. كتبان بحال شي وحدة سكرات و جابت لكااو .. و شنايفها زرقيييين.. و كيرجفو..

يوسف : دخلي دوشي بما سخوون..

تاليا : منقدرش. عكزت..

يوسف : براكة من لعكز و نووضي را غيير مغتزيدي تمرضي و تشدي لقنت و ديك ساعة شوفي فين تساراي..

ناضت بشوية عليها دخلات لدوش ديالو.. لقات دكشي غير ديال رجال.. تأفأفات.. زولات حوايجها.. و تخشات تحت رشااشة طالقة عليها ماا سخوون.. و سادة عينيها حاسة برعشة و الاسترخاء.. غسلات شعرها بشمبوان ديالو... كملات تدواشها و لبسات بينوار دلحمام ديالو كحل..لقاتو معلق تما.. شعرها خلاتو مطلوق كيقطر.. خرجات لقاتو فلبالكون كيكمي.. بعد ما دوشاات حسات بواحد العيا فشكل.. بغات غير تغمض عينيها و تنعس.. و تا تلفونها منيين جات متسوقات لييه.. حطات راسها فوق المخدة تما نعسات.. يوسف كمل الكارو لي كان فيدو و دخل لقاها ناعسة.. غطاها .. و جلس فليفوتوي مقابا ليها كيبقشش فتلفون و يهضر مع اميين بلمساجات .. تا داتو عينو هو لخر...

صبح صبااح فاقت هي لولة كتجبد ف صبعانها .. ناضت.. لقات راسها باقا بلبينوار.. فتحات لماريو ديالو .. كتشووف حوايجو.. جبدات واحد القاميجة كحلة .. حيدات دك البينوار .. بلخف و لبساتها.. جاتها حد لفخاض... من ديما عزييييز عليها لبس درااري و فاش كانت معاهم ساكنة ديما كانت كتلبس حوايج يوسف...

عند سمر.. كانت فلقسم.. حاطة راسها فوق الطاولة الاستاذة كتشرح و هي شاردة و عقلها مشا بعييد.. فجأة طلبات الاذن من الاستاذة عل اسااس مزيرة و خاصها تمشي لدوش .. تبعاتها يسرى تاهي.. 

يسرى : فين غادة..

سمر : غنمشي لدارو صافي اصاحبتي عييييت سيمانة غاابر .. بغييت غا نعرف واش باقي هنا ولا مشاااا.. فهميني عفاك..

يسرى : واخا واخا سيري.. و انا غنضبر كيفاش نحيد عليك لغياب..

سمر : يخلييييك ليلي..

يسرى: متعطليييش مع 1 نلقاك هنا ..

سمر :متخافيش..

خرجات من ليسي شدات طاكسي.. غادة لدارو وصلها خلصاتو و نزلات.. و قلبها كيضرب بجهد.. خايفة لا ماتلقا حد.. و فاش يحل لبااب شنو غتقولو.. المهم تعرف واش باقي هنا.. وصلات للبااب بقات كترد نفسها بزز و كتحاول تهدن راسها.. دقات فلباب مرة و زوج.. تا جات تاليا.. هازة فيديها طاسة دلقهوة حلات لبااب..و سمر.. قلبها غير مزاد خرج.. 

تاليا : شكون نتي؟..

سمر الهضرة مشات ليها جاتها صدمة ثلاثية الابعاد.. بقات ساكتة مجاوباتهاش.. و تاليا كتسنا جواب.. سمر.. خلاتهاا و مشااات قبل ما يفضحوهاا دموعها..

تاليا سدات لباب.. و قلبات عينيها .. معطاتش للامر اهمية قالت غير شي وحدة غلطات فدار.. رجعات جلسات فصالون مربعة رجليها و حاضية السرجم.. كتشووف ناس غادييين جاييين.. كيدوييو بدارجة بطلاقة و هضرة مشرملة .. جا فبالها غير يوسف كيفاش.. كيهضر .. تبسمت بعفوية.. يوسف حل عينييه .. بغا ينووض وهو يحس بلحريق فعنقو حط يدو تما كيماصي فييه.. نعس معدب .. و بحوايجو .. حس بلعدااب.. دخل ديركت لدوش.. دوش لقا حوايجها باقيين تماا فلرض..

خرج لاوي عليه فوطة.. لبس صيرفييط دلاكوسط بيضة جاتو وااعرة.. و دار ساعة دروليكس فيدو.. خرج من بيتو لقاها مربعة و لابسة قاميجتو ستغرب..

تاليا : جاتني ياك..

يوسف : طبيعتك عمرك تبدليها..

تاليا : كيقول لمتل لي فييه شي طبيييعة مايبيعها..

يوسف : فطرتي..

تاليا : عارفني مكنفطرش..

يوسف : و كييف بقيتيي من لبارح..

تاليا : فقت هي هااديك سووووبر..

يوسف : اوا مزيان.. اوا شنو عوالة ديري ليوما..

تاليا : تشهييت نمشي لشي بواااط..

يوسف : ليبوااط ديال هنا ماشي بحال لي فطاليان...

تاليا : تانا دكشي لي بغيت..

يوسف : واخلينا...

تاليا : واديني نشوف دربكم..

يوسف : معندك ماديري فيه غييير لحضاياا..

تاليا: واسوووقك دينيي نشوووف .. اه و عرفني على ماماك.. 

يوسف : واخا نمشيو نتغداو عندها مزياانة ؟..

تاليا : اه و موراها تساريني فدرب ياك.. و تعرفني عليهم كلهم..

يوسف : و صاافي يلاه نوضي لبسي..

تاليا : اوك بب..

ناضت بسرعة دخلات لبيت لي حطات فيه حوايجها كتقلب على شنو تلبس جبدات صوفيطمة قصييرة من جهة لكرش.. دايرة بحال سوتيامات.. مع شورط قصييير و صبادري و شعرها خلاتو مطلوق مدارت والو فوجهها ... خرجات عندو كتهز فوجها بمعنى يلاه.. تسند على لحيط و ربع يديه ..

يوسف : منيتك غدخلي لداك درب بهاد لحالة..

تاليا : اه معجباتكش ؟..

يوسف : سيري بدلي 

تاليا : لا مغنبدلش اصلا هدا هو لبسي و كاع حوايجي هاكة مجبتش شي حاجة طويلة..

يوسف : وازبي منيييييتك راكيييي فلمغرب ماشي طاليان را يشوفوك هاااكة يحوييييوك من ودنييك و نزيييدك.. مغدييش تمشااي معايا بهاد لحالة..

تاليا : اواااه انا ماشي girlfriend ديالك بااش تقولي هاد لهضرة فهمتي !

يوسف : تاليا عقليتك المخرية ماشي فدربي انا و دبااا غتبدلي هاد لقلاوي ولا نجلسو لرض . 

تاليا : ( شافت فيه تا عياات و ضربات رجليها مع لرض بعصبية ) و دباااااا عطيني شنلبس را معندي غا لقصير انا..

يوسف : و نعطيك حوايجي ؟

تاليا : ضبر كرك..

يوسف : ولفتيها الكلبة و دخلي و ختاري شنو يناسبك فين غنعرف انا .

مزادتش معاه لهضرة دخلات لبيتو حلات لماريو كتقلب فلماريوو.. لقات غيي واحد صيرفييط كحلة دنايك.. لي تناسبها شافت تا عيات حيدات حوايجها و لبساتها و شعرها طلقاتوا..خرجات عندو مربعة يديها بمعنى كيف جاتني ..

يوسف : مقاااودة..

تاليا : زعما خايبة ؟..

يوسف : لا شي حاااجة وااااااو..

تاليا : صافي شكغا شكغا.. 

حط يدو على كتفها و جرها بدلع خرجو من دار ركبو فطوموبيل قاصدين درب..

عند سمر .. بعد ما خدات ديك صدمة بقات غادة و مكتشووفش وراها ولا قدامها بحال شي وحدة مضيعة طريق و دموعها على خدها مابغااوش يحبسو .. دمعة مورا دمعة.. و حاسة بقلبها غيخرج.. قطعات شانطي و الضو لحمر باقي ماشعل و طوموبيلات كيكلاكصونيو عليها و هي بالها غايب فدك الوقت.. فلحضة حطات يديها بزوج على وجها و بكات بصوت مرتاافع.. كتشهق و تعااود.. تا شبعات بكاا على خاطرها و شدات طاكسي لدرب .. نسات يسرى لي خلاتها كتسنا فيها.. وصلات لدرب خلصاتو و كاع مهزاات من عندو .. صرف.. كيعيط ليها و هي كاع مسمعات.. دخلات لدرب.. لقات طوموبيلتو مبلاصية حدا القهوة و جالسين ب 3 مجموعيين... بقات كتشووف فيهم ب 3 هي و امين و يوسف.. و قلب عينو غير لحمها مطولش فيها شوفة.. سرطات ريقها بزز.. و كملات طريقهاا.. وقفات حدا واحد البااب و ضربات يدها مع لحييييط تا تقصحاات ..

سمر : هادي بااااااش بدلتينيييي بهاد شمكاارة ايوووووسف برب لا بقااااات فيكم ب 2 ..

جلسات تماا و ربعات رجليها و يديها عاطياها لحريق و كتفكر فشنو غادير دباا .. حاسة بشمتة و قلبها محرووووق بغات غيير تبرد نار لي شاعلة فيها..كتهضر بوحدها بقوة الفقصة لي حاسة بيها..

سمر : كتنصح فيا يااا زامل لبسك مشرمل و هاااد لقحبة لي ضااربة صيرفيط دنايك ديااااالك ازااااامل .. الكداااااب والله لا بقات فيك و جااااايبها لدرب ضد فياااااااا واخااااا هانتا غتشووف برب مغتفرح بيها.. هااااديك باش تبدلنيييييي كتباااان مك.. اولد لقحبة..

بقات داوية بوحدها مرة تبكي و مرة تسب.. تا وقف عندهاا واحد شمكاار.. من درب.. كان مقرقب..

سمير: شكووون بكااااك نحويلو موو..

سمر : سير بعد مني اسمير دكشي لي كان باقيلي غا نتا..

سمير : ( حيد لكاسكيطة ديالو و جلس حداها تا هو مربع رجليه و ريحة دجوااان كتعطعط منو ).. تيييي غا هضري شكون مخسر ليك الموراال سمر وحدة لي عندنا..

سمر : فاش غتنفعني..

سمير : نتي امرييييييي و انا نغااامر.. ( وبقا كيغني امر وانا نغامر.. )..

جابلها ضحكة .. ضحكات بلا هواها .. مسحات دموعهاا دغيا..

سمير : هانتي ضحكتك واقولي شتما..

سمر : غتعاوني..

سمير: تي غااااا هضرييييي و كونك هااانية..

سمر : دباا نتا اصلا راك روشيرشي ياك يعني حياتك ضايعة ضايعة ياك..

سمير : من زماان ضايعيين فهاد لبلاد.. واطلقينا..

سمر : ( بحقد ) بغيييتك.. تشرمل واحد ختناا..

سمير : نتي غا وريهالي و رجعي لوور..ولكن شنو هو المقابل..

سمر : لي بغيتييه ..

سمير : ( قرب ليها ) بغيتك نتي..

دفعاتو و هي عايفة منو..

سمر : و نتفاهمو دبا دير دكشي لي قلت ليك..

سمير : غتشوووفي سمير ولد لمعطي شغيديير على ودك..

سمر جمعات الوقفة بحماس ماعارفاش اش كديير.. ولكن الغيرة عمااات عينيها.. ولات وحدة مكتفكرش.. و تا يسرى لي كتوقفها و تنصحها مكينااش..

بقات غادة معاه و واثقة فراسها... على بالها را دايرة انجااز.. و هي غير مكتزيد تقودها على راسها.. و هو فرحان حاضي ليها ترمتها.. و كيقول فراسو و اخيرا وصلت ليهاا.. وقفو قريب للقهوة و كتوريه بيديها و هو مركز معاها..

سمر : هاديك لي جالسة مع دوك درااري.. را ضاربة سيرفيط دنايك..

سمير : ايييه قولي لي سااطة دصحيبك ناري باش بدلك..

سمر : وا وريني حنة يديك..

سمير : (حط يدوو على ترمتها) بشرط غنضربليك هادي.. عرفتي هادي شحال و انا مشهييها..

سمر : ( دفعاتو و هي عايفة راسها ولكن مجبورة تسايرو تا يقضي ليها الغراض ).. و صاافي يكون خيير نتا غيير ديير هدشي لي قلت ليك..

سمير : هي لي متعاودش.. غدا يوصلك خباارها.. و لكن قبل ضرووري مناخد منها شي حوية منزكلهاش..

سمر : قلت لييييييك شرملها ماشي حوييييها ..

سمير : مدخليش فهدشي بلا متكعااي عليا انا ..

سمر : مهم غدا نلقا لخبار..

سمير : ليوم قبل غدا ..

تبسمت و مشات بحالها بقا هو حاضي داك الثلاثي كيبلاني.. كتبانلو غير ترمة سمر المكبوت لاخر.. بعد ما شافت دك المنضر حقدات .. نسات اش كديير.. و بلي هي بنت و هاديك بحالها.. مفكرات فواالو.. كتحااول متفكرش.. بغات غير تبرد.. مخدمااتش ضميرهاا.. ابدا خلات الغضب يتحكم فيهاا.. رجعاات لدار.. دخلات ديركت لبيتها نادية ستغربات ليوم رجعات بكري..

نادية : مقريتيش ؟..

سمر : لا مجااش الاستاذ..

نادية : اييه اوا مزية ملي رجعتي و مابقيتيش كدوري فزناقي..

سمر : حشيان الهضرة خلييه عندك هد سااعة حييت معنديش ليه الكانة..

بدلات حوايجها و لبسات بيجامة .. ترمات فوق الناموسية و هي كتجمغ فشعرها.. شعلات تلفونها كتبقشش فيه.. لقات عرام دليميساج و ليزابيل من عند يسرى.. صيفطات ليها اوديو باش دوز عندها فدار و متفرشهاش حدا نادية على ديك الكدبة.. بقات طالعة نازلة.. و كترمش بزربة و كتسنا على نارها اش غيوقع..

كتسناا على نارها اش غادي يوقع و شنو غتكون ردة الفعل ديالو.. هاعلاش بعض المرات خاايب تحكم على الواحد و تسرع.. خاصك تسمعو لول .. و ماديير تا خطوة.. ولكن سمر نعذروها تا المنضر لي شافتو .. مكانش ساهل.. بنت مع صاحبك ولا راجلك فدار.. هادا بحد ذاتو غلط كبيير.. 

#يوسف..

بعد ما عرفها على اميين.. تمشااو ب 2 وراها درب قنت قنت بعد ما اصرات عليه.. و هو بقا مسايرها بحكم راهي فضيافتو و زيد عليها كبيرة عليييه .. مسايرها فكلشي.. وصلو لدارو دق فلبااب فتحات سعاد و هي مستغربة..

يوسف: مي هادي واحد صديقة ديالي من طاليان.. مهم تاليا هادي هي الواليدة..

سعاد : ( سلمات عليها بلابيز ) دخلو دخلو..

يوسف و تاليا دخلو لداخل..

جلسو فصالون و سعاد شدات امين دايرة معاه تحقييق..

سعاد : بلا كدوب قوليا شكون هادي. واخا باينة فوجها بلي كاورية ..

امين: غا كوني هانية را بصح هي من طاليان و جات تزور المغرب و صافي..

سعاد : اوا لصق فييها شوووف زين ولاطااي و تبوكيصة و بوريقاتها تديك لخاريج و نتا لاصق لييياا فبنت ماليكة..

امين : اوا لقلب اخالتي.. 

سعاد : زيد دخل زيييد.. 

مشات لكوزينة .. ديجا كانت موجدة لغدا .. زادت دارت طاجيين.. و شلاضة .. قادات دكشي.. مع الموناضا .. و رجعات عندهم .. جلسات معاهم بين ما يوجد طاجين..

سعاد : اوا بنتي.. واش اول مرة تجي..

تاليا : لا اخالتي ماشي اول مرة .. ولكن منيين كانت عندي 8 ماجييت.. هادي شحال..

سعاد : ( شداتها ضحكة على كيفاش كتهضر ) واداريجة عندك واكلة دق..

تاليا : ( ضحكات بصوت مرتافع )..

تبادلو الهضرة بيناتهم و سعاد غيير مكتغمز ليوسف و تحشيلو لهضرة بلفن و هو عايق بيها و كيدير راسو مفاهمش... مشات لكوزينة .. حطات لغدا.. تاليا طاحت فداك طاجين عميا.. يوسف كلا غير شوية و كحز.. خرج على برا يكمي.. حاس براسو غيطرطق ليوم اول مرا ميكمييش بزاف.. من صباح ما حطو فمو.. شعلو و تنهد عاد رتاح.. تبعاتو تاليا.. و حيداتو من فمو و نترات منو..

يوسف : ( حيد داك الكارو من فمها و رماه فلرض و عفط عليه ) .. تاليااااا ماشي وقتو و ماشي هنا..

تاليا : هوووووووف عصبتينيييييي ايوووسف اي حاجة لا لا لا لا ..

يوسف : اه هنا لا .

وبلا متزايدي معايا فلهضرة..

خلاتو واقف و مشات لقات شي درااري كيلعبو لكورة بقات كتلعب معاهم.. و هماا فرحانيين مساكيين مجمعيين عليها و هي كطيير بديك الكورة و يوسف متبع ليها لعيين من بعييد..

امين واقف حدا لبااب .. مخليين سعاد كتجمع طابلة .. قرب عندو ..

امين : درية زوينة صراااحة..

يوسف : قراتك سعاد مزياان..

امين : لا والله انا عجباتني عقليتها..

يوسف : من قبييلة و هي كضرب فلمعاني سيدة راااا مخطوووبة و كتمووووت على خطيبها ..

امين: الله يكمل عليها بيخير.. واش مغريبي.. 

يوسف : كاوري..

امين : اوا مزياان اشريييف..

خرجات عندهم سعاد و هي كتقاد زيفها .. وقفات حداهم و هما يقلبو الهضرة دغيا و هي عايقة بيهم.. قلبات عينيها .. كتشوف ف تاليا كيفاش كتلعب بمهارة..

سعاد : كوايرية مع راسها تبارك الله.. يتماناها اي واحد..

يوسف : جيني من لخر شباغا و اش كتحاولي ديري من قبييلة،؟..

سعاد : اوا اولدي يوسف جيتو مواتيين.. و سيدة زوينة و كدخل لخاطر..حسن من ديييك الخوينزة دسمر..

يوسف : ( تأفأف قبل مايجاوبها ) متخلينيش نغلط فيك.. هدشي راا عيييب زعما نتي مرا متقفة و واعية.. بنت 17 عام.. و مراهقة .. و كتعيش سن ديالها.. هاديك خايبة و خارجة طرييق ولكن هادي.. حيت بنت لخاريج.. مهامكش اشنو مدوزة ولا شنو غتكون مدوزة.. المهم هو تباني حداا لعيالات .. بولدي را داها بنت الخاريج و ماشي مهم واخا يكون عندعا 40 عام.... و باااز ليكم اناا بعداا كنعياا نشووووف و نرمش.. و بلاش ما كل مرة تجبدي سيرة البنت غير مكتزيدي تدي دنوبها.. و نزيييدك شتي هاديك راها مخطووبة..

سعاد : ضرباتك نفس عليها احنينيي ..

يوسف : مهم شكرا على لغدا انا مشيت..

سعاد : وليتي كتقلق عليا بمسبتها..

يوسف : المشكييييل ماشي فيا المشكيييل فييييك نتي و نتي عارفااااني كنكره دينمو هاد درب غييير على ود هد العقلية.. ف الله يحفظك تانتي متوليش بحالهم..

امين شاف القاضية بدات تحماض و دخل.. بدل لهضرة .. و يوسف مشا عند تاليا جرها حالتها ولات حالة كلها كتلهث و حمرة من خدودها.. عياات بلعب .. كتهضر و تنهج..

تاليا :.. خاص.. خاصني.. دو.ش..

يوسف : خاصك حماام ماشي غير دوش.. يلاه..

بقات غادة معاه و مسندة على كتفو .. داتها تقيلة عليها و امين كيهضر فتلفون تابعهم.. و ماعايقينش ب هداك لي تابعهم من قبييلة خطوة بخطوة..

حاضيهم من بعييد كيف خيالهم.. امين خاشي وجهو فتلفون و يوسف كيشوف قدامو .. اما تاليا .. مسندة على يوسف و حاسة بالارهااق .. رجليها مابقاوش هازينها.. بغات غير امتا ترتااح.. وصلو للقهوة بضبط فين مبلاصي طوموبيلتو.. كانت دنيا بدات تعمر.. 

امين : غتجي فلييل..

يوسف : والله ماعرفت نشوفو هاد المصيية..

تاليا : نجييو نجيو عجبني لحال هنا..

يوسف : و تا ترتاحي و نشوفو.. بيناتنا تلفون.. ويلا جيت غتلقاني هنا و صاف..

امين : تاليا ياك.. مهم تشرفت بمعرفتك..

تاليا : مييييي توو..

دار ليهم اشارة بيدو بمعنى بسلامة.. و دخل لقهوة لداخل.. يوسف حل بااب طوموبيل و تالياا دارت نفس شي.. سميير جااي كيجري..و هاز سيف فيدو.. قاصد جهتها.. يوسف شايفو جاي بديك الحرقة.. مشا كيجري لعندها قبل ماينزل عليها.. درg عليها جاتو ضربة فكتفو.. دم بدااا كيشرشر ديال بصح.. تاليا كتغوت باعلى صوتها.... القضية تروناات شي هارب و شي خارج كيتفرج و تا حد.. ماقدر يقرب خصووصا فاش شافو سيف و دم كيشرشر.. و عارفينو شمكاار ديال درب.. كلشي بقا حاضي.. اما امين كان داير ليكيت كيتمزك.. ماعرفش اصلا شواقع.. يوسف طاح لرض.. و كتفو كينزف.. و دك سمير يلاه عول ينزل عليها تاني ضربو يوسف لرجلو تا طاح على وجهو.. و نااض بقا كيركل فييه عند وجهو و داك خونا كيزحف بصبعانو باش يهز داك سيف يوسف عفط عليهم بكل جهدو تا بقا كيغوت.. شدو من شعرو..

يوسف : شكوووون نتا القواااد شكوووون..

سمير : واطلق طلق منييييييي اولد لقحبة طلق..

يوسف : هانا غنوريك..

بقا كيركل فيييه فين ما جااات و تاليا كتبكييي .. كتشوف دم فكل بلاصة ... ولات غير كترعد تا جا را عيسى مول لقهوة.. شدو كيبعد فيه..

عيسى : عفاك اولدي ديييه لبوليس هو لي غيعرف شغلو معاه ..

يوسف : طلق اباا عيسى خلينييييي نورييييه ..

موسى: على وجهي ايوسف ديرني فمقاام بااك.. على وجه ميمتو متوسخش راسك فيه... 

يوسف : واخا غيير خلينيييي نهضر معاه مغديش نوسخ يدييي فيه..

خوالو طريق .. و يوسف تحنا عندو شدو من شعرو..

يوسف : مغديييش نكتر معاك فلهضرة اش وصلك لدرية فيييين كتعرفها تا جاي كتشير بسيف عليها دوييي اعيييفة رجال ..

سمير : ( دم دايز من فموو و كيهضر ) حد غا مقرقب..

يوسف : واااش كنبانليك بوكيمون ازااااامل غدويييييي ولا غندفن قحبة مك حي ..

سمير : ( مجاوبوش )..

يوسف ولاو فيه عشرة و محااسش بدم لي كيشرشر منو .. دمو حامي دما محاس بوالو.. عفط على صبعانو كيضغط عليهم..

سمير : طلاااااااااااق اعععععععععع طلق هانا غنقولك اعع..

يوسف : ( طلق منو وجبدو من شعرو ).. دوي اولد لقحبة..

سمير : سمر سمر هي .. 

يوسف : و كتسبها فدرية يا شمااااااتة ( ضربلو راسو مع لرض )..

سمير : الله يرزيني فميمتي الا هي.. 

يوسف : بشحال بعتي راسك اشماتة..

سمير : كانت غتعطينييي نحويها.. واطلق منييييي اععععععع فكوني..

دفل عليه و خلاه تما منشووور.. قاس يدو و عض على شنايفو بألم قرب ل تاليا لي غير كترعد.. كتحاول تقيسو ولكن مقدراتش..

تاليا : اهييييئ يدك.. هييييئ هئ يدك اهيييئ..

يوسف : مكاين والو .. ركبي فطوموبيل و متزليش منها انا دبا جاي..

تاليا : هئ هئ هئ زيد نمشيو لصبيطاار .. يدك ايووسف اهيييئ هئ 

يوسف : ( مسح على شعرو بعصبية ) طلقييييي بلا هضرة قلاوي..

خلاها و دخل لقهوة بضبط فين كاين امين.. كان مجبد و داير ليكيط.. و خاشي وجهو فتلفون.. يوسق حيدلو ليكيت من ودنو ..

امين : ( وقف مخلوووع ) شواقع .

يوسف : ( حيد لافيست ديال سيرفيط و قطعها و لواها على كتفو زيرها على ديك جرحة العميقة .... باش يوقف بيها دم.. ولات كلها حمرة.. ) عيييييط لسمر دباا..

امين : يدك اصاحبييي منبعد سمر دبا نمشيو لصبيطار..

يوسف : قلاوييييييي دير لي قلت ليك بلا هضرة عيط ..

امين ما فهم والو عيط لييها .. و هي تجااوب سييغ بلاص .. استغربات فاش شافت نمرة امين قالت يمكن باغي يسرى..

سمر : وي امين..

امين : ( مجاوبهاش دوز ليها يوسف ديركت )..

يوسف : دقيييييقة نلقاك فرااااس درب..

سمر: شكون نتا..

يوسف : لي حواااك ابنت لقحبة .. تقحبييينك خليه لمبعد غتخرجيييييي ولا ندخل فزامل بووك لقلب دارك طوووول وعرض.. دقيييييقة بلحسااب نلقاك فراس درب..

قطع عليها ورما تلفون فوق طبلة .. حوايجو ولاو كلو دم يديييه .. و لا صفر بقوة ما نزف خسر بزاف د دم و هو مواعييش على راسو شكيديير.. خرج من لقهوة كيسوط.. و يتنفس بزز معصب لواحد درجة تا التنفس دياالو مقادرش يتحكم فييه.. وقف فراس درب مغوووبش عاقدهم .. كيتسنا فيها.. و هي جمعات شعرها كعكة و خرجات لبرا دايرة سبة بلحانوت و قلبها كيضرب نبرة صوتو هادي .. كتخوفهاا عارف بلي موراها شي حاجة.. خرجات غادة بزربة و حاضية جنابها.. دازت من حدا القهوة و قلبها غير مزاد درب فاش شافت دم فكل بلاصة .. و ناس كتشوش و سيف مرمي لهيييه كلو عامر بدم.. قلبها .. كيدق بسرعة حاسة بيه غيخرج من بلاصتو .. كتقلب عليه بعينيه و كتنهج .. خافت لا تكون واقعة ليه شي حاجة فلحضة جاها ندم... حملات راسها و عطاتها بجرا تالراس درب.. لقاتو واقف متكي.. وحالتو حالة.. دغياا نزلات دموعها فاش شافت حالتو متحكماتش فراسها .. قربات عندو بغات تقيسو و هو ينفر منها ..

يوسف : اوياااك اوياااااااك .. صاافي .. عجبك لحاااال .. شنوووووو باقي خاصك ديري ( شدها من دراعها بعنف و هي مدايرة تا حركة حدها حاضية يدو لي كتنزف ) اااااااش بااااقي .. عجباااتك هاد لحاااااالة...

سمر : اهييييئ هئ مقصدتش اهيئ هئ مقصدتش هئ هئ هئ هئ..

يوسف : ابنت القحبة ( عطاها بتصرفية بكاع جهدو تا تطلق شعرها و دم هود ليها من جنب فمها كون مشدات توازن كون طاحت ) اااااااااااش دارتلييييييييييك القحبة فااااااااش اداااااااااااتك فااااااش هااااا كرهتك .. كرهت طبووووووووووون مك كرهتك .. مابقييييييتش عارفك شكوووووووون نتي شكووووووون..

سمر : هيييييئ اهييييئ ( شادة وجهها و كتهضر ) معرفتش اهيييى هى هئ تيقنييييي مقصدتش..اهئ اهئ اهئ... 

يوسف : مقصدتيييش ياااااك .. وليتي كتقحبنييييي مع شماكرية .. شحاااال عطيتييييييه .. حوية 2 . . 3 هضرييييي الله ينعل زااااامل بووووك و طبووووونمي انا لي خليييييتك تركبي عليااا 

شدها من شعرهاا زير عليهاا تا حساات بجلدتها غتحيد من بلاصتها مع دلك مادارت تا ردة فعل حدها كتبكي ..

يوسف: نتي بنت دباا ؟ بغيييييت غا نفهم باااااااش ادااااااتك تا كنتي باغا تقتليهاااااا باااااااااش اسمر .. تفششتي و مالقيتي لي يوقفك عند حدك.. بغيتييي نرجع لشحاااال هادي غا ضريب و القمع.. اصلا هدشي لي يصلاح معاك..

سمر: اهيييئ يووسف هى هئ هى عفاك نااس كيشوفو اهيييى هئ..

يوسف : ناس كيشوفو ياك القحبة زعما را كيهموووك.. ( دفعها تا كانت غطيح كون مشداتش راسها )... تحركي حداياااا 

سمر : لا .. هى هى..

يوسف : غتحركي حداياااا ياك ولا بربييييي مغنكتر معاك فلهضرة..

معطلهاش شد طاكسي .. حيت اصلا ميقدرش يصوg ركبو فطاكسي و مول طاكسي حاضيهم ب 2 تبرgيg ... خلصو و نزلو و هي تابعااه و كتبكي على حالتو .. حسات بندم ديال بصح.. كتجنب شووفة فييه... حالتو كتشفي لعدو.. دخلات معاه لدار لي شهداات كل المعاناة ديالها ديما كانت كتخرج هنايا و دموع فعينيها.. اصلا مستسلمة لكلشي واخا يديير فيها لي دار مغدويش حييت تستاااهل.. حساات بلحقاارة لي داارت... دخلات و عينيها فلارض و هو كيمسح على شعرو و هضرة سمير كدوور فعقلو.. كيفاش كتبييع راسها لشمكاااار موسخ هادي باقي مدخلاتش لرااسو باغي يحمااق.. تقلب عندها و جرها من شعرها كيديي و يجييب فيها بعنف..

يوسف : اخرتك مع شمكاااار .. سفيان.. انا و دباا طيحتي نيفو مع شمكاار مووووسخ..

سمر : يووسف خليني نشرح ليك..

يوسف : ( حط يدو على شنايفها بعنف بمعنى سكتي ) سكتيييي حسك دباااااا منسمعوووووش.. فهمتي ..

خلاهاا و مشا ..حييت متأكد بلي غيقتلها لا بقا معاها.. دخل .. للبالكون كيمشي و يجيي فيه بحال شي مسطي و كيفكر فشي طريقة لي يعاقبها بييها حييييت تستااهل تالهنا و بزاف صبر ليه حدوود.. عطاها بتيساااع .. و هي غير متبعاه بفعايلها .. و زادت قوداتها بهادي.. فعاايل لكلوشارات و لي محمقو عارفهاا بلي ماشي من هد نووع علاش ديماا مصرة تبين راسها خاايبة

فلحضة و قف و تنهد بتعب. حيت راا بصح عياا بقوة... التفكيير... كلشي جربو معاها بقا غييير يقتلها باش يلاه يتهنا من زبايلها.. هي بقات حاضيياه ودموع واقفين فطرف عينيها.. بقا فيها ديال بصح و عرفات بلي صافي قوداتها فهادي .. قرباات عندوو و هي شابكة يديها و معندهاش الجرئة لي تشووف فيه..

سمر : .. يوسف.. ديير فيا لي بغيتي غير متبقااش سااكت هاكة.. نتا عارفنييي بلي ماشي هاكة.. عارفني يااك.

يوسف مكيشوفش ناحيتها ابدا.. كيرد الكاسيطة لور.. و مخليها كتهضر.. 

سمر : ( قربات عندو بغات تقيس فيه و هي تكمش يدها ) عفااك سمعني متجاهلنيش هاكة عارفني منديرهاش..

يوسف : سكتي الله يرحم ليك الواليديين .. حسك دبا منسمعووش...

سمر : غتسمعني.. عارفني ماشي هاكة معرفتش علاش درتهاا.. تيقني.. الاعصااب..

يوسف : وااش انا عمري اديييت شي حد عزيييز عليك ؟ .. دكشي كلووووو لي درتيييه نتي كيطلع وااالو قدام لي درتو انا معااااك.. الا كنت ضريييييتك .. فنتي و صااافي و كوني اكييييييدة بلي كنت كنتآدا كتر منك .. ولكن انا لي درييي و عمريييييييي فكرت فيها نتييي .. ( سكت .. مكملش هضرتو ).. مابقيييت عارفاك بنت دارك ولا قحبة ولا شمكاارة.. كل مرة بوجه برب تا بزاف.. انا بعدا صاافي هزييييييت راااية..

سمر :.. متشووووفش فيا هاكة.. مقصدتش نآدييييك.. تيقني.. متحكمتش فراسي.. انا ماشي هاكة ..ماشي هاااااكة مابقييييتش عارفة راسي..

يوسف : لا رااك بصح هاكة غير انا لي كنت غالط فييك و بزااف.. 

داز فيها و خلاها غطرطق خرج من دار و سد لباااب جلس حدا لباب محاملش يشوفها دبا خصووصا حيت مغديش يتحكم فراسو نهائيا ... فقرر باش يبدل ساعة بخرا و مغديش يدوزها بساهل.. تلفونو كيصوني اميين.. قطع فوجهو مباغي يدوي مع حد.. 

هي شدات ركنة و عطاتها لبكا... اول مرة كيشوف فيها بديك طريقة محملاتش راسها.. ندماات على كلشي.. و مخلاش ليها لفرصة باش تبرر و تشرح.. اصلا تا حاجة مكتبرر ليها دير دكشي..جبد كارو من جيبو كلما كيتحرك كيزييد يحس بلحريق... و كيحس بالارهاق بسيف را دم محبسش.. كما داك الكارو تكالما شوية ورجع دخل عندها لقاها مكمشة و جالسة بحال شي طفلة تحلف عليها تا نملة متقدرش تعفط عليها.. ضحك باستهزاء و نطق..

يوسف: لي يشووفك هاكة يحلف علييك تا البراائة نتي عنوانها وليني نتي واحد بنت لقحبة منك مكاااااين...

وقفات مسحات دموعهاا بغات تهضر معطاهاش وقت دخل لكوزينة.. و هي تبعاتو بغاتو يسمعها... جبد معلقة كبيرة.. و البريكة دياالو.. من جييب .. كيسخن فديك المعلقة.. تا كتولي حمرة قاصد يلعب على اعصابها.. و هي قلبها بدا كيضرب بجهد.. و انفاسها مسموعة... قرب ليها.. مفيكسي عينييه فعينيها.. و هي راجعة بلوور.. يلاه بغات تهرب و هو يشدها من شعرها جرها عندو بعنف .. تا ولات ملاصقة معاه ضهرهاا .. مع صدرو..

زرب عليها قبل ماتهرب.. و هي عارفة مزيان شنو غيديير و ديجا جربات..عرفاتو بلي مغديش يدوزهاا بساهل .. ابداا..

سمر : يووووسف هييييئ ( دموعها طاحو بلا اذن )..

يوسف : علاش كتبوحطي دباا .. مدام درتيها تحملي مسؤولية افعالك..

سمر : غير هادي هيييييييئ هئ لا اهيييى..

يوسف : ولكن ابنت لقحبة.. تحلي زكك لشماكرية و تشرملي بنات ناس هاديك معليش..

مخلاهاش تجاوبو .. حط ديك المعلقة قريب من صدرها.. و هو حاكم يديها لور.. غوتاات باعلى صوتهاا.. بغات تفاك.. ولكن هو حاكمها..مزياان. واخا يدييه عاطياه لحريق ديال بصح ولكن صاابر... اما.. هي صافي بغات تمووت بلحرقة... 

سمر : طلللللللللق صااافي اهيييييييييئ هئ هئ هئ..

يوسف : لا باقي مساليناااش.. عزييز على مك لي يحكرك... هانتي قلبتي عليا و لقيتيني.. ياك هداا هو يوسف لي بغيتيييي ..

مشا سد لباب دلكوزينة بساروت و دارو فجيبو بمعنى معندك فين تهربي.. و هي صافي برد ليها الما فركابي.. شافتو..جلس فوق البوطاجي بكل برود و هي حاسة بروحها غتزهق.. و نار حاسة بيها شاعلة فصدرها.. بغات طلق الروبيني.. و هو يدفعها..

يوسف: باقي باقي تا نكمل معاك و ديك ساعة سيري دوشي كاع..

سمر : هيييييئ اهيييييئ هئ حرام عليك ايووسف هى هى هئ ..

يوسف : ( كيعاود يسخن فديك المعلقة بكل برود بحالا مكيناش ).. امم قلتي حرام علياا ياك هدشي لي باغااه هدشي علايااااااش كنتي كتقلبي و دباا ضبري لكرك.. نتي حراام بنادم يكون معاك زوييين ..

عرفات بلي ممسلكاش.. و تا دموعها ممسلكينهاش.. ليوم عوال يصيفطها كومة.. اصلا ميكشوفش فيها باش تبقا فيه ولا تحرك فيه شي حاجة.. نزل من فوق البوطاجي و هي راجعة بلور..و الكوزينة صغييرة ... قرب ليها و هي بقات كتبكي... و تشهق حيت عارفاه مغيحبسش.. حط ليها ديك المعلقة بين فخاذها تا ديك تشششش تسمعاات.. غوتات تا حسات بحنجرتها تجرحات.. طاحت لرض ديركت... كترجف.. و هو رما ديك المعلقة فلرض تا تسمع لحس..

يوسف : رتاحي دباا.. ها يوسف لي كيعجبك.. وليت كنعييييف منك.. كنعيييفك مابقيييييتش عارفك شكون نتي و كيفاش تا وليتي هاكة..

سمر : ( مجاوباتوش بعد مدة جمعات لي بقا فيها و هضرات ) شفتك معاهاااااااا شفتك كيفاااااااااش نعستي معاها شفتكم انا اهيييييئ هئ هئ..

يوسف : شنووووو شفتي شكتخوري .. زايداها بلكدوووووب..

سمر : ( شنايفهاا كيرجفو و عينيها بداو يتعسلو .. بقوة الالم لي حسااه بديك الحرقة و مقدراش تقييس فيها ).. شفتها معاك.. بلا ما تزييييد تنكر..

يوسف : تي واااااش صافا بااااا راك ي مخورة فعقلك..

سمر : بقات فيييك هي و مابقيييتش فييك انا..

يوسف: والله ينعل زامل بووووياا و قحبة دمييييييييي حيييييت انا لي ولد لقحبة تي رااكي برهووشة و باقا مابغيتي تفهمي و ديري عقلك.. غير مكتزيدييييي تبرهشييي و صاااافي ازبل عيقيييييي..

سمر : العييب ديما مني..

يوسف : غادي تسدييييي فمك ياااااك حيت والله تالدب راااني باااقي صابر لييك..

فلحضة شد على يدووو بالم و خسر سيفتو.. و سمر بقات مركزة معااه... عارفااه كيتوجع دباا.. ولكن مكاانتش باغا الامور توصل لهاد لحالة.. مكانتش باغا تآديه بهاد طريقة..

سمر : يدك.... خاصك صبيطار..

يوسف : بلا مادوخي عليا بهاد لهضرة..

حيد عينيه مارجعش شاف فيها و هي محملاتوش بهاد تصرف لي كيدير معاها كيتجاهلها بحالا عمرها كاانت فحياتو و هدشي لي خلاها تحماق .. متقبلاتش ديك الفكرة نهائيا.. يمشي يخليها و يبدا حياتو من جدييد هادي مابغاتش تيقهاا.. و كتحاول دير ما فجهدها.. بااش يرجع ليها كيف لول و متخسرش كرامتها فنفس الوقت.. ولكن هاد الحركات ماشي مع يوسف ماشي مع واحد معندووش مع رومانسية .. و مع هاد لعب.. فهمها على اساس باغا تنتااقم و ترجع دقتها..

سرط ريقو و خرج من لكوزينة بعد ما حل لباب مشا جلس فصالون خاشي وجهو بين رجلييه و يد حاطها على جبهتو..

سمر تبعاتو بقات واقفة مقابلة ليه.. عرفات بلي خسراتو بهاد تصرف اكييد سمير غيكون عاودلو لبلان من لول فوق ما تقول صافي تقادات كتزييد تعواج.. جلسات اونفاص ليه حاضياه بغات تنطق.. و كترجع تسكت.. و كتعض فشنايفها بقوة باش ماديرش لحس.. حاسة بلوجع صابرة بزز..و هو حاضيها بنص عيين .. كيشوف فيها كيفاش كتعض فشنايفها تا كيرجعو حمرين و يتجمع فيهم دم.. سرط ريقو و هو مركز معاهم .. و هي غي مكتزييد تضغط عليهم.. ناض عندها ساخط .. شدها من دراعها ووقفها حدااه بعنف ...

يوسف : قودي لدارك و عمرك باقي توريني وجهك..

سمر : غتسمعني لول..

يوسف : معندي ما نسمع سيري را خونا كيساليك حوية ..

يتبع...