خسر عليها واحد الشوفة طيح الما فالركابي صااافي فهمت راسها و دارت باش تخرج رمات بوسة ل ف الهوى لريماس كانت مورى ظهروو مكيشوفهاش و هزت يدها كاتشير لخوها زعما راه حمق .. عاد خرجت و زدحت الباب بشويا ..
غير خرجت و هي تصادف
يحيى لي تا هو لابس كوستار زرق داكن د أرماني زاد برز لون عينيه زورق لي كيدوخووو .. مع كرافاط ف نفس لون مزال واحل معاها كيصاوب فيها و شعرو مخليه على عينيه كيعجبوو هاكاك ..
ليلى ربعت يديها : اححح على زرررق و مول زرررق .. اش هاذ تبوgيصا كولهااا ..
لوا فمو بغرور : مااااشي غير زرق لي لبستها تاتجيني perfect <غمزها>
اجي صاوبي هاذ الكرافاط نفعينا غير فشي حاجة ..
ضحكت و قربت كتصاوبها ليه تهضر :
خاصاك شي مرا نبقاو حنا ديما غير تابعينك الكرافاط متعرف تصاوبها سيور د صباطك ديما واحل معاهم شوهتي أ داادي و نتا كون ولدتي ولادك و كبرووو و رجعو قدي ..
عقد حجبانو منزل عينيه كيشوف فيها حيت قضيورة عليه : زعمتي أ شنيييولا ولا قد القب قد السطل .. متعرفيش تقادي شي حاجة بلا متسكتي شي نهار نقطع لك داك اللسان لي عاجبك و تشوفيه كينقزز حداك ..
ليلى كتجبد فرجليها : قلت غير الصح مالي كذذذبت ! زربي تزوج نتا و خوك المتعوس و خليو ليا هاذ الدار نرتاح فيها شويا على خاطري و نشم الهوا على راحتي ..
جرها من وذنها كيجبدها ليها و هي كتأوه : اهااااه هي دايرين ليك ضييييقة !! منين نسالي ندوز ل فارماسي نشري ليك شي Ventolin ..لعل و عسى تنفسي ..
و غانبقا هنا بت نبت نبقا حاضيك أ سليفعانة تا يشيب رااااسي .. يالاااه ..
خنزرررت فيه : الشيبة العاصية خاص غير لي يجبدك عل القرص ياربي سلامة
بقاو مجمعين وسط قهقهات ضحك
قيس قرب جيهة ريماس كثر و مزال مشبعش من الشوفة كان مراقب كل حركة منها و كل آااهة و تنهيدة صغيرة كتهرب من فمها لي غراااه بزاااف ..
منبهر بجمالها الخلاب .. و عينيه كيبريو بحال شي كريسطالات د ثلج .. و هي بدات كتحس بالبرودة كتجري معاها و الرجفة ..
همس بصوتو الرجولي : جيتي زويييينة بزااااف .. <ورك على كلمة بزاف كيهمس بيها حدا وذنها و حاسة بالتبوريشة طالعة صاروخ معاها>
مرر صباعو على خدها الناااعم ..
و عينيه كيفلوها شبر ب شبر حست بريحتو لي والفها نيفها كتغلغل مع ذاتها و هيبتو الحاضرة بقوووة :
ممم كيبان لي ندير بناقص و نخليك غير هنا .. نبقا غير نشوووووفيك .. <رجع مرر صباعو على كتفها العريان بحركة خفيفة> مغنضمنش لك شنو ايطرا ايلا تجرأ و شاف فيك شي حد !!
نقلع عينيه من بلاصتهم ..
حاجتي مكنبغيش نشاركهاااا مع شي حد ..واخا غير فالشووفة ..
جمدددت ف بلاصتها و الصهد طلع معاها قربو و ريحتو بحالا كتخدررررها .. و صوتو الرجولي كيخلي فيها شعور رهيب .. ماباغاش تخضع لهاذ الإحساس .. كيخليها ضعيييييفة بزاااااف ..
مد ذراعو ليها و هي واقفا غير بزز بداك طالون لي عالي ..
بلعت ريقها و مدت يدها دوراتها على ذراعوو و خرجو ..
سلوى عينيها عليهم بحقدددد و بغض من الفوق و شادا فالسور د الخشب كارها ريماس و سيفتهااا و محاملاهاش تكون مع ولدها هاكاك ..
وصلو قدام سيارة الأودي ديالو و لي غارد كوغ مستفين كلهم ..
يحيى كان واقف داير يديه ف جيوبووو .. خنزررر ف ريماس مطلع و منزل فيها بنظرة باهتة و رجع شاف ف خوه بشكل صارم :
احم ..
خلي الشوفوغ يصوg رجلك مزالا مقصحة كاااتسمع !! .. سير دير لي فراسك عاود ..
قيس قلب عينيه : bro no worrie
يحيى : Ok. See you there
.. و ركبو لور ..
و الشوفوغ صايg بيهم ..
شبك صباعو مع يديها و عينيه محيدوش عليها كي النسر ..
وصلو من بعد نص ساعة .. كان هو آخر واحد وصل ..
كاع الاضواء و لي كاميرا مان تجمعو عليهم .. مع نزلو بداو كيجريو الصحااافة جيهتهم .. قيس شد ف يديها مزيرررر عليهااااا و غمز ل غارد لي بعدهم فرمشة عين ..
ريماس تخلعت من داك الحشد و اضواء الكاميرا عماو عينيها .. فواحد اللحظة و هوما كيتمشاو تلوات رجلها كانت غاتجي طايحا كون ماشدها من كتافها محكم فيهااا .. همس ليها : اووبس غير بشويا عليك ..
نزل تحنى بكل تجلتمانية و لبس ليها صباطها .. و كاع الأعين عليهم و الصحافة مزالا كتصور واخا من بعيد ..
دار شاف فيها : توعتي ف رجلك !!
ريماس : ل لاا لا .. بيخير
دخلو لداخل و هي تصدم ريماس بهاذ القاعة الفخمة ..
دايرا بحال شي متحف ف باريس .. ناس كولها لابسا الكلاس و غير الملابس الفاخرة
. مشكلين مجموعات صغار هازين كيسان د روووج فيديهم و كيحركو فامهم بابتسامات سطحية و اغلبهم كيهضرو غير على البيزنس و صفقات ..
و كيتبادلو ابتسامات مزيفة .. غالب عليها الإتيكيت ..
ف حين كاينا فرقة موسيقية ضخمة ف جنب كتعزف أشهر مقطوعة كلاسيكية د Moonlight لأشهر عازف بيتهوفن ..
و كلشي كيتمايل مع كل رنة من رنات البيانو لي كيتسمع صداها ف القاعة الضخمة ..
حست كولشي كيشوف فيهم .. بنظرات تاقبة و متفحصة خصوصا فيها هي ..
توترت بزااااف .. هاذ الاجواء غير خنقوووها بزاااايد ..
قيس ضور وجههو جيهة حنكها و مرسومة نظرة خبث على عينيه : ريلاااااكس غير شويا د الوقت و اتنسجمي بسرعة..
يحيى كان قريب ليهم شاد كاس د الويسكي فيديه .. و واقف مع شي رجال كيدويو ف البيزنس طبعاااا ..
و قيس كل شويا يجي شي حد يسلم عليه بتودد واااااضح ..
و كاين لي باغي يشري معرفتو .. و غير الوقفة معاه عندهاااااا قيييييمة .. قدام ناس لي تما طبعا ..
بقا كيضور ف عينيه حتا جاو على كارلوس ..
شاف ف ريماس : ممم اجي نعرفك على واحد الشخص مهم بزاااااف ..
جرها من يدها بشويااا .. تا وصلو عند كارلوس لي عاطيهم بالظهر و كيرشف الفودكا من كاسو .. شادو بصباعو طوال من قعرو ..
لابس قميجة من ثوب ساتان صيفية مخططة بلزرق و لبيض خاشيها فسروال كحل ..
و محسن شعرو من جناااب و مخلي لفوق كثير بزاااف .. غير ضور وجهوو و هو يتفاجأ و فنفس الوقت تبسم ابتسامة مااااكرة :
اوووه قيس هذا نتاااا نورتييييي الصهرة بزااااف .. <رشف من كاسو و رمق ريماس و ركز على طلتها لي زوييينة و كتسحرررر>
هي تخلعاااات و قلبها كيتهززز من بلاصتو ف حين كاتشوف كارلوس مهددددن و مزال كيضحك ..
رجع شاف فيها : و هذا لي كاتشوفي قدامك المنافس اللذود ديالي ف all my beisnes <ورد ليه تبسيمة صفراااا>
تبسمت بزز : م متشرفيييين ..
كارلوس : انا لي ليا الشرررف اكثرررر ..
قرب بغا يبوس يدها و قيس جرها من خصرها بقوووة فوهلة لصقها معاه و لصق يدو على ظهرها العريان و هي غير كتشوف تملكها احساس خااااايب بزااااف .. كتدعي ف خاطرها تخرج هاذ صهرة على خير و نطق بصوت مبحوح : سوو مستعد للصهرة !! مابقا والو و يعلنو على شكون لي غاياخد سلسلة الفنادق لي ف Paris .. <شاف ف مgانتو روليكس> ممم قرب الوقت ..
كارلوس سرط ديك القمعة و رجع للور : Of course ..
وقف واحد سرباي و هز كاس د الويسكي مدو ل قيس : ويسكي خفيفة غير 20Vol متخافش
Come on just one sipe
(غير رشفة وحدة كاع)
قيس خداه بين يديه و نزل عليه كولو نازل سخوون مع حلقووو .. كيكره يتبعصص و هو كيشرب الشراب و عينيه زادو حمارو كي جمررررر
تسمع صوت المقدم لي كيرحب بالضيوف ..
و توجهو كلهم لداخل القاعة كلشي متحمس و كلشي قاتلو الفضول باغين يعرفو شكون لي غايربح هاذ الصفقة الضخممممة و هوما كيتسناو على أحر من الجمررر ..
كان كارلوس و قيس ف خط واحد واقفين و بيناتهم مسافة .. كيتبادلو نظرات د الحقدددد و المكرررر و الجو مكهررررب بيناتهم .. و ريماس كل شويا توقف شي سرباي و تنزل على شي كاس د الماااا كولو .. و ريقها كينشف بالخلعة ..
رجعت وقفت واحد سرباي و كانت ورا ظهر قيس هزززت كاس كان شراب بيض و مردتش البال حسابها غير الماء .. و نزلت عليه نزلى وخدة حتا حسات بمذاقو لاذع .. هسرررت سيفتهاااا و مسحت جناب فمها كارهة داك المذاق
المقدم : و كنعلن على اسم الفائز بالصفقة
سيطر سكووون كبيييير على القاااعة و قيس غير كيتبسم .. و يحك حاجبو و يهزز كتافووو مستمتع ..
المقدم تبسم : ميسيو قييييييييس .. هنيئا لك بهاذ الصفقة لي ربحتي
كلشي وقف و بداو كايصفقو حرااااااارة و يرمقوه بابتسامات ف طياتها حسد كبيييير ..حيت هاذ الصفقة اضخم مما كتوقعو غاتخليه عايش غير الرفاهية المطلقة شي حاجة كثر من الفلووووس ..
يحيى ضرب فوق كتفووو : مععععللللم ..
كارلوس تصدددم بقا كيبحلق ب عينيه و مفهم واااالو من هااااذشيي..
حس بدنيا ضاااارت بيه و عينيه تقلبوووو رجع مصغرررهم و رجعو ظلااااام قااااتم كووولشي تضرب ليييه ف زيروووو .. دموووو سخخخن و كل شويا كيشدددد على قبضة يديه كيفاش وقع هاذشي و هو ضرب الحساب ل كولشي من الصغيرة للكبيييرة ..
ذابانة لخرااااا كان راد ليها البال لتزهق .. و الحفرة لي حفرها لقيس صدق طاح فيهاااا ..
حس بالشمتة دياااال بصصصصح و مرضااااااش نهاااائيا ..
ف حين قيس تجمع عليه داك الحشد كيهنؤوه .. كارلوس تسلت خرج .. و تبعاتو ريماس كتجري هازا جلايلها لتعتر فيهم ..
لقاتو غادي جاااي فواحد الدائرة و شااااد فراااسوو كيلععععن و يسسسسب غير من لحزااااااام لتحت ..
ريماس نطقت بصوت كيرجف : ك كااارلووس
ضور وجههو لي هرررب من دم و عينيه حمرييييين خنزرررر فيها و قرررب جيهتها شدها من ذراعها كيزعزعها بقووووة : ضحكتيييييي عليااااااا !!
نزلز دمووعها و كاتحرك راسها ب لا : و الله ما كنت ع عاااارفة و الله .. حتا انا مفهمت والو بحالك ..
طلق من ذراعهاااا و كيمسسح وجههو و قرب يبخ الدم تنهددد و رجع لعندووو عنقها همس بصوتو الخشن : صافي ريلاكس .. محسيتش براسي فاش غوتت عليك ممصدقش مزال اشنو طرااا دابا ..
قيس خرج كيقلب عليها و هو يلمحها وسط حضن كارلوس لي مضور يدو على ظهرها و هي مبادلاتوش العناق تصددددددم .. و حس بدمووو سخنننن ..
ماعرف قيس اشنو ركبو دابا واش جن و لا جنون .. كيتنفس بشددددة .. زووول البابيون من عنقوو نطررررها و رمااااها و كووولو كيررررجف مقااااادرش يسيطر على نفسو ..
محسش حتا لقا راسو طار عليه و شادو كيبوني فيه بقووووة هاذي تنفع هاذي ضرررر . .. طيرو من الكول د عنقووو و بدا كيلطخو مع الأرض و يركل ... حتا كارلوس خرجو لكشاكش ديال الدم من فموو .. و تسرح ف الأرض فااقد الوعي
وقف كينهججج و عينيه شاعلا فيهم ناااااار الغيررررررة .. يديه عمرررت بدم ديال كارلوووس .. و دار كيشوف فيهااااا .. متووووعد ليها بالوييييل و العذااااب ..
جمددددت ف بلاصتها و راسها كيتقااااال حاسا بسخووونية ..
وصل ليهاااا و همس بصوت قفزززها من بلاصتها صووووت جاااامد و داك السكون لي كيسبق العاصفة :
رديتني حماااار و مكنفهمممش !!
حسبتيني شماتة و لا زاااامل !!
شوفي لي درتي يدك فيدو ضوووري شوووفيه
<جرررها من يدددها تال حدا كارلوس لي غاب على الوعي و دفعهاااا تا كانت غاتجي طاايحاااا > شووووفي فيييييه مزيااااان كتسناااااي هاااذ ز**** يعااااااونك ؟؟ و هو تا ضرررربة صحيحة ماااا فييييه معاااااون تا راااااسو غيعاااااونك نتيييي ؟؟ و مناااااش منيييي اناااااا ..
قهقه بضحكة مااااااكرة و كيرجع شعرو للور بعصبية ..
كيشوف ف السماااا .. و رجع كيطل على عينيها> انااااااا عطيييييتك فررررصة و لكن مستغليتيهااااااش .. مستغيليتيهاااااش .. استغبيتيني و جلستي ثمثلي عليااااا بحالا اناااا مكنفهمش و معطانيش الله عقل ..
حسبتيني ضببع و صدددقتك !
تخنق الدم، فيه كيشوووف بعييييد .. الأفكار السووودة كتضرررب فوذنيه بحال الصاعقة .. و كيقوووول انقتلللللهاااااا و نتهناااااا ميت حتال للغدرررر سطووووب ..
تنهددددت كتبكي و تعااااود زولت سباط من رجليها و لاحت صااااك من يديهاااا شافت فيه و تشجعععععت..
ااااااه اااااه دررررت يدي فيدووووو و ايلا رجع بيا الوقت للوووور ندير نفسسسس الحااااااجة حيت كنكررررررهك كتفهم اشناهيا كنكرررهك !!
و مستتتعددددة ندير نفس الحاجة ايلا تعطاتني فرررصة اااخرىىى ..
طار عليها باااغي يخنقهااااا
ريماس يبس حلقها بالخووووف كتشوف وحش قدامها ماشي بنااادم كان مكشر على نيابو ما خلا شي حاجة مهرسها رجع بحال شي طوفان قضا على كولشي فرمشة عين .. صدرو كيتهززز و يتحط و عينيه بحال شرار عليها و القميجة مترعااا كولهااااا ..
بللت فمها بغات تهدر و لسانها خانها معرفت شنو تقول و لا شنو تدير حطت الملح على الجرح و خلات جنونو كيشطحو وصلت لي بغات و لكن فاللخر هي لي غاتخلص و لي دارها بيديه يفكها بسنيه هاذشي لمريب ليها تاكتيل ديال وجهها..
قيس بقا كيشوف فيها نيشان و كيقرب ليها كي ذيب جامع على قبضة يديه و عينيه كي جغمة الدم كاع ديك جوقة تفرررقت غير رجالو لي تما ..
كملت كلامها : م متقرررربش ليااا الشمااااتة متقرررربش ..
غير سمع هضرتها حس بشي عرق طرطق فيه و كان غادي جااي كيجري كي شي ثور يطحنها كون مااتدخل يحيى واقف ف النصصصصص و خلاها مخبعا ورا ظهرووو كتقفقف
قيس غوووت على مافيه من جهد بصوتو الجوهري و كيدفع صدررر خوووه : حيييييد من قدااااامي حيييييد خليني مني ليهاااااا ..
بغاااات غير هااااذ الوووجه انا غانورييييه ليهاااا ..
يحيى واقف حاجز بيناتهم و ريماس رجعت بحال شي ميييت لونها مخطووووف كون ما يحيى كون رجعت ف خبر كان ..
فنفس الوقت استغربت من يحيى لي دافع عليها هاكا متوقعتهاش منو و هو مكيحملش فيها شعرررة
نطق يحيى بغضضضب : قيسسسس سير خرررج دااابا بدل ساااعة بخراااا تا تبررررد و اجيييي ..
قيس ضرب خوه لجيهة فمو غفلوووو ..
و كمل ليه على ديك جرررحة و يحيى صافي هناااا تعصصصصب و بدا كيمسح دم بطراف صباعو و مخرج لسانو : ******* لااااااا !! بغيتي نقلبوها كومباااا هناااا يااااك !!
قيس جررر ريماس من يدها كان غيهرسها ليها و يحيى رجع جرو من ذراعو و لاحو للأرض : ل ******* منين يبررررد عليك ****** اجي ديك ساااااااعة
بقا يحيييى مغاااااوت هو و قيييييس
و ريماس واقفة كتماااايل حست بترويييعة و داك المشروووب بدا كيعطي مفعووولووو و عينيها رجعووو حمريييين بزااااااف و نااااعسييين و لساااانهاا ثقااال عليهااااا .. بالسيييف و هي خلطت الجرة كووولهااا
هززززت يديها كتنش على وجههااا من صهد لي حست بيه ف ذااااتها كلهااااا .. رجعت تووووجهت ناحية واحد طبلة و دارت لدوك الكيسان ميسااا كلهم ..
خلطت الفودكا مع الويسكي مع واحد الكوكتيل قااااصح و ميلونجي مع شراب شويااااا ..
و والووووو ديك سخووونية حلفت لبرررردت علييييهاااااا ..
رجعت كتماااايل كي شي سكايرية و قررربت جيهتهم لقااااتهم مغااااااوتيييين و هي تووسسسع عينيها كتحل فيهم بززززز منهااا موجها صبعها السبابة ليهم :
م مالكم ع علاا ا ش ك كتغووتووو هااااكاااا !! هاااا !! غ غير بشويا كيتحل كولشي
قيس شم ريحة شراب خارجة من فمها قاااااصحة .. و طلع و نزل فيها سكراااااات ديال بصصصح و مرة مرة كتضحك كي شي مسطية هاااااربة من 36 ..
طلعا ليه القررررردة و دمو كيغليييييي ..
شددددها من معصمهااا كيخضخض فيهااااا : شنوووووو شربتي شنووووو !!!
تنهدددد و طرطق ديك للقمييييييجة : هاااااذشي لي بقا ل ز**** بوك نييييت غير شراااااب اش دااااااك لييييييه !!
يحيى معرف يضحك معرف شنو يدير تنهدددد و نطق :
انا سبقتك .. و بلا متطول يدك عليها تصدق مكوانسيا ليك هناااا .. اصلا كاتبان لياااا مضروبا من عند الله <شاف فيها و تصدددم لقاها سااااهيااا فيه بنظرااات غرييييبة و هي توووحل ليه الهضرررة>
غوتت و يدها كتضررررها : م مسووووقكش فيااا نتعرااا ندير لي بغييت نتا مااالك ااااي ط طلق من يدي غتهرسها ليا أ المااسخ ..
قيس : (كيتنفس بشدة جنون كيشطحو فوق راسو)
ااااه سوووقي فييييك أ لااالة <زاد وسسع عينيه مأكد هضرتو و كل حرف كينطق> سوووقي حيييت نتي دياااااالي ملكييييي ..
ضحكت : هههههههه ديالك !!
(رجعت كتقهقه مستهزءة)
لقيتيني ط طايحا ف زنقة ! و لا شريتيني بورتكلي تعلقني ف سوارتك !
طار على فكها جامعو بيديه و مزيررررر عليهااااا ممخليهااااش تتنفس
..
و يصوت حوهرررري رد : ااااااه .. نتيييي ... دياااالي .. و مكاااااينش شي مخلوووق لي غايشاركني فييييك سمعتييييي ؟؟ .. حتا الشووووفة هي التااالية ميشركنيش فيهااااا شي حددددد ..
عينيها عمروو بدموووع .. حس ب ملمس صباعها كيدفعو فوق يدووو بشويااا ..
عاد زول يديه .. و طالع ليه الخززززز للراس عمرو تجنن و لا تعصب هاااااكاااا ..
بغاااا غيييير ينزل عليها بشي طرحا د العصا متنساهاش حياااتهااا كااااملاااا .. كيشوفها اصلا لاويا كي شرويطة .. طلع بيدو الكسوة من جيهة كتفهاااا ردددها كيف كااااانت .. و حجبانو مزديييين بغغغغل :
تزيديييي تنزليييها مزااال نهررررس لك هاذ الييييد وا اختبرييي صبري راه قليييييل ..
حركت راسها ب اه و كتنفخ ف حنوكها بحالا كتسوط فشي نفاخة و كتمايل و هو مزيررر على ذراااعهااا شدت ف يديها قدامها كتمسدددها و مغبنة
زاد طول الشوفة ف عينيها و نطق : علااااش درررتي هااااكاك علاااااش !!
حركت راسها : ع علاش شنووو
قيس : علاش درتي يدك فيد كارلوووس !!
و تقثي فيه بديك سهوووولة !!
و طعنتيني ف ظهري ..
تنهدددت و وجهها غادي و كيحماااار : حي حيت نتا ض ضريتيني بزااا بزاااااف هنااا <هزت يدو حطتها على قلبها لي كان كيضرررب بجهدددد>
أذيتيني و ت تكرفصتي ع عليااا .. و رجعتي رجعتيني <حبست الهضرة و وجهها فززززg بدموووع>
بقا سااااكت و كيعض على شنايفووو و يقلب عينيه كيشوووف ف السمااااا ..
نفسوو كتخرررج مخنووووقااا .. كانت غاطيح و هزها بين يديه ف رمشة عين بحال شي ريشة ..
هضرتهااا وحلللت بين حلاقموووو .. ميلت راسها فوق صدرو العريان ..
دخلها للطوموبيل و جر سمطة باش يسدها ليها و تلاقاو عويناتهم لي كيبريو.. زاد تحنا جيهة خدها باش يسددد ليها سمطة و هي غير كضور ف عينيها تالفة و كتحس انفاسو كيضربو فوجهها و كتحس ب لحيتو كداعب خدهااا بلا ميقصد ..
تبووورش لحمها و شعور غريب انتابهاااا ..
زيرررر على فكوو ماباغيش ينصاع لرغبتو ف انه يبوووسهااا واخا فكرو كااااامل شااارد و باغي غير يشدددها ميطلقهاش و يشد دوك شنااايف لي عارف مغيشبعش منهم ..
نفض دوك الأفكار السودة من راسو لا يصدق داير شي حاجة ماشي تال هيه ..
رجع لبلاصتو و ديمارااا ..
ريماس جمعت رجليها فوق الكوسان : تخنننننقت حل هاذ زااااج عافااااااك ..
عينيه مركزين مع طريق و دفع يدو جيهتها ضغط على واحد زر حتا نزل زاج الفيمي كولو و دخل بررررررد كثيييير خربق شعررررهم ..
قيس دار عندهااا : غانسدددها راك عرقاااانة ايضربك البرد و تمرررضي ..
متسوقتش ليه .. و بقات كطل و تخرج يديها و كيتسمع صوت قهقهات ضحكهااا ..
غير حست بنعاس و هي ترجع سندت راسها فوق كتفوو و ضورت يديها على ذراااعووو بقوووة .. تشوووكااا معرف باااش تبلاااا..
نزل ب عينيه زوووورق كانت نعساااات .. و لمح فمها كتنفس منو .. تحلو بشويا و ترجع تسدووو و ظهرها كيتهز مع كل نفس ..
بلع ريقوووو و يديه لي كانووو متصلبين ترخاااااو زيررر يدو على الفولووون و رجع سد زااااج و قلبوو كيضرررب
وصل من بعد نص ساعة د طريييق .. هزها و يالاه غايعتب باب الفيلا و هي تحل عينيها غير مكمشاهم : ف فين حناااا هممم
قيس دق ف الباب : شششت نعسي وصلنا للدار ..
حلت ليه ليلى و هي تصدددم طرطقت عينيها فريماس و تصدمت ف خوها كيفاش هازهااا و عينيها ضحكووو :
اووووووه مااااي غاااااد
خنزرررر فيهااااااا : حيديييييي من طرييييق ..
تخطاها و هو يلمح خوه يحيى جالس فوق فوطوي كيشرب فقهوة كحلة و داير رجل على رجل جاه ضحك منين شافو هازهاااا :
يحيى حرك راسو ب لا : سيري راجعي لعندك ميتراجع و خليني نقرا ف خاطري هاذ الكتاب ..
خنزرررت فيه : ياااااك !! دااابا طلبتك !! علاش جاي هازها اش طراااا !! خفت نطلع و يضور فيااا ..
يحيى تنهددد و سد الكتاب وقف هز قهوتو فيديه :
خلييييك ضارك راسك هااااكا ..
و ايلا طلعتي غاتقلبي على خلااااك .. يالاه نوووضي نعسي فات الحال ..
لفوووق *********
تكعدددت ريماس و كتلمس حلقهاااا : و وااا غنتقياااا اش ه هاذشي ي ياااربي ..
شدت فراسها قرب ينفجرر عليها .. اووووف ر راااااسي ..
وقفت و جمعت شعرها لفوق على شكل كعكة متشداتش ليها مزيان بقا شي طايح شي مجموع اصلا يديها فاشلين عليها .. نصلت الكسوة كولهااا .. و بقات غير ب دو بيييس العقل لي بيفكر مكاااااينش تررررفع ..
كتحل ف يديهاااا و توسعهم .. هووووووف على ر راااااحة دااابااا ..
بانت ليها الشرفة و هي تمشي دفعت ريدو الكبير و خرجت كطل هاكاك غير سوتيان ف نوااغ و سليب .. و كيضرررب فيها البررررد متكيا على يديهاااا ..
و كتشوف ف لابيسين ..
خرج قيس شاد الفوطة كينشف شعروووو .. عرياااان من لفوووق كيبان داك صدر المبندر ..و ديك الفراكة لي فكرشووو ..
و لاوي للفوطة على خصرووو ..
توجه للدريسينغ روووم لبس غير سروال و بقا عريان من لفوق مكيحملش ينعس لابس شي حاجة ..
مع ضور عينيه و هو يبان ليه سرير خاوي تصدددم ..
عقد غوباااشتو باستفهام و هو يرد البال لريدو لي كيحركوو البررررد .. مشا جيهتو ..
غير جاو عينيه عليها هاكاااااك مااااعرررف باش تبلاااا .. جن جنووونوووو .. شعرووو قرب يطيروو من بلاااااصتووو .. و عينيه رجع لونهم قاااااااتم
جرها من شعرهااااا تا تهزززت قافزة من بلاصتهاااا : اش هاذ لق******** كاديييريييي نتييييي هااا !!
جرها من يديها بقوووة دخلها للداخل و نزل عليها بكفووو تسمعت <طرااااااااخ> على خدها تا جات طايحا ف الأرض منشوووورة و حنكها كيوزوز بسخووونية و تطراساو صباعو فيه ..
رجع تحنى و زيررر يدو كيجرهااا من فروة شعرها و الغل كينهش قلبو :
مابانليش غنتسنااااك تا تفيييقييي و ترجعي لوعيك
خررررجتيييني على طووووعي دويييي ل****** كطلي هااااكاكك كون كان يحيى تماااا و لا الجارديني هاااا ***** باااغاااا تجهليييني بالسسييييف ياااك !! ..
محسش تا ردخ راسها مع الأرض رددخة ووووحدة و هي تسخخخف .. خارج الدم من نيفهااا شلال ..
و كتررررعد ..
تصدددم و قلبووو تهززز من بلاصتو عاد عااااق اش داروو يديه .. كانو كيرجفووو .. غيرتووو عماااات ليه العينين محملللش يشوفها هاكاك واقفة تمااااا اما كون شافها شي حد كون قتلها هو وياه ف بلاصتها ..
و عرف بلي مكانتش غير ضربة خفيفة راسها تزددددح مع الأرض ديال بصصصصح ..
سمحيييييلي <طبع بوسة حنينة على فمهاو عينيه ندمانين على كولشي>
هي سكتت و كتنخصص ..
حط جبهتو على جبهتها و حس ب عينيه كيفزgو ..مكنستااااهلكش .. عااارف .. عاااارف واش صعيب تسااامحيييني .. كنت نقدررر نتقبل اي حاجة حيت عارف هازا الكره ف قلبك من جيييهتي و من حققققك ..
و لكن فاش درتي يدك ف يد كارلوووس .. مقدرررتش نصرررطها مقدررررتش و هو اكبر عدو ليا ..
<رجع باسها ف فمها و عينيها كيبريو حط يدو على حنكها مدفيه>
عطي لييييناااا فرصة وحدة .. و كنواااااعد انصحح كولشي .. كووولشي ..
هانتبدددل مهنبقاش ه هاكااا .. منبقاش. نخوفك مني <حط راسو على صدرها و ضور يدو على خصرها> مهانبقاش هاكا هنتبدددل
دفن راسو فوق صدرها بحال شي طفل صغير مساخيش بريحتها زويييينة لي كتهدنو و رجع بحال شب مدمن عليها : هنتبدددل .. مهنبقاش نخوفك مني ..
و هاتسمحي ليا على كوولشي و انبداو صفحة بيييييضة .. ياك أ روحي !
مسمع حتا شي رد منها .. هز عويناتو فيها لقاها غفاااااات و راسها مايل جفونها هادييين و شنايفها كيلمعووو ..
تبسم بجنب فمو و تكعد شويا قاد راسها فوق الوسادة .. جر اللحاف مزيان تا خبا كتافها لي عريانين ..
و زاد قرب حداها كيمرر يدو على شعرها و ساهي فيها ب عينين ولهانين عشق : غدا انتزوجو و نطرقو هاذ المسمار غاتكوني ليا بوحدددي و عمرني نخليك تبعدددي علياااا .. غااتفرقنا غير الموووت ..
باس فوق شعرها الحريري بوسة طوييييلة .. و تخشا فيها معنقهاااا ضمها للصدرو عاد نعس و خشاها وسط ضلوعو و هي زي الأطرش في الزفة ..
صبح صباح جدييييد كان الجو مغيم بزاااااف و الشميسة مقلقا و مخبياااا ورا لغيوووم و الجو بااااارد على غير العادة ..
فاقت ريماس كتمعgص و تجبد يديها فوق الفراش و هي كتصدر داك صوووت ديال شي حدد عاد فايق و مسااااخييييش من نعاس و من لفراااش لي داااافي ..
حلت عينيها للخوضر و رموشها ملاقيين .. و حاسا راسها ايتقسسسم عليها .. تنفست بشوييييا و عينيها على سقف :
الله ياربي لشعاذشي ..راسي غيتقسم على زوج ..
تنهدت و تكعدت شوياااا شادا بطرف صباعها على عينيها باغا تفكررر شنو وقع البارح و لكن مقدررررتش معقلت على والو كاااع.. من غير فاش ضارب كارلوس و قيس رجعت شعرها للووور بخنننننقة :
فعلا مقدرررت تعقل على والووو .. ذاكرتها مشوشة بزااااف .. بحالا كتفكر شي حلم .. و هاذشي عادي بالنسبة لشي واحد غيشرب لأول مرة و خصوصا فاش كيشرب كثر من القياس و هي خلطت الجرة كولها ..
فواحد اللحظة نزلت ب عينيها على شنو لابسا و هي تصصصصصعق حست بحال شي سطل د الما باااااارد تخواااا عليهاااا .. سوتيماتها و سليب لي لابسا فقططط ..
و الله كرييييم .. كيبان لي صدرها كي مزلع من سوتيان .. و سمطة طايحة من كتفها و سليب ممقادش ..
حاولت تنفر دوك الأفكار السووودة من راسها : ل لاااا لاااا م ميكمكنش ميمكنش ي ياااااربي نكون غير كنحلم ..
ضربت بقبضة يديها فوق راسها ..
و قلبت عينيها لجيهة لي حداها عاد لمحت قيس بلحمو و شحمووو معنق المخدة ..
و ناعس على كرشو كيبان غير ظهرو العريض العريان .. لي مبرووونزي و فيه شويا د نمش .. و لمحت طاطو لي داير على ذراعو القووووية ..
هزت يديها حطتها على فمها بسررررعة كاتماااا شهقاتها و نطقت بصوووت بااااكي متقطع :
هءهءه لااااا لاااا ميمكنش ميمكننننش .. م مستحييييل .. و و يلي اش ه هاذ المصيبة ..
صغر عينيه لي وارمين على صوتها .. حيت نعاسو خفييييف بزااااف .. و ضور عينيه زووورق جيهتها و شعرو نزل على عينيه :
اووووه روحي فااااقت .. صباح الورد "غمزها و تبسم بالجنب مستعمل كل جاذبيتو كيبين ليها دوك سنينات لمقادين"
تكعد كيمسح فوجههو و خربق شعرو للور هز المgانة من فوق لقوافوزة .. لقاها ل 10 و كمش عينيه بضيق نطق بصوت بااااح و خشن هاكا كيرجع صوتو مع صباح منين عاد كيفيق : فااااك نعسسسست بزااااف ..
دار جيهتها طلع و نزل فيها عاد عاقت و هي تهز ليزار لواتو بزررربة عليها مخبيا صدرررها :
هي وقفت من فوق سرير و مزالا شادا ف ليزار لي مجرور ف الأرض و مكمشا يديها عليه جيهة صدرررها : ب بلاااا متكذذذب علياااا الله اخليك ا اشنووو لي <مقدرتش تكملها>
قيس هاز حاجب : شنو آاااش !
ريماس بلعت ريقها : ش شنو وقع لبارح !
قيس وقف بطولتو و هيبتو و قرب جيهتها و ضلوعو بارزين و عضلاتووو : علاش واش معقلتيش !
حركت راسها ب لا و عينيها مسيطر عليهم الخوف : م معقلت ع على والو .. ط طرات شي حاجة عافاك ق قووول لاااا عافاااااااك !
قيس حك ذقنو : ممم خسارا منين معقلتي على والو .. كانت واحد الليلة سبيييشل بزااااف متستاهلش تنسايها هاكااا .. <تنهدد مقلق و لاوي شنايفو> حرااام تنسايها هاااكا ...
زاد قرب جيهتها و هي كترجع بللور و عينيها عمرو بالدموع : هءهءهء ك كذاب كذاب .. كتكذدددب .. ع عرفتك كتكذب .. م مستحيل ندير ه هاكاك م مستحيييييل .. اصلا م معقلللللتش .. م معقلتش ع على اشنو ط طرااا .
حبسها الحيط لي لصق ف ظهرها تا رجففففت و جفلت بالخوف ..
و صدرها طالع نازل بتنخصيصهااا و قيس مستمتع ب ملامحهاااا لي تحولو ل ملامح تايهين و خايفين و متوترين ..
هز يدو حطها على الحيط مكالي و محاوطها .. و عينيه على شنايفها لي حمقوووه و خلاوه حاااير .. كيزفر نفسو على وجهها :
متخيلييييش شحال هاذ الشنايف حلوييييين كي العسل ..
مسخيتش بيهم و انا كنبوس فيهم ..
كلك كلك حلوووة من راسك حتال صبعك رجليك <هزها ب عينيها من شعرها تال رجليها> ..
تزيرررررت ريماس و وجهها رجع حمررررررر غايطرططططق بهضرتو الجريئة ..
و حابسا دموعهاااا لي محجرين على طرف عينيها ..
و قلبها غيخررررج من بلاصتو .. دفتعتو من صدرو بيدياتهاااا :
يا المااااسخ يا الكللللللب .. كنكررررررهك .. كنكرررررهك ب اشمن حق تقيسني و تستغلني هءهءهءهءهءهء أهئ اهئىىئ الله ياخد في فيك الحق أ المااااسخ مكتسووواش اهىىىئ اهىىىئ ..
تبسم ب عينيه و مشا للدريسينغ روم كيتمختر و يصفر و هو راااااشقاااا ليه كيخربق ف شعرووو غير دخل كيستي شنو يلبس و كتشدو ضحكة منين كيتفكر تعابير وجهها ..
غير يسكت و يرجع يضحك عااااود بحالا تسطاااا
ريماس شااااعلااااا فيها العااافيا ديال جهنم كولها .. دخلت لحمام لبست حوايجها و خرجت جلست فوق طرررف سرير شادا فراسها :
تفكرت فاش شربت و هي تهزززز صباعها كتععععض فيهم و تولول :
ويييييلي وييييييلي على غداااااايدي واااااش ندب هااااكا و لا هااااااكا <هزت يديها كتندب فوجهها> وييييييلي ميميتي على خرررر ياااااامي وليت سكاااايرية ويييييلي قبري غايكووون ف شووووكة ا ناااااري على ديلمي بغيت ليا الهرس لهاذ الفم <بقات كضرب ف فمها> وييييلي يا لكلببببببة زعمتيييي وليتي تشرررربي اويييلي ..
هزت عينيها كتشوف ف سقف : يااااااربي سممممح لياااااا ياااااربي ياااااربي و الله معرررفت غايطراااا هااااذشي كااااامل هءهءهءه كون غا مت ..
بقات كتعض ف ظفارهااااا و ترررعد غير بووووحدهاااا و ضرب فوق فخاضها .. ..
حتا خرج قيس لابس و مقاد .. أنيق كي عادتو .. لابس تريكو gري دااااكن بالكول و فوقو مونطو كحل .. و سروال كحل .. الوسااااامة كتفيييييض منووو يا ناااااس .. و رواااايح و الحالة ..
ردد : احم .. نزلييي تفطريي ..
Hurry up
ريماس هزت عينيها الحووومر فيه : تاااااكل فيه السسسسسم ان شاء الله يااااربيييي ..
قيس كيرشف من قهوتو : واعدتيها نتي ماشي انا .. عمرني قلت ليها شي حاجة .. زايدون بيناتنا اصلا غير علاقة سطحية .. مكاين لاش نخبيو الشمس بالغربال من ديما مكنحملش فيها شعرة حيت عارف عليها شي ضواسا ماشي تال هيه .. انا ولد عمها و هي بمت عمي سيتوووو ..
سوو مكاين لاش يبقا فيك الحال ..
يحيى غير ساكت و كيشوووف ماباغيش يدخل اصلا ماشي سوقو .. وقف و شاف ف قيس : الله اكمل بالخير ...
ريماس سكتت و حنات راسهاااا .. محررررجة هي مبغاااااتش و لكن مقدرت تقول والو قدام عائلتووو حشمممت تهضررر و مزال اصلا عقلها كيفكر فهاذيك الفضيحة واش باقا بنت و لا لا تلفاااات ..
عمر شاف ف سلوى : علااااش دابا هاذ تعبييييسة ؟ طلقيييها أ سلوى و زغرتي شي تزغريتة فاعلا تااااركاااا !!
ياك من ديما و نتي باركا عليه ب تزوووووج تزووووج .. هاهو دار ليك خااااطرك .. و دار عقلوو ..
و يتزوج علاش لااا !! مادام بغاها و بغاااتوو .. صافي مانزيدوهم غير الخير ..
و لينا معندها علاش تتقلق ..
وحلت ليها ريماس دغمة و بقات تكحكح مدت ليها ليلى كاس د الما ..
هي تشرب و سلوى تدعي فيها "تشربيه بالرحمة و تنزلييه بالزحمة"
ريماس هزت راسها من الكاس .. و وجهها مزيررر ..
وقف قيس : ماما غاتكلفي ؟؟ و لا نتكلف بكووولشي !! مغنمشيوش بيدينا خاوييين .. دي معاك ريماس و ليلى و شريو كاع لي خاااااص ..
خودووو ليهااا لي بغاااات .. و الخواتم انا غانجي منين نسالي شي شغال و نتلاقاو اوكي !!
سلوى بزز باش نطقت : اوكي .. كون هاني ..
تنهددد براحة : و رديييي ليها البال عينيك عليهاااا..
شاف ف ليلى : ردي ليها البال تا نتي سمعتي !!
ضحكت ليلى : كوووون هااااااني أ مولاي سلطان ..
قيس خنزر فيها على سخافتهااا : و بلا ديك الخفة ديالك ..
ليلى : اوكي شاااااف
قيس غمز ليها : اجييي
سبقها و هي ناضت بشويا حانيا راسها محرررجة بزاااااف من عائلتوووو ..
دخل لواحد الفسحة و جات قدامو يالاه غاتهضر زرب و حط فيديها واحد ل credit card : خووودي كاع لي عجبك .. سمعتي !! خودي لي بغيتي و خلصي ب هاذي .. و انا غانلحق عليكم ..
بقاو كيدخلو ل كل بوتيك يشريو منو حاجة .. و خداو ليها حوايج بزاف و إكسسوارات و كانت تترفض فكل مرة تيسولوها تختار شي حاجة حشششمت بزااااف .. و داك تخربيق كاااامل خداوه ليها طبعا فوق نفس سلوى لي ماطاقتهاش ..
واخا يغمسو ليها ريماس ف العسل مدوزش ليها ..
من بعد نص ساعة .. نطقت سلوى و هي كتقلب ف صاك بانزعااااج : اوووووف تيليفوني خليتو ف طوموبيل اش هاذ الزهرررر ..
ليلى : شنو واش بغيتي ديري شي ابيل ؟ خودي تيليفوني
سلوى : لاااا كنتسنا واحد الميساج مهم .. ريماس بنتي .. تهبطي ل باركينج تجيبيه ليا الله ارضي عليك ..
الباركينج مزال بعيد على حد علمها .. حيت فاش جاو هي كانت ساهية و مردتش البال للطريق كاااع .. و تلللفت ..
بقات غادا حتا وصلت لواحد الشارع خاوي غير شي عمارات مفرقين و بوتيكات كبااااار فجنب ..
كان الجو كئيييييب بزاااف .. و غير الريح لي كيتسمع صوتو وسط داك الهدوء الغرييييب ..
كانت دايرا الكيت فوذنيها كتسمع ل واحد الأغنية .. حيدتهم و كتضور تشوف وراها بتريت ..
وصلت لباركينج اخيرا .. و حست بشويا ديال الخوف فهاذ الظلام .. و هاذ البلاصة لي فيها واحد الجو بااارد و ثقيل على القلب بزاااااف ..
مع الدورة لي دارت ب عينيها كيجيو نيشان فوحدين كيشيرو بصبعهم السبابة عليها .. باينا فيهم خاسرين و مشرملين نيييييت و شي شفارا مقطعيييين .. و شابعين حباسات و وجهم مخسرررر ..
زيرت على تيليفونها لي فيدها و زربت خطواتها كتمشى ..
و حست تا خطاويهم كيزربو ..
جمعت نفسها و قلبها كيتهزززز بجنووون .. و عطات الريح لرجليها تأكدت واش شفارا بصصصح .. و عارفة هاذ الماركة مكتفاهمش و مية فلمية يخسرو وجهها ولا يديرو فيها شي فضيحة ..
كتجري بلا عقل .. و خايفا ضور وجهها وتلقاهم ورا ظهرها
ريماس الجزء 11
محتوى القصة
التنقل بين الأجزاء