ياسيين:( دخل فيه براس حتى رعف ) ختتتتتي ختتتتتي الق**** يا ولد ****
طلع محمد من التحت و الدراري باغيين يدخلوا بيناتهم يفكوا .. تا غوت ياسيين ضاير فيهم كاامليين
ياسيين: يقرب شي ز*** فيكم لهنا غنذبح موو مع هااذ الق***
جر داك الولد ما عاقلش على راسوا العاافية شااعلة فيه عرااااق حتى ما قد و بقالوو شوية و يطرطق .. دخلوا لطواليط و طرق لباب عليهم باش حد ما يتدخل .. عاد ضار عند لاخور لي باقي دايخ و ما فاهم واالو .. بلا ياسيين لي يدير منو جووج ..
نزل عليه فسكاات بالبوني ما كيهضرش غير كيضرب بكل جههههدوو الدقة فينما جاات خمج ليه الوجه تا ما بقى يبان فيه واالوو بقوة الدم لي كيشرشر من نيفوا .. شاافووا بقاالوا شوية و يغيب عاد وقف كيضرب فيه برجليه لجهة كرشوا و جناابووا و يغوت
ياسيين: ختي ولات سلعة عندك ال**** تدووقها و تدوزها لصحاابك ( تحنى و جروا من شعروا بالجههد عندو ) كي جااتك هاذ الحلوة تا هي مزيانة لا ؟ ( باستهزاء ) ولا ما فرحتيش لقريد ياك ؟ نفرحوه تا هو علاش لا
خرج لاخور عينيه و غوت لربوا لي خلقوا فاش ضربوا برجليه لقشااوشوو فنفس اللحظة تفرعات لباب و دخل محمد كيجري شااف حالة خووه و مشى جهة ياسيين لي صعر بالمعقوول و هضرتوا كطلع و تنزل فيه باغي يكمل عليه
ياسيين: قسمااا برب الكعبة ما غندوزها لكم غتهضر معااياا داباا غنق*** أنا و *** بووكم كااملين ( شاف فلاخور لي موقفينوا صحابوا بزز و قال) عقل مزياااان على هاذ الكماارة .. يلا ما علمتكش أصوول رجلة رااني ز*** بحاالك
خرج من تما كيلهت لقى كلشي كيسفر من غير صوت ابتسام لي كتبكي و كريم قبالتها نازل عليها بالتسرفيق وحدة تابعة الثانية .. قرب منهم بلا كلمة بلا جووج بعدوا عليها و جرها من شعروا مزيدها قداامووا
ابتسام:( كتبكي بالجههد و تشهق ) ياسيين خليني غير نشرحلك
ياسيين:( رجعها للور عندوا و جمع معاها بضهر يديه عاد شاف فيها مخننزر و الأعصاب دالدنيا و الدين راكباه ) غتسدي خربتك تباارك ما غتسكتيش غنفرج فيك أمة لا إله إلا الله كاااملة هنا ( قرب منها و هضر بوعييد ) قسماا بالله الكلبة تا غنرووضيك بحال الحميير ( شاف فكريم لي ما كرهش يطير عليها و قال ) سير نتا جيب جوهرة من الدار .. تسناها حتى تجي و قلها تجمع حوايجنا ( شاف فابتسام ) أنا ما بقاتلي خدمة من غيرك ... ساااليييت غنقابلك غير نتي ..
قبط كريم طاكسي مشى يجيب جوهرة في حين ياسيين راه ركب طااير و ابتسام لوور كتسمع ليه كيسب و يخيخ و هي غير كتبكي فسكاات و حوايجها لتحت فزكاتهم بقوة الخووف .. حصلات حصلة دالعدااو
حك الرواايض بالجهههد منين وصل .. فتح لباب خلاه مترع و نزلها شادها من شعرها و هي كتبكي و ترغب فيه تيسكتها بالتسرفيق تا وجهها ما بقاتش تحس بيه لي خلاه كرييم كملووا ياسيين ..
كان السكاات فالفيلا و حد ما كااين .. عرفات هاذي هي اللخرة ليها .. و ما كاين حتى لي يفكها ..
ابتسام: ياسيين 😭😭 لمييمة غير سمعني
ياسيين:( سرفقها و نطق بحرقة كتطلع و تنزل فيه ) لاش غنسمع هاا لاش ؟ لي معرية فخااضك للز*** دالخلى ؟ و لا لشحال لمرة خليتيه يعبز فيك كي بغى بحال شي ق*** فالموقف
ما حس براسوا تا طيحها للأرض و نزل عندها كيضرب فيها بلا ما يحن و هي كتبكي و تغوت من جهة و هو كيهضر كيعصي فيها و يهضر من جهة
ياسيين: الحاجة المخخخيرة ليك .. كنقطع من رااسي و نعطيك بلا حسااب ..لي طلبتيها تحضر تكوون تحت و لا فووق الأرض نجيبها للكلبة .. لي قلتيها ما كاين غير واخا واخا ( زدحلها راسها مع الأرض ) و باش تجازيني بالتق***
هاذوا هما الامتحانات و الداخلية يااك ( حبس كيلهت ) قولي دايرة داك الداخلية باش ت*** كي بغيتي و حنا آخر من يعلم
وقف و فتح السمطة ما كيقشعش قدااموا باغي يقتلها و ما يحن فيها طعناتوا فرجولتوا قداام كلشي و فبالوا رااه حمااار كلشي عاارف من غييروا هو .. كلشي كينعت فظهروا و يضحك عليه ..
ياسيين: يلا رجعتي حطيتي رجليك فداك المدرسة راني **** بحاالك
ابتسام: لا ا
هز يديه تال السما كينزل عليها للفخاض لي معريين منيش غير على الرجلين لا غير .. و هي تتغوت لربي لي خلقها حاسة بلحمها غيتقطع من بلاصتوا بالحريق و هو ما حنش فيها كااع بكات و زاوكات و وااالوو سلخها بالمعقوول .. و ما زال كيقلب شنو يزيد يدير فيها .. حيت ما برداتش ليه كيفاش ختووا لي تعذب على ودها و سهر لياالي باش يوفرلها عيشة مزيااانة عكس العذاب لي داز منو .. فلخر تطلع هااكا .. باغي يعرف غير فاش فرط معاها حتى مشات للزنقة تقلب عليه .. بقى كيشحط فيها تا سمع صووت الخطوات لكن ما حبسش .. تسمع صوت جوهرة
جوهرة :( بقات فيها بالجههههد .. حالتها تتقطع فالقلب .. الدمووع نزلولها بحال هي لي كتاكلها .. و كل شوية تقفز من صوت الشحاطي ) يااسيين حبس عاافاك غتقتلها يااسيين عاافاك ( بانلها ما غيجاوبش و ما غيوقفش و هي تدور عند كريم ) كريم وقفووا المييمة
كريم:( ببرود ) خليه يربيها .. تا يكمل معاها و تجي نوبتي .. طلعي لبيتك يلا ما بغيتي تسمعي صدااع
صدمووها بجووج .. خصووصا فاش جلس دار كريم رجل على رجل كيتفرج فيهم بكل بروود و كيتسنى نوبتوا بحال ماشي هو داك الضحوكي لي ضارب الدنيا بركلة .. أما ياسيين خلاص عمرها شافتوا فداك الحالة .. ااه كيتعصب و يغوت و يحيح و لكن ماشي لهاذ الدرجة .. خلعها منوو بالمعقوول بحال هزيتي واحد و حطيتي أخوور .. ما حسات براسها غير واقفة قدامووا
جوهرة: عافاك اياسيين ماشي هاكا .. الاموور ما كتتحلش بالضرب .. الله يسهل عليك لما وقف ..
و واالو واش حبس لقات حل وحيد قدامها .. جرات ابتسام بالزربة من تحتوا و جات قدامها .. فنفس الثانية حسات بالسمطة نزلات عليها .. تا غوتات بالجههههههد بحر الضربة .. حطات يديها على فخضها كتبكي حيت قسحها بالمعقوول و كتقوول واش شحطة وحدة و شنو دارت فيا عسااك ابتسام .. أما ياسيين فراه غفلاتوا و جات قداموا بالزربة و الضربة لي كانت غتجي فختوا جات فيها هي نيت .. ما عرفش كيف وقع أصلا .. قلب وجهوا كيسووط بالجههد و جوهرة كتوجع فالأرض .. و ابتسام راه جاتها جوهرة من الجنة و الناس .. ناضت بزز هربانة جهة لباب .. يا الله فتحاتها لقات سميرة قبالتها كتضحك .. غير شافت حالة بنتها تصدمااااات .. قبل ما تهضر طارت موراها مخبعة فيها غتموووت بالبكى و الخوف من لي جااي
ابتسام: هضري معااهم اماما عافااك 😭😭
دخلاتها محامية بيها .. لقاو كريم لي جالس مقابل معاها و السمطة مليووحة فالوسط .. و حس جوهرة و ياسيين ما كاينش ..
سميرة: كريم ولدي شواقع ؟
لداخل فالكوزينة .. جالسة جوهرة معرية فخضها و ياسيين قدامها جابد التلج كيدوزوا لها على الضربة لي حمااارت و تنفخات فالبلاصة .. و هو سااكت كيسووط
جوهرة:( حطات يديها على ذراعوا بلطف ) ياسيين عافاك براكة و الله حتى بقات فيا مزالة صغييرة و هاذ الأموور ما كتتحلش هاكا
ياسيين:( وقف صااعر و خرج ما جاوبهاش حيت عاارف غيخرج فيها و هي ما عندها ذنب !! )
أما فالخاارج راه ابتسام مخبعة فسمييرة من كريم لي باغي يطير عليها صااعر تا هو
كريم: مالنا ؟ رااه بنتك الشرييفة مخليينها كتقراا و فين لاقيينها ؟ ماشية تتلاقى الصااحب لي عواال يدير فيها شرع يديه ( مد يديه و جرها سرفقها بكل جهدووا و فلتات كتبكي مزيرة على كرش مها و لاسقة فظهرها ) ما عرفناش نربيوك الكلبة يااك ؟ عرفتي بااش كان كيعااود عليك داك ال*** قدام صحاابووا مفتااخر برااسووا و دااير فيك الفرااجة قداام كلشي .. هذاا هو بمن مبدلانا انا و خووك لي ما هلينا ما درنالك
سميرة:( بغات تسخف .. خصوصا فاش شافت ياسيين جاي عندهم و باين عوال علة خزييت نييت .. يا الله وصل عندهم نطقات ) عصيتيها تا ما قديتي راك غتقتلها اولدي
ياسيين: و نششششرب من دمهاا اسمييرة .. هااذي هي التربية ديالك ؟ فينما نجي نتدخل لا بنتي و عاارفاها .. ها عارفاها ( شيرلها جهتها ) كن ما كناش تما ... بنتك غتكوون مفرووعة فشي قنت مناش ؟ من الدوودة لي فيها .. و منين كتقلب عليها .. غنفرعها أناا نييت
جرها تا قلعها من عندها طالع بيها لفووق حتى حبساتوا سمييرة واقفة قبالتووا كتلهت
سميرة: اناا اناا غنربيها .. هاا سخط ها الرضى يلا زدتي حطيتي يديك عليها اولدي .. تانتا اكريم و الله لياني ما يجي على لسانكم مرة اخرى .. بدلوا سالعة بأخرى ... الله يرضي عليك اولدي سير برد الله يرضي عليك
طلقها و داز فيهم كااملين خرج و تبعوا كريم .. فحين ابتسام طاحت للأرض كتكبي من جد عقلها و لحمها كلووا عااقرها .. و سميرة سخفانة حداها شاداها الدوووخة .. حتى خرجات عندهم جوهرة .. تمشات لجهة ختووا و عينيها مدمعين من حالتها لي تشفي العدو .. غير شافتها لووخرى بحال يلا ركب فيها بريز ديال الضوو .. نقزات عليها جراتها من شعرها كتغوت
ابتسام: كلشيي منك .. نتي لي قلتيهاالوو حتى تبعني .. كلشييي منك
تمشات لجهة ختووا و عينيها مدمعين من حالتها لي تشفي العدو .. غير شافتها لووخرى بحال يلا ركبتي فيها بريز ديال الضوو .. نقزات عليها جراتها من شعرها كتغوت
ابتسام: كلشيي منك .. نتي لي قلتيهاالوو حتى تبعني .. كلشييي منك
تخلعات جوهرة و ما عرفات راسها باش تبلات .. حاسة بشعرها غيتقلع من بلاصتووا و الفولار تلوى على عنقها خنقها .. غوتات بالجههد و كتضرب فيدين ابتسام تطلق منها .. لي عااد ما جهلات عليها كثر و كثر .. جراتها هكاك كتفركل ناتفاها حتى طاحت للأرض و كملات جرانها ماسحة بيها الأرض و تتغوت
ابتسام: داايرة ليا فيها ملااااك زمااانك .. تضحكي فالوجه و فالظهر كتضربي
سميرة:( بزز وقفات بالدووخة ماشية جهتهم كتشووف بنتها غطيير على جوهرة تهبطلها وجهها و لوخرى غير كتبكي ما قدرات ديرلها واالو .. وصلات عندهم و ضربات ابتسام ليديها و دفعاتها من عليها بالجهد تا طلقاتها ) باغاه يرجع يذبح مك .. رااه و الله حتى يقتلك المصييبة ( جلسات حداهم فالأرض كتولول ) وااش بااغيين تصفيوهالي هااذ النهاار .. قتلووني و تهناااو امسااخط الوااليدين قتلوووني
ابتسام:( طاحت حداها كتبكي تقسحات كثر ما هي معكورة ) هي لي خرجات عليا .. هي لي مشات قالتها ليه
سميرة:( غوتات مخرجة فيها عينيها ) قسما بالله و ما طلعي تغبري وجهك عليا حتى نعيط ليه داابا يرجعلك .. و هانا قسمت فمي بالله .. تحررررركي
ناضت ابتسام كتبكي طلعات لبيتها و سميرة راه فااشلة فبلاصتها كتشووف فجوهرة شعرها كلوا منتووف و مربعة رجليها على شكل جنين كتبكي .. تنهدات و مشات نوضاتها و جلساتها كتمسح على راسها و تسكتها و لوخرى غير كتشهق و تبكي و ذاتها كترعد عليهاا .. جابتلها كااس دالماا و رشاتها شوية تا بدات كتهدن شوية
سميرة:( خطفاتلها يديها بغات تبوسها و هرباتها جوهرة بصدمة ) نبووسلك يدييك ابنتي جوهرة ماا تقوليهاش ليااسيين ( بدات كتبكي تا هي ) أنا لي عارفاه و الله حتى يدوز عليها بمووس حافي و ما يحنش فيها .. مسحييها فياا ابنتي .. الميييمة و داك الطعام لي شركناه لما ديري لماا منين يدووز و أناا غنتفااهم معاها ( باستلها راسها كطبطب عليها ) الله يساامح ابنتي ..
جوهرة:( بقات فيها و بقى فيها راسها كثثثر عمرها حسات بالحكرة لي حساتها هاذ النهاار من بعد ما كانت فرحاااانة و راشقة لها .. هجرااتووا نييت .. دمووعها غير كيتسرسبووا من عينيها .. بزز جمعات كلامها و جاوباتها ) ما عليش اخالتي ..
سميرة:( خشاتها فصدرها كتمسحلها دمووعها ) الله يفرشك و يغطييك بالرضى .. الله يكون منك و يرحم من رباك .. عمري ما ننساها لك ابنتي ( خرجاتها من صدرها و قالت ) مسحي دموعك و قادي حوايجك .. سيري عند ماماك قبل ما يجي .. رتاحي لك هاذ العشية ( زيراتلها على يديها ) ما تقوليلها حتى هي واالو و حقك غناخدولك بيدي صافي ابنتي ؟
جوهرة:( بقهرة ) ياسيين ما غيعجبوش الحال نمشي بلا خباروا
سميرة: كووني هاانية أنا غنهضر معاه ما غيقوول واالو .. غير سيري يلا شافك هاكا غيعرف شي حاجة واقعة و غيعصر عليك تا يعرف و ساعتها و الله تيطيح الروح و يمشي عليها للحبس .. الله يسترك فالدنيا و الآخرة لما ستريها و ديريها بحال ختك
حركات جوهرة راسها بالايجاب و ناضت بالشوية جمعات شعرها و حلات فولارها عاودات صوباتوا .. و خرجات من تما شدات طاكسي لدار أمها لي غير فتحاتلها الباب و شافتها .. جمعات ملامح وجهها بحال البنيتة الصغيرة .. شنافتها كتررعد و عينيها غرقوا بالدمووع .. ترمات عليها معنقاها بقوووة كتبكي بحرقة كبيييرة
تخشات فصدر أمها ما بغات تبعد غير يفهموا ماالها .. بحال داك البيبي الصغيير لي يالله كيتعلم يتمشى و كيبقى متمسك بموا بكل جهدوو .. دمووعها ساايلين على الجهد و كلما تبغي تسكت كترجع تتفكر الحكرة لي تحكراتها و كيفاش سكتات المرة لولة و دافعات عليها المرة الثانية و فلخر تقلبات عليها و مسحات بيها الأرض و هي ما قادرة دير واالو .. و لو ما كانت سمييرة لحال X تعطيها قتلة نييت .. بكات على ضعفها على حرقتها .. على نفسها لي حساتها ضعييفة لدرجة بنت صغر منها بسنيين داارت فيها العجاايب ..
أما سميرة راه طلعات عند ابتساام شاعلة .. فتحات لباب بالجهد حتى قفزات لوخرى من بلاصتها .. يسحابلها غير ياسيين ساق الخبار !
سميرة:( سدات لباب و مشات عندها معبسة ) وااش لمك عندك عقل تفكري بيه و لا لا ؟ وااش هبلتي و لا مالك ؟ ( غوتات بجنوون ) وااش ماادة يديك على مرات خووك ( خرجات عينيها فيها ) خوووك عرفتي شنوو هي خووك ؟ رااه بالله و يعرف ما يدوزهالك طرييفة ( ضربات فخاذها ) اربي بغااو يقتلووني يااا ربي .. رااه مرااااتوو شرفوووا .. بحال يلا ضربتيه هو
ابتسام:( زادت كتبكي و تغوت ) الله يعطييهم شي مصييبة كاامليين ولاد الحرام .. ياك اماما يااك أنا ما بقيتش فيك ( عراتلها لحمها لي ما تشوفيش فيه ل الله ) شووفي ولدك شنوو دار فياا شووفي ( خبعات وجهها المورم بين كفووفها كتبكي ) حتى حد فهاذ الدار ما كيحملني كلكم .. من بابا لزينب ليه هو .. و حتى لكريم .. كلهم خصهم غير فوقاش يدوزوا ليا .. كنت كنقوول بووحدك لي عندي .. ساعة حتى نتي جيتي من مرااتووا و عطيتي بالظهر لبنتك ..
سميرة:( بقات فيها و جراتها عندها عنقاتها كتسكتها و تبكي معاها ) شنوو عند الأم من غير ولادها تشوفهم مرتاحين و فرحانين فحياتهم .. واش أنا تشركت عليك و قاسيت على ودك باش نكرهك
ابتسام: قالي غيجلسني من القرايا ( بعدات عليها كتمسح فدموعها و عينيها حوومر ) و الله و يجلسني حتى نقتل رااسي بالله .. نمووت و ما نحبسش القرايا ( سالوا دموعها من جديد و رجعات كتهضر بالشوية و ترجع تجنن عاود ) عافاك هضري معاه اماما .. منين يولدهم يتحكم فيهم وااش سووقووا فيااا اععععع
سميرة: تستااهلي تستاهلي على لي درتيه .. من ديما مفششك .. عمروا حط يديه عليك .. الحاجة المخيرة ليك غير هضري و قولي بغيت و بغيت .. المدرسة لي بغيتي دخلك ليها و تا من الداخلية لي باك كان رافضها نهاائيا .. بقى معاه حتى قنعوا و حداك قالوا خرجت من جهتها .. بينك و بينها .. و مسؤوليتها نتا تتحملها ..
ابتسام:( تجننات ) ما قاالوو حد يصرف عليا .. ما قاالها لوو حد .. أناا قاادة برااسي و من غذاا نخويلكم هاذ الخربة و ما تعرفوني فين زدت .. و الله تا نديرالكم على قد فمكم 😭😭
سميرة:( خرجات عينيها فيها ) و الله تا نديرلك خدمة المحابسية وا قلبي علياا ابنت كرشي قلبي على خلاك
ابتسام:( طاحت للأرض كتبكي ) وااش اماما ما بقيتش فيك 😭 واكلة قتلة نمووت و ما ننساها و زايد باغي يجلسني من القرايا و يضيع مستقبلي لي شحفت عليه و سهرت ليااالي و انا تنحفظ و نخدم و نمووت و نتمااوت و يجي هو فدقيقة يضيعلي كلشي .. باغيني نجلس خدامة عليه فالدار ؟ و الله ماا تكوون ليه و لا تكووون
سميرة:( شدات راسها لي غيطرطق ) درتيها بيدييك فكيها نتي نيت .. ما تبكيش عليا داابا كتسمعي ما تبكيييش
ابتسام: كلشي من ديك مراتوا لي ما تتسمى .. دخلتي سووسة و لفعة بيناتنا .. ما مشات حتى قلبااتووا .. و غير صبري دابا تدوور لياام و تشووفيه مفضلها عليك و عاطيك نتي بالظهر .. و ساعتها تفكري هضرتي .. كن ما تلاقاتني و شافتني و كن ما علماتوا و عمراتوا كااع ما يحط علياا و يحصلني معاه ... هو منين كيعرفوا أصلا .. كلشي منها الله يااخذ فيهم الحق
دخلات هضرتها كي سم فقلب سمييرة و قبل ما تجاوبها كان تفتح لباب و دخل كريم مكره من رااسوا .. شاف فيها بتخنزيرة دالعدااو و عاد شاف فسميرة
كريم: خلينا بوحدنا
سميرة: صافي اولدي هضرت معاها و هاذي تديرلها الراس .. الله يهدي النفووس
كريم:( زفر بقوة ) ما غنقيسهاش غير غنهضر معاها لا غير .. و غنديها معايا ( شافوا فيه بجوج باستغراب و كمل هو ) ياسيين سيفطني نديها للطبيب هو يلا رجعلها غياكلها .. المهم قبل ما نمشيوا بغيت نهضر معاها .. خرجي الواليدة الله يستر عليك
خرجات خلاتهم الراس فالراس سد لباب كيشوف فيها بغضب هي لي مبلقة عينيها و كلمة طبيب كتعاود فوذنيها .. تزاد معاها الزااايد .. و نطقات بانفعال
ابتسام: كي كيفاش طبيب ؟ لهاذ الدرجة ما تايقينش فياا ؟
كريم:( قرب منها و نطق بغضب ) خليتي فيها شي ثقة هاا ؟ خليتي فيها شي ق**** ؟ شفتي تموتي و ندفنوك و نبكيوا عليك تا نشبعوا و يبرد قلبنا .. و ما نشوفوكش فداك الموقف و نسمعوا على وءنينا لي ما يتسمع ( زير على ذراعها بقوة و قربها منوو ) كن ما كنا تماا غتلقاي رااسك مليووحة فشي غابة و لا شي برتوش شاركين مك من لوور و لقداام ( دفل فالأرض عاايف )
ابتسام:( حشمات من النظرة لي كيشووف فيها بيها .. حنات راسها كتبكي و قابطة فيديه موجعة )
كريم:( طلقها ) بغيتي غير ترجعي ق*** ؟ على قلتهم فبلادك ؟ رمي عينك لزنقة و شوفي الناس كيفاش عايشيين .. كااين لي كيتمنى ليلة وحدة فبلاصتك و ما لاقيهاش .. و نتي ااش درتي ؟ غضرتينا ا ابتسام .. طلعتي زييرو وا حق الله
ابتسام:( مع كل كلمة كتبكي و تشهق بالجهههد .. ما حس بيها غير معنقاه مخشية فصدروا بقووة كتبكي ) ما تكرهنيش حتى نتا أ كريم 😭
كريم:( هز راسوا للفووق كيسووط بالجههد و هي مخشية فيه مزيرة عليه كتسناه يعنقها .. ما يزيدش يدمرها تا هو .. ما حسات غير بيديه محطوطين على ذرعانها و بعدها عليه و قال بجفاء ) بدلي عليك نمشيوا لطبيب .. داابا
ابتسام:( حركات راسها بالنفي ) لا و الله ما نمشي .. ما ديروليش هاكا .. حرام عليكم
كريم:( خرج عينيه ) هضرتي ما نعاودهاش .. تمشي بخاطرك و لا غنكمل على لي بداه ياسيين و تمشي و يديك فوق راسك ساعتها ( غوت ) تححححركي
خرجها كريم من تما بالشهيق و البكى و كل شوية يضوور فيها حتى تسكت .. دخلوا للطبيب بجووج و هو لي تكلف يهضر بلاصتها .. دارت شهادة طبية لداك الضرب لي على لحمها .. و خذاولها تصااور لي تغرق بناادم .. خصوصا لحمها راه مدغدغ نييت ما تقدريش تشوفي فيه .. غير وجهها يعطي الخبار أما لمخبي خلاص ..
و من الطبيب نيشان تلاقاو بياسيين لي غير شافتوا ابتسام تخشات فكريم مخبعة فيه .. اللهم هو و لا خوها .. لي غير من عينيه باين عليه شااعل باغي يطيرها من بلاصتها ..
كريم:( شافها هكاك و غمزوا ) صافي ا ياسيين أنا غنهضر معاها و نشرحلها
ياسيين:( بغضب ) علاه هاذشي باقي فيه الشرح ؟ ( قرب منها ) جووج كلمات غنقولهم لك حلي ودنيك معايا مزياان و قسما بالله و نسمع صووتك و لا درتي عكس هضرتي حتى ندفن مك فبلاصتك
كريم:( بعدوا ) واا صاحبي بالهدوااة
ياسيين: ب**** لا ؟ من لخر غتدخلي تديكلاري بداك النعييوة لي مصاحبة معاه و يلا سمعت حلقك بلا ما نهضر ساعتها
تجنن بغى يطير عليها و دفعوا كريم مخرج عينيه فيه .. فلخر سمح فيهم بجووج حيت عاارف يلا زااد معاهم الضربة غيدير فيها عااهة كثر من لي داار .. ركب فطاكسي و مشى للفيلا باغي يغمض عينيه لا غير .. على الله تبرد فيه الحرقة .. دخل مع الباب لقى سميرة جالسة فالصالوون عااقدة راسها و وحهها صفر قطرة دالدم ما فيهاش .. غير شافتوا و هي تبدا تبكي و تعيط على لي يبكي معاها و كتنطبق عليها مقوولة 《 لي يعملوا ابليس فعام تعملوا العكوزة فساعة 》
سميرة:( كضرب فصدرها و ترحع تضرب ففخاذها و تويل ) على آخر يامنا رجعنا نتسرقوا فقلب داارنا و الشمش كتشقشق فنص النهاار .. الله يا ربي الله و فين كاان مخبيلي هااذشي .. ياا ربي فمن خدمت الشر .. حتى يخرج هااذشي كاامل من نااسي
ياسيين:( قرب منها عاقد غوباشتوا و مكررره ) مالك ؟ ااش وااقع ثااني ؟
سميرة: احاااحح على ااش وااقع .. اميي أجي شووفي بنتك فين تالات بيها .. مدخلة العرووسة لقلب دااري و مكبرة بيهاا و نضوور و نشالي فلخر ساارقاني و كاشية بحالها
سميرة:( خرجات عينيها ) مرررتك .. دخلت التسام لبيتها تنسكت فيها و خليت جوهرة لفووق .. فاش رجعت نقلب عليها لقيت يدي و الريح ( ضربات يد مع يد ) لبنت ما كيناش و سامسونيط دالذهب مفتووحة و مهزووز منهاا .. باش تشرحلي هاذشي ؟ ما كااين غيرها
ياسيين:( عض على فموا بالجهد كيقشر فشنافتوا و كيسمعلها مخنزر بالمعقوول غير ما زادوا ركبوا فيه الأعصاب دالدنيا و الدين ) جوهرة ؟
سميرة: مالك كتعد ليا فيها منين دخليتي ؟ يلا عندك شي مراة خرا الله و علم ! و دابا هنا نقوولك .. يلا ما خذيتيليش حقي منها و تربيها على فعلتها و كيفاش تمد يدها على حاجة غيرها .. رااه ما فيديكش و الماا كيمشي تحتك و نتا بحال النونوس حداها من لخر ( شافت فيه بتحدي )
ياسيين:( عض على شاربوا و ضور وجهوا كيسوط ) حالفين هاذ النهار تصعروووني ياك ؟ جوهرة سرقاتك و هزات راسها و زادت ؟ ( خرج عينيه ) غير قوليلي كي كنبانلك ؟
سميرة: دابا غتكذبني و تيقها ياك ؟ و لكن قاالوها دوز على الواد الهرهوري و ما دوز على الواد السكوتي .. صافي قلبتي وجهك علينا ؟ رجعات غير هي لي كتبانلك ملاك و كلشي شيااطن ؟ وا شوووكرا اولدي الله يرضي عليك .. هاكا يكونوا الولاد و إلا فلا !
ياسيين:( صعراتوا ضرب بالسوارت فوق الطبلة تا قفزات من بلاصتها خلعها ) شنو مشالك ؟
سميرة: كورميط و سنسلة و التعليقة ديالها .. هاذشي غير لي بانلي
ياسيين: واخا الالة .. ياك جوهرة لي داتهم ؟ يا الله نووضي لبسي عليك ( بقات جالسة كتشوف فيه ) ياا نووضي ليووم نفااريوها .. داري ماشي بعيدة .. ها حنا غنشوفوا هاذشي ديالكم
سميرة: و لكن هي ما مشاتش لداركم .. راها عند واليديها .. أنا ما غنمشي نتفضح قدام حد و كلشي يدي خبارنا .. جيبها لعندك نتا و بطريقتك غتعرف
ياسيين:( هز حاجبوا ) ياك خليتيها فالبيت رجعتي ما لقيتيهاش ؟ باش عرفتيها عند واليديها ؟ و لا قالتها لك العصفورة ؟
سميرة:( نسات و فلتات لها بقات غير كتفتف فالأخير قالت ) رااه باينة يلا دارتها ما غتمشيش لدارها ..
ياسيين:( حرك راسوا بواخا ) لبسي عليك ا سميرة
بقى عاصر عليها حتى ناضت لبسات و خرجوا بجوج فاتجاه دار واليديها .. بلاصى و نزل .. دق الباب و بقى مدة حتى فتحات ليه جوهرة نفسها ... عينيها منفووخين و حوومر .. باينة فيها بااااكية و كانت ناعسة و عاد فايقة .. استغربت منهم و وسعات للباب
جوهرة: ياسيين ؟ خالتي ؟ احم دخلوا مرحبا
سبقات سميرة دخلات و هي متوترة عاد دخل ياسيين و عينيه مفيكسيين فيها .. دخلها الشك فراسها حتى بدات غير كتفتف خصوصا فاش قرب منها و هزلها ذقنها بالشوية عندوا .. ذبلوا عينيها من نظراتوا ..
ياسيين:( بحنان نطق ) مالكي اجوهرة ؟ شنو وقع ؟
جوهرة:( بغات تبكي .. و وجهها تزنك و باانت فيها بالجهههد .. بزز بلعات ريقها و حنات عينيها ) والو ( تبسمات بزز ) علاش مالي ؟
ياسيين:( حط ابهاموا دوزهم فوق عينيها بالشوية حتى شداتهم و حنى بيه كيدوز على الحمورية لي تحت منهم .. مدة و هما هكاك عاد بعد عليها و نطق بصرامة ) ما تكذبيش حيت ما كتعرفيش ! ما باغاش تهضري ؟
جوهرة: ما كاين والو ا ياسيين
ياسيين:( هز راسوا ) غنعرف بطريقتي .. و ساعتها نتحاسبوا على هاذ الكذوب و على الخروج بلا شوار ( خنزر فيها ) طوالوا لمك الرجلين .. رجعتي ديري لي قالك راسك ياك ؟ ( زاد فين جالسة سميرة كتدور فعينيها .. و هي تابعاه كتشرح ليه )
جوهرة: راه ما بغيتش نجي و لكن خالتي قالتلي غتهضر معاك و هي لي قنعاتني نجي .. أما أنا ما بغيتش و ها هي تقولك
ياسيين:( ضار عندها و شاف فيها ) هاذ خالتك .. قاتلك هزيتي لها من ذهبها و تكركبتي مع الدروج .. ما شافتك ما شاورتيها
جوهرة:( تصدماات بالمعقوول ضورات وجهها عند سميرة و حطات يديها على صدرها كترجف ) أناا اخالتي
سميرة:( قلبات وجهها سااكتة )
جوهرة:( بصدمة كتشووف فياسيين و ترجع تشوف فسميرة ) قسماا بالله اياسيين ما شفت لا ذهب لا واالو .. و الله ما هزيت شي حاجة و ( سكتات غالباها البكية حتى نزلوا دموعها كيجريووا ) هي لي قاتلي سيري عند ماماك ترتاحي و غتهضر معاك
سميرة: الذهب تهز من قلب الدار .. شكون غيهزوا من غيرك ؟
خرجات رحمة من بيتها على صوت الهضرة .. استغربات من حضورهم .. و من بنتها لي كتبكي و تحلف و تضرب فصدرها .. عقدات حجبانها و دخلات
رحمة: جوهرة مالك ابنتي ؟ لالة سميرة ياك لباس ؟
ياسيين:( بصرامة شاف فيهم كاملين ) ياك هي لي داتهم ؟ بقاي فكلمتك ا سميرة ( هز سبابتوا بتحذير ) كنقسم فمي بالله و تكوني حاطة عليها الباطل و لا غير تالفين عندك و مسمياهم فيها .. حتى غتشوفي وجه عمرك شفتيه من عندي
سميرة:( ما رضاتش قدامهم .. بدات حتى هي تبكي ) أنا راه ماشي صاحبتك راني مك .. كتسمع و لا لا .. ما نسمحلكش تهضر معايا هاكا
ياسيين: أنا هضرت .. جوهرة يلا كانوا عندها بصح غنعلقها فبلاصتها ( هزات جوهرة عينيها فيه كتبكي و كمل هو ) و يلا ما كانوش .. ساعتها عاد غنقلب وجهي دبصح
جوهرة:( بغات تمووت و لا تتحط فهاذ الموقف .. تخنقات و قالت بصوت مقهوور ) ها بيتي حداك قلبوا .. أنا ما شفت واالو من لي كتهضروا عليه .. الله يرزيني فصحيحتي ما درتها و عمري نقدر نديرها
رحمة:( تعصبات تا هي و طلعات معاها السخاانة ) هاذي هي الصحبة ا سميرة هاذي هي نديرها بحال بنتي ( ضربات فصدرها ) بنتي ما نااقصها حتى خيير لي تمد يديها على لي ما ديالها .. وا صحبة زيينة هااذي اختي .. مقطعاها من لحمي و عاطياها لك تمسحي فيها رجليك
خلاهم كيهضروا و جر جوهرة من يديها كتشهق دخلوا لبيتها .. فتح داك الماريوو و نزلوا للأرض كاامل ..فينما كاان شي مجر كيفتحوا بجهاالة غيطرطق بالأعصااب و هو كيشووفها غتسخف بقوة لي بكاات .. تقلب البيت سفااه على علاه حتى من المطربة تهزات مع الحيط .. ما خلى حتى قنت .. و لا هاذ الذهب تلقى .. شاف فيهم كينهج .. مشى نيشان لجوهرة قبطها من ذراعها و قربها كتبكي من سمييرة
ياسيين : شفتي هاذي لي قداامك هي آخر وحدة نتيق عليها بحال هاذ الهضرة ( بعصبية ) وااخا تلقى الملايين مليوحيين حداها ما تقرب لهم ما تمسهم .. بقى غير الذهب .. ماريوها غيطييح بيه و قلييل فين كتلبسوا .. حيت قاااانعة و شاااابعة .. ماشي بنت الجووع ( كيشوف فجوهرة و يزيد يسخط .. طلق منها و هز يديه بجوج فالسما ) بعينك شفتي ما كاين واالو ! و دابا قلبي علياا
سميرة:( صدمها خرجات عينيها فيه ) ياسيين رااه
ياسيين:( عطاها بالظهر حيت معصب و عارف راسوا ما غيوقر حد .. شاف فجوهرة و قال ) لبسي عليك غنتسناك حدا الباب
رحمة:( تدخلات مخنزرة ) هاذشي ماشي على كيفك .. نهار لول عطيتكم بنتي تحافضوا عليها .. ماشي تقتلوها غير بالقهرة فكل مرة .. منين وصلنا لهاذ المواصل .. الله يعااونكم .. بنتي ما عندها فين تمشي ..
جراتها عندها و عنقاتها بقوة كتسكتها .. يا الله جا يهضر ياسيين و تسمع صووت شي حاجة تزدحات بالجههد مع الأرض .. كلهم ضااروا لجهة منين جاي الصووت .. كانت سميرة لي طااحت سخفانة فبلاصتها
سخفات سمييرة .. طاار عندها ياسيين هزها كيحاول يفيقها .. تا عطاتوا جوهرة عطر رشوا فيديه كيشموا ليها .. مدة و هي هكاك عاد فاقت كتبكي داايخة .. و هما كيشووفوا فيها ..
كبرات القضية بيناتهم كلها منين كيغوت و كلها منين كيبكي .. فلخر مشاو كااملين للفيلا .. لقاو الأب مصطفى تما و زينب و راجلها لي ساقوا الخبار على لي وقع .. عاد كريم و ابتسام لي فبيتها لفووق ..
شافوهم هكاك و وقفوا باستغراب يفهوا مالهم .. خاصة جوهرة لي ما بقاتش سكتات من البكى .. حاسة بحجرة محطووطة على صدرها بزز كطلع النفس .. الباطل خاايب بزاااف .. كتبغي تهضر و ما كتقدرش و ترد كلشي لقلبها لي كتحاول تبرد عليه شوية بالدمووع !
حط ياسيين موو بوجهها .. هو من النوع لي عندوا نيشان نيشان .. ديك قوة تلاوي و دوز لها من هنا و رجعلها من لهييه ماشي دياالوا .. كمل كلاموا و وقف
ياسيين: بيت جوهرة كلوا تقلب .. و دابا بيتك غنقلبوا حتى هو .. هاذ الذهب ما عندوا فين يمشي .. و هاذ ليلة غنعرف لي كااين .. و ياا ربي يطلع ديكشي لي فبالي
جر معاه جوهرة و تبعوه البقية و تعاود نفس المشهد لي وقع فدار رحمة .. البيت تقلب سفااه على علاه .. و ما لقاش ديكشي لي قالت سميرة تهز .. الصعر ركبوا .. بقى غير يضرب و يشير تما .. باغي يجبدهم و ربي كبير .. و فهاذ الأثناء كانت زينب كتشوف فيه و تبلع فريقها .. حتى كتزيد خطوة عندو و ترجع لوور .. خايفة من رد فعلوا و شنو غيقول .. فلخر دارتها فيد الله و مشات عندوا حتى وقفات مووراه .. حطات يديها على كتفوا .. تا ضار عندها مخنزر كينهج
ياسيين: ماشي وقتك دابا ا زينب
زينب:( حكات عنقها و تكلمات بخلاصة ) ياسيين الذهب راه عندي !
كلشي شاف فيها باستفهام .. تا من ياسيين جمدات حركتوا مدة عاد قرب عندها عاطيها وذنوا
ياسيين: عاودي عاودي ! كيفاش عندك ؟
زينب: خديتوا هاذي تقريبا سيمانة .. كانت عندي مناسبة و هزيتوا حتى نرجعوا .. ما سحابليش غيوقع هاذشي كامل .. ديما كنديرها و ما كتقول والو !
ياسيين:( كاع ديك العصبية لي كبحها منين سمع الهضرة على جوهرة .. خرجات فزينب .. بلا ما يحس عطاها بظهر يديه تا شهقات مصدوومة .. ما توقعاتوش يضربها ! الدمووع تغرغروا فعينيها .. و هو كينهج قدامها مخرج عينيه فيها غيطيرها من بلاصتها ) لاش تهزي شي حااجة ماشي ديالك ؟ اااش قربك لشي زمر ؟
خليل ( راجلها ): جرها عندوا مبعدها و خرج فيه تا هو .. ما حملش لي دار * ما تقيسهااش ابنااادم .. ما تحطش يديك عليها ( دفعوا بعصبية )
زينب:( غوتات ) صافي اخليل .. ماشي غتنوضوا تدابزوا حتى نتوما .. عندوا الحق ما كانش خصني نتصرف من عقلي سمحوولي ( شافت فجوهرة بأسف و قرباتها عنقاتها ) الله يخليك لما سمحيلي
جوهرة:( لا رد .. )
خرجوا الرجال حتى تبرد القضية .. سميرة طاحت فبيتها كتولول .. و زينب جرات معاها جوهرة و رحمة .. كتسكتها و تبرد فأمها لي شااعلة ما بقات باغى تزيد دقيقة تما .. ما قالت بردات حتى عقلها بغى يرجع لوور ..
وقفات من بعد ما تأكدات ما غيمشيوش .. طلعات عند أمها و دخلات كتشوف فيها بعتاب
زينب:( تتهضر بهمس و فنفس الوقت كتغوت ) ااش درتي اماما ااش ؟ وااش ما كتعرفيش يااسيين دااير بحال الوقيدة خااص غير لي يجبدوا و يشعل ( ضربات فخاضها ) باغاه يقطع الرجل من عندك .. ما لقيتي شكون تسبيها فيه من غير ديك البنت لي عمري شفت فطيبتها فحياتي
سميرة: كلكم لعبات فعقلكم و بدلاتكم عليا ( حركات راسها بالنفي ) ماشي هااذي لي بغيتها لولدي .. لا لا لا هااذي لفعة .. ساكتة على خلانا كااملين
زينب:( بعصبية ) نتي لي ساكتة على خلانا .. عارفاني هازة الذهب و بيديك عاطياه لي و كتهضري .. ( بغات تاكل ريتها بالفقصة ) واا ميمتي تتقلبي على العدااوة .. ديري عقلك راه و الله ما يعقل لا عليا لا عليك
خرجات من تما و نزلات كتسمع الهضرة .. بانلها ياسيين واقف و رحمة قبالتوا
رحمة: راه هضرت اياسيين بنتي ما غتزيد دقيقة فهاذ الدار ... مالنا عليها ؟ بنتي عز لي من أي وااحد .. غير باش نكونوا مفاهمين .. يلا هي حيط قصيير لي جاا ينقزوا .. أناا رااه جوهرة لمومو دعيني نااكل عليها بسناااني و ما نحن فحتى حد وااخا تكوون مك
ياسيين: و أنا راه قلت جوهرة ما غتتحركش من حدايا .. فين كاين غتكون و سالينا
رحمة:( عصبها بغات تطير عليه .. غوتات كتنهج ) لا اسيييدي ما سااالينااش و أجي وريني كي غاادي توقفني
جرات بنتها من يديها بالنترة مخرجاها .. و ياسيين تا هو شدها من اليد الثانية جارها عندوا
ياسيين: الحاجة نعلي الشيطان .. راه جوهرة ما غتخرجش من هنا واخا تنطابق الأرض مع السما !
رحمة: حبسها يا الله حبسها ! و ما كاين شيطان قد بنادم .. كيبدل لحمووا بحال الحربااية
بقات تجر و هو يجر و جوهرة وسطهم كتنخض .. حتى نترات يديها منهم بجوج و غوتات بحر جهدها تا بلحووحتها قربات تباان
جوهرة: طلقوووووا (سكتات كتنهج و نبرة صوتها منغنغة ) واش ما كتحسووش نتووما واالوو .. لعبة أنا بينااتكم كل وااحد يحركها كيما بغى و جوهرة لهلا يقلب بيها ( غمات وجهها بين كفوفها كتبكي من جد عقلها ) غير بعدووا مني ما بغييت واالوو
ياسيين:( قرب منها و جرها يعنقها لكن تنفضات من يديه بقوة مبعدة و رجع جرها بزز كتضرب فيه فصدروا يطلقها و هو مزير عليها حتى فشلات و طيحات يديها .. كتبكي بحرقة فوق صدروا ) صافي احبيبي
جوهرة:( بفشلة ) ضحكات عليا و لعبات عليا العشرة و أنا بحال الحمارة ماشية ب نيتي 😭 ( شافت فيه بنظرة مجرووحة ) كذبات عليا و رداتني سرااقة كااع .. شنو صرفت فيها خاايب .. حرام عليها
ياسيين:( عزات عليه فووق القياس .. باسها فجبهتها و بقى شحال مغمض عينيه عاد بعد و قال ) سمحيلي ..
جوهرة:( تنهدات برجفة ) بغيت نمشي بحالي من هنا .. ما قادراش نزيد دقيقة ..
ياسيين: ما غنخليكش و نتي فهاذ الحالة .. يا الله تمشي لدارك و ارتاحي .. المهم قدام عيني
جوهرة: بغيت نبات ليلة عند ماما .. محتاجة ننعس حداها ( الدموع تغرغروا فعينيها مرة ثانية ) عاافاك
ياسيين:( حط ابهاموا جنب عينيها حتى فزك ليه بالدمعة لي كانت حابسة ) ششش براكة ما طبخي فراسك و عينيك ( الصمت من طرفهم بجوج .. مدة قليلة عاد استئنف كلاموا ) ما يكون غير خاطرك .. سيري مع ماماك ( تبسم لها بحنان ) صافي ؟
جوهرة:( حركات راسها بااه و بغات تبعد من حضنوا )
ياسيين:( زير عليها و قرب من وذنيها ) تقتي فيك عمية قبيلة بغيت نبين قدامهم كاملين بلي الهضرة لي تقالت ما منها واالو .. ما تاخذيش من خاطرك مني
جوهرة: عارفة
ياسيين:( طلقها كتقاد شالها ) يا الله زيدي نوصلكم ..
قبط فيديها و خرجوا بجوج فين واقفة رحمة مع زينب كتهديها .. هز الكونطاك فتح الباب حتى سينيات و ضاروا شافوا فيهم ..
ياسيين: الحاجة يا الله نوصلكم
زادت قداموا رحمة .. مفكووعة و هازة فخاطرها بزاايد من جهتوا .. ركبات جوهرة لوور و خلات القدام لأمها .. و انطالقوا فصمت تاام .. حتى وصلوا و فتحات جوهرة لباب بلا هضرة و نزلات بحالها و هو متبعها بعينيه حتى دخلات للدار .. تنهد و شاف فرحمة لي كتسناه يردلها لبال و تقول لي عندها
رحمة: جيتي دقيتي بابي و سمعتك بقلب صاافي .. و كيفما ما عجبوكش صفات فجوهرة غنقولك و بحال ميمتك .. ما تشوفهاش غير هي .. شوف راسك حتى نتا .. تصرفك لي درتيه ليووم ما مقبولش نهاائيا عندي ( تنفسات بعنف ) و لدابا بين عيني .. يكفي صاحبتي لي كنت معتابراها بحال ختي طعنات بنتي بلا ما تتهز فيها الشعرة .. الأمور ما كتتحلش بهاذ العصبية كاملة .. ما فيها باس كن جلستي و تفاهمتي بالعقل بحال أيها الناس ماشي بحال ( سكتات )
ياسيين :( كمل هو ) بحال المصعوور
رحمة:( جابلها الضحكة ) وا المهم لي عندي راه قلتوا .. بنتي نهزها بسناني و ما نخليهاش تتعذب و تتقهر .. و راني شفت على عيني ليوم
ياسيين:( مسح على وجهوا ) ربي جابلك نسيب مصعور هاذشي لي عطى الله ! نقلب على كلشي من غير جوهرة .. واخا ما دوزناش بزااف و لكن بنتك فشششششكل ( عض على شفتوا التحتانية و ابتسامة خفيفة ترسمات فثغروا )
ياسيين:( عينيه هربات جهة الشرجم د بيتها .. قرب من رحمة و باسلها راسها ) راك بحال ميمتي و ما نبغيش قلبك يهز من جيهتي .. المسامحة على الحالة لي درتلكم قبيلة ..
رحمة:( فهمات راسها بلي سولات فشي حاجة خصووصية ما باغيش يهضر فيها ! حركات راسها بالايجاب ) ما عليش .. الله يديرلكم تاويل دالخير .. خليتك هاذ الساعة
ياسيين: أميين .. تهلاي فأمانتي الحاجة !
رحمة:( ضحكات ) غتوصيني على كبدتي !
دخلات جوهرة لقات خواتاتها و باها مجموعين فبيت الجلاس .. سلمات عليهم بلا نفس و دخلات لبيتها نيشان .. بدلات عليها و تخشات فبلاصتها .. لي تجمع و رجع كيف كان ..
رحمة:( جلسات كتنهج ) نووضي ا وئام جيبيلي نشرب
الأب: مالها جوهرة ؟ بانتلي ماشي تال تم !
رحمة: غير مغايرة هي و ياسيين شوية و جات تتفشش علينا
قلباتها ضحك و نساتوا فالموضوع .. تحط العشا .. عيطولها لكن ما بغاتش .. خلاوها على خاطرها .. مكمشة فبلاصتها و حاطة يديها على قلبها لي شاعلة فيه العافية بالشمتة ..
فحين ياسيين راه عيط على كريم و مصطفى يمشيوا عندوا لداروا .. جالسين مجمووعين كيهضروا و يتناقشوا
ياسيين: و هاذشي لي وقع !
مصطفى:( ضرب يد مع يد ) لا حول و لا قوة إلا بالله .. مك راه حماقت ما فيهاش الشك
ياسيين: هاداك غير كترت الفشووش .. كنقول ماشي شغلي .. كل واحد و حياتوا يسيرها كيفما بغى .. و لكن باش تجبد مراتي و تقهرها غير هكاك .. لا عااود .. بغاتني غير نقلب وجهي ؟ دابا عاد غنقلبوا مزيااان .. راه عارفاني عندي زاااايد نااقص
كريم: ماشي لهاذ الدرجة كتبقى مك ما تنساش ! ااه خوذ موقف .. و لكن ما تزيدش فيه و تسكتلها القلب ..و نتا عااارف هي كي دايرة
مصطفى:( بصرامة ) تا حد فيكم ما غيتدخل .. سميرة أنا لي كنعرفلها و أنا لي غنتصرف معاها ..
ياسيين: كنت غنجلس معاكم و لكن من بعد لي وقع مستحيييل و لكن ، ديك الحمارة كنقسم فمي بالله و نلقاها معتبة على الباب حتى نهرسلها رجليها .. درنا فالخاطر و كبرنا حتى عيينا فلخر ( ساط ) ما باغيش نتعصب .. القرايا و الخروج راه حلفت عليهم ا مصطفى
كريم:( باستهزاء ) ياا سبحان الله .. الدين كيجيك غير فوقاش رشقاتلك !
ياسيين: ( ضحك ) نتا غير بلا ما تهضر ( غمزوا ) لي فراس الجمل فراس الجمال .. غير عطي لموضوعها التيقار
كريم:( ضحك ) واا نززززق يا خوويااا
ياسيين: و الله اخويا يلا جاتني خبارها ما مرة ما جووج و كنت كنكذبهم .. و حلفت يلا كان بصح نهار تحصل تودي .. و ها هي بقات طير حتى جابتها فراسها .. دابا تجلس تتركن بحال لالياتها
كملوا تجمعهم فسياق آخر .. داز الوقت .. كلها و شد طريق داروا .. أما ياسيين راه بقى بحال لي مقطووع ليه الراس .. غير كيتشقلب و يتقلب فبلاصتوا .. شي حااجة ناقصاه بلا بيها .. هز تيليفونوا شاف الساعة .. عرفها غتكون باقى فايقة .. صونا ليها ما مرة ما جووج ما عشرة .. و لا رد ! صبر حتى عيى فلخر وقف لبس عليه .. و زاد مع الطريق فاتجاه دارهم ..
داز على واحد الكزار لقاه مخدم الشواية و الدخاخن عاطية .. دنيا عندوا عامرة أغلبية بالناس دالسبوور لي يا الله خارجين من لاصال .. حبس حداه و دخل عندوا .. طلب لي بغى و جلس كيتسناه يوجد ليه .. ما دازش بزااف .. كان واقف تحت شرجمها مباااشرة كيصوني عليها بلا جواب .. فلخر ما لقى قداموا غير حل واحد .. هز حجر صغاار مليوحين فجناب طروطوار و شير على السرجم .. مع التشيرة مع تهرس الزااج .. تا قفزات جوهرة من بلاصتها بالخلعة ( ها لي يبغي يدير بحال الأفلام 😹 )
تخلعاااات بالجهههد .. قلبها كتحس بيه كيضرب فودنيها .. يبسات فبلاصتها ما بقات تحركات لا يميين لا شماال .. حدها جرات الغطى عليها مزياااان و تغممات تحتووا .. و حالة عويناتها مبلقاهم بالخلعة .. باش يلا حسات بشي حاجة ماشي هي هاذيك .. دير راسها ناعسة و ماشي فهاذ العاالم هههه .. بانلها تيليفونها كيسني من بعييد .. خافت تنوض تجيبوا تصدق حااصلة .. ما تململات من بلاصتها و جبداتوا تا قلبها كان غيسكت بحال مشاركة فالماراطون ..
ياسيين:( قاطعها بضحكة عاالية ) غير أنا جيت نشوف حور العين لي رزقني بيها الله فالدنيا قبل الآخرة .. كبيدتي لي هجرات فراشي
صدمها وقفات بالزربة لوات عليها أول شال بانلها و فتحات الشرجم .. طلات و هو يبانلها واقف مقابل معاها هاز ميكة فيديه و ضوو دبال الدرب ضارب فيه .. السكاااات و حس بناادم ما كيضورش عندهم تما ..
جوهرة: طيرتيها مني خلعة .. شنو كدير هنا فهاذ الوقت ؟
ياسيين: كنتي ناعسة ؟ ( حركات راسها بااه و كمل هو كيضحك ) و ما فكرتيش فواحد ليتيم .. خطفتي النعاس من عينيه و مشيتي !؟
جوهرة:( ضحكها و تبسمات من قلبها فعز حرقتها ) هههه سير تنعس ا ياسيين .. غيخرج شي حد يلقانا هاكا
ياسيين: مزياان .. باش نجيب عليك الشهوود ( حرك راسوا يمين شمال ) متعدية عليا اختي
جوهرة: مسكيين ممحن معاايا
ياسيين: وا هانتي تشووفي اختي و لكن ااش عندي ما ندير ها حنا صابرين
جوهرة: الله الله على ياسيين .. تربط معايا و صاابر على وعدوا و سعدوا ( غير كملات كلامها و طرطقات كضحك .. ناسية كااع لي دااز بقلب صاافي )
ياسيين: وا شفتي منين ضحكتي هاذي الدنيا و ما فيها ( سكت شوية و قال ) نزلي عندي ا جوهرة
جوهرة: لا لا ما نقدرش غيحسوا عليا .. و يلا مشى بابا فاق و شاافك غتكوون شووهتي شوووهة
ياسيين: مدخلة الصاحب للدار .. الله يمسخ مك .. نزلي و لا نعيط عليه دااابا .. نعلموا ببنتوا لي مخلياني بحال السعااي تحت الدار
جوهرة:( عارفاه يديرها و ما عندوا علاش يحشم ) واخا صباار ( مشات كتقلب على السوارت .. لواتهم فمنديل و لاحتهم ليه تا شدهم و قالت ) فتح لباب بالشوية عنداك يحس بيك شي حد ..
قطع معاها و طلع بالشوية لقاها حالة لباب و كتسناه حامية فيها البيضة .. غير شافتوا جراتوا من يديه و شدات لباب بالشوووية كتتمشى على ريووس صبااعها .. حتى دخلات لبيتها عااد تنفسات براحة ..
ياسيين:( دفعها مع الحيط مقنتها ) واخا نكونوا كنسرقوا ( رفع صوتوا شوية ) راك مراتي بالعلاااالي
جوهرة:( حطات يديها على فمووا .. و خرجات عينيها فيه كتهضر بهمس ) سكوووت اوييلي على شوووهتك اجوهرة .. ااش باغي ااش ؟
ياسيين:( حيدلها يديها و ترمى فوق الناموسية ) كتجري عليا ؟ و لا جابلي الله !
جوهرة:( جمعات فمها ) لا
ياسيين: وا هكااك .. ديري هاه و لا هاه غنعيط لشرطة الأداب .. يجمعوني أنا و ياك فهاذ ليل نغسلوا عظامنا شوية
جوهرة: هااء .. و راك رااجلي
ياسيين:( هز حاجبوا و شاف فين بديك النظرة ديال حلفي بالله .. تا هي فهماتوا و ضحكات .. تمشات جهتوا .. دارلها بلاصة حداه ) كي بقيتي
جوهرة:( تنهدات ) حمد لله ( عطاها ميكة فتحاتها و جبدات خبيزة ملوية فبابيي أليمينيوم .. فتحاتها و عطات ريحة الشوا منها .. عينيها خرجوا منهم القلووبة .. تا هز طريف دالكبدة و وكلوا لها ) امممم
ياسيين: كوولي الكبدة يا الكبيييدة
جوهرة: ههههه
حنات كتاكل و تمد ليه و فكل مرة يعضها فصبعها حتى تهربوا كتضحك فرحاانة .. أبسط موقف ممكن يخلي بصمة فنهارها و يفرحها ! حتى كملوا بجووج و ضرباتها ليه بأقوى تعنييقة .. تا هو ما عطلهاش فبلاصة جمعها عندوا و تحنى على شفايفها كيبووس فيهم بحب و حناان .. قبل خفييفة و هاادئة .. و مرة مرة تفلتلها الضحكة منين يهرها بلحيتوا .. نسات رااسها .. ناعسة فووقوا و مزير عليهاا ..
عايشيين اللحظة بجووج .. نسااو رااسهم و فين راهم .. فهاذ الوقت كانت ختها وئام .. نايضة للطواليط .. سمعات الهضرة عند جوهرة فالبيت و الضحك ... تخلعااات يسحابلها غير صحاب المطاان و لا ختها تخلخلات و طار لها لفريخ هههه .. مشات بالخفة عند بشرى الاخت الصغيرة و فيقاتها
وئام: بشرى وااا بشرى فيقي ( شافت فيها لوخرى مقلووبة ) سمعت شي أصوات فشششكل عند جوهرة .. يا الله نشووفوا شنوو واقع مع ختنا
بشرى:( تخلعات ) سيري بووحدك
وئام:( جراتها ) زيييدي من الهضرة
وقفوا بجووج حااضيين جنابهم .. هزوا كراطة من الدووش هي لولة مسبقينها قدامهم .. و زايدين .. فتحوا لباب عليهم على غفلة و بالخووف راه زدحوه مع الحيط على جهدووا .. تا قفزات جوهرة من فوقوا و نزلات عليه تا هرب لوون من وجهووا و وقفات كتفتف كتشووف فيه مززززنك و كيشووف فيها بغير صبري عليا نشدك .. و ترجع تشووف فخواتاتها لي مصدوومين فيهم .. تا قالت الصغيرة
ياسيين:( شاف فجوهرة ) ها مكافحة الدعارة جاو تال عندنا يجمعونا ( هز يديه لفووق) و الله تا عاد نوينا الشاف !
جوهرة صدمووهاا خرجات من تما كتجري و تولول .. ما كرهاتش الأرض تتشق و تبلعها مخلياهم معاه .. تا من وئام غير عاقت براسها مشات من تما كتطير حيت ما دايراش فولارها .. بقات غير بشرى لي مفوهة فمها بصدمة و مغمضة عويناتها .. ضحكاتوا الغياكسوون ديالهم كاملين .. ناض بالخف و هزها عندو حتى فتحات عينيها و ضحكات معاه ببراءة
بشرى:( ردات شعرها مور وذنيها و قلبات عينيها بواحد الطريقة كتضحك ) ااه عارفة راسي زوينة كلشي كيقولها لي
ياسيين:( ضحكاتوا ) ياك اختي ؟
بشرى:( بلقات عينيها واش ما كاين حد و هي تشيرليه بيديه يقرب عندها حتى عطاها وذنيه ) كاع لي ميطخيس ديالي كيقولوها ( ضحكات بخفوت ) حتى خالد لي كيقرا معايا فلاكلاس كيكتبلي ديما بلي زوينة
ياسيين:( هز حاجبوا و عض حنكوا من الداخل باش ما يضحكش ) شكون هاذ خالد ؟
بشرى: صااحبي ( خرج فيها عينيه صدماتوا .. تا شافها ضربات جبهتها و قالت ) لا لا ماما قاتلي صاحبي كاع ما كنقولها للدراري .. كنقولوها للبنات و صافي .. هو صديقي الزوييين .. كيقسم معايا لكوطي ديالوا و يديرلي بلاصة حداه فالطرونسبور .. ديما كيقولي شعرك زوين ( دوزات على شعرها لكحل و القوي ) أصلا أنا زوينة
ياسيين:( بغى ياكلها حمقااتوا ببراءتها و كلامها .. باسها فحنكها بالجهههد حتى عوجات راسها و قاست فيه )
بشرى: قسحتيني .. بالشوية !
ياسيين: ههههه بشرى سيري كلمي ختك تجي عندي
بشرى:( وقفات و دارت يديها على جنبها ..هازة حاجبها كتقلي السم بيه ) نكلمها و ما ديروش لي بيتيز .. راه نقولها لماما تديرلكم عقووبة
ياسيين:( ضحك من قلبوا ) صافي ما نديروش لبسالة .. حتى نتي ما تقوليها لحد باش نعطيك شي حاجة تعجبك لمرة الجاية
بشرى:( بفرحة ) تشريلي طابليط .. ديالي خسرات و ما بغاوش يشريوهالي ( عوجات فمها ) قالك غتديرلي ديدي فعوينتي .. و لكن أنا كناكل خيزو ! ( عيبات وجهها ) واخا مكيعجبنيش
سمحات فيه كيضحك و هي خاارجة كتجر فبانطوفتها و شعرها الطويل كيتمايل معاها .. و كتهضر بوحدها
بشرى:( شادة جبهتها ) ما تيفهموونييش واالوو اففف على عذااب
بعد مدة قصيرة تفاح لباب بالشوية عليه
جوهرة:( طلات عليه لقاتوا بوحدوا سقطات عليهم لباب و ضربات حناكها بجووج ) اويييييلي على شووووهتك يااا جوووهرة أوييييلي ( شافتوا كيضحك و هزات مخذة صغيرة شيرات عليه بيها .. شدها فآخر لحظة )
ياسيين:( خرج عينيه كيضحك ) ويليتي تقمشي و تضربي المشة
جوهرة: كتضحك علياا .. لي جاا عندنا غيعااودوها ليه مشى الوجه لي نشووف فيه بيهم ( شافت فيه متكي ما على بالوش ) الله يعطيني برودية قلبك اخوويا .. نوض اياسيين بحالك قبل ما يفيق بابا و تكمل الفراجة
ياسيين: هانا غنبدا نتعصب .. واخا تكوني مدخلة صاحبك عليك ما ديري هاذ الحالة كاااملة .. خلي لي بغى يهضر يهضر ( قلب عينيه ) أصلا دايين الشنعة و صاافي .. خليتيناا نديروا شي حااجة ؟
جوهرة:( جمعات فمها بحال النقطة فاقصها ما كرهاتش تكركبوا مع الدروج ) ما لقيت فين ندير غير هنا ؟ و أصلا راني جاايا غضبانة فدارنا زعما .. يلا فاق بابا و لقاك هنا غيقول غير كنتفلى عليهم
ياسيين:( وقف و مشى عندها جبدلها حنكها بحركة دلووعة ) يخليلي الزين الغضبان .. واخا هانا غادي و لكن غذا فالصباح نصبح عليكم ..أخر مرة تباتي خارجة على دارك
جوهرة: وااخا ( قربات و عنقاتوا من كرشوا ) شكرا بزااف على كلشي
تحنى باسها فوق راسها و خرج مخليها متبعة ليه العين .. حتى نزل للتحت و وقفات كطل عليه .. شيرلها و ركب رااجع بحاالوو
جوهرة:( فلتات لها ابتسامة برييئة لي تحولات لضحكة من القلب تا دمعوا لها عينيها .. عضات على شفايفها و حطات يديها فوقهم كتحسسهم .. و هي كتخشى فبلاصتها .. تكات فالجهة فين كان ناعس و غمضات عينيها و هي كتقول ) تنبغيييك ا حبيبي !
وئام:( شافتوا فاش خرج دقات عليها بالشوية و فتحات لباب .. كطل غير براسها ) واخا ندخل !
جوهرة:( تبسمات و دارتلها بلاصة ) أجي
تخشات حداها معنقاها و جوهرة كتلعبلها فشعرها و كيتعاودوا مجمعين .. مفاهمين بزااف خاصة قراب فالعمر ما بيناتهمش فرق كبير عكس بشرى لي تزادت لعائلتهم غير بالزهر و فرحوا بيها بزااف .. تا هي ولافة و كدير بلاصتها بزز من الواحد .. عندها شي هضوور تحلف عليها يلا مراة شارفة دات و جابت فالزمان
وئام:( هزات عينيها فيها ) ما بقيتي تعاوديلي واالو .. قبيلة بنتيلي ماشي هي هاذيك و ماشي على طبيعتك .. شنو وقع ؟ ياكما ياسيين دارلك شي حاجة .. حتى جاي فهاذ الوقت عندك ؟
جوهرة:( تفكرات كاع لي وقع تنهدات بحرقة و رجعات فالبلاصة ابتاسمات فاش تفكراتوا ) ما عرفتش شنو دارلي بالضبط ؟ ( هزات يد ختها و حطاتها على قلبها ) حتى رجع كيضرب غير ليه ..
وئام:( تبسمات ) كتبغيه ؟
جوهرة: بزاااف .. عمري تصورت نبغي واحد بحالوا .. بمواصفاتوا ( تنهدات ) ياسيين بدل فيا شحال من حاجة .. ديما كنت كنسمع على الحب و كنقول غير زيادة فيه و صافي .. و ربي حنتني و جا نهار لي تانا طحت و الدنيا تبدلات فعيني .. من بعد ما كنت غير عايشة و ما كاينش شي شغغغف كبير فحياتي .. جا هو و رجع شغفي ! ( عينيها دمعوا و هي كتعاود عليه .. حيت كتهضر بكل جوارحها و من أعماااق قلبها )
وئام:( باستها فحنكها ) الله يخليك ديما فرحانة و يدخل السكينة لقلبك حيت تستاهلي
جوهرة:( تبسمات ) أميين احبيبتي و يجيبلك حتى نتي لي يبغيك و يصونك فالحلال
وئام:( حشمات و بقات تفرنس ) هههههه
💫💫 صباح جديد 💫💫
غير صبح لصباح كان ياسيين عندهم فالدار .. فتح ليه الأب دجوهرة لي تفااجئ بيه .. دخلوا مرحب بيه .. حتى هو عاطيهم صوابهم .. مد لرحمة الميكات لي جايب للفطور .. باش ما يكلفهم واالو .. و دخل مع باها للصالون مجمعين .. تا عيطاتلوا مراتوا و ناض عنها .. بعد مدة قصيرة تمات داخلة جوهرة عندوا مزنكة .. سلمات عليه و جلسوا كيهضروا عادي و مرة مرة يلوح لها كليمة .. تبقى غير كضحك حشماانة و عاجبها الحال فنفس الوقت .. تا تحط الفطور و تجمعوا عليه كااملين و قلب عليها .. داير عقلوا و كيهضر برزانة .. بقات غير كتشووف فيه ..
كتعجبها شخصيتوا .. بقد لي ضحووكي و هارب ليه بقد لي عقلوا يوزن بلد و كيعرف كي يسير راسوا بقد لي يلا تعصب غير قلبي فين تتخبعي و ما تبانيش ليه .. عندوا شوية شوية من الحاجة .. الشيئ لي كيخليه مميز ! خااصة فعينيها .. نهار على نهار كتغرق فيه و باااينة فيها واخا مكتهضرش .. لكن أي واحد كيعرف لغة العيوون غيقرا عينيها بسلاااسة !
كملوا فطورهم مخليين بشرى مع ياسيين قالبة ليه راسوا بالهضرة و تا هو جاتوا على الكاانة كيعجبوه الدراري الصغاار و هضروورهم الحلويين .. تا تمات جاية جوهرة لابسة عليها و معاها أمها و وئام .. سلموا عليهم و ودعوهم بحراارة من بعد ما وصاتوا رحمة على بنتها مرة ثاانية و دعات معاهم حتى عياات ..
ياسيين:( فتحلها الباب تا ركبات و ضار جهتوا دار لاسانتير .. مد يديه ليديها و شابكهم .. و ديمارا باليد الثانية كيشوف قبالتوا ) توحشتك
جوهرة: من البارح لليوم ؟ ( حرك راسوا بااه و ضحكات هي ) سعدااتي
داز الوقت تا لقات راسها قدام دكتورة نسائية .. تزنكات و بانت فيها الخلعة ما كانتش عوالة عليها .. حكات عنقها بثوثر
جوهرة: ياسيين خليها من بعد .. ماشي ليووم عافاك
ياسيين:( شافها مخلوعة و لاح يديه على كتافها جرها عندوا مدخلها و همسلها فوذنيها ) ماشي وقت لخووف دابا .. خلي حتى نشدك و نخرج منك حليب مك .. عاد حلال عليك
ياسيين:( قهقه حتى كاع لي تما شافوا فيه ) يخليلي راجلي .. ( وقف على موظفة الاستقبال و نطق بجدية ) السلام عليكم .. عندنا موعد مع الدكتورة ***
م.س : مرحبا .. الاسم ؟
ياسيين: جوهرة ****
م.س: واخا اسيدي تفضلوا تسناو شوية على ما تجي نوبتكم
ياسيين: شكرا ..
جلسوا مع الناس بهدووء ساكتين .. من غيرها لي شادة يديه كتلعب فدوك الشعيرات الرقااق لي عندوا .. من ديما كيعجبوها و كيجيوها رطيطبين .. كتلف فيهم الخلعة لي قابطها .. تا قالت
جوهرة: اوووف هاذشي تعطل بزاااف حنا غنبقاو غير نتسناو .. ما كيعرفوا ناس مشغولين ما والو .. يا الله نبدلوها باينة ماشي تال تما
ياسيين:( هز حاجبوا ) و الله ابنتي ما لك منها هرووب .. غتدخلي هي غتدخلي ( بهمس ) شحال ما قسحاتك ما تكونش قدي غير رتاحي ..
صافي تما ضربات الطم و سكتات كتعراق و تنشف غير بووحدها .. تا سمعات سميتها .. و وقف هو مدلها يديه .. جارها معاه و هي بزز كتخلف .. كتشووف فديك الباب بحال داخلة للجحييم
جوهرة:( بلعات ريقها و قالت بصوت خاافت )اللهم لا نسألك رد القضاء بل نسألك اللطف فيه 😖
ياسيين:( سمعها و كحز عندها كيطنز عليها بصوت تسمعوا غير هي ) إلى الجههههاااد وحدووووووه
دخلوا جلسوا قبالت الطبيبة .. بعد السلام و ديك السلسة د المجاملات .. دخل نيشان ياسيين فالموضوع .. حيت عارف جوهرة ما غتهضرش .. و تا هي مخلياه عارفة الجبهة لي ما عندهاش هي عندوا هو مضووبلة ..
ياسيين:( شابك يديه ) بوون ! جينا عندك حيت لمدام بغاتك تفحصيها .. تقريبا داز على زواجنا ربع شهور .. و لحد الآن كتلقى مشكل كبيير فالعلاقة الزوجية .. بغينا نعرفوا شنو المشكل ؟ ولاش هاذ الحريق كااامل !؟
ناضت معاها جوهرة بسكاات ما هي محطووطة قدام الأمر الوااقع .. واخا خاايفة و لكن كتقنع راسها اللهم حريق ساعة و تتهنى حياتها كاااملة و لا تبقى ديما موجعة و معذباه معاها ..
بعد مدة رجعوا بجووج و باينة فجوهرة باكية ..مسح على وجهوا من هاذ البكاية لي عطاه الله .. مداها كلينيكس مسحات عينيها .. و ركزوا بجووج مع كلام الطبيبة لي قالت
طبيبة:( حنات راسها كتكتب شي معلومات و عاد هزات راسها و قالت ) مدام جوهرة عندها " inflammation de col utérus " و بمعنى أوضح " التهاب فعنق الرحم " و حتى " ضيق فعنق الرحم " .. بالنسبة للألم .. فراه طبيعي بسبب "ضيق عنق الرحم "
ياسيين: يعني ما كتتوسعش على حساب العضو ديالي ؟
الطبيبة: فوااالا .. و من أصعب لحوايج هما هاذوا .. لأنوا الألم كيبقى مصاحبها دااائما .. يقدر ينقص و لكن ديما غتبقى تتقصح .. حتى تولد عاد غترتاح ..
ياسيين: و بالنسبة للإلتهاب ؟
الطبيبة: تنظن هملات راسها شوية .. كان خصكم تجيوا قبل من هاذ الوقت شوية .. لكن على العموم .. ل pinice " القضيب " ديالك كبير و كيقيص لها ل " col " العنق دالرحم .. شيئ لي كيخليها تتوجع تال داك الدرجة
جوهرة:( بغات تغرق من ديك بينيس عندك كبير و كتشوف فيهم كيتناقشوا عاادي و تقوول باااز لقلبكم .. وجهها بغى يطرطق بقوة لي حشماات فالموضوع لي كيهضروا فيه )
ياسيين: و شنو الحل ؟
الطبيبة : غتاخذ الدوا بالنسبة للالتهاب غتبعوا و غتبرا طبيعي .. و بوماد دهنوا بيها بجووج خلال العلاقة الجنسية .. و حاول ما تكونش ممارسة عنيفة .. خصوصا دابا ما حدها مريضة
مدات ليه السيرتيفيكا .. و جوهرة هزات ساكها .. ما قالت سكتات باغى غير تخرج بحالها ..
طبيبة:( كملات كلامها ) للأسف ضيق عنق الرحم .. موضوع لي صعييب بزااف .. و تيقوني يوميا كيجيوني حالات كثيييرة .. و لو نقولكم شحال من وحدة طلقات بسباب هاذشي غتتصدموا .. حاولوا تتغلبوا على الموضوع و شوية بشوية غترتاحوا بجوج .. اي حاجة كتكون صعيبة فلول .. و نصيحة من عندي باش يقل الألم شوية .. تتبدل الوضعية الحميمية .. احم .. بحال هي لي تكون لفووق و ماشي العكس و حتى مدة المداعبات تكون طويلة شوية .. و حاجة ثانية ضروورية .. تتجنب تقذف فيها لداخل .. على الأقل فهاذ لول
شكروها من بعد ما كملات كلامها و خرجوا بجووج مشابكين يديهم .. داز لفارماسي خدالها الدوا هو لول .. و من تما طلعوا لدارهم .. غير دخلوا عنقها من لوور خاشي راسوا فعنقها .. هز لفولار شوية و باسها فيه حتى كمشاتوا هرها بلحيتوا
ياسيين: عارفك مقسحة و لكن غنحاول عليك .. ( ضورها عندوا و حط يدوا على حنكها و قال بهدوء ) ما غنبزز عليك والو ا جوهرة ..و لكن ما بقيتش صاابر
جوهرة:( حشمات .. حنات راسها حركاتوا بالايجاب و نطقات بصوت خافت ) و غير بالشوية عافاك
💫💫 حنان 💫💫
راكبة فالكار .. مدوزة أبيل فيديو مع ختها ..
أسماء: هاي هاي الناس .. فين مسافرة عاود؟
حنان:( ضحكات ) تنعيش شباابي يا ختي ..طالعة لأكادير ندوز فيها حتى هي شي يوماين هكاك و عاد نرجع بحالي
أسماء: مزيان ا لالة .. و هضرتي بعدا مع لاسيرونس ؟ راك غترجعي خصك تهضري مع السيد و تحطيلوا فلوسوا
حنان: ااه راه غيتكلفوا بكلشي .. و حتى هو نفس الشيئ غير باغي يسل مني جوج دريال .. ضد و صافي ( ميلات فمها ) يبيعني أنا كاملة ما نجيبش ليه الفلوس لي عندوا مخزنة و طامع فيا !
أسماء:( ضحكاتها ) وا بااز ياا ختي كنتي كتضربي معاه عليهم الكرفي ؟ كل واحد و ربي ااش عطاه .. تانتي راه بخييرك
حنان: غير قلنا و صافي .. هي من واحد الناحية يلا فكل مرة سمح فحقوا .. ما يضوروا السنين حتى يرجع ربنا خلقتنا .. السنتيم ما يبقالوش .. و لكن من جهة ثانية ( هزات حاجبها ) هاذ الزين كااامل ما يسمحش ليه ؟ عيب و الله عييب
أسماء: ياك باقي ما عيطلك .. ايوا ارتاحي تلقايه نساااك و ما بقيتيش فباالوا .. غير بردي
أسماء:( هزات حاجبها ) لا راه نيت خصكي تبردي .. من الدودة لي شداتك ابنتي .. كوني للأرض .. ياك عاد عيطتي كتسبي فيه و تعاودي .. ااش تبدل ؟
حنان:( ضحكات بتلاعب ) يلا يبردني هو هااانية ..
حنان:( ضحكات بتلاعب ) يلا يبردني هو هااانية .. و لي تبدل الزين دختها .. هو ما كنتش عارفاه شكون فلول .. أما دابا راه عيييب فحقي ما نخلقش معرفة مع سي بنمسعوود !
أسماء:( بجدية ) حنان ما تبقايش تخراي فالهضرة ااش بينك و بينوا يبردك و لا يشعلك .. واش شوية لباس ؟ راه داك النووع عااجبوا راسوا حتى فاات القياس .. و حتى يلا شاف جهتك غير على مصلاحتوا .. يذووقك و نهار طلعيلوا فمخوا يلووحك بحال الكلبة .. جمعي ك** ابنت الحاج
حنان: واش أنا بنتلك سااهلة ليه ؟ يذوقني و نتحل ليه بحال بنات الموقف ؟ رااه طرونكيل فدماغي ااه و لكن تال ديكشي ما نقدرش حيت عارفة المغاربة مخهم فين .. غير رتاحي حاضية تقابي ديالي و مزيان كااع
أسماء:( تعصبات ) راك ما حاضية حتى لعبة .. كن كنتي حااضية و فايقة ما يديرهاش بيك ابراهيم .. يلا داك ميخي و قدر يضحك عليك و نهار خدم و قاد حياتوا ساسك .. هذا غتتسناي منوا الربح ؟
حنان: اووف ا أسمااء .. ما تندمينيش حيت كنعاودلك .. شفتي أنا يلا بقيت هاكا غنحمااق بقوة التفكير و هذا هو لي غينسيني .. من النووع لي كيعجججججبني نطيح ليه خناافروا للأرض .. ياك مكبر و عاجبوا مخووا و تا حد ما قدوا .. ايوا راه أنا لي غنجيبلوا التماام ( بحماس ضحكات ) و الله حتى موضوع مسلي جداااا .. توحشت نلعب .. و لكن هاذ المرة اللعب على أصولوا .. و باااح ديك النية و الثقة العمية !
أسماء: ياك حذرتك ؟ و نهار تعطيك الدنيا أحسن تسرفيقة ما تجيش تبكي عندي .. عرفي درتيها لرااسك و ما دارهالك حد .. هاذشي غير شهر و هي شادة عليها البيت تصبح و تمسي بابراهيم و السيدة باغى تمووت ( عيباتها ) اوووه أسمااء ما قادراش نتنفس بلا بيه .. ا أسمااء قلبي كيحرقني .. علاش خلاني .. ايوا تبارك الله على لي ما قادرة تتنفس !!
حنان:( ضحكات ) كنديير التنفس الاصطنااعي ا أسمااء ..وااش باغاني نمووت ؟ ( عضات على شنايفها ) و ما شهيتك فلي كيدير التنفس و فالشفايف لي كيديروه .. كلوا على بعضوا حلووو .. زاااز و لوووز مقرمش ..يستاهل يدفع على شبابوا غااالي !
أسماء:( فقصاتها و قطعات عليها )
💫💫 ياسيين 💫💫
شوقوا ليها فاات القيااس .. بحال يلا كان كيتسنى غير إشارة بسيطة منها .. مجرد ما فتحات عينيها و غمضاتهم بمعنى واخا .. قرب لها كثر و عينيه كيتحولوا بين عينيها و كينزلوا لجهة شفايفها .. تا هي بقات حاضياه و ما هرباتش عينيها .. كأنها مخذرة من نظراتوا .. نزلات عينيها لشفايفوا لي تحطوا على شفاهها بشوية دخلهم وسط فموا كيتلمس رطوبيتهم .. و فنفس الوقت يديه الثانية طيرلها بيها الفولار و حاط يديه على فروة راسها كيحكها لها بهدووء .. ذوبها بقبلتوا ما حسات براسها غير حاطة يديها على صدروا .. الشي لي خلاه يزيد يزير عليها و يجدبها عندوا ما فاصل بينهم واالو .. هازها شوية من الأرض و مهبط يديه على ظهرها مكاليها و هو غارق فشهد شفايفها كيمتصهم بقوة تا كيتسمع الصووت .. ما حسات بيه غير زايد بيها بنفس الوضعية .. دخل للبيت حطها فوق الناموسية و طلع فوق منها بدون ما يطلق من شفايفها .. كيعطيها فرصة فين تتنفس و كيرجع .. حتى حس بتنهيدتها طلعات معاه للأعماااق .. طلق منهم و باسها فعنقها فووق نبض القلب لي كيضرب عندهاا بالجههههد .. حسها تبوورشاات و تبسم بهدووء .. تهز من فووقها شوية و نطق بصووت داافئ
ياسيين: حيدي حواايجك
جوهرة:( فتحات عينيها من الاحساس الزويين لي كانت غارقة فيه و قالت ببلاهة ) هاا !
بلقات عينيها فيه من صدمتها يا الله جات تهضر كان زير بيديه على فخضها و نطق بجدية ملامحوا جاامدة .. ما باينش عليه كيضحك نهاائيا .. الشي لي رعبها و ندمات لاش قالت ااه
ياسيين: بلا اعتراض ( فتحات فمها تهضر و هز حاجبوا فيها ) يالاه نووضي نشووف
تهز من عليها و تكى حداها على جنبوا مكالي بيديه .. كيشوف فيها بنظرة ديال ما عندك فين تهربي .. ناضت بالشوية عليها مزيييرة و مزنكة على الآاااخر
ياسيين:( شيرلها بيديه ) وقفي تما ( تمشات فين كيقولها و وقفات ) تئ زيدي لهاذ الجنب شوية ..تماا فوااالا .. يا الله بدااي
جوهرة:( وجهها رجع بحال حبة ديال ماطيشة و عينيها دمعوا شوية من كثرة الحشمة و الموقف لي تحطات فيه و هو مربع يديه و حاضيها بعينيه و مكملها بداك الحاجب طالع لفوق .. سالاهم لها .. بغات تمووت و نطقات بحال البنية الصغيرة ) عرفتي نتا واحد الباسل .. علاش كديرلي هاكا
ياسيين:( ضحك بصوت عالي ) واحد الزلايلي مني ما كان .. اودي الله يعطي العما لي يلقى حداه الزين و ما يذووبش فيه
جوهرة:( مزيرة على رجليها ) ياسيين عافاك
ياسيين: عافاك نتي .. فتحي اختي دوك النواافذ تتنفسي شوية .. بقالك شوية و تطرطقيلي هنا ( عض على شنافتوا ) بردي على قلبك الحب و خليني نسخن من شووفتك ( شافها ما دارت حتى رد فعل و هو يرفع نبرة صوتوا شوية ) غنبقى نتسناك هنا ؟ تحركي خلاص و لا
جوهرة:( ما خلاتوش يكمل .. طلعات العباية لي كانت لابسة تا زولاتها و بقات بشوورط حد الفخاض مع ديباردور ديالوا .. نازل شوية على صدرها .. هزات عينيها فيه .. بغات تبكي من نظراتوا ليها ) عقل فيها المسموم
ياسيين:( ضحكاتوا و لكن شدها مطمر و قال ) ما كاين مسمووم هنا قدك ..هازة ما هاز فقلبي هههه و ما تذوقيناش حتى شوية من حلاوتك .. حيدي الحب حيدي خليني نشووف لمخبي لي كيطل عليا و يغمزني ناكلوا ماكلة
جوهرة:( ضحكها .. عيات صاابرة و فلخر طلقاتها من أعماقها ) ههههههه عنداك غير تسرطوا و ترجع توقف عليه تلقى يديك و الريح
حنات كتحيد الشورط و الديباردور تا بقات غير بدوبياس .. رجعات ضربات الطم و وجهها تزنك .. ما لقات فين تتخبع من نظراتوا .. تا تم واقف و جاي عندها بهدووء حط صبعوا على يديها مطلعوا بالشوية مع ذراعها و هي مزيرة على رجليها و لحمها شوك عليها .. تا وصل للسمطة دالسوتيام نزلها لها بالشوية على كتافها و تحنا باسها تما .. و دار نفس الحاجة لليد الثانية و فالأخير مد يديه لظهرها و فتحهم .. تا طاحوا للأرض و بقاو عريانين قداموا .. حطات يديها عليهم حانية راسها ..
ياسيين:( ضحك و هزلها راسها باسها بخفة و بعد ) طلقي راسك و نتي شوية غتبولي عليا هنا هههه
فتحات فمها بصدمة حيت ما كذبش هههه ... ما لقات فين تخبع وجهها من غير فيه هو نيت .. لصقات مع صدروا ما بقاتش شافت فيه .. تا حسات بيه هزها بالشوية و حطها فبلاصتها مد يديه للجيل هز شوية فصبعانوا و نزلها السليب كيدهن لها بهدووء لاعب لها على أعصاابها .. حتى كمل و تحنا باسولها بالشووية تا شهقات بالجهههد و طلع عندها
ياسيين: مرة وحدة فحياتك طلقي راسك و ما تبقايش خاايفة .. و خلي كلشي عليا .. و وعد ما غنضركش
جوهرة:( حركات راسها ) وااخا
ياسيين:( ضحك ) يخليلي لي يسمع لهضرة ( شاف فجسمها بنظرة مطولة ) حماامة يا ختي حماامة
ضحكات حشماانة و عاجبها الحال فنفس الوقت .. و لأول مرة كتسلم ليه راسها براااحة بلا ما تتزير و لا تخااف .. بلعكس كانت متجاوبة معاه على قدر معرفتها فهاذ الأموور .. عاشت معاه و طلعات معاها النشوة بالجهههد .. جربات معاه شي حوايج عمرها فحياتها ذاقتهم و لا عرفات حلاوتهم .. إحسااس فشششكل شدها من صبع رجليها الصغيير .. ما عرفاتش توصفوا من غير هزها لآخر شعععرة فيها ..
بخلاصة عسسسسسلها بالمعقووول .. حتى تهداات و مشات معاه غير فاتحة فمها و تابعاه كتتنهد و تعيط باسمووا و هو غارق فيها كيبتاسم بنشوة و عاجبوا الحال معاها .. مرة مرة يلوحلها كليمة من هنا و قريصة من هنا .. حتى كتتهز قافزة .. داازوا سااعات عليهم و هماا فعالمهم الخااص .. حتى تهدووا .. تلاح ياسيين كينهج على جنبووا و كيعيط على جوهرة .. ما لقى حتى جواب عرفها سخفات .. مد يديه هز عطروا رش شوية فيديه كيشموا ليها .. و يضرب فحناكها بخفة .. تا فاقت كتأنن .. داايخة و إحسااس غريب متمكن منها .. شافت فيه و عينيها معسليين و أثار الدموع فجناب عينيها .. كانت أول مرة تعرف أنه ممكن تبكي من الشهوة .. هدها بالمعقوول
ياسيين:( ضحك و باسها فشفايفها لي تنفخووا و عليهم أثار عضيضاتوا ) فين وصلتي الفاشلة هههههه ( غمزها )
جوهرة:( باقى دايخة ) زويين زويين
ياسيين:( ضحك بالدمووع و عنقها عندوا مزير عليها ) هههههه ياك اختي ؟ هي نعاودوها ؟
جوهرة: عيييت
عينيها بداو يتشدوا باغى غير تنعس .. شافها هكاك و جرها عندوا مزير عليها كيلعب فشعرها .. أما هي راه ساافرات لعالم الأحلام .. مخلياه كيعنكش فيها و مرة مرة يبووسها .. الضحكة مرسوومة على شفايفوا و راااشقة لييه حتى هو .. يقدر يقول بلي من نهار تزوج بيها كانت أول مرة يرتاح معاها فشي معاشرة و يرضي غريزتوا بلا ما تعتارض و لا تخاف من شي حاجة باغيها منها .. حتى الألم واخا كان فلول لكن ماشي كثير بحال ديما .. قدر بطريقتوا يذووبها و يعسلها معاه حتى نسات الألم و بقات تابعة غير الحلاوة و عاجبها الحال ..
نعسوا بجووج ما فاقت غير على كرشها كتغوت بالجووع .. تقلبات عليه كتحك حنكها فوق صدروا تا فيقاتوا .. تكسل و حك عينيه كيشووف الساعة ..
ياسيين: خمرنا القملة ( ناض من حداها زبط تا سمعها كتولول )
ياسيين:( ضحك و هز سوتيام ديالها شير عليها بيهم ) على أسااس كناا كنختمووا القرأن ؟ ( عيبها كيضحك ) اووه ياسيين اححح اننن تمااا اااه عاافاااك اييي
دخل للدوش كيشعلوا مخليها غاارقة فحوايجها لي ما لابسااش هههه و كتتفكر لي دااروا و كلامها و تندب حنااكها .. تا تم رااجع تحنا باسها فأرنبة نيفها و داعبوا بحب
ياسيين: غزاالي نووضي ندوشلك ( قبل ما تعتارض كان حيدلها ليزاار و هزها عندوا كيضحك و يشحطها لمؤخرتها ) لي عندو عندوو ( قرصها فجنبها ) فااخرة يا ختي
جوهرة:( قسحها ما قالت حطها للأرض ) ما تبقاش تقرصني و تضربني تما .. راه كتقسحني ( شافت فلحمها ) رجعتيني كلي مزوقة
ياسيين:( ضحك و قرصها فجنب الثاني ) غير ديال الحب .. الحووب
قرب منها تا لسقات مع الحيط طلق عليهم الماا بجووج و تحنا جهة شفايفها فاصلة بيناتهم مسافة قصييرة غير كيهضر كيقيصهم
ياسيين: نتي ابنتي لي رطبة فووق لقياس ( قاسها ففخذها و زهقات ليه مع الما ) ها لي قلنا .. فينما قصتك كتفلتي بحال الزبييدة .. غير ماشية و كتلعب من جهة لجهة حتى كتسييح و تذووب ( ضحك ) أجي ابنتي ندوش لك
ضحكات و مداتليه شمبوان ديالها و عطاتوا بالظهر .. مخلياه مقاتل معاه و مع طوييل و قوي كيشدلها الوقت بزااف .. بغات تبوسوا بالفرحة حيت غيهنيها منوا جمعوا فيديه و فتح الشامبو كب شوية فيديه الثانية .. بانلوا ديكشي خضر و فيه شي نقاطي .. خسر وجهوو و قال بصوت مكره
ياسيين:( طلق منها بالزربة و تحنا كيغسل فيديه و يعااود عيفااان .. تعصصب و وجهوا رجع حمممر كيبانلها غيطرطق .. تفل فالجنب و حط يديه على الحييط ) فااااك
جوهرة:( بقى فيها و قالت) ههههه غير تنضحك معااك .. ما فيهش الحنة و الله
ياسيين:( قلب عينيه عندها ) و ااش ؟
جوهرة: هاذوك غير وراق السدر كنطحنهم و نخلطهم معاه .. زوين كيقوي الشعر و كيطولوا و يرطبوا .. غير لونوا خضر و صافي .. أما ما فيه لا ريحة و ما كيبدل لا لوون لا والو ( ما حسات بيه غير وقف عليها و قلبها راسها للتحت و رجليها للفوق .. هز يديه و شحطها .. تا تسمعات الدقة ) هههه اححح لاااا
ياسيين:( عاودها لها ) هاا لي يدير لبسالة و يكذب
جوهرة:( قفزات كتضرب فيه فضهروا ) اححح ياسيين تتقصحني هدااا
ياسيين: عرفتي و كانت حنة بالرب تا نخلطها و نوكلها لك بالمعلقة ( كمش فموو باغي يرد ) تفووو ما عرفت شكيعجبكم فديكشي
حطها و رجع كيكمل لها تا شلل ليها شعرها مزياان و دوزلها بان دوش على لحمها و كل مرة فين هارها و خاشي يديه و هي كتحيدليه و تخرج عينيها فيه .. المهم حمقها عاد كمل ليها .. و تحنا تا هو كتغسلوا شعروا و تدير أشكاال فيه .. عجبها مع الماا و لقات لي بغات .. تا عياات و شللات ليه .. حطات يديها على لحيتوا و جبداتها ليه
جوهرة: كبراات ( حققات فيها و قالت بتعجب ) شبتي ا ياسيين ههههه نااري على الشاايب
ياسيين:( دوز يديه عليها ) غير خليها دابا ننقص منها ( تبسم ) غير يلا ما بغيت نشرف معاكم ( هز حاجبوا ) الشيب وقاار ابنتي وقااار
لبس البينوار ديالوا و مدلها ديالها تا هي .. و خرجوا من تماا مزنكيين و جوهرة كضحك على الشيبات لي بداو يبانووا فلحيتوا ..
لبسوا حدا بعضياتهم و هي كتسولوا و كيضحك عليها مطمر
ياسيين: هههههه و شووفلك هاذ البرهوشة عاود ( هز حاجبوا ) عولنا عليك بكري تجيبيلنا كادوا دعيد الميلاد .. و نتي ما عارفاش حتى شحال فعمري لوالديك
جوهرة: ههههه كنت تنقوول عندك ديك 30 عام ..
ياسيين:( درعها بيديه و خرجوا من تما ) 36 ما بقالي والو و نكملها .. ديجا قلتها لك يمكن نسيتي و صافي ( هرها ) راك قد صبعي الصغير ابنتي غا هنينا
جوهرة: و ما بايناش فيك ( ضحكات بطفولية ) و كي غتبان أصلا و نتا غير طالقها تسرح ( حطات يديها على كرشها ) عرفتي كريشتي كتغوت بالعداااو غنمووت بالجووع
ياسيين: هي يلا فهمتي راسك و صوبيتلنا شي طاجيين من دووك ليديدات ( غمزها )
جوهرة: اييه هي لولة
خلاتوا فالبيت فين كياكلوا دائما و مشات هي للكوزينة .. حتى سمعات صووت الزدحة تطلقات .. ضحكات و كملات شغالها ولفاتوا عزيز عليه الهيت 😂
وجدات طاجين كيبقبق بالسخوونية مع شلاضة دالزربة و عصير دليمون .. يا الله غتعيط ليه يدخل يعاونها فالتنقال .. لقاتوا جاالس هاز البيسي عندوا خدام فيه و الشيشة حداه كيتبوق بيها .. الدنيا تخنقااات بريحتها .. سااطت بالجهد و دازت كتفتح الشراجم
جوهرة: تنقولك ما تجلسش هنا .. لبيت كيتخنق سير لصالون و ارا ما يعاودوا عليك ( تنهدات ) و هاذ الشيشة دابا لاش فوقت الغذا
ياسيين:( نطق بنبرة تحذير ) جوهرة
جوهرة: ها هي ساكتة .. و سير جيب ديكشي لي بقى لهييه
جلسات ما عاجبها حاال تا جا و تغذاو فصمت .. ما عرفاتوا هو لي غضبان و لا هي .. تا كملوا و هزات مواعنها غسلاتهم و جمعات كوزينتها .. قادات بريق دالقهوة .. هزات سينيتها و دخلات جلسات حداه كبات لراسها و ليه .. مداتلوا كااسوا و هو مركز مع البيسي ما راهش فهاذ العالم .. و صووت الشيشة كيتسمع مجهد .. خصوصا فاش سكت الموسيقى .. بقات شحال ساكتة فلخر نطقات و لي ليها ليها
جوهرة: ياسيين حط عليك ديكشي نهضر معاك
ياسيين:( غمزها و حرك راسوا بمعنى ااش )
جوهرة:( تنهدات ) غنهضر معاك و بلا ما تعصب عافاك
ياسيين:( دوز يديه على لحيتوا و جبدها ) يلا غتعصبيني غير سكتي حسن و هنينا ( ضار كيكمل )
جوهرة: واا لااا ا يااسيين سمعني ( شافتوا ركز معاها و قالت ) دابا عاجبك حالك هاكا ؟ تال ايمتى غتبقى تابع هاذ الشيشة ( ياسيين غمض عينيه و ساط بالجههد ) راه غير كتهلك صدرك و صحتك و نتا ما مسوقش .. فين عمرك شفتي مول لي باتيط كيشيش !! الله يستر عليك لما قطعها
ياسيين:( هز حاجبوا ) ساليتي ؟ ( حركات راسها بااه و كمل كلاموا مخنزر ) مليوون ألف مرة قتلك هاذشي ما تتدخليش فيه باش نبقاو مزيانين ( هز صبعوا فوجهها بتحذير ) ما تصعرينيش ا جوهرة .. و ما تخافيش ما غنطيحش فالركنة و توحلي فيا .. غير ارتاحي !
جوهرة: أنا خايفة عليك و كنهضر على مصلاحتك .. ماشي خايفة نوحل فيك .. واش من نيتك اياسيين .. يلا طحتي ما نوقفش معاك ؟
ياسيين: ا لالة ما تهضري لا فمصلاحتي لا فغيرها .. راني ماشي برهووش و ما عارف والو فالدنيا لي تقراي عليه الزابور ديالك
جوهرة:( بقى فيها الحال و بلا ما تفكر هزات التيو دالشيشة و قالت ) منين فيها المصلحة نديروها كااملين .. تانا نبدا نشيش معاك و هكا تتهنى من فريعي
ياسيين:( يا الله جات تحطوا على فمها طيرولها و دفع ديك الشيشة برجليه تا جات طايحة للأرض .. القرعة تهرسات و المعسل و الجمر راه تهرقوا للأرض .. وقف معصب و شاف فيها بتخنزيرة وقفاتلها قلبها .. نزل عندها متكي على يديه محاصرها ) كتقلبي عليا نفرعك ؟
جوهرة:( بلعات ريقها و رمشات فيه ) لا
ياسيين:( قلب عينيه بصبر مدة و رجع شاف فيها معصب ) عمري فحياتي حطيت يدي على بنت لمراة و لكن كنحلف لك بلي خلقني و يتعاود هاذ الستوون دالحبس .. تا تاكلي تا طيبي و ما نحنش فيك
جوهرة:( عينيها دمعوا ) ياك ا ياسيين
ياسيين:( غوت ) ما تتدخليش فشي ق*** بعيييدة علييك ( فتح يديه بجوج بعصبية ) باين لك عاجبني حالي هاكا ؟ كن لقيت لي يردني لوور و لي ينصحني فمراهقتي غنتبلى ؟
جوهرة: حتى دابا باقي الحال يلا بغيتي تقطعها ( شدات فيديه ) عافاك لما دير لي كنقولك
ياسيين:( ساط و رجع تكلم بهدوء نوعا ما ) جوهرة 20 عااام و أنا كنشيش يوميا .. عند بالك غتجي تهضري معايا .. و غنقطع بين ليلة و نهار ؟ ماشي دري صغير و عاارف ضررها عليا و لكن ما عندي لين عليها .. و نتي حطي فمك عليها مرة أخرى و تشوفي شنو غيوقعلك ( حط يديه على وذنوا ) ها وذني منك
تحنى هز تيليفونوا .. و نقز على داك الشيشة لي تهرسات .. و دخل لبيتهم بقى مدة عاد تم خارج مبدل عليه و هاز فظهروا ساكادوا .. داز من حداها فصمت هز سبرديلتوا لبسها و شاف فيها بنص عين
ياسيين: محتاجة شي حاجة ؟
جوهرة:( بقى فيها الحال و وقفات قداموا) صافي هضرنا ما كاين لاش تخرج ( كملات بإصرار ) و الله ما تخرجها من هنا و نتا غضبان
ياسيين:( مسح على وجهوا كيشوف فيها ببروود و فنفس الوقت راه ميز واحد التغيير فتصرفاتها و لي عجبوا كثر ما قلقوا ) حيدي ا جوهرة
جوهرة:( بعناد ) لا رجلي على رجليك .. ما تبقاش فيك الزين الصافي ديالك .. جالسة بين ربعة دالحيووط بحال الهبيلة
ياسيين:( جاتوا الضحكة و قبطها مطمر .. لكن بانت فعينيه )
جوهرة:( قربات منو تتبحلق عينيها ) هااا و الله حتى ضحكتك( كتنعت ليه لعينيه و تضحك ) شووف
قاطعها صوت تيليفونوا لي كيصوني بنمرة ما مقيداش عندوا ..
قاطعها صوت تيليفونوا لي كيصوني بنمرة ما مقيدهاش عندوا .. شاف فجوهرة و رجع شاف فتيليفونوا و جاوب
ياسيين: السلام عليكم !
حنان:( ضحكات ) و عليكم السلام و رحمة الله تعالى و بركاته
ياسيين:( هز حاجبوا حيت جاتوا كتطنز .. رد عليها بجدية ) شكون معايا ؟
حنان: وايلي ما عرفتينيش ؟ ياك ياسيين هذا ؟ ياسيين بنمسعود ديال الرباط ؟
ياسيين:( استغرب و قال بنبرة استفهام ) سي هو هذا .. تقدري تختاصري و تقوليلي شكون معايا .. حيت ما عرفتكش ؟
حنان:( بميوعة ) حنان !
ياسيين:( كيحاول يتفكر و واالو ) ديزولي ما عرفتكش !!
حنان:( هنا تعصبات .. كيفاش نساها ؟ يعني على هاذ الحساب كن ما جابتش نمرتوا بطريقتها مووحال يعيطلها و لا يتسوق لها .. ردات عليه بعد مدة ) حنان لي درتي معاها الأكسيدون فالدخلة د مراكش عرفتيني دابا ؟
ياسيين:( جلس فوق الفوطوي داير رجل على رجل كيشووف فجوهرة لي قبالتوا كتعيبوا و هو كيضحك معاها بلا صووت نسى هاذيك لي فالتيليفون )
حنان: ألوو ألوو .. الخط تقطع ؟
ياسيين: احم لا معاك .. وي دابا عاد عرفتك .. ااش حب الخاطر اختي ؟
حنان: غير بغيت نعلمك بلي هاذ السيمانة غندخل للرباط ان شاء الله .. و نديروا شي كافي اونسومبل نتافقوا على أمورنا
ياسيين:( بعد تفكير جاوبها ) نسيت أنا أصلا الموضوع .. و لاسيرونس غيتكلفوا يعوضوني .. المهم من جهتي المسامحة .. ماشي مشكل ( بمزاح ) غير المرة الجاية نتابهي و حلي عينيك ماشي ديما غتطيحي فشي حد متسامح
حنان:( عضات على فمها ) و الله ما كذبتي فهاذ الزمان قلالوا الرجال ا ياسيين .. ماشي كلشي بحالك .. شكرا بزااف و لكن ضروري نخلص الحق واخا غير كافي .. حشوومة فحقي
قطع معاها و مشى لجوهرة لي ما خلاتوش يركز كااع .. حمقااتووا هاذ النهاار بمعنى الكلمة حلوووة
ياسيين:( باسها بقوة تا ضرها ) غنااكلك نتي
جوهرة: ههههه باقي غتخرج ؟
ياسيين:( زول لها شعيرة فوق عينيها ) لا كاين لي عندوا هاذ الزين فداروا و يسمح فيه و يخرج ؟
جوهرة:( بدلع ) قلها لراسك
ياسيين: ههههه واخا ( ضغط على يديها بالشوية و تكلم بجدية ) ما تبقايش تهضري معايا فداك الموضوع ا جوهرة باش تبقاي عزيزة و ما نتعصبش عليك صافي ؟
جوهرة: واخا .. أجي نقولك ( حرك راسوا بمعنى شنو و كملات ) زعما نسخى عليك تضربني ؟
ياسيين:( ضحك ) وا هداي عليا الله و علم
جوهرة:( صغرات عينيها ) كيفاش هاذ الله و علم عاود ؟ ساهلة ! ااه أو لا !؟
ياسيين:( مد يديه عنفجلها وجهها كيضحك و بعدها جاوبها ) فخبارك الانسان فاش كيبغي شي حد .. لا إراديا كيكون أكثر واحد كيآذيه بلا ما يحس .. و كيكونوا ردات فعلوا عنييفة تجااهوا هو بالخصووص !! هاذي من جهة و من جهة ثانية .. ما نظنش نقدر نديرها ( ضحك ) غير كنخلعك .. عمري حطيت يدي على شي بنت كيفما كانت من غير خواتاتي هاذوك ما محسوبينش ههه .. و ما نظنش غنجي تا نتزوج ببنت نااس دريوشة و قطقوطة بحالك و عاد نديرها .. إلا يلا درتي شي حاجة دالقتييلة
جوهرة:( ضحكات ) و من هاذ الجواب الديبلوماسي كاامل .. باقي ما قلتيلي ااه أو لا
ياسيين:( تبسم ) لا
جوهرة:( عجبها الحال و قالت بمزاح ) أصلا ختك راه عندها السمطة الحمرة فالتيكواندوا ( هزات حاجبها ) يسحابك ساهلة لك
ياسيين:( طرطق بالضحك تا برد و شدها من عنقها ) وااخاا تكوون عندك السمطة الكحلة ابنتي يلا عولت عليك ما يفكك فكااك
جوهرة: يااك اخوويا و ما نبقاش فيك
ياسيين:( هز حاجبوا ) أجي نوريك الأخ شنو كيدير لختوا و عااد نشووفوا واش تبقاي فيا و لا لا
هزها كتفركل و تضحك و دخلها لبيتهم و زدح لباب عليهم
💫💫 بعد مروور شهر 💫💫
شهر داز فيه جوهرة برات من الالتهاب .. علاقتها مع ياسيين فووق السلك و مرتاحين مع بعضياتهم .. و ضروري من النقاش مرة مرة .. تا من جوهرة شوية بشوية رجعات كتطلق معاه بزز منها ..و خصوصا فالهضرة و الضحك .. عداها رجعات غير فاتحة فمها و تفرنس .. و مرة مرة تجاوبوا بشي نوييطة واخا أغلب لوقت راه كيتحدولها معاه .. زلايلي بالمعقوول كتبقى غير كتشووف فيهم منين كيجيب شي هضوور الهربة و صافي ..أما حنان فراه دارتلوا الطياارة فاش دخلات للرباط .. و فكل مرة يقولها لا مشغوول .. تا طلعاتلوا الكناوية و بلوكاها و هنا مخوو
في حين سميرة و ابتسام راه أخبارهم انقاطعوا على جوهرة .. حتى من ياسيين ضرب عليهم نيشان .. من المشكل لي وقع ما بقى سول و لا هضر معاهم .. من غير باه لي مرة مرة تيعيط عليه ..
بقى نهار بالضبط على رمضان .. كان طاح الظلام .. داخل ياسيين كيدوش .. دق و مداتلوا جوهرة حوايجوا لبس عليه و خرج عندها .. تا هي مزنكة و باين فيها الحماام و شعرها ملوي ففوطة .. جلس حداها و تيليفونوا كيصوني بالمباركات و التهاني .. و هو كيجاوبهم .. حتى حطوا و ضار عندها كيشوف فيها بجدية
ياسيين: جوهرة باغيك فواحد الموضووع .. و يلا كنتي كتعزيني واحد الشوية ما تقوليش لا
جوهرة:( خلعها ) ااه .. ياك لباس ؟
ياسيين:( مسح على وجهوا ) المهم .. الموضوع بخصوص دارنا ( طوا رجليه و تكى بيديه كيشوف فيها فاص ) عارف سميرة ما دارت فيها ما يصلاح معاك .. و عااارف بقى فيك الحال منها بزااف
جوهرة:( بانت فيها و ملامحها تغيروا ) فوقما تصور .. صدماتني فيها و ما توقعتهاش منها .. و لدابا ما فهمتش شنو درت خاايب معاها باش تفكر فيا هكاك
ياسيين:( حرك راسوا ) واخا هكاك .. راها ما نواتش و الخطأ منكم بجوج .. هي لي تاهماتك بلا ما تكون متأكدة .. و نتي لي خارجة من تما بلا ما تعلمي حد ( هز حاجبوا ) بحال ما عليك حكام
جوهرة:( تنهدات ) و راه قتلك شنوو
ياسيين: المهم .. راك عارفة قطعت معاها الهضرة و ما سولتش فيها .. و حتى مصطفى راه تكلف بيها و أنا لي عارف طبعوا شحال صعييب .. واخا يبانلك داك الحب و الضحك .. يلا مشى تا قلب على الواحد غير الله يحضر السلامة
جوهرة:( ضحكات ) بحالك هههه
ياسيين:( تبسم ) من هاذشي كاامل .. هي راه خدات عقابها و كثر و متأكد غتكون ندمااانة .. ما بغيتش تبقى ببناتكم حسااسية .. خصووصا فهاذ الشهر الفضييل ..
جوهرة:( بهدوء ) انا راه ما خايباش ا ياسيين و ما كنتمنى للواحد غير لخيير .. يلا كانت غير عليا الله يسامح علينا
ياسيين:( جبدلها حنكها ) خنفووسة .. نتي موولات العقل .. ما عندك حتى مشكل معاها ( حركات راسها بالنفي ) و الموضوع لي بغيت نقولك هو كل عام من نهار لي عقلت على راسي .. رمضان كندوزوه مجمووعين .. كتجي حتى جدة الياقوت .. و زينب و راجلها .. و عاد العائلة لي جا مرحبا .. و هاذ العام غيتزاد حتى كريم .. حيت واليديه مسافرين ..
جوهرة: يعني غنجلسوا معاهم هاذ الشهر ؟ هاذشي لي بغيتي تقول ؟
ياسيين: بالضبط
جوهرة: اييه و لكن بشرط
ياسيين:( هز حاجبوا ) هاذشي رجع فيه الشرووط !!
جوهرة: شرطي بسيط .. بغيتك تقطع الشيشة فهاذ الشهر .. و ربي أكيد غيعاونك .. و من بعد بقى قاطعها و حاول ما ترجعش لها
ياسيين: بجميع الأحوال كنقطعها فرمضان .. و كلهم حافضيني و غنقولها لك حتى نتي .. ما باغيش فريع الراس ا جوهرة .. بعدي على الصداع و المشاكيل .. و قبل ما ديري أي حااجة فكري بعقلك واش صالحة و لا لا
جوهرة: علاش أنا فين عمري درت المشاكيل ا ياسيين باش نديرهم دابا ؟
ياسيين: ما فيها باس نعلمك قبل .. حيت عاارف راسي كنكون مقطووع و تنشعل على سبة .. دونك ما ديريش شي حاجة تخليني ندير تصرف خايب معاك نندم عليه من بعد
جوهرة: فخبارك بديتي تخلعني من دابا ( ضحكات ) نمشي ندوز رمضاني مع ماما تا يكمل و تتسالى القطعة و لنا عودة
ياسيين:( ضحك تا هو ) غير كنوصيك و صافي .. باش حتى يلا دارلك شي حد شي حاجة أجي عندي و رجعي لوور و تفرجي ..
جوهرة:( حركات راسها ) عنداك غير يتفرجوا فيا أنا نيت
ياسيين: هههههه ( باسها فحنكها ) لا مراتي حلووة ما كتجبد حد بعييب
بعد ما كملوا كلامهم ناضت جوهرة كتجمع شنوو غيديوا معاهم عاد لبسوا و مشااو للفيلا .. كانت الدنيا عااامرة بالطونوبيلات .. شي لي خلاها تتوثر زيرات على يديه بلا ما تحس و دخلوا بجووج
سميرة:( شافتهم و الدمووع تسرسبوا من عينيها وقفات بزز و مشات عندوا كتبووس فيه و تعنق بقوووة و كلشي متبعهم بعينيه بابتسامة ) يااك اولدي هنت عليك هااذ الوقت كااامل ما تسول ما تقلب .. واخا نكون جايباك من الزنقة ما ديرليش هاكا
زادت كتبكي و هو كيسكت فيها حتى بردات و جلسات حداه معنقاه .. سلمات عليها جوهرة و على البقية .. و جلسات مطمرة كتسمع ليهم .. حتى دخل كريم مع موا لي باينة فيها عيانة وبااه تا هو .. سلموا عليهم و جلسوا كيهضروا و يسولوا على الحال و الأحوال .. حتى نحنح أب كريم و شاف فمصطفى
..... : عارف ا خويا ماشي وقت هاذ الهضرة .. و لكن الغالب الله كريم حرقلنا راسناا بالنكير ( ضحكوا كااملين ) و هاذ ليلة عندنا الطيارة على ود لي زاناليز دالمدام .. و قبل ما نمشيوا نهضروا فشي حاجة مهمة
مصطفى: الله يشافيها و يهون عليها .. اييه اخويا مرحبا ؟
..... : ايوا كريم راه وصل لسن الزواج .. راه ولدكم حتى نتوما و كتعرفوه حق المعرفة ما غنشكروش لكم .. ايوا اخويا مصطفى راه باغي بنتك ابتسام فالحلال .. كان كيتسناها تكبر شوية و تشد الباك ديالها .. و منين جلسات دابا من القرايا شعلات فوالديه العافية ( ضحك )
مصطفى:( تفاجئ ) ااش نقوولك أنا راه ما نعطيه ما نحيد ليه .. كريم عندي بحالوا بحال ياسيين .. و معتابروا ولدي من زماان .. و غنكون من داك السعد يلا كانت ابتسام مكتابة ليه
سميرة: ايوا نسولوها و نردوا عليكم
مصطفى: ديكشي لي كااين
ياسيين:( شاف فيه و قال بهمس ) ما مشيتي حتى درتيها ؟ و الله تا تستاهل حسن من داك الخانزة
كريم:( ضحك ) ماشي مشكل نربيها على يدي .. و باقى صغيرة أي وحدة يلا ما لقاتش
ياسيين:( قاطعوا ) يلا ما لقاتش العصا غيخرجوا رجليها للطريق
كريم:( ضحكوا ) غتبعد منها لا .. براكة عليها .. راه غتكون دارت عقلها .. و يلا ما دارتوش نديروه لها بزز .. مهم هي و ربي كبير
ياسيين:( قلب وجهوا ) الله يطليكم !
سميرة:( عيطات عليه للكوزينة .. ناض عندها و قالت ) ولدي راه ناقصة شحاال من حاجة لغذا .. و باك راه عكز يمشي يتسخر قالك تال غذا .. و راك عارفوا غيكون صايم و يديرلنا خاوية فعامرة .. سير نتا و كريم ( مداتلوا واحد الورقة ) تسخروا و جيبوا هاذشي لي بقى
ياسيين: كريم غيمشي مع عمي للمطار .. مهم غنمشي أنا ماشي مشكل ( خرج عندهم شير لجوهرة جات عندوا و قال ) أنا غنمشي لمرجان دغيا نتسخر و نجي .. ها نتي معاهم
خلاهم مجموعين و خرج فاتجاه لمول .. مشى لكارفور لقاه كيطييح بالبشر و بناادم على الجههههد تقول كلشي ما كيتقدا غير من تما و تال ليلة بليلتها .. سااط و نفخ حتى عيى و فالأخيير وقف شاد الصف مع خوتوا .. صاابر .. حتى كمل و تم خاارج .. و سمع شي حد كيعيط عليه .. وقف و ضار مصغر عينيه و هي تبان ليه حنان جايا عندوا محملة تا هي .. وقفات عليه بابتسامة و قالت
حنان: صدفة زويينة هاذي .. بعدا عقلتي عليا و لا نسيتيني تا دابا ؟
ياسيين:( حرك راسوا بهدوء ) فرصة سعيدة .. بخير ؟
حنان: الحمد لله .. و نتا ؟ فين غبوورك عييت نعيط عليك نجلسوا غير فشي كافي نشكرك و واالو واش كتشد لي .. بدلتي نمرتك ؟
ياسيين:( هز حاجبوا فيها .. كيشوفها كتهضر بحال يلا صااحبها من أياام ليسي و معررررفة نيت .. و هو ما عارف تا معلومة عليها من غير اسمها .. و ما مهتمش أصلا ! ) لا بلوكيتك !
حنان:( صدمها من جواابوا .. فتحات فمها على الأخر ) علاش ا خوويا ااش درت ليك ؟ حرام عليك و الله .. كنت تنعيط عليك غير من طيب خاطر لا غير ( يالاه جا يهضر و قاطعاتوا ) واالو نجلسوا غير فديك الكافي راه فين هي .. نصلحوا هاذ سووء التفاهم .. ما كيعجبنيش الواحد يشد فخاطروا مني !
بقات عليه بالهضرة دودودودو ما كتسكتش نهااائيا حتى فرعاتلوا مخوو و قال
ياسيين: واخا كافي على الخفيف .. خصني نرجع للدار
حنان: كن هاني تانا جيت نتقدا لرمضان و خصني نوصل التقضية لمالين الدار .. بعدا رمضان سعيد بالصحة و السلامة و كااع لي كتمناه
ياسيين:( جات لبالوا جوهرة و تبسم ) أميين شكرا و نتي كذلك !
جلسوا و طلب هو كافي و هي شوكولا شو .. جابوها لهم فالبلاصة .. حاط يديه على حنكوا كيسمع لها و هي كتعاود على راسها بلا ما يطلب منها حد .. صدعاتوا و جاتوا فراااعة .. شرب من كاسوا و قال
ياسيين: حناان .. حنان (سكتات و شافت فيه عاد كمل ) تعطلت خصني نمشي
حنان:( حطات يديها على يديه فوق الطبلة و قالت ) ما سخيتش بالجلسة معاك و الله .. صدفة زوينة باش نعتاذر منك على لي وقع معانا فمراكش .. الصراحة كنت خايفة و على أعصابي .. ما عرفتش كي درت هضرت معاك بديك الطريقة قليلة الادب .. سمحلي و الله
ياسيين:( جر يديه و نحنح من بعد ما وزنها و فهمها مزياان ) ماشي مشكل أختي .. نخليك دابا .. المدام غتكون كتسناني
حنان: نعام ! المدام ؟
ياسيين:( هز حاجبوا ) علاش كاين شي مشكل ؟
حنان: ا احم لا غير ما سحابليش مرتبط !
ياسيين:( ضحك جنب و قال ) مزوج اختي و كنمووت على مراتي ( غمزها و وقف يخلص )
فنفس المكان كانت واقفة وئام فواحد من المحلات دالملابس .. كتقلب هي و رحمة على شي لبيسة تاخذها .. حتى لمحات ياسيين جالس مع حنان .. عرفاتوا و ميزاتوا حيت جاي مقابل معاها .. و تا هي ما عطلاتوش فالبلاصة سيفطات مسج لجوهرة فالواتس
وئام: نااري يا جوهرة و تعرفي شكون قباالتي و معاامن جاالس
النقرة الصافية الجزء السادس
محتوى القصة
التنقل بين الأجزاء