دخل عامر للصالون و لقاها جالسا و كتفرك فيديها جلس مقابل معاها : هاذ الخبار كتفرح بعدا .. آخر مرة شفت عمي يوسف مكانش هو هذاك .. بقا فيا بزااااااف .. و الحمدلله دابا خرجتي ان شاء الله تقاد أمورك كلهاااا. يكون غير الخير ..
ريماس شحال و هي حابسا البكية كتشوف لتحت و تعض على شنايفها بقوووة نطقت بصوت كيرررجف : الله ارحمهاااا و اوسع عليها ضيق القبور .. كانت ضررريفة بزاااااف .. كانت مسكينة ديما مبتسمة و عزيز عليها ترحب بالناس و تعاون باشما كان ..
"مسحت دموعهاو تنهدددت بحرقة" شي حوايج تيوقعو ف الحياة متتكونش ضارب ليهم الحساب تتحس الدنيا توقفات و مقادرش مزال تزيد تحرك و لو غي سنتيم من بلاصتك .. تتكحال الدنيا ف عينيك و تتحس بالموت أرحم من ذاك الألم و لكن هاذي هي الدنيا ..
عامر نطق بصوت مغنغن و بحالا ضاربو بالبرد :
لي ماخرج من الدنيا ما خرج من عقايبها ..
الحمدلله على أي حاجة ..
الحياة راه كتستمر أ ريماس.. تا حنا غانموتو واحد النهار .. كلشي غايموت .. و لو كاتبقا حرقة داك الإنسان لي عزيز و غالي عليك و تتبقا بلاصتو و لكن العبد راه ضعيف ماعندو مايدير من غير الصبر و الدعاء ..
ريماس تبسمت : و نعم بالله .. الله ارحمها ياربي ..
عامر : آمييين .. و سمحيليا عمرني جيت طليت عليك و لا شي حاجة و الله كنت غاااارق ف الخددمة و المشاكيل .. راك عارفة "حك عينيه تا حمارو بتعب" كنت ديما كنسول غير مهدي فاش كنتلاقاه بالصدفة و لا عمي يوسف مادرت فيها والو صراحة غير سمحيليا ..
ريماس : عااارفة و الله .. و مقدرا أي حاجة ..
متخممش انا فاهمة كولشي و الله احسن العون ..
غير رد البال ل رشاد .. رد ليه البال بزاااف ..
عامر : ضروري واخا لي تيعذبني هو كيخبي فقلبو .. مكيبكيش قدامي و لا يقولي مالو .. غير ساكت .. فاش نسولو كايقولي لا انا بخير متخافش عليا ..
حرررت و الله حررررت "زاد تنهددد و وجهوو حمررر" ..
ريماس زولت كاسكيطتها تنهدددت :
راك عارف رشاد ماشي بحال كاع دراري لي فعمرو .. هو عقلو كبر من سنوو عارفك نتا مشطون مع الخدمة و مهموم داكشي علاش ماباغيش يزيدك بهموو .. مابغاش يشغل بالك عليه ..
و لكن هاذشي صعيب عليه صراحة مزال صغير ف السن
عامر خربق شعرو و خرج صوت غليييظ : ما علينا .. نتي ياك مزيانا ؟؟ ريماس راك بحال ختي صغيرة و كثرررر و عزييييزة عليا .. ايلا خصاتك شي حاجة قوليها ليا سمعتي ؟ متحشميش راني عارف غاتكون صعيبة عليك دابا من كاع جوايه حيت عاد خرجتي من الحبس ..
هاذ البلاد السعيدة غير الله اعفو علينا منها .. ياربي ..
ريماس حنات عينيها و سكتت شويا عاد نطقت : عارفة لي كاين و الله ربي يخليك ..
و يسهل عليك حتا نتا ماصعاب .. بغيت غير نقوليك داك رشيد مول طاكسي ؟ عرفتيه ياك ؟؟
عامر : اه لي ساكن حدا الزاكي مالو ؟؟
ريماس : اه هذاك .. عندك نمرتو ؟؟ بغيت نشوف لديك طاكسي غير محطوطة نطلبو يعطينس نخدم فيهااا .. و لي شديت نقسمو معاه ..
حيت دابا هذا هو الحل الوحيد لي بان ليا و الله ..
عامر حك لحيتو بطراف صباعو و تعقدوو حجبانو : ريماس .. هذاك سيد ميصلاحش ليك ..
غايبغي غير يبروفيطي فيك .. واحد الgنس لهلا يوريك .. دوك جوج ريالات لي تربحي يطمع ليك فيهم بناقص ..
سمع دقان ف الباب و هو يوقف : سمحيليا ..
ريماس : لا خود راحتك ..
ناض كيتمختر وسط كتافو العراض ..
حل الباب و هي تبان ليه ليلى .. لابسا تيشورت و سروال بوي فرند .. و صاك د GUCCI
عنقاتو و همست حدا وذنيه : صافا !!
عامر : صافا و نتي .. دخلي بعدا ..
دخلت و سد الباب .. سبقها دخل و هي زول سبرديلتها غير جات عينيها على ريماس تدددهشت .. بفضووول ..
عامر : احم .. ريماس هاذي ليلى صديقة ..
شاف ف ليلى كتبحلق ب عينيها واكلها الفضووول : ليلى هاذي ريماس بنت الحومة و بحال ختي صغيرة .. عاد ساقت الخبار ..
ليلى غير سمعت بحال ختي صغيرة و هوما يستقرو حجبانها لي عاد تزداو سلمت عليها : صافا ؟؟
ريماس بقات كطلع و تنزل فيها كتبان لاباس عليهاااا بزااااف و بقات كتسول فراسها كيفاش عامر عندو أصدقاء من هاذ النوع مفهمت والو :
ب بخير "وقفت" .. احم عامر واقيلا ايخصني نمشي دابا .. الله ارحم المرحومة و الله اعطيك الصبر .. و تهلا ف رشاد بزااااااف عافاك ..
عامر : لا تسناي .. بلاتي عاد دخلتي معندك فين غادااا ..
"حرك عينيه كيفكر شحاااال و شاف ف ليلى بسرعة" ليلى
هي هزت ع يناتها فيه : همم نعام ؟؟
عامر : مزالا محتاجة شي سائق لا. ؟
حركت راسها ب اه : مزالا كنقلب نيت ..
عامر تبسم : اشنو بانليك ف ريماس ؟ خاصاها خدمة نيت محتاجاها بزااااااف .. و بنت ضريفة و داخلا سوق راسها متشوفيش فيها العيب انا نضمنها ليك .. همم ؟ و نتوما بنات غاتفاهمو بيناتكم متأكد ..
ريماس بقات غير كتفرررك فيديهاااا
متوتررررة لترفض ليلى و لا شي حاجة
ليلى تبسمت كثر وشافت فيها : هههه اوووكي مواااافقة .. منين شكرتيها هاكا يعني باينا ضريفااا بزاااف ..
ريماس تحمساااات و فرحااااات : شكراااااا بزااااااف و الله .. شكرااااااا ان شاء الله ميخيبش ظنك فيااا..
شووووكراااا ..
رجعت شاف فيه : عاااامر شكرااااااا ليك حتا نتا بزااااف منساش ليك هاذ الخير و الله ..
عامر : و لو هذا راه واجب أ ريماس .. غير ردي ليها البال و عينيك يبقاو عليها راه عزازين عليها المشاكل .. كتحفررر عليهم ديماااا ..
باش يدوز نهارها مقاد ..
خنزرت فيه ليلى : لاااا كيكذب عليك لعنداك ههه انا ضرريفة و حق مولاناااا ..
ليلى : هععع عيطي لي غير ليلى بليييز بلا رسميااات ..
غدا ان شاء الله .. هاهيا لادريس ديالي "مداتها ليها"
ريماس تبسمت ليها بامتنان و شداتها دارتها ف جيبها : شكرااااا بزاااااااااف .. و الله ..
ليلى بادلتها الابتسامة : العفو ..
خرجت ريماس من بعد ما ودعت عامر .. و طايرا بالفررررحة اخيرا لقات خدددمة حيت من المستحيييييل ترجع لداك البار كرهت البيران و مايجي منهم تضرب جفاف و متمشيش لشي بار مزال ..
عامر تبسم ب عينيه ليهاااا : شكرااا ليلى .. حيت قبلتي تخدميها .. و الله راها بنت ضريفة بزااااااف و مغتشوفيش فيها العيب .. و متخلقة .. مغاديش تلقاي معاها شي مشكل ..
ليلى تنهدددت : واخا انا مكنتش بغيتك تخرج من خدمتك "فركت صباعها كتمعص فيهم و باين واش مقلقة".. و لكن رشاد ايخصك تقابلو ..
عامر هز ذقنها : نتي بخير بعدااا ؟ حسيييت فحالا مقلقاك شي حاجة ؟؟
شنوو واااقع !!
ليلى ربعت رجليها :
خويا لبارح حا فواحد الحالة خايبا كان مضروب ب 3 رصاصات .. و دابا راه ف المستشفى و راسووو قاااااصح بزاااف بقا فيا منين شفتو فديك الحالة حسابلي واش غير غايموت و يخلينا تخلللللعت بزاااااف ..
نزلو دموع من عينيها .. و جرها على غفلة حط راسها على صدروو : شششت متبكيش .. غايرجع بخير .. متخافيش ..
بهاذ التعنيقة لي دار ليها حست قلبها كيزززددددح و كيلعب ساااامبااا ..
و توسعو عينيها .. زاد كيمرر يدو على شعرهااا بلطف ..
منعستيش ياك !!
نطقت و راسها مزال على صدرووو : لا صهررت بزاااف لبارح .. طار عليا نعاس ..
عامر : ممم نديك لبيت رشاد تنعسي ترتاحي بينما نوجد لغدا !!
عامر شاف ف ظفارها طوال و نطق بصوت باح : بهاذ الظفار ؟؟
هي سرحت يديها كتشوف فيهم و رجعت شافت فيه : اه علاش مالهم ؟؟
عامر قهقه مستهزء : نقطع يدي ايلا كنتي كتعرفي تنقي غير بطاطة وحدة ..
مرضااااتش من هضرتووو و بان على وجهها بزربة واش تقرصااات ..و هي تمط شنايفها كي شي قطيطة : و شكون قالك مكنعرفش ؟؟ ديما كنطيب اصلااا ف الدااار و كيشكرو طيابي ..
هزت الموس و كتشوف فديك البصلة مزيااااان تقول عمرها شافت البصلة ..
حيدت ليها قشرتها و ثقييييييلة كدير الفقصة هز حاجبو فيها : واش غنباتو هنا ؟ زربي شويا ايلا بقيتي هاكا هاذ الطاجين غانتعشاو بيه ماشي انتغداو ههه
ضحكت بزز و بدات كاتحيد القشرة .. من بعد حطتها فوق القطاعة و بدات كتقطع فيها و الموس كيهرب من يدها و طروفا ديقطعو كباااار .. دارت ليها الفضيحة صافي و عينيها حرقووووها و دموووع ناااازلين ..
عامر ربع يديه كيشوف فيها و كيضحك مرة مرة و يخربق شعرووو : صااافي باااركا كطلب منك الشرع ديك البصلة تعديييتي عليهاااا مسكينة ..
خنزرت فيه : علاش كضحك ؟ راه الموس لي خايب كيترعد فيدي .. اووووف .. عيني حرقوني "تغرغرو عينيها و طاحت الماسكارا"
رجعت شافت فيه لقاتو كيضحككك تا بانو سنيناتو ..
معجبهاش الحال و بقات غير كتسوووط
عامر : صافي صافي زولي هاذشي من يدك انا انوريك كيفاش تصاوبي طاجين بلا ماتعصبي هاكااا ..
غسلت يديها و نشفاتهم .. و حنات راسها : غ غير كذبت مكنعرف نصاوب و والو .. و عمرني د دخلت لكوزينة .. مضحكش عليا ماشي ذنبي ..
قرب جيهتها و حط يدو تحت عينيها : طاح لك الكحل و لا منعرف شنو سميتها هاذي لي فرموشك ..
هي توترت .. و بلعت ريقها قربو خلاها تحس فشكل بزاااف . : ا اه ل لماسكارا ..
زاد قرب كثر و حط صبعو كيمسح تحت عينيها : معرفت علاش كاتديري هاذ تخربيق ل وجهك و نتي زوينة أصلا بلا بيه ..
صافي تحشو ليها الركابي و انفاسها كاتخررج غير بزز صوتو الرجولي و طريقة ةهضرتو كتزعزع شي حاجة فيها لداخل ..
هزت عويناتها فيه حيت كان طويييل عليهااا .. و كتبان ليها لحيتو و شنايفو الحمرين سنيناتو مستفين بحال كيسان البلار ف فشي فيترينة ..
زاااادت دااابت فيه و دوك العضلات و صدرو المبندر ..
نطق بصوت خشن : صافي مسحتو ..
اجي دابا نوريك كيفاش تصاوبي طاجين ..
قربت جيهتو و مزالا كتنفخ زعماااا
ضحك وشاف فيها : مااالك دابا ؟؟
ليلى : و والووو ..
عامر : عادي شنو فيها ايلا مكنتيش كتعرفي طيبي ؟ انا انعلمك صافي !
ضحكت حتا بانو خدودها : ههههه اوكي
يحيى كان ف رانج روفر ديالو كيصوg ..
دار الووكمان فوذنيه و ونطق : واش متأكد من لادغيس سوغ ؟؟
.... : وي سيدي متأكد ..
يحيى عينيه على طريق : اووك .. غير قطع دابااا ..
اتجه لداك العنوان و كيمسح فوجهوو كل شويا .. غير وصل لحومة بقا كيبحلق ب عينيه و دخل و هو كيشوف هنا و هناااااا تصدم شويا من هاذ المحيط حيت عمرو وصل ليه .. و هو يبدا كيصوني ليه تيلي ..
جاوب : وي باباااا ؟؟ شنو كاين !
عمر : قيس راه
فرااانا بسررررعة و سيطر عليه قلق كبير : بابااااا شنووووو واااقع متخلعنييييش ؟؟
عمر : وقع لي نزييف حااااااد ..
صفار وجههو : اوووكي اوووكي هانا جاي دابااااا ..
رجع كسيراااا بسرررررعة و كيمسح على وجههو ..
وصل لوبيطال من بعد ربع ساعة .. دخل كيجري لقا باه واقف قدام الغرفة بوحدو و شاد فراسو ..
يحيى : شنوووو وووقع ؟؟ خرج دكتور ؟؟؟
عمر زول يديه من على وجههو لي تزيررر فيه اللون : معرفت علاش كيقلب هاذ الولد واش سخا بحياتو انا صافي متبقيت فهمت والو .. مفهمتش و الله ..
يحيى جلس حداه : بابا تهدددن شويااا سيلتوبلي ..
نجيب ليك المااا ! وجهك تخطف منو اللون ..
عمر حرك راسو ب لا : غير جلس .. انا بخير ..
يحيى : شنو ووووقع انا خليتو صحة سلام ؟؟
عمر : ماماك جات طلات عليه و هو ينعس صافي قنعتها غير بزززز حتا مشات مع شيفور .. ليلى ديجا خرجات .. منعرف فين ..
جيت بغيت نشوفو حتا تصددددمت أ ولدي ..
لقيتو واقف كينطر فدوك سلوكا حيدهم من يدووو ..
و بزززز باش واقف غير مسند على الحيط و كينين بصوت متألم عارف راسو مقصصصح و واقف معرفتش انا واش العقل هرب ليه و لا شنووو "ضرب يديه على فخاضو كيتنهدددد" ااااااخ ياربي اش غانعمل مع هاذ الولد ..
يحيى خربق شعرووو مرجعووو اللور : معررررفتش انا فين غاااادي و هو فهاذ الحالة اوووووووف ..
دري صغير و مكيقصحش راسو تال هاذ الدرجة .. بزااااااف هاذشي و الله ..
عمر : انا انعيط ل جوج من الغارد كوغ يحضيوه مزيااااان اططو ..
وقف و هز تيلي مشا بعدد كيهضر ..
خرج دكتور و ناض عندو يحيى بسرعة : دكتور كيف بقا صافا دابا ؟؟
دكتور : اشنو غانقولك .. بزز باش حبسنا نزيف ..
مكانش خاصو يوقف نهااااااائيا .. الجرح مزال ملتئمش و تحلو الغراز كلهم .. دابا راه غير غيتخفف مفعول البنج غايحش بألم شدييييد .. حيت ديك المنطقة سونسيبل بزاااف و عافاكم ردو ليه البال كثر ..
يحيى ضرب على كتف طبيب : شكراااا بزاااف ..
عمر : اشنو قالك !!
يحيى خشا يديه ف جيوبو و سند زهرو لحيط : مكانش خصو يوقف .. تحلو الغراز ..
عمر : لا حول و لا قوة إلا بالله ..
مهم الله ارضي عليك أ ولدي ماتقول ل ماماك والو و حتا ليلى
ريماس حركت رجليها تا وصلت عند عيشة .. لي نزلت لعندها لابسا و مقادة مزياااااان ضاربة واحد تعكيرة حمرررة و شعر دايرالو بغوشينغ ..
لي بوان محرووووقين بقوة التشواط ..
و ظفار ملصقاهم و صابغاهم ف الحمر..
لابسا مزيااااان جينز لاااااصق على فخضاها و بارز طرماحتها و تيشورت قصير ف لبيض مكتوبين فيه حروف بالخط العريض بشكل عبثي ..
و المايكاب مكثراااااه بزاااااف .. و روااايح كيعطعطو منهاااا ..
همست : حبي صافا !!
ريماس تبسمت و خشات يديها ف جيوب د الجاكيط مدت حنكها سلمت عليها : بخير نتي مزيان !! ههه هاي هاي على ناس بعدا مقادين و محلقين على الحالة ياكما كنتي غادا لشي بلاصة و شديتك ؟
عيشة كطرطق فواحد المسكة : لاااا لااا ويلي اشكاتقولي كنت كنتسناك غير نتي .. أ مضرا شفتي رشيد مول طاكسي و لا مزال ؟؟
ريماس : موضوع طويل .. يالاهي معايا للدار نجلسو و نهضرو حسن ..
معجبهاش ريماس البلان حيت بنادم كيدوز من حداها و يبقا يسكاني فيهاااا كيستفزها بشوفاتو و كتحس كولشي منعت بصبعو ليها و كيدويو فيها .. عاين باين .. تخنقااااات بزاااف ..
عيشة : عرفتي شغاندير يالاه نمشيو نتغداو فواحد الريسطو حسن .. قتلني جوووع .. و من بعد عاوديلي ..
عيشة زولت نظاظرها د شمس و بانو عينيها لي مجبدين ب الماسكارا : وا غير زيدي شحال فيك تانتي .. متخمميش من ناحية الفلوس ..
شدو طاكسي نيشان لواحد ريسطو انيييييقة قدام البحر من بعد اصراااار شديد من جيهة عيشة .. غير فخامة الديكور ديال المطعم كتلف العقل .. و تجيب دووخة ..
ريماس حبستها عند العتبة و نطقت بتوتر و هي كتشوف ف زاج و لمحت ناس تماك غير الهاي كلاس و صحاب الحبة :
عيشة كون غير رجعنا حسن و الله شوفي هاذ البلاصة ماشي من مستوانا .. غانصدقو غير مشوهين ..
عيشة : علاش ماشي من مستوانا ؟ ياك الفلوس هي لي مهمة ايوا صافي سدات مدام .. تا حد ماشغلو فينا .. زيدي راسك شحال قاااصح ..
عيشة مفهمت فيها والو .. سدت فمها و دخلت و كاتشوف ف ناس كيفاش لابسين و الإتيكيت ديال الماكلة و الجلسة كي دايرة بقات غير كضور ف عينيها .. طالقين موسيقى هادئة .. كلاسيكية ..
دخلو كيتمشاو و ناس لي تما كيطلعو و ينزلوو فيهم بشوفات ناقصة طبعا ..
جلست ريماس و عيشة جرت الكرسي و جلست :
الله على هاذ المطعم شحال هادئ ..
ريماس شافت فيها : معرفتش علاش ممرتاحاش ..
شويا و هو يجي عندهم واحد سيرفور كيتمشى بزربة وقف عليهم : آنسة عافاك سمحيلي و لكن مميكنلكش تجلسي فهاذ طبلة ديجا مريزيرفية هاذي ساعة د المgانة ..
عيشة طرطقت عينيها فيه : كيفااااش ؟؟
ريماس شافت فيها : نوضي أ صاحبتي راه قالك هاذ طبلة مريزيرفية قبل ميمكنش نجلسو فيها .. نوضي يالاه ..
عيشة : لا بلاتي .. دابا حنا معجبناكش جالسين هنا ها ؟؟
بلا حشمة بلا حيا جاي تنوضنا و سط عبد الله كيشوفو فينا ؟؟
هو تبسم بزز و نطق : آنسة سمحي ليا انا مقصدت حتا حاجة .. كندير غير خدمتي .. كون ريزيرفيتي قبل كون لقيتي طبلة واجدة طبعا و مرحبا على الراس و العين ..
ريماس تبسمت ليه : خويا هانيا سمحلينا و الله .. مقدرين وضعك ..
شافت ف عيشة و حمرررت عينيها فيها : نوووضي زيدي أ صاحبتي بلا منحرجو سيد ..
عيشة نطقت بصوت عالي : راه حنا لي تحرجنا ماشي هو
يالاه غاتوقف ريماس حتا شافت واحد الشاب واقف عليهم طولة و تحريدة و القلدة تقول غير هارب من شي فيلم ميريكاني .. الحوايج غير لي ماغك .. ريحتو سبقاتو ليهم ..
زول نظاظرو د الشمس و هي تصدددم ريماس منين شافتو بقات غير مطرطقة عينيها فيه و بلعت ريقها
تبدل فيها اللون و رجع بيها سيناريو لداك نهار و أحداثو كاملاااا من لول تال لللخر ..
عيشة دااااخت ف عينيه و فداك طاطواج لي ملوي فعنقو على شكل أفعى و تفاصيلو كلها حنحنت و نطقت : احم واش نتا لي ريزيرفيتي ياك ؟
السيرفور شاف فيه و حنا راسو : ميسيو
كارلوس كنعتذر بزاف على هاذ الفوضى .. سمحلينااااا بزاااف
كارلوس شير بيديه : غير سير دابا..
شاف ف عيشة : سي .. انا ..
وقفت ريماس كتفرررك ف يديها و قالت احسن حاجة دير هي ضربها ليه بنكرة بحالا عمرها شافت كمارتو : احم عييييييشة نووووضي يالاااااه ..
سيد حرجنااااه بزاااف .. يالاااااه
كارلوس خشا يدو ف جيوبو : نوو اتس اوكاي .. غير بقاو .. but واش عادي نشركو نفس طبلة I mean واش مغيكونش ازعاج ليكم !
عيشة نطقت بسرررررعة و عينيها كيلمعووووو : طبعاااااااا عاااادي جلس جلس ماتبقاش واقف .. و سمحلينا حيت تطفلنا هاكا ..
جر كرسي مقابل مع ريماس و جا ف جنب عيشة ..
و نظراتو تصوبو على عوينات ريماس لي توترات و بقات غير كتمسح ف عنقهااااا ..
عيشة كطلع و تنزل فيه و كيبانو ليها فيه فلووووس صحيييييحة ..
شافت المgانة لي فيديه كيدايرااا .. و كولشي وااااضح بحال الشمس ف نهار زوين و هاذي هي همزتها دابا قالت غا ربحة و لا ذبحة ..
قليل فاش كتصادف بحال هاذ النوووع ..
و جات الوجيبة دابا تال بين يديهاااا ..
عيشة : احم متأكد مغنديرونجيوكش ؟ ياك !
كارلوس هاز الآيفون X ديالو كيخربق فيه : نووو .. عادي خودو راحتكم ..
شير بصبع و جا سيرفور تو دو سويت .. شاف فيه و نطق بصوت خشن : شوف شنو بغاو
عيشة شدت الموني و بقات كتضور ف عينيها داكشي صدق كثر من ما كاتوووقع غاااااالي بزاااااااااف كاين غير فوق 1000 درهم ل بلا ..
ريماس تنهدددت و هي كاتشوف
دوك الاثمنة هي ممخلصا والو و لكن حست وحلت ليها وسط حلقهاااا ..
نغززت عيشة برجلللها و حمرررت عينيها فيها زعماااا يالاااااه ..
و عيشة مرضااتتش هي اصلا جابتها لهنا غير باش تبان عليها و تقوليها حgا ضارت عندي الفلوس
ساعة لي فيه الفز كيقفز
ريماس و هي كاتسارا ب عويناتها على دوك الاثمنة الخلابة .. شافت واحد البلا ثمنو كثر من 2000 درهم و هي طرطق عينيها نطقت بعفوية : اوييييلي ميمتي على 2000 درهم واش غاناكلو حنا ذذهب .. 2000 درهم نوكل بيها الحومة كلها و يشيط الخير ..
عيشة : اووووف منك انا لي غانخلص مدرتش هاذ الحالة .. كولي أ صاحبتي ..
ريماس استاءت شويا و معاجبها حال
كارلوس رجع من الحمام و ريماس مزالا غير كتشوف ف داكشي محطتش نعمة ف فمها ..
جر الكرسي جلس .. و بدا كياكل ف البلا ديالو كانت غير صالاد بوحدها ..
عيشة كتهز عينيها و تبحلق فيه حمقها و دا ليها العقل ..
ريماس بدات كتنقب و مزيرااا معاجبها حال ..
منين سالاو ناضو و عيشة عينيها عليه كي صقر شافت فيه و تبسمت و هي كتقاد ديك لافخونش لي كطيح على عينيها : شكراااا بزااااف حيت سمحتي لينا نجلسو معاك و سمحلينا مرة اخرى الى تطفلنا عليك ..
وقف كارلوس و هز كونطاك ديالو : نو عادي .. كتوقع ..
تخطاهم دار نظاراتو شمسية و مشا سبقهم ..
ريماس تنهدددت منين زاد مشا .. و مشاو لاكيس ..
عيشة عرفت بلي دازو لمسgي تزيرررررت شويااا و بدات كطلع معاها سخانا : عافاك شحال عندي !
سيد لي مكلف تما نطق : ديجا خلص عليكم ميسيو كارلوس ..
ريماس وسعععت عينيها بعدم فهم .. و عيشة لمعووو عينيها : كيفاش ! واش بصح ؟؟
نطق كيأكد ليها : سي .. خلص عليكم الغدا ..
شكون فيكم ريماس !
وسعت عويناتها الخضرين : أه أنا ع علاش ؟؟
جبد واحد البطاقة و مدها ليها : هاذي من ميسيو كارلوس ..
ترددت شاردة مفاهمة والو .. نغزتها عيشة : شدي من عند سيد يدو تكوانسات عليه ..
غير خرجووو من ريسطورا و عيشة وقفت يبست رجليها ف الأرض و عينيها تبدلو : جبدي شوفي اش قاليك فيها ؟؟؟
ريماس جبدتها من جيبها و دورتها لقات مكتوب فيها الرقم ديالو و لتحت مكتوب
"Call me as soon as possible"
(عيطي لي ف أقرب وقت ممكن)
عيشة قهقت و ممسروطاش ليها : سعداااااتك أ ختشي صيدتي هاذ الزين كولو زهرك وقف معاك ليوماااا وقفة درجال ..
ريماس بقات غير ساكتة و كتشوف ف ديك الورقة بين يديها مزال مقالتش ل عيشة بلي هو لي عتقها و شي حاجة منعاتها من أنها تخبرها .. سكتت و كمشت الورقة رداتها لجيبها :
بقااا ليااا غير هوو على الحساب ايوا صافي هي زينة و زادها نور الحمام ..
عيشة : انا كون فبلاصتك منفلتوووش ..
نشد فيه برجلي و بيدي و تا بسناني .. زوييين و باين شابع فلوس من الفوق أ صاحبتي هاذ الفرص كايجيو غير مرة ف العمر خصوصا وحدات بحالنا مgردات لا قرايا لا وظيفة ..
ريماس تنهددت : منقدرررش أ عيشة منقدرررش واخا منعرف اش يكون عندو ف ملك الله ..
عمرني نتقبلها .. زايدون كاع لي نافخين ريشهم بالفلوس متنتظريش منهم شي حاجة تتكون عينهم زايغة و غير عشاقا ملالة .. ليوما عين عليا و غدا على واحدا اخرة
عيشة وقفت قدامها حابسا ليها طريق و ريح كيحرك فشعرها : واش منيتك ؟؟
واش مزال كاين شي حد كيتسوق لهاذشي ؟ غاتبقاي كتضوري و تخدمي ف البيران ؟ و باك مريض و مهدي مزال صغير باش يهز داك الحمل كولو ..
نتي راه ساط ليك البرد فوذنيك .. و بقاي تنفخي ف صدرك تا تصدقي ف لا ديدي لا حب الملوك ..
عيشة غير كتسوط : انا ان شاء الله انبدا الخدمة مع ديك البنت باينا ضريفة غير لي عطاتني من الخير .. و نزيد نت**** لشي مدينة أخرى مكيعرفني فيها حد ..
عيشة : ساهلا غير بالفم أ صاحبتي ..
نتي راسك قاصح قلنا ليك عيطي لهاذ كارلوس ولا اش سميتو كاع باينا عايش ف الخاريج .. يقاد ليك غير وريقاتك بعدااا و سيري خدمي على ك*** ..و جي برعي باك و خوك ..
ريماس سكتت و بقاو كيتمشاو ف خط واحد فداك الكورنيش و البرد محررررك : ايوا معاودتيش ليا داك سيد لي قلتي ليا غايتزوج بيك شنو درتي معاه مزال ؟
عيشة تزيرررت ديجا غا كانت طالقاها عليها و هي تبسم تبسيمة صفراااا : والو أ ختي مسهلش الله ..
بانليا غير كايزيgزاgي و انا نقوليه حسب الدروج .. صحابلو انا مزالا عيني ف تصاحيب و داك الخاوي الله اداوي ههه .. تي راه هاذ المغاربا بزاااااف ..
ولاد **** أ ختي باغين غير الزهوو غير كيوصل المعقول كيقولو من هنا دازو ..
ريماس هزت كتافها : اشغانديرو أ ختي .. ماعلينا غير بصبررر .. و ميبقاش فيك الحال "لوات يدها على ذراع عيشة" يجيب ربي ماحسن و يعوضك ب ما فضل منووو ..
معرفتي الخير فين كاين مزال ..
شدو طاكسي و كل وحدة مشات لدارها من بعد ما توادعو طبعا
الغدا وجد و حطو عامر فوق طبلة هو و العصير و الخبز سخوون جابو من الفران ..
ليلى : عيط ل رشاد يتغدى !
وقف و كيجبد ف تريكوه : اووك هانا جاي ..
مشا دخل لبيت صغير لقاه مخبي وجههو بلمخدة و مغطي بيزار د ماماه .. تحنى جيهتو و حط يدو على شعرو كيرجعو لور بحركة حنينة : رشاد نعستي !
لاا رررد ..
رجع همس بشويا حدا وذنو : اجي تغدا معانا .. مذقتي والو من صباح ..
مجاوبوش دار راسو ناعس و بقا ساكت ..
خرج عامر هاز حاجب معاجبوش الحال و دخل جلس مسند ظهرو للحيط : داير راسو ناعس .. مابغاش ينوض ..
ليلى وقفت : اططو نشوف واش ايبغي ..
يالاه غايدوي لقاها طارت مشات دقت مستأذنة و دخلت بشويا .. قربت لسرير فين ناعس و جلست ف طرف ديالو : رشاد صافي نعستي !! حشوما عليك انا جيت نشوفك و نتا مقلق علياااا ياك ! اشنو درت ليك انا هممم ..
زول المخدة بشوياالل تا بانو عينيه الحووومر و نطق : ليلى ج جيتي ..
تبسمت : اه جيت على ودك "نزلت باست حنكو".. و يالاه اجي تغدا معانا عافاك !! عافااااك
تكعد شويا كيمسح فوجههو : مقديتش عليه أ ليلى .. مقديت على والو ..
وقف بزربة و خشا رجلو ف بانطوفة : لا صافي بلا ماتقلقي انا انتغدا ..
ضحكت و شدت فيديه .. دخلو لبيت و عامر غير شافوو تبسم ب عينيه .. و بداو كيتغداو ..
ليلى : رشااااد كيف جاك طاجين هممم ؟؟
تبسم شويا و هو كايدير دغيمات صغار : بنيييين بزااااف ..
ليلى هزت كتافها كضحك : الله اعطيني الصحة و صاااافي هاذشي لذييييذ الصراحة مكنتش عارفة واش غانبدددع هاكا تفاااجأت بزاااف خصني نبدا نتواضع و ندخل لكوزينة ..
عامر قهقه مستهزأ : راه انا لي الله اعطيني الصحة حيت طيبتو .. نتي مادرتي تا حاجة غير بقيتي عاصرة على ديك البصلة ساعة د المgانة ..
خنزررت فيه : مادرت والو ؟ شكون كيسقي طاجين ؟ ها ! و زايدون انا لي رديت ليه البال تا طاب هاذا بخد ذاتو راه انجاز ..
قوست حجبانها مغبنة و هزت يديها مبقاتش كاع بغات تاكل و معبسا
عامر جاه ضحك و رشاد حتا هو كيضحك : غير كووولي كووولي و الله تا واعرااا نتي و مكينش شي حد يقدر يطيب بحالك و الله اعطيك الصحة صافي مزيان دابا ؟ ..
صغرررت عينيها فيه : من قلبك قلتي هاذ الهضرة ؟
زاد تبسم : من قلبي و من ريتي أ لالة غير كوولي ..
رجعت كتاكل و مرة مرة تبقا تخربق ف الهضرة و تضحك هاكا عادتها ..
حتا سالاو و جمعو داكشي ..
عامر : متعطلتيش على دار ؟؟
ليلى : لا مزال الحال .. يالاه نخرجو رشاد شويا نديوه للملاهي و لا شي بلاصة يبدل فيها الجو عافاك عااااافاك ..
عامر حك شعرو مضيق حجبانو : خصني نقضي واحد الغرااااض .. لقيت واحد السيد ايعطيني واحد المحل نخدم فيه بعدا .. و قريب لحومة نبقا نطل مرة مرة على رشاد و منبقاش مشوش عليه
ليلى سكتت شويا و نطقت : ع عامر بغيت نقولك واحد الحاجة و متفهمنيش غلط و متقلقش عافاك
حرك راسو بفضول : قوولي نسمع !!
ليلى : واعدني بعدا متقلقش و ماتفهمنيش غلط !!
عامر : ههه وا غير دوي منقدرش نواعدك ايلا معرفتش بعدا شنو كاين !
ليلى هزت صاكها كتبقشش و هو متبع ليها العين مفهم والو حتا جبدت واحد شيك حطاتو ف يديه شاف فيه و نطق : شنووو هذااا !!
ليلى : شيك ..
عامر : عرفتو واش شيك و لكن لاش ؟؟
معرفت شنو تقول عضت على شنايفها و همست : بغيت نعاونك شويا حيت انا حاسا من الظروف لي كتمر منها دابا ..
و أصلا هذا غير مبلغ قليل و لكن كنتمنى يقدر يعاونك على الأقل غير تدير شي مشروع و لا شي حاجة و لا تخلص بيه ليكول ل رشاد و لا أي حاجة خاصاه ..
صغر عينيه ف الشيك و مكمشهم عاد نطق بصوت كان صارم شويا : ف نظرك واش 20 مليون مبلغ قليل !!
هي حركت راسها اه : سي قليل و بزاااف و الله هاذشي لي قدرت نهز من الكونط ديالي دابا ..
جر صاكها و هي حاضياه : اشنو كاتدير !
رجع جرو بزربة و دار داك شيك لداخل و سد صاك عاد حطو فوق فخاضها : احسن حاجة غانديرو أ ليلى هي غانساو هاذ السيجي صافي !! فحالا مقلتي تا حاجة و فحالا انا مسسمعت والو اوك !
قوست حجبانها و فركت صباعها : م مقصدتش نحرجك و لا شي حاجة .. انا غير بغيت نعاونك فقط .. اعتبرهم سلف كاع واخاااا !! ..
عامر قرب جيهتها مقابل معاها كيتنهددد ..
و هز يدو كيرجع شي خصلات لور كانو قراب لعينيها و هي تايها ف عينيه كتشوف فيهم :
ليلى انا عارف نيتك غير تعاونيني .. و محرجتينيش نهائيا ..
لي خصك تعرفي انا مستحيييييل نشد من عندك سنتيم واحد هاذوك راه فلوسك اوكي !! و انا قاد براسي واش سمعتيني شي مرة شكيت خاصني شي حاجة ؟ همم !!
هي سكتت و عينيها دغيا عمرو بالدموع كتشوف لتحت ..
عامر : نقدر نفهم دابا علاش تقلقتي !
وااا شوفي فيا و دوي ..
هزت عويناتها فيه و همست بنبرة حزينة : واخا متشكيش راه كولشي واضح .. عارفة واش الحمل ثقيل عليك و عادي ايلا خديتهم من عندي اشنو فيها انا ماشي شي حد غريب عليك !
عامر جمع وجهها بين يديه الكبار و هي خدودها رجعو حمرييييين :
فيهااا و بزااااف .. انا لاش مربي هاذ للكتاف و هاذ الذراع غير باش نخدم بيهم و ديك لبيريود لي بقيت جالس فيها تيتي نيني فالدار .. كنت مزااال مقصصصح بزاف هنا "حط يدو على قلبو" ..
مي دابا صافي خصني نوض و نقوم بكولشي .. هاذ الحزن و التحسر معندهم فاش يفيدو .. و رشاد غنعطيه وقتي كامل باش متخصو تا حاجة و ميحسش راسو بوحديتو ..
ليلى حركت راسها ب اه و مزال تعابيرها حزينين ..
جذبها لعندو بحركة خفيفة معنقها و خاشي راسها ف صدرووو و يديه ضورها على ظهرها ..
صافي حست قلبها غايسكككت و استشعرت بواحد الأمان و الراحة و هي فحضنو زادت كمشت يديها على تريكوه .. و همس حدا وذنها : صافي غانساو داكشي ياك !
سكتت شويا كتفكر و رجع استرسل قاطع تفكيرها : مغناخدش من وقتك بزاف .. بروميص ..
نطقت : اوك فين !!
كارلوس : شيفور ديالي ايجي ليك تال باب الدار بلا ماتعذبي .. منين يوصل غيككلاكسوني عليك و نزلي لعندو ..
قطع عليها قبل ماتكمل هضرتها بقات غير كتبحلق .. مسحت نمرة بسرررعة ..
دخلت و مدت تيليفون ل مهدي لي كيقصي ..
و ماكيناش نص ساعة تا تسمع صوت لكلاكسون قوووي .. وقفت بزربة و خرجت كتسلت
مهدي وقف عليها من اللور خلعها حيت مردتش ليه البال : فين غادا ؟؟
ريماس هزت جاكيت ديالها كتلبس فيهااا : نمشي غير نتقدا شي حاجة و نرجع بزربة ..
مهدي : اري نتسخر ليك بلا ماتعذبي راسك الليل هذاا ..
تبسمت بزز : لا لاااا عاد نتا جيتي عيااان من الخددمة .. غير سير نعس و لا تكا شويا باش ترتاح ..
انا منتعطلش ..
خرجت زدحت دفا بشويااا .. و كتكمش ف عينيها حتا بانتليها واحد طوموبيل قدامها كتدووووووخ و زاج ديالها كان كولو فيمي تزيررررت شوياااا .. خرج شيفور و حل ليها الباب : تفضلي آنسة ..
بلعت ريقها و هي كتفرررك ف صباعهااا دورت عينيها بزربة ليكون شافها شي حد و بطبيعة الحال صحاب الحسنات عطاهم الله غير مطرطقين عينيهم ..
دخلت ركبت للور و رجع ركب السائق القدام عاد انطلق ..
بقا كيتسمع غير صوت تنهيداتها المتواصلة .. كتدور ف عينيها ف طوموبيل جاتها خطيرة أي حاجة طاحت ف بالها لقاتها فيها ..
استنشقت واحد ريحة قوية شويا و رجولية .. كانت ريحة كارلوس طبعا ..
ريماس تشجعت و نطقت و عينيها على المرايا : احم ف فين غادين بالضبط !
كثر من نص ساعة عاد وصلت .. تخنقت ف ديك طوموبيل .. غير وقف و هي تنهددد ..
نزل بسرررعة و حل ليها الباب نزلت ..
هزت عويناتها و هي تبان ليها واحد الفيلا بحال شي قصر صافي كبييييرة بزااااااف ..
و ديكورها مصمم بطريقة عصرية .. عويناتها كيضورو و كيتفقدو أرجاء المكان بفضول ..
لي غارد مستفين تماك لابسين الكحل ..
زاد دخل و تحل الباب الكبير د جردة ..
و السائق أمامها .. كيتمشا فواحد الممر و هي تابعاه بخطوات صغار ..
تا وصل لقلب الفيلا و حط يدو على صونيت ..
حلت الخدامة و تبسمت ..
ممم آنسة ريماس !
هي صغرت عينيها شويا و نطقت : ا اه انا ..
رددت ف نفسها .. ناري باش عرفت هاذي تا هي سميتي ..
الخدامة زادت ترعت الباب .. تفضلي آنسة ..
توترت شويا و بدات كاتقول ف نفسها : انا شنو جايا كنصنع هناااا .. كون غير تكمشت فدارنا حسن ياااربي تخرج هاذشي على خير ياربي ..
السائق رجع منين جا .. و ريماس سمات الله و خطات الخطوة الأولى غير دخلت و هي تبهرررر ب قلب الفيلا كانت فعلا بحال شي قصررر ..
غير الأرضية كتلمممممع حشمت تمشي بصباطها فوقهااا .. و ديكوراااات و لي طابلو معلقين ف الحيوط و شحال كبييييرة و واااسعة و الدروج وسط الفيلا مرميا عليهم زربية حمرااا ..
لمحت واحد الطابلو د فان غوخ و لكن متيقتش قالت غايكون غير مقلد ..
و عويناتها محبسوش كيضورو على كل تفصيل بانبهار .. و كترمش بسرررعة ..
كل شويا كتصدم بشي حاجة و توسع عويناتها مذهولة فلي شافت ..
دخلتها للخدامة لواحد الفسحة زوينة مقابلا مع جريدة .. اشنو تشربي آنسة ؟
ريماس جلست : لا لا بلا متعذبي راسك .. غير شي كاس د الما الله احفظك ريقي نشف ..
الخدامة تبسمت : واخا أ لالة
و مشات طايرا .. ف حين ريماس كطرطق ق صباعها و نطقت ف نفسها :
شو هاذ الناس فين عااااايشين يااااربي .. معرفت باش كيحسو منين كايكونو وسط دار بحال هاذي و خدامة كتسخر عليهم .. اااااخ و صافي ..
فزعها صوت كارلوس لي وقف عليها على غفلة و صوتو الغليظ زعزعها : بونسواغ ..
حطت يديها على صدرها كتفتف و وقفت بزربة : س سلام ..
مد يدو ليها و بادلاتو السلام ..
جلس فوق الفوطوي البيج د الجلد مقابل معاها .. و دار رجل فوق رجل و بيناتهم طبلة د زاج : صافا !
ريماس : ا اه ب بخير ..
جات الخدامة حطت كاس د الما .. نزلت عليه ريماس كولو فدقة وحدة و بدات كتمسح جناب فمها ..
كارلوس : كيف قلت مناخدش من وقتك بزاف ..
عرفتي علاش جبتك ل هنا !
ريماس : لا معرفتش .. بصراحة هاذشي علاش شدني الفضول علاش خليتي ديك الكارت عند هذاك الشخص و طلبتي نتصل بيك ف أسرع وقت ممكن !!
كارلوس كيمرر يدو على رقبتو و كيسكانيي فيهاا
دام صمتو شحاال عاد نطق بصوتو الخشن : شنو علاقتك ب قيس همم !!
طاح ليها الما ف الركابي على ذكر اسم قيس ..
ملامحها تشنجو عليها و قلبهااا كيضرررررب بقوووة .. سكتت شحال و شنايفها عاضا عليهم : ف فين كتعرف ن نتا ق قيس !
كارلوس هز صيgار ديالو شعلو : و شكون لي مكيعرفش قيس .. البيزنس مان المشهور ..
ريماس : ق قصدت علاش سولتيني عليه ! باش عرفتي بلي انا كنعرفو !
كارلوس لمح الخوف و التوتر ف عينيها و ف حركة يديها لي مزgاتش : من ديما كنعرف كولشي صغيرة و الكبيرة و حتا لي ديطاي صغار ..
ريماس بصوت كيرجف : ع علاش سولتيني عليه هاذشي لي بغيت نفهم دابا !!
هو : باش نطمنك انا ف صفك طبعا .. داكشي علاش نتي محظووووظة بزااااااف ديريها ف بالك ..
ريماس مفهمت والو حيت اصلا كيدوي بالألغاز بقات غير كتبحلق ب عويناتها حاسا بالخنقة و الندم بدا كينتابها على دقيقة لولا لي فكرت فيها تعيط ليه ..
كتمرر يدها على حنجرتها و و كتراقب ب عينيها اي تحرك دارو و بقوة صقيل لي فدارو كتسمع صوت اس خطوة خطاتها الخدامة ..
كارلوس تقاد ف بلاصتو كثر و حط داك صيgار ف طفاية و شبك يديه لي عامرين طاطواج و قابل عويناتو الرماديين مباشرة مع عينيها لي بريقهم كيلممممع :
تظلمتي بزااااف .. و مزال غاتشوفي نهارات أسوء من لي فاتو حيت خيالو ايبقا تابعك ديماااا ..
ريماس زادو يديها عرقو كثر : ع علاش !
هو : حيت ببساطة هو من داك النوع لي ممم كيفاش غانشرح لك "حك ذقنو" من النوع لي كيكره لي يتمرد عليه و نتي مخضعتيش ليه و كنظن هاذشي واضح ..
لعب عليك لعبة حقيرة داك الحبس ظلما طبعا لصق ليك جريمة نتي مدرتيهاش اصلا ..
تكرفصتي تما .. و عنفوك السجينات لي وصاهم .. عائلتك قاسات نفسيا .. الاب ديالك فقد البصر بسب هاذ المحنة ..
جسمك تشوه "صوب عينيه جيهة كتفها" .. و حياتك كتغرق كثر و كثر ..
مع العلم هاذشي غير البداية ..
مزال غاتشوفي اسوء من هاذشي .. حيت قيس أبشع شيطان فهاذ الأرض و خبيث كثر من ما كتخيلي ..
ريماس على ذكر ديك سيرة تزيرررت و عينيها غرغرو بالدموع كمشت يدها على حوايجها : نتا باش عرفتي هاذشي ك كولو !!
كارلوس رجع دار رجل فوق رجل و يد كيدوزها على لحيتو و عينيه من المستحيل تفهم ب اشنو كيوحيو واحد الغموض رهييييب مسيطر عليهم : مكتفكريش تنتقمي ! باش تهناي من هاذ الوحش !
و تخليه يحس باش حسيتي همم !
ريماس توترت شويا معرفت شنو تقول دابا اصلا تخررربقت كووولهااا .. مابقات عارفة واش تسكت و لا تدوي و تا الكلمات هربو من فمها :
لا .. ربي غايخلصو على كاع داكشي لي دار فيا .. غيجازيه سوا دابا سوا من بعد ..
انا عارفة غايتجازا على أي دمعة ذرفت على كاع داك الخوف و الرعب لي خلق فيا على الألم لي حسيت بيه كيفتك فيا على القهرة لي عاشوها عائلتي "نزلت دمعة سخونة من عينيها مسحتها بسرعة" ..
كارلوس قهقه مستهزأ : و غاتخليه يزيد يستماع بهاذ اللعبة همم ! و يهددك بأعز ناس عندك !
و يفرض عليك شي حوايج نتي ماباغاهمش ..
كنظن هاذ طيبة لقلب ديالك ماشي وقتها دابا .. ايلا مكشرتيش على ننيابك كنأكد ليك غايرجع يعذبك كثرررر و كثرررر
"زاد وسع عينيه و نبرتو رجعت صارمة اكثر" .. تيقيني منين كنقول شي حاجة كتوقع بصصصصح ..
و مكنهضررررش من فراااااغ ..
ريماس كتحس بالعرق شاق ظهرها و كولها متشنجة ..
حست بالخوووف من هضرتو حيت بصح هو غايرجع باش ينتقم منها على لي دارت فيه ..
ريماس : م معندي ماندير .. انا ماعنديش نفوذ لي عندو و لا المال لي عندو .. داكشي علاش حgر عليا و عرف كيفاش يلعب بيا و ل لكن ربي كبيييير ..
كارلوس : داكشي علاش انا عيطت عليك .. غانعاااااونك و هاذيك سلطة و نفوذ لي عندو غايديرو بااااح ف الهوا طبعا باش يتحقق هاذشي ايخصك تعاونيني حتا نتي ..
ريماس سكتت : م مفهمتش ش شنو غاندير أنا !
دارو البيكنيك فواحد للغابة كانت خاوية شويا فيها غير العائلات كل واحد شاد شي قنت بعيد على لاخر ..
كانت طوموبيل قريبة ليهم ..
جلسو حدا واحد الشجرة و فرشو ليزار ف زرق بارد ..
حطت ليلى كولشي وسايد باش يجلسو عليهم ..
و رشاد قدامهم كيلعب ب الكرة .. غير بوحديتو ..
عامر رجع من طوموبيل و جلس حدا ليلى لي كتنفس بعمق و شعرها طايح على كتافها : الجو زويييييين هنا بزااااااف .. فايت جيتي ل هنا !
عامر : ممم لا أول مرة .. "هز عويناتو ف السما و سدهم كيتنفس براحة" احسن حاجة منين جينا لهنا ..
ليلى بقات كتشوف فيه بنص عينيها لي عامرين بإعجاب كبيييير تشجعت و نطقت : عامر
شاف فيها : وي ليلى !
رجعت شعرها ورا وذنيها و ساكت نفسها : نسولك واحد سؤال غير هو شخصي شويا !
عامر هز حاجب بفضول : غير سولي
ليلى : مم احم .. انت م engager ف شي غولاسيو ؟
ضحك بجنب فمو : ههه هي لي بقات ليا نيت ..
وسعت عينيها : ع علااااش !!
عامر طلق رجليه و سند ظهرو للشجرة : منقدرش نفكر نرتبط بشي وحدة و انا معنديش الوقت تا لي نحك فيه راسي ..
دزت من هاذ البيريود د المراهقة و مصورت منها والو .. من غير حريق راس صافي ..
ليلى معجبهاش الحال : ك كيفاش زعما عمرك تفكر تدخل ف شي علاقة كاع ؟
عامر : ممم معرفتش من غير إلى كنت مستعد للزواج انقلب على شي بنت ناس ديك ساعة تقبل عليا و تقبل بشنو عندي .. و نحسها غاتكون وفية ليا .. ديك ساعة غانمشي نتزوجها ديغيكت بلا داك تبرهيش و خيطي بيطي ..
ليلى وحلت ليها غصة ف حلقها حست بحالا مكيحس ب حتا حاجة من جيهتها تزيررررت و رجعو خدودها حمرييين و حاجبها ططلع للسما ..
عامر : ممم و نتي !
ليلى : مالي انا !
عامر خربق شعرو بيدو : قصدت واش مرتبطة !
ليلى فهقهت بسخرية : لااا .. عاد خرجت من واحد العلاقة فاشلة .. كتعقل على نهار الحفلة ؟
عامر : اه عقلت .. بكيتي داك نهار شنو طرا !!
ليلى صوبت عينيها قدامهااا : شفتو مع واحد الpوتا .. تما حسيت قلبي تكسر و تهرس .. مكنظنش مزال واش يرجع يتصلح ..
عامر بقا ساكت شحال .. شويا تكعد و حط راسو على فخاضها و سرح رجليه .. سد عويناتو و جر يدها حطها على صدرو و زيررر عليها همس بصوت مبحوح : غايتصلح .. و غايرجع احسن من لول ..
ليلى صافي شي عرق ايتسوطا ليها فراسها .. لمسة يديه الخشنة و قربو بهاذ الطريقة خلاها كاتحس بالفرااشات كيطيرو ف معدتها .. و واحد الاحساس سيطر عليها مقدرتش تفهموو ..
ليلى ف نفسها : ياك مابغا يرتبط مع تا شي وحدة علاش دابا شاد ف ايدي هاااكاا هاذ الخرى دابا ايبقا يلعب ليا ب مشاعري اوووووف ياربي .. ت تهدني أ ليلى تهددني متبيني ليه وااالووو تهدددني و برررردي تنشوفو هاذ الحريرة فيت غاتخرررج ..
نطق و هو مزال ساد عويناتو : ليلى ..
كانت كتفحص ملامحو لي هبلاااتها و دات ليها العقل .. رموشو طوااال و حجبانو الكوحل لي مقادين شعرو رطيييطب و كثييير و لحيتو لي مقااادة بقات غير ساهية فيهم .. و نطقت بصوت حنين : ن نعام
عامر : عرفتي هذاك الشخص لي ضيعك كنتأسف بزاااف على قبلو خير خسر واحد الانسانة لي حنينة و معدنها بيض بزاااف .. متأكد غاينددم ..
ليلى بقات كضور ف عويناتها و كترد شعرها لور : و باش عرفتي غايندم !
عامر : حيت نتيييي ديالي بووووحدي و نهار يفكر يقرب ب ساحتك غانطير ليه داك راااااس من بلااااصتو .. " نطق هاذ الجملة بصوت رجولي و حل عينيه لي جاو نيشان ف عويناتها"
و هي رجع قلبها كيزددددح ممصدقاش شنو سمعت ..
خدودها رجعو بحال حبة الفراولة و يدها حستها كترررجف و احساس زويييين حستو لداخل مقدراش تصدددق شنو سمعت ..
وقف عليهم رشاد هاز الكرة فجنبو : واش غانبقا نلعب غير بوحدي ؟ "لوا فمو بحززن"
ناض عامر كيجبد ف تيشورت البيج ديالو و شاف فيها : يالاه نلعبو كرة ..
هي سااااهية و ممتيقاش .. مزال كتسمع
ديك انت ديالي بوووحدي و كيتردد صداها ف وذنيها ..
لييييلى فييين سهيتي ..
هزت عينيها فيه بزربة : ه ه ها اشنو قلتي !
عامر حط يدو على خصرو : يالاه نلعبو كورة مع رشاد قنط بزاف ..
عامر حط رجلو فوق الكورة و شاف فيهم : ممم يالاه نتوما بزوج ضدي ..
ايلا قديتو تحيدو لي هاذ الكورة حكمو عليا باشما بغيتوو
ليلى ضحكت و ضربت فيد رشاد : متعقلش عليه واخا خوك سمعتي ؟؟ ههه خصنا نحيدوها ليه
بقاو لاعبين و ليلى كل شويا كاتبغي تحيدها ليه كتصدق طايحا و لا شي حاجة و تبدا تبوووحط ..
عامر : وااالو ماغينفعش معاك داك تبوحيط ديالك غير نوضي وريني علاش قادة ههه "غمزها"
و رشاد عياااااا مقدرررش مزال والو بقا عامر كيلعب ب الكورة و كيضحك عليهم : يالاه اجيو صافي بزربة استسلمتوو .. فريق فاااشل ..
رشاد وقف : انا انمشي نقضي حاجتي بزربة و نرجع تزيرررت ..
ليلى : عنداك تبعدد سير غير هنا صافي !
رشاد : واخا متخافيش عليا ..
غير مشا و هي تنوض طاحت عليها واحد الفكرة و قربت جيهة عامر كان كيلعب ب الكورة .. وقفت قدامو و كتلوي صبعها على طراف شعرها و تجبد ف عينيها لي مرسومين ب الايلاينر ..
عامر : مااالك !!
غفلاتو و باستو ف حنكو بوسة طوييييلة .. و هو يجمممد ف بلاصتو دور عينيه كيشوف فيهااا .. و جمدد مابقاش تحرررك فير بؤبؤ عيتيه زاد توسع ..
و بحركة خفيفة منها هزت الكورة بيديها و بقات كضحك : ههههههه ييسسسسس ييسسسسس .. خسرتييي أ زين .. مكاين شي فاشل قدك
عامر طلع معاه البلان و نزل ب عينيه جيهة الكورة مكيناش كانت هازاها ف يديها قرب جيهتها و حط يدو على خصرووو : هذااا راه كيتسمى الغش أ آنسة ليلى ..
ليلى زيرت على الكورة ف جنبها : هذا سميتو قانون الجذب هههههه المهم غير قبل الواقع خسرتي و غانحكم عليك هههههه ..
ليلى : و علاه شنو ؟ راه ليلى هاذي "مسحت فوق كتفها كتقلي ليه السم و كتجبد ف عينيها "
عامر ضحك : ههه صافي أ لالة ربحتي اشنو حكمتك ؟؟
ليلى : ممم بلاتي نفكر ..
هو : زربي يالاه ..
ليلى : ممم تركبني فوق ظهرك و تمشي بيا حتال ديك شجرة لي لهيييييييها .. شفتيها ؟ "هزت صبعها نعتت ليه"
عامر : ممم اوووكي
شاف ف رشاد : متحركش من هنا صافي ! بقا غير هنا ..
رشاد كيضحك و كتغمزو ليلى : هههه واخا صافي ..
ليلى : عرفتي يالاه معاما ماتبقاش بوحدك !
رشاد حرك راسو ب لا : عيييت انبقا غير هنا ..
ليلى لعبت ف شعرو : اوكي أ الكيوت على راحتك
تحنى شويا عامر و ركبت فوق ظهرو و لوات يديها على عنقوو : ناااري شحال ثقييييلة ..
ليلى ضربت فوق كتفو بحركة خفيفة : الله امسخك تا 50 كيلو ما فيا مقادة ..
ضحك بجنب فمو و بقا كيتمشى غير بغا يعصبها اما هي كانت خفييييفة بزاااف بحال ريشة ..
عامر كان غادي بيها و كيضحكو غير قربو لجيهة ديك شجرة و هي توقفهم واحد البنت زوينة و لابسا كسوا صيفية شعرها البني مطلوق على كتافهااا و ملامحها هادئين : سلااااام ..
عامر وقف و ضور وجههو جيهتها : سلااام !!
البنت كطلع و تنزل فيه : سمحليا واقيلا برزطكم
عامر : لا لا عادي شنو المشكل !
ليلى نزلت من فوق ظهرووو و كطلع و تنزل ف البنت ...
البنت قربت شويا جيهتهم : احم عافاك واخا تعاوننا نصاوبو واحد زعلولة عيينا معاها انا وصاحبتي و مابغاتش تتقاد ..
عامر : اهاه واخااا ..
نطقت و هي كتضحك : شكرااااا بزااااف بزاااااف ..
تبعها و ليلى كتمشى هي وياه ف خط واحد تا وصلو جيهة ديك شجرة ..
لقا واحد صاحبتها تماك .. سلمو عليها .. و هز داك الحبل و ديك الخشبة و بقا كيصاوب فيها ..
ليلى كانت بعيدة شويا و حداها ديك البنت : سمحيليا نسولك
ليلى تبسمت : سولي !
ممم واش رجلك !
ليلى : احم .. لااا ..
هي مخطوبين ؟
ليلى بانزعاج : لا علاش!
البنت : اذا مابيناتكم والو !!
ليلى وجهها حمااار : لا والو ..
البنت زادت ضحكت و زفرررت نفسها برااااحة : صافي نقدر ندوي براحتي داباااا .. ناااري شحااال غزاااال كيحمممممق .. منين حطيتو رجلكم هنا و انا حاطا عليه العيييين .. و بيني و بينك هاذ الزعلولة درتها غير سبااا و صافي حشمت نقوليه عطيني نمرتك ..
ليلى صافي دمهاااا سخخخخخن و حست بالقردة بدات كتزغرررت ربعت يديها : اهاااااه هي عجبك !!
البنت ضحكت تا بانت ضرسة العقل : بزااااااااف
عامر سالا و شاف ف زعلولة كيتفحصها : مم كتظن هي هاذيك دابا ..
تبسمت ليه : شكرااااااا بزااااااف ..
عامر : العفو أ ختي
ليلى تبسمممت منين سمعت ديك ختي .. و هي تقرب ليه لوات يدها على ذراعو : يالاااااه تعطلنا على رشاد بزااااف ..
جرتو من ذراعووو و هنزرررت ف لاخرى لي مفهمت والووو ..
عامر : غير بشويا ها حنا كنتمشاو مالك كتجري فيا !
ليلى وقفت و خنزررررت فيه بقوووة : يالا نمشو بحالنا من هنا شنو شفتك عاجبك الحال !
وقف : كيفاش ! مفهمتش وضحي ليا !!
ليلى : عجباتك ديك ختنا ياك ! حتا هي راه حاطا عليك العين نيت
كارلوس : ممم واضح عاد فقتي .. مهم ديري داكشي لي قلت ليك بالحرف و متخافيش اوك !! ..
بلعت ريقها : اوكي .. اوكي ..
كارلوس : ردي البال لراسك ..
قطع عليها ..
و ناضت لبست عليها كولشي كحل .. و قلبها كيضرررب .. رخات شعرها على طولو و جمعت شي خصلات لور و خرجت ..
شدت طاكسي نيشان ل جيهة المشفى ..
دخلت و قلبها كيضرررررب بقوووة .. تملكها الخوف و سيطر على ذاتها رعب كبير و لكن هاذي هي الخطوة الصحيحة ف نظرها ..
مشات ل ريسبشن و سولت على غرفة قيس
الآنسة : الغرفة 8 الطابق 4
ريماس : ش شكراااااا ..
مشات استعملت الأسانسير حتا وصلت .. قربت جيهة ديك الغرفة و هوما يبانو ليها جوج من لي غارد دايرين كي الغوال قدعم قداش .. سرطت ريقها و كتفرك ف يديها قربت جيهتهم و هي كتبان كي نملة قدامهم .. كيطلعو و ينزلو فيها : شكون نتي !!
ريماس : غير خليني ندخل قيس كيعرفني مزيان ..
واحد غمز لاخر و تقدم بدا كيقلب فيها بيديه و هي رمشت بزربة غير سالا مالقا عندها والو و حرك عينيه : دخلي
حل ليها الباب و دخلت و زادت حست بالررررهبة كثررر و كثر ..
و مخلوعة من رد فعل قيس كيف غاتكون ..
خايفا غير يطير عليها بشي قجة و لا يقتلهاااا .. زادت تخطات ديك طوالة شويا و هو يبان ليها قيس جالس فوق الباياص مجبددد و راسو ضاير جيهة شرجم كان عريان من لفوق و كيبان داك طاطواج ..
معرفاتو واش ناعس و لا فايق ..
لمحت دوك سلوكا لي فصدرو و يدو و صوت تخطيط ديال القلب .. وترها هاذشي ..
و راسو مضور ب بانضة ف البيض ..
واخا داك الكررره كووولو لي ف قلبها جيهتو .. حست بالذنب حيت هي لي خلاتو تما و بسبابها هو فهاذ الحالة ..
كانت افكارها مشوشة و مضاربة مع قلبها و عقلها و هضرة كارلوس كتبقا تعاود فوذنيها بحال شي شريط ..
مبغاتش تحس بالذنب كاتقول ف نفسها : يستااااااهل كثرررر يستاااااهل اي حاجة على لي دار فيا ..ماشي قليل ..
تا زعزعها صوتو الخشن و مكسور ببحة ؛ مااااماااااا خرررررجي عاااافاااك مبغيييييت نشووووف تاااااا وااااااحد عياااااان و مقااادرش ندوي دااااباااا ..
ريماس يبست رجليها ف الأرض و قلبها كيزدح غير نبرة صوتو كتخليها مرعودة كلهاااا ..
جمعت يديها على على شكل قبضة و كتحاول تهدددن و تقوي راسها و انفاسها كيخرجو متسارعين ..
زادت تمشات شويا .. تا قربت جيهتو و كتشجع راسها و غير الله لي عالم بالخوف لي كينهش فيها و نطقت : ق قيس ..
تشووووكا من صوتها و طررررطق عينيه ممصدقش شنو سممممع حس بوذنيه غير خانوه و قطب حجبانو بسررررعة ..
ضور وجههو بزرررربة ل جيهتهاااا و ملامح الدهشة على وجههووو و صدرو طالع ناااازل و كيتسمع ف ديك الآلة و هو كيطلع و ينزززل فيهااا ممتيقش : ر ريمااااااس ..
عضت على شنايفها عاصرا على البكية باش تخرج و دموعها كانو غير على سبة وحدة تابعا لاخرى :
وجهها طرطق بالحمورية و هو ملامحو جامدة عليها عنينه مصوبين عليها بحال شي صقر زادت فوتيرة بكائها و نطق : قربيييي ل هنااا ..
بحلقت فيه و ضغطت على راسها كتنفض خوفهاااا .. قربت تا وصلت لطرف سرير ديالو ..
قيس : علااااش رجعتييي !
ريماس : ح حيت ندمت هءههء مكانش عليا ندير هاكاك الغضب عما عينيا بزااااااف كنت خ خاااايفااا لتدير فيا شي حاجة ك كنت خااايفااا اهىىى اهىىىئ ..
قيس رجع ركز عليها كيفاش كتبكي و يدها كتررررجف ..
جذبها لعندو و عنقهاااا بقووووووة .. و خشا نيفو فشعرها كيستنشق عبيرها الدافئ ..
زااااد زيررر على ضلوعها و خاشيها ف ضلوعو : شششت صافي متبكيش متبكيش ..
آخر حاجة كنت نتوقعها هي تجي تشوفيني "تنهددد تنهيدة حاااارة و طويلة" ..
ريماس تصدددمت بعناقو معرفت باش تبلات بزززت على راسها تتحمل و دورت يديها بشويا على ظهرووو العريض لي كانت حرارتو سخوووونة ..
قيس رجع قابل عويناتو الزورق مع عينيها و هز يديه بزوج كيمررهم على وجهها و هي كااااارها يقيس فيهاااا و مكتقدررررش تشوف ف عينيه كتفادى تركزز فيهم ..
حيت كيسيطر عليها واحد الإحساس رهيييب ...
جمع وجهها بين يديه الكبار و كيدوز صبعو الكبير على حنكها الناعم : ششت صافي متبكيش ..
قرب بشويا و باس فوق عينيها و عينيها لاخرى و طبع قبلة خفيفة على خدها حتا حست برجفة كتسري مع ذاتهاااا و قلبها كيدددددق بسررررعة ..
قيس قطب حجبانو : آخر مرة فاش شربت خوفتتتك بزااااااف مني .. عااارف .. مكانش عليا ندير هاكاااك .. مكنتش واااعي بشنو كانديرر تيقيني مكنتش نقدر نأذيك سمعتي ! منقدرررش نأذيك "هز يديها باسهم و زيررر عليهم و هو ساد عويناتو و ضاغط عليهم و ريحتها كتهدددنووو"
ريماس بغات تفلت يديها و غير ما كيزيد يزير عليها كثر : اح احم مم ب باش ك كتحس دابا !!
قيس شاف فيدو : بلاتي ..
نطر داكشي بقووووة و هي تخلعاااات بخووووف .. بقا كينطر فدوك الخيوط و كينطرو دوك شوكات شداتو من ذراعو : ش شنوووو كادير ؟؟
قيس هز حاجب : ايخصنا نمشيو .. تخنقت بزااااف هناااا حيت كيفكرني ف "سكت و مكملش الكلمة كان غايقول المصحة النفسية"
حيد داكشي كولو و بقا عريان الفوق ولتحت ملبسيونو سروال د المشفى زرق خفيف هز حوايجو و بقا غادي مسند يدو لحيط كيعرج برجل مكيقدرش يحطها ف الأرض و كيبانو عضلاتو و ظهرو لي مطراسي .. تاوصل للحمام ..
دخل لبس عليه و زول ديك البانضة مقابل وجههو مع المرايا .. لحيتو لي كانت خفيفة بزاااف زادت كثارت شويا و زادتو جااااذبية اكثرررررر ..
رجع شعروو لوور و لمح الغرزة لي وسط حجبانووو كمش عينيه و راسو كيضروووو مزاال عاطيه صدااااع .. عاد خرج ..
ريماس شافت ملامحو كيفاش كيتزيرو فاش كيخطي كل خطوة .. بزز باش كيتمشى و انفاسو كتخرج غير بززززز .. قرب جيهتها و شد فيديها شبك اصابعو ف يديها : غانمشيو من هنا ..
يالاه غايتحرك و هو يدخل يحيى خوه ..
تصددددم فاش شافو هاكاك واقف و عرقااااان ولمح ريماس كيفصل فيها و عينيه عليهاااا ..
و نزل ب عينيه عاود شافو كيفاش شاد فيهااا .. و هو يقهقه بسخرية و يديه على خصرووو :
صددددقتي رخيييييصة كثررر ما كنت كانتخيييييل جايا برجليك مزاااال من بعد داكشي لس دررررتي ؟؟
..
ريماس خلعاتها نبرة صووتووو .. فهمت واش خوووه و اصلا كيدي ليه من عينيه بزااااف نفس زروقية و طولة بحال بحال غير قيس كيبان حررررش كثرررر ..
قيس تنهد و شاف ف يحيى : سيييير بحاااالك .. داكشي لي ف بالك ممنو حتا حاجة .. و ماشي هي سمعتييييي ؟؟ يالااااااه تق***** من هناااا
يحيى اخترقها بنظراتو لي مكتوحيش على الخيييير نهائيا :
ممصددددقش سمعتي هاذي راها غير تمثيلية باينالعماااا ف ظلماااا ..
جاااااياااا بااااش تنتقم منك واش لهاذ الدرجة تغااااابيتي و تسدووو ليك العيييينين " ديجا سول علي و عرف كووولشي عرف لي دوز عليها قيس"
وااااش نتااا كرفصتييييها و غاااتجي لعندددك بهااااذ سهوووولة هاااا ؟؟
قييييسس قسمت فمي ب الله ماهتخرررررج من هنا راك مريييييض أولا و هاذي اناااا غانشووووف شغليييي معاهاااا مزياااااان و غنعرف كيفاش نتفاهم معاها بطريقتي ..
ريماس رررررجفت حستو عااااايق بيهااااا زادت تخلعتت كثرررر و غير دوك شوفات طيحو ليها الما فالركابي ..
تكمشت ورا ظهر قيس لي مزيرررر على يديها و عروقو برزووو بان واش معصصصب و دموو كيفووور :
غير قرررررررب جييييهتها و شوووف ايلا ما نحرررررتك أ ز**** ..
هضررررة وحدة قلتهاااااا ماااااااااشي هي .. و رجعت حيت نددددمت .. و اناااا سامحتهااااا ..
حيدددد من قداااامي داااابااا ..
يحيى تنهدددد كيمسسح ف وجههو ..
و قرب جيهتها يالاه بغا يجرها من ذراعها و هو يتلقا ليه قيس بواحد اللكمة لوجهوو تا رجع خطوة لللور و شد على فكو لي سال بالدم كان غايطيح ف الأرض ...
قيس ررررررجع حمررررر و عينيه قربو يطرطقووو و لا كي شي ووووحش .. واحد العرق تطراسا ف جبهتووو : قللللت ليييييك متقرررربش يدك نقطعهااااااا لك سمعتييييي !..
رجع شد ف يد ريماس لي قرررربت تبولها فسروااااالها .. و تمشااااو خارجين مابقاش ضور وجههو جيهة يحيى ..
حتا بانو ليه لي غاااارد حبسوووه ف الباب .. يحيى وقف و كيبززززق ددددم من فمو و قميجتو رجعت حالتها ..
عينووو على ريمااااس كيدير فيها شووووفات د القتييييلة .. شير ليهم بيدو و خلاوه يخرج حيت عرف ايلا عكسو معاه غايدير غير شي فضيحة و يقلب هاذ الصبيطار سفاه على علاه ..
كيتمشاو و هو جار رجليه غير بزز كيحس بالألم فذاتووو كووولها و للعرررق كيقطررر من جبهتووو قطرررة قطرررة مزيرررر على فكووو ..
تا وصلو لطوموبيل ديالو جبد الكونطاك و دخل .. ركبت حتا هيااا و دارت صمطة و غير كتشوف و ساكتة ..
. سند راسو حاطو على الفولووون كينهججج و كيخرج صوت انييين غلييييظ ببحة ألم .. حيت البنج بدا كيمشي المفعول ديالووو و الألم بداااا كينهش فييييه ..
ريماس تشجعت و هزت يديها حطتها على ظهروو بلمسة حنينة عياااات تزطم على قلبها و مقدرااااتش بقاااا فيهااا : نرجعووو حسن عااافاك أ ق قيس فين غانمشيو و نتا فهاذ الحالة هاكا ..
هز راسو و عينيه وارمين بزاااااف : لاء انا ه هو هذاك غير صبري انمشيو داااابا ..
ريماس الجزء التاسع
محتوى القصة
التنقل بين الأجزاء