دخلات للدار هازة صاكها ودخل موراها زدح الباب ودخل الباليزات للبيت وخرج عندها قال بصرامة
انا خارج
ردت : فين غادي؟
رد : نجيب شي حاجة تكال التلاجة خاوية
خرج وزدح الباب خلاها جالسة ويدها على خدها كتفكر. جبدات تيليفون عيطات لخليج وجلسات كتعاود ليها على اللي وقع من الاول حتى للخر
خليج : هانتي على الحاجة كاع هادشي خرج منها!!! ... ايوا شنو دابا غتخلي ليهم المحل؟
اشراق: بقا فيا داك المحل والله .. صلحتو بالشهوة وخسر فيه طه زبالة ديال لفلوس فاللخر غنخليه ليهم
خليج : ودوك لحوايج اللي تما !!! غتسمحي فيهم حتى هما ؟ عطيهم ليا انا بعدا نديهم معايا لقطر زايدين فيا نلقا باش نبدل
اشراق: والله منخليهم ليهم اشمن .. واش درور والشيلان شارياهم بالتاااااماان ديال لفريع والجلالب اخر صيحة ونخليهم تما ... كاع داكشي اللي تما غنجيبو غنخلي ليهم غير ديشي يربحو بيه
خليج: ولاهيلا ... نتي خاسرة عليهم الفلوس وتسمحي فيهم يلبسوهم ولا تجي وحدة احرى تبرع بيهم
اشراق: لالا موحال اصلا غيسدو .. الحاج فشكل وكيهرب من المشاكل ودابا تشوفي الى مسدو .. لا انا لا هما دابا ... حاصني نعيط ليه نسبقها ليه قبل ما يكلاصيني ونتسما ما مزيانتش ... يالاه حتى نعاود نعيط ليك
قطعات مع خليج وتاصلات بالحاج
- الو عمي ... انا اشراق اللي معاك
رد : ايه عرفتك .. لاباس كولشي مزيان ؟؟
اشراق: عيطت ليك غير نقول لك راه طه تخاصم هوا ولبنى وخرجنا من الفيلا ... ولاكن انا والله ماقلت ليه شي حاجة ..سولني قلت ليه سخفت فالسوق
رد الحاج: اييه اييه راه عيطت ليه قلت ليه فسبيطار وراه ماوقع ليها والو سخفات بالوحم وعيطات لي مشيت عندها .. ورجع عيط ليا قالي راه كولشي بيخير ومشا خرجك من تما وسخفتي فالسوق.. ولاكن مالو على دابز مع هوا ولبنى
اشراق : ايييه .. داكشي اللي وقع اعمي .. راه قلت ليه سخفت فالسوق وصافي ولاكن فاش رجعنا للدار لقينا لبنى وليلى مع الحاجة ... وعاودات ليه كولشي وشكات عليه وساق لخبار لكواشي اللي وقع ... ودابز معاها والحاجة سخطات عليه وجا غوت عليا قالي كدابة وكدبتي عليا وجمع الحوايجي وجابني للدار
رد الحاج بغضب : علاااااش تخرجو من الداااار ؟؟؟ هااا؟ علااااش معيطتوش ليا وتجلسو حتى نجي ... صافي صافي هانا وصلت انا غنشوف هادشي وغنعيط لطه نشوف اش واقع ... اووووف المرض هادا المرض. (قطع )
حل باب الدار ودخل هاز ساشيات فييديه .. لاخ السوارت بتعب وبظا يعيط
- اشراااق... اشراااق
خرجات عندو كتجمع شعرها : نعام ؟؟
مد ليها الساشيات : هاكي ... عا لعشا
شداتة فصمت ومشات داتو للكوزينة قاداتو وحطاتو ليه فوق الطبلة وهوا جالس ساهي قدامو مشافش كاع فيها ورجعات للبيت للبيت سدات عليها .. شوية سمعاتو كيهضر فتيليفون وخرجات طلات عليه لقاتو جالس مهبط راسو وشاد فجبهتو معصب
طه : الحاج الله يهديك ...راحنا بعاااد على هاد المشاكيل وراك كتشوف بعينيك .. علاياش متقلب دابا هي علاش ؟ علاش تمد يدها وطرشها واش لقاتها سايبة ؟ وكتشوووف فيها كتجيل ليلى معاها للدار وساكت نتا مابغيتيش تهضر .. والحاجة مابغاتش تهضر .. هي مابغااش تفهم راسها ... علاياش كتقلب دابا وشنو كاتسنا مني ؟ هي كتقلب علياااا كتقلب عليا بصحيح العبارة وها الرد لقاتو . وعاااارفة اشراق عندها حساسية من ليلى وكتجيبها ليها للدار ................. نتا الحاج فاش شفتيها جابتها المرة اللولة هضر ديك الساعة قول ليها ماتجيبهاش معاها للدار حيت ديك البنت عندي معاها مااااضي ودابا تزوجت ماعند الماضي ميجي يدير عندي فالدار وبااااينة المشاكل غتنوض ونتوما كتشوفو بعينيكم وساكتين والحاجة كتقول ليا قدام المرى سيير وصلها ... اش هاد شفل البراهش هادا واش حتا كنلعبو هنا؟؟ راه المشاكل غتنوض والصدع غينوض هادي الحمق غيفهمها ... كتلاقي ليا السلوكة بجوج وتجلس تفرج .. ها هيا كلات تسرفيقة خت هاديك اللي عطات لاشراق .... ولا شنو زعما هي مرى وعندها وليدين واشراق جايبينها من الزنقة تمد يدها عليها ومكاين اللي يهضر ... غييير اشراق مامشي مشكل !!! اشتو كيحساب ليها راسها ياكما كتصرف علينا ولا عاطيانا الماء ............ ولاااااا الحاج لااا .. هادا اساس المشكل ... اما المجية ديالها للمحل راه غير ضد فاشراق وعلاش دات معاها ليلى لتما (غوت بعصبية ) واش هي عايشة مرتاحة مع ولادها وراجلها بغات دير ليا المشاكل تمرضنا وفين ماكان شي مشكل تجيبو ليا ... تعطيني التيساع انا راه منصلاحش ليها وهضر معاها تفوتني ... تفوت عليها اشراق وتفوتني راه ماعنديش عقلها وغنسوط فيها
تنهد بغضب : هي عااارفاني ساكن تما وكدير ديك الهدة ديال دار بابا نجي ليها ونجيب اللي بغيت . ها دار باها تجيب حتى راجلها ... وتحط دابا رجلها عندي هنا فالدار ولا تعرض لاشراق وتهضر معاها وحتى داك الحانوت بناقص منو ماخصنا بصداعو .... (تنهد) الحاج ... راك عارف وشايف ... صافي ماقوليا لا ختك هاديك ولا خوك هاداك .. كل واحد كيشوف راسو وعندو عائلتو دايها فيها .......... ماتقولش ليا مك ولا والو ... واش انا خارج وهي متبعة ليا السخط ... صافي اش بقا مايتقال مابقا والو .. (تنهد) نشاء الله ... نشاء الله حتى تهدا الاوضاع وغنرجع نهضر مع الحاجة ...... لا مغنطلبش منها السماحة ... تجي طلب السماحة من اشراق ونطلبها منها وها حنا سالينا . . . ايوا مللي ماتبغيش تمشي تقابل ولادها تعطينا التيساع .
طلعات اشراق على صبعان رجليها مشات قاطعة الحس للبيت وردات الباب بشوية ودخلات فالفراش بصمت بغات تنعس.. شوية سمعات صوت طه كيعيط ومالي مرضاتش تبعها للبيت حل الباب وقال
- مغتعشايش؟
ردت وهي عاطيها بالضهر: لا مافيا اللي تيعشا اصلا كرشي كضرني
قرب شوية ليها وقال : علاش كضرك ؟ فين كضرك؟
تلفتات وقالت : ماشي كضرني غير الشهية ماعنديش
قال : وشنو بغيتي ؟ باغا شي حاجة نجيبها ليك؟
حركات راسها: لا مافيا اللي ياكل ... بلاتي ونوض نصايب شوية ديال ليفخوي من هادوك اللي جبتي
غمضات عينيها وتنهد هوا خرج خلاها ساهية كتخمم حتى داها النعاس وهواي يفيقها مرة اخرى . حلات عينيها بتتاقل وتلفتات عندو لقاتو جالس حداها ويدة مور ضهرها كيهضر معصب وكيحاول يهدن الوضع معاها
- اشراق...يالاه نوضي هاكي ... ها ليفخوي
مد ليها بلاطو صغير فيه طبسيل مشكل من الفواكه مقطعة قربها ليها وهي كتقاد فالجلسة دايخة بالنعاس
- عرفتي الشهية مسدودة ... مافياش
دوز يدة على ضهرها : كولشي شوية ماكليتي والو .. يالاه كولشي ونعسي ديك الساعة
مد ليها الشوكة ليدها حتى بدات تاكل شوية وناض خلاها جالسة بوحدها عاقدة حجبانها كان كيحساب ليها غيوكلها ويبوسها بحال داكشي ديال الافلام ساعة متكملش المشهد وخلاها كتاكل بوحدها حتى سالات وحطاتو حداها وتبعات ليه كاس ديال الماء ونعسات على الجنب كتسوط .وتنكر . امم واش اللي دار الدخلة منسمة بريحة البصلة وبطاطة والعرق ديال السخانة غادي يعرف لشي رمنسية ديال الماكلة ! ... الناس كيديرو الدخلة بالورد واليسمين والشمع والروايح وهي عكس داكشي تماما .. المرض والسخانة والعرق والبطاطة والبصلة .. لالالا ولاكن كانت لصالحها الحق يتقال... السخانة نفعاتها وهداتها داز كلشي بالزربة بحال الى مانت كتحلم ..
فلاش باك
فوق ناموسية فضلام خفيف ناعسة على هضرها كتحل عينيها بزز بتتاقل حاللة فمها وكتعض على شفايفها كأنها كتعض على ألم وكتجمع النفس فصدرها بهدوء تام وتخرجو ويديها تحت الفراش مزيرة على خصرو وفكل مرة يتزاد الالم كتزيد تغرص دفرها فلحمو بصمت وتأوهات فقط .. كتبلع الريق وتشوف فالسقف بتتاقل مستسلمة .. هز راسو من بين صدرها وحل حل عينيه فيها بتتاقل وقبل شفايفها بلطف ... تجاوباتها معه بسهولة وأحيانا كتعض على سنانفها وتزير على حواجبها حتى كيخف الالم وترخا وترجع تجاوب معاه وتشوف الضعف فعينيه وهوا مخضر وكيشوف فيها بشوق ولهفة لاكن كيضغط على شهواتو باش تاخد راحتها وتأمن ليه وتبقا فنفس الاسترخاء والسلام اللي هي فيه .
حلات عينيها من بعد ماكانت غارقة وسط دكرى اول لقاء جنسي بيناتهم وتلفتات مخلوعة موراها لقاتو معنقها عريان والضوء خافت فالبيت وقالت ويدها على صدرها
- خلعتيني
ابتاسم وباس عنقها : علاش؟ ماحسيتيش فيا ؟
تلفتات عندو ونعسات على ضهرها : لا .. ماحسيتش بيك فوقاش دخلتي ... شربتي ؟
خرجات وبقات اشراق جالسة كطلق الجلالب عليها وتقيس هادي قدي هادي كبر مني هادي صغر منك حتى سمعات الدقان من جديد ومشات حلات لباب لقات خليج واقفة وهازة يدها على الباب كتسناها تحل
- جبتيهم !!! (هزات واحد الكم ديال وحدة فيهم ) زويين هادشي ... شحال كدير هادي؟؟
اشراق: هاديك كنت دايرة ليها 1500 درهم تما ... الى عجباتك ديها مابقا لابيع لاشرا تفو .. كنت ملهية الوقت تما مع الناس الصراحة وكنت كنحس براسي مهمة وعندي مايدار ... كرهت هاد الدور ديال ربة البيت .
خليج: هانتي غتولدي وتشغلي ديك الساعة .
ردت بتدمر: انا اصلا كنكره الدار والجلاس فيها لا شغل لا مشغلة .. باز ياختي لهادوك اللي مدوزين حياتهم بين ربعة دلحيوط كي ليوم كي غدا كي بعدو .. الموت البطيء
قالت خليج وهي كتقيس واحد الجلابة
- هادوك هما باغيين هاكا وكيقولو حتى هما باز لهادوك اللي كيضلو يجريو نهار كامل لا غدا فالوقت لا عشا فالوقت لا جلاس كيف الناس
هزات اشراق حاجبها: انا بغيت نخدم ... واخا يكون عند طه مال الدنيا كنبغي نخدم ونتحرك .. منقدرش نجلس .. دابا وجالسة بزز
خليج: حتى لولاد راه خدمة ... ايوا نشوفوك ونتي كترضعي وتربي وتسهري الليل واش يبقا ليك شي وقت تمشطي فيه شعرك ... حتى لمرايا مغتشوفيش فيها نتي واقيلا
ردت اشراق بسخرية : من نيتك ... نتي واقيلا معارفانيش ... ولا مكتعرفيش طه يمكن !! نخلي شعري طالع فالسما باش يلقا السبا يتزوج عليا ... فراسك انا والله مكنتيق فيه (تيليفون كيصوني) عمرو طويل ... الو طه ... اممم .. علاش؟ ولمن وجدتو ؟؟ واخا ماشي مشكل (قطعات)
خليج: مالكي؟؟
بقات اشراق ساكتة كتشوف قدامها وقالت: قالك غيتغدا مع صاحبو عرض عليه للغدا (هزات حاجبها ) انا غنشوف هاد صاحبو اللي عرض عليه يالاه
هزات جلابة معاها لبساتها وشال من دوك الشيلان وسبرديلة بيضاء ونضاضر وخرجات عند خليج
اشراق: يالاه نشوفو هاد خيينا معامن مغدي
خليج : درتيها بصح!!
اشراق: زيدي معايا نشوف والله منتيق فيه
طلعات فطاكسي هي وخليج ومشات كتقلب على البلاصة فين جالس وجليج كتسول
- فين واش قالك فين ؟؟
اشراق: امم قاليا غيمشي يتغدا هوا وصاحبو فواحد البلاصة ... دخل ليا تناوي ... صافي صافي اخويا غير هنا
نزلات من الطاكسي هي وخليج ودخلات للمطعم وخليج موراها
[18/12 23:55] 🌸حسبي الله عليه توكلت ...: خرجات خليج عينيها بجوج مصدومة ويدها على فمها وحطات يدها على البواني بغات تخرج ليهم لاكن تراجعات فور ما سمعاتو كيهضر ويزعف بصوت منخفض
رد بغضب: كنت غنتزوج بيك اه ودابا لااا...مابقيتش غنتزوج بيك ولا بغيرك صافي سالينا فيقي شوية من الاوهام
ردت بغضب: نتا كدبتي عليا وواعدتيني وخلتيني نسكت بالوعود ديالك هاد الوقت كامل ونتا عايش حياتك ؟؟؟ علاااش درتي ليا هاكا اطه واش هادا هوا الحب
ميلات خليج الباب بشوية طلات مخرجة عينيها شافتو جرها من دراعها بقوة وقال مخرج عينيه
- سمعني مزياان وحضري عقلك ... انا وياك سالينا ... مابقا لا حب ولا تا وزة .. واش نتي مابغاش تخليني نحتارمك وندير بوجه السبع سنين اللي دوزنا ؟ هاا؟
ردت بغضب والدموع فعينيها : هانتا قلتيها بفمك ... سبع سنين ... سبع سنين وجيتي فشهر وضربتيها فالزيرو ....
قاطعها: ومن بعد ... ويلا دوزنا سبع سنين ؟؟ مالك شريتيني ولا ملزوم عليا نبقا معاك حياتي كاملة ؟؟ وتفرضو كاع تزوجنا هاه؟؟ وبغيت نتفارق معاك غتمنيعيني ؟؟؟ ولا صافي اللي غرف شي واحد يبقا لاسق فيه طول عمرو ؟ فين كاينة هادي ؟؟
نترات يدها: ناتنساش شنو درتي ليا ... راك نتا السبب
خرج عينيه: انا السبب ... انا السبب ربطتك ؟؟؟ شديتك بزز منك ؟؟؟ ولا نفكرك ... كنتي فرحااانة وعاجبك لحال ونتي كتجي عندي برجلك وكتقلبي عليا ... فين كاين المشكل
زيرها بقوة وهي كترعد : ماخنتكش وكنبغيك ... كنبغيك وعمري خنتك صافي هداي صافي
بقات كتبلبل بعصبية وتشهق حتى غيبات ليهم فباب القهوى وكلشي كيتفرج وخرج شخص اخر من لداخل كيجري ويسول
- طه مالك ؟؟؟ شنو واقع ؟؟
رد طه بسرعة: عماد فتح ليا الباب ... حل باب الطموبيل لالالا سوارتي بقاو فوق الطبلة جيب السوارت دغيا
خليج: اشراق .. اشراق شوفي فيااا اشراق
حلات عينيها لقات راسها مجبدة فوق واحد البياص فلكلينيك ودورات راسها لقات خليج حداها وقالت بتعب
- مشا ولد لحرام عندها
رد وقال : هانا حداك
دورات وجهها للجهة لخرى لقاتو عند راسها واقف وقالت بغضب
- سير عندها اش كدير هنا مرضتيني فحياتي
وقفات خليج عندها وقالت : راه حتى حاجة من داكشي اللي شفتي مكاينة ... راه هي تبعاتو للمطعم وهوا كان جالس مع صاحبو انا بعيني شفتو مع صاحبو ... هي اللي تبعاتو
خرجات فيها اشراق عينيها: سيري بعدي مني طلعتي ليا فراسي.... كدابة بحالك بحالو المنافقة ... خرجي عليا من هنا
بقات خليج واقفة مصدومة وعينيها غرغرو وهزات صاكها وخرجات كتبكي من البيت اما اشراق تلفتات عندو وقالت
- مابقيتش كنحملك سمعتي ... كنكرهك من اعماق قلبي سير بعد مني خرجتي ليا على حياتي حسبي الله ونعم الوكيل فيك ... سير بعد مني
رد بهدوء : واخا صافي ... كرهيني كي بغيتي غير سمعيني .. انا كنت جالس كي الناس مع عماد صاحبي ماعرفتش منين خرجات ليا وكن بصح كنت كنخونك ولا درت معاها مغنقولش ليك انا كنتغدا تما (تنهد وشد ليها وجهها) اشراق راه والله مكنخونك تيقي بالله ... عمرني خنتك واش مكتيقيش فيا
بقات ساكتة كتشوف فيه مطولا وهي ضرب ليه يدو: لااااا مغنتيقكش
رجع شد ليها وجهها بلطف : شنو ندير باش تيقي بيا ... واش حنا هاكا غنبقا عايشين ؟ فهاد الشك ديالك طول حياتنا؟؟؟... نعلي الشيطان احبيبة وتيقي بيا
بقات كتشوف فيه بتشكيك مطولا وهي دخل خليج من جديد كتمسح عينيها وتنفس وموراها الطبيبة كتبتاسم
حركات خليج راسها بتفهم وابتاسمات ومشات ركبات فطموبيل معاهم عادي كأن شيئا لم يكن وحتى اشراق ماهضراتش بقات ساكتة ومتكية راسها على الكوسان وكل مرة طرح سؤال
- شكون صاحبك؟؟
تنهد وقال : عماد ... نعطيك تهضري معاه ؟ تسوليه ؟؟
اشراق: وعلاش عرض عليك اشمن مناسبة؟؟؟
رد بهدوء: عادي شحال ما تشاوفنا وبغينا نجلسو شوية ...
تنهدات بميوعة وبقات ساكتة قالبة وجهها للجنب .. وقفو فالسطوب ووقفات عليهم وحدة كتبيع الورد وابتاسم طه وخدا من عندها الورد كامل ومدو لاشراق بابتسامة .. تلفتات بقات مصدومة كتشوف فيه وخداتو مهبطة راسها قدامها وخليج كتشوف فيهم بجوج وضحك .. دوزوها ل kfc كلات الدجاج على خاطرها وبداو كيحاولو يبدلو الجو شوية بالهضرة ويخرجو من الجو الكئيب شوية عاد بدات كتطلق تدريجيا ونسات الصدع ورجعات للضحك والهضرة مع خليج عادي كأن شيئا لم يكن وناضت معاهم طلعات للطموبيل وهزات داك الورد كتشم فيه فرحانة.. وصلو خليج للدار حطوها ومشاو خرجو بجوج للكورنيش كيتمشاو وجلسو فمقهى شربو قهوة وبقات معاه على برا حتى للعشا وتعشات فالزنقة ورجعات ناعسة فالطموبيل حتى للدار ةحلات عينيها فجأة
- وصلنا !!
قال بهدوء: وصلنا .. يالاه نزلي
نزل وفتح ليها الباب نزلات وطلع شاد ليها فيدها وهي شادة الورد .
طلعات للدار ودخلات توضات ومشان للبيت صلاة وسلمات وناضت طلات من الباب شافتو قاطع الحس ومشات كتختل كتقلب على شنو كيدير لقاتو فالبالكون كيهضر فتيليفون ووقفات مور الحيط كتصنت عليه .. دور عينو للجنب حس بيها وكمل عادي كيهضر ويكمي حتى سالا الهضر وبغا يدخل وهي تلسق مع الحيط فداك الضلام اللي مضويه ضوء القمرة اللي داخل من البالكون للكوزينة وخلاتو حتى داز .. لاكن قبل ميخرج حط تيليفون على الطبلة دلكوزينة وخرج دخل للحمام .. مشات هزات تيليفون بتخبية ودخلات لقات الكود محيد ومابقاش دايرو وقلبات ليزابيل لقاتو كيهضر مع نمرة مامعروفاش وتاصلات بيها وقطعات الحس كتسمع صوت راجل كيردد .. الو ... اولوو .. قطعات بالزربة وحطاتو بلاصتو ورجعات للبيت بسرعة كأن شيئا لم يكن ... خرج من الحمام ومع الخرجة سمع تيليفون كيصوني وهزو رد قدامها
- الو السي حكيم .... لا ماصونيتش !!! دابا؟؟؟ يمكن بالغلط وصافي هاد تيليفونات مرة مرة كيتسطاو ... ماعليش السي حكيم تصبح على خير
قطع وهي كدور عينيها وعاطياه بالضهر كطلق الفراش .. مشا كيتنهد عنقها من اللور وباسها فحنكها ودوز يدو على كرشها وقال
- باقي راسك كيضرك ؟ رتاحيتي شوية
حركات راسها : لا مابقاش كيضرني ... غير عيانة وفيا النعاس
نهار جديد والروتين عند اشراق كيتكرر اللي كديرو ليوم تعاودو غدا حتى طفشات وخرجات لبسات جلابتها زادت مع الباب مشات عند خليج للدار لقاتها باقا ناعسة وحلات ليها الباب مضهشرة وجلسات حداها
- خليج : 9 هادي مالك على هاد الوقت باك لاباس ياك مولفة تصبحي ناعسة
تنهدات اشراق : كنصبح ناعسة فاش كنسهر مع طه حتى لإينا وقت كيقول ليا جلسي معايا شوية حتى كنلقاها 3 ولا 4 ... ودابا مسافر شنو غندير ... كنعس مع الديك ونفيق معاه
خليج: وفوقاش غيرجع ؟
اشراق: ماشي بزاف ... قريب يجي ...
تفوهات خليج: فطرتي؟؟؟
ناضت كتسوط وتفوه وتجر فرجليها للكوزينة واشراق تابعاها كتمرد عليها
قالت خليج وهي كتعمر القهوى : مافكرتيش شنو تسمي بنتك ولا ولد
خليج : وشكون عرف !!! وزايدون عندك ماعرفتش فين بغيتي توصليها !!! ناري ياختي بااز ماكتخافيش ...
اشراق: وصافي تانتي مالها اش فيها
خليج: بقاي ديريها كل مرة حتى تفش ليك يبقاو فيك غير جلود ... راه غتخرج عليك
اشراق: وصافي اول مرة واخر مرة حيدي نجلس
جلسات على جنبها وكل مرة دوز يدها عليها وتقيسها وتقاد خايفة تجلس عليها وتفشها .. قادات يديها ورجليها وصايبات الشعر والمكياج وخرجات هي وخليج كتعيط فتيليفون وتصوني عليه
خليج: الى كنت غندي حقي نعاونك .. الى كنتي غدوزيني على الماء عطشانة لا ابب
اشراق : غتاخدي حقك غا يالاه
خلو للسوبر تقدات كاع المقادير ورجعات للدار شمرات على كتافها وبدات فالتوجاد هي وخليج اللي جمعات حقها فطاسة كبيرة وداتو كضحك فرحانة وخلات اشراق كنقاد الطبلة وتوجد وتزوق .. لبسات سوميج فالحمر وطلقات شعرها وشعلات الشمع وبدات دور وتشوف شنو ناقص .. هزات تيليفون عيطات ليه
- اشراق : فين وصلتي
رد : حدا الباب حلي هه
مشات كتجري حلات الباب شافتو وطارت عليه بتعنيقة قبل ميدخل بقوة وبوسة ورجعات للور كضحك
- توشحتك
رد بسعادة: انا كتر منك
عنقها بقوة ودخل مدرعها كيبوس فيها وجار البليزة معاه .. جلس على الفوطوي حدا الطبلة وجلسها على ركبتو .. تلفتات عندو عنقاتو ودخلات معاه فقبلة طويلة متقطعة بكلمات الحب والاشتياق لمدة نصف ساعة عاد وقفات حيدات ليه جاكيط الكوير وهوا كيسوط من تعب السفر .. ناض دخل للحمام تحمحم وخرج جلس حداها ريحة الشامبو عاطية منو والشعر فازك .. حطات ليه الشوكة وقالت
- هانتا اسيدي ها السلاد اللي عزيزة عليك
داق بابتسامة وقال : عاوناتك خليج ولا بوحدك
هزات الشوكة كتاكل وقالت : الصراحة عاوناتني خليج ومشات
حرك راسو وقال: امم .. مزيان ... الله يعطيك الصحة نتي وياها
اشراق: بالصحة والراحة
خوات ليه العصير كأنه ضيف وكتقرب ليه وتوجد ليه .. جابت ليه الماء وجالسة هي وياه فالارض على الزربية حدا الطبلة الزجاجية وتانية رجليها جالسة جنب ومتكية على يدها
شاف فيها كيتأمل بابتسامة وقال: شنو درتي فغيابي
تنهدات : والو ... الملل احبيبة ديالي والله ... مليييت غير الدار الدار الدار ... قنطت .. كن ما خليج اللي كانت كتجي تونسني وتبات معايا كن حماقيت
بقا ساكت كيشوف فيها مطولا وقال : مع الوقت غتولفي
قربات ليه وجهها وقالت : لا مابغيتش نولف... بغيت نخدم
هز حاجبو : فاش غتخدمي!
ردت بانوثة: دير ليا شي بروجي ... الى بقيت جالسة بلا خدمة وبلا شغل غنحماق .. ولا نكمل قرايتي للمحامات
شاف قدامو وقال : من بعد احبيبة من بعد ونهضرو فهاد الشيء
تنهدات ورجعات لبلاصتها جلسات فصمت كتعشا ويتناقشو ويتجمعو حتى سالا العشا وناضت هزات الطبلة وتبعاتو للبيت لقاتو متكي كيتفرج فالتلفازة ويتسناها ... ابتاسمات وسدات الباب وحيدات البينوار بإغراء وطلعات حداه كتعوج ترمات فأحضانو وتقبل شفاهو .. في انسجام تام دوز يديه مور مؤخرتها كيطلع السوميج وهبط بالقبل مع عنقها ويديها لصدرها وكمل غادي بالقبل مع جنبها وهي كدور معاه حتى وصل بالقبل لمؤخرتها واستغرب وهز راسو تدريجيا وقال
- ماللل..... ؟؟؟!!!
تلفتات كضحك وهوا دوز يدو عليها باستغراب
اشراق: مالها ؟! ههه
شاف فيها باستغراب : مالها ؟؟؟ جاتني فشكل ...شي حاجة ماشي هي هاديك
تكات على جنبها وقالت: شنو اللي ماشي هي هاديك ؟
دورها على كرشها وشعل الضو من غير ضوء الفايوز وقال فدهشة كيدوز يدو
- شنو هادشي ؟؟؟
لاحت شعرها للور وقالت : والو غير جلست على الرخامة سخونة فالحمام صلقاتني
عقد حواجبو وقال بجدية : هاد الزروقية ديال الرخامة ؟؟؟ شنو هادشي اشراق ؟؟؟ مالها منفوخة بحال هاكا ؟؟
رد طه بغضب وقال: وا الا كنت شياطة دوري ت*** دابااا نيييت قلبي ليك على شي *****ب يقتل ليك الفارة وهاد الكلمة ديال شياطة عمرك تقوليها حيت نقدر نرد عليك بشي كلمة طير النعاس تفوو
- بواحد الدري صاحبي ... مهم حنا غنمشيو حيت الحاج غيتقلق وحتى هي غتقلق
تكات على صدرو كتلعب فتيليفونو وقالت
- ماشي مشكل نمشيو ... واش كلشي غيجي ؟
هز راسو لفوق وقال معنقها : كولشي ... دايرين خطبة كبيرة شوية عارضين على لافامي
بقات ساكتة مطولا وقالت: وعلاش معيطش ليا حتى واحد فيهم ؟ حتى سلمى ماعيطاتش؟
طه: صافي ياك نتي مرتي ... وصافي بحال بحال
بقات ساكتة وهزات الكامرة وقربات من فمو وطلعات الغطا على صدرها وباستو بوسة وخدات صورة ليهم بجوج .. سمع صوت الكامرة وقال
- حيديها ماتخليهاش تما ... يقدر يمشي تيليفون ولا يطيح ليا ويطيح فيد شي واحد ينشرها
حركات راسها: واخا انا شوية ونمسحها .. بقا ناعس على ضهرو كيرتاح ورجع تقلب عليها كيضحك ويغمز عوال عليها وفعلا ما مشا حتى قسم ليها الضهر .
خرج من الدوش كيمسح شعرو لقاها لابسة بينوار ووالفوطة على شعرها وواقفة كتحدد ليه حوايجو اللي غلبس وطوي وتحط حداها ... باسها فحنكها وقال
- خلي عليك هادشي اجي تفطري
اشراق: بلاتي نحيد هادو من الطريق مانرتاحش حتى نشوفهم واجدين
حلات البلاكار كتشوف شنو تلبس وتقلب على شي لبسة رسمية ... سطاوها لحوايج وخرجو ليها العقل بالتقياس والتبدال والشعر كيطيح وترجعو تجمعو عاد قتانعات بجلابة فلكورنة منبتة بالحجر موديل جديد وطلقاتها حدداتها وبدات دور على الصباط والصاك وتحط حدا الجلابة شنو يجي شنو ميجيش؟ شنو الصاك وشنو اللون شنو الصباط وشنو اللون؟ اشمن فولار دير ؟ داخت وعيات جلسات فوق الكرسي فدريسينك كترتاح وتفكر ودايرة رجل على رجل والبنوار محلول من الصدر وفخدها عريان كيبان من الفرقة دالبينوار وهازة الصباط والصاك كتنتساق .. دخل عليها طه كيجر فواحد السورال ديال الدار وقال
- مغتفطريش؟ ها الفطور واجد ..
شافت فيه : عييت نشوف شنو يجي مع هاد الجلابة .... شوف هادا جا معاها ؟؟
سرح عينيه فالدريسينك وقال: يجيك داك الصباط لاخر ... حسن
حطات داكشي كما هوا ومشات نشفات شعرها وبدات تقاد الحالة اما طه خرج يحسن شعرو بحال ديما ما رجع تا تعاشات العشية ودخل لقاها واقفة كتسناه بالجلابة لكرونة والصباط الزرق اللي قال ليها والشال والصاك جا التناسق هوا هاداك وهي جالسة كتماكي وجهها وتجبد الآيلاينر فوق عينيها باحتراف وطلع شفار ... شاف فيها شنو لابسة ودار ابتسامة وقال
- هانتي جيتي هي هاديك
وقفات وقالت: جيت زوينة ؟؟
رد بعفوية : نتي اصلا زوينة .. غندخل بالزربة ندوش من الشعر ونخرج .. حوايجي واجدين ؟ الحاج كل مرة يعيط كيسول عليك
اشراق: واجدين يالاه طلق راسك
دخل الدوش وبقات هي واقفة كتحط تيليفونها يتشارجا .. مشان للروايح ديالها كتشم وتستنشق وهي تفكر الكادو وطارت نيشان للباليزة ديالو حلاتها لقات فيه جوج علبات ... حلا اللولة لقات الريحة اللي قالت ليه عليها وتسنشقاتها بسعادة ورشات منها فيديها من بعد ما دارت مجوهاراتها وساعتها الباهضة وهي تهز العلبة الثانية حلاتها وحلات فمها .. لقات اخر ما خرج فالهواتف بجودة عالية فاللون الزهري وعنقاتو بسعادة على صدرها ورعات شافت فيه .. اخر ماكاين وماشي كولشي عندو والكل كيتباها بيه فالوقت الحالي واللي شراه راه كيتسما واعر وكلاص .. بقات ساكتة معنقها وهي تفكر تيليفون طه ومشان كتجري ليه للصورة اللي خدات وقطعاتها حيدات الوجوه بمرة وقطعات جيهة ضهرها فين باين شعرها وخلات غير فمها وفمو وليحتو كيبانو شي شوية وهي مغطية بالغطا من كتافها للتحت كيبان صدرو العاري وهي متكية عليه مخبية فالغطا .. قادات ليها تقطيعة وبتاتها بمكر ليلى ومسحاتها فخطرة وبلوكاتها وحيداتها من الواتساب هي والصورة ورداتو بلاصتو
نزلات من الطموبيل كضحك حدا باب الفيلا لاكن قبل باستو فحنكو وقالت
- عجبني تيليفون حمقني شكرا
شاف فيها بابتسامة : بالصحة والراحة احبيبة ديالي .
نزلات شادة فيدو وخلات للفيلا كتسمع اصوات كثيرة وموسيقى الطرب الاندلسي ... حسات براسها ضيفة بحالها بحال البقية اللي كانو كيجيو ضياف ويمشيو .. الصراحة احسن بكثير من الاقامة معاهم فالفيلا .. دخلات معززة مكرمة استقبلاتهم الحاجة بابتسامة شافتها اشراق طالعة من ليها غير من القرجوطة لفوق ومسألة صواب وأدب قدام ولدها فقط .. شداتها من كتافها سلمات عليها وقالت
- مرحبا بيكم ...
ابتاسم طه وباس راسها وعنقاتو وقالت كطبطب عليه
- مرحبا بيك فدارك اولدي ... دارك هادي حتى واحد ميحيدها ليك المرضي . شافت فيها شارق باستغراب وهزات حاجبها . امم ياك عاد سخطتي عليه وباز رجع مرضي دابا ! ولا بغيتي تكسبيه حسيتي بيه مشا بين يديك منفع معاه سخط ولا بركة .. ايوا الله يخرج الطرح بسلام . تنهدات ودخلات مع الحاجة للصالون لكبير فين جالسة العائلة .. عيالات خوتو كاملين اللي كتعرف واللي عمرها شافت . . . شي عيالات جالسين هازين الخنافر فالسما و دايرين نصف ابتسامة .. تحرجات والانضار عليها وجلسات بين النسا المعروضين من بعد ما سلمات بأدب على مرت لوسها اللي حداها .. مرى بالحجاب وجميلة فوجهها حتى هي وباينة عليها بنت الناس .. بسيطة وشادة بنتها صغيرة فيدها .. باستها اشراق وقالت
- لالا ويلي على يجيب عليك الضرة ... نتي القلب لكبير ميلقاش بحالك
ردت الاخرى وقالت: ايوا على الله .. مابقاتش فالزين والتقة فالنفس ..
بقات اشراق كدور عينيها فالناس كل وحدين فين مجمعين والطبقة ديال عيالات اللواس جالسين مجمعين حداها مع لبنى وكيشوفو فيها .. بلعات ريقها وابتاسمات لمرت لوسها وعطاتها البنية وقالت
- انا غنمشي غير لطواليط ونجي
زوحة اللوس: صافي انا نخلي ليك بلاصتك حدايا
ناضت اشراق والدمعة فعينها مبتاسمة بزز ودازت حدا صالون الرجال فين جالس طه داير رجل على رجل كيتجمع مع خوه .. شافها دايزة مغيرة وناض تبعها للحمام ودفع الباب قبل متسدو .. تلفتات مخلوعة عينيها حومر
- خلعتيني
استغرب: مالكي ؟؟ علاش كتبكي؟
تفركعات عليه بالدموع وبدات : كيحشيو ليا الهضرة .. مجلسيني وسط منهم كيحشيو ليا الهضرة .. نتا السبب خليتي كولشي يضحك عليا ويتشفا فيا ويمعنيو عليا
شد ليها يدها مصدوم وقال : بشوية عليك شكون حشا ليك الهضرة وشكون قال ليك شي حاجة ؟؟
نترات يديها : نتا اللي بغيتي تجيب عليا الضرة وضحكتي فيا عباد الله فين ما جلست كنسمع الهضرة .. نوال مرت خوك هي ولبنى كيضحكو عليا وانا جالسة مابقاش عندي الوجه باش نشوف فالناس
دارت كتبكي بحرقة متكية على لافابو قدام المرايا وهوا كيسكت فيها وكل مرة تنتر يديها ويعنقها ودفعو حتى تكالمات فتعنيقة طويلة وغمضات عينيها كتنخصص ..خلات فديك الاثناء مرت خوه وحدة اخرى من هادوك اللي كانو كيضحكو وتصدمات ورتابكات وقالت بارتباك
- باغدون ...
خرجات من الحمام وبعدات اشراق راسها كتنفس وتسوط على وجهها .. شد ليها وجهها باس جبهتها وقال
- ماشي اي واحد لاح شي خرية من فمو الخانز تبكيك ... كاين اللي عندو فم وكاين اللي عندو كابينة واش غتسدي ليه فمو ! بنادم مريض ماتمرضيش راسك بيه
حركات راسها وشافت وجهها فالمرايا من بعد ما خرج وقادات وجهها من جديد بمكياج من صاكها ورجعات لقاتهم كيوشوشو مع بعضياتهم مع نفس المرى اللي داخلات عليهم وجلسات حدى مرت لوسها الضريفة .. ابتاسمات ليها مرت لوسها اللي دخلات عليهم وقالت بمجاملة
- كي دايرة مع الوحم شوية ؟
حركات اشراق راسها وهي كتقاد جلابتها على رجلها ودارت رجل على رجل وقالت
- الحمد شكرا
ابتاسمات نوال وقالت: ايوا مللي تولدي خاصك ماتهمليش راسك راه الرجال مافيهمش التقة
ابتاسمات اشراق وقالت: كلشي بالمكتاب ... هانا بالزين وبالتهلية وكان غيجيب عليا الضرة .. اما اللي ديمودات وتكمشات وباقا تزوق بالمكياج هي اللي تخاف لا يكون مزوج عليها وما سايقة للدنيا خبار يحساب ليها بحالها مكاينش
الحلم الأسود الجزء العاشر
محتوى القصة
التنقل بين الأجزاء