جو:(طلع حاجبو فيها مستغرب..من فين لفين يقول ليها هادشي!!..هولاكو مبقاااش كيف كاان..عمرو حل فمو لشي وحدة يهضرها ويتحدث معااها الا هادي ولا يسرسب ليها كلشي..صغر فيها عينيه بعدم فهم..ودور وجهو لعند ايفانيا لي مزال سخفانة..رجع دور وجهو فهبة وطلب منها ترجع لبيتها..حنات راسها ومشات في اتجاااه غرفتها..بالها كيخمم ويفكر بشلا حواايج..)
جو:(غير حال فمو وكيشوف..من شوية كانت ميتة..دغيا رجعات فيها روح..صغر عويناتو فيها مزياان وخرج كيتمختر وكل شوية يدور عندها..حتى فزعاتو بصوتها الشي لي خلااه يسد لباب بزربة ويغبر..حطات تيلي على ودنها وحاولت تبين الهدوء عكس الشي لي واقع..
خيسوس:نتي لي سمعي..من ليوم موضوع هاد لقح••يتسد..ديري فيها لي عجبك مبقااتش خدامة لينا...ونتي حسااابك بوحدو..غير صبري عليا نساالي ليك...(قطع عليها وخلاها غادي دوب فمكانها...ماتجي تفكها من قنت..تخرج ليها من قنت اخر..هاد لارا قلباات عليها حياتها كلها...من سااعة لي جاات..جابت غير لمصايب ليها)
هولاكو:(حل ليه شيفور الباب وتوجه لشركة..حط يدو على لحيتو كيحركها بشوية..مبقااش كيف كاان؟ تبدل بزااااف..هاد خيتي خلااتو بلا عقل..عمرو تخيل انو يجي شي نهار ويكون تفكيرو كلو فشي وحدة حتى من خدمتو مبقاااش مركز فيها كيف كاان..هي لي ولاااات شااادة حيز كبير من التفكير وتخمااام عندو...غمض عينيه بغضب ورجع حلهم...مخااصوش يكون هكاااا...الحب والتمعشيق معندو مايدير بيه..هي ليلة وحدة يدوزها معاها بحالها بحاال غيرها وتمشي فحاالها....وقفات لوطو قدام الشركة ونزل كيتمختر..
سكرتيرة:(حلات ليه باب لمكتب ودخلت تابعاها كتجري)نهارك مبروك اسيدي...
هولاكو:صيفطي ليا لبيانات ديال هاد الشهر..ولغي لاجتماع مع الصينين حتى لويك اني الجاي..
سكرتيرة:اوك(خرجات وخلاتو حاني راسو على شي وراااق..بقااا مركز معاهم حتى جاات بين عينيه..تفكر خوفها وشعرها لي. تسرح على يدو..عينيها الرمااديين ورميشاتها طواال...مسح وجهو بيديه بغضب..كيحااول يمحي صورتها من باالو..ناض من مكانو ووقف قدام النافذة الضخمة لي عندو فلمكتب..حط يدو فجيوبو..وشد نفس ورجع رخااه كيحااول يرجع كيفما كاان..غمض عينيه بهدوء..ودغيا جااات صورة شفاها ورطوبيتهم وانتفاخهم بين عينيه..طلعات معاه سخونية من جديد..وطلق انفااس حاارة من نيفو...فتح عينيه بغضب..ودار بسرعة على لمكتب..شتت كلشي لي كان فوقو..وحط ايديه فوقو كيحاول يتهدن..هبة سيطراات عليه..معرفها بلااء معرفها سحر..الشي لي وااقع ليه معاها مالقاااش ليه تفسير..)
«الضلمة طااحت..والنجوم ضواااو على لمدينة..ريح خفيفة باردة..وتلج مغطي كل مكااان..دهنات راسها بكريم مرطب بريحة لفريز..وطلقاات شعرها على طولتو..لبسااات شوميز ستااان فلبيج ودخلات فلبينوار دياالو..رسماات شفايفها بشكل وااضح بعكر حمر..ومصات فمها مزيان..حطات رجليها فصندالة..وخرجات في اتجاه لاسونسير..ستغلات فرصة عدم وجود فلاديمير وجاسمين لي خرجو يتعشاو برا ا..تحل بيها لاسونسير فطاابق السفلي..دورات وجها يمين وشمال ملي تاكدت بلي ماكاين حد..حلات عليه لباب ودخلات..كان ناعس على ضهرو كرشو عريانة وحاط يديه مربعين على صدرو لي كان يطلع ويهبط مع انتضام تنفسو..بدات تسلل بشوية على روس صبااع رجليه..حتى وصلات لراسو..اول مرة تمعن فيه..صرطاات ريقها وشافت فيه بهدوء..ملامح زوينة وروجلية..لحية مرتبة وحواجب كثيفة..نيف مقاد وفم محدود لحوااف..قرباات منو بزااف وجات تلمس وجهو..قرباات يدها منو ودغيا حساات بيه شدها بقوة من معصمها..ووقف ملصقها على لحيط لي جنبو..رافع ايديها لفوق ومزير عليهم..
لوك:(رفع حاجبو)شنو كديري هنا؟
جيلين:(صرطات ريقها)جيت نهضر معااك. ...
لوك:(مزااال على نفس لوضع.. رافع ايديها ومزير عليهم)كنسمع...!!!
جيلين:مبغيتش يبقى بيناتنا شي مشكل..عشرتنا ماشي ديال نهار ولا نهارين..
لوك:(طلع فيها وهبط)وهادشي جاية تهضري فيه بهاد الحالة..
جيلين:(تخربقاات بقات تدخل وتخرج فلهضرة)ع..علاش كتهضر معايا هكا..شنو غاادي يكون غير هادشي لي قلت ليك..
لوك:(بثبات)جيلييييين...
جيلين:(كترمش بزربة وكتشوف جهة فمو..بغاتو يبوسها ويتسرسب ليها)
لوك:(مبقااش قادر يصبر شكلها كان مغري بزاااف..صرط ريقو وتحكم فراسو..مخاصوش يضعف..اكيد كدير هادشي على قبل شي حاجة..جيلين مغريباش عليه..حافضها كتر من راسو..رخى منها وشاف فيها.)..سيري لبيتك نعسي..قبل مايشوفك شي حد هنا..
جيلين:(حلات فمها بصدمة..)ولكين..وااش..(معرفت ماتقول..ستفزها وخربقها..مكانتش ظن بلي حالتها ماحركت فيه والو..مايمكنش..الشي لي كتسمع..هو لي كان يتبع ليها لعين هنا ولهيه..الا قالت ليه يموت يموت...شنو جرا دابا حتى ولا ناافر منها؟؟مقدراتش تصرط ليها..جمعات حويجباتها ونطقات)انا لي حمااارة جاية نهضر مع وااحد بحاالك..(ضربات فيه وزادت غادية..حتى حسات بيه شد يدها)
لوك:(هضر بثبات)انا ونتي كنعرفو مزيان بلي نتي مجيااش على قبل هادشي...جيلين راني حافضك كتر من راسي...(شافت فيه بغضب وجرااات ايدها بزعفة وكملات طريقها)
«بعد مرور اسبوع»
^^لايام كيدوزو بزربة الشي لي كديرو ليوم..كترجع تعاودو لغد ليه..لاجديد يذكر..ولاقديم يناقش..لوضع كيما هو..كلها وفين مشغول..هبة هاد لأسبوع غير فبيتها ماتدخل ماتخرج حدها طواليط او لكوزينة لي كتشبع فيها جوعها..ومرة مرة كتجلس مع جو يتفرجو فنااس يشطحو..واخا تطلباات شحال من مرة من عند رجال صحاح ..ولكين عمر دااود يعااود ايفانيا شداات ركنة..وسمعت لهضرة لي قال ليها جو..بلي هولاكو موصي عليها ماتخرج من لبيت واخا مبقى ضهر مبقى باان من النهار لي خنقها ووراها لموت كيدايرة..ليوم لبواااط فيها لحركة بزاااف سربايا ماشيين جااين يرتبو من هنا ولهيه..كلشي مخربق ومتوتر..لقضية فيها الخليج ونااس ديال للبترول..زايرهم امير والحاشية ديالو...لبوااط غادي يغرق بلفلوس..خصوصا بوجود هاد لامير لي تعود فاش يجي لروسيا يقضي ليلة حمراء ماجنة بكل مافي لكلمة من معنى..
جو:(يمشي من قنت ويخرج فلاخر..كيعطي اوامرو لخدامة ولبنات يتوجدو..ليلة ماشي ليلة عادية..حط يدو على جنبو ومرتب لبنات جنبو)سمعوني مزياان..لعرب ماشي هوما لگور..غاادي يغرقوكوم فلفلووس ولكادواات..الشي لي غادي ديروه هو تسمعو لهضرة وتنفذو الشي لي مطلوب منكم بلحرف لوااحد..هاد لامير اول مرة يزورنا...لبوااط غادي يغرق فلوس..ولي ختارها لامير هاداك هو نهار السعد عليها..كلامي وااضح(هزو راسهم بلايجاب..شاف فهبة لي شادة ركنة وكتشوف فيهم..هي معفية من هاد السهرة لماجنة..شاف فيها مزياان وخرج في اتجاه مكتب ايفانيا)
ايفانيا:(تيلي على ودنها وكتهضر..سالات مكالمتها وشافت فيه)اووف عييت..ياربي دوز هاد ليلة على خير..
ايفانيا:معندنااش هنا شي وحدة تشطح الشرقي..حتى من جيهان لي كنت مهنية من ناحيتها..ماتعرف من فين تجيه..
جو:والله الا نسيت بلي ضروري من شي رقاصة..هاد لخرفاان كيبغو تكوااز وتلواااز...
ايفانيا:(شافت فيه)والحل؟؟
جو:(بقا كيشوف فيها شحال وصرط ريقو بشوية)هي وحدة مكاين غيرها لي تقدر تنجينا من هاد الحصلة..ولكين نخااف نخرجها نصدق مختن....
ايفانيا:(جمعات حويجباتها باستغراب)شكون؟
جو:(نطق سميتها بشوية)لارا....
هبة:(جالسة فلبيت كتلعب بواحد الشعرة مهودة على وجها..صوت لموسيقى مجهد ولغواات حتى هو..مهتمااش لشي لواقع برا..لاساس انها مهنية ومغاديش يلمسها شي حد..وقفات قدام لمرايا ودوزات صباع ايديها على فمها لمنيفيخ..تفكراات شفايفو وسخونيتهم..شداتها تبوريشة..وقلبها بدا يضرب..تبسمة على جنب حتى بانت غمازتها لي كانت مخفية فضل لالم ولاسى لي عااشتو..تحل عليها لباب على غفلة وشافتو داخل لعندها كيتبسم:.
جو:زين..كلشي مزيان..
هبة:(هزات ليه راسها بالإيجاب)
جو:(معرف من فين يبدا بقا غير كيضور عينيه يمين وشمال).
هبة:ماالك؟
جو:(جرها وجلسها فوق لفراش)لارا..طحنا طيحة خايبة ومكاين لي يعتقنا من غيرك..
لارا:(جمعات حويجباتها باستغراب)
جو:كيفما كتعرفي لحواالا جااو..ولكين مناشطينش كيفما بغيناهم..لفلوس ماتعطااتش بشكل لي بغينا..ومكاين لي يعتقنا من غيرك..
هبة:(صرطت ريقها وشافت فيه بخوف)بمعنى...
جو:لي بغيت نقول هو خاصنا شي رقااصة تكون تصرع الشرقي..ولبنات لي هنا ميكعرفوش ليه..الشخص لوحيد لي جا بين عينيا هو نتي..شفتك كتشطحيه باحترافية..ونتي لي تليقي لهاد لمهمة..ونواعدك مغااديش يحلم شي ولد لمرا يلمسك ولا يديك معاه..نتي غير غادي تشطحي وترجعي لبيتك..تفاهمنا..
هبة:(هزات راسها بلايجاب..ملي مغادي يلمسها حد فمهمتها بسيطة..عطاها لبسة خاصة برقص الشرقي..كانت فلحمر..صاية طويلة محلولة من جانب وااحد بااين فخدهااا كلو خاارج منها..وسوتياام ديالها مرصع بحجيرات كيلمعو..طلق ليها شعرها كلو لي غطااا مؤخرتها وفاتها..وصايب ليها مكياج كيتماشى مع لبسة..وبقا وااقف مكوانسي فمكانو..
جو:اناااري الارا...انا لي زويم•• وقيمتيني..اويلي ليوم يتحطو فيك لملايير (كيطلع فيها ويهبط..كانت بحال شي حورية..صاية مزيرة عليها من جهة لمؤخرة لي خرجاات بشكل مغري..ليهونش باانو بشكل وااضح ولكريشة مسرحة باينة غير سرتها لي فيها حلقة كتبري..صدر واقف وخارج..وكيبان بشكل سيكسي مع هادوك لحجيرات لي فستياام زادوها اغراء على اغراء..رقبتها بان طولها بشكل وااضح..ووجها بانت ملامحو بشكل بااارز..فيم منيفيخ بلون لغوز لبارد كيلمع بلگلوس..حنيكات موردين بفراجو وزادهم توترها ولاو بحال لفريزاااات..رميشااات كثيفة وعينين وااسعة رمااادية لعدسة...شعر اسود فاايت المؤخرة..كانت لوحة متقونة الرسم..ابدع رب العزة فخلقتها..
جو:(بتوتر وخوف..كان متأكد بلي هاد ليلة مغاديش دوز على خير خصوصا ملي شااف شكل النهائي لهبة فهاد لمنظر..كان غاادي يتراجع ويطلب منها تجلس معندو جهد لصداع ولمشاكيل..هضر بتوتر وخوف)ياربي دوز هاد ليلة على خير ياربي...
جيهان:(دخلت عندهم على غفلة..خرجاات عينيها بصدمة واعجاب وغيرة..لهضرة مشات ليها..ونساات الشي لي جاية ليه..منطقت حتى سمعت صوت جو كيغوت عليها)
جو:واااش غاادي تبقاااي مسمرة تماااك هضري خلااص..
جيهان:م..مدام..مدام ايفانيا قالت ليك خرج لارا بزربة..لوصلة دايالها غادي تبدا..(طلعات فيها وهبطاات مزيان ..وبقات متبعة ليهم لعين خارجين وهي وراهم)
جو:(كيوصي فيها)متخاافي..مترهبي..غير غاذي تغمضي عينيك وتندامجي مع لموسيقى 10 دقايق بلحساب الارا مغاديش تفوتيها..متسوقي لحد وماتشوفي فحد..غير غمضي عينيك وشطحي..(شاف فيها مزيااان..مزاال متردد واش يخليها تطلع لمنصة ولا يرجعها...نفخ بخووف وطلعها من لباب الخلفي..لطابق لعلوي لي كانت فيه منصة صغيرة على جنب..تسدات ستاارة على طول لمنصة..وبداات لموسيقى الشرقية كتعزف..لامير والحاشية ديالو وبعض اغنياء روسيا وجهو انظارهم لجهة لمنصة في انتضار فتح الستار)
هبة:(طلعات للمنصة..ودوزت نضرها لبعض اشخااص شادين الالة خاصة بهاد النوع من لموسيقى..نظراتهم ليها وتروها..صرطات ريقها وعطات بضهرها للحضور..وخلات وجها مقابل مع أصحاب لالات لي بحلقو فيها بإعجاب..غمضات عينيها..وهزات ايديها لسما بدات تسمع لموسيقى وتحفظ الريتم فعقلها..حتى عرفت الوتر الموسيقى لي غادي تمشي عليه..بداات الستارة تتحل ..وضو كبير توجه لعندها..عاطية بضهرها للحضور..ومغمضة عينيها..كون تشوووف النضراات ولعينين لي كتلتاااهم مؤخرتها وشعرها..كون شحاال هادي هربات من لمنصة..بدات تتحرك بحركات احترافية ومتقونة كل ضربة موسيقية كتعطيها حقها..دورات جسمها لعندهم..وساالو ريوگهم..كلشي تحل..وحل فمو...ماعرفوها انس ولاجن..ماعرفوها من نساء الدنيا ولانسااء الاخرة..بدات لفلوس ترمى فلعاالي..ولاصواات تتعالى..كلشي مبهور ومبحلق..جو وايفانيا شاادين لقنت وكيشوفو هوما براسهم وقيمو عليها..عساك الرجال لمشتين..لامير مبقااش هناااا..مخو طاار..وعقلو مشااا...بقاا غير متبع معاااها وكيحرك راسو يمين شمااال...لاتجااه لي مشاات ليه عينيه كيتبعوهااا...ناض من مكانو..وحدااه مسااعد ديالو غير كيحط يدو ولمساااعد كيعطيه رزاامي ديال لفلوس..عينيه عليها ولفلوس تشرشر فوق راسها..لدرجة انهم خربقوها وعنكشوهااا..زبااابل دياال لماال مرمية عند رجليهااا بمجرد انها كتلوز يمين وشمال..وملاين ديال الناس ملاقيين حتى جغمة ديال لماء..ايفانيا..عينيها وسااعو بلفرحة...وقلبها كيضرب..كتشوف لملاير مشتا عندها ولخدامة كيجمعو فصيكان مهمتهم هي هاادي..
هبة:(شاافت ناار شعلاات وتصدماات من المنظر لي كتشوف..شرارتها وصلات لرجاال لي جالسين لي بدااو غير ينقزو ماعرفو منين يخرجو..جرها بجهد من دراعها في اتجاه لباب لخلفي لي كان حدا لمنصة..هبط منزلها مصدومة مازال مستوعباتش الشي لي داير بيها..خرجها بين نااس كيدفع فيهم يمين وشمال..خايف لايقيصها شي حد او يلمسها بلغط..وقف واحد من رجالو لوطو قدام رجليه وعطااه سوارت..ركبها حداااه وطاار بيها..مخلي غير دخااان ورااااه...عينيه نقطة حمرة..عرووق جبينو بااارزة بشكل واضح..وانفاااس حاارة كيخرجها من نيفو...كلما تفكرها كتلوز وتشطح قدامهم..كلما ضرب لفلوون بجهد...كيحس بناااار شاااعلة..كان كيضن بلي غاادي يبرد ملي حرقهم..ولكين بلعكس عاد مزاادت الناار كتاكلو فقلبو...دور وجهو عندها...شافها مخشية فلكرسي وكتبكي..طلع فيها وهبط بغضب..عرف راسو غااادي يعجنهاااا فمكاانها...زاااد عفط على لووطو...ويدو كضرب لفلون بغضب..بااغي يبرد ويفش غضبو ولكين مقدرش..وقف بجهد..حتى كان راس هبة غااادي يخرج من الجاج...دار عندها ونطق بحدة :
جو:(بدا يبكي ملي تفكر الشي لي غادي يدير فيه هولاكو) هئ هئ انا لي مشيت فيها هئ هئ انا لي طلبتها تخرج (ضرب فخاادو وبدا يبكي)ليومة نمووت هئ هئ ليوم يقتلني..هئ هئ اويلي وعدي شداااني نقرب ليهاااا شدااك اجو شدااااك..هوما حرقهم..وحنا غاادي يشويناااا هئ هئ. الله اربي مازال مافرحت بشبااابي..هئ هئ..
(دخلو بعض رجاال الشرطة لعين لمكان..بعدما تاكدو من إخماد الحريق..بداو يجمعو فلادلة لعلى وعسى يعرفو سبب لحريق..لحقو عليهم بعض رجال الإسعاف لي بداو يخرجو لجثث..ايفانيا غير شاافت نااس مشوطين مخرجينهم..طاحت على ركابيها سخفاانة..جو طلقها فسرواالو من قوة الخوف لي كيحس بيه. بااينة نهايتو كيغاادي تكون..بدات الصحافة تصور..وكاميرات القنوات الاخبارية تنشر اخر المستجدات فهاد الحااادث..وكلشي كيسول على لامير لخليجي وااش ماات ولا مازال عاايش..ماهي الى لحظات حتى خرجو جثة دياالو متفحمة فااخرة سودة..داروه فخنشة بلاستيكية خاصة بلامواات ودخلوه لاسعاااف مخليين ورااهم صحفين كيناقشو السبب الرئيسي فلحريق لي كان السبب فهاد العاقبة المأساوية لي نهى حياتو بيها)
هولاكو:(جامع هاديك الشوفة بين حجبانو وكيهضر بحدة شديدة..مهدن راسو بسيف عليه..حااس بلي غااادي يخليها عجينة.. حط يديه على لوطو من الجانبين كيمنع عليها تمشي وهضر بصووت غليض كيبين كمية لغضب الداخلي لي حاابسو)علااااش خرجتتتي..؟
هبة:(حدرات راسها..ونزلات عينيها لارض..جمعات صباعها ومعرفت بااش تجااوب..خاافت لاتشري سلووك لجو وايفانيا..وهو غير كيتسنى السبة عليهم..فزعها صوتو لي نطق من جديد بغضب)واااااش كنهضر مع لحييط...واااش بااغية تجنيي ديلميييي(ضرب يديه بجهد على لوطو من جهتها حتى فزعاات وبدات تبكي..مسح وجهو بيديه..وزفر بغضب..خااصو يبرد..خااصو يتهدن...خااايف لا يدير فيها يدو يصدق مخرج فيها شي عاااهة..مبااغيش يلمسهاااا..مبااغيش يضربها..رجع مسح وجهو بيديه..وكينفخ ويمشي ويجي..ومرة مرة كيضرب برجلو روايض طوموبيل بزعفة..يدو دمها ساايح..غير مبالي بالمها بتاتاا...كيضرو قلبو كتر منها ..رجع وقف عند راسها بعدما حس براسو تكالما شوية..شاف فيها كترعد وخاايفة..حاول يخفف من حدة صوتو ونطق:
هولاكو:(قرب منها بزااف حتى حس بانفاسها لخايفة كضرب فوجهو)واااش مكفاكش لي تقتل لحد الساااعة..؟؟وااش مازال بااغية نحرق ونقتل كتر من هكاااا؟؟هضري..متبقااايش سااكتة...
هبة:(اكتفت بصمت قلبها كيزدح بلخلعة..ضغطااات على شفتها بتوتر..حركة عفوية منها...)
هولاكو:(دوز يديو على مؤخرة رقبتو ..وحاول مايشوفش فيها..هاد الحركة لي كدير نقطة ضعفو حتى ولا كيحس بلي كديرها بلعاااني..تحكم فراسو ورجع لور شوية..شااف فيها مزياان وشعلات ناار من جديد فيه...منظرها مغري بشكل يبنج لعقووول..احسن حاجة هي تغبر من قداامو فهاد اللحظة)طلعيييي...
هبة:(بحال الا رجع فيها روح...دغيا حلات لباب غادي تطلع حتى رجعت سمعت صوتو)تسناااااي...
هبة:(رجعت لمكانها من جديد ولصقت ضهرها مع لوطو..شافتو كيقرب منها..بزااف حتى وصلها..حل سلسة ديال لفيستا وحيدها..جرها لعندو من جهة خصرها حتى تضرب راسها مع صدرو..دخل ايديها فلفيستا بشوية..وسدها ليها..ودار ليها اشارة براسو ترجع تطلع ..وداكشي لي كان رجعت تخشات فلكرسي غادي تموت فمكانها..ورمقااتو متكي على لوطو..كيلوي فاصمة على يدو..ويد لوخرا جبد بيها سيغار حطو ففمو وبدا ينفخ دخاانو.
لوكاس:(مجبد على لفوتااي وخاشي تحت يديو قحبة..كتمص شحمة ودنيه..ومتكية عليه كتنهج..قيماات عليه..وهو مخليها على خاطرها..لقاتو عياان هاد النهارر..اما كون وراها لكوا شكيسوا..جر تيلي عندو..وحطو على ودنو:
شخص:ميستر..كاينة واحد لاخبار معرفتش وااش تفيدك..
لوكاس:كنسمع..
شخص:بواط فيلينتا تحرق..كانو فيه شي خليجين..وتحرقو..حتى من لامير لي جا خرجوه متفحم..
لوكاس:اووف الله يرحمهم..
شخص:ولكين..على ماسمعت من رجال...سي هولاكو هو لي حرقهم..!!!
لوكاس:(دفعها من فوقو حتى طاحت على قزيبتها)شنوو؟؟؟واااش متاكد؟؟
شخص:اه..واحد من رجاالو لي كانو معاه هو لي قال ليا هادشي..وشفتو بعيني خارج من لبواط جار معاه واحد لبنت باينة فيها رقاصة
لوكاس:(مسح وجهو بيدو..مبقا فاااهم واالو..شنو السبب لي يخلي هولاكو يحرق لبواط؟؟؟ لملم نفسو وهضر)هادشي ممنوع يسمعو شي حد ..والا ريوسكم غادي يطيرو.
•••••••••••••
جيلين:(سداات لباب بجهد ودخلات كتحنطز معصبة من برودو معاها..خطتها منجحاتش معاه..ولي خطات ليه فشل..حيدات بينوارها..ودخلات ففراشها...سارحة فخيالها وتخمم..سمعت صوت تيلي كيصوني ..كان جو لي عيا بلاتصال عليها...نفخت بزعفة مافيها لي يهضر..عصبها صوت تيلي وحلات الخط بزعفة:
جيلين:واخا هانااا جاية...(دخلات لدريسيتغ تلبس..لقضية فيها هولاكو..بالها ماغادي يرتاااح حتى تعرف شواقع)
هولاكو:(كمل سيغارو..وحس براسو برد شوية..عفط على لباقي من سيغار وشاف فيها..مكمشة فمكانها وحانية راسها..حل لباب وجلس مكانو..شاف فيها..ورجع شاف فطريق..حك لحيتو بيدو بطريقة خفيفة ..ورجع شاف فيها..كان راسها مايل لجهتو..وشعرها طايح على وجها..داتها عينها وغفااات كان نهااار طويل ومتعب عليها..نهار مليااان خوف ورهبة..حبس لوطو بشوية خاايفها تفيق..وقرب منها..غمض عينيه وستنشق ريحتها...ريحة باااردة وخفيفة...دوز صباع ايديه على شعرها..جر شوية منو..وقربو من نيفو..كيشمشم وهو مغيب..بعد شعرها من وجها..ودوز صباااع ايديه على بشرتهااا بشوية..كيحس برااسو كيلمس شي بيبي صغير يلاه تزاااد...حط صبعو عند فمها ولمسو بشوية..ورجع حط صبعو على شامتهااا لي جنب فمهاااا..نطق بصوت خفيف وفيه بحة مخدرة..
هولاكو:من فين طلعتييي لياااااا...من فين خرجتيي؟؟؟(شاافها جمعااات حويجباتها ورجعااات رخااتهم..غمض عينيه ورجع حلهم.وتنهد بتعب...عفط على لوطو ومشا بيها في إتجاه لبواااط..مزاال مساالا حسابو معاهم..هوما لي كيقلبو عليه..حذرهم مامرة ماجوج..غير مازايدين فيه.. متوعهدهم بالويل...وغاادي يوريهم نجوم ضحى فعز ليل..وقف لوطو بجهد قداام لبوااط حتى فزعها..وخلااها تفيق..لاسعااف واقفة ولبوليس حدااها..خرجو الصحافة من عين لمكان وحتى لبشر لي كان مجمع قدام لبوااط..فرتكو الجوقة لي كانت مجموعة قدام لبواط...خلاو غير صحااب لاسعااف لي كيخرجو الجثث..خرجاات تابعااه كدور عينيها يمين وشمال..شافتهم مخرجين جثث مفحمين..معالمهم تمحاااو بقوة لحريق.. دايزين من حدااها وكيجرو بيهم.. خلعها المنظر وغمضات عينيها بخووف..مشعرات براسها..حتى تكمشات فيه من ضهرو..دور وجهو عندها..عرفها ميتة بالخوف..جرها لعندو..ودخلها تحت دراعو وزير عليها..وحط يدو على راسها..مانع عليها تشوف..وتم غادي بيها داااخل ممسوقش..وممهتمش..الجثث كيدوزوهم من قداامو ممحركين فيه واااو..زاد دخلها فصدرو ودخل بيها لطابق السفلي لبوااط..متأكد ومتيقن بلي غادي يلقاهم تمااك.
«دخل محاوطها تحت دراعو..ومخبي وجها بااش متشوفش الجثث لي منزلين..ماعرفت منين تشدو..مرة حنين مرة قاصي...ماعرفت طينتو من لبشر كيف عاملة؟وصلو لنص الطريق..وبدات تبعد راسها عليه..شاف فيها..وجر رجليه لممر لغرف..شاف فيها بلغة امرة ونطق:
هولاكو:دخلي..متخرجيش من هنااا...
هبة:(شاافت فيه وعرفاتو غادي يمشي لايفانيا وجو..نطقت بصوت هادئ)و..ونتااا..فين غادي!!
هولاكو:(صوتها كيبنجو...هاد خيتي قلبااات زام••بوه مابقى عاارف راسو من رجليه...كيجي يبعد..ترجع تجرو...غير صوتها ودار فيه حاالة..عسااك ياحاجة اخرى..نطق بحدة:
هبة:(جراات رجليها باستسلام ودخلات ..خلات عينيه مراقبينها حتى دخلات ورجع دخل لعند ايفانيا لي كانت مع جو حالتهم حاالة...غير شاافوه دااخل..طااح فيهم النص..جو محس براسو ..حتى شااف لبول مهود معااه..وايفانيا..سكراات لموت حساات بيهم كيعيطو ليها من بعيد...
هولاكو:(سد لباب بجهد..حتى ترفعو..وبدا يقرب منهم)
جو:(غير شاافو جااي..مشااا يجري عندو..وركع عند رجليه يطلب ويزااوگ)هئىهئ هئ عااااافااااك..كنترجااااك سامح لينااا...غير هاد لمرة هئ هئ
ايفانيا:(غير شافتو ترمى عند رجليه..تباعتو تجري حتى هي..تطلب وترغب..يسمح ليهم ويعفي عنهم..)
هبة:(مقدراتش تجلس فمكانها...صوت بكاهم وصل لعندها..وضرها فقلبها..مبقااتش قادرة تجلس ..حلات لباب ودخلات عليهم..هاز سلاحو عندهم..وقريب يتيري فريوسهم...غير شاافها واقفة قدام سلاح ..جنون لعبو فوق راسو..
هولاكو:بعددددددي....بعدددددي....
هبة:(كتبكي)عااافاااك هئ هئ خليهم...انا سبب ماشي هوما هئ هئ عاااافاك..
هولاكو:بعددددددي...(كيهضر بغضب..رجع لحالتو من جديد وهاد لمرة كتر..جااب لي يهدنو ويكالميه...شافتهم كيبكو ومخشيين فبغضيااتهم لموت كتعيط ليهم ..وهاد لمرة مايقدر حد ينجيهم..معرفت مادير..من غير انها تقرب ليه بزااف..وتطلع على رووس صبااع رجليها...شداات وجهو بين ايديها..وجرااات شنايفو عندها...حركة عشواائية من عندها..مكانتش حاسبة حسابها ولا مخططة ليها..ولكين خاص لي يوقفو..ويخليه يتراجع عن الشي لي غاادي يدير!!..حركة وحدة قدراات تحل عليها ابوااب جهنم..ويمكن ابواااب لقبر لي مستنيها..خصوصا مع هاد الشوفاااات لي كانو كيختارقوهااا بشكل مخيييف من بعيد..وشكون من غير جيلين..لي تحولت لوحش فهاد لحظة.
جيلين:(نااار خارجة من عينيها..جمعت ايديها قبضة..وقلبها كيضرب..ربطاات حويجباتها بغضب..وعينيها حمرين...كيتسمع غير صوت تنفسهااا الملئ بالشر...دغيا تخبااات قبل ميشووفوهاا..وخرجاات من عندهم وحدة اخرى..لارا ماغاديش طول فهااد الدنيا..والا كانت كتنسى تأثر على لوك باش يعاونها..فهاد المرة غادي تصرف راسها وبوحدها...رجعت لطوموبيل ديالها...وبدااات تحك فجسمها...وقت الجرعة هو هادا..فتحات صااك ونسااات بلي تقاااضى ليها لكوكاايين...شداات فراسها لي غااادي ينفاجر وبدااات تنتف فشعرها وحنوكهاااا مباااقتش قادرة تصبر..حطات تيلي على ودنها وطلبات الشخص لي موالفة تشري من عندو إدمانها..طمنها بلي غادي يوصلها ساااشي فلحظاات فلمكان لمعهوود..خدماات لوطو وسبقااتو لعين لمكان.
••••••••••••••
هبة:(غمضاااات عينيها..وحطااات شفايفها على فمو..كلما حساات بيه غادي يبعد كتزيد تجرو عندها..حتى حساات بيه ترخى..ويدو لي شادة سلاح بداات تنزل...فتحااات عينيها بشوية وبعداات ببطئ..شاافتو كيرمقها بنظرااات ممفهومينش..ورجع طلع عينيه فجو وايفانيا لي تخربق عليهم كلشي..رجع شاف فيها..ومد ليها يدو..فهمات قصدو وحطات يدها فيدو..وجرها وراه بعدما رمقهم حتى غرقو فحوايجهم..خرجها وشد بيدها مزير عليها ..دخلها لبيت وسدو..شاف فيها وبدا يدوز على شعرها بشوية..
هولاكو:(عينيها دوخوه..صوتها وهضرتها ولحركاات لي كدير لحويجباتها..جابو ليه تمام..جر زغبة من شعرها ولواها على صبعو بشوية..غمض عينيه ومبقاااش قاادر كيحس برااسو كيسخن عليه لحال فاش يكون حداهاااا..اخرتو على ايديها مافيهااااش..گاااع النفخة لي فيه كتفش ملي تكون معاااه..قلباات حيااتو وهاد لحقيقة ماباغيش يقنع راسو بيها...خاصو يهرب من هااد لوضع قبل مااطااح كتر من هكا..نطق بهدوء).
هولاكو:لا..مغااديش نولي ليهم...سيري دابا تنعسي..
هبة:(حنات راسها ومشات تبدل حوايجها و تنعس..خلاتو خرج مخربق..خاااصو يهرب..وينجي نفسو من سحرها ..قربها غير كيدمر فيه..مرة قاتل مرة حاارق..هااادشي مبقااش كيطمن..اكيد مغاديش يتجراو يحومو عليها مرة اخرى...الشي لي شافوه منو هاد ليلة غاادي يخليهم يشدو اطونسيون ويبعدو منها...خرج من لبوااط وخلا لبوليس داخلة لعند جو وايفلنيا غاادين بيهم لتحقيق.
«هااااهي الشميشة الداافية بدات تبان وسط غيوم مجموعة عليها..كتمنع عليها الضهور بشكل كلي خصوصا مع هاد الجو لممطر بزخاات تلجية...رجع رااسو ورا لكرسي وغمض عينيه..اتخد قرارو ومغااديش يعاود يرجع فيه..خااصو يبعد منهااا قبل مايطيح كتر من هكاااا...حس بيه دخل وجلس فلكرسي قبالتو...هضر بلما يحل عينيه..
هولاكو:(بهدوء)فين كنتي غااابر...
لوكاس:(بسمة جانبية)انا موجود..نتا لي بقيتي كتغبر ..(طلع حاجبو)فين كنتي لبارح؟؟
هولاكو:(حل عينيه ببطء وشاف فيه)فدنياااا....
لوكاس:كلنا فيها...
هولاكو:(عرفو كيقلب من وراه على شي حااجة..رجع هضر ويدو تحت ليحتو كيدوزها ببطئ)فين وصل لاوطيل..؟؟
لوكاس:تقريبا كمل..خاصو غير السمية وتحدد نهار لافتتاح..
هولاكو:مزياااان..
لوكاس:(شاف فيعينيه ونطق بستفهام)فرااسك لي وقع لبارح؟
هولاكو:(هز حاجبو)
لوكاس:تحرق بوااط فيلينتا..وماتو فيه شي خليجين..ومعاهم لامير لي جاا..خرجوه جثة كحلة.
هولاكو:(ببرود تااام)وباااش فايدني هادشي..!!!
لوكاس:اخترت اني نعلمك..لعلى وعسى تبغي تعرف السبب..يااك ماتكون شي مافيا ولا تصفية حساباات(مركز مع عينيه)
هولاكو:(بعدم اهتماام وبرود كلي..شاف فيه ودور عينيه لجهة النافذة لي كانت كتبين التلج الطايح)
لوكاس:(معرفش كيدير معاااه حتى يعرف السبب لي مخليه يحرق لبوااط..هولاكو عمرو خبى عليه شي حاجة..لوكااس ماشي اي صديق..لوكااس اخ حافظ اسرارو ويدو ليمنة..لكين هاد لفترة حس بيه تبدل عليه..مابقااش كيف كاان..سمع صوتو كيهضر..
جورج:ملي خيسوس واقف على هادشي براسو..يعني معندنا مناش نخافو..
فلاديمير:هاد الهضرة سمعتها من قبل وشنو وقع..
جورج:(حنا راسو..)يمكن معجبااتوش..
فلاديمير:لي نعرف انا يخرجو ليا هادوك الاتفاقيات باسرع وقت..كنحس براااسي مربط من جميع نواااحي..
جورج:غير شوية الصبر..مكلعبوش مع شي حد لي سااهل..
فلاديمير:(تنهد بغضب..وناض من لكافي في اتجاه بااب الخروج)
••••••••••••••••••
جاسمين:(طالعة مع الدروج في اتجاااه بيتها..دقات عليها بشوية ودخلات..كانت مرمية رجليها مفرقين وشعرها مطلوق على لمخدة..تحنات عندها وتبسماات دوزات ايديها على شعرها وبدات تفيقها:
جاسمين:حبيبة...نوضي بااراكا من النعاااس..جيلين...نوضي(بداات تلمس شعرها وتحاول تفيقهاا..)جيليين...راه 10 هااادي نوضي تفطري..(مبغااتش تنوض..تنهداات باستسلام..وجات نايضة في اتجاه باب لخروج..رمقاات عينيها صاشية صغيرة مرمية مكبوبة منها حباات ..جراات رجليها لعندها وهزاتها..شكها تأكد وكان فمحلو ملي قرباات صاشية لنيفها..خرجااات عينيها على جهدهم..وصرخاااات باعلى صوتها:
جاسمين:جييييييلييين...
(فاقت كتكسل فوق فراشها..رمات لغطى ومشات لطواليط لي كانت خارجة منو جيهان.. خنزرات فيها مزيان ومشات..مفهماتش مالها ولكين مهتماتش ليها...جرات رجليها لداخل طواليط قضات حاجتها..وغسلات وجها..وخرجات في اتجاه لكوزينة تفطر لبناات مجموعين وكيتوشوشو بيناتهم..معارفينش واش مازال غادي يخدمو ولا لبواط غادي يتسد..شدات مكانها وبدات تاكل فصمت..حتى شاافوهم داخلين عيااينين ..عينيهم منفوخين بالتعب..وتحت منهم كحل..
البنت:(نطقات بخوف)وااش مغاديش يبقى لبوااط خدام اجو.؟؟
جو:(شعل معاها)شكون قالها ليك؟؟بوااطنا عمرو يتسد..ليوم عندكم خدمة بليل..(كلشي استغرب من هضرتو..مازال مادزت حتا 24 سااعة على لواقعة وغادي يرجعو لخدمة)
ايفانيا:(نطقات بصوت متعب)غاادي يتحل غير هاد الطابق..طابق لي تحرق غادي يتسد حتى يتقااد..وليوم بليل غادي تخدمو كيفما موالفين..
البنت:معرفوش السبب فلحريق؟؟
ايفانيا:'(شافت فهبة لي حانية راسها)عطل كهربائي..دابا فطرو وقاضو حالتكم بينما وصل ليل..وهاد لموضوع يتسد ..(بداو ينوضو وحدة ورا وحدة حتى بقات هبة لي كانت حتى هي غادي تنوض..حتى سمعات صوت ايفانيا.)
ايفانيا:سبقيني لمكتب.!!!
هبة:(حنات راسها ومشات في اتجاه لمكتب..وجلسات كتسناها تجي...ماهي الا لحظات حتى دخلات لعندها..كتخنزر فيها مزيان..جرات كرسي وجلسات:
ايفانيا:(كتشوف فيها)بيناتكم شي حاجة؟؟؟
هبة:(طلعات عينيها بزربة وحركات راسها بالنفي)لا..
ايفانيا:طلب منك تجي لعندو؟؟
هبة:لا مقال ليا والو...
افانيا:(مبقات فاهمة والو..السيد باينة فيه مزعوط فيها..مرة قاتل الونسو مرة حارق ليها لبوااط..ومع ذلك مطلبهاااش لعندو..شافت فيها وطلبات منها تمشي لبيت..بينما ايفانيا شدات ركنة وواعدت نفسها متزيدش تخرجها لشي حد..وملي قلب عليها خيسوس فمبقااش مهم تعلمو بلمستجدات فموضوعها..اللهم تشري السلامة لحياتها..الشي لي شافتو لبارح..عطاها درس عمرها تنساه)
هبة:(شداات ركنة..وكتشوف فجيهااان كتوجد لبساات كسيوتها...وبدات مضاربة مع الصندالة..قربات منها وهضرات)جيهان..مالك معايا؟
جيهان:ماماليش..(اكتفت تجاوبها بلما تشوف فيها)
هبة:وااش درت ليك شي حاجة بلا قصد مني؟؟
جيهان:(وقفات قداام لمرايا كتصايب عكرها..شافت فيها وخرجات خلاتها مصدومة فمكانها..رجعات لمكانها وجلسات ..دغيا جات صورتو بين عينيها..ايديه لكباار لي حاوطوها..وشفايفو سخاان..صدرو الدافي..وصوتو لحنين..تبسماات بلاشعور وغمضاات عينيها..ورجعت حلاتهم..كتحس بالتبوريشة..وقلبها كيضرب بزربة..وقفات قدام لمرايا..وبقات كتشوف فراسها..حنيكاتها موردين وكترمش بشوية..سارحة فخيالها وتفكيرها...معرفاتش منين جاتها الجرأة حتى بااستو..وقفاات من مكانها بتوتر..وشداات فقلبها لي غادي يسكت..دخلات لطواليط تغسل وجها وتصحصح شوية...
••••••••••••••
«وقف لوطو قداام لبوااط..وخرج رجلو منها...دور عينيه فلواجهة لعلية..كانو مغطينها ببلاستيكة كبيرة بيضة..كيخفو معالم لحريق...جر رجليه ودخل..كيدور عينيه فالناس لي كيشطحو ومغيبين مع الشراب...واخا الشي لي وقع ولحريق لي شوط الناس..رجعو خدامين كأن شيء لم يكن..حتى نااس ماشي من لعاگزين جاااو يشطحو وينفسو عن روتين الحياة..تمشى بخطوات تقاال لجهة لمكتب..كان متأكد بلي غادي تكون تما..حل عليها لباب وشافها كتهضر مع شي كليان كيتفاهمو فتمن..ناضت من كرسيها وطلبت منو يجلس:
ايفانيا:مرحبا بسي لوكاس عندنا..
لوكاس:(مد ليها يدو وجلس قبالتها..طلبات من ضيف يتفضل حتى تسالي وشافت فلوكاس)
ايفانيا:شحال هادي مزرتينا...ياك ماتكون سلعتنا معحباتكش اخر مرة؟
لوكاس:نو بالعكس..داكشي عندكم.كيجيني على لگانة..ولو كان ماشي هكا..ماكنتش جيت لعندك..
ايفانيا:'(ضحكة من قلبها بفرحة..لوكااس كليااان دايما مغرقها فلخير..كيعطي لفلوس الصحيحة)شنو حبة خاطرك يكون موجود عندك؟؟
لوكاس:(كيحرك واحد تويشية عندها فوق لمكتب)لارا...
ايفانيا:(دغيا جمعات ضحكة..وتبدلو ملامح وجها..هضرت بتوتر)هااد لبنت مريضة..انا نشوفلك شي وحدة من غيرها..
لوكاس:(هضر معاها بحدة)من غيرها مابغيتش...
ايفانيا:(حكات رقبتها بيدها..هاد خيتي قصتها مقدراتش تسالي..غادي تسكت ليها لقلب فأي لخطة..حاولت تلملم لموضوع ومتبينش خوفها..)شوف اسيدي..عندنا هنا أنواع واشكاال ...بنااات على مزيناتهم..جبناهم غير يومين هادي انا متاكدة بلي غادي يعجبوك..انا نختار ليك براسي..(يلاه جات تنوض غوت عليها حتى رجعت)
لوكاس:جلسيييييي...هي وحدة لي بغيت ومغاديش نخرج من هنا بلا بيها..واخا تكووون فيها لموووت...
ايفانيا:(مبقاتش قادرة تصبر اعصابها عياااو..بغات غير تسد عليها هاد لموضوع وربي كبير..شافت فيه وهضرات) بصراحة..هاد لبنت موصي عليها هولاكو متخرج ومتدرج..ممنوع يديها شي واحد وممنوع يشوفها شي حد..عافاك خليها ..مبقاش عندي جهد لشي حاجة اخرى معاه..
لوكاس:(هضر بحدة)هولاكو لي حرق لبواط لبارح؟
ايفانيا:اه هو...
لوكاس:وعلااش ؟؟
ايفانيا:(صرطات ريقها ونطقات)على قبلها..حيت كانت كتشطح للخليجيين..
لوكاس:(حرك راسو بفهم..وشاف فيها)نوضي وجديها..ومتخافيش هولاكو مغادي يدير ليك والو..اصلا هو لي موصيني نجيبها...
ايفانيا:(كترجاااه)عاااافاااك باراكا عليا لي وقع من تحت راسها..خلوني عليكم هئ هئ
لوكاس:(جمع حجبانو بعدم فهم..يلاه جا يهضر جات داخلة ..قلب وجهو لعندها وسرح فيها..لابسة كسيوة بيج لاصقة وطالقة شعرها..ومكتفية بمكياج خفيف..صرط ريقو..ودوز على رقبتو بتوتر..قرطااااسة ...زوينة بشكل جذاااب..نااض من مكانو..وشاف فايفانيا.لي كانت شادة راسها معرفاااش فين غااادي توصل هاد القضية..
لوكاس:(شاف فيها وطلب منها تبعو..وداكشي لي دارت..تبعاتو وحانية الراس..ملي قالت ليها ايفانيا بلي صاحب هولاكو جا باش يديها...خاافت وتخلعات..متقدراتش تكسر كلمتو خصوصا بعد الشي لي وقع لبارح..ولكين طمناتها بلي هولاكو هو لي باغيها..رتاحت نسبيا وافقت تمشي معاه..تشوف السبب لي مخلي هولاكو يصيفط صاحبو مكانو...واخا حسات ايفانيا بلي لوكاس مقالش لحقيقة ولكين رمات لقضية عندو..هوما كتر من خووت واستاحلة ينوض الصداع بيناتهم على قبلها.
لوكاس:(حل ليها بااب لوطو..وركباات حداااه..حادرة عويناتها وكتلعب بصباعها..ولوكاس مرة مرة كيسرق شوفة فيها...جذاابة بشكل لايوصف..كيلقى راسو بلاهواااخ كيشوف فيها...جسمها نااااار..ورسمة وجهاااا سااحرة..زينها مسرار بزااف...حط تيلي على ودنو ونطق:
لوكاس:(بقا كيفكر ويخمم كاينة شي حاجة مواضحاش..النسا لي دخلو من لمغريب تشدو فطريق المانيا..وهو لي وقف عليهم حتى تشدو..هادي من فين خرجت.؟.يلاه جااا يسرسب منها لهضرة لقا راسو وصل قدام لقصر..طلب منها تنزل..وخلاها تابعاه..حلات ليه الخدامة لباب وسهات فهبة لي وراه..شاف فلخدامة لي ساهية ونطق:
لوكاس:خليووه غير يتفااااك مع زوا•• بعدا..(فهمات لخدامة قصدو ورجعت..دخلات هبة ولوكاس قداامها..كدور عينيها فشي لمحيط بيها..معرفت فين تركز وفين تشووف حااجة صدااع..معرفت راسها واش فلجنة ولا فمكان أخر..خرجاات تابعة لوكاس لي خرج فالجردة..شافو وااقف عاطيهم بالضهر..هاز كااسو ويدو فجيبو..شوش تركيزو صوت خطوااات جااية فاتجاهو...(هضر بلما يدور لعندهم)
هولاكو:سهرتك ساالات دغيا..!!!
لوكاس:(تبسم)مابغينااش نسهرو بلا بيك..
هولاكو:(تلفت لعندهم يعرف شكون..شاافها ورااه حانية راسها وجامعة صباعها بيديها..مفهماش لحواار لي داير بيناتهم..رمقها مزياااان من راسها لحتى رجليها.ورجع شاف فلوكاس...عرفو وصل لراس لخيط..وعرفو طاايح فيها...هضر بثبااات بشكل يعكس الناار الشاعلة فيه...ركز عينيه على لوكاس ونطق)غير سيرو...انا مافياااش...
لوكاس:(مافهمش البرود لي تعامل بيه كان متوقع ردة فعل قوية منو..رجع هضر كستفزاز)وااايلي...غاادي تخليني ناااكل بوحدي(بغمزة)
هولاكو:(سخن عليه الحال...وقلبو كيضرب...عروق يدو بداات تنفخ..وعروق جبينو بدات تبان...شرب كااسو خطرة وحدة..وحاول يتحكم فنفسو...مكتعنيهش..مكتهموش..مخاصهااش تسيطر عليه..معندوش وقت يدخلها لحياتو..ويعطيها حيز فيها..وماشي هي لي غادي تسيطر على كلشي فيه..هي مجرد عااهر لي غادي يدير فيها لوكاس..دايرو فيها بزااف ديال زو••..صرط ريقو بزز..وجاوبو ببرود)دير لي عجبك...(رجع عطااه بضهر.وكيحاول يسيطر على نفسو الا بقا كيشوف فيها غاادي يفقد اعصاابو..لوكاااس بقا واقف فمكانو مبهم..معرف مايدير هو كان غير باغي يجربو..باغي غير يعرف وااش هي لي خربقاات حياتو بهاد الشكل..دار لعندها شافها حانية راسها...هضر معاها تبعو..وداكشي لي دارت..مزال مفهمات شوااقع شافت فيه عاطيها بضهر...وبقا فيها لحاال..متجاهلها ومبعد منها..مزاال مفهمات السبب لي خلاه يعيط ليها ومايهضرهااش..تبعات لوكاس لي كان غادي قدامها..حتى كانو غاادي يوصلو لباب ديال الجردة.. شاافو لكااس لي كان بين ايديه مضروب مع باب لبالكون ديال الجردة..غمضات عينيها خاايفة لايضربها الجاج...سمعو صوتو..كيصرخ تجااهم:
العشيقة المغرية الجزء السادس
محتوى القصة
التنقل بين الأجزاء