فاقت جوهرة بكل سعادة كتوجد الفطور و تفكر شنوو دير فالحفلة دختها و شنوو توجد .. حتى حسات بياسيين معنقها من لوور مزير عليها و خاشي راسوا فعنقها
جوهرة:( هربات عنقها ) هههه احح رصى ا ياسيين ااااييي ( بعدات و شدات ليه فمووا كتبرد عنقها و فنفس الوقت غالبة عليها الضحكة ) كتمضي سنانك فيا ا نااري قصحتيني
ياسيين:( عض ليها صبعها تا هرباتوا ) غير دالمااكلة
جوهرة: ههههه شي صباح نفيق نلقاك دايرني فخبيز و واكلني
ياسيين:( ضحك ) ياك اختي ؟ ( شاف فشنوا حاطة فوق لبوطاجي ) اي هاي الناس فايقين على النبوري يوجدوا لخوتهم .. حنا زعما ما نستاهلوش زعما ( غمزها ) و لا شافوا حبابهم و نساو صحابهم
جوهرة:( قربات منوا و مدات يديها عنقاتوا من جهة عنقوا .. تا حساتوا زيرها عندوا كثر .. و قالت بعفوية ) تستااهل كل خيير .. نتا فيك كلشي حبابي و صحابي و راجلي و حبيبي ( غمضات عينيها و حركات راسها بزربة ) كلشي كلشي
ياسيين:( ضحك و هز حاجبوا ) موووحال .. ما شفنا واالو فيك غير الهضرة
جوهرة:( حلات عينيها فيه و قالت ) ولاهيلا كنبغييك
ياسيين:( قهقه بالجههد حتى تهزات تفاحة آدم و تحنى باسها بقوة عاد بعد ) أربي على هاذ البنية و شحال حلووة
جوهرة:( ضحكات مزنكة و مدات يديها للحيتوا كتلعب فيها و قالت ) كتعجبني لحيتك بزاااف عمرك تحسنها شي نهار .. قوية و عاطياك كاريزمة فشششكل ( غلغلات يديها فيها ) و كتعجبني نلعب فيها
ياسيين: ههههه قولي تنتفيها
جوهرة:( ضحكات ) بحال بحال الله يجعل غير الصحيحة و السلامة ههههه لا بصح واااعرة و بيني و بينك اول حاجة شفت فيك نهار جيتي تخطبني هي لحية ( غطات وجهها بجووج يدين كضحك )
ياسيين: اييهااايهاي النااس .. زيدي ابنتي شنوو آخر ؟ ها نتي كتعتارفي بلا عصا ههه
جوهرة: هههه فخبارك نهار جيتي كنت غنسخف و الله و ما حملتش راسي .. خاايفة بزاااف و مرعوووبة ..
ياسيين: لهاذ الدرجة ؟
جوهرة: و الله منين ما درتهاش فسروالي راني ما درت واالو .. فواحد اللحظة كنت غنسيفط وئام فبلاصتي
ياسيين: ههههه كانت غتدعي فيك حياتها كااملة و ما تبردش
جوهرة:( باستغراب ) علاش ؟
ياسيين: أنا لي عارف علاش ( جلس فوق الطبلة و جلسها فوقوا ) باركة عليا غير جوهرتي حتى وحدة ما تجي فبلاصتك و حتى وحدة ما غنتفاهم معاها بحالك
جوهرة:( شافت فيه بحب و سكتات )
ياسيين: ايوا كملي شنو كيعجبك آخور فيا ؟ ( هز حاجبوا و دفع صدروا )
جوهرة:( ضرباتوا لصدروا ) ها هو غيعجبوا راسوا و يتنفخ علينا عاود هههه
ياسيين: الواحد هو لي يدفع شباابوا غالي ابنتي
جوهرة: ياليت شبااااب يعود يوماا ... وأخبره ماذا فعل بي المشييييب ... شبتي يا الحبيب شبتي و مشات على عينيك ضباابة
ياسيين: عايرتني بالشيب وهو وقار ( ضربها لنيفها بخفة ) فياليتها عايرتني بما هو عار
جوهرة:( ضحكات و شافت فيه ) لا بالعكس جاي معاك حتى هو واخا خفييف و لكن كيبنك بعقلك .. لي يشووفك من بعيد ما يقولش هاذ السيد مقطع الوراق .. كتبان بعقلك
ياسيين: ما عرفناك كتمدحي فينا و لا كتعايرينا ههه اييه كملي نشووف
جوهرة:( تزنكات و هي كتشوف ففموا ) فمك تا هو زويين هههه كيعجبني احييه ( خبعات راسها فعنقوا ) فشكل عندك هههه ما عرفت مهم حلوو
جوهرة:( شدات ففمها كتبردوا ) عارفاك حكار ( وقفات ) نوض نحط لفطور يالاه نكملوا و غيجي عندي .. يديرلي الراطرباج على النهار لي كنا مسافرين
ياسيين:( حرك راسوا ) فخباري عيط عليا ( دازت من قداموا و شحطها لمؤخرتها تا قفزات كتحك فيها ) قرااي على ولادك
جوهرة: ما غتمشيش للخدمة ؟
ياسيين: حتى يكمل معاك و نمشي نضرب طليلة فالعشية
جوهرة: و دووز للباتيسري شريلي دواز دأتاي و حليوات صغار لي نحط .. مهم خربق معاك .. غتبقى لاطاغط غنصوبها فالدار
ياسيين: واخا ا لالة
جوهرة:( حطات كلشي و جلسات حداه كياكلوا و يهضروا ) حقا كريم غيجي فالعشية ؟
ياسيين: ما عرفت ! عرضت عليه قبل ما يطرا لبلان دالبارح .. دابا هو و كانتوا .. المهم لي فبالي غتجي زينب و خليل و ابتسام
جوهرة:( حركات راسها بااه ) مرحبا بيهم .. ياسيين قولي ما عارفش مال كريم و وئام ؟ و شنو وقع بيناتهم ؟
ياسيين: الله و علم ! عمري هضرت فخصوصياتي مع شي حد و عمري نسول شي واحد !
جوهرة: ااه .. ما عرفت مالهم الصراحة بقى فيا كريم لبارح و الله .. المرة لولة ابتسام و دابا عاود وئام ( حركات راسها بالنفي ) مسكين ما عندوش الزهر
ياسيين:( شرب من كاسوا د القهوة و قال ) ماشي مسألة زهر .. ابتسام من لول عارفها كي دايرة و كانت عندوا عزيزة .. ماشي لدرجة يبغيها .. و لكن كيشوف فيها بواحد النظرة زوينة .. و ديما كيدافع عليها و لي طلباتها منوا تحضر .. ما كيخصرش لها الخاطر
جوهرة: وي باينة .. و لكن تا هي عندها عزيز على ما بانلي
ياسيين:( حرك راسوا بااه ) سي عندها عزيز و كتبغيه و كتخاف منوا بحال خوها لا غير و عمرها تشوف فيه بشوفة اخرى .. و هاذ الهضرة هو عاارفها و لكن كيقول ربما توقع شي حاجة تبدل نظرتها .. تا طرا داك البلان .. و دار خطوة أخييرة من جيهتوا .. يا توافق و يحاول ينسى كاع لي سمع و شاف عليها .. على أساس مراهقة لا غير .. يا ايما يضرب عليها فخطرة .. و منين رفضات و بوقااحة من الفوق .. راه جرحاتوا فكرامتوا .. و تما طوا صفحتها نهااائيا .. واخا تجي عندوا برجليها دابا ما يبغيش ..
جوهرة: و وئام ؟
ياسيين:( مسح على لحيتوا بقى شحال ساكت و قال ) كتعرفيني ما عنديش مع الزواق فالهضرة ؟ نهضر بلا ما تقلقي !! ختي و غنعطيهالها فالوجه .. عندي بحاال بحاال
جوهرة:( ضحكات ) زعما أنا كتحشم مني ؟ كتضربهالنا فالوجه كااملين، غير هضر !!
ياسيين:( حرك جوج صبعان ) وقع بيناتهم شي بلان بجووج و هااذي حاجة بااااينة للعور .. ما عارفش شنو هو و لكن لي متأكد منوا كريم عمروا يظلم معاه شي وحدة .. شنوو ما وقع غيكون عندوا سبب .. ممكن يكون قسح معاها يا بهضرة يا بتصرف .. لكن ما دام فكر يخطبها راه بغى يصلح لي وقع .. و هنا وئام عوراتها بالنسبة ليا و بينات راسها برهووشة من لخر
جوهرة:( تنهدات ) حتى أنا ما عجبنيش تصرفها و قلتها لها .. أبسط حاجة تهضر معايا و لا مع ماما و ترفض و هما يتكلفوا و يوصلوها بطريقة زوينة .. مهم ما تجيش حدا كلشي و تهضر
ياسيين: فواالا ! و لا تطلب يهضروا بيناتهم و تما يحطوا لي عندهم و يصفيوا لخواطر .. صلاحيتي ليا تبارك الله ما صلاحيتيش الله يجيبلك ما حسن .. و لكن هي بانتلي بغات ترد ضربتها لا غيير
جوهرة:( صغرات عينيها ) زعما ما عارفش مالهم ؟
ياسيين:( ضحك ) ههه و الله ما فبالي شي حاجة .. بلحاق شحال ما بقى غيجي يعاودلي
جوهرة: ايوا على الله يهضر قبل ما يفووت لفووت ( تنهدات ) الصراحة كريم عندي عزييز .. ضريف و ولد الناس .. الله يعمرها دار يستاهل كل خير ( حطات يديها على حنكها ) دابا أنا تخيلتهم بجووج و بديت نفكر شنو نوجد للخطبة و جاو قالك لا ما نتزوجوش
ياسيين: ههههه نتي هاذشي لي تقابلي ( ناض و باسها فحنكها و قال ) كريم لي كنعرف ما غيعاودش يدور بجهتها مرة أخرى غير خوي راسك .. و لكن ما تعرفي شنو يوقع من هنا للفوق .. بنات رحمة خطاااار يبدلووك و يدخلولك مع العظام بلا ما تحس
جوهرة: هههه غير باللسان الحلوو
ياسيين: هااذيك ! كلشي على الحلاوة .. أنا فالبيت كملي شغالك على ما يجي الأستاذ و عيطي عليا
جوهرة: واخا
داز الصباح عند جوهرة بين الكوزينة و السوايع مع البروف .. و ياسيين مقابل معاهم خدام حتى هو فوراقوا .. تا كمل معاها و ودعوه .. مشى ياسيين للمحل ضرب طليلة و شرالها كااع لي بغات عاد رجع حطوا تغداو و دخل ياسيين يدير القيلولة فحين جوهرة بدات كتقاد فالعصائر لي غتحط و كتقاد فلاطاغط
ياسيين:( خرج عندها مزنك باين عاد فايق ) نتي ما غتعطيش الراحة لداك الظهر و الرجلين ؟
جوهرة:( شافت فيه و مشات جراتوا من يديه لجهة لاطاغط ) كي جاتك الحلوة ؟
ياسيين:( شاف فيها باعجااب و حرك راسوا بالايجاب و مد يديه )
جوهرة:( ضرباتوا ) جمع يديك
ياسيين:( جمع فموا بحال ولد الصغير و قال بنبرة كضحك ) و ماا نذووقش ؟
جوهرة: لاااائح حتى يجييوا
ياسيين:( هز حاجبوا بإثارة ) هي نذووقك نتي ؟ حلاااوتك ما كاين ما حسن منها ( مد يديه يجرها و هي تهرب )
جوهرة:(مشات كتجري و ضحك تا حساتوا شقمها من لوور .. ضحكات و شافت فيه كتلهث ) نتاا ما كذووقش خااصك تغمس و هما داابا غيجييوا .. طلقني المييمة ما فيا ما يتشوه
ياسيين:( قرب و باسها تا قطع فيها النفس و بعد ) سيري وجدي راسك الموصيبة و جبديلي ما نلبس معاك أنا جاي
جوهرة:( ضربات على كتافوا ) قاد معاك الطبلة امووسيو لو طخيطووغ
ياسيين: وااخا ا مدام الشهدة هههه
شافت فيه مزنكة و دخلات للبيت .. جبدات ليه فوقية فالكحل مخيطة بالسفيفة فالأبيض و شربيل ديالها مع ساعة لي تجي معاها و عطروا لي مولف كيدير .. عاد دازت هي كتشوف لراسها و تقاد وجهها بشي حاجة خفيفة .
🔛🔛 بعد مدة
تسمع صووت الدقان فالباب .. وقف ياسيين لي كان كمل و متبع لعين لجوهرتوا .. حرك راسوا و قال
ياسيين: غيكونوا جااو انمشي نفتح ، كملي و آجي ( هز صبعوا كيتحلف ) هاااه و نلقاك دايرة شي لوحة فنية فداك الوجه .. نعضضك !
جوهرة:( ضحكات ) حرام عليك ها نتا غير غنكحل عيني و شوية دماسكارا و كلووز خفيف ( شافتوا خنزر و هي تجمع فمها ) صافي بلاش منو غير ضحك الزمر
ياسيين:( ضحك بلا ما يحس و شيرلها بيديه ) واخا لمك حتى نشدك
خرجاتلوا لسانها كضحك و ضارت تكمل فحين هو فتح ليهم الباب .. لقاهم كااملين من غير وئام اكييد .. سلم عليهم و وسعلهم الطرييق يدخلوا .. بقى كريم مأخر .. شاف فياسيين لي حرك راسوا بحال كيتحلف و هز يديه نزل عليه للكتاف
دخلوا كيهضروا يالاه جلسوا و هو يتسمع صوت الصونيت .. وقف كريم هو لول و قال
كريم: أنا نفتح ( مشى فتح لباب لقى قبالتوا وئام .. بكسيوة حجابية .. دايرة أيلاينر خفيف فووق عينيها و مطلعة شفارها مع كلوز خفيف .. دارها سكانير بعينيه بخفة و فتح لباب ) دخلي ا مادموزيل نوارة !
وئام:( ساطت و دخلات .. شافت فيه و قالت ) ما غتنساهاش ؟ فينما نتلاقاك غتفكرني بيها ؟
كريم:( قرب منها و همسلها ببروود ) صووتك نزليه و انتابهي لهضرتك معايا الزويينة ( شافت فيه و كمل ) بانلي ربي نقصلك من الطول و زادولك فاللسان !!
وئام:( بغات طرطق تزنكااات و بانت فيها تفقصاات )
جوهرة:( خرجات لقاتهم قرااب لبعضياتهم .. نحنحات تا بعد عليها و قربات هي منهم .. شافت فيه بابتسامة ) أهلا خويا كريم بخير ؟
كريم:( شاف فيها و تبسم ) هاذ الساعة بخيير ! كنتسناو غير واحد السنفورة دير معانا عقلها و غنكونوا super
جوهرة:( ضحكات و شافت فوئام لي رجعات بحال ماطيشة .. فتحاتلها يديها ) يخليلي الناس دعيد الميلاد .. شكون الفنكوشة لي شرفااات
وئام:( ابتاسمات و عنقاتها بقوة ) أناااا 🙈
كريم:( عيبها و زاد بحالوا ) أنااا
وئام:( شافت فختها و قالت ) لاش معيطين على هاذ خينا تا هو ( ساطت )
جوهرة:( جراتها من يديها مخرجة عينيها فيها ) هنينا راه خووه غنجريوا عليه ؟ غيسمعك ياسيين غيكعى سكتينا
وئام: ها هي سااكتة !
دخلوا للصالون لقاوهم مجمعين سلموا عليهم و جلسوا كل وحدة حدا راجلها و ابتسام لاسقة حدا كريم كيتصوروا و هي كتتعوج و تعنق فيه و الأخير متبعها فهبالها
كريم: بووسيني اختي بووسيني ما تحشميش
ابتسام:( باستوا فحنكوا و رجعات مسحاتلوا العكار ) ما كنحشمش منك نتا الخوادري ( ضربات على كتفوا ) عرفتي غنغطي وجهك و نحط الطووف ففوطوا دبروفيل احححح نخلي صحابي الفضوول ياكلهم فشكوون مصور معايا ههههه
كريم:( قلب عينيه بعفوية و كيهضر فنفس الوقت .. تا جات عينيه على وئام لي كتشوف فيهم بنص عين ) برهووشة ا ابتسام بالرب حتى فالتليك شي سلك فداك الراس
ابتسام: ما غتحسش بالسعااادة ديالي فاش كنفقص البشري و خصووصا البنات .. عندي شي وحديين كانوا كيقراو معايا وا مسموومات جلاخة ما كيتنفسوووش
كريم:( مرة مرة كيشوف فوئام لي غطرطق و كتهرب عينيها ليهم بلا ما تحس .. و كيضحك جنب ) جيبي شي ليبرة و طرطقيهم
ابتسام: هههه ما كرهتش بناادم ما كيتنفسش
كريم:( هز حاجبوا و مد يديه لعنقها زير عليه ) لي يسمعك يقوول هاذ السيدة غير حالة داك الفم و تضحك مع هذا و هذا .. بلا ما نفكرك فماضيك الأسود
ابتسام:( ضرباتوا ليدييه ) طلق ا صااحبي واا طلق عنقي غتكردولي ( طلقها ) يدين البنااية الله يستر ( هزات خنافرها ) راه قلتي ماااضي .. كنا و كنتوا و صرنا و صرتوا .. و لكن هاذ النووع ما كيتسرطلييش نموووت و نطرطقلهم المراارة
كريم: ههههه ( هز حاجبوا و قال بهدووء ) اعتابريهم قبالتك حاضيينك و غتفقصيهم بيا .. هاني حداك حسن بزاااف من التصااور .. يالاه وريني شطاارتك نشووف واش فيديك و لا لا ؟
ابتسام:( هزات عينيها كتشوف فالترية لي فووق منهم و سااكتة تا دخلات ليه الشك و هز عينيه حتى هو )
كريم: مالك ؟
ابتسام: كنفكر واش هاذ الترية تهز تقلي يلا مشى علقني فيها هذاك لي قبالتك ( شافت فياسيين لقاتوا كيشووف فيهم و ضحكات ليه ضحكة صفرة )
كريم:( ضحك بالجهد تا شافوا فيه و هز يديه حطها على فموا باش يسكت ) ههههههههه الله يمسخك ابنتي .. أنا كااين و الله ما نخليه يقييسك غير وريني الشوونتييوا نشوفوا ااش فيديك ؟ واش كبابل و لا فيك غير الهضرة !!
ابتسام:( ميقات فيه ) كبابل ؟ مالنا كنشهروا ألوييز !!
كريم: كنشهروا الملاوي ( قرفدها ) نووضي من قداامي الله يرحم باك
ابتسام:( شافت فيه ) برب ما كتحشم بالله راني أنثى حدااك حشم على عرضك
كريم: أنثى ؟ ما شفت تا أنثى حدايا !! ابتسام طاارت و بقى غير سي مسعوود حدايا .. محطووط منسووط ناقص مك غير لموسطاش و تولي سانك سير سانك
ابتسام: حااشاك ا بنادم ( وقفات و غمزاتوا ) أنا نوريك واش سي مسعوود و لا مادموزيل الأناقة و الشياكة لالة ابتسام و من لا يعرفها
كريم:( ضحك ) و الساحة لك سيدتي اطربينا !
ابتسام:( شافت فياسيين ) مالكم منشفين القضية ؟
مشات جهة التلفزة شعلاتها و خدمات لي باف و خذات تيليفون خوها برونشاتوا معاها .. تتقلب على الأغنية لي بغات .. حتى اختارتها و تطلقات مجههههدة و فنفس الوقت طفى ياسيين الضوو و تشعلات كوورة فالجنب بالألواان و فالأرض كيخرج واحد الهوا بحال الضبابة .. شافت فيه و دارت بيديها علامة 👍 و زادت كتغني
ابتسام : ليلة و شهاد ليلة .. ليلة هاذي .. سهرة نايضة اونبيونسي .. ليلة هاذي .. جلسة معاك و شحال تحلالي
شيرات لكريم و ضحكات .. ماشية عندوا و كتشطح بكتافها .. تا مدات ليه يديها و وقف كيشطح معاها .. تا تزاد عليهم ياسيين كيشطح نااشط مع راسووا و جوهرة كتفرج فيهم و تسفق .. تا مشالها جرها عندوا كيشطح معاها و يمد يديه يضورها و يهبط بيها تال لتحت و يرجع ينوضها .. و البقية كيشطحوا تا هما بالكوبلات .. من غير وئام لي كتتفرج فيهم و تسفق بيديها سااكتة ..
حتى وقفات على غفلة و خرجات من الصالون بلا ما يحسوا بيها من غير كريم لي لمحها .. خربق لابتسام شعرها و طلق منها مخليها كتشطح بوحدها .. فحين هو لحق على وئام لي كانت شادة عليها فالدوش و عينيها حوومر .. الدمووع كينزلولها بووحدهم .. بقى واقف فالباب فصمت .. تا تحل و خرجات منوا منشفة وجهها و لكن باين من عينيها باكية .. شافت فيه و حنات راسها لكن بالزربة قبطلها فذقنها و طلعلها وجهها عندوا
كريم: كنتي كتبكي ؟
وئام:( بعدات وجهها و قالت عاضة على فمها و كترمش بالزربة باش ما تهبطلها تا دمعة قداموا ) علاش غنبكي ؟ بلعكس راني فرحاانة فووق ما تتصور !
كريم:( تنهد و قال بهدووء ) سمحيلي يلا بكيتك !
وئام:( بحال كانت كتسناه غير يقولها باش تهبط دمعتها كتفرفر و بنبرة حزييينة جاوباتوا ) شنو درتلك حتى تحتاقرني بداك الطريقة ؟ ختكم ما خليتوا فيها غير لي نسيتوا حيت مصاحبة و أنا ( شافت فيه كترجف ) جاتك عاادي تقولي داك الهضرة ( مسحات دموعها بالجهد ) عاادي أصلا الرجل المغربي هو هذاا .. خوتوا خط أحمر و خوت بنات الناس لهلا يقلب
كريم:( حرك يديه بمعنى بالشوية عليك ) حبسي حبسي ! ما تقولينيش شي حاجة ما قلتهاش .. ليووم جيت غير بااش نهضر معاك و ليكن فعلمك هضرتي ما نادم على حتى حااجة فيها .. تكمل الحفلة و غتمشي معايا نهضروا بلا عزة نفسي ما بتسمحلي ( ضار غاذي و رجع شاف فيها ) ما كيجيوش معاك الدمووع ا سنفوورة موو لسان طويل
وئام:( مسحاتهم و هزات كتافها ) أصلا ما كنتش تنبكي عليك !
كريم:( حرك راسوا بااه ) عاارف الله اودي .. غير كنتي جاالسة و قلتي ما كاين ما يدار ما كاين ما يدار أجي نسيق وجهي !
وئام:( ضحكات و عينيها حوومر هما و حناكها .. جات كيووت ) ههههههه
رجع كريم و جلس بحالوا لقى خليل و ابتسام باقي كيشطحوا و البقية جاالسيين كيهضروا و يضحكوا .. تزادت عليهم وئام .. و نوضوها هازة جوج نفاخات على شكل أرقام ( 20 ) كيصوروا فيها بكااع لبووزات لي بغات و تصوروا معاها كلهم .. عاد عطاوها كادواتهم من غير كريم لي قال
كريم: من بعد !
عاد دازوا للحلوة هزاتها جوهرة و وقف كريم كيغنيلها أغنية عيد الميلاد من حيت صوتوا زوييين و معرووف عليه هو لي كينشطهم بالغنى فأي جمعة .. و الباقي كيغنيوا مووراه ..
طفات الشمووع و تمنات أمنية بطلب من ابتسام لي لسقاتها واالو تمناي .. عاد تقطعات لاطاغط و تجمعوا كياكلوا بالضحك و النشاط تا دوزوا سويعاتهم عااال لعاال و فالأخير ودعوهم و كل واحد قصد داروا .. و كريم تكلف يوصل وئام معاه ..
ياسيين:( شد لباب و شاف فجوهرة ) الله على راااحة
جوهرة:( حيدات الشال نفسات راسها و جلسات شادة جنبها ) ففففف عيييت و الله
ياسيين:( دوز يديها بحنان على جنبها ) كيحرقك ؟
جوهرة: امم شوية و صافي .. نجمع هاذشي و نمشي نشرب الدوا و ننعس .. ذاتي كلها كتلهث
ياسيين:( دفعها بلطف ) صافي غير سيري أنا نتكلف
جوهرة:( شافت فيه بحب ) شكراا ( ما جاوبهاش و عارفاه ما كيحملهاش تقولها .. ضحكات و كملات للبيت )
💫💫 كريم 💫💫
وقف قدام واحد الريسطوا .. شاف فيها و قال بهدووء
كريم: نزلي نهضر معاك .. تابعانا هضرة طويييلة .. و بلا تبرهيش عفاك .. مور ما نكمل ديري لي عجبك .. ما غنحبسكش
وئام:( حركات راسها بالايجاب ) وااخا !
جالسة وئام حانية راسها كتشرب من عصيرها بهدووء .. من بعد ما تعشاو بجوج .. أو بالأحرى تعشى هو و هي غير نقبات معاه لا غير !
كريم:( جالس مقابل معاها عاصر على قهوتوا .. شاف فالساعة و نحنح ) كنظن ندخلوا فالهضرة دابا .. قبل ما يتهولوا عليك مالين الدار !
وئام:( هزات راسها بتأييد ) وي يكون حسن !
كريم: اووك ( شرب من كاسوا و بقى شحال كيشووف فيها و هي مركزة معاه .. كتسناه يهضر .. فتح فموا و هي مترقباه بفضووول حتى قال ) ما عرفتش باش نبدا ( غلباتوا الضحكة ) ههههه ما تشوفيش فيا الله يرحم باك
وئام:( ضحكات بلا خاطرها ) واش منيتك هههه ولا جايبني تضحك عليا هنا !! فالمكتب كان لسانك مسرح سبحان الله !! سيفطتيهملي متاابعين وحدة موور الثانية .. و دابا ما عارفش باش تبدا ؟ ( بطنز ) ويتك ويتك على الغزيول كيحشم
كريم:( جمع الضحكة و قال بجدية ) عليك نووور نبداو من المكتب !
وئام:( ربعات يديها و شافت فيه بمعنى هاني كنسمع )
كريم: هضرتي ما عجباتكش ؟ جاتك احتقار ؟ ( صغر عينيه ) قللت منك !! ( بكل بروود ) و شنو كنتي كتسناي مني نفهم بالضبط ؟ وحدة كتعيط و ما تقطع تا طيبلي نعاسي لمدة ست شهوور ماشي حتى شهر ولا جوج ..علاياش كتقلب بالضبط ؟
وئام: كنت تنضحك معاك لا غير و لكن نتا هجرتيهالي .. بغيتي تتصاحب و كتشووف فيا بطريقة بحال يلا ( سكتات )
كريم:( كمل هو ) باغي ننعس معاك ! ( شافت فيه و عينيها مغرغرين بالدموع .. تنهد و كمل كلاموا ) نكذب عليك لدابا ما فهمتش لاش كتبكي و دايرة هاذ الحالة كاملة ؟ ما ديريليش فيها مظلوومة و ملاك كيتمشى على رجليه .. نتي قلبتي عليا
وئام:( باستغراب ) دابا أنا لي ما نسواش ؟ أنا لي مقلبة عليك و نتا ما داير والو على هاذ الحساب ياك ؟
كريم:( هز يديه كيعد لها ) أولا عطيتك نمرتي للخدمة و داير معاك بليزير نضتي فالبلاصة كتعيطي و تتزككي .. ما قلتي هذاك نسيبنا و حشوومة ندير معاه هاذ البلانات .. ما قلتي نكون خااطب و لا مصااحب كااع .. جيتي و دخلتي طول و عرض ! بلا حشمة بلا حيا ؟
وئام:( تنهدات ) راه قتلك غير كنت كنضحك و ما نويتهاش عوجة
كريم: ضحكتي نهار يوماين .. شهر شهراين ! ماشي ست شهوور .. فالنهار بوجه و فليل بوجه ثاااني .. شنو نفهم أنا من هضرتك و من تصرفاتك غير شرحيلي ؟ و نكونوا وااقعيين شوية .. معجبكش الحال نقولك تصاحبي معايا ياك ؟ ( ضحك ) و شنوا كنا كنديروا هاذ الشهورة كااملة ؟ ياكما كنختموا القرآن ؟ ( بهدووء ) و بلا ما نفكرك فهضرتك .. يعني تا يلا قلتي كنهضروا باحترام ملائكتك غيمسخوا فيك ( دوز على لحيتوا و قال بطنز ) تقدري تشرحيلي شنو الفرق ! حلال فالتيليفون و حرام فاص ا فاص ؟
وئام:( تزنكااات بغات طرطق فاش كتفكر فاش كانوا كيهضروا .. خصوصا مور طناش دليل .. هضرة كتجبد هضرة حتى كيصدقوا فما لا يحمد عقباه هههه ) الصمت
كريم:( تنهد ) واخا نقولوا فرضا بصح غير كنتي كضحكي فلول .. من بعد ما بقاش الموضوع ضحك و رجعتي كتسناي موور هاذشي شي حااجة ( هز حاجبوا ) الزواج مثلا ؟ ياكما انا المهدي المختار ؟ بلا ما ضحكي على راسك و عليا .. من لول باين كلشي الطريق كانت مرسوومة و بااينة .. من بعد الهضرة المصاحبة و موراها تعنيقة من هنا و بوسة من لهيه و هي غاذية حتى طيحي فالفراش و من بعد شنو ؟ الله يعاونك اختي .. ما كنعرفك ما كتعرفيني و كيفما درتي معايا غاذي ديري مع بزاااف .. واليديك لي كتهضريلي عليهم و تربيتهم ما فكرتيش فيها فلول ؟ و كن طحتي مع شي مكبووت شدك فشي قنت بزز اغتاصبك فين غتصدقي ؟
وئام:( طاحوا دموعها ) أنا ماشي رخيصة باش ندير هاذشي .. لو ما كنتش تنعرفك عمري نزعم
كريم:( هز حاجبوا و قال باستفهام ) كتعرفيني ؟؟؟ فين كتعرفيني اختي ؟؟ مرة و لا جوج لي جيت عندكم خلاتك تعرفيني و ثيقي فيا بعينيك مغمضين !! كي درتيلها ؟؟
وئام:( مسحات عينيها و بغات تنوض ) واخا تا دابا دير بحال عمرنا عرفنا بعضياتنا
كريم:( ضرب على الطبلة بالجهد حتى تهزوا الكيسان و قال عاض على سنيه ) جلسي للأرض .. كنهضر معاك جاوبيني بلا نفخة ديال الخرا
وئام: شنوو بغيتي نقوول من مور لي قلتيه !!
كريم: أنا بينتلك واحد آخوور كيفاش غيفهم هضرتك و يفسرها فدماغوا و يحفرلك بالشوية تا طيحي ( حرك يديه بالشوية ) و لي طاح فالمقلة يتقلى ! و ساعتها غتكوني درتيها لراسك بيديك .. لي ما خشى يديه فغيران ما يعضوه حنوشة
وئام:( هزات عينيها مدمعين فيه ) و نتا كي فهمتيها ؟
كريم:( ضحك و حرك راسوا بلا حول ) فهمتها بلي خفييفة كطيري مع الطيوور باقى باغى تضحكي و تلعبي .. ما كضربيش حسبة لتصرفاتك .. حتى كطيحي فالحفرة عاد تنوضي تفكري فشي حل .. لي غاالبا كيكون متسرع ( غمزها ) كطييري ابنتي كطييري
وئام:( جمعات فمها و هزات كتافها ) كن ما كانش عاجبك الحال اصلا كنتي غتقطع عليا و لا تبلوكي النماري لي بلا رقم .. حتى نتا مشيتي معايا فالخط .. ما تجيش دابا ترمي عليا اللومة
كريم: بالرب تا وجهك قاااسح ما كتقشريش !! أنا الزويينة رااااجل شنو ما درت ما كاين لي يتحاسب معايا .. تعاندي معايا و فلخر طلعي معاك الصبع
وئام:( تزنكات و ضربات الطم )
كريم:( بقى شحال ساكت تا ما هضراتش عاد قال ) شنو دابا ؟
وئام:( تنهدات ) عندك الصح أنا غالطة و كن ما جبدتكش ما غتهضرش معايا بديك الطريقة .. فهمت شنو بغيتي توصل ليا .. غير لي خصك تعرفوا هو أنا ماشي بجوج وجوه واحد فليل و واحد فالنهار .. وئام كوئام عمرها تقدر تقول شي حاجة خايبة و لا تهضر مع شي حد ما كتعرفوش .. يعني وجهي ديال النهار هو وجهي ديال ديما .. و نتا أول واحد نتجرأ و نهضر معاه فالتيليفون و نطول معاه .. و ما عرفتش علاش أصلا جبدتك و نتا من العائلة .. المهم سمحلي !
كريم:( بهدوء ) حتى نتي سمحيلي على تصرفي معاك .. كنت باغيك تفهمي واحد الحاجة و على ما بانلي فهمتيها !
كريم:( وقف و ناض خلص عاد ركبوا فهدووء تا وصلها قداام دارهم و قبل ما تنزل قال ) حيدي البلوك نهضر معاك باقي ما كملنا كلامنا
وئام: واخا ان شاء الله .. تصبح على خير
تبعها بعينيه حتى دخلات لدارهم و زاد مع الطريق
💫💫 يوم جديد 💫💫
جوهرة:( شادة تيليفون فيديها كتهضر أبيل فيديوا مع ختها لي عاوداتلها كلشي من لول للخر ) واش عارفة راسك شنوو درتي و لا لا ؟ واش من نيتك ا وئام ؟
وئام:( تنهدات ) و الله تا عرفت راسي غااالطة بلا ما تزيدي على ما بيا حتى نتي .. يكفي لي سمعت على وذني .. أنا ما فكرتش هكاك .. ما حملتش رااسي و الله
جوهرة: و دابا شنو ؟ ديبلوكيتيه ؟ هضرتوا ؟ غيرجع يخطبك و لا شنوا ؟
وئام:( صغرات عينيها و قالتها ) نقولك واحد الحاجة و بلا ما تسمعيهم ليا حتى نتي !!
جوهرة: ههم ؟
وئام: كن ما درتش هاكا أصلا ما كانش غيفكر يخطبني و لا يجي لدارنا من الأصل .. يعني بجمييع الأحوال أنا لي راابحة ..
جوهرة: ياك الحبيبة ؟ و فأول مدابزة فاش يرميهالك لوجهك و يقولك نتي لي تلاحيتي عليا فلول و لسقتي فيا .. عنداك ما تقوليش أنا لي رابحة !
وئام:( نحنحات ) عليها كاع ما ديبلوكيتوا .. خليتوا مبلووكي ليمااه 🌚
جوهرة:( شدات حنكها و بقات غير كتشووف فيها )
وئام: ما تشوفيش فيا هاكا .. شنوو غير قالي ديبلوكيني نطير نحيدلوا البلوك و نهضر معاه بحال حتى حاجة ما واقعة و بحال كنتسنى غير فوقاش يهضر معايا ؟ تما عاد غنبان بلا كراامة نيت .. غير فتحلي لباب رجعت ليه كنطير ؟
جوهرة: و شغادي ديري ا لالة الفاهيمة ؟ ياك هو طالب الحلال و جمعي معاه راسك و هنينا من حريق الراس !!
وئام:( جمعات فمها ) و شكوون قالك أنا باغى المعقول دابا ؟
جوهرة: و شنو باغى بالسلامة منين المعقول لا و المصاحبة لا ؟
وئام: مصاحبة فالحلال 🌚 يعني غير نتخطبوا .. ما باغى أنا بو زواج و خصوووصا داابا
جوهرة:( مسحات على وجهها ) وئام حبسي من التبرهيش .. راه كريم ولد الناس و من عائلة راجلي و بحال خويا .. هاذ التخربيق ديالك ماشي دوجهوا
وئام:( ببرود ) تانا ما قلت حتى حاجة عيب .. باقي الحال على الزواج .. مزاااال باغي نعيش حياتي .. أنا يالاه قلت بسم الله و بديت كنكون راسي نمشي نتزوج ؟
جوهرة: إذن أجي لسيد نيشان و قولوا الله يسهل عليك .. أما اللعب ديال الدراري الصغاار راه ما خدامش !
وئام:( هزات كتافها ) و لكن أنا باغاه .. كاينين شي فرص فالدنيا كيجيوا ما كيتعوضووش مرة أخرى .. أنا مستحييل نخليه يمشي من بين يدي و فنفس الوقت راه بااقي الحال على الزواج .. شوفي راسك غير نتي .. ما تزوجتي حتى درتي 25 عام .. يعني خمس سنيين دالفرق
جوهرة: اهاه ! على هاذ الحساب هو غيتسناك خمس سنييين باش يالاه ترضاي و لا كيفاش ؟
وئام: لا ! غير عام باااركة .. نعييش فيه داكشي لي باغى و موراها يلا دخلت للقفص نكوون مرتاااحة .. عرفتي علاش ؟ انقوولك الرااجل موور الزوااج ماشي هو قبلوا .. إلا من رحم ربي .. باقى باغية نعيش المغامرات معاه و يجيبلي لي كاادوا .. يتفكرني فالأعياد و المناسبات و فعيد الحب يشبعني أشعار و كلام .. و كل مرة مفاجأة فشكل
وئام: لا .. اغلبيتهم كيتبدلوا ماا يتفكرك بكلمة و لا شي جيسط منيين ل ليين .. آخرتوا يدخل عليا قبطة دالنعناع ؟ و مالي عليها ! ما تقوليليش بنادم ما كيتسيفش و خصووصا هو بلا واالو عااجبوا رااسوا و بحال يلا متأكد دايرني فالجييب و فاش صدمتوا و ما قبلتش عااد فكر مع راسوا و قال أجي نشرحلها و نجلسوا للأرض نهضروا ( حركات راسها ) هاذشي غير باقي ما درنا فالطاجين ما يتحرق و كي كيتعامل أما يلا يضربنا العقد مشات على عيني ضبااابة .. تما صاافي متأكد ما بقالي لين عليه و شدني بين يديه .. ايوا اللهم نشبع فالخطووبة و من بعد نقوول بعدا دوزت .. و لا نصدق لا فهاذي لا فهاذي
جوهرة:( تنهدات ) طبختيلي راسي بالهضرة .. و من هاذشي كاامل راك غير كتخربقي ممكن تعيشي طوووب دبخير مع راجلك حلالك .. و حب مور زواج حسن ببزااف من قبل .. و حاجة مهمة ديريها فبالك ا لي باغى تتمعشق .. واخا يكون خطيبك راه ماشي محرم ليك و كيتسمى غريب على سيادتك و حراااام تكون بيناتكم شي حاجة .. و شفتي كريم عقليتوا بحال ياسيين تقريبا .. ضحوووكي و ضارب الدنيا بركلة و لكن فالمعقوول راه معقوول و مووحال يبغيلك هاذشي لي كتقوليه و بلا ما نهضروا على بابا و جدي لي بلا نقاش العتبة ما تخرجيهاش معاه بلا عقد !
وئام: دابا بيني و بينك نتي كي كيجيك ياسيين ؟ و كي كيتعامل معاك !؟
جوهرة:( ضحكات ) أنا ماشي هي نتي اختي .. نتي سنطيحة أنا خوافة و داخلة سوق راسي ما نقدرش نزيد معاه فالهضرة .. واخا دوزنا عاام دابا باقي الاحترام و الحشمة بيناتنا شي مسائل ما نقدرش نزعم فيهم و لا نتدخل .. فخبارك واحد اامرة جبدنا الهضرة عليك و على بشرى و قالي لو كانت وئام ختي نعلقها من رجليها فباب الدار غا بلا ما ديري مقارنة بيناتهم هههههههه
وئام:( بلقات عينيها فيها و جوهرة كضحك ) أصلا أنا حااسة بيه ما حاملنييش غير من شوفاتوا
جوهرة: ايوا بسيييف فينما وقعات شي مصيبة معانا كيلقاك خاشية رجليك فيها ( ضحكات ) راه غير ما لقالك جهد و جيتيه بعيدة أما يوريك وجهوا الثاني هههههه واخا هكاك ما كيقولهاش خايبة فيك بلعكس عاطيك مساحة احترام ديالك
وئام:( شدات حنكها ) نااري انا بحال هاذ الرجال كيخلعووني و الله .. شفتي شحال ما كان ضحوكي شحال ما كيبكيك و يهجرووولك يلا قلب وجهوا
جوهرة: ايوا ديري نتي بأصلك و دخلي بنيتك و ما كااين لي يهجرولك أما يلا من لول باغى تلعبي و تزيكزاكي غير بعدي من الأحسن حيت غيندمك على النهااار لي عرفتيه فيه و بلا ما ديري فيها قااافزة .. حيت ما قافزة ما تا لعبة و سااهل عليه يحدهم لك و غير لبلان ديال نوارة يعطيك الخبار و بلي لعبوا خااايب .. يا شدوا الطريق نيشان يا بعدوا .. حيت هاذ اللعب ديالكم آخرتوا غيخرجكم فشي جايحة كحلة و قولي جوهرة قاالت
وئام:( قطعات مع ختها و تكات فوق مخذتها حالة عينيها فالسقف و هضرت جوهرة كتتعاود فوذنيها مرارا و تكرارا .. غمضات عينيها و غوتات بجنوون ) اخخخخخخ منك ا جوهرة اخخخخ
جلسات مقادة فبلاصتها و ربعات رجليها خذات تيليفونها و دخلات لجهة لبلووك .. ديبلوكات كريم و بقات شحااال مهدنة كتشووف غير فسميتوا .. تا حزمات أمرها و بركات على الاتصال .. كتشووف فيه كيصووني و دقات قلبها كيتزادوا شيئا فشيئا .. حتى جاوب و دارتوا فوذنها و هي حااسة براسها غتسخف فبلاصتها
وئام: احم و لكن هاذ الهضرة ما تصلاحش فالتيليفون .. نقدروا نتلاقاو ؟
كريم:( بعد صمت ) واخا .. نكمل الخدمة و نعيط على الواليد ديالك نهضر معاه باش ما كان غنرد عليك
وئام: صافي واخا .. بون كوغاج
كريم: ميغسي يالاه اتووت ( قطع معاها )
💫💫 فالمساء 💫💫
جالسة وئام مقابل معاها فوحدة من القهاوي العائلية .. الدنيا خاوية تقريبا .. مقابل معاهم جوج دالرجال كيتقهواو لا غير و الفوق بنت و صاحبتها كيقراو .. طلبوا مشروباتهم و بداو كيهضروا فمواضيع عااادية حتى حط السرباي طلباتهم و حنات راسها نزلات على كاس دالما بحال يلا شحفاانة و قالت
وئام:( بقات ساكتة شحاال و عاد قالت ) نتا ا كريم ولد الناس .. ضريف و كوول فدماغوا .. غير فهاذ المدة لي هضرنا فيها .. حسيت براسي كنعرفك من شحااال هاذي ( ضحكات ) حسيت براسي فهاذ اللحظة دري كنحاول نتبث شي بنت عجبااتني ( ضربات جبهتها ) هههههههه هاذشي لي عطى الله ما نقدرش نهضر بجدية فووق القياس
وئام: لبارح قلتي كنت كنتسنى شي حاجة من مور لي زابيل .. و بلي يلا بدات فلول بضحك موراها ما بقاتش ضحكة و كان عندي هدف ! ( قالت بصراحة ) ااه ما غنكذبش عليك و عندك الصح .. فلول ضحكت و ماشي غير ضحكت شفت لايف دبنات كيعيطوا لنماري ما كيعرفوهمش و كيطلعوها و جيتي غير نتا لبالي .. كنت عواالة نجرب نماري اخرين و نضحك و نقلب بحالي و لكن ماا قدرتش .. هضرت معاك نتا لا غير .. و لدابا كنقولك ما عرفتش لاش زعمت عليك .. ممكن حيت ما حملتكش فلول هههه و لا جيتيني على الكانة
كريم:( جاتوا الضحكة ) ههههه اهاه !
وئام: و من بعد ما بقاتش ضحك حسيتك كتفهمني بلا ما نهضر .. كنجي من بعد نهار طوييل و نعاودلك كااع لي درت بلا ما نحشم و لا نخاف .. حيت عاارفة نتا غتبقى غير فالتيليفون لا غير .. عمري فكرت غيجي نهار لي نهضر معاك فيه هاكا فاص ( حنات راسها شربات و رجعات شافت فيه مزنكة ) ما بغيتش نضحك عليك و تكون نتا ماشي معايا بالنية و أنا نطلع بنت الحرام معاك .. شفت فيك فرصة ما كتتعوضش و يلا خسرتك غنضيع بزااف ( شافتوا دفع صدروا و هي تهز حاجبها ) رااه تا انا فرصة ما كتتعوضش بلا ما يعجبك رااسك توااضع معانا الشرييف
وئام:( تزنكاااات و حنات راسها كتلعب بعينيها قبل ما تقوول ) دابا نتا باغي زوااج دييريكت دييرييكت ؟
كريم:( هز حاجبوا ) لا حتى نزيكزاكيوا شوية باقي علينا الحاال .. طالعة لك السخانة اشريفة لا ؟
وئام:( ضحكات ) ههههه لا لا و الله ما هكاك ( زفرات و قالتها لي ليها ليها ) كرييم شووف .. آخر سطاج ليا دوزتوا فالمحكمة و من تما خرجت و خدمت معاك .. سمعت و شفت المصاائب الكحلة .. بلا ما نزوق فالهضرة .. أنا خاايفة .. خاايفة نتزوج فهاذ العمر و من بعد نندم .. خاايفة من بعد شهوور تا حنا نكونوا شاديين الصف فباب المحكمة .. انا مكنقولكش نتا قبيح و غتظلمني .. لا .. ممكن انا نظلم راسي بيدي .. جوهرة ماشي هي انا لي نتزوجوا ديريكت و نتفاهموا نيشان .. ما كرهتش نطولوا ففترة دالخطووبة حتى نتفاهموا مزيان .. تشوف واش ترتاح معايا و أنا نفس الحاجة .. ااه هضرنا مدة طوييلة و لكن راه فرق بين الزواج و بين التفلية .. نتا ما عارفش عقليتي فشحاال من حاجة و حتى أنا ما عارفاكش كيفاش كتفكر .. فرق 14 لعام بيناتنا .. كن تزوجتي قدي غيكون عندك ولد قدي فالطول .. يعني راه جينيغااسيون بيناتنا .. ممكن شي حوايج نقولهم يجيوك مبرهشين و لكن انا بصح باغاهم ..
وئام : ممكن شي حوايج نقولهم يجيوك مبرهشين و لكن انا بصح باغاهم .. باغى نحس بالحووووب ديال الحوووب .. الاهتمااام و بلي بصح راني كنسوى شي حاجة عندك ماشي زايدة ناقصة يلا مشيت تجي حسن مني .. باغى نضحك و نلعب ( شافت فيه و تبسمات ) انا باقى برهووشة كنمشي نتسابق مع الدراري الصغار على مووطايشة و نطييش حتى نشبع و نمشي نزلق و لا على باالي هههه الناس كيعيبوا عليا و أنا كنخرجلهم لساني .. يلا قتلك لي كندير غتقول هاذ السيدة شوية لباس و لكن لا .. انا فاهمة الدنيا صح .. كل وقت و وقتوا .. ما باغاش نشرف و نوصل لواحد العمر .. نشووف الشباب كي عايشين و نتحسر على أيامي لي دازوا بلا ما نحس بيهم و أنا كنجري غير موور الخدمة و سطريس و دخل الفلوس من هنا و خسرها على الدوايات و الاعصاب ( حطات يديها على حناكها و غمضات عينيها بطفوولية ) بغييت نتمتتتتع ا صااحبي .. باش فاش نشرف نعااود لولادي على شنوو دوزت و شنوو درت .. فاش يقولولي الميمة عاوديلنا قصة .. نلقى ما نعاود و نتفكر المااضي الزويين .. نتفكر الحب الاسطووري لي عشتووا ( بصراحة ) هاذي انا برهووشة و حمقة و جيب يا فم و قوول ما كنحسبش أفعالي و اقوالي و لكن قلبي بيض .. ماشي حقوودة .. نية حتى أنا و تدارت بيا شحاال من مرة و لكن ماشي مهم كلشي فايت ( هزات يديها ) ااااه قبل ما ننسى جعوااااقة كتعرف التعجويق انا موولاتوا .. ما كنسكتش على حقي نقدر نطير عليك نتفك ما نخلي فيك غير لي نسيت و غير نمشي لدارنا ما نعاودش نفكر فشي حاجة .. كننسى واخا الواحد يديرها فيا مووت خاايبة .. غناخذ حقي ساعتها و من بعد ربي يخلصوا .. و لو وقف عليا ندير جهدي معاه ( شافتوا ساااكت و متبع معاها و هي تضحك ) شكاار راسوا عاد دااز من هنا نسلم لك عليه ههههههه
كريم: عارفة راسك بعدا ههههه
وئام: هههههه الواحد هو لي يشكر و يعاير فراسوا و بيييس .. ما كنشكرش فراسي باش نبان عليك و لكن كنقولك شكون هي وئام .. عارفة راسي صعيبة و ماشي أي واحد يقبل عليا .. و ماشي اي واحد يقدر يتفاهم معايا .. عليها كنقولك بغيت فترة الخطوبة تكون طويلة شوية .. حيث انا انانية و كنبغي راسي قبل من كلشي و منين كتوصل ليا ما كنعقل على حد و عارفة لساني طوييل و ما كنسكتش و لكن غير لي جبدني .. عمري نجبد شي حد بعيب خصوصا الناس الكبار( شاف فيها بشوف و كان و هي تضحك ) نتا ما محسوبش وليتي ديالنا هههه .. و فالاخير غنقولك شحال ما خذيت من حب و احترام و عطاء .. كنعطيه حتى انا بلا حسااب .. قابل على هاذ وئام بلا زواق و نفاق ! مرحبا بيك فدارنا نتا و عائلتك نهزوكم فووق الراس .. ما قابلش و عارف ما غنتفاهموش ( شافت فالطبلة و قالت بضحك ) هز عليا حلوتك و الله يعاون .. يلا بغيتي زعما هههه
وئام: الخطوبة تطواال .. قلتيلي واش باغى تصاحبي ؟ و ااه انا باغى نتصاحب و لكن مصاحبة فالحلاال ( ضحكات على وجهوا ) ههههه شووف قاسح حسن من كذاب .. ما قادراش على المسؤولية دابا .. باقي باغى نحماق و نعيش الحياة معاك .. قبل ما ندخل للقفص لي ما عرفتوا ذهب و لا مصدي .. باغى نحب ما منحقيش نحب !
كريم:( بقى شحال سااكت و هو يقول ) حااسك ا ختي غتنوضي تغتاصبيني .. واش نزير على سروالي دابا نيت و لا ننعل الشيطان ؟
وئام:( غير سمعاتوا ضربات الطم و سكتات مزنكة كدور فعينيها )
كريم:( تسرح و شاف فيها ببروود ) و شكون قالك اختي أنا أصلا غنرجع نخطبك ؟ ياك قلتي لا ما باغاش و الله يجيبلك ما حسن !! ايوا الله يعاون ؟ لاش مبرزطة راسك ما فهمتش !!
وئام:( تزنكااات تزنكااات تزنكاات حاسة بحناكها غيطرطقوا بالسخوونية قمعها حتى الدمووع بغاو ينزلوا لها و ما رضاتش .. بزز نطقات بصوت مبحبح ) انا غير قتلك .. على حساب لي شرحتيهلي لبارح و قلتي باقي ما كملتي كلامك .. يمكن أنا فهمت غلط ( حنات راسها كتفتف ) سمحلي
كريم:( ضحك جنب ) لبارح شرحتلك علاش درت معاك داك التصرف و بغيت نوصل ليك واحد المسج و نتي فهمتيه عاادي جدا .. يلا كنت باقي ما كملت كلامي فبغيت نهضر معاك عاادي جدا بحال أي جوج خووت .. نتأكد منك ما بقيتيش هازة من خاطرك مني
وئام:( نزلاتلها دمعة مسحاتها بعصبية قالبة وجهها ما باغاهش يشووفها كتبكي .. هزات كاس دالما شربات منوا و شافت فيه بعنين حوومر ) واخا ا خويا حتى أنا شرحتلك موقفي باش ما تبقاش هاز من جهتي و هضرتي على الخطبة اعتابرني ما قلتهاش
كريم:( حرك راسوا بواخا ) و هاذشي لي غيكون أصلا .. نتي خت مرات خويا لا غير ( مد يديه جبدلها حنكها ) خليك مع لعابك ابنتي حسن لك .. حتى هنا كاينة واحد موطايشة زويينة غتعجبك سيري شدي النوبة عليها مع البعالك !!
وئام:( حساتوا كيطنز عليها ما بقاتش قادرة تشد البكية من البروود ديالوا .. نزلوا دموعها فصمت و هزات الساك ديالها حانية راسها ) لا عفاك وصلني بحالي .. الله يسهل عليك
كريم: نوصلك الله اودي .. كاين شي أخ كيخلي ختوا فالخلى ؟ سبقيني نخلص و نجي !
و بالفعل سبقاتوا كتبكي بسكاات من القمعة لي عطاها .. كانت كتتسنى منوا جواب ثااني .. لكن صدمها .. حاسة بحال شي شووكة واحلة ليها فالحلق كتطلع و تهبط خانقاها .. ما قادرة تبلعها و تتهنى ما قادرة تخليها .. شافتوا جاي و عطاتوا بالظهر كتمسح عينيها بالزربة قبل ما يشوفها .. رغم أنوا من وجهها و الحمورية لي ضاايؤة بيه باااين الشغل .. لكن عزة نفسي ما بتسمحلي .. حتى هو شاف فيها و طمر .. داز فتح لراسوا لباب و ركب عاد ركبات حداه .. دارت لاسانتير فصمت .. حتى وصلها لدارهم و شاف فيها
كريم: يالاه ا سنفوورة خووها تهلاي فراسك .. يمكن هاذي آخر مرة نشووفك فيها و لا نهضروا .. تهلاي فراسك و ما تعاوديش بلان لي درتي معايا مع شي حد آخور .. حيت ماشي كلشي بحالي .. كاينين ذيااب كيتسناو غير فووقاش يلقاو شي نعيجة زوينة بحالك يفرسوها
وئام:( شافت فيه عاضت على فمها مسكتة راسها بزز و الدمووع مغرغرين بالجههد فعينيها .. حتى حنات راسها و قطروا على جلابتها .. نطقات بصوت باكي ) واخا .. عمري ننسى هضرتك .. شكرا بزااف على كااع لي درتيه معايا و فكل مرة كتنصحني بحال ختك و تسمعلي بلا ما تمل .. شكرا على أي حاجة درتيها معايا زوينة .. حتى كلامك الاخير فهمتوا مزياان و تحفر ليا فقلبي قبل من عقلي و كون أكيد عمري ننساه و ديما غندير بيه .. سمحلي بزااف على أي حاجة خاايبة جات من جهتي
كريم:( شاف فيها ببرود ) هاانية الله اودي .. لاش تداروا الخوت يلا ما وقفوش مع بعضياتهم !
وئام:( عضات على فمها و فتحات الباب ) واخا شكرا
نزلات كتتمشى بالزربة باغى غير ما تبقاش تبانليه .. دخلات لدارهم بالزربة و سدات لباب و رجعات تكات عليها بظهرها كتبكي بكل جهدها .. حاسة بقلبها كيضرها بزاااف من كلاموا أولا و قمعتوا و ثانيا من فكرة أنها صافي عمرها ترجع تتلاقاه و لا تهضر معاه .. بحال شي حد عزيييز عندنا و دفناه و عاارفين عمرنا نرجعوا نشوفوه .. غير لفرق هي ممكن تشوفوا لكن كواحد غرييب عليها يتبادلوا السلام ببروود .. عكس الأيام و لا نقولوا الشهوورة لي دوزات كتهضر معاه فمختلف المواضيع و شافت منوا جاانب آخوور ..
بكات حتى فشاات قلبها .. حااسة براسها مخنووقة و ما تسوى حتى درهم .. كلما تفكرات هضرتها .. حقا عجبتيني و باغى نعيش الحب معاك و و و .. فبالها هي كتهضر من نيتها و هو كيشوف فيها و يضحك فسروا كأنها كلوون قداموا ..
جدبات حتى عياات و تنفخوا العينين و رجعات هزات بقايا كرامتها و طلعات فالدرووج لدارهم .. جبدات السوارت و فتحات لباب سمعات حس رحمة فالكوزينة .. دخلات حانية راسها نيشان لبيتها .. تكات فوق ناموسيتها بالجههد و بدات كتبكي عاود كلما تتفكر الموقف لي تحطات فيه ... مدات يديها لتيليفونها هزاتوا كتشهق و دوزات لابيل ليه .. واخا عارفة ما خصهاش ديرها لكن بغات تتأكد من حاجة وحييدة جاتها لبالها .. يالاه جا يصوني و هو يتسمع
----: ان هاتف مخاطبكم مغلق او خارج التغطية المرجو اعادة الاتصال لاحقا
صافي غير سمعاتها تأكدات من كااع لي كيدوور فبالها .. ندماات على كاااااع لي دارتوا معاه و على اي هضرة قالتها قبل .. كاع لي وقع فهاذ ست شهوور حساتوا محطووط على قلبها بحال شي حجرة خاانقاها ما مخلياهاش تطلع النفس نهااائيا
💫💫 ياسيين 💫💫
جالس فالبيروا ديالوا فالمحل حاني راسوا خدااام و مرة مرة كيجغم من قهوتوا .. حتى تفتح لباب و دخل كريم ضاحك
كريم: باشا ! عندك شي وقيت لينا و لا واالو ؟
ياسيين:( شاف فيه و رجع شاف فالساعة ) لا والو ا خويا المقاطعة سداات .. سير تا تجي بلاتي و شوف نتا و زهرك !
كريم:( ضحك و دخل جلس قبالتوا و مد يديه على شكل بونية ضربها مع ديال ياسيين ) افيين العشير زعما يلا ما سولت ما تسول ؟
ياسيين:( هز حاجبوا و قال بطنز ) كنبغي العيالات ا خويا بيني و بين الرجال غير لخير و الاحسان .. ااش غندير بكمارتك قبالتي مثلا ؟ نعاودلك لاكارط ناسيونال ؟
كريم: لا جددلي الباسبوور .. أنا لي ناقصني عقل جاي لعندك قبل ما نسافر
ياسيين:( غمزوا ) ليين شادها ؟
كريم: غذا عندي لفوول لفرنسا ان شاء الله .. نمشي نشوف الواليدة كي بقات هي و الواليد .. درت مع الخوادرية كااملين نتلاقاو تما .. راك عارف نفسيتها كي غتكون فهاذ الوقت
ياسيين:( بأسف ) و شنو ؟ راه حيدات طرف من لحمها .. بففف الله يشافيها و ما يكون عندها باس ان شاء الله
كريم: أميين يا ربي .. المهم تتهنى من السرطان و ما يخرجلها تا ورم من الجنب مرة أخرى
ياسيين: يكوون خير ( ماصى بين عينيه ) حتى واحد ما لقاها كي بغاها .. حتى جوهرة ممحنة .. الله يجيب الشفاء لكلشي
كريم: أميين ( وقف و دار عندوا عنقوا كوداع ) هذا الوقت يالاه نجمع لفاليز و نرتاح شوية .. الطيارة عندي صباح بكري .. سلم على جوهرة قلها الله يشافيها .. نهار نرجع غتكون صحات ان شاء الله
ياسيين: على الله .. شحال غتجلس ؟
كريم: على حساب .. كملت لبيع هنا .. نمشي نرتاحلي شوية .. ممكن شهر و لا شهراين هكاك ( ضحك و غمزوا ) المهم الخاوة فاش نرجع باغي نعرف بلي قربت نولي عم .. عنداكم تقولبوني جربنا الخال نجربوا العم شوية !!
ياسيين:( بهدوء ) و ما تجربش الأبوة ؟ ( بطنز ) تا هي كيعاودوا عليها زييينة !
كريم: حتى نلقاو أمهم بعدا .. غنولدهم مع قنية ؟
ياسيين: اهاه ! و وئام ؟
كريم:( ببرود ) ياك سمعتي جوابها قدامك ( حرك راسوا بالنفي ) صافي ما بغاتش الله يعاونها .. التبرهيش د والوا ما عندي ما ندير بيه
ياسيين:( هز حاجبوا ) مزيان ! هي جيب معاك شي كاورية من تم نيت !
كريم:( تم خاارج و كيهضر و هو كيضحك ) لا اخوويا ما عزيزاش عليا الماكلة البايتة .. باغي نسيل الدم !
ياسيين:( شاف فيه و قلب وجهوا كيضحك ) هههههههههههه من حقك !
💫💫 بعد مرور شهر 💫💫
دااز بالضبط شهر على أبطال قصتنا بحلاوتوا و مرارتوا .. كاين لي دااتوا الدنيا بمشاغيلها و مشاكلها بحال ياسيين و جوهرة لي علاقتهم هااادئة و مرتاحين مع بعضياتهم و باليد فاليد كيحاولوا يتغلبوا على أي حااجة ممكن توقع معاهم .. هي قوية بيييه كسند ليها و هو قوي بيها و بحبها و برائتها لي عطات طعم آخر لحياتوا ..
و كاين لي دوز شهر كاامل فالدمووع و الحزن بحال وئام لي راجعات كااع لي وقع مع كريم من أول نهار عيطاتليه حتال آخر لقاء بيناتهم فين ودعها .. و الندم كياكل فيها شوية بالشوية .. عكسوا هو لي مدوز عطلة مع عائلتوا بالضحك و النشاط كيحاولوا يفوجوا على أمهم و كل مرة مسافرين لقنت فشكل ..
جالسة جوهرة و ياسيين مقابلين مع البيروا ديال الطبيبة لي حانية راسها كتقرا فالتحاليل بهدووء عكس دقات قلب جوهرة لي غاذيين و كيتزاادوا شوية بالشوية و الخووف لاعب عليها .. ذاتها كلها عرقاااات و طلعات معاها الصهدة .. الثاانية كدووز عندها طوييييلة .. حتى حسات بيد ياسيين محكوطة فوق يديها و مزير عليها بقووة تا شافت فيه و غمض عينيه و رجع فتحهم كأنوا كيقولها أنا معااك و كلشي غيكوون بخيير
دخلوا بجوج لا غير مخليين ياسيين كيتسنى على أحر من الجمر حتى هو .. أما هي تكات فالبياص و طلعات حوايجها مخلياها كتفحصها و مرة مرة تسولها أسئلة روتينية .. تا كملات معاها و قادات لباسها و رجعات تبعاتها للمكتب .. يالاه جلسات قالت
الطبيبة: الحمد لله الحالة ديالك الصحية مزياانة ا مدام جوهرة ( شافت فياسيين و كملات ) يعني ما عندكم مناش تخافوا نهائيا .. الكيس لي كان عندك ذاب بالدوا .. فاش تولدي ان شاء الله غيحدولك الغشى ديالوا مع الخلاص .. الحمد لله على سلامتك
جوهرة:( تفتحوا عينيها بفرحة .. شافت فياسيين بسعااادة قصوية و رجعات غمضات عينيها و قال بصوت خاافت ) الحمد لله الحمد لله ياااا ربي
ياسيين:( تبسم و باانت فملامحوا حتى هو ارتااح .. شاف فالطبيبة و قال بتساؤل ) يعني حاليا ما عندها حتى مشكل أنها تولد أو لا ؟
الطبيبة : صحيا لا .. و يلا بغيتوا ممكن نعطيها دوا خااص بحالتها غتتبعوا و غيساعدها بزاااف باش تحمل فأقل وقت
ياسيين:( شاف فجوهرة و قال بهدوء ) لا .. المهم عندي هي مزياانة دابا .. دخلات بزااف دالدوايات لذاتها فهاذ الفترة .. الحمل كيبقى نعمة من الله .. نهار يكتاب غيرزقنا
ناضوا وقفوا ودعوها و خرجوا مشابكين يديهم حتى نزلوا لتحت و ركبوا فالطونوبيل .. شافت فيه جوهرة بحب و الدموع تغرغروا فعينيها قربات منوا و ترمات فحضنوا معنقاه بقووووة
جوهرة: كنت خااااايفة بزااااف ما يمشييش و نصدق دايرة العملية .. قلبي كاان عالم بيه غير الله و نتا .. شكرااا بزااااف على كااع لي درتييه معاايا .. الدوا بوحدوا ما كيدير واالو يلا ما كانتش النفسية مزيانة و نتا ما قصرتيش معايا .. الله يخليك ليا ( نزلوا دموعها لي كانت حابساهم )
ياسيين:( تبسم و باسها فجبهتها و بعدها عليه بحنان حتى مسح دموعها و شاف فعينيها لي كيأسرووه ) و يخليك ليا البكااية لي بلاني بيها الله ( نطحها براسوا لجبهتها بالشوية ) نعاود نشووفهم غنكوي حسك
ياسيين:( ضحك ) يلا عام كملناه فوقاش غتحيدي هاذ الحشمة ما عرفت ! ( هز حاجبوا و حرك راسوا ببطئ ) واخا هي أكثر حاجة كتخليني نق*** عليك
جوهرة:( بغات تطرطق .. غطات وجهها بين يديها ) و الله تا حرام عليك بالله .. كتاخذ فيا الذنووب
ياسيين:ياك باغى الولاد ! غتجيبهم بالدعاء ؟
جوهرة: الصمت !
ياسيين:( وقف قدام الدار) شنو دابا ما ناكلوا غريبة ما نفيضوا حليبة ؟
تسمع صووت تيليفونوا مع نهاية كلاموا .. شافت فيه شادة الضحكة
جوهرة: جاوب تيليفونك هه
ياسيين:( قلب وجهوا هزوا لقاه كريم .. قبطوا و قال ) طلعتولي ف*** الزمر .. واش ولدتكم و نسيتكم ؟ لي طااح فشي مصيبة يجي عند ياسيين ! شهر ما تفكرتي خليقتي ااش جاك دابا ؟
جوهرة:( ضحكات ) أنا نزلت
ياسيين: تسناي حتى نطلعوا بجووج ( نحنح ) وي كريم تسنى واحد الدقيقة
مد يديه للمجر لي حدا جوهرة فتحوا و جبد بواطة ديال الشكلاط .. مدها لها فسكات و نزل كيقاد فسروالوا .. أما هي لي عينيها بغاو يخرجوا منهم لقلوووبة .. نزلات حتى هي تسناتوا تا وصل حداها و دخلوا للعمارة و قربات منوو باستوا فحنكوا بالخف و دازت قداموا كتزرب .. تا حسات بشحححطة جاتها لوور تا تهزات من بلاصتها و حطات يديها عليها حاساها كتوزوز
ياسيين:( غطى الصوت على كريم و قال و هو عاض على شنافتوا ) واش هداك كر و لا قشلة دالعسكر هههههههه
جوهرة:( ضارت عندوا مخرجة عينيها و مشات كتجري طالعة بحالها و هي كتولول ) ويلي ويلي ويلي
ياسيين:( غوت ) ما تجريش الويلة
كريم:( نحنح ) غنبقى فالخط حتى نسمع الأهات و الغوات ديالكم ؟ و لا غتعفيني من هذه المكالمة السافلة يا حضرة الباشا ياسيين !!
ياسيين:( ضحك ) ااش بغيتي ا امام الجامع لي غنفسدلوا أخلاقوا ؟
كريم: هههههه فاسدين خلووق الله يجيبلنل معامن نطبقووا و كاان ( بجدية ) عيطت نسول على ختي جوهرة ؟ امدرا شنو درتوا ؟
ياسيين: صافا صافا .. الحمد لله لي زاناليز خرجوا مزيانيين
كريم: ايوا الحمد لله على سلامتها
ياسيين: الله يكبر بيك ( سكت شوية و قال و هو كيدفع باب الدار و دخل ) أتيني ما عندك بلا مقدمات ! شنو كاين ؟
كريم: و حرااام واش دووز عليك يا خوويا بااز ( سكت شوية و رجع كمل ) فهاذ السيمانة ان شاء الله غنرجعوا أنا و مالين الدار يلا كتاب
ياسيين: الله يجيبكم على خير ! عيطتلها لبارح .. صحتها الحمد لله فتحسن .. ان شاء الله ترجع كيما كانت و حسن
كريم: و هاذشي لي كنتمناو .. بعدا تكون عندها الصحة توجد لخطبتي ( ضحك بهدووء ) وا فرعاااتلي راسي باغى تشوف ولادي و غير أنا لي بقيت لهم ما فرحوش بيا
ياسيين:( شاف فجوهرة لي طاحت عمية فداك الشكلاط .. مد يديه طيرلها البواطة و حطها حداه مخليها غير كتشوف فيه اما هو كمل كلاموا بهدووء ) هي جبتيها كاورية !
كريم: لا ! عقلتي على راضية ؟
ياسيين: الله يا ودي .. داك لبنت جبتها بيدي من عروبيتنا للحاجة الياقوت تعاونها
كريم: و حتى هي ما قسراتش معاها و معانا كاااملين .. عمرها تشكات و لا خرجات من فمها شي كلمة دالعيب .. ما كنتش دايرها فبالي .. و لكن الواليدة فكراتني فيها .. داخلة سوق راسها و درويييشة و عندها حقها من الزين الطبيييعي حتى هي
ياسيين:( دوز على لحيتوا ) هي نويتي ؟
كريم: يلا كانت فالمكتاب .. فاش ندخلوا للمغرب غتجي الواليدة تهضر معاها يلا قبلات تعلم امها و تمشي لدارهم حتى نخلطوا عليها .. نخطبها من باها و خوتها .. راك عارف سيسطام ديالهم كي دااير
ياسيين: بلا نقااش .. راحنا مشاركين معاهم التراب .. حاجة وحدة غنقولك .. جلس مع راسك و فكر مزيااااان .. ما تظلم حتى وحدة ..قبل ما دير هاذ الخطوة درسها مزيااااان .. و من عندي أنا ما تسالني غير نمشي نخطبلك .. شكون ما كانت .. و بلا كترة الهضرة راك عارف علامن كنهضر
كريم: ما ظلمت حد ا خاي ياسيين .. صافي جا وقت المعقوول نعمروا دارنا حتى حنا و نبنيوا عشنا ( تسمع صوت الهضرة حداه ) مهم نخليك هاذ الساعة حتى ننزل و نتشاوفوا ان شاء الله .. سلم على كلشي
ياسيين: مبلغ .. الله يوصلكم على خير ( قطع معاه و شاف فجوهرة ) وجه الله علاياش كتقلبي ؟
جوهرة:( شافت فالكارطونة دالشكلاط .. عرفاتوا كيهضر عليها و جاوباتوا قااالبة الموضوع ) كريم هذا ؟ شكوون غيخطب شكون ؟
جوهرة: واخا ( مشات جابتوليه شرب و جلسات حداه كتسناه يهضر و هو سااكت حتى فقصها و ضرباتوا لجنبوا ) واااا هضر خلاص ! ( هز حاجبوا و جاوبات قبل ما يهضر ) ااه فضوولية غير طلقني
ياسيين:( مد يديه خمجلها وجهها بالضحك ) ما تحمسيش تا نتي ! لا ماشي وئام .. ديجا قتلك كريم ما غيرجعش يخطبها واخا مانعرف شنو يوقع .. كنعرفوا كثااار من رااسي ( ضربها بصبعوا لجهة ناظرها ) غير خوي مخك من الخوى الخاوي
جوهرة:( بحزن ) تمنيتوا لوئام و الله و لكن الله يسر ليه فينما كان ليه الخير
ياسيين:( حرك راسوا بالايجاب ) هاذشي لي كااين .. راه بعقلوا و عاارف راسوا ااش كيدير .. حنا ما علينا غير نباركوا ليه لا غير
جوهرة: و ما قالكش زعما شي حاجة على وئام ؟
ياسيين:( تنهد و شاف فيها ) حتى يلا قالي ما غنديرش بيه بووق ( دوز يديه على حنكها بهدووء ) وئام باقي صغيرة و باقي ما شافت واالو فالدنيا .. مزاال تكتاشف شحاال من حاجة ..هضري مع ختك يلا كان فبالها شي حاجة غير تحيدها و تشوف حياتها .. واخا ما نظنش فبالها شي حاجة اصلا .. لكن علميها باش نتهناو من صداع الراس من بعد
مرت الاياام فهدوووء و الأحوال على حالها .. تسد على موضوع الخطبة ما بقاوش هضروا فيه نهاائيا و حتى جوهرة كلما كتبغي تزعم و تقولها لختها كتتراجع فآخر لحظة ..
جالسة جوهرة جامعة شعرها للسمى و هازة ستيلوا فيديها و حداها قوة لوراق .. كتقرا و تلخص باش تسهال عليها الحفاضة حيت داكشي كثيييير .. خاصها توجد للجهوي و الوطني دقة وحدة و أغلب الدروس تنساااو عليها .. من غير ديكشي لي متعلق بالدين " التربية الاسلامية "
مقابل معاها ياسيين لي داير لي كيط فوذنيه و حاط قداموا لبيسي كيتفرج فسكاات مخليها تركز .. تا سمع صووت تيليفونوا هزوا و جاوب .. فالبلاصة وقف و شاف فجوهرة
ياسيين: أنا خارج واحد قسماين هكاك .. كريم وصل راه لتحت .. يلا كان غيطلع معايا غنصوني عليك تلبسي عليك
جوهرة:( مركزة ) همم واخا صافي .. سلم عليه
لبس فرجليه و نزل عندوا بكيطمة سبورتيف .. لقاه راكب فلوطوا .. كلاكسونا عليه و شريليه يجي عندوا .. و بالفعل مشى فتح لباب و ركب حداه .. تسالموا سلام رجوولي و عنقوا كريم بقوة كيضرب على ظهروا
كريم: كبييييدة تاعي توحشتك
ياسيين:( تبسم ) ما شفتي أناا الحبييبة مقطرلي من عويييناتي شوية ما نلحق عليك نجرك من رجليك
كريم:( شاف فيه كيضحك و ميق بحال العيالات قالب عينيه و كيديماري لوطوا فنفس الوقت ) زمااان أول تحول .. فييين الكبدبد دياالي لي ما يسمح فيا حتى نهاار .. صاافي تزوجتي و قلبتي وجهك الغذااار
ياسيين:( ضحك ) ما عرفت شكوون كان يقيل لاسق فقزيبتي .. تابعني من مدينة لمدينة ( ضربوا لكتفوا تا تزعزع ) جوهرة ما عندها دخل الحبييبة غير بلا ما تلووح باسك عليها
ياسيين:( هز حاجبوا ) نتا نهار تزوج بحال X تبلووكيني و تبدل النمرة .. هاذشي غير الخطبة و شدرتي !
كريم:( شاف فيه و رجع ركز فالطريق ) ااش درت ؟
ياسيين:( خنزر فيه ) فكر شوية و غتعرف .. رد الذااكرة للور ا سي كريم !
كريم:( وقف قدام القهوة لي غالبا كيجلسوا فيها بجووج و شاف فيه كيفرنس ) بالرب حتى عظامي ضاااريني ما قادر على شي سلخة بالله .. تقبت معاك الورقة ؟ و هانا جيت عندك نتا لول .. وصلت لواليدين و جيت .. باش نفهمك لبلان
ياسيين:( فتح لباب ) نزل و كان .. نشوفوا بلان كيفاش غتخطب وحدة مقرية فاتحتها من زمااااان و كتوجد لعرسها ! كن ما كنتيش عاارف و بيديك موصلها .. نقول مسكيين غشييم و ما فبالوا واالوا !!!
كريم:( ضحك و شاف فيه ) غنفهمك كلشي غير هنينا من نكيرك ( هز حاجبوا ) توحشت ماكلة الدار .. ما تعيطش لختي جوهرة توجدلنا شي عشييوة من حداكتها بينما جينا و تعيط على ختها تعاونها فالتوجاد .. مسكينة غادي تعيى بووحدها !
ياسيين:( جروا من الكوول شاانق عليه و دخلوا للقهوة كيضحكوا و يقشبوا بيناتهم ) لا ا حبيبة مراتي قاااادة بشغالها ، ما محتاجة عوييين .. غا هني بالك
كريم: دابا ما غتعيطش ؟
ياسيين:( زفر ) لا حول و لا قوة إلا بالله ( هز سبابتوا كيأكد ) آخر مرة تدخلني فبلاناتك
كريم:( حرك راسوا ) غير طلقنا
ياسيين:( دوزلها لابيل حتى جاوبات و قال بهدووء ) جوهرة غنجي أنا و شي ضياف فليل .. ديري حسابك و يكون حسن تعيطي على ختك تعاونك بلا ما تجهدي على راسك فوق القياس
جوهرة: اييه مرحبا بيهم ! واش كريم و دارهم و لا شكون ؟ راك باقي معاه ؟
ياسيين:( شاف فكريم و قال ) الشريكة لي عطاك الله .. كريم و حنا لا غير .. بلا ما تكلفي راسك .. هاذ الدحش لي حطيتي ليه ياكلوا
جوهرة: ههههه لا حشوومة مرحبا بيه فأي وقت .. واخا أنا نعيط لوئام و نوجد كلشي .. ما تعطلوش !
ياسيين: ان شاء الله
جوهرة: قبل ما تقطع قولي، واش كريم باغي يهضر مع وئام و لا شنو بالضبط ؟
ياسيين:( شاف فكريم و ساط بلا صوت ) كريم راه عوال يخطب ا جوهرة .. يلا جات ختك شرحيلها هاذشي .. هي دابا بالنسبة ليه من عائلة مراتي لا غير .. و أنا لي اقتارحت تعيطي عليها ماشي هو
ياسيين: أمييين ( قطع معاها و شاف فكريم ) بالرب تا خريتي فيها بالله .. رجعت نكذب بمسبتك !
كريم: ما كذبتي فواااالوو بصح وئام رجعات بالنسبة ليا من عائلة مرتك لا غير ! ( تنهد و كمل كلاموا ) قبل ما ندير أي تصرف فالعادة كنجي عندك ناخذ رأيك .. ياك ؟ ( حرك ياسيين راسوا بالايجاب ) و حتى دابا جاي عندك لنفس السبب .. غنشرحلك كلشي من لول و قولي واش لي فكرت فيه .. فيه شي عيب أو لا !؟
ياسيين:( تكى على الكرسي و حرك راسوا ) يالاه طلقنا خلاص !
كريم: المهم قبل من أي حاجة ما تهزش على لبنت شي نظرة ماشي تال تما .. باغي نتأكد من لي غنديروا واش هو هذاك و لا غير كنعكر .. ما بغيتش ندخلك فلول على هاذشي .. ماشي شماتة نديرها علكة بين سناني و ما نخلي معامن نهضر فيها .. و لكن نتا بحال نفسي
ياسيين:( جمع حواجبوا و قال بجدية ) نهار ابتسام جبدات جوهرة و تعدات عليها و نهار شافتها مراتي كدير المصائب و سكتات .. جمعتهم لها و ضرت فيها و ما خليت فيها غير لي نسيت .. حيت هاذيك ختها الصغيرة ماشي غير لوستها .. ما عندها معنى تشوفها غاذية للهاوية و تسكت و ما عندها معنى تفوت معاها لخط الاحمر و تبقى كتفرج فيها .. و بالحرف قلتلها دير فيها لي عجباتها و عمري نهضر و لا نقولها علاش ا فلانة .. أكيد يلا ما كانتش ظالمة .. و دابا غنقولك حتى نتا نفس الشيئ كيما ابتسام ختها .. وئام حتى أنا ختي الصغييرة و من ساابع المستحيلات نسكت على شي حاجة ما عاجبانيش .. ( ضربليه على كتافوا ) و نتا أول واحد غت** معايا .. من لول عااارف بنات العائلة خط احمر .. دابا غير طلقني و هضر خلاص
كريم: غتندمني ا ياسيين و غنصدق داير مناقص من شي هضرة .. عاارف نصائحك كي دايرين
ياسيين:( مسح على وجهوا و تبسم ليه ببروود ) فخبارك بديتي تعصبني ؟ و كنفكر نووض نقلب عليك هاذ الطبلة ؟ عاارف و لا ما عارفش ؟
كريم:( فرنس ) ههههههه الله يخليها قااعدة
ياسيين: الله يخلينا فصباغتنا ( سكت شوية و قال ) يلا كنت غناخذ نظرة خايبة على وئام .. كنت غناخذها على ابتسام هي لولة و عمر كلامي يجي على كلامها .. من لخر تصاحبات معاك ؟ و درتيلها شي بلان عليها ما قبلاتش الزواج ؟
كريم: هههه لا لا .. المهم نبدااو من لول .. بلا تعاليقك الله يرحم باك .. حتى نكمل و قول لي عجبك !
ياسيين:( حرك راسوا ببرود ) واخا ا سي كريم
💫💫 جوهرة 💫💫
عيطات على ختها و علماتها تجي عندها تتعشى معاها و تبقى تبات مونساهم .. حتى وئام قبلات برحابة صدر .. هضرات مع أمها لي قنعات باها ..
جوهرة:( واقفة فالكوزينة كتجبد فالحوت من الفريكوا و كتهضر مع وئام لي باينة فيها حزيينة ) كيبانلي ندير شربة ديال الحوت مع بريوات معمرين .. ااش بانلك ؟ يكفيني الوقت من هنا للعشى ؟
وئام: يكفي يكفي .. صوبي نتي الشربة و أنا نوجد البريوات .. ما قلتيليش شكون جاي ؟ علامن عاارضة ! سحابلي بووحدي
جوهرة: لا لا غيجي كريم .. عاد دخل من السفر شهر و هو ففرنسا .. كان مع ماماه مسكينة عياااانة بزاااف على ما قالي ياسيين حيدولها بزولة .. كان عندها فيها المرض القبيح ( ضربات فالخشب و جبدات وذنيها ) الله يسترنا و ينجينا
ضارت شافت فختها لقاتها كتشووف فيها سااهية و الدموع مغرغرين فعينيها بحال ما سمعاتهاش .. مشات عندها حركاتها بالشوية
جوهرة: ا مالك يا هاذ البنت ؟
وئام:( قبطات فيديها و زيرات عليها بلا ما تحس و قالت بلهفة ) واش بصح كريم غيجي من دابا شوية ؟ متأكدة ياك ؟ هو لي قالك عرضي عليا ؟ عليها عيطتيلي ياك ؟
جوهرة:( تضهشرات بكثرة الأسئلة و الدموع لي فعينين ختها ) ااه راه جاي مع ياسيين بلاتي شوية !
وئام:( شافت فيها و عنقاتها حاطة راسها على صدرها ) ضرت ضرت و فلخر وقفت على هضرتك ( بنبرة باكية ) ندمت بزااااف اجوهرة و الله حتى ندمت و ما عرفت شنوو ندير باش نصلح لي وقع
جوهرة:( غمضات عينيها و زفرات بحرارة ) وئام ما عارفاش شنو وقع بيناتكم من بعد ما هضرتي معايا .. حتى رجعتي فهاذ الحالة لي ما كتفرحش كااع ( تنهدات ) مهم لي عطى الله عطاه دابا ما عندك ماا ديري و خصوووصا فهاذ الوقت .. كريم رجع عوال يدير داروا و يستقر .. فهاذ الايام غيمشي يخطب
وئام:( طلقات منها و شافت فيها و ضحكات ) أكيد كضحكي معايا !! كرييم ما غيديرش فيا هاكا !!
جوهرة:( شافت فيها بأسى و قالت ) بنادم ما تعرفيه حاى تعاشريه تحت سقف واحد .. نتي باش عرفتي كريم ما يديرهاش !؟ ( سكتات شوية و قالت ) غيديرها اختي
وئام:( طاحوا دمووعها و قالت بانكسار ) و أنااا ؟؟
جوهرة: نتي باقى صغيرة و قدامك مستقبل طويييل عرييض قدامك .. صافي نسايه ما عندكمش الخير فبعضياتكم
وئام:( بلعات البكية ) واخا انمشي للدوش
جوهرة: سيري و خرجي جلسي ارتاحي ما عيطتش عليك تعاونيني بغيتك غير تجلسي معايا هاذ اليوماين تفوجي شوية
وئام:( مسحات دموعها ) نوو ما عليش .. أنا جاايا
جوهرة:( تبعاتها بعينيها حتى خرجات من الكوزينة كانت متأكدة غتمشي تشبع بكى و ترجع عندها فاش تبرد .. تنهدات و ضارت كتكمل لي بدات بالخف باش يقدها الوقت )
💫💫 بعد ساعات 💫💫
تفتح لباب و دخل ياسيين نحنح حتى خرجات عندوا جوهرة لابسة عليها عاد فتح لباب لكريم دخل .. لي تبسم ليها بأخوة
كريم: ختي جوهرة لاباس عليك ؟ الصحييحة ؟
جوهرة:( بابتسامة ) بخير ربي يخليك حتى نتا الحمد لله على سلامتك نتا و الواليدة .. الله يطول فعمرها و يخليهالكم بركة
كريم: أمييين يا ربي أمييين
ياسيين:( خلاهم كيهضروا و دخل للصالون فين كانت جالسة وئام حانية راسها و ساكتة .. شاف فيها و قرب عندها ) وئاام ! صافا ؟
وئام:( شافت فيه و وقفات سلمات عليه ) الحمد لله و نتا ؟
ياسيين: صافا صافا .. مالك جالسة بوحدك ؟ ( قلب راسوا لجهة لباب و قال بصوت مرتفع ) نخرج نفرشلكم باش تدخلوا .. ما ناويينش ؟ بانلي عجباتكم الوقفة تما ؟
كريم:( دخل كيضحك و موراه جوهرة ) لا اخوويا يلا ما كاان الحليب و التمر و تتعرض ليا فالباب بعااش مولاي السلطان لا دخلت و لا عتبتها عندك !
ياسيين:( شاف فجوهرة و وئام لي حنات راسها ساكتة ما قادراش تشوف فيه من بعد لي وقع ) كن ما كانوا هاذ الجوج غتاخذ جوابك لي كتقلب عليه .. و لكن دوووماااج
كريم: ههههه وصلات الرسالة بلا ما تهضر ( قلب وجهوا عند وئام و هو ضاحك و قال بنبرة عاادية ) وئام بخير ؟
وئام:( شافت فيه بحزن و ردات ) الحمد لله يسول فيك الخير و نتا ؟
ياسيين: باقي ما عرفت .. يمكن الشهر الجاي نخطف شي يوماين تما .. خصني نشوف فين وصلوا فالبني و الديكوغاسيون و حريق الراس راك عارف
كريم: ضرووري .. مهم باش ما كان علمني نطلعوا بجووج و هي هاذيك ندوزوا لأكادير باغي نشري تما فالخرجة ديالها .. غنبني تما هاذ المرة يلا كتاب
ياسيين:( حرك راسوا ) حتى نطلعوا و نشوفوا .. و لكن ماشي زربتي ؟ فالعادة كتزيد طول المدة لا ؟
كريم: سي .. و لكن هاذ المرة غنخليهم يتبناو بخااطرهم حتى ندوز عرسي و موراها نرجع بخااطري نشوف شنوو داروا .. و يلا عجبني الجوا تما بحال واالو نرحل لتما .. طلعلي هاذ الرباط فمخي
ياسيين:( ضحك ) حتى جوهرة بغات تبعد .. لمراكش و لا لاكادير نيت .. باقي كنفكر فالموضوع .. بحال واالو نشد المحل لي هنا و نتحول نيشان لمراكش بحالي .. الخدمة دالبعد غير المرض و صافي
كريم: ايوا الله يسهل ( شاف فوئام لي ساكتة غير كتسمع لهم و قال ) وئام !
وئام: وي ؟
كريم: امدرا لقيتي شي خدمة و لا باقي ؟
وئام: مزال ما رجعت نقلب
كريم:( حرك راسوا بالايجاب ) اووك قولي لياسيين يفكرني نهضر مع واحد صاحبي خاصاه تا هو محاسبة .. غير على ما نخوي دماغي من الخطبة و توجادها راك عارفة تمارة .. لا لينا حنا لا ليكم نتوما لبنات
وئام:( بغات تبكي من برودوا و كيفاش كيهضر معاها بأعصاب جاااامدة .. بلعات ريقها و قالت ) الله يسرلك حتى حاجة ما ساهلة .. أنا غنمشي نشووف ختي
ياسيين: سيري و عيطيلها تا هي تجي تجلس .. كريم ماشي غريب
وئام: واخا
و ديكشي لي كان ناضت عندها ساكتة كتلف معاها ما باغاش ترجع تجلس حداهم .. تا تحط العشى و تجمعوا عليه مرة ساكتين مرة ضاحكين و فينما تتلاقى عين وئام مع عين كريم كيتبسم ببروود و يقلب عينيه لجهة ثاانية .. تا تجمعات الطبلة و جلسوا عاصرين على فاكية و ياسيين و كريم مقشبيين .. خصووصا فاش بدا يعاودلهم البلانات لي طراو معاه فالسفر
كريم:( شاف فالساعة و قال ) بشااااخ على الوقت كيطييير ( ضرب على ركابيه ) الله يجعل البراكة .. ختي جوهرة سمحيلي على العذاب و الله يعطيك الصحة
جوهرة:( تبسمات ) بصحة و الراحة .. و راه ماشي بوحدي لي وجدت حتى وئام عاوناتني بزاااف
كريم:( وقف كيلبس عليه جاكيطة خفيفة من الفوق حتى كمل و شاف فيها .. العين فالعين ) مزيان .. الله يعطيك الصحة حتى نتي !
وئام:( وقفات حتى هي .. تا شافوا فيها كاملين و قالت بثوثر ) حتى أنا خاصني نمشي .. كريم واخا توصلني معاك ؟
جوهرة: لا ياك قلتيلي غتباتي معايا شنو وقع دابا ؟ خلييك مفوجين !
وئام:( ما كرهاتش تقجها فهاذ اللحظة ههه .. تزنكات من نظرات كريم و قالت ) لا ماما قبيلة سيفطاتلي مسج قاتلي ضرووري نرجع .. مرة اخرى ان شاء الله ( خرجات عينيها فجوهرة باش تفهم راسها )
ودعوهم بجوج و خرجوا كريم سابقها و هي موراه حتى جبد الكونطاكط و فتح الطونوبيل من بعيد خلاها تركب و هو فتح لباب لوراني حيد الجاكيط و عاد رجع حداها .. دار أمارش و خلاها كتسخن شوية قبل ما يتحرك فاتجاه دار وئام فصمت تاااام حتى قربوا و زعمات و نطقات
وئام: مبروك عليك ما ناوي دير !
كريم:( شاف فيها و حرك راسوا بهدووء ) الله يبارك فيك .. العقبال عندك !
وئام:( تخنق صوتها و قالت ) واش بصح ا كريم كتهضر ؟ سااااهلة عندك لهاذ الدرجة ؟
كريم:( شاف فيها بقوة و رجع ركز فالطريق ) ما فهمتش ؟ شنو كتقصدي ؟
وئام: أنا لهاذ الدرجة ما كنسوى عندك والو ؟ فشهر نسيتي كااع لي فات بحال عمروا كان !؟
كريم:( جاتوا الضحكة ) وااش من نيتك كتهضري ؟ ما نظنش الصراحة ! غالبا أثروا فيك الرسووم حتى ما بقيتيش تفرقي بين الواقع و الخيال !
وئام:( شافت فيه بواحد النظرة حزييينة و طاحوا دموعها بلا ما تحس ) شنو درتلك حتى رجعتي كتتصرف معايا هاكا ؟ لهاذ الدرجة أنا لعبة بين يديك ا كريم ؟ أنا كنهضر معاك من نيتي و نتا كضحك عليا ؟ 😭
كريم:( مسح على وجهوا و دار السينيال لجنب الطريق وقف تما .. سكت الطونوبيل و فتح لاسانتير ضاير عندها كاامل ) ما كنضحكش عليك يا هاذ البنت ! نتي لي كضحكي على راسك و عليا !!
كريم:( تنهد و مد يديه لقدامها جبدلها كلينيكس و مدلها قرعة دالما ) سكتي دابا من البكى باش نعرفوا نهضروا .. نزلي غسلي وجهك و أجي عاد ندويوا
وئام:( خذات من عندو فسكات و فتحات لباب شوية .. بقات جالسة و مدات يديها كتفزكها و تمسح على وجها حتى كملات و نشفات و شربات جغييمة .. و تقادات فبلاصتها ) الصمت
كريم:( فتح السرجم شوية يدخل الهوا و شاف فالساعة و فالبلاصة فين واقفين و قال ) تعطل الحال هنا خطر شوية .. نتحركوا لشي بلاصة ؟ هانية مع داركم معاياش دايرة معاهم ترجعي ؟
وئام:( بقات ساكتة شوية و جاوباتوا ) ما هانياش مع دارنا و لكن يلا ما درت هاكا عمري نهضر أنا و ياك .. يلا تعطلنا رجعني عند جوهرة !
كريم:( ديمارا و شاف فيها و قال بطنز ) اييه اختي نتي ما تضبريهاش مع داركم و ضبريهالي أنا مع ياسيين !
حرك راسوا بالنفي و مد يديه شعل الراديو حتى يوصلوا لشي بلاصة فين يهضروا .. و بالفعل بقى غاادي مساافة طويلة حتى قرب يخرج من المدينة و دخل لوحدة من باحات الاستراحة لي تما .. شاف فيها و قال
كريم: يالاه نزلي !
هبطوا بجووج .. كريم سابقها شوية و هي موراه .. خلى لكافي لداخل و جلس فالجردة برا .. قبالتهم بيسين من جهة و ألعاب لدراري الصغار من جهة أخرى .. عاد سوبير مارشي صغير لي بغى يتقدا شي حاجة
كريم: نجلسوا هنا حسن باش ناخذوا خاطرنا فالهضرة يلا جاك البرد قوليها .. أنا ندخل ندومونديلنا شي حاجة .. شنو بغيتي ؟
وئام:( بهدوء ) لي كان .. بحال بحال
كريم: اووك
خلاها جالسة كتتسناه و كتتنهد بحال هازة حجرة على قلبها و هوا باارد كيضرب خصوصا من الما لي حداها .. حتى تم راجع كريم موراه الكارصون .. حط ليه براد د أتاي صغير و ليها كاس دالحليب .. شافت فيه و رجعات شافت فكريم كأنها كتقولوا واش من نيتك حليب ؟ مالها درية صغييرة !؟
كريم:( تقاد فجلستوا حاط رجل على رجل ) يالاه قوليلي ! فاش باغى تدوي ؟ هانا كنسمع !
وئام:( شافت فيه بانكسار ) باش تخليني حتى نكمل هضرتي و نخوي كاع لي فقلبي و تقمعني مرة أخرى .. قمعة ما ننساهاش حياتي كاااملة ! رديتيلي الصرف بطريقة خاايبة بزااف ا كريم .. حراام عليك
كريم:(حرك يديه بثقالة ) حبسي حبسي ! فوقاش أنا قمعتك ؟ أنا عطيتك جوابك لا غير ! علاش غنطولوا الهضرة فموضووع لي محسوووم أصلا ؟ ( هز حاجبوا ) ياك قلتي يلا قبلت على هضرتك مرحبا بيا ما كانش نهز حلوتي و نتكركب ؟ و أنا اختاريت الثاني و سالينا .. هضرتك كنت نقبل عليها فحالة وحدة هي يلا كنت برهووش مسالي قبوا و باغي نجرجرك معايا لا غير !
وئام:( بلعات ريقها بصعوبة و قالت ) علاش ؟ هاذشي كامل حيت عيطت عليك أنا فلول ؟
كريم: داك الموضوع سديناه شحاااال هاذي .. عطيتك رأيي و علاش درت معاك داك التصرف و اعتذرت منك و تصافينا أو لا ؟
وئام: ااه !
كريم: شوفي ا وئام أنا ماشي من نوع لي كيشد فالحاجة بيديه و سنانوا .. هضرنا فالموضوع مرة .. صافي عمري فحياااتي نرجع نجبدوا .. المشكل ماشي تما .. المشكل فيك نتي !( ضحك جنب ) شهر كاااامل و باقي ما عرفتي علاش ؟ كتسولي نيت و لا كطنزي على الوقت ؟ حيت كلشي باين واخا تكوني عورة غتطيريها فالسما ! و راك ذكية تبارك الله .. ما غاديش تسنايني أنا نجي نشرحلك بالخشيبات !
وئام: عرفت جوابي .. و لكن بغيت نسمع منك نتا و نفهم .. ما منحقيش و لو لآخر مرة ؟
كريم: واخا ا لالة من حقك لهييه .. نشرحولك ااش خاسرين ؟ ( مد يديه كب كاس منعنع شرب منوا كيشوف فيها مبرد ) عرفتي شنو أصل المشكل كااامل ؟ معتابراني حمااار قدامك و غتلعبي حتى تلعبي و غترجعي عندي و غنستقبلك بالاحضان ! هذا هو أساس لمشكل ( حرك يديه فالسما بهدوء ) مزيان تكوني مطورة و ضاربة حسابك فراسك و لكن ما تعتابريش لي قدامك حماار بالوذنين و ما كيفهمش ؟ حيت يقدر يكون هكاك نيت و يقدر تكوني حااكراه و يلا مشى حتى نطق غيوريك الفهامة و الطيران و اللعب على أصولهم !
وئام:( فتحات عينيها بدهشة ) فوقاش أنا قللت منك و اعتبرتك كيفما كتقول ا نااري !!
كريم: هضرت معاك و صلحنا الموضوع شرحتلك علاش درت هاكا و هضرتي حتى نتي على حقك و اعتاذرنا بجووج و سدينا السيجي ياك ؟ ( حركات راسها بااه ) موراها شنو قتلك ؟ ما علمتكش تحيدي لبلوك حيت باغي نهضر معاك و باقي ما كملت كلامي ؟
وئام:( دورات عينيها و قالت بهمس ) ااه !
كريم: مزيااااان .. 24 ساعة بالضبط على هضرتنا و حتى رشقاتلك عاد محيدة لبلوك و معيطالي ! ( هز حاجبوا و قال ببروود ) حتى ضربتي حساابك فراسك مزياااان .. عاد قلتي أجي نبلوكي واحد لحماار .. هاانية راه غيكون بااقي كيتسنااني .. همزة ما نضيعهاش من يدي و هانا لاعبة على جووج جهات ! كيفما كنقولوا باغى ضربي بحجرة عصفورين
وئام:( قاطعاتوا بتبرير ) لا أنا ما حسبتهاش هاكا .. أنا
كريم: نتي حاسبة راسك مطووورة .. راني ما ناعسش على وذني .. شفتي هاذ لبلانات لي كديري فاش كان فعمرك نهاار أنا كنت كنديرهم و نتبرهش مع هذا و هذا .. غتجي نتي من بعد هاذ لعمر كاامل تلعبيني على صباعك ؟ ( هز حاجبوا ) عيطت عليك حتى طبت و كنعطيك فالأعذار غاذي ديري عقلك و ممكن وقعات معاك شي حاجة .. و لكن فاش تلاقيتك عاااد فهمت لبلان مزيااان ( ضحك جنب و نقر بصبعوا على الطبلة و قال ) ها وجهي ها وجهك يلا ما قلتي خليتك تديبلوكيني باش نبلوكيك من بعد و نردهالك زعما .. كاينة و لا لا ؟
وئام:( ما لقات ما تقوول .. حيت كلاموا صحييح و هي بصح هاكا فكرات .. حنات راسها ) ااه !
كريم:( مسح على وجهوا كيضحك بفقصة ) كنبانلك أنا ديال هاذ لعب ؟ غنبقاو ضربة فيا ضربة فيك ؟ ( بجدية ) هضرت معاك و تسنييتك تحيدي لبلوك باش نعلم سيادتك بلي غنسافر نشوف الواليدة و فاش غنرجع .. غنجيوا نديروا خطوبة كبيرة .. و من هنا لتما تهضري مع واليديك بالعقل و تشرحيلهم موقفك و بلي هضرت معاك من بعد فالتيليفون و تافقنا على كلشي ( هز سبابتوا و قال بتأكيد ) ما كنتش غنلوومك على رفضك للخطبة فلول و تصرفك قدام عائلتك .. قسما بالله حتى كانت هااااانية واخا درتيها ديال الدراري الصغار فهمتك .. و منين تلاقينا فالكافي و قتلك مسامحك و هاانية عنيتها بكل حرف .. خاااطري صفى من جهتك و عذرتك .. أنا و نكون ما غنقبلش .. و لكن باش نحطوا نقط على الحرووف و تكملي فتبرهيشك فهنا حبسي عليا من البهلان .. عيقتي و بزاااف كاااع
وئام:( دموع تغرغروا فعينيها ) كنتي غتخطبني ؟
كريم:( حرك راسوا بااه ) و لكن هضرتك بيناتلي الفرق الكبيييير بيني و بينك .. فهمت مزياااان شنوو كتشووفيني قبالتك .. كتقولي نسيتي شنو دوزنا ؟ شنو دوزنا ابنتي ؟ شفتي نتي ما كتعرفينش حتى قد هاكا ( دار حركة بيديه بمعنى شوية ) كتعرفي داكشي لي أنا باغى نوريه لك لا غير .. كريم لي معاك ماشي هو لي مع واليديه و ماشي هو لي مع لبراني و ماشي هو لي مع صحابوا و ماشي هو لي مع ياسيين .. لكل حااذث حذييث
وئام: و علاش أنا كنحس بلي كنتي معايا فووق طبيعتك لهييه .. غتقولي غير هضرة فالتيليفون و لكن راها عمر .. ماشي نهار و ماشي جووج ( مسحات عينيها و شافت فيه حمممرة ) أنا تعلقت فييك ا كريم
كريم:( ببرود ) ما رانيش شجرة و نتي ماشي قرد باش تتعلقي فيا و لا نتعلق فيك ! جايا بوجهك حمر و بكل وقاااحة كتقوولك ما باغياش نضحك عليك و تكون ماشي معايا بنيتك و أنا نلعب عليك .. نتا عجبتيني و شفت فيك فرصة ما كتعوضش صعييب نضيعها من بين يدي و فنفس الوقت باغى نعيش الحياة و أجي نتصاحبوا فالحلال ( ضحك مفقوووص .. حاساه كيهضر مبرررد داك البروود ديال بقالوا شوية و يطرطق )
وئام:( تكات على الطبلة كتبكي ) دابا كااع هضرتي غتقلبها عليا ؟ و الله حتى هضرت بحسن نية و فتحتلك قلبي .. ما بغيتش نكذب و لا ندير شي حاجة لي نندم عليها من بعد .. و هانا دابا ندمت قد شعر راسي
كريم: ما كنقلبش عليك هضرتك ! هاذشي نتي عاارفاه مزيااان غير كتتعاماي لا غير .. كيفاش هاذ ما باغياش نضحك عليك بالسلامة ؟ واحد جاي عندك باغي المعقول و نتي كتت*** عليه عاادي جدا ؟ ما فبالكش لو بغيت نضحك عليك غنخليك تبكي دم و يلا وصلتي لوذنيك عضيها !
وئام:( شافت فيه بعينين حوومر ) أنا واخا كنطير حاضية راسي و عمري نطيح براسي و بوجه واليديا فالارض .. محااافضة على راسي ا كريم و عمر ولد المراة حط يديه عليا واخا غير بالضحك
كريم:( هز حاجبوا ) الاخت عايشة فشي مغرب غير ديالنا ؟ ما كتسمعييش بالمصائب لي كيوقعوا ؟ يوميا بنات كيتهزوا من قداام ديورهم و كيغبرلهم الأثر .. شحال سمعنا على بنات تغتاصبوا فالخلى و حد ما عقل عليهم .. حمارة و ما زكلوهاش غيزكلوك نتي ؟ كنهضرلك على غيري شنوو يدير فيك .. أما أنا ما نحطش فيك حتى يدي يلا ما كانش بخااطر خاطرك و فالحلال من الفوق .. تانا غنولد ولادي و ما قادر على ذنوب حد يخرجوا فيهم .. غير لي تدخليه لداك نص عقل .. السباح الزعايمي هو لي كيغرق فالبحر
كريم: غير لي تدخليه لداك نص عقل .. السباح الزعايمي هو لي كيغرق فالبحر .. ماشي لخوااف .. و كلما هو زااعم و لبحر كااالم حتى كيدخل للأعمااق دياالوا عااد هووب كيتقلب عليه دقة وحدة و كتولي موجة تضربوا من هنا و موجة تردوا من لهييه و هاذشي لي غيوقع معاك .. هانتي زااعمة و حتى حد ما قدك .. تا طيحي فشي حد لي يندمك على كاااع داك التقزقيز
وئام:( تنفسات و بقات شحال سااكتة ) واخا .. أنا غالطة و فهمت كاع لي قلتيه و لكن علاش ما تفهمش حتى نتا بلي أنا بنادم ماشي ملاك .. على الأقل جيتك للصراحة و ما كذبتش و تلاعبت
كريم: حتى حد ما ملاك فينا و لكن باش تهضري على أساس ظالمك و مطمعك بشي حاجة و فلخر قلبت عليك وجهي هاذي لي ما نقبلهاش نهااااائيا .. ما عجبكش الحال فاش قتلك نتصاحبوا و من بعد جايا كطنزي عليا نتصاحبوا فالحلال ؟ هاذ المصاحبة ديالك داخل فيها البوسان و التعناق و لا فيها غير الخروج و السفر ؟ من لخر باغى تلعبي عليا و على واليديك و صافي ! أنا هانا مسكتاني بالمخطوبين و واليديك حيت حاطيين فيا الثقة ما غيقولوش شي حاجة و غتصدقي عايشة داكشي لي باغى على طريقي لا غير .. نهار يباناك بلان ما حسن غتخسري عليا جوج كلمات ما تفاهمناش الله يجيب لك ما حسن ؟
وئام: الصمت
كريم:( تنهد مدة ساكت كيشوف جنب فالبيسين .. تا رتاح من الهضرة عاد كمل كلاموا ) غنشرحلك آخر حاجة .. ما عمر المصاحبة و لا حتى نوع ديال الخطوبة لي كتهضري عليها .. كتعرفك على بنادم نيت .. الواحد تقدري تعرفيه 6 سنيين و نهار تزوجوا غيجيك بنادم ثااااني و تقلب 180 درجة .. عمرك عرفتيه فحياااتك .. و هضرتي بالتاكييد و شفت حالات كثااار قدامي .. باغى تعيشي حياتك ؟ من حقك أكيييد راكي باقى صغيرة و يالاه كتكوني راسك و كتتمناي حتى نتي توصلي بحال بزااف دالناس و تسافري و تضوري حتى نتي كل مرة فبلاد و كل مرة بلبسة فشكل و تاكلي غير الماكلة المخيرة و تنعسي فأحسن البلايص .. هاذشي ماشي عيب .. حتى أنا قبل ما يكون عندي حتى رياال .. تمنيييت هاذشي و كنت كنحلم .. بليل و فالصباح كنخدم و نكافح .. حتى سهل الله .. ما لمتكش على هاذشي .. لمتك على طرييقتك و تفكيرك فين داك .. أنا و أي راجل بشخصيتوا ما غيقبلكش هاذ الهضرة و تسيريه على كيفك .. نتي باغية تحماقي ؟ و انا أكثر واحد هبيييل و مقطع الوراق .. باغى تعيشي لحيااة و تتمتعي فيها ؟ فالعام كنخدم 6 شهور و ستة الثانية كل مرة شاد قنت يا فالمغرب يا خارجوا .. من غير هاذ العام لي تلهيت مع مشاكل الواليدة .. باغى تشبعي كادويات ؟ هاذي حاجة ما تحتاجيش أصلا تقوليها .. حيت مدام مزوجين فلوسي هما فلوسك و يلا ما عطيتكش و متعتك معايا ما كاين لاش نخدم من الأصل !! باغى تشبعي حب و رومانسية ؟ بالمصاحبة غتشبعي تلمااس و شفوي لا غيير .. فرق كبيييير بين الزوااج و الحب الحقييقي و بين المصاحبة ! غنبغيك و أنا كنحتاارمك و كنصوونك شايفك شرفي و مراااتي .. شي حااجة ديااالي ماشي هي صاحبتي لي ضاحكة على واليديها و جاية عندي أنا نقلبها كيما عجبني و نضحك عليها بجووج كلمات و نسيفطها فرحاااانة لدارهم .. فرق و فرق كبييييير بين الحلال و الحرام ( ضرب يد مع يد بحال كينفضهم ) الحرام خيختوووا و جيت عندك نتي باش نبنيوا عشنا بالحلااال .. هاذشي علاش قتلك تفكيرك بعييد عليا .. أنا باغي نتزوج و ندير داري و نتي باقى باغى تلعبي و ما قادراش على المسؤولية ! و يا ريت كن غير كانت شي مسؤوولية نيييت .. ما غنحمل عليك ملحة ما غنديرك ترااسة .. بلعكس غتعيشي عيشة لملووك .. حتى حماتك لي نقولوا غتكحلها عليك ! من اطيب خلق الله .. تسمح فحقها و ما تنوضش الصدااع .. داخلة سوق راسها و بعيدة كل البعد على حياتي .. عمرها ما تدخلات و لا قالت لا طابت و لا تحرقات .. لي قلتوا كترد بالله يكمل بالخير و تدعي بالتسيير .. خوتي كلهم رجال و بديورهم و كل واحد فبلاد .. ما كاين لي يوصلك بحتى نبشة .. حاجة وحدة كنت طالبها هو حياة داافئة مبنية على الاحترام و الحب الحلال و تعرفي كيفاش تسيري دارك و راسك و تديري واجباتك العاادية معايا و بدوري ما غنقصرش من جهتك .. ما عرفتش واش هاذشي جاك صعييب حتال هاذ الدرجة و مستحييييل ؟؟
وئام:( نزلوا دموعها مرة أخرى بلا ما تحس و الندم كياكل فقلبها ) لا ما صعيبش 😭 أنا لي فلول ما عرفتش نشرحلك شنو بغيت و حتى نتا ما جيتيش عندي نيشان و حطيتي وراقك و فهمتيني لي كاين
كريم:( دوز على شعروا ) كن جيت عندك من لول .. هضرتي غتدخل من وذن و تخرج من الثانية .. دابا قوليلي ا لالة وئام .. الزواج و لا المصاحبة الحلال ؟ (ضحك جنب )
وئام:( شافت فيه كتبكي و قال بحزن ) أصلا شنو غيتبدل نتا سديتي الموضوع و غتمشي تخطب وحدة ثانية
كريم: غيتبدل بزااااف .. دابا فنظرك أنا ما عندي ما يدار مساالي شغلي .. نكلح حلقي معاك و فلخر نمشي نخطب وحدة اخرى ؟
وئام:( شافت فيه باستغراب و هي كتمسح دموعها ) يعني ؟
كريم: يعني ما كاين لا خطبة لا ضريب صداق ! وحدة لي دخلات لحياتي كي الصاقعة و بوحدها لي غاذي ندي ! لبنت لي فبالك أصلا مزوجة و كتوجد لعرسها
وئام:( تنفسات براحة .. ما علقاتش على موضوع راضية .. شافت فيه براحة و قالت ) الزواج
كريم:( تبسم و مدلها يديه .. شافت فيه باستغراب و سلمات عليه ) كريم بنمسعود 34 سنة عجبتيني و طالب الحلال يلا كتاب و نتي ممكن تعرفيني على راسك ا أنستي ؟
وئام:( ضحكات ) و أنا وئام **** 20 سنة .. مرحبا بيك نتا و العائلة عندنا !!
كريم:( حرك راسوا بالايجاب ) ان شاء الله فهاذ السيمانة غنجيوا عندكم ( نحنح ) ما بني على باطل فهو باااطل أصلا .. ما كاين لاش نجبدوا لي فات .. اعتابريه تدفن فهاذ البلاصة و عمروا يتجبد .. و دابا غنبداو صفحة جديدة
وئام:هاذشي لي كنتمنى .. ما يجيش نهار و تعايرني بلي فات ( سكتات و رجعات شافت فيه بفضوول ) ممكن سؤال أخير و ننسى كاع لي فات ؟
كريم: الشماتة هو لي غيعايرك بشي حاجة درتيها معاك غير ارتاحي من هاذ الناحية .. وي سولي ؟
وئام: من فوقاش عرفتيني أنا لي كنعيط ؟
كريم:( شاف فيها بتمعن و قال ) سيمانة قبل ما نهضر معاك فالمكتب .. كان ممكن نعرفك من نهاارك و ساااهل نطلع نمرتك .. و لكن ما حرقتش راسي و بغيت نعرف هاذ نوارة فين باغى توصل ! و فاش شكيت فيك .. مشيت تأكدت
وئام: واخا صافي
كريم:( شاف فالساعة لقاها جوج دالصباح تنهد بتعب باقي ما ارتاح من السفر ) تعطل الحال بزاااف .. نتحركوا من هنا
وئام:( شافت فالساعة و قفزات من بلاصتها ) ويلي ويلي مشييت فيها كفتة .. يلا عيطات جوهرة لماما كتسول فيا و ساقت لخبار غيذبحووني
كريم:( ضحك و قال ) دايزة فيك الذبيحة بعدا ؟ زيدي .. جوهرة ما غتعيط لحد و ما غيهضر معاك تا واحد ( شافت فيه باستغراب و كمل ) ياسيين فخباروا غتبقاي معايا نهضر معاك غير تهناي ما غيخليهاش تعيط غيكونوا نعسوا أصلا
وئام: هاء ؟ و عندمن غنجلس أنا على هاذ الحساب ؟ فين غنبقى هاذ ليلة ؟ ما نقدرش نرجع لدارنا فهاذ الوقت و ما نقدرش نمشي لعند ختي دابا و نفيق راجلها .. شمن نظرة غياخذ عليا ( ضرباتلها طن فالراس و ضارت شافت فيه مبلقة عينيها ) ياسيين ااش عرفوا بلي غنبقى معاك ( وجهها صفار كثر ما هو صفر ) واش عارف بيناتنا شي حاجة ؟ و باش عرفتيني أصلا غنخرج معاك ؟
كريم: توقعت ! ( فتح لباب و ركبوا كيديماري و يهضر ) ياسيين آخر واحد تتوقعيه يهز نظرة خايبة عليك .. ممكن يغوت عليك و لا يهضر قاسح معاك على مصلاحتك لا غير .. شي حاجة أخرى ما كيتدخلش فيها
وئام:( بغات تبكي ) حرام عليك .. واش قلتي ليه شي حاجة ؟ و يلا مشى فضحني ؟ و يلا جا عندي دابا شنو غنقولوا اويلي ؟ نتا ما كتعرفش ياسيين شحال
كريم:( قاطعها كيضحك ) لا ما كنعرفوش ! نتي لي غتجي توريني فيه ( شاف فيها هاز حجبانوا كيضحك ) يهديك الله يا هاذ البنت قتلك ما غيقربش لك هي ما غا
يقربش و غير تهناي كليييناها من عندوا فعوطك غا ارتاحي
وئام:( شاف فيه باستغراب ) كيفاش ؟
كريم:( ضحك ) والوا ما ديريش فبالك ( قلع بالجهد ماشي بسرعة .. و الراديو مطلووق حداهم مونسهم .. حتى دخلوا للمدينة و شاف فيها كانت متكية على الشرجم ناعسة معذبة .. تنهد و كمل حتى وصل قدام داروا و حبس .. مد يديه كيفيقها بشوية ) وئام .. وئام .. فيقي ( قفزات من بلاصتها ) بالشوية عليك ما تخلعيش
كريم: حدا داري ( شافها وسعات عينيها و هز السوارت مدهم لها ) هاكي السوارت طلعي باتي فيها حتى لصباح و سيري عند ختك ( نعتلها بيديه ) ها الدار .. الدار لي فالطابق الثاني .. هاذ الساروت دالباب لتحت و هذا دالفوق .. يالاه تصبحي على خير
كريم:( تفوه و عينيه دخلوا بالعيى ) العودة للاصل هههه غنمشي عند الواليدين .. طلقيني خلاص غنطيحلك بالنعاس هنا
وئام: ههه واخا بونوي
كريم: فاش تدخلي للدار صوني عليا .. عاد نتحرك ( شافها ساكتة و فهمها ) غنديبلوكيك دابا غير طلعي
حركات راسها بواخا و نزلات فتحات لباب و طلعات لقات شقة وحدة فالطابق الثاني فتحاتها و سدات عليها من لداخل .. دايرة الساروت فالباب و مطرقة باش ما تفتحش .. هزات تيليفون و صونات عليه لقاتوا ديبلوكاها .. و فالبلاصة قلب الطريق لدارهم تا هو
💫💫 يوم جديد 💫💫
صبحات وئام على جوهرة مع تسعود ديال الصباح .. فتحلها ياسيين لباب باقي مبوق بالنعاس .. شافت فيه مزنكة و هو حرك راسوا بهدووء ما عرفاتوا كيتحلف و لا كيضحك معاها حتى هي ما هضراتش تا قال
ياسيين: زيدي ا وئام دخلي
وئام: فين هي جوهرة ؟
ياسيين: كتدوش شوية و تجي هي هاذيك جلسي نهضر معاك
وئام:( غير سمعاتها و هي تتزنك عاود .. من نهار ضار فيها على التصاور ما بقات تزعم عليه .. دارلها طريق زادت قداموا و هو موراها حتى جلسات و وقف مقابل معاها .. حكات يديها بثوثر ) خويا ياسيين .. احم ما تفهمنيش غلط أنا
ياسيين:( هز يديه و حبسها ) حياتك هاذي ما عنديش دخل فيها .. لي عندي حق عليه تفاهمنا انا وياه .. اما نتي بغيت نعطيك نصيحة لا غير .. عمرك تشوفي راسك صغيرة قدام شي واحد .. ديما فكري بعقل واحد ذكي و فطين و حكمة واحد فالسبعينات داز على راسوا شلى مشاكل و فهم الحياة مزياان و فلخر عيشي حياتك بحال بنت الصغييرة لي باغى غير تضحك و تكتاشف الدنيا بألوانها .. عيشي الحاضر و تعلمي من الماضي باش تبني مستقبلك كيفما نتي باغى ماشي كيفما الناس مسيرينك .. جوج حوايج خاصهم يكونوا عندك باش تعيشي حياتك مزياان .. الشخصية و الفطنة .. الشخصية كتبنى درجة درجة ماشي كلشي ضعييف و ماشي كلشي قوي .. كلها و شخصيتوا و ما حدك فالدنيا و هي كتنحث انطلاقا من ديكشي لي كدوزي منوا .. أهم حاجة هو لي دازت على العقل نماركيها و ما ننساهاش .. لا نتعلم منها و نطور بيها راسي حتى نرجع أحسن فرسيون و لا أحسن صورة مني أنا .. اما الفطنة لي كنقصد بيها هو ماشي الريح لي جا يديك .. لا كوني ثابثة و عندك مباادئ ماشية عليهم .. عارفة راسك شنو باغى ديري و لين غتوصلي .. فهمي الدنيا و كيفاش كتمشي .. نظرتك تكوون بعييدة ما تشوفيش حد نيفك .. خاص تكون عندك نظرة شاااملة و فكرة ثابثة تقدري دافعي عليها .. ماشي لي جا بجوج كلمات يقلبلك حساسك فراسك و تقولي ولاهيلا عندو الحق و يجي الثاني نفس البلان و هي غاذية ( تنهد ) خواتاتي ما كنحملش نشوف و لا نسمع عليهم شي حاجة خايبة قد هاكا ( وراها بصبعوا ) و نتي نهار تزوجت بجوهرة رجعتي حتى نتي من خواتاتي .. على هاذشي كنصحك .. نبغيك تكوني فأحسن حالاتك .. عشرين عام راه عمر .. دازت المراهقة و البسالة ديال دراري دليسي .. دابا راك شاربة عقلك و سيدة مجتمع .. و فهاذ العمر كتبدا الحياة .. يا ترسميها كيفما بغيتي نتي و بقيمك و مبادئك .. يا من بعد عشرين عام وحداخور غتندمي أشد ندم فهمتي لي بغيت نقولك ؟
وئام:( حركات راسها بااه ) فهمت شكرا بزااف
ياسيين: هانية .. و كريم ما غنشكرولكش .. عشت أنا وياه سنييين مجموعين .. شفتيه بديك القلدة و لكن كنحسبوا ولدي و مسؤول عليه .. كريم كثر من خويا و لا ولد عمي .. و يلا تزوجتيه عندك احتمالين .. يا غتكوني مرتاحة فووق السلك معاه .. يا غتندمي على النهار سنيتي فيه داك الورقة .. كلشي راجع ليك نتي لي كتقرري .. و باش تقرري تفكري نصيحتي لولة ( غمزها ) الدار داركم نمشي نشوف ختك
جوهرة:( دخلات عندهم جامعة شعرها بفووطة و حنيكاتها حووومر .. وجه ملائكي و عينين صاافيين .. تبسمات و باينة فيها حشمانة ) انا جيت .. صباح الخير .. وئام حبيبة بخير ؟
وئام: بصحة التحميمة .. مزيانة الحمد لله ♥
ياسيين:( شاف فيها ) اجي معايا واحد دقيقة .. وئام الدار داركم
شافت فختها و تبسماتلها و مشات تبعاتوا بهدووء تال بيتهم و دخلات .. غير تسد لباب جرها بالخف و قنتها فالجنب .. خشى يديه تحت التيشورط تا قاسلها لحمها و قرصها بالشوية تما .. تا قفزات من بلاصتها مزنكة
ياسيين:( ضحك و باسها فحنكها بقوة ) بصحة الحماام أحمامة قلبي ( دوز يديه بالخف على كرشها لي كتفور ) الرطووبية و السخوونية فاش كيتجمعوا وايلي وايلي
جوهرة: ههههههه ياك بعدا
ياسيين:( جبدلها نيفها و بعد ) اييه اعوينات المشة .. ما علينا .. قبل ما ندير مناقص من شي خروج .. أنا مشيت داير مع كريم غنتلاقاه و ندوز للخدمة غير نكمل و أنا معاك صافي ؟
جوهرة: و ما تفطرش ؟ صبر غير شوية و نحط .. عاد سير ساعتها ( دوزات يديها على لحيتوا و غلغلاتها ) ما تخرجش بلا فطور احبيبي
ياسيين:( تبسم و قرب منها كيستطعم مذاق شفايفها ما طلقها حتى رجعات كتنهج ) كاين ما حسن من هاذ العسل نصبحوا عليه ؟ الفريييز يا خوويا
جوهرة:( ضحكات حشمانة) هههههه
ياسيين: مهم هانتي مع ختك .. غنفطر مع كريم ما عليش باقي الحال أصلا .. مهم الغذا راك عارفة مع الواليدة .. عارضين على عمي و مراتوا " واليدين كريم "
جوهرة: واخا غير تكمل و أجي غنكون وجدت راسي .. أنجبدلك حوايجك ( دازت من حداه و شحطها تا نقزات .. شداتها كتغبن و قالت ) ما غنولف بسالتك تا شي نهار تسكتلي القلب
ياسيين:( ضحك و قرب منها معنقها من الظهر كيهضر معاها بهمس خفيييف ) كاين شي زواج بلا قريصات ( قرصها فجنبها تا تهزات و رجع عضها فشحيمة دوذنها ) و بلا عضيضات ( ضربها لمؤخرتها و بعد ) و بلا شحيط ؟
جوهرة:( شداتها الضحكة ) لا اخوويا لاااا يجوووز
ياسيين: ايوا قولها لراسك اختي ( هز حاجبوا ) بغيتيني نهز التقليد على آخر يامي ؟
جوهرة: هههه لا الله ينجييك ( مدات ليه حوايجوا ) هاك ها هما
ياسيين:( خذاهم و قلع التيشورط كيلبس و يهضر ) غا قليل النية لي يشوف النعمة حداه و ما يقربلهاش ( عض على شنافتوا و حرك راسوا ) كن تشووفي نيتي معاك يضرك خااطرك المشة
جوهرة:( ضحكات عاجبها الحال و قربات منوا عنقاتوا بجوج يدين تا هزها شوية باش توصل ليه و باستوا بحب منساجمة معاه لمدة عاد بعدات مزنكة و فنفس الوقت عينيها ضااحكين ) كن تشووف أنا
ياسيين:( قرصها تا نقزات مبعدة من حداه كتحكها ) كتجبدي عليك الحنش بووسكة .. اطوونسيون ابنتي
جوهرة: ههههه انا خارجة نمشي عند وئام حشومة خليناها بوحدها
ياسيين:( حرك راسوا ) سيري ها هي معاك حتى ندوز موراك و نوصلوها فين بغات
جوهرة: اوك صافي
خرجات مبتااسمة و دخلات لعند وئام شافت الفرحة فعينيها و غير تمااما على كي كانت لبارح و هاذ الشهر كاامل .. مدات ليها يديها بابتسامة و قالت
وئام:( شافت موراها ما بانلهاش ياسيين و هي تنقز عليها معنقاها و كضحك ) فرحااااانة فرحاااااااانة فرحااااااانة فوووق ما تصوري و لاهيلا
جوهرة:( تبسمات ) الله يجعلك دييماا فرحااانة
دخلوا بجوج للكوزينة فين كاينة طبلة كيفطروا فيها غاالبا .. بدات كتوجد و تحط و حداها وئام كتعاونها و متحمسة تعاودلها كتسنى غير ياسيين يخرج بحالوا .. و بالفعل ما دازش بزااف كان ودعهم و خرج .. عاد جلسوا هما كيفطروا و وئام كتعاودلها كلشي من لول للخر .. يالاه كملات و قالت
جوهرة: متأكدة من هاذشي لي درتيه ؟ بصح بغيتك ليه و لدابا كنقولها ما غتلقايش ما حسن منوا و غيعيشك فوق مزيان لهييه و لكن بديتوها غاالطة و بزااف ( حطات يديها على حنكها ) طيحتي من قيمتك فووق القياس معاه .. شنو كان غيوقع يلا من لول تبثي و صنتي راسك .. هانا قبالتك ياسيين شفتوا جوج مرات قبل من العقد و أنا وياه فرق السمى و الأرض .. نهار تزوجتوا و تجمعت معاه فبيت واحد كنت غنمووت فبلاصتي من الخلعة و الخووف .. و دابا كنحمد الله لي قبلت من لول و تجمعنا .. ما كاينش شي حد يفهمني بحالوا و مستحييل كنت نرتاح فعيشتي مع شي واحد غيروا .. حيث شخصية و فاارض راسوا .. ما كاينش لي يديرها بيه و يلعبوا على كانتوا .. عرفتي بدل فيا شحااال من حاجة .. جوهرة لي تلاقاتوا اول نهار ماشي هي جوهرة ديال دابا .. عندو فضل كبييير
وئام: الله يخليكم لبعضياتكم يااا رب و يحفضكم من كل شر .. ااه متأكدة من قراري .. لبارح كنت غنموووت و الله حتى نمووت كن قالي بصح غيخطب و ساليناا بلعكس أنا ما طيحتش من قيمتي ! فين شفتيني طيحت منها ؟
جوهرة:( تنهدات ) من ديما كنقولك ا وئام ما كاين ما حسن من الحلال و ربي كيسخر فأي حااجة بعييدة على الحرام .. من لووول كاع لي درتيه لدابا انا ما متقبلاهش و زدتي كملتيها بلبارح .. فنظري ما كانش عليك تتصرفي هاكا كاع .. بقالك شوية تبوسيليه يديه يتزوجك ؟ ما عرفت جيتيني دليتي راسك و هو ما قدرش من بعد كاع ديكشي يزيد يحطمك و سايرك و فرحك .. ما عرفتش ! باغاكم تتجمعوا اااه و فرحت بزاااف فاش قالهالي ياسيين أول مرة .. لكن بهاذ الطريقة ما عرفتش و الله ما عرفت .. مهم الله يسخر ليكم لي فيها الخير .. صلي صلاة الاستخارة و شوفي الخير فين عندك .. و حاجة وحدة غنوصيك عليها من هنا لفووق حبسي كاااع تخربيق لي كنتي كديريه .. ديري حجرة فسروالك و تقلي راسك بيها .. راه نتي المراة و نتي لي خاص يطلبوا و يرغبوا فيك .. بجوجكم غلطتوا و يلا غتكملوا ما تخليش ليه الفرصة فين يهضر مرة أخرى و لا يحل فموا عليك .. ديري بابا قبالتك عينيك .. كيدير فووق جهدوا باش يكبر بينا ما تجيش فلخر تطيحي بيه و يسمع من بعد الهضرة على ظهرك .. الضحك و الهضرة و التقشاب و المضاسرة ما ديريهاش معاه دابا نهااائيا حتى تزوجوا و أراو ما يعاودوا عليكم ..
وئام: عمر داود ما يعاود ا جوهرة و الله تا دازت عليا و تعلمت من لي وقع .. و هاذي دارتلي العقل .. غيجيك غير كنضحك و لكن و الله حتى كنبغيه اجوهرة ولفتووا بزااااف فحياتي و فاش تقطع كلشي فمرة حسيت براسي مخنوووقة و على أبسط حاجة كنبكي و قلبي كيحرقني .. انا ما شفتش راسي طيحت من قيمتي و لا ذليت راسي .. بلعكس كانت هاذي الفرصة الوحييدة لي بقاتلي و يلا مشات عمري نقدر نوصل ليه .. هو غيكمل حياتوا و أنا لي غنتحرق نهار على نهار .. يلا ما زطمتش على كرامتي و هضرت ما كانش هو غيهضر و فالحب ما كاينة كرامة و عزة نفس يلا بقيت أنا مطلعة نيفي لسما و هو نفس الشيئ عمرنا كنا غنوصلوا لشي حل و كلشي غيسالي قبل ما يبدا كاع
جوهرة:( تنهدات ) المهم الله يديرلكم تاويل دالخير و يصلح بينكم .. ان شاء الله ما يكون غير الخير من هنا للفوق ( وقفات و باستها فحنكها و عنقاتها بقوة ) مبروووك احبيبتي
وئام:( تبسمات ) أمييين يا ربي .. الله يبارك فيك احبيبتي واخا ما نفرح حتى نشوفوا فباب دارنا هو و واليديه
جوهرة: ان شاء الله .. ما دام واعدك صافي غيجي .. حتى خوتوا كااملين جاو مع واليديه يعني غاالبا راه عالمهم ( صغرات عينيها ) حتى ياسيين فخباروا .. مستحيل كريم يدير شي حاجة بلا ما يعلموا .. و حراام واش قالي حتى نص كلمة ..
وئام:( تبسمات ) ماشي مشكل .. غيكون موصيه .. الواحد هو لي يحفظ سر الثاني
جوهرة: ديكشي لي كاين
وئام:( تنهدات ) دابا نسدوا هاذ الصفحة ما بقيت باغى نتفكر منها واالو .. مرضت فصحتي و فنفسيتي و الله العظيم ..
جوهرة:( تبسمات و طبطبات على يديها ) هاانية صافي نسااي عليك .. الضربة لي ما تقتلك تقوييك .. سالينا من النكد ( بحماس ) دابا خاصك توجدي للخطبة ان شاء الله
وئام: وااييه .. باقي ما عرفت شنوو نلبس و شنوو نوجد و ندير .. عرفتي و الله ما كرهت نخرجوا نضوروا شوية نشوفوا السوق شنو فيه منها ناخذوا نظرة و منها نبدلوا الجو .. شنو قلتي ؟
جوهرة:( حركات راسها بالنفي ) الوقت ما كاينش معروضين عند حماتي .. يالاه ننوض نوجد راسي و نشوف شنو نلبس .. و بلا هاذشي كاامل .. ياسيين حالف ما نعتبها لزنقة بلا بيه .. واخا نطلبوا ما غيبغيش .. اللهم بلاش
وئام:( شدات فحنكها ) اويلي على ما تخرجيش ؟
جوهرة:(وقفات كتجمع الطبلة ) وا غير بلا بيه .. ما تزيديش فيه .. نهار كنبغي نخرج كيخرجني هو نيت ( وقفات و شافت فيها ) حيت الكوارث كيتسلطوا عليا من كل جهة و طريق .. بعدا معايا ماشي بحال بوحدي
وئام: و أوطو ايكول باقي ما تسجلتي فيها ؟ و على هاذ الحساب غير بلا ما تاخذي داك لبيرمي يلا غتحطيه فالمجر و صافي
جوهرة: لا باقي قلت حتى نشد لباك و يحن الله داك الساع .. الطنوبيل كاينة كاينة .. راها غير مركونة لتحت .. إذن فينما جا الخير ينفع .. أما على الخروج راه كيخاف عليا .. أما يلا كنت ماشية لقرايتي و لا للخدمة و لا لشي حاجة نيت و لا معايا الونيس ما كيقول والو .. أصلا الدنيا قباحت بزااف .. اللهم سلامة و لا ندامة
جوهرة:( شافت فيها بديك النظرة ديال شبيني و بينك عطيني التقااار أختي )
وئام:( فهماتها و ضحكات ) ههههههه ما تخافيش و الله تا طلعي قوووقة .. اصلا نتي زيينة بلا وااالو .. أما فاش نقادك و نصوبلك ويلي ويلي .. ياسيين غيعاود يعطيك الصدااق
وئام:( جراتها من يديها ) هي يلا جيتي معايا دابا نيييت .. احححح عليك و كااان
دخلوا لبيتها و فتحاتلها الماريوا كتقلب و تشوف معاها شنو تلبس حتى ختارتلها خمار لونوا مفتووح و فبه وريدات .. غير الشووفة فيه كتريح و تفتح النفس .. هزاتلها الشال ديالها و حطاتهم فوق الناموسية لي مقادة و مجموعة
وئام: عندك المكياج ياك ؟
جوهرة: راه تما نيت .. صبري نوريك ( بعداتها و جبداتوا باقي جدييد فلي بواط ديالهم .. حطاتوا حدا لبسة و شافت فختها ) غير هو راه ما غندير حتى نقطة .. غير رتااحي .. ما غنخرجش متبرجة ا وئام
وئام:( ساطت من مناخرها ) شمن متبرجة ؟ يلا غادي ديريه غاذي ديريه لراسك و لرااجلك .. ما غيشوفك حد غيروا من الدار لدار .. زعما لي معروضين غيجيوا صووفر ؟ حتى هما مقااادين الحالة لعلك ترضى
جوهرة: لا هي لا راني هضرت معاك .. ما غنديروش .. شارياه يلا رشقاتلي شي نهار عليه نصوبوا فداري لا غير .. واخا مكنديروش أصلا حيت ما كنعرفش
وئام:( قبطات فيديها و جراتها حدا المراية و قالت باقناع ) شوفي بشرتك نقية يلا قاديتي غير شوية غتجي كتحمقي و الله .. و ما كاين لي يشوفك أصلا .. من الدار للطونوبيل للدار .. ارتاحي و ديريلي خاطري
جوهرة:( شافت فيها بتردد ) ما عرفتش ا وئام خلي حتال شي نهار نكون غير فالدار و صوبيلي ساعتها
وئام: وا صافي دابا بحال بحال .. ديريلي خااطري أو !! ( جراتها جلساتها و قالت ) صافي و لا كلمة .. تا نكمل و يلا ما عجبكش غسلي وجهك و ارتاحي
و بالفعل سكتات و عطاتها وجهها كتلعب لها فيه كي بغات و كيهضروا مجمعين .. و وئام ما كتسكتش كل مرة طالقاها لها بشي نووطة كتخليها كتضحك بالدمووع .. حتى كملات لها و قالت
وئام: ساااليت و لكن ما تشووفي راسك حتى تلبسي .. صافي ؟ حلفي ما تشوفي فالمرايا
جوهرة: واخا صافي و الله ما نشووف
وئام: يالاه نووضي لبسي عليك و أجي نقادلك فولارك بشي طريقة شبابية كثر
جوهرة: واخا .. غير سيري شوفي تيليفوني راه فالصالون بالي يصوني عليا ياسيين .. سيري جيبيه معاك عافاك
مشات مدة و رجعات تفتحات لباب كانت جوهرة حانية راسها كتقاد لبستها و كتهضر
جوهرة: ما عيطش ياك ؟ ( الصمت ) وئام ؟ ( هزات راسها و لقات قبالتها ياسيين كيطلع و يهبط فيها .. شافت فيه بدهشة ) جيتي ؟
ياسيين:( هز حاجبوا ) مالك مزوقة كي الكلون ؟
جوهرة:( حطات يديها على وجهها و قالت ) ويلي جيت خايبة ؟ أنا راه باقي ما شفت راسي
ياسيين:( ساهي فيها ) ما عندك ما تشووفي اختي ، خيبووعة قطرااان
دخلها الشك ما عرفاتوا كيضحك و لا كيهضر بصح .. سمحات فيه و دخلات للدوش تشوف راسها باش حتى يلا تصدمات بلا ما تصدم حداه .. فتحات عينيها بالشوووية كتتسنى تستوعب الصدمة .. غير شافت راسها فوهات فمها بدهشة
جوهرة: وااااااو
كان مكياج خفيف و منااسب لحرووفها مطلعالها شفرانها حتى رجعوا كيبانوا كوووحل و مع كتااف تزاد فيهم الفووليم و جاو بحال مكحلة و ماسحاه .. و فووق عينيها خط خفيف د الأيلاينر مجبدة لها بيه عينيها .. مع شوية دالفاراجوا فحناكها و عكار ترابي فشنايفها .. جات زوييينة بزاااف و برز لوون عينيها بشكل وااضح .. عجبها رااسها و تغرمات بيه .. واخا خفيييف و لكن بالنسبة لوحدة عمرها دارتوا جاها شي حااجة نيت .. ما قدراتش تبعد عينيها على المراية .. حتى تفتح لباب و دخل ياسيين مربع يديه كيضحك
ياسيين: شفتي شحال خااايبة ؟ لوااحد ما يشووف فيك لله
جوهرة: ههههههه ( حطات يديها على حناكها ) ويلي ويلي و الله تا جييت فنة
جوهرة:( ضحكات و مداتلوا حنكها ) بووسني بوسني ما بغيتش نخسر العكار .. شفتي نتا كنمووت عليك بالله
ياسيين:( ضحك بالدمووع من الطريقة لي قالت بيها بوسني .. و قرب من حنكها زيرها ببوسة مهااوشة تا قرب يتقبلها حنكها ) ما شفتي أناا غنااااكلك
جوهرة: ههههه أصلا أنا حلوة غير دالماكلة
ياسيين:( سالات معاه ) لا نتي غير دالكواا ههههههههه
جوهرة:( تزنكات و سكتات )
ياسيين: سبحان الله ما كتجيك الحشمة حتى كتكملي ؟ أما فالصح كتكوني كتجاااهدي و عاايشة اللحظة ههههه
جوهرة:( غطات وجهها ) وا صاافي بلا بسالة
ياسيين:( قرب منها تا زيرها مع الحيط و قال و هو عاض على شنافتوا بانحراف ) و يلا درت لبسالة شغاديريلي همم
جوهرة:( مزنكة و ضاحكة و حشمانة مخلطة عندها القضية ) يااسيين ههه
ياسيين: عيوون ياسيين ! ( غمزها ) غتضربيني مثلا ؟ ( حركات راسها بااه كتضحك و هو يفرنس و باسها بالشوية ) كلشي ديالك الحب يالاه وريني نشووف
جوهرة:( حسات بيديه كينبشوا و هي تبعد ) لا لا ما توريني ما نوريك .. صابحة مدوشة على الصباح و من قبيلة و أنا كنوجد .. ما بقى وقت لديكشي لي فبالك
ياسيين:( حرك راسوا ) واخا الكحلة حتى نشدك ( فتح لباب و خرجات قداموا حاطة يديها على مؤخرتها عارفاه غيضربها تما ... ضحك تا شبع عليها و وقف كيفتح القميجة ) صهدت .. كيبانلي نلبس التقليدي حسن
جوهرة: امم نجبدلك جبادورك لكحل كيجيك وااعر
ياسيين:( تبسم و شارلها بعينيه تجبدوا و هو حيد القاميجة تا قلعها و رماها جنب .. مد يديه فتح سمطة دالسروال كيجبدها )
جوهرة:( مداتوا ليه و قالت ) ما غيكون حتى حد غريب فالفيلا لهيه ياك ؟ غير عمي و كريم و واليديه و زينب و راجلها ؟
ياسيين:( حبس و شاف فيها ) علاش كتسولي ؟
جوهرة:( بتردد ) واخا نمشي هاكا ياك ؟ ما غيشوفني حتى واحد .. أصلا تا حد ما غريب ياك ؟
ياسيين:( جبد السمطة و لواها على يديه و هز حاجبوا ) واخا نسلخك ياك ؟ هانية ! غير أنا راجلك حبيبك ماشي شي واحد غريب ؟
جوهرة:( شافت فيه كتضحك )
ياسيين: كضحكي ؟ ( هز يديه غيشحطها و هي تنقز فوق الناموسية تا جات فالجهة الثانية و هو كيشوف فيها سالتهم ليه ) اتبارك الله على طرزان !!
جوهرة:( بلقات فيه عينيها و حطات يديها على جنابها ) اويلي على الشحيط بالسمطة ! درتيها بصح ؟ غير كنضحك معاك .. اصلا ما نقدرش نخرج بيه .. غير عجبني راسي و صافي
جوهرة:( فوهات فمها ) اناااا قردة ؟؟؟ ( ما جاوبهاش غير قرب منها و عاد طلع معاها كلاموا لخر هي تطير كتجري فتحات لباب و هربات للصالون كتغوت ) واا ماااااماااا وئاااااام
وئام:( خرجات عندها مخلووعة ) اويلي مالك ؟ ( شافت ياسيين جاي موراها بالشوية و ملوي على يديه السمطة و هي تصفار ) ناري مالكم ؟ ااش طاري ؟
جوهرة:( دفعاتها و وقفات كتنهج مور الطبلة مكالية بيها كتشووف فيه و تهضر ) عاد كنتي كضحك دابا مالك كتسيف و تقلب كي البحر
وئام:( قربات منوا بهدووء ) خويا ياسيين شواقع ؟ حط من يديك راه غير الشيطان الله يخزييه
ياسيين:( هز يديه غشحطها هي نيت .. غير شافتوا نقزات فبلاصتها مصدوومة منوو .. صدقات هي براسها هاربة و لاسقة فجوهرة كتقول ااش داني نجي لعندوا .. شاف فيهم و قال ) دابا أنا فوقما نخليكم بجووج نعول على شي مصيبة غتطرا ؟ ( لجوهرة ) نتي ما غتتربايش ؟
جوهرة:( شافت فيه جامعة فمها و قالت ) شكون لي كيهضر معايا بعدا باش نعرف باش نجاوبك ؟ ياسيين خويا و لا بابا و لا راجلي و لا صاحبي ؟
ياسيين:( شاف فوئام و بلا حشمة قال ) لي كواك أنا !!
وئام:( شافت فيهم و قالت ) اويلي على الحمااق !! واش نتوما شوية لباس ؟ متأكدين بخير ؟ ما محتاجينش لشي طبيب نفسي ؟
جوهرة:( ضحكات تا دمعوا عينيها ) قوولها ا ياسيين ما تحشمش .. هاذ الحالة كتجيك ديما و لا غير مرة مرة ؟
ياسيين:( لاح داك السمطة و حرك يديه كيتحلف ) نتي لي جاتك أم أربع و أربعين ( شاف فجوهرة و وئام بجووج و قال ) غير دالعصا بالله
جوهرة:( قربات منو كضحك و تعلقات فيه من ظهروا تا هزها و هي كتهضر فوذنيه تا كيتبورش و يبعدها ) واش انا حمقة نخرج بيه ؟ الكحول و ما كنديروش فالزنقة بقى غير لمكياج ؟ غير بغيت نشووف كي غنجي .. ساعة تزعطت فراسي .. وا ديتي الزين ا با ياسيين ما عندي ما يتسالك
ياسيين:( قلبها قداموا و زاد بيها تا غبروا من حدا وئام و قال ) يلا على الزين .. زيييين و يلا على العقل الله يجييب .. وليت نخاف نخليك مع ختك .. كتبلوونطيك
جوهرة:( ضحكات ) هههههه ها كريم غيديها و يهنيك منها
ياسيين: يلا ما داروش شهاادة السكنة عندنا كل مرة واحد جاي يغضب ( ضرب يد مع يد ) الهباااال معاكم ههههههه
جوهرة: هههه صورني قبل ما نغسل وجهي
ياسيين: صبري ( ضربها لفخضها ) حيدي
بعدات عليه حتى جبد تيليفونوا و رجع جرها معنقها مرة ضاحكين مرة معوجين وجههم بحال جووج هباال .. مخليين وئام جالسة فالصالون و كتحاول تستوعب لي وقع
وئام: اوييلي على الفيل و النملة
دخلات غسلات وجهها و قادات حالتها عاد خرجات عندوا كتفرنس و ركبوا بثلاثة بيهم دوزوا وئام هي لولة لدارهم عاد كملوا للفيلا .. بلاصة لوطوا و شابك يديه مع يديها .. فتحات لهم وحدة من العيالات لي كيعاونوا لباب و دخلوا للصالون لي كان عاااامر بالبشر نييت .. شي وحدين عمرها شافتهم من نهار تزوجات .. بقات غير كتدور فعينيها
ياسيين:( شاف فيها و همسلها ) و قالك تجي مزوقة !!
جوهرة: أويلي شكوون هاذوا ؟
ياسيين: هههههه العفوو ( رفع صوتوا حتى انتابهوا لهم ) ا واحد السلام عليكم !
ضاروا كلهم شاافوا فيه و وقف واحد تابع الثاني كيضحكوا و قربوا ليه كيعنقوا و يعاودوا و هو نفس الشيئ .. الضرسة دالعقل كتبانلوا بالتفرنيسة و حداه جوهرة واقفة مسمرة تا كملوا معاه من التسلام و السؤال عن الحال و الأحوال و جرها حداه كيشرلها
ياسيين: هاذ العجل خوو كريم لكبير .. اسماعيل .. و هذا خوه الصغير .. محمد .. هذا ولاد عمي الجيلالي .. توام واخا مكيتشابهووش ههه .. علي و أحمد .. و هذا عمي الجيلالي راك كتعرفيه و سيدي الغزال مول الدار الكبيرة الواليد الثاني ( قرب من اب كريم لي عاد جاي عندوا و باسليه يديه و تعانقوا )
جوهرة:( شافت فيهم بخجل ) مشرفيين .. مرحبا بيكم
الكل: الله يكبر بيك
بقى واقف ياسيين معاهم كيهضروا و يضحكوا صوتهم مسموع من بعيييد .. اما هي دخلات و بدات تسلم على عيالاتهم و ولادهم لي معمرين الدنيا .. و أكيد الياقوت لي لا بد من حظورها و مالين الدار .. سميرة و بناتها ..
كانت هاذي أول مرة تتلاقى بخوت كريم لي عارف هو مزوجين و عايشين فالخارج لا غير .. عمرها سولات و لا كان عندها داك الفضوول نيت .. حتى تعرفات عليهم دابا و لي صدمها كثر هو بزوجهم مزوجين بكاوريات .. كيحمقوا بالزين و الضرافااات .. حتى من العربية شادينها نييت و مرة مرة كيتعكل ليهم لساان و يضحكوا مجمووعين .. ارتاحت جوهرة فالجو العائلي لي حااضر بقوة .. انساجموا لبنات كااملين بيناتهم و الأمهات راهم كيهضروا مجمووعين .. كل واحد فين مخشي مع كليكتوا .. حتى تزادوا عليهم الرجال جالسين مقابلين معاهم و ولادهم كيلعبوا قدامهم .. منهم لي مهههدن و سااكت و لي كيجري من بلاصة لبلاصة
زينب:( شافت فكريم ) امبرووك ا مولاي السلطاان ( هزات حاجبها ) سيدي كريم شداتوا المصيدة و قرر يتزوج و يخطب !
كريم:( ضحك ) غير نتي القملة لي ديري لولاد ؟ ( شاف فياسيين و قال ) دابا هاذي قد صبعنا الصغير و ولادها يكونوا كبر من ولادنا ؟ وااايلي على بلان !
زينب: ههههههههه زماان أول اتحول داابا ولادي لي غيشقلبوا ولادكم غاا صبروا عليا كااع لي درتولي غيردوه ثااني مثني ( هزات حاجبها و ضحكات تا النفس تقطع فيها ) كنلعبووا هناا !!
ياسيين: هههههه وا يحط عليهم شي برهووش يديه يلا ما علقت لولد و موو
زينب:( ضحكات ) ههههه اودي منك ليهم أمهم بعدووا منها كهمتووها مسكيينة ( شافت فكريم ) المهم بالدواام ان شاء الله و ما تنساليش فالعرس دجاج محمر ( دوزات لسانها على شفايفها و شافت فسميرة ) طيبتيهلي ا ماما ياك .. راني من لبارح و أنا كنحلم بيه
سمييرة: طيبتوا لبنتي علاه شحال عندي من زينب ؟
زينب:( بدلع ) غييير وحيييحييدة 😋
ابتسام:( غير كتسمع بلا رد فعل .. حتى سكتوا و هي تقول ) كريم غتخطب بصح ( شاف فيها و حرك راسوا بااه و هي توقف فالبلاصة ) و أناااا فين لحتيني ؟
ياسيين:( هز حاجب و نزل الثاني ) كيفاش انا فين لحتيني ؟ مالك نتي الحاجة ؟
ابتسام:( شافت فيه بانفعال ) اييه أناا ا ياسيين ! فين أنا من هاذشي كاامل ؟ كريم هضر قوول غير كضحك معايا ؟
النقرة الصافية الجزء 11
محتوى القصة
التنقل بين الأجزاء