ريماس الجزء الرابع

هزت عينيها فيه .. لي تجخلطو بالكحل و المسكارا و قلبها كايتهزززز مع كول تشنشيقة ..

عامر تصددم شافها تخطاتو و هو يجرها من معصم يدها حتا جات قدامو بالسيف عليها : ماااالك ؟ علااااش كاتبكي ؟ شنوووو وووقع !!!

"طلق عينيه ف الارجاء كيشوف و رجع ركز شوفة فيها"

هي كتمسح ف دموعها : و والو .. م ماوقع والو ..

عافاك يالاه ..

ووصلني غ غير للدار ..

عامر ممصدقش عاد كانت غاتموووت بالفرحة و متحمسة شويا تقلبت كي الجو و دابا حااالتهااا كي ولات : مغنتحركوووش من هنا قبل ماتقولي لي شنووو طرااااا ! قررررب ليك شي حد همم ؟ أذاك شي حد هناااا ! غير دوييي

و غانفررررررجك فيه ..

سكتت و نطرررت يدها بقووووة : قلت لك لااااااا ماوووقع والووو.. صااافي أ عامر الله استر عليك لاما وصلني ل د دار .. و لا غانشد طاكسي راسي ..

زفر بغيظ و سبق حليها الباب و هي تركب القدام حداه ..

هزت جلايلها و تكمشت فوق الكوسان ..

دارت صمطة و سندت وجهها للزاجة

و دموووع حابساااهم مكترضاااش

تبكي قدام شي حد خصوصا هاذ عامر كررررهت هاذ الحالة لي هي فيها دابا قدامو ..

و لكن ماعندها مادير تخنقت فديك البلاصة ..

بقات تعضضض ف شنايفها و منظر

مجد مع ديك خايتي حلف لامشى من بالها كتحس النااااار شاعلة ف قلبهاااا ..

عامر طاااار من تماااا .. بقااا مركززز مع طريق و مرة مرة كيشوووف فيها بنص عين ..

من بعد صمت طويا نطق : البكى ماشي حرااام .. خوي لي ف قلبك و بكي حتا تحسي راك ارتااااحيتي .. ايلا بقيتي هاكا غاتمررضي ..

سكتت كتصغر ف عينيها عندو صح نيت .. شويا اعتدلت ف الجلسة .. و جابت يديها قدامها .. و بدات كتديمااااري و هي تبدا تهرنن كي شي بنت تالفا عليها مها وسط زحاااام واحد البكية عندها كادير الضحك ..

اهىىىىىئ اهىىىىىئ وااااااع اهىىىىىى

هءهءهءهءههءهءه ..

بقات شي ربع ساعة و هي غير كتنوح تا صافي عيات و تهدااات سكتت و هزت يديها كتمسح عينيها و تدير شهيق زفير ..

عامر قرب صبعو كيحك وذنوو .. ندم كاع لاش قاليها شي حاجة ..

هز كلينيكس مدو ليها ..

ليلى : ش شكرا ..

مسحت خناينهاا و مزال ماشافت حالة كمارتها كي دايرا كون تخلعت ..

عامر دور وجههو شاف فيها : دااابا مزياااااان ؟

ليلى اكتفت بهزة رأس بلا متدوي و عينيها شاردين و يديها كيلعبو بالكلينيكس ..

عامر : اوووبس عاد تفكرت خلينا ديك صاحبتك تما عادي !!

ليلى : عادي .. غاتعيط لشيفور د باباها ايوصلها ..

عامر : ااااه بون

ليلى : باقي الحال ياك ! نقدرو نجلسو فشي بلاصة مابغيتش نمشي للدار هاكا بليييز .. ماما غاتمررررضني بأسئلتها ..

عامر : فين بغيتي تمشي

فهاذ الوقت !

ليلى : حدا البحر نجلسو غير شويا و نرجعو للدار ..

حرك راسو ب اه ..

مسافة قليلة و وصلو للبحر ..

كان غاينزل و هي تحبسو : خلينا غير هنا ف طوموبيل حسن مافيا لي ينزل ..

وركت على واحد زر نزل زاج لي كان

فيمي و دخل نسيم بااااارد داعب خصلات شعرها الأسود زفرررت برااااحة

و ريحة البحر هدناتها كثرررر ..

بقا عامر ساكت حل سمطة .. و سند راسو على الكوسان كيشوف منظر البحر شحال هاااادي و زوييين و ملامحو مشدودين ..

ليلى : شحال ف عمرك !

عامر تفاجأ بسؤالها : مم 28 عام

ليلى : آااااه .. فهمت ..

من ايمتا و نتا شيفور !

عامر : نعتبرو تحقيق و لا تعارف !

ضحكت تا بانت حفيرة الزين لي فخدها لأيمن : هههه بففف كنسول غير من باب الفضول ..

عامر : أول مرة نخدم ف هاذ الضومين ..

يعني أول مرة نخدم شيفور و بودي غارد

ليلى : ناري على زهر عندك حتا نتا و لاقاك ربي غير بيا أنا ..

عامر : علاش نتي مالك !

ليلى : زعما حيت فيا الصداع و المشاكل ..

مروان السائق لي قبل منك ههه

شوفتو الوييييل معايا .. الله

اسمح ليا كان كاع المدينة يخيطها

و يقلللب عليا و لملقانيش كيعرعر عليه خويا يحيى .. و ف اللخر جرا عليه بابا ..

عامر سكت و قطب حجبانو ..

ليلى : مالك !

عامر : والو غير كنشوف كيفاش واخدا هاذ الأمر بشكل مستهزء و عادي ..

مفهماتش : كيفاش اشمن أمر ؟

هو : كنقصد مروان لي تطرد

و لكن نتي طبعا مغيهمكش الأمر "قهقه بسخرية" ..

المهم هو انك انتصرتي عليه ..

و قدرتي تخلي باباك يجري عليه ..

مشفتيش هاذشي من جهة أخرى ..

يمكن كان محتاج للفلوس يمكن هاذ الخدمة باش كان كيجيب طرف د الخبز ليه و لعائلتو و لكن ناس بحالك لي عايشين رفاهية ..

لدرجة انهم مستحيل يفهمو هاذشي "زفر كيقول فراسو اش كنخررربق انا دابا على هاذي"

نساي هاذشي .. مكيهمش اصلا ..

و سمحيلي آنسة ليلى تماااديت ..

ليلى بقات كتفرك ف صباعها ..

و معجباتهاش هضرتو سكتت و سدت زاج ..

يالاه عافاك للدار دابا

وصلها للدار ولقات مها ف قلب الفيلا غير شافتها و بدات تولول : وييييلييي ويييلي ماااالك ؟؟

كنتي كاتبكي ياااك شنو وقع لك دوووييي ؟

ليلى كتحس راسها مهدووودة : ماااااما من بعددددد من بعدددددد ..

طلعت لبيتها غير شافت حالت وجهها ف المرايا

وهي تصدم ..

مشات غسلات ديك الحالة و بدلت عليها .. تخشات تحت الفراش و بقات هضرة عامر كتعاود فراااسها ..

حط طوموبيل ف الكراج ..

و لقا يحيى ف الباب : هيه عامر .. ليلى فالدار ياك ؟

هو : وي سيدي عاد دخلات ..

يحيى : اوكي .. ياكما دارت شي مشكل عاود ! كلشي مزيان !!

عامر : لا سيدي كلشي مزيان متخااافش ..

ضرب ف كتفو يحيى و دخل لفيلا ..

خرج عامر ..

مشا شد طاكسي و هو يسمع صوت تيلي كيصوني ..

كانت نمرة مو : الووو الواليدة

..... : الووو خووويا عامررر اجي للدار دابا عااااافااك ماما طاحت ليا ف الكوزينة و مقدرتش نهزها .. اجي داباااا أ خوياااا..

عامر رخف الكول د القميجة و سد عينيه معصصصب كارز على قبضة يديه : ياااااك أ رشااااد وصييييتك زعمااااا و عييييت نووصييي

فيك بااااش ماتخليهاش تمشي لكوووزينة ولا شي قريناااا كحلة ...

"اختصر الهضرة حيت طلع ليه ددددم و هو ف طاكسي" هاااااانااا جاااااي بقا حداهاااا هاااانا جاااااي ..

وصل من بعد 15 دقيقة خلص

طاكسي و نزل لحومة لي شعبية بزااااااف ..

البراهش مزال كيلعبو الكورة و الهرااااج

و دراري مسابين .. الشراف دايرين كراساا قدام الباب و شادين الحديث ..

لي شافو يسلم عليه عزيز على كولشي تما

و كيدير الخاطر لكوولشي الصغير و الكبير و ضريف مع ناس كولها ..

دخل نيشان للدار دفع الباب د الحديد

و دفع الخامية د ثوب .. مشا نيشان

لكوزينة لقا خوه صغير رشاد واقف و عينيه

عامرين بالدموع

و مو حفيظة جالسا ف الأرض

و مسندا راسها و ظهرها للبلاكار و الكروسة حداها ..

عامر مسح وجههو تا رررجع حمرررر

و خنزر ف خوووه : اشنووووو قلت ليك انااا شنووووووو ؟ هاااا !! دوووي داااابا دويييي ! يااااا قللللت لك ررررد البال ل مك

رشاد عض على شنايفو حابس البكية و بقا كيشوف ف الأرض ..

حفيظة : أ بعدددد من خوك مدار والو انا ا وليدي لي جيت لهنا بغيت غير نطيب حتا انا و نغسل ميعنات .. نسيت واش رجليا معنديش ..

نسييييت "هبطت عينيها ب أسى و بعجز"

عامر : و ماخفتييييش كون

وقعاااات ليك شي حاجة يااااااك ؟

ياك انا قلللت لييييك كولشي خليه عليااااا متهززززي الهم ل تا حاجة ..

انا نغسلهم و ندير كولشي ..

سكت و هو حابس الهضرة ف طرف لساااانوو .. تحنى و هزها بين يديه بخفة كارز على سنيه ..

تخطا خوه و داها لبيت صغيرة

حطها ف بلاصتها و جر عليها الغطا لي متواضع و جلس حداها ساكت و كيفررررك ف يديه : كليتي بعدا !

هي : كلليييت أ ولدي انا و رشاد ..

عامر شوف فيا !

هز عينو فيها و حجبانو طالعين كيبان واش مزيرررر : وي مي !

هي : متقلقش مني أ ولدي الله ارضي عليك ..

معرفتش اش وقعليا مااااشي لخاطري .. و خوك شافني طحت تخلع .. و بدا يبكي .. و زدتي غوووتي عليه نتا هو مداااار والووو .. الله ارضي عليك سير حزروو و شري ليه شي دانون و شي حاجة الله ارضي عليك

و انور طريقك ياربي ..

صاوب معاه تمارين راه مكاينش لي يعاونو فيهم ..

عامر هز يدها باسها : واخا أ مي .. نتي خاصاك شي حاجة !

حفيظة ربتت بيدها على ركبتو : مخصني والو أ ولدي ..

ناض عامر جمع طبلة لي حداها ..

دا داكشي لكوزينة .. غسل لماعن

دوز عليهم بزربة و مشا لبيت لاخرى

.. لقا رشاد شاد الكتاب و كيقرى ..

و ساكت .. كان كيشبه ليه

بزاااف ف كولشي عينيه شعرووو

لي كثييير و كحل و جاي على

عينيه كيعجبو يخليه ليه طويل

و مسبسب كي الحرير و ملامحو كيووت بزااااف ..

عاد كيقرى ف الثاني .. و واخا صغيور مرزن و حادg كيعاون ماماه و يتسخر

ليها و مافيهش ديك البسالة

و التشيطين.. قليل فاش يخرج للزنقة و يلعب مع قرانو .. ديما شاد دفاترو

و يبقا يكتب و لا يرسم ..

عامر وقف عند لباب مسند عليه : احم .. ساليتي تمارينك !

رشاد بلا مايشوف فيه : مازال ..

عامر : نعاونك فشي حاجة !

رشاد : صاوبت كولشي بوحدي

عامر : يالاه معايا .. نتقدا و نشري ليك داكشي لي بغيتي ..

رشاد : غير سير .. مابغيت والو ..

جيب غير لماما دوا د راس حرقها راسها قبيلا ..

عامر حيد صباطو و دخل جلس حداه .. لعب بيدو فشعرو و كيتأمل ملامحو : سمحليا غوت عليك صافي !

مكانش خصني نغووت هاكاك غير تعصبت ..

حيت خفت لتوقع ليها شي حاجة الله احفظ ..

رشاد بصوت باكي : حتا انا خففففت .. و كنشوف فيها مقدرتش نهزها و لا نعاونها .. "بعيون دامعة شاف فيه" سمحليا أ خويا مرديتش ليها البال

عامر جرو لعندو عنقوو و مسح دموعو :

الأسد ديالي ياك كنقولك ماتبكيش !

صافي شششت .. انت راك ديما راد ليها البال و كنعول عليييك حيت نتاااا راااااجل ديال الدار ..

جرو من يديه و لبس صباطو و خرج ..

شرا ليه سقاطا د زنقة .. و خدا دوا و داكشي لي خاص

قيس كان ف باريس كان

عندو اجتماع طارئ و بقا تما شي أسبوعين متواصلين ..

وقعو شي عراقيل ف الخدمة و مشا حلهم ..

و رجع للمغرب ف طيارتو الخاصة ..

أسبوع و هو فداروو بوحدوو ..

قليل فاش كيمشي لعند مو ..

بسباب المشاكل لي بينو و بين باه طبعا <غانكتاشفوها من بعد>.. و غفل قضية ريماس من بالو حيت تشطن بزاااااااااف ..

ديك الليلة بالضبط كان جالس ف الصالون ..

كيتفرج فواحد البرنامج على

الحيوانات المفترسة و كيتأمل فواحد الأسد لي شاق طريقو بعيون ماااااكرة ..

شاد كاس د le vain rouge فيديه و كيتفرج ..

لابس بينوار مريش ف البيض و بانطوفة بيضة ..

رجل على رجل و شعرو مزال كيقطر من. القدام ..

حتا سمع صونيط ف الباب ..

هز حاجب مستغرب شكون غايجي لعندو فهاذ الوقت ناض بشويااااا كايتمختررر .. و حل الباب ..

و هو يتبسم ب عينين ماكرين

: اووووه هاااذي نتييي !

مممم كيفاش قدرتي تعرفي عنوان داري ؟

عيشة تبسمت و فمها مطلي عليه عكر حمرررررر :

و علاه نتا كتخفى على شي حد

مهم جيت غير نقول زوج كلمات و نمشي

بحالي !

قيس بقا كيطلع و ينزل فيها كيفاش خاسرا الفلوس على راسها باش يالاه تبان زوينة : ممم اوكاي wait نلبس و نخرج ..

تصدمات و حسات بالإهانة زعما قالت غير من باب الصواب يدخلها و هي ضربات طريق و تمارة تا وصلت لعندو : احم .. اوكي ..

زاد كملها سد الباب فوجهها ..

و مشا بدل ..

لبس قميجة ف لبلو مارين و سروال كحل ..

و سبرديلة فلبيض ..

نشف شعروو ..

و رش بارفان عاد خرررج ..

عيشة : ساعة عاد خرجتي !

قيس : نخرج عندك صولو ؟

تبسمت كضحك و تمشات بداك طالون .. و قلبها كيفرفرررر .. طاااااحت فيه طيحة خاااايبااا من نهار شافتو و هي طايحا على زنافرهاااا عينيها عليه ..

ليل مكتنعسوووش تبات تخمم و تفكرررر كيفاش ترجع تحيي الهضرة معاه .. حتا طاحت فبالها واحد الخطة ..

و بقات تدرررس فيها مزيان .. عاد تشجعت و جات ..

ركب ف اللوطو .. و غمز ليها ركبات

.. و هي مقداتها فرررحة .. عينيها كيدورو فبلاصتهم و كتفحص داك الجلد الناعم لي جالسا عليه الكوسان داير كي شي فوطوي.. و ريحة زوينة و بااااردة كتسارا ف الجو طبعا ريحة قيس..

حط يدو لي عامرا وشام فوق الفولون كيصوg ..

و كيبانو العروق ديالها بارزين

و شعر خفيف فوق يديه و مgانة قدرت تعرف بلي بااااااهضة الثمن غير من شكلهاااا ..

و القميجة قربت طرطق على ذراعو .. وررررك .. و خلا العجاج وراه ..

شغل اغنية هادئة ديال المغني الرائع Frank sinatra-killing me softly

بقات غير كتشوووفيه .. و السخووونية طالعاااا معااااهاااا دوخهاااا بالبيااااان ..

قيس : عجبتك ؟!

عيشة بحالا ضربها الضو .. سكتت و بقات تضور فراسها : ل ل لاا شنو كاتقوول !!!!

قيس مركز عينو مع طريق : سوو معجبتكش ؟

عيشة مبقات عرفت باش تجاوب .. فضلت تبدل الموضوع : في فين غاااانمشيو ؟

قيس : غانمشيو نجلسو باش تقوليلي دوك زوج كلمات ياااك هاذشي علاش جيتي ؟ <شاف فيها بجموووود>

عيشة .. توترت حيت خرج من المدينة : اه .. اه غير حيت شفتك بعدتي شوياااا جاني الفضول داكشي ع علاش ..

قيس : مم خفتي !

عيشة بشجاعة مزيفة : ههه و علاش انخاف مالك بوعو

قيس تبسم بجنب فمو : سي .. غير انا هو بوعو لي كيخلع الكبااار و كيشد رواحهم ..ماشي د الصغيورين ..

سكتت عيشة واخدا كلامو بجدية .. بدا كيتسلل الخوف لذااااتها بطريقة غريبة ..

ولات كتسرط ريقها بزز ..

قيس طلق ضحيكة خفيفة ..

ريلاااااكس .. غير كنت كنضحك و نتي كرررمتي فبلاصتك ..

وصل لواحد البلاصة خااااويااا .. انسطالا

طوموبيل .. و نزل .. قاد قميجتو من الكمام كيتنيهم .. و نطق : تبعيييني ..

تمشاو شويااا فممر عاااامر بالوراق د الشجر لي رجع لونهم بااااهت و كيسمعو صوت جاااف كلنا وطاو عليهم ..

كانت منطقة خااااويااا .. غير شجررر .. و صوت الريح لي كيحرك وراقو ..

حتا بانت ليها واحد القهوة كبييييرة .. و كيبان ضو مسرب منها خااافت ..

وصلو ليها .. و

هو يدخل نقز جوج درجات بخفة ..

و تبعاتو ..كانت القهوة كولها خشب

و فيها بزااااف د طبلات و كراسا و

كونطوار عامر بالقراعي د الشراب

دايرين الصف ..

و لكن خااااويا و شااااعل فيها الضووو .. و بحالا كان فيها شي حد قبل ..

عيشة ضحكت متأملة المكان : هههه هاذي خص يصورو فيها شي فيلم د الرعب صراحة .. غايكون مكان مثالي هههه

قيس جلس فوق واحد الكرسي : بينغووو .. تصور فيها فيلم أمريكي .. واحد المشهد تصور هنااا ..

خديت عليه فلووووةوس صحيحة صراحة ..

من تما و انا مخلي هاذ الكافي خاويا هاكا و بهاذ الشكل ..

عيشة تصدمات .. جلست قدامو : عنداك يخرج لينا شي حد على غفلة ههههه كيبان لي هنا غير الخلا و القيفار ..

قيس فرمشة عين جبد الفردي

من ورا خصرو و حطو فوق طبلة ..

و نشر رجليه عليها حاط رجل على رجل و شعل الgارو كايكمي :

ممكن .. هاذشي علاش هاز هذا ..

للإحتياط طبعا ..

حلت عينيها بصددددمة .. هذا باين ممعاهش اللععععب .. تا داكشي لي جات على قبلو باش تقولو و شهرين و هي تفكرررر و تخمم فشي

خطة و ضربت الحساب لكووولشي دابا سحباااات كولشي يديها عرقو و حست بحالا جالسا على جمررررر ..

قيس : تشررربي شي حاجة ؟

سينيوريتا عيييشة "ورررك على سميتها"

عيشة : و واخا ..

مشا قيس كيتمختر .. حل ثلاجة مالقا فيها والو من غير قرعة د الما باردة .. عمر الكاس ب الما و جابو حطو قدامهاا ..

سووري هاذشي لي لقيت ..

عيشة ترددت .. لا لا ماشي مشكل ..

قيس : غير شربي مدرت فيه والو ..

جرو بسرررعة ..و رشف منو و رجع حطو قدامها .. حست بحالا كيقراااا أفكاااارهاا .. نزلت على الكاس كامل دقة وحدة .. ريقها نششششف و قلبها كيضررررب ..

بدات تدوي مع راسها و كتشوف ف عينيه مخترقينهاااا .. محيدش عينيه عليها ..

رجعت شعرها ورا وذنيها .. و زاد تسلل الخوف لذاتها و سرا ف عروووقهاااا

قيس رجع جلس بنفس الوضعية و

كينفث الدخان من فمووو :

يالاه دوي .. قولي دوك زوج كلمات لي جيتي و تعذبتي هاذ المسافة كلها على قبلهم ..

عيشة حنحنت .. و بدات تفكر وتألف ف راسها طبعاااا مغتقدرش تقول داكشي

لي كانت جات على قبلو حيت غايشد روحها و يلوحها فهاذ الخلاااا :

احم لي بغيت نقول .. امم احم

هو عافاك متجبدنيش فداكشي لي وقع ..

حيت مزالي كنطل عليها ف الحبس و مابغيتش تعرف بلي راني بيعت بيها ..

تبسم شويا تا صغارو عينيه : تؤ تؤ ماشي هاذشي لي كنتي غاتقولي ! علاش سحبتيه ؟

عيشة صافي كرمات فيها الخرية : ل لا ماسحبت والو .. غير كيبان ليك ..

قيس تقاد ف الجلسة و ورما الgارو ف طفاية كيطفيه بصبعو مورك عليه : عيييييشة .. عيييييشة .. واش كطنزي علياااا !

هي : ك كيفاش !! لا م مكنطنز ما و والو ..

قيس : اوكي .. نقولك انا علاش جيتي ؟

هي حركت عينيها بزربة .. ع علاش !

قيس .. ببساطة جيتي تهدديني ..

ورجع تكا على الكرسي ..

هاذشي علاش جيتي ..

حست بلي غلطااااات بزاااااف منين جات ..

فهمت بلي كان عاااايق بيها من

اللول و كان غير كيسايس فيهاا ..

بحال شي بنية صغيرة ..

قيس : و نزيد نقولك علاش تراجعتي !

عيشة : لا رد غا كتبحلق ب عينيها ..

قيس .. حيت عرفتي بلي هاذ اللعب كبيييير عليك .. شفتي شحال قادر انا لي نخلق ليك تهديد بلا ما نهددك فعلا ؟

هنا كاين الفرق .. هو صراحة عااادي it's normal <حك ذقنو>

انا فايتك فهاذ الضومين بشي

الف سنة ضوئية..

و نتي عاد باغا تقولي باسم الله ..

عيشة بلعت ريقها لي تسمع .. و بقات كتفرك ف يديها تا عرقووو .. احم سمعني عافاك .. اضطريت نفكر هاكاك .. حيت محتاجة الفلوس بزااااااف .. غير لي عطيتيني راه قاااادني .. لي عطيتيني .. محتاااااجة لفلوس بزاااااف كنقسم ليك ..

ضحك قيس : و لكن علاااااش أ عييييشة شنو لي غايخليني نعطيك هاذ الفلوس !!

واش عند بالك غير كنفرق ف فلوسي ؟ و ساخي بيهم .. نووو مزال ماوصلت لهاذ السطاج ..

بقات كتفكرررر .. ن ندير اي حاجة بغيتيها لي طلبتي مني نديروووو لي طلبتييي .. أي حاجة فبالك نديرها ..

هنا هي عقلها كان موووسخ .. و قصدات تعطيه ي****

قيس كيحرك يدو على لحيتو : ممممم لي قلت ؟ زعما غاتقدي بهضرتك ؟ متأكدة ؟

عيشة .. و ألف متأكدة ..

قيس : اوكي .. نقول دابا ؟ و لا تاتشدي شيك ؟

عيشة لمعووو عوينااااتها : شحال أ تعطيني ب بعدا !

قيس : 5 المليون ..

وسعت عينيها بذهووول و مقااااداااها فررررحة .. : ببصصصصصااااح ؟

قيس جبد شيك كتب المبلغ و مدو ليها من بعد ما وقع .. شداتو ف يديها و مقدرتش تكبح ابتسامتها .. خشات الورقة ف جيب د الصاك و رجعت طمنت عليها بخوووف عاد سدت سنسلة ..

يشة بحماااس و كتسنا يقولها تولي تنعسي معايا و لا شي لعبة بحال هاكا : شنووو المطلوب مني ؟

قيس : هاذ الجملة كتعجبني ..

قيس : المطلوب منك أ عيشة ..

غاتمشي غدا تزوري ريماس ..

و غاتعتارفي ليها بلي نتي لي نطقتي ليا سميتها ..

عيشة بحالا تخوا عليها شي

سطل د الما بارد مثلللللج .. وسعت عينيها بصدمة :

ك كيفااااااااش !!

قيس .. كي سمعتي بوذنيك

و غاتخلي لابيل دايزا

ف تيليفونك باش نسمع

كولشي من A تال Z ..

و غاتقولي ليها بلي على قبل الفلوس لي عطيتك بعتيها .. اوكي !!

عيشة تصدماااات و جاتها دوووخة عينيها بقاو غير كيضورو ..

ل لااا لااا م منقدرررش .. م منقدرررش .. نقدر نعرف علاااااش هاذشي

بالضبط لأشنو باااااغي توصل ؟ ص صعيييبا علياااا .. م منقدررش .. منقدررررش ..

م ميمكننننش ..

قيس : سي أتقدرررري .. و إلا غاتردي ليااااا شيك دابا .. و مضوريييييش بسااااحتي من بعددددد .. "زاااد ورررك على سنانو بصوت كيشبه ل فحيح الأفعى"

خيالك منشوووووفوش ..

و إلى ززززغبك الله و خررررجتي ف طريقي

غير بالغللللط ..

غاااااتررررحمي على روحك و على عائلتككك ..

سوو شنو باااان ليك !

عيشة دارت بيها دنياااا .. صعيب بزاااااف تعترف كيفاش غاتشوفهااااا ريماس

.. كيفاش غاتعاااااملها .. كيفاش

غاتبان قدامهاااا ..

و فنفس الوقت ديك خمسا د المليون قاضيا ليها بزااااف ..

و محتااااااجاها حيت مابقا عندهاااا تاااا سنتيم واحد ..

نطقت من بببعد تفكيييير : و واخا ص صافي ..

قيس صفق بشويا : بغاااافو .. دابا دويتي ..

وقف و تا هي جمعت الوقفة ..

تقابل معاها كانت كتبان

كي شي نملة قدامو بطولتو و هيبتو ..

زاد قرب تا وتررررهاااا ..

و دوز يدو الخشنة على شعررهاا

و محيدو من على عينيها و هي

كتشوف ف شنايفو الحمرييين .. و سنانو لي كيلمعووو بالبيوضا و مستفين ..

قرباااات تسخف .. ريحتو تسللت لنيفها و سطااااتها .. و قلبهااا كيفرفررررر ..

قيس بصوت باح و هو مركز

على وجهها و يدو مزالا فشعرها :

متحاولييييش تلعبي علياااااااا مررررة اخرى اووك ؟

خليك كااااتسمعي الهضرة

باش نبقاو زوينين هااااكا .. اوك !

هي حركت راسها ب اه بلا هواااهاااا ..

و قربت لفمو بغات تلاح عليه

تبووسو مابقااااتش صبراااات

فزgت سليبها و مزال كاعما قاس

فيها قررربت كثررر و هو يبعد ..

وسعت عينيها شويا .. مرضااااتش

.. بانت غاتموووت فيه ..

سبقها و هي تابعاه و محملاااااش راااااسها .. دخل للطوموبيل و ركبت تا هي ..

قيس دار صمطة و رجع شغل اغنية اسبانية ل Enrique د Hero ..

بقا كيدندن معاها

و كيحرك يدو فوق الفولون رااااشقاااا لييييه..

كيغني بصوت عالي تاقن اللكنة الإسبانية و مستمتع ..

مخرج يدو من زاج .. و مرة مرة كيدور يشوف فيها بزك عين و يغمزهاااا مستمتع بهاذ اللعبة

فاقت ريماس من نعاسها .. نعسات بزاااااف

.. فافت دايخاااا و عينيها واااارمين و منفوووخين ..

و جاها الرواااح و الحلاااقم .. تقول هوما لي ناااااقصينها نيت ..

بانت ليها سارة جايا ..

تقادات ريماس فبلاصتها و جمعت شعرها الطويل لفوووق شفنجة ..

سارة جلست حداها : حبيبتي شويااا ؟ باش كتحسي دابااا !

ريماس نطقت بصوت بااااااح ديال بصح و ضعيييييف : ش شويا و صافي ..

سارة : ويييلي مااااال صوتك ؟ و نيييفك حمرررر !

ريماس : غايكون غيرر رواح و الحلاقم تنحسهم وارمين ..

سارة .. تسناااااي هانا جايا ..

مشات دارت ليها شي عشوب و خوات عليهم ما سخون .. و جابتهم ليها ف كاس .. شدي شربي

ذاقت من ريماس و هي تسيف وجهها من المذاق :

يععع مرررر هااااذشي أ صاحبتي

سارة ضحكت ... شربي شربي فششتك بزاااف ههه شربي و نتي درتي كي شي درية صغيرة غاتشرب دوااا

.. شربيه راه الحلاقم خايبين و كايديرو السخانة و التبوريشة سهلتيهم ! ..

و يجبدو تا صداع ف الوذنين ..

ريماس شرباتو بزز نازل مررر مع حلقها و لكن صبرت

و بقات ساكتة شحاااال

عاد نطقت و عينيها وارمين .. شكراااا سارة ..

طبطبت على كتفها .. شكرا مابيناتناش ..

كوني غير بخير و توووgضي شويااا ..

ونتي وجههك صفررر نوجد ليك شي حاجة تاكليها ؟

ريماس : لاااا و الله معندي نفففس لشي حااااجة ..

عرفتي كنفكر دابا غايكون مهدي مسكييين واحل مع دوى و تكاليف د صبيطااار .. خصني نتصل ضروري ب عيشة تعاونو واخا غير تسلفهم ليه ..

سارة : شكون هاذ عيشة ؟

ريماس : صاحبتي .. من شي خمس سنين و كثررر .. ضريفة الله اعمرها دار ..

سارة : تيليفون نقدر نضبرو ليك فيه حافظا الرقم ياك ؟

ريماس تنهدت و ضررربت جبهتهااا : تفوووو محاااافظااااش نمرتهاااااا .. خسااااااارااا ..

اوووووف على زهرررر ..

ساررة : صافي صااافي غانلقاو شي حل متخافيش ..

ريماس : ان شاء الله ..

بقاو جالسين و مجمعين

____________________

كان مهدي كيصاوب العشا .. خرج و لقا باه سالا الصلاة .. الله اقبل أ با

يوسف : آمين يااااربي .. و ولدي ش شد فيا نرجع ل لبلاصتي ..

شد فيه مهدي تا ستواه ف بلاصتو ..

ريماس واش غاتزيد طووول ف السفرررر أ ولدي ؟

مهدي .. اه اه .. قاتلي مزال غاتطول ..

يوسف : عافا ولدي ع عيط ليها و دوزها لياااا نسمع صوتها الله ارضي علييييك ..

مهدي .. واخا أ با متخافش .. دابا ماعنديش صولد غدا نشارجي و نعيطو ليها ..

جاب مهدي العشا حطو .. و كلاو .. مهدي كياكل غير بزز .. ضرو راسو كيفكر كيفاش غايقولها ليه و هو أصلا مصدوووم..

تعشاو و غسل مهدي لماعن .. و مشا تكا ف بلاصتها .. من بعدا ما غطا باه ..

مهدي جابتو الفيقة مع 8 .. ناض نيشان ل فين كينعس باه ..

مالقاهش الفراش مطوي و المخدة طايحا ..

هز حاجب معجججب ..

مشا بزربة لطواليط دق المرة لللولة : بااا .. نتااا هنااااا .. الوااااليد ..

لااا رد .. دفع الباب حالو .. مالقاهش .. تصدم .. فين غااااتمشي فيييييين ..

الله يااااربي .. اش هاذ الصباح د المررررض ..

وعى اشنو قال و هو يردد بلسانو : استغفر الله العظيم .. استغفر الله العظيم ..

هز سوارتو و لبس سروالو فوق الميني و تيشورت فلبيض ..

بزربة خشا كلاكيطة فرجليه ..

و خرج بزربة سد وراه الباب ..

لقا الدرب خاوي شويا حيت يالاه 8 د الصباح هاذي كوووولشي خاااامر ..

و جالس واحد البرهوش فوق واحد الحجرة قدام الدار شاد كرة فيديه ..

قرب جيهتو و هو لايح عينيه

كيقلب ليبان ليه فشي قنت

: عصااام مشفتيه باااا داز من هناااا لااا ؟

حرك راسو ب اه و كان محيد سنة الفوق

.. و هضرتو ممقاداش كدير الضحك

: يالاه ثخرني عمو يوثف عند

موحماد مول حانوث .. جبث ليه قرعة د الما .. و مثشا ..

مهدي صاط بفمو : اهاااه و ماشفتيييش منين دااااز ؟؟

البرهوش شير بصبعو : من هناااا ..

مشا مهدي كيجرري فين شير ليه عصام

و كل مرة يتلفت كيقلللب ب عينيه

وااالووو حس باااااه مكاااااينش كاع

ما خلااااا شي طريق مادااااز منهاااا

لي لقاااااه يسولوووو واااالووو

مكااااينش صافي عياااا و رجع

كيقطرررر بالعرررق بجرررى ..

وقف كيجمع ف انفاسو و حاط

يديه على خصرو مسند ظهرو للحيط ..

تا بانت ليه واحد الكليكلة ديال

دراري ولاد دربهم دايزين معندوش معاهم بزااااف ..

وقفو سلمو عليه و واحد منهم كان صاحبو روح بروح و من

نهار تشدات ريماس ف الحبس و هو يقلب عليه فمرة حيت كان غير كيضيع

الوقت معاه و البليا و طريق ممسلكاش من اللخر .. قرب جيهتو مصطفى

: أ فييين أ سااااط هاني

مهدي : ما هااااني مااا مامقووود

هاذ الساعة

مصطفى : أ مااالك أ صاحبي ؟ اش واااقع ؟

مهدي : فقت و مالقيتش الواليد ف الدار .. معرفت فين خررررج .. و مابقاش كيشوف راك عارف ..

.. خفت غير لااطرااا ليه شي موصيبة داااباا "دوز يدو على وجههو تا رجع حمرررر"..

مصطفى : وااا متخااافش أ ساااط دااااابا يبان غايكون قنط من الجلسة و مشا يسرح رجليه شوياااا ..

مهدي .. لاا لااا ممولفش يخرج كاع

و ايلا بغا يخرج كيعلمني باش نخرجووو .. واش عرفتي اشناهيا مكيشوووفش

.. "تنهد و كارز على قبضة يديه"

ماشي بعيد ضربو شي طوموبيل فشانطي و لا يطيح فشي بلاصة ..

ماهاز لا تيليفون لا تااا ق**** ..

<زدددح رجلو مع واحد صخرة حداه بقووووة و كشاشكو خارجين>

مصطفى : برررد بررررد ا صاحبي و نوض نوض نقلبو عليه ..

شاف ف الكليكة و شير بيديه : هييييه درااااري ..

عمي يوسف موضر قلبو عليه

أ دراري راه تالف فشي بلاصة يمكن .. قلبوووو أ درااااري برجووولة و لي لقاه يعيط ليا ف تيليفون صاااافي ؟

كلشي تفرق و مشاو كيقلبو و مصطفى

بقا مع مهدي مرافقو ..

خيطو كااااع دروووبااا و زنااااقي .. و بداو كيخرجووو للشارع ..

و واااالو مكاينش حسووو ..

تقول انشقت الأرض و بلعاتو

عند يوسف ..

كان كيتمشى بشويااااا بخطوات

ثابتة و رزيينة ..

شاد عكازو ف يديه و كيحركو

ف الهوى لتكون شي عقبة و لا شي صخررة ..

و كيتمشا غير خطيوة خطيوة ..

هاز على كتفو صاكادو صغير

و شاد فيدو قرعة صغيرة د الما ..

كل شوية يوقف و يريق منها ..

غير حس بلي راه تلف و هو يسمع شي

صوت حداه و مشا جيهتو تا وقف

على واحد دري لي مدهوش شويا : ع عافاك .. و ولدي .. تقدر تقولي فين هنا !

الولد فهم بلي راه مكيشوفش .. عمي نتا دابا راك ف (...) ..

كحكح يوسف و حط يدو على صدروو : الله ارضي عليك أ ولدددي فين بقات المقبرة راني تلفت !

الولد : مزالا القدام أ عمي مبعيداش بزاااف ..

يوسف : واخا أ ولدي الله ينوررر طريقك

تمشا غادي بشويااا .. و الولد متبع ليه

العين كان موراه كيتمشى

تا دارت فراسو شي حاجة و مشا بزربة شد ف ذراعو لاوي يدو عليها : عمي انا انووووصلك .. راك ف طريقي نيت ..

يوسف تبسم : سير الله انجججحك .. و ارضي عليك .. ياااااربي ..

الولد : آمييين ..

آاااااميييين ..

بقا غادي شاد فذراعو .. حتا وصلو للمقبرة ..

شكرو يوسف بزاااف و دعا معاه

بصدددق عاد دخل ..

كيتمشا بشويا ..

قرا الدعاء ف مقدمة الباب ..

عاد دخل .. كان حافظ الطريق بحالا محفورة داخل قلبو ماشي أول و لا ثاني مرة ..

تمشا مطول عاد دار و رجع طول شويا

.. تا وصل للقبر .. زاد قررررب .. كيتلمس بعكازو تا حس بواحد صخرة لي كان كيجلس عليها ديما و جلس فوقها و نطق ..

السلام عليكم ..

هز يديه قرا عليها القرآن و رش المااا من القرعة .. ختم بالدعاء .. عاد سكت و عينيه مغرغرين بالدموع ..

كيمرر يدو على تراب و يكمشو بيديه

حتا يفلت بين صباعووو مخلي

آثار غبرا حمراااا ف يديه لي بيضين ..

آاااااه يااا حوورية .. يمتا يوفى أجلي .. و يحطولي قبري حداااك .. مابقيتش قاد نزيد نصبررر .. ماااابقييييتش قاد على فرااااقك .. مابقييييتش

"لاح العكاز ف الأرض و استرسل" ماصدقتش كيف تمنيتيني .. ماوفيتش بوووعدي أ حورية

.. نكثث بالوعد لي عطيتك و نتي على فراش الموت ..

و هنا "حط يدو على قلبو" هنا كيتحررررق .. كيتحرررق و كيتشواااا نهار على نهار

كيفاش نقدر نعيش و نتي هناااا بعييييدة ..

و ر ريماس .. بنتناااا .. محبوساااا ..

"نزلو دموعو على خدو لي عامر تجاعيد"

كيف كيفاش نقدر نستحمل ! دوي معايا أ حورية كيفااااااش نقدر نجلس هاكاااا و يدي مكتفييييين ..

بنتنا ضاعت ف شبابها بين الحييوووط ..

لا حنين لا رحييييم ..

قولي شي حااااااجة هءهءهءه أهئ اهىىىىئ ..

قوووولي أ حووورية متسكتييييش ..

هءهءهءهءه ع ع عاااارف شحال مقلقة علياااا دابا

مكنلووومكش .. م مكنلووومكش ..

انا لي مردييييتش ليهم البال

.. مر ممرضت .. و غدراتني الصحة .. و خليتهم كيتكرفصو ..

كيتقاتلو مع الدنيا فهاذ السن الصغير

و انا غير كنشوف فيهم ..

كنشوف و مقادر ندير والو

زايدهم بالدوا و الماكلة و الصير و مكرررفصهم ..

م مهدي ولدنا تبدل .. م مابقاش ط طااايش .. تهدددن ..و لكن قلبو كيتقطع على ختووو

"هز عينيه لي عامرين بالدموع

كيشوف ف السما لي زرقاااااا و لونها صاااافي و السحاب قليييل للأسف مقدرش يشوفها هاذ المرة"

آااااه يااااربي خودني لعندددك .. خوووودني لعندك و هنيني من هاذ العذااااب ..

تحنا كيبكي و كيخرج صوتو متقطع ب نحيييب .. و جبد صاكادو ..

كيتلمس بيديه حتا حلو و جبد منو الورد .. كان ذابل شويا ..

جبدهم و حطهم فوق التراب موزززعهم ..

جبت ليك الورد لي كيعجبك .. هااا هو ..

خديتو انا و ريماس بنتنا ..

د دابا ذبل ..

ذبل كي ذبلت حتا انا ..

" تحنا شويااا و تكا معنق التراب بيديه و دموع غير كيسيييلو من عينيه"

بقا شحال و هو على ديك الحالة عاد ناض

.. هز عكازو و خرج كيتمشا ..

هاذ المرة مخايفش ليعثر ..

و لا يتلهمص بعكازو ..

🔥🔥🔥🔥🔥🔥🔥🔥

غير كيتمشا .. لوجهة مجهولة

.. كيسمع صوت ناس كيتخطاوه .. و الهضرة مخلطة .. و صوت طوموبيلات و الكلاكسون ديالهوم .. حتا وقف شادو شي

حد من ذراعو بقووووة ..

يوسف كيضور فراسو و هز يدو

كيتلمس اليد لي شداتو بخوف : ش ش شكووون هناااا ! شكوووون

كان مهدي .. و مصطفى هو لي قشعو من بعيد و نغز مهدي باش يلحقو عليه بسرعة ..

مهدي كينهج : حراااااام عليك أ بااااا فين م مشيتي و خلعتييييني قلبي غااااايسككككت .. حراااااام عللييييك ..

يوسف : ش شكون نتا ! ب بعدددد ي

يدك بعدهاااا عليااااا ..

مصطفى تصدم : عمي يوسف قول استغفر الله العظيم هذا ولدك مهدي ..

شدو و كرز على ذراعو و

العرق نازل قطرة قطرة :

بااااااا انا مهدي ولدك واش غاتحمقني ؟ هاااا ؟ .. يااالاه يالاااااه انديك للدار .. يالاه أ باااا بلااا عناااااد ..

يوسف يبس فبلاصتوو مورك برجليه ماباغيش يزيد خطوة :

لاااا .. أ طلللق طللق مني .. معر فتكش .. أ طلق مني .. ب بعددد عليا خليني نم شي بحاااالي ..

مهدي مسح وجههو من العرق و بنفاذ صبر .. جاااروو من يديه بزز عليه ..

ضور وجههو لعند مصطفى كيحاول يزرب بالكلمات :

الله احفظك أ خاي مصطفى شكراااا .. و سمحليا على هاذ التسخسيخة لي درت ليك نتا و دراري .. نهار تبغيني اجي مرحبا للدار على راس و العين ..

مصطفى : الله اودي .. يوسف راه بحال با .. تهلااا فيه ..

عمي يوسف الله اعاون .. و الله اشافيك ..

مشا مصطفى كمل طريقو ..

و بقا مهدي جار يباه لي عكككس ف طريق .. تا وصلو للدار غير بالكشايف ..

غير دخل و هو يغووووت مهدي فارع دار بصوتو :

وااااااش تسطيتي ؟ هاااااا ؟ واااااش بااااغي تخررررج ليا العقل ؟

وااااش أ عبااااد الله خارج مع 8

د صبااااح و ماكتشووووف تا

لعبة كوووون خرج فيك شي مووطووور و لا شي طوموبيل ؟ فيننن

غانصدقوووو فييييين غير قوووولياااا؟

واااااش انا غانبقاااا غير تاااابعك من هناااا ل هنااااا ؟ بحالا لاعبين كاشكاش ؟

دااابا تعطلت على السيد و

انا لبارح مواعدو نتلاقاو

ف 8 و نص و شوف دابا ل 10 هاذي شنو غاااانقوووول ليه أااا ؟

تضرب ليا البريكول ف زيرووو ينعللل *****

تنهد مهدي معصصصصصب

حابس المسبات د

الدنيا كلها ف طرف لسانو مابغاش يتمادى كثرررر .. بقا كيدور فواحد الدائرة و جنون كيشطحو فوق راسو ..

و يوسف غير جالس فوق

سداري مكمش و سااااكت .. حتا نطق :

ما مابقيتش بغيت نجلس هنا .. د ديني ل دار العجزة و هن هنيني بغيت نبقا تما بوحدي

مهدي قهقه حيت صافي مابقا

عرف اش يقول وجه صبعو لصدرو : هيا دابا انا مسخوط الواليدين ياك أ الواليد ؟

ضرب واحد الطبسيل تا تشتت

ف الأرض و رجع كولو فتات ..

و خرج من دار و سورت عليه ..

مشا نيشان عند مصطفى لبلاصتهم

.. شد جوان و بدا كيتكيف عاود ..

رجع للبلية .

. حس بشي عرق غايتقطع فراسو لمكماش مغاديش يتكالما و ايصدق داير شي مصيبة مقوووودة .. صافي مابقاش صااااابر لهاذ الخرا ..

دازت صيمانة ..

كل مرة هارب ليه باه لشي بلاصة و لا شي قنت يعيا يقلللللب

عليه ف الدروبا و يتخرطط ف القنات .. و لا يوسف كيدخل و يخرج ف الهضرة مابقاش كيشررب الدوا ديالة عمدااا ..

حيت كيقول فراسو كيكلف ولدو بزاف د الفلوس .. و ضعااااف و لا غير كميشة ..

الحنوك دخلو فمرة و تحت العينين هالات كبااار منفوخين و اللحية كبرااات ..

الماكلة مكيذوووقهاااش

بحالا كيعاااقب راسوو بهاذشي

كان كيتألم و لكن تاحد مقادر

يحس باش كيحس هو بالضبط

داكشي علاش ختار يدير هاكا يعاقب راسو باش ينسى الألم و لكن غير ماكايزيد يتضاعف ..

تال واحد الليلة كانت شتاااا

خيط من السما و خيط من الأرض و رعدددد الزناقي محبوسين بالميمان

و لي عندو شي باب مطرقو عليه .. جا مهدي ل حدا باه .. باسلو راسو و جلس حداه حسو مهدن ليوما بعدا على غير العادة

: كي بقيتي ليا أ با شويا !

يوسف : الحمد لله .. درتي القلع لشبيك د شرراجم ليدخل علينا الما ؟

مهدي : اه درتو .. "تقاد شويا حتا جبد شي حاجة من جيبو" با ارا ليا يديك ..

يوسف مد يدو و دار ليه مهدي

واحد الgورميط د نقرة مكتوب فيها نمرة ديال تيليفونو باش لتوضر عاود

شي مرة لقدر الله ...و لقاه شي حد يعيط ليه .. هاذ الفكرة اقترحها عليه

طبيب لي كيعطيه الدوا .. زير ليه الكورميط و سدو ..

يوسف كيتحسس يدو : ش شنو هاذشي ف يدي ؟

مهدي : شريت ليك gورميط .. زوين خليه ف يديك ..

يوسف كيمس الاكسسوار لي فيديه بفضول : ح حيد لي ليا هاذشي .. حي حيدو كايخنق ..

مهدي .. وا غير خليه أ با عافاك .. مدار ليك والو .. جاك زوين خليه على قبلي ..

كليتي شي حاجة بعدا ؟ و لا نطيب ليك العشا ..

يوسف : ب بغيت نعس ..

تكا فبلاصتو .. شويا رجع ناض و نطق .. مهدي ..

و ولدي ..

مهدي شاف ف باه : نعام أ با خاصاك شي حاجة نجيبها ليك ؟

نطق بصوت ضعيف و يديه كيرجفو كي العادة و مكيقدرش يسيطر عليهم .. اجي نعنقك أ ولدي اجي ..

مهدي تعجب من طلبو .. قرب لحدا باه و عنقوو .. بقا مهدي كيطبطب على

ظهر باه و دماغو ماهانيش لهاذ الطلب الغريب .. مالك أ با ؟ ياكما ضراتك شي حاجة ؟ نديك لطبيب .. !

يوسف .. : ل لا .. انا ب بخير أ ولدي .. س سمحليا عذبتك معايا .. سمحليا أ ولدي ..

مهدي هز يديه باسهم : صداعك راحة انا لي سمحليا .. حيت كنتعصب

و نبدا نغوت مكنكونش قاصد أ با .. عرفتيني انا غير حمار مكيتحكمش فراسو ..

و لكن كيبقا فيا الحال من بعد ..

رجع كيبوس فيديه : نتا لي عندي .. معنديش من غيرك ..

يوسف : دي ديني نشوف ريماس ف الحبس .. تو توحشت بنتي ..

مهدي تصدم .. طول هاذ المدة و هو عند بالو باه مزال مصدوم .. سكت ماقال

والو مابغاش يكثر عليه ف الأسئلة ..

و واخا غانديك غدا ..

صبح صباح جديد .. فاقت ريماس عياااااناااا .. دوشت ف طواليت .. و خرجت لعندهم

.. فطرت مع سارة و شي عيالات ..

بقات غير جالسة كتخمم و تفكر ..

حتا دخلت الشرطية :

ريماااااس اليووووسفي عندك زيااااارة ..

تعجبت شكون غايكون جا عندها غير لبارح جا خوها وقفت لبست صندالتها فرجليها : عافاك تشكون لي جا ؟

الشرطية : وحدة سميتها عائشة ..

ريماس ضحكت و شافت ف سارة : الحمدلله ربي معذبنيييش ..

سارة تبسمت : الحمد لله سيري يالاه ..

خرجت ريماس شادا فيها شرطية تا وصلتها .. بانت ليها عيشة جالسة فوق الكرسي

.. و حاطا صاكها فوق طبلة لابسة مزياااان و مقاااادة الحالة .. ماشي كي كانت شحال هذا تبدلات على قبل ..

دايرا رجل فوق رجل و كتلعب بطراف شعرها لي رجعت صبغتو و دارتلو ليميش ..

قربت حداها و عينيها مبتسمين : عيييشة ختييييي ..

ناضت عيشة وقفت بلعت ريقها و عنقت صااااحبتها ..

ريماس عنقاااتهاااا بدورها تا هي و بقوووووة .. عاد جلسو .. و كولشي كيتسمع ل قيس كانت حاطا تيليفون

ف وسط صاك لي فوق طبلة ..

ريماس شدت فيديها : انتي بخير ؟ داركم صافا اش كتعاود خالتي حبيبة ؟

عيشة متوترة و يديها عرقانين : بخير .. كلشي بخير ..

ريماس : الحمدلله ياربي .. فراسك توحشتك .. توحشت الهضرا معاك .. تفكرت اش دوزنااا .. "شدت فيدها" بلاصتك متعوضش .. عيشة شكراااااا.. حيت جيتي طليتي عليا فواحد اللحظة قلت موحال تفكريني مزااااال ..

بقات عيشة ملتزمة الصمت و وجهها شاحب منو اللون : انت بخير بعدا ! مزيان !

ريماس بصوت باح : شويا و صافي .. بزز مني نولف هنا .. جا مهدي طل عليا البارح و جابليا خبار نغساتني .. ليل كامل مشفتش نعاس و لا ذقتو ..

عيشة : وااااضح من عينيك وارمين بزااااااف ..

شنووو طراااا ؟ ياك لاباااااس !

ريماس بصوت باكي شويا :

باباااا فقد الشوف أ عيشة ..

مابقاش كيشوف طلع ليه الطونسيو بزااااف .. هو السبب .. و حتا انا ..

من الفقصة ديالي مسكين بابا هءهءهءهءهء .. يااااربي تصبرني و صااااافي يااااربي .. "زيرت على يديها"

عيشة ختتتي الله انورررررك و اعطيك ماتمنيتي ف خاطرك .. سيري طلي

عليه شوفيه كي بقا و شوفي غير واش خصاهم شي حاجة .. و ايلا معندوش دوا سلفي ل مهدي راه غير يتخلص و يردهم ليك ..

لقا خديما ف المارشي و الله تايرضهم ليك أ ختي و منين ..

عيشة قاطعتها : ششششت ماتقوليش هاكاك .. غير كوني هانية ..

ريماس : شوووووكراااا أ عيشة .. مغنساش ليك هاذ الخير ..

عيشة بقات سااااهيااا كتفكررر..

ريماس حركاتها من يديها : مالك أ عيشة حسيتك فحالا بغيتي تقولي شي حاجة من قبيلا

بقات غير كتنهد و تحك جبهتها .. و ترجع تزفرررررر .. مقدرااااااتش .. و لكن كتفكر بلي غاااتقوووودها مع قيس .. دياااال بصح و هي مزال باغاه و محتاجااااااه .. سكتت عاد نطقت : ريماااااس ..

وي مالك أ عيشة ؟

هي شافت فيها : خصني نقولك واحد الحاجة ضروري ..

ريماس : قولي الله اسمعنا خبار الخير

سكتت عيشة شحاااال و قلبها كيضررررررب .. شنايفها مقدروش يتحركو و ينطقو خلااااص .. ريماس كتشوف بفضول

معرفت شنو خافت غير

تسمع شي خبار خاااايبا عاود و بقات كتمعص ف ص باعها..

و ف آخر لحظة غاتنطق عيشة ..

صونا تيليفونها و كان قيس .. هزاتو و هي تصدم .. مفهمت والو .. دوزت لابيل بزربة و قلبها كيضرررررررب .. الووو وي

قيس : صافي ماغاتقولي ليها واااالو .. سمعتتتي ؟ بدلت الخطة ..

و قطع عليها .. جات وقفت عليها الشرطية : الهاتف ممنوع أ آنسة ..

عيشة تنهدات تنهيدة طويييييلة و رداتو للصاك : واخا سمحيليا ..

ريماس : عيشة مالك شنو واقع ..قلبي غايسكت ليا و الله ..

بقات كتفكر فشي كذبة تخرج بيها دابا .. سكتت كترد شعرها ورا وذنيها عاد نطقت :

انا قريب انتزوج

ريماس عينيها الخضرين ضحكو و لمعو حتا صغارو .. و تبسمت تا بانو سنيناتها : مبررووووك أ ختي مبرروووك الله اكمل عليك بالخير ياربي ..

فررررحت ليك و الله .. شي حد كنعرفوو ؟

عيشة : لا لا .. واحد تعرفت عليه غير صدفة .. ميسور و لاباس عليه ..

ولد الناس و بغاني لحلال .. و عرض عليا الزواج و قلت

حتا نفكر معرفتش ترددت شويا ..

ريماس : ههه و علاش ترددي يا الهبيلة ؟ زواج سترة و زوين ..

ايلا ارتاحيتي ليه توكلي على الله .. و ما غايكون غير الخير ان شاء الله ..

عيشة : ان شاء الله ياربي ..

تسالات الزيارة و تعانقو و تسالمو .. عاد دخلات ريماس .. فرحانة و لكن حست بشي حاجة ضيقت عليها ..

دخلت و جلست جنب سارة : أ مدرا قلتي ليها على باباك ؟

ريماس : اه قلتها ليها .. وصيتها غير طل عليهم و ايلا خصو دوا تشريه ليه حتا يخدم مهدي و يرضهم ليها ..

عرفتي هاذ صاحبتي عيشة .. قريب غاتزوج .. قالتها لي غير دابا ..

سارة : الله اكمل عليها بالخير ..

ريماس بقات شاردة ب عينيها : آمين ياربي ..

سارة حست بيها ماشي هي هاذيك : مالك ؟

يماس : معرفتش .. ماشي حسدتها حيت اتزوج و غاتبدا حياة جديدة مع راجلها ..

غير كنشوف راسي انتحرم من شحال من حاجة .. كون مدخلتش للحبس ..

تا انا كنت واحد نهار انتلقا بشي ولد ناس و نتزوج بيه و نولد وليداتي ..

و نعيش معايا بابا و حتا مهدي .. و نكونو عائلة كبييييرة و فرحااااانة ..

سارة شدت فيديها : متخاااافيش ... كولشي كيتحقق بإذن الله أ ختي ..

نساي عليك هاذ الأفكار .. و اجي نشوفك واش عاقلة على شي حاجة من آخر درس و لا والو ..

جبدت المذكرة و بدات تراجع معاها

قيس جالس ف دارو شاد كاس

د الويسكي فيديه ..

و مقابل مع الباب د زاج الكبيييير لي كيبين الجردة ..

مراقب الشتا و هي كطيح و

كضرب شي مرات على زاج و تفزgو ..

شويا هز عينيه جيهة الساعة

الحائطية لي مصممة بشكل راقي .. و غير ضربت الطناش د الليل و هو يتسمع بحال صوت شي جرس ..

تبسم بين سنانو ب خبث .. و شي حاجة ف عينيه الرماديين كتبعث على ريحة الشررر ..

جبد تيليفونو من جيب د سروال .. ركب رقم و دوز المكالمة .. غير تستقبلات

و هو ينطق بصوت باح شويا :

هذا هو الوقت .. نتمنى تديري خدمتك كيف وصيتك بالحرف ..

...... : واخا أ سيدي كون هاني

قبل ميقطع نطق بحالا مفكر شي حاجة : اه نسيت .. ايلا تاحت الفرصة صوري نشوف .. و سيفطيها تو دو سويت ..

..... : واخا سيدي

قطع .. و تمشا جيهة زاج لي مضبب ب الما .. عينيه كيتبسمو بلذة رهيييييبة .. حرك صبعو كيكتب حروف بشكل عشوائي .. منين ركز لقاها R I M A S

تسمع ليه صوت دقان .. دور وجههو معجب

.. شاف سمية لقاها تمسحات بلما د شتا .. و رجع تمشا كيتمختر بطولتو و

كتافو العراض كيتمايلو ف خط واحد ..

حل الباب بان ليه علي .. لابس مونطو كحل شيك .. و شعرو تبلل الشتا..

اش جاااابك ف هاذ الوقت .. ياكما كنتي كاتحلم بيا أ ز*** ؟

علي دفع قيس و تخطاه : آداب الاستقبال مكتكسبهاش أ زامل ..

دخل نيشان ل صالون العصري ..

تلاح فوق الكنبي الأسود و

مقابل مع الشيميني لي فيه الخشب و شاعلا فيه العافية ..

قيس جلس مقابل معاه و لاح واحد كاب على كتافو : مالك أ ز** غا سااااهي !

علي وسع عينيه شويا حيت فعلا كان شارد : واااالو .. من بعد و نعاود ليك ..

قيس خوا ليه كاس د الويسكي و مدو ليه : نوو .. غير دووووي .. خوي المزيودة "رشف من كاسو و غمز ليه" اش وااااقع !

علي باستياء واضح و حجبانو لي تقوسو بسرعة : هدى .. صافي ضااااااعت من يدي ..

قيس صغر عينيه حتا تلاقاو رموشو : هدددى ؟ شكون هاذي !

علي : كاطنززز عليا ياك ؟

ولا بديتي تسكر من داااابا ..

قيس حك ذقنو : آاااااه اااه ديك فليييفلة ..

صافي هاذشي علااااش مقلق ؟ و مغبن !

"دار ضحكة استهزاء"

علي نشر رجليه فوق طبلة و طلق تنهيدة مورا تنهيدة :

ماااحااااسش بيا .. عمرك جربتي

الحب داكشي علاش .. قلبي راااه كيتشوا

"حط يدو على قلبو" عيييت معاها ب كاع الطرق و والووو هازا نيفها عليا للسما ..

نجوم و نزلتهم ليها من السما .. معرفتش انا شنو غاندير معاها معرفتش .. آ

اااااخ اشداني لشي حب ولا قلاوي ..

كنت هاااااني .. و Peaaaace

قيس ضحك بشويا و كيرجع شعرو للور : نتا لي درتيها للكرك .. تستاهل .. لي ماتجيبو المحبة ماتجيبو الحزارة ..

علي تكعد شويا : كيفاش درتها للكري واش انا لخااااطري أ سي نمي ..

معررررفتش اصلا تا اش عجبني فيها .. كيجيو حسن منها ب أللللللف درجة و كنطلعو معاهم ..

مي هي معرفتش .. حرررت حررررت ..

قيس : هاذ هدى و لا خزعبيلة .. حلها ساهل .. غاتبعك كي الكلبة ..

عرض عليها غير لشي صهرة تكون سبيييشل .. و دير شي لييييلة حمرى ..

و أراك الفراجة .. غاتقلب عليها و هي غاتبقى لاسقا ليك ف قزيبتك ..

علي محرك راسو ب لا : نووووو أ صااااحبي هدى بنت دارهم ماشي ديال هاذ الفعاااايل ..

قيس كارز بيدو على الكاس و كيشوف ف علي بنظرة د اش كاتخووووور

: و لاخرات بناااات زززنقة ؟ ياك تا ديك المتحجبة لي سميتها رميساء و لا منعرررف شنووو .. بقيتي تا كليتي ليها دماغها و خليتيها كتهتهت بيك من بعد ما حو***** و قلبتي 7×6

أو لا ؟

علي حنا راسو شويا .. حاس بذذذذذنب.. فعلا لي دوزو مقلييييلش .. كثر من مية بنت مكاين غير الله اعطيك الصحة ..

لي طاحت عينو عليها صافي تسمات ديالو ..

سكت شويا و نطق : زعما هذا هو الحل باش نشدها بين يدي ؟

قيس حرك راسو : سي .. غاتقلب الآية ..

هدى غير صفحة بيضا باين كيفاش كتفكر و هاذ النوع عزيز عليهم شرفهم بزاف .. و تيكونو هازين نيف للسما فداك اللول ..

بالحق نتا عارف مكاين

لاش نقريك أ سي الأستاذ ..

علي ضحك .. و بدا كيسكر .. عطى الويسكي المفعول ديالو حيت قااااصح ..

علي : اهاااه و نتل اشش شنو درتي مع ديك البنت مزال ..

اه ديك البنت ريماس .. سميتها ريماس ياك ؟

قيس : بغيت نسررررع الأحداث شويا .. بديت كنممممل .. و عرفتيني ايلا مليت .. كنخسرهاااا ..

علي : بقات فيا صراحة .. من زهرها العوج طاحت فيك ..

قيس : ايوا هي لي جناااات على راسها .. <زاد رشفة أخرى>

نعس علي من بعد ما هضرو شويا .. بقا ناعس معوج تما .. عيا معاه قيس كيفيق فيه باش يطلع لبيت لفوق .. ساعة والو .. غطاه .. و طلع لفوق لبيتو .. النعاس طار من عينيه

ريماس طار عليها النعاس بقات

غير متكية و حالا عويناتها.. كاتسمع صوت

الشتا القوي .. و قلبها كيددددق و يخفق بسررررعة

معرفتش علاش حسات

بشي حاجة خاااايبا .. و قلبها تزيررررر عليها .. اصلا من صغرها كتكره

الشتا و الرعد كانت غير كاطيح و كاتمشي حدا باباها تخشى فيه و هو يبقى

يلعب ليها ف شعرها حتا تنعس و يرجعها لبلاصتها و يغطيها غير تفكرت

هاذ الذكريات لي رجعو من الماضي الجميل و هي تذرف دمعة سخووونة طاحت على خدها مسحتها بزربة و هي ساكتة ..

رجع تسمع صوت الرعد من جديد ضرررب بقووووة ..

و هي تكمش يديها على الغطا و تسد عويناتها مكمشاهم بخوووف ..

كانت لابسا بيجامة فايتا ركبة شويا لونها كريمي و سامبل فيها صديفات

و مرسوم فيها ميكي و ماوس ف الوسط .. كانت مخفخفة تحت منها غير

سوتيامات و ديباغدوغ و بيكيني.. ممولفاش تلبس بزااااف .. كتخنق ..

حدها مغطيا مزيان جارا الغطا تال كتافها .. حيت طايح السمرررر .. و سارة ف جهة لاخرى .. ناااااعسة تقول ف سابع نومة متتحرررركتش من بلاصتها .. ..

وحدة من سجينات سميتها رحمة من بعد ما دارت البرمة د الما تسخن ..

تمشات شويا و شافت ف ربيعة لي فايقا .. قربت جيهتها كتغمزها و نطقت كتهمس ليها

: سارة نعساااااات .. صافي قدا فيها الدوا بعدا .. البنت مابقاااتش تحرررركت .. نعسة وحدة .. ها مسمار و طرقناه ..

ربيعة كارزا تيليفون على يديها : شحال درتي ليها من حبة بعدا ف الكاس ؟

رحمة : درت جوج حبات مافتهم..

ربيعة هزت يديها بحالا كتندب فوجهها و تولول : اويييييلي يااااويييلي ياك وصيييتك غا نص حبة نووووصي و نعااااااود .. بنت الحراااااام نتي مافيهااااش باغا تخرجي علييينا ياك ؟ نصدقو لا ف ديدي لا حب الملوك ..

رحمة سكتت كتغزز ف صباعها نادمة .. سمحي ليا و الله غا تلفت و صافي ..

زايدون مغايديرو ليها والو غادي تشبع غا نعاس صافي ..

ربيعة سكتت معصبة عاد نطقت : الموهيم سمعيني و عطيني وذنك داااااابا .. ب أي طريقة خاص هاذ الصفريطة تنوووض تكعد من بلاصتها .. باش نديرو خدمتنا ..

رحمة تنات كمامها : انا كوني هانية من جيهتي .. خاص غا تكعد و نتوكل على الله .. و العيالات موجودات

ضحكت ربيعة ب عينيها و بقاو صاقلين عليها ..

ريماس عيات تقلب على هاذ جنب و على هاذ جنب و تقووووول حلف

هاذ النعاس لا دار بيها و لا قرب لساحتها .. تقول غير شي حد موصيه عليها و ديك ناموسية هلكاتها ف عظامها قااااصحة تقول ناعسة على الحجر

حست بالبولة زيررررتها كمشت

رجليها حابساها و هي تنفض الغطا و ناضت .. شعرها مخربق شويا و طايحين شي خصلات على عويناتها الخزيين ..

خشات رجليها ف صندالة و مشات لطواليط لي حالتها الحيووط مهلوكين و مقشرين كانت غير كابينة بلدية ..

قردت تا قدات حاجتها و ناضت سيقت و يالاه غاتخرج و هي تدخل عليها رحمة مخنزررررة و شادا واحد العكسة ..

و صدرها سااابقها .. قداااااشناهو ..

ريماس مفهمت والو معندها فين ترجع للور و الطواليط فيها غا شقمة : عافاك بلاتي ندوز أ خالتي و دخلي ..

رحمة حطت يديها على خصرها : اخوووووي ليك الجناااااب يا الشفاااااارة فالت خالتي قاااالت

يا تريكة السرررررقة .. ماكاااانتش باينا فيك .."طلعتها و نزلتها" محسابليش راك من تررييييكة الجوع

ريماس مقشبلت والو و حست بالخنقة تماك : و واش معايا انا ؟ شرحي ليا كيفاش سرقة ؟ علاياش كتدوي ؟ بلاتي بعدا عافاك .. بلاتي غير نخرجو و نهضرو حرام ندويو فبيت الما ..

رحمة مصبرااااتش تا هاذ المقدمة الخااااوية مبرداااتش ليها الgلب ..

شدتها من شعرها غارسا ظفاااارها ف جلدتها و نزلتها للأرض بزررربة بداك

الجهد لي عندها كانت دايرا كي دوك الكسالات د الحمام طوييييلة و قلدددة ..

ريماس يالاه اتغوت و هوما يدخلو وحدين خرين ..

حسابها غايفكوووها و هي

تصدم جروها من كتافهاااا خرجوها

شويا و سادين ليها فمها بيديهم

كانو شي ثلاثة د العيالات .. و

هي كتغوووووووت ربي لي خلقها و تنطر يديها منهم و والو مزيرررررين على فكهاااا بقوووووة جارييينا بقوووة .. و رجليييها مجروورييين ف الأرض..

.. رحمة شدتها من شعرها مزيراااااا عليه

و صرفقتها بقووووة تا مال حنكهااااا

لجهة لاخرررى و حساتو كيزنززززن

مفهمت والو اشنوووو داااارت ليهم تا يتلمو عليها هاكا و بهاذ الطريقة ..

و هي معندها جههههددد و هوما 4 كل وحدة يااااوحدة .. و واخا هاااكاااك لقااات تفررركل و تنطرررر بيديهااااا ..

تبكي و تفرررركل و تنين بصوتها لي حابسينوووو بيديهم .. و رجعت رحمة هزت البرمة لي فيها شويا د الما و كان البخار طالع منووو سخووووووووون ..

ريماس عقلها غااااايخرررررج كتفرررررركل و تضررررب بيديها و برجلييييييها .. و عينيها عامررررررين بالدموووووع ..

و كتنااااادي : اهىىىئ اهىىىئ ط طلقووووو منييي .. س سا ساااااااارة سااااااارة عاونييييني .. ساااااااارة .. هءهءهءهءههؤه .. ب بعددددو بع بعدوووووو عليااااا هءهءههءهءه ل بعد بعدوووووووو منيييييييي اهئ اهىىىئ اهىىىىئ واععااااا اهىىىىىئ الله باااااخد فيكم الحق .. الله يااااااخد فيكم الحق اهىىىىئ اهىىىئ ... الله ي ياخد فيكم ال الح ق اهىىئ اهىىئ

غير شافت رحمة هازا البرمة و جايا جيهتهاااااا و هي طللللق غوووتة بين سنيها و حلقاااا تجررررررح غووووتت لربيييي لي خلقهاااااااا و ضوررررت وجههها بزرررربة حامياااااه ..

حست بالما تخواااا على كتفهاااااا .. حسااااتو صلققققق ليهااااا جلدددددة دياااااالها .. مقددررررررتش حتاااااا تغووووت ..

سرطت الغوتة شااااهقة لي هربت و هرب لسانهااااا معاهاااا ..

فشلت طايحااا للأرض و هوما طلقووو منهااااا .. عينيها داخووو غير بالصدمة بعدااااا و الدمااااايااات خارجين

كيسيلو من تحت كتفهااا و فوق بزولتهاااااا شويا .. حسات بواحد الألم فظييييييييييع ..

جمعت قوتها و غوتت غوتة وحدة فيقت كووووولشي لي ف الحبس و الدمووووع شلااااااال .. واااااااااااااااااااااععععهءههءهءهءهءهءهءهه ااااااهئىىىىىىىىىئ

سخفت فاااااقدة الوعي .. و قربت جيهتها ربيعة .. مقدرتش تشوف ف المنظر كان الدددددم و لحمها جااااري حالتو حالة .. صوراتو و هي مقززة حست غاتقياااااااا .. و مشات صيفطاتها بزربة و غبرررررت تيليفون فصدرهااااا ..

دخلت البوليسية هازا الهراوا و البيل ف يديها قالت يمكن شي مدابزة نطقت بالغووااات : اااااش واااااقع هنااااا ؟

.. حتا شافت ريماس ف ديك الحالة طايحا ف الأرض ب بيجامتها لي كلهااا مقطعة .. و كدمات ف وجهها .. تصدمت .. عيطت بزربة لشااااف ديالها و جاو هزوها ف الباييص .. نيشان للمستعجلاااات

كان قيس متكي فوق سرير ديالو

داير يدو تتحت من راسو و نعاس طاااار عليه .. حتا سمع صوت الميساج قال طرن ..

هز بزربة تيليفون من فوق القوافوز

حل الكود و دخل نيشان لتصويرة فواتساب ..

غير شافها و هو يووووسع عينيه بصددددمة عينيه الزرقين بدا كيغماق لونهم و زرقتهم كتلاشى ..

زفررر نفسوووو سخوووونة .. و ناض بزررررربة جيهة دريسينغ .. لبس عليه بزررربة و هز كونطاك دياااالو .. و خرررج ..

ركب ف اللوطو ديالو .. و دوز لابيل و هو داير الووكمان ف وذنيه غير سمع الو و هو ينفجر : دوووووي أ القحبببببة اشنووووووو قلت ليك انااااااا اشنوووووووو ؟ ماشي تديري ليها ديك الحااااااالة كوووووولها .. قلت تسخخخخف ولا شي حاجة صاااافي شي حاجة تخليها تفقد الووووعي ..

ضربتي لي كووووولشي فزيررررررو القحببببببة .. و لكن انتفاااااهم معا ديييلمك مزيااااااان من بعددددددد غير صبرررري علياااااا .. اشنو درتووو ليهااا ؟ دووووييي

ربيعة بصوت متقطع و مرعووود : س سيدي خو خوينا عل عليها الما طااااايب لقيناه هو الحل زعما ..

قيس ورررررك على سناااااانو عاااض على شنايفووو حتا رجعووو حمرييييين و ضرررب يدووو فوووق الفولون .. قطع عليها حيت عااارف غادي غير يبقا يسسسسب و يلععععن بلا تا شي فااااايدة ..

كانت نص ساعة و وصل لمستشفى .. من بعد ما دار بعض الاتصاااالات و تككككلف بكولشي

دخل لوبيطال و كولشي تماك حاط عليه العين .. عارفينو شكون هو و شكوووون هذا لي مغيعرفش قيييس ..

دخل كيتحاشى نظرات الناس .. بامتعاظ .. و مطرطق عينيه ليصدق مصورو شي حد و توصل للصحااااافة .. مقاد على شي زمر ..

وصل ل عند طبيب و دخل لبيرو ديالو : بونسواغ .. أ مدرا ؟

طبيب شير ليه يجلس .. : مرحبا ميسيو قيس نورتينااااا ..

واش هاذ المريضة كتقربك شي حاجة ؟

قيس : لا .. و لكن معرفة قديمة ..

طبيب : مكاين مانخبي عليك .. كانو عندها حروق تحت الكتف من الدرجة الثالثة .. بصعووووووبة باش قدرنا نعقموووو .. و مع كاااامل للأسف غايبقا عندها تشوه ف لحمهاااا .. حيت ذاب و مقدرناش نخليو بعض اللحم تعفن و حيدنااااه لحمها اصلا سونسيبل بزااااااف ..

و لكن كاين فرصة من بعد ما تتشافى تدير ليها تجميل عند شي اخصائي ف التجميل غير يكوون براااات البلاد و ان شاء الله ماتبقا تا شي حاجة خايبااااا ..

قيس سكت شويا عاد ناض :اوكي دكتور ..

الطبيب وقف : ولو العفو أ ميسيو ..

هذا واجب ديالي ..

خرج قيس تمشا لحدا غرفتها .. كانو جوج من الشرطة نساء واقفات تماك .. تخطاهم و دخل .. طبعا الفلوس كتبوح أي حاجة ..

غير دخل و هو يلمحها كي ناعسة فوق الباياص ..

ملبسينها ديك البيجامة ديال المرضى ف زررق .. وجهها صفررررر و شاااااحب ..

و كدمات حدا فمهااا و حدا حجبانهااا .. شعرها مرخي فوق الوسادة ..

زاد قررب شويا .. و هو مصوب عينيه عليها .. بان ليه المينوط فيديها ملاصق مع الحديدة د السرير .. و يدها لاخرى محطوطة فوق كرشها ..

خربق شعروو لي سارد شويااا .. و كيحاول يفكر شنو يدير دابا .. تضررب ليه كولشي ف زيرو و مكانش باغي الأمور تسوء بهااااااذ الطرييييقة ..

زاد قرب تا وصل لعندها .. و عينيه على تفاصيل و تقاسيم وجهها .. قرررب يدوو بشويا ل ناحية شعرها محااااسش و مواااعيش بشنو كاااايدير .. يديه المعرقين زاد قربهم كثرر .. و غير حسها حركت راسها شويا و هو يررررجع يدو بزربة لجيبو .. كيلعن فرااااسو على هاذ الحركة اللاإرادية لي صدررررت منو ..

خرج من تماك .. و جبد تيلي دوز واحد لابيل .. نطق بصوت حاد : سمعنيييي مزيان .. الفيلا لي ف فالجبل .. تكون واجدة من دابا نص ساعة ..

صيفط ليا واحد من رجالي .. و الشيفور صيفطو قدام مستشفى *** ..

قطع لابيل .. و جلس فوق واحد الكرسي .. حط رجل على رجل و دماااغووو خدااااام كيفكررررر ..

جبد كاروه شعلو .. و غير دازت من حداه واحد الممرضة و هي تنطق موسعا عينيها : سيدي هذا راه اوبيطال .. عافاك طفي دااااكشي ..

قيس حمررر عينو فيها و كينفث داك الدخاااان ..

عندي إدمان اشندير ؟ قولي الله اعفو .. "ضحك مستهزء"

تنهدت و رجعت نطقت : رااااه عيب عليك .. ناس هنا مراض كاين لي كايتخنق و أزماتيك .. يا إما غاطفيه سينون غانعيط لسيكيريتي ..

قيس سند راسو للحيط و رجع شاف فيها مصغررر عينيه و شير بيدو : درقي وجهك عليا .. و خليك فرحااانة بخدمتك ..

غوت مقفزها من بلاصتها : ياااااااالاااااه ..

مشات كتجري .. لقات واحد الشاف مكلف بيها و هي توقفو و يديها كتفركهم :

عافاك واحد دقيقة ..

هو : آنسة صفاء مالك ؟

شيرت بيدها ل قيس لي مزال كيكمي : داك سيد واقيلا راه مريض فرااااسو .. تخيل كايكمي و حنا وسط اوبيطال و فاش طلبت منو باحترام يحبس .. بقا كيضحك و يطنززز .. نعيط لسيكيريتي ؟؟ ..

هو طرطق عينيه : واش نتي حمقة و لا مالك .. اش داك ليه اصلا و اش

داك تدوي معاه .. هذاك راه ميسيو قيس العمراني

واش نتي جايا من جبل .. ماشفتيش طبيب كي كيترررعد منووو .. و لا نسيت نتي مكنتيش .. لي نصحك بيه دابا سيري اعتذري .. و إلا ترحمي على راسك و على خدمتك ..

تخطاها و خلاها كتعض ف

ظفارها و تلعن فراسها ..

هي فعلا معرفاتوش و لكن قدرت تلاحظ من ملابسو الفاخرة انه شي حاجة نيت .. زادت تمشات تا وصلت جيهتو و حنات راسها ..

قيس حس بظل شي حد و هز عينيه فيها .. اهاه رجعتي ! فين لي سيكيريتي !

ههه

صفاء : سمحليا سيدي عافاك .. كانت غلطة مني مغتعاودش .. سمحليا ..

قيس وقف .. و سمع صوت ميساج .. قراه .. و تبسم ..

جرها من معصم يديها على غفلة و هي تكوانسات مخلوعة تا وقفها فواحد القنت

و لصقها مع الحيط و كيراقب ب عينيه دوك البوليسيات ..

زاد قرب و لصق عليها و حاط يدو على الحيط و هي قلبها كيزدددددح و

ف فنفس الوقت مقدراتش تنكر بلي دوخهااااا .. و بلس عمرها شافت ف حياتها كاملا شي حد بزينو ..

ش شنو كادير أ ميسيو ع عافاك بع بع..دد

نطق قيس و ريحت بارفانو الرجولية كضرب على وجههها :

شششت .. غاتسمعيني للأخير شنو غانقولك ..

اتجري دوك البوليسيات لشي بلاصة .. و بغيتك تشديهم بالهضرة مزياااااان .. سمعتي ياك !

هي تالفة غير مع حركات وجههو و شنايفو الحمرين لي كيحركهم و عويناتو لي زرقين .. مقدرررتش تستوعب هاذ الجمال كولو ..

هه هااا ؟ شنوووو ؟

قيس تنهد و قرب جيهة وذنها كيدوي و يسوط بشويا و هي تبوريشة شدتها من صباع رجليها و طالعة معاها و بصوتو الرجولي نطق ليها شنو غاتدير بالحرف ..

صفاء : لا منقدرش .. هتذشي ايتسبب لي ف مشاكل .. و ايخرج ليا على خدمتي ..

قيس شد ف ذقنها بلطف .. بصباعو طوال .. ايلا مدرتيش هاذشي .. انا لي غانخرج على خدمتك و على حياتك .. سمعتي ! لو كنتي كتعرفيني مزيان مكنتيش غاترددي .. و تا حاجة ما فابور .. اكييييد غاتاخدي اجر هاذشي ..

نطقت من بعد ماحست بتهديد قووووي : و واخا و واخا ..

قيس : بغااافو .. شنو سميتك !

هي : ص صفاء ..

قيس .. صفاء Take it easy و تصرفي عادي ..

تخطاها و خرج

من بعد .. ما صفاء جرات معاها الشرطيات كتحاول تلاهيهم و تهضر على المريضة و شي تخربيق ..

دخلو رجال قيس هزو ريماس و داوها لطوموبيل و سيروم معلق مزال فيديها ..

دخلوها للطوموبيل لداخل و هي نااااعسة و مطلوووقة كي جرتيلة معارفاش اش واقع .. حطوها ف المكان الخلفي .. و دخل قيس حداها ..

________________________

صفاء : شكرا بزاف و سمحولي كان لازم نعرف واش المريضة كتعاني من ضغوط نفسية هاذشي لي تبين ليا .. باش نشوفو ليها طبيب نفسي ..

وحدة من شرطة : ولو العفو ..

رجعو لمكانهم .. و عند بالهم مزالا تمااا ..

صفاء مشات لبلاصتها و هي حاطا يديها على صدرها .. عيطت لقيس بزربة و كتمشا بخطوات مزروووبييين .. سيدي صافي كولشي مزيان ..

قيس .. اوك .. ..

قطع عليها .. و رجع شاف ف ريماس لي متكيا قدامو .. و سادا عويناتها .. مزال تأثير البنج عليها ..

شعرها طايح و ملامحها هاااادئييين ..

وجهها صفررر .. و شنايفها بيضين ..

تمشا الشيفور مسااافة طويييييلة .. و منين وصل لطريق جبل .. بدات كتحرك طوموبيل بشكل مزعج شوياااا خصوصا ف المنعطفات .. و ريماس راسها كيتحرك بقوة ..

قيس بصوت حاااااد و عينو عليها .. هيييه .. ررررد البااااال شوياا

السائق : واخا سيدي ..

رجع مصوب عينيه عليها .. و تنهددددد ..

تحول ل جيهتها و جلس .. هز راسها ببطئ

حطو فوق فخاضو .. و متبتها بيديه باش ماتزعزعش بزااااااف ..

السائق وقف و نطق : سيدي الطريق هنا محبووووسة بالثلج .. بزاااف .. ضروري ما نسلكو طريق لاخرى ..

قيس : اوك اوك .. غير زررررب ..

بقا قيس منزل عينيه زورق عليى وجهها .. هاذ المرة مترددش و حط يدو فوق شعرها بلطف مقادرش يفهم و لا يستوعب شنو كايدير ..

صباعو بقات كيلعبو فشعرها بشوييييااا .. و ملامحو جااامدة عليها ..

وصلو لفيلا اخيرا .. كانت فيلا كبييييرا دايرا بحال شكل ديال الكوخ لي مصممة بديك طريقة ..

الفيلا ف الأصل ماشي ديالو .. ديال خوه يحيى ..

قيس من ديما مكيحملش هاذ الموقع ..

و لكن هو لي بان ليه الحل الوحيد ..

حيت بعييييد على ناااس و على صدااااع ..

هزها قيس بين يديه و هي مرخيا و سادا جفونها..

كانت خفيفة بزاااااف ..

السائق هاز المظلة مخبيه من قطرات الشتا و الثلج .. حتا دخل لداااخل ..

و بقاو رجالو على برا حاضيين الفيلا مستفين بالطول و بالعرض ..

حطها فواحد الغرفة كانت كبيييييرة .. كيتوسطها سرير ضخم و انيق و شرجم كبييييير د زاج .. مسيطر عليها اللون الرمادي .. كان طابلو كبيييييير معلق ف الحيط .. و زربية د ريش ف لبيض قدام السرير ..

دخلت واحد الممرضة .. كتقاد ليها السيروم و دوك المسائل .. و خرج قيس من تما ..

دازت ربع ساعة و خرجت الممرضة كانت ف مقتبل العمر .. بشرة سمراء داكنة و شعرها مجعد شويا ضعيفة بزااااف و طويلة ..

قيس هز حاجبو : كلشي مزيان !

هي : وي ميسيو .. طمئنت غير على الجرح لقيتو ديجا معقم ..

سمع تيليفونو كيصوني و هز جاوب بزربة منين لقاها مو بعد شويا و دار بظهرو : وي ماما ! ياك لاباس ..

سلوى : ولدي قيس نتا فينك ؟

هو بصوت قلق : اش واااقع ؟ مالك خوفتيني ؟ نتي بيخير !

هي : ا انا بخير أ ولدي ختك ليلى غبر ليها الحسسسس هربت من دار ..

عيا يقللللب عليها خوووك حسها مقطووووع ..

و باباك مقدرت نقولو والو اصلا مسافر و خفت نشوشو و تصدق غير عند شي صاحبتها .. .. الله ياربي قلبي غايسكت هاذ البنت غاتحمقني .. غاتحمقني ..

قيس : ششت تهدني و مروان مكانش معاهاااا !

سلووى : لا اصلا جرا عليه باباك و كلف واحد جديد

قيس بحالا كان ناقصو غير هاذشي :

.. انا غانتكلف .. صافي سيري نعسي و ارتاحي ..

سلوى : منقدرش منقدرش .. حتا تجيبها و نشوفها ب عيني الله ياربي جوج د الليل هاذي و البنت مزالا ماجات ..

قيس مورررك على سنيه : صاااااافي .. ريلاااااكس انا غانتكلف قلت لك ..

قطع عليها و دار شاف ف الممرضة : سمعيني .. ردي ليها البال مزيان .. ايلا فاقت و سولاتك على شي حاجة انتي معارفة والو ! اوكي ؟

هي تبسمت : اوكي ..

خرج قيس من بعد ما قاد الأمور مزياااان و وصا كولشي .. عاد ركب ف سيارتو و انطلق ..

عيط لواحد من رجالو .. دارلو نمرة ديالها ف جي بي س و سيفط ليه العنوان ف رمشة عين .. غير وصل قيس و هو يتصدم .. كان Night club بقا كيصغررر ف عينيه بغل و دمو بدا كيفوووور .. دخل كان زحااااام و قوة المراةااهقين لي جون و الشراب و دخاخن شي كيشطح شي مقربلها .. نايضا ديال بصح ..

بقا واقف كيقلب ب عينيه لي حمرييييين كي جغمة الدم

حتا لقاها واقفا شادا

كاس د شراب ف يديها و قدامها واحد الولد .. ملامحو زعرين و ضعيف شويا كان طويل عليها و عويناتو خضرين ..

كيتبادلو نظرات الحب و العشق ..و كل مرة ترمقو بتبسيمة و هي كتماااايل شد فيها شرااااب نييييت و حداااهم رزان صاحبتها لي تا هي منسجمة مع الموسيقى و مكاين غير الله اعطيك الصحة ..

لابسا ليلى جيبا قصيرة ف اللون الوردي

البارد و ميني فونتغ ف اللون الكريمي .. الكرش عريانة و الصدر عريااااااان و شعرها مقاد و لايحاه ورا كتفهااااا ..

قيس زيررررر على قبضة يديه و توجه ليها نيشااااان بخطوات عراااااض و كيزفرررر نفسو السخوووونة .. جررررها من ذراااعها تا كان غيهرسها ليها تا دارت مصدوووومة و قفزززززت : ق ي س .. ش ش شنو ك كادير ه هنا !

قيس شم ريحة شرااااب كتقلب منها

كيطلع و ينزل ف البرهوش لي معاها كيرمي لي شوفات د القتييييلة .. و رجع كيشوف شنو لاااابسة : خرجتي ليها طاي طاي ياك أ الأخت المصوووونة ! <وررررك على يديها تا كان غا يهرسها و دم هرب من وجهها> ...

الشاب لي معاها قرب و دفع يد قيس : هييييه .. شنو كاااادير نتا طللللق من البنت و لا غادي نددددمك

قيس قهقه بسخرية ودفع ليلى للور بقووووة تا كانت غاطيح..

و جر البرهوش من حوايجووو

بعننننننف و بدا عليه ب ديريكتات هاذي تنفع هاذي تضرررر .. غا وحدة تنسيه ف لاخررررى ..

تا رجع البرهوش كووولو ددددم و فمو كيسيل هو ونيفو و حواااايجو طبعوووو تقول جالسين ف حلبة المصارعة .. حبست الموسيقى و كووولشي كيتفررررج تا حد مقدر يتددددخل عرفو قيس شنو كيسوا ..

ليلى تخلللعت هي و رزان.. سبقت هيا وياها خرجت كتجري ب طالونها و يديها كيرجفووو العرق نازل من عنقها كي الشلال و عرفت قودتهااااا بصصصصصح ..

قيس نزل تحنا بلا مايحط ركابيه ف الأرض و جر هذاك البرهوش من شعرو موررررك علييييه قررررب يقلللع ليه الجلددددة : المرة جاااااية نذبحك و نشررررب من ددددمك ايلا لقيتك مع ختي .. كااااااتسمع !!!!

الشاب لا ردددد غير عينيه كيضوروووو قرب يسخف ..

بصوت زلزل الكلوب : وااااااااش سمعتي و لا لاااااا ؟؟؟

حرك راسو ب اه و نطقها ب صوت متقطع و كيخرخر بدمايات ..

ضرب ليه راسو مع الأررررض بقوووة

و خرج مخطي ناس لي فسحو ليه المجال بسرررررعة بسبب الهلع لي حسوووو بيه ..

غير وصل ل عند ليلى لقاها واقفا حدا طوموبيل هي و رزان .. عطاها طرشة وحدة جمع ليها القديم و الجديد .. رجع حنكها كايغني و يوزوزززز بالسخوووونية .. بقات كاتبكي ..

قيس حط يدو على خصرو و عاض على شنايفووو و مزيرررر على فكو خايف يضربها و يعطبها شي عطبا خايبا و هو يديه سابقاااااه .. قطعييييي الحسسسس .. منسمعش صووووتك ..

شاف ف رزاااان و نطق : نتي تقووووودي عليااااا لنعطب زاااامل بوووووك يالاااااااه اش كتسناااااااي

مشات كتجرررري مخلوووعة و مهووووولة ..

سكتت ليلى كاتمة شهقاتها و دفعها بعنف تا ركبت ..

و علللللق

كيصوووg و كل شويا يضرب يدو

مع الفولون و مرر يدو على ذقنو ..

مورررك بسنيه على شنايفووو باش يبقى مسيطر على راسو ..

وصلو الفيلا .. نزلت سابقاه و عاد طلع معاها شنو لابسا و شدت بطراف صباعها جيبا كتنزل فيهااا باش تستر ديك الفضيحة ..

قرب و شدهااااا من شعرها كارز عليه قرب يقلعووو من بلاصتوووو : دااابا فاااات الحال .. تا شااااف لي شاااف .. و تزلل لي تزلل عاد طاح عليك الصواب

حنا نهزو ليك راسك .. و نتي طيحيه و مرمديه ف تراااااب الكللللبة ..

دخلت الفيلا كتبكككيييي و غير شافت مها و هي تزيييييد تبكي بصووووت عالي .. طلقهاااا .. و مشات كتجرررري عنقت ماماهااا : اهىىىىئ ما ماما .. اهىىىىئ ..

سلوى بخوف : اويلي مااااااالك ؟ اش وااااااقع ليك أ بنتي ؟ علااااش كاتبكي دووووي أ ليلى ..

قيس بصوت خشن : مزيااااان زيدي تبوحطي زييييدي .. مزال ما قلنا باسم الله و كسيريتي بالبكااااا ..

سلوى كطبطب على ظهرها : قيس ماااالك ؟ علاش كدوي مع ختك هاااكا ؟

شرررح ليا شنووو واااقع !!

هو : دوووي أ ختي دوي .. دووووي قولي ليها فاين كنتي و معامن ..

ايوا بنتك ليلى جالسا لينا ف نايت كلوب

و كتشرب مع رسااااتها .. و كتمعشق لينا بداك اللباس الماسخ .. المعري كثررر من المستوور و "حط يدو كيحك جبهتو كان غيخصررر الهضرة " قسمت فمي بالله ايلااااااا تعاود هااااااذشي مندوزهاااااااش ليييييك .. سمعتتتيييي ؟؟ لقييييتي ديلمي عندي فهاذ الراس شحال من مطرقة كضرررررب فيه .. عنددددك زهررررر ..

اما كوووون ورييييتك شغلللللك ..

صوب عينيه كيشوف ف مو كيفاش كطبطب عليها :

و بقاااااي عليها بالفشوش الخااااوي تا شي نهاااار دير ليك شي فضيحة راك فهمتي اش بغيت نقصد ..

فاتههم و خررررج و هو كيسب و يلعن ..

ليلى : اهىىىىىئ مااااما ضربني اهىىىئ ..

سلوى بعصبية : شششت صافي سكتي .. متديهاش فيه عرفتي زمررر عصبي و يديه ساااابقاه .. ندمت كاع لاش عيط ليه يخ ..

ليلى هزززت فيها عينيها لي حمرين : ياااااك أ ماما يااااك حشوووماااا عليك لااااش تعيطي ليه لاااااش !

سلوى دفعتها : اويييلي أ وعدددي هي بغيتيني نبقا نتفرج و انا بنتي معرفتها فين

غبرت ف نصاصات د الليل كي بغيتيني نعس ها ؟ .. منين بغيتي تمشي ل نايت كلوب علميني بعدا .. ماشي تحني راسك و تمشي

خوا ليا الما فركابي منين مالقيتكش ف بيتك..

ليلى سكتت تفكرت داكشي لي ووووقع : ناري أ ماما لولد لي معايا غايكون تهرررس فيه شي عظم اهىىى اهىىئ ضربو خلاه كي جرتيلة ف الأرض ..

سلوى : اشويني فيك .. يا هاذ البنت .. مزالا تفكري ف الولد فكري فراسك بعدااااا .. عرفتي قيس و الله لا نساااها ليك انا لي عارفاااااه ..

"سكتت شويا وسترسلت"

معرفتش حسيت شي حاجة شاغلااااه .. منين مقراااش عليك واحد سبيح .. و مزلزلش علينا هاذ الفيلا عاد مشا .. يعني شي إن تما ...

شنووو غايكون شاغلووو زعماااا "بقات مصغرااا عينيها"

و لكن غااانعرررف طال زمان ولا قصار غانعرف اشنو سبب لي خلاه هنا هاذ المدة كاملة ..

ليلى وقفت و كاتمسح دموعها : انا انطلع لبيتي نرتاح ..

سلوى : سيري .. بدلي عليك و نعسي

عاااامررر كان متكي ..

و حداه خووه ناعس و مغطيه ..

شويا سمع دقااان فالباب و صوووت الهضراااا ..

و ضحك ثقيييييل

رشاد حل عينيه بزرررربة حيت نعاسو خفيف : خويا .. ش شكون ف الباب ؟؟

عامر جر الغطا على كتفو : شششت غير نعس .. انمشي نشوف شكون

قفزززز من بلاااصتو بسررررعة ..

لابس بيل سماطي و سروال كحل

مشا حل الباب و هو يتصدددددم .. زاد صغر عينيه و رجعو حمرييين كي جمرررر

لقا ..

باه "عزيز".. سكراااااااان و كيضحاااااك .. مكااااينش فهااااذ العالم و كيمييييل غير بووووحدووو ..

عامرر جمع يدو على شكل قبضة و مورررررك على فكوو .. تردد صوتوا الحرش ف الظلام : رجعتييييييي

جرررو من ذراااعو و خرجو للزنقة ..

عاد نطررر يدوووو منوووو كيغوووت : شنووووو قلللت ليك آخر مرة اناااا شنوووووو ؟؟؟ دوييييي ؟ متصعرنيييييش ..

قلللللت لك عطيييينااااا تيساااااع هااااذ الباب ضرررب على سااااحتوووو .. واااااش مكتفهمممش !!

باه خرج قرعة خضرا د ما حيا من جيب و مدها لولدو لي كيشوف فيه بنظرات استحقااار و عايفوووو : ش شد ههههه ش شرب لك غا شوياااا هههه هاااك .. و الله تا تشدهاااا من عندي ..

"حطها فيد عامر لي شدها و ضربها مع الأرض تا تشتت و حط يديه على خصروووو و كيشوف ف السما و تفاحة أدم كطلع و تنزل .. كيطلب الله يهدنووو باش ميعصيش الله و يصدق قاتل باه فهاذ الليل "

و فرمشة عين شنننق على باه زادحووو مع واحد الحيط د السيماااا : قسماااااااا بالله لي خلقني و خللللقك .. و تعاااااود تررررجع لهاااااذ الدااااار حتاااااا نقتللللللك كاااااتسممممع !

و الله تا نقتتتتتلك و منترددددش ..

دفعو عااامر بقووووة تا جا طاااايح ف الأرض و عينيه حمريييين ..

ردد عزيز بصوت ضعيييف : مسخو مسخووووط الواليدين .. ت تقادو الكتاااف تا وليتي تضرررب بااااك ههههه اهااااه .. كو كووولشي من ديك مك لي كتحرررشك عليااا .. اللفعة السامة ..

تريكة ربعا دريال يخخخ تفووووو ..

بصق حداااه و حالتو حالة مقدرش ينوض من بلاصتو ..

دخل عامر للدار و جاب الله مسمعش شنو قال باه على مو اما كون فكوهم غير البوليس .. سد الباب و قفلوو ..

حتا سمع : ولديييي .. عااااامر ..

اجييي ..

تمشا جيهت البيت لقا مو فاقت من نعاسها : نعام أ مي !

حفيظة عينيها عامرين بالدموع : ررررجع ولد الحرااااام يااااك !

حرك راسو ب اه و قرب جلس حداها : جرييييت عليه .. و توعدتو بالوييييل ايلا رجع خطا خطوة وحدة فهاذ الدار ..

حفيظة : الله اعطييييه مصيييبة الله اغبر ليييه الشقف ياااربي .. من نهار عرفتو و انا لللور لووور ..

شد فيدها : شششت أ مي صافي نعسي ..

غير نعسي و ارتاحي عمرو يقرب ساحتنا .. و انا ليه بالمرصاد .. نهار يزغبو الله و يجي.. مغنحننننش فيك و غانسا بلي دمو كيجري فعروووقي ..

حفيظة وسعت عينيها : لا أ ولدي عطيه ل زبل تيساع .. كيبقا باك .. على وجه الله متقيسو متحط فيه يديك ..الله ارضي عليك أ ولدي

عامر : واخا واخا "داير ليها خاطرها"

حفيظة بخوف : ياكما شافو رشاد !

عامر تنهد : لا .. كون شافو كون صدقنا ف ما هي و ما لونهااا .. و حنا كذبنا عليه و قلنا ليه باك معندكش .. و لكن حسسسن لمصلاحتو ميعرفوووش ..

اش فييييه ميتعرف السكاااايري ل "رجع المسبة لفمو و نطق"

فهاذ الأثناء كان رشاد واقف ورا الحيط حفيان ..

و طالق وذنيه كيسمع .. دموعو نزلوو سخان .. و قلبووو كيضررررب .. عض على شنايفو الحمرييين ..

ساكت و تالف .. مسح دميعاتو بطرف كمو و رجع تخشا فبلاصتو بشويااااا كيفكرررر ..

باه كاين و عندو .. هاذشي فرحووو واخا حزززن حيت خباو عليه و لكن فرررح من ديما و هو باغي يكون عندو بااااه ..

فاقت ليلى و جات عندها صاحبتها رزان لي جالسا معاها ف البيت ديالها .. لبست عليها حوايجها و تأنقت كي عادتها .. ضربتها بواحد تعكيرا و دارت شافت ف صاحبتها من بعد اللمسات الأخيرة

رزان صفقت : that's my babe

ليلى غمزتها : و شنو حيت خانني غاندير العزااااا ..

لي فررررط يكرررط .. و من ليوما ليلى لقديمة الهبيلة العبيطة مااااتت و غانورررييييه وجهي ثااااني .. بااااش يعرررف معاااامن وووحل .. الكللللب.. و يعرف بلي صافي ضععععت من يديه و عمروووو يحللللم يرجع معايا و هاذ المرة واخا يبوووس رجلييييين و اليديييين ..

رزان : Woooow داااابا عجبتيني ..

ديك الكرامة عندك غاتكون ضربتها بشي تزغرييييتة فاااااعلة تااااركة ..

"شافت حدا فمها" ناري ديك جررررحة لي حدا فمك منيييين جاااتك ؟

ليلى هزت صبعها قاستها و تأوهت و عقدت حجبانها ف الوسط : طررررشة ديال البارح ديال خويا العزيييييز الله اطول ف عمروووو .. حسيت لبارح بالنجوم و العصافير كيزقزقو ف السماء الصافية .. نااااري على يدين عندووو الله ياخد فيه الحققققق ..

كنت علاين نفقد الذاكرة

رزان ضحكت : ههههه كون تشوفي فاش قاليا تقوووودي يالاااااااه <قلدتها بصوتها لي غلاضاتو> مابقيت عرفت اينا جهة نصددد ليها .. ناررري باااااز ليك معاااااه و لي شافو يقووول هذا شي Open minded

<متفتح>

ليلى كتصبغ فظفارها و مكوصونطريا : مخرررري ماشي اوبن مايندد منين جاااااه .. واااااحد المعقققققد .. تفوووووو شووووه بياااا فديك البوااااط تلقاي كوولشي جابد سيرتي و شمتووو فياااا .. <وسعععت عينيها>

نااااري كاعماااا سووولت ف الدري باينا غايكون هرس فيه شي ضلعة .. تفووووو ..

رزان : هههه علاه عندك فيها الشك !

بلاتي عقلتي على داك لي كان كيتبعنا ههههه و نهاؤ حصلو غير بالصدفة و ضربو تا هرس ليه يديه و دار عملية عليهااا ههههههه نااااري كنتفكرها كنموووووت بالضحك ..

اححح انا رااااه نموووت ف لي صااااعرين و دمهم سخوووون .. معرت تيكونو سيكسي بزاااااف و عندهم واحد الهبة فشككككل ..

ماشي تكوني معا شي نص راجل غير يوقف عليك شي شمكار يبولها فسروالو ..

ليلى صغررررت عينيها فيها : شوووفي أ ديك فلييييفلة دياااالي ..

خوياااا ميليييييقش ليك .. خويااااا خاصاه شي وحدة كثرررررر منو شي وحدة تسااااليهم ليه .. و تردو كي شي ضبع ..

كانقول ديما حسن عوان هاذي لي غايتزوجها غيشوفها الوييييييل صرااااحة ..

رزان ضربتها بمخدة : الله احفظني منووو .. قلت غا كنمووووت ف داك نوووع اما يادليت مغنشوووفش فيه و هو بحال خوياااا ..

ليلى : ايوا هاكاك الله ارضي عليك ..

انا صاحبتي منبغيش ليها المضرة و نتي عارفاني مكنجاملش شي حد عندي نيشااااان .. تريكتنا خااااايباااااا .. دمهم حاااامي و يديهم ساااابقااا .. يخخخخ ..

غير انا لي خرجت كي العسل .. تبارك الله عليااااا ..

ربي يحفظني

رزان ضحكت تا دمعو عينيها : اه ماقلتيش ليا اشمن خطة غاديري باش تندمي مجدد بعدااااا فكرررتي و لا مزاااال ؟؟؟

ليلى كتسوط على ظفارها : لقيت واحد البلان ف دماغي .. لباااارح فكررررت فيه ..

رزان : قوووولي قوووولي نسمع اش فداك الراس

ليلى : عااامر .. هو ورقتي الرابحة دابا ..

رزان بعدم فهم : كيفااااش ! عامر اش جابو للهضرة

ليلى تبسمت ب مكر : عااامر غانصيدووو كي الحوتة.. و نطيحووو ف شبكتييي .. و نخليييه مغررووووم بياااا .. و من بعد نولي حبيبتو .. و مجد مغيرضاااااش مغتطلع مغتنزل غاتوحل ليه بين حلااااقموووو كي شوكة ..

حيت عامر ايلا جيتي تشوووفي حسنننن منووو ..

زويييين .. زينو كي تواااركة .. العينين كحلييين و شعر مسبسب .. اللحية مقاااادة و شوووفة كدووووخ .. و صحييييح .. مررررررجل .. و أهم حاجة عندو شخصية قووووووية ..

و طبعا انا غنمثل على عامر بلي كنبغيه و كنحمااااااق عليه الخ .. و ديك ساعة غاتشوفي مجد كيفاش غايتشوااااا .. و غنرد ليه الصااااع صاااااعين ..

رزان تذهللللت معجبة : ايمتااااا و كيفاااااش فكرررتي ف هاذ الخطة .. نااااااري و لييييت نخااااااف منك أ صاااااحبتي ..

ليلى رجعت شعرها ورا كتافها بغرور : هههه تعلمي تعلميييي ..

قولي لي بعدا شنو رأيك ؟ عامر مناسب للخطة !

رزان سكتت شويا دايرا صبعها على فمها كتفكرررر : و لكن معرفتش زعما مجااااااتش

ناقصة نلعبو ليه على مشاعروو !؟

و هو اصلا غير البودي غارد ديالك .. معرفتش حسيت بخطووورة شويا ف هاذشي ..

ايلا حصلك قيس معاه و لا يحيى غاتموووتي أ بنتي

ليلى : don't worry babe

عارفة اشكاندير .. وكولشي ضررربت ليه الحساب ..

عامر بودي غارد ديالي .. يعني هاذي لصالحي انا ..

عايكون ديماااا معايا .. و مغايديو مايجيبووو ..

و اصلا اشنووو فيهاااا ..

مكنظنش غايبقا فيه الحاةااال .. و سوا بقا فيه و لا مابقاش فيه أصلا .. I don't care

يتبع...

ريماس الجزء الرابع

محتوى القصة

التنقل بين الأجزاء