ريماس الجزء الثامن

حلت عينيها مطرطقاهم بصدمة غير كتبحلق ..

جاب ليها الله بحالا مسمعتش مزيان : ش شنو ! ش شنو قلتي !

حط ليها لوراق ف يديها : هاذو وراق زواجنا .. انا وقعت خاص توقعي غير نتي

"مد ليها ستيلو و كيشوف ف عينيها" أااالي فااازي

تصددددمت معرفات باش تبلااااات .. نزلت عينيها على دوك لوراق كتبحلق فيهم و شافت توقيعو الكبير .. و هي مزالا ممستوعباش هاذشي ..

رجعت شافت فيه قهقت بسخرية ممتيقاش اش هاذشي لي كيوقع قدامهاااا واش كتحلم : ههه لاااااا بزاااااااف واش صاااافي طار لك الفريخ ! لاااااااا واااش منيتك !

"كمشت دوك لوراق فيديها بقوووة كتقطع فيهم طريفات طريفات و دارت رماتهم ف البحر من فوق داك الصور ديال اليخت لي كانت متكيا عليه و زادت حمررررت عينيها فيه :

واخاااا نعررررررف نمووووووووت منتزوجش بيك و غانررررجع نعااااودها نتاااااا <هزت صبعها السبابة موجهاه ليه باتهام> راااااك مريييييييييض كاتسمممممع ؟؟؟ مرييييييييييييييض و خصك تشوف شي حد يعاااالجك هاذشي ايلا لقيتيه بعدااااااااا حيت حالتك صعيييييييبة بزاااااااف و يمكن مستعصية العلاج ..

شدت فشعر راسها هازا عويناتها للسما : اشنوووو دررررت ياااااربي اشنوووو دررررت فحياااااتي حتا تجااااازيني بواحد فحياتي بحال هذااااا اشنووووو دررررررت اشنووووو ..

هو طول ديك المدة لي هي كتعرعر فيها و كطبلبل تغوووت و تسب و تلعن و تستحقر فييييه و كاتبين ليه شحال عايفاااااه ..

في حين هو كان مربع يديه و غير كيشوف فيها بجمود و نظرات غرااااب مكيتفسروووووش .. داك البيل سماطي لي لابس قرب يطرطق على ضلوعو لي تصلبوووو و تطراساو فيهم العروق ..

مسح نيفو بحركة خفيفة و حك يديه مع بعض ..

كيختار كلماتو .. عاد شاف فيها :

دفعتيني باش ندير حوايج ماكنتش كنفكر نديرهم بالحق هاكا غايكون حسن ليك و لياااااا ..

هي غووتت بقوووة :

وااااا المخيررررر ف خيلك ركبوووو مغاديش تخلعني كاتسمع ؟ و ايلا بغيتي تنزلني لداك البيت عاود غير نزلني ليه هو احسن من شووووفتك و لا لوحني هنا احسن .. واش انت كتحلممم ؟؟؟ نتزوج بيك نتااااااا ؟؟ هههه لاااا رااااه هذا بصح السطاج اللخر ..

كون مكانتش القتيلا حرام عند الله و معصية كوووون قتلتتتتتتتك بلا منتردددد بلا منرمش جفن ..

رمات ليه هاذ الكلمات بحال السم و كتنهج .. شدت بيدها فداك السور و البرد عنكش شعرها لي كيجي على وجهها و ب عينين حمريييين كتشوفيه بتحددددي ..

قيس حط صبعو على موسطاشو الخفيييف كيلوي فشي زغبات و نطق ببرودة قاتمة : اووك As you want

جبد تيلي من جيبو و ركب واحد رقم .. دار السبيكينغ باش يتسمع ليها و رد داك الشخص بسرعة بصوت غلييييظ و خشن :

وي سيدي باش كتأمرررر

قيس : ممم بغيتك فواحد الحاجة مهمة "كيدوي و عينو عليها"

يوسف أو مهدي اليوسفي ممم فحال فحال اصلا .. المهم واحد من هاذ زوج بغيت فاش تشرق الشمس يكون قبرهم كيتحفر .. مفهوووم !!

هي بحالا تخوا عليها شي سطل ديال الما بااااارد و مثلج .. تصددددمت و قلبها كيزددددح بقووووة .. على ذكرو لاسم باها و خوهاااا ..حست ت خوا ليها الما فالركابي و صوتها هرررب ..

الشخص : واخا سيدي .. كتأمر بشي حاجة اخرى ؟

ردد لا و قطع قيس لابيل .. رد تيلي ل جيبو : بلاااا ماتحاولي ترجايني دابا أو تطلبيني نغير رأيي اووك !! .. حييييت مستحيل .. نتي تجاوزتي حدودك و حتا انا تجاوزتهم ..

و دفلة منين كتخرج من الفم مكترجعش .. و دابا غاتشوفي على عينيك كيفاش كيتصرفو المراااض و لي بسيكوباااااط حيت مزال ماشفتي والو ..

دار بظهرووو العريييض هز ديك الكاغتابل و هز قرعة د الشراب فيديه و مشا كيدندن واحد الأغنية بواحد اللامبالاة مستفزززززة ليهااااا ..

طاحت ريماس على ركابيها و كتنفس بسررررعة .. مزالا ممستوعباش .. و كضرب فراسها بقوووةة و تجبد فشعرهاااااا :

اهىىىى ياااااربي اش هاااااذشي اهىىىى اهىىئ اش هاذ الووووحش مفقلبووووش الرحمة اوووووف ياااربي اهىىىىئ اووووو عيييييييييت اهىىىئ ..

وقفت بزز كتجمع فقواها .. و نزلت كتجري عندو و هي كتنخصص و وجهها حمرررررر ..

كلها كتهز و تحط بواحد الهيستيرية ديال البكا منين استوعبت مزيان شنو قال لداك الشخص حسن بالدنيا دارت بيها ..

بقات كتقلب والو مكاينش .. حتا سمعت شي حس ف الحمام .. و بلا ماتفكر حلت عليه الباب دخلت و هو تحت رشاشة .. غير ب البوكسر ..

دار بزربة شاف فيها كيحرك فعويناتو باستفسار و الما كيقطر منووو ..

دخلت جيهتو بلا عقل ماعارفاش أصلا اشنو كاااااتدير .. وقفت حداه و الما كيترش عليها و جمعت يديها لعند صدرها كترجاه ب عينين دااامعييين و صوووت بااااكي :

اهىىىى اهىىىئ كنترجااااااك مت متقيسش ليا بابا و خويا هوما لي عندي كنترجاااااااك .. كنترجااااااااك دير فيا لي بغيتي .. غير متقرررربش ليههم ..

سد الما .. و تخطاها هز البينوار لبسو و خرج دايرها بحال شي حاجة غير مرئية ..

حنات راسها كتبكي .. حاسا بالضعععف .. و الحgررررة و اي إحساس مريييير كتقووول ف نفسها هذا بصصصصح مريييييض و يقدر يقتتتل بلا ميغمض ليه جفن .. و عااادي بدم بارد كاع و مستحيل ضحي بروح أعز الناس عندو فسبيل عنادها ..

مشات كتجري عاود تبعاتو لفين دخل و كان كيلبس عليه من بعد مانشف حالتو و شعرو كيقطر شويا ..

عااااااافاااااك سمعنيييي غير سمعنيييي اهىىئى هءهءهءه راه اندير لي بغيييييتي غير مت تقربش ليهم .. الله اخلييييييييك .. كنطلللللبك .. لييييي بغييييييتي نديررررها انا غانووووقع غانووووقع غير عي عيط ل هذاك م متخليهش يأذيهم هءهءهؤههىىئ عا عافااااااك

لبس واحد القميجة كانت بيضا و ثوبها رقيق .. وهز واحد البوكسر لبسو قدامها بلا ميستحيى دورت وجهها بزربة لحيط منين شافتو غينزل لفوطة .. و خبعت وجهها بيديها ..

لبس عليه و قهقه بصوت مسموع مكشر على نيباو ..

حل الباب و خرج و هي تزول يديها لقاتو غبررر .. تنهدددت و داخلها كيحررررقها بقوووووة

خرجت كترعددد و دموع سخان كينزلو على خدها لي رجع غيطرطق بالحمورية كان واقف حدا الكونطوار كيميلونجي ف الشراب حاط حداه قوة القراعي لي مستفين اشكال و أنواع ..

و كيبان ظهرو العريض فديك القميجة ..

زادت قربت جيهتو حتا وقفت عليه .. حس بظلها و دار بشويا و طلع و نزل فيها باستحقار :

? what

بقات غير كتفرك فيديها و كتشوفو كيرشف من الكاس كل شويا و عينيه كي صقر عليها مسنند يدو لوور و كيرجع يرررشف حتا يسالي الكاس و ينزل على واحد آخر ..

متلذذ بتعابير وجهها لي رجعات خاصعة ليه أخيرا و لو انه محاسش بشي متعة نيت ..

صرطتت ريقها و مسحت وجهها من دمووع : قيس كنترجااااااك متاذي

قاطعها حاط صبعو على فمها .. رجعت خطوة اللور بخوووف من تعابيرو لتحولات فرمشة عين لملامح غريبة .. شافت ف عينيه شهوة قدرت تميزها ف ثانية وحدة ..

جذبها بقوة من خصرها مرجعها لور حتا لصق ظهرها مع الكونطوار لي فوقو كيسان د شراب و هو ملاصق معاها صدرو المبرونزي مكشوووف و ريحتو القوية الممزوجة بريحة مارلبورو عاطيا منو ..

نزل بنيفو غارسو فوسط خصلات شعرها كيشم ريحتها زوينة لي تغلغلات و شقت طريقها لريتو .. سد عينيه و حس بقلبو كيخفق بسررررعة ..

تملكاتو عاود نفس الأحاسيس الجياشة ..

لي كتخليه يفكر بقلبو و كتطرد دماغو من مملكتو .. ماباغيش يفقد سيطرة على راسو هاذشي كيخليه يحس بالضعف .. و لكن ماعندو مايدير هاذشي كان أقوى منووو و من اي حاجة أخرة ..

بغات تدفعوو بيدياتها و لكن ثقلو كان كولو عليها و كتحس بحالا كتدفع فشي حيط تنهددت مخرجا صوتها متقطع : هى ا ب بعد بعدد ..

رجع حط حنكو على خدها لي فازg بالدموع و مروو بشويا و هي حاسة برجفو و خوووف مزعزعها كووولها و كل ذرة فيها ..

تقابلو عينيه لي سرحو ف عويناتها الخضرين .. كيطل عليهم و كيبحر ف لونهم لي رجع باااارد ..

كانت انفاسو لي كتحمل ريحة الويسكي القاصح كتضرب على وجهها و هو حاس بثأثير الشراب بدا كيعطي مفعولو و رجع راسو ثقيييييل .. و نظراتو زادت تكمشت

سد عينيه و رجع حلهم محاملش يأثر عليه الشراب بهاذ الطريقة حط طراف صباعو على عينيه : فااااااك ..

حس بذاتو زااادت ارتفعت حرارتها كثر و كثررررر ..

ريماس حست بيه سكررر كان واضح عينيه رجعوو حمريييين : ق قيس .. ب بعد عليا شويا خنقتيني .. ع عافاك بعد شويااا

بغات تحرك و حبسها عاود نطق بصوت ثقيييل و عينيه مركزين على شنايفها لي كيرجفوو : شششت .. خليك هاكا بليز ..

شد ف خصلات شعرها كيلعب فيهم و يلويهم على صباعو بلطف .. رجع ركز على جرحة لي جنب فمها

صغر عويناتو حتا رموشو دارو ظل على عينيه .. حط صبعو عليها بلطف : اووبس .. كتوعتك ياك !!

تصدددمت فيه كيفاش رطااااب و رجع كيبان حنييييين .. تقول هزيتي قيس و حطيتي قيس. احد آخر .. شوفاتو ربكوووها و يديه لي كيلعبو فشعرهااا مابقااات فهمت والووو ..

قيس ر راك ماشي فوعيك .. س سير غسل وجهك سير "هزت يديها كتبعدو بشويا و هو محاصرها"

غير مزايد فيه و حلف لا تحرك من تما واخا مرة مرة كيميل و يحس براسو غايطيح .. سبابو ديك لادوز لي كثرها عمرو شرب بديك طريقة ..

بقا كيتأمل ف ملامحها لي مقوسين .. و شفايفها كاع بالخصوص رجعو حمرييين و منفوخين بالبكااا .. و صدرها كيطلع و ينزل بالخوف و الرعب ..

زاد قرب حتا حط شنايفو على فمها غفلها و هي بحالا ضربها الضو ..

طرطقت عينيها و بغات تدفعو كرز يدو على يدياتها الصغار بزوج مرجعهم جيهة صدرو ..

حست قلبو كيضررررب بجهدددددد ..

و زاد حط ثقلو عليها و هي ظهرها محبوس مع الكونطوار كتميل فوجهها و تبكي مبغاااتوش يقرب ليهاااا ..

زاد ترخااااا و حس بحالا شعلت فيه العافيا جهلوووه شنايفها لي كانو رطيطبين بزاااف ..

و هو كيرتوي منهم بحالا كيتمذق العسل ف فموو ..

زاد كيمص و يجررر و هي دموعها محبسوووش حتا انفاسها تقطعووو مخلاش ليها مساحة حتا فين تنفس مورررك عليها ..

و رجع غرس صباعو فشعرهااااا و تحولت ديك القبلة الهادية ل قبلة شرسة .. و هو مرفووووع مكاينش فهاذ العالم ..

طعم شراب كان ف فمها و عيات تدفع و تغووووت و تضرب و عو بحال شي عملاق ممخليهاش تتحرك ..

سلت يدها منو بشويا و بخفة .. فمو كيلتهم فشنايفها حتا سال معاهم الدم حستهم تجرحو بسنانو و هي غير صااابراااا حيت عيات تدفع و تغوت و والووووو سيد ترررررفع ..

خرج على السيطرة صافي .. هزت يدها الفوق .. و هو نزل لعنقها كيمص و يبوس بقوووة .. و كيشم فريحتها بطريقة خوفاااتها ..

غير حست بيدها شدت فقرعة د شراب و هي تقوس حجبانها .. زادت زيرررت عليها بقووووة باش ماطيحش من يدها .. و كانت هامرا بشراب حستها ثقيلة شويا ..

قيس نزل بلسانو لجيهة صدرها بغا يفك حوايجها .. و هي تهز ديك القرعة تال السمااااا و فرشخاتها على راسو حتا بقا طرف دزاج فيدها داك الفم د القرعة ..

حنى ظهرووو مقوسو بسررررعة و حط يدو على راسو لي كينزززززف بقوووووة ودم كيقطرررر ف الأرض .. خرج صوت مبحوح مقصح فراسو ديال بصح ..

هي تخللللعتت و قلبها كيضرررررب و يبست فبلاصتها كتنهججج و تشوف فيه كيفاش تقصح .. و زاج مشتت ف الأرض ..

غير هز عينو فيها لي حمريييين و داااايخييين بزز باش واااقف : ر ريماس زولي د داكشي من ي يدك

قرب كثر جيهتها .. و هي طير هزت قررررعة اخرى و الغضب عامي عينيها ..

شدت فيها بقووووة و بتهدييييد وااااضح : تق قرب و الله حتا نهرسها علة راسك ..

وقف و كمممممش عينيه بقوة و نازل الدم من راسو طبع قميجتووو و حالتو رجعات كتخلع .. قرب جيهتها حتا وصل ليها كيجر فرجليه..

و هي بالرررعب لي حست بيه طارت هرساتها على راسو بقووووة ..

خرج بحة مكسووورة بالألم لي حس بيه و طاح ف الأرض منشور فقد الوعي .. و دمايات خارجين من راسوووو ..

هي مزالا مصدومة ماحاساش بشنو دارت غير مطرطقة عينيها فديك البركة ديال الدم لي ف الأرض ..

حست بالبولة نزلت بين فخاضها .. و فزgت حالتها بالخلللللعة ..

بقات غير كتشوف مخلوعة هزت يدها صررررفقت راسها بقوووة حتا فاقت من شرودهااااا ..

و هي تهز يدها بسرررررعة حطتها على فمها شهقت : ي يا ياربي ش شنو د درت ا انا ش شنو درت ش شنو د درت .. ي ياربي

نزلت بزربة لجيهتو كتحرك فيه و هو طايح ف الأرض على كرشو و راسو مايل ..

كتحركو و يديها كيرجفو و عينيها كيرمشووو بزررربة ..

رجعت شعرها لوور و كتحرك فيه : ق قيس قيس هءهءهء ق قيس قي قيس

ي ياربي و واش م مات ي ياربي اش اشدرت ..

دوراتو حتا تقلب على ظهرو .. و نص وجههو عامر بدم لي مخبي حجبانو و عينيه ..

زادت ف وتيرة بكائهاااا ..

نزلت راسها جيهة صدرو كتحسس نبضو حتا سمعاتو كيضررب و هي ترجع تنفس بشويااااااا و حالتها حاااااالة

ناضت كترجف .. جمعت شعرها خنقها .. و بقات كتعض فظفارهاااا و راسها غايطرطق بالتفكييييير ..

شنو غاندير شنوووو .. يااااربي شنووو غاندير داااباااا ..

غير تفكرت باهااا و خوها و شنو قال لداك الشخص و هو يترعددد قلبها ب الخوف خساتو غايسكككت ..

مشات جيهتو بزربة تحنات كتقلب فجيبو و عينيها على ملامحو بررررعب ..

جبدت تيليفونو من جيب بشوياااا .. و خرجت من تماااا كتجريييي ..

شادا تيليفون ف يديها لي كيترعدووو .. شعلاتو و دخلت .. حمدات الله منين مدايرش الكود ..

كانت غاتووووحل ديال بصح

دخلت كتقلب على آخر مكالمة في ال récentes ..

لقاتها ..و هي تدخل صيفطات ميساج ..

حاولت تدوي بطريقة باش كيدوي قيس لي فيها ديما الأوامر و نوع من الجبروت و كتبت ..

صافي بلا ماتنفذ .. دير شي حاجة ماتلوم غير رااااااسك هانا حذرتك ..

تنهدت و صيفطاتووو ..

و قلبهااااا كيزدددددح حاطا تيلي على صدرها و كتش ف ف السما و ظلااااام ..

وصلها ميساج ديك ساعة قفزها بالخوف حلات تيلي و هي تلقاه كتب ليها : اوكي سيدي نتا غير آمر ..

تنهدددت و حست رجعت فيها روووووح ..

دوزت يدها على جبهتها لي عرررقت ..

رجعت دخلت بانليها مسرررح تما مزاااال ..

تهززز صدرها بألم من منظر الددددم لي تماااك و زاج مفرتت و الشراب مخوييي ..

غير تسمع ليها بحال شي صوت قريب شي حاجة كتحرك و هي تخرج كتجرررري ..

وسسسسعت عينيها بددددهشة و هي حاطا يديها على الصور .. كان يخت دايز من حداهم مزال بعيد شويااااا ..

قلبهااا بقاااا كيضررررب بجهددددد بفرررررحة ..

طاحت فبالها واحد الفكرة .. و مشات بخطوات سريعينت كتقلب على سوارت .. حتا لقاتهم هزاتهم .. و هي تسد عليه الباب ..

ديال ديك الغرفة و خرجت و تيليفونو مزال ف يدهاااا .. دارت بيه الفلاش و بقات كتهز يديها لفووووف كاتدير بيه بااااي ..

حتا تشنج ذرااااعهاااا عليهااااا .. زاد اليخت كيقرب جيهتها و قلبها غادي و كيضرررب : ي يااارببييي يااااربي عاااااوني و خليهم يقربووووو يااااربي .. خليهم يقررربوووو مزااال

رجعت كتشيررررر بيديهااااا ..

حتا وصلو جيهتها .. واحد طل كان شاب ف مقتبل العمر طويييل و كتااافو عرااااض لابس شورط و قميجة .. غووت شويا باش يتسمع صوتو : what's wrong ?

⚡⚡⚡⚡⚡⚡

غوتت بصوت عالي : ع عاااافاااك واخااا تعاوني عاااافااااك كنترجاااااااااك ..

الله اخلييييك

نطق كيتفحص ملامحها لي ظاهر عليهم الخوف نطق بالعربية منين فهم بلي هي مغربية : شنووو المشكل ؟؟

ريماااس : وحلت هنااااا و معرفتش نصوووg عافاك واخا نمشي معاكم الله اخليك راه وحلت هنااا .. "كذبت مستحيل تقولو قيس لداخل"

هو دار بوجهوو و عنقو كوووولو طاطواااااج على شكا أفعى ملوياااا و داير مع عنقوووو واصل تال حدا وذنيه كيبان بحال شي gاوري تمام .. شاف فليمن ديالوو و كان كيدووي بإنجليزية : هييييه ماااااكس ..

دار عندوو واحد شهب راس كان فمقددمة الباطو كيصوg : وي سيدي

رجع نطق بصوت خشن : قرررب لعندهااا شوياااا كنظن راها ف مشكل ..

ماكس : واخا سيدي ..

هو رجع كيشوف فيها كيفاش كترررعد و شعرررها كيحركووو البرد .. كان شاد صيgار فيدو .. و شعرو الرطيطب قهوي و شي خصلات صفريييين كيرجعهم الريح اللور ..

غير تقاربو االباطوات شويا ..

و هو ينطق : واش ينزل عندك ماكس هو كيفهم فهاذ الأمور كثررر .. و يشوف شنو المشكل !

هي حركت راسها ب لا بسرررررعة : لااااا لااااا .. بغيت ن نمشي من هناااا عافاك .. م ماشي مشكل غير يبقا اليخت هناااا م ماشي مشكل ..

الله اخلييييك كنترجااااااك "جمعت يديها لعند صدرهااا"

بقات كتبكيييي بقووووة .. تخلطو عليهاااا كاع الأحاسيس اصلا غير هاذشي لي عاشت راه فيه الكفاية ..

رجع ردد : اوك ريلااااكس ..

عطيني يدددك ..

يبسو رجليها ف الأرض و ضورت عينيه لجيهة الغرفة لي فيها قيس و حست بتأنيب ضمير كيعاتبها ..

مرمي تما فدماياتو .. و من الفوق سدت عليه ديك الباب ..

بقات كتحاول تخدم عقلهاااا كثرررر ..

و عينيها كبرمشووو بقوووة ب نرفزة و ارتباك كلها مشاعر ممزوجة .. خالقا ليها خوووف كبييييير ..

دفعت يدها جيهتو و قرب يدو ليها زيرررر على ذراعها : غانحسب حد 3 انهزك رايت !

هي خافت حيت كانت شويا د المسافة و خافت طيح ف البحر و خصوصا الباطو لي فيه هو عااالي و ضخخخخم على اليخت لي فيه هي .. رددت بارتباك : و و مانطيحش ي ياك !!

حرك راسو بلا .. don't worry غير زيري على يدي كثر

حسب حد 3 وجذبهاااا بقوووة لليخت ديالو مزيررر على فكووو باش متفلتش وطيح و اخيرا سحبهاااا حتا كان غيتزدح راسها مع داك الحديدة و كالا عليها بيديه ..

هي سدددت عينيها مكمشاهم و صوت انفااااسها لي متسااااابقااااا .. بقات كتنفس بسرررررعة .. و حطت يدها على قلبها : الحمد الله الحمد لله ياااربي عاونتيني ..

حلت عينيها و ناضت و دوخة شاداها .. هو كان واقف مربع يديه يالاه كيبانو ليها ملامحو .. كان كيبان عليه الثرااااااء الفااااحش من شكل د ملابسو و ديك المgانة المذهبة لي فيدووو ..

دورت وجهها كانو بعدوووو على اليخت لي فيه قيس و هي تطلق تنهييييدة طويييلة : شكراااااا بزاااف عمرني ننسا ليك هاذ الخير فحياتي عمرررررني ..

عمررررني ننساه و الله ..

هو خشا يديه ف جيوبو : اتس اوكاي .. مدرت والو ..

غير حسيت فحالا واش خليتي شي وحش فداك الباطو بطريقة باش تنهدتي و نتي كاتشوفينا كانبعدووو ممم ..

توتررت و دوزت يدها على عنقها و لكن مكذبش نيت راااااااه ووحش هاذشي لي رددت ف خاطرها ..

قاطعها : انا كارلوس .. مهم be relaxed و مكاين لاش تخافي .. ممكن تاخدي شي غرفة و ارتاحي فيها ..

نطقت بسرعة : و واش غانرجعو ل لمدينة ياك !

هو حرك عينيه : ممم ضروري ترجعي دابا ؟ حيت كنا دايرين programme

هي عضت على شنايفها و عينيها مدمعين : تقدرو غير ترجعوني دابا كنترجاااااك الله اخليك ..

زاد قرب جيهتها و تحنى شويا كان طويييل عليها : ريلاكس علاش هاذ الخوف كولو .. اتس اوكي as you like

انرجعو دابا ..

شاف ف ماكس عاطيه أمر : ررررجع .. داباااا ..

تنهدت و بغيون ممتنة : شكرااااا بزااااااف و الله شكرااااا

نطق : احم دخلي لشي غرفة ..

البرد بزاف عليك هنا ..

حركت راسها ب لا : ش شكرا بزاااف مرتاحة هااااكااا ..

هز راسو ب اه و تخطاها غادي دخل و مابقاش بان ليهااا زادت تنهدت مابقاتش كتقدر ثيق فشي حد واخا من شكلو مباينش فيه غايغتاصبها و لا يتحرش بيها قدرت تشوف هاذشي ف عينيه حست بلي فيهم واحد البريق كيشبه لبريق عينين قيس .. فيهم طعم التكبر أو شي حاجة من هاذ القبيل ..

ردت البال ل تيليفون قيس لي فيديها و هي جالسة مكمشة فداك القنت حالتها حالة و وجهها رجع صفررررر ..

حست بضميرها فااااق و رررجع كيعااااتب فيهااااا بلا ميصمت للحظة ..

تفكرت دم لي كان معمر الدنيا و حالتووو و هو منشور تما فديك الأرض .. و من الفوق سدددت عليه و هو وسط البحر ..

شدددت شعر راسهااااا و عينيها تقوسو معاااارفة شنو تدير تلفاااات .. مكانش خصها تمادى تال هاذ الدرررررجة ممكن يموت و مايسيق حد خبارو ..

و تفكرت فاش عتقها من دوك المجرمين لي كانو غايفتارسوها و هي حية ترزق ..

زادت الندم شق طريقو لتفكيرها لي محبسش .. و هي طيح ف بالها واحد الفكرة على غفلة ..

هزت تيلي و يديها كانو تهدنو شويا مابقاوش كيرجفو بحال قبل ..

دخلت للرقم ديال داك الشخص .. كتبت ميساج فيه ..

عافاك اجي عتقني راني انا وسط الباطو ف البحر خسر بيا و واحل هناااا ..

صيفطاتو و جلست سكتت تتعض على شنايفهاااا بتوتر شويا حتا بدا تيلي كيصوووني و يعااااااود محبسسسسش ..

رجعت ندددددمت علاش صيفطات داك الميساج لي بانليها معيق ضربت راسها بقوووة و نطقت : واش قيس غايقول عاااااافاك وييييلي أ ريماااااس خرررجتي على رااااسك دااابااا .. صافي غاينحرني لاجا و فيقو ناااري يديا كاياكلوووني اووووووف ندددددمت ..

تيلي مسكتش .. عصبهااااا و كيزيد يوترها ف كل رنة كتسمع و هي توقف رماتو ف البحر .. و بقات كتفرك ف صباعهااااا و مرة مرة ترجع شعرها للور و هي مترقبة البحر ب عينين تايهين و خايفين ..

و بعيدا عليها كانو عينين رماديين مراقبينها ..

و شكون من غيرو كارلوس لي كينفث دخان ديالو و حاضي كل حركة كتصدر منها .. بعيون كاتحمل غموووض كبيييييير ..

من بعد ساعة تقريبا وصلو ..

ريماس بعينين متلهفين كيشوفو قدامهاااا .. و يديها عرقوووو ..

قرب جيهتها كارلوس لي بدل عليه حوايجوو نطق : تقدري تنزلي دابا ..

تبسمت و هي محرجة : كنشكرررررك بزااااااااف عاونتيني عمررررني نساااا ليك هاااذ الخير ف حياتي كاملة و س سمحليا حيت خسرت ليكم البرنامج ديالكم و الله سمحولياااا ..

بقا كيسكانيها ب عينيه و همس نن بعد صمت غريب : و لو العفو ..

دارت بزربة غادا حتا حست بيد شاداها من ذراعها مرجعاها للور شويااا تلفتت بخوف و سمعت صوتو الخشن خارج من فمو لي كينفث الدخان : شنو سميتك بعدا !

بقات مترددة شحال عاد نطقت : ر ريماس

حرك راسو ب اه و طلق منها .. نزلت مع دوك دريجات كتجري غير حطت رجليها ف الأرض و هي تعطيها للسكرتح تجري و تقول ما جريت ..

نيشان شدت طاكسي و كتضور فراسها كي شي حمقة و قلبها كيضررررب ..

مول طاكسي : نعام أ لالة فين !!

هي حطت يدها على صدرها كتنهج مزال .. و عينيها غير كيضورو .. عاد عاقت بلي ماعندها حتا ريال ف جيبها باش غاتخلص تحررررجت بزااااف : ش شريف ع عافاك سمحليا صافي غانزل ..

بقا كيشوف ف ملامحها و ضربة لي حدا فمها و حالتها حالة : مالك أ بنتي ياك لاباس !

ريماس : معنديش باش نخلص و درت كسيدة ف طريق دابا بغيت نمشي غير للدار .. س سمحليا انا غانزززل ..

واحد السيدة كبيرة ف العمر شويا كانت راكبة حداه دورت وجهها بجنب : صافي أ شريف غير توكل ع الله انا انخلص عليها .. غير جلسي أ بنتي

جبدت لفلوس من بزطامها و خلصاتو ..

ريماس نزلو دموعها : شكرااااا أ خالتي لهلا يخطيك و س سمحي ليا .. ربي يجازيك بالخير ..

ديك سيدة رددت بصوت حنين : هذا واجب أ بنتي .. ماتقوليش هاكاك ..

انطلق كايصوg و ريماس غير كتفرررك ف يديها و صورة قيس مابغاتش تحيد من قدام عينيها .. و كاع داكشي لي وقع كيبقا يدوز قدام عويناتها بحال شي فسلم و شي أفكار كايطيحو فراسها كايخلعوووهااا ..

وصل ديك سيدة عاد وصل ريماس لحومتها الشعبية كان الليل و مزال صوت الهراج ..

شكراتو و نزلت كتسلت و مكاينش لي رد ليها البال غير شافت شي وجووها و صحاب خوووها و شي عيالات بقا قلبهاااا كيضرررررب بفررررحة غريييبة ممزوجة بنوع من الخوف..

شحال و هي كتمشا حتا وقفت عند دار عويشة دفعت الباب و طلعت مع دروج غير وصلت لبال لفصيل و هي تدق ف الباب بشوييييا ..

عيشة كانت كتغسل فشي ماعن شعرها شاداه ب مقبط غوز لابسا كيطما لاصقة عليهااا و العينين مكحلين و كتمدغ ف المسكة و طالقا اغنية نانسي عجرم -مافيي عيش إلا معك-

و كدندن معاها و تميل ف خصرها .. حتا حست بالدقان بالباب ..

مسحت يديها و نفضتهم ف واحد سربيتا و مشات جرت لباب حلاتو .. غير شافتها و هي تصددددم حست بحالا واش غير كتحلم كاتشوف فيها قدامها ريماس بلحمها و شحمها .. قلبهااا زددددح بقووووة و عينيها طرطقتهم فيهاااا بصددددمة

هزت يدها حطتها على فمها بصدددمة مزالا ممستوعباش اشنو كاتشوف : ر ري ريماس و واش ه هاذي نتي

حركت راسها ب اه و دموووع نازلين من عينيها كي شلال طارت عليها عنقاتها و زيرررررت عليها و كيتسمع نحيب بكائها فوق كتفهااا لي تبلل بدموع ريماس السخان : هءههءهءهء ت توشحتك أ عيشة تو توحشتك بزااااااااف ..

عيشة بقات مصدوووومة معرفت باش تبلااات و مفهمت وااالووو. .. هزت يديها معنقاااهااا و عينيها كيرنشو بقوووة و بؤبؤ عينيها الأسود توووسع : حتاااااا انااااا و الله حتا توووحشتك و بزاااااااف .. نااااري شحال خلييييتي بلاااصتك و الله تاااا بزااااااااف ..

ريماس بقات كتنخصص و شدتها دوخة رجعت شافت فيها و عينيها دايخين و وجهها صفرررر مخبوووت واقفة غير بزز و شادا ف الباب : ش شي كاس د الما .. العار أ عيشة ر راه حاسا غانسخف رجليا مهازينيش ..

مشات عيشة ل كوزينة كتجري هزت كاس د الما دارت فيه السكر و جرتها لبيت صغير جلسات و هزت الكاس بيدين كيترعدو شربت و هي كتنهج و الما كيقطر من فمها ..

عيشة كطلع و تنزل فحوايجها و حالتها : ريماس شوياااا ؟ مااالكي ف هاذ الحالة شو يديك كيترعدو و وجهك صفررر ؟ و كيفاش خرجتي من الحبس ! شنووو وووقع لييييك ؟ مفهمت والو ؟ و مالك مجروحة حدا فمك ؟ شكون دار فيك هاذ الحالة

ريماس سندت راسها للحيط و صدرها طالع نازل : خ خليني أ عيشة خ خليني غير نرد النفس و انعاود ليك ك كولشي ..

سدت عويناتها الخضرين لي ذابلين و تحتهم كحل بزاااااااااف .. و عيشة كطبطب بيدها على ركبتها بمواساة زعما و هي راسها كضرب فيه ألف مطرررقة و مطرررقة ..

ريماس : ربي عطيني شي حاجة نلبسها هاذ الحويج ضيقووو عليا و حالتهم حالة ..

عيشة وقفت و واحد الخصلة صفرا بليميش نازلا على عينيها : فيك لي يدوش ؟؟ دوشي حسن و لبسي بيجامتي و تكاي شويا ارتاحي صافي ؟ و نوجد شي حاجة ناكلوها وجهههك راااه صفر ياربي سلامة ..

ريماس حركت راسها ب اه و عينيها عامرين بالدموع : مغلطتش فاش جيت لعندك كنت عارفاك متبدليش عليا و الله .. كنشكر ربي حيت جازاني ب بنت الناس بحالك لقيتك فجنبي ..

عيشة تزيرررت شويا من حروووفهااا و تبسمت متصنعة تحنات عنقاتها : راك صاحبتي و ختي و كووولشي ا الهبيلة علاش غانتبدل عليك مالي تسطيت ماتقوليش هاكا ..

يالاه تكعدي دخلي للدوش ..

وقفت و مشات معاها عيشة دخلاتها للدوش و وحطت ليها شمبوان و كولشي و سخنت الما ..

ها كوولشيي حداك ها الفوطة ايلا بغيتي نحك ليك ظهرك و لا شي حاجة عيطي لياااا ..

ريماس زولت الكسوة و ديباردو و عيشة شهقت منين شلفت الحرقة لي فجنب كتفهاااا : اوييييلي ماااالك ف كتفك !!

ريماس حنات عينيها مقوساهم و تنهدددت تنهيييدة طويييييلة : عيشة غنعاود ليك كولشي .. متخافيش انا روح رجعات فيا منين غير غير رجعت حية ..

عيشة سكتت كتشوف فديك الحرررقة و قابت يمكن قيس هو سبب .. حركت راسها و خرجت

وجدت ليها بيجامة نقية مرسوم فيها دب الباندا و سخووونة حيت الجو كان باااارد بزااااف ..

ريماس كانت بدات كتدوش و تفك حالتها و المفصل لي غايحك و لا يغسل شعرها مكاينش و لكن كانت كتستشعر واحد الراحة غرييييبة غير فمرة انها دابا ف حومتها و مع صاحبتها كتحس بالأمان ..

و عيشة ف صالون غادا جايا كتعض ف ظفارها بخوووف و تالفة معرررفت شنو طراااا ..

هزت تيلي و طلعت للسطح كتجري سدت عليها الباب د الحديد دوزت زكروم ..

و اتصلات ب نمرة قيس .. و هي كتجبد فشعرهاااا بخوووووف .. والو كتشدها البواط فوكال و تعاود و تعاود حتا يأست و هزت حاجب معصصصبة ..

خصني نعررررف اش طااااري .. ياااربي علااااش مكيجاااوبش علااااش ..

دازت ربع ساعة ريماس خرجات .. لبست الحوايح ملابس داخلية و ديك البيجامة .. و جمعت شعرها لفوق من بعد ما نشفاتو بالفوطة .. رجع كيبان فيها الضووو و حنيكاتها توردووو ..

دخلت عيشة كتبسم : بالصحة و الراحة الحوووب ..

ريماس : الله اعطيك الصحة ..

عيشة جراتها من يدها و جلساتها : ايوا عاوووودي ليا شنو طرااا راني ددددخت .. "واالو لصقااااتهاااا ديال بصح"

بقات ريماس كتعاود ليها من A حتال Z و بالتفاصيل .. كتعاود و تبكي فكل مرررة ..

وجهها رجع حمررر و عينيها فيهم حزززن كبييييييير مكسووورة بزااااف و قلبهااا مقصصصح ..

و عيشة غير مصدوووومة حلت فمها و عينيهااا فكل لحظة كاتسمع سنو كاتقول ريماس : عررررفتي هذااااك السيد و الله حتا مرييييض .. مرييييييييض ديال بصح ..

مفهمتش و الله بغا يردني عبدة عندووو بغااا يخليني بحال شي روبوت ..

باش كملها و جملها فاش قاليا نوقع على شي وريقات د زواج تما صافي عرفت هذاك هارب من شي 36 ..

عيشة : شنوووووو عرض عليك الزواااااج ؟؟؟

واش ب بصحححح ؟؟

ريماس تنهدت و هزت كاس د الما من فوق طبلة نزلات عليه كولو و كتفرررك ف صباعها عينيها شاردين سكتاااات بزاااف : م مندمتش مندددمتش خبت خليتووو تماااا و عمرررني ندددم عمرررني ..

مقدرررتش أ صاحبتي .. متحكمتش فرااااسي .. هرست عليه ديك القرعة د الشراب بلا حتا ثانية د تردد ..

فرشختها حتا تشتات عليه و زدت واحدا اخرى كنت تنقول ايغتصبني و لا شي حاجة و الله تنموووووت و لا ننتحر

"مسحت وجهها من الدموع" منقدرش نوصف ليك داك الشعور خاااايب خاااايب بزاااااف .. تتحسي راسك بوحدك و ضعيييييفة معندك كي ديري و مكاينش لي يدافع عليك .. و هددني ب بابا و مهدي ..

شفت حياتي ضاااعت اصلا مستقبلي مشا أ عيشة مشااااا باااااح ..

شكون هذا لي غيخدمني مزال و انا مدوزا الحبس ؟ "شافت فيها بنظرة ممسورة و صوت مبحوح" شكوووون ..

تا حد مغيرحمني تا خد مغيفهم مناش دزت انااا تا حدددد ..

لحمي تشووه بسبااااابو الله اعطيه المووووت .. حياتي دمرراااات ..

مهدي خويا نفسيتو تحطمات و ب بابا مسكين م مشا ليه الشوف .. شكون غايرجع هاذشي شكون هءهءهءهء اهىىئ اهىىىى اشنوووو دررت انا ف حياتي اشنووو درررت ..

كنت خدامة على عائلتي و عمرني أديت شي حد ..

عمرني عرفت واش غايطرا هاذشي ..

عمرني ضربت الحساب ..

كنحس غير بالحقد.و الكره جيهتو .. حيت هو سبابي فهذا المحنة

عيشة جراتها لعندها عنقاتها و كطبطب على كتفها :

ششششت صاااافي أ ريمااااس باااااركا من البكا و الله تا قطعتي ليا ف قلبي ..

ششششت صافي ربي غايدير غير لي فيا الخير ..

و غير منين حيد عليك ديك التهمة هذا هو المهم ..

ترجعي ل باك و لخوك و ترجع فيهم الروح راه من نهار مشيتي و هوما مضيمين بزااااااف ..

عمرني شفت مزال مهدي كيضحك ..

ديما معببس و عاقد غوباشتووو .. غيفررررررررح هو عمي يوسف فاش يشوفووك و الله و مغتقدهم فررررحة ..

ريماس تكعدت كتمسح فوجهها .. مقدرتش ندوز نيشان للدار بديك الحالة .. كانو غايتخلعووو علياااا بزاااااف ..

تووووحشتهم بزااااااف و الله .. حمددددتك و شكررررتك منين ررررجعت حية .. الحمدلله يااااربي ..

عيشة : و لكن أ ريماس تخيلي رجع كيقلب عليك !! اشنو غاديري ديك ساعة !

ريماس قلبها تهززز من بلاصتو : مكنظنش يرررجع هاذشي ايلا لقاه شي حد فداك البحر ..

غنخدم و غنشوف كيفاش نبدلو هاذ المدينة احسن .. نمشي لشي قرينة ميلقانيش فيهاااا و نخدم على عائلتي ..

عيشة تنهدددت : غايكون خييير متخافيييش مكيتسد باب حتا كيتحلو بيبان ..

غاتمشي دابا ؟ جلسي شويا تعشاي معايا ..

ريماس وقفت : لا الله اكثر خيرك شتي غير هاذشي لي درتي معايا منساهش ليك حياتي كاااااملااا..

عنقتها عناق داااافئ .. و رجعت لوات عليها فولار مقطن كحل ..

عيشة هزت واحد المونطو عطاتو ليها

ريماس : لا بلاش و الله

عيشة خنزررت فيها : شدددي لبسي كاين البرد و الجو ديال الشتا ..

لبست المونطو و دارت عنقاتها عااااود : شكرااااا بزااااااف أ عيشة الله اسهل عليك ف حياتك ياربي و يعطيك ما تمنيتي ف خاطرك ..

عيشة : ششست متقوليش هاكا بليز .. راه مبيناتناش.. اميييين ياربي و ليك ..

خرجت ريماس حانيا راسها .. و كتمشا غير بشوياااا و قلبهااا كيضررررب كتسنا غير ايمتا توصل لباب ديال للدار و تلاح عليهم تعنقهم

ف مكان آخر

كان قيس ف غرفة العمليات اكثر من 4 سوايع و هو تماااااا كيصارع بين الحياة و الموت ..

و رجالو و عائلتو كيتسناوه قدام الغرررفة ..

سلوى جالسا فوق الكرسي كتبكي بقووة و يديها كيرجفووو .. وجهها شاااااحب و فمهاااا بيض ..

و حداها ليلى تا هي لي محبسااااتش من البكا جالسا ف جنب مها كتربت على كتفها ..

ششششت أ ماما عاااافاك الله اعطيك الستر ..

غادي يطيح لسك طونسيو و لا شي حاجة ..

سلوى كتنخصص : ب بغيت و ولدي اهىىئ اهىىىئ و ولدي لداخل مر مريييييض و تا حد مخرج طمننا ب بشي حاجة ك كولشي باين اهىىىئ اهىىىئ

و عمر و يحيى واقفين غير كيتنهدووو ..

عمر مشا جيهتها : شششت سلوى صافي الله ارضي عليك ..

مالك متشائمة ؟ غايخرجو و غايطمنونا ان شاء الله ..

يالاه نوضي ايوضل الشيفور للدار ترتاحي شويااا ..

حركت راسها بالرفض : منتزعزعش من هنا سنتيمتر واحد إلى معرفت كيف بقااا ولدي كبدتي اهىىىئ اهىىىئ ..

علي داخل كيجررري و ينهج و علامات الخوف على عينيه وقف و سلم عليهم و هو تاااالف : ش شنووو وقع ليييه ؟؟ عاد شعلت بوغتابل و وصلني ميساج ديال يحيى كنت فاجتماااع .. اش طرااااااا ؟؟

يحيى غمزووو على حساب مو و جرو من ذراعو لواحد القنت مبعدين شوياااا :

خصني غير نعرررررررررررف شكووون هاذ الزااااامل لي دار فيه هاذ الحااااااالة .. و قسمااااااا بررررب الكعبة أ علي و نطيح فيه حتاااا نشتتووووو كوووولو غانصفيييييها لييييه "مسح وجههو بيدين برزو عرووووقهم"

علي : ش شنوووو ووووقع ؟؟ دويييي راه شي عرق فراسي غايطرررطق دااابا؟؟

يحيى : لقاه واحد سيد مرمي ف البحر غاررررق ف دماياتو و تضرب ب 3 رصاصات .. شكوووووون لي ضربوووو و رماااااه ف البحررررر معرررررفتش "بدا دمو كيسخن و عينيه رجعو بحال جغمة الدم"

من بعد صموئيل لقاه هو و رجالو و جابوه للمستشفى .. دابا واحد 3 سواايع و هو ف البلوك حالتو خطيرة بزاااااف باين كولشي ..

علي عض على شنااااايفوو و غير مطرطق عينيه : م ميكونش زعما شي حد من دوك الاعداء ديالكم !! معرفتش يقدرو بكونو تهجمو عليه فاش كان فداك الباطو ؟؟ همم !!

يحيى شارد ب عينيه : رجالي أمرتهم راه كيقلبوووو و غايجبدوووو مول الفعلة أ يجبددوووه طال الزمان و لا قصار غايخلللص ب تريييييبل غير بلاتي و يطيح ف يدددددي و غاتشوووف ..

علي سند ظهروو للحيط : مشكييييييلة ياربي .. و لكن لس مفهمتش البنت لي كان خاطفها فين غاتكون مشات و هي كانت معاه

يحيى هز حاجب باستفهام و عدم فهم : شنوووو ؟ اينا بنت كتدوي عليها ؟ بلاتي بلاتي كيفاش خطفهاااا ؟

علي عض على لسانو نااااادم على هاذ السيرة : نسا أ صاحبي واحد البلان خاااوي .. المهم هو قيس خاص يصح ف أسرع وقت ..

يحيى : لااااا دوييي شكوووون هااااذي ؟؟ كيفاش خطفهااا ؟؟

ريماس وقفت عند الباب و قلبها كيزددددددح ..

تملكها واحد الاحساس غريب و مشاعر تخلطات عليها فهاذ اللحظة تنهدت و هزت يدها لي كترجف كتدق ف الباب بشوياااا ..

تاحد ما حل ليهااا .. رجعت هزت يدها كتدق بجهد على لووول

حتا سمعت صوت خطوات بطيئين متجهين ناحية الباب .. زاد توترها .. و وجهها حمرررر .. تحل الباب و هو يبان ليها باها يوسف ..

شاد ف عكازو و داير طاgية .. يدو كترجف .. و مقوس ظهرو شوياااا .. لحية البيضة لي على خدو رجعاات خفيفة و وجههو تكمش كثرررر ..

و عينيه لونهم بااااارد و بااااهت ..

طاحو دمووع شلاااااال من عينيها و هي كاتشوف ف كل تفصيل فيه .. شافتو شحال ضعاف و صحتو تدهورات بزاااااف .. و مخيم عليه حزن عمييييق تغيرات نظرتو لي كانت كلها أمل عمرها شافتو هاكا ..

نطق بصوت كيرجف و متقطع فيه بحة :

م مهدي ه هذا ن نتا .. د دخل ل لاش واقف .. ت تعطلتي ل ليوما ب بزاف .. د دخل أ و ولدي د دخل الله ارضي عليك ..

قربت جيهتو كثر و رجليها ممساعفينهاش و انفاسها السخونة خارجة بشكل متساااارع كتضرب على وجههو و بكائها محبسش .. و حابسا صوت شهقاتها .. كتحس قلبها كيتقططططع ..

يوسف رمش بشويااا و كيحل فمو و يرجع يسدو بغا ينطق .. عينيه بحالا تبسمو و غرغرو بالدموع و زاد تقدم شويا : اهى ها هاذي نتي ر ريماس .. ريماس اهىىئ ر ريماس ه هاذي ن نتي ر ريماس يي يياك ..

نتي ه هاذي أ بنتي ر ريحتك ش شميت ريحتك ..

مد يدو ناحيتها بغا يشد فيها و هي تلاحت فيه عنقاتو بقووووووة .. و كتبكي بدمووووع سخااااان على كتفووو و كتنفس حززززن و ألم رهيييب ..

اهىىىئ هاذي انا أ بابا توووووحشتك توووووحشتك توووووحشتك بزاااااااااااااااااااااااااااف ..

زاد كمش يدو على ظهرها لاح العكاز و دفن راسو ف صدرها كانت طول منوووو و كيتسمع صوت نحيب بكاؤو ببحة مكسورة :

ب بنتي ج جيتي هءهءهء جيتي تشو تشوفيني و واخيرا ج جيتي اهىىىئ ش شحال كنت كنتسنا فيك ع علاش طولتي هاذ الغيبة ه ها علاش مشيتي عليا الوريدة ديالي .. "رجع لور هاز يديه مررها على وجهها و عينيها و شعرها و نيفها و لمس دموعها السخااااان" بنتي هاذي نتي ب بصح ماشي كنحلم .. ياك ..

باست فوق راسو و مغمضة عينيها لي قربو ينفاجرو .. ورمووو بزاف بقوة البكا و تشكلت ديك اللحيمة تحت منهم ..

رجعت عنقتو و كاتبوس فوق راسو : هاذي انا أ بابا ريماس بنتك ماشي كتحلم "تبسمت وسط دموعها"

صافي جيت أ بابا و عمرني ن نخليك مزال عمرني نمشي عليك .. ع عمرني هءهءهءهاهىىئ انبقا معاك ديما أ بابا ديماااا ..

يوسف بقا كيبوس فيديها و كيهز طرف كمو يمسح دموعو و حجبانو مقوسين : ياااربي ح حاس بحالا واش كنحلم ياربي منفيقش ايلا كان هذا غير حلم ياربي منفيقش و نبقا حدا بنتي ..

شدت فيديه جراتو جيهة سداري حتا وصل غير جلس و هي تخشا فحضنو متكيااا عليه و هو كيلعب فشعرررهااا .. و كتسمع دقات قلبو المتسارعة ..

نطق يوسف و هو كيمرر يدو على شعرها بلطف : ب بنتي انت ب بخير ياك ؟

زادت تخشات فيه كتشم فريحتو و حست بالرااااااحة و رجعت فيها الروح قدرت تنسى كولشي لي وقع و تا حاجة فهاذ اللحظة مشاغلا بالها تا حاجة : كيفاش منكونش بخير و انا حداك أ بابا ..

فرحااااانة بزاااااف .. و الله بزااااااااااااااف ..

يوسف باس فوق شعرها : متكونش قد فرحتي .. الحمدلله ياربي الحمدلله رجعتي ليا بنتي سالمة الحمدلله .. ن نوض نطيب ليك شي حاجة ايكون ضرك جوع .. ياك !

هي هزت عينيها فيه : لا أ بابا عافاك غير خليني معنقاك هاكا ..

كثر من ساعة و هوما مجمعين متزحاحاتش من بلاصتها و هو فرحاااان رجعو عينيه كيلمعو بسعادة مطلقة .. و مقداتو فرررحة .. حتا تسمع ساروت ف الباب دخل مهدي داير كاسكيط و لابس جاكيت كحلة و سروال كحل هاز ميكة فيديه فيها العشا منتبهش ل ريماس حيت حاني عينيه :

الوالييييد غير سمحليا تعطلت عليك شدني واحد الحامض هنا بالهضرة مابقاش بيطلقني ..

علق الجاكيت حدا الباب مع ضار و هي تجي عينيه على ريماس معنقا باها ..

تصددددم جاب ليه الله بحالا كيحلم ..

رجع خطوة لوور و طاحت الميكا من يديه ف الأرض بصددددمة و يحك ف عينيه و يعاود : و واش ر ريماس ها .. م ل لا ه هاذي ب بصح ن نتي ؟

تقوسو بزربة حجبانو و عمرو عينيه بالدموع حاط يديه على فمووو .. حابس البكيااا وقفت و جات بشويا جيهتو .. محسش حتا تلاح عنقها تا كانت غاتجي طااايحااا ف الأرض .. كيبكييييي و دموعو بحال شي روبيني محلول .. بقات كطبطب على ظهرووو : تووووحشتك بزااااااااااف و الله متخيلش قدااااااااااش أ مهددددي بزااااااااااااااف و الله بزااااااااف

غرس وجههو ف شعرها كيتنخصص : تووووحشتك توووووحشتك و اخيرا رجعتي لسنا و اخيرا هءهءهءه اهىىىئ .. ختيييي هءهءهء ..

نزلو دموعها سخاااان و باستو ف جبسنو و هزت يديها كتمسح فدمووعو : شششت صااافي زعمااا راك رااااجل ديال الدار ههههه ..

تبسم شويا و كيمسح نيفو لي سال .. و جرها من يديها حدا يوسف لي عنقهم بزوج و بقا كيمرر يدو على ظهرهم ..

مهدي تكعد و عينيه كيلمعوو : باااا ها هي ريماس رجعات لينا .. مكنتش متخيل اندخل و نشوف هاذ المفاجأة .. و الله ..

ريماس جراتو من عنقو : هههه ناااري على فرررحة كنحس بيها دابا و الله منقدر نوصفها الحمدلله ياربي

مهدي حرك عينيه جيهة الكوزينة .. و مشا ..

فهمت شنو قصد .. و ناضت تبعاتو .. دخلت و سدت الباب ..

مهدي شد فيدها و خوووف كبير سيطر على عينيه : صافي رجعتي لينا بمرة ياك !!

ريماس : اه بمررة عمرني نخليكم مزال .. "و شدت فيديه"

مهدي : آخر مرة مشينا نزوروك خبراتنا ديك البوليسية بلي هربتي ؟ فاش كنتي فصبيطار واش بصح هاذشي ! مفهمت والو و من داك النهار و عقلي تااااالف ..

ريماس : ششت صافي نسا هاذشي انا خرجت براءة .. و هاذيك غير قصة خاوية متعمرش راسك بهاذشي صافي ..

حرك راسو باه و تنهدددد تنهيدة طوييييلة ..

فتحت يديها : اجي لهنا اجي

جراتو عنقاااتوو : نااااري خويااا كبررؤ بززررربة و تبدددل .. وليتي كتبان كبر مني الحلوف ههه ..

زيررر عليها : مستحيل تعرفي معزززتك عندي قدااااش تنحس بحالا رجعت من الموت أ ختي

من بعد ساعتين خرج دكتور تجمعو عليه كلهم

سلوى قفزت لعندو هي لولاااا و الخوف وااااضح على ملاامحها : د دكتووور ولدي و ولدي كيف بقا ها ؟؟ كيف بقا ليا ولدي ! هو ب بخير ياك !

طبيب ملامحو مكتبشرش بالخير :

ميسيو قيس نجا بأعجوبة بصراحة ..

جاه نزيف داخلي بسباب الرصاصة لي كانت قريبة للأمعاء بزز باش قدرنا نزولوهااا .. و لاخرى لي فجنبو استطعنا نحيدوها و لكن ر صاصة لي قريبة لركبتو بين العضم و العضم مقدرناش نحيدوها للأسف كان من الصصصعب و خفنا توقع شي حاجة الله احفظ و يوقع شلل ..

هي جمعت يديها لعند فمها شههههقت و عمر مصدوووم و يحيى كذلك اما ليلى غير كتبكي ..

عمر شد ف كتاف سلوى بقووة بمواااسااااة : دكتور هو دابا بخير ياك ! مكاينا حتا شي حاجة خطيرة دااابا فهاذ اللحظة ؟؟ ..

دكتور زول نظراتو : لا ميسيو عمر حتا الجرح لي فراسو عقمناه و كلشي تمام لكن خصني ضروري نرجع ندير ليك اشعة ل ركبتو غدا بإذن الله .. بصراحة كنظن الى مشا برا لبلاد غايكون افضل يلقا خبراء احسن و افضل .. حيت بصراحة طاقم هنا ماشي كفئ ..

سلوى عينيها حمرييين دارت شافت ف عمر : اشنو غانتستاااااو من غدا يمشي .. سمعتي ! غدا وجد لي طيارة و يمشي انمشي معااااه .. منخليش ولدي بوحدو ..

يحيى : دكتور ايمتا غايسترجع وعيو ؟

دكتور : على الأغلب واحد ساعتاين و لا أكثر

عمر : ميغسي دكتور

دكتور تبسم : العفو .. هذا واجب

دازت كثر من 3 السوايع عاد فاق قيس ..

كان ف غرفة خاصة .. كبيييييرة و أنيقة بزااااف .. فيها شرجم دزاج كبيييير كيطل على واحد جريدة خضراااا ..

و مدوزين ستائر كبار ف الأزرق الداكن كيحركهم سويا نسيم الهوا ..

كان الصمت سائد على الغرفة كيتسمع فقط صوت ديك الآلة لي كتقيس نبض ديالو ..

كان داااايخ و عينيه الزورق حلهم بشويا و هوما ذابلين .. راسو مضورو ببانضة و حجبانو ليسر فيه غرزة فوق منها ضمادة ..

و يدو معلق فيها السيروم ..

و شي خيوط ملصقين ف جنابو ..

حرك عويناتو لي مقابلين سقف نيشان و كيحس بريقو ناااااشف بزاااف .. و استشعر واحد التعب رهييييب سيطر على جسدو بالكامل ..

تنهددد و نزل ب عينيه كيشوف ف الغرفة و فحالتو ..

و بدا كايدوز قدام عينيه سيناريو كووولو .. و لكن تفكر غير حد ريماس فاش نزلات عليه بديك القرعة صافي هنا مقدرش يعقل على اشنو طراااا مزاال ..

كمش عينيه و عقد حجبانو ب غضضضب ..

يالاه بدا كيتكعدد و بصعوووبة باش كيتحرك ..

و هي تدخل واحد الممرضة .. كانت شابة و ف مقتبل العمر دايرا بحال شي وريدة متفتحة ..زوييينة بزاااااف .. و خدودها منفوخين شويا و عويناتها كبار كانت اطلالتها مشرقة ..

سدت الباب بهدوء و غير شافتو فاق تمشات بسرعة جيهتو :

اوووه ميسيو فقتي .. بلاتي بلاتي نعاونك ..

قربت ليه و ضغطت على واحد زر حتا تهز شويا سرير و صاوبت ليه المخدة كثر .. سند راسو كينهج و فمو بيض سد عويناتو بحركة خفيفة و رجع حلهم نطق بصوت مبحوح و خشن :

شكوووون جابني لهنااا ؟ و ايمتااا ؟؟

هي : قبل ربعا د سوايع .. شي رجال كانو لابسين يونيفورم ف نواغ مزالهم على برا نيت و حتا عائلتك معاهم ..

مهم قولي باش كتحس دابا ؟؟ كتحس بشي ألم ؟؟

باش نعيط على دكتور يشوفك ..

شرد تفكيرووو و حجبانو غادين و كيتعقدووو .. باين واش معصصصصب شاف فيها و نطق بأمر : زربي حيدي لي هاذشي من يدي ..

وسعت عينيها بصددمة : ميسيو راه حالتك خطيرة ..

قاطعها كيغووووت : قلت حيديييييي هااااذشي من يدي يالااااااه زرررربي ..

هي تخلعات و تهزززت قافزة من غواتووو .. راجعا لور بخطوة ..

كاتقول فراسها واش هذا مسطي مضروب ب 3 رصاصات و مزال بغا ينوض فين غاينوووض ..

دخل يحيى بزربة و عمر على إثر صوتو لي كسر الدنيااا ..

و ليلى تابعاهم بخوووف أما سلوى داوها لواحد الغرفة حيت طاح ليها طونسيوووو بالإرهاق و الضغط عطاوها مهدئ و نعسات ..

يحيى قرب جيهتو كيشوف فيه : شويااااا ؟؟ كي بقيتي !! كتحس بشي ألم ها !!

قيس زفر نفسو متضايق : علاش هاذ الحالة كولها ؟ غير تضربت فراسي ماشي تشللت ..

ليلى وسعت عويناتها شويا : اوووووبس .. واش معقلتيش على شنو وقع لك ؟ قيس راك جيتي لهنا مضروب ب 3 د رصاصات و كنتي غرقان ف البحر ..

"نزلت دمعة سخونة على خدها مسحتها بزررربة و قربت جيهتو عنقاتوو بشويااا و باستو و هي كتمرر يديها على حنكوو و عينيها حزينين" الحمدلله منين فقتي و رجعتي لينا بالسلامة الحمدلله قلبي كان غايسكت و الله ..

بعد يديها و هو مطرطق عينيه ممستوعبش هاذشي لي قالت .. مصدوووم حيت اصلا دابا مكيحس بحتا شي ألم .. شاف ف الممرضة بغا يتأكد : هاااذشي بصححح ؟؟

الممرضة : وي ميسيو جيتي ف حالة خطييييرة .. 2 رصاصة قدر طبيب يحيدهم و رصاصة مزالا عالقة ف ركبتك للأسف مقدرش يحيدها خايف توقع لك شي حاجة لقدر الله ..

زفرر نفسووو لي خاااانقااااه و هو كيمسح وجههو بنرفزة حتا رجع حمررررر .. مفهم واااالووو .. مبغاش يدخل ليه هاذشي لرااااسووو ..

و سيناريو واحد لي خطط فراسو انه تقدر تكون هزت ريماس الفردي ديالو و ضرباتو ..

و لكن مستحيل تجيها ديك الجرأة باش تهززز فردي و تضربوو قال فنفسو مستحييييييييل ..

بقا ساكت و كيفكرررر حتا حس بيد عمر فوق يديه : ولدي انت بخير ياك ! باش كتحس دابا ؟؟

غير تستقر حالتك شويا و غاتمشي لأمريكا باش تعالج تما و ماماك غاتمشي معاك مابغاتش تخليك بوحدك..

قيس عينيه رجعووو حووومر بزااااااف دفع يديه بنطرااا ..

و شاف ف ديك الممرضة و هي شوفتو جمدددت ليها الما فركابيها : اجيييي لهناااااا ..

قربت بارتباااك كتفرررك فيديها : وي ميسيو ..

شاف جيهة يديه : زوليييي هاذ المرررض ..

يحيى طرطق عينيه : وااااش منيتك ؟؟؟

واقيلا ديك ضربة فراسك معقموهاش ليك مزيااااان .. راك مزال مافقتي حتا من البنج مزيان و بغيتي تنوووض ؟ واش صافا با ؟؟؟

ليلى شافت ف الممرضة : سيري أ ختي سيري .. متسمعيش ليه سييييري .. و مرة مرة طليي ليه على ديك جرحة لتدير ليه شي خلل ..

تبسمت الممرضة من هضرتها و خرجت مفاهما والو فيه ..

قيس تعصصصصب ديال بصحح و بقا كيشوف قدامو : خرجوووو عليااااا ..

بغيت نبقااا بووووحدي .. يالااااااه ..

عمر تنهددد معرف مايقول خرررج .. غمز ليلى و جرها من يدها : يالاه أ بنتي خليه على خاطرو ..

يحيى بقا داير يديه على خصرو و كيطع و ينزل فيه معصصصصب ..

قيس : اشنوووو مزااال كاتدير هنااا ؟؟؟ ياللااه خرررج ***** حتا نتااااا

يحيى قرب جيهتو : هذا شي حساب مع شي حد ياك ؟؟؟ شي حد بااااغي يصفي الحسااااب ؟؟

قيس حك لحيتو خانقاه هاذ السيرة اصلا راسو غايطرطق و هو كيفكر فيها : معررررفتش معرررفتش شكوووون .. معررررفتش ..

يحيى : ممتيقكش ! ايلا كنتي عارف شكون غير قولياااااااا و بربي حتا نقطع راس هذا لي تجرأ و دار فيك هاذ الحالة و نرميه قدام رجليك ..

قيس تنهددد خرج صوتو ببحة لي ظاهر عليه التعب : غاااانعررررف سوا دابا سواااا من بعدددد .. ومنين انعرف غايكون حفر قبرووو بيدو ..

يحيى رخف لكول د القميجة : ديجا طلقت رجال كلهم كيقلبوووو ..

قيس : خرج راسك من هاذشي .. انا لي غانتكلف سمعتيييي ؟؟

يحيى : و شكون هاذ البنت لي سميتها ريماس ؟؟؟

قيس على ذكر اسمها تزيررررر و خنزرررر فيه : باااااش عرررررفتي سميتهاااا ؟؟؟؟؟ شكوووون قالها ليييك ؟؟

يحيى رجع شعرو لور :

عرفت و صافي .. المهم غانقلب عليها فينما كانت واخا تكون تحت الأرض غايجبدوووهااا .. باش نعرف واش هي لي داااارت هاذ الفعلة و شكون كلفهاااا و و و .. بزااااف د الحوايج خصني نعرفهم .. و ايلا كانت هي غاتكون جنات على راسها بزااااااااااف ..

قيس بحالا تشعلات فيه العاااافية ضلوعو تصلبو و شرار ف عينيه شااااف فيه و فكو متشنج نطق كيغووووت : غا تنسااااااااا عليك ديك البنت كاتسمع ؟؟؟ نسااااااااهااااا .. حسابي معاها اناااااااا ماااااشي انت اموووري قااااااد بيهم .. سمعتييييني و لا لااااا ؟؟؟

يحيى مبغاهش خوه يتنيرفا بهاذ الطريقة و هو مريض ديجا و صوت ديك الآلة غادي و كيتسمع تخطيط ديال قلبو بقووووة : اوووك اوووك غانساااا .. شغلك هذاااك .. و نتا تعرررررف حسن مني ..

زاد قررب جيهتوو : ارتااااح صافي بلا متعصصصب .. نعيط للدكتور ؟؟

قيس ترررفع كيفكرررر و يديه كيرجفووو بالعصصصصب و حالتو تدهوراااات تيحس راسو غاينفجررررر ..

يحيى تنهدددد تنهيدة حااااارة و خرج بزربة نادى دكتور لي جا عطاه مهدئ نعسو و شاف ف يحيى :

عافاك ميسيو يحيى خليوه يرتاح راه مزااااال عياااان بزاااااف .. و عاد خارج من اوبيغاسيون خطييييرة .. خليوه يرتاح لابغيتوه يصح بسرعة ..

يحيى حرك راسو ب اه .. هز لافيست ديالووو و خررررج .. ركب ف رانج روفر ديالو ديمارا و انطلق بسررررعة .. من بعد ماوصلو عنوان ريماس ..

صبح صباح جديد عند ريماس ..

كانت ناعسة فبلاصتهااا .. و ناعسة مرتااااحة .. حاسا بحالا ناعسة ف الجنة ..

غير سمعت صوت تقرقيب من شي ساعة .. و هي تكعد كتمسح فوجهها و تفوه ..

ناضت بدلت عليها .. و مشات لطواليط قضات حاجتها غسلات سنيها و وجهها.. جمعت شعرها لفوق و غير دخلت لبيت و هي تلقا الفطور واجد و الطبلة عااااامرة .. يوسف كيستف مزال و يوقف يرجع يجيب شي حاجة يحطهااااا ..

جايب الحلوى د لاكريم و الشكلاط و الحليب و كرواصة .. المسمن كووولشي حطو فوق طبلة ..

عينيها تغرغرو بالدموع و هي تمشي عنقاتو و باست يديه : بابا حشوما عليك علاش معذب راسك فهاذ الصباح .. علاش مابقيتش ناعس كنت انا غانفيق و نوجد طبلة ..

يوسف : لااا أ بنتي اشنو تاتقولي اشمن عذاب .. مادرت حتا حاجة تفرحك .. منين جيتي غير سمحيليا ..

تقوسو حجبانها : بابا راني طايرا بالفرحة غير منين رجعت ليكم هاذشي يكفيني .. و ماتبقاش مزال تعذب راسك هاكا .. بلاتي نفيق مهدي ينوض يفطر ..

يوسف : لا مهدي مشا للخدمة بكري ..

ريماس جراتو جلس و جلست حداه و شادا فيديه : كاتاخد بعدا دواك فالوقت ياك !

حرك راسو باه : كناخدو أ بنتي متخافيش .. انت مرتاحة يياك ! ياكما خاصاك شي حاجة ؟؟

ريماس حطت راسها على كتفو : مخصني وااالو أ بابا .. مرتااااحة و بزاااااف ..

فطرت هي وياه و لأول مرة يذوق نعمة و يحس بطعمها .. بقاو كيجمعو و يدويو ..

حتا ناضت جمعت كوولشي و غشلت لماعن ..

لبست عليها جاكيط د الكوير و هزت كاسكيط كحلة .. دارتها ..

بابا انا انخرج دابا نمشي نشوف عيشة ..

يوسف : واخا أ بنتي و ردي البال لراسك الله ارضي عليك أ بنتي ..

باستو فوق راسو و خرجت .. كتلقا ناس ف طريق شي يضحك و يتبسم ليها و شي يخنزررر فيها و يشوف فيها شوفا نااااقصة .. حاولت متسوووقش .. بقات غادا تا فاتت دار .. دورت وجهها و هو يبان ليها رشاد شاد واحد القنت جالس على واحد الحجرة و كيبكي ف صمت و حداه دراري لاغبين الكورة ..

مشات كتجري لعندو و جراتو من يدو لعندها .. تحنات شويا كاتشوف ف عويناتووو : رشااااااد توووووحشتك بزااااف "باست خدوو" !

لمعو عينيه و هز كمو كيمسح فدموعو : ر ريماس حتا انا توحشتك ب بزاف ع علاش غبرتي ..

مسحت دموعو بيديها و كتزول الشعر من على عينيه : ديما كنقول ل عامر ينقص ليك شعرك هاهو ايبقا يعنكشك عاود ..

بلاتي بعدا .. علاش كاتبكي ؟ ضربك شي واحد ف الدراري هنا ها ؟؟ غير قول باش نتفاهم معاهم مزياااان و نفرجك فيهم..

رشاد حنا عينيه : لا .. مادارو ليا والو ..

ريماس : و علاش هاذ الدموع ! غوت عليك عامر !!

رشاد : ماما مشات عند الله "هز عينو فيها لي حمريييين بدموع " مشات بلا منعنقها و نشوفها .. م مشات بلا ما تودعني

ريماس تصدددمت محستش حتا نزلو دموعها سخاااان على خدهاااا و نفسها كتخرج سخوونة .. مسحت دموعها بزربة و قلبعا كيضررررب متفاجئة بهاذ الخبر الصااااادم رددت بصوت منخفض : ان لله و ان اليه راجعون .. رشاد صافي ششت متبكيش ..

عاد مازاد فوتيرة بكاؤوو و كيخبي وجههو .. جراتو من تماك مبعدااه شويااا .. على الصداع ..

جراتو عنقاااتو و كتبوس فوق شعرووو :

ششششت صافي عافاك .. شوف فيا رشاد "شدت وجههو بين يديها و هو كيتنخصص" رشاد هي دابا عند الله غاتكون مرتاحة و بخير و لكن إلى شافتك كاتبكي هاكا حتا هي غاتبقا كتبكي .. بغيتي ماماك تقلق و تبكي ؟ همم ؟

حرك راسو بزربة ب لا ..

ريماس : صافي متبكيش .. قول الله ارحمها و ياربي اجعل مثواها الجنة .. صافي ؟ بقا تدعي معاها دايما .. و هي راها بخير و ديما كاتشوفك و قريبة ليك بزاااف ..

حتا انا مشات عند الله و ديما كنبقا ندعي معاها و بالليل قبل منعس كندوي معاها واخا هي مكتجاوبنيش و مكتردش عليا و لكن كنحس بيها .. ايلا كنت فرحانة كتفرح و ايلا كنت مقلقة كتقلق

رجعات عنقاتو و بدها كتمررها بحنان و لطف على ظهرووو .. عاضا على شنايفها حابسا البكية ..

بقات حتا هدناتو .. شداتو من يديه و مشات خدات السكر من الحانوت و دقت ف الباب ..

حل عامر الباب .. كانو حجبانو طالعين للسما .. و عينيه وارمين بزااااف شغرقو مخربق على عينيه لابس تريكو كحل بالكول و سروال سبورتيف.. و تحت عينيه كححححلل ..

تصدددم فاش شافها بقا غير ساكت : ر ريماس و واش ه هاذي نتي !

تبسمت و مدت يديها : خرجت غير البارح براءة ..

سلم عليهااا و هو كيمسح وجههو : على سلامتك .. الحمدلله ربي دار ليك تاويل د للخير الحمدلله ..

دخلي دخلي .. متوقفيش عند الباب ..

حركت راسها ب لا : يمكن كنتي خارج بلا منعطلك

عامر : لااا متقوليش هاكا .. دخلي راك ماشي برانية

دخلت و رشاد بقا على برااا كيشوف ف خوه و مرة مرة كيمط شنايفووو ..

عامر شاف فيه و يدو على الباب : كنتي كاتبكي ؟؟

رشاد : لاااا .. غير عيني تيحرقوني ..

و مشا خرج كيجري

يتبع...

ريماس الجزء الثامن

محتوى القصة

التنقل بين الأجزاء