عائشة: معرفت ولكن كتجيني فيك شي حاحة ماشي هي هاديك واخا مخاصنيش نعيب فخلقة الله
رقية: الجمل مكيشوفش حدبتو ويعاير القرد
عائشة: بنتلك انا قردة دابا؟؟؟
رقية: لا نتي جمل دابا تمشي تهضري معاها نتي ولا نمشي انا؟
عائشة: ياك نتي الحنينة وسيري وانا نتسناك هنا
رقية: واخا دعي معايا
عائشة: (فسرها كضحك على لقتلة دلعصا لي تابعة ختها) الله معاك اخيتي
حلات باب بيتهم غير بشوية ومشات كتسلت لبيت لجلاس لي فيهم مماهم جالسة مربعة رجل ورجل طالقاها على وسادة وحازمة بدرة حياتي ودايرة مسلسل هندي كتفرج فيه، واخا كتفرج فمسلسل رومانسي عاقدة حاوجبها كما العادة يد شادة بيها التسبيح واخا قليل فين كتسبح ويد شادة بيها واحد لعصا طويلة وفيها نواشات كتنش بيها الذبان وحاطة قدامها صينية داتاي وطبسيل ديال لكاوكاو...
عائشة: (كتشوف وختها لي دارتها بيها وكتحلف عليها ومدات يدها بحال التلميذ وبقات مها كتشحطها ورقية جامعة الضحكة غير بالسيف) هئ هئ صافي اماما الله يخليك راجلك جديد
الحاجة: الله يخليك بلخلا نتي وياه
عائشة: عفاك اماما منعاودش هئ هئ (حتى كلات عشرة الدقات عاد وقفات مها)
الحاجة:ياله سيري لبيت ونتي سيري تقادي لعشا لسيدي احمد
رقية: سيدي وسيدك رسول الله اماما
عائشة: حشومة عليك اختي رْقية راجل ماما دايرنا كتر من بناتو ونتي كتقولي هكا عليه
عائشة: اللهم رمش ولا لعمى ولا باغا ترجعي لتكرفيسة ديال لخيرية
رقية: (بتنهيدة) وبعدا تماك حتى كنا كنخرجو فوقما بغينا
عائشة: اوا مك الالة جاها الحنان من بعد 12 العام وبغات بناتها هانا مشيت متعطليش باش تجي نراجع معاك الانجليزيه (مشات لبيتها واخا هاد المعانات الا قرايتهم ممفرطينش فيها حيت هي الساروت ديال نجاتهم....)
الحاجة عزيزة: اسم الحاجة طلقاتو على راسها غير باش تهرب من السنة الناس واخا عمرها حجات او عتامرات منين كانت عندها 16 عام كانت كتعرف شي واحد لي ضحك عليها وتكرفس عليها ولكن المشكلة حملات الشي لي خلاها تطج من دارهم وطاحت فعائلة لي عاونوها وخلاوها تخدم عندهم فالدار ولكن نهار ولدات طردوها كانت فسن 17 عام ولدات تويمات لي زاد عقد الامور مكان عندها حتى عشا ليلة اعساك توكل جوج توام حتى لحليب معندهاش شي لي
الحاجة: سيدي احمد جيتي على سلامتك
احمد: الله يسلمك الحبيبة عييت هاد نهار ولكن الحمد لله بعدا منين جبنا السلعة
رقية: لا لا بعيييد لبلا الا قاديناها مغنبقاوش محسوبيش قواصر
~~~~~~~~~~~~~~~
عائشة: نو كاين غير فهاد اللون حاليا
امل: اممم وبشحال
عائشة: غير 200 درهم
امل: اوووو رخيسة
عائشة: صافي غدا جيبي لفلوس ونجيبلك الكسوة
رقية: علاش بغيتي نبيعو غير وحدة
عائشة: خاص شي وحدة تبقا تلبسها باش نسكتوها ومرة مرة نتناوبو عليها باش الا قلنا عطيناها فسبيل الله متشكش
رقية: هاي هاي هاي على عويشة وليتي تعرفيلها
عائشة: اودي شكون يعرف لديك ريا ياله نمشيو عندها باش تقادلنا هاد زبل
~~~~~~~~~~~
عائشة: (باستلها راسها) مي لباس عليك
الحاجة: (بفرحة) تبارك الله على بنياتي واخا كنت حالفة فيكم على لبارح ولكن منين شفتكم بهاد لكسيوات ومقادات راسكم فرحتوني
رقية: مي قالونا خاصنا لكارت ناسيونال
الحاجة: سميتي ماما مااا مااا عاودي من مورايا
رقية: ماااا مااا
الحاجة: الله يرضي عليك ابنتي
رقية: ماااا مااااا قالونا خاصنا نقادو la carte nationale
عائشة: ماااا مااااا قالونا خاصنا ضروري فالامتحان
الحاجة: (بقات كتقوس عينها فيهم حيت كيعيبوها بهاد ماااا مااااا) صافي واخا سيرو طلعو للدار انا لاحقة عليكم... سيدي احمد منين نصوني عليك طلع تغدا..
عائشة: خخخخخ عبرنا عليها انا مكتبغيش تخرجلي هاد ماما
رقية: حتى انا كتجيني كتنقص من رجولتي
الحاجة: افييييينكم الجنيات اجيو لهنا
عائشة: اوووف مكنحملش لويكاند غير على هاد تبرهيش لي كديرنا
رقية: هادي خاصها جمعية حقوق الانسان ااااو دايرانا فأر تجاريب كل مرة تجخلط فينا
مشاو لبنات كما العادة السبت والاحد الحاجة كتعنا بالبشرة ديالهم وشعر من الخلطات الطبيعية
الحاجة: رقية سيري سخني لغدا نعيط على سيدي احمد يطلع
رقية: واخا خخخ ماما
الحاجة: امممم مزال مبغا يتقادليك داك لفم
عائشة: متديش عليها اماما رآه مزالة صغيرة
الحاجة: زعما نتي شرفتي حتى نتي راك مزالة صغيرة فايتاها غير بساعة (تنهدات منين تفكرات داك نهار لي ولدات فيه وهي تفكر) رْقِيااااااااا تهزي شي شنتوفا من لحم ندبحك
رقية: (كتنضغ دغيا باش تصرط الفخظ لي طيرات ومحطات حتى دخل راجل مها باش ميصلاحش ضربها حداه)
احمد: بنياتي خاصكم شي حاجة
عائشة+رقية: لا رد
الحاجة: رآه كيهضر معاكم
عائشة: مسمعتوش شنو قلتي اراجل مي
الحاجة: احم سميتو عمي (وبركات على عمي)
رقية: عمي نتا عمي؟؟ مي واش مزوجة خو داك لي كاااان.. (مكملات الجملة حتى جمعات معاها بطرشة فوق الطبلة) علاش اماما ضربتيني (كملات لماكلة)
احمد: صافي صافي اعزيزة انا نهبط للمحل
عائشة: عمي جلس تاكل متديش علىىهاد لهبيلة
رقية: لهبيلة هي مك
احمد: واش مكتحشميش نتي كولي وسكتي
رقية: شدي علية راجلك!! يبقا يغوت علينا هنا
الحاجة: سيدي احمد جلس كمل ماكلتك ونتي بيتك مزال نجي عندك نكلبك مزيان
وصلو للدار دخلو نيشان لبيتهم واول حاجة داروها هي خبعو تيليفون وبداو لحفاضة حيت مابقا ليهم والو لامتحان حتى دخلت عليهم مهم شافتهم مركزين فوف المكتب ديالهم جلست على ناموسية وحدة فيهم وبقات كتشوف فيهم بكل افتخار وحب حيت بغاتهم يقراو ويوصلو ولو سلوكهم باسل شوية الا هي متيقنة مع المدة غيتصلح مبغاتهمش يدوزو بداكشي لي دازت منو هي حتى قطع حبل افكارها
رقية: مالكي كتشوفي فية
الحاجة: تشوفي لعما امال والديك على هاد التعامل
عائشة: اووف بدينا عاود
الحاجة: طرطيقا يا بنت لحرااام
رقية: (باستهزاء) وراحنا نيت بنات لحرام
الحاجة: (بتنهيدة) كملي حفاضتك واجي طيبي لعشا
رقية: الدور فعيشة اليوم
عائشة: واخا تحلمي بيها بالالوان
الحاجة: رقية نتي مزال متعلمتي لباط
رقية: دابا انا نتعلم نقرا ولا نطيب
الحاجة: بجووج البهلة غير تكملو حفاضتكم لحقو بجوج علية لكوزينة
رقية: لا غير عيينا ستريس وشحال من حاجة فية الجوع اااامي ماما
الحاجة: (كتشوف فيهم وجههم مخطوف واكترية عائشة) ها هو غير يطلع سيدي احمد ونحطلكم تاكلو سيرو دوشو وصليو، عيشة مالك ابنتي؟
عائشة: والو بغيت غير رتاح اماما بلا متعيطولي نتغدا
الحاجة: لا ابنتي خاصكي تاكلي باش تصحاحي شوية راكم ضعافيتو مع الامتحانات
عائشة: واخا انشاء الله
~~~~~~~~~~~~~~~~
#يونس: 28 عام كان حلمو يقرا ويمشي لبرا ولكن رغبة الاب ديالو كانت أقوى بغاه يخدم الخدمة لي كان فيها الأب ديالو قبل التقاعد قرا ماستر فالدراسات الألمانية ودخل بواسطة من الاب ديالو لهاد الدومين فالاول كان ظابط في جهاز الامن الوطني ولكن ترقى وخدا اتجاه اخر وهو ظابط ممتاز فالشرطة القضائية والعلمية الام ديالو توفات منين كان صغير هو وخوه وكان تأثير عليه كبيير داكشي علاش كانت فكرة أوروبا غالبة عليه...
الحاجة: (ياله جات تجاوب وهوما يسمعو حس لباب كيتحل دخل الحاج احمد بقا كيحنحن) احم مرحبا مرحبا
الحاج احمد: مرحبا بالحاج تفضل
عائشة: السلام عمي الحاج
اب يونس: تبارك الله على بنياتي كبرتو
رقية: (سلمات عليه شافو فمهم وتبعوها لكوزينا)
الحاجة: سمعي نتي وياها ديرو هاك ولا هاك نوري لباباكم
عائشة: وزدتي فيه الا مرضياش بينا رجعينا للخيرية حسن
الحاجة: هي غدا
رقية: (خافت) لا لا ماما منرجعوش غير خلينا واخا كتعذبينا نصبرو رآه كيقولو رضينا بالهم والهم مارضى بينا
الحاجة: انا الهم يا بنت الكلب بييييتكم ياله، اجيو بعدا حطو هادشي فالطبلة وسيرو نحط لعشى ونجي نوكلكم يالكلبات
عائشة: خرية نتي لاش قايلا ليها الصراحة مبانتلك الصراحة غير مع وقت الماكلة خلينا غير نعرفو شكون هاد ولد صاحب موبيك
رقية: وراكي عارفة كلمة الحق كتخرج قبل
الحاجة: (بقات غير كتسمع فيهم وحالة فمها فيهم سمعت لباب كيدق كرفت ولد الحاج جا حلو احمد ودخل عندهم مشات سلمات عليه وحطات ليهم لعشى كلاو غير رجال بيناتهم)
رقية: عيشة سيري خرجي شوفي شكون لي جا
عائشة: مكرهتش ولكن تهلكت بلعصى هاد نهار
رقية: ييخ على شماتة انا نمشي نشوف (حلات لباب بشوية ياله جات تخرج راسها حتى لقات مها تماك بهمس) ماما نجي نعاونك
عزيزة: اوا باش تعرفو الحاج شحال عزاز عليهم وكيعاملكم كتر من بناتو هو قال راكم عيانين من الامتحان وبغاكم تفوجو قبل مطلع النتيجة اما الا نجحتو رآه موجد.ليكم مفاجئة زويينة
عزيزة: اه ضحك كبغات ولكن ماشي بهاد لكلام حشومة ماشي ديال بنات الناس ونتوما مربيات
رقية: درتينا محاضرة على جوج كلمات دابا حنا باش غنعومو بناقس مبغيتش نعرف قصتك نتي وهداك (ودخلات لبيت)
عزيزة: مال هادي
عائشة: متديش عليها غير لفرحة ديال لبحر قولينا شنو نجمعو فلحوايج؟
عزيزة: والله يعميها ليها والله وتزيد كلمة حتى نمشيو ونخليو مها تضرب الجفاف على قلبها، زيدي نوريك شنو تلبسو.....
~~~~~~~~~~~~~~~~~
رقية: عمي طلق لينا لمزيكا
الحاج احمد: واخا بنتي هي اللولة (طلق أغنية ديال ام كلثوم وبقا كيدندن معاها هو وعزيزة لبنات بقاو كيتشاوفو اللور جاتهم الغمة كتر منين كانت)
رقية: عيشة منين نوصلو فيقيني
عائشة: اممم واخا (بقيت كنشوف من السرجم وكنفكر فيونس معندي حتى ذكرى زوينة معاه اكيييد هو شايف علية نظرة خايبة مع هداك الشيباني او بالأحرى مستحيل حتى يكون عاقل علية بقيت كنفكر لو انه بغاني لو لو لو وكملات حتى هاد الأغنية لي حفضتها بقا كيبان لينا لبحر) رقية نوضي نوضي ها حنا وصلنا
~~~~~~~~~~~~~~~~
وصلنا مشينا شدينا طابلة حنا لبسنا لكساوي ودخلنا لما انا ورقية وحنا كنقفقفو كان بارد ولكن الفرحة اننا كنعونو كانت اكبر وحتى لبلاصة لي جابنا فيها كانت زوينة وفيها غير العائلات بقينا كتتراشو بلما حتى...
بقاو كيتجراو بيناتهم ويلعبو بعدو عليهم شوية وبقاو كيتراشو بلما حتى قاسو واحد لبنت كانت فيها جميع معايير الانوثة طويلة ورقيقة شعر حمر لون مبرونزي دوبياس او خيوط فلكحل بيرسينغ فالسرة طاطو تحت صدرها طلعو فيها وهبطو حتى تنطق (بالالمانيه)...
رقية: لا نتي زدتي فيه (مع طويلة عليهم بقاو يتعلقو فيها ولمواج كيعتروهم كيطيحو ويعاودو ينوضو حتى جا شي واحد لي فكها منهم وبقا كيبعدهم)
.....: 😭mein bb, schauen diese dummen Mädchen Was mich Flo (شوف احبيبي هاد الغبيات شنو دارو فيا)
يونس: nicht weinen (ششت متبكيش). مالكم نتوما على هاد الحالة؟؟ (بقا كيشوف فيهم تفكرهم هوما بنات الحاج احمد ولكن اش كيدرو هنا؟)
عائشة: (بقات غير مصدومة كتشوف فيه اخر بلاصة توقعات تشوفو فيها هي هنا من بعد مفقدات الامل بقات كتشوف فيه وكتشوف كفاش معنق ديك الصفريطة للي معاه لسانها تعقد هو كيهضر ولكن حتى كلمة مبغات تخرج فيها عكس رقية لي كتجاوب حتى شافتو ضاير وجار معاه الصفريطة وكيخبرها فودنو وهي دارت يدها على خصرو وماشي بحالو محست حتى قالت بكل غيرة)
عائشة: O gefallen, wenn ich dich wieder sah eine Lektion Alguenk wird (سمعي اديك ق... مرة اخرى تعاودي تسبي غنتفاهم معاك)
يونس: (ضار كيشوف فعائشة كانت فمظهرها زوييين بزااف ولكتدن للي فاجئني طلاقتها فاللغة الالمانية) سمعي اديك البرهوشة خوي طريقي حسن ليك ديري ليها شي حاجة نتفاهم معاك
عائشة: (بصدمة اكبر) وشكون نتا لبوديكراد ديالها (نخلها ومشا تجننات وبقا كتخبط ولكن واخا هكاك بقات حاضياهم كان داير نظاظر وجالس كيقرا كتاب وممسوقش ليهم حتى بقات كتعيطلهم مهم مشاو تغداو وعيشة بالها غير مع يونس وهاد المرة غتمشي عندو توريه شنو هي هاد برهوشة بقات كتاكل بالزربة باش تمشي عندو وخا الدافع لكبير هو بغات اي حوار يقربها منو....)
يونس: (من بعد مهدأت لوسيانا) Etwas ist nicht (صافي موقع والو )
لوسيانا: Sie sah sie nicht, wie sie mich haben (نتا مشفتيش دوك لهماج كدارولي )
يونس: (بضجر) Ich bin hierher gekommen, um mich zu entspannen Sie verstehen (انا جيت لهنا باش نرتاح ماشي باش نقابل التفاهات)
لوسيانا: (aber) ولكن
يونس: ششششت (شديت كتاب وبقيت كنقرا حتى هزيت عيني على ضحك وغوات كتبابلي بنت صغيرة مرة كتشوف فية مرة كتخنزر بحال تالفة ابتسمت لسجاذتها تفكرت الشيباني نهار شدها فلكومساريا كنت بغيت ندافع عليهم ولكن منين سمعت الشفرة حبست حيت ممنحقيش ندخل واخا بقا فيا الحال بنات صغار باش يديوها فمستقبلهم وفقرايتهم جالسين كيبروفطيو فرجال قد جدهم مبغيتش ليهم هاد طريق بقيت متبع حركة عائشة بالخصوص حتى مشات نضت حتى انا من تماك جريت ديك الالمانية ديتها لحدا دارهم وانا مشيت للدار حاجة وحدة كنفكر فيها هي صطاج لي تابعني من دابا يوماين....)
~~~~~~~~~~~~~~~~~~
عائشة: وااااااع مشا مشااااا
رقية: اوييييلي على الحمقة بجلا واش مشفتيهش كدارلنا وكان عاد بفا يضربنا
عائشة: (بتنهيدة) اممم اصلا حاسب فراسو شوفي شوفي الحاج احمد دخل
رقية: ههههه شوفيلك شويريف مدخل ريا معاه اجي نمشيو نشوفو واش مخلين شي صرف
عائشة: واش هبيلة راه اول وحدين يفكرو فيهم هوما حنا راحنا سواابق احوبي، ولكن فكر فينا مسكين منين جابنا هنا
رقية: (باستهزاء) شلا مداار غير قاطعين علينا الزنقة
عائشة: رقية واش عمر شي واحد فكر فينا بحالو شوفي كفاش كيعاملها وبدون مقابل
رقية: تي اشمن بلا مقابل مكيناش شي حاجة فسبيل الله هاد الوقت
عائشة: مفهمتش
رقية: يعني علاش غيعاملنا مزيان وحنا مكنعاملوهش مزيان
عائشة: يمكن حيت عزازين عليه
رقية: او غير كيشفق علينا
عائشة: شفقة او معزة عايشين حسن من داك الجحيم لي دوزنا فلخيرية ولا نسيتي
عائشة: صراحة معرفتش ولكن لي كنعرف عزيزة بغاتنا نقراو وهادي احسن حاجة فيها
رقية: انا غنخدم مصلة اجتماعية باش نجي نجمعها بصطافيط
عائشة: ههههه عرفتي وتسمعك ديك نفس صطافيط غتديك للروضة
رقية: ههههه مهم دخل للحبس
#فالثانوية
عائشة: (بفرحة كتنقز وكتعنق ختها) نجحنا نجحنااااا
رقية: هههه وضربيلي على النقطة (جلسو كيتعانقو ويفرحو مسلمو على حتى وحدة حيت اصلا حتى واحد مكيحملهم كولشي عندو معاهم سوابق خداو تاكسي ومشاو عند مهم دخلات رقية كتنقز فالدار) واااااااااا عزيييزة
عزيزة: يعزيو فيك لكلاب يا بنت لحرام
رقية: ( وقفت وجمعت الضحكة وبقات كتخنزر فيها) والله منضيع فرحتي مع أمية بحالك
عائشة: (بغات تبرد السوق حيت كانو فرحانين) ماما ماما متديهاش فيها (بابتسامة عريضه) راحنا نجحنا
بقيت محرك دزت من حدا دار الحاج وقفت تماك باش نسلم عليه صونيت عليه باش يخرج لعندي من لمحال بقيت كنتسناه حتى كتبانلي عائشة كتطل من لبالكو لقيت كنشوف فيها مدة كتبانلي كتهضر مع شي واحد فالاول حسابلي كتهضر فالتيليفون حتى شفتها كدير الاشارات ياله جيت نشوف معامن حتى دق علية الحاج فالزاج هبطت الزاج حليت لباب سلمت عليه هزيت عيني ملقيتش عائشة بقيت كنهضر مع الحاج وبالزربة ضرت لجيهة الاخرى نشوف واش باقي هداك لي كانت كتهضر معاه حتى كيبانلي الولد لي خدام مع الحاج غير شاف الحاج واقف توتر شاف فلبالكو وعاد طلق تنهيدة
الحاج احمد: اوا ولدي مسخيناش بيك
يونس: (تعصبت منين وقع هاد الديكور ميستاهلش هاد الراجل) حتى حنا الحاج راك فمقام الوليد
الحاج احمد: يبقى الاتصال بيناتنا
يونس: اكييييد الحاج سلم على الحاجة بزاااف
الحاج احمد: ياله مع السلامه خاصك شي حاجة؟؟
يونس: اممم اه الحاج الله يخليك واحد لبسكوي معقلتش على اسمو كنتي كتجيبولي بزااف من اسبانيا وشي تقدية للواليد للدار راك عارف مغيبقاش ديال راسو هههه
الحاج احمد: هههه مرحبا اولدي انا نجمعها ليك و نجيب ولدي حتى لبسكوي
يونس: بلا متعذب راسك الحاج صيفطيلي غير لولد ديالك انا نتسناه هنا
بقيت مدة كنتسنى حتى صيفطلي نفس داك الولد
يونس: ركب اصاحبي معايا باش دخل معايا السخرة
الخادم: اممم انا نقولها لحاج حيت غيسد دابا
يونس: راني قلتها ليه غير ياله معايا ونوصلك حتى فين كتسكن نيت
الخادم: واخا
يونس: شنو سميتك
وسيم: وسيم
يونس: (بقيت سايك حتى وصلنا لواحد لبلاصة خاوية ووقف السيارة)
وسيم: (بتوتر) ياك الدار ماشي من هنا اسي يونس
يونس: (شدو من عنقو) وا سمع الحمار الحاج نهار يعيق انك كطعنو فظهرو غيصفيها ليك (وزدحلو راسو حتى بقا كيغوت عطاه بونية لكرشو حتى تكوانسا) نهار نشوفك مع بنات الحاج والله حتى ندمك الكلب
وسيم: والله ممصاحب حتى مع وحدة (كيبكي)
يونس: لا مزيان غير تصاحب (شدو من عنقو) والله وتعاود تهز عينيك فيهم حتى نعميلك هاد العينين
وسيم: والله مندور بيهم اسي يونس
يونس: فين كتسكن الحمار
وسيم: غير قريب من هنا انا نمشي على رجلي
يونس: ياله تكركب من هنا (خرج ومشيت للدار كلست مع الواليد شوية وجات السيارة لي غتديني للمقر....)
عزيزة: ادوي ابنت لحرام شكون لي كنتي كتهضري معاه
رقية: هئ هئ والله اماما مكنت كنهضر مع تا واحد غير كيبانليك
عائشة: ويييه منويتهاش فيه بقاليه شوية ويطير بالفرحة فمو وصلو لودنو (غير خرج طبيب وهو ينوضو مشاو عند مهم لقاوها كتبكي) اااااوا كتابت عليك عمر شي راجل مصدقليك
رقية: حتى نتي مزالة صغيرة وضبريلك على شي بريكول حسن من هدا
عزيزة: (كتمسح دموعها) اش كتقولو ادوك الجنيات
عائشة: ماشي رويجل لي نافخانا بيه سيدي احمد سيدي زعطوط رآه فرحان بالمرض ديالك ونتي جالسة تبكي هنا
عزيزة: ههههه مسيكين فرحان
رقية: اويلي على ميتة القلب واش معندك نفس نتي
عزيزة: اهيا والله حتى النوض لملتك واخا نكون كنموت الجهد لي ينوضلك يعصيك مميموتش
الحاج احمد: (دخل) لالة عزيزة نهار كبير هدا الحمدلله يا ربي حمدتك وشكرتك
عائشة ورقية: غير كيعوجو فسيفتهم وكيشوفو فمهم لي غير حشمانة وفرحانة ومبقات لا دوخة لا والو حتى سمعو
الحاج احمد: لبنات باركو لمكم رآها حاملة
بجوج: (بصدمة) حاملة؟؟؟؟
رقية: الله الله مشات الشركة
عائشة: مشا المحل
رقية: مشات الدار
الحاج احمد: لا ابنتي متقولوش هاد لكلام كل واحد عندو حقو
عزيزة: اوا الله ينعل للي ميحشم
عائشة: (عاد طلعات معاهم حشومة قدام السيد) تغيير كنضحكو معاك الولد لي يتقاسم معانا الورث يتقاسم حتى العصى
الحاج احمد: ههههه لالة عزيزة رتاحي هاد نهار مديري والو (شاف فلبنات زعما باش يخليوهم بوحدهم ساعة غير مزادو جلسو وبقاو تيو تيو حتى عيا وخرج مسكين)
عائشة: ماما مشهية شي حاجة؟
رقية: دابا نتوما صراحة مزال صغار من حقكم تولدو
عزيزة: اول مرة كتقولي شي جملة هي هاديك
رقية: ولكن حقنا منضيعوش فيه
عزيزة: كل واحد بحقو ابنتي والواحد كيطلب غير صحيحة وهانتوما هاد الولد ولا لبنت يكون خوكم وتوانسو
رقية: اوا والورث رآه الا جابت ولد مشات على عينينا ضبابة اما الا جابت جوج دراري توام مشينا كفتة مصهدة بلا ملحة
عائشة: والحل؟
رقية: الحل هو الالة دابا تكتب لنا املاكنا
عائشة: لا لا نتي بزاااف مسمعتيش السيد قال أن كل واحد غيعطيه حقو
رقية: رآه لي جاي فطريق ولدو اما حنا غير ولاد مرتو
عائشة: متنسايش حتى منا عندها فلوس وهادشي رآه ديالهم بجوج ومتنسايش لقرايا لي قرينا راه منو هو متبقايش تزيدي فيه ارْقية
رقية: اوا خليك ناعسة على ودنك الالة حتى يكوش لينا على كولشي
عائشة: نوضي نوضي نديرو شي غدا
رقية: شي يدير لولاد وحنا نبقاو خدامين عليهم
عائشة: دابا هوما كيديرو باقشطاق زعما موبيك رآه باقي فيه ميدار وكان كان ممزوجش وكان درت بيه
رقية: نتي مالكي مع شوارف مغديش ترقعي وتشوفيلك شي واحد باقي صغير
عائشة: امممم شفت ولكن مبغانيش
رقية: عاودي جربي شوفي غيرو ورا لعزارا عطا الله (قلبوها غنا وتطبال حتى سمعو صوت مهم كتغوت عليهم)
~~~~~~~~~~~~~~~~~
عائشة: مزال ممتيقة أن غدا غتكون عدنا الحرية واخيرا غنشوفو الزنقة ويشوفونا الناس
رقية: هرمنا من اجل هذه اللحظة
دخلات عندهم مهم وهما كيطويو لحوايج ويجمعو فلبلزات
عزيزة: سمعو نتوما بجوج والله ديرو هاك ولا هاك حتى نجي لعندكم برجليا
رقية؛ واجي فطاكسي توصلي بعدا بكري
عائشة: ونتي حاملة مجاياش تجي على رجليك سيدك احمد يجيبك كيجري (غير شافوها هزات صندالة) لعار اماما غير كنضحكو معاك
رقية: وااا عزيزة مبقيتيش كتقبلي الضحك خرج عليك الوحم
عزيزة: وناري فوقاش غنتهنى منكم
رقية: (شافت فساعتها) بقات 10 دسوايع و24 دقيقة
عائشة: خخخخخ
عزيزة: تهجريه رآه كما قلتلكم جمعة وسبت وحد غنكون عندكم زيد رآه وصينا مول الحانوت يقولنا عليكم كولشي وعاد الجيران لي تماك وما هي غير 45 دقيقة ونكون عندكم
عائشة: مرحبا و الف مرحبا اماما راه الدار دارك غير لفصالة مبدلة
عزيزة: رآه فرشلكم الدار كل وحدة وبيتها متيقوش فصحابات او هوما ميتيقوش فيكم
الكل: هههههه
ديك الليلة متهناو لبنات حتى كلاو سلخة ديال لعصى عاد نعسو، فصباح ناضو خرجو لبلزات وشدو طريق لرباط ومشات معاهم حتى مهم وصلو للحي لي كان حي راقي فبلاصة محروسة برجال الامن سكنو فبرطمة مكونة ب4 طبقات هوما كراو فالطابق التاني دار مكونة من 3 دالغرف وسيجور وكوزينة كانت دار مجهزة كاين بيت فيه 4 سدادر كان صالون متواضع وفيه جوج بيوت متشابهين فيهم ناموسية ديال واحد مكتب طابل دنوي كوفوزات صغار وبلكار فالحيط بيوتهم كانو كيتشابهو وكما العادة دابزو على الغرف ومتهناو حتى كلاو لعصى واختارتلهم مهم الغرف حطو بلزاتهم خرجو باش يوريهم الحاج لبلايص لي يحتاجو وحتى السخرة من السيمانة السيمانة غتجيهم حتى للدار وصلات لعشية ومشاو الحاج وعزيزة ولبنات سدو عليهم باب دارهم جديدة
عائشة: مزال ممتيقاش اننا ساكنين بوحدنا
رقية: حلم وتحقق
عائشة: اجي نطويو حوايجي هوما لوالة وعاد نطويو حوايجك
رقية: واخا عرفتي انا شنو لي محيرني
عائشة: شنو؟
رقية: هاد التليفون لي عطاونا عندمن غيبقى واش عندي ولا عندك؟
عائشة: باينة عندي
رقية: وعلاش بسلامتك
عائشة: حيت انا لكبيرة
رقية: بساعة؟
عائشة: ب 60 دقيقة ولكن حاليا وصافي نزيدو شوية ونضبرو على تيليفونات وكل وحدة يكون عندها ديالها
من بعد مناضت صلاو بجوج ولبسو حوايج عائشة لبسات كسوة فلكحل دايرة بحال تيشورت وصاية ولكن هوما كسوة ملاصقة وصندالة فلكحل وشعرها سرحاتو وخلاتو مطلوق وصاكادو ورقية لبست تجينز زرق وشوميزة فلبيج وصبيبيط فلبيج وصكادو ديالها وشعرها دارتو ضفيرة على جنب من بعد مفطرو خرجو حتى لباب المجمع لقاو ترنسبور ديال المعهد ومشاو من بعد مدخلو للصف ديالهم لي كان عالم مختالف عليهم معهد فيه غير الطبقات الميسورة ولي لباس عليهم دخلو للمدرج تعرفو على الاساسذة ديالهم وعلى المواد لي غيقراوها هاد العام
~~~~~~~~~~~~~~~~~
رقية: بشااااخ شوفي الناس كفاش عايشة هنا
عائشة: ومالهم باش فايتينا شوية وتلقاينا بحالهم
رقية: بااش بلقمول؟؟
عائشة: مكتشوفيش الدنيا هنا كيف دايرة تقريبا غير لملعقين متعرفي نطيحو فشي واحد بوكو لعاقة
رقية: عندك الصح وحتى حنا محلقين على الحالة
عائشة: وهانتي قلتيها بفمك منقصنا والو داكشي لي كانت كديرلنا ريا غينفعنا اوا الهضرة تكون بالنخوة ونطيحو بنادم
رقية: اه حتى انا ملقيتش شي صعوبة وحتى اللغات للي عدنا ساعدونا واخا الايطالية مشداش فيها بزااف
عائشة: المهم هو لفرونسي حاليا
رقية: وي بالصح، ولكن الملل مكنعرفو حد مشادين ستون مع حتى واحد
عائشة: (دارت يديها على حنكها) اوا شنو نديرو احويناتي
رقية: نرجعو ككنا وزايدون شنو غيديرو لينا كاع
عائشة: امممم اوكي ولكن متخلي حتى واحد يضحك عليك
رقية: اودي
عائشة: ونوضي نوضي نعسو غدا ونكملو كلامنا....
يونس: (بلباس عسكري تيشورت فلون اخضر عسكري لاسق عليه وسروال بلون التيشورت وبروتكان اسود جسمو زاد تضاعف وعضلاتو تشدو واقف بشموخ يديه ورا ضهرو وهاز ذقنو لفوق شعرو معنكش لحية كبيرة شوية مخربقة واقف مع زملاءه للي تختارو فهاد المهمة كياخدو المعطيات والمعلومات من عند القائد الاعلى وكيبين ليهم نوع المهمة لي مطلوبة منهم خارج التراب الوطني للملكة من بعد مخداو المعلومات رجعو للتدريب العسكري للي كان شاق باش يكونو فالمستوى المطلوب من بعد ساعات من التدريب كل واحد مشا للثكنة باش يرتاح من يوم شاق يونس مشى خدا دوش خفيف ومشا خدا اذن باش ياخد تيليفونو هضر مع الاب ديالو لي من نهار مشا مهضر معاه وهضر مع الحاج احمد وخوه ورد تيليفون ورجع لبلاصتو)
عماد: شنو اخبار عمي الحاج؟
يونس: الحمدلله اخويا نتا لي صدقات ليك
عماد: (دار يديه مور عنقو وتكا) اللهم لا حسد ولكن وليتي بحال شي غول
فهد: هههه والله اخاي عماد نتا لي صدقات ليك
عماد: (ناض وعنقو) اهلا خويا فهد عاش من شافك
يونس: (بابتسامة باردة) السلام
فهد: (شاف فيونس لي قالو السلام ناقص فهم راسو انه غير مرحب بيه) وعليكم السلام عماد غير گر شنو الكالة صحيحة لي دخلاتك حتى دوزنا شهرين
يونس: عماد وقت لعشى!! هنا رآه غير برا كنتعشاو بكري حيت 4 خاصنو نكونو مصحصحين
عماد: وايلي على 4
فهد: هههه لا نتا حتى 12 ونوض تغدا ورجع نعس قلتلك عندك شي كالة صحيحة
عماد: هههه (مشا تبع يونس.. عماد 29 عام من عائلة يونس ولكن جمعاتهم الخدمة وولاو اصدقاء هو طويل ومفورمي بيض شعر بني عينيه فلون خضر، دخل لهاد الدومين حيت واليديه عياو معاه باش يجمع راسو لانه كان متهور ومقابل غير لبنات والمخدرات وشراب لذالك تدخل اب يونس والحاج من بعد الحاج كبير باش يقنعوه يخدم هنا ويتخلى على فكرة يعيش برا فعلا دخل على اساس طبيب عسكري)
عماد: بنتيلي معندكش مع فهد
يونس: نو عادي
عماد: الله يهديك اش عادي نتوما كنتو صحاب نهار عرفتك
يونس: حتى دابا حنا صحاب فالخدمة شتينا كندابزو بجناوا
عماد: امممم حيت هو للي سولني مالك معاه كتهرب منو
عماد: علاه مالو صاحبتي باش يقول هاد لكلام، فهد (وجهلو لهضرة امام الحضور) بانليك انا مسيف عليك
فهد: (كيشوف فعماد لي حمار وفيونس لي ملامحو باردة) اممم لا
الاستاذ: انساتي تشرفت بمعرفتكم نتلقاو فالحصص الجاية (بابتسامة) مع السلامة
رقية: (باعجاب) مع السلامه
عائشة: ولا وقعتي ومحدش سمى عليكي هههه
رقية: (بارتباك) زعما نكون عجبتو وهو محيدش عينو على شنايفك
عائشة: كنشم ريحة لحراق
رقية: هاهاها لا حويشتي مكنغيرش ولكن
عائشة: اوا هدا لي كنا كنقلبو عليه استاذ جامعي ساكن فاسبانيا كيقري 2 سوايع فالاسبوع وكيرجع لأسبانيا يعني غيكون لباس عليه زائد الوسامة الطولة التجريدة شنو بغيتي اخر وباش يختارنا حنا من هاد الكلمنيات رآه خاص تكون سميتك عيشة ورقية
رقية: هههه من فضلك انسة عائشة كيقولولي rokaya ماشي r9iya
رقية: وصافي بلا متفكريني بدوك الايام دزبل، اجي شنو بان ليك اليوم نمشيو ندورو
عائشة: المشكل فالجيران يوصلوها سخونة لريا
رقية: ريا دابا رآها كتقل معنها مدير حدها غير تهد علينا وصافي
عائشة: اوكي نمشيو نبدلو فالدار عاد نخرجو
خرجو لبنات من المعهد بقاو كيتسناو وشي واحد متبعهم من سيارتو لي كانت من نوع رانج روفر فلكحل ركبو لبنات فلباص وصلهم للحي بقات السيارة تابعاهم حتى دخلو بدلو حوايجهم وخرجو كيتسناو شي تاكسي دوز ولكن قليل منين كيكونو فهاد الوقت حتى
الاستاذ سامي: (وقف بسيارتو نزل الجاجة) انسات
عائشة: (باستغراب) استاد سامي
سامي: صدفة زوينة
عائشة: (كتشوف يمين ويسار) اممم نتا ساكن هنا؟
سامي: نو كنت عند واحد صاحبي ودزت من هنا (نزل من سيارتو) كتسناو شي واحد
رقية: ننننو كنتسناو تاكسي
سامي: (كيشوف فرقية وكيحك شعرو) اممم ممكن نوصلكم الا حبيتو
قصة سيدتي
محتوى القصة
التنقل بين الأجزاء