نتي ليا ونديك بالسيف الجزء 17 والأخير

صباح جدييد ملييئ بالاحداث.. فاق يوسف ناشط... دوش و لبس .. سروال دجين مع تيشورت بلكمام ديالو... صايب قهوتو شربها و هو كيكمي.. راشقة ليه بعدها.. خرج من دار ركب فطوموبيلتو هابط لصونطر.. بلاصا طوموبيل فواحد الباركينغ و كمل على رجليه.. كيقلب على لحوانت ديال دهب.. دخل عند واحد..حيت عجبوه دكشي لي باان فزاج على برا... دخل عندو.. 

يوسف: عفاك نسولك.. بغييت شي خاتم يكون زوييين.. و فنفس الوقت يكون متميز ..

مول المحل : ( كيورييه دكشي لي عندو ).. شوف هدشي لي عندي هادي احسن سلعة .. ختار لي عجبك..

يوسف: ماعرفتش كلشي عجبني.. ماعرفت ما نختار..

....: واخا انا نعاونك.. بعدا السن ديال الدرية .. باش نشوف الموديل لي غيناسبها و ان مناسبة..

يوسف: 18 عام.. خطبة..

...: شوف من هادو... اكيد غيعجبوك..

بقا كيشوف فدوك الخواتم واحد ينسيك فلاخور.. بقا شحال كيشوف .. تا طاحت عينو على واحد الخاتم .. سامبل.. و فيه حجرة كبيرة كتبريي..على شكل قلب.. عجبوو بزاف..

يوسف: بغيت هداا.. 

جبد دك الخاتم كيقارنهم..لقاهم نفس العبار.. تبسم.. 

....: هدا صافي..

يوسف: وي .. بغيتك تكتب هاد 2 حروف فيه.. Y&S...

....: اك عطيني واحد ربع ساعة من وقتك..

يوسف: كنتسنا.. 

خرج على برا كما واحد الكارو... بينما يقاد ليه دكشي.. خلصو و عطاه التوصييل .. واخا كان غالي ولكن فنضرو هو مهم يعجبها... كان فبواطة حمرة على شكل قلب ميات مرة يجبدو يشوفو ويرجعو .. كيتخيلو فصبعها... قلبو غير مكيزيد يضرب.. ركب فطوموبيلتو قاصد القهوة.. كيشوفها كتصوني مكيجاوبهاش.. و هي تعصب..

سمر: واخا دبااا كترجعلي صرف اسي يوسف ويلا جااااوبتك راني قحبة ... يلاه..

يسرى: تي سكتي الاستاذ كيشوف فيك..

سمر: شوووفي الفعااايل اصاحبتي كنصونيلو و مكيجااوبش فقصنييييي..

يسرى: و صافي تانتي غيكون لاهي..

دوزو الاستراحة و سمر مغوبشة كل مرة طل تشوفو واش مكونيكطي واش مصيفط مساج.. كتشوفو اونلاين و مكيجاوبهاش.. زادت تفقصات..

يسرى: جاني جوع انا غنمشي لحانوت نجيبليك شي حاجة معايا..

سمر : مابغييييت والو..

تعصبات منو و من يسرى و من كلشي تقلقات حيت تا حد ما تفكرها و بارك ليها عيد ميلادها شداتها البكية حابساها بزز.. جات يسرى هازة فيديها ملفاي ديال درهم و فوق منو شمعة.. و جلسات حداها..

يسرى: هاااااااابي بيرثداااااي تو يوووووو.. هابي بيريداي تو يوووووو.. هابي بيرثداي تويووووو... كل سنة ونتي معايااا كل سنة ونتي ختي.. تمناي شي حاجة و طفيها يلاه..

غمضات عينيها و تمنات و هي حاطة يدها على قلبها و نفخات على ديك شمعة و وكلاتها ديك الميلفاية تقاسموها بيناتهم و سمر فرحات بزاف واخا ماشي شي حاجة كبيرة ولكن بنسبة ليهااا شي حاجة لي بزااف كبييرة.. عنقاتها..

سمر: شكراااا بزاااف والله يخليك ديماا معايااااا..

يسرى: ( عطاتها واحد سنسلة كان عطاها ليها باها ديما كانت محتافضة بيها مكتلبسهاش باش ماضيعش..).. هادي خوديها واخا ماشي شي حاجة راكي عارفة ختك محنسرة..

سمر: قحبة.. فقاش بيناتنا شي كادوات براكة غير وقفتك معاياا..

يسرى: وصافي مهم خوديها و زيدي را دق الجرس..

خشاتها ف جيب الطابيلة و دخلو يكملو حصصهم..

يسرى: سمر.. فليييل غتمشي معاياا..

سمر: لفين 

يسرى: معروضة لواحد الحفلة ديال واحد دري بغيتك تمشي معايا..

سمر: واش امين عارف..

يسرى: ماعارفش .. مهم مع 7 ندوز عليك.. تقادي مزياان الحفلة دناس لهاي..

سمر: واش بغيتيييه يقتلني الا عرف راا والله مايدوزهاا يوسف ..

يسرى: اه دباا عليه هو متمشييش معايا.. هادي هي صحبة هادي هي نموت معاك..

سمر: وامتقلقييش.. اصلا تانتي غيدابز معاك امين و زيد عليها شنو نقوليهم فدار ..

يسرى: انا غنهضر مع خالتي نادية.. بلا ما تهربي صافي مابغيتيش ماشي مشكيل..

سمر: اوووف منك عارفاني منقدرش نقوليك لا واخا يوقع لي يوقع.. . الله يخرج هدشي على خير..

يسرى : يخليك ليلي..

كملو حصصهم خرجو من 5:30 يسرى مشات لدار و سمر نفس شي.. لقات دار عامرة.. خوالاتهاا و عمتها.. دخلات كتسلم و باها تاهو تما.. مخدمش ليوما..

سمر: علاش جيتو.. 

نادية: اويلييي استغفر الله كيفاش علاش.. انا عرضتهم يتعشاو معاياا..

سمر: لا جاتني فشكل و زيد معلمتينيش لبارح..ماما تبعيني لبييت..

تبعااتها كتبدل فحوايجها و هي معصبة ..

سمر: علاش معلمتينيييييش.. اماما.. علاش..

نادية: شتك داخلة بعجاجتك ياك لاباااس..عرضتهم ياكماااا نتشاور معاك لا بغييييت نعرض شي حد

سمر: وابغييييت نمشي مع يسرى و ضيعتيني فهادي..

نادية: را صوناتلي و علماتني غيير سيري .. 

سمر: ونخليهم 

نادية: و صافي غير سيري .. غدا فصباح نلقاك هناا..

جاتها صدمة.. اول مرة تخليها و بلا ما تحكر عليها ولا تسولها... دخلات لواتس لعلى و عسى يكون صيفط ليها مساج ولكن والو.. ضربات تلفون فوق الفراش بعصبية..حلات الماريو كتقلب على شي كسوة ديال صواري جبدات شلا كساوي كتختار فيهم فلخر ختارت كسوة كحلة مزيرة حد الركبة .. صايبات شعرها خلاتو مسرح على طولتو و دارت ميكاب خفييف.. و هزات معاه صاك فلكرونا صغيير.. مع طالون فلكحل خرجات من دار كتسلت والتلفون فيدها.. محملاش الوضع..مشات عند يسرى جلسات معاها فلبييت كتسناها لبساات كسوة فالأحمر طويلة و بلا كمام .. و دارت ميكاب صااارووخي.. خرجو من داار و سمر زادت كتصدم صدمة مور صدمة..

سمر : دبا حنا خرجنا من عند مليكة بهاد لحالة و عارفانا غادين لحفلة.. و نادية خلاتني نبات معاه لا لا هدشي بزااف..

يسرى : و لباارح لييل كلو كنطلب فيهاا عاد خلاتني..

سمر: شي سحوور هدا.. زيدي راني غادة بزز والله.. 

يسرى: علاش مالك ..

سمر: مكيجاوبنيييش اصاحبتيييي كيبقا مكونيكطي 

يسرى: صافي خلييييه يمشي يقاود اخرتو يهضر يهضر..زيدي زيدي..

كانت ساعة 7:30 خرجو من درب و كلشي حال فمو فيهم كل واحد و شنو كيقول فنفسو .. ركبو فطاكسي نزلهم فواحد جردة خلصاتو يسرى 

سمر: علاش جبتيني لهنا..

يسرى: وتسناي را كنتسنا دري يجي هو قاليا تسنايني هنا..

سمر: اوووووف مكنحملش هاكة..

يسرى: زيدي زيدي نجلسو اوا معندي ماندير..

جلسو تما و يسرى كدير راسها كتهضر مع دك دري و هي را مكتهضر مع حد قصدات تخرجها من دار بكري بااش نادية تاخد راحتها فلبس و تقاد.. 

فدارها خوالاتها كيلبسو..هالي جابدة جلابة جدييدة.. هالي مسلفة.. كل وحدة وشنو... نادية لبسات واحد الكسوة طويلة و فضفاضة فلموف و دارت زييف و شعرها كيبان شوية مخرجاه مع ميكاب خفييف.. احمد لبس قاميجة بيضة مع سروال ديال دجين مكيباانش شارف.. خرجو كلهم على براا و كلشي فدرب حاضي من السراجم .. احمد و نادية ركبو القدام هو كيصوg و خوالاتها و عمتها جلسو لور.. ديمارا طوموبيل طالق ليهم شعبي كيشطحو بيديهم.. وصلو لكافي.. كان امين بوحدو تما لابس سورال ديال دجين مع تريكو لاصق عليه مبين فورمتو فلكحل.. استقلبهم..

يوسف لابس قاميجة بيضة خلاها مفتوحة من جهة صدر مع سروال كحل.. كان كيمشط شعرو و دار ساعة فيدو.. و رش بارفانو.. لبس جيليت من لفوق كحلة.. خرج من دار و هو متحمس.. سد بااب دار.. لقا سفيان حداه... جمع يدو على شكل قبضة.. 

يوسف: شنو جااي ديير هنا.. واش باقي مابغيتي تحشم..

سفيان: جيت غير نودعك انا غادي..

يوسف: كيفاش تودعنيي.

سفيان: بان ليا عندك حدث مهم بلا ما نعطلك.. تهلا اصاحبي و سمحلي على كلشي فعلا بقييت بوحدي فكرت.. شفت راسي غلطت فحقك لا نتا لا هي.. تفكرت عشرتنا.. سمحلي اخوياا سمحلي..

يوسف: ( جرو من عنقو و زير عليه) نتااا رااااك خوووويااا..

تعانقو بزووج بحراارة .. 

سفيان: فين غادي بهاد لبسة ممولفاش ليك..

يوسف: ليوم غنلبسها الخاتم درت ليها مفاجأة.. 

سفيان: تهلا فيها..

يوسف: يلاه معاياا..

سفيان: منقدرش..( جبد البيي من جيبو و وراها لو ) اصلا انا مقطع لبيي طيارتي مع 10 و جيت نودعك قبل مانمشي.. بقيت بزاف هناا غنمشي نرجع لخدمة و حياتي و نلهي راسي مابقا عندي ماندير هنا..

يوسف: سلم على درااري... 

تعانقو مرة اخرى..و سفيان ركب فطاكسي و مشا بحالو يوسف تنهد و ركب فطوموبيل غادي لعند مو.. لقاها واجدة لبسات جلابة حمرة جات صغيرة تقول عندها غي 20 عام.. بعدها توجهو لكافي.. وصل بلاصا طوموبيل و دخل .. لقا كلشي واجد و كلشي حاضر.. مليكة و راجلها نادية و احمد و عائلتها.. امين كلشي كان هو هداك و تا التزيين عجبو... امين عيط ليسرى علمها يجييو.. 

جاوباتو و دارت راسها معصبة .. سمر مفقووصة.. مكتحملش تسنا شي حد و زيد خايفة لا يوسف يعرف شي حاجة و يوقع شي مشكيل تاني بيناتهم .. ركبو فطاكسي... نزلو حدا ديك الكافي.. كان الكالم.. و مكاينش حس بنادم و زييد ضوااوي والو.. سمر كتسول يسرى فين حنا و فين لحفلة ولكن يسرى مكتجاوبهاش..

يسرى: تي زيديي ماشي وقت الاسئلة 

سمر تابعاها و غي مكتزيد تعصب شوية و غتفركع .. دخلو بزوج لداخل و هما يتشعلو ضوااوي و كلشي كيقول عيييد ميلاد سعيييد سمر.. و البالونات كيطيحو عليها بحال شتا ما متيقاااااش .. هدشي.. حطات يديهاا هلى فمها بقوة الدهشة و الفرحة عينيهاا دمعوو.. و بكات من كل قلبها.. جات نادية عنقاتها..

نادية: واخيراا كبرتيييي..

سمر: اهيييئ هئ هئ ما متيقاااش اماماا مامتيقاااااش..هييييئ هئ هئ..

احمد : ( عنقها ) عيد ميلاد سعييد يا اغلى حاجة عطاهاني الله..

سعاد: دخل هاد العام باش تكوني بنتي...

كلشي جا كيعنق و يبوس فيها و يعطيوها الهدايا.. و هي دموع على خدها.. كان الكافي شي حاجة لي وااو ضواوي كلشي فلحمر... و الشمووع على شكل قلب فكل بلاصة... طبالي كبار مزوقين البالونات فكل البلاصة.. امين طلق لديسك.. طابلة كبييرة .. فيها لي طاارط.. و كلشي مزوق و يوسف واقف تما .. مشات عندو كتجري و هي كتبكي.. وقفات حداه و دموع بحال شلال فعينيها..

سمر: .. اهيييئ هئ هئ نتا درتيها اهيييئ هئ..

يوسف: شش ( بابتسامة ) ماتبكييش منقدرش نمسح ليك دموعك كلشي كيشوف هناا.. خاصك ضحكي..

سمر : اهى اهيييى مقاداش.. دمووع الفرحة اهئ اهى هادو..

يوسف: كنبغييك كل عام ونتي معايا.. كل عام.. ونتي النفس لي كنتنفسو كل عام ونتي لادرووg ديالي ... كنبغييك..

تأثرات بهاد لهضرة و ضحكات فعز بكاها.. مد ليها الموس باش تقطع ... و يسرى شادة تلفون حاضية لقطات و كتصور و تسنابي... كلشي كان فرحان ... بعدها.. تبدل لون ضوااوي فلموف.. و دخلو سرباية هازين العواصير كيحطوهم.. و جارين طبلة كبييرة...فيها طارطة قدها قداش..فيها طبقات و الطبلة مزينة بحروف اسمهم.... و دخاخن ديال Dj.. خارجيين دكشي عمرها توقعات تشوفو ولا في الاحلام.. كتقول هدشي ياكما حلم و غنفيق منو.. يوسف شد ليها فيديها و قربها لديك طبلة .. و جبد دك الخاتم من جيبو... فتحو و هي دايرة يديها على فمها ما متيقااش.. 

يوسف: واش تقبلي تكوني معايا وتعيشي معاياا طول حيااتك..

بعد مرور 6 اشهر 

بعد ديك لييلة بضبط.. كانت واقفة هي و يسرى فساحة دليسي و قلبها كيضرب ف 100 احسااس خوف تملكهاا و يسرى حداها هي كتر.. قربو من اللوائح لي معلقين تما.. كيقراو سميات و هما شوية و يسخفو بلخلعة.. خصووصا كيشوفو لبنات كيبكيو.. كيقلبو على سمياتهم.. تا بانت سمية سمر بلي ناجحة طلقاتها بواحد الغووتة... تا عروق عنقها بانو.. 

سمر: يااااااااااااس ياااااااااس وحق الله تا نجححححححت والله تا نجحت .. يااااااااااس ياااااااس ...

يسرى: ( عنقاتها و كتنقز معاها ).. مبروووووك مبروووووك فرحت لييييك..

سمر: ( بلهفة ) تسناااي نقلبو على سميتك تانتي.. فرحتي متكملش بلا بيييك..

بقاو كيقلبو فديك اللائحة.. تا لقاو سمية يسرى تاهي.. غوتو بلفرحة .. و كينقزو كيف لهبيلات.. دازو للادارة هزو الشواهد ديالهم دلباك و اول حاجة فاش خرجو سمر عيطات ليوسف ابيل فيديو.. 

سمر: حبي حبيييي انا نجحت انا نجحت.. 

يوسف: مبرووك احيااتي مبروك كنت تايق فيك اتنجحي..

يسرى قطعات شانطي كان يوسف كيتسناها مسند على موطورو من نوع tmax و خايف.. كتر منها.. خبات ديك شهادة تحت من تريكوها و صنعات ملامح الحزن..

امين: امضرا نجحتي ياك..

يسرى: انا سقطت..

امين : حلفي..

يسرى: ماتزيدش عليا .. انا ضعت..

امين : ( جرها عندو عنقها) ماديريش فبالك.. ماشي هادي لخرة.. غتعاودي و اكيد هاد المرة اتنجحي..

يسرى: انا نجحت نجحححححت.. غا ضاحكة..

امين: تفوووو طيرتيها منييييي.. مبرووك ( هزها كيدور بيها بحال لحمق )..

يسرى: وا نزلنيييي ناس كيشوفو..

نزلها و هو فرحان كتر منها.. ركبات موراه فالموطور و ديمارا.. سمر .. كانت داوية مع يوسف ابيل فيديو.. طول طريق ..

سمر: توحشتك بزاف امتا غترجع..

يوسف: مابقاش بزاف احياتي..

سمر: را بزااااف 6 شهوور دباا .

يوسف: كنتسنا غير وراقك يطلعو .. باش نجي ..

سمر: اوووف او 6 شهوور بزاااف..

يوسف: هبطي الكاميرة نشووف شنو لابسة..

سمر: اوووف ديما ( دارت كيما قاليها .. هبطاتها )

يوسف: مزيان.. لابسة مستور.. راك مرتييي دبا مابغيتش شي زامل يتزلل عليك..

سمر: مرااتك.. غيير على لوراااااق باقي مدرنا العرس..

يوسف: مابقااش بزاااف انفوا نزل للمغرب غندير لعرس لحبي احسن عرس..

سمر: واجي دغياا عفااااك..

يوسف: وصلتي لدار..

سمر : اه اندخل دبا..

دخلات لدار و هي كتهضر معاه يلاه غترفع راسها و هي تلقاه فدار .. تصدمااات.. بقات مشوكية.. طارت عليه عنقااتو..مزيرة عليه و هو نفس شي كيبوسها فخدودها.. و احمد و نادية مراقبين لفيلم و كيضحكو عليهم و تا سعاد..

سمر: علاش معلمتينيش..

يوسف: كانت مفاجأة.. 

سمر: حماااار ..

يوسف: كنبغييييك 

سمر ؛ و انا كتر..

دخلو لداخل جلسو كيتغدااو و سعاد تاهي معاهم.. و يوسف غير كيبوس فسمر ماحشم من حد.. بسيف را 6 شهوور ماشافها غير ف ابيل فيديو.... وصل ليييل .. نادية صايبات كاطو باش يحتافلو ب نجاحها لا هي ولا يسرى كانت تما جات هي و معا و باها.. واخا كانت حاسة بنقص حيت امين ماشي معاها..

دازت سيمانة كلها تحضيرات.. يوسف كمل الوعد لي كان عاطيه لسمر..غيديير ليها لعرس كيف بغاات.. كلشي ختاروه ب زوج.. القاعة الكوافورة .. اللباس.. كلشي ختاروه .. تاحد ما دخل .. دوزو هاد سيمانة بزوج.. غير هو وياها.. من غير لا كان شي تفسير .. كيسولو سعاد ولا نادية من بعد ما وراقها وجدو مكااين لاش يتسناو كتر... فهاد 6شهور يوسف دار مشرووع لراسو فطاليان و ضرب على كلشي تا من دك الحي مابقاش ساكن فييه.. شراا ريسطو.. كبير سماه S&Y .. خاص بالاكل المغريبي.. و فاتحها تا هناياا مكلف بيها يوسف.. كان دييجا عاطيه لفلوس.. كان نفس الفرع.. امين ولا مقابل القهوة و دار .. و يسرى و مو..

لييلة الحنة دارت فدار سمر .. كانو غا بنات درب و عائلتها و نقاشة و يسرى جالسة حداها.. لبسات قفطان خضر .. و شعرها ضفراتو من جنب مدارتش الميكاب نهائيا.. كانت نقاشة تما كتنقش ليها تحت اغاني لييلة الحنة.. و لبنات كيشطحو فصالون و نادية دموعها على خدها ... مقدراتش تعيش لحضة بلا بيها.. دبا غتمشي و تخليها.. مسكتااتش من لبكا و سمر كتر منها.. حاجة صعييية تخلي داار لي كبرتي فيها حيااتك كلهاا..صعيبة تسمحي فواليديك و تبني حياتك بعيدة عليهم.. صعييبة بزااف..

حطو لعشاا .. ناس كيتعشاو و نادية حدا بنتها كتبكي مقدراتش تحبسهم.. باش مينزلوش..

نادية: غتمشي ابنتي غتمشي.. الله يصبرني على فراقك..

سمر : ماما ماتقوليش هاكة كل عطلة غنزل نشوفكم..

نادية: شكون يفيقني فصباح شكون يضحك معايا فاش باك مايكونش شكوون يتوانس معايا..

سمر : اهيييى هئ هئ عفااك اماما اهيييييئ هئ..

هاكة دازت لييلة كلها دمووع و احزان.. واخا كيقولو على لعرس ليلة الفرح..ولكن بنسبة لبنت لا .. ديما كتكون هازة فقلبها حيييت غتمشي و تخلي حياتهاا و تبني حياة جدييدة .. لي ماعارفة عليها والو..

يوم جديييد حامل فطياتو بزاف دالاحدااث .. اليوم بضبط غتبدل حياة سمر.. اليوم غتكون مع راجلها فقط.. اليوم فقط.. غيكون يوسف و سمر بوحدهم.. بلا خوف من حد.. وبلا مشاكل..

متكية على لكرسي و بواطة عامرة بلفريز كتاكل فيه و كتلدد... و الكوافورة كتصايب ليها شعرها... نفخاتو لها من لفوق و دارت ليها بوكلي من لتحت.. موراها.. صايبات ليهاا وجهها.. ركزات ليها على عينيها ايلاينر غلييض.. و بارز ماسكارا .. كثفات ليها رموشها.. غوجاليف مفتوح... بحال لون فمها.. لبساتها قفطان حمر .. عامر بلحجرات كيلمعو فلخضر.. سامبل ولكن شي حاجة واو.. كانت كتبان بحال شي اميرة..حطات ليها تاج فوق راسها و ليزيكسيسوار.. لبساتها طالون.. و الكوافورة تانية كانت كتقاد ليسرى و بنات خوالاتها.. بعد ما كملو التجهيييز..بعدها جا يوسف.. لابس.. كوستيم مارون... و كرافاطة حمرة فنفس لون قفطانها.. شدات فدراعو و هبطو فدرووج لي كان كلو مديوور بلورد كانت القاعة ملكية بامتياز .. هبطو فدك دروج بصلاة و سلام.. و يسرى موراهم كتصور.. تاهي جات زويينة.. الجيران و العائلات كلشي كان حاضر.. وصلو لكرسيهم جلسو بزوج و كاع الانضار عليهم.. خداو تصاور.. اكيد سمر متخليش من تشيطينها كتسنابي بتلفونها و تمهبل نسات راسها بلي عروسة جا باها كان لابس كوستيم..فلكحل.. تصورو معاه و مع العائلة موراها ناضو كيشطحو تحت تصفيقات الناس.. و طاهور.. كيغني و يمد ليهم الميكروفون باش يغنيييو معاه.. بعد ما جلسو شوية طلعو تاني لديك شومبر باش يبدلو حوايجهم.. هاد لمرة لبسوها قفطان ازرق ملكي.. و صايبات ليها ميكاب يناسب دك القفطان.. كان ميكاب خفيييف .. و يوسف لبس كوستيم فزرق غاامق.. هاد المرة نزلوها فلعمارية .. و كاميرا hd كتصور كلشي تا من لفوق .. هي قلبها غيوقف خافت لا طييح... كتشير لناس و تضحك معاهم... طلعو تا يوسف فلعمارية ... تصورو بداك شكل و سمر شادة تلفون كتصورو و كتموت عليه بضحك.. عاقت بيه خايف... نزلوهم و جلسو فطبلة خاصة بيهم ... كاين غا عائلة العروسة و لعريس اكيد منساوش امين و يسرى.. حطو ليهم لعشاا...سمر كتاكل بنيتها و تا يوسف.. اصلا الماكلة دلعرس كتجي بنيينة..كملو عشااهم.. دكشي كاان قمة رفاهية ... كلشي عجبو الحال و كيسولو يوسف فاش غيكون خدام تا قدر يدير هاد لعرس.. موراها طلعوهم بصلاة و سلام.. لبسوها اخر قفطان فلموف.. و يسرى لبسات بحالو تقرييا.. بدلو ليها لوك.. جمعو ليها كل شعرها داروليها مشيطة زوينة مع ميكاب صاروخي.. نزلات مع يوسف تاني... عوالين على شطيح طلقو ليهم ركادة صحاب ناضور كلشي ناض يشطح.. و هي كتشطح مع يووسف.. و هو كيحاول يقلدها.. و يسرى خدامة كتصور فيهم.. اما اميين تابع غير يسرى حاضيها .. جات شطحات معاه كتهز غير كتافها مكتعرفش تشطح ركادة.. بعد ما كملو هاد شطحة رجعو لشومبر... كانت اخر لبسة غتلبسها سمر.. لاغوب.. كلي كيبري... بحالا مصنوع من الالماس .. كيبريي كلو وو مفتوح من جهة الضهر ..

جاها واعر.. كتبان امييرة بمعنى الكلمة..دارو ليها مشيطة سامبل مع تاج ملكي.. مع ميكاب خفيييف بزاف.. هزات الورد الحمر فيدها.. و خرجات من لبيت و يسرى هازة ليها لاغور من لور حيت طويل بزاف.. تاهو لبس كوستيم كحل و كرافطة حمرة بحال لون دك الورد..شدات فدراعو و دايرة ابتسامة عريضة.. نزلو فدروج بعد ما طفاو ضوااوي.. كانو اضواء خافتة بنفسجية تحت ايقاع اليساا.. 

حبي كل حياتي .. 

يوسف مشا عند dj وشوش ليه فودنو.. و بعد دقايق تبدلات الاغنية ل الاغنية لي كتسطيييه

❤❤

من يوم ال شفتك شو تمنيتك تتكوني رفيقة حياتي خبيكي جوا عيوني تبقي بقربي دفي قلبي يا حنوني......

شو عملتي فيي يابا يابا يا هالصبية يابا يابا قلبي وعنية والله يبا دابو بجمالا غمزة عيونك دبحوني ما بنام الليل جن جنوني شو بعمل حتى لاقيمي حدي على طول......

بهديكي عمري وقلبي سوى خليكي حدي يا عمري دوا تشفيلي قلبي تبنيلي حبي وتكوني حدي ونبقى سوى.....

عم يقلب ليلي والله ليلي لنهاري عم تشرد مني والله مني افكاري حبك بقلبي نسى عقلي بعنواني.....

شو عملتي فيي يابا يابا يا هالصبية يابا يابا قلبي وعنية والله يبا دابو بجمالا غمزة عيونك دبحوني ما بنام الليل جن جنوني شو بعمل حتى لاقيمي حدي على طول......

بهديكي عمري وقلبي سوى خليكي حدي يا عمري دوا تشفيلي قلبي تبنيلي حبي وتكوني حدي ونبقى سوى..

❤❤

كل ما كيتصنط ليها كيتفكر سمر.. ادمان هاد الاغنية بنسبة ليه...شبعو تصاور.. قطعو لاطارط .. و سمر حسات براسها مخنوقة و هي كتشوف دموع فعينين باها.... عينيها دمعو حابساهم بزز.. و يوسف عايق بيها..كيزير عليها بيدو بمعنى انا معاك.. بعد ما قطعو لاطارط.. شطحو على اغاني اجنبية يسرى كانت غير مع اميين.. بعدها شدات فيدو و تمو خارجيين.. من القاعة و دموع هابطيين من عينيها كيف شلال مقدراتش تحبسهم.. اصعب لحضة بنسبة للبنت هي نهار تمشي عروسة و تودع عائلتها.. خرجو من القاعة و ناس وراهم.. شي كيبكي شي كيضحك... سمر وقفات حدا طوموبيلتو و هو معاها شاد فيها احمد قرب ليها باس ليها راسهاا..و دموع فعينيه حابسهم بزز..

احمد: عوينة وحدة عندي.. سمر هي انا.. بنت وحدة عندي.. هي قلبي و حياتي و كلشي.. هي بااش عايش.. كنتمااا ديرها فعينييك.. كنتما تخاف عليها بحالي انا.. كنتما ديما تخليها ضاحكة.. انا عطييتك الماسة غالية عندي... عطييتك.. عينيااا .. حافض عليها.. ( شدليها وجها و باسها فجبينها ) بااب داري مفتوح ليك ديما ابنتي.. 

يوسف: كون هاني سمر.. غنحطها ف عينيا.. كون هاني من جهتها..

عنقاتو و هي كتشهق بلبكا.. و يوسف كيطبطب على ضهرها..

جات نادية تاهي كتعنقهاا..

نادية: تهلاي فراسك ابنتي..

جات يسرى.. لي كتموت بلبكا.. عنقاتها و ماباغاش طلق منها... كتبكي باعلى صوتها و امين بقات فييه..

يسرى: كيندييير انا بلا بيييك اهييييييئ هئ هئ هئ

سمر: وانا كندييير اهييييئ هئ..

يسرى: اهييييئ هييييئ معامن نضحك اهييئ هئ لمن نشكي اهييييئ هئ..

كلشي تأثر بلمنضر.. كلشي كان عارفهم كتر من لخواتات و عمرهم دابزو ولا تعايبو بيناتهم.. جات مليكة جرات يسرى بزز بقات كتبكي فحضنها.. سمر تقلبات غادير اخر حاجة.. غترمي لورد.. نشوفو شكون ياخدو كلشي كان واقف كيتسنا و واخد بلاصتو.. ولكن هي مشات عطاتو ليسرى فييدها و رجعات عنقاتها..

سمر : تهلاي فراسك.. غتبقااي ديما ختي.. واكيد غنتشاوفو.. و متسمحييش ف يوسف كيحماق عليك..و ديما غتلقايه واقف جنبك..

امين تعانق مع يوسف و مع مو لي كتبكيي.. سلمات على سمر كتوصي فيهاا .... بعد ما سلمو على كلشي ركبو فطوموبيل بوحدهم و نادية دارت ليها باليزتها ف الكوفر... يوسف كسيرا غادي بشويية و هي كتشير بيديها و دموع على خدها.. يوسف جرها عندو و باسها فراسها..

يوسف: شششش غتبقاي تبكي دبا..

سمر: مقدراش نحبسهم..

يوسف: غتبقاي ديما داوية معاهم و فقاش ما بغيتي غتجي تشوفيهم 

سمر: عارفة..

يوسف: ( مسح ليها دموعها ) يلاه مابغيتش نشوف دموعك..

طلق لديسك بجهد.. و سمر كتحاول تبدل لجو.. جبدات تلفونها كتصنابي و تبوزا و تلوح فصطوريات.. مدة ديال طريق.. وصلو لوطييل كان رااقي بمعنى الكلمة.. نزلو من طوموبيل بعد ما تلقاوهم بتمر و لحليب و لي خدامين فالاستقبال.. كيطلعو ليفاليز ديالهم للبيت.. دخلو لداخل بعد ما دوروهم فالاوطيل و خداو ليهم تصاور عاد طلعو فسانسور لبيتهم.. كان واجد التزين كان رائع.. الغطا دناموسية حمر و الفوطات محطوطين فوقها على شكل قلب..شموع فكل بلاصة... حمام واجد غير ريحة لي كتعطعط منو تعطيك العربون.. اول حاجة داروها سمر حيدات دك لاغوب .. جبدات ديماكيون من لاتخوس ديالها كانت فلباليزة و جبدات كسوة مشبكة قصيييرة و كلها معرية.. 

حيدات الميكاب ديالها و لبسات ديك الكسوة بعد ماا طلقات لشعرها دارت غوجاليييف حمر باارز.. يوسف كان فلبالكون كيطل على لابيسين..يد شاد بيها الكارو و اليد تانية هاز بيها لافيست ديالو ..جات موراه.. عنقاتو.. و هو دار عندها بعد ما رما سيكار.. و شدها من خصرها.. و هي كتفتح ليه فصدايف ديال قاميجتو.. و تبوسو فصدرو.. نزها فيديه بحال ريشة و هي مدورة رجليها على خصرو..

بعد مروور 3 سنوات ..

واقفين مجموعين فلمطار يسرى شادة بنتها فيدها خايفة لا تمشي لشي بلاصة.. كتحرك بزاف.. احمد لي شعرو بان فيه شيب شوية ولكن شاد فراسو.. نادية لي واخا بانو فيها شوية د تجاعيد باقا زوينة.. سعاد لي متبدلاتش بقات هي هي.. بسيف هي بوحدها مكاين لي يعصبها .. امين جااي.. بعد ما سد القهوة لحق عليهم.. شافتو .. الاء... كتنقز

الاء : ب..ا.باا بابا..

يسرى: هووف سكتينا شوية..

الاء: ( كتغوت ) بابا بابا..

جا هزها فيدو كيبوس فكريشتها تا كتبغي تموت بضحك سلم عليهم .. و بقا واقف هاز بنتو..

امين : واش باقي مجااو 

نادية: لا باقي.. 

بعد مدة دالانتضار لمحوهم نازلين مو طيارة مع حشد من نااس.. و سمر شادة فبنتها و يوسف شاد فولدو من بعد ما كملو الاجراءات هزو لي فاليز ديالهم .. خرجو عندهم.. سمر عنقاات يسرى مابغاتش طلق منها بعدها سلمات على واليديها .. و سعاد..و يوسف نفس شي.. وصل يوسف وصل عند امين تعانقو عناق رجولي..

سمر تبدلات كليا.. شعرها صبغاتو بلكحل.. و قطعاتو ولكن باقي محافضة على طولتو.. لابسة تريكو طويل مع سروال دجين... و احمد هاز حفادو بزوج كيبوس فيهم..

نادية: وحط ليا حفادي نبوسهم..

يوسف: واش نبقاو هنايا.. تحركو..

سعاد: هو هو ماتبدل فيه والو مكيبغيش يتسنا.. 

سمر: ( هزات الاء كتلعب معاها و تبوسها و بنتها كتركلها فرجلها تعبيرا عن غيرتها ) ويييينوو وينوو.. هوووف رغد رصااااي... 

هضرات معاها بالاطالية..و تكمشات مشات عند يوسف كتبكي.. واصلة لرجلو كترجو من سروالو ..تا نتابه ليها تحنا عندها كيبوسها و يمسح ليها دموعها..

يوسف: مال حبيبتي كتبكي.. ( بالاطالية حيت مكيعرفوش يهضرو الداريجة )..

رغد: ( كتشكيلو من سمر و تخنصص ) 

يوسف: شش صافي ابنتي الغزالة سكتي من لبكا دبا نشريلك... كاندي لي كتعجبك.. 

فهد تا هو كيركلو و مدلي شنايفو مقلق..

يوسف: ( تحنا عندو و هزو تا هو) الله يصبرني معاكم..

خرجو من المطار .. ركبو فطاكسي كبيرة وصلاتهم تالدار سعاد..يوسف جا بلا طوموبيل هاد المرة... نزلو كلهم سعاد كانت موجدة كلشي .. مشات سخنات لغدا.. و درااري كيلعبو بيناتهم و مرة مرة يبكييو و يتناتفو.. بنت يسرى عيشورية طلعات كتشبه لمها.. يوسف و امين بعد ما تغداو مشاو للقهوة ديال با عيسى كلشي كيسلم عليه.. احمد مشا للخدمة.. بقا غير الجنس اللطييف.. كيتعاودو بيناتهم..

سمر: يوسف ماتبدل فيه والو.. غيرتو هي هي... واخا تما خفافت شوية حيت عارفيين عقلية دلكاوريين.. تعلمت الايطالية بصعووبة.. 

سعاد: و فهد كيبانليا غير ساكت مالو..

سمر: غير خليه غيولف معاكم و تشوفي العربون..

يسرى: عجييب يوسف مخليك بهاد لحالة وبلا زييف مستحيل..

سمر: را غييير حيت مشينا لبرا اما كون هنا مستحيل يخليني ولكن را فري تما عمر شي واحد تبسل عليا ولا جبدني.. عاودي ليا عليك نتي..

يسرى: انا شرفت مع هاد جنية .. ياختيييي كطييير كطير..

سمر: طلعااات ليييك..و كيفاش غادة مع امين..

يسرى: الحمد الله كلشي غادي مزيان.... كنتوانس انا و موو...

سمر: و كيف جاتك سكنة جدييدة ..

يسرى: رتاحيييت مزيان .. بعدت من هاد درب.. غير هو دار كبيرة و كنعيا فشقا..

سمر : واجيبي شي وحدة تعاونك..

يسرى: لا اختي منتيقش فيهم..

سمر: حقك اختي مافيهم تيقة.. شتك محجبة..

يسرى: عام و حنا متناكرين على زيف.. فلخر درتو..

سمر: جا عليييك والله..

فهد: ( كيبكي كيغوت بسميتها ) ماما ماما..

سمر: هاهو بدا شتي..

سعاد: و تانتي خليييه..توحشت صداع انا..

دوزو عشية كلها فلهضرة جبدو القديم و الجدييد و المستقبل..و النمييمة اكيد منساوهاش.. ودن لمغرب.. دارو كاسكروط جاو درااري و تبعهم احمد شربو اتاي فجو عائلي مع صداع دوك الشياطين طبعا.. بعدها خرجو كلهم متوجهيين للقهوة ديال يوسف لي شادها امين.. سدها ليوما حييت غيدوزو لييلة تماا..

شدو طبلة و امين شعل التلفازات .. خدم سيدي .. باش يوسف و سمر يتفرجو فعرسهم حيت محضروش... جاب ليهم القهوة و جلس تا هو معاهم كيتفرجو فلعرس و يسرى دايرة فيها حشمانة.. و سمر و يوسف كيضحكو...كل واحد معنق مراتو تا من احمد معنق نادية..

سعاد: وانا نعنق الكرسي..

الكل: ( كيضحكو )..

النهاااااية 💞

نتي ليا و ندي بسيييف 💫

و اخيرا القصة كملات واخا ماسخيتش بيها كنكتب و نبكي..

..ولكن لكل بداية نهاية كنتمنا القصة تكون عجباتكم و تكون خفييفة على قلبكم.. و اكييد غنتلاقاو فقصة اخرا عن قرييب 💗

كل وحدة تعيطيني رأيها فالقصة من لبداية شنو عجبكم و شنو معجبكمش .. و مرحبا بجميع الاراء ❤