ياسيين: كضحكي ؟ ها نوبتك جايا فالطريق ! تسناي عليا نسالي لك و نتفاهموا مزيااان !
غير سمعات كلاموا و هي تجمع الضحكة كدور فعينيها و تقول ااش باقي كثر ؟ يلا حنان لي ما كتجيه ما كتقربلوا تفركع عليها هاكا .. أنا ااش غيدير فيا ؟ نفضات عقلها لي بغى يوقع يوقع مهم بردلها قلبها .. تا يوصل وقتها و تفكر فحريرتها .. دابا تضحك و تشطح و مولاها ربي .. رجعات ضحكات تا عينيها بداو كيبريوا و متبعة الطريق فصمت .. حتى وصلوا لنفس القهوة دالكورنيش لي غاالبا كيجيبها ليها .. حيد لاسانتير و هبط .. تبعاتوا حتى هي من لور .. لكن هاذ المرة ما جلسوش حدا الناس ..
نزلوا للبحر لتحت .. دايرين طبالي و كراسا ديالهم مقابلين مع البحر نيشان و الهوا منعش و باارد زويين كيضرب فيهم .. حطلهم الكارسون مشروباتهم لي طلبوهم فالدخلة .. و مشى بحالوا ..
ياسيين:( هز كاس دالقهوة شرب منوا و حطوا .. بقاو شحال ساكتين عاد ضار عندها و قال ببرود ) هضري
جوهرة:( بلعات ريقها ) فاش !
ياسيين: بغيت نعرف شنوو وقع من لول د الفيلم .. من نهار تزوجنا ( هز حاجبوا ) و هاذ المرة غنوض ندفنك فهاذ الرملة يلا ما حركتيش داك اللسان لي كيتسرح ليك غير مع ختك !
جوهرة:( تنفسات برجفة ) واخا غنعاودلك و لكن حتى نكونوا بوحدنا ماشي حدا الناس
ياسيين:( دوز لحيتوا و تبسم جنب ) جوهرة هضري يلا غتهضري .. ماشي ياسيين لي كيحل مشاكيلوا قدام أمة لا إله إلا الله باش كلشي يدي خباروا ! جاي نسمعلك لا غير .. باااقي الوقت على لي فبالك
جوهرة: واخا صافي ( غمضات عينيها مدة و رجعات فتحاتهم و قالت ) أنا عارفة غلطت مع ماماك و تسرعت بزااف و لكن قسما بالله ما فهمت كيفاش وقعلي .. و لكن لي عارفاه مزياان هو وصلات بيا للعظم .. ما فهمتش فاش غلطت و شنو صرفت خايب باش بين ليلة و نهار تتقلب عليا خالتي ( تنفسات و كملات ) السفرة لي كنتي درتي فيها أكسيدون .. كنت قتلك غنمشي لدارنا يلا عقلتي ؟ ( شافتوا صغر عينيه كيحاول يتفكر .. و رجع حرك راسوا بمعنى كملي ) فالطريق دزت من الجردة لي تما باش نختاصر ..و لقيت ابتسام تما هي و واحد الدري فواحد الوضعية خااايبة .. تا هي شافتني و جات عندي كتسكتني ما نهضرش .. ما ننكرش تعصبت حيت داك السيد لو كان كيبغيها و لا حتى كيحتارمها و لو شوية .. ما غيحطهاش فداك الموقف قدام خلق الله .. حاولت نفهمها و لكن ضارت فياا و بلي هي بعقلها و عارفة شكدير .. المشكل فيا أناا .. أناا لي دايرة فيها رابعة العدوية و ما عرفت شنو ..
ياسيين:( عقد حجبانوا ) اهااااه ! كملي !
جوهرة:( تنهدات ) ما قدرتش نقولها لك ..أولا حيث رغباتني و غنتسمى أنا لي ما مزياناش و حرشتك .. و ثانيا حيت قلت ممكن تفيق و تتراجع على لي كدير .. ما كاينش شي واحد لي مثاااالي .. كلها و أخطاءو و هي مراهقتها جاتها هاكا .. و بلا والو ما عنديش الجرأة نوقف فوجهك و نقولك شفتك ختك كدير و كدير
ياسيين: غناكلك ! ( مسح على وجهوا ) اييه كملي هاذ الفيلم ديالكم
جوهرة: صافي دازوا الأياام حتى حصلتيها و ضربتيها .. عطيني يديك ( شاف فيها باستغراب و مدها لها .. ضربات فكفوا ) كن كنت ناوية ليها على الغدر .. غنجي نبردك و نفكها منك حتى ناكلها تا انا ؟ غنتسوقلها ؟
ياسيين: لا !
جوهرة:( زيرات على يديه و قربات منوا و عينيها تغرغروا بالدموع ) يعني ما عندوا معنى تخليكم حتى تخرجوا و تنوض طير عليا و تنتفني ( طاحوا دموعها ) ضرباتني و غفلاتني فالوقت لي أنا قلبي واكلني عليها .. هي كتحفر ليا .. و باش تكمل مك طيح عليا كتبكي و ترغب و تسيفطني لدارنا و دمعتي على خذي .. و فلخر ترضني سراااقة و سرقتها ( طرطقات كتبكي بالجههههد و كتهضر ) هاذي وااخا نمووت ما ننساهاش .. عمري فحيااتي حسييت بالحكرة و الذل لي حسييت بيه دااك النهاار .. تمنييت نموووت و لا نسمع كلامها فوجهي و العين فالعين بلا ما تخاف من الله لي فوقنا كاااملين .. حكرووني كاااملين 😭
خرج عينيه من لي كيسمع .. تعصب و سخن الدم فيه .. عروقوا برزوا كيضربوا بالجهههد و هو مزيير .. بحال يلا شعلتي معاه وقيدة و طلع معاه القاالب ! زير على ذراعها بلا ما يحس و جبدها عندوا عينيه حووومر بالأعصاب
جوهرة:( كتبكي و شادة فيديها لي ضرها فيها ) قسحتيني اياسيين رخي ( طلقها و كملات ) حالتي ما كان عالم بيها حد .. كلشي طااح كي الردام فوق راسي
ياسيين:( ضحك بفقصة و قال ) حلفت ما نهضر و ما غنهضرش هنا .. الهضرة ماشي دابا ( ساط بعصبية ) كملي .. اطربيني !
سكتات من البكى و رجعات كتعاودلوا كلشي .. كااع المواقف لي طاحت فيهم لا مع ختوا ( حتى من السطاتي دالخطبة وراتوليه ) و لا مع سمييرة و هو كيسمعلها و كيلعب برجليه بعصبية .. حتى كملات و ناض واقف غاذي بخطوات مسرعة
《 في المقابر نخشىٰ الدّعس علىٰ قبرٍ بالخطأ، و في الحياة يدعسُ بعضُنا بعضًا بلا رحمة ! 》
تبعاتوا بالزربة لقاتوا كيخلص لي عليهم .. تسناتوا حدا لوطوا تا فتحها و ركبوا .. غاذي طاااير فالطريق و هي شاادة على قلبها كتقول شوية نتقلبوا
جوهرة:( مغمضة عينيها و مزيرة بيديها على الباب ) ياسيين نقص من السرعة عاافاك
ياسيين:( شاف فيها و تنهد .. مقلل السرعة ) ما حسيتش !
مسافة الطريق و كانوا وصلوا للفيلا .. بلاصى و نزل عينيه مغمضين .. فتح لباب و عيط بصوت جوهري قوي
ياسيين: ابتساااااااااااااااااام
ابتسام:( جالسة فالصالون كتفرج .. بوحدها فالفيلا لبقية كلهم مزالين مع زينب .. قفزات من بلاصتها .. خصوصا فاش شافت حالتوا و الغضب لي خارج من عينيه .. وقفات فبلاصتها كتترعد ) نعام ا خويا
ياسيين:( غير لمحها طاار عندها جمع معاها بظهر يديه حتى رعفات ) خووك ؟ لااا بااين خوووك نيييت ( جرها من شعرها حتى شافت فيه .. كان باين عليه الاشمئزاز منها ) صدقتي كلبة رخييييصة و الله ما تسوااي السنتييم بالله ( طلق منها و هز يديه بجووج لفووق ) عرفتي شنو ؟ ما تستاهليش حتى نوسخ فيك يدي ( قرب منها و نطق ببرووود واخا داخلوا كيغلي و منطقاه غير الفقصة ) عرفتي علاش ؟ حيت غسلت يدي عليك .. و لو حاسبتك غتكوني كتهميني و لكن نتي بالنسبة ليا متي و سالينا .. حتى باش نكرهك قلبي برد من جيهتك
ابتسام:( بكلاموا ذبحها .. ما حساتش بدموعها حتى نزلوا بقوة و قربات منوا تحط يديها على ذراعوا و هو يبعد بحال عايفها ) و ل لكن علاش ؟ شنو درتلك ؟
ياسيين:( شاف فجوهرة لي دخلات و قال ) ما عرفتيش علاش ؟ حيت مربي لفعة عندي فالدار و حاضن عليها و هي كتبخ سمها غير بالفن .. شفتي لي ما تحتارمنيش و تطيح بيا ما عندي ما ندير بيها شنو ما كانت تكون ( جوهرة تهز قلبها و تحط من هاذ الجملة ) وصلتي تحطي يديك على مرااااتي ؟ على شرفي ياك ؟ و تتافقي مع بنات الزنقة ! ( خنزر ) يسحابلك ما شفتكش لبارح ؟ بغيت غير نفهم واش كنبانلكم دري الصغير ؟ و لا شي واحد لي مككلللخ يالاه حطوا الكار ؟ لا واقيلة حمار بالوذنين !
ابتسام:( مسحات دموعها و شافت فجوهرة ) هي السباب فكلشي .. هي لي دخلات كي اللفعة بيناتنا و قلباتك عليا .. هي لي دمراتلي مستقبلي و حياتي .. تستاااهل كااع لي جااها .. يلا درت فيك نتا شي حاجة فالله يسامح .. و لكن فيها هي .. مستحييل ! حيت هي سباب كااع المصائب لي طاحوا فوق راسي
ياسيين:( نطق مغلغل ) هي لي قاتلك عري على فخاضك و خرجي تت*** فالزنقة ؟ هي لي قاتلك تصاحبي و خليه يخور فيك كي بغى ؟ هي لي قاتلك خوني ثقتي ؟ ( زفر بحراارة و بقى سااكت مدة عاد نطق ) منين هاذشي كاامل يخرج منك نتي .. و منين عااجبك الوسخ لي كنتي فيه .. و باغى تبقاي غاارقة فيه .. و حنا لي مخسرين لك مخططاتك ( حرك صبعوا و شيرلها للفوق ) غطلعي دابا تجمعي حواايجك و ت*** عليا من دااري
ياسيين:( ببرود ) هضرتي قلتها .. غتتهزي تجمعي حوايجك و الله يعرضك للسلامة .. داري ما غتزيديش فيها حتى ليلة .. ياك قادرة براسك و حنا لي ضيعنالك مستقبلك الزيم ؟ يالاه ورينا عرض كتافك و ديري الطايلة .. عنداك غير يضربوك الحيوط و ترجعي لعندي !
جوهرة:( صدمها حتى هي .. تصوراتوا يغوت .. يضرب و لكن باش يجري عليها و فليل من الفوق !قااسحة ) ياسيين راه ختك .. ماشي هاكا
ياسيين: عندي جووج دالخووت لا غير ! كريم و زينب .. هاذي لي قبالتي عمري عرفتها .. نهار ترجع ابتسام لي كنعرف تما هضرة أخرى ( شاف فابتسام ) تيليفون .. البيسي .. طابليط .. لي كاارط غيشي .. كاملين يتحطوا فوق الطبلة
ابتسام:( عينيها تغرغروا بالدموع ) لهاذ الدرجة ! ( مسحات عينيها و كملات ) هاذي دار بابا تانا مغنخرجش منها .. تا يجي هو !
ياسيين:( ضحك باستهزاء ) باك ما عندوا حتى شبر فهاذشي كاامل .. الرياال هو لخر ما حاطوش .. كلشي بعرق كتاافي .. و منين نتي قاادة خرجي كيما خرجت اناا و ديري غير الربع من لي درت .. ما عجبكش الحال نحضنوا عليك و باغى تفرعني !! بينيلي الصح الخانزة !
خلاهم جوهرة مصدومة و ابتسام كتبكي .. طلع للفوق بالزربة كيجمعلها فاليزتها .. غير الحوايج لا غير .. ما خلالها باش تنقي سنانها .. حتى من تيليفون لي تعيط بيه لشي حد و لا تبيعوا .. خذاه و داروا فجيبوا .. دااز فيهم بجووج لي مصدوومين فيه .. فتح لباب و شير بداك الفاليز للزنقة تا تلاحت و شاف فيها ببروود و عينيه العافية خارجة منهم بقوة لي معصب منها
ياسيين: تبعيها ( غوت ) تحرركي
جرها من يديها و دفعها حتى خرجات و رجع حرك لجوهرة راسوا باش تخرج تا هي و بالفعل ديكشي لي دارت .. طرق لباب و زاد خلفة مع الطريق .. ركب فطونوبيلتوا و حداه جوهرة .. مخلي ابتسام شادة فاليزتها كتبكي و تفكر فين تمشي .. بلا حتى ريال .. فالأخير شدات طاكسي لدار ختها .. حتى توصل و تصوني عليهم ينزلوا يخلصوا .. أما ياسيين فراه وصلها لدار واليديها و ضار عندها
ياسيين: غذا مور التراويح غندوز موراك
جوهرة: إن شاء الله .. ياسيين عافاك رجع ابتسام هكذا غير غتشربك الأمور كثر
ياسيين:( شاف فيها مغلغل ) فكري غير فراسك هاذ الساعة عاد شوفي ابتسام و لا قدورة
جوهرة:( شافت فيه و بلعات ريقها و فتحلت لباب نزلات .. ماشية كتفكر و تهضر بينها و بين راسها ) دابا ختووو لي ختووو جرا عليها .. أنا ااش غيديرلي ( ضربات حنكها تا تقسحات و جمعات يديها ) تنكون حمقة نمشي عندوا برجلي غذا .. باش يصفيهالي ؟
جوهرة:( دفعاتها و دخلات ) عرفتي شنو وقع ليووم ؟ ( عاوداتلها كلشي ) واخا هكاك ابتسام بقات فيا .. و ياسيين يلا قال شي حاجة تلاقى الأرض مع السما غيطبقها و ربي كبير ( تنفسات بخوف ) حساابوا خااايب .. بقدر لي حنين و ضحوكي بقدر لي يلا مشى تا تعصب ما كيعقل على حتى واحد .. كنقول دابا مع راسي ختوا لي ختوو جرا عليها حيت ضرباتني و هاذشي غير أنا لي معاودة ليه .. إذن أنا لي ضاربة مو قداموا .. شنو غيدير فيا ؟
وئام: غيكزرك ابنتي .. و لكن يلا جينا من جهة الحق .. شنو ما دار فيك غتسكتي و ترضاي واخا يسلخك و يعلقك من رجليك .. حيت جابلك حقك منهم كااملين .. واخا ما عندك صحة الصراحة
جوهرة:( تنهدات و حركات راسها بالنفي ) تئ هو ماشي من النوع لي كيضرب المراة كااع من غير خواتاتوا .. حيت كيقولك بحال بناتوا ماشي غير خواتوا .. خصوصا ابتسام بيناتهم فرق كبييير فالعمر .. راه بحال باها نيت .. و كن ماشي أنا لي بديت تانا ما غيسرفقنيش .. و لكن تصرفوا جا كردة فعل عاادية و ما لمتوش عليها .. و عارفاه دابا ما غيخدمش العصا كااع .. و هاذشي لي مخوفني كثر
وئام:( هزات كتافها ) و مالك هازاها يا ختي منين تقالت ؟ رخييهاا و ربي غيسر الأمور ( ضحكات ) مهم انا عجبني فديك بنت الحرام دختوا
جوهرة: و الله حتى بقات فيا
وئام:( عوجات فمها ) أنا من جهتي الله يعطيها الساحق و الاحق و الرصاص المتلاحق ، يعطيها البلى و قلة لهنا و عيشة فلخلى و الموت بلا عزا إن شاء الله نهارين فالفراش و الثالث فلإنعاش ، يعطيها سطر الضرسة و معيشة مسوسة، يعطيها طيحة قدام الناس و عيشة الوسواس وجع الراس و يعدي حياته في الحباس ، يعطيها الغمة و الخباط و حجرة فالسباط تخرج منو ريحة شياط
جوهرة:( ضحكاتها ) ههههههههههه الله يمسخك راه غيرجعوا فيك
وئام:( ميقات ) حتى يكون دينار دالصلاة مرسوم فجبهتها و كتقيل راكعة لله .. داك النوع راه شااد بلاصتوا لجهنم دييريكت .. الله ينجينا و ينجيك
جوهرة : أمييين
💫💫 ياسيين 💫💫
جلس مدة مع راسوا هاز تيليفون ابتسام خربق فيه شحاال عاد داروا فجيبوا و زاد مع الطريق حتى وصل لدار زينب .. نزل كيلعب بالكونطاكط .. منزل راسوا و عاقد حجبانوا .. دق و فتحلوا مصطفى شاف فيها مغير و ماشي على عادتوا .. دار ليه الطريق و زاد .. لقاهم كاملين مجموعين فالصالون .. من زينب و راجلها لكريم و ابتسام و سميرة عاد باه لي جا موراه و قال
مصطفى: شنو هاذشي لي درتيه ا ياسيين ؟ ( خرج عينيه و غوت ) وااش طاارلك داك العقل لي تكساب ؟ مجري على ختك من الدار و فليييل من الفووق ! واخا تكون قاتلالك مك !!
ياسيين:( شاف فيه ببرود مصطنع ) ما حسن نجري عليها و لا ندوز عليها من الوذن لوذن ؟
مصطفى:( بعصبية ) ااش دارت كااع هاذ البنت ااش ؟
ياسيين:( مشى جلس و دار رجل على رجل و هز صبعوا كيعد ليهم ) طارت على جوهرة و ضرباتها بلا حق .. معمرة مها عليها و ملسقين فيها مونتيف دالذهب ( خنزر فزينب و كمل ) متجسسة على تيليفون جوهرة .. هاذي بوحدها تسيفطها للحبس .. زيد معيطة على حنان و متافقة معاها و جالسين كيخططوا و يطبخوا ! تا ناض الصداع و مراتي ضربات مراتك ! و جريت عليها شوية نطلقها ! و ما كفاهاش هاذشي كامل .. حنا محروقين على موت سمير و هي كتخطط و تعيط لداك الكلبة و جايباها تال قلب دارنا .. هاذي علاش كتقلب ؟ نحن عليها ؟ هي حنات فيا لي باغى تقلب حياتي راس على رجلين .. غير حيت بغيت نديرلها العز و نردلها عقلها !
كريم:( بعد مدة صمت ) عارف شكتقول اياسيين .. ما يمكنش ديرها اصاحبي !
ياسيين: بالدليل الله اودي .. تانا فاش شفت و سمعت على وذني ما تيقتش حقارتها وصلات بيها لهاذ الدرجة
هز تيليفونها و مشى لجهة دلي زابيل .. و لسوء حضها تيليفونها من النوع لي كيسجل المكالمات .. و فاش كان كيقلب لقى التسجيل .. ما عرفش واش قاستوا بالغلط و لا سجلاتوا باش من بعد تقلب على حنان .. لكن لي متأكد منوا نيتها دارتها لها
#فلاش_باك
ابتسام:( هازة تيليفونها كتصوني على حنان و قبالتها سميرة .. بقات شوية و جاوباتها ) ألوا .. السلام عليكم !
حنان:( باستغراب ) وي شكون معايا ؟
ابتسام: نتي حنان ياك ؟ ( كملات بتوضيح ) عندمن كان خويا هاذ النهار و فطر معاكم ياك !
حنان:( عقدات حجبانها ) سي حنان ! خوك ياسيين ؟
ابتسام:( تبسمات ) هو ! سمحيلي عيطت عليك و حنا متنعرفوش بعضياتنا و لكن بغيت نهضر معاك فموضوع ضروري .. قبيلة خلالي خويا تيليفونوا و بالصدفة قريت مسجاتك و تصاوركم
حنان:( تحرجات ) ما تفهميش غلط !
ابتسام: نو نو بالعكس فهمت مزياان كااع .. من كلامك بااين المضموون .. و حتى أنا غنجيك نيشان و بلا ما نطولوا فالهضرة .. من كلامك حاطة ل عين على خويا و تا هو باغي لبنت لي يرتاح معاها .. من غير مراتوا المشكااكة لي قاجاه فالدخلة و الخرجة
حنان: كيفاش ؟
ابتسام: ما جاتكش غريبة يخليلي تيليفونوا و مراتوا كاينة ؟ من غير يلا كانت شي حاجة ماشي تال تما .. و هو راه مخمووق مع مراتوا .. هي من لي قااجين راسهم و باغيين يعقدوها على كلشي .. الخماار و الحاالة و لكن قلبها خبييث .. واخا يجيك عاطي للبنات بالتيساع و كدا .. راه غير قناع لا غير
حنان:( هزات حاجبها ) اهاه ! و شنو المطلوب ؟
ابتسام: بصراحة مراتوا دارت معايا شحال من حاجة خايبة تا كرهتها .. و حتى هو كااره حياتوا معاها و خاصوا السبة تجي منها ماشي منوا باش يتفك .. و مادا بيه يبدلها ببنيتة غزاالة بحالك .. يعني يلا غتعاونيني غنكونوا بجوج رابحين .. ااش قلتي ؟
حنان:( طمعات و جاتها على الجرح ما فكراتش ممكن تكون كاذبة او او ) اهاه و شنوا غندير بالضبط ؟
ابتسام: حاليا ما غادي ديري واالوا .. غتسمعيني تال لخر و فاش نكملوا حطي تيليفونك و ما تجاوبي حتى حد عيطلك .. كيقولك المراة ما كتقضي عليها غير المراة .. و الغيرة كتهضر لي ما يهضر .. المهم نتي غذاا فالصباح غتجي لعندنا الفيلا كتبكي و تشهقي و تقولي هاذ الهضرة بحذافيرها .. باش حتى يلا سولوا الخدامات ما نتسماوش كذابات " قالتلها الهضرة لي تقول و هي بالضبط لهضرة لي عاودات سميرة لولدها و سمعاتها جوهرة "
حنان:( باستغراب ) و لكن هاذشي باش غينفع ؟ جاتني خطة مفضووحة !
ابتسام: غتنفع ببزاااف .. حيت لي غتسمع الضرة غتشعل فيها العافية كيفما كانت تكوون .. و اكييد وحدة بحال جوهرة بينها و بين الذكاء غير الخير و الاحسان .. ما غتعيقش .. و فرمشة عين غضيع كلشي .. حيت غتشعل فيها العافية .. و ساعتها غتشعل مع ياسيين او مع ماما ما تعرفي ! و يلا دارتها ياسيين يطلقها فبلاصتها و ها حنا مبااركين مساعد
حنان: اووك صافي .. غذا فالصباح نكون عندكم
ابتسام:( قطعات معاها و شافت فمها ) كنت تنسجل هضرتنا باش من بعد يلا صدقات بحال لولة و بغات تلعب بذيلها غنلعبها على صباعي .. ما بغيتش نجبدك .. دابا نسيفطلها مسج و نقولها تتلاقاك و تزيدي تهضري معاها فلي ضيطاي لي غنقولك .. ما بغيت حتى خطأ يوقع !
#عودة
ياسيين:( وقف و شاف فيهم لي كااملين مصدوومين و قال بصرامة ) سمعتوا على وذنيكم ! و دابا عندي هضرة وحدة ماشي جووج .. هاذ البنت ما غتجلسش فداري حتى دقيييقة .. نهار ترجع ابتسام د زماان و تتربى مرحبا ( شاف فختوا و و كريم ) نتوما حرين يلا بغيتوا تجيبوها عندكم .. غير هو ضربوا عليا و عرفوا العلاقة بيناتنا تقطعات .. و خوكم ماات .. بكيوا عليوه و نساوه .. حيت أنا مغنعقلش عليكم
كريم: ياسيين
ياسيين:( قاطعوا ) قسما بالله و شي واحد فيكم يفتحلها داروا ما نعقل عليه و غندير عمري فحياتي عرفتوا . نتوما حرين و تانا حر .. بغات غير الحرية و الزنقة تمشي لها من لخر ما عندي ما ندير بلفعة فقلب داري و سالينا ( شاف فباه و قال ) مصطفى أجي بغيتك دقيقة
ناض معاه باه مصدووم من لي سمع .. أما البقية فراه شدوا راسهم من غير زينب لي ناضت طارت عليها جراتها من شعرها كتنتف فيها و تضرب و لوخرى كتغوت .. تا حد ما فكها .. تا من سميرة راه مهدودة فبلاصتها و الدم هرب من وجهها
زينب:( تتقرص و تنتف فيها ) ياك ابنت الحرام باغى تهدمي داار خووك و تنوضيلوا المشااكل من تحت الأرض .. هاذا هو المعرووف لي داايروا فيك (حسات بجوج يدين جروها و بدات تتفركل و تغوت ) خليني نوريها الحماارة لووخرى
زينب:( بدات تبكي ) البنت عمرها صرفات فينا الشر من نهار دخلات لعائلتنا و هما من تابعينها من مصيبة لمصيبة .. فينما تنوض من وحدة ينزلوا عليها بالثانية ( شافت فمها كتبكي ) داك السيدة كن ما كانتش كن راني دابا فشي طبيب دالحماق .. و لا لايحة راسي من شي شرجم و كتبكيوا عليا .. دارت لي ما دارتوش حتى ختي .. و نتوما باش مجازيينها ؟ ذنوووبها و الله ما يخرجوا فيكم طرااف بالله ( لختها ) و ها هي بدات تبان فيك .. أنا و الله ما نخسر خويا على ودك .. عومي فبحرك .. يجيوا و هزي قلوعك عليا من هنا
ناض كريم من حداهم و لحق على ياسيين و مصطفى لي واقفين فالبالكون كيهضروا .. ضاروا شافوا فيه بجووج و قال
كريم: ااش كدير اياسيين ؟ اييه ما دخلهاش من حقك و لكن تحلف تا علينا ؟ فين نسيفطوا هاذ البنت ؟ للزنقة يغتاصبوها ؟
ياسيين:( شاف فيه مصغر عينيه ببرووود ) رمضان هذا ما كاين لي يغتاصبها و لا تغتاصبوا .. و راه مباركة عطى الله جوامع فين تنعس و فين تاكل .. كلشي كيدير الخير فهاذ رمضان ( بطنز ) شكون بحالها !
كريم: بلا طنيز ديالك ا صاحبي .. باركة لي درتيه .. هاذي ديرلها العقل .. سلخلها الجلدة على اللحم و ما تديرش هاذ القضية
ياسيين:( زفر بحرارة ) كيقولك ضربة بدمها و لا كلمة بسمها .. ما نفعاتش معاها غير العصا .. بلعكس غير زادت فرعنات .. و يلا ما ربيتهاش دابا و رجعات ابتسام د شحال هااذي .. العين ما تهزهاش راني ولد الحرام مقطر ( شاف فباه ) شنو قلتي فهضرتنا ؟ موافق و لا لا ! هي ختي ااه و لكن كتبقى بنتك .. ما بغيتيش بينك و بينها و بالله ما نعاود نتدخل .. واخا نشوفها كتعصي فيكم
مصطفى:( تنهد ) دير لي بانلك .. أنا تهدييت و من نهار دخلتي بحالك راه عطيتك السوارت فيديك
كريم: وا فهموني الخوت !
ياسيين: ابتسام ما غتبقى مع حد هنا .. و لكن ما غنجريش عليها لعند الذياب .. ماشي ناقصني عقل .. نحل مشكلة بما كفس منها .. الواليد غيعيط على عمتوا لي ساكنة فالجبل ! عرفتيها ؟
كريم:( ضحك ) و شكون لي ميعرفهاش .. أقسم بالله يلا أنا كنخاف منها .. ما عرفتش كيفاش نتا عندها عزييز
ياسيين:( تبسم ) القبوول ا خويا .. ما علينا .. ديك السيدة هي لي غتربيها .. حيت ختي لقاتها وااجدة ما عارفاش باش جاات .. تظلموا عينيها .. و غنسيفطها فين تحلهم و تضرب الكرفي على راسها حتى تولي تمشي جنب الحيط .. ( ببرود ) تجرب مع راسها الفياق مع الخمسة دالصباح تمشي للأرض تخدم فيها و تجني مع لي قدها و ترجع للكسيبة تسرح بيها و تحضيها و تحلب لي يتحلب .. و زيد و زيد .. راك عارف حياة العروبية ماشي عاد غنشرحهالك
كريم: و مع العمة الشريرة كملات
ياسيين:( قرفدوا ) معقوولة داك السيدة ( شاف فباه ) سير عندها هضر معاها و خرجوا شدوا الطريق دابا .. بلا ما نخرج ليها أنا ( كمل بطنز) و يلا هضرات سميرة سيفطها معاها تونسها
مصطفى:( هز حاجبوا ) اهيتا تبعد على مراتي لا ؟
ياسيين:( عوج فموا ) غير نتا و العجل لي مزوجين الله يستر ! ها حنا مزوجين و من بعد ؟
مصطفى: أنا حنيين ا خويا ماشي بحالك .. عطيني التيساع راه مراتي لي ما نتفارقش معاها ( مشى كيضحك )
كريم: و نتا مراتك شنو غدير معاها ؟ ااش مخطط لها تا هي ؟
ياسيين:( هز حاجبوا ) مالي أنا مسالي ما عندي شغال نجلس متيتي منيني فبلاصتي نفكر شغندير فبلانات العيالات ؟ عندي ماا هم الأخ ! أما الباقي كيجي عفوي ! يسحابلك هاذي كنت مفكرلها فهاذشي ؟ غير تا جات و صافي .. و تا جوهرة باقي ما عارف ما غندير معاها ! تال غذا و نشوف !
كريم:( حنى راسوا كيضحك .. حتى بان ليه مصطفى و ابتسام خارجين و ركبوا فطونوبيل و زادوا )
ياسيين:( ضرب على كتفوا ) زيد نكملوا الحفلة ( حط جوج صباع على جبهتوا و مصاهم ) حرقولي دمي الله يعطيهم العذااب .. برهوشات دالخلى ( زفر و دخل عليهم للصالون .. كان كلشي ساكت .. تكى على الحيط مربع يديه و هاز حاجبوا ) ايوا و نتي ا لالة سميرة !!
ياسيين:( تكى على الحيط مربع يديه و هاز حاجبوا ) ايوا و نتي ا لالة سميرة !!
سميرة:( شافت فيه باينة مهدوودة و عيانة ) كملتي منهم و بانلك لبلان فيا دابا ؟ ياكما غتجري عليا تا أنا ؟
ياسيين:( ضحك جنب ) واايلي الواليدة ! مالي مسخووط ؟ نتي مولات الخير كاامل .. نقطع من لحمي و نعطيك و عندي هاانية .. حيت عاارف لي ولداتني ما غتقدرش تآذيني و لا تحفر ليا .. بلعكس غتكون فرحاانة و هي كتشوفني مرتاح فحياتي !
كريم:( نحنح و قال ) أكييد ! تا هي غيكون تضحك عليها لا غير .. أو لا ا زينب !
زينب:( شافت فيهم ) بصح ! حيت ماما ماشي دالعيب .. و عارفة لي دارتوا ليوم غيرجعلها غذا يا فيها يا فولادها .. و ذنوب بنات النااس و شحاال صعااب
ياسيين:( حك لحيتوا ) اممم يعني ا سميرة ما فبالك حتى حاجة من هاذشي لي واقع .. و وصلتيلي الهضرة كيفما وصلاتك من فم حنان لا غير ! و حتى لبلان د الذهب جا مع الواقعة و قلتي جوهرة بغات تنتاقم منكم و هزاتوا بلا خبارك ؟ ( شاف فزينب بشووفة حاارة تا حنات راسها كتترعد ) ياك ؟
سميرة:( بلعات ريقها و ما عرفات ما تقول ) اييه اولدي !
ياسيين:( كيلعب فصباع يديه و كيهضر ما كيشوفش فيها ) يعني على هاذ الأساس .. جوهرة كتسالك اعتذاار طوييل عريض منها .. حيث تظلمات ما مرة ما جوج .. و كان عندك يد فالموضوع ( عوج راسوا ) بعلم و لا بلا علم غلطتي فحقها أو لا ؟
سميرة: تا هي غلطات فحقي و هزات عليا يديها و سباتني بلا حيا بلا حشمة ! ما غتهضرش معاها ؟
ياسيين:( هز حاجبوا ) ياك اعتذرات منك و قبلتي ! ايوا ما كتعاود غير الصلاة على النبي ا الواليدة ! و جوهرة حسابها معايا هو لخر غير كووني هاانية .. غتخلص كلشي ( سكت شوية و قال ) و باش نا نتسماش ظالم .. نتي غتمشي تعتاذري منها ( بتحدير ) و عمممرك سمعتيهاا عمممرك تحاديها بشي حاجة .. و هي غتتعاقب بالطريقة لي تختاريها نتي .. يالاه اراي ما يعاودوا عليك .. لي قلتيه غنديروا ؟
زينب: عاارفين اماما .. ياك نتي لي اختاريتيها و بغيتيها ليه و كنتي تتصبحي و تمساي بسميتها تا جاتني الغيرة ! أكيد ما تبغيلهاش الشر .. و حتى يلا تغمضوا العينين فشي وقيتة .. يتحلوا دابا و تفكري السيدة شحاا من جيسط زوين معاك و الخير لي صرفاتوا فيا ما دارتوش حتى ختي .. تفكري وقفتها معايا فولادتي و فالكنازة ( الدمووع طاحولها من عينيها ) غير لي دارتولي يخليك تسمحيلهة على داك النهار
ياسيين: غير خليها ا زينب .. عروستي بحال بنتها .. و بناتنا يلا غلطوا كنعاقبوهم باش يفيقوا .. كنتسنى عقوبتك شنو هي ؟ ( شافها ساكتة و حانية راسها ) نضربها ؟ " حرك راسوا بلا " ماشي ديالي و أصلا حرام فحقها ماشي دالعصا .. براكة وجهها لي زراق
سميرة:( بتردد ) و ختك نهار زرقتيها كلها و ما خليتيش فيها عظم صحيح !
ياسيين:( هز حاجبوا ) نهار نلقى جوهرة ماشية مع شي حد و باغي ينعس معاها .. غنذبحها ماشي غير نضربها .. ما تخلطيش الأموور الله يستر عليك ( مسح على لحيتوا ) منين الضرب لا ! شنو بقى ! نسيفطها لدار باها و نطلقها !
سميرة:( شافت فيه بصدمة ) نعاام ا خوويا .. و لا عاود لا
ياسيين:( مععجب ) ياك نتي لي ما بغيتيهاش ؟ دابا عاد عزات عليك !
سميرة: أنا ماشي ما بغيتهاش و لكن بسبابها بنتي حياتها تدمرات
ياسيين:( غمض عينوا بعصبية ) و ها حنا ضرنا ضرنا و رجعنا لأصل المشكل .. ابتسام ! تصدقي بالله .. وا حق لا إله إلا الله ما هي لي قالتهالي و داك البنت خوااافة ما عندهاش مع الصداع .. فما بالك تشعلوا بيديها .. هاذي واحد .. جووج بنتك تا حد ما جرها من يديها و قالها ديري و فعلي .. عوض تراجع راسها و تحاول تتبدل و تبينلي بلي تربات بصح و نردها لقرايتها و نرخف عليها .. زادت ففعايلها و عجبها دور الشيطان .. و الثالثة هو نتي الشريفة لي ما ربيتيهاش و ما رديتيلهاش العقل و بلاصة ما تفقهيها و تجبديلها وذنيها و تبيني الصح من الغلط .. زدتي تماديتي معاها ما عرفت شباغيين تصنعوا
زينب: غير خليها ! راه كتسمع على وذنيها شحال دالناس ماتوا فشعبان و هاذ رمضان .. الانسان غاذي و كيكبر و فعوط يخفف عظاموا كيزيد يتقلهم بالذنوب !
كريم: كاينة ا زينب .. ما بقالها فالعمر قد ما فات و الأعمار بيد الله .. و لي قدها رمضان كيدوزوه كاامل عبادة و قرآن
سميرة:(هزات صابوها و شيرات عليه لكن ما جاتش فيه ) ياك اعدو الله .. كتفايل عليا بالمووت يا المرضي ( عينيها تغرغروا بالدموع و سكتات حانية راسها كتبكي )
ياسيين:( كيشوف فيها ببرود ) شنو دابا ؟ غتكفري على أغلاطك و تمشي تعتاذري من البنت و التصالحوا و تهنيونا و لا تبقاي متقلة بذنوبها ؟ بعلم و لا بلا علم راك غلطتي فيها الواليدة
سميرة:( مسحات دموعها ) نمشي
ياسيين: بطيب خاطر و من كل قلبك .. ماشي ليوم بنتي و غذا طلقها ؟
سميرة: بخاطري 😿
ياسيين:( تنهد و قرب لعندها و تحنى على رجليه هز يديها بجوج باسهم و شاف فيها بهدووء ) صدقيني بلاصتك حتى واحد ما يجي فيها .. نتي شكل و هي شكل ااااخر .. ما باغيش تنوض عداوة بيناتكم حيت أنا لي غنجي فالنص .. نهار لول نتي لي قنعتيني بيها أو لا ؟ و حتى دابا متأكد لو تشوفيها ب ( حط صبعوا على قلبها ) بهذا .. غتبغيها و غترجع فعينيك بنفس النظرة لولة .. لبنت الحشومية لي داخلة سوق راسها ، متدينة .. ظريفة و ديما كتسبق الناس عليها .. و أكثر وحدة غتعرف تربي حفادك .. غلطات فحقك ااه ( غمض عينيه مدة و رجع فتحهم ) و لكن شي جا بسبة شي .. حتى نتوما غلطتوا فحقها بزاااف و دابا بلا ما نبقاو نعاودوا فنفس الموضوع .. الله يسامح عليكم كااملين !
سميرة:( تنهدات ساكتة )
ياسيين:( بهدووء ) غنجمعكم و تصالحوا و طويوا عليا هاذ الصفحة .. صافي ؟
سميرة: ما عندي ما نقول أنا فوق هاذشي .. واش غنبغيلك الضر ؟
ياسيين:( جاتوا الضحكة و شدها .. حدوا شاف فيه و عينيه مبسمين بمعنى سد حلقك واش أنا كنصلحها من جيه و نتا كتعورها من جيه ! .. رجع قلب عينيه لموا ) شنو درنا دابا ؟
سميرة:( خنزرات فكريم لي باقي كيفرنس واخا عيى يجمع فيها ) ما تتعاود غير صلاة على النبي صافي ( شافت فيه بتردد ) و ختك !
ياسيين:( حرقوه رجليه و ناض جلس حداها و قال ببروود ) بنتك كانت مصاحبة مع واحد البرهوش .. أنا مخليها فالداخلية حتى لقيتها فالأنيف ديالوا .. و جالس هو و صحابوا كيهضروا عليها بحال شي سلعة .. السيد باغي ينعس معاها و يكمل يدوزها لصحابوا يذوقوها تا هما ( عقد حجبانوا و تعصب فالبلاصة ) تستاااهل كاع لي كيطرا فيها .. و بلا ما نفكرك شنو دارت من بعد .. دونك خليني مني ليها .. عارف راسي شنو كندير غير رتاحي
بقاو شحال مجمعين كيهضروا من بعد ما قلبوا موضوع جوهرة .. تحط العشى و كلاو علاش قدروا و كل واحد مشى لداروا .. من غير سميرة لي باقى مع بنتها و ما قدراتش تخليها بوحدها فهاذ الظروف ليركدوز منهم
💫💫 يوم جديد 💫💫
صبح ياسيين مطحطح فالفراش حاس بذاتوا تقيييلة عليه و ما قادرش يتحرك باغي غير ينعس .. فااشل بمعنى الكلمة .. تا هو كان عارف راسوا غيمرض .. ديما كيوقعلوا هاكا فاش كيتعصب فوق القياس .. وذن العصر و هو باقي فبلاصتوا ..
بزز وقف وجهوا منفووخ و عينيه مجبديين .. جر سندالة فرجليه و دخل للدوش حاط يديه على لافابوا كيشوف فراسوا و شعروا نازل على عينيه .. غسل وجهوا و داز خدم الشوفوا و دخل يدوش باش يتوكض شوية و ما يبقاش مرخي ..
يالاه بدا كيدوش عليه سمع صووت الدقان و السرسار .. ساط بفقصة .. شلل بالزربة و لوا عليه فوطة و خرج فاتجاه لباب .. فتحها و بانت قبالتوا جوهرة بخمارها و وجهها الملائكي .. هازة فيديها ميكة و كتشوف فيه و ترمش .. تا طلعات معاها التزنيكة من شكلوا
ياسيين:( استغرب حيت داير معاها تال مور الفطور .. لكن ما هضرش حدوا وسع لباب و دارلها منين تدوز فصمت )
جوهرة:( مزنكة حشمانة .. لعبات بلسانها فوق شفايفها و قالت ) جيت نفطر معاك .. عرفت ما غيكون عندك والوا فالدار و جيت أنا و فطوري ( بابتسامة ) هاذشي يلا مرحب بيا !
ياسيين:( خلاها و تم غاذي يكمل دوشوا .. و فطريقوا قال ) فين سوارتك ؟
جوهرة: نسيتهم !
ما عاودش هضر دخل للحمام سد عليه و بقات هي واقفة فبلاصتها كتفكر شنو تقدم و شنو تأخر .. شافت فالساعة و مشات حطات ديكشي لي جابت فالكوزينة .. و دخلات لبيتهم .. حيدات خمارها بقات بكسيوة خفيفة من التحت و شعرها الكراميلي جامعاه لفووق من الصهد ..
خرجات للكوزينة كتقاد ديكشي لي جابت من دارهم حتى حسات بيه دخل مبدل عليه بسوفيطمة و شورط قصير و شعروا فازك كيقطر .. جبد طاجين دالفخار و حطوا و جلس كيقلب فالبلاكارات
جوهرة: غير خليك أنا نصوبلك الطاجين يلا بغيتيه ؟
ياسيين:( شاف فيها و نطق بهدوء ) ماشي مشكل
جلسات كتفرج فيه كيطيب باحترافية ديال الطهاة الكباار .. طريقة لي كيشد بيه الموس و يقطع بخفة هي و ما تعرفش ديرها ..
عطات ريحة زوينة فور ما طاب الطاجين .. تعاونوا بجوج حطوا الطبلة فصمت .. تا وذن المغرب و فرقوا الصووم و التلفزة حداهم مونساهم .. كملوا و وقفات غادية للكوزينة مخلياه موراها متبعها .. حتى رجعات ببريق ديال القهوة .. عارفاه ضرووري غير يفطر يشربها باش يتوكد ..
حطاتليه كاسوا فسكات و جلسات معنقة كاسها كتفرج بثوثر حاسة بعينيه عليها .. تال واحد الدقيقة هز طيليكوموند طفاها و ربع يديه
جوهرة:( تقلبات عندوا بالعرض البطييئ حتى جات لعين فالعين و هي تدير ضحكة بلهااء ) هيهيهي جوهرة ماتت الله يرحمها تال غذا و سير عزي فيا
ياسيين:( هز حاجبوا ) زربانة على راسك تدفني ؟
جوهرة:( تنفسات و قالت ) ياسيين شووف
ياسيين:( حبسها بيديها و نطق بكل جدية ) فالقهوة هضرتي و خليتك خويتي قلبك للأخيير و حلفت ما نهضر و لكن داابا عااد غنتفاهموا على كل كلمة .. و كيفما سمعتلك غتسمعي حتى نتي بكل أدب
جوهرة: واخا !
ياسيين:( دار رجل على رجل و بدا كيهضر ) أول نهار جيت خطبتك .. عاقلة شنو قلتيلي ؟ ( صغر عينيه ) ما غنهضرش على شروطك أي عروسة فالكون عندها شرووط .. قبلتي بيهم تبارك الله ما قبلتيش الله يجيبلك ما حسن .. و لكن نتي فكلامك .. طلبتي تعرفي شروطي حتى أنا و بالحرف قلتي الله يقدرني نطبقهم و نكون نعمة الزوجة ليك ! كاينة و لا لا !
جوهرة: ااه كاينة !
ياسيين:( ضرب على ركبتوا ) مزيااااااان ! و دابا باينلك راسك و نعم الزوجة ليا ؟ ما عطيتكش شروط حيت من مظهرك و كلامك .. قلت هاذ السيدة لي قبالتي ما نحتاجش نشرط و لا نهضر تا ننفخ لها الراس .. راها واااااعية و عارفة لي عليها و لي لا .. بغيتي زواج هاني .. فيه محبة و إخلاص و مودة و صبر و و و .. بانلك راسك دايرة شي حاجة منهم ؟ و لا نتي من الناس لي ما كيشوفوش راسهم .. كيشوفوا غير غيرهم !
جوهرة:( طلعات معاها التزنييكة على شوية تبكي ) علاش هاذشي كامل ؟ ( شافت فيه عينيها كيبريوا )
ياسيين:( هز سبابتوا و شير على عينيها ) لبارح قتلك بكي تا تشبعي باش فاش نهضر معاك ما نشووفش حس الدمووع كيضووروا قدامي ( زفر ) جمعيهم حسن ما نبكيك دبصح !
جوهرة:( تزيرات و هزات عينيها للفووق كنرمش بالزربة باش ما تبكيش تا بردات و شافت فيه )
ياسيين: قلتها و غنعاودها .. حتى حااجة من لي تشرطتيه ما فيك ! ما فهمتش أناا وااش داك العقل لي عندك كتخدميه غير باش تحلي مشاكل للناس ؟و فاش تكوني نتي المعنية كتغرقي راسك تال القاع ( ضحك باستهزاء ) أما واحد سيدهم الدين .. كتعرفي فيه غير حفظلي سورة فصداقي ؟ شي حاجة أخرى لا ؟ ( خنزر فيها و قال ) جووج دالناس كنمقتهم ا جوهرة .. كنكرههم كره أعمى .. المناافق ! و لي كيبرر تصرفاتوا بالديين و يلعب فيه كيما بغى ! منين ما غتشديش الحاجة نيشاان ما تشديهاش من الأساس و هنييناا
ياسيين:( زفر بحرارة ) لا اختي .. داك الموضوع بااااقي ما وصلنا ليه غير صبري على خبزتك .. غنبداو من لول ( هز صبعوا و قبط فإبهاموا بمعنى ها واحد ) متلاقية بابتسام و شايفاها مع ق*** فالجرادي و ما جاياش لعندي تقوليها .. حقا ما حقا تقدر تبدل ؟ باش الشريفة غتتبدل ؟ بين ليلة و نهار غتفيق و يطيح عليها الايمان من السما ؟ خليتيها تعووم فبحرها و كن كانت ختك أبسط حاجة تقوليها لمك .. تلقى الحل .. و لكن ابتسام ما كلفتيش راسك .. و حقا ما نقدرش نقولها لك ! مولف نبيتك بسلخة و نفيقك بختها ؟ و لا ياكما غير كتحلي فمك تنقمعك و نقطعلك الحس ؟ ( سكت شحال و كمل ) بالمختصر لي كتبغي تهضري فيه راك كتهضري و لي ما كتبغيش كتخرجيليه ألف سبب و سبب ( نقر فوق الطبلة ) ما فكرتيش مجرد تفكير واش داك البنت مرااهقة متهورة تقدر تغلط مع صاحبها فأي وقت .. فنظرك كن ما كنتش أنا و كريم تماا و سمعنا و شفنا على عينينا .. كانت غتنجى ؟ برب حتى يدوزوا عليها واحد تابع وااحد ..ضميرك غيرتاح ساعتها ؟ غتقدري تنعسي فليل و نتي عارفة كان ممكن تحلي الموضوع بطريقة اخرى !؟
جوهرة:( تغرغروا عينيها و قالت بضعف ) ما تديرليش هاكا .. أنا نيتي كانت بعيدة على هاذشي
ياسيين: كنهضروا دابا على شنو تطبق فأرض الواقع أما النية خليها بعييييدة ( تنهد و دار بصبعوا علامة جوج ) ثاني حاجة جاتلك برهوشة سلخاتك و ما هضرتيش .. ما دافعتيش لراسك ( مسح على وجهوا ) قوليلي غير شنو كتعرفي ديري من غير البكى ؟ ( شيرلها بصبعوا ) نتي لي كتبغي تحكري راسك بيديك .. وحدة بيني و بينها تسع سنيين نخليها تحط عليا يديها !! و نووض نجمع راسي و نشبع بكى و نمشي لدارنا ؟ واخا ميكونش عند حسك غيرة على راسك و على نفسك واخا قد هاكا ( دارلها علامة بصبعوا بمعنى شوية ) ما ديريش هاذ التصرف ديال الدراري الصغار ( ضحك باستهزاء ) حتى البراهش فاش كيديرلهم شي حد شي حاجة كيطيروا يشكموا لمهم مكيسكتوش على حقهم !
جوهرة:( بالدموع ) هي لي غفلاتني و حكراتني ما لقيت ما ندير
ياسيين:( ساط بحرارة ) غنعاود نقولك نتي حكرتي راسك بيديك .. عجباتك منين قاداتلك الطرح ؟ ( حركات راسها بلا و كمل هو ) لا اختي هذا هو معناها و معندها تفسير آخوور .. منين نتي ما قادراش دافعي على راسك .. علاش ما عالمانيش ؟ ا فلان راه ختك ها شنو دارتلي و ها شنو .. يلا ما جبتها تحت رجليك راني ماشي راجل .. و لكن نتي كمدتيها و سكتي .. و خليتيني أنا وسطكم بحال رجل الكرسي و الماا داايز تحت منوو و هو و لا هنا .. كنسولك ماالك ا جوهرة ؟ هضري اجوهرة ! نطقي ابنت الناس .. و نتي شنو ؟ وااالوو ما كاين وااالوو .. شرحيلي هاذشي ابنت الناس ! من غير أنك ما تعتبرينيش رااجل قدامك !!
جوهرة:( فتحات عينيها بدهشة و قالت ) لا اياسيين ما تحللش الأمور هاكا .. أنا ما بغيتش ينوض الصداع ليكم
ياسيين:( رفع صوتوا ) هي لي بغات الصدااع .. واش لحمك ماشي منك ؟ وااكلة قتلة و كن غير شي وحدة كبر منك نسرطها اختي و رااه برهوووووشة برهووووشة ( مسح على وجهوا و هز كاس دالما شرب منوا ) واخا الالة هاذي داازت .. موراها شنو درتي ؟ سمعتي هضرت سميرة و هزيتي راسك و مشيتي لداركم تكمديها تما مزياان يااك !!
جوهرة: هي لي قاتلي غتهضر معاك و تعلمك
ياسيين:( ضحك بفقصة ) واخا امراتي الغزالة .. قوليلي بمن أنا مزوج ؟ بيك و لا بسميرة ؟ باش هي لي تعلميني ! كن غير ما عندكش تيليفون نقول مسكيينة ما لقاتش كي دير ! واخا الالة أنا غوول كنخلع و خفتي نعيق بشي حاجة واقعة من صوتك .. هتهزي التيليفون بحال بنيتة لي كتسمع الهضرة و غتسيفطيلي مسج .. الحماار لي مزوجة بيه انا غادية لدارنا تا تجي عندي و راه خالتي لي قاتلي نمشي حتى يبرد الجو .. و خرجي داك الساعة و الله ينعل لي يقولك شي كلمة
جوهرة:( ما لقات باش تجاوبوا من غير الدمووع لي كينزلوا كيحرقوا من عينيها )
ياسيين: دينك ما قالكش ما خصكش تخرجي بوحدك ؟ ( هز يديه لفوق ) اوكي ما نزيدش فيه و ما نعقدوهاش ياك .. قالك بطاعة الزوج و قبل ما ديري أي تصرف تاخذي رأيوا و لا لا ؟ و لكن نتي كديري غير لي قالك عقلك و من بعدي كتشدي الركنة تبكي ! ( ساط ) نتي بيديك فتحتي المجال باش يوقع مشكل الذهب و يكبر .. لو تبعتي دينك كيفما مبينة من نهار نهارك .. كن حتى حااجة ماا وقعات !!
جوهرة:( مسحات عينيها و قالت ) ما تدخلش الدين فهاذشي ا ياسيين ! أنا ماشي علامة .. انسانة عاادية بحال أي واحد .. مرات كنغلط و مرات كنكون على صواب .. و لكن حسن من بزاااف لي ما كيصليوا ما كيتفكروا ربهم فييين و فييين .. المهم دايرة علاياش نرجع !
ياسيين:( بهدوء ) تانا ما قتلكش معصومة على الخطأ .. قتلك خدمي عقلك و فكري قبل ما ديري شي حاجة .. و غتديريها واااعرة يلا مشيتي على دينك و شنوا كيقولك .. حيت ساعتها غنتفاداو المشاكل لا أنا لا نتي !
جوهرة:( هزات راسها كتخنصص تا شافتوا مدلها كاس دالماا شربات منو و حطاتوا .. خلاها تا بردات و كمل )
ياسيين:( تنهد و بقى شحال كيشوف فيها حتى شككها فراسها .. عاد تكلم ) نهاار لول فزواجنا قتلك .. أسرارنا الزوجية ما تخرجش .. شي حاجة بيني و بينك ما يعرفها حتى واااحد .. ما دام مزوجة بياا أناا .. و أناا راشد و حتى نتي ! دوونك ما من حق حتى وااحد يتدخل .. يكفي تجي عندي و تقولي لي عندك عااادي جدا .. و يلا قمعتك و درت تصرف قليل فحقك .. و ما شرحتلكش .. عااطيك الحق تهزي بووق و تبرحي بيه لمن ماا بغيتي .. و قسما بالله ما نهضر
جوهرة: تانا من داك النهار ما بقيت عاودت والو !
ياسيين:( هز حاجبوا و قال باستهزاء ) شووفي و كان ! ( قلبها تخنزيرة و رفع صوتوا ) ااش دااك تعاودي لوئاام و لا لقدوورة علينا ! ( ضرب على صدروا ) مخلياني أناا قبالتك و ماشية تعاودي لختك على شي حااجة لي هي ماا عاارفة فيها واالو .. و ما غتزيدك لا حق لا بااطل !
جوهرة:( حنات راسها ) هي لي لقيت قدامي .. كنت تالفة و دايخة .. ما عرفت ما ندير !
ياسيين: لا اختي كنت حدااك .. و سولتك مالك مقلقة ؟ عاد كنتي ضااحكة .. رديتي بحقا توحشت ماما ديني عندهم .. و رجعت سولتك من بعد .. جوهرة يلا عندك شي حاجة واحلة لك فالحلق .. نطقيها و هنينا .. و مع ذلك ما هضرتيش .. و مسحتي السما بليكة .. و فلخر نلقاك حاطة كلشي لختك .. و راجلك لا ! و ياا ريت كن كانت شي وحدة لي غتعرف تنصحك و توجهك لطريق الصح ( ضحك مفقووص ) هزي النمرة و ما تهضريش و دوزي نعيطوا لحنان ! و مشيتي معاها فالخط بكااامل عقلك ؟
جوهرة: الصممت
ياسيين: عرفتي ! قتلك ما تعاودي واالو ؟ اعتابريني ما قلت وااالوو .. عااودي اختي و ما تنساي حتى حرف .. و لكن لوحدة غتنفعك .. وحدة عندها خبرة عليك .. وحدة غتوجهك لطريق الصح .. ماشي وحدة غتكفسها عليك كثر ما هي مكفسة .. و فلخر تربع يديها و تتفرج بحال ما دارت واالو ! ( هز يديه بجوج ) عارف ما كتيقيش فيا .. و على خااطرك .. لي ما جات بالخاطر لهلا يجيب باباها ( هز لها راسها لقاها عاضة على فمها و عينيها مدمعين و قال ببرود ) عاطيك لوغدغ تعاودي لماماك .. منين لهاذ الدرجة أنا كنبانلك ماشي أهل للثقة .. سيري عند ماماك و ما تمشيش عند حد آخور ..
جوهرة:( بحزن ) أنا كنتيق فيك
ياسيين: كلشي باين اجوهرة .. ما كاين لاش نكذبوا على بعضياتنا !! و هاذشي غير كنعاودلك كلشي و كنحط كلشي فوق الطبلة .. أما كن كنت كنخبع يعلم الله شنو غيتقال فظهري ( تنهد )
جوهرة: ياسيين
ياسيين:( حط ابهاموا على شفايفها مسكتها و نطق بهمس ) ششش .. ما كاين لاش تقنعيني بشي حاجة كنشوفها فتصرفاتك .. أنا بنادم ما كتاكلش معايا الهضرة قد الأفعال ..
جوهرة: هي أنا خايبة لهاذ الدرجة !
ياسيين:( حرك راسوا بالنفي ) ما كاينش شي واحد ملاك فهاذ الدنيا .. كاين انسان أفعالوا الخايبة كتغلب على المزيانة و كاين العكس .. و نتي بلا ما نهضر و نقولك شمن نوع .. حيت ما غنحرقش معاك دماغي .. كن كنتي من نوع لول .. من الدقيقة لي هزيتي فيها يديك على سميرة غنقطع الورقة بيناتنا ( خنزر فيها و طلق من وجهها و تكى لور ) تقدري تشرحيلي تصرفك ؟ ( شافها غتعاود تبكي .. تنهد و نطق ) دابا بررردت و غير كنهضر معاك .. و كلي فضول نفهم منين جاتك الجرأة تهزي يديك على السيدة لي ولداتني و قداامي من الفوق .. بلا ما تخافي قد هاكا ؟ بحال يلا أنا ماشي حداك .. ماشي راجل قدامك .. بوطوا ديال الضو وااقف و مربع يديه .. داخلة و مهجمة بلا أدنى احترام ليها و لعمرها .. ليا و لوجودي حداك ( مسح على وجهوا ) ما عندكش مبدأ الوسطية و الاعتدال فحياتك ؟ يا ايما سااكتة و مكمداها يا ايما مفرعنة ؟ ( جرها من ذراعها و قال ) معاك كنهضر ! فرضا جيت أنا و ضربت الواليدة ديالك حداك .. باش غتحسي ساعتها ؟ عينيك غيرجعوا يتحلوا فيا مرة ثانية ؟
جوهرة: ماما عمرها تطيح الباطل على شي واحد .. و فعز رمضان من الفوق ! ماما كتفكر مليون ألف مرة قبل ما تقهر شي حد
ياسيين:( شاف فيها ببرود ) مزيان ! الله يخليها لك ! غير هو الأم كتبقى أم واخا تكون كلبة ! قوليلي حاجة و قنعيني بيها .. عمري نعاود نجبدلك هاذ الموضوع .. غنمسح أنا هاذ الذاكرة
جوهرة:( سكتات كتشوف فيه بعينين حوومر بمعنى شنو )
ياسيين: ماماك عمرها مرضات فحياتها ؟ كتمرض عادي بحالها بحال أيها الناس أو لا ؟ ( حركات راسها بااه ) مزيان ! بما أنك نتي لبنت الكبيرة .. يعني المسؤولية د الدار كلها كتنزل عليك .. بشرى باقي صغييرة و وئام كتقرا ! يعني بقيتي غير نتي ؟
جوهرة: ااه ؟؟؟
ياسيين: كتقومي بعائلتك كاملة .. بمتطلباتهم كااملة بلا ما تهضري و لا تنفخي ؟ واخا كتعياي كتقولي ماشي مشكل ماشي ديما كتمرض .. ماشي ديما غنبقى على هاذ الحال ! ياك ؟ ( حركات راسها بااه ) عليك نوووور ( هز يديه بتوضيح ) فهمي هضرتي فين ماشية .. ما كنلومكش على هاذشي .. و لكن أنا هاكا كنشوف الأمور .. نقدر نلومك على حاجة وحدة أنك ما هضرتيش ( تنهد ) نرجعوا لموضوعنا .. العام فيه 365 يوم .. و رمضان فيه ثلاتين يوم .. يعني يلا جينا نقارنوا شهر مع عاام بحال كنقارنوا ( قلب عينيه كيفكر ) بففف ذرة مع جسم .. مثلا !
جوهرة: ما فهمتش شنو بغيتي تقول !
ياسيين: كان ممكن تعتابري سميرة فبلاصة ماماك .. و كيفما كتصبري عليها فمرضها .. تصبري على سميرة فشهر واحد من أصل عاام .. و ديري عين ميكة .. ياك كاع الأيام فدارك .. و شهر لي دوزيه معاها .. ما صبرتيش عليه ؟
جوهرة:( عقدات حجبانها ) شكون قالك ما صبرتش ؟ فين عمري جيت عندك و قتلك ماماك دارتلي و فعلاتلي !
ياسيين: ما قلتيش ابنت الناس .. و هاذشي لي خلاني ندير الحل بيدي .. و لكن نهار طرطقتي فوجهها كي القلية .. قلتي تكرفسات عليك !!! تلث أيام لي خليتكم بلا خدامات لا غييير .. و فالأخير عايرتي بيهم .. بحال جايبينك تراسة عندنا .. و يااا ريت كنت كنسولك و كتهضري ..
جوهرة: دابا أنا لي رجعلي كلشي ياك ؟
ياسيين:( تنهد ) رأيي الشخصي هذا .. قتلك انا كي كنشوف الأمور ما قتلكش تقبليه بزز منك .. كيفما احتارمت رأيك و ما هضرتش .. تانتي عليك بنفس الشيئ ! ( دوز يديه على شعروا ) ما قدرتيش تقنعيني ؟ اووك ما علينا ! قنعيني بشمن منطق خديتي كلام سميرة و تهجمتي عليها ! أبسط حاجة ممكن تفكري فيها هي واقيلة حماتي ما فاهمة والو .. و غير كتوصل الهضرة .. ممكن يكونوا كذبوا عليها .. لكن نتي مشيتي بمنطلق طيحات عليا الباطل ! نيشان ما فكرتي لا هكا لا هاكا ! يعني ما قدرتيش تنساي أصلا المرة لولة .. و ديما فبالك دارتها مرة غادي ديرها ألف مرة !
جاتها قهرة حنات راسها كتبكي من أعمااقها و هو كيشوف فيها فالأخير تنهد و مد يديه جرها عندوا جلسها فوق رجليه و عنقها .. كيدوز على ظهرها بهدووء حتى خرجات راسها من عنقوا و شافت فيه بعينين حوومر
جوهرة: أناا ما نويتش يوقع هاذشي كاامل ( رجفات شفتها و نزلوا دموعها فسكات ) حراام عليك تديرلي هاكا ما نستاهلش منك هاذ المعاملة كاملة .. نتا من لول عارفني نية و جيتي دابا كتحاسبني على نيتي و على سكوتي ؟ ( تنفسات برجفة ) شحال صبرت و دوزت على ودك فلخر تجازيني بهاذشي ؟ ااه غلطت فحقك و فحق ماماك و فحق حتى راسي بتصرفي .. ضربت تربيتي كلها فالحيط و قللت منك و دمرت علاقتي مع خالتي كثر ما هي مدمرة .. و لكن ( حنات راسها كتبكي و تهضر ) ما حسيتش ا ياسيين و الله ما حسييت .. تقهرت فديك اللحظة بغيت نمووت و لا نسمع داك الهضرة .. ترفعت كاااملة ! ( رجعات هزات وجهها الفازك فيه و قالت ) معتارفة بغلطي .. اعتاذرت لماماك و دابا كنعتاذر منك حتى نتا ! شنو غندير كثر من هاذشي ما فهمتش ؟ حتى واحد ما بغى يفهمني .. حتى واحد ما كيفكر فنفسيتي .. كلشي كيجلد فيا ( ضربات فيه فصدروا بقوة ) بكااع طاقتك .. ضرب و عاود ضرب .. بعد المرات الكلام كيجي قسح من العنف الجسدي .. و نتا راه ضربتي و سيلتي الدم كااع بهضرتك ( خشات راسها فصدروا فشلانة كتبكي ) حرااام عليك و الله تا حراام 😭
بكات حتى تفشات و وقفات كتشووف فيه بحزن .. عاقدة حجبانها بطريقة طفوولية .. بحال شي مشة باغى تقمش ههه
جوهرة: كتهضر على اساس نتا ملاك أ ياسيين !! كلما عندنا أخطائنا .. بعدا انا معتارفة بيهم .. و شنو عليك نتا ؟
ياسيين:( حط يديه على حنكوا و شيرها بيديه ) هاذشي لي باغي أنا يوقع .. ما محتاجاش تخزني فقلبك حتى طرطقي .. أي حاجة ضاراك قوليها و عادي .. يتقبلها لي قبالتك ما يتقبلهاش هو حر .. المهم هو تهضري باحترام بحال أي أنثى رقييقة ( تنهد ) انا هنا ماشي كنجلد فيك .. أنا هنا باغيك تكوني حسن من هاكا .. تفتحي عينيك و تقوي راسك .. ما تبقايش نية و لي جا يضحك عليك .. تعرفي فوقاش تهضري و فوقاش تسكتي .. تعرفي كيفاش تجاوبي على راسك بكل أدب !! ( حرك حجبانوا بمعنى هضري ) ارااي لي عندك ؟
جوهرة:( تنهدات شحاال و قالت ) كتقولي علاش ما كنهضرش و ما كنشارككش ؟ نتا كتعاود اي حاجة ؟ واخا ! فأول زواجنا .. جاي بوجهك حمر كتقرر فبلاصتي و بلا ما تستاشر معايا فموضوع الولاد ..لواه لولب و لا الشوكة و لا ما عرفت ااش ..شركتيني ساعتها ؟ قلتيلي شي حاجة ؟ ياك حطيتيني بوجهي قدام المراة .. و فاش سولتك ..قلبتيها طنز و ما شديت منك لا حق لا باطل ! و رجعت سولتك من بعد و قلتي عندك اسبابك من بعد و نعاودلك .. هاذ من بعد عمرها جات ! و يمكن عمرها تجي حتال شي نهار تفيق و ترشقلك و تقولي نوضي امراتي الغزالة نولدوا .. بحال أنا آلة هنا ما عندي حق عليك و على حياتنا !
ياسيين:( شافها ساكتة كتنهج و قال بهدوء ) كملي .. خوي كااع لي عندك .. تسالي و نجاوبك على كل حاجة !
جوهرة: واخا .. هاذي واحد .. جوج كنتي كتشوفني قدامك كنتوجع و كتنهض فيا من الفووق بلا رحمة منك كتحملني أنا مسؤولية نجاح و لا فشل هاذ الزواج .. بحال يلا انا مني كلشي .. و فلخر صدقت مريضة تال الجذر و مع ذلك صاابرة و مسبقة راحتك على راحتي .. ما شفتيش تصرفاتك ساعتها ؟
ياسيين:( ساكت حاط يديه على حنكوا مكالي بيها و كيتصنت ليها )
جوهرة: ما قلتيليش بلي كتشيش .. تا تزوجت و ضربتيني بيها للوجه .. و زاايد من الفووق مبزز عليا نصوبها لك .. بحال يلا جايبني من الزنقة .. ما عمرك تحس بإحساسي داك السااعة .. و مع ذلك ما هضرتش و سكتت .. و فكل مرة كنبغي نصحك على جال صحتك ..كتقلب عليا و ما كيعجبكش الحال و كنسرطها و ندوزها بجغيمة دالما و هاانية !
و أخير حااجة موضوع حنان .. نتا بيديك فتحتي ليها الفرصة .. متلاقيها فالقهوة و جالس معاها بحال صحبة قديييمة و فاش هضرات ختي نضتي ضاير فيها بوجهك صحييح .. و من بعد نعرف بلي خاارج معاها شحال من مرة و فاطر معاها و مخلياني النهار كامل كنتسناك و موجدة لك الشهيوات لي كيعجبوك .. باش فلخر تعيط و ما تجيش ! ( هزات راسها بكبرياء و قالت ) الجمل ما كيشوفش حذبتوا كيشوف غير ديال الناس .. كيفما نتا صابر عليا تانا صابرة عليك و حتى واحد ما ملاك فينا .. هنا كنبنيوا عشنا ماشي راك قاضي قبالتي و هاز مطرقتك تتحاكم فيا .. كااع لي درتوا درتوا من نيتي و قلة عقلي .. باغى نحافظ على زواجي .. ما باغاش نوض الصداع بيناتنا .. صاابرة و دايرة الما منين يدوز .. و لكن
ياسيين:( تبسم بحنان عكس الاستهزاء لي كان داير قبيلة و قال كلمة وحيدة تلفاتها على الهضرة و حبسات فالنص ) كنبغيييك ♥
جوهرة:( تفعفعات و تلفات عليها الهضرة ) ا احم نعام ؟
ياسيين:( وقف غاذي عندها مبسم ) عمري قلتها لشي بنت المراة فحياتي ! كنبغي واالديك و كن ما كنتش ما نجلسش و نصدع راسي معاك .. ما نبغيكش تكوني حسن مني ( دوز على حنكها بهدووء تا مسح بسبابتوا دموعها ) فرضا غذا مت ؟ ( شافت فيه بصدمة مضاعفة و عينيها فدقيقتها عمروا بالدموع .. أما هو تبسم بحنان و كمل ) الموت علينا حق .. و يلا جا داك النهار نبغيك تكوني قوية و قاادرة تسيري حياتك بيديك.. حتى واحد ما يلعب و لا يضحك عليك .. نكون خليت مورايا مراة قادة بشغلها ( قلب الموضوع و حط صبعوا على قلبها ) هذا غيجي واحد النهار و غادي يعيى .. ما غتبقاش عندوا الطاقة يتحمل مشاكيل كبااااار ... فين يباان هاذشي .. غتلقاي راسك فااشلة فالوقت لي خصك تكوني بكامل صحتك .. عليها كنقوول و نعاود ما تكلفيش راسك كثر من القياس .. و منين هاذ القليب هاز من جيهتي تال هاذ الدرجة .. أنا غنشرحلك كل حاجة .. كل حاجة من لي هضرتي عليه .. عندي تفسير ليه و مقتاانع بيه
جوهرة:( بقات ديك كلمة الموت كضور فراسها و قلبها تزييير .. و رجعات تفكرات اعترافوا .. و بلي أول مرة يقولها كلمة كنبغيك ..شافت فيه بحب و قالت ) بصح كتبغيني ؟
ياسيين:( ضحك و مد يديه خمجلها وجهها بالضحك و مد يديه لعنقها جرها منو معنقها تحت باطوا ) شووف لوالديها أنا فاش كنهضر و هي فاش كتفكر ( ضحك و قال ) يا ودي طحنااا و جينا على وجهنا و لي عطى الله عطاه ( شافت فيه مزنكة و غمزها ) ا حمامة قلبي
ضحكات بفرحة .. صدق من قال قلبها بيض بحال الحليب .. نسات كلاموا القاسي لي قاسها فأعمااقها و بكلمة وحدة رطااابت .. جرها من يديها و جلسها فبلاصتها و هو حداها رامي يديه موراها كيلعب فشعرها و نطق بمزاح و جدية فنفس الوقت
ياسيين: سالينا من المحاضرة .. نتمنى تكوني فهمتي مغزى من هضرتي كااملة و ديري بيها من هنا لفووق ( شد على راسوا و ماصاه ) ها علاش كنضحك و ضارب الدنيا بركلة باش ما نعقدهاش على راسي و على البشرية
جوهرة:( بهدوء ) فهمت ! و غندير بهضرتك و يلا ما عرفتش نتصرف غنجي لعندك .. و نتا تعاوني كيفاش نجاوب و نهضر .. وعد عمري نسكت على حقي و نخبي عليك شي حاجة كتخصنا
ياسيين:( حرك راسوا ) مزيان ( مد يديه ليديها و هزها عندوا .. كيعد ) اول حاجة لولاد .. ماشي ما بغيتش نعاودلك مشات من بالي لا غير ! المهم السبب الرئيسي هو مرضي ممكن ينتاقل ليهم .. كنتسنى ندير التحاليل و نلقى دمي صافي .. واخا عندي نائم يعني ماشي خطير و لكن الاحتياط واجب ( حك حاجبوا ) واخا الصراحة من نهار تزوجنا ما بقيت مشيت درت التحاليل .. ما علينا ! هذا سبب .. سبب ثااني هو أنني ما كنتش تنعرفك نهاائيا .. يعني ممكن نتفاهموا و ممكن لا .. و ما بغيتش نوقعوا فخطأ ديال بزااف و فحالة ما نجحش زواجنا نجروا معانا ولاد لي غيكونوا هما الضحايا .. ثانيا موضوع النعاس شرحتلك ما مرة ما جوج موقفي .. نقدر نصبر معاك فأي حاجة إلا هاذي ! و نتي بحركاتك و كلامك كتقنعيني بلي غير كتفششي لا غير و ما واخذاش الموضوع بجدية .. و كنظن سدينا هاذ الموضوع فاش عرفنا مرضك و اعتاذرت منك ! هممم الشيشة ! خليتك تصوبيها ماشي باش نقلل منك و لا جايبك من الزنقة .. بلعكس كنت تنضحك معاك و باغى نطلقك معايا كثر .. ياسيين بالمختصر المفيد ما عزيزش عليه القنط ( ضحك ) ما كاين ما حسن من الزهوو و راحة البال .. و ما دام تزوجتك بغيت نشركك فكل حاجة فحياتي .. فشي حوايج راني بيييس فعقلي و كنشوفهم من جاانب غير لي كتشوفيه نتي ( تنهد ) حنااان يا حناان .. ندمت على النهار لي عرفت فيه هاذ السيدة .. هنا كنعتارف غاالط و درت تصرفات ما خصهمش يداروا .. و ديجا قلت حدا باها شنو كان فبالي .. و يعلم الله بلي نيتي طيبة ( شاف فيها بصدق ) راني ماشي من نووع لي كتخون ا جوهرة و خصك دخليها لراسك .. جربت الخياانة ما مرة ما جوج و عمري نذوقها لشي حد .. واخا ماشي خيانة دالأحبة .. خيانة أصدقاء .. شركة .. و زيد و زيد و لكن كتبقى خيانة ..
شد معاها الخاطر و بقاو شحال مناقشين حتى حطوا النقط على الحروف فجميع المواضيع لي كانوا ضارينهم بجوج .. و انتهى كلامهم بشي حاجة كتفرح .. تا وقف و قال
ياسيين: عندي شي خدمة فالمحل .. غنمشي نشوف الأمور و موراها ندوز عليك نتعشاو اونسومبل
تحنا و باسها فشفايفها بحب و لهفة كبييرة حتى خلاهم لها كيزوزوا و مشى كيضحك .. أما هي شدات على قلبها لي كيضرب بعشق و هيام .. و على شفايفها لي كينبضوا بالجهد كانهم باقيين ملتاحمين فقبلتهم الشاعرية .. أحاسيسها مخربقة بطريقة زويينة فهاذ اللحظة .. و هو بدوروا حس بالراحة و أخيرا الضحكة و الكانة رجعات ليه من بعد سلسلة من المشاكل و الصراعات .. خرج و خلاها كتقلب فحوايجها على شنو تلبس بكل سعاادة .. تا سمعات صووت الصدااع و التهراس و الغواات و البكى .. بفضوول خرجات كطل من العوينة ديال الباب .. بانتلها الدار لي قبالتها مباشرة ( حيت جوج ديور فطبقة .. كل وحدة فالراس و مقابلين ) خارجة منها مراة فنهاية العشرينات حوايجها مقطعين و باينة فيها واكلة قتلة نييت .. هربانة كتبكي و كلها كترجف و هازة ميكة فيديها ..
سمعات صوت رجولي قااسح كيتسنع قريب .. و رخات رجليها بالخف لدار جوهرة كدق و تقول ما دقات .. و الأخيرة رااه مخلووعة ما عرفات ما دير .. تا بانلها خرج راجل من الدار و هاز شفرة فيديه ( موس ) و متقصد لي كتدق عليها .. و بلا ما تفكر جوج دالمرات فتحات لباب و دخلاتها .. و رجعات سداتها بالزربة و طرقات عليهم .. و المراة راه طاحت على رجليها كترجف بالخلعة
《 وسَندًا صَالِحًا يَااللَّه إن اِعْوَجّت الخَطَوَاتُ أقَامهَا ♥ 》
سدات الباب بالزربة و طرقات عليهم مخلووعة حتى هي أما المراة لي دخلات راه طااحت على رجليها كترجف بمعنى الكلمة من قوة الخووف كانت كتشووف نهاايتها بين عينيها ..
قفزوا بجووج فاش بدا كيضرب فالباب بالجهد باغي يقلعها من بلاصتها و السبان فيهم من راسهم لرجليهم لعلك ترضى .. ما كاين غير من السمطة لتحت و كيحلف فيهم و يعااود
جوهرة:( تخلعات بالمعقول شافت فالمراة و قالت ) ما تخافيش اختي .. جلسي فالصالون نجيبلك تشربي
---: عمري ننسى لك هاذ الخير اختي .. أنا غير ولية و هو بغى تعدى عليا بالضرب ما خلى فيا عظم صحيح و كملها باغي يذبحني .. يااا ربي ااش درت فحيااتي تا يتسلط عليا 😭😭😭
تنهدات جوهرة بحزن من حالها و خلاتها فالصالون .. دخلات بالزربة للكوزينة عمراتلها كااس دالماا و بيدها الثانية هازة تيليفونها كتعيط لياسيين .. حيت لاخور خلعها بالمعقوول و كل شوية تقفز من شي ضربة منوا كتقوول راه غيفرع لباب و يدخل ليهم بجووج .. خرجات حانية راسها فتيليفونها و كتهضر فنفس الوقت
جوهرة: هاني كنعيط لراجلي .. ما تخافيش اختي ..شربي و بردي شوية
هزات راسها لقات يديها و الريح .. عينيها خرجوا كتقلب عليها فين مشات .. تا سمعات شي باب تطرقات .. طارت بالزربة لبيتهم دالنعاس لقات الباب مطرق من الداخل .. يالاه غتهضر صونالها ياسيين لي يالاه لقى لابيل ديالها
ياسيين: الزين الصافي واجد ؟ (سمع الصداع هو يعقد حجبانوا ) جوهرة !!! ااش واقع ؟؟
جوهرة: ياسيين رجع دغيا عافاك راه نايض الصداع ( قفزات من ضربة فالباب ) و واحد خينا هاز المضى باغي يتهجم عليا ( عضات على فمها ) كان كيتكرفس على واحد السيدة و عاونتها و دابا كيفرع عليا الباب ..
ياسيين:( قاطعها ) تهزي عيطي على السيكيريطي .. أنا جاي ليه نوريه الرجلة دالكاارطوون يحرق ***** د ***** ( قطع معاها )
جوهرة:( دارت لي قالها و هزات لانتيرفون عيطات على السيكيريطي ديال العمارة و رجعات كتدق فبيتها بعصبية ) خررررجي اختي خررررجي ( ضربات فالباب بالجهد ) واااا خرجي واش انا دايرة فيك خير باغى ترديهلي ب بموزوي !!
----: ما نقدرش نخرج اختي غير سمحيلي
شدات فراسها بغات تفركع فهاذ اللحظة .. حتى تسمع السكااات .. و حسوا ما بقاش .. يالاه قالت تنهنات .. تسمع الدقان بطريقة عاادية .. زعمات و مشات كتطل تشوف شكوون .. بانلها السيكيريطي و معاه جوج رجال .. تنهدات مرعبة و قالت
جوهرة : شكووون !
-----: لالة جوهرة انا السيكيريطي لي عيطتي عليا .. راه السيد عيط على البوليس .. فتحي اختي
جوهرة:( طارت لوات عليها شالها و لبسات عبايتها فاش شافت الشارة ديالهم .. فتحات لباب بخوف و طلات براسها و قالت ) راجلي غيجي دابا و عاد تقدروا تدخلوا .. ما غندخل حتى واحد لقلب الدار ( شافت لاخور موراهم و كحلات بالعمى ) يلا كان شي واحد هنا خصكوم تضورولوا ليه .. هو لي موراكم ! لي مهجم علينا !
واحد من البوليس:( دفع لباب و دخل ) ا لالة واش كنلعبوا معاك هنا .. السيد مديكلاري بالمراة لي عندك سارقاه .. و نتي مشاركة معاها ! الهضرة ماشي هنا فالكوميسارية .. ياسر ديها من هنا غنجيب الثانية
جوهرة:( بغضب ) بشمن حق اسيدي .. داري أنا ما خارجاش منهاا !! شهاد الهمجية !!
----: الهمجية هي لي دايراها نتي و داك الكلبة لي لداخل .. فلووووسي يلا ما تحطووش ليووم .. غنطيح الرووح .. فلووسي تتحط و داااباااا .. ما دام معاوناها إلا و متافقين بجووج ( ضرب فالحيط ) و دابا بربي و فلوسي ما تحط تا نمشي عليكم للحبس و نخسر لختي داك الوجه لي عاجبها
خلعووها .. خصوصا فاش خرج لاخور المراة كتبكي و شانقة على ميكتها .. جر جوهرة من اليد الثانية و هبطوهم .. مخليين السيكيريطي كيشد باب الدار و كيتفرج فيهم !
ركبوا فالسطافيط و زادوا و جوهرة كلها كترعد بالخلعة وجهها ما بقاتش فيه نقطة ديال الدم .. عمرها فحياتها ركبات فشي سطافيط و لا دخلات للكوميسارية من غير نهار صوبات لاكارط ! و دابا دايينها و ما عارفة ما تقدم ما تأخر .. و مع عارفة زهرها و ظهرها مااالح متأكدة غيلسق فيها كلشي !!
أما ياسيين يالاه تحركوا هما .. هو وقف و خرج طاافج .. تا شدوا السيكيريطي كيعاودليه شنوو وقع بالتفصيل الممل .. ما خلى فحلقوا حتى حاجة ههه و فالأخير نعتلوا شمن كوميسارية داوهم .. خلاه كيهضر موراه و طار لطونوبيلتوا و زاد حتى تحكوا الروايض مع الأرض و تسمعات بحال صوت أكسيدون .. ماشي و كيعيط على خليل يجي عندوا .. بما أنوا محامي .. غيحل الموضوع من جهة القانونية حيت ما عارفش الموضوع شنو فيه بالضبط .. أما هو خلى الجهة الهمجية ليه و حالف يشرب من دم هذا لي وصل لجوهرتوا و داير فيها صعصع باغي يتهجم عليها !!
نزل دااخل تا حبسوا البوليسي فالباب .. لأنوا الحال مشى و ما يمكنش يدخل .. تال الصباح .. برد رااسوا و شرحلوا لي كاين و كمسلوا فيديه فلوس .. عاااد خلاها يدخل بالكشييفة ..
هو لي غير فتح ليه الطريق مشى كيطير لاول بيروا بان ليه و سمع صوت الهضرة خارجة منوا .. فتح داك الباب و دفعها تال القنت .. بانتلوا جوهرة واقفة مكمشة كترعد بالخوف و دموعها مغرغرين .. داز فيهم كااملين .. بلا ما يديها فهضرة البوليس لي كيغوتوا .. جرها عندوا عنقها و باسها فوق راسها
ياسيين: شششش ما تخافيش انا هنا ( حنا عينوا فيها ) بخير ؟
جوهرة: ااه ( دلات شنافتها ) ما درت وااالو اياسيين
-----: ساليتوا ا قيس و ليلى و لا باقي ؟ ( ضرب فالبيروا و غوت ) الشرفة ما عندناش برتووش هناا ( شاف فيه ياسيين بتخنزيرة ) مدرم و دااخل علاياش كتقلب ؟
ياسيين:( طلق من جوهرة و قلب عينيه كيشوف فيهم واحد فواحد .. تا ركز فجاروا .. خلى داك البوليسي بلاكة و مشى عند لاخور .. ضرب على كتافوا بقوة و قال ببرود ) نتا هو الرويجل لي كيفرع فالبيبان على عيالات الرجال ؟ و دايرلي فيها صعصع زماانوا ؟
----: مراتك اسيدي لي
ياسيين:( شاف فيه بابتسامة مستفزة و دخل فيه براس تا رجع خطوة لوور .. شاد نيفوا حاس بيه زعزعلوا لافيشوور ) مراااااتي ما تجبدهاش على فمك
طار عليه كيضرب فيها غير للوجه تا خمجلوا كمارتوا و تا واحد ما قدر يبعدوا عليه لسق فيه لسقة وحدة .. تا عطاه قتلة دالغذايذ و وقف كينفض يديه
ياسيين: مرة جااية تعلم تترجل مع لي قدك .. اما العيالات غير عطيهم التيسااع يا ***
-----:( وقف كيمسح الدم من وجهوا و قال ) غنرفع عليك دعوى داابا .. على الضرب و الجرح .. و بالشهوود من الفووق ..
ياسيين:( ضحك باستفزاز ) أعلى ما فخيلك ركب عليه و طلعووا معاك !!
----:( شاف فالبوليسي لي حداه ) نزلوا عليا هذا للتحت يبرد ليه دااك الراس
ياسيين:( قرب منوا و قال ) نتا لي هجمتي عليها و خرجتيها من دارها بزز ؟
----: كندير القاانوون ما غنتسنى حتى حد يوريني الصح من الغلط ( بنرفزة ) نتا أصلا شكون دخلك ؟
ياسيين:( قلب وجهوا كيضحك ) لي ح*** ( مد يديه و شنق عليه و دخل فيه براس تا هو ) دابا نتا لي غتجي تعلمني القاانوون ؟
يالاه زادوا ضربة ثاانية .. حس بالمينووط ضااروا على يديه و جروا البوليسي الثاني .. و ياسيين كيعرعر عليهم
----:( بغضب ) غنسيفط واالديك فيين تتربى .. يلا ما غرقتلكش الدوسي راني ولد الكلبة نييت .. يلا ما طحطحتي فالحباسات نعلمك تهز يديك على موضف أثناء أدائه لوضيفته ( هز راسوا بوعييد ) غيير تسنى ! ( شاف فصاحبوا ) هبطووا علياا لتحت
و بالفعل خرجوه مكبل و صوتوا كيتسمع من بعييييد .. تا بدا كيختااافي شوية بشوية .. تا بقى منعدم ! اما جوهرة راه الدنيا ضارت بيهاا و ما عرفات ما تقدم و لا توخر .. كانت فمصيبة صدقات فجووج .. يالاه غتهضر و هو ينطق بحدة
المراة: أنا اسيدي خدامة غير على وليداتي اليتامة .. هضرت هاذ السيد ما منها لا حق لا باطل .. ربي لي عاالم بلي ما هزيت ما رييت .. و هانا قدامكم قلبوني و قلبوا دااري .. و يلا لقيتوا شي حااجة نودي !
----: ا لالة ما غتعلمينيش خدمتي .. خرجهم عليا
خرجوهم و جوهرة راه قطعات الزين كتفكر فياسيين و كيفاش كفسها على راسوا و على السرقة .. و الخير فين وصلها و كتقول فبالها عندااك غير تكون بصح .. و السيدة فاش دخلات لبيتي حطات لفلوس تماا .. و آخر ياامي نضرب الكرفي فالحبس و تا لي يجيبلي القفة ما كاينش ههههع
💫💫 يوم جديد 💫💫
بعد ليلة طوييلة فالكوميسارية ما نعسات فيها جوهرة و لا غمضات .. غير كتقلب و حتى بلاصة ما شداتها .. الخلعة على ياسيين و عليها مسكتة لها القلب .. حتى تفتح عليها الباب و خرجوها .. شافت حداها ما لقاتش المراة لي معاها .. دخلوها لنفس البيروا .. لقات بوليسي ااخر .. شاف فيها ببرود و قال
----: لقينا هاذ الرزمة دالفلوس فداركم ! و هي نفسها لي تهزات لسيد .. و المراة لي سيفطتيها اعتارفات بكلشي .. كلامك زايد ناقص دابا .. غير ما كتصعبي الأمور عليك .. " شاف فالملف قداموا " أما راجلك هذاك حفر قبروا بيديه ..
قبل ما تجاوب تدق لباب و فتح الشاوش .. عطاه التحية و مشى هضر معاه و رجع خرج .. و فنفس الدقيقة دخل خليل .. لي شاف فيها بابتسامة بمعنى ما عندك مناش تخافي لأنوا بقالها شوية و تسخف تما و رجع شاف فالبوليسي و عرف براسوا
خليل: معاك المحامي خليل ***
بقاو مدة كيهضروا و كيشرح ليه شنو واقع بالضبط .. تال واحد الدقيقة ضرب خليل فالبيروا بالجههههد و ووقف مخنزر و قال
خليل: واش عاارف راسك شكتقول و لا ما عارفش ؟ السيد راه من صحاب المشاريع لكبااار .. غتطمع مرتوا فجوج بريكات ؟ ااش هاذ الخواض ؟
وقف البوليسي تا هو بغضب و غوووت بالجهههد تا تهزات جوهرة من بلاصتها و غوتات بدوورها ..
جلسات فبلاصتها كتدور عينيها فبيتها و كلها عرقاانة و كتنهج كأنها كاانت فسباااق .. نظراتها فيهم خووف و رعب .. كأنها ما فاهماش شنوو واقع ! و واش بصح راها فدارها !! واش كانت كتحلم ؟ و لا سخفاتلهم تما و تحل المشكل و جاو ؟ و لكن شكوون جابها ؟ ياك ياسيين محبووس !!
حسات بعقلها وقف فهاذ اللحظة .. دفعات من فوقها الكساوي لي كانت كتقيس فيهم للخرجة .. و ناضت خارجة بالشوية من البيت كدور عينيها و ذاتها باقى كترجف عليها .. سمعات صووت التدندين جهة الكوزينة .. و قربات بحذر .. حتى بانلها ياسيين داير لي زيات فوذنيه كيغني و يتحرك بحيوية و يديه خداميين كيوجدلهم فالعشاا .. قربات منو و حيداتليه الموسيقى من وذنيه تا شاف فيها بابتسامة و قال
جوهرة: واش كنت ناعسة ؟ ناعسة ناعسة ياك ؟ ما وقع واالو ؟ ما مشيناش للكوميسارية ياك ( عينيها باقيين كيبريوا بالدمووع و كتهضر بطريقة كتبين بلي خااايفة بالمعقوول )
ياسيين:( جمع حجبانوا باستغراب و طفى على البوطة و عاد ضار عندها .. قبط فيديها حيت بانتلوا شوية و تسخف و قال باستفسار ) ششش بالشوية عليك ؟ ما واقع والو ! عييت نعيطلك و لا حياة لمن تنادي .. فلخر جيت للدار لقيتك غارقة فنعاسك و قوة الحوايج ضارين بيك .. ما كاين لا كوميسارية لا بنيقة .. الرجووع الله !
جوهرة:( تنفسات براحة و مدات يديها لجهة كرشوا عنقاتوا حاطة راسها على صدروا و ذاتها كترجف ) ما حسيتش براسي تا نعست .. تخلعت بزاااف و الله .. حسيت براسي كنطفى شوية بالشوية بحال الشمعة و أنا حالة عيني كنشووف و ما قادرة ندير والو .. و يا ريت تجي فيا و ما تجي فيك
ياسيين:( زيرها عندوا و باسها فوق راسها ) تهدني ا جوهرة ما كاين والو .. لاش هاذ الخلعة كااملة ؟ ما حدي فالحياة عمري نخلي شي حاجة تلحقك غير رتاحي !
جوهرة:( شافت فيه بامتنان و قالت بحب ) عمرك تفكر شي نهار تفرق عليا .. بخااطرك و لا بلاش .. يديك ما تطلقش من يدي ( زيرات عليه ) بغيت نسمع صوت قلبك تال آخر يووم فحياتي .. و ياا ربي يكون نهاري قبل من نهارك ( طرطقات كتبكي )
ياسيين:( تبسم بحنان ) ياك المسمومة ! باغى تخليني موراك كنتعذب و نتي حااطة رجل على رجل فالجنة مرتااحة
جوهرة:( شافت فيه بعيون دامعة و قالت ) غنمووت بلا بيك يلا وقعاتلك شي حاجة .. عمرني حسيت بشي حد كيفكر ليا كثر من راسوا .. تال ليك ( تنهدات بقلب كيرجف ) اتواعدني اياسيين عمرك تخليني الله يستر عليك .. لا فالدنيا لا فالآخرة .. الله يرحم بيها الواليدين لما سمح فالشيشة و أي حاجة خاايبة كديرها بلا ما تحس .. المهم حنا نديروا لي قدرنا عليه باش نبقاو مجموعين هنا و لهيه عند سيدي ربي
ياسيين:( قاطعها بابتسامة ) أنا أكثر واحد جلاااخة غتلاقايه فحيااتك .. لسسقة ياا الحبييبة و حااجتي ما كنسمحش فيها .. واخا لي كان .. فما بالك نسمح فحور عيني ؟ و النسمة د حياتي لي كتخصني أناا و حتى واحد من غيري ! ( هز حاجبوا بطريقة مثييرة ) نهار سنيتي على داك الورقة حكمتي على راسك بالمؤبد ( هز يديه كيضحك ) بالرب ما نتفارق معاك واخا تشيبيني كااامل قبل وقتي !
جوهرة:( ضحكات و قالت بكل سعاادة ) كنبغييييك و الله تااا كنبغييك و نموووت فيك .. معاااك عرفت معنى لحب د بصح .. كنحمد الله صباح و عشية حيت لاقاني بيك .. و أكيد الطيبون للطيبات
ياسيين:( شاف فيها بنظرة غير مفهوومة فيها مجمووعة من المشااعر و قال ) هي أنا طيب بعدا ؟
جوهرة:( بحب ) أطيب راجل شفتوا فحياتي .. بقلب لحليب .. ديما كتفكر فالناس و تخلي راسك نتا هو لخر تستاهل كل خيير ا حبيبي ( عضاات على فمها )
ياسيين:( ضحك و قال ) يا ودي ما كاين شي قلب صاافي قدك .. زبييدة و خلاص ( حط يديه على جنابها و هي تقفز .. تبسم و قال ) ها لي قلنا كي الزبدة غا كتسيحي اححح عليك و كان ( غمزها ) ما تخلينيش نحبك تا أنا بطريقتي ؟
قرب منها و عينيه على شفايفها لي كانوا حووومر بقوة لي عضات عليهم فحلامتها .. بحال شي أسد كيتربص بفريستوا كان ياسيين متبع شفايفها .. كأنهم فااكهة لذييذة باغي يقطفها .. دوز بابهاموا عليهم و قال 《 الفريز يا خويا 》و بعدها بدا كيقبل فيهم بقبلوا السحرية .. لي رجعات كتهزها لساابع سماا .. كتذووب و تسييح فيديه بدون أذنى مجهوود منوا .. بلعكس رجعات كتبدالوا تا هي بلي تعلمات منوو .. فصل قبلتهم من بعد مدة .. و حط جبهتوا على راسها كيشوف فعينيها مبااشرة
ياسيين: كتسكريني فكل مرة كنذوقك كنتشهاك بالجهههد .. تكوني تحت مني كندير فيك لي بغيت و لحمك كيتزلق بين يدي هههه ( دوز بصبعوا على عنقها تا عوجاتوا و هبطوا للفرقة دصدرها و قرصها بالشوية ) كتجبديني ابنت رحمة .. باغى يسمعوا غوااتك من الدخلة دالرباط ههم ؟
جوهرة:( طلعات الكسوة .. و تزنكات فالبلاصة ) يااسييين
ياسيين: عيووونوا
جوهرة: وا صاافي !
ياسيين:( ضحك و جرها تا خرجوا لسيجور و جلس و جلسها فوق حجروا و قال ) ياسيين طيح كواريه معاك الزين الصافي ( غمزها ) ما تكونيش سااحرة ليا اختي !
جوهرة:( ضحكات ) باش غنسحر لك ؟
ياسيين:(دوز ابهاموا على عينيها و قال ) بعوينات المشة مثلا !
جوهرة: هههههه لا ( كملات و الضحكة غالباها ) بخرتك بزغب بيطاني باش تكون مك حورية طايعاني
بخرتك بصباغة شهر وهيا في ضفار باش تجيني حتى لدار 💅
بخرتك بسوتيمات وتبقى هبيل عليا حتى الممات👙
بخرتك بعوينات ديب تجلس حتا تعيا ومتخلي متجيب
بخرتك ب باخا لي قلتها ليك تقولي واخا
ياسيين:( قهقه فالأعالي بصوت قوي ) هههههههههههههه ( ضرب يد مع يد و عضها فحنكها بالشوية ) لي يجي منك عسل ابنت النااس
بقاو مجمعين مدة قولها و ضحك عليها حتى تفكر و قال
ياسيين: اجي بعدا نتي .. شنو حلمتي ؟ لي دااخلة عليا كتقفقفي بحال يلا قاتلة شي حد !
جوهرة:(بدات تعاود عليه الحلمة من لول ) و هاذشي لي وقع ! قلبي كان غادي يسكت !
ياسيين:( ضحك ) عندك هاذ الحلمة مدعدعة يا بنتي .. من الفوريان نيشان لعندك ! هاذ البوليس بالسلامة غير جايين و مدرمين ! غير أجي و دخل على عباد الله لديورهم و خرجهم ؟ بلا حتى ورقة ؟ جايك بكمارتوا ؟ لا و الزوينة هي فتشنا دارك و لقينا الفلوس ؟ حلف بالله ا خويا .. فين هو الإذن و فينهما الاجراءات و شكوون هذا لي حل ليك لباب اصلا ! و لا ياكما فرعوها تا هي ههههه .. لا و مكملينها بالبنت طلقوها و شدوك نتي ( ضحك تا عيى و قال ) ما داروهاش حتى فالأفلام د المغاربة
جوهرة:( ضحكات و هزات كتافها ) و أنا أش عرفني .. كنت غنموت بالخلعة .. كلشي طاح فووق راسي بحال الردم !
ياسيين:( بجدية ) واخا غير حلمة .. هاذي ديرلك العقل .. هاذ الوقت ماشي دالخير و لي حن يتمحن من اللخر
جوهرة:( تنهدات ) علاه انا باقى نحن .. لا اخوويا أنا بالله و شرع
ياسيين:( ضحك ) و ماشي انا مقاتل معاهم و ضارب بوليسي فالكوميسارية .. يلا مشيتي فليل ابنتي راه غيهبطوك نيشان تبردي العظيمات .. تال الصباح عاد يشوفوك .. و واخا طير ما يدخلوش شي حد عندك .. واخا نكون اخنووش !!
جوهرة: وا حتى نتا .. غير حلمة غنبقاو نفصلوا فيها .. صافي راه خلعتها باقى واحلة ليا!
ياسيين: واا غير لحبس لي بقالنا معاك ما دخلناش عليه ابنت رحمة .. عقبال تدخلينا ليه تا هو هههه
جوهرة: ههههه الله ينجيك
ياسيين: يا ودي يلا غير معاك .. الله يعطينا ميات عاام دالحبس
جوهرة:( مشى عقلها بعييد و بزز شدات الضحكة ) و الله ما كتحشم بالله
ياسيين:( شاف فيها باستغراب و عاد فهم شنو جاها لبالها .. ضحك و قال ) لا احبيبة الطااشروون ما كيطيبش هو لي كيطيب على المهل و يشعل العافية فحبيبوا هههههه بقالي غير هو نقطعوا و نعطيهلك دوزيه بخبيز و شووفي فاش تجيك المعلومة ااش ديري
جوهرة:( ضحكات و خرجاتلوا لسانها ) ما كتجينيش ا خويا .. نتا لي مضروور أما أنا
ياسيين:(قاطعها ) ياكما عندك بارد احبيبة ؟ ( كمل بطنز ) و بسيييف ما تجيكش .. تلقاي الشهدة رجعات معششة بالرتييلة ( ضحك على وجهها لي تزنك )
جوهرة: بزااف عليك
ياسيين:( وقف و رمى يديه لكتافها كيطنز عليها ) ما تخافيش احبيبة الطااشرون غيدير خدمتوا من ديكشي .. غيبقى معاك تا يخرج منك الزيت عنكورية صااافية بحال الحلييب
جوهرة: شنو هاذي عاود
ياسيين: لي غنقطر منك قطييرة قطييرة من موور ما ناكلوا ( شاف فيها و جرها ) على قوول الشاعر .. يلا شبعات الكريشة ( حط يديه على كرشها و حركها بالشووية ) كتقوول للطاشروون نووض كوي الشهدة ههههههههه
جوهرة:( دفعات يديه و هو غيموت بالضحك عليها ) غناكل و ندخل ندوش و ننعس .. ما كاين لا طاشرون لا زيت لا مولاي بي ( قلبات عينيها ) راني كنت باايتة فالكوميسارية خصني نريح عظيماتي زعما هههههه
ياسيين: ياك الحبيبة ؟ عظيماتك راه شبعووا برد خصهم يتكربلوا مزيااان تا تخرج منهم لبروودية و تطلع معاهم السخونية .. أما النعااس ملحووووق و الدووش غتمشيليه منين ديري علاش .. الحبس و الحمام ما كيمشي لهم غير لي دار علاش الحب ( غمزها )
تعشاو فجو ديال الضحك و التقشاب لي توحشاتوا جوهرة .. أخيييرا رجعات علاقتهم كيفما كانت او حسن ..و تهناو شوية من المشاكيل و فعوط كل دقيقة تتنهد ميات مرة .. رجعات كتضحك تا كيتشرك فمها ..
ياسيين:( خشى يديه تحت من الكسوة و طلعهالها بالشوية و هي كتبعدوا ) شنوو لابسة من تحتها هممم
كيهضر و فنفس الوقت خاشي راسوا فعنقها كيدوز شفايفوا السخاان عليه بهدووء و لحيتوا كتشك فيها حتى لحمها كيشوك عليها و تبعد و كيردها بالخااطر كيبوس فيه بلهفة و يجبد فلحيمتوا بين سنانوا .. تا طلع لشحمة وذنيها و جرها بفموا تا قفزات باغى تهرب و هو مثبتها من خصرها و يديه نزلوا لها السليب بسهوولة .. تا حيدوا و هزوا فيديه كيشووف فيه .. غير لمحاتوا بين يديه مركااااات أما هو ضحك و قاال
ياسيين: النااس دالسترينغ يا لالة ( دوز بيديه على عضوها و قرصها بالشوية تا سمع صوت أنينها و عينيها لي خارجين فيه .. ضحك و قال ) تنظن جا الوقت لي نحكك فيه و نذووق لي مسكراااني ( باسها فعنقها )
جوهرة: ياسيين نننن
ياسيين:( ضحك ) عمرك جربتي كوية الكوزينة .. ليووما تجربيها يا بنتي .. غنقليييك بحال كنقليوا اللحم .. غييير بالمههههل .. دابا عااد تاخذي عقووبتك على السكر لي قربتي تركبيه فيا ( همسلها بهدووء و هو كيطلع لكسوة و بالموازات كيدوز صبعوا على لحمها من لتحت للفوق بطريقة كتبوورش ) غنطلع لك السكر تا تشعل لبوولة الحمرة أحمامة قلبي
سكتلها الحس ولات تقول ااش داني و لاش جيت تا حسات بالكسوة وصلات لجهة عنقها .. حنات راسها شوية حتى حيدها لها .. بقات غير بالسوتيام .. قبل ما تهضر كان هزها من حدا الطبلة و داها جلسها فوق البوطاجي .. تا قفزات من بروديتوا و فنفس اللحظة فتحلها الحمالات .. قبطات فصدرها مخبعاه بخجل من نظراتوا و رجليها مزيرة عليهم بالجهد
ياسيين:( قرص فجنبها ) ما حرامش تخلي حبيبك شحفاان
جوهرة:( ببراءة ) ها الما حداك
ياسيين:( ضحك ) لا احبيبي باغي نمص الرماان تا نعصر منو ماه لحلوو ( قرصها فجنبها و هز حاجبوا ) يالاه طلقي يا هاذ البنت
طلقات منوو مزننننكة ما قادراش تشووف فيه كيحشمها بهضرتوا و نظراتوا .. حتى حسات بشحطة فوق فخضها
ياسيين: عنداك تقجييه تا تبوولي علياا ( ضحك و خمجلها وجهها ) هاذ الزمر ما غتولف تا يسكت لمك القلب .. ترخااي ابنتي ترخااي .. باش نفكرك فهضرتك دقبيلة .. ما كتجيكش لي ما تعلم ؟ غير أنا لي ملهوف عليك ياك .. عضها فالفرقة دصدرها بشووووية
جوهرة:( شدات فيه و قالت باغى تسلك الامور ) احححح لا تتجيني
ياسيين:( ضحك ) لكبيرة و لا الصغيرة ( شاف فيها مبتاسم )
خارجة وئام هي و بشرى كيتساراو فلاكوط كيضرب فيهم البرد شوية .. ضااحكين و مقشبين مع بعضياتهم ..
بشرى: وئام سيري شريلنا الصووفة ( غزل البنات ) راها فين كتباع أنا غنتسناك هنا .. صافي ؟
وئام:( شافت فالطبلة بانتلها الدنيا عاامرة عليه ) واخا تسنايني هنا و ما تحركي لحتى بلاصة .. عندااك ا بشرى
بشرى: غير سيري .. واش أنا حمقة ؟ اويلي !
حركات راسها بواخا و كل شوية تدور تشوف فيها حتى وقفات على مول الصوفة كتسنى نوبتها و كتشير لختها تتضحك معاها .. حااضياها بحذر .. مدة و كانت وصلاتها النوبة .. حنات راسها كتهضر معاه .. تا كمل و مدلهم جوج .. هزات راسها لبلاصة بشرى لقات يديها و ريح .. لبنت طاارت ما كيناش .. قلبها بداا يضرب بالجههههد و الخلعة شداتها من صبع رجليها الصغيير .. لا تمشي توقعلها شي حااجة .. طاارت كتقلب بحاال الحمقة فكل بلاصة و توقف الناس كتلهث تسولهم
وئام: واحد البنت صغيرة .. شعرها كحل طوييل و لابسة كسيوة فالحمر .. ما بانتلكش اختي عافاك ؟
-----: لا واالوو
وئام: اااه سمحييلي
نفس الحوار مع كااع النااس لي كتلقاهم قبالتها .. و نفس الجواب .. ما شفناهاش ! الدمووع بغاو ينقزوا من عينيها و وجهها صفاار .. تا قطعات ليااس و جبدات تيليفونها تعيط لباها و هي كترجف عارفة ليلتها ما يطلعش فيها الضوو .. و هي تسمع صووتها كتعيط عليها
بشرى: وئااااام شوووفي شكوون تلاقيت وئاااااام
وئام:( شافت فيها و فكريم لي قابط فيها .. ما حساتش براسها حتى طارت لعندها و جراتها من شعرها لعندها كتغوت ) قتتتتتتلك مااا تحركييييش من بلاصتك الحماااارة .. وااش باااغى تسكتيلي قلبي .. تسيفطيني كووومة ياااك
كريم:( فكلها يديها و بقى مزير على ذراعها باش ما توصلهاش .. شافت فيه و قال بانزعاج ) واش نتي حمقة ضربي بنت صغيرة هاكا ؟ نتي لي منك لفووط مخلية بنت صغييرة و بلا عقل بووحدها
بشرى:( كانت كتبكي غير سمعاتوا و هي تحط يديها على جنبها و قالت ) شكون هاذي لي ما عندهاش العقل ! أنا رااني طخييي انطيليجونت " ذكية بزااف " كاااع لي ميطخيس ديالي كيقولوها
وئام:( قلبات عينيها بملل ) و حتى صديقي تا هو ديما كيقولها لي ( تنهدات و حنات عندها ) ااااخر مرة ديريلي هاذ البلانات اموولات العقل .. شوية كنت غنعيط لبابا .. و راك عارفاه بلا ما نهضر .. و دابا اااخر مرة نخرجك معايا اختي
كريم:( شاف فيها بابتسامة بمعنى ما تزيديش فيه ) ماشي لهاذ الدرجة ..بشرى بعقلها .. انا لي شفتها و عيطت عليها جات عندي .. يالاه سولتها معامن خارجة و جات كتجري عندك .. يعني المشكل كامل مني أنا
وئام:( شافت فيه و تبسمات ) ماشي مشكل ا خويا ..فرصة سعيدة .. سلم على الواليدين و الخوت .. بشرى يالاه نمشيوا .. بحرى نلقاو المركوب
كريم:( هز حاجبوا بضحيكة ) و أنا شكندير هنا لي ما نوصلكمش ..
وئام: لا لا بلاش .. بلا ما نعذبوك و الله
كريم: ما كاين عذاب ا لالة .. ياك غتعرضوا عليا ننعشى ؟ و هذاك هو خلاصي يالاه ( تبسم )
وئام: مرحبا بحال داركم .. لي من جهة ياسيؤن و جوهرة كلهم على الراس و العين
كريم:(ضحك و قال ) الحمد لله دزنا فوجههم .. زيدي اختي نوصلكم راه لوطوا فين مركونة !
ركبوا معاه .. بشرى وااخذة راحتها و كتتعاود معاه .. عكس وئام لي متوثرة و خايفة يشوفهم باه و لا شي واحد و يفهمها غلط .. خاصة المغاربة خصهم غير فاش يهضروا .. وقف قدام دارهم و شاف فيها
كريم: هانتي على سلامتك .. سلمي على الواليدين بزااف
وئام:( بابتسامة) جيتي تال للباب و ما توصلش سلامك بيديك حشومة .. دخل مرحبا بيك عندنا .. غيفرحوا فاش يشوفوك
كريم:( ضحك ) مرة اخرى ان شاء الله .. مشى لوقت دابا .. نجيوا فساعة الخير
وئام: الدار داركم مرحبا فأي وقت .. و شكرا على التوصيلة ... بشرى يالاه قولي بسلامة لعموا
بشرى:( ضحكات و نقزلت باستوا فحنكوا ) كريييموا باي باي
نزلوا بجووج كيخلفوا تا فتحات وئام لباب و طلعوا بحاالهم .. عاد تحرك كريم من تماا
بعد سااعات خرجات جوهرة من الدووش مزنكة و موراها ياسيين ملويين فبينواراتهم .. طاحت هي فوق الناموسية و عينيها كيتشدوا ..
ياسيين: نوضي لبسي عليك بعدا و عاد نعسي
جوهرة:( شافت فيه و عينيها منيمين رجعات شروييطة ) غير خليني هنهنهن سأخبر الله بكل شيئ
ياسيين:( ضحك ) تا هاذيك عباادة ابنتي .. نعسي و كان و نتي شوية غتموتي
كمل لباسوا كيضحك عليها هي لي قطعات البحر و مشااات كتحلم ما هياش فهاذ العالم .. غير لبس عليه مشى للكوزينة لي كانت مقلووبة .. بدا كيجمع فيها .. تا كمل و مشى لجهة البوطاجي كيمسح الما لي نازل من فوقوا فين مقلوبة زلافة ديال لي كلاصون " الثلج " و كيقطر للأرض شوية .. و الجناب ديال الرخامة كلها كريييمة بيضة .. هز واحد الرشاشة تما مليوحة يتأكد واش باقي فيها و لا غير تتلاح .. حركها وضرب منها فصبعوا تا خرجات نفس لكريمة ..
ردها للبلاكار و مص هو داك الكريم كيتبنن فيه .. تا كمل و خرج بحالوا .. شاف الساعة لقى مشى الحال ما بقى واالو للفجر .. مشى شلل فموا .. و دخل لبلاصتوا حدا جوهرة .. نااعسين براااااحة
💫💫 يوم جديد 💫💫
فتحات جوهرة عينيها على صوت تيليفونها كيصوني .. عياات تتقلب و تشد فوذنيها و واالو دارلها الضجييج .. ناضت براسها كيدور عليها .. كتقلب بعينيها عليه ما عرفاتوا حتى فين هو .. يالاه حطات رجليها للأرض تنوض تشوفوا فشمن جهة .. عضات فمها بالجهههد حاسة بالضوو ضربها تحتها .. بزز زادت كتمشى .. تا بانلها محطوط فوق واحد الطبيلة غير هزاتوا و هو يقطع ..
رجعات لبلاصتها مدكدكة حاسة بذاتها كلها واجعاها بحال يلا واكلة ملخة دالعصاا .. تخشات فبلاصتها و دوزات يديها بحنان على شعر ياسيين لي ناازل شوية على عينيه .. و عاد قلبات راسها لتيليفونها حيدات ليه الصوت و شافت شكون كيعيط عليها .. طلعاتلها سمية وئام .. و دخلات عندها للواتس
جوهرة:( تفكرات فاش كتقول لياسيين نجبدلك شي حاجة .. و كيرد بخليني غير أنا لي نجبدولك .. ضحكات بلا حس ) أستغفر الله التوووبة يا رب ( شافت فيه بضحكة هو لي نااعس .. و رجعات جاوبات ختها ) طلقيني خلاص بغيت نرجع ننعس .. ااش بغيتي ؟
وئام: راه ماما لي قاتلي نعيطلك نعلمك هاذ النهار ديالنا .. تجيوا تفطروا معانا و تقيلوا .. و قاتلك راه ضروووري بلا اعتراض
جوهرة: واخا صافي ان شاء الله
وئام:( سيفطات اوديو ) اااه و عندااك ديريلي فيها الضيفة الغرييبة .. أجي بكري عاونيني ( ضربات يديها فالعجينة لي حداها كتسناها و قالت مفقوصة) حاسة براسي رجعت انا هي سنديرلا و رحمة هي مرات با .. اويلي على الحكرة ( تنهدات و قالت بطريقة كضحك ) و تااا فيينك ا رااجلي لحبييب تجي تعتق يلا لقيتي ما يتعتق فأمييرتك
جوهرة:( ضحكات و كتباتلها ) الله يمسخك ابنتي تهلاي
قطعات معاها كتفرنس و رجعات نعسات .. حتى فاقت على صووت الحركة فالبيت .. حلات عينيها بانلها كيلبس فساعتوا و ضارب الحطة هي هاذيك .. تفوهات و تكات على الكادر
جوهرة: فين ماشي ؟
ياسيين:( شاف فيها ) داير مع كريم .. غنمشي نخرج طونوبيل .. يالاه جابوهالي ( شاف فيها بضحيكة ) فرحي غتتهناي مني و تبقالك ديالك بوحدك
ياسيين:( حنا راسوا كيقاد فقاميجتوا و قال ) لا لا لبارح تأكدت ديكشي عندك فطري .. كيمشي فالدم خاص غير لي يدفعك و نتي لي تصوكي المدفع
جوهرة:( تزنكااات .. غرقات فبلاصتها حتى ما بقاتش تبان ) اويييلي ا ياسيين رمضااان
ياسيين: هي يلا نضتي حطيتي راسك للأرض .. فين هي الصلاة الفنة ؟
جوهرة:( عااد فكرها ) وييلي وييلي ويييلي الصلاة
ياسيين:( ضحكاتوا ) تا شبعت زكي عاد نشووفك اربي .. هاذي دياالك
جوهرة: ايوا راه قالك الخدمة على الولاد فضل من الجهااد ( فلتات لها الضحكة ) يااا ربي فاش كنهضروا .. غنووض نصلي و نوجد راسي .. ماما عيطات علينا .. عارضانا عندها هاذ النهار .. كتوصي و تعاود
ياسيين:( حرك راسوا ) سي عيطلي الواليد .. مهم غنمشي نقاد أمور الطونوبيل و ندوز مع كريم لخدمتوا .. نعاونوا شوية و منين نقرب نجي غنعيط لك باش توجدي راسك
جوهرة:( بحب ) واخا الله يسرلك الأمور
ودعها و خرج لقى كريم كيتسناه لتحت .. ركب معاه و مشاو لنفس الأجونس لي خذا منها لوطوا لجوهرة .. كان وصاه على الرونج ليه .. و غير دخلها عيط عليه علموا .. أما جوهرة راه وقفات في ساع نفضات عليها العكز .. و مشات كتجبد فحوايجها كتلبسهم .. و حيدات لبينوار دالحمام لي قنطها .. عاد دخلات توضات و خرجات كتصلي لي عليها من لبارح .. حتى كملات و جلسات كتفرج فالتلفازة .. و بالضبط فصباحيات دوزيم .. و كان الموضوع على النسا بصفة عاامة جايبين طبيبة كتهضر تا جبدوا الهضرة على موانع الحمل
جوهرة: ويلي ويلي نسييييتوا 😱😱
شدات على راسها عارفة يلا قالتها ليه مغيعجبوش الحال .. و لكن شنو دير ؟ هاذشي لي عطى الله حتى هو ما فكرهاش ! يعني الخطأ ماشي غير ديالها ديالهم بجوووج .. بقى دماغها كيدي و يجييب حتى للأخيير و ضحكات ضحكة برييئة و حطات يديها على كريشتها و قالت
جوهرة: زعما نحمل و نولي ماما حتى أناا ( عينيها برقوا من الاحساس لي حسات بيه ) تا ياسيين غيفرح بزاااف .. يمكن ربي بغى يسخرلنا فيهم فهاذ الوقت ( بأمل ) ياا ربي تطعمنا و لهلا تحرمنا و ترزق كل محروومة يا رب
عششات ليها الفكرة فراسها و هزات تيليفونها دخلات للفيس .. لقات وئام مدخلاها لشحاال من جرووب دالبنات .. و مع هي قلييل فين كتحل لفيس راهم بقاو مخلعين تما .. بدا كتقبل لي زانفيط ديالها و كتدخل تضرب دورة و تقرا البوسطات ديال لبنات و الكومونطيرات .. مرة كضحك مرة مخرجة عينيها مصدوومة من كلامهم .. شي حوايج جاوها غراااب و عمرها عرفاتهم ..
خرجات من تما هربانة و دخلات لغوغل كتقرا على الحمل و شحال المدة باش يقدر يبان .. و شنو الاعراض ديالوا .. و هاكا بقات النهار كاامل حاضية غير كرشها و تيليفونها .. حتى صونالها ياسيين .. و ناضت فالبلاصة كطييير لبيتها لبسات و قادات راسها ... تسناتوا غير صونا عليها و نزلات عندوا .. لقاتوا وااقف قدام روونج روفر فالأبيض كتشعل دوبلفي .. ضحكات بفرحة و قربات منوو
جوهرة: ايييي دخل عليك بالصحة و السلامة و قدام الربح
ياسيين: أميين هه طلعي نتحركوا
جات تركب لقدام و سبق فتحلها لوور .. دخلات كتقلب فالكوير بسعاادة .. عجبها لوون المااروا الباارد لي فيه و جاها على الكاانة .. ما انتابهاتش لكريم لي جالس القدام حتى هضر
كريم: مبرووك عليكم عقبال لل Bm هههه
ياسيين:( ضحك و ديمارا ) حلفت ما نعاود ناخذهم .. وا تعجناات بأكسيدون خفيفة اصاحبي .. أما كن طلعت بيها لمرزوكة كن وقفات بيا فنص الصحرا .. أنا و الرملة و الشمش ما كاين لي يعتقك تا بنص كاس دالما
كريم:( ضحك ) ههههههه يالاه تتكربل مع الرملة تحيد البروودة .. ما طلعتيش هاذ العام ؟
ياسيين: لا تزوجت ههههه
كريم:( ضحك بانحراف ) عقبال عندنا .. نتهناو من شي حجامة و من شي دفين ( شاف فجوهرة من المرايا ) عمرك شفتي شي واحد كيمشي يدفن راسوا بيديه ؟ وا هما حنا
ياسيين: كنذوقوا الشونتيوا قبل ما نتهزوا عندوا
كريم: واا شوونتيووا خاايب السااط .. الشمش فووق راسك نيشاان .. بحال يلا محشي فجهنم و بئس المصير .. كنتحاسبوا قبل من وقتنا الشرييف
ياسيين:( شاف فجوهرة لي كضحك و قال ) تال شهر ثلاثة هكاك و نمشيوا انا وياك .. غتعجبك الدنيا بزااف .. علااام ثاااني .. صوبوها مخيرة كااع
كريم: بحال يلا راكي فمسلسل الرساالة اختي تا الجمولة كاينين .. ما ناقص غير أبو الهول
جوهرة: ههههههه
حبس حدا دار جوهرة .. و نزلوا كاملين من بعد ما فتح الكوفر و هزوا ديكشي لي جابوا معاهم .. استقبلوهم بالأحضاان و الكلمة الطيبة .. عاد دخلوا للصالون جالسين مجمووعين و جوهرة معنقها باها كيبوس فراسها
الأب: المرضية ديال باها ( جوهرة تزنكات و هو شاف فياسيين ) راه عندك كنز فالدار ..حاافظ عليه و عرف كي تصونوا !
كريم:( ضرب على ركبة ياسيين و قال ) تا هو الله يعمرها داار و سوء تفاهم كيوقع فأي أسرة .. المهم الشمل يتجمع و يحافضوا على عشهم ( كمل بمزاح ) و حتى هي مزهاارة منين لاقاها ربي بيه
وئام:( دخلات مع هاذ الجملة ضحكات و قالت ) ايوا كل قرد عند موو غزال
ما شافتش فواليديها حيت عارفة غتلقاهم باغيين ياكلوها هه .. قربات عند ياسيين و سلمات عليه و مدات يديها لكريم .. و جلسات قبالتهم .. حتى قال
كريم: دابا ياسيين كاامل قرد !! ( هز حاجبوا بضحيكة ) ما حشمتيش اختي .. شووفي الزين شووفي ! " ضار شاف فيه ياسيين بمعنى من نيتك "
وئام:( ضحكات ) لا اخوويا الراجل ما كيتعابش بزينوا، كيتعاب بحواايج ثانيين
رحمة: اييه الراجل كيتعاب بجيبوا لا غير اما الزين خليه للمراة .. و راجل ختك ما مقصرش معاها و الحمد لله المياه رجعات لمجاريها كيفما كيقولوا .. ما كاين لاش نحكوا على الضبرة تا تسيل بدمها
وئام: لا اختي الراجل ما كيعيبوش غير جيبوا .. راه كلووا عيووب من راسوا لرجليه .. و بسبابوا خرجنا من الجنة .. من نهار نهارنا و الراجل خارج فعودنا و مكفسها علينا ( هزات عينيها فيهم لقات الرجال بثلاثة كيخنزروا فيها و هي تضحك ) العيد لكبير بااقي ما جاا وقتوا باش تعيدوا بياا .. غير كنبسط معاكم المهم عندي ختي ما تجيش شي نهار محطمة و كتبكي بحال لي وقع، هذا هو الربح
كريم:( هز حاجبوا ) شحال فعمرك ا وئام ؟
وئام:( ضحكات ) ياكما باغي تجددلي لاكارط ناسيونال ( شافت فياسيين و قالت ) علم خووك بلي اول درس باش تتاقي شر المراة هو عمرك فحياتك تسولها على عمرها
حرك ياسيين راسوا بلا حولة و قلب وجهوا عند الاب ديالهم كيتبادلوا أطراف الحذيث و جوهرة راه شادة تجمع مع رحمة .. مخليين داك جوج مقابلين بعطيني نعطيك
كريم: معاك بالصح ! شحال فعمرك ؟
وئام:( قلبات عينيها ) تانا معاك بصح ! يلا ما بغيتيش تنتف بحال الفروج من عند شي وحدة قاادة و هازة ما هازة فقلبي .. عمرك تسول على عمر المراة
كريم: و نتي ااش هازة اختي ؟ ( ضحك فاش شافها تزنكات ) اجي حدايا و نتي كتترطاي بحال لفلفلة من لهيه
وئام:( وقفات و جلسات حداه ) اييه ما قلتي عيب .. بعدا حتى يلا طرطقت نطرطق فوجهك ما يلقاو ما يجمعوا فيك
كريم: هههههه بهاذ لاطاي غتشتتيني أنا كاامل ؟ ( طلعها من راسها لرجليها و دار ضحكة استهزاء .. حيث ضعيفة و قصيرة )
وئام:( بلقات فيه عينيها العسليين ، طلعلها الدم ) مالي كي جيتك !؟
كريم:( هز يديه للفوق ) نص بلاصة لسانها طول منها .. الله يحفظ و كان ( سكت شوية و رجع قال و الضحكة غالباه ) كاع القصارات بحالك و لا نتي مااركة بووحدها ههههه
وئام:( جمعات فمها بحال النقطة و قالت ) و نتا كااع الرجال بحالك و لا نتا من جنس الغواال 😐
ناضت من حداه و خرجات من الصالون هي كااع و كتفكر هضرتها و تعيب وجهها
وئام: غوااال !! من نيتي !! و لكن تديرها لجلسة حداه .. قالوها ناس زمان .. ربط حمارك مع الحمير ، يتعلم الشهيق و النهيق و خرجان الطريق ( هاذ الزمرة و الله ما كتحشم ما عرفت شكون جابد الثاني 😂 )
دخلات للكوزينة جالسة فكرسي و هازة تيليفونها كتبقشش فيه .. حتى دخلات رحمة و جوهرة غير شافتها .. طارت عندها قرصاتها ففخضها تا تزنكات و غوتات
جوهرة:( طارت بعداتها عليها و لوخرى تتحك ففخاذها و تتغبن ) صافي ا ماما .. اويلي جايين نشطوا بيناتنا و لا ندابزوا .. هي غير كضحك .. و حتى هما عندهم عااادي بلعكس كيطلقوها كثثثر من راسهم ..
وئام:( شافتها كتتغبن عليها ) قووليها لها قووليها داابا نمشي بحالي و تشتاقولي .. ما كفاهاش مفيقاني مع 8 دالصباح و دايرالي خدمة ديال المخازنية ( زمات فمها ) واخا يكون الادمين دالمغرب لي جاي
جوهرة:( شافت فيها هزات حاجبها ) و مالها ختك ما تستاهلش !!
وئام:( ضحكات و طارت باستها فحنكها بالجهد ) يلا ما تستاهلي نتي شكوون يتستااهل .. حوووبييينوا ديالي نتي
جوهرة: ههههه يخليك ليلي .. كاين فاش نعاونكم ؟
رحمة: واالوو .. غير سيري جلسي حدا راجلك .. أنا و وئام غنحطوا ( شافت فالساعة ) ما بقى والوا للمغرب
وئام: امم غير سيري تا نتي الترااسة كااينة لهلا يحوجكم
جوهرة:( ضحكاتها ) ههههه فوقاش غتتبدلي نتي ما عرفت ! غير خليني ا ماما راه دارنا هاذي تا هي .. عادي .. الله يسمحلي منكم عذبتكم معايا
رحمة: الله يرضي عليك الحبيبة .. النهار لكبيير هو لي نشووفك فيه مرتاحة فحياتك و وليداتك ضايرين بياا
تحط الفطوور و تجمعوا عليه بلي قسم الله .. ما كاين غير قولها و ضحك عليها خصوصا مع ياسيين و كريم .. حتى كملوا و قالت رحمة
----: وئام بنتي نوضي جيبيلهم الطاس يغسلوا
ياسيين:( شاف فيها و قال ) وااايلي الحاجة هي حنا ضياف ؟ هانا غنتقلق منك .. هاذي بحال دارنا ما كاين لاش .. جوهرة نوضي معايا وريني فين الدوش
وقفوا و مشاو بجووج حتى رجعوا و ناضت وئام مع كريم توريه حتى هو .. وصلاتوا حدا باب الحمام و دخلات مدات ليه الفوطة و قالت بابتسامة
وئام: قبيلة غير كنت كنضحك معاك ما ديرهاش مني قلة الصواب
كريم:( ضحك ) القطعة صعييبة .. هانية ! صافية لبن !
وسعات ليه طريق و خرجات من تما .. رجعات للصالون لقات كلشي تجمع و حاطين بريق دالقهوة حداهم و كل واحد فين كيهضر .. جلسات وئام حدا جوهرة و نغزاتها .. هاذ الأخيرة لي ضحكات و ناصت جلسات حدا راجلها و هضرات بينها و بينوا
جوهرة: ياسيين شي ناس طالبين ضيف الله عندك .. تقبل علينا و لا تردنا
ياسيين:( ضحك و رد ) ضيف الله مكيتردش الزين .. بقات فشمن ضيف فالضياف ( غمزها )
جوهرة:( ضربات جبهتها و فوهات فمها ) لا لا ماشي ديكشي لي فهمتي اويلي هههه دابا وئام عارفها كانت كتقرا دابا كملات من السونطر و جلسات من السطاج لي كانت دايرة و ( بتوتر ) أنا قلت زعما واش تخدمها عندك
ياسيين:( شاف فختها بهدووء و قال ) شنو كنتي متبعة فقرايتك ؟
وئام: ايكونومي .. باقي كنفكر نرجع نكمل مور ليستيا ندير ليصونص بروفيسيونال .. مي قلت نخدم و نشوف سوق الشغل كيفما كنقولوا كي داير و ناخذ خبرة كثر و عاد نرجع نكمل قرايتي
ياسيين:( حرك راسوا بالايجاب و رمى كاوكاو ففموا كياكل و يفكر فلخر قال ) هنا فالرباط ما عندي باش نعاونك .. خدمتي ما تصلاحش ليك .. و ديجا عندي كونطابل .. و لكن يلا بغيتي فمراكش البوسط ديالك موجود
رحمة:( تدخلات ) مراكش كااع !! لا لا بناتي ما يخويوش دار باهم .. حتى يتزوجوا .. ها هي جالسة كتقلب حتى تلقى لي يوالمنا كاملين
ياسيين: عندك الصح هاذ الوقت صعييبة .. و لكن فزماننا .. البنت رجعات بحالها بحال الراجل .. خصها تا هي تتعلم تعتامد على راسها و هاكا ما غتبقاش ديما فينما توحل تجي عندكم .. غتعرف راسها ما عندها حل من غير توقف بقوة و تواجه .. و مرة على مرة غتعلم من اغلاطها و حتى شخصيتها غتقوى ( شاف فيها و هز حاجبوا ) قوة الشخصية ماشي طول لسان .. كاين فرق كبييير بيناتهم .. عرفي تفرقي ! يلا بغيتوا تمشي لمراكش .. غتجلس عندي فلوطيل .. يعني ما غتخسر حتى ريال لا فماكلة لا فمباثة .. الخدمة و النعاس فنفس البلاصة و كاين لي يرد ليها البال
الأب: عندك الصح .. و لكن بناتي ما نقدرش نفرط فيهم كن غير كانت مدينة قريبة .. راها بعيييدة بزاااف .. غيبقى عقلي معاها و ما غنتهنا لا انا لا هي
ياسيين:( تبسم و شاف فوئام و قال ) سعداااتك بواليديك و الله كاين لي ما لقاش لي يحن عليه قد هاكا ( دار إشارة بصبعوا بمعنى شوية )
جوهرة:( عينيها تغرغروا بالدمووع عرفاتوا كيهضر على راسوا .. بقى فيها و مدات يديه زيرات على ذراعوا و قالت بهمس ) حتى نتا غتكون أب راااائع و متفهم بزاااف أنا متأكدة
ياسيين:( ضربها بجوج صباع لحنكها ) هاذ الهبيلة هاذي خصها غير علاياش تبكي ! ( بصوت مسموع ) غنكون متفهم ااه و لكن ولادي غير يوصلوا ل 18 لعام و يشدوا لباك ديالهم .. غنهز يدي عليهم .. يخدموا على راسهم باش يصرفوا و يقدوا بمسؤووليتهم كاااملة ..
جوهرة:( بلقات عينيها فيه ) كتهضر من نيتك !!
ياسيين:( ضحك ) و الله تا من نيتي .. و دابا تشووفي .. خصوصا يلا كانوا درااري .. باغيين نطلعهم رجاال و لا ولد ماما غطيني
كريم: ههههه ديما كيقولها ( ضرب على ركبتوا و قال ) دابا نشوفوا فاش ديرهم واش كبدتك تخليك و لا لا .. واخا عارفك كتفكر بعقلك ماشي قلبك
كريم: اييه مرحبا يلا غتخدمي من نيتك و تجتاهدي ما عندي حتى مشكل تنعطيك العنوان و مور العيد دوزي عندي
الأب: و فاش خدام اولدي ؟
كريم: حر ديال راسي .. كنشري تجزئات و كنبني فيهم .. فيلات ديوور عمارات .. و من بعد كيجي وقت لبيع .. و غير نكملهم كناخذ تجزئة جديدة و هي غاادية .. كل مرة فمدينة .. و دابا راه خداميين فبوزنيقة ( شاف فوئام ) لكن مكاتب البيع فالخرجة دالرباط .. يعني ما عندك مناش تخافي و دايرين للناس لي خدامين معايا طرونسبور .. غيجيبك و يرجعك تال قدام داركم .. غير تكوني معقولة و باغى تخدمي .. هذا لي كيهمني أنا
الاب: تباارك الله
وئام:( بسعاادة ) شكراا بزاااف اخويا و الله .. كون اكيد خدمتي غتعجبك .. تانا باغى ناخذ خبرة ماشي نتفلى
كريم: إذن متفاهمين ( جبد كارط فيزيط ديالوا و مدها لها ) العيد بقاتلوا 3 أيام ياك ا ياسيين ؟ ( حرك لاخور راسوا بااه ) منين يفووت عيطي عليا .. نديك لتما تشوفي الخدمة كي دايرة و نتافقوا على الأساسيات
وئام:( خذاتها كتشووف فيها و قالت ) تماام .. لهلا يخطيك ا خويا
دااز الوقت و هما مجمعين من موضووع لموضوع .. مرة بجدية مرة بالضحك و الهبال .. ناضت رحمة و غمزات جوهرة بلا حس باش تتبعها .. هاذ الأخيرة لي شافت فياسيين لي مجلس بشرى فوق رجليه و كيهضر معاها و هي كتعاود و تهضر بطرييقة تبغي تاكليها من قوة الكياتة .. خاصة يالاه فايقة من نعاس حنيكاتها حوومر و عينيها مجبديين ..
خلاتهم و لحقات على رحمة لبيتها و سدات عليهم .. لقاتها جالسة و مشات حداها
جوهرة: وي ا ماما ؟
رحمة:( تنهدات و شداتلها فيديها ) عاارفة لخطأ كاامل مني أناا .. أناا لي ما نبهتكش من أول زواجك و ما هضرتش معاك .. و حتى دابا باقي الحال عليا ننصحك و نفقهك شوية
جوهرة:( تنهدات ) و الله ا ماما حتى ياسيين طبخلي راسي بالهضرة دارلي محاضرة من ديكشي الرفيع .. صافي فهمت خطئي و تعلمت من كاع لي وقع
رحمة: اووك منين هضر معاك ما كاين لاش نعاودوا نفس السينتة من جديد .. غير هو لي نوصيك عليه .. نتي خبز ربي فطبقوا و لكن راجلك مطور و حافض سواريه .. قبل ما ديري حتى تصرف خوذي رأيوا و خليه هو يقولك كيفاش تتعاملي و تهضري .. ماشي غير مع مو و خواتاتوا نوو حتى فالحياة الاجتماعية بصفة عامة .. و حتى فقرايتك من بعد ( بسعادة ) ياك قلتيلي غترجعي تكمليها ؟
جوهرة: ااه غنرجع غير كنتسنى يفتحوا التسجال و نتقيد .. و كوني هانية ا ماما من هنا للفوق هاذشي لي غيكون
رحمة:( عوجات راسها فيها و حطات يديها على حنكها ) ايوا هاذ الراجل ما مخلي ما داير معاك و نتي ااش كديري ؟
جوهرة: ما فهمتش !
رحمة: الله يا ودي عارفاك ما فهمتيش .. عجينة يدي ! ( تزنكات ) ما جاتش نهضر معاك فهاذشي و لايني عارفة يلا ما فيقتك عمرك ديري الطايلة .. شوفي ابنتي ما يغركش الحب و الحالة لي داير راجلك عليه .. كلهم كتهمهم غير رجلهم الثالثة و يلا ما لقاش لي كيعجبوا كيقلب فجهة ثانية .. يعني ما فيها باس ضحيكة من هنا كليمة من هنا .. تدليع و اهتمام و اغراء( غمزاتها ) و راقصني ياا جدع
رحمة:( ميقات فيها ) تي شمن كووني هاانية ! جلسي للأرض يلا عندك علاش ( نحنحات و تقادات فبلاصتها و قالت ) شوفي ابنتي عاارفة هاذ الهضرة معطلة و لكن المهم فينما جا الخير ينفع ! راك عارفة عاائلتنا كي داايرة .. يعني رااجلك لي غينفعك .. أنا نهزك بسناني يلا كان هاذ السيد خايب ما يسواش و لكن هو باغيك و شاريك غاالي .. يعني نتي ابسط حاجة تحافضي على زواجك .. هاذشي ما كيعنيش ما غيبقاوش المشاكب عندكم .. لا ضرووري منهم و هما ملح العلاقة و كيزيدوا يقربوا بين القلوب
جوهرة:( هزات راسها بالموافقة ) و لكن بعد المرات تصرفاتي كيجيوا بعفوية و كيخلقولي مشكل كبيير من بعد و ما كنعرف ما ندير و كيفاش نحل الموضوع بلا ما يكبر
رحمة:( شدات فيديها و طبطبات عليها ) حييت قلبك زويين فالوقت لي ماشي كاع الناس راهم بحالك .. كاين لي كيبغيك و كاين لي ما حاملكش غير هكاك و كيحفر لك و كااين لي ما عندوش معاك و عاطيك التيساع ما يقربلك ما تقربيلوا .. كيفما صباعنا بخمسة واحد ما كيشبه الثاني نفس الحاجة الناس .. ماشي كلشي خايب و ماشي كلشي زويين .. ما كنقولكش رجعي خبيثة .. لا ! فرق بين تكوني نية و كلشي يضحك عليك و بين أنك تكوني طيبة !
جوهرة: و شنو الفرق ؟
رحمة: نية كلشي كيبغي يتسغلوا و يديرها بيه و غير تعطي بالظهر يديروك علكة فضروسهم و ما يخليوا فيك غير لي نساو .. و حتى يلا ما هضروش غيقشبوا بيك و يديروك ضحكة ليهم .. أما تكوني طيبة فراه هي تتصرفي بأصلك و فنفس الوقت تفكري بعقلك .. هاذ الحاجة مسلكاني غنديرها ..ما مسلكانيش غنعطيها التيقار و نبعد راسي و نعتاذر بكل أدب .. يجبدني شي واحد ما غنسكتش و نبكي لا ! غنعطيه خو جوابوا بطريقة لبقة و بزاااف لدرجة غيشووف راسوا تاافه فووق القيااس قدااامك .. فلول ما غتعرفيش تجاوبي عليها قتلك أي حاجة وقعات معاك استاشري مع ياسيين و هو غينفعك و أجي عندي حتى انا نعاونك
جوهرة: واخا اماما مفهوم
رحمة: و الأهم عائلتوا عليك بالاحترام التاام ليهم .. و تيقيني ما كاينش شي واحد غيعرف ينصحك كيفاش تتصرفي معاهم قدوا .. خصوصا من بعد المشاكل لي وقعوا .. دونك سمعي ليه و مع المدة غتلاحظي الفرق
جوهرة: و ديكشي لي غندير .. نتي عارفاني من لولي محتارماهم كااملين و حاسباهم بحال عاائلتي و ربي لي عاالم .. غير ديك النهار ما فهمتش شنو وقعلي .. يمكن من كثرة الضغط و بصح الطريقة لي مسيرة بيها حياتي غااالطة و ما كاين لاش نجمع فقلبي حتى نطرطق .. و هاذشي لي وقع راه دارلي الراس و غنحااول ما نعاودش نطيح فنفس الأخطاء
رحمة: مزيااان و دابا نرجعوا لموضوعنا .. عارفاك حشووومية و ما تقدريش ديري شحال من حاجة .. و لكن طلقي راسك معاه .. راه راجلك و حلاالك و كيفما عندوا حقوا عليك حتى نتي عندك حقك من جهتوا .. عمرك تقمعي راسك على شي حاجة باغاها غير حيت حشمانة .. تصرفي عااادي .. و ماشي داائما المبادرة تجي منو هو .. مرة مرة تجي منك نتي .. تحسسيه كيفما هو باغيك حتى نتي باغياه .. ديما الضحيكة فوجهك و الهضرة تكون موزونة و عارفة شنو كتقولي .. ماشي تجي تصلحيها تعوريها
جوهرة:( تزنكات و هي كتسمعلها )
رحمة: باقية فأول زواجك ما تطيحيش فالملل .. عيشوا حياتكم بجووج .. و كااينة ألف طرييقة و طريقة ترضيوا راسكم ( تزنكات ) و ما غنقولش شنو غاذي ديري بالحرف خدمي عقلك نتي شوية و دخلي لتيليفون و قلبي غتلقاي النصاائح بالأشكال و الألواان ( ضحكات و حركات صدرها قالت ) و أهم حااجة رقصني يا جدع هههههههه
جوهرة: اوييلي 😐
رحمة: ما تعرفي تحني ما تعرفب تدني ما تعرفي تشطحي لاش مزوجة ابنتي لاش ههههه
جوهرة:( خرجاتلها لسانها كضحك حشمانة ) باش يعلمني راااجلي
رحمة:( ضحكات ) واا قوولي لرااااجلك يدخلك للاصال ديري الرقص الشرقي تعلمي ليه و منين دوزي للتطبيقي أجي شكريني و قولي لالة رحمة قالت
ناضت كضحك مخلياها موراها مززززنكة حتى بدات تضحك و ضرب يد مع يد .. لكن فنفس الوقت عششاتلها الفكرة فراسها و قالت تجرب فاش يخرج رمضان تدخل تقلب و تتعلم ااش خاسرة هي كااع ؟
ناضت من بعد ما عيطولها على العشى .. غير كملوا و تدواعوا معاهم و خرجوا مجموعين دوزوا كريم هو لول و عاد كملوا طريقهم فجو هاادئ لي كسراتوا بقولها
جوهرة: ياسيين لبارح نسيييت ما شربت البيلول .. تال قبيلة عاد تفكرت
ياسيين:( شاف فيها و ركز مع طريق ) كنظن كاينة فالدار ديال ربعة و عشرين ساعة .. شربيها فاش ندخلوا
جوهرة: ما نظنش تنفعني .. حيت داز الوقت و بزااف كاع .. المهم ندخل و نشربها ( سكتات شوية و قالت ) واخا بصراحة انا باغى لولاد و ما كرهتش نحمل ليوم قبل من غذا ! ( سكتات بلهفة كتسنى جوابوا )
ياسيين: تانا ما كرهتش شي فرقة د الكرة من عندك يوليوا تا يوليوا يزاحموني فيك .. و لكن باقي خصني ندوز و نشوف الطبيب شنو يقول
جوهرة: و لكن نتا ما عندكش شي خطورة بزااف .. و من زمان ما درتي للتحاليل .. كنظن فهاذ الوقت كاامل من زواجنا لدابا مع الدوا ما غيبقى عندك والو .. * بحماس * خصك تمشي تدوز عافاك
ياسيين : ان شاء الله يدوز لعيد و نطلعوا لمراكش و نشوفوا ساعتها
دخل الطونوبيل للكاراج نيشان و طلعوا بجووج مشابكين يديهم .. يالاه فتح ياسيين باب العمارة و تسمع صووت أنثوي موراهم .. ضاروا بجووج دقة وحدة .. و بانتلهم حنان قبالتهم مبااشرة .. هز ياسيين حاجبوا كيشوف فيه بحدة .. أما جوهرة فراه طلعات معاها الحراارة .. زيرات على يد ياسيين بلا ما تحس .. أكثر و أكثر .. كأنها كتقوولها هذا لي قبالتك ديااالي أناا و ما من حق حتى وااحد فهاذ الكرة الأرضية يقاسمني فيه !
حنان:( بأسى ) عارفة قطعت معاكم لوراق بجووج .. و لكن بغيت نهضر معاكم ضرووري و مأكد
ياسيين:( نحنح و رد ببرود ) ما كاين فاش نهضروا .. لي عندنا قلناه داك النهار .. سيري ا حنان من هنا بلا صداع
حنان: غير سمعوني و غنمشي من لفطور و أنا هنا كنتسناكم و بزز لقيت لعنوان .. ما نستاهلش خمسة دقائق من وقتكم ؟
يالاه جا يرفض و يطلعوا بحالهم .. ضغطات جوهرة بخفة على يديه و جاوبات
جوهرة: نعام ؟ قولي لي عندك ؟ و آخر مرة توصليني أنا و راجلي ! و إلا تصرفنا غيكون غيير !
حنان:( تنهدات ) عارفة راسي خربتها معاك و درت تصرفات مبرهشة و غير مسؤولة فحقك و فحق ياسيين .. جيت نعتاذر منكم و منك نتي بالخصووص .. أنا ماشي بديك النظرة لي خذيتيها عليا .. جيتوني فوقت كنت مدمرة و باغى غير ننسى ..و درت أي حاجة باش نتجاوز مرحلة خايبة فحياتي .. بلا ما نفكر فالعواقب .. واخا ما كنتش عارفة قصتكم .. المهم سمحيلي بزااف اجوهرة .. تانا دقت من طعم لفراق و من وحدة تجي تشاركك فشي حاجة كتعتابريها ديالك و تدمرلك حياتك كااملة .. و ما نبغي حتى وحدة تذووق من داك الكاس ( باعتراف ) غرني زينوا و فلوسوا و فاش سمعت هضرة ديال ختوا تفتحوا عيني كثر .. و قلت هاذي هي الفرصة ..ما فكرتش بعقلي و تهورث .. دابا أنا غنخوي المغرب لي ما عطاني واالو و غنمشي لأوروبا نجربي حضي .. ثاني عيد عندي الطيارة ما بغيتش نمشي و نخلي ناس مورايا حاقدين عليا .. سمحولي !
جوهرة:( تنهدات و قالت بصرامة ) شكون فينا لي ما كيعجبهاش الزين ؟ اي وحدة كتزين و تبغي تبين راسها فأحسن حلة و كتتمنى حتى راجلها يكون زوين .. و كيما هو يتبهج بشوفتها حتى هي نفس الحاجة .. و شكون فينا لي ما كتحلمش بدار و طونوبيل و عيشة فالقصوور .. و لكن لمششكل هو تحاولي تخربي داار باش نتي تحققي هاذشي ..تدمريني انا باش تجي نتي ! شكون نتي فملك الله باش تحكمي على زواجي بلي فاشل و تبداي تخططي تهدميه .. على أساس دايرة فينا خير كبييير !! ( ضحكات باستهزاء ) ما عرفتش علامن كضحكي عليا و لا على راسك و لا عليه هو لي كلامك غيدخل ليه من وذن و يخرج من الثانية ( بغيرة ) حيت ما شايفكش و فعينيه غير بلارتوا لا غير لي هي أناا .. شفتي فرضا كااع كنا ما كنتحاملوش و واصلين للطلاق ما تقربيش منوا .. نهار يعطيني براتي و كل واحد يمشي فجيه لك كل الحق .. لكن ما دام سميتي باقى مرتابطة مع ديالوا .. لا شرعا و لا قانونا كيحق لك .. و أنا مراة و نتي مراة و عارفين حتى وحدة فهاذ العالم ما كتبغي تهدم دارها بيديها .. و حيت حنا صبارات و كنخدموا قلبنا بزاااف .. كنجربوا جميييع الحلول .. عاد كنجمعوا يدينا موراها .. إذن اختي ما تبينيش راسك برييئة و مضحوك عليك حيت بينك و بين البراءة غير الخير و الاحسان و غير كلامك فالجنازة يعطيك الخبار
حنان: من حقك .. ما نلومكش من حقك تقولي هاذشي و كثر كاع .. حيت أنا لو بلاصتك ما غنسكتش على حقي و نقدر ندير شرع يدي كااع
جوهرة: و هذا الفرق بيني و بينك أنا معززة راسي و عاطياها قيمة .. محتارمة كيااني كأنثى و عارفة كيفاش نصون راسي و شرفي .. و الشرف لي كنهضر عليه هو شرف الروح ماشي الجسد .. ما تمشيش غالطة ( ببرود ) عمري نكون بلاصتك و عمرك تكوني بلاصتي ا حنان .. حيت فرق كبييير و كبييير بزااااف بيناتنا ( عينيها تغرغروا بالدموع و رفعاتهم للفوق و كملات كلامها بقوة ) ما غنسمحش لك و كيفما قهرتيني و دخلتي بحال السووسة بيناتنا غيجيبلك ربي لي يقهرك كثر و كثر .. كل دمعة نزلات من عيني غادي تدور الدنيا و نشوفك كتتحرقي بيها ( ضحكات بألم ) أنا ماشي ملاااك باش تجي عندي و نستقبلك بالأحضان و نقولك ماشي مشكل احبيبة .. كن غير زدتيني نستاهل .. و ياا ريت لو كان عندك أعذار لي يتقبلهم الواحد و مووحال تكوني جربتي الحرقة لي تحرقت بيها حيت عمرك فحياتك تفكري تكوني سباب شي حد فنفس الحرقة .. كن بصح تضربتي بنفس السلاح .. واخا يكون الانسان اي قبالتك ما بسوى ما يصلاح .. و لكن السمطة كدور لبارح عليا و غذا عليك و غتذوقيها طال الزمان و لا قصار ( شافت فياسيين لي سااكت ) مشينا ( قلبات وجهها ماشية و رجعات شافت فيها ) كنتمنى تكون هاذي آخر مرة نشووفك فيها كتطووفي بشي واحد من عائلتي
دخلوا و زدحات جوهرة لباب فوجهها بقوة كلها كتنهج و الحراارة طالعة معاها ..
دخلوا للدار و ياسيين ساااكت ما قال حتى تعليق مخليها على خااطرها حتى تبرد و تهضر هي .. هاذ الأخيرة لي لاحت شالها مخنووقة و وجهها مزنك .. شافت فيه و نزلات شنافتها و الدموع تغرغروا فعينيها .. فتحلها يدوا و مشات عندوا بالزربة حتى عنقاتوا كتبكي .. حاسة براسها كترعد و دارت شي حااجة احتاجت طااقتها كااملة لأنوا جوهرة دزماان كانت غتقولها ماشي مشكل .. لكن من بعد كااع هاذشي لي وقع .. مستحيل ترجع بخطوة للور بلعكس كتحاول بكل طاقتها ما تعاودش أخطائها و تتعلم منهم و تقوي راسها بزز و لا بالخااطر .. لكن كيبقى الموضوع عندوا تأثير كبييير عليها و باش تهضر بديك القوة كااملة احتاجت طاقتها كااملة و حاليا محتاجة شوية دالحنان و الدعم من عند حبيب الرووح و القلب .. لي أكييد ما غيبخلش عليها فأنوا يوقف معاها فكل مرة طاحت فيها و هي كتحاول حتى تنجح و تولي قااادرة برااسها باختصار تكون لبؤة !
💫💫 حنان 💫💫
راكبة مع ختها كتبكي و أسماء كتهضر بعصبية بااين طالع لها الدم حتى هي
اسماء: نتي لي درتيها لرااسك .. ما تجيش دابا تبكي عليا الله يرحم بيها الوالدين .. حفيييت دمااغي معااك ما مرة ما جووج و كنقوولك عطي لداك السيد التيقار رااه ماشي من سهمك .. ما تعمريش الفراغ بيه .. ما تنسيش واحد بواحد .. و نتي داايرة لي فراسك و من فووق هاذشي كاامل السيد يصدق مزوج و نتي جاالسة بحال الشيطان باغى تخربيليه داروا .. غير حيت جاك على الكانة و باغى تندميه ( ضربات فالفولا ) التبرهيش د واالوو .. تصوري كن دارتهالي شي وحدة مع أنس ! ناكلها بسناااني و ما نبردش، الزوااج هذا ماشي التصااحيب ( تنهدات ) شنو ضمنلك بلي لي هذاك لي بزينوا و بمالو ماغايخونكش وغادي يصونك ويحتارمك ويقدرك ويبغيك ويودك ويخليك بلارة فدارك ويهز بيك قدام الناس ويوفر ليك حاجياتك ويبحث على راحتك ؟ شنو ضمنلك انه ماغايمنعكش من والديك ويديرلك الحصار شنو ضمنلك ان ديك الفلوس ماشي من الحرام وغادية في الحرام ؟ و لنفرض انه في ليلة وضحاها مابقاش عندو الريال غاتخلاي عليه ؟ او لنفرض تحرق ولا تشوه ماغاتبقايش باغاه ؟ مشى الزين ؟ كاين ما أهم من الزين والمال بكثير .. كاين الدين يكون عارف بينو وبين لي خلقو هكذا غايصونك ويحتارمك .. يكون مرضي الوالدين هاكذا ماغايطاولش عليك ويكون مايظلمش وهاكا ماغايظلمكش معاه ويكون مايزنيش ومايشوفش في البنت بشوفة شهوة هاكا ماغايخونكش ثانيا الأخلاق باش يحتارمك ومايذلكش شنو الهدف من انه زوين ويذلك وماعاطيكش قيمة صدقيني لاشيء ثالثا العقلية تكون نقية وواعي ومثقف يعرف يدي ويجيب معاك في الحديث ماشي عقلو خاوي يعرف يتناقش بالعقل ماشي يضرب ويتعصب يعطيك حقك في الحوار ماشي قلت كلامي وحبس رابعا ترتاحي ليه وهو كذلك هكذا اتكونو متفاهمين
حنان:( بأسى ) هاذشي كاامل عندك فيه الصح انا لي عيني تغمضوا فووق القياس
اسماء: راه باينة تغمضوا لك العينين غير من اسماعيل ما بغيتيش تدخلي بينوا و بين صاحبتوا و هاذي باغى تهدميلها زواجها ! ( تنهدات بضيق ) عارفاك ماشي هاكا و هاذي هي لي غادي تفيقك .. الفلوس و المستقبل قاادرة ديريه بيديك و ما تحتاجي لحتى مخلووق فهاذ الدنيا .. نتي إنسانة قوية و قادرة تخلقي التغيير فحياتك بلا ما تضري حتى حد معاك .. دابا صفحتهم طويها و نسايها لكن خليها نقطة تحول فحياتك .. و حتى يلا جاك نصيبك من بعد عقلي على هضرتي مزياان و هضرة مراتوا مزياان .. عمرك تفكري فالواحد بسطحية شوفي داخلوا واش صافي بعدا عاد ندوزوا لحاجات ثانيين .. انا كنت باغاك لاسماعيل ماشي غير حيت لاباس عليه لا حيت شخصيتوا زوينة و كيقدر المرأة بواحد الطريقة عمري شفتها فحياتي .. يعني قلبا و قالبا
حنان:( مسحات دموعها ) دابا ما بقى كيهمني لا هو لا غيروا .. غنخدم على راسي حتى نوصل لديكشي لي بغيت و غنعيش راسي براسي بلا ما نحتاج لحتى واحد .. الدنيا ما كتوقفش على راجل .. و نهار ربي يكتب عليا شي حاجة غيكتبها .. المهم عندي دابا بابا يسمحلي و نمشي معاك و قلبي مرتاح باش نبدا صفحة جديدة بعيدة على الماضي الكحل ديالي و كنتمنى من قلبي جوهرة تسمحلي و ذنوبها ما يزيدوش يخرجوا فيا .. مكفففسة عليا ما ناقصاش مصائب جديدة .. الله يسمحلي منها و صافي
أسماء: الله غفور رحيم ما تهزي هم .. كل حاجة غتصلح و ترجع لبلاصتها الصحيحة و ما دام حنا فالدنيا إلا و ما خرجناش من العيب .. و كل مرة عندنا اختبار جديد و بيه كيشوفنا الله واش نجحنا فالامتحان و فهمنا الحكمة ديالوا و لا والو .. و نتي دابا خصكي تنجحي فالامتحان و تقلبي الصفحة نهاائيا .. لباب لي جاك منوا الريح سدي باباه و تهناي
* حنان *
الشخصية لي خلقات الجدل من اول ظهور ليها .. واش هي النقرة الصافية ؟ لكن افعالها ماشي ديال وحدة صاافية أبدا !! واش غتكون زوجة ثاانية يتزوجها ياسيين و يندم من بعد على جوهرة ؟ واش غتكون من نصيب كريم و القدر غيلاقيهم و يكون حب كبييير بيناتهم ؟
و فالواقع ما كانت لا هاذي لا هاذي لا هاذي .. هي شخصية موجوودة بزاااف فالمجتمع ديالنا .. حاولت نقربكم لصورتها و تشوفوا الفرق بين البنت لي كتصوون راسها و تعززها و بين لبنت لي كتكون بحال السلعة .. معرووضة لهذا و هذا .. أقصى طموحاتها تجيب رااجل !!
كنظن تعلمتوا منها درووس كثيرة و حتى وحدة ما تبغي تحط فبلاصتها .. وتسمع هضرة كي سم على شرفها من الانسان لي كانت معتابراه حياتها .. و حتى وحدة ما تبغي ضيع نفسها و مستقبلها بالقتل و لا تدخل بين جوج مزوجين .. كاين بزااف دالبنات كيقولك الشرع عطى ربعة و ما عندهم أدنى اشكال فأنهم يخربوا بيت مجمووع باش يكونوا بيتهم هما .. و لو كانت غير وحدة كتقرا قصتي بهاذ الأفكار كنتمنى نكون وصلت لها لفكرة و تدير جلسة مع عقلها و تبدل راسها للأحسن ..
أما بالنسبة لدور حنان فالقصة فغنقولكم بكل بسااطة من نهار كتبها حاطاها هي نقطة التحول فحياة جوهرة .. هي لي غادي توكضها و غتكون الدقة لي ما غتهز منها الراس حتى تتعلم و تحفظ الدرس مزياااان .. و فنفس الوقت جوهرة و ياسيين غيكون نقطة التحول فحياة حنان و غيخليوها تفييق على راسها و تعرف بلي الطريق لي غاذية فيه ما مسلكش و بلي الدنيا ما كتوقفش على رااجل .. و خصوصا فزماننا ديال دابا .. عمرك تعولي على شي مخلووق كووني رااجل فالوقت لي خصك توقفي على الصح حيت ما غتلقاي حد و كوني أنثى رقييقة فالاوقات الثاانية
دابا عرفتوا دورها و عليه هذا غيكوون آااخر ظهوور ليها فالقصة و وقتها سالا باش ندوزوا لحوايج ااخرين أهم بكثيييير
***
💫💫 ليلة العيد 💫💫
من بعد ما علنوا على العيد فالتلفازة و من بعد المباركات و التهاني بيناتهم .. كل واحد شد جهة .. ياسيين هاز لبيسي خدام فيه .. و جوهرة راه فبيتها دايرة يوتيب و كتفرج فشي فيديوهات و كتحاول تقلدهم و ضحك على راسها .. و حاالفة حتى تعلم و ربي كبيير ..مشات لجهة الماريوا كتقلب على شنو تلبس للغذ ليه فليل ..ما لقات حتى حاجة مناسبة لديكشي لي باغى تدير .. تنهدات بخيبة أمل و ناضت خرجات عند ياسيين .. جلسات حداه كتسناه يشوف فيها و واالو مركز فديكشي لي بين يديه
جوهرة:( ساطت و نغزاتوا فكتافوا ) ياسيين حط ديكشي و دور عندي نقولك واحد الحاجة
ياسيين:( بلا ما يشوف فيها ) امم
جوهرة: وااا ياسييين
ياسيين:( حيد النظاظر و شاف فيها ) هاني شنو ؟
جوهرة: احم دابا كيف شتي غذا العيد ياك و بغيت نخرج شوية نشري شي حوايج ناقصيني .. ما نتعطلش غير شي ساعة هكاك .. صافي ؟
ياسيين:( رد نظاظروا و رجع مركز مع البيسي و قال ببرووود ) لا
جوهرة:( صدمها ) علاش لا ؟ كيفاش لا ! هاااء ! عاافاك المييمة
ياسيين: ما عنديش العيالات لي كيخرجوا فليل بوحدهم .. كووني و جلسي على قاعك شوية .. ليلة العيد الدنيا عامرة غير بالشماكرية و السكايرية
جوهرة:( بمحاولة اقناع ) لا لا ما غنخرجش بوحدي غنهضر مع زينب غتمشي معايا .. غاذي دوز عليا بالطونوبيل و من الدار للمول و من المول للدار .. ما عندوا ما يوقع لينا و حنا بجووج ( عضات على فمها ) عفاا احبيبي
ياسيين:( هز راسوا كيضحك تا قالت اقتانع و قال ) نتي و ديك البرهوشة كتقلبوا عليها و فاش تعلقوها ترجعوا عندي نكمل عليكم ( حمر فيها ) قلت لا هي لا ( شحطها لفخضها ) نوضي شوفيلك ااش ديري .. عرفي غذا جايين دارنا كااملين .. ماشي تال الساعة بساعتها و تبداي تغبني عليا و عتقني شنو ندير
جوهرة:( حطات يديها على فخضها كتحكوا و ناضت كتمتم ) مسمووم و الله تا مسمووم
ياسيين: قطرااان غير هنيناا
رجع كيكمل خدمتوا و كيدقق فالحسابات و كاس دالقهوة فيديه منغم بيه .. فحين جوهرة راه قتلها القنط و ديكشي لي كانت معولة عليه ما صدقش .. قطعات لياس من أنوا يخليها تخرج .. دخلات للبيت و جبدات داك الماريوا كاامل على الله تلقى شي حااجة تصلاح ليها و فنفس اللحظة ها هي متلفة لوقت على ما يسالي شيخ الشباب ..
الناموسية رجعات كتطيح بالحوايج و تا خربقاتهم عاد رجعات عليها بالنداامة .. خلات ديكشي كيفما هو و دخلات لاكوزينة هزات زيف نقي و رجعات للماريو كتمسح لي زيطاج .. بقالتلها الطبقة الفوقانية لي بزز وصلاتلها .. معلقة بيديها و رجليها .. يالاه جات دوز يديها و هي تحس بشي حاجة قاااسحة تما .. استغربات و جبداتها عندها .. تا نزلات للأرض و هبطات داكشي لي لقات .. كتشووف فيه باستغراب .. ما عرفاتش شنوو ديكشي كااع من غير انها لوحة طوييلة و فيها قوة الألوان !
هزاتوا بجوج يدين و زادت عند ياسيين تسولوا .. مخلية موراها البيت مقلووب ... وقفات قداموا تا هز راسوا فيها و لي فيديها و قال
ياسيين: واش نتي ما كتعرفيش تشدي بلاصة وحدة ؟ ( هز حاجبوا و ضحك على وجهها لي كيشوف فيه بحال داير جريمة ) رااه قتلك الدوودة لي كانت فيك رجعات حنش و ما رضيتيش !
جوهرة: ما غاذيش تلفني ! شنو هاذ اللوحة ؟ ما فهمت فيها لا راس لا رجلين اويلي ااش هاذ العجب عاود ؟
ياسيين:( بهدووء ) يلا كانت الشيشة البلية لولة هاذي البلية الثاانية ( خذاها من عندها و حطها حداه ) حاولي عليها و نتي بقالك شوبة تعنفجيها ( ضحك ) اححح على الحبييبة شحال بيني و بينها .. ليووم نرجع لها
جوهرة: باغي طرطقلي مرارتي ياك ؟ غير قوولها و الله تا تقوولها ! كيعجبك تفقصني و تخليني كنترعد بوحدي
ياسيين:( شاف فيها بضحيكة تتفقص ) نخليك كترعدي ااه و لكن بحاجة اخرى ماشي بالأعصاب
قهقه بالجههد من وجهها لي تلون و حيد لبيسي من حداه و جرها جلسها عندوا .. ضربها rبصبعوا لجبهتها و كمل بطنز
ياسيين: قوولي لقطيطة باغى تقمش ؟ ما كرهتيش تخشي فيا ظفارك فعنقي و تشربي من دمي يااك
جوهرة:( عرفاتوا باغي يقشب عليها .. بردات راسها حتى بردات و ضحكاتليه بميووعة و قالت بدلع ) كاينة شي وحدة كتتمنى الشر لراجلها ؟ نقتل عدوك لي ما يبغيك ( ضربات على كتافوا بقوة ) أما حبيبي الله يخليه تاااج فووق رااسي
ياسيين: هي اجي نعرفك على شريكتك فيا يا الله تتفاهموا ( هز حاجبوا ) من قبيلة و نتي ضوري عليا كتجبديني .. يالاه وريني شطارتك
جوهرة:( باستغراب ) فاش ؟ أنا راه بصح ما عرفتش شنو هاذي ؟
ياسيين: البارتشي .. عمرك شفتيها ؟ ( حركات راسها بلا و كمل هو ) لعبة سميتها البارتشي .. نوضي صوبيلنا الجلسة لهييه بقوامها و عيطي عليا نلعبوا طرح ..
جوهرة:( بحماس وقفات ) وااخاا هههه
ياسيين:( ضحك ) و لكن هاا .. غتلعبي معانا بعقلك ما عنديش مع تبرهيش د الدراري الصغار .. لي خسر غيحكم على الثاني .. و ممنووووع الرفض .. الحكمة تطبق كيفما كانت تكوون
النقرة الصافية الجزء التاسع
محتوى القصة
التنقل بين الأجزاء