العشيقة المغرية الجزء 11

^^عينيه خرجو بقوة لألم..وعروق عنقو برزو بقوة ماهو صاابر على صبااع ايديه لي حس بيهم تهرسو...صرط ريقو بصعوبة شديدة...وركز عينيه على شوفاات خارجة منهم شرارة..معرفش شنو دار وشنو دنبو؟..معرفش واش هادا سلااام ولاتعديب؟؟..معتقو من الشي لي هو فيه غير لوكاس...لي فهم لوضع وحط يدو على ظهر هولاكو كيفكرو بلي هو وسط احتفال وصحافة وشخصيات..طلق منو ورمى ليه شوفاات قاتلة..دب فيه الخوف والرعدة...مروى بقات سارحة فشي لي وقع بينما هبة ختارت تحني راسها ومتعطيش لموضوع أهمية..

هولاكو:(دور وجهو لعند هبة وجرها من خصرها لعندو زير عليها بيدو وبااسها فخدها قدامهم..الشي لي خلا فيرناند يفهم السبب لي خلاه يدير هكا..جمع ماتبقى من كرامتو ومشا لجهة لاخرى..)

لوكاس:تعطلتي...(كيحاول يهدن لوضع)

هولاكو:(عينيه فهبة...كيبحلق فيها من لفوق حتى لتحت..هضر وعينيه عليها بغضب)عااااد سااليت...

لوكاس:كلمة لافتتاح خلتيها ليك..

هولاكو:(قرب من هبة ونطق فودنها)شهااد الشي لي لابسة؟؟...وجهك قااااصح...

هبة:(خنزرات فيه ودورات وجها لجهة لاخرى...الشي لي خلاه يزير على خصرها..ويقربها كتر حتى تضرب جنبها معاه...دورات وجها بعصبية مفاهمش التصرف لي دار..الشي لي خلاه يفهما بلا ماتنطق..)

هولاكو:هكاااا حسن....

مروى:مبروك عليكم لاوتيل باينة فيه فخم...

هولاكو:(تبسم ليها كامتنان..وهضر بعينيه مع لوكاس..وصاه عليها بينما رجع)

هولاكو:(سلم على ضيوفو ورحب بيهم..وتوجه لمنصة...وقف بجبروت كبير وتقة عالية في النفس..شكر لحضور ورحب بيهم وعطى لانطلاقة بافتتاح لاوتيل بشكل رسمي..شد صور من عند الصحافة وجاوب على بعض لاسئلة ورجع جر رجليه لعندهم...كانت ساهية فيه. كتبحلق بتمعن فكل حركة كيديرها...وجودو طااغي وحضورو باارز..تبسمة بافتخاار وحنات راسها..الشي لي خلا مروى تتأكد من بزااف ديال لحوايج فبالها..تبسمات حتى هي وشافت فلوكاس لي طلب منها ترقص معاه..جر بيدها فاش شاف هولاكو جاي..ومشاو لجهة لاخرى فين كاينة منصة ديال رقص ..منصة هادئة وبعيدة عن البشر ضو خفيف عليها..وجو رومانسي كيحوم عليها..حط يدو على خصرها..وركز شوفاتو على عينها..بريئة وعفوية دغيا كيرتااح معاها الشخص..

هبة:(رمقاتهم من بعيد كيشطحو بهدوء تام وتبسماات بشوية..حتى شافتو وقف جبنها..مد لها ايدو وشافت فيه باستفهام الشي لي خلاه يجر ايدها بزز منها..وتم غادي بيها في اتجاه لمنصة لي فيها لوكاس ومروى)

هولاكو:(شد بيدها وتم غادي بيها لجهة لمنصة المعزولة عن لبشر..شاف فلوكاس لي كان مغيب مع مروى..وجر هبة لطرف لاخر..وقفها قدامو..وحط يدو على خصرها..شاف فيها متوترة وحانية راسها معرفاش شنو دير..

هولاكو:ماالك؟؟

هبة:(طلعات عينيها فيه ونطقت)مكنعرفش نشطح...

هولاكو:(بسخرية)لحوالا تكوزي قدامهم...slow جاااك صعيب..(بسمة جانبية)

هبة:(جمعت حوجيباتها بنرفزة وحيدات ايديه يلاه جات تمشي حست بيه جرها حتى ضرباات راسها فصدرو..طلع وجها بصباعو... قرب منها...غمض عينيه وحط شفايفو الدافيين على شنيفاتها صغار لمطيبزين..نساات راسها ولاوت ايديها ورا عنقو وندامجت معاه..هو يجر وهي تجر..كلها وعلى شنو كيعبر...ولي هو معروف شغف لهوى لي بيناتهم خلاهم ينغامسو فبحر لقبلات بلا هواهم متناسيين الشي لي حدااهم...صور تم التقاطها من بعيد ليهم بلما يشعرو بيهم..تقطع نفسهم..وداتهم مزال مشبعااات تسارع نبضاات قلبهم..ورعشة غرامية خلااتهم يزيدو يغطسو فشفايف بعض..لولى لوكاس لي بدا يحنحن عليهم..حتى حساات عليه هبة..خرجات عينيها بصدمة ورجعت وراها..حنات راسها بزربة وتوترات من فعلتها مضناتش راسها غادي دير هاد لفعلة..بينما هو خنزر فلوكاس حتى غبر هو ومروى كيضحكو..وزاد جرها لعندو..

هبة:(بتوتر )....خليني نمشي..

هولاكو:رقصي معايا....

هبة:مكنعرفش..

هولاكو:(تحنى لعند رجليها حيد ليها صندالة..ورجع وقف هزها شوية لفوق..وخلا رجليها فوق رجليه..)هكااا حسن...

هبة:ولكييين...

هولاكو:(جرها كتر ليه..وبدا يتمايل معاها..رجليها فوق رجليه كيحركهم بكل خفة..وداتها مرمية عليه..كتسمع دقاات قلبو لي كيضربو بجهد..تبسمات وحطات راسها على جهة قلبو...غمضت عينيها وخلاتو يحاوطها بيديه ويحركها برجليه عاايش لحظة وغير منتبه لكاميرات الصحافة لي كتصورهم من بعيد.)

هولاكو:(سالا لاجتماع مع الروس وهز تيلي لي برزطو بقوة لاتصال..

هولاكو:شكااين؟؟

لوكاس:غاادي نخرجو لبحر ^^فابري^^غااد تجي؟؟

هولاكو:سبقوني..مازال معطل شوية..

لوكاس:اوك...(دور وجهو فيهم )مازال معطل نسبقوه حنا..

مروى:واااخا..وااش نهزو معانا شي حاجة نتفرشوها وناكلوها؟؟

لوكاس:(باستغراب)علااش؟؟حنا راه غاادين لفيلا كلشي فيها!!

مروى:(بغباء)اااه..واخا..حنا نوجدو ونزلو عندك..(حطات ايدها فدراع هبة..وجراتها لطابق العلوي..)نااري على غبااء عطاني سيدي ربي..لاوكنهضر بكل ثقة..

هبة:ههه..الله يستر..بقااي سكتي حسن...

مروى:هااهي ساكتة..لبسي دغيا عيب نخلوه يتسنى..

هبة:ههه عيب عندك الصح..

مروى:(ضرباتها فراسها وطلعو كيضحو..بدلو عليهم وقادو حالتهم ونزلو لعند لوكاس لي كان كيتسناهم ..ركبت مروى حدااه وشدات هبة مكانها لور..ومشااو فطريق لبحر منوضينها..مروى بطبعها عفوية ونشوطية واخاا مرة مرة كضربها تكوليخة وتسول شي اسئلة معندهم معنى كتخلي لوكاس غير حال فمو ماعرف بشنو يجاوب..عكس هبة هادية ورزينة..كضحك حتى هي ولكين كلشي عندها بحشمة وخجل كبير..وصلو لفيلا لمطلة مبااشرة على لبحر..كلشي موجد ومحطوط..لخدامة سبقاتهم نضمات لفيلا ووجدات لغدا..والريس وجد ليخت وجيت سكي...كيتسناهم غير يوصلو..نزلو لبنات من لوطو ومشاو يجرو..لعند لبحر..مسرح ونقي..كل لون فيه كيباان بشكل واضح ونقي تشوف فيه وجهك..كلها كترش على لوخرا لما وكيضحكو..ناشطين وخالقين السعادة...لوكاس غير مراقب مروى وكيضحك..جناتو خلاتو بلا عقل..غير سارح فيها ومراقبها...معرفها من فين نزلت عليه..من يوم لي جات عمرو قاس شي قح••موالف كل ليلة مقيم على شي وحدة..وملي جات هاد لمصيبة بقا غير مقابلها ومتبع معاها هبالها..مرة حارقة لغدا مرة كتعلمو لعربية مرة مشوهاه فسينما متعرفش روسية وداخلة صبااط تفرج گالك فافلامهم...حس بشي حد واقف جنبو..

لوكاس:مرحبا..

هولاكو:(عينيه على هبة لي كترش لماء على مروى وتضحك بعفويةّّ...هضر وعينيه مركزين معاها)أمتى جيتو؟؟

لوكاس:مااشي بزااف...

هولاكو:(نصل صباطو..وحيد تيشورت بقا غير بشورت دجينز..صدرو مرسوم بلوشاام وعضلاتو محدودين من كل جانب..جر رجليه لعندها..وغفلها من ضهرها..جمعها بين ايديه وتم داخل بيها لبحر..وهي مصدومة غير كتشوف..دخلها وبدا يغطسها وهي غير كتبحلق مخلوعة ومتوترة..جمعت حويجباتها بغضب ونطقت:

هبة:شكون قالك دخلني..مجبتش حوايجي..

هولاكو:علاش هادو تسميهم حوايج..!!!

هبة:(كتشوف فراسها...لابسة صاية طويلة محلولة من لقدام وسوتيام ديالها..هضرت بتحدي )وماالهم معحبوكش؟؟

هولاكو:(شاف فيها وبدا كيقرب منها..وهي كترجع شغادي يقدها ترجع وهي وسط لبحر..)

هولاكو:(جرها من خصرها ونطق)عاجبااني نتي وبااراكاا عليا...(جمع وجها بيديه وتلاح على فمها يجر فيه..بمجرد ماكيلقى الفرصة ميقدرش يحبس..حس ببوعلام بدا ينتفخ عليه..تنهد بغضب..وطلب منها تخرج من لبحر قبل ماكلاها هنا..خرجات كضحك عليه..وجرات لفوطة كتنشف داتها..شافتو بقا شحاال غاطس لداخل كيحاول يبرد..وخرج كيقطر..عينيها ترمااو عليه كياكلوه بشوفاتها..كل شبر تمعن فيه بإتقان..وشاامو وطولو وتجريدة..دااخت وحساات بسخونية طلعات معاها..قلبات عينها لجهة لاخرى..وجرات رجليها لطبلة لي كان جالس فيها لوكاس و.مروى..لي كانت كتعلمو لمغربية..

مروى:تيكشبيلة تي وليولا...يلااه قولها...

لوكاس:كطنزي عليا؟

مروى:ولا..عاافاك قولها يلااه..

هبة:(جلسات جنبهم وبدات تضحك )مالقيتي ماتعلميه انا وكنتعنكش فيها..

مروى:ههه بغيت نسمعو يقولها..وهضر خلاص يلااه(كتشوف فيه)

هولاكو:(جلس جنبهم وصدرو عريان..حط راسو على لكرسي وغمض عينيه..)

لوكاس:عاودي يلاه نشوف..

مروى:تي كشبيلة تي وليولى...

لوكاس:تي..شنو؟؟

هبة:هههه بسعي منو حشومة عليك

هولاكو:(بمجرد مسمع صوت ضحكتها حل عينيه وشاف فيها..غمزاتها وسنيناتها ولفيم كلشي فيها كيشهي..خصوصا شعرها الفازگ خلقت فيه حالة..حس بلخدامة حطات قدامو لجرائد لي طلب وكاس لقهوة جنبها..جر لجريدة..ووساعو عينيه وجمع غوباشتو بغضب كبير..خصوصا ملي شاف راسو مصدر لغلاف وهي معاه..ضرب كاس لقهوة حتى تخوى..ورمى بلجريدة بزعفة ..شي لي خلاهم يشوفو فيه بعدم فهم.)

^^تحت صدمتهم واستغراب شديد من تصرفو...نااض من مكانو وتوجه لداخل لفييلا سااخط دمو كيفور..هز تيلي وحط على ودنو..وهضر بحدة وغضب كبير:

هولاكو:بربي حتى نطير زا••بوكم واحد واحد..

الشخص:(بتوتر وخوف كبير)سي هولاكو رااه طلبتهم يجيبو ليا رئيس التنفيذ..مغاااديش يفلت من بين ايديا كون هنا...

هولاكو:عرفتي ونلقى شي جريدة قدامي ..والله مانرحم شي قو••فيكم

الشخص:ربع سااعة وكلشي غادي يغبر كون هاني...

هولاكو:(رمى تيلي..ومسح بيدو وجهو بزعفة..الشي لي كان خايف منو وقع..غادي يشدوه من ليد لي توجعو..جلس فوق لكنابي وشافو داخل لعندو...

لوكاس:شي متوقع..ماديرش فبالك...

هولاكو:عينيك خاصهم يكونو مية عليها..من غدا غادي ترجع معايا لقصر..وطلب من جون يرسل ليا خمس رجال يكونو معاها..

لوكاس:وااخا..عرفتي شكون صوركم؟؟

هولاكو:بربي حتى نخنق ديلمو..من غدا تسد هاد الصحيفة..

لوكاس:(هز ليه براسو وخرج)

هبة:(هزات لجورنال بيديها وبدات متبعة لعين لصورهم..واخا مفهماتش الشي لي مكتوب ولكين قدرت تلخص بلي السيد مباغيش شي حد يشوفها معاه..حطات لجريدة بأسى..ونزلات عينيها لأرض واحد بحالو شي طبيعي مغاديش يقبل على راسو تتصور معاه قحبة..صرطات دموعها فخاطرها وسمعت لوكاس كيهضر:

لوكاس:غادي يتحااسب معاهم على قبل هاد الصور..

مروى:(بعدم فهم)وشنو فيهم الى شافوهم..باينة فيه كيبغيها؟؟

هبة:(طلعت عينها بزربة فلوكاس كتسناه يجاوب..بغاتو غير يطمن بالها بأي شي بعيدا عن الشي لي كيدور فعقلها)

لوكاس:(معرف مايقول..خدمتهم ماعرفينهاش ومابغيش يدخل راسو فحاجة مكتعنيهش..)امم..يلاه ندخلو حسن..لغدا واجد..

هبة:(حنات راسها بأسى كبير..وناضت من مكانها في اتجاه لفيلا)

(كرسي كبير من لخشب منقوش بأشكال غريبة وغير مفهومة..كيهز رجلو بشوية ولكرسي كيتهز معاه..مركز عينيه قداام شرجم كبير كيطل على حديقة كبيرة..فيها اغلب لحيوانات باينة فيها محمية ..دايرين بيها ناس كيوزعو لاكل على كل قفص من لقفوص لي مشتين..نفخ دخان سيگارو فلعالي..وبقا متبع لعين لقفص لاسد..لي زئيرو برزط دنيا وخوف لمراقبين..هادي يومين مبغاش ياكل معرفو ماالو..وقف على راسو شاد مجموعة جرائد بين ايديه..

شخص:هاهوما اسيدي..ديال ليوم عاد وصلو..

فيلبس:(جرهم من عندو..وبدا يدوز بيديه لجرائد..وعينيه كيقراو..صورو كما لعادة على صفحات لأولى..دوز بيدو لمكمشة صفحاات..وكح كسعيل منو ملي شافها معاه..قرا بتمعن ورجع عطاه لجرائد...هضر بصوت باينة فيه لكبر..)

فيلبس:وجدو طايرة...

شخص:لفين اسيدي؟؟

فيلبس:موسكو...

شخص:(صرط ريقو..وهضر بشوية)ماشي من حقي ندخل..ولكين خلينا حنا نتصرفو بلما تبان نتا فلواجهة..

فيلبس:مغااديش يعرفني..ومغاديش يعقل عليا...دير لي قلت ليك

شخص:(رمقو بنظرات غير مفهومة وخرج بعدما حنى راسو ليه)

فيلبس:(رمى سيجار بين رجليه وعفط عليها..شخص فستينات من عمرو..شعرو بيض فضي من قوة الشيب..عينين عسلية..ولحية بيضاء مغطية فكيه..يديه عامرين خواتم..وتقويسة حواجب ماشي غريبة...جر عكازو..وحط تقلو عليها..وجر رجليه بخطوات تقيلة..وهي اصلا غير رجل وحدة لي خدامة لوخرا كيعرج منها..هبط بلاسونسير لطابق السفلي..وجر رجليه لعند«ريكس»لاسد لي داير حالة فلعاملين..وقف قدام قفص ديالو وشاف فيه كيزئر بقوة وكيضرب بمخالبو لقفص بشدة..وقف قبالتو..وجر سلاح من عند أحد لعاملين..ضربو فرجليه برصاصات حتى جلس لاسد بألم..وبدا ينقص فصراخو وشاف فلعامل لي تصدم من تصرفو:

فيلبس:(مد ليه سلاح)عدب ومتقتلش..هادي هي السياسة لي تمشي بيها مع كلشي...(جر رجلو وخلا لعاملين كيصرطو ريقهم بخوف)

هبة:(جلسات فمكانها وراسها فلارض..كتاكل بصمت كبير..ولي حواليها ساكتين.. )

مروى :(شافت لوضع متوتر..وهضرات كتخفيف من الشي لي طاري)انا وهبة غادي نمشو غدا لمول بغينا نضورو شوية..

هولاكو:(يدو تحت حنكو وعينيه كيشوفو فمروى بحدة)ممنوع تخرجو وممنوع تمشو لأي بلاصة..ومن غدا غادي ترجعي معايا لقصر(كيشوف فهبة)

هبة:(صرطات ريقها وشافت فيه)وعلاش؟؟

هولاكو:هكاك..هضرتي تنفذ منبغيش نعاودها..

هبة:(بغضب)مغاديش نرجع معاك..بغيت نبقى مع مروى

هولاكو:(دور عينيه فيها بشوفة غاضبة ونطق)هضرتي منبغيش نعاودها..وخلي ديلمي مهدن..

هبة:(ناضت من مكانها ووجهت كلامها ليه)مغاديش نرجع معاك..(يلاه جات تمشي..حتى حسات براسها مجرورة من شعرها)

هولاكو:علاااش كتقلببي؟؟؟واااش لي قلت ليك مكديريهش؟؟شنوو بغيتي ندييير فيك؟؟؟؟

هبة:(شافت فيه بعينين مدمعين وحطات يدها على يدو كتحاول تخفف من شدة لي داير ليها..وجهت عينيها بشوية لجهة مروى لي تخلعات ووقفات من مكانها الشي لي خلاه يفهم راسو ويطلقها..شافها طالعة تجري و مروى تبعاها..

هولاكو:(جلس كيزفر بغضب وضرب بيدو طبلة حتى تزعزعو طباسل فوقها)

لوكاس:تهدن..هكا غادي تخسرها..

هولاكو:(مسح وجهو بيديه وشاف فيه)مبغيتهمش يقربو ليها؟؟

لوكاس:متنسااش شكون نتا؟؟؟شكون هاد الز••لي يقرب ناحيتك!!

هولاكو:غادي يستغلو نقطة ضعفي الوكاااس..هاد الشي لي خالعني..

لوكاس:ميقدروش..غير تهدن ورخف عليها..هي مفاهممة والو من هادشي..

هولاكو:(بقا شحال كيشوف فيه..وخرج فحالو يبرد شوية)

••••••••

مروى:باراكا من لبكى عافاك(كتمسح على شعرها)

هبة:دايما هو هكا هئ هئ..بغا يخنقني هئ هئ متخرجي متلبسي هئ هئ عييت منو هئ هئ

مروى:حيت كيبغيك..مباغيش شي حد يشوف فيك..

هبة:غير كتخربقي بوحدك هئ هئ

مروى:وحق سيدي ربي الى كيبغيك..ويحمااق عليك وهاني فين قلتها..

هبة:(مسحت بكفوف ايديها عينيها..وشافت فمورى )

مروى:ماالك؟؟

هبة:(نزلات عينها)بغيتو ومبغيتوش!!!...هادشي معجبنيش..ساكنة معاه بلازواج بلا دين..وهو مرة حنين مرة قاصي ماعرفت شنو بغا مني..

مروى:متخميش بزااف كلشي بوقتو مزيان.

هبة:(هزاات ليها براسها..وسكتات)

^^ركباات جنبو وعينيها على طريق..متجاهلة شوفاتو ليها ونظراتو على كل شبر منها..مدورة وجها لجهة لاخرى...سااكتة وكتحاوال تتغلب على نفسها لي كطلب منها تشوف فيه..حسات بيه جر ايدها وباسها شي لي خلاها دور عندو بشوية..غفلها على خدها ببوسة طويلة..ويدو سايقة لوطو..

هولاكو:ماالك ساكتة؟

هبة:ماعرفش؟؟

هولاكو:شوفي..شحال من حاجة نتي معرفهااش..غير هو داكشي لي فبالك راه ممنو واالو..

هبة:وعلاش مابغيتش تخليني نخرج..غادي نبقى محبوسة؟

هولاكو:هاد لموضوع يتسد..مكايناش شي حاجة سميتها نخرج أوكي..

هبة:(جرات يدها لعندها بزعفة ودورات وجها لجهة لأخرى)

هولاكو:(شاف فيها شحاال..وتحكم فراسو ..ضغط على لوطو بغضب وطار بيها..خلاها شادة فقلبها بقوة لخلعة..وصلو لقصر..وطلعت لبيت ناااقضة فكرة انها تبقى محبوسة مقدراش تستوعبها..شداات دوش وحطات من زيوت لشعرها وترمات فمكانها كتحس بلعيا وتعب..غمضات عينها وغطساات فنومة طويلة...مفيقها منها غير لمسااتو ليها..كيدوز يديه على وجها بشوية عليه الشي لي خلاها تفيق..وتشوف فيه بعينين ناعسين:

هولاكو:نوضي تعشاي...

هبة:مبغيتش..(ورجعات تخشات فلحاف وعينيها مغمضين)

هولاكو:(بقا شحال كيشوف فيها مكمشة بحال شي قطيطة..ريحتها هيجاتو..وتوازن تنفسها خرج فيه لهوايش..حط فمو على عنقها..وبااسها بشوية عليه..دور يدو على بطنها الشي لي خلاها دور لعندو..وتشوف فيه بعينين ناعسين...

هولاكو:(حط فمو على ودنها كيجرها ونطق)مقدرتش نصبر...توحشتك...(غطس فوجها كيبوس كل شبر من جبهتها لفمها لي عااام فيه وهي كتر..ترفعات مبقااتش هنا...حط يدو على ديباردو ونصلو ليها حتى باان صدرها بشكل واضح.. مغري وسيكسي..غطس راسو فيه يبوس ويعبس ويجر وهي كتلوى تحتو..بقا نازل مع بطنها حتى لصرتها السيدة ترفعاات...شادة بيديها لفراش ومغمضة عينيها بقوة النشوة..الشي لي خلاه يجعر ويقيم كتر خصوصا صوت اهاتها لخفيفة..خلاه ينصل ليها سروال ولي تحتو..حط يدو على لمنطقة..وهي كتلوى..مبقاش قااادر صااافي جااب اخرو معاها..دخل بوعلام بشوية..وهي كتغوت بقوة لحر..كيحاول قدر الإمكان ميفورصيش عليها..ولكين لقضية مزيرة وضيقة الشي لي خلاه يدخلو بشوية حتى جابو فيها..مامرة ماجوج..جمعها لعندو وباسها فجبهتها كتنهج وهو كتر منها..خشاها فيه وخلاها تلتاقط انفاسها.)

^^بعد مرور عدة أيام^^

هولاكو:(شرب كاس لقهوة..ووقف من مكانو كيستعد للانصراف...جرها لعندو وحاوطها بين ايديه..باسها ففمها بوسة دافية حتى تبسمات ورجع حط وحدة اخرى على غمازتها:

هولاكو:غاادي نتوحشك..

هبة:متعطلش بغيت نشوف مروى توحشتها..

هولاكو:وااخا..نتي غير وجدي راسك..فاش نجي من لخدمة غادي نمشو لعندها...

هبة:(تبسمات بشوية..ورجعت باستو فحنكو)

هولاكو:صافي هادشي لي عندك..

هبة:(حنات راسها وسكتات..طلع دقنها وخطف بوسة سريعة ومشا فطريقو)

هبة:(جراات رجليها..لاسونسير..وحساات بدوخة كتعزعزها بقاات شحال واقفة حتى ترخات وشدات نفس وطلعات بشوية عليها لبيت..هادي مدة وهي كتحس بدوخة وألم فلبطن وقلة رغبة فلاكل ..يمكن المعدة دايرة خدمتها معاها..دخلات لبيتها.وشدات دفتارها وبدات ترسم..فمجوهرات وتتفنن فلاشكال..ضرباتها ريحة الدجاج بدغميرة..وحلات عينها بلهفة بحال شي حد موحش لماكلة لمدة طويلة من الزمن...جرات رجليها لاسونسير حفيانة..ريوقها ساالو..ريحة دجاج ضرببات ليها فنيفها جمعت صباعها بلهفة وتحل بيها لاسونسير فلكوزينة..دورات عينيها وبدات تقلب طناجر كتقلب بلهفة كبيرة الشي لي خلا لخدمات يستغربو منها ويسولوها..جاوبتهم بلهفة وخلاتهم مستغربين من طلبها..شداتها لبكية وحسات بدموع سبقوها:

هبة:علااش مدرتوش دجاج علاش هئ هئ

الخادمة:دابا نوجدو ليك الالة بغيته مشوي ياك(باستغراب)

هبة:هئ هئ لا لا بغيتو مدغمر هئ هئ ..نتوما مكتعرفوش ليه..(بدات تبكي ولخدمات دايرين بيها مارعوفو مايديرو..بقات شحال فهاداك لوضع حتى تفكرات مروى..هي لي غاادي طيبو ليها على حقو وطريقو تبسمات بانتصار...وتفكرات بلي ماعندها كيدير حتى تمشي لعندها...طلبات منهم يعطوها رقم هولاكو..وصونات ليه من هاتف لبيت..بقا شحال كيصوني..عاد جاوب:

هولاكو:وي..

هبة:الو..

هولاكو:(باستغراب)ماالك..واقعة شي حاجة؟؟

هبة:لا..والو...غير..بغيت نمشي لعند مروى..

هولاكو:حتى نسالي مازال معطل شوية...

هبة:(شداتها لبكية وبقات شحال حابساها وطرقطات عليه..كلشي كديرو بلا شعور منها)هئ عئ ئهئ لا بغيت نمشي لعندها دابا هئ هئ

هولاكو:(ناض من مكانو وخرج من لاجتماع بخوف واستغرب كبير)ماالك شنو واقع.. متخبيش عليا؟؟

هبة:بغيت نمشي لعندها دابا عافاك هئ هئ

هولاكو:'(تنهد وغمض عينيه ورجع حلهم..تقبل لوضع بزز خصوصا هاد لفترة ضيق عليها لخناق بزااف..جاوبها بالإيجاب..ورجع صونا على لحراس يوصلوها لفيلا لوكاس وميتحزحوش من مكانهم حتى يجي..)

هبة:(قلبها كيزدح بلفرحة بحال شي بنيتة فعمرها 10 سنين..كتسنى يطيب الدجاج بلهفة كبيرة..عينيها مراقبين لفران كتسنى غير إمتى يتحمر دغيا...

مروى:(كتشوف فيها وفحركاتها ولهفتها لكبيرة..عمرها وقع ليها هكا..!!!حطات يدها على فمها..وخرجات عينيها بصدمة ّّ..ياك مايكون الشي لي فبالها ؟؟..جرات رجليها لعند لفران وخرجات دجاجة منها..ريحتها عاطية وشكلها كيشهي..حطات ليها داكشي وجلسات مراقباها ..كتكال بشراهة وعينيها مترفعوش من طبسيل...هبة ماكانتش هكا..ماكلتها قليلة وماشي من النوع لي كياكل بهاد الشكل..بقات مراقباها حتى كملات..

هبة:الله يعطيك الصحة...بنين...

مروى:..بصحة....(بقات شحال ساكتة حتى نطقاات)هبة إمتى جاتك لغيگل؟؟

هبة:(صرطات ريقها وخرجات عينيها)معطلة عليا بشي سيمانة دابا...

مروى:(بتوتر)يمكن الشي لي كيدور فراسي صحيح..

هبة:(وقفات من مكانها بخوف)لا لا مايمكنش..اكيد لا..

مروى:خصنا تيست ضروري هو لي غادي ياكد لينا..

هبة:مغاديش نكون حاملة ياك امروى هئ هئ

مروى:اويلي متبكيش..حنا غادي نتاكدو..

هبة:وفين غادي نلقاو تيست هئ ئ..

مروى:صبري انا نصيفط لخدامة تجيبو لينا..(خرجات مروى بزربة ومشات لعند لخدامة لي وصاتها ماتعلم حد..ماهي الى لحظات جات لخدامة من عند لفرماسيان..هازة الصاشي بين ايديها..عطاتهم الصاشي وخلاتهم طلعو لبيت عند مروى..دخلات هبة لطواليط وخلات مروى واقفة كتسناها..ماشية جاية..خرجات فيدها التيست وبداو يتسناو النتيجة شوية بشوية بداو الشريطات يبانو حمرين بشكل واضح..جلسات فوق لفراش كتبكي ومروى تسكت فيها..

مروى:علااش كتبكي داابا...باراكا...

هبة:شنو غادي ندير هئ هئ حاملة بلا زوااج هئ هئ لا وامسيحي من لفوق هئ هئ

مروى:صافي دابا لي طرا طرا..خاصك تقوليها ليه..

هبة:لا لا..خاصني نطيحو بلما يعرف هئ هئ..

مروى:اويلي تسطيتي..دابا باراكا من لبكى..غسلي وجهك وهبطي دابا يوصل لوكاس ويلقااك هكا يعيق بيك.

^^وقفات الطيارة بتوازن فمكانها لمخصص..جر عكازو وحط كل تقلو عليه ..رجلو كيجرها وراه..ولمساعدين وراه هازين لفاليز..وقفات قدام رجليه طوموبيل كحلة..حلو ليه لباب لخلفي..وركب كيقلب عينيه..ودخانو بين صباعو كيسوطو مرة مرة كيكحب..وقفات لوطو قدام عمارة كبيرة فحي معزول عن لبشر..نزل وشد لاسونسير..وصل لرقم 10..وحل لباب بكارت عندو..دخل كيدور عينيه كلشي فمكانو...توجه لسرجم لي مطل على الواجهة الخارجية..وجرلمنظاار لمحطوط قدام السرجم..غمض عين وحل لوخرا .ووجه انظارو للقصر لمقابل معاه..كيشوف فكمية لحراس لمشتين قدام لقصر...جر رجليه لبيتو لفوق..وطلب منهم يوجدو ليه قهوة ويطلعوها لعندو...

•••••••••••••

هولاكو:(قطع الاتصال وتم دااخل لقصر..شافهم جالسين فصالة وجر رجليه لعندهم..

لوكاس:تعطلتي؟؟

هولاكو:(كيشوف فهبة حالها ماعجبوش..رمقها مزيان ونطق)عاد ساليت..

لوكاس: ملي جيتي يلاه نتغداو مجموعين..

هبة:(حادرة راسها وتعب باين فيها..عينيها وارمين بكترة لبكى)بغيت نمشي نرتاح...

هولاكو:(هز حاجبو)كضرك شي حاجة؟؟

مروى:اااا..لجو هنا كيسخسخ...حتى انا عزيز عليا نبقى غير ناعسة..

هولاكو/لوكاس:(بنظرات استكشااف فكل وحدة فيهم حسو عليهم كيخبو شي حاجة..ولكين مع من..شخصين دارسين حركات لبشر .وتصرفاتهم..وخصوصا هولاكو غير كيشوق فهبة من لفوق حتى لتحت..وضعها معجبوش...كيدوز بيدو على ليحتو..وكيشووف فيها بشكل استكشافي..)

هولاكو:مااالك؟؟

هبة:(هزاات عينيها فيه)واالو..

هولاكو:بغيتي تمشي؟؟

هبة:(هزات ليه راسها بالإيجاب ورجعت حناتو من جديد..كتحس بنعاااس كبير بااغية غير تحط راسها..ناضت من مكانها وعنقات مروى لي ماعرفت مادير معاها فهاد لمصيبة لي طاحت على راسهم..شد بيدها هولاكو وتم خارج بيها في اتجاه لقصر..لكارد تبعوهم بلوطو وراهم وهوما شدو طريق تحت صمت كبير)

^^بعد مرور اسبوع^^

هبة:(حكات عينيها بطرف يدها..وشافتو مجبد حداها..ناعس..جامعها لعندو وخانق عليها تتحرك من جنبو..بداات تزول اشلاء جسمها من تحت قبضتو بشوية ومشات تجري لطواليط..سادة فمها بيدها..لي فكرشها تخوا كولو..رداات كلشي..ورشات لماء على وجها..جمعات شعرها وقضات حاجتها..ووقفات قدام لمرايا..دوزاات يدها على كرشها وشداات قرارها..ليوم غادي طيحو ..هو ولد حرام من دون زوااج ومن دون دين..لقيط لقى من كرشها مكان ليه..كان عليها تشد احتياطاتها قبل مافات لفوت..السيد اكيد ماغاديش يبدل دينو على قبلها...واستحالة يتزوج بيها واخا لي يوقع..هبطات تيشورت..وحلات لباب..فزعات ملي شافتو واقف قدام طواليط كيرمقها بنظرات غير مفهومة الشي لي خلاها تدخل لغرفة دريسينغ بزربة وتهرب من شوفاتو بدلات حوايجها....وسبقاتو لمائدة لافطاار..كتاكل بشراهة وتتبن فتوت لمحطوط..نزل كيتمختر..عينيه عليها وفضول كبير كيدور فمخو..مبقاتش عجباها..حاجة وحدة كدور فراسو ومازال ماتاكد منها..مسح بيدو لحيتو..وتحنى لعندها باسها فخدها..وجلس فمكانو:

هولاكو:(باستكشاف)فطري؟

هبة:لا راه سبقتك..

هولاكو:.وليتي كتاكلي بزاف هاد لفترة؟

هبة:(صرطات ريقها)هاد الجو كيدير فيا جوع..

هولاكو:(كيضهر وعينيه عليها)مقلتي عيب..ولكين لواحد ياكل بشوية اولاااا؟؟

هبة:(صرطات ريقها وشافت فيه..كيدار حتى شافها كتاكل ..هي كتحاول قدر الإمكان متخليهش يشوف طريقة ماكلتها هاد لفترة..شتت تريكزو وقلبت الموضوع بسرعة)

هبة:نمشو لعند مروى؟

هولاكو:'(حط لفورشيط وربع صباعو وشاف فيها)شتك غير ماشية جاية لعند مروى وخصوصا هاد لفترة..شنو واقع اهبة؟؟

هبة:و...واالو...لي عندي هنا غير مروى

هولاكو:(شاف فيها بعدم تصديق..وهز ليها براسو)سيري وجدي راسك..ليوم مغاديش نمشي لخدمة غادي نبقى معاك

هبة:(خرجات عينيها فيه..وجغمت من كاس لماء لي حدااه..كيدير حتى طيح الشي لي فكرشها وهي دايرة مع مروى ليوم يشوفو طريقة تهنيها..جرات لكرسي وجرات رجليها لاسونسير تخمم ونفكر)

(حطات ستيلو..وسدات لمذكرة ديالها بقا ليها اسبوع وترجع لعائلتها..حسات بشي حد دخل عليها..

الشخص:جيلين..وقت لغدا..

جيلين:واخا هانا جاية..(لبسات صندالتها وتوجهت لمكان لغدا هازة طبسيلها وكتحط من كل حاجة شوية..شدات كرسي وبدات تاكل بهدوء تاام..دغيا قدرات تتغلب على إدمانها بقوة لعزيمة لي عندها..واصرارها انها تبني حياتها من جديد..باراكا لي داز عليها..وكافيها من لالم طول هاد السنين على قبل واحد ممسوقش ليها نهائيا..كملات ماكلتها..وغسلات يدها وفمها..وخرجاات في اتجاه غرفتها..حطات راسها على مخدتها ونعسات.

•••••••••••

مروى:(خرجت من الدوش كتقطر مخشية فبينوار وكتنشف شعرها..كتغني وماهيااش هنا..محسات براسها حتى دخلاات فيه كون ماايديه لي شدوها كون راها طاحت من دريجات لي قدامها..رفعات راسها فيه..وحسات بانفاسو سخونة كضرب فيها..يديه جامعينها بقوة من لخلف..وعينيها كيرمشو بزربة...بدا يقرب منها..وهي كتشوف فيه قلبها غادي يخرج من مكانو..ولعرق كيصب منها..كتحس براسها..غادي طيح بين ايديه...حسات بيه حط جبهتو على جبهتها وهضر بصوت داافي...

لوكاس:مروى..بغيت نقول ليك واحد لحاجة مبقيتش صابر عليها...

مروى:ش..ش..شنو..

لوكاس:(يلاه جا يهضر حس بلخدامة وراه)

خادمة:سيدي...سي هولاكو ولالة هبة جااو..

لوكاس:(بعد منها وشافها مشات تجري لبيتها..بينما هو نزل لعندهم لصالة)

هبة:(جالسة على اعصابها ماعرفت مادير...شوفاتو وتروها..وخلاوها تبقى غير منزلة راسها لارض..حتى دخل عليهم..رمى السلام ليهم..وشاف فيها..

لوكاس:هبة كلشي مزيااان؟

هبة:(تبسمت ليه بتوتر)اه لحمد لله...فين مروى؟

لوكاس:فلبيت لفوق..

هبة:انا نطلع عندها..(هربات من حداهم ومشات لعند مروى تشوف ليها شي حل تخرج راسها من هاد الشي)

لوكاس:جوشوا فين مابقاش بان؟

هولاكو:مشاو لبرازيل ..

لوكاس:وعلاش؟

هولاكو:هكا حسن...فين وصل سامويل..

لوكاس:لاتفاقية غادي تكون لينا فلقريب لعاجل غير شوية الصبر..

هولاكو::(حطاات لخدامة قدامهم لقهوة...يديها كيرجفو وجبهتها كتقطر بلعرق مقدراش تشوف فيهم ولا تهز فيهم لعين...حقق فيها مزياان وعرفها مخبية شي حاجة..يلاه جات تمشي..حسات بيدها مشدودة...بجهد.

خادمة:(ضارت لعندو وتجمد الدم فرجليها)

هولاكو:(مزير عليها مزيان وهضر بشوية عليه)شنو مخبية؟

خادمة:و..و..وااالو.اسيدي..

هولاكو:هضري حسن ليك...

خادمة:(صرطات ريقها وشافت لجهة لأعلى ورجعت نطقت)انا ماعندي حتى علااقة هوما.لي طلبو مني..

هولاكو:هضررري حسن ليك...

خادمة:هادي شي سيمانة طلبت مني مروى نجيب ليها تيست ديال لحمل وصاتني مانقولها لحد..وليوم طلبات مني نجيب ليها شي دوا يطيح لجنين..(كتهضر وكلها كترجف..لوكاس مافهم غير كيشوف بينما هولاكو عرف لكاين..جمع غوباشتو بغضب وجر رجليه لعندها صاعر )

••••••

مروى:متخافيش..لخدامة جابت ليا واحد دوا من لفرمسيان كيطيحو غادي تحسي بشوية ديال لالم.

هبة:وكيندير حتى نشربو وهو غادي يبقى هنا..

مروى:غادي نطلب منو يخليك تباتي معايا هاد ليلة..

هبة:والى مبغاش؟

مروى:الى مبغاش شربيه غدا فاش يمشي لخدمة..(جرات صاكها وخرجت من دوا..بمجرد ماشداتو هبة بين ايدها..تحل عليهم لباب على غفلة الشي لي دب فيها الخوف..وخلاها تخرج عينيها بقوة فيه)

هولاكو:(وقف قدامها كيتهز ويتحط..جبد يدها لعندو وجر دوا كيشوف فيه)

هولاكو:شهاد الشي:؟؟؟؟

هبة:و...و...والو ديال المعدة..

هولاكو:ديااال لق••...على من كضحكي (جرها من يدها بالجهد وقفها )واااش بااغية نقتل ديلمك اولا شنو؟؟واااش باغية تحمقيني...؟؟

هبة:هئ هئ هء شنو.درت..

هولاكو:شنو درتي....من إمتى ونتي حاملة ؟؟

هبة:هئ هئ..

هولاكو:هضررري...من امتى؟؟

هبة:معرفتش هئ هئ 

هولاكو:معرفتيش...وعلاااش ماقلتيها ليااا علااااش...(ضرب لحيط بيدو..وخلاها تهرب وتخشى ورا مروى كتبكي)

هولاكو:زيدي قو••قدااامي...

هبة:بعد مني هئ هئ 

هولاكو:(جرها بزعفة وتم غادي بيها لوكاس كيطلب منو يحاول عليها ومروى تبكي وراه...زدحها فلوطو وضغط عليها بقوة وسرعة)

هولاكو:ماااال زا•••بوك راسك قاااصح ماالك...

هبة:بعد مني وااش مكتفهمش هئ هئ

هولاكو:هااااداااك ولدي...طرف مني...يصحااب لديلمك غادي نخليك تقتليه..

هبة:ولد حرااام...لقيط...ولد الزنا..هئ هئ

هولاكو:(صلاها بصفعة حتى تضرب راسها مع زاج لوطو)متصرعيييش ديلمي...علااااااش كتقلبي...علااااااش؟؟؟؟(تسمع صوت لوطو وقفات بجهد..ودار لعندها...بمجرد ماوقف حلات لباب وخرجت كتجري وهو تابعها...لوقت لي لحق عليها..تسمع صوت رصاصة تضربااات...قلبو سكت ورجليه جمدو فمكانهم..كيشوف فيها منشورة بين ايديه..وعينيها مغمضين..بقاا شحال واقف مصدوم كيشوف..ماعرف راسو واش كيحلم اولاااا فعلا الشي لي كيشوف فيه وااقع)

^^قطرااات عرق صغيرة ناازلة مع جبينو..تصاارع دقات قلب مسموعة من مسافة بعيدة..ترقب~انتضار~وخوف..كلها احاسيس تجمعات فداتو وخلاتو غاادي يحمااق...صورتها مرمية بين ايديه كتخلي قلبو يضرب بشكل اكبر..تسمع صوت باب لغرفة تحل نااض من مكانو ووقف على راس الدكتور لي زول قناع لانف من مكانو:

دكتور:الحمد لله على سلامتها..زولنا الرصاصة من كتفها ربي ستر وحفظ قلبها..

هولاكو:(تنفس الصعداء وغمض عينيه ورجع حلهم براحة)..

دكتور:ولكين للاسف..لبيبي خسرناه..جاتها ايموغاجي قوية وحتى لبنج قدر ياتر عليه وهو مازال صغير..كنعتادرليك مقدراناش نقدوه..

هولاكو:(شاف فيه شحال وجر رجليه لعندها..ركز عينيه عليها من نافذة الغرفة الزجاجية لي هي فيها..جر رجليه لعندها..وعينيه كيحومو على كل شبر فيها..مغمضة عويناتها وناعسة بهدوء..كتفها ملوية عليه فاصمة..وصدرها يطلع وينزل مع تراتب تنفسها...تحنى بتقلو عليها وباااس جبهتها بوسة طويلة ودافية حتى حس بدمعة نزلت من عينو على جبهتها..رجع ضهرو للخلف ومسح دمعتو بزربة..بقا شحال جالس جنبها وعينيه خارجة منهم شرارة قوية كتوحي بناار لانتقااام...دوز يدو على كريشتها وتحنى باسها..وجه نظرو لجهة لباب وشافهم داخلين مخلوعين:

مروى:هئ هئ هئ هبة هئ ئشنو وقع....شنو وقع ليها هئ هئ

لوكاس:(حط يدو على كتفو)نتا مزياان؟

هولاكو:(حرك ليه راسو بالإيجاب..وناض من جنبها خلا مروى جلست مكانو وشادة بيدها كتبكي...خرج مع لوكاس ونطق بصوت غليض وبغضب كبير:

هولاكو:غاااادي تعرف ليا شكون مول لفعلة..بغيتو حي..

لوكاس:شنو كيضور فراسك؟

هولاكو:فلاديمير وداافيد..يكونو عندي ليوم قبل غدا..

لوكاس:متأكد بلي هوما؟

هولاكو:احتمال كبير يكونو هوما..فلاديمير بغا يرد ليا الصرف..

لوكاس:واخا ليومة يكونو هنا..ولكين خاصنا نتاكدو..

هولاكو:(شاف فيه بنظرة تخوف ورجع دخل لعندها..الشي لي كيدور فراسو مايقدر حد يعرفو)

^^صوت لعصافير ملأ لمكان..وخرير النهر كيتسمع بحال شي سنفونية..جردة طويلة وعريضة..مشتين فيها كراسى وفوتايات...باينة فيها معزولة عن لمدينة ومحسوبة على فيلا قديمة..حط كاس لقهوة على قل من مهلو..ورجع راسو ورا لكرسي..ستنشق ريحة لهوااء لبارد لمخلط بريحة الورد لمشتت جنبو...حل عينيه فاش حس بيه واقف جنبو..

شخص:وصلتنا خبار بلي مماتتش...ليومة غادي يخرجوها..

فيليبس:(رجع هز كاسو ورشف منو)امم..داكشي لي بغينا..

شخص:هي بلا دنب...

فيليبس:ولكين هو بدنبو!!

شخص:سيدي..راه ماات لبيبي لي فكرشها..كانت حاملة.

فيليبس:مازال ماجتبو ليا رابور ديالها..فين عرفاتو؟وفين تلاقو؟وبنت شكون...؟؟كلشي يكون عندي..

شخص:غدا بلكتير غادي توصلنا خبارها...ولكين انا كنشوف بلي ماليها دنب...

فيلبس:(رجع لكاس لمكانو وهضر بكل ثباات)عالمنا مافيه رحمة..(ناض من مكانو وشاف فيه)اي حاجة ممكن أنها تلوي يديه حنا غادي نديروها...لمرة جااية مبغيتكموش تغلطو فلهدف..جوج بلايص ترمو رصاصة ليهاّ..قلبها او راسها...(جر عكازو وراه ومشا في اتجاه لفيلا..)

شخص:(مسح عنقو بتوتر كبير..وجر رجليه لعندو)

••••••••••••

^^بعد مرور بضعة أيام^^

(وجه شااحب باينة فيه لعياء والتعب..فاصمة ملوية على كتفها لعاري.و.عينيها مراقبينو ملي دخل..هاز بلاطو بين ايديه ومتوجه صوبها:

هولاكو:(جلس جنبها كيوكلها بيديه..ومرة مرة كيمسح بصبعو بقايا لماكلة جنب فمها..

هبة:باراكا شبعت..

هولاكو:(شاف فيها وحط الشي لي بين ايديه..جر علبة لفانيد..وعطاها فانيدة وتبعات ليه لماء)خاصك الراحة..الجرح بدا يتجمع...غير متفورصيش على راسك بكترة الحركة..

هبة:(شافت فيه شحال ونطقت)شكون؟

هولاكو:(هز فيها عينيه باستفهام)

هبة:الشي لي وقع ليا شكون مولاه؟

هولاكو:(شاف فيها وهضر بحدة)متفكريش بزااف..معندك لاش تسولي..

هبة:وعلااش منسولش؟كنت غاادي نموت!..(سكتت شوية ورجعت نطقت)كون جات فقل..(مخلاهاش تكمل برك على فمها بيدو...وجرها ليه)

هولاكو:ماايقدرش اي كااان يسرقك مني..حتى لموووت مغاديش يديك قبلي..وهادا لي دار هاد الشي بربي لارحمتو..(جر شنايفها بيدو وطبع عليهم قبلة عنيفة وناض من حداها في اتجاه باب الغرفة..تصادف معاها داخلة لعندها:

مروى:لوكاس كيتسناك لتحت..

هولاكو:(هز ليها براسو ورجع دور وجهو لعند هبة لي كانت كترمقهم من بعيد)خلي عينيك عليها..متخرجيش من عندها حتى نجي..والى وقعت شي حاجة علميني..

مروى:وااخا..(شافتو خرج وجرات رجليها لعندها)

مروى:(شدات ليها بيدها وجلست جنبها)كيبقيتي ليوم!

هبة:الحمد لله..حسن من قبل..

مروى:لجرح بدا يتجمع..ربي لطف ومجاتش فقلبك..

هبة:ااه الحمد لله...

مروى:(سكتت شحال ورجعت نطقت)لبيبي مشا..

هبة:أحسن حاجة...

مروى:متقوليش هكا..وخصوصا قدامو...

هبة:(شافت فيها ونطقت)مبقيتش غادي نخليه يقيصني..

مروى:مديريش راسك معاه اهبة..هولاكو ماشي ساهل..نخافو غير يخرج فيك شي ضربة تعوجك..السيد تسطى فاش عرف بلي بغيتي تقتلي ولدو عساك ياحاجة خرى..

هبة:(شافت فيها وغمضات عينيها ورجعت حلاتهم)الى بغاني يتزوجني..ويبدل دينو..تخيلي كون مت؟..ميتة على زنا وحاملة من لفوق...

مروى:الله يحضر السلامة..متفكريش هكا..(سكتت بعض ثواني ورجعت هزت عينيها فيها)كاان خايف بزااف عليك..عمرو تحرك من المصحة..24/24 وهو جالس جنبك..كيمشط شعرك ويلمس جسمك وبعد لمرات كيتخشى حداك وينعس..لوكاس قال ليا بلي عمرو شاف صاحبو هكا..السيد ماشي غير كيبغيك..كيموت عليك اهبة..

هبة:(حدرت عينيها وهضرت بصوت خفيف)انا مابغيت واالو...بغيت غير خاطري يرتااح ونحس بلي شي لي كندير فيه ميكغضبش ربي..

مروى:علاش الشي لي داير بينا ماشي حرام؟

هبة:متقارنيش هادي بهادي..راه الى كنا عايشين معاهم فنفس الدار ماشي هي تنعسي معاه وتحملي من لفوق منو..

مروى:فاهماك..حتى انا لو كنت مكانك مغاديش نقبلها لراسي..ولكين برأيك غادي يوافق ؟

هبة:معندو حل من غير هادشي...

مروى:والى مبغاااش؟؟

هبة:(سرطت ريقها..ودورت وجها لجهة لاخرى)

•••••••••••

^^^وسط غرفة مضلمة..صقفها نازلين معاه سلاسل حديدة مربوطين بيه يدين اشخاص حانيين راسهم لارض..وصوت أنينهم شوش لمكان...رجال ضايرين بيهم..كيضربو كل مكان فوجهم وجسمهم..تحل لباب الحديدي بجهد..ودخلو شخصين اجسامهم مغريبااش...بكل تمختر. بخطوات ثابتة جر بيدو الكرسي لي جنبو وتوجه لقدامهم...جلس مقابل معاهم وجبد حجيراتو كيلعب بيهم...تشعل الضو وبانت ملامح بشكل أوضح..طلع عينيه فيهم وجمع غوباشتو بنوع من البرود الذي يعكس العاصفة...

هولاكو:فين حدكم تهربو؟...كتحدااو هولاكو بلي مايقدرش يلقاكم!!!!

فلاديمير:شنو بغيتي فينا...حنا خلينا ليك كلشي وخرجنا من روسيا...شنو مازال بغيتي..

هولاكو:(ناض من مكانو ووقف قدامو...رفع دقنو بيدو وعطاه بلكمة لوجه حتى غيب...طلب منهم يفيقوه وداكشي لي كان..خواو عليه سطل ديال لماء حتى فاق مفزوع)

هولاكو:قربتو من حاجة تخصني...لاااااش؟؟

دافيد:(بصوت متعب)شنو...كتقصد...

هولاكو:(رجع وقف قدامو وشاف فيه مزياان مبقاش قادر يصبر كتر من هكا...صورتها مرمية بين ايديه مازال كتجي فبالو..فكرة انها كانت غادي تموت كون مالطف ربي كتزير عليه كتر..شااف فيهم بنظرة غريبة...وجر رجليه ورا ضهرهم...جر سكين من جنب أحد، الرجال لي وراه...وحطو على عنق فلاديمير..كيبان غير الدم كيترش بحال شي دبيحة...دافيد لماء نزل ليه فراكابي..دغيا بدا يطلب ويرغب يخليه...ولكين دغيا تحد صوتو وطار راسو حتى هو ودمو فار قدامو...لوكاس غمض عينيه مقردش يشوف منضرهم هكا...محلهم حتى سمع صوتو كيهضر..

هولاكو:(كيمسح يدو من الدم لي ترش عليه...)نقو هاد الزبل لي هنا...ورسلوهم لأمريكا..

لوكاس:لجريمة؟؟

هولاكو:ممعروفاااش...(خرج وخلاهم كيجمعو الدنيا)

المذيعة:مرحبا بيكم اعزائنا المشاهدين فاخبار لمساء..نفتتح اخبارنا المسائية بهاد الخبر لعاجل الذي وصلنا منذ قليل من امريكا وبالضبط واشنطن..إذ وجدت جثتين لشخصين مذبوحي الرأس فاحد لمنازل لقريبة من لميترو...وبعد لبحث وتقصي تم تأكيد ان الجثتين تعودان لكل من رئيس لمحافضات الخمس لروسيا السيد ^^فلاديمير روسو^^ورجل لاعمال السيد^^دافيد ديميتري^^ سنوافيكم اعزائنا المشاهدين بأخر لأخبار في هذه لقضبة لمعرفة لأسباب...

فيكتوريا:(طاح من يديها روموت ديال تلفازة.ونزلات على ركابيها بصدمة...فمها محلول على جهدو وعينها خارجين..وقف وراها مصدوم من الشي لي سمع هادا راه لاب ديالو لي تدبح... من يومين كانو مقرين بلي يمشو لعندو شنو طرا حتى وقع هاد الشي؟..دغيا رجع لواقع لي هو فيه فاش سمع غواتها حداه..جلس جنبها قلبو كيزدح مازال ممصدق الشي لي سمع..دموع عينيه نزلو على خدو وقلبو كيزدح بجهد غادي يخرج من مكانو..

•••••••••••••••

مروى:(حاطة يدها على جنبها كتشوف شنو ناقص الطبلة...)صافي هكا مزيااان شكرا..

خدامة:(حنات راسها ورجعت لكوزينة)

مروى:(طلعات لبيتها بدلات حوايجها ومشطات شعرها وحطات لمسات خفيفة من لمكياج رشات من عطرها ونزلات لعندو بعدما حسات بيه جا...جرات لبواطة صغيرة لي جنبها ونزلات لعندو)

لوكاس:(كان واقف عند الطبلة عاطيها بالضهر مفاهمش شنو واقع..كلها عامرة مؤكلات وحلويات ومشروبات ماشي روسية باينة بلي. هادو أطباق مغربية..حس بيها وراه تلفت لعندها وصرط ريقو..كانت زوينة وبريئة...ملامحها ناعمة ولكسيوة ولمكياج لي دايرة زادوها..

مروى:(عينيها عليه ونطقات بصوت خفيف)عيد ميلادك داز ومحتفلانش بيه..الشي لي وقع لهبة خلانا بلا عقل..ولكين فكرت نديرلك حاجة بسيطة ونتفكرك فهاد لمناسبة واخا داز وقتها...

لوكاس:(قلبو كيزدح ماعرفها فرحة ماعرفو امتنان..لي متأكد منو بلي طايح طيحة خايبة فمروى ومعارفش كيدير حتى يقولها ليها..اول مرة تطرا ليه هاد الحالة مع شي وحدة حتى من لح••هادي شهورة والمعلم متمتعش..دغيا فاق من سهوتو فاش شافها توجهت لمكانها..الشي لي خلاه يجر كرسي وجلس مقابل معاها..هضرا كتجر هضرا وحديث ورا حديث خلات ليلتهم دوز بالضحك و استمتاع..

مروى:اه نسيت مقلتش ليك..انا مليت من لجلسة فالدار مكرهتش نخدم..

لوكاس:ولكين مكتهضريش بروسية..هنا الناس كتجيهم الانجليزية صعيبة يعني صعيب تلاقي خدمة..

مروى:(جمعت صيفتها)شنو زعمة غادي نبقى غير هنا.؟

لوكاس:مبقيتيش حاملة الجلسة هنا؟؟

مروى:لا لا متفهمنيش غلط بالعكس لاقية راحتي غير هو لواحد يبغي يخدم وزايدون انا جالسة فدار واكلة شاربة لابسة ومكنتعاونش معاك فلمصروف..كنحشم من راسي

لوكاس:(شدو الضحك من هضرتها السيد خانز دينيرو وهي بغات تشارك معاه فلمصروف...دغيا دورها فراسو ولقى لحل لي يرضيه ويرضيها..)ماشي مشكل..ياك بغيتي غير تخدمي؟

مروى:(بلهفة)اااه...

لوكاس:ايوة صافي من غدا تبداي معانا فالشركة..هكا مغاديش تعنكشي مع لغة والى بغيتي شي حاجة تلقايني جنبك..

مروى:(حسات بلعصافير كيضورو فكرشها...عرفاتو باغيها تبقى غير جنبو..وهي معندهاش مشكل بلعكس...الى كان هو طايح فيها فهي كتر منو...جرات لكرسي وطلبت منو يتسناها..ودخلت لكوزينة خرجات لكاطو من تلاجة..وحطات فوقها شميعات فرقم31 دلالة على عمرو...وطلبت منهم يطفو الضو فكل مكان..خرجات كتغتي ولكاطو بين ايديها..وشمع مضوي على وجها..صرط ريقو وناض من مكانو..وقفات جنبو وخلاتو يتمنى امنية ويطفي الشمعة من بعد..شعلو الضو..وقطع طرف من لكاطو وعطاها تاكل منو هي لولة...مدغات لقمتها وحسات بالتوتر خصوصا ملي شافت نضراتو ليها...رجعت جلست جنبو وكملو ليلتهم ناشطين).

«شعرها طواال على اخر مرة وكتفها برا بقاو غير ليطراس ديال الجرح مصورين فدراعها...دوزات على شعرها بلمشطة وجمعاتو لفوق..تخشاات فسروال وديباردو ديالو من لحرير...ودهنات الجرحة بكريم خاص بليطراس..دهنات وجها بكريم مرطب..وشربات فانيدة وتخشات فمكانها حطات يدها تحت راسها وغمضات عينيها كتحاول تنعس..لحظاات قليلة حتى حسات بيه تخشى جنبها وجمعها بين ايديه كيبوس عنقها بدات تبعد عليه...الشي لي خلاه يجعر ويشدها من شعرها مزير عليها...

هولاكو:اخر مرة تبعد عليا سمعتي!!!

هبة:(غمضات عينيها بألم..وبدات تحيد قبضتو من شعرها حتى رخاها )بعد...بعد مني....

هولاكو:لاراااا متصرعينيييش...

هبة،:(ناضت من مكانها وتقابلت معاه)مغاااديش تلمسني..من ليوم متلمسنيش....

هولاكو:واااش كيحك جلدك؟؟؟رااه غااادي نوض نخلط زا••بوك..زيدي تكمشي حسن ليك..

هبة:اسيدي بعد مني واش مكتفهمش...عيطيني بالتيسااع..

هولاكو:(ناض من مكانو جاعر وقف قدامها صدرو يطلع وينزل بغضب...تحكم فراسو وهضر )وعلااااش!

هبة:(خترت انها تسكت معرفاش شنو تقول ليه..كيدير حتى تفهمو بلي ضروري يبدل دينو ويتزوج بيها)

هولاكو:(جمع شعرها بيدو على شكل قبضة وزير عليها هضر بحدة وعينيه كيتساراو فكل شبر فيها)هادي فترة ونتي نافرة مني..مبغانيش نقيسك ولانقرب ليك...وااش باغية نجيب شي قحبة قدام عينيك تبرد ديلمي على هاد لفعايل لي كديري...

هبة:(هضرتو ستفزاتها وزادت أكدت ليها بلي هي مجرد قحبة عندو واخا يطرا لي طرا الشي لي كتخمم فيه عمرو يوقع..صرطات ريقها وغمضات عينيها بألم وهضرت بتحدي...عينيها فعينيه لاول مرة تجرا وتتحداها بهاد الشكل)

هبة:جيب قحبة وجيب الف وحدة معاها..انا مبغيتيكش تقيصني..كنعيف منك...(محسات براسها حتى ترش الدم من فمها..ملي جاتها صفعة على الخد...تلاحت على لأرض..دمها خارج من فمها وجنبو...شعرها مليوح قدامها..وكتحس بألم جهة كتفها ..طلعت عينها فيه جامع يديه على شكل لكمة وملامح وجهو تبدلات على شكل وحش...قلبها كيضرب بلخعة ولكين دغيا رتاحت فاش شافتو خرج من عندها بعدما ضرب واحد ديكور محطوط برجلو حتى تشتت...ناضت من مكانها كتشهق..وجرات رجليها لطواليط دفلات الدم من فمها ومسحات وجها وخرجت..افكارها تشتو وتخمامها كتر معرفاش فين غادي يوصل بيها هاد الشي.

•••••••••••••

هولاكو:(كاس ورا كاس ورا كاس..كيحاول يبرد لهيب لي فقلبو...هضرتها كتعاود فودنو..وقلبو كيزدح بغضب...معرفش علااش قدرات تخرج هاديك الهضرا من فمها؟؟كان كيضن بلي حتى هي كتحس بالشي لي كيحس بيه..واخا مازال ماقد يعتارف ليها بشي لي كيحس بيه من جهتها ولكين كيضن بلي افعالو واهتمامو وخوفو كاافيين يوصلو ليها الشي لي مقادرش ينطق بيه..حط لكاس بجهد على الطبلة وعينيه حمرين هي لي بغات هادشي يوقع والشي لي فراسو غادي يديرو!!! على أخر ايامو تجي وحدة وتعيفو كيما قالت..حس بشي حد حل عليه الباب...طلع عينيه فيها:

خادمة:سيدي لالة فيكتوريا فصالة

هولاكو:(حرك ليها بيدو تخرج وجر رجليه لعندها)

فيكتوريا:(حاطة يديها على وجها لي ورم بكترة لبكى..شعرها منفوخ قدامها وحوايجها مرمدين باينة فيها كانت فلمقبرة..شافتو داخل طارت عليه..)علاااااش علاااااااش قتلتيه هئ هئ هئ علااااش خديتو مني...ياك مشيت انا ولدي عليك هو شنو دار حتى تعاقبو هكا هئ هئ علاااش هئىهئ

هولاكو:(شاف وضعها وجرها فوق صوفا وجلسها طلب منهم يجيبو ليها لماء..وهي غير كتبكي وتعرنن...بمجرد محط لماء قدامها ضرباتو بيدها حتى تهرس)حتى حاجة مغادي تهدني هئ هئ نتاااا قتلتي روحي هئ هئ اناااا عارفة بلي نتا لي قتلتيه هئ هئ..اااه لي دارمعاك ماشي بسيط ولكين متقتولوش...مدبحوش هئ هئ علااااش اولدي درتي هكا فيا هئ هئ

هولاكو:(هضر بكل برود )دخلي لبيت ترتاحي حسن...

جوشوا:(دخل لعندهم صاعر شافها جالسة كتبكي وتخنن عندو..تحنى لعندها ووقفها...ورمق هولاكو بنضرة ممفهوماش..حط يدو على كتفها وتم غادي بيها مخرجها...مازال ماتاكد واش هولاكو هو لي قتل ليه باباه ولا شي حد اخر واخا كيشك فيه ولكين ميقدرش يدير اي خطوة حتى يتأكد..ركبها جنبو وطار بيها في اتجاه البيت.)

•••••••••••••••

جيلين:(هازة صاكها بين ايديها والفرحة كتلمع من عينيها واخيرا قدرات تتغلب على ادمانها وتقنع راسها بحياة جديدة بعيدة عن لمشاكل..شافتو واقف كيتسناها من بعيد..مشات تجري لعندو وتخشات فصدرو...

لوك:(كلشي تخلط عليه ماعرف مايدير من غير يدوز يدو على شعرها )

جيلين:(شافت فيه والفرحة خارجة من عينيها)توحشتكم..ماما مجاتش معاك؟؟

لوك:(صرط ريقو ومعرف باش يجاوب..)

جيلين:(كتشوف فيه باستغراب باينة بلي واقعة شي حاجة ..دورات عينيها فلوطو بانت ليها ديال لوك علاش مجاش بلوطو ديال لقصر؟؟وفين ماماها علاش مجاتش لعندها...

جيلين:لوك..فين ماما واش واقعة شي حاجة؟

لوك:يلاه نمشيو من هنا...

جيلين:(ركبات جنبو وقلبها كيضرب حاسة بلي واقعة شي حاجة معاهم...شكوكها بدات تتضوح ملي شافتو داخل للحي لي ساكن فيه..وقف جنب الدار وطلب منها تنزل)

جيلين:ولكين...علاش جينا هنا...علاش مامشينا للقصر؟

لوك:طلعي دابا اجيلين...

جيلين:(سلمت امرها لله وتبعاتو بالها ممهنيها..حاسة بل متاكدة بلي واقعة شي حاجة معاهم..حلات لباب..وشافتها جالسة جنب الشرجم كتشوف بعيد سااهية ومهيااش هنا..ترمات لعندها تعنق فيها)

جيلين:ماما...توحشتك...توحشتك بزااف..(طلعت عينها فيها وشافت فيها غير كتشوف باستغراب)ماما مالك...شنو واقع؟؟لوك..مالها كتشوف فيا هكا؟؟

لوك:جيلين...

جيلين:(ناضت من مكانها كتشوف فيه)

لوك:باباك مات..لقاوه مدبوح فالدار لي فأمريكا هو ودافيد تلقاو مدبوحين..كلشي مشا ليكم لقصر طوموبيلات الشركات...كلشي مشا..ماماك شداتها صدمة ومبقاتش كتهضر وتقدري تقولي حتى داكرتها مشان بقوة لفانيد لي كانت كتشرب كانت غادي تنتاحر شحال من خطرة..

جيلين:(خرجو عينيها وتحل فمها كتسمع ليه وممصدقاش الشي لي كيقول..حسات براسها طاحت على رجليها تبكي وتغوت بأعلى صوتها بإسم لاب ديالها.)

^^بعد مرور عدة اسابيع^^

مروى:امم..هاد ضوسي خاص لوكاس يشوفو

سكرتيرة:وااخا..انا ناخدو ليه..

مروى:(طلعت فيها وهبطات..السيدة كدور بيه كتسنى غير الفرصة تجي باش تدخل لعندو..جرات من عندها لملف ونطقت)لا انا ناخدو ليه...

سكرتيرة:ولكين هادي راه خدمتي الالة..وزايدون سي لوكاس راه مكيبغيش كترة خيطي بيطي عليه..

مروى:لا تبارك الله عليك..وعارفة شكيبغي وشمكيبغي..

سكرتيرة:(رماات شعرها جهة لاخرا)معلوم غادي نعرف 4 سنين وانا خدامة معاه اكيد غادي نكون عارفة اي حاجة عليه..

مروى:(جمعات حويجباتها بغضب ودفعاتها بيدها..دخلات لعندو مغوبشة..وسكرتيرة وراها)

لوكاس:(طلع راسو فاش حس بشي حد حل عليه لباب..شافها داخلة قالبة صيفتها وسكرتيرة وراها)

سكرتيرة:سيدي راه منعتها تدخل خصوصا هاد لوقيتة كتكون مشغول..

لوكاس:صافي تقدري تخرجي(خنزرات فمروى وخرجت..بينما لوكاس ناض من مكانو وتوجه لعندها..)

لوكاس:مااالك؟؟

مروى:(هضرت بلما تشوف فيه)هاد ضوسي خاصك تشوفو فيه النسبة ديال لارباح هاد لفترة فلاوتيل الجديد..

لوكاس:(جر من عندها ضوسي ورماه فوق لمكتب..طلع وجها بيدو ونطق)ماالك...؟؟؟

مروى:ماماليش...

لوكاس:هاد خيتي قالت ليك شي حاجة..؟

مروى:(بقات شحال صابرة وهي تنطق بلا شعور)بنت الهم مخلاتنيش ندخل لعندك..قالت ليا مكتبغيش لي يدخل عندك من غيرها ولا وزوينة حطات عينها فيعيني وقالت ليا كتعرفك كتر مني ربع سنين خدامة عندك كتعرف كل حاجة عليك..

لوكاس:(تبسم على جنب ونطق)وراه قالت ليك الصح

مروى:(بغضب)يعني عاجبك لحال؟

لوكاس:وعلاش ميعجبني؟

مروى:ااه عندك الصح انا لي حمارة جاية لعندك برجليا...

لوكاس؛مازال ما فهمت علاش نتي معصبة؟

مروى:(بفضب وبدون شعور)حيت بنت لقح••حاطة عينها عليك...(بقات شحال حتى ستشعرات الشي لي نطقت بيه)م..م...متفهمنيش غلط..لخدمة هي لخدمة انا...م..(هي مجرد جرة منو من ناحية خصرها خلاتها تلصق فيه..انفاسو كضرب فيها..وصوت قلبو بدا يتسمع..جمع يديها لعندو وجمع حنيكاتها بصباعو...وباسها فشفايفها ..غمض عينيه وعاش معاها لحظة وهي كتر منو..نسات راسها والشي لي كدير..مقدراتش تبعد حتى سمعت صوت شي حد كيدق..بعدات بزربة كتنهج وخلاتو يشد انفاسو..حنات راسها..وبدات تلعب بصباعها يلاه جات تخرج جرها من دراعها..

لوكاس:دخل..

سكرتيرة:سيدي لالمان وصلو كيتسناوك فغرغة لاجتماعات..

لوكاس:اوك..اه ريببكا..من ليوم ممنوع يدخل عندي اي شخص من غير مروى تدخل لوقت لي بغات ..كلامي واضح..

سكرتيرة:(صرطات ريقها وشافت فيه)وااضح اسيدي..(خرجت وخلاتهم)

مروى:انا...نخرج نشوف خدمتي..

لوكاس:واخا..نتشاوفو وقت لغدا ..

مروى:(حنات راسها وخرجت قلبها غادي يخرج من مكانو.)

•••••••••

هبة:(لايام كيتعاودو عندها..لي ديرو ليوم تعاودو لغد ليه..كتحس بلخنقة ولاشتياق ولفضول..معرفاش شنو دير وشنو تقول..هولاكو بدا يتعامل معاها ببرود شديد..مبقى يهضر معاها ولايجلس ولا حتى يشوفها..مكتفي بوجبة الفطور لي كتجمعهم فصمت شديد..معرفاش فين كيمشي فليل..مبقاش كيبات فلقصر نهائيا توحشات خوفو وصوتو ولماستو ليها وغيرتو كل حاجة فيه توحشات تحس بيها معاه من جديد ولكين هي لي بغات هاد لوضع هي لي بغاتو يبسع منها وداكشي لي دار معرفاش شحال غادي يبقى هاد لوضع هكا..حتى من مروى مبقاتش كتشوفها خصوصا ملي حتى هي تشغلات عليها بالخدمة الجديدة معاهم...حطات تيلي على ودنها وطلبت رقمها:

هبة:الو...

مروى:زين ديالي..

هبة:فينك؟

مروى:فلخدمة...

هبة:بفف..مليت هنا بوحدي

مروى:غادي نتغدا انا ولوكاس برا..شنو باليك تخرجي معانا

هبة:مكرهتش ولكين مغاديش يخليني

مروى:لوقيتة ديال لغدا ندخل عندو ونقولها ليه

هبة:بلاش متعدبي راسك انا عارفها مغاديش يخليني نخرج

مروى:صبري صبري..هاهو داخل لغرفة لاجتماعات خليك على لخط متقطعيش..

مروى:سي هولاكو صباح الخير

هولاكو:صباح الخير مروى

مروى:ا...واخا نطلبك واحد طليبة صغيرة(اشارة بصباع ايدها)

هولاكو:كنسمع..

مروى:انا ولوكاس غادي نخرجو نتغداو وقيتة ديال لغدا..واش ممكن تخلي هبة تخرج معانا..

هولاكو:(بعدم اهتمام)لي عجبكم..انا عندي اجتماع دابا(دخل وخلاها مصدومة)

هبة:(هضرتو حسات بيها بحال شي سكين تغرس فيها السيد ممسوقش ليها نهائيا..قبل كانت تطلب وترغب أنو يخليها تمشي تشوف مروى مكيوافق حتى يشحفها لا وبلحراسة من لفوق ولكارد وراها..ودابا معطاش لموضوع ولا اهمية تمشي ولا تجي زايد ناقص عندو)

مروى:ههه يااااس هاهو وافق وقتية لغدا كوني واجدة باش تلحقي علينا..

هبة:(قطعت معاها الاتصال وحسات بانهزام كبير صاافي لي بغاتو هاهو وقع..هي لي بغات لبعد وهاهو بعد بشكل تام ومبقاتش كتهمو..مسحة دموعها بزربة وحاولت تنسى لموضوع عليها لاساس دابا انها غادي تخرج وتشم لهوى)

هبة:(نشفات شعرها وصيباتو خلاتو مطلوق على راحتو..لبسات ميني جيب فلاسود من الجلد مع بلوزة فلحمر وصندالة كحلة مكياج خفيف وشعر مطلوق..هزات صاكها ونزلات لعند شيفور لي كان كيتسناها..لوصية لي تلقى من عند هولاكو خلاتو يترعد ويطلب من ربي مايوقع ليها والو حتى ترجع..رجالو مراقبينها وتابعينها من بعيد تحت طلب ديالو واوامرو هادشي كامل ضاير بختنا لي مجايبة لدنيا خبار..ركبت فلخلف..وتوجه بيها شيفور لمطعم لقريب من الشركة..

•••••

لوكاس:(كيشوف فيها ويتمعن فملامحها مازال ممصدقش بلي باسها..تشجع وجر يدها لعندو)

لوكاس:مروى..بغيتيك تعرفي واحد الحاجة..

مروى:(كتشوف فيه باستغراب)

لوكاس:ماعارفش من فين نبدا ولكين انا بغيتك تكوني معايا معرفتش..والفتك والفت شحال من حاجة فيك...متخيليش شحال من حاجة غيرتيها فيا..بغيتك تكوني معايا نواعدك عمرني نغدرك او نخونك...

مروى:(بقات كتشوف فيه شحال ونطقت)لوكاس غادي نكون معاك صريحة..نتا عاجبني وبزااف..ولكين الشي لي بغيتي مغاديش نقدر نيديرو..

لوكاس:(باستغراب)علااش؟

مروى:الشي لي عاشتو هبة مبغيتش نعيشو حتى انا بغيت امورنا تكون واضحة من البداية

لوكاس:مفهمتش؟

مروى:خاصك تغير دينك وتزوجني..هكا نقدرو نكلمو غير هكا مايمكنش ليا نكون معاك

لوكاس:(بعدم فهم)وعلاش هادشي...ملي انا عاجبك ونتي عاجبتني حتى حاجة مكتهم..

مروى:هادشي عندكم..اما حنا فحرام علينا يقيصنا شي حد الى مكان مسلم..وخاصو يتزوجها من لفوق...

لوكاس:هادشي عندكم فشكل..

مروى:(حنات راسها وسكتات..حسات بيه رجع جر ليها يدها)

لوكاس:نواعدك نفكر فلموضوع(تبسم ليها وسكت...شافوها داخلة عندهم..سلمات عليهم..وجرات معاهم لهضرا..لوكاس فهم بلي السبب لي مخلي هبة متخليش هولاكو يقرب ليها هو دافع ديني..تبسم على جنب وبدا يهضرو فشنو خاص الشخص يديرو باش يولي مسلم لوكاس كيسمع ليهم ويركز مع هضرتهم بشكل كبير..واخا ماشي مفتيات ولافقيهات😉 ولكين قدرو يوصلو ليه لفكرة لي فبالهم.)

يتبع...