العشيقة المغرية الجزء الثالث

هبة:(خرجو عينيها على جهدهم)ش..ش..شنو؟

ماريا:(ربعات رجليها وحطات شيشة من ايدها)سمعيني القرطاسة...نتي عندك جميع المقومات لي تخليك طيري لفريخ لأي وااحد..(طلعات فيها وهبطات)كلشي عندك بالسنتي..بمعنى اخر كلشي،فيك شاااد قياااسو..الا وافقتي على الشي لي غادي نقولك غادي تعيشي فالجنة ويمكن كتر...بدل مضيعي حياتك فقفص بين ربع حيطااان غادي تعيشي معززة مكرمة بين نااااس عندهم الحبة بشايط...

هبة:(شاافت فيها ودموع تجمعو فعينيها...ناضت من حداها ..جامعة حويجباتها ودموعها طايحين على خدها.مقدراتش تجاوبها..كتحس بلسانها مربط عليها..شدات لقنت وجلسات جامعة رجيلاتها لعند صدرها وكتشوف قدامها...)

نعيمة:(فرشات كاروطون وجلسات حداها..كتلمس ليها شعرها بيدها)ماالك ابنتي؟شنو قالت ليك ماريا...!!

هبة:(شافت فيها وطرطقات على صدرها تبكي)علاااش علااااش كيطرا لي هكا من بين البشر كلهم هئ هئ هئ شنو دنبي نعيش هادشي هئ هئ هئ علااااش مكتوب ليا نعيش هاد العيشة هئ هئ 

نعيمة:(كدوز ايدها على ضهرها وتسكت فيها)مديريش فراسك هكا ابنتي كلشي غادي يتصلح...

هبة:هئ هئ حتى حاجة مغادي تصلح فحياتي هئ هئ مكتوب عليا الويل وغادي نبقى فيه هئ هئ

نعيمة:(هزات ليها وجها ومسحات دموعها )قولي ليا مالكي؟ شنو قالت ليك ماريا!!

هبة:(شدات نفس وطلقاتو)بغاتني نكون قحبة!!

نعيمة:(خرجو عينيها وصرطات ريقها...ملي ماريا حطات لعين على هبة فمغاديش تزگلها...)وش..وشنو قلتي ليها؟

هبة:هئ هئ مجاوبتهاش...حسيت بالحگرة هئ هئ لي جا يمسح فيا رجليه هئ هئ 

نعيمة:صافي متبكيش كلشي غادي يكون مزيان

ماريا:(مراقبها بعينيها وكتسوط دخان لفوق)شفت هاد لقطيطة غير لاصقة فنعيمة؟

البنت:اصلا هبة من النهار لي جات هنا مكتهضر مع حد من غير نعيمة..

ماريا:اممم...ايوة دردبي جيبي ليا نعيمة لعندي

البنت :واخا الالة.

جيلين:( فوسط كافي معروف فوسط المدينة...جالسة بكل اريحية حاطة رجل فوق رجل وكتسوط الدخان فسما غير مبالية تماما بشي لي رتاكبات من شوية...)

لوك:(جر كرسي وجلس مقابل معاها)علااااش؟علاااش قتلتيها؟(ضرب يدو مع طبلة)

جيلين:(اكتفت بنظرة ليه كتحمل بزااف ديال لمعاني شافت جهة الزجاج لجنبها لي بدا يبين الزخات الثلجية لي كطيح )

لوك:جيلين راني هضرت معاااك...علاش قتلتيها؟

جيلين:(كتافات بنفخ دخان من جديد فسما وجاوبات بكل برود)قلتليك من قبل...قرباات من حاجة كتخصني

لوك:حاجة كتخصك؟؟واش نتي تسطيتي::؟قتلتي البنت بدم بارد وكتقولي قربات لحاجة تخصك...جيلين الشي لي كدير فيه غادي يدمرنا.!!!

جيلين:(طفاات لگارو بزعفة وعينيها فعينيه)متنساش شكون نتا!!ومعندكش لحق تلومني على اي حاجة...نتا خدمتك هي تشطب ورايا اوك..(قالت هاد جوج كلمات وهزات صاكها وخرجات في اتجاه لوطو..)

لوك:(سد عينيه وحلهم بغضب دايما كتجرحو بكلامها وكدمرو بلسانها السليط..هو كيدير هادشي كلو على قبلها وقبل حبو ليها مستعد يقتل ويدفن ويسلخ على ودها يكفيه غير اشارة منها ليه..ولكين شي كدير على قبل هولاكو خالق فيه بزااف ديال لحوايج لي ميقدر اي كان يفهمها..مسح وجهو بيديه بغضب وهز تيلي ديالو وسوارتو وخرج من لكافي بعدما حط أوراق نقدية فوق طبلة.)

هولاكو:(حاط يدو على لحيتو كيدوز عليها بلمسات روجولية واليد لوخرا كتلعب بحجيرات صغار..عينيه مراقبين بيسي قدامو لي كانت مرسومة فيه ارقام وحروف متقاطعة مايقدرش اي كان يعرف معناها..شتت تركيزو صوت لوكاس:

لوكاس:صباح الخير

هولاكو:......

لوكاس:(حط راسو على كرسي وغمض عينيه)اووف راسي غادي يطرطق..(شاف فهولاكو)فين وصلتي؟

هولاكو:طلقو لينا لعب..

لوكاس:ههه طلعو خوافة بزربة تسرسبو ليك هههه

هولاكو:(رجع ضهرو ورا لكرسي وعينيه فعينين لوكاس)نو..كنعرف فلاديمير بزاااف مغاديش يستسلم بهاد السرعة 

لوكاس:معندو مايدير كلشي تحت ايدينا الا كان راجل يورينا كتافو.

هولاكو:(رجع يدوز على لحيتو وكيفكر فشحال من حاجة)

لوكاس: جيرارد ودياغو غادي يوصلو هاد لعشية؟

هولاكو:وي..

لوكاس:غادي ترجعهم لخدمتهم؟

هولاكو:ضروري..(اجوبتو كانت على قد السؤال هو هكا معندوش مع كترة لهضرة هو جواب واحد كافي يوصل لفكرة..ويخلي الطرف لاخر يحلل ويناقش مع خيوط مخو مستحيل تعرف شكيدور فعقلو ذكي ذكاء الأسود وماكر مكر الذئاب..يعرف اي حاجة بسرعة لبديهة لي كيمتالك 

وعندو خبرة فقراءة تصرفات وحركات الناس بخلااااصة مدوزهااش عليه)

لوكاس:نخليك دابا..نمشي ندير طليلة على لاوطيل فين وصل..(جا يخرج ورجع)فبيانا لقاوها مقتولة! باينة شكون مولات لفعلة..هادي تسطات (دار حرك بيدو تفيد الجنون)

هولاكو:سير قو••شوف شغلك

لوكاس:هاهو غادي ..مصاب نلقى لي تقتل عليا ههه

هولاكو:(ضرب ليه تخنزيرة حتى غبر من قدامو...رجع حط عينيه على لبيسي وعقلو خدام فشحال من حاجة.)

**************

نعيمة:(جارا هبة تحت كتفها وكتهدن فيها)صافي ابنتي صافي باراكا من لبكى.

هبة:(كيتسمع صوتها كتشهق)

....:(وقفات على راسهم)نعيمة نوضي تهزي 

نعيمة:شنو بغيتي؟

...:ماشي انا لي بغيتك لالة ماريا بغاتك.

نعيمة:(صرطات ريقها وشافت فهبة لي دموعها مقدروش يحبسو..ناضت كتسوس فحوايجها وعينين متبعينها من بعيد كتسناها تجي...شافت فهبة ونطقات)بنتي باراكا من لبكى رتاحي شوية انا دابا نرجع عندك صافي..

هبة:(هزات راسها بايجاب وعينيها منفوخين بكترة لبكى جرات كسيوتها على رجليها ورجعات ضهرها على لحيط حطات راسها بين رجليها وغمضات عينيها كتخفف من حريق قلبها وعقلها لي مبقاش قادر يستوعب لشي لمحيط بيها)

نعيمة:(مشات كتجر رجليها بسيف كل خطوة كتخطيها.كدوز فيها ساعة..عارفة شنو باغية منها ماريا بل متأكدة من شي لي كيدور فراسها..وقفات عندها ا)

ماريا:(طلعات فيها وهبطات وشيرات ليها تجلس فجنب الناموسية..داكشي لي دارت حطات مؤخرتها على جنب سرير والصمت سيد لموقف..حطات ماريا شيشة من بين ايديها وصايباات جلستها:

ماريا:شفت هاديك لقطيطة غير لاصقة فيك

نعيمة:(بنظرة استغراب)شكون؟

ماريا:(شافت فيها بسخرية)من نيتك انعيمة ...

نعيمة:(صرطات ريقها)شوفي اماريا هبة بنت درويشة داز عليها بزااف مسيكينة..خليها عليك عاافاك راه مزال صغيرة ومعرفاش الدنيا كيدايرة..الا مشات حتى ترمات بين دياب مغاديش يرحموها..عافااااك عاااافااك اختي ماريا شوفي من حالها وخليها عليك(صرطات ريقها ورعدة كتزعزعها..مكانتش ظن بلي غادي يخرج هادشي كولو من فمها ولمن؟ لماريا..لي كلشي داير ليها حساب ويخاف من سميتها ومكيمليش عليها شنو ندير وشنو تخلي عساك هادي لي جاية تطلب منها لمستحيل..ولكين رأفت على حال هبة وخافت عليها طيح بين ايدين الدياب البشرية لي مغاديش يرحموها الا دخلت لعالمهم(عالم لعهر)خصوصا وحدة بحالها كتفتن اكيد مغاديش تسلم منهم.

ماريا:(شافت فيها مزيان وتحكمت فراسها)شوفي اهاد الشارفة هاد جوج سطورة لي حافظا زيديهم فكر••هادي اول حاجة...تاني حاجة انا جبتك هنا باش تهضري مع هاديك لقطيطة وتليني مخها بلا صداع بلا مشاكل وتوجديها لقحوب وراه اصلا حصل لزام••بوها الشرف خترتها من بين هاد لقحااب لي كيحلمو يخرجو من هنا ويعطوها فابور فمابالك هي لي غادي تكون غير مع صحاب الطبقة وهادا خير دايرتو انا فيها مغاديش نرميها عند خوانز رجلين(شافت فهبة لي كانت على وضعها) هاد لقطيطة كتفتن بنت لحراام حنا نسا وتزعطنا فيها خلي رجال يشوفوها يحكوه مع لحيط..انا درت فيها هاد لخير وهي مجبورة تنفدو ماشي مخيرة (حطات صبعها على راس نعيمة)هاد لخرا كامل لي قلت ليك غادي دخليه فمخها وعندك حتى لغدا نسمع لموافقة من عندها والى غادي ندوزو عليها وحدة وحدة واولهم سوكا راه شاداها بزز..مفهوم دابا نوضي دردبي من قدامي.

نعيمة:(ناضت تجري من حداها ماشية في اتجاه هبة وقلبها كيضرب..اصلا معندهاش حل من غير تقنعها..ملي ماريا قررت تهضر مع نعيمة فهي رأفة على هبة اما لبنات لي دازو فهاد لوضع قبلها مكانتش كتشد معاهم هاد لوقت كامل جوج كلمات كتخسرها عليهم ومن بعد كيلقاو ريوسهم تحولو لمومس بلا هواهم.)

(فوسط حمام زجاجي كيبين لمدينة واضوائها وثلوجها لمتساقطة..فوسط بانيو من سيراميك الاسود وجوانبو محفرين بالدهب كان حاط راسو للخلف على وسادة صغيرة حريرية لملمس مغمض عينيه ومخلي ضو خفيف داير بيه وصوت موسيقى هادئة كتسمع...شاد بيدو كاس من النبيذ الاحمر اغلى نوع شرااب موجود.. معصور ومختار بكل دقة تحت طلبو لخاص..رجع بداكرتو لطفولتو لي فيها بزاااف.. منقولوش كانت سوداء بقدر مكان فيها ايام فرح.. فضل أب كتابت عليه لاقدار انو مايشوفوش توفى فليلة ولادتو بحادث سير لي كان مخطط ليه ومدروس من طرف اشخاص متوعدهم بالجحيم مزااال معرف شكون لي قتل باه ولكين ابحاثو غادي توصلو ليهم مغاديش يهنى ليه بال حتى يعرف مول لفعلة لي حرمو من عطف لأب..غمض عينيه بغضب ورجع حلهم بعدما سمع صوت انثوي كيهضر فميكرو عندو فلحمام بكل هدوء:

....:سي هولاكو ضيوفك وصلو

هولاكو:(جاوبها بكلمة وحدة كيما عادتو مكيخسرش لهضرة بزاااف)اوكي....(ناض كيقطر من كل جانب...رجع شعرو بيديه وحط رجلو فوق لارضية لي كانو فيها مناشف كتنشف لما..خرج صولو كيتمختر على خاطرو عضلات رجليه بارزة وعروقهم واضحين..بوعلام مكلضم قد سخط..كرشو كانت محزوزة بستة عضلات مفصلة كلها شدات مكانها ودرعانو حتى هوما معضلين وكلهم وشااام نازلين على صباع ايديه كل وشم وشنو كيرمز ليه..جر لفوطة لعندو ولواها على نصو وجر فوطة صغيرة مسح بيها وجهو وشعرو..وتمختر في اتجاه دريسينغ لي تحل اوتوماتكي وتوضحت الصورة بشكل كلي على شي لي كيضم ..اخر صيحات لموضة وأشهر لماركات لعالمية..وافضل لمصممين العالميين كانت ملابسهم مرتبة كل رف وشنو كيضم...توجه لرف الخاص بسراول جبد سروال كحل وتوجه لرف لاخر جبد منو تيشورت بكمام طوال لبس صباط فرجليه وحط ساعة فيدو رجع شعرو لور لي كان مزال فازگ ومشا بتمختر من جديد في اتجاه الطابق السفلي لعند ضيوفو لي كانو فانتظارو...غير شافوه نازل من الدروج وقفو من مكانهم والفرحة بانية فعينهم(جيرارد ودياغو رجلين برازيلين كبار فلعمر تقريبا فحدود لخمسينات...كيتيق فيهم هولاكو بشكل كبير هوما ايديه ليمنة فلبرازيل لي كيطرا فهاديك لبلاد السعيدة كيعرفوها واي حاجة فصالحهم وفصالح هولاكو كيعلموه بيها..شادين بزاااف ديال لعصابات ولمافيات كلشي تحت ايدهم سلاح/مخدرات/بيع اعضاء...وبزااف ديال لحوايج ميقدرش حد يوصلها من غيرهم وكلشي تحت أمر هولاكو لي زرعهم تماك وخلاهم عينيه لخفية ومعارفهم حد من غير الناس لي خدامة معاهم وهادشي كلو تمويه من هولاكو باش يعرف شكيجرا من ورا ضهرو..حط رجلو من اخر درجة وتوجه لعندهم..تقابلو معاه ممصدقينش بلي رجع لوحش ديالهم من جديد..اسد لاسود مماتش مزال كيما عاهدوه وكتر ..عامين كانت كافية تخلي منو وحش جسمانيا زاااد كبر عن لقيااس وزاااد زيان وتبوكس خصوصا مع ديك لحية لي ولات سوداء محفوفة بطريقة مضبوطة مع جوانب فكو البارزة..وعينيه العسلية لمايلة لاخضر..نيفو طويل لمقاد تركيبة وجهو رجولية بامتياز...بادلهم لعناااق وتوجهو لمكتب خاص بلاجتماعات.)

نعيمة:(جلسااات بجنبها وايدها كتلمس خصلات من شعرها طايحة قدامها...رفعات وجها بزربة مخلوعة وتنفست الصعداء ملي شافت نعيمة هي لي جنبها..)

نعيمة:فيقتك..سمحيلي ابنتي.

هبة:لا ...مكنتش ناعسة كنت غير كنريح عينيا.

نعيمة:(سكتت شحال ونطقات)بنتي هبة...(يلاه جات تهضر تسمع صوت السجانة كطلب منهم يتوجدو حيت غادي يخرجو لساحة يشمو لهوا)

هبة:(هاد اول مرة غادي تخرج تشم لهوا وتضرب فيها شميشة الدافية..توجهات لمكانها وطلعات ايديها فوق واحد حويط صغير كيحطو فيه حوايجهم جبدات صاك لي جمعات ليها زوهرة وتوجهات لحمام تبدل حوايجها..كلشي داز تحت انظاار شخص مراقبها مدة هادي كيتسنى غير لوقت لي ينفارد بيها..جرات رجيلاتها ودخلات لحمام جبدات بيجامة قطنية حيت ممنوع يدخلو اي حاجة من لحوايج من غير لبيجامات /ملابس داخلية...سدات لباب عليها وبدات تزول حوايجها.. كل قطعة كتنزعها كتبين جمال جسمها لممشوق..بشرة حليبية خالية من اي شوائب...رجيلات صغيورين وگديمات حمر من كترة لبرودة صيقان مقااادين وركيبات بيضين وصغيورين تحلف عليهم ديال شي بيبي مزال مكمل عام....فخيدات مجموعين وحادينهم عضلات أنثوية فكل جانب(ليهونش) مؤخرة بارزة واخدة مكانها بشكل تناسقي مع باقي جسمها...كريشة داخلة محفوفة لجوانب...صدر صغير واقف رويساتو حمرين ورقبة طويلة ممشوقة مزروعة فيها شااامة على جنب كتميزها عن غيرها...جبدات دوبياس بلخف ولبساتهم وجرات بيجامة قطنية شوية تخشات فيها ودارت تقيشرات فرجليها وجمعات حوايجها فصاك وحلات لبال في اتجاه لمغاسل وقفات قدام مرايا مكانتش من زاج كانت مرايا مصنوعة من لبلاستيك لامع لي تقدر تشوف فيه وجهك ولكين ماشي بشكل واضح..والسبب فوضع هاد نوع... هو الخوف من وقوع مشكل بين سجينات ويستغلو زاج ديال لمرايا...عمرات ايديها بلماء وغسلات وجها...كدوز ايديها على بشرتها الناعمة لملمس بيضة بياض تلج وموردة لحنيكات...فم صغيور ومنيفيخ محدود بشامة على جنب سنينات صغيورين وغمازة على خدها الايسر...نيف صغيور وعوينات رماديين كبار معشين فوقهم رميشااات مرتبين طوال ومعنكشين حويجبات غلاض وجبهة صغيرة...جرات فوطتها ومسحات بشوية بقايا لماء لي فوجها...ردات لفوطة وحلات شعرها لي كانت غير جامعاه كعكة من نهار لي شافت انظار نسا ليها فاش تطلق قدامهم مبقاتش كتحلو قدام شي حد وهادي كانت من وصايا نعيمة ليها متحلش شعرها قدام نسا..جرات لبينس لي كانت جامعاه بيه وتطلق على طولتو غطى ظهرها كلو..لمساتو بيدياتها الصغيورين وجمعاتو من جديد بقات شحال معنكشة معاه حتى تجمع ليها...شافت راسها فلمرايا لغير واضحة لملامح..وهزات صاكها بيدها في اتجاه لباب تفتحو...تصدمات من الجرة لي تجرات من قفاها..كانت سوكا.. من ساعة لي دخلات هبة وهي مراقباها متخبية فلحمام لي جنبها وكتصرط ريقها بسيف عليها هيجاتها خلاتها بلا عقل كل شوية تبغي طير عليها ولكين كتفكر هضرة ماريا لي غادي تدبحها الا قربات ليها..بقات شحال شادة فراسها حتى مبقاتش قادرة تزيد..جراتها من قفاها حتى طاح صاكها من بين ايديها...لصقاتها مع لحيط ولصقات فيها.

فوسط غرفة خاصة بلاجتماعات مكتب كبير دايرين بيه كراسى من الجلد لاسود..وعلى راس المكتب كرسي كبير ومنقوش لجوانب..نافذة كبيرة شادة طول لغرفة مغطية بستائر..

هولاكو:(جر كرسيه وجلس وشار بيديه لضيوفو يجلسو)

جيرارد:متصورش شحال فرحنا ملي سمعنا برجوعك

دياغو:كنت حاس بيك مزال معانا...(عينيه كيبريو )

هولاكو:(كتفى انو يهز راسو ليهم ويدخل فصلب لموضوع)علي صيفط ليكم لاثار من مصر ؟

دياغو:اه وصلونا لبارح كلشي حطيناه فلمخزن فساو باولو.

جيرارد:كنتسناو غير اشارة منك ونحطوهوم فلمزاد

هولاكو:مزال لحال شوية...مديرو والو حتى نعلمكم

دياغو:سلاح لي غادي يجي من المانيا شنو غادي نديرو ليه؟

هولاكو:غادي تصيفطوه هنا لروسيا(حك بجنب ايدو لحيتو بشوية ..هاد لحركة عندو كدل على بزاااف.. اكيد كيدور شي حاجة فراسو كيخطط لها)

جيرارد:ولكين هكا غادي تعقد لأمور علينا..

دياغو:فشنو كتفكر اهولاكو؟

هولاكو:(كتفى بكلمة وحدة كيما دايما..تخليك تخمم وتفكر فشي لي كيدور فمخو)كلشي بوقتو مزيان..(جر كرسيه وناض من مكانو شار بيدو ليهم)تفضلو لعشا...(ناضو من مكانهم وتوجهو لسفرة لي كانت مزينة بأطيب الأطباق....كلها شد مكانو وبداو ياكلو ومشاركين أطراف الحديث) 

***********

هبة:(صرطات ريقها والرعدة كتزعزعها كلها كتفيبري الخوف خارج من عويناتها وفيمها كترعد بوحدو)ش..ش...شنو.ب...غييي ...بغيتي!

سوكا:اححح يابنت القحبة كتقيمي...(قربات نيفها كتشمشم فيها)

هبة:عااااااا عاااااافااااك...عاااافاااااك خليني نممممشي...عاااااافاك هئ هئ عااااافاااك هئ هئ

سوكا:شوووش منسمعش صوتك احبي...(حطات ايديها على صدرها كتمعس فيهم)مال جد بوك زوينة بحال هكا..جننتي ديلمي..مبقيتش قادرة نصبر عليك 

هبة:هئ هئ عاااااافااااك....عااااافاااك

سوكا:(قربات منها كتر يلاه جات تبوسها تسمع صوت لبنت كدق فلباب عرفاتهم غادي يخرجو)لقلا••كتخلو ديلمي حتى نبدا نسخن وتجو...(لمسات وجها)نكملو من بعد احبي..وياويل مك يالقطيطة ديالي نسمعك فتحتي هاد لفيم..(تزادت الضربات على لباب شي لي عصب سوكا وخلاها تخرج ساخطة...اما هبة نزلو دموعها بلما تحس على خدودها حاسة بالحگرة والخوف كلشي تجمع عليها..دخلات عليها نعيمة)

نعيمة:بنتي هبة مالكي تعطلتي خرجي خلاص

هبة:(شافت فيها بعينين دامعين )

نعيمة:(شافتها جات تجري )مالكي؟؟

هبة:هئ هئ س...سو..(تفكرت هضرت سوكا وسكتات)و...وااالو..

نعيمة:(مسحات ليها دموعها )يلاه نخرجو..يلاه قبل مجات سجانة

هبة:(مسحات دموعها بضعف وهزات صاكها من لارض رداتو بلاصتو وخرجت مع النسا فاتجاه الساحة )

فوسط ساحة سقفها عالي دايرين بيها اسلاك شوكية وكاميرات مزروعة فكل قنت...فوسطها دريجات من سيما ومكان للعب كرة سلة وممر خاص بلمشي...مراقيبات مشتين فكل مكان كلها هازة سلاح بين ايديها وعينيها مراقبين لداخل ولخارج...

هبة:(غمضات عويناتها بجهد متفادية شعاع الشمس الحارق ..حطات ايديها قدام عويناتها كضلل عليها..جرات رجيلاتها لعند دريجات وجلسات ونعيمة حداها...طلعات وجها لفوق وغمضت عويناتها كتستنشق ريحة لهوا والنسيم البارد لي كيضرب فوجها..بقات مدة مغمضة عويناتها كتحاول تنسى الشي لي عاشتو وتملي رئيتيها بهواء الحرية..شوش تركيزها صوت نعيمة لي كتنادي بسميتها...

نعيمة:هبة بغيت نهضر معاك...

هبة:(حلات عويناتها وشافت فيها )

نعيمة:(بالتردد كبير قرات تشجع وتحاول معاها..خاصها تخرج من هنا باسرع وقت..هبة الا بقات فهاد لبلاصة مغاديش تسلم من ايدين سوكا..واخا منطقات هبة بوالو ولكين الشي لي شافتو نعيمة قبيلة لخص كلشي..دارت لعندها ونطقات)نتي خاصك تخرجي منها اهبة..

هبة:(باستغراب)م..مفهمتش؟

نعيمة:شوفي ابنتي وحدة بحالك مخاصهاش تبقى هنا...دايرين بيك غير ضباع كيتسناو غير لفرصة لي ينهشو فيها لحمك ونتي معندك جهد ليهم..

هبة:(نزلات عينيها فكراتها فشي لي مستنيها من سوكا)وشنو غادي ندير؟؟

نعيمة:(نطقات بثقة)الشي لي بغاتك ديريه ماريا وافقي عليه اهبة..معندك اي حل من غيرو...30سنة غادي ضيعي من حياتك بين هاد لحيوط مغادي تخرجي حتى توصلي 50سنة لا ولاد لاوتاد لاحنين لا رحيم...شوفي ابنتي... ماريا مغاديش تحطك فين مكان..هي غادي تديك لناس عندهم لفلوس.. شحال من بنت هنا مشات وبنات حياتها وشحال من وحدة هنا كتمنى ترأف عليها ماريا وتختارها باش تخرج من هاد لقبر...يابنتي لحبس عندو ماليه ونتي ماغاديش تقدري عليه..وماريا ملي حطاتك فراسها فماغديش تقدري تهربي من بين ايديها وافقي اهبة وعتقي روحك من هاد اربع حيطان سمعي مني ابنتي.

هبة:(عينيها كيبرو بدموع لي تجمعو على شكل نهر كيتسنى لانطلاقة باش يشد راحتو على خدها نااعم..كتسمع وتخمم..هضرات بصوت غالبة عليه غصة كدل على لالم لمجموع فقلبها)و...و..ولكين..غااادي نبيي...نبييع لحمي انعيمة.هئ هئ 

نعيمة:(حدرات راسها بأسى ورجعات هزاتو..ستجمعات عدة كلمات وقالتهم باش تخفف عليها وتهدنها وتخليها توافق..قربات منها بزااف ونطقات)لاساس هو تخرجي من هنا ومن تم تقدري تخدمي عقلك وتهربي..(كحزات عليها بزربة وشافت فعينيها لي بدا عليهم لقليل من لارتياح)

هبة:(سرحات فخيالها تخمم وتفكر الا قدرات تخرج من هنا فاكيد غادي تقدر تهرب..وهكا تنجي راسها من سوكا وتعتق شبابها من 30 سنة غادي دوزهم...رجعت شافت فنعيمة لي كانت كتسنى جوابها على احر من الجمر..مسحات بكفوف تريكو دميعانتها وهزااات ليها راسها بالإيجاب)ا..ان...موافقة.

نعيمة:(كبتات شحال من حاجة داخلها عارفة بل متأكدة انو هبة الا خرجت من هنا مغاديش تقدر تهرب حاولو قبلها ولكين استسلمو لواقع لعهر لي ترماو فيه..الحاجة لوحيدة لي مطمناها أنها غادي تنجي روحها من سوكا..وتطلب من الله يرميها بين ايدين شي واحد يحن عليها ويحميها...رسمات بسمة باهتة على شفاهها وناضت من مكانها بعدما سمعت صوت السجانات كتعلن عن نهاية لاستراحة.)