ريماس الجزء 12

من تأليف Hayam Arsel
2020

محتوى القصة

رواية ريماس

بانت ليها واحد الطوموبيل ديال الدفع الرباعي ف جنب .. جلست ف الأرض تحنات مخبعة ورا ظهر طوموبيل مقردا و رجليها كيرجفووو .. كترعد و تنفس باضطراب .. كتخرج انفاسها المتسارعة .. و صوتهم و هوما كيقلبو عليها كيوصلها من بعيييييد .. داك الصدى الخشن ..

شخص 1 : تشاااا راااا وووواا حق رب الجليل و متلقااااها تنحيد لمممك **** و نعلقهم سمعتييي و لا لا !!! بحال هاذ التضويرة كاتجي غير مرة ف العمر ..
<بحلق ب عينيه كي شي موكا و جابد موس> ايوااااا فييينك العمر فيييينك !! 

شخص 2 : وا صاااافي بلاااا ماتغووووت ..أ عشييييييرييي معدها فين تهررررب نجبدوووها نجبدووووهااا ..

ريماس طاح فيها نص على صوتهم و حوارهم و مزال كيقربووو ليهااا .. و مزيرا بيدها على تيليفونها و العررق كيتصبب من جهتها .. كل مرة كاتقفز مع صوتهم .. و هوما كيوصلو ليها .. 
حطت يديها على فمهااا .. 
لايسمعو نفسها كتهبط و تطلع .. 

كثر من نص ساعة و هي مركنة تمااااا .. غير سمعت خطاويهم بدااااو كيبعدووو و هي تنفس و صدرها طاااالع نااااازل .. و العرق ف جبهتها نازل خط واحد .. سندت ظهرها للطوموبيل .. 
و هي تسمع رنة تيليفونهاااا ... تررررن ترررررن ترررررن تررررن ..

و بالخلعة باش تقطع مابقااااش بغا يقطططع تعككككس .. 
و وقفو عليها صحاااااب دعوتتتهااا .. ب زووووج .. و حالتهم كتخلللللع ..

******************

قيس عيط ل ليلى غير جاوباتو و زرب دوا : ليييييلى قوليييي ل ريماااااس تجااااااوب ف داك زمررررر د (يالاه ايسب و هو يحبسها فطرف لسانو و مضيق عينيه زووورق بغضب ) .. 

ليلى تنهددددت : و رااااه سخراتها ماما الله اهديها تجيب ليها بوغطابل ديالها من الباركينج و نص ساعة مزال ماجااات هانا كنتسنا و ماما كتقلب فشي اكسسورات ..

قيس ضرب فوووق لفولون : اشهاااااذ ل****** كيفاش سخراااتها ؟ اشنو كيدير ل الغارد محني رجلييييه ؟؟ 

ليلى تخلعت من نبرة صوتو و دفعت تيليفون على وذنها ضرتها وذنها : ص صافي انلحق عليها متخافش ..

غووووت بصوتو الخشن : ترررركني ف بلااااااصتك داباااااا .. انا غانخلط عليهاااا .. ***** عوووولت عليكم بكري



سكتت كتبلع ريقها .. و هازا عويناتها لي سيطر عليهم الخوف بزااااف .. معوجا عنقها فيهم ..

واحد دار يدو ف جيوبو : يالاااااه تكعددددي أ شرييييفة .. نشوفو داك الوجه ديالك و نتعرفووو عليك مزيااااان ..

وقفت بشويا و قلبها غايسكت بالخلعة .. مددت تيليفونها ليهم : وا حق الله هذا لي عندي .. واخا تقلبني متلقاش عندي ريال واحق الله و تقوووول ربعا دريال هي لهرا معنديييييش .. 

ضرب يدهاااا بقووووة تا طاح تيلي ف الأرض .. و نطق و هو كيعض على لسانو و مصغرررر عينيه لي حووووومر بتبويييقة ف ملامحها : 

أ لاااااااا حنا ماشي جاييييين نشفرووووك حاشا القوووقة دياااالناااا .. بايناااا عليناااا الشفرة حنااااا هاااا !! 

حركت راسها ب لا و عينيها كيرمشو بزررربة : و و ع علاش و واقفين عليا !! ش شنو ب بغيتووو عندي !! ..

قرب الموووس جيهة وجهها و هي جمدددددت غير كاتقفقف و تدعي ف خاطرها يبان شي حد و يعتقهااااا منهم ..

اناااا عااااجبنييي هاذ الوجييييه .. حبيييييتوو انااااا .. هاذ العوينااات الخووووضر اححححح و هاذ الحجباااان بغيتهم و هاذ الخدود *قاسها بلموس فحنكهاااااا* .. 

لاخر لي حداه كيبحلق فيها شويا دفع هذاك و قرب مركززززز ب عينيه عليهاااا : معررررفت لمن شبهاااااات ليا أ ساااااط وا حق الله ..
راااسي ضرررررني .. و صورتها على طرف بالي ..

لاخر كارز الموس على عنقهاااا و مزيرررر يدووو على ذرااااعها لي وعتها فيهاااا بزااااااف : لمن غااااتشبه لجدااااااك ؟ اش كاتخراااا و تنشرررر واش حنا دابا فهاذشي أ !

نطق مصددووووم و ضرب كفف مع كفف : ناااااري عقللللت عقللللت ..

زفررر قااانط : اشنوووو أ ز****** دوييييي !!

.... : عشييييييري كتشبه لخوادرية ديال مهدي أ سااااااااط و بررررب الكعبة تا كتشببببه ليها ..

غوتت و حلقها ناااااشف بالخلعة : ا اه اه اه انا خ ختووو خ ختووو خ خت مهديييي .. 

هذاك لي شاداها تصددددم .. مطرطق عينيه و رجع شاف ف صاحبووو ممتيقش : واش مهدددي لمرايصي ؟؟؟؟ و لا ا شكاتخووووور .. !!

...... : هووو هووو .. مهديييي لي كان ف المررررصة .. وا حقررررب تا هي واخا عمرني وصلت حووومتو و لكن شفتها معاه واحد المرررة .. واش اساط غاتكذب عينيا ؟ واكوااااك ..

بقا كيبحلق فيهاااا : اهاااااه واش جاب ديك ختنااااا ل هااااذي ! 
نتي خت مهدييي ؟؟

حركت راسها ب اه و عنقها تشنج : و واحق الله تا خ ختووو و و الله ..
هز ت تيلي أتلقى ن نمرتوووو و ع عا عافاك عن عنقي ض ضرني ..

شير لاخور ب عينيه هز تيليفون فتات عليه الكود و لقا نمرتو عيط ب بغيفي و دار هوط باغلوووغ و تسمع صوت مهدي الحرررش : الووو الووووو ..

بقاو ساكتين كيشوفو ف بعضياتهم .. 
طفا هاذاك تيلي و لاخر زول يدو من على عنقهااااا ..

نااااااااري على بلااااااان أ ساااااااط ..

ريماس كتنهددد و قلبها كيضرررررب و عينيها عمرو بالدموووع بالخلعة و قوست ظهرها كاتجمع انفاسها :

ح حشوووما ع عليكم باش أذيييتكم ..

هذاك قرب جيهتها : العاااااار أ ختيييييي سمحييييي ليناااااا .. و الله ما كنا عاااارفين .. سيفطاتنا واحد سيدة .. مكنعرفو لا سميتها لا والو .. ضبرررررت لينا ف صرررف صحييييح و قالت لينا نخسرررروك .. وااااا ناااااري على بلااااااان كان غيطراااا دااابا ..

هي تخلععععت : ك كيفااااااش !! ش شكووووون هااااذي !! 

نطق و رجع لموس ل بلاصتو : و الله مكنعرفهااااا .. اول مرة شتها فاش جات للحومة .. مللللعقة نييييت و عندها اودي حمراااااا .. عطاتني عنوان و قاتليا تكلللف ..

شهققققت بفضووول و خووووف كبييييير .. شكون ااتكووون هاذي ... غير سمعت صوت شي حد جاي باغي يعاااونهااا : 

ختيييي كاين شي مشكل تماااا !! ..

و نطقت كاتشوف فيهم : هررررربووو هررربوووو .. ..

واحد شد راسها كيبوس فوق منو : العاااااار مهدي ميسيقش الخباااااار و لا غاتنووووض القيااااامة ليومااااا ..

نطقت بسرررررعة : م متخااااافش متخاااافش صافي غير سير ..


غير مشاو و وصل عليها واحد سيد كبير ف لاج شويا و انيق : ختي واش صافا !! 

هي كتنهج : صافا صافا شكرا الله احفظك ..

بقا مصغر عينيه فيها كيتأكد عاد مشا .. و هي تطلق واحد تنهييييدة طوييييلة : ااااااخ أ مهدي سير لهلا يحرق فيك شيييي عظم .. أول مرررة ديرها زوييينة بهاذ المعرفة الناقصة د هاذ لgنوس لي كانو غايسكتو ليا القلب .. 

بقات غادا كاتمشى و تضور تشوف ف جنابها مابقات هزت لا تيليفون لا زمر .. عقلها سرررررح .. 

غير خررررجت من تماك و هي تساطح مع قيس نيشان ..
غير من ريحتو عرفاتووو .. حست ب الأمان كثرررر و هي كتشمها و معرفتش علاش حست هاكاااا ..

كيطلع و ينزل فيها بحاجب مهزوز و ملامح مكتبشرش بالخير ..
لمح وجهها صفررررر و كانت شادا على ذراعها غير شافتو و هي تطلق من ذراعها بزربة و كتحنحن بصوتها :

اح احم احم ق قيس ايمتا جيتي .. 

زاد صغر عينو فيها بشك : ماااالك ف ذراعك !! 
و فين هاذ تعطيلة كثر من نص ساعة و نتي غاطسا هنااا !!

حركت عينيها كضورهم تالفة : للل لاااا لااا ما مالي والو انا هي هاذي .. 

بقات كتمسد عنقها و هو يجرها هز على كمها و لمح دراعها مطراسيين فيها صباع .. 
و متبان حمراااااا غادا لزرووقيا .. تصددددم و جن جنوووونو : شنوووووو هاااااذشيييي ؟؟

سكتت مقدرت تقول والو و لي داز كيشوف 
فيهم و ينتبه لصوت قيس الخشن : والو والو غير طحت ..

قهقه بصوت جوهرررري مستهزء و مزال شاد فذراعهااا : 
اهااااه دااابا انا حمااااااار يااااك ؟؟ بانو ليك عندي الgرووون !! 

سكتت تاتشوف ف الأرض .. و رجع لمح عنقها مجروح شويا صافي هنا نفجرررر :

واش مغاتدويييييش ل****** بوووك ااااش ووووقع ليك ؟؟؟ مااااالك هاااااكا ؟؟ فين تعطلتيييي هاذ الووووقت كاااامل دويييي متزنزنيش داااابا دويييي هضرررري ؟؟ 

تهزت بالخوف و قلبها كيرررجف صوتو خلع ناس كاملا لي تماااا و زعزعهم من بلاصتهم و تا حد ماقدررر يتدخل .. 

تحجرو دموع ف عينيها : ج جيت ناخد غير تيليفون د ماماك و تعرضو لي شفارا هنا .. متيقوش بلي معنديش فلوس .. و بقاو لاصقيني حتا داز واحد سيد بغا يعاوني و مشاو هربةوو .. 

زاااااد طرطق عينيه بقلق واااااضح : فييييين. !! هنااااا هاااذشي ؟

حركت راسها ب اه .. 

تزيررررر لووون وجههو و عروقووو تصلبووو ضااااغط على فكووو .. هز بزربة تيليفونو كيدوي : اجييييي داااابا لهناااااا ..

رجع شاف فيهاااا و مزال تيلي حاطو على وذنو : وصفيهم ليااااااا ! اش لابسين كيداااايرين شنو هازين ؟ منين مشااااو ؟؟

هي تخلعات : ل لا ع علاااش !! 

قيس : ريمااااااس متصعريييييش ديلمي داااابا .. 
جااااااوبي و خليني ندير خددددمتي معاهم نربيهم باش يتعلموووو لز**** بوهم .. 

تخلعت و تهزززز قلبها حساتو بحال شي بركان غينفجرررر .. غير لون عينيه تقلب بزررربة .. رررجع كوووولو كيييخللع .. و عرفت ايلا مشات تا قالتها ليه غايصدق داير فيهم شي فضيحة خااااايبااا و لا يقتلللهم .. 

زادت سكتت و شنايفها كيرجفوووو ..

غوووت مزعزعهاااا : دويييي نطقيييي ؟؟ و لا غانمشي نقللللب عليهم راسي داااابا زنقة ب ززززنقة ..

نزلات قرررردت ف الأرض و خبات وجهها بيديها كاتبكي .. و ترررعد .. صافي صوتوا هاكا و هو كيعرعرررر طيح فيها ننننص .. مقدتش مزال تشوفيه ..

تنهددد كيرخف ف لكول د القميجة .. و يمسح على لحيتووو .. و تفاحة آدم كتطلع و تنزل و داير يديه على خصرروووو و كينهههههج : نلقااااا ز***** بوووهم ن******* كلللللهم لكلاااااب ل ******** فاااااااااك .. 

نزل تحنا عندها و جر يديها من فوق وجهها حاول يخفض نبرة صوتو باس يدياتهاااا : ريماس روحي شوفي فيا ..

مهزززتش عينيها فيه ..

شدها من كتافها تا وقفات .. و جرها لعندو خطفها بعناق حامي و قلبو كيدق بسرررعة على غير عادتو و همس عند وذنيها بصوت بحال البلمس : شششت صافي تهدددنييي .. ماتبكيييش بلييييز ..

سكتت و مسحت دموعها : عافاك يالاه نمشيو من هنا ..
شد فيديها و عينيه كيقلبوو مزااال : يالاه .. انمشيو دابا ..
ركبت و ركب حتا هو .. قبل مايسد ليها سمطة باس خدهااا و نطق : نرجعو للدار ترتاحي ! ولا نمشيو نشوفو شنو خاص !! 
هي بقات ساهيا كاتشوف ف زاااج
و تفكرررر ف شكون هاذي لي غاتصيفط ليها هاذ المقطعين من يد الرحمان ..


رزان دارت مع ليلى ف واحد ريسطو تلاقاو .. 

و ليلى مرييييييضة برواااح و ديجا عندها ضيقة رجعت حااالتها .. 

رزان : واش شفتي طبيب أ طحبة !!

ليلى مكاليا وجهها بيديها نيفها حمررر و حتا عويناتها و كتلعب بالفورشيط : انا عامر هو دوايا غير نشوفو غانصصصصح و ندردg مزال <ذبلت عويناتها> توحشتوووو بزااااااف اوووق قلبي كيضرني .. 

رزان تنهددددت : صافي أ صاحبتي وا حق الله حتا عيقتي .. علا قلة الرجال .. شوفي غير دابا شحال من واحد حاط عينو عليك و كيتسنى غير كلمة منك .. واحد ينسيك ف لاخر ..
و نتي معمرا ليا راسك بداك خيخي لي دار من الحبة قبة و زاد فييه تقولي كرامتو من الذهب ..

ليلى قربت تبكي و كتحرك ف راسها بلا : 

لااا لااااا .. عمرني أ صاحبتي نلقا بحال عامر .. واخا نقلب الكرة الأرضية كولها ..
متخلق و كيحترمني و محترم راسو .. و ضريف و كيخاف الله .. و معول على راسو .. و ماشي كي دوك الgنوس لي عرفت ف حياااتي .. غدارين و باغيين غير يتفلااااو و ي**** .. و عايشين غير بفلوس واليديهم .. 
هو قاد براسو راسو .. و خدام على خوه و كيتقاتل مع الزمان .. 
راه وا حق الله ماتفهمي باش كنحس .. 
راه ماشي غير كنبغييييه شي حاجة كثرررر أ رزان عينيا لبغاهم نعطيهم ليه يقولي طيحي ف العافية نطيح فيها شوفي تحت عيني كي رجع الليل كاااامل منعستش و لا شفتووو .. 

تنهدددت و عينيها ساهييين ف داك الطبق د سلطة و هي فاقدة شهيتهتااا و غير كتلعب بالفورشيط و نفسها مسدووودة .. و كتنهددد بحرررررقة .. 

رزان هزت حجبانها : خاصنا نديرو شي بلان باش تصالحو و نتهناو من هاذ المأساة لي دايرا لينا ..

قهقهت ليلى : واش انا باقا نتبعك ف بلاناتك .. 
الله امسخك قدااااش قلتيهااا .. خرجتي ليا على مستقبلي الغرامي معاه .. 

رزان ضحكت : لقييييتها .. و الله سيري عندو لبلاصة خدمتو و تواجهي معاه .. 

ليلى : اوووووف منك .. العار لما غير سدي خرستك .. 

رزان مع هزت عينيها و هي تصدددددم كان عامر نيت ذكر الكلب و هز الهراوة بانليها داخل داير كاسكيط كحلة لابش جاكيط د الكوير مبين كتافو .. و معاه بنت غزااالة طويلة و أنيقة ة شعرها شهههب .. جلسو فواحد طبلة بعيدة عليهم و هو عاطي ل ليلى بظهر و تا هي عاطاه بالظهر غير رزان لي كيبان ليها .. 

ليلى لاحظت وجه رزان كي مخطوف : مااالك ! بحالا شفتي شي زومبي ..

رزان : ليلى بلا ماتديري ضورة الكاميو عامر عاد دخل هو و واحد البنت


تصعقت .. و هي تضور بزربة بحالا رزان كانت تتدوي و توصي فشي حيط ..

صغرت عينيها لي جاوو على ظهروو نيشااان .. قدرت تقشعو وسط دوك ناس بزرررربة واها غير من ظهرو ..

و قلبهااا كيزدددح كاااع منين شافت ديك خايتي لي معاه .. و كاينو مجمعين .. كيبانو منسجمين نيييت .. 
بقات كتشوف ف تفاصيلها و نار الغيرة كتلتهب و تنهش داخلها ..
ضورت وجهها عند رزان بملامح واضح عليهم الحزن و يديها عرقووو و هي تبسم تبسيمة صفرا : 

شووووفي يااااختي جاو مواتييين يااااك !! طاح الحك و صاب غطاه هي غزال و هي غزالة ما شاء الله 

ساطت رزان كتزفرر ندممممت لاش قالتها ليها : 

ليييييلى تهدددني بلا فضيحة سمعتي متشوفيش جيهتو غايكبر ليه الشان و المرشان .. على والو .. و اصلا هي دايرا كي شبح الموت .. مافيها مايتشاف باينا ديك شهوبيا ماشي من عند الله راسها صفر بحالا طاليا عليه الخرقوم و لا زعفران ..

ليلى وررركت على ديك الفورشيطة بصباعهاااا و عينيها ضيقتهم بغغغغل :

لااااا زويييينة عندها حقها ف الزين بلا مديري هاكا باش منتقرصش اناااا .. و
زوينة و جات معاه .. سيد زرباااان مصبررررش .. 
هههه وااااو عاد كنت كنقول مختلف و ماشي بحال دوك الgنوس صدق كفس منهم ربي بينو ليا على حقيقتووو الغداااااار .. 

رجعت ضورت عينيها و هي تبانليها ديك ختنا كتعبر و تدوي بيديها .. شويا شدت ف يديه و كتبسم ليه .. 
صافي هنا ليلى تغرغرو عينيها بالدموووع و بانت الغيرة فوجهها و قلبها كيضررررب ف 90 مكهررررهتش تريب هاذ الريسطو عليهم ..

رزان كتعض فظفارها : حماااااار الله القيها ليه .. كيفو كيف كاع ز*** يييخ تقووولي مسgيين ب مغرفة وحدددة .. تفوووو .. شووووفي فيا لييييلى و الله و تبكي تا نكوييييك هنا سمعتي !! 

ليلى مسحت بزربة دموووعهاااا و جبدت تيلي : غانصوووني ليه و نشوف واش غيجاااااوب انعطيه فرررصة داباااا ..

رزان: لااااا العاااار بلااااش واش منيتك أ ليلى كلشي واضح بلا مندرقو الشمس بالغربال جمعي لخراااا صافي و جلسي تررركني ..

بدات كتصوني عليه .. و ضورت وجهها كتشوف فيه .. جبد تيلي من جيبو دار فيه شوفا وحدة و طفاه ..

.نطقت بصوت منخفض : تهدددددني تهددددني .. تهدددني أ ليييييلى تهددددني و ثقليييي تهدددتي ..

دارت شهيق و زفير عمييييق .. تبسمت ابتسامة عرييييضة و شافت ف رزان : مقددرررررتش .. مقدررررررتش ..

ناضت بززرررربة وقفت كي شي عاصفة قووووية .. كتمشا بطالونها العالي .. حتا وقفت عليهم فوق راسهم دايرا يديها على خصرها ..
و حمررررت عينيها ف عامر مزياااااان لي تصدددم فاش شافها قدامووو


تبسمت ليلى كتشوف فيهم : ياكما عكرت ليكم الجو هممم ؟؟

عامر تنهددد : ليييييييلى .. 

رجعت شعررها للور و مزال محافظا على ديك تبسيمة : 

اوووه مشغووول يااااك !! ممساليش !! معندكش حتا الوقت لي تجاوب على لابيل ديالي واخا غير تقوليا صبري شويا أ ميخية و نعيط و لا غير قوليا راني ممساليش .. مي نوووون نتا طفيتيه كاااع بغااااافووو و الله تا بغاااافو كون جاوبتي كانو غايتقسمو ليك صباعك ..
<هزت يديها كتصفق>

البنت لي قدامو مفهمت والو : ختي سمحيلي شنو المشكل دابا !! 

ليلى قهقهت بسخرررية ورفعت نبرة صوتها تا كولشي انتبه ليها و جمعت ديك ضحككككة : نتييييي أ زيييين نتي هي المووووشكيل .. مزالاااا كتسووولي ؟؟ بلااا حشمااا بلا حيااا ..

عامر وقف و ملامحو جامدة رد البال لرزان لي فطبلة و كطرطق فصباعهاااا : 
لييييييلى رجعي جلسي مع صاحبتك و بلا هاذ الهبااال الخاااوي .. يالاه تحركي .. رجعي جلسي مع صاحبتك ..

دارت يديها فوق خصرها و يبست رجليها ف الأرض :

ماااابغييييتش يالاااه .. غاترجعني بزز ! شنوووو معجبكش الحال حيت خسررررت ليكم اللحظات الرمانسية يالاه كنتي غاتبدا تمعشق !! هااا ! دوييي !! انا عفطتي عليا بصباتك جاك طلاميس علياااا ا <هزت صباعها كتحسب بيهم> متجاوب لا على ميساج لا ابيل .. تقول انا لي قاتلة كينيدي .. 
و عجججججببااااك راسك نعام اسي حيت صاااافي كرامتي انا بهددددلت بيييهاااا .. .. 

الله اعطيك الصحة و خلااااص .. 

عامر تنهددد و هز يدو كيمسح ف لحيتو بصبرررر قلييييل .. قرب جيهتها و زيررر على ذراعها و كولشي كيشوف فيهم همس حدا وذنيها بصوتو الخشن : 

لييييلى كلمة ووووحدة قلتها سيييري رجعي لعند صاحبتك .. و بلا هاذ الشوهة قدام نااااس .. 

حبست دموعها و هي تنطر يدو كتغووووت : تفووووو كلكم gنس واااااحد .. كلكم .. بغيت ربي ميسهلش عليك لا نتااااا لا هي .. الله القيها ليكم يااااربييي ..

رجعت شافت ف لاخرى : واااا شووووفي فياااا مزياااااان .. ****** 

خليت ليكم راااحة .. زرررع البصلة نتا وياها هنااا .. 

مشات هزززت صاااكهااا و خرجت كتجررري و رزان كتعيط موراها ..


عامر هز تيليفونو بزربة و مد ليها واحد جوا بيض : 

عافاك غير سمحي ليا على هاذشي لي طرا دابااا .. <حك جبهتو معرف شنو يقول> راها ضريفة غير فمها مبري منها .. 

شدت الظرف من عندو و حطاتو فصاكهااا : شكراااا بزااااف أ عامر و الله عمرني نسا خيرك ف حياتي كووووولها .. الوقت لي قلت نتا آخر واحد يعااااوني بسباب حقدك عليه .. وقفتي معايا وقفة د رجال لي موقفهاش معايا شي حد رغم ظروف لي صعيبة ..

تبسم ليها : ماتقوووليش هاكا دم واحد كيسري ف عروقنا .. وقتما كنتي محتاجاني نمرتي عندك متردديش ..

زرب فل كلمات اللخرين .. و خرج كيجري هو و رزان ف خط واحد .. كيقلب بعينيه عليها .. والو حسها غااابر تقول سرطتها الأرض شاف ف رزان : جابت طوموبيلتها ؟؟ 

خنزرررت كطلع ووتنزل فيه بغضضضضب :

ايلا مشااااات حتا وقعات ليها شي موووصيبة الله احفففففظ و هي فهاذ الحالة غاتكون نتاااا سباااابهاااا .. يخخخ رجااااال نتوووما gنس نمرووود صافي كسرتي قلبها حيت هي نية و بغاتك لعبتي عليها و حطيتيها تحت صباطك ..

تنهددد و قلب كاسكيطو لورر : رزاااااااان دوييييي دااااابا رآها فاهمة كووووولشي غلط .. هاذيك لي كنت معاها ختي .. غير من لوااااليد .. و وقع ليهم مشكل و انا شفتها غير باش نعاونها صاااااافي .. و هي ديما مسبقاااا العيب مخلاتنيش تا نشررررح ليهاااا ..

تصددددمت رزان حالا فمها : ك كيفااااااش !!!! خ ختتتك ؟ 

عامر ضربت شميسة على عينيه و يديه على خصرووو : 
ااااه ختييي .. كون كانت غير كاتسمع شويا الهضرا كي نااااس كنت غانشرح ليها كولشي و هي ماخلات فينا غير لي نساااات .. 

رزان هزت ظفارها كتعض فيهم : ناااااري .. فهمنا كووووولشي بالمقلووووب 
. صgعة معرفت فين غاتكون مشااااات .. و مريييضة المسخوووطة ..

بقلق وااااضح رد و هو قاطب حجبانو : مااالهااا !!

: جاتها كخيييز د الضيقة لبارح و ضاربها البرد بزاااااف حالتها حاااالة خفت غا تشدها شي كخيييز تاني غاتكون عاطياها للبكاا .. 

عامر مسح وجههو بنفاذ صبرررر حتا ررررجع حمررررر .. و جبد تيليفونو يالاه بدا كيصوني و هي تقطع فوجههو .. 

عيطي ليها الله ارحم باك نتي غاتجاوبك .. و غانمشي لعندها نفرتكو هاذ رمانة .. 

هزت تيليفونها كتعيط ليها شحااال عاد جاوبتها و دارت سبيكينغ : الووووو لييييلى فيييييينك أ صاحبتي !! 

لييييلى بصوت باكي : ف جايحا لي تضربني و متردني ان شاء الله .. 

رزان : فيييينكي ؟؟ نجي عنددك ؟؟ 

عامر كيتسنط و قلبوو مهووول عليهاااا .. 

ليييلى : ماتجيييش أ رزان .. خليني بوحدي تا نتفش و نرجع .. يااااااربي بغيتوووو تجيه شي موووصيبة هي وياها تقلعهم بزوج الله اغرق ليهم الشقف اهىىىئ هءهءهء غدااااار ميسوااااش و الله و ماتدعي فيه منسميك صاحبتي .. دعييي فيهم ربي يفرتك داك شمل ديالهم ولاد الحرام هءهءهء ..

عامر معرف يضحك معرف يتعصب و دار اشارات بيديه باش تصر عليها تقوليها فينها ..


رزان : واااا ماتخلعينييييش عليك فينك دابا فييييين غير قولي فين بعدا بلااااا قصووووحية الرااااس ! 

ليلى : انا قربت لبحر فبلاصتي فين كنجلس ديمااااا .. شوفي عافاك أ ختي الله استر عليك غير خليني و الله انا بخير انبقا غير شويا و نرجع للدار متخافيش علياااا .. .. 

رزان : اوكي حبيبتي على راحتك ردي البال لراسك .. و متبكييييش باراكا عليك راك مريضة ..

قطعت و شافت فيه : سمعتي غاتكون غير حدا البحر .. سييير شرح ليها .. تبرررد غير شويا ..

حرك راسو ب اه و مشا شد طاكسي بزربة .. 

15 دقيقة عاد وصل .. بقا غادي و البررررد محرررك نيت كيتمشى بخطوات كبار كانت ديك لبلاصة خااااوية ..
تا لمح طوموبيلتها صغر عينيه كيتأكد .. تمشا بزربة .. تا وقف عليها .. و قوس ظهرو تحنا دق ف زاج و عينيه الكوووحل عليها .. 

هي كانت ساهيا ب عويناتها كاتشوف ف البحر ..
العقل سااااهي و غااااسب كيفكر و الجسد هو لي حاضر .. و تنخصص كل شويا تا يتهزز صدرها ..
غير سمعت صوت ف زاج و هي تقفزز مخلوووعة .. لمحاتو قدامها و كيدق فزاجة باش تحل .. تصدددمت ايمتا جاااا و باش عرفها هنااااا ! ..
غير تفكرت صاحبتها فاش كانت كتسولها و تلح عليها باش تقوليها فينها هي عاد فهمت البلان :

يااااااك أ رزااااان .. غير بلااتي لمك تانشوفك أ ****** ..

نزلت زاج و ردت بصوت مخنوووق بحالا مكتعرفوش : نعام أ خووويا اش كااااين !! 

ضحك بجنب فمو و هو مقوس ظهرو :

نزليييبي أ ختي نزليييي ندوي معاك و نتفاهمووو نفركعو هاذ رمانة .. 

هزت راسها ب لا و كتنفخ ف شنايفهاااا : سير بحاااالك دابا .. سير عند ديك سفريطة حشوما تخليها تما و تجي لهنا ..مجاااااتش عيييب عليك و ا
لا تلفتي معرفتي مزال فين تشد .. 

تنهددد : ليييييلى خرجي بلا حريييق رااااس ..
و خلينا ندويو ب عقلناااا ..

هي : انا سيدي معنديييش العقل غير بسيكوباطا .. ارتاحيتي ؟؟ يالاه سير عند مولات العقل هي لي تفهم ليك لهاذ تنوووعير ديالك .. 

ردد لا حول و لا قوة إلا بالله و دخل يدو حل الباب و جرها من ذراعها بقوووة و هي كتنطررر منوووو .. تا خرجها و هي كتغووووت : طللللق منييي .. متشدش فيااا ..

لييييييييييلى <ورك على سميتها بين سنيه> سمعييييي غير اشغانقووول .. و ديك ساعة ديري لي بغيتي ..

ربعت يديها و حجبانها مزديين : شنووو دوي ؟ قول كنسمممع ! و غير زربي حيت مطايقاش نشوفك ..

رجع شعروو لوور و صدروو طاالع نااازل .. قرب جيهتها و هي كترجع باللور ..
حتا تزدا ظهرها مع طوموبيل بلعت ريقها و ريحتو مسخاااتش بيها توحشتها بزااااااااف و قلبها كيضررررب : 

سمعييييينييي مزياااان ..
دك درية لي شفتي معايا قبيلا راها ختي ..

حبست ضحكتها و نطقت مستهزءة : اهاااه .. سبحااااان الله رجعات ختك !! زيد مزال اشنو آخر ؟


عقد غوباشتو و ملامحو جدييين : مكنضحححكش أ لييييلى .. 
كندوووي سيريووو دااابا .. قلت لك ختيييي هاذيك من الواليد مع مرا أخرى .. عندو معاها هاذ البنت و دراري قدي .. 

طاحت ف مشكل و خصاتها الفلوس و تا حد مابغا يسلفها خوتها و قلبو وجههم عليها .. 
و قلبت هي على نمرتي .. خافت فاللول نقمعها و لا شي حاجة ..
حيت انا بصراحة كنت حاقد عليهم بزاااااف حيت بسبابهم حنا عشنا بلا أب .. <كمش عينيه بحرقة> و لكن منين شفتها محتاااااجاني مقدرتش نردها فوجهها .. و نسيت كولشي لي طرا .. و عاونتها فسبيل دم لي كيجري ف عروقنا .. 
هاااااذشي لي كااااين ..

هي جمعت ضحكتها فهمت بلي بصح مكيكذبش ..
و طرطقت عينيها مصدوومة كترمش بشوييياااا .. 

بقات غير ساكتة و جابت يديها قدامها و صدرها طالع نازل و دمووووع نازلين ..عرفت راسها قفرتها و زادت فيه على والو و البنت صدقت غير ختوو .. و هي دارت ليهم الفضيحة و دارت من الحبة قبة ..

عامر تنهددد و داعب نيفها الحمررر : متوحشتينيش ا المغيارة !! 

حركت راسها بلا و كاتعض على شنايفها .. و تنخصص : ل لاااا يالاه سير بحالك دابا 
. سمعت اش قلتي و فهمت ..

زاد طول فيها شوفة و هو محاصرها ممخليش ليها فين تحرك و انفاسو كيضربو على وجهها لي حمرررر كي حبة الفراولة : ماشي هاذشي لي كنشوف ف عينيك .. انا عارف توحشتيني بزاااف .. 

ليلى كتمعص ف صباعها : بزعطة لا عرفتي .. حيد من قدامي .. بغيت نمشي تخنقت .. 

عامر زول الكاسكيط و خربق شعرو للور لي كيخربقو الريح على عينيه : هانا شرحت ليك شنو باقي مزال ! مالك راسك قاصح مالك ! 

مقدرتش تزيد تشوف ف عينيه لي دوخوها : اه شرحتي ليا الله اكثر خيرك .. هاذشي مكيعنيش ننسا شنو درتي فيا .. هاذ ليام كولها .. و انا كنعيط و نصوني و نصيفط ف لميساجات <غلبت البكية عليها و خرج صوتها ضعيف> و ن نتا م ممسوقش ليا ههءهءءهءه اهىىى ئاهىىىئ ح حمااار 

ضحك تا بانو سنيه مقدرش يحبسهاا .. و خطفها لعندوووو بعناق حااااااامي و كيبوس فوق شعرها و يديه مضورهم على ظهرها و راسها واصل لصدرووو : انا حمااااار و كلب مكيسوااااش ..
و لكن هاذ الحمار و الله تا كيمووووت عليك .. و كيتسطى عليييك 

تسمع صوت نحيب بكاؤها و زيررررت بيدها مكمشاهم على كويرتو تبكيييي و تعاااااود ..

عامر : شششششت صافي لييييلى عافاك راك مريضة .. شششت صافي أ روحي متبكيش ..

شد وجهها بين يديه كيمسح دموعهاااا بصباعوو .. و نزل بشويييا ل شنايفها طبع عليهم قبلة حااااارة كتحمل مشاعروو جاااارفة و ملتهبة .. حسسست بقلبها كيضررررب ... علاين يخرج من بلاصتو و رجليها فشلووو عليهااا .. 
رجع طبع قبلة اخرى على خدودها و على نيفهاااا و عويناتها : شششت صافي باراكاا .. عافاااك ..

رجع لوور بخطوة و زول كويرتو بغا يلبسها ليها و هي ترفض : غاتلبسيها بززز منك .. مريضة و لابسة عليك هاذ طرف ديال ثووووب .. بااااز ليك ..

حركت راسها ب لا : مابغيتهاش شو غتجيني عريضة و تخسر لي ستايل د لبستي .. 
و اصلا مافياش البرد ..

مسمعش ليها جرها و لبسها ليها بزز و سد سنسلة تال لفووق و جاتها عرييييييضة .. 
ضحك بجنب فمو : دابا جيتي زوينة ..

ليلى هزت حاجب : كضحك عليا ياك ! 

عامر قرب ليها و شدها من ذقنها : علاه انا نقدر ! 
باسها ف عنقها حتا رجفت و ضحكت : راك كتهرررني .. بعددد مني ..

رجع كيبوسها بوسات طوال ف عنقهااا كيتسمع صوتهم و كيتسمع صوت قهقهات ضحكها و كتميل عنقهااا : ههههه و وا لا ب بعد مني هههه ل لاااا عااااامر ح حشوووما عليك .. 

جرها عنقهااا و خاشيها ف صدرووو : كيف بقيتي ليا شويااا ! قاتلي رزان كنتي مريضة بزاف ..

شافت فيه و قلبها كيدددق بسرررعة بالفرحة و اخيرا ارتاحت و قلبها ارتاح : اه كنت عيانا .. مي دابا بيخير <زادت تبسمت و عينيها كيلمعووو حطت يديها على لحيتو لي نقصها> ويييلي نقصتيهااا !! 

عامر حط يدو على يدها و قربها لفمو باسها ف راحة يديها : اه كتعنكشني .. غانمشي نيت نقص تا شعري تغوووفلت .. 

قطبت حجبانها : لاااا .. خليه هاكاك و متزيدش تنقص منها خليها زوينة .. 

ضحك تا بانو غمازاتو : واخا أ لالة غانبقا هاكا تنرجع كي شي قرد .. و تولي تحشمي توقفي معايا ..

ضحكت على هضرتو و بقا شويا ضاحكين شويا مناgرين عاد دخلو ل طوموبيل .. هو لي صاg .. 

ف حين كان واحد مقابلهم من واحد طوموبيل و كيصور فيهم .. منين عاد تشاوفو ..


طووول طريق و هي غير ساهيا تخمم و تفكر ف شكون هاذ السيدة و شنو بغات عندددهاااا و علاش هي مستهدفة بهاذ طريقة .. 

قيس ضور عينيه جيهتها حسها ماشي هي هاذيك منين ركبات و هي غير صادا جيهة شرجم و كل شويا تطلق تنهيييدة طووييييلة : ريماااااااس 

حركت راسها بزربة فايقا من وسط بحر افكارها لي مكينتهيوش : ن نعاااام 

عينيه زوووورق ضيقهم مصغرهم ف طريق لي زحمة شويااا : فين سااااهيااا !
شاغلاك شي حاجة !! 

تنهددت و هي ترد بصوت ناعم : غير عيانا .. قيس .. عافاك خليني نمشي للدارنا دابا .. ضروري خصني نمشي الله اخليك ..

رد : علاااش !! ياك قلنا غانمشيو كلنااا !!

ريماس : لاااا مزال خصني نمشي نشوف بابا و نطمن عليه واش خدا دواه و لا لا .. و نقولها ليه قبل .. فهمتي و غدا ان شاء الله اكون خير ! 

تنهددد و حرك راسو ب اه ماباغيش يخسر خاطرها : وااااخا .. 

ريماس .. شكراااا ..

باس يدها بلطف .. مانبقاش نسمع منك هاذ الكلمة عاود .. اوك ! 

ريماس : وااخا .. 

وصلو من بعد ربع ساعة .. حطها بعيد على الحومة شوياااا .. كي وصاتو تفاديا لهضرة ناس .. واخا تعصصصب و ديرونجاه هاذشي .. لكن حاول مايبينش ليها .. 

جات بغات تنزل و جرها من ذراعها مرجعها لعندو بحركة خفيفة منو تا لصقت حداه : بلاتي فين غادة ! 

وسعت عينيها بعدم فهم .. لدارنا !! 

حك ذقنو و عينيه كيبريو بغموض واضح : ممم و مغتسلميش علياا ! مغنشوفك حتال غدا انتوحشك بزاااف .. 

توردو حنيكاتها الحمرين و حشمممت من هضرتووو لي ممصدقاش واش كتسمعها من هذا لي قدامها .. بقات غير كتبحلق ب عينيها من هاذ الموقف ..

حط صبعو على خدو : بوسيني غير هنا و سيري .. 

بلعت ف ريقها لي تسمع على هضرتو و ضورت عينيها ماكان تا حد و اصلا زاج فيمي تا حد ميقدر يشوفهم .. شدتها الخلعة شوياااا .. معقلاتش مسكينة شحال باس فيها منين كانت سكرانا و اش طراااا ديك الليلة .. 
و طايحا كااااو .. 
تنهدددت .. و قربت بشويا غير غاتحط فمها على حنكو و هو يضور بحركة خفيفة غفلهاااا ولد اللذينا .

و جاو شنايفها فوق شنايفووو ملاصقيين ..
..جرهم باسهم بشويييا متلذذ بطعمهم .. كل وحدة عطاها حقهاااا .. و خطفها لعندو بعناق حار و هي بحالا ضربها ضو معرفات باش تبلات .. كيمرر يدو على ظهرها ماساخيش بيها و بريحتها لي والفها نيفو : 
ردي لبال لراسك سمعتي ! و خلي تيليفونك ديما مشعول ! و جاوبي فاش نعيط ليك !! 
و ايلا خصاتك اي حاجة غير عيطي ليا .. 

رجع جمع حنوكها بين يديه و مركز شوفتو على عويناتهاااا لي كيسحرووه و كياخدوه لعالم آخر : فااااك .. كون غير ممشيتيش و بقيتي .. 

تبسمت وهي مزالا تالفا بهاذ طريقة لحنييينة لي كايعاملها بيها مممصدقاش واش هذا قيس نيييييت و لا يمكن عندو شي انفصام ف الشخصية : خ خصني نمشي قيس راني تعطلتت ب بزااااف ..

طلق منها غيرر بزز .. عاد نزلت .. بقا متبع ليها العين تا غبرت وسط الناس .. 

عاد جبد تيليفونو حطو على وذنو و عينيه رجعو ظلاااااام ف ظلااااام و يدو كتلعب فوق الفولون ب صباعو الممشوقة : 
الووو سااام .. سمعني مزياان و عطيني وذنك ..
غاتمشي تشوف لكاميرات لي فداك الباركينج .. 
و بغيتك تجبدهم ليا دوك ******* واخا يكونو تححححت الأرض تجبدهم .. سمعتي !! 

..... : واخا سيدي أمرك .. 


يحيى ف المكتب ديالو الضخم كان هادئ و مسيطر عليه اللون الرمادي و الأسود ..
خاشي راسو وسط كووومة ديال لوراق تالف فيهم ..
كيراجع الحسابات كولها .. باش يتأكد بنفسوو واش كلشي غادي هو هذاك و لا لا .. خربق شعرو للور مرجعو و عينيه حرقوه بالعيا حيت ديجا صهررر بزاااف ..
جبد نظاظر د la fatigue .. لي والموه بزااااف .. و كمل خدمتو .. و كل شويا كيرشف من كاسو د القهوة 
.. 

غير طاح على واحد ضوسي و هو يجن جنونو .. طرطق عينيه كيشوف فداكشي مصدووووم ..هز تيلي و غوت بصوتو الجوهري : اجييييييي دااااااابااااا لهناااااا ..

سكرتيرة جات كاتجري دقت مستأذنة هو لول و دخلت و هي كترجف لابسا جيبا قصيرة جابت يديها قدامها : و وي م ميسيو 

يحيى تنهددد و كيفك ف صدايف قميجتو من عنقو و يدو كيحك بيها ذقنو :

نقدر نفهم شنووووو هااااذ تخربييييق؟؟؟ انا كلفتك بهاذ الضوسي سومين دابا و نجي نلقا هاذ زززززبل قدامي باش اتفسري ليا هاذشي !!

سكتت و حنات راسها : س سمحليا ميسيو م انا غانرجع نراجعو دابا ف الحين .. 

هزاتو و مقدرتش تشوف فيه و يديها كيرجفوو ..

ضرب يدو فوق المكتب : تاااالاااا .. شوووفي فياااا ..

هزت عينيها فيه و قلبها كيضرررب بجهدددد : ن ن نعام أ مي ميسيو 

يحيى : مالك أ تاااالا ! واش عيانة واقع شي مشكل !! 

حركت راسها ب اه : 

عندي دعوة د طلاق و هي لي شاغلا بالي "سيطر حزن كبير على عينيها" ميسيو عافاك انا غانعوض هاذ تهاون كنواعدك و غانراجع كولشي من اول و جديد .. 

تنهد يحيى كيمسح وجههو : كنت حاس شي حاجة واقعة .. 
بون تالا سمعيني خودي كونجي تا تسالي شنو عندك و رجعي .. مستحيل تخدمي بهاذ ستريس داكوغ !

تبسمت ليه بامتنان : لا ميسيو انا غنخدم معنديش مشكل واخا بيريود صعيبة مي غنخدم ..

رجع ركز ب عينيه بنظرة شديدة و حازمة : هضرة وحدة راه قلتها تفضلي دابا .. 

شكراتو بزاااف و خرجات

شويا سمع صوت رنة الهاتف ديالو .. عقد حجبانو و دخل نيشان لواتساب غير جات عينيه على تصاور و هو يحس بحال شي بركان هاج وسط ضلوعو .. و تشجنووو عضلااااتو


زاد طرطق عينيه ف صورة لي قدامو ممتيقش شنو كيشوف هاذي ختو ليلى بشحمها ولحمهاااا معنقها عامر بين يديه.. دوز بصبعو لافوطو لاخرى .. كانت تصويرة كيبوس ف حنكهااا و كيبانو ضاحكين و فرحانين و بقا كيشوف فيهم كلهم .. 

حس بيديه كيترعدووو .. و العرق نازل مع عنقو بالعصصصصب لي ركبوووو .. جمممع الوقفة بززررربة .. و هو شاد فراسو .. كيتنفس بشوياااا : 

هااااااذشي لي كاتمشي ديري ****** 
ل كلبببببة و انا دير فيك ثقة .. و لكن ***** انا لي غنتفاهم معاه زا****** هو و نتي ****** .. 

ضرب يدو مع الحيط حتا تهرررد لحموو و خرجو نقيطات د دم 

هز تيليفونو من فوق المكتب و كينهج ..
ركب رقمها بيدين كيرجفووو .. وحط تيلي على وذنو ..
عاقد غوباشتو و عرق ترسم ف جبهتو بالغضضضضب .. غير جاوبت و هو يزرررب : فييييييييينك؟؟ 

ليلى تخلعات : ي يحيى مالك ! علاش كتغوت ! 
شنو كاين !! 

يحيى غوووت حتا سمعوه كولشي لي فشركة و صوتو زعزع كل ركن فيها : 

قلت لمك فييييينك !! كاتتتتتفهمي العربية ؟ يالاه جااااوبيني فييينك داااااابا بلا ماتخليني نبح صوووتي معاااااك ؟؟؟؟

بلعت ريقها : ف ف لافاك .. أ يحيى أ شنو و واقع عافاك متخلعنيش هاكا 

رد و هو يهز لافيست بطراف صباعووو و و خرج من بعد ما ردخ لبااااب : لافاااااك اهاااه !! واااااخاااا هانا جااااي لهاذ لافاااااك ديااالك أ لالة ..

قطع عليها و خلاها كارما فيها الخرية وجهها تخطف منو اللون و عامر كيصوg و مافاهم والو : ليلى مااالك ! شنو طاااري !!

عضت ف ظفارها و قلبها كيززززدح :

خويا يحيى معرفتش شنو بيه ! غوووت عليا بواحد طريقة خلعاتني كذبت و قتليه راني ف لافاك .. قالي هانا جاي ليها .. ناري زعما يكون حصلني مامشيتش دوزت لامتحان .. 

زادت تكمشت ف بلاصتها و عامر فرانا بزرررربة ..
ضار جيهتها و تعصصصب 

لييييلى واش خرررج ليك العقل ؟ علااش مامشيتيش لامتحانك !! واش لهاذ درجة ممسوقاااااش ! هانتي دابا ايتخلق ليك مشكل فدار ..
و غايسيق باباك الخبار .. شنوووو غاديري ها ؟؟

لولت شنايفها : مكانش عندي لمورال أ عامر عافاك العار وصلني دابا غير لافاك حيت ايلحق عليا دابا و ميلقانيش فيها اتشرا ليا فلكحل يااااربي اش هاذ للوحلة ..

تنهددد و هو كيمسح وجههو : لييييلى معرفت شنو نقوليك هذاك راس عندك معرفت مناش مصنووع ..

ديمارا و هي غير كتخمم اشنو غاتقول ل يحيى دابا


يحيى ركب ف سيارتو .. داير الووكمان ف وذنيه و كيصوg بسرعة .. 
غادي متوجه لافاك كان مزال بعيد .. كيزفر انفاسو السخوونة و باين واش معصصصب بزاااااف ..
و يد وحدة باش شاد الفولون .. 
لاخرى كيحل بيها العقدة د الكول حيت تخنق .. 

ليلى غاتخرجووو على طوووعووو .. صافي عيا ميصبر على هبالها و عيا ميدير عين ميكة ف كل مرة دير شي فضيحة و هو كيسكت و يقول هانية .. و لكن صافي دابا فاض الكاس .. 
خاص يزير معاها سمطة ديال بصح باش تجمع راسها .. 

وصل للطريق الرئيسي و زاد فالسرعة .. و عينيه زوووورق قاطبهم بضيق الجو كان مضبب بزاف و ريح بارد كيشد الأنفس و كيشق أنفاس يحيى .. 
لي لمح شابة ربما ف العشرينات من عمرها او اكثر مقدرش يفرز ملامحها مزيان بسباب شعرها طويييل لي مخبي وجهها و منسدل على كتفها واصل لخصرها .. 
زاد طرطق عينيه كيفاش كتعبر طريق و ممنوع شي حد يعبر من تماك .. مكاينش اصلا باساج .. و طوموبيلات كيمشووو بسررررعة بلا فرانات ..

كيتسمع غير صوت الكلاكصون القوي و هي فحالا مرفوووعة مكمشا صاك فوق صدرها مزيراااا عليه .. 

حل شنايفووو شويااا بقلق .. و حجبانو تزداو فحال شي خط .. وصلت قداموووو .. و فرااااااانا بقوووووووة بدون سابق انذار كيفاش طارت تاوصلت ليه ف لمحة عين والو مفهمش .. .. تحكووو رواااايض ف الأرض و تسمع داك صوت لي كيهز الانفس و يثير كل انتباه .. 

ضيق عينيه ب قلق واااااااضح من هاذ الحادث .. طلق سمطة بسررررعة من كتفووو .. و خرج من سيارتو .. كتبان طايحا مرميااا ف الأرض .. 
لابسا ثوب أبيض حالتو .. رجع لونو بااااهت بزااااف .. و كلو رقع كاشف على سيقانها البيضين كي ثلج .. كيتسمع صوت أنفاسها لي كيخرجو بمشقة .. و رجلها تحردات مع الأرض و تجرحات كان باين داك الخط فرجلها لي مهرووود ..

نزل بزربة جيهتها شافها كاتحرك ببطئ و شعرها مخبي وجهها كولوو نطق بصوت خشن : صبري صبري متحركيش .. انعيط l'ambulance هو لول ..

واحد صلع قصير شويا و سابقاه كرشو نطق متدخل و هو كيضحك و كيلعب ب الكونطاك بصباعو مستهزء : واش منيتك تيقتيهااا هااا ! 
بحال هاذ النوع راه معندوووش الوجه علاش يحشم باغا غير الصرف .. 
تفووووو كترتوووو أ الق*****..
تلقاو للناس فطريق يخخخ تفووو على ماركة *** 

يحيى وقف مخنزرررر و دموو كيفوووور شاف فديك جوقا و نطق بصوت حاااااد : فااااش كتفرجووو ؟؟؟ دااااير الحلقة و مفخبااااريش !! 
كاتجمعووو غير على ***** شعب د **** 

نطق داك صلع و تفرقو دوك البرgاgة : أ خويا انا بغيت غير مصلحتك و نتا تعرف .. كتبان نقي و نية فحال هاذو راه نصاااابة انا لي كنعرفهم ..

يحيى غوووت و يديه على خصرووو مصااابرش ليه :
أنا ماخووو حددد سمعتييي ؟؟؟ و مصلحتي مغاتوريهاش ليا نتاااااا .. يالاااااه فررررق جوووقة بحال خوووتك لندخل فزامل بوووك نتا لي ناقصني نيييت .. 

مجاش فين يكمل الهضرة تا لقاها طارت عليه بقجة : القحبة هي مك أ الماسخ الله انعلك فين كتعرفني بعدااا هااا ! فيييين ! الكلب

يحيى تصدم عاد كانت طايحا ف لارض و كتنين قرب جيهتهم و بدا كيفرقها عليه : شششت بعدي صافي ..

غوتت : طلللق مني طلللق نوري لمو لقحبات علاش قادات الخانز السلgوط كرشك قداش بحالا حامل بالتوام ..

يحيى تنهددد معصصصب و دام صلع و لا طالب الشرع ..

شويا وقفو عليهم البوليس : شنووو وااااقع هنااا !!


يحيى مسح شعرو و قرب جيهة البوليس كيدوي معاهم و يديه فجيبو .. 

و هي بعيدة شنقت على داك صلع من الكول ديالو : 

دوي أ زامل شتك هرب ليك اللسان .. عاد كنتي كاتزغرت كي شي شيخة مالك صقلتي ..

كيبعد فيديها قارف منها : أ طلقي مني مالك لصقة واش نتي مريضة ف ك*** .. طلقييييي منييي 

هو كيعرعر و هي يديها وصلت لجيبو اللور و هزت البزطام غير بالفن بلا ميعيييق قاست لوراق و هي تخليهم و خطفت غير البزطام فيديها و عينيها كيرمشو بشويييااا .. 

تبسمت بجنب فمها : غير لقيتيني مامسالياش ليك و عندي بلان فراسي و لكن غاتخلص أ زين على هاذ الفهامات من بعد <غمزت ليه> ..

طلقاتو و نفضت يديها كتسوسهم : ميكرووووب .. خوي هنااااا يالااااه ..

مشا كيجري بغا غير يتفك منها ..

و هي هزت صاكها و هي تبدا كتعرج برجل لقات البوليس كيدويو باحترام مع يحيى طلعت و نزلت فيهم سمعت غير الجملة الاخيرة و عينيها كيضورو : سمحلينا على الإزعاج ..

يحيى : لا انا لي كنتأسف بسبب عرقلة السير ..

غير مشاو 

و هي توجد حلاقمها مزيان و طاحت ف الارض : 

ايييييي ميمتي رجلي اييييي .. الله ياربي رجليييي اهئ اهئ رجلييييي أ عباد الله .. هءهءهءه الحريييييق .. 

يحيى دار بزربة لقاها مكوانسيا ف الأرض تخلع ماعرف باش تبلى : صبري لومبيلونص اتجي دابااا فااااك حتا هي تعطلات ..

غوتت مخرجا عينيها : واش نبقا نساينها تا نمووووت اييييي رجلي ايييييي راك مغتحسش بصداع لي كنحس بيه دابا الله ياربي اشنو درت ف حياتي تا يطرا ليا هاكا .. 

تنهددد معصصصصب و قرب هزها بشويا و هي تقفز كتغووت تا خلعاتو : اححح بشويا على رجلي بشويااا .. لتكون مهرسا و لا شي حاجة 

خرج تنهيدة طويييييلة قاااانط .. و عينيه مقلوبين 
. هزها بشويا حطها لقدام و سد الباب .. عاد رجع ركب و ديمارا و هي غير كتنين .. 

و عينيها لي كيلمعو على طوموبيل و شكلها كي داير .. 

وصلو لوبيطال و نزل حل الباب و شد فذراعها بلطف و هي كتعرج برجل و مخسرا سيفتها : اييي بشويااا راه مقاااادراش نتمشا ..

مهضرش معاها غير قاطب حجبانو .. تا وصلو لغرفة الفحص .. جات واحد الممرضة عاونتها تا جلست فوق الباياص و هو واقف مربع يديه و كيشوف فيهم .. 

بقات كتقلب ليها فرجلها غير وركت بيديها و هي تغووت : اييييي بشويااا وعتيني .. العار بشويااااا ..

الممرضة هزت حاجب : داكوغ غير ترخااااي .. 

بقات كتضور ف عينيها و لاخرى عقمت ليها الجرح و دورت بانضة فوق رجلها : ها حنا سالينا ماشي شي حاجة grave بلا ماتخافي غير جريحة صغيورة صافي .. 

يحيى قرب و يديه فجيوبو : مغاديريش ليها الاشعة ! "حك ذقنو" معرفتش و لكن غير باش نتاكدو ليكون شي كسر و لا شي حاجة ..

الممرضة قربت جيهتو و نطقت بصوت منخفض : ميسيو لا داعي راه غير جرح صغير ماشي شي حاجة لي خطيرة .. غير يمكن الهلع د لاكسيدون لي خلاها تهولها ..

حرك راسو ب اه و غير خرجت الممرضة مشا جيهتها و نطق : باش كتحسي دابا ! مزيان !!

كمشت عينيها : تنحس بلي رجلي بحالا مبنجة و دابا كي غاندير نمشي نخدم و انا فهاذ الحالة "عصرت عينيها تا نزلت دمعة على خدها" و باينا مول لخدمة غايجري عليا الله ياربي على زهري كي داير ..

بقا تنحط و يحيى بقات فيه محسهاش كاع واش كثمتل : دابا سيري للدار و ارتاحي حتا تبرا رجلك عاد فكري ف الخدمة من بعد .. و هاذ المرة ردي البال فين رجليك كايمشيو ..
عطيني نمرة شي حد ف عائلتك نعيطلو ! 

خبات وجهها بيديها و كسيرااات للبكاا و و صدرها طالع نازل .. 

يحيى مفهم والو بقا غير كيتنهد : ماالك ! واش مزال موعتاك رجلك !! 

والو حلفت لاهضرت غير كتنخصص .. شويا نطقت بصوت متقطع : م مقطوعة من شجرا اهىىئ اهىىئ هءهءهءهء .. م معندي ح حد م من غير الله ..

قوس حجبانو زادت بقات فيه و مرر يدو على حنجرتو معرف شنو يقول و الكلمات هربو من فمو .. غير عينيه زورق لي كيرمشو بسرعة و مركز عليها .. تنهد و نطق : شششت بلاش من البكا يالاه انوصلك ..


ريماس وصلت للدار و لقات خوها نيت ف الباب : م مهدي صافا !

سد الباب و طلع و نزل فيها و هو مخنزر : فين كانو بيك !

سكتت كتضور فعينيها : راه قولت لك كنت مسافرة ..

هو : و معامن !

ريماس : مع عويشة مشينا تنقلبو على شي خدمة ساعة والو.. من زهر داكشي مامنوش و انا مناقصنيش صداع راس ..

زول كاسكيط و زفر نفسو : كاتحومري عليا و لا كيفاش ؟ عيشة عاد جات تتسول عليك .. اشمن سفر و لا ق**** اش كتخووووري دوي ؟؟ فين كنتيييي ؟؟؟ و معاااااامن !!

تخلعت و سرطتت ريقها لي تسمع : ششششت هضر بشويا مالك غاتفضحنا ف درب كولو .. زايدون ياك ديما تانقولك متعليش صوتك عليا .. واش انا لكبيرة و لا نتا ؟؟ و حاجة آخرى انا عارفة اشكاندير بلا ماتحل فمك عليا .. 

تعصصصب و وذنيه حمارو زيرررر على كاسكيطة ديالو : واخاااا ماقلتي عيييب أ بنت يوسف .. 

مشا كيتنطر و خي حطت يديها على صدرها كتنهج : ناري عويشة خرجتي عليا .. 

دخلت سلمت على باها و شحال و هو مجمع معاها و كيسقسي فيها فين كانت و علاش غبرات .. عاد نطقت و هي شادا فيديه : بابا بغيت ندوي معاك فواحد الموضوع واخا مترددة ..

يوسف نطق بصوتو الحنين : ايه أ بنتي تكلمي الله اسمعنا خبار الخير ..

ريماس تنهدددت كتسوط معارفات منين تبدا .. حتا حسات بلمسة يديه بحالا كايقولها نطقي قولي اش كاين : بابا .. احم .. ش شي ناس غدا غايجيو يتكلمو فيا ..

بانت الصدمة على وجههو لي تلاشات بزربة و رجعو علامات الفرحة : و واش بصح هاذشي لي كنسمع أ بنتي ! بصح بصح !! 

ردت كتأكد ليه : اه أ بابا بصح .. 

زاد تبسم : واش كنعرفو ! و لا شي حد بعيد ! 

ريماس : لا مكتعرفوش .. هو ميسور بزاف و ضريف بزااااف <وجهها بهات كارها تكذب عليه لكن هذا هو الحل> و عائلتو الله اعمرها دار .. و باغيني لحلال ..

عينيه عمرو بالدموع و هز يديها باسهم : ياربي فرحتي كملات دابا .. مرحبا بيه أ بنتي يجي علاش لا .. انا نزيدكم غير الخير .. المهم نتي تكوني راضية و مرتاحة .. 

عنقاتو و عينيها عامرين بالدموع و راسها كيفكرررر


لبست عليها و حركت لعند صاحبتها و راسها كضرب فيه ألف مطرقة .. دقت مزياااان والو مسمعها حد .. رجعت كدق والو .. 
يالاه غاتمشي و هي تسمع : أ شكووووون !! شكووون فااارع لينا راسنا بهاذ الخبيط ..

هزت ريماس عويناتها ف الشرجم بانتليها عيشة لاويا الفوطة على راسها : وااا حلي هاذي انا ريماس ..

وسعت عيشة عويناتها : هاذي نتي طلعيييي طلعيييي حسابلي واش شي صاحب سيمو طلعيييي .. 

طلعت بزربة و حلت ليها الباب عنقتها : توحشتك الخانزة فين غبرتي مشيت دقيت عليك صباح قاليا مهدي راك مسافرة .. فين مشيتي ؟

ريماس تنهدت و جلست فوق السداري : خرجتي عليا غاسكتي 

عيشة : كيفاش !! 

ريماس : و الله معرفت منين مبدا ليك .. مشكيلة صافي .. 

عيشة وقفت : سايني غير نلبس عليا بعدا ..

مشات كتلبس و ريماس سمعت صوت تيليفونها كيصوني جبداتو لقاتو قيس .. شدت ف عنقها لي مكوانسي و جاوبت : الووو 

قيس بنبرة حاااادة : صونيييت ألف مررررة عاااد مجااااوبة فين كنتي ؟؟ 

ريماس : كنت فالدار و مرديتش ليه البال ..

قيس : اهاااه و دابا فين كاينا ؟؟

ريماس حست براسها غينفجر من اسئلتو : خارجة و غانرجع شويا للدار 

قيس : كيفااااش خارجة ؟؟ فييييين !! و معااامن نتي دابااا ! راااني كنسووولك ! 

جبددددت شعرها و بانتليها عيشة خارجة لابسا المسخ و معريا على مؤهلاتها الصدرية .. و هازا بواطة د الماكياج ديالها .. شافت ريماس كاتدوي و غمزتها زعما شكوووون ..

ريماس نطقت : انا عند صاحبتي نسالي و ندويو يالاه بسلامة ..

قطعت عليه و زفرررت نفسهااا : اوووووووف ياربي ..

لقات تيليفون كايصوني عااااود و هي طفيه عليه .. 

عيشة : اويلي مالك ؟؟ بحالا خانقك شي حد !!


ريماس : راه خانقني نيت ماشي فحالا خانقني .. 
اجي نتي واش خارجة !! 

عيشة شدت البلاك كتسرح شعرها : خارجة مع واحد ميخي نلصقو لابغا يضبر ليا ف خدمة و صافي .. 

ريماس : مهم لكنت غانعطلك تا تسالي و نديرو شي وقيت و ندويو على راحتنا ..

عيشة حركت راسها ب لا : غير دوي حسيتك غاتفركعي لاما هضرتيش .. خويييي لمزيودة .. 

ريماس : داك المجرم .. بغا يتزوج بيا باك كنت قلتها ليك ! و انا وافقت ... 

عيشة طاح البلاك من يديها و حرقها ف فخضها تا طلقت واحد الغوتة : احححح شوطني ينعل مووو 
.

ريماس تخلعات هزاتو و حطاتو فوق طبلة : واااش نتي حمقة غير بشويا عليك أ صاحبتي ديما كانقولك هاذ زمر ممعاهش اللعب .. 
ياكما تقصحتي بزاف ؟؟

عيشة كتشوف ف فخضها جلدتها رجعععت حمرااا : خليييينا من هاااااذشي واش نتي مرييييضة ف كرك مواااافقة ؟ غاااادا لقبرك برجليك ولا كيفاااااش ؟؟؟ 

ريماس كتعض على ظفارها : ماشي معشوقة فيه واخا كيبين ليا على وجههو الزوين و لكن درت بلان فراسي .. معرفتش واش غايصدق ..

عيشة : اشمن بلااااان تاااااني !! بلاتي فاش سولك عندمن نتي شنو قلتي ليه ؟؟ <وجهها مخطوف منو اللون>

ريماس : يمشي يخراااا طفيت عليه تيليفون شحال فيه د الأسئلة اووووف .. 

عيشة حست براسها تبلووووكات : شوووفي نتي راه و الله تا ساط ليك البرد فمخك .. و ليتي غير كتخوري معندك ماديري بداك زمر شوفي غير اش دوز عليك علم الله ايلا تزوجتي بيه غايصدق معوقك و لا شي حاجة .. حسابلك غاتعيشي معاه اميرة ..

رجعت ريماس شعلت تيليفون و هي تصددددم لقات كثر من 20 ابيل و ميساج واحد دخلت قراتو و تخطف فيها اللون : خرجييييي انا حدا دااااركم يالااااااه داااابا ..

جمعت الوقفة : وييييلي هاذا بعا يشوهني ..

عيشة : مااااالك !! 

ريماس تنهدددت و قلبها كيزدح : جاليا حدا الدرا الله اعطيه العذاب ..

عيشة : وا سيري و قولي ليه كنتي غير مسخرة .. 
و سمعيني ديك الفكرة حيديها من راسك هاذا ماشي د زواج ..

باستها ريماس ف حنكها و عقلها اصلا مرفوع .. 

و عيشة بقات على اعصابها .. خااايفا تطرا شي حاجة و تفرش


مشات ريماس بخطوات مزروبين تا قشعاتو حدا دار نيت و كولشي كيطل و كيحنززو ف طوموبيل لي كتشششششععععل و كتبررريييي .. طاحو ريوgهم و هوما كيشوفو فيها و راسهم غايطرطق بالفضووول ..

تعصصصصبت على هاذ لوجسيت لي دار دابا و هي مناقصها صداع راس و ايلا مشا تا جا مهدي غايخلي عشتها .. وصلت لعندو و هي تدق ف زاج و حل ليها الباب ركبت و هي تضربها ريحة الgاارووو قوية .. و عينيه حمرييييين .. بااااين واش معصصصب رجعت كتقرا ملامحو بسررررعة ..

طلع و نزل فيها و شاف جيهة صدرها لي زاد ركز بعينيه عليه و صوتو غلييييظ مبحوح : عاجبك **** خارجة هاااااكا ؟؟ 

ريماس تعقد لسانها و نزلت ب عينيها كتشوف ف حوايجها كانو عادي مستورين : م مالك !! 

ضحك بجنب فمو : مالي ؟؟ كتسولي ماااالي ؟؟ 

داك ز*** د بورطابل علاش مكتجاوبيش فاش كنعيط ؟؟ هااا !! و طفيتيه و انا كنصوني ! 

متسناهاش ترد .. دار سمطة و حل زاج لاح الgارو .. و كسيرا بسرررررعة ..

و هي قلبها غايسسسسكت .. جرت سمطة دارتها و يديها كيترعدووو : ع عافاك غير بشويااا .. 

مسمعش ليها .. بقااا مورررك و مرة مرة كيحك لحيتو : فين كنتيييي !! 

ريماس : ع عند صاحبتي 

هو : شكووون هاذ صاحبتتك.؟؟

ريماس بللت فمها لي نشف : س سميتها عيشة ..

غير سمع سمية هاذ الاخيرة و هو يفراااااني بزررررربة تا كان غايتزدح راسها .. و قلبها قرب يسكت 

نطق : علاااااش !! اشنو مشيتي ديري عندددهااا !! 

ريماس : م مشيت نسول فيها و صافي ع علااش !


رخف السمطة و بقا كيرجع شعرو لووور و وجههو مزيررررر : سمعييييني .. هاذيك القحبة غاطعطيها تيسااااااع .. غاتضربي على سميتهااااا .. 
هز صبعو سبابة بتهديد : نعلم عليك غير دويتي معاها حسابي معاك غايكون خاااااايب .. سمعتيييييي !! 

مفهمت وااااالو و كترمش بسرعة و وجهها باهت .. تفكرت حتا كارلوس فاش منع عليها تقول شي حاجة ل عيشة و زاد شكها كيكبر .. 

ردت و هي كتشوف ف عينيه : ع علااااش !! شنو دارت عيشة !! علاش مندويش معاها !! و نضرب على ساحتها علاش !! 

قيس ضرب يدو فوق الفولون مقدرش يقولها ليها : هااااكااااك حيت انا بغيييييت .. سمعي الهضرة و ديري هااااذشي لي قلت ليك بلا زياااادة بلاااا نقصااان.. 

سهات بعينيها و هي عقلها مخربط .. 

تا فيقها صوت قيس : ريماااااااس 

هزت راسها : شنو !! 

رد بصوت اقل حدة من السابق : بلا متفكري ف هاذشي من بعد و غاتعرفي علاش مابغيييتكش دوي معاها .. دابا ماشي الوقت المنااااسب لهاذشي .. غدا غاتكون خطبة ديالنا .. بغيتك تكوني لي مرتاحة و آلييييز .. 

جذبها لعندو باس جبهتها و يديه فشعرها عويناتو زورق مقابلين مع عينيها لي تايهين و ريحتو دوخاتهاااا لي ممزوجة بريحة gارو :

ممقلقاش مني !! 

سكتت شويا و ردت : ب بغيت ندوي معاك فواحد الموضوع مهم .. 

ضيق عينيه بفضول : موضوع ! 

ريماس : اه 

طيع قبلة على خدها و رجع تقاد.ف بلاصتو و ديمارا : انمشيو لواحد البلاصة و نسمع لهاذ الموضوع .. و ندويو على راحتنا


وصلو لواحد البلاصة عمرها شافتها كاع .. من برا كتبان بحال شي حديقة .. كبيييييرة و شااااسعة جات ف الخرجة د المدينة .. نزل قيس و حل ليها الباب .. 

بقات غير كضور ف عويناتها و تشوف : فين حنااا دااابااا !! 

شابك يدو مع يدها و هو سابقها : ندخلو و اتعرفي ..

دفع البال د الخشب و دخلو مع واحد الممر طوييييل و هي تفاجأ بالطبيعة الخلابة و شي مناظر كيسحرووو العين .. الشجر بزاااااف .. و والورد أشكال و انواع كيهدن الأنفس .. كولشي مبني بالخشب ..

وقفت عليهم واحد المرا كبيرة ف لاج بزاف زويييينة و شعرها غالب عليه الشيب و لكن اطلالتها مشرقة بزاااااف و ملامحها بختل شي وحدة اجنبية .. تبسمت فاش لمحت قيس و عنقاتووو :

و اخيييييرا جيتي .. 

بادلها العناق تحت انظار ريماس لي مفهمت والو ..

قيس : حتا انا توحشتك بزاااف .. نتي صافا !! الأمور هنا مزياناااا 

تبسمت و شدت وجههو بين يديها : انا بيخير منين شفتك .. لا متخافش كولشي مزيان ..

لمحت ريماس و تبسمت ليها : شكون هاذ الزوينة لي جبتي معاك !! 

قيس : هاذي ريماس خطيبتي <ركز بعويناتو عليها حتا توترات و نزلت عينيها> ريماس هاذي لوسي هي لي مكلفا ليا بكولشي هنا ..

ريماس قربت ليها تا سلمت عليها : متشرفين ..

لوسي غمزت ل قيس : زوينة بزااف و باينا عليها طيبة عنداك شي مرة تقلقها ..

قيس جذب ريماس لعندو من كتفها : لا عمرني .. <باس فوق شعرها> 

تمشاو و لوسي سابقاهم .. ريماس قدرت تكتشف هنا مربي بزاف د الحيوانات دوك الكلاب الكبار لي كيخلعو .. و القطوووط .. و السناجب بزاااف د الحيوانات ..

ضارو و هي تلمح واحد الفسحة كبيييييييرة خضراااء بالعشب .. هاااادئة و زويييينة كتخطف الأنظار .. 

دار شاف فيها : اجي نعرفك على ولدي نيت .. 

طرطقت عينيها فيه كاتشوف مفهمت والو .. : و ولدك !!!!

لوسي شافت فيهم : غير جلسو ارتاحو غنجيب ليكن شي حاجة تشربوها و كوبر غانجيبو ليك دابا شويا حتا هو توحشك بزاااف و مقلق منك


جلسو فديك الفسحة لي كانت كالم بزاف .. فيها كراسا و طبلة د الخشب .. 
جابت ليهم لوسي قهوة و مشات مخلياهم على راحتهم ..
هاذشي بين على انها مرا شاربة عقلها بزااااف .. 

ريماس عينيها غير كيضورو بفضول كتشوف ف كل زواية و فهاذ البلاصة لي منظمة بزااااف شويا كاح سؤال ف بالها :

واش هي بوحدها لي مكلفة بكولشي هنا !! 

قيس رشف من القهوة و سد عينيه مستمتع بداك الطعم : احسن طعم للقهوة هو لي تقدري تشربيه هنا فهاذ الجو .. 
ذوقيها ..

هزت الكاس بيديها بزوج ورشفت من القهوة لي ريحتها اصلا كتحل النفس على الماكلة .. 

غير ذاقتها و هي تبسم : لذيذة بزاااااف.. الله اعطيها الصحة ..

قيس تقاد و حط رجل على رجل : 

لوسي سميتها لوسيانا و كيعجبها ناديها ب لوسي كنعرفها دابا كثر من 10 سنين ..
كانت خدامة فواحد الحانة قديمة و جات فواحد الفيلاج ف فرنسا ..
كنت كنمشي تماك غير باش نسمع لموسيقتها .. كتعزف البيانو بواحد الشكل كيسحررر .. 

و رجعت مدمن على ديك الحانة واخا حالتها و ناس تماك فقراء شويا .. 

واحد نهار جيت و متلقيتهاش .. و رجعت و مالقيتهاش ..
من بعد قلبت عليها و اكتشفت أن ولادها و راجلها ماتو ف حادث خطير .. 

دخلات لمرحلة الصدمة خصوصا انه هي مقطوعة من شجرة ..
و قررت انا نتكلف بيها .. خصوصا ديك الوقت كنت تنحس انا معاناتنا مشتركة .. <سكت و هو ساهي ب عينيه ف الكاس د القهوة لي كيضورو بشويا>

ريماس كانت متبعة معاه كل حرف خصوصا فاش قال معاناتنا مفهمت والو : و شنو وقع من بعد ؟

ممم من بعد عاونتها و تكلفت بكولشي .. و جبتها لهنا .. شريت ليها بيانو و جهزت ليها
غرفة خاصة بالموسيقى .. و لكن رفضات انها تعزف مزال يمكن حيت كان كينبش عليها الجرح .. 

احترمت و خليتها .. تاخد وقتها و تنفرد براسها كثررر ..
من بعد عام رجعت لقيتها غيرت. المكان كولو زرعت الورد و اهتمات بالحديقة ..
و رجعات كاتجيب القطوط لي مضروبين و معندهمش لي يعتني بيهم و حتا الكلاب ..

رجعات هاذ البلاصة خاصة بالحيوانات .. و كتحسسهم بالدفئ و حسيتها نسات الماضي و بدات. صفحة جديدة .. 

و هاهي دابا كاتشوفيها شحال حنينة و ضريفة و عايشا فرحانة واخا غير بوحدها ..

ريماس تبسمت و هاذ الجانب فيه منكرتش انه حرك فيها شي حاجة .. سهات و هي كتشوف فيه .. و ردت : علاش ماتجيبش شي حد يعاونها هنا و يونسها !! 

قيس : اقترحت عليها و لكن هي هاكا مرتاحة سوو قلت نخليها على راحتها


قيس : بلاتي هانا جاي ..

مشا كيتمختر بطولتو و ريماس غير جالسا و مستمتعة بزااااااف بهاذ الجو .. واحد الراحة حست بيها غريييييبة .. كترشف من القهوة لي دااافياا و عقلها مع قصة لوسي و قيس لي ساعدها .. 
قدرت تستنتج انه مخايبش تال ديك درجة ..
مادام انه ساعد انسانة غريبة عليه .. و خلاها تبدا صفحة جديدة و تعايش مع الماضي حيت كانت مقتنعة انها مستحيل تنساه .. لكن ممكن تناساه .. 

تبسمت بلا متحس براسها و هي كتشوف هاذ الموقف الانساني لي نبع منووو .. حست ب بصيص أمل اتجاهو .. و ديك كمية الحقد بدات كتنقص حدتها .. 

غير هزت عينيها و هي تصدددم .. قيس هاز نمر صغير شويا ف يديه و معنقووو .. تشووووكات و لحمها نمممل عليهاااااا .. 
طرطقت عينيها ممتيقاش ..

قيس غير جلس و هي تنقز وقفت من بلاصتها : و و واش ه هذا ن نمر د ديال ب بص بصح !! هاااا !! 

ضحك و هو ينطق : لا ديال الميكا .. 

هزت حاجب : و واش كيعض ! 

قيس هزو حطو على صدروو و كيمرر يدو على الفرو ديالو : شششت متخافيش .. مكيأذيش .. غير جلسي .. مربيه منيم كان مزال غير لحيمة .. 

تنهدددت و فعلا شافتو مهدن .. رجعت جرت الكرسي لي كان فجنبو و جلست بعيدة شويا .. و هي كتشوف داك نمر كيكشر على نيابو .. 

قيس كيلعب ف الفرو ديالو : ماااالك !! علاش مقلق !!

بقا تيحك راسو و يبوس فيه : وااا صااافي بلا قصوووحية الراااس .. هانا جيت و جبت معايا لبوءة ديالي <ضحك و غمز لريماس>
تبغي تلعبي معاه ! و عرفيه عليك 

خنزرت فيه و هي تجمع رجليها لعندها : هييييه واياااااك يزغبك الله و تطلقووو و الله تنغووووت .. مكنهز تا الكلاب نهز نمر .. ناري نيابو قداااش ياربي .. 

قيس حل ليه فموو و قاس نيابو : هاي هاي ايمتا ربيتي هاذ الخير .. 

كان غايعضو كون مافلت صبعوو : شفتيه مقلق عليا .. خاصني نصالحو دابااا ..

ريماس دايرا بالها معاه و يبست ف بلاصتها : شنو سميتو !! 

قيس : كووبر ..

طلع داك نمر فوق كتافو و كيخربش بظفارو ف عنقو و فصدرووو مبغااااش يجلس عنكشووو ديااال بصح .. 

هاهو بغاني نلعب معاه داباااا و انا مامساليش ليه ..

طلقو و هو يمشي جيهة ريماس لي كرمت فيها الخرية طلقت غوتة وحدة و ناضت طلقت رجليها للريح : وااااع لاااااااااا شدوووو شدووووووو العااااار مييييييمتك .. 

قيس وقف و جاه ضحك .. و هي موراه شادا ف قاميجتو و ظفارها غرساتهم ف ظهرووو : شدددد زمرررررر شدووووو .. 

قيس : غير وقفي وقفي .. راه كيحسابو كتلعبي معااااه ..

ريماس : منلعب معاه ميلعب معايا وااا شدوووو هءهءهءهءههء .. شدووو ليعضنيي هءهذههءهءه ..

تحنا قيس هزو و زيررر عليه من عنقووو : رييييح صاااافي باراكا عليك بعد منها ..

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.