قبل ماتستوعب عطاها طرشة طيحاااتها للأرض، شداات على حنكها متألمة و متفاجئة عينيها محلولين فيه على آخرهم و فمها كذلك .. معارفة شنو وقع و معارفاااش واش هادشي بصح ولا كاتحلم ولا كاتخايل .. الطرشة اللي عطاها دوخاااتها، نيفها حساتو كايسيييل بشي حاجة سخوووونة .. قاصتو وهي تلقى الدم حمر .. علات فيه عينيها ثاني .. حنكها حمر و نيفها كايسييل، هو هززها ثااني من شدهااا موقفها بالزز منها، داااخت راسها تقلب بيها .. لااحها للفراششش بقوووة و بقا غادي جاي قدامها و هي باغا تستوعب شنو هادشي طاري .. تمتمات بصوت خافت شادة على نيفها اللي باقي كايسيل بالدم
-م مالك .. ع علاش ه هادشي؟؟
يعقوب دار عندها .. عينيه فحال عينيين دشي شيطان .. نظراات جهنننمية كايشوفها بيهم .. ضرببب يدو بقوووة مع الفراش قدامها نازل عندها و تمتم مغدد
-خاااااينة .. حمااااارة .. قحبةةةةةةة مكاتسواااايش، كادييرييي عليااا راك شرييييفة .. مباغااانيييش نقيييصك .. أحگاااااا راني عاطيييك الكلمة ولكن نتييي نيتك فشكااااال، ثاااقبك خطيييبك اللول و جااايا تمسكني عليااا انااااااا (عطاها بظهر يدو بطرشة اخرى حتى غوووتاتتت و راسها تضرب مع الفراش)
بقا كايمشي و يجي قدااامها .. مفقوووص، مغدد، معصصصصب .. حنا لداك التليفون .. هزو كان باااااقي شاااعل .. لاحو عليييها و هي معارفاش واش كاتحلم واش عايشة فواااقع ولا شنو طااااري
يعقوب بعصبية:شووووفي شنو مسيفطلك خطييبك و فهمي عااد غانجي نتفااهم مع طااااسيييييلت مكككككك، باغيين تتهناااو منييي و تتزوجيييه هو يااااك .. انا كشفتكم قببببل .. يالكلاااااااب .. نتييييي صلگووووطة .. مكاتسواااااايش هاااادشي اللي وليت نحسو جيهتك ماتستاااهليييهش ألحمارة
هناء كاترعد وتنخصص راسها داااخ بالطررش .. هزات التليفون مفاهمة والو .. حلاتو و طلات على الميساجات اللي بانولها اول ماحلاتوو .. ميساج ورا لاخر و عينييها كايتوسعوو .. كاتصددم و قلبها كايتزيير و تحرك راسها بالنفي .. علات فيه عينيها كاتحرك راسها بالنفي وتمتمات بنبرة خااافتة بالزز باش كاتسمع و تفهم
-و و والله حتىىى هاااادشي كووولووو كذوووب .. الله يرزيينييي فصحتي حتى كذوووب .. أ أناااا أنا عمررني خليتو يشدلي حتى فيدييي .. عمرني طلاقيتو وحدنا من غير واحد النهار تعرضلي فطريقي للخدمة .. أقسم لك بالله أيعق ب و ربيي شااهد عليااا 😭😭 رااااك ضااالمنييي .. اصلا تخطبنا يوماين و من بعد فسخنااها ب باشش نتزوجو انا وياك .. و واش فيوماين غايطرا هادشي كووولو! .. غي خدم عقلك هذا مسيفط هادشي بلعاااني .. انااا كنت سبييتو و جرييت علييه .. بقا فيه الحااال على داكشي كاينتااااقم .. كانحلف ليييك باللي خلقني و خلقك ايعقوووب يا حتتتتتى ...أااااي
خرسها بضررربة أخرى قاااصية متكييي عليها بنص جسمو كايغوووت عينييه خارجيييين:سكتييييييييي .. سكتيييييي ألكذااااابة سكتيييي، مغادوزيهااااش علياااا .. مغاتدوووووزش (زااادها طرشة أخرى و حنا يدو لقاميجتها كايقطعها عينو مضلميييين ... بلا مايدوي كايقطعلها فحوايجها و هي كاتبكي و تدفعوو و تفركلو تغغغغوت بصوت مكتوووم بيدو اللي شادة على فمممها .. حتى قلعلها گااااااع حوايجها حتى من الدوبياااس و هو ينوض من فوووقها كايغزز سناانو و يزيير على قبضة يدو)
-ماتفرحييش بزااف .. ماتحلميش نحوييك، درتلك هكا غي باااس نهييينك و نوريييك تلعبي عليا الشرررف والعفففة .. انا مكانقيييصش الشياطة د عباااد الله .. (عطاها بالظهر غادي جيهت الباب .. خلاها حاضياه كاتنخصص .. جرات ليزار مغطية لحمها و جسدها اللي ولا كايترعد و يتنفض .. عينيييها خاارجييين و قلبهااا طاااب من البكااا .. حاساه غايسكتتت جاااااهاا طنيييين قوييييي لوذنييييها .. حالة فشكل زارتها و نيفها دمو سخووون كايسيييل .. شدات وذنيها كاتحررررك راسها بلاااا و قلببها غايسكت بالشهييييق، "الظللللم" .. إحسااااس خااايب .. أنك تتضلم من شخص عزيز عليك .. من شخص فاش كاتشوفو قلبك كايخقق بشدة، كاتحس بالضيااع .. بالقسوة .. بالاشيء كايخليييك تتمنى المووووت على أنننك تحس بداااك الإحساااس الخاااايب .. قلبك كايتكوووى .. كايتلوىىى، كايضرررك و يقصحك، .. مكايستحممملش .. نفس الشي طراااا مع هنااااء .. حتى ماحسات براسها غي فاقدة وعيها فبلاصتها .. ترخات نفسها كايطلع و ينزل بقوووة و راسها تبلوكا .. مكاتحركششش فخطرة
🏮خرج من الغرفة ديالهم مغدد نااازل لتتتحت .. لقااا سمااارة و محمد چالسين فواحد البليصة فيها الفوطويااات كايضحكو و ينغز فيها و يتحدثو بصوت خاافت كايغازل فيها و هي كاتهمسلو و تقهقه بنبرة خجولة و حنيكات مزنگين، مشااا عندهم مخننننزر عينييه مضلميين و تمتم بنبرةة قاااسية
-غداااا غانرجعو بحالناااا (خلاهم كايشوفو فيه باستغراب و خرج من الأوتيييل هو فخطرة)
سمارة باستغراب:مالو هذا؟؟
محمد:ماعرفتش؟؟
سمارة:غانرجعو غدا؟؟
محمد:على حسب .. كانضن حنا نبقاو هنا .. هو لا بغا يمشي يمشي .. ندوزو شي شهييير هههه شهر العسل ياك
سمارة تبسمات بخجل و عنقاتو مخشييية فييه .. حتى هو تبسم كايدوز يدو على ضهرها و شعرها .. ماحسو غي برجليين وقفو قدامهم .. علا عينييه و هو يعقد حوااجبو
سمارة وقفات غاتلحقهم و هي تغمز سناء موظفة من الأوتيل جات عندها شداتها
-مدام بليز نقدر ندير معاك أسئلة و أجوبة .. انا نسولك ونتي تجاوبيني و لا جاوبتيني صحييح غاتربحي معانا هاد الطقم الألماسي (وراتلها واحد الطقم كايلمع .. كوليي و خواتمو و حوالقو و گورميطتو .. سمارة جاها عرض مغري .. تبسماتلها و جاوباتها بالأوووكيي)
أما لفوق فمشات سناء بمحمد لغرفة لفوق .. حلات الباب على جواهر .. كانت مسطحة فوق الفراش مكاتحركش .. قرب لعندها و شاف فسناء
-ناخذوها للسبيطار؟؟
سناء:لا .. انا غانعيطلها لشي طبيب .. يجي لهنا حسن غانخبرهم لتحت نتا بقا معاها و شوف واش تفيقلك
محمد ومألها:واخا
مشات سناء خرجات من البيت مخلية الباب عليهم مردودة .. خلاتهم بووحدهم و الشيطان ثالثهم
محمد حط يدو على جبهتها:جواهر .. واش كاتسمعينيي؟؟ (ناض من قدامها مشا للحمام اللي كان فنفس البيت، عمر واحد الطاسة لقاها قدامو بالما و رجع عندها .. جلس جنبها و رشها بشوية دالما .. غا رشها شهقاات حالة عينييها مخلوعة، محمد عقد حواجبو مستغرب و ناض وقف)
-شهاد الشي هذا؟؟
جواهر شافت فيه بثوثر كاتحنحن:احممم .. ر راسي ضااارني (شدات على راسها) هففففف شنو طرا؟؟
محمد بنظرة عصبية:جمعي مخك و براكة من التمثييل .. اللي كايسخفو مكايفيقوش هكا .. لاش باغا توصلي بهاد الفعلة؟؟
جواهر حركات راسها بلا:لا لا راه بصح ووو .. واش سخفت؟
محمد دار عاطيها بالظهر:بنتيلي فقتي (بغا يمشي و هي تنوض بالزربة نقزات عندو شداتو .. غي وقفات بانلو شنو لابسة .. مجرد شوميز دونوي سيكسي و قصيير مع كانت مغطية فوق الفراش .. صدرها نصو خارج و الشعر مطلوق .. شدات فيه كاتحنحن و تمحلس)
-اححمم محمد عفاك سمعني
محمد نتر يدو منها:شغانسمع و شهاااد قلة الحيااا .. نتي هي ديك البنت البرييئة اللي كنت كانعرف؟؟
جواهر صرطات ريقها كاترمش باستمرار:م مح مد
محمد قلب وجهو عليها:سيري غطي راسك و قلبي على ولد الناس اللي يقبل عليك .. أماا أنااا رااني بمرتي حاليا و مرتاح معاها
بغا يمشي و هي تلصق علييه عنقاااتووو كاتحرك راسها بلا:لا لا مابغيت حتى شي واحد .. انا باغاك نتااا .. محمد عفاااك شوووف فيااا (شداتلو فوجهو) .. أ أنا كاندير هادشي كوولوو على قبلك .. انا كانبغيك من زمااان واش محاسش بيااا .. محااسش بقلببييي .. ش شوووف (تعلات على صباع رجليها كاتبوس فوجهو و عنقوو و تتبحلس علييه و تقييص فيه بلا حياااء .. محمد كل اللي حس بيه هو التقزز .. بحركااتها ولا يشوفها كي شي عااهرة .. دفعها باللجهد مخنزر و غوت بصوت عالي)
-بعدييي ألق**** بعديييي غانغلط فطاسييلت مك
جوااهر ماسمعااتلووش نقزااات عليه ثااني و دفعاتو بقوتها كاملة حتى تراجع اللور و تعكل مع الفرااش .. طاح و جاات فووقوو، بغات تبوسو ثااني .. قلبهاا لتحت بالزربة باغي يتحكم فيها ولا يضربها يرعفها على الله يرجعلها العقل لذماااغها .. ولكن غا قلبها حطات فمها على فمو كاتبوسو .. باغاااا تجرووو ليييها بأي طريقة .. محمد يلاه بغا يدفعها سمعو شي حس قدامهم .. علا راسو و هو يجبد عينيه .. سمارة كانت قداامهم نييشان .. عينيها عليه و علييها، الدموع كايسيلو من عييينييها و الصمت سيد الموقف .. صرط ريقو عاض على شفتو التحتية بقووة، ناض وقف باغي يقرب عندها يشرحلها و هي ترجع اللور كاترعد و تحرك راسها بلا
سمارة بنبرة منغنغة:ماتقيصش فيااا
شافت جيهت جواهر اللي مقادة گلستها و مبتاسمة كاتشوف فيها بشر، رجعات شافت فمحمد كاترعد و تمتمات بصووت مرعود
-ع علاش؟؟ شنو فيها زايد عليا؟؟ ع علاش ك كاتخوونييييي .. هادي هي الهضرة .. اللي كاتضل تثبتني بييها؟؟
محمد:س سمارة فهمتي غلط والله حتىى
سمارة ببصووت عاالي مخرجة فيه عينييها:شششڜڜشششششش .. هششششششش غيييييييي سكتتتتتت .. سكت ماتدويييش صااافي خلييييك معاهاا كملو على اللي بدييتو و فاش تسااليو .. وجدلي براااتي حيت باغا نطلللق مباغاش نكون زياادة ولا فآخر ايامي تدخل عليا ضرةة .. تفووووو (دفلات فالارض كاتشوف غي الحمورية قدامها)
خلاتو و مشات خااارجة كاتجرييي .. كل اللي حاسة بيه فهاد اللحضة .. "صدمة" .. مشاعر حسات بيهم فأيااام قلييييلة خلاوها تفشل .. تبكيييي و تتعذببب .. قلبها كايتعصصصر .. كاتفكر منظرهم .. كان فووقها كايبووسها .. كيفما كايديير معاااها كان كايدير مع لوخرى .. وصلات لباااب الأوووتيييل .. غي كاتجري و تمسح فعينييها .. خرجات براتو كاتشهق و تتضارب مع الناااس اللي كايدوزو قدامها حتى تجبدات من يدها بقووة .. داااارت مع الدوورة مع عنقهااا بقووة كايتمتم بنبرة عالية
-راااك فهمتي كووولشي غلللط .. اقسم بالله مابغيت نقيصها هي اللي تلاحت عليااا .. نتييي راكي هي الليي....
دفعاااتو كاتضرب فيييه فوسط الشااارع و بدات كاتغوووت بصوووت عااالي صاااعرة:بععععععععععد منيييييييييييي .. وااااابعععاااااااااااد (عطاتو طرررشة لحنكووو) ماتقييصنيييش بيديييك الموسخيييين .. سير عندهاا علاااش تااابعنييي .. طلللللقنيييي و تزوجها نتااا گاااااااع .. مغانسمحلللكش تضحك عليااا مزااال بهضرتك .. كذااااااب (خلاتو كايشوف جيهتها مكووور قبضة يدو و رجعاات دخلاات للأووتييل كاتجري و تشههق .. تأفأف بصوووت عاالي و مشا داخل حتى هو للأوتيل .. مزادش تبعها بغاها حتى تتهدن و يشرحلها كووولشي باللتي هي أحسن)
بقا برا شحااال غادي جاي كايتفكر اللقطة اللي شافها واقفة عليهم .. عذرها .. هو بيدو و يطيح فداك الموقف و يشوف مرتو مع واحد فغرفة وحدة و كايتباوسو .. راه يقتلها ماشي غي مايبغيش يسمعلها .. خصوصا انه كايشوف بعينو المجردة ماشي شي حد قالهالو .. زييير على قبضة يدو بقووة و رجع للاوتيل .. دخلو مغلغل طالع لفوق عاقد حواجببو .. مشا مبااشرة لغرفة جواهر .. دفع البوانيي بقوة كانت الباب مسدودة من لداااخل ضرب بقبضة يدو بقووةة مع الباب و غووت
-حلييي ط**نمو هاد ال*ب
جواهر كانت قبالت المراية كاتشوف فوجهها و مبتاسمة من داكشي اللي صنعات .. حتى سمعات الخبطة مع تخصار الهضرة .. صرطات ريقها عينيها خارجين و تمشات ببطئ جيهت باب البيت .. تكات عليه خايفة .. حتى قفزات ثاني من ضربات متتااالية و صوتو العاالي كايتردد صداه فوذنيها
-حلييي ابنت القحححبة .. حليي نوري دييينمك انا تديريني لعبة .. نتييي هي اللي مانشووفش فييك .. يالجيييفة .. حاشيتهالك يوماين طلعتي فالسما، واش حاسبة كرك شيي حاجة .. انا مراااتي كانبغيها و مغانفرطش فييها .. كيتك نتيييي اللي وليتي فنظري مجرد قححححبة مكاتسواااش
جواهر عضات على شفايفها بقوة عينيها دمعو كاتصنطلو .. مدارت حس .. مانطقات ماتكلمات .. اما محمد فكايدق جااهل باغي يضررب، حتى تحلو جوج غرف من دوك اللي فداك الكولوار كايطلو عليه نزلاء الفندق و يوشوشو .. خنزر فيييهم و ضرب ضربة وحدة فداك الباب مغزف
-باقي نطلاقاو و نزوق دينمك .. باااقييييي
(ضرب الباب برجلو و مشا هابط فحالو لتحت صاااعر .. عروق يدو برزو و تطراساو مع عروق جبهتو ولا كاايغلي كي المقراج الحامي)
🏮فغرفة من غرف الأوتيل🏮
گالسة ياقوت دايرة رجل على رجل، و سليمان كذلك .. بعاد على بعضهم
سليمان بهدوء:باغا تخرجي؟؟
ياقوت لاعبة فالتليفون مداياهاش فيه .. كاتغوووت و تركل الهوا:قتتتلووو قتتتلووو وماااالك أصاااحبييي قتلوووو
سليمان شاف فيها معلي حاجبو:اياااه .. انا اللي خاص دينمي العصا
سليمان ناض من جنبها غادي جيهت تليفونو .. هزو و قرب عندها نترلها التليفون
ياقوت خرجات فيه عينيها:واااااالاااااا شدررتيييي أزززمر
سليمان غمزها و گلس جنبها .. مدلها التليفون بعدما خربق فيه و فديالو و گلس جنبها:نديرو طرح أنا ويااك
ياقوت صغرات فيه عينيها و نتراتلو التليفون:واوجد راااسك تخسررر
سليمان تبسم بالجنب و بداااو اللعب بزووج .. هذا يقتل فهذا و هذا يجندخ فهذااا حتى ربح سليماان .. ياقوت شافت فيه مصدووومة و بالزربة غفلاااتو تلاااحت عليه كاتضربو لرااسو و تغوووت
سليمان تبسم كايشوف فوجهها .. كانت متكية فوقو، وسسع ابتساامتو كايشوووف فييها و هي كذلك سكتاات .. وقع بيناتهم انجذااب كبيير و تواصل نظرييي طويييل .. هي فوقو و هو ساااهي فيها .. تبسم ابتسامة خفييفة و حط يدو على حنكها كايتمتم
-واخا مشاغبتك هادي .. إلا أنكي عزيزة عليا .. وليتي بالنسبة ليا شخص عزييز
ياقوت علات حواجبها كاتشوووف فيه باستغراب حتى طلقاااتها بضحككة عااالية و ناضت من فوقو كاتقاد شعرها ورا وذنيها:هههههههه واطلعتييي عناااااب .. وااعنيييبة
سليمان تبسم بهدووء كايحنحن .. بكثرة ما سهى ماحسش براسو شنو نطق .. ناض وقف كايمسح على شعرو و تمتم مدور راسو:مالكي مبرهشة هاكا
ياقوت عوجات فمها كاتمتم:و نتا هو اللي عمرك تكون عزيييز عليااا .. نتا هو الدممم دسناااني تفووو على بشااار
سليمان خنزر فيها و مشا جيهت باب البيت .. حلو و خرج فحالو خلاها حاضياه معوجة فمها
سناء بشر:و بهكا كولشي غايرجع لأصلو .. جواهر بشراتني و كولشي داز كيفما بغينا مع محمد و ديك الكلبة .. أما هناء نتسناو غي تصايب التليفون و غاتفجججر القنبلة .. اما بالنسبة لياقوووت .. هاديك أول مانرجعو غاتتفجر قنبلتها
سناء غمزااتو:كوولشي غايمشي على المخطط و حتى حاجة مغاتفشل .. ديك العائلة الحقيييرة مستحييل يبقاو مناسبين معااانا مستحيييييل😈
🏮المساء🏮
الليل خيم على الأرجااء و هناء فالبيت مازاالت فااقدة وعييها كيفما بقات .. فطناات و حلات عينيها بالزز كاترعد بوحدها و نفسها غير منتظم .. شافت حواليها فالأرجاء باقا فنفس البيت و بنفس الحالة .. يعني حد مساقلها الخبار، علات راسها بالزز عيينيها كايشوفو الضبااابة و قلببها مزييير .. كرهاات يعقوب كررره كبيييير من تصرفو معاها .. ولا يبانلها كحل، كاتفكر هضرتو و تصرفو و تزيد تحقد عليه .. شرحاتلو و محاولش يثيقها .. لهاد الدرجة تعمى، لدرجة يتاهمها فشرفها اللي عمر شي حد مسها فيه .. راجلها اللي بدات تميلو .. تاهمها فيه .. فشرفها و عفتها و عذريتها و نقاوتها، فنقاوة روحها البريئة .. كاتفكر شنو قاالها و كي تصررف و تشهق بضعف، ضعفات و تألمات .. خصوصا ان قلبها ولا كايبغيه و تعلقات بيه .. كسرها و ضلمها .. دخلها لواحد الدواااامة دالاحباط .. دالكره ليه و حتى لقلبها اللي خفقلو فنهار من النهورة .. تمشات بخطواات متثااقلة جيييهت الحمااام .. عينيها بالزز باش حالاااهم .. حاسة بالفشلة و الدنيا كادووور بيييها، عريااانة بالكاااامل .. تفكرات مللي قلعلها حوايجها باش يهينها .. زيراات على قبضة يدها بقوة باغا تندمووو .. باغاه يحس بإحساسها هذا مضاعف .. دخلات للحمام ..مشات مبااشرة للرشاااش .. طلقااات مااا حاااامييي و بقات تحتوو كاتشهقق و الماا مكبووب عليييها .. فزگااات بالكااامل .. كل شوية كاتشهق و تتفكر شنو طرااا .. فعلااا إحساااسها حااليا لاااا يحسسسد عليييه .. مايفهمها حد من غير راسها .. شكون كان يقول هناء الفتاة الشجاعة القوية .. غاتضعف لهاد الدرجة
💡فغرفة أخرى💡
سمارة فوسطها و سادة عليها الباب بالساقطة .. البييت مرررون تروااان و عينيييها حمرييين منفوخييين بكثرررة مابكااات .. تفكيييرها حااليا فحاااجة وحدة .. شنو فلوخرى حسن منها .. علااش كذب علييها .. علاش طمعها و خلاها تبغييه و تطييح فييه .. واخا ايامات قلاال إلا أن الحب مكايعرفش موعد .. يقدر يكون بعد معاشر طوييلة .. يقدر يكون من أول نظرة .. يقدر يكون بعد اسبوع ولا اسابيع قلاال .. جرح الحب جرح عميييق .. كاايخليي موولاه يحسس بالألللم .. ألممم كبييير فقلبوو .. و فعلاا هادشي اللي حاساه .. ماكرهااتش تشد قلبببها و تخرررجو من بلااصتو .. حيت كايتألم على واحد مكايستاهلووش
.. ماكرهااتش تشد قلبببها و تخرررجو من بلااصتو .. حيت كايتألم على واحد مكايستاهلووش، علاش غايستاهلو و هو خانها فأول فرصة بقا مع حبيبتو اللولة بوحدهم فغرفة وحدة
💡أما فغرفة ياقوت💡
طلبات عشا خفيف جابوهلها لبيتها .. ماخرجاتش و مامشاتش عند ختها قالت تقدر تكون مع يعقوب و مباغاش تقاطع عليهم الجو .. حيت شافتها مقلقة منوو ضانة منها راه كايراضيها .. أما سليمان ف ملي خرج مارجع .. دااازت مدة ماطوييلاش عاد دخل محسن شعرو و هاز واحد التشاميرة جبلية .. جلس فوق الفراش كايتبسم بووحدو .. خلا ياقوت مستغربة ليه
شاف فيها كايضحك:البنات هنا زوينات هههه الشمال زييين
ياقوت خنزرات فيه:عاودها أزين؟
سليمان:مالك كعيتي ولا؟
ياقوت:وعلاش غانكعى بالسلاامة!
سليمان:هههه لا والو .. شفت واحد البنت غزاالة صراحة
سليمان تبسم ابتسامة خفييفة .. ملامحها كايعجبووه .. خصوصا مللي كاتخنزر و تقلق .. و هادشي اللي كان باغي هو .. غيي يقلقها شوية .. مشا للحمام يدوش يحيد الزغب و هي تغطات فوق الفراش كاتنگر
-تفووو .. سافرنا نشوفو الشمال صدقنا گالسين هنا و لكن غدا و الله حتى نمشي نبحر .. الحماار لاخخر قاالك شاف بنت زويينة .. أصلا نتي علاش معصبة أياقوت .. يعاودها لمخووو (نعسات على ضهرها كاتشوف فالسقووف) ولكننن هاكا كايهييينني أنااا .. بالحمااار لاااخر اووووف الله يعطيه موووصيييييبةة و موووصيبات و مووووصييبتينِ بالمگرسن
نعسات و هي كاتنگرررز و تدعي عليه .. تعصبات و معارفاش علااش .. كاتفسر تعصابها على أنه هاانها و لكن الحقييقة راها مدفوونة فوووسطها قرريييبة تبدا تبان لا بقا على هاد التصرفاات الخفيفة .. بدون عنف و بدون كلام خاسر
🌤صبااح جدييد🌤
الليل كاامل مانعساات .. شقييقة فشكل شدااتها فراسها طيرات النعاس من عينيها و حنوووكها مزنگييين ملامحهاا متشنجييين و قلبببها كااايحرررقها .. تصرف يعقووب ماتنسالهاش و عمرو يتنساالها اصلا .. إهاانتو و شنو قااال عليييها كاتطلع و تنزللل فيييها كي العاافية .. فحالا عندها منسار فقلبها كياكل فيه، هي ماشي من النوع اللي تسكت على حقها .. ناضت جاالسة شادة راااسها كتأفأف .. ناضت بقلة صبر .. هزات عبااية لواتها عليها هي وشاال و هزات بزطاام صغير كادير فيه الفلوس و خرجات من البيت نازلة لتحت .. الحريق فراسها مابقاتش قادة عليه .. مخططة تمشي لشي فارماسيان تشري شي دوا على الله يخفف عليها الوجع، خرجات من الأوتيل كاتمشى ببطئ دازت من قدام طموبيلت محمد مشافتش فيه و هو أصلا كان ناعس فوسط الطموبيل .. باغي حتى تتهدن سمارة و يدوي معاها باش يشرحلها .. كملات طريقها كاتدور فعينيها و تقلب على شي فارماسيان قريبة .. تقريبا دازت من زوووج شواارع عاد بانتلها وحدة .. دخلاتت كاتسد عينييها و تحلهم .. الضبااابة نزلات على عينييها .. حطات يدها على الطابلة كاتشوف فبنت خدامة فالفارماسيان .. حلات فمها غاتدوي و هي تنزل علييها الكحووولة على عينييها ضبابة فشكل غشاتلها عليهم .. رجلييها ماقدااتش تتحكم فييهم خوااااو بيها و قلبها تقبببط .. احسااس فشكلل شدها حتى طاااحت على طووولتها .. حتى تجمعو عليها اللي كانو فالفارماسيان كوولهم حتى الموظفيين دياالها كايحاولو يفيقوها ولكن وااالو .. مغمى علييها فخطرة .. وقفات موظفة مشات تعيط للإسعاف ينقلوها للمشفى و هي على حااالها مكاتحرك ولا تململ و نيفها بدا يسيل شوية بالدم
⚡دااز وقت كثير⚡
يعقوب داخل مع باب الأوتيل باقي على حالتو دالبارح .. مغدد .. معصب .. مغلغل .. مكايقشعش قدامو و بكثرة مكايتعصب كايبقى يقول غي اللي جا فبالو بلا مايفكر، مشى بخطوات سراع طالع للبيت الفوق ديالهم هو و هناء .. حل الباب داخل مخنزر كايوجد كلمات يسممها بيهم ولكن مبانتلوش، علا حاجبو باستغراب و مشا جيهت الحمام دفع الباب بقوة داخلو ولكن مبانتلوش .. خرج من البيت ديالهم مخنزر و مشا للبيوتة اللي جنب بيتو .. هوما نفسهم دسمارة و ياقوت و سناء و جواهر و رضى .. كل وحدين خداو شومبر .. دق أولا على ياقوت .. حلاتلو بالزربة مع كانت بحوايج الخروج مخططة تخرج، هو دفعها و دخل كايقلب فالبيت بلا مايدوي .. مالقاهاش .. خرج من البيت و غي وصل للباب تمتم بحدة
-وجدو راسكم واحد الشوية غانرجعو فحالنا
مشا جيهت البيت عند سمارة .. دق حتى قربات للباب بشويييية و كاتمسح فدموعها اللي باقيي مابغاوش ينشفو
سمارة:شكوون؟
يعقوب بقلة صبر:هناء معاك؟؟
سمارة من ورا الباب:لا مكايناش
يعقوب ضرب على الباب بقبضة يدو حتى قفزات سمارة و تمتم بعصبية:وجدو راسكم غانرجعو اليووووم
مشا لباقي البيوتة كايقلب مالقالهاش أثررر .. زااااد تعصب كثر .. نزل لتحت كايقلب فالأوتيل مبانتلوش، داز من قدام محمد مخنزر .. كان داك الأخير كايتكسل داخل .. وقفو قبالتو مخنزر
-شفتي هناء؟؟
محمد باستغراب:لا .. علاش؟؟
يعقوب خلاه مغدد غادي كايقلب فأركااان الأوتيييل و يتمتم بعصبية شديييدة:فين صفيتيييي ثاني فيييين .. اععععععع (ضرب واحد الديكور كان دايز من قدامو و كمل طريقو معصب .. فين غاتكون مشااات و فين صفاااات و هي فهاد المدينة الغريبة .. وقف فوووسط الأوتيييل كايدور فراسو بحيييرة و غووووت بنبرة عاالية حتى شافو فيه گااع الناس اللي كانو دايزيين من جنبو) فاااااااااايييييينننننننك أهنااااااااااء ..
💡في مكان آخر💡
بالضبط فغرفة بإحدى المستشفيات بمدينة الشاون .. كانت مشفى زوينة و فيها شوية الضو مباينش فيه مشفى عمومي .. نااعسة هناء صاحبة البشرة الشااحبة .. مرهقة مكاتحركش .. حلات عينييها بالزز كاتزيييرهم و تعاود، شافت فجنابها لقات راسها بوحدها .. ولات كاتحس بأنها بوحدها فهاد العالم، .. حتى واحد مامعاها .. لدرجة حتى هداك اللي كانت بدات تحن عليه و قلبها يضرب لييه .. نفراتو و كرهاتو بتصرفاتووو .. لا من الدق اللي ضربها ولا الكلمات اللي جرحها بيهم .. ناضت چالسة كاتشوف حواليها .. كانو عدة أسرة فالغرفة، كاينين العامرين .. كاينين الخاويين .. بغات تنوض و هي تحس بدوخة شدييييدة .. غمضات عينيها بقووة كاتزييرهم .. علات يدها شادة راسها و هو يبانلها السيروم لاصق فيدها .. تنرفزات كاتأفأف و حطات يدها عليه غاتنترو باغا تنوض حتى سمعات صوت من قريب كايتمتم
-لااا أبنتي خليه حتى يسالي و حيديه
هناء علات عينيها التعبانين فيه:شكوون جابني لهنا؟؟
-فقدتي وعيك و جابوك لهنا .. أنا الدكتور اللي شرفت على حالتك .. صراحة كان عندنا صعوبة كبييرة باش نفيقوك
هناء شافت فيه باستغراب بلا ماتدوي:😥😥
الدكتور چلس جنبها كايتنهد:صراحة كانت حالتك مفشكلة .. ماشي حالة وحدة سخفات سخفة عادي زيادة على الزنفرة اللي تزنفرتي من نيفك، بغينا نشوفو واش الطيحة اللي اثرات عليك ولا حاجة اخرى .. على داكشي اضطرينا نديرولك تحاليل فالعشية غايخرجو النتائج
هناء بتعب:و و نقدر نخرج دابا؟؟
الدكتور:لا أبنتي حتى للعشية .. حاليا معارفينش واش نقدو نطلقوك ولالا
هناء ومآتلو براسها بهدووء بلا ماتقول لا لااا لا أه .. غمضات عينيها حاسة بالتعب و نعسااات فدقيقتها
🕯فالأوتيل🕯
مجموع الجميع لتحت قدام الإستقبال دالأوتيل ببالزهم و حاجياتهم .. يعقوب كايمشي و يجييي مخنزر و مغدد سنانو كل شوية كايحكهم مع بعضهم .. قلبو مامهنيهش .. خايف عليها و محمد كذلك مشوش هو و يااقوت
محمد بتسائل:مايكونوش هنا كاميرات نشوفو فوقاش خرجات وواش خرجات اصلا؟؟
يعقوب شاف فيه دغيا و زرب عليهم جيهت الإستقبال كايتمتم:كاينين كاميرات هنا؟؟؟
الموظفة:اه اسيدي كاينين فالكولوارات و فباب الأوتيل
محمد:نقدو نشوفوهم .. تلفاتلنا واحد البنت و محتاجين نعرفو فينها ضرووورييي
ياقوت قربات عندهم كاتدوي بترجي:عفاك اختي عاونينا
الموظفة شافت فيهم كاتحرك راسها حواليها و تمتمات بنبرة خافتة:غانعيط للمسؤول و شوفو معاه
هزات الفيكس ديالها كاتعيط و هوما كايشوفو فيها باغيين يعرفو أش طرا و كيفاش خرجات و يااا ترى فين غاتكون مشات!
🏮في تمام الرابعة مساءا🏮
داخلة هناء لمكتب كاين فالسبيطار مع الدكتور اللي دارلها التحاليل .. تسالالها السيروم و فاقت قباايلة، جلسات قدامو فكرسي مفارق بيناتهم البيرو و هو هز دوك التحاليل حلهم كايقرا فيهم .. مدة طويلة دازت عليه كايقرا فيهم بجدية، علا فيها عينيه بنظرة فشكل و ملامح عليهم حزن و عبوس
هناء بتسائل:شنو عندي أدكتور؟؟
الدكتور تنهد كايتمتم:نتي أبنتي باقا صغييرة و فرص كثييرة عندك .. يعني ماتفقديش الأمل من الشي اللي غانقولك .. و نقدرو كاع نكونو غالطين فالنتيجة واخا هاد الاحتمال غير وارد، تقدي تعاودي التحاليل
هناء باستغراب:م مافهمتكش!!
الدكتور:صراحة من خلال التحاليل و النتائج اللي عندي هنا، راك مريصة بورم خبيث فالرأس .. أي عندك سرطان ابنتي
هناء بعدم استيعاب تبسمات:هههههه كاضحك معايا؟؟؟ كيفاش هاد النكتة ثاني
الدكتور حنا راسو للوراق بهدوء كايتمتم:يا ريت لاكان فهادشي الضحك و لا تنكيت ولكن راه بصح .. ولكن الحاجة الزوينة أنه عاد بادي فيك غي فترة قصيرة .. مبانش الأثر ديالو حيت كان باقي فأولو ولكن بنتيلي مضغوطة ولا وقعاتلك شي حاجة تعصبتي بزاااف لدرجة بان أثر المرض دغيا و حتى الزنفرة مكانتش طبيعية .. كايبانلي تضغطتي
هناء بقات مصدومة فيه .. هو كايدوي و مكاتسمعوش .. مجرد طنييين فوذنييها .. عينيها دمعووو و قلبها تقبض، مريضة و فهاد السن و "بسرطااان"، يااااه شحال كبييرة ديك الكلمة .. لا سمعتي شي حد غريب مريض بيهه و كاتخلعي عااااد لاكنتي نتيي مريضة بيه .. قلبها تزيييير و جمعات وقفتها بلا ماتشوف فالطبيب، هو وقف مقرب عندها
-عفاك أأنسة صبري واحد الدقيقة (دار لوراه) هادي نمرتي لابغيتيني نعاونك باش تتعالجي .. رااه كااين أمل و أمل كبيير بزااف .. تقدري تتعالجي غي بالأدوية و جلسات العلاج بالكيماااوي
هناء ومآتلو براسها بلا ماتعرف شنو قال وذنيها كايصفرو و عينيها جامدين مكايرمشوش .. خدات من عندو الكارط اللي فيه النمرة .. خارجة كاتزطم خطوة هنا و خطوة لهيييه .. مرفووعة و قلبها الله بوحدو اللي عارف شنو فييه .. كيفاش و علاش و فوقااش .. أسئلة جااو لذماغها .. كيفاش مرضاات؟ .. علااش هي؟ .. و فوووقاش مرضااات؟؟ يعني حاجة مكانت لا على البال ولا على الخاطر
وصلات لباب المشفى، حنات چالسة فالأرض و عييينيييها مدمعييين .. الناس داخلين خارجين و هي جاااامدة فبلاصة وحدة، كااتفكر شحال يكون باقيلها باش تموت و تودع هاد الدنيا☹️☹️
🏮الأوتيل🏮
سناء و رضى و جواهر .. سبقوهم شدو الطريق لتارودانت من زمااان .. جواهر ماقداتش تبقى مزال تما من هضرة محمد و شنو قالها، زيادة على انهم باقيين كايوجدو فالخطط باش يطيحو اللي بقاو فالشبكة .. أما البقية فجالسين ففوطويات لتحت كايفكرو فين تكون مشات، طلو على الكاميرات .. بانتلهم خارجة .. باينة فحالا عيانة .. ماعرفو فين يمشيو يقلبو علييها .. حتى البوليس خاص حتى يفوتو 24 ساعة .. قررو يتسناو شوية لا ترجع .. دازت تقريبا شي ساعتاين باش شافو فالكاميرات، محمد كايشوف فسمارة باغي يدوي معاها ولكن مشوش على ختو كثر .. أجل هضرتهم للوقت المناسب .. هي گاع مكاتشوف فيه جالسة مع ياقوت كاتهدن فيها حيت خافت على هناء بزااف .. أما سليمان فحاضي الأجواء مرة يشوف فخوه مرة فمرتو مرة ختو .. بانولو الأجواء مشحونة حتى بين محمد و سمارة .. تأفأف ووقف غادي جاي قدامهم، دازو سااعاااات أخرييين ماحسوو غا بيعقوووب غوووت بصوووت عاالي حتى قفزو
-فييين غاتكووون مشاااات فيييييين (ولا كاينهج عينيييه خارجين .. الصبر تقادى .. نهااار كاااامل كايتسناوها و مجااتش .. طاااح الضلام و فااات و ماسمعو عليها حتى خبار النعاس بظا يغلب ياقوت و سمارة اللي عياو .. حتى فجأة شافو كوولهم دقة وحدة لتليفون محمد كان كايصوني .. هزو كايشوف المتصل كانت سناء .. تأفأف و حط التليفون على وشنو .. غي جاوبها عينييه خرجو كايتمتم بصدمة)
-جاات بوحدها؟؟ .. كيفاش ثاني .. صافي هاحنا جايين صافي
قطع عليها و شاف فيعقوب معلي حاجبو باستغراب:رجعات فحالها للدوار
يعقوب خرج فيه عينيييه:ش ششششنووووو (تغدد بووحدو كايغزز سنانو و مشا جيهت خااارج الاوتيل كايتمتم بينو و بين نفسووو) غايكوون جا ورااها و هو اللي خدااها .. فاش تكشفاات عيطااتلو بنت اللللل... (سكت مامكملش الكلمة و ركب فالطموبيل .. ديماااارا بسرررعة حتى تكحطو الروايض فاللرض و نطاالققق مكايقشعش قداامو)
البقية شافو فبعضياتهم باستغراب .. عينين سمارة تلاقاو مع عينين محمد .. بغا يقرب عندها يشد فيها .. مشات مزروبة سابقاه و ركبات فالطموبيل مع سليمان و ياقوت، خلاتو كايشوف جيهتها باغي يمتاالك أعصاابو و مشا حتى هو لطموبيلتو ركببب و نطاالق فحال حااالة يعقووب .. بسسسسرعة حتى تكحطو الرواايض مع اللرض .. خلاو ياقوت و سليمان كايتشاوفو باستغراب و ركبو حتى هوما فالطموبيل كايشوفو فسمارة باستفسار، هي مداتهاش فيهم .. كحزات للباب دالطموبيل كاتطل لخارج الطموبيل مهبطة الزاجة و البكية شداتها ثاني كاتفكر اللقطة اللي شافت محمد فوق جواهر، قلبها كايتعصر و نفسها محقوون فعنقها
وقفات سيااارة يعقوب جنب الفييرمة .. بعد طوول الطرييييق من الشااون لتاروداانت .. كانت الطريييق طوييييييييييلة ولكن قصرها بالسرعة اللي مشى بيها .. وصل تقريبا موووور الفجر بساعة نزل من الطموبيل مغدد .. دخل لدااخل كان الصقييييل و السهاات، طلع لفوق مكايقشعش قداامو .. مشا لبيتها مبااشرة حلو و دخل جااهل .. كان الضلااااام فالبيت، شعل الضو داخل .. بانتلو فوق الفراش .. گالسة و مكورة على بعضها، ماتحركات ماتململات .. قرب هو حتى لعندها مخنزر زحزحهااا بقوة حتى علات راسها بشوووية شافت فيه .. عينيها منفوووخيين بالبكاا و مجبدييين .. بشرتها شاااحبة و التعب و الصدمة باينين فيها .. حس بقلبو نقز من منظرها .. هي تبسمات باستهزاء كاتشوف فوجهو و ملامحو .. كان فاللول مخنزر ولكن غي بانتلو حالتها مكاتعجبش حنحن و تمتم بجدية .. كايشوف فيه بخوف دافنو وسطو
-شنو هاد الفعلة درتي؟؟ معامن جيتي لهنا!
هناء ببروود:جابني هداك اللي على بالك هه
يعقووب تنرفزز من هضرتها شدلها شعرها بين يديييه مزيييييرو و شدلها ذقنننها بقووة حتى تقصحااات و تأوهاات بصوت خاافت
-ب بعد كاضرنييي (مرخيييية و هضرتها ثقيييلة)
يعقوب كايشوف فيها بنظرة نااارية و مخننزر فيها تخنزيييرة دالمووت بقا كايشوووف فيها فعينييها و يزييرلها على ذقنها و هيي باااينة كاتوجععع .. طلللق منهااا بطريقة فحالا مشششمئززز كاينفض يدييه .. طلعها و نزلها بديك النظرةة المشمئزة، و دفل فاللرض كايتمتم
-ماتستاهلييش نوسخ فيك يدييي
هناء بنبرة مرعوودة كاتشوف فيه مزيرة على ذقنها بيدييها .. خط من الدمووع سال من عيينييها .. مسحاتو بالزز كاتهمس:مابقيييتش كانحملك
يعقوب:أنااا كثثثثر ثيقييينيييي
هنااء مسحاات عينييها بقووة و ناضت وااقفة مخرجة فيه عينيها صدرها كايطلع و ينزل بقووة:لا كان هكااا ط ط طلقني .. م ماااابقييتش حاملة نشوف فيييك .. ن نتااا..
قاطعها يعقوب بضحكة عاالية مستفزة:ههههههه نطلقك؟؟؟ ههههههههه هادي اللي ماتحلمييش بييها .. غاتبقاااي على سميتي و فحال اللي قلتليك فاللول .. غاتكووني كاادر ماشي غي مهرسس .. غايكونو باققديين منك غييي شقوووفة .. عمرني غانعطيك الفرصة باش تمشي لعندو .. باغا تطلقي باش تتزوجي بييه، حلمي أزوينة .. ههه ولا لااا .. الزوينة مجاتش معااه، غانقولك حلمي ألموووسخة
دار خارج من عندها خلاها حاضياه كاتعصصصر و ترررعد .. قلببهاا تزييير عليييها و النعاااس مباغييش يزورها، من اللي سمعات داك الخبر تشقلبات حيااتها و خسرات .. و فاش خسراات، خسرات دقة وحدةة
🌤صباح جديييد🌤
على طاولة الفطور عند عائلة مالك
چالسة جل العائلة فوق الطبلة مااعدى يعقوب .. هناء .. سمارة ومحمد
سناء كاتشوف فالكراسة الخاويين:علاش مانزلوش هناء و محمد! مغايفطروش؟؟
الحاج منتصر خنزر فيها:سنااء .. خليهم مع رجالاتهم
سناء عوجات فمها للجنب:ايوى شلاا
ياقوت بعبوس:عمتي مالك حاضياهم .. ياكي حياتهم هاديك!
سناء:دابا نتي غاتحاسبي معايا؟؟
ياقوت خنزرات فيها:براكة من الحضية و صافي .. بانولي فحالا عندهم شي مشكل
سناء بهمس لراسها:قريب حتى نتي و الزوين دراجلك غايكون عندكم مشكل هه
علاو راسهم دقة وحدة مللي سمعوو فحال صوت التهرراس قريبلهم .. داارو بانتلهم سمارة و محمد قبالت بعضهم .. هي دفعاااتو و لاااحت ڤاااز فالأرض بقووة كاتغووت
-بعددد منيييي ماتقييصش فيااا ماتشرحليييش .. صااافي انا مبااغااكش .. طلللقني تفاارق معايا و سير عند هااادييك اللي كاتبغيها من اللوووول، مستحييل نقبل نكون ضحكة بيناتكممم و فاللخر تدخلها عليا ضرة
الحاج مختار قرب عندو مخنزر كايعكز بعكازو:اش طاري هنااا؟؟
سمارة دارت عندو بغات تدوي و هوما يدورو على صوت حليمة اللي جايا كاتجري
-السي سليمان السي سليماان السي سليماان
شاف فيها سليمان باستغراب:مالك؟؟
حليمة كاتنهج و تشير جيهت الباب:كايقلبو عليك البوليس
سليمان علا حاجبو كايشوف جيهت الباب .. تمشى مستغرب جيهتو و رضى شاف فمو كايغمزها و رجع شاف فياقوت بخبث
-غاتولي ديالي ديما .. عن قرييب ههههه
خارج يعقوب من بيتو كايشوف فساعة يدو مخنزر .. مودو تقلب فهاد اليوماين .. حتى سمع صوت الغواات من لتحت، مشا بالزربة ناازل لتحت غي هبط بانولو البوليس كايمينطو خووه .. مينطولو اليد السليمة مع يد بوليسي من اللي جاو عندهم و خدااوه معاهم .. رقيية كاتغووت و تدففع فرحييمو و حياة اللي شاديينها و هي واالو صااعرة كاتغووت
رقية شافت فيه كاتشهق و قربات عندو كاتجري:ولدي عتئ خوووك عتئووو .. غياخذووه للحبسس😭😭
يعقوب غي سمعها خرج كاايجري تابع البوليس يستفسر منهم .. و البقية بقاو كايتشاوفو مستغربين
هناء نازلة من الفوق صوت الغوات فيقها من النعاس اللي ماذاقتو حتى للصباح .. شافت فختها مستغربة
-مالكم
ياقوت شافت فيها عينيها مدمعين .. هي براسها معارفاش علاش كاتبكي عليه .. عنقااتها كاتنخصص و تمتمات بصوت مرعود:خ خدااوه للحبس .. س سليماان شدووه البولييس
هناء حاوطاتها عاضة على فمها بحيرة و بدات كاتطبطب علييها .. الفيرمة تقلبات سفاها على علاها .. الأجواء تقلبو سفاهم على علاهم و الحزن خيم على قلوب الجميع لا من الصغير لا من الكبير
من غير شخصين كانو هوما سباب هاد الحزن .. چالسين فغرفة الفوق كايتوشوشو بانتصار
سناء:دابا جبنااها فالهدف
رضى:هههههه متشوق للنهار اللي غاتولي فيه مرتيي😈 .. متشوق بزاااف
سناء غمزااتو:قرييب غانحققليك أمنيتك و البنت اللي طووول عمرك كاتتمناها غاتولي حلالك ههههههههه (طلقات ضحكة عاااالية و زگفات من كاس عصير كان بين يديها عاضة على شفتها التحتية كاتمتم فسرها) عمر ولادك أمرتضى مكانو يستاهلو بناتنا .. نتا اللي رفضتيني من قبل و دابا ولادك غايدفعو ثمن هاد الرفض
⚡مركز الشرطة⚡
فزنزانة من الزنزانات .. سليمان فوسطها يديه كايترعدو بكثرة الأعصاب و يعقوب خارج الزنزانة كايشوف فيه مغززف
سليمان بعصبية:براااكة من هاد الهضرة دااابا صافي طرااا اللي طراا .. شوفلي شي حل نتا عندك معاارف
يعقوب ضرب قضبان الزنزاانة بعصبية:عندييي معااارف. . هاد المعاارف بااش غايفييدوني واش مافخبااركشش العيوون علياا .. عارفني شكوون أناااا؟؟ راااه يحيدوني من المنصب ديالي لا تصرفت دابا خصووصا .. خاصك تصبر شهر ولا شهراين
سليمان:شهر ولا شهرااين؟؟ واش من نيتك .. واش منصبك أهم منييي؟؟
يعقوب تأفأف بعصبية:غانشوف كي نحلها غانشووف و غانحااول ندير جهدي باش ماتتحااكمشش هاااد الأيامات
سليماان ضررب راااسو مع القضباان الحدييديةة كايغووت:شوووف واشش تخرجنيي بكفااالة .. بااك صاحبي ولا ماعرفت شنوووو
يعقوب خنزر فيه:هادشي اللي مخططلو ولكن صبر ايامات سحابلك هادشي مغايسيقولوش الخبار فالإعلام، واااش عاارف عائلتنا و مكانتنا و مكانتي انا بالخصوص ولا معارفهااش؟؟
سليمان خرج فيه عينييه:برهن بأن ديك الأرض ماشي ديالي .. لفق التهمة لواحد آخر .. أصلاا الأرض ماشي ضمن ممتلكاات عاائلتنااا
يعقوب:براكة ماتقولي شنو ندير و شنو ماندييرش انا عارف شغلي .. دابا غانمشي و ماتخافش مغاتكملش هنا شهر
سليمان زييير على جبهتو بيدييه كايتغدد و يعقوب دار خارج فحالو مخلييه على حاالو
ديمارا طموبيلتو منطااالق بسررعة .. غادي و كايفكر فحل لخووه .. حتى وصل للفيرمة، دخل بشوووية عليه كايخطوي و فكل خطوة كايفكر كي غايديير يتصرف، فدخلتو لداخل جبد تليفونو و صونا لمحامي كايعرفو .. مع خدمتو هو فالسياسة .. منصبو حساس و العيوون عليهم .. خصووصا الصحاافة .. مباغيين شوهة حاليا و عارف هاد الأخباار غايتنشرو فوسائل الإعلام .. فمبغاش يبين بأنه قادر يخرج خوه واخا فبالو عددة وساائل ولكن فالعجلة النداامة و خاصو يتمهل شوية
مع دخلتو لدااخل شاف فمنى نازلة من الفوق بانتلو عيانة شوية و صفرااا .. قرب عندها مستغرب
يعقوب:مالك صافا؟؟
منى بألم:كرشي ضارااني من قباايلة و الدووخة و كانرد بزااف .. الوحم هلكني
يعقوب شدها من خصرها متكيها عليه:بشووية عليك أجي رتاحي أجي (دار على غفلة مع الدورة بانتلو هناء خارجة من الكوزينة .. شافت فيهم بنظرة فاارغة و تمشات جيهت الدروج حتى وقفها بصوتو الجااف) جيبي شي كاس دالما
هناء خنزرات فيه و بلا ماتجاوبو كملات طريقها لفوق .. حتى تغدد كان ناوي يمشي عندها يسممها ثاني بهضرتو حتى ترخااتلو منى بين يدييه .. شاف فيها باستغرابب بانتلو فاقدة وعيها .. هزها بين يدييه مستغرب كايعيط بسمييتها .. دار غايطلع بيها لفوق و هو يسمع صوت من جنبو
صفية:هيييه .. الدم
يعقوب شاف فيها باستغراب و حنا عينيه لمنى من لتحت فعلا بانتلو كاتنزف .. عض على شفتو التحتية حتتتتى عضضض و زيييرها بين يديه خارج بيها من الفييرمة والمشااااكيل كايجيييو دقة وحدة أحماااادي
⚡المشفى⚡
بعدما دخلو منى لغرفة الفحوصات يطمنو على حالتها .. تأكدو من شنو كاين و خرجو عند يعقوب .. الطبيب معلي حاجبو كايشوف فيه و يتنهد و يعقوب مستغرب
يعقوب باستغراب:شنو طاري لمرتي .. واش فقدنا الجنين؟؟؟؟ (عينييه حمااارو حااس بالضغط من كل جيييه .. ضربة ورا ضربة و الصبر اللي يتلقا بيه دوك الضرابي مابقاش)
الطبيب بهدوء:لا الجنين باقي ولكن حالتو خطيرة بزااف، المدام شربات شي حاجة و هاد الحاجة هي اللي كانت سبب فهاد الإيموراجي .. الموهيم هي حاليا بخييير، ولكن الجنين لا .. صراحة درنا فحوصات و شفت صور الإيكو .. بانلي أن ولدكم لا تولد غايخلق عندو تشوه .. يعني غايكون يا فيه التوحد .. يا ماعندوش حاسة من الحواس ولا حاجة أخرى، أهم شي فكرو من دابا و شوفو واش غاتقدرو تستحملو مسؤوليتو .. واش غاتخليييوه ولا لا .. واش غاتقدرو تعيشوه بخير لا خلق لا قدر الله فحالة ماشي هي هاديك
يعقوب بقا كايشوف فيه موووودة .. قلبو كايضرب يضرب يضرب .. معارفش شنو يديير، حاااير زفررر بقوةة كايتنهد و تمتم بصوت خافت:نقدر نشوفها
الطبيب ومألو:اه طبعا، تفضل
تيمور ومألو براسو كايشكرو و مشا داخل حاس براسو تقسم .. ماحيلتو لمرتو ولا لولدو ولا لخوووه .. كولشي مجمووع علييه .. گلس جنب منى اللي كانت متكية ناااعسة .. حط يدو على كرشها كايدوز يديه و همس بنبرة خاافتة
-كيفما خلقتي غانتحملو مسؤوليتك .. نتا ولدي الأول و الوحيد و مغانقدرش نفرط فيك (تبسم ابتسامة حزييينة و بقا حاط يدو على كرشها كايتحسسها و عيونو بقاو يدمعو شوية ساااهي لبعيييد .. ولكن مسحهم بالزربة و زفررر زفييير قويي .. هو ماضعيفش و غايفوتو هاد المشاكيل)
💡الفيرمة💡
هناء فبيتها كاتشوف فراسها فالمراية .. طالقة شعرها و دارت شوية مكياج كاتبتاسم لراسها .. هزات تليفون ياقوت تسلفاتو من عندها و بدات كاتصور مبتاسمة .. كادير حركات على أنها فرحانة ولكن ربي اللي عالم بقلبها .. بدات كاتسيلفا و تقلب وجهها كل خطرة لجيه .. حطات التليفون فوق الكوافوز و چلسات قبالتو دايرة ڤيديو .. بقات كاتضحك و تهضر و تدير حركات بيديها .. غي كاتخربق فالهضرة بلا ماتقول شي حاجة مهمة، حتى حنات راسها للأرض و بدات كاتمسح دموعها يديها كايترعدو، شهقااات بقووة حاسة بالخنقة وحياتها مابقالها معنى، ولات بوحدها حتى واحد مكايبغيها حاسة فقط بالفراغ، مقادة تخبر حد بمرضها .. مابغاتش يشفقو عليها .. مابغاتش تشغلهم معاها .. بدات كاتبكي من قلبها وتتنخصص و الحرررقة كبييييرة .. زفرااات بقوة و بدات كاتدوي و تخرج اللي فقلبها و تشوف فالكاميرا
-معارفاش واش غاتشوفي هاد الڤيديو دابا ولا من بعد أياقوت، ولكن لا شفتيه عفاك خلي الخبار بيناتنا، أنااا (دمعة سالت من عينيها مسحاتها بالزربة كاتبتاسم بالزز) أنا مرييييضة .. مريضة بزاف و كانضن غاانموت .. ولكن ماتخافيش أنا غانقااوم دابا .. غانمشي للطبيب و نشوف واش عندي أمل فالعلااج و كووولشي غايدوز بخير .. أنا متفائلة راك عارفاني ياك هههههه .. عرفتي كانفكر فالنقطة الثانية غيرر النقطة الايجابية، هاديك النقطة السلبية .. لا مت واش غاتندمو عليا؟، غاتبكيو عليا؟؟ غانبقى فيكم؟؟ ماما غاتبكي و نتي غاتبكي و بابا و جدي .. ولكن هو لا، مابغيتوش يبكييي .. هو السبب الأول اللي مخليينييي متشائمةةة .. هو مكايستاهلنييش، ع عرفتييي وليييت كانكرهو من كل قلبي .. حيت ضلمني، ضلمني بزاااف و قلبي حاسة بالعااافية شاعلة فيه .. صدق معارفنيش ݣاااع و جرحني بهضرتو، جرحني بزاااااف .. ه هذا أختي غايكون بمثابة ڤيديو توديعي .. كانودعكم كاملين، نتي و ماما وبابا و محمد و جدي و عمتي و رضى وسمارة و جدي مختار و خالتي رقية و حتى من سليمان، ولكن هو لا حيت مكايستاهلش حتى هاد الوداااع (شهقااات بقوة عينيييها عامرين دموووع و شدات على شعرها كاتمتم بنبرة مرعودة) ش شعري مغايبقااش هئ هئ .. جمالي مغايبقااش .. فرحتي مغاتبقااش، غانولي من الماضي و هئ هئ غاتنساوني بعد فترة لا مت .. عفاك أختي تهلاي فجدي دواه يشربو فالوقت .. أ أنا مغانستسلمش من دابا ولكن دايرة أسوأ الإحتمالات فذماغي، لا مت ماتنساونيش و لا بقيت عايشة غانمحيو هاد الڤيديو انا وياك .. (تبسمات ابتسامة حزينة) كانبغييك .. كانبغيكم كامليين .. بسلاامةةة (شيرات للكاميرا مبتاسمة بالزز .. شوية ناضت و قرباتلها قاطعة الڤيديو .. تنهدات بصوت مسموع كاتمسح عينييها و مشات جيهت الفراش ديالها تكات عليه و شافت فالكوافوز جنب راسها رقم الدكتور دالشاون .. بقات كاتشووووف فيه مووودة طوييلة و ضماتو لعندها كاتفكر ثاني .. من اللي ساقت خبار مرضها و هي كاتفكر .. أسوء الاحتمالات و أحسن الاحتمالات .. كل حاجة دايراها فكفة و قلبها حااليا .. مزير عليها بزاااف، زفرات بقوة و شدات التليفون كاتضيع فيه الوقت شوية، محاملاش تنزل لتحت و تشوف فيهم غاتجيها البكية و غاتتصرف بدون شعور فالأحسن ليها تبقى فبيتها حتى تتقبل الأمر الواقع و تختالط بيهم)
داخل يعقوب للفيرمة .. هاز منى بين يديه بعدما تطمن على صحتها و خرجها من الكلينيك، هي مكمشة فيه و حاطة يدها عند كرشها .. خايفة على ولدها .. خايفة لا تخسرو و تخسر حتى يعقوب معاه .. كاتشوف فيه بنص عين و هو مخنزر عاقد حواجبو .. دخلها لبيتها كايتنهد و گلس جنبها .. حط يدو على كرشها و همسلها بصوت خافت
-حاسة براسك مزيانة؟؟ محتاجة شي حاجة
منى بصوت خافت مركزة فيه الشوفة:محتاجاك نتا .. بغيتك تبقى معايا
يعقوب تنهد و تبسملها بهدوء:ماتخافيش غانبقى معاك و مع ولدي .. هو محتاجنا .. خاصك تكوني قوية
منى تبسماتلو:اه عاارفة .. و أنا غانكون قوية بيك نتااا عفاك ماتخلاش عليا .. حاسة بأنك باغيني غي نولد وتطلقني و تبقى مع هناء
يعقوب غي جبداتلو سيرة هناء خنزر فيهاا كايعض على فمو و تمتم بنبرة جامدة:ماتخافيش .. من اليوم نتي اللولة فحياتي .. نتي وولدنا
منى تبسماتلو و عنقااتو كاتنهد مغمضة عينييها، حتى هو تنهد و حاوطها بيدييه .. غي غمض عينييه تفكر هناء، خنزر تخنزييرة حااادة و خشا وجهو فعنق منى .. باغي يمحيي هناء من ذماغو
⚡عند باب البيت .. كاطل عليهم و كاتغزز فسناانها .. السم اللي فقلبهااا غايقتلهااا و غييضها غادي و كايتزاد .. سدات عليهم الباب مخنزرة و دارت غادة لبيتها كاتمتم
-ماطاحش دابا ولكن غييي تهنى أسي راجلي .. مغانتهنى حتى يطييحلها ولا نقتلها انا گاع و نتهنى منها .. الصبر مابقاش (شعطات علييها الباب كاتشوف قبالتها بشر .. و كملات على هضرتها بنبرة أخبث منها مكاين) مللي غانتهنى من منى .. تجي نوبة ديك الكلبة لوخرى .. فاللخر غانبقى غي انا معاااك .. كيفما كنت فاللول غانبقى فاللخر، غي أنااا .. غي حياة هي اللي غاتكون مرتك الوحيدة
🔥فغرفة سمارة و محمد🔥
گالسة على أعصابها كاتسنى فيه يخرج من الحمام .. دخلو من نص ساعة و باقي ماخرج منو .. تأفأفات بصوت عالي و ناضت كاتمشي و تجيي قدام باب الحمااام .. حتى بانلها خرج كايمسح فشعرو .. تاجهات لعندو مخنزرة فيه
-علااااش دخلللتي لحمااام بيييتي .. ياك مابغيتلكش
محمد شاف فيها بهدوء:سيري ديري دوش خفييف ترتاحي و أجي ندويو و نحلو هاد المشكل
سمارة خرجات فيه عينيها:شمن موشكيييل غايتحللل .. أصلا انا عطيييتك الحل دياالو .. غاتطلقني و تتزوج هااااديك اللي خنتيني معااها، غييي لقيتي فرصة و نفاردتو مع بعضيااااتكم ستغليتييي ثيقتيي فيييك، شحااال وانا مامرتاحالهاااش و نتااا كاتبثني بزووج كلمات .. أحگا انا مكانخوونش أحگاااا أحگاااا أحكاااا، و دابا حتانا كانقووولك أح..... مممممممممممممم
بدات تضرب فصدرو و تنطررر منووو .. حاسةة بفموو مزييير على فمهاا .. كايقبببلها بقوووة و هي كاتدفع فيه و تنطر .. عيات تدفعو و تضرب فيه و هو واالو مزير علييها كايبووس فيييها .. حتى بدات كاترخى .. عينييها تفمضوو و حلاوة القبلة جرااااااتها معاه .. حساتو بعد شفايفو من شفايفها مللي حسها هدات و ترخات .. حلات عينيها مخنزرة فيه .. هو تبسم ابتسامة خفيفة و همسلها
-مكاتسكتيش
سمارة حلات فمها غاتدووي و هو يحط فمو على فمها ثااني بايسها قبلة سطحية مططوووولة، رجع براسو للور ثاني و حط جبهتو على جبهتها
-كلما بغيتي تقولي شي حاجة فحال هكا غانبوس مك و نعضلك هاد القنينفات
جواهر عقدات حواجبها كاترجع اللور .. شافت فيه بنص عين و هو تنهد كايقول
-أنا مشيت عندها حيت عمتي قالتلي سخفاات و راك عاارفة، يلاه دخلت قلتلها تعيط لشي طبيب مشات تجيبو وانا نضت و جبت شوية دالما رشيتو عليها .. ديك الساع فاقت و تاضحلي انها غييي كاتمثل .. بغيت نخرج و هي بدات كاتجر فيا و تتعنتت معايا حتى دفعاتني لفوق الفراش .. انا بغيت نتحكم فيها و قلبتها لتحت ناوي نصبنها حتى شفتك نتي
سمارة تبسمات مخنزرة فيه:كاتسناني نثيقك دابا؟؟
محمد شاف فيها معلي حاجبو:ماثقتيش؟؟
سمارة ضرباتو من صدروو غادة مبعدة منو:ماثقتش و مغانثيييقش .. هاكا كاديرو كوولكم مللي كاتحصلو .. و أنا مابقيتش غانثيييق فيك .. خسرتي ثييقتي، و نهااائيااا
خلاتو و مشات خارجة من البييت .. هو هزز مخدة من فوق الفراش و ضرربها بقووة مع الباب كايغوووت
-راااااسك قااااصح
سمارة وقفات ورا الباب شادة شفايفها مخنزرة:عمرنني نعاود نثيق فيك .. د داك المنظر اللي شفتو عمرو يتنسالي😭☹
على مائدة العشاء💡
جل العائلة مجموعة ما عدى هناء .. ماخرجاتش من بيتها فخطرة، محمد كايشوف فسمارة و هي مخنزرة مكاتشوفش فيه، يعقوب مدور عينيه .. شاف فرقية .. عينييها فيهم الدموع .. واقفالها دميعة فطرف عينيها و غي كاتنهد و تشوف فالكرسي دسليمان
الحاج منتصر بحدة:مازوجناهمش باش فأول حزة يطلقوو و أصلا عمرهم يطلقو .. ياقوت غاتبقى مرررت سليمان و هناء مرت يعقوب و سمارة مرت محمد .. حد مغايطلق واااخا تقووم الدنيااا و تنزل
يعقوب أول ماسمعها .. علا فيها عينيه، شاف فيها باستغراب عاض على شفتو بحرقة فشكل فقلبو، ياقوت همسات:عيانة شوية طليت عليها قبايلة، كان راسها ضارها و ردات شوية .. قلبها كايطلع
رحيمو دارت يدها على حنكها:أويييلي على ردات و البنت مواكلة والو شغاترد
ياقوت علات كتوفها:ماعرفتش، عييت معاها تنزل و مابغاتش
يعقوب تحنحن بالو تشغل عليها و كايقاوم راسو باش مايمشيش عندها و يطل عليها
سمارة شافت فمحمد مخنزرة هو وقف .. هز طبيسل كان محطوط فوق الطبلة .. غرف منو شوية من العشا اللي كانو كياكلو منو و أردف:غانطلعلها العشا مايمكنش تبقى بلا ماكلة (شاف فيعقوب مخنزر) و غانعرف سبب مرضها .. لاكان بسبابك مغانعقلش عليك
خلاهم كايشوفو فبعضهم و طلع لفوق بالطبسيل فيدو .. ياقوت شافت فيهم حتى هي و ناضت تابعة خوها .. يعقوب بقا كايشووف فيهم مخنزر، ضرب يدو مع الطبلة بعصبية حتى قفزو بعض من الجالسين فوق الطبلة و ناض دافع الكرسي موراه خرج من الفيرمة كايجبد گاارو من جيبو يكمي على الله يطفي شوية ديك العافية اللي شاعلة داااخلو، عينو دمعات من الحرر .. حاس براسو تيهان و كايفكر فدوك الميساجات و حروفهم كايقطعو فيه من لداااخل .. كايأنب راسو علاش بالو تشغل عليها و هي مجرد وحدة خاينة ماتستاهلش!
دخل محمد للبيت عند هناء بعدما دق الباب، بانتلو خارجة من الحمام شادة رااسها .. كاتقيا بكثرة .. و هي اللي كاتستسلم للمرض باش باينيين فيها هاد العوارض ديالو .. قربات للفراش گلسات فوقو كاتشوف فخوتها
تمتمات بهدوء:مالكم؟
محمد قرب عندها بالطبسيل چلس جنبها كايشوف فيها مصغر عينيه:مالك شواقعلك؟
هناء بهدوء:واالو .. غي عيانة شوية ضربني البرد
محمد تنهد وشاف فياقوت اللي قربات چلسات جنب هناء من الجنب لاخر:خاصك تاكلي و نتي صايمة النهار كامل
هناء بصوت خافت:ماعنديش الگانة دالماكلة
ياقوت بعبوس:لمكليتيش غانتقلق منك
هناء تنهدات و شافت فيها مبتاسمة، قربات عندها ببطئ باستها فحنكها و دارت عند محمد حتى هو باستو من حنكو كاتهمس:كانبغيكم بزاااف
ياقوت:ولاكنتي كاتبغينا كوولي يلاه .. كملي كووولشي
محمد كايشوف فحالتها باستغراب:هناء واش نتي بخير؟؟
هناء تبسمات:بخيير هههه .. انا بخير بلا ماتخافو .. بغيتوني نااكل، هانا ههههه (جرات عندها الطبسيل كتاكل ببطئ و هدوء و مبتاسمة ابتسامة مزيفة .. محمد تبسلم حاط يدو على شعرها و حتى سمارة قربات كاتنقب من طبسيلها .. وسعات ابتسامتها كاتشوف فخوتها جنبها .. دمعة خانتها سالت من عينها .. بالزربة مسحاتها و رسمات ابتسامة مزيفة متكية على صدر محمد و كتاكل)
هناء بهمس:واخا تباتو معايا اليوم (شافت فيهم بزوج .. محمد باسلها على راسها وومألها)
-واخا أعمري .. اصلا سمارة جرات عليا من البيت .. وقع بيناتنا سوء تفاهم و مباغاش تسمعلي
ياقوت باستغراب:شنو طرا؟؟ لاحظت بيناتكم مشاحنة
محمد تنهد:ماشي موشكيل انا عارف كيفاش ندوي معاها هههه
هناء مداتلو الطبسيل:هاك اخويا شووكرا العشا كان بنيييين
محمد غمزها حاط يدو على شعرها:مابيناتناش شكراا هههه
هناء تبسمات و جمعات شعرها اللي تطلقلها .. تكات و تلاحت ياقوت قدامها .. محمد خرج من البيت مدة ماقصيراش رجع فيدو غراف دالما .. شرب و تكا وسطهم .. جرهم لحضنو معنقهم هناء غمضات عينيها براااحة .. عجبها هاد التجمع مع خوتها و ياقوت غمضات عينيها حتى هي .. تفكيرها فسليمان مرة تقول حوفيه و مرة تتنهد و تقول يا رييت كون كان ناعس فشي بيت جنبهم .. كاتفكر فحالتو واكل ولا شارب ولا مغطي .. زيرات على هناء معنقاها بقوة و تفكييرها محصور غي عند سليلو
فصباح يوم جدييد🌤
بعد يوم مشحوون بالمشاكل .. جا نهار جديد .. واش فيه مشاكيل اخرين ولا لا ماعرفنا .. كل نهار كايجي بنهارو، مع أذان صلاة الفجر حلات هناء عينييها .. شافت فاليد اللي محاوطااها .. بانلها محمد .. تبسمات ابتسامة خفييفة و تعلات عندو، باستلو حنكو و مشاات عند ياقوت حتى هي باستلها جبهتها .. تنهدات بعمق و تمشات للحمام .. قضات حاجتها و غسلات وجهها و توضات .. خرجات كاتصلي الفجر و ركعات أخريين للأجر .. سالات و تمشات للپلاكار .. هزات جلابة مخيطة بالراندة فاللون الأسود .. لبساتها و دارت شال بيض .. تمشات جيهت ياقوت ببطئ .. خدات من عندها التليفون ديالها كان عند راسها و دارت لبلاصتها خدات النمرة ديال داك الطبيب اللي كانت تحت مخدتها و خرجات من البيت بهدووء .. نزلات لتحت بشوووية عليها و خرجات من الفيرمة .. بلا ماتشوف وراها .. هزات طموبيلتها اللي خدات سوارتها من البيت حتى هوما و ديمارات منطالقة بسرعة عااادية غادة بشوووية عليها فالطريييق .. دازت مدة طويييلة وصلات هناء لتارودانت .. حبسات الطموبيل فالدخلة ديالها و شافت فالساعة .. كان باااقي بكري تقريبا الخمسة دالصباح .. ماعرفات تصوني على داك الطبيب ولا لا. .. تنهدات بصووت عاالي و توكلات على الله كاتصوني عليه .. ركبات نمرتو و صونات
بقا كايصوني شحااال عاد جاوب تحنحنات كاتدوي بصوت خافت
-ألووو .. واش نتا الدكتور شلبي؟؟
-اه الالة شكون معايا؟؟
هناء:سمحلي واقيلا فيقتك من النعاس!!
الدكتور:لا عادي باقي مانعست ديجا
هناء بهدوء: انا صراحة هادي يوماين كنت عندك فالسبيطار باش فقدت وعيي فالصيدلية و قلتيلي عندي ورم خبيث (عضات على شفتها التحتية بحرقة)
الطبيب:هذا غي واجبي أبنتي .. غي قوليلي فوقاش تقدي تكوني فالمصحة وانا نتكلف و حتى التحاليل نصيفطلهم اللي عندي و يزيدولك وحدين أخرين ضروريين يتأكدو من الحالة مزيان اليوم باش يسربيو دغيا ووضعك مايوعارش
هناء عينيها دمعو تبسمات:ماكرهتش أدكتور والله يعطييك ماتمنيتي فخاطرك .. غي عاوني و حسابك يوصلك
قطعات معاه كاتنهد براحة .. ولا عندها أمل ضمات يدييها بقوووة و تكات براسها علىى الڤولوون .. تنهداات بصووت مسمووع و شافت قبالتها فالطريق .. بابتسامة خفيفة غاتقااوم و غاتتحدى المرض .. هي ماضعييفااش .. قوية و غاتزيد تقوى و تهزم أي حاجة بغات تضعفها
غادي فمكان مضلم .. مكايشوف حتى حاجة قدامو .. غي كايزطم و صافي، وشوشات كايسمعهم كثييييرة فوذنو قدر يفرز منهم كليمات قلال
"غانفرقوهم، غانفرقوهم، غاناخذها، مايستاهلهاش"
كايدور راسو يمين و شماال بالزربة لا علّى و عسى يلقى شي حد ولكن واالو، بقا غادي لمدة طويييييلة حتى بانتلو نقطة ضووو بعيييييييدة. .. تبسم غادييي جيهتها حتى بانلو خيال قدامها .. زاااد قرب و هي تبانلو هناء واقفة قبالتو كاتشوف فيه بعينين مدمعين، شاف جيهتها باستغراب مخنزر .. حتى سمعها همسات بصوت خااافت ولكن تسمع صدااه بزااااف دالخطرات
-عمرني غانسمحلك على ضلمك ليا (دارت غادة عكس الضوء للضلمة و هو مجبد عينييه فيها بغا يلحقها ولكن مابقاتش بانتلو .. رجع كايجري وسط الضلمة و كايقلب عليييها بيديييه بطريقة هستيييرية و كايغوت)
تحلو عينيييه بقوة كان عرقااان، شاف حواليه بانتلو منى ناعسة جنبو مخشية فيييه .. تنهد بصوت عاالي على الحلم اللي حلمو ولا نقولو كابووووس .. ناض غادي جيهت الحمام ببطئ كايتمتم
-حتى فأحلامي تابعاني، الله ياخذ فيك الحق ألغدارة
⚡فغرفة هناء⚡
حلات عينييها المعمشين .. كانت ناعسة فوسط حضن خووها و هو مزيرها عليه، تبسمات براااحة .. توحشااااات هاد النعسة .. شافت فالأرجاااء، مبانتلهاش هناء .. قالت بينها و بين نفسها غاتكون نزلات لتحت .. دارت يدها تحت راسها كاتقلب على تليفونها، مالقاتوش .. عقدات حواجبها باستغراب و جمعات نوضتها غادة تغسل وجهها .. قضات حاجتها و خرجات من داك البيت كاتحك فشعرها .. فطريقها لبيتها صادفات سمارة فالطريق كاتدوي بووووحدها
-غايكون بات معاها علاش مجااش .. و كايتسنى مني نثيقو الحمار لاخووور
-غانصبغ شعري و نلبس الستيل اللي كايعجبو .. لماجابو قبول و سحور .. يجيبو الزييييين😉 (دارت للماريو جبدات شنو غاتلبس و هي مبتاسمة بالجنب) فاش نجيبو عندي .. غانصيفط ديك الصفرا عند الله😈
🔥المساء🔥
وقفات سيارة هناء فباب الفيرمة .. بقات فوسطها مووووودة حاسة بتعب رهيييب، نهار كامل دوزاتو بالتحااالييل و مشي و جي و حيدو منها شحال دالدم .. عروب يديها كولهم تثقبو .. واخا داك التحليل اللول إلا أنهم كانو عاديين مكايبينوش مدى صعوبة المرض و شحال منتاشر فيها و فإينا جيهة فراسها .. حلات باب الطموبيل نازلة منها كاتمشى بخمووول و عينيها بالزز باش حالاهم .. حتى الطبيب دار معاها و تعاون معاها كايزرب معاها
مع وصولها لباب الفيرمة وقفات سيارة يعقوب .. غي بانتلو فالباب خنزر فيها و خرج من الطموبيل مقرب عندها مخنزر
-فيييين كونتييي نتيييييي أدااايعة؟؟
هناء بالتعب و رغبتها غي فالنعاس و الأصوات اللي لاصقين فوذنيها ديال الطبيب و هضرتو و الآلات و داكشي ماسمعاتوش، حلات الباب و دخلات .. هو خنزر فيييها بحدة و مشا تابعها .. جرها من يدها حتى توجعات خصوصا أن يديها كولهم مضبورين من جالتحاليل
يعقوب بحدة مخرج فيها عينيييه:فين كونتي .. ومعاااامن كونتي
هناء جرات يدها من يدو:ماشي سووقك فياااااااا (خلاتو و مشات طالعة .. هو غزز سنانو حتى غززهم وغوت بصووت عالي)
-داك اللي وليتي كاطلاقايه بالعلااالي غاتوصلك خبااارو عن قرييييب
هناء بنبرة عاالية عاطياه بالضهر:كانتسنااا
يعقوب بقا كايتغدد حاضيها و هي مشات جيهت بيتها تدير دوش و تنعس ترتاح
🌀بعد مرور 10 أيام🌀
دازو على حاالهم .. يعقوب مشغول بقضية سليمان و حتى مع منى اللي ولات مريضة بزااف مع الحمل .. هلكها وولات كل شوية كرشها ضاراها و حاسة بالسخفة، و حتى فخدمتو ناضولو شي مشاكيل مع سليمان و دخولو للحبس .. كايرجع للدار معطل و يخرج بكري .. فالأصل كايبغي يتفادى الشوفة فهناء .. هناء يا هناء .. دازو أياماتها شوية قاصيين بين المصحة و الطريق بين الدوار و تارودانت .. ولات كاتعيا بزاف، و عاد بوووحدها .. التعب تمكن منها عندها أدوية خاصة كاتشربهم .. و بالتحاليل اللي دارولها .. عطاوها موعد رسميي لأول حصة كيماوي .. هداك الموعد هو اليوم .. نيت راها شادة الطريق لتارودانت
أما فمكان آخر، بالضبط فالكوميسارية .. فين باقي سليمان فديك الزنزانة اللي جالها أول مرة .. چالس فالأرض متكي براسو على حيط موراه، تنهد بقوة حاس بقوة الملل .. سمع حس قريبلو .. جا كوميسير وقف قبالتو علا فيه عينيه بعبوس كايطلعو و ينزلو بعينيه حتى تبسم بلا خاطرو .. بانتلو ياقوت ورا الكوميسير .. وقف كاينفض فيديه و قرب لعندها ببطئ .. وقف ورا القضبان كايشوف فيها و هي قربات لعندو مبرگمة بين يديها صاك كاتشوف فيه بنص عين مدورة وجهها للجنب لاخر
ياقوت:اليوم ماقداتش تجي خالتي رقية و جيت بلاصتها أنا
سليمان تبسم كايحك على شعرو، شاف فالكوميسير و غمزو يمشي شوية ..
-عندكم لا طولتو نص ساعة (مشا خلاهم كايتشاوفو)
هي قربات عندو كاتشوف فالأرجاء و مداتلو الصاك كان صغيور .. داز ما بين القضبان
ياقوت:هنا الماكلة ديالك ووو حوايج تبدل عليك
سليمان شد من عندها الصاك مبتاسم .. تحنحن حاط الصاك فالارض و شاف فيها
ياقوت:اذن .. انا غانمشي بحالي
سليمان طول يدو شدلها يدها:أجي .. بقاي معايا مزال شوية مالك زربانة
ياقوت بصوت خافت:قنطتي؟
سليمان ومألها براسو:بزاااف
ياقوت خرجاتلو لسانها:حوفيييك هادشي اللي بغيتلك .. موت بالملل
سليمان بابتسامة خفيفة:مشاغبة هههه
ياقوت خنزرات فيه:مالك كاتزير على يدي هكا؟
سليمان حنا عينيه ليدو .. كان شادلها يدها و مزييرلها عليها، مساخيش يطلقها .. تبسم و دوزها عندو لداخل باسهالها بوسة خفيفة و شاف فيها .. ياقوت تحنحنات كاتجر يدها من يدو، وثرها بتصرفو .. تزنگات و عينييها ولاو يدورو .. هو تنهد بصوت عاالي و همسلها
-توحشت المشاغبة ديالك هه .. شنو كنتي عوالة تديريلي من بعد الحوايج اللي خسرتي، و الطموبيل و حتى دوك الحشرات؟؟
ياقوت جبدات فيه عينيها:ك كيفاش ع عرفتي؟؟
سليمان غمزها:بطريقتي الخاصة هههه
ياقوت عوجات فمها:عمووما كنت نااوية نعمرلك بيتك بريحة الصابون و سانيكروا و جاڤيل .. سمعت عندك حساسية منهم ههههه
سليمان طلق ضحكة عاالية:هههههههه واحالفة فيااا باغا تصيفطيني للقب
ياقوت:أصلا فاش غاتخرج غاننفذ اللي فذماغي حتى نشفي غليلي فيك
سليمان بابتسامة خفيفة:دعواتك براكة ولا؟
ياقوت شافتلو جيهت يدو:فوقاش غاتحيد الگبص؟؟
سليمان:هههه حتى نكون خارج
ياقوت:انشاء الله .. ايوا غانمشي دابا
سليمان جرها:وابلاتييي مساخيش بييك
ياقوت زمات فمها كاتشوووف فيه و تبسمات بالزز منها:هههههه يااك! علاش زعما؟؟
سليمان:اممممم عادي حتى ماما كانشدها فحالك و يعقوب حتى هو
ياقوت:غييي سكت داك يعقوب ماتجبدليش سيرتو .. تخاصم مع هناء و من ديك الساعة و هي مغيرة و هضرتها قلالت و غيي ساهية .. الله يعطيه القطيعة😒
سليمان تنهد:حتانا بانلي شوية مشوش و عيان .. راه عندو مشاكيل كثاار
ياقوت:و بالزعطة لاكانو عندو المشاكيل، ختي مايغيرهاش هاكداك .. الموهيم دابا غانمشي و هادي آخر كلمة ههههه .. غدا نجي
سليمان غمزها:عنداك ماتجيش عندي
ياقوت:غي كون هااني .. غاانجي
سليمان تبسملها و هي دارت غادة فحالها حاسة بحنيكاتها سخان، أول مرة يوقفو هاد الوقفة و يدويو هكا و سليمان يكون هااادي معاها .. وسعات ابتسامتها غادة من جيهت الفيرمة كاتلعب بخصلات شعرها و تتنهد
فالفيرمة⚡
سمارة كاتشوف جيهت محمد واقف قبالتها .. مكايشوفش فيها .. لبس عليه حوايجو و مشط و رش رويحة رجولية خلاتها تغمض عينيها بقوة كاتستنشق فيها بهياااام و مشا خارج قدام عينيها .. وقفات مخنزرة يديها على نصها
-علاش تزوزتي و سكسفتيي و تقاديتي و خااارج؟؟ لفين بالسلامة!
محمد شاف فيها مخنزر .. بدا يطلعلو الدم و هي تصبح و تمسي بالنگير و الشك الشك الشك:غادي لخدمتي
محمد شاف فيييها بعصبية و غووت حتى قفزات:سمااااارة .. مابغيتييش تثيقي مااشييي سوووقي ولكن تفكري إن بعد الضن إثم .. واجمعيي رااسك، لحد الآن صاابر ليك ومقدر الموقف اللي شفتينيي فييييه ولكن هنا و حبااس، أنا مادرت واللو و من أول ماتزوجتك نسيييت ديك الي كووووونت كانبغيها
سمارة عضات على شفايفها كاتغبن:كاتغوت علياا دابا ياااك؟؟ اصلاا كنت عاارفااك نتا ما..
محمد خنزر فيها:سكتيييي
سمارة:😢🤐
محمد بحدة:غي سكتي صافي .. صوتك مانسمعوش مزال .. غانمشي بحالي دابا وفاش غاديري عقلك و تبغي تسمعيني و تثيييقيني ديك الساعة غاندويو أنا وياك
خلاها و مشا خارج من البيت .. هي برگمات بشنايفها و جلسات فوق الفراش كاتمتم بعبوس
-هوووف دابا شنو ندير!! أووووف توحشتو و فنفس الوقت مباغاش نسمحلو🥺 شنوووو غاندييير دابا شنوووو😭
ناضت مخنزرة و تمشات جيهت الباب خرجات فحالها ضاربة باب البيت بقوة، غادة و فكل خطوة كاتغبن و تدوي مع راسها
-أووووف اووووف اوووووف اووووووف .. شنو ندير نسمحلو؟؟ نثيقو ولالا؟ شحال من نهار داز وانا مخاصماه .. بانلي طلعلو الدم و دابا هو اللي تعصب .. اصلا انا عندي الحق واش نشوفو كايبوسها و نصفقلو
توقفات بالزربة كاتسمع صوت من غرفة دازت من قدامها، قربات بشوووية كاتصنط .. و هي تشهق موسعة عينيييها كاتسمع أصوات رضى و سناء كايدويو بيناتهم و يخططو .. بدات كاتصنط مامثيقاش شكايسمعو وذنيها .. رجعات خطوات اللور مللي حساتهم فحالا غايخرجو و مشات راجعة لبيتها حاطة يدها على قلبها كاتهمس
-مايمكنش .. هوما اللي بلغو على سليمان .. ولكن ع علااش (دخلات للبيت غادة جايا و هي تدييرلها طننننن واحد الحاجة فذماغها، تفكرات الهضرة دسناء ديك الخطرة فالكوزينة .. بقات مصغرررة عينيها كاتدورها فذماغها حتى وسعاتهم لآخرهن) و و هي باغا تدمر زواج شي حد .. رضى قال راه كايبغي ياقوت .. اذن باغيين يدمرو زواجهم وووو .. (حلات فمها مخرجة عينيها) كانت قالت ديك الخطرة لخطيبها القديم يصوني عليها .. إ اذن هناء .. هي اللي كانت مخطوبة و فسخاتها باش تتزوج بخويا .. بصح بانتلي علاقتهم مثوثرة و حتى الشوفة مكايتشاوفوش .. بلاتي دابا اسمارة تهدني و فكرييي مزياااان، و واش باغيين يفارقووهم؟؟ اه هوما باغيين .. سناء و رضى هوما السبب دخلو خويا للحبس باش يتهناو منو و داك الزامل يلقى منين يدوز لياقوتتتت (عقدات حواجبها بشدة هضرتهم اللي سمعاتها كاتردد فذهنها كاتعصبها) .. اوووف ياربي شنو غاندير دابا شنو!! علاش تكلخت و بقيت مخبية شنو سمعت، اصلا مشالي من بالي و ماضنيتش غاتبغي تفارق بنت خوها على راجلها .. و و بلااتي بعدا .. الكلبة دجواهر كاتدوز وقت طوييييل مع ديك الكلبة دسنااء (حلات عينييها على آخرهم) هي السبب هي أه هيييي .. هضرة محمد صحيحة .. أووووف أسمااارة علاش نتييي تكلختي هكااا علااااش (ضرباات على راسها بقوووة حتى حسات بقلبها كايطلع و خاطرها مروع .. مشات كاتجري جيهت الحمااام كاتستفرغ و ذماااغها غي كايفكر مشوشة و بالها ماهناش، كاتفكر فخبث ديك العمة وولدها و حتى راجلها اللي عااااد ضرباتها الفيقة عليه و حلات ذماغها شوية و ستنتجات ان كل اللي طرا .. ما هو غير ملعوب من عند سناء الكلبة، باش تفرتكلهم الشمل)
عائلة مالك الجزء التاسع
محتوى القصة
التنقل بين الأجزاء