جرات واحد الطلميطة حداها دارتها على راسها وخرجاشت مخلوعة وقفات موراه
الحاجة : اويييلي شكون ماااات
تصدم طه : جريمة قتل!!!
سلمى: اويلي على قتل !!!!
شدات فيه اشراق من اللور وقالت : ميمكنش!!!
الحاج بالصدمة جلس فوق الكرسي وقال
- جريمة قتل!
حرك الضابط راسو وقال : نتا متهم بجريمة قتل السيد كمال الخال
تصدم وقال : كمال!!!! كمال مات
الضابط : تفضل معانا وغتعرف
وقفات ليهم الحاجة الوسط اما اشراق خواو بيها ركبيها ووقفات مصدومة طلقات من الطلميطة طاحت فالارض .. اما سلمى والحاج طاح منهم النص
الخاجة : ولدي مقتلش .... اويلي على قتل فين باغيين تاخدو ولدي
تصدم طه وقال : كفاش قتل اش كتقووول واش عارف راسك معامن كتهضر!!!
رد الضابط باحترام وقال : القاضي محمد طه الناجي ... تفضل معانا الله يخليك
بقا طه غير كيشوف ورجع هز تيليفون ديالو من حداهم فوق الطبلة ومشا خرج معاهم خلا الحاجة شادة قلبها غيسكت وسلمى حاللة فمها ... اما الحاج بدا كيترعد وبدا يقول ويدو كتفتف
سلمى : راه طه مشا هجم ول لبارح على كمال فالشركة عطاه قتلة قدام كووولشي وهددو غيرجع ليه .. والمشكل راه شهدو فيه كااااع الموضفين ... طه كيقول ماقتلوش وصعر بغا يتسطااا ... (تنهدات بتعب) وكيل الملك قال ليه انا مافجهدي ما ندير ليك التهمة لابساك والشهود عليك .. ناضت واحد الروينة قلب عليهم البيرو وشدوه صحة هبطو سدو عليه وهوا كيطير وينزل
اشراق: ياااربي ... ياربي اش هادشي ... فوقاش مات كمال واش ول لبارح ؟؟؟ ومللي ول لبارح علاش دابا عاد جايين
سلمى: اللي قالو الشهود قالو فاش تضرب خرج من الشركة هاكاك وكان مضروب فراسو . ركب فالطموبيل ديالو لاكن مامشاش وبقا السكريتي كيتسناه يتحرك فاش متحركش مشا يطل عليه لقاه جامد فبلاصتو .. داوه لانعاش كان باقي حي ولاكن ليوم مات حيت لقاو عندو ارتجاج فالمخ ومالقاو ما يجمعو فيه ... لقاوع مضروب كامل والتصاور ديالو والشواهد الطبية كلها كتبت مات نتيجة الضرب ديال طه ... صافي مشا فيها مشاااا وكملات علينا لبنى قالت ليك العقوبة ديال القتل العمد كتبدا من 15 لعام للمأبد يعني 30 عام ... طه غيبقا هنا وغدا الصباح غيتقدم غير الله يلطف وصافي
الله واكبر... الفجر
جالسة كتصلي وطلب الله يفكهم من هاد الموصيبة اللي نزلات عليهم فجأة... كتبكي وتحمل مسؤولية لراسها ... هي السبب فهاد المشكل .. هي السبب فهدم حياتها ... شنو زعما ماكنتيش عارفة راه غيفقد اعصابو ؟؟ واش كاين راجل غيسمع مراتو باقا على ذمته وصاحبو حاط عليها العين ويسكت . كاين صاحب القلب البارد .. لالا ولاكن نتي كنتي متعمدة تشعليه اشراق وعارفاه غيطرطق ميبغيش وغيفقظ اعصابو ويمشي ليه ... هادي نتيجة تهور ديالك وعدم تفكيرك ( ضربات فخادها وهي فوق السجادة كتبكي وتفكر) هادي نتيجة التبرهيش ديالك ... هاهوا غار يالاه ... وهاهوا قتل كاع فكيه من هاد المصيبة .. فكيه وشوفي كي ديري تخرجي كما خرجتي عليه وعلى منصبه ... شنو غاديري دابا ؟ شنو غيوقع الى كولشي ساق لخبار . واش غتبقا سلمى تشكي عليك وتعاود ليك مللي تعرف باللي بسببك قتل صاحبو !! واش باك غيسكت ليك مالي يعرف باللي نتي سبب هاد المشاكيل . سيفطتي واحد للقبر ولاخر للحبس بسببك ... (ضربات فخادها ) واش هاكا كيتصرفو الناس؟؟؟ واش هادا هوا الحب ؟ واش مخفتيش عليه .. ماخفتيش يقتلو .. فكرتي غير فلغيرة وتشعلي النار فقلبو . تمسيه فرجولتو وتبينيه سادج بين صحابو وهما كيضحكو عليه ... شنو ؟ حقا ما حقا صاحبك جا بغا يتزوج بيا . .. وبراكة عليك غير صحابك اللي دايرين بيك ويضحكو عليك . (ضربات وجهها) ها الرجولة دابا بانت وتقلبات عليك نتي ... هانتي عورتيها فخطرة ... واش كان كيحساب ليك غيرضا ولا غيسكت الى سمعتيه ديك الهضرة ... ولا ضنو كنتي كتوقعي يمشي يقول ليه بعد ليا من مراتي وكنبغيها ونتسطا عليها ولا منعرف شنو وخلينا صحاب!! واش هادشي اللي درتي كيدار ؟؟ ها اللعب نتي اللي حسبتيه لعب عندو هوا كطيح فيه الروح ... وها الكرامة وها الشرف وها راجلك مارضاش وقطع ليه لحس ونتي دابا منك للعافية فاش ترجع ليك الحاجة وسلمى وبلا هضرة على لبنى واللي كارهك من الاول .
وقفات كتبلع الريق وتبكي حدا البالكون والضمير كيهش فيها ماخلاهاش ترتاح ... نزلات لتحت بحال الحنش مقطع ليه الراس كدور معارفة مادير .. بقات جالسة كتفكر وتبكي حتى نشفو الدموع من عينيها نادمة اشد الندم ومقادراش ترتاح ولا يغمض ليها جفن .. لاوية الشال على راسها وكدوح بيه ويدها على خدها فالبينوار دور دور وتصلي حوج ركعات طلب ودعي ربي يهز هاد الغمامة .. هادي والتوبة .. هادي والتوبة ومنها دير عقلها واخا يكون عندها جوج عقول .
دخلات سلمى عندها وجهها صفر وعينيها داخلين وجلسات شادة راسها بين يديها واشراق حداها كتشوف فيها بلهفة باغا تعرف شنو واقع
بغضب: واش عارفة شنو وقع .. واش مدخلة هادشي راااسك ... درتيها قد راسك وخرجتي من باب واسع ... السيد مات ... ماااات وخويااااا اعباد الله غيمشي 10 سنيييين ديال الحبس ..نزييييدك ... كان غيمشي ب 30 عاااام .... وليلى .. ليلى اللي ماحملنا ماقبلنا جات مع النبوري ... ووقفات معاه ... جاب الله كان كيشم الغبرة ... وقبل ميتدفن دارو ليه تشريح ... عتارفات بيها ليلى اما حنا كنا فدار غفلون ... هي جات وجابت الدليل وبقات سهرانة تما الليل كامل... الحمد لله لقاوه كان مغبر ونص التهمة هزاتها الغبرة بستييييين كشيفة ... وواخا هاكاك صبعو هوا تما ... صبعو تما والضرب والجرح المؤدي للموت مغيتحيدش من الملف ديالو ... (بدات تبكي) ماخلينا مادرنا ... ماخليناش فجهدنا والمشكل فالشهوووود والقضية كبيرة فيها قاضي وفيها شهود وموضفين وشركة ماشي حسي مسي اللي نصفيوها بالسكات . طه مشااا فيها .. طه مشاااا فيها واخا عيا يحيح ويدافع على شرفو والسبب اللي خلاه يضربو لاكن المشكل طااااحت الروح .. طاحت وحتى واحد ماعرف يخرجو منها والميت دفنووه والتهمة تابتة عليه وليوم غيدوز فالمحكمة ... مكاين لا جلسة ولا جوج التهمة لابسااااه لابساااه والحكم غيتنطق عليه هاد الصباح مع العشرة ... عشر سنين مافيهاش نقص ... مافيهاش وحنا صحاب قانون وعارفين هادشي
شدات اشراق فالحيط مصدومة ويدها على قلبها وسلمى كتندب وتبكي
اشراق: واش ... واش غايدوز قدام القاضي ليوم ؟
تنهدات سلمى: ليوم مع العشرة ... خدمتو مشات كلشي مشا .. كلشي مشااا ودرنا ليه جوج محاميين .. جوج بلا اللي كيعرف .. حتى واحد مابيديه شي حاجة
ناضت سلمى بنرفزة خلاتها واقفة مصدومة ....ها ... اللي خافت منو طاحت فيه .. دازت قدامها سلمى صفرا مشافتش كاع فيها وطلعات مع الشيفور مشات مباشرة للمحكمة كتجري وعينيها معلقين لقات الحاج والحاجة ولبنى وخوتها ب 3 واقفين .. لبنى لابسة لباس المحامية ومعاها محامي اخر وكيتناقشو على القضية .. جا عندهم وكيل الملك في حيرة وقال
- هادا جهدنا عليه ... هادا الجهد والله مالقينا كي نديرو ليه ... لقضاء العالي ماشي بحال ماع القضايا ... قضية قاضي هادي ... نتمناو الحكم يكون خفيف عليه .. اما جريمة القتل راه فيها فيها ماعندو كي يدير ... غنشوفو الجلسة كي غدوز .. ونشاء الله يكون خير راه عندو جلسات اخرين ماشي غير هادي ..غير هوا غيبقا محبوس .. وكل ليلى كيزيدها هنا ماشي لصالحو نهائيا
وقفات عليهم ليلة كتجري وشدات فسلمى وقالت
- شنو ؟؟؟ كاين شي جديد؟؟؟ مشيت للدار دغيا ورجعت
حركات لبنى راسها وقالت : والو ... مكاين حتى جديد ... ولاكن غنخاولو راه القضية فيها دفاع عن الشرف الله يعطيه دفعة نتهناو منو يخ
شدات ليلى فالحاجة وقالت: خالتي ... كن غير مشيتي ترتاحي شوية ..ونشاء الله ميكون غير لخير
تنهدات الحاجة وهي مهبطة راسها وقالت: ماعرفنا فين كان مخبي هادشي ... فيك الخير ابنتي فيك الخير
ردت ليلى وقالت كتبوس يدها : حنا واخا كاع هاد المشاكل الحاجة ..راه بيناتنا عشرة . وصداقة قبل كلشي ... طه راه غالي الحاجة نفديه بروحي ... وكن لقيت ليه الجهد نخرجو من هاد المحنة ماكهرتش
لبنى: درتي اللي عليك وكن ما جيتيش وشهدتي ووقفتي معانا ماكناش غنعرفو كاع واش كيستعمل شي غبرة ... نتي راه حيدتي عليه عشرين ديال الحبس .. هادشي اللي درتي راه كافي
اما لحاج و ولادو وزوج لبنى جالسين فجهة اخرى هازين الهم كيتسناو هاد الجلسة وشنو غيخرج منها ... فجأة جا الحاج عبد الغني كيجري وقف عليهم مخلوع وقال
- ياك لاباس اش واقع ؟؟؟ عيطات ليا اشراق قالت لي راه داوه البوليس تاهموه بجريمة قتل
ردت لبنى بصرامة : اشراق كتعرف غير الاخبار تنشرهم ... راجلها مرمي فالحبس وهي جالسة فالدار
رد الحاج الناجي بغضب وقال: الله ينعل اللي ميحشم .. شهاد قلة الترابي نعلة الله عليك
بقا الحاج عبد لغني غير كيشوف مافهم والو عاد جلسو الحاج الناجي وبدا يشرح ليه ويعاود ليه وهوا مصدوم غير كيشوف حتى تحل باب الدخلو للقاعة كاملين .. كل واحد شد بلاصتو .. عائلتو فالصف الاول ومعامهم ليلى شادة فالحاجة كتواسيها ... دخلو طه بالمينوط فيديه قدامهم كينهج بوحدو باغي يطق ... بنفس تيشورط ديالو وسروال سورفيت وسبرديلة من الحوايج اللي جابت ليه سلمى من الدار ... وقف فبلاصتو كيشوف فالارض فصمت ولبنى والمحامي ديالو واقفين كيهضرو معاه ويوصيوه لا يفقد السيطرة ويقول شي كلمة ضدو . دخلو المستشارين والاعضاء كاملين ودخل القاضي جلس كان راجل مسن وكبير فالعمر شار بيدو لكلشي جلس وبدات المرافعة
حمات القضية وسط القاعة وبدا الدفاع واخا طه ماحتاجش كاع للدفاع دافع على راسو براسو ماخلا للمحاميين مايقولو ودخل فالقضية طول وعرض مشات هضرة لبنى والمحامي هباءا منتورا
القاضي: جاوبني غير على سؤالي ... علاش تهجمتي عليه
رد طه بقوة : قلتها للنيابة العامة
القاضي: قولها هنا ... عاود شنو قلتي للنيابة العامة
رد طه وقال بجدية : كيتحرش بمراتي .. عارفها مراتي وغادي يخطبها من باها وهي على دمتي!!! يعاكسها واش هادشي يرضاع شي راجل ... (هز يديه فالسما) انا منرضاهش ... مانرضاااهش ونعاود نضرب ونقتل .. على شرفي .
القاضي: امم... وعندك شي شهور على هاد الكلام ؟؟؟
تلفت شاف لور مالقاش اشراق وتحبط بدا ينهج لاكن ناض الحاج عبد الغني وقال
- انا سعادة القاضي ... ولي امر الزوجة ديالو
القاضي: تفضل .
بدا الحاج يعاود النزيلة من الاول حتى للخر ورجع بلاصتو خلى الكلمة للدفاع في حين كيدور طه كل مرة ويشوف موراه كيقلب بعينيه . بعد جلسة حامية ناض القاضي والمستشرين لمهلة قبل النطق بالحكم . وقفات لبنى كتهضر مع طه وتسولو وهوا ففمو كلمة وحدة
- فين اشراق؟ علاش مجاتش اشراق؟؟؟
وطبعا لبنى غرقات ليه الشقف معاه ماسكتاتش حتى خرج القاضي ورجع كل واحد بلاصتو وبدات المقدمة ديال النطق بالحكم وقبل ميكمل الهضرة دخلات اشراق مع الباب وفيدها ملف كتنهج وصدرها كيطلع ويهبط لابسة جلابة ودايرة الشال وتخشات بين الحضور كتشوف شنو واقع ... شافتو واقف قدامها وبدات تميل راسها بحنان... شافت فالقاضي غينطق وهي توقف بارتباك كتداعي القوة وقلبها غيسكت ... كلشي تلفت شاف فيها ومنهم طه تصدم وهي كتقول بهدوء ورزانة
- سيدي القاضي ... متقدرش تحكم على انسان بريئ ..قبل ماتشوف الدليل اللي كيتبت برائتو
استغرب القاضي وقال : شكون سيادتكم؟
ردت برزانة: انا مدام اشراق الناصيري ... زوجة المتهم محمد طه الناجي ... عندي ديليل برائتو ... لاكن سيدي القاضي ... هاد الدليل كيمس الصمعة ديالي كأمرأة .. وكزوجة محترمة ... وهوا شيء من الخصوصية اللي منسمحش لشي واحد اي كان يطالع عليه ... لأنه كما قلت ليك سيدي القاضي كيمس صمعتي ... وكرامتي
عقد طه حجبانو وقال : شناااهواا هادشي!!!
دق القاضي وقال : محمد طه الناجي اخر مرة نقول سكت وللمرة لمليون كنقول ليك تحكم فاعصابك حنا فمحكمة ماشي سويقة ...تفضلي ابنتي اري نشوف الدليل
تقدمات وقفات قدامو وقال: كما سبق وقلت سيدي القاضي ... هاد الدليل كيمس الصمعة ديالي كزوجة وكأمرأة ... وكيمس شرفي وشرف الزوج ديالي
رد طه بقوة: شهااادشي اشرااااق؟؟؟
رد القاضي بغضب: السكاااات ... تعاود تهضر غتنساحب من المرافعة ... اري الدليل
ردت بجرأة: سيدي القاضي ... انا قبل مانعطيك الدليل لازم تواعدني . . . تشوفو غير بوحدك ... الحكم حكامك سيدي القاضي لاكن غتكون ضالم الى ماطالعتيش على الدليل ديالي وحكمتي
سكتو المحامي وجراتو لبنى حطات يدها على فمو وبدات تبرد .. اما ليلة لفضول بغا يهزها من بلاصتها لوسط الملف . جمعات اشراق النفس وقالت
- غنحاول نذكرك سيدي القاضي .. الى كان دليلي كاف وانا متأكدة أنه كاف لاتبات برائة زوجي .. فالسر يبقا بيننا ... والى مكانش كاف .. فالسر يبقا بيننا وحنا راضيين بالحكم .. حتى ولو كان ضلما على متهم بريئ .. ولمحكمة واسع النضر
مدات ليه الملف تحت انضار الجميع وطه اللي غيطفش من بلاصتو .. حلو طالع على الملف مطولا بسرية وتنهد ورجع سدو وقال
- بعد هاذا الدليل اللي طلعت عليه فآخر لحضة ... ولحساسيتو وسريتو التامة ..حكمت المحكمة حضوريا على المتهم محمد طه الناجي بالبرائة .
كلشي وقف مصدوم ومنهم هوا وقبل ميجمع القاضي الملف قالت اشراق بقوة
- سيدي القاضي ... المرافعة انتهت ... والبريئ بريئ ممكن نسترجع كرامتي و صمعتي لبين يدي حفاضا عليها
رد القاضي بانفعال : طبعا لا الدليل غيبقا مع باقي الملفات
ردت بهدوء: سيدي القاضي .. انا قلت ليك قبل ... باللي هادا كيمس الصمعة ديالي ... والة بقا مع الملفات الكل غيطالع عليه ... وصمعتي وشرفي غيطيح للارض
رد القاضي بغضب: هادشي ممنوع
ردت بجرأة: اذا كشف الدليل امام الملئ ... هاكا نكون قدمتو كدفاع على زوجي احسن مناخد تهم بلا مبررات . تقدر تكشف الدليل قدام كلشي سيدي القاضي ... واخا هادشي غيمس المصعة ديالك حتى نتا
جمع القاضي النفس بقا كيشوف فيها وهز الملف بغضب شديد مخفي تحت مناخرو ومد ليها الملف وقال
- منبغيش الصمعة ديالك ... والشرف وشرف زوجك يتوسخ امام الملئ ... ونتي امرأة محترمة
خدات الملف بابتسامة شداتو عندها وناض القاضي والبقية دخلو فحالهم وهنا طار طه على اشراق طير ليها الملف وحلو نص حلة بعيد على انضار الاخرين اللي مصدومين وفرحانين فنفس الوقت . تصدم طه صدمة العمر وهوا كيشوف ما بداخل الملف ويقرى الورقة المكتوب فيها
" سيدي القاضي .. انا ماعندي حتى دليل كيتبت البرائة ولاكن عندي هاد الشيك بقيمة مليار ونصف يغنيك على سنين عمرك سيدي القاضي .. كلمة وحدة منك فقط يكون من نصيبك . " وكان حدا للورقة شيك بقيمة مليار ونص موقع ناض كيبري ويشعل شعيل
هز طه راسو لقا اشراق طارت من قدامو مابقاتش كتبان .. كمش الملف كيغزز سنانو اما اشراق خرجات مشات عند خليج اللي واقفة برا كتسناها والبيضة حامية فيها
خليج : امضرا شمووو هضري مالكي مخلوعة كتسكتي ليا القلب
خليج: اللعبة صدقات !!!! يويويويويويوييييييييييي كنت خايفة ناري كنت غنموت ...
اشراق: يا دبحة يا ربحة ... هوا غادي غادي فيها اللهم نفكوه بأي طريقة
خليج: الله غلى راحة عاد رتاحيت دابا ... خفت القاضي ميعطيكش الملف ونصدقو فالتزوير ديال الشيك وجريمة اخرى .
اشراق: الحمد لله خرج ... كابووووس وتسالا واخا غناكل قتلة من عندو ماشي مهم ... عرفتي والله الافلام كينفعو بعض المرات ... وهادي هايها وقفنا عليها لقيناها
خليج: راه الافلام ماشي هما الواقع ... راه غير بالزهر صدقات هادي وطحتي مع طماع
اشراق: بغيت نمشي للدار .. و واحد الراس كيقول ليا نمشي للفيلا حسن حتى ايلا ناض الصدع يفكوني .. هادشي الى كانو باقيين باغييني
خليج: سيري للفيلا ... مراتو وراجلك واللي ما عجبو حال ينطح راسو مع الحيط ... باينة ديك ليلى غتلسق فيهم وتمشي معاهم
حلات اشراق عينيها : شنو ليلى !!!! لا انا غنمشي للفيلا ... يالاه بسلامة حتى نرد عليك فتيليفون
طلعات مع الشيفور كتجري ردها للفيلا ودخلات سخفانة ونفس الوقت فرحانة طلعات لبيتها وجلسات كتسنى حتى يوصلو البقية . خرجات فجأة من البيت سمعات الحس وطلات من لفوق لقات اول وحدة داخلة هي ليلى وشادة فالخاجة وفرحانين بانتهاء هاد الكابوس ... معاهم سلمى ولبنى والكل اللي كان فالمحكمة من غير باها ... واخيرا طه اللي دخل وراهم عاقد غوباشتو وطلع نيشان مع الدروج غير شافتو نقزات للبيت وقشعها هربات وسدات عليها وبدا كيدق بهدوء وحلات ليه كأن شيءا لم يكن ، دخل كيخزر فيها والملف فيدو وهي كتشوف فيه بلطافة وابتسامة فبيجامة شيبية وشعرها مطلوق بحال العادة وقالت
- على سلامتك
رد الباب برجلو : على سلامتي!!! اش هادشي؟؟؟(هز الملف فوجهها)
رجعات اللور بابتسامة : البرائة ههه
رد بغضب: هيهي البرائة ... اش هاااادشي اشراق
لسقات مع الحيط وهزات صبعها : والله لعضيم حتى نيتي حسنة ... وصافية بحال اللبن ومكنتش غنرشيه غير سمع سمع دابا انا بغيت نكفر على دنبي حيت انا السبب ياك ومالقيت غير هادي شفتها فواحد المسلسل والحمممممد لله الحمد الله ابيبي نجحات وحتى القاضي طلع طماع و . ...
لسقها مع الحيط وقال: كتجربي فيا المسلسلات دابا اممم؟؟؟
قالت وهي ممسوحة مع الحيط مرة ضحك مرة ترغب مرة تعرنن
بلعات ريقها : الشيك هزيتو من الدفتر شيكات ديالك ووو و و و كتبت فيه داكشي .. غير برد برد راه اااااااصلا داك الشيك مزووووور
غزز سنانو والدهان خارج من نيفو : او مزوووور من لفووووق كتقلبي غلى المأبد
خشات راسها بين كتافها وقالت : ماشي خصارة والله ماخصارة الى كانت غيتحكم عليا معاك
بقا مخرج عينيه فيها وكيقرب ويسوط لاكن فاجأها وقبلها اكبر قبلة وهي لاسقة مع الحيط ماعرفات باش تبلات بقات غير كتشوف وابتاسمات وعنقاتو بيديها بجوج فتجاوب معه .. هزها من بلاصتها وسط القبلة ونزل عليها بطرشة على المأخرة حتى تهزات وقال
- غندبحك شي نهار ...
ردت كتحك فمأخرتها وقالت: ياك ههه
جرها من خصرها وقال: اجي اري بوسة الرشايوية ..
خرج من الحمام كيمسح شعرو الفازك لابس بينوار ابيض لقاها جالسة منزينة بحال الوردة والشعر مطلوق ... النعومة والجمال فبينوار خفيف قصير كتلعب بشعرها وتشوف فالمرايا ضاربة تعكيرة حمرا .. تحنا عليها من اللور باسها فعنقها وقال بابتسامة
- اش هادشي؟؟
هزات كتفها بدلع : شنوو؟؟
شاف فيها فالمرايا وقال: هاد الزين
شافت فراسها وقالت بدلع : دياالك
باسها فعنقها وقال : ديالي ... (غمزها) باقا فيك ...
طلع وهبط فيها وقال : عرفتي ... والله كن غا بقيتي فالنقاب
عقدات حجبانها : عييييقتي عليا اطه او بزاااف والله
جرها من رقبتها : وصاافي يالاه ... ومتسلميش (ضربها للمأخرة ) بلا متلوحي يديك
خرجات كضحك وهوا موراها ونزلات قدامو وهوا يديه فجيابو .. كان الكل جالس فالصالون على الكنبات والعشا كيوجد فرحانين بالبرائة ديال طه ومعاهم ليلى جالسة ودايرة رجل على رجل حدة لبنى والحاجة ... غير هبطو هزات عينها شافت فطه وسهات نسات راسها حتى دازت حداها اشراق وجلسات جنب الحاج ... وجلس طه فالطرف حدا خوه لكبير ... دورات اشراق عينيها شافت الحاجة وسلمى قالبين وجههم عليها ..وطبعا لبنى من غير وجهها اللي قالبة من الاول زادت سولات اشراق بابتسامة وقالت
- ماقلتيش لينا دليل البرائة
رد طه عاقد حجبانو متكي على ركابيه كيشوف فيها
- راه قالت ليك شخصي ... كيتعلق بالكرامة وداكشي
لبنى: امم ... على العموم الحمد لله
الحاج : يكون فعوان عائلة ديال كمال ... لا حولة ولا قوة الا بالله ... بغينا غير نعزيو
شاف فيه طه بجدية وقال : انا ماقتلتووووش ... راه السيد باق حي وناض وخرج من الشركة ... وراك شفتي شنو السبب
تدخلات ليلى : راه كان مدمن على الغبرة اعمي ... راه فاش جيت عندكم انا وقلتها رجعو للطموبيل كيقلبو لقاوه ستعمل الغبرة قبل ميموت .. راه هي اللي قتلاتو وطه غير جا فالطريق
هز طه عينو فيها وقال بجدية : على العموم .. شكرا على كل حاجة درتيها معايا ا ليلى ... شكرا لأي واحد دار جهدو فهاد القضية ... خيركم دين فرقبتي (تلفت عند اشراق وابتاسم) والفضل لكبير كيرجع للي ضحى بحريتو ..باش انا نكون جالس معاكم هاد الجلسة هادي
ابتاسمات بسعادة وبقات ساكتة ولبنى كتشوف فيها
- ايوا على الاقل نعرفو نوع هاد التضحية .
شاف فيها طه وقال : هاد التضحية بيني وبينها ... يعني شي حاجة كتمس صمعتي انا وياها .
الحاجة : ولاكن كولشي بالسبة ديالها ... هي اللي جران لينا فهاد المشاكل
رد طه بصوت تقيل كيشوف فيها عاقد حجبانو
- اشنو بغيتيها تسكت ... وكن ماقالتهاش ليا كانت غتكون هضرة اخرى .. ونضرة اخرى ... هاد الموضوع الحاجة حسن نسدوه فخطرة .
تنهدات سلمى: واخا هي السبب فهادشي ... راه فنفس الوقت هي السبب فالبرائة ... راه كيقولك جي منا وجي علينا وزايدون راجلها من حقها تشكي ليه .. واي مرى تقدر تعرض لهادشي
شافت فليلى بنص عين وقلبات عينيها بميوعة وشافت فأشراق اللي جالسة دايرة رجل على رجل وجامعة ييديها ومهبطة راسها كتشوف وتسمع فصمت .
- مرحبااا بيك احبيبة ... شحال هادي ما تجمعنا كاملين
تزيرات اشراق فاش شافتهم حدا بعضياتهم وبداو التخيلات كيلعبو فدماغها ورجعات تذكرات العلاقة اللي كانت بيناتهم قبل وهي تسخن وبدا صدرها طالع هواد ودارت بناقص من العشا ومشات للكوزينة حدا نادية وشدات الدمعة فالقنت هبطاتها بكاس دالماء وبقات جالسة في حين الكل كيتعشا ويسول عليها ويعيطو حتى مشات عندهم نادية حطات العصير وقالت
- قالت صافي الطبلة عمرات وحتى هي مافيها ماياكل
هز الحاج راسو وقال : كفاش الطبلة عمرات .. عيطي ليها تجي تعشا
جر طه الكرسي للور وناض مشا للكوزينة لقاها واقفة حدا البوطاجي غضبانة وهوا ينخزها من الجنب تا كانت غتغوت وضارت
- شنو؟
غمزها: مالكي؟ علاش واقفة هنا بوحدك مالك مابغيتيش تجي تعشاي ؟
هزات كتفها : الضياف هما اللولين .
عطاتو بالضهر كتستف الكيسان وهوا يدورها عندو وقال
- يالاه تعشاي ... (ضربها لنيفها) يالاه ولا غندير بناقص (هبط عينيه بابتسامة لصدرها وقال) ولا غنتعشا بيك هاد الليلة
عرا ليها العباية على صدرها بان عنقها وتحل الفولار والصدر تعرى وهوا يخشي وجهو بشهوة باسها فصدرها وسط الكوزينة وزيرها عندو وهي كضحك وتقول
- ماشي هنا .... حتى نطلعو
دخلات عليهم الحاجة على غفلة لقاتو كيتمخشش فيها وشهقات هي واشراق بجوج
اشراق: الحاجة!!!
دور وجهه بسرعة كيكحب جهة البوطة بلا ميدور وحنا راسها جر الكاس شرب عاطي لمو بالضهر واشراق مصمرة قدامها ويديها مور لبوطاجي وصدرها باين ... بسرعة بدات تغطي وقادات الشال والحاجة معبسة وكتسوط
- واش مغتجمعوش على ديك الطبلة تعشاو خلاص .
حطات الشبكة ومشات واشراق وجهها حمر و عاضة على شنايفها .. هز طه راسو من بعد ماكان كيحك نيفو ويتسنا الحاجة تمشي وقال كيضحك
- يالاه ... يالاه تعشاي صافي هادشي اللي بغيتي
جرها من يدها للطبلة وجلسها فلكرسي ديالو حدا ليلى وجاب كرسي اخر خشاه حداه وجلسو كيتعشاو والحاجة مكمشة فمها كتشوف فيهم كأن الغيرة بداتها ومشهد ولدها فأحضام مراتو فلكوزينة زاد من غيرتها وبقات عير كتنفخ واشراق حانية راسها مقادراش تهزو حتى تسالا العشا وناضت بسرعة بغات طلع وهي تسمع
الحاجة : وصل معاك اولدي ليلة راه جات معانا ماجابتش الطموبيل
تلفتات اشراق بسرعة والكل خارج غادي فحالو وقالت بلا تفكير
- راه الشيفور يوصلها !!
الحاجة : مكاينش مشا بحالو ينعس مالو ماعليهش الله
ردت اشراق بنار شاعلة فيها : طهاا
غلباتو الضحكة من طريقة اشراف فالكلام وقال
-راه لبنى غنوصلها معاها فالطريق ... لبنااااا... تسناي ليلى تمشي معاكم... يالاه تصبحو على خير
لاح يدو وطلع مور اشراق اللي بقات واقفة كتسناه ويدها على جنبها حتى دخل وسدات الباب بالساروت وتلفتات حيدات العباية ولاحت الفولار وسرحات شعرها بيدها قائلة
- هاد ليلى واش بعقلها ولا شنوو!!!
جلس فوق الناموسية وجرها عندو جلسها عليه وهي حالة رجليها
طه : خلييك من ليلى واجي نكرمك شوية راه شحال بيني وبينك
جلسات عليه وهي لابسة سوميج مغري كامل مشبك وقالت بدلعتفعة صدرها قدامها
- انا كتعصبني هاد ليلى
ضربها لمؤخرتها وقاا : خليني من ليلى دابا (دخل يدو تحت السوميج فمؤخرتها وهوا يحل عينيه وقال
- مشات !!!
عوجات فمها : راه بالخلعة تقطعات
جرها عندو مزيان فخادها فرحان وقال
- وكتكدبي عليا ! اجي نوريك لكدوب
هزها كما هي لاحها فوق الناموسية وطفا الضوء خلا الفايوز وجلس على ركابيه كيشوف فيها قدامو فداك اللباس المغري جميع مفاتنا باينة وانوثة متفجرة كيتعيط عليه .. طلع تيشورط لاحها للجنب ونزل عليها تحت اصوات القهقة والدلع والاصوات الرقيقة
قالت بغضب : لاااا اخويا هاد ليلى تعطيني شبر تيساع كما عاطياه ليها ولا غنخرج للعيب
دار يدو مور راسو وهوا متكي موراعا عريان مغطي نصو كيشف فيعا عي اللي جالسة حداه فطرف الناموسية دايرة رجل على رجل فبينوار ناعم ابيض قصير والشعر مطلوق والصدر كيلعب
- علاش كدخليني فهادشي؟؟ انا كن جبتها اه من حقك تهضري .. ولاكن هي جات معاهم ماشفتهااااش كاااع ولا رديت ليها البال
تلفتات عندو لنرفزة والكاس دالماء فيدها
- ماشي سوقي هضر مع الحاجة تحتارمني شوية وماتجيبهاش هنا
جراتو من يدو فشلان دخلاتو للدوش بزز منو وهوا كيسوط قاطع الحس وردات الباب بابتسامة وسعادة
الله واكبر ...
واقف قدامها لابس بينوار كيصلي وهي موراه فالعباية والفولار .
سلم وتلفت عندها شاف فيها وهي تبتاسم ليه بلا كلام .. كحز عندها باس ليها جبهتها بابتسامة وناضو بلا ميهضرو حيدات العباية ودخلات فالفراش كتشوف فيه فالبالكون واقف كيكيمي والليل باقي الضوء عاد كيعطي شوية ... بقات ساهية كتشوف فيه حتى غمضات عينيها .
الحاجة : مابقيت لغيت حتى وحدة ... ها الولد مسكين ما عندو زهر . . ماعندوش الزهر كااااع
افأفات سلمى: اوووف ... غير نتي اللي والدة !! البنت كتحتارمك وموقراك ومكتحرش ولدك عليك ... ومتاقية الله وبنت الناس ... اشنو ؟؟؟ بغيتيها تقلي ليك السم وتبقا تفقصك فيك بلعاني ! ولا تقزب وتهز الكارو والشراب وتخرج دور هي وياع فنصاص الليل !!! راه بااااااينة اش كتسوا غير الى بغينا نضلموها .
بغضب: واش كتجي منها ؟؟؟ كتجي منها ولا مني انا اللي مك
ناضت سلمى بنرفزة: انا مع الحق ... كنشوف خويا رجع كيجي للدار ... كيتغدا معانا ... كيتعشا معانا ... كيبات فبيتو ... من الخدمة للدار ماشي كي كان مكنعرفوه فين مخشي ... اما دابا راه كتشوفيه وتحت عينيك
هزات عينها بانت ليها اشراق نازلة وجلسات معاه فالطبلة صبحات عليهم والحاجة كتشوف فيها
- فين طه ؟؟؟
ردت اشراق كتكب القهوة : باقي ناعس
دارت الحاجة يد على يد : صااافي !! جراة عليه
شافت فيها اشراق باستغراب: علاش غيجريو عليه الحاجة ؟؟ الله يستر
سلمى: راه ماخرجش اماما ... عندو شي يامات وغيرجع .. خليه يرتاح شوية من زننن زنن اااامامااا... بسلامة عليكم
مشات وبقات اشراق معبسة ماعجباتهاش طريقة الحاجة فالهضرة وخوات الكاس كتشرب فصمت والحاجة كنشوف فيها بنص عين
- فيين كتعرفي نتي كمال؟؟؟
شافت اشراق فيها وقالت: الله يرحمو الحاجة
الحاجة : الله يرحمو ... وفين عرفتيه ؟؟؟ كفاش حتى مشا عند باك سولو عليك وقالو نخطبها ؟؟؟
مشات لبسات جليليبة وتولات راسها بحال العادة وهزات السورات ونزلات قدام الحاجة اللي تبعاتها ويدها على جنبها حتى طلعات فالطموبيل وهي تقول
- هوااا للي عطاك طموبيل
دخلات اشراق وزدحات الباب: ااه
مشات اشراق خرجات بالسيارة ورجعات الحاجة دخلات كتسوط لقاتو نازل كيجر فرجليه ووقفات ليه قدامو يدو على جنبها
- عطيتيها طنوبيل ؟
دوز على راسو من اللور وقال : بغات تشوف ختها
زفرات الحاجة : وعاطيها الطموبيل باقيا جديدة ؟؟؟
رد بلا مبالات : وصاافي الله يهديك ... راه كتسوق واش عاد غتعلم
عبسات الحاجة تابعاه من اللور: راه كتسما الضسارة هادي ... هادشي زاد عند حدو ... صافي زير شوية معاها واش غير لخاطر لخاطر بزاف
أفأف: اووف الحاجة الصباح هادا ... شنو كدير هاد المرى كاع ... اش فيها الى بغات طموبيل ... اري لنا شي كاس دالقهوة الصباح هادا
خوات ليه القهوة وجلسات حداه كتهضر بشوية : راه المرى ماخصهاش ضسر ... شةف فاللول كيفاش كانت وكيفاش رجعات
رد ببرودة: الى ماعجباتكش نحيدها عليك من هنايا مخاسر والو
هزات راسها وقالت : حسن .. كانت غدخلك للحبس ... صافي تلاقيتو خوت تفارقو خوت ... هي سبب المشاكيل
هز راسو كيشوف فيها ببرودة وقال : نحيدها منها نديها للدار الحاجة الله يهديك ... نعلي الشيطان اش كتخربقي
عقدات الحاجة حجبانها : فين اديها!!
رد بهدوء: نمشيو بحالنا للدار وتهناي مع راسك
ربعات يديها كتسوط : انا مكنجري على حد ... زايدون الى بغيتي تديها ديها ... حسن كاع
حل عينيه وحاجبو لفوق: ماقلتي عيب الحاجة . . . وميكون غير خاطرك .. صافي هادشي اللي بغيتي
دورات الحاجة وجهها غضبانة وهوا مبرد كيشرب القهوة
خرجات خليج من العمارة لابسة دجين قصير وسبرديلة وكاب كحل طالقة شعرها لقات اشراق دايرة سينيال وواقفة فالشارع كطل عليها من الزاج ويدها على المقود كتسناها .. ضحكات خليج وحلات الباب طلعات وسداتو قائلة
- ايييهااايي على بي اييييم الناس سايقة ليا لبي إيييم يالالة(ضرباتها للكتف) جات معاك ههه
ضحكات اشراق وقالت : وشنوو ... ديال زاااوجي حبيبي هههه... كي جيت فيها ؟
خليج: وا قولي ليه يعطيها ليك
شافت فيها اشراق كضحك : وراه كي ديالي كي ديالو بحال بحال مكاينش فرق .. مالو دابا حيدها ليا ؟
خليج : ااي هااي هااي على ديالنا بجوج مكاينش فرق ! ...
اشراق: وا كيجيتك بعدا ؟ جات معايا مرت القاضي؟
خليج : جات معاك ومعامن اختي غتجي الى مجاتش معاك نتي؟.
دارت اشراق يدها على جنبها وقالت : لا والله !!! شوف شكةن كيرفرق الخدمة ! ماشي نتي اللي توريني الدور ديالي هنا كتسمعي الووستي لعزيزة ... الى سكت ليك ديك المرة راه غير حيت خوك (شافت فليلى ) اللي هوا راااجلي ... كان هنا وجاوبك بلاصتي .. والى كان يحساب ليك انا حيط قصير تنقزو عليه ... راه حيط قصير وفيه الزاج المحامية ديالهم
دازت قدامها خليج عاقدة دوك الحجبان فالسما ووقفات قدام اشراق
- مزوجة بيه بزز .. ولا بلا خاااطر ولا مانعرف باش ... المهم تزوجااااات بيه ومرتووو ... كييييت اللي ضربات سبع سنين كتهز فالعلوة وجات لاااااللاااه داتو ليه فشهر (هزات صبعها) شهر واحد داتو
هزات لبنى يدها حتى للسما ونزلات على حنك اشراق قدام الكل سرفقاتها
مع صدمة الجميع مع سخفات اشراق طاحت على طولها فالارض ورجعات لبنى للور مصدومة وليلى دارت يدها على فمها وخليج غوتات بأعلى صوت تسمع فالمحل كامل ةتهزو البنات كيجريو بالماء والريحة .. دخل الحاج كيجري وسط غوات خليج مخلوع لقا لبنى واقفة كتنهج وجامعة يدها لكمة شافتو هي تخلع رجعات باللور كتفتف ودخل وسط البنات كيشوف اش واقع وهما كيخويو عليها الماء وهي حلفات ماتنوض
الحاج بغضب: شنو واااقع ؟؟؟؟ اش وقع
شافت فيه خليج كتبكي : ضرباتها لبنى بالبونية للوجه وطاحت جات على راسها
حلات لبنى فمها مصدومة وبغات طير عليها كتغوت
- الكدااااابة انا ضربتها ببونية
شافت فيها خليج كتهز حاجبها وتحطو وشافت فالحاج اللي مصدوم فلبنى وقالت
خزرات فيها لبنى بغضب : قولي ليهااا شنو قالت لياااا باش ضربتهااا ...
اكرام : ماسمعتش اسيد الحاج
خليج: مقالت والو ... ها البنات شاهدين ... هي ضرباتها وقالت ليها هادا المحل ديال الورثة ونتي غير خدامة هنا بحالك بحال البنات
تعصب الحاج كيترعد على لبنى وقال
- هادا المحل ديالي .. انا اللي نعطيه لمن بغيت ونحيدو لمن بغيت ... وباقي حي مزال عليكم الحال باش تورتوني ... ودابا الى عندك شي شغل سيري قضيه وديها فالمحامات ديالك واخر مرة دخلي فشغالاتي
بقات لبنى ساكتة مصدومة فيه وقالت
- راه كيكدبوووو عليك ابابا وباغين يشفروك ونتا خال عينك .. هاد اللفعة راه اكبر ش
دارت خليج يدها على خدها خلاتها حتى سالات الهضرة وبدات تقلد
- داباااااههه ... ايييي ... كنمووووت ... مااامي .. باااابي ... ونااااااري ياختشي مكتقاداااايش علاش قلتي ليه سخفت ومكدباني حتى انا معاك ؟؟ انا ماعزيزش عليا اختشي لكدوب نقول الصراحة واخا يتحط السيف على عنقي ... كان عليك تقولي ليه عطاتني لوووووبيااااا كلاك للحنك حتى لسقت مع الخيط وسال الدم من نيفي وراسي جا على الزاجة وهزوني ايرجونص كيهزو ليا صدري بالمصلوح وقلبي كيدق ويسكت وكنت غندخل فغيبوبة فيها عشرين عام مانوض حتى لقا ولدي جاب الباك !
هزات اشراق حاجبها وشارت بيدها : وصافي ... تا نتي راه غنخسر مع الحاج ... بغيتي نطيح ليه الهضرة وهوا اللي عندو الكلمة ويجي ضدي ؟؟ راه المحمية كتغلب السبع ... وماقادرة على شوفات الحاج والحساسية ديالو ... براااكة عليه غنقول ليه سخفت وجيت لاسقة مع الطروطوار على حنكي وعندي بيبي فكرشي ... غير هادي راه غتنسيه سميتو وعنوان دارهم .. عاد حتى نوض ونعجببببك فليلى ولبنااا غييير بلاتي ... عندي ليهم شي هضاااضر ... شي هضاااضر وشي معيوووور حابسة غا بزز ... بلحق حتى نعرض عليهم للحفلة اللي غندير فالفيلا
خليج: اينا حفلة ؟؟؟!
اشراق: حفلة ديال الحمل .... غندير ليها بوم ونجيبهم حتى لعندي ونفرجك فيهم ... وتهضر الى سميتها مرى ... ودابا عاااد غنطيح بيهم تما فداك المحل ومنو نخلاااق يالاااه
دخل طه عليهم كيضحك والضراس كيبانو غير شافتو عرفاتها وصلاتو ...
مد يدو لخليج: ختي خليج سافا ؟؟ بيجير؟
ابتاسمات: الحمد لله ايوا مبروك
ضحك وقال غادي عند اشراق: الله يبارك فيك عقبة ليك نشاء الله
عنق اشراق كيضحك وباسها فحنكها.. تسلات خليج خرجات وردات الباب خلاتو معاها محني عليها معنقها من درعانها بجوج بلطف كتبان مي البخوشة بين يديه وهوا كيهضر معاها ويبوس هنا وهنا
اشراق: شكون قالها ليك ؟
رد بابتسامة : الواليد قالها ليا ... خرجت من لاصال نيشان لعندك
شافت فيه وفعينيها ابتسامة : امم دابا عجبك الحال
قال مع بوسة فلحنك : وعلاش ميعجبنيش الحال الكبديدة ديالي غتجيب ليا بيبي
هزات كتفها : امممم
طه: مبروك علينا ههه
ردت كضحك : الله يبارك فيك عقبة لينا ههه
ضحك وقال كيدوز يدو على كرشها : كفاش وقع ليك حتى طحتي ؟ (شاف حنكها) مال حنكك حمر؟؟؟
ردت بلا مبالات : عادي طحت عليه .. جاتني الدوخة وصافي
اشراق: حسن ... ولفتهم احبيبي وليت كنحس بيهم جزء مني ... منقدرش نخليهم
بقا ساكت كيشوف فيها بحب وباسها ففمها . وناض بغا يشوف الطبيب يسولو عليها ويالاه حل لباب زهقات خليج اللي كانت كطل من التقبة دالساروت وتسنط ووقفات بسرعة كضحك وقالت
- هيهيهي كنت متكية بضهري على الباب
بقا غير كيشوف فيها وهز يدو يكأفاف نفضهم مع جناب سروالو وخرج خلا اشراق حاللة عينيها فخليج وهازة واحد الحاجب وجالسة فوق البياص
اشراق: وابااااز !!
وقفات خليج كتعوج وجهها وتقلدها
- كنبغيييهم وكنموت عليهم .. اه ياااني اه ياااني واحياااااني عليك كاااع هادي انسانية فيك وحب الله يعطيني من طيبة قلبك غير شوية من الجناب !
دورات اشراق وجها كتبومبا ساكتة شوية وقالت
- وشنو بغيتي نمشي للدار نسد عليا تما مانعرف اش واقع فالدنيا ؟ ... ولاللاهم ليلى خيطي بيطي للفيلا وهوا كيمشي لتما ولحاجة قلبها حن على السفريطة وتبقا تقول ليه (كتقلدها ) ولييييدي وصلهااا ... حبيبي سير جيبهااااا ... وليدي طلعها ترتاح فالبيت وبقا معاها حتى يدوز عليها الحال ... اي هااااي وانا جالسة فالدار نتسناه حتى نمشي شي نهار نلقاها لسقااات واللي عطا الله عطاه وخدات ليا الفراش ياك ؟ (دارت يدها على جنبها وطلعات حاجبها) ياكي هادشي بغاو هما ؟؟ اوالله لا كانت ليهم ... الى منخرجهااااااا منهم راني منتسماش اشراق(حيدات السيروم وناضت وقفات وشدات فكرشها ) ااااه ... كرشيييي ... انا مرة حاااااااملة ماتفقصةوونيش وتفقصو ليا ولدي بغيتو يخرج قاض بحال باباه ... انا حاملة ديرو ليا خاطري ... حيدي ندوز (دازت كتعوج) قولي تبارك الله
دات خليج فمها للجنب وجابتو وقالت : بسم الله عليك لا طيحي بسم الله ... يكون فعوان مالين دار مغيشوفوش النعاس هاد الليلة . . لاللة اشراق حااااملة حيدو خليوها دوز ... زيدي زيدي ... زيدي الله يعطيني معاك الصبر
تلاقات طه راجع فرحان كيضحك بوحدو وقالت
- فين كنتي؟؟
شد ليها فيدها : شكون نوضك من بلاصتك ؟ بقاي ترتاحي
قالت خليج بتدمر : بقااااي احبيبة ترتاحي راكي حاااملة... حاااملة نتي هي اللولة واللخرة ... ركابيك كيخويو بيك وتمشي تسخفي كما سخفتي ليا فااسووووق السوووق اععع
الحاجة : هي كانت حاملة ومخبية علينا ... تبااارك الله علاااش مالها خافت نقتلوه ليها
تنهد وقال: الله يهديك ... راه يالاه شهر اصلا يالاه عرفنا
قالت لبنى بتسرع : لااا راه كانت حاملة وختها عارفة وبدات تسممني بيها فلحانوت فاش سخفات
تلفت باستغراب مصغر واحد العين وقال
- نعام؟؟؟ عاودي اش قلتي
دورات لبنى عينيها كتمتم وقالت: والو
هز حاجبو وقال : كفاش ؟ (دزر صبعو عدا ودنو) لالا عاودي اش قلتي
تنهدات لبنى بتوثر وقالت : علاش هي مقالت ليك والو
بقا ساكت كيسوف فيها وشاف فليلى اللي تبدل لون وجهها حتى هيى وقال
- لا عاودات ليا كوولشي ... ولاكن مكرهتش نسمع منكم
ردت لبنى : هي عاودات ليك غير اللي بغات ياك... عاودات ليك وعمرات ليك راسك باللي بغات ...
بقا ساكت مصغر عينو فيها خلاها كتهضر وقلبها عامر والحاجة معاوناها
الحاجة : شكون هي اللي تقول ليها انا مولات الشي فداك المحل وتحرم عليها تدخل للبيرو
هز حاجبو وقال : اييه .. مزيان ونوضتوها تما ياك
ليلى: لا راه هي اللي جبداتها وقالت ليها محامية فاشلة
حرك راسو وقال : مزيان هي كنتي معاهم حتى نتي يا آنسة ... (حط يدو على فكو ) ايوا ؟ وطاحت سخفات غير هاكاك؟
بقات لبنى ساكتة وليلى ساكتة وهوا كيشوف فيهم كاملين ساكت وغوت هزهم كاملين من بلايصهم
كملووو ... يالاه مالكم سكتو
تدخلات الحاجة : راه مارضااااتش تعايرها وبقا فيها الحال ايوا وو.. و وضرباتها .. دارت ليها غير هاااه بشوية ولخرى سخفات ليها بلعاني
بقا ساكت كيشوف فيهم مصدوم وقال شاظ ففكو
- ضربتيها !!! داك الحنك نتي اللي نفختيه ؟؟؟!!!
حطات اشراق يدها على فمها مصدومة فيهم وفنفس شادة الضحكة وكطل
عضات اشراق على شنايفها وهي كطل وكتشوف فيه مصدوم كيشوف فيها وعلى غفلة عطاها تسرفيقة حتى شدات حنكها .. خرجات اشراق عينيها مصدومة وضرباتها حناكها .. انا الحاجة وقفات بحال الى هي اللي كلات الطرشة وليلى حلات فمها حتى لها الفك فالارض . ناضت لبنى مخرجة عينيها فيه والدموع محجرين فعينيها وقالت
- كضربني اطه؟؟؟؟ كضرب ختك على قبل مراتك !!!
رد وعينيه خارجين فيها : باش تعلمي تجمعي يديك عندك سمعتيني
ضربات الحاجة فخادها : وييل الشيطان !!! كضرب ختك ؟؟؟؟ هااا كضرب ختك على قبل مراتك !!! علاه شكون اللي سبق اللول مراتك ولا ختك ؟؟؟
خرج عينيه فالحاجة وقال : ختي عليا بالاحترام ... بغاتني نحتارمها .. تحتارمني
فقد اعصابو ونهط فيها بغضب: واخرجي عليااااا يالاه خرجي
خرجات ليلى كتجري وتبكي حتى هي اما الحاجة جلسات دق فصدرها وتندب على النهار اللي جابت فيه اشراق .. والاخيرة فاش شافت اش وقع وبان ليها طالع عندها مشات طير للبيت بسرعة لاحت الصباط والشال حيداتو باش ماتبانشوكانت كدير شي حاجة وجلسات قدام المرايا حتى دفع عليها الباب ودخل عليها بملامح مكتبشرش بلخير وضرب الطبلة بيدو قفزها وقال
- علاش كدبتي عليااا؟؟ هاه؟؟ علاش كدبتي؟؟
وقفات مفزوعة وقالت : لا مكدبتش عليك راه خفت ينوض الصدع والمشاكيل و ...
الحلم الأسود الجزء التاسع
محتوى القصة
التنقل بين الأجزاء