ريماس الجزء الخامس

فاقت ريماس .. كتحل ف عويناتها لي حساتهم ثقااال عليها .. و حتا جسدها ثقييييل عليهاااا ..

تنفست بشويا من فمهااا .. و رجعت حلت عويناتها الخضرين كترمش ببطئ ..

جاو نيشان ف السقف .. بقات شحال و هي مطولا شوفا فيه .. محاولا ترجع بذاكرتها للور ..

و تسترجع الأحداث .. سدت عويناتها كتفكر ..

و هي طيح ف بالها ديك اللحظة لي خوات عليها رحمة الما طايب ..

كمشتتتت عينيها بألمممم فظييييع و دموووع نزلووو سخااااااان تفكرت دوك اللحظاااات كللللهم من اول دقيقة دخلت فيها للحمام ..

نزلت كتشوف ف كتفها بخوووووف كان عااااامر باصمات و ضمادات بحالا كتأااااكد واش هاذشي بصح و لا غير كابوووس ..

حسات بالحريق بزااااااااف تما .. و هي تأكد بلي هذاااااا .. ماشي كابوس و إنما الواااااقع .. الواقع المريييير ..

هزت عينيها كتفحص المكاااان بفضول .. و كمشت يدها على الفراش و صوتها كيخرج ثقيييل بالتعب : اويل اويلي ف فين انا .. فين هنا .. ايم ايمتا جيت ل لنها .. و ش شكون جابني ..

هزت راسها كاتشوف الغرفة شحال واااااسعة ..

و غير ريحة الفراش كانت منعشة و كثبعت على شعور الراحة ..

حست بحالا ناعسة فوق الريش بقوة داك السرير ما رطب و الغطا كي الحرير فوقها .. و واحد ريحة ف الجو مكانتش عاااادية .. كان عطر خفيف و هادئ .. مقدرتش تميزووو .. نطقت بصوت منخفض:

الله ياربي فين انا .. كيفاش جيت لهنا .. واش انا كنحلم دابا و لا شنوووو ..

مقدرتش تكعد و سيرم فيديها مزال ..

دخلت الممرضة فجأة لعندها دايرا يديها قدامها و برسمية نطقت :

اووه آنسة فقتي .. باش كتحسي داااابا ؟

ريماس مفهمت والو : ك كيفاش ! ش شكون نتي ! و فين انا أ ختي العااااار جاااااوبيني راني غانتسطا .. شكون حطني هنااااا ! و واش هذا صبيطار ! و لا شنووووو !

الممرضة ملامحها جامدين من غير حركة عينيها لي كترمشهم بزرررربة .. قاست الضغط ديالها .. و تبسمت ليها شويا : كنعتذر و لكن منقدر نجاوبك ب حتا حاجة دابا ..

قوليلي واش كتحسي بالألم ف كتفك و الحررريق بزاااااف ؟ نرجع نعطيك شي مسكن للالألم ؟

ريماس راسها غينفجرررر ب الأسئلة قررت تأجلها

من بعد و تعرف اش هاذشي ..و قالت تأجلها حيت بصح حست بالحررريييييق ف كتفهااا : ا اه بزااااااف .. بزاااااااف أ ختي

الموووووت د الحرررييييق

الممرضة هزت واحد الحقنة ضرباتها ليها .. و عطاتها ادوية لتسكين الألم ..

ايلا حتاجيتني فشي حاجة غير ناديني .. سميتي تالا .. و راااك بخير .. و جرح معقم مزيان .. معندك منااااش تخافي..

بالشفاء العاجل

حركت ريماس راسها ب اه و شكرا همست بيها بشوياااا .

.. و رجعت سندت راسها للحيط .. بقات كتخايل شي سيناريوهات و كتقول يمكن كان هاذشي غير شي حلم خااااايب و غاتفيق منووو ..

و لكن داااابا نسبيا استشعرت الراحة فهاذ المكان حيت مكاين تا شي حد لي غادي يأذذذيها .. و فهاذ الغرفة لي واخا دااافية حستها باااااردة بشكل غررررييييب ..

تكات شويا .. و رجعو الخدامات عطاوها تاكل .. بقات زعما كتجرررر ليهم لسااااانهم والو مجاوبوهااااش كاع مقررررصين بالمعقول ..

مقدرتش تاكل من غير كاس د الما لي شربت ..

غير خرررجو .. و هي تنطر سيروم من يدها .. و ناضت بشويااا و السخفة شاداها ..

كتسلت حفيانا برجيلاتها .. فوق الأرضية د الخشب ..

قربت جيهة شرجم د زاج ..

ضغطت على واحد زر ف الحيط و تفتح بوحدو و هي تبان ليها جررردة كبييييرة .. خضرااااا و عامرة بالورد .. و واحد الجليسة فيها زعلولة .. و قنت آخر فيه طبلة د الخشب دايرين بيها كراسا .. كان المنظر زوين و هادئ .. قدرت تشوف حتا المسبح .. وسعت عينيها بذهوووول و مسيطر عليهم فضوووول كبييييير ..

بقات كتسارا ب عينيها و مقدرتش تشوف مزيان حيت كان الليل و الظلام ..

بقاو الأسئلة كيضربو فراسها كي شي مطرررقة .. كيفاش وصلت لهاذ البلاصة و علاش البوليس مداااااوهاش للحبس .. مقدرت تلقا حتا شي تفسير لهااااااذشي..

غير حست بالبرد ديال الشتا كيستوطن عظامها و تباعتو تبوريشة خفيفة سرات ف جسمها بفعل داك النسيم البارد .. و هي تسد شرجم بززززربة .. و بقات واقفة كتعض ف ظفارها ..

الله ياربي فين غانكون انا دابا .. ياااااربي شنو غاندير باش نخررج من هنا شنووووو ..

خصني نعرف فين كايناااا .. اووووف اوووووف راسي غاينفجررر

تمشات جيهة الباب و عينيها على الغرفة و كاع تفاصيلها ..

من البلاكار الضخم .. الباب د الحمام .. و شي ديكوارت قلال ..

حطت يدها بشويا على البواني لي ملمسو بارد فحال الثلج ..

و يالاه غاتحلو .. حتا حسات شي حد ددددفع الباب .. نقزت جوج خطوات اللور بخوف .. و تكشف ليها وجهو أخيرا منين هز راسو فيهااااا ..

و شكون من غيرو .. كان قيس .. بشحمو و لحمووو ..

واقف عند الباب بطولتو و جبروتو و شهااااامتو .. شعروو ساااارد شويا و القميجة لاصقة على دراعو قربات طررررطق ..

حست بحالا تخوا عليها سطل د الما باااارد و خلا افكارها تتجمد ..

لسانها تعقدددد .. و دم هرب من وجهها ..

قلبها كيضررررررب بقووووة ..

و يديها شكلاتهم على شكل قبضة حيت كيرجفوووو و مبقاتش قادرا تسيطر عليهم مزال ..

.. مقدراتش تصدق عينيها شنو كيشوفو ..

لونهم الخضر تغمق و زاددت توسعت مساحة بؤبؤ عينيها بالصدمة لي تلقاتها ..

شنو كايدير هذا هنا كيفاش هاذ زمررررررر كااااااامل صافي راسها اينفجر

غير شوفة فيه خلاتها تفكر معاااااناتها و محاينهااااا

تفكرت مايا و كولشي داز عليها ..

و تفكرت داك النهار المشؤووم .. و حالة باها و خوها .. و تفكرت لحظة القاضي فاش نطق بالححححكم ..

بقات كترجع لور بشويا و هي حفيانة .. مزالا لابسا غير البيجامة د المشفى ..

و عينيها عليه موسعاهم .. و شادا فراااسها غير بززززز ..

قيس رجع يدو موراه سد البااااب ..

و خشا يدو ف جيويو .. بقا كيطلع و ينزل فيها حتا نطق : اووووه فقتي .. على سلامة الآنسة ريماس "تبسم بخبث"

هي تنهدت و كتحاول تستجمع قواها .. و من بعد دقيقة صمت نطقققققت : ا اشنو كديييييير هنااااا ! و علاش اناااااا هناااااا ! ش ش شنو هاااااذشي !

ش شنوووو وااااااقع ..

قيس قدر يقرا افكارها عرفها مفهمت والو و سيطر عليها الخوف لمح سيقانها و يديها كيرجفو بقوووة :

نتي ف داري دابا .. هربتك من لوبيطال

و جبتك لهاذ الجبل لي مستحيل يلقااااك فيه شي حد .. "زاد خطوة لقدام كيلعب على أعصابها و كيشوف كيفاش ملامحها كتحرررررك بشكل متفااااجأ"

قلت نلعبو هاذ المرة فايس تو فايس ..

عييييت و حسيت بلي قنطت بزااااااف ..

تزرع ف قلبها الخووووف و الهللللع ..

من كلماتو لي كاتجيب الفقصة و بديك البرودة باش كيهضر ..

بحالا لاعب شب لعبة و متستمتع ..

ونظرة عينيه المخييييفة وترتهاااا .. و مع ذلك بقات كتشوف ف عينيه حتا هي بتحددددي و بصوت واثق نطققققت : غااااترررجعني فين كنت و دااااااابا كاااااتسمممممع يااااااك ؟ دااااابا !!

ووو ب اشممممن حق ؟ تجيبني هنا ! ب اشممممن حححق ؟

ن نتاااااا راااااااك مجررررررم و حيواااااان قلييييييلة ف حققققك الله ايااااخد فيك الحقق ..

نقططططع يدي بزوووووج ايلا مكنتيش مسطيييي و هااااارب من شي مصحة نفسية ..

"رجعت غووووتت بهيستييييرية كتهززز فيديهاااا " الله ياااااااااخد فيييييك الحقققق أ المجررررررم

خانوها دموعها و نزلووو بالعصصصصب و كتحس بلي كلماتها هاذو مغيبردووووش غضبها و الغل لي كتحسووو خااااانقهاااا باغا تدييييير كثررررر و كثرررررر ..

صدرررهاااا طااالع نااااازل .. كتقلب ب عينيها على شي حاجة .. باش تدافع على رااااسهااا .. خافت يقتلها هناااا و يرمي جثثها فهاذ الجبل ..

أي حاجة تتوقعها منوووو .. من بعد اش دار فيها واخا مزال معرفت بلي لحرقة لي فكتفها هو سبابها ..

قيس حك وذنيه كيدوي ببرودة قاتمة : متعليش صوووووتك .. خلينا كندويو رييييلاكس هااااكا ..

قرب و هي كترجع للور و عينيها كيرمشو بزربة : ش شنو ك كا كادير !

خرررررج خ خررررررج عليااااااا ! هءهءهءه م متقررر متقرررربش مني الكللللللب مت متقررررربش الحيواااااان ..

زاد قررررب عمدااا حتا حبسها الحيط و لصق ظهرها عليه تأوهت برررعب و رعدة شاداها من صبعها صغير د رجلها تال راسها

.. انفاسها كتخرج سخووونة و رجليها قربو يفشلووو دارت يديها ورااا ظهرهاااا و هي العررررق كينززززل من جبينها بحالا كتشوف ف ملك الموت ..

قيس بصوت فيه بحححة و خشن ف نفس الوقت : مزاااالا مقصحا رااااسك همم !

ريماس كتحاول تفادى تشوف ف عينيه : ب بعد عليااااا قللللت بعدددددد .. ع علاااااش كتقرررررب ه هاكا بعددددد ..

"لمحت واحد الفاز حداها فوق الطبلة جيهتها و هربت ب عينيهاا ليه كتشوووف كيفاش تهزووو و تشتتو ليه على راسووو"

هو لصق يديها بزوج مع الحيط و

مزيررررر عليهم بقوووووة و عينيه على فمهاااا و ريحتها عاود دوخاااااتو قرب لعنقها كيستنشقها بصوت مسمووووع .. و سد عويناااااتو زورق.. و غير كيحسهاااا كتركل و تبغي تبعد بنظراتها لي عاااايفييينوووو .. كيزييييد يزيررررر على يديها تااااا تهددددن و تستسلم لقبضة يديه القووووية ..

و يرجع يدفن راسو ف عنقهااا مقادرش يحبببببس راااااسووو ..

شي حاجة كتجذبو لريحتها بواحد شكل غريب و رهييييييب برااااسو مقاااادرش يفهم اش كيطرااا ليه ..

بحالا كيتلذذ و كينتشيييي هز عويناتو لي لونهم رجع كي البحر الصااافي .. و هو كيتفحص ملاااامحها .. و عينيها لي عااااامرين بالغضب .. و الحققققد ..

و الكرااااااهية ..

حجبانها معقودين و مزيرا على فكهاااا .. : بعددد بعدددد علياااا ووواش نتاااااا مريييييض فرااااسك ؟ هاااااا ! ايلااااا مريض شووووف شي طبيب يداويك ..

و طللللللق مني كنكرررررهك أ الحيواااااان .. تفوووووو .. تفووووووو عليك ..

هءهءهءه دمرررررتي لياااا حيااااتي و مزال تاااابعني هءهءهءهءه ش شنووووو شنووو بقاااا مزااال ماخديتيهش ! م مستقبلي ضاااااع و ع عائلتي ضاااااعت .. ك كرررررهت دقيييييقة و ثاااانية لي جمعااااتني بيييييك هءهءهء .. كنكررررررررهك من أعماااااااق قلبي

"هزت الفاز بيدها يالاه غاتضربو بيه و فرمشة عين وررررك على معصمها حتا طاح من يديها مشتت حدا رجيلاتها لي حفياااانين نقزت بيهم باش مطعفطش على شي طرف و يجرحها ..

و حلت فمهاااا كتنفسسس بسررررعة شههههقت.. و دموع فوجهها"

قيس : ريمااااااس "ورررك على اسمها بحدددة"

انت بين يددددي داباااا .. و مكااااينش لي يعتتتقك مني كااااتسمعيييي مستحيييييييل شي حد ينقذدددك منييي انااا و حتااا نفسكككك ..

حاولي دخلي هاذشي لرااااسك اوووك !..

دفعتووو بيديها كضرررربو على صدروووو بقووووة و هو كي شي حيط متزحزحش من مكانوووو : هءهءهءه شنووووو شنوووو ب بغيييتي عنديييي شنووووووو هءهءهءهءه شنووووووو بغييييتي عندييييييي ..

دعيييييتك لي خلللللقك هو لي غايقدددد عليييييك .. هءهءهءهءه كن كنكرررررهك

خلاها على راحتها كتضرررب بيديها فوق صدرووو بقوووة حتا خاااارت قوااااها ..

و هي كتبكييييي و كتنيييين .. نيفها رجع حمررر و حنيكاتها كي حبة الفراولة ..

نطق كيتنهدددد و بصوت حاااازم : سيري ارتاحي دابا ..

"شاف جيهتة الحرقة لي ف كتفها و قطب حجبانو" مزالك عيانة ..

ماشي ف صالحك ترهقي راسك دابا ..

ضحكت بين دموعها .. كتضحححك .. و تمسح ف نيفها كيسيل : هههه شنووو ! نرتااااح ؟

نرتاااااح ! "غوتت بقووووة" اناااااا غنرتااااااااح منين نشووووفك مقتووووول و لا مذبووووووح و لاا مقططع طروووووفااا عااااد غانرتااااااح ..

قيس شاف ف شرجم و تسارى ب عينيه ف الغرفة ممسوقش ل اشنو كاتقول اصلا ..

نطق : هاذ الغرفة ماخداماش ليك نتي ..

هزها بخفة فوق كتفوووو و مكوزاااا ب زمااااقتهاااا و هي كتضرررب ف ظهروووو ..

و تغووووت و هو كااااارز عليهاااا ..

نزززززلني نزززلني الحيوااااااان

ن نززززلنييييي ..

توجه لغرفة لي ديالووو و فيها حوايجو .. كان فيها شرجم و لكم مكيتفتحش كا فيكس فيه غير زاج لي كيبين المنظر على برااا ..

حططططنييي حطنيييييي .. الكللللللب المااااااسخ ..

ح حطنييييي "عضاتووو فوق كتفوووو بقوووة تا رمش عينيه زاديهم"

دخلها و رماها فوق الناموسية .. و هي كتسووووط و الغضب عااااامي عيينيهااا ..

شاف كتفوو و جر القميجة لقا شويا د دم .. : جاااااك جههههل !!

سمعيييييني "غوووت حتا زعزع اركان الفيلا بصوتو و لكن هي متزعزعاتش من بلاصتها"

لحدددد الأااااااان مطوووولتش يدي عليييييك .. لحد الاآااااااان .. كنشوووفك اصلا كي جرتييييلة تااااا ضررربة صحيحة مفيييكش .. سييييري تا تجمعي صحتتتتك و اجيييي .. داااابا داك تفرعييييين شديه عند ديييلمك .. حيت ايلا تفرعنت عليك اناااا غانريب على زااااامل بوووووك هاذ الحيوووووط ..

هي وقفت بدون ذررررة خوووووف : بااااا متذكروووووش ب فمك الموووووسخ با اشررررررف منك أ الحيواااااااان أ المجرررررم

تخطاها و خرج ضرررب بالبااااب تا كاااان غايطيييييير ..

جلست ف الأرض كتنهججج .. و راسها ضرررررهاااا بالأعصاب .. يديها مزالين كيرجفووو : الله ياااربي .. هءهءهء الله يااااربي اش درررت انا ف حيااااتي حتا تكتب عليا واحد بحال هذاااااا ما فقلبوووش الرحمة .. الله ياااااربي .. شن شنو غاااندير داااابا شنوووو ..

وقفت و بدات تعض ف ظفارها : خ خصنييي نهررررب دااااباااااا .. اللهم الحححبس و لا العيشة مع هااااذ الماااااسخ

بقات ريماس كتضور و تمشا حفيااااانا .. راسها حرررررقهاااا بزاااااااف .. و مزال الحريق لي ف كتفها كينوض عليها كل شوياااااا .. شدت ف شعرهاااا قرررربت طيرو من بلاصتوووو بالأعصااااب .. عمرهاااا ف حياتهاااا تعصصصصبت تال هاذ الحد ..

صاااافي عينيها تعمااااااو بالغضبب ..

خصصصني نلقااااا حححل .. مستحييييييل نزيييد دقييييييقة وحدة معااااه فهاذ الداااار ..

يااااربي عااااوني .. ياااااربي متخلاش عليا ..

مشات حلت الباب و خرجت راسها كطل كي شي فارة ..

و عينيها كيضورو .. بانو ليها درووووج .. و الغرف مستفين حداهااااا ..

تمشاااات بشوييييا على قرون صباعهاااا بلا ماتديييير الحسسس خلات الباب مردودة ..

و قلبها كيضررررررب بسرررررررعة ..

طلت من الفوق حاطا يديها على صور د الخشب ..

بان ليها قيس فوق الفوطوي عاطيها بالظهرررر .. كيدوي ف تيليفون .. معرفتش شنو كايقول .. و أصلا مهامهااااش هي مية ..

دابا لي فراسها هو تهررررب من هاذ القنت .. قبل ما يخرج ليها عقلهااااا .. تحررركت بشوييييا .. كتنزل درجة ب دررررجة .. و كتدعي الله ف نفسها ميضووورش وجههو ..

و إلا غايحصلهاااا ..

زادت درجة آخرى و كاتما أنفاسها ليفضحوووها .. و كل مرة كيحرك ذراعو و لا راسووو كتشدددددها الخلعة ..

غير وصلت للدرجة الأخيرة و هي توسسع عينيها كاتشوووف منين غاتدوز دااااباااا ..

و هي معرررفت حتا الباب فين جاااات

كيبان ليها غير الحيط د.زاج لي كيطل على الجردة

غير غاتزيد خطوة أخرى و هي تسمع صوت قفزززززها من بلاصتهاااااا كسر داك الصمت تا حطت يديها على صدرهااااا

تالا : آنسة ريمااااس !! علاش نضتي من بلااااصتك راك مزالا عياااانااا خصك ترتاحي دابا ..

ريماس سدددت عينيها معصصصصصبة و نطقت ف نفسهااااا : سييييري انااا شنوووو بغييييت ليك .. الله اغبرررر ليك الششششقف خرررررجتي عليااااا تفوووو تفووووو .. اشغاندير دابااااااا

ضار لعندها قيس .. طلعها و نزلها

و نطق : من بعد و نعيط ليك ..

سالي الأمور بشكل أسررررع ..

حط تيلي ف جيبو و حرك عينيه جيهة تالا ب معني غبرررري ..

مشات بزربة ..

و ريماس كتبحلق بعيونها الخضرين ..

و عاقدا شنايفهاااا ..

قيس خشا يديه ف جيويو و دافع صدرووو : راه ديجا قلت ليك مستحيل تهرررربي مني ..

علاااش مصدعااا راسك داااابا ؟؟

ريماس كمشت يديها على طرف د الثوب لي لابسا : علاااااااش هربتييييني ؟ شنو مزاااال باقي ؟؟

ررررردني منين جيييييت الحبس حسسسسسن ليااااا من كماااااااارتك .. و ربي غاينتاااااقم مننننك .. غير صبررررر .. الدنيا كاتضووور و مغتعرف دقة منين جااااتك .. و بغيت ربي ياااااااخد رووووحك و يهنيني منككككك ..

يااااااااربي بغيت ليك موتاااا د الكلااااااب ..

زاد قرب جيهتها و ببرود قاتم : سالييتي ؟؟

يالاه رجعي لبيت لي خليتك فيها ..

سمع دقاااان ف الباب و هو يوووسع بؤبؤ عينيه مصدووووم .. شكون غايجي عندووو ف هاذ الوووقت .. و تا حد معرفووو هناااا من غير يحيى لي طبعااا وصااااه مايقووولها لحدددد .. شاف فيها : طللللللعي لبييييييت و يااا وييييييلك تنزليييي ! سمعتييييي ..

ياوييييييلك هاااانا حذررررتك

مشا جيهة الباب و ريماس كتجبد ف عويناتهاااا بفضوووول متحركتش من تماك ..

كطلب الله يكونو البوليس و يدوها ..

غير فتح الباب و هو يلقا علي لابس جاكيط و داير طااااgية و هاز قرعة د الشراب ف يديه ..

نتاااا شنووو جاي كادير هنااااا !!

و باااااش عرررفتي انا هناااااااا

علي دفعو بقوووة و دخل كيتمشى و هو كينطق : سولت عليك يحيى أ زامل قالي راه ف الفيلا لي ف الجبل ..

بزز باش سليييت ليه لساااانووو

غير شاف ريماس واقفا تماااا و كتشوووف فيه ..

تصددددم .. وقف و حبس الهضرررررة .. مووووسع عينيه .. طلعهاااا و نزلهاااا .. و رد البال لكتفها لي عااااامر باصمااااات و لكن متخيللللش كاع تكون ريماس قال يمكن شي وحدة من دوك القحبات لي كيجيب صاحبوووو و لكن تعججججب حالتها ماشي هي هاذيك ..

علي : اووووه .. خسررررت ليك صهررررة واقيلاااا..

شافت فيه معجباااا و كتخنزرررر فيه ..

قيس دخل غير شافها مزالا تماااا و هو يغووووت بصوتو الجوهري و عينيه كون فيهم الرصاص كون قتلوووهااا : اشنووووو قلت لدييييلمككك انااااا ؟؟؟ هاااا !!

ياااااك قلت لممممك منلقاااااكش هنااااا

ريمااااس : متحلمممممش نتحررررك من هناااااااا ..

بغييييت نمشيييي بحاااااالي كاااااتسمممع ؟.. مغتشدنيييييش هناااا بززززز مني.. الكلب المجررررررم <بصقت و عينيها حمريييييين>

علي تصددددم بقا مشووووكي من جرأتهااا و نطق :

noooo waaaaaay

نتي ريمااااااس ؟

Wooooow

دار شاف ف قيس شوفا د ناااااري اش هاااااذشييي ..

قيس دفع صاحبو بقووووة مخطييييه .. و مشا ليها ..

جرهااا من فروة شعرهااا و هي كتفررررركل فالدرووووج و تغووووت تا دخلها لبيت دفعهااااا و سد علييييهاااا بساروووت ..

و هي بقات كضررررب ف الباب : حححححل عليااااا أ الكلللب حللللل الحمااااار أ المااااااسخ .. تفووووووو عليييييييك ..

نزززززل بززززربة صااااعر و شاف ف علي : خرررررج تقووووود عليااااا .. يالاااااااه ..

علي : اااااش كتخوووور واش منيتك خاطف البنت ؟

لاااا صاااافي و الله تا زددددتي فيه بصح .. أ صاحبي ..

قيس : قلت ليك خرررررررررج علياااااااا ..

و ديهاااااا ف كررررك ..

علي تلاح فوق الفوطوي : هاني ساكت .. غا تهدددن ..بعداااا

بقا قيس حاط يدو على خصروووو و كينهججج : ق***** صعرااااااتني ..

خصنننييييي نزليها كواااااريهاااا ... منقدررررش نبقا ضابط أعصابي معاهاااا هاااااكا ..

علي تردد باش يدوي : قيس نسووولك !

جلس و جبد gاروووه كيكمي .. سدددد عليااا ***

علي : اشنو بغيتي مزال ؟ ياك دخلتيها لحبس ؟ و دابا خطفتيهااا .. غاتصدددق فشي مشكل كبير .. سمع ليا و ردها منين جات ..

قيس ب عينين كي صقرررر : لاااااء منقدددددرش ..

مستحيييييل

خرجت ليلى و تابعاها رزان ..

فطرو و يحيى غير هاز حجبانو فيها .. كل شويا يخنزرررر فيها لمح جرحة لي جنب فمهااا : مالك حدا فمك ؟

ليلى : ضربني جلالة خوك ..

يحيى قهقه مستهزء بيها : خوك ؟ رجع خويااااا غير بوحدي !!

غزااا فيييك نيييت .. هو لي كيعرررف ليييك صراااااحة ..

ليلى رشفت من الكاس د العصير و ببرود قاتم نطقت و لكن دااااخلها معصصصب و نار شاعلة فيها : الله اجازييييك بالخييييييير .. تقووول عدووووتكم انا فهااااذ الدار ماشي ختتتتكم ..

يحيى ضرب بالفوووورشيط : حيت تبارك الله عليك من مصيبة ل مصيييبة .. مكتستراحيش غير شويا و تردي نفس من هاذي ل هاذي ..

كون غير كنتي كاتبتي بعدا كي البنات و تجلسي فداركم بلا مشاكل كون تا حد مخسر ليك خاااااطرك ..

و العيب علينا لدرنا ليك شي حاجة ..

بالحق نتي ضرووووووري تجبدي عليك نحل و حتا تسمعي خل وذنيييييييك عاااااد كتشدددددي طريق ..

سلوى نزلت لابسا كسوا طويلا د القطن ف الزرق .. شعرها مصاوب و مقاد و كي العادة مايكاب ثقييييل .. و جات جلست مترأسة الطبلة : ماااالكم على الصباح !!

اش كااااين !!

ليلى وقفت بزعاااااف باستها ف حنكها : ماما صبااااح الورد .. عندي محاضرة دااابا .. خصني نمشي ..

"خنزرت ف خوها كارزا على شنايفها"

جرت رزان و خرجووو ..

سلوى شافت فيه : ماااالك أ يحيى ؟ اش كاين !

هو : بنتك ليييييلى كتعددددى حدووودها ..

زاااادت فيه و بزااااااااف لحد الآن ضابط أعصابي معاها ..

و كنقول صغيرة و طاااايشة .. هانية ندوزها ليها و ندير عين ميكا ... و لكن باش صااااااحبي "زفررر معصصصصب" يعيط ليا و يقوووولي ختتتتك فبواط و معاااامن مع سلgووووط د الخلااااا هاذي لااااااا ..

اناااا كنعللللمك ايلا علمت عليها داااااارت شي مصيبة أخرى هاذ المرة انا لي غانتتتتتفاهم معاااااااها ماااااشي قييييس

سلوى شافتو كي تعصصصب و وجهوو رجع حمرررر .. يحيى عادتو مهددددن شويا و بعيد على صداع و مكيغووووت تا كتوصل فيه للعظم : صااااافي أ ولدي انا غنهضر معاها و نرد ليها عقلها .. صااافي غير تهددددن ..

يحيى : هااااهو مهددددن ..

سلوى : قيس مباتش ف الدار !

هاذ الولد معرفت اش شاااااغلو فداك الراس ..

شي حاجة بيه

يحيى حرك راسو ب لا : نووو عطيتو لباااارح سوارت د الفيلا ديالي لي ف جبل طلبني عليهم ..

سلوى هزت حاجب بفضووول : و علاااااش ؟؟؟ شنو بغاهاااا ؟

ياك هو مكيحملش يمشي لتما و كتخنقووو ..

يحيى هز كتفو : و انا باش غنعرررف ..

هذاك متعرفي اشنو تحت راااسو ..

سلوى شبكت يديها و شرداااات كتفكررررر ..

وصلت ليلى و رزان عند عامر لي عاطيهم بالظهر .. و غمزت لصاحبتها كيضحكووو بيناتهم بعاد عليه : احححححح ها زين جا .. شوفي ياختي زييين المسرار ..

ليلى : ليوما خصني نبدا ..

هههه دعي معايا .. و دوري تقووودي دابا ..

ليلى تخطاتها و قربت جيهتو : احم احم .. صباح النور ..

عامر دار بزربة .. و جاب يديه قداموو : بونجوغ آنسة ..

هي : صافا عامر كي صبحتي

مزيااان !

بصوتو رجولي : بخير و نتي آنسة !

انا صافا "و ابتسمت"

فتح ليها الباب بكل تجلتمانية .. ركبت و رزان

دارت ليها باي بيديها و غمزتها كضحك بخبث ..

ركب عامر .. و دار صمطة و حداه ليلى لي جبدات رووووج من صاكها كتقادو على شنايفهااااا و تعمدت تخربقووو ..

دارت شافت فيه بعفوية : عاامر عااافاااك شوف واش مقاد ليا العكررر "نفخت شنايفها"

هو حنحن بصوتو الرجووولي .. و ركززز ب عينيه على شنايفها لي حمرييييين ب الروووج .. و نطق :

ممم احم ..لااا مصاوبتيهش من هنا "هز صبعو كيوريها ف فمو هو"

حطت يديها على بلاصة أخرى لاعبا عليه هبل ترررربح بالبيان : هنااا ؟

هو : لا لااا .. هنااا هناااا <عاود وراها ف فمو هوو>

نطقت هازا صبعها لتحت شنايفها كتمسح و تخسرو بلعااااني و مطت شنيافتها كي شي قطيطة : هناااا يااااك ! اوووف نسيت ما جبت ميغواغ ديالي كانت مكتخطانيش ف صاك .. شوووف دااابا مزياااان ياااك !!

هو تنهددددد قانط هاز حجبانو الكحلييين و قرررب جيهتها ..

شد فذقنها بلطف و هز صبعو كيمسح العكر لي خسرااات و كيهرب صبعو لشنايفها ..

و مع كان ماااط مكيبغيييش يتمسح ..

بقاااا كيشووووف ف شنااايفهااا و ملمس

ذقنهااا كان نااااعم و كاتوصلووو

أنفاااسها السخووونة و ريحتها الانثوية لي ممزوجة بعطر شانيل ..

شي حاجة تحررركت فيه لداااخل كأي رجل طبعااا من هاذ القرب ديالهاااا ..

و هي كتعمد تبقا تحرك شنايفها بشكل مثيييير ..

و مرة تحرك لسانهاااا عليهم و كيبان بريقهم لي كيلمع ..

منين غررررق ف الشوووفة فيههههم .. ف لحظة ارتبببببك .. و رجع لبلاصتووو بسررررعة .. و تنهدددد كيمسححح ف شعرووو مرجعو لووور متوتر .. : صااافي ه ه هو هه هذاك ..

ليلى بصوت مرح : شكرااااااا ..

عامر انطلق كيصوووg : و لو العفو آنسة ليلى ..

هي : قولي غير ليلى بلاش ديك آنسة بليييز ..

كنكره ديك الرسمية

عامر : احم .. لا ..

من الاحسن نحافظ على الاحترام كوني شخص كيخدمك ..

ليلى كتشوف فيه : انا كنأمررك باش تناديني غير

ليلى بوحدها بلا آنسة بلا رسمية ! اوووك عامر !!

نطق اووك .. و عينيه مركززييين مع طريييق ..

غير وصلوووو و هو ينزل فتح ليها الباب و هي كتبسم ليه على غير عادتهااا .. ما وررررق وااالوو .. غير كيستغرررب ..

تمشات معاه ف خط واحد حيت كان كيسبقها و دخل معاها لجامعة طبعااا ..

ليلى : قوليا حتال اشمن نيفوو وصلتي ف قرايتك !!

كتبان صغير مزال ..

عامر سكت .. بانت تفاحة أدم كطلع و تنزل .. و وجههو تشددد مباشرة من بعد سؤالها : م مكملتش ..

ليلى : اووبس علااااش !!

جراتو من ذراعو جلسو ف واحد الطبلة د الخشب .. و حداها شجرة .. تقااااابلت معاه و حطت صاكها حداهااا ..

عامر سكتت .. و عينيها كيرمشووو بسرررعة و كيفرررك ف صباااعووو ..

يلى : سمحلي .. يمكن مكانش خصني نسول و تطفلت عليك ..

"بغات تبدل الموضوع " الجووو زويييين ياااك ! واخا ضبابة كثيييرة .. و لكن هاذ الجو مريييح

عامر : متعطلتيش على المحاضرة ديالك !

بقات كضور ف عويناتها و يالاه غاتكذب و هو ينطق سابقها :

شنو مابغيتيش تقراي و تبني حتا نتي مستقبلك ؟

ايلا بقيتي فحال هاكا غاضيعي هاذ العام غير هاكاك .. أ ليلى ..

و نتي تعرررفي ..

ساطت شادا ف حنووووكهااا : حتا نتا .. ف اللخر راه انخدم ف الشركة مع بابا .. واخا كنكره البيزنس و داك الزابووور ..

و لا نقدر كاع ندير ضومين د الفاشن حيت كنرتاح فيه و اندخل بزررربة .. بلا عراقيل ..

عامر تبسم بجنب فمو كايقول تزادت و ف فمها ملعقة ذهب .. اي حاجة تقدر تديرها بلا ماطلع و تنزل و تشحف هاذشي طبيعي ..

بقاو مدردشين و ليلى كتحاول تكسب بعدا صداقتو أولا .. و فعلا حساتو نساجم معاها نوعا ما ..

حتا وقف عليهم واحد عينيه على ليلى و وجهووو حمررررر بااااااين واااش معصصصصب ..

شاف ف ليلى كيطلع و ينزل فيها بنظرات حادين : هييييه نتي .. one minute

شافت فيه باستغراب عمرها شافت وجههو و حسات تعابيرو كتخوووف .. و وجهت صبعها لنفسها : معايا اناااا ؟

هو بصوووت غااااضب : ااااه و شكوووون من غييييرك ..

عامر هز حاجبو و كممممش عينيه : كتعررررفيه ؟

ليلى حركت راسها بزربة ب لا و وقفت همست : غانشوفو شنو بغااا ..

عامر بصوووت غليييظ : جلسيييي ..

و هز عينو ف داك الشاب لي زعرررر : شنووو عنددددك ؟ شنو بغيتتتتي الآنسة ؟؟

ليلى : ششت عاامر بليييييز انشوفو غير اش بغا ..

و نرجع tt de suite

الشاب : جرها من يدها بسرررعة لواحد جيهة و وررك على معصمها كيغوووووت : مزاااااالا جااالسا هناااا كضحكي و فرحااااانة عااااجبك الحاااال ياااااك !!

و خووويا ف لوبيطال ضلوعو كلهم تهرسوووو .. شنووووو ديك الحااااالة لي خليتي فيها خووويا ف البوااااط ؟ هااااا ؟ بدددددم باااااارد مشيتي و خليتيه تماااااا ؟ نتي و داك زاااااامل الكللللب د خووووووك ..

ايلا جااااا ف يدي كنقسمممم ليك حتااااا ندموووو حتا يندم على نهاااار لي خرج فيه لهاذ الدنيا

ليلى حنات راسها و حست بألم فيديهااا : س سمحلياا و الله مكنتش عارفة و واش خويا غايدير

فيه ديك الحالة كووولها س سمح ليا الغلط ديالي

انااااا .. كنعتذرررر منك ..

الشاب هز يدوووو تال السماااااا و طرشهااااا

مال وجهها و تصددددمت من هااااذ الحررركة

عامر صافي ناضو القرودة كيشطحو فوق راسو ..

وقف دفع واحد الكرسي قدامووو تا تزدددح مع الأرض .. رخف الكول د القميجة حس بالخننننقة ..

و قصد الشاب بسررررعة ..شدووو من ذراعو مورررررك عليه و ملامحو جامدين..

زول يدو من على ليلى لي تجمعو دموووع ف عينيها و كاع ناس كتفرررج عليهم و شي وحدات شمتووو فيهااا حيت كيكرهوها و لقاو الفرصة فاش يبررررد غللللهم ..

بقا جارررو و ضاغط عليه بقوووووة و وقف الشااااب كيغوووت ميبس رجلو ف الأرض : فيييين ؟ وووووقف اشنوووو بغيتي خليييني نتفاااااهم مع هاذ الكلبببببة هو اللووووول ..

ليلى كتبكي و تخنن تبعتو شافت فيه : ع عاااامر عاااامر ي عءهءهءه ص صافي بعدددد منووو عافاك الله استر علييييك ..

هو بتحذير هز صبعوووو سبابة : بقااااااااي فبلاااااصتك متحركييييييش ..

غير ندوي معاه و نررررجع ..

جرووو من ذرااااعو بقووووة تا خرج من داك الحشد و بعد على الأنظار .. دفعو للحيط بقوووووة لصقو معاه و يديه على خصرو :

هيييييه جمممممع يديك علااااااش جاااايبني لهنااااا ؟

فين كنعرررررفك بعداااا

عاااامر طار عليه قجووو و عينيه فيهم الشرااااار : جبتك لهناااااا باااااش نوررييييك كيفاااااش تمددددد يديك على شي بنت ..

و هو يضربو ضرررربة وحدة بيديه جا طااااايح و دااااايخ .. رجع هزوو من تريكوه و ركلوووو ل كرشوووو تا غوووووت ..

مكاين غير الله اعطيك الصححححة .. هاذي تنفع هاذي تضرررر تا ولا مسكين كي جرررررتيلا ..

تحناااا لعندوووو و شد يدووو لواها ليه حتا

دازو كاع ألوان الطيف على وجه هذاك الشاب و كيغوووووت نن الألم لي حس بيييه :

اييييي ص صا صافي ط طلق من ي يدي ط ط طلق .. ض ض ضرااا تنييييي

عامر طلق من يدو : غير حنيييت فيك داااابا .. لوووووجه الله ..

و لكن قسما بالله العظيم و ترررررجع تهزززز يددددك على شي بنت انشدها و انقطعهااااا ليك ...

و ديك ساعة ديها فور عليها كسكسووو

و المخيررررر ف عودك دابااااا ركبووووو ..

يالااااااه نووووض تقوووود عليااااا من هناااااا أ زامل ***** ********

وجههههك منشوووفووووش ..

بقا كيسبببب فيه و ينعل .. بصق حداااااه .. و مشا كيطلق ف كمامو .. مخليه كي شي جفاف مرمي ف الأرض و كيتأوووه مقااااادرش ينوووض ..

وصل عند ليلى : كانت غادا جاااياااا .. و مزالا كتبكي ..

غير شافتو و هي طييييير وقفت علييييه : ش شنووو د درتي لييييه ؟

عامر : ش شنو غاندير ليه أ ليلى فنظرك ؟

ليلى قوست حجبانها بخووف و كتفرررك ف يديها هي غا كتوصل العصاااا كتولي ترررجف غير بوحدها : ض ضربتيه !!

عامر : لا بستليه فوق راسو ..

ليلى : بلااااا طنزززززز شنو درررررتي ليه ؟؟

عامر : تفاهمت معاه بطريقتي .. باش مايبقاش مزال يفكر حتا يقرب ليك ..

حنات عينيها كتبكي : اصلا انا السبب هءهءهءه .. خوه ف صبيطار بسبابي .. قيس هءهءهءه سلخووو و خلاه كي الميييييت .. من حقوووو راه خوووه .. هءهءهءه باااااين واش حااالتو حااالة .. الله يااااخد فيك الحق أ قيس خرجتي على الولد هءهءهءهه ..

عامر غوووووت : مااااشي من حقووو يمد يدووو عليك سمعتيييي ؟

يضررررب بننننت ؟؟؟؟ شنو دار دااااابا زعما و لا هيرووو ؟؟

يمشييييي يتفاهم مع خوووك و يخليك نتي ف تيقاااار .. ماشي نتي لي فرشختي ليه خوه يعني صاااااافي سديييناااا كينفخ ف صدرووو عللييييك زااااامل حسابووو السيييباااا ..

سكتت و هزت صاكها غادا و هو تابعها موراهااااا .. و كلشي كيدوي عليهم ..

وحدة معا جوج صحاباتها : شوووفي كي داااافع عليهااااا .. زعما هاذ ليلى مفهمتش بلااااانهاااا تقول دايراااا القبوووول ..

لاخرى نطقت : سي نورماااال راه كارد كووغ ديااالهااا ..

لولا نفخت كتسوط : و لكن عجبتني فيها ديك الطرشة ههههه ..

ركبت ليلى ف طوموبيل و حنات عينيها ..

عامر زددددح الباب و شاف فيهاااا كتقيس ف حنكهااااا : قصحححك ؟؟

هي بصوت باكي : لاء ..

عامر : هانشوووف ..

دورت وجهها كان حمررررررر .. و صباعو مطراسيين ف حنكهاااا .. زفررررر بغيييييظ و كيسسسسب و ينعل ف خااااطرووو

علااااش البكاا دااابا !!

ليلى : لبارح كليت طرشة و ليوما طرشة ..

معرررفت غدا نوبت شكوووون ..

لي جااااا يحgرررر عليااااا و يمسح فيا يديه هءهءهءه ..

شي حد داااااعي فيااااا

عامر تبسم وسط غضبو على طريقة باش كتعبررر و تقوس ف حجبانهاااا ..

صافي تهددني .. اصلا ايلا جيتي تشوفي لوجيك الغلط ديالك نتي ..

غادا لبواط ف نصاصات الليل .. شنو كتسناي خوك يديييير مثلا ؟ يعنقك و يقولك ويتك ويتك على ختي عايشااااااا الجو و خالقاها ؟

كان غايتسمى ديووث كون دار هاكا و مغاتكون عندو لا نفس لا غيرة على ختووووو و لكن منين سلخ داك زا <حبس الكلمة بزربة>

داك الكلب راه عبررر عليه ..

ليلى بغضب : شووووووكراااا زيد داااافع عليه مزاااال ..

نفس تفكيييير العووووج كوووولشي كاتحلوووه بالعنننننف .. كووووولشي

عامر شاف فيها و اعتدل ف الجلسة مقابل معاها : مزال مابغيتيش تفهممممي ؟

لنفررررض شربتي شي حاااااجة و دختي و استغلك بشي طريقة خايباااااا و لا اغتصبك و صورررك و نتي عريانا و بدا كيستفززززك ؟

بحلقت عينيها فيه عينيها ..

عامر : ماتشووووفيش فياااا هاكا كانقووول الصححح ..

هاذشي لي داباااا كيووووقع و ماشي بعيد انه يوقع ليك نفس الشيء .. الحمد لله الأمور مامشاتش ف هاذ المنحى ..

و هاذ المرة ديري عققققلك .. و تا حد ما غا يتجرأ يحgر عليك كيف قلتي ..

شاف قدامو و بدا كيلعب بيدو فوق الفولون ..

معرف شنو يقول تيحس بحالا كيدوي مع شي بنيا راسها قااااصح و كتعاااند ..

و هي كتنخصص .. اصلا غير على سبة و بوووحاااااااطة .. خصها غا ينغزززززها شي حددد ..

و دموووعها هوما سلاحها ..

انطللق كايصوووg تا وقف عند واحد المحل ..

نزل بزربة ..

و هي بقات تما ما فهمت تا لعبة .. حدها كتشوف ف حنكها كيوزوز عليها .. و جمعت شعرها على شكل كعكة ..

رجع عااامر هاز فيدو قرعة د الما مثلجة ..

دخل و قرب لحداها تا حط القررعة على حنكهااا و هي تكمش عويناتها : اووووف بااااردة بزااااف ..

عامر : ششششت خليها باش ميضركش وجهههك ..

رجع لونو كي مطيشة .. ماماك لشافتك هاكا غاتشوش عليك ..

ليلى سكتت و مرة مرة كتهزز عويناتها فيه

ريماس باتت الليل كامل و هي فاااايقاااا مزداتش الرمش مع الرررمش .. جالسا فوق ناموسية و جامعا ركابيها ل عندهاااا .. كتكمممع و يميل راسها .. و تررررجع تححححل ف عينيها موسعاهم .. كتقاااااوم نعااااااس بكل قووووة ..

مستحيييييييل تنعس و هي معررررفت شنو يقدر

يدير فيها هاذ بناااادم لي مكيعررررفش الرحمة ..

دددخلت الخدامة حطت الفطور : صباح النور آنسة

ريماس سكتت كاتشوف فيها مخنززززرة : غير ديييييه مابغيتوووووش ..

الخدامة : و لكن ميسيو قيس أصر عليا باش نعطيك تفطررري أ لالة ..

ضحكت ريماااس بوجهها لي شااااحب : هاااااز لياااا الهممم مسكيييييين الله يعطيه مووووصيبة ياااااربي ..

دورت واحد الخطة ف بااالها

بسررررررعة خياااالية و هي تبسم ب خبث ..

شافت ف ف الباب مححلووولا بقات

كضووور ف عينيها : احم شنو سميتك !!

الخدامة : انا هند ..

ريماس : عافاك أ هند دخلي لحمام شعليه معرررفتش ليه قبيلا عييييت معااااه .. و خصني نغسل حالتي منقدرش نبقا بهاذ الحالة ..

الخدامة : واخا أ لالة ..

غير تمشاااات و هي تقفزززز من بلاااصتهااااا نااااضت كتجبدددد ف عينيها ..

تبعاتها بالحفاااا كي ظلهااااا ..

كتسلللللت غير هي دخلت الخدامة للحمام و هي تقفززززز ريماس سدت عليها الباب و ضورت القفل .. خلاتها كتددددددق و عقلهاااا غايخرررررج حيت عرفت قيس غايقتلهااااا و يقولها نتي سبببب..

و شحال و هو كيوصي و يعاود فيها ..

مشات بسرررررعة هزت الموس لي حدا توست باش تذهن الزبدة ..

شدااااتو ف يديهااااا و كرزااااات عليه

خرررجت بسرررررعة .. و كتسللللت.. طلت ب عينيها مبانش ليها قيس .. و حتا علي مكاينش حسوووو ..

الكااااالم فالدااار و واحد الهدوووء غرييييب ..

شمت ريحة عطر نسائي .. باااارد مكانش قوي بزااااف ..

دارت كتشوووف و قلبهاااا كيززززدح ..

نززززلت بشويييااااا .. و هاذ المرة قلبت الدورة كتقلب على البااااب فين جاااات ..

و كتسمممع دقاااان ديال هند الخدااامة فااااااارع دنيااااا ..

زاد قلبهاااا كيضرررررب لتحصصصصل .. و تمشات حتا بان ليها الباب و هي تفرررررح ..

زادت خطوة لولا ثانية ثالثة .. و راسها كيدور يمين و شمال ..

حتا حطت يديها فوق البواني ..

حلاتو غيييير بالحسسس و هوما يبانو ليها لي غااااارد قد الغوواااال .. و فووووورمة عندهم ..

شي كتاااااف و دوك العضلااااات .. تقول خارجين من شي حلبة مصارعة ..

متقددددش عليهم و هي كي نملة قدااااامهم ..

غايشدوها و يطوووها على ربعة ..

هضرت ف نفسهاااا : خصننيييي نهرررررب بأي طرييييييقة .. ياااااربي شووووف من حاااالي و عااااونني ..

هزت واحد ديكووور من ورا الباب كان فااااز كبيييييير جاها ثقيييييل .. و تمشات لجهة لاخرى د جرررردة هازاه .. فرشخاااااتووو بقوووووة .. و رجعتتت كتجررررري حانيا ظهرهاااا .. لجيهة الباب بانو ليها كيحركووو فريووووسهم ..

واحد شير بيدو لاخر و نطق : سييييير شووووف اش وااااقع ؟ سمعت صوت شي حاجة..

مشا هذاك كيجرررييي .. و بقاااا لاااخر تما واقف كي العقبة ف طريقهاااا ..

تعصصصصصبت و معررررفت كيدير ..

رجعت سدت الباب كتفكرررر و رااااسهاااا حرررررقهااااا ..

غير بغات تحلووو عااااود و تطل ..

و هاااذ المرررة خرج فيها علي قدامهاااا ..

هز عينو فيهااا لقاااهااا كطللللع و تنزززززل فيه كان لالس حوايج سبورتيف و داير كاسك فوف وذنيه مزااال عرقاااان .. نزلووو بزررربة دورو على عنقووو و نطق كيهمس :

ممم احم .. سلام .. ريمااااس .. قيس خليتووو وراااايااا .. ايلا شافك هنااا ايغوووت .. بليييز طلعي لبيت و تفاداي صداااع باش ميديرش شي مصيبة ..

هي بحررركة خفيفة منهاااا تقلبت رجعت

وراه و حطت الموووس على عنقوووو و مزيرااااا عليه تصدددددم معررررف باااااش تبلااااا و كانت مكضحححكش الموس مزيراااااه على عنقووووو بجددددية :

نطق خااااايف : ه هييييه هيييه تهد تهدددني .. ت تهددددني ع عافااااااك انا منأذيكش .. غير تهددددني و ثقي بياااا م مستحيل نأذيك و زوولي الموووس من ي يديييك بلييييز غ غير تهدددني

هي قربت لجيهة وذنوو همسة كي شي حية : قسمااا بالله حتاااا نحرررررك سمعتييييي ؟ مطالعاااااش مطالعااااااش محكووووم عليااا ب 30 عام د الحبس نقتلك و نكمل شي لاخووووور و بدددددم بااااارد ..

غيييييير غاتخرررررجني من هناااااا و لا شهدددد لي خلللللقك

فجأة تسمع دقان ف الباب ..

سلوى : حناااااااان .. شوووفي شكووووون ..

جات حنان كتجرررري .. فتحت الباب و هي تلقا لينا بنت عم قيس .. خنزرت ف الخدامة : عاااام باش تحللليي ..

تخطاتهااا ضارباااها ب كتتتف ..

حنان تنهدددت قالبا سيفتهاااا : جااات هاذ بوبريص ثاااني تعوووج عليناااا يخخ يخخ ..

تمشات بطالونها العالي جامعا شعرها لور و دايرا مايكاب خفيف بزاااف ..

باست سلوى ف حنكهاااا : خالتي الحبيبة صافاااا ؟

سلوى ضحكتت : بخير أ زين د لا فامي نتي اش خبارك ؟ مااااماك و جلال لاباس عليهم !

لينا : كلهم بخير .. سافروو غير ليوماا .. ل ايطالي .. باش يبدلو الجووو ..

و خلاوني بووحدي ههه

سلوى تنهدت : سعداااااتهم ..

ماشي فحال داك رااااجل عندي انااا ..

نعياااا نطلب فيه نسااافرو تااا حناااا و نبدلو الجو و نرتاحو شويااا ..

و هو تقول مزوج بالخدمة ماشي بياااا .. اووووف "ساطت بيديها على وجهها" شي مرة ايطرطق لي شي عرق ف هاذ الراس ..

لينا كضور ف عويناتها : اشنو غاديري ..

غير صبررر ..

احممم قيس مزال ناعس !!

سلوى عينيها تبسمووو : مممممم قووول ماااجيااا تشوووف قيس هههه و انا نفههههم ..

لينا دوزت يدها ورا عنقها ب حركة خفيفة و تبسمت بخجل : هههه لا جيت نشوفكم كلكم .. غييير سووولت ..

سلوى : هههه و مالك حشمتيي ! عااادي ..

اصلااا قريب تولي الكنة ديالي و غاتولي تشوف قيس كل نهااااار ..

لينا قلبهااا بقااا تيضررررب بسررررعة و مقداااتها فررررحة .. فررركت يديها بتوتر و عينيها بانت فيهم الفررررحة : كتهضري ب بصح أ خااالتي !

أ تقبلي نكون كنتك !

سلوى شدت فيديها : ههه اواااعدي شنووو كاتقول .. و مالي مانقبلش بيك شنو ناااااقصك ! الجمال ماشاء الله كاين و شخصية و عندك مستقبل زوين نتي هي لي بغيت ل قيس .. و منلقاااااش حسن منك ..

و خلاوها خيرنا مايديه غيرنااا ..

ان شاء الله عرسكم انقوووم بيه كووولووو و تبقا سيرتووو على كل لسااان ..

لينا صافي مكرهتش تنوووض تضربهااا بشي تزغريييتة فرررررحت و مقددددتها فررررحة .. ناضت باست خالتها و عنقتهااااا : فرحتيني بزااااااف و الله ..

و لكن خ خايفا من واحد الحاجة

سلوى بفضول : مناش !

لينا : خايفا لتكون شي بنت ف حياتو زعما يكون كيبغيهاااا و لا شي حاجة فحال هاكا ..

سلوى هزت صبعها كتحركوو ب لا : نوووو قيس ولدي ماشي من داك نووع .. غير كيشددد و يطلللق ..

كل مرة مع وحدة فشكل راك عارفة هاذشي مكاين لاش نخبي الشمس بالغربال ..

و لكن نتيييي غاتكوووني للدواااام ان شاء الله و غاديري ليه عقلووو و تولدو ليا حفااايد "غمزتهاااا"

لينا فررررحت و بقات غير كتبسسسسم ..

احم كاين هو !

سلوى : لا مشا للفيلا لي ف جبل ..

معرفت اش شاغل بالو هاذ للياام ..

لينا : شنو يانليك نمشو لعندو و نديروها ليه مفاجأة ..

غايكوون قنط بوحدو تمااا ..

سلوى تبسمت : فكرة زوييييينة ..

انا نلبس عليا و نمشيو دابا نيييييت .. ساينيني ..

لينا : واخا أ الحبيبة ..

بقات لينا كتسنا .. و قلبها كيزززددح بالفررررحة ..

نطقت و عينيها شاردين : و اخيييييرااا

علي حسسس بالدم جمدددد فيييه من كلماااتها .. و نبرتها الجدددية لي قدر يلمس فيهاااا حقدددد كبيييير و غضب عااااامي ليها عينيها و ماشي بعيد تذبحووو و تهرررب هاذشي لي بقا كيضووور ليه ف بااالو و كيفكررر انه من الأفضل يكسب ثقتها باش يهددنهااااا :

ع عافااااك غ غير س سمعيني ريمااااس .. ا اناا غن غنعااااونك اوكي اوووووكي غير ز زولي الموووس بعداااا ب بلييييز تقدري تهوووري و ديري شي مصيبة فر فراسك .. ع عافاك ز زولي الموس من يديك ..

ان انعااااونك تهربي ووووووعددد

هي واااالو عااااد مزايدااااا فيه شججججعت رااااسها و زاااادت ضغطت على حنجرتووو بيديها و و رجعععت نطططقت : د دابا غاتحرررك و تسد فمك .. منسمممممعش حسسسسك ..

بقات غادا و يديها على عنقووو .. و هو عررررق حس بالخطورة ديااال بصصح .. مقدرش يتنفس مرتااااح .. و ديجا هو ازماتيك .. صافي كملاااااات ..

خرجت مع الباب و هوما يشوفوها الغااارد تصدمووووو قررب واحد شويااا و كيغمز ل علي : ميسيووو علي ..

هي غووووتت : قسماااااا عظماااااا و يقررررب شي حدددد جيهتي تا تحفروووو ليه قبرووو ليوووماااا .. رااااه مخااسرااااا والوووو غاداااا للحبس .. غاااااادااا ليه .. بعددددددد و تكممممش ف بلاااااصتك ديررر هك و لا هك و الله تنحشي ليه هاذ الموس ف عنقووووو سمعتيييييي ..

علي هز يديه لي كيرجفووو : م متقربوش م متقربوووش .. س سمعوو شنو كتقو وول

لدير ش شي مصيبة

زادت غاااادااا بشوياااااا و حجباااانها معقوووودين و عينيها حمريييييين .. حتا بان ليها صاحب دعوتها دااااخل مع الباب الكبير د الحديد لابس داكشي سبووورتييف قبية كححححلة مزيراااا على ذراااعوو و كاسكيط داير القب لي عريييض و شورط كحل فوق ركبة و أديداس كيبانو سيقانو لي عامرين .. جاي كيتمختر و كتافو العاااامرين كيميلو فاش كيتحررررك ..

صغررررر عينيه فيهاااااا و تم جاي مقرررب ليهاااا ..

حتا قدر يلمح الموس لي هازاااا ف يديهااا..

غوتت منين شافتو قررررب و ضغطت بالموس تا جرحت ليه عنقووو تأووووه خااااايف : ق قيييييس قيييييس متق متقرررربش ه هاذي غا تصدق قاتلااااني .. ب بقاااا ف فبلااااصتك انا مزااااوg

قيس هاز قرعة د الما فيديه زول القب و رجع شاف فيها ببرودة : شنووو هاذ الدرااااما ؟ على الصباح ؟

هي : غانررررجع دييييلمهاااا تراجيديااااا ايلا محيدتييييش من طرررييييقيييييي ..

قسمااااا بالله هاذ صاااااحبك لي فرحاااان بيه تا نذبحوووو قدااااامك

قيس زاد كمش عينيه الزرقين لي لونهم رجع باااارد وديك زروقيا زادت صفات :

ذبحيه اش كتسنااااي ؟

راهو بين يديك يالاه زربي خلاااااص..

علي طرطق عينيه و غووووت :

زااااااامل و وااااش خرررج لمك العقل

واااش فخرر ياااامي نموووت مذبووووح

ناااري غااا غانموووت مجووونب شربت غير البارح "كيشوف فالسما و كمش عينيه" يااااربي سمحلياااا كنت مقصررر ف حقققققك بزاااااف

قيس ضحك بجنب فمووو مستهزء كيشوووف فيهاااا مزالا كارزا عليه و عينيها عاااامرين حقدددد و كرااااهية ..

شنووو غانباااااتووو هنااااا ؟

ياااالاااااه قتلييييه .. زربيييي ..

هي سكتت كتنفس بسررررررعة و حست برجليهااااا كيرجفوووو ديجاا مكلاتش و نعمة مطاحتش ف فمهاااا ..

ررررجع وجههاا صفررررر و العررررق ناااااازل قطررة قطررررررة ..

زااادت زيررررت على الموووس كثرررر و كتحاااول تقصصصصصح قلببببهااااا ..

و تفكر غير ب عقلها لي كيقووووليهاااا ..

يالاه أ ريماااااس ديري أي حاجة و هرررربي من هناااا متبقايش مع هاذ المجرم متخليهش يستفزززك ...

و قلبها كيقووول ف آخر ياااامك تولييي قتااالة ..

متربيتيش على هاذشي و مستحيل ديريهااااا و تأذي شخص مقاسك ب تا حاجة ..

بقات ف صراااع بينهم بززوووج و زااادو انفاسها كيخرجووو بسررررعة ..

نططططقت : خ خلييييني نمشييييي بحاااااالي و مغنأذيييييهش .. بشرررررط خليييييني نمشي بحااااالي ..

قيس ربع يديه : لااااااء "وررررك عليهاااا".. معنددددك فين غااااتمشي غير أذييييه

و لاااا طلقيييي الموووس من يددددك

و دخلي تكمشييييي ف بيييييتك

قبل ما نجي داااابا و مغايعجبببكش الحاااااال ..

صاااابر ل لهاذ ل****** ديااالك ..

منين غايتقااادا صبررري

متأكد منعجببببكش .."زيرررر قبضة يديييه"

غووووتت كاااااتبكيييي بهستيرية : مستحييييييل نزيييييد نبقاااااا معاااااك دقييييقة كاتسممممع ؟

رااااااه كنكرررررررهك واش كتفهم اشنوووو هي كنكررررررهك أ عباد الله ..

مجررررررررم و كلللللب هءهءهء الله يااااااااخد فيك الحق .. الله ياااااخد فيك الحق يااااربي ..

"طلقت من علي دفعاتو بيديها و بقا شاد ف عنقو لي تكوانسا و تشنج رجع لوووور و كيتنفس بسرررررعة و يكحكح "

حنات عينيها و رجعت شافت ف قيس شوووفااات د الحقققققد و الغضب العاااارم لي حساتو غايبقا يتزااااد حتا تنفجرررر فددددقة وحدة هاذ تراااااكمات كلها مستحيل تزيد تحملها ..

كتخرج انفاسها لي متسابقة هززززت يدها لي كتررررجف كتشوف فيها المووس و تبحللللق فيه ..

طلقت دموووعهاا و شافت ف السما :

س سمحليا أ س سيدي ربي س سمحليا كنترجاااااك غفر لياااااا .. و ولكن م منقدرش نشررررك الهوا مع هاذ الووووحش مهنقددددرش ..

هزت الموس حطاتو فوق عنقهاااااا فرمشة عين

سرطت ريقهاااا لي نششششف و زادت كمشت يديها على بيجامتها د المستشفى ..

قيس طررررطق عينيه فيهااااا ورما القنينة ف الأرض من يدووو بغضضضضضب :

زززووووولي دااااك لق***** من يددددددك داااااااااباااا..

ريمااااااااس كوووووني تسمعيييييي قلللت زوليييييه من إيدك ..

سكتت شويا و نطقت هاذ المرة ببرودة سوداء :

بغييييتك اناااا عمررررك تشوف نهار زويييين ف حياتك .. و تشوف ضوبل و تريبل د العذاب لي حسيت بيه ..

كو كون غير كنت اذيتك ف شي حاجة ب باش نستحق ه هاذشي منك ..

ش شنوو درررت انااا !

دافعت على ووووحدة بنت بحااااالي حيت مقدرتش نشوفهاااا ف ديك الحالة !

و تدخلت .. و بسباب هاذشي ..

بغيتي تدوز عليا الصرااط

قيس حل شنايفو بغا ينطططق .. و رجع سكت عارف ايلا غوووت و سبببب غادي غير يعوورررها ..

لاح الكاسكيط ف الأرض و نطق : اووووك اوووووك خررررجي ..

"هز يدو شير لباب "سيييييري راااا الباب خرررررجي

هي : كذاااااااب كذاااااب ..

انا عارفااااك مغايهنا بااالك حتا تشوفني عبدة عند رجليك و هاذشي لي عمررررررك تحلم بيه .. نمووووووت و منكوووونش عبدة عنددددك ..

نمووووووت و منخضعش ليك .. سمعتييي !!

قيس بالغووواااات : قلللللت لك صاااااافي خرررررررجي .. تااااا حد مغاااايتبببعك ..

سيييييري .. را الباب قدااااامك ..

هااااذشي لي بغيتي وصلتييييي ليه .. يالاه سييييري

وسععععت عينيها و بدات كترمش بزرررربة بحيرة و ارتباك و خووووف : ب باش انعرررف م مغاتبعنيييش !!

قيس تنهدددد حاط يدوووو على عنقوووو ..

بصوت فحل و رجووولي و بنظرة مكتفسررررش : منتببببعكش قلللللت .. زولي الموووس من يددددك ..

حيداتو من على عنقهاااا ببطئ ..

و تمشات جيهة الباب و عينيها الخضرين مصوباهم عليه كي صقرررر.. بقات غادااا باللور و كتشووووف خايفا يكون غير مساااايرها ..

و من بعد يشدهااااا ميححححنش فيهاااااااا ..

يخلللللص ليهاااااا كووووولشي

وصلت الباب د الحديد الكبير ..

غمز ليهم و فتحووو ليهااا الباب ..

غير خطات الخطوة لولا برااا رجععععت شااافت فيه و نطقت :

سدووووووو البااااب يالاه ..

سدوووه بسررررعة و بقا كيبان ليها قيس من داك شبيك د الحديد واقف بعيد ..

مخنزرررر و وجههو حمررر العروقااا تطراساو فلحموو ..

حسبت حد 3 و هي تطلق رجليها للريييييح ..

كتجرررررييييييي و تقول ماجرييييت ..

برجليها لي حفياااانين و ترجع تللللفت ليكوووون تاااااابعهاااااا ..

ممصدقاش واش خرجت اخيرااااااااا ..

غير كتجرررري بلا وجهة محددة ..

غادا ف طريق مجهوووولة .. و محساااااتش بالتعب واخا رجليها فاااااشلين و لكن ديك رغبة د انها تهرررررب كتزيد تووولد ليهااا طااااقة باااش تبعددد ماااااا أمكن ..

شعرها كيحركووو ريييح بقوووة مرجعوو اللور ..

نسيم بااااارد كيضرب ف وجهها .. و مزالا ب البيجاما د المشفى لي حااالتهاااا ..

رجليها رجعووو حااالتهم بالتراب و مكتشوفش علاش كتعفط و مهامهاش أصلا ..

عبرات واحد الممر .. و مزالا كتجرررري و انفاسها كتقطع ..

علي شاف ف قيس : البنت وصلات فيها للعظم .. ف آخر لحظة كنت غانشههههد ..

قيس كيمسح فوجههو بغضب حاااانق : مستحيل تديرهاااا .. و لكن كنت متأكد انها تقدررر تأذي راسها ..

علي : شنووو دابا مفهمممتش اتخليها تمشي بصح و لا غير سايرتيهااااا ..

انا مابقييييت فااااهم وااالووو

قيس : مستحيل تخرج من جبل .. طريق صعيبة عليها و غاتعياااا ..

و منين غايطيح ظلام غايكبر خوفهااا .. "شير بيدو ل جوج من رجالو"

تبعوووها من بعييييد ماتحسش بيكم .. و علموني بأي حاجة ..

سمعو الأوامر و مشاو بسررررعة

علي وقف و يدو فوق جرحة لي ف عنقووو : صدمااااتني فيهاااا .. و الله ..

و نتا أ زبي جالس عليها كتشجججع فيهااا تدير شي موصيبة صحبة د *****

قيس خسر شوفة فيه : كنتي شويااااا و غاديرها تحت

حوايجك .. رجللللة د الكاااارطون ..

فاق مهدي بكري جمع دنيا بالخف أصلا مكانتش

شي روينة ..

لقا باه كيصلي .. غير سلم و نطق : الله اقبل أ با ..

يوسف : اللهم آمين ..

مهدي : انا انمشي نصاوب الفطور ..

يوسف : مديرش بحسابي راني مقاد على والو ..

الشهية معنديش ..ديال الماكلة ..

مهدي طل عليه من شرجم د الكوزينة : لا ضروووري تفطررررر .. على حساب الدوا ..

يوسف شاد تسبيح ف يديه : غانشوف بنتي ليومااا ياك !

مهدي سكت شويا كان كيتمنا فخاطرو يكون نسا هاذ الموضوع : نفطرو و نمشيو

يوسف : ان شاء الله ياربي و الله ارضي عليك أ ولدي جمع ليها حويجااااتها داكشي لي زوين جمعو ليها و دي ليها شي مخدة زوينة هي بزربة كيتشد عليها عنقهااا و يطير عليها نعاس ..

مهدي : واخا أ با واخا ..

فطرو .. و يوسف مقدررش ياكل كاع دغمة كتنزل ليه غير بززز .. مهدي دار داكشي لي قال ليه باه .. و شد فيديه ..

توكل على الله و خرج و قلبوو كيضرررب ..

شدو طوبيس .. و طوبيس آخر

عاد وصلو .. دخلو .. و طلبو من الشرطية تنادي ليهم ريماس .. وسعععت عينيها : أنت أب ريماس و نتا خوها ياك !!

مهدي تخللللع خاف تكون طرات ليها شي حاجة

خايبا :

أه علاااش شنووو كاين !!

الشرطية : الآنسة من بعد الحادثة لي وقعت ليها راه هربت من المشفى ..

يووسف تصددددم ديال بصح : ك كيفاش أ بنتي ؟ ح حادثة ! الله ارضي عليك يمكن غلطي كلمي ليا بنتي راااه سميتها ريماس ر ريماس اليوسفي .. جيت نطل عليهااا بنتي ريماس ..

مهدي بقا مصدووووم و تلف معرف شنو يقووول .. سكككت .. كيتنهددد ..

مفهههم والو أصلا مزال مقدر يستوععب شنو قالت ..

غمز ب عينيه للشرطية على قبل باه و تا هي تفهمت الأمررررر :

احم سمحليا أ الحاج غير غلطت هاذي تا هيا سميتها ريماس و لكن ماشي ليوسفي ..

و راه اليوم ممنوعة الزيارة ..

يوسف زاد قرب خطوة جيهتها نطوق بصوت ضعيف :

عافاك أ بنتي الله ارحم ليك واليديك و يعطيك مانويتي ف خاطرك ..

عافاك أ بنيتي غير نسمع صوتهااا .. توحشتهااا الله انورررك ..

غا خمسا دقايق نطمن عليها صافي و الله أ بنتي مكنشوووفش نعاااس قلبي ميرتاحش لمشفتهاش ..

هي معرفات شنو تقول ليه بقا فيها بزااااف : س سمحليا الحاج هذا هو القانون جي مرة أخرى و يكون خير ..

مهدي جرو مبعدو تا جلسو فوق واحد الكرسي : صافي أ با مرة أخرى و نرجعووو ..

يوسف تغرغرو عينيه بالدموع : ختك بيها شي حاجة

أ ولدي .. قلبي مزيرررر علياااا .. حاس بيهااأ شي حاجة ..

مهدي : شششت بعيد الشر عليها غاتكووون بخير أ با ..

يوسف : لاااا لاااا انا ح حاااااس حاس بيها شي حاجة ..

هانتا ديني عند هاذ البنت نعااااود نطلبها لعل و عسى يحن قلبها و تخليني نشوف بنتي ..

مهدي : غير جلس انا نمشي نطلبها و نرررجع

مهدي فاتو و مشا جيهتها : واش متأكدة ريماس اليوسفي ؟

هي : اه راه أثرها غبرررر و البوليس كايقلبو عليها ..

مهدي شد فراسو : ميمكنش ختي تهرررررب ..

مستحييييييل .. معندهااااا فين تمشييييي ..

و اشمن حادثة واش وقعات شي حاجة ليهاااااا ؟

الشرطية نطقت : اه وقع عراك مع بعض سجينات و تحرقت ف كتفها كانت حالتها خطيييييرة ..

تنقلات فوراااا للمستشفى من بعد أثرها بحالا تمسسح مزال كيحققو ف قضيتهاااا ..

مهدي شد ف الحيط بيديه .. و بقا غير كيشوووف تا عينيه مقدروووش يرمشوووو ممصدقش هاذشي لي واقع ..

بقا كيشوف ف باه قدامو على داك الكرسي جالس و كيشوف ف الأرض شاد ف عكااازو رجع كي شي كميشة ..

كيبان فيه العيااااا بزااااف .. و الحزززززن مسيطر على ملامحو ..

مهدي مشا عندو و شد فيدو : با يالاه

يوسف بفرح : غانشوفوها !! يااااك أ ولدي ..

مهدي : لا ممنوعة زيارة مبغاااتتش ..

جرو من ذراعو ..

و مهدي مكسوووور .. معرف شنو هاذشي كيو ووقع ليهم راسو مسكتش من التفكير ..

بقا خاااايف على ريماس و ممصدقش بلي ممكن تكون هربات مقدرش يصددددق ..

و البوليس مجاو حققو ما قلبووو عليها ما والو ..

وصل باه للدار و دخل جلس ف بلاصتو مغبن و حالتو حزينة .. مغببببن .. و كينين ..

حتا تسمع دقااان ف الباب ..

مشا مهدي حل كانت عيشة مقادة و محللللقة على الحالة : مهدددي لباس !!

هو حرك راسو ب لا : مكاين ما لباس أ ختي عيشة ..

هي : مالك أ مهدي اش طاري ؟

سد الباب و بعد شويا و هي تابعاه : دويييي مهدي خلعتيني عمي لباس عليه ؟؟

نطق بصوت في بحة : ريماس مشينا نزوروها .. قالت لينا الشرطية هربات .. "هز عينو فيها" ختي مستحيييييل تهررررب .. مستحييييل ..

حست عيشة بالصددددمة .. حلت فمها ممتيقااااش : واااااش متأكدددددد ؟ اوييييلي على هرباااات اويييلي .. و كي غادير تهرررررب و هي وسط الحبس !!

مهدي بغضضضب كيحرك فراسووو لي مسندو على الحيط :

معرررررفتش معررررفتش ..

معررررفتش "مسح وحههو تااالف و حااااير"

دابزو معاها شي وحدات يمكن و تحرقت

ف كتفها "قالها بغصة واحلا ليه" و فاش مشاو لصبيطار هرررربت .. هااااذشي مكيدخللللش للراااااس ا ختي عيشة .. مقااااادرش نستووووعب

هي رجععع وجهها صفرررررر منين تفكررررت قيس ..

صافي ورررقت البلان كوووووولووو .. و هنا تخواااا ليها الماااا فالركااااابي ..

قالت غايكووون شراها ليها معااااهااا .. صافي عقلها محبسش من التفكيييير ..

كاتردد ف نفسها حاجة وحدة ..

علايااااااش ناااوي هذاااا

مهدي : سمحي ليا انا غندخل نشوف با ..

و هاذ الهضرة ربي خليها بيناتنا عرفتي الحومة كي دايرا و با ايلا ساق الخبار غيموووت فيهااا و لا شي حاجة الله احفظ ..

طبطبت على كتفووو بمواساة زعما : متوصييييينيش .. يااااربي دير ليها شي تاويل د الخير بقات فيا الصكعة المصايب حلفو لا تفرقو عليها ..

تخطاها و دخل .. سد الباب و بقا جالس كيتنهددددد .

يتبع...

ريماس الجزء الخامس

محتوى القصة

التنقل بين الأجزاء