العشيقة المغرية الجزء 12

^^حط نظاظرو على عينيه وتحل ليه لاسونسير لعند باب الخروج..تمشى لجهة لوطو ودور وجهو لجهة لمطعم لقريب من الشركة..اختار انو يركب فسيارتو ويتغدا فمكان اخر بعيد عنهم...

لوكاس:لحقيقة دينكم فيه شحاال من حاجة غريبة علينا

مروى:حنا ماشي فقيهات وماشي ملتزمات بشحال من حاجة غير ربي يسمح لينا...شحال من حاجة كنديروها عكس الدين

هبة:ااه ربي يغفر لينا...ولكين كاينين شي حواايج خط حمر مخصنااش نتخطواهم..

لوكاس:يعني نتي مبغيتيش هولاكو يقيصك على قبل هادشي؟

هبة:(صدمها بهضرتو كيدار حتى عرف بالشي لي واقع بينها وبينو..دغيا قرا افكارها وجاوب على خيالها)

لوكاس:هولاكو ماشي غير صاحبي...هولاكو كتر من خويا مكيخبي عليا واالو..وخصوصا هادشي لي واقع بيناتكم راه باين واضح ميحتاجش شرح..

هبة:(حنات راسها وسكتات معرفاتش باش تجاوب)

مروى،:(حسات بيها وحاولت تغير لموضوع)لوكاس شبان ليك تخدم معانا هبة...طول لوقت غير جالسة فالدار هكا تعرف على الناس وتكسر روتين شوية

لوكاس:معندي حتى مشكل ولكين خاص نشدو لاذن من هولاكو..

هبة:(عينيها لمعو بلفرحة)عاافاك شوف كيدر حتى تقنعو...تخنقت من لجلسة فالدار...

لوكاس:وااخا انا نشوف كيندير..ولكين شنو كتعرفي ديري؟

هبة:نخدم مع مروى فالترجمة لمراسلات ...

لوكاس:ااه اوكي ماشي مشكيل...

هبة:(ضحكات حتى باانو غمزاتها وشافت فمروى بفرحة عارمة واخيرا غادي تخرج من لقفص لي هي فيه)

•••••••••••••

جيلين:(نقصات لبوطة تحت لمقلة وبقات واقفة شحاال ساهية..دموعها نزلو بلما تحس عليهم..دغيا مسحاتهم..ونتابهات للحم لي بدا يتحرق..ترش عليها الزيت فيدها الشي لي خلاها تشد فصبعها بالم...دخل لعندها كيجري جر صبعها وحطو تحت لماء وبدا ينفخ عليه بلهفة وخوف وهي غير كتشوف وساهية لهاد الدرجة كانت غايبة على هاد الحب لي فعينيه..لهاد الدرجة مقدراتش تشوف هاد لاهتمام ولاحتواء والحماية لي عاطيها..

لوك:الحمد لله حرق بسيط..متحركيش من هنا انا جاي..(مشا يجري جبد بوماضة ودهن ليها صبعها بيها..وبدا ينفخ عليه حتى يبسات مزيان..طلع عينيه فيها سااهية فيه وسارحة فتفاصيلو..هضر بلغة امرة كيوبخها)علااش منتابهتيش كون ترش على وجهك الله يحفظ...وزايدون شداك طيبي ونتي مكتعرفي من فين تجيه..خليني حتى نجي ...

جيلين:(محساات براسها حتى قربات منو بزربة وترمات على شنايفو تبوس وتعااود حتى بردات عاد بدات تبعد بشوية..لوك تصدم ماعرف باش تبلى كيحس براسو كيحلم..غمض عينيه ورجع حلهم شاف فيها حانية راسها الشي لي خلاه يجرها لعندو كتر ويلمس وجها بشوية بيديه...مشعرش براسو حتى ترمى عليها يشلقم)

^^^كيدوز بعض لاوراق والصور بين ايديه وودنيه كيسمعو لشخص لي كيتحدث...

الشخص:قتلات باها ودخلات لحبس...جات لروسيا عن طريق ماريا هي لي دخلاتها مع الناس..

فيليبس:امم يعني لقاها عن طريق لبواااط

الشخص:اه..هادي فترة وهو كيمشي لبواط لعندها وخرجها من تماك وجابها لعندو..

فيلبس:ملي قتل فلاديمير ودافيد فباينة السيد طايح طيحة العمى فظلمة..

الشخص:حسن اسيدي تبعد عليه..كيبان ليا اخطر ملي توقعنا..

فيليبس:مغااديش نفني شبابي بااش نوصل لهنا..وفلخر نتراجع

الشخص:(حنى راسو).. نتا تعرف اسيدي

•••••••••••••••••

^^^وقف لوطو قدام لقصر وشاف فيها غادي تنزل)

لوكاس:كتبان ليا لوطو ديال هولاكو هنا...(دار لعند هبة)صبري نزل معاك لعندو

هبة:منضنش غادي يوافق

لوكاس:نحنا نجربو مخاسرين واالو...

هبة:(هزات ليه براسها ونزلات معاه خلاو مروى فلوطو وتوجهو للقصر...كان واقف كيهضر فتيلي كيستعد للخروج)

لوكاس:هولاكو..

هولاكو:(تلفت لعندهم وقطع الاتصال طلع فيها وهبط ودور وجهو لجهة لوكاس)

لوكاس:بغيت نهضر معاك...

هولاكو:كنسمع..

لوكاس:بغيت هبة تخدم معانا(شاف فيها)تخدم مع مروى فلمراسلات ديال الترجمة..

هولاكو:ومن بعد!!!!

لوكاس:شنو لي منبعد...بغيت نشد الموافقة ديالك بعدا.

هولاكو:لاش غادي تشد الموافقة مني..هاهي حداك..

هبة:(خرجات عينيها فيه مصدومة..لهاد الدرجة ولا متجاهلها..كمداتها فقلبها وطلعات لبيتها)

لوكاس:(شاف فيه)مبقيتش فاهمك ليك واالو...

هولاكو:هي لي بغات تبعد (شاف فساعتو)وداكشي لي غادي يكون

لوكاس:هكا غادي تعقد لأمور بيناتكم..

هولاكو:(شاف فيه وخرج في اتجاه لوطو)

هبة:(فاقت هاد النهار بطاقة ايجابية كتحاول تنفظ افكارها من كل حاجة لي تقدر تعكر مزاجها..قادت حالتها وصايبت مكياجها وشعرها وحتى لبسها..ختارت سروال اسود لاصق مع بيل بيج وصنادلة هابطة طلقات شعرها لي رجع كيطوال كيف كان..مكياج خفيف ونضاضر سود..رشات بعض قطرات من ريحتها...ونزلت تجري متعطلة بلا فطور..لقات شيفور يتسناها ركبت فمكانها وتوجهت لشركة...دقايق طويلة ووصلات لشركة..نزلات من لوطو ونزلات تجري في اتجاه لاسونسير محسات براسها حتى دخلات فشخص قدامها..دور نصف جسمو جهتها وبدا يبحلق فيها...

هبة:سمحلي..

اليكس:(معرف باش تبلى..بدا يبحلق فيها بإعجاب حتى شافها دخلات لاسونسير وجر رجليه لعندها عفط على نفس الزر لي كانت غادي تعفط عليه..ووقف وراها..قرب جنبها ونطق:

اليكس:أول مرة نشوفك ..نتي خدامة هنا؟؟

هبة:(بفرحة)ااه..اول يوم ليا..

اليكس:إينا قسم؟؟

هبة:الترجمة...

اليكس:يعني جنبي..انا فقسم لمحاسبة..(مد ليها يدو)اليكس..

هبة:(مدات ليه يدها ونطقات)لارا...

اليكس:متشرفين...

هبة:(تبسمات ليه وتحل لاسونسير..خرجو ولقات مروى كتسناها)

اليكس:صباح الخير

مروى:صباح النور..لارا يلاه نوريك الخدمة

اليكس:نتشاوفو من بعد لارا(هزات ليه براسها ومشات مع مروى خلاتو تابعها بعينيه غادي ياكلها بيهم..دخل لمكتبو وسد عليه)

مروى:(حاطة يدها فدراه هبة )هبة شري تيقارك راك مع هولاكو ماشي بحدك..

هبة:(بعدم فهم)شنو؟؟

مروى:أول نهار ليك وجاية مجمعة مع اليكس..

هبة:وشنو فيها..خدام معانا وحتى نتي كتعرفيه..قاليك لوكاس شي حاجة؟

مروى:علاش لوكاس بحال هولاكو..شري السلامة ازمر وقلبي على الرجال لي هنا حسن ليك

هبة:متخافيش مغادي يوقع والو..اصلا مابقيتش كنهمو

مروى:نتي تعرفي..اجي نوريك الخدمة.

هولاكو:(بقا شحال مراقبها من قدام لواجهة لامامية لشركة..شافها نزلات زربانة داخلة لشركة تبسم على جنب ورجع حط راسو على شي وراق..دازو سوايع وحس بالتعب..هز تيلي ديالو لي صرعو بكترة لاتصالات حطو على ودنو ورجع وقف قدام لواجهة..كيهضر مع الشخص..حتى لمحها جالسة فلكافي لي جنب الشركة..حاطة رجل فوق رجل وكترشف من كاس لقهوة ومروى جنبها..سهى فيها وفضحيكتها وغمازتها لمحفورة...حركاتها وتصرفاتها خلاتو غادي يتسطى..توحشها وتوحش قربو ليها علاش بغاتو يبعد؟علااش كتعدبو هكا.؟؟.دغيا قلب صيفتو وجمع غوباشتو فاش شافو وقف عليهم يديها لي لمسو يدو على شكل سلام..جمع يدو قبضة وبقا مراقبهم..شافو جلس جنبهم وعينيه منزلوش من على هبة لي مشاركة معاه لهضرة ومرة مرة كترد شعرها بيدها...محسش بالشخص لي جنبوحتى نطق:

لوكاس:نتا لي بغيتيها تكون هنا ومعندكش حتى مشكل..فكون مستعد لهاد الشي..

هولاكو:(شاف فيه شحال وختار انو يخرج ويخليه )

(سروال كحل لاصق مفصلها تفصيل ودوني ديالو فنفس لون كيبين صدرها بشكل مغري..شعر اسود مطلوق وشفاه منفوخة فلون لكرزي..كاصكيطة على راسها وصبيبط سومو..ختارت تخرج لخدمة بهاد الستيل..اليوم هو اليوم العاشر ليها فلخدمة مرتاحة وعاجبها لحال..لقائهامع الناس خلاها تخرج من القوقعة لي كانت فيها..وصلات لشركة..ودخلات في اتجاه لاسونسير ..عفطات على زر وحسات بشي حد ركب معاها..كان هولاكو لي طلع فيها وهبط مزيان...لوقت لي جا يضغط على الزر دخل عليهم اليكس بسرعة..

اليكس:صباح الخير سي هولاكو

هولاكو:(هز ليه براسو وختار الصمت)

اليكس:لارا صباح الخير

هبة:صباح النور...

اليكس:(كيشوف فيها من لفوق حتى لتحت منظرها خلاه بلاعقل..حس بشوفااات كيرمقوه بغضب الشي لي خلاه ينزل عينيه بزربة..ويحني راسو..تحل لاسونسير فطابق لي فيه لمكتب ديال هولاكو...هضر بلما يشوف فيهم:

هولاكو:تبعيني..

هبة:(شافتو ماشي بخطوات كبيرة في اتجاه لمكتب ديالو..تبعاتو وسكتات..حل لباب وخلاها تدخل..بمجرد مدخلات سد لباب ولصقها معاه:

هولاكو:شهااد الشي لي كديري فيه..؟؟

هبة:..ش...شنو درت؟

هولاكو:شهاد الزبل لي مخرجة..بزازلك قدامك و••معصور..هنا راه شركة الالة!!

هبة:(هزات حاجبها فيه ونطقت)لبنات هنا كيلبسو قصر مني ومكينش لي كيهضرهم...علاش انا لا؟؟

هولاكو:(رمقها مزياان وعرف شكيدور فراسها..مكرهش يطير عليها بشي بوسة لداك لفيم لكرزي يشبع رغبتو فيها..جمع صيفتو ورجع جاوبها ببرود)متنسايش راسك نتي شكون؟؟لي قلت عليه يتنفذ..كلامي واضح..

هبة:(هبطات عينيها لتحت وهضرت بلما تشوف فيه)ممكن نرجع لخدمتي..

هولاكو:(بقا شحال حابسها بيديه لمحطوطين على كل جنب..بدا يرجع بشوية..الشي لي خلاها تحل لباب وتخرج صاعرة من عندو...دازو سااعات وكملات خدمتها...مشات مع مروى لدار وباتت عندها..لكارد وراها ورجال هولاكو مراقبينها بلا علمها..وهي مهيااش هنا...ايام كيتعاودو وقصوحية الراس لي فيها ممهنياها...كتحس بروحها كتقطع خصوصا بهاد البعد لي ولا بيناتهم علاش كيوقع هادشي؟علاش مبغاش يهضر معاها ويجبد لموضوع؟؟علاش لحد الساعة مخلي لوضع كيما هو..اكيد لوكاس علمو بشي لي مخليها تبعد عليه شكيتسنى مايدير ردة فعل لحد الساعة؟؟كلها افكار دارت فبالها وخلاتها بلا جوااب..فاقت من جديد على يوم جديد..لي فراسها هو لي كاين..الشي لي كيقولو كيدير عكسو..لبساات كسيوة تيركوا مطراسية على طول جسمها مع فتحة امامية للصدر ديالها..شعر مطلوق ولمسات من لمكياج..هزات صاكها وخرجت لعند مروى لي حلات فمها فيها..

مروى:اويلي شهاد لبس..واش حماقيتي؟

هبة:ماالو...

مروى:معيق اصاحبتي

هبة:داكشي لي بغيت..(ركبات فلوطو وخلات مروى حالة فمها)

هبة:(دخلات لشركة بحال شي حورية جسمها باارز بشكل واضح وجمال وجها زادها كتر..دخلات معنكشة بهاداك الطالو يمين وشمال ومروى وراها كطلب من ربها ميشوفهاش هولاكو بهاد الحالة..دخلو لمكتب ديالهم وجاهم اليكس يجري..حل فمو فيها بحال شي سلوگي..ماعرف مايدير اخرتو على ايدها مافيهاش..

اليكس:لبنات انا عارضكم على لغدا ليوم

مروى:(عرفت السيد عينو فيها)مرة اخرى انشاء الله

هبة:علاش منخرجو...فين غادي تعرض علينا؟

اليكس:فين مابغيتو؟

مروى:مرة أخرى اليكس مرة أخرى ليومة عندنا اجتماع

اليكس:ااه نسيت..لارا غادي دخلي معانا لاجتماع يااك

مروى:لا لا انا نمشي بلاصتها..

هبة.لا انا غادي ندخل بغيت نتعلم..إمتى عندكم؟

اليكس:خاصنا نكونو دابا فغرفة لاجتماعات قبل ماجا سي هولاكو

هبة:ايوة يلاه نمشو

مروى:هبة واااش حماقيتي(جراتها من دراعها)

هبة:كيما عاملني غادي نعاملو..وراه اصلا كيما قلت ليك مابقيتش كنهمو غير رتاحي

مروى:اووف منك اوووف..

هبة:(مشات مع اليكس لغرفة لاجتماعات وشدات مكانها..لاشخاص لمتواجدين حلو فمهم ومعرفوها من فين نزلت عليهم..كلشي كيبحلق فكل شبرفيها..شدات كرسي وجلسات وبدات لغرفة تعمر كلها شد مكانو في انتظار هولاكو...

هولاكو:(دخل لعندهم حاط يدو فجيبو لوكاس وراه وكلشي ناض من مكانو حتى جلس..حرك ليهم بيدو يجلسو..ولمحاها واقفة بهاداك لبس وبهاديك لحالة تزير عليه لحال..وجلس بزز كيتغدد عليها..بدا لاجتماع وهو ماشي هنا..عينيه عليها وعلى كل شخص كيشوف كل واحد شحال من شوفة دار فيها..اليكس يمكن تكون هادي لاخرة ليه..عيينيه غادي يودعهم مافيهاش..

هولاكو:(ضرب بيدو طبلة بجهد ونطق)سااالا لاجتماع خرجو(تحت صدمة الجميع كلشي هز وراقو وخرج مستغرب من سرعة هاد لاجتماع...جمعات لاجوندا والقلم وجات تخرج حتى سمعت صوتو..

هولاكو:نتي بقاااي(كيهضر من تحت سنانو)

هبة:(وقفات تسناه شنو غادي يقول حتى شافتو واقف قدامها)

هولاكو:بشمن لغة كتفهمي نتي...علاش كتقلبي؟؟

هبة:(صرطات ريقها ونطقات)مفهمتش..

هولاكو:(جر شعرها حتى غمضت عينها)سيري قو••لقصر مبقااتش خدمة هنا..

هبة:(بعدات يدو بصعوبة وهضرت بتحدي)مااشي من حقك تجري عليا...

هولاكو:'(غمض عينيه بغضب وهضر )لوكااااس خرجها قبل معجنت زا••بوها هنااااا...خرجهاااااا

لوكاس:(مشا يجري وجر بيد هبة للخارج )

لوكاس:(وقفها جنب لوطو وهضر )وااش حماقيتي لاش كديري هكا...

هبة:شنو درت؟؟

لوكاس:لارا..هاد لحركات ماشي مع هولاكو..بقاي خدمي عقلك

هبة:يااك مكنهموش ماشي من حقو يدخل فيا..

لوكاس:وشكون قاليك مكتهميهش؟

هبة:تصرفاتو..البرود ديالو..قلة هضرتو وجوابو..وزايدون حتى ملي عرف علاش انا مبغيتش نكون معاه مادار حتى ردة فعل...

لوكاس:علاش نتي عاودتي ليه؟

هبة:لا...علاش نتا ماقلتي ليه والو؟؟

لوكاس:لا..مازال مالقيت لفرصة لي نهضر معاه فهادشي..

هبة:(باستغراب)بصاااح..

لوكاس:اوووف منك الارا شحال كتسرعي...

هبة:شنو دابا..؟؟؟

لوكاس:صافي خلي لموضوع عليا..انا نحاول نهضر معاه ونفهمو هاد ليلة

هبة:اوك..

لوكاس:سيري دابا لقصر حسن..

هبة:واخا..

لوكاس:(رجع دخل لشركة وتوجه لعندو هاز كاسو فيدو وكيشوف فيها غادية من لواجهة)اووه شراب على صبااح..

هولاكو:بغااات تحمق ديلمي...(هبط على لكاس جغمة وحدة)

لوكاس:تهدن(حط يدو على كتفو)شنو بان ليك نسهرو هاد ليلة..

هولاكو:(توجه لمكتب وسكت)

لوكاس:نتشافو فسيزر غادي نحجز من دابا(خرج وخلاه غادي ينفاجر من تصرفاتها غاادي تحمقو بشي لي كدير)

***************

~~~نزل ليل ستائرو لمظلمة وضوااو النجوم ولقمر السما..

بداات تتوجد وتصايب مكياجها قدام لمرايا حتى تفكراتها:

مروى:لوكاس عااافاك خلي هبة تمشي معانا عافاك..

لوكاس:راه هاد السهرة كنت غادي نمشي ليها بوحدي نتي لي لصقتي فيا...

مروى:هكااواا على الراجل بغا يسهر بلا بيا..أيوة من هنا نقول ليك هاديك لحياااة ديال زوافرية باااي باااي..من اليوم رجلي على رجلك..

لوكاس:(تبسم على جنب وسكت عاجباه غيرتها وتصرفاتها لي كدير )

مروى :شنو دابا مغاديش تمشي معانا هبة(بدات طلبو بعينيها حتى ستسلم ووافق)

لوكاس:اوكي هضري معاها..

مروى:(باستو فخدو ومشات تجري هزات تيلي ونسقات معاها لقااء...ومشات تبدل حوايجها..نزلات لعند لوكاس لي كان كيتسناها فلوطو...ودازو على هبة لي كانت واجدة..

مروى:بشاااخ على زين تااني..

هبة:(تبسمة على جنب وهضرات)قلتها ليه ياك الوكاس؟

لوكاس:لا مقلت ليه واالو..ولكين ملي حنا معاكم ماشي مشكل..

هبة:(هزات ليه براسها وسكتات...وقفو قدام لبوااط ونزلو في اتجاه باب الدخول..كتنزل كيسوتها لحمر لي كانت طويلة وبقصة عصرية مع مكياج طبيعي ناعم..حطات دراعها فدراع مروى ودخلو مع لوكاس لي كانو لكارد كيبعدوعليهم لبشر لي جنبهم ...وصلو لعند الطبلة لي كان فيها حاط راسو على لفوتاي ومغمض عينيه هاز كاسو وكيخمم فيها حتى فلحظة استمتاعو متقدرش تغيب عن خيالو..حس بيه جا..حل عينيه وشافهم معاه رمقها بنظرة تفحصية من صبع رجلها حتى لراسها..شافها جلسات حانية راسها ومروى جنبها لي رمات ليه التحية وجاوبها بهزة راس معتادة..جلس جنبو لوكاس ونطق:

لوكاس:لصقات فيا مروى وجبتها ومقدرناش نخلو هبة 

هولاكو:(رجع رمى عينيه عليها)احسن مادرت..

لوكاس:يعني غاادي تنسى الشي لي وقع..

هولاكو:(شاف فيه شحاال وشير بيدو لجيغون لي جاه يجري..هضر فودنو ومشا جيغون طاير)

لوكاس:لبنات بشنو بغيتيو تعشاو؟

مروى:انا بغيت بيتزا..

لوكاس:لارا...

هبة:بحالها..

لوكاس:(عطى الطلبية لشخص ودور وجهو لجهة هولاكو لي كان كيجغم من كاسو وعينيه عليها)

لوكاس:هولاكو بغيت نهضر معاك..

هولاكو:(دور وجهو لعندو كيتسناه يهضر)

لوكاس:انا قدرت نعرف السبب لي مخليكم هكا..على حسب ماقالت ليا مروى ف..(مقدرش يكمل هضرتو خصوصا فاش شافها جلست جنبو..معرية من كل جانب..حاطة رجل على رجل ويديها فصدرو كتلعب بصدايف لقاميجة)

...:هادي احسن ليلة ليا هنا..مصدقتش فاش قالو ليا بلي طلبتيني..

هولاكو:(مخلي عينيه عليها ومتجاهل انظاار كترمقو بنظرات غير مفهومة)شنو تشربي؟

...:على دوقك...(قربات منو وعطاتو لحنك ببوسة حتى تصور عكرها فخدو)

مروى:هبة تهدني..راه كيدير هكا غير باش يرد ليك الصرف..الشي لي درتي ليومة بغا يردو ليك..

هبة:(كلها كترعد كتحس بقلبها غادي يسكت)

مروى:هبة انا السبب جبتك هنا..الى بغيتي نمشو يلااه..

هبة:(دورات وجها لجهة لأخرى وحاولت تبعد عينيها عليه هضرات بصوت فيه كمية انكسار كبيرة)غير كملو سهرتكم انا نمشي لقصر..شيفور مازال برا..

مروى:لا متمشيش بحدك..

هبة:الى بقيت هنا مغاديش نتحكم كتر فراسي..انا نمشي(ناضت من مكانها وهزات بوشيط ديالها بلما تشوف فيه نساحبت من لمتهم وخلات لوكاس يتبعها خصوصا بعدما اشار ليه هولاكو يتبعها..كخوف منو لايقرب ليها شي حد او يلسمها بلا قصد.)

لوكاس:(خرجها من لبواط وطلب من الشيفور يجيب لوطو)

لوكاس:قلت ليك متلعبيش معاه...اكره حاجة عندو هو الاستفزاز..

هبة:(مسحة دمعة من عينيها ودورت وجها لجهة لاخرى)

لوكاس:غادي نحاول نهضر معاه سيري رتاحي دابا

هبة:(حركت ليه براسها وركت فلوطو في اتجاه لقصر..بمجرد ماوصلت طلعت تجري لبيتها ودموعها على خدها كلشي تخلط عليها..احاسيسها تخربقو وقلبها كيضرب بغضب وأسى..هي لي قلبات عليه مكانش عليها توصل معاه هكا..كان عليها تهضر معاه وتبعد الشكوك من راسها وتحطو امام لأمر لواقع..كلمة كان بلا نفع عليها دابا لي طرا طرا...زولات حوايجها ومسحت مكياجها تخشات فلبيسة ديال نعاس عبارة عن سروال وديباردو ..وجلست تتسناه يجي ...صافي مابقا عندها ماتخسر غادي تواجهو وربي كبير..الساعات كيدوزو تقال عليها وصبرها تقاضا كل شوية كطل وااش جا...حتى سمعت صوت لوطو عرفاتو هو..بقات شحاااال جالسة مقدراش تمشي لعندو حتى سمعت صوت ضحكة نسائية مصطنعة..جرات رجليها بخفة وحلات لباب بشوية كيبان غير راسها..شافتها طالعة معاه ومتوجيهن لغرفة لي جنبها..قلبها بغا يسكت ولرعدة تملكاتها من أصغر صبع عندها...قلبها كيزدح بغضب...ناار الغيرة شعلات فيها وبدات تحرقها مقدراش تجلس غير ماشية جاية على طول لبيت..مقدراتش تتحكم فراسها جرااات رجيلها لعندهم ودخلات مدرمة بلا وعي وبلا شعور حلات لباب..وشافتها كتحل السلسلة ديال لكسيوة لي لابسة السيدة غير على سبة..جرات رجليها بغضب وشداتها من شعرها معرفات منين جاتها هاد القوة..بينما هو اكتفى انو يربع ايديه لجهة صدرو وبسمة خفيفة مرسومة على شفاهو دلالة على انتصارو عليها...

ستيفاني:ااااي...شعري..اااي.طلقي مني طلقي..

هبة:خرجي من هنا خرجي...

ستيفاني:(بعدات ليها يدها بزعفة وشافت فيه غير كيشوف ورجعت شافت فيها عرفت بلي هي لي كانت جالسة معاهم فلبواط..طلعت فيها وهبطات وعرفاتها بلا قيمة عندو الشي لي خلاها تتطوال فسبان معاها)

ستيفاني:شنوو بغيتي؟؟ماااشي من حقك تجري عليا؟؟؟وشكون نتي اصلا...

هبة:شووفي نقوليك جنوون كيشطحو فووق راسي..خرجي تقو••حسن ليك...

ستيفاني:هو لي يقدر يجري عليا ماشي نتي..

هبة:(دورات وجها لجهتو شافتو ساكت غير كيشوف الشي لي ستفازها وخلاها ترجع تجر شعرها)

ستيفاني:ااااي ااااي بعدي مني....اااااااااااي...(بعدات ليها ايديها بجهد وهزاات يدها لسما غااادي تصفعها..حتى تسمع شي حاجة طرطقاات فمعصمها..)

هولاكو:(محس براسو حتى لوى ليها دراعها حتى تسمع صوت شي حاجة طرطقاات فيه خلاها تغوت لربها لي خالقها...هضر من تحت سنانو)خرجي قو••عليا من هنا..(رمى ليها رزمة ديال لفلوس وشافها خارجة شادة فدراعها لي يمكن يكون تكسر بين ايديه..شاف فيها كتنفخ وكتفش كتشوف فيه بغضب وجامعة صفتها..قرب لعندها وهي واقفة فمكانها متحزحاتش منو كتشوف فيه بغضب وكتسناه يوصلها.)

مروى:اووف هاد الجوج غاادي يحمقوني

لوكاس:هبة مازال ماعرفت طبع هولاكو..راه ماكيبغيش لي يلوي ليه يدو..

مروى:لي متأكدة منو بلي السيد كيبغيها وحتى هي غير.. مسألة الزواج هي لي واقفة بيناتهم..

لوكاس:(سكت شحال ورجع نطق)مروى!!!

مروى:(شافت فيه)شنو...

لوكاس:دابا لي مخليك مبعدة عليا هو زواج..يعني ضروري نتزوجو

مروى:ااه...

لوكاس:وانا موافق باراكا عليا من حياة الزهو ..كنشوف فيك لمراة لي تليق تكون فداري وتربي ولادي...

مروى:ودينك؟

لوكاس:انا اصلا مملتازمش بتعاليم دين ديالي..قولي ليا شنو ندير بااش ندخل لاسلام باش تكوني حلالي ونحاول نقرا على هاد الدين ..

مروى:(عينيها وسااعو بالفرحة...ضحكات حتى بانو سنيناتها وعاود هضرات)غدا نمشو لعند شي جامع نشوف شي فقيه هو لي غادي يفيدنا فبزااف ديال لحوايج...

لوكاس:وااخا لي تشوفيه غادي نديرو(تبسم ليها وباس ليها يدها..ورجع عفط على لوطو في اتجاه لفيلا.)

••••••••••••

هبة:(خرجات عينيها فيه وشافتو وقف على راسها..بدات تبربر عليه بلما تحس)علاااش جايبها هنااا؟

هولاكو:وشنو لمشكل!!علاش مانجيبهاش؟؟

هبة:مدخلها قدااام عينيا وكتقول ليا علاش مانجيبها!!

هولاكو:حياتي هاديك نجيب لي بغيت..

هبة،:(جمعت صيفتها وخنزرات فيه مزيان..جات ماشية حسات بيه جرها من دراعها ولصقها مع الحيط لي وراها)

هولاكو:(كيبحلق فوجها بكل تركيز رميشاتها كيطلعو يهبطو بزربة..صوت قلبها برزطو زااد تخشا فيها ونطق)علاااش هادشي كولو..لاش كتسولي؟يااك نتي لي بغيتيني نبعد منك ؟

هبة:(صرطات ريقها بصعوبة وحساات بتقاطع انفاسها خايفة تضعف قدامو خصوصا لقرب لي بيناتهم خلاها تضغط على شفتها تحتانية بتوتر الشي لي زير عليه لحال وخلاه غااادي ينفاجر...تلاح على فيمها كيمصمص ويعض ويبوس..گاع لاعصاب لي خرجت فيه هاد لمدة خرجهم فيها بقبلات غير منقطع..حتى حس بيها بدات تترخى بين ايديه وطاحت..بين درعانو عرفها سخفات...ضربها على حنيكاتها بضربات خفاف وهزها بين ايديه في اتجاه لغرفة...بسمة جانبية على شفتو..وجسم ناعم حاملو بين ايديه)

^^ميدة محطوط فوقها مالذ وطااب..وقف كيتفقد شناقص كلشي واجد ومحطوط..مشا يجري لكوزينة جبد خبز توست سخون ورجع حطو فوق طبلة..تبسم برضى وشافها خارجة من لبيت كتحك عويناتها...

لوك:صباح الخير

جيلين:صباح النور(بدات تتفحص بعينيها الشي لمحطوط وتبسمات بحب وامتنان)هادشي كيشهي..

لوك:جلسي تفطري..

جيلين:وماما؟

لوك:سبقاتنا وفطرات..راها فلبيت رجعت نعست..

جيلين:وضعها معاجبنيش..حتى من الطبيب نفساني مابقاتش باغية ترجع لعندو

لوك:متخميش فترة ودوز

جيلين:(حركات ليه براسها وبدات تفطر وعينيها عليه)

لوك:شباليك نخرجو نتعشاو ندو معانا حتى جاسمين

جيلين:اوكي..(سكتت شحال ونطقت)لوك شكرا حيت وقفتي معايا..سمحلي ليا كنت عمية مكنشوفش الشي لي قدامي..

لوك:(جر يدها لعندو وهضر)لمهم دابا انا مع بعضياتنا اي حاجة اخرى مكتهمش..كملي فطورك..

••••••••••••••

هبة:(بداات تجبد رجيلاتها وتحاول تحل عينيها..حسات بشي حااجة كبيرة عاصراها من لخلف..هبطت عينيها وشافتو محاوطها من جهة لبطن..تبسمت بغباء ورجعت غمضت عينيها ستحلات قربو ليها وحضنو السخون لي مخشية فيه..بقات شحال على هاداك لوضع كتسنااه ينوض..بعد ثواني قررت انها تجمع لوقفة وتنوض قبل ماترونات عليها لقضية..بمجرد ماحيدات يديه عليها حسات بيه..جرها لعندو وخلاها تحتو..خرجت عينيها فيه وشافتو كيحاول يحل عينيه على اقل من مهلو..مازال مدوخ..هضر بصوت غالبة عليه بحة صباحية..

هولاكو:فين بغيتي تهربي...

هبة:طوااليط...

هولاكو:امم..نفطرو بعدا عاد سيري...

هبة:(باستغراب)مفهمتش؟

هولاكو:انا نفهمك..(حط فمو على شنايفها وبدا يجر سيد مكيعياش لي ضربو ضربو على التشلقيم..حس براسو بدا يسخن وهي خلاص دابت..نااسات الدين ونساات الزواج...غير كيلمسها كديماري حتى تغيب...حس براسو تنفخ مابقاش قادر حط يدو على صدرها يمعس فيه..بمجرد مابدا يغيب فيقو صوت تيلي ديالو الشي لي خلاه يجرو لعندو وخلاها هي تستغل لفرصة وتهرب من تحتو في اتجاه لحمام..راقبها بعينيه حتى دخلات وجاوب كينهج..

هولاكو:وااش باايت كتحلم بديلمي؟

لوكاس:غابشوية عليك..مالك كتنهج هكا

هولاكو:شنو بغيتي؟

لوكاس:بغيت نهضر معاك فموضوع ضروري..وعندي ليك خبر غادي يصدمك

هولاكو:،كنسمعك هضر..

لوكاس:ماشي فتيلي..حتى نتلقااو فالشركة..

هولاكو:اوك(قطع عليه ومسح وجهو بيديه حرم عليه لحظة لي كان عايشها)

هولاكو:(شد دوش ولبس حوايجو الرسميين ..ساعة فيدو ونفحات من عطرو...ونزل لعندها..لصالة لفطور..شافها جالسة كترشف من لعصير وعينيها فلارض ..جر كرسيه ونظق:

هولاكو:صباح الخير

هبة:(حطات لكاس ونطقت بصوت خفيف)صباح النور..

هولاكو:ماالك؟

هبة:(بعد تردد)بغيت نهضر معاك..

هولاكو:(هز حاجبو فيها)... كنسمع

هبة:اا...دابا...انا ونتا...قصدي..باااش نكونو مع بعضياتنا...ااا...

هولاكو:لارا..هضري بشوية عليك مالك...

هبة:(بمجرد محلات فمها غادي تنطق وقفت على راسهم لخدامة)

لخادمة:سمحوليا ولكين اسيدي مادام فيكتوريا كتسناك فصالة..

هولاكو:(حرك ليها بيدو تمشي وشاف فيها)نهضرو من بعد..

هبة:(هزت ليه براسها وشافتو مشا..رمات زويف لي كان على فخدها بغضب وطلعت لبيتها)

هولاكو:'،(دخل لعندها خاشي يديه فجيوبو..شافها جالسة كتلعب بصباعها وحانية راسها...ولات ضعيفة بزااف كتر من لقيااس..شعرها ولا بيض بشيب وعلامات التمدد بدات تبرز فوجها..گاع داك الخير لي كانت عايشة فيه مشا من بين ايديها...كانت كضن بلي دافيد مكون راسو وعندو بعض لاملاك..صدق غير كيتلصق هنا ولهيه..ومستغل اسمها وثروتها..وماشي غير هكا..لقاتو بايع ليها بعض لاراضي والعقارات لي كانت فسميتها...خلاها على لحضيضة حتى من جوشوا جمع قولوعو وخلاها ...وهاهي كترجع ليه من جديد..كانت عايشة معززة مكرمة تحت جناحو..تامر وتنهي..وفلخر ختارت عليه شماتة مايسوى حتى ضفرو..مسحة بطرف يديها دمعتها وهزات راسها فيه..

فيكتوريا:ولدي...

هولاكو:(جر رجليه وجلس جنبها..كيتفحص كل طرف منها كيف ولا..)مال حالتك هكا...؟

فيكتوريا:(نزلات عينيها لأرض ونطقت)خرجوني صحاب لمزاد من الدار لي كنت فيها...مبقا عندي رياال كنت كنعدي غير بلي قسم الله...حتى من جوشوا مشا وخلاني..

هولاكو:علااش مجيتي لعندي؟

فيكتوريا:(نزلت راسها)معندي لوجه لي نجي لعندك بيه..ختاريتو عليك وسمحتك فيك...كسرت كلامك ومشيت وخليتك وتاهمتك بموتو..وفلخر كان كيلعب عليا..حتى من ولدي لي هزيتو فكرشي طلع بحالو مشا وخلاني...

هولاكو:(صرط.ريقو ونطق)هادي دارك وغادي تبقى..طلعي رتاحي شوية...غادي ترجعي كيما كنتي...ولكين متصرفيش من راسك..

فيكتوريا:(ترمات لصدرو تبكي وتخنن..بينما هو اكتفى يلمس ظهرها بيدو)

هبة:(ترمات على فراشها كتلوم وتندب فحظها لي مبغا يتقاد ليها..لوقت لي بغات تحط النقاط على الحروف كلشي تضرب ليها ف 0..بدات تلعب بخصلات من شعرها حتى فزعها صوت تيلي :

هبة:صباح الخير

مروى:صباح النور...فينك؟

هبة:فلقصر...

مروى:والخدمة؟؟

هبة:مازال عندي شي وجه نحط رجلي تماك..

مروى:مازال ماهضرتو؟

هبة:كنت غادي نهضر معاه ليوم ولكين ملقيتش الفرصة

مروى:امم..زعمي وهضري اصاحبتي..

هبة:داكشي لي غادي ندير

مروى:ايوة قولي ليا مبروك

هبة:(بلهفة)مبروك ولكين على شنو؟؟

مروى:لوكاس بدل دينو ليومة ولا مسلم..وغادي نخطبو..وقريب نتزوجو..

هبة:مبروووك..واخيرا وحدة منا دارتها زوينة فحياتها..

مروى:دابا يفرجها ربي عليك غير صبري

هبة:امين..

مروى:كون تشوفي اليومة خراني بضحك فاش قال ليه لفقيه خاصك طهارة.خههه منعاودش ليك السيد كيولا ههه

هبة:هههه لمهم هو غادي تكونو مع بعضياتكم..

مروى:وي داكشي لي كاين..لمهم نخليك دابا دوزي لعندي فليل

هبة:واخا باي..

•••••••••••

هولاكو:(دخل لمكتب ديالو وحط لفيستا..جبد شي ضواسا كانو فوق لمكتب..وحط تيلي على ودنو..

هولاكو:سلعة دخلات؟

شخص:اه دخلات..

هولاكو:صيفطوها لبرازيل...جيرارد غادي يتكفل

الشخص:واخا اسيدي..

لوكاس:(حل عليه لباب ودخل..خلاه حتى كمل اتصالو ونطق)صباح الخير..

هولاكو:صباح النور..

لوكاس:عندي ليك خبر غادي يصدمك؟

هولاكو:(دوز يدو على لحيتو ورفع حاجبو فيه كتساؤل)

لوكاس:بدلت ديني..وليت مسلم

هولاكو:وعلاش؟

لوكاس:باش نقدر نتزوج مروى..

هولاكو:(بعدم فهم)بمعنى؟؟

لوكاس:ممنوع لشي مسلمة تتزوج من غير مسلم ..وممنوع عليها تنعس معاه وتحمل منو...داكشي لاش بدلت ديني وناوي ونتزوج بيها باسرع وقت..

هولاكو:هي مليتي من زهو وبغيتي تجمع راسك..مزيان

لوكاس:وي داكشي اي كاين...(ركز شوفة فيه)الشي لي خلا هبة تبعد عليك هو هادا!!بغاتك تبدل دينك بااش تقدر تنعس معاك..والى تزوجتيها يكون حسن..

هولاكو:(بغضب)شكتخربق...؟؟

لوكاس:هولاكو الشي لي قلت ليك هو لي كاين..هي محملاتش يكون عندها بيبي منك حيت مكنتوش مزوجين..

هولاكو:(بعصبية كبيرة)عاااد بان ليها الدين ..فاش كانت حالة ليا رجليها فين كان الدين والزواج هاداك لوقت؟؟

لوكاس:قصة البنت نتا عارفها هي اصلا جابوها كقحبة هنا..يعني الا ماكنتي نتا لي عتقتيها من تماك كانو دازو عليها رجال روسيا كاملين...

هولاكو:(ضرب يدو على الطبلة)لوكااااس...سد فمك...

لوكاس:لوااااقع ماالي كدبت..لبنت ملي حسات براسها باغياك ونتا باغيها بغاتك تزوج بيها وتبدل دينك بااش ترتاح معاك وتقدر تنعس معاك بلا قيود..

هولاكو:(ناض من مكانو صاعر)خرج تق••هاد الساعة الوكاس..... خررررج...

لوكاس:(شاف فيه شحال وخلاه واقف كيضور فلمكتب بوحدو.)

هولاكو:(نتر من سيگار لي بين ايديه وعينيه على لواجهة لامامية كيفكر ويخمم فشي لي قال ليه لوكاس...عفط على سيگار برجلو وجر رجليه لجهة لمكتب..حل لبيسي وبدا فلبحث على الدين لاسلامي..بقا شحال كيقرا ويخمم ويشوف كمية التوافق بين هاد التعاليم والحياة الطبيعية للناس..بقا شحال فهاداك الوضع ..سد لبيسي وناض من مكانو..في اتجاه باب الخروج..

•••••••••••••••

الشخص:تأمر بحاجة اخرى اسيدي!!!

فيليبس:لجرائد وصلو..

الشخص:ااه جابوهم هاهوما هنا..

فيليبس:(حل الصحيفة وبدا يقرا...)

الشخص:شنو غادي نديرو دابا...

فيليبس:خلو لوضع كيما هو..حتى تخف لمراقبة عليهم وتنسى لقضية وترجع لخدمة..

الشخص:سمعت بلي لالة فيكتوريا رجعت للقصر عندو

فيلبس:شي متوقع...(عينيه فلجريدة وكيهضر)لاملاك ديالها:؟؟

الشخص:كلشي حيدناه ليها...گاع لاتفقيات لي درنا مع دافيد شديناهم

فيليبس:مزياان...

الشخص:تفطر هنا اسيدي ولا فجردة؟

فيليبس:هنا حسن...

الشخص:واااخا..(خرج وخلاه كيقرا ويفكر)

••••••••••••••

فيكتوريا:(شدات دوش ونشفات حالتها..لبسات حوايجها وشافت راسها فلمرايا..قطعات وعد مع راسها بلي ترجع كيما كانت لي داز عليها ماشي قليل..جرات رجليها لعند لباب ونزلت لطابق السفلي..حطو ليها لفطور وبدات تفطر بصمت حتى شافتها نازلة مع الدروج..حطات كاسها وقفات من مكانها..وجرات رجليها لعندها:

فيكتوريا:(مدات ليها يدها)سلااام...

هبة :(شافت فيها شحال ورجعت مدات يدها)سلام

فيكتوريا:ااا...لمرة لفايتة متعرفنااش على بعض بطريقة زوينة..كنعتادر منك على الشي لي بدر مني

هبة:(تبسمات ليها وجاوبت بهدوء)لا عااادي..

فيكتوريا:(طلعات فيها وهبطات على بسمة جانبية نطقات)تبارك الله زينك مسرار..

هبة:(حنات راسها بخجل وتوردو حنيكاتها)

فيكتوريا:اجي قعدي معايا على لميدة..نتعرفو على بعضياتنا حسن..

هبة:(هزات ليها براسها ومشات معاها في اتجاه الطبلة)

مروى:(كتشوف لخاتم فصبعها بفرحة عارمة وسعادة ماليها متيل..ضحكة مقدراتش تفارقها..رجعت تفكرت فليلة لماضية والمفاجئة لي كانت موجدة ليها...هاهو خطبها وبدل دينو..وقريب غادي تكون حلالو..سدات فمها بيدها بفرحة وخرجت تفطر باش تمشي لخدمتها...ميدة متيولة ومرتبة بطريقة زوينة..وريدة محطوطة جنبها رسااالة مكتوب فيها:^^صباح الورد...فطري وجي لشركة كنتسناك تمااك...كنبغيك^^(دغيا ولات حمرة..وقلبها بدا يضرب بجهد...شمات لوريدة..وبدات تفطر بسعادة..كملات ماكلتها وخرجات لشركة....

••••••••••••••

جيلين:(بداات تتكسل ففراشها براحة..واخيرا قدرات ماماها توافق على الطبيب النفساني لي شدها هادي يومين عندو ووعدها بلي غادي ترجع مزيان..حكات بطرف يدها عينيها..ورمات لغطا وتوجهت لدوش لموجود فغرفتها...رتبات نفسها ورجعت لبيت..رمقات عينيها بواطة صغيرة محطوطة فوق لكوافوز جنبها...جمعات صيفتها بعدم فهم..ودورات لبواطة بيدها...حلاتها وشهقات بصدمة..خاتم ديال الزواج فيه جوهرة لوسط..حطات يدها على فمها وخرجت تقلب عليه تسولو..بمجرد ماحلات لباب شافتو واقف قبالتها هاز بوكي ديال لورد مشكل..باينة فيه متوتر ولهضرة هربات ليه..

جيلين:(وراتو لبواطة بعدم فهم)ل...لقيت هااادي فوق..لكوافوز..ديال شكون:؟؟

لوك:ديااالك..

جيلين:(باستغراب)شنو؟؟

لوك:(جر رجليه لعندها..ووقف قبالتها عطاها لبوكي وجر من عندها لبواطة..ونزل على ركابيه حل لبواطة ونطق:

لوك:تزوجي بيا...

جيلين:(بقات شحال كتشوف مستغربة..دغيا نزلو دموعها من عينيها بلما تشعر لوحيد لي كتحس براسها غلطات فحقو هو لوك شحال من سنة وهو كيبغيها وعمرو تبدل شعورو ناحيتها وااخا عارفها كتبغي هولاكو سنين هادي ولكين مابدل فيه والو باغها بجنونها وعصبيتها وتكبرها وغرورها ...كلشي تقبلو...حطات لبوكي وترمات عليه كتبكي..حضنها حتى عصرها بين ايديه..مسح ليها دموعها وباسها فخدها:

لوك:متبكيش عافاك...

جيلين:هئ هئ هئ لوك سمحلي ليا عاافاك هئ هئ كنت عمية هئ هئ سمحلي عااافاك هئ هئ

لوك:متقوليش هكا عاافاك..دابا جاوبني قلبي غادي يسكت..واش موافقة؟

جيلين:(هزات ليه راسها بزربة )ااه اااه اااه موافقة موافقة...(جر ليها يدها وحط فصبعها خاتم وباس ليها يدها...رجعت ترمات عليه ودموعها على خدها)

هولاكو:(بقا شحال فلوطو كيفكر هادشي خرج ليه من الجنب..بقا شحال واقف قدام جامع..حتى شاف الناس خارجة وقرر يدخل..بعد تراجع وتردد كبير قرر يتوجه لداخل..دور عينيه فلمسجد مزخرف باشكال اندلسية..شاف صنادل محطوطين فواحد لماريو فجنب عرف بلي خاصو يحط صباطو ..حيد الصباااط من رجليه ورجع دخل لداخل..كيشوف باستغراب وعدم فهم حتى سمع صوتو:

لفقيه:مرحبا اولدي..زيد دخل

هولاكو:(شااف فيه ..وتقدم لعندو...كان شخص اعمى جالس فوق كرسي متساوي مع لارض فيدو تسبيح..وقدامو قران...)

فقيه:جلس اولدي مرحبا بيك...

هولاكو:(شاف فيه باستغراب كيفاش عرف بلي دخل وهو اعمى...دغيا جاوبو بحاال الى قرا افكارو)

فقيه: مكنشوفش بعينيا ولكين كنشوف بقلبي..

هولاكو:(بقا شحال ساكت معرفش باش يبدا وشنو يقول حتى سمعو نطق:)

فقيه:لايمان اولدي كيزرعو رب لعالمين فقلب كل انسان فهاد الدنيا..واخا تختالف لاديان ولكين لايمان مكيميزش بيني وبينك..ملي تأمن بلي الله كاين ورسل كاينين فأنت مؤمن واخا ختالف دينك...

هولاكو:قريت شوية على هاد الدين..ولكين فيه شحال من حاجة لي غادي تحد عليا امورو دنيوية...

لفقيه:(تبسم على جنب ونطق)يعني نتا خايف متكونش على لقدر لكافي لهاد الدين؟

هولاكو:(حرك راسو بالإيجاب)ااه...لوسط لي فيه انا حرااام عندكم..

لفقيه:وشنو جابك لعندنا؟

هولاكو:(تزير عليه لحال ورجع نطق)منقدرش نكون مع مسلمة الا مبدلت ديني..

لفقيه:(تبسم ونطق)لي جابك هو لحب يااك؟؟

هولاكو:(قلبو كيضرب بجهد..هاد لكلمة فيقاتو كون مكانش يبغيها ميكونش هنا ولايفكر يبحث ويقلب فهاد الدين..سمع صوتو هضر)

لفقيه:اولدي حنا عايشين بلحب ودينا مكيمنعوش ولكين ملي تبغي تدخل لهاد الدين دخلو باقتناع تاام ماشي بسبب

هولاكو:(حرك ليه راسو بلايجاب وفهم لمقصد..ناض من مكانو وعطاه بضهرو في اتجاه الخروج)

لفقيه:غااااادي نتسنااك اولدي...فاش ترجع لمرة لاخرى سولهم على الشيخ الحسن...غادي يوريوك مكاني

هولاكو:(كتفى انو يسمعو بلما يدور لعندو وهم بلخروج)

««لأيام كيتعاودو بحال ديما كيختالف فيهم غير لاسم والتوقيت...لاجديد عندها..من غير انها فلقصر مع فيكتوريا لي ولات علاقتهم حسن على لاقل كتخفف عليها وكتعاود معاها ..بينما هولاكو مبقااش باان هادي 5 ايام بااش سافر لمدينة اخرى جنب موسكو..ختار انو يشد وقتو ويفكر على مهلو هادشي مافيهش اللعب..هادي ماشي مسألة عادية هادا راه تغيير لدين ....الشخص خاصو يعرف فين يحط رجليه..

هبة:(قاضات حالتها وستعدت للخروج..مبقا والو لعرس مروى..هوما يومين ويتم عقد القران ديالهم بشكل رسمي..نزلات لعند الشيفور ومشات لعند مروى فلفيلا بعد السلام وحديث صغير بيناتهم قرو انهم يخرجو لعند السيد الخاص بلخلويات يختارو لكاطو ديال العرس ومكؤولات لعرس..لوكاس خلا لمهمة لهبة هي لي كانت كتختار معاها الشي لي خاصها من كسيوة لعرس حتى لمكؤلات..تافقو مع السيد وختارو الشي لمطلوب...

مروى:اووف واخيرا سالينا

هبة:ااه دابا خاصك ترتاحي مبقى والو..

مروى:وي عندك الصح..غدا خاصنا نمشو لحمام ولمركز التجميل

هبة:،،علاش كاين عندهم حتى هنا لحمام ؟

مروى:على حسب ماقال ليا لوكاس كاين حمام التركي..نمشو نكمدو عضيماتنا ونقاضو حالتنا...

هبة:صافي واخا..

مروى:(بعد تردد)هولاكو هضر معاك؟

هبة:لا...

مروى:ملي هضر معاه لوكاس وغبر يعني بغا يشد وقتو...

هبة:معرفتش علاش كيدير هاد الشي..هاهو لوكاس دغيا تقبل لوضع وبدل دينو بلاصداع بلا مشاكيل..

مروى:وااش اهبة هولاكو هو لوكاس..راه كل واحد والطبع ديالو..

هبة:(بتعب)انشاء الله غير يغير دينو ونرتااحو شوية..

مروى:(صغرات فيها عينيها)كتبغيه؟

هبة:(بلا شعور)بزاااااف...اصلا هاد 5 ايام دازو عليا بحال شي سنين بلا بيه

مروى:لا اختي طايحة طيحة من داكشي ههه

هبة:زيدي زيدي..الشيفور كيتسنى وحنا واقفين هنا...

•••••••••••••••••

^^يوم جديد كيطل علينا..هاهي فاقت كتكسل بحال شي مشيشة..صوت ريفااي صمكها..طفاتو وشافت شحال الساعة...ليومة تنحرها مروى تعطلات عليها بزااف..شافت سجل لمكاملات كانت 10 الاتصالات من عندها..ناضت تجري تغسل حالتها وتتوجد..بعدما طمنات مروى بلي مسافة الطريق وتكون عندها..خرجت بلا فطور..رماات السلام لفيكتوريا لي كانت كتفطر ومشات تجري حتى وصلت لعند لباب ورجعت لعندها:

هبة:تمشي معانا لحمام..؟

فيكتوريا:غير سيرو شدو راحتكم

هبة:لاعيب تبقاي بوحدك يلاه معانا..

فيكتوريا:(عينيها لمعو بلفرحة هزات برأسها وطلبت منهم ينزلو ليها صاكها...وصلهم شيفور لفيلا لعند لوكاس..ولقاوهم كيتسناو..مروى ستغربات من وجود فيكتوريا ولكين دغيا رحبت بيها..وتوجهو لوطو ديال لوكاس بعد دقايق وصلو لحمام التركي..وصلهم وطلب منهم يرجعو يصونيو عليه فاش يسالو..دخلو بعد ترحيب لموظفين و شدو امكنتهم..دارو ليهم ماسكات للجسم والشعر...طبعا مع مساج وجلسة صونا...ساالاو مهلوكين..توجهو لغرفة لملابس لبسو حوايجهم..وجاهم شيفور من جديد بأمر من لوكاس..توجهو لمركز التجميل..وتماك عتناااو بيهم عناية خاصة من اصغر صبع لاقصر شعرة..مخلاو قنت فيهم ماهتمو بيه..خرجو مهلوكات..بمجرد ماجاىشيفور توجه بيهم لمطعم يسدو شوية من جوعهم.

^^هاهو يوم الموعود جاااا...عقد قيران لوكاس ومروى..ختار تبقى سميتو أجنبية بدون تغير لاساس هو نية الشخص وايمانو..شحال من شخص سميتو ^محمد^وافعالو عكس اسمو تماما...فظل هادشي..كانت واقفة قدام الزاج ديال لبالكون..حاطة ايديها على زااج ومراقبة امواج لبحر من بعيد كضرب..شحال متمنية حتى هي تلبس كسيوة العرس وتفرح براسها مع الشخص لي ختارو قلبها..معرفاش واش غادي تشوفو ليوم اولا لا..ولكين عندها احساس بلي غادي يجي خصوصا هاد النهار هو يوم زفاف أعز صديق..مسحات دمعة من عينها بعدما سمعت شي حد كيدق..هضرت بلما تدور وجها..

هبة:دخل..

الخدامة:(دخلت هازة كرتونة كبيرة شوية بين ايديها حطاتها فوق لفراش.ونطقت)لالة وصلاتك هاد لكرتونة..

هبة:(دورات وجها فيها باستغراب وجرات رجليها لجهتها..طلبت من لخدامة تمشي..وحلات لكارتونة تحت صدمة واستغراب شديد.)

•••••••••••••

^^كسيوة بيضة كلها مشبكة..لمعري كتر من لمغطي..شعر اصفر مبوكلي..لمسات جد بسيطة من لمكياج..وبعض لأشخاص فقط وسط لكنيسة متبعين ليها لعين داخلة بكل توتر ورهبة..شادة فدراع جدو ومتوجه بيها لعندو..قلبو غادي يسكت بلفرحة والتوتر...واخيرا وصلاتو..وقفات مقابلة معاه...وهو شاد ليها بيدها..تبادلو لعهد امام الراهب..وركبو لخواتم فجهة لاخرى..وطاح على فمها بقبلة طويلة قدام الاشخاص لموجودين...لي بداو يصفقو..ركبو فلوطو وتوجهو لقاعة صغيرة مابعيداش من لكنيسة والناس لاحقينهم..تما كانو دايرين حفلة بسيطة..تحت صوت لموسيقى وضحكات لحضور..بداو يشطحو على. لمنصة قرب من ودنها ونطق:

لوك:عمرني نفرط فيك..

جيلين:(بابتسامة)حتى انا..

لوك:عرفتي شحال فرحان دابا..اووف ممصدقش...

جيلين:(تخشاات فيه وبداو يشطحو بسعادة كبيرة)

مروى:(مدات وجها لميكب ارتست معروفة وخلاتها تتفن فتوضيح وابراز جمالها..حطات تيلي على ودنها:

مروى:افينك..علاش تعطلتي؟

هبة:هاني فطريق..

مروى:يلااه دغيا لبنت كتسناك توجدك

هبة:واخا..(لبسات حوايجها وبقات شحال كتشوف فلكرتونة لي جاتها اكيد كاين شي خطا..قرات انها تهز معاها لكارتون وتمشي لعند مروى..نزلات لطابق سفلي وسولاتهم على فيكتوريا..كلشي مالقى باش يجاوبها.. هو جواب واحد كينطقو بيه ^معرفتش؟؟^..ستغربات ومافهمت والو..كانت دايرة معاها يمشو لعند مروى يتوجدو تماك..قرات انها تمشي لعند الشيفور لي كان في انتضارها..ركبات وعينيها على الكارتونة لي بين ايديها..وصلات لعند مروى..ودخلت لعندها..الدنيا مرونة عندها شي داخل شي خارج ..حطات لكارتون ووقفت عند راسها:

هبة:مروى اجي بغيت نهضر معاك

مروى:من بعد أهبة زيدي جلسي خلي لبنت توجدك

هبة:ولكين خاصك تشوفي..

مروى:من بعد اهبة من بعد..(حطات تيلي على ودنها)الو وي لوكاس..

هبة:(سلمات امرها لله وجلست لعند لبنت..بدات تصايب ليها لمكياج ركزات ليها على عينيها ولفيم خلاتو خفيف..بينما لبنت لأخرى تكلفات بشعرها خلاتو ليها تسريحة طالعة مع بعض لخصلات نازلين..بقاو غير حالين فمهم فهاد لحورية كي طلعات..تعجبو من زينها وجمالها لفتان..وخرجو من عندها خلاوها كتشوف فلكريتينة لمحطوطة..دخلات عندها مروى لابسة كسوة كمامها طوال بقصة عصرية وتااج صغير فوق راسها شااد ليها طرحة لي فوق راسها..تبسمات ليها وطارت عليها تبكي وتنعق ومروى كتر..

مروى:تفو على ديلمك بكيتيني...

هبة:هئ هئ..

مروى:هئ هئ صافي باراكا ازمر..خسرتي كلشي..

هبة:(بدات تتهدن وتمسح دموعها ومروى نفس الشي..مسحات حتى هي دموعها)

هبة:(يلاه تفكرات الشي لي كانت غادي تقول)ااه مروى..ليومة فصباح صيفط ليا بوتيك ديال لكسواي هاد لكسيوة..(حلات لكرتونة وخرجات كسوة ديال لعرايس منها)

مروى:اه هادي لي عجباتك فنة..

هبة:شكتخربقي...راه صحابني مصيفطينها ليك غالطين..ولكين ملي شفت لكسوة لي لابسة هادي جابها لعندي؟؟

(نطق صوت غليض من وراها)انا لي جبتها........

هبة:(بزربة دورات وجها لجهة الصوت..خرجات عينيها بصدمة وستغراب كبير...نطقت بصوت خفيف وعينيها فيه)هولاكو.....

هولاكو:(ربع ايديه وبقا يقرب لعندها حتى وصلها..مروى تبسمات وخرجت من عندهم جارة كسوتها..)

هولاكو:(كيراقب تفاصيل وجها باعجاب كبير..جر خصلة من شعرها ونطق)طالعة زوينة..

هبة:(مازال ماستوعباتش الشي لي داير بيها..سمعت صوتو نطق)

هولاكو:مااالك.؟

هبة:مافهمت واالو...

هولاكو:شنو لي مافهمتي؟؟

هبة:(شارت بصبعها)هاديك لكسوة لاش هنا؟؟وفين كنتي هاد لمدة؟

هولاكو:(جرها لعندو وحاوطها من جهة البطن)كلشي واضح..هاديك لكسوة ديالك وغادي تلبسيها دابا..

هبة:(باستغراب)وعلاش؟؟؟

هولاكو:(طلع حاجبو فيها باستغراب كيشوف هاد التكوليخة لي نزلت عليها)فنظرك نتي علاش؟؟؟

هبة:(شافت فيه مقرصة حوايجباتها ودغية رجعت سرحاتهم ملي فهمت لوضع..خرجات عينيها بفرحة وتبسمت بفرح)اسلمتي يااااك!!!

هولاكو:(حرك ليها راسو بالإيجاب بلما ينطق)

هبة:(طارت عليه بتعنيقة عصراتو. بين ايديها وهو كتر..حط نيفو فعنقها وغمض عينيه كيشمشم فيها توحشها بزاااف..البعد لي بيناتهم كان كافي يأكد ليه شحال كيبغيها...حس بيها رجعت وراها وعينيها كيلمعو بلفرحة دمعة فرح وسعادة وتأثر حسات بيها هابطة على حدها..ولكيم بزربة تمسحاات بصبعو لكبير لي بدا يدوزو بشوية عليه على خدها..

هولاكو:(نطق بصوت مبحوح فيه كمية حنية خلاتها دوب بين ايديه)هاد لعويناات مبغيتش نشوفهم يبكو مرة اخرى..وااضح!

هبة:(حركت ليه راسها بلايجاب مع ضحيكة على شفاها)

هولاكو:يلاه لبسي دغيا..انا نمشي نوجد راسي دغيا

هبة:(مبقاتش قادرة تهضر خايفة هاد لفرحة كاملة تقلب ليها..حركت راسها وحسات بيه باسها فخدها ومشا..خلاها شادة فقلبها لي غادي يسكت بلفرحة.)

فيكتوريا:(وااقفة على السىربايا وتيلي ديالها غادي ينفاجر بالاتصالات هاد العرس خرج على غفلة..بمجرد ماهضر معاها هولاكو مشات تجري لقااعة لحفلات لي منظم فيها لوكاس لعرس ديالو بأمر من هولاكو بغى لفرحة تكون فرحتين..زواجو وزواج صاحبو فنفس النهار...هي مجرد اتصالات كانت كفيلة تعيط بيهم على ضيوفها والصحافة وزادت لمؤكلات والمشروبات وحتى من ليطارط ختارت وحدة اخرى ملكية..وكلفت شركة تنظيم لحفلات يخلو هاد لحفل اكبر حفل فروسيا..مخاصش يكون حتى غلط..حسات بلي عيات من صباح وهي مراقبة وكتعطي اوامرها..واخا ستغربات من عدم عقد لقران فكنيسة ولكين حتارمت رأي ديال ولدها يمكن حيت هبة مسلمة داكشي لاش...ولكين معرفاتش بلي ولدها غير الدين ديالو باش يتم هاد الزواج..هزات صاكها وتوجهت لقصر تشد دوش وتقاض حالتها...

هبة:(بقات شحال كتشوف فراسها..عمرها تخيلت غادي يجي هاد النهار..الدنيا شحال غريبة..كانت يمكن تكون عاهر دابا من واحد لواحد ولكين قدرات تعتق راسها من مصير محتم..شدات نفس ورجعت رخاتو وشافتها داخلة لعندها بكسيوتها كتجرها هازة معاها بواطة...شافتها تكوانسات فمكانها...

مروى:بسم الله ماشاء الله..

هبة:(متوترة بشكل كبير)كلشي هو هاداك ياك؟

مروى:لا ماشاء الله كلشي هو هاداك..اه شدي هادي صيفطها ليك هولاكو

هبة:شنو هي؟

مروى:(مداتها ليها)حليها؟

هبة:(حلات لبواطة وتبسمت بفرح..كانت سنسلة ولحلقات ديالها من الألماس لابيض..بدات مروى تلبسها والفرحة ماسيعاهمش..

مروى:اييه شكون كان يقول بلي غادي نتزوجو فنهار واحد..لا وفروسيا من لفوق.

هبة:ونسيتي بگور ههه

مروى:ااه وغيرنا حتى دينهم هههه

هبة:(ضحكت بسعادة وشافت راسها..كسوة منفوخة كتلامع جاية صميطات من لفوق وتاج شاد ليها طرحة..بانت بحال شي اميرة..هزاات لبوكي...وخرجت مع مروى في اتجاه لغرفة لاخرى..

•••••••••••••••

جيلين:(رمااات لورد وراها وخلات لبنات مضاربين عليه شكون تشدو..ضحكات بسعادة.وشدات بيد لوك..وركبو فلوطو في اتجاه لوطيل..دخلو لغرفة..وتوجه لوك لتيلي ديال لغرفة يطلب منهم يطلعو ليهم لعشى..بينما جيلين دخلات لحمام تبدل عليها..زولات لكسوة وحيدات مكياجها..لبسات شوميز وطلقات شعرها..شافت راسها فلمرايا وخرجت لعندو ..

لوك:يلااه اجيلين لعشى غادي يبرد

جيلين:(جلسات جنبو وبداو ياكلو بصمت..دورات وجها لعندو وشافتو.سارح فيها..قربات منو حطات فمها على شفاه ديالو ..وغطسو فتبواااس حتى تنفخ لوك مبقاش قادر يصبر..قرب منها وهزها بين ايديه حطها فوق لفراش وبداو فلبسالة هه😉

^^صاالة عمرات بلحضور سربايا على مستوى عالي من التنظيم..لفقيه كيتسنة عقد لقران فجلسة خاصة الشي لي دب الاستغراب فلحظور..موسيقى كتعزف بلحن بسيط..وراقصات فطرف.اخر...الصحافة فمكان مخصص ليها..طفاااو جميع الأضواء..وشعلو ضو خفيف من جهة الدروج..كتبان مروى شادة بوكي ديال لورد وخاشية دراعها فلوكاس لي كان لابس كوستيم گري غامق تقدمو بشوية عليهم....نزلو مع الدروج تحت اضواء لفلاش ديال الصحافة والحضور..وقفو لوسط...ودغيا طفاااو ظواو من جديد..كتبان جاية بحال شي اميرة ..كسيوتها كتلامع وبوكي ديال لورد فيدها..مجوهراتها كيضويو ..وخاشية يدها بجهد فدراعو بتوتر وخوف الشي لي خلاه يهضر فودنها.

هولاكو:متخافيش...انا معاك..

هبة:(تهدنات شوية..وهزات بطرف يدها كسوتها باش تقدر تنزل مع الدروج..لعيون عليها ولكاميرات كيصورو كل شبر فيها..عروس السنة بامتياز..نزلو مع الدروج ورجعو ضواو شعلو تحت تصفقيات الحضور....وقفو جنب لوكاس و مروى....و بدات من جديد صور ولفلاش ليهم..توجهو لعند لفقيه لي جالس..وعقد قرانهم تحت استغراب الجميع وأولهم فيكتوريا لي مافهمت واالو..مشا لفقيه فحالو...بداو يسلمو على. الضيوف وهولاكو كيعرف هبة على بعض الشخصيات لي عبرو عن جمالها واعجابهم بيها ...رجعو طلعو فلمصنة وبدات تعزف موسيقى خاصة بلعرسان..دور يدو ورا ضهرها وحطات يديها على كتفو وليد لوخرا فيدو..هو علمها سلو يعني غادي تعتق راسها فهاد لوضع ..بداو يشطحو ولوكاس ومروى جنبهم..هولاكو غير ساارح فيها وفجمالها عمرو ظن بلي يجي نهار ويتزوج فيه...ولكين هاد خيتي قلباتو رأس على عقب ماعرف كيدارت ليه...قرب من ودنها وهضر بصوت حنين..

هولاكو:كنبغيك..

هبة:(حساات بتبوريشة كتسارا معاها..دغيا حمارت وحنيكاتها توردو...ضعطت على شفتها بتوتر وعينيها فلارض)

هولاكو:رصاااااي اهبة...

هبة:(بمجرد ماطلعت عينيها فيه باستغراب...غفلها بقبلة ما عرفت منين جاتها..خلاها تحط راسها على كتفو وتتحرك ببطء

^^بعد اغاني وموسيقى أجنبية..تغيرات لموسيقى لموسيقى عربية..خلات مروى وهبة يشطحو من قلبهم على اغاني مصرية شعبية...وخلات حتى لحظور يشطحو معاهم..بينما لوكاس وهولاكو..بقاو مراقبينهم وكيضحكو..لحفل على مشارف نهاية...تقدمو لمنظمين لوسط لمنصة بلطارط ملكية..خلاو لعرساان يوقفو قدام كل وحدة..حط يدو على يدها وبداو يقطعو طارط تحت تصفيقات الجميع ..قطع طريف وعطاها منو..ورجعت وكلاتو..شدو صور مع بعضياتهم ومع الحضور..ونساحبو وخلاوهم يكملو سهرتهم..توجه بيها للفندق لي كان بسميتها..وطلعو لجناح ديالهم..كلشي موجد وفمكانو...شمع ولورد وريحة العطور لفرنسية كتفوح من كل بلاصة لعشى محطوط..وموسيقى خفيفة شاعلة...شد ليها بيدها وباس جبهتها..

هولاكو:دخلي بدلي عليك باش نتعشاو..

هبة:(حركات ليه براسها ومشات في اتجاه لحمام..زولات كسيوتها ولبست دوبياس اوخرين وشوميز ستاان فلبيج..حيدات تااج وخلات شعرها مطلوق..وزولات لمكياج وخلات لمسات خفيفة فقط..دهنات لحمها..ولبسات صندالة وخرجت لعندو...كان ضهرو عرياااان..لابس غير سروال ديال النعاس فقط...جلست جنبو وبقا يرمقها من راسها حتى لرجليها...جاب لي يخليه يصبر عليها حتى تتعشى..بدات تاكل وهو غير كيشوف...مبقاش قادر...دغيا جر من فمها لقمة وكالها بفمو خلاها كتبرقق بعينيها مافهمت واالو..

هولاكوباراكا عليك..خليني ناكل مابقيتش قادر نصبر..

هبة:(بغباء)وراه كلشي قدامك مالك ماتاكل؟

هولاكو:عندك الصح ..(جرها لعندو وهزها بين ايديه..حطها فوق لفراش...وبدا يبوس فيها بكل حنية وهي مغمضة عينيها وراخية داتها ليه..اول مرة تحس براحة واستمتاع لحلال ماشي بحال لحرام...وهادشي لي محلي عليها النعسة..لاوت يديها على عنقو وبدات حتى هي تبوس فيه وهو مسايرها..كل مكان فيها عطاه حقو ...خلاها كتلوى تحتو..دوز يدو على جسمها كيمعس صدرها ويبوس فيه...هي صاافي مبقاتش هنا..كتحس برأسها طايرة فعالم اخر...بدا نازل معاها حتى وصل لكرشها..باسها فصرتها..وحط يدو على لمكان المحظور..حطات يديها فشعرها بنشوة كبيرة ودغيا حسات بشي حاجة داخلة فيها...بدات تصرخ وتتاوه بألم كبير..عرفها مازال مزيرة ماقدرش يفورصي عليها كتر..قرر انو يخف عليها...يحاول معاها..

••••••••••••

مروى:(وصلت لقمة النشوة..لوكاس خدام على أقل من مهلو..ومروى بدات تبكي بألم اول مرة ليها ومع التوتر لقضية قاصحة عندها...حس بشي حاجة سخونة نزلت عليه ..بمجرد ماشاف الدم...قلبو بدا يضرب بفرحة..رجع كيبوس فجبهتها بحب وشفف وفرح...وهي غير كتبكي وتخنن..لألم لحاسة بيه مايقدرش يوصف...

لوكاس:مروى حبيبة (كيمسح دموعها)متبكيش عاافاك..(كيبوس كل مكان فوجها بلهفة وفرح)

مروى:هئ هئ عاافاك باراكا...هادشي صعيب هئ هئ

لوكاس:واخا حبيبة ..حيت أول مرة كتجي صعيبة..صبري نجيب ليك حاجة تشربيها..(طار يجري لكوزينة وخلاها كتبكي فمكانها)

يتبع...