مجمعيين فالصالون كيهدرو و اتناقشو على لحفل لي غادي اديرو لتغريد .. حفيدة آل عمران نجاحها مخاصش ادوز بالساهل كلشي خاص احسسها بالنجاح لي خداتو .. حيت بعد لمرات فاش كتوقع شي حاجة زوينة فحياتك كتبغي الناس تشاركك فرحتك و كتبغي تشوف التعب ديالك جاب نتيجة و فرح واليديك
آريا عنقاتها كترجع ليها شعرها لور : اوا هانتي لحفلة اتدوز على حقها و طريقها
تغريد : ماما بغيت نعرض حتى محمد حيت نجح و بعض الأصدقاء لي كانو كيقراو معايا
كان مقابل معاهم بدرالدين غا سمع هدرت تغريد بدا كيسوط غا بوحدو
آريا : حتى تطلعي لبيتك و كتبي ليا شحال من واحد باغا تعرضي .. كاع لي كتعرفيهم عرضي عليهم متضربي لحسبة لوالو ... من حقك تفرحي
بتاسمات تغريد متحمسة : اوكيي ماميي
نعمان : اوا لحفيدة دياليي كنت باغي نعطيك لكادو ساعة ملي كاينة حفلة النجاح نخلي لكادو حتى لغدا
آريا جمعات لوقفة فاش قشعات حنان من بعيد جارة لفاليز .. مشات لعندها بانت ليها حتى حفصة
تنهدات : كون غا بقيتو راسكم قاصح
حفصة سلمات عليها من لوجه : الله اكتر خيركم لي درتوه معانا مغاديش نسااوه .. كنا باغين نتحولو شحال هادا غا تغريد طلبات حنان تبقا معاها بينما شدات لباك و تفرح معاها .. مبغيناش نخسرو ليها
آريا : عارفة لكين .. بلاتي نعيط لازار اوصلكم
جبدات تيليفونها صيفطات ليه ميساج انوض من حداهم و اجي لعندها بلاما تضيع لوقت و تمشي تكلمو
رجعات تيليفونها لجيبها و شافت فحنان : اوا اجي سلمي عليا و لا صافي سخيتي بينا
بتاسماات حنان و مشات سلمات عليها بأدب حشمانة حتى جا لعندهم ازار و ركبها التوتر
آريا : وصل حفصة و بنتها فين ايتحولو
أزار مصدوم : غادي تحولو ؟
شاف فحنان لي هبطات عينيها قبل متجي فعينيه
حفصة : اه اولديي .. تابعنا بزااف و بغينا نوقفو على رجلينا
تنهد : فين اتمشيو بعدا
حفصة : فهاد الأيام لي دازو خرجت انا و بنتي سولنا على شي سمسار و هو لي لقا لينا لكرا .. ساعة تفاهمنا مع مالين الدار و رهناها لمدة عام
آريا : يكما خاصينك لفلوس .. متحشمي ما والو
حفصة مبغاتش تبان فموقف طايح : لا لحمدلله الأمور ميسرة هاد الساعة
أزار : بشحال رهنتو ؟
حفصة : ربعة دلمليون .. كنت مخبية شي بركة و الذهب ديالي بعتو جمع ليا هاد لمبلغ
آريا : حفصة غادي نعاودها للمرة تانية إلا خصاتك شي حاجة متردديش باش تقوليها متافقين ؟
شافت فحنان : و نتي ابنتيي غدا راه ضروري خاص تجيي.. إلا محضرتيش للحفلة ديال تغريد غادي ابقا فيها لحال بزاف
حنان : لا غادي نجي اخالتي
آريا شافت فأزار : وصلهم حتى تأكد راه دخلو لدار بيخير و على خير عاد اجي
هز راسو باه كيشوف فحنان بنص عين هاد الأخيرة لي عطياهم بالضهر مكتشوفش فييه
خدا من عندهم لفاليز و خرج على برى و هما تابعينو .. حط داكشي فالكوفغ عاد دار حليهم لباب ركبو و ركب حتى هو
حفصة : الله ارضي عليك اولدي
بتاسم ليها و ديمارا كيهز عينو مرة مرة لعند حنان كيزيد احس بتأنيب الضمير .. مبقاش كيشوف النعاس حيت ضيعها و هي ساكتة معتباتو منطقات بوالو غا مهدنة و فينما جا لشي بلاصة فيها هي كتخويها داك الساعة
بلاصة فيها هي كتخويها داك الساعة
بقا غادي بيهم و حفصة كتوجه فيه حتى وصل لحي شعبي نقي شوية .. سطاسيونا فراس الدرب و نزلو هما عاد نزل
حنان شافت فمها : صافي قوليه اماما غا اهبط لينا حوايجنا من لكوفغ و امشي
حفصة : اويليي سكتي دابا اسمعنا
ساط فاش سمع هدرتها مزيان .. زفر و هبط لحوايج : ها هما الآلة حفصة .. يكما الدار ماشي فالسفلية خليني نطلع معاكم لحوايج
حفصة حشمات : واخة اولدي و سمح لينا
أزار : عاديي
هز لحوايج و حفصة غادة معاه كتوريه الدار و حنان موراهم متلية مبغاش تكون معاه فنفس لبلاصة .. حلات لباب و طلعو فالدروج حتى لطبقة الثانية عاد قاتليه وقف و داكشي لكان حط ليها لحوايج و هبط داز من حدا حنان كيسوط و حتى هي ممسوقاش ليه كاع
حفصة حلات لباب ودخلات : بسم الله ياربي تدخل علينا بالصحة و السلامة
جرات حنان لفاليز : اميين
سدات حفصة لباب و مشات جلسات كتساراح : هاد الدروج لي واعرين فالطلوع و لهبوط
جلسات حنان مقابلة معاها فرحانة بدارهم الجديدة .. هاد لمدة لي دازت طرقو فيها هاد لمسمار و ضمنو الدار و فرشوها بالفلوس لي شاطو ليهم .. شي حاجة من لبال و شي حاجة من الجديد
حفصة كتدور فعينيها على الدار : النهار لول لي شفتها رتاحيت فيها .. مهوية و كبيرة
حنان : اه اماما
تنهدات : دابا بصح اتطلقي نتي و بابا ؟
سمعو الصونيط فالباب
حفصة : اتكون مولات الدار عرفاتنا جينا .. سيري حلي
مشات حنان عند لباب و جمعات حفصة لوقفة حيدات جلابتها و فولارها .. بقات غا ببيجامة صيفية بسروالها و شعرها مجموع بقراصة و مع فورمتها مزال زوينة كتبان صغر من عمرها
ستغربات لحنان لي ساكتة : شكون على لباب ابنتيي
هزات حاجبها فاش مجوبتهاش و مشات لعند لباب حتى كتخرج عينيها : شكادير هنا
كان واقف جامع ايديه لور بجلابتو و الطاقية فوق راسو .. لباسو ديما نقي و ريحتو سبقاه
نطق مخنزر : تبركالله تبركالله
حفصة : سير من هناا حتى نتلاقاو فالمحكمة
دخل بلاما اتشاور معاهم و مشا جلس كيدور فعينيه : كنتي كتنساي غا طلقيي منيي
جات وقفات عليه و ايديها على خصرها : منين جبتي لعنوان .. هدرر ؟؟ ولا عرفتيي خرج عليا لااش جااي ؟
لحاج كيدور فعينيه : فرحانيين بلا بيا
كانت غارقة مع ستيلوها كتكتب أسماء الأصدقاء لي باغا تعرض عليهم حتى كتحس بالباب تحل نطقات بلاما تلافت : هانيي اماما انكتبهم و نجيب ليك لاليست
سمعات تحنحينة صوت رجولي تلافتت حتى كتجي عينيها عليه : حبيبيي
بدر الدين سد لباب و مشا جلس على طرف دالناموسية : شكاديري
كتهدر و تحرك فالستيلو : كنكتب الأصدقاء لي غادي نعرض
جمع لوقفة خاشي ايديه فالجيوبة و مشا وقف عليها فالبيرو ديالها كان صغير هو فين كتحفظ
عقد حواجبو : قرااي نشوف شكون
مفهمات والو فداك الشوفة لي كيدير فيها : هنن علاش ؟
هز حاجبو : تغرييد قلت قراي نشوف شكون
ميلات شفايفها و دارت لعند لاليست و بدات كتقرا لييه و هو غا مكيزيد اغوبش حتى قاطعها بحدة : واااش عندك غا الدراري ؟؟
تغريد : راه حتى لبنات قلتهم دابا
بدرالدين : بان لياا غا الدراري انا مشفت بناات
تغريد عينيها دمعو : والله حتى قتليك سمية لبنات غا مركزتيش .. واش نعاود نقرا ليك لاليست ؟
تلافتت عندو و نطقات بصوت باكيي : هاداك كادو و عجبنيي علاش لحتييه
زفر : وااش بقات فييك ؟
تغريد كتنخصص : صافيي ماشي مشكيل
سبقها كيشتف برجليه .. رجع جلس على طرف دالناموسية و هي كتقرا فسمية لكادوات متحمسة حيت تفكروها اصدقاءها
كملات و دارت لعندو : فينو لي عجبك احبيبي
كان كيخنشش فالتيليفون مغوبش
تغريد : وقول .. واش تقلقتيي
جمع لوقفة : لا متقلقتش .. نمشي نعس خلييك مع اصدقاءك انا حتى تفكريني و نهدرو
خرج من لبيت و زدح لباب خلاها واقفة جامدة فبلاصتها : مالو علاش تعصب
مسحات دموعها لي هبطو
فالجيهة لخرى ..
جراتو معارف باش تبلا موقفات بييه حتى لعند لحلقة لي دايرينها الناس كيتفرجو و شي كيصور فرحانيين
أمجاد : كيعجبك هادشيي ؟
ثلوج هزات راسها باه : عفااك واخة تصورني
كيبقا ساهي فيها فاش كتولي ضريفة و كتحرك بخفة بحال شي فراشة .. فاق من شرودو فاش حركات ايدها قدام عينيه كتفرنس
غوبش مراضيش : شنو ؟
مدات ليه التيليفون : صورنيي
خدا من عندها التيليفون : فين باغة تصوري بالسلامة
ثلوج كتضحك طايرة بالفرحة : انتصور مع لفرقة .. اجي مقلتيليش اشمن دولة حنا ؟
أمجاد : أمريكا
هزات راسها باه و مشات حدا لفرقة لي كيعزفو و الناس كتصفق و تمايل معاهم .. ضحكات لييه كتبعكك و هو كيصور على وعدو و سعدو . . كلا مرة بوز فشكل السيدة واخدة الاحترافية من الأنسطا .. كتعرف لوضعيات لي كتبان فيهم زوينة كتر
بعدات منو بخطوة : تقاد انصورك .. فكك لغوباشة و ضحك بسم الله الرحمن الرحيم
أمجاد : شنو دابا كتعيري بالريق و لاشنو !
ميلات شفايفها و خطفات ليه تصويرة و هو كينكر عاد قربات لعندو كتورييه فيها : صراحة أنا مصورة واعرة
أمجاد : حتى لي كتصورييه واعر
ضحكات بسخرية : شكون كذب علييك
أمجاد : تلافتي و شوفي
دورات عينيها كيبانو ليها لبنات حاضيينو لي جاي و لي غادي عينو عليه .. هزات حاجبها و دارت لعندو : مكيفهمو والو هادو .. ذوقهم عوج بحالك
حمر فيها حتى قطعات لحس ديما لسانها مبري منها
فهاد الأثناء جاه إتصال جاوب و عطاها بالضهر مركز مع لمكالمة و هي حادرة راسها كتدوز فالتصاور عاجبينها .. شوية حسات بشي واحد دخل فيها و لاح ايدو لصدرها خرجات عينيها و تلافتت تشوف شكون لقاتو غادي كيضحك مع صحابو و حاضيها كيغمز فيها .. شداتها لبكية على لموقف لي طاحت فييه و بداو كينزلو دموعها تلقائيا حتى تلافت عندها أمجاد مستغرب و على ودنو التيليفون غا شاف دموعها قطع و قرب لعندها : علاااش كتبكيي
شيرات ليه بصبعها لشخص لي تحرش بيها و دموعها كيهبطو : تحرش بييا .. دخل فيا و قاص ليا صدري
هز راسو بالعرض لبطيء لفين شيرات ليه و وجهو حمر فيساع بدا لعرق كيخرج من جيبينو .. مخلاش ليها فين تزيد تشكا مزال لاح التيليفون حتى تشخشخ و مشا لعندو غبرة عطاه كروشي حتى جا كاو فوق الأرض مسرح على كرشو .. صحابو مفهمو والو و مرضاوش باغين اتحماو
أمجاد ولاو فيه عشرة بدا كيخلط فييهم جاعر و صااعر دبصح حتى تجمعات الجوقة و الدم كيتشاير غززهم مزيان .. كان بحال شي ثور كيسب و اضرب ضربات لموت ماشي ديال تسخف و صافي .. لا مكيهنا حتى اشوف الدم حس بالشمتة لي تشمت لعافية شعلت فييه بقا كيركل و اضرب بحال لمسطي و الناس مقدراش تفك خايفة تجي فيها شي دقة
ثلوج كتبكي بهستيرية من بعييد مخلوعة أول مرة كتشوف شي مضاربة فيها الدم و لهرس .. رجعهم شراوط ..قشعاتو جبد لفرديي من لور دالسروال شهقات و مشات لعندو بالجرى
دوراتو لعندها حتى كان غادي ادفعها لكن تراجع فاش عرفها غا هي : علاااااااش جاااايةةةة لعندييي لاااااش ؟؟
ضغط على الزناد تيرى فالشخص لي تحرش بيها لرجلو حتى غوت
نطق عاض على سنانو كيشوفو كاع رجع دمايات و مزال مبردات لييه : هاد الرصاصة نيشان للقلب ..
بغا اضغط على الزناد و قفات قدامو حتى ولا السلاح موجه ليها .. نطقات كتبكييي : لاااا بلاااش متقتلوو صاااافييي انا ولفت لي جاا امسح فيا رجلييه و اضربنيي...
قاطعها صااعر و عينيه خارجين و حمريين : نضرررربككك و منخلييي لي اضربك اثلووووج كتفهميي ؟؟؟
خبط جبينو لي كيسب بالعرق على جبينها : واش كتفهميي ؟
هزات راسها باه كترعد غا شافت فعينيه سمعات صوت الرصاص بعدات و تلافتت مفزوعة لعند الشخص لي تحرش بيها حتى كتبان ليها الرصاصة ختارقت راسو و طاح جثة
شهقات و تلافتت بالعرض لبطيء عند أمجاد : علااش قتلتيييه ؟؟
أمجاد : هو قااااااسك واش كتفهميييي ؟؟؟؟
ثلوج حسات بالدنيا مشات و جات بيها واش حتى لهاد الدرجة مجرم و عندو قتل الناس بحال الذبان .. اه بغاتو احامي عليها و اياخد ليها حقها منو على التصرف لحقير لي دار معاها و لكن ماشي اقتلو ..هي مبغاتش تكون سباب شخص آخر ماات .. غادي تحماق بقات غا واقفة كتشوف فييه و كترعد و لات كتحس براسها مسخة بدم الضحايا لي كيموتو بسبابها .. من نهار داك لواقعة و أي وحدة كيموت حيت هي عندها دخل
أمجاد زفر و جرها موراه بحال لجماد غا كتشوف فنقطة وحدة . شحال قدها تبقا تشوف فالناس كتموت قدامها سوا كانو كيستاهلو سوا لا .. ولكن هنا كنهدرو على روح كيفاش حتى عندو لحق اسلبها من الجسد ديالها
نطقات بسهوة : طلللق منيي المجررممم
تلافت لعندها كينهج و صدرو كيطلع و اهبط .. أول حاجة دارها خشا لفردي مور السروال و شد وجها بين ايديه كيحس بيها كترعد شوية و تطيح على وقفتها
تنهد : ثلووووج
بقات كتشوف فعينييه لي الشرارة خارجة منهم : نتا قتااال
غوت حتى أنفاسو كاملة ساطت فوجها : و انررررجع نقتلووو إلا مزااال عاااايش . .. انرررجع نديييرها هو قاااس شي حاجة ديالييي طمممع فشي حاجة دياااليي
ثلوج ببرودة : انا مديالكش .. شكون قاليك ديالك ؟
خطفها من خصرها حتى تزدحات مع صدرو كانت أنفاسو مجهدة دالة على عصبيتو و جملتها لي خربقاتو : حيااتك ولات دياليي انا لي كنقرر فيييها كتفهمييييي؟؟؟
زفر و عاود جرها موراه حتى وصل لطموبيل و ركبها : هانا جااي بقاي هنا متحركي حتى لبلاصة
سد لباب و سورتو عاد قلب الدورة راجع لفين مجموعة الجوقة و لبوليس واقفين كيحققو .. كانو تاصلو بيهم الناس لي شافو داك لمضاربة
ثلوج حاولت تحل لباب مبغاش .. ولات كتنهج و لعرق كيخرج من جبينها بكترت ما مصدومة ..كانت كتكرهو و ولات كتكرهو و زاد كرهها لييه كتر و كتر .. كره مكيتصورش ولات كتكنو لييه .. عرفاتو حممق و معندوش لقلب حتى توصل بيه الدرجة اقتل بدم بارد
شافت لعند الزاج كيبان ليها كيهدر مع لبوليس السيد واخد راحتو و باين كيتمرغ عليهم تماك غا من حركات ايدو .. واضح أنه معصب و مكرهش هاداك لي قتلو احييه و اعاود اقتلو على الله غا تبرد ليه الشمتة
نطقات كتبكي و تمسح فدموعها : ياربيي اتشد فالحبس ياربييي .. هاد لمجرم مخاصش ابقا عايش زدت تأكدت بيلا غا نولد ايخرج فيا رصاصة .. خاص نلقا حل لراسي
وسعات عينيها فاش بان ليها جاي كيقاد لكاسكيط و كأن شيئا لم يكن ... كيفااش واش الناس عميين مشافوش جريمة لقتل و لا لبوليس صمكيين مسمعوش الشهود و كاميرات لمراقبة لي معلقة فكاع لبلايص .. ياك أمريكا دولة حقانية و خدامة بالقانون اذن فينو لقانون! .. بغات تحماق مفهمات والو حتى حسات بالباب تحل و ريحتو حداها عاد عرفات راه وصل و ركب و هي ساهية كتفكر
ديمارا و نطق ببرودة : مشهية تاكلي شي حاجة ؟
سمعاتو ولكن كانت عاطية وجها لزاج مجوباتوش حتى حسات بشي ايد تحطات على كتفها و تلافتت مخلوعة كترعد
أمجاد طول الشوفة : خايفة منيي
شافها كتعراق و تصفار و تخضار : قربيي لعنديي
وقف الطموبيل و جرها حتى جلسها قدامو كيتنهد : قوليلي نشوف .. خايفة منيي ؟
هزات راسها باه شوية بدات كتبكي مقدراتش تصبر و تخبيي راه مواقع والو .. حتى حسات بيه كيقاد ليها شعرها مور ودنيها
أمجاد حاول اخبي داك لعصاب حيت كتدافع عليه و نطق ببرودة مصطنعة : كيستاهل .. هو قاسك و انا علمتو درس
ثلوج : علاش كدير هادشي
أمجاد جرها من عنقها لعندو كيشوف فعينيها واخد راحتو : على قبل ولديي
حط شفايفو على شفايفها كيبوس فييهم بشوق خلاها مصدومة من حركتو السيد ولفها .. بغات تدفعو حكمها خايفة تضعاف عوتانيي بحال قبل ميخرجو .. هو كيبوس و هي كتلعن فداك لهرمونات
حتى بعد عاد رتاحت : بغيت نمشي لبلاصتيي
عاود نطق و ايدو على خدها كيتحسسو : واش مزال خايفة منيي
هزات راسها بلا غا باش تفك
أمجاد بابتسامة ماكرة : كذااابة
ثلوج : اه خايفة منك حيت مجرم
أمجاد كيمسح ليها على شعرها : اه و نزيد نولي مجرم إلا قاسك شي واحد
ثلوج كيعصبها : كتقصد اقيسو ليك ولدك
أمجاد بسخرية : اه داكشيي
ثلوج : ممكن تحيد بغيت نمشي لبلاصتيي عفاك ؟
أمجاد : قبل تمشي وريني فين قاسك
ثلوج : نسيت
صعر حتى تقلب بحال الزمان : ثلووووووووج
قفزها حتى حلات لجاكيط كتوريه فين لاح ايدو : هنا
تجنن و جرها باسها وسط فرقة صدرها بوسة متعجرفة مغودد مكرهش امسح ليها داك لبلاصة بالما لقاطع غا باش امشي لطراس ديال داك لمرحوم خخخ
ثلوج غادي اجهلها مع لحمالة كيلعب ليها على لوثر لحساس : مممم امج .. شووف
بعد راسو كيتمتم تحت فمو مكتعرفو شكايقول
ثلوج : نمشي لبلاصتي
زفر و رجعها لبلاصتها : سدي لجاكيط بلاما نصدق مقاتل مع شي واحد آخر
هزات راسها باه كترعد : واخة
قرصها فحنكها بلطف و رجع ديمارا و كسيرا خلاها كتخلع منو كتر و كتر بحال الزمان كيتقلب .. مرة مجرم و قتال مرة حنين و عندو لخاطر مرة نكاار و اقتلك غا بالتوبيخات ... الخ
شخصية مليئة بالتقلبات لمزاجية و هي اخيب شخصية تقدر تكون عند لواحد
رمقها بنضرة حادة و قلب الطريق و هي ساهية فالزاج كتفرج فالبنايات حتى حسات بيه وقف قدام مطعم كبيير كلو زاج من برى باين غا ديال الناس لي بوكو حبة هما لي اقدو بييه
نزل و دار لعندها حل عليها : نزليي و لا نهزك ؟؟
خنزرات فيه عرفاتو كيطنز و نزلات كتنفخ و تلوح فشعرها عاجبها
سد لباب و هو كيسوط : باغا نقرعو ليك و لاشنو
ثلوج باستفهام : شنو هو ؟
أمجاد ببرودة : شعرك
خرجات عينيها و ضربات الطم مبقاتش كتحرك حتى جرها معاه و دخلو
ثلوج : شنو جينا نديرو هناا
أمجاد : ياك بغيتي لعدس
ثلوج مصدومة : واو واش هنا كاين لعدس
جرها من خصرها طالعين لطبق الثاني : فيها كاع الأكل لي اقدر اطيح فبالك .. الأكل الإيطالي لمغربي لكوري الصيني ...الخ فيه بزااف
ثلوج كتفكر بحماس مع لحمالة ولات بحال شي بنت صغيرة فيساع كتنسا شنو وقع و ترجع تصرف عادي : واخة نذوق من الأكل لياباني إلا كان؟
ثلوج بصوت باكي : اش فيها .. خايف على فلوسك غا قولها
بتاسم بسخرية و كحز ليها لكرسي جلسها و جلس مقابل معاها كيسوط : من نيتك
ثلوج : اه من نيتيي
نطق مغزز على سنانو : ثلوج
بلعات ريقها و سكتات حتى كيجي عندهم السيرفور هدر معاه بالإنجليزية طير و مشا خلاهم بجوج
ثلوج بعفوية : كتعرف تهدر بالإنجليزية
أمجاد : علاش نتي مكتعرفيش
ثلوج : كنعرف ولكن عجبني النطق ديالك
أمجاد دايها على قد عقلها كتبان ليه غا كتدخل و تخرج فالهدرة :مممم النطق قلتيي
كحز لكرسي لي حداه : اجي جلسي هنا
جمعات لوقفة بلا مشاكيل و مشات جلسات حداه كتدور فعينيها عاجبها الديكور لي كاين فالمطعم
أمجاد لاح ايدو على كتفها حتى خرجات عينيها : عجبك ؟
شافت لعندو كتبلع فريقها : اه
أمجاد : دياليي
وسعات عينيها على عرضهم : كك كيفاش !
أمجاد : كيف سمعتيي .. ولكن عاطي لملكية لجداتي هي لي مكلفة بييه
ثلوج باغا تجر ليه لسانو حدما كيهدر بحالو بحال الناس : شكون جداتك.. زعما مت ماماك ولا ..
قاطعها : مت لواليدة
هزات راسها باه : مزيان .. مبروك
هز حاجبو جابت ليه الضحكة : علاش
ثلوج : حيت نتا لباس عليك بزااف
أمجاد : حتى لغدا و نورييك منين جاو هاد لفلوس
ثلوج : بصح ؟
أمجاد : اه الصحفية لفاشلة
ثلوج : كنت انكون صحفية ناجحة دابا كون ما ..
قاطعها فاش تفكر لحادث : شششش سكتييي
جمع لوقفة مغوبش و مشا لعند الزاج لي كيطل على الشارع و جبد كارو كيكمي فيه و انتر
هزات كتافها ممسوقاش ليه : بشاااخ على لفلوس غا كتشاير ..كون غا وقعات شي حاجة و نهرب منو
تنهدات : هانيي هربت .. لبوليس كيتسناونيي
سكتات بتدمر كتشوف فيهم كيحطو لماكلة مشكلة و لعدس على جوج أشكال .. أكلة عادية و لاخرة شربة ..جرات ليها الأطباق متحمسة و هزات لمعلقة تذوق من هنا و من هنا فرحانة. .. كتاكل بشهية مفتوحة و فرحانة
حتى كتحس بيه جلس حداها بلعات ريقها و مشات الشهية لي كانت عندها قبل اجي
شدها من فكها زرب عليها و خطف بوسة جنب فمها عاد رخف خلاها حمرة و حناكها عاطيينها الصهد : شبعتيي ؟؟
خنزرات فيه و رجعات كتشوف فالأطباق وتاكل شوية نطقات معصبة : متبقاش تبوسنيي
غا سكتات حسات ببوسة على عنقها : هييه واش نتا مريض كتوحم عليها ولا شنو
صغر عينيه فيها : كيفاش .. منين كتجيبي هاد لهدرة
ثلوج : من الزعتر بعد مني ولا نقلب عليك شربة لعدس
أمجاد هز حاجبو : اهاه زيدي شنو اخر
خفضات صوتها كتحلون علييه : هنن بعععد
بعد كيعجبو استافزها غا رجع لبلاصتو تلافتت هي لعند الأطباق كتدعي فيه و تسب مخلات فيه غا لي نسات .. السيد بدا كيزعم عليها شي نهار تلقا راسها ناعس معاها بزز هادو هما الأفكار لي بداو كيطيحو فبالها
أمجاد : مغاديش نغتاصبك متخافيش
شافت فيه موسعة عينيها : هاا
شاف فساعتو ليدوية شداه لقنطة : إلا كملتي يلله
ثلوج : لا مزال مكملت
عقدات حواجبها و دارت لعند لماكلة كتفتارس فيها عاجبها الديكور و الألوان لي فالأطباق كيفتحو الشهية
أمجاد : بشوية عليك .. مخلوعة
ثلوج تلافتت لعندو و فمها عامر : كتخلعني نتاا
أمجاد بقا غا كيشوف حتى رجعات عوتاني كتاكل معصبة
كملات و دارت لعندو : بغيت نمشي لحمام
جمع لوقفة و جرها موراه : انبقا خدام عندك واقيلة
حل ليها لباب : عندك جوج دقايق نلقاك قدامي
بدات كتلوى ليه قدامو : هنن و إلا مكفاتنيش
زفر : دخلي بولي دخليي
حمارت فبلاصتها : ناري نتا مكتحشمش
خنزر فيها : وسربينيي
طارت من قدامو حمرة و دخلات تعتق راسها
بقا واقف كيمسح على راسو و كيتسنا فيها تخرج .. سكنات تماك حتى بانت ليه جاية مقادة لعكر و مرجعة شعرها لور باينة كانت ناعسة فالمرايا
هز حاجبو : مسحيي داك لخراا
شافت فيه باستغراب : شنو
رمقها بنضرة حادة و مشا لعندها جرها و مسح فمها بايدو لخشنة حتى توعتات : هادشييي
خسرات ملامح وجها : قصحتيني
ضربها بصبعو جيهت جبينها : واش نعستي تماك على قبل هاد الزواق لي طالية بيه كمارتك؟؟
ثلوج بقات غا ساكتة خلاتو كيفور و اغلي غا بوحدو .. شوية حسات بيه جرها من خصرها كيسوط و قصد الدروج حتى خرجو على برى ركبها و ركب عاد كسيرا
مجوبهاش بقا ساكت ..طلات عليه بان ليها عاقد حجبانو و باينة معاجبو حال ..ميلات شفايفها و رجعات تقادت فبلاصتها كتشوف فالزاج و تمنضر ..محساتش بعينيها لي تغمضو بالنعاس
داز لوقت ..
حسات بشي أنفاس قريبة ليها و شي ايد كضرب على خدها بالشوية .. حلات عينيها ببطء دايخة
أمجاد : واش كتنعسي ولا كتموتيي ؟
ثلوج باستغراب : شكون نتا
هز حاجبو : من نيتك
بعد و خلاها كتكمش فعينيها عاد بدات كترجع ليها الذاكرة : شحال دلوقت نعست ؟
أمجاد : نزليي
تلافتت تشوف راسها بان ليها لمول ..شوية تحل عليها لباب : نزليي شكاتسناي
ثلوج : علاش جينا لمول؟
عقد حواجبو : واش كتحيمقي عليا و لا شنو دابا
ثلوج عاد تفكرات : اه لكسكسو .. ولكن لخضرة ديالو مكيناش هنا واقيلة
حاوط خصرها و جرها معاه : معنديش لوقت لي عجباتك قوليهالي باش نشريها
هزات راسها باه متحمسة .. شوية سمحات فييه و مشات كتقلب فالخصرة و تعزل غا لي عجبوها .. خلاتو ساهي فيها ممسوقش حتى لتيليفونو لي كيصوني فجيبو .. فيها شي حاجة فشكل مبدلة .. شي حاجة مكينا فحتى واحد ..امكن حيت عدوة من نوع خاص ولا شي تعريف آخر ملقاش ليه جواب
ثلوج شيرات ليه بايدها :هييه اجييي
فيقاتو من سهوتو و مشا لعندها عاقد حواجبو : ساليتي
ثلوج كتجمع فالساشيات : للأسف ساليت .. خلص الراجل
هز راسو باه و خلص لبائع عاد هز ليها الساشيات : شنو باقيي
ثلوج كتفكر : باقي الدجاج
أمجاد :الدجاج كين .. فكري فشي حاجة خرا ماشي حتى نمشيو عاد توحمي عليا. .. داك الساعة غا سكتي نقدر نقسمك على جوج و متبردش ليا
زفر و مشا حل لكوفغ جبد الساشيات .. جا عندو واحد من لكارد خداهم من عندو و دخلهم
أمجاد رجع سد لكوفغ و سمع تيليفونو كيصوني عوتاني تنهد و جبدتو جاوب فالبلاصة : شنو كين ؟
......... : مسيو أمجاد انا الطبيب لي تكلف بالعملية
أمجاد : عرفت .. علاش تفكرتيني
الطبيب : مسيو أمجاد خاصك تعرف شي حاجة
أمجاد هز حاجبو : بحالاش
الطبيب : لموضوع كيتلعق بالجنين
أمجاد : كتبقا تقطر عليا هدر مقاد
الطبيب : للاسف لولد لي هزاتو للمريضة فالعملية ماشي ولد ليناا
أمجاد جمع ايدو على شكل قبضة اللون تخطف من وجهو : مفهمتش !
الطبيب : عارف غادي تعصب ولكن لحقيقة هي هادي .. لولد و لدك نتا و لمريضة لي هي ثلوج الناجي .. ولدكم بجوج
أمجاد بقا واقف مفيكسي و عينيه خارجين : واااااش عاااارف شكاااتقول و لا لا ؟؟؟ ... كيفاش شكاتخور عليااا
الطبيب تنهد : كتعقل كنا قلنا لييك لعملية مستحيل حيت لمرحومة لينا كانت يلله دايرة إجهاد و خاص لوقت فين تستاقر لمسالك و ناخدو لبويضة ديالها .. و نتا كنتي مسر على لعملية فاضطرينا نحقنو لمني ديالك فالبيوضية ديال الآنسة ثلوج .. مسيو أمجاد درنا هادشي حيت كان يستحيل تدار لعملية و كان خطر كبير على لمريضة .. كنتمنى تأقلم مع لوضع
أمجاد كان كيلهت و هو كيسمع لييه شوية صوت الطبيب بدا كيهرو فودنو داكشيي علاش قطع لمكالمة و عينيه خارجين .. كان صدرو كيطلع و اهبط مفاهم والو منين خرج لييه هادشي .. مضربش ليه لحسبة بالمرة
تكا على الطموبيل و حيد لكاسكيط عاد بدا كيمسح على شعرو غادي اقرعو .. بقا غا كيشوف ساهي
داز لوقت وهو على نفس لوضعية عاد قاد وقفتو و مشا تيجاه لباب .. حلو و دخل مرون فمخو و مخربق بالمزيان
غا هز عينو بانت ليه نازلة كتلعب فالدروج بحلة جديدة و ابتسامتها سبقاها باينة عليها فرحانة .. سهى فالكريشة لي معرية .. دابا راه هازة ولدو و ولدها
ثلوج منتبهاتش لييه عجباها اللبيسة ديالها بغات تطيب و تقاد فيديو وهي كتطيب ناوية تحتافظ بييه حتى لوقت لفراغ و تفرج فييه .. كانت كيوت بالقاميجة الشيبية محزومة عند لكريشة لي كتبان .. و شورط صيفيي قصير مخطط دارج على لموضة
أمجاد خرج عينيه فاش بانت ليه رجلها لي زلقات ... فيساع جرا لعندها خطفها من خصرها قبل تكركب : وااااش كتبرهشييي و نتيي حاملة ؟؟؟؟
كانت حاطة ايدها على قلبها كتنهج. . تخلعات بزاف غا غوت شافت لعندو كتبلع فريقها خصوصاً أن ملامحو مغوبشين باينة فيه معصب : مرديتش لبال
أمجاد وقفها : هاد لمرة ردي لبال
هزها بين ايديه حتى نزلها من الدروج و وقفها : شنو ناوية ديري دابا
ثلوج كتلعب بالقصيصة لي مدلية : مممم نصايب كسكسو
أمجاد طول فيها الشوفة هي كتهدر و هو غا كيشوف حتى حركات ايدها قدام عينيه : فيين كتسهىى
عقد حواجبو مقادرش اصبر و هي كتبوس فعنقو واخدة راحتها و عينيها مغمضين .. كتبوس و تبنن بصوت مرتافع بحاليلا كتاكل الشوكولا .. دوخها بالمزيان
أمجاد حس براسو سخن : كتقلبي عليا البرهوشة
حيدات راسها من عنقو و دازت للحيتو كتشم فيها حتى وصلات لفمو و حطات عليه شفايفها بدون حراك .. جهلاتو حتى هزها و لوات رجليها على كرشو و شفايفهم ملتاحميين بدون حراك .. محساتش بييه امتى طلع بييها للفوق كيتحسس ضهرها لي معري
وصل لبيتو حل لباب و دخلها عاد سدو برجليه .. قصد نيشان الناموسية تكاها بالشوية و جا فوقها و هي غا مغمضة عينيها كتشمشم فريحتو و ايديها كيلعبو فلحيتو عاجبها لحال و ناسية راسها تحت من شكون
أمجاد حاوط وجها بين ايديه و دخل معاها فقبلة شرسة و عميقة كانو بجوجهم متجاوبين فيها واخة هو لي متحكم كتر
ثلوج نسات راسها بين ايديه خدرها حتى ضربها الضو فاش حسات بايدو تحتها .. خرجات عينيها و دفعاتو من فوقها جامعة لوقفة كترجف و حالتها حالة شعرها كاع تشعكك و لقاميجة محلولين صدايفها .. صدرها كاع بارز و الشورط هابط على لحزام .. بقات واقفة كترعد كتشوفو حتى هو عريان غا بالبوكسور و متكي على ضهرو شاد راسو باينة فيه معصب ولكن علاش الله و اعلم
بلعات ريقها و دارت باش تخرج حتى كيوقفها صوتو : واااااش قللللت ليييك نوضيييي؟؟؟
تلافتت لعندو كتشوف فيه بارتباك : بغيت نمشي
جمع لوقفة و قصدها هي راجعة باللور و هو تابعها حتى تكالات مع لحيط كيشوف فيها مطول حتى زرع فيها الرعب
نطق عاض على سنانو : دابا علاش كتقلبي
ثلوج عتقات الشورط هزاتو و حطات ايدها على صدرها كتخبييه : على والو هنن
أمجاد حاوط وجها بين ايديه و هزو ليها حتى تلاقاو عينيهم : ثلوووج
بلعات ريقها و هي كتشوف فيه : ش ش شنو
بعد بخطوة لور عاطيها بالضهر : طييييرييييي
قفزات و خرجات من بيتو بخطوات سريعة .. مشات نيشان لبيتها أول حاجة دارتها شافت راسها فالمرايا و بدات كتويل : اويليييي فيين كان عقليي وااش لي قلب ليا حياتي و رجعها كلها دمار كنسا راسي معاه
بدات كتبكي على لوحم لي دار فيها هاد الشوهة .. مرضياش بالموقف لي تحطات فييه
مسحات دموعها بعجرفة و رجعات قادت حالتها مزيان عاد خرجات من بيتها و هبطات لتحت حناكها مزنكين كلما تفكرت كيفاش كانت غادي تنسا راسها وهي بين ايديه
فالجيهة لخرى ..
كانت كتنصب لعشا فالكوكوط .. واخة لوقت تعطل
دخلات عليها حنان : ماما
حفصة بعصبية : مزال ممشا؟
حركات راسها بلا : ردي لعشا و اجي نجلسو
هزات حفصة راسها باه و مشات حنان حدا باها لي متكي على الصداري كيتفرج و اقلب فالقنوات حتى حاجة معجباه
شوية رجع جلس كيلعب بصباع ايديه : فيينها مكك
حنان : فالكوزينة
لحاج : امممم ... اوا الآلة حنان وليتي تزوقي و تحطي تصاورك الخوينزة هااا ؟؟؟ وليتي بحال داك لبرغوتة ديال سنبلة لي معرت فين زادت و خلاتنا .. طالبة السبة
حنان كمشات عينيها عرفات باها بدا لكاسيطة ديالو
لحاج : راه كنهدر معااك
حنان : انا بغيت نولي مودل و نكمل قرايتي ابابا
خرج عينيه : شناوااا
خرجات لعندهم حفصة بعدما ردات لعشا .. مشات جلسات عاجبها راسها : مالك كتغوت ياك لباس ؟ وعلاش جاي لعندنا ؟ بيناتنا غا لمحكمة ..دابا سير ولا نعيط ليك لبوليس
لحاج : يااك الآلة حفصة هادشي لي وليت كنستاهل
حفصة بافتخار : اااه و كتر .. طلقنييي بغيت نشوف حياتيي و نتزوج حتى انا اش فيها
حنان شداتها الضحكة جمعات لوقفة و مشات لواحد من لبيوتة جلسات فيه تخليهم الراس فالراس على الأقل اتحلو مشاكلهم لعائلية واخة هي مشكيلتها كبيرة و كبيرة بزااف .. جبدات تيليفونها و دخلات لأنسطا كتفرج فالفيديوات ديال لميكاب باغا تعلم و أول حاجة خاص ديرها هي تشري لميكاب
فالصالون ..
لحاج : هادشيي لي وليت نسمع منك يااك احفصة ؟
حفصة تفركعات عليه : علااش مجري على بنتيي و مجري علينا .. سحاب ليك شايطة و معندي نفس ؟؟ .. صافيي داك لعيشة خليتها ليك .. هاد الدار لحمدلله انبدا منها و نوقف على رجليا منها
لحاج : منين جااوك لفلوس باش رهنتيها ؟
حفصة : ونتا شكون قاليك هادشي .. رهنت و لا تحولت و لا ولا ..؟!!
لحاج : ديرها غا زوينة توصل توصل
حفصة : هاهو لعشا ايطيب .. تعشا و خرج عليا مبغيتش نولي فالمعايرة تلاقينا خوت نتفارقو خووت
لحاج : و الله لا مشييت .. صافييي و داك الطلاق نساايه بنت لحرام حتى شرفت و خرفت عاد وليتي باغا تطلقي و تزوجيي
حفصة شداها الضحكة : لوااه على شرفتيي ؟ .. باقيي شاد فراسك و بزينك و فلوسك فاش نطلقو تزوج حتى نتا
لحاج جمع لوقفة و مشا جلس حداها : انا باغيك نتيي
حفصة بتكبر : و انا مباغاكش
لحاج شداتو النفس جمع لوقفة باغي امشي شوية جلس حداها مراضيش و عطاها بالضهر : غا لعشرة لي خلاتني نجلس
حفصة بميوعة : تيقتك
لحاج تلافت لعندها و لا غا كيدخل و اخرج فالهدرة : كيفاش بغيتي تقولي انا كذاب ؟
جمعات لوقفة و مشات خلاتو جالس كيدور فعينيه على لحالة لي وصل ليها .. داز لوقت و تحط لعشا و تجمعو على الطابلة
لحاج : هادشيي بنين
حنان شداها الضحكة عارفة باها باغي اجبد لهدرة مع مها
حفصة بميوعة : بصحتك
حنان : كون غا بقيتي معانا ابابا
حفصة خرجات عينيها فحنان
لحاج : هي لولا ابنتيي
حفصة : عندااك شكون قالييك بقا .. معادنا فالمحكمة
لحاج : و الطلاق و الله لا حلمتيي بييه .. غادي ترجعي معايا فين كبرنا بناتنا
حفصة : مبغيتش نرجع لقرية .. بنتيي ايدوز الصيف و تنوض تقرا خاص تسجل بعدا و تضمن شي بلاصة تقرا فيها .. و زيد و زيد مستحيل نرجع معاك .. داك لحياة ديال لحبس و التحكم خليتها ليك
لحاج : اوا صافييي نشري دار هنا و نتحولو لييها .. نبقا نمشي مرة مرة نطل على لقرية و على داكشي ديالنا واش غادي مزيان
خفصة بنفخة : حنا رهناا و لي فات فات
لحاج ممفاكش : نسكنو هنا و نوصي شي سمسار اقلب لينا على شي دار مزيانة و بثمن مناسب .. اقلب على خاطرو
لخدامة عرفات عقلها قاصح ..حدرات راسها و خرجات مع لباب حتى كتلاقا مع أمجاد ركبها التوتر حيت ملابسش من غير شورط قصير
أمجاد : فينها ثلوج ؟
لخدامة : لداخل
هز راسو باه و دخل للكوزينة لقاها كتفرج فالفيديو و تنفد بالحرف : شكادييري ؟
قفزها حتى دارت عندو مفزوعة : مبغيتش نشوف وجهك
رجعات مركزة مع لفيديو حتى كتحس بأنفاسو موراها : شنو قلتيي ؟؟
كمشات عينيها مزيرة على لمعلقة : ممكن تبعد ؟
أمجاد بسخرية : علاش خايفة تنسااي راسك
ثلوج كتسوط : الله استر
أمجاد بعد و مشا لثلاجة خدا لييه قرعة دلما حلها و شرب عاد رجعها و جلس حاط عليها لعين : عندااك تحطي لينا السم
شافت فيه بنفخة و رجعات كتطيب و تقاد : مكنبغيش لي ابقا مقابلني و انا كنطيب
أمجاد : علاش موالفة كتطيبيي ؟؟
شافت لعندو عاقدة حواجبها : شووف بلا تطنااز .. راه بصح كنعرف نطيب
أمجاد جمع لوقفة : ها حنا غادي نشوفو
تم خارج كيجر رجليه فكلاكيطة حتى كتقاطعو : تسناا
تلافت لعندها : شفتك بحاليلا كتغوتيي
ثلوج بميوعة : بغيت غا نقول لييك لبس علييك .. عرفنااك عندك لعضلات بلاما تبقا دور و توريني
أمجاد : مكانش عند بالي عندي حتى قلتيها نتيي
كيجننها فاش كيطنز خنزرات فيه و رجعات كتكمل شغالها عاجبها راسها ..دار بناقص كااع و رجع جلس مقابلها و عينو على كرشها .. عقلو تخربق كااع لبلانات تقلبو مبقا فاهم والو .. لي عارف هو خاصو القا حل فأسرع وقت
ثلوج تلافتت لعندو فيقاتو من سهوتو : اجي جمع ليا لفغونش .. ايدي عامرين
هز حاجبو : مسمعتش مزيان !
ثلوج : و اجيي
جمع لوقفة و مشا لعندها رجع ليها لفغونش مور و دنيها و شد حناكها بجوج جامعهم بقرصة
ثلوج : شكاديير
أمجاد رخف منها : كملي شغالك
رجعات مركزة مع داكشيي وهي معصبة حتى كتحس بشحطة لمؤخرتها جننها تلافتت حمرة : صافيييي خرررج
مشا جلس كيخنشش فالتيليفون : مخارجش
ثلوج : غادي نبكيي
أمجاد : اوا حتى نوكلك شي عصية .. باكية باكية
زفرات و عطاتو بالضهر كتطير من بلاصة لبلاصة و تفكر حفصة كيفاش كدير لييه .. بقا مراقبها حتى حطات داكشي فوق لبوطة باينة فيها متحمسة
داز لوقت ..
كانو مجموعين على الطابلة أمجاد غا كيشوف و ساهي فداك لحريرة لي كتبان قدامو و لخدامة جالسة حداهم حيت بغاتها ثلوج تعشا معاهم .. كانت حتى هي كتشوف فالطبسيل و تبلع فريقها غا الشكل كيف داير باين مذاقو كيف ايكون
خشات لمعلقة و هما حاضيينها .. بدات كتبتاسم ليهم داك الإبتسامة ديال بزز و هي من لداخل كتخضار و تصفار .. لمذاق كارثي بحاليلا فبلاصة مدير لعطرية دارت شي حاجة أخرى
أمجاد عاق بيها هز معلقة خشاها ففمو و هي كتشوف فيه شاداها لبكية
ثلوج : مزوينش هنن .. طيبتو من نيتيي عيت و مصدقش
أمجاد عندو حساسية من لبزار لمذاق مكينش غا لحار لي ضارب ضربتو : مزيان .. كتعرفي تطيبي
شافت فيه فدهشة : عجبك ؟
هز راسو باه و ايدو تحت الطابلة جامعها على شكل قبضة : اه
كمل لماكلة و لداخل ديالو نايض فيه لعافية .. لخدامة دارت السبة مافيهاش الجوع و مشات خلاتهم بجوج
ثلوج بافتخار : غا كوول انا مفياش الجوع
أمجاد : اه بلاش متاكلييه
هزات راسها باه : واش بصح عجبك ؟
أمجاد وجهو حمار و هو كياكل : مزيان
ثلوج : صافييي برااك علييك
أمجاد جمع لوقفة كيترعد : طلعيي تنعسيي
غا كمل هدرتو مشا بخطوات سريعة نيشان لدروج بقا طالع حتى غبا على نضرها
فهاد الأثناء كان أمجاد تحت الرشاشة مخلي لما كيقطر عليه عاد بدات كترجع فييه الروح .. عمرو ذاق شي حاجة كارثية بحال هادي .. معرفش علاش دار لخاطر و كلاه قدام عينيها فاش حس بيها باغا تبكيي ..مسح على شعرو كيتنهد بعمق حالو مبقاش عاجبو
صبح الصباح بنهار جديد ..
فاقت فرحانة للحفلة ديالها لي ايديرو على قبلها .. كتحس براسها بحال شي برانسس و كلشي مهتم بييها .. جمعات لوقفة و مشات لحمام كتغني و تنقز .. خرجات منو مطرفة حالتها كتشعل غا شافت فالساعة لقاتها ضربات طناش دالنهار شهقات تابعها بزااف و هي يلله فايقة .. تنهدات و لبسات عليها فيساع .. كانت كسيوة صيفية محزومة من جيهة لخصر و من لتحت مطلوقة فوق الركبة .. لبسات صبيبيط و خرجات من بيتها كترجع فشعرها لي طلقاه مور و دنيها و الساك على كتفها طويل .. هبطات فالدروج حتى كيبان ليها طالع عاقد حواجبو تفكرات لبارح نزلات راسها و دازت من حداه بلاما تهدر
غا كمل هدرتو و طلع بخطوات سريعة فالدروج بقات كتشوف فيه و الدمعة فعينيها .. مفهماتش علاش كيتصرف هاكة
تنهدات بعمق و نزلات كتحاول تخلي نهارها زويين و ميطيحش عليها الضيم .. هبطات لتحت و هي تشوف لخدامة جاية لعندها فايدها كارطونة كبييرة مغلفة
تغريد باستغراب : ديالمن هادشيي ؟
لخدامة : هاد الطلبية فسميتك ا آنسة
تغريد خداتها من عندها بفضول : بصح ؟
فهاد الأثناء جات لعندهم آريا : شكون جاب هاديي
تغريد : هه معرفتش
آريا : حلييها
هزات تغريد راسها باه و مشات لصالون و آريا موراها .. حطات لكارطونة فوق الطابلة و جلسات على ركبيها فوق الزربية كتحل فداكشي
آريا مبتاسمة عرفات شكون مولاها
تغريد حلات لكارطونة لي مغلفة .. لقات طموبيل ديال الألعاب كبيرة دلبنات
شداتها الضحكة : وينووو شكون جابهاا ههههه
آريا : شوفي داك لكونطاك لي فيها ديالاش
هزاتو تغريد مستغربة : نووو متقوليهااش
هزات لكونطاك و خرجات من الصالون كتجري نيشان لحديقة .. غا شافت الطموبيل لحقيقية قدامها بدات كتنقز فرحانة حتى لحقات عليها آريا
تغريد : شفتيي اماما عندي طموبيل هههه .. مفاجأة واعرة سحابلي لكادو فيه طموبيل دالالعاب ساعة غا خطة باش نهز لكونطاك و نشوف الطموبيل لحقيقية ديالي ههههه
آريا مبتاسمة : مشفتيش شكون مول لكادو
تغريد : بالفرحة نسييت مشفتش
آريا : أمجاد هو مول لكادو
تغريد وسعات عينيها : وااو سحابلي ممسوقش و نسانيي
آريا : خوك كيهتم لتفاصيل ميمكنش ميعقلش
هزات تغريد راسها باه فرحانة و تلافتت كتشوف فالطموبيل حماقتها صغيرة و كيوت ديال لبنات .. متشوقة امتى تسوقها
داز لوقت و هي كتقلب فيها و تقيص حمقها حتى لون دالطموبيل .. فالبينك بارد و صغيرة ديال لبنات على قدها .. واخة خايفة تسوقها ولكن ضروري اتزعم خاص غا الشجاعة
آريا : و اجيي دخليي خليها .. مفطرتيش خاص تفطري
تغريد : لا مفياش .. فينها حنان خاص نوريها الطموبيل ديالي هه
جراتها حنان بزز منها حتى دخلو لدار و جلستها فالصالون كان جالس لحاج داك الساعة كيدور فعينيه مبقا عندو فين اهدر .. غا كيحل فمو كتلمقو حفصة تقلبات الآية ولا خيفها تمشي عليه خخ
تغريد شافت فالحاج حشمانة : سلام عمي
لحاج : و علييكم السلام ابنتيي .. واقيلة نتي الصغيرة عند سي ساجد إلا كان عقلي انفعني
تغريد : اه هي انا
لحاج : مبروك النجاح
بتاسماات : شكرا
حنان شافت فتغريد : غادي نلبس و نجي
هزات تغريد راسها باه و مشات حنان تبدل عليها .. فهاد الأثناء جابت حفصة الصينية كتنفخ على لحاج و تجمعو على الطابلة كيفطرو و تغريد حشمانة بالاهتمام ديالهم عجبها لحال .. ماشي بزاف حتى خرجات حنان مقادة لحالة كتبان كيوت بشعرها لمطلوق و لقليل من لميكاب لي حاطة على وجها .. كانت عطاتو ليها تغريد باش تولي تستعمل منو حتى هي
كانت ناعسة حتى كتحس بشي صبعان كيتحركو على خدها غوبشات و تقلبات على كرشها كتمتم و تنين .. عاود حسات بنفس الصباع كيلعبو فشعرها كشرات و حلات عينيها بالشوية كترمش ببطء : هننن شكووون !
هزات راسها و تلافتت حتى كتجي عينيها فعينييه : هادا نتا ؟
أمجاد : تهزيي باركة من النعاس
ثلوج جرات لغطا و عطاتو بالضهر كتفشش عليه : بعد منيي بغيت النعس
نتر عليها لغطا لاحو و شدها من دراعها : نووضيي باش تمشي معايا
ثلوج مغمضة عينيها مباغاش تحلهم : بععد منيي هنن
حسات بيه كيهرها فرجليها جلسات طافجة : ماالك حامض
هز حاجبو : انا حامض ؟
بلعات ريقها فاش شافتو تقلب : لا انا لي حامضة .. غاسيير بعد منيي
جمعات لوقفة حتى كتحس براسها تزدحات مع الناموسية و جا فوقها
شهقات : واش بعقلك راه حاملة ابنادم ؟
أمجاد هز التيشورط على كرشها كيتحسسها .. شوية هبط فمو باسها ليها بوسة مطولة حتى رجفات و كمشات عينيها
طلع راسو لعندها : تهلاي ليا فولديي
هزات راسها باه و هي مغمضة عينيها .. شوية حسات بلمسات ايدو طالعة جيهت صدرها شهقات و حلات عينيها راجعة باللور
شافتو تعطل مجاش لعندها خسرات سيفتها و هبطات لتحت كتقلب عليه بعينيها بعدما دقات حتى قنعات فباب بيتو ..قشعاتو واقف عند لباب الزجاجي لي كيطل على لحديقة غادي جاي كيهدر فالتيليفون باين عليه مركز مزيان .. بقات كتطلع و تهبط فييه السبور كيواتييه و كيبين رجولتو كتر و كتر
فاقت من سهوتها فاش جات عينيها فعينيه
أمجاد قطع و مشا لعندها : عااد جااية .. دوزيي تفطري قبل مندوز عليك بشي موس
ثلوج : و نتا لي منوضني بكريي .. يلله ضربات تسعود الصباح
أمجاد حمر فيها و سبقها لعند الطابلة جلس و مشات جلسات حداه كتدور فعينيها
حتى قفزها : كووولييي
هزات راسها باه و بدات كتنقب شوية بعد سكوت طويل نطقات : فين انمشي معاك
أمجاد : حتى تعرفيي
هزات راسها باه كتخمم فين ممكن اديها معاه
أمجاد شرب قهوتو و سبقها : هاني برى كملي فطورك و اجي .. تعطلي نعطبك من شي قنت شحال هادي ماعصيتك
ثلوج بميوعة : الله استر
حمر فيها و مشا
ثلوج : الله اعطيك غبارة .. و أخيرا انشوفو كواليس حياتك باش ممكن انفعونيي
شافت فتيليفونها هاد لمرة عازمة حتى تاخد دليل لي انفعها و اخليها تاخد حق الضحايا لي ماتو قدام عينيها
سمعات لكلاكسون سمحات فالماكلة و مشات خارجة لعندو كتغبن فخاطرها
لقات لباب محلول ركبات حداه و سداتو بنفخة : الله استر ديما محرمها عليا
قطعات لحس فاش ديمارا حتى تحكو الروايد و كسيرا مخلي لعجاج موراه ..
طول الطريق و هو ساكت دخلها سوق راسها و حسات بالرعب
ثلوج : أ .. اا
و رجعات سكتات لهدرة مشات ليها لبارح عاد كان حنين معاها و داير ليها لخاطر أما دابا غا مغوبش بحاليلا حاطة عليه موس
شاف فيها داك الشوفة ديال واش من نيتك و جرها من ايدها كتلاوح مورااه .. هاد لمرة فبلاصة ميطلعو لطابق الثاني هبطو لتحت لكاب .. مفهمات والو بقات غا تبعاه كتكتاشف و تقيد فدماغها
بان ليها وقف عند شي باب خشا لكارط و حلو و جرها معاه عاد سد لباب
ثلوج كتشوف غا الضلام : عفااك يلله نرجعو خلعتينيي
أمجاد مجوبهاش حدو شعل الضو و جرها معاه غادين وسط واحد لكولوار و السقيل تخلعات .. حتى كيبان ليها وقف عند باب اخر و خشا كارط أخرى حلو
ثلوج : فين حنا .. جاوبيي
حس بيها تخلعات : ششش ياك باغا تعرفي عليا
هزات راسها باه : ولكن دابا لا .. مبقيتش باغا
حاوط خصرها و دخلها و سد لباب .. كانت مكمشة عينيها و مغمضاهم خايفة
أمجاد : حليي عينييك
حلاتهم بالشوية بالعرض لبطيء .. سرعان مبقات مصدومة و فحالة دهشة .. كتشوف الناس قدامها بالطابليات ديالهم و الليكونات فإيديهم و حتى لكمامات على فمهم .. خدامين و مركزين مع لي شنتيو ديالهم
شافت فأمجاد باستغراب : مختبر !
رجعات كتشوف مفاهمة والو : علاش جينا لهنا
أمجاد شار لوحدة من لمنبيلتوغ لي كينين تماك حتى جات لعندو كتهدر بالانجليزية : ميستر أمجاد
أمجاد : ديها تبدل
هزات راسها باه و شافت فثلوج : تفضلي معايا
ثلوج غا كتشوف مشات معاها و عينيها على أمجاد لي طار من حداها
داز لوقت ..
كانت وسط لمنبيلتوغ بالطبليات ديالهم خدامين كااع ممسوقين ليها .. مفهمات والو شنو كيصنعو و علاش خدامين .. شافت فالطابلية لي لبسوها حتى هي و لكمامات و ليكونات شداتها الضحكة .. قالو ليها باش متقاصي بحتى مكروب من الشنتيو لي كيخدمو بيه عاد فهمت سبب هاد حوايج السكيغيتي لي كيخدمو بيهم
قشعات أمجاد من بعيد .. مشات لعندو بخطوات سريعة كتشوفو حتى هو بالطابلية و ليكونات فإيدو باين عليه مركز كيهدر مع واحد من لمنبيلتوغ
ثلوج : شووف
هز راسو لعندها : جلسي حتى نجي
ميلات شفايفها شداتها لبكية حسات براسها كاع متسوق ليها و لا داها فيها .. شوية بان ليها مشا و هي تشوف لمنبيلتوغ خدام تشجعات ونطقات بالانجليزية : علاش خدامين ؟
هز راسو لعندها بعدما كان مركز مع لميكروسكوب : جلسي بعدا
جرات كرسي و جلسات حداه
لمنبيلتوغ : خدامين على واحد لجزيئة الصيغة الكيميائية ديالها هي C17H21NO4
ثلوج : الصيغة لكميائية ديال لكوكايين ياك ؟
هز راسو باه
ثلوج : واش كتصاوبوه
بتاسم عرفها باغا تجر ليه لسانو : كنخدمو على واحد لمواد لي كنضيفوهم و سط لكوكايين باش ..
شافتو سكت : باش شنوو ؟
لمنبيلتوغ : مغاديش نقوليك لمادة ولكن لهدف منها هو كل واحد خدا جرعة من لكوكايين أو لا كان مدمن من الدرجة الأولى على لكوكايين غادي انقص ادمانو ليه كلما خدا هاد لمنتوج لي بدينا كنصنعو فييه .. تقدري تقولي كوكايين كيداوي فبلاصة متزيد تعلق بالكوكايين كيخليك تنفر منو مع لوقت .. هاد لمادة كتوقف للهرمونات لي كيتكاترو فاش كتولي مدمن .. كتبدا ترجع الشخص للحالة الطبيعية ديالو
ثلوج غا كتشوف و مصدومة : اه فهمت
بتاسم ليها و رجع خدام على لميكروسكوب حتى بان ليها أمجاد جاي فإيدو شي وراق ..بلعات ريقها و وقفات خيفاه اغوت عليها حيت جلسات حدا لمنبيلتوغ
أمجاد عقد حواجبو فيها : تبعينيي
ميلات شفايفها و تبعاتو : دابا نتا واش كتبيع لكوكايين الدوريجين و لا لمزور
أمجاد : مزور ! .. منين كتجيبي هاد لهدرة ؟
ثلوج : لمنبيلتوغ قالي كلشي
أمجاد : بلاتي نحط هاد لوراق و نخرجو من هنا
هزات راسها باه و رجعات كتشوف فيهم كيخدمو .. شوية حسات بيه جرها : اجييي
دخلها لواحد لبيت : حيدي الطابلية
حيد الطابلية حتى هو و تسناها تكمل عاد حاوط خصرها و جرها و هي غا كتدور هادشي فراسها مفهمات والو .. شخصيتو غريبة من اول نهار سمعات بيه حتى لدابا .. مزال شخصيتو غريبة متبدل فيه والو
رجعو بأدراجهم حتى طلعو لمطعم
ثلوج : بغيت نمشي لحمام
أمجاد : سيري .. هاني هنا
هزات راسها باه و مشات تخشات فالحمام كتسمع لتسجيل الصوت لي سجلات فاش كان كيهدر لمنبيلتوغ .. معرفاتش واش هادشي لي دارت اقدر انفعها بشي حاجة و لا لا .. ولكن لمهم دارت خطوة لقدام متبقاش غا كتشوف و ساكتة
هزات راسها فالمرايا كتنهد : خاص ندوز لخطوة الثانية دابا
كمشات عينيها كتشجع فراسها .. و دارت لعند لباب كتطل علييه كيبان ليها غادي جاي مركز مع التيليفون .. بتاسمات ابتسامة جانبية و خرجات من لحمام كتختل عارفة راسها شكاديير و مستغلة نقطة أنه عاطيها بالضهر ..
خرجات بسرعة من لمطعم نيشان لشارع .. غا لقات لفرصة بدات كتجري باغا تبعد من تماك .. وصلات لشاريع صغير خاص تقطعو و داكشي لي كان غا بغات تخطي بخطوة حسات بشي طموبيل كحلة و كبيرة عارضتها .. تدهشرات سرعان محسات بيهم حطو شي حاجة على فمها و دخلوها و سدو لباب مكسيريين
أمجاد غا سالا لمكالمة نتابه لباب لحمام لي محلول مشا لعندو كيقلب مكينش حسها صعر و خرج بخطوات سريعة حتى كيسمع التيليفون جاوب و عقلو ماشي معاه .. سرعان مركز مع الصوت و مع كل حرف نطقو لمخاطب و هو كيغليي : بغييتي حبيبت لقلب و ولدك ؟؟ ..بحححح ودعهمم
تعشات لعشية و غربات الشميسة ..
كانت جالسة قدام لبيسي دايرة ابيل فيديو مع واليديها
بتاسمات ليهم : فاش توصلو لمغرب قولوهالي باش نتلقا لييكم
نطقات ذهب : واخة .. توحشت جو لمغرب
شدى : و متوحشتونيش ؟
ذهب : شهاد السؤال اكيد توحشتك و بزااف
شدى : ماميي .. بابيي خاص نعس عندي غدا لخدمة بزااف
يوسف : يلله تصبحي على خير ابنتيي
بتاسمات ليهم مع بيزو و قطعات .. أول حاجة دارتها مشات لحمام غسلات وجها و خرجات كتنشف فييه .. كتبان ليها غا بلاصتها باغا تلاح فيها و تضربها بنعسة بكترت الإرهاق .. ليوم كان متعب بالنسبة ليها .. يله هزات لغطا سمعات لباب كمشات عينيها بعصبية شكون ممكن اصوني ليها فهاد لوقت
تنهدات و خرجات من بيتها نيشان لعند لباب .. كانت ابغطمو صغيرة و زوينة ..حلات لباب هازة حاجبها و زادت هزاتو فاش بان ليها واقف : شكاادييير هنا ؟؟
جراتو من دراعو بعدما كان غادي : هادا وقت لخدمة و نتا باغيي تنعس ؟ .. يلله معايا
رياض : طلبيني باش نمشي معاك
سكت و غمزها كيعجبو اشوف ملامحها كيفاش كيتعصبو
شدى : ريااااض
رياض : هاهو غادي معاك متبكييش
زفرات و جراتو عاد سدات باب دالدار كتسوط
داز لوقت ..
مفاهمة والو غا تابعة لعمييد برى لمخفر و رياض معاها .. ركبو الطموبيل عاد تحركات
شدى : ممكن نعرف فيين غاديين؟
لعمييد : هانتي اتعرفيي
شدى باستغراب بقات جالسة فبلاصتها محافظة على هدوءها حتى وصلو و نزلو كامليين
شدى : فين حناا
لعميد سبقها : تفضلي معايا
طلعات راسها مع لبناية كلها زاج و عالية عاد تبعاتو كتسوط كتعصب فاش مكتفهم والو .. . طلعو فالمصعد لي حتى هو بالزاج وقف بيهم و خرجو تابعين لعمييد حتى وصل لواحد لجناح خشا كارط عاد تحل لباب و شاف فيها : تفضليي
دخلات مستغربة .. سرعان ما فهمات لبلان .. هنا فين كاين مقر الإستخبارات المغربية .. كيبانو لييها لبيسيات فكاع لبلايص و الاتصالات مكتسالاش و شي غادي شي جاي فإيدو لملفات .. عالم آخر
شوية جا الرئيس عند لعميد كيشوف فشدى : مرحبا بك معانا
لعميد حمر فشدى باش دير التحية و داكشي لي كان دارتها فالبلاصة بكل إحترام : لمحققة شدى مجاهد
الرئيس : سامع بييك .. و سامع حتى أنه ذكية .عندنا قضية مهمة خدامين عليها خاص تصرفي نتيي
شدى شافت فرياض لي كيتفرج فالفيلم و رجعات شافت فالرئيس : شنو نوع لقضية ؟
الرئيس : دخلي لغرفة لمفاوضات لمباشرة .. غادي تفهمي
هزات حاجبها و شافت فالعميد لي حرك راسو زعما سيري .. تنهدات و مشات تحت إرشاد واحد من لعملاء ديالهم .. دخلات لغرفة كتشوف مكتب و بيسيي كبير محطوط .. مفاهمات والو
شوية تحل لباب و دخل عندها واحد بلباس رسمي ركب ليها السماعات : غادي اهدر معاك الرئيس إلا شاف شي حاجة ماشي حتى لهيه .. نفذي شكايقول
وخرج قبل تسول ولات حمرة مفاهمة حتى حاجة ..سمعات فالسماعة : جاوبي على لمكالمة لي اتجييك
تلافتت لعندهم كتشوف كاع لعملاء حيت لقاعة بالزاج .. تنهدات و جلسات فوق لكرسي و تقابلت مع لبيسي عاد بركات على لكلافيي و تفتحت لكام
خرجات عينيها من داكشي لي كيبان ليها سرعان مسمعات صوت الرئيس فالسماعة : تصرفي عادي و عرفي منو شنو باغيي
شدى كتشوف فالبيسي كتسنى لمتصل انطق باينة فييه أجنبي .. كانت كترجف من رجليها أول مرة تحط فشي موقف بحال هادا
لمتصل بتاسم و قاد لكاميرا مزيان باش ابان ليهم كاملين عاد نطق بالانجليزية : كتشوفيني ؟
هزات راسها بتبات : اه
بتاسم : عرفيني بييك
شدى : شكون نتا ؟
عوج فمو : هانتي اتعصبينيي سولتك باش تجاوبي ماشي تسوليني حتى نتي
شدى سمعات فالسماعة : عرفيي منو شنو باغيي
تنهدات و شافت فالمتصل : علاش تاصلتي بالإستخبارات ؟
جمع لوقفة شاد لفردي فإيدو : عندي لييكم مفاجأة
غمزها و غبر شوية حتى كيبان ليها عوتاني جار بنت عشرينية من شعرها و ركابيها كاع محروديين و وجها كاع مزوق بالتصرفيق و الدم خارج من فمها
رياض غا هاز حاجبو كيتفرج فييهم .. شافها غادة تبعها حتى و راتو فين اجلس و جلس حتى هو كيف طلبات
شدى : حاول تجبد ليا هوية لمتصل
شافت فالعميد : الإتصال منين جاي ؟
لعميد : أمريكا
هزات راسها باه و شافت لعند رياض : نعول علييك
رياض : كوني هانية
تحنى على لبيسي خدام علييه
دازو ساعات ..
ضربات خمسة دالصباح على توقيت واشنطن .. كانت جالسة على أعصابها كتشوف فالوراق لي قدامها و رياض عند راسها كيوريها لاياش توصل .. شدى رفضات تعامل مع واحد من لعملاء ديالهم بما انهم مبغاو اقولو ليها والو .. تجننات بغاوها غا تكالمي لقضية و هي أصلا معرفاش ساسها من راسها
شافت الإتصال و السماعة على ودنها كيقولو ليها جاوبي .. تنهدات و تلافتت لعند رياض : غا هز معاك هاد لوراق و جلس فالغرفة ديال الاتصالات لي مقابلة معايا .. غادي نحتاجك
رياض جمع لوقفة و هز لوراق : متبقايش تضحكي لهاد لمجرم
شدى : ضحكت ؟
خنزر و خرج كيسوط .. مشا جلس مقابل معاها و لكاسك على راسو و لبيسي قدامو إلا حتاجت شي معلومة باش اجبدها ليها
شدى كليكات على لكلافيي حتى بان ليها عوتاني جالس كيحك فشعرو باينة فيه مغودد : علاش تعطلتي باش تجاوبيي ؟؟
شدى : كان عطب ... فينها لبنت ؟
لمتصل غزز سنانو و جر ثلوج من شعرها و هي كتبكي .. جمع لوقفة و جلسها على لكرسي لي كان جالس علييه : هاهي باقا حية
شدى جامعة ايديها على شكل قبضة كترعد : حراام علييك .. ماشي رجلة تستعمل مرأة باش تاخد لبغيتي
لمتصل : ششش متعصبينيش .. فينو داك آل عمران ؟؟
شدى تلافتت عند لعملاء كتبلع فريقها و كتسولهم بعينيها واش لقيتوه و لا مزال .. فالأخير تنهدات بتدمر و رجعات شافت لعندو : مم..
قاطعها شي صوت جاي لعندها : هانييي
شدى وقفات : أمجاد ؟
أمجاد قرب حتى تقابل مع لبيسي و جات عينو فثلوج .. بقا كيشوف ببرودة
لمتصل كيضحك : شفتيي شكون عنديي
أمجاد ببرودة شاف فشدى : شنو واقع علاش بغيتونيي ؟
شدى بغات تنطق قاطعها لمتصل : انا لي باغييك
شاف لعندو أمجاد هاز حاجبو : كنسمع
لمتصل : اش بان ليك نقتل لييك حبيبة لقلب؟؟
أمجاد كيشوف فثلوج : شكون هادي ؟ .. مكنعرفهاش !
شدى بلعات ريقها خايفة لمتصل اتهور و اقتل ثلوج
لمتصل خبط ثلوج لحنكها : ياااه نكرك ههههه
أمجاد خاشي ايديه فالجيوبة كيتلون من لداخل
ثلوج غا مفيكسية كتشوف فعينييه بحقد كتر و كتر .. هادشي كامل و مكيعرفهاش !
شدى شافت فالمتصل : واخة تعطيني دقيقة و عاود تاصل
لمتصل : حيت زوينة انقطع .. شوفي شكاندير على قبلك
غمزها و قطع خلاها كترعد .. داك الساعة دارت لعند أمجاد : علاش كيقولييك حبيبة لقلب ا أمجاد .. شنو واقع فهمنيي
شدى رجعات شعرها لور اتحماق و شافت لعند رياض لي مقابل معاها كيفصلهم غا الزاج بركات على زر و نطقات كترعد : بغييت تقرير مفصل على ثلوج الناجي .. بغيت كلشي كلشيي
رياض هز راسو باه و بدا كيقلب فالسجلات فينما كيحتاج شي حاجة كيطلبها من لعملاء لي تماك
شدى رجعات شافت فأمجاد : ميمكنش شي حاجة ماشي حتى لهيه
أمجاد ببرودة : كيتاصل
نطق الرئيس فالسماعة : جاوبييه
هزات راسها باه و جوباتو كتبتاسم بزز : سمح ليا تعطلت باش جاوبت
لمتصل : فييك شي حاجة فشكل .. نساليو هاد الروينة و نتعرفو ؟ اش بان ليك
بتاسم ليها بمكر و شد لثلوج شعرها باش تهز راسها و تشوف فأمجاد .. كانت كترعد و دموعها كيطيحو بحال الشتا .. بقا فيها لحال بزاف على لبرود لي كيشوف فيها و على كلامو لجامد بحاليلا أول مرة كيعرفها
شدى شافت السجلات لي وصلوها فالبيسي .. رجعات كتقلب فيهم حتى طاحت فالفيديو ديال داك الليلة لحسن لحظ كانو لكاميرات .. بقات كتشوف مصدومة
أمجاد تخطف منو اللون و هو كيشوف فالفيديو
شدى : لينا لي كانت وسط الطريق !
شافت لعند أمجاد : كنتيي عارف هادشييي ؟؟
سمعات صوت الرئيس فالسماعة : جاوبي لمتصل
ساطت و رجعات كتشوف فالبيسي عاد دوزات لخط كتنهد
لمتصل كيقاد لكاميرا : سمعو مزيان .. التيتيزة لي عندي اتقول لييكم شي حاجة
أمجاد من لداخل شاعلة فيه لعافية عكس برا واقف جامد و ملامحو ممحية
ثلوج كاع عامرة دمايات من وجها .. بغات تنطق سبقتها صوت شهقتها من كترت لبكا .. تشجعات و مسحات دموعها بعجرفة مباغاش تضعف قدامو .. عارفة راسها اتموت لهما تموت و هي محققة لعدالة
بعد صمت طويل نطقات و لعملاء كاملين كيتسنتو ليها : لمجرم لي واقف وسطكم .. هو تايغر .. هو لمجرم لي بسبابو تفجر الأوطيل .. هو لي قتل ليا حبيبي بدم بارد و هربني من لحبس بعدما كنت اناخد عقابي كأي واحد غلط .. هو نفس الشخص لي بسبابو فقت لقيت راسي حاملة بولد عدويي .. هازة فكرشي ولد الشخص لي دمر حياتي
.. هازة فكرشي ولد الشخص لي دمر حياتي
شدى مصدومة شافت فأمجاد و رجعات شافت فثلوج : كمليي
ثلوج بصوت باكي : سلب منيي حياتيي .. أي حاجة زوينة مشات منيي غا حييت بسباب حادث مكنتش متقصداه .. داك النهار مقدرتش نتحكم فالسرعة ديال الطموبيل و دخلت فحبيبتو .. لي حتى هي كان منها لغلط .. كانت وسط الطريق معنديش كيفاش نحبس لفران و ماتت من بعد .... و انا لي دفعت الثمن من موراها
شدى فحالة ذهول و صدمة بغات تنطق قاطعها الرئيس فالسماعة : تراجعيي .. إلا كان ايقتلها خلييه اقتلها ماشي مصلحة الإستخبارات تبقا عايشة
تلافتت بالعرض لبطيء كتشوف فالرئيس بصدمة و رجعات شافت فالبيسي ملي نطق لمتصل : و عندي لييكم مفاجأة أخرى .. تسجيل زويين كانت جابتو لينا هاد لغزالة ولكن قبل هادشي بغييت نقول لييكم سر حيت قلبي كبيير .. لولد لي هازة هاد الزوينة و لدها هي و لعدو ديالها
... جاني عنوان مشوق اتكتب فشي مقابل
زير على فك ثلوج : يااك ؟؟
ثلوج موسعة عينيها حتى رخف عليها عاد نطقات : كتكذب
صرفقها تحت نضرات أمجاد لي واقف كيشوف بلا حتى شي ردة فعل
شدى شافت لعند أمجاد كتغلي : شنو كتقول فهادشيي
أمجاد : كلنا عندنا فم و كنعرفو نهدرو .. لهدرة ماشي دليل الآلة لمحققة كنظن عارفة لمبادئ منحتاجش نشرح لييك
سمعات صوت السماعة عوتاني : اجيي خرجي من لغرفة
زفرات و مشات لعند الرئيس .. خلات أمجاد كيشوف فثلوج ببرودة
شدى : ميمكنش تموت .. إلا لقضية وصلات لرأي لعام نتوما لي غادي تحملو لمسؤولية .. زائد عندها أقوال مهمة ميمكنش متسوقوش لهادشي
رجعات باللور كانت اتطيح كون مشدهاش رياض لي شعل ملي شافها فداك لحالة كترعد عرفها تأترت بالقضية
تنهد : شدى اجيي معايا
دفعاتو : بعدووو منييي كللكم بعدو
تنترات و خرجات كتجري متلافتتش موراها باغا تبع أمجاد
الرئيس خاطب رياض : بقا معاها حتى تهدن .. يلله سير تبعها
رياض هز راسو باه و تبعها كيجري معرفهاش فين زادت
لتحت ..
كان خارج لعند لباب بخطوات سريعة كيترعد كامل و عينيه حمريين و عروق جبينو بارزيين .. يلله بغا ازيد بشي خطوة أخرى سمع صوت الرصاص تلافت هاز حاجبو لقا شدى موجهة ليه السلاح كترعد
أمجاد ببرودة : شدى ممساليش لييك
قلب الدورة حتى كيحس برصاصة دازت من حدا كتفو قاصتو فييه حتى تجرح .. كمش عينيه بعصبية كيفور
أمجاد كتافا بالسكات و قصد طموبيلتو طير .. ركبها و زاد كيفور بالأعصاب .. عينيه حمرين بحال جغمة الدم و جسمو كامل كيترعد علييه .. صورتها و هي فديك لحالة كتخلييه اتقج كتر و كتر و قلبو كيتزمت عليك بحاليلا غادي اموت دابا
فالجيهة لخرى ..
جالسة على لكرسي ساهية و مهدودة و ايديها مربوطين موراها . حالتها كتبكي بحرقة
حسات بالفردي تحط على راسها هزات عينيها ببطء : قتلنيي و ريحنيي
بتاسم : من ليوم قوليلي حبيبي دافييد .. دافيد صافيي
خنزرات فيه : علاااش مزااال مقتلتينييي .. انا مخيفاش من لموت
دافيد وجه لفردي لكرشها : اش بان ليك نقتل ولدكم ؟؟
شافت فكرشها و رجعات شافت فيه كترعد : هادا ماشي ولديي كتفهم ؟ .. ماشييي ولديي ولكن غا بحال ولديي حيت من داك لوقت لدابا هزاه فكرشيي
دافيد شد فكها زير علييه : راسك قاصح مكثيقيش
تنترات منو بقرف عارفة كون كان أمجاد كون قتلو و لا دار فيه شي حاجة حيت قاصها .. ولكن مجرد مكتفكر ملامحو قبيلة و كيفاش كيتصرف ببرود كأنه مكيعرفهاش .. كتزيد تحقد عليه و تكرهو كتر
دافيد : فاش كتفكري ؟ يكما كتفكري فداك الزا** .. فراسك الإستخبارات فجرات واحد لمقر فأمريكا عند بالهم حنا تماك .. يعني نتي مكتهميهش مقالش ليهم كنعرفها متفجروش لبلاصة .. لا دار راسو مكيعرفكش
مشا لعندها مصغر عينييه حتى وقف قبالتها : صراحة دخلتي لعقليي .. اش بان لييك باش نتهناو من هاد لولد
حط ايدو على كرشها حتى رجعات باللور كترجف .. هز حاجبو و كمل كلامو : باغي منك شي ليلة حمرا
و سكت مع غمزة
ثلوج : واش بصح مراد كان خدام خارج لقانون ؟ و باش عرفتي هادشي
دافيد بتاسم بسخرية : ولد الدوميين هادشي ساهل تعرفو ... أول مرة داك الزا** كيدير شي حاجة مزيانة فحياتو فاش قتل ليك هاد مراد ديالك
ثلوج بدات كتبكي : غا كتكدب يااك ؟
دافيد : لا مبغيتش نشوف الدميعات .. خاص تهلاي ليا فالحالة نشطو بعضياتنا ليوم .. تابعنا مشوار طويل انا ويااك .. نتي و رقتي الرابحة مستحيل نفرط فييك
ثلوج : كتحللللمممم
دافيد غرس ضفارو وسط شعرها و جرها معاه خرجها من تماك : لا الزوينة .. كلشي حقيقة غا وجدي ليا راسك
طلعها فالدروج نيشان لوحدة من لغرف .. خشاها فيها و سد لباب .. بقات كتدور فعينيها كترعد عقلها غادي احماق .. جلسات مهدودة على ركابيها .. واش تصدم لمراد لي طلع منو هادشي و لا تصدم لخبر لولد لي فكرشها واش ولدها و لا ماشي ولدها واخة مجرد لفكرة جاتها مستحيل ميمكنش تكون هازة ولدها مع الشخص لي بدات كتيق أنها كتعنيي لييه و فلحظة قلب عليها و دار راسو مكيعرفهاش .. ياك كيهمو ولدو و لا حتى هو صافيي كان غا كذوب ..
حسات بالباب تحل و دخلو جوج بنات محملين بصامصونيط صغيرة .. عرفاتهم ايكونو غا صحاب لميكاب ضحكات باستهزاء على حالتها هادشي لي بقا لييها
نطقات وحدة منهم : ممكن تدوشي الآلة .. خاص نبداو خدمتنا
ثلوج عينيها تحجرو بالدموع فينو داك لمجرم لي مكيخلي حتى حاجة تقيصها .. صافيي تبخر .. جمعات لوقفة بالسيف و مشات لحمام خدات وقتها فييه مزيان و عقلها كيفكر لبعييد .. شنو غادي دير ؟ و حتى لامتى ايبقا هادشي . . خاص تلقا حل تنقد راسها من كلشي باركة عليها غا الصدمات لي تصدمت حتى لدابا
فالجيهة لخرى ..
كانو مزال ناعسين على كرشهم فوق الناموسية .. كلا وحدة و فين مليوحة و لمخاد فوق راسهم و شعرهم مخبل حالتهم حالة من لبارح فاش سالات لحفلة حتى لدابا و هما ناعسين مفاقوش
شوية بدات تغريد كتحل عويناتها ببطء و تكسل عيانة .. هزات راسها و تلافتت عند حنان لي باين عليها ناعسة حتى لعمق دالنعاس .. ضحكات على منضرها و التعنكيشة لي معنكشة .. عاد جمعات لوقفة و مشات لحمام قضات حاجتها و خرجات لبسات عليها كتفكر تمشي تطل علييه حيت لبارح مبانش ليها بالمرة .. كانت باغا تورييه لكسيوة لي لبسات و لكن كلشي تضرب ليها فالزيرو .. تنهدات و مشات خرجات من بيتها قاصدة بيتو .. غا وصلات لباب حلاتو و دخلات سداه .. بتاسمات فاش شافتو متكي فوق الناموسية و لبيسي فوق رجليه .. صدرو لعريض عريان غا بشورط قصير .. عضات على شفتها التحتانية و مشات تخشات حداه كدور فعينيها
بدرالدين نطق بلاما اشوف لعندها كان مركز مع لبيسي : صافي ساليتي من صحابك ؟
شدات فكو دوراتو لعندها عاد تعلات شوية باستو من فمو و رجعات لبلاصتها : صباح الخير
بدرالدين دهشراتو : علاش كتقلبي دابا همم ؟؟
تغريد بدات كتلبد فعينيها و تمخشش حداه حتى كتطلع معاه الصهدة : مخاصمة معاك
هز حاجبو و حيد لبيسي حطو و دار لعندها تكا و جرها وسط حضنو : علاش ؟
تغريد حنكها مزنكين من لقرب لي قريبة لييه .. تشجعات و نطقات بهمس و ايديها كيلعبو فصدرو : حيت محضرتيش لحفلة دالنجاح ديالي
بدرالدين غوبش : متفكرينيش فداك لحفلة
تغريد عينيها دمعو : علاش ؟
بدرالدين : مكتسمعيش ليا .. هدرتي زايدة ناقصة عندك
تغريد : لا ماشي هاكة
بدرالدين : اوا شنو ؟
شداتها لبكية من نبرتو لحادة حتى حس بيها غادي تدمع عاد جرها وسط حضنو مزير عليها مزيان .. وايدو كتمسح على شعرها : صافيي نسااي
تغريد كتنخصص : علاش كتغوت عليا
بعد و هز راسها لعندو باسها جنب شفايفها : فنظرك علاش ؟
ميلات شفايفها : معرفتش
بدرالدين بتاسم كتسالي معاه بهاد الشوفات لي كتشوف فييه : كنغيير على لمشة دياليي
تغريد : مممم
بدرالدين صغر عينيه : مممم شنو ؟ .. كتهري ؟؟
هزات راسها باه سرعان مبدا كيهر فيها و هي كتركل غادي احمقها بالضحك
عاد حبس كيبوس فيها هنا و هنا و اشم فريحتها مطول كيحس براسو مكرهش اياكها و اديرها فخبيز خخ
حناكها تزنكو فيساع بعدات منو حتى جرها كيضحك و اهر فيها و هي غضابة و كتفشش علييه
فالبيت لاخر ..
مزال ناعسة و غارقة فعالمها لوردي .. حتى كتحس بشي حاجة تهرسات حلات عينيها مخلوعة كترمش بسرعة .. حتى توضحات ليها الصورة و بان ليها واقف و لفاز طايح قدامو كيشوف فيه
هز راسو لعندها : تغريد مكيناش ؟
بلعات ريقها و جرات لغطا تخبي الشورط و الديباردور لي عطاتها تغريد لبارح باش تنعس مرتاحة : معرفتش
هز راسو باه عرفها يلله فاقت باقا مدهشرة .. يله بغا امشي و هو اوقف فبلاصتو : فيقي خاص نهدرو
حنان حدرات راسها : عفاك خرج بغيت نبدل
أزار بتاسم : شايف كلشي غا تهنااي
غمزها و مشا خرج خلاها كترعد .. وبدات كتبكيي جاب ليها الله عايرها بالريق و عطاها لقاصح هاكة فهمتها
لتحت ..
قلب على مو و لا باه باش اهدر معاهم فالموضوع مبان ليه حتى واحد .. خرج لحديقة لقاهم مجموعين كلهم عمو و مرتو و والديه و حتى جدودو .. قرب لعندهم : صباح الخير
ثلوج كتنتر بجهالة و دموعها دايزين .. كتقاوم فيه ولكن قوى منها جرها بعجرفة لناموسية و خبطها معاها حتى غوتات من لحريق لي جهاد فكرشها .. يلله ايتكا فوقها سمعات صوت الرصاص خرجات عينيها و بعدات قبل اطيح فوقها جثة هامدة غارق فالدم لي طوش من ضهرو
هزات عينيها بالعرض لبطيء لجيهة لباب حتى كيتلاقاو عينيهم .. عينيه لي شاعلة فييهم لعافية و عينيها لي مغرغرين بالدموع
بقات عينيها مفيكسية فعينيه منزلوهمش .. فاقت من سهوتها على صوت الرصاص عوتانيي فاش زاد تيرى فييه .. جمعات لوقفة كترعد و جلسات فالأرض سادة و دنيها باش متسمعش الصوت و دموعها كيجريو بسرعة على خدها بحال الشلالات .. كتبكي بحرقة و قوة .. كانت كتبكي بهستيرية حتى حسات بيه قرب لعندها و تحدر لمستواها .. حسات بايدو اتحط على شعرها جمعات لوقفة كترجف بغا اقرب ليها نزلات عليه بتصرفيقة تلاتية الأبعاد.. قوتها كاملة خرجاتها فيها
أمجاد بدا كيترعد كامل هو أصلا بسيف باش كيحاول يكالميي راسو و هي كتشعلو .. خلاها كتهدر بحال لحمقة حتى سكتات عاد نطق ببرودة : فين قاصك
ثلوج بسخرية : من نيتك ؟
أمجاد : جاااااوبييييي فيييين ؟؟؟؟
ثلوج هبطات راسها كتزيد فوثيرة دلبكا .. لحركة لي فيضات ليه لكاس و مشا عند دافيد بدا كيتيري فييه رصاصة مور رصاصة كيغوت بحال لمصعور .. رجع جسمو غربال و الناموسية عامرة دم .. مزال كيحس بالعافية طالعة منو .. مزال هاد لحرقة مغادي تبرد لييه باغي اشعل فييه لعافية .. و داكشي لي كان جبد بريكة من جيبو و لوقيضة شعلها و رماها فالناموسية حتى شعلات بالعافية .. واخة هاكاك مبرداتش لييه ولا كيفكر اقتلها و اقتل راسو موراها
تلافت لعند ثلوج لي واقفة بحال لجماد كتشوف فالمنظر بدموعها لي هابطين بلا حتى صوت و الدم لي ولا تحتها بحال الضاية .. زاد جعر و بدا كيشخشخ و الوح بحال الثور و غواتو واصل لقاع الدنيا .. حتى سمعها غوتات غوتة من الأعماق و جلسات على ركابيها سادة ودنيها كترجف و تحرك فراسها بهستيرية .. طول فيها الشوفة و مشا تحدر لعندها عنقها مزير عليها و ممسوقش لعافية لي شاعلة حداهم و غادي تحرقهم
نطق ببرودة : إلا ولدنا مات حتى حنا غادي نموتو معااه .. مبغيتش شي واحد اقيسك من غيري ... احسن حاجة نموتو دابا
ثلوج مهبطة راسها كتبكي بحرقة : نتاا مريييض
أمجاد شد وجها وسط ايديه لي كيترعدو .. كان كينطق و فمو كيترعد و وجهو مخطوف منو اللون : اه مرييض و مرضتينيي معااك .. . كلشيي مننككك
أمجاد حط جبينو على جبينها : هي لا عالجتيني نتي نييت
ثلوج : بعععد منييي .. بعععد
أمجاد شاف فالناموسية لي كتحرق و دافيد كيتشوط وسطها : نحرقك إلا بعدتيي منيي
ثلوج : كنت كنتمنى عمري نشوفك مزال
أمجاد رجع شاف لعندها : غادي نحاول نساا بلان لهروب و داكشي لي سرسبتي لييهم .. غادي نمحي هادشي من باليي حيت نقدر نقتلك على داك لبلان
ثلوج بحقد : قتلنيي شكا تسناا
أمجاد بهمس : ساخية بيا نمشي لحبس يااك ؟؟
ثلوج طولات فيه الشوفة عينيها بداو كيتقالو عليها حتى تغمضو بوحدهم و ترخات .. خلاتو كيشوف فيها مرعوب و عينيه حمرين خارجين فييها .. غادي تسكت ليه لقلب .. جمع لوقفة هازها بين ايديه و خرج من لبيت هواد مع الدروج كيجري بحال لحمق و عينو كتهبط لعندها مرة مرة .. كانو حتى لبوليس على برى دايرين خدمتهم و محاصرين لمكان .. كاع لحراس لي كانو من جيهة دافيد لقاو عليهم لقبض ... خرج على برى حتى كيصادف شدى واقفة مصدومة فمنظر ثلوج
أمجاد خنزر فيها : مكتهنايش
شدى : من حقيي نتبعك نعرف .. متنسااش خدمتيي
حمر فيها و زاد
شدى خاطبت واحد من لبوليس : دخل شوف واش باقيي شي واحد .. تحرك
جا لعندها رياض كينهج : وااش غادي نبقا خدام معاك .. خدمتي غا نتبعك و نتي ممسوقاش ولا شنوو
شدى بعصبية : خدمتيي كنديييرهااا
رياض عقد حواجبو مكرهش اسرطها : يلله اجييي معايا .. حتى تبردي و نتفاهمو عندنا بزاف ميتقال
حس بيها كتدفع فييه و هي دايخة عصباتو حتى وقفها كيشوفها اش باغا تصنع و هو كيغليي
ثلوج هزات عينيها ببطء كلشي كيدور بييها واخة هاكاك قشعات شي واحد جاي قاصد أمجاد لي عاطيه بالضهر .. بغات تنطق فمها تقال عليها ملقاتش الجهد باش تقوليه شوف مورااك .. من ديما كانت كتشوف بحال هاد اللقطات فالأفلام لهندية حتى لدابا عاد حسات بيها و جربتها .. فمها تربط ملقاات غا تدفعو و تصدات لداكشي لي تلاح على وجها حتى غوتات من حر الألم بالجهد
أمجاد مفهم والو تلافت بالعرض لبطيء أول حاجة دارها تيرى فداك لي سخن عليه راسو حتى طاح جثة و شاف فثلوج لي طاحت فالأرض غارقة فدمها و وجها مشوه بلاسييد لي تلاح على وجها
غوت على حر جهدو من منظرها كيغلي غليان : ثلوووووووووووووووج
كلشي تلافت لعندو مقفوز و من بينهم شدى لي مشات كتجري لعندهم .. كيبان ليها محني على ثلوج كيمخد فيها باش تحل عينيها .. غا وصلات لعندو قشعات وجها لي مشوه و كاع محروق عرفاتو ايكون لاسيد لي دار ليها هاد لحالة .. بان ليها أمجاد كيترعد هازها بين ايديه سبقاتو حلات ليه باب دالطموبيل لور
شاف فالدم لي هابط من تحتها و وجها لي تشوه ضرو خاطرو بزااف .. أول مرة كيحس بهاد الإحساس .. كره راسو كره كبيير حس بالزمن وقف ولات كتبان لييه غا هي فهاد لحالة .. بغا اجهل بغا اغوت داك الإحساس فاش كتلقا راسك مربوط مقادر دير والو .. إحساس خيب بزااف
هز عينو عند رياض : زيييييد فالسرعة
شدى دارت حركة لرياض بملامحها باش ميجاوبوش .. حيت أصلا داير السرعة على حدها فين ايزيد مزال
داز لوقت ..
حل لباب بعجرفة كيترعد .. هبط و هزها بحال لمسطي عاد دخل كيجري و هما تابعينو
أمجاد جاو لعندو لمسعفيين بسرعة حطها فوق لبياس كينهج حالتو حالة كااع عامر بدمهاا و مشوه فخاطرو كتر من وجها لي مشاو ملامحو امكن !... بقا واقف بحال لجماد كيتفرج فييهم غادين بييها كيجريو
حس بشدى لي وقفات عليه : غاديي تكون بيخير انشالله
تلافت لعندها أمجاد مطول الشوفة فيها و مشا خرج لبرى كيترعد كامل و عروقو بارزين حتى من لعرق خارج من جبينو بكترة الصداع لي ناض فراسو
رياض مسح على وجهو وشاف فشدى : هادي هي لي كانت مخطوفة ؟
شدى هزات راسها باه : حالة أمجاد ماشي حتى لهيه خاص نعيط لخالي
رياض : ممم أمجاد حرفية هاكاك
خنزرات فيه و دوزات لخالها كتسنا فييه اجاوب ساعة والو
رياض : صيفطي ليه ميساج حتى اقراه
شدى : اه عندك لحق
على برى ..
كان جالس كيترعد فوق لكرسي .. كيبان ماشي طبيعي وجهو زرااق و عينيه حمريين و عروقو بقالهم شوية و انفاجرو .. بقا على داك لحال حتى وقفات عليه ممرضة من قبيلة و عينيها عليه حمقها بداك لفورمة ديالو و لقلدة و لكتاف لعراض أما الصدر تعوم فييه ... و كتواتييه لكاسكيط لي داير على راسو و اللحية مطراسية خدا ليها لعقل
تلافت لعندها بنضرات جهنمية خلعها : قو**** طييييرييييي من قداااامييييي
شافها ممشاتش بكترة الصدمة .. جمع لوقفة دفعها بعجرفة حتى طاحت و مشا داخل جسمو سخوون و ودنييه كيصفرو علييه .. بقا غادي فالكولوار و الناس كتبعد منو من منظرو ديال الدم و ملامح وجهو لي كتبن أنه واصلة بيه لعظم
شدى شافتو فداك لحالة عرفات أنه خاص اضرب شي برة تكالمييه .. قشعات ممرضة طلبات منها تجيبها
عاد مشات لعندو : أمجاد اجيي معايا
تنتر منها بعجرفة حتى كانت اتطيح كون مشدهاش رياض لي قندش ولكن مبغاش اهدر عارف واصلة بيه للعظم مكيقشعش
شدى تبتات راسها : جلس و حاول تهدن .. هاد لحالة مغادي تفيدك بوالو
مشا جلس و الدم كينزل من ضهرو و التيشورط فإيدو كيترعد و انهج .. بقاو مفيكسيين فييه و عينيهم خارجين
شدى تلافتت لعند رياض حالة فمها : واش بعقلو هادا
رياض : ولد خالك مصعوور .. ديري النفس و بعدي منوو
لممرضة مزال مفيكسية كتشوف فالبرة .. سالا معاها حتى ملقات متقول من غير تمشي تشوف شغالها .. حيت اصلا لبلاصة لي خاص تضرب فيها لبرة ماشي هي هاديك غا بالتغوديد خشاها فضهرو حتى خرج الدم و حيدها ضارب لعالم بركلة
دازو ساعات ..
خرج الطبيب كيسول على عائلة لمريضة .. حتى لقا أمجاد واقف فوجهو كان غادي جاي حالتو حالة
أمجاد شاف فيه بنضرة عتاب بحاليلا كيقوليه مبغيتش نسمعو
الطبيب : لجنين لأسف مات .. لمريضة جهدات
أمجاد شد راسو كيلهت شاف لبعييد قلبو كيتقطع عليه و دار لعند الطبيب : عندها بكرة مطاطية كيفاش حتى خرج الدم ديال لجنين
الطبيب : كنظن فبلوغها اتكون لجأت للطبيب باش حدث ليها ثقب صغير منين اخرج دم لحيض .. كيف كتعرف لبكرة لمطاطية مفيهاش ثقوب و هادشي لي سلبي فيها
أمجاد كمش عينيه و رجع نطق : و وجها ؟؟!
الطبيب تنهد : لي نقدر نقوليك هو اتعالج انشالله و ايرجع وجها بحال الأول ولكن ..
قاطعو كيترعد : ولكن شنو ؟
الطبيب : خاص لوقت لاسيد شي حاجة لي خطيرة بزااف و لكن لحسن لحظ لحروق من الدرجة الثانية معميقينش بزاف .. كنظن كان لاسيد مخفف ماشي مركز ..عاد صحتها النفسية حتى هي اتلعب دور كبير .. كلشي بالوقت .. حالتها انبداو ندرسوها و التشوه لي وقع فوجها غادي امشي متخافش
مشا الطبيب و بقا أمجاد واقف جامد فبلاصتو .. شوية غطس وجهو وسط ايديه مكمش عينيه و دمو كيغليي
حيد ايديه و بغا امشي اجلس حتى كيبانو ليه مخرجينها بالبياص و السيروم معلق ليها .. مشا كيجري وقفهم و هبط لعندها كيشوف لفاصمة ديرا على وجها .. هز ايدو كيترعد حطها على كرشها لحاجة لي كتربطو بيها مشات .. داكشي لي خلاهم تحت دار وحدة مشاا .. كانت قطعة منهم بجوج ولكن تبخرات
رجع طلع عينو لعند وجها تنهد تنهيدة كبيرة : علاش نتي لي خديتي الضربة فبلاصتيي .. شكون قالييك عتقيني الآلة ثلوج ؟ شكون طلب مساعدتك ؟ .. علااش كتبغي تمرضيني عاد تهنااي من نهار بنتي فحياتي و نتي غا كتمرضينيي .. خاصك تشافاي و تشافيني معاك
نطق واحد من لممرضين : مسيو عفااك خاص نديو لمريضة لغرفتها
حمر فيه حتى تفافا : دخل سوق ك**
ورجع شاف فثلوج مطول .. عاد هبط باس ليها جبينها .. كانت بوسة كتعنيي بزااف و هازة كم كبيير من الأحاسيس
بسيف باش رجع خطوة لور و خلاهم داوها كيجريو
رجع جلس فالأرض هاد لمرة مرجع راسو للور كيخبطو مع لحيط دقة بدقة و عينيه مكمشين كيترعد كامل .. كلو حالتو بالدم ديالها
لحاج : دوختيني بهاد لهدرة بنتي مباغيش نزوجها دابا .. باقا صغيرة لكبيرة فاش بغات التزوج مبغيتش ليها عساك الصغيرة
ساجد شاف فأزار لي كيغمز ليه اقنعو .. تنهد و نطق بتبات : بنتك فاش اتزوج بولدي راه اتكون بحال بنتيي .. حتى حاجة مغادي تنقصها و لوقت لي بغات تمشي عند عائلتها تمشي .. كلشي ديالها
لحاج : و شكون لعريس بعدا
ساجد : هاهو حدااك
لحاج شاف فأزار طلعو و هبطو كيسكاني فيه : فين شفتي بنتي ؟؟
أزار هربت ليه لهدرة بقا غا كيشوف
ساجد : الله اهديك الحاج سؤال هادا .. لولاد دليوم هما هادو
لحاج : غا على وجهك اسي ساجد .. أما بناتي كون جات عليا منزوجهمش
أزار تحت من سنانو : لا خلييهم ابورو عندك
لحاج شاف فأزار : قلتي شي حاجة اولديي
أزار : لا اسي لحاج .. اوا شنو قلتيي من ناحية بنتك مغادي اخصها حتى خير كون مهني من هاد الناحية
لحاج : اوا بعدا نشوف لبنت و نرض علييكم
أزار تقرص حاس بحنان مغاديش تبغيي و هو إلا متزوجش بيها عمر تأنيب الضمير مغادي اهنييه ديما ايبقا كيأنبو
ساجد : و رد علينا اسي لحاج
لحاج : ضروري
داز لوقت ..
دخل لدار كيتمختر : افيينكمم
خرجات لعندو حفصة : ياك لباس
لحاج : فينها حنان
حفصة : فبيتها
لحاج : اجي نهدر معاك نتي بعدا و فهميها
حفصة مستغربة : خبار لخير
مشا جلس فالصالون و جلسات حداه
لحاج : بنتك جاو فيها لخطاب
حفصة : حنان ؟
لحاج : و شكون فنظرك
حفصة : انا خطاب .. بلاما ابدا ادوخ عليك راسك و تلصقها لشي واحد مافيه نفع اتكرفس ليا على بنتيي
لحاج : ابرديي مالك شاعلة ... لخطاب من عند آل عمران
حفصة موسعة عينيها : كيفاش ؟ و شكون فيهم
لحاج : ولد سي ساجد الصغير .. معرت شنو سميتو كتنسا ليا
حفصة حالة فمها : أزار ؟
لحاج : اه هاداك
حفصة : واش متأكد من هاد لهدرة
لحاج : بنت لييك دري باش تقولي ليا متأكد .. هدرة وحدة قلناها يلله سيري قوليها لبنتك و بقاي عليها باش تقبل داك لعائلة الله اعمرها دار .. و هاد لفرصة مخاصش نضيعوها حتى لشي نهار و تجيب ليا بنتك شي واحد شمكار تقولي هادا لي بغيت نتزوج بييه
حفصة : لواه لواه ماشي حتى لهاد الدرجة
لحاج : انا لي كنفكر لبعييد .. لبنت عينيها تحلو و تبدلت لهما تزوج ملي جاب ليها الله ولد الناس مخاصو حتى خير و لا كانت على قبل لقراية راه شرطت عليه و بالعكس قالك تاخد راحتها ماشي لا تزوجت غادي تموت .. اتبقا بحال هاكة
حفصة : اوا الله ادير لي فيها لخير .. فرحتيني
جمعات لوقفة و مشات لعند بنتها تقوليها اش كاين و عقلها مع ثلوج لي فينما كتفكرها قلبها كيتزمت عليها
فالجيهة لخرى ..
كان واقف بداك لحالة مبدل ما والو .. بقا كيشوف فيها من الزاج مطول الشوفة و عينو على لفاصمة لي دايرة على وجها .. معرفش ردة فعلها فاش اتفيق و تلقا راسها محروقة .. تنهد بعمق بحاليلا هاز الجبال على ضهرو و مشا جلس كيمسح على شعرو غادي اقرعو
تفكر فاش قاتلييه " إلا كان بصح هاد لولد ولدييي .. بغيتو اموت مبغيت حتى حاجة تربطنيي بييك "
زفر و جمع ايدو على شكل قبضة كيتنهد تنهيدة مور وحدة أخرى .. كيحس بنفسو سخونة اجا مطفاها لييه
تفكر مقطع كاميرات لمراقبة فاش وقعات لكسيدة كمش عينيه كينتر داكشي من بالو .. حاس براسو مندمانش حيت دار ليها هادشي و حيت بسباب داك لكسيدة قتل ليها الشخص لي كتبغي و عاد بالسيف عليها سكنها معاه بحجة الإنتقام .. عقلو تخربق و لا غا كيدخل و اخرج فالبلانات لي كيدورو فراسو لي عارف هو مندمان على والو .. حاجة وحدة لي كيلوم عليها راسو هي علاش بسبابو محروقة دابا .. مبغاهاش تحمييه بالعكس هو لي ولا باغي اهز مسؤولية احميها ماشي لعكس .. ياربي غا تجلس و تبت بحال الناس هادا هو لفضل عندو
سمع صوت التيليفون جبدو طفاه و رجعو لبلاصتو مباغي اجاوب حتى واحد و هو فهاد لحالة اقدر اشعل فأي لحظة كيحس براسو على سبة شوية و افيض على بنادم
غربات الشميسة و جا الليل ..
كانت طايرة بالفرحة و هي معاه عاجبها لحال واخة كتغيير من لبنات لي كيبقاو اشوفو فيه ولكن مكتخليهمش فين احلمو بزاف غا كتبان ليها شي وحدة حطات عليه لعين كتشد فإيدو بحاليلا كتقوليهم هادا دياليي
بدر الدين بتاسم ليها : كييف جاتك لمفاجأة ؟
تغريد : فكرة زويينة بزاف ولكن معرفتش واش بابا غادي اخليني
بدر الدين : علاش .. غادي نهدر مع عميي .. مافيها والو اتمشي معايا لنيويورك ندوزو الصيف تماك نيت كاينة حتى ندى غادي تشوفيها .. نتي باش ابغيو قوليهم باغا نمشي عند ندى
تغريد تنهدات خايفة ميبغيوش : اوكيي انشوف
بدرالدين : واش مباغاش تمشي معايا ؟
تغريد بتاسمات ليه : لا باغا
شافت فالماكلة : صافي شبعت
بدرالدين : اوكيي يلله نمشيو
تغريد : بلاتي نمشي لحمام
بدرالدين : انخلص و نخرج على برى نتسناك
تغريد : اوكي حبيبي
مشات لحمام بجرية أما هو خلص و خرج على برى .. يله ايحل باب دالطموبيل سمع صوت التيليفون جبدو من جيبو و جاوب : ويي عشيري .. معرفتش اقدر نرجع هاد الأيام .. غا مشغول مع واحد لبلان كنحل فييه حتى احن الله ... لا لموضوع مكيتعلقش ببنت عمي .. لمهم صراحة كيتعلق بيها حرت فداكشي لي عاودت ليك .. مبغيتش نجرحها و فنفس لوقت كنحس بشي حاجة فشكل فاش كنكون معاها .. تالف هادشي عمري عشتو ولكن لحب لا مكنبغيهاش
تنهد و كمل هدرتو : انشوف هاد لعلاقة فين اتوصل .. إلا كنت مرتاح معاها ماشي ضروري نبغيها باش نتزوج بيها .. لحب ماشي هو كلشي
كانت واقفة موراه كتسمع كل حرف من هدرتو و ودنيها كيصفرو .. كترعد كاملة و فمها كيرجف .. قبل اعيق بوجودها تخبات راجعة باللور حتى بان ليها قطع و ركب فالطموبيل عاد بدات كتبكيي .. سرعان مامسحات دموعها واخة كيبغيو اهبطو كتعاود تمسحهم بعجرفة ..خدات وقتها حتى نشفو عينيها و مشات ركبات حداه بلاما تنطق
بدرالدين : تعطلتي
تلافتت لعندو مبتاسمة : هادو هما لبنات هه
بتاسم ليها و ديمارا
تغريد كتشوف قدامها مزيرة على قلبها باش متبكييش ..كتحس براسها مقجوجة و باغا تغوت من لقهرة لي شعلت فيها فالأخير تنهدات بعمق و شافت لعندو : خوياا
تلافت لعندها هاز حاجبو : خويا !
تغريد : بصراحة أنا مكنبغيكش ا بدر الديين ... فاش كنت خارجة من لحمام تلاقيت لكراش لي كيعجبني .. حسيت بشي حاجة تحركات فيا .. شي حاجة لي فاش كنشوفك مكتحركش فيا .. كنظن علاقتنا مصحيحاش داكشي علاش خاصها تسالي و عفاك إلا كنت عزيزة علييك متناقشنيش فقراري
بقا كيشوف فيها مصدوم تلف على السوقان
تغريد خرجات عينيها : بدر الدين شووف قداامك انخرجو فشي حاجة
بدرالدين تلافت لقدام مركز مع الطريق دايخ بهدرتها بحاليلا تصرفق : لي بغيتي
تغريد رجعات شعرها لور حابسة دموعها فوق طاقتها : أحسن حل
نبدلو لبلاصة
حط ايدو على لبواني و حل لباب بالشوية عاد دخل لعندها بخطوات بطيئة .. كيقرب و قلبو كيتزمت عليه .. هي بسبابو كاينة هنا و فهاد لحالة .. خدا كرسي جرو و جلس حداها كيلعب بصباعو على ايديها لباردين .. شوية هز راسو لعند وجها كيشوف فأنبوب الأكسجين لي دايرين على فمها و لفاصمة لي مغطية وجها .. زفر و قرب لمستواها حيد الأنبوب و هبط باسها بوسة مطولة على شفايفها لي مخطوف منهم اللون و بيضين .. بعد كيتنهد و رجع باسها عوتانيي عاد رجع الأنبوب لبلاصتو و جلس مقابل معاها
حس بصبيعاتها لي حركاتهم خرج عينيه و وقف كيترعد : ثلووج فقتيي ؟ .. حليي عينييك
بانت لييه كترمش بالشوية حتى حلات عينيها كتشوف فالسقف باينة فيها دايخة .. بقات شحال على نفس لوضعية وهو مخليها على خاطرها حتى شافت فييه .. سرعان مشهقات و بداو دقات قلبها كيتسارعو .. بدات كتخبط فإيديها باغا تهدر و مقدراش .. نترات السيرم من ايدها بجهالة و حيدات الأنبوب كتنهج
جهلات ليهم تماك فحالة هستيرية كتبكي .. كتنتر و تغوت و تضرب فراسها و باغا تحيد لفاصمة و كتسولهم علاش دايرينها ليها .. واش بصح وجها مشا ؟
أمجاد قرب لعندو الطبيب : مسيو أمجاد الله اخليك سمعتي لمريضة شنو قالت
أمجاد مركز الشوفة فثلوج .. بقا راجع باللور و عينو عليها كيفاش كتركل ليهم ملقاو ميحكمو فيها .. كمش عينيه و خرج بسرعة من لغرفة زادح لباب موراه .. بقا غادي فالكولوار جامع ايدو على شكل قبضة كيترعد شوية وقف و دار لعند لحيط هز داك لكروشي و خرجو كامل فالحيط حتى حس بييه مشا و جها
بقا واقف صدرو كيطلع و اهبط و نفسو مخنوقة .. سمع لهدرة موراه تلافت بالعرض لبطيء حتى كيشوف واليديه واقفين مصدومين من حالتو
ساجد دايرة بيه الدنيا مفاهم والو غا قرا ميساج شدى جا طير : ولدييي ماالك ؟!!
آريا بدات كتبكي ملي شافت حالة ولدها كلو دمايات و ملابس التيشورط و شعرو مشعكك و تحت عينيه كحل عاد وجهو لي مخطوف منو اللون ناهييك على عروقو لي بارزين علاين اطرطقو
قربات لعندو باغا تقيسو : ولدي حبيبي ماالك ؟ .. علاش نتا هنا و فهاد لحالة
بغا اقرب ليه حتى ساجد دفعهم بجوج : بعددووو حتى واحد ميقرب لياا
بغا امشي شدو ساجد حكمو مع أمجاد فهاد اللحظة كيحس براسو مرخيي .. جلسو باه على لكرسي و جلسو دايرين بييه
آريا كتشوفو حادر راسو لتحت و ملوي ايديه على عنقو تنهدات : مال ولديي لبطل فهاد لحالة .. فهمنا واش تبغينا نبقاو تالفين و قلبنا كيتقطع علييك
ساجد طبطب على ضهرو : قول لينا اولديي
آريا سمعاتو كيتنخصص و سعات عينيها و قربات لوجهو كتطل عليه و هو حادر راسو : كتبكييي ؟؟ أمجاد كتبكيي ؟؟ علاااش احبيبي كتبكيي
بدات كتبكي معاه كتشوف واحد من ولادها لي عمر الدمعة نزلها من عينو هاهية كتشوفو كيبكي دابا
ساجد مصدوم : أمجاد شنو واقع ؟؟
أمجاد خشا وجهو وسط ايديه حادر راسو مراضيش و هما كيسمعو تنخصيصو
حبك جهنم ثلوج الجزء السابع
محتوى القصة
التنقل بين الأجزاء