مهدي ؛ انا بيخيير .. لواليد راه توحشك و برزط ليا راسي عيط لختك .. عيط لختك سول فيها .. مهم غدا دوزي لاقدرتي شوفيه
تخلعات ريماس و نفضت الفراااش و بان الخوف و الهلع فوجهها ؛ مهدييييي بابا ياكما مريض و لا شي حااااجة .. متخبيييييش عليا انا مزااااوgة !!
مهدي ؛ لاااا راه بخير .. و نعس قبيييلا شرب دواه و نعس .. راك عارفاه دغيا كيتوحشششششك .. هو قاليا غير سول فيهاااا .. و لكن عرفتو باغي يشوووفك ..
ريماس تنهدددت و سدت عينيها و رجعت حلتهم براحة و يديها كطبطب بيها على صدرها لي كان تزير عليهاااا ؛ الحمدلله ياربي .. تخلعت .. صافي غدا نجي ان شاء الله ..
ريماس كاتشوف ف قيس قدامها بنظرة باردة زعما مالك باقي جالس قدامي .. وقف كيتوووعد عليها بشي سلخة و مشا كيخنزر و يتمختر و كتافو كيتمايلو حتا دخل لحمام و زدح الباب .. تبسمت ؛
مهلييييي فيا و الله و مناقصني من تا حاجة .. مهدي قوليا ياكما خاصاك شي حااااجة !! متحشمش مني حنا راه حنا خوووت و لي ثقالت عليك خفافت عليا ..
مهدي .. ؛ لا غير خرجي هاذ سوق .. مناقصاني تا حاجة .. مهم تهلاي دابا تال غدا إن شاء الله .. خصني نعس تباتي فراحة الله ..
قطع و ريماس ناضت لبست عليها بينوار و كتمشي مفرررقة .. لتحت ديالها تهرررد هصرت بصوت خافت ؛ شي نهاااار تاليتي تكون على يديه ..
دقت ف الحمام .. و دخلت .. لقاتو كيدوش واقف تحت رشاشة و كيرجع شعرو للور ..
قيس ميل راسو و كولو كيقطر ؛ ياكما كتسناااي لعراضة ..
تأففت و حيدت بينوارها علقاتو ورا البال و بقات عريااااانة كاتشوف نظرات قيس مخترقييينها بقوووة .. كانت غاديا جيهة الجاكوزي و جروها يديه فلحظة غفلة .. و لصقها مع الحيط و الما كينزل من رشاشة كي الشتا مببلل شعرها و بدا كيشق طريقا لصدرها .. نازل مع فخيضاتها ..
حست بملمس يديه ورا خصرها و كينزل يقيس و يجبد فطرمتها ؛ ق قيس .. ع عافاك طلق مني ..
بغات تدفعو و هز يحبسها بيديه لي لصقهم ف الحيط و مابقات لقات منين دوز ذراعو حابسينها من كل قنت و كتهز عينيها و عنقها تا كاتشزف عويناتو لي كيقطرو بالما سااااارحين ف شنايفها ..
واش ماكتعيااااش !!
قيس نزل براسو باسها ف فمها و عضها عضة خفيفة ف شنافتها لتحتانية ؛ لاااا .. كاين شي حد كيشبع من هاذ الخير !
تأففت ؛ دابا مهتخلينيش ندوش !
قيس كيتسارا بيدو ف منحنيات جسدها و رجع حس بهمو انتصب و تنفخ تا حمار ؛ دوشيييي .. شكون حبسك ..
ريماس كتسوط ؛ كضحك عليا ! شو نتا كي حابسني تقول غانهرب .. اشمن تدواش هذا .. و الله أ قيس إلى مهدووودة دير بوجه لي فكرشي و خليني ندوش ف خاطري العار .. باغا غير نعس .. (دفعاتو من صدرو بيديها)
قيس هبط عينيه شاف ف يديها كيفاش كتبعدو .. طلع حاجب وبعد عليها مقلق و خسر سيفتو مكيحكلش لي يرفضووو هاكااا ؛ وااااخا ..
خرج سبقها و لوا عليه الفوطة و هي جلست كتطرف حالتها ؛ تقلق شرب البحر .. دابا تفش ..
غير سالات و هي تخرج لابسا بينوار مريش .. بان ليها بدل عليه و جلس فوق ناموسية شاد البيسي فوق فخاضو .. لابس بيل و شورط كحل .. مخنزر و شحال واتاتو ديك تخنزيرة .. ماشافش فيها كاع .. و يدو خداما كطابي ف الكلافييي ..
معجبهاش الحال فاش ماشافش فيها مولفا فينما تخرج من الحمام كيجي يلصق ورا ظهرها يهرها و يبوسها ورا عنقها .. يعاونها تاتلبس كي شي بنية صغيرة .. و ينشف شعرها و كل مرة يسرق بوسة من هنا و من هنا .. و لكن هي لي دارتها لراسها .. قاتليه بعددد ايوا هاهو بعددد ..
هي ديالها عضبان على عشاه و ينش عليه ..
لبست عليها غير شوميز دو نوي ف زرق هاذ المرة .. و مشات نشفت شعرها و عينيها عليه من المرايا كاتقول دابا يخطف فيا غير شوفة وحدة ساعة والو .. عينيه محيدوش على اللابتوب و لو لحظة وحدة ..
تسمع صوت طرن طرن ف تيليفونو .. جبدو من فوق القوافوزة .. و تسمع صوت اوديو ديال شي بنت كاتهضر بلونلغي و نبرتها هااااااادية و زويييينة ..
دار اوديو تا هو و هضر بلونغلي شي 5 دقايق .. و ريماس ترسمو حجبانها على شكل حضاش و لا منظرها كيخري بالضحك ..
شيشوار فيديها و وذنيها مع قيس و كتحاول تفهم شنو قال و لكن زرب عليها ولد اللذينا .. مورقت واااالو ..
ناضت تا وقفت عند راسو و مشافش فيها ؛ احممم .. معاااامن كنتي كدوي !!
قيس طلع عينو فيها ببرودة قاتمة تقليقتو يا نااااس خااايبا و مكيتحزرش ؛ ندوي معامن بغيت علاش عندك شي مشكل !
عجبو الحال يجننها و يشوف تعابيرها لي بدات تاتزييير و حنيكاتها حماااارو .. زادت خنزرت فيه و قهقهت بسخرية ؛ هي تا انا ندوي معامن ما بغيت ف نصاصات الليل و معندكش مشكل !
قيس بصوتو الجوهرررري ؛ غاتلقاي راسك فالقبر قبل ماتنويها مزال
ضورت راسها كتنهدددد ؛ ييييه كي ديما حلاااال عليك .. و حراااام عليا .. دابا خلينا من هاذشي .. و قولي معامن دويتي سمعت صوت درية !! شكون هاذي !! بغيييت نعرف و من حقييي حيت انا مرررتك ..
قيس طفا اللابتوب و حطو فوق القوافوزة .. فيا نعاااااس .. عيااااان ..
رد ليها الصرف زعما .. و تخشا تحت الفراش و خلاها هي كتلوى .. و عينيها على تيليفون .. مشات طارت هزاتو لقاتو داير ليه الكود زادت جعرررت ؛ من ايمتااااا وليتي كاتدير لكود لتيليفونك !!
لا رد .. دار راسو كيشخر زعما .. و هي تيقاتو واش نعس .. حيت عارفة قيس دغيا كيديه نعاس .. مكيتعافرش معاه غا كيحط راسو على الوسادة و كيمشييييي ف سابع نومة ..
رمات تيليفونو بغضب ؛ تفووو عليك تفوووو .. و تفووووو على مشقووووفك ..
مشات كتنgر و تخشات نعساااات حداه .. كيبان ليها ساد عينيه و معنق المخدة ..
حلفت ماتزدي رمش مع رمش .. كاتشوف فيه و ترجع تهز تيليفونو بقات مدابزا مع الكود واااالو ..
قيس جررررها من زماقتها و لصقها معاه ؛ نعسييييي .. طيبتيني بصداعك ..
قيس دفع يدو طفا ديك الاباجورة ؛ خدامة معانا .. صيفطاتلي العقد الجديد ديال واحد صفقة بردو وذنيك دابا !!
ريماس بشك ؛ باش غانعرفك مكتكذبش !
قيس ؛ لا إله إلا الله .. كتآمني بالله ! و الله أ لالة ايلا هضرنا على الخدمة وا صاااافي .. نعسييييي ..
ريماس ممتيقاااش ؛ حل تيليفونك نشوف ..
صافي فيس تعصصصصب و مرض .. جبد تيليفونو حلو و وراها كولشي .. و فعلا كانت غير هضرة على الخدمة و ايمايلات صافي ..
ريماس عنقاتو و لوات يديها على ظهرو ؛ صافي نعس دابا ..
معرف يضحك معرف يغوبش ؛ صعييييب تفهم العيالات .. نقطع هاذ اليد ايلا قدرت نفهمك شي نهار ..
طبعت بوسة على صدرو ؛ ريحتك شحال زوينة
قيس كيمرر يدو على ظهرها ؛ كتجبدييييي نحل عليك .. و هذاك غير على سبة .. (لوا فمو كيعيب فيها) لا متقييييسش فيا و دابا لاصقاني بحالا غانهرب
ضحكت و باستو ف فمو و نيت فعلا راه مافيها مايتفهم كل شويا تقلب ..
.صبح الصباح .. و ليلى كانت فاقت بكري .. يمكن مع شي 7 ..
دوشات و لبسات من حوايج رزان .. مكتحشمش منها حيت هوما بحال الخواتات و كتحسب دار دارها ..
مشات وجدت قهوة ليها و ل رزان و خرجت للشرفة كطل بعويناتها على جردة ..
ضرب فيها داك الهوا ديال الصباح لي كيوgض و كيفيق .. تنهددت كتدخل الهوا لريتها و كتزفر الهوا لي مضيق عليها ..
رشفت من القهوة .. و عينيها وارمين بزاف ..و وجهها منفوخ .. منعست ماشافتو .. و سهرت معاها تا رزان ..
مشات دخلت .. هزت ورقة من ورق الملاحظات ..و كتبت فيها ؛
<كبيدتي سمحي ليا حيت سهرتك معايا البارح و حرمتك من نعاس و لكن معنديش من غيرك كنمووت عليك .. و راني غانخرج نضرب ضورة باش نفيق مزيان ..و متشوشيش عليا >
لصقتها عند الباب و خرجت .. شدت طاكسي وصلها لاكوط .. نزلت و مشات جلست .. بقات كتشوف فالبحر بعيون ذااابلة و جرحها لي فقلبها كيضرها و يعطيها الألم ..
تنهددددت و عاودت تنهدددت و مزال قلبها مخنووووق .. ايييه مظناتهاش ف ماماها توصل لهاذ الشي .. و حست بيها غدرتها مقدرت تعطيها تا شي مبرر لهاذ الفعععععلة من غير استنتاج واحد انها وحدة أنانية ..
هي كتألم ف جيه و يحيى ف جيه ..
لي صبح ناعس فنومة عميقة .. كان مشا لفيلا ديالو لي فالجبل .. و فاتي باتت فايقا معاه .. منعس ماشافو .. كل شويا يفيق مفزوووع و شاد فقلبووو ..
وجدت فاتي الفطور .. صاوبت كولشي .. و طلعت لعندو لقاتو ناااااعس .. مررت صبيعاتها على شعرو ؛ يحيى .. يحيى ..
بدا كيحل عينيه و راسو ثقيييييل عليه ؛ احم .. ص صباح النور ..
فاتي تبسمت ؛ صباح الخير .. مزال فيك نعاس !! غير بغيت نفيقك باش تفطر و تشوف نيت الجو شحال زوين و كيهدددن .. حطيت الفطور فجريدة ..
تكعد و هو كيمسح فشعرو و عويناتو زروق وارمين قميجتو كاع معنكشة ؛ مخليتكش تنعسي ياك !
فاتي دفعت يديها كتقاد شعرو ؛ لاااا .. بالعكس ..نعست مزيان و الله ..
شد يديها و هبطها من على شعرو تا حطها عند فمو .. سد عويناتو .. و طبع عليها بوسة ..بحالا كيشكرها حيت تعاملات معاه عادي و مشدتش فخاطرها من معاملة البارح ..
عنقاتو و نيييت كان محتاااااج لهاذ الحضن .. حاوط ظهرها بذراعو و زاد زير عليها .. دافن وجههو فشعرها .. و طبع بوسات ناعمين على كتفها ..
فاتي ؛ نساااا البارح .. و بدا نهار جديد .. متبقاش تفكر فداكشي لي طرا .. عافاك ..
باس خدودها ؛ انحاول ..
هبطت فاتي و هو دوش و حس نيت راسو خفاف ..
بدل عليه و نزل لعندها كيفطرو بزوج ..
قيس فاق ساق الخبار واش ليلى عرفت .. شاف ميساج ديال رزان .. فاق دايخ و مكشرررر ..
حلت عينيها بزز و صوتها ناااعس ؛ حياتي مالك فايق بكري !! (ضربت بيدها حداها) اجي حداااايا اجي ..
قيس ؛ ريييماس .. عندي شحال من مطرقة فراسي خصني نقضيها .. ليلى و يحيى ساقو الخبار ..
ناضت بزربة تكعدددت و خررجت عينيها من هاذ الخبر ؛ كيفااااش !! يمتا هاذشي !! و باش عرفتي !!
جلس جنب سرير كيحرك واحد رجل بزربة ؛ سمحييييلي مفيقك على هاذ الخبار (هز يديها باسها) لي عرفت يحيى سمع الهضرة .. و يمكن ليلى تا هي نفس الشي ..
و دابا انخلي ليك credit card ديالي و دوموندي على الحلاوي و الكاطويات مهم داكشي نتي غاتفهمي فيه كثر منييي متضربيش الحساب للفلوس .. و راه رزان اتجي دابا تعاونك .. حيت حتا فاتي و يحيى غايضربو صداقهم ليوما ..
ريماس صدمة ورا صدمة ؛ حلف بالله
ضحك قيس على تعابيرها و جر شنايفها باسهم ؛ و الله .. انضربو عصفورين بحجر واحد .. و غانديروها مفاجأة ليهم .. اتقدي تعاونيني ياك !!
باستو و عنقاتو ؛ كون هاني .. انا غانوض دابا .. و خرج هاذ السوق ..
قيس حك حجبانو ؛ و لكن واعدتي خوك اتطلي على باباك ليوما !!
ريماس ؛ ماشي مشكل .. تا كاع الليل و ديني لعندو ..
قيس ؛ عرفتي مايجيك مليح .. انصيفط ليهم شيفور يجيبهم يونسوك و يحضرو معانا للحفلة اش بان ليك !!
ريماس ضحكت ؛ ههه صافي و نيت نضحكو مجموعين ..
رجع باسها بلهههههفة و تا هي مطلقتش منو ..تا سمع صوت تيليفون و خرج ..
قاليه يحيى غاتكون غير فالبحر .. غير وصل و بدا كيقلب بعينو عليها .. تا بانت ليه .. جالسا سااااهيا .. و باااااين فيها العياااااا ..
جلس حداها و جر راسها حطو على صدرو فثانية .. تخلعت و تصدددمت كاتقول ايمتا جا هذا .. ؛ ق قيس .. خ خويا .. باش عرفتيني هنا ..
طبطب على راسها و باس فوق شعرها ؛ نتي صااافا ! .. خليتي صاحبتك مهولا عليك بزاااااف ..
حس بدموعها فوق قميجتو ؛ وااا لا أ ليلى صافي .. متبكييييش .. شششت .. شو حالتك اصلا كي دايرا .. غاتمررررضي هاكا ..
قابلها معاه و شد وجههو بين يديه ؛ ششووت .. صافي .. باراكا عليك .. كليتي شي حاجة ممممم !! يالاه نفطرو هو اللول باين مكليتي والو وجهك صفررر
مسحت دموعها ؛ م م.. عنديش .. ش ..شهية
قيس جرها معنقها و غير كيعض فمو بقات فيه ؛ عويناتي .. شوفي فيا ..
هزت عينيها فيه و بدا كيمسحم من دموع ؛ شوووت صافي .. متبكيش .. و كنوااااعدك هاذشي كامل غايفوووت ايولي غير صفحة من الماضي ..
باس جبهتها و جر يديها تا وقفت و هي تابعاه كي شي بنوتة صغيرة ؛ ياالاه عندنا مايدار ..
وقفت فطريق ؛ فييين غادييين !!
قيس ؛ خوك ليوما غايخطب فاتي .. بغيتك تونسيها .. و ديري بحالا ماطاري والو .. و صاوبي تا نتي داكشي لي بغيتي و وقفييي معاهااا ..
تبسمت ف عز حزنها ؛ ب بصصصح !! خويا غايخطبها !!
قيس ؛ آااااه .. و غايضربو صداقهم ..
عينين ليلى كيلمعو ؛ الله فرررررحت ليهم .. رددت فنفسها (ع الأقل وحدة فينا تفرح ليوما .. كانت ليوما غاتكون خطبتي و لكن ..) سكتت و عينيها تغرغرو بالدموع ..
جرها قيس مضور يدو على كتفها و جات قصصصصصيرة عليه ؛ قزمة ديالي .. خصك طوالي شويا .. شي نهار نعفس عليك بالغلط
ضحكت و ركبت ف طوموبيلتو ..
يحيى رجع جلس ؛ ممم فطرتي !!
فاتي كتمضغ ؛ اه .. واش خوك لي اتصل !!
يحيى هز راسو بالإيجاب ؛ ليلى تا هي .. ساقت الخبار ..
فاتي حطت توست من يديها و عضت فظفارها ؛ علم الله حالتها كي دايرا دابا ..
يحيى ؛ قلنا غانوجدو ليها مفاجأة .. باش تفرح شويا .. هي عند بالها الخطبة تأجلت .. و قيس غايمشي يقلب عليها و يديها للصالون .. و انا غانمشي عند عامر نتكلف انا وياه بكولشي ..
فاتي ؛ احسن ما درتو و الله .. غاتفرررررح مسكينة .. هي كاتموووت على داك الولد .. و انا غانبقى هنا !!
يحيى ؛ لا نتي غاتمشي معاها .. انوصلك للصالون و نمشي .. متقولي ليها والو .. ديري مافراسك ميتعاود .. صافي !! نعول عليك !
ضحكت فاتي ؛ كوووون هااااني .. مغنقول ليها والو ..
خرج يحيى و فاتي .. وصلها للصالون و مشا لعند عامر ..
وصل للحي الشعبي .. دق فالباب و خرج عامر تصدم فاش شاف يحيى ؛ سلااام ..
صافحو عامر و على وجههو علامة للاستفهام ؛ و عليكم السلام .. تفضل دخل
يحيى ؛ لا معندناش الوقت ..
عامر رفع حاجب ؛ نعام ! ..
يحيى شرح ليه كولشي من A تال Z بقا عامر مصدوم و غير حال فمو ؛ و لكن .. ا انا موجدتش راسي .. و موجدت والو .. و
قاطعو يحيى و حط يدو على كتفو ؛ داكشي علاش جيت .. انتعاونو على كولشي .. و بلااااااش ماتعترض .. ايلا كانت كتهمك سعادة ليلى .. هتوااافق ..
ماخلا ل عامر فين يفكر و لا يعترض ؛ واخا .. واخا ..
ضرب يحيى على ذراع عامر ؛ هذا المضمون فيك ..
دخل عامر لبس عليه هز الفلوس لي فراس مالو و جر معاه رشاد ..
ركب عامر لقدام و رشاد للور مافاهم والو مسكين .. غير كيضور فعويناتو ..
و يحيى فرحاااااااان ماقاداه فرررررحة .. حيت غاتصدق ليلى و فاتي مصدومين بزوجات و كايتخيل فرحتهم ..
يحيى و عامر وصلو لواحد صالون خطيييير ديال الرجال هاذ صالون هو لي كيجي ليه قيس و يحيى من دييييما .. كلياااان عندهم من زماااان .. حيت خدمتهم بروفيسونيييل و متقووونة ..
نزلو كاملين و عامر شاد فيد رشاد لي مسيكين مافاهم والو كل مرة كيسول عامر كيسكككت عليه حيت اصلا كاع تالف و مسترييييسي بلا قياااس .. بدا رشاد غير كيبحلق بدوك العوينات للكبار ..
دخلو و سلم يحيى على مول الشي .. عامر تصدم بروعة الديكور ديال هاذ الصالون .. غير الأرضية تشوف فيا وجهههك بقوة ماكاتبري .. و كبير بزاااف .. كولشي خداااام و كيتسمع صوت سيشوار و صوت موسيقى د الجااااز ..
سلم عليه تا عامر ب ابتسامة ..
يحيى ؛(دار يديه على خصرو) مهم كيف ديما راك عاااارف .. ..
(رجع شاف ف عامر) و نتا ها هو قدامك قولو شنو بغيتي .. و متخااافش راك عند احسن كوافور ف المدينة .. على حساااابي ..
مول المحل تبسم كان جووون و يديه عامرين بطاطواج و مربي لحية طويييلة ؛ هههه الله اكبر بيك أ خاي .. تفضلووو مرحبااااا ..
دخلو .. جلس عامر فكرسي ..و يحيى فكرسي بجنبو و حتا رشاد .. بإصرااار من يحيى حيت بغاه تا هو ميخرجش من جماااعة ..
يحيى كيضحك و بصوتو الرجولي رد ؛ لا غاينقص ليييك غير شويا أ البطل .. باش ميديرونجيكش ف عينيك .. متاااافقين !!
حرك رشاد راسو ب اه .. و ميل راسو على الكرسي .. هاز عويناتو للسقف .. كيشوف ف دوك البولات لي ف المووف و و الزرق كيضورو ف كاع الاتجاهات ..
جاو 3 د لي كوافور .. انيييقين .. كيقادو ليهم و يصاوبو ليهم الحالة .. مرة مرة يحيى كيجبد تيليفونو و يعيك ل قيس .. و كيحرك واحد رجل بتوتر واااضح .. و يرجع يشبك يديه مع بعض .. خاااايف لا فاتي ترفض و لا ميعجبهاش الحال ..
و هاذ المرة هز تيليفونو عيط ل باباه ؛ الووو
عمر ؛ ولدي صافا !! اش خبارك !
يحيى تنهد ؛ مسترييسي .. غانضرب صداقي ليوما .. خصك تجي سمعتييي ! و تا ليلى دايرينها ليها مفاجأة .. دعي معانا يدوز هاذشي بيخير و على ما يرام..
تصددددم عمر ؛ كيفاش !! نتا ! صبر راني مفهمت والو ..و شكون هاذ البنت كنعرفها و لا فايت شفتها ! (سكت شحااال) .. عمرك قلتي لينا بااااغي تزوج .. و عمرني ظنيت واش كتفكر فالزواج .. العجب و الله
يحيى ؛ ايوا صافي قلت بلاش عليا من تبرهييييش .. و انا شيباتي بداو كيبانو .. لاش نضيع الوقت فديك تفلية و انا مكنعرفش لداك زيgزاg ..
ضحك عمر ؛ شحال كتزيد فيه مزاااالك صغيييير أ ولدي .. و هاذوك شيبات راك تزاديتي بيهم منين كنتي بيبي .. بلا ميقول ليك راسك شرفتي .. وا مقلتيش ليا شكون هاذ البنت !!
يحيى ؛ راك شفتيها عندنا ..فالدار.. فاتي
رجع صمت عمر ؛ اه اه عقلت عليها .. كتبان ضريفة .. و لكن .. يحيى الله ارضي عليك سمعني مزيان و حل وذنيك .. هذا راه زواج ماشي لععععب .. واش مقتنع بهاذ الخطوة !! راه مسؤوولية هاذي و ماشي نزوة و تفوت .. تايقولو ناس زمان زواج ليلة تدبيرو عام ..فكر الله ارضي عليك .. انا حاسك زربتي بزاااف ..
يحيى ؛ لااا .. مزربت والو .. البنت كنعرفها مدة هاذي .. واخا مسطية و مفروحة .. قلبها طيب .. و حنينة .. و انا مهنرتاحش مع شي وحدة من غيرهاااا .. و متأكد بلي هذا أحسن قرار خديتو فحياتي .. طريق الحلال مغاديش تخيبني ..
عمر تسمع صوت تنهيدتو ؛ ايواااا أ ولدي .. منزيدك غير الخير .. نتا تعرف حسن مني ..
يحيى ؛ وا شد طريق لفيلا د قيس .. راه البنات وجدو كولشي .. و ليلى غاتفرح لا شااافتك ..
يحيى ؛ و سلوى ! مفراسها والو !!
سكت يحيى .. كيزفر نفسو بشكل ثقيل ؛ لاااا .. و مغاتحضرش لهاذشي ..
عمر ؛ فهمت أ ولدي .. يالاه بسلامة نتلاقاو تما
غير سالاو و ناض عامر كيشوف ف المرايا لي قدااامو .. عجبوووو بزاااف كيفاش قاد ليه شعرو و رجعو ليه اللور شي خصلات لي نازلين ..و كيبري .. نقص ليه من الجناب .. و نقص ليه اللحية و طراساها ليه ..
و يحيى تا هو جلس كيرجع شعرو لور بصباعو .. و يغرسهم فشعرو الكثير .. و نزل كيلعب فلحيتو ؛ الله اعطيك الصحة .. معندي منتسااالك ..
مول المحل شاد رشاد و كيصاوب ليه شعرو ؛ مرحبااااا .. و مبرووووك ..
يحيى و عامر ؛ بارك الله فيك ..
مخلاش يحيى عامر يخلص .. مشا خلص هو و رجع شد ف رشاد ؛ وا شفتييي .. دابا جاك حسسسن ..
رشاد ؛ دابا فين غادين أ عمو !
ركبو يحيى للور و دار ليه السمطة ؛ انمشيو نلبسو دابا ..
عامر ركب تا هو و جبد بزطامو .. جبد منها الفلوس و مدها ل يحيى ؛ عافاك متردهاااش .. ماباغيش نكلفك
يحيى دفع يدين عامر و خنزر فيه .. ديمارا ؛ استغفر الله .. حنا نساب دابا .. و عائلة وحدة .. مابيناتناش هاذشي .. الله ارضي عليك ..
ريماس و رزان معاونين و كيقادو واحد طبلة جات فقلب الدار .. طويييلة و عامرا كراسا و جات مقابلا مع زاج لي كيبين جريدة .. و انييييقة بزااااف ..
رزان غادا خيطي بيطي .. كاتجيب للكيسان و طباسل د البديع .. و تحط و ريماس تابعاها كاتعمرهم كتستف الgاطويات .. جابو كاع الاشكال و الأنواع د الحلويات .. زينو بيهم الطبلة ..و المقبلات و العواصر ف الأشكال ..
رجعت ريماس حطت صينية فيها جبانية فضية فيها التمر و لاخرى فيها الحليب .. و زينت داكشي على ذوقهاااا .. و مرة مرة تدخل رزان و تعطيها رأيها .. مرة يهزو حاجة و يبدلوها ب أخرى ..
جابو الفاكية و كاع انوااااع المكسرات حطوهم تا هوما .. و ستفو كولشي على حقو و طريقو
رزان و ريماس رجعو للور منين سالاو ؛ عرفتي كنحس بشي حاجة ناقصة فهاذ الطبلة واش تانتي !!
ريماس كتفرك حجبانها و كتحس بالعيااااااا ..تهدااات و أصلا رجعت كتعيا بزربة مع الحمالا .. حيت مجلستش لارض ماخلاو فين مشاو و جابو داكشي .. من محل ل محل .. تا طابو ليهم الرجلين .. هزت الما كاتشرب من فم القرعة ؛ واقيلا الكيسان مازوينينش ياك !! كون غير حطينا دوك طوال انيقين و كلاس ! شنو بان ليك !!
رزان ؛ لا لاااا خلي هاذو جاوني حسن .. مضورين و عاطييين ديكور هو هذاك .. (سكتت شويا و هي تضرب يد مع يد) وااااا نسيييينا الوررررد يا صاااحبتي لي هو أهم حااااجة تفووووو .. و داك لفلوريست لي كنعرف انا بعييييد .. عندو داكشي خطيييير
ريماس كتمسح حبات العرق من فوق جبينها ؛ اففف افففف كيفاش تا خررررج من بالي .. و تا انا كنقول ..اش خص .. اش خص و على طرف لساني .. و لكن الشيطان ولد الحرام ..(عضت ظفارها) ناري شحال فالساعة !! ياكما غايجيو دابا !!
رزان هزت معصم يديها كاتشوف ف مgانتها ؛ لا .. باقي الحال .. غير يالاهي غانلحقو مزال .. و الحمدلله دار كاملا قاديناها ..و صاوبنا كولشي على حقو و طريقو ..
ريماس هزت نظاظرها د الشمس .. يالاه خرجو و هي تفراني طوموبيل .. نزل الشيفور و حل ل باها يوسف .. لي مسبق عكازو .. و لابس فوقية .. شاد تسبيح فيديه .. ريماس طارو رجليها لعندو و عنقاتو و باست فوق راسو ؛ بابا توووووحشتك بزاااااف (هزت يديه باستها) لاباس عليك !! زييد دخل متوقفش هنا !!
نزل مهدي تا هو مقااد و لابس ليك مزيااااان مستيييكي على الحالة .. محسن و لابس قميجة انيقة ف البيض خاشيها فسروال كحل و سبرديلة ..كيبانو ليها كتافو تنفخو و كتلة د العضلات فذراعو .. قربت تطرطق عليه ديك القميجة .. وصل ليها و سلمت عليه بالحنك ؛ احياااااني على النااااس تفركسووواا ..(ضربت على عضلاتو) ايمتا ربيتي هاذ الخير !!
ضحك بجنب فمو ؛ وا باركا من صباغة .. راه باينا غير غير لاصال و لونطريما ..
تقدمت رزان بخجل و باست يدين يوسف ؛ مرحباااااا بيك عمي .. و تشرفت بمعرفتك
يوسف متبسم و النور كيبان فوجههو ؛ الله ارضي عليك أ بنتي نتي هي العروسة !!
ضحكت رزان و جمعت يديها عند قلبها ؛ هههه من فمك لبااااب السما أ عميييي .. منين فايلتي عليا ههههه باينا غانتبع ليلى .. (جمعت ضحكتها حيت عارفة معندهاش الفران) احم لا ماشي .. انا صاحبتها الروح بالروح .. كي الخواتات ..
ضحك يوسف من قلبو على هضرتها و مدت يديها ل مهدي لي طويل عليه بتريبل .. تبسمت ليه و تا هو تبسم ليها ؛ مرحباااا
مهدي بصوت رجولي : ترحب بيك جنة .. ختي
وحلت ليها ديك ختي كي الغصة وسط قرجوطها .. ضحكت بمياعة .. و كتنش بيديها من صهد .. و الحرارة المفرطة
همست ريماس على غفلة ؛ مهدي تقدر تمشي مع رزان تجيب الورد .. مبغيتش نخلي بابا بوحديتو فالدار ..
كانت لاويا ريماس يديها على ذراعو ؛ غير خليني أ بنتي مافيها تا باس .. و قابلي شغلك راسك ..
ريماس ؛ لاااا .. حشوما اول مرة تجي عندي لدراي هنا و نخليك بوحدك ههه مالي تسطيت ..
مهدي حيد يديه من جيوبو ؛ واخا ..
ركبت رزان ف الاودي ديالها و طلع مهدي ركب حداها ..
قطعووو زييييي .. و رزان كتصووg معصصصبة حيت طريق عااااامرة .. و هي عصصصصبية فصوgااان ..
ضربت يد مع الفولون و خرجت راسها من شرجم كطل على ديك داسيا لي وراها ؛ تكلاكسوووني عليااا انا يااا ولد الهااااترة .. و الله لا خليتك تدوز يالااااه .. وا بقيتي تمااا ..
رجعت تستوااات و بدات تكلاكصوني تا هي .. ؛ تفووو على بشر كي داير .. راكب ف ببوشة و نيفو قرب يسطح سما .. يخخخخ ..
مهدي طلع و نزل فيها و حاط يديه مسرحهم على فخاضو ؛ غير بشويا عليك ..قلت ليك من لوول دوزي من طريق لاخرى .. اما هاذي راه بقينا حاصلين هنا ..
شافت فيه بزك عين ؛ واخا أ خوووويا (وررركت على خويا) واااخا ..
دارت داكشي لي قال ليها .. و فعلا لقات طريق مسررحة .. ماكاين لا زحام لا والو .. بدات تضور ف عويناتها .. و طلقت الموسيقى ..
مهدي مكيحملش هاذ الاغنية لي طلقت .. جلس كيغزز فسنانو و ساكت ..
وصلو عند لفلوريست .. نزلت رزان و تابعها هو .. وقفت نيشان عند لي مكلفة ؛ ختي شنو حبات الخاطر !
كمش حجبانو حيت شعا د شميسة ضرب على وجههو ؛ عرفتيني مكنفهمش فهاذ التخربيق .. و شحال كياااخد الوقت هاذ الزمررر .. مزالين كيصبغو وجاههم بديك صباغة المائية .. مكنتش عارف واش كتلصقو تا شفار !! .. يا ربي سلامة ..
ضحكت و ضحكتها هدناتو ؛ ههههه وا الماكياج هذاك .. شمن صباغة .. واييه شفار و ظفاااار .. و لي لووونتي .. هذاك راه عالام آخر .. مهم هنا كووووولشي واجد مضرب حسبا ل تا حاجة .. بابا راه جا .. و صيفطت خويا مع رزان يجيبو الورد ..
قيس ؛ و لاش عذبتيه المهدي !! كون خليتي ماريا تمشي معاها حسسن .. (حنحن بصوتو الخشن) عمي يوسف لاباس عليه !!
ريماس ؛ بخير لاباس عليه .. كيسول فيك من قبيلا .. قلت لو راه مع البنات .. باش يوجدو راسهم و يتقادو ..
قيس ؛ وا طهلاي ليا ف نسيبي .. ضيفيه شي حاجة .. و راه كاين داك الشاي ديالي .. لي بلا سكر.. ف البلاكار لي جنب ثلاجة ايعجبو ..
ضحكت ريماس بعذوبة ؛ هههه متوصيييش .. حياتي .. عمرت ليه اتاي و كليت انا وياااه .. بقا ليا انلبس تا انا دابا و نضور بحالتي ..
قيس خنزر شويا ؛ سمعيييني .. بلا داك تخربيق لي كترسميه فوجهك .. لبسي شي حاجة مستورة و خلي وجههك طبيعي .. هانا علمتتتك .. سيري ديري لي فراسك ..
سكتت كتأفف ؛ راه انخرج لمك من هاذ التيليفون .. معامن كنهضر انا ..
ريماس ؛ وادابا عكِيْر و ماسكارا مادا ماجاب باز شحال فيك ..
قيس كمش يدو على جنبو و رما الكارو عفس عليه برجلو ؛ دا و جاب أ لاااالة .. انا هضرت و صلاة على نبي .. نلقاك معكرة و لا مزوقة نتفاهم معاك .. مهنحشم من حد تمااا ..
قيس ؛ نتي منين عارفاني هاكا لاش تجادليني ! .. قلت لا .. صافي لاّ .. انا متنحملكش تزوقي قدام شي حدددد .. و دابا كاع لي غاتكون دار مخلطة .. تاتكون معندي نفس على مرتي ..
ريماس ؛ فهممممت فهممممت ..
قطعت عليه ..
يخخخ على مريييض .. شحال مغياااار .. هاذشي فات لغيرة لهيه .. واش انا أ عيباد الله منضورش بحالتي ..
وصلت رزان و مهدي .. تعاونو و دخلو داكشي .. و ريماس واقفة عليهم ؛ يعطيييكم رضاااااا .. شكرااااااا
مهدي ساس يديه ؛ العفو .. مدرت والو ..
مشا حيد سبرديلتو و دخل للصالون جلس حدا باه ..
ريماس حطتهم و قادت كولشي .. هزت شي وردات و حطتهم فوق طبلة .. مهم حلقااااات على داكشي مزيااااان ؛ الله على راحة .. دابا صافي سالينا كووولشي ..
رزان كتعوج عنقها ؛ عرفتيييي عيييييت .. شي صهووودات .. ذببببت حق الله .. العرق نازل ليا مع ظهري ..
ريماس ؛ نصبروووو مافيها بااااس .. تا انا عيييت و ضروووني رجلي شحال gرgرت ف الميمان كرشي رجعت تقلقل .. و لكن بغيناهم يفرحووو تا هوووما .. زيدي نبدلو علينا ..زيدي
طلعت رزان لبيت ريماس لي سابقاها .. جبدو الماكياج كاااامل .. و حطوه قدامهم ..
رزان لبست كسوا زويييينة و انييييقة طويييلة و جات معريا شويا من الظهر و مفرفرة من الكتيفات .. بلا كمام .. ف الأسود و ثوبها د الموووبرا جا لاااااصق عليها من ليهووونش و مطلوووق من لتحت .. و صاوبت ماكياجها راسها .. شعرها القصير طلقاتو .. و جمعت شي خصلات .. لبست صندالتها العالية .. ف البيج ..
اما ريماس لبست قفيطين ساااامبل .. ف الخضر ملكي .. جا سامبل بزاف و بينها غزاااالة .. و شدتو من الخصر بالحزام الذهبي ديالو .. صاوبت شعرها و طلقاتو منسدل ورا ظهرها ..
رزان كتدير فحلقاتها ؛ اوييلي مغديري فوجهك والو !!
ريماس ؛ اففففف .. تحللللف عليا ياختييي قيس .. قالي و ديري شي حاجة نتفاهم مع ملتك ..
ريماس ؛ هههههه تا دزوجي و شوفي ديك ساعة .. غير هوااا .. لهلا يعطيك شي حد بحال هذا لي عندي .. غيرتو جااااهلا و كيصعررررر .. كولشي لا لااااا ..
رزان ؛ وا ديري غا شي حاجة خفيفة مايدي مايجيب تا نتي ..
ناضت ريماس صاوبت وجهها .. و معيقتش .. غا كحل و gلوووص .. و حنيكاتها موردين من عند الله بلا فاراجوا ..
و رزان حطت ليها البريو ف خدودها ..
سمعو دقاااان و نزلو حلو على عامر و يحيى .. لابسيييين و مستيييكيين على الحالة .. و العدول معاهم .. يحيى لابس كوستار د أرماني ف الأسود و عامر لابسو تا هو فنفس اللون .. غير يحيى داير كرافاط .. و عامر لا ..
رزان حلت الباب على وسعو و دخلو العدول داتهم ريناس للصالون التقليدي .. ضيفتم اتاي و كولشي و رجعت لعند العرسان ..
رزان عضت على قنوفتها و زغرتت هاكيييلي تا هي حماتها بواحد تزغريتة فاعلة تاركة ؛ اياااااااي يا سيدي ربي على الأناقة و الشياااااااكة خويا يحيى .. راك هارب من شي فيلم تركي حق الله .. ليووووم فااااتي تدوووخ ..
رجعت شافت ف عامر ؛ تبااااارك الله عليك و خلااااص .. جيو لهنا نقرا عليكم آية الكرسي ..
ضحك عامر و يحيى تا هو قرات عليهم آية الكررسي بإصرار منها .. و باست رشاد ..
ريماس ؛ ههههه تبارك الله ما شاء الله على العرسان ..
عامر حشماااان كل شويا يحك حجبانو ؛ بارك الله فيك أ ختي ..
يحيى كيجر الكول د القميجة حيت مسترييسي و باينا ف عينيه ؛ فين وصلوو البنات !! مدواش معاك قيس !!
ريماس ؛ قاليا قربو يساليو .. شي 15 دقيقة كاع و يجيو .. دخلووو جلسووو .. يالاه
دخلووو و شيفور داخل خارج كيهز الكادويات و داك تخرببيييق كامل .. جات ماريا كتعاون فيه .. تا دخلو كووولشي ..
التحق عليهم عمر .. دخل و سلم على ولدو و على الحاضرين ..
يحيى و مهدي و عامر مجمعييين .. و منسجميييين .. رشاد كيهز من الحلوى د الشكلاط و اليد لاخرى شاد فيها كاس د اتاي و كيلعب برجليه لي مواصلينش للزربية ..
العدول و عمر و يوسف مجمعيييين .. فجو زوييين و صوت الهضرة كيتسمع ف كل زاوية ف الداااار ..
ريماس مجلستش .. غادا جاااايا مسكينة.. مرة تبدل القراعي دزاج .. مرة تنثر الورد قدام الباب .. هزت البخور و طلقاتوووو .. بقات مثوثرة لا تخص شي حاجة .. مشات عمرت ليهم كيسانهم .. و رجعت ثاني تستف و تقااااد .. و رزان تاااا هي ..
و العرسان جالسين .. تا هوووما مستريييسين .. و جالسين على ناااار .. الجسد كاين و العقل غااااايب .. تا تسمع صوت سرسار .. ريماس قفزت هي و رزان ..
مشاو بخطى ثااابثة خدااااو نفس .. و غي حلو الباب و هوما يبانو ليهم .. فاتي و ليلى كيبانو كي شي وردااااات متفتحات..
لابسا كل وحدة قفطااااان .. ديال جوهرة .. و شعر مقاااااد و مبوكلي من لتحت .. ليلى جات فننننننة .. و فاتي تا هي .. لا تقل جمال عنها ..
قيس موراهم .. تا هو محلق على الحالة .. و تسللت ريحتو لي مخلطة مع ريحة الحسانة لنيف ريماس .. غمزها و تبسم و كيتفحص وجهها كيبانو ليه غي حنوكها كيبريييو هوما و شناااايفها .. رجع عقد حجبانو مزيرهم ..
ريماس و رزان كيصليو على النبيييي .. و زغرتت رزان ما مرة ما زوج ..
رزان ؛ يااااا قلبيييبي على هاذ الجماااال ..(جبدت تيليفونها صورتهم و خدات معاهم سيلفي جرت تا قيس و ريماس و تصورو مجموعين)
ليلى ضورت عينيها عند فاتي زعما هي لي محضرين ليها المفاجأة ؛ هههه جات فنة طريق كاملا و انا كنقولها ليها ..
فاتي لي تا هي مسكينة عند بالها غاتفاجأ ليلى ؛ هههه قولو الحق واش مجاتش كي شي أميرة !! غير قولو الحق
ريماس ؛ وا بزوووووجكم فناااااات و كاتحمقووو أ العروسات ديالنا
تصدمو البنات من لي سمعوووه وذنيهم .. و جات ريماس جرت فاتي من ذراعها و جرت رزان ليلى من ذراعها .. تا دخلوهم للصالون و قيس وراهم ..
رزان مشات ب ليلى تال عند عامر و جلستها حداه .. ليلى بحالا ضربها الضو كاتشوفو كيتبسم ليها و هي مزالا مفهمت والو طلعت و نزلت فيه من راسو تال رجليه ؛ ش شنو .. ش ي.. حد .. ي شرح .. ل ليا !! عامر ش شنو كادير ه هنا !! (هزت عينيها كاتشوف ف باها)
و ريماس جرت فاتي حطتها حدا يحيى .. و هو كيشوف فيها بعينين تايييهين ف جمالها .. حمقااااااتو و خداااات ليه قلبو .. واتاها التقليدي .. و جات فنة .. جر يديها شابك صباعو مع صباعها و نزل لوذنيها كيوشوش ليها ؛ جيتي كاتحمقي .. ياربي تعطيني صبر باش منبوسكش قدام هاذ الناس .. علاااااش نتي زوييينة تال هاذ الدرجة !!
فاتي مصدومة مسكينة .. لسانها تشلل و غير كتشوفيه ..
عامر مزال ساهي ف عينين محبوبتو لي سطااااتو و خدات ليه العقل و القلب بزوج ؛ ليوما غانتزوجك على سنة الله و رسوله .. و اخيرا حلمنا ايتحقق .. مهتخيلييييش شحال فرحان أ ليلى ..
ليلى كانت غاتبدا تبكي فهمت كووولشي .. و حست قلبها غايسكت .. كيضرررب على فيه من جهد .. و رجليها كيترعدو .. فرررررررحت و ممتيقاش ..
تا هو غرغرو عينيه بالدموع .. و هز يديها باسها قدام الملأ و باس جبينها بكل حب و وفاء ؛ متبكيييش .. شششت .. كنبغيييييك أ حياتي .. ياربي ميحرمنيش منك ..
العدول ؛ سيادنا نبداو على بركة الله !!
قيس ؛ غير بدااا ..
شد بطاقات التعريف ديالهم كاملين .. و جلسو كيكتبو ..و يقيدو .. و طرحو عليهم ديك الأسئلة المعتادة .. و عامر و ليلى فرحانين .. مطلقشسشش من يديها مزيرررر عليها .. هي تبكي و هو يبكي معاهااااا .. مقدرش يسيطر على دموعوووو .. كيمووووت عليها يا نااااس .. هي الهوا لي. كيتنفسسس..
عامر هز يدو مسح وجههو تا رجع حمررر و وذنيه رجعو حمريييين ؛ هااانا .. صافي .. تا نتي متبكييييش ليا .. مخصكش تبكي ف بحال هاذ النهار ..
عطاو الموافقة و وقعو و رزان كتصوررر فيهم و تفيلمي فيهم .. و تبكييييي .. بالفرررررحة لي استوطنت قلبهاااا .. كاتشوف شمل صاحبتها تجمع مع راجل لي كاتعشقوووو ..
و يحيى و فاتي تا هوما وافقو و وقعو ف كتابهم .. و كلشي صففففق ليهم .. و باس جبهتها و هي كتبكي ؛ عمري .. كنواعدك قدام هاذ الناس عمرني نأذيك و لا نقصصصك من شي حاجة .. غانكون الكتف لي تحطي عليه راسك .. و الراجل لي تعولي عليه (شد بكفوفو خدودها مدفيهم بيديه) شوفي فيا ..
هزت عويناتها فيه ؛ كنموووووت عليك سمعتي !!
باس جبينها و باس فوق عويناتها و هي حشمااااااامة ..
وقفو للعدول ؛ بارك الله لكما و جمعكما في الخير ..
شكرهم قيس بزااااااف و وصلهم للباب خرجو ..
ريماس تقدمت ليهم بصينية فيها التمر و الحليب .. شربو بعضياتهم .. و سط قهقهات ضحك و بكاء الفرحة ..
رزان ؛ ليييلى عضي من تمرة و اريها .. باش نتبعك ..
ضحكت ليلى و عطاتها تمرة ؛ ههه اجي عندي نعنقك اجيييي .. نتي و ريماس تعذبتو ليوما على قبلنا .. لهلا يخطيييكم عليا و صافي ..
وقفت ليلى عنقت رزان لي كتبكيييي ؛ نتي راك ماشي غير صاحبتي نتي رااااك ختيييي (شافت ف عامر و كتمسح دموعها) أ غير شوف ليا شي بيت نبقا نجي عندكم مرة مرة .. و نجلس معاكم
ليلى كتعنق فيها و طبطب على ظهرها ؛ سكتيييي يا هاذ الهبيلة متبكيييش .. تقولي غانمشي لخر دنيا .. هههه انا وياك راه ماكاينش لي يفرقنا من غير الموت ..
رزان باست ليلى ف حنيكاتها و جبدت سرتلة ديال الذهب دارتها ليها ف عنقها ؛ غا سمحييي ليا جا كوووولشي مزرووووب و ملقيتش الوقت لي نفكر فشي حاجة .. مزال كادويا غانجيبو ليك ان شاء الله
ليلى كتبكي و كاتشوف ف سرتلة غزاااالة و وازنة نيت بااااينا غاااالية ؛ واش نتي مسطية راه غير هاذشي لي درتي ليوما على قبلي كافي و بزاااف
بقاو كيتباكاو و يضحكو فنفس الوقت .. و عمر عنق بنتو و عنق يحيى و بارك ليهم و لفاتي ..
ليلى جرت ريماس و عنقااااتها .. شكرااااااا .. حيت وقفتي فجنبي و سمحييييلي حيت عذبببتك و نتي حااااملا .. و درتي هاذشي كامل على ودي .. و الله ماعارفة كيفاش نشكرك ..
ريماس بادلتها العناق بحرارة ؛ عندنا غير ليلى وحدة ماشي عشرررة .. و تستااااهلي كثرررر من هاذشي ..
و شافت ريماس ف قيس ؛ الفكرة كانت فكرة خووووك .. قاليا مابغيييتش نخسر فرحة ليلى ليوما .. متخيليش شحال عزيزة عليه .. و مكانتك كبيييييرة فقلبو ..
قيس تبسم بجنب فمو كان واقف و متكي على القنت د الحيط خاشي يديه ف جيوبو و مكروازي رجليه ؛ ما درت والو .. هذا واجب ديالي ك أخ .. و كوني ليا غير بخير هاذشي لي بغيت..
عنقاتو بدموع حارة بللو قميجتو و هو كيطبطب على ظهرها ؛ وا صافي غاتردوها دراما تركية .. من قبيلا و نتوما تباكاو .. انا درت هاذشي باش ضحكي و تفرحي ..
باس جبهتها و هي كتبسم وسط دموعها ؛ ديماااا تفكري عندك خوك .. و لي ثقالت عليك خفافت عليا .. روووحي نتيا (رجع باس جبهتها و عامر جا شد فيديها و سلم على قيس) ديرها ف عينيك سمعتي !!
عامر ؛ كون هاني .. ليلى غاتكون فرحانة و بخير معايا .. و شكرااااا بزااااف .. و سمحوووولينا عذبناكم معانا ..
قيس ؛ و شنو غايبانليا !! راني شتهم قبيلا كيتباراو كي حليتي ليا الباب.. و درت عين ميييكة ..
ضربت بيدها على صدرو ؛ هههه وا كمل عملك .. و ماتوحلهااااش ليا ..
قيس باس يديها ؛ نحبببييك أ غزالي .. و لي درتي ليوما ف حق ختي و خويا .. يشفع كووولشي .. عارفك عيييتي .. و عينيك تقالو و مع ذلك .. صابرة .. و ضاحكة .. ياربي تخليك ليا ياربي (باس جبهتها و جرها لعندو و هي كتفك يديه حشمانة من العائلة)
مهم أ سيادنا ابطالنا تباكاو و ضحكو و شي كيبارك لشي .. طلقو الموسيقى و شطحوووو و نشطوووو .. و كوووولشي فرحاااان ..
عمر شحال عزييييز عليه بات ريماس .. مسكتش من الهضرة معاه .. و رجال تجمعو فقنت .. كيضحكو و يهضروووو .. و البنات .. تجمعو تا هوما .. و كيتصوؤو و يتعوجووو ..
رزان هزت حاجب ؛ و الله و ماتشوفو ليا شي عريس .. منسمح ليكم ..
ضحكوووو هلى هضرتها .. و بقاو هاكاك تا وصل العشا ..وتجمعو كاااااملين على ديك طبلة .. جلسو مستفين .. كياكلو و ريماس و ماريا واقفين .. كتعمر ليهم كيسانهم و تشوف شنو خاص ..
و الهضرة مخلطة .. و كولشي فرحاااااان .. قيس عينيه غير على ريماس .. و عامر شد فيد ليلى ... و يحيى كيوكل ف فاتي .. و يدلع فيها .. و تا هي استحلاااااتها ..
رجع عمر للدار .. كان ناوي يهز الباسبور ديالو حيت جاتو شي خدمة على برا ..
غير حلت ليه الخدامة .. لي وجهها صفرررر و هو يتصددم .. دار مقلوبا ساسها على راسها .. تقول شي اعصار داز من هنا ..
كلشي مشتت ..
بزربة ضور وجههو عند الخدامة ؛ شنووووو واقع !!! فينها سلوى !!
هي كتبجغ فصباعها ؛ ك كانت .. م معصبة .. و وراها سدت عليها ف فبيتها .. م منعات نطلعو عند
قبل متكمل هضرتها طلع كيجري مسابق مع الريح .. تا وصل ل بيتهم .. دفع البواني .. و من حسن حظو مكانتش قافلا الباب .. غير حلو .. و هو يرمي عينيه على أرجاء الغرفة .. لي تا هي مسلمتس من هاذ الاعصار .. و اخيرا شافها.. جالسا ف القنت د الحيط .. شادا شراب فيديها .. روج .. و كتسكح فيه .. الكحل سايح ف عينيها .. و شعرها منتوش .. و وجهها كولو مقمش ..
كتبكي و كتضحك .. كي شي مسطية ..
غير شافتو .. و هي تزييييد ترسم ضحكة عرييييضة على وجهها .. و غادا و كتجهدددد فصوتها .. تا تسمع .. ف الفيلا كولها ..
كتضحك و دموع نازلين ليها .. و شادا ف الكاس د الروج .. كتسكحو فدقة وحدة تا كيسيل مع جناب فمها ..
ضربت الكاس مع القنت تا تشتت ف ثانية وحدة .. و قوست ظهرها هزت القرعة .. كتشرب من فمها .. هزت يديها كتمسح ريوgها ..
سلوى بصوت مبحوح و دايخا شويا ؛ عاد جاااي !! كي دازت سهرة !! ..ههههههه صافي تهنيتو مني ! خططتو لكولشي ورا ظهري .. (حضنت القرعة تحت ابطها و هزت يديها كتصفق) برااااافو عمر .. برااااافو عليك ..
دفع الباب ردخو .. و جلس كيشوف فيها بنظرة شفقة لا غير .. كيطلع و ينزل فيها من رجليها لي حفيانين نال راسها لي منتوف ؛ شفتي نتيجة
ديال أفعالك !! شفتي حالتك فالمرايا و لا لا !!
جرها من ذراعها و قابلها مع المرايا ؛ شوووفي حالتك كي ولات !! هاذي هي سلوى لي كنت كنعرف !! و هذا (جر القرعة د شراب) هو لي بانليك تحلي بيه هاذ روينة !! واش مرييييييضة فراسك !!
شحال من مرة قلت ليك ديري عقلك و توبي و تقربي لولادك ! ها !! شحال من مرة !! ها نتيييييجة دمرتي غير راسك اما تا ولادك خليتهم كايبكيييييو بالفرحة ماتفكررررك حدددد .. ما عقل عليك حدددد ..
كل واحد بدارو دابا .. شكون غايجي يطل عليك !! دوييييي !! (غووت بأعلى صوتو و دمعة نزلت سخووونة على خدو) ماشي هاذشي لي كنت باغيه .. كنت باغي نكونو عائلة زوينة .. منتفرقوش على بعضياتنا .. ولادي يبقاو معايا .. ها هي ريماس غاتولد و حفايدك فين غاتشوفيهم مزال !!!! معمرني ها نحلم دابا نكونو مجموعين على طبلة وحدة .. كنتعشاو .. وسط الضحك .. و الفرحة .. و دابا !! صافي باااااح ..
الحلم تبخرررر .. ف ضريب صداق ديالهم .. حبست دموعي بزز .. حسيت بالخنقة .. حيت نتي مكايناااااش .. كلشي فرحااان .. و لكني الغصة فقلبي ما عالم بيها حد من غيري(ضرب على قلبو) ..
جر واحد الكرسي .. و جلس عليه .. كينهج .. و يبكيييي ..
سلوى ساااااكتة .. أو بالأحرى كتبتسم .. رجعت للقرعة هزتها .. كتشرب منها ..
و كتغنييي .. تقابلت مع المرايا و جلست كتخربق فشعرها ..
هو حاضيها .. و كيحس بيها تسطات .. مافيهاااااش ..
ناض جرها من يديها و قابلها معاه ؛ سلوووووى !!! واش كديرييييس فيا هاكا بلعااااااني !
عينيها مكيشوفوش فيه غير كتمايل بحالا كتشطح و كتضحك .. و تررررخى و تميل راسها للور .. صوت قهقهاتها .. عصبوووووه .. حس راسو كيهضر مع الحيوط ..
سكت شحال و هو جامع يديه على شكل قبضة ؛ صاااافي .. فاض الكاس .. ماكاينش حل من غير هذا ..
جرها من يديها .. و لبس ليها صباطها .. خرجو من دار .. و هي مكملا على ضحكتها .. دفعها للطوموبيل .. و مشا نيشان للمصحة النفسية ..
داز عام و نص بالضبط ..
يحيى ف الغرفة عند مو .. لي ف المصحة النفسية .. كانت حالتها تدهورات بزاااااااف .. و تسطات بمعنى الكلمة .. ماخلاو فين داوها .. و لكن والو .. نفس النتيجة .. ملحظو تا شي تطور أو تحسن ف حالتها .. بالعكس كانت ديما عنيفة مع المرضى .. و كتضربهم و تعدى عليهم ..و كلشي كيتشكى منها .. فاللخر عمر حطها ف احسن مصحة .. و خلص عليها زبابل د الفلوس .. متابع حالتها دكتور اخصائي ف الحالات د الهيستيريا .. كان ألماني .. داكشي علاش .. كانو تكاليف باهظييييين ..
و حجزو ليها احسن غرفة .. مهويا .. و كيطل شريجم ديالها على الجريدة .. و محرموها من تا حاجة .. من غير انها .. متحتكش مع المرضى ..
يحيى كيشوف فيها شادا وردة عباد الشمس و كتلعب بيها ساااااهية .. كان شعرها الاحمر .. على شكل coup garçon .. و لابسا لباس المرضى .. قبل مايجي .. شرا ليها بوكي د الورد .. مابغاتش تسلم عليه .. و لا تبوسو .. بعددددت .. و تا هو ما حكرررش .. واخا قلبو كيضرو .. قيس و ريماس و بنتهم تا هوما ف نفس الغرفة ..
ريماس ولدت بنيتة كتحححححمق .. غير باباها صاااافي .. مشبهت ليها فوااااالو العوينات زوووورق .. و الشعر شهههههب .. و الحنيكات مطيبزين .. عاد كملت عام .. شادها قيس فيديه و كل شويا كيبوس فوق شعرها ..
يحيى بغا يشد يدين ماماه و هي تجفل راجعا للور و خنزرت فيه ؛ خ خررررج .. خررررج قلت ليك ..خرررررج أ المااااسخ .. قلييييل الحياااااا ..
يحيى مسح عينيه بسرعة من دموع لي ملحقوش يطيحو .. و حس بيدين فاتي كيربتو عليه .. و همست بصوت دافئ ؛ اجي معايا ..
جراتو و هو ضور يديه على كتفها و خرجو و تاريماس خرجت هي و ضياء بنوتتها بأمر من قيس .. .. قيس لي سما بنوتتو ضياء ..
بقا هو بوحدو معاها .. سد الباب .. و رجع قرب لعندها .. جلس فوق طرف سرير و تنا واحد الرجل .. لابس قميجة زرقة .. و شعرو مرجعو للور .. شي شيبات قلال كيبانو ف مقدمة شعرو زادوه جاذبية .. و شهامة ..
جر يديها لعندو و ضغط عليها و هي كتحاول تفلتها ؛ ششششت ...
هزت عينيها فيه كتشوف فيه و ترجع تشوف جنبها .. و ترمش بزربة ..
قيس قرب يدها لفمو باسها بوسة طوييييلة .. و بداو دموعها كينزلو بوحدهم .. و قلبها كيخفق ..
مد يدو كيمررها على لوجهها بلمسة حنييييينة ؛ مزالا زوينة بزاااف .. و عينيك .. عينيك مزالين كيلمعو ..
شدت يديه كتشمها .. و تبوسها ؛ و ول..ولدي .. (بصوت باكي) ج جيتي ..ممم !! ج جيتي .. ت تطل على ماماك !! (كتقلب ب عينيها) ف فين انا !! ها .. ع علاش انا هنا .. بوحدي (رجعت كمشت يديها على قميجتو شنقت عليه .. بتسول همست و دموعها مزلو لفمها) خ خرجني .. اهئ اهئ اهئ خرجني من هنا .. خر خرجني .. خرجني .. من هنا .. ك كنتخنق هنا .. اهئ اهئ اهئ .. مهنس مهنسمحش ليكم اهئ اهئ اهئ اهئ..
حط راسها على صدرو بعيون قااااتمة .. كيطبطب على ظهرها و يبوس فوق شعرها و هي كترعد .. نفس سيناريو كاتدير فكل مرة كيجي يطل عليها .. كاتبقي تبكي .. و تطلب فيه .. و بوحدو لي كتهضر معاه .. يحيى و ليلى مكتحملللللش .. تهضر معاهم ..
قيس ؛ شششت .. غير تبراي .. و نخرجك من هنا ..
بقات تبكي تا نعست على صدرو .. تكاها و رد راسها على المخدة.. غطاها و باس فوق جبينها ..
ليلى .. كتوجد ف الدجاج شرملاتو و حطاتو ف لاطة .. و كتصاوب فلاصوص ديالو و قطعت الفلفة ضواور هي و البصلة .. جامعا شعرها لفوق على شكل كعكة مهملة .. و شي خصلات طايحين .. غلاااااضت و زياااااانت .. رجعو عندها الحنوك .. و بشرتها تصفاااات .. واتااااها الزوااااج ..
دخل عامر بالحس لابس سورفيت كحلة و ضور يدو على كريشتها تا تخلعت و تهزت من بلاصتها ؛ باسم الله الرحمان الرحيم .. خلعتييييني .. دير غير الحس ..
ضحك بصوت خفيف ؛ وا عزيز عليا نخلعك هاكا هههه ..
ليلى ؛ متنساش راني حاملة .. واش حماقيتي !!(كانت حاملة فشهرها اللوول نهار عرف عامر بكى بزاااااف من الفرحة و دار ليها حفلة و عرض على خوتها)..
دفن راسو فعنقها ؛ صافي منعاودش .. و الله .. عمريييييي(استنشق عبيرها) .. هاذ ريييييحة .. غاتكون هي سبابي .. ايلا خرجت على طوعي ..
كتبغي تحرك باش تطل على روز و كتحسو لاصق ورا ظهرها ؛ وا صبر نحرك روز ايتحرق ..
مطلقش منها هي كتكحز و هو تابعها تا وصلت ليه .. نقصت ليه العافية و رجعت كتصاوب صالاد ت
نيسواز ؛ رزان ليوما غاتجي .. شهر ماشفتها ..ديك الخدمة حرماتني منها .. يااااربي يعجبها هاذشي لي طيبت ..ليوما ..
بعد شويا و ربع يديه ؛ ايييه أ لالة .. هههه رزان طيبي ليها دجاج .. و تفنني ليها ف لي صالاد .. و انا بركي عليا .. ب ديك شوربة فحالا ناااافس و جالس فصبيطار ..
هو غير ضحك معاها و هي تقلقت .. ضربت ب المغرفة فوق لافابو و علاين تبكي ؛ يااااك !! و منين كنت نسولك واش كاتعجبك كاتقووولي بنيييينة كاتحمق .. (هزت يديها كتمسح دموعها) شكرااااااا أ سيدي .. الله اعطيك الخير ..
كتدفع فصدرو ؛ وا سييير .. بعد عليا دابا .. و الله لا بقيت طيبت شي حاجة .. طيبو راسك .. و ضبر منك ليه .. و رشاد مسيكين عمرو عيب ليا ماكلتي .. غانبقى نطيب ليه ما ياكل .. و نتا كول جنابك ..
كانت غادا و رجع جذبها من يديها ولف هاذ الفشوش .. و ولفت الحزااااارة .. شد حنيكاتها كيبوس فيهم ؛ وا غير ضحكت أ عمريييي .. سمحيييلي عمر داود ما يعاود ..
هانتي خلي هاذ الماعن انا نغسلهم .. و نكمل كولشي .. و سيري ارتاحي .. و راجعي شويا .. عندك غدا امتحان ..
ليلى كتنفخ و تفش و تهز حجبانها ؛ لا .. شغلي انا لي بيدتو انا لي نساليه ..
دفع الباب د الكوزينة سدو .. و دفعها للحيط .. كيطلع و ينزل فيها ؛ واش دابا اتبقاي مقلقة عليا !! وا راني طلبت سماااحة !! و شوفي ديما كتعصبي عليا .. و مكنتقلق ما والو .. و انا فاش كنضحك معاك .. كتديري من الحبة قبة ..
دار راسو بلعاني تقلق ؛ صافي ايلا محاملانيش حداك انا هنخرج للقهوة .. و جلسي نتي و صاحبتك على راحتكم (و هو عاااارفها مكتحملوووووش يخرج لكافي .. و فوقيتة العشا بالضبط)
كان غادي و جراتو من يديه ؛ وا صافي .. سمحليا .. حشوووما و رزان غاتجي تعشى معانا .. و متكونش نتا .. صافي اه زدت فيه يمكن ..
عامر بنظرة جاااامدة و مصغر عينو فيها ؛ يمكن !
ضحكت بزز منها ؛ ههه صافي زدت فيه بزاف ..
قرب لوجهها و جر شنايفها كيبوس فيهم .. يمص و يعاود .. و هي كتجاوب معاه .. هبط لعنقو و كاتحس بأنفاسو كيضربو على عنقها كي شي ريح متهيجة .. باسها و عضها عضيضات خفاف ؛ ممممممم على هاذ العنيق غاناكلو ..
كتوشوش بصوت خافت و هو طلع الكسوة لي لابسا و يدو كتسارا ف فخيضاتها ؛ وييييلي .. دابا يدخل علينا رشاااااد .. واش تسطيتي راه الكوزينة هاذي ..
عامر رجع التهم شنيفاتها .. مامسوقش لشنو كاتقرا عليه .. كيمووووت عليها فاش كتعصصصب .. و لا فاش كتكون مرتبكة فحال هاكا ..
غير وصلو يديه ل توتو ديالها .. و هي تبدى ترخى .. و هو سخن ليه دمو و لحمو تصلب .. كون ما ريحة الحراق كون كواها فالكوزينة ..
عامر وذنيه حوووومر و مزال كيشوف فيها ب لهفة مصبرش؛ وا صافي .. يبو واحد آخر
رجع جرها من ذراعها و دفعها لبيت نعاس ..
لعبو الماتش ديالهم و ناضو دوشو ..
رشاد كيتفرج فالرسوم .. حال فمو فيهم .. و غوت عامر لي جا خبا النلفزة بظهرو ؛ رشااااااد .. واش اتبقا حاضي هاذ الشقفة !! حفظتي ل pويزي ! و تمارين د رياضيات !!
دخلت ليلى كتنش بيديها على وجهها صهددددت ؛ وا بعد منوووو .. خنقتييييه مسكين .. كيطلب معاك الشرع .. خلي الولد يتفرج واش الحفاظة بالليل و بالنهار !! واه بزااااف عليه ..
مشات جرات رشاد و خشاتو فحضنها تبوس فيه و تعاود ؛ همممم كتفرج ف كونان .. ناري كيعجبنيييي .. شمن حلقة هاذي !
عامر غير كيشوف فيهم و كيسوط كيقول مع راسو ياودي على مولات العقل ؛ لييييلى .. راك فششتيه بلا قياس .. لابقيتي هاكا كتعامليه .. راه غايتهااااون .. و dictée خصني نديرها ليه دابا .. نووووض .. جيب كاغتابل ديالك .. يالااااه .. كون تسمع .. للهضرة ..
كان نايض و رجعت شدت فكتافو تا جلس ؛ جلس أ حبيبي جلس (باست حنوكو) .. هااااذ خوك كي كنتي كاتدير معاه قبل مانجي !!
رجعت شافت ف عامر ؛ واش نتا باغيه يقرا صحة !! راه عيقتي .. حيييد حيد راه ضرقتي عليا نص ف التلفزة .. و سير .. شوف داك دجاج .. طفي ليه غايكون تحمر .. و خرج جيب لموناضة .. (مسحت شنايفها كتبللهم بريقها و كتعض عليهم) جيب كوكا تكون باااااااردة العااااااار ..
حط يدو على خصرو .. بقلة حيلة ؛ هاهواااا غادي ..
خرج عامر تقدا و شرا ليها تا شكلاط هي و رشاد .. غير تفكرها فاش كانت كتعض على شنايفها و هو يضحك من قلبو .. كيقول عطاني الله مسطية مفروحة معندهاش غرام د العقل..
و غير وصل لقا رزان نيت عند الباب و طوبيلتها حدا دار .. جا هو وياها قد قد .. سلمات عليه بعناق أخوي ؛ يييييييي شحال توحشتكم ..
عامر بادلها العناق .. حل الباب و كيضحك فرحان عزيزة عليه رزان بلا قيااااس حيت عمرو شاف فيها العيب و حيت كطههلا فليلى .. و كترد ليها عقلها فاش كتبدى تفشش ؛ صافا و الله ايلا خليتي بلاصتك .. منين مشيني و ليلى تتشكي صاحبتي مشات صاحبتي خلاتني هنا بوحدي لهلا يوريييييك .. هههه
غير شمت ليلى ريحة بارفان رزان .. قشعاتها واش هي .. ناضت كتجري .. و طارت عليها عنقاتها ؛ حبيبتيييييي .. تووووووحشتك ..لمك .. كون زدتي نهار كنت هنتقلق عليك ..
رزان عنقتها بجهددددد و باستها ؛ كون تشووووفي انا يا الخانزة .. واش لخاطري .. راه الخددددمة .. و تا انا قنطت تما بووووحدي ..
شدي بعدا هاذشي عليا راه ثقيل .. (كانت مقديا وشاريا كادويات .. و جايبا شكلاط و كاع داك تخربيق)
دخلو لداخل .. و ليلى محبستش من جماعة مع صاحبتها .. عامر حط اتاي هو و رشاد .. باش زوين عامر .. كيتقاسم مع ليلى شغل د دار و معندوش ديك الفكرة ديال لا هو راجل ميدير والو بالعكس .. يطيب .. يغسل الماعن .. شي مرات كيطلع ينشر الحوايج ..
شربو اتاي و ضحكو و ناض غمز ل رشاد.مغدددد ليه بغا يحفظو .. مشاو لبيت لاخر
رزان ؛ ياختشييييي .. تبارك الله ماشاء الله .. جا معاك الحمل (حطت يدها على كرش ليلى و بصوت غنج) ويتووووو ويتووووو على خالتو لي جالسا ناعسا لي هناااا ..
ضحكت ليلى ؛ هههه انا حاسا غايكون ولد ..
رزان كتضرب شعرها ورا كتفها ؛ دابا نتي ربيتي تا راسك لي غاتربي هاذ البيبي ! هاااااي هااااي ناس ليك ههههههههه شت عامر زربااااان .. دغيا داكشي .. حميتو طرح يا المساخيط ..
ليلى كتعوج عينيها ؛ هههه وا ختييييي بغينا لي يفرع لينا راسنا بالغوات .. ههههه قولي لي أ فلييفلة .. كاين شي لامور و لا مزال مهداك الله !!
رزان ضربت يديها على جيبها ؛ هذا هو لامور دابا .. رجال قلالو .. عندك زهر طرتي بهاذ النعمة لي عندك هههه وا بقاي تفششي عليه لمك .. تا شي نهار يطج ليك .. راه بان ليا شاد معاك مت الخاطر ..
ليلى .. وا راك عارفاني عصبية .. و دغيا كنتقلق .. و لكن صافي .. مابقيتش نزيد فيه .. قبيلا نيت .. على والو تعصبت و هو غير ضحك ..
ليلى ؛ هأ .. باش تقول هاذي انانية .. ما عايما ماخلات .. لي يعوم .. غا قولها !! باينا واش طلعت ليك فراسك .. (بدات تبكي و تهرنن)
عامر ردد فنفسو ؛ لا حول و لا قوة إلا بالله.. رجع باس راسها و وقفها .. عنقها .. و مبعد على كريشتها ؛ عمرررررك تعاودي هاذ الهضرة و لا نتقلق منك .. نتي راك حياتي .. و عمارت داري .. لييييلى .. متبكييييش .. صافي سمحييييلي ..
عنقاتو و ضورات يديها على ظهرو ؛ صافي .. مهنبكييييش ..
مشاو ركبو ف سيارة ليلى لي ولا ديما عامر كيصوgها .. جالسا القدام و شادا فظهرها .. و كتنش بيديها من صهدددد .. طلق عامر لكليما .. و طلق الموسيقى .. و مرة مرة كيهز يديها يبوسها ..
فالبحر .. كان قيس و ريماس شادين كراسا .. مسرحين فوق منهم .. و لي باراسول من الشميسة ..
ضياء حداهم كتلعب و تضضحك غير بوحديتها و دوك الحنيكات ياربي تشدهم تاكلهم .. حمريييين و الفييم حمرر صغيييور .. و العوينات زوووورق كيبريو مع شمييييسة .. و ريماس نعسسسست .. ترخاااات دايرا نظاظر د الشمس كحلين ..
قيس كيلعب مع ضياء و كيدفن رجيلاتها تحت رملة ؛ انخبييييو هاذ صبيعاتاات تا هوما .. (كيهز رملة و يخبي صبيعاتها و هي كتضحك .. )
هزت الكريم ديال ريماس و خواتو كاااااامل ف الرملة .. معصاتو ..
ريماس ناضت كتفوه و تجببد ضارت لعندهم و هضرت بنبرة حادة ؛ ضيااااااء .. شنووووو درتي !!
قيس هز حاجب و كيلعب مع بنتو فالرملة و يخبش بدوك اللعب د البحر فرملة غادي ليها مع هبالها ؛ ماااالك !!
ريماس كتنهدددد مشات جرت الكريم صولاي لقات مابقات فيه حبة ؛ واش شتييييها خوات الكريم ديالي و ماقلتي ليها والو !! قيس راك كتخرج على تربيتها هاكا !! شو كي فششتيها بلا قياس .. هضرتي كتدخل ليها من وذن و تخرج من وذن ..
جر بنتو معنقها كيهرها ف عنقها و يبوس فيها ؛ و شحال من بنت عندي انا ! غي وحييييدة .. (كيدير فحال كيعض ليها حنيكاتها و كيبوسهم) ياك أميرتي.. بوسي بابا بوسي ..
باست ضياء خد قيس .. و ضحكككك تا بانو حفيرات د زين ديالو .. كتسمع لهضرتو بزاااااف .. تعلقت ف صدرو و كتعنق فيه و تحط راسها على كتفو كملت عاماين دابا ؛ وا صافي متقلقيش .. راه نتي عارفة شحال عزيزة عليا ضياء .. مكنقدرش تا نرفع صوتي عليها .. و لا نمنع عليها شي حاجة ..
واش هاذ الملاك يغوتو عليه ناس !! (ردد بصوت خافت) الله احفظها ليا ياربي ..
ريماس معصبة ؛ وا بزاف أ قيس .. هاذي هي وقت التربية الصحيييحة .. خص تعرف تا هاذي لا و هاذي اه .. داك المرة لقيتك نتا وياها كتخططو فالحيط بصباغة .. رونتوووو دنياااا كاااااملا .. و هرست تيليفوني و جلستي كتضحك .. هاذ الفشوش بزاف راه خااايب ..
انا لي كنوحل فاش كتمشي لخدمتك .. مكتسكتش من الغوات لابغات شي حاجة.. خصها تحضر فالحين ..
قيس كيمرر يدو على ظهر ضياء بلطف ؛ صافي أ عمري .. حنا خرجنا نفوجو و نبدلو الجو ماشي نتناقشو ..
ريماس تبسمت كاتشوف فيهم ؛ عرفتي كتشدني الغيرة شي مرات .. باينة كتبغيك كثر مني .. شو كي ساااااكتة دابا و معنقاك ..
قيس ؛ ضبري راسك .. ماتنفع معاك نصيحة .. خويا عامر كي كادير مع هاذ البطريقة !
ضحك عامر بجنب فمو غير بغا يهضر و هي تخنزر فيه ؛ داااافع عليا .. شتيييه الليستر كي ماحاملنييييش ..
شافت ف ضياء (اجي عند عمِّيييتو اجييييي)
ريماس ؛ ليلى واش مزال الوجع !! متنعسيش هاكا .. تسناي ندير ليك شي حاجة تحت ظهرك ..
حطت ليها واحد شال طويل كوراتو و حطتو تحت ظهرها ؛ دابا مزيان !!
ليلى ؛ مزياااااان ا ختي .. شكراااا
باستها ريماس ؛ ويييلي مابيناتناش أ زمرة ..
يحيى حيد لفوق و قيس ديجا عريان لابس غير شورط كحل فوق ركبة .. زاد صحااااح ولد الهم .. قطعت ليه ريماس الgارو و الشراب .. و بزز منين ولدت و هي كتشوفو كيتبدل للأفضل و الأفضل.. كيشغل راسو ب لونطريما و ديما السبوووور .. رجعو عندو شي عضلات ياربي سلامة .. هز بنتو فيديه ..
ريماس ؛ وا رد ليها الباااااال .. شو البحر طالع !! كون غا خليتيها هنا حدايا و سير عوم ..
قيس ؛ تخافي عليها و هي معايا !!
ناضت كتنفض رملة من كسوتها طويييييلة ؛ صبر صبر .. غانعوووم .. باش عيني تبقى عليها .. مغنتهناااااش هنا ..
وشوش ليها فوذنها و شد ذراعها مقربها ليه ؛ مهتعوووميش .. و رجال معانا
... داك زمر لي جبتي كيلصق عليك ..
ريماس نفخت شنايفها كي شي قطة ؛ الليهديك .. راه و الله تا الكسوا طويييييلة .. مهتلصصقش
قيس كيعض حنكووو ؛ راني هضررررت .. قلت لا .. ماشي بداك زمر .. مال مك قبل مايجيو ما نضتي عمتي .. يالاه بان ليك نتي دابا ؟ تا للدار و عومي ف البيسين تا تشبعيييي ..
ريماس كتخنزررررر فيه ؛ يخخخخخ من غييييرتك و مايجي منها.. و الله لا سمحت ليك .. نتا عوووم .. و خليني انا نتفقص هنا ..
مشات كتضرب برجليها و هو مشا كيضحك بجنب فمو .. غير دخلها .. و خااافت ضياء .. لصقت مسيكينة على صدرو مابقاتش طلقت منو كتررررعد ؛ شششت خفتي أ روحي !! .. متخافيش انا معاك (كيهز يدياتها يبوسهم و المواج غير يضربو على رجلو ..ترتعش كلها وسط صدرو ..) شششت .. متخافيش ..
مزال ماكملتش هضرتها تا صرفقتها واحد الموجة طيحاتها على طولها .. تا غتصت للتحت .. و يحيى خرا عليها بالضحك .. جرها و هي كتنهجججج .. و صدرها طالع نازل .. كانو دخلو بزااااااف ؛ واش باغي تهنااااا مني أ ولد الهم ولا شنو قالي
مكملتش ثاني هضرتها تا طاحت عاود .. و كتضرب بيديها .. كان البحر هاااج .. هزها و مانت سرطت الما .. و بدات تكحكح و تمسح فوجهها ؛ د د دعيييييتك الله الواحد القهار ..
هزها يحيى و لوا رجليها على خصرو تا جات عاليا شويا .. ؛ ههههه مناش مصنوعة نتي !! ها علاش كنقول لمك غلاااااضي .. و نتي غا موجة داااارت فيك هاذ الحالة ..
فاتي مخلوعة و كمشت يديها ورا عنقو مزيرااااا عليه .. و حاضيا مع البحر و شنايفها كيترعدووو ؛ ن نتا .. ع عرفتيني كنخاف .. و مجرجرني تال للهنا ..
غير بانت ليها واحد الموجة جاااايا قدااااش ..و هي تغوت ؛ اهئ اهئ اهئ اهئ اهئ اهئ اهئ اهئ وا ميييييييييي اهئ اهئ اهئ اهئ اهئ اهئ ..
غطس هو وياها .. و رجعو طلعو و هو كيرد شعرو للور و كيضحك و هي مخنووووقة و كتبكي ؛ اهئ اهئ اهئ خ خر خرجني .. خرجني الله ياخد فيك الحق ..
يحيى مزيرررر عليها ؛ وا متخاااافيش .. خصك تعرفي تعوووومي .. يالاه نقزي عومي انا انعلمك .. و متخااااافيش راه انا الميطخ ناجوغ و ميقدش عليا .. راجلك عوااااام ..شتي باش..محزمة .. يالاه نقزي .. فازي ..
فاتي كتررررعد و فمها زرااااق ؛ تنقز عليك لفعى .. عار الله خ خرجني .. ح حراااااام عليك شو قلبي غايسكت ..(حطت يديه على قلبها و فعلا كيضرررررب بجهدددد)
يحيى بدا كيجرها تا تخرجو لعند قيس لي واصل ليه الما عند ركابيه و طالق ضياء فوق يديه كيعومها .. ولففففففت .. و منين كاتجي شي موجة كيهزها ..باش متخااافش .. مسااااايس معاها ..
يحيى ؛ شووو ضياء كتعرف تعوم حسن منك .. كاع ظهري واش قمشتيه بظفارك ..
ضربت على كتفو ؛ والله لابقات فيك .. تفو عليك
ضحك قيس ؛ علمها أ صاحبي اشنو دورك !!
يحيى ؛ راسها قاااااصح .. ارا ليا ضياء نعومها ..
قيس ؛ نووو .. مكنثيقش فيك ..
فاتي ؛ ولاهييييلا .. شاف الموجة قلباتني تا داخت عليا القبلة و جالس كيكركر ..
يحيى كيضحك ؛ وااااا نتي لمك كتبكي .. بحال شي بنت صغيرة .. هاويييييلي ..
فاتي ؛ و الله منهضر معاك ..
عامر مدخلش .. جلس حدا ليلى كيمسد ليها رجليها تنفخو شويا .. ؛ كون غير بقيتي فالدار .. خايف دابا .. غير يشدك شي وجع و لا شي حاجة ..
عامو و خرجو .. قيس نشف لبنتو شعرها.. و مشا دوش ليها و رجعها .. لبسها و كولشي ..مهنيييي ريماس من تبدااال و من كاع داك تخربيق .. تا ليكوش يبدلو راسوووو ..
فاتي كينشف ليها يحيى شعرها و مغوووبشة .. مشات بدلت هي وياه ..
و طلعو كلهم للريسطو .. كيتغداو .. فجو زوين ..جالسين فواحد طبلة كبيييييييرة .. عامرا ب كاع المأكولات لي تشهاهوم الخاطر ..
ريماس شافت ف فاتي ؛ و نتي مناوياش تجيبي لينا شي يحيى صغيور ههههه
فاتي ضحكت بخجل ؛ هههه كنفكرو فيها ...
يحيى همس ل فاتي فوذنها ؛ نديرو شي فشي و نولدو فنيكيش كيمشي ..
ضرباتو برجلها و كاتضحك .. تفو مكتحشمش ..
يحيى ؛ بغيت شي ولد انااااا .. باش يحgر على ضياء مزياااااان .. يعسسسس عليها ههههههه
قيس كيوكل ف بنتو حاطها فوق فخاضو كيغمس لي الفريت ف الكيتشاب و كيعجبهااااا ؛ لابغيتي نعلقو من رجلييييه ..
ضحكت ضياء و قيس تجبدو عينيه ؛ ياك أ بابا عجبك الحال !! غير تكبري شويا و نعلمك البوكس مزيااااان .. باش ميوصلكش شي حماااار ..
لي عصصصبك عطي لمو بين عينيه .. و ندوز نكمل عليه انا ..(هز يديها على شكل بونية كيحركهم) ررررررضى لبنتي رررررضى .. هي كاتفهمني ..
يحيى ؛ خخخخخ هي ناوي تخليها بايرااااا .. شكون هاذ مسخوط الواليدين لي غايكون نسيبك ..
قيس ؛ مازال ماخرج من كرش منو ..
ريماس كتمضغ ف الفريت ؛ راه قاليك مناويش يزوجها .. باغيها تبقى حدااااه .. هههه زمرررر فرفر ليه العقل ..
كيصوg بسرعة متوسطة .. و ريماس كتفيلمي بنتها لي ناعسو و كتشد حتا قيس ؛ واااا ضحاااااك
قيس غووووبش ؛ لاااااء ..
ريماس طفات الفيديو ؛ باااااز .. ليك .. بالحق .. و الله تا فوجنا .. و ليلى باااالي معاها ..ياربي يفكها على خير ..
قيس ؛ غاتكون بخير ان شاء الله .. انديوها لأحسن مستشفى .. و غاتكون مزيانا .. متخافيش ..
سكت شحال عاد نطق ؛ فراسك فاش كتنعس ضياء .. تنحس شي حاجة ناقصة.. انخليوها تنعس معانا ليوما صافي !
ريماس كتشوف فيه ؛ قيس نسولك
هز راسو ب اه ... و ردت ؛ شكون كاتبغي كثر انا و لا ضياء !!
ضحك بجنب فمو ؛ باين واش ضياء .. سؤال بايخ ..
ريماس تقوسو حجبانها .. و ضورت عينيها عند شرجم حست غاتبكي ..
قيس دفع يدو كيجر يديها و منتبه مع طريق ؛ غير كنضحك .. واش منيتك كتسوليييي !! كنمووووووت عليكم بزووووج .. و كون مكنتيش نتي مكانتش غاتكون ضيااااء .. راه كنحماااااااق عليك .. ماشي عاد اتعرفي هاذشي أ ريماااااس ..
هي ؛ وا كنتي كاتقول ليا عنداك تولدي و تنخليني و تديها غير ف بنتك صدق العكس ..
قيس فرانا .. و ضار لعندها .. هو عرف بلي هملها نوعا ما مؤخرا .. .. أغلب وقتو كيدوز غير مع ضياء من صباح تال العشية .. ماكتحس بيه فعلا معاها تا كينعسو بالليل .. و شي مرات كيهزها و يجيبها من الكونة .. و يحطها وسطهم ..
جرها معنقها و كيبوس فوق شعرها العسلي ؛ حمقة نتي .. راه كنبغيييييييك كثر من أي حاااجة فهاذ دنيااااا .. بزوجكم كنحسكم قطعة مني و رووووحي .. منقدرش نتخيل حياتي بلا بيكم سمعتي !!!! .. نتوما لي عندي صااااافي .. (طبع بوسة حارة على شنايفها) رووووحي نتيا .. ياااااااربي متحرمنيييييش منكم .. ياااااربي ..
عنقاتو و تخشات فصدرو .. قلبهم بزوج كيدق بسرعة ..
وصلو لفيلا .. طلعو ضياء حطوها فالكونة .. و جر ريماس من يديها .. تكات و تكا حداها .. رجعها كثر و كثر .. تا تخشات ف صدرو .. و نعسوووو ..
النهاية
🍁و هناااااا تنتهي قصتنا.. فضلت ننهيها فهاذ النقطة بلا منفصل كثر و نخيط فالقصة .. مابغيتهاش تبسال .. نخلي نهاية مفتوحة لأي وحدة تتخيلها كيف بغات ❤
ريماس الجزء 25 والأخير
محتوى القصة
التنقل بين الأجزاء