ياسيين:( بقات فيه و حس براسوا قسح معاها من أول نهار ليهم بجوج و هما عاد كيتعارفوا !! مد يديه و زيرها عندو معنقها و ليد لوخرى كتمسحلها الدموع .. حتى سكتات مكمشة فيه .. ضحك بمزاح و قال ) يلا طحتي من عيني نطلعك بماسكارا احبيبة غير تهناي .. تسلفيهالي بعدا ؟
فلتات ليها ضحكة بريييئة .. شاف فيها بهدووء .. و ديك الضحيكة مزينة شفايفها لي حمااارووا بقوة لي عضات عليهم .. و نيفها مزنك هما و حنيكاتها .. حط يديه على ذقنها و هزلها راسها جيهتوا .. شافت فيه بعينين كيبريوا .. فحيين هو تحنى على ثغرها مقبلها بقوووة و عمق .. بحال يلا كيفدي فيها كااع داك الأعصااب لي ركبات فيه هاذ النهار .. باسها حتى خرجوا عينيها من بلاصتهم ..ما طلقها حتى رجعات كتنهج و أثر عضاتوا باينين فشفتها السفلية .. حط جبهتوا على ديالها كيتنفس بقوة .. مدة و شاف فعينيها مباشرة ..
ياسيين: كان ضروري منها النهار لول .. ماشي حيت باغي نحكرك و لا نبكيك .. و لكن يلا ما تهنيناش منها عمرنا نزيدوا بعلاقتنا للقدام ديكا غيبقى حاجز بيناتنا و خووف من جهتك ( تبسم بهدووء ) عارف خلعتك و ما حملتينيش ..و لكن كان ضروووري نتاخذ القرار و نطبقوا .. يلا عولنا عليك بقينا خووت و هاانية هههه
جوهرة: سمحتيلي !
ياسيين: لااا حتى ننتاقم منك نوريك النداامة ( مد يديه لفخضها و قرصها ) ندمتي لوالديك هاا
جوهرة:( خشات وجهها فعنقوا ) اححح لا
ياسيين:( طل عليها بنص عين ) خشي راسك دابا عنداك ما تجيش نخشاي فيا منين نشدك ( ضحك على وجهها لي تزنك فالبلاصة ) غير كنضحك معاك .. هاااانية من جهتي ( بتردد ) و نتمنى تكون هانية من جيهتك حتى نتي و ما بقاش فيك الحال من هضرتي
جوهرة: لا لا و الله حتى هانية ( فرحات ) شكراا بزاااف
ياسيين: ايوا مزيان .. قوليلي دابا فين باغى تسافري ؟ عندي شي شغالات هنا هاذ الثلث ايام غير نكمل و هنا معاك
جوهرة: ما كرهتش نمشي للحسيمة من ديما كتحمقني هي و ناسها .. و لكن عمرني جاتني الفرصة باش نمشي لها
ياسيين: البرد دابا .. هي زوينة فالصيف كثر .. بلحاق منين باغاها نمشيوا لها الالة ما تكون غير خاطرك .. من بعد ندوزك لمراكش تشوفي خدمتي و تدوري فديك الدنيا .. غيكون طاح التلج فاوكايمدن .. غتعجبك الدنيا
جوهرة:( بسعادة ) واخا لي بانلك
ياسيين:( ضربها لفخضها بالشوية ) نوضي تسخريلي .. حلي داك الماريوا لي لهيه غتلقاي واحد البواطة فالحمر قبالتك .. جيبيها و أجي
ناضت وقفات جابتها ليه و دخلات جلسات جنبوا .. فتحها و جبد براسلي د الذهب عصري و محجر بالألماس .. شكلوا راااقي و بااين عليه غااالي .. مدلها كفوا و عطاتوا يديها .. طلعاها كمها شوية و نتحنى ركبولها و باسلها يديها فوقوا
ياسيين: بالصحة
جوهرة:( هزات يديها كتشوف فيها بفرحة عجبهااا و حشماات ما عرفات ما تقوليه .. اكتفت تقرب منوا و قالت ) حني عندي نقولك
تحنى عندها شوية و مدات يديها حطاتها على لحيتوا و تعلات شوية باستوا فجبهتوا بهدوء مغمضة عينيها .. الطريقة الوحيدة لي لقاتها تعبر بيها على كاع لي كيدور فخاطرها .. كيفما عقلات على واليديها كيبينوا الحب لبعضهم لحركات بسيييطة و لكن قيمتها عاااالية .. بدوروا حس بيها و صدمااااتوو ما عرف ما يقوول وذنيه تزننننكوو و لسانوا تلجم .. اكتفى يعنقها عندو بقوة .. موسدة صدروا براااحة و فرحة .. هازة يديها كتشوف فيها و ترجع تشووف فيه بابتسامة .. هو لي مااد يديه لشعرها كيلعب فيه .. و عينيه كيتسدوا بالشوية .. حتى غفاو بجووج فحضن بعضياتهم
💫💫 يوم جديد 💫💫
خارجة بلباسها العملي لي باين د الخدمة .. وقتها رجع عااامر بزااف من نهار بدات السطااج .. ولفات و لقات راحتها معاهم باش ما تفكر واالوو .. خارجة هي و الكليكة لي كترتاح معاها يتغذاو .. جلسوا فريسطوا قريبة للخدمة .. كيضحكوا نااشطيين .. حتى وقفات وحدة على حنان ..
حنان:( وقفات باستغراب ) كريمة ؟ ( سلمات عليها بحرااارة ) نااري توحشتك اصاحبتي غبرتي عليا لا تيليفون لا برية نعرفوك غير واش ميتة و لا حية
كريمة: وا غير سكتي اصاحبتي ماشي راهم سرقولي تيليفون و خلاوني غنتسطى .. كاع النوامر دالخدمة عندي تما و ما مقيداهم فحتى بلاصة .. كلشي طار و تبخر و كل مرة كنقول نجي للرباط نقلب عليك كتوقع شي حاجة
حنان: وا الحمد لله على سلامتك و لاهيلا توحشتك و بزااف كااع .. بعدا بخير اموورك هانية ؟
كريمة: طووب احبيبتي .. حمد لله جا هاذ العرس بالفايدة تلاقيتك أما كن راني باقة غارقة فديك المحمدية .. عطيني نمرتك ( مداتلها تيليفون )
حنان:( حنات راسها كتقيد النمرة و كتضحك ) هاي هاي على الناس دالحفلات .. عرس من هذا ؟
كريمة: ويلي ما فخباركش ليوم عرس ابراهيم راه عرض على كاع الشلة ديالنا ( حتى نطقات و هي تشد على فمها و قبطات فذراعها بأسف ) سمحيلي و الله حتى نسيت
حنان:( شداتها الدووخة) تزوج ؟ بهاذ الزربة !! (الدموع تغرغروا فعينيها ) مزيان الله يكمل عليه بالخير ( بزز حاولات تبتاسم ) عادي عاادي .. نسييتوا انا ..كل واحد شد طريقوا ( بحرقة ) و لكن لهلا يسمحليه لا دنيا لا أخرة من جهتي
فسألتُها : من تعشقين مِن ذا الذي جرح الفؤاد ومزقه مِن ذا الذي قطع الزيارة والوصال وأذاب جفنكِ في الليالي وأرقه مِن ذا الذي خان الوفاء بلا سؤال
وهجر الحبيب ودمع عينكِ أغدقه..
فاقت فالصباح بمداعبات و تقشاب ياسيين .. لي اكتاشفات فيه صفة زوينة بقدر لي كتحشمها كتعجبها ... هي ضسارتوا و ضحكوا الباسل .. عندو شي نوطات كيطيروا الواحد .. فطروا فجو زوين .. و ناض هو لخدمتوا مخليها كدور فدارها و تكتاشفها .... شعلات التلفزة و طلقات قناة مجد للقرآن الكريم .. و بدات كتحرك فالدار و تضيف لمستها ليها .. تبدل لي ما عجبهاش و تقادوا بالفرحات عليها ..
كملات و دخلات للكوزينة فتحات التلاجة بانلها كلشي مووجود لي حلات عليه فمهاا حااضر .. جبدات لي تحتااج و قادات غذاها بالعششق .. و من تم نيشاان لحواايجها لي بااقي ما تقاادووا كتطويهم و تستف فيهم فالبلاصة الخاوية لي خلالها يااسيين .. ما كمللت حتى ظهرها تكوانسى عليهاا و عياات ..
دخلات للدووش بتعب باغى غير تشلل عليهاا من العرق باش ترتااح مع راسها و تكون ألييز .. مشات كتحااول تخدم السخوون و لكن ماا عرفااتش عياات تخربق فيه و واالوو فلخر سااطت بتعب و مشات للكوزينة جبدات طنجرة كبيرة عمرااتها بالما حتال لفم و داارتها على العاافية تسخن .. و مشات كتجبد حواايجهاا على ما يوجد المااء و ديكشي لي كاان .. تسنات شوية و طفات على بووطة و البخاار كيضرب فيهاا طاااايب ..
هزات الطنجرة بجووج فووطاات و مشات للحماام .. حرقاتها فيديهاا و بالزربة حطااتها فالأرض .. حيداات ليها المغطة و بقات كتشووف فيهاا واش تخليها فالأرض و لا تهزها فوق لاشاص ... خافت تنسى راسهاا و تقيسها تشوطها .. فلخر هزاتها و حطات فووق لاشااص .. يا الله لاحت المنادل باش كانت هازاها فالأرض و هي تبانلها الطنجرة كتزحت غتطيح ..
خرجاات عيينيهاا على الجههههد و الخلعة ركباااتهاا قلبهاا كيضرب فالمليوووون .. المنادل بعااد عليهاا و يلا مشاات شدات بيديها غتتحرق ما فيهاش الشك ... بانتلها غير الكرااطة فالجنب جراتها بالزربة عندها و بدات كتدفع فيهاا بكل جهدهاا .. الخلعة فشلاتهاا و دمووعهاا ساالوو كيجرييوا ... كتغوت بكل حرهاا بسمية يااسيين على الله يجي فأخر لحظة و يعتقهاا ..
حااسة برووحها غتزهق معااهاا ..المااء طاااايب و الكرااطة ما عندها ما تشد واش تقل لولة هو ثقل الثاانية ؟ و بالفعل ماا كملات حتى ثانية تدفعات داك العصاا و تزدحات الطنجرة من فوق لاشاص للأرض بكل جهدها و كااع دااك المااء تكب على رجل جوهرة لي غوتاات لربي لي خلقهااا بالحرييييق
كريمة:( حركات راسها بلا ) ما غاديش نخليك تمشي واش حماقيتي ؟
حنان:( بألم حطات يديها على صدرها ) هنا حاساه كيتقطع بمنشار حااافي .. باغى غير نشوفوا و نتفل عليه فكمارتوا .. نقول كااع ديك الهضرة لي كطلع و تنزل فيا و نرتاااح من بعد .. عافاك ا كريمة .. محتاجة نشوفوا بارز مع مراتوا باش نطوي صفحتوا من حياتي
كريمة: غير غتعذبي راسك
حنان:( باندفاع ) خليني انا بااغى نتعذب !! ما شغل حد فيا .. حتى حد ما حاس بلي واقع فياا .. و عمركم تحسوا بالشمتة لي تشمتت .. خليني نتعذب على الله نفيق و زطم على موو هاذ القلب
كريمة: صافي واخا .. لي بانلك ( كتبات لها العنوان فتيليفونها ) ندوز عليك نمشي انا و ياك ما تمشيش بوحدك صافي
حنان:( بامتنان ) واخا شكرا بزاااف
***
القصة سميتها النقرة الصافية .. سميتها على حساب وصف سميرة لجوهرة قبل ما تبان و محاولة إقناع ولدها بيها .. و نيت فيها دوك المواصفات .. كيفما فيها مواصفات خايبين .. اكيد راها ماشي ملاك !
بالنسبة لحنان ما جيتش و حطيتها غير هكاك عندها دورها و غتعرفوه .. سوو بليز عيشوا مع الاحذاث و نساااو من بالكم حنان ! و دورها و واش بطلة او لا .. و مع الاحذاث غتعرفوا ..
***
خرجات من الدوش بالزربة كتنقز برجليها و تبكي بالجههههد حااسة برجليها غطيير من بلاصتها بالحريق .. حطات يديه على وجهها كترجف حاسة بذاتها كلها كتترعد عليها .. غوتات على ياسيين ما مرة ما جوج .. فلخر عرفاتوا ما كاينش و موحال يجي دابا على ما قالها ما يجي تال ليل .. غيتعطل فالخدمة ..
وقفات بالشوية كتشهق هزات سطل خاوي عمراتوا بالما باارد و زادت عليه طوب دالثلج من الفريكوا .. خشات رجليها فيه و عضات على فمها .. مخلية دمووعها نازلين شلال .. لمدة عشرة د الدقائق عاد وقفات من تما خارجة كتقلب على تيليفونها ..
عيطات لياسيين كيطلع لها مطفي .. ما مرة ما جوج ما عشرة ! فلخر دوزات الخط لسميرة لي جاوباتها فالبلاصة .. علماتها بلي تحرقات ..و جلسات كتسناها تجي عندها .. كتشووف فرجليها من تحت الركبة واحد الجهة حمممممرة و السخووونية طاالعة منها على الجهد .. بلا لحريق لي كيقطع فيها و ما كاين حتى دوا فالدار لي ديروا .. ما دازش بزااف حتى تسمع صوت الدقان و سميرة كتعيط عليها مخلوووعة
💫💫 فالمساء 💫💫
متكية فبيتهم فالفيلا ديال واليديه .. حاطة رجلها فوق واحد الخذية .. دايرين لها الدوا و هي ساكتة كتصنت لحريقها .. جالسة حداها سميرة كتمسح على ذراعها بحنان
سميرة: الحمد لله على سلامتك ابنتي .. الحمد لله على السلامة .. ربي سترك و دارلك مسلك دالخير .. اما ديك الحرقة راه صعيييبة .. الحمد لله لي جاتك غير هاكا و ما تقاسيتيش فيها بزااف
جوهرة:( بتعب ) الحمد لله .. ياسيين باقي ما جاش ؟ ما عيطش ؟
سميرة:( ساطت ) ما نعرفت لوالديه فين غارق .. عييت نعيط ليه و والو ..
جوهرة: غير مع الخدمة .. قالي غيتعطل عندوا شي حفلة مهمة غيمشي معاهم يوقف على الشغل بيديه .. يمكن تيليفونوا ديشارجا و ما انتابهش ليه !
سميرة: ااه ايوا الله يعاونوا ( وقفات ) ارتاحي لك حتى نتي باينة فيك عيانة بزااف .. انا غير حداك احتاجيتي لشي حاجة غير عيطي عليا نكون معاك
جوهرة: واخا شكرا بزااف اخالتي لهلا يخطيك يعلم الله بحالتي كي كانت غتكون كن ما جيتيش عندي
سميرة:( ابتاسمات لها ) ربي لطف
بلبستها الزرقة واقفة قدام القااعة .. هازة راسها بشموووخ .. كتتمشى برقي و عجرفة .. هازة فيديها كادوا مغلف و مأنتك .. كتبتاسم مع كاع لي كيشوف فيها بابهار و هي حاطة مكياج صارخ على بشرة وجهها الناعمة .. و شعرها الاسود كسواد اليل كيداعب ظهرها برااحة ..
استقبلاتها ام العروس و رحبات بيها عااادي جدا كأي وحدة من المعازيم .. دخلات هي و كريمة كيدوروا وجههم حتى لقاو الكليكة ديالهم .. تمشاو ناحيتهم كيسلموا و يعاودوا بفرحة و كل واحد كيسول على أخبار الثاني بحكم سنيين ما رجعوا تلاقاو !
جلسوا فهدووء كل واحد فبلاصتوا .. حتى بدا يتسمع صووت عيساوة و بداو البنات كيخرجوا وحدة تابعة للثانية بلهفة .. عرفات ساعتها بلي الدخلة دالعرسان دابا ..
تنملات عليها ذاتها ما بقاتش حاسة بيها للحظة ندمات علاش جات .. بقات تابثة فبلاصتها غير لبنات لي جروها معاهم و خرجوا لبرا مجموعين .. كيسفقوا و يشيرولهم و كاين لي كيصور و يوثق اللحظات ..
لكن فحالة حنان ..كانت غير كاااع لي حااضرين .. كتشووف فيه بنظرات أليييمة و قلبها كيتقطع .. نفس النظرات لي كان كيدير فيها دابا كيديرهم فوحدة ثااانية .. يديه لي عمرها خطات يديها دابا متمسكة بيد ثانية غيرها .. ملامح وجهوا لي ما كانوا كيفرحوا غير معاها .. دابا مبشووورين على الآخر و باين عليه السعااااادة و الدنيا ما سيعاهش بالفرحة مع غيرها ..
عينيها تغرغروا بالدمووع عضات على فمها بالجهههد كتحاول تكبح دموعها و ما تبكيش .. حطات يديها على صدرها كتطلع النفس بزز .. جسدها حاضر معاهم و عقلها غااايب فذكريات قدييمة
حنان:( معنقاه بسعاادة ) فرحاااانة بزاااااف و الله ..نتا اسعد حاجة وقعات ليا فحياااتي
ابراهيم:( تبسم و باسها فحنكها ) و نتي النويورة ديالي احنووونة .. تنبغيييك احبيبتي ( حط صبعوا على يديها كيلعب فيها )
حنان:( بحب ) و أنا كنتوفى عليك .. كتعنيلي بزاااف .. جيتي فوقت ما كان عندي فيه حد .. كنحس براسي وحييييدة و درتي كل ما فجهدك معايا ..
ابراهيم: تستاهلي احناان تستاااهلي حتى نتي ما قصرتيش ما جيتش و بغيتك غير هكاك
حنان: فوقاش غتجي تخطبني من دارنا ؟ كنتسنى النهار لي نتجمعوا فيه بجوج فدار وحدة بفاارغ الصبر
ابراهيم: غير نقاد اموري فالخدمة ( ضحك ) و راكي مراتي يا المصيبة .. زعما ورقة لي غتحكم ؟ من نهار عرفتك و حنان لابراهيم و ابراهيم لحنان
حسات بشي حد دفعها للجنب .. فاقت من سهوتها و نزلات دمعة وحييييدة من عينيها ..بانولها مدخلين العرووسة فالعمارية و متقدمها العريس .. لي مووحال وااش شافها !
بقات مسمرة فبلاصتها كتشووف فيه بخيبة أمل .. و داخلها كينزف دم عوض الدمووع .. ما بقاتش قادرة تشووف فيهم خرجات للجردة للور .. وقفات قدام البيسين عاطية للقاعة بالظهر .. و فلحظة ضعف طاحت على ركابيها فوق لكازون .. و غوتات بحرقة
حنان: ااااااه ياااا ربي
طاحووا دمووعها لي كانت حابساهم بزز .. بقات مدة طوييلة و هي على نفس الوضعية .. ما هامها حد ... حتى سمعات صوت الزغارت و تعشاق النكافات .. عاد وقات بضعف و مسحات دمووعها .. قلبات وجهها كتشووف فالتلفزة لي معلقة فالجردة .. بانولها مخرجينها تبدل ..
دازوا من حداها و هي كتشوف فيهم ببروود .. و فلحظة هز عينيه بعفوية جهتها و رجع حناها و فالبلاصة رجع هز راسوا فيها كأنوا كيتأكد واش هي لي قبالتوا .. ما حسش براسوا حتى كان طلق من العروسة و شاف فيها بارتباك ..
ابراهيم : سيري بدلي عليك انا غنبقى هنا نكمي ..
حركات راسها بواخا و كملات طريقها للبيت دالتبدال .. فحين هو قرب من جهة المتعوسة .. و قال بتردد بحال يلا باقي ما متيق !
حنان: حشوومة من بعد كاع لي دوزنا ما نجيش نبارك لك او لا ؟
ابراهيم:( بانزعاج ) حنان سيري من هنا .. ما ناقصنيش صداع .. سالينا شحااال هاذي ما كاين لاش هاذ الدراما .. الله يجيبلك ما حسن مني !
قربات منوا بخطوة و هزات عينيها فعينيه بكل قوة و نطقات .. الحب شي حاجة زوينة بزااف ما كيتعوضش .. ماشي أي واحد كتجيه الفرصة فين يحب و يحس بداك الاحساس الزوين .. و عرفتي شنو ؟ كان يسحاب لي بلي انا محظوظة بيك !! لحد البارح كنت تنعطيك مبررات فنفسي و كنقول مستحيل ابراهيم يطلع كلب تال هاذ الدرجة .. و لكن ليوم تأكدت بلي ماشي كلب .. حيت الكلاب و فيهم عرق دالوفاء لي متكسابش حتى ربعوا ..
( هزات يديها و ضرباتوا بقوة فصدروا حتى رجت خطوة للور ) بغييتك من قلبييي .. درت معاك لي ما يديروه حتى لي ولدوك .. شفتيني حماارة بجووج وذنين و لعبتي عليا كيفما بغيتي .. حدك وصلتي للي بغيتيه لحتيني بحال عمرنا دوزنا ربع سنيين مجمووعين ..
بحال عمرك قلتيلي كنبغييك بحال عمرك واعدتيني ( بحرقة ) فين هو داك كلام دالحب و العشق لي كنتي تقيل تغنيه ليا صباح و ليل .. تبخر ؟ بحال كيفما تبخرات أي حاجة زوينة كانت بيناتنا ؟ فخبارك جايا و كنقول غيبقى فيا الحال منك و غنضعف قدامك و لكن فلخر لقيت بلي ما كاين لي بقى فيا قد راسي و قد نيتي لي كنت غاااارقة فيها .. أما نتا ( ضحكات غير باستهزاء ) غير زاااااامل بزااف عليك كلمة راااجل بزااااف عليك
ابراهيم:( بغضب ) حنان لزمي حدك حسن لك
حنان:( بتحدي قربات من وجهوا ) شنو غادي دير كثر من لي درتيه ؟ ( تنهدات ) عرفتي ؟ ما كاين لي بقى فيا كثر من ديك البنت لي لداخل .. لي بانية عليك أماال ما عارفاش راه خدات كبير الزواامل ( ضحكات باستهزاء ) و لكن ما عليش .. تقدر تكون ذكية و تقلب فيك خدمة .. غتكون مشرووع راابح ليها
رجعات باللور و هي كتشوف فوجهوا لي رجع حممر بالأعصااب .. حسات براسها بردات شوية .. ضارت راجعة بحالها حانية راسها ما حساتش تا دخل فيها شي حد بالجهههد .. هزات راسها فيه بألم .. يا الله غتبدا ترعرع و هو يهز يديه بمعنى سمحيلي و كمل طريقوا بلا ما يشوف فيها و لا يعبرها .. كيهضر فالتيليفون !
ياسيين: راه طفى لي مع الخدمة ما انتابهتش ليه عااد شارجيتوا دابا .. ( بخوف ) و كي بقات دابا ؟ شوية ؟ ديتووها للطبيب ؟ ( فتح طونوبيلتوا و ركب ) صافي صافي انا جاي .. لا ما خليت حد هما راهم عارفين خدمتهم .. ندمت لاش جيت كااع .. صافي الواليدة قطعي شوية و هانا معاك
دخل عندها مخلووع .. لقاها نااعسة و باينة فيها باكية حتى ما قدات و مطبوووخة .. جلس حداها و دوز يديه بالشوية على حنكها و عينيه على رجليها بأسف .. تسمع صوت دقان فالباب .. وقف بالزربة و فتح .. لقى قبالتوا سميرة .. نطق بصوت مهموس ..
ياسيين: راها ناعسة ..نخليوها مرتاحة بلا ما نفيقوها ..
سميرة: مسكينة عياات .. بغيت غير نجيب لها شي حاجة تاكلها ..تقوي راسها راها من الفطور يمكن ما كلات والو
ياسيين:( شاف فيها و رجع طل على جوهرة ) كي وقع لها ؟
سميرة:( بنرفزة ) من قلة عقلكم نتوما بجوج .. نتا يالاه معرس و مخليها فالدار بوحدها ما خايف عليها ما والو ؟ بااز لبرودية قلبك اولدي بااز
ياسيين: ما ضنيتش يوقع هاذشي .. المسؤول لي يمشي معاهم خرج كونجي و ديجا علمتها .. و الدار مأمنة .. قلت غتجلس مرتاحة ما عندوا ما يوقع !
سميرة: ايوا هي كطييير مالها غشييمة !! ما تعرفش تتسناك حتى تجي و تشعلها الشوفوا عاد تدوش .. مناقص اسيدي من شي تدواش لي نجيبها فصحتي .. ها هي بقات تقزقز حتى جابتها فرجليها و شدات الفراش .. مزيان نيت تجلس على قاعها شوية
ياسيين: الواليدة
سميرة: ما كاين لا واليدة لا زمر .. ها علاش بغيتكم تسكنوا معايا هي مونساني و انا مونساها و رادا ليها البال .. ماشي السيدة تحرقات و حد ما سايق الخبار .. كن ما سمعتش تيليفوني كن بقات هكاك فالدار حد ما مسوق لها
ياسيين:( قلب وجهوا كيسوط و هو يلمح جوهرة فايقة كتشووف فيهم .. سمح فسميرة و مشى جلس حداها طبطب بيديه بهدووء على حنكها ) فقتي ؟ كي كتحسي راسك ؟ما بقيتيش مقسحة ؟ الدوا برد عليك شوية و لا نديك لطبيب أنا حسن ؟
جوهرة:( تبسمات ليه و حطات يديها فوق يديه تكعدات شوية معاونها ) لا بلاش نستعمل غير الدوا (كمشات وجهها و شنافتها كترعد بحال باغى تبكي مرة أخرى ! ) غير كتحرقني حااسة بالعاافية خارجة منهاا و كتااكلني بزاااف اووف
ياسيين:(جرها عندوا عنقها كيمسح على ظهرها و هي مخشية فيه و سااكتة ) سهلتي الما طايب .. و الماكلة يعني الدوا داير مفعولوا ..الواليدة الله يحفضك جيبيلها شي حاجة تاكلها
جوهرة:( تبسمات ليه .. كانت كتسناه يغوت عليها و لا ينكر عليها .. لكن لقات الخوف فالمقابل ) شكرا ( حرك راسوا مع ابتسامة استغراب ) ما عرفتش علاش ! مهم شكرا و صافي
ياسيين: شنو قالكم الطبيب ؟
جوهرة: ماشي شي حاجة صعيبة .. الحمد لله غير تقاسيت شوية و صافي .. قالي نتبع الدوا غير شي يامات و يرجع ما عندي والو ..
ياسيين: امم الحمد لله ..
جوهرة: ياسيين واخا نطلبك طليبة ؟ ( حرك راسوا بمعنى ااش ) بغيت نمشيوا للدار .. ما فيا لي ياكل و الله ..
ياسيين: تمشي دابا ؟ بهاذ الحالة ؟
جوهرة: ااه بغيت نرتاح .. مالها حالتي .. عادي !!
ياسيين:( صغر عينيه فيها ) قالك شي واحد شي حاجة !
جوهرة: لا .. غير بغيت نرتاح فداري لا غير
ياسيين: واخا .. نوضي نعاونك تلبسي
دخلات بقوة عكس الضعف لي كان راكبها فاش شافتهم بجوج أول مرة .. جلسات فبلاصتها بهدووء بحالها بحال كاع الحاضرين .. كلات و شربات و شطحات ما مخلياش من حقها .. منغصة عليه فرحتوا و فينما يتلاقاو عينيهم كضحك ليه ببرووود ..
وصلات الحفلة لأواخر ديالها .. ناضت العروسة تلبس اللبسة البيضة و بقى العريس مع صحابوا كيهضروا .. و هي متبعة ليه العين بنص عين .. حتى شافت خوه عيط عليه كيهضروا .. و مرة مرة يشووف جهة طبلتها .. الشي لي دخلها الشك فراسها .. هزات حاجبها و شافت فيه بحدة .. حدوا لمحها و هو يقلب وجهوا و مشاو من تما ..
تا هي ما كانتش من العاكزين .. وقفات بالزربة و تبعاتهم ..مخبعة فالجنب ما كتبانش و كتحاول تسمع هضرتهم بجووج !
الاخ:( بعصبية ) واش من نيتك عارض عليها لعرسك !!
ابراهيم: ما عرضتش عليها .. بلا ما تزيد تشعلني حتى نتا ..ما عرفتش منين تسلطات عليا حتى لقيتها قبالت وجهي
الاخ: دوزتي مراهقتك معاها صافي الله يجعل البركة .. دابا غادي دير دارك .. باركة من التبرهيش الخاوي .. لا ديالك لا ديالها .. النهار لول قتلك نخطبها لك قلتي هي لي ما تدخلش لدارك ..و كيفما دارت معاك غادي دير مع غيرك .. و مشينا جبنالك وحدة من قلب دارهم و بنت الناس .. دابا جمع راسك بلا خصايل .. راه خوها صاحبي الروح بالروح ما نبغيش نضيع صحبتنا بسبتك
ابراهيم: بلا ما تعصبني حتى نتا راه هضرنا واقيلة .. كون كنت باغي نتفلى ما نجيش تال هاذ النهار و نبدا فالزكاير .. و زايدون صفحة حنان طويتها شحااال هاذي .. السيدة عقلها متفتح فووق القياس واخا كانت كتعجبني و لكن ما نتيقش فيها ندخلها لداري .. يعلم الله شحال من واحد داز عليها عاد جات عندي !
الأخ: ما شغليش انا فهاذشي .. المهم لي عندي قلتوا .. دير عقلك !
شدات على فمها مصدووومة من هضرتهم .. من كيفاش كانت كتشووف فيه و من كيفاش هو دماغوا كيصورها !!! تغمضوا لها العينين و الكره و الحقد عمى قلبها .. تسلتات بالزربة لجهة الكوزينة .. خذات كااس خااوي .. و خرجات للجردة كتقلب بالزربة على شي حجرة لقاتها و دخلات للحمام ..شدات عليها و جبدات منيدل صغيير .. ضربات الكاس بكاع جهدها مع الحيط حتى تشقف .. هزات طرف حطاتوا فالمنديل لواتوا مزيان .. و هزات ديك الحجرة كضرب فيه و تعاود حتى رجع كلوا مفرتت و مطحوووون .. جمعات كلشي بالزربة و خرجات من تما بهدووء فاتجاه الكوزينة .. لقاتهم حاطين السينية فيها جوج زلايف د الحليب و طبسيل دالتمر .. ضورات عينيها بانلها واحد من الحجامة واقف تما .. عيطاتلوا و قالت بهدوء
حنان: عافاك اخويا كنت جايا نشرب و سمعت شي وحدة كتغوت فالحمام يمكم تشد عليها الباب و ما بغاش يتفتح يلا كان ممكن تمشي تشوفها ..
نعتات ليه فين سمعات و خرج هو برحابة صدر يشوفها و فديك الساعة مشات لدوك الزلايف و بالضبط ليسرية فين كيكون جالس و كبات المسحوق دالزاج و خلطاتها بالزربة و خرجات من تما بلا ما يشوفها حد !
حنان: من ديما كيقولوا الزاج مطحون كيقتل مولاه فبلاصتوا ! هاذ النهار نشوفوا واش بصح و لا كذوب !
خرجات من تما كتدور عينيها عنداك شي حد يكون شافها ! جلسات فبلاصتها حتى تسمع صوت الزفة و العروسة نازلة بالكسوة البيضة ..
استقبلها العريس من عند باها و تموا ماشيين للجهة فين كاينة لاطاغط .. قطعوها و وكلوا بعضياتهم تحت تسفيق الصحاب و الحباب .. بعدها خرج نفس الحجام لي كان فالكوزينة هاز نفس البلاطوا و واحد أخور هاز صندوق فيه الذهب لي غيلبسها ..
تحنات العروسة كتضحك هزات زلافتها شرباتوا منها و هز ديالوا هو كذلك شربها بابتسامة .. عكس صدمة حنان ! نساات لبلان ديال الزلايف غيتقلبوا .. عينيها خرجوا من بلاصتهم و قلبها بدا يضرب بالجههههههد .. ما بقى كيبانلها واالوو قدامها من غير تهز ساكها و تهرب من تما .. قبل ما طيح العرووسة و ديكشي لي كان .. خرجات من القاعة كتعثر فحوايجها ما بقاتش شاافت كااع مووراها .. مقلعة فالطريق طاااايرة حتى كتهز طونيبيل من الأرض .. لكن ما حاساش براسها !
💫💫 ياسيين 💫💫
ياسيين: الزين الصافي واجد ؟
جوهرة: ااه غير يالاه ( قبطات فيه و زادت بالشوية حتى حسات بيديه ضارت على خصرها و اليد الثانية تحت فخاضها و هووب هزها عندوا حتى غوتات بخلعة ) ناااري غتطيحني غير حطني اياسيين بلاش
ياسيين:( دار براسوا غيطيحها و هي تعنقوا بيديها بجوج و لسقات فيه .. باسها فالأرنبة دنيفها و قال ) عنقي ليماك و سكتي .. راابعة داللحم غنطيحوها
ياسيين:( شاف فيها بنص عيين و ضحك حتى خرجات فيهم سميرة هازة بلاطوا فيديها .. ) زوجة أبي لحبيبة
سميرة: ابن زوجي الحبيب ! فين دااي لبنت !
ياسيين: غنمشيوا للدار .. دابا كملت ما بقالي شغال من غيرها ! أصلا ما غنجلسوش بزاف غير تشوف راسها ارتاحت غنسافروا .. فاش نرجعوا داك الساع يمكن ننتاقلوا عندكم .. مهم تال تم و يحن الله
سميرة: امم ايوا لي عجبكم .. و هاذ الماكلة ؟
جوهرة:( بخجل من الموقف و كيفاش هازها ) ما قادراش اخالتي و الله غير سمحيلي عذبتك معايا على والو
سميرة: صافي ما عليش .. سير دغيا باش تنعس ترتاح
جالسة فبلاصتها مبتاسمة كتشوف بنص عين فياسيين لي كيبدل حتى كمل و رجع عندها حيدلها حوايجها .. مخليها بديباردور نازل على صدرها مبين نص فيه مزير عليها .. و سليب لتحت .. هز عينيه فيها لقاها مزنكة غتمووت بالحشمة ضحك و مد يديه هرها فجنبها
ياسيين: التفاح عندك بزااااف زاااز لوووز ( عض على شنافتوا ) اححح على خيوورات مولانا
جوهرة:( خرجات عينيها و بدات تجر فالغطى تتستر ) ياسيين
ياسيين:( قبطوا و ضحك ) الالة جوهرة
باسها ففخضها تا تهزات .. و وقف خلاها كتدور عينيها مشى جاب زيف رطب مع بانيوا فيه ما دافي .. هز رجليها عندوا و بدا كيفزكوا و يمسحلها بالشوووية و يشوف فيها عندااك بالك يكون مقسحها حتى كمل و تحنى باسها فوق الحرقة بحنييية ... شافت فيه برقة و هزات البومادا لي غيديرلها و مداتها ليه و بدا كيدهن لها بهدوووء حتى كمل و غمزها
جوهرة:( بلقات عينيها فيه و نطقات بصوت خرج مددددلع بطريقة عفوية ) لااااائح حشووووومة
ياسيين:( ضحكاتوا و تحنى عنفجها ببوسة حلوة و همسلها فوذنيها قبل ما ينوض ) نرجع نلقاك لابساه غنديرلك عقووبة ( شافت فيه و غمزها بسفالة ) مااا شهييتك فيها
خرج من البيت مخليها متبعة ليه العين كتنش على وجهها يبرد و كتتفكر هضرتوا و مواقفوا عينيها كيلمعوا .. حتى خشات وجهها وسط يديها و حركات راسها بالنفي و الضحيكة فالتة لها .. أمور جديدة ولات كتحسهم معاه عمرها فحياتها عرفاتهم ! ما عارفاش شنو كيوقع معاها حاليا .. لكن لي متأكدة منوا هو ياسيين خذا جزء مهم من حياتها و عمروا بطرييقتووا الخاصة !
مدة و تم داخل هاز بلاطوا فيديه حطوا على حجرها بقات كتشوف فيه .. طبسيل دالفريت مقلي .. مع شلاضة مقطع فيها المكور و التفاح طريفات مع شوية دالزبيب مخلطهم بالمايونيز ( كتجي واااااعرة جربوها كتحمقني ) و سلطة فواكه مقطعة و مخلطة بشوية د سانيدة ..
مد يديه و هز فريطة و حطها حدا فمها
ياسيين: فيم ( تصغير لفم ) الدجاجة غا كتنقبي
جوهرة:( ضحكات بسعادة و ردات ) ما كنقاقيش بعدا
ياسيين:( تبسم لأنوا حس بيها بدات تتطلق معاه شوية ) هههههه تا نبغيوا نبيضوا فلالسنا و ديريها
مد يديه هز معيلقة كيوكلها و مرة مرة كياخذ معاها شي حاجة .. و كيهضروا فمواضيع مختلفة .. خالقين جو خاص بيهم .. حتى كملات و هز عليها .. مخليها ماشية للحمام تغسل سنانها و هو فالكوزينة تا كمل و رجع للبيت صوتها مقطووع ما كيناش ! فتح الحمام .. و هو يلقاها جالسة قبالتوا فلاصاش ..منزلة سليبها للأرض .. ضحك و قال
ياسيين: امدرا وليد و لا بنيتة
كمل طريقوا عاادي جيهة لافابوا كيغسل سنانوا .. تسناها تجاوبوا منين ما عبراتوش قلب وجهوا جهتها .. لقى تعابير وجهها مصدووومة .. حاطة يديها على حجرها مغطياه و كتشوف فيه مفوهة فمها بصدمة .. ما توقعاتوش يدخل عليها
ياسيين:( كتسالي معاه .. عارف راسوا مقزدر و لكن هي حشمتها فااااتت لقيااس ) غير كملي حسبيني ما كاينش ..
جوهرة:( بحال فيقتيها ) ويييلييي ويييليي ويييلييي
ياسيين:( ضحك بطنز ) وايلي الساطة راه درنا صلة الرحم معاه من زمااان و طرطقناه كااع ( غمزها ) ويلينا صحااب و تفاهمنا مع بعضياتنا غا خووذي مت رااحتك
واقفة فبيتها باقى بتكشيطتها ماشية جاية كتترعد و قلبها غيوووقف بالخلعة .. الدمووع تسرسبوا من عينيها بالقناطر ..
حنان: شنوو درتي ا حنان شنوو فين كاان عقلك فييين الحماارة ( طرشات حناكها بالجههد حتى حماروا و هي كتولول ) غتخرجي على رااسك الكلبة .. اوييلي على القتيلة اويلي ميييمتي شنوو درت شنووو
ترمات على ناموسيتها كتبكي و تشهق بكل جهدها ... و هي كتتفكر اللقطة لي شربات فيه العروسة الحليب .. بغات تتسطى بالخووف و ضميرها دااير خدمتوا .. حتى مشى الغضب عااد تحلوا عينيها و عرفات راسها فاش حطات راسها .. و المصيبة هو متأكدة غيجبدوها .. أول واحد يشهد فيها هو ابراهيم نيت .. و الحجام لي سخراتوا .. هاذشي يلا ما كانتش شاداها الكاميرة فاش مشات للكوزينة ! حسات براسها تكلخاااات و صدقات نيت حماارة بالوذنين ..
للحظة وقفات بالزربة .. هزات تيليفونها كتبقشش فيه و دوزات الاتصال بصديق مقرب ليها .. بقى مدة كيصوني و يعاود عاد جاوبها مبوق بصوت نااعس
.... : حنان ؟ ياك لباس ؟
حنان:( بصوت كتحاول تخليه عاادي ) خويا الياس بخير ؟ سمحلي فيقتك من النعاس و لكن بغيت نسولك ضرووري فواحد الاستشارة قانونية !
إلياس: مرحبا اختي .. دوزي غذا عندي للمكتب .. نتي ديالنا و ختنا بلا رونديفوا
حنان: عارفة لي كاين ربي يخليك .. و لكن زربانة على الموضوع ما يصلاحش ليا تال غذا ..
إلياس:( مسح على وجهوا و تقاد فبلاصتوا ) واخا اختي آمري .. شنو المطلوب ؟
حنان: هو الموضووع ( حكات عنقها ) فعرس ختي شي حد حطلها السم فالحليب و لكن جمعنا الموضووع و بقى غير بيناتنا .. و دابا رفعات دعوة .. خصوصا بحال يلا عرفات شكون مولات الفعلة .. و المشكل هو مولاتها صاحبتي الروح بالروح و جات عندنا و شراحتلنا موقفها و ندماااات .. و لكن الدعوة دابا ترفعات و أسماء وافقات تسمح ليها و نسدوا القضية .. و لكن ما عرفنا ما نديروا .. قلت نسولك نتا !!
إلياس: ما درتوا حتى محامي ؟ المهم غير باش تكوني على علم .. التنازل لا يقفل القضايا أبدا ... يعني واخا تتنازلوا الدعوة غتكمل عااادي جدا .. حيت النيابة العامة كتتابعهم لأن هي من تدافع عن الحق العام !
إلياس: ختك ما وقع لها والو ؟ دونك ما كاينش موت ..حيت فحالة الموت كتمشي نيشان بالمؤبد .. و يلا داروا معاك بخير من عشرة تال عشرين عام دالحبس ! ( حنان خرجات عينيها ) و فحالتكم الحكم على حساب ظروف ديال المتهم .. منها الصحية و العقلية مهم كيتدخلوا بزااف دالعوامل .. لكن حسب المسطرة القانونية كيتحكم من شهر إلى ثلاث سنوات مع غرامة مالية بسيطة
حنان:( شداتها دووخة و الدمووع نزلوا كيجيريوا من عينيها ) ضروري الحبس .. ما كاينش حل ثااني ؟ ( كملات بتفسير ) حيت البنت واخا هكاك ما تستاهلش نضيعوها معانا
إلياس: ضروري .. راه محاولة قتل عمد ! و منين كتدخل للمحكمة ما كتبقاش شنو بغيت نتي و لا ختك .. كيبقى القانون يتطبق لا غير ! .. و كاين القاضي لي كيتعامل و كيخفف الحكم شوية و كاين لي لا .. عندوا نيشان نيشان ( تنهد ) فالنهاية لي دار الذنب يستاهل العقووبة فين كان هي عقلها هاذشي فيه ندمت ؟ ما دام كانت عندها القدرة على محاولة القتل راها تقدر دير أي حاجة !
حنان:( ما بقاتش قادرة تهضر عضات على فمها بالجهههد حتى ذاقت طعم الدم ففمها .. و برجفة شكراتوا ) واخا شكرا و سمحلي فيقتك
إلياس: هانية اختي .. الله يحد الباس
قطعات معاه و تكورات فبلاصتها مربعة رجليها و كلها كتترعد و تبكيييي من جد عقلها و هضرتوا كتتعاود فدماغها .. عينيها بقاو تابثين على الباب و كل شوية تقوول ها هما غيدخلوا دابا البوليس يجبدوها من قلب دارهم يقرقبوا عليها .. ما نعسات ما شافتوا .. دازت عندها ليلة كحلة زحححلة
ياسيين:( ضحك بطنز ) وايلي الساطة راه درنا صلة الرحم معاه من زمااان و طرطقناه كااع ( غمزها ) ويلينا صحااب و تفاهمنا مع بعضياتنا غا خووذي مت رااحتك
جوهرة:( بعفوية قالت ) عارف راسك طرطقتيه و ما حنيتيش فيه ( طلع معاها شنو قالت و هي تتزنك عاضة على فمها بخجل )
ياسيين:( ضحك ) ازعمتي البواالة .. الحاج متولي راه حنيين و ضريييف خصوا غير لي يفهمووا
حنات راسها ما بقاتش هضرات .. هزات واحد المناديل مطهرة كتمسح بيهم .. لبسات سليبها .. وقفات خارجة بالزربة باغى تهرب من قداامووا .. لكن كان خف منها و جرها بالخف من يديها حتى دارها قداموا و عاكسهم لها على شكل X قابطها كيشووف فيها من المراية
ياسيين:( تحنى عضها بالشوية فحنكها لي حمييمر ) هاذشي عندك كي الفريز اخووياا .. غا حشمي رااه عندك علاش البوالة
جوهرة: أنا ماشي بواالة
ياسيين:( حط لحيتوا على عنقها تيحكها معاه عاجباه المحاذثة و نااشط ) و شنوو احبيبي
جوهرة:( هربات عنقها ) اححح كتهرني
ياسيين:( بضحييكة ) ما تخلينيش نهرك فبلاصة ثانية
هبط يديه و خشاها تحت السليب و قرصها تما حتى تهزات مخررجة فيه عينيها .. حشمها و غرقها فحواايجها بغات تبكي من الموقف .. أما هو راه شاف فيها مغوبش بطريقة منحرفة قتااالة
ياسيين: شنوو دابا احبيبي ما تخليناش نديروا وليداتنا هااا
ياسيين:( هز حاجبوا ) ربي ربي ! هاذشي غا حلينا لوطوروط و دايرة هاذ الحالة
جوهرة:( بلا ما تحس لقات راسها جاوباتوا بهمس ) عندك ساهلة ! راه أنا لي كنتمحن
ياسيين:( سمعها و ضحكاتوا ) بالله ما كاين لي ممحن معاك قدي احبيبي ( هزها و قلبها عندوا و قال هاز حاجبوا ) خليني نسرحك مزيان و ترتاحي .. قبل ما تتشدي عاود .. صبري فحروريتوا باش تفرحي فحلاوتوا ( غمزها ) راه غيغضب عليك نهار تحتاجيه يدفع على مك كبير .. و شوفي شكون يبردك داك ساع
هزها مخرجها حتى حطها فوق الناموسية و طلع فوق منها دايرها بين رجليه
جوهرة: لا لا ماشي دابا اوييلي
ياسيين:( ضحك بالجهد عليها ) دابا تاكلي العصا ؟ ولا تاكلي العصا ؟ ( غمزها ) و لا تاكلي العصا ؟ اختاري !
جوهرة:( سكات كتشووف فيه مزنكة حااسة بيديه كيتلمسوا ففخاذها و طالع بيهم جهة كرشها .. بقات حاضياه بنص عين حتى جا يحيد لها الديباردور و شداتوا كتلف ) و رجيلتي رااها مريييضة مسكييينة خليهاا غير تبرا !
ياسيين:( حيدلها يديها كيضحك و قلع لها ديباردور حتى بقات عريانة بالدوبياس ) يخليلي رجيلتي ! هااذ السااعة غرضي بحاجة اخرى ماشي بيها ( هرها فكرشهاا و طاح عليها بالبوسان و هي كتبعد وجهها و تهضر )
جوهرة: ههههههه احح و لا لا واا صبااار اييي ( بعداتوا عليها كتلهث و الضحكة فالتة لها ) حتى نولفوا بعضياتنا و ندوزوا للتطبيقي ياك قلتي غتخليني بخاطري ايوا من تم لتم ربي تم ههههه
ياسيين:( بطنز ) اييه بلاتي علينا لي زربوا مااتووا
جوهرة:( على نيتها ) واا شفتي ها نتا داباا هضرتي
ياسيين:( ضحك جنب و قلبها عندوا مزير عليها ) تئ عااد غنبدا ( جات تهضر و قال ) حلقي نشف سكتي شوية
جوهرة:( كتبعد ليه وجهوا و تهضر ) و لا حراام عليك باقى مقسحة عاافاك غير هااذ النهاار الله يخليلك ما عزيز عليك
ياسيين:( هز راسوا فيها ) بدينا عااود ؟
جوهرة:( عينيها كيلمعوا ) غير هااذ النهار وجه الله عاافاك
ياسيين:( قلب عينيه كيسوط ) غنسلخ والديك
غفات بيها عينيها شوية .. ما حسات غير بصوت مها كتفيقها و هضرت رجاال كثييييرة .. فتحات عينيها حووومر و منفوووخين بقوة لي بكات .. غير شافتهم و هي تقفز و رجعات لوور .. باارغم من أنهم بملابس عاادية بحال أيها الناس لكن قدرات تميز أنهم بوليس ..
توجه عندها واحد منهم و بسرعة قلبها و دارلها المينووط فيديها و وقفها .. كلشي وقع فثواني معدووودة حتى لقات راسها خاارجة من فيلا ديالهم كتغوت لربي لخلقها و تعيط لمها و باها .. فحين البوليس كيدفعوها قدامهم تزيد .. و ففمهم حاجة وحدة فالكوميسارية غتعرفي لي كاين !
ركبوا فالطونوبيلات و قلعوا طاايرين .. حتى وصلوا للكوميسارية .. دخلوها لبيت مظلم فيه طبلة وحدة و واحد الزاجة د الضوء كتشعل و تطفي .. شداتها الدوووخة و الخلعة .. ما فاقت غير على تسرفيقة قاااااسحة من عند الشاف ديالهم قلباتها لوور هي و كرسيها .. كثرااث الهضضضرة و الغوااات من هناا لهناا كلها و شنوو كيقوول و هي حااطة يديها على وذنيها و كتبكي و تقوول بهيستيرية
حنان: انا ما درت وااالووو ما درت واالوو ما قتلت حتى حد .. بعدووا مني مااا درت واالوو يااا ربي الحبيييب
بعد هاذ الساعات لي دازوا عليها فالجحيييم .. تزدح الباب بالجههههد و خلاوها فظلااام .. كتصنت لعظامها و كلشي كيدووز تقيييل حدااها .. بحال يلا راها فشي دوااامة ما عارفة راسها من رجليها .. فينما حركووها كتمشي .. بحال شي موونيكة فيديهم .. طاقتها وصلات للحضيييض .. عياات تدافع على راسها قداام وكييل الملك .. لكن وااالوو ..
القاضي: حكم على المتهمة حنان الوكيلي بالمؤبد حسب الفصل ** من المسطرة القضائية .. رفعت الجلسة
ضرب بالمطرقة بالجهههد و فنفس الدقيقة فاقت حنان من كابوسها صدرها كيطلع و ينزل بالجههههد .. يحال يلا كانت فشي صحراء كتقلب على جغمة دالما تعتق بيها روحها .. وقفات كتترعد دخلات للدووش كتشرب ملهووفة و تغسل فوجهها لي كولوا تخربق بالدمووع و المكيااج ..
حالتها كانت غاادية من سيئ لأسوء بحال يلا بغات تحمااق و لا تدخل فحالة هستييرية خصوصا الحلم كان بحال يلا واقع لها بصح .. او بالاحرى ديكشي لي كيتسناها مستقبلا ! لبسات عليها و خرجات بلا عقل من الفيلا .. كانت شرقات الشمش و صبح الصباح .. هزات تيليفونها كتصووني و تعااود لكريمة .. لي ما جاوباتها حتى ركبات فيها السكر
حنان: كملتي العرس للخر ؟ كي داز ديكشي ؟ و كي كانت خرجة العروسة ؟
كريمة:( بنرفزة ) كي بغيتيها تكوون !! بحال اي عرس .. فرقوا العشاا تعشينا و هز مراتوا و مشاو .. شنو لي غيكون سبييشل * مميز * وجه الله مفيقاني باش تسولي هاذ السؤال الحامض ؟
حنان: لا بغيت نعرف داروا فين جات ؟
كريمة:( باغى غير تنعس ) غيسكنوا مع واليديه .. دارهم راك عارفاها وا بعدي مني .. الزبييلة
حنان: تلاااحي تنعسي ما تنووضي على كنس
انطالقات فشوارع المدينة .. حتال دار عائلة ابراهيم .. جلسات فالجنب وااقفة كتتسنى بالسااعات الطوييلة .. حتى طابوا لها الجناب .. عاد وقفات طونوبيل مزينة قدامها .. نزل منها ابراهيم مع عروستوا ضاحكين ناشطين ما بيهم واالوو .. حدها شافتهم و هي تطلقها بزفير حااار و طاحت مهدوودة فووق الفولا .. بحال يلا اخيييرا تنفساات و ما بقاتش مخنووقة و خاايفة من خيالها .. خاصة العرووسة من ملامحها كتبان مرتاحة ماشي شي وحدة لي مريضة و لا دوزات ليلة فالكلينيك ..
❌ فلاش باك ❌
خرجات حنان من الكوزينة كدور عينيها عنداك شي حد يشوفها .. فنفس الدقيقة دخلات أم العروسة .. هازة الصندوقة د الذهب .. بانتلها السينية محطوطة و مقادة ما حداها حد .. ساطت بغضب و تسنات الحجام يجي .. و قالت بصرامة
.... : الماكلة دالعرسان عمرها تبقى هاكا .. بدل عليا هاذ الحليب ديروا جديد .. يا الله سربي ..
بقات واقفة عليهم حتى بدلولها و خرج قدام عينيها هاز السينية .. و عطات الصندوقة لواحد أخر و هي تابعاهم من لور و حاضية امور بنتها ..
❌نهاية الفلاش باك ❌
ياسيين:( قلب وجهوا كيسوط ) غنسلخ والديك
جوهرة:( باستعطاف ) وا عاافاك و الله حتى عيااانة باغى غير نغمض .. داز عليا نهاار طوييل و رجلي باقى عاطياني الحريق ..
ياسيين:( شاف فالساعة لقاها .. الجوج دالليل .. قلب عينيه عندها مفقووص ) نعسي يا الله نعسي .. نلقاك حالة دوك الزيتونات نتحاطوا هنا
خلاها مبتاسمة و دخل هو للدووش سد عليه مدة و هو تما حتى خرج ملوي على نصوا فوطة .. لقاها نعساات حالة فمها شوية و مكمشة فراسها
ياسيين: نعسي اختي نعسي نتي معامن جات
ضحك على راسوا و على حالتوا .. و مشى للماريوا كيجبد حوايجوا .. لبسهم و هز صلاية حطها فاتجاه القبلة و صلى العشاء و كمل شاد العسة حتى وذن الفجر و صلاه تا هو و طاح ناعس حداها بالعيى
💫💫 يوم جديد 💫💫
فاقت جوهرة فالصباح بكري .. طار عليها النعاس .. بقات متكية حاطة يديها تحت حنكها و كتشوف فياسيين بهدووء بلا ما دير حتى حركة .. حتى ملات و وقفات بالشوية عليها .. خرجات للحمام غسلات وجهها و دارت روتينها بالخف .. و دخلات للكوزينة كدور فيها فرحاانة و راشقة لها ..
دارت قهوة تطيب و خلطات بالزربة كيكة دالكوكوط دارتها طيب .. فتحات الفريكوا لقات مسمن متلج تما .. استغربات .. فلخر جبداتوا حتى هو كتسخن فيه .. و يديها كيضوروا من هاذي لهاذي حتى وجدات كلشي و عطات ريحة القهوة المعطرة فالدار كااملة .. هزات السينية بالشوية عليها كتنقل من الكوزينة للصال امونجي .. حتى بقالها ااخر طبسيل .. و هو يخرج ياسيين من البيت مغووبش شوية .. داز من حداها و شحطها لمؤخرتها حتى خلاها كتوزوز و تنقز فبلاصتها
ياسيين:( جلس قبالتها مكمش عينيه و باقي ما مصحصح مزياان ) شي كاس الله يحفضك
جوهرة:( كبات ليه و ليها و جلسات مقابلة معاه بابتسامة ) صباح لخير
ياسيين:( شرب من كاسوا و حرك عينيه كجواب حتى شافها كتشرب القهوة و قال بصوت مبحبح ) قاسحة عليك .. خوذيلك الحليب و لا العصير
جوهرة: مولفة بيها .. ما عنديش مع الحليب كيغليفني خصوصا يلا كان مفيض .. تنكره نفيضوا كنت كنشربوا بزز
ياسيين:( تبسم ) ما تفيضي حليب ما تخلينا نفيضوا لبينة لاش عايشة ؟
جوهرة:( بنية ) لبن ؟ حتى هو ما كيعجبنيش حامض
ياسيين:( صافي صحصح معاها و العينين تحلوا ) لا هذا حلوا غييييعجبك و يخليك طااايرة فالأعاالي تبقى تبانلك غير الحياة السعييييدة
جوهرة:( غوبشات فيه ) شنو هذا ؟ لبن !
ياسيين:( بهدوء ) لا ضنااب ديال عموا الحاج
ما فهمات والوا .. بقات كتشوف فيه باستفهام .. و قالت ببراءة
جوهرة: شمن دناب ؟ أنا راه كاع مشتقات الحليب ما عنديش معاهم .. دانون لي كيعجبني لا غير
قهقه بالجهههههد حتى دمعوا ليه عينيه .. هز يديها و حطها على العضو ديالوا و زير على يديها حاسة بيه تحت منها وااقف و قااسح بحال الحجرة .. خرجات عينيها و تزنكات كي ماطيشة .. موقف لا تحسد عليه .. بغات غير تهرب يديها و هو واالو قابطها .. عينيها دمعوا شوية من حشمتها ما بقاتش قادرة تشووف فيه كااع بحال يلا ضربها بتسرفيقة زعزعاتها
ياسيين: ها الحاج شريك حياتك لي غيفيضلك لبينة .. يا الله تفاهمي معاه
جوهرة:( كتجر فيديها و هو مزير عليها ) ياسيين عافاك خليني
ياسيين: هههه زوجة ياسيين .. لكبيدة ديال ياسيين .. تفاهمي مع حبك الله يرضي عليك و صفيوا الخواطر .. ما غنبقاش داير الحكم بيناتكم فكل مرة ( غمزها ) يالاه
جوهرة:( بغات تنشق الارض و تبلعها ما طلقها حتى شافها تعصراات فبلاصتها بقاتلها غير شوووية و تبكي ليه تما .. يا الله بغات تنوض و هو يجرها و جلسها فوق فخاضوا .. كيشوف فعينيها نيشان )
ياسيين: جلسي نتفاهموا لمك ( قرصها فجنبها حتى شافت فيه موجعة .. و كمل هو كلاموا بجدية و مزاح فنفس الوقت ) غير غتلقاي الحل لراسك تبارك الله .. ما غتلقايش غنولي نربط مك و ندير فيك لي عجبني .. ها وذني منك
جوهرة:( شافتوا كيهضر بجدية ما باينش عليه كيضحك .. فتحات فمها تجاوبوا و هو يحبسها )
ياسيين:( حط يديه على شفايفها مسكتها ) بلا ما تهضري دابا .. ما دام تزوجتي إلا و عارفة لي ليك و لي عليك .. راه بالرب عمري شديت الخاطر لشي وحدة هاكا قدك .. حتى نتي ديري فين يسلك الما .. ما كنبغيش نتعصب عليك اجوهرة و نقلقك حيت عارف راسي اش كنسوى .. donc خلينا ناشطيين ( بابتسامة ) صافي احبيبي
جوهرة:( تبسمات و زعمات قربات ليه باستوا فحنكوا بثقالة و بعدات كتشووف فيديها مزنكة ) واخا سمحلي
ياسيين: واخا حافية ! ما كاين حبيبي و لا كبيدة و لا لعمر ديالي ! هاذشي ناشف عندك اخوويا
جوهرة:( حشمااات حتى ما قدات و لكن حاولات تطلق راسها معاه خصووصا من هاذ الايام لي عاشراتوا فيهم فهمات بلي عزييز عليه الزهوو و الضحك و النشاط .. ما مسوقش مهم يعيش الحياااة ! و شحال ما بقى صابر لها فلخر غيتفركع و ديجا شافت الشونتيوا من قبل و ما بغاتش نرجع تشوفوا مرة أخرى ! عضات على فمها بالجههههد و قالت بهمس بزز كيتسمع ) ح حب ام حبيبي
ياسيين:( بلق عينيه فيها و قرب منها عاطيها وذنوا ) عاوي عاودي
جوهرة:( حاسة بخط دالعرق باااارد نازل معاها و ذاتها رجعات سخووونة طالعة معاها الصهدة بالجهههد .. دارت يديها بين وجهها و قالت ) واا صاافي عاافااك
ياسيين: واا بربي حتى تعااوديها نسمع !
جوهرة:( بخجل ) حبيبي
ياسيين:( فرنس لها و تحنى باسها بالجهد ففمها حتى خرجوا عينيها و نطق بنبرة كضحك بحال شي ولد عطيتيه حليوة و ما قاداه فرحة ) يااااه على حلاااااوة ( قرصها فحناكها بظهر يديه بالخف ) يخلييلي لي يحشم
جوهرة:( اكتفت بضحيكة خفيفة ) ههههه
ياسيين:( ضحك و قال ) الضحكة و معامن كتجي .. حلووة ابنت النااس برب حتى عسوولة
جوهرة:( تزنكات و تبسمات حتى تهزوا حنيكاتها للفوق مطبزين و حمييمرين ) كتحشمني و الله انا راه زرقة فهاذشي ما كنعرفش نجاوب و نتا تبارك الله معلم غا قبل عليا ( زلقات لها الضحكة ) هههه
ياسيين: هههه معلم و منك نتعلم احبيبي ( هز حاجبوا ) ما تعرفي تجاوبي على الكلام الزين ! ايوا و المعيوور ااش خباروا معاك ؟
جوهرة:( ضحكات ) ايوا شغنقوولك وا حق الله تا زرقة .. عمري فحياتي دابزت مع شي وحدة و لا تناتفت بحال لبنات .. شفتي تخسار الهضرة هو لخر ما نعرف منين نجيه .. غتجيك غرييبة خصوصا هاذشي رجع بحال السلام عليكم عند البنات و الدراري .. و لكن أنا هكا تربيت و ما نقدرش نتبدل
ياسيين:( هز حاجبوا ) لا غير ديريها الزين الصافي لما نطرطقهم لوالديك .. بغيتك هاكا قطة مغمضة و الله ما كاين ما حسن من البنت تكون درويشة و محتارمة راسها .. الدراري و الرجال بصفة عامة عااادي و لكن لبنات نشووف شي وحدة خارجة كتدابز فالزنقة و لا كتتعاير و طيح الهضرة .. كنعييفها فبلاصتها .. و كااع ديك المكانة لي عطاها الله و ميزها بيها كتتبخر فعيني .. كاين فرق بين ندافع على حقي بأدب و نشرح موقفي و بين نفرعن و نبدا نتهز و نتحط
جوهرة: بصح الله يهدي ما خلق
كملوا فطورهم و هي جالسة فوقوا ما بغاش يطلقها يوكلها لقمة و يتبعها ببوسة بغى يطيرها من بلاصتها .. حتى كملوا و ناض
ياسيين: الله يعطي الصحة لهاذ الصبيعات ..
تبسمات ليه مخلياه جالس كيقلب فالتلفزة و هي كتنقل حداه حتى كملات و جمعات الدنيا و مشات لبيتها دخلات توضات و صلاة الصبح .. عاد خرجات عندوا ..
جوهرة: شنو ندير للغذا ؟
ياسيين : كي بقات الرجيلة بعدا ؟
جوهرة:( تنهدات ) عاطياني الحريق شوية مهم هاني كنتلف و صافي
ياسيين: درتي الدوا ؟
حركات راسها بآه و وقف مشى للكوزينة كيقلب فلي غيحتاج .. جبد الدجاج و حطوا جنب فبانيوا عامر بالما سخوون ..
جوهرة:( باستغراب ) شنو كدير ؟
ياسيين: عمرك دقتي ماكلتي ؟ ليوم تذوقيها !! زعما العروسة كتجلس سبع أيام عاد تدخل للكوزينة .. نتي دخلتك ليها من نهارك .. و لايني هاذ الراجل عندك ما كيحشمش !
خلاها مبهووضة .. وااش كيهضر من نيتووا نييت !! دخلها العجججب فيه .. قبل ما تزيد تفهم منوا .. كان ضار عندها قفزها
ياسيين: سربي راسك يا الله .. فالعشية غيجي كريم و زينب و خليل ( راجلها ) و ابتسام .. يشووفوك كي بقيتي
جبد لي غيحتاج و مشات هي كتعجن و هو حاضيها بحال لعكايزات .. كبي لماا رشي الدقيق .. زيدي الملحة .. خفي يديك .. فقصها ما كرهاتش تزف عليه بداك المقراج .. غير حشمات و كان ..
كملات و خلاتها مغطية .. مشات غسلات يديها و سرحات رجليها برااحة جالسة قبالتوا حاضياه .. كيفاش مركز فديكشي لي كيدير .. قلب عليها قلبة وحدة ما بقاش هضرها تقول كيدوزوا امتحان .. عاطي كل تركيزوا فلي بين يديه ..
حركاتوا كانوا متقوونين و دواحد محترف و عاارف ااش كيدير .. حطات يديها على حنكها كتشوف فيه بصدمة .. الراجل صدق كيعرف يطيب حسن منها و هاذي لي ما كانت ناوياها و لا فبالها !
داز الوقت كان كمل فيه و خلى ديكشي كيطيب .. نوضها تبعاتوا للبيت ..
ياسيين: وجديلي حوايجي .. غندخل ندوش و حضي معاك البوطة
جوهرة: واخا بالصحة
خلاها و دخل كيقاد الماا فالسخوون .. حيد عليه و لاحهم قدام لباب تا مشات هزاتهم .. دارتهم فالسلة دالغسيل .. و حطات ليه حوايج جداد فوق الناموسية هما و الفوطة .. كتسناه يعيط لها تمكنها ليه .. وذنيها معاه و عينيها مع البوطة لا تمشي تحرق .. بقات هكاك حتى طابت و تقلات و الورقة تفورات مزياان عاد طفات عليهم .. كتتسنى فووقاش تذوقها و تشووف واش لذيذة نيت و فيديه و لا غير الهضرة ..
سمعات صوتوا كيعيط عليها و مشات بالزربة هزات الفوطة و دقات عليه فلباب و قالت
جوهرة: هاك الفوطة اياسيين .. كملتي ؟
ياسيين: لا باقي
جوهرة: نحك ليك ظهرك ؟
ياسيين:( فتح لباب و جرها مزيرها مع الباب شاد الضحكة بزز ) انا لي باغي نحكك هاذ السااعة
طاح عليها بالبووسان و العضان و مرة مرة يقرصها من جنبها حتى تعواج .. و لي فرحوا هو أخييرا ما اعتارضاتش بلعكس سكات و خلاتوا يدير لي بغى مرخية ليه .. حنا عينيه لرجليها و ساط بنفاذ صبر .. عارف ما خصهاش حس الصهد و لا سخوونية .. خطف لها الفوطة لواها عليه و هزها نيشان للناموسية .. يكمل ما بداه فالدووش ..
كانت علاقة متكاملة واخا جوهرة عياات تصبر راسها .. لكن الألم لي حسات بيه كثر من المرة لولة .. بحال يلا حط الملحة فووق الجرح .. صبرات راسها تا عياات ما باغاش تقلقوا لكن فالأخير فلتات ليها البكية من حر الألم ..
واخا حااول معاها ما يقسحهاش لكن كان ضرووري من الحريق .. طالت بيناتهم العلاقة لمدة سااعاات و كيفما وعد وفى " غنسرحك مزيااان "
بعد ما كملوا ترخى عليها حاس بالعيى و شي نعسة حلوووة جاتهم بجووج ..ما حسوا براسهم غير منتاقلين لعالم الأحلام .. لي فيقهم منوو كريم بصووت الدقان و الصونيت على الجهههد ..
ياسيين:( فتح عينيه مبووق .. كيسمع الباب كتفرع .. غمض عينيه بصبر .. عرفوا الفردة ديالوا و شكون من غيروا ! وقف بالشوية يلبس عليه و يفتح لهم و هو يلمح الدم فليزار تحت من جوهرة لي سليبها متختخ بالدم )
بانليه سليبها متختخ بالدم و بقعة صغيرة من تحتها .. حط يديه على ذراعها كيحركها بالشوية حتى فتحات عينيها و قال بسرعة
ياسيين: جوهرة نوضي للدوش .. انا جاي دابا ..
خشى راسوا فالتيشورت و طلع الشوورط و مشى فتح الباب بالزربة .. مع الفتحة مع تقرفيدة لكريم
كريم: يحرق طباسل مك الكلب
ياسيين: هرسها ( خرج عينيها ) و الله حتى تهرسها ... كنت تبني فيها ! ( شاف فالبقية لي مولفين هبالهم ) دخلوا دخلوا
سلم عليهم بحرارة و خلاهم جالسين مجموعين فالصالون و هو مشى يشووف جوهرة لي حاسة بنصها بحال مخشيين فيه الموااس و ما بقاش منها .. تخلعات من داك الدم واخا ما كانش كثيير بزااف و لكن كيبقى دم ! و هابط منها ! يعني كااينة شي إن فالموضووع .. تخلعاات بقات شاادة فقلبها كتررجف بالخووف .. تا تفتح باب الدوش و دخل عندها هاز واحد اللعيبة ديرها على حساب رجليها ما تقيسهاش بالما ..
ياسيين: صافا ؟ واش مقسحة بزااف ؟ مضرورة ؟
جوهرة:( بغات تبكي و تقولوا كنتقطع و خافت يتقلق و سرطاتها لداخل بزز تبسمات ليه و قالت ) لا لا شوية و صافي .. غير الدم خلعني ( بخوف ) عنداك توقعلي شي حاجة
ياسيين:( باستغراب ) ديما كنبغي نسولك و كننسى .. مك ما هضراتش معاك فهاذشي ؟ ما شرحاتلك والو !!
جوهرة: لا ما عارفة انا والوا فهاذشي ( حنات راسها بخجل )
ياسيين: اووك ما عليش .. مهم ها الدوا عندك هنا ديريه حتى ترتاحي و دخلي دوشي و شوفي شي ألويز لبسيها ( تحرك بخفة كيمدلها و كيهضر فنفس الوقت ) الدم نورمال يهبط حيت المرة لولة غير ديفيرجيتك لا غير .. و فكل مرة غيبقى يهبط منك شوية حيت لحم كيتجبد و عاد كياخذ لعبار ديالي .. ( حك عنقوا ) غير واقيلة فورصيتك عليك شوية .. ياك ما حاسة لا بالدوخة لا والو ؟
خلاها واقفة هازة الدوا كتسناه يخرج تا بانلها كيحيد حوايجوا و دخل تحت الرشاشة كيدوش بالزربة و يتوضى .. كمل و خرج مخليها براحتها .. دارت الدوا فيديها و بدات تشلل بيه و اجي تشووف التوزويز و الحريق بحال يلا كتخشي ليبرة فعينيها .. الدمووع بالقنااطر نزلوا من عينيها و تزنكاات معععصرة و صاابرة .. حتى حسات بالحريق هدن عليها شوية عاد ناضت من تما و دخلات تدوش دغيا باش متزيدش تعطل عليهم .. كملات و دارت الدوا للحرقة لي بدات كتبرا شوية .. لبسات عليها فراشة طويلة بالكميمات جاتها كتحمق مع شاالها و شربيل فرجليها .. خرجات عندهم حشمانة و مزنكة بالفوار دالحمام ..
جوهرة:( بابتسامة صادقة و بنبرة طفوولية نطقات ) زنوووبة
زينب:( هزات راسها و وقفات بالشوية عليها و كريشتها مكورة حداها ما بقالها واالو و تولد .. تبسمات تا هي خصوصا حسات من وجه جوهرة بلي فرحانة حيت جات عندها ماشي كتنافقها ) الجووهر دالعائلة ههه
جوهرة:( قربات منها بالشوية و سلمات عليها بحرارة .. حطات يديها على كريشتها حركاتها بحنان ) كن غير بقيتي مرتاحة انا نجي عندك .. كي بقيتي مع الخفة ؟
زينب: الحمد لله احبيبتي و نتي ؟ قالي ياسيين تحرقتي ( جمعات ملامحها بألم ) لحمي بورش عليا .. الله يجعلها أخر الأحزان يا ربي
جوهرة:( دخلوا عندهم و هي كتقول ) أميين يا ربي ما يكون عندك باس الزين
ياسيين:( ضحك و قال ) اودي منين جاها الزين ؟ ياا خوويا الصبااغة عندكم كتبااع بالقنطاار
زينب:( ميقات فيه و جلسات حداه طرشاتوا فحنكوا بالشوية ) سير تلعب مع قرانك ااش عرف الحمير فسكينجبير !
جوهرة:( خرجات عينيها فيها و زمات فمها صدماتها و حشمات بلاصتها .. ضارت عند ابتسام كتسلم عليها و القت السلام بفمها على الرجال .. يا الله جات تجلس و هي تسمع واحد الخبطة قفزاتها من بلاصتها !! )
ياسيين:( طلع حاجبوا و هز يديه خبطها لفخذها تا تسمعات بالجههد ) يركلك ان شاء الله الحلووفة
تغرغروا عينين زينب بالدمووع فالبلاصة خصوصا ما لابسة خفيف مع الثقالة رجعات كتخنق .. دونك تقسحات بالمعقوول .. حنات راسها ساكتة و هما نساو الموضوع و تقلب اهتمامهم لجوهرة كيسولوا فيها و كي بقات و كي وقعلها و هي كتجاوبهم برحابة صدر .. حتى تسمعات شههقة دوحدة مقهوورة نيت .. ضور ياسيين وجهوا مخلوع لزينب .. هزلها راسها لقى حناكها فااوكين بالدمووع و وجهها حمر .. صدماتهم كااملين حتى نطق راجلها
خليل: زينب مالك ؟
زينب:( تقجات ) أنا حتى واحد ما كيبغيني كلكم كتدوروا فيا و ما عندكمش عزيزة .. نتا لول و دابا حتى ياسيين ( حطات يديها على فخضها تتحكوا مقسحة ) تانا ما نبقاش نهضر معاكم .. و ما بقى واالو و تتهناو مني 😭
ياسيين:( جرها و هي كتنعتت معاه حتى عنقها و حنا راسوا كيشوف فيها و حاط يديه على فخضها كيحركها بحنان ) وا صافي البرهووشة دخووها .. ضحكت معاك غتندمينا ! شكون يسخى بيك الفنوون و شكون هاذ العور لي مكيبغيكش و ما كيحملكش غير وريه ليا و رجعي للور
زينب:( هزات كتافها بدلع ) كلكم !
كريم: الله اختي الله .. ما تجمعينيش معاهم الله يرحم باك
ياسيين: الزين دخووها ( مسحلها دموعها ) صافي اعيشة دمييعة .. زعما جيتوا تفوجوا و تنساي الخوف ماشي نزيدوا نمرضوا فراسنا .. يا الله سكتي ( بقات معنقاه و ساكتة )
كريم:( ضحك و جر الطبلة عندوا كيضرب فوق الزاج بطريقة احترافية .. حتى بدا كيغني بصوت وااااعر و عينيه تابثين على زينب ) قوليلي يا زينة لبنات .. ماماك علاش توحمات ؟ مي دادا العسل هذا . كمرة فسماا خليل ضواات
خليل:( ضحك و كمل معاه من بعد ما جرها عندوا كيضحك معاها و يبسط ) زينك ما شاء الله عليه .. اللي شافك تعجبيه .. قلبي أنا عقلي أنا بشوفة وحدة خذيتيه
ياسيين:( ضحك و كمل معاهم ) واا آية فالجمال .. تبارك الله عليك .. دلال على دلال و الزين مواتيك ( شاف فجوهرة و غمزها )
بقاو معاها حتى ضحكوها .. خصوصا نفسيتها فهاذ المرحلة حساسة و خايفة بزااااف من الولادة .. أبسط حاجة رجعات تبكيها و تمرضها .. وقف ياسيين و كريم ناضوا للكوزينة مخليين البقية مجمعين فمواضيع عادية .. من غير ابتسام لي هازة تيليفونها ما مسوقاش ليهم كاااع و لا هي فهاذ العالم ..
ياسيين: مالك نتا عاود ؟
كريم:( تبسم ) توحشتيني احبيبة ههه ( لقى ياسيين كيشوف فيه بجدية و هو يتنهد و قال ) والو والو غير خليتك مع مراتك بخاطرك
ياسيين:( هز حاجبوا ) ماشي عليا ! باين ماشي على خاطرك و بزز كتهضر و تضحك .. ااش واقع ؟
كريم:( زفر بقققوة ) الواليدة لقاو عندها ولسيس ( كمل بألم ) كنت معاها هاذ الأيام .. راك عارفة طبيب و محاينوا .. خصهم يتأكدوا واش ورم خبيث او لا
ياسيين:( تصدم و حط يديه على كتافوا زير عليه و عنقوا كيضرب على ظهروا و قال بمواساة ) ان شاء الله ما يكون عليها حتى ضرر و تخرج منها بخير و على خير ( زاد زير عليه ) يلا احتاجيتي شي حاجة و ما علمتينيش بالرب ما نسمحلك .. راك خويا و هي الواليدة الثانية ديالي
كريم:( حرك راسوا بااه ) عارف لي كاين بلا ما تقولها .. الله يحفضك اخوويا
داز الوقت تا تم جاي ياسيين بكصعة فيها الرفيسة مسقية و مقاادة و كريم تابعوا ببلاطوا فيه زلايف دالمرقة و قرعة دالما و الكيسان
ياسيين: يا الله تقادوا بسم الله
تجمعوا عليها كلهم و بداو كيلقموا بيديهم و ياكلوا بلا بريستيج .. لي يشووفهم كاملين و خصوصا ياسيين ما يقولش كابر فالميريكان .. بلعكس ولد البلاد مقققطر ..
زينب:( ريوكها سايلين كلات يا الله جوج لقمات و رجعات لور ) ما دايرش فيهم المساخن ياك .. غير ناكل ما نخافش
حرك راسوا بااه بلا ما يهضر و كملوا ماكلتهم و كل شوية يمد لجوهرة و يقرب ليها لحيمة و كلهم حاضيينهم و ضاحكين فسرهم ..
ابتسام: اممم الله يعطيكم الصحة .. ياسيين نجلس معاكم هاذ اليوماين على ما نسافروا ؟
ياسيين: مرحبا
كملوا و وقفوا غسلوا يديهم .. و رجعوا منشورين فبلايصهم كيشوفوا فديك الطبلة لي تقول دازت عليها الحرب
ياسيين:( بانتليه مراتوا عيانة و جالسة بزز كل شوية تتعوج و هو ينغز ختوا ) ابتسام نوضي من تما اجي حدايا .. خلي جوهرة تتكى و تطلق رجليها
ابتسام:( هزات فيه عينيها مكرهة ) لا بلاصتي مسخناها ما نوضش
جوهرة:( تدخلات ) لا لا غير خليها مرتاحة ويلي حشوومة .. غير خليك احبيبة انا مزيانة
ياسيين:( حك حاجبوا و عوج راسوا شوية جهتها ) هضرت واقيلة لا ؟
ابتسام:( وقفات و جلسات حدا كريم كتسووط )
ياسيين: تقادي نتي يالاه
تحرجات جوهرة حداهم و حشمات ما حسات بيه غير واقف عليها كيقادلها المخاذ حتى جلسات مرتاحة و ريح حداها ..
زينب:( متكية على راجلها سخفاانة ) كليت حتى تفركعت ففف النفس تقطعات فياا ..
ابتسام:( شافتوا كيشوف فيها و ضورات وجهها فجنابها و هزات صبعها حطاتوا على صدرها بمعنى أناا !! و هو حرك راسوا بثقالة بااه ) In your dreams honey " فأحلامك عزيزي "
زينب :( بهدوء ) ابتسام نوضي الزين .. نتي الصغيرة و اصلا ما غادي ديري واالوا .. ما فيها باس
ابتسام:( بغات تبكي ) و الله ما نوضها يا الله .. منين يتقاداولكم ضوروا لجيهتي .. أنا عياانة أصلا ما قادراش
كريم: كنا كنهزوا عليك الملحة الله يمسخك !
ابتسام:( هزات كتافها ) ما سوقيش .. أنا ضيفة هنا لي عندوا شي دار يقد بيها .. مالها هي ما تنوض ( على جوهرة ) ياك أول دخلة عندنا و هي عروسة .. ايوا فين هي التكبيرة منين انا نوض نخدم عليكم بحال شي خدامة .. نتوما جالسين و أنا تنخدم عليكم بحال شويش دالهم .. و الله ما تكون ليكم بالله
كريم:( حمر عينيه فيها ) ابتسام سكتينا
ابتسام: هانا ساكتة غير بعدوا مني .. كنقيل نتقاتل مع القراية و نهار نبغي نرتاح تجيبوني تحرتوا علياا .. و الناس ما تقرا ما تخدم و متكية
جوهرة:( ما حسوا بيها حتى كانت وقفات و قاطعاتها ) عندك الحق نتي عيانة صافي أنا لي غننوض غير خليك
النقرة الصافية الجزء الرابع
محتوى القصة
التنقل بين الأجزاء