وئام:( هزات تيليفونها كتترعد و دوزاتلها الخط بقى شحال و هو كيصوني عاد قبط ) سلام ا ختي سمحيلي قبيلة قطعت عليك .. حالتي كاان ربي لي عاالم بيها ما قدرتش نزيد نسمع ما كثر .. مرضت مرضت فصحتي
---: ماشي مشكل اختي .. راني حاسة بيك .. صعييبة بزاااف .. أنا و بسييف عليا كنقولك الأخبار
وئام:( تنهدات ) و لاهيلا قلبي كيتقطع عليهم و حنا باقيين واحلين فالطريق ما عرفنا منين نجييوها .. ختي يعلم الله بحااالتها .. شحال و هي تتسنى فالبيبي و دابا !! ( سكتات شوية و قالت ) يلا عندك شي خبار عليها آتينا بيها الله يرحم بيها الواليدين راحنا على أعصابنا
---:( بصوت فيه نبرة أسف ) ااش غنقولك ؟ راها أختي فااقت و غير عرفات راسها جهضات و راجلها فالانعاش تزاد عليها الحال بزااف .. دخلوها للبلوك عاوتاني كتنزف مسكينة و حالتها صعيييبة
وئام:( دارت صوت شهقة ) لحد داابا ما متيقاش هاذشي ؟؟ كيجيني بحال شي حلمة خااايبة و غنفيقوا منها و ما نلقى حتى حاجة ما وااقعة
---: المكتااب اختي المكتااب كيتصرف
وئام:( بهدووء كتشوف فكريم لي مبلق عينيه فيها ) واش متأكدة ختي لي دارت الأكسيدون ياك ؟ عنداك يكون شي خطأ ؟ ( تنهدات ) كنتمتى يكون خطأ و هاذشي ما منوا وااالو .. ياكما شي أكسيدون اخرى جاتكم للسبيطار ؟
---:( بتأكيد ) لا اختي .. واش حنا كنلعبوا ؟ غنخلعك غير هكاك ؟ راني هزيت نمرتك من تيليفونها .. كنشوف آخر الارقام لي عيطولها و لا عيطاتلهم .. و حتى لاكارط ناسيونال فيها الاسم .. جوهرة **** .. ياك هي ختك ؟
وئام:( عضات على فمها و حركات راسها مغذذة كأنها كتشوف فيها ) اييييه ختتتتتي
---: ايوا الله يصبركم
وئام: الحمممممد لله ربييي ديييما وااقف معااانا و ما كينساناش من رحمتوا كيتك نتي ياا الخااانزة لي قلبك عاامر حقد و كره .. يا لفعة لي كتبدل جلدها مليوون الف مرة فالنهاار
---: ايوا يوا احبيبة مالنا على هاذ الهضرة ؟ حق نا دايرة فيكم خيير !!
وئام:( تطلقات ما بقات بغات تسكت هه ) داك الخيير لويييه و طلعييه معااك فز** و عيطي عااشت لالة جوهرة يا بنت ال*** على الله تبردلك داك العاافية لي شااعلة فيك من جيهتها ( ضحكات باستهزاء ) لهاذ الدرجة ممرضاك فحياتك ؟ شوفتها تتحرق فيك شوية بشوية هههه .. غير تهنااي باقي غتقلااااي غير فسمك الكلبة .. ادوي يا المارجة يا تريكة ربعمية مكمشة .. ختي لي صرفاات فيك غير الخيير ترديهلها ببومزوي ؟؟ و كلامك يدوور يدوور و يرجعلك و لعز ما عندك يا ربي ( طاحوا دموعها ) بغيت ربي يرزيك فما عز عندك
---:( ضحكاات ) هي وصلتي عند داك الطرنوونة دختك ؟؟ ههههه تلاقيتوا غير الطحبة لختها نيييت .. اووه أثرتي فيا بزااااف !! ما كااين لي غيترزا فما عز ما عندوا من غيييركم و هانتوما شحال ما بقييتوا كتتخلصوا و باقي ربي يجيبلي خباار داك لالاك جوهرة .. بغيت ربي يعطيهالها كحلة زحلة لا هي لا داك رويجل ديالها لي فرحاانة بيه باقي توصلني خبارها و نشممممت فيهااا
وئام:( يالاه جات تجاوبها لقاتها قطعات عليها .. عاوداتلها لقات تيليفونها طافي شافت فكريم و بدات تضحك بهيستيرية ) ههههههههههههههه ا ربي ههههههههههههههههههههههههه ( كتشووف فالتيليفون و تضحك حتى دخلات ليه الشك و قرب منها شاد فيها ) هههههههههههههههههه هههههههههههههههههههههههههههههه
كريم: وئااام تهدني !! حبسيييي ما تخلعينيش عليك ؟؟ ششششش صاافيي ( عنقها عندوا مزير عليها و واالو .. خلعاتوا بمعنى الكلمة ! تضحك بواحد الطريقة لا حول و لا قوة .. بحال بغات تحماق .. بعدها عليه و هز يديه تال السمى و نزل عليها لحنكها ) صااااااافييييي
وئام:( شهقاات و شافت فيه حاطة يديها على حنكها و ترمات فصدروا ..كاع داك الضحك تقلب لبكى و كتدعي فيها ) الله يااخذ فيها الحق .. حسبي الله و نعم الوكييل فيها .. حسبي الله و نعم الوكيييل .. و فهااذ رمضااان و فهااذ الأياام المبااركة يااااا ربييي
كريم:( كيبوسلها فجبتها ) صافي من البكى .. ششش ما طبخييش راااسك و تتفقصي على كلبة د الخلى ( عض على فموا ) يلا ما بكيتهاش دم ما نتسماش كرييم .. كااع لي دوزاتوا عليينا غيخرج فيهاا .. داابا تهدني ..
وئام:( مسحات دموعها و بعدات عليه ) جوهرة .. ما جايبة وااالو للبيبي و لراسها ما عندهم ما يلبسووا .. يالاه نمشييوا نتقضاو لهم بالزربة قبل ما يخرجووا من لبلووك
كريم:( شاف فالساعة ) واخا يالاه ما نتعطلووش
وئام:( تبسمات ) غنولي خااالة يااااااي
كريم:( ضحك و عنقها جنب ) الخالة السنفوورة
وئام:( جمعات فمها ) راه نتا لي طوييل بزااف ماشي انا لي قصييرة
كريم:( ضحك ) السنفورة الجميلة شكون بحالك ؟
خرجوا بالخف شرات ليهم وئام لي غيحتاجوا كااامل .. جمعاتلها كلشي فياك دلي بيبي صغيير فالازرق .. مرسوومين فيه أشكاال جمييلة و رجعوا بالخف للسبيطار لقاو جوهرة يالاه مخرجينا .. ناعسة فالبيااص و حداها ياسيين كيهضر مع شي رجال .. دوزوها من قداامهم بالخف و هما متبعينها بعينيهم .. تا طلقات وئام من راجلها و تبعاتها كتجري
كريم:( قرب منوا ) ااش واقع ؟ مالها جوهرة ؟
ياسيين:( تبسم بفرحة و عنقوا بيد كيضحك ) ولداااات .. أخييييراا شرفنا زكريااء
كريم:( ضحك و ضرب على ظهروا تا هو .. معنقوا بقوة ) ياسيينوا الصغييور هههه مبرووك عليك العود و لكن فين دايينها ؟
ياسيين: عيطت على مصحة خااصة .. ما غتبقاش هنا .. راهم جابوا الاسعاف برا غيهزوهم نييشان للكلينيك
كريم: ماشي خطيير عليهم ؟
ياسيين:( حرك راسوا بالنفي ) يلا بقاو هنا لي ريسكي عليهم ! عارف الطبيب ديالنا كي داير ؟ هي حالتها صعييبة لا هي لا لبيبي خاصهم عنااية خااصة .. و هنا راه على قد الحال .. خاصك تشوف النفيسات فين ناعسيين ( غمض عينيه ) لا حول و لا قوة إلا بالله و صافي
كريم: و شنو كتسنى دابا ؟
ياسيين: زكرياء كيقادوليه الأموور .. باش يخرجوه فالقرعة ديالوا .. غيكملوا و نمشيوا كااملين ( تفكر ) و شرحلي ساعتها ااش جابكم لهنا ؟ و شنو واقع بالضبط ؟
كريم:( حرك راسوا كيتنهد ) حريييييرة
بعد ساعة بالضبط .. كانت جوهرة ناعسة فغرفة نقية و كبيرة و فوق راسها معلقيين نفاخات فاللون الأزرق .. و حداها فالجنب ناعس ولي العهد ههه .. فقرعتوا .. شعروا كحيييحل و حروفوا باقيين ما واضحيين .. لحييموا حمييمر .. كيحرك يديه الصغييورين بالشوية و عويناتوا مغمضيين .. واقف عليه ياسيين كيشووف فيه بواحد النظرة غرييبة .. كأنوا يالاه كيكتاشفوا و كيقنع راسوا بلي هاذ الكائن الصغييور .. قطعة منووا .. قطعة من قلبووا و رووحوا
كريم:( متبعوا مبسم حتى لواحد اللحظة وقف و قال ) ياسيين أجي لبرا بغيتك واحد الدقييقة
ياسيين:( شاف فيه و رجع شاف فولدوا بابتساامة هو و جوهرة لي باقى ناعسة و خرج من تما تابعوا ) وي ؟؟
كريم: ليووم كنت جاالس فالخدمة حتى ( عاودلوا الواقعة من لول للأخيير و ياسيين مصدوووم فيه و فالكلام لي كيقوول )
كريم:( مسح على وجهوا ) المهم .. قبل ما ندير حتى تصرف بغيت نشوف معاك .. شنو بالك ؟
وئام:( خرجات عندهم و قالت بهدووء ) شنو غتديروا غتدعيوها ! و غتخليوهالي هو لول نشتف على أصل مها الكلب
كريم:( هز حاجبوا ) غندعيوها غير بالهضرة ؟؟ ما عندنا حتى دلييل عليها !
وئام:( هزات حاجبها حتى هي و حطات يديها على كثفوا ) البركة فمرااتك الذكية سجلاتها ( هزات راسها بافتخاار ) يسحابك تبثها قبيلة غير هكاك ؟ و باقي يلا كانت نيت فرملية فداك السبيطار غتتوقف و يتسحب منها الديبلوم .. واخا قليييلة فحقها .. صعراااتني الحماارة لوخرى
ياسيين:( تنهد و بقى شحاال ساكت عاد قال ) لي بانلكم ديروه .. أنا ما يمكنليش نخلي جوهرة بوحدها و هي ما كتقدر حتى تحرك
كريم: هي نتكلفوا حنا بالأمور و صافي
ياسيين: ما عرفتش أنا هاذ القوم منين كيخرجلنا ! طالعة لعامين باش العلاقة تقطعاات بيناتهم و نسيناها كاااع و بنادم باقي حااقد و هاز فقلبوا
وئام:( تنهدات برجفة ) خرجاتها منا .. الله ياخذ فيها الحق .. ربي لطف اما حتى حنا كنا غنديروا أكسيدون ما مرة ما جوج بسبابها .. خلاتنا على أعصابنا كنترعدوا
كريم: الحقد فاش كيعمي بنادم .. لا حول و لا قوة إلا بالله .. فهاذ الزماان صاحبك هو نفسك لا غير .. ما تعرفي بنادم كي يتلون و يتقلب عليك فالبلاااصة
ياسيين:( ضرب يد مع يد ) ما نظنش تكون فرملية ! يلا عقلي نفعني جوهرة كانت قاتلي شحال هاذي بلي كانت خدامة معاها فدار القرآن و من بعد طلقات و طلعات لمراكش خدمات !
وئام:( حركات راسها بالايجاب ) ااه كانت خدامة معاها .. جوهرة كتقريهم و هي كتستف لكتوبة و كتنظف شوية و تستقبل الدراري الصغار .. مشات من بالي كااع هاذ النقطة .. يعني غالبا غتكون خدامة فالميناج و لا كطيب .. و فاش جابوكم شافت جوهرة و عقلات عليها
ياسيين: ديكشي لي بانلي حتى أنا !
وئام: و أنا الوحيييدة لي عندها نمرتي .. غتكون باقى محتافظة بيها عندها .. واخا انا عمري عطيتها لها و لا كنت معاها على تواصل .. و لكن ممكن تكون خذاتها من عند جوهرة شي مرة !
كريم: فوااالا ! دابا كلشي وضااح .. من قبيلة و أنا كنفكر علاش نتي بالذاث ؟ يلا كانت فرملية ممكن تهز اي نمرة .. و غتلعب على الواليدين كثر .. لكن هي عندها نمرتك بووحدها و بما أن جوهرة ناعسة فطبيب و ما عندها باش توصلها كثر و حتى يلا حاولات ما غتقدرش ! بنتيلها نتي فالبلان .. و بغات ضرب ختك بيك
ياسيين:( عض على حنكوا لدااخل ) المرض بالله .. و لكن الكلب لي كينبح ما كيعضش ! بقات فيها حرقة لاش قاتلها تمشي من عندنا ؟؟ كانت عوالة تجي تدير شهادة السكنة عندي ! ما فهمتش انا جوهرة كي دارت تصاحبات مع هاذ الاشكال ؟ فلول باغى تدخل شرييكة و تدق لوتاد ! و دابا دايراها قد راسها و كتفايل علينا ! لا حول و لا قوة إلا بالله
وئام: دعااويها و كلامها يدووور و يرجع فيها .. ياااا ربيييي
ياسيين:( حنى راسوا كيفكر مدة فصمت عاد قال ) بلا ما ديروا واالو .. صافي نساو عليكم الزبل .. بقات فيها حرقة و ها هي رداتها نجمعوا و نطوييوا .. اندعيها و نوضوا فالمحاكم و الصداع و التجرجير .. آخرتها دير شي تنوعيرة جديدة .. و ما غتجيش فيا انا ساعتها .. غتجي فجوهرة و لا زكرياء .. اللهم صافي ننساو الموضوع و خليها فرحااانة بانتصارها
وئام: لا رد
ياسيين: وئام ! عارف بقى فيك الحال بزاايد و ما كرهتيش تاكليها بسناانك و من حقك .. و لكن صافي نقصروا الشر بلا ما ندخلوا راسنا فمتااهة جدييدة حنا فغنى عنها
وئام:( حركات راسها بالايجاب ) صافي واخا !
ياسيين: جوهرة بلا ما تقولولها حتى حاجة .. هي بلا واالو عياانة غتسمع هاذشي نفسيتها فتتأزم و تمرض كثر و كثر
كريم و وئام: صافي وااخا !
كريم: و لي درتوا معاها أكسيدون باش فاريتوها ؟
ياسيين:( مسح على وجهوا ) العيالات كاارثة متنقلة ( شاف فوئام لي خنزرات و ضحك ) هو انا فووتيف حيت ما كنتش منتاابه و ما ممحكمش فلوطوا مزيان .. و هي ما كتشووفش مضووبلة غير على الله ! و باش تكمل صدقات مدابزة مع راجلها و هاربة ليه بالطونوبيل و هي اصلا ما عندهاش البيرمي !
وئام: هههههههه اويلي
ياسيين:( شاف فكريم ) يالاه هضر نتا ؟ ما عندها بيرمي غير طالقة يديها و صافي و سايكة بسرعة و كملات و جملات سخفاتلهم تما بالخلعة ما بغات تنوض ! راجلها بغى ياكل ريتوا فاش علموه
كريم: كثرة الهم كتضحك هههههههه العفووو .. خلاتك معووقب تا باش تهز ولدك يديك مهرسة !
ياسيين: غير لطف الله و صافي .. الحمد لله خرجات غير فهاذشي .. جوهرة لي تخلعت عليها بزاااف .. الله يسمحلنا من الواليدين و صافي
الكل: أمييين يا ربي
وئام: اندخل أنا نبقى مع جوهرة
كريم:( ضربليه على كتفوا الصحيح و قال ) دخل حتى نتا ترتاحلك .. راك عياان .. أنا نمشي نشووف ما نجيب للفطوور .. قبل ما يسد كلشي
ياسيين: واخا .. و جيب معاك الما لجوهرة
هز ليه راسوا بمعنى واخا .. دخل للشومبر لقى وئام جابدة الساك لي فيه الحوايج .. و واقفة على راس جوهرة .. شاف فيها باستغراب و سكت .. هاز تيليفونوا كيعيط لواليديه و واليدين جوهرة يعلمهم .. أما وئام حيداتلها الفولار و جبدات درة ديال حياتي جمعاتلها شعرها فيه و مسحاتلها لحمها مزياان بكريم مرطب .. لكن ما قرباتش لنصها و لا جهة كرشها .. غير لفووق .. تا كملات و طلعات عليها الغطاء تال عنقها و جلسات حداه كيشوف فيها بهدووء
وئام:( جاتها الضحكة ) ا مالك ؟
ياسيين: ما ماليش اختي !
وئام: ايوا راه خصها تتنقى .. ناس يجيوا يشموا فيها ريحة زوييينة .. ماشي ريحة الحموضة .. و عاد خاصها تلبس مزياان من لبرد و تلفف هنا فين كياكلوها النافسات .. قبيلة مشينا تقدينالهم بقيت شحال و أنا تنقلب على شي كاب يكون سخون و مفتووح من جهة الكرش باش ما نوعتهاش .. بزز لقيتوا .. غير الصيف كيجي كيجمعوا كلشي
ياسيين:( تبسم ) حتى انا ما قلت والو !
وئام: غير شرحتلك .. اللهم نلبسها و هي ناعسة و لا و هي فاايقة .. و نمشي نقيسها فشي بلاصة ما هياش و نعطبها ( جمعات فمها بألم ) مسكينة تقسحات بزااف ( شافت فيه ) كي دازت ولادتها ؟
ياسيين:( شاف فجوهرة و تنهد ) الحمد على كل حاال .. الله يسمحلنا منها
وئام: ايوا باش تعرفوا بقيمتنا .. نتووما مرتااحيين و حنا تنتوجعوا و نتقطعوا فلخر نسمعوا الهضرة من الفوق !
ياسيين:( ضرب يد مع يد ) واا بااز اختي باااز
رمى عينيه بعفوية جهة جوهرة لقاها فاتحة عينيها فايقة .. تهز بالخف لعندها .. شادلها فيديها و كيهضر بلهفة و خووف
ياسيين: كي بقيتي ؟ موجعة ؟ ياكما نعيط لطبيبة ؟ مرتاحة فالنعسة هاكا و لا لا ؟
جوهرة:( زيرات على يديه و غمضات عينيها و رجعات فتحاتهم .. عاد نطقات بصوت متعب ) ا ام مزياانة ( عينيها كيدوروا بلهفة ) فين هو زكرياء ؟؟
ياسيين:( بعد من قبالتها و بانلها ناعس .. لابس لبيسة فالأبيض من لي شراتليه وئام .. و مغمض عينيه مرة مرة كيتحرك تا كيقفز و يرجع يهدا ) ها الخويينز
جوهرة:( الدموع سالولها من عينيها بلا ما تحس و هي كتشووفوا قبالتها ) شحال صغيييور اهئ حبيب ماماه ( هزات عينيها فياسيين ) عطيهلي نهزوا و نشم روييحتوا
يالاه جا يخرج تمات داخلة وئام مع الفرملية .. دازت عندها كتقلب فيها و تهضر معاها تا كملات و قالت
---: خصكي ترضعيه .. الرضعة لولة .. أنعاونك .. و لكن من الأحسن البيت تكوني فيه نتي و باه لا غير .. ما مزيانش ليه كثرة النفوس فهاذ الوقت و خصوصا فحالتوا
وئام: واخا أنا خرجت
مشات عندوا هزاتوا بسلاسة مداتولها كتوريها كي تشدوا و كي دير ترضعوا تا شدلها الراس و غمضات عينيها موجعة
ياسيين:( زير على يديها ) واش صافا ؟
جوهرة: فففف تجرحت اححح اولدي ( دوزات صبعها على يديدتوا كتلعب فيها حتى شدها لها )
ياسيين:( جلس حداها كيلعب فشعروا الكحل و البسمة ما زالتش من وجهوا .. اما عينيه حكااية ثااانية .. تحنى باسوا فراسوا بالشوووية عليه خايف يجرحوا و لا يقسحوا .. عاد نطق بصوت هادئ هاز عينيه فجوهرة ) الحليب داايع و أنا باقي بلا رضاعة شهادشي امدام ؟
----:( شافت فالبيبي حبس و مدات يديها تهزوا ) صافي اختي براكة عليه ( رداتوا لبلاصتوا و قالت ) ما تاكلي حتى حاجة ! يلا عطشتي شربي الما .. حتى تنفسي ضرووري .. و منين يفوتك البنج عيطي لوحدة فينا تعطيك شي مسكن .. مبرووك عليكم
ردوا: الله يبارك فيك
ياسيين:( دوز يديه على حنكها و هي حانية راسها كتشوف فصدرها حممر و مجروح شوية ) حمد لله على سلامتك .. الله يسمحلنا منك
جوهرة:( حلات عينيها و سداتهم ) الحمد لله ( تكات ) بغيت غير ننعس شوية
ياسيين: عاد فقتي ! تنفسي بعدا و عاد نعسي ( شافها تزنكات و قال بهدووء ) عاد غتحشمي ؟ لبي نداء الطبييعة ، أختي قنبليينا مساامحينك !
جوهرة:( وجهها غيطرطق ) وا صافي ا ياسيين !
ياسيين:( وقف كيضحك ) قلنا لك قنبلينا ماشي تقنبلي نتي ! ( هز يديه ) هاني سااكت اختي ما طرطقيش .. أنا خارج شوية و نجي ( فتح لباب على وئام ) دخلي حدا ختك
وئام:( دخلات و قربات منها باستها و قالت بحنان ) كي بقيتي ؟ شوية دابا ؟
جوهرة: حمد لله .. شكديري هنا ؟
وئام:( تبسمات ) عيطوا علينا أنا و كريم و جينا كنجريوا على وجهنا .. لا يقول سيدي زكرياء عندنا سااهل !
جوهرة:( ضحكات و تقطع فيها النفس ) اييي .. شش ما تضحكينيش
وئام: باقي ما مشالك البنج ؟ راه ما مزيانش ا صاحبتي خاصك تتنفسي !
حركات عينيها و رجعات سداتهم بهدووء حتى رجعوا كاملين عندها كيسولوا فيها كي بقات و يهضروا مونسينها و مهوسينها
ياسيين: صافي غتمشيوا ؟
كريم: غنمشيوا للرياض عندك ننعسوا حتال غذا و نرجعوا بحالنا .. ما عندنا ما نزيدوا نديروا هنا .. هما مراض و حنا فوق راسهم ؟ تا يصحوا و تهبطوا لرباط و أراك للفيشطة ساعتها
ياسيين: حتى هذا نظر ! تا هما علمتهم و وصيتهم بلا ما يجييوا .. شهر و نرجعوا
وئام: و شكوون يطيبلها الرفييسة !!
كريم:( شاف فيها ) ها هو قدامك ! كيعرف يطيبها حسن منكم غير ارتاحي
أما جوهرة فراه كتسمعلهم و سااكتة ما قادراش تهضر .. عاد مشى البنج و أراك للحريق داابا بالمعقوول .. كتعض على فمها كتبرد فيه شوية حتى ما بقاتش قادرة و شهقات بصوت خاافت .. تا شافوا فيها كاامليين و طارت عندها وئام لي كانت قريبة لها
وئام: مالك احبيبة ؟؟
ياسيين:( داز من جهة الثانية شد فيديها مزير عليها ) واش مشى لبنج ؟ موجعة ؟
جوهرة:( حركات راسها بالايجاب ما قادراش تهضر .. دموعها ساايلين فصمت و كتحاول ما تتحركش ) هئ ااه ( زيرات على يديه تا غرسات ظفارها فكفوا ) بزاااف ما قادراش نصبر هئ
ياسيين:( شاف فوئام ) عيطي على الفرملية عافاك
خرجات الأخيرة كتطير حتى جات هي و ياها و جوهرة فيها الحريق ديال الغصب كتبردوا غير فشفايفها و فيدين ياسيين حتى ضرباتلها المسكن فالسيروم و مشات .. و بعد نوبة ألم شدييدة و بكااء أشد .. أخييرا نعسات بتعب وجهها مزنك .. تسمع صوت اذان المغرب و حطوا ديكشي لي جابوا يفرقوا بيه الصووم
وئام:( عينيها على جوهرة ) كن غير بقينا معاها كثر .. بلا ما نرجعوا غذا !!
كريم: ياك سمعتي الفرملية شنو قالت ؟ و ما عندنا ما نبقاو نديروا .. مراض و غنزيدوا غير نشطنوهم معانا
كريم:( شاف فيه ) ماشي وقت الصواب دابا ! نتا مهرس و خاصك الراحة .. جوهرة راه كسيدة و ولادة مبكرة و العملية و الفضيحة و زكريا براسوا ما خصوش قوة البشر حداه .. و باقيين كيتأكدوا من صحتوا .. خاصوا عناية خااصة .. يكمل النمو ديالوا .. لاش حنا غنبقاو هنا ؟ نزيدوا نشطنوكم ؟ صافي شهر و لا شهراين و ها نتوما معانا .. داك الساعة ما نحيدووش اسيدي من عندك فالدار .. أما دابا ارتااح مع راسك و ردوا صحتكم شوية
ياسيين:( شاف فيه بنظرة امتنان و حرك راسوا بالايجاب )
ياسيين:( دوز على لحيتوا ) غنرجعوا فالطيارة يلا كتاب .. بلا تعذب راسك .. فاش نوصلوا لكازا عاد تلاقانا فالمطار
كريم: واخا ان شاء الله
كملوا فطورهم فهدووء و خرجوا يجيبوليه العشا .. عاد يمشيوا بحالهم للرياض يرتاحوا شوية لانوا بالفعل داازت عليهم .. أما ياسيين جالس بهدووء كيشوف فزكرياء و يصوروا مرة تصاور عااديين مرة كيفيلميه .. تا تفتح لباب و دخلات لفرملية شافت فيه بابتساامة و قالت
---: خاصني نبدل ليه
ياسيين:( حركلها راسوا بالايجاب تا هزاتوا عندها كتحركوا بسلاسة بحال هازا نونوس فيديها .. متبعها بعينيه بدهشة .. كيشوف شي حاجة جدييدة عليه و عاجباه خخ حتى كملات و قالت )
---: نعسات مرتاحة ؟ خاصها ترضعوا فليل .. يلا بكى عيطوا عليا ( مشات حدا الناموسية فين ناعسة جوهرة و وراتوا واحد البوطون ) برك غير على هاذي و غنجي عندكم
ياسيين: واخا شكرا
----: العفو
تسناهى حتى خرجاتو هز كرسي قربوا جهة جوهرة جالس حداها سااكت كيشوف فيها و يتفكر لي داز عليها فالبلوك و يتنهد ..
صبح الصباح عليهم .. ياسيين ناعس مقلووب فوق الفوتوي ..و جوهرة راه فتحات عينيها على الصباح بكري .. تتحرك غير فعويناتها .. تا دخلات عندها الطبيبة و الفرملية كيقلبوا فيها و ينقيولها الجرحة الخ .. عاد دازت عند البيبي حتى هو كتفحص فيه بهدووء .. غير كملات و قالت
---: شوية و يجيبولك تفطري و نوضي تمشاي .. الله يجيب الشفاء
على كلامهم فتح ياسيين عينيه مقلووب .. سمعهم شنوو قالوا .. داز للدوش غسل وجهوا و توضى بلا ما يقيس يديه المضروبة .. خرج عندها و قرب باسها فجبهتها
ياسيين: كي صبحتي المشييشة .. شوية دابا ؟
جوهرة: الحمد لله
ياسيين: تسنايني نصلي و نجي نعاونك ما تتحركيش بوحدك ( بابتسامة ) صافي ؟
جوهرة:( تبسمات ) واخا
ناض مبسم و الفرحة غتنقز من عينيه .. من لبارح و البسمة مرسوومة على شفافوا .. هز ليزار فرشوا فالأرض و واقف مربع يديه كيقلب على اتجاه القبلة .. حتى لقاه و أقام الصلاة كيصلي و جوهرة متبعاه بتعب .. داز الوقت و هو كيصلي كااع الصلاة لي مجموعة عليه من البارح .. أما جوهرة فجابوا لها تفطر غير بالسواائل فقط .. تا كمل و هز يديه كيدعي و ناض كيشوف فيها بابتسامة
جوهرة: الله يقبل
ياسيين: أمييين .. تتمشاي دابا ؟
حركات راسها بااه و مشى جهتها حيدلها ليزار و مد يديه لرجليها بالشوية قلبهم جهة الأرض و بالزربة رجع شد فيها و زيرها عندوا حتى وقفات
جوهرة:( وجهها تزززززززنك كتشووف فيه مخرجة عينيها و عاضة على فمها ) اممممممم
ياسيين:( بخوف ) بالشوية ا حبيبي .. ما تفورصيش على راسك .. أنا شادك .. يالاه زيدي غير خلفة
بزز هزات رجليها و خلفات مرة وحدة و وقفات كتنهج و وجهها حممر حمممر غيطرطق .. طااحوا دمووع حااارييين من عييينييها .. رجعات كلها كترجف بين يديه ..و طلقات غوتة وحدة تا صمكااتوو
جوهرة: اااااااااااااااه
ياسيين:( خلعاتوا رجع غير كيتفتف ما عرف ما يديرلها .. وجههوا صفاار فالبلاصة ) مالكي ؟ جوووهرة ؟؟ واش نهزك ؟؟
عوج راسوا لجهة عنقوا تيعض فداك الجلدة لي هاز بيها يديه .. يفتحها .. باش يقدر يهزها .. طيرها بالجهد و مد يديه هزها بجوج يدين .. معاون بالمهرسة تا هي .. تا تكات فووق ناموسيتها كتترعد بالحرييق .. و هو برك على البوطونة لي قاتلوا فليل .. و كيشووف فيها بخووف و هي غتمووت بالحريق حدااه .. تا دخلات الفرملية شافتها و قالت
---: عادي أ سيدي هاذ الحريق .. خاصها تصبر و تحاول تتحرك .. ما كاينش حل ثاني .. راه لحمها و الجرحة كيتجبدوا
---: شوية و غيبرد عليها الحريق .. ما نقدرش نزيد نعطيها شي مسكن لبارح خداتوا .. دابا ما عليها غير بالصبر و الخاطر بالشوية حتى غترتاح .. أجي جاس عافاك نقادلك يديك و ما توليش تفورضي عليها باش العظم يبرالك مقاد ( خلاها دارت شغالها بالخف و خرجات بحالها )
ياسيين:( جلس حداها و هي ساكتة كتصنت لحريقها .. دوز على شعرها بأسف و ملامحوا مألميييين .. بقى ساكت مدة و هزلها يديها باسها ) سمحيييلي
جوهرة:( شافت فيه و تبسمات مادة يديها الثانية لوجهوا دوزات عليه بخفة و نطقات بصوت تعب ) ما تخافش أنا مزياانة
ياسيين:( تحنى حاط راسوا على يديها باقي الخلعة لاعبة عليه .. أول مرة يشوف بحال هاذ المنظر ما عرف راسوا باش تبلى )
تسمع صووت لباب مرة أخرى و دخلات الفرملية
---: خاصك ترضعيه أختي .. و من الأفضل تحيدي الحليب تبقاي ديريه فشي رضاعة .. باش ما نبقاوش فكل مرة نخرجوه من القرعة .. واخا غير من ليل ل ليل
جوهرة:( بتعب ) ان شاء الله
مداتولها من بعد ما تقادات و جبدات ثديها .. كتشوف فيه مبسمة و فرحاانة و هي كتشم روييحتوا و تعمر عينيها بحركااتوا .. و ياسيين لاسق حداها كيتفرج و يداعبوا بهدووء ..
جوهرة:( شافت فيه ) خاصك توذن ليه ا ياسيين !
ياسيين:( هز عينيه فيها ) نوذن ليه و نتي هازاه ؟ ( حركات راسها بااه و قرب منوو شوية مخلي مسافة بيناتهم ) الله أكبر الله اكبر.. الله اكبر الله أكبر .. أشهد أن لا إله إلا الله .. أشهد أن لا إله إلا الله ( كيشوف فيه كيحرك راسوا و يديه بشوية و كيخرج صوتوا رقيوق .. بحال كيبكي ) أشهد أن محمد رسوول الله .. أشهد أن محمد رسوول الله .. حي على الصلاة .. حي على الصلاة .. حي على الفلاح .. حي على الفلاح .. الله أكبر الله أكبر .. لا إله إلا الله .. أنت اسمك زكرياء .. أنت اسمك زكرياء ( باسوا فراسوا و بعد )
جوهرة:( شافت فالممرضة بابتسامة باش تجي تردوا للقرعة )
قاداتوا فبلاصتوا و خرجات بحالها كتوصي و تعاود على جوهرة ترجع تتحرك .. حتى تفتح لباب و دخلات رحمة كتزغرت
رحمة: صلاااااة و سلاااام على رسووول الله ا يووووويوووويوووووي
شافوا فيها بجووج فدهشة ، حيت وصااو عليهم حتى واحد ما يجي .. ما عرفوهاش حتى كي دارت عرفات الكلينيك.. حطات شاكوشها فالأرض .. و مشات كتخلف عند بنتها كتبوس فيها و تعنق
رحمة:(كتبوس فيها و الدموع فعينيها ) الحمد لله على سلامتك الحبيبة .. كي بقيتي دابا شوية ؟
جوهرة:( مبسمة ) الحمد لله
رحمة:( عنقاتها عندها سااكتة مدة عاد بعدات كتمسح فعينيها ) تمنيييت كن كنت معااك و ما نخليكش تولدي بووحدك و ااش داكم لشي سفر يا ولادي جلسوا حدا حبابكم دابا هاذي حالة متوحيين ؟؟
ياسيين:( نحنح و قرب باسلها راسها و سلم عليها ) المكتااب الحاجة كيتصرف
رحمة:( شافت فيديه بأسى و طبطبات عليه ) نتا شوية يديك ؟ علاش ما قلتيليش درتوا كسيدة ؟؟ كن ما وئام تبقى مقلوبة عليا القفة !
ياسيين: ما بغيتش نخلعك و صافي ( شاف فيديه ) مزياان الحمد لله على كل حال
رحمة:( حطات يديها على قلبها ) احاااح على ما تخلعونيش .. قلب الأم كيحس .. كنت عاارفة شي حاجة وااقعة معااكم ( شافت فيهم بابتسامة ) فين هو الكبدة المعااودة بعدا ؟؟
جوهرة:( تبسمات و نعتاتلها )
رحمة:( وقفات حدا القرعة كتتفرج فيه و تتبسم بحب كبيير تا ضارت عندهم ) سبحاااان الله غير باباك سي محمد فأياماتوا ( رجعات كتشووف فيه و ياسيين كيضحك أما تا جوهرة بزز كتبتاسم و لا تهضر ) و لاهيلا فكرني غيير فالحاج .. خاصني نوريكم تصااوروا و هو فالكونة ههه
جوهرة: هههه أنا جاني كيشبه غير لياسيين و لكن دابا باقي صغيير ملامحوا باقي ما واضحين .. راه هو كيكبر و هو كيتبدل
رحمة:( ضارت شافت فياسيين و شافت فيه ) لا لا نتي الكسيدة قلباتلك حتى العينين .. ما كاين شبه .. صبااار يشووفوا الحاج و غيحواال بيه و لاهيلا تقول غير هو صغييور
جوهرة: المهم هو الصحيحة و السلامة و الخلقة التاامة حتى يجبدوهلي نرضعوا و نعطيك تهزيه ( شاف فراجلها ) ما حد ماما معايا تمشي لفارماسي تجيبلي ديك لعيبة باش نجبد الحليب .. و فين نحط الرضاعة باش تسخن
ياسيين:( حرك راسوا بواخا ) الحاجة ! ما قلتيلناش شكون جابك ؟؟ جيتي بوحدك و لا الحاج معاك ؟؟
رحمة:( شافت فيهم ) نتوما شمن رضااعة ؟؟ شكوون هاذ الفاهيمة لي قاتلك ديري الرضاعة ؟؟
جوهرة: غير فليل باش ما يبقاوش يجبدوه من القرعة بزااف !
رحمة: كن كان فشي بلاصة بعييدة عليك نقوولوا .. و هو خلفة و ها هو حدااك ! ولفي ليه الرضاعة و فاش يخرجوه و تبغي ترضعيه ينفرلك البزولة .. شحال قدك تجبدي و تعطيه ؟ خليه يرضع طبيييعي من البهلان !
ياسيين: شنو دابا بلا ما نجيبهم ؟؟
رحمة: بلااااش نتا سير غير لووطيل راه كااملين كيتسناوك تماا ( شافتوا بلق عينيه و هزات راسها للسمى ) مالها قنية هاذي لي ولدات ؟ جينا كااملين نشوفوها عائلتها و عائلتك !
جوهرة: راه غير ما بغيناش نعذبووكم
رحمة: اختي أنا باغى نتعذب نتي سووقك ؟ شكون غيقابلك بالسلامة و نتي والدة بالفتيح ؟ ياكما هو ؟ فين غيعرف فشغل العيالات ؟؟ و زايدها بالهرس من الفوق .. معووقب و معووقبة حطوا الراس على الراس و شدوا الأرض !!
ياسيين:( ضحك ) ههههه ايوا لهلا يخطيك علينا الحاجة
رحمة: أميييين .. دابا غتمشي نتا ترتاح أنا مع بنتي غنقاابلها .. نتا عطي الراحة لراسك شوية هي و داك ليد .. و فاش تفيق .. غتخرج تتقضى ليا .. الحليب .. البيض البلدي .. التشييشة .. الدجاج البلدي .. ( بقات تهضر و توصيه فشنوو يجيب و شنو يشري ) باش فليل نمشي نوجدلها لي يقويها و يردلها شوية ديال الطاقة
ياسيين: صافي واخا ( قرب لجوهرة باسها فجبهتها ) تهلاي فراسك .. غير نمشي ياك ؟ ما محتاجة والو ؟ ( حركات راسها بلا و وقف كيبتاسم مع ولدوا و معاهم عاد خرج )
رحمة:( حطات يديها على جنبها ) و نتي شداك الصدر عريان ؟ باغى تجيبي الربحة و نتي كلك مفتووحة ؟؟
جوهرة: اويلي راه الصهد !! طبت أنا بهاذ الحواايج .. مغلفة بحال البصلة !!
رحمة:( جرات داك الشاكوش و بدات تجبد و تقلب ) عااارفاكم ما فيكم طااايلة يا وليداتي .. واالوو
جوهرة:( شافت فيها متفاجأة ) شنو هاذشي ؟
رحمة:( هزات راسها مفتاخرة ) لبارح نهار كاامل و انا واقفة نوجد و نجمع .. باش فليل شدينا الطريق .. كاااع لي تحتاجيه كاين هنا ( ضربات على الشاكوش ) و لي غيفسد غنصوبوا لك عند راجلك و نجيبولك ( شافت فزكرياء ) اسعدي و افرحي بلالة لبنات ولداااات
جوهرة:( تبسمات و قالت ) الطبيبة قاتلي خاصني نتحرك .. يالاه زدت قبيلة خلفة كنت غنموت بالحريق .. شوية ما نسخف .. خاصني نتحرك عاود .. و بغيت ندخل لطواليط
رحمة:( شافت فيها بأسى ) اححح على بنتي .. غير صبري و كلشي غيفوت ما عندك ما ديري ( حيدات يديها من ديكشي و وقفات ) أنا نعاونك .. شحال غتبقاي هنا فالكلينيك بعدا ؟
جوهرة: ما عرفتش ! ربعيام واقيلة و نخرج .. زكرياء لي غيشدوه شهر عاد يخرجوه من القرعة .. غنبقى قريبة ليه .. نجي نرضعوا و نشوفوه و نوليوا عاود
رحمة: ايوا ما عليش ! المهم يبقى بصحييحتوا
جوهرة: ديكشي لي كااين !
رحمة:( حيدات عليها ليزار و شدات فيها ) يالاه أجي نعاونك .. غير بالشوية عليك
💫💫 فلوطيل 💫💫
فجناحهم واقفة وئام معلقة فكريم من ظهروا و مخرجة وجهها جنب حدا كتافوا كترغب فيه و هو ففموا غير
كريم: لا هي لا .. بلا ما تحااااولي تلعبيلي فعقلي راه ما غنتبعكش فهباالك !!
وئام:( طلقات منوو و نفخات حناكها ) ياااا ربي سيدي ااش درت فحياتي حتى ترزقني بوااحد معكس بحاالووا ياا ربي راك شايف و عااالم
كريم:( فلتات ليه الضحكة و مد يديه نتفها من شعرها لي مظفراه جنب ) ا واخا لمك
وئام:( ضرباتليه يديه و شدات فراسها كتحكوا ) ما تبقاش تنتفني ( سكتات شوية و قالت ) زعما ما ديرش الخاطر لمراتك الزويينة الغزاالة الظريفة لي هازاك على كفووف الراحة هاا ( رمشات عينيها ببراءة ) للفنوون ديالك ؟ ياك انا سنفوورتك أنا ؟ ايوا ديرلي خااطري !! بغيتي سنفورتك طرطق بالفقصة بوووحدها هاا ؟؟
كريم:( هز صبعوا بتهديد ) راه و الله تا نشد عليك فهاذ البيت ما تخرجي .. كنت عاارفك ساكتة على شي مصيييبة .. ما فهمتش لاش تا هما جاايين لهنا ؟؟ ( طل من الشرجم كيتفرج فالعائلة الكريمة مكسلة فالجردة ) كنا رااجعيين بحالنا دابا وحلنا
وئام: مزيااانة
كريم: جاتك على قلبك ياك ؟
وئام: ااااه .. دابا ما غتعاونيش ؟ حتى واحد فينا ما غيبان فالصورة .. نتا تعرفلي غير فشمن حي سااكنة و غنسيفطلها لي يتكلف و صاافي
كريم:( حط يديه على راسوا طالب العدااو ) ما غتشديش هاذ الموضووع ؟؟ ياك هضر معاك ياسيين ؟؟
وئام: قالك ما ندعيوهااش و ما نبانوش بوجوهنا و سمياتنا .. ما قاليش ا وئام ما تسيفطيلهاش لي يقاد لها عظامها و يبرد لك القلب ( مسحات على وجهها و قربات كتحلون عليه ) الحبييب دياالي .. العمير لي كيديرلي الخااطر .. هانتا غيدخلوها بشي دخلة عااادية و يلسقوا معاها كيتعايروا ياك ؟ و حيت هي مصعوورة غتشد كتعاير معاهم و تما الوجيبة فين ياكلووها .. هاكا غنكون رديت دقتي و دقة ختي و قلبي بررررد و هي خدات خلاصها .. و نزيدك لعيالات لي متافقة معاهم ما كيعرفوونييش غنسيفطلهم لفلووس فالبوسطا و صافي !
كريم:( حرك راسوا بالنفي و بعد عليها ) لا لا قلبي عليا الله يرحم باك .. غنتبعك غنصدقوا فشي طاب و شي ما طاب
وئام:( بهدووء حطات يديها على كرشها و قالت ) دابا مراااتك تتوحم و شهوتها فنتفة لديك لي ما تتسمى و نتا مستخصرها عليا ؟ بغيتي ولدنا و لا بنتنا تخرج فيها فقصة ديك الحمارة ؟؟
كريم:( ضار عندها مخرج عينيه ) عاااوديي عااوديي
وئام:( قفزها ) تخرج فيهم فقصة داك بنت الناس ؟
كريم: لا لولة !! حاااملة ؟؟؟
وئام:( تبسماااات و حركات راسها بدلع ) سي حااملة و نتا كتفقص فيا !
كريم:( قرب منها متفاجئ .. شاد فيديها و عينيها ثابثين على ملامح وجهها كأنوا كيتأكد ! ) واش بصح كتهضري ؟ عنداك تكوني كتكذبي ؟؟
وئام: لا ! درت طيسط و طلعولي جووج خطووط .. كنت كنتسنى غير الوقت المناسب باش نقولها لك نمشي ندير التحليلة نتأكد .. و جا هاذشي تسلط علينا
كريم:( جرها عنقها بقوة و عينيه بااقيين خاارجيين ) حلفيي بالله ؟؟
وئام:( ضحكات ) و لاهييلا ههههه
كريم:( بعدها عليه و شاف فيها بحب ) يالاه شكنتسناو ؟ تمشي دااابا تدوزي نتأكدووا ( دوز يديه على لحيتوا و قال بفرح هاز حجبانوا ) وا هذاا خبااار زييين يصبح عليه الوااحد
وئام:( صغرات عينيها ) وا شفتي ؟؟ أنا كنفرحك و نتا كتفقص فيا ( هزات يديها كتزريه بصبعها ) حاجة صغيييييورة بحال هاذي ما قدرتيش ديرهالي ؟؟ ولايني ما صدقتيش الشعيبي !!
كريم:( جرها ) زيدي ا كبوورة لبسي عليك نخرجوا و من تم لتم لربي تما ( غمزها )
خرجوا مشابكين يديهم و باين الفرح على وجههم .. دازوا على الجردة شيرولهم من بعييد و مشاو كيقلبوا على شي طبيبة .. تا لقاوها و نزلوا .. دخلوا خذاو الرونديفوا ديالهم و جلسوا كيتسنااو ..
أما ياسيين غير وصل علموه بلي عائلتوا فالجردة .. عطى للمسؤولين كااع داكشي لي تقدا يديوه للمطبخ باش ما يفسدش و قلب هو الضورة عندهم ..
ياسيين:( نحنح ) ا واحد السلام عليكم الشرفة !
مصطفى:( ضحك و وقف مشى عندوا عنقوا ) صافي شرفتونا و تهنييتوا ؟؟ مبروووك عليكم يتؤبى فعزكم ان شااء الله
ياسيين: أمييين ياا ربي
دازوا عليه واحد واحد كيسلموا و يعاودوا يباركوا ليه .. حتى كمل و هز بشرى جلسها عندوا كيهضر معاها و ضاحك مع البقية فرحااان
ياسيين: شتكم جاايين طواال الخووت ؟؟ فين هي الزروورة ؟؟
مصطفى: هههههه ما كتقشرش اولدي وااالوو
ياسيين:( هز حجبانوا كيضحك ) كنلعبوا هنا الشريف ؟؟ مالوا زكرياء عندنا رخييص ؟؟ يالاه خوييوا جيابكم نشووف
ابتسام: هههههههه بااز
محمد: ا سيدي فالساابع نحمروا لك وجهك غير تهنى .. الكبدة المعاااودة هذااك
مصطفى:( ضرب على الطبلة ) و الله ا ولدي على الهضرة حتى نمشي أنا و الحااج نشرييوا الضحية داااباا .. صدقة علييكم
ياسيين:( حرك راسوا بالايجاب ) وا يلا غير صدقة راه خااصنا نديروا صدقة نييت ( هز حاجبوا ) تمشي دابا و لا نشووفلك كريم يمشي معاكم
مصطفى:( وقف ) لا نمشيوا دابا .. سي محمد توكلنا على الله ؟
ابتسام:( هزات راسها فيه ) نتا معامن جاات وااا بااااز يا خويا باااز
ياسيين: ههههههه
بشرى:( شافت فيدوا و قاستها بالشوية ) كتحرقك ؟ ( تبسم و حرك راسوا بااه .. جمعات شفايفها بألم و قالت ) خصك تدير الدوا ؟
ياسيين: غير بوسيها و غتبرا ( ببراءة باستوا فوق الكبص و مدلها حنكوا عنقاتوا و باستوا فحنكوا بقووة ) هااذ البنوووتة و شحاال كتحمق
بشرى:( هزات عينيها كترمش فيه و قالت ) دابا جوهرة جابت بيبي صغيييور ياك ؟ ( دارتلوا حركة بيديها ) قد هاكا ؟؟
ياسيين:( تبسم و حرك راسوا بالايجاب ) ااه جابت بيبي صغيييور .. حتى نتي كنتي هكااك و بالشوية بالشوية كبرتي .. تا هو غيكبر و يبقى يجي عندك يلعب معاك و تحامي عليه
بشرى: و هو كان عندها فكريشتها ؟؟ كي دارت خرجاتووا ؟
ابتسام:( هازة مشقوفها كتلعب بيه .. سمعاتها و هزات راسها كضحك ) بلزاااتوو ههههه قالك كي دارت ليه
ياسيين: هنيينا نتي ! ( حنى عينيه لبشرى و قال بهدووء ) دابا نتي نهار على نهار كتكبري ياك ؟ ( هزات راسها بااه ) حتى هو واخا مخبي فكرشها كان كياكل مع ماماه و شوية بالشوية كيكبر و ما يبقاش صغير .. و حيت كريشة جوهرة صغييرة وصل واحد الوقت تزيرات عليه و ما بقاتش كافياه .. بحال نتي فاش كتصغار عليك كسييوتك ما كتبقايش تلبسيها و كتاخذي شي حاجة كبر ؟ تا هو نفس الشيئ .. فاش تزير بدا كيتجبد باغي يشوف بلاصة ما كبر .. و حيت هو متعلق بماماه بزاااف .. حسات عليه و مشينا لطبيب و هما عاونوها حتى ولداتوا !
بشرى: ااااه !
ياسيين:( مد يديه جبد تيليفونوا كيوريها التصاور و الفيديوات ديال زكرياء و هي كتفرج و تضحك فرحانة .. خربقلها شعرها و قال ) الخالة الصغييورة
ابتسام:( هزات عينيها فيه ) هي أنا العمة اللفعة 😐
ياسيين:( ضحك ) عارفة راسك لفعة بعدا ؟ ( سرح عينيه و قال ) فين هي سموورتي
ابتسام: هههههه يخليلي سموورتي .. لا نتا ليووم القضية زاايدة عندك نغزة .. هاذ الفرحة كااملة على ود سيدي زكريااء
ياسيين:( قلب عينيه و شاف فبشرى ) وا هانتي بناادم حاسدك حتى على الفرحة ! كيعجبهم يشوفوك مغلغل و شااعل
ابتسام: الله يستر ! ماما راها فبيتها لفووق نااعسة .. قاتلك ترتاح مزيااان باش ليلة تدوزها مع جوهرة ( ضربات يد مع يد كضحك ) وااا مسرررحية فلتات ليك من دااااكشي الرفييع فالطريق ناري العيالات هما كيشرفوا و هما كيحمااقووا ههههههه
سميرة:( قربات عندوا باسلها يديها و وقف عنقها من بعد ما ناضت بشرى من عليه .. أما سميرة كتقلب فيه و تتأكد واش بخيير ) عويييينة يا ولدي عوييينة و صاابتكم .. كي بقييتوا دابا ؟ شوية ؟
ياسيين:( حرك راسوا بالايجاب ) لاباس الحمد لله
سميرة: و جوهرة كي بقات مع الولادة ؟؟
ياسيين:( جلس ) شوية راها كتعدي
سميرة: ايوا الدنيا هي هاذي .. ضرووري من شوية دالوجييعات ( جلسات تا هي ) و الفنكووش ديال جداتوا !
ياسيين: ههههه راه واكل شارب ناعس .. حاط رجل على رجل قاايد زماانووا
كريم:( هز حاجبوا و شااف فياسيين و دفع صدروا للقدام كيضرب فيها ) دررررتهاااا الخواادري ما كاين غير طاااق ا ماارش
ياسيين:( ضحك ) ااش درتي هههه
كريم:( هز خنافروا للسمى بافتخاار ) سجلت الهدف
وئام:( ضرباتوا على كتافوا بحال كتنفض عليه ) بقاالك غير العساااس لي ما قلتييهالوووش .. عرفنااك اسيدي فححححل .. غاا هنيينا من الشوووهة
ابتسام:( بهدووء ) اصلا نتووما هما الشووهة لي ماشية على رجلييها
كريم:( شاف فوئام ) راااه هدف نظييييف يستحق الافتخاااار
ياسيين:( ضحك و ناض عنقوا بيد ) ايوا مبروووك الحبيييبة
كريم: الله يبااارك فيك الكبيييدة
سميرة:( بعدم فهم ) علاش مبرووك ؟ شرحولنا ؟
ابتسام:( قلبات عينيها بملل ) غا هاذ الشحط لي حدااك حمل المداام لي حداايا .. هذا ماا كاان ( شدات راسها ) الله يكوون فعوااننا من داابا .. الدنيا غتتقلب فووق ريووسنا بغوات البرااهش .. ميييمتي و ااش تابعني .. شي يولد شي يوحل فييهم
وئام:( جمعات فمها و حطات يديها على جنبها ) ايوا بزااااف عليييك ( هزات يديها كتقليلها السم ) لهلا يحيييك و لا يوصل يدييك لرجلييك
ابتسام:( هزات حاجبها ) شهدووا عليها ؟؟ سديي علياا خربتك حسن مااا ندير فيك شرع يدي و تصدقي واااحلة فرووحك و قولي تعداات عليا
وئام:( شمرات على يديها و وقفات ) هاااي هاااي ياا الحبييبة من قبيييلة و أناا شاااعلة باغى ننتف شي وحدة نبرد فيها سمي .. منين جات فيك نتي ياا هلا يا مرحبا
كريم:( ضرب بيديه تا شافوا فيه ) غتهنييونا و لا غنلاقي لكم الريووس
وئام:( تتهزلها فحاجبها ) لا اخوويا خليني نورييها تهضر على ولد ختي و ولدي و هي ما تكسااب تا صبيع رجلييهم صغييور
وئام:( ضحكات و عنقاتها ) الله يباارك فيك يا شعاالة العوااافي
كريم:( بقى مبلق فيهم عينيه و رجع شاف فياسيين لي ما مسوقش أصلا ) من نيتكم ؟؟
ياسيين:( هز عينيه فيه ) اول مرة تحضرلهم ؟؟
وئام:( فرنسات ليه ) شفتي هاذ بنت عمك كان خصني نتعرف عليه زمااااان .. فاش كنت كنقراا .. كن كنا خاالقيينها .. ما نطلقوا من بناادم حتى نجمعوا ليه شعروا ما بين يدينا .. و لكن دووومااج
كريم: وا جلسي ابنتي قبل ما نجمعك بنص و نتي غير كتحنقزي من بلاصة لبلاصة
وئام:( جمعات فمها كتتحلف بهمس ) غير بلااااتي عليك نتا .. حساابنا هو لخر ..
ياسيين:( وقف ) أنا غنطلع ننعس شوية نرتااح
سميرة: واخا سير اولدي .. غير يقرب لفطوور و نعيطوا عليك .. باش نمشييوا لكلينيك انا و ياك
ياسيين: لا غننعس غير شوية و نمشي ندي للحاجة الفطور .. راه ما عندها والوا تما .. فاش نرجع ساعتها نديك و يلا ما قدرتيش تسناي ها كريم يجيبك
سميرة: صافي وااخا
طلع مخليهم مجمعين و بشرى لاسقة فوئام حاطة يديها على كرشها و تسول .. مالوا ما تحرك ؟ علاش ما كنحسش بيه ؟ كيما كنت كنحس بيه عند جوهرة ؟ حتى نتي كنتي ناعسة و ربي دارولك فكريشتك هدية ؟ حمقاااتهم بالاسئلة ههههه و هما عاطيينها الخاطر
أما مصطفى و محمد " الأباء " ما رجعوا للوطيل إلا و كل واحد جاار معاه حولي سردي فيديه .. داخلين معاونينهم الدراري .. و هما الضحكة واصلة لهم تاال الوذن مفتاااخريين برااسهم .. تا وقفوا عليهم فالجردة كيقلبوا فالحوالة و يسولوا بشحال خداوهم .. عاد ربطوهم فواحد الجنب .. و طلعوا يدوشوا من الريحة لي لسقاات فيهم
كلها و فين تفرق .. خاصة الشمش دالعشية كتكون مطنطنة و شي ريح كيسووط سخوون كيحرق .. شدوا بيوتهم .. و وئام طلعات معاها بشرى .. دخلوا ساديين عليهم متكيين فوق الناموسية و كريم جالس فالفوطوي هاز تيليفونوا كيتلف بيه الوقت
وئام: دابا شنوو درنا ؟؟
كريم:( هز عينيه فيها و رجع نزلهم ببروود ) راه هضرنا معاك .. صااافي نسااي علياا .. ما ناقصنا صداع
وئام:( نفخات ) واخا
كريم: دع الخلق للخالق .. حسبي الله و نعم الوكيل فيها كااافية و موفية
وئام:( بقات شحاال سااكتة و عاد قالت ) غنمشي لعند جوهرة لكلينيك مع ياسيين .. بحال والو تكون محتاجة شي حاجة .. و لا ماما تبغي تخطف رجليها لشي بلاصة تلقاني كاينة
كريم: واخا
وئام:( ربعات يديها ) واخا ؟؟ بهاذ البروودة ؟؟ ما غتقوليش لا احبيبة جلسي ارتاحي راكي حاملة زعما ؟ صافي خاصك غير تتهنى مني و من حريق الراس ؟؟ جاتك على قلبك يااك !!
كريم:( شد راسوا ) واش باغى تدابزي بزز ؟؟ يا هو يلا منعتك راني ديكتاتوري و ما نيوى ما نصلاح و ما باغيلكش و لختك الخير .. و يلا خليتك ما مسوقش و باغي غير نتهنى منك ؟؟ وا لايني مشطبة هااذي معااك !!!
وئام:( وقفات ) ياك ا سيدي ؟؟ دابا أنا لي وليت مني الديفو ؟؟ انا لي كنقلب على الصدااع ؟
كريم: لا أناا
وئام: لا انااا نيييت .. لاش نتاا ؟؟ مالك نتا كدييير شي حااجة ؟؟ نتا غييير ملاااك !!
كريم: و الله ما نديها عليك .. هضري حتى تشبعي
مد يديه هز لي زيكوطور دارهم فوذنيه و خلاها كتهضر و تنكر .. بغات تطيير عليه تنتفوا و ما لقات ليه جهد
وئام:( عضات فيديها بالجهد تا غوتات ) اعععععع
كريم:( شاف فيها ) رجعتي مصاصة دمااء ؟؟ برب تا هبلتي !!
وئام:( قلبات عينيها لبشرى لي غير كتشوف فيهم مصدومة من هاذ الكائنات ) واا تعذبي على قبلوا و فلخر يردك مصاصة دماء .. هاا علاش البنت تبقى سيليبااطير و تتهنى مع مخها .. يزغبك شي نهار تفكري تزوجي
💫💫 فالمساء 💫💫
متكية جوهرة فبلاصتها هازة ولدها كترضعوا و تضحك معاها و تدوز صبعها على يديه بحب و ترجع تهزها تشمها و تبوسها
جوهرة:( مداتولها و هما ما ساخيينش بيه تبعوها بعينيهم حتى قاداتوا فبلاصتوا و خرجات بحالها ) كي بقات يديك شوية ؟ ما عاطياكش الصداع ؟
ياسيين: شوية ! فطرت و شربت الدوا د الحريق .. خليك مني نتي شوية دابا .. فاتك الحال ؟
جوهرة: ااه شوية .. الحمد لله
ياسيين: كليتي ؟
جوهرة: ااه جابولي قبييلة كليت .. شكون جا لهنا ؟
ياسيين: كلهم .. من غير زينب راك عارفة التربية عندها صغييرة .. بلاتي و تجي الواليدة مع كريم .. دايرين النوبة .. كل مرة يجي واحد يزوروك
جوهرة: مرحبا بييهم
ياسيين:( تحنى عندها و قرب لشفايفها باسها بعذوووبة ) توحشتك .. بلاصتك خااوية بلا بيك ( رجع جر شفايفها عندوا فقبلة حاارة كيبرد شوقوا ليها )
💫💫 فلوطيل 💫💫
واقفة وئام على كريم كتنكر
وئام: دابا علاش مشى جووج مرات و ما دانيش معاه ؟
كريم:( ساط ) ا الغزاالة الفنة .. راكي كنتي ناااااعسة و المرة الثاانية كنتي باقى كتفطري .. ما بغاش يتعطل باش الدنيا ما تبلووكاش بالناس .. صافي صبري شوية و غندي مرات عمي و نديك
وئام: و مالك كتقولها بالجمييل ؟؟
كريم:( بقالوا شوية و ينفاجر ) رااه غنضرب حسك مع داك الحيط لي مووورااك .. واااه !!
وئام:( شافت فيه و خرجات غاذية مع الكولوار تا خرجات فرحمة ) ماما ! خاصني نقوولك واحد الحاجة
رحمة: واخا يالاه للبيت .. باك راه مشى هو و الحاج يفصلوا الحوالة .. واحد غيصدقووه و واحد غيخلييوه
فتحات لباب و دخلوا كيهضروا و حداها وئاام كتحااول توصل ليها المعلوومة .. و ما عاارفاش كي تقوولها
رحمة: اييه ا لالة مزوووجة ! و بليمارة هاذي 8 شهوور .. شهر ينطح فشهر !
وئام: ايوا و شنوو كيجي موور الزواج ( هزات حاجبها كتسناها تجاوبها .. منين بقات غير كتشوف فيها بعدم فهم .. زفرات و قالت ) لولاااااد ( تبسمات ) بنتك حااااملة
رحمة:( ضربات يد مع يد ) سيفطناها تجيب القزبوور جات حااملة بربع شهووور
جوهرة:( واقفة بخمارها الجمييل و مكحلة عويناتها حتى برز لونهم الأصلي لي كيفتن .. حاضية ياسيين لي كيلبس و كتهضر معاه بلهفة ) دغيا ا ياسيين .. ايييي أخييييرا غيخرج الحبييب ديالي .. نشبع غير من شووفتوا و روييحتوا
انطلقوا من لوطيل فاتجااه الكلينيك بلهفة كبييرة .. كأنهم أول مرة يشووفوه .. خاصة ياسيين لي أخييرا غيقدر يهزوا بين يديه من بعد ما تهنى من الكبص و يديه براات .. وصلوا قداام المصحة و نزلوا .. داخلين كيحييوا البنت لي فالاستقبال و لي حفضااتهم فهاذ المدة ..
ركبوا فالاسانسور و طلعوا للطابق فين كااين زكرياء .. و بعد مدة من المعاملات .. خرجوه ليهم هو و ساكادوا ديالوا لي فيه كااع حاجيات لي كيستعمل .. وقفات الممرضة هازاه كتشوف فيهم بابتسامة ما عرفات لمن تعطيه
جوهرة:( بابتسامة ) عطيه ليه يهزوا
ياسيين:( شاف فيها و رجع شاف فالممرضة و قال بتوثر ) عنداك نعطبوا
جوهرة: ههههه لا .. دير يديك تحت ظهروا و تحت راسوا و هزوا بالشوية
بقاو كيوريوه كي يهزوا و هو بقدر لي متوثر بقدر لي فرحاااان و ما سايعاه الدنيا .. خذااه عندوا بحذر شدييد .. تا فتح البيبي عويناتوا كيقلب فيهم لسانوا خارج شوية
ياسيين: هههه ( تحنى باسوا فجبهتوا و قال بهدووء و صوت هاامس ) مرحبا بيك معانا
جوهرة:( شافت فالفرملية لي باركاتلهم و مشات و حطات يديها على ظهر ياسيين بلطف ) مشيينا ؟ عطيني نهزوا باش نخرجوه حتى نزلوا للطونوبيل و نديروا فالكونة ديالوا
ياسيين: واخا ( مدولها بحذر هي لي شداتوا من عندوا بابتساامة و تحنات باستوا برقة فيديه )
جوهرة: احححح على رويييحة يا سيدي ربي
ياسيين:( هز الصاك و دار يديه تحت ظهرها شادها ) يالاه زيدي و انتابهي بالشوية عليك .. يالاه نجييوا مع الوقت نيشان
جوهرة: ان شاء الله
نزلوا لتحت مودعين هاذ المكان لي فضرف شهر رجع جزء لا يتجزأ من يومهم و اغلب أوقاتهم كيدوزوها تما .. فتح ياسيين الكوفر حط الصاك تما حدا لفاليز ديالهم .. و رجع فتح بالخف لجوهرة لي ركبات لوور .. منعسة زكريا فكونة صغيرة على قدوا ديال التووب فاللون الأزرق الغاامض و هازاه عندها .. حاضية معااه واخا ياسيين ماشي بسرعة قلييلة و منتابه أضعاااف للطريق
وصلوا قدام المطار و نزل جبد الفاليز ديالهم و حوايجهم عاد فتح على جوهرة هز من عندها زكريا حتى خرجات و مدولها و هز هو الباقي ..
جوهرة:( تنهداات ) أخيييرا غنرجعوا لدارنا .. ما كاين ما حسن من دارك و الله
ياسيين:( حرك رايوا بالايجاب و جرها معاه جهة الكراسة جلسات و بقى واقف هو ) هاذ الصاك غتطلعيه معاك ياك ؟
جوهرة: ااه .. فحالة احتاج زكريا شي حاجة ! الفاليز لي غتتدفع
ياسيين: صافي واخا .. خليك هنا غنمشي نتكلف بالاجراءات و نرجع
💫💫 بعد ساعات 💫💫
بعد رحلة هااادئة من مدينة مراكش لحمراء .. لدار البيضاء .. خارجين بثلاثة بيهم بعد ما وصلات طيراتهم بخير و أماان .. هز ياسيين عينيه كيقلب على كريم لي غيدوز موراهم حتى لمحوا كيشير ليه من بعييد و وااقفة حدااه وئام بحجابها الجمييل .. تبسم و حرك يديه بمعنى شفتك
وئام:( قربات منهم كتزرب تا لحقات على جوهرة و مدات يديها للكونة ) عطييهلي نهزووا عاافاك
جوهرة:( شافت فيها بابتسامة و مدلتولها ) هاكي
كريم:( سلم على ياسيين و كيسول فيه ) كي كان لفول مزيان ؟ ما تعدبتوش ؟
ياسيين: صافا مزياان
وئام:( هازاه كتشووف فيه بحب و يلا باستوا كتبووسوا فيديه ) يخليلي الزيين لي طير نعاااسي احححح على الكبييدة ( شافت فيهم ) ما خفتووش ناكلوا لكم و نخليكم بلاش ؟
ياسيين:( ضحك و قال ) باش نتبعك ليه ؟ اراي ليا ولدي اختي !!
كريم:( حرك راسوا بأحياني ) هاي هاي على ولدي ! الناس دابا غيبدااو يدفعوا علينا كبيير بولاادهم ! غا نتووما و القطة لي والدين ؟
ياسيين:( ضحك و هز حاجبوا ) تعرف تجيب بحال هاذ القشدة الطرية نتاا هاا ؟؟
كريم:( ضحك ) هههههه دابا نشووفوا هاذ التريكة لي فاضحنا بيها كي غطلع ( رشقوا لكتافوا ) زيدوا خلاص و نتوما عجباتكم هاذ النشرة هنا
ياسيين:( مد يديه لوئام ) ارايه عليك
خذااه و زاادوا خارجين فاتجاه لوطو د كريم .. ركبوا الرجال القدام و لور جوهرة هازة زكرياء و وئام مخشية معاها كتشوف فيه و تبتاسم
وئام:( بهمس ) الفيلا عاامرة كلشي كيتسناكم .. شدي ولدك عندك ما تخليه لحد من يد ليد .. راه بااقي صغيير و بنادم ما كيفهمش غير هز و بووس ما يطلقوه تا يبكيوه
جوهرة:( شافت فيه كتلعب فيديه و قالت بهدوء ) ليلة و نمشيوا بحالنا .. ربي كيستر و صافي .. درتلوا مصحف صغير معاه يحمييه من العين شوية
وئام: أحسن حااجة و جمعيه عندك ما تخليش وجهوا باين .. لي بغى يبوسوا يبوس يديه لا غير داك بوسان من الفم و الحناك بلاااش منوو .. الواحد مرييض و مزعتر و بكل ثقة كيبووس البيبي من فمووا ! شحاال من واحد كيمرض و تخرج فيه غير الحساسية هكااك !
جوهرة:( شافت فيها ) خلعتيني ! ياك كاينين غير دارهم ؟؟ ما زايدش الزايد ؟؟ و هما ناس واعيين زعما !
وئام: ما عرفتش ! فاش كنا جايين عيط عمي مصطفى لكريم قالوا جيبهم نييشاان للفيلا راه كنتسناوكم حنا و العائلة هنا .. راحنا مجمووعيين .. و راك عارفة غذا غيديروا ليه الساابع و يلا كان عقلي ينفعني كاااع لي بعااد و ما عندهم فين يبقاو راهم تما .. قالك يفدييوا العرس لي ما درتووهش
جوهرة:( تزااد معاها الزاايد و فالبلاصة نحنحات و قالت بصوت مسمووع ) ياسيين انمشييوا لدارنا ياك ؟ أنا عياانة بالطريق و زكرياء حتى هو خاصوا يرتاح شوية .. هاذ النهار ضرب تمارة معانا مسكيين
كريم:( رد فبلاصتوا ) و لكن راهم كيتسناوكم فالفيلا .. باغيين يشووفوا زييكوو ديالنا
ياسيين:( مد يديه قرفدوا بالضحك و قال ) سميتوا زكرياااء نولي نسمع مكم كتعوجوا ليه فسميتوا نتحااطووا هنا
كريم:( رشقوا لكتافوا ) الناس فالناس و القرع فمشييط الراس !
ياسيين:( ضار شاف فجوهرة ماشي على كانتها و قال بهدوء ) فينما ارتاحيتوا ما عنديش مشكل ! صافي ا كريم وصلنا ديريكت لدار .. تال غذا فالقاعة و يشووفوه .. نيت يالاه يرتاحوا و غذا تابعهم طوييل ثاني
كريم: لي بانلكم ! غير هو عيط لباك ما يبقاوش يتسناوكم !
ياسيين:( بقى شحال ساكت و عاد قال ) لا ماشي مشكل ! نوصلوا جوهرة و نرجع معاك لعندهم نشوفهم شوية و عاد نولي بحالي !
كريم: حتى هذا نظر ! باش حد ما يبقى فيه الحال !
ياسيين:( تنهد ) نسلكوا !
مساافة الطريق و كانوا وصلوا قدام دارهم .. نزل ياسيين طلع ليفاليز و حوايجهم و كريم هز لبيبي على جوهرة .. و هي تابعاهم بالشوية عليها من لوور .. تا دخلات لدارها و تبسمااات .. شحااال توحشااتها .. شاف فيها كريم و قال و هو خارج
كريم: يالاه اختي تهلاي فالفنكووش ديالنا
جوهرة:( تبسمات و دخلات لبيتها لقات زكرياء ناعس فوسط الناموسية و مدورين بيه المخاذ و ياسيين متكي حداه .. تنهدات و جلسات حداه ) الله على راااحة .. أخيييرا فداارنا
ياسيين:( هز راسوا مبتاسم و ناض طبطب على حنكها بيديه و قال ) ما محتاجة والو من برا نجيبوا ؟
ياسيين: غنوصي الكونسيارج يمشي يتقدا ديكشي لي خفيف حتى يجيبولي الطونوبيل و نمشي أنا و ياك ناخذوا الأساسي .. ما كنهضرش على الماكلة ! شي حاجة ليك و لا لزكريا ؟
جوهرة: نوو واالوو ( شافت فيه ) عطيتي لسيد الضوبل دالسوارت د لوطوا و علمتيه فين خليتيها ؟
ياسيين:( حرك راسوا بالايجاب ) وي ! غيجي يحضر لسابع و يجيبهالي و يرجع فالتران !
جوهرة: اااه .. الله يسخر
ياسيين: أميين .. يالاه أنا مشييت كريم باقي كيتسناني لتحت
جوهرة: سلم عليهم كااملين
ياسيين: مبلغ
خرج و خلاها جالسة فبلاصتها قدام ولدها كترتاااح حتى رجعات فيها الروح و مشات كتبدل عليها و تدوور بالدنيا شوية ما حدوا باقي نااعس .. دارت دورة شرفية لدار بالخف كتطرف الدنيا و تنقي .. حتى كملاات و جمعات كلشي و تسمع صووت الباب ..
طلات بانلها الكونسييرج حطلها القفة فالباب و نزل بحالوا .. تسناتوا حتى غبر و فتحات لباب و تحنات جاراها مدخلاها بالشووية .. ستفات كلشي فبلاصتوا و مشات تكات حدا زكرياء لي لقاتوا فاتح عينيه و كيبرققهم فالسقف و مرة مرة يضحك مع ملائكتوا .. مدات يديها هزاتوا عندها كتلعب معاه و تدااعبوا و قلبها كيتهز من بلاصتوا و يتحط بالفرحة فكل مرة كيبتااسم كتبغي تاااكلووا
دااز وقتها معاه بلا ما تحس .. تا نعسلها فيديها و رجعاتوا لبليصتوا بالشوية و حاضية فموا لي كيمص بيه فالخاوي و تبتاااسم و بعد مدة ناضت كتقلب على تيليفونها هزاتوا و دخلات كتلف فيه الوقت .. لقات راسها داخلة للجروبات دالأمهات و المرضعات .. لي ما عرفات شكوون دخلها ليهم اصلا .. لكن عجبها الحاال و تحمساات كتقرا البوسطات ..
الوحييد لي ثاار انتباهها هو وحدة كطلب المساعدة و شنو دير فمشكل البروود الجنسي لي رجع كيجيها بعد ولادتها لولة كانت شوية لكن مور ولادتها الثانية تصابت بالبرووود المطلق .. الشيى لي سببلها مشاااكل كثييرة مع راجلها !
جوهرة:( بلقات عينيها ) اويلي ! ( نزلات كتقرا لي كومونطير و غير ما كتصدم كثر فالأجوبة و فالحالات المشابهة ! خرجات من تما كتجري و وقفات كتشوف فراسها فالمرايا و تحسب ) دابا بقالي 8 أيام و نكمل الربعين و نتنقى ! عندااك نكون تا أنااا جااني !!! ( تسمع صوت موراها تا قفزها )
ياسيين: شنوو جااك ؟؟
جوهرة:( شافت فيه شادة على قلبها ) دير الحس شوية شي نهار تسكتلي هاذ القلب
ياسيين:( ضحك و بدا كيفك صدايف قاميجتوا تا فسخها و بقى عريان من الفوق و شاف فيها حاط يديه على جنبوا ) شفتك نتي غير ولدتي تلحس ليك العقل ! و أنا كثااااار منك .. لا أنا لا نتي تفكرنا !
ياسيين:( ضحك كيفتح السمطة دالسروال .. شاف فيها هاز حجبانوا ) ما عرفتييش ؟؟ عولنا بككككرييي على المداام لي قااتلك باغى ترجع طبييييبة ! هي غير دوزات الامتحان ضربات الدنيا بركلة
جوهرة:( بلقات فيه عينيها ) خرجاات النتييييجة !! العاااار !!
ياسيين:( حرك راسوا يميين شمال كيضحك و حيد السروال تا بقى بالبوكسوور .. كيتمشى بالحفى جهة الحماام و يهضر ) خرجاااات قرن و زمااارة هاذي
جوهرة:( بان فيها التوثر و الخوف من النتييجة و تمات تابعاه كتخلف تا دخلات عليه للحماام ) وا دابا وقت الدووش ؟؟ خرج شوفلي شحال جبت ؟
جوهرة:( تزنكاات و لكن هاذ المرة ماشي من الحشمة ! لا من الفقصة و بلا ما تحس جاوباتوا بخو كلاموا ) ايوا اخووياا الحبس و الحماام ما كيدخل ليه غير لي دااير علاااش ! ما عرفت شكوون فيناا لي ( سكتات كتدور فعينيها )
ياسيين:( قرب منها و عنفجلها وجهها بالضحك ) كملي ! ( قرصها فجنبها ) ا زعمتي المشة !
يالاه جات تهضر تسمع صووت رقيييوق من لبيت لداخل
---: ويييغ ويييغ ويييغ
ياسيين:( ضحك و داز حداها مشى عندوا هازوا بالشوية عندوا ) الناس محااميين مع ماماهم هاا ( شافوا تزنك و جمع البكية و هو يقول ) لا لا ا بابا .. صاااافييي ها حنا هنااا ششش ( كيحرك يديه بالشووية و اليد الثانية كيطبطب بيها على صدروا تا بدا كيسكت )
ضحكات معاه و دازت كتجبد لي برودي ديالوا باش دوش ليه و حويجاتوا .. هزاتليه فووطة متوسطة رطبة فالأزرق فاش تلويه و فوطة صغييرة لراسوا و مشات عند ياسيين خذاتوا من عندوا و عطاتوا الفوط .. حطاتوا فوق الناموسية كتحيدليه حوايجوا بالشوية متبسمة معاه و كل مررة تهروا فكريشتوا و تداعبوا بحب .. حتى عراتوا و هزاتوا عندها بالخف دخلات للحمام لي كان سخوون ..
واقف ياسيين معمر بانيوا فالأبيض ديال الدراري الصغار .. بالما و حاط لي برودوي ديالوا فالأرض
ياسيين: أجي شووفي الما واش هو هذاك ؟
جوهرة:( قربات قاستوا و قالت ) لا مزيان هو هذاك .. أنا نحطوا فالبانيوا شاداه و نتا هز الطاسة كب عليه الما بالشوية صافي ..
ياسيين:( مركز معاها تقوول غيديرليه العملية هز الطاسة عمرها و كب على ظهروا بهدووء حتى قفز من الما لي جاه غريب و عوج راسوا كيتفتف ) ههههه بسم الله علييك ا بابا
كمل العملية حتى فزكات لحييمتوا و هز الصابونة كيدوز ليه و يهر فيه
ياسيين:( هز شوية و دارولها فنيفها ) كضحكي المشة !
جوهرة: هههههه تصلاح كساال من ديكشي الرفييع ( هربات وجهها كضحك ) هازة لولد غنطيح أنا وياه هدا هههه
ياسيين:( حرك راسوا كيضحك ) تا تحطييه و أجي نكسلك !
جوهرة:( زمات الضحكة و قالت ) دابا المرحلة الصعبة هو غسيل الشعر .. أنا غنحط يدي على جبهتوا باش ما يهبطش لما على وجهوا .. حاول تكب بالشوية و بلا ما تقيسوا فعينيه صافي ؟ و غير تكمل هز شومبوان ديالوا ديروا ليه و غير بالشوية راسوا راه باقي جلدتوا حساااسة
ياسيين: واخا !
جوهرة: يالاه سربي .. خف يدييك و يلا بكى غير كمل دغيا و حاول بالشوية ( هزات عينيها فيه ) بالحناااان
ياسيين: هههه يخليلي الحنااان .. واخا الكبدبد !
و بالفعل داروا العملية دغيا دغيا تا كملوا ليه و لواتوا ففوطتوا كيبكي و حاط راسوا على صدرها باغي يرضع
خرجاتوا كيبكي و كتسكت فيه .. حاطاه فوق جليدة على طولتوا باش تبدل عليه .. و حداها كااع لي برودوي لي شارية ليه .. حتى كملاتلوا لباس و ضورات المخاذ عليه .. فتحات لباب على ياسيين فتحات الما كتغسل صدرها بلا ما تشوف فيه .. و خرجات عند ولدها ترضعووا .. تا سكت و نعس و هو كيرضع
ياسيين:( فتح لباب و طل براسوا ) اراي داك الفوطة معاك
جوهرة:( حيداتلوا ثديها بالشوووية و حطاتوا فبلاصتوا نااعس .. هزات لفووطة و مداتها ليه .. تا جرها كلها للداخل مكاليها مع الحيط الفازك ) هههه غتفزكني حتى أنا
ياسيين:( ضربها لفخضها ) شنوو بلانك نتي المشة ؟؟ ما بقيتي تقييلي حد عليك هاا ؟؟
جوهرة: اييي علاش مالي !
ياسيين:( عض على شنافتوا و قال ) أنااا لي ماااليي ! أناا أختييي ( شافت فيه باستغراب و كمل ) منين ولييت نحسد .. الخرقة لي كتحك الفرقة رااه ما بقى ماااا يعجب
جوهرة:( خرجات عينيها و الضحكة غالباها ) اويييلي هههه
ياسيين:( قرصها فصدرها و بهمس حدا عنقها قال ) نهار نشدك نوريك الضحك .. غوااتك غيسمعووه من مراكش غير بلاتي عليك ( قرصها فجنبها ) خرجي نشووفوك شدرتي فداك البااك
جوهرة:( عضات على فمها ) نااري عنداك نكوون سقطت
ياسيين:( هز حاجبوا ) غير دييريها باش ندوزك للضحية غذا فعوط الكبش ( خرج مخليها كتبرقق فعينيها عاد تبعاتوا )
جوهرة:( هو كيبدل و هي كتهضر ) و لكن عاادي ! راني كنت حااملة و متقلة .. شوية ما نولدلهم فالقسم ! كلشي كيسقط ماشي غير أناا ( نزلات شنافتها باحبااط ) أصلا أناا راه من لووول شااكة واش سااقطة سااقطة .. عرفتي شنوو ؟ ( شاف فيها بعد ما لبس ) بلااااش ! ما تشوووفلي ما نشوووفلك .. صافي النتيييجة باينة
ياسيين:( كور داك الفوطة و سيفطها عليها ) سيري جيبيلي البيسي و أجي لهنا من البساالة
جوهرة:( عضات على شنافتها ) ياك عادي يلا سقطت ؟ مالك كديرلي بحال الأستاذ لي كينوضك تجيب ليه التيوو و تمدوا ليه باش تاكلها بيه .. ااش هااذ العذااب النفسي ياااا ربي ( خرج عينيه فيها تا خرجهم ) صافي هانا غاااذية
ياسيين:( ضرب يد مع يد ) لا حول و لا قوة إلا بالله ( شاف فزكرياء لي ناعس و قال ) واا تريييكة طحتي فيهم اولدي .. عليك بالصصصصبر !
جوهرة:( مداتليه البيسي و مشات لكوافوز حداها جبدات معلومات الخاصة بها .. عطاتوا الورقة و جلسات حداه ) هاك ها الرقم !
ياسيين:( جبد السيط و دخل كيطابي معلوماتها و طلعوليه فالبلاصة النقط د كاع المواد و النقطة الاجمالية .. هز عينيه فيها لقاها مغمضة .. ضحك و ضرب يد مع يد ) الله يستر فتحي عينيك !
جوهرة:( حركات راسها بالنفي ) لا ! قوولي شحااال ؟؟ ( بقى سااكت ) غير قوول متوقعة الأسوء غا سير على الله
ياسيين:( مركز كيقرا و نطق بهدووء ) 15:41
جوهرة:( فتحات عينيها فالبلاصة ) العااااااار !!
ياسيين:( تبسم و جرها عنقها ) و الله ! مبروك علييك
جوهرة:( هزات لبسي عندها كتتأكد و سرعاان ما ضحكات تا بانتلها الضرسة دالعقل ... حطاتوا بعييد عليها و مدات يديها لياسيين قربات منو معنقااه بقوة حتى بدات كتبكي )
ياسيين:( بعدها عليه ) مالك دابا ؟ ( دوز ابهاموا على حنكها بهدووء ) مالك على هاذ الدمووع ؟؟ ما فرحاناش ؟؟
جوهرة:( حركات راسها بالنفي و نطقات بنبرة باكية ) عمري كنت نفكر نرجع نقراا حتى قنعتيني نتا .. درتي كلما فجهدك معايا و ما بخلتي عليا بحتى حااجة .. شكرااا بزااااف .. عمري ننسى وقفتك معااياا
ياسيين:( تبسم بحنان و زدحها مع صدروا كيضربها فراسها بالشوية بالضحك ) وااالايني مووصييبة معااك .. الدمووع فالفرح و فالقرح .. و لا قوليلي باغى تهربي من الزردة ؟؟
جوهرة:( بعدات كضحك و تمسح فعينيها ) هههه لا تستاهل كل خيير
ياسيين:( هز البيسي عندوا كيقلب و قال بعد مدة صمت ) وا زههههر عندك ! العتبة فأغلب المدارس 15:41 و تقريبا كلهم هزووك .. بلحاق خاصك دوزي الكونكور هو لي عليه العمد ..
جوهرة: و الميدسين تا هي ؟
ياسيين:( حرك راسوا بالايجاب ) حتى هي .. هزوا غير على ربعطاش ( شد البيسي و شاف فيها بجدية ) دابا عاااد غنهضروا
جوهرة:( حركات حواجبها باهتمام ) وي ؟؟
ياسيين: دوزتي و نجحتي و بنقطة زوييينة .. صعييب على واحد كيقرا فالمدرسة يجيبها حراك وحدة منقاطعة من زمااان .. مفتاااخر بييك
جوهرة:( شافت فيه بحب و سكتات )
ياسيين: ما باغيش من بعد ما فتحت لك الباب نرجع شدوا بيدي .. من لول قتلك ما عنديش مشكل تقرااي و توصلي بلعكس غنكون فرحاان بيك .. و لكن فهاذ الظرووف فواخا انا نقولك سيري قراي نتي نورمالمون غتقولي لا ! ( شاف فيها بهدووء )
جوهرة: كيفاش ؟؟
ياسيين: زكرياء باقي صغيييير باقي خاصاه مقابلة مكثفة و خصوصا فهاذ لول .. ما غنمنعكش على قرايتك و لكن على الأقل غتخلي حتى يدووز هاذ العام و دفعي العام لي موراه .. هاذي من جهة من جهة ثانية واش نتي قاادرة ديري الطب و تسايري فيه ؟؟
جوهرة: علاش لي ما نقدرش ؟؟
ياسيين:( مرر يديه على شعروا لي فازك و قال ) بزاااف كيحسابلهم الطب شي حاجة لي سااااهلة و بحال كيشوفوا فالتلفازة .. راها أصعب مهنة ممكن تديريها .. اولا القرايا عندهم مزيرة بزاااف .. لي بيليكوب قد هاكا ( دارلها حركة بيديه ) فسوميستر وحدة .. زد على ذلك لي garde و خصووصا فالعام الثالث .. تتقرا فالنهار و دير الgارد فليل .. ما تتخرج حتى كيعصروا منك الزيت البلدية بالمعقوول .. شحال من واحد كنعرفوا وصل حتال السانكيام اني و تأبوندونا و خرج بحالوا .. حيت فريمن السيسطام قاااصح .. غتقدري تشووفي الدم قدامك و بنادم كيمووت ؟؟ و اشكاال انواع من الأمراض و العفن ؟؟ غيبقى لك الخاطر لولادك و لداارك ؟؟
جوهرة: لا رد
ياسيين: ما كنقوولكش هاذشي باش نعكزك و لكن باش نوريك الواااقع .. غتخدمي و غتتكرفي بالمعقوول .. واحد كيحرث على واحد و خصوووصا لي سطاجير .. ما غتبقاي تاكلي و لا تنعسي فخااطرك .. و أنا متأكد جوهرة لي كنعرف ما غتقدرش تصبر على دوك المناظر .. و أنا ما غنصبرش على الاهماال .. نصبر على أي حاجة إلا إهمالك لدارك و لولاااادك أكثرية .. باغي ولادي يكبروا مع واليديهم بجووج .. ممكن فأكثر الأوقات لي غيكونوا محتاجينك نتي ما غتكونيش .. و هاذشي ما غيرضيني لا أنا لا نتي ( تنهد و شد فيديها ) مهم انا هضرت و نتي فكري فهضرتي و واش كتشوفي راسك قاادرة على 13 لعام ديال تماارة ؟؟ ( هزات عينيها فيه و قال بهدووء ) أكييد ما غتقتانعيش غير بطب عام ! ماشي ضد تتقفي و توصلي للمنصب لي كتمنايه .. لكن الواحد يشوف الطريق المختصر باش يحقق ذاتوا .. تقدري تقراي غير عاماين و تضربي كثر من لي كيتحلص بيه الطبيب ( حط صبعوا على راسوا و نقر بالشوية ) كلشي بالتخطييط
جوهرة:( تنهدات ) يعني على هاذ الحساب .. القرايا ما كايناش هاذ العام ؟
ياسيين: و يلا بغيتي تقراي و تخليه فالكونة هاذيك هضرة أخرى ؟؟
جوهرة: لا ! غير سولتك و صافي انا براسي ما نبغيش نخلي زكريا فهاذ الوقت ( بقات شحال سااكتة كتفكر و من بعد هزات راسها فيه ) غنفكر فهضرتك .. فيدي عاام ديال التفكيير و غنقرر شنوو ندير .. من هنا لتما يحن الله
ياسيين:( باسها فجبهتها ) الله يرضي عليك
جوهرة:( تبسمات ) أمييين ( وقفات ) غنوض نوجد شي حاجة للعشا و نعيطلك
ياسيين:( حاني راسوا و هاز عينيه فيها بهدووء ) عيطي على خالتك هو لول !
جوهرة:( تبسمات باستغراب ) خالتي سمييرة ؟؟
ياسيين:( حرك راسوا بالايجاب و قال ) داك السيدة أكثر وحدة مغيااااارة ممكن تتلاقاي معاها .. كتكره تكوون رجل كرسي فشي بلاصة و حتى حد ما يديها فيها ( ماصى بين جبهتوا و كمل ) بزز صلحنا العلاقة بيناتكم .. ما غنرجعووش نبداو من الزيروا عااود أو لا !؟
جوهرة:( وجهها تزنك ) واش بقى فيها الحال على قبيلة منين ما مشيناش ؟ ( حرك راسوا بااه ) و لكن راه زكريا باقي صغيير و ما مزيانش ليه كثرة البشر و الهزان و البوسان .. و خصوصا هو مناعتوا فهاذ لول ضعيفة راك عاارف
ياسيين: عااااارف و لكن هي ما عااارفاش ( شاف فزكريا و قال ) كيفما غتعاامليه و تعطيه الخااطر حيت باقي صغيير و ما كيفهمش شحاال من حاجة .. هاكا عامليها .. راني قلتها لك ألف مرة ( تنهد ) كااامليين طلع فيهم الدم .. كانوا كيتسناوك بالفرحة و موجديين عليك و فلخر لقاو يديهم و الريح .. كن سحابلي غنشووف داك المنظر ما نقولكش غير جلسي
جوهرة: و راه على مصلحة حفييدهم زعما .. خفت عليه من كثرة البشر .. أما هما داري مفتووحة ليهم يجييوا فأي وقت .. منين بقى فيهم الحال كنتي تجيبهم معاك يشووفوه هنا !
ياسيين: راهم كانوا كيتسناونا بعيساوة و الحالة و فلخر تضرب كلشي فالزيروا .. المهم ما جيت حتى صلحت الجرة .. نتي غير عيطي عليها و هضري معاها بحلاوة لساان
جوهرة: صافي واخا .. نعيط ليها دابا نيييت
دوزات لها الأبيل بداوها بالسلام لبااس حتى جبداتلها الموضووع و اعتاذرات منها حتى بردااتها و رجعات ترضي عليها و قطعاات
ياسيين:( جبدلها حنكها ) يخليلي الزين
ناضت للكوزينة كتوجد العشا تا كملات و حطوه .. كلاو و جمعات الدنيا بمساعدتوا و عاد تخشاو ينعسوا .. و فنص ليل و الهدووووء بدا كيتسمع صووت البكى
---: وييييغ وييييغ ويييغ
فاقت جوهرة حالة عين و شادة الثانية حتى تأكدات بلي هو كيبكي و شعلات الفايوز حداها .. و هزاتوا عندها كتسكت فيه و هو غير ما كيزيد كيبكي حتى عطاتوا يرضع و سكت حاط يديه عليها و كيرمش فعينيه بالشوية .. كلى و شبع و حطاتوا فبليصتوا و رجعات تنعس حتى هي .. يالاه دازت نص سااعة و ناض عاوتاني بالبكى حتى فتح ياسيين عينيه و ناض دايخ هازوا عندوا كيسكت فيه و واالوو
جوهرة: غير حطوا خاصوا يبدل الكووشة يمكن ( عطاهلها و هي كتراري بيه باش يسكت و تنعت لياسيين ) جبدلي معاك الجلدة و داك الساك الصغير لي معاها
عطاها كلشي و شعل الضووء متكي على كرشوا و يديه كيشووف فيه بعينين حووومر
ياسيين: هااذي هي دياالك هااا ؟؟ ( فتحاتلوا لي كووش و شاف تما و قال ) دفاااك !! ااش واااكل هذاا ؟
جوهرة:( رشقاتوا لكتفوا ) بعد منووا
ياسيين: شووفلك الكحلة كتداافع على الخاانز ديااالها !!
جوهرة:( خرجاتلوا لسانها هازة لي لانجيط كتمسح ليه و تهضر بصوت الاطفال ) هاني ا بااابيي غتنقيني ماما و تولي فيا روييحة زويييينة ( باستوا فكرشوا ) يااك ا ماامي ( شافت فالساك ما لقاتش الطالك و قالت ) ها نتا حدااه .. نحيب غير الطالك و نجي .. عندااك يتحرك
ياسيين:( جا فوق منوا مبتااسم ) قوولها سييري الكحلة أناا مع بابا الزوييين
يالاه كمل كلاموا و هو يحس بشي ما تضرب فيه فوجهوا دييرييكت .. بعد وجهووا مغمض عينيه و معيب سييفتووا
جوهرة:( شافتوا و شدات كرشها بالضحك ) هههههههههههههه هكاااك ا ماما عطييه على وذنييه ( هزات لي لانجيط كتمسح ليه ) سير غسل وجهك سيير
ياسيين:( ناض كيجري غسل و رجع عندهم .. شاف فيه لقاه كيلعب بيديه و يقلب فعويناتوا و مرة مرة يبتاسم ) كضحك لواالدييك !!
جوهرة:( باقى فيها الضحكة ) هههه نتا لي جبدتييه و سقاك ببركتووا
ياسيين:( هز حاجبوا و ضحك ) دارتها موو و ما يديرهاش ولدها ؟ وااايلي حتال هااذي لا !!
النقرة الصافية الجزء 14
محتوى القصة
التنقل بين الأجزاء