تكعدت ريماس شويا و تحتها كيحرقها بزااااااف .. بزز باش وقفت و هي حشمانة حيت عريانة هاكا صولو و عينيها هربو بسررررعة كتفادى تشوف فيه ..
هو وقف بزربة لبس عليه البوكسر و هزها بين يديه نيشان للحمام حطها ف الجاكوزي كي شي ريشة و غير قاسها لما سخون و هي تغوت بزربة جفلت واقفة : ناري تقصصصصحت أ قيس بزاالاااف .. ع عافاك طلق الما بارد شويا هذا راااه سخوووون بزااااف ز زاد حرقني كثر ..
طلق الما حتا رجع دافي و تخشا حداها فالجاكوزي و هي قدامو .. غسل ليها و طرف حالتها معاونها .. وصل لشعرها و هز شمبوان و همس بصوتو الباح : و دابا انغسل ل حبيبتي شعرها ..
ضحكت كيفاش كيهضر بحالا كيدوش لبنتو ماشي مراتو ..
هزت راسها تا عمر ليها شعرها بالرغوة و هز رشاشة فيدو. و بدا كيغسل ليها و هي ترخاااات .. حيت يديه حنييينة ..
قيس بغا يجمعو باالبانضة معرفش ليها .. بقا واحل معاها تا دار ليها واحد الس
شفنجة عوجة ..
طار بزربة جاب البينوار لبسو ليها و خرجو ..
مشات هي باغا تبدل .. و قيس زول داك الفراش حيت فيه الدم تبسم بجنب فمو و هو كيشوف ديك بقعة الدم لي فيه كمشو بزربة فيديه و رماه فواحد السلة د الخشب فجنب القوافوزة ..
عاد رجع لقاها واقفة و مفرقة رجليها شويا ..
طبع بوسة حنييييينة فوق عنقها و ضور يديه على خصرها بتملك تا خست بيديه الحرشين فوق ةلحمها و مزيرين عليها : غانمشيو لشي فارماسي و ناخدو شي مرهم ليك متخافيش .. غايمشي الألم مع المدة ..
هزهم و جرها فوق ناموسية لبسهم ليها بشوييا و لبسها حتا السليب عاد هز الفوطة كينشف شعرهاا ..
ريماس : لبس عليك حتا نتا .. شعرك راه مزال فازg..
قيس : مكنقدرش نعس بحوايج بزاف .. ولفت هاكا ..
وقفات و دفعاتو تا جلس هزات الفوطة و بدات كتنشف ليه شعرو و هو متبسم بعينيه زورق لي مضويين ديك ظلمة ..
غير سالاه و رد بصوتو الرجولي : يالاه اجي نعسو أ روحي ..
تلاح فوق ناموسية و جذبها لعندو حاط راسها فوق صدرو جر اللحاف كثر عليهم و بقا واحد الهدوء غريب مسيطر على الغرفة ..
كيتسمع غير صوت انفاسهم المتناوبة ..
ريماس : نقدر نسولك !!
قيس :(طبع بوسة فوق. شعرها و زاد كمش يدو على كتافها) سولي أ عمري ..
ريماس : شفت قبيلا دوا ديالك فشنطة مقصدتش نقلب فحوايجك و لكن غير فضول صافي ..
سكت شويا و عض على شنايفو : د الأعصاب .. ضروري نشربو باش نبقى مهدن .. واخا مابقيتش كنحتاجو بزاف منين وليتي معايا مكنحسش براسي منرفز ..
ريماس : اه فهمت .. و ايلا قطعتيه واش غاتكون شي خطورة ! وع لا أعراض جانبية !!
قيس : اه حيت رجعت مدمن عليه شي مرات كنشرب 3 د الحبات و كنترخى .. و لكن من غدا انقطعو ..
اجي نتي راه خصك دابا فات الحال ..
جرها كثر تا تخشا وجهها ف عنقو و لوا يديه على ظهرها .. و كل شويا يطيع قبلة. على عنقها و على خدودها حتا خطفهم النعاس ..و هوما ف احضان بعضهم
فاتي مشات هزت الفيكس ديال الدار و توجهت للجريدة حيت خاويا .. و عيطت لواحد صحايبتها سميتها لطيفة بنت الكاريان نيت ..
غير جاوبت و هي تهمس فاتي : الووو لطيفة لاباس ؟ هاذي انا فاتي
لطيفة شهقت بسرررعة و كتجعوق بداك الصِوِيْت الغزال :
أ فينك أ بنت الحرام ؟؟ فيييينك يا مسخوطة ربي فين مشيتي ؟؟ خليتي عمك داير الفضيحة هنا ..فييينك ؟ و معامن مشيتي ؟؟ تي دوييييي يا المصيبة مالك شدتك سَّاكتة
فاتي بعدت تيلي على وذنها : الله اعطيك العذاب خص لي يقطع لبوك دوك الحبال الصوتية فرعتي ليا الطبل ديال وذنيييي ..
لطيفة : غانفرع ليك زكك انا لما قلتي ليا فينك ؟ و معامن راكي ؟
فاتي : وا غير وحدة وحدة .. قولي ليا واش عمي كيقلب عليا ؟؟؟
لطيفة : هههه تي راه قرب يحطك ف مختفون الله القيها ليه جا حِييييْحْ علينا قاليا مخبياها عندك كون ما خويا عثمان لي كان غايسلخو مكانش غايتفرق علياااا ..
دابا راه حاط العين عليا لنشوفك و لا شي حاجة رجع ظلو تابعني فينما مشيت ياربي تعطيه مصيبة شوه بينا ..
فاتي طلقت واحد الضحيكة ماكرة : بالسِّسسسيف هههه راه خليتو بلا تا ريال ولد الكلبة زا*** جا يتعشا بيا تغديت بيه .. خليتو على الحديدة .. باش يتعلم يدير فيا ديك الحالة هههه عمرها كانت طيح ليه على البال ..
هههه قولي ليا بعدا كيجاك الموسطاج د ****
لطيفة ضحكت : ههههههه اويييلي يا بنت الحرام نتي مولات الفعلة ؟ رجع كي القل** المحسنة ..
فاتي : ههههه باينا غايطير ليه الفريخ ..
لطيفة : وا كون تشوفي حالتو دابا مقطووووع و غير كيسب و دفالو مكشكش .. تعيفي لشفتيه داير كي جيفة .. اجيييي أ بنت الحرام فينك دابا ؟؟؟ فين حاطا داك الراس ياكما شس تنوعيرة هاذي ثاااني ؟
كنعرف مك فبنما كانت شي مصيبة نتي لولا فيها ..
أ بقاي لوالديك تا يشدوك و تمشي تشربي صوبا تما اما تا العدس راه غلا ..
فاتي : فالك مفلول و زكك محلول ..
راني تبت حق الله
انا عند شي ناس دابا هوما لي كنت بايتا عندهم واحد ولد الناس دار فيا خير و جابني لدارهم .. مهم نتي سمعيني ضربي الطم و قطعي زِّيييي .. ميعررررفكش دويتي معايا و لا شي حاجة سمعتيي و لا لا ؟ راني عارفة داك اللسان عندك كي داير ..
لطيفة : ايه ضربني أ خبزي .. عرفتيني غانقول شي حاجة الله امسخك و صافي .. وا شوفي غبري غبري راه لا لقاك و الله تايجفف بيك الارض و يكرط ليك داك شعر ..
فاتي : كي شتي أنا غا ساهلا ليه .. ايلا سمتو راجل يقرب لساحتي لما قطعت ليه قل**** ..
لطيفة : و هاذ ولد.الناس لي دار فيك الخير ياكما ناوي على شي حاجة ؟ راه الوقت خايبا أ صكعة حضي راسك .. و حضي تقبتك .. رجال مافيهم ثقة واقيلا غا بان ليه البلان فيك و صافي ..
فاتي لمعو عينيها : وا تي سكتي و تشوفيه دوخي .. ماشي من داك نوع لي ولفتي تشوفيه ..
هذا أ حبي راه شعر مسبسب كي الحرير رطب من شعرك تشوفيه تحشمي مزال طلقي شعرك ..
و العينين زرقين و لحية يا عباد الله هاكا مطراسيا <هزت صباعها كتعوج فيهم زعما كتوصف ليها بحالا راها كاتشوفها زعما الكلاخ صافي>
و اشمنك أ طولة و اشمنك أ تجريدة و داك صوت وا .. دووووخة و خلااااص اختشي انا عمرني شت بحال هاذ الماركة ولفنا نشوفو عبيقة و داك كحل راس تشوفيهم يشدك انهيار ..
لطيفة : طحتي على وجهك طيحة خايبا .. ايوا الزين مخطوب و لا كيتسنا ف المكتوب ؟
فاتي : لاواه راه يتسنا ف المكتوب و انا هي المكتوب .. صافي هاذاك ليا حق الله تا تزعطت .. واخا مو عقروشة و دوك المنفخات و لكن غانعرف ليها .. خص غير هو نجيه على الخاطر ..
فاتي : واش حسابلك راني ف الكاريان هنا راه مقطوعين الحوانت غا شوانط .. و ديور قلال ..
صبري لا خرجت انا و يحيى راني نصيفطها لك
لطيفة : مواح عليك
مشات فاتي كاتقلب ف دوك الغرف تا خرجت ف غرفة ليلى .. حلت الباب و دخلات ..
و هي توسع عينيها بدهشة : وااااا على بيت كيداير pchaaaakh ..
دخلت و سدت الباب كل مرة توسع فمها بذهوووول .. واحد البلاكار د الحوايج كبييييير دزاج كولو مراااايات و بلاصة صبابط بووووحدها و المايكاب تا هو و كولشي معزول و متول على حقو و طريقو ..
و البيت غالب عليه لون الغوز باااارد و الابيض و شريجم كيطل على ديك جريدة ..
فاتي : هذا باينا ديال شي بنت احححح هاذشي كنت كانشوفو غير ف الأفلام صافي و المجلات ..
مشات لبلاكارات كاتحلهم و تشمشم بنيفها شي روايح وااااعرين .. و هبشات كووولشي ولفت هاذ الطبيعة ماكاتقولش حشومة واقيلا ديال الناس ..
سبقاتو و ركبت سدت الباب و جلست تشوف ف المرايا .. و تعوج قنانفها ..
طلع الشوفوغ ركب ..
مسافة طريق و وصلو .. حلت عويناتها : متأكد هنا ياك !! لنصدق غير معذبة
هو : ايه هنا أ آنسة ..
فاتي نزلت و طلت من زاجة : الله احفظااااك ..
مشات كاتعوج .. طلعت مع شي دريجات .. و دخلت ..لريسبشن نيشان
عامر دخل للدار مهدووود و مهلووووك خدم بزااااف و رجع لكراج د طوموبيلات دوز فيها نهار كامل و ضاربو البرد و مخنوق .. صوتو كيخرج باح و قتلو الستريس و العيا ..
دخل دوش نيشان و بدل عليه .. تا سمع دقان ف الباب .. مشا حل و هو يلقى مصطفى صاحبو يمكن عاد جا من السفر كانت تما خدام شي عام و الزيادة .. عنقووو عناااق أخوي حاااار .. فررررح و عينيه لمعو فاش شاف صديق طفولتو .. استقبلو و دخلو للصالون و جلس مقابل معاه ..
عامر : و الله تا توحشتك و خليتي بلاصتك أ صاحبي .. ياك داركم لاباس كولشي مزيان !!
مصطفى : و الله ايلا كولشي بخير الحمدلله .. و مرة أخرى الله ارحم المرحومة و اجعل مثواها الجنة ياربي <حدر عينيه بحزن> بقات بلاصتها كبيرة بزاف ..
عامر تنهد و دفع بصرو لأرجاء الغرفة بنظرة مكسورة و رجع خباها ب ابتسامة ذابلة : الله ارحمها ..
مصطفى جبد واحد العلبة من صاكادو ديالو مغلفة ب بابي كادو .. و حطها فوق طبلة : هذا كادو ديالو عطيه ليه غدا منين يفيق..
عامر : و الله تا حشوما عليك علاش معذب راسك أ صاحبي ..
مصطفى : ماكاين لا عذاب لا والو راه خويا صغير هذاك .. اجي مالك واش مريض و لا شنو !! صوتك ماشي هو هذاك ..
رجع كيكح عامر بقوووة : اودي .. غير واحد الخدمة ماصورت منها والو من غير المرض .. منعستش البارح بهاذ الكحة و صدري تيضرني ..
قطب حجبانز بفضول : شمن خدمة !! كنتي قلتي ليا شيفور عند شي عائلة !!
عامر : لا هاذيك خرجت شحال هذا منها .. خدمت فواحد الكاراج .. عرفتي حسن ؟
حرك راسو ب اه و كمل عامر مسترسل : و من بعد شفت واحد صاحبي ضبر ليا عند باه فواحد ريسطورا .. و لكن زقرااااااام يا صاحبي .. يتحاسب معاك على سنتيم واحد .. بنادم معرفت مال ديلمو هاكا .. عايش ف الرزق و كيتزقرم على ناس لي كيضربو تمارة و خدامين منيتهم ..
تنهدد مصطفى بحسرة : اودي غير صبر .. راه الوقت خيابت على كولشي .. و تشوف تمارة لي كنضرب نهار كامل و فاللخر يعطيك جوج فرنك كنقول غير نمشي نحرg لشي بلاد حسن و نهي راسي .. بلا هاذ العيشة د الويل ..
تنهدد عامر كيفرك فيدو فوق من فخضو : نقولو الحمد لله على كل حال و صافي كاين لي مالاقيش تا ذراع للخدمة ..
مصطفى : نوض عمر لينا شي كاس د اتاي أ البغل نوض ..
ضحك عامر و ناض عمر أتاي لقا صاحبو حاط ميكات فيهم دانون و بيموات و شكلاط و ديسير .. و بزاف د تخربيق ..
رجع شاف ف مصطفى شوفة مضيقة : غير قوليا علاش معذب راسك واش جاي تخطب ؟ راه غير عشيرك انا ..
مصطفى : عام مشفتكش حشوما ندخل بيدي خاويين .. و على ذكر الخطبة نيييت راني نيت حددت نهار د الخطبة انا و غزلان <هز يدو مرجع شعرو للور و لمعو عويناتو>..
زاد ضحك عامر : ههه قول و الله !!
مصطفى : و الله العظيم ..
عامر : ههه ايوا على سلامتكم 7 سنين د العشرة ماضاعتش غير هاكاك .. بالحق غزلان بنت درويشة تستاهل تمووووت معاها ديال بصح ..
مصطفى : وايه أ صاحبي تكرفصات معايا و ذاقت الويل مسكينة .. و انا ديما بارك عليها بصبري عليا صبري عليا .. و دابا راه زططت شويا الأمور و قلت هاذي هي الفرصة و راه نتعاونو نيت على الزمان ..
عامر ضرب على كتف صاحبو : و الله تا فرحت ليك .. دير لينا شي عراسية مضخمة نشطو فيها ..
مصطفى : ههه كون هاااااااني .. <غمزو> و نتا مزال ماغاتقلب على شي بنت الناس تعاونك غير شويا ..
هرب عامر لكوزينة و دار المقراج فيه الما .. دخل مصطفى جالس فوق الكرسي و كيبحلق ب عينيه : اش كاين تما ههه شميت ريحة شي حاجة ..
عامر : ههه ضحكتيني بدوك شوفات ..
مصطفى : غير خوي المزيودة ..
عامر : ممم أ سيدي ايلا قلت ليك مغتيقش ..
مصطفى : وا غير قول الله اهديك ..
عامر :(سكت شويا جامع شنايفو و نيفو حمرررر بالرواح) البنت لي كنت شيفور ديالها ..
مصطفى وسع عينيه شويا : كيفاش ؟؟ زعما واش درية لي كنتي خدام عندها !!
حرك عامر راسو ب اه ..
مصطفى :(حنحن بصوت غليظ) واش منيتك !! اشداك لدوك نااااس أ صاحبي .. غاتكون شي مفششة و باينة مولفا الفشوش و الفلوس ..
عامر ضحك كثر : لا لاااا .. ليلى بنت ضريفة و متواضعة ضحوكية و غير نية .. حمقة بزاااف و لي ف قلبها على لسانها .. وقفات معايا فاش ماتت الواليدة و كاتهلا ديما ف رشاد و كترد ليه البال ..
مشات خلصات ليكول ل رشاد و شحال من مرة كاتبغي تعطيني لفلوس و لكن كنرفض .. ماباغيهاش تحسني طماع ولا شي حاجة ..(ختمها بتنهيدة طوييييلة)
مصطفى : باين كتبغيها بزاف ..
عامر : كثر مما كاتخيل .. أصلا هاذشي علاش خدام بالليل و بالنهار غير باش نجمع شويا د الفلوس .. و نمشي نخطبها ..
مصطفى : و فنظرك عائلتها ماغايقولو والو !! عامر سمعني مزيان توقع أي حاجة منهم باش مايبقاش فيك الحال من بعد ..واش فهمتيني ؟؟ يقدرو يكونو عائلتها ماترياليست ولا شي لعبة بحال هاكا واخا تكون هي باغاك هوما مثلا يرفضو ..
عامر : لا مكنظنش .. خوتها بعدا فشكل .. الكبير قاليا خدم و اجي مرحبا .. لو كان العكس غادي يقولي ضرب على ساحة ختي و منشوفكش معاها مزال ..
مصطفى : ايوا الله اكمل بالخير فرحت ليك و الله
عامر : الله اعزك .. و لكن غانطلبك واحد طليبة ..
مصطفى : قول !!
عامر : بغيت غزلان غدا تمشي معايا نشري خاتم ل ليلى ... مكنفهمش فداكشي و بغيتها تمشي تعاوني .. ايلا معندكش مشكل ..
ضحك مصطفى حتا بانت الخوخة لي فذقنو : ههه وا هانية أ ساط .. غانقولها ليها كون هاني ..
ناضو شربو اتاي دردشو و جمعو مزيان .. عاد خرج مصطفى
دخلت فاتي كتعوج ف خصرها مع كل خطوة .. تا وقفت ف ريسبشن على وحدة راسها شهب و عينيها زرقين دايرا عكر غوزز ماااط و المايكاب سامبل لابسا شوميزا ف اللون الكريمي مع فيست ف نواغ جاو الألوان متناسقين .. شافت ف فاتي و ردت بصوت ناعم :
وي ديموزيل فاش ممكن نعاونك !!
فاتي جالسة كطرطق ف المسكة لي كاتلعب وسط فمها و عينيها غير على لي داخل و لي خارج و كولشي غادي زربان كولشي خدام و مامساليش ..
حطت يديها على الكونطوار و طولت الشوفة ف السكرتيرة : ختي بغيت نشوف يحيى ..
حنحنت و رجعت ردت بتفسير : احم سمعيني أ آنسة ميسيو يحيى عندو اجتماع طارئ دابا غدا حددي موعد و اجي شوفيه مرحبا ..
فاتي : دابا كيفاش ؟ انا غير تخورت و لا شنو ؟ لبست و قاديت الحالة و هاذ تعذيييييبا كاملة فاللخر نرجع هاكا طويلة !!
سكرتيرة : آنسة عافاك انا راه كندير غير خدمتي لا أقل و لا أكثر حاولي حتى نتي تفهمي الوضع ..
ضربت فاتي شعرها بحركة خفيفة حتا رجع منسدل ورا ظهرها : ايه أ ختي ماقلتي عيب ديري خدمتك تا حد ماحبسك عليها ..
فاتتها و مشات غادا داخلا .. غير شافت واحد خينا و هي تجرو من يديه : خويا الله احفظك فين غانلقا يحيى ؟
عينيه طلعو و نزلو فيها : ش شنو ؟؟
فاتي : وا يحيييييييى فين غانلقاه !!
هو هز يدو كيحك لحيتو و عينيه مبسمين تفيكساو عويناتو رماديين على طايتها لي كاتهبل و على شعرها و تفاصيلها : اه كتقصدي يحيى المدير !!
فاتي حركت راسها ب الايجاب ..
هو : اوكي تبعيني ..
دخل للمصعد و تبعاتو .. ضغط على واحد زر و هي تبدا تقفقف مشات لديك زاوية تقنتات فيها و هو غير كيضحك على حركاتها و كيقول فراسو شكوووون هاذي لي بغات تشوف يحيى و هي لا بريستيج لا اتيكيت .. ..
غير وصلو شير بصبعو : اتلقايه تماك ..
فاتي بابتسامة عذبة : شووووكرا لهلا يخطيك ..
زاد تبسم حتا بان صف سنيه البويض ؛ و لو العفو آنسة ..
مشات نيشان كتعوج .. وصلت و هي تدخل بلا استئذان بلا ماتدق لقات غير واحد طبلة طوييييلة كانت قاعة د الاجتماعات ..
جالس يحيى كيرتب فوراقيه و غير سمع شي حد دخل هز عينيه و هو يتصدم : ف فااااااتي !!!
قربت كثر و هي عويناتها كيتساراو فديك الغرفة : وااااه على بيرو كيداير .. شحال ديال كراسا
وقف بزربة و قرب حداها شد على ذراعها و عينيه كيتساراو ف لباسها و ماكياجها مفهم والو : اش هاذشي؟؟
اشنو كاديري هنا ؟؟؟ و علاش هاذ الحاااالة ؟؟؟ <رما هاذ الكلمات فوجهها و هو مورررك على نبرة صوتو>
فاتي : وا غير بغيت نشوفك و صافي .. قلت نشوف فين خدام ..
يحيى : واش حسابلك لمك كاتساراي ف القيصارية ؟ و لا شنو قالك راسك راه بلاصة الخدمة هاذي و عنديييي اجتماااااع دابا طاااارئ ..
و ايلا جاو صحافة و شافوك دابا فاش غانصدددق أ لالة فاتي ؟؟
مكملش هضرتو حتا تسمع دقان ف الباب .. رجع وجههو حمرررر و توووتر دفع شعروو للور و كيوفر نفسو السخووونة بغضضب واضح و خانق .. دفعها تحت طبلة بسررررعة و حدر راسها ليتزدح غوووت : تخرجي نحيد لمك عينيك سمعتيي أ المصيبة !!
دخلو المسثثمرين و ايضا كاع لأعضاء المهمين ف الشركة و بعض الصحافة لي هازين كاميرات ..
جلس يحيى و الميكرو حدا فمو و باقة ورد و قنينة ماء كان مترأس ديك الطبلة ..
نطق بشي كلمات و بدا كيعطي رأيوو و الاعضاء لاخرين أيضا كيعطيو آرائهم و الصحافة خدامة كتصور كولشي ..
فاتي لتحت مكمشة و معاجبها حال كيبانو ليها غير صبابطهم لي كايلمعو و كيبريو .. كان مقابل معاها صباط يحيى .. زادت كحزت القدام و هزت يديها نغزاتو معرت اش كايقوليها هاذ الراس زعما راه ديال العصا صافي ..
يحيى حنحن بصوتو و جبد الكول كينفسو شويا .. و دفع رجليه للقدام ..
فاتي ف نفسها : واش غانبقى هنا و لا شنو ... اش هاذ زهر المكزوووووز عند طاسيلتي تفوووو ..
بعد اخد و رد من المساهمين لمدة كثر من نصف ساعة ف الشركة ختموها برأي يحيى لي كان قرار نهائي .. وقف و سلم على أكبر مساهم .. و التقط ليهم الصحفي صورة ..
عاد بداو كيخرجو واحد بواحد يالاه اتخرج و هو يدفع الكرسي بقوة و تزدح مع راسها تا غوتت ..
دار صحفي كيشوف مصدر الصوت و يحيى هز يدو كيحك ف عنقو و تفاحة آدم طالعا نازلة ندتبسم ابتسامة صفرا .. و خرج الصحفي قال يمكن غير سمع ديالة مشوش فقط ..
منين خرج كولشي تنهدددد برااااحة و هبط راسو طل عليها لقاها شادا ف جبهتها : خرررررجي أ المصيبة ..
خرجات و هو حاط يدو باش متزدحش راسها غير وقفات و هو يلمح واحد جريحة ف جبهتها : اووبس انا لي جرحتك يمكن فاش دفعت الكرسي ..<قاسها بصبعو> كتوعتتك !! <دفع شعرها للور و شد ذقنها بيديه زاد قرب كثر و ريحتو تغلغلات مع جيوبها الأنفية تفيكساو عينيه على ديك الخبشة>
اما هي ذااابت ف عينيه و ملامحووو و ريختو لي زعزعات كيانهل حركت راسها ب اه و هي مرفوووعة ف السما ..
يحيى : سمحيلي مقصدتش نضربك .. اصلا غير جريحة صغيييورة بزربة اتمشي ..
فاتي تزير لون وجهها و هو قريب ليها بزاف .. توترات و بقاو عينيها كيضورو ب تلفة منين جاو عل. عينيه نيشان و ديك زروقية شخال كتهبل و تسطي لي مايتسطى ..
يحيى : واش من كل عقلك جايا للشركة ؟؟ واش تلف ليك شي فيزيبل فراسك ؟؟ شكون جابك بعدا ؟
فاتي لوات فمها : رجليا لي جابوني ..
يحيى : اهاه و شكون وراك شركة؟ .. و بلاتي منين جاوك هاذ الحوايج بعدا ؟ و علاش دايرا هاذ الصباغة المائية فوجهك ؟؟
فاتي : لقيتهم فواحد البيت و لبستهم .. شنو نجي لهنا بحوايج الدار مجاتش ..
يحيى شد فشعرو : وا علاااااش !! جايا !!
فاتي : وا غير قالها ليا راسي و صافي ..
يحيى :(بنبرة حادة) هاذ الراس خصو العصااااا ...
مشات غادا مقلقة زعما و خرجات .. و هي دايراها قد راسها
خرجات فاتي و تمشات مسافة طويلة .. حتا لمحت عمها قدامها ايمتا و كيفاش خرج ليها معرفاااتش .. حمارت و صفارت و خضارت و هي مزالين رجليها فوق طروطواار لي بداو كيزحفو للوراء ..
قلبها بدا كيضرب ف تسعين و هي كاتشوف ملامحو عاااامرين بالحقد و البغض جامع يديه موراه و فمو زررررق بداك الكارو .. و عينيه قاطبهم بشوفة خاااايبا ديال القتيلة صافي .. والفااتها و عاهدت هاذ النظرة و عارفة مزياااااان شنو كايجي من وراها ..
ضورت عينيها بسرررعة باغا تطلق رجليها للريح و لكن هو واقف قدامها مشكل ليها عقدة ف حلقها .. صرطت ريقها و قلبها كيزدح .. "ع عمي" ..
حست غير بواحد طرشة فوجهها تا كانت غاتجي طايحاا ..
و يدو الخشنة تغرست شادا فشعرها حتا قرب يقلع ليها فروة راسها و رجع طرشها لحنك لاخور تا سال الدم من فمها و و دموع نزلو كي شلال من عينيها :
دوي أ اليهودية .. انا حمار لديلمك الكلب تخليني عل الضس و تزيدي خلفة مع طريق هذا هو خيري فيك يا المارجة يا بنت الكلب دوييييييي الق**** مالك تصمكتي دااااابا ؟؟ فين فلوووووسي الكلبة فين فلووووووسي اليهودية نطقييييي حلف بربي الجليل و ماتحبدي ليا فلوسي درووووكا تا نملخ بوووك قدام هاذ الناس و شوفي شكون غايفكك مني ال***** ..
يالاه غايرجع يهز يدو يضربها و هو يحس بشي يد صلبة و خشنة تزيرات على يديه بقوووة حتا حل فمو و تزيرو عينيه بألم ..
زاد يحيى ضغط على فكو و وذنيه رجعو حومر .. عينيه حمريييين و صدرو طالع نازل .. محسش براسو حتا نزل ليه على وجههو ب بونية خلات عمها منشور ف الأرض و دمايات خارجين من فمو ..
رجع تحنى لعندو و كمش يديه على حوايجو كيخضخضو بقوووة و نفس يحيى كتخرج سخووونة بواحد الغضب عامر : هاذ اليد غانقطعها ل**** الكلب ..
عمها مفهم والو أصلا ماجاش فين يهضر حتا رجع نزل عليه بركلة لكرشو تا غوت ربي لي خلقو حاس بمصارنو تروعو .. و فاتي قربات شويا بخووووف دموعها نازلين و يديها كيترعدو .. جراتو من ذراعو : ب باراكا ص صافي ي يحيى باراكا اهى اهى اهى الله اخليك ب باراكا
جهل يحيى ديال بصح دفعها و جلس كايسلخ فيه حتا سخف عمها و بقاو غير دماياتو سايحين ف لارض و كشاكش فمو خارجين ..
رجع يحيى ساس حوايجو و بدا كينزل كمام قميجتو و شعرو كان تخربق شويا نزلو شي خصلات و العرق نازل مع جبهتو و حناكو حمرييين و عرق فراسو كيضررررب ..
حط يديه لي عروقهم تطراسواو بقوة على خصرو كينهجج و كيلعن و يبصق حداااه ..
جبد الفون بزربة قال زوج كلمات و مشا توجه لعندها .. حانية راسها و خافت بزاف من هاذ رد الفعل لي دار يحيى كان ديما كيبان ليها مهددن و كاااالم .. و لكن ليوما شافت هاذ الجانب فيه لي صدمها بزااااف لثاني مرة و لكن. هاذي كانت كثر من المرة لولا فاش ضرب هاذود لي ف النايت .. خلا عمها كي شرويطة تما مكيحرك لا يد لا رجل تا نفس واقيلا تقطعات فيه ..
تنخصصت و كتافها كيطلعو و ينزلو .. قربها كثر لعندو و دفع راسها لصدرو بلمسة حنينة و اليد لاخرى كتمسد ظهرها و كيطبطب عليه بلطف باش يهدنها .. خرج صوتو الفحولي مبحوح "ششش صافي تهدني .."
عاد مازادت فيه و هي كترعد وسط يديه .. عض يحيى على شنايفو بقوووة و بغضضب من عمها لي كون غير قتلو باش عاد يهنا كثرررر ..
زاد خشاها فصدرو و هاذ المرة يديه بزوج فوق ظهرها و ذقنو فوق شعرهااا ..
"ششش صافي ماتبكيش "
جبد منديل من حيبو و مسح دموعها لي دايزينز ز
جرها من يديها و طلعا للطوموبيل بزربة منين شاف رجالو جاو ليه ..
ركبت و دار ليها السمطة .. طار من تما مخلي غير العجاجة من وراه ..
تا وصلو قدام البحر جيهة جراف و السيارة كطل على منظر البحر لي هايج شوسا .. كان تما البرددد بزاف و رياح كتحمل ضباب كثييييف .. ضبب للمشهد ديال البحر و خلا صورتو مشوشة ..
زول السمطة و قابلها معاه و القلق مسيطر على وجههو .. قاس جنب فمها و حجبانو مقوسين كيشوف دم مكبد حدا شنايفها و حنكها حمررررررر "موعتة بزاف ! "
يحيى .. ورك على فكو و هز يدو كيمسح لحيتو و صباعو كيلعبو فوق الفولون بتوتر حاس غاينفجر و غير تنهيداتو المتواصلة لي كايتسمعو ..
بلا ما يتردد حط يدو على يديها رطيطبين و زيررر عليهم : عمرو غايقيسك مزال ..
حيت غانمحي ليه الأثر فمرة ..
هزت بصرها بسرعة البرق لعندو "ش شنو !! "
يحيى رجع مركز ب عينيه قدامو : والو نساي ..
فاتي .. يحيى العار بلا متوسخ يديك فيه .. صافي منين شافك دافعتي عليا عايعطيني تيساع و هايوقرني عليه ..
يحيى ..لا ماهيوقركش خصو يتعلم باش هاذ المرة يضرب ألف حساب قبل مايقيس شعرة منك
فاق قيس قبل من ريماس .. وجد الفطور و كولشي قادو على حقو و طريقو .. و هو لابس بيل سماطي ف الكحل كيبين صدرو العريض مبرووونزي مزيااان ..
هز البلاطو و مشا فيقها بشويا و يدو على حنكها كيحركها بلطف : wake up babe ..
(فيقي حبيبتي)
تقلبات ريماس على كرشها و جرت المخدة عندها معنقاها و هي ميتة بالنعاس خرج صوتها ثقيل و عينيها مسدودين : غير ش شويا و ن نفيق ع عافاك ..
ضحك تا بانو غمازاتو على هاذ العgز لي فيها : نعااااسة .. زعما وجدت ليك الفطور واخا هاذي راها وقيتة د الغدا ..
تلاح حداها بخفة و جرها لعندو خاشيها فصدرو و يدو كتمسد كريشتها : ريماس فيقي حبيبة ديالي .. هاذ النعاس هاكا غادي غير يمرضك ..
حلت عينيها غير بزز و كتفوه .. مجاتش فين تهضر حتا قاطعها ب قبلة طويييييييلة و شاف ف عويناتها لي كياخدو ليه العقل و القلب و كولشي : ممم فيقي أ نعاسة ..
تبسمات : ههه
صباح النور ..
خشا نيفو ف عنقها كيوزع بوسات على عنقها و يشم فريحتها : صباح الورد حبيبة ديالي ..
ريماس : واش فقتي بكري ياك !!
قيس لوا يدو على خصرها كثر : فقت ف 7 مشيت لعبت الكارديو شويا و جيت دوشت .. و وجدت ليك الفطور .. عاد صاوبت شي تخربيق ف البيسي كان مديرونجيني ..
وسعت عينيها : تبارك الله عليك و انا مزالا ناعسة ههه ..
رجع باسها ف عنقها ماساختش بديك ريحة لي فيها زاد فوتيرة قبلتو و باسها بجهدددد حتا تبورش عليها لحمها .. " اشنو هاذ الريحة الزوينة مع الصباح" ..
قلبها تحت منو و بقا كيبوس ف خدودها نيفها و عويناتها و كيحك وجههو مع خدودها لي سخاااان : مزال كيحرقك لتحت ! ..
ذبلت عينيها و حركت راسها ب اه .. شعر بأسى ف قلبو كان خصو يتكايس عليها كثررر فأول ليلة ليهم مع بعض .. باس جبهتها كانت قبلة اعتذار .. و تنفض بسرعة من الفراش جاب واحد ساشي فيه مرهم ..
قررب لحداها نفض الفراش عليها و فرق رجليها و هي تسدهم بزربة و حنوكها ايطرطقو بالحمورية : ش شنو !
قيس طلع حاجب و زاد ضغط على رجليها حلهم .. هذا مرهم غادي يخفف عليك الألم خديتو قبيلا ..
جر سليب شويا و حل البوماضة و بدا كيذهن لتحت ديالها و هي غرقت فحوايجها بالحشمة .. ضورت وجهها كاتشوف فجهة لاخرى مقدراتش مزال تشوف فيه بالخجل و هو خدام كيذهن ليها ..
حركت راسها ب اه و تكعدت شويا مشا هو غسل يديه و تبعاتو لحمام مفرقة رجليها بحال شي وحدة حاملة .. كتدير خطوة غير بزز غسلت وجهها و هو لاصق على ظهرها كيبوس فكتافها مخلاهاش حتا تغسل كمارتها مزيان ..
دفعاتو شويا و جبدت شيتة د سنان دارت فيها دونتيفريس و غير بدات تحك سنيها رجع عنقها من ظهرها : ههه واش مهتخلينيش نغسل سناني ..
ضغط عليها كثر و سند راسو على كتفها بحال شي طفل صغيور همس بعناد "لاااء"
ضحكت و هي كتحرك راسها : ههه صبر غير نغسل فمي ههه قيس ح حشوما عليك ..
تحنات كاتغسل فمها و سبق هو هز هو الفوطة مسح وجهها عاد هزهاةبسن يديه و داها حطها فوق السرير .. هز البلاطو فوق فخاضو و يدا كيوكلها كي شي بنية صغيورة ..
ريماس فمها عامر و عجبها الفطور جاها لذيذ بزاف : واش مغتاكلش !!
هو كيتأمل فوجهها :"لاء غير كولي أ عمري بصحتك شربت قهوتي و حسيتها ضراتني شويا"
قطبت حجبانها "فيك الوجع دابا !"
حرك راسو ب لا و باس شنايفها كيجرهم كل شفة بوحدها ؛ انا مرتاح .. متهزيش ليا الهم ..
فطرات و مشا قيس خدا الماعن لكوزينة تماك مخلاهاش دير شي حاجة من غير انا تلبس حوايجها .. و شحال و هو كيصر عليها باش يلبسها ..
منين رجع لقاها لبسات قبية ف الموv حد الركبة ستيلها لاغج و سروال كحل .. و سبرديلة نايك ف الابيض.. لمح الماكياج فوجهها و زاد زيررر عينيه ..
بشوفة ماشي تال لهيه ..
دارت لعندو : قيس مالك !!
جبد كلينيكس و مدو ليها "مسحي داكشي"
دلات شنايفها كي شي قطيطة كانت كتطلب الله ميعيقش واش دايرة شي حاجة ساعة عينيه كي صقر عليها حاضي أي حاجة ..
مسحات كولشي و رجعات كتسوط : دابا مزيان !!
قيس عاد طلق غوباشتو و شد وجهها : يخليلي الجمال الطبيعي .. شبغيتي شي تخربيق يخسر ليم غير بشرتك أجي لهنا اجي "باسها و عض شنيفاتها الحلوين كي العسل"
يالاه معايا اناخدو كادو ل ليلى غدا عيد ميلادها
عامر تلاقا ب غزلان خطيبة صاحبو سلم عليها باحترام كيف العادة و بهضرة موزونة بلا داك قوة بلا بلا و لا ضحك باسل كيدوي ف حدود و كيهضر فقط فاش كيخصو يدوي .. احتراما لصاحبو لي كيكن ليه معززززوة كبييييييرة ..
غزلان وقفت كتعض فظفارها بحالا كتفكر : عامر عرفتي شنو يجيك مليح غانديك لعند واحد خطييير ف المول كيبيع شي حاجة زوينة و نقية ديال بصح .. و مكيغليش بزاااف حسن من هاذوك لي ف الصياغة ..
عامر "واخا"
شدو طاكسي ومشاو لعند هذاك جا وسط واحد المول كبيييير .. دخلو و حياتو غزلان ..
مول المحل : اشنو حبات الخاطر ..
غزلان "ممكن نشوفو خواتم د الخطوبة"
مول المحل رجل كبير ف السن شويا.. ظهرو مقوس تو وجههو. عامر تجاعيد نزل نظاظرو د الشوف من فوق راسو و حطهم على نيفو "ايه مرحبا"
جبد بزاف و هو يرد بصوتو اللمتقطع شويا كيوضح ليهم "هاذو السامبل و هاذو الثقال و كاينين هاذ الستيل لي خرج دابا فيه نونة هاكا صغيرة و كيجي زوين ف اليد "
غزلان "واخا أ حنا غانشوفو"
مول االمحل " مرحبا و ألف مرحبا خودو راحتكم"
عامر تبسم "الله اعزك"
غزلان شافت فيه "هانتا شوف هاذ الشكل انا جاني زوين و سامبل كنظن غايعجبها كثر منين شفت تصويرتها و شكل الاكسسورات لي فيديها تسعين ف لمية غايعجبها هاذ الشكل مم شكون عجبك بعدا "
عامر تلف بكثرة الخواتم بقا غير كيبحلق حاط يدو على الكونطوار و كل شويا يحك لحيتو و يمرر أصابع يديه على حنجرتو بحيرة "غانكذب عليك ايلا قلت ليك معجبني تا حد كلهم زوينين غير زيدي عاونيني كثر "
ضحكات كثر بعفوية و قادت فولارها لي شاداه بحال شكل د السعوديات و مخرجا شويا د الشعر جرت 5 د الخواتم و حطاتهم قدامو :
هانتا انا جاوني هاذو هوما طوب .. ختار دابا شي واحد غاتحسو غايجي على يديها زوين ..
هههه صافي لي عليا راه درتو هههه دابا بقا ليك نتا الاختيار ..
عامر "ههه شكرا ختي الله احفظك"
بقا كيشوف شحال حتا هز واحد عجبو بزاااف و جاه سامبل "ممم هذا جاني بسيط و زوين فنفس الوقت"
تدخل مول المحل و هو كيتبسم : ذوقك زوين أ ولدي هاذ النوع د الخواتم كايجي على اليد رائع ..
بادلو عامر الابتسامة و شاف ف غزلان "واخا تقيسيه نشوفو فيدك عافاك !"
غزلان ضحكة مافارقاتش وجهها : هي لولااا ههه ..
فالوقت لي كاتلبس ف الخاتم كانت رزان صاحبت ليلى دايزا من تماك هازا شي أكياس فيديها و غادا كتقرقب بطالونها و بالصدفة شافت بحال عامر قالت يمكن غير جاب ليها الله حيت شافت غير ظهروو .. تا كانت غادا و قالت و الله تا نرجع نتأكد .. رجعت بالعرض البطيئ و غير ضيقت عينيها كتأكد و هي توضح ل٥سها صورتو و تصدددددمت قاااافزة من بلاصتها ..
كاتشوف عامر مع وحدة و لابسا الخاتم فيديها و البنت فرحاااانة كتهز يديها و توريها ليه و عويناتها كايلمعوو.. شهقت حالا فمها و نزلت نظاظر د الشمس تحت نيفها و قلبها : لااااااااا يا عاااامر لااااااا ..
اش هاذ الفضيييييييحة ياربي .. ويييييلي حااااااي على المزغووووب كايتفلا ليا على صااااحبتي
شورات حتا جبدت تيليفونها من صاكها حيدت اللفلاش لاتصدق مفروشة و صوراتهم بزوج شي 5 د تصاور و مشات طلقت رجليها للريح لي كيترعدوووو عليها و جرية وحدة نيشان عند ليلى ..
عامر غير سمع ثمن د الخاتم و هو يتزيرررر .. مكانش ضارب الحساب غايكون غالي لهاذ الدرجة خصوصا حيت تا هو خدا ليه خاتم و لكن هو خداه غير عادي و سامبل ..
عامر خربق شعرو و عينيه على الخاتم : الشريف شي ثمن زوين الله انورك ..
مول المحل : هذا أ ولدي اخر ثمن و راني نقصت ليك واخا عمرني درتها مع شي حد غير حيت دخلتي لخاطري .. ايلا جاك غالي و كثر من جهدك كاينين خواتم رخاص شويا ..
عامر عجبو هذا و جاه على هواه و لكن الفلوس بزاف .. حنحن بصوتو كيفكررر و غزلان ف الجنب كاتشوف مربعا يديها .. شويا جراتو من ذراعو : انعطي ليك لي خاص تاتردها ليا من بعد راني بحال ختك عادي أ عامر متحشمش
حرك راسو برفض قاطع : حرام واش نشدها من عندك أ ختي .. حشوما و خصوصا عارف بلي كاتوجدو للعرس و تابعينك مصاريف ..
مخلاهاش تهضر و جبد بزطامو د جلد .. كيشوف ف الفلوس .. ثمن الخوااتم بزوج هو لي عندو ف البزطام يعني مغايبقا ليه والو .. تا درهم ماغاتبقاش ..
تنهد و وكل امرو لله و حطهم ل مول المحل .. فوق الكونطوار د الزاج : باسم الله أ شريف ..
مول المحل دارهم ف بواطة حمرا ديال الدان و تبسم : مبروك عليك أ ولدي و الله ايسر ليك أمرك
دخل قيس للحمام و بقات ريماس كتقلب على الكينة د منع الحمل والو مالقاتهاش و هي عقلات بلي جابتها معاها رونت الدنيا كاملة باليتزها و البلاكار البيت رجع سفاه على علاه و والو مالقاتهاش عقدت حجبانها بقلق : الله ياربي فين غانكون حطيتها و انا متأكدة خليتها غير ف صاكي معندهاش فين طير ..
خرج قيس من الحمام و غير رما عينيه على البيت و هو يتصدم من ديك الروينة لي قدامو حوايجو ف الأرض و حوايجها مزلعين و كولشي مخلط و البلاكار محلول و مافيه والو ..
حك حجبانو مستغرب "كنتي كتقلبي على شي حاجة ؟ "
هي كتمسد عنقها : اه كينة ديال الحمل انا متأكدة جبتها معايا و لكن مالقيتهاش عافاك قلب معايا ضروري خصني نلقاها ..
دار يديه على خصرو و تكلم بصوتو الحرش : هاذ روينة كاملة على ود الكينة ؟
ريماس صفارو حناكها من نبرة صوتو : قيس سمعني الله استر عليك بلاش ميقلقك هاذشي عافاك حنا عاد باديين و يالاه قلنا باسم الله علاش غانزربو بالولاد ..
و انا مزالا معرفاش واش زواجنا غايكون صحيح نيت و لا غادي "ردت البال لهضرتها و هي تضيق عينيها بخوف منين شافت نظرتو لي تفيكسات على عينيها بجدية"
قيس ؛ و لا غادي شنو !! كملي هضرتك !!
بدات كتسوط بيديها على وجهها و تربكت : عافاك أ قيس غير فهمني انا مقصدتش داكشي لي على بالك انا غير
ريماس : مكنشوفش راسنا قادين على مسؤولية الولاد فهاذ اللحظة و حنا عاد بدينا و كنحس بلي مخبي عليا بزاف دالحوايج البارح مثلا سولتك غير على دوا ديالاش و عرفت بلي ماتقتيش فيا قيس انا راه خايفا نجيبو شي بيبي و لقدر الله يطراو المشاكل بيناتنا و يضيع هو
قيس قهقه بسخرية و دمو كيغلي من لداخل كان غايهضر و حبس الكلمة فطرف فمو .. حدو رما ليها نظرة زعزعاتها من بلاصتها خلاتها تندم علاش جبدات هاذ السيرة أصلا ..
ضور وجههو حتا قشع سوارتو هزهم و هز كاسكيط ديالو و خرج كيزدح ف البيبان و هو عاقد غوباشتو
عند رزان
يديها كيترعدو و وجهها رجع صفر "يا سيدي ربي اش هاذشي شفت بعيني.. الكلب كيلعب ورا ظهرها و هي مسكينة متيقاه و غادا معاه بالنية لا صافي مغنسكتش صاحبتي و غانصارحها واخا قاصحة ياربي اوووووووف اش هاذ المصيبة طاحت فوق راسنا بففففففففف "
مشات كتجري و تقرقب بطالونها حتا شدات طاكسي و هي كتبحلق ف صورة لي خدات ل عامر فاش كان كيركب الخاتم ل غزلان و عينيها فيهم حقد و خيبة أمل واضحة و مشاعر مخلطة و توتر غالب عليها ..
عامر خرج كيتنهد براحة و قلبو كيدق بسرعة و بفرحة حيت هاذ الخاتم تعب عليه و عرق باش يجيب فلوسو لي حلال .. شاف ف غزلان و تبسم بعويناتو لي رجعو كيبانو عسلييين مع شعا د شميسة
"شكرا بزاف و الله مكنتش عارف شنو غاندير بلا بيك .. عاونتيني حتا لقيت الخاتم ليها .. لهلا يخطيك أ ختي و سمحيليا عذبتك معايا "
غزلان تبسمت بدورها <لاااا شنو كاتقول مابيناتناش هاذشي أ عامر .. مدرت والو و الله .. نتمنى غير يعجبها و ربي يكمل عليكم بالخير ان شاء الله و تكونو فرحانين فحياتكم>
عامر ردد ان شاء بفرحة كبيرة كتغلغل وسط قلبو و مشا شد تاكسي ل غزلان بإصرار منو ..
رزان دارت معاها فواحد الجردة و غير لمحات ليلى جايا و مبتسمة و كلها طاقة ايجابية تلبكات و بدات كتخمم فراسها واش تقول ليها و لا بلاش كاع و كيفاش غاتفاتحها فهاذ الموضوع ..
ليلى باستها فحنكها : القردة ديالي صافا !! ناري ياختي درتي ليا الطيارة و انا كنت مبرزطة مع شي تخربيق د الحفلة بغيت كولشي يكون هو هذاك و متنقص تا شي حاجة ..
رزان كضور فععويناتها و طرطق فصباعها حنحنت بارتباك واضح : احم قولي ليا مدويتيش مع عامر ليوما همم !!
ليلى "عيط لي نيت صباح و شوشني عليه ببببفففف من صوتو باين واش مريض و ضاربو البرد خصني نشوفو دابا نيت و نطمأن عليه قلت ليه يجي يدوز عندنا هنا "
رزان كتنفس كول قميجتها : بصح غايجي دابا !!
ليلى : نتمنى ميتعطلش علينا حيت قالي بعيد شويا غايوصل شي حد عاد يجي ..
رزان ف نفسها "ولد **** و مزال عندو الوجه يجي يشوفها ق*** " قولي ليا عرضتي عليه لانيف ياك !!
ليلى بقات كتطلع و تنزل فيها بريبة و شك : دويييي نتي اشنو مخبيا عليا أ ديك فليفلة !! من قبيلا و نتي كتجبدي ف عينيك و ضوري فيهم حسيتك ماشي هي هاذيك !! اش كاين أ رزان
تعقد ليها لسانها و كتخمم كيفاش غاتقولها ليها و كيفاش غاترجع حالتها ايلا ساقت ديك الخبار : ممم مطرا والو .. ههههههه اشنو غايكون كاع يالاه نمشيو للدار نوجدو شنو خاص احم <وبدات تدخل و تخرج فالهضرة>
قوست رازان حجبانها بحزن و شدت فيدين ليلى زيرات عليهم : عافاك متقلقيش من هاذشي لي غاتشوفي عافاك و متبكيش و عرفي بلي ميستاهلكش و نتي حيت قلبك بيض ربي غايجازيك بحسن منو و ربي مكيسد باب حتا كيحل بيبان ..
ليلى تزيررر قلبها و بدا الخوف كيسري فدمها من جدية رزان لي باينا واش غاتقول شي مصيبة كحلة حركت عينيها كترمشهم بسرعة :
كيفاش هاذشي ؟؟ مفهمتش شانو تاتخربقي نتي كيفاش حسن منو !! قوووولي شنووووو كااااين الله استر عليك بلا تخلويض !!
رزان : كنت غادا لمول كنتقدا ياك .. مهم شويا دزت من حدا Bijouterie شويا بان لي عامر تماك
قطعت الحس هنا و ليلى كتسناها تكمل : اييييه كمليييي !!!
جبدت تيليفونا و وراتها لافوطو
شدت ليلى تيليفون فيديها و جاو عينيها على عامر نيشان كيركب ف الخاتم لبنت قصيرة شويا و دايرا فولار و كيضحكوووو و كيبان غير نص فوجهها ..
تزيرررررر لون وجهها و بقات كاتشوف فديك صورة بصدمة و عينيها بداو كيعمرو بالدموع و حست بصوتها هرب ليها : ش ش شنوو ها هاذشي !!
رزان كمشت عينيها سداتهم ؛ كيف كاتشوفي بعينيك أ ليلى كيركب الخاتم لهاذ الق*** بزز باش تمالكت اعصابي اما كنت غاانمشي ندير ليهم لمهم شوهة تما و لكن قلت بلاش منزرب حتا نهضر معاك هو اللول ..
ليلى هزت يديها لي كترجف و بدات كتمسد عنقها و ذبل لونها بسرعة رجعات صفرا و دموع كي شي روبيني حليتيه : م مقادراش نتيق هاذشي .. لا ميمكنش غايكون شي سوء فهم عامر مستحيل يدير فيا هاذ الحالة مستحيل اهى اهئ اهئ هء هء ميديرهاااااش أ رزان لااااا اهئ اهئ اهئ ..
وقفت شدات فشعرها و نفسها بزز باش كتخرج شافت ف رزان و عينيها عامرين بالدموع و حمرييين كي الدم : كنكرهوووووووو كنكرهوووووو اهئ اهئ اهى
مشات كتجري و رزان تابعاها ساعات مقدراتش تلحق عليها ركبت فطوموبيلتها و خلات غير العجاج وراها
رزان تخلعات و قلبها ضرها بزاف على صاحبتها مجاتش فين تزيد خطوة حتا شافت عامر قدامها لي فرحان و مبتسم قرب كثر جيهتها : سلام رزان صافا !!
عقدت حجبانها و صدرها طالع نازل سيفت ملامحها بغضب : مزال عندك الوجه باش تجي تشوفها هااااا !!! <قهقهت بسخرية> و الله تا برافووووو ليك <هزت يديها كتصفق ليه>
هز يدو زيرها على شكل قبضة : لاحول و لا قوة إلا بالله
رجع كيلعن فراسو و فكولشي على هاذ الزهر لي عندو قرب لعند رزان و غوت بأعلى صوتو و وجه صبعو ليها بتهديد : ايلا طرات ليها شي حاجة دابا نتي غاتكوني سبااااااب سمعتيييييي !!
عامر بالغوات حتا ترسم عرق فجبهتو ؛ الخاتم شرييييتو ليها هي و هاذيك لي كانت معايا خطيبة صااااااحبي و مشااات معايا باش تعاااوني <هز يدو كيمسح فوجههو بغضب و حيرة> علاااااااش ديري فينا هاكا علاااااش !!!
حطت يديها على فمها بصدمة و صقلت فبلاصتها اما عامر هز تيليفونو كيعيط ليها يالاه بدا كيصوني و قطعت عليه ..
رجع كيصوني و يعاود والو شويا طفاتو ..
عامر تلفت جيهة رزان : كنتمنى تكوني ارتاحيتي دابا
خلاها تماك و شد تاكسي بقات رزان تعض فظفارها و تلعن فنفسها
عند ليلى دخلات لواحد الكافي و فيها بار فنفس الوقت جات مقابلا مع البحر مسحت دموعها و وجهها فااااازg و حمررررر مزنg ..
جلسات قدام البار مان لي كتعرفو كانت شحال هذا كاتجي هي و رزان لهنا و فاش كانت كتشدهم زيغا كيشربو ؛ هيه واحد كاس د جاك دانيال ..
جابو ليها و صرطاتو كامل فدقة وحدة
ليلى : بس بس واش مابانش ليك كاسي خواا و لا شنوووو ؟؟
تعجب من هضرتها و حالتها : ليييييلى !! مالك !!
هي : دير خدمتك و عمر ليا كاسي ماسوقكش مالي و شنو بيا ..
هز كتافو مستسلم و زادها حتا وصلت ل 4 د الكيسان و بدا كيطفاو ليها البولات ..
صغرت عينيها فيه و هو خدام كيميلونجي فالشراب : رجاااال كلكم كلاااااب .. ههههه كاتكونو زوينين فاللول و ضريفين كي العسل ايوا و منين كاتعرفونا صااااافي طحنا و لي عطا الله عطاه كاتعريو على وجهكم "خنزرات فيه تا تخلع من ملامحها" عمررررر ليا كاسي اش كتسنا !!!
ليلى : مابغييييييتش ا سيدي واش سوقك !! دير خدمتك و لا غانعيط لمول الشي و غايتفاهم معاك
ب اشمن حق تقولي باراكا !!! "بدات تكركر و تخربق فالهضرا خلاها كتهضر مع راسها و رما ليها كوكتيل جلسات كتضور فالكاس و تمتم بشي هضرا ممفهوماش"
عامر فكر فالبلاصة لي غاتكون فيها ليلى تما فين كاتمشي فاش كتضيق بيها طلب من مول طاكسي يزرب و جلس كيطرطق فصباعو و بدا كيكحب شويا تزااادت ..
الشيفور : ياك لاباس أ و لدي !!
والو عامر مقدرش يهضر بالكحبة لي جاتو بقا غير كيضرب على صدرو و عينيه رجعو حمرين غايطرطقو
الشيفور مد ليه قرعة د الما .. شدها من عندو و ريق بيها و بدا كيتنفس شويا : .. شكرا أ عمي غير الكحبة هاذ اليامات قضات عليا كنت خدام فواحد البلاصة سخونة و كنخرج للبرد صافي هلكني
الشيفور : مايكون عندك باس أ ولدي .. بالشفاء ..
عامر جبد بزطامو د جلد .. حلو مالقا فيه والو كيصفر ..
يالاه طلع معاه البلان الفلوس كاملا مشات ف الخاتم د ليلى و داك صرف لي بقا شد بيه تاكسي ل غزلان ..
بقا غير كيرمش بزربة و كيفكر فهاذ الحريرة و هاذ الموقف المحرج لي عمرو تخيل راسو غايتحط فيه
من بعد نص ساعة وصل الشيفور جيهة البحر .. عامر حنحن بصوتو لي باح : عمي معرفتش شنو غانقوليك و الله حشمان من راسي دابا .. ياربي اش هاذ النهار ..
الشيفور : مالك أ ولدي ياك لاباس !!
عامر هضر بصوت محرج : نسيت واش مابقا عندي والو فالبزطام و الله ماشي تعمدت ندير هاكا قسما بالله ايلا بالتلفة تخلطو ليا العرارم .. كنت معول ندير مفاجأة للبنت لي كنبغيها و غادي فرحان شريت ليها الخاتم صدقت انا لي تفاجأت نيت .. "رجع شعرو للور و بدا كيسوط"
الشيفور ضحك : هههه العيالات هوما هاذو و نتا مزالك شاب عاد قلتي باسم الله مزال ماشفتي والووو .. يالاه مافيها باس أ ولدي باينا فيك معقول غير سير توكل عالله
عامر معرف شنو يقول : لا حشوووما و الله عطيني نمرتك غدا فالصباح ان شاء الله نرد ليك فلوسك ..
بقا كيلح عليه عامر حتا عطاه نمرة ديالو و خرج من بعد ما اعتذر منو بزاف ..
بقا غادي و كيقلب ب عينيه على سيارة ليلى والو مابانتش ليه كاع .. عيا يقلب تا قرب جيهة واحد الكافي و البرد قتلو نيفو رجع حمرررر و الكحبة متفرقاتش عليه .. عاد بانت ليه طوموبيلتها قفز قلبو بالفرحة و مشا كيجري جيهتها و طل من زاج ساعة ماكيناش فيها ..
رجع دخل لديك الكافي كانت كلاس و كالم مافيهاش ناس بزاف و موسيقى د الجاز لي كتسمع و ريحة دخاخن شويا د الكارو كانو غير الgور تقريبا ..
بدا كيقلب بعويناتو لي مكمشهم و ملامحو جادة لأقصى حد خاشي يديه فجيوبو د الكويرة .. غير بانتليه جالسة فواحد القنت و هو يزفر نفسو مخرج تنهيدة طويييييييلة ؛ الحمدلله كاينا هنا ..
زاد كيتمشا و هي عاطياه بالظهر .. حتا وصل ليها تفاجئ .. و زاد وسع عينيه بصددددمة ثلاثية الأبعاد شادا كاس د Jack Daniel و راسها حانياه عينيها بحالا مسدودين و وارمييييين و كتمتم شي هضرا بشويييييا و تشهق كل شويا
ريماس تعصبات كثرررر من 4 سوايع و هو ماكاينش هزت تيليفونها كتعيط ليه والو مكيجاوبش
" شهر د الزفت هذا ماشي شهر د العسل .. نتا خرج قصر و فاجي على راسك و حبسني انا هنايا قتلني غير جوع مصارني كيغوتو الله ياخد فيك الحق"
مشات لبسات واحد الكسوا حد ركبة و جاتها من صدر عريان شويا .. جاتها غزااالا و ناسبت لون بشرتها الحنطي .. جمعات شعرها على شكل كعكة و طلقت جوج خصلات .. و كحلت دوك العوينات الخوضر تا رجعو كيبانو فنيني ..
هزت صاكها زرق و لبست صنديلتها د الجلد يالاه اتخرج و رددت :
بلااااتي العكر نسيتو ..
مشات تقابلات مع المرايا عكرات و رشات ريحة شافت فراسها و ضحكت : على مزيناتي غير مكنتش كنطهلا فراسي اما راه متبانش شي وحدة قدامي ..
ا سي قيس خرج و تسارى ليا مع راسك و هاذ العبيطة فالدار توجد ليك العشا و تحزرك خخخخخ معامن نتا ..
خرجات و ضربها داك النسيم البارد و كان الجو غزااااال و رومانسي .. لون الغروب فالسما و النخل معبي الدنيا و عاطي منظر غزااااال و الدنيا نقيا بزااااااف كتبعث الهدوء و الطمأنينة على القلب ..
غاديا كتمشى و تبرgاg تا هي بعويناتها فلي غادي و لي جاي كل واحد باش كيهضر شي لغات عمرها كاع سمعاتهم .. لي كوبل تما كولشي اجانب و كولشي تقزاب ماكاين غا الخيوطا ..
زادت تمشات و هو يبان ليها واحد الشهب تقول غير مهند صافي الشعر مسبسب و العينين زرقين كان راكب فوق السكيا و جاي جيهتها و كينيش بيديه باش تبعد و كيغووووت : mooooooove pleaaaaase mooooove
كيقوووليها تحررررركي و هي بالخلعة وقفت تسمرت فبلاصتها كي شي بلاكة تا خرج فيها طاحو بزوووج و غوتت : ايييييي ميييييي رجلييييييييي رجليييييييي و يدييييي يدييييي تا هي اهئ اهئ اهئ
تكعد داك شهب الراس بزربة و كيحرك فيها : I'm really sorry are u hurt !!!
سولها واش تأذيتي و هي تخنز فيه و شادا فيديها :
زهري ديلمو و انا عارفاه خارجة نفوج على راسي صدقت انتهرس يخخخخخ و جالس يثرثر عليا بهاذ اللغة لي كاتجيب غير الفقصة
تبسم بجنب فمو : انتي مغربية صح !!
خرجت عينيها فيه مذهولا : لا العااااااار متقوووولش ليا نتا مغربي !! لا و الله منتيق !"بقات كطلع و تنزل فيه"
ضحك شويا عاود و شعرو تسبسب على عويناتو : انا لبناني حسيتك هيك انك مغربية من لهجتك لأنو في عندي رفيق من المغرب و بعرف شوية من كلماتكن يعني مو كثيير
ريماس : اودي شغاتفهم فهمت تا انا بقيتي غا نتا .. "ضحكت ليه ضحكة عريييييضة" خلاص انا غانمشي و هاذي "نعتت للسكيا" عنداك يزغبك الله و تركب عليها سمعتي !!
بقات تشير بيديها تا فهمها و بدا كيضحك ؛ لا يا روحي مابعيدها شو اسمك !!
ريماس فخاطرها : اويلي شوصلنا حنا لروحي ولا النمي هذا معرفنيش يمكن راني مزوجة ايلا شافني قيس يقسم لينا هاذ السكية على راسنا انا وياه و يدفنا فهاذ القنت "حنحنت و هي تهمس" احم انا ريماس
هو ؛ متشرف بيكي آنسة ريماس و انا جوزيف و منشان لي عملتو فيكي بعزمكي ع العشا و بتمنى ما تخجليني !!
ريماس ؛ ها ليقلنا من روحي للعشا لا لا أ ريماس عيب نتي مزوجة ماشي ديال راسك ..
هههه مشرفين سي جوزيف انا مزوجة "هزت يديها وراتو الخاتم و تجبد ف عينيها "
زاد ضحك تا بانو حفيرات الزين ديالو : و بعدين !! نيتي كانت صافية تماما و صدقيني مو مثل ما تخيلتي انا خجلت من لي سويتو فيكي لهيك عزمتك يالا لا تخجليني و اذا بدك نعزم زوجك كمان !! و باعتذر منو رسميا عاالشي لي عملتو
ريماس مقدراتش تقول لا و هضرتو كولها صواب و مهزش فيها الشوفة الناقصة .. قبلت و فرح بزاف ..
مشاو لواحد الريسطو و كان الغروب بدا كيمشي و الضلام بدا كيطيح جلسو فوق واحد الطبلة زوينة مقابلة مع البحر ..
ليلى كتبعدو عليها : بعد بعدددد مني بعدددد عليا عمرني نسمح ليك اهئ اهئ اهئ اهئ اهئ اهئ اهئ اهئ اهئ أذيتيني الله ياخد فيك الحق بعدددد عليااااااااااا "غوتات بجهددددد"
سد عينيه و جمع يدو على شكل قبضة كيتنفس بشويا و قلبو كيحرقو على هاذ الحالة لي فيها هي : سمعيييييني ليييييلى غاتديري عقلك.و غاتمشي معايا دابا باش تفيقي من هاذ الحالةلي نتي فيها ماتعصبينييييييش أليلى مابغيييتش نفقد اعصابي الله ارحم باك
حبست البكا و رمات صاكها : بغيتي غير تهنا مني انا نهنيك مني "مسحت خناينها ف كمها و مشات هبطت مع الرملة كتجري لاحت سباطها و مشات جيهة البحر عامر تابعها كي شي مسطي كيناديها و هي حلفت لاوقفت ..
دخلت كتجري للبحر و الما مكزز و اصلا الجو خايب و مضبب .. دخلت و عقلها غااايب حتا وصل الما لصدرها .. و ضربتها واحد الموجة عقلاتها مزيااااان محستش براسها تا شدها عامر و هي كتركل و المواج كيخبطو فيهم ..
جرها بكل قوتو مزيييير على يديها تا خرجو .. شنق عليها و صرفقها تا مال حنكها ..
عامر كيغووووت و كولو فازg : واش بغييييتي ندير فيك شي موووووووصيبة ياربي ياربي خود روحي قبل ما ندير شي مصيبة ندم عليهااااااا
جلست فالرملة كاتبكي و باينة واش عقلت و حالتها حالة شادا حنكها و كاتبكييييي و تزخنن
عامر بالغوووات جلس كيشرح ليها كوووولشي و جبد الخاتم من جيبو رماه فوجهها تصعقات بحالا ضربها الضو :
عشت تكرفيييييص غير باش نرضيييك و نشوفك فرحانة و لكن واضح واش مكتيقيش فيا .. ريح لي جا يديك .. شككتي فرجولتي و حسابلك انا فحال دوك لكلاب د.*** لي مكتقنعهمش وحدة و المرة ثااااااانية هاذي .. "هز يدو كيمسح وجهوو بعصبية تا رجع حمررررررر"
ريماس الجزء 18
محتوى القصة
التنقل بين الأجزاء