حكيمة: انا بغيييتها ف نادية لي ضل نهار و ما طال بنتي بنتي بنتيييي اوا هاهييي بنتك الشريفة العفيييفة..
تورية: دري بااينة ضاحك عليها شوفي زييين و مرزن شافت لحدييدة و هي طيير عليه..
عيشة: بنتي حسن منها بالف درجة تبارك الله عليهاا و خمسة و خميس..
حكيمة: هاديك القحبة باينة فيها غي من لباسها المعرييي و واليديهاا سامحين فيهااا و لكن غا تسنااااي دباا نييييت نمشي ليهاا نوريهااا بنتهاا شكتسواا..
عيشة: صافي غا خلي تلقايهااا هي براسها كتعاونهاا بغاو ينصبو على دري مسكييين ايييه بسيييف را شاافو الخاريج و ريوكهم ساالو .. تفوو..
اوا بقااو هضرة منا هضرة لهيييه ماخلاو فيهاا غير لي نساو لا هي لا مهاا.. وصلووهاا لكاع درب كلشي ولا عارف الخبر نتااشر اكيييد 1 % حقيقة و 99% كدووب .. جا ليييل و سمر بقات مع يسرى عاودات ليها لبلان لي وقع و بلي عنقهاا و هي عاوداتليهاا على امين و بلي تصاالحو.. قلييل فين تلقااي بحال هاد صحاباات لي تحسبيها ختك و تعاوديلها تعاودلك و خالقين جو من واالو.. فهاد لوقت واخا تلقاااي صحبة ولكن ضرووري ماتحسدك و تاخد منك موقف..
من بعد منتااشر الخبر بسرعة واحد كيقولهاا لاخر و دغياا تيقوو حيت عارفينهاا فريفرة غي من هضرتهاا و لباسهااا .. جات حكيمة عند نادية كدق فلباب.. نادية حلات ليها لبااب و دارت معاها الاداب واخا عارفة بلي مكتجييي تا تكون شي مصيبة ولا شي مشكيلة..جلسات كدور فعينيهاا و الابتساامة الصفرة راسماها..
حكيمة: اوا الحمد الله الحمد الله .. رجااء اوا شغانقولك ديمااا جاييين عنظها الخطاابة و غي لبلايص المرفهة الفلوس و الخاريج ولكن مكتبغيييش .. كتقولك باقا صغيرة .. ( اوا ليمسخك )..
نادية : ( بابتسامة ) اوا كلشي بالمكاتب..
حكيمة : اه بصح.. ( حمحمات ) اوا مبروووك..
نادية: علايااش؟ ههه
حكيمة: خطوبة بنتك..
نادية: اويلييي شكتقولي شمن خطووبة ههه بنتي باقا مكملاتش تا 18 عام نمشي نعطيهاا
حكيمة: اوا اختي انا و الجيران قبيلة شفناهاا معانقة مع يوسف ولد سعاد لي جا من لخاريج منضر منقولكش
نادية: ( تبدلو ملامحهاا صفاارت و خضاارت مارضااتش ..) ك.. كيفاااش شنووو دباا هادشي لي بقاااالك غييير طلعيييي اشاعات على بنتي..
حكيمة: شفتهااا بمومو عينيياا ( كتشيير لعينيهاا ) ويلا ماتقتيييش سيري شوفي روينة لي نايضة فدرب.. كلشي دااوي على لفضيحة لي داايرة بنتك..
نادية: ( كتغوت ) سيريييييييي خرجيييي من داااري و عمرك تجبدييييييي سمييييت بنتي على فمك كتسمعيييييي
حكيمة: نستاااااهل حيت انا ليييييي جيييت و دافعت على بنتك و قلت سيد خاااطبهاااا اوا طلع مكااين لا خطووبة لا نبك.. فعواض ماتغوتي عليااا سيرييييييي ربييييييي بنتك سيري..
رمات هاد الهضرة فوجهها لي دخلات للنادية فقلبهاا بحال الموااس دخلات فصدمة بقات جالسة كتغدد.. ويلا سااق لخباارم احمد غيقتلهااا مافيهااش عاطينها حريتهاا و كيتقاتلو مع زمان باش يوفرو ليها اي حاجة بغاتهاا ...
ماوعااتش على راسهااا كتضرب ف فخاذهاا و الحاجة لي خايفة منها كتر هي احمد يسيق الخباار و فهاد درب تا حاحة متخبااا مايحشمو مايخافو.. ناضت دغياا دخلات لبيتهاا دارت جلابتهاا و دارت زييف مخربق.. و شعرها نصو بااين.. خرجات على براا سدات لبااب بساروت و غادة بحرقة الى شداتها مكااينش لي يفكهاا من بين يدييهاا ديما كانت كتحذرهاا ديييير اي حاجة تحي تعلمها و اهم شيئ ديماا كانت محذراهاا من ناس درب و كيتسنااو غي فرصة فين يحلو فمهم.. وصلات لعند مليكة كدق بجهد.. مليكة تخلعااات دغياا ناضت حلات لبااب .. لقاتها نادية و بدييك لحالة .. دخلات و هي كتغوت
نادية: محشمتيييي ما فكرتييي فينااااا جالسة معنقااااااه و ناس كتفرج فيكم ..
يسرى: كيفاش اخالتي و زايدوون نتي ماعارفااش ناس درب كتزييد من راسهاا ( دارت راسهاا ماعارفة والو و كتكدب من لفوق بااش تعتق صاحبتهاا هادي هي الصحبة و الا فلا😂😂 )..
نادية: شوهتينييي غييييير قوليليييييي بااااااك فاش يعرف فييين يدير وجهوووو غيقتلك و يشرب من دمك. عارفااااااااه يديرهاا ياك عارفااه..
سمر مقدرااتش تدوي لسانها تربط.. غي شادة فحنكهاا و مصدوومة و كتنفس دغيا دغياا .. و كتفكر فباباها الى ساق لخباار غيكرههاا.. و عمروو باقي يشوف فوجهها.. بقات كتبكي بصوت مسموع..
نادية: علااااش كتبكيييييي دبااا علاش هاا..
مليكة جراتهاا و خرجاتها من لبييت و هي غير كدعي و تعااير ف سمر.. جلسات فصالون كتبكي و مليكة.. جالسة حداها موانساها..
يسرى: صااااافي اسمر ويليييي دباا الله يخلصوو على كلشيي.. يا سمر كوون غي معلمتكش ياك قلت ليك لبلااصة لي يكون فيهاا هو نتييي مادوريش فيهاا..
سمر: تيقينيييي ماشفتش فيه اهييييئ هئ هئ هو لي عنقني بزز منييي اهييييئ اهئ اعئ..
يسرى: شششش صافي صافي سكتي دباا نلقااو شي حل مخااصش الهضرة تووصل لبااك ولا المشكل غيكبر..
بقات كتسكت فيهاا تا دخلات لاحماام غسلات وجهها.. و حنكهاا حمر..رجعات تاني جلسات فوق ناموسية..
يسرى: سمعيني دباا غنشييو نجلسو مع ماماك.. و نهضرو نلقااو شي حل
سمر: منقدرش نشووف فيهاا..
يسرى: صافي القلاوي ماتزيدييش فيييه.. و نتي رااك مداايرة واالو بزز عليييك.. غتمشي تجلسي حداهاا و تعاودي ليهاا كلشي من ديباار..
سمر: يااك بغيتيها تذبحني..
يسرى: تيقينيييي ماغادير ليك والو بلعكس.. الى خبيتي عليها غيزييد المشكل يكبر.. عاوديليها كلشي و ماتخبي والو بااش توقف فجنبك..
سمر: معرفتش ايسرى خايفة بزااف.
يسرى: ماتخاافيش .. راه كتبقا مك و مستحييل تخلا عليك.. يلاه زيدي بلا مانضيعو فلوقت..
خرجو من لبيت و سمر شابكة يديها فبعضهم و قلبها كيضرب بجهد.. كتفكر شنو غتقوول .. يسرى عيطات على مليكة باش يخليوهم بوحدهم يهضرو و هما دخلو لكوزينة يصايبو اتاي .. سمر جلسات حداهاا و نادية مكتشووفش فوجهها غي كتهزز ففخاذها و رجليها..
سمر: ماما سمعينييي ..
نادية : شنووو غنسمع انا شنوووو علاش خبيتيييي علياا ياك ديمااا عاطيااك حريتك عمرك سمعتي من فمي كلمة لا علاش خبيتيييي عليااا علاااااش كو كنت عارفة كان غيكوووون عندي جوااب منخلييييش لي يسوا و لي ميسوااش يدوي فشرفييييي ..
سمر: عفاك اماما لا ماسمعيني اهييييئ سمعي و عاد حكمي اهئ اهئ اهئ اهئ ( بدااو دموعهاا كينزلوو بلا هواها مقدرااتش تحبسهم..)
سمر : ( مسحاات دموعهاا بصباعهاا و تنفساات الصعداء باش ماترجعش تبكي تاني ).. اول مرة شفتو كنت راجعة من ليسي كان فلقهوة.. شفتو عحبني بحال اي بنت تقدر طيح فييه عينييه و كيفاش كان واقف كلشي فيه زوين.. صافي دازت مدة ولييت كنشوفو و تا هو كيشوف فياا باينة فيه عجبتو وقعو شي فلاشاات هضرنا فيهم واخا كنت كنعايرو و نخلو ولكن منكرش بلي كان كيعجبني.. تا لنهار لي تصاحبنا فييه.. مكملاتش شهر و تفارقنا.. قالك انا صغيرة و ديك الهضرة.. ( جاتهاا ديك الغصة ديال بغات تبكي.. بلعات ريقهاا و غمضاات عينيهاا زيرات عليهم وولات حلاتهم) .. بغيييتو بزااف .. مرات كنقول بلي غي مراهقة وبلي غي اعجااب دباا يفووت ولكن كتاشفت بلي بصح كنبغيييه ديما كنشووف تصااورو.. شحال بكيييت فليييل بكيييت حيت مابغانيش و بكيييت على راسي وعلى كيف ولييت كنت ديما ضاحكة تالنهار عرفتوو.. كان مسافر و ليوم جا.. بصدفة تلاقيتو فاش كنت غادة عند يسرى قلت ليييه مايقربش لياا و يبعد مني و من حيااتي.. شدني بزز و عنقني و انا كنتر.. هادشي لي وقع و تيقينييي هادي شحاال و حنا مفارقيين و عمرووو قاسني .. ( ليمسخك 😂)..
نادية بقات ساكتة كتستوعب هضرتهاا و تشووف كيفاش تصرف معاهاا خصووصا هي مرااهقة دبا خاص لي يفهمهاا و يوقف معاها حيت هاديك اصعب مرحلة فحياة الواحد شحاال من وحدة حملات و خرجاات لطرييق بسبااب المرااهقة.. كتجمع افكارهاا.. مدواتش جراتهاا عندهاا و عنقهااتهاا كدوز يديها على شعرهاا بحناان.. و سمر زادت تخشاات فيهاا و طلقااات لعنان لدموعها..
نادية: رجال كلهم بحال بحال ابنتي مافيهمش تيقة ولي يبغييك رااه يجييي يدق بااب دارك.. نتي باقا صغييرة.. ديها فقرايتك غتشديي لبااك انشااء الله تانتي توضفيي و نفرح بييك..
زادت فلبكااا هاد الهضرة زادت حرقاتهاا هما كيتسنااو فيهاا تقرا و تجيب معدل و هي عاطياها غي لضحك و لعب.. و تا هاد العام ماعارفة واش ناجحة ولا ساقطة .. بقات كتبكي فحضن ماماها و هي كتبكي معاها و دوز على شعرهاا تا سكتات لراسها..
ماشي لحل ديماا هو العنف تشد ولدك ولا بنتك تقتلهاا عصاا كلشي بلفهامة و سيااسة و خصووصا فداك سن بنادم كيكون طاايش كيبغيي يدير اي حاجة و يجرب اي حاجة .. و يغامر خاص الواليدين يتفهمو و ديما يحاولو يكونو قرااب لولادهم و من الاحسن بين البنت و الام ديالها تكون علاقة صدااقة .. حيت مغتلقاايش لي يفهمك و يعاونك فهاد دنياا قد ماماك.. جات مليكة هازة فيديهاا صينية فيها اتااي و يسرى تبعاتعا بطبسيل فيه لحلوة حطوه.. مليكة جلسات كتكب ف اتاي و يسرى جلسات حدا سمر.. فرحات حيت تصالحات هي و مها..
مليكة : زيدو تشربوو اتااي و قلت ليك كلشي بلعقل..بنتك و صحتك قبل منهم و حكيمة عارفاهاا شيخة و فمهاا فيه لخنز بسييف الغيرة عامياهااا.. و العين فدرب كلو على بناتنا.. غي الحسد و الغيرة هاديك.. ونتي ابنتي سمر ماتيقييش فلي كاان
سمر: ( حركات ليهاا راسهاا بالاماء و شربات من كاس داتاي )..
مليكة: اوا ونتي ابنتي يسرى مابغيتيش تهضري و تقولي شكون هاد البغل لي مصاحباه..
يسرى وحلات ليهاا الحلوة ف حلقهاا تا ولات كتكحب و تشرب فاتاي..
مليكة : بسمالله عليك بشوية عليك..
يسرى: .. كيفاش امي..
مليكة : اييييه عشنا و شفنا تا ولاو بناتناا يستحمرووناا ماتنساايش رااه انا لي والداك ماشي نتي..
يسرى: ( بدات تصفاار و تخضاار)..
اما سمر شداتها الضحكة ..
مليكة : اوا كيدااير امييين ماناويش يجييي يخطب..
يسرى بقات حالة فمهاا بصدمة .. و جميع الاسئلة كيدورو فبالها منيين و و امتا و كيفااش عرفاات.. بقات ساكتة مكتحاوبش و سمر حابسة ضحكتهاا بزز..مليكة دارت ابتسامة رضا.. حيت شحال من مرة مامات امين كتبغي تبين ليها بلي اميين باغي يسرى..
نادية : اوا غي ليستر من هاد الجيل و صاف..
كيهضرو و كيشربو ف اتاي يسرى باقي ضارها راسها بغات تعرف منييين جاتها لخباار و تا حد ماعارف..
مليكة: دبا خاصكم تفكروو شنو تقولو ل احمد حيت هاد ولاد لحراام اكيد غيوصلوهاا ليه..
نادية: والله اختي معرفت ماندير.. صافي غيدابز و يعاير و يتهدن لراسو.. اصلا غدا غاديين لناضور و فلييل كيجيي معطل .. مصاب مايقولو ليه والو..ونتي اسمر غيخصك تمشي معاياا بااش الهضرة تنقص و ينسااوك فهاد سيمانة..
سمر: شنو غندير تما اماما مكنعرف حد غيقتلني الملل..
شافت تا عياات ديما راسها قاصح و كدير لي قاليها راسها..
مليكة: ويلي عادي حنا خواتات و اي تسايسي معاها و سعفي..
سلمات عليها بلابييز و خرجو من دار يسرى قريب طير بلفرحة و سمر كتحاول تخبي خوفهاا من باهاا لايكون عارف.. دخلو لدار لقات طوموبيلة باها تماا عرفاتو رجع.. دخلات لداخل و قلبها كيضرب دخلات ديريكت لبيتها و يسرى تابعاها.. نادية حيدات حوايجها و تخشاات حدا راجلهاا ناعسين ..
👻صبااح جدييد👻
فاقت نادية بكري.. جمعات حوايجها و حوايج احمد.. وجدات لفطور و فيقات لبنات بزز.. باش ناضو.. فطروو و رجعو لبيتهم سمر لبساات كسوة قصيرة حد الفخاذ و شعرهاا جمعاتو كودشوفال و دارت ميكااب خفيييف يسرى لبسات سروال جيينز طالع من جيهة الكرش مع تيشورت بلا كماام دخلاتها فصروال و صبادري شعرهاا جمعاتو تاهي كودشوفال شعلات تلفونهاا من لباارح مشعلاتوش لقاتو غيطرطق بليزابيل و ليميساح من عند اميين عيطاتلو جاوبهاا فلبلاص كانت ساعة 8 و هو بااقي منعسش..
امين: شنو شنو!! كيفاااش مسااافرة منيتك ولا كيفاااش مكااين لا سفر لا زبييي
يسرى: ميييي خلاتني غنمشي نبدل الجو..
امين: ( بالغواات ) برب تا غنبدل لزامل بووك لوجه الى مشيتي..ولا عرفتيييي راني كنتسنااااااك حدا داري اجي دبااا دباا
يسرى: واش تسطيتييييي فمخك ا امين غاديييين دباا صافي متزيدش فيه سيمانة و راجعة..
امين :( غوت بكل جهدو تا تزعزعات ) راا برب الكعبة و ماااااتجيييييي دبااااا تا تلقاينييييييي تماا..
قطع عليها خلاها كتقفقف بلخلعة خافت لا يرجع يضربهاا
يسرى: غنمشي نشووفو و نرجع..
سمر: لا ماتمشيييش يصدق قاتلك بحال ديك المرة..
يسرى: بغيتييييه يجي هنا و يشوهني حدا داركم .. صافي دغياا راجعة..
بغات تخرج تلاقات ليها نادية حدا لباب قالت ليها بلي غي نسات شي حاجة و غتمشي تجيبها .. و خرجات طايرة وصلات حدا بااب دارو كان جالس فلبااب و حاني راسو كيلعب بموس كان فيدو شاف خيالها طلع فيها عينو و ناض وقف خشا داك الموس فجيبو.. و هي قلبها كيضرب خصووصاا كيبان معصب مازادش معاها الهضرة فتح بااب دار برجلو و شدها من كتافها دفعها لداخل و سد لبااب..
امين: ( دوا بهدوء و مقرب ليهاا كتحس بانفاسو ضاربة فوجهها ) حيييت كنخااف يعجبك شي واحد من تماا و تنسااينيي كنخااف يديك شي واحد مني..
يسرى: ماتخاافش انا مستحيل نغدرك..
امين: بقاي هنا و ندييك تسارااي فينما بغيتي..
يسرى: ( بغات تجرب تسايس معاه ) مكنتييش هاكة معايا علاش تبدلتييي باغي تخنقني حرام عليك سيمانة و راجعة كاع ناس كتسافر فصيف و زيد راني غادية مع سمر و واليديها ماشي بوحدي ...
امين : سيمانة بزااف علياااا منشوفكش..
يسرى: غنبقااو نهضرو ف ابيل فيديو..
امين شافليهاا فشفايفهاا و باسهاا يوسة حنييين كيحرك شفايفو فوق شفايفها بشوية و هي غمضات عينيهاا مابغاتوش يحبس شافها غمضات عينيها قرب ليها كتر تا ولا لاصق معاها حط يديه على خصرها و كيبوس فيهاا بشوية غي كيحرك شفايفو .. ميل راسو شوية و حط يدو على عنقهاا جرها ليه كتر و بدى يمص فشنوفتها تحتانية باحتراافية حاسة بقلبها غيخرج.. و سخونية طالعة معاها.. شدات ليه فلكول دلقاميجة لي كان لابسة مقرباه ليهاا مابغاتوش يوقف.. عجبو لحال.. طلع لشنوفتها التحتانية كيمص فيهاا و يرجع لتحتانية تا خلا ليها شفايفها منفوخين .. حس بلمعلم داير خيمة بعد..حلات عينيها ولات حمرة تزنكات..
امين : فقااش ما نصوني جاوبينييي
يسرى : اه.. خاصني نمشي غيكونو كيتسناو فياا..
امين : واخا.. ( عنقهااا و باسها فعنقهاا )..
خرجات من دار كتسلت..اصلا كلشي ناعس فديك لوقيتة رجعات لدار حلات ليها سمر لباب لقاتهم كيفطرو جلسات تفطر معاهم.. كملوو جمعو طبلة و نادية غسلات دوك المواعن بزربة.. و لبسات جلابتها دارت زيفها من شوية من الميكاب.. احمد كيخرج فليفاليز و البنات كيسنابييو ..ركبو فطوموبيل لور و نادية القدام.. و شدو الطريق..
#يوسف..
بات مع مو فداار .. فاق مقلوب كانت 2 دنهاار.. دار روتين ديالو ( دوش و لبس حوايجو .. ) خرج من بيتو لقا مو حاطة لفطور فوق الطبلة فطر و خرج على براا مشا للقهوة لي فدرب امين تماا ديماا هاديك هي بلاصتو جلس حداه و شعل لكارو .. تصافح هو ويااه
امين: مرحباا مرحبااا واغيبة هادي..
يوسف: ويااه ( و خرج معاها دخان )..و نتا فين غابر..
بقا كيكمي و امين خاشي وجهو فتلفون كيدوي مع يسرى فلواتس.. و لي فلقهوة كيهضرو على يوسف و سمر .. و حاضينو و هو عايق بيهم .. عياا صابر و هو ينووض محملش يبقااو يشوفو فيييه ..
يوسف: غنمشي قبل مانتقل شي ولد لقحبة هنا ..
امين: علاش شكااين..
يوسف: ( دار ليه اشارة بيدو زعما بسلامة ) تالمنبعد..
قبل ما يخرج داز من واحد طبلة جالسين فيهاا شي شماكرية..
علي: تا مااالك اصاحبيي باينة بلعما بلييي حواها و شبع فيهاا حواا..
محسن : و بنت لقحبة حناياا لا تا نشدها نغتاااصب مهاا واخاا نلقاا طريق محلوولة مهم ندوق..
علي: احححح ديك سمر واخا قصيورة ولكن ترمة عندها.. سعداتو و بيهاا غيكووون شابع..
قبل ما يكملهاا حس بفكوو تزعزع من بلاصتو جاتو بونية من حيث لا يدري تا طاش دمو .. نزل عليييه كيضرب فيه بلا وعي .. و دوك شماكرية لي كانو جالسين معاه فطبلة ناضو خلاوه مليووح بقا غي محسن جابد موس ناوي يضربو جا امين خنزر فيه مزياان و هو يرجع الموس لبلاصتو خلا هداك كلو دم و فمو كتر ريب لو فموو تا من واحد سنة خرجاات على لرض و ناس حاضية كتفرج..مقدرااتش تفك كل واحد كيقول ماشي سوقي كمل من علي شد محسن من شعرو منزلو لرض كيعطيه بركلات باغي ينوض يدافع على راسو مقدرش ركلة مور ركلة بلا ما يحبس .. فين ما جات جاتو ضربة لعينو خلاتو يغوت بكل جهدو.. ولا بحال شي حيوان هاج.. جا امين بعدو.. و خرجو على براا..
امين: صافي صااافي تهدن
يوسف: خلينييييي نقتل قحبة دياماهم ..
امين: حسابهم من بعد شنو دارو..
يوسف: والوووووووو تفوووووو من هاد لبلاد نااااس كلها كطور غير حناااااا غي الحضية ولهضرة ديماااااا لووووور.. ( وقف حدا بااب القهوة غوت بكل جهدو )
كلشي بقا مصدووم هدا هو الدري لي ديماا سكوتي و مكيهضرش ولا بحال شي بركان فيض.. جبد كارو.. يكمي و رجع لحدا بااب دار هز طوموبيلتوو و كسيراا بجهد مخلي وراه غي لعجااج..
#يوسف
حاط يدوو فسرجم و يد كيصوg بيها شوفاتو حاديين بزااف كيشووف فطرييق مغوبش و عاقد حجبانو.. منيين سمع ديك الهضرة ماشعر على راسو تا بداا يضرب فيهم.. عارفهاا نقية واخا فرفاارة .. بلاصة طوموبيل حدا بااب البرطمة .. دخل تلاح فوق ليفوتوي كيتنهد و يغمض عينو .. طفا سيكاار و بقا مرجع رااسو لوور.. جات فبالو سمر توحشها و توحش هضرتهاا تفكيروو مخربق.. صونا تلفونو كانت نمرة غريبة عرفهاا سارة جاوبهاا ساكت كيتسناها هي تدوي..
سارة: يوسف
يوسف:( بتعب ) نعااام
سارة: فقااش نتلاقااك.. را ما عالم بياا غير الله ( نفاجرات بلبكاا )..
يوسف: دباا علاش كتبكييي هاا
سارة: اهيييييئ هئ هئ حيييت صفيييت بوحدي لا حنيييين لا رحيييم هيييئ هئ هئ تا والدياا لي كنت كنضحي على ودهم مشاااو و خلاونيييي اهئ هيييئ هئ هئ بسبااابهم و بسباااايب بااابا لي بعت اخلاقيييي بااااش نعالجو سمح فياااااااا و رمانيييي بحال شي كلبة هييييئ عيييت ايووسف اهييييئ هئ هئ تا حد ماواقف فجنبيييي كلشي سمح فياا اهييييئ هئ..
يوسف بقا كيتصنت لبكاها و هضرتهاا و يعض فشفايفو بعصبية واخاا مابقااش كيبغيها كيف لول ولكن راا باقي عندها مكانة فقلبو ماباغيهااش تعدب..
يوسف: فينك دبا؟؟..
سارة: ف اوطيل
يوسف: عطيني سميتو
سارة : ********
يوسف: اوكيي انا جااي ليك دباا
قطع عليها ناض كيتنهد ركب فطوموبيلتو و كسيراا للعنوان لي عطاتو..
وصل تمااا لقاها واقفة عند لبااب لابسة صاية قصيرة حد لفخااذ واقفة و باليزتهاا حداهاا قرب ليهاا لقاها كتبكيي.. تلاحت علييه عنقااتو و اي مزادت كتبكي و تزير عليه.. ماعرف مايديير بادلهاا تعنااق و كيسكت فيهاا و يدوز يدو على شعرهاا ..
جبد كلينيكس من جيبو .. عطاهالهاا مسحات دموعهاا و الكحل لي هبط من عينيهاا ..
يوسف: زيدي ( هز ليها الباليزة )
شدات فكتفو و غادة تابعاه جهة سيارة حط ليها باليزتها فلكوفر و هي طلعات حداه القدام.. كسيراا بجهد بقات حاضيااه محيدااتش عينيهاا عليه .. و هو لاهي مع طرييق حيت كانت الزحمة.. وصل للبرطمة ديالو بلاصا طوموبيلتو و نزل هي تابعااه هزلها باليزتهاا و دخل لداار جلس و جبد كارو يكمي.. مادواش كتسنااه يقول اي حاجة.. جلسات حدااه و هو داير رجل على رجل شدات فيدوو..
يوسف: غنبقاا نجي عندك.. سفياان جاي عندي و جالس معاباا ياكما بغيتي تبقااي معاه راس فراس.. ( خنزر فيها )...
سارة: اوك لي بغيتي..
خرج من داار جار باليزتهاا فيدو و هي ورااه حاضية كل تفاصيل جسمو مكرهااتش تلاح عليه و تعنقوو. توحشااتو بزااف بلا قياااس .. ركبات حداه لقدام طلق ديسك دياال شاب بيلو و هالالا نتمشا زووج خطااوي ونعياااا و هالالا ياا سحوورها بدا يخدم فيا ( هااح كنحمااق على هاد ديسك😍😍 ).. نقص فلفولييم و جبد كارو يكمي تا دواات سارة كسرات الصمت لي كان بيناتهم..
سارة: يووسف وليتي كتكميي بزاااف دباا عاد كميتيي واحد ..
يوسف: ( جاوبهاا ببرود ) من ديماا كنكمي
سارة: خايفة لا توقع ليك شي حاجة را هاد زمر كيضر بزااف عفاك حاول تنقص منوو غيقتلك ..
يوسف: ( ضحك باستهزاء تا بانو سنيناتو مستفيين ) تا حاجة مكتضر بحاال الغد. و الشمتة هادووك لي كيقتلوو الوااحد اما هادشي مكيقتلش و كلشي بالاجل ..
ضربات طم.. ماعاوداتش حلات فمهاا.. دخلو لدرب و الاعين عليهم كلشي كيسول شكوون هادي مع يوسف و يبداو تاني يألفو قصص من عنظهم.. كلشي تشفاا فسمر و قالو هادي حبيبتو اكيد و سمر كان مدوز بيها الوقت صافي.. الخبر نتااشر كيما العادة بسرعة البرق .. بلاصا طوموبيل حدا الدار و نزلات هي تبعها هو حل الكوفر جبد الباليزة و سد الطوموبيل دق فلباب حلات سعاد مستغربة شكون هادي بقات كتحقق فيهاا واش كتعرفهاا واش من العائلة.. رحبات بيها و دخلو لداخل جلسو فصاالوون.. و يوسف مربع يديه و طفا الكارو مالقا مايقوول لموو.. تا حمحم و دوا..
يوسف: ميي هادي صاحبتيي غتبقاا معاك شي يامات هنا بين ما جيت ديتهاا..
سعاد: ( معجبهااش الحال و مارضااتش لا مع راسها ولا على سارة ولا مع جيران اكيد غيالفو شلا قصص و را بداو من دباا) ...
سعاد: اوا لاواه اولدي انا بااب داري مكنسدو فوجه حد ولكن هادشي ماشي معقول راك عارف نااس هنا كيف دايريين الطالياان ماشي هو المغريب ايوسف..
كان ضلام الحال جالسين و سعاد مكدويش و سارة كتشوف فداار و فسعااد كيفاش زوينة و باقا صغييرة يوسف عمروو هضر ليها على مو..
يوسف: ( موجه هضرتو لسارة ) تبعيني..
سارة: ( وقفات و تبعاتو دخل لبيتو و سد لباب )..
سعاد بقات غي كتستغفر الله و خايفة لا يكون داير شي مصيبة عارفاه حمق ..
يوسف: (جلس فناموسيتو و هي جلسات حداه ) غنسولك لاخر مرة واش بصح حاملة ولا غير شي لعبة باااش طيحينييي .. سمعيني كنقولهالك من دباا والله اساارة و طلعي تتكدبيييي رااا لي ندييييرو فيك مايسيييق خباارو حد..
سارة: والله ايوسف حاملة و بولدك ويلا ماتيقتييش غدا ديني لطبييب تأكد بنفسك..
يوسف: اوووكيي ..ولديي انا قااد بيييه و مغنخلييه مخصووص من تا حاجة.. و مغنقصر من جيهتو من والو..
سارة: و انا ايوسف؟؟
يوسف: ( تنهد بتعب ) انا وياااك مستحيييل نرجعو كيف كنا اساارة حطي هادشي فرااسك.. تيقينيييي حاولت ننساا و نزطم على كلشي ولكن وااالو نتييي رااك حرقتينييي و حرقتي قلبي معاااك وليييت واحد اخوور ماعارفووش كلشي تبدل فياااا قلبيييي برد من كلشي مابقيييتش باغي نسمع على الحب و لا نسمع قصصو ولا اي حاااجة.. مستحيييل نرجعو انا وياااك كييف قبل..
سارة: كتضحك ياااك ايوووسف شنوو كتقصد بهاد الهضرة.. هااااا هي غي ندي ولدي و نرجع بحااالي .. انا شنووو و شرفيييي شنووو لعبة يااك ايووسف .. عيييت كل مرة نعاااود و نحلف .. غلطت ااااه ما ننكرش ولكن ماشي لخااااطري كنت مجبوورة..
يوسف: سااارة بلا ما تخليني نفكرك بديك ليييلة .. نتيييي لي بغيتيييي ما بززت عليك واالو .. فبلاش من هاد الهضرة بااش تحسسيني بذنب..
سارة: اوك ايووسف .. مداامك ماباغينييش و مابااغيش تعطي فرصة لعلاقتناا واخاا غييي على ود الولد ولا البنت لي فكرشيي ف غي نمشيي بحااالي .. اصلا كلشي خلاني الى كاانو والديا سامحييين فياا فشنو نتوقع منك نتاا
سارة: علاش قلبك ولا بارد بحال هااكة .. نسيتيييي كلشي على ود غلط واحد.. غنمشيي ايووووسف و نهنييك منيي.. الولد فكرشيييييي اناااااا و انا لي غا نهتم بيييه غي هني راسك و نعس فجنب رااااحة ..
يوسف: ( شدهاا من دراعها و زير عليها ) ماتلعبييييش على اعصااابي.. كيفما هو ولدك انا ولديييي فهمتييي و معندك فين تمشي..
سارة: ( دفعاتو و غوتات فوجهو ) شنووو بغيتييييي نبقاااا هناا بحال شي قحبة.. تااااا نولد و طلع معاياا صبع.. بغيتيييي نولي قحبة و لي يسوا ولا مايسوااش يدوي فياااا برااكة غيييي والدياااااا تبرااو منييي بسباااب هاد الكرش ولا عرفتييييي غنزلوو ونتهناا و نخرج من حيااااتك فمرة..
يوسف: ( شدهاا من شعرهاا و قربها ليه و دواا بهدووء تاام ولكن بحة صوتو فيهاا تهدييد ).. بربي اساارة وديريها ( زاد زيرلها على شعرهاا ) تا نحرقك بيدياا هادو و نشعل فمك العافية برب العالي تانديرهااااا..( رخا منهاا )..
خلاها كتقيس فالبلاصة لي شدها منها..
سارة: اذا تزوج بيااا هدا هو لحل..
يوسف: زواااااج ياكما نتييي حمقة...
سارة : داوية بصح.. بغيتي نبقا هاكة تا توصل كرشي حد فمي .. نولد و درييي يعييش مفارق.. مرة معاك مرة معاياااا و يقوووول انا ولد لحرااام شهااد تفكيير كتفكر بيييه ايووسق بغيتييييه يطلع معقد و يقوول انا ولد زنقة ..
بقا ساكت مجاوبهااش شد فرااسو كارز على عينيه و رجع فتحهم.. عروقوو باانت و تنفخاات تعصب ديال بصح كيحس برااسو مضغووط لاقصى درجة.. من جهة هو بااقي مكيفكر فزوااح و راسم بزااف دلحوايج فباالو زواج اخر همو. من جهة خراا.. ساارة باقي مانسااش فعلتهاا و فنفس الوقت مايقدرش يمسح فيها و هي بهاد الحالة.. ماشي فعايلو هادوو شماايت لي يديروهاا اما هو رااجل.. بقا ساكت حاني رااسوو كيفكر فشنوو يديير هضرتهاا بصح.. المجتمع مكيرحمش خصووصاا فبلاد بحال بلادناا.. تنهد و خرج من داار جبد كاارو يكمي بقا متكي على طوموبيلتو كينتر من الكارو بشوية و نسمات الهوا كضرب فوجهو .. شاف فسماا لقا غييي النجوم و القمر .. مكرهش يبعد و يمشييي لشي بلاصة مايكونش فيهاا بنادم .. اول مرة يحس برااسو مربووط و البيبان كلها سادين فوجهو عياا يفكر فلحلوول مالقا تا حل.. ماباغييش يتزوج و فنفس الوقت مابغااش ولدوو يطلع معقد .. و يكره حيااتو و واليديه..
#عند_سمر..
من بعد ما وصلات لناضوور سلمات على العائلة.. بقات معاهم كيسولو فيهاا و يعنقو و يبوسو فيهاا و كلشي مبهوور من شعرهاا كيقولو تبارك الله و بنات خوالها و خوالاتهاا حاسديين غير قالبين وجههم.. تعشااو فجو من الضحك.. نادية و احمد وراو ليهم بيتهم مشااو نعسو حييت عيااو اما لبنات بقاو مقصريين .. مع العائلة و مرة مرة بنات خوالها يحشييو ليها فلهضرة و هي كتقلي ليهم سم غير بلفن..ضربات 1 و البنات غي كيتفوهوو جاهم نعاس.. وراو ليهم البييت.. ستفو حوايجهم و نعسوو كانو عياانييين..
👻👻 صبااح جديد 👻
فاقت سمر مع ديك 12 فيقات تا يسرى دخلات لدوش دوشاات و يسرى شعلات تلفونهاا كدوي مع امين ابيل فيديوو .. خرجات سمر كتنشف ذاتهاا.. و شعرهاا .. مشطااتو و جمعاتو لفزق سفنجة.. يسرى قطعات مع امين و دخلات تاهي دوشات.. سمر لبساات كسوة كحلة كلها مزيرة حد لفخاذ و نص كماام شعرهاا صايباتو و طلقاتو على طولتو دارت ميكاب خفيييف ركزات على عينيهاا.. يسرى لبساات تيشورت فلكحل و فسوطو كتبة بزرق مع سروال دجين و صبادري.. شعرها جمعاتو سفنجة تاهي كتافات بميكاب خفيف.. خرجو من لبيت لقاوهم كلهم مجموعين على الطبلة .. زووج طبلات وحدة جالسين فيها الرجال و حدة الدريات..فطروو ناضت نادية و خواتاتهاا جمعو الطبلة.. و سمر جبدات تلفونها كتبقشش فيه..
يسرى: فين نمشييو ليوما..
سمر: معرفتش تسنااي تجي ماما..
#يوسف..
من بعد ما كمل كمااه خرج كسيرا بطوموبيلتو لدارو لقاا سفياان جالي فدروس و عينييه نايميين.. تعانقو هو ويااه.. و فتح لباب بساروت دخلو و فيدوو باليزتو.. مسا ديركت ينعس اما يوسف مجاهش نعااس .. جبد قراعي دشراب كيشرب باغي ينساا الهم تالدييك 4 عاد نعس تما فوق ليفوتوي ماقدر يهز راسو تالبيتو سكر ديال بصح...
#سمر..
بقات فداار مع العائلة تا تغدااو رجعو هي وياها للبيت صايبو العكر بعد ما تمسح بلماكلة.. و خرجو حدا لبااب كيشوفو فشاريع و نااس تماا يسرى مافهماااات والو حيت كلشي كيهضر بريفية تا ليفداار قلييل فاش يهضرو بدارجة باش تفهمهم يسرى.. غي تسمع شي كلمة تجي لسمر ترجم ليهاا سمعات واحد قاال ( امانياان / لقلاوي )..
يسرى: شرحيهاالي
سمر: ويليي قال لقلاوي..
يسرى: ( بقاات كتنطق فيها بصوت فشكل )
سمر: سكتييناا دباا يسمعوو.. خرجوو العائلة يتسارااو سمر و نادية و يسرى ركبو مع احمد و نطالقو مشااو للكورنييش وصلو نزلو كلهم زوج طوموبيلات بحال شيي عسكر😂😂 .. بقاو كيتمشاو فلكرنييش.. و يتسيلفاااو ..
#يوسف
فاق مقلووب و راسوو ضاروو بزااف مقدرش تا ينووض بقا فايق حال عينيه بزز .. سفياان لقااه فوق ليفوتوي مجبد و قراعي دشرااب مزلعييين..
سفياان: سكرتيي
يوسف: ( بتثاقل ) شوية..
سفيان: باين و نتاا مقاادرش تا تنوووض..
يوسف: بففف راسي ضارنيييي ..
سفياان: بسيييف شووف شحاال من لقراعي شربتييي..
يوسف: ( مجاوبووش ).
ناض بزز و هو شااد فراسو حاس بييه غينفااجر .. مشا ديركت للكوزينة صايب قهوة كحلة شربهااا و شعل الكارو.. من بعد مشا لبيتو دوش بقا تما نص سااعة عاد خرج و لبس حواايجوو سيرفييط دنايك كحلة جاتو وااعرة بينات فورمتو من لفووق.. دار ساعة ديال دهب فيدو و صبادري.. و كاسكيييط رش من بارفاانو و خرح لقا سفياان كيشرب فلقهوة و كيكمي و خاشي وجهو فتلفووون..
يوسف: كلشي على الواليدة .. و زايدوون ماعندي مانبقا ندير تماا
سفيان: اوا نتا تعرف..
#بعد_مرور_اسبوع..
هاحناا غندخلوو فسخوون هااح..
رجعات سمر لكازا بعد ما قضاات احلى الاوقات مع العائلة تساراات و بدلات جو تا مابقات كتفكر نهائيا ف يووسف .. اما يسرى فكتر منها عجبها ناضوور و رياافة .. كانت كتشد نماري ولكن مكدوي مع حد.. مابغااتش تضحك على اميين .. ليوم رجعو
#سمر
كانت فبيتها كترجع حوايجهاا ل بلاكاار .. و تستفهم و ترتبهم رجعات ميكابها فوق الكوافوزة.. و دخلات دوش تحيد العيا ديال طرييق .. حيت خرجو مع لييل و وصلو مع صباح من بعد ما دوشاات ضرباتهاا بنعسة.. و يسرى دارت نفس شي..
فاقو تالديك 4 دنهاار مسخسخيين لقات لغدا واجد سخناتو و كلات جمعات طبلة و غسلات المواعن و هي دايرة لكييت فوذنهاا كتغني..
سمر: *بيتش ام الي روابااا ولادي كاملين سكس كيلو فوسط الكاميون ماتخافش خلصنا الكامين بليييل مازال كيتعنبو اومايكاد شكون لي داها فيهم مساكن كيبقاو فيييا اونانا مابغيييتش نآديهم مكرهتش شي نهاار جديييد نكون كلشي لحتو بااااصي مابغيتكش غي بقا بعيد مابغيتش ندييير فيك رااسي اووو اوووو مابغييييتش ندير فيك راسي*
بقات كتغني و دير حركات بيدها لي فيهم رغوة ديال صابون .. كملات غسيل المواعن غسلات يديهاا و مشات جلسات فصالوون.. جاها القنط..
سمر: ماما غنمشي نشووف يسرى..
نادية: غي جلسيي.. راكي عارفة بااقي حاليين فمهم..
سمر: شنو اماما نبقااا محبووسة فداار باش هما يعحبهم الحاال..
هنا سمر كعااات بلمعقوول ولات كلهاا كترجف بغات تمشي تنتفهاا ولكن كتحتارمهاا حيت كبيرة عليهاا دارت عندهاا مخنزرة فيهم كلهم..
سمر: واسيييرو حشمو على عرضكم شرفتوووو و هترتوو تا بقيتو حاضينييي اناااا واحلى ليكم فلحلق.. ونتييي ( موجها هضرتها ل حكيمة ) صحاابلك ماعارفااش بنتك علاااش ماداوي فيهاا حد و ماخاطبها حد.. نقووول ولا بلاش..
حكيمة : ( ولات حمرة حمرة بحال الماطيشة )
سمر: اخر وحدة دوي على بنات ناس هي نتييي ولا نسيتي بنتك فااش دخلات صحييييبها تا لفراااشك نتي وراجلك .. و حصلتوهاا شبعتوهاااا عصاا و ناس كلها عرفاات نسيتيييي ولا
سمر: ونتييييي اعويشة نتي بالاخص خاصك تحشميييي يا السحااارة يا الكزااااانة كتسحريي لعباد الله و تاخدي لناس رزقهاا و يسيقو خباارك البوليييس يدييييوك بتهمتة الشعوذة يجلسووك على القرعة..
عيشة سمعات لبلوليس ولات غي كترجف و تقفقف بوحدها ..
حكيمة : اوا مداام مخرجة عينييييك و حامية سيرييي لعند صااحبك شووفيه اش دااير جااايب لالاك ولاحك.. ولييي ناويها حلالو را مدخلها لقلب داارو و مجلسهاا مع مو ونتي دايرك كييف لعبة
سمر: شكتخوري نتي..
حكيمة: كنخور هههههه اوا كيبالي ماعارفة والو اوا يحسن لعوان كنتي مسافرة ولد سعاااد جااااايب حلالو و دايرهاا فدار..
خلاتها مصدومة بدييك الهضرة مامتيقاااش .. مجاوبتهااش خلاتها كتعاير وراها و هي غادة كتشوف فنقطة وحدة شااردة تفكيرها حبس.. النفس كطلعو بزز .. و دموع تجمعو فعينيهاا.. قالت مع راسهاا غي كدوب بغاو يعصبوني.. زرباات بخطاويها لدار.. دخلات لبيتهاا كتمشي و تجي فييه بغات تعرف هادشي واش بصح ولا كدووب ..
دوزات نمرة يسرى بغات تواصل معاها تفكرات بليي راهي مع اميين.. جمعات شفايفهاا و تافافات رمات تيليي على ناموسية بعصبية غتحمااق بغاات تعرف واش بصح ولا كدوب.. عرفوو يلعبولها على اعصابهاا..
#يسرى..
مشااو لواحد لكاافي .. داخل ديالهاا تقليدييي 100% و تا لي خدامين تماا لابسيين تقليدي.. عجبهاا لحال بزااف .. شبك يدوو مع يديهاا و جلسوو فطبلة طلباات غيير قهوة و هو نفس شي حيت كانت تغدات .. بقا غير حاضيهااا محيدش عينوو من عليهاا .. كان داير كاسكييطة كحلة و شورط دجيين مع تيشورت فلبيض كيباان واحد اخوور..
امين: يسرى بغييت نتزوجك..
يسرى: منيتك
امين: والله معاك بصح..
يسرى: باقي مدرت تا 18 عام..
امين: وفيين المشكيل را مابقيييتش صابر بغييت نشووفك كل سااااعة و كل دقييقة..
يسرى: انا بااقي مكملت تا قراايتيي و زوااج اخر حاجة كنفكر فيهاا
امين: ( خنزر فيها ) لاواه نبك.. دي لباااك و براكة علك نجي نتزوجك..
يسرى: ( سكتاات خافت فاش خنزرات فيه )..
جبد كارو يكمي و هي جبدات تلفونها كتبقشش فيه تا طيرو ليها من اليد..
يسرى: ارااا تلفوون..
امين: تسنااي نشووف حبي معامن داوية..
دخل للواتساب لقا درااري ولكن هضرة عادية يعني باينة بلي غي صحابهاا.. مشا لفاايس لقاه عامر بتصاورها هي و سمر.. و الانسطا نفس شي.. حطوو بجهد فوق طبلة تا تقلب كلشي عندهم و تلفون كان غيتهرس..
امين: بغيتينييييي نعوج مك من شيييييي قنت ياااك
يسرى: مالك كتسيف غي بوحدك..
امين: كيفاااش كنتسيف راني مصبر كري بزز رانا فقهوة حدا نااس.. لاش لايحة تصااورك فلفاايس و لي يسواا و لي مايسواااش يتمنضر فييييك و يهز تصااورك.. باغاني نعلقك
يسرى: دبا هادشي على تصااااور اواااا رانا ف 2018 هادشي عاااادي واش باقي شي حد داوي على تصااور..
تكمشاات و رجعات لور متكية على لكرسي دخلات للفايس و الانسطا مسحات كاع تصااورهاا و هو حاضيهاا كيكميي و ينتر من لكارو بشوية تا سالات و حطات تلفون حداها فوق طبلة بنفخة..
يسرى: دباا تهينيتيي..
امين: لا باقي دوك ولادييين لقحاب لي عندك دباااا يتمسحوو اوكييي!!
يسرى: هادوك غي عشرااني..
امين: سمعينييييي داك تخلاااااط دياالك غتحيدييييه حسن ما نخلي فداك لوجه لي عندك شي ضربة تفكريني بيها حيااتك كلهاا.. و مكاااايناااااش صداقة بين راجل و لمراا من غير الى كان باغي يحويييك..
دارت لي قال ليهاا حيت خافت منو دبا كان ضاحك و تقلب ولا معصب.. بلوكات كلشي.. هز تلفون يشوف بنفسوو لقا كلشي هو هداك.. و رجع بتاسم بحالا ماشي هو هدا لي كان دبا عاد معصب..
امين: اوا دب مزياان احبي..
قلبات شفايفهاا بتقليييقة .. كتشرب فقهوتهاا ..
خرجو من لقهوة كان يلاه ضلام بدا يطييح.. شبك يدو فيديهاا بمعنى هادي دياالي.. بقاو كيتمشااو شوية بينما شدو طاكسي.. وااحد تابعهم كيشووف فيسرى و يغمزهاا .. كاان تيتييييييييز نييييت.. يسرى مرة مرة تقلب وجهها و تشووف فيه شي لي خلاه يزعم كتر و يتبعهاا.. يسرى بدا شيطان يلعب فعقلها بغات تشد نمرة.. اوا لي فييه شي دوودة را مكتحيدش 😂😂.. امييين كيشووفهاا مرة مرة كدور وجهها زير على يدها..
اميين : براااكة ماتشوووفي وراااك.. تبتييي
يسرى: اي يدييي ابنادم..
داك تيتيييز قرب ليهم.. يسرى ضارت عندو بمعنى لا.. اوا اميين شافهاا كتحرك رااسهاا عرف كاينة شي حاجة.. تقلب شااف داك خيناا هاز تلفون و كيشوف لعند يسرى.. مشاا عندوو..
امين: شي حاجة اخوياا؟؟
تيتيز: لا والو..
امين: اوا تقااود قبل ما نقلع لزاملبوك عينييك..
داك تيتيز معاودش معاه لهضرة تخطاهم و مشاا ماولاش شااف ورااهم اما يسرى قلبهاا كيضرب بجهد و تضغط على يديهاا.. دار فيهاا ديك شووفة دياال ليوووم نقتلك.. عطاهاا بتصرفييقة تا شدات حنكهاا..
امين: رديتينيي دمدوومة يااك انا زاامل لي غادي معاااك..
امين شد طاكسي و هو عاقد حجبانو.. تحكم فرااسو بزز .. داتو زامل شااد فيديهاا و هي جالسة تقحبن حداه و ورا ضهرو بلا حشمة بلا حياا .. ركباات حداه خلص طاكسي كلو بااش مايركب حداهم حد.. وصلهم لراس درب خلصوو و نزلو هو وياها بزوووج..
يسرى: غنسبق انااا
امين: رجلي على رجلك..
دخلو لدرب.. هو مشاا لقهوة خلاها بلا مايقول تا كلمة ...هي كملات طريقهاا لداار.. دخلات لبيتها بدلات حوايجهاا..
يلاه غتخرج من لبيييت لصالون صونا ليها تلفون فيدها.. كانت سمر.. جاوباات.
سمر: يسرى يسرى فييييينك فينك..
يسرى: فدار اختييي مالك على حالتك.. ياكما شي مشكيييل تاني..
سمر: لا لا اجي عندي لداار بااش تعرفييي
يسرى: تي طلقيناا دغياا عارفااني بلي فياااااااااااا دووودة قولي شكااين..
سمر: اجي خلاااااااص!!!!!
يسرى: بفففف دابااااا جاية..
مشات عند مليكة كتساايس فيها لقاتها كتنقي ف نعنااع و كتفرج فلمسلسل سيساتها خلاتها تمشي خرجات طايرة كتجري و تنهج تا وصلات عند سمر.. لتاقطات انفاسهاا .. دقات فلبااب فتحات سمر.. جراتها من يدها لللبييت ..
سمر: سمعيني مزياان قالك يوووسف جايب وحدة لدار و ناوي يتزوجهاا..غمحمااق اختي غيخصنييي نعرف وااش بصح ولا لا
يسرى: زب زبببب واش باقا كتفكريييي فييييييييه..
سمر: غنحماااق اختيييي بغييييت غير نعرف راا نار شاعلى فقلبييي
خرجات يسرى من داار .. متوجهة لدار سعااد خلات سمر جالسى على اعصابهاا و مصارنهاا ضارينهاا بقوة الخلعة (.جاها داك الاحسااس دلوجع فلكرش فاش كنديرو شي زبلة و خايفيين) .. اما قلبها خلاص فقريب يخرج من بلاصتو..
دقات فلبااب و هي كتسرط فريقهاا.. و متوترة.. حلات ليهاا سعاد لبااب.. اول مرة تشووفهاا بعد الصدقة لي دارت ليوسف منيين رجع من لخاريج..
سعاد: نعام ابنتي..
يسرى: عفاك اخالتي انا بنت مليكة ساكنة حدااك.. ميي تقادات ليها العطرية و هي كتصايب فلعشاا.. الى عندك تقدري ديبانييناا..
سعاد : اه مرحبا ابنتي.. دخلي لداخل بين ماعطيتو لك..
دخلاتها لصالون و يسرى مركزة مزياان .. دخلات سعاد لكوزينة و يسرى توقف كتشووف ف اي بلاصة مالقات والو .. جابت ليهاا سعاد العطرية دارتهم فواحد العلبة دزااج.. عطاتها ليهاا..
يسرى: شكراا بزاف اخالتي..
سعاد: مكااين باس حنا جيران..
تمشاات لحدا لبااب قبل ما تخرح و هي تسمع صوت دارو بزووج جهة الصوت لا هي ولا سعاد كانت سارة نازلة من درووج ب لبينوار دلحماام و كتنشف فرااسهاا..
سارة : خالتي.. واش مجااش يوسف..
سعاد : لا باقي ماجا. .
يسرى: شكراا اخالتي مرة اخراا..
سعاد : هانية ..
خرجات من دار و هي غادة بسرعة و كتفكر كيفاش تقولها لسمر .. شبعات فيه سباان كدوي بوحدهاا بحاال شيي هبيلة..
يسرى: سير ايووسف بغييييتلك حبة فلسااااان و فترمة يا زااامل بغييييتلك الدل اوجه العتروووس يااا ولد لقحبة بغيييتهم يجلسووك على القرعة تا توصل لمعدتك اوجه زب ايييه اسمر .. علامن طحتي اكبر ولد لقااااف عرفاتو البشرية..
وصلات كتلهت فتحات لبااب و دخلات لعند سمر لقاتها كتمشي و تجي فلبيت بحال شي مجنونة و حاطة يديها على جنابها..
سمر: امضرااا شنووو كدووب يااك..
يسرى: ( حطات ديك العلبة فوق الكوافوزة و جلسات فوق ناموسية ).. جلسي لول ونتي دايرالي طياارة..
سمر: ( جلساات و حاطة يديها على عنقها بخووف و دمووع تحجرو ف عينيها بصووت باكي) عفاااك ايسرى دوييييي خلاص..
يسرى: ( ضراتها فقلبها ولكن متقدرش تخبي عليها ) صافي اسمر .. اه شفت درية عندو.. و كانت كتسول على يوسف.. ماديريش فخاطرك دبا يجييك سيدو..
سمر : ( طلعات نفس بزز قبل ما تنفاجر بلبكاا و يسرى عنقاتهاا كتسكت فيها )..
نتي ليا ونديك بالسيف الجزء الخامس
محتوى القصة
التنقل بين الأجزاء