مروى:(شاافت فيه)دااز عليا بزااف...خالي جرا عليا من الدار وباعها...ولقيت راسي من مكان لمكان...شحال من مرة كنت غادي نغتاصب فزنقة غير لطف ربي هو لي حماني..بقيت هكاك حتى جيت لعند صباح لبنت لي جابتكم لعندي...هادي هي حرفتها.ودخلاتني ليها..(حدرت راسها وعينيها متغرغرين بالدموع)ولكين مقدرتش...مقدرتش نسلم راسي...(مسحت دموعها ودورات وجها لجهة لاخرى كتهرب من شوفاتو ليها)
لوكاس:(باستغراب وفضول)يعني نتي ماازال بنت؟؟
مروى:(هزات راسها ليه بالإيجاب بلما تشوف فيه)
لوكاس:(ستغرب وبقا غير كيشوف..شهااد الدولة لي هوما فيها؟؟لبنااات كيحافضو على جليدة بين رجليهم وكيخافو يفقدوها..ولبلاصة لي هو منها لبنت فاش دير 16 عاام ويمكن قل كتكون جاهلة ومتخلفة الا مطارت هاديك جليدة عندها..مسح بيديه وجهو وشااف فيها)سميتك مروى يااك؟
مروى:(دارت لعندو وجاوبت بشوية)اه...
لوكاس:بغيتي تعتقي راسك؟
مروى:(بلهفة)ياااريت..
لوكاس:غاادي نديك معايا...!!!!
مروى:(خرجت عينيها بصدمة)كتهضر بصح..
لوكاس:اه..نتي غير غاادي دمري راسك هنا..غادي نديك معايا تلاقاي مع صاحبتك وتبني حياتك تماااك...
مروى:شنو لمقابل؟
لوكاس:(تبسم على جنب وفهم قصدها)متخافيش مغاديش نقيصك...هادشي طاالع فراسي..غير كوني هانية من هاد الناحية...
مروى:(تبسمت على جنب بفرحة وعينيها لمعو..تبعات ليه لعين حتى خرج وحطات ايدها على فمها كتحبس بسمتها)
هولاكو:(شاف فيها ورمى عينيه لوك لي جنبها)كنسمع..
جاسمين:(بتوتر كبير وخوف شديد ..قدرات تنطق..واخا عارفة بلي غادي تحل عليها ابواب جهنم وعلى راجلها بلاخص..ولكين جيلين فخطر ووضعها كيفرض عليها تحميها..واخا عارفة بلي الشي لي دارت بنتها مايقدر اي كان يسرطو..ولكين كتبقى أم..وقلب لام هو هادا...شافت فيه برهبة كبيرة وستجمعات نفسها وبعض لعبارات وقدرات تحل فمها وتنطقهم)
جاسمين:النهار لي جيتي كتقلب فيه على جيلين..كان جا لعندنا جورج..وسمعتو كيهضر مع فلاديمير بلي كاينة شي وحدة غادي يخرجوها من لعبة حيت عرفوك بلي طايح فلارا..وخاصهم يتلاقاو بلارا باسرع وقت بااش يتافقو معاها عليك..باغينها تخرج ليهم شي اتفاقيات كيخصو فلاديمير..
هولاكو:(شاف فيها مزياااان وبدااا يدور السيناريو هي كتعاود وهو كيربط لاحدااث..شوية بشوية بداات صورة تتوضح ليه...وعرفها ماليها دنب...شافها شوفة تخلع..وحتى حرف ماخرجو من فمو.. من غير انو سول سؤاال وااحد..طرحو عليها بكل هدوء وثبااات:
هولاكو:فين تقدر تكون جيلين؟؟؟؟
جاسمين:معرفتش..عييت من تفكير..جميع الاحتمالات درتهم فبالي..من غير دااار لي فج...(بداات تنطق حرف حرف عينيها كيشوفو بعيد..علاش مافكرات فهاد لاحتمال؟؟..شافت فيهم ونطقت برهبة)غاادي تكون فالدار لي فجبل..انا متأكدة غادي تكون تماك...
هولاكو:(شاف فيها بحدة وطلب منها تطلع جنبو ولوك وراهم...لوطو طاااايرة...وصلها 180..ويمكن كتر..كيتسمع غير صوتهاااا مع الريح..جاسمين جرات السمطة وحطات ايدها على قلبها...ماعرفاش شنو كيدور فراسو؟؟تخنزيراتو وصمتو معجبهاااش.خصوصا الشي لي كتسمع عليه..مافقلبو لارأفة ولا رحمة..بداات توريه طريق وكتطلب من أعماق قلبها يرحم بنتها ويغفر ليها زلاتها...وقف بجهد قداام دار كطل على جبل...لبلااصة هناااا باردة بزاااف..وخصوصا فهاد الجو...رمى رجليه خارج لوطو..ودخل لدار بعدما دفع لباب برجلو حتى تلاااح...دخل كي المجنون..يقلب فكل بلاصة..قلبو غااادي يخرج من مكانو...كيدور كيلمصطي وكلما حل شي باب ومشفهااش كييزيد قلبو فضرباات..صاافي مبقاااش قاادر غاادي يتسطى...صرخ باعلى صوتو...باسمها...حتى تزعزاات الدار بصوتو المجهد:
هولاكو:لارااااااااااااااا.......
^^خصلات سوداااء طويلة مرمية عندها رجليها..كتشوف فيهم بأسى وحزن كبير..وصية مليكة مشاات فلخلا...شحاال وصاتها على سالفها وشحاال طلبت منها تخليه على حالو كيفما عطاه ليها سيدي ربي..عينيها ورمو بلبكى..وخدودها حمرين بقوة الضرب...^^
هبة:(بتعب شديد نطقاات بصوت شبه مسموع)خليننني علييك....حراام عليك...بااااراااااكا....
جيلين:(دايرة فوق رجل..وهازة ساشية بين ايديها)شوووش ..خليني نركز مع خدمتي....(خوات ساشي على ايدها وبدات تستنشق بكل راحة..طلعت وجها فيها وشافت فلمقص لي جنبها..جراتو لعندها ورجعت وقفت حداها...مسحت بجنب ايدها نيفها ونطقت)
جيلين:شنو من بعد الشعر ازين...(بدات دور بيها ولمقص بين ايديها..بركات لعند وجها وهزاات ليها دقنها.)اممم...لحويجباااات...رميشاااات...لعوينااااات...شويربااات...شنو بااان ليك...
هبة:(هزاات فيها عينيها بتعب شديد..السخانة زاادت عندها كلها كتفور حتى بدااا لعرق يصب منها...نطقات بصوت غاالب عليه لعياا)قتلييييني...عااااافااااك قتلينيييييي...
جيلين:ههههههه والله لا كانت ليك...(جبداات ايدها لعندها وحطاات لمقص على صبعها )نبداااو بهاااد لقويلمات لي عندك..(حطات لمقص على ظفرها وفزعاات فاش سمعت صوتو كيصرخ بسميتها الشي لي خلاها تحرد صبعها بلمقص حتى صرخااات على حر من جهدها...
هبة:ااااااااه...
جيلين:(حطاات ايدها على فمها كتسكها وهبة كتفركل تحت منها..)سكتي...سكتي....(قربات لمقص من عنقها)غاااادي نقتلك سكتي حسن ليك...سكتتتتتي...(دغيا دورات وجها لجهة لباب ...وشافتو ناااازل بحال شي وحش...جسمو تضخم بقوة الأعصاب..وحواجبو مربوطين بين عينيه..جر رجليه لعندها بزربة ووقف عليهم مضلل بجسمو عليهم..شافت فيه جيلين بخوف كبير...طلقاتها واقفة بلما تحس...ليومة يكويها من تقبة نيفها...
جيلين:(طاااح لمقص من بين ايديها..وحساات بيها مهزوزة من شعرها..عطاتها لغوااات وتهرنين...حساات بجلدة راسها طارت من مكانها..حطها بجهد حتى طاحت على مؤخرتها بألم..ورجع جبدها لعندو من شعرها حتى وقفها..صرفقها على حنوكها حتى ترمات بين واحد لكنبي..جاسمين غير كتطلب فيه وترغب يخليها..مقدراش تقرب منو..خايفة تقرب يصدق داير فيها كتر من هكا..شدات واحد لقنت جنبو تبكي وتزااوگ..رجع جر رجليه لعندها..وهزها عاود من شعرها..صافي هنا حساات بشعرها مبقاش فمكانو حط يدو على عنقها وبدا يعصر فيه...تمشي حتى تخرجها الروح ويرجع يزدحها مع لأرض مامرة ماجوج..جاسمين بركات بلخلعة غير كتغوت وتصرخ...شاف فهبة سخفااانة يلااه سراات معاه بلي نساها مرمية مربوطة فلكرسي..جر رجليه دغيا عندها..وحط صبعو لكبير على عنقها...مازال نبضها كيدق..شافها سخونة عرفها فيها سخانة...دور وجهو على كل شبر فيها..شاف طرف صبعها لمشرشر بالدم...وشعرها لمقطع وحنوكها لحمر بضريب..وشكلاط مجلخ ليها حالتها..رمى عينيه لجهة جيلين باراكا جنبها جاسمين كتحاول تنوضها تهرب بيها قبل مارجع عندها.. رمقها بنظرة كتحمل بزاااف ورجع لعندها من جديد...
هولاكو:(رجع جر رجليه لعندها وعينيه مفيكسين عليها..مخشية فجاسمين لي كتحاول تنوضها وتعتقها من ناارو..حسااات بيه جرها من تحت ايديها وخلاها وراه..جاسمين تبكي وترغب يخليها عليه..وهو غير جارها وراه حطها فوق لكرسي وتحنى على لمقص لمرمي لعند رجليه..تبتها مزيان فوق لكرسي وجبد شعرها بدا يجرو ويمقص فيه وهي تبكي وتعرنن:
جيلين:هئ هئ هئ هولاكو لا لا..عافااااك لا هئ هئ
هولاكو:(كيجبد شعرها بجهد كون صاب يقطع حتى الجلدة كون قطعها ...الى كانت جيلين قطعات شعر هبة فهولاكو صلع شعر جيلين...تحنى لعندها..وجر ايدها لعندو...
جيلين:(خرجو عينيها على جهدهم بخوف..خصوصا ملي عرفت الشي لي كيدور فراسو)لا لا لا...هولاكو هئ هئ هئ لا لا...انا حبييتك اهولاكو لا لا هئ هئ انا جيلين عافاك لا هئ هئ هئ..
هولاكو:(جبد يدها بجهد عندو وقطع صبع يدها صغير حتى شرشر دمها عليه..رماها وخلاها كتصرخ بأعلى صوتها بقوة لألم..جاسمين طاح فيها النص جبداتها عندها وبدات تغوت حداها..)
لوك:(يلاااااه طفات عليه الشمعة دخل كيجري ملي سمع صوت جيلين صرخاات...خرج عينيه بصدمة وقلبو كيزدح بلخلعة خصوصا ملي شاف جاسمين باركة عند جيلين حاضنتها ودمها عمر الدنيا وجيلين سخفانة...مفيقو من غفلتو غير رجيلات هبة لي زعزعوه رمى عينو ناحيتو شافو هازها سخفانة بين ايديه وخارج بيها..جر رجليه بزربة لعند جاسمين كيشوف بحال شي مسطي مافاهمش الشي لي قدامو..
هولاكو:(حطها جنبو ودار ليها سمطة..حط يدو على راسها كتفور بالسخاااانة...ركب جنبها وهضر فتيلي كيملي عليهم اوامرو..وعينيه عليها...)
*الغرفة مقلوبة والخدم شي خارج شي دااخل..لممرضات وصلو فلوقت والطبييب جنبهم...وجدو سيروم ولمعداات.وبقاو واقفين في انتضار لمريضة توصل..لخدماات بدلو الشراشف وحطو جميع لمستلزمااات وخرجو لعند فيكتوريا لي كتسول عن سبب وجود لممرضات والدكتور خافت يكون واقعة شي حاجة لولدها..صونات على جوشوا طمناات بالها ملي عرفتو بخير..ورجعات كتوصني على هولاكو لي مبغاااش يجااوب...تيلي على ودنها وقلبها كيضرب بلخعة..علاش مكيجاوبش؟؟اكيد واقعة ليه شي حاجة!!..بدات تنزل تيلي بشوية ملي شافتو داخل هازها بين ايديه..حالتها كلها مجلخة..ووضعها كيخلع رمقها بنظرة كتحمل بزااف ودخل بيها لغرفة حطها فوق لفراش..ودارو بيها لممرضات وطبيب حداهم...بقا واقف شحال جنبهم وخرج كيلتاقط انفاسو..لحظات قليلة ويمكن تكون من عداد الأموات..مسح وجهو بيديه.وشاف فيها..جرها من درااعها وتم غادي بيها.
^^عينيها سارحين فلمضيفاات لي واقفين على راسها..كيتسناو اوامرو وأوامر الضيفة لي معاه..قطع لاتصال وطلع كيبقشش فتيلي عطا الإشارة لبيلوط وبدا فخدمتو:
لوكاس:تشربي شي حاجة؟؟
مروى:(حركات راسها بالنفي...)
لوكاس:(عرفها ميتة بالخلعة...الشدة لي دايرة للكرسي وفمها لي ضاغطة عليه بسنانها عرفها خايفة...طلب منهم يجيبو ليها مشروب يخفف الضغط..ولنفسو مشروب لمعتاد..حرك ليهم بيدو باش ينصارفو..وحس بطيارة كتحرك...ناض من قدامها وجلس جنبها...صايب ليها السمطة مزياان وشاف فيها:
لوكاس:فين كتقرايا؟؟(كيحاول يشتت انتباه ديالها)
مروى:(مازال على وضعها..مقدراش تجاوبو من قوة الخوف)
لوكاس:(رجع هضر من جديد)دابا شنو غادي يدير خالك الى عرف بلي سافرتي لروسيا؟؟
مروى:(بغضب)مسوقيش فيه..
لوكاس:'(حس بيها بدات كتجاوب معاه)ولكين يقدر يقول بلي ختاطفتك؟؟
مروى:(يلاه جات تهضر حسااات بطيارة بدات تطلع...خرجو عينيها واستعدت لصراخ ... حتى حسات بيد لوكاس سبقاتها و تحطات على فمها بسرعة..خرجات عويناتها فيه على جهدهم..وبدات ترمش بزربة..بينما هو ستحلى لقرب لي بيناتهم وخلا عينيه يسرحو فوجها...كل شبر فيها كيتمعن فيه على مهلو...حس بيها تهدنت وطيارة شدات مكانها فسما..بعد يدو بشوية...وهضر بقرب شديد منها..
لوكاس:متخاااافيش..غير تهدني..
مروى:(جراات كاس لمشروب لي جابت ليها لمضيفة ونزلات عليه كتبلل حلقها النشفان..شافت فيه ونطقت بصوت مرعد)سمحلي...
لوكاس:(تبسم ليها...وجر واحد لمجلة حطها قدامها ..كيدوز شي صفحات ويوريها صور لفنادق وعمارات ومنتجعات...)هادو كنت واقف على البناء ديالهم...هادا هو الاختصاص ديالي..
مروى:(بحلقات فصور بإعجاب شديد وانبهار كبير ..خلاها تنسى خوفها وتتهدن...وتشارك معاه لحديث )
هولاكو:(جرها من دراعها ومشا بيها في اتجاه غرفتها..)
فيكتوريا:(دخلات باستغراب شديد معرفااش مالو والشي لي بيه)ولدي مااالك...؟؟؟
هولاكو:(خنزر فيها مزيااان وهضر بثبات)من غدا منشوفكش هنا...جري ولدك وسيري لعند زا••ديالك..'(رمى ليها هاد لهضرة وخرج خلاها مصدومة فمكانها...جر رجليه لعندها وقلبو كيضرب..حل لباب وشافها ناعسة بهدوء تام..سيروم معلق ليها وضرباات مصورين بشكل باارز على وجها خصوصا مع الدوا لي دارو ليها زادو باانو..خرجو للممرضات من حداه حانين راسهم لارض..شاف فيه الطبيب وجا لعندو..
الطبيب:السخانة نزلات وعقمنا لجروح..الحمد لله صبعها متقطعش غير تحرد بقوة الضربة..خيطناه وعقمناه وغدا غادي تجي الممرضة تعقم الجرح..
هولاكو:(هز ليه براسو باطمئنان)
طبيب:سي هولاكو..كنصيحة مني(شاف فيها ورجع شاف فيه)حاول تديها لشي طبيب نفساني..وحدة دازت من تعديب واختطااف اكيد غاادي تكون نفسيتها مدمرة..
هولاكو:(طلع فيه حاجبو وطلب منو يخرج...جر رجليه لعندها..ووقف على راسها..حط يدو على وجها كيلمس فيه بشوية خايف لايضرها بلمسااتو..جبد يدها لعندو وباسها من برا ولداااخل..لمس شعرها بهدوء..وبقا شحال كيشوف فيها متبع لعين لنفسها لي كيطلع ويهبط بشوية..فكرة انو كان غادي يفقدها كتخلق فيه حالة من الخوف والرهبة.
فلاديمير:(عينيه فتيلي وكاس القهوة فيدو الشمال...سارح فاخر لأخبار الاقتصادية وكيتسنى فجورج لي تعطل عليه..دقايق كيمشو بسرعة وانتضارو لجورج خلق فيه حالة من لملل..هز سوارت ديالو..وحط لكاس فوق طبلة..لملم نفسو ومشا في اتجاه باب لقصر..رمقو نازل مع الدورج الخلفية لجردة بسرعة وتوتر كبير..
فلاديمير:(مشا يجري مع جورج وركب فلوطو..قلبو غادي يخرج من مكانو...دقايق كدوز عليه بسوايع...كيطلب من اعماق قلبو تكون بنتو بخير..وصلو قدام مسكن لوك..نزل كيجري..وجورج وراه...دخل لعندهم بعدما حل ليه لوك لباب...شافها متكية على لفراش..راسها صلع..ووجها كلو مضروب...فاصمة مدورة على يدها..وصدرها يطلع ويهبط مع ريتم تنفسها...طبيب خرج.وخلا جاسمين باركة عند يدها حاطة راسها كتبكي...
هبة:(جرات عندها يدها ومشافتش لناحيتو كلمة خفيفة قدرات تخرج من فمها)بغيت نعس...
هولاكو:'(فهم عليها وعلى الشي لي فبالها...خلاها على راحتها وخرج بعدما وصى لخادمات عليها يقابلوها وميخلوهاش بوحدها...نزل لمكتب ديالو تيلي على ودنو ووصلتو لاخبار بلي لفار هرب..تبسم على جنب بدهاء وتأكد من الشي لي كان ضاير فبالو..اصلا هو صيفط رجالو غير باش يزعزعو وداكشي لي كان السيد هرب گاع ماشي غير تعزعز.فضيحتو فضيحة..ولكين قضيتو معاه مازال ماسلات هوما لي بغااو لعب ومطلبو غير لموجود. ...
••*************
^^وقفات طائرة فماكنها لمخصص...ونزلو منها بعياء وتعب كبير...لقى لوطو كتسناه حل ليها لباب وجلسها جنبو...مدة والصمت سيد لموقف...مروى غير سارحة فهاد لبلاد لي رماتها فيها لاقداار..غير لبارح كانت كتوجد تعطي لحمها واليوم هنا..الدنيا غريبة واحداااثها اغرب من ذالك..وقف قدام فيلا صغيرة مصممة بطريقة عصرية...دخل لوطو لگارج اوتوماتيك..ونزل ومروى تابعاه..حل لباب لمخرج لجردة ودخل..
مروى:(غير كتشوف وسارحة فشي.لمحيط بيها...كدور عويناتها من قنت لقنت..حتى حساات بيهم دخلو لداخل...زادت فتحات عينيها وصرطات ريقها حاجة فوق الخيال لي موالفة تشوف فافلام لاتراك هاهو قدامها حقيقة ماشي حلم..خرجات من خيالها فاش سمعت صوتو كيهضر..عاد سرات معاها بلي جنبها خدامة..
لوكاس:سيلينا غادي طلعك لبيت..شدي دوش ورتاحي وهي غادي تجيب لك لماكلة عندك..والى بغيتي شي غادي تساعدك...
مروى:واخا شكرا..ولكين..هبة مغاديش نشوفها؟؟
لوكاس:حتى نشوف لوضع كيداير من بعد نعلمك..انا خارج دابا..عتابري راسك فدارك..مرحبا بيك..
مروى:(تبسمات ليه كامتمان وتبعات لخدامة)
جيلين:(حركات ايدها بصعوبة وبدات تحل عينيها على مهل..دورات راسها فشي المحيط بيها عرفت راسها فبيت لوك...حيدات لغطى وناضت من مكانها حتى ضغطات على صبع ايدها بدون قصد..تألماات وصرطات ريقها..وناضت كتعوج حتى وصلت لمراة لي فلحيط..شافت راسها وحطت يدها على فمها وجها منفوخ بضريب وشعرها مصلع..هولاكو طبق عليها متل^^لعين بالعين والسن بالسن^^الشي لي دارتو فهبة ردو ليها ويمكن كتر..نزلو دموع عينها بلما تحس..جرات رجليها لحافة لفراش وجلسات..رجعت بالذاكرة ديالها لسنين ماضية..
^^فلاش باك^^
جيلين:(تأنقت وتجملت بأحسن لباس..هاد ليلة مميزة عندها...فيكتوريا عارضة عليهم لعشى ولدها جاي من كوريا وقرات توجد لعشاء احتفالي كيضم اصدقاء ومعارف لوسط..)
جيلين:واخا(هزات بوشيط ديالها وخرجت.. كسيوة واصلة لركابيها فلاسود لاصقة عليها ومبينة منحنياتها..شعرها زعر مايل على جنب وحلقات من لالماس فودنيها مكياج خفيف وبسيط كتبان فيها لبرائة والرقة..شافها جاية مع جاسمين قلبو بدا يضرب.. هادا شهر كتوقع ليه هاد لحالة بمجرد مايشوفها...حل ليهم لباب ورمقها بنظرات حب كبيرة..اكتفت أنها تطلع بلما تسوق ليه..حاسة بيه معجب بيها..ولكين أخر ايامها تكون مع شيفور..وصلو لقصر ديميتري...ودخلو بعدما تم ترحيب بيهم..سلمو على معارف وبعض الشخصيات وشدو مكانهم مع النسا لي تبادلو اطراف لحديث وتبرگيگ...حسات بلملل وطلبات من جاسمين يمشو فحالهم ..وجاسمين كسكتها بحشومة وعيب...دقايق كيجرو ولكل في انتظار ابن فيكتوريا ..عائلة ديميتري روسين لاصل ولكين رحلو لكوريا لمدة من الزمن ورجعو لروسيا موطنهم لاصلي..وهولاكو بين هنا ولهيه كيقابل خدمتو مشغول باعمالو.... رجعت فيكتوريا ومعاها دافيد وجوشوا وقعد هولاكو فكوريا مدة من زمن وقرر يرجع لروسيا من جديد وبهاد لمناسبة قررت فيكتوريا تقيم حفل..شيكي وصاافي..طلعات عينيها فشخص لي دخل صرطات ريقها وحسات بنبضات قلبها في تسارع..كتبحلق فكل شبر فيه..وسيم بشكل لايوصف..لقلدة وطولة وتخنيزة والكاريزما والثبات..كلها صفاات خلات جيلين طيح فيه طيحة عمية..من اول شوفة فيه حطاتو فراسها غادي يكون ليها واخا طيح سما على الأرض...
جيلين:(طول لحفل وعينيها عليه..مقدراتش تنزلهم كتحاول ولكين حضورو الطاغي خلاها تبحلق فيه بلاهواها حتى عاق بيها..اكتفى انو يرمي ليها شوفة مزلزلة ويقلب وجهو لجهة لاخرى غير مبالي..وجاسمين حتى هي عاقت بيها..وبمجرد ماطلباتها يرجعو رفضت جيلين بحجة السهرة مازال طويلة..سالات لحفلة ورجعو وجيلين حطاات فراسها هولاكو..يطير ينزل غادي طيحو..بقات فابحااث ومراقبة ليه..اي كلوب واي قهوة واي مطعم واي نادي رياضي كيمشي ليه كتسجل فيه..هو عايق بيها ولكين عمرو هضر معاها ولا حشاها ليها ممستعادش للحب وتمعشيق لعالم لي فيه ماشي ديال هادشي وخصوصا واحد بحالو اعدائو كتار ..بقات مدة من الزمن كتحاول تقرب منو بأي طريقة...حتى طلعات فكر••وحصلها تابعاه لمطعم مولف ياكل فيه..طلب غداه..وشافها جلست فجهة لاخرى رمى عينيه ناحيتها وطلب منها تبعو..تبعاتو لجهة لمغاسل غادي طير بالفرحة..بمجرد مدخلات...لصق ايديها مع لحيط ونطق:
هولاكو:وااااش فهمتي الشي لي قلت ليك..ولا نشرح من جديد...
جيلين:فهمتك...وانا لي يريحك..غادي نديرو..
هولاكو:(شاف فيها مزيان وطاح على شنايفها بجهد كيجر فيهم السيدة قيمااات...كانت غير كتسنى لفرصة..بعد منها ونطق)
هولاكو:منصلحش ليك...
جيلين:انا بغيييتك..كيماااا نتاااا...
هولاكو:(شاف فيها مزيااان وجرها من دراعها...دخلاها لطواليط.وسد عليها...طلب منها تحيد حوايجها وتكوز ليه..اوامرو مطااعة..لي قال دارتو بلحرف لواحد..بلفرحاات عليها..بدا يضرب من لور بيديه والمعلم خداام على راحتو واخا جاتو لقضية وااسعة ولكين لي لقااا لح•• بلمجااان مايقولش لأ..شبع غريزتو ورضى شوية من رغبتو واخا ماشي شي حاجة..لبسات حوايجها بلفرحة وشدات تيلي ديالو سجلات رقمها وشدات رقمو..وسماتو^عشقي^ فتيلي..ومن هنا بداات لصقة ديال جيلين..حاطة تصاورو فكل مكان وخبرات صحباتها وعائلتها وأصدقائها وحتى من فيكتوريا علماتها بلي كتجمعها علافة حب بولدها..الشي لي جنن هولاكو وكان غادي يقتلها مامرة ماجوج..وهي غير مازايدة فيه هي عارفة بلي هو غير كيفرغ فيها وقالها ليها من اول يوم وهي عاجبها لحال...حتى لوقت لي تقلب فيه لعلاقة بين هولاكو وفلاديمير..وعرف بلي السيد كيلعب من وراه وباغي يشد رئاسة وبدات لحرب بينهم وقطع فيها الصلة بجيلين الشي لي جننها كتر ومقدراتش تستوعبو..وكترض لوم على صديق ليها شافو هولاكو معاها فموقف لاشارة راكبة معاه فسكوتر...الشي لي خلاها تطلب وترغب وتشرح وتفسر بلي مبيناتهم والو وتحاول تخليه يسامحها..بينما هولاكو زاايد ناقص عندو تكون مع صديق او مع مية...وبمجرد ماختفى هولاكو لمدة سنتين..دمرات حياتها..وخرجت لطريق الإدمان ولحشيش والسهر والسكرة..مشات لمركز تأهيل مرتين ويمكن هادي تالتة ليها
^نهاية فلاش باك^~
جيلين:(مسحات دموعها ووقفات جنب لمرايا..شافت راسها من لفوق حتى لتحت وبدات تضرب بيدها لمرايا وتبكي حتى ترجحو ايديها وداز دمهم.)
هولاكو:(اكتفى انو يرجع يدخن بعدم اهتمام...مغادي يهنى ليه بااال حتى يعرف شكون هادا لي قتل ليه لاب ديالو...عصر سيگار وشاف فيه كيهضر)
لوكاس:لبنت لي عاونتني فموضوع لارا.... جبتها معايا
هولاكو:(طلع حاجبو)وعلاش؟
لوكاس:وضعها مزفت كتر من هبة..وجبتها تبني حياتها وتحاول تخفف على هبة..
هولاكو:شكون هبة؟؟
لوكاس:لارا...بدلو سميتها..
هولاكو:(هز ليه راسو بالإيجاب ولملم نفسو للانصراف)
لوكاس:لاوتيل؟؟؟
هولاكو:(حط يدو على كوان لباب ونطق بلما يشوف فيه)~HIBA~(خرج وخلاه مخرج عينيه فيه مافهم واالو...تبسم على جنب وعرف بلي الشي لي كيقول هو لي كاين هولاكو كيبغيها...واخا مابغيش يعتارف ولكين تصرفاتو وهضرتو وأي حاجة كيديرها كتاكد هاد الشي..هز تيلي ديالو وخرج في اتجاه لاوتيل لافتتاح مبقا ليه والو..وخاصو يوقف عليه براسو)
«بعد مرور أسبوع»»
لاياااام فتساارع كبير ولاحدااث معاها كتجري...جيلين فهاد لفترة ستجمعات شوية من نفسها وهادا يومها التاني فمركز التأهيل... الإدمان على الكوكايين كيطلب وقت طويل بااش يقدر الشخص يتخلص منو تقدر تجلس لمدة شهرين او كتر..متفادية لبشر ومتفادية الناس لي معاها..حدها كتهضر مع لاشخاص لي مقابلين حالتها وتجاوب على الشي لمطلوب منها..وتتكيف مع لوسط لي فيه...جانب فيها كيطلب منها تنسااه عليها وتبدا حياتها من جديد فااش تخرج من هنا..وجانب أخر كيطلب منها تنتاقم من الشخص لي كان السبب فهاد الشي لي واقع ليها..دوزات صباع ايدها على دمعة سخونة نزلات على خدها وشافت فالشخص لي قدامها كان كيسجل هضرتها وكيحاول يخفف عليها الشي لي كتعيشو ..رمقاتو بنظرة وستاذنات منو تمشي لغرفتها تبع ليها لعين حتى مشات وحط راسو على ضوسي ديالها...
***********
لوك:(كيدوز صورها فتيلي بصبعو..قلبو معصور عليه..كيتحمل جزء كبير من لمسؤولية ويمكن كيتحمل المسؤولية كلها..كبر صورة بصباعو وقربها من فمو...باسها بشغف كبير...ومسح دموعو بزربة جيلين معرف كيدير يخرجها من باالو...جيلين سيطرات على فكرو وقلبو وبالو..هي كلشي عندو..مقادرش يخرجها منو..هي سولميت ديالو..واخا ممهتماش بيه وممسوقاش ليه ولكين ماعرف كيدير حتى يسد عليه هاد الموضوع..حول نظراتو لساحة الامامية للمركز...بقا مركز مع لباب كيشوف شكون خارج وشكون داخل حتى شافها خارجة جامعة ايديها لعند صدرها وحانية راسها شدات مكانها وطلعت وجها لجهة الشمش ..بينما لوك بقا مراقبها من لوطو ديالو..حتى سالات فترة لاستجام ديالها ودخلات.. عاد مشا حتى هو فطريقو.
وقفات قدام لمرايا كتمشط شعرها...قدرات لمصففة الخاصة بلقصر انها تقطع ليها شعرها بطريقة زوينة..واخا ولا قصير ولكين عطاتها مجموعة زيوت وكريمات كيساعدو فتطويل الشعر بسرعة..جرات رجليها لجهة لبالكون ورمات عينيها لجردة تلج دااب والجو بدا يسخن..حسات بيها دخلات عليها من جديد اكتفت انها تجاوب بلما دور وجها عندها:
الخادمة:لالة سي هولاكو وسي لوكاس كيتسناوك بلفطور..
هبة:مبغيتش..خرجي وسدي لباب..
الخادمة:ولكين...
هبة:(دورات نصف وجها فيها ورجعت شافت قدامها..الشي لي خلا لخدامة تسد لباب وتخرج..رماتها فموقف ماليها جهد ليه..هادي سيمانة وهي هكا ماكتبيغيش تشوفو ولاتسمع صوتو...ماكتهضرش معاه ومنخلاه..وحتى من الماكلة كتبزو عليها غير لخدامة فاش كطلعها لعندها..ولكين ليوم هولاكو باينة فيه معصب وماشي فمودو..كيدير حتى تقول ليه مبغااش تهبط..وقفات عند راسو وحنات راسها:
هولاكو:(حرك ليها بيدو تمشي..وعقد تغوبيشة من جديد وجر رجليه لعندها..بينما لوكاس تبع ليه لعين حتى مشا ورجع كيكمل فطورو)
هولاكو:(حل عليها لباب بجهد..وسرع فخطواتو ناحيتها...حاطة ايدها على زاااج لبالكون ومتبعة بعينيها مجموعة لبط لي كيسبح فواحد لبحيرة صغيرة جنب لمسبح...حسات بدراعها تجر بجهد الشي لي خلاها تشوف فيه..
هولاكو:شنو؟؟؟شواااقع؟؟مالنا على هاااد لحالة؟؟
هبة:(كتشوف فيدو)طلق مني..
هولاكو:(زير على حنوكها بيديه حتى شافت فيه بألم)كنهضر معااااك بقااااي تجااوبي...متصرعينيش!!!
هولاكو:(خنزر فيه بزربة...كو كانو عينيه قرطااس كون قتلو بيهم)
لوكاس:اووووه...غير بشوية عليك..انا مقصدت واالو...صاحبتها عندي فالدار..وهي معرفاش بلي هنا..انا غادي ناخدها لعندها ونخليها معاها فترة هكا تقدر تخرج شوية من الشي لي هي فيه..
هولاكو:(اختار الصمت فهاد لحظة..معرفش باش يجاوب..مقادرش يخليها تغيب عن عينيه...وفنفس لوقت مقادرش يشوف فيها كدمر هكا وتكرهو كتر)
هبة:(محساات براسها حتى طارت عليه عنقاتو ..الشي لي خلا هولاكو..يجرها بجهد من دراعها ونطق بحدة وغضب شديد...
هولاكو:لا...بوسيه نتي حسن!!!!!!
هبة:(خنزرات فيه وطلبت من لوك يتسناها تجمع شي حوايج وتنزل معاه)
هبة:(طول طريق والبسمة مفارقتش محياها....كتحس بفرحة عارمة ونوع من السعادة شحال هادي وهي غايبة عليها...وقف قدام لفيلا..وطلب منها تنزل..خلا لخدامة تتكلف بصاكها ولفاليز ديالها..وطلب من هبة تبعو..حل لباب وشافها جالسة فصالة كتفرج كتحاول تفهم شنو كيقولو بالروسية...كلما شافها كلما حس بنوع من الدفئ العائلي ولامان الداخلي غايب عليه...جرو رجليهم عندها وهي مغيبة بشكل كلي مع التلفازة..نطقت بصوت حنين خلا لوكاس يسهى فيها..
لوكاس:جاابك الله الوكاس اجي شرح ليا على شنو كيهضرو(كتهضر وعينيها فتلفازة)
لوكاس:مروى...شوفي فياااا..
مروى:(دورات وجها ببطئ شديد وشافتها واقفة حداه..طارت من مكانها وتلاحت عليها حتى طااحت ..بقات عابطة فيها ودموعها سابقينها وهبة كتر منها الشي لي خلا لوكاس غير كيشوف قرارو كان فمحلو...خرج وخلاهم يشدو راحتهم...
مروى:(جراتها لعندها وجلسو فوق صوفا..كتشوف فيها وترجع تعنق)اوووف ممصدقاش بلي نتي هنا....
هبة:حتى انا...كنت محتاجة ليك...
مروى:توحشتك...توحشتك بزاااف..
هبة:(رجعت عنقاتها ولفرحة بارزة فعينيهم)
مروى:عاودي ليا شنو طرا؟وشنو وقع؟؟
هبة:بزااااف...بزاااف امروى...حيااتي كلها تقلبات..
مروى:(تنهدااات بالم ونطقاات)وانا كتر منك...كون تشوفي لي وقع ليا اهبة...
هبة:كنسمع...عاودي ليا...وفين خالتي زوهرة مجاتش؟؟(كتقلب عليها بعينيها)
مروى:(تخربقت ومعرفت ماتقول..اصلا الشي لي حاسة بيه تجاه لوكاس ماعرفتو حب ماعرفاتو إعجاب ماعرفتو امتنان على الشي لي كيدير معاها)ااا...اه...وو...لاش كتشوفي فيا هكا؟
هبة:مبغيتينيش نشوف...(رمات على وجها شوية لكريمة وبقات تضحك حتى تعصرات غمازتها فخدها بشكل بارز)
مروى:(شافت فيها وجراتها لعندها جلخاات ليها وجها بالكريمة..وبداو يضحكو مخلاو دقيق مخلاو كونفيتير كلها كتجلخ لوخرا ويضحكو..ولخدامة فجنب كتر منهم شادة كرشها..وميتة عليهم بضحك..مغيبين تماما عن لعيون لي كترمقهم بإعجاب وحب ووله وشغف كبير..
هبة:(رمقاتو بصدفة وشافتو كيتبسم بدون شعور ..كيشوف فيها وكيشوف فحالتها..نزلات عينيها لارض ..ورجعت شافت فمروى لي هضرت بصوت خفيف:
مروى:سمحولينا..ا....كنا...كنوجدو..كيك...
لوكاس:(كيتبسم على جنب)ناااري على حاالة درتو...
هولاكو:(غير كيرمق هبة ومقادرش يزول عينيه من عليها..توحشها بزااف طول هاد لفترة غير ماشي جاي عليهم...لاساس عندو مايدوزش شي نهار مشفهاش فيه..)
هبة:(نطقت بصوت خفيف)مروى وجدات ليك كيك بمناسبة عيد ميلادك..
لوكاس:اووه باينة فيه كيشهي..(يلاه جا يمد يدو..حس بطبسيل تجر من تحتو)
هولاكو:(جر طبسيل لجهتو وبدا ياكل وعينيه عليها..الشي لي خلاهم غير كيشوفو...حتى فطيابها وكيغير عليها فيه..مخاصش شي حد ياكل من تحت ايديها من غيرو..هوما ربعة لقطع ديال لكاب كيك...كلامهم كلهم وجر رجليه لصالة...بينما مروى بدات تبسم من تحت سنانها...السيد باينة فيه طايح طيحة لعمى فظلمة...طلبات من لخدامة تنقي الدنيا وتسخن لغدا وتحط هاديك لكيك بينما غسلو حالتهم وجرات بدراع هبة لمصدومة من ردة فعلو...
هبة:شفتي شنو دار كالهم كلهم..مخلا لينا واالو
مروى:هههه السيد طايح فيك انمي..شفتيه غاير عليك حتى من لوكاس...
هبة:بسعي مني...انا من صباح واقفة وفلاخر كالهم كلهم..
مروى:وصااافي متزيدش فيه...سيري دوشي ومتعطليش خلينا نتغداو مجموعين..(غسلو حالتهم ورتبو نفسهم..ولحقو عليهم ..شدو الأمكنة ديالهم..وتحط لغدا ليهم..هولاكو غير كيشوف فيها ويبحلق مكرهش يطير على هاداك لفيم...شحااال هادا متبنن فيه...ومروى كتشوف فلوكاس بشكل ماقدرات تعرف تفسيرو...كملو غداهم وختموها بلكيك لي صايبت مروى..لوكاس عجبو لحال وفرح بهاد لالتفاتة زوينة منها..واخا عيد ميلادو مازال ليه نهارين ولكين ختارت تكسر شوية روتين بغديوة زوينة ولمة تجمعهم...نطق لوكاس بعدما شرب من كاسو:
لوكاس:غدا عندنا احتفال بمناسبة افتتاح اوتيل جديد..
مروى:بصااح مبروك..
لوكاس:هاد ليلة مغاديش نكون هنا غادي نوقف على التنظيم...وغادي نرسل ليكم شيفور يجبكم غدا..
هولاكو:(كيشوف فهبة لي وتروها شوفاتو وخلاها تبقى حانية راسها...هضر بثبات)انا غادي نجي لعندكم..
لوكاس:ولالمان...اجتماع ديالهم عندك قبل لاحتفال غادي تعطل على لبنات هكا..
هولاكو:(شاف فيه وحرك ليه راسو بلايجاب..نسى لاجتماع ديال السلاح جديد..حط كاس ديال لقهوة وخرج من عندهم بعدما رمقها بنظرات ممفهومينش..)
مروى:(حلات فمها وبحلقات عينيها فلكسواي لمحطوط قدامها...كدوز ايديها على صنادل ولبوشيطات وقلبها كيضرب بلفرحة..كلشي جا حتى لعندهم..من مصفيفين الشعر حتى لحوايج لي غادي يلبسو..مروى لبسات كسيوة بيج.مرصعين بحجيرات....دارت معاهم صندالة طالعة مع مكياج عامق..بينما هبة لبسات كسيوة موف لاصقة عليها نص فلفخاد مع صندالة كتلامع ومكياج خفيف ركزات على فمها...وشعرها مشطاتو سانبل واخا قصير ولكين جاها زوين..نزلو مع الدروج كيجرو..خصوصا مع هاد التعطيلة لي دارو..ركبو مع الشيفور وتوجه بيهم لمكان لحفل...
••••••••••
فوسط جردة كبيرة جنبها مسابح ومكان للعب الغولف..طبالة مشتين وأصوات قهقهات نسائية ممزوجة بريحة الدخان كتملي لمكان...ريحة لفلوس كتبنعث منهم علاش لا وهو اوتيل خاص بأصحاب النفوذ ولمكانة لعالية فلبلاد..سربايا واصلين لقمة التنظيم والتركيز..مكيطو رجل حتى يعرفو فين يوضعوها..خصوصا بوجود لوكاس فاكيد مغاديش يطيحو فلخطا قدامو..نزلو من سيارة بتوتر كبير..هادي يمكن اول حفلة ليهم كيحضرو ليها بهاد الشكل..مروى طلعلت وجها فلواجهة وصرطات ريقها...كتحرك دراع هبة لي كتنزل فكسيوتها لي ندمات على لبسها ليها قصيرة بزااف..شافت فمروى وشافت فين كتشوف فيها...تصعقات فاش شافت سميتها..مكتوبة باحرف كبيرة..صرطات ريقها وبدات تكدب راسها مستحيل يسمو هاد لاوتيل عليها...خرجها من خيالها غير صوت لمساعدة لي وقفات عندهم وطلبت منهم يتبعوها...غير كيبحلقو وكيشوفو فشي لي قدامهم حاجة فوق الخيال...وصلو لمكان لحفل وضربهم نسيم خفيف ممزروج بشلا روايح..وقفو قدام طبلة وحسو بلانظار مركزة عليهم...حتى شافهم من بعيد كيشوف فيها بإعجاب كبير ولهفة..جر رجليه لعندهم وباس يد كل وحدة فيهم..وركز شوفاتو على مروى لي توترات قدامو:
لوكاس:اجمل ماكاين فهاد لحفل..
مروى:(تبسمات على جنب وشكراتو)
لوكاس:هبة..كيجاتك سمية لاوتيل؟
هبة:(صرطات ريقها وهضرت بعفوية)بحال سميتي..
لوكاس:هولاكو لي ختارو(بغمزة)
هبة:(حساات بلعصافير كيدورو فكرشها حدرت راسها وتبسمة بمسة خفيفة..حسات بشي حد وقف جنبها..دورات وجها وشافت شخص كيسلم على لوكاس)
لوكاس:فيرناند توحشنااك اصاحبي...
فيرناند:وصلت غير لبارح..بمجرد ماعرفت بافتتاح ديالكم جيت..
فيرناند:(جر يد مروى وباسها...ودار لجهة هبة مد ليها يدو وبمجرد ماجات تمدها حساات بشي حد جمع يد فيرناند بجهد وسلم عليه ضاغط بشكل كبير على صباعو ومخنزر فيه..)
العشيقة المغرية الجزء العاشر
محتوى القصة
التنقل بين الأجزاء